1753. Mangalavaaram (Telugu, 2023)

 1753. Mangalavaaram (Telugu, 2023)

        Streaming on Hotstar

⭐⭐⭐½ /5

ഒരു ട്വിസ്റ്റ്!!ദാ വീണ്ടും ട്വിസ്റ്റ്!!ധാ പിന്നെയും ട്വിസ്റ്റ്!!സിനിമയുടെ മൊത്തത്തിൽ ഉള്ള ജോൻറെ എന്താണ് എന്ന് മനസ്സിലാക്കാൻ ശ്രമിക്കുമ്പോൾ ആയിരുന്നു അപ്രതീക്ഷിതമായി ഇതെല്ലാം സ്‌ക്രീനിൽ വരുന്നത്.കാരണം വളരെയധികം ലെയറുകൾ ഉള്ള സിനിമയാണ് മംഗളവാരം എന്ന തെലുങ്ക് ചിത്രം.

ദുരൂഹത നിറഞ്ഞ സംഭവങ്ങളുമായി തുടങ്ങിയ ചിത്രം. ഒരു ഗ്രാമത്തിൽ പ്രത്യേക ദിവസങ്ങളിൽ നടക്കുന്ന കൊലപാതകങ്ങൾ. അതിന്റെ ഇടയ്ക്ക് പ്രണയം ആണോ വയലൻസ് ആണോ അതോ മറ്റെന്തെങ്കിലും ആണോ പറയാൻ ഉദ്ദേശിക്കുന്നത് എന്ന് മനസ്സിലാകാതെ പോയി. കാരണം, ഇവയെല്ലാം സ്‌ക്രീനിൽ ഓരോ സമയത്തും വരുകയാണ്.സിനിമയുടെ കഥ ധാരാളം കഥാപാത്രങ്ങളും ആയി അങ്ങ് നിവർന്നു കിടക്കുകയാണ്. ഇതിന്റെ ഇടയിൽ വരുന്ന കഥാപാത്രങ്ങളെ, അവരുടെ സ്വഭാവം രീതികളെ മനസ്സിലാക്കുവാനും പ്രേക്ഷകൻ കഷ്ടപ്പെടും.

  പിന്നെ സ്‌ക്രീനിൽ അജ്മൽ ഒഴികെ കണ്ടു പരിചയം ഉള്ള മുഖങ്ങൾ ഒന്നും ഇല്ലായിരുന്നു താനും. ഒരു പക്ഷെ ഇങ്ങനത്തെ ഒരു കഥയ്ക്കു കഥാപാത്രങ്ങളായി പുതു മുഖങ്ങൾ വരുന്നത് തന്നെ ആണ് നല്ലത്. അല്ലെങ്കിൽ ഒരു പക്ഷെ മുൻവിധിയോട് കൂടി സിനിമയെ സമീപിച്ചേനെ.

എന്തായാലും പലതരം ചിന്തകളിൽ പോയിക്കൊണ്ടിരുന്ന ഒരു സിനിമ അവസാന ഒരു അര മണിക്കൂറിൽ ട്രാക്കിലേക്ക് ആവുകയും നേരത്തെ പറഞ്ഞ ട്വിസ്റ്റുകളിലൂടെ തരക്കേടില്ലാത്ത സിനിമാനുഭവം ആയി മാറുക ആയിരുന്നു.

കഴിയുമെങ്കിൽ കണ്ടു നോക്കുക. അൽപ്പം ക്ഷമ വേണം എന്തായാലും. കാരണം ഇതിൽ കഥ ആയി പറയാൻ ധാരാളം കാര്യങ്ങൾ ഉണ്ട് എന്നത് തന്നെ.ആ കഥ മനസ്സിലാക്കിയാൽ മാത്രമേ സിനിമയുടെ ക്ലൈമാക്സ്‌ രംഗങ്ങൾ മനസ്സിലാവുകയുള്ളൂ.

1686. Vinaro Bhagyamu Vishnu Katha (Telugu, 2023)

1686. Vinaro Bhagyamu Vishnu Katha (Telugu, 2023)

         Streaming On Aha

⭐️⭐️½/ 5

   ഭയങ്കര നന്മ മരം ആയ നായകൻ. അത് സ്വാഭാവികം ആണല്ലോ അല്ലെങ്കിലും സിനിമയിൽ ? നന്മ മരം എന്ന് പറഞ്ഞാൽ വഴിയേ കൂടി പോകുന്ന ആരെയും സഹായിക്കും. സഹായം വേണ്ടെന്നു പറഞ്ഞാൽ ആദ്യം പോയി മനുഷ്യനാകണം എന്ന് പറഞ്ഞു ഉപദേശിച്ചു വിടും.അങ്ങനെയുള്ള നായകന്റെ പേര് വിഷ്ണു. നായകൻ അങ്ങനെ ആകാൻ കാരണമുണ്ട്. അതൊരു ഫ്ലാഷ്ബാക്കിൽ പറയും. വിഷ്ണുവിന് ഒരു സ്വഭാവമുണ്ട്. അവന്റെ നമ്പറിന്റെ അടുത്ത നമ്പറിൽ ഉള്ളവരെ വിളിച്ചു പരിചയപ്പെട്ട് അവരെ neighbor- number എന്ന് വിളിക്കും. അങ്ങനെ ഒരു കാര്യം തുടങ്ങിയതിനും ഒരു കഥയുണ്ട്. അതും ഫ്ലാഷ്ബാക്കിൽ പറയും . ആ കഥ ആണ്‌ സിനിമയുടെ കഥ.

  ഒരാളെ കൊന്നൂ എന്ന് കേസ് ആയ യുവതി അല്ല അത് ചെയ്തത് എന്ന് വിഷ്ണുവിന് അറിയാം. അതിന്റെ പിന്നാലെ ഉള്ള കഥ ആണ്‌ മൊത്തത്തിൽ സിനിമയിൽ പറയുന്നത്. കുറെ ട്വിസ്റ്റ്, സസ്പെൻസ് ഒക്കെ ഉണ്ടെങ്കിലും പലപ്പോഴും ലോജിക് വച്ച് നോക്കുമ്പോൾ പ്രശ്നം ആണെന്ന് തോന്നും. അതിനു വിശദീകരണം നൽകാൻ ശ്രമിക്കുമെങ്കിലും പലപ്പോഴും അത് അത്ര ഏൽക്കുന്നും ഇല്ല. അത് പോലെ സിനിമ ട്രാക്കിൽ എത്താൻ നല്ലത് പോലെ സമയം എടുത്തൂ. എന്നാൽ അതിനു ശേഷം നല്ല സ്പീഡിൽ തന്നെയാണ് പോയത്.

മോശം സിനിമ ആണെന്ന് ഉള്ള അഭിപ്രായമില്ല. പകരം കുറെ കൂടി സിനിമ നന്നായി എഡിറ്റ് ചെയ്തിരുന്നെങ്കിൽ നന്നായേനെ. അനാവശ്യമായി തോന്നിയ സെന്റി, നന്മ സീനുകൾ നായകന്റെ സ്വഭാവം രെജിസ്റ്റർ ചെയ്യാൻ വേണ്ടി ചെയ്തത് ആകാം. എന്നാൽ അത് സിനിമയുടെ ഒഴുക്കിനെ നന്നായി ബാധിച്ചു. സിനിമയുടെ സിനിമാറ്റിക് ആയ നല്ല വശം അവസാന 45 മിനിറ്റ് ആണ്‌. ധാരാളം കാര്യങ്ങൾ ഇവിടെ സംഭവിക്കുന്നുണ്ട്. നായകനായി വന്ന കിരൺ നന്നായിരുന്നു.മുരളി ശർമ്മയുടെ സിനിമ പാട്ടുകൾ renact ചെയ്യുന്ന രംഗങ്ങളും നന്നായി. ബി ജി എം തരക്കേട് ഇല്ലായിരുന്നു.

എന്നേ സംബന്ധിച്ച് ഒരു ശരാശരി സിനിമ ആയി തോന്നി Vinaro Bhagyamu Vishnu Katha. എന്നാൽ കഴിഞ്ഞ ദിവസം OTT റിലീസിന് ശേഷം ഏകദേശം 100 മില്യൻ viewing minutes കഴിഞ്ഞു എന്ന് വായിച്ചിരുന്നു. മികച്ച അഭിപ്രായങ്ങൾ ധാരാളം കേൾക്കുകയും ചെയ്തു. സിനിമ അടുത്ത ഭാഗത്തിലേക്കു ഉള്ള hint ഇട്ടിട്ടു ആണ്‌ അവസാനിക്കുന്നത്.

1640. HIT: The Second Case (Telugu, 2022)

1640. HIT: The Second Case (Telugu, 2022)

          Streaming on Amazon Prime.

HIT ന്റെ ആദ്യ ഭാഗം കണ്ടു ഇഷ്ടപ്പെട്ടിരുന്നത് കൊണ്ട് തന്നെ രണ്ടാം ഭാഗവും കാണാൻ ഉള്ള ഉള്ള ആകാംക്ഷ ഉണ്ടായിരുന്നു.പ്രത്യേകിച്ചും ധാരാളം ഭാഗങ്ങൾ ഉള്ള ഒരു ഫ്രാഞ്ചൈസി ആയി മാറാൻ സാധ്യത ഉണ്ടെന്നുള്ള വാർത്തകൾ കൂടി ആയപ്പോൾ ആകാംക്ഷ കൂടി എന്നു പറയാം. സ്ഥിരം ഫോർമാറ്റിൽ ഉള്ള സീരിയൽ കില്ലർ സ്റ്റോറി ആണ് HIT ന്റെ രണ്ടാം ഭാഗത്തിൽ ഉള്ളത്. കുറ്റാന്വേഷണ സിനിമയുടെ default format ആണ് ഇവിടെയും. പക്ഷേ മാനസിക വ്യഥ അനുഭവിക്കുന്ന നായകൻ എന്ന രീതി മാറ്റിയിട്ടുണ്ട്. പകരം ഓവർ confident ആയ നായകൻ ആണ് ഇതിൽ ഉള്ളത്. 

 ആദ്വിയുടെ KD എന്ന പോലീസ്  കഥാപാത്രം അത് കൊണ്ട് ഇടയ്ക്ക് irritating ആയി തോന്നിയിരുന്നു. ഒരു സ്ത്രീയുടെ കൊലപാതകം നടക്കുന്നു. പല കഷ്ണങ്ങളായി വേർപ്പെടുത്തിയ അവളുടെ മൃതദേഹത്തിന്റെ പിന്നാലെ ഉള്ള രഹസ്യവും അത് ആരാണ് ചെയ്തത് എന്നതും ആണ് സിനിമയുടെ കഥ. സീരിയൽ കില്ലറിന്റെ ശോക കഥ ആണ് ഇതിലും ഉള്ളത്. മാനസികമായ പ്രശ്നങ്ങൾ കാരണം ഇത്തരത്തിൽ ആയി മാറിയ ആളുടെ കഥ ഇന്ത്യയിൽ സിനിമ ആകണമെങ്കിൽ ഇനിയും സമയം എടുക്കുമായിരിക്കും എന്നു തോന്നുന്നു. എല്ലാ സീരിയൽ കില്ലർക്കും സീരിയലിനെ വെല്ലുന്ന ശോക കഥ ഉണ്ടായിരിക്കും. അതാണല്ലോ പതിവ്. അല്ലെ?

 ഇങ്ങനെ പ്രശ്നങ്ങൾ ഉണ്ടെന്ന് തോന്നിയാലും മൊത്തത്തിൽ ഒരു ആന ചന്തം ഉണ്ട് HIT: The Second Case ന് . പ്രത്യേകിച്ചും അടുത്ത ഭാഗത്തിലേക്കുള്ള വാതിലുകൾ തുറന്നിട്ടത് കൊള്ളാമായിരുന്നു . കുറ്റാന്വേഷണ സിനിമയുടെ ആരാധകർക്ക് ഒരു പക്ഷേ ക്ലീഷേ ആയി തോന്നാം HIT: The Second Case കാണുമ്പോൾ. പക്ഷേ തരക്കേടില്ലാതെ അവതരിപ്പിച്ച ക്ലീഷേ ചിത്രം ആയിരുന്നു HIT: The Second Case എന്നാണ് എന്റെ അഭിപ്രായം. 

എന്റെ റേറ്റിംഗ്: 3/5

1572. Karthikeya 2 (Telugu, 2022)

 1572. Karthikeya 2 (Telugu, 2022)

         Streaming on Zee5

   അശ്വിൻ സാൻഗിയുടെ The Rozabal Line, Chanakya's Chant, The Krishna Key മുതൽ ഇങ്ങോട്ടുള്ള ധാരാളം കഥകളിൽ കണ്ടിട്ടുള്ള പ്രമേയം ആണ് Karthikeya 2 ഇൽ ഉള്ളത്. ഡാൻ ബ്രൌൺ പ്രശസ്തമാക്കിയ, മതങ്ങളിൽ ഊന്നിക്കൊണ്ടുള്ള കഥാപാത്രങ്ങളെ പുതിയ ലോകത്തിലേക്കു മാറ്റിക്കൊണ്ട് നടത്തുന്ന കഥാവതാരണം ആണ് ഈ ചിത്രത്തിൽ ഉള്ളത്. അശ്വിൻ മാത്രമല്ല, ധാരാളം ഇൻഡ്യൻ എഴുത്തുകാർ ഈ രീതി അവലംബിക്കുന്നുണ്ട്. ഇക്കൂട്ടത്തിൽ ഇഷ്ട എഴുത്തുകാരൻ എന്ന നിലയിൽ അശ്വിന്റെ പേര് ഉപയോഗിച്ചു എന്നേ ഉള്ളൂ. 

  നിഖിൽ സിദ്ധാർത്തയുടെ ഡോ. കാർത്തിക് എന്ന ബുദ്ധിമാനായ, പല രംഗങ്ങളിലും അവഗാഹം ഉള്ള നായക കഥാപാത്രം ഭഗവാൻ കൃഷ്ണന്റെ മരണത്തിന് മുന്നേ നടന്ന ഒരു സംഭവത്തെ ബന്ധപ്പെടുത്തി അതിനു പിന്നിൽ ഉള്ള രഹസ്യം കണ്ടെത്താൻ ശ്രമിക്കുന്നത് ആണ് ചിത്രത്തിന്റെ പ്രമേയം. തുടക്കത്തിൽ പറഞ്ഞത് പോലെ ഇത്തരത്തിൽ ഉള്ള കഥകളുടെ ആരാധകൻ എന്ന നിലയിൽ കുഴപ്പമില്ലാത്ത കഥ ആണ് ചിത്രത്തിന് ഉണ്ടായിരുന്നത് എന്ന് തോന്നി.

  എന്നാൽ, VFX പോലുള്ള സാങ്കേതിക തലങ്ങളിൽ ചിത്രം കുറേക്കൂടി ശ്രദ്ധ വച്ചിരുന്നെങ്കിൽ എന്ന് തോന്നി. അത്തരത്തിൽ ഒരു ട്രീറ്റ്മെന്റ് ഈ കഥ അർഹിക്കുന്നുമുണ്ട് . പിന്നെ സിനിമാറ്റിക് ആയ പല കാര്യങ്ങളും ഉൾപ്പെടുത്തുക വഴി ഒരു ത്രില്ലർ എന്ന നിലയിൽ വലുതായി ഒന്നും ചിത്രത്തിന് നല്കാനും ആയില്ല. ഒരു Adventure -Comedy  എന്ന ഗണത്തിൽ ഉൾപ്പെടുത്താവുന്ന സിനിമ ആയി മാറി. ത്രില്ലർ സബ്ജക്റ്റ് എന്ന നിലയിൽ ട്രീറ്റ് ചെയ്തിരുന്നെങ്കിൽ സിനിമ കൂടുതൽ നന്നായേനെ എന്ന അഭിപ്രായം ആണുള്ളത്. 

  സിനിമ തിയറ്ററിലും, OTT റിലീസിലും വിജയം ആയിരുന്നു എന്ന് കണ്ടൂ. ഇത്തരം കഥകൾ കൌതുകം നല്കുന്നത് ആണെങ്കിൽ ഒന്ന് കണ്ടു നോക്കാവുന്ന ചിത്രമാണ് . മൂന്നാം ഭാഗവും ഉണ്ടാകുമെന്ന സൂചന നല്കിയാണ് ചിത്രം അവസാനിച്ചത്. 

സിനിമ കണ്ടവരുടെ അഭിപ്രായം എന്താണ്?

1425. Adbhutham (Telugu, 2021)

 

1425. Adbhutham (Telugu, 2021)

         Streaming on Hostar

   വിദേശ ഭാഷ സിനിമകളിൽ ധാരാളം കണ്ടിട്ടുള്ള ഒരു പ്രമേയം ആണ് അത്ഭുതം എന്ന തെലുങ്ക് ചിത്രത്തിന് ഉള്ളത്. എന്നാലും സങ്കീർണമായ അവതരിപ്പിക്കാൻ കഴിയുന്ന ഒരു പ്രമേയം ആർക്കും മനസ്സിലാകുന്ന രീതിയിൽ ചിത്രത്തിൽ അവതരിപ്പിച്ചിട്ടുണ്ട്.തെലുങ്ക് റൊമാൻ്റിക് സിനിമകളിലെ സ്ഥിരം ചേരുവകൾ ആയ കുടുംബ ബന്ധങ്ങൾ - പ്രണയം - സൗഹൃദം എല്ലാം ഉൾപ്പെടുത്തിയിട്ടുണ്ട് ചിത്രത്തിൽ. അത് കൊണ്ടൊക്കെ തന്നെ ഇത്തരത്തിൽ ഉള്ള പ്രമേയത്തിൻ്റെ അതിസങ്കീർണതകളെ കുറിച്ച് ഓർത്തു പ്രേക്ഷകന് ബുദ്ധിമുട്ടേണ്ടി വരുന്നും ഇല്ല.

Synopsis

   സൂര്യ- വെണ്ണിലാ എന്നിവർ അവരവരുടെ ജീവിതത്തിലെ സുപ്രധാനമായ തീരുമാനം എടുത്ത ദിവസം ആണ് പരിചയപ്പെടുന്നത്. സൂര്യ തൻ്റെ ഫോണിൽ നിന്നും സ്വന്തം നമ്പറിലേക്ക് അയക്കുന്ന ടെക്സ്റ്റ് മെസേജ് എത്തുന്നത് വെണ്ണിലയുടെ നമ്പറിലേക്ക് ആണ്.അന്തരീക്ഷത്തിൽ ഉണ്ടായ സിഗ്നലുകളിലെ വ്യതിയാനങ്ങൾ ആയിരിക്കാം അതിനു കാരണം എന്ന് കരുതുന്നു.പിന്നീട് പതിയെ അവർ പരസ്പരം അവരവരുടെ ജീവിതത്തിൽ സ്വാധീനം ചെലുത്താൻ തുടങ്ങുന്നു.എന്നാൽ ഒരവസരത്തിൽ ആണ് അവർ ആ സത്യം മനസ്സിലാക്കുന്നത്. അവർ എന്തു കൊണ്ട് പരിചയപ്പെട്ടു എന്നു. ഇവിടെയാണ് സിനിമയുടെ ട്വിസ്റ്റ്.അതായത്, നേരത്തെ പറഞ്ഞ വിദേശ സിനിമകളിലെ പ്രമേയം എന്ന് പറഞ്ഞ കാര്യം.പിന്നീട് കഥയിൽ ധാരാളം ട്വിസ്റ്റുകളും ഉണ്ടാകുന്നു.

   ഇത്തരത്തിൽ ഒരു പ്രമേയം വളരെ സിമ്പിൾ ആയി അവതരിപ്പിച്ചത് ആണ് സിനിമയുടെ നല്ല വശം എങ്കിൽ, ഇത്രയും സിംപിൾ ആയി അവതരിപ്പിക്കാതെ കുറെ കൂടി സീരിയസ് പ്രമേയം ആയിരുന്നെങ്കിൽ.കുറെ കൂടി സിനിമ ഹിറ്റ് ആയേനെ എന്നു കരുതി.എന്തായാലും അതിനു അർത്ഥം സിനിമ  മോശം ആണെന്നും അല്ല.

   

   ഇടയ്ക്ക് കഥയിലെ സംഭവങ്ങളും ആയി പ്രേക്ഷകനെ ബോർ അടിപ്പിക്കാതെ സിനിമ മുന്നോട്ടു പോകുന്നു. കോമഡി അധികം വർക് ഔട്ട് ആയില്ല എന്ന് തോന്നി. എന്നൽ കൂടിയും കഥയുടെ പ്രണയ പശ്ചാത്തലം ഒക്കെ നന്നായി.സിനിമയിൽ ഏറ്റവും ഇഷ്ടപ്പെട്ടത് പെണ്ണ് കാണാൻ വന്ന കഥാപാത്രം ചെയ്ത ചമ്മക് ചന്ദ്രയെ ആണ്.അന്യായ ആത്മവിശ്വാസം. നായികയും കൂട്ടരും ഒക്കെ ലുക്കിൻ്റെ പേരിൽ കളിയാക്കുമ്പോഴും അതൊന്നും വിഷയമേ അല്ല എന്ന് കരുതി പോകുന്ന കഥാപാത്രത്തെ കോമാളി ആയി അവതരിപ്പിച്ചത് എങ്കിലും വളരെ ലോ ലവലിൽ പോയില്ല എന്ന് തോന്നി.

  എന്തായാലും നല്ല ഒരു ടൈം പാസ് സിനിമ ആണ് അത്ഭുതം.എനിക്ക് എന്തായാലും ആ ഒരു രീതിയിൽ നിരാശ തോന്നിയില്ല സിനിമ കണ്ട് കഴിഞ്ഞപ്പോൾ|. 

  

@mhviews rating: 3/4

ചെറിയ ഒരു സ്പോയിലർ അലർട്ട്...

  Il Mare/ Lake House, The Call (S. Korean), Secret, Back to the 90s (Thai) , The Caller പോലുള്ള സിനിമകളിൽ വന്ന പരിചിതമായ തീം തന്നെ തെലുങ്കിലേക്ക് മാറ്റിയാൽ 'അത്ഭുതം' ആയി.

​​1021.Awe(Telugu,2018)

​​1021.Awe(Telugu,2018)

          Mystery

  5 കഥാപാത്രങ്ങൾ.അവർക്ക് അവരുടേതായ ചില ലക്ഷ്യങ്ങളും താല്പര്യങ്ങളും ഉണ്ട് ആ ദിവസം.തന്റെ മാതാപിതാക്കളും ആയി റെസ്റ്റോറന്റിൽ വന്ന യുവതി.പുതുതായി ഷെഫ് ജോലിക്ക് വന്ന യുവാവ്.ഒരു വ്യവസായ സ്ഥാപനത്തിലെ ജോലിക്കാരൻ ആയ യുവാവ്.കഫേയിൽ ജോലിക്കാരി ആയ യുവതി.തന്റെ അമ്മയ്ക്ക് പകരം അന്നേ ദിവസം ബിൽ കൗണ്ടറിൽ ഇരുന്ന പെണ്കുട്ടി.

  ഈ അഞ്ച് കഥാപാത്രങ്ങളുടെ കഥകൾ സമാന്തരമായി പ്രേക്ഷകന്റെ മുന്നിൽ അവതരിപ്പിക്കുന്നു.ഓരോ കഥ വച്ചു നോക്കുമ്പോഴും ഓരോ ട്വിസ്റ്റും ആയി വരുമ്പോൾ പല ഷോർട്ട് ഫിലിമുകൾ അടുക്കി വച്ച് കാണിക്കുന്ന അനുഭവം ആണ് ഉണ്ടാവുക.പരസ്പ്പരം ഓരോ കഥയ്ക്കും മറ്റു കഥകളും ആയി ബന്ധം പോലും കാണാൻ സാധ്യത കുറവാണ്.

   ഈ രീതിയിൽ പോകുന്ന സിനിമ പിന്നീട് സംഭവ ബഹുലം ആവുക ആണ്.കഥാപാത്രങ്ങൾ കൂടുതൽ പ്രാധാന്യത്തോടെ ,തങ്ങളുടെ കഥകളുമായി പോകുമ്പോൾ നിഗൂഢമായ എന്തോ ഒന്ന് ഇതിൽ ഉണ്ടെന്നു തോന്നും.ഏതു ഴോൻറെ ആണെന്ന് പോലും പ്രേക്ഷകന് അധികം മനസ്സിലാകാതെ വന്നാലും കുറ്റം ഒരാളാണ് ഇല്ല.ഇടയ്ക്കു ഫാന്റസി ആയും,ഹൊറർ ആയും സ്ത്രീപക്ഷ സിനിമ ആയും,ക്രൈം സിനിമ ആയും എന്തിനു സയൻസ് ഫിക്ഷൻ ആണെന്ന് പോലും തോന്നി പോകും.'ഔ'  എന്ന തെലുങ്ക് ചിത്രം അവതരണത്തിൽ പ്രേക്ഷകനെ ഏറെ കുഴപ്പിക്കും.

   എന്താണ് ചിത്രം മൊത്തത്തിൽ പറയാൻ ശ്രമിക്കുന്നത് എന്നു പ്രേക്ഷകന് ചിന്തിച്ചു തുടങ്ങുന്നിടത്തു വീണ്ടും ട്വിസ്റ്റ് വരുന്നു.എന്താണ് 'ഔ'?ഈ കഥാപാത്രങ്ങളുടെ പിന്നിൽ എന്തെങ്കിലും രഹസ്യമുണ്ടോ?അവർ തമ്മിൽ ബന്ധം ഉണ്ടോ?ചിത്രം കാണുക.

  തെലുങ്ക് സിനിമയും കാര്യമായ മാറ്റങ്ങളിലൂടെ കടന്നു പോവുകയാണ്.തെലുങ്ക് സിനിമകളെ കുറിച്ചുള്ള പൊതു ബോധം തകർക്കുന്ന രീതിയിൽ കുറെ ഏറെ സിനിമകൾ മികവോട് കൂടി തന്നെ കഴിഞ്ഞ ഏതാനും വർഷങ്ങളായി വരുന്നുണ്ട്.നല്ല മാറ്റമാണ്.വലിയ ബഡ്ജറ്റിൽ മാസ് മസാല പടങ്ങൾ അല്ലാതെ വ്യത്യസ്തമായ പടങ്ങൾ ചെയ്യാൻ കഴിവുള്ള ഒരു ഇന്ഡസ്ട്രിയെ സംബന്ധിച്ചു ശുഭകരമായ കാര്യമാണിത്.

Spoiler:

  ഒരു ഹോളിവുഡ് സിനിമയുമായി മുഖ്യ പ്രമേയത്തിന് ബന്ധം ഉണ്ടെങ്കിലും,(ആ സിനിമയുടെ പേര് ദയവു ചെയ്തു ഇവിടെ പറയരുത്.കാണാൻ ഉള്ളവർക്ക് ആ രസം നഷ്ടമാകും) കഥയിൽ വരുത്തിയ വലിയ മാറ്റങ്ങൾ ഒരിക്കലും ആ സിനിമ ആണെന്ന് ഉള്ള തോന്നൽ പ്രേക്ഷകരിൽ ഉണ്ടാക്കില്ല.ക്ളൈമാക്സിൽ വളരെ സരളമായി കാര്യങ്ങൾ സ്പൂണ് ഫീഡ് ചെയ്തു കൊടുക്കുന്നത് കൊണ്ടു പ്രേക്ഷകന് കാര്യമായ സംശയം ഒന്നും ഉണ്ടാവുകയും ഇല്ല.ഇത്തരത്തിൽ ഉള്ള ഒരു പ്രമേയത്തെ ഇന്ത്യൻ  പ്രേക്ഷകരുടെ മുന്നിൽ 'make in India' രൂപത്തിൽ അവതരിപ്പിക്കുന്നത് തന്നെ വളരെ ശ്രമകരം ആണ്.അതിൽ 'ഔ' സിനിമയുടെ അണിയറ പ്രവർത്തകർ വിജയിച്ചിട്ടുണ്ട്.അതു തന്നെ ആണ് സിനിമയുടെ പ്ലസ് പോയിന്റ്.

എന്താണ് സംഭവിക്കുന്നത് എന്നു മനസ്സിലാകാതെ സിനിമ കണ്ടു കൊണ്ടിരുന്നപ്പോൾ ആണ് ക്ളൈമാക്‌സ് വരുന്നത്.ഒറിജിനൽ സിനിമ കണ്ട അതേ ദിവസം ഉള്ള കൗതുകം ആയിരുന്നു അത് കണ്ടപ്പോൾ.അതു കൊണ്ടു തന്നെ ഇഷ്ട ചിത്രങ്ങളിൽ ഒന്നായി മാറുകയും ചെയ്തു.

സസ്പെൻസ് മനസ്സിലായവർക്കും കണ്ടു നോക്കാവുന്ന ഒന്നാണ് സിനിമ.കാരണം കഥാപരമായി നല്ല വ്യത്യാസം ഉണ്ട് ഒറിജിനലിൽ നിന്നും ഈ സിനിമയ്ക്കു.ചിത്രത്തിന്റെ നിര്മാതാക്കളിൽ നാനിയും ഉണ്ട്.

MH Views Rating:2.5/4

More movie suggestions @www.movieholicviews.blogspot.ca

സിനിമയുടെ ലിങ്ക് എന്റെ ടെലിഗ്രാം ചാനലിൽ ലഭ്യമാണ്.

1204. Aswathma( Telugu, 2020)

1204. Aswathma( Telugu, 2020)
          Mystery, Thriller

   തങ്ങളുടെ ജീവിതത്തിൽ ഉണ്ടായ ഒരു സംഭവത്തെ കുറിച്ചു ഒരു ധാരണയും ഇല്ലാത്ത സ്ത്രീകൾ.അവരുടെ ഓർമകളിൽ ഇല്ലാത്ത ആ സമയം ആണ് അവരിൽ പലരുടെയും ജീവിതം തീരുമാനിച്ചത്.പലരും അതിനോട് പ്രതികരിച്ച രീതി വ്യത്യസ്തം ആയിരുന്നു.നിഗൂഢതകൾ ഏറെയുള്ള സംഭവം.അതാണ് തെലുങ്ക് ചിത്രം അശ്വതമായുടെ പ്രമേയം.അവർക്ക് എന്താണ് സംഭവിച്ചത്?

  പലരിൽ ഒരാളായ തന്റെ സഹോദരിയ്ക്കും എന്താണ് സംഭവിച്ചത് എന്നു അറിയാത്ത ഗണ എന്ന യുവാവ് അതിന്റെ പിന്നിലെ രഹസ്യം തേടിയിറങ്ങി.ആ അന്വേഷണം ആണ് ചിത്രത്തെ പിന്നീട് മുന്നോട്ടു നയിക്കുന്നത്.

  ഒരു കുറ്റാന്വേഷണ-സൈക്കോളജിക്കൽ ത്രില്ലർ എന്ന നിലയിൽ ഏറെ സാധ്യതകൾ ഉണ്ടായിരുന്ന ചിത്രം എന്നാൽ ചില സ്ഥലങ്ങളിൽ പതിവ് തെലുങ്ക് ചിത്രങ്ങളുടെ രീതിയിലേക്ക് പോയി.ഇത്തരം ഒരു പ്രമേയത്തിന് അതിന്റെ ആവശ്യം കുറവായിരുന്നു.ഒരു സൂപ്പർ ഹീറോ നായകൻ ഇല്ലെങ്കിലും ചിത്രം മുന്നോട്ട് പോയേനെ.

 ക്ളൈമാക്സിലേക്കു എത്തുമ്പോൾ അതിന്റെ ആ ഫീൽ നിലനിർത്താൻ സാധിച്ചോ എന്നു സംശയം വന്നൂ പല കൊമേർഷ്യൽ ഘടകങ്ങളും കാരണം.അൽപ്പം കൂടി ഡാർക് മൂഡിൽ എടുത്തിരുന്നെങ്കിൽ നന്നായേനെ എന്നു തോന്നി.അതു കൊണ്ടു പൂർണമായ സംതൃപ്തി ലഭിച്ചില്ല.പക്ഷെ മൊത്തത്തിൽ നോക്കിയാൽ വലിയ തരക്കേടില്ലാത്ത ചിത്രം എന്നു പറയാം.

   MH Views Rating 3/5

ചിത്രത്തിന്റെ ടെലിഗ്രാം ലിങ്ക് t.me/mhviews or @mhviews ൽ ലഭിയ്ക്കും

1177. HIT: The First Case (Telugu, 2020)

1177. HIT: The First Case (Telugu, 2020)
          Mystery, Crime

  നിഗൂഢതകൾ നിറഞ്ഞ  മികച്ച കുറ്റാന്വേഷണ കഥയുമായി Hit: The First Case

      ഒരു പെണ്ക്കുട്ടിയുടെ തിരോധാനവും ആയി ബന്ധപ്പെട്ട കേസിൽ ആണ് Homicide Intervention Team (HIT) ഉദ്യോഗസ്ഥൻ ആയ  വിക്രം അന്വേഷണം നടത്തുന്നത്.അയാൾ ഈ കേസിലേക്കു എത്തി ചേരാൻ ഉള്ള കാരണം അയാളുടെ കാമുകി ആയിരുന്നു.

  ഒരു തുമ്പും ഇല്ലാത്ത കേസ്.അവളെ അവസാനം ആയി കണ്ട പോലീസ് ഉദ്യോഗസ്ഥൻ.എന്നാൽ അയാളുടെ വാക്കുകൾ പോലും വിശ്വാസിക്കാവുന്ന രീതിയിൽ ഒരു തെളിവും പൊലീസിന് കിട്ടുന്നില്ല.ആ പെണ്ക്കുട്ടിയുമായി ബന്ധം ഉള്ള എല്ലാവരും സംശയത്തിന്റെ നിഴലിൽ ആണ്.എന്താണ് അവൾക്കു സംഭവിച്ചത്?പോലീസിന്റെ അന്വേഷണത്തിൽ പ്രേക്ഷകനും പങ്കു ചേരാം.

  ഇതിന്റെ ഇടയിൽ പൊലീസിന് ധാരാളം വഴികളിലൂടെ യാത്ര ചെയ്യേണ്ടി വരുന്നുണ്ട്.എന്നാൽ ലക്ഷ്യത്തിൽ എത്താൻ നല്ല ബുദ്ധിമുട്ടും ഉണ്ട്.ഒരു കേസ് അന്വേഷണത്തിൽ തെളിവുകൾ ഒന്നും കണ്ടെത്താൻ കഴിയാതെ വരുന്നത് എന്തു കൊണ്ടാണ്.ഒറ്റ തെളിവ് മതി.ആ തെളിവ് എവിടെ ആണ് ഒളിച്ചിരിക്കുന്നത്?ചിത്രം കാണുക.

  മിസ്റ്ററി നിറഞ്ഞ വിദേശ സിനിമകൾ വൻ രീതിയിൽ ഇന്ത്യൻ പ്രേക്ഷകന്റെ ഇടയിൽ തരംഗം ആകുമ്പോൾ ആദ്യം കരുതിയത് മലയാള സിനിമ മാത്രം ആയിരിക്കും ആ ഒരു രീതിയിലേക്ക് മാറുക എന്നാണ്.എന്നാൽ തമിഴ്,തെലുങ്ക്,കന്നഡ സിനിമകൾ എല്ലാം അടിമുടി മാറിയിരിക്കുന്നു.പ്രേക്ഷകനെ ആകാംക്ഷയുടെ മുൾമുനയിൽ നിർത്താൻ ഉള്ള ശ്രമം വലിയ രീതിയിൽ എല്ലാ ഭാഷ സിനിമകളിലും ഇപ്പോൾ കാണാം.അതിന്റെ പുതിയ addition ആണ് HIT:The First Case. സിനിമയുടെ അവസാനം ഒരു രണ്ടാം ഭാഗത്തിനുള്ള മുന്നോടിയായി ഉൾക്കൊള്ളിച്ചിരിക്കുന്ന രംഗം പോലും മികച്ചതായിരുന്നു.

   എന്തായാലും മിസ്റ്ററി/ത്രില്ലർ സിനിമ സ്നേഹികൾ കണ്ടു തുടങ്ങിക്കോളൂ ചിത്രം
  ചിത്രം Amazon Prime ൽ ലഭ്യമാണ്.ഒരിക്കലും നിരാശപ്പെടേണ്ടി വരില്ല എന്നു തോന്നുന്നു ചിത്രം കണ്ട് കഴിയുമ്പോൾ.

 MH Views Rating:3.5/4

   ചിത്രത്തിന്റെ ടെലിഗ്രാം ചാനൽ ലിങ്ക് t.me/mhviews or @mhviews എന്നു ടെലിഗ്രാം സെർച്ച് ചെയ്യുമ്പോൾ ലഭ്യമാണ്.

1176. 118(Telugu, 2019)

1176. 118(Telugu, 2019)
           Mystery, Fantasy

  " സ്വപ്നങ്ങൾ പറയാൻ ശ്രമിച്ച നിഗൂഢതയുടെ കഥ -118 "

സിനോപ്സിസ്

  ശക്തമായി അടിയേറ്റു നിലത്തു വീഴുന്ന സ്ത്രീയുടെ മുഖം.ആരൊക്കെയോ ചേർന്നു വെള്ളത്തിലേക്ക് തള്ളിയിടുന്ന കാർ.ഒരു സ്വപ്നത്തിൽ ഗൗതം എന്ന ജേർണലിസ്റ്റ് കാണുന്നതാണ് ഇതു.അതു ഒരു പ്രാവശ്യം അല്ല.വീണ്ടും ആവർത്തിച്ചു. അന്വേഷണാത്മക പത്ര പ്രവർത്തനം ഇഷ്ട മേഖല ആക്കിയ ഒരു ആൾ എന്ന നിലയിൽ ഗൗതമിനു ആ സ്വപ്നങ്ങൾ എന്തോ പറയാൻ ശ്രമിക്കുന്നു എന്നു തോന്നി തുടങ്ങുന്നു.എന്തായിരുന്നു ആ സ്വപ്നങ്ങളുടടെ പിന്നിൽ ഉള്ള കഥ?

   സിനിമ കാണാൻ പ്രേരിപ്പിക്കുന്ന ഘടകങ്ങൾ?

  സിനിമയുടെ ഫാന്ടസിയും മിസ്റ്ററിയും ഇഴ ചേർന്ന ട്രീറ്റ്മെന്റ് നന്നായിരുന്നു.കഥയിൽ പെട്ടെന്ന് ഉണ്ടായ ട്വിസ്റ്റുകളും, ആ സംഭവം അന്വേഷിക്കുന്നതും എല്ലാം സിനിമയുടെ പ്രധാന സംഭവങ്ങൾ ആണ്.ഒരു ക്ളീഷേ കഥയിൽ ഈ ഒരു ഫാന്ടസി എലമെന്റ് നല്ല രീതിയിൽ വർക് ഔട്ട് ആയിട്ടുണ്ട് എന്നു തോന്നി.പ്രത്യേകിച്ചും lucid ഡ്രീംസ് ഒക്കെ ആയി പ്രേക്ഷകന് പരിചയം ഉള്ള ഈ സമയത്തു. ഒരു ഫാന്റസി വിഷയം convincing ആകുന്ന രീതിയിൽ അവതരിപ്പിച്ചു.

  സിനിമയുടെ മോശം വശം?

  സിനിമ പറയുന്ന വിഷയത്തിന്റെ ഗൗരവം കളയുന്ന തമാശകൾ, റൊമാൻസ്, പാട്ടൊക്കെ ഉണ്ടായിരുന്നു.ഒരു പക്ഷെ അതൊക്കെ ട്രിം ചെയ്തിരുന്നെങ്കിൽ നന്നായേനെ.കാരണം സിനിമയുടെ വിഷയം അതു അർഹിക്കുന്നു.

  VFX ആയിരുന്നു മറ്റൊന്ന്.നിലവാരം കുറവായിരുന്നു ചില രംഗങ്ങളിൽ ഒക്കെ.ആക്ഷനും റോഡ് ചേസും ഈ കഥയിൽ ആവശ്യം ഉള്ളതായിരുന്നു.പക്ഷെ പലപ്പോഴും ഇതൊക്കെ കല്ലു കടിയായി മാറി എന്നതാണ് സത്യം.

  MH Views Rating 2.5/4

   മൊത്തത്തിൽ വലിയ കുഴപ്പം ഇല്ലാത്ത സിനിമ.Lucid dreams ഒക്കെ വലിയ സങ്കീർണത ഇല്ലാതെ അവതരിപ്പിച്ചിട്ടുണ്ട്.കൊറിയൻ സിനിമയിലെ Lucid Dream എന്ന 2017 ലെ സിനിമ ഓർമ കാണുമല്ലോ?അതുമായി താരതമ്യം ചെയ്യാതെ ഒരു തെലുങ്ക് പടം എന്ന നിലയിൽ കണ്ടാൽ അത്യാവശ്യം ട്വിസ്റ്റും കുഴപ്പമില്ലാത്ത കഥയുമൊക്കെയായി ഒരു സിനിമ കാണാം.

  സിനിമയുടെ ടെലിഗ്രാം ചാനൽ ലിങ്ക് t.me/mhviews or @mhviews ൽ ലഭ്യമാണ്

1172. Okka Kshanam (Telugu, 2017)

1172. Okka Kshanam (Telugu, 2017)
          Mystery, Thriller

   ഫ്‌ളാറ്റിൽ നിന്നു കാണുന്ന ജനാലയിലൂടെ ദിവസവും കണ്ടു കൊണ്ടിരുന്ന രണ്ടു പേരുടെ ജീവിതത്തിൽ നല്ല ദുരൂഹത ഉണ്ടായിരുന്നു.ഒരു ദിവസം ഒരിക്കലും പ്രതീക്ഷിക്കാത്തതും സംഭവിയ്ക്കുന്നു.ഒരു മരണം.ജീവയും ജോഷ്നയും തങ്ങളുടെ ഫ്‌ളാറ്റിൽ നിന്നു കണ്ടു കൊണ്ടിരുന്ന കാഴ്ച്ചയിൽ ഉള്ള കഥാപാത്രങ്ങളുടെ ഭൂതകാല ജീവിതം ശരിക്കും ജീവയുടെയും ജോഷ്നയുടെയും വർത്തമാനക്കാല ജീവിതം ആയിരുന്നു. Rear Window യുടെ കഥ പോലെ തോന്നുന്നു.അല്ലെ?എന്നാൽ അതല്ല പ്രമേയം.പിന്നെന്താണ്? സിനിമ കാണുക.

   Paralle Life concept, കൂട്ടമായി എടുത്തു എറിയുന്ന തീപ്പെട്ടി കോലുകൾ വച്ചു നല്ലൊരു വിശദീകരണം ഇതിനായി നൽകുന്നുണ്ട് സിനിമയിൽ.ലിങ്കനും കെന്നഡിയും ജീവിച്ച ജീവിതം പോലെ മറ്റു പല  കഥകളിലും ഉള്ള ജീവിതം പോലെ ഒന്നു. സമാന്തര ജീവിതത്തിന്റെ കഥ അങ്ങനെ ആണ്.കൗതുകകരം ആയ ഒന്നു. സിനിമയുടെ പ്രമേയം ഈ കഥയെ ആധാരമാക്കി ആണ്.

   തെലുങ്ക് സിനിമയ്ക്ക് വേണ്ടി ഉള്ള കൊമേർഷ്യൽ ചേരുവകൾ ഒക്കെ ആവശ്യത്തിനു സിനിമയിൽ ചേർത്തിട്ടുണ്ട്.ക്ളൈമാക്സിലേക്കു പോകുമ്പോൾ ആണ് സിനിമയുടെ കഥയും ആയി ഉള്ള ട്വിസ്റ്റും സസ്പെന്സും പിരിമുറക്കവും എല്ലാം ഉണ്ടാകുന്നത്.

  നല്ല രീതിയിൽ തന്നെ സിനിമ അവതരിപ്പിച്ചിട്ടും ഉണ്ട് ഒപ്പം പ്രമേയത്തോട് നീതി പാലിക്കാനും കഴിഞ്ഞിട്ടുണ്ട്.താൽപ്പര്യം ഉള്ളവർ കാണുക.

  MH Views Rating :3/4

 സിനിമയുടെ ടെലിഗ്രാം ചാനൽ ലിങ്ക് t.me/mhviews or @mhviews ൽ ലഭ്യമാണ്

1169. Kalki (Telugu,2019)

1169. Kalki (Telugu,2019)
          Mystery, Action, Thriler

    ആ നാടിന്റെ മൊത്തം പ്രതീക്ഷ ആയിരുന്നു ശേഖർ ബാബു.നര്സപ എന്ന ദുഷ്ടനായ ജന്മിയുടെ അനിയൻ.പക്ഷെ സഹോദരനിലും വ്യത്യസ്തൻ ആയിരുന്നു ശേഖർ.നന്മ നിറഞ്ഞവൻ, ജനങ്ങൾക്ക് പ്രിയങ്കരൻ,നീതിമാൻ.ആ ശേഖറിനെ ആരോ തലക്കീഴായി കെട്ടി തൂക്കി തീയിട്ടു കൊന്നൂ. നർസപ്പയ്ക്ക് ശത്രുക്കൾ ഏറെ ഉണ്ടായിരുന്നു.കേസ് അന്വേഷണത്തിന് ആണ് കൽക്കി IPS വരുന്നത്.എന്നാൽ ഏറെ നിഗൂഢതകൾ നിറഞ്ഞ കേസ് ആയിരുന്നു അത്.ആരാണ് ശേഖർ ബാബുവിനെ കൊന്നത്?കൽക്കി എന്ന തെലുങ്ക് ചിത്രം ആ കഥ പറയും.

  നൈസാമിന്റെ കാലത്തുള്ള ആന്ധ്രയിൽ നിന്നും തുടങ്ങുന്ന കഥ.അന്നുണ്ടായ രാഷ്ട്രീയ സംഭവങ്ങളിൽ ജീവൻ പോയവർ ഏറെ ആയിരുന്നു.അതിന്റെ പിന്നാമ്പുറ കഥകൾ വേറെ.കൽക്കി തരക്കേടില്ലാത്ത ഒരു ത്രില്ലർ ചിത്രമാണ്.

  മധ്യവയസ്ക്കനായ പോലീസ് ഉദ്യോഗസ്ഥൻ ആയി രാജശേഖർ അഭിനയിക്കുന്നു.പഴയ തെലുങ്ക് ഫയർ ബ്രാൻഡ് ആയ അദ്ദേഹം ഇപ്പോഴത്തെ കൊമേർഷ്യൽ വാല്യു ഉള്ള നടന്മാരും ആയി താരതമ്യപ്പെടുത്തുമ്പോൾ എനർജി ലെവൽ കുറഞ്ഞത് പോലെ തോന്നും.എന്നാൽ ബി ജി എം, കഥ, സംവിധാനം എല്ലാം ആ കുറവ് നികത്തിയിട്ടുണ്ട്.

  സംവിധായകൻ പ്രശാന്ത് വർമ്മ ആണ് സിനിമയുടെ നട്ടെല്ല്. കാലഘട്ടത്തിനനുസരിച്ചു ഉള്ള മേക്കിങ്ങും ട്വിസ്റ്റുകളും എല്ലാം കൂടി അവതരിപ്പിച്ച രീതിയും ഒക്കെ നന്നായിരുന്നു.നേരത്തെ പറഞ്ഞ നായക കഥാപാത്രത്തെ സ്വീകരിക്കാൻ കഴിഞ്ഞാൽ സിനിമ നന്നായി തോന്നും.

  പിടിച്ചിരുത്തുന്നതാണ് കഥ. Whodunnit എന്ന ചോദ്യം പല ഘട്ടങ്ങളിലും മാറുന്നുണ്ട്.ഒരു കുറ്റാന്വേഷണ സിനിമയെ സംബന്ധിച്ചു ഏറ്റവും മികച്ച കാര്യം അതാണ്.അതു എന്തായാലും ചിത്രത്തിലുണ്ട്.പാട്ടുകയും ആക്ഷനും ഒക്കെ നന്നായിരുന്നു ഒരു തെലുങ്ക് സിനിമ എന്ന നിലയിൽ കാണുമ്പോൾ.

  താൽപ്പര്യം ഉള്ളവർക്കും Amazon Prime ൽ ചിത്രം ലഭ്യമാണ്.

MH Views Rating: 2.75/4

  ടെലിഗ്രാം ചാനൽ ലിങ്ക് : t.me/mhviews

1149. Mathu Vadalara (Telugu, 2019)

1149. Mathu Vadalara (Telugu, 2019)
           Mystery, Suspense, Crime

     
   ഷാർപ് ഷൂട്ടറുടെ ഉന്നം തെറ്റിയില്ല.അയാൾ വച്ച വെടി കൃത്യം നായകന്റെ നെറ്റിയിൽ ഒരു പൊട്ട് പോലെ ആയി മാറി. എന്നാൽ അയാൾ തളർന്നില്ല. അയാൾ പിന്നോട്ട് പോകാൻ കൂട്ടാക്കിയില്ല.ക്ഷേത്രത്തിൽ വച്ചു വെടിയേറ്റ അയാൾ അവിടെ നിന്നു നിവേദ്യവും കഴിച്ചു തന്റെ പ്രിയതമേയെയും കൂട്ടി കാർ ഓടിച്ചു പോകാൻ തുടങ്ങി.

  ങേ!!എവിടെയോ കണ്ട സീൻ പോലെ ഉണ്ടല്ലോ.ഈ സ്പൂഫ് ആണോ Mathu Vadalara എന്നു പറയുന്ന സിനിമ?ഈ ചോദ്യം ഉറപ്പായും മനസ്സിൽ വരാം ആദ്യ ഒരു 10 മിനിറ്റിൽ.ആ പത്തു മിനിറ്റ് കഴിഞ്ഞാൽ മുന്നിൽ കാണുന്നതാണ് നല്ല കിടിലം ട്വിസ്റ്റുകളും സസ്പെന്സും ത്രില്ലും എല്ലാം ഉള്ള ഒരു സിനിമ.

  3 യുവാക്കളുടെ ഒരു ദിവസത്തെ കഥയാണ് സിനിമയ്ക്ക് ആധാരം.തുടക്കത്തിൽ അവർ ആരാണ് എന്നൊക്കെ ഉള്ള ഭാഗങ്ങളും ഈ സീരിയലും സിനിമയുടെ ഴോനർ എന്താണെന്ന് സംശയം ഉണ്ടാക്കുന്നുണ്ട്. ഒരു സൈക്കിൾ ചെയിൻ കറങ്ങുന്ന വേഗതയിൽ ഉള്ള സംഭവങ്ങൾ ആണ് സിനിമയിൽ.

  ഒരു കൊലപാതകം,അവിടുന്നു അടുത്തത് അങ്ങനെ അങ്ങനെ.എന്നാൽ ഇടയ്ക്കു ഒന്നും നടന്നിട്ടും ഇല്ല എന്ന് തോന്നും.പ്രേക്ഷകന്റെ ട്വിസ്റ്റ്, സസ്പെൻസ് എന്നിവയോടുള്ള താല്പര്യത്തെ നല്ലത് പോലെ ചൂഷണം ചെയ്തിട്ടുണ്ട് ചിത്രത്തിൽ.സിനിമയുടെ വിജയത്തിന് കാരണവും  ഇതാണ്.

  കഥയെ കുറിച്ചു എന്തെങ്കിലും പറഞ്ഞാൽ സ്പോയിലർ വയ്‌ക്കേണ്ടി വരും.അതു കൊണ്ട് ധൈര്യമായി കണ്ടോ പടം.പ്രത്യേകിച്ചും പുതുമ ഉള്ള ഇത്തരത്തിൽ ഒരു ഴോനർ സിനിമ കാണാൻ താൽപ്പര്യം ഉണ്ടെങ്കിൽ.ഇതു പോലെ ധാരാളം സിനിമകൾ വരട്ടെ.അപ്പോൾ നമ്മളും ഉഷാറാകും.


ചിത്രം Amazon Prime ൽ ലഭ്യമാണ്.

More Movie suggestions @www.movieholicviews.blogspot.ca

ചിത്രത്തിന്റെ ടെലിഗ്രാം ചാനൽ ലിങ്ക് : @mhviews

1097.Evaru(Telugu,2019)

1097.Evaru(Telugu,2019)
         Mystery,Thriller

    കാണേണ്ട എന്നു വച്ച റീമേക് സിനിമകൾ വീണ്ടും എന്റെ പ്രതീക്ഷകൾ തകർക്കുകയാണ്.അതും,മികച്ചതെന്ന് തോന്നിയ ചിത്രങ്ങൾ.അവയുടെ റീമേക്കുകൾ കണ്ടു ഒറിജിനൽ സിനിമയോടുള്ള ഇഷ്ടം പോകേണ്ട എന്ന ചിന്ത.വർഷങ്ങളായി മനസ്സിൽ ഉണ്ടാട്ടിരുന്ന ഒരു സിനിമ ബോധം ഇടയ്ക്കു മാറ്റിയത് Suspect X ഉം അതിന്റെ റീമേക്കുകളും ആയിരുന്നു.ഈ അടുത്തു പോലും തരക്കേടില്ലാത്ത തമിഴ് രൂപവും കണ്ടിരുന്നു.എന്നാൽ,മികവിൽ ഒറിജിനലിന്റെ ഒപ്പമോ അല്ലെങ്കിൽ അതിന്റെ മുകളിലോ നിൽക്കുന്നവയിൽ ഒന്നാണ് "എവരു".മറ്റേതു "തമാശ" ആയിരുന്നു.

      ഇനി എവരുവിലേക്ക് വരാം."The Invisible Guest" എന്നൊരു സിനിമ റീമേക് ആകുമ്പോൾ അതു നൽകിയ ആ സസ്പെൻസ് elements ഒന്നും റീമേക്കുകൾക്കു ഇനി നൽകാൻ കഴിയില്ല എന്ന മുൻ വിധിയോടെ സിനിമ കാണാൻ തുടങ്ങിയപ്പോൾ ,തുടക്കം തന്നെ വേറെ ഒരു കഥ പോലെ തോന്നി.വലിയ പരിചയമില്ലാത്ത,എന്നാൽ എവിടെ ഒക്കെയോ കണ്ടത് പോലെ ഉള്ള തോന്നലുകൾ.പക്ഷെ സിനിമ വലിയ രീതിയിൽ മാറ്റങ്ങൾക്ക് വിധേയമായത് കൊണ്ടു തന്നെ സ്പാനിഷ് ചിത്രം മറന്നു പോയെന്ന് തന്നെ പറയാം.

     ഒരു കൊലപാതക കേസിൽ ആണ് ചിത്രം ആരംഭിക്കുന്നതി.തന്നെ പീഡിപ്പിക്കാൻ ശ്രമിച്ച പോലീസ് ഉദ്യോഗസ്ഥനെ  സ്വയരക്ഷാർത്ഥം വെടി വച്ചു കൊന്ന കോടീശ്വരന്റെ ഭാര്യയുടെ കേസിൽ സമൂഹം രണ്ടു തട്ടിൽ ആണ്.ഒരു ഭാഗത്തു തന്റെ അഭിമാനം കാത്തു സൂക്ഷിച്ച സ്ത്രീ എന്ന നിലയിൽ അവൾ മാധ്യമങ്ങളുടെ മുന്നിൽ നിന്നു.എന്നാൽ കാണുന്നതെല്ലാം സത്യമാണോ?കണ്മുന്നിൽ ഒരു മായാജാലക്കാരൻ മായാലോകം പണിതെടുക്കുന്നത് പോലെ ഒരു കഥ.അതിനു പിന്നിൽ രഹസ്യങ്ങൾ എന്തെങ്കിലും ഉണ്ടോ?പ്രത്യക്ഷത്തിൽ ഒന്നും തോന്നില്ല...പക്ഷെ...

    ആദി വിശേഷിന്റെ മികച്ച ചിത്രം "എവരു" ആണെന്ന് നിസംശയം പറയാം.സ്പാനിഷ് സിനിമ കണ്ടിട്ടുള്ള ആണ് എങ്കിലും മടിക്കാതെ,മറക്കാതെ സിനിമ കണ്ടോളൂ.കണ്ടു വന്നപ്പോൾ ചെറുതായി കുറച്ചു കാര്യങ്ങൾ സ്പാനിഷ് സിനിമയിൽ നിന്നും അടിച്ചു മാറ്റിയ തെലുങ്കു സിനിമ ആയി 'എവരു'.റീമേക്കുകളിൽ സ്വന്തം ക്രിയേറ്റിവിറ്റി ഉപയോഗിക്കുന്നവരുടെ മികച്ച സിനിമ.ഒരിക്കലും നഷ്ടം വരില്ല.

ട്വിസ്റ്റോട് ട്വിസ്റ്റ്!!സസ്പെൻസ് ..സസ്പെൻസ്!!

More movie suggestions @www.movieholicviews.blogspot.ca

​​1085.Agent Sai Srinivasa Atreya(Telugu,2019)

​​1085.Agent Sai Srinivasa Atreya(Telugu,2019)
          Mystery,Thriller.


   "കേട്ടിട്ടില്ലാത്ത ഒരു കുറ്റാന്വേഷണ കഥ"

     ജയിലിൽ വച്ചാണ് അത്രേയ ആ വൃദ്ധനെ കാണുന്നത്.അയാളുടെ പേര് മാരുതി റാവു.സ്വന്തം മകളെ കാണ്മാനില്ല എന്നു അയാൾ ആത്രേയയോട് പറയുമ്പോൾ ,ജയിലിൽ നിന്നും പുറത്തിറങ്ങിയാൽ ഉടനെ അവളെ കണ്ടു പിടിക്കാൻ അത്രേയ തീരുമാനിക്കുന്നു.എന്നാൽ പിന്നീടുള്ള ദിവസങ്ങളിൽ സംഭവിച്ചത് അപ്രതീക്ഷിതം ആയ കാര്യങ്ങൾ ആയിരുന്നു.മാരുതി റാവു എന്ന ഒരാൾ ജയിലിൽ വന്നിട്ടില്ല എന്നും.അയാളുടെ മകളുടെ തിരോധനത്തെ കുറിച്ചു പറഞ്ഞ കഥയിലും സംശയം.ഇപ്പോൾ അത്രേയ ഒരു കൊലയാളി ആയും മുദ്ര കുത്തപ്പെട്ടിരിക്കുന്നു.ധാരാളം ട്വിസ്റ്റും സസ്പ്പൻസും ഉള്ള ഒരു ചിത്രത്തിലേക്ക് പ്രേക്ഷകനെ ക്ഷണിക്കുകയാണ് ഇവിടെ.


        അത്രേയ ഒരു ചെറിയ കുറ്റാന്വേഷണ ഉദ്യോഗസ്ഥൻ ആണെന്ന് പറയാം.യഥാർത്ഥത്തിൽ നെല്ലൂരിലെ FBI (????അതും ഒരു സസ്പെൻസ് തന്നെ ആയിരിക്കട്ടെ..) ഉദ്യോഗസ്ഥൻ ആണ്.വലിയ കേസുകൾ ഒന്നും ലഭിക്കാതെ ചെറിയ മോഷണ കേസുകൾ ഒക്കെ തെളിയിച്ചു ജീവിക്കുന്നു.ഷെർലോക് ഹോംസിന്റെ ആരാധകൻ,ഹോളിവുഡ് സസ്പെൻസ് സിനിമകളുടെ ആരാധകൻ.ഇതൊക്കെ ആണ് അത്രേയ.പുതിയതായി ഒരു അസിസ്റ്റന്റിനെ കിട്ടിയിട്ടുണ്ട്.സ്നേഹ.സിനിമ കാണിച്ചാണ് ട്രെയിനിങ് കൊടുക്കുന്നത്.ആദ്യ സീനിൽ തന്നെ Usual Suspects ന്റെ ഒക്കെ ക്ളൈമാക്‌സ് കണ്ടു പിടിക്കുന്ന വഴി ഉപദേശിച്ചു കൊടുക്കുന്ന അത്രേയ രസകരമായ ഒരു കഥാപാത്രം ആണ്.

    നവീൻ പോളിഷെട്ടി ആണ് നായക കഥാപാത്രത്തെ അവതരിപ്പിക്കുന്നത്.വ്യത്യസ്തമായ ഒരു കഥയിൽ മുഖ്യ കഥാപാത്രമായി അയാൾ നന്നായി അഭിനയിച്ചു.സാധാരണ ഒരു തിരോധാന കഥയായിരിക്കും എന്നു കരുതി ഇരിക്കുമ്പോൾ ആണ് കഥയുടെ സ്വഭാവം മൊത്തം മാറുന്നത്.തെലുങ്കിൽ അധികം കണ്ടിട്ടില്ലാത്ത രീതിയിലൂടെ.തെലുങ്കിൽ മാത്രമല്ല ഈ അടുത്ത കാലത്തു തന്നെ ഇന്ത്യൻ ഭാഷകളിൽ വന്നിട്ടുള്ള മികച്ച ഒരു കുറ്റാന്വേഷണ കഥയായി തോന്നി.വ്യത്യസ്തവും!!

  സിനിമ വളരെയധികം താല്പര്യത്തോടെ ആണ് കണ്ടതും.നന്നായി ഇഷ്ടപ്പെട്ടൂ!!കാണുക!!


സിനിമ Amazon Prime ൽ ലഭ്യമാണ്!!

    More movie suggestions @www.movieholicviews.blogspot.ca

  ടെലിഗ്രാം ചാനൽ ലിങ്ക്: t.me/mhviews

1054.Jersey(Telugu,2019)

1054.Jersey(Telugu,2019)
         Sports,Drama

    ഒരു പരിധി വരെ തെലുങ്കിലെ രമേശൻ (1983) ആണ് ജേഴ്സിയിലെ അർജുൻ.2 സിനിമയിലും ക്രിക്കറ്റ് ആണ് മുഖ്യ വിഷയം എന്നത് കൊണ്ട് രണ്ടു കഥാപാത്രങ്ങളുടെയും കഴിവുകളും എല്ലാം നോക്കുമ്പോൾ ഇന്ത്യ പോലുള്ള ഒരു രാജ്യത്തു ഇത്തരത്തിൽ ഉള്ള ധാരാളം രമേഷന്മാരെയും അര്ജുന്മാരെയും കാണാൻ സാധിക്കും എന്നതാണ് സത്യം.പക്ഷെ ജേഴ്സി എന്ന  സിനിമ ഇതിൽ നിന്നുമൊക്കെ മുന്നോട്ട് പോയി എന്ന് വേണം പറയാൻ.

    സാധാരണ സ്പോർട്ടസ് സിനിമകളിൽ ഉള്ളത് പോലത്തെ ഒരു ഹീറോയിക് കഥ അല്ല സിനിമയ്ക്ക് ഉള്ളത്.ശരിയാണ്,നായക കഥാപാത്രം ഒരു പരിധി വരെ അങ്ങനെ ആണെന്ന് പറയാമെങ്കിലും,അയാളുടെ ജീവിതത്തിൽ സംഭവിക്കുന്ന കാര്യങ്ങൾ,പലതും പലപ്പോഴും അയാൾ മറ്റുള്ളവരെ കൂടി ഓർത്തു ,അതായത് സ്വന്തം കുടുംബത്തിന് കൊടുക്കുന്ന priority ഒക്കെ ആണ് കാരണം എങ്കിലും.അയാൾ എങ്ങനെ അയാൾ അല്ലാതെ ആയി മാറി എന്നതും അതിനു അയാൾ കൊടുക്കേണ്ടി വന്ന വിലയും അതിൽ നിന്നും അയാൾ പുറത്തു വന്നോ എന്നതൊക്കെ ഒരു വലിയ ക്യാൻവാസിൽ അവതരിപ്പിക്കുക ആണ് ചിത്രത്തിൽ.

  ചില മനുഷ്യർക്ക്‌ ,അവരുടെ ജീവിതത്തിനായി ഒരു ലക്ഷ്യം ഉണ്ടായിരിക്കാം.അതിനു അപ്പുറം അവർ വട്ട പൂജ്യം ആയിരിക്കാം.ഇഷ്ടം ഉള്ള കാര്യം ചെയ്യുമ്പോൾ ഉള്ള സന്തോഷം എപ്പോഴും ഉണ്ടാകാറില്ല മറ്റു കാര്യങ്ങൾ ചെയ്യുമ്പോൾ.ഇവിടെ അർജുന്റെ ജീവിതത്തെ സംബന്ധിച്ചു അതു അക്ഷരംപ്രതി സത്യമാണ്.അയാൾ തന്റെ പ്രണയം,മകൻ എന്നിവർക്ക് പ്രാമുഖ്യം കൊടുത്തു കൊണ്ടാണ് ആ പത്തു വർഷം ജീവിച്ചത്,അല്ലെങ്കിൽ ആ ഒരു തീരുമാനത്തിലേക്ക് എത്തി ചേർന്നത്.പക്ഷെ അയാൾക്ക് അതു നേടി കൊടുത്തത് എന്താണ് എന്നുള്ളത് ആയാലും ചിന്തിച്ചു തുടങ്ങിയപ്പോൾ കുറ്റം മുഴുവനും അയാൾക്ക്‌ ആയതു പോലെ തോന്നി കാണുമായിരിക്കും.

    36 ആം വയസ്സിൽ ക്രിക്കറ്റിലേക്ക്..അതും ഇന്ത്യൻ ടീം ലക്ഷ്യമാക്കി എന്നു പറയുമ്പോൾ അതിൽ അസ്വാഭാവികത ഏറെ ഉണ്ട്.പ്രത്യേകിച്ചും പ്രൊഫഷണൽ കായിക ലോകത്തു അതൊരു retirement പ്രായം ആകുന്ന സമയത്തു.അയാളുടെ തിരിച്ചു വരവും അവിശ്വസനീയം ആയിരുന്നു.ഹൈദരാബാദ് രഞ്ജി ട്രോഫി ടീമിലേക്കു കയറുക എന്നത് പോലും അയാളുടെ മുന്നിൽ വെല്ലുവിളി ആണിന്നു.പക്ഷെ 10 വർഷം മുൻപ് ഇന്ത്യയിലെ തന്നെ മികച്ച ബാറ്റ്‌സ്മാൻ ആയിരുന്ന അയാൾക്ക്‌ അതു സാധിക്കുമോ?

  ഫീൽ ഗുഡ്,inspiration സിനിമ എന്നൊക്കെ വിളിക്കാം ജേഴ്സിയെ.പരാജിതന് എന്നു ലോകം എഴുതി തള്ളുമ്പോഴും അതിൽ നിന്നും പുറത്തു കടക്കാൻ നടത്തുന്ന ശ്രമം ഒക്കെ.ലോജിക് ഒക്കെ വച്ചു നോക്കുമ്പോൾ ഇത്ര എളുപ്പം ആണോ കാര്യങ്ങൾ എന്നു തോന്നാം.സിനിമ എന്ന ആനുകൂല്യം ഇവിടെ നൽകാം.പക്ഷെ കുടുംബം,സുഹൃത്തുക്കൾ എന്നൊക്കെ ഉള്ള ഒരു സ്‌പെസിൽ വിജയിക്കണം എങ്കിൽ ഇത്തരത്തിൽ ഉള്ള അവിശ്വസനീയതകൾ വേണ്ടി വരും.പ്രത്യേകിച്ചും പരാജിതൻ എന്ന നിലയിലേക്ക് സ്വയം കുഴി കുഴിച്ചു വീഴുന്ന ആൾക്ക്,അയാൾ priority കൊടുക്കുന്ന കാര്യങ്ങൾ ചുറ്റും ഉള്ളവർക്ക് അറിയുന്നില്ലെങ്കിൽ..അല്ലെങ്കിൽ മനസ്സിലാകുന്നില്ലെങ്കിൽ!!അതെല്ലാം അയാളുടെ എക്സ്ക്യൂസ് ആയി കരുതുന്നവർക്ക്!!

 സ്പോർട്സ് സിനിമ എന്ന നിലയിൽ നിന്നും ഇമോഷണൽ ഘടകങ്ങൾ കൂടി നല്ല രീതിയിൽ workout ആയ ചിത്രമാണ് നാനിയുടെ 'ജേഴ്സി'..കാണുക!!

  ചിത്രത്തിന്റെ ടെലിഗ്രാം ലിങ്ക്:t.me/mhviews

1002.Ee Nagaraniki Emaindhi(Telugu,2018)

1002.Ee Nagaraniki Emaindhi(Telugu,2018)
         Drama,Comedy,Romance

 
    നിരൂപക പ്രശംസ കാരണം കാത്തിരുന്ന തെലുങ്ക് ചിത്രമായിരുന്നു 'Ee Nagaraniki Emaindhi'.സിനിമ കണ്ടു തുടങ്ങിയപ്പോള്‍ ആണ് മനസ്സിലായത്‌.പണ്ട് കണ്ടിട്ടുള്ള കുറെ ഏറെ സിനിമകളുടെ കൂട്ടി യോജിപ്പികള്‍.വെള്ളമടി,പ്രണയം,ജീവിതത്തില്‍ ലക്‌ഷ്യം ഇല്ലാതെ കഴിയുന്ന യുവാക്കള്‍,ലക്‌ഷ്യം ഉള്ള ആളെ പറഞ്ഞു അതില്‍ നിന്നും പിന്തിരിപ്പിക്കുക.അത് മോട്ടിവേഷന്‍ ആക്കുക.'Buddy Comedy' ചിത്രങ്ങളുടെ പലതിന്റെയും ഏതെങ്കിലും ഒരു നിര്‍ണായ അവസരത്തില്‍ ഇത്തരത്തില്‍ ഉള്ള രംഗങ്ങള്‍ എല്ലാം അടുക്കി പെറുക്കി ക്ലീഷേ ആയി വരാറുണ്ട്.ഇതില്‍ അവസാനം,ഇപ്പൊ റിലീസ് ചെയ്യും/ഇല്ല എന്ന രീതിയില്‍ ഒരു ഷോര്‍ട്ട് ഫിലിമും.

  ഓക്കേ.ഇത്തരം ചിത്രങ്ങളും സ്പോര്‍ട്സ് സിനിമകളും ഏകദേശം ഒരു പോലെയാണ്.ക്ലീഷേകള്‍ ഇല്ലാതെ അവതരിപ്പിക്കുക എന്നത് തന്നെ ആണ് ഏറ്റവും വെല്ലുവിളി.ഇവിടെ സംവിധായകന്‍ 'തരുണ്‍ ഭാസ്ക്കര്‍' അത് ഏറ്റെടുത്തു എന്ന് വേണം കരുതാന്‍.ആദ്യ സീനില്‍ നിന്ന് തന്നെ ചിത്രം നല്ല വേഗതയില്‍ ആണ് പോകുന്നത്.ഇടയ്ക്ക് കണ്ടു മറന്ന രംഗങ്ങള്‍ വരുമെങ്കിലും അതൊക്കെ മറന്നു ആ നാല് ചെറുപ്പകാരുടെ ജീവിതത്തിലേക്ക് പോകാം.കല്യാണം കഴിഞ്ഞാല്‍ അമേരിക്കയില്‍ ഉള്ള ശിഷ്ടക്കാല ജീവിതം സ്വപ്നം കാണുന്ന കാര്‍ത്തിക് ഏറെ വര്‍ഷങ്ങള്‍ക്കു ശേഷം തന്‍റെ മൂന്നു പ്രിയപ്പെട്ട കൂട്ടുകാരെ കാണാന്‍ എത്തുന്നു.പഠനം കഴിഞ്ഞതിനു ശേഷം പല മേഖലകളില്‍ ആയിരുന്നവര്‍ ഒത്തു കൂടുന്നു.ഗോവയില്‍ പോകുന്നു,മോതിരം കാണാതെ പോകുന്നു,ഷോര്‍ട്ട് ഫിലിം പിടിക്കുന്നു.ഇങ്ങനെ കുറെ ഏറെ സംഭവങ്ങള്‍.

   DCH,ZNMD തുടങ്ങി ഈ ഴോന്രെയില്‍ ഉള്ള ചിത്രങ്ങളെ പലതും ഓര്‍മിപ്പിക്കുന്നും ഉണ്ട്.ചെറിയ ചെറിയ തമാശകള്‍,സൌഹൃദങ്ങള്‍ക്ക് വില കൊടുക്കുന്നവര്‍.അതിലെ സന്തോഷവും ദു:ഖവും ആസ്വദിക്കാന്‍ കഴിയുന്നവര്‍.അത്തരത്തില്‍ ഉള്ളവര്‍ക്ക് ഇഷ്ടമാകും സിനിമ.ഒരു ശരാശരി അനുഭവം ആയിരുന്നെങ്കിലും പ്രായം കുറച്ചു പുറകിലോട്ടു കൊണ്ട് പോകാന്‍ സിനിമയ്ക്ക് കഴിഞ്ഞിരുന്നു പല രംഗങ്ങളിലും.

  More movie suggestions @www.movieholicviews.blogspot.ca

  ചിത്രം എന്റെ ടെലിഗ്രാം ചാനലില്‍ ലഭ്യമാണ്.

 t.me/mhviews

999.C/o Kancharapalem(Telugu,2018)

999.C/o Kancharapalem(Telugu,2018)
       Drama,Romance

          ജീവിതത്തില്‍ നഷ്ടങ്ങള്‍ ആണ് ഇവര്‍ക്ക് കൂടുതലും ഉണ്ടായത്.സുന്ദരം, തനിക്കു ഇഷ്ടമായ് പെണ്‍ക്കുട്ടിയുടെ പ്രിയപ്പെട്ട നിറമായ 'പിങ്ക്" ഷര്‍ട്ട്‌ അണിയുന്നതും,ജാക്സണ്‍ തന്‍റെ പ്രിയസഖിക്കു വേണ്ടി  ജീവിത മാര്‍ഗം മാറ്റിയതും ഗദാം സാധാരണക്കാരില്‍ നിന്നും വ്യത്യസ്തമായി തന്‍റെ പ്രിയപ്പെട്ടവള്‍ക്ക് നല്‍കിയ 'ഇഷ്ടമുള്ളത് ചെയ്യാന്‍" ഉള്ള സ്വാതന്ത്ര്യത്തിന്റെയും പിന്നില്‍ പ്രണയം ഉണ്ടായിരുന്നു.എന്നാല്‍ അവരെ കാത്തിരുന്നത് മറ്റെന്തോ ആണ്.സര്‍ക്കാര്‍ ആഫീസിലെ പ്യൂണ്‍ ആയ രാജുവിന്റെ ജീവിതം കൂടി ഒന്ന് നോക്കിക്കൊള്ളൂ.50 വയസ്സിനോട് അടുക്കുമ്പോഴും വിവാഹം കഴിക്കാതെ നില്‍ക്കുന്ന അയാളെ തേടി വന്ന പ്രണയം.ഈ കഥകളില്‍ എല്ലാം തന്നെ പ്രണയമുണ്ട്.എന്നാലും ആ ഒരു പൊതു ഘടകം മാറ്റി നോക്കിയാല്‍ കഥാപാത്രങ്ങള്‍ക്ക് പിന്നെയും സാദൃശ്യം തോന്നാം.അവരുടെ നഷ്ടപ്പെടലുകളിലൂടെ.

   നാല് വ്യത്യസ്ത കഥകള്‍ ആണ് C/o Kancharapalem എന്ന ചിത്രം അവതരിപ്പിക്കുന്നത്‌.വിസാഗിലെ കഞ്ചരപലേം എന്ന സ്ഥലം ആണ് സിനിമയുടെ കഥ നടക്കുന്ന സ്ഥലം.ഒരു ചെറിയ ഗ്രാമത്തിന്റെ ചുറ്റുവട്ടത്തില്‍ നടക്കുന്ന 4 വ്യത്യസ്ത സംഭവങ്ങള്‍ സമാന്തരമായി ആണ് സിനിമയില്‍ അവതരിപ്പിച്ചിരിക്കുന്നത്.നാലും പ്രണയ കഥകള്‍ ആണ്.വളരെ വ്യത്യസ്തമായ നാല് ചുറ്റുപ്പാടുകള്‍.ഈ കഥയില്‍ പലതിലും വില്ലന്‍ ആയി വരുന്ന ഒന്നുണ്ട് 'മതം'.പ്രത്യേകമായി ഒരു മതത്തോടും മമത കാണിക്കാതെ,നിശബ്ദമായി പ്രേക്ഷകനെ മനസ്സിലാക്കാന്‍ സംവിധായകന്‍ 'മഹാ' യും കൂട്ടരും അവതരിപ്പിച്ച കഥകള്‍ ചെറിയ ഒരു നൊമ്പരത്തോടെ അല്ലാതെ മാഞ്ഞു പോകില്ല കണ്മുന്നില്‍ നിന്നും.

   മനുഷ്യ ജീവിതത്തില്‍ എന്ത് മാത്രം സ്വാധീനം ചെലുത്താന്‍ മതങ്ങള്‍ക്ക് കഴിയും എന്നതിന്‍റെ മോശപ്പെട്ട ഒരു വശമാണ് കാണാന്‍ സാധിക്കുക.അത് കഥാപാത്രങ്ങളോടൊപ്പം യാത്ര ചെയ്‌താല്‍ മാത്രമേ മനസ്സിലാകൂ.അത്രയ്ക്കും തീക്ഷണം ആണ് തുടക്കത്തില്‍ അല്‍പ്പം തമാശയുടെ അകമ്പടിയോടെ അവതരിപ്പിച്ച കഥാപാത്രങ്ങള്‍, ചുറ്റുപ്പാടുകള്‍ എന്നിവയ്ക്ക് ഉണ്ടായത്.കഥാപാത്രങ്ങളെ പ്രേക്ഷകന് കൂടുതല്‍ മനസ്സിലാക്കിക്കാന്‍ വേണ്ടി ആണ് കഥ കൂടുതല്‍ നേരവും ശ്രമിച്ചത്‌.ഒരു പക്ഷെ ഈ കഥയില്‍ കൂടുതല്‍ ശ്രദ്ധിക്കേണ്ടതും അതായിരുന്നിരിക്കണം.

  പതിവ് തെലുങ്ക്‌ മസാലകളില്‍ നിന്നും വ്യത്യസ്തമായി,ചെറിയ മുതല്‍മുടക്കില്‍ ,മികച്ച രീതിയില്‍ അവതരിപ്പിച്ച ചിത്രം നിരൂപക പ്രശംസയും നേടിയിരുന്നു.നിര്‍മാതാവായ വിജയ പ്രവീണ,മോഹന്‍ ഭഗത്,സുബ്ബ റാവു,കാര്‍ത്തിക് രത്നം തുടങ്ങിയവരെല്ലാം തങ്ങളുടെ വേഷം മികവോടെ അവതരിപ്പിച്ചു.പുതുമുഖങ്ങള്‍ ആയിരുന്നു ചിത്രത്തില്‍ ഭൂരിഭാഗവും.അതും കഞ്ചരപലേം നിവാസികള്‍.ഒരു കഥ വായിക്കുന്ന പ്രസന്നതയോടെ സമാധാനപരമായി കണ്ടു പോകാവുന്ന ചിത്രം പിന്നീട് റൂട്ട് മാറി സഞ്ചരിക്കുന്നുണ്ട്.മനസ്സില്‍ തങ്ങി നില്‍കും പല കഥാപാത്രങ്ങളും.പ്രത്യേകിച്ചും നിര്‍മാതാവ് തന്നെ അവതരിപ്പിച്ച നസീമ എന്ന കഥാപാത്രം.അതിനൊപ്പം മോഹന്‍ ഭാഗത്തിന്റെ നിഷ്കളങ്കതയില്‍ പൊതിഞ്ഞ പ്രണയം.ഇതിന്റെ എല്ലാം അവസാനം മനസ്സില്‍ കുറേ കാലം തങ്ങി നില്‍ക്കും എന്ന് തോന്നുന്നു.അത് പോലെ മറ്റൊരാള്‍ ആണ് സുന്ദരത്തിന്റെ അച്ഛന്‍.വല്ലാത്ത ഒരു കഥാപാത്രമായി പോയി അത്.ശരിയും തെറ്റും ഒന്നും കണ്ടെത്താന്‍ ആകാതെ അല്‍പ്പ സമയം മരവിച്ചു പോയി കാഴ്ച. മറ്റു രണ്ടു കഥാപാത്രങ്ങളുടെ കഥയ്ക്കും അത്ര തീവ്രത ഇല്ലായിരുന്നു.എങ്കിലും സിനിമയുടെ പൂര്‍ണതയ്ക്കു ആവശ്യമായിരുന്നു അവരും.സമൂഹത്തിലെ ചില അനാചാരങ്ങള്‍ക്ക് എതിരെ പ്രതികരിച്ചു അവസാനം ജീവിതത്തില്‍ ധൈര്യം കാണിക്കുവാന്‍ ഈ കഥാപാത്രങ്ങള്‍ക്ക് കഴിയുമോ?ചിത്രം കാണുക!!

   ചിത്രത്തിന്‍റെ അവസാനം നല്ല ഒരു സസ്പന്‍സ് ഒളിച്ചിരുപ്പുണ്ട്!!

   More movie suggestions @www.movieholicviews.blogsot.ca

  ചിത്രത്തിന്‍റെ ലിങ്ക് എന്റെ ടെലിഗ്രാം ചാനലില്‍ ലഭ്യമാണ്
  Telegram channel link: t.me/mhviews

933.Goodachari(Telugu,2018)

933.Goodachari(Telugu,2018)
       Mystery,Thriller


       ഭൂരിപക്ഷവും നല്ല അഭിപ്രായം പറഞ്ഞ ഒരു സിനിമയെ കുറിച്ച് ചെറിയ രീതിയില്‍ പരദൂഷണം പറഞ്ഞു കൊണ്ട് തുടങ്ങാം 'ഗൂഡാചാരി' യുടെ ആസ്വാദന കുറിപ്പ്.തുടക്കത്തിലേ രംഗങ്ങള്‍ ഒക്കെ അല്‍പ്പം ക്ലീഷേ ആയി പോകുന്നു.പെട്ടെന്ന് ആണ് കണ്ടു പരിചയം ഉള്ള ഒരു സിനിമയുടെ സീന്‍ വന്നത്.'Kingsman: The Secret Service" നെ പെട്ടെന്ന് ഓര്‍ത്തു പോയി.പിന്നെ നടന്നത് ഒക്കെ സമാനമായ കാര്യങ്ങള്‍ ആയിരുന്നു.എന്നാല്‍ സിനിമയുടെ അവസാനം ഒരു പ്രേക്ഷകന്‍ എന്ന നിലയില്‍ ആദ്യം ഓര്മ വന്നതൊക്കെ മറന്നു പോയി എന്നതാണ് സത്യം.

  അമേരിക്കക്കാര്‍ റഷ്യയെയും മറ്റു പല രാജ്യങ്ങളെയും ഒക്കെ ശത്രുപക്ഷത്തു നിര്‍ത്തി "ചാര സിനിമ'കള്‍ അവതരിപ്പിക്കുമ്പോള്‍,അത് ഇന്ത്യന്‍ പശ്ചാത്തലത്തില്‍ സ്ഥിരം 'വേട്ടമൃഗം' ആയ പാക്കിസ്ഥാനോടൊപ്പം ബംഗ്ലാദേശും ഈ തവണ ഉണ്ട് എന്നതാണ് കാതലായ മാറ്റം.തുടക്കത്തില്‍ പതിഞ്ഞ താളത്തില്‍ തുടങ്ങിയ സിനിമ എന്നാല്‍ പിന്നീട് വേറെ ഒരു ലെവലിലേക്ക് മാറുക ആണ് ചെയ്തത്.ചാര സിനിമകളില്‍ വേണ്ട മിസ്റ്ററി/ത്രില്‍ എന്നീ ഘടകങ്ങള്‍.അതിനോടൊപ്പം മോശമല്ലാത്ത ആക്ഷന്‍ രംഗങ്ങള്‍ ഒക്കെ സിനിമയ്ക്ക് മുതല്‍ക്കൂട്ടായി മാറുന്നതിനോടൊപ്പം ക്ലൈമാക്സിലേക്ക് അടുക്കുമ്പോള്‍ ഉള്ള ട്വിസ്റ്റ് കൂടി ആകുമ്പോള്‍ തെലുങ്ക് സിനിമയില്‍ നിന്നും വന്ന മികച്ച ഒരു 'സ്പൈ ചിത്രം' ആണ് ഗൂഡാചാരി.

  ആദിവി ശേഷിന്റെ വലിയ ഹിറ്റുകളില്‍ ഒന്നായിരുന്ന 'ക്ഷണം' ക്ലൈമാക്സില്‍ അവതരിപ്പിച്ച ട്വിസ്ട്ടിനോട് ഉണ്ടായ താല്‍പ്പര്യക്കുറവു എന്നാല്‍ ഈ ചിത്രത്തില്‍ നിന്നും ഉണ്ടായില്ല.അഭിനയം ഒന്നും കാര്യമായി ഇല്ലെങ്കിലും തീരെ മോശമാക്കാതെ സിനിമയുടെ കഥ നോക്കി. വിവരിച്ചു പറയാനുള്ള കഥ ആയിരിക്കില്ല ഇത്തരം ചിത്രങ്ങളില്‍ ഉണ്ടാവുക എന്നതിനാല്‍ അതിനു മുതിരുന്നില്ല.ഹോളിവുഡ് ചിത്രങ്ങളുടെ നിലവാരം ഒന്നും പ്രതീക്ഷിക്കേണ്ട എന്ന് പറഞ്ഞാലും മികച്ച രീതിയില്‍ തന്നെ ചിത്രം അവതരിപ്പിച്ചിട്ടുണ്ട്.എത്ര ഒക്കെ കുറ്റം കണ്ടു പിടിക്കാന്‍ നോക്കിയാലും ഒരു Entertainer എന്ന നിലയില്‍ ഒരിക്കലും നിരാശ നല്‍കില്ല.വലിയ വാചകമടി ഇല്ലാതെ തന്നെ മികച്ച പ്രേക്ഷക പ്രശംസ നേടിയ ചിത്രത്തെ സമാനമായ ഴോന്രെയില്‍ ഉള്ള വിദേശ ചിത്രങ്ങളോട് ഒന്നും താരതമ്യപ്പെടുത്താതെ ,ആസ്വാദനത്തില്‍ അതിന്റെ സ്വാധീനം ഉണ്ടായില്ല എങ്കില്‍ ചിത്രം തീര്‍ച്ചയായും ഇഷ്ടമാകും.

895.RANGASTHALAM(TELUGU,2018)

895.Rangasthalam(Telugu,2018)

Rakesh Manoharan:
രംഗസ്ഥലം

സിനിമ ഇറങ്ങിയ അന്ന് മുതൽ കേട്ട 'തള്ളൽ' ആയിരുന്നു രസം ചരൻ തേജിന് അഭിനയിക്കാൻ അറിയാം എന്നു.മഗധീര ഒഴികെ ഉള്ള സിനിമകൾ എല്ലാം തന്നെ അഭിനയ കുലപതി ആണെന്ന് ഉള്ള ഒരു ഫിലും ഉണ്ടാക്കി..

എന്നാൽ ഇന്ന് സിനിമ കണ്ടപ്പോൾ..ശരിക്കും ഞെട്ടി പോയി..മൂന്നു മണിക്കൂറോളം ഉള്ള ഒരു തെലുങ്കു സിനിമ..അതും RCT നായകൻ...കണ്ടു കഴിഞ്ഞപ്പോൾ തോന്നിയത്...ജോസഫ്സ്..കുട്ടിക്ക് അഭിനയിക്കാൻ അറിയാം എന്നായിരുന്നു..കഥ ഒക്കെ സ്ഥിരം ആയിരുന്നെങ്കിലും അതു ആസ്വാദ്യകരമായി എടുക്കാൻ സുകുമാറിനു കഴിഞ്ഞു..അതിന്റെ ഒപ്പം ചീത്ത പേരെല്ലാം മാറ്റി ഉള്ളിൽ കിടക്കുന്ന അഭിനയം എല്ലാം പുറത്തും കൊണ്ടു വന്നോടി..ചിട്ടി ബാബു എന്ന കഥാപാത്രം RCT യുടെ കരിയർ ബ്രെക്കിങ് തന്നെ ആണ്..അയാൾ ചില സീൻ ഒക്കെ ഗംഭീരം ആക്കി..പ്രത്യേകിച്ചും ആ ക്ളൈമാക്‌സ്...ഇത്രയും ചീത്ത പേര് കേട്ട ഒരു നടനിൽ നിന്നും പ്രതീക്ഷിച്ചും ഇല്ല..

  ഇടയ്ക്കു സംഘട്ടനങ്ങളിൽ ഒക്കെ വളരെ കുറച്ചു കത്തി സീനുകൾ ഉണ്ടായിരുന്നത് ഒഴിച്ചു തെലുങ്കു സിനിമകളുടെ മാസ് വശം ഒന്നും ഇല്ലാത്ത സിനിമ.എങ്കിലും എന്തൊക്കെയോ നല്ല ഘടകങ്ങൾ ഉണ്ട് മൊത്തത്തിൽ..ആദി ഒക്കെ നന്നായിരുന്നു..പാട്ടുകളും അതേ...സിനിമ കാണാത്തവർ കുറവായിരിക്കും..പ്രത്യേകിച്ചു കഥ ഒന്നും പറയാൻ ഇല്ലെങ്കിലും ഇടയ്ക്കു ഒരു കമ്മട്ടിപ്പാടം ഒക്കെ ആയി സിനിമ മാറുന്നുണ്ട്..
കാണാത്തവർ കാണുക....!!

528.KARTHIKEYA(TELUGU,2014)

528.KARTHIKEYA(TELUGU,2014),|Thriller|Mystery|,Dir:-Chandoo Mondeti,*ing:-Swathi Reddy, Nikhil Siddharth

   വിശ്വാസം മനസ്സിന്  ഒരു ആശ്വാസം ആയി തോന്നുന്നവരും ഉണ്ട് എന്നാല്‍ ഭക്തിയുടെ മറവില്‍  ചീത്ത പ്രവൃത്തികള്‍ ചെയ്യുന്നവരും ഉണ്ട്.എന്നാല്‍ വിശ്വാസം ഇല്ലാത്തവരെക്കാളും വിശ്വാസം ഇല്ലാത്ത സംഭവങ്ങളെ നേരിട്ട് അനുഭവിച്ചറിയാതെ ഉറക്കം പോലും വരാത്ത സാഹസികര്‍,ഇവിടെ നായകന്‍ ആയ കാര്‍ത്തികേയന്‍ മെഡിക്കല്‍ വിദ്യാര്‍ഥി ആണ്.ഇത്തരം വിശ്വാസങ്ങളുടെ പുറകെ പോയി അതിനു ശാസ്ത്രീയം ആയ ഉത്തരം കണ്ടെത്തുക ആണ് കാര്‍ത്തിയുടെ ഇഷ്ടം.

  തെലുങ്ക്‌./ഇന്ത്യന്‍ സിനിമകളിലെ ക്ലീഷേ പ്രണയ സീനുകളും ഗാനങ്ങളും എല്ലാം മുഴച്ചു നിന്ന് ചിത്രത്തില്‍.കാരണം ഒരു പൂര്‍ണമായ ത്രില്ലര്‍/മിസ്റ്ററി ചിത്രം ആകാന്‍ ഉള്ള സാധ്യത ഉണ്ടായിരുന്നിട്ടും .പലപ്പോഴും ത്രില്ലര്‍ element പ്രേക്ഷകന്റെ മുന്നില്‍ വയ്ക്കുമെങ്കിലും കച്ചവട താല്‍പ്പര്യങ്ങള്‍ക്ക് വേണ്ടി അതിലെ അതി നിഗൂഡത ഒക്കെ ബലി കഴിപ്പിച്ചു എന്ന് തോന്നുന്നു.എങ്കില്‍ കൂടിയും തരക്കേടില്ലാത്ത രീതിയില്‍ തന്നെ ചിത്രം അവതരിപ്പിച്ചിട്ടുണ്ട്. പഴയ ഹാപ്പി ഡേയ്സ് കഥാപാത്രം ആയി വന്ന നിഖില്‍ സിദ്ധാര്‍ത് മോശം ആക്കിയില്ല .സ്വാതി കൂടുതല്‍ സുന്ദരി ആയതു പോലെ.തെലുങ്ക്‌ സിനിമയിലെ  പതിവ്മേ നി പ്രദര്‍ശനം ഒക്കെ ഒഴിവാക്കി ആണ് ഈ ചിത്രം അവതരിപ്പിച്ചിരിക്കുന്നത്.

  ഒരു ക്ഷേത്രവും അതിലെ ഐതിഹ്യങ്ങളെ കുറിച്ചുള്ള വിശ്വാസവും അതിന്‍റെ പിന്നില്‍ ഉള്ള രഹസ്യത്തെയും കുറിച്ച് അറിയാന്‍ അവന്‍ തീരുമാനിക്കുന്നു.അതിലേക്കു നയിച്ച കാര്യങ്ങള്‍ കെട്ടു കഥയെക്കാളും ഭീകരം ആയിരുന്നു.മരണങ്ങള്‍ കാര്‍ന്നു തിന്നുന്ന ആ ഗ്രാമത്തിലേക്ക് കാര്‍ത്തികേയന്‍ ആകസ്മികം ആയി വന്നതാണെങ്കിലും അത് അവിടെ ഉള്ളവര്‍ക്ക് അനുഗ്രഹം ആയി മാറുമോ എന്നതാണ് ചിത്രം ബാക്കി അവതരിപ്പിക്കുന്നത്.മോശമല്ലാത്ത ഒരു മിസ്റ്ററി.ത്രില്ലര്‍ തെലുങ്ക്‌ ചിത്രം ആണ് കാര്‍ത്തികേയാ.

More movie suggestions @www.movieholicviews.blogspot.com