1757. Conjuring Kannappan (Tamil, 2023)

1757. Conjuring Kannappan (Tamil, 2023)

        Streaming on Netflix

⭐⭐⭐/5

  മോട്ടർ പണി മുടക്കിയത് മൂലം വീട്ടിലെ അടച്ചിട്ട കിണറ്റിൽ നിന്നും വെള്ളം കോരേണ്ടി വന്ന യുവാവിന് സംഭവിച്ചത് എന്താണെന്ന് അറിഞ്ഞാൽ നിങ്ങൾ ഞെട്ടും. അതാണ്‌ ഈ സിനിമയുടെ കഥ. ആ യുവാവ് അബദ്ധത്തിൽ മറ്റൊരു ലോകത്തിൽ എത്തുക ആണ്. അതും പ്രേതങ്ങളുടെ ലോകത്തിൽ. ഉറങ്ങുന്ന സമയം ആണ് ഇത് സംഭവിക്കുക. അവന്റെ കൂടെ പിന്നെ പലരും പോയി.

 തരക്കേടില്ലാത്ത ഒരു കഥയാണ് Conjuring Kannappan ന് ഉള്ളത്. കുറച്ചു തമാശകളും ഉണ്ട്. ലോജിക് പ്രശ്നം ഒക്കെ പലയിടത്തും ഉണ്ട്. പേടിപ്പിക്കാൻ വേണ്ടി എടുത്ത പടം അല്ലാതെ ഹൊറർ കോമഡി ആയിട്ടാണ് എടുത്തത്. അത് കൊണ്ട് തന്നെ ലൈറ്റ് ആയി തന്നെ കഥ പോകുന്നു. പിന്നെ പ്രേതങ്ങളുടെ ആത്മനൊമ്പരങ്ങളുടെയും സഹനത്തിന്റെയും തെറ്റിദ്ധാരണയുടെ എല്ലാം കഥ പറഞ്ഞ് കോംപ്രമൈസ് ഒക്കെ ആക്കുന്ന സ്ഥിരം ഫോർമാറ്റും ആണ്.

എന്നാലും കുഴപ്പമില്ലാത്ത സ്പീഡിൽ പോകുന്നത് കൊണ്ട് ബോറടി ഒന്നുമില്ല. ചിലപ്പോൾ ചില കാര്യങ്ങളുടെ ഒക്കെ ഉത്തരം പെട്ടെന്ന് തന്നെ വരുമ്പോൾ ഇത് പറയാൻ വേണ്ടി തന്നെ ആളെ വച്ചതു കൊണ്ട് സ്പീഡ് നല്ലത് പോലെ കൂടിയതായി തോന്നി. ചുമ്മാ കണ്ടിരിക്കാവുന്ന തരക്കേടില്ലാത്ത ചിത്രം ആണ്.

1755. Parking (Tamil, 2023)

1755. Parking (Tamil, 2023)

         Streaming on Hotstar.

⭐⭐⭐⭐/5

ഇവ വർഷം ഇറങ്ങിയ സിനിമകളിൽ മിസ്സ്‌ ചെയ്യരുത് എന്ന് തോന്നിയ ഒന്നാണ് പാർക്കിങ് എന്ന ചിത്രം.ഈഗോ കാരണം പോരാടുന്ന മനുഷ്യരുടെ കഥകൾ പലപ്പോഴും സിനിമകൾക്ക് പ്രമേയം ആയിട്ടുണ്ട്‌. സാധാരണക്കാരായ രണ്ടു പേർ, ഒരു പക്ഷെ തീരെ ഗൗരവം തോന്നാത്ത ഒരു വിഷയത്തിൽ വഴക്കിടുന്നതും അത് അവരുടെ കയ്യിൽ നിന്നും മുഴുവനായി പോകുന്നതും ആണ് പാർക്കിങ് എന്ന സിനിമയുടെ കഥ.

ഐ റ്റി പ്രഫഷണൽ ആയ ഈശ്വറും സർക്കാർ ഉദ്യോഗസ്ഥനായ ഇളമ്പരുതിയും ഒരു വീടിന്റെ മുകളിലും താഴെയുമായി വാടകയ്ക്ക് താമസിക്കുക ആണ്. ഈശ്വർ ഒരു പുതിയ കാർ വാങ്ങുകയും അതിന്റെ പാർക്കിങ്ങിനെ ചൊല്ലി ഇളമ്പരുതിയും ആയി വഴക്കിടുകയും അത് അവരെ എവിടെ കൊണ്ടെത്തിക്കുന്നു എന്നതാണ് സിനിമയുടെ കഥ.

ചെറിയ ഒരു വിഷയം, സാധാരണക്കാരായ മനുഷ്യർ. എന്നാൽ അവരുടെ ഈഗോയ്ക്ക് പരിധി ഇല്ലായിരുന്നു. അമാനുഷിക കഥാപാത്രങ്ങൾ അല്ലായിരുന്നിട്ടു കൂടി അവരുടെ പരിധിയ്ക്കും അപ്പുറം ആയിരുന്നു അവർ പരസ്പ്പരം പണി കൊടുക്കാൻ ശ്രമിക്കുന്ന പല സംഭവങ്ങളും.അതവരുടെ ജീവിതത്തിന്റെ തന്നെ താളം തെറ്റിക്കുകയും ചെയ്യുന്നു. പലപ്പോഴും അവരുടെ രണ്ടു പേരുടെയും ജീവന് തന്നെ ഭീഷണി ആയി പരസ്പ്പരം മാറുകയും ചെയ്യുന്നു.

പതിയെ തുടങ്ങി, കഥാപാത്രങ്ങൾ പ്രേക്ഷകന് റെജിസ്റ്റർ ആയി കഴിയുന്നത് മുതൽ സിനിമ ത്രില്ലർ മൂഡിലേക്ക് മാറുകയാണ്. ധാർമികത പോലും നോക്കാതെ അവർ പരസ്പ്പരം പോരാടുകയാണ്. ഇടയ്ക്ക് ഒരാൾ താഴ്ന്നു കൊടുക്കാൻ ശ്രമിച്ചാൽ പോലും മറ്റുള്ള ആൾ അപകടകരമായ രീതിയിൽ തന്നെ നിലനിൽക്കുന്ന അവസ്ഥ.

കിടിലം സിനിമ ആയിട്ടാണ് എനിക്ക് തോന്നിയത്. കഴിയുമെങ്കിൽ കാണുക.എം എസ് ഭാസ്‌ക്കർ,ഹരീഷ് കല്യാൺ എന്നിവർ ഈ കഥാപാത്രങ്ങൾക്ക് തികച്ചും യോജിച്ചതായി തോന്നി. കണ്ടു നോക്കുക. സമയം നഷ്ടമാകില്ല.എനിക്ക് നന്നായി ഇഷ്ടപ്പെട്ടൂ.

1725. Retribution (English, 2023)

1725. Retribution (English, 2023)

⭐⭐⭐/5

El desconocido യുടെ എല്ലാ റീമേക്കും,അതെല്ലാം ഇതിന്റെ റീമേക് ആണെന്ന് അറിയാതെ തന്നെ കണ്ടിട്ടുണ്ട്. ഓരോ പ്രാവശ്യവും synopsis വായിക്കും. സിനിമ കാണും. അങ്ങനെ  ജർമനും, കൊറിയനും ഇപ്പോൾ ഇംഗ്ലീഷും കണ്ടു. കണ്ടത് വച്ച് പറയാമല്ലോ എല്ലാ റീമേക്കും കൊള്ളാമായിരുന്നു. കഥ തന്നെയാണ് അതിനു കാരണം.

Investment Banking മേഖലയിൽ ജോലി ചെയ്യുന്ന നായകൻ. അയാളുടെ ഒരു സാധാരണ ദിവസം അസാധാരണ ദിവസമായി മാറുകയാണ്  ഒരു ഫോൺ കോളിലൂടെ. അയാൾ ഡ്രൈവ് ചെയ്യുന്ന കാറിന്റെ സീറ്റിന്റെ അടിയിൽ ഒരു ബോംബ് വച്ചിട്ടുണ്ട് എന്നും, ഫോൺ വിളിക്കുന്ന  അജ്ഞാതൻ പറയുകയാണ്. അജ്ഞാതൻ പറഞ്ഞത് പോലെ കേട്ടില്ലെങ്കിൽ അയാൾ കൊല്ലപ്പെടും  എന്ന് ഭീഷണിപ്പെടുത്തുന്നു. അതിനു അയാൾക്ക് സാധിക്കും എന്ന് അയാൾ പല സമയത്തും  തെളിയിക്കുന്നും ഉണ്ട്.

 ഈ ഒരു തീമും സിനിമയിലെ രംഗങ്ങളും എല്ലാം അത്യാവശ്യം നല്ല ത്രില്ലർ അനുഭവം തരുന്നുണ്ട്. ഇവിടെയും അത് തന്നെ ആണ്‌ സംഭവിച്ചതും. പ്രത്യേകിച്ചും ഇത്തരം സിനിമകളിലെ എക്സ്പെർട്ട് ആയ ലിയാം നീസൻ നായകനാകുന്ന  സിനിമ കൂടി ആകുമ്പോൾ ഇത്തരത്തിൽ ഉള്ള ചിത്രത്തിന് കിട്ടാവുന്ന  ഒരു ത്രിൽ എലമെന്റ് കൂടി ഉണ്ട്.

തരക്കേടില്ലാത്ത ചിത്രം. കണ്ടു നോക്കാൻ താൽപ്പര്യം ഉള്ളവർക്ക് നോക്കാം.

സിനിമയുടെ ലിങ്ക് t.me/mhviews1

1714. Maamannan (Tamil, 2023)

1714. Maamannan (Tamil, 2023)

         Streaming on Netflix

 ⭐⭐/5

      'ചക്കിന് വച്ചത് കൊക്കിന് കൊണ്ടു ' എന്നൊരു പഴഞ്ചൊല്ല് പോലെ ആയി മാമന്നൻ സിനിമയുടെ OTT റിലീസിന് ശേഷം എന്നതാണ് അവസ്ഥ. സിനിമയെ കുറിച്ചുള്ള അഭിപ്രായം പറയുന്നതിന് മുന്നേ അത് പറയാം എന്ന് തോന്നുന്നു. ധനികനും, ഉയർന്ന ജാതിയിലും ഉള്ള ക്രൂരൻ വില്ലൻ കഥാപാത്രമായ രത്നവേലൂ ഇപ്പോൾ നേടുന്ന കൾട് ഫോളോയിങ് മാറി സെൽവരാജിന്റെ സിനിമ സങ്കൽപ്പങ്ങൾക്ക് വിരുദ്ധമായി ആണ്‌ വന്നത്. ഒരു പക്ഷെ നായകൻ കഥാപാത്രങ്ങളെ സൈഡ് ആക്കി വില്ലൻ ഇത്ര മേൽക്കോയ്മ നേടുന്നതും ഇന്ത്യൻ സിനിമയിൽ സ്വാഭാവികം അല്ലാത്ത കാര്യവും ആണ്‌. എന്നാൽ ഇവിടെ ജാതി വ്യവസ്ഥയ്ക്കു എതിരെ അവതരിപ്പിച്ച സിനിമയിൽ മേൽജാതിക്കാരൻ ആയ വില്ലൻ സ്ക്കോർ ചെയ്തത് കൂടി ആയപ്പോൾ ദുരന്തം ആയി മാറി മാരിയുടെ സിനിമ പൊളിറ്റിക്സ്.

  അതിനു എനിക്ക് തോന്നിയത് മൂന്നു കാരണം ആണ്‌. ഒന്ന്, ട്രെയിലറിൽ വളരെ ശക്തൻ എന്ന് തോന്നിച്ച വടി വേലുവിന്റെ കഥാപാത്രം സിനിമയിൽ വന്നപ്പോൾ അദ്ദേഹത്തിന്റെ കോമഡി റോളുകളുടെ ഒരു extended സീരിയസ് വേർഷൻ മാത്രം ആയി മാറി എന്നതാണ്. സിനിമയിലെ രണ്ട് രംഗങ്ങൾ ; കാറിൽ വച്ച് തോക്ക് എടുക്കുന്ന രംഗം, പിന്നെ ക്ലൈമാക്‌സിലെ രത്ന വേലുവിനെ കാണുന്ന സന്ദർഭം ഒഴികെ മാസ് സീൻ ഒന്നും അദ്ദേഹത്തിന് ഇല്ലായിരുന്നു എന്നതാണ് പരിതാപകരം. ട്രെയിലർ കണ്ടപ്പോൾ എന്താണ് പ്രതീക്ഷിച്ചതു അതിന്റെ അടുത്ത് പോലും എത്തുന്ന ഒന്നും ഇല്ലായിരുന്നു. തീരെ ദുർബലൻ ആയ 'വയ്യാത്ത ' ഒരു കഥാപാത്രം.നമ്മുടെ ഇന്ദ്രൻസ് പോലും ഒരു സൈക്കോ കൊലയാളി ആയി വന്നപ്പോൾ കണ്ടത് ആണ്‌ എത്ര സ്ട്രോങ്ങ്‌ ആയിട്ടാണ് ആ ട്രാൻസ്‌ഫോർമേഷൻ വന്നത് എന്ന്. ഇവിടെ വടി വേലുവിനെ കൊണ്ടൊന്നും ഇത് പറ്റാത്ത റോൾ ആണെന്ന് തോന്നി.

  രണ്ടാമതായി ഉദയനിധി. ഇടയ്ക്ക് ചില സിനിമകൾ കൊള്ളാം എന്ന് തോന്നിയെങ്കിലും ആദ്യമായി ഷോർട്ട് ഫിലിമിൽ അഭിനയിക്കുന്ന, അഭിനയം അറിയാതെ പകച്ചു പോകുന്ന ഒരാളായി ആണ്‌ സ്‌ക്രീനിൽ അതിവീരനെ കണ്ടപ്പോൾ തോന്നിയത്. മാസ് സീനുകൾ ഒക്കെ elevate ചെയ്യേണ്ട സ്ഥലത്തു 'ഇതെന്തു കുന്തം 'എന്ന ഭാവത്തിൽ നിന്നു പോയി അതിവീരൻ. ധനുഷിനെ പോലെയോ അല്ലെങ്കിൽ അത്യാവശ്യം ഇത്തരം രംഗങ്ങൾ ഒക്കെ ചെയ്യാൻ കഴിയുന്ന ഏതെങ്കിലും നടൻ വേണമായിരുന്നു. അത് വിശാൽ ആയാൽ പോലും നല്ലതായിരുന്നു. പ്രത്യേകിച്ചും നായകൻ മാർഷ്യൽ ആർട്സ് ഒക്കെ അറിയാവുന്ന ആൾ ആണെങ്കിൽ 'മുക്കി കരഞ്ഞു' കൊണ്ടു ഫൈറ്റ് ചെയ്യുന്ന അതിവീരനെ അണ് ഉദയനിധി കാണിച്ച് തന്നത്. ഇയാൾ എന്തിനാണോ മാർഷ്യൽ ആർട്സ് ഒക്കെ പഠിച്ചത് എന്ന് തോന്നി പോയി. ഇനി ഇവരാരും അല്ലെങ്കിൽ പോലും 'തമിഴൻ ഡാ ' എന്ന് പറഞ്ഞ് നടക്കുന്ന ഏതു നടനും പൂ പറിക്കുന്ന ലാഘവത്തിൽ അവതരിപ്പിക്കാൻ പറ്റുന്ന കഥാപാത്രം ആണ്‌ ഉദയനിധി 'സരോജ് കുമാർ സ്റ്റൈലിൽ ' അവതരിപ്പിച്ചു കുളം ആക്കിയത്.

ഇനി മൂന്നാമതായി. ഫഹദ് ഫാസിൽ. അധികം ഒന്നും എഴുതണം എന്ന് തോന്നുന്നില്ല. ഒറ്റയ്ക്ക് ക്രൂരനായ, ഒരു നല്ല വശവും ഇല്ലാത്ത ആ വില്ലനെ നന്നായി തന്നെ അവതരിപ്പിച്ചു. ഫഹദിന്റെ ഏറ്റവും നല്ല വേഷം ഒന്നും അല്ല ഇതിൽ ഉള്ളത്.പക്ഷെ ഈ സിനിമയിൽ എതിരെ നിൽക്കാൻ ആരും ഇല്ലാത്തത് പോലത്തെ ഗംഭീര അഭിനയം.

ഇതെല്ലാം കൂടി വരുമ്പോൾ രണ്ടാം ഭാഗത്തിലെ ഇലക്ഷൻ ഒക്കെ ഉറപ്പായും നായക കഥാപത്രങ്ങൾ തോൽക്കും എന്ന് തന്നെ ആണ്‌ കരുതിയത്. സ്വന്തം ജാതിക്കാർ പോലും ചതിക്കുമ്പോൾ മാറി സെൽവരാജിന്റെ ജാതി പൊളിറ്റിക്സ് ഇതിൽ അവതരിപ്പിച്ചത് എന്താണ് എന്ന് പോലും എന്തായാലും ഒന്നും മിണ്ടാതെ ഒരു സൈഡിലൂടെ പോകാം. മാരി സീരിയസ് ആയി എന്തെങ്കിലും ഉദ്ദേശിച്ചിട്ടുണ്ടാകും.

' പരിയേറും പെരുമാൾ ',' കർണ്ണൻ ' തുടങ്ങിയ മാരി ചിത്രങ്ങൾ ഇഷ്ടപ്പെട്ട സിനിമകളാണ്. ഇപ്പോഴും പ്ളേ ലിസ്റ്റിൽ ഉള്ള പാട്ടുകൾ ആണ്‌ ഈ ചിത്രത്തിൽ ഉള്ളത്. റഹ്മാൻ മാരിയുടെ സിനിമയിൽ വരുന്നു എന്ന് അറിഞ്ഞപ്പോൾ സന്തോഷം ആയിരുന്നു. ഇടയ്ക്കുള്ള ബി ജി എമ്മും ഏൻഡ് ക്രെഡിറ്റ്സിൽ റഹ്മാൻ പാടുന്ന പാട്ടും ഒഴികെ ഒന്നും ഇഷ്ടമായില്ല സിനിമയിൽ. എന്റെ ഭാര്യയ്ക്ക് അതിലെ വേറെ ഏതോ ഒരു പാട്ട് ഇഷ്ടപ്പെട്ടൂ എന്ന് തോന്നുന്നു.

എന്തായാലും തിയറ്ററിൽ ഉറപ്പായും കാണണം എന്ന് കരുതി ഇരുന്നിട്ട് അവസാനം ഇവിടെ റിലീസ് ഇല്ലാത്തത് കൊണ്ടു കാണാതെ ഇരുന്ന പടം ആണ്‌ മാമന്നൻ. വരാത്തത് നന്നായി എന്ന് തോന്നുന്നു എന്തായാലും. എന്നാലും രത്ന വേലു എന്ന വില്ലൻ കഥാപാത്രത്തിനു കിട്ടുന്ന കയ്യടി കണ്ടിട്ട് ആണോ ഫെഫ്സി തമിഴ് നടൻമാർ അല്ലാത്തവർ തമിഴ് സിനിമകളിൽ അഭിനയിക്കേണ്ട എന്ന് പറഞ്ഞത് എന്ന് തോന്നുന്നു.

ആരോടും കാണാൻ ഒന്നും പറയാൻ തോന്നിക്കാത്ത സിനിമ ആണ്‌ മാമന്നൻ എനിക്ക്. ആകെ മൊത്തം നിരാശ നല്ല രീതിയിൽ അവതരിപ്പിക്കാവുന്ന ഒരു സിനിമ കുളം ആക്കി എന്നതാണ്. പ്രത്യേകിച്ചും ട്രെയിലർ തന്ന എഫെക്റ്റ് പറ്റിച്ചു എന്ന് തന്നെ പറയാം.

1683. Dada (Tamil, 2023)

1683. Dada (Tamil, 2023)

         Drama, Romance

 ⭐️⭐️ /5

    ഒരു കലിപ്പനും കാന്താരിയുടെയും കഥ ആണ്‌ Dada. പഠിച്ചു കൊണ്ടിരിക്കുന്ന സമയം തന്നെ പ്രണയത്തിൽ ആയി കാമുകി ഗർഭിണി ആയപ്പോൾ എന്താണ് ചെയ്യേണ്ടത് എന്ന് അറിയാതെ നിന്ന, മടിയനായ മണികണ്ഠൻ എന്ന കലിപ്പന്റെ ജീവിതത്തിൽ പിന്നീട് നടക്കുന്ന സംഭവങ്ങൾ ആണ്‌ Dada. ഇത്തരം ഒരു കഥയിൽ ക്ലൈമാക്സ് ഇങ്ങനെ ആയിരിക്കും എന്ന് മുൻക്കൂട്ടി പറയാവുന്ന ഒരു ശരാശരി ചിത്രം ആയിട്ടാണ് Dada അനുഭവപ്പെട്ടത്.

  സിനിമയിൽ നല്ല moments ഇല്ല എന്നല്ല. പ്രവചിക്കാവുന്ന കഥ ആണെങ്കിലും എന്നേ സംബന്ധിച്ചു എന്റെർറ്റൈൻ ചെയ്യാൻ ഒന്നും ഇല്ല എന്ന അഭിപ്രായം ആണ്‌ ഉള്ളത്. ഒരു പാട്ട് മാത്രം കൊള്ളാമായിരുന്നു. പിന്നെ നായകൻ ആയ കവിനും. അതിന്റെ അപ്പുറത്ത് ഈ സിനിമയ്ക്ക് മികച്ച അഭിപ്രായങ്ങൾ കേട്ടത് സിംപിൾ ആയ അതിന്റെ തീം കാരണം ആയിരിക്കും എന്ന് വിശ്വസിക്കുന്നു.

  തീരെ മോശം ആയിരുന്നു Dada എന്ന അഭിപ്രായമില്ല. പക്ഷെ എന്നേ സംബന്ധിച്ച് ചായ കപ്പ് ആണോ ചായ ആണോ, ആഹ്  എന്തായാലും എന്തോ അത്ര അങ്ങ് ഇഷ്ടപ്പെട്ടില്ല എന്ന് മാത്രം. പഴകിയ കഥ ആണ്‌. ചില കഥകൾ പുതിയ വീഞ്ഞ് കുപ്പിയിൽ ഇട്ടാൽ ശരിയാകാറുണ്ട്. പക്ഷെ ഇവിടെ അതും ഉണ്ടായില്ല എന്ന അഭിപ്രായം ആണ്‌.

  ഫീൽ ഗുഡ് മൂവികൾ ഇഷ്ടപ്പെടുന്ന ആൾ ആണെങ്കിലും ഭയങ്കര forced ആയി അത് ഉണ്ടാക്കാൻ നോക്കിയത് പോലെ തോന്നി. ഇങ്ങനെ പലതും കാരണം ഇഷ്ടമാകാതെ പോയ സിനിമ ആണ്‌ Dada.  

1534. Gargi (Tamil, 2022)

 1534. Gargi (Tamil, 2022)

           Streaming on SonyLiv

സിനിമയുടെ ക്ലൈമാക്സ്‌ ഒരു മരവിപ്പോടെ ആണ്‌ കണ്ട് തീർത്തത്. സാധാരണ സിനിമകളുടെ ഫോർമാറ്റിൽ നിന്നും എന്നെ സംബന്ധിച്ച് അപ്രതീക്ഷിതമായ ഒരു ക്ലൈമാക്സ്‌ തന്നെ ആയിരുന്നു അത്. കുറ്റാരോപിതൻ ആയ സ്വന്തം പിതാവിനെ രക്ഷിക്കാൻ ഇറങ്ങിയ ഗാർഗി എന്ന മകളുടെ കഥയിൽ നിന്നും പ്രതീക്ഷിക്കുന്ന ഒരു അവസാനം ഉണ്ട്. എന്നാൽ ആ പ്രതീക്ഷയെ തകിടം മറിച്ച ഒരു ക്ലൈമാക്സ്‌ ആയിരുന്നു ഗാർഗിയ്ക്കു ഉണ്ടായിരുന്നത്.

  ഗൗതം രാമചന്ദ്രൻ സംവിധാനം ചെയ്ത ചിത്രത്തിൽ പല രീതിയിൽ ഉള്ള സോഷ്യൽ കമന്ററിയും ഉണ്ടായിരുന്നു. അതിൽ സിനിമാറ്റിക് രീതിയിൽ നോക്കിയാൽ തന്നെ ട്രാൻസ്‌ജെണ്ടർ ആയ ജഡ്ജിയുടെ ഡയലോഗ് ഒക്കെ നന്നായിരുന്നു. കുട്ടികൾക്ക് എതിരെ നടക്കുന്ന അതിക്രമങ്ങളും അതിനോട് അനുബന്ധിച്ചുള്ള ഭാഗം ചേരലും എല്ലാം സിനിമ എന്ന നിലയിൽ ഉള്ള കതയ്ക്ക് അനുയോജ്യം ആയിരുന്നു താനും.

  

 കാളി വെങ്കട്ടിന്റെ വക്കീലും, സായി പല്ലവിയുടെ ഗാർഗിയും, ശരവണന്റെ അച്ഛൻ കഥാപാത്രവും, കുറ്റാരോപിതൻ ആയ ശിവാജിയും എല്ലാം തന്നെ സിനിമയ്ക്ക് അനുയോജ്യമായവർ ആയിരുന്നു.ചിത്രത്തിന്റെ മിസ്റ്ററി പാർട്ട് ആയിരുന്നു അതിന്റെ നട്ടെല്ല് എന്ന് പറയേണ്ടി വരും. നേരത്തെ പറഞ്ഞത് പോലെ ഊഹിച്ചെടുക്കാം എന്ന് തോന്നിയ ഒരു ഡ്രാമയിൽ നിന്നും അതിനു ഉണ്ടായ മാറ്റം ഗംഭീരമായിരുന്നു ഷോക്കിങ്ങും

  SonyLiv നല്ല content തരുന്നത് ഇപ്പോഴും തുടർന്ന് കൊണ്ടിരിക്കുന്നു. മിനിമം ഗ്യാരണ്ടി ഉള്ള content ആണ്‌ കുറച്ചു ഉള്ളു എങ്കിലും കൂടുതലും. പ്രത്യേകിച്ചും ഇന്ത്യൻ വിഭാഗം. സിനിമ SonyLiv ൽ stream ചെയ്യുന്നുണ്ട്. എനിക്ക് ഗാർഗി ഇഷ്ടമായി. താൽപ്പര്യം ഉള്ളവർ കണ്ട് നോക്കൂ.

1532. Cadaver (Tamil, 2022)

 1532. Cadaver (Tamil, 2022)

          Streaming on ഹോട്ട്സ്റ്റാർ

കണ്ടില്ലെങ്കിൽ പ്രത്യേകിച്ച് കുഴപ്പമില്ലായിരുന്നു എന്ന്  തീർന്നപ്പോൾ തോന്നിപ്പിച്ച സിനിമ ആണ്‌ Cadaver. തുടക്കത്തിൽ ദുരൂഹമായ കൊലപാതക കേസിൽ നിന്നു ഉണ്ടായ അന്വേഷണം സിനിമയോടുള്ള താൽപ്പര്യം പിന്നീട് കുറെ സിനിമകളിൽ കണ്ട കഥയിലൂടെ പോയി ഇങ്ങനെ ഒരു ട്വിസ്റ്റ് വരുത്തണം എന്ന് കരുതിയ സ്ഥലത്തു ഒക്കെ കൈ വിട്ടു പോയത് പോലെ തോന്നി. ലൂപ് ഹോൾസ് ഒക്കെ ക്ഷമിച്ചു കൊടുക്കാം എന്ന് തന്നെ വച്ചാലും കഥയിലെ കഥാപാത്രങ്ങൾ ഒന്നും അങ്ങ് കണക്റ്റ് ആയില്ല.

 തുടക്കമേ മോശം പറഞ്ഞത് സിനിമയെ കുറിച്ച് ഉണ്ടായിരുന്ന പ്രതീക്ഷ, അത് തുടക്കത്തിൽ നല്ലത് പോലെ കൊണ്ട് പോയി അവസാനം എങ്ങും എത്താതെ പോയതിൽ ഉള്ള നിരാശ കൊണ്ട് മാത്രമാണ്.

ഇനി സിനിമ കാണാൻ ഉണ്ടായ സാഹചര്യം.ഹോട്ടസ്റ്റാർ സബ്സ്ക്രിപ്‌ഷൻ എടുത്തിട്ടുണ്ട്.ജോലി കഴിഞ്ഞു വന്നപ്പോൾ കാണാൻ വച്ച മറ്റു ചില സിനിമകൾ, OTT യിൽ ഇല്ലാത്തത് പെൻ ഡ്രൈവ് കുത്തി, ഡൌൺലോഡ് ചെയ്തത് കോപ്പി ചെയ്തു ടി വിയിൽ കണക്റ്റ് ചെയ്യുന്ന ദുർഘടമേറിയ പ്രക്രിയ ഒഴിവാക്കാൻ വേണ്ടി ആണ്‌ പെട്ടെന്ന് റോക്കൂ റിമോട്ടിൽ "ഓക്കെ" പ്രസ്സ് ചെയ്യാൻ എളുപ്പം ഉള്ള ഹോട്ട്സ്റ്റാർ ഞെക്കിയത്. ഇതേ പോലെ ഉള്ള എന്റെ  അവസ്ഥ ആണെങ്കിൽ സിനിമ കാണുന്നതിൽ തെറ്റില്ല എന്ന് മാത്രേ പറയൂ.

 

1527. Maha (Tamil, 2022)

 1527. Maha (Tamil, 2022)

       Streaming on Aha

  തമിഴിൽ രാക്ഷസൻ പോലെ കുറെ സിനിമകൾ ഒക്കെ ഇറങ്ങിയത് അല്ലെ? അതെ പോലെ ഒരെണ്ണം ആകാം തന്റെ അമ്പതാം ചിത്രത്തിന് കഥ എന്ന് ഹാൻസിക തീരുമാനിച്ചു. ഫണ്ട് ഇറങ്ങി, സിമ്പുവിന്റെ ഡേറ്റ് ഒക്കെ കിട്ടി, cameo appearance ആണ്‌. ശ്രീകാന്തിനു നല്ല ക്ഷീണം ആണെങ്കിലും പോലീസ് ഓഫീസർ ആയിട്ടാണ് അഭിനയിക്കുന്നത് .അവസാനം തമിഴിലെ എന്നല്ല സകല ഭാഷകളിലെയും സീരിയൽ കില്ലർ സിനിമ ഒക്കെ കണ്ട ആരോ ഒരു സിനിമ എടുക്കുന്നു.

  

  മഹാ എന്നാണ് പേര്. നല്ല ബോറിങ് മേക്കിങ്ങും കൂടി ആകുമ്പോൾ എല്ലാം ശുഭം. മഴക്കാലം ഒക്കെ അല്ലെ നാട്ടിൽ? ഈ സിനിമ കാണുന്ന സമയം കുറച്ചു പേപ്പർ ബോട്ട് ഉണ്ടാക്കി വെള്ളത്തിൽ വിട്ടു കളിച്ചാൽ അത്രയും നിഷ്‌ക്കളങ്ക ബാല്യകാലം എങ്കിലും തിരിച്ചു കിട്ടി എന്ന് പറഞ്ഞു സന്തോഷിക്കാം.

  

Avoidable

1500. Veeramae Vaagai Soodum (Tamil, 2022)

 1500. Veeramae Vaagai Soodum (Tamil, 2022)

           Streaming on Zee5

  സിനിമയെ കുറിച്ച് ചുരുക്കി ഒരു അഭിപ്രായം പറഞ്ഞാൽ വിശാലിന്റെ അടുത്തായി വന്ന ഒരു ഡീസന്റ് സിനിമ ആണെന്ന് പറയാം Veeramae Vaagai Soodum. ആമ്പള പോലുള്ള cringe worthy ആയ സ്ഥിരം വിശാൽ സിനിമകളിൽ നിന്നും മാറ്റമുണ്ട് എന്നതാണ് മെച്ചം. പക്ഷെ സിനിമയുടെ നീളം കൂടാൻ ഉള്ള കാരണം ആയതു ഇടയ്ക്കുള്ള കോമഡി - പ്രണയ രംഗങ്ങൾ ആണ്‌.എല്ലാം സിനിമയുടെ കച്ചവട സാധ്യത കണ്ടു കൊണ്ട് അവതരിപ്പിച്ചത് ആണെങ്കിലും സിനിമയുടെ മൊത്തത്തിൽ ഉള്ള ഒഴുക്കിനെ ബാധിച്ചിട്ടുണ്ട്.

  സിനിമയുടെ കഥ നോക്കുക ആണെങ്കിൽ ഒന്നിന് പകരം 3 സിനിമയ്ക്കുള്ള കഥ സിനിമയിൽ ഉണ്ടായിരുന്നു. ആ 3 കഥകളും parallel ആയി നടക്കുകയും അവയെല്ലാം മെയിൻ കഥയിലേക്ക് സന്നിവേശം നടത്തിയതും നന്നായിരുന്നു. കുറെ കൂടി സീരിയസ് ആയ ഒരു കഥാപരിസരം ആയിരുന്നെങ്കിൽ ശ്രദ്ധിക്കപ്പെടാൻ നല്ല സാധ്യത ഉള്ള കഥ ആയിരുന്നു എന്നും തോന്നി.

 പോലീസ് ഉദ്യോഗസ്ഥൻ ആകാൻ ആഗ്രഹിക്കുന്ന യുവാവ്. ഉരുക്കിന്റെ ശക്തി ഉള്ള ഒരു സാധാരണ ഇന്ത്യൻ ഹീറോ ആണ്‌ അയാൾ.അയാളുടെ സഹോദരിയ്ക്കു കുറെയേറെ പ്രശ്നങ്ങൾ നേരിടേണ്ടി വരുകയും, അതിനോടൊപ്പം മറ്റു രണ്ട് സ്ഥലത്തു നിന്നു കൂടി ഉള്ള പ്രശ്നങ്ങൾ കൂടി ആകുമ്പോൾ അയാൾക്ക്‌ മൊത്തം ഹീറോയിസവും പുറത്തെടുക്കേണ്ടി വരുന്നു.

        ക്ലൈമാക്സ്‌ പ്രതീക്ഷിച്ചതു ആയിരുന്നു. പക്ഷെ അത് മെയിൻ കഥ ആയി തുടങ്ങിയിരുന്നേൽ ഒരു കൊറിയൻ സിനിമ എഫെക്റ്റ് ഒക്കെ ഉണ്ടായേനെ. ധാരാളം സാധ്യതകൾ ഉള്ള കഥ ആയിട്ടാണ് തോന്നിയത് മൊത്തത്തിൽ.

    Veeramae Vaagai Soodum ഒരു വിജയ ചിത്രം ആണെന്ന് തോന്നുന്നില്ല. മികച്ച രീതിയിൽ കോമർഷ്യൽ സിനിമകൾ തന്നെ ബാർ മുന്നോട്ടു കയറ്റി വയ്ക്കുന്ന സിനിമകൾ വരുമ്പോൾ ശ്രദ്ധേയമായ പുതുമകൾ സ്വീകരിക്കാൻ കഴിയില്ലെങ്കിൽ ഇനിയുള്ള കാലം ശ്രദ്ധിക്കപ്പെടാൻ പാടായിരിക്കും.

  എന്തായാലും തരക്കേടില്ലാതെ അവതരിപ്പിച്ച, എന്നാൽ ഒരു must watch എന്നൊന്നും തോന്നിക്കാത്ത സിനിമ ആണ്‌ Veeramae Vaagai Soodum.

    

1497. Beast (Tamil, 2022)

 1497. Beast (Tamil, 2022)

         Streaming on Netflix.

    താടിയും തടിയും മീശയുമില്ലാത്ത, മുടിയുള്ള അമിത് ഷാ തീവ്രവാദികളും ആയി ചേർന്ന് പ്രധാന മന്ത്രി ആകാൻ ഉള്ള പദ്ധതി നടത്തുന്നു. അത് റോ ഏജന്റ് വീര രാഘവൻ രക്ഷകനായി വന്നു പൊളിക്കുന്നു. അവസാനം ഇലക്ഷൻ ജയിക്കാൻ വേണ്ടി, പാക്കിസ്ഥാനിൽ പോയി തീവ്രവാദിയും ആയ വന്ന വീര രാഘവന്റെ സഹായത്തിനു ഫോഴ്സിനെ വിട്ടു കൊടുക്കാൻ പറയുന്ന മോഡി. ബീസ്റ്റിന്റെ കഥയുടെ ഒരു  പൊളിറ്റിക്കൽ വേർഷൻ ഇങ്ങനെ ചുരുക്കാം .

  പാട്ട് ഒക്കെ നന്നായിരുന്നു. വിജയുടെ ഡാൻസും ഫൈറ്റും ഒക്കെ കൊള്ളാമായിരുന്നു. സ്ഥിരം വിജയുടെ ഫോർമുല ചിത്രം. നെൽസൻ സ്ഥിരം ചെയ്യുന്ന പോലത്തെ പടം. സ്ഥിരം അങ്ങേരുടെ ടീമിൽ ഉള്ള പലരും ഉണ്ടായിരുന്നു. ഡോക്റ്റർ കഴിഞ്ഞു വരുമ്പോൾ അതെ പോലത്തെ മെയ്ക്കിങ്ങും ആയി ഒരു സിനിമ.

  കണ്ടാലും കണ്ടില്ലേലും പ്രത്യേകിച്ച് കുഴപ്പം ഒന്നുമില്ല. Netflix അക്കൗണ്ട് ഒക്കെ എടുത്തിട്ടുണ്ടെങ്കിൽ, വേറെ പണി ഒന്നും ഇല്ലേൽ ഇരുന്നു കാണാം.

1478. Irudhi Pakkam (Tamil, 2021)

 1478. Irudhi Pakkam (Tamil, 2021)

          Mystery.

  വാതിൽക്കൽ ആരോ മുട്ടുന്നത് കേട്ടാണ് ആ യുവതി വാതിൽ തുറക്കുന്നത്. അടുത്ത അപാർട്മെൻ്റിൻ്റെ ഉള്ള സുഹൃത്തിനെ കാണാൻ വന്ന ആളാണെന്നും അയാൾ അവിടെ ഇല്ലാത്തത് കൊണ്ട് അൽപ്പ നേരം യുവതിയുടെ അപാർട്മെൻ്റിൽ കാത്തിരുന്നോട്ടെ എന്നും ചോദിച്ചു.അവൾ അതിനു സമ്മതിക്കുന്നു.പിന്നീട് ആയാൾ അവളോട് കുടിക്കാൻ വെള്ളം ചോദിക്കുകയും, അത് എടുക്കാൻ പോയ അവളെ അയാൾ കൊലപ്പെടുത്തുകയും ചെയ്യുന്നു.

  Whodunnit എന്നത് ആദ്യ പത്തു മിനിറ്റിൽ തന്നെ കാണിച്ച സിനിമ പിന്നീട് കൊല്ലപ്പെട്ട യുവതിയുടെ പഴയകാല കഥകളിലേക്ക് പോയി. എന്നാൽ അസാധാരണമായ ഒരു ജീവിതം ആണ് അവർ നയിച്ചതെന്ന് തോന്നിപ്പോകും.അതിനോടൊപ്പം അവരുടെ മരണത്തിൻ്റെ പിന്നിൽ ഉള്ള യഥാർത്ഥ കഥ കൂടി അനാവരണം ചെയ്യുമ്പോൾ അസാധാരണമായ ദുരൂഹത ആണ് പറയാൻ ഉള്ളത്.

  കഥ/synopsis കേൾക്കുമ്പോൾ ഉള്ള കൗതുകത്തിൻ്റെ അപ്പുറം സിനിമയ്ക്ക് എന്നാൽ പ്രകടനം കാഴ്ച വയ്ക്കാൻ കഴിഞ്ഞോ എന്നത് സംശയമാണ്. ക്ലൈമാക്സ് കഥ എല്ലാം നന്നായിരുന്നു എങ്കിലും കഥാപാത്രങ്ങളുമായി ഒരു കണക്ഷൻ പ്രേക്ഷകന് ഉണ്ടാക്കാൻ സിനിമയ്ക്ക് കഴിഞ്ഞോ എന്നതും സംശയമാണ്. ഒരു കുറ്റാന്വേഷണ കഥയുടെ സസ്പെൻസ് , ത്രിൽ എല്ലാം ഉണ്ടായിരുന്നെങ്കിലും ക്ലൈമാക്സ് സിനിമ എന്ന നിലയിൽ അധികം കണക്റ്റ് ആയില്ല എന്ന് തോന്നി.

  എന്നാലും മുൻ പറഞ്ഞത് പോലെ കഥയിലെ കൗതുകം സിനിമയുടെ ഹൈലൈറ്റ് ആയതു കൊണ്ട് കുഴപ്പം ഇല്ലാത്ത സിനിമ അനുഭവം ആയിരുന്നു. മിസ്റ്ററി സിനിമ ആരാധകർക്ക് കണ്ടു നോക്കാവുന്ന ഒന്ന്.

@mhviews rating:2.5/4

Download Link: t.me/mhviews1

More movie suggestions and download link at www.movieholicviews.blogspot.com

1477. Saani Kaayidham (Tamil, 2022)

 1477. Saani Kaayidham (Tamil, 2022)

         Streaming on Amazon Prime.

"രക്തം ചിന്തിക്കാൻ വന്ന ദേവതയ്ക്ക് പ്രതികാരം സംഗീതം നൽകിയ പ്രണയ ഗാനം - സാനി കായിതം."

  ഒരു സിനിമ ഉൾപ്പെടുന്ന ജോൺറെ ഏതാണോ അതിനോട് നീതി പുലർത്താൻ കഴിഞ്ഞാൽ തന്നെ ആ സിനിമ മികച്ചതാണ് എന്ന് വിശ്വസിക്കുന്നവർക്ക് വേണ്ടി ഉള്ള ഒരു ചിത്രമാണ് സാനി കായിതം. പ്രതികാരം ആണ് സിനിമയുടെ പ്രമേയം.പ്രതികാരം എന്നു പറഞ്ഞാൽ  പച്ചയായ പ്രതികാരം.രക്തം ചിന്തി തന്നെ തന്നെയുള്ള പ്രതികാരം. ക്രൂരമായി തൻ്റെ കുടുംബവും ജീവിതവും നശിപ്പിച്ച ആളുകളോട് പൊന്നി എന്ന സ്ത്രീ ചെയ്യുന്ന പ്രതികാരമാണ് സിനിമയുടെ കഥ.

   പ്രതികാരം എന്നു പറയുമ്പോൾ കഥയിൽ പ്രത്യേകതകൾ ഒന്നും ഇല്ലാതെ അവതരണ രീതിയിൽ ഉള്ള നേരത്തെ പറഞ്ഞ പച്ചയായ രക്തരൂക്ഷിതമായ സീനുകൾ ആണ് സിനിമയിൽ ഉടന്നീളം ഉള്ളത്. ഒരു പക്ഷെ പ്രതികാര കഥ ക്ലീഷെ ആയതു കൊണ്ട് എന്തെല്ലാം വ്യത്യസ്തമായ രീതിയിൽ പ്രതികാരം നിർവഹിക്കാം എന്നുള്ള ചിന്തയിൽ നിന്നും ഉരുത്തിരിഞ്ഞ ആശയം ആയിരിക്കും അരുൺ മാതേശ്വരൻ തൻ്റെ രണ്ടാം ചിത്രത്തിൽ ഉപയോഗിച്ചിട്ടുണ്ടാവുക.

 സിനിമയുടെ കഥ വച്ച് നോക്കുക ആണെങ്കിൽ ഒരു പക്ഷെ പൊന്നി ചെയ്യുന്ന പ്രതികാരത്തിനും അപ്പുറം വേണം ചെയ്യാൻ എന്ന് പ്രേക്ഷകനെ തോന്നിപ്പിക്കുന്ന രീതിയിൽ പ്രേക്ഷകനും ആയി കണക്റ്റ് ചെയ്യാൻ കഴിയുന്നുണ്ട് സിനിമയ്ക്ക് എന്ന് തോന്നുന്നു. അത്തരം ഒരു ചിന്ത വന്നാൽ തന്നെ സിനിമ മൊത്തത്തിൽ ഒറ്റ ഇരുപ്പിന് ഇരുന്നു കാണാൻ തോന്നി പോകും. അത്തരത്തിൽ ഉള്ള പ്രവർത്തി ആണ് antagonists പൊന്നിയോട് ചെയ്തത്. കഥാപാത്രവും പ്രേക്ഷകനും തമ്മിൽ ഉള്ള കണക്ഷൻ ആണ് ഇവിടെ സിനിമ ആസ്വദിക്കാൻ മുഖ്യമായി വേണ്ടതും.

  സിനിമയുടെ തുടക്കത്തിൽ ഉള്ള ബ്ലാക് ആൻഡ് വൈറ്റ് സീനിൽ നിന്ന് തന്നെ സിനിമയുടെ സ്വഭാവം പ്രേക്ഷകന് മനസ്സിലാകും. ഇവിടെ ഒരു എൻ്റർടെയ്നർ എന്ന നിലയിൽ സിനിമ കാണാൻ ഇരുന്നാൽ ഇഷ്ടപ്പെടില്ല. അത്തരത്തിൽ ഉള്ള ഒരു ശ്രമവും ചിത്രത്തിൽ നടത്തിയിട്ടില്ല.പകരം എത് ജോൻറെ ആണോ ഉദ്ദേശിച്ചത് അത് ഭംഗിയായി അവതരിപ്പിച്ചിട്ടുണ്ട് ഇവിടെ. അമിതമായ വയലൻസ് കാരണം തന്നെ എല്ലാവരുടെയും ചായ കപ്പായി ചിത്രം മാറുമെന്ന് പറയാൻ കഴിയില്ല.

  എന്നാലുറപ്പായും പറയാൻ കഴിയുന്ന ഒന്നുണ്ട്. കീർത്തി സുരേഷ് എന്ന നടിയുടെ മികച്ച പ്രകടനം ആണ് ചിത്രത്തിൽ ഉള്ളത്.അതിനൊപ്പം സെൽവ രാഘവൻ്റെ സംഗയ്യ എന്ന കഥാപാത്രവും അദ്ദേഹത്തിന് മാത്രം ചെയ്യാൻ കഴിയുന്ന ഒന്നായി പ്രേക്ഷകന് അനുഭവപ്പെടുത്താൻ കഴിഞ്ഞിട്ടും ഉണ്ട്.

  ആദ്യം പറഞ്ഞത് പോലെ ഒരു ജോൺറേയോട് മികച്ച രീതിയിൽ നീതി പുലർത്തുന്ന സിനിമ ഇഷ്ടമുള്ള ആൾ എന്ന നിലയിൽ സാനി കായിതം മികച്ചതായി അനുഭവപ്പെട്ടു എൻ്റെ ഉള്ളിലെ പ്രേക്ഷകന്. Kill Bill, I Spit on Your Grave, Bedevilled പോലുള്ള അസംഖ്യം പ്രതികാര സിനിമകൾ ഇഷ്ടം ആയവർക്ക് ഇഷ്ടമാകുന്ന ഒരു ചിത്രമാണ് സാനി കായിതം.

@mhviews rating: 4/4

More movie suggestions @ www.movieholicviews.blogspot.com

1456. Mahaan (Tamil, 2022)

 

1456. Mahaan (Tamil, 2022)
          Streaming on Amazon Prime.

   മനുഷ്യരുടെ വികാരങ്ങൾ മുതലെടുത്ത് തങ്ങളുടെ കാര്യങ്ങൾ സാധിച്ചെടുക്കുക. അതിൽ ആനന്ദം കണ്ടെത്തുക. ചില ആളുകളെ സംബന്ധിച്ച് ഹരം നൽകുന്നതാണ് ഇത്തരം പ്രവൃത്തികൾ. ഒരു ആശയം തന്നിൽ ഏൽപ്പിക്കാൻ ശ്രമിച്ച സമൂഹത്തിൽ നിന്നും കുടുംബത്തിൽ നിന്നും അകന്ന ഒരു മനുഷ്യനും എന്നാൽ അതേ ആശയത്തിന് വേണ്ടി നിലകൊള്ളുന്ന മകനും. ഇവരുടെ conflict ലൂടെ പോകുന്ന ചിത്രമാണ് മഹാൻ.

  വിക്രമിൻ്റെ ഈ അടുത്ത് വന്നതിൽ ഏറ്റവും മികച്ച ചിത്രം ആണെന്ന് പറയാൻ കഴിയുന്ന ചിത്രമാണ് മഹാൻ. വിക്രമിൻ്റെ മകൻ എതിരാളി ആയി വരുമ്പോൾ പ്രതീക്ഷിച്ചിരുന്ന ഒരു cliche ക്ലൈമാക്സ് മനസ്സിൽ ഉണ്ടായിരുന്നു. എന്നാൽ അതിൽ നിന്നും മാറി ചിന്തിക്കാൻ കഴിഞ്ഞ സ്ഥലത്താണ് ചിത്രത്തിൻ്റെ മൊത്തത്തിൽ ഉള്ള മികവ് എന്ന് കരുതുന്നു. ഏകദേശം 3 മണിക്കൂറിൻ്റെ അടുത്തുള്ള സിനിമ ഒറ്റ ഇരുപ്പിൽ കണ്ടൂ തീർത്ത്. അത് കൊണ്ട് തന്നെ സമയ ദൈർഘ്യം മൂലം ഉള്ള ബോർ അടി ഉണ്ടായില്ല.

  തിയറ്റർ എക്സ്പീരിയൻസ് ആയിരുന്നെങ്കിൽ കുറെ കൂടി നന്നായേനെ എന്ന് തോന്നി.കുഴപ്പമില്ലാത്ത ഒരു entertainment system ഉള്ളത് കൊണ്ട് സിനിമയുടെ ആസ്വാദനം നന്നായിരുന്നു. എന്നാലതിന് അപ്പുറം ഉള്ള എക്സ്പീരിയൻസ് നൽകാൻ തിയറ്ററിനു  കഴിഞ്ഞേനെ.

വിക്രമിനൊപ്പം ബോബി സിംഹയുടെ കഥാപാത്രവും  അതിനൊപ്പം ഉള്ള കഥാപാത്രങ്ങൾ അവതരിപ്പിച്ചിരുന്നവർ എല്ലാം നന്നായിരുന്നു. സിനിമ നേരെ കഥ പറഞ്ഞു പോകുന്നത് കൊണ്ട് തന്നെ മൂന്ന് മണിക്കൂർ ഉള്ള സിനിമ അങ്ങനെയും ബോർ അടിപ്പിച്ചില്ല. വേറൊന്ന് പറയേണ്ടത് ധ്രുവിൻ്റെ intro ആയിരുന്നു.നന്നായി തോന്നി.

  മൊത്തത്തിൽ ഇഷ്ടപ്പെട്ടു മഹാൻ. ഒരു പരിപൂർണ്ണ gangster ചിത്രം അല്ല മഹാൻ.പകരം, ആ ചേരുവകയ്ക്ക് ഒപ്പം ആശയങ്ങൾ തമ്മിൽ ഉള്ള സംഘർഷം, കുടുംബം, സൗഹൃദം, വിശ്വാസം, വഞ്ചന തുടങ്ങിയ ഘടകങ്ങൾ ഉൾപ്പെടുത്തി ഒരു പ്രേക്ഷകനെ തൃപ്തിപ്പെടുത്താൻ കഴിയുന്ന ഒന്നാണ്.

@mhviews rating: 3.5/4

കൂടുതൽ സിനിമ/സീരീസുകളെ കുറിച്ച് വായിക്കുവാൻ https://www.facebook.com/mhviewsms/ സന്ദർശിക്കുക.

1045.Vellaippookkal(Tamil,2019)

 

​​1045.Vellaippookkal(Tamil,2019)
          Mystery,Suspense

      "എങ്ങനെയാണ് കൃത്യം നടത്തുന്നത് എന്നു മനസ്സിലായി.ഇനി എന്തിനാണ് എന്നറിഞ്ഞാൽ ആൾ ആരാണെന്നു ഉള്ളത് വ്യക്തമാകും.റൂബിക്‌സ് ക്യൂബിലെ അവസാന വരി പോലെ..." റിട്ടയര്മെന്റ് ആയതിനു ശേഷം തമിഴ്നാട് പൊലീസിലെ മുൻ ഉദ്യോഗസ്ഥൻ രുദ്രൻ മകന്റെ ഒപ്പം കുറച്ചു ദിവസം ചിലവഴിക്കാൻ ആയി അമേരിക്കയിൽ എത്തിയിരിക്കുകയാണ്.അവിടെ വച്ചാണ് അയാൾ വീണ്ടും പഴയ ജോലിയിലേക്ക് പോകേണ്ടി വരുന്നത്.അതും ഔദ്യോഗികമായി അല്ലാതെ.

  സ്വതവേ ഉള്ള അന്വേഷണ ചാതുര്യം ആണ് ഒരു കൗതുകത്തിന്റെ പേരിൽ അയൽവാസിയുടെ കിഡ്നാപ്പിന്റെ സമയത്തു തുടങ്ങിയത്.എന്നാൽ കാര്യങ്ങൾ രുദ്രനെ കൊണ്ടെത്തിച്ചത് മറ്റൊരിടത്തും ആയിരുന്നു.കേസന്വേഷണം തന്റെ കൂടി ഉത്തരവാദിത്തം ആകുന്ന സ്ഥലത്തു.അതും അമേരിക്ക പോലെ ഒരു നിയമ വ്യവസ്ഥയിൽ പോലും പഴയ തമിഴ്നാട് പോലീസിന്റെ രീതികളിലേക്കു പോയാൽ മാത്രമേ ഈ കേസിൽ വഴിത്തിരിവ് ഉണ്ടാകൂ എന്നു മനസ്സിലായി...ഇനി എന്താകും സംഭവിക്കുക?ചിത്രം കാണുക!!

  മുൻകാല ഹാസ്യ താരമായ വിവേക് തന്റെ കരിയറിൽ ഉണ്ടായ മാറ്റങ്ങൾ കാരണം സിനിമയിൽ നിന്ന് മാറി നിന്നതും..അതിനു ശേഷം ഉള്ള വരവിൽ മുതിർന്ന കഥാപാത്രങ്ങൾ അവതരിപ്പിക്കുമ്പോൾ നല്ല കാമ്പുള്ള ഒന്നാണ് "വെള്ളൈപൂക്കളിലെ" രുദ്രൻ.സിനിമയിലുടനീളം ഒരേ വേഗതയിൽ പോയിക്കൊണ്ടിരുന്ന കഥയിൽ എന്നാൽ ഒരു ത്രില്ലർ ചിത്രത്തിന് വേണ്ട ഇടയ്ക്കുള്ള ട്വിസ്റ്റ് പോലെ ഒക്കെ ഉള്ള ഗിമിക്കുകൾ ഇല്ലായിരുന്നു.

   ആകാംക്ഷയുടെ മുൾ മുനയിൽ നിർത്താതെ ഇരിക്കാൻ സമാന്തരമായി പോകുന്ന ഒരു കഥ കൂടി ആകുമ്പോൾ എളുപ്പം ആയിരുന്നു.അതു കൊണ്ടു തന്നെ സ്ഥിരം അമേരിക്കൻ-ഇന്ത്യൻ സിനിമകളിലെ പോലെ ഒക്കെ ആണ് പ്രതീക്ഷിച്ചതു.എന്നാൽ അവസാന അര മണിക്കൂർ ആണ് കഥ വേറെ ദിശയിൽ എത്തിയത്.നേരത്തെ പറഞ്ഞ ട്വിസ്റ്റ് ഒക്കെ വന്നപ്പോൾ അൽപ്പം താമസിച്ചു പോയത് പോലെ.എന്നാലും intuition എന്ന ഘടകം ആയിരിക്കും തെളിവുകളിലേക്കുള്ള വഴി ആയി സ്വീകരിച്ചതെന്ന് തോന്നുന്നു.ഒരു മികച്ച പ്രൊഫൈലർ ആണ് രുദ്രൻ എന്ന കഥാപാത്രം എന്നത്‌ ആണ് അയാളുടെ കഥാപാത്രത്തിന്റെ സ്വഭാവം തന്നെ.അത് കൊണ്ടു തന്നെ അതിനു വിശ്വസ്യത ഉണ്ടാകും.ഈ ഒരു ഘടകം ആണ് ക്ളൈമാക്സിൽ ഉപയോഗിച്ചിരിക്കുന്നത്.

   Edge of Seat ത്രില്ലർ എന്ന അനുഭവം മിസ് ആയി പോയത് പോലെ തോന്നി.തിരക്കഥ കുറച്ചു കൂടി ശ്രദ്ധിക്കമായിരുന്നു എന്നു തോന്നി.ഹോളിവുഡ്/indie സിനിമകളുടെ ഒരു മൂഡ് ആണ് ചിത്രത്തിന് ഉള്ളത്.എന്നാലും തരക്കേടില്ലാത്ത ഒരു കൊച്ചു കുറ്റാന്വേഷണ ചിത്രമായി തോന്നി 'വെള്ളൈ പൂക്കൾ'.വിവേകിന്റെ നല്ലൊരു കഥാപാത്രം കൂടി.ഒപ്പം പഴയ മറ്റൊരു ഹാസ്യ താരം ആയിരുന്ന ചാർലിയുമായി ഉള്ള കോമ്പോയും.ഒരു ഷെർലോക്-വാട്സൻ ലൈനിൽ.അത്രയും ഇല്ലെങ്കിലും ആ ഒരു രീതിയിൽ ആയിരുന്നു അവതരണം എന്നു തോന്നി

   ചിത്രം കണ്ട് നോക്കുന്നതിൽ വലിയ പ്രശ്നം ഉണ്ടാകില്ല!!

More movie suggestion @www.movieholicviews.blogspot.ca

ചിത്രം എന്റെ ടെലിഗ്രാം ചാനലിൽ ലഭ്യമാണ്!!

t.me/mhviews

1037.90 ml (Tamil,2019)

 

​​1037.90 ml (Tamil,2019)
          Drama,Comedy

  ബാലരമയിൽ ഉണ്ടായിരുന്ന 'മൃഗാധിപത്യം' എന്ന അവസാന പേജിലെ കാർട്ടൂണ് പരമ്പരയും പിന്നെ നടുക്കുള്ള 'ജംഗിൾ ടൈംസ്‌' ഒക്കെ ആണ് 90ml കണ്ട് കൊണ്ടിരുന്നപ്പോൾ ഓർമ്മ വന്നത്.കാരണം,സ്ഥിരം സിനിമ കഥ ഒന്നു .അവിടെ നായകനും കൂട്ടുകാർക്കും പകരം സ്ത്രീകൾ ആക്കി എടുത്തത് പോലെ ഉണ്ട്.സ്ത്രീ സമത്വം,ഫെമിനിസം ഒക്കെ ആയിരിക്കും സിനിമയുടെ ലക്ഷ്യം.അതു കൊണ്ടു തന്നെ ആകാം forced ആയി ചെയ്യുന്ന പോലെ പല കാര്യങ്ങളും അവതരിപ്പിച്ചിരുന്നത്.വെള്ളമടി,കഞ്ചാവ് മുതൽ എല്ലാം ആണുങ്ങളെ പോലെ പെണ്ണുങ്ങൾക്കും ചെയ്താൽ എന്താണ് പ്രശ്നം എന്നും ചോദിച്ചത്.

  പുതിയ തമാസക്കാരി ആയി എത്തുന്ന റീത്ത എന്ന യുവതി തന്റെ അയൽവാസികൾ ആയ സ്ത്രീകളിൽ ഉണ്ടാക്കുന്ന സ്വാധീനവും,അവരുടെ ജീവിതത്തിൽ പുതിയ ഉണർവായി പുത്തൻ ശീലങ്ങളും.അതിലൂടെ അവരുടെ ജീവിതത്തിലെ കാഴ്ചപ്പാടുകളിൽ വന്ന മാറ്റവും.അതായത് സൗകാര്യ ജീവിതത്തിൽ അവർക്ക് ആത്മവിശ്വാസം ഉണ്ടാകുന്നതും ഒക്കെ ആണ് സിനിമയുടെ കഥ.കഥ ഇങ്ങനെ നോക്കിയാൽ,സ്ത്രീപക്ഷ ഫെമിനിസ്റ്റ് ചിന്തകൾ ഉള്ള സിനിമ ആണെന്ന് തോന്നാം.പക്ഷെ അവിടെ ആണ് Adult Comedy എന്ന വാക്ക് വരുന്നത്.ഈ ചിന്ത അവിടെ മാറും.

      ഒരു Adult Comedy ചിത്രം എന്ന നിലയിൽ ഉള്ള exposure സീനുകൾ ചിത്രത്തിൽ ആവശ്യം പോലെ ഉണ്ടായിരുന്നു.Bigg Boss തമിഴിലൂടെ സെലിബ്രിറ്റി സ്റ്റാറ്റസ് വളരെയധികം ഉയർന്ന ഓവിയ ആയിരുന്നു മുഖ്യ കഥാപാത്രത്തെ അവതരിപ്പിച്ചത്.സ്ത്രീകളുടെ ഫുൾ ടൈം fun and party സിനിമ എന്നു പറയാം.ഇത്തരത്തിൽ ഉള്ള പുരുഷ കേന്ദ്രീകൃതമായ സിനിമകൾ ധാരാളം വന്നിട്ടുള്ളത് കൊണ്ടാണ് ആദ്യം പറഞ്ഞ കാര്യങ്ങൾ ഓർമ വന്നത്.

     Gay/Lesbian റിലേഷന്ഷിപ് മുതൽ സദാചാരവാദികളുടെ സ്ഥിരം പ്രശ്നങ്ങൾ എല്ലാം സിംപിൾ ആയി പരിഹരിക്കുന്നത് ആയിരുന്നു നല്ല വശം.പക്ഷെ കഥ എന്ന രീതിയിൽ പ്രത്യേകിച്ചു ഒന്നും ഇല്ലാത്ത,ഇപ്പോഴത്തെ വ്യവസ്ഥിതിയിൽ നിന്നും മാറി സമാന്തരമായ ഒരു ജീവിത രീതി ആയിരുന്നു കഥാപാത്രങ്ങൾ പലരും അവതരിപ്പിച്ചത്.നല്ലതു പോലെ ബോൾഡ് ആയി തന്നെ ഡബിൾ മീനിങ് ഒക്കെ ഉള്ള ഡയലോഗുകൾ പലതും എന്നാൽ സ്ത്രീപക്ഷ സിനിമ തന്നെ ആണോ 90ml എന്ന് ചിന്തിപ്പിച്ചു.ആരും സ്ത്രീ പക്ഷം എന്നൊന്നും പറഞ്ഞു കണ്ടില്ല.പക്ഷെ സ്ത്രീകൾ കേന്ദ്ര കഥാപാത്രമായി വരുന്ന ചിത്രത്തിൽ,അതും പുരുഷകഥാപാത്രങ്ങൾ ഇങ്ങനെ ഒക്കെ ചെയ്യുമെങ്കിലും ഞങ്ങൾക്കും അതായിക്കൂടെ എന്നു പറയുന്നത് കൊണ്ടു അങ്ങനെ തോന്നി എന്നു മാത്രം.
 
  ചിമ്പു ആണ് സിനിമയുടെ സംഗീതം കൈകാര്യം ചെയ്തിരിക്കുന്നത്.ഒപ്പം ഒരു കാമിയോയും ഉണ്ട്.സിനിമ എന്ന നിലയിൽ ഇപ്പോഴും ഇഷ്ടമായോ എന്ന സംശയം ഉണ്ട്.Adult Comedy സിനിമ ആണെന്ന് അറിഞ്ഞുകൊണ്ട് തന്നെ ആണ് കണ്ടതും.ആ content ൽ ഒന്നും ഒരു പ്രശ്നവും ഇല്ല.പക്ഷെ ഇത് സ്ത്രീപക്ഷ സിനിമ ആണോ?അതോ ആ രീതിയിൽ സിനിമ അവതരിപ്പിച്ചു കൊണ്ടു adult comedy അവതരിപ്പിച്ച സിനിമ ആണോ എന്ന് ഉള്ള സംശയം ആണ് ബാക്കി.

   ചുമ്മാ..വെറുതെ..തീരെ പണി ഒന്നും ഇല്ലെങ്കിൽ ഇരുന്നു കാണാം 90ML.

MH Views Rating 2/4

More movie suggestions @www.movieholicviews.blogspot.ca

ചിത്രം എന്റെ ടെലിഗ്രാം ചാനലിൽ ലഭ്യമാണ്

t.me/mhviews

1392. Thittam Irandu: Plan B (Tamil,2021)

 1392. Thittam Irandu: Plan B (Tamil,2021)

           Mystery

  സിനിമയുടെ മൊത്തത്തിൽ ഉള്ള സ്വഭാവത്തെ കുറിച്ചു ധാരാളം അഭിപ്രായങ്ങൾ വായിച്ചതിനു ശേഷം ആണ് സിനിമ കാണാൻ അവസരം ലഭിച്ചത്.ഒരു കൊറിയൻ/തായ് സിനിമയുടെ കഥ ആണ് പ്രമേയം എന്നറിഞ്ഞിട്ടും തുടക്കം മുതൽ ഉള്ള സീനുകളിൽ സിനിമ ഒളിപ്പിച്ചു വച്ച മിസ്റ്ററി എന്താണെന്ന് അറിയാമായിരുന്നിട്ടും 'തിട്ടം ഇരണ്ടു' നിരാശ നൽകിയില്ല എന്നത് വലിയ ഒരു കാര്യം തന്നെയാണ്.

 

 തന്റെ ബാല്യകാല സുഹൃത്തിന്റെ തിരോധാനം അന്വേഷിക്കാൻ വന്ന ആതിര എന്ന പൊലീസ് ഉദ്യോഗസ്ഥ. അവരുടെ അന്വേഷണത്തിന് ഒപ്പം പാരലൽ ആയി ഒരു പ്രണയവും.മുൻപ് സൂചിപ്പ കൊറിയൻ സിനിമ കാണാത്തവരെ സംബന്ധിച്ചു കുറ്റാന്വേഷണം ആണെങ്കിൽ പലപ്പോഴും പാളി പോകുന്ന പോലെയും തോന്നുന്നുണ്ട്.സിനിമ കാണുമ്പോൾ തന്നെ പ്രേക്ഷകന് അങ്ങനെ ഒക്കെ തോന്നാം.

  എന്നാൽ പിന്നീട് പല കാര്യങ്ങളും നമ്മൾ പ്രതീക്ഷിക്കാത്ത സ്ഥലങ്ങളിൽ പോലും അനാവരണം ചെയ്യപ്പെടുമ്പോൾ ചിലതിനൊക്കെ ഉത്തരം ലഭിക്കുന്നതും ഉണ്ട്.അതിലും ഏറെ ഇഷ്ടപ്പെട്ടത് execution ലെ ചെറിയ ഒരു പിഴവ് പോലും പ്രേക്ഷകനിൽ കഥ എത്തിക്കാൻ കഴിയാത്ത രീതിയിൽ അനുഭവപ്പെടുമായിരുന്നു എന്നതായിരുന്നു.എന്നാൽ സ്പൂണ്- ഫീഡിങ് ആണെന്ന് ആക്ഷേപിച്ചാലും 'എന്താണ് സിനിമ കൊണ്ടു ഉദ്ദേശിച്ചത്?' എന്ന ചോദ്യത്തിന് അവസരം നൽകാതെ തിട്ടം ഇരണ്ടു അവസാനിച്ചു എന്നത് പ്രശംസനീയം ആണ്.

  കൊറിയൻ/തായ് സിനിമകൾ കണ്ടിട്ടുള്ളവരാണെങ്കിൽ കൂടിയും കഥ അവതരിപ്പിച്ച രീതി ഒന്നു കൊണ്ടു മാത്രം നിരാശരാകേണ്ടി വരില്ല എന്നാണ് അഭിപ്രായം.അതു പോലെ ഈ രണ്ടു സിനിമയും കാണാത്തവരെ സംബന്ധിച്ചു വലിയ ട്വിസ്റ്റും ആകും സിനിമ നൽകുന്നത്.

 കഴിയുമെങ്കിൽ കാണുക.

@mhviews rating: 3/4

1307. Andhaghaaram(Tamil, 2020)

 1307. Andhaghaaram(Tamil, 2020)

         Horror, Mystery

         Streaming on Netflix

         Rating:4.5/5

    മൂന്ന് മണിക്കൂറിന്റെ അടുത്തുള്ള സിനിമ.സാധാരണഗതിയിൽ ഇത്രയും നീളമുള്ള സിനിമ കണ്ടു തീർക്കുന്നത് തന്നെ ശ്രമകരമാണ്.പ്രത്യേകിച്ചും ഇന്നത്തെക്കാലത്ത്, 3 മണിക്കൂർ ഉള്ള content അര മണിക്കൂർ വീതമുള്ള 6 എപ്പിസോഡ് ആയി മിനി സീരീസ് ആക്കിയാൽ പോരെ എന്നു പോലും വിചാരിച്ചിരുന്നു സിനിമ കണ്ടു തുടങ്ങിയപ്പോൾ. 

  ആദ്യ അര മണിക്കൂറോളം സ്‌ക്രീനിൽ ഉള്ള സംഭവങ്ങൾ കാര്യമായി ഒന്നും മനസ്സിലാകാതെ പോയി.അടുത്തത് എന്താണ് സംഭവിക്കുന്നത് എന്നു ചിന്തിച്ചു തുടങ്ങി.അൽപ്പം കഴിഞ്ഞപ്പോൾ  കഥ മനസ്സിലായി തുടങ്ങിയപ്പോൾ ആകാംക്ഷയും കൂടി.അവസാനം മൂന്നു മണിക്കൂറിന്റെ അടുത്തുള്ള സിനിമ ഈ അടുത്തു കണ്ടതിൽ ഏറ്റവും മികച്ച ഒന്നായി മാറി എന്നതാണ് സത്യം.

 ഇത്രയും പറഞ്ഞതു ഇന്ന് Netflix ൽ റിലീസ് ആയ 'അന്ധകാരം' എന്ന ചിത്രത്തെ കുറിച്ചാണ്.മൂന്നു മണിക്കൂറോളം ഉണ്ടെങ്കിലും എഡിറ്റിങ് കൂടുതലായി ആവശ്യം ഉണ്ടെന്നു തോന്നിപ്പിക്കാത്ത, ഒരു സീൻ പോലും അനാവശ്യം ആയി തോന്നിക്കാത്ത സിനിമ ആയി മാറി അന്ധകാരം.

 വി.വിഗ്നരാജൻ കഥയെഴുതി സംവിധാനം ചെയ്ത ചിത്രത്തിൽ ഏറ്റവും കൂടുതൽ പ്രശംസ കിട്ടേണ്ടതും ഇദ്ദേഹത്തിനാണ്.തന്റെ ആദ്യ ചിത്രം തന്നെ ഇത്തരത്തിൽ ഒരു ക്ലാസ് ചിത്രം ആക്കിയ എഴുത്തുകാരനിൽ നിന്നും ഇനിയും കൂടുതൽ പ്രതീക്ഷിക്കുന്നു.അഭിനേതാക്കളുടെ കാര്യവും അതു പോലെ.പ്രത്യേകിച്ചും അർജുൻ ദാസ്,വിനോദ് കിഷൻ എന്നിവർ.മികച്ച പ്രകടനങ്ങൾ ആയിരുന്നു ഇരുവരും കാഴ്ച്ച വച്ചതു.

 പ്രേക്ഷകനിൽ പലപ്പോഴും ഭീതി ഉണ്ടാക്കുന്ന ഒരു പ്രമേയം അവസാനം ആകുമ്പോൾ ട്വിസ്റ്റുകൾ ഒക്കെ ആയി ഒരു ഹോറർ/മിസ്റ്ററി വിഭാഗത്തിലെ ഇന്ത്യൻ സിനിമകൾക്ക് ഒരു ബെഞ്ചമാർക് സെറ്റ് ചെയ്തു എന്ന് പറഞ്ഞാൽ പോലും അതിശയോക്തി ആകില്ല.

 കഥയെ കുറിച്ചു ഒരു ചെറിയ സൂചന തരാം.കുറെയേറെ മരണങ്ങൾ,കൊലപാതകങ്ങൾ, പ്രതികാരം, ചതി.ഇതൊക്കെ പരസ്പ്പരം എങ്ങനെ ബന്ധിക്കുന്നു എന്നതാണ് സിനിമയുടെ കഥയും.പലപ്പോഴും പ്രേക്ഷകന്റെ മനസ്സിൽ ചോദ്യങ്ങൾ ആയി തുടങ്ങുന്ന സംഭവങ്ങൾ.സൈക്കോളജിക്കൽ ത്രില്ലർ എന്നും വിശേഷിപ്പിക്കാവുന്ന ചിത്രം പലപ്പോഴും സങ്കീർണമായി തോന്നാം.

പലപ്പോഴും അവിശ്വാസനീയത തോന്നിക്കുന്ന സന്ദർഭങ്ങളിൽ പോലും കഥയിലെ കഥാപാത്രങ്ങളെ കുറിച്ചു പ്രേക്ഷകന്റെ മനസ്സിൽ രെജിസ്റ്റർ ചെയ്യാൻ സമയം എടുത്തത്തിന്റെ ഗുണവും കാണാൻ സാധിക്കും.

   സിനിമയുടെ ഴോൻറെയുടെ പുറത്തേക്കു പോകാതെ വിഷയത്തിൽ മാത്രം ശ്രദ്ധിച്ചു സിനിമ അവതരിപ്പിച്ചതിലെ ശ്രമവും അഭിനന്ദാർഹം ആണ്.തീർച്ചയായും കണ്ടു നോക്കുക.സമയം നഷ്ടം ആകും എന്നു കരുതേണ്ട.നെഗറ്റീവ് ആയി ആദ്യം തന്നെ തോന്നിക്കാവുന്ന ഈ സംഭവം തന്നെ ആണ് സിനിമയുടെ ശക്തിയും ആയി മാറുന്നത്.

  OTT റിലീസ് ഇല്ലായിരുന്നു എങ്കിൽ, ഒരു പക്ഷെ തിയറ്ററിൽ ഇറങ്ങിയിരുന്നെങ്കിൽ സമയ ദൈർഘ്യം കാരണം ഈ സിനിമ പിന്തള്ളപ്പെട്ടേനെ.ഇന്നത്തെ സാഹചര്യത്തിൽ OTT റിലീസുകളിൽ നിന്നും ഇത്തരം നിലവാരമുള്ള സിനിമകൾ ആണ് ഇനിയും പ്രതീക്ഷിക്കുന്നത്.

 ഈ വർഷത്തെ എന്റെ ഇഷ്ട സിനിമകളുടെ ലിസ്റ്റിൽ ഉറപ്പായും 'അന്ധകാരം' ഉണ്ടാകും.

1298. Mookuthi Amman (Tamil, 2020)

 1298. Mookuthi Amman (Tamil, 2020)

          Comedy, Drama

          Rating: 3/5

   "'Mookuthi Amman' says there are Gods and NO Godmen. Yet we have to find God in our ways. "

   'Mookuthi Amman' directed by the duo of  Balaji-Saravanan will be a fun movie if you are an 'unorthodox believer'. A believer who could avoid the mediators like Godmen when searching God is common nowadays, and I specified the unorthodox-believer in that sense. 

  The movie theme seems to be a cliche nowadays as attempts like Oh My God! are still in place. The surroundings of the main plot are funny with crazy characters.

   A youngster Engels Ramaswamy (Balaji) who tries to meet both ends of life with his mother (Urvashi) and his 3 sisters got a chance to meet the 'Mookuthi Amman of Vellimalai'. Ever imagined a God appearing in front of a believer and asking to do something for them? Here, Mookuthi Amman wants her to be famous like other international Gods from India.

  We read in stories on how the ancient sages got to see the Gods they worshipped. They used mantras for that. But our hero Engels Ramaswamy could do that in other ways. That whole thing was funny.

When devotees have their family deity and when they are discarded, the deity may become jealous. This statement depicts the fun part of the movie. the ever crazy characters become crazier at this time. For me, there was no dull moment in the movie at these times even though we know what we are going to see at the end.

  The movie is a satire connecting the life of a common man with God. The first half of the movie is a fun ride than the latter half. In my view, Urvashi is undoubtedly the best actress in the country. When she is challenged by someone, then there is no stopping. After 'Soorarai Pottru', Urvashi again outshined every other character including Nayanthara in the movie. Her energetic performance is the best side of the movie. 

 Nayanthara, as the title character appeared to be beautiful with her looks and did well with her character too. Balaji's Engels Ramaswamy was even crazier than the others.

  Apart from the cliche story, the second half lacks premises to create a wow factor. The Godman, whose character is a mix of many Godmen in the country didn't feel so funny considering the whole mood of the movie. Along with that, there is nothing much happening in the second half of the movie. That appears to be a let down in the story. 

  Meanwhile, the movie as a whole is funny, and thought-provoking at times, especially the 'concept of content' in which a man should behave in his life when he is not satisfied. 

Mookuthi Amman was hilarious at times with it's the fun part and energetic performances from characters. This could work in a skit. But not in a movie. As a whole, the movie didn't use the possibility of the theme and lacks depth overall.

1296. Soorarai Pottru (Tamil, 2020)

 1296. Soorarai Pottru (Tamil, 2020)

          Drama, Biography

          Amazon Prime Original Release

          Rating: 4/5

  Roosevelt once said, "The future belongs to those who believe in the beauty of their dreams". Surya's new movie Soorarai Pottru can be handily deciphered using that quote. 

  Well, the story is loosely based on the life of G.R Gopinath, the founder of Simplifly Deccan, formerly known as Air Deccan. But the story penned by Sudha Kongara took the liberty of changing the whole atmosphere to suit the cinematic language, where Gopinath became Maaran along with the portrayal of other characters.

   The story is no different from the usual inspirational movies that garner the viewer's appreciations. The story goes like this. A man from the lower section of society tries to achieve his dream, and while striving to make it a reality, he had to follow a path of thorns and sharp stones. Yes, it's the same old story.

   However, the characters are strong and their profundity makes the movie engaging. The stellar performances from the likes of Surya, Aparna, Urvashi, Paresh, Mohan Babu and many others take the movie to another level. The music by GVP is also worth mentioning. The soul of the movies like this finds the way with tunes like this.

  The presence of bold female characters and depictions of lower Indian society tries to talk more than the story of a person trying to fly high. Certain caricatures like Ballaiyya (Vijay Mallya) and the likes of many others are in the movie. 

  Since the movie is loosely based, let's say that these characters are arranged for enhancing the cinematic experience. Wait, there is a scene from one of these characters that give goosebumps. Watch the movie and experience it. Let's keep it a secret.

  Apart from prominent features, I felt a lack of WOW factor at times. Especially, the climax should be more worked in that way. But Sudha's version went for melodrama in those places. As mentioned earlier, this story is meant to be an inspirational one, and when such a story is presented on-screen it should be able to provide in full with horripilation. But that was missing from the climax.

 Meanwhile, when we look at the bigger picture the movie as a whole is thought-provoking and enthralling that compels the viewers to experience the hardships that Maaran confronted in his way to achieve his dream. 

   This is a movie that deserved a theatrical release. Sudha Kongara's movie provided a quality OTT release among the likes of many who provided lacklustre experiences to the viewers. As a fan of the OTT platform, I expect much more quality movies to reach the comfort of our home.

  

1230. Ponmagal Vandhal (Tamil, 2020)

1230. Ponmagal Vandhal (Tamil, 2020)

         

 OTT റിലീസുകൾ പുതിയ ലോകത്തിന്റെ ഭാഗം ആകുമ്പോൾ വലിയ ഒരു താര നിരയും ആയി വന്ന പൊന്മകൾ വന്താൽ നല്ല പ്രതീക്ഷയോടെ ആണ് കാണാൻ തുടങ്ങിയത്.എന്നാൽ ആ പ്രതീക്ഷകൾക്കു ഒപ്പം ഉയരാൻ ചിത്രത്തിന് കഴിഞ്ഞോ എന്നു ചോദിച്ചാൽ ഉത്തരം നിരാശ എന്നായിരിക്കും.

  ഒരു സൈക്കോ കില്ലർ ആയ സ്ത്രീയുടെ 15 വർഷം മുൻപുള്ള കഥയിൽ നിന്നും തുടങ്ങി തരക്കേടില്ലാത്ത ട്വിസ്റ്റ് എന്നു പറയേണ്ടി വരുന്ന ക്ളൈമാക്‌സ് വരെ വെറുതെ കഥ ആയി പറഞ്ഞാൽ നന്നായിരിക്കും. എന്നാൽ സിനിമ ആയി വന്നപ്പോൾ മനോരമ വാരികയിൽ കിനാവും കണ്ണീരും പോലെ ആക്കി മാറ്റി ചിത്രം.ഒരു കുറ്റാന്വേഷണ കഥ മികച്ചതാക്കൻ ഉള്ള എല്ലാ സാഹചര്യവും ഉണ്ടായിരുന്നിട്ടും അതിനു ശ്രമിക്കാതെ ഓവർ ആയി സെന്റി ആക്കി കരയിപ്പിക്കാൻ ആണ് നോക്കിയതെന്നു തോന്നുന്നു.

 കോടതി സീനുകൾ കഥയല്ലിത് ജീവിതം പോലെ ഒക്കെ തോന്നി.ഒരു സിനിമയെ കുറിച്ചും മോശം പറയാൻ താൽപ്പര്യം ഇല്ലാത്ത ആളാണ്.പക്ഷെ waste of resources എന്ന കാര്യത്തിൽ ചിത്രം മുന്നിട്ടു നിന്നു.സ്പാർക്ക് ഉണ്ടായിരുന്ന പല കഥാപാത്രങ്ങളും ഈ സെന്റിയിൽ വീണു പോയി എന്ന് തന്നെ പറയാം.കഥ കേട്ടപ്പോൾ കൊള്ളാം എന്നു തോന്നിയാകും സൂര്യയും ജ്യോതികയും ചിത്രം നിർമിക്കാൻ തീരുമാനിച്ചത് എന്നു തോന്നുന്നു.പക്ഷെ തിരക്കഥ ഒന്നും നോക്കി കാണില്ല എന്നു തോന്നുന്നു.അതു പോലെ ആണ് ഭാഗ്യരാജ് മുതൽ ത്യാഗരാജൻ വരെ ഉള്ള സീനിയർ നടന്മാരുടെയും അവസ്ഥ എന്നു തോന്നുന്നു.

  OTT യിൽ നേരിട്ടു റിലീസ് ചെയ്ത ഇന്ത്യൻ സിനിമ എന്ന കൗതുകം മാത്രം ഉണ്ടെങ്കിൽ പടം കാണാം.

  MH Views Rating: 2/5

More movie suggestions @www.movieholicviews.blogspot.ca