1993. The Method (Spanish, 2005)

 1993. The Method (Spanish, 2005)

ഒരു ജോലിക്കായുള്ള വിചിത്രമായ അവസാന വട്ട ഇന്റർവ്യൂവിന്റെ കഥയാണ് The Method എന്ന സ്പാനിഷ് മിസ്റ്ററി -ത്രില്ലർ ചിത്രം അവതരിപ്പിക്കുന്നത്.

 "  ഡെക്കിയ " എന്ന നിഗൂഢതകൾ നിറഞ്ഞ ഒരു വലിയ കോർപ്പറേറ്റിൽ ഉള്ള ഒരു ജോലിക്കായി ഏഴു ആളുകളെ അവസാന വട്ട ഇന്റർവ്യൂവിനു ക്ഷണിക്കുന്നു. വ്യത്യസ്ത സ്വഭാവക്കാരായ ഏഴു പേർ.

അവരിൽ ഒരാൾ മാനേജ്‌മെന്റിന്റെ ആളാണ്. അവിടെ ഇരിക്കുന്നവരെ അയാൾ വിലയിരുത്തും. എന്നാൽ അത് ആരാണ് എന്ന് അവിടെ ഉള്ള മറ്റ് ആറു പേർക്കും അറിയാത്ത അവസ്ഥ.അത് പോലെ ഇന്റർവ്യൂ എന്ന് പറഞ്ഞാൽ സാധാരണ രീതിയിലുള്ള ഒന്നായിരുന്നില്ല.

 അവിടെ നടക്കുന്ന ഓരോ സംഭവങ്ങളിലും ഉള്ള ഓരോരുത്തരുടെയും പെരുമാറ്റ രീതികളും അവരുടെ പ്രതികരണങ്ങളും അനുസരിച്ചു ആണ് അത് മുന്നോട്ടു പോയിരുന്നത്. ഇങ്ങനെ ആണ് അവരിൽ ഓരോരുത്തരെയും എലിമിനെറ്റ് ചെയ്യുന്നത്.

അവരെ നിരീക്ഷിക്കാൻ ആയിട്ടുള്ള ഉപകരണങ്ങൾ അവിടെ വേറെയും ഉണ്ടായിരുന്നു.

The Exam സിനിമ ഉൾപ്പടെ ഉള്ള ചില  സിനിമകളുടെ ബേസിക് സ്വഭാവം ആണ് The Method ന് ഉള്ളത്.

ഒരു മുറിയിൽ നടക്കുന്ന, സംഭാഷങ്ങൾ ഏറെ യുള്ള സിനിമകളുടെ ആരാധകർക്കു കണ്ട് നോക്കാവുന്ന ഒന്ന്.

മികച്ച ഒരു സിനിമ ആയി തോന്നി . കണ്ട് നോക്കുക.

Download: t.me/mhviews1 ൽ ലിങ്ക് ലഭ്യമാണ്

1815. The Coffee Table (Spanish, 2022)

 1815. The Coffee Table (Spanish, 2022)

           Horror, Comedy, Drama

ഒരു വസ്തുവും ചെറുതല്ല. നമ്മുടെ ഒക്കെ ജീവിതം മാറാൻ ഒരു നിമിഷം മതി. ശരിക്കും ഈ സിനിമയിലെ ഹൊറർ ഭീകരം ആണ്. നമ്മൾ ഇത് വരെ കണ്ട ഹൊറർ ചിത്രങ്ങളിൽ വച്ചൊക്കെ ഏറ്റവും ഭീകരം. പേടിപ്പിക്കാൻ പിന്നെ പ്രേതം മാത്രം പോരല്ലോ? ചില സംഭവങ്ങൾക്കും നമ്മളെ ഏറ്റവും അധികം ഭയപ്പെടുത്താൻ കഴിയും.

നമ്മുടെ ഒക്കെ ജീവിതത്തിലെ ഏറ്റവും വലിയ ദു:സ്വപ്നം ആക്ടിവേറ്റ് ആയാൽ എന്താണ് ചെയ്യുക? എന്നാൽ എന്താകും ചെയ്യുക എന്നു പോലും ചിന്തിക്കാൻ കഴിയാത്ത രീതിയിൽ ഭയപ്പെടുത്തുന്ന ഒരു പ്രമേയം ആണ് ഈ ചിത്രത്തിന് ഉള്ളത്. എന്തായാലും അതെന്താണു എന്നു പറയുന്നില്ല. അത് കണ്ട് അനുഭവിച്ചു തന്നെ മനസ്സിലാക്കണം ഈ ചിത്രത്തിൽ നിന്നും. കഥ ചുരുക്കത്തിൽ പറയാം എന്നു മാത്രം, അതും വിശദാംശങ്ങൾ ഏറെ കുറച്ചും. 

 ജീസസ് - മരിയ ദമ്പതികൾ ഒരു ഫർണീച്ചർ കടയിൽ പോയി അവിടെ നിന്നും ജീസസിന് ഏറെ ഇഷ്ടപ്പെട്ട ഒരു സ്വീഡിഷ് നിർമിത കോഫീ ടേബിൾ വാങ്ങുന്നിടത്ത് നിന്നും ആണ് കഥ തുടങ്ങുന്നത്. എന്നാൽ മരിയയ്ക്ക് ആ കോഫീ ടേബിൾ ഇഷ്ടപ്പെടുന്നില്ലെങ്കിലും ഏറെ വാഗ്വാദങ്ങൾക്ക് ശേഷം ജീസസ് ഒരിക്കലും പൊട്ടാത്ത ഗ്ലാസ് ആണെന്ന് സെയിൽസ്മാൻ പറയുന്ന ആ കോഫീ ടേബിൾ വീട്ടിലേക്കു വാങ്ങുന്നു. ഇതിന് ശേഷം എന്താണ് നടന്നതെന്ന് സിനിമ കണ്ടു തന്നെ മനസ്സിലാക്കുക. 

അല്ലെങ്കിൽ തന്നെ ഒരു കോഫീ ടേബിൾ ആരുടെയെങ്കിലും ജീവിതത്തിൽ എങ്ങനെ ആണ് സ്വാധീനം ചെലുത്തുക എന്നു നമ്മൾ തുടക്കത്തിൽ ചിന്തിച്ചേക്കാം. എന്നാൽ സിനിമയിലെ ഒരു സീൻ ഉണ്ട്. ഒട്ടും പ്രതീക്ഷിക്കാതെ പ്രേക്ഷകന്റെ മനസ്സിനെ ആകെ മൊത്തം കലുഷിതം ആക്കുന്ന രീതിയിൽ ഉള്ളത്. അവിടെ നിന്നും ആരംഭിക്കുന്ന ടെൻഷൻ അവസാനം, തീരെ പരിചിതം അല്ലാത്ത ഒരു അവസാനം ആണെങ്കിൽ കൂടിയും, അങ്ങനെ ഒരെണ്ണം മാത്രമേ സംഭവിക്കാവൂ എന്ന നിലയിൽ പ്രേക്ഷകന്റെ മനസ്സിനെ കൊണ്ടെത്തിക്കാൻ കഴിയുന്ന രീതിയിൽ ഉള്ളതായി മാറുന്നുണ്ട്. 

സ്പെയ്നിൽ നിന്നും ഉള്ള സ്പാനിഷ് ചിത്രമായ The Coffee Table കാണുക. താൽപ്പര്യം ഉള്ളവർക്ക് ലിങ്ക്ൽ t.me/mhviews1 ലഭ്യമാണ്.

1676. Infiesto (Spanish, 2023)

1676. Infiesto  (Spanish, 2023)

          Mystery

          Streaming on Netflix

⭐️⭐️⭐️/5

  ഒരു കൊലയാളിയുടെ കയ്യിൽ നിന്നും രക്ഷപ്പെട്ട പെൺക്കുട്ടി ആശുപത്രിയിൽ ആണ് ഇപ്പോൾ. കുറച്ചു ദിവസമായി കാണാതായ പെൺക്കുട്ടിയ്ക്കു എന്ത് സംഭവിച്ചു എന്നു ആർക്കും അറിയില്ല. അവൾ തനിക്കുണ്ടായ ദൂരനുഭവം കാരണം ട്രോമയിലാണ് . കേസ് അന്വേഷിക്കാൻ എത്തിയ സാമൂവലും മാർട്ടയും കേസിൽ പ്രത്യേകിച്ച് പുരോഗമനം ഇല്ലാതെ വലയുകയാണ് . ഈ സമയം ആണ് ഇത്തരത്തിൽ മുൻപ് നടന്ന  സംഭവങ്ങളുമായി ഉള്ള സാമ്യം ഈ കേസിനു ഉള്ളത് അവർ മനസ്സിലാക്കുന്നത്. ഏറെ ദുരൂഹമായ സാഹചര്യങ്ങളിലേക്ക് പോകുന്ന കുറ്റാന്വേഷണം ആണ് സിനിമയുടെ ബാക്കി കഥ. 

  കോവിഡിന്റെ തുടക്കത്തിൽ ഉള്ള കാലഘട്ടം ആണ്‌ സിനിമയിൽ ഉള്ളത്. അതുമായി ബന്ധപ്പെട്ട കുറ്റാന്വേഷണ കഥാപാത്രങ്ങളുടെ ജീവിതത്തിലൂടെ കഥ പറഞ്ഞു പോകുന്നുണ്ട്. സിനിമയുടെ അവതരണം പതിഞ്ഞ താളത്തിൽ ഇത്തരം ഒരു കഥയ്ക്ക് അനുയോജ്യം ആയത് തന്നെയാണ്. പക്ഷേ ഈ സിനിമയിൽ കണ്ട ഏറ്റവും വലിയ പ്രശ്നം ഇതിന്റെ ക്ലൈമാക്സ് ആണ്. ഒരു പക്ഷെ ചില സിനിമകളിൽ എങ്കിലും കണ്ടു വരുന്ന പ്രമേത്തിലൂന്നി ഉള്ള ഒന്നാണ്.

 അത് മാറ്റി വച്ച് നോക്കിയാൽ സ്ഥിരം കുറ്റാന്വേഷണ സിനിമകളുടെ ആരാധകർക്കു സ്ഥിരം കണ്ടു ശീലിച്ച കഥാ പരിസരങ്ങൾ ആണെങ്കിൽ കൂടിയും കണ്ടിരിക്കാൻ സാധിക്കും. വലിയ സംഭവം ആണെന്നുള്ള അഭിപ്രായം ഒന്നുമില്ല. കുഴപ്പമില്ലാത്ത ഒരു  ചിത്രം ആയി അനുഭവപ്പെട്ടൂ Infiesto.

സിനിമയുടെ ലിങ്ക് t.me/mhviews1 ൽ ലഭ്യമാണ്.

1621.God's Crooked Lines (Spanish, 2022)

 1621.God's Crooked Lines (Spanish, 2022)

       Psychological Thriller: Streaming on Netflix.

    ആലീസ് മാനസിക പ്രശ്നങ്ങൾ ഉള്ളവരെ ചികിൽസിക്കുന്ന ആശുപത്രിയിലേക്ക് കടന്ന് ചെല്ലുന്നതു ഒറ്റയ്ക്കാണ്. പ്രശസ്തരായ രണ്ട് ഡോക്റ്റർമാരുടെ റെഫെറൻസ് അനുസരിച്ചു അവൾ സ്വയം അഡ്മിറ്റ് ആവുകയാണ്. എന്നാൽ ആലീസ് അവിടെ എത്തിയതിനു മറ്റൊരു ഉദ്ദേശം ഉണ്ടായിരുന്നു. ഒരു കൊലപാതകത്തെ കുറിച്ചുള്ള വിവരം അറിയാൻ വേണ്ടി ആണ്‌ അവൾ അവിടേക്കു വന്നത്. അവൾ തന്റെ അന്വേഷണം രഹസ്യമായി നടത്തുന്ന സമയത്ത് ആണ്‌ മറ്റൊരു കാര്യം സംഭവിക്കുന്നത്. ആലീസിന് കൊലപാതകം അന്വേഷിക്കാൻ വേണ്ടി ആശുപത്രിയിൽ ഒരു രോഗിയായി കയറാൻ വേണ്ടി എഴുത്തുകൾ കൊടുത്ത ഡോക്റ്റർമാർക്ക് അവളെ അറിയില്ല എന്ന്. യഥാർത്ഥത്തിൽ എന്താണ് അവിടെ സംഭവിച്ചത്? ആലീസ് കള്ളം പറയുക ആണോ അതോ മറ്റുള്ളവരോ?

       ഒറിയോൾ പോളോയുടെ ആരാധകർക്കു അറിയാം അദ്ദേഹത്തിന്റെ കഥകളിൽ മിസ്റ്ററി അവതരിപ്പിക്കുന്ന രീതി. കഥയിലെ ഓരോ കഥാപാത്രവും പ്രേക്ഷകന്റെ സംശയത്തിന്റെ ദൃഷ്ടിയിൽ തന്നെ ആയിരിക്കും ക്ലൈമാക്സ്‌ ആകുന്നതു വരെയും. അതും പലപ്പോഴും തീരെ പ്രാധാന്യം ഇല്ല എന്ന് തോന്നുന്ന കഥാപാത്രം ആയാൽ പോലും. ശരിക്കും അയാൾ ഒരു കൺക്കെട്ടു വിദ്യ ആണ്‌ തന്റെ കഥകളിൽ നടത്തുന്നത്. പ്രേക്ഷകന്റെ ശ്രദ്ധ തിരിച്ചു വിട്ടു കൊണ്ട് മിസ്റ്ററി അവതരിപ്പിക്കുന്നു.അത് തന്നെയാണ് ഇവിടെയും ചെയ്തിരിക്കുന്നത്.

  പല കഥാപാത്രങ്ങളും പ്രേക്ഷകന്റെ മുന്നിൽ സംശയത്തിൽ ആണ്‌. ആ സംശയങ്ങൾ ആണ്‌ സിനിമയെ മികച്ചത് ആക്കുന്നതും. അത് അവസാന രംഗത്തിൽ വരെ തുടരുകയും ചെയ്യുന്നു. ശരിക്കും പോളോയുടെ കഥകൾ അത്തരത്തിൽ ആണ്‌. ഈ സിനിമയിൽ Los renglones torcidos de Dios എന്ന Torcuato Luca de Tena യുടെ നോവലിനെ ആസ്പദമാക്കിയാണ് ഒറിയോൾ പോളോ സംവിധാനവും തിരക്കഥയും ഒരുക്കിയിരിക്കുന്നത്.ഒറിയോൾ പോളോയുടെ കൈമുദ്ര പതിഞ്ഞിട്ടുള്ള സിനിമ അവതരണം ആണ്‌ ഇവിടെയും. പ്രത്യേകിച്ചും പ്രേക്ഷകൻ പ്രതീക്ഷിച്ചിരിക്കുന്ന കഥാഗതി ആണ്‌ ഇവിടെയും. പ്രേക്ഷകൻ,ഇങ്ങനെ ആയിരിക്കും എന്ന് ചിന്തിക്കുന്നിടത്തു നിന്നും നമുക്ക് അത്ഭുതങ്ങൾ തന്ന് കൊണ്ടിരിക്കും.

  കണ്ടു നോക്കുക. ഒരു സ്ലോ പേസ്ഡ് സൈക്കോളജിക്കൽ ത്രില്ലർ ആണ്‌. രണ്ട് കാലഘട്ടം സിനിമയിൽ കാണിക്കുന്നത് ഇടയ്ക്ക് കുഴപ്പിക്കുന്നും ഉണ്ട് കഥയിൽ. നേരത്തെ പറഞ്ഞ കൺക്കെട്ടു വിദ്യ ആണ്‌ അത്.ഇവിടെ അത് നല്ലത് പോലെ ഉപയോഗിക്കുന്നും ഉണ്ട്.

 സിനിമയുടെ ചെറിയ ഒരു റേറ്റിങ് :4/5

സിനിമയുടെ ഡൌൺലോഡ് ലിങ്ക് t.me/mhviews1 ൽ ലഭ്യമാണ്.

God's Crooked Lines കണ്ടവർക്ക് സിനിമ ഇഷ്ടപ്പെട്ടിരുന്നോ? അഭിപ്രായങ്ങൾ പങ്ക് വയ്ക്കുമല്ലോ? 

 

1616. Julia's Eyes(Spanish, 2010)

 

1616. Julia's Eyes(Spanish, 2010)
          Mystery, Horror.

സാറയുടെ മരണം ആത്മഹത്യ അല്ല എന്നു അവളുടെ ഇരട്ട സഹോദരി ആയ ഹൂലിയ വിശ്വാസിക്കുന്നു. എന്നാൽ പോലീസും മറ്റുള്ളവരും അവൾ ആത്മഹത്യ  ചെയ്തത് ആണെന്ന് തന്നെ ഉറപ്പിക്കാൻ ശ്രമിക്കുന്നു. പ്രത്യേകിച്ചും പതിയെ കാഴ്ച ശക്തി നഷ്ടപ്പെട്ടു പോകുന്ന അസുഖം ബാധിച്ച സാറയെ സംബന്ധിച്ച് തന്റെ ജീവിതം ഇരുട്ടിൽ ആയിരിക്കും ഇനി എന്നുള്ള ഭയം കാരണം ആയിരിക്കാം അവൾ ആത്മഹത്യ ചെയ്തത് എന്നു വിശ്വസിക്കാൻ ഉള്ള സാധ്യത തന്നെയായിരുന്നു കൂടുതലും. സമാനമായ അവസ്ഥയിലൂടെ പോകുന്ന ഹൂലിയ എന്നാൽ തന്റെ സഹോദരി അങ്ങനെ ചെയ്യില്ല എന്നു ഉറച്ചു വിശ്വസിക്കുന്നു.

ആ സമയം ആണ് അവൾ ഒരു രഹസ്യം അറിയുന്നത്. ഒറ്റപ്പെട്ടു താമസിക്കുന്നു എന്നു കരുതിയ സാറയ്ക്ക് ഇത് വരെ ആരും കണ്ടിട്ടില്ലാത്ത അദൃശ്യനായ ഒരു കാമുകൻ ഉണ്ടായിരുന്നുവത്രെ. അതിനും അപ്പുറം ഉള്ള ചില രഹസ്യങ്ങൾ കൂടി ഹൂലിയ സാറയെ കുറിച്ച് അറിയാത്തത് അവളുടെ മുന്നിലേയ്ക്ക് വരുന്നു. സാറയെയും അവളുടെ ജീവിതത്തെയും കുറിച്ച് തനിക്ക് അറിയാത്ത കുറെ കാര്യങ്ങൾ ഉണ്ടെന്ന് അവൾ മനസ്സിലാക്കുന്നതിനോടൊപ്പം അതിൽ ഇഴ ചേർന്നിരിക്കുന്ന നിഗൂഡതകൾ കൂടി കണ്ടെത്താൻ ഉള്ള ശ്രമത്തിൽ ആണ് അവൾ. എന്നാൽ ഏത് സമയം വേണമെങ്കിലും നഷ്ടപ്പെടാവുന്ന കാഴ്ചയ്ക്ക് മുന്നേ ഉള്ള സമയത്ത് ഹൂലിയയ്ക്ക് അത് ചെയ്യുകയും ചെയ്യണം. ഇതിന്റെ ഇടയിൽ കാര്യങ്ങൾ സങ്കീർണം ആക്കുവാൻ ഉതകുന്ന രീതിയിൽ കുറെയേറെ സംഭവങ്ങൾ കൂടി നടക്കുകയാണ്. ഹൂലിയയുടെ സംശയങ്ങൾ യാഥാർഥ്യം ആണോ?അതോ അവളുടെ തോന്നലുകൾ മാത്രമോ?

സിനിമയുടെ ഒരു ഘട്ടം കഴിഞ്ഞതിൽ പിന്നെ ഹൂലിയ ഒഴികെയുള്ള കഥാപാത്രങ്ങളുടെ മുഖം നേരെ ഫ്രേമിൽ കാണിക്കുന്നില്ല. ഹൂലിയയുടെ സംശയങ്ങൾക്ക് പിന്നിൽ ഒരു വ്യക്തി ഉണ്ടാകുമോ അത് ആരാണ് എന്നുള്ള ചോദ്യത്തിന് ഉത്തരം പ്രേക്ഷകന് ഊഹിക്കാമെങ്കിലും ഇത്തരത്തിൽ പല കഥാപാത്രങ്ങളും മുഖം ഇല്ലാത്തവർ ആയി വരുമ്പോൾ സംശയങ്ങൾ നീളും. അത് ആരും ആകാം എന്ന അവസ്ഥയും ആകും. നല്ലൊരു മിസ്റ്ററി, ഹൊറർ ചിത്രമാണ് Julia 's Eyes . ഞാൻ പണ്ട് കണ്ടതാണ്. പക്ഷേ അന്ന് ഇതിനെക്കുറിച്ച് എഴുതിയിരുന്നില്ല. ഇപ്പോൾ സ്പാനിഷ് സിനിമ റീമേക് രാജ്ഞി  തപ്സി Dobaara യ്ക്കു ശേഷം അടുത്തതായി ചെയ്ത Blurr ഇതിന്റെ റീമേക് ആണെന്ന് മനസ്സിലായി. ഒറിജിനൽ ഉള്ളപ്പോൾ എന്തിന് റീമേക് കാണണം എന്ന ചോദ്യമാണ് ഭാര്യ Blurr കാണണം എന്നു പറഞ്ഞപ്പോൾ മനസ്സിൽ വന്നത്. സ്പാനിഷ് അങ്ങനെ ആണ് ഒന്ന് കൂടി കണ്ടതും.

സിനിമ കാണാത്തവർ കുറവാണ് എന്നറിയാം. എങ്കിലും കാണാത്തവർ ഉണ്ടെങ്കിൽ കണ്ടു നോക്കിക്കോളൂ. സിനിമ ഇറങ്ങിയ സമയത്ത് സസ്പെൻസ് നന്നായി ആണ് തോന്നിയത്. പിന്നീട് ധാരാളം സിനിമകൾ ഇതേ പോലെ ഒക്കെ വന്നത് കൊണ്ട് അന്നത്തെ അത്ര ഇംപാക്ട് ഉണ്ടാകുമോ എന്നറിയില്ല.

സിനിമ നേരത്തെ കണ്ടവരുടെ അഭിപ്രായം എന്താണ്?

സിനിമയുടെ ലിങ്ക് t.me/mhviews1 ൽ ലഭ്യമാണ്.

1612. Unknown Origins (Spanish,2020 )

  

1612. Unknown Origins (Spanish,2020)
          Mystery, Fantasy: Streaming on Netflix.

  മാഡ്രിഡിൽ കുറച്ചു കൊലപാതകങ്ങൾ നടക്കുന്നു. മരണപ്പെടുന്നതിന് മുന്നേ തന്റെ ഇരകളെ പരമാവധി വേദനിപ്പിച്ചു കൊല്ലുന്ന രീതിയിൽ വിചിത്രമായ വഴികളിലൂടെ ആണ് കൊലപാതകങ്ങൾ നടന്നിട്ടുള്ളത്. എന്നാൽ ഈ കൊലപാതകങ്ങളുടെ പിന്നിൽ സൂപ്പർ ഹീറോകൾ ആണെന്ന് കണ്ടെത്തുന്നു. അതെങ്ങനെ ആണ് എന്നല്ലേ?കൊലപാതകി,സൂപ്പർ ഹീറോകളുടെ origin story അനുസരിച്ചാണ് കൊലപാതകങ്ങൾ നടത്തുന്നത്.

ആകെ ഭ്രാന്തനായ, സൂപ്പർ ഹീറോകളെ ഇഷ്ടപ്പെടുന്ന ഒരാളെ ആണ് അന്വേഷണ ഉദ്യോഗസ്ഥൻ ആയ ഡേവിഡിന് മനസ്സിലാകുന്നു. എന്നാൽ, സൂപ്പർ ഹീറോകളെയും അവരുടെ കഥകളും നന്നായി അറിയാവുന്ന ഒരാൾ ഉണ്ടെങ്കിൽ മാത്രമേ കൊലപാതകിയെ കണ്ടെത്താൻ കഴിയൂ എന്നു ചിന്തിക്കുന്ന ഡേവിഡിന് കേസ് അന്വേഷണത്തിന് ഒരു പങ്കാളിയെ കിട്ടുന്നു.

മറ്റൊരു പോലീസ് ഓഫീസറുടെ മകനായ, സൂപ്പർ ഹീറോകളോട്  ഭ്രാന്തമായ ആരാധന ഉള്ള മറ്റൊരു കാര്യത്തിലും ശ്രദ്ധിക്കാതെ അലസമായി ജീവിക്കുന്ന ഏലിയാസിനെ. ഡേവിഡിന് തീരെ ഇഷ്ടപ്പെടാത്ത സ്വഭാവം ആണ് അവനുള്ളതും. അവർ ഒരുമിച്ച് കേസ് അന്വേഷണം തുടങ്ങുകയാണ്. അതിന്റെ കഥയാണ് Unknown Origins അവതരിപ്പിക്കുന്നത്.

വ്യത്യസ്തമായ , നിലവാരമുള്ള ഒരു ചിത്രമായിരുന്നു Unknown Origins . സിനിമയിലെ പല കഥാപാത്രങ്ങളും സൂപ്പർ ഹീറോകളുടെ കഥയുമായി ബന്ധപ്പെടുത്തുന്നത് ഒക്കെ നന്നായിട്ട് ചെയ്തിട്ടുണ്ട്. ഡേവിഡ് അന്വേഷിച്ചു നടക്കുന്ന ഒരു രഹസ്യം ഈ അന്വേഷണത്തിൽ കണ്ടെത്തുന്നത് എല്ലാം നന്നായിരുന്നു. നല്ല രീതിയിൽ ഫിക്ഷണൽ ആയ ഒരു പശ്ചാത്തലം നിർമിച്ചു പ്രേക്ഷകനെ കഥയിലേക്ക് അടുപ്പിക്കുന്ന സിനിമ നല്ലത് പോലെ ഇഷ്ടമാവുകയും ചെയ്തു. സൂപ്പർ ഹീറോ കഥകളുടെ പശ്ചാത്തലത്തിൽ തമാശ ഒക്കെ ചേര്ത്ത് അവതരിപ്പിച്ച നല്ലൊരു സിനിമ ആണ് Unknown ഒറിജിൻസ്.

എന്റെ റേറ്റിംഗ്:3.5/5

സിനിമയുടെ ഡൗൺലോഡ് ലിങ്ക് t.me/mhviews1 ൽ ലഭ്യമാണ്.

1521. Below Zero( Spanish, 2021)

 1521. Below Zero( Spanish, 2021)

         Action, Thriller: Streaming on Netflix

  പല തരത്തിൽ ഉള്ള കുറ്റങ്ങൾ ചെയ്ത കുറ്റവാളികളുമായി കറക്ഷൻ സെന്ററിൽ നിന്നും ഒരു വാൻ പുറപ്പെടുകയാണ് രാത്രിയിൽ. അകമ്പടിയ്ക്കായി ഒരു പോലീസ് കാറിൽ 2 പോലീസുകാരും വാനിൽ മറ്റു രണ്ട് ഓഫീസറുമാരും ആണുള്ളത്. അതി ശൈത്യം ഉള്ള സമയം ആണ്‌ ഇതു നടക്കുന്നത്. പോകുന്ന വഴിയിൽ വച്ച് അജ്ഞാതനായ ഒരാളുടെ ആക്രമണം വാഹനങ്ങൾക്ക് നേരെ നടക്കുന്നു. അതിൽ ഉള്ള കുറ്റവാളികളിൽ ഒരാളെ രക്ഷപ്പെടുത്തുക ആണ്‌ അയാളുടെ ഉദ്ദേശ്യം എന്നു തടവ് പുള്ളികൾ കരുതുന്നു. എന്നാൽ അപ്രതീക്ഷിതമായി അയാളുടെ ലക്ഷ്യം മറ്റൊരാൾ ആയിരുന്നു. ഇതിനോട് അനുബന്ധിച്ചു ഒരു കഥ കൂടി അവരുടെ ഇടയിൽ വരുന്നു.

  സ്വന്തം ജീവൻ രക്ഷിക്കാൻ ശ്രമിക്കുന്ന, നിയമത്തിന്റെ കയ്യിൽ നിന്നും രക്ഷപ്പെടാൻ ഉള്ള അവസരം ലഭിച്ചു എന്നു വിശ്വസിച്ച അവരെ തേടിയിരുന്നത് ഒരു വലിയ അപകടം ആയിരുന്നു. ആരായിരുന്നു ആ അജ്ഞാതൻ? എന്തായിരുന്നു അയാളുടെ ലക്ഷ്യം? സർവോപരി ഇവിടെ പറഞ്ഞ കഥയിൽ എന്ത് മാത്രം സത്യം ഉണ്ടായിരുന്നു?

   നല്ല രീതിയിൽ ത്രിൽ അടുപ്പിക്കുകയും, സിനിമയുടെ അവസാനത്തോട് അടുക്കുമ്പോൾ പ്രേക്ഷകന് അത് വരെ ഉണ്ടായിരുന്ന കഥാപാത്രങ്ങളെ കുറിച്ചുള്ള കാഴ്ചപ്പാടിൽ മാറ്റം കൊണ്ട് വരുകയും ചെയ്യുന്ന മികച്ച ഒരു ചിത്രമാണ് Below Zero.തേർഡ് ആക്റ്റിൽ പ്രേക്ഷകനെ പിരി മുറുക്കത്തിൽ ആക്കുന്ന സന്ദർഭം ഉണ്ട്. സിനിമയുടെ പ്രധാനപ്പെട്ട ഭാഗവും അത് തന്നെ. ഒരു survival ത്രില്ലർ ആയി തുടങ്ങുകയും അതിനു ശേഷം അപ്രതീക്ഷിതമായി മറ്റൊരു വഴിയിലേക്ക് പോവുകയും ചെയ്ത ചിത്രമാണ് Below Zero.

   

കാണുക.

More movie suggestions and download link available at www.movieholicviews.blogspot.com 

1412. The Vault (Spanish, 2021)

 1412. The Vault (Spanish, 2021)

           Thriller.

 ബാങ്ക് ഓഫ് സ്‌പെയിനിലെ ആർക്കും തുറക്കാൻ കഴിയാത്ത ലോക്കറിൽ ആണ് വാൾട്ടറിന്റെ കണ്ണ്.അയാൾ സ്വയം വിശേഷിപ്പിക്കുന്നതു താൻ ഒരു 'വേട്ടക്കാരൻ' ആണെന്നാണ്.ധാരാളം പണം കയ്യിൽ ഉണ്ടെങ്കിലും ബാങ്ക് ഓഫ് സ്‌പെയിനിലെ എൻജിനീയറിങ് വിസ്മയം ആയ ലോക്കറിൽ അയാൾക്കായി എന്താണ് ഉണ്ടായിരുന്നത്?ഒരവസരത്തിൽ അയാൾക്ക്‌ ആവശ്യം ഉള്ളത് എടുക്കാനായി കുറച്ചു പേരുടെ സഹായം ആവശ്യമുണ്ടായി.അതിനെ ചുറ്റിപ്പറ്റിയുള്ള കഥയാണ് The Vault എന്ന സിനിമ അവതരിപ്പിക്കുന്നത്.

  Heist Movies എന്ന സിനിമ വിഭാഗം ഭൂരിഭാഗവും സ്റ്റൈലിഷ് സിനിമ ആയിരിക്കും.സാധാരണ ആളുകളിൽ നിന്നും കയറി ചിന്തിക്കുന്ന ആളുകളുടെ വിജയം ആകും ഓരോ മോഷണവും.ഇവിടെ വാൾട്ടറിനും അങ്ങനെ ഒരു ടീം ആണ് ഉള്ളത്.അതിൽ ഉള്ള ചിലർ അയാളെ തേടി ചെന്നു മറ്റു ചിലരെYസ്6 അയാൾ തേടി പിടിച്ചു.ഇതിനെല്ലാം മേമ്പൊടി ആയി 2010 ലെ ഫുട്‌ബോൾ ലോക കപ്പിന്റെ പശ്ചാത്തലവും.സിനിമയുടെ ഏറ്റവും വലിയ പോസിറ്റിവ് ആയി തോന്നിയത് ആ ബാക്ഡ്രോപ് ആയിരുന്നു.

  ലോജിക് പ്രശ്നങ്ങൾ പലതും പറഞ്ഞു പഴി കേട്ട ചിത്രം ആണ് The Vault. എന്നാൽ കൂടിയും വളരെ വേഗത്തിൽ കഥ പറഞ്ഞു പോകുന്നത് കൊണ്ടു ആ ലോജിക്കില്ലായ്മ നോക്കി നിൽക്കാൻ ഉള്ള സമയം പ്രേക്ഷകന് നൽകുന്നില്ല.ചീറിയ പ്ലോട്ട് ട്വിസ്റ്റുകളിലൂടെ ഒക്കെ The Vault സഞ്ചരിക്കുമ്പോൾ പല മുൻ Heist സിനിമകളുടെ പരാമർശവും ഓർമപ്പെടുത്തലും ഉണ്ട്.നേരത്തെ പറഞ്ഞ ലോജിക്ക് ഇല്ലായ്മയിലും ഈ  സിനിമയുടെ ക്ളൈമാക്‌സ് ഒരു edge of the seat ത്രില്ലർ ആയി മാറുന്നുണ്ട്.നേരത്തെ അഊച്ചിപ്പൂച്ച 2010 ലെ ലോക കപ്പ് എങ്ങനെ ആകും ഒരു Heist ഐനിമ രൂപപ്പെടുത്തിയിട്ടുണ്ടാവുക? ആ ഒരു സൂചന ആയിരുന്നു സിനിമ കാണാൻ പ്രേരണ നൽകിയത്.അങ്ങനെ ഒരു പ്രേരണ ഉണ്ടെങ്കിൽ The Vault കണ്ടോളൂ. 

 വ്യക്തിപരമായി വളരെയേറെ ഇഷ്ടമായ ചിത്രമാണ് The Vault. ഒരു fast- paced ത്രില്ലർ കാണണം എന്നുണ്ടെങ്കിൽ കാണാം.

സിനിമ Netflix ൽ ലഭ്യമാണ്.

For more movie suggestions and download link, go to www.movieholicviews.blogspot.com

Download link : search @mhviews1  in Telegram

@mhviews rating : 3/4

1339. The Mole Agent (Spanish, 2020)

 Oscar Nomination for the Best Documentary.

1339. The Mole Agent (Spanish, 2020)

           Documentary/Drama

 കയ്യിൽ ഭൂത കണ്ണാടിയും പിടിച്ചിരിക്കുന്ന സെർജിയോ അപ്പൂപ്പനെ കണ്ടോ?അങ്ങേർക്കു 84 വയസ്സോളം ഉണ്ട്.ആൾക്ക് പുതിയൊരു ജോലി കിട്ടി.അതും ഈ പ്രായത്തിൽ , പേരക്കുട്ടികളുടെ കൂടെ കളിച്ചും ചിരിച്ചും ഇരിക്കേണ്ട പ്രായത്തിൽ.ജോലി കിട്ടിയതു ഒരു സ്പൈ ആയിട്ടാണ്.അതേ, ഒരു ഡിറ്റക്ട്ടീവ് ഏജൻസിയുടെ ചാരനായി സെർജിയോ 3 മാസം ഒരിടത്തു പോകണം.ഏജൻസിയുടെ ക്ളൈന്റിന്റെ ആവശ്യം അനുസരിച്ചു അവർക്ക് വേണ്ടി ചില രഹസ്യങ്ങൾ കണ്ടെത്തണം എന്നതാണ് ജോലി.

  ഒരു സിനിമ കഥ ആണെന്ന് വിചാരിക്കരുത് ഈ കഥ.മേൽ പറഞ്ഞ കാര്യങ്ങൾ എല്ലാം യാഥാർഥ്യമാണ്.അതു കൊണ്ടു ആണ് Documentary/ Drama എന്ന വിഭാഗത്തിൽ ഉൾപ്പെടുത്തിയതും.അപൂർവങ്ങളിൽ അപൂർവം ആകും ഇങ്ങനെ ഒരു ഡോക്യുമെന്ററി.യഥാർത്ഥ ആളുകളെ അതേ പേരിൽ റിയൽ ആയുള്ള ഒരു കാര്യത്തിലേക്ക് ഇറക്കി വിടുന്നു.അതും അവരുടെ അതേ പേരിലും ഭാവത്തിലും.ക്യാമറകൾ ചുറ്റും ഉണ്ട്.അതാത് സമയം നടക്കുന്ന സംഭവങ്ങൾ അനുസരിച്ചു പ്രതികരിക്കുക.അതാണിവിടെ നടക്കാൻ പോകുന്നത്.

  അങ്ങനെ ഏകദേശം 300 മണിക്കൂറോളം ഉള്ള സംഭവങ്ങളിൽ നിന്നും ഒന്നര മണിക്കൂറിൽ താഴെ ഉള്ള, ഒരു ഫിക്ഷണൽ കഥ എന്നു പ്രേക്ഷകന് തോന്നുന്ന രീതിയിൽ ഒരു ഡോക്യുമെന്ററി.അതാണ് ചിലിയൻ ഡോക്യൂ/ഡ്രാമ The Mole Agent പ്രേക്ഷകന് നൽകുന്നത്.

 സെർജിയോയ്ക്ക് കഴിയാവുന്ന അത്ര ദിവസങ്ങളിലേക്ക് താമസിക്കാൻ ആണ് ആ വൃദ്ധ സദനത്തിലേക്കു ആ ക്രൂ കൊണ്ടു പോകുന്നത്.വൃദ്ധസദനങ്ങളെ കുറിച്ചുള്ള ഒരു ചെറിയ ചിത്രം ഉണ്ടാക്കാൻ ആണെന്ന ഭാവേന, അവർ അവിടെ ക്യാമറകളും സ്ഥാപിച്ചു.ആദ്യം തങ്ങളുടെ സ്വകാര്യതയിലേക്ക് തിരിച്ചു വച്ച ക്യാമറയെ അവിടത്തെ അന്തേവാസികൾ സംശയത്തോടെ ആണ് നോക്കി കാണുന്നത്.എന്നാൽ സെര്ജിയോയുടെ വരവോട് കൂടി അവരിൽ പലരുടെയും ജീവിത കാഴ്ചപ്പാട് മാറി.അവർ ചിരിക്കാനും, മനസ്സു തുറന്നു കരയാനും തുടങ്ങി.സെർജിയോ അപ്രതീക്ഷിതമായി അവരുടെ എല്ലാം ജീവിതത്തിലെ മുറിവുകൾ ഉണക്കുന്ന മരുന്നായി മാറി എന്നതാണ് സത്യം.താൻ അന്വേഷിക്കാൻ വന്ന കാര്യങ്ങൾക്കും അപ്പുറമായിരുന്നു അയാൾ അവിടെ ജോലി ചെയ്തത്.

 തന്റെ പുത്തൻ ജോലിക്കു വേണ്ടി മാത്രം മൊബൈൽ ഫോണിലെ അടിസ്ഥാന സാങ്കേതികത പഠിച്ച സെർജിയോ എന്നാൽ പെട്ടെന്ന് തന്നെ സങ്കീർണമായ മനുഷ്യ മനസ്സിന്റെ നൊമ്പരങ്ങൾ പഠിക്കുകയും അവയ്ക്കുള്ള പ്രതിവിധികൾ നൽകാനും സാധിച്ചു.ഒരു ചാരനായി പോയ അയാളുടെ കണ്ടെത്തലുകൾ നടക്കുന്ന സമയം പ്രേക്ഷകനിൽ ചില നൊമ്പരങ്ങൾ അയാൾ ഉണ്ടാക്കുന്നുണ്ട്.അയാൾ തന്റെ അന്വേഷണ റിപ്പോർട്ടിൽ പറയുന്ന കാര്യങ്ങൾ ശരിക്കും നമ്മളെ വിഷമിപ്പിക്കും.അതിനോടൊപ്പം ചിന്തിപ്പിക്കുകയും ചെയ്യും.

 സെർജിയോ ആ വൃദ്ധ സദനത്തിൽ നിന്നും ഇറങ്ങി പോയിരുന്നെങ്കിൽ അവിടം കൊണ്ടു അവസാനിക്കേണ്ടിയിരുന്ന പ്രോജക്റ്റ് ആണിത്.എന്നാൽ ധാരാളം ആളുകളിൽ നിന്നും അഭിമുഖത്തിലൂടെ തിരഞ്ഞെടുത്ത , സ്പൈ സിനിമകളിലെ പോലെ ഉള്ള കുഞ്ഞൻ സാങ്കേതിക വിദ്യകളും ആയി പോയ സെര്ജിയോയുടെ കയ്യിൽ ഉണ്ടായിരുന്നത് അതിനും അപ്പുറം ഉള്ള വിദ്യങ്ങൾ ആയിരുന്നു എന്ന് പ്രേക്ഷകന് മനസ്സിലാകും.

 ഒരു ഫീൽ ഗുഡ് സിനിമ കണ്ട പ്രതീതി ആണ് ശരിക്കും ഈ ഡോക്യൂ/ഡ്രാമ കാണുമ്പോൾ ഉണ്ടാകുന്നത്.ഓസ്‌കാർ പുരസ്‌ക്കാരങ്ങളിൽ മികച്ച ഡോകുമെന്ററി ആയി തിരഞ്ഞെടുത്താൽ പോലും അത്ഭുതപ്പെടേണ്ടി വരില്ല The Mole Agent. ശരിക്കും പ്രേക്ഷകന്റെ കണ്ണും മനസ്സും നിറയ്ക്കും.കാണുക.നല്ലൊരു അനുഭവം ആയിരിക്കും.ഒരു ഡോക്യുമെന്ററി ആയി കണ്ടു സിനിമ സ്നേഹികൾ The Mole Agent ഉപേക്ഷിക്കരുത്.അതു നിങ്ങളുടെ നഷ്ടം ആയിരിക്കും.അൽപ്പം അതിശയോക്തി ആയി തോന്നാമെങ്കിലും സിനിമ കണ്ടു കഴിഞ്ഞപ്പോൾ മനസ്സിൽ തോന്നിയത് ഇതാണ്.

Telegram download link: https://t.me/mhviews

 ഡൌൺലോഡ് ലിങ്കിനും കൂടുതൽ സിനിമകൾക്കും ആയി www.movieholicviews.blogspot.ca സന്ദർശിക്കുക.

1318. Heroic Losers ( Spanish, 2019)

 1318. Heroic Losers ( Spanish, 2019)

          Adventure, Comedy, Thriller.

     ജീവിതത്തിൽ ഏറ്റവും വലിയ പരാജയം ആയി മാറുന്നത് ആരാണെന്നു അറിയാമോ?ഏറ്റവും എളുപ്പം പറയാവുന്ന ഉത്തരം സാധാരണക്കാർ എന്നാണ്. ജീവിതത്തിൽ ആർക്കും ഒരു ശല്യവും ഉണ്ടാക്കാതെ, സമൂഹത്തിനു ദോഷം ഒന്നും ഉണ്ടാക്കാതെ ജീവിക്കുന്നവരെ പലപ്പോഴും പറ്റിക്കാനും എളുപ്പമാണ്.പ്രത്യേകിച്ചും തങ്ങളെ പോലെ ആകും മറ്റുള്ളവർ എന്ന വിശ്വാസത്തിൽ അവരെ പറ്റിക്കാൻ വരുന്നവരെ പോലും മുഖവിലയ്ക്കു എടുക്കുന്ന കൂട്ടം ആളുകൾ ആണ് ഈ സാധാരണക്കാരിൽ പലരും. Heroic Losers എന്ന അർജന്റീനിയൻ ചിത്രം അത്തരം കുറച്ചു ആളുകളുടെ കഥ ആണ് പറയുന്നത്.

  അർജന്റീനിയൻ സിനിമയിലെ എണ്ണം പറഞ്ഞ പ്രധാന അഭിനേതാക്കൾ പലരും ഈ സിനിമയുടെ ഭാഗം ആയിട്ടുണ്ട്.റിക്കാർഡോ ഡാറിന് മുഖ്യ കഥാപാത്രമായ ഫെർമിനെ അവതരിപ്പിക്കുന്നു.ഡാറിന് കുടുംബത്തിലെ മൂന്നാം തലമുറയിലെ ചിനോ ഡാറിൻ, റിക്കാർഡോയുടെ മകനായി തന്നെ അഭിനയിക്കുന്നുണ്ട് ഈ ചിത്രത്തിൽ.

  ഇനി കഥയിലേക്ക്.ഒരു ചെറിയ അർജന്റീനിയൻ ടൗണ്.അവിടെ ഉള്ള കുറച്ചാളുകൾ ചേർന്നു കൃഷി സംബന്ധമായ ആവശ്യങ്ങൾക്ക് ഉപയോഗം ആകുന്ന ഒരു സഹകരണ സ്ഥാപനം തുടങ്ങാൻ ശ്രമിക്കുന്നു.അതിനായി ക്രൗഡ് ഫണ്ടിങ്ങിലൂടെ, അവരുടെ സുഹൃത്തുക്കളെ പങ്കാളികൾ ആക്കി പണവും ഉണ്ടാക്കി.അതു ലോണിനായി ബാങ്കിൽ ഇടാൻ പോകുമ്പോൾ തുക മുഴുവനുമായി ബാങ്കിൽ ഇട്ടാൽ ലോണ് കിട്ടാൻ എളുപ്പം ആണെന്ന് ബാങ്ക് മാനേജർ പറയുന്നു.അതു വിശ്വസിച്ചു അവർ തുക മുഴുവൻ ബാങ്കിൽ ഇടുന്നു.

 സാമ്പത്തിക പ്രശ്നങ്ങളിൽ ആയ അർജന്റീനിയൻ ബാങ്കുകളുടെ മേൽ സർക്കാർ നിയന്ത്രണം ആയ corralitos അടുത്ത ദിവസം വരുന്നു.എന്നാൽ ഈ നിയന്ത്രണത്തെ കുറിച്ചു നേരത്തെ അറിഞ്ഞ ബാങ്ക് മാനേജർ വഴി വിട്ടു ഒരാളെ സഹായിക്കുന്നു. മൻസി എന്ന വക്കീലിനെ.ഫെർമിനും കൂട്ടരും ഇട്ട നിക്ഷേപം എല്ലാം കൂടി അയാൾ കൈക്കലാക്കിയിരുന്നു.സ്വയം മണ്ടന്മാർ ആയെന്നു തോന്നിയ അവർ എല്ലാവരും കൂടി ചിലതു തീരുമാനിക്കുന്നു.

എല്ലാവരെയും പോലെ അവർക്കും നഷ്ടം ഉണ്ടായി.ആ നഷ്ടങ്ങൾ ഒരു പരിധി വരെ എങ്കിലും അവർക്ക് നികത്തിയെ പറ്റൂ.അവരുടെ ആ ശ്രമങ്ങൾ ആണ് ഈ ചിത്രത്തിലൂടെ അവതരിപ്പിക്കുന്നത്.അതിനു അവർക്ക് മൻസിയെ കൊള്ളായടിക്കേണ്ടി വന്നേക്കാം.ഒരു heist സിനിമ ആണെന്ന് പറയാമെങ്കിലും ഭയങ്കരമായി പ്ലാൻ ചെയ്തു മുന്നോട്ട് പോകാവുന്ന ഒന്നല്ലായിരുന്നു അതു.മൊബൈൽ ഫോണ് ഒക്കെ പ്രചാരത്തിൽ വന്ന കാലഘട്ടം. കുറച്ചു സാധാരണക്കാർ.എന്നാലും അവരുടെ പരിമിതികളിൽ നിന്നു കൊണ്ടു അവർ ചിന്തിച്ചു. യഥാർത്ഥത്തിൽ അവരെ പറ്റിച്ചു എന്നു കരുതിയവർ അവരുടെ ജീവിതത്തിൽ കാണിച്ച ഏറ്റവും വലിയ മണ്ടത്തരം ആയി മാറുമോ ഈ അവസ്ഥ?

  ചിരിക്കാനും വൈകാരികമായി സമീപിക്കാനും എല്ലാം ഉള്ള ധാരാളം രംഗങ്ങൾ സിനിമയിലുണ്ട്.നല്ല രസമുള്ള ഒരു ചിത്രം ആയിരുന്നു Heroic Losers. Edurado Sacheri യുടെ La Noche de la Lusina എന്ന നോവൽ ആയിരുന്നു സിനിമയ്ക്ക് ആധാരമായ കഥ.കണ്ടു നോക്കൂ.ഇഷ്ടമാകും ഈ ചിത്രം.ആ വർഷത്തെ അർജന്റീനിയൻ ഓസ്‌കാർ നാമനിർദേശത്തിനായി ഈ ചിത്രം ആണ് തിരഞ്ഞെടുത്തത്.

 കൂടുതൽ സിനിമകളെ കുറിച്ചു വായിക്കാനും ലിങ്കിനും ആയി www.movieholicviews.blogspot.ca യിലേക്ക് പോവുക.

ടെലിഗ്രാം ചാനൽ ലിങ്ക് : @mhviews  or t.me/mhviews

1299. Eye For An Eye (Spanish, 2019)

 1299. Eye For An Eye (Spanish, 2019)

           Thriller.

           Streaming on Netflix

  പ്രതികാരം പ്രമേയം ആയി വരുന്ന സിനിമകൾ ധാരാളം ഉണ്ടെങ്കിലും, അതിൽ Kill Bill,Oldboy  ഒക്കെ പോലെ വളരെ അധികം നിരൂപക  പ്രശംസ ലഭിച്ച സിനിമകൾ ഉണ്ടെങ്കിലും എന്റെ ഏറ്റവും ഇഷ്ട്ടപ്പെട്ട സിനിമ Blue Ruin ആണ് ആ ഴോൻറെയിൽ. വളരെ സിംപിൾ ആയി, കാത്തിരുന്നു നടത്തുന്ന പ്രതികാരം മികച്ച ഒരു സിനിമാറ്റിക് അനുഭവം ആയി തോന്നിയിരുന്നു ആ ചിത്രം.

  Eye for an eye എന്ന ലൂയി ടൊസാർ ചിത്രവും  അതു പോലെ ആണ് തോന്നിയത്. Blue Ruin ന്റെ അത്ര intense അല്ലായിരുന്നു എങ്കിലും ക്ളൈമാക്‌സ് ട്വിസ്റ്റ് ശരിക്കും ഒരു ഷോക്കിങ് ആയിരുന്നു.അതിലേക്കു എന്തായാലും അധികം പോകുന്നില്ല.

  സിനിമയുടെ കഥ എന്നു പറഞ്ഞാൽ ഒരു വലിയ മാഫിയ ഡോൺ ആയ ആന്റണിയോ പാടിൻ വാർധക്യ സംബന്ധമായ അസുഖങ്ങൾക്കായി ഉള്ള ചികിത്സയിൽ ആണ്.അയാളുടെ 2 ആണ്മക്കൾ ആണ് ഇപ്പോൾ ബിസിനസ് നടത്തുന്നത്.ഒരു ഓൾഡ് ഏജ് ഹോമിലേക്കു മാറ്റപ്പെടുന്ന ആന്റണിയോയെ കാര്യമായി ശ്രദ്ധിക്കാൻ അവിടെ ഒരാൾ ഉണ്ടായിരുന്നു.ഹെഡ് നേഴ്‌സ് ആയ മാരിയോ.

  മാരിയോയുടെ അതിനു പിന്നിൽ ഉള്ള ഉദ്ദേശവും അതിന്റെ അനന്തര ഫലങ്ങളും ആണ് ചിത്രം അവതരിപ്പിക്കുന്നത്. പ്രതികാരം എന്ന പ്രമേയം മനുഷ്യന്റെ ഉല്പത്തിക്കു ശേഷം ഉള്ള ഏറ്റവും വലിയ ക്ളീഷേ പ്രമേയം ആണെന്ന് പറയാം.എന്നാൽ കൂടിയും ഈ ക്ളീഷേയിൽ സിനിമകൾ ഉൾപ്പടെ ഉള്ള സാധാരണകാരന്റെ ചിത്ര ഭാഷ്യങ്ങളിൽ എപ്പോഴും കാണാൻ സാധിക്കും.മനുഷ്യന്റെ ഉള്ളിൽ ഉള്ള അത്തരം വികാരങ്ങളെ ഒരു പക്ഷെ തൃപ്തിപ്പെടുത്താൻ സാധിക്കുന്നവയാണ് അത്തരം ചിത്രങ്ങൾ എന്നു തോന്നുമെങ്കിലും എന്റെ അഭിപ്രായത്തിൽ അത്തരം ചിത്രം നൽകുന്ന ത്രിൽ എന്ന ഘടകം ആയിരിക്കും അതിനു കാരണം.

  Eye for an eye എന്ന പേരിൽ തന്നെ സിനിമയുടെ ഏകദേശ കഥ അറിയാൻ സാധിക്കും.അവസാന 20 മിനിറ്റ് വരെ നേരത്തെ പറഞ്ഞ ക്ളീഷേ ആയിരുന്നു സിനിമ എങ്കിലും അതിനു ശേഷം അവസ്ഥ ആകെ മാറി.ഇത്തരം ചിത്രങ്ങളിൽ ഒരു ജേതാവ് ഉണ്ടാകേണ്ടത് ആണല്ലോ?അതു ആരാണ് Eye for an eye ൽ എന്നു അറിയണം എങ്കിൽ സിനിമ കാണുക.

  അവസാന ഒരു 10 മിനിറ്റിൽ സിനിമ ശരിക്കും ഞെട്ടിച്ചു!!അപ്രതീക്ഷിതമായ ഒരു അനുഭവം ആയിരുന്നു..

More movie suggestions and link at  @mhviews telegram channel

1268. Offering to the Storm (Spanish, 2020)

 

1268. Offering to the Storm (Spanish, 2020)

          Mystery , Crime.

  നവജാത ശിശുക്കളുടെ മരണം ആണ് ഇത്തവണ ബാസ്റ്റൻ ഗ്രാമത്തിലേക്ക് അന്വേഷണ ഉദ്യോഗസ്ഥരുടെ ശ്രദ്ധ ക്ഷണിക്കുന്നു.ദുരചരങ്ങളുടെയും അതിൽ നിന്നും ഉരുത്തിരിയുന്ന അന്ധവിശ്വാസങ്ങളുടെയും താവളം ആയി ബാസ്റ്റൻ മാറുന്നുവോ? കുട്ടികളുടെ മരണങ്ങളുടെ സാമ്യത പല സ്ഥലങ്ങളിലും കണപ്പെടുന്നതോട് കൂടി അതു തമ്മിൽ ഉള്ള കാണികളെ യോജിപ്പിക്കാൻ അമേയ ശ്രമിക്കുകയാണ്.

Part 3 of Baztan Trilogy by Dolores Redondo

 അതിനൊപ്പം അവളുടെ ജീവിതത്തിലെ മാറ്റങ്ങളും അതിൽ ഉള്ള അവളുടെ നിലപാടുകളും എല്ലാം കേസിൽ നിർണായകം ആവുകയാണ്. അമേയയുടെ കേസ് അന്വേഷണം ശരിയായ ദിശയിൽ ആണോ?ഒരു പക്ഷെ അവൾ കാണുന്നതും അറിയുന്നതും എല്ലാം സത്യം തന്നെയാണോ?അതോ അവളുടെ കാഴ്ചകൾ മറയ്ക്കപ്പെട്ടിരിക്കുന്നോ?അമേയയുടെ ബാസ്റ്റൻ ഗ്രാമത്തിലെ അന്വേഷണം തുടരുകയാണ്, ഒരു അവസാനത്തിലേക്കുള്ള യാത്ര എന്ന പോലെ.

  ആദ്യ രണ്ടു ഭാഗങ്ങളും ഇഷ്ടമായത് കൊണ്ടു തന്നെ മൂന്നാം ഭാഗം നൽകിയ ആകാംക്ഷ കാരണം രണ്ടാം ഭാഗം കഴിഞ്ഞ ഉടനെ തന്നെ മൂന്നാം ഭാഗവും കാണാൻ പ്രേരിപ്പിച്ചു.ഒരു പക്ഷെ കഥാപാത്രങ്ങളുമായി ഒരു ബന്ധം സ്ഥാപിക്കൻ കഴിഞ്ഞത് കൊണ്ടു കൂടി ആകണം, ഈ ഭാഗവും പേർസണൽ ആയി ഇഷ്ടമായി.

  ആദ്യ രണ്ടു ഭാഗങ്ങളും ഇഷ്ടം ആയവർക്കു പരമ്പരയുടെ അവസാനം എന്തായിരിക്കും ഒരുക്കി വച്ചിട്ടുണ്ടാവുക? അങ്ങനെ ഒരു ആകാംക്ഷ ഉണ്ടെങ്കിൽ മടിക്കാതെ കാണുക.സിനിമ Netflix ൽ ലഭ്യമാണ്

MH Views Opinion: Watchable like the first 2 installments, Mystery movie lovers, have fun!!

t.me/mhviews യിൽ ചിത്രം ലഭ്യമാണ്.

1267. The Legacy of Bones ( Spanish, 2019)

1267. The Legacy of Bones ( Spanish, 2019)
           Mystery, Crime

  ഒരു പ്രത്യേക രീതിയിൽ നടക്കുന്ന ആത്മഹത്യകളുടെ പിന്നിൽ ഒരു പൊതുവായ ഘടകം ആയിരുന്നു രക്തത്തിൽ എഴുതിയ ആ വാക്കുകൾ.ക്രൂരമായ നിലയിൽ പ്രിയപ്പെട്ടവരെ കൊലപ്പെടുത്തുന്ന ആളുകൾ ഒരു ദുരൂഹതയായി മാറുന്നു.ബാസ്റ്റൻ ഗ്രാമത്തിലെ ദുരൂഹതകളിലേക്കു ആ മരണങ്ങൾ ബന്ധിക്കപ്പെടുന്നതോട് കൂടി അവിടത്തെ ദുരൂഹതകൾ കൂടുകയാണ്.ഭൂതകാലം ബാക്കി ആക്കിയ അന്ധവിശ്വാസങ്ങളുടെ ബാക്കി പത്രങ്ങൾ.

Part 2 of Baztan Trilogy by Dolores Redondo

    അമേയ തന്നെ ആണ് ഇത്തവണയും അന്വേഷണത്തിന് നേതൃത്വം നൽകുന്നത്.അവളുടെ കുടുംബം തന്നെ ഇത്തരത്തിൽ ഉള്ള ദുരാചാരങ്ങളുടെ ഇരയായി മാറുന്നു എന്നുള്ള അവളുടെ തോന്നലുകൾ അവളുടെ ഭൂതക്കാലത്തോട് ബന്ധിപ്പിക്കുന്നതിലൂടെ കേസ് അന്വേഷണം മുന്നോട്ടു പോവുകയാണ്.

എന്നാൽ അമേയ പോകുന്ന ശരിയായ വഴിയിലൂടെ ആണോ?അവളുടെ കണ്ടെത്തലുകൾ എത്ര മാത്രം ആകും കേസിനു സഹായകരം ആവുക?ഈ കൊലപാതകങ്ങൾക്കു പിന്നിൽ പ്രേരക ശക്തി എന്തെങ്കിലുമുണ്ടോ? ഈ ചോദ്യങ്ങളുടെ ഉത്തരം ഈ പരമ്പരയിലെ രണ്ടാമത്തെ കഥയിലൂടെ വെളിവാകുന്നു.

ആദ്യ ഭാഗത്തിന്റെ അതേ വേഗതയിൽ ആണ് രണ്ടാം ഭാഗവും പോകുന്നത്.ആദ്യ ഭാഗം നിർത്തിയിടത്തു നിന്നും തുടരുന്ന രണ്ടാം ഭാഗം കൂടി ആകുമ്പോൾ സിനിമ പരമ്പരയിൽ താൽപ്പര്യം കൂടുന്നുണ്ട്.ആദ്യ  ഭാഗം  ഇഷ്ടമായെങ്കിൽ രണ്ടാം ഭാഗവും കണ്ടു നോക്കാം.

ചിത്രം Netflix ൽ ലഭ്യമാണ്.

MH Views Opinion: Watchable. Mystery movie fans, go for it!!

t.me/mhviews യിൽ ചിത്രത്തിന്റെ ലിങ്ക് ലഭ്യമാണ്.

  

1266. The Invisible Guardian (Spanish, 2017)

 

1266. The Invisible Guardian (Spanish, 2017)
         Mystery, Crime.

    ആ പെണ്കുട്ടിയുടെ മൃതദേഹം കാണപ്പെട്ടത് നഗ്നമായ നിലയിൽ ആയിരുന്നു.പ്രത്യേക രീതിയിൽ ഒരുക്കിയ മുടി.അതിനൊപ്പം ശരീരത്തിൽ കേക്ക് പോലുള്ള ഒരു പലഹാരവും വച്ചിരുന്നു.അവളുടെ ശരീരത്തിൽ മൃഗങ്ങളുടെ രോമവും കാണപ്പെട്ടൂ.എന്നാൽ മൃഗങ്ങൾ ഏതെങ്കിലും ആക്രമിച്ചതായി ഒരു സൂചനയും ഇല്ലായിരുന്നു.

   Part 1 of Baztan Trilogy by Dolores Redondo

ബാസ്റ്റൻ എന്ന  ഗ്രാമത്തിൽ നടക്കുന്ന സ്‍ത്രീകളുടെ കൊലപാതകങ്ങൾ തമ്മിൽ ഉള്ള സാമ്യം അന്വേഷണ ഉദ്യോഗസ്ഥയായ അമേയ കണ്ടെത്തുന്നതോടെ ഒരു പരമ്പര കൊലയാളിയുടെ സാന്നിധ്യം വെളിവാക്കുന്നു.അന്ധവിശ്വാസങ്ങളുടെ വിളനിലമായ ആ ഗ്രാമത്തിൽ വർഷങ്ങൾക്കു മുൻപ് നടന്നിരുന്ന പല ദുരാചാരങ്ങളും അവിടെ തന്നെ ജനിച്ച അമേയയെ സംബന്ധിച്ചു ഭയപ്പെടുത്തുന്ന ഓർമകൾ ആയിരുന്നു.അവളുടെ അന്വേഷണം ആണ് സിനിമയുടെ കഥ.വർഷങ്ങൾക്കു മുൻപ് ഉണ്ടായ സംഭവങ്ങളുടെ നിലവറ തുറക്കുന്നതോടെ പലരുടെയും ഭൂതക്കാലവും വിഷയം ആകുന്നു.

  പതിഞ്ഞ താളത്തിൽ പോകുന്ന കഥയിൽ സാമൂഹികമായി നില നിന്നിരുന്ന വ്യവസ്ഥിതിയിൽ നന്മയേക്കാളും തിന്മകളുടെ പ്രതിരൂപങ്ങൾക്ക് സ്വാധീനം ഉണ്ടായിരുന്നോ?ദുരൂഹതകൾ നിറഞ്ഞ വലിയ ഒരു കഥയ്ക്കുള്ള ആമുഖം ആണോ ഈ സംഭവങ്ങൾ?അറിയാൻ സിനിമ കാണുക.

  ഇരുട്ട് നിറഞ്ഞ ഫ്രേയ്മുകൾ പലപ്പോഴും പ്രേക്ഷകന് ദുരൂഹമായ നിഗൂഢതയുടെ അന്തരീക്ഷം നൽകുന്നതിലൂടെ തന്നെ സിനിമയിലേക്കു അടുപ്പിക്കാൻ കഴിയുന്നുണ്ട്.ഇത്തരത്തിൽ ഉള്ള കഥകൾ താൽപ്പര്യം ഉള്ളവർ ഒന്നു കണ്ടു നോക്കൂ.ഇഷ്ടമായേക്കാം.

  MH Views Opinion: Watchable. Mystery movie lovers go for it!!

സിനിമ Netflixൽ ലഭ്യമാണ്.

t.me/mhviews യിൽ ചിത്രം ലഭ്യമാണ്.

​​1031.Mirage(Spanish,2018)

​​1031.Mirage(Spanish,2018)

          Mystery,Crime,Fantasy,Sci-Fi

      ഒരു കൊലപാതകം നടക്കുന്നു എന്നു കരുതുക.ആ സംഭവത്തിൽ രണ്ടു ഫലങ്ങൾ ഉണ്ടാകാം.ഒന്നു.ആ കൊലപാതകം ആളുകൾ അറിയുന്നു.കൊലയാളി പിടിയിലാകുന്നു.രണ്ടാമത് കൊലപാതകം നടന്നത് ആരും അറിയുന്നില്ല.ഈ അവസരത്തിൽ മറ്റൊരു മരണത്തിൽ നിന്നും ഒരാളെ രക്ഷിക്കാൻ അവൾക്കു ഒരവസരം ലഭിച്ചിരിക്കുകയാണ്.അവൾ അത് ഉപയോഗിക്കുന്നു.ഭൂതകാലത്തിൽ ഉള്ള ഒരാളുടെ ജീവിതം ആണ് അവൾ കാരണം രക്ഷപ്പെടുന്നത്.എന്നാൽ അതിന്റെ ഫലമായി വർത്തമാന കാലത്തിൽ ഉള്ള അവളുടെ ജീവിതമോ?

   സങ്കീർണമായ ഒരു കഥയാണ് സ്പാനിഷ് ചിത്രമായ "Mirage" അവതരിപ്പിക്കുന്നത്.ഒരു കൊലപാതക കേസിനെ ചുറ്റിപ്പറ്റിയും അതിനൊപ്പം ബർലിൻ മതിൽ 'തകർക്കുന്ന' ദിവസം ഉണ്ടായ കാലാവസ്ഥ വ്യതിയാനം സൃഷ്ടിച്ച 'Space-Time Continuum glitch' സൃഷ്ടിച്ച പ്രതിഭാസങ്ങൾ ചിലരുടെ ജീവിതത്തിൽ ഉണ്ടായ മാറ്റങ്ങളെ കുറിച്ചും ആണ്.അന്നത്തെ ദിവസം സംഭവിക്കേണ്ടി ഇരുന്ന രണ്ടു മരണങ്ങൾ,അതിനെ തുടർന്ന് പിന്നീട് ഉണ്ടാകുന്ന നഷ്ട ബോധം എല്ലാം എന്നാൽ പിന്നീട് മാറുകയാണ്.

    വേരാ എന്ന സ്ത്രീയുടെ ജീവിതം ആയിരുന്നു ഏറ്റവും അധികം ബാധിച്ചത്.സാധാരണയായി പോയിക്കൊണ്ടിരുന്ന ജീവിതം.സന്തോഷവും,അവളുടെ ജീവിതത്തിൽ എന്തായി തീരാൻ കഴിയാതെ ഇരുന്നത് പോലും തന്റെ കുടുംബ ജീവിതത്തിനു വേണ്ടി ഉള്ള ത്യാഗം ആയി ആണ് അവൾ കരുതിയത്.എന്നാൽ ഭൂതകാലത്തിൽ നടക്കുന്ന സംഭവങ്ങൾ ചെറുതായി മാറ്റാൻ ശ്രമിക്കുന്ന അവൾ എത്തിച്ചേരുന്നത് ആ ടൈം ലൈനിന് സമാന്തരമായി നിർമിക്കപ്പെട്ട മറ്റു ടൈം ലൈനുകളിലും.അവിടെ അവൾ വ്യത്യസ്ത ആണ്.അവളുടെ ജീവിതവും,ബന്ധങ്ങളും,സന്തോഷവും എല്ലാം.എന്നാൽ അവൾക്കു പ്രിയപ്പെട്ട ഒന്നുണ്ട്.അവളുടെ മകൾ.അവൾ മകൾക്കായി അന്വേഷണം നടത്തുക ആണ്.എന്നാൽ എല്ലാം മാറിയ അവൾക്കു അതു സാധ്യം ആകുമോ?

  The Body,Invisible Guest ഒക്കെ സംവിധാനം ചെയ്ത Oriol Paulo യെ അങ്ങനെ എളുപ്പം മറക്കാൻ സാധിക്കുമോ?അദ്ദേഹത്തിന്റെ തന്നെ സംവിധാന മികവിൽ ആണ്  'Mirage' വന്നിരിക്കുന്നത്.ഒരു ത്രില്ലർ,മിസ്റ്ററി കഥയെ ബുദ്ധിപൂർവം സയൻസ് ഫിക്ഷനിൽ യോജിപ്പിച്ചു ആണ് ചിത്രം അവതരിപ്പിച്ചിരിക്കുന്നത്.ട്വിസ്റ്റുകൾ,സസ്പെൻസ് എന്നീ പ്രേക്ഷക പ്രീതി നേടുന്ന ഘടകങ്ങൾ നന്നായി ഉപയോഗിച്ചിട്ടുണ്ട് ചിത്രത്തിൽ.പ്രേക്ഷകനെയും അതു കൊണ്ടു തന്നെ കഥയോടൊപ്പം യാത്ര ചെയ്യിപ്പിക്കുന്നു ചിത്രവും.

  നേരത്തെ പറഞ്ഞത് പോലെ സങ്കീർണമായ കഥയാണ് ചിത്രത്തിന്.എഴുതിയോ പറഞ്ഞോ അറിഞ്ഞാൽ അതിൽ അധികം കൗതുകം ഉണ്ടാകില്ല.പകരം സിനിമ കാണാൻ ശ്രമിക്കുക

Netflix റിലീസ് ആയി ആണ് ചിത്രം വന്നത്.

  More movie suggestions @www.movieholicviews.blogspot.ca

   ചിത്രത്തിന്റെ ലിങ്ക് എന്റെ ടെലിഗ്രാം ചാനലിലും ലഭ്യമാണ്

ലിങ്ക് : t.me/mhviews

1211. Bottom of the Sea( Spanish, 2003)

1211. Bottom of the Sea( Spanish, 2003)
          Comedy, Drama, Thriller

  തന്റെ കാമുകിയായ അന്നയുടെ വീട്ടിൽ എത്തിയ എസ്കെയേൽ അവളുടെ അന്നത്തെ പെരുമാറ്റം അവർ രണ്ടു പേരും തമ്മിൽ ഇടയ്ക്കു ഉണ്ടായ പ്രശ്നങ്ങൾ ആണെന്ന് കരുതി.എന്നാൽ അവളുടെ കിടക്കയുടെ അടിയിൽ ഷൂ എടുക്കാൻ ആയി പതിയെ അനങ്ങിയ കൈ ആരുടെ ആണെന്ന് അറിയാൻ തീരുമാനിക്കുന്നു.അവളോട്‌ മറ്റൊന്നും പറയാതെ ഇറങ്ങിയ അവന്റെ അന്നത്തെ ദിവസത്തെ അന്വേഷണം ആണ് ഈ അർജന്റീനിയൻ ചിത്രം പറയുന്നത്.

   കഥയുടെ ഭൂരിഭാഗവും ഒരു ത്രില്ലർ ആയാണ് സിനിമ പോകുന്നത്.ചെറിയ ഒരു neurotic ആയ എസ്കെയേലിന് പലപ്പോഴും തന്റെ കാമുകിയോട് അസൂയ തോന്നാറുണ്ട്.ഒപ്പം വലിയ അളവിൽ സംശയവും.ഒരു ത്രില്ലർ ആയി പോകുന്ന ചിത്രം യഥാർത്ഥത്തിൽ എസ്‌കയേലിന്റെ ജീവിതത്തിൽ ഈ സംഭവങ്ങൾ എന്തെല്ലാം മാറ്റങ്ങൾ ആണ് ഉണ്ടാക്കിയത് എന്നും കാണിക്കുന്നു.

  അവന്റെ സ്വപ്നങ്ങൾക്ക് അനുസരിച്ചു ജീവിക്കാൻ, സ്വന്തം ജോലിയിൽ തിളങ്ങാൻ എല്ലാം ഉള്ള എന്തോ ഒരു ഘടകം അവൻ തനിയെ കണ്ടെത്തേണ്ടിയിരുന്നു.അതിന്റെ അന്വേഷണം കൂടി ആണ് കഥ.ഒരു ത്രില്ലർ ആയി പോയി, പിന്നീട് മറ്റൊരു രീതിയിലേക്ക് പോകുന്നു ഈ ചിത്രം.

  താൽപ്പര്യം തോന്നുന്നുവെങ്കിൽ കാണുക.

MH Views Rating: 3/5

സിനിമയുടെ ടെലിഗ്രാം ചാനൽ ലിങ്ക് t.me/mhviews or @mhviews

1181. Twin Murders: The Silence of the White City (Spanish, 2019)

1181. Twin Murders: The Silence of the White City (Spanish, 2019)
           Mystery, Thriller

" Sleeper Killer എന്ന പേരിൽ നടക്കുന്ന ഇരട്ട കൊലപാതകങ്ങളുടെ പിന്നിലെ രഹസ്യം :Twin Murders: The Silence of the White City

      പ്രത്യേക രീതിയിൽ വായിലേക്ക് തേനീച്ചകളെ നിക്ഷേപ്പിച്ചിട്ടു, നഗ്നരാക്കപ്പെട്ട ശേഷം ഒരു പ്രത്യേക രീതിയിൽ സജ്ജീകരിച്ച ഇരട്ട മൃതദേഹങ്ങൾ.5000 വർഷങ്ങൾക്കു മുൻപ് നവജാത ശിശുക്കളെ ഇതേ രീതിയിൽ കൊലപ്പെടുത്തിയത് കണ്ടെത്തിയിരുന്നു.പിന്നീട് നൂറ്റാണ്ടുകളുടെ ഇടവേളകളിൽ 5 വയസ്സു, 10 വയസ്സു, 15 വയസ്സു.ഇങ്ങനെ ആയിരുന്നു മരിച്ചവരുടെ പ്രായങ്ങൾ.ഒരു സ്ത്രീയും പുരുഷനും ആണ് മൃതദേഹങ്ങൾ ആയി കാണുക. ഇപ്പോൾ ഏറെ വർഷങ്ങൾക്കു ശേഷം 20 വയസ്സുള്ള രണ്ടു പേർ ആണ് ഇത്തവണ ഇരകൾ.അതു പിന്നെയും ആവർത്തിക്കുന്നു, പ്രായം അനുസരിച്ചു അതേ രീതിയിൽ.

  Twin Murders: The Silence of the White City എന്ന Netflix ചിത്രം പറയുന്നത് ദുരൂഹമായ കൊലപാതകങ്ങളുടെ കഥയാണ്.മതവും സംസ്ക്കാരവും  ഉൾപ്പെടുത്തി ഉള്ള ഒരു കഥ പറച്ചിൽ ആണ് ചിത്രത്തിന് ഉള്ളത്.കേസ് അന്വേഷണം നടത്തുന്നത് ഇസ്മായേൽ എന്ന പൊലീസ് ഉദ്യോഗസ്ഥൻ ആണ്.

  പണ്ട് സമാനമായ കേസിൽ ജയിലിലായ പ്രതി ജയിലിൽ നിന്നും ഇറങ്ങുന്നതിനു അൽപ്പ ദിവസം മുൻപാണ് ഇത്തരം കൊലപാതകങ്ങൾ വീണ്ടും അരങ്ങേറുന്നത്.കൊലപാതകങ്ങൾ നടത്തുന്നത് അയാളുടെ ആരാധകൻ അല്ലെങ്കിൽ ഒരു കോപ്പി ക്യാറ്റ് കില്ലർ ആകും എന്ന ധാരണയിൽ ആണ് അന്വേഷണം നടക്കുന്നത്.

  ധാരാളം ദുരൂഹതകൾ നിറഞ്ഞ ഒരു കുറ്റാന്വേഷണ കഥയാണ് Twin Murders: The Silence of the White City. പല ആളുകളെയും സംശയിക്കാം രക്ഷകനും.എന്നാൽ സിനിമയിൽ ഒരു സമയം പ്രതി ആരാണ് എന്നു കാണിക്കുന്നുണ്ട്.എന്നാൽ നിയമത്തിന്റെ കണ്ണുകൾക്ക്‌ അപ്പുറം അയാൾ ജീവിക്കുമ്പോൾ ഒരു ക്യാറ്റ് ആൻഡ് മൗസ് കളി ആയി ഒരു അപകടകരമായ ഗെയിം കളിക്കുന്നു അയാൾ.അതിൽ ഉൾപ്പെടുന്നവർ ധാരാളം ആളുകൾ ഉണ്ട്;കുറ്റാന്വേഷണം നടത്തുന്നവർ പോലും.

   Netflix സിനിമകൾക്ക് സാധാരണയായി സംഭവിക്കുന്ന കുറഞ്ഞ റേറ്റിങ് ആണ് പലയിടത്തും.അതൊന്നും കാര്യമാക്കാതെ കണ്ടാൽ മികച്ച ഒരു സിനിമയാണ് Twin Murders: The Silence of the White City.ഒരു കുറ്റാന്വേഷണ കഥ വായിക്കുന്നത് പോലെ അങ്ങു പോകും.ധാരാളം പുതിയ കാര്യങ്ങൾ കേസിൽ അനാവരണം ചെയ്യപ്പെടുന്നു.വിശ്വാസങ്ങളെ കേന്ദ്രീകരിച്ചു.

  കുറ്റാന്വേഷണ സിനിമകളുടെ ആരാധകർ മിസ് ചെയ്യേണ്ട ഈ സ്പാനിഷ് ചിത്രം.കണ്ടിട്ടു അഭിപ്രായം പറയുമല്ലോ?

  MH Views Rating: 3/4

 ചിത്രം Netflix ൽ ലഭ്യമാണ്

ചിത്രത്തിന്റെ ടെലിഗ്രാം ചാനൽ ലിങ്ക് : t.me/mhviews or @mhviews എന്ന് ടെലിഗ്രാം സെർച്ച് ചെയ്യുക

1166. The Platform (Spanish, 2019)

​​1166. The Platform (Spanish, 2019)
           Thriller, Fantasy.


     ഭീതി നിറഞ്ഞ, സ്വാർത്ഥന്മാരുടെ, മരണം കാത്തിരിക്കുന്ന The Platform

   എത്ര ദിവസം ഭക്ഷണം കഴിക്കാതെ ഇരിക്കാൻ സാധിക്കും? ഭക്ഷണം തീരെ ഇല്ലാതെ വരുമ്പോൾ മറ്റുള്ളവരുടെ ഉച്ഛിഷ്ടം കഴിക്കാൻ തയ്യാറാകുമോ?അതിനും അപ്പുറം പട്ടിണി ആണെങ്കിൽ എന്തും തിന്നാൻ തയ്യാറാകുമോ?അതു മനുഷ്യ ശരീരം ആണെങ്കിൽ പോലും?

  ഒരിക്കലെങ്കിലും ഇതു പോലെ ഒരു അവസ്ഥ ഉണ്ടായാൽ എന്താകും ചെയ്യുക?മനുഷ്യത്വം ഒക്കെ എത്ര ദിവസം ഒപ്പം നിൽക്കും?സ്വന്തം നിലനിൽപ് മുഖ്യം ആയി വരില്ലേ?തീർത്തും സങ്കീർണമായ സ്വയം ചോദിക്കേണ്ട ചോദ്യങ്ങളും ഉത്തരങ്ങളും ആകും പ്രേക്ഷകനു The Platform എന്ന സിനിമയിലൂടെ കാണാൻ സാധിക്കുക.

  ഗോരെങ് ആറു മാസങ്ങൾക്ക് അപ്പുറം ലഭിക്കുന്ന ഡിപ്ലോമയ്ക്കു വേണ്ടി ആണ് ആ Vertical ജയിലിൽ താമസിക്കാൻ സമ്മതിച്ചത്.ഈ ജയിലിന്റെ പ്രത്യേകത എന്താണെന്ന് വച്ചാൽ ,ധാരാളം നിലകൾ ഉള്ള ഈ ജയിലിൽ ഭക്ഷണം ഒരു വലിയ platform ൽ ആക്കി മുകളിൽ നിന്നും താഴേക്ക്  പോകുന്നു.ആദ്യത്തെ നിലകളിൽ ഉള്ളവർക്ക് നല്ല ഭക്ഷണവും പിന്നെ ഉള്ളവർക്ക് മുകളിൽ ഉള്ളവരുടെ ഉച്ഛിഷ്ടവും അങ്ങനെ താഴേക്കു പോകയി പോയി അവസാനം ഭക്ഷണം ഇല്ലാതെ ആവുകയും ചെയ്യുന്നു.ഓരോ മാസവും അവിടെ ഉള്ളവരെ പല നിലകളിലേയ്ക്കു മാറ്റും.

  ഇവിടെ ഉള്ള പ്രശ്നം എന്താണെന്ന് വച്ചാൽ തുടക്കം ഉള്ള ആളുകൾ ഭക്ഷണം ശ്രദ്ധിയ്ക്കാതെ ഉപയോഗിക്കുന്നത് കൊണ്ടു താഴെ ഉള്ളവർ ഒന്നും കിട്ടില്ല എന്നതാണ്.പലരും മലമായും, മൂത്രമായും തുപ്പലയും അവരുടെ വെറുപ്പും, മനസികനിലയിലെ വൈകൃതവും എല്ലാം ഈ ഭക്ഷണം പോകുന്ന വഴികളിൽ ഉള്ളവർ അതിലേക്കു ചേർക്കുന്നുണ്ട്.

  പ്‌ളെയിൻ ആയി പറഞ്ഞു പോകുന്ന കഥ.എന്നാൽ ഇതിന് വ്യത്യസ്ത അർത്ഥ തലങ്ങൾ.ഉണ്ട്.ഒരു പക്ഷെ Parasyte ൽ ഉള്ളത് പോലെയോ അതിനും അപ്പുറമോ ഉള്ള ഒരു സാമൂഹിക അന്തരീക്ഷം.മുകളിൽ ഉള്ളവനോട് അവരെ താഴെ ഉള്ളവരോടുള്ള വെറുപ്പ്,പുച്ഛം എന്നിവ.ഒരു പക്ഷെ Parasyte നേക്കാളും ഈ വിഷയം ഭംഗിയായി അവതരിപ്പിച്ച ചിത്രം ആയി തോന്നി The Platform.

  ചിത്രം നല്ലത് പോലെ ഭയപ്പെടുത്തുന്ന ഒന്നാണ്.പ്രത്യേകിച്ചും മേൽപ്പറഞ്ഞ സീനുകളുടെ രംഗാവിഷ്‌ക്കാരം.Horror, haunting എന്നൊക്കെ നിസംശയം പറയാം ഈ സീനുകളെ.പലപ്പോഴും അതു കൊണ്ടു തന്നെ disturbing ആയിരുന്നു പല സീനുകളും.ചില സീൻ ഒക്കെ ഭക്ഷണം കഴിക്കുമ്പോൾ ആണ് കാണുന്നത് എങ്കിൽ പെട്ട് പോകും.

  കഥയെ കുറിച്ചു പറയാൻ ആയി ഒറ്റ വരിയിൽ എഴുതാവുന്ന ഒന്നും ഇല്ല.പലതും സംഭവങ്ങളെ ആസ്പദം ആക്കിയും ഒപ്പം പുതുതായി വരുന്ന കഥാപാത്രങ്ങളെ ആധാരമാക്കിയും ആണ്.

   Saw Series, Cube Trilogy, Escape പോലുള്ള confined space ൽ ഉള്ള ധാരാളം സിനിമകൾ ഉണ്ട്.അവയൊന്നും പോലെ ഉള്ള സിനിമ അല്ല The Platform. പറയാൻ ശ്രമിച്ചതും പറഞ്ഞു വച്ചതും വലിയ കാര്യങ്ങൾ ആണ്. സ്വന്തം കഴിവനുസരിച്ചു അതിനു എത്ര ഭാഷ്യങ്ങൾ വേണമെങ്കിലും രചിച്ചോളൂ.

  കുട്ടികളുടെ കൂടെ ഇരുന്നു കാണാൻ ശ്രമിക്കാതെ ഇരിക്കുക.അവർക്ക് മനസ്സിലാവുന്നതിനും അപ്പുറമാണ് പലതും.പ്രത്യേകിച്ചും cannibalism ഒക്കെ വിശദീകരിക്കാൻ ബുദ്ധിമുട്ട് ഉണ്ടായേക്കാം.

 സിനിമയുടെ content, അവതരണ രീതി ഒക്കെ കാരണം ഒറ്റ ഇരുപ്പിന് കണ്ടു തീർത്തൂ.വല്ലാത്ത ഒരു അനുഭവം ആയിരുന്നു.

MH Views Rating: 4/4


സിനിമ Netflix ൽ ലഭ്യമാണ്.

  സിനിമയുടെ ടെലിഗ്രാം ചാനൽ ലിങ്ക് t.me/mhviews or @mhviews ൽ ലഭ്യമാണ്.

1031.Mirage(Spanish,2018)

1031.Mirage(Spanish,2018)
          Mystery,Crime, Fantasy,Sci-Fi

      ഒരു കൊലപാതകം നടക്കുന്നു എന്നു കരുതുക.ആ സംഭവത്തിൽ രണ്ടു ഫലങ്ങൾ ഉണ്ടാകാം.ഒന്നു.ആ കൊലപാതകം ആളുകൾ അറിയുന്നു.കൊലയാളി പിടിയിലാകുന്നു.രണ്ടാമത് കൊലപാതകം നടന്നത് ആരും അറിയുന്നില്ല.ഈ അവസരത്തിൽ മറ്റൊരു മരണത്തിൽ നിന്നും ഒരാളെ രക്ഷിക്കാൻ അവൾക്കു ഒരവസരം ലഭിച്ചിരിക്കുകയാണ്.അവൾ അത് ഉപയോഗിക്കുന്നു.ഭൂതകാലത്തിൽ ഉള്ള ഒരാളുടെ ജീവിതം ആണ് അവൾ കാരണം രക്ഷപ്പെടുന്നത്.എന്നാൽ അതിന്റെ ഫലമായി വർത്തമാന കാലത്തിൽ ഉള്ള അവളുടെ ജീവിതമോ?

   സങ്കീർണമായ ഒരു കഥയാണ് സ്പാനിഷ് ചിത്രമായ "Mirage" അവതരിപ്പിക്കുന്നത്.ഒരു കൊലപാതക കേസിനെ ചുറ്റിപ്പറ്റിയും അതിനൊപ്പം ബർലിൻ മതിൽ 'തകർക്കുന്ന' ദിവസം ഉണ്ടായ കാലാവസ്ഥ വ്യതിയാനം സൃഷ്ടിച്ച 'Space-Time Continuum glitch' സൃഷ്ടിച്ച പ്രതിഭാസങ്ങൾ ചിലരുടെ ജീവിതത്തിൽ ഉണ്ടായ മാറ്റങ്ങളെ കുറിച്ചും ആണ്.അന്നത്തെ ദിവസം സംഭവിക്കേണ്ടി ഇരുന്ന രണ്ടു മരണങ്ങൾ,അതിനെ തുടർന്ന് പിന്നീട് ഉണ്ടാകുന്ന നഷ്ട ബോധം എല്ലാം എന്നാൽ പിന്നീട് മാറുകയാണ്.

    വേരാ എന്ന സ്ത്രീയുടെ ജീവിതം ആയിരുന്നു ഏറ്റവും അധികം ബാധിച്ചത്.സാധാരണയായി പോയിക്കൊണ്ടിരുന്ന ജീവിതം.സന്തോഷവും,അവളുടെ ജീവിതത്തിൽ എന്തായി തീരാൻ കഴിയാതെ ഇരുന്നത് പോലും തന്റെ കുടുംബ ജീവിതത്തിനു വേണ്ടി ഉള്ള ത്യാഗം ആയി ആണ് അവൾ കരുതിയത്.എന്നാൽ ഭൂതകാലത്തിൽ നടക്കുന്ന സംഭവങ്ങൾ ചെറുതായി മാറ്റാൻ ശ്രമിക്കുന്ന അവൾ എത്തിച്ചേരുന്നത് ആ ടൈം ലൈനിന് സമാന്തരമായി നിർമിക്കപ്പെട്ട മറ്റു ടൈം ലൈനുകളിലും.അവിടെ അവൾ വ്യത്യസ്ത ആണ്.അവളുടെ ജീവിതവും,ബന്ധങ്ങളും,സന്തോഷവും എല്ലാം.എന്നാൽ അവൾക്കു പ്രിയപ്പെട്ട ഒന്നുണ്ട്.അവളുടെ മകൾ.അവൾ മകൾക്കായി അന്വേഷണം നടത്തുക ആണ്.എന്നാൽ എല്ലാം മാറിയ അവൾക്കു അതു സാധ്യം ആകുമോ?

  The Body,Invisible Guest ഒക്കെ സംവിധാനം ചെയ്ത Oriol Paulo യെ അങ്ങനെ എളുപ്പം മറക്കാൻ സാധിക്കുമോ?അദ്ദേഹത്തിന്റെ തന്നെ സംവിധാന മികവിൽ ആണ്  'Mirage' വന്നിരിക്കുന്നത്.ഒരു ത്രില്ലർ,മിസ്റ്ററി കഥയെ ബുദ്ധിപൂർവം സയൻസ് ഫിക്ഷനിൽ യോജിപ്പിച്ചു ആണ് ചിത്രം അവതരിപ്പിച്ചിരിക്കുന്നത്.ട്വിസ്റ്റുകൾ,സസ്പെൻസ് എന്നീ പ്രേക്ഷക പ്രീതി നേടുന്ന ഘടകങ്ങൾ നന്നായി ഉപയോഗിച്ചിട്ടുണ്ട് ചിത്രത്തിൽ.പ്രേക്ഷകനെയും അതു കൊണ്ടു തന്നെ കഥയോടൊപ്പം യാത്ര ചെയ്യിപ്പിക്കുന്നു ചിത്രവും.

  നേരത്തെ പറഞ്ഞത് പോലെ സങ്കീർണമായ കഥയാണ് ചിത്രത്തിന്.എഴുതിയോ പറഞ്ഞോ അറിഞ്ഞാൽ അതിൽ അധികം കൗതുകം ഉണ്ടാകില്ല.പകരം സിനിമ കാണാൻ ശ്രമിക്കുക
Netflix റിലീസ് ആയി ആണ് ചിത്രം വന്നത്.

  More movie suggestions @www.movieholicviews.blogspot.ca

   ചിത്രത്തിന്റെ ലിങ്ക് എന്റെ ടെലിഗ്രാം ചാനലിലും ലഭ്യമാണ്

1105.The Skin I Live In(Spanish,2011)

1105.The Skin I Live In(Spanish,2011)
          Mystery,Drama


   തന്റെ വീട്ടിൽ  സജ്ജമാക്കിയ ഓപറേഷൻ മുറിയിൽ പ്ലാസ്റ്റിക് സർജൻ ആയ റോബർട്ട് നടത്തുന്ന പരീക്ഷണങ്ങളിൽ നിന്നും ഉള്ള അറിവുകൾ അയാൾ ലോകത്തിന് മുന്നിൽ അവതരിപ്പിക്കുന്നു.പക്ഷെ Code of Ethics വച്ചു അയാൾ ചെയ്യുന്നത് തെറ്റായിരിക്കാം .കാരണം അയാളുടെ പരീക്ഷണങ്ങൾക്ക് ഒരു സ്ത്രീയെ ആണ് ഉപയോഗിക്കുന്നത്.എന്നാൽ രഹസ്യമായി തന്നെ അയാൾ അതു ചെയ്യുന്നു.

   ധനികനായ റോബർട്ട് അവളെ ഒരു പ്രത്യേക മുറിയിൽ ആണ് താമസിപ്പിച്ചിരുന്നത്.വീട്ടിൽ ഉള്ള സി സി ടി വി ക്യാമറകൾ വഴി അവളുടെ ഓരോ ചലനവും അയാൾ കാണുമായിരുന്നു.വീട്ടിൽ ഉള്ള ജോലിക്കാരി ഇന്റർക്കോം വഴി ആ സ്ത്രീയുടെ ആവശ്യങ്ങൾ നടത്തി കൊടുത്തിരുന്നു.

  പ്രത്യേകിച്ചും ഒന്നും തോന്നാത്ത ഒരു കഥ അല്ലെ?ഇതു സിനിമയുടെ കഥയുടെ തുടക്ക ഭാഗങ്ങൾ ആണ്.ഒരു ഫ്ലാഷ് ബാക്കിൽ കഥ മൊത്തം മാറി മറിയും.അപ്രതീക്ഷിതമായി മുന്നിൽ വന്ന നിഗൂഢതകൾ എല്ലാം അത്ഭുതം ആകും.പ്രത്യേകിച്ചും അതിനും അപ്പുറം കഥ ഉണ്ടാകും എന്ന് മനസ്സിലാക്കുമ്പോൾ.കഥയെ കുറിച്ചുള്ള പരാമർശം ഇവിടെ നിർത്തുകയാണ്.

  കാരണം,ബാക്കി ഉള്ളത് കണ്ടു തന്നെ മനസ്സിലാക്കണം.അതാണ് ആ സിനിമയുടെ സൗന്ദര്യം.കഥയുടെ രീതി വച്ചു അല്പം ഇറോട്ടിക് സീനുകൾ ഉണ്ട്.കഥയിൽ പക്ഷെ സാധാരണമായ ഒരു കാര്യം പോലെ നന്നായി പ്ളേസ്‌ ചെയ്തിട്ടും ഉണ്ട്.

  Thierry Jonquet രചിച്ച ഫ്രഞ്ച് നോവലായ Mygale ആണ് സിനിമയ്ക്ക് പ്രചോദനം ആയതു.ഈ നോവൽ പിന്നീട് ഇംഗ്ളീഷിൽ Tarantula ആയി മാറുകയും ചെയ്തു.നിഗൂഢതകൾ നിറഞ്ഞ സിനിമ മികച്ച ഒരനുഭവം ആയിരിക്കും.പ്രത്യേകിച്ചും കഥയിലെ വിശ്വസനീയം ആയ ട്വിസ്റ്റ് ഒക്കെ...

  More movie suggestions @www.movieholicviews.blogsot.ca

സിനിമയുടെ ടെലിഗ്രാം ചാനൽ ലിങ്ക് : t.me/mhviews
or

@mhviews in telegram search