1789. Les Traducteurs / The Translators (2019, French)

1789. Les Traducteurs / The Translators (2019, French)

Mystery, Thriller

⭐⭐⭐⭐/5

    If you're interested in watching a movie full of suspense and twists, here's one for you: "Les Traducters," also known as "The Translators." This edge-of-your-seat thriller follows 9 translators assigned to translate the third and final installment of the Dedalus Trilogy by a major publishing house. These professional translators come from different parts of the world and speak various languages.

    There are conditions for this job. The translators must live in a secret location during the translation process. They cannot communicate with anyone outside the building, have no access to the Internet or other forms of communication, and are given only a few pages of the highly anticipated book each day for translation, which they must complete on the same day.

    Despite the challenging conditions, most of them remain due to the allure of money and the opportunity to be the first to know the conclusion of the novel. However, conflicts arise among the translators and management. The situation takes a turn when someone publishes the first 10 pages of the book online. Later, the same person demands cash in exchange for not publishing more pages online, with the amount increasing for each subsequent release. This creates chaos within the building, leading to a series of events. But who is behind this act?I it someone among the translators or???

The whodunit scenario in the movie leads to twists, turns, and surprises, culminating in an even bigger revelation at the climax. As a fan of mystery flicks with plenty of twists, I thoroughly enjoyed watching this movie and would highly recommend it to those with a taste for mystery and suspense thrillers.

For Download Link: t.me/mhviews1

1768. Black Box (French, 2021)

1768. Black Box (French, 2021)

⭐⭐⭐⭐/5

  300 ആളുകളുടെ മരണത്തിനു ഇടയാക്കിയ ഫ്‌ളൈറ്റ് അപകടം നടന്നതിനു ശേഷം അതിന്റെ ബ്ലാക്‌ബോക്സ് വിശകലനം നടത്തിയ മാത്യു എന്ന ബ്ലാക്‌ബോക്സ് അനലിസ്റ്റ് അസാധാരണമായ ഒരു വാക്ക് അപകടത്തിനു മുന്നേ നടന്ന ശബ്ദങ്ങളിൽ നിന്നും കേട്ടൂ. ഒരു പക്ഷെ വിസ്‌ഫോടനകരമായ  സ്ഥിതി വിശേഷം ഉണ്ടാക്കാവുന്ന, എന്തിനു ഒരു യുദ്ധം തന്നെ തുറന്നിടാൻ സാധ്യത ഉള്ള കാര്യം ആയിരുന്നു അത്.എന്നാൽ പിന്നീട് താൻ കേട്ടതിൽ എന്തോ നിഗൂഢത ഉണ്ട് എന്ന് തോന്നിയ മാത്യു അതിന്റെ പിന്നിൽ ഉള്ള യാഥാർഥ്യം കണ്ടെത്താൻ ശ്രമിക്കുന്നു. അതിനെ തുടർന്നുണ്ടാകുന്ന സംഭവങ്ങൾ ആണ് മികച്ച രീതിയിൽ അവതരിപ്പിച്ച ഈ ഫ്രഞ്ച് ത്രില്ലറിൽ ഉള്ളത്.

ഒരു പക്ഷെ പല സിനിമകളിലും കണ്ടിട്ടുള്ള ഒരു അടിസ്ഥാന പ്രമേയം തന്നെ ആണ് ഈ ചിത്രത്തിൽ ഉള്ളതും. എന്നാൽ കള്ളം ഓരോ ഇതൾ ആയി മാറ്റപ്പെടുമ്പോൾ എത്തി ചേർന്ന യാഥാർഥ്യം അവതരിപ്പിച്ചിരിക്കുന്നത് വിശ്വസനീയം ആയ രീതിയിൽ ആണ്. ഒരു വിസിൽ ബ്ലോവർ ആയി മാത്യു മാറാം എന്ന അവസരത്തിൽ സിനിമ ഭയാനകമായ ഒരു വഴിതിരിവ് എടുക്കുന്നുണ്ട്.

മികച്ച ഒരു ഫ്രഞ്ച് ചിത്രം  തന്നെയാണ് Blackbox. കഴിയുമെങ്കിൽ കാണുക.

സിനിമയുടെ ലിങ്ക് ആവശ്യം ഉള്ളവർ t.me/mhviews1 ലേക്ക് പോവുക.

1749. Back In Crime (French, 2013) Mystery /Fantasy/Crime

1749. Back In Crime (French, 2013)

         Mystery /Fantasy/Crime

 ⭐⭐⭐½ /5

 ഹെലൻ രാവിലെ ഓടാൻ ഇറങ്ങിയപ്പോൾ ആണ് പാലത്തിന്റെ അടുത്തായി ഒരു മൃതദേഹം കണ്ടത്. അവർ ഉടനെ പോലീസിനെ വിവരം അറിയിക്കുന്നു. ഇരുപതു വർഷങ്ങളായി തന്റെ ഇരകളെ കൊലപ്പെടുത്തുന്ന ഇയർഡ്രം സ്ലാഷർ എന്നറിയപ്പെടുന്ന കൊലപാതകിയുടെ പുതിയ ഇര ആണ് അത് എന്ന് അന്വേഷണ ഉദ്യോഗസ്ഥൻ ആയ റിച്ചാർഡ് കെമ്പ് മനസ്സിലാക്കുന്നു. എന്നാൽ അയാളുടെ അന്വേഷണം മുന്നോട്ടു പോകവെ അയാൾക്ക്‌ ഒരു അപകടം ഉണ്ടാകുന്നു. അതയാളെ കൊണ്ടെത്തിക്കുന്നത് ഇരുപതു വർഷങ്ങൾക്കു മുന്നേ ഉള്ള ടൈം ലൈനിൽ ആണ്.

അതെ. അയാൾ ടൈം ട്രാവൽ ചെയ്തിരിക്കുന്നു. ഇരുപതു വർഷങ്ങൾക്കു മുന്നേ ആ കേസ് അന്വേഷണം നടത്തുന്ന റിച്ചാർഡ് കെമ്പിനെ അയാൾ കാണുന്നു. അതിനുശേഷം അയാൾക്ക്‌ ആ കേസിൽ എന്താണ് ചെയ്യാൻ കഴിഞ്ഞിരിക്കുക? അതാണ്‌ Back In Crime എന്ന ഫ്രഞ്ച് ചിത്രത്തിന്റെ ബാക്കി കഥ.

രസകരമായ ഒരു പ്ലോട്ട് ആണ് ചിത്രത്തിന് ഉള്ളത്. അതിനൊപ്പം ചില ചെറിയ ദുരൂഹതകൾക്ക് കൂടി ഉത്തരം പറയുന്ന ചിത്രത്തിൽ എന്നാൽ സീരിയൽ കില്ലർക്കു നമ്മൾ പ്രതീക്ഷിക്കുന്ന അത്ര പ്രാധാന്യം ഇല്ല എന്ന് തോന്നിയേക്കാം. എന്നാൽ ഈ കഥയിൽ ഒരാൾ അയാളുടെ ചെറുപ്പക്കാലത്തിലേക്കു പോവുകയും അയാൽ അവിടെ ഒരിക്കലും കാണാൻ സാധ്യത ഇല്ലാത്ത ആളുമായി ബന്ധം ഉണ്ടാവുകയും, അതിനു കാരണം അയാളുടെ ഭാവിക്കാലം ആയി മാറുകയും ചെയ്യുന്ന പോലെ ഉള്ള കുറച്ചു ടൈം wrinkle സംഭവങ്ങൾ എല്ലാം സിനിമയിൽ ഉണ്ട്.

എന്തായാലും കണ്ടിരിക്കാൻ കഴിയുന്ന ഒരു നല്ല മിസ്റ്ററി /ഫാന്റസി /ക്രൈം ചിത്രം ആണ് Back In Crime എന്ന ഫ്രഞ്ച് ചിത്രം.

സിനിമയുടെ ലിങ്ക്

t.me/mhviews1 ൽ ലഭ്യമാണ്.

1723. The Wakhan Front ( French, 2015)

 1723. The Wakhan Front ( French, 2015)

          War, ഫാന്റസി, Mystery

          

⭐⭐️⭐️½ /5

 മിത്തുകൾ, സംസ്‌കാരങ്ങൾ തമ്മിൽ ഉള്ള സംഘർഷങ്ങൾ, അതിൽ നിന്നും ഉണ്ടാകുന്ന പല തരത്തിൽ ഉള്ള ചിന്തകൾ. അതിനും അപ്പുറം സത്യം ഏത് മിഥ്യ ഏതു എന്നറിയാതെ പോകുന്ന പ്രേക്ഷകനും കഥാപാത്രങ്ങളും. The Wakhan Front എന്ന ഫ്രഞ്ച് സിനിമയെ കുറിച്ച് ഇങ്ങനെ ചുരുക്കി പറയാം.

ഒരു പ്രേക്ഷകനെ സംബന്ധിച്ച് താൽപ്പര്യം ഉളവാക്കുന്ന പ്രമേയം ആണ്‌ ചിത്രത്തിനുള്ളത്. അഫ്‌ഘാൻ യുദ്ധ സമയത്ത് അവിടെയുള്ള ഗ്രാമത്തിൽ താലിബാന് എതിരെ യുദ്ധം ചെയ്യുന്ന കുറച്ചു ഫ്രഞ്ച് സൈനികർ. അവരുടെ മുഖ്യ ലക്ഷ്യം താലിബാൻ തീവ്രവാദികളിൽ നിന്നും ആ ഗ്രാമത്തെ രക്ഷിക്കുക എന്നതാണ്. എന്നാൽ പലപ്പോഴും ഗ്രാമവാസികളുടെ ജീവിതത്തിൽ ഫ്രഞ്ച് സൈന്യം ഇടപ്പെടുമ്പോൾ സ്വഭാവികമായ സംഘർഷം അവരുടെ ഇടയിൽ ഉണ്ടാകാറുണ്ട്.

 ഈ സംഭവങ്ങൾക്ക് ഇടയിൽ ഫ്രഞ്ച് സൈനികർ പലരെയും കാണാതെ ആകുന്നു. Vanished Without A Trace എന്ന് പറയാവുന്ന രീതിയിൽ ആണ്‌ അവരുടെ തിരോധാനം. മനുഷ്യൻ ആണോ മൃഗം ആണോ ശത്രുക്കൾ ആണോ അതോ മറ്റെന്തെങ്കിലും ആണോ ഈ തിരോധാനങ്ങൾക്ക് പിന്നിൽ എന്ന് കണ്ടെത്താൻ അവർക്കു കഴിയുന്നില്ല. പകരം മിത്തിൽ ഊന്നിയ, എന്താ വിശ്വാസം എന്ന് പറയാവുന്ന ഒരു തലത്തിലേക്കുള്ള അന്വേഷണത്തിലേക്കു ആ ക്യാമ്പിലെ സൈന്യം എത്തുകയാണ്. അതിനു നേതൃത്വം കൊടുക്കുന്നത് തന്റെ കൂട്ടത്തിൽ ഉള്ള ഒരാളെ പോലും നഷ്ടപ്പെടുത്തില്ല എന്ന ദൃഢനിശ്ചയം എടുത്ത ഒരു ക്യാപ്റ്റനും.

ഇതിനെ ചുറ്റിപ്പറ്റി ഉള്ള സംഭവങ്ങൾ ആണ്‌ സിനിമയുടെ കഥയ്ക്കു ആധാരം.ഈ സിനിമയുടെ പ്രത്യേകത എന്താണെന്ന് വച്ചാൽ ഇതിന്റെ ക്ലൈമാക്സ്‌ ആണ്‌. അത് ചിലപ്പോൾ തീരെ വ്യക്തത ഇല്ലാതെ അനുഭവപ്പെടാം, അല്ലെങ്കിൽ ചിലപ്പോൾ തുടക്കത്തിൽ പറഞ്ഞത് പോലെ ഉള്ള പല ഘടങ്ങൾ വിഷയം ആയി വന്നേക്കാം. എന്നേ സംബന്ധിച്ച് ചിത്രം നല്ല ഒരു സൈക്കോളജിക്കൽ ത്രില്ലർ ആയിട്ടാണ് അനുഭവപ്പെട്ടത്. ചില സമയങ്ങളിൽ ദുരൂഹതയിൽ നിന്നും ഉണ്ടാകുന്ന ഒരു തരം ഭയം ഇല്ലേ? അതാണ്‌ ഇവിടെ കാണാൻ കഴിഞ്ഞത് എന്നാണ് എന്റെ അഭിപ്രായം.എനിക്ക് ഇഷ്ടപ്പെട്ടൂ The Wakhan Front.

Movie Download Link: t.me/mhviews1

1526. Scribe / La Mécanique de l'ombre/ The Eavesdropper (French, 2016)

 1526. Scribe / La Mécanique de l'ombre/ The Eavesdropper (French, 2016)

           Thriller.

ജോലിയിൽ ആത്മാർഥത കാണിച്ചിരുന്ന ദുവൽ എന്ന മധ്യവയ്സ്ക്കന് ഒരു ദിവസം തന്റെ ജോലി നഷ്ടമാകുന്നു.അയാളുടെ പ്രായം കാരണം  മറ്റു ജോലികൾ ലഭിക്കുന്നും ഇല്ല. അങ്ങനെ ഇരിക്കെ അയാൾക്ക്‌ ഒരു അജ്ഞാതന്റെ ഫോൺ കോൾ വരുന്നു. ദുവലിനു അയാൾ ഒരു ജോലി ഓഫർ ചെയ്യുന്നു. കുറച്ചു ഫോൺ കോളുകൾ കാസറ്റിൽ റെക്കോർഡ് ചെയ്തു കൊടുക്കും. അതിലെ വിവരങ്ങൾ പേപ്പറിൽ ആക്കുക. ഒറ്റ കാര്യമേ ഉളളൂ. തന്റെ ജോലി എന്താണെന്ന് ആരോടും പറയാതെ, ഒറ്റയ്ക്ക് ഒരു അപാർട്മെന്റിൽ ഇരുന്നാണ് ജോലി. സംഭവം രഹസ്യമാണ്. പക്ഷെ നല്ലൊരു തുക ശമ്പളവും ഉണ്ട്. ദുവൽ ഓക്കെ പറയുന്നു. നല്ല ഒരു ഡീൽ അല്ലെ??

  പക്ഷെ ഇത്തരം ഒരു ജോലിയുടെ പുറകിൽ ഒളിച്ചിരിക്കുന്ന ധാരാളം നിഗൂഢതകൾ ഉണ്ടായിരുന്നു. ഒരു പക്ഷെ കോൺസ്പിറസി തിയറി എന്നൊക്കെ വിളിക്കാവുന്ന ഒന്ന്. ജീവിതത്തിൽ ആരെയാണ് വിശ്വസിക്കേണ്ടത് എന്ന് പോലും ദുവലിനു സംശയം തോന്നുന്ന ദിവസങ്ങൾ ആണ്‌ പിന്നീട് ഉണ്ടായത്.

ദുവലിന്റെ സംഭവ ബഹുലമായ പുതിയ ജോലിയുടെ നിഗൂഢതയും അതിനു പിന്നിൽ ഉള്ള സാധാരണക്കാരന്റെ ചിന്തയ്ക്കും അപ്പുറം നടക്കുന്ന കാര്യങ്ങൾ ആണ്‌ സിനിമയുടെ കഥ. നല്ലൊരു ത്രില്ലർ ആണ്‌ ചിത്രം. പ്രത്യേകിച്ചും ക്ലൈമാക്സ്‌, ഒറ്റ സെക്കൻഡിൽ വലിയ ട്വിസ്റ്റ് പോലെ കഥ മൊത്തം മാറിയ അവസ്ഥ ആയിരുന്നു അതിനു ഉണ്ടായിരുന്നത്.

Telegram ലിങ്ക് :t.me/mhviews1

 സിനിമയുടെ ഡൗൺലോഡ് ലിങ്ക് www.movieholicviews.blogspot.com ൽ ലഭ്യമാണ്.

1323. Lupin (French, 2021)

 1323. Lupin (French, 2021)

          Mystery, Thriller.

  Netflix ന്റെ സീരീസുകളുടെ ചരിത്രത്തിൽ ഏറ്റവുമധികം ആളുകൾ കണ്ട ഒന്നായി മാറുകയാണ് ഫ്രഞ്ച് സീരീസ് ആയ Lupin. 5 എപ്പിസോഡുകൾ മാത്രം സ്‌ട്രീം ചെയ്യുകയും ചെയ്തതിനു ശേഷം അടുത്ത സീസണ് ഈ സീരീസിന് ഉണ്ടാകും എന്നും Netflix അറിയിച്ചിരുന്നു. "Gentleman Thief, Master of Disguise" എന്നു അറിയപ്പെടുന്ന ഫ്രഞ്ച് മോഷ്ടാവാണ് Arsene Lupin. ഫ്രഞ്ച് പോപ്പ് കൾച്ചറിൽ പ്രമുഖമായ വ്യക്തിത്വം ഈ കഥാപാത്രത്തിനുണ്ട്.

  ഈ കഥാപാത്രവുമായി തന്റെ അച്ഛൻ നൽകിയ പുസ്തകത്തിലൂടെ ബന്ധം സ്ഥാപിക്കുന്ന Assane എന്ന സെനഗലിൽ നിന്നും വന്ന ആദ്യ തലമുറ ഫ്രഞ്ച് അഭയാർത്ഥി, പിന്നീട് അച്ഛന്റെ ഒരിക്കലും അർഹിക്കാത്ത മരണ ശേഷം തന്റെ പ്രതികരത്തിനായി ശ്രമിക്കുന്നതാണ് കഥ.അതിനായി തിരഞ്ഞെടുക്കുന്നത് അവനു വായനയിലൂടെ ലഭിച്ച Arsene Lupin ന്റെ വഴികൾ ആയിരുന്നു.അവന്റെ വൈദഗ്ധ്യം പോലീസിനെയും അവനെ കാത്തിരുന്ന ശത്രുക്കളെയും ഒരേ പോലെ കുഴപ്പിച്ചു.

  ഒമർ സൈ ആണ് Assane യെ ഈ പരമ്പരയിൽ അവതരിപ്പിക്കുന്നത്.ആദ്യ എപ്പിസോഡിൽ തന്നെ പ്രേക്ഷകനെ കയ്യിലെടുക്കാൻ കഴിഞ്ഞു എന്നതാണ് Lupin ന്റെ വിജയം.അതിനു ശേഷം Assane ന്റെ ജീവിതവും അതിൽ ഒളിച്ചിരിക്കുന്ന സങ്കീർണമായ കഥകളും ആയാണ് പരമ്പര മുന്നേറുന്നത്.ഒരു പക്ഷെ അഞ്ചാമത്തെ എപ്പിസോഡ് ആകുമ്പോൾ പ്രേക്ഷകനെ മുൾമുനയിൽ നിർത്തി ആണ് സീരീസ് ആദ്യ സീസണ് അവസാനിപ്പിച്ചിരിക്കുന്നത് എന്നു കാണാം.

  യൂറോപ്യൻ ദൃശ്യാവിഷ്ക്കാര ശൈലിയുടെ സ്റ്റൈലിഷ് ആയുള്ള അവതരണം ആണ് Lupin  ഉള്ളത്.അതിന്റെ ഭംഗി ഒന്നു വേറെ തന്നെയാണ്. Binge worthy ആയുള്ള ഒരു പരമ്പര ആണ് Lupin.സീരീസ് ആയും സിനിമ ആയും സ്‌ക്രീനിൽ വന്നിട്ടുള്ള Arsene Lupin നെ പരിചിതമല്ലാത്ത ഫ്രാൻസിന് പുറത്തു ഉള്ളവർക്ക് പോലും ഉള്ള പരിചയപ്പെടുത്തൽ ആണ് ഈ സീരീസ്. കണ്ടു നോക്കാൻ ശ്രമിക്കുക.ഇഷ്ടമാകും.

 സീരീസ് Netflix ൽ ലഭ്യമാണ്.

1301. Counter Investigation (French, 2007)

 1301. Counter Investigation (French, 2007)

          Crime, Thriller.

         IMDB: 6.7 RT: 69%

കുട്ടികളുടെ മേൽ തങ്ങളുടെ വൈകൃതമായ ആസക്തികൾ പ്രയോഗിക്കുന്ന ആളുകളെ മനുഷ്യരായോ മൃഗങ്ങൾ ആയോ കാണുവാൻ സാധിക്കില്ല.പലപ്പോഴും നിയമ സംഹിതകൾ പോലും അപര്യാപ്തം ആണെന്ന് തോന്നും പല സംഭവങ്ങളിലും കുറ്റവാളികൾക്ക് നിയമം അനുസരിച്ചുള്ള ശിക്ഷ ലഭിക്കുമ്പോൾ.ആദ്യ കാഴ്ചയിൽ തന്നെ പ്രതി എന്നു മനസ്സിലാക്കിയ ആളുകൾക്ക് പോലും പലപ്പോഴും പരിഗണനകൾ നിയമം നൽകുന്നു എന്നു അറിയുമ്പോൾ മറ്റു ശിക്ഷ രീതികളെ കുറിച്ചു പലപ്പോഴും ആളുകൾ വാചാലകർ ആകാറുണ്ട്.

     പ്രിയപ്പെട്ടവരുടെ കൊലപാതകങ്ങളും അതിനെ ചുറ്റി പറ്റിയുള്ള കഥകൾ ഉള്ള സിനിമകൾ പലതും അവസാനിക്കുന്നത് പ്രതികാരം എന്ന ഒരേ ദിശയിലേക്കു പോയതാണ്.പലപ്പോഴും ഇത്തരം സിനിമകളിലെ പ്രതികാരങ്ങൾ പ്രേക്ഷകന് എത്ര മാത്രം ഉൾക്കൊള്ളാൻ സാധിക്കും എന്നതിനെ അനുസരിച്ചു ഇരിക്കും അത്തരം സിനിമകളുടെ വിജയം.

   Counter Investigation എന്ന ഫ്രഞ്ച് ചിത്രത്തിൽ ഒരു പരിധി വരെ പ്രേക്ഷകന് ഉൾക്കൊള്ളാൻ കഴിയാത്ത വിധത്തിൽ കഥ പോവുക ആണ് ചെയ്യുന്നത്.പിന്നീട് എന്താണ് സംഭവിച്ചതെന്ന് കണ്ടു തന്നെ അറിയുക.

    ഒരു പിതാവിന് ഒരിക്കലും കാണാൻ  അവസരം ഉണ്ടാകാതെ ഇരിക്കട്ടെ എന്നു മാത്രം പ്രാർത്ഥിക്കാവുന്ന അവസ്ഥ ആണ് റിച്ചാർഡ് എന്ന പൊലീസ് ഉദ്യോഗസ്ഥന് ഉണ്ടായിരിക്കുന്നത്. തന്റെ മകളെ ആരോ പിച്ചി ചീന്തി അവളുടെ ജീവൻ എടുത്തിരിക്കുന്നു.പോലീസ് ഉദ്യോഗസ്ഥൻ ആയതു കൊണ്ട് തന്നെ അയാളുടെ സഹ പ്രവർത്തകർ ഏറ്റവും വലിയ പ്രാധാന്യം കൊടുത്തു പ്രതിയെ കസ്റ്റഡിയിൽ ആക്കുന്നു.

   പ്രതി എന്നു കരുതുന്ന ഡാനിയൽ  എക്മാൻ ജയിലിൽ ആകുന്നു.എന്നാൽ പിന്നീട് റിച്ചാർഡിന് അയാൾ താൻ അല്ല ആ ക്രൂര കൃത്യം ചെയ്തതെന്ന് പറഞ്ഞു കത്തുകൾ എഴുതുന്നു.ഈ സമയം ആണ് ഈ കേസിനു സമാനമായ രീതിയിൽ മറ്റു സംഭവങ്ങൾ നടക്കുന്നത്.

   ഇവിടെ ഡാനിയൽ യഥാർത്ഥ പ്രതി ആണോ?റിച്ചാർഡിന് താണ്ട് മകളെ കൊലപ്പെടുത്തിയ ആൾ എന്നു എല്ലാവരും വിശ്വസിക്കുന്ന ആളുടെ നിരപരാധിത്വത്തിൽ വിശ്വസിക്കാൻ കഴിയുമോ?സങ്കീർണമായ ഒരു കഥയാണ് പിന്നീട് ചിത്രത്തിന് ഉണ്ടാകുന്നത്.

     Jean Dujardin ന്റെ റിച്ചാർഡ് എന്ന കഥാപാത്രം സ്‌ക്രീനിൽ ഒരു നൊമ്പരമായി ഉണ്ടായിരുന്നു.പല പ്രധാനപ്പെട്ട വില്ലന്മാരെയും ഓർമിപ്പിക്കുന്ന ഡാനിയൽ ആയി വന്ന Laurent Lucas ഉം മികച്ച പ്രകടനം ആണ് കാഴ്‌ച വച്ചതു.

   റിച്ചാർഡിന് മകളെ ക്രൂരമായി കൊലപ്പെടുത്തിയത് ആരാണ്?കൂടുതൽ അറിയാൻ ചിത്രം കാണുക.

അപ്രതീക്ഷിതമായ ഒരു ക്ളൈമാക്‌സ് ആയിരിക്കും ചിലപ്പോൾ പ്രേക്ഷകന് ലഭിക്കുക.

 സിനിമയുടെ ലിങ്ക് www.movieholicviews.blogspot.ca യിൽ ലഭ്യമാണ്.

1288. Dobermann (French, 1997)

 1288. Dobermann (French, 1997)

          Action, Thriller

ഈ സിനിമയെക്കുറിച്ച് പറയാൻ ആദ്യം മനസ്സിൽ വരുന്നത് "കോമിക് ബുക്കിൽ നിന്നും നേരെ സ്ക്രീനിലേക്ക് പറിച്ചു നട്ട മികച്ച സിനിമ" എന്നാകും.അൽപ്പം അതിശയോക്തി തോന്നാം ഇങ്ങനെ കേൾക്കുമ്പോൾ.പ്രത്യേകിച്ചും കോമിക് ബുക്കിൽ നിന്നു അല്ല യഥാർത്ഥത്തിൽ സിനിമ അവതരിപ്പിച്ചത് എന്ന കൊണ്ടു തന്നെ.പക്ഷെ ഒരു കോമിക്സ് വായിക്കുമ്പോൾ ഉണ്ടാകുന്ന ഒരു ഫീൽ ഉണ്ടല്ലോ?കഥാപാത്രങ്ങളെയും സാഹചര്യങ്ങളെയും larger than life എന്ന നിലയിൽ അവതരിപ്പിച്ചു കൊണ്ടുള്ളത്?അത്തരത്തിൽ ഒരു ഫീൽ ആണ് Dobermann പ്രേക്ഷകന് നൽകുന്നത്. 

  സിനിമയിലെ ആദ്യ സീനുകൾ മുതലേ ആക്ഷൻ ചിത്രങ്ങളിലെ "മാസ്" എന്ന ഘടകം കാണാൻ സാധിക്കും.സീനുകളിലും സംഭാഷണത്തിലും എല്ലാം പ്രകടമായി തന്നെ ഈ ഒരു ഘടകം ഉണ്ട്.ലോകത്തിലെ ഏറ്റവും അപകടകാരിയായ ബാങ്ക് കൊള്ളക്കാരൻ ആണ് "ഡോബർമാൻ".ഒരു ബാങ്ക് കൊള്ളയെ കുറിച്ചാണ് ചിത്രവും.അതിനു പുറകെ പോകുന്ന പോലീസും എല്ലാം കൂടി വളരെ ലൗഡ് ആയ ഒരു അന്തരീക്ഷത്തിൽ ആണ് കഥ പോകുന്നത്.

  ഇത്തരം ഒരു കഥയിൽ ആവശ്യമുള്ള ആക്ഷൻ, സെക്‌സ്, ഡ്രഗ്സ്, പക,ചതി എന്നു വേണ്ട എല്ലാ ഘടകവും കാണാം.അവസാനത്തെ അര മണിക്കൂർ ഒക്കെ മൊത്തം ആക്ഷൻ ആണ്.ആക്ഷൻ എന്നു പറയുമ്പോൾ മാർഷ്യൽ ആർട്ട്‌സ് സിനിമകളിലെ പോലെ ഉള്ള ആക്ഷൻ അല്ല.അടി, വെടി, ബോംബ് അങ്ങനെ മൊത്തത്തിൽ ചിത്രം പോകുമ്പോൾ ഓർമ വന്നത് ഒരു ടറാന്റിനോ ചിത്രം കണ്ടത് പോലെ ആണ്.ഒരു പക്ഷെ അതിലും കൂടുതൽ ആയിരിക്കാം ആക്ഷനിലെ വൈബ് എന്നു പറഞ്ഞാൽ പോലും അധികം ആകില്ല.യാൻ കൗനെന് എന്ന ഫ്രഞ്ച് സംവിധായകന്റെ ചിത്രം നല്ല രീതിയിൽ under-rated ആണെന്ന് ആണ് കണ്ടു കഴിഞ്ഞപ്പോൾ തോന്നിയത്.ഒരു പക്ഷെ ഇത്തരത്തിൽ ഉള്ള ആക്ഷൻ ചിത്രങ്ങൾക്ക് ബഞ്ച്മാർക് പോലും ആകേണ്ടിയിരുന്ന അത്ര under-rated.

  ഹെൽമറ്റ് സീൻ,  അതു പോലെ ബാങ്ക് തകർക്കുന്ന സീൻ ഒക്കെ ആക്ഷൻ സിനിമകളിൽ തന്നെ ഏറ്റവും മികച്ച രംഗങ്ങൾ ആണെന്ന് പറയേണ്ടി വരും.ബ്ളാക് ഹ്യൂമറിന് ഉള്ള സാധ്യതകളെ നന്നായി ഉപയോഗിച്ചിട്ടും ഉണ്ട്.ഈ സിനിമ കാണുമ്പോൾ രണ്ടു അഭിപ്രായം ഉണ്ടാകാൻ മാത്രമേ സാധ്യത ഉള്ളൂ.ഒന്നു, തീരെ ഇഷ്ടപ്പെടാതെ ഇരിക്കുക. രണ്ടു, കണ്ടു ഫാൻ ആവുക.ഇഷ്ടപ്പെടാതെ ഇരിക്കാൻ ഉള്ള കാരണം നമ്മുടെ ഒക്കെ പ്രതീക്ഷയ്ക്കും അപ്പുറം ഒരു വില്ലൻ കഥാപാത്രം സിനിമയിൽ നായകനായി മാറുന്നത് കാണുന്നത് കൊണ്ടും ആകാം.സിനിമയുടെ സാമ്പ്രദായിക ഘടനയിൽ എത്ര മാത്രം acceptable ആണ് അതെന്നു നോക്കേണ്ടി വരും. സുഹൃത്തുക്കളോടും കാമുകിയോടും ഉള്ള ഇഷ്ടം അല്ലാതെ വേറെ ഒരു നന്മയും ഇല്ലാത്തത്ര മോശമായ ഒരു കഥാപാത്രം ആണ് വിൻസന്റ് കസേലിന്റെ യാൻ അഥവാ ഡോബർമാൻ എന്ന കഥാപാത്രം.അവസാന രംഗങ്ങൾ ഒക്കെ ഒരു തരം hallucination ഉണ്ടായത് പോലെ തോന്നും കാണുമ്പോൾ.

  ആക്ഷൻ സിനിമകളുടെ ആരാധകൻ ആണെങ്കിൽ, ഒരു പക്ഷെ അൽപ്പം വ്യത്യസ്തമായി, വലിയ കഥ ഒന്നും ഇല്ലാത്ത, ഒരു ദിവസം നടക്കുന്ന സംഭവങ്ങളുടെ കോമിക് ബുക്കിൽ വായിക്കുന്ന കഥയുടെ കാല്പനികതയോടെ ഒരു ചിത്രം കാണണം എന്ന് തോന്നുന്നെങ്കിൽ കണ്ടു നോക്കൂ. 

Anyways, am impressed!!

 ചിത്രത്തിന്റെ ടെലിഗ്രാം ചാനൽ ലിങ്ക്  ടെലിഗ്രാമിൽ @mhviews എന്നു സെർച്ച് ചെയ്യുമ്പോൾ ലഭ്യമാണ്.

1251.La Foret (French,2017)

1251.La Foret (French,2017)

         Crime Investigation/Drama

  മൂന്നു പെണ്കുട്ടികളുടെ തിരോധാനം ആ ചെറിയ നഗരത്തെ ഭീതിയിലാഴ്ത്തി.അൽപ്പ ദിവസത്തിനു ശേഷം അന്വേഷണങ്ങൾക്ക് ഒടുവിൽ മൃതദേഹങ്ങൾ ലഭിച്ചു തുടങ്ങി.അതിൽ ഒന്നു ആ മൂന്നു പേരിൽ ഒരാളുടെ ആയിരുന്നു.പക്ഷെ ബാക്കി ലഭിച്ചതോ?ഒരു പരമ്പര കൊലയാളിയുടെ സാന്നിധ്യം അവിടെ ഉണ്ടോ?

Number of Episodes:6

 Streaming Platform: Netflix

Duration: 45 mins+

  6 എപ്പിസോഡുകൾ മാത്രം ഉള്ള ഫ്രഞ്ച് സീരീസ് ആണ് La Foret.പതിഞ്ഞ താളത്തിൽ തുടങ്ങി, കഥാപാത്രങ്ങളെ പ്രേക്ഷകരോട് കൂടുതൽ അടുപ്പിച്ചതിനു ശേഷം ആ ചെറിയ നഗരത്തിലെ പലർക്കും ഉള്ള രഹസ്യങ്ങൾ പതിയെ പുറത്തു കൊണ്ടു വരുന്നു.പലരും അവരെ കുറിച്ചു പൊതുവായി ഉള്ള അഭിപ്രായങ്ങളെ മാറ്റി മറിയ്ക്കുന്നുണ്ട്.പരിചയം ഉള്ളവർ പലരും ഈ കേസ് അന്വേഷണത്തിൽ പലരിൽ നിന്നും അകലുന്നു.

  കാട് പശ്ചാത്തലമായി ധാരാളം സംഭവങ്ങൾ നടക്കുന്നത് കൊണ്ടു തന്നെ പരമ്പരയുടെ പേര് നല്ലതു പോലെ യോജിക്കുന്നും ഉണ്ട്.മനസ്സിന്റെ മനസ്സും അങ്ങനെ ആണല്ലോ.കാട് കയറി എന്നൊക്കെ പറയില്ല?ആ ഒരു അവസ്ഥയിൽ എത്തുമ്പോൾ എന്താകും ഉണ്ടാവുക?

  അതിന്റെ ഒപ്പം സ്വന്തം അസ്തിത്വം കണ്ടു പിടിക്കുന്ന കഥാപാത്രം, സ്വന്തമായി ചുമതലകളിൽ മാറി നിൽക്കുന്നവർ,സ്വന്തം ചുമതലകൾ ഏറ്റവും നന്നായി ചെയ്യുന്നവർ, ഇവരെയെല്ലാം കൂടാതെ സ്വന്തം ചുമതലകളിൽ കള്ളങ്ങൾ ഒളിപ്പിച്ചു വച്ചവർ.

   പ്രധാനമായും കഥാപാത്രങ്ങളുടെ വൈകാരികമായ വശം ആണ് പരമ്പര ശ്രദ്ധയൂന്നിയിരിക്കുന്നത്.അതു ഒരു വിധത്തിൽ നല്ലതിനും ആയിരുന്നു.കാരണം, പല സംഭവങ്ങൾ തമ്മിലും ബന്ധിപ്പിക്കുന്ന ധാരാളം കാര്യങ്ങൾ ഇതിൽ നിന്നെല്ലാം ഉടലെടുക്കുന്നത് പ്രേക്ഷകനു സംഭവ വികസങ്ങളോടുള്ള താൽപ്പര്യം കൂട്ടുന്നു.

  കാണാൻ മറക്കരുത്.മികച്ച പരമ്പരകളിൽ ഉൾപ്പെടുത്താവുന്ന ഒന്നാണ് La Foret.

MH Views Rating 4/5

t.me/mhviews or @mhviews എന്ന ടെലിഗ്രാം സെർച്ചിൽ പരമ്പരയുടെ ലിങ്ക് ലഭിക്കുന്നതാണ്.

1239. SK1 (French, 2014)

1239. SK1 (French, 2014)

          Crime, Drama

  The Beast of Bastille എന്നു ഫ്രാൻസിൽ കുപ്രസിദ്ധി നേടിയ, 7 സ്ത്രീകളെ ക്രൂരമായി വധിച്ച ആൾ അവിടത്തെ ആദ്യ സീരിയൽ കില്ലർ ഒന്നും അല്ല.പക്ഷെ, DNA ടെസ്റ്റിലൂടെ ആദ്യമായി ഫ്രാൻസിൽ കുറ്റം തെളിയിച്ച കേസ് ആണ് അയാളുടെ.

  SK1 എന്നത് ഫ്രഞ്ച് പോലീസ് പരമ്പര കൊലയാളികൾക്കു നൽകുന്ന പേരുകളിൽ ഒന്നാണ്.ക്രൂരമായി പീഡിപ്പിച്ചതിനു ശേഷം തന്റെ ഇരകളെ ക്രൂരമായി കഴുത്തറുത്തു കൊല്ലുന്ന കൊലയാളി.പൊലീസിന് വ്യക്തമായ തെളിവുകൾ ഒന്നുമില്ല.കിട്ടുന്ന തെളിവുകൾ പലതും എങ്ങും എത്താതെ പോവുകയും ചെയ്യുന്നു.ഈ അവസരത്തിൽ ആണ് ചാർളി എന്ന അന്വേഷണ ഉദ്യോഗസ്ഥൻ കേസ് ഏറ്റെടുക്കുന്നത്.അയാൾ താൻ അന്വേഷിക്കുന്ന ചെകുത്താന്റെ പുറകെ അലയാൻ തുടങ്ങി.പല കേസുകൾ തമ്മിലുള്ള ബന്ധം എല്ലാം കണ്ടു പിടിച്ചെങ്കിലും വീണ്ടും..

  നോൺ ലേസർ രീതിയിൽ പഴയ കാര്യങ്ങളും ഒരു കേസിന്റെ ട്രയലും ആണ് സിനിമയിൽ അവതരിപ്പിക്കുന്നത്.മിസ്റ്ററി ഉള്ള ഒരു കൊലപാതക സിനിമ എന്നതിലുപരി ആ കൊലകളുടെയും കൊലയാളിയുടെയും അന്വേഷണ- വിചാരണകളുടെയും മറ്റൊരു വശം കൂടി കാണിക്കാൻ ആണ് ചിത്രം ശ്രമിച്ചിരിക്കുന്നത്. അതു കൊണ്ടു തന്നെ വൈകാരികമായി ആണ് പ്രേക്ഷകനെ ഈ ചിത്രം കൂടുതൽ ചിന്തിപ്പിക്കുക.

  ഒരു പക്ഷെ Zodiac ന്റെ അതേ pattern ആണ് സിനിമയ്ക്ക് എന്നു തോന്നുമെങ്കിലും Zodiac നൽകിയ അവസാന ഭാഗങ്ങളിലെ പിരിമുറുക്കം ഈ ചിത്രത്തിന് നല്കാനായില്ല.പകരം ഒരു ചെകുത്താന്റെ കീഴടങ്ങൽ ആയിരിക്കും കാണാൻ സാധിക്കുക.

 ജേർണലിസ്റ്റ് ആയ പട്രീഷ്യയുടെ പുസ്തകത്തെ ആധാരമാക്കി അവതരിപ്പിച്ച യഥാർത്ഥ സംഭവങ്ങളുടെ ദൃശ്യവിഷ്‌ക്കാരം ആണ് ഈ ഫ്രഞ്ച് ചിത്രം.

 MH Views Rating:3/5

ചിത്രത്തിന്റെ ടെലിഗ്രാം ചാനൽ ലിങ്ക് t.me/mhviews or @mhviews എന്ന സെർച്ചിൽ  ലഭ്യമാണ്.

1207. Li'l Quinquin (French, 2014)

1207. Li'l Quinquin (French, 2014)
           Mystery

  "പശുവിന്റെ ഉള്ളിൽ നിന്നും കണ്ടതിയ മൃതദേഹത്തിന്റെയും മറ്റ് കൊലപാതകങ്ങളുടെയും കഥ -Li'l Quinquin"

  French Mini- Series
 Number of Episodes- 4
 Duration- 45 minutes

  ചത്തു പോയ പശുവിന്റെ ഉള്ളിൽ നിന്നും ഒരു സ്ത്രീയുടെ ശരീര ഭാഗങ്ങൾ ആണ് കണ്ടെടുത്തത്.പിന്നീടും ഇതേ രീതിയിൽ കൊലപാതകങ്ങൾ നടന്നൂ.ക്രൂരമായ രീതിയിൽ കൊല ചെയ്യപ്പെട്ട ആളുകൾ.കേസ് അന്വേഷിക്കാൻ ക്യാപ്റ്റൻ വാൻ ദാർ വെയ്‌ഡനും അയാളുടെ സഹായി കാർപ്പൻറ്റീയറും വരുന്നു.അവരുടെ അന്വേഷണത്തിലൂടെ ആണ് ചിത്രം സഞ്ചരിക്കുന്നത്.ഒപ്പം Li'l Quinquin ലൂടെയും.

  സ്ഥിരം ഫോർമാറ്റിൽ ഉള്ള ഒരു കുറ്റാന്വേഷണ കഥയ്ക്ക് ഉള്ളതെല്ലാം കഥയിലുണ്ട്.എന്നാൽ ഫ്രഞ്ച് സിനിമയിലെ പരീക്ഷണങ്ങളുടെ ആശാനായ ബ്രൂണോ ഡോർമന്റ് തന്റെ ചിത്രത്തിന് ഉപയോഗിച്ച രീതി മറ്റൊന്നായിരുന്നു. ഫ്രഞ്ച് Avant Garde യുടെ രീതിയിൽ അവതരിപ്പിച്ച ചിത്രം കൂടുതലായും ഫോക്കസ് ചെയ്തിരിക്കുന്നത് മറ്റു ചില കാര്യങ്ങളിൽ ആണ്.സോഷ്യൽ കമന്ററി നന്നായി ഉപയോഗിക്കുകയും അതിനോടൊപ്പം വംശീയപരമായ വ്യത്യാസങ്ങൾ നില നിൽക്കുന്ന സമൂഹത്തിനെ വരച്ചു കാണിക്കാനും ശ്രമിച്ചിട്ടുണ്ട്.

  കഥയുടെ പിന്നാലെ പോകുന്ന പ്രേക്ഷകനെ തൃപ്തിപ്പെടുത്താൻ ആയി ഒന്നും ഇല്ല ചിത്രത്തിൽ.പക്ഷെ അത്തരം ഒരു അവതരണ രീതിയിലും പ്രേക്ഷകന് ചിന്തിക്കാൻ ഉള്ള അവസരം കൊടുക്കുന്നുണ്ട്.യഥാർത്ഥത്തിൽ ചിത്രത്തിലെ പ്രധാന കഥാപാത്രങ്ങൾ പലരും gardening ജോലിയിൽ ഉള്ളവരായിരുന്നു.അഭിനയിക്കാൻ തീരെ ഇഷ്ടം ഇല്ലാത്ത നായക കഥാപാത്രത്തിന്റെ വിഷമതകൾ അയാൾ അവതരിപ്പിച്ച കഥാപാത്രത്തിന്റെ സ്വഭാവം ആയി മാറുകയായിരുന്നു എന്നത് കൗതുകകരമായി തോന്നി.

   ഫ്രഞ്ച് സിനിമകളുടെ ആരാധകർ പലരും ആ അഭിനയം കോമഡി ചിത്രങ്ങളിലെ വ്യത്യസ്ത ആയി കണക്കാക്കിയതായി വായനകളിൽ കണ്ടൂ.നിരൂപകർ ആവോളം പുകഴ്ത്തിയ ഈ കലാസൃഷ്ടി 3 മണിക്കൂറിൽ അധികം ഉള്ള സിനിമ ആയും ടെലിവിഷന് വേണ്ടി 4 ഭാഗങ്ങൾ ഉള്ള മിനി സീരീസ് ആയും ആണ് അവതരിപ്പിച്ചത്‌.

  സിനിമകളെ കുറിച്ചു പഠിക്കുന്നവർക്ക് ഒരു മുതൽക്കൂട്ടു ആകും ചിത്രം.സാങ്കേതികമായും അത്തരത്തിൽ ഉള്ള മേന്മകളെ കുറിച്ചു കണ്ടിരുന്നു.ഇതിന്റെ രണ്ടാം ഭാഗം വന്നിരുന്നു.എന്നാലും പറയുകയാണ്.എല്ലാവരുടെയും ചായ കോപ്പ അല്ല Li'l Quinquin. എല്ലാം കഴിഞ്ഞതിനു ശേഷം അൽപ്പം വായന കൂടി ഉണ്ടെങ്കിൽ ചിത്രം/മിനി സീരീസ് ഒരു അത്ഭുതം ആകും.അല്ലെങ്കിൽ പണ്ട് ആരോ ഒരു കൊറിയൻ ക്ലാസിക് കണ്ടിട്ടു ഇതാണോ വലിയ പടം എന്നു ചോദിച്ചത് പോലെ ആകും. (ആ പടം ഏതാണ് എന്നു പറയുന്നില്ല.പറഞ്ഞാൽ വലിയ സ്പോയിലർ ആകും).

  താൽപ്പര്യം ഉള്ളവർ കാണുക. കുറെയേറെ ചിന്തിപ്പിച്ച പടം ആയതു കൊണ്ടും ടെക്നിക്കൽ ആയി ഉള്ള നിലവാരം അളക്കാൻ ഉള്ള അറിവ് ഇല്ലാത്തതു കൊണ്ടും റേറ്റിങ് ഇടുന്നില്ല. റോജർ എബർട്ടിനെ പോലെ ഉള്ളവർ 4/4 കൊടുത്ത ചിത്രമാണ്.അദ്ദേഹം മാത്രം അല്ല.പല നിരൂപകരും!!

   ടെലിഗ്രാം ചാനൽ ലിങ്ക് t.me/mhviews or @mhviews എന്ന സെർച്ചിൽ ലഭ്യമാണ്.

1071.La Ceremonie(French,1995)

1071. La Ceremonie(French,1995)
          Drama,Crime

   രണ്ടു കഥാപാത്രങ്ങൾ.ഒരു സമൂഹത്തിൽ ജീവിക്കാൻ എന്തു മാത്രം അവർ യോഗ്യർ ആണെന്നുള്ളത് സംശയാസ്പദം ആണ്.അവർക്കു രണ്ടു പേർക്കും ഭൂതകാലം ഉണ്ട്.ഒരു പക്ഷെ പ്രേക്ഷകന് അവസാനം വരെയും പിടികിട്ടാത്ത ഒന്നു.എന്നാൽ ക്ളൈമാക്സിലെ രംഗങ്ങൾ അവർ എന്താണെന്ന് കാണിക്കുന്നുണ്ട്.അത്തരത്തിൽ ഒരു ഉത്തരം ലഭിക്കുന്ന രീതിയിൽ ആണ് La Ceremonie ഒരുക്കിയിരിക്കുന്നത്.

   വീട്ടു ജോലിക്കാരിയായി വരുന്ന സോഫി ,നഗരത്തിൽ നിന്നും അകന്നു മാറിയുള്ള സമ്പന്നരുടെ വീട്ടിൽ ആണ്.അക്ഷരാഭ്യാസം ഇല്ലാതിരുന്നത് സമൂഹത്തിൽ കുറച്ചിലായി ഉള്ള ഒരു കാലഘട്ടം ആയിരുന്നു അത്.അതു കൊണ്ടു തന്നെ അവൾ അത് വിദഗ്ധമായി ഒളിക്കാൻ ശ്രമിക്കുന്നു.സർക്കാർ നടത്തുന്ന പരിപാടികൾ ഉണ്ടെങ്കിലും..എന്തോ?അവൾ അവിടെ വച്ചാണ് ജീനിനെ പരിചയപ്പെടുന്നത്.അവിടത്തെ പോസ്റ്റ് ഓഫീസിലെ ജോലിക്കാരി ആയിരുന്നു അവൾ.

   സാധാരണക്കാരായ രണ്ടു കഥാപാത്രങ്ങൾ.എന്നാൽ രണ്ടു പേർക്കും ഓരോ ഭൂതകാലം ഉണ്ടായിരുന്നു.അതിന്റെ വിശ്വാസ്യതയെ കുറിച്ചു നേരത്തെ പറഞ്ഞതു പോലെ പ്രേക്ഷകനും സംശയം ഉണ്ടാകും.അതു സ്വാഭാവികം ആണ്.കാരണം,തങ്ങളുടെ ചുരുങ്ങിയ സാഹചര്യങ്ങളിലും നല്ല ജീവിതം സ്വപ്നം കണ്ടിരുന്ന രണ്ടു പേർ.അവർ ജീവിതം ആഘോഷമാക്കുവാൻ ശ്രമിച്ചു.എന്നാൽ???അവർ അപകടകാരികൾ ആയിരുന്നോ?ചിത്രം കാണുക ഈ ഉത്തരത്തിനു.

  സമാനമായ ഒരു കഥ യഥാർത്ഥത്തിൽ മുപ്പതുകളുടെ ആരംഭത്തിൽ സംഭവിച്ചിരുന്നു.സഹോദരിമാരായ യുവതികൾ ചെയ്ത ക്രൂരമായ ആ കൃത്യത്തെ പലരും പിന്നീട് അടിസ്ഥാന വർഗത്തിന്റെ പ്രതികരണം എന്നൊക്കെ വിശേഷിപ്പിച്ചിരുന്നു.ആ സംഭവവും,പിന്നീട് വന്ന Maids എന്ന ഡ്രാമയും(അവ:വിക്കി) ആണ് ചിത്രത്തിന് പ്രചോദനം ആയതു.സമാനതകൾ ഇല്ലാത്ത ക്രൂരത ആയിരുന്നു.പ്രത്യേകിച്ചും ചിത്രത്തിൽ എന്തു ലാഘവത്തോടെ ആണ് ആ സ്ത്രീകൾ ആ കൃത്യം ചെയ്യുന്നത് എന്നു കണ്ടു നോക്കൂ..ഒരു തരം മരവിപ്പ് ആയിരിക്കും ഉണ്ടാവുക.

  ഇതു വരെ കണ്ട സിനിമകളിലെ ഏറ്റവും Cold Blooded Killers എന്നു ഉറപ്പായും സോഫിയെയും ജീനിനെയും കുറിച്ചു പറയാം.കണ്ടു നോക്കൂ..

  More movie suggestions @www.movieholicviews.blogspot.ca

ചിത്രത്തിന്റെ ടെലിഗ്രാം ലിങ്ക്: t.me/mhviews

980.Un homme idéal(French,2015)

980.Un homme idéal(French,2015)
       Thriller

   അയാള്‍ കഥ മോഷ്ടിച്ചാണ് ഇന്നത്തെ നിലയില്‍ എത്തിയത്.മോഷണം നടത്തി മൂന്നു വര്‍ഷങ്ങള്‍ക്കു ശേഷം അയാള്‍ക്ക്‌ അതിന്റെ വില നല്‍കേണ്ടി വരുന്നു.അതയാളെ കൊണ്ട് ചെല്ലുന്നത് ഒരിക്കലും പ്രതീക്ഷിക്കാത്ത വഴികളിലേക്ക് ആയിരുന്നു,അയാളുടെ existence നെ ആയിരുന്നു!!

   'Un homme idéal' (A Perfect Man) എന്ന ഫ്രഞ്ച് സിനിമയുടെ പ്രമേയമാണ് മുകളില്‍ കൊടുത്തിരിക്കുന്നത്‌.തന്‍റെ പുസ്തകം പ്രസാധനം ചെയ്യുന്നതോട് കൂടി തന്‍റെ ജീവിതം തന്നെ മാറി മറിയും എന്നായിരുന്നു മാത്യൂ വിശ്വസിച്ചിരുന്നത്.അയാളുടെ വിശ്വാസം ശരിയായിരുന്നു.അതിനു കാരണം ആയത് ആകസ്മികം ആയി അയാള്‍ക്ക്‌ ലഭിച്ച മറ്റൊരു പുസ്തകം ആയിരുന്നു.സ്വന്തമായി  എഴുതി പ്രസാധകര്‍ക്ക് അയച്ചു കൊടുത്തതൊന്നും പ്രസിദ്ധീകരണ യോഗ്യം അല്ല എന്ന മറുപടിയില്‍ തളര്‍ന്നിരിക്കുമ്പോള്‍ ആണ് അയാള്‍ക്ക്‌ ആ എഴുത്ത് പ്രതി ലഭിക്കുന്നത്.ഉടമസ്ഥന്‍ ഇല്ലാത്ത,എന്നാല്‍ അനുഭവങ്ങള്‍ ഏറെ ഉള്ള ഒന്ന്.ചിന്തകള്‍ പേപ്പറില്‍ പതിപ്പിക്കാന്‍ കഴിയാതിരുന്ന അയാളെ സംബന്ധിച്ചിടത്തോളം ആ പുസ്തകത്തില്‍ ഉള്ളത് ടൈപ്പ് ചെയ്തു പ്രിന്‍റ് പ്രസാധകര്‍ക്ക് കൊടുക്കുക എന്നതു മാത്രം ആയിരുന്നു ജോലി.ഫലം,അയാള്‍ Instant Hit ആയി.

   എന്നാല്‍ പ്രതിഭയുടെ സ്പര്‍ശം ഇല്ലാതെ Plagiarism കൊണ്ട് മാത്രം ഒരാള്‍ എത്ര നാള്‍ പിടിച്ചു നില്‍ക്കും?വിധി മാത്യുവിന് കാത്തു വച്ചതും അതാണ്‌.മൂന്നു വര്‍ഷങ്ങള്‍ക്കു അപ്പുറം ജീവിതത്തില്‍ ധനികയായ കാമുകി,എല്ലാ സുഖ സൌകര്യങ്ങള്‍,പ്രശസ്തി എന്നിവയുടെ കൊടുമുടിയില്‍ നില്‍ക്കുമ്പോള്‍ അയാളെ തേടി ഒരാള്‍ എത്തി.ആരാണ് അയാള്‍?എന്താണ് അയാളുടെ ലക്‌ഷ്യം?മാത്യുവിന്‍റെ ജീവിതത്തില്‍ അയാള്‍ എന്ത് മാറ്റം ആകും ഉണ്ടാക്കുക?കൂടുതല്‍ അറിയാന്‍ ചിത്രം കാണുക.

   ഒരു ത്രില്ലര്‍ സിനിമ എന്ന നിലയില്‍ ഏറെ കാര്യങ്ങള്‍ ചിത്രം പറയുന്നുണ്ട്.പ്രത്യേകിച്ചും Plagiarism  അഥവാ 'പ്രതിഭാ മോഷണം' കൂടുതലായി നടക്കുന്ന നവ സാമൂഹിക മാധ്യമങ്ങളുടെ ലോകത്ത് ഒരിക്കല്‍ പിടിക്കപ്പെട്ടാല്‍ ഒരാളുടെ ഭാവിയെ അതെങ്ങനെ ബാധിക്കും എന്നുള്ളതിന്റെ സിനിമാറ്റിക് വേര്‍ഷന്‍ എന്ന് പറയാം.കാണാന്‍ ശ്രമിക്കുക!!


 More movie suggestions @www.movieholicviews.blogspot.ca

ചിത്രത്തിന്‍റെ ലിങ്ക് എന്റെ ടെലിഗ്രാം ചാനലില്‍ ലഭ്യമാണ്.
ടെലിഗ്രാം ചാനല്‍ ലിങ്ക് :Movieholic Views Telegram Channel

975.La Mante(French TV mini Series,2017)

975.La Mante(French TV mini Series,2017)
       Mystery,Thriller,Crime

       കൊല്ലപ്പെടുത്തിയതിനു ശേഷം തല മുറിച്ചു മാറ്റി ശരീരത്തിന്റെ വലതു വശത്ത് വയ്ക്കുക.ഇതും കൂടി ചേര്‍ത്ത് മൂന്നാമത്തെ കൊലപാതകം.ഈ ഒരു രീതി ആണെങ്കില്‍ ഇനിയും കൊലപാതകങ്ങള്‍ പ്രതീക്ഷിക്കുന്നു.അതിനു കാരണം ഉണ്ട്.25 വര്‍ഷങ്ങള്‍ക്കു മുന്‍പ് സമാനമായ രീതിയില്‍ എട്ടു കൊലപാതകങ്ങള്‍ നടന്നിരുന്നു.സമാനത എന്ന് പറഞ്ഞാല്‍ മതിയാകില്ല.ആദ്യ കൊലപാതകങ്ങള്‍ നടക്കുമ്പോള്‍ അവിടെ ഉണ്ടാവുകയും സംഭവങ്ങള്‍ അതെ പോലെ കാണുകയും ,അതനുസരിച്ച് നടത്തുന്ന കൊലപാതകങ്ങള്‍ പോലെ കൃത്യതയോടെ ആണ് സംഭവങ്ങള്‍ നടന്നിരുന്നത്.

  'Mantis' എന്ന പേരില്‍ അറിയപ്പെട്ടിരുന്ന ജീനെ ടെബെരിന്റെ രീതി ആണ് കൊലയാളി പിന്തുടരുന്നത്.'ഹാനിബാള്‍ ലെക്ട്ടരിന്റെ സ്ത്രീ/ഫ്രഞ്ച് പതിപ്പ് എന്ന് വിളിക്കാവുന്ന കഥാപാത്രം.ഇടയ്ക്ക് 'Manhunter' ചിത്രത്തിലെ ഹാനിബാള്‍ ആയി വന്ന ബ്രയാന്‍ കൊക്സിനെ ഓര്‍ത്തു പോയി. ഇവിടെ 'Mantis' വര്‍ഷങ്ങളായി ജയിലില്‍ ശിക്ഷ അനുഭവിക്കുകയാണ്.ഇപ്പോള്‍ നടക്കുന്ന കൊലപാതകങ്ങള്‍ ആര് നടത്തുന്നു എന്നോ?എന്ത് ഉദ്ദേശ്യത്തില്‍ നടത്തുന്നോ എന്ന് പോലീസിനു അറിയില്ല.കൊലപാതകത്തിന് ഇര ആയവര്‍ തമ്മില്‍ ബന്ധമോ അല്ലെങ്കില്‍ 'Mantis'  ജീവിക്കാന്‍ യോഗ്യര്‍ ആണെന്ന് കണ്ടെത്തിയത് പോലുള്ള കണ്ടെത്തലുകള്‍ ഒന്നും ഈ കേസില്‍ ഇല്ല.

  'Mantis' നു ഒരു 'കോപ്പിക്ക്യാറ്റ്' ഉണ്ടെന്നുള്ള വിശ്വാസത്തില്‍ പോലീസും മാധ്യമങ്ങളും കരുതി ഇരിക്കെ ആണ് പോലീസ് സുപ്രണ്ടിനു ജയിലില്‍ നിന്നും 'Mantis' ന്‍റെ ഈ കേസില്‍ സഹായിക്കാന്‍ ഉള്ള താല്‍പ്പര്യം അറിയിക്കുന്നത്.എന്നാല്‍ അവര്‍ അതിനായി ചില നിബന്ദനകള്‍ മുന്നോട്ടു വയ്ക്കുന്നു.പോലീസിനും അവരുടെ പരിമിതികള്‍ ഉണ്ട്.എന്നാല്‍ യഥാര്‍ത്ഥ കുറ്റവാളിയെ കണ്ടെത്തിയേ തീരൂ.ആരാണത് എന്നത് പ്രാധാന്യമേറിയ ചോദ്യമാണ്?എന്നാല്‍ അവര്‍ക്കും പരിമിതികള്‍ ഉണ്ട്.

   ഓരോ എപിസോഡിലും വെളിവാകുന്ന മിസ്റ്ററിയും, അത് പോലെ പരമ്പരയുടെ അവസാന ഭാഗത്ത്‌ പോലും reveal ചെയ്യുന്ന കൂടുതല്‍ രഹസ്യങ്ങള്‍ എന്നിവയൊക്കെ പരമ്പരയെ സംബന്ധിച്ച് പ്രേക്ഷകരുടെ ജിജ്ഞാസ കൂട്ടാന്‍ പാകത്തില്‍ ഉള്ളതായിരുന്നു.കുടുംബ ബന്ധങ്ങളിലെ രഹസ്യങ്ങള്‍,മാനസികമായി, തങ്ങള്‍ക്കു ചുറ്റും നടക്കുന്ന സംഭവങ്ങളെ എങ്ങനൊക്കെ ബാധിക്കുന്നു എന്ന് കാണിച്ചു തരുന്ന കഥാപാത്രങ്ങള്‍ തുടങ്ങി അത്ര സുഖകരം അല്ലാത്ത പല സംഭവങ്ങളും ഉണ്ടായിരുന്നു പരമ്പരയില്‍.കഥപാത്രങ്ങളുടെ ഇരുണ്ട വശങ്ങള്‍ക്കും ഒപ്പം സ്ക്രീനില്‍ പ്രകടമായ നിഗൂഡതയുടെ കറുപ്പും മഴയും എല്ലാം കൂടി ചേരുമ്പോള്‍ നല്ലൊരു മിനി സീരീസ് ആണ് മുന്നില്‍ ഇരിക്കുന്നത്.

  Netflix ഏകദേശം ഒരു മണിക്കൂറില്‍ താഴെ ഉള്ള 6 എപിസോഡ് ആയി ആണ് പരമ്പര അവതരിപ്പിച്ചത്.എല്ലാ എപിസോഡും ഓരോ വിധത്തിലും മിസ്റ്ററി/ത്രില്ലര്‍ ഴോന്രെയോടു നീതി പുലര്‍ത്തി.കാണാത്തവര്‍ കാണാന്‍ ശ്രമിക്കുക...നഷ്ടം ആവുകയില്ല...


  സീരീസിന്‍റെ ലിങ്ക് എന്റെ ടെലിഗ്രാം ചാനലില്‍ ലഭ്യമാണ്.

More suggestions @www.movieholicviews,blogspot,ca

ടെലിഗ്രാം ചാനല ലിങ്ക്:t.me/mhviews

851.CACHE(FRENCH,2005)

 " രഹസ്യങ്ങളുടെ മറ നീക്കാനാകാത്ത 'Cache'."

   തന്റെ പ്രവൃത്തികളെ ആരോ നിരീക്ഷിക്കുന്നു.തന്റെ വീടും,താന്‍ യാത്ര ചെയ്യുന്ന സ്ഥലവും എല്ലാം വീഡിയോ ആയി വരുന്നു.ചിലപ്പോള്‍ VHS കാസറ്റ് ആയി ഒറ്റയ്ക്ക് ലഭിക്കുകയും അല്ലാത്തപ്പോള്‍ ദുരൂഹതകള്‍ നിറഞ്ഞ,വയലന്റ് ആയുള്ള ഒരു കൊച്ചു കുട്ടി വരച്ചത് പോലെയുള്ള ചിത്രങ്ങളുടെ ഒപ്പവും .ജോര്‍ജസും കുടുംബവും തങ്ങള്‍ക്കു കിട്ടുന്ന ഇത്തരം ദ്രിശ്യങ്ങളില്‍ അസ്വസ്തര്‍ ആയിരുന്നു.പ്രധാനമായും തങ്ങളെ ആരോ നിരീക്ഷിക്കുന്നു എന്നതിനും അപ്പുറം അത് അയച്ചു തരുന്ന ആള്‍ എന്താണ് അവരോടു പറയാന്‍ ഉദേശിക്കുന്നത് എന്ന ദുരൂഹതയും.

  സിനിമയുടെ അവസാനം പ്രേക്ഷകനെ തൃപ്തിപ്പെടുത്താന്‍ ആയി ഒരു സീന്‍ സംവിധായകന്‍ 'മൈക്കില്‍ ഹനകെ' കൊടുത്തിരിക്കുന്നതായി തോന്നാം.എന്നാല്‍ ആ ദൃശ്യങ്ങളില്‍ പോലും ദുരൂഹത ഒളിച്ചു കടത്തിയിട്ടും ഉണ്ട്.ലോകമെമ്പാടുമുള്ള സിനിമ പ്രേക്ഷകരെയും ക്രിട്ടിക്കുകളെയും എല്ലാം കുഴപ്പിച്ച കുറെ കാര്യങ്ങള്‍ ഉണ്ട് ചിത്രത്തില്‍.ഒരു 'ജിഗ്സോ പസില്‍' ആയി പൂരിപ്പിക്കാന്‍ ശ്രമിച്ചാല്‍ പോലും പൂര്‍ണമായി ഒരു ഉത്തരം കണ്ടെത്താന്‍ കഴിയാത്ത ഒന്ന്.'Cache' യുടെ അത്തരം ചില സാധ്യതകള്‍ ആണ് ഇവിടെ ഉള്‍പ്പെടുത്തിയിരിക്കുന്നത്.

  Spoilers Ahead!!

 ആദ്യമായി കുറച്ചു വര്‍ഷങ്ങള്‍ക്കു മുന്‍പ് 'Cache' കാണുമ്പോള്‍ സിനിമയുടെ ക്ലൈമാക്സില്‍ സംതൃപ്തന്‍ ആയിരുന്നു.എന്നാല്‍ ഈ അടുത്ത് വായിച്ച ഒരു ലേഖനം അഭിപ്രായങ്ങളെ മൊത്തം മാറ്റി മറിച്ചു.അതില്‍ നിന്നും ഉരുത്തിരിഞ്ഞ ചില സംശയങ്ങള്‍ ഇന്റര്‍നെറ്റില്‍ പരതിയപ്പോള്‍ കണ്ട വിശദീകരണങ്ങളും ആയി  സമന്വയിപ്പിക്കുക മാത്രമാണ് ഇവിടെ.സിനിമയിലെ ചില ദൃശ്യങ്ങളുമായി അവയെ ബന്ധെപ്പെടുത്താം.

പ്രേക്ഷകനെ ആദ്യ കാഴ്ചയില്‍ വളരെയധികം സംതൃപ്തി നല്‍കുന്ന ഒരു വിശദീകരണം ആകും ഈ ചിത്രം.സിനിമയുടെ End Credits എഴുതി കാണിക്കുന്ന സമയം അധികം ശ്രദ്ധിക്കാതെ പല ഭാഗത്ത്‌ നിന്നും വന്നു പ്രേക്ഷകന്‍ അധികം ശ്രദ്ധിക്കാത്ത ഒരു കോണില്‍  കണ്ടു മുട്ടുന്ന ജോര്‍ജസിന്റെ മകന്‍ പിയെരെട്ടും ,മജീദിന്റെ മകനും.അത് വരെ നടന്ന സംഭവങ്ങള്‍ക്ക് അവര്‍ രണ്ടു പേരും ഉത്തരവാദികള്‍ ആണെന്നുള്ള കണ്ടെത്തല്‍.മുന്‍ പരിചയം ഉള്ള രീതിയില്‍ തന്നെ ആണ് അവര്‍ സംസാരിക്കുന്നതും.എന്നാല്‍ ഇവിടെ ചില സംശയങ്ങള്‍ ഉണ്ടാകുന്നു.എങ്ങനെ ആണ് മജീദിന്റെയും ജോര്‍ജസിന്റെയും കുട്ടിക്കാലം ഇത്ര വ്യക്തമായി ആ ചിത്രങ്ങളില്‍ ഉള്ള അത്ര വ്യക്തതയോടെ രണ്ടു പേര്‍ക്കും അറിയുന്നത് എന്ന്.രണ്ടാമത്തേത് അവരുടെ ഈ കണ്ടു മുട്ടല്‍ ആരാണ് വീഡിയോ ആക്കുന്നത് എന്നും?ചിത്രത്തിന്റെ രഹസ്യം അനാവരണം ചെയ്യാന്‍ സംവിധായകന്‍ ചെയ്യുന്ന ഒറ്റപ്പെട്ട ഒരു വീഡിയോ ആയി ഇതിനെ കണക്കാക്കാം.കഥ അവിടെ തീരുന്നു.കാരണം രണ്ടു പേര്‍ക്കും സ്വന്തം വീടുകളില്‍ വീഡിയോ റെക്കോര്ഡ് ചെയ്യാന്‍ സാധ്യതകള്‍ ഉണ്ടായിരുന്നു.പക്ഷെ അവര്‍ മജീദിന്റെ മരണം പ്രതീക്ഷിച്ചിരുന്നോ?എന്നാല്‍ പലരും ഇത്തരം ഒരു ആശയത്തെ തള്ളി കളയുകയും പകരം ഫ്രഞ്ച്-അള്‍ജീരിയന്‍ ജനതയുടെ ഇപ്പോഴത്തെ തലമുറകള്‍ തമ്മില്‍ ഉള്ള സൗഹൃദം അവരുടെ ഭൂതക്കാലത്തെ സംഭവങ്ങളെ സ്വാധീനിക്കില്ല എന്നുള്ള സംവിധായകന്റെ 'Statement' ആയും ആണ് കണക്കാക്കുന്നത്.

മജീദിന്റെ പ്രതികാരം:

  മജീദിന് ജോര്‍ജസിനോട് വര്‍ഷങ്ങള്‍ക്കു ശേഷം പ്രതികാരം ചെയ്യാനുള്ള കാരണം വ്യക്തമാണ്.ആദ്യത്തെ കാരണം.തങ്ങളുടെ വീട്ടിലെ ജോലിക്കാരായിരുന്ന അല്ജെരിയന്‍ ദമ്പതികളുടെ മകനായിരുന്നു മജീദ്‌.അള്‍ജീരിയന്‍ ജനത തങ്ങളുടെ അവകാശങ്ങള്‍ക്കായി ഫ്രാന്‍സില്‍ നടത്തിയ പ്രക്ഷോഭത്തില്‍ മജീദിന്റെ മാതാപിതാക്കളെ കാണാതായിരുന്നു.അത് കൊണ്ട് മജീദിനെ ദത്തെടുക്കാന്‍ ജോര്‍ജസിന്റെ മാതാപിതാക്കള്‍ തയ്യാറാകുന്നു.എന്നാല്‍ കുട്ടിക്കാലത്ത് ജോര്‍ജസിനു മജീദിനെ ഇഷ്ടമില്ലതിരുന്നതു കാരണം അവന്‍ രക്തം ചര്ധിക്കുന്നു എന്ന കള്ളം അവന്‍ അവരോടു പറയുന്നു.ആദ്യം അത് വിശ്വസിക്കാതെ ഇരുന്ന മാതാപിതാക്കന്മാരെ പിന്നീട് മജീദിനെ കൊണ്ട് ഒരു കോഴിയെ വെട്ടിപ്പിച്ചു അവന്റെ ശരീരത് ചീറ്റുന്ന ചോര കാണിച്ചു അത് അവന്‍ ചര്ധിച്ചതായി തെളിവ് കാണിക്കുന്നു.

അതിന്റെ അനന്തരഫലമായി അവനെ ടി ബി ആണെന്നുള്ള സംശയം കാരണം അവിടെ നിന്നും മാറ്റുന്നു.ഒരു പക്ഷെ മജീദിന് ലഭിക്കാമായിരുന്ന നല്ല ജീവിതത്തെ തകരാത്തത് ജോര്‍ജസ് ആണെന്നുള്ള വിശ്വാസം അയാള്‍ക്ക് ഉണ്ടായിരുന്നിരിക്കാം.ആ ചിത്രങ്ങളിലെ വ്യക്തമായ സന്ദേശം അതായിരിക്കും നല്‍കുക.എന്നാല്‍ പിന്നീട് മജീദ്‌ ജോര്‍ജസിനെ കാണുകയും അയാളുടെ മുന്നില്‍ വച്ച് തന്നെ കഴുത് അറുത്തു മരിക്കുന്നുമുണ്ട് ,താന്‍ അല്ല ആ വീഡിയോ ഒന്നും അയച്ചതെന്ന് പറഞ്ഞു കൊണ്ട്.അവിടെ കഥ തീര്‍ന്നൂ എന്ന് പറയുമ്പോഴും ആദ്യം ഉള്ള സീനിലെ അവരുടെ മക്കള്‍ തമ്മില്‍ ഉള്ള കൂടിക്കാഴ്ച സംശയം ഉണ്ടാക്കുന്നു.അതിനോടൊപ്പം സ്വന്തം മരണത്തെ പുല്‍കാന്‍ പോകുന്ന ഒരാള്‍ എന്ത് കൊണ്ട് സത്യം അവസാന നിമിഷങ്ങളില്‍ പോലും പറഞ്ഞില്ല എന്ന ദുരൂഹതയും.

  സ്ക്രിപ്റ്റ് എഴുതുന്ന സുഹൃത്ത്‌:

  സുഹൃത്തുക്കളും ആയി വീട്ടില്‍ ഒന്നിച്ചു കൂടുമ്പോള്‍ അവിടെ ഇല്ലാതിരുന്ന സുഹൃത്ത്‌ എഴുതുന്ന സ്ക്രിപ്റ്റിനെ കുറിച്ച് പറയുന്നുണ്ട്.ആര്‍ക്കും അതിന്റെ തീമിനെ കുറിച്ച് വലിയ പിടിയില്ല.ഒരു പക്ഷെ അന്ന് അവിടെ ഇല്ലാതിരുന്ന അയാള്‍ തന്റെ കഥയ്ക്കായി എങ്ങനെയെങ്കിലും ജോര്‍ജസിന്റെ ഭൂതക്കലാതെ കുറിച്ചുള്ള വിവരങ്ങള്‍,മജീദ്‌ വഴി ആണെങ്കിലും അറിഞ്ഞു തന്റെ സ്ക്രിപ്ട്ടിനായി ഉപയോഗിക്കുന്നതും ആകാം.എന്നാല്‍ ഇത് എത്രത്തോളം ശക്തമായ ഒരു വാദം ആണെന്നുള്ള സംശയമുണ്ട്‌.പക്ഷെ അവസാനത്തെ സീന്‍ ഈ ഒരു സാധ്യതയ്ക്ക് ബലം എകുന്നുണ്ട്.

മജീദിന്റെ മകന്‍:

  വളരെ സാധ്യതകള്‍ ഉള്ള ഒരു ഉത്തരം.ജോര്‍ജസിന്റെ മകനുമായി ഏതെങ്കിലും തരത്തില്‍ സൗഹൃദം ഉണ്ടാവുകയും,അധികം സീനുകളില്‍ കാണിക്കാത്ത അവനെ ഏതെങ്കിലും രീതിയില്‍ കൂട്ട് പിടിച്ചു വീഡിയോകള്‍ അവരുടെ വീടിനു നേരെ വയ്ക്കുക.മജീദില്‍ നിന്നും കുട്ടിക്കാലത്ത് അറിഞ്ഞ രഹസ്യങ്ങള്‍ അല്ലെങ്കില്‍ ഏതെങ്കിലും വിധത്തില്‍ മജീദ്‌ രേഖപ്പെടുത്തിയത് അവന്‍ ഉപയോഗിച്ച് ഇപ്പോഴത്തെ സ്വന്തം ജീവിതത്തോടും ഉള്ള നിരാശ കാരണം തനിക്കും കൂടി ലഭിക്കുമായിരുന്ന നല്ല ജീവിതം തട്ടി തെറുപ്പിച്ച ജോര്‍ജസിനോട് ഉള്ള ദേഷ്യം.ജോര്‍ജസിന്റെ അമ്മയുടെ കാര്യങ്ങള്‍ അവനും അറിയാം എന്നത് കൊണ്ട് അവന്‍ എല്ലാവരെയും നിരീക്ഷിക്കുന്നുണ്ട് എന്ന ഒരു അര്‍ത്ഥം കൂടി കാണാം.അവന്‍ പിന്നീട് ജോര്‍ജസിനെ കാണാന്‍ പോയപ്പോള്‍,തന്റെ പിതാവിന്റെ മാരണ ശേഷം അവന്‍ അവസാനം കാര്യങ്ങളെ ലഘൂകരിച്ചത് ഒരു പക്ഷെ മരണത്തില്‍ ഉള്ള കുറ്റബോധം കാരണം ആയിരിക്കണം.പ്രേക്ഷകന്‍ അവിടെ പ്രതീക്ഷിച്ചത് മറ്റൊന്നാണ്.പ്രത്യേകിച്ചും ജോര്‍ജസിന്റെ അപ്പോഴത്തെ പ്രതികരണങ്ങള്‍.അവസാന രംഗം അവന്‍ തന്നെ റെക്കോര്ഡ് ചെയ്യാന്‍ ഉള്ള അവസരം കൂടി അതില്‍ ഉണ്ടാകാം.


  പിയരറ്റ്:

  ജോര്‍ജസിന്റെ മകന്‍ പിയരറ്റ് ഈ സംഭവങ്ങളില്‍ ഉള്‍പ്പെടാന്‍ ഉള്ള സാധ്യത,അവനെ ശ്രദ്ധിക്കാത്ത മാതാപിതാക്കള്‍,പിന്നെ അമ്മയ്ക്ക് പിയരെയും ആയി ഉണ്ടായിരുന്നിരിക്കാം എന്നുള്ള അവന്റെ സംശയവും ആയിരിക്കാം.അവന്റെ ഒരു രാത്രിയിലെ തിരോധാനം ശരിക്കും ദുരൂഹതകള്‍ ഏറെ നിറഞ്ഞതായിരുന്നു എന്നും കൂടി കൂട്ടി വായിക്കണം.അവന്റെ പതിവ് രീതികള്‍ അവന്‍ ഉപേക്ഷിച്ച ദിവസം അവന്‍ എന്ത് ചെയ്യുകയായിരുന്നു എന്നതും.

  ജോര്‍ജസിന്റെ കുടുംബം:

  വളറെ valid ആയുള്ള മറ്റൊരു വാദം ആണ് മജീദിന്റെ ജനനം.ജോര്‍ജസിന്റെ മാതാപിതാക്കളില്‍ ആര്‍ക്കെങ്കിലും അവിഹിത ബന്ധത്തില്‍ ജോലിക്കാരിക്ക് ഉണ്ടായ കുട്ടി ആയിരുന്നിരിക്കാം മജീദ്‌.അതായിരിക്കും അവര്‍ അവനെ ദത്തെടുക്കാന്‍ തീരുമാനിച്ചതും.വര്‍ഷങ്ങള്‍ക്കു ശേഷം മജീദിന്റെ മകന്‍ ജോര്‍ജസിന്റെ അമ്മയുടെ കാര്യങ്ങള്‍ അറിയുന്നതും,അമ്മയെ കാണാന്‍ പോയപ്പോള്‍ അവരുടെ പെരുമാറ്റത്തിലെ ദുരൂഹതയും എല്ലാം കൂടി കൂട്ടി വായിച്ചാല്‍ അങ്ങനെ ഒരു സാധ്യത തള്ളിക്കളയാന്‍ ആകില്ല.

സ്വതവേ നുണയന്‍ ആയ,കുട്ടിക്കാലത്തും പിന്നീട് കുടുംബ ജീവിതത്തിലും നുണ പറയുന്ന ജോര്‍ജസിനെ നന്നാക്കാന്‍ ഇവരില്‍ ആരെങ്കിലും ചെയ്ത പ്രവൃത്തികള്‍ ആയിക്കൂടെന്നില്ല ഇനി.അത് അയാളുടെ ഭാര്യ പോലും ആകാം.

 എന്തായാലും ശക്തമായതും എന്നാല്‍ ലൂപ് ഹോള്‍സ് ഏറെയുള്ളതും ആയ ധാരാളം സംഭവങ്ങളെ ഈ ചിത്രത്തിന് വേണ്ടി അവലോകനം ചെയ്യേണ്ടതായുണ്ട്.പ്രേക്ഷകന് മുന്നില്‍ ഹെനെക്ക തുറന്നിട്ടത് സാധ്യതകളുടെ കൂമ്പാരമായിരുന്നു.പ്രേക്ഷകന് ഒരു സിനിമയെ ഏതു വിധേയനെയും സ്വന്തം ചിന്തകള്‍ക്ക് അനുസരിച്ച് കഥയെ പാകപ്പെടുത്താനുള്ള അവസരം.

'Cache' കുറിച്ചുള്ള സംശയങ്ങള്‍ അവസാനിക്കില്ല ഒരിക്കലും. പല രൂപത്തില്‍ പ്രേക്ഷകന് മുന്നില്‍ ഒരു പ്രഹേളിക ആയി തന്നെ എന്നും കാണും ഈ അര്‍ജന്റെനിയന്‍ മാസ്റ്റര്‍പീസ്.

Cache
French,2005
Mystery,Drama

MHV Rating: Masterpece!!

Director: Michael Haneke
Writer: Michael Haneke
Stars: Daniel Auteuil, Juliette Binoche, Maurice Bénichou

795.INCENDIES(FRENCH,2010)

795.INCENDIES(FRENCH,2010),|Mystery|Drama|War|,Dir:-Denis Villeneuve,*ing:-Lubna Azabal, Mélissa Désormeaux-Poulin, Maxim Gaudette.


    നവാല്‍ മര്‍വാന്‍ തന്‍റെ മരണത്തിനു ശേഷം ഇരട്ടകള്‍ ആയ തന്‍റെ മക്കള്‍ക്ക്‌ വേണ്ടി എഴുതിയ വില്‍പത്രത്തില്‍ ഉണ്ടായിരുന്നത് അവര്‍ക്കുള്ള സ്വത്തു വിവരങ്ങള്‍  മാത്രമല്ലായിരുന്നു.അറിയപ്പെടാത്ത അവരുടെ ജീവിതം കൂടിയായിയിരുന്നു.കാനഡയില്‍ കുടിയേറിപ്പാര്‍ത്ത നവാല്‍ അവരുടെ വേരുകളിലേക്ക് ഇറങ്ങി ചെല്ലാന്‍ തന്‍റെ മക്കളെ നിര്‍ബന്ധിതരാക്കുന്നു.അധികമാര്‍ക്കും അറിയാത്ത അവരുടെ മുന്‍ക്കാല ജീവിതം,അവരുടെ രാഷ്ട്രീയം,പ്രണയം,ജീവിതത്തിലെ ദുരിതങ്ങള്‍ എന്നിവയെല്ലാം അവരുടെ മരണത്തിനു ശേഷം പ്രാധാന്യമേറി വരുന്നു.

   തന്‍റെ വില്‍പ്പത്രത്തില്‍ ജീന്‍ മര്‍വാനും,സൈമണ്‍ മര്‍വാനും ആയി നീക്കി വച്ചവയില്‍ രണ്ടു എഴുത്തുകളും ഉണ്ടായിരുന്നു.ഒന്ന് അവരുടെ പിതാവിനെ കണ്ടെത്തി അയാള്‍ക്ക്‌ കൊടുക്കാന്‍.മറ്റൊന്ന് അവര്‍ക്ക്  ഒരിക്കലും അറിയാത്ത തങ്ങളുടെ സഹോദരനെ കണ്ടെത്തി അയാളെ ഏല്‍പ്പിക്കാന്‍ ഉള്ളത് .സൈമണ്‍ തന്‍റെ അമ്മയുടെ ഭ്രാന്തിനെ അവഗണിക്കാന്‍ ശ്രമിക്കുന്നെങ്കിലും നോട്ടറി ആയ ലെബേലും സഹോദരി ജീന്‍ മര്‍വാനും ,നവാലിന്റെ ആഗ്രഹം തന്നെ നടക്കണം എന്ന് വാശി പിടിക്കുന്നു.നവാലിന്റെ ആവശ്യങ്ങള്‍ അറിഞ്ഞപ്പോള്‍ ഉണ്ടായ ഞെട്ടലുകളില്‍ നിന്നും അവരുടെ ആഗ്രഹങ്ങള്‍ സാധിക്കാനായുള്ള അന്വേഷണം തുടരുന്നതായാണ് Incendies എന്ന ഫ്രഞ്ച്-കനേഡിയന്‍ ചിത്രം അവതരിപ്പിക്കുന്നത്‌,മനുഷ്യന്റെ ദുരൂഹവും ഒരിക്കലും മനസ്സിലാകാന്‍ സാധിക്കാത്ത മനുഷ്യന്റെ വിധിയെ കുറിച്ചും ആണ്.ആരോടും പരിഭവങ്ങള്‍ പറയാനും ചോദ്യം ചെയ്യാനും സാധിക്കാന്‍ കഴിയാത്ത വിധി.സാഹചര്യങ്ങളുടെ സ്വാധീനം മാത്രമായിരിക്കാം ഒരു പക്ഷെ ഓരോ മനുഷ്യന്റെയും വിധിയെ തീരുമാനിക്കുന്നത് എന്നതിന് അടിവരയിടുന്നു ചിത്രത്തില്‍ പലയിടത്തും.

   തന്‍റെ പ്രണയത്തിനു പകരമായി നവാലിനു നഷ്ടപ്പെട്ടത് അവരുടെ പ്രിയപ്പെട്ടവനെ ആണ്.കുടുംബത്തിന്റെ മാന്യത തകര്‍ത്തൂ എന്ന് പറഞ്ഞു നവാലിന്റെ സഹോദരന്മാര്‍ നടത്തിയ കൊലപാതകം.അവളുടെ പ്രണയത്തിന്‍റെ അടയാളമായി ലഭിച്ച ആണ്ക്കുഞ്ഞിനെ ജനിച്ചയുടന്‍ തന്നെ അവള്‍ക്കു ഉപേക്ഷിക്കേണ്ടി വരുന്നു,ജീവിതത്തില്‍ മറ്റു പലതും നേടാം എന്ന ഉപാധിയോടെ.ഒരമ്മ എന്ന നിലയില്‍ നവാല്‍ ആ സാഹചര്യത്തില്‍ തീര്‍ത്തും ബലഹീന ആയിരുന്നു.എന്നാല്‍ പിന്നീട് ലഭിച്ച പുതു ജീവിതത്തില്‍ അവര്‍ രാഷ്ട്രീയവും സാമൂഹികവുമായ ഐക്യപ്പെടലുകള്‍ നടത്തുന്നു.ഒപ്പം എന്നെങ്കിലും തനിക്കു നഷ്ടമായ കുഞ്ഞിനെ തിരികെ കണ്ടെത്തും എന്ന വിശ്വാസത്തോടെ.


  നവാല്‍ തന്‍റെ രക്തത്തെ കണ്ടെത്തുമോ എന്ന ചോദ്യം പ്രേക്ഷകനില്‍ ഉണ്ടാകുമ്പോള്‍ ,ആ ഉത്തരം നല്‍കുന്ന അടുത്ത ചോദ്യമാണ് ഒരിക്കലും പൂരിപ്പിക്കാന്‍ ആകാത്ത സമസ്യ പോലെ അവസാനിക്കുന്നതും.ഒരിക്കലും ചേര്‍ക്കാന്‍ കഴിയാത്ത ഒരു കണക്കു കൂട്ടല്‍.പ്രത്യേകിച്ചും പരിഷ്കൃത സമൂഹത്തില്‍ നീചമായി കരുതുന്ന പലതിനെയും അറിഞ്ഞു കൊണ്ട് അംഗീകരിക്കേണ്ടി വരുന്ന അവസ്ഥ.ദുരൂഹമായ നവാല്‍ മര്‍വാന്റെ സംഭവബഹുലം ആയ കഥയാണ് Incendies അവതരിപ്പിക്കുന്നത്‌.

  ടെന്നീസ് വില്ലേനൂവിന്റെ അസാധാരണമായ സംവിധായക മികവില്‍ കുത്തുകള്‍ യോജിപ്പിച്ച് ലക്ഷ്യത്തില്‍ എത്തിച്ചേരുന്ന ഒരു കളി പോലെയാണ് Incendies ന്‍റെ അവതരണം.വില്ലേനൂവിന്റെ ചിത്രങ്ങളില്‍ പലപ്പോഴുംകാനുന്ന ദുരൂഹതയേറിയ കഥാപാത്രങ്ങളും സാഹചര്യങ്ങളും ഇവിടെയും അന്യമല്ല.യാഥാസ്ഥിക കുടുംബങ്ങളില്‍ ഒരു പെണ്‍ക്കുട്ടിയുടെ പ്രണയം അവള്‍ക്കു ജീവിതം മുഴുവന്‍ ബാധ്യതയായി തീരുന്നതും,സംഘര്‍ഷഭരിതം ആയ, അജ്ഞാതമായ ആ രാജ്യത്തെ കലാപങ്ങള്‍ എല്ലാം രാഷ്ട്രീയമായും സാമൂഹികമായും പലതിന്റെയും ഓര്‍മ്മപ്പെടുത്തല്‍ കൂടിയായി മാറുന്നു.

"1+1=2" ആണെന്നാണ്‌ പഠിച്ചിട്ടുള്ളത്.എന്നാല്‍ സാധാരണ ഗതിയില്‍ ഒരിക്കലും ശരിയാകാത്ത  ഒന്നാണ് "1+1=1".പക്ഷേ
ന്യായീകരിക്കാന്‍ ആകാത്ത തെറ്റുകളുടെ മേലെ ഉള്ള സത്യങ്ങളുടെ കണക്കുകള്‍ പലപ്പോഴും ഇങ്ങനെ ആണ്.അജ്ഞാതമായ,നിഗൂഡതകള്‍ ഏറെയുള്ള തെറ്റുകളുടെ സൂത്ര വാചകം.

757.MEA CULPA(FRENCH,2014)

757.MEA CULPA(FRENCH,2014),|Crime|Thriller|,Dir:-Fred Cavayé,*ing:-Vincent Lindon, Gilles Lellouche, Nadine Labaki.


  നല്ല സൗഹൃദങ്ങള്‍ക്ക്‌ ഒരു പ്രത്യേകതയുണ്ട്.മോശം സമയത്ത് പോലും നല്ല സൌഹൃദങ്ങള്‍ ഒരു കൈ താങ്ങ് ആയിരിക്കും.സൈമണ്‍ ഇപ്പോള്‍ ആ ഒരു അവസ്ഥയില്‍ ആണ്.കുടുംബ ജീവിതം തകര്‍ന്ന്,ഒരു അപകടത്തില്‍ തന്‍റെ ജോലിയില്‍ പ്രശ്നം ഉണ്ടാവുകയും അതിനോട് അനുബന്ധിച്ച് ജയില്‍വാസവും അനുഭവിക്കേണ്ടി വന്നൂ അയാള്‍ക്ക്‌.അയാള്‍ ഉണ്ടാക്കിയ അപകടം ഇന്നും ഒരു ദു:സ്വപ്നം  പോലെ അയാളെ വേട്ടയാടുന്നുണ്ട്‌.ഇപ്പോള്‍ ജീവിതത്തില്‍ ആകെ ഉള്ള ആശ്വാസം മകന്‍ മാത്രം ആണ്.

  എന്നാല്‍ സൈമണിനെ എന്നും ഒപ്പം നിന്ന് സഹായിക്കാന്‍ ഒരു സുഹൃത്തുണ്ട് ഫ്രാങ്ക്.സൈമണ്‍ ,ഫ്രാങ്കിന്റെ അടുക്കല്‍ നിന്നും മാറാന്‍ ശ്രമിക്കുമ്പോഴും ഒരു അദൃശ്യ ശക്തി ആയി അയാളുടെ എല്ലാ പ്രവര്‍ത്തിയിലും ഫ്രാങ്കും ഉണ്ട്.ഫ്രാങ്കും പോലീസ് ഉദ്യോഗസ്ഥന്‍ ആണ്.നഗരത്തില്‍ പലയിടത്തായി കാണപ്പെട്ട മൃത ദേഹങ്ങള്‍ പോലീസിനു തലവേദന ആയി മാറുന്നു.പരമ്പര കൊലപാതകങ്ങള്‍ നടക്കുന്നത് മൊത്തം മാഫിയയുടെ പേരില്‍ ആയിരുന്നു.

 നഗരം അടക്കി വാഴാന്‍ തുടങ്ങുന്ന ഒരു ക്രൈം സിണ്ടിക്കേറ്റ് അവിടെ ശക്തം ആയി തുടങ്ങിയിരുന്നു.ആകസ്മികം ആയാണ് സൈമണിന്റെ മകന്‍ ഒരിക്കലും കാണരുതാത്ത ആ കാഴ്ച കാണുന്നത്.അത് അവന്റെ ജീവന് തന്നെ ഭീഷണി ആകുന്നു.എന്നാല്‍ ഉത്തരവാദിത ബോധം ഉണ്ടായിരുന്ന ഒരു പോലീസുകരനില്‍ നിന്നും തനിക്കു ഇപ്പോഴും മാറ്റം ഇല്ല എന്ന് തെളിയിച്ചു കൊണ്ട് തന്‍റെ കുടുംബത്തെ രക്ഷിക്കാന്‍ സൈമണ്‍ മുന്നോട്ടു ഇറങ്ങുന്നു.കൂട്ടിനു ഫ്രാങ്കും ഉണ്ട്.അവര്‍ക്ക് നേരിടേണ്ടി വരുന്നത് അപകടകാരികള്‍ ആയ ഒരു കൂട്ടം ആളുകളെ ആയിരുന്നു.

  അവരുടെ അതിജീവനത്തിന്റെ ആ കഥയാണ് ബാക്കി ഉള്ള സിനിമ.ഒരിക്കല്‍ സൈമണ്‍ ഫ്രാങ്കിനോട് ചോദിക്കുന്നുണ്ട് (അയാള്‍ ഒഴിവാക്കാന്‍ ശ്രമിക്കുമ്പോള്‍ പോലും) എന്തിനാണ് ഇപ്പോഴും ഫ്രാങ്ക് അയാളെ സഹായിക്കുന്നതെന്ന്.ഫ്രാങ്കിന് അതിനു ഉത്തരം ഇല്ലായിരുന്നു.എന്നാല്‍ ചിത്രത്തില്‍ അതിനു മറ്റൊരു ഭാഷ്യം നല്‍കുന്നുണ്ട്.കഥയുടെ വഴിത്തിരിവ് ഉണ്ടാകുന്നത് മുതല്‍ ചിത്രം ചടുലം ആയാണ് സഞ്ചരിക്കുന്നത്.പ്രത്യേകിച്ചും ചേസിംഗ് രംഗങ്ങള്‍ ഒക്കെ നല്ല രീതിയില്‍ അവതരിപ്പിച്ചിട്ടുണ്ട്.തരക്കേടില്ലാത്ത ഫ്രഞ്ച് ക്രൈം/ത്രില്ലര്‍ ആണ് Mea Culpa.

More movie suggestions @www.movieholicviews.blogspot.ca

748.THE UNKNOWN GIRL(FRENCH,2016)

748.THE UNKNOWN GIRL(FRENCH,2016),|Crime|Mystery|Drama|,Dir:-Jean-Pierre Dardenne, Luc Dardenne,*ing:-Adèle Haenel, Olivier Bonnaud, Jérémie Renier

    Dardenne  Brothers എന്നത്തേയും പോലെ കഥയെഴുതി സംവിധാനം ചെയ്ത ബെല്ജിയൻ-ഫ്രഞ്ച് ചിത്രമാണ് The Unknown Girl.ചിത്രം അവതരിപ്പിക്കുന്ന കഥ ഒരു പക്ഷെ മറ്റൊരു തരത്തിൽ സജ്ജീകരിച്ച ശേഷം crime/mystery genre ൽ ഉള്ള ചിത്രം ആക്കാൻ ഉള്ള സാധ്യതകൾ ഏറെ ആയിരുന്നു.എന്നാൽ Dardenne സഹോദരന്മാർ പ്രേക്ഷകനോട് പറയാൻ ശ്രമിച്ചത് അതിലും ഗൗരവ പൂർണമായ മറ്റൊരു വിഷയം ആയിരുന്നു.

    ലോകത്തിലെവിടെയും ഇന്നത്തെ സാഹചര്യത്തിൽ കണ്ടു വരുന്ന അനധികൃത കുടിയേറ്റം,ക്രൈം സിന്ഡിക്കേറ്റുകൾ,തൊഴിലില്ലായ്മ,ആഗോള സാമ്പത്തിക മാന്ദ്യം തുടങ്ങിയവ എല്ലാം ഇവിടെ പരാമർശിക്കപ്പെടുന്നു.ഇനി സിനിമയുടെ കഥയിലേക്ക്.ജെന്നി എന്ന യുവ ഡോക്റ്റർ അന്ന് രാത്രി ക്ളീനിക് അടച്ചതിനു ശേഷം intercom ൽ സഹായത്തിനായി അഭ്യർത്ഥിച്ച യുവതിയെ കാര്യമായി എടുക്കുന്നില്ല.പിറ്റേന്ന് മ്യൂസ്‌ നദിയുടെ സമീപം കണ്ടെത്തിയ മൃതദേഹം ജെന്നിയോട് സഹായം അഭ്യർത്ഥിച്ച യുവതിയുടെ ആണെന്ന് പോലീസ് അന്വേഷണത്തിൽ മനസിലായപ്പോൾ അവൾക്കു ഉണ്ടായ ദുഃഖത്തേക്കാൾ ഉപരി കുറ്റബോധത്തിന്റെയും കൂടി ആയിരുന്നു.

  ദുരൂഹ സാഹചര്യത്തിൽ കൊല്ലപ്പെട്ട ആ യുവതിയുടെ പിന്നിൽ ഉള്ള കഥ അറിയാൻ അവൾ ശ്രമം തുടങ്ങുന്നു.ഒരു പക്ഷെ കുറ്റബോധത്തിൽ നിന്നും ഉടലെടുത്ത ചിന്തകൾ ആയിരിക്കാം അന്നവൾ എന്തിനാണ് തന്നോട് സഹായം അഭ്യര്ഥിച്ചത് എന്നുള്ളത് കണ്ടു പിടിക്കാൻ ഉള്ള ത്വര ഉണ്ടാക്കിയത്.ചിത്രത്തിന്റെ മൊത്തത്തിൽ ഉള്ള സ്വഭാവം മാറിയത് ഇവിടെ ആയിരുന്നു.

    ജെന്നിയുടെ അന്വേഷണം അവളെ കൊണ്ടെത്തിക്കുന്നത് തീരെ പരിചിതം അല്ലാത്ത ഒരു ഇരുണ്ട ലോകത്തിൽ ആയിരുന്നു.എന്നാൽ സിനിമകളിൽ ഉള്ള സ്ഥിരം നാടകീയതകൾ മാറ്റി വച്ചു reality ക്കു പ്രാധാന്യം കൊടുക്കാൻ ശ്രമിക്കുന്നുണ്ട് .പതിഞ്ഞ താളത്തിൽ പോകുന്ന ഒരു ചിത്രം ആയി മാറാൻ ഉള്ള മുഖ്യ കാരണം മേൽപ്പറഞ്ഞത് ആയിരിക്കും.എന്നാൽക്കൂടി എന്തിനാണ് അവൾ അന്ന് രാത്രി സഹായം അഭ്യർഥിച്ചു ജെന്നിയുടെ വാതിൽക്കൽ വന്നത്‌ എന്നുള്ള ചോദ്യം പ്രേക്ഷകനെയും അലട്ടുന്ന വിഷയം ആക്കി മാറ്റുന്നുണ്ട്.അവിടെയാണ് വ്യത്യസ്തം ആയ രീതിയുടെ ഒരു effect ഉണ്ടാകുന്നത്.ഒരു പക്ഷെ അന്വേഷണം വേറെ ഒരു അന്വേഷണ ഉദ്യോഗസ്ഥന്റെ കാഴ്ചപ്പാടിൽ അവതരിപ്പിച്ചിരുന്നെങ്കിൽ കഥയുടെ സ്വഭാവം തന്നെ മാറിയേനെ!!

More movie suggestions @www.movieholicviews.blogspot.ca

744.Le VAMPIRE De DUSSELDORF(FRENCH,1965)

744.Le VAMPIRE De DUSSELDORF(FRENCH,1965),|Crime|Drama|,DIr:-Robert Hossein,*ing:-Robert Hossein, Marie-France Pisier, Roger Dutoit


   "Tell me, after my head has been chopped off will I still be able to hear; at least for a moment, the sound of my own blood gushing from the stump of my neck?"

   തന്‍റെ തല അറുത്തു മാറ്റിയുള്ള വധശിക്ഷ നടപ്പിലാക്കുന്നതിന് മുന്നേ പീറ്റര്‍ കൂര്‍ട്ടന്‍ ജയിലിലെ മനശാസ്ത്രജ്ഞനോട് ചോദിച്ച ചോദ്യമാണ്.ബ്ലേഡ് കഴുത്തില്‍ കൊള്ളുന്ന അല്‍പ്പ സമയത്തേക്ക് ചെവിയും തലച്ചോറും പ്രവര്‍ത്തിക്കും എന്ന് അദ്ദേഹം മറുപടി നല്‍കി.പീറ്റര്‍ അപ്പോള്‍ പറഞ്ഞൂ "That would be the pleasure to end all pleasures".അതെ,രക്തദാഹി ആയിരുന്നു പീറ്റര്‍.തന്‍റെ ഇരകളുടെ രക്തം രുചിച്ചു നോക്കാന്‍ പോലും അയാള്‍ ശ്രമിച്ചിരുന്നു.ഡിസല്ടോര്ഫ് എന്ന  ജർമൻ  പട്ടണത്തെ തന്റെ വിളനിലം ആക്കിയ രക്തദാഹിയുടെ ജീവിതത്തിന്റെ അവസാന നാളുകളിലേക്ക് ക്യാമറ തിരിച്ചിരിക്കുകയാണ്  "റോബര്‍ട്ട് ഹൊസൈന്‍" സംവിധാനത്തിനോടൊപ്പം കഥയെഴുതി മുഖ്യ കഥാപാത്രം ആയ പീറ്റര്‍ കൂര്‍ട്ടനെ അവതരിപ്പിച്ച "Le Vampire De Dusseldorf" എന്ന ഫ്രഞ്ച് ചിത്രത്തില്‍.

   സിനിമയിലേക്ക് കടക്കും മുന്‍പ് പീറ്റര്‍ കൂര്‍ട്ടന്‍ എന്ന കൊലപാതാകിയെ കുറിച്ച്.പീറ്ററിലെ രക്തദാഹിയുടെ വിത്ത് പാകിയത്‌ അയാളുടെ വീട്ടില്‍ നിന്ന് തന്നെ ആയിരുന്നു എന്ന് പറഞ്ഞാല്‍ തീരെ അതിശയോക്തി ആകില്ല.പതിമൂന്നു മക്കളില്‍ ഒരാളായി ജനിച്ച പീറ്ററിന്റെ വീട്ടില്‍ സ്ഥിരം അച്ഛനും അമ്മയും തമ്മില്‍ വഴക്കായിരുന്നു.ലൈംഗിക വൈകൃതങ്ങളില്‍ തല്‍പ്പരന്‍ ആയ സ്വപിതാവില്‍ നിന്നും പകര്‍ന്നു കിട്ടിയതാകാം അയാളുടെ ചെയ്തികള്‍ക്ക് ഉള്ള പ്രചോദനം.സ്വന്തം മകളെ പീഡിപ്പിച്ച കുറ്റത്തിന് അയാള്‍ പിടിയിലാവുകയും ഭര്‍ത്താവില്‍ നിന്നും  വിവാഹ മോചനം നേടിയ പീറ്ററിന്റെ അമ്മ ഡിസൾഡോർഫിലേക്കു പുന:വിവാഹിത ആയി വരുകയാണ് ഉണ്ടായത്.എന്നാല്‍ പീറ്ററിന്റെ ഉള്ളിലെ കൊലപാതകി വളരെ ചെറുപ്പത്തില്‍ തന്നെ ജനിച്ചിരുന്നു.കുട്ടിക്കാലത്ത് തന്നെ തന്‍റെ രണ്ടു സഹപാഠികളെ അയാള്‍ വെള്ളത്തില്‍ മുക്കി കൊന്നെങ്കിലും അത് അപകട മരണം ആയി കേസ് അവസാനിപ്പിക്കുക ആണ് ഉണ്ടായത്.പലപ്പോഴായി സ്ത്രീകളെയും കൊച്ചു പെണ്‍ക്കുട്ടികളെയും ഇരയാക്കിയ അയാള്‍ അപൂര്‍വ്വം ചില സന്ദര്‍ഭങ്ങളില്‍ പുരുഷന്മാരെയും കൊല്ലപ്പെടുത്തിയിട്ടുണ്ട്.

    ജർമൻ ഹിറ്റ്ലര്‍ അധികാരത്തില്‍ വരുമ്പോള്‍ സ്ത്രീകളെ പീഡിപ്പിച്ചു കത്തി കൊണ്ട് കുത്തി കൊല്ലപ്പെടുതുന്ന കൊലപാതകിയെ പിടിക്കൂടാന്‍ ഉള്ള ശ്രമങ്ങള്‍ അതിന്‍റെ പാരമ്യത്തില്‍ എത്തിയിരുന്നു.ഇടക്കാലത്ത് സൈനിക സേവനം അനുഷ്ഠിച്ച പീറ്റര്‍ പിന്നീട് ഒരു ഫാക്റ്ററിയില്‍ അലസനായ തൊഴിലാളി ആയി ആണ് കഴിഞ്ഞിരുന്നത്.അയാളുടെ ജീവിതത്തിലെ ആ കാലഘട്ടം ആണ് ചിത്രം അവതരിപ്പിക്കുന്നത്‌.ബാറിലെ നര്‍ത്തകി ആയ അന്നയോട്‌ അയാള്‍ക്ക്‌ പ്രണയം തോന്നിയിരുന്നു.മറ്റു പെണ്‍ക്കുട്ടികളെ അയാള്‍ തന്‍റെ സംസാരത്തിലൂടെയും മാന്യമായ പെരുമാറ്റത്തിലൂടെയും ആകര്‍ഷിച്ച അയാള്‍ക്ക്‌ പക്ഷെ അന്നയെ ഒരിക്കലും ഒരു ഇര ആയി കാണാന്‍ കഴിഞ്ഞിരുന്നില്ല.തന്നെ തിരിച്ചറിയാന്‍ തക്ക വിധത്തില്‍ സാക്ഷി ആയി മാറിയേക്കാവുന്ന സ്ത്രീയെ പോലും അയാള്‍ പോലീസിനെ മുന്‍ക്കൂട്ടി അറിയിച്ചതിനു ശേഷം വിദഗ്ധമായി കൊല്ലപ്പെടുത്തി.

  അയാളുടെ രീതി അതായിരുന്നു.തന്‍റെ ഇരയെ കുറിച്ച് പോലീസില്‍ അറിയിക്കും.എല്ലായ്പ്പോഴും പോലീസ് എത്തുമ്പോഴേക്കും അയാള്‍ കൃത്യം നിര്‍വഹിച്ചതിന് ശേഷം മടങ്ങിയിട്ടുണ്ടാകും.അയാളുടെ ഇരകള്‍ ആയ സ്ത്രീകളുടെ രീതികള്‍ അവലംബിച്ച് മഫ്തിയില്‍ കൊലയാളിയെ പിടിക്കൂടാന്‍ ആയി വന്ന പോലീസുകാരിയെ പോലും അയാള്‍ കൊലപ്പെടുത്തുന്നു.ആര്‍സന്‍ ഉപയോഗിച്ചുള്ള തീപിടുത്തം അയാള്‍ ആസ്വദിച്ചിരുന്നു.പലപ്പോഴും അതില്‍ ഇരകള്‍ ആകുന്നവരുടെ വേദന അയാള്‍ ആസ്വദിച്ചിരുന്നു എന്ന് പറയാം.ഈ ചെയ്തികളുടെ എല്ലാം ഇടയില്‍ തന്‍റെ ഭാര്യ ആയ ഫ്രോ കൂര്‍ട്ടനോട് അയാള്‍ ഒരു പ്രത്യേക സ്നേഹം കരുതി വച്ചിരുന്നു.താന്‍ പിടിയില്‍ ആകും എന്ന് തോന്നിയ സമയം അയാള്‍ അവരോടു തന്‍റെ കുറ്റങ്ങള്‍ ഏറ്റു പറയുകയും പോലീസിനോട് അയാളെ കുറിച്ചുള്ള വിവരങ്ങള്‍ നല്‍കാനും പറയുന്നു.അത് വഴി അയാളെ കുറിച്ചുള്ള വിവരങ്ങള്‍ നല്‍കുന്ന ആള്‍ക്ക് ലഭിക്കുന്ന പാരിതോഷികം അവര്‍ക്ക് ലഭിക്കും എന്ന് കണക്കു കൂട്ടുന്നു.അവസാനം അയാള്‍ നേരത്തെ പറഞ്ഞത് പോലെ ഭാര്യ പോലീസിനോട് കാര്യങ്ങള്‍ അവതരിപ്പിക്കുകയും ഒരു പള്ളിയില്‍ വച്ച് ശാന്തന്‍ ആയി കീഴടങ്ങുകയും ചെയ്യുന്നു. സിനിമ ഈ ഭാഗത്തിലേക്ക് പോകുന്നില്ല.പിടിയിലായപ്പോള്‍ അയാള്‍ ഒമ്പത് കൊലപാതകങ്ങള്‍ക്കും ഏഴു കൊലപാതക ശ്രമങ്ങള്‍ക്കും കേസ് ചുമത്തപ്പെട്ടൂ.എന്നാല്‍ 79 കുറ്റകൃത്യങ്ങള്‍ അയാള്‍ നടത്തിയതായി അവകാശപ്പെട്ടു.കൂടുതലും കൊലപാതകങ്ങള്‍!!

   പരമ്പര കൊലയാളികളെ ആസ്പദം ആക്കിയുള്ള ചിത്രങ്ങള്‍ പലപ്പോഴും അവരുടെ കൃത്യങ്ങളിലേക്ക് അധികം കടന്നു ചെല്ലുന്നതിനു പകരം വൈകാരികം ആയ അവരുടെ വശങ്ങളിലേക്ക് ആകും കൂടുതല്‍ ശ്രദ്ധ പതിപ്പിക്കുക.ഇവിടെയും അത് തന്നെ സംഭവിച്ചിട്ടുണ്ട്.ഹിറ്റ്‌ലറുടെ ഭരണത്തിലെ ആദ്യ നാളുകളിലെ അടിച്ചമര്‍ത്തല്‍ ചിത്രത്തില്‍ ഇടയ്ക്കിടെ സൂചിപ്പിക്കുന്നും ഉണ്ട്.വിദഗ്ധമായി ചിത്രം അവതരിപ്പിക്കുന്ന രാഷ്ട്രീയം അവിടെ സ്പഷ്ടമാണ്.ഒരു docu-cinema എന്നത്തില്‍ നിന്നും കൊലയാളിയുടെ മറ്റു ചില വശങ്ങളിലേക്കും ചിത്രം സഞ്ചരിച്ചത് നല്ലൊരു ഉദ്യമം ആയിരുന്നു.ചലച്ചിത്രം ഉണ്ടാക്കിയ ചലനത്തെക്കാളും പീറ്റര്‍ കൂര്‍ട്ടന്‍ എന്ന രക്തദാഹി ആയ,മാദ്ധ്യമങ്ങള്‍ "ദാസല്ടോര്ഫിലെ രക്തരക്ഷസ്സ്" എന്ന് കൊലപാതകിയുടെ ജീവ ചരിത്രം ആയിരിക്കും കൂടുതല്‍ ഭയാനകം.

 



  

739.NEXT TIME I'LL AIM FOR THE HEART(FRENCH,2014)

739.NEXT TIME I'LL AIM FOR THE HEART(FRENCH,2014),|Crime|Drama|,Dir:-Cédric Anger,*ing:-Guillaume Canet, Ana Girardot, Jean-Yves Berteloot


         "അലന്‍ ലമേര്‍" 1978 മുതല്‍ 1979 വരെ ഉള്ള ഒരു വര്‍ഷക്കാലം ഫ്രഞ്ച് ജനതയെ ഭീതിയിലാഴ്ത്തിയ കൊലയാളി ആയിരുന്നു.ഇതിലെ പ്രധാനപ്പെട്ട വസ്തുത അയാള്‍ ഒരു Gendarme (സൈനിക വിഭാഗത്തിന്റെ കീഴില്‍ ഉള്ള പോലീസ് വകുപ്പിലെ ഉദ്യോഗസ്ഥന്‍) ആയിരുന്നു എന്നതായിരുന്നു.സ്ത്രീകളെ  മോഷ്ടിച്ച കാറുകളില്‍ കയറ്റി കൊണ്ട് പോയി വെടി വച്ച് കൊല്ലാന്‍ ശ്രമിക്കുന്ന കൊലയാളിയെ കണ്ടെത്താന്‍ അന്വേഷണ ഉദ്യോഗസ്ഥരും കഷ്ടപ്പെട്ടൂ.ഈ  സംഭവങ്ങള്‍ക്കിടയില്‍ നടന്ന ഒരു അപകടം പോലീസിനോടൊപ്പം സേന വിഭാഗത്തിന്റെ കീഴില്‍ ഉള്ള പോലീസും അന്വേഷണത്തില്‍ പങ്കാളികള്‍ ആകുന്നു.കൊലയാളി ആയ അലന്‍ അന്വേഷണ വിഭാഗത്തില്‍ ഉള്‍പ്പെടുന്നു എന്നത് തന്നെ അയാളെ ഒരു പരിധി കുറ്റവാളി എന്ന് മുദ്ര കുത്തുന്നതില്‍ നിന്നും രക്ഷിച്ചിരുന്നു.തന്‍റെ കൃത്യങ്ങള്‍ക്കിടയില്‍ അയാള്‍ അന്വേഷണ ഉദ്യോഗസ്ഥര്‍ക്ക് അയച്ചു കൊടുത്തിരുന്ന കുറിപ്പുകളില്‍ നിന്നും അയാള്‍ ഒരു Gendarme ആണെന്നുള്ള സൂചന ലഭിച്ചിരുന്നു.

   എന്നാല്‍ സേന വിഭാഗത്തിന് വരുത്താവുന്ന നാണക്കേട്‌ കാരണം ഉയര്‍ന്ന ഉദ്യോഗസ്ഥര്‍ ആ സംശയങ്ങള്‍ക്ക് കാത് കൊടുത്തില്ല.അലന്റെ കുറ്റകൃത്യങ്ങള്‍ എല്ലാം ഒരേ തരത്തില്‍ ഉള്ളവ ആയിരുന്നു.ഒരു പ്രത്യേക രീതി പിന്തുടര്‍ന്ന കുറ്റകൃത്യങ്ങള്‍ ആയിരുന്നു അവ.ഏകയായി യാത്ര ചെയ്യുന്ന സ്ത്രീകള്‍ ആയിരുന്നു അയാളുടെ സ്ഥിരം ഇരകള്‍.അലന്‍ ഉപയോഗിച്ചിരുന്ന 9 mm Beretta തിരകള്‍ എന്നിവ അന്വേഷണ ഉദ്യോഗസ്ഥര്‍ക്ക് പലയിടത്തായി നടന്ന ഈ കുറ്റകൃത്യങ്ങളില്‍ സമാനമായ വസ്തുതകള്‍ ഉണ്ടെന്നു മനസ്സിലാക്കുവാന്‍ സഹായിച്ചു.വെടി ഉതിര്‍ക്കുമ്പോള്‍ തന്‍റെ ഇരയുടെ മുഖത്തിന്‌ നേരെ നോക്കാത്തത് കൊണ്ട് തന്നെ പലപ്പോഴും ഉന്നം തെറ്റി അവര്‍ മരണത്തില്‍ നിന്നും രക്ഷപ്പെട്ടിരുന്നു.ചിത്രത്തില്‍ അലന്റെ കഥാപാത്രം ആയ ഫ്രാങ്ക് ഒരിക്കല്‍ പറയുന്നുണ്ട് "അടുത്ത തവണ ഹൃദയത്തിലേക്ക്പ തന്നെ താന്‍ നിറയൊഴിക്കും എന്ന്ത".കൊലപാതകി തന്നെ കുറ്റാന്വേഷണ വിഭാഗത്തില്‍ ഉള്‍പ്പെടുന്നു എന്ന വിരോധാഭാസം കൊണ്ട് തന്നെ മരണത്തില്‍ നിന്നും രക്ഷപ്പെട്ട സ്ത്രീകളുടെ മൊഴികളില്‍ നിന്നും രൂപപ്പെടുത്തിയ രേഖാ ചിത്രങ്ങള്‍ അലനോട് സാദൃശ്യം ഉണ്ടായിട്ട് പോലും അയാളുടെ സ്വഭാവത്തില്‍ ഉള്ള മതിപ്പ് കാരണം ആരും ശ്രദ്ധിച്ചില്ല എന്നതും ശ്രദ്ധേയം ആയ ഒരു കാര്യമാണ്.ചിത്രത്തില്‍ ഒരു രംഗം ഉണ്ട് തന്‍റെ മുഖത്തോട് സാദൃശ്യം ഉള്ള രേഖാ ചിത്രവും ആയി അന്വേഷണത്തിന്റെ ഭാഗമായി ഓരോ വീട്ടിലും കയറി "ഇയാളെ അറിയാമോ?" എന്ന് ചോദിക്കുന്നു.ചിലര്‍ക്കെങ്കിലും "ഇത് താന്‍ തന്നെ അല്ലെ" എന്ന് ചോദിക്കണം എന്ന് തോന്നിയിട്ട് പോലും ഉണ്ടാകാം.എന്നാല്‍ യൂണിഫോം ധരിച്ച ഉദ്യോഗസ്ഥനോട് അങ്ങനെ ചോദിയ്ക്കാന്‍ ഉള്ള വിമുഖത പലരിലും ഉണ്ടായിരുന്നിരിക്കാം.തന്‍റെ ജോലി അയാളെ ഒരു പരിധി വരെ രക്ഷിച്ചിരുന്നു എന്നതും സത്യം ആണ്.

     അലന്റെ കുറ്റകൃത്യങ്ങള്‍ ലഭ്യമായ വിവരങ്ങള്‍ വച്ച് സിനിമ ആക്കിയപ്പോള്‍ അലന്‍ എന്ന പേര് ഫ്രാങ്ക് ആയി മാറി.സെട്രിക്അന്ജെര്‍ സംവിധാനം ചെയ്ത "Next Time I'll Aim For The Heart", അലന്‍ എന്ന കഥാപാത്രത്തിന്റെ മാനസിക സംഘര്‍ഷങ്ങളിലേക്ക് ഉള്ള ഒരു എത്തി നോട്ടം കൂടി ആയി മാറുന്നു.താന്‍ എന്താണ് എന്ന് സ്വയം മനസ്സിലാക്കുന്നതില്‍ പരാജയപ്പെട്ട വ്യക്തിത്വം ആയിരുന്നു അയാളുടെ.പ്രകടമായിരുന്നു ഈ സ്വഭാവ വൈചിത്ര്യം.പ്രത്യേകിച്ചും സ്ത്രീകളോട് അയാള്‍ക്ക്‌ ഉണ്ടായിരുന്ന സമീപനം.നല്ല കുടുംബം,ജോലി എന്നിവ ഉണ്ടായിരുന്നിട്ടു കൂടി തന്‍റെ ലൈംഗികാഭിമുഖ്യം എന്താണ് എന്നറിയാതെ അയാള്‍ കുഴങ്ങിയിരുന്നു.ചിത്രത്തില്‍ പലപ്പോഴും ഒരു സ്വവര്‍ഗാനുരാഗി ആണോ അയാള്‍ എന്ന സംശയം പോലും അയാള്‍ക്ക്‌ ഉണ്ടായിരുന്നതായി അവതരിപ്പിക്കുന്നുണ്ട്.സ്ത്രീകളെ സ്നേഹിക്കാന്‍ അയാളുടെ മനസ്സ് പലപ്പോഴും സമ്മതിക്കുന്നില്ലയിരുന്നു.അയാള്‍ക്ക്‌ പ്രണയം തോന്നിയ സോഫിയയോട് പോലും മുടിയിഴകള്‍ ചീപ്പില്‍ കാണുമ്പോള്‍ അയാള്‍ക്ക്‌ ഉണ്ടാകുന്ന വെറുപ്പ്‌ അയാളുടെ സ്വഭാവ വൈചിത്ര്യത്തിനു നല്ല ഒരു ഉദാഹരണം ആണ്.ആ സംഭവം കാരണം അയാള്‍ സോഫിയയെ അവളോട്‌ പറയാതെ ഉപേക്ഷിക്കാന്‍ കാരണം ആകുന്നു.

   ഉന്നത ഉദ്യോഗസ്ഥര്‍ മുഖവിലയ്ക്ക് എടുത്തില്ലെങ്കില്‍ പോലും പോലീസ് വിഭാഗത്തില്‍ ഉണ്ടായിരുന്നവരിലേക്ക് നീണ്ട സംശയത്തിന്‍റെ മുനകള്‍ കൃത്യം നടന്ന സമയത്ത് ഫ്രാങ്കിനെ തങ്ങളോടൊപ്പം കാണുന്നില്ല എന്ന വസ്തുതയും ആയി കൂട്ടി വായിച്ചപ്പോള്‍ ആണ് കേസിന് നിര്‍ണായക വഴിത്തിരിവ് ഉണ്ടാകുന്നത്.അറസ്റ്റില്‍ ആയെങ്കിലും പ്രതിക്ക്  "Schizophrenia" ആണെന്ന കാരണത്താല്‍ കോടതി അയാളെ കുറ്റ  വിമുക്തന്‍ ആക്കി ജീവിതക്കാലം മുഴുവന്‍ ചികിത്സയ്ക്കായി മാനസികാരോഗ്യ കേന്ദ്രത്തില്‍ കഴിയാന്‍ വിധിക്കുക ഉണ്ടായി."വാസിലെ കൊലപാതകി " എന്ന് അറിയപ്പെട്ടിരുന്ന അലന്റെ കഥ പ്രമേയം ആക്കി സിനിമകള്‍ പിന്നീട് വന്നിട്ടുണ്ട്.കേസന്വേഷണം നടത്തുന്ന കുറ്റവാളി എന്ന കഥാപാത്രം അലനെ കേന്ദ്രീകരിച്ചു ആയിരുന്നു അക്കാലത്ത് ഇറങ്ങിയ ചിത്രങ്ങളില്‍ ഉണ്ടായിരുന്നത്.

   കുറ്റവാളികള്‍ ആയ അന്വേഷണ ഉദ്യോഗസ്ഥര്‍ക്ക് ഉള്ള ഏറ്റവും വലിയ രക്ഷാകവചം അവരുടെ ജോലിയില്‍ നിന്നും ലഭിക്കുന്ന സമൂഹത്തിലെ ഉന്നത സ്ഥാനം ആണ്.കാലിക പ്രസക്തി ഉള്ള പ്രമേയം ആണ് ഈ ചിത്രം എന്നുള്ളത് സേനാവിഭാഗങ്ങളില്‍ നിന്നും തന്നെ ഉള്ളവര്‍ പ്രതികള്‍ ആയി വരുമ്പോള്‍ നമ്മളെ ഓര്‍മപ്പെടുത്തുന്നു.ഒരാളുടെ മനസ്സില്‍ ഉള്ള കുറ്റ കൃത്യങ്ങളോട് ഉള്ള ആഭിമുഖ്യം മാത്രം ആണ് അയാളെ ക്രൂരതയുടെ വഴിയിലൂടെ സഞ്ചരിക്കാന്‍ പ്രാപ്തന്‍ ആക്കുന്നത്.അയാളുടെ സമൂഹത്തില്‍ ഉള്ള സ്ഥാനമാനങ്ങള്‍ ഒന്നും അതില്‍ വരുന്നില്ല.സേനാവിഭാഗങ്ങളില്‍ കൂടി വരുന്ന കുറ്റവാളികളുടെ കാര്യവും ഇത് തന്നെ.ഇവിടെ അലന് തന്‍റെ മാനസിക പ്രശ്നങ്ങള്‍ വച്ച് പൊതു സമൂഹത്തിന്റെ മുന്നില്‍ ന്യായീകരണം പറയാമയിരുന്നെങ്കില്‍ പോലും മറ്റുള്ളവരുടെ അവസ്ഥയും അത് തന്നെ ആണോ എന്നുള്ളതും പരിശോധിക്കേണ്ടത് ആണ്.

http://www.mathrubhumi.com/crime-beat/crime-flick/crimenews-1.1858924