485.PHANTOM(HINDI,2015)

485.PHANTOM(HINDI,2015),Dir:-Kabir Khan,*ing:-Saif Ali Khan,Katrina Kaif.

   "A Story You Wish Were True"-Phantom സിനിമയുടെ ടാഗ് ലൈന്‍ ഇതാണ്.26/11 ലെ മുംബൈ ഭീകരാക്രമണം കഴിഞ്ഞിട്ട് 7 വര്‍ഷം കഴിഞ്ഞെങ്കിലും അതിനു ഉത്തരവാദികള്‍ ആണെന്ന് കരുതുന്ന പലരും നിയമത്തിന്‍റെ മുന്നില്‍ വന്നിട്ടില്ല.സിനിമയുടെ ടാഗ് ലൈനില്‍ പറയുന്നത് പോലെ അന്ന് കുറ്റവാളികള്‍ ആയിരുന്നവറോഡു പകരം വീട്ടിയാല്‍ എങ്ങനെ ഉണ്ടാകും എന്നാണു സാങ്കല്‍പ്പികമായ ഈ കഥയില്‍ ഉള്ളത്.ദേശ സ്നേഹം എന്ന വാക്ക് കോമഡി ആയ തെക്കേ ഇന്ത്യയില്‍ ,ശരിക്കും പറഞ്ഞാല്‍ കേരളം പോലെ ഉള്ള സ്ഥലത്ത് ചിലരെങ്കിലും ദേശസ്നേഹം  മിഥ്യ ധാരണ ആണെന്ന് പോലും കരുതുന്നുണ്ട് .അത് കൊണ്ട് തന്നെ ഇത്തരം ഒരു ആശയം ഇഷ്ടമാകുമോ എന്ന് സംശയവും ഉണ്ട്.പ്രത്യേകിച്ചും സുരക്ഷിതമായ ഭൂപ്രകൃതി കാരണം തോന്നാവുന്ന ഒരു വികാരം ആകും അത്.

  ഇനി മുംബൈ ആക്രമണങ്ങളില്‍  പ്രിയപ്പെട്ടവരെ നഷ്ടം ആയവര്‍ക്ക് ഇങ്ങനെ ഒക്കെ തോന്നല്‍ ഉണ്ടായി കൂടാ എന്നുമില്ല.അത്തരം ഒരു വിഷയം ആണ് കബീര്‍ ഖാന്‍ ഇന്ത്യ-പാക് ബന്ധം അവതരിപ്പിച്ച "ബജ്രംഗി ഭായ്ജാന്‍" എന്ന ചിത്രത്തിന് ശേഷം അവതരിപ്പിച്ചത്.ഭജ്രംഗി ഭായ്ജാനില പാക്കിസ്ഥാനിലെ നന്മകള്‍ തുറന്നു കാണിക്കാന്‍ ശ്രമിച്ച കബീര്‍ ഖാന്‍ ഇത്തവണ ഇന്ത്യയുടെ ഏറ്റവും വലിയ ശത്രു പാക്കിസ്ഥാന്‍ ആണെന്നും അവരുടെ ഒത്താശയോടെ നടത്തിയ മുംബൈ ആക്രമണങ്ങള്‍ക്ക് തിരിച്ചടി നല്‍കിയാല്‍ എങ്ങനെ ഉണ്ടാകും എന്നാണ് സിനിമയില്‍ അവതരിപ്പിച്ചത്.തികച്ചും വ്യത്യസ്തം ആയ ചിന്തകള്‍.ഹുസൈന്‍ സൈദിയുടെ "Mumbai Avengers" എന്ന നോവലിനെ ആസ്പദം ആക്കിയാണ് ഈ ചിത്രം നിര്‍മിച്ചിരിക്കുന്നത്.

  RAW ഇന്ത്യയുടെ ശത്രുക്കളെ നേരിടാന്‍ പുതിയൊരു രീതി ആവിഷ്ക്കരിക്കുന്നതും ആണ് ചിത്രത്തിന്‍റെ കഥ.പല Conspiracy Theory കളിലും മറ്റു രാജ്യങ്ങളുടെ ഓപറേഷന്‍ നടക്കുന്നത് പോലെ ഉള്ള സംഭവം ഇന്ത്യന്‍ രീതിയില്‍ എങ്ങനെ ഉണ്ടാകും?ഡേവിഡ് ഹെഡ് ലി മുതല്‍ പാക്കിസ്ഥാനി തീവ്രവാദ ഗ്രൂപുകളുടെ വക്താക്കളെ അപകടപ്പെടുത്താന്‍ RAW നിയോഗിക്കുന്ന ഓഫീസര്‍ ആണ് മുന്‍ പട്ടാളക്കാരന്‍  ആയ ദാനിയല്‍ ഖാന്‍.ഡാനിയല്‍ നടത്തുന്ന ഓപറേഷന്‍ ആണ് ചിത്രം.രാജ്യ സ്നേഹം ഒക്കെ നല്ലത് പോലെ നിറച്ചിട്ട്‌ ഉണ്ടെങ്കിലും  Baby പോലെ ഉള്ള ചിത്രങ്ങളുടെ വേഗമേറിയ സ്ക്രിപ്റ്റ് ഈ ചിത്രത്തിന് അന്യം ആയതു പോലെ തോന്നി.എന്തായാലും മുന്‍പ് പറഞ്ഞ കാര്യങ്ങള്‍ നടന്നു കാണണം എന്ന് ആഗ്രഹം ഉള്ളവര്‍ക്ക് ചിത്രം ഒരു ആശ്വാസം തന്നെയാണ്.അല്ലാത്തവര്‍ കാണാതെ ഇരിക്കുന്നതാകും നല്ലത്.കാരണം കബീര്‍ ഖാന്‍ ചിത്രം അവതരിപ്പിച്ചത് ദേശ സ്നേഹം വലിയ ഒരു അളവില്‍ ചേര്‍ത്ത് ആണ്.
ചിത്രം എന്തായാലും എനിക്ക് ഇഷ്ടമായി.ഒരു പക്ഷെ ഒരിക്കല്‍ എങ്കിലും ശത്രു രാജ്യങ്ങള്‍ എന്ന് കരുതുന്നവര്‍ക്ക് അല്‍പ്പം എങ്കിലും ഭയം ഇങ്ങനെ ഉള്ള ഓപറേഷന്‍ മൂലം ഉണ്ടായാല്‍ നന്നായിരുന്നു എന്ന് കരുതുന്നു,

More movie suggestions @www.movieholicviews.blogspot.com

484.THANI ORUVAN(TAMIL,2015)

484.THANI ORUVAN(TAMIL,2015),Dir:-M Raja,*ing:-Jayam ravi,Nayanthara.

  സ്ഥിരം റീമേക്ക് സിനിമകളുടെ സംവിധായകന്‍ ആയി മാറിയ M. രാജാ അവസാനം റീമേക്ക് അല്ലാത്ത ഒരു ചിത്രം ആയി വന്നൂ.അനിയന്‍ ജയം രവിയും  ഒരു നല്ല വിജയം പ്രതീക്ഷിക്കുന്ന സമയത്ത് തന്നെ ജ്യേഷ്ഠന്‍ തന്നെ തമിഴ് സിനിമയുടെ നിലവാരം വച്ച് ഒരു മികച്ച Cop-Thriller ആയി വന്നിരിക്കുന്നു.ഈ സിനിമയെ കുറിച്ച് പറയുമ്പോള്‍ ആദ്യം പ്രശംസിക്കേണ്ടത് അരവിന്ദ് സ്വാമിയുടെ "സിദ്ധാര്‍ഥ് അഭിമന്യു " എന്ന വില്ലന്‍ വേഷത്തെ കുറിച്ച് ആണ്.ഒരു കാലത്ത് ഇന്ത്യന്‍ പെണ്‍ക്കുട്ടികളുടെ തന്നെ സൗന്ദര്യ സങ്കല്പം ആയി അരവിന്ദ് സ്വാമി മാറിയിരുന്നു.കരിയറില്‍ ഒരു ബ്രേക്ക് വന്ന അദ്ദേഹത്തിന്റെ പുതിയ രൂപം തന്നെയാണ് ചിത്രത്തിന്‍റെ ഹൈ ലൈറ്റും.നായകന്‍റെ ഒപ്പം നില്‍ക്കുന്ന വില്ലന്‍ കഥാപാത്രം ആയിരുന്നു സിദ്ധാര്‍ഥ്.നല്ല സ്റ്റൈലിഷ് ലുക്ക്‌ ആയിരുന്നു അരവിന്ദ് സ്വാമി.അജിത്‌ ഒക്കെ സ്ക്രീനില്‍ വന്നു നില്‍ക്കുന്ന പോലെ ഉണ്ടായിരുന്നു (തമിഴ് സിനിമകളെ ആണ് ഉദ്ദേശിച്ചത് ).

    ജയം രവിക്കും ഒരു ബ്രേക്ക് ആയി മാറും ഈ ചിത്രത്തിലെ മിത്രന്‍ IPS.തമിഴ് സിനിമകളില്‍ ഇത്തരം ഒരു തീം വരുമ്പോള്‍ ഉപയോഗിക്കാവുന്ന ധാരാളം കൊമേര്‍ഷ്യല്‍ മസാലങ്ങള്‍ ഉണ്ടായിരുന്നു എങ്കിലും ഒരു പരിധി വരെ അതിലേക്കൊന്നും തിരിഞ്ഞു നോക്കിയിട്ടില്ല.ചിത്രത്തിന്‍റെ ജോനറിനോട് കൊമേര്‍ഷ്യല്‍ ചിത്രം ആയി അവതരിപ്പിക്കുമ്പോഴും നീതി പുലര്‍ത്താന്‍ കഴിഞ്ഞിട്ടുണ്ട്.നയന്‍ താരയെ ഷോ ഗേള്‍ മാത്രമാക്കി അവതരിപ്പിക്കാതെ ഇടയ്ക്കിടെ സിനിമയില്‍ രംഗങ്ങളും കൊടുത്തിട്ടുണ്ട്‌.മലയാളി നടന്മാര്‍ കുറച്ചു പേര്‍ ചിത്രത്തില്‍ ഉണ്ടായിരുന്നു.അനില്‍ മുരളി,സൈജു കുറുപ്  കുറുപ് എന്നിവര്‍ക്ക് പുറമേ രാഹുല്‍ മാധവ് നായകന്‍റെ സുഹൃത്തായി അഭിനയിച്ചു.ഗണേഷ് വെങ്കട്ടരാമനെ പോലെ ഉള്ള പലര്‍ക്കും അവരുടെ കരിയറില്‍ വിജയം ആയ ചിത്രത്തിന്‍റെ ഭാഗം ആകാനുള്ള അവസരം ആണ് ഈ ചിത്രത്തിലൂടെ വന്നത്.

  മിത്രന്‍ IPS-സിദ്ധാര്‍ത് അഭിമന്യൂ എന്നിവര്‍ തമ്മില്‍ ഉള്ള Cat & Mouse ഗെയിം ആണ് ചിത്രം.നായകന്‍ ജയിക്കും എന്ന് ഉള്ള സാധാരണ സിനിമ സങ്കല്പം ഉള്ളപ്പോഴും വില്ലന്‍ പലപ്പോഴും ജയിക്കുന്നു എന്ന് തോന്നിച്ചു.സിദ്ധാര്‍ത് അഭിമന്യൂ ,മിത്രനെ Stalking ചെയ്യുന്ന സീനുകള്‍ ഒക്കെ നല്ല ത്രില്ലിംഗ് ആയിരുന്നു.Hip Hop Tamizha യുടെ ബി ജി എമ്മും പാട്ടുകളും സിനിമയുടെ മൊത്തം മൂഡിനെ നിലനിര്‍ത്താന്‍ സഹായിച്ചു.വില്ലന്റെ പഞ്ച് ഡയലോഗ് ഒക്കെ നന്നായിരുന്നു.കഥയുടെ അവസാനം എന്താണ് സംഭവിക്കുന്നത്‌ എന്ന് അറിയാമായിരുന്നു എങ്കിലും ക്ലീഷേ രീതിയില്‍ ആണെങ്കില്‍ പോലും അവതരിപ്പിച്ച പല സീനുകളും നന്നായി തന്നെ തോന്നി.ചിത്രം ഏറ്റവും മികച്ചതാണ് എന്നൊന്നും പറയുന്നില്ല.എന്നാലും തമിഴ് Cop-Thriller ചിത്രങ്ങളുടെ നിലവാരം വച്ച് നോക്കുമ്പോള്‍ നല്ല ചിത്രങ്ങളുടെ കൂടെ ഈ ചിത്രവും ഉള്‍പ്പെടുത്താം എന്ന് കരുതുന്നു.എനിക്ക് ഈ ചത്രം ഇഷ്ടം ആയി.എന്റെ റേറ്റിംഗ് 3.5/5!!

More movie posts @www.movieholicviews.blogspot.com

483.CRUEL WINTER BLUES(KOREAN,2006)

483.CRUEL WINTER BLUES(KOREAN,2006),|Crime|Drama|,Dir:-Jeong-beom Lee,*ing:-Kyung-gu Sol, Han-seon Jo, Mun-hee Na,

  ജീവിതത്തില്‍ ഗുണ്ടകളും കൊലപാതകികളും ആയി ചിലര്‍ മാറുന്നു.എന്നാല്‍ അവരുടെ ജീവിതത്തില്‍ ആ അവസ്ഥ ഉണ്ടാകുന്നതിനു മുന്‍പ് അവരും സാധാരണ മനുഷ്യര്‍ തന്നെയാണ്.സാഹചര്യങ്ങള്‍ ഉണ്ടാക്കുന്ന മാനസികമായ മാറ്റങ്ങള്‍ അവരുടെ ഹൃദയത്തിന്‍റെ കാഠിന്യം കൂട്ടുന്നു.എന്നാല്‍ അവര്‍ വീണ്ടും മനുഷ്യര്‍ ആകാന്‍ കൊതിക്കുന്നു എങ്കിലോ?അതും ഏറ്റവും ക്രൂരമായ പ്രതികാരം സ്വപ്നം കാണുന്ന ഒരാള്‍ ?Cruel Winter Blues ഒരു ഗാങ്ങ്സ്ട്ടര്‍ സിനിമ ആണെങ്കിലും ആക്ഷന്‍ രംഗങ്ങള്‍ ഇത്തരം ഒരു ചിത്രത്തില്‍ വരുന്ന അത്ര ഉള്‍പ്പെടുത്തിയിട്ടില്ല.പകരം പ്രേക്ഷകനെ വൈകാരികമായി സമീപിക്കുന്ന കൊറിയന്‍ രീതിയില്‍ ആണ് ചിത്രം ഒരു പരിധി കഴിയുമ്പോള്‍ മാറുന്നത്.

   ജേ-മുന്‍ ഒരു യാത്രയ്ക്ക് ഒരുങ്ങുകയാണ്.ഒരു ഗ്യാംഗിലെ അംഗമായ അയാള്‍ക്ക് ചെയ്തു തീര്‍ക്കാന്‍ ഒരു ജോലി കൂടി ബാക്കി ഉണ്ട്.ഗ്യാംഗിനു വേണ്ടി ആണ് അത് ചെയ്യാന്‍ പോകുന്നതെങ്കിലും വ്യക്തിപരമായ ഒരു കാരണം കൂടി അയാളുടെ ആ പുതിയ ജോലി ഏറ്റെടുക്കാന്‍ കാരണം ആയുണ്ട്.ആജ്ഞകള്‍ അനുസരിക്കുക എന്ന പതിവ് രീതികളില്‍ തന്നെ ആണ് ആ ഗ്യാംഗും പ്രവര്‍ത്തിക്കുന്നത്.അവിടത്തെ സീനിയര്‍ അംഗം ആയ ജേ-മുന്‍ തന്റെ ജോലിയ്ക്ക് സഹായി ആയി കൂടെ കൂട്ടിയത് പുതുതായി അവരുടെ ഒപ്പം ചേര്‍ന്ന ചി-ഗുക്കിനെ ആണ്.

  ബുല്‍ഗ്യോ എന്ന ഗ്രാമ പ്രദേശം ചി-ഗുക്കിനു പരിചിതം ആണ്.അയാളുടെ വേരുകള്‍ ആ സ്ഥലത്ത് ഉണ്ട്.ജേ-മുന്നിന്റെ ചി-ഗുക്കിനോടുള്ള സമീപനം വളരെ മോശം ആയിരുന്നു.അകാരണമായി അവനെ ഉപദ്രവിക്കാന്‍ അയാള്‍ ശ്രമിച്ചിരുന്നു.ജേ-മുന്‍ അവിടെ വച്ച് ചിലരുമായി പരിചയത്തില്‍ ആകുന്നു.താന്‍ കഠിന ഹൃദയന്‍ ആണെന്ന് അവരെ കാണിക്കാന്‍ ഉള്ള അവസരങ്ങളില്‍ പോലും അയാള്‍ പതറുന്നുണ്ട്.അയാളുടെ ഉള്ളിലെ മനുഷ്യന്‍ പുറത്തു വരാന്‍ തുടങ്ങി.എന്നാല്‍ അയാള്‍ക്ക്‌ തന്‍റെ പ്രതികാരം  തീര്‍ക്കുകയും ചെയ്യണം.ജേ-മുന്നിന്റെ രണ്ടു പകുതികളും തമ്മില്‍ ഉള്ള യുദ്ധം ആണ് ബാക്കി ഉള്ള ചിത്രം.സ്ഥിരം ശൈലിയില്‍ ഉള്ള കൊറിയന്‍ ഗാങ്ങ്സ്ട്ടര്‍ സിനിമകളില്‍ നിന്നും വേറിട്ട രീതിയില്‍ ആണ് ചിത്രം ഒരുക്കിയിരിക്കുന്നത്.

  more movieholicviews.blogspot.com

482.X+Y(ENGLISH,2014)

482.X+Y(ENGLISH,2014),|Drama|,Dir:-Morgan Matthews,*ing:-Asa Butterfield, Rafe Spall, Sally Hawkins

    X+Y കൈകാര്യം ചെയ്യുന്ന വിഷയം സമൂഹത്തില്‍ മറ്റുള്ളവരില്‍ നിന്നും വ്യത്യസ്തം ആയ കഴിവ് പ്രകടിപ്പിക്കുന്ന കുട്ടികളുടെ കഥ ആണ് അവതരിപ്പിക്കുന്നത്‌.മറ്റുള്ളവരില്‍ നിന്നും വ്യത്യസ്തര്‍ ആകുമ്പോള്‍ അവര്‍ ബുദ്ധി ശക്തിയിലും ഗണിത ശാസ്ത്രത്തിലും അപാരമായ കഴിവുകള്‍ പ്രകടിപ്പിക്കുന്നു.എന്നാല്‍ അതിന്‍റെ പ്രതിഫലമായി അവര്‍ക്ക് നല്‍കേണ്ടി വരുന്നത് സാമൂഹിക ജീവിതത്തില്‍ നിന്നും അകന്നു കഴിയേണ്ടി വരുന്ന അവസ്ഥയാണ്.Nerd,Geek എന്നൊക്കെ വിളിപ്പേരില്‍ പരിഹാസരൂപേണയും അല്ലാതെയും വിളിക്കപ്പെടുന്ന ഇവര്‍ക്ക് അവരുടെ ശരീരവും മനസ്സും നല്‍കുന്ന ചെറിയ കുഴപ്പങ്ങള്‍ കാണാറും ഉണ്ട്."Beautiful Young Minds" എന്ന BBC2 അവതരിപ്പിച്ച ഡോക്യുമെന്‍ററി കൈകാര്യം ചെയ്തതും 2006 ലെ International Mathematical Olympiad ല്‍ പങ്കെടുത്ത Daniel Lightwing എന്ന കുട്ടി ഉള്‍പ്പെടുന്ന പ്രത്യേക കഴിവുകള്‍ ഉള്ളവരെ കുറിച്ചുള്ള ഫീച്ചര്‍ ആയിരുന്നു.Autism എന്ന അവസ്ഥയുടെ പല വകഭേദങ്ങളും ആ അതിബുദ്ധിമാന്മാരായ കുട്ടികളില്‍ കണ്ടെത്തുന്നതിനെ ബന്ധിപ്പിച്ചു കൊണ്ടായിരുന്നു.

   Daniel Lightwing ഈ ചിത്രത്തില്‍ നാഥാന്‍ എലിസ് ആയി മാറുന്നു.ചെറുപ്പത്തില്‍ തന്നെ അസാധാരണമായ ബുദ്ധിവളര്‍ച്ച പ്രകടിപ്പിച്ച അവനു എന്നാല്‍ ഗണിത ശാസ്ത്രത്തോട്‌ ഉള്ള അഭിരുചി കണ്ടെത്തിയതിനോടൊപ്പം അവനു സമൂഹത്തില്‍ ജീവിക്കാന്‍ ബുദ്ധിമുട്ട് ഉണ്ടാകുന്ന അവസ്ഥ ഉള്ളതായും ഡോക്റ്റര്‍ കണ്ടെത്തുന്നു.ഒരു അപകടത്തില്‍ അവനു ഏറെ ഇഷ്ടം ഉള്ള പിതാവ് മരിച്ചതിന് ശേഷം സ്വയം ഉള്‍വലിഞ്ഞ അവന്‍ സാമൂഹിക ജീവിതം ഉപേക്ഷിച്ച് ഗണിത ശാസ്ത്രത്തില്‍ മാത്രം സന്തോഷം കണ്ടെത്തുന്നു.സ്വന്തം അമ്മയായി പോലും ഒരു നല്ല ബന്ധം സൂക്ഷിക്കുന്നതില്‍ അവന്‍ പരാജയപ്പെടുന്നു.നാഥാനെ ചെറുപ്പത്തില്‍ തന്നെ കണക്കില്‍ പ്രത്യേക പരിശീലനത്തിനായി അവന്റെതിനോട് സമാനമായ എന്നാല്‍ ചലനങ്ങളില്‍ പ്രശ്നം ഉള്ള ഹംഫ്രിസിന്റെ അടുക്കല്‍ പരിശീലനത്തിന് വിടുന്നു.ഹംഫ്രീസിന്റെ ജീവിതം ഒരു ദുരിതം ആയിരുന്നു എല്ലാം കൊണ്ടും..International Mathematical Olympiad ല്‍ പങ്കെടുക്കുന്ന ബ്രിട്ടന്‍ ടീമില്‍ അംഗം ആവുകയായിരുന്നു പിന്നീട് ഹംഫ്രീസിന്റെ കീഴില്‍ പരിശീലിച്ച നാഥാന്റെ ഉദ്ദേശം.

   എന്നാല്‍ ഈ തീരുമാനം നാഥാന്റെ ജിവിതത്തിലെ ഏറ്റവും വലിയ വഴിത്തിരിവ് ആവുകയായിരുന്നു.അവനു അന്യമാണെന്ന് കരുതിയ ഒരു ജീവിതം പുറത്തു ഉണ്ടെന്നുള്ള വിശ്വാസം അവനു ഉണ്ടായി.അതെങ്ങനെ എന്നാണ് ബാക്കി ചിത്രം അവതരിപ്പിക്കുന്നത്‌.Keaton Henson എന്ന ബ്രിട്ടീഷ് ഗായകനെ ഈ ചിത്രം കാണുന്നത് വരെ ഒരു അറിവും എനിക്കില്ലായിരുന്നു.എന്നാല്‍  ഈ ചിത്രത്തിലെ അഞ്ചു പാട്ടുകളിലൂടെ ഇഷ്ടപ്പെട്ട ഗായകന്മാരുടെ കൂട്ടത്തില്‍ ആയി ഈ Folk ഗായകനും.

  വൈകാരികം ആയി ഈ ചിത്രം പല സ്ഥലത്തും നൊമ്പരപ്പെടുത്തുകയും സന്തോഷിപ്പിക്കുകയും ചെയ്യുന്നുണ്ട്.നാഥാന്റെ അമ്മയോട് അവന്‍ കാണിക്കുന്ന അവഗണന വേദന ആകുന്നെങ്കിലും അവന്റെ അച്ഛനോടൊപ്പം ഉള്ള ഓര്‍മകള്‍ സിനിമയില്‍ തന്നെ ഒരു പോസിറ്റീവ് എനര്‍ജി ആണ് നല്‍കുന്നത്.കഴിഞ്ഞ വര്‍ഷത്തെ വലിയ പുരസ്ക്കാര വേദികളില്‍ ഒന്നും ഈ ചിത്രത്തെ കുറിച്ചുള്ള പരാമര്‍ശം ഒന്നും ഇല്ലാത്തതു അത്ഭുതം ആയി തോന്നി.പ്രത്യേകിച്ചും ചിത്രം അവസാനം ഇത്തരം പ്രമേയങ്ങളില്‍ കാണുന്ന സ്ഥിരം ക്ലീഷയില്‍ നിന്നും മാറി ചലിക്കുന്നത്‌ തന്നെ ഒരു പുതുമ ആയി തോന്നി.ഈ അടുത്ത് ഇറങ്ങിയവയില്‍ മനസ്സില്‍ തങ്ങി നില്‍ക്കുന്ന കുറച്ചു കഥാപാത്രങ്ങളും രംഗങ്ങളും ഉള്ള ചിത്രം ആണ് X+Y.

More movie views @www.movieholicviews.blogspot.com

   

481.CREEP(ENGLISH,2014)

481.CREEP(ENGLISH,2014),|Mystery|thriller|,Dir:-Patrick Brice,*ing:-Patrick Brice, Mark Duplass.


   Found Footage സിനിമയുടെ രൂപത്തില്‍ ആണ് Creep എന്ന ഈ ചിത്രം ഒരുക്കിയിരിക്കുന്നത്.വെറും രണ്ടു കഥാപാത്രങ്ങള്‍ മാത്രം ആണ് ചിത്രത്തില്‍ ഉള്ളത്.ഇടയ്ക്കിടെ ഫോണിലൂടെ ഒക്കെ വരുന്ന കഥാപാത്രങ്ങള്‍ മാത്രമേ  ഉള്ളു വേറെ ആയി.പക്ഷെ അവര്‍ ആരും തന്നെ സ്ക്രീനില്‍ പ്രത്യക്ഷരാകുന്നില്ല.രണ്ടു കഥാപാത്രങ്ങള്‍,അവരിലൂടെ ഒരു ത്രില്ലര്‍/മിസ്റ്ററി ജോണര്‍ ചിത്രം നിര്‍മിക്കുക എന്ന പ്രയാസമേറിയ പണിയാണ് സംവിധായക/കഥാകൃത്ത്‌/അഭിനേതാക്കള്‍ ആയ പാട്രിക് ബ്രൈസ്-മാര്‍ക്ക് ദുപ്ലാസ് കൂട്ടുക്കെട്ട് നടത്തിയിരിക്കുന്നത്.ശരിക്കും അംഗീകരിക്കണം അവരുടെ കഴിവിനെ.

   പ്രത്യേകിച്ചും അപ്രതീക്ഷിതം ആയി പ്രേക്ഷകന് മുന്നില്‍ വരുന്ന അവസാന സീന്‍ ഉണ്ടാക്കുന്ന ഒരു ഭയം.അതിലേക്കുള്ള യാത്ര ആണ് ഈ ചിത്രം തുടക്കം മുതല്‍ അവതരിപ്പിക്കാന്‍ ശ്രമിക്കുന്നത്.പ്രത്യേകിച്ചും ക്യാമറ കണ്ണിലൂടെ മാത്രം അവതരിപ്പിക്കുന്ന കഥാപാത്രങ്ങള്‍,സംഭാഷണങ്ങള്‍ മാത്രം ഉള്ള ഒരു ചിത്രം.ക്യാമറ ഓഫ് ആക്കി വയ്ക്കുമ്പോള്‍ സ്ക്രീനും ഇരുട്ടാണ്‌.പ്രേക്ഷനില്‍ ഇത്തരം ഒരു ചിത്രം എന്ത് മാത്രം സ്വാധീനിക്കും എന്നത് തിരിച്ചറിയാന്‍ സാധിക്കാത്ത അവസ്ഥയില്‍ ആണ് ഈ ചിത്രം അവര്‍ മുഴുമിപ്പിച്ചത്.

   ആരോണ്‍ ഒരു വീഡിയോഗ്രാഫര്‍ ആണ്.അയാള്‍ക്ക്‌ ഒരു ദിവസം  ഫോണ്‍ കോള്‍ വരുന്നു.അതനുസരിച്ച് അയാള്‍ മലയില്‍ ഉള്ള ആ വീട്ടിലേക്കു  പുറപ്പെടുന്നു.അവിടെ ഉണ്ടായിരുന്ന ജോസഫ് എന്നയാള്‍ ആണ് ആരോണിനെ അങ്ങോട്ട്‌ വിളിക്കുന്നത്.താന്‍ ഒരു ക്യാന്‍സര്‍ രോഗി ആണെന്നും ഏതാനും മാസങ്ങളില്‍ അയാള്‍ മരിച്ചു പോകും എന്നും പറയുന്നു.മൂന്നു മാസത്തില്‍ തനിക്കു ഉണ്ടാകാന്‍ പോകുന്ന മകന് സ്വന്തം പിതാവ് ഇങ്ങനെ ആയിരുന്നു എന്ന് കാണിക്കാന്‍ വേണ്ടി ഒരു വീഡിയോ നിര്‍മിക്കാന്‍ ആണ് അയാളെ വിളിച്ചു വരുത്തിയത്.ജോസഫ് പ്രത്യേക സ്വഭാവം ഉള്ള മനുഷ്യന്‍ ആയിരുന്നു.ആരോണ്‍ പലപ്പോഴും അതില്‍ അസ്വസ്ഥത പ്രകടിപ്പിക്കുന്നു, ഉണ്ട്.എന്നാല്‍ മരണത്തെ നേരിടുന്ന ഒരു മനുഷ്യന്‍ എന്ന പരിഗണന ജോസഫിന് ലഭിക്കുന്നും ഉണ്ട്.എന്നാല്‍ എന്തായിരുന്നു ജോസഫ്?അയാള്‍ ആരോണിന്റെ ജീവിതത്തെ എങ്ങനെ സ്വാധീനിക്കുന്നു?സിനിമയുടെ അവസാന രംഗം വരെ നീളുന്ന ഒരു കഥ.അനുകമ്പ,സ്നേഹം തുടങ്ങിയവ അവനവനു തന്നെ അപകടകരം ആയി മാറുന്ന അവസ്ഥ/ത്രില്ലര്‍ സിനിമകളുടെ പ്രേക്ഷകര്‍ക്ക്‌ ഇഷ്ടം ആകാന്‍ സാധ്യത ഉള്ള ചിത്രം.

  More movie suggestions @www.movieholicviews.blogspot.com

480.CREEP(ENGLISH,2004)

480.CREEP(ENGLISH,2004),|Thriller|Mystery|,Dir:-Christopher Smith,*ing:-Franka Potente, Sean Harris, Vas Blackwood.

    ഇരുട്ട് നിറഞ്ഞ മുറികള്‍ മനുഷ്യനെ എന്ത് മാത്രം  ഭയപ്പെടുത്തും എന്ന് പലരും അനുഭവിച്ച ഒരു ഭയം ആയിരിക്കും.ഇതിലും എത്രയോ ഭയാനകം ആയിരിക്കും അല്ലെ ഭൂഗര്‍ഭ തുരങ്കങ്ങള്‍?ഒരു മുറിയില്‍ നില്‍ക്കുന്ന സുരക്ഷിതത്വം പോലും ഇല്ലാത്ത അവസ്ഥയാകും അത്.എന്നാല്‍ ഭൂഗര്‍ഭ അറകളില്‍ ,പ്രത്യേകിച്ചും മലിന ജലം ഒഴുക്കി വിടാന്‍ ഉള്ള സംവിധാനത്തില്‍ ജോലി ചെയ്യുന്നവര്‍ കൂടുതലായി അഭിമുഖികരിക്കേണ്ടി വരുന്ന ഒരു അവസ്ഥ ഇതായിരിക്കും എന്ന് തോന്നുന്നു.ഒരു പക്ഷെ അവരുടെ ഉപജീവന മാര്‍ഗം അതായി മാറുമ്പോള്‍ അവരുടെ ഭയം മാറാന്‍ സാധ്യത ഉണ്ട്.

  എന്നാല്‍ ജോര്‍ജ് ,ആര്‍തരിന്റെ ഒപ്പം ആ തുരങ്കത്തിലൂടെ ആദ്യ ദിവസത്തെ ജോലിയില്‍ പ്രവേശിക്കുമ്പോള്‍ അതല്ലായിരുന്നു അവസ്ഥ.വര്‍ഷങ്ങളായി അവിടത്തെ മലിന ജലം പോകുന്ന വഴികള്‍ കാണാപാഠം ആണ് ആര്‍തറിന്,എന്നാല്‍ പതിവ് പോലെ കേട്ട ശബ്ദ തരംഗങ്ങളെ ശ്രദ്ധിച്ച ആര്‍തര്‍ അവിടെ നേരത്തെ ശ്രദ്ധിക്കപ്പെടാത്ത ഒരു വഴി കണ്ടെത്തുന്നു തുരങ്കത്തില്‍.ആര്‍തര്‍ ജോര്‍ജിനെ അവിടെ നിര്‍ത്തിയിട്ടു അകത്തേക്ക് കയറുന്നു.കേറ്റ് ,ഈ സമയം ജോര്‍ജ് ക്ലൂണിയെ കാണാനായി ഉള്ള യാത്രയില്‍ ആയിരുന്നു. ഗയ് എന്ന അവളുടെ സഹപ്രവര്‍ത്തകന് അവളെ തന്റെ ഇംഗിതത്തിന് ഉപയോഗിക്കാന്‍ ആഗ്രഹം ഉണ്ട്.

  അന്ന് രാത്രി റെയില്‍ സ്റ്റേഷനില്‍ എത്തിയ കേറ്റ് ഒരു ചെറു മയക്കം കഴിഞ്ഞു എണീറ്റപ്പോള്‍ അവിടെ ആരും ഇല്ല എന്ന് മനസിലാക്കുന്നു.റെയില്‍ സ്റ്റേഷന്‍ രാത്രി അടച്ചിരിക്കുന്നു.അവള്‍ സഹായത്തിനായി അപേക്ഷിക്കുന്നു.എന്നാല്‍ നിരാശ ആയിരുന്നു ഫലം.അപ്പോള്‍ ആണ് ആ വഴി ഒരു ട്രെയിന്‍ വന്നത് യാത്രക്കാര്‍ ഇല്ലാതെ.ആ ട്രെയിനില്‍ കയറിയ അവളെ കാത്തിരുന്നത് അവള്‍ ഒരിക്കലും പ്രതീക്ഷിക്കാത്ത ആളെ ആയിരുന്നു.ഒപ്പം അപ്രതീക്ഷിതം ആയ ഒരു ദുരന്തവും.ആര്‍തര്‍,ജോര്‍ജ്,കേറ്റ് എന്നിവര്‍ അന്ന് നേരിട്ടത് എന്തിനെയാണ്?അവരുടെ തന്നെ ഭയത്തെ ആണോ അതോ?ത്രില്ലര്‍ ചിത്രങ്ങളുടെ  ആരാധകര്‍ക്ക് ഇഷ്ടം  ആകാന്‍ സാധ്യത ഉള്ള ചിത്രം.

  More movie suhhestions @www.movieholicviews.blogspot.com

479.THE COTTAGE(ENGLISH,2008)

479.THE COTTAGE(ENGLISH,2008),|Thriller|Mystery|,Dir:-Paul Andrew Williams,*ing:-Andy Serkis, Reece Shearsmith, Jennifer Ellison.

    ബ്ലാക്ക് കോമഡി രംഗങ്ങള്‍ കൂടുതല്‍ ആയി ഉപയോഗിച്ച് ചിത്രത്തിന് ആവശ്യമായ ഒരു പ്ലോട്ട് നിര്‍മിച്ചാണ് The Cottage അവതരിപ്പിച്ചിരിക്കുന്നത്.പാളിപ്പോയ ഒരു തട്ടി കൊണ്ട് പോകല്‍.നേരിടാന്‍ ഉള്ളത് പ്രബലനായ ഒരു മാഫിയ തലവനെയും.ഡേവിഡ്,പീറ്റര്‍ എന്നീ സഹോദരങ്ങള്‍ ആയിരുന്നു ഈ ഓപറേഷന്‍ നടത്താന്‍ ശ്രമിക്കുന്നത്.അവര്‍ക്ക് അതിന്‍റെ പിന്നില്‍ വ്യക്തമായ ചെറിയ ലക്‌ഷ്യം ഉണ്ടായിരുന്നു.ഈ കിട്നാപ് വിജയിച്ചാല്‍ കിട്ടുന്ന കാശ് കൊടുത്താല്‍ ഡേവിഡ് തന്റെ സഹോദരനായ പീറ്ററിന് മാത്രമായി അമ്മ വില്‍ പത്രത്തില്‍ തുല്യമായി വീതിച്ച വീട് കൊടുക്കും.ആ പണം കിട്ടിയിട്ട് വേണം ഡേവിഡ് തന്റെ ഏറ്റവും വലിയ സ്വപ്നം ആയ ആ ബോട്ട് വാങ്ങി അതില്‍ താമസം ആക്കാന്‍.

   ഡേവിഡ് ആണ് ഈ പ്ലാന്‍ തയ്യാറാക്കുന്നത്.ഒരു കാടിനു നടുവില്‍ ഉള്ള ഒരു വീടായിരുന്നു അവര്‍ അതിനായി തിരഞ്ഞെടുത്തത്.ദുര്‍ബലന്‍ ആയിരുന്നു പീറ്റര്‍.വീട് തനിക്കു മാത്രം ആയി കിട്ടുമല്ലോ എന്ന് കരുതി ആണ് അയാള്‍ ഡേവിഡ് പറയുന്നത് പോലെ കേള്‍ക്കുന്നത്.പീറ്റര്‍ മൊത്തത്തില്‍ അവര്‍ രണ്ടു പേരിലും ഉള്ള ദുര്‍ബലനായ ലിങ്ക് ആയിരുന്നു.ട്രേസി എന്ന മാഫിയ തലവന്റെ മകളെ കാറിന്റെ ഡിക്കിയില്‍ ആദ്യ ഇട്ട അവര്‍ പിന്നെ അവളെ വീട്ടിലേക്കു കൊണ്ട് പോകുന്നു.ഈ ചിത്രത്തിന്‍റെ കഥയും അവിടെ നിന്നും തുടങ്ങുന്നു.

  നേരത്തെ പറഞ്ഞത് പോലെ പ്രബലനായ മാഫിയ തലവന്‍ മകളെ രക്ഷിക്കാന്‍ ശ്രമിക്കും എന്ന് ഉറപ്പാണ്.അതില്‍ അടങ്ങിയിരിക്കുന്ന അപകടവും അവര്‍ക്ക് അറിയാം.എന്നാല്‍ കണക്കു കൂട്ടലുകള്‍ മൊത്തം തെറ്റിയാലോ??പറഞ്ഞു വരുന്നത് ഈ ചിത്രത്തിലെ അപ്രതീക്ഷിതം  ആയ ട്വിസ്റ്റ്‌ ആണ്.നമ്മള്‍ പ്രതീക്ഷിച്ചിരുന്ന കഥയില്‍ നിന്നും ഉള്ള ഒരു മാറ്റം.ഈ ചിത്രത്തില്‍ അതെന്തായാലും ഉണ്ട്.ത്രില്ലര്‍ ചിത്രങ്ങളുടെ ആരാധകര്‍ക്ക് ഇഷ്ടം ആകാന്‍ സാധ്യത  ഉള്ള ചിത്രം.

  More movie suggestions @www.movieholicviews.blogspot.com

478.SEVERANCE(ENGLISH,2006)

478.SEVERANCE(ENGLISH,2006),|Thriller|Mystery|,Dir:-Christopher Smith,*ing:-Danny Dyer, Laura Harris, Tim McInnerny .

    സിനിമകള്‍ മനുഷ്യന്‍റെ ജീവിതത്തില്‍  എന്ത് മാത്രം സ്വാധീനം ഉളവാക്കും എന്നത് വാശിയേറിയ ചര്‍ച്ചയ്ക്കു വിഷയം ആകുന്ന ഈ അവസരത്തില്‍ അതിനെക്കുറിച്ച് ഭിന്നാഭിപ്രായം ഉണ്ടെങ്കിലും യഥാര്‍ത്ഥത്തില്‍ നടന്ന ഒരു കൊലയ്ക്കു പ്രചോദനം ആയ സംഭവം ഉള്ള ചിത്രം ആണ് Severance.സിനിമയിലെ നന്മകള്‍ ജീവിതത്തില്‍ പകര്‍ത്താന്‍ ശ്രമിക്കാതെ അതിലെ തിന്മകള്‍ ജീവിതത്തില്‍ പകര്‍ത്തുന്നവരുടെ  മാനസിക നില ശരിക്കും പരിശോധിക്കണ്ട  വിഷയം ആണ്.സിനിമയുടെ മുഖ്യ കഥയും ആയി ആ ഒരു മരണത്തിനു ബന്ധം ഇല്ലെങ്കിലും  ഈ സിനിമയിലെ ആ ഒരു സീന്‍ കണ്ടപ്പോള്‍ ഒരാള്‍  സ്വയം ചോദിച്ച ഒരു ചോദ്യം  ഒരു കൊലപാതകത്തില്‍ അവസാനിക്കുകയായിരുന്നു.

   Severance അവതരിപ്പിക്കാന്‍ ശ്രമിച്ച പ്രമേയം വഴി തെറ്റി ഒറ്റപ്പെട്ടു കിടക്കുന്ന ഒരു സ്ഥലത്ത് എത്തുന്ന കുറെ ആളുകളുടെ കഥയാണ്.സ്ഥിരം സിനിമ ക്ലീഷേ ആണ് ആ പ്രമേയം.എന്നാല്‍ ഈ ചിത്രത്തെ അവതരിപ്പിച്ച രീതി വ്യത്യസ്തം ആണ്.ഒരു ആയുധ ഇടപാട് കമ്പനിയുടെ എക്സിക്യൂടീവ് ആയ കുറച്ചു പേര്‍ Team Building നായാണ്‌ ഹംഗറിയില്‍ ഉള്ള ആ സ്ഥലത്ത് എത്തുന്നത്‌.വിജനമായ ഒരു കാടാണ് ആവര്‍ തിരഞ്ഞെടുത്തത്.ടീം ലീഡര്‍ ആയ റിച്ചാര്‍ഡ് ഒരു typical മാനേജര്‍ ആണ്.അയാള്‍ ടീമില്‍ ഉള്ളവരെ നിയന്ത്രിക്കാന്‍ ശ്രമിക്കുന്നു.അവരുടെ യാത്രയില്‍ ഒരു തടസ്സം വന്നപ്പോള്‍ അവരുടെ ബസ് ഓടിച്ചിരുന്ന ഡ്രൈവര്‍ അവരെ ഉപേക്ഷിച്ചു  പോകുന്നു.അവര്‍ നടന്നു എത്തിച്ചേര്‍ന്നത് ആരും  ഇല്ലാതിരുന്ന ഒരു വീട്ടില്‍ ആയിരുന്നു.

  കോമഡിയും  കലര്‍ത്തി ചെയ്ത ഈ Survival of the Fittest ടൈപ്പ് ചിത്രത്തില്‍ മുഖ്യമായും ചര്‍ച്ച ചെയ്യുന്നത് രണ്ടു കാര്യങ്ങള്‍ ആണ്.ഒന്ന് ആയുധങ്ങള്‍  വില്‍ക്കുന്നതിലൂടെ മരണത്തിന്റെ വില എന്നി വാങ്ങുന്ന മനസ്ഥിതി ഉള്ളവര്‍ക്ക് അവരുടെ End Product നല്‍കുന്ന തിരിച്ചടി എങ്ങനെ ആയിരിക്കും എന്ന് .പിന്നെ കോര്‍പ്പറേറ്റ് ലോകത്തിലെ ചില മോശം പ്രവണതകള്‍ എന്നിവയാണ്.രസകരം ആണ് ഈ ചിത്രം.ഇത്തരം ചിത്രങ്ങളില്‍ ഉള്ള മുഖ്യ കഥാപാത്രം ആയ "ബ്ലഡ് " ഇതിലും തന്റെ  വേഷം ഗംഭീരം  ആക്കിയിട്ടുണ്ട്.


  More movie suggestions @www.movieholicviews.blogspot.com

477.THE STRANGERS(ENGLISH,2008)

477.THE STRANGERS(ENGLISH,2008),|Thriller|Mystery|,Dir:-Bryan Bertino,*ing:-Scott Speedman, Liv Tyler, Gemma Ward .

  സംവിധായകന്‍ ബ്രയാന്‍ ബെര്‍ടിനോയുടെ കുട്ടിക്കാലത്ത് നടന്ന യഥാര്‍ത്ഥ സംഭവങ്ങളെ ആസ്പദം  ആക്കിയാണ്  The Strangers നിര്‍മിച്ചിരിക്കുന്നത്.മറിച്ചുള്ള അഭിപ്രായങ്ങള്‍ പലതും വന്നെങ്കിലും വിദേശ സിനിമകളിലെ സ്ഥിരം ഫോര്‍മുല ചിത്രങ്ങളില്‍ ഉള്‍പ്പെടുന്ന ഒന്നാണ് The Strangers.ഒരു വീട്ടില്‍ ആരൊക്കെ ഉണ്ടെന്നു അവിടെ ഉള്ളവര്‍ക്ക് അറിയുന്നത് സ്വാഭാവികം ആണ്.എന്നാല്‍ അവിടെ ഉള്ളവര്‍ അറിയാതെ അജ്ഞാതരായ അതിഥികള്‍ അവിടെ വേറെ ഉണ്ടെങ്കിലോ?വീട്ടില്‍ ഉള്ളവര്‍ക്ക് അവരുടെ കാര്യങ്ങള്‍ അറിയില്ല എങ്കിലും വീട്ടില്‍ ഉള്ളവരുടെ ഓരോ ചലനവും വ്യക്തമായി കണക്കു കൂട്ടുകയും അവരെ നിരീക്ഷിക്കുകയും അവസാനം അവരെ അപകടത്തില്‍ പെടുത്താന്‍ നോക്കുമ്പോഴും എല്ലാം  പ്രേക്ഷകന്‍ അത്തരത്തില്‍ ഒരു അടയ്ക്കപ്പെട്ട വീട്ടില്‍ ഉള്ള ആളുകളുടെ മേല്‍ ഒരു അനുകമ്പ ഉണ്ടാവുക സാധാരണം ആണ്.

   ഇരകളെ വേട്ടയാടാന്‍ വരുന്ന വേട്ടക്കാരില്‍ നിന്നും അവര്‍ രക്ഷപ്പെടുന്നത്  കാണാന്‍ ആണ് എല്ലാവരും ആഗ്രഹിക്കുന്നതും.അത് കൊണ്ടാകാം പല ഭാഷയില്‍ പല വേഷത്തില്‍ വന്ന ഈ പ്രമേയത്തിന് സ്വീകാര്യത ഇപ്പോഴും ഉള്ളത്.ജയിംസിന്റെയും കിര്സ്ടെന്റെയും ജീവിതത്തിലെ ഏറ്റവും പ്രധാനപ്പെട്ട ദിവസം ആയിരുന്നു അന്ന്.സുഹൃത്തുക്കള്‍ ആയ അവര്‍ അന്ന് ജീവിതത്തിലെ പ്രധാനപ്പെട്ട തീരുമാനങ്ങളില്‍ ഒന്ന് എടുക്കണ്ട ദിവസം ആയി മാറുന്നു.ജയിംസ് അന്ന് ആണ് കിര്സ്ടെനെ വിവാഹം ചെയ്യാന്‍ ആഗ്രഹിക്കുന്നതായി വെളിപ്പെടുത്തുന്നത്.എന്നാല്‍ കിര്സ്ടന്‍ എടുത്ത തീരുമാനം അന്നത്തെ ദിവസം  ജയിംസിന് നല്‍കിയത് മറിച്ചുള്ള അനുഭവം ആയിരുന്നു.

    ജയിംസിന്‍റെ കുടുംബ സ്വത്തായ ആ ബംഗ്ലാവില്‍ അവര്‍ അന്ന് രാത്രി ചിലവഴിക്കാന്‍ തീരുമാനിക്കുന്നു.വികാര നിര്‍ഭരം  ആയിരുന്നു ജയിംസിന് ആ ദിവസം.രണ്ടു പേരും ജീവിതത്തില്‍ ഒരു  തീരുമാനം എടുക്കാന്‍ ആകാതെ നിന്ന ദിവസം .അന്ന് അവര്‍ക്ക്  അവിടെ കൂട്ടിനായി അജ്ഞാത സുഹൃത്തുക്കള്‍  ഉണ്ടായിരുന്നു.അവരുടെ അപ്പോഴത്തെ പ്രശ്നങ്ങളെല്ലാം ഒന്നും അല്ലായിരുന്നു എന്നവരുടെ സാമീപ്യം തെളിയിക്കുന്നു.The Strangers ന്റെ കഥ ഈ രീതിയില്‍ ആണ് അവതരിപ്പിക്കപ്പെട്ടിരിക്കുന്നത്.അന്നത്തെ ആ രാത്രി അവരുടെ ജീവിതത്തില്‍ എന്ത് സംഭവിക്കുന്നു എന്നറിയാന്‍ ഈ ചിത്രം ബാക്കി കാണുക.

More movie suggestions @www.movieholicviews.blogspot.com

476.MANJHI:THE MOUNTAIN MAN(HINDI,2015)

476.MANJHI:THE MOUNTAIN MAN(HINDI,2015),|Biography|Drama|,Dir:-Ketan Mehta,*ing:- Nawazuddin Siddiqui, Radhika Apte, Ashutosh Acharya .


   ഷാജഹാന്‍ പണിയിപ്പിച്ച താജ്മഹല്‍ ആണ് ഏറ്റവും മനോഹരമായ പ്രണയ നിര്‍മിതി എന്ന് കരുതിയിരുന്നെങ്കില്‍ അതില്‍ നിന്നും വ്യത്യസ്തവും അതിലും ഏറെ മനോഹരവും ആയ പ്രണയ ചിഹ്നം ആണ് ദശരധ് മാഞ്ചി എന്ന ബീഹാറുകാരന്‍ നിര്‍മ്മിച്ചത്‌.ഷാജഹാന്‍ തന്‍റെ അധികാരവും പണവും ഉപയോഗിച്ചാണ് താജ്മഹല്‍ പണിതതെങ്കില്‍ മാഞ്ചി തീര്‍ത്തും സാധാരണക്കാരന്‍ ആയിരുന്നു.സമൂഹത്തിലെ തൊട്ടു കൂടായ്മ സ്വാതന്ത്ര്യാനന്തര ഭാരതത്തിലും അനുഭവിക്കേണ്ടി വന്ന ബീഹാറിലെ ഗ്രാമത്തില്‍ ജനിച്ചവന്‍.ദാരിദ്ര്യം നിറഞ്ഞ ചുറ്റുപ്പാടില്‍ നിന്നും ഒളിച്ചോടിയ മാഞ്ചി 7 വര്‍ഷങ്ങള്‍ക്കു ശേഷം നാട്ടില്‍ എത്തിയപ്പോള്‍ ഇന്ത്യയുടെ ഭരണഘടന നിര്‍മിച്ച സമയം ആയിരുന്നു.

  പിന്നീട് ബാല വിവാഹത്തില്‍ തന്റെ വധു ആയിരുന്ന ഫഗൂനിയയെ അവളുടെ വീട്ടില്‍ നിന്നും ഇറക്കി കൊണ്ട് വന്നു വിവാഹം ചെയ്ത മാഞ്ചി അവരെ ജീവന് തുല്യം സ്നേഹിച്ചിരുന്നു.രണ്ടു മക്കളെയും ഏല്‍പ്പിച്ചു മരണത്തെ ഫഗൂനിയ പുണര്‍ന്നു.മലയുടെ മുകളില്‍ നിന്നും പൂര്‍ണ ഗര്‍ഭിണി  ആയ ഫഗൂനിയ വീണു പരിക്കേറ്റു.70 കിലോമീറ്റര്‍ അകലെ ഉള്ള ആശുപത്രിയില്‍ എത്താന്‍ അയാള്‍ക്ക്‌ ഗെലോര്‍ മലനിരകള്‍ കടന്നു പോകണമായിരുന്നു.എന്നാല്‍ ആ ദൂരം എത്തി ചേര്‍ന്നപ്പോള്‍ ഫഗൂനിയ മരണപ്പെട്ടിരുന്നു.മാഞ്ചി തന്‍റെ ഗ്രാമത്തില്‍ യാത്രയ്ക്ക് തടസ്സമായ ആ മലനിരയില്‍ ഒരു പാത  നിര്‍മിക്കാന്‍ ശ്രമിക്കുന്നു.മാഞ്ചിയെ സഹായിക്കാന്‍ ആരും ഇല്ലായിരുന്നു.അയാള്‍ ഒരു ഭ്രാന്തന്‍ ആണെന്ന് വരെ ആളുകള്‍ പറഞ്ഞു.അതിന്‍റെ ഇടയ്ക്ക് അധികാരികളുടെ ,ജന്മിയുടെ ക്രൂരതകള്‍ എല്ലാം അയാള്‍ക്ക്‌ വിലങ്ങു തടി ആയി വന്നു.എന്നാല്‍ മലയോടു പൊരുതുന്ന മാഞ്ചിയ്ക്ക് അതൊന്നും  അല്ലായിരുന്നു.അയാള്‍ തന്റെ ലക്‌ഷ്യം മാത്രം മുന്നില്‍ വച്ച് തന്റെ ജോലി ആരംഭിച്ചു .

  മാഞ്ചിയുടെ ഐതിഹാസികമായ 22 വര്‍ഷത്തെ ജീവിത കഥയാണ് Manjhi:The Mountain Man അവതരിപ്പിക്കുന്നത്‌.നവാസുധീന്‍ സിദ്ധിഖി,ഹിന്ദി സിനിമയിലെ ഇപ്പോഴത്തെ ഏറ്റവും മികച്ച അഭിനേതാവാണ് എന്ന് പറയേണ്ടി വരും.അയാള്‍ തന്റെ വേഷങ്ങള്‍ കൈ കാര്യം ചെയ്യുന്ന അനായാസത അമ്പരിപ്പിക്കുന്നതാണ്."അയാളുടെ വേഷം കാണുമ്പോള്‍ നമ്മള്‍ കാണുന്നത് സിനിമ ആണോ എന്ന് പോലും ഇടയ്ക്ക് സംശയിച്ചു പോകും".എത്ര അതിഭാവുകത്വം ആണ് ആ വരികള്‍ എന്ന് തോന്നിയാലും എന്നെ സംബന്ധിച്ച് നവാസുധീന്‍ സിദ്ധിഖി ഒരു അത്ഭുതം ആണ്.110 മീറ്റര്‍ നീളത്തില്‍ ഉള്ള ഒരു പാത.അതും 25 ഉം 30ഉം അടി നീളമുള്ള മല പൊട്ടിച്ച് നിര്‍മിച്ച ആള്‍ അല്ലെ ഏറ്റവും മനോഹരമായ പ്രണയ സൗധം നിര്‍മ്മിച്ചത്‌?ഈ വര്‍ഷത്തെ മികച്ച ചിത്രങ്ങളുടെ ഇടയില്‍ ഈ ചിത്രവും ഇടം പിടിച്ചേക്കാം.

  More movie suggestions @www.movieholicviews.blogspot.com

475.LOHAM(MALAYALM,2015)

475.LOHAM(MALAYALM,2015),Dir:-Renjith,*ing:-Mohanlal,Renji Panicker,Siddique.

      ഈ ഓണത്തിലെ  ആദ്യ  ചിത്രം എന്ന ടാഗില്‍ ഇറങ്ങിയ ലോഹം കഥാപ്രമേയം  ആക്കിയിരിക്കുന്നത് മനുഷ്യ  യുഗത്തിന്റെ ആരംഭം മുതല്‍ കണ്ണ്  മഞ്ഞളിപ്പിക്കുന്ന ആ മഞ്ഞ ലോഹത്തിന്റെ കഥയാണ്.കാണുംതോറും മനുഷ്യന് ആര്‍ത്തി തോന്നുന്ന ലോഹം.സ്ത്രീകള്‍ക്ക് അത് ആഭരണം ആണെങ്കില്‍ മനുഷ്യക്കുലത്തിനു മുഴുവന്‍ അത് സമ്പന്നതയുടെയും ഐശ്വര്യത്തിന്റെയും പ്രതീകവും വഴിയും ആണ്.ഇത് സ്വര്‍ണം.രഞ്ജിത്ത് "ഇന്ത്യന്‍ റുപ്പിയില്‍" റിയല്‍ എസ്റ്റേറ്റ് മാഫിയയെ പശ്ചാത്തലം ആക്കി സിനിമ ചെയ്തെങ്കില്‍  ഇത്തവണയും അത്തരം ഒരു മാഫിയയെ ആണ് ലക്‌ഷ്യം വച്ചിരിക്കുന്നത്.

  പ്രേക്ഷകന് പരിചിതമായ സാമൂഹിക പ്രശ്നങ്ങള്‍ അവിടിവിടയായി പറഞ്ഞു പോകുന്ന ചിത്രത്തില്‍ സ്വര്‍ണം കേരളം എന്ന കൊച്ചു സംസ്ഥാനത്തില്‍ എത്ര മാത്രം സ്വാധീനം ചെലുത്തുന്നു എന്ന് കാണിക്കാന്‍ ഉള്ള ശ്രമവും ആണ്.രാഷ്ട്രീയ -കച്ചവട രംഗത്തെ പ്രമൂഖരെ ഒക്കെ സിംബോളിക് ആയി വിമര്‍ശിക്കാന്‍ ഉള്ള ശ്രമം.ഇനി ഒരു ചിത്രം എന്ന നിലയില്‍ നോക്കിയാല്‍ ആരാധകര്‍ക്ക് ആവേശം ആകേണ്ട മീശ പിരിയിലും മുണ്ട് കുത്തലിലും ലാലേട്ടന്‍ മാസ് ഒതുക്കിയത് പോലെ തോന്നി.ടീസറില്‍ ഉണ്ടായിരുന്ന ആവേശം ആ ഡയലോഗ് തിയറ്ററില്‍ ഉണ്ടാക്കിയതായി  തോന്നിയില്ല.ഈ അടുത്ത് തമിഴ്,മലയാളം സിനിമകളില്‍ സ്ഥിരം ആയി വന്ന കഥ തന്നെ അവതരിപ്പിച്ചിരിക്കുന്നത്.സിനിമകളുടെ പേരുകള്‍ പറയുന്നില്ല.കാരണം അത് പറഞ്ഞാല്‍ ഈ സിനിമ കാണേണ്ടി വരുന്നത് അര്‍ത്ഥശൂന്യം  ആയി മാറും ഫാന്‍സ്‌ അല്ലാത്തവര്‍ക്ക്.

  എടുത്തു പറയേണ്ട ഒരു കാര്യം ചിത്രം "പെരുച്ചാഴി" ലെഗസി പോലെ ബോര്‍ ആക്കിയില്ല.രഞ്ജിത്ത് ആദ്യം  തന്നെ പ്രതീക്ഷകള്‍ കുറയ്ക്കാന്‍ ആവശ്യപ്പെട്ടത് നന്നായി.കുറച്ചു പേരെങ്കിലും ഒന്നും പ്രതീക്ഷിക്കാതെ ഇരുന്നു കാണും.മോഹന്‍ലാല്‍ സ്ഥിരം "ശക്തിമാന്‍" സീരിയലിലെ പോലെ ആളുകളെ ഉപദേശിച്ചു നന്നാക്കാന്‍ ശ്രമിക്കുന്നുണ്ട്.ഇതിനൊരു അവസാനം ഇല്ലേ?എത്ര സിനിമ ആയി എന്ന് പ്രേക്ഷകന് തോന്നിയാല്‍ തെറ്റൊന്നും ഇല്ല.അഭിനയിച്ചവര്‍ എല്ലാവരും തന്നെ മോശമാക്കിയില്ല.ആവശ്യമില്ലാത്ത രണ്ടു പാട്ടുകള്‍ ഒഴിച്ച് നിര്‍ത്തിയാല്‍ "ക്ലാസും മാസ്സും" ആകാതെ പാതി വേവിച്ച "Pizza"(ഒരു ജാഡയ്ക്ക് ഇരിക്കട്ടെ ) പോലെ ആയി "ലോഹം".നേരത്തെ പറഞ്ഞിരുന്നു.ഇത് മോശം പടം അല്ല.പക്ഷെ എന്തോ ഒരു കുറവ് തീര്‍ച്ചയായും ഉണ്ട്.

  ഞാന്‍ ഈ ചിത്രത്തിന് കൊടുക്കുന്ന റേറ്റിംഗ് 2.5/5(Strictly Self Opinion as a viewer)

More movie suggestions @www.movieholicviews.blogspot.com

474.REPEATERS(ENGLISH,2010)

474.REPEATERS(ENGLISH,2010),|Thriller|Mystery|,Dir:-Carl Bessai,*ing:-Dustin Milligan, Amanda Crew, Richard de Klerk.

  ടൈം ലൂപ് പ്രമേയം ആയി ധാരാളം സിനിമകള്‍ അവതരിപ്പിക്കപ്പെട്ടിട്ടുണ്ട്.ഒരു പ്രത്യേക ദിവസത്തില്‍ അകപ്പെട്ടു പോയ കഥാപാത്രങ്ങള്‍ പ്രമേയം ആയ ചിത്രങ്ങള്‍.ആ ദിവസങ്ങള്‍ പിന്നെയും പിന്നെയും ആവര്‍ത്തിച്ചു കൊണ്ടിരിക്കും.Groundhog Day,Los cronocrímene,12:01 തുടങ്ങിയവ അവയില്‍ ചിലത് മാത്രം.അത്തരത്തില്‍ ഉള്ള ഒരു പ്രമേയം ആണ് ഈ ചിത്രത്തിലും ഉള്ളത്.

  Rehab Centre ല്‍ അയക്കപ്പെട്ട കയ്ല്‍,മൈക്കില്‍,സോണിയ എന്നിവര്‍ ആണ് ഈ ടൈം ലൂപ്പില്‍ അകപ്പെട്ടു പോകുന്നത്.ഒരു സ്വപ്നത്തില്‍ നിന്നും എണീറ്റ കയ്ല്‍ Rehab Centre ല്‍ വച്ച് പരിചയപ്പെട്ട സോണിയ ഭക്ഷണം കഴിക്കാന്‍ ഇരുന്ന മെസ് റൂമിലേക്ക്‌ പോകുന്നു.അവിടെ ഇനി എത്ര ദിവസം ബാക്കി അവിടെ കഴിയണം എന്നുള്ളത് മേശയില്‍ രേഖപ്പെടുത്തുന്ന സോണിയയെ കാണുന്നു.അവിടെ ഒരു പാത്രം താഴെ വീഴുന്നു.അല്‍പ്പ സമയം കഴിഞ്ഞു അവിടെ എത്തുന്ന മൈക്കിളിനെ അവിടെ ഉണ്ടായിരുന്ന ഒരാള്‍ കാല്‍ വച്ച് വീഴ്ത്തുന്നു.മൈക്കിളിന്റെ കയ്യിലെ പാത്രം താഴെ വീഴുന്നു.കയ്ല്‍ അതിന്‍റെ പേരില്‍ അടിയുണ്ടാക്കുന്നു.അന്ന് വൈകിട്ട് കൌണ്സിലിംഗ് നടക്കുമ്പോള്‍ അന്നത്തെ സംഭവങ്ങള്‍ വിവരിക്കാന്‍ കൌണ്‍സിലര്‍ ആയ ബോബ് ആവശ്യപ്പെടുന്നു.സഹോദരിയെ കാണാന്‍ പോയ കയലിനോട് സംസാരിക്കാന്‍  സഹോദരി തയ്യാറാകുന്നില്ല.ജയിലില്‍ ആയ പിതാവിനെ കാണാന്‍ പോയ മൈക്കിളിനോട് പിതാവ് ദേഷ്യപ്പെടുന്നു.ആശുപത്രിയില്‍ കിടക്കുന്ന പിതാവിനെ കാണാതെ സോണിയ തിരിച്ചു പോരുന്നു.മൂന്നു പേര്‍ക്കും അവരുടേതായ  പ്രശ്നങ്ങള്‍ ഉണ്ടായിരുന്നു.എന്നാല്‍ അത് ഒരു ഗ്രൂപ്പില്‍ പറയാന്‍ കയ്ല്‍ തയ്യാറാകുന്നില്ല.മൈക്കിളിനും സമാന അഭിപ്രായം ആയിരുന്നു.അവര്‍ അവിടെ നിന്നും ഇറങ്ങി പോകുന്നു.

  അന്ന് രാത്രി മഴ ഉണ്ടായിരുന്നു.ടി വിയില്‍ റിസര്‍വോയറില്‍ ചാടി ആത്മഹത്യ ചെയ്യുന്ന ആളെ കുറിച്ചുള്ള വാര്‍ത്ത ടി വി യില്‍ പറയുന്നു.ആ സമയത്താണ് അത് സംഭവിച്ചത്.എങ്ങനെ ആണ് അവര്‍ ടൈം ലൂപ്പില്‍ അകപ്പെട്ടത്??ആ ടൈം ലൂപ്പില്‍ അവര്‍ അകപ്പെട്ടതിന്റെ ഉദ്ദേശം എന്താണ്?ജീവിതത്തില്‍ ഒരു രണ്ടാം അവസരം ആണോ അത്?  അവര്‍ അതില്‍ നിന്നും എങ്ങനെ പുറത്തു കിടക്കും?കൂടുതല്‍ അറിയാന്‍ ചിത്രം കാണുക.സിനിമയുടെ അവസാനം ഉള്ള അപ്രതീക്ഷിത ട്വിസ്റ്റ് കൂടി കാണുമ്പോള്‍ ചിത്രത്തെ കുറിച്ചുള്ള അഭിപ്രായം കൂടും.ഒരിക്കലും സംഭവിക്കാന്‍ സാധ്യത ഇല്ല എന്ന് കരുതുന്ന ടൈം ലൂപ് സിനിമകളിലെ കൗതുകം ഇഷ്ടം ഉള്ളവര്‍ക്ക് ഈ ചിത്രം ഇഷ്ടപ്പെടും.

more movie suggestions @www.movieholicvies.blogspot.com

   

473.RESOLUTION(ENGLISH,2012)

473.RESOLUTION(ENGLISH,2012),|Mystery|Thriller|,Dir:-Justin Benson, Aaron Moorhead,*ing:-Peter Cilella, Vinny Curran, Zahn McClarnon

  Resolution-  One of the most under- rated movies എന്ന വിശേഷണത്തിന് അര്‍ഹം ആണെന്ന് തോന്നുന്നു.ഒരു പക്ഷെ സിനിമ കാണുന്ന പ്രേക്ഷകന് കഥ മനസ്സിലാകുമോ ഇല്ലയോ എന്നതില്‍ ഉപരി സിനിമയില്‍ പ്രേക്ഷകന്‍റെ മനസ്സിന്റെ ക്രിയേറ്റിവിറ്റി  കൂടി ഉള്‍ക്കൊള്ളിക്കാന്‍ ശ്രമിക്കുന്ന പല ചിത്രങ്ങളുടെയും അവസ്ഥ ആണ് ഈ under-rated category യിലേക്ക് ഉള്ള യാത്ര.സ്പൂണ്‍ ഫീഡിംഗ്  നടത്തി സിനിമയുടെ ഓരോ മൂലയും വിശദം ആക്കുന്ന സിനിമകള്‍ കൂടുതല്‍ ആയി ഇറങ്ങുന്ന കാലഘട്ടത്തില്‍ ഈ ചിത്രങ്ങള്‍ എല്ലാം പരീക്ഷണ ചിത്രം മാത്രം ആയി ഒതുങ്ങി പോകുന്നു.ഒരു ഹൊറര്‍ സിനിമ എന്ന് തോന്നിപ്പിക്കുമ്പോഴും മുഖ്യ കഥാപാത്രങ്ങള്‍ എന്തിനെ ആണ് നേരിടുന്നത് എന്നുള്ള ചോദ്യം പ്രേക്ഷകനില്‍ അവശേഷിപ്പിക്കുമ്പോള്‍ വീണ്ടും ചോദ്യം ആയി "can we try another way?!" എന്ന്  വരുമ്പോള്‍ Plain Horror  സിനിമ concept ആയി കാണുന്നവര്‍ പോലും  തീര്‍ച്ചയായും കണ്ഫ്യൂഷനില്‍  ആകും.

    എന്നാല്‍ ഈ സങ്കീര്‍ണത ഒക്കെ ഉണ്ടെങ്കിലും വളരെ സിമ്പിള്‍ ആയ കഥയാണ് ഈ ചിത്രത്തില്‍ ഉള്ളത്.വിവാഹ ശേഷം ഭാര്യയും ആയി കഴിയുന്ന മൈക്കിന്റെ ലാപ്പില്‍ ഒരു ദിവസം സുഹൃത്തായ ക്രിസ് മയക്കുമരുന്ന് ഉപയോഗിച്ചതിനു ശേഷം കാട്ടി കൂട്ടുന്നതൊക്കെ കാണിച്ച് അതിനോടൊപ്പം ക്രിസ് എവിടെ ആണെന്നും ഉള്ള വിവരങ്ങളും ഉള്‍പ്പെടുത്തിയ മാപ്പിനോപ്പം മെയില്‍ ആയി ലഭിക്കുന്നു.ഉറ്റ സുഹൃത്തായ ക്രിസ്സിന്റെ ജീവിതം രക്ഷപ്പെടുത്താന്‍ മൈക്ക് തീരുമാനിക്കുന്നു,ഭാര്യയുടെ സമ്മതപ്രകാരം അവിടെ എത്തിയ മൈക്ക്,ക്രിസ് താമസിക്കുന്ന ചെറിയ വീട്ടില്‍ എത്തുന്നു,ആകെ അലങ്കോലം ആയ ജീവിതം ആയിരുന്നു ക്രിസിനു ഉള്ളത്.ആരും സ്നേഹിക്കാന്‍ ഇല്ല,ജീവിതത്തില്‍ സുഖങ്ങള്‍ ഇല്ല എന്നതൊക്കെ ആണ് പരിഭവം.അതിനായി അഭയം കണ്ടെത്തിയത് മയക്കു മരുന്നിലും.മൈക്ക് ക്രിസ്സിനെ തന്ത്രപരമായ നീക്കങ്ങളിലൂടെ Handcuff ചെയ്യുന്നു .

   സുഹൃത്തുക്കള്‍ തമ്മില്‍ ഉള്ള സംസാരവും ചെറിയ വഴക്കുകളും ജീവിത കാഴ്ചപ്പാടും ആയി പോകുമ്പോള്‍ ആണ് ക്രിസ്സിന്റെ മോശം കാലത്തുള്ള  സുഹൃത്തുക്കളും മറ്റൊരു കൂട്ടരും അവരെ കാണാന്‍ എത്തുന്നത്‌.മൈക്ക് പ്രശ്നങ്ങള്‍ എല്ലാം ഇഴിവാക്കി എങ്കിലും അവര്‍ അപകടകാരികള്‍ ആയിരുന്നു.ഈ സമയത്താണ് മൈക്കിനു കുറച്ചു വീഡിയോകള്‍ കിട്ടുന്നത്."Sinister" ല്‍ ഒക്കെ ഉപയോഗിച്ച ഒരു പ്ലോട്ടിലേക്ക് ചിത്രം എന്നാല്‍ പോകുന്നില്ല.പകരം വേറെ ഒരു രീതിയില്‍ പോവുകയും അവസാന അഞ്ചു മിനിറ്റില്‍ ഉള്ള  "can we try another way?!" എന്ന ചോദ്യവും ആയി പ്രേക്ഷകനെ അമ്പരിപ്പിക്കുന്നു.ചിത്രത്തിന് അവസാനം ഒരു Plain Explanation മുതല്‍ സൈക്കോളജിക്കല്‍ ആയ explanations വരെ കൊടുക്കാന്‍ സാധിക്കും.തീര്‍ച്ചയായും കണ്ടിരിക്കണ്ട ചിത്രങ്ങളില്‍ ഒന്നാണ് Resolution.ജോണര്‍ ,ചിത്രം കണ്ടതിനു ശേഷം ഏതാണ് എന്ന് തീരുമാനിക്കുക.

More movie suggestions @www.movieholicviews.blogspot.com

472.COLD PREY III(NORWEGIAN,2010)

472.COLD PREY III(NORWEGIAN,2010),|Thriller|Mystery|,Dir:-Mikkel Brænne Sandemose,*ing:-Ida Marie Bakkerud, Julie Rusti, Kim S. Falck-Jørgensen.

  രണ്ടാം ഭാഗം ആദ്യ ഭാഗം നല്‍കിയ പ്രതീക്ഷയുടെ ഒപ്പം നടന്നപ്പോള്‍ Cold Prey II ഹിറ്റ്‌ ആയി.എന്നാല്‍ മൂന്നാം ഭാഗം ആയി എത്തിയ ചിത്രം പ്രതീക്ഷകള്‍ക്ക് ഒത്തുയരാന്‍ ബോക്സോഫീസില്‍ സാധിച്ചില്ല.ആദ്യ രണ്ടു ഭാഗങ്ങളുടെ കഥയില്‍ നിന്നും കാതലായ മാറ്റങ്ങള്‍ വരുത്തിയാണ് മൂന്നാം ഭാഗം ഒരുക്കിയത്.യഥാര്‍ത്ഥത്തില്‍ ഈ ചിത്രം ആദ്യ രണ്ടു ഭാഗങ്ങളുടെ Prequel ആയാണ് അവതരിപ്പിക്കുന്നത്‌.മഞ്ഞു മലകള്‍ക്കിടയില്‍ ഉള്ള അജ്ഞാതന്‍ ആയ ആ കൊലയാളി ആരാണെന്നും അയാള്‍ എങ്ങനെ ഇത്ര ക്രൂരന്‍ ആയി മാറി എന്നും ആണ് ഈ ചിത്രം അവതരിപ്പിക്കുന്നത്‌.

  ഒരാളുടെ ജീവിത സാഹചര്യങ്ങള്‍ അയാളെ എന്ത് മാത്രം മാറും?ജീവിത ദുരിതങ്ങള്‍ക്കിടെ ആണ് പതിനൊന്ന് വയസ്സുകാരനെ കാണാതെ ആകുന്നത്.വര്‍ഷങ്ങള്‍ക്കു ശേഷം എണ്‍പതുകളില്‍ വിനോദ സഞ്ചാരികള്‍ ആയി ആണ് ആ സംഘം വനത്തില്‍ എത്തുന്നത്‌.മഴയും തണുപ്പും ഉള്ള ആ സമയത്താണ് അവര്‍ ആറു പേര്‍ അവിടെ എത്തുന്നത്‌.പോലീസിന്‍റെ സഹായത്തോടെ ആ വനത്തില്‍ എത്തിയ അവര്‍ അന്ന് താമസിക്കാന്‍ ആയി ആണ് ആരുമില്ലാതെ കിടന്ന ആ ഹോട്ടലില്‍ താമസിക്കാന്‍ ആയി പോകുന്നത്.എന്നാല്‍ അവിടത്തെ ശോചനീയ അവസ്ഥ കാരണം അവര്‍ ഉറക്കം വനത്തില്‍ ആക്കി.

  അന്ന് രാത്രി ആണ് ഈ സംഘത്തിന്റെ ദുരിതങ്ങള്‍ ആരംഭിക്കുന്നത്.യുവാവായ മല മുകളിലെ കൊലപാതകി ആദ്യ കാലങ്ങളില്‍ കൊല്ലപ്പെടുത്തുന്ന രീതി ആദ്യ രണ്ടു ഭാഗങ്ങളില്‍ ഉള്ളതിനേക്കാളും ഭീകരം ആയിരുന്നു.മൃഗങ്ങളില്‍ തന്റെ വന്യമായ കൊലപാത ആസക്തി കാണിച്ചിരുന്ന ആ മനുഷ്യന്‍റെ ശ്രദ്ധ മനുഷ്യരിലേക്ക് തിരിപ്പിച്ച സംഭവം ആയിരുന്നു ഈ കഥയില്‍ ഉള്ളത്.പ്രവചിക്കാന്‍ കഴിയുന്നത്‌  ആയിരുന്നു ഈ Prequel.പ്രത്യേകിച്ചും ആദ്യ രണ്ടു ഭാഗങ്ങളിലും ഉള്ള കൊലപാതകിക്ക് Prequel ല്‍ എന്ത് സംഭവിക്കും എന്ന് എല്ലാവര്‍ക്കും അറിയാവുന്ന കാര്യം ആണ്.പിന്നെ മഞ്ഞു മലകളിലെ കൊലപാതകി ആരായിരുന്നു എന്നുള്ളത് Prequel ല്‍ അവതരിപ്പിച്ചപ്പോള്‍ അത് കാണാന്‍ ആഗ്രഹം ഉള്ളവര്‍ക്ക് ഈ സിനിമ കൂടുതല്‍ മുഷിപ്പായി തോന്നില്ല എന്ന് കരുതുന്നു.

More movie suggestions @www.movieholicviews.blogspot.com

471.COLD PREY II(NORWEGIAN,2008)

471.COLD PREY II(NORWEGIAN,2008),|Thriller|Mystery|,Dir:-Mats Stenberg,*ing:-Ingrid Bolsø Berdal, Marthe Snorresdotter Rovik

  ആദ്യ ഭാഗം നല്‍കിയ പ്രശസ്തി മുതലാക്കി ആദ്യ ആഴ്ചയില്‍ ഒരു നോര്‍വീജിയന്‍ സിനിമയ്ക്ക് ലഭിക്കാവുന്ന ഏറ്റവും വലിയ കളക്ഷന്‍ ആണ് Cold Prey പരമ്പരയിലെ രണ്ടാം ചിത്രം ആയ Cold Prey II നേടിയത്.അപൂര്‍വമായി മാത്രം സംഭവിക്കുന്ന ഒരു കാര്യം ആണ് വിജയിച്ച  ആദ്യ ഭാഗം ഉള്ള രണ്ടാം ഭാഗങ്ങളുടെ വിജയം.പലപ്പോഴും ആദ്യ ഭാഗത്തിന്റെ അത്രയും പ്രതീക്ഷയ്ക്ക് ഒത്ത് ഉയരാന്‍ കഴിയാത്ത രണ്ടാം ഭാഗങ്ങള്‍ ദുരന്തം ആയി മാറാറുണ്ട്.എന്നാല്‍ Cold Prey II അതിനൊരു അപവാദം ആയി മാറി,ബോക്സോഫീസ് കണക്കെടുപ്പില്‍.

  ആദ്യ ഭാഗത്തിന്‍റെ പരിപൂര്‍ണമായ പിന്തുടര്‍ച്ച ആണ് രണ്ടാം ഭാഗത്തിന് ഉള്ളത്.ആദ്യ ഭാഗത്തില്‍ അജ്ഞാതനായ കൊലയാളിയില്‍ നിന്നും രക്ഷപ്പെട്ട അഞ്ചംഗ സംഘത്തില്‍ ഉണ്ടായിരുന്ന  ആളിനെ ഉടമസ്ഥന്‍ ഇല്ലാതെ കണ്ടത്തിയ കാര്‍ അന്വേഷിച്ച് പോകുന്ന ഒലെ എന്ന പോലീസുകാരന്‍ കണ്ടെത്തുന്നു.തന്റെ കാമുകിയായ കാമില ജോലി ചെയ്യുന്ന ആശുപത്രിയില്‍ എത്തിക്കുന്നു.തനിക്കും സുഹൃത്തുക്കള്‍ക്കും സംഭവിച്ചതെല്ലാം  രക്ഷപ്പെട്ട  വ്യക്തി പോലീസിനെ അറിയിക്കുന്നു.എന്നാല്‍ ആദ്യം അത് വിശ്വസിക്കാന്‍ ബുദ്ധിമുട്ടുണ്ടായിരുന്ന പോലീസ് സംഘം സംഭവം നടന്ന സ്ഥലത്തേക്ക് യാത്ര ആകുന്നു.

   പോലീസ് അന്വേഷണത്തില്‍ അവര്‍ക്ക് കിട്ടിയ വിവരങ്ങളുടെ നിജസ്ഥിതി അറിയുന്നു.അപ്രതീക്ഷിതമായ സംഭവങ്ങള്‍ ആണ് ഇതിനു ശേഷം ആശുപത്രിയില്‍ നടക്കുന്നത്.അസംഭവ്യം എന്ന് കരുതിയത്‌ പോലും  ഇവിടെ സംഭവിക്കുന്നു.മരണത്തിന്റെ കാലൊച്ചകള്‍ ആ ആശുപത്രിയെ ഗ്രസിക്കുന്നു.അവിടെ എന്താണ് സംഭവിച്ചത് എന്നറിയാന്‍ ബാക്കി ചിത്രം കാണുക.

More movie suggestions @www.movieholicviews.blogspot.com

  

470.COLD PREY(NORWEGIAN,2006)

470.COLD PREY(NORWEGIAN,2006),|Thriller|Mystery|,Dir:-Roar Uthaug,*ing:-Ingrid Bolsø Berdal, Rolf Kristian Larsen, Tomas Alf .


   നോര്‍വീജിയന്‍ സ്ലാഷര്‍ സിനിമകളിലെ ഏറ്റവും മികച്ച ചിത്രങ്ങളില്‍ ഒന്നാണ് 2006 ല്‍ റിലീസ് ആയ Cold Prey.Wrong Turn,Texas Chainsaw Massacre തുടങ്ങി അസംഖ്യം അത്തരം ജോനറില്‍ ഉള്‍പ്പെടുന്ന ചിത്രങ്ങളുടെ അതേ രീതിയില്‍ ആണ് ഈ ചിത്രവും അവതരിപ്പിച്ചിരിക്കുന്നത്.Jotunheimen ലെ അതിശൈത്യ കാലത്ത് മഞ്ഞില്‍ മൂടി നില്‍ക്കുന്ന മലനിരകളില്‍ സാഹസിക വിനോദങ്ങള്‍ക്കായി യുവാക്കളുടെ ഗ്രൂപ്പുകള്‍ ധാരാളമായി ആ ഭാഗങ്ങളില്‍ എത്തുമായിരുന്നു.

   എന്നാല്‍ ആ സമയത്ത് ധാരാളം വിനോദ സഞ്ചാരികളെ കാണാതായി എന്നുള്ള റിപ്പോര്‍ട്ടുകളും ഉണ്ടായിരുന്നു.അവരെ കുറിച്ചൊന്നും ഒരു വിവരവും ഇല്ലാതെ പോലീസ് ഇരുട്ടില്‍ തപ്പുകയായിരുന്നു.ഈ അവസരത്തില്‍ ആണ് അഞ്ചു പേര്‍ മഞ്ഞു മലകളില്‍ സര്‍ഫിംഗിനായി എത്തുന്നത്‌ .എയ്റിക് ,അയാളുടെ കാമുകി യാനിക്കെ,മിക്കാല്‍,അയാളുടെ കാമുകി ഇംഗുന്‍,മോര്‍ട്ടന്‍ തോബിയാസ് എന്നിവര്‍ ആയിരുന്നു അവിടെ എത്തിയത്.സന്തോഷകരമായി ആരംഭിച്ച സര്‍ഫിംഗിനിടയില്‍ ആണ് മോര്‍ട്ടന്‍ തോബിയാസിന്റെ കാല്‍ ഒടിയുന്നത്‌.

   തോബിയാസിന്റെ ആരോഗ്യ സ്ഥിതി മോശം ആകാതെ ഇരിക്കാന്‍ വേണ്ടി അവര്‍ അടുത്ത് കണ്ട ഉപേക്ഷിക്കപ്പെട്ട നിലയില്‍ ഉള്ള ഹോട്ടലില്‍ താമസിക്കാന്‍ ആയി കയറുന്നു.അവിടെ ആരും ഉണ്ടായിരുന്നില്ല.രാത്രി ആയതു കൊണ്ട് പിറ്റേ ദിവസം തിരിച്ചു പോകാന്‍ ആയി അവിടെ താമസിക്കുന്ന അവര്‍ അവരുടെ ജീവിതത്തിലെ ഏറ്റവും ഭയപ്പെടുത്തുന്ന സംഭവങ്ങള്‍ക്ക് ആണ് പിന്നീട് സാക്ഷി ആകുന്നതു.അജ്ഞാതനായ ഒരു കൊലയാളി.അയാളാണ് അവരുടെ ജീവനായി വരുന്നത്.ക്രൂരമായ രീതിയില്‍ ആളുകളെ കൊല്ലപ്പെടുത്തുന്ന അയാള്‍ ആരാണ്?മനസ്സിന്റെ ധൈര്യം ഒന്ന് മാത്രം ആണ് ഇനി ജീവിക്കാന്‍ വേണ്ടിയ കൈ മുതല്‍.Survival of the Fittest എന്ന രീതിയിലേക്ക് കാര്യങ്ങള്‍ മാറുന്നു.ആ അവസ്ഥയെ അവര്‍ എങ്ങനെ നേരിടുന്നു എന്നും അതില്‍ ആരാണ് വിജയിച്ചത് എന്നും ആണ് ചിത്രത്തിന്‍റെ ആദ്യ ഭാഗം അവതരിപ്പിക്കുന്നത്‌.

More movie suggestions @www.movieholicviews.blogspot.com

469.HOUSEBOUND(ENGLISH,2014)

469.HOUSEBOUND(ENGLISH,2014),|Thriller|Mystery|Comedy|,Dir:-Gerard Johnstone,*ing:-Morgana O'Reilly, Rima Te Wiata, Glen-Paul Waru.

  Housebound എന്ന ചിത്രം ഒരു മിക്സ് ആണ്.Murder Mystery+Psychological Thriller +Ghost Story+Slapstick Comedy+Family Story.

   ഇത്രയും ഏറെ പ്ലോട്ട് ആണ് ഈ ചിത്രം അവതരിപ്പിക്കുന്നത്‌.ന്യൂസീലാന്റില്‍  നിന്നും വന്ന ചിത്രം ആയിരുന്നു What We Do In The Shadows.വളരെ രസകരം ആയിരുന്നു ആ ചിത്രം .പലപ്പോഴും ഭീകരരായ കഥാപാത്രങ്ങള്‍ ആയി നമ്മുടെ മുന്നില്‍ അവതരിച്ച പ്രേത ശക്തികളെ  ഒരു mockumentary ആയി അവതരിപ്പിച്ച  വ്യത്യസ്തവും പുതുമയും ഉള്ളതായിരുന്നു.Housebound എന്ന ചിത്രം ഇത്തരത്തില്‍ വേറിട്ട പ്രത്യേകത നില നിര്‍ത്തിയതായി തോന്നി.

   ചെറിയ തമാശകള്‍ സീരിയസ് ആയ രംഗങ്ങളില്‍ പോലും കൊണ്ട് വരാന്‍ ശ്രമിക്കുന്നതിനോടൊപ്പം കൊലപാതകം,ദുരൂഹത  എന്നിവയും ഇതിനോട് ചേര്‍ന്ന് പോകുന്നു.Kylie എന്ന യുവതി അവളുടെ ജീവിതം ആരോടൊക്കെയോ ഉള്ള ദേഷ്യം തീര്‍ക്കാന്‍  ആയുള്ള വാശിയില്‍   നശിപ്പിക്കാന്‍ ശ്രമിക്കുന്നു.ധനികരായ മാതാപിതാക്കള്‍ ,നല്ല വീട് എന്നിവ ഒക്കെ ഉണ്ടായിരുന്ന അവള്‍ക്കു   എന്നാല്‍ അതിനോടെല്ലാം വെറുപ്പ്‌ ആയിരുന്നു.വീട്ടില്‍ അലഞ്ഞു നടക്കുന്ന ആത്മാക്കള്‍ ഉണ്ടെന്നു വിശ്വസിക്കുന്ന അമ്മയുടെ അഭിപ്രായങ്ങള്‍ അവള്‍ മുഖവിലയ്ക്ക് എടുക്കുന്നില്ല.ജീവിതത്തിലെ മോശമായ ഒരു കാര്യത്തിന്റെ പേരില്‍ പോലീസിന്റെി പിടിയില്‍ ആയ അവള്‍ മാനസികമായി പ്രശ്നങ്ങള്‍ ഉള്ള ആളാണെന്നും പറഞ്ഞു ശിക്ഷ ലഭിക്കുന്നത് ഒഴിവാക്കാന്‍ ശ്രമിക്കുന്നു.എന്നാല്‍ ജഡ്ജ് അവള്ക്കു  വിധിച്ച ശിക്ഷ,അവള്ക്കു  ഇഷ്ടംമില്ലാത്ത അവള്‍ ഇറങ്ങി പോന്ന വീട്ടില്‍ എട്ടു മാസത്തെ വീട് തടങ്കല്‍ ആണ്.

  ഇഷ്ടം  ഇല്ലാതെ  ആണെങ്കിലും ആ വീട്ടില്‍ താമസിക്കാന്‍ അവള്‍ എത്തുന്നു.പതിവ് പോലെ അമ്മ ആ വീട്ടില്‍ പ്രേതാത്മാക്കള്‍ ഉള്ളതായി വിശ്വസിക്കുന്നു എന്നവള്‍ മനസിലാക്കുന്നു.പിന്നീട് അവള്‍ അത് സ്വയം അനുഭവിക്കുകയും  ചെയ്യുന്നു.എന്നാല്‍ കണ്ണിന്റെ മുന്നില്‍ കാണുന്നതെല്ലാം സത്യം ആണോ എന്നവള്‍ അന്വേഷിച്ച് പോകുമ്പോള്‍ എത്തുന്നത്‌ നിഗൂഡം ആയ ഒരു രഹസ്യത്തിലേക്ക് ആണ്.ആ വീടിന്റെു യഥാര്‍ത്ഥ    ചരിത്രത്തെ കുറിച്ചുള്ള കഥ.എന്നാല്‍ കൈലിയുടെ  കഥ ഇവിടെ തീരുന്നില്ല.വീണ്ടും അതില്‍ അപ്രതീക്ഷിത ട്വിസ്റ്റുകള്‍ ആണ് ഉണ്ടാകുന്നത്.പരേതാത്മാക്കള്‍ അലഞ്ഞു തിരിഞ്ഞു  നടക്കുന്നുണ്ടോ എന്ന ചോദ്യത്തിന് ഉത്തരവും അത് പോലെ ആയിരുന്നു. ന്യൂ സീലാന്റില്‍  നിന്നും  വന്ന ഈ ചിത്രം വ്യത്യസ്തം ആയ ഒരു സിനിമ അനുഭവം ആണ് നല്‍കുന്നത് .

More movie suggestions @www.movieholicviews.blogspot.com

468.You're NEXT (ENGLISH,2011)

468.You're NEXT (ENGLISH,2011),|Thriller|Mystery|,Dir:-Adam Wingard,*ing:-Sharni Vinson, Joe Swanberg, AJ Bowen |

  Slasher+Horror+Mass+Twits+Murder=You're Next.

  ഈ ഒരു ജോനറില്‍ ഉള്ള പടം  കാണണം എന്നുണ്ടോ?എങ്കില്‍ ഒന്നെങ്കില്‍ ഹെഡ് ഫോണ്‍ വച്ച് ഈ സിനിമ കാണുക.അല്ലെങ്കില്‍ സ്പീക്കര്‍ വച്ച്.ഒരു മനുഷ്യനെ ഭയപ്പെടുത്താന്‍ പ്രേത സിനിമകള്‍ക്ക്‌ കഴിയും എന്ന് പറയുമ്പോള്‍ പോലും അത്തരം ഗിമിക്സില്‍ വീഴാന്‍ നമ്മുടെ ഒന്നും മനസ്സ് ഇപ്പോള്‍ സമ്മതിക്കില്ല.കാരണം ,നമുക്ക് വേണ്ടത് ജോനരിനോട് നീതി പുലര്‍ത്തുന്ന സിനിമയാണ്.You're Next,പ്രതീക്ഷിക്കാത്ത അത്ര ജോനരിനോട് നീതി പുലര്‍ത്തിയ ചിത്രം ആണ്.അവസാന സീന്‍ വരെ.സിനിമ കാണുന്ന ഒന്നര മണിക്കൂര്‍,ശരിക്കും പ്രേക്ഷകനെ സിനിമയോട് അടുപ്പിക്കും.സംശയം ഉണ്ടെങ്കില്‍ ചിത്രം കാണുക.

  2011 ല്‍ റിലീസ് ആയെങ്കിലും അമേരിക്കയില്‍ റിലീസ് ചെയ്യാന്‍ 2013 ല്‍ മാത്രമേ ഈ ചിത്രത്തിന് സാധിച്ചുള്ളൂ.നിഷ്ക്കളങ്കര്‍ അല്ലാത്ത ഒരു കൂട്ടം കഥാപാത്രങ്ങള്‍.അത് തന്നെയാണ് സ്ലാഷര്‍ സിനിമ എന്ന നിലയില്‍ ഈ ചിത്രത്തിന്‍റെ വിജയം.അമേരിക്കന്‍ ബോക്സോഫീസില്‍  പോലും ഹിറ്റ്‌ ആയിരുന്ന ഈ ചിത്രം പ്രേക്ഷകനെ നല്ലത് പോലെ പേടിപ്പിക്കും.ചിത്രത്തിന്‍റെ തുടക്കം ഒറ്റയ്ക്ക് താമസിക്കുന്ന ഒരു ദമ്പതികളെ കൊന്നു കൊണ്ടായിരുന്നു.പ്രേക്ഷകന് മനസ്സിലാകുന്നതിനു മുന്‍പ് തന്നെ സ്ക്രീനില്‍ കാണിക്കാത്ത കഥാപാത്രങ്ങള്‍ ആണ്  കൊലയാളികള്‍ .

  35 ആം വിവാഹ വാര്‍ഷികം ആഘോഷിക്കാന്‍ വേണ്ടി മൂന്നു ആണ്‍ മക്കളെയും ഒരു മകളെയും ഡേവിസന്‍ ദമ്പതികള്‍ തങ്ങള്‍ പ്രൊഫഷനല്‍ ജീവിതം അവസാനിപ്പിച്ചുള്ള വീട്ടിലേക്കു ക്ഷണിക്കുന്നു.അന്ന് രാത്രി തങ്ങളുടെ മക്കള്‍ പിന്നെ അവരുടെ പങ്കാളികള്‍  എല്ലാരും കൂടി വര്‍ഷങ്ങള്‍ക്കു ശേഷം ഒത്തു ചേര്‍ന്നപ്പോള്‍ അവര്‍ക്ക് സന്തോഷം  ആയിരുന്നു മൊത്തത്തില്‍ ഉണ്ടായിരുന്നത്. ചിത്രത്തിന്‍റെ കഥ കൂടുതല്‍ ഒന്നും പറയുന്നില്ല. ആദ്യ ദുരിതം സംഭവിക്കുന്നത്‌.മരണം.അതാണ്‌ പിന്നെ മൊത്തം.ഞെട്ടാന്‍ റെഡി ആണെങ്കില്‍ കണ്ടോ.ശരിക്കും ഒരു അനുഭവം തന്നെയായിരുന്നു ഈ ചിത്രം.മനുഷ്യനെ പേടിപ്പിക്കാന്‍ ഉള്ളതൊക്കെ ഈ സിനിമയില്‍ ഉണ്ട്.പ്രേത സിനിമ കണ്ടാല്‍ പേടിക്കില്ല എന്ന് പറയുന്നവരെ ഒക്കെ ഒരു 10 ശതമാനം എങ്കിലും ഈ ചിത്രത്തിന് ഭയപ്പെടുത്താന്‍ കഴിയും എന്ന് വിശ്വസിക്കുന്നു.എന്തായാലും ഈ സിനിമയില്‍ പ്രേതം ഒന്നും ഇല്ല.അതിലും കൂടുതല്‍ ഭയം ഉണ്ടാക്കാന്‍ ചിലതിനൊക്കെ കഴിയും.

More movie suggestions @www.movieholicviews.blogspot.com

467.ME,MYSELF & IRENE(ENGLISH,2000)

467.ME,MYSELF & IRENE(ENGLISH,2000),|Comedy|,Dir:-Bobby Farrelly, Peter Farrelly,*ing:-Jim Carrey, Renée Zellweger, Anthony Anderson .

  ആളുകള്‍ പ്രശ്നങ്ങളെ നേരിടുന്ന രീതി പലതായിരിക്കും.ചിലര്‍ വൈകാരികമായ സമ്മര്‍ദം അനുഭവിക്കുകയും അതിന്‍റെ ഫലമായി പ്രതികരിക്കുകയും ചെയ്യും.അവര്‍ അങ്ങനെ അവരുടെ ദേഷ്യം,ദു:ഖം തുടങ്ങിയ വികാരങ്ങള്‍ക്ക് ഒരു പരിധി വരെ നിയന്ത്രണം കൊണ്ട് വരാന്‍ ശ്രമിക്കാറുണ്ട്.എന്നാല്‍ മറ്റൊരു കൂട്ടര്‍ ഉണ്ട്.എന്ത് സംഭവിച്ചാലും വളരെയധികം നോര്‍മല്‍ ആയി അതിനെ നേരിടുന്നവര്‍.പ്രശ്നങ്ങള്‍ ജീവിതത്തില്‍ ഉണ്ടാകുമ്പോഴും പുറത്ത് എപ്പോഴും അവര്‍ ഒന്നും സംഭവിച്ചില്ല എന്ന രീതിയില്‍ അവരുടെ ജിവിതം ജീവിച്ചു തീര്‍ക്കുന്നു.ഇതില്‍ രണ്ടാം ഗണത്തില്‍ ഉള്ള ആളാണ്‌ ചാര്‍ളി ബെയ്‌ലി ഗേറ്റ്സ്.അയാള്‍ റോഡ്‌ ഐലന്‍ഡ്‌ എന്ന അമേരിക്കയിലെ തന്നെ ഏറ്റവും ചെറിയ സംസ്ഥാനത്തിലെ പോലീസില്‍ ആണ് ജോലി ചെയ്യുന്നത്.

  ചാര്‍ളിയുടെ ജീവിത കഥ Narrator ((Rex Allen, Jr.) ആണ് അവതരിപ്പിക്കുന്നത്‌.പതിനെട്ടു വര്‍ഷങ്ങള്‍ക്കു മുന്‍പ് ആദ്യ വിവാഹം ചെയ്ത ചാര്‍ളിയുടെ ജീവിതത്തില്‍ പിന്നീട് സംഭവിച്ചത് ദുരന്തം ആയിരുന്നു.തമാശകളിലൂടെ അ ദുരിതം അവതരിപ്പിച്ചിരിക്കുന്നു ചിത്രത്തില്‍.പതിനെട്ടു വര്‍ഷങ്ങള്‍ക്കു ശേഷം ആദ്യ വിവാഹത്തില്‍ നിന്നും ലഭിച്ച സമ്മാനങ്ങളുമായി സന്തോഷമായി ജീവിക്കുന്ന ചാര്‍ളിയുടെ ജിവിതത്തില്‍ എന്നാല്‍ പുതിയ പ്രശ്നങ്ങള്‍ ഉണ്ടാകുന്നു.  Schizophrenia യുടെ    കൂടിയ  അവസ്ഥയില്‍ ഹാങ്ക് എന്ന ഒരു Split Personality അയാളില്‍ ഉടലെടുക്കുന്നു.അയാളുടെ പ്രതികരികരണ ശേഷി ഉള്ള ഭാഗം ആണ് ഹാങ്ക്.ഹാങ്ക് അപകടകാരി ആയിരുന്നു.

  സര്‍വീസില്‍ നിന്നും പോലും നീക്കം ചെയ്യപ്പെടും എന്ന അവസ്ഥയില്‍ അയാള്‍ക്ക്‌  പോലീസില്‍  നിന്നും താല്‍ക്കാലിക  അവധി നല്‍കുന്നു.ആ സമയം ആണ് ഐറിന്‍ എന്ന സ്ത്രീയെ പോലീസ് അറസ്റ്റ് ചെയ്യുന്നത്.ഇല്ലാത്ത കുറ്റങ്ങളുടെ പേരില്‍ അറസ്റ്റ് ചെയ്യപ്പെടുന്ന അവളുടെ ജീവന്‍ ആഗ്രഹിക്കുന്നവര്‍ ഉണ്ടായിരുന്നു.ചാര്‍ളിയെ പോലീസ് മേധാവികള്‍ ഐറീനെ റോഡ്‌ ഐലന്‍ഡില്‍ നിന്നും ന്യൂയോര്‍ക്കില്‍ എത്തിക്കാന്‍ ആവശ്യപ്പെടുന്നു.ചാര്‍ളിയും ഒപ്പം ഹങ്കും ഐരീന്റെ സംരക്ഷണം ഏറ്റെടുക്കുമ്പോള്‍ ഉണ്ടാകുന്ന രസകരമായ സംഭവങ്ങള്‍ ആണ് ബാക്കി ചിത്രം.പതിവ് ജിം കാരി ചിത്രങ്ങളിലെ പോലെ തന്നെ തമാശകളും മുഖ പേശികള്‍  കൊണ്ടുള്ള അഭിനയവും എല്ലാം നിറഞ്ഞ സിനിമ.ഒന്ന് റിലാക്സ് ചെയ്യാന്‍ വേണ്ടി കണ്ടു നോക്കാവുന്ന ചിത്രം ആണ് ഇത്.പ്രത്യേകിച്ചും ജിം കാരി സിനിമകളുടെ ആരാധകര്‍ക്ക്.

 More movie suggestions @www.movieholicviews.blogspot.com

466.ANTIBODIES(GERMAN,2005)

466.ANTIBODIES(GERMAN,2005),|Mystery|Thriller|,Dir:-Christian Alvart,*ing:- Norman Reedus, Christian von Aster, André Hennicke .

     സീരിയല്‍ കില്ലറുകള്‍ തങ്ങളുടെ അതെ പ്രവൃത്തിയില്‍ ഏര്‍പ്പെട്ടിരിക്കുന്നവരും ആയി പ്രകടനത്തില്‍ ഒരു Benchmark തീരുമാനിച്ചിട്ടുണ്ടാകുമോ?ദൈവ വിശ്വാസവും ബന്ധങ്ങളും തമ്മില്‍ കാര്യങ്ങളെ കുറിച്ച് ദീര്‍ഘമായി  വിവരണം നല്‍കിയിട്ടുള്ള മത ഗ്രന്ഥങ്ങള്‍ ശരിക്കും  മനുഷ്യ മനസ്സിനെ സ്വാധീനിക്കുന്നുണ്ടോ? ഒരു മനുഷ്യനെ ഏറ്റവും പെട്ടെന്ന്  കീഴ്പ്പെടുത്താന്‍ ആകുന്നതു എന്തിനാണ്?അതായത് ഒരാള്‍ക്ക്‌ മറ്റൊരാളെ തങ്ങളുടെ നിയന്ത്രണത്തില്‍ ആക്കാന്‍ എളുപ്പ വഴി?ഒരു സൈക്കോ ത്രില്ലര്‍ എന്ന നിലയിലും സസ്പന്‍സ്,ട്വിസ്റ്സ് എന്നിവയൊക്കെ മേല്‍പ്പറഞ്ഞ പ്രമേയത്തില്‍ അവതരിപ്പിക്കുന്ന ചിത്രം ആണ് Antibodies.


 ഒരു സീരിയല്‍ കില്ലര്‍ തന്‍റെ മനസിന്റെ വൈകല്യങ്ങളെ തൃപ്തിപ്പെടുത്താന്‍ ആയി നടത്തുന്ന കൊലപാതകങ്ങള്‍ കാരണം പോലീസിനു ആകെ മൊത്തം തലവേദന ആയി മാറുന്നു.ആരുടെയോ നിലവിളി ശബ്ദം കേട്ടാണ് ആ സ്ത്രീ പോലീസിനെ വിവരം അറിയിക്കുന്നത്.തങ്ങളുടെ മുകളിലത്തെ ഫ്ലാറ്റില്‍  എന്തോ ദുരൂഹമായി സംഭവിച്ചിരിക്കുന്നു എന്നവര്‍ മനസിലാക്കുന്നു.എന്നാല്‍ അവിടെ  പോലീസ് എത്തിയപ്പോള്‍ വീടിന്‍റെ വാതില്‍ തുറക്കാതെ അയാള്‍ അവരെ ആക്രമിക്കാന്‍ ആണ് ശ്രമിച്ചത്‌.ഒരാള്‍ കൊല്ലപ്പെടുകയും ചെയ്യുന്നു.ഗബ്രിയല്‍ എംഗല്‍-അതായിരുന്നു അയാളുടെ പേര്.പൂര്‍ണ നഗ്നനായ അയാള്‍ പിന്നീട് പോലീസിന്‍റെ പിടിയില്‍ ആകുന്നു.

   ഇതേ സമയം നഗരത്തില്‍ നിന്നും അങ്ങ് മാറിയുള്ള ഒരു കൊച്ചു ഗ്രാമത്തിലെ ഏക പോലീസുകാരന്‍ ആയിരുന്നു മൈക്കില്‍.അടുത്ത് നടന്ന ഒരു പെണ്‍ക്കുട്ടിയുടെ കൊലപാതകത്തിന് തുമ്പ് കിട്ടാത്തതില്‍ അയാള്‍ അസ്വസ്ഥന്‍ ആണ്.ആ കൊച്ചു ഗ്രാമത്തിലെ എല്ലാവരെയും അയാള്‍ സംശയിക്കുന്നു.പള്ളിയുടെ പൂര്‍ണ നിയന്ത്രണത്തില്‍ ഉള്ള ആ ഗ്രാമത്തില്‍ അങ്ങനെ ഒന്ന് സംഭവിക്കില്ല എന്ന് ജനങ്ങളും വിശ്വസിക്കുമ്പോള്‍ അയാള്‍ ഒറ്റപ്പെടുന്നു.ഇതേ സമയം പോലീസിന്‍റെ പിടിയില്‍ ആയ ഗബ്രിയല്‍ താന്‍ നടത്തിയ പതിന്നാലു കൊലപാതകങ്ങളെയും കുറിച്ച് പോലീസിനു തെളിവ് നല്‍കുന്നു.ഗ്രാമത്തില്‍ മരിച്ച പെണ്‍ക്കുട്ടിയുടെ ഉള്‍പ്പടെ.എന്നാല്‍ ഗബ്രിയല്‍ അത് വിശ്വസിക്കുന്നില്ല.അയാള്‍ നഗരത്തിലേക്ക് യാത്രയാകുന്നു.എന്നാല്‍ അവിടെ എത്തി ചേര്‍ന്ന അയാള്‍ ആ കേസിന്റെ അവിഭാജ്യ ഘടകം ആകുന്നു.കാരണം,ഗബ്രിയല്‍ അയാളോട് മാത്രമേ സംസാരിക്കാന്‍ തയ്യാര്‍ ആകുന്നുള്ളൂ.എന്തായിരുന്നു അതിനു കാരണം?ഗബ്രിയലിനു മൈക്കിളിനോട് എന്താണ് പറയാന്‍ ഉണ്ടായിരുന്നത്?കൂടുതല്‍ അറിയാന്‍ ചിത്രം കാണുക.മികച്ച സൈക്കോ ത്രില്ലറുകളുടെ ഗണത്തില്‍  ഉള്‍പ്പെടുത്താന്‍ കഴിയുന്ന ചിത്രം ആണ് Antibodies.പ്രത്യേകിച്ചും ക്ലൈമാക്സ് -ശരി ഏതു തെറ്റ് ഏതു എന്ന് കുഴങ്ങി പോകും പ്രേക്ഷകര്‍.

More movie suggestions @www.movieholicviews.blogspot.com

465.SESSION 9(ENGLISH,2001)

465.SESSION 9(ENGLISH,2001),|Mystery|,Dir:-Brad Anderson,*ing:-David Caruso, Stephen Gevedon, Paul Guilfoyle.

  പലപ്പോഴും  തോന്നിയിട്ടുണ്ട് രണ്ടു തരം പ്രേക്ഷകര്‍ ആണ് സിനിമയ്ക്ക് ഉള്ളതെന്ന്.ഒരു കൂട്ടര്‍ Entertainment എന്ന വാക്കിനെ ചിരി,കളി,തമാശ,പാട്ട് തുടങ്ങിയ ഘടകങ്ങളില്‍ ഒതുക്കി ഇട്ടതു പോലെ തോന്നിപ്പിക്കും.അവര്‍ ആഗ്രഹിക്കുന്നത് സിനിമ ഒരു റിലാക്സിംഗ് മീഡിയം ആയാണ്.അത് കൊണ്ട് തന്നെ സിനിമയുടെ മുഴുവന്‍ കഥയും സംവിധായകന്‍ പറഞ്ഞു തരണം.അല്ലെങ്കില്‍ അവര്‍ അത് അംഗീകരിക്കില്ല.ഒരു തരം സ്പൂണ്‍ ഫീഡിംഗ് പോലെ.  എന്നാല്‍ അടുത്ത  കൂട്ടര്‍ സിനിമകളെ കുറിച്ചും Entertainment എന്ന വാക്കിന് വേറെ അര്‍ത്ഥ തലം കൊടുത്തവര്‍ ആയിരിക്കും.സംവിധാകന്‍ ഒളിപ്പിച്ചുവെച്ച അല്ലെങ്കില്‍ ശൂന്യതയില്‍ നിന്നും ഒരു കഥ മനോധര്‍മം അനുസരിച്ചു മെനഞ്ഞെടുക്കാന്‍ തയ്യാര്‍ ആയവര്‍ ആകും.പറഞ്ഞു വരുന്നത് ഈ ചിത്രവും അങ്ങനെ ഒന്നാണ് അത്യാവശ്യം interpretation ആവശ്യം ആയ ഒന്ന്.

  പ്ലെയിന്‍ ആയ ഒരു കാഴ്ചപ്പാടില്‍ ഒരു സാധാരണ ഹൊറര്‍ ചിത്രം ആയി ഇതിനെ കാണാം.എന്നാല്‍ അല്‍പ്പം കൂടി ചികഞ്ഞാല്‍ ബുദ്ധിപരമായി മെനഞ്ഞെടുത്ത ഒരു സൈക്കോ  ത്രില്ലര്‍ ആയും കാണാം.എണ്‍പതുകളുടെ പകുതിയില്‍ അടച്ച Danvers State Hospital എന്ന ഹോസ്പ്പിറ്റലില്‍ ഗോര്‍ഡന്‍ ആസ്ബസ്റ്റോസ് മാട്ടനായുള്ള പണികള്‍ ഏറ്റെടുക്കുമ്പോള്‍ അയാളുടെ ആവശ്യം കുറച്ചു പണം മാത്രം ആയിരുന്നു.വര്‍ഷങ്ങള്‍ക്കു ശേഷം ഒരു കുട്ടിയുടെ അച്ഛനായ അയാള്‍ക്ക്‌ പണത്തിന്റെ ആവശ്യം വരുന്നത് സ്വാഭാവികം.മൂനാഴ്ച കൊണ്ട് ചെയ്യണ്ട ജോലി ഒരാഴ്ച കൊണ്ട് ചെയ്യാം എന്നയാള്‍ സമ്മതിക്കുന്നു.അങ്ങനെ ചെയ്‌താല്‍ പതിനായിരം ഡോളര്‍ ബോണസ് ലഭിക്കും എന്നുള്ള മെച്ചവും ഉണ്ട്.ഗോര്‍ഡന്റെ കമ്പനിയിലെ ജോലിക്കാരാണ് മൈക്ക് എന്ന പഴയക്കാല നിയമ വിദ്യാര്‍ഥി.അയാള്‍ക്ക്‌ ആശുപത്രിയുടെ കഥകള്‍ അത്യാവശ്യം അറിയാം.ഫില്‍,ഹാന്ക് എന്നിവരില്‍ ഫില്ലിന്റെ കാമുകിയെ ഹാന്ക് സ്വന്തമാക്കി.അതിന്‍റെ ശത്രുതയില്‍ ആണ് ഇരുവരും.ഗോര്‍ഡന്റെ ബന്ധുവായ ജെഫും അവരുടെ ഒപ്പം ഉണ്ട്.അവനു ഇരുട്ടിനെ ഭയം ആണ്.

   അവര്‍ പണി തുടങ്ങിയ സമയം ആണ് മൈക്ക് "എവിടെന്ചെ" എന്ന് രേഹപ്പെടുത്തിയ കുറച്ചു ടേപ്പുകള്‍ കാണുന്നത്.അയാള്‍ ആരും ഇല്ലാത്ത സമയം അത് കെട്ടു തുടങ്ങുന്നു.മേരി എന്ന സ്ത്രീയെ ഹിപ്നോട്ടിസം ചെയ്യുന്ന ഡോക്റ്റര്‍ രേഖപ്പെടുത്തിയതാണ് ആ റെക്കോര്‍ഡ്സ്.ഈ സമയം ,പണ്ട് കാലത്ത് വളരെയധികം അപകടകരമായ സംഭവങ്ങള്‍ക്ക് സാക്ധി ആകേണ്ടി വന്ന ആ പഴയ ആശുപത്രിയില്‍ അസാധാരണമായ സംഭവങ്ങള്‍ ആരംഭിച്ചു തുടങ്ങുന്നു.മനസ്സിന്റെ മനസ്സ് അവന്റെ തന്റെ ശത്രു ആയു തീരുന്ന അവസ്ഥകള്‍ ഉണ്ട്.അതിനെ ആളിക്കത്തിക്കാന്‍ ആവശ്യം ഉള്ളത് ചെറിയ അളവില്‍ ഉള്ള ഭയം,കോപം എന്നിവയാണ്.അവിടെ എന്താണ് സംഭവിച്ചത്?കൂടുതല്‍ അറിയാന്‍ ചിത്രം കാണുക.നേരത്തെ പറഞ്ഞത് പോലെ ചിത്രത്തെ എങ്ങനെ വേണമെങ്കിലും വ്യാഖ്യാനിക്കാം.ഒരു ഹൊറര്‍ ചിത്രം ആയോ  സൈക്കോ ത്രില്ലര്‍ അയോ..ചിത്രത്തിന്‍റെ അവസാന വരികള്‍ ശ്രദ്ധിക്കുക .

More movie suggestions @www.movieholicviews.blogspot.com

464.A COMPANY MAN(KOREAN,2012)

464.A COMPANY MAN(KOREAN,2012),|Action|Thriller|,Dir:-Sang-yoon Lim,*ing:-Ji-seob So, Mi-yeon Lee, Do Won Kwak.

    ആളുകളില്‍ ഭയം ഉണ്ടാക്കി  ചെറിയ തട്ടിപ്പുകള്‍ നടത്തുന്ന ഗുണ്ടകളുടെ സ്ഥാനം സിനിമകളിലെ നായകന്മാര്‍ക്ക് അത്തരം വേഷങ്ങള്‍ ഹീറോ പരിവേഷം നല്‍കിയപ്പോള്‍ പൈസയ്ക്ക് വേണ്ടി എന്തും  ചെയ്യാന്‍ മടിക്കാത്ത ആളുകളില്‍ നന്മ ഏതെങ്കിലും ഒരു മൂലയില്‍ കാണും എന്ന രീതിയില്‍ ആയി ചിത്രങ്ങള്‍.മോശക്കാരനും കൊലപാതകിയും ആയ നായകന്‍ പിന്നീട് നന്മ മരം ആകുന്നതു എത്രയോ സിനിമകളില്‍ കണ്ടിരിക്കുന്നു.എന്നാല്‍ കാലം മുന്നോട്ടു പോയതോടെ രാഷ്ട്രീയം,ബിസിനസ് എന്ന് വേണ്ട സകല മേഘലകളിലും മത്സരം ആരംഭിച്ചതോടെ പണ്ട് സമൂഹത്തിലെ കൊള്ളരുതാത്ത ആളുകള്‍ മാത്രം ചെയ്തിരുന്ന ജോലികള്‍ "പ്രൊഫഷണല്‍" ആയി മാറി.കൊട്ടേഷന്‍ സംഘങ്ങള്‍ പല രൂപത്തില്‍ നമ്മുടെ ഇടയില്‍ തന്നെ കണ്ടിരിക്കുന്നു.സി സി പിടിക്കാന്‍ വരുന്ന ടൈ അണിഞ്ഞ എക്സിക്യൂട്ടീവ് ഒക്കെ ഉദാഹരണം.

  ഇത്തരത്തില്‍ ഉള്ള ഒരു കഥാപാത്രം ആണ് ഈ ചിത്രത്തിലെ നായകന്‍ ആയ ഹയെംഗ് ഡോ.അയാള്‍ മറ്റുള്ള ആളുകളുടെ മുന്നില്‍ ഒരു ഇരുമ്പ് നിര്‍മാണ  കമ്പനിയിലെ ഉദ്യോഗസ്ഥന്‍ ആണ്.എന്നാല്‍ ആ കമ്പനിയുടെ മറവില്‍ നടക്കുന്നത് ഒന്നാന്തരം ഗുണ്ടാ പണി ആണ്.പൊതുജനതിന്റെയും പോലീസിന്റെയും മുന്നില്‍ ഒരു മറ സൃഷ്ടിക്കുന്നു അവര്‍.അവര്‍ തങ്ങള്‍ കമ്പനിക്കു വേണ്ടി ജോലി ചെയ്യുന്നു എന്നാണു പുറത്തു പറയുന്നത്.അത് പോലെ തന്നെ ഒരു സാധാരണ കമ്പനിയിലെ റിസപ്ഷനിസ്റ്റ് മുതല്‍ ചെയര്‍മാന്‍ വരെ ഉള്ള തസ്തികകളും പ്രൊമോഷനും എല്ലാം ഉള്ള ഘടന ആണ് അവര്‍ക്കുള്ളത്.ചിത്രത്തിന്‍റെ ആരംഭം ഹ്യുന്‍-യി എന്ന പുതിയ ജോലിക്കാരന്‍ നടത്തുന്ന ഓപറേഷന്‍ ആണ് അവതരിപ്പിക്കുന്നത്‌.അവന്‍ ആ ഓപറേഷന്‍ മികച്ച രീതിയില്‍ തന്നെ തീര്‍ക്കുന്നു.എന്നാല്‍ താല്‍ക്കാലിക ജീവനക്കാരന്‍ ആയാണ് അവനെ അവിടെ എടുത്തിരുന്നത് കൊണ്ട് അവനെ നിയന്ത്രിച്ച ഹയെംഗ് ഡോ അപായപ്പെടുത്തുന്നു.എന്നാല്‍ താന്‍ മരണത്തിനു കീഴടങ്ങാന്‍ പോവുകയാണെന്ന് മനസ്സിലായ ഹ്യൂന്‍ യി ,ഹയെംഗ് ഡോയോട് ഒരു കാര്യം  ആവശ്യപ്പെടുന്നു.

     തങ്ങളുടെ ജോലിയില്‍ എന്തെങ്കിലും ചതി ചെയ്യുക എന്നത് മരണത്തിനു തുല്യം ആണെന്ന് കരുതുന്ന ഒരു കൂട്ടം മനുഷ്യര്‍.ഹയെംഗ് ഡോ എന്ന സമര്‍ത്ഥന്‍ ആയ അവരുടെ ഉദ്യോഗസ്ഥന്‍ ഒപ്പം ഉണ്ടായിരുന്ന ഒരാളെ ഇതേ കാരണത്താല്‍ വധിക്കാന്‍ ആയി മുകളില്‍ നിന്നും ഉത്തരവ് ലഭിക്കുന്നു.എന്നാല്‍ ഹയെംഗ് ഡോ മാറാന്‍ ശ്രമിക്കുകയായിരുന്നു.എന്തായിരുന്നു അതിനു കാരണം?കൂടുതല്‍ അറിയാന്‍ ചിത്രം കാണുക.ഒപ്പം അയാളുടെ മാറ്റങ്ങള്‍ മൂലം ഉണ്ടാകുന്ന അനന്തരഫലങ്ങളും.പിന്നെ വിശ്വരൂപം ചിത്രത്തിലെ ഗംഭീരമായ ആ ഫൈറ്റിന്റെ ഒരു മിനിയേച്ചര്‍ ഈ ചിത്രത്തില്‍ ഉള്ളതായിരുന്നു.അത്ര ഡീറ്റെയില്‍ ചെയ്തില്ലെങ്കിലും പെട്ടന്ന് ഓര്‍മ വന്നത് വിശ്വരൂപം ചിത്രം ആണ്.അത്യാവശ്യം നല്ല സംഘട്ടന രംഗങ്ങള്‍ ഒക്കെ  ഉള്ള ചിത്രം ആണ് A Company Man.കൊറിയന്‍ ത്രില്ലര്‍ ചിത്രങ്ങളുടെ ആരാധകര്‍ക്ക് കണ്ടു നോക്കാവുന്ന ഒരു ചിത്രം ആണിത്.

More movieholicviews.blogspot.com

463.BROKEN(KOREAN,2014)

463.BROKEN(KOREAN,2014),|Crime|Mystery|Thriller|,Dir:-Jeong-ho Lee,*ing:-Jae-yeong Jeong, Sung-min Lee, Jun-Yeong Seo.

  ജാപ്പനീസ്  എഴുത്തുകാരന്‍ ആയ കീഗോ ഹിഗോഷിമയുടെ Samayou Yaiba എന്ന നോവലിനെ ആസ്പദം ആക്കിയാണ് Broken നിര്‍മിച്ചിരിക്കുന്നത്.നോവലിന്റെ അതേ പേരില്‍ ഉള്ള ജാപ്പനീസ് ചിത്രം 2009 ല്‍ റിലീസ് ആയിരുന്നു.White Night,Perfect Number എന്നീ ചിത്രങ്ങള്‍ക്ക് ശേഷം കീഗോ ഹിഗോഷിമയുടെ മൂന്നാമത്തെ നോവല്‍ ആണ്  ദക്ഷിണ കൊറിയന്‍ ചിത്രത്തിന് കഥ ആയി മാറുന്നത്.ക്രൈം/ത്രില്ലര്‍/മിസ്റ്ററി  വിഭാഗത്തില്‍ ഉള്‍പ്പെട്ട കഥകള്‍ ഒരുക്കുന്നതില്‍ കീഗോ  ഹിഗോഷിമയുടെ കഴിവ് അപാരമാണ്.ശരിക്കും ജാപ്പനീസ് ചിത്രങ്ങളുടെ മെല്ലെപ്പോക്ക് പിന്നീട് കഥാപാത്രങ്ങളുടെ വൈകാരികമായ ഭാഗത്തിന് പ്രാധാന്യം കൊടുക്കുന്നു.കൊറിയന്‍ സിനിമയില്‍ ആ രീതി അവലംബിക്കുമ്പോള്‍ പൊതുവേ ഉള്ള കൊറിയന്‍ സിനിമകളുടെ ഇരുണ്ട പശ്ചാത്തലം കുറച്ചു കൂടി ഇരുളുന്നതായി കാണാം.അത് കളര്‍ ടോണ്‍ നല്‍കുന്ന ഇരുളിച്ച അല്ല.പകരം പ്രമേയപരമായി ഉള്ള മാറ്റം ആണ്.

     Broken എന്ന ചിത്രവും അതില്‍ നിന്നും വ്യത്യസ്തം അല്ല.ഒരു ഫാക്റ്ററിയില്‍ ആണ് സാംഗ് ഹ്യൂന്‍ ജോലി ചെയ്യുന്നത്.സ്വതവേ ശാന്തശീലന്‍ ആയ അയാള്‍ക്ക്‌ ആകെ ബന്ധുവായി ഉണ്ടായിരുന്നത് സ്വന്തം മകള്‍ മാത്രം ആയിരുന്നു.അതായിരുന്നു അയാളുടെ ലോകം.എന്നാല്‍ ഒരു ദിവസം കുറേ ഏറെ ജോലികള്‍ തീര്‍ക്കാന്‍ ഉണ്ടായിരുന്ന സാംഗ് ഹ്യൂന്‍ ജോലി കഴിഞ്ഞെത്തിയപ്പോള്‍ താമസിച്ചു.മകള്‍ വീട്ടില്‍ ഉണ്ടെന്ന ആശ്വാസത്തില്‍ കയറിയ സാംഗ് ഹ്യൂന്‍ മകളെ അവിടെ കാണാനില്ല എന്ന് മനസ്സിലാക്കുന്നു.മകള്‍ ഏതെങ്കിലും  കൂട്ടുകാരുടെ അടുക്കല്‍ ഉണ്ടാകും എന്നയാള്‍ വിശ്വസിക്കുന്നു. എന്നാല്‍ പിറ്റേ ദിവസം  പോലീസ് ഒരു മൃത ശരീരം കണ്ടെത്തുന്നു.മയക്കുമരുന്ന് കുത്തി വച്ചതിനു ശേഷം ലൈംഗികമായി പീഡിപ്പിക്കപ്പെട്ട പെണ്‍ക്കുട്ടിയുടെ ശവശരീരം ആണ് അവര്‍ക്ക് ലഭിച്ചത്.പിന്നീട് അവര്‍ സാംഗ് ഹ്യൂനെ ആ ശവ ശരീരം തിരിച്ചറിയാന്‍ വിളിക്കുന്നു.തന്റെ മകള്‍ മരിച്ചില്ല എന്ന് വിശ്വസിക്കുന്ന അയാള്‍ ആദ്യം അതിനു തയ്യാറാകുന്നില്ല.എന്നാല്‍ പിന്നീട്  ശവ ശരീരം സ്വന്തം മകളുടെ ആണെന്നുള്ള അറിവ് അയാളെ തകര്‍ക്കുന്നു.

 പ്രായം കുറഞ്ഞ ഒരു ചെറുപ്പക്കാരന്‍ ഗെയിം സി ഡിക്ക് വേണ്ടി സുഹൃത്തിനെ വധിച്ച കേസില്‍ അറസ്റ്റില്‍ ആയപ്പോള്‍ അവനെ ഉപദ്രവിച്ചതിന് അന്വേഷണം നേടുന്ന സീനിയര്‍ പോലീസ് ഉദ്യോഗസ്ഥന്‍ ആയ എയോക്-ഗ്വാന്‍ ആണ് അന്വേഷണ ചുമതല.കുറ്റം ഏതു പ്രായത്തില്‍ ചെയ്താലും ശിക്ഷ അനുഭവിക്കണം എന്നതായിരുന്നു അയാളുടെ അഭിപ്രായം.ഈ സമയം സാംഗ് ഹ്യൂന്‍ സ്വന്തമായ രീതിയില്‍ മകളുടെ ഘാതകരെ അന്വേഷിച്ച് ഇറങ്ങുന്നു.അയാള്‍ ആ അന്വേഷണത്തിന്റെ ഒടുവില്‍ എത്തി ചേര്‍ന്നത്‌ ഒരു സ്ക്കൂള്‍ വിദ്യാര്‍ഥിയുടെ വീട്ടില്‍ ആണ്.അയാള്‍ അവിടെ കണ്ട കാഴ്ച ശരിക്കും ഒരു പിതാവിനെ തകര്‍ക്കാന്‍ പോകുന്നതായിരുന്നു.എന്താണ് സാംഗ് ഹ്യൂന്‍ അവിടെ കണ്ടത്?കൂടുതല്‍ അറിയാന്‍ ചിത്രം കാണുക.പ്രായം കുറഞ്ഞ കുറ്റവാളികള്‍ എന്ത് കുറ്റം ചെയ്താലും  നിയമ വ്യവസ്ഥ നല്‍കുന്ന അനുകമ്പ  അനുസരിച്ച് പെട്ടന്ന് സ്വതന്ത്രര്‍ ആയി ജീവിക്കും എന്നുള്ളതിന് എതിരെ മനസ്സ് കൊണ്ട് പ്രതികരിക്കാന്‍ ശ്രമിക്കുന്ന പോലീസും തങ്ങളുടെ ഉറ്റവരെ നഷ്ടം ആയ ആളുകളുടെയും ജീവിതം ആണ് ഈ ചിത്രം അവതരിപ്പിക്കുന്നത്‌.

More movie suggestions @www.movieholicviews.blogspot.com

462.BLACK HOUSE(KOREAN,2007)

462.BLACK HOUSE(KOREAN,2007),|Mystery|Thriller|,Dir:-Terra Shin,*ing:- Su-han Choi, Jeong-min Hwang, In-gi Jeong.

  എന്താണ്  Psychopath,Psycho എന്നിവര്‍  തമ്മില്‍  ഉള്ള വ്യത്യാസം?രണ്ടു  കൂട്ടരും  സമൂഹത്തിനു അപകടകാരികള്‍ ആണ്.എന്നാല്‍ ഏറ്റവും അപകടകാരി ആരാണെന്ന് ചോദിച്ചാല്‍ ഉള്ള ഉത്തരം Psychopath എന്നാണ്.ചികിത്സ അധികം ഫലിക്കാത്ത  ഇവരെ സമൂഹത്തില്‍ നിന്നും മാറ്റി നിര്‍ത്തേണ്ട അത്ര ക്രൂരത ഉള്ളവരായിരിക്കും.കാരണം അവര്‍ക്ക് ഹൃദയം എന്നൊന്നില്ല.മറ്റൊരാളെ അപകടപ്പെടുത്തുമ്പോള്‍ അവര്‍ ഒരിക്കലും അയാളെ കുറിച്ച് പശ്ചാത്തപിക്കുകയോ ചെയ്യാറില്ല.മാത്രമല്ല Psycho യില്‍  നിന്നും വ്യത്യസ്തമായി അവര്‍ ചെയ്യുന്ന  കാര്യങ്ങള്‍ അവരുടെ മനസ്സിന്‍റെ അറിവോടെ ആയിരിക്കും.അവര്‍ ചെയ്യുന്നത് ക്രൂരത എന്താണെന്ന്  അവര്‍ക്ക് വ്യക്തമായ ബോധം ഉണ്ടായിരിക്കും.ഈ ഒരു പ്രമേയം ആണ് കൊറിയന്‍ സൈക്കോ ത്രില്ലര്‍ ചിത്രം ആയ Black House ല്‍ അവതരിപ്പിച്ചിരിക്കുന്നത്.

   യുസുകെ കിഷി എഴുതിയ ജാപ്പനീസ് നോവലിനെ ആസ്പദം  ആക്കിയാണ് ഈ ചിത്രത്തിന്‍റെ കഥ എഴുതപ്പെട്ടിട്ടുള്ളത്.ജുന്‍ -ഹോ ഒരു ഇന്ഷുറന്സ് കമ്പനിയില്‍ അവിടെ പോളിസികളുടെ മേല്‍ നഷ്ട പരിഹാരം കൊടുക്കുന്നത് വിലയിരുത്തുന്ന ജോലി ആണ് ജുന്‍-ഹോയ്ക്ക്  ഉള്ളത്.ഇന്ഷുറന്സ് കമ്പനിയില്‍ ആണ് ജോലി ചെയ്യുന്നതെങ്കിലും നല്ലൊരു മനസ്സിന് ഉടമയായിരുന്നു അയാള്‍.ഒരു ദിവസം അയാള്‍ക്ക്‌ ഒരു ഫോണ്‍ കോള്‍ വന്നു.മറുതലയ്ക്കല്‍ ഉള്ള ആള്‍ ചോദിച്ചത് ഇതായിരുന്നു "ആത്മഹത്യ ചെയ്ത ഒരാളുടെ കുടുംബത്തിനു അയാളുടെ പേരില്‍ ഇന്ഷുറന്സ് കിട്ടുമോ എന്ന് ".ആത്മഹത്യ ചെയ്ത ആള്‍ക്ക് ഇന്ഷുറന്സ് പണം അയാളുടെ കുടുംബത്തിനു കിട്ടാന്‍ ഉള്ള നിബന്ധനകള്‍ അയാള്‍ പറയുന്നു.ഒപ്പം ഒരു തെറ്റും അയാള്‍ ചെയ്യുന്നു.ഒരിക്കലും തങ്ങളുടെ പേര് ഫോണിലൂടെ ക്ലൈന്റിനു  പറഞ്ഞു കൊടുക്കരുത് എന്നുള്ളതായിരുന്നു അത്.അല്‍പ്പ ദിവസങ്ങള്‍ക്കു ശേഷം ഒരു ക്ലൈന്റ് ജൂന്‍-ഹോ തന്നെ അയാളുടെ ഇന്ഷുറന്സ് പോളിസി കൈകാര്യം ചെയ്യണം എന്ന്  ആവശ്യപ്പെട്ട പ്രകാരം അയാളുടെ വീട്ടില്‍ പോകുന്നു.

  സാധാരണയില്‍ നിന്നും വ്യത്യസ്തമായ പെരുമാറ്റം പ്രകടിപ്പിച്ച അയാള്‍ തന്റെ മകനെ അതിഥി വന്നിടുണ്ട് എന്നും പറഞ്ഞു വിളിക്കുന്നു.എന്നാല്‍ അവന്‍ റൂമില്‍ നിന്നും വരാതെ ആയപ്പോള്‍ അവിടെ പോയി നോക്കാന്‍ ആവശ്യപ്പെടുന്നു ജൂന്‍ -ഹോയോട്.അവിടെ കണ്ട കാഴ്ച അയാളെ നടുക്കി കളഞ്ഞു.ജൂന്‍-ഹോയെ തേടി ഇരിക്കുന്നത് ഭയാനകമായ കുറെ കാര്യങ്ങള്‍ ആയിരുന്നു ഇനി മുതല്‍.അത് എന്താണെന്ന് അറിയാന്‍ ചിത്രം കാണുക.അപ്രതീക്ഷിതമായ ഒരു ട്വിസ്റ്റ് പിന്നീട് വരുന്നതോടു കൂടി ചിത്രം നല്ലൊരു സൈക്കോ ത്രില്ലര്‍ ആയി മാറുന്നു.കൊറിയന്‍ ചിത്രങ്ങളുടെ ആരാധകര്‍ക്ക് തീര്‍ച്ചയായും ഈ ചിത്രം ഇഷ്ടം ആകും എന്ന് കരുതുന്നു.

More movie suggestions @www.movieholicviews.blogspot.com

461.SECRETLY,GREATLY(KOREAN,2013)

461.SECRETLY,GREATLY(KOREAN,2013),|Comedy|Action|,Dir:-Chul-soo Jang,*ing:-Park Hye-Sook, Park Ki-Woong, Soo Hyun Kim.

  ദക്ഷിണ കൊറിയയില്‍ ഇറങ്ങുന്ന മിസ്റ്ററി/ത്രില്ലര്‍  ചിത്രങ്ങള്‍ അധികം ബോക്സോഫീസ് ചലനങ്ങള്‍ ഉണ്ടാക്കാറില്ല  അവിടെ.അവിടെ സിനിമ പ്രേക്ഷകരില്‍ ഒരു വലിയ വിഭാഗം  ടീനേജ് പ്രായത്തില്‍ ഉള്ളവരാണ്.കൊറിയന്‍  ROM-COM ചിത്രങ്ങള്‍ അത് കൊണ്ട് തന്നെ ബിസിനസ് എന്ന രീതിയില്‍ കൊറിയയില്‍ ലാഭം ആണ്.അത്തരം സിനിമകള്‍ അവര്‍ക്ക് ഒരു പിടി ചോക്ലേറ്റ് നായകന്മാരെയും നല്‍കിയിട്ടുണ്ട്.Secretly,Greatly എന്ന ഈ ചിത്രം കൊറിയയിലെ തന്നെ ഏറ്റവും വലിയ പണം വാരി  ചിത്രങ്ങളില്‍ ഒന്നാണ്.പ്രത്യേകിച്ചും ആദ്യ ദിന കളക്ഷന്‍  റെക്കോര്‍ഡില്‍ ഈ ചിത്രം ഉണ്ട് .അത് പോലെ തന്നെ കോടികളുടെ മണിക്കിലുക്കം പെട്ടന്ന് തികച്ച ചിത്രം എന്ന ഖ്യാതിയും.എല്ലാ രാജ്യത്തും ഇത് തന്നെയാണ് സിനിമയുടെ അവസ്ഥ എന്ന് തോന്നുന്നു.Entertainer എന്നതിന് ഭൂരി ഭാഗം വരുന്ന പ്രേക്ഷകര്‍ കൊടുത്തത് ഒരേ നിര്‍വചനം ആണെന്ന് തോന്നുന്നു.

   എന്നാല്‍ Secretly,Greatly സ്ഥിരം ടീനേജ് ചിത്രങ്ങളില്‍ നിന്നും അല്‍പ്പം വ്യത്യസ്തം ആണ്.പ്രത്യേകിച്ചും നായക കഥാപാത്രങ്ങള്‍ അവതരിപ്പിക്കുന്ന വേഷം ശത്രു രാജ്യമായ ഉത്തര കൊറിയയുടെ സ്ലീപ്പര്‍ സെല്‍ പോലെ ഉള്ള ചാരന്മാരായാണ്.അതിനായി അവര്‍ ദക്ഷിണ കൊറിയയിലെ ഒരു ചെറിയ ഗ്രാമത്തില്‍ വ്യത്യസ്ത വേഷങ്ങളില്‍ ,പേരുകളില്‍ ജീവിക്കുന്നു.അവര്‍ അധികം ദിവസം കഴിയുന്നതിനു മുന്‍പ് തന്നെ അവിടത്തെ ജന ജീവിതത്തിന്റെ ഭാഗം ആയി തീരുന്നു.ബാംഗ് ദോംഗ് ഗൂ എന്ന മണ്ടന്‍ ആയി ഒരാള്‍,കിം സുന്‍ എന്ന ഗായകന്‍ ആയി ഒരാള്‍ പിന്നെ ഹേ ജിന്‍ എന്ന വിദ്യാര്‍ഥി ആയി മറ്റൊരാള്‍.അവരുടെ ജിവിതം രസകരമായി പോകുമ്പോള്‍ ആണ് അവര്‍ക്ക് ദുരന്തം ആയി ആ വാര്‍ത്ത വന്നത്.രാജ്യ സ്നേഹം നടപ്പിലാക്കണോ അതോ തങ്ങളുടെ ജീവിതത്തോട് നീതി കാട്ടണോ എന്ന സംശയത്തില്‍  ആകുന്നു അവര്‍.

  സൌഹൃദങ്ങള്‍,ആക്ഷന്‍,ഇത്തരത്തില്‍ ഒരു ചിത്രത്തില്‍ സംഭവിക്കാന്‍ സാധ്യത ഇല്ലാത്ത ക്ലൈമാക്സ് കൂടി  ആയപ്പോള്‍ ചിത്രം മികച്ചതായി മാറി.കൊമേര്‍ഷ്യല്‍ ചിത്രങ്ങളുടെ എല്ലാ ചേരുവക ഉണ്ടെങ്കിലും ഒരു രസം ഒക്കെ ഉണ്ട് ഈ ചിത്രം കാണുമ്പോള്‍.അവരുടെ അവസാന ഓര്‍ഡര്‍ പിതൃരാജ്യം നല്‍കുമ്പോള്‍ അവരുടെ ജീവിതത്തില്‍ എന്തൊക്കെ സംഭവിക്കുന്നു എന്നാണു ചിത്രം അവതരിപ്പിക്കുന്നത്‌.Covertness എന്ന Webtoon നെ ആസ്പദം  ആക്കി ആണ് ഈ ചിത്രം നിര്‍മിച്ചിരിക്കുന്നത്.

  More movie suggestions @www.movieholicviews.blogspot.com

460.AIRPLANE II:THE SEQUEL(ENGLISH,1982)

460.AIRPLANE II:THE SEQUEL(ENGLISH,1982),|Comedy|,Dir:-Ken Finkleman,*ing:-Robert Hays, Julie Hagerty, Lloyd Bridges.

  Airplane II:The Sequel ആദ്യ ഭാഗം റിലീസ് ആയതിനു രണ്ടു വര്‍ഷം ശേഷം റിലീസ് ആയി.ആദ്യ ഭാഗത്തിലെ സംവിധായക ത്രയം ഈ ചിത്രത്തില്‍ ഉണ്ടായിരുന്നില്ല.പകരം രണ്ടാം ഭാഗത്തിന് പുതിയ സംവിധായകന്‍ ആയിരുന്നു.ആദ്യ ഭാഗത്തിലെ കഥാപാത്രങ്ങള്‍ അവരുടെ വേഷങ്ങള്‍ നിലനിര്‍ത്തുകയും ചെയ്തു.ഇത്തവണ ഒരു സാധാരണ ഫ്ലൈറ്റിന്‍റെ യാത്രയില്‍ നിന്നും മാറി യാത്ര ചന്ദ്രനിലേക്ക് ആണ്.ചിത്രത്തിന്‍റെ തുടക്കം Star Wars മോഡലില്‍ എന്തോ കഥ പറഞ്ഞു തുടങ്ങുന്ന ചിത്രം ഭാവിയില്‍ സംഭവിക്കാന്‍ സാധ്യത ഉള്ള ടെക്നോളജിയുടെ കുതിച്ചു ചാട്ടത്തില്‍ നടക്കുന്ന സംഭവം ആയാണ്  അവതരിപ്പിക്കുന്നത്‌.

  പതിവ് പോലെ യാത്രക്കാര്‍ എയര്‍പ്പോര്‍ട്ടില്‍ കയറുന്ന സ്ഥലം മുതല്‍ ഇവിടെയും തമാശകള്‍ ആരംഭിക്കുന്നു.സുരക്ഷ പരിശോധനകള്‍ മുതല്‍ അന്നത്തെ അന്താരാഷ്‌ട്ര മാധ്യമ  രംഗം ,മതങ്ങള്‍ എല്ലാം ഇത്തവണയും വിഷയം ആകുന്നുണ്ട് അവിടെ.ഒപ്പം അന്ന് വന്‍ തോതില്‍ ആയുധ വില്‍പ്പന നടത്തിയിരുന്ന അമേരിക്കയുടെ നിലപാടിനെ ഒക്കെ ഹാസ്യാത്മകമായി വിമര്‍ശിക്കുന്നുണ്ട്.അതി വേഗത്തില്‍ എയര്‍പ്പോര്‍ട്ടില്‍ കയറാന്‍ ശ്രമിച്ച സ്ത്രീയെ പിടിച്ചു പരിശോധിക്കുന്നതും.മിസൈല്‍ ആയി പോകുന്ന തീവ്രവാദികളുടെ നേരെ കണ്ണടയ്ക്കുന്ന സമീപനം ഒക്കെ അന്നത്തെ സമൂഹത്തില്‍ പ്രസക്തം ആയിരുന്നു.

  ഇത്തവണ ടെഡ് സ്ട്രൈക്കര്‍ മാനസികാരോഗ്യ കേന്ദ്രത്തില്‍ ആണ്.ചന്ദ്രനിലേക്ക് യാത്ര ചെയ്യുന്ന ഫ്ലൈറ്റിന്‍റെ വയറിംഗ് ശരി അല്ല എന്ന് പറഞ്ഞതിന് കോടതി നേരിട്ട് ടെഡ് സ്ട്രൈക്കറെ മാനസികാരോഗ്യ കേന്ദ്രത്തില്‍ ആക്കുകയായിരുന്നു.എലൈന്‍ പുതിയ ആളെ കണ്ടെത്തി കഴിഞ്ഞു.ആദ്യ തവണ അവിചാരിതമായി ഹീറോ ആകേണ്ടി വന്ന ടെഡ് ഇത്തവണ ആശുപത്രിയില്‍ നിന്നും രക്ഷപ്പെട്ട് ആ ഫ്ലൈറ്റില്‍ കരിഞ്ചന്തയില്‍ ടിക്കറ്റ് എടുത്തു കയറുന്നു.ക്ലിന്റ് ഈസ്റ്റ്‌വുഡ്നെ അനുസ്മരിപ്പിച്ച ദി സാര്‍ജ് എന്ന കഥാപാത്രം ഒക്കെ രസികനായിരുന്നു.ചിത്രം ആദ്യ ഭാഗത്തിന്റെ അത്ര നിരൂപക പ്രശംസ പിടിച്ചു പറ്റിയില്ല അന്ന്.എങ്കില്‍ കൂടി മോശം ആക്കിയതായി തോന്നിയില്ല.ആദ്യ ഭാഗത്തിലെ പോലെ സ്ലാപ് സ്ടിക് കോമഡി /സ്പൂഫ് റൂട്ടില്‍ തന്നെ ആണ് ചിത്രം മുന്നേറിയത്.ആദ്യ ഭാഗം കണ്ടവര്‍ക്ക് മുഷിയാതെ കണ്ടിരിക്കാം ഈ ഭാഗം.

More movie suggestions @www.movieholicviews.blogspot.com

459.AIRPLANE!(ENGLISH,1980)

459.AIRPLANE!(ENGLISH,1980),|Comedy|,Dir:-Jim Abrahams, David Zucker,Jerry Zucker,*ing:-Robert Hays, Julie Hagerty, Leslie Nielsen .

  Airplane!-വളരെ അധികം ഭ്രാന്തമായ ആശയങ്ങള്‍ നിറഞ്ഞ ചിത്രം ആണ്.എണ്‍പതുകളില്‍ ഉള്ള ലോക രാഷ്ട്രീയം മുതല്‍ എല്ലാത്തിനെയും ശരിക്കും പരിഹസിച്ചു വിടുന്ന കോമഡി/സറ്റയര്‍ ചിത്രം ആണ് .Zero Hour!,Airport 1975 തുടങ്ങിയ disaster ജോനറില്‍ ഉള്ള ചിത്രങ്ങളുടെ സ്പൂഫ് കോമഡി അവതരണം ആണ് ഈ ചിത്രം.പല രീതിയില്‍ ഉള്ള മനുഷ്യര്‍.അവരില്‍ നിന്നും ആണ് ചിത്രം ആരംഭിക്കുന്നത്.ലോസ് ആഞ്ചല്‍സിലെ ആ വിമാന താവളത്തില്‍ പല തരം ആളുകളെയും കാണാന്‍ സാധിക്കും.എയര്‍പ്പോര്‍ട്ടിന്റെ അടുത്തുള്ള റോഡില്‍ വണ്ടികള്‍ പാര്‍ക്ക് ചെയ്യുന്നതിനെ കുറിച്ച് നിര്‍ദേശം കൊടുക്കുന്ന Announcer ല്‍  തുടങ്ങുന്നു ചിത്രത്തിലെ തമാശകള്‍.

  അതിന്‍റെ ഇടയ്ക്ക് മത കാര്യങ്ങള്‍ ,അന്താരാഷ്‌ട്ര വിഷയങ്ങള്‍ എല്ലാം അവിടെ ചര്‍ച്ച വിഷയം ആകുന്നു.ഇനി കഥയിലേക്ക് പോവുകയാണെങ്കില്‍ പ്രത്യേകിച്ച് വലിച്ചു നീട്ടുന്ന ഒന്നും ഇല്ല.സ്ഥിരം ഹോളിവുഡ് disaster ചിത്രത്തില്‍ ഉള്ളത് പോലെ എല്ലാവരാലും അവഗണിക്കപ്പെടുന്ന ഭൂതക്കാലത്തിലെ ഓര്‍മ്മകള്‍ വേട്ടയാടുന്ന നായക കഥാപാത്രം.യുദ്ധ സമയത്ത് ഉണ്ടായ അപകടം കാരണം ജീവിതത്തില്‍ ആകെ പ്രശ്നങ്ങള്‍ വന്ന ടെഡ് സ്ട്രൈക്കര്‍ ആണ് ഇവിടെ ഹീറോ.കാമുകിയും എയര്‍ ഹോസ്റ്റസ്സും ആയ എലൈന്‍ ,സ്ട്രൈക്കറെ ഉപേക്ഷിച്ചു പോകുന്നു.പ്രശ്നങ്ങള്‍ പറഞ്ഞു തീര്‍ത്തു പുതിയ ജീവിതം തുടങ്ങാന്‍ ആയി ഇപ്പോള്‍ ടാക്സി ഡ്രൈവര്‍ ആയി ജോലി ചെയ്യുന്ന ടെഡ് തീരുമാനിക്കുന്നു.അയാളുടെ എയര്‍പ്പോര്‍ട്ടില്‍ വരുന്ന രംഗങ്ങള്‍ പോലും തമാശ ആയിരുന്നു.

 ഫ്ലൈറ്റില്‍ കയറിപ്പറ്റിയ ടെഡ് തന്റെ പ്രണയ ,യുദ്ധ കഥകള്‍ പറഞ്ഞു  വെറുപ്പിക്കല്‍ തുടങ്ങുമ്പോള്‍ മറ്റു യാത്രക്കാരും കോക്ക്പ്പിറ്റില്‍ ഉള്ളവര്‍ അവരുടെ തമാശകളും തുടങ്ങുന്നു.സ്വാഭാവികമായി അവതരിപ്പിക്കുന്ന തമാശകളില്‍ സ്ലാപ്സ്റ്റിക് കൊമാടികള്‍,വാക്കുകളില്‍ കണ്ഫ്യൂഷന്‍ ഉണ്ടാക്കി ജനിക്കുന്ന തമാശകള്‍ മുതല്‍ എല്ലാം ഉണ്ട്.ലോകത്തിലെ ഏറ്റവും മികച്ച തമാശ ചിത്രങ്ങളില്‍ സ്ഥാനം പിടിച്ച ഈ ചിത്രം പിന്നീട് 2010 ല്‍ സംരക്ഷിക്കപ്പെടേണ്ട ചിത്രങ്ങളുടെ പട്ടികയില്‍ ഉള്‍പ്പെടുത്തി പ്രിന്റ്‌ സൂക്ഷിക്കാന്‍ Library of Congress തീരുമാനിച്ചിരുന്നു.ഈ ചിത്രം മിസ്‌ ആയാല്‍ നഷ്ടം ആകുന്നതു കള്‍ട്ട്/ക്ലാസിക്/കോമഡി ചിത്രം ആകും.

More movie suggestions @www.movieholicviews.blogspot.com

458.BEDEVILLED(KOREAN,2010)

458.BEDEVILLED(KOREAN,2010),|Crime|Drama|,Dir:-Cheol-soo Jang,*ing:-Yeong-hie Seo, Seong-won Ji, Min-ho Hwang.

    Bedevilled- ഈ സിനിമയെ  കുറിച്ച് ഏറ്റവും ആദ്യം  പറയേണ്ടത് ഇതിന്‍റെ അവസാന അമ്പത് മിനിറ്റിനെ കുറിച്ച്  ആണ്.വല്ലാത്ത ഒരു വികാരം ആണ് മനസ്സില്‍ ഉണ്ടാവുക.ഈ ചിത്രത്തിലെ കഥാപാത്രങ്ങള്‍ പലരും ശരിക്കും വെറുപ്പ്‌ തോന്നിപ്പിക്കും.Hillbilly കഥാപാത്രങ്ങള്‍ സ്ക്രീനില്‍ വരുമ്പോള്‍ ഉള്ളതിനേക്കാളും വെറുപ്പ്‌ ആ ദ്വീപിലെ പല താമസക്കരോടും തോന്നി പോകും.പല കാര്യങ്ങളിലും അവരുടെ അഭിപ്രായങ്ങള്‍ കേള്‍ക്കുമ്പോള്‍ ഇങ്ങനെ  ഉള്ള മനുഷ്യര്‍ ജീവിച്ചിരിക്കണ്ട കാര്യം ഉണ്ടോ എന്ന് ഒരാള്‍ വിചാരിച്ചാലും തെറ്റ് പറയാന്‍ ഇല്ല.Pervert ആയ കഥാപാത്രങ്ങള്‍ തന്‍റെ സിനിമകളിലൂടെ അവതരിപ്പിച്ച കിം-കി-ഡുക്കിന്റെ സംവിധാന സഹായി ചുള്‍ സൂ ജാംഗ് തന്റെ ആദ്യ ചിത്രത്തില്‍ ഗുരുവിന്‍റെ പാതയില്‍ അധികം പോകാതെയും എന്നാല്‍ കഥാപാത്രങ്ങളുടെ നോട്ടം,സംഭാഷണം എന്നിവയിലൂടെ പ്രേക്ഷകനില്‍ ഭീതിയും വെറുപ്പും  ഉണ്ടാക്കാന്‍ സാധിച്ചു.Secretly,Greatly പോലെ ഉള്ള ചിത്രം രണ്ടാം ചിത്രം ആയി എടുത്ത ഒരാള്‍ ആണ് ചുള്‍ സൂ ജാംഗ് എന്ന് വിശ്വസിക്കാന്‍ തന്നെ പ്രയാസം തോന്നുന്നു.

   ഇതിലെ കഥാപാത്രങ്ങള്‍ക്ക് എല്ലാം തന്നെ ഇരുണ്ട വശം ആണ് ജീവിതത്തില്‍ കൂടുതല്‍.അത് സാഹചര്യങ്ങള്‍ അനുസരിച്ച് ഏറ്റക്കുറച്ചിലുകള്‍ ഉണ്ട്.എന്നാല്‍ ബോക്-നാം പ്രേക്ഷകനില്‍ അനുകമ്പ ഉണ്ടാക്കുന്നുണ്ട്.സിനിമയിലെ പ്രധാന കഥാപാത്രത്തിനെ പിന്തുണയ്ക്കാന്‍  പ്രേക്ഷകനെ കൊണ്ട് എത്തിക്കുന്നതില്‍ സിനിമയുടെ ആദ്യ ഭാഗങ്ങള്‍ക്ക് നല്ലത് പോലെ കഴിഞ്ഞിട്ടുണ്ട്.നാഗരിക ജീവിതത്തിന്റെ ഭാഗമായിരുന്നിട്ടും ഗ്യൂം-ഹീ എന്ന യുവതിക്ക് അവളുടെ ജോലി സ്ഥലത്തെ ധാര്‍ഷ്ട്യം അവളുടെ ജോലിയില്‍ പ്രശ്നം ആയി തീരുന്നുണ്ട്.ഒരു പക്ഷെ ആ ഒറ്റപ്പെട്ട ദ്വീപിലെ ആളുകളില്‍ ഉള്ള ജീന്‍ ആയിരിക്കും അവളിലും ഉണ്ടാവുക.എന്നാല്‍ ബോക്-നാം എന്ത് കൊണ്ട് അവിടെ വ്യത്യസ്ത ആകുന്നു എന്നത് ആണ് ചിത്രം മുഴുവന്‍ അവതരിപ്പിക്കുന്നത്‌.നല്ലൊരു മനസ്സിനുടമയും ജീവിതത്തില്‍ മേല്‍ ഗതി വേണം എന്നും ഒക്കെ കരുതുന്ന കഠിന അധ്വാനി ആയ അവള്‍ക്കു എന്നാല്‍ ജീവിതം സമ്മാനിച്ചത്‌ എന്നും ക്രൂരത നിറഞ്ഞ സമീപനം ആയിരുന്നു ചുറ്റും നിന്നും.അവള്‍ ഉറ്റ സുഹൃത്തായ കരുതിയ ഗ്യൂം-ഹീ പോലും വ്യത്യസ്ത അല്ലായിരുന്നു.ഒന്നുമില്ലെങ്കിലും എത്ര പ്രാവശ്യം ആണ് ബോക്-നാം അവളെ സഹായിച്ചത്?എന്നാല്‍ ജീവിതത്തില്‍ അവള്‍ക്കു രക്ഷ വേണ്ട ഒരു സ്ഥലത്ത് അവളുടെ കൂടെ ആരും ഇല്ലായിരുന്നു.

   എന്നും കഷ്ടപ്പെട്ട് ഉരുളക്കിഴങ്ങ് തോട്ടത്തിലും,തേന്‍ ശേഖരിക്കുന്ന  പണി എടുത്താലും അവള്‍ക്കു എന്നും കുറ്റം മാത്രം ആണ് കേള്‍ക്കാന്‍ കഴിഞ്ഞത്.അവളുടെ മനസ്സു ശരിക്കും കല്ലായി മാറി.ഒരു സാധാരണ സ്ത്രീ ആയി ജീവിക്കണം എന്ന നിഷ്കളങ്കത അവളുടെ മനസ്സില്‍ ഉണ്ടായിരുന്നു എങ്കിലും ഭര്‍ത്താവ്,ബന്ധുക്കള്‍ എന്നിവര്‍ ഉള്ള ആ ദ്വീപില്‍ നടന്ന ക്രൂരമായ സംഭവങ്ങളും അതിന്‍റെ പ്രതിഫലനം ആയു നടന്ന സംഭവങ്ങളും ആണ് ബാക്കി ചിത്രം.സിയോ-യംഗ് ഹീ ,സമ്മതിച്ചിരിക്കുന്നു .മികച്ച അഭിനയം.അവസാന രംഗങ്ങളില്‍ ഒക്കെ നിങ്ങളെ ഇഷ്ടപ്പെടാത്ത ആരും ഉണ്ടാകില്ല.വെറുതെ അല്ല മിക്ക അന്താരാഷ്‌ട്ര ചലച്ചിത്ര മേളകളിലും മികച്ച അഭിനേത്രി ആയി നിങ്ങള്‍ തിരഞ്ഞെടുക്കപ്പെട്ടത്.എന്‍റെ ഇഷ്ടപ്പെട്ട കൊറിയന്‍ സിനിമകളില്‍ എന്നും മനസ്സില്‍ ഡിപ്രഷന്‍ നല്‍കിയ ഈ ചിത്രം ഉണ്ടാകും.

More movie suggestions @www.movieholicviews.blogspot.com

457.EBAR SHABOR(BENGALI,2015)

457.EBAR SHABOR(BENGALI,2015).|Mystery|Thriller|Crime|,Dir:-Arindam Sil,*ing:-Abhishek Bagchi, Rahul Banerjee, Ritwick Chakraborty .

   സ്രീശേന്ദു മുഖോപദ്യയുടെ Rwin എന്ന കഥയെ ആസ്പദം ആക്കിയാണ് എബാര്‍ ശബോര്‍ നിര്‍മിച്ചിരിക്കുന്നത്.പോലീസ് ഉദ്യോഗസ്ഥന്‍ ആയ ശബോര്‍ ദാസ്ഗുപ്ത സര്‍വീസില്‍ വളരെയധികം എക്സ്പീരിയന്‍സ് ഉള്ള ആളാണ്‌.ആ സീനിയോരിറ്റി ആകാം മിതാലി ഘോഷ് കൊല്ലപ്പെട്ടപ്പോള്‍ ആ കേസ് അദ്ധേഹത്തെ ഏല്‍പ്പിക്കാന്‍ കാരണം.മിതാലി ഘോഷിന്‍റെ മരണം നടക്കുന്നതിനു മുന്‍പ് മിതാലി ഒരാള്‍ മരിച്ചു വഴിയില്‍ കിടക്കുന്നതായി  കാണുന്നുണ്ട്.പ്രഭാതത്തില്‍ ഉള്ള ഓട്ടത്തിന്റെ ഇടയില്‍ ആണ് അവള്‍ അത് കാണുന്നത്.അത് കണ്ടു അവള്‍ ഭയപ്പെടുന്നു.

  പിന്നീട് നടക്കുന്നത് അവളുടെ കൊലപാതകം ആണ്.വളരെയധികം ദുരൂഹം ആയ ജീവിതം ആണ് അവള്‍ക്കുള്ളത്‌.അസാധാരണമായ വൈവാഹിക ജീവിതം.സ്വന്തം സ്വാതന്ത്ര്യത്തിനു മേല്‍ പിതാവ് അടിച്ചേല്‍പ്പിക്കാന്‍ നോക്കിയ ബന്ധം അവള്‍ ഉപേക്ഷിക്കുന്നു.പിന്നെ പലരുമായും ബന്ധം ഉണ്ടായിരുന്ന അവള്‍ സ്വതന്ത്ര ആയി പറന്നു നടക്കാന്‍ ആഗ്രഹിച്ചിരുന്നു.അതായിരിക്കാം അവള്‍ പോണ്ടിച്ചേരിയില്‍ താമസിക്കാന്‍ കാരണം.അവളുടെ തിരിച്ചു വരവില്‍ അവള്‍ സുഹൃത്തുക്കള്‍ക്ക് നല്‍കിയ പാര്‍ട്ടിയുടെ അന്ന് രാത്രി ആണ് അവള്‍ കൊല്ലപ്പെടുന്നത്.ആന്റി-ആല്‍ക്കഹോളിക്ക് പ്രസ്ഥാനങ്ങളും ആയി പോണ്ടിച്ചേരിയില്‍ വച്ച് സഹകരിച്ചിരുന്ന അവള്‍ എന്നാല്‍ ആ പാര്‍ട്ടിയില്‍ വച്ച് പതിവില്ലാത്ത വിധത്തില്‍ മദ്യപിക്കുന്നു.

  മിതാലി ഘോഷിന്റെ മരണം കൊലപാതകം ആണെന്ന് മനസ്സിലാക്കിയതോടെ ശബോര്‍ ദാസ്ഗുപ്തയുടെ മുന്നില്‍ സംശയത്തിന്‍റെ കണ്ണുകള്‍ എത്തുന്നത്‌ അവളുമായി ബന്ധം ഉള്ളവരിലേക്ക് ആയിരുന്നു.അവര്‍ ഓരോരുത്തരും ആയുള്ള കൂടിക്കാഴ്ചകള്‍ മിതാലിയുടെ ജീവിതത്തെ കുറിച്ചുള്ള ഏകദേശ ധാരണ ശബോറിന് ലഭിക്കുന്നു.ഓരോരുത്തര്‍ക്കും പറയാന്‍ ഉള്ളത് അവര്‍ക്കറിയാവുന്ന മിതാലിയെ കുറിച്ചായിരുന്നു.ശബോറിന്റെ ബാക്കി ഉള്ള മിതാലിയെ കുറിച്ചുള്ള അന്വേഷണം ആണ് ചിത്രം.സംശയത്തിന്‍റെ മുനയില്‍ ധാരാളം ആളുകളെ നിര്‍ത്തി പ്രേക്ഷകനെ കണ്ഫ്യൂസ് ചെയ്യുന്ന രീതിയില്‍ ആണ് ഈ ചിത്രവും നിര്‍മിച്ചിരിക്കുന്നത്.തരക്കേടില്ലാത്ത ഒരു ബംഗാളി ക്രൈം/ത്രില്ലര്‍ ആണ് എബാര്‍ ശബോര്‍.


More movie suggestions @www.movieholicviews.blogspot.com



  

456.BLOOD AND TIES(KOREAN,2013)

456.BLOOD AND TIES(KOREAN,2013),|Crime|Mystery|Thriller|,Dir:-Dong-Suk Kuk,*ing:-Ye-jin Son, Kap-su Kim, Kyu-han Lee |.

Blood and Ties- Voice of a  Murderer നു ഒരു രണ്ടാം ഭാഗം?

  2007 ല്‍ റിലീസ് ആയ Voice of a Murderer എന്ന ചിത്രം മികച്ച ഒരു ക്രൈം/മിസ്റ്ററി/ത്രില്ലര്‍ ആയിരുന്നു.

(അത് കണ്ടിട്ടില്ലാത്തവര്‍ക്കായി ചെറിയ ഒരു സിനോപ്സിസ് ഈ ലിങ്കില്‍ :-http://goo.gl/0QL2rw).ഈ സിനിമയുടെ അണിയറ പ്രവര്‍ത്തകര്‍ അങ്ങനെ അവകാശപ്പെടുന്നില്ലെങ്കിലും അങ്ങനെ ഈ ചിത്രത്തെ കണ്ടാല്‍ കൂടുതല്‍ ആസ്വദിക്കാം എന്ന് കരുതുന്നു.

ഹാന്‍ ക്യുംഗ് ബേ  എന്ന ടി വി അവതാരകന്റെ കുട്ടി ഒരു ദിവസം അപ്രത്യക്ഷന്‍ ആവുകയും ഒരു ലക്ഷം ഡോളര്‍ നല്‍കിയാല്‍ ആ കുട്ടിയെ തിരിച്ചു തരാം എന്നും പറഞ്ഞു നടന്ന ഫോണ്‍ കോളുകള്‍ യഥാര്‍ത്ഥ സംഭവത്തെ ആസ്പദം ആക്കി ആയിരുന്നു.കൊറിയയില്‍ മൊത്തം സംസാര വിഷയം ആയ ആ കേസ് അന്വേഷണം അവതരിപ്പിച്ച ആ സിനിമ അവസാനിക്കുന്നത് നിഗൂഡം ആയ രഹസ്യം ഒളിപ്പിച്ചു വച്ചാണ്.

  Blood and Ties നടക്കുന്ന കാലഘട്ടം ആണ് ഇനി പരാമര്‍ശിക്കുന്നത്.കൊറിയന്‍ നീതി പീഠം കുറ്റ കൃത്യം നടന്നതിനു പതിനഞ്ചു വര്‍ഷം കഴിഞ്ഞിട്ടും കുറ്റവാളിയെ പോലീസിനു കണ്ടെത്താന്‍ ആയില്ലെങ്കില്‍ ആ കേസ് നില നില്‍ക്കില്ല എന്ന് നിഷ്ക്കര്‍ഷിക്കുന്നു.എന്നാല്‍ ജൂലൈ 05,2015 ല്‍ ദക്ഷിണ കൊറിയ Statute of Limitations യഥാര്‍ത്ഥത്തില്‍  കൊലപാതക കുറ്റങ്ങള്‍ക്ക്  അവസാനിപ്പിച്ചു.ഈ ചിത്രം നടക്കുന്നത് ആ കാലഘട്ടത്തിനു മുന്നേ ആകാം അത് കൊണ്ട്.രണ്ടു ചിത്രങ്ങള്‍ തമ്മില്‍ 15 വര്‍ഷം വ്യത്യാസം ഇല്ലെങ്കിലും ഈ ചിത്രം ആ രീതിയില്‍ ആണ് അവതരിപ്പിച്ചിരിക്കുന്നത്.

  ഒറ്റ മകളെ വളരെയധികം കഷ്ടപ്പെട്ട് വളര്‍ത്തുന്ന കാപ് സൂ കിം വളരെയധികം നല്ല മനുഷ്യന്‍ ആണ്.വളരെയധികം, കഷ്ടപ്പെട്ട് അയാള്‍ തന്റെ മകള്‍ ദാനയെ വളര്‍ത്തുന്നു.ഒരു ജേര്‍ണലിസ്റ്റ് ആകുകയാണ് അവളുടെ ഇഷ്ടം.എന്നാല്‍ അവള്‍ പോകുന്ന ഇന്റര്‍വ്യൂവില്‍ മിക്കതിലും പരാജയപ്പെടുന്നു.ആ സമയത്താണ് പണ്ട് നടന്ന ഒരു കുട്ടിയുടെ തിരോധാനത്തെ കുറിച്ചുള്ള സിനിമ കൊറിയയില്‍ റിലീസ് ആകുന്നത്.Statute of Limitations അവസാനിക്കാന്‍ പോകുന്ന സമയം ഇറങ്ങിയ ആ ചിത്രം കൊറിയയിലെ സംസാര വിഷയം ആയി തീര്‍ന്നു.ദാനയും തന്റെ സുഹൃത്തുക്കളോടൊപ്പം  ചിത്രത്തിന് പോകുന്നു.സിനിമയുടെ അവസാനം യഥാര്‍ത്ഥ കുറ്റവാളിയുടെ ഫോണ്‍ കോള്‍ ചിത്രത്തില്‍  യഥാര്‍ത്ഥത്തില്‍ അവതരിപ്പിക്കുന്നു.ദാനയ്ക്ക് ആ ശബ്ദം കേട്ടപ്പോള്‍ നല്ല പരിചയം തോന്നി.ഒപ്പം കുറ്റവാളി ഉപയോഗിച്ച ഒരു phrase.അത് ദാനയുടെ അച്ഛന്‍ സ്ഥിരം ഉപയോഗിച്ചിരുന്ന ഒന്നായിരുന്നു,

അതോടെ അവള്‍ക്കു ഒരു സംശയം തോന്നി സ്വാഭാവികം ആയി.ആ കുട്ടിയെ തട്ടി കൊണ്ട് പോയത് അവളുടെ സ്വന്തം പിതാവാണോ?ദാന തന്റെ സംശയം ദുരീകരിക്കാന്‍ ആയുള്ള ശ്രമം തുടങ്ങുന്നു.ഇനി നടക്കുന്ന നാടകീയ സംഭവങ്ങള്‍ ആണ് ചിത്രത്തില്‍ ഉള്ളത്.ആദ്യ ചിത്രം അവശേഷിപ്പിച്ച മരവിപ്പില്‍ നിന്നും ആ ചിത്രത്തെ പൂര്‍ണം ആക്കാന്‍ ഈ ചിത്രത്തിന് കഴിയുമോ?കൊറിയന്‍ മിസ്റ്ററി/ത്രില്ലറുകള്‍ ഇഷ്ടപ്പെടുന്നവര്‍ക്ക് തീര്‍ച്ചയായും ഇഷ്ടപ്പെടും ഈ ചിത്രം.Voice of a Murderer ല്‍ കുട്ടിയുടെ പിതാവ് ടി വി അവതാരകന്‍ ആയിരുന്നു എങ്കില്‍ ഇവിടെ അയാള്‍ ഡോക്റ്റര്‍ ആണ്.

More movie suggestions @www.movieholicviews.blogspot.com

455.THE RECIPE(KOREAN,2010)

455.THE RECIPE(KOREAN,2010),|Mystery|Romance|Drama|,Dir:-Suh-Goon Lee,*ing:-Seung-ryong Ryu, Yo-won Lee, Dong-Wook Lee.

  രുചിയുള്ള ഭക്ഷണം പലരുടെയും ബലഹീനതകളില്‍ ഒന്നായിരിക്കും.നാക്കിനു ഉന്മേഷം നല്‍കുന്ന ഭക്ഷണം പലപ്പോഴും വിരസമായ തിരക്കേറിയ ജീവിതത്തില്‍ പലപ്പോഴും അത് കൊണ്ട് തന്നെ ഒരു അനുഗ്രഹം ആയി മാറാറുണ്ട്.എന്നാല്‍ ഇന്ററ്ര്‍ന്ഷിപ് ചെയ്യാന്‍ വന്ന ചെറുപ്പക്കാരന്‍ തന്നെ ആ പ്രോഗ്രാമില്‍   ഉള്‍പ്പെടുത്തുക ആണെങ്കില്‍ അതിനു പകരം ആയി ടി വി യില്‍ പ്രോട്യൂസര്‍ ആയ യു-ജിന്ന് നല്‍കിയ ആ രഹസ്യം സാധാരണക്കാരന് ദഹിക്കാന്‍ പറ്റുന്നതിലും അപ്പുറം ആയിരുന്നു.ഒരു പരമ്പര കൊലയാളി ,അയാളെ പന്ത്രണ്ടു വര്‍ഷങ്ങള്‍ക്കു ശേഷം കൊറിയയില്‍ നടന്ന ആദ്യ വധ ശിക്ഷയില്‍ അവസാന ആഗ്രഹം എന്താണെന്ന് ചോദിച്ചപ്പോള്‍ നല്‍കിയ ഉത്തരം ആണ് കൌതുകം ആയതു.പുറം ലോകത്തിനു അറിയാത്ത ആ രഹസ്യം അന്ന് വധശിക്ഷയുടെ സമയം അവിടെ ഉണ്ടായിരുന്ന ആ യുവാവിനു അറിയാമായിരുന്നു."ടോയിഞ്ഞാംഗ്" എന്ന കൊറിയയിലെ ഒരു പ്രത്യേക തരം  സൂപ്പ് ആണ് അയാള്‍ അവസാന ആഗ്രഹം ആയി അന്ന് ചോദിച്ചത്.

  യു-ജിന്നിന് ആ ഉത്തരം കൌതുകം ആയി തോന്നി.വധശിക്ഷ നടപ്പാക്കുന്നതിന് മുന്‍പ് അത്തരം ഒരു ആഗ്രഹം അയാള്‍ പറഞ്ഞതില്‍ എന്തോ രഹസ്യം ഉള്ളത് പോലെ അയാള്‍ക്ക്‌ തോന്നി.ആ സമയത്ത് ജയിലില്‍ ഉണ്ടായിരുന്നവരുമായും അയാളുടെ ആരോഗ്യ നില പരിശോധിച്ച ഡോക്റ്റര്‍മാര്‍ എന്നിവരും ആയി യൂ-ജിന്‍ സംസാരിക്കുന്നു.അയാളുടെ ആ സ്വഭാവത്തില്‍ അസ്വാഭാവികത ഉണ്ടെന്നു അവര്‍ സമ്മതിക്കുന്നു.അതിലും അസ്വാഭാവികം ആയി തോന്നിയത്.പലപ്പോഴും പോലീസിന്‍റെ കയ്യില്‍ നിന്നും വിദഗ്ധം ആയി രക്ഷപ്പെട്ട ആ കൊലയാളി എന്നാല്‍ അയാളെ പിടിക്കാന്‍ പോലീസ് ആ ഭക്ഷണ ശാലയില്‍  വച്ച് വളഞ്ഞപ്പോള്‍ പോലും അയാളുടെ ആ സൂപ്പ് നിറഞ്ഞ പാത്രം മുഴുമിക്കാന്‍ ആണ് ശ്രമിച്ചത്‌ എന്നതായിരുന്നു.പത്തു മിനുട്ടുകള്‍ക്കു മുന്‍പ് പോലീസ് അവിടെ എത്തും എന്ന് അറിഞ്ഞിട്ടു പോലും എന്ത് കൊണ്ടായിരിക്കും അയാള്‍ അവിടെ നിന്നും രക്ഷപ്പെടാതെ ആ സൂപ്പില്‍ അഭയം പ്രാപിച്ചത്?

   ആ സൂപ്പില്‍ നിഗൂഡം ആയ എന്തോ ഉള്ളതായി യൂ-ജിന്നിന് തോന്നുന്നു.അയാള്‍ തന്‍റെ പരിപാടിക്ക് വേണ്ടി ആ വിഷയം പ്രമേയം ആക്കാന്‍ തീരുമാനിക്കുന്നു.യൂ-ജിന്‍ ആ സൂപ്പിന്‍റെ രുചിക്കൂട്ട് തയ്യാറാക്കിയ ആളെയും അതുമായി ബന്ധം ഉള്ളവരെയും അന്വേഷിച്ച് ഇറങ്ങുന്നു.എന്നാല്‍ ഒരു കാര്‍ അപകടത്തില്‍ ദുരൂഹമായ സാഹചര്യത്തില്‍ ആ സൂപ്പിന്‍റെ രസക്കൂട്ടു അറിയാവുന്ന ആള്‍ മരിച്ചതായി അയാള്‍ മനസിലാക്കുന്നു.മരിച്ചപ്പോള്‍ അവരുടെ ശരീരത്തില്‍ വ്യത്യസ്തമായ രീതിയില്‍ നിര്‍മിച്ച ഒരു ദ്രാവകം ശരീരത്തില്‍ ഉള്ളതായി ഫോറന്‍സിക് വിദഗ്ധര്‍ കണ്ടെത്തുന്നു.യൂ-ജിന്നിന്റെ അന്വേഷണം ആണ് ഈ ചിത്രം ബാക്കി അവതരിപ്പിക്കുന്നത്‌.സാധാരന്‍ മിസ്റ്ററി/ത്രില്ലര്‍ ചിത്രത്തില്‍ നിന്നും മാറി രുചിയും പ്രണയവും ആയുള്ള ഒരു കോമ്പിനേഷന്‍ ആണ് ഈ ചിത്രത്തില്‍ ഉള്ളത്.യൂ-ജിന്‍ കണ്ടെത്തുന്ന രഹസ്യങ്ങള്‍ അറിയാന്‍  ബാക്കി ചിത്രം കാണുക.

more movie suggestions @www.movieholicviews.blogspot.com

  

454.PEE MAK PHARAKANONG(THAI,2013)

454.PEE MAK PHARAKANONG(THAI,2013),|Horror|Comedy|Romance|,Dir:-Banjong Pisanthanakun,*ing:-Mario Maurer, Davika Hoorne, Nattapong Chartpong.

   തായ് സിനിമകളിലെ ഏറ്റവും വലിയ ഹിറ്റുകള്‍ ആണ് ബന്ജോംഗ് സംവിധാനം ചെയ്ത Alone,Shutter എന്നീ  സിനിമകള്‍.നല്ല രീതിയില്‍ പ്രേക്ഷകനെ ഒരു ഹൊറര്‍ ചിത്രം എന്ന രീതിയില്‍ ഈ രണ്ടു ചിത്രവും ഭയപ്പെടുത്തിയിരുന്നു.അത് പോലെ തന്നെ 4BIA യിലെ ടൂറിനു പോയ സുഹൃത്തുക്കളുടെ ചിത്രം സംവിധാനം ചെയ്തതും ബന്ജോംഗ് ആയിരുന്നു.ഈ ചിത്രങ്ങളിലൂടെ ഒക്കെ ഭയപ്പെടുത്തിയ സംവിധായകന്‍ തന്നെയാണ് PEE MAK PHARAKANONG എന്ന ചിത്രവും സംവിധാനം ചെയ്തത്.

  തായ് പ്രേത കഥകളിലെ പ്രശസ്തമായ Mae Nak Phra Kanong (Lady Nak of Phra Kanong) എന്ന കഥയാണ് anachronistic രീതിയില്‍ അവതരിപ്പിച്ചിരിക്കുന്നത്.അതായത് ഈ ചിത്രം നടക്കുന്നത് നൂറു വര്‍ഷം  മുന്‍പ് ആണെങ്കിലും ഇപ്പോഴത്തെ ടൈം ഫ്രെയിമില്‍ ഉള്ള കാര്യങ്ങള്‍ കൂടി ഉള്‍പ്പെടുത്തി (ഉദാ:Spiderman,Last Samurai,hair style) കാലത്തെ അനുസരിക്കാത്ത രീതിയില്‍ ആണ് ചിത്രം നിര്‍മിച്ചിരിക്കുന്നത്.നൂറു വര്‍ഷം മുന്‍പ് നടന്ന യുദ്ധത്തില്‍ പങ്കെടുത്ത രസികരായ 5 സുഹൃത്തുക്കള്‍ മാക്,ഏയ്‌,ടെര്‍,പുവാക്,ഷിന്‍ എന്നിവര്‍ ഒരു വിധത്തില്‍  ആണ് യുദ്ധത്തില്‍ ജീവനും കൊണ്ട് രക്ഷപ്പെട്ടു എത്തിയത്.സ്വഭാവം വച്ച് നോക്കുകയാണെങ്കില്‍ ഈ അഞ്ചു പേരും മണ്ടന്മാരാണ്.പ്രേത സിനിമയില്‍ ഇടയ്ക്കിടെ ഭയപ്പെടാന്‍ കാത്തിരിക്കുന്നവര്‍ക്ക് ഇവരുടെ മണ്ടത്തരങ്ങള്‍ തമാശയായി മാറുന്നു.യുദ്ധത്തില്‍ നിന്നും തിരിച്ചെത്തിയ മാക് തന്റെ ഭാര്യയ നാക്കിനെ കാണുന്നു.യുദ്ധത്തിനു മാക് പോയപ്പോള്‍ ഗര്‍ഭിണി ആയിരുന്ന നാക്കിന്റെ ഒപ്പം അവരുടെ കുട്ടിയായ ടാംഗും ഉണ്ട്.മാക് കൂട്ടുകാരോട് അവരുടെ വീടിന്‍റെ അപ്പുറത്തെ കരയില്‍ ഉള്ള വീട്ടില്‍ താമസിക്കാന്‍ ആവശ്യപ്പെടുന്നു.

  പിറ്റേ ദിവസം ചന്തയില്‍ പോയപ്പോള്‍ നാട്ടുകാര്‍ എല്ലാം മാക്കിനോട് അസാധാരണമായ ഭയത്തോടെ പെരുമാറുന്നു.മാക്കിന്റെ ഭാര്യ പ്രേതം ആണെന്ന് അവര്‍ എല്ലാം കരുതുന്നു .എന്നാല്‍ മാക് അത് വിശ്വസിക്കുന്നില്ല.എന്നാല്‍ കൂട്ടുകാര്‍ സത്യം എന്താണെന്ന് അറിയാന്‍ തീരുമാനിക്കുന്നു.പഴയ രീതി അനുസരിച്ച് സ്വന്തം കാലിന്‍റെ അടിയിലൂടെ ഒരാളെ നോക്കിയാല്‍ അയാള്‍ പ്രേതം ആണെങ്കില്‍ അത് മനസ്സിലാക്കാന്‍ കഴിയും എന്നാണ് വിശ്വാസം.സുഹൃത്തുക്കള്‍ സത്യം അന്വേഷിക്കുമ്പോള്‍ മാക്കും നാക്കും തമ്മില്‍ ഉള്ള പ്രണയം ദിവസം തോറും കൂടി വരുന്നു.നാട്ടുകാര്‍ പറയുന്നതില്‍ എന്തെങ്കിലും സത്യമുണ്ടോ എന്നതാണ് ഹാസ്യവും ചേര്‍ത്ത് മേമ്പൊടിയായി പ്രണയവും ചേര്‍ത്ത് ഈ ചിത്രം അവതരിപ്പിച്ചിരിക്കുന്നത്.ശരിക്കും ആ അഞ്ചു സുഹൃത്തുക്കളും നല്ല രീതിയില്‍ ചിരിപ്പിച്ചു അവരുടെ കൌണ്ടറുകളിലൂടെ.  ഹൊറര്‍ സ്പൂഫ് ചിത്രം എന്ന് പറയുന്നതില്‍ ഉപരി വ്യത്യസ്തമായ ചിന്തയാകും ഈ ചിത്രത്തിന്‍റെ ജനനത്തിനു പിന്നില്‍ എന്ന് കരുതുന്നു.

More movie suggestions @www.movieholicviews.blogspot.com

453.THE BERLIN FILE(KOREAN,2013)

453.THE BERLIN FILE(KOREAN,2013),|Action|Drama|Thriller|,Dir:-Seung-wan Ryoo,*ing:-Jung-woo Ha, Suk-kyu Han, Seung-beom Ryu.

  ഹോളിവുഡ് സിനിമകളിലെ സ്ഥിരം തീം ആണ് സ്പൈ ചിത്രങ്ങള്‍.അതില്‍ പലതും മികച്ച സിനിമകള്‍ ആയി മാറിയിട്ടും ഉണ്ട്.കൊറിയന്‍ സിനിമയിലും ആ ജോനറില്‍ ചിത്രങ്ങള്‍ ഉണ്ട്.പ്രത്യേകിച്ചും ദക്ഷിണ-ഉത്തര കൊറിയകള്‍ തമ്മില്‍ ഉള്ള അസ്വസ്ഥമായ രാഷ്ട്രീയ അന്തരീക്ഷം ആ രാജ്യങ്ങളെ ചാര പ്രവൃത്തി അവരവരുടെ സുരക്ഷയ്ക്കായി ഉപയോഗിക്കാന്‍ നിര്‍ബന്ധിതര്‍ ആക്കുന്നു.ശരിക്കും ഈ ചിത്രത്തിന്‍റെ പ്രമേയവും ഈ രാജ്യങ്ങള്‍ തമ്മില്‍ ഉള്ള പ്രക്ഷുബ്ധം ആയ ചുറ്റുപാടുകള്‍ ആണ്.എന്നാല്‍ സിനിമാറ്റിക് ആയി ചില കാര്യങ്ങള്‍ ഒക്കെ ഉള്‍പ്പെടുത്തി കുറ്റം മൊത്തം ഒരു രാജ്യത്തില്‍ അടിച്ചേല്‍പ്പിക്കാന്‍ സംവിധായകന്‍ ശ്രമിക്കുന്നും ഇല്ല.

  ഈ ചിത്രത്തില്‍ മിക്ക രഹസ്യാന്വേഷണ ഏജന്‍സികളുടെയും പങ്കാളിത്തം കഥാപാത്രങ്ങള്‍ ആയും പരാമര്‍ശങ്ങള്‍ ആയും ഉള്‍പ്പെടുത്തി ഇതിനൊരു അന്താരാഷ്‌ട്ര ഫീല്‍ നല്‍കിയിട്ടുണ്ട്. ബെര്‍ലിനില്‍ നടക്കുന്ന നിയമവിരുദ്ധമായ ഒരു ആയുധ കച്ചവടം നടക്കുന്ന സീനിലൂടെ ആണ് ചിത്രം ആരംഭിക്കുന്നത്.യൂറി എന്ന  റഷ്യന്‍ ബ്രോക്കര്‍ ഇടന്നിലക്കാരന്‍ ആയി നടക്കുന്ന  കച്ചവടത്തില്‍ ഒരു ഭാഗത്ത്‌ അറബ് സ്വദേശിയും മറു ഭാഗത്ത്‌ ഉത്തര കൊറിയയില്‍ നിന്നും ഉള്ള അജ്ഞാതന്‍ ആയ  ആളും ആണ്.ഈ ഓപറേഷന്‍ തകര്‍ക്കാന്‍ ദക്ഷിണ കൊറിയയുടെ രഹസ്യാന്വേഷണ ഏജന്‍സി ആയ NIS ശ്രമിക്കുന്നുണ്ട്.എന്നാല്‍ പെട്ടന്നുണ്ടായ ഒരു ആക്രമണം ആ കച്ചവടം തകര്‍ത്തു.അപ്രതീക്ഷിതമായി അവിടെ എത്തിയ മൊസാദ്, അജ്ഞാതന്‍ ആയ ഉത്തര കൊറിയക്കാരനെ വെറുതെ വിടുകയും അവര്‍ക്ക് ആവശ്യം മറ്റു രണ്ടു പേരെയും ആണെന്ന് പറയുന്നു.

  അവിടെ നിന്നും രക്ഷപ്പെട്ട ഉത്തര കൊറിയയില്‍ നിന്നും ഉള്ള ആ അജ്ഞാതന്‍ ആരായിരുന്നു?NIS ലെ ജുംഗ് ജിന്‍ സൂ അയാളെ അന്വേഷിച്ച് ഇറങ്ങുന്നു.അയാള്‍ക്ക്‌ മറ്റു ഏജന്‍സികളില്‍ സുഹൃത്തുക്കള്‍ ഉണ്ട്.അജ്ഞാതനെ എന്തിനു മൊസാദ് വെറുതെ വിട്ടു എന്ന് അന്വേഷിച്ച് നടക്കുമ്പോള്‍ ആണ് അപകടകരമായ മറ്റൊരു ഗൂഡാലോചന വെളിപ്പെടുന്നത്.രണ്ടു രാജ്യങ്ങള്‍ തമ്മില്‍ ഉള്ള സംഘര്‍ഷം മാത്രം ആയിരുന്നോ അവിടെ ഉള്ളത്?സ്ഥിരം ഒരു പ്ലോട്ടില്‍ നിന്നും അവിടെ ആണ് ചിത്രം മാറുന്നത്.സ്പൈ ത്രില്ലര്‍ ചിത്രങ്ങള്‍ ഇഷ്ടപ്പെടുന്നവര്‍ക്ക് ഈ ചിത്രം ഇഷ്ടം ആകും.അമേരിക്കന്‍ റിലീസ് കൂടി പ്രതീക്ഷിച്ചു നിര്‍മിച്ച ചിത്രം ആയതിനാല്‍ ഇംഗ്ലീഷിലും ധാരാളം ഡയലോഗ് ഉണ്ട് ഏ ചിത്രത്തില്‍.ഈ ചിത്രം മികച്ച വിജയം ആയിരുന്നു കൊറിയന്‍ ബോക്സോഫീസില്‍.

More movie suggestions @www.movieholicviews.blogspot.com