1705. Investigation of a Citizen Above Suspicion (Italian, 1970)

 1705. Investigation of a Citizen Above Suspicion (Italian, 1970)

          Psychological Thriller, Murder Investigation.

⭐️⭐️⭐️⭐️/5

  ഹോമിസൈഡ്  വിഭാഗത്തിന്റെ ചീഫ് ആയി ഉള്ള അവസാന ദിവസം ആണ് നമുക്ക് 'ചീഫ് ' എന്നു വിളിക്കാവുന്ന പോലീസ് ഉദ്യോഗസ്ഥന് ഒരു തോന്നൽ ഉണ്ടായത്. തന്റെ അധികാരത്തിന്റെ ശക്തി  എത്രത്തോളം ഉണ്ട് എന്നു മനസ്സിലാക്കണമായിരുന്നു ആയാൾക്ക്. സമൂഹത്തിലെ മറ്റ് പൌരന്മാരിൽ നിന്നും ആയാൾക്ക് ഉള്ള സമൂഹത്തിലെ സ്വാധീനം , ശക്തി എന്നിവ കണ്ടെത്തുക ആയിരുന്നു ഉദ്ദേശം. അതിനായി  അയാൾ ചെയ്തത് ഒരു കൊലപാതകം ആയിരുന്നു. തന്റെ രഹസ്യ കാമുകിയുടെ കഴുത്ത് അറുത്ത് അവരെ കൊലപ്പെടുത്തുന്നു. അവരെ കൊലപ്പെടുത്തിയത്തിന് ശേഷം അയാൾ അവളെ കൊന്ന സ്ഥലത്ത്  തന്നിലേക്ക് കുറ്റാന്വേഷകർ വന്നെത്താന് ഉള്ള എല്ലാ തെളിവുകളും മനപ്പൂർവം അവശേഷിപ്പിക്കുന്നു. ഇത്രയും തെളിവുകൾ നൽകിയാൽ തന്നെ ആരെങ്കിലും കുറ്റവാളി ആയി കണ്ടെത്തുമോ എന്നതായിരുന്നു ആയാൾക്ക് അറിയേണ്ടിയിരുന്നത്?

പെർഫക്റ്റ് ക്രൈം ആധാരമാക്കിയുള്ള സിനിമകൾ ധാരാളം നമ്മൾ കണ്ടിട്ടുണ്ടാകും. എന്നാൽ അതിന്റെ നേർ  വിപരീതം ആണ് Investigation of a Citizen Above Suspicion. ആരാലും കണ്ടെത്താൻ കഴിയാത്ത രീതിയിൽ കൊലപാതകം നടത്തുന്നതും, എന്നാൽ തന്റെ നേരെ താൻ ചെയ്ത കൊലപാതകത്തിന് നേരെ വിരൽ  ചൂണ്ടും എന്ന പ്രതീക്ഷയിലും ഉള്ള കേന്ദ്ര കഥാപാത്രം ആണ് ഈ ചിത്രത്തിൽ ഉള്ളത്. വളരെയധികം ലെയറുകൾ ഉള്ള ചിത്രം ആണ് Investigation of a Citizen Above Suspicion. ഒരു കുറ്റാന്വേഷണ ചിത്രം എന്ന നിലയിലും സൈക്കോളജിക്കൽ ത്രില്ലർ എന്ന നിലയിലും മുന്നോട്ട് പൊയ്ക്കൊണ്ടിരുന്ന സിനിമ ഒരു ഘട്ടം കഴിയുമ്പോൾ കേന്ദ്ര കഥാപാത്രമായ ചീഫിന് തന്റെ അധികാര ശക്തി നല്കിയ ഇറ്റലിയിലെ അന്നത്തെ രാഷ്ട്രീയ ഇടനാഴികളിലേക്ക്  ശ്രദ്ധ തിരിയുന്നുണ്ട്.

ഒരു മനുഷ്യന്റെ ഏറ്റവും വലിയ ഫാന്റസി ആയി ഒരു കൊലപാതകം മാറുന്ന രീതിയിൽ അയാളെ ചിന്തിപ്പിച്ചതും ആയാൾക്ക് അധികാരം നൽകിയ ശക്തി ആയിരുന്നു. അതിൽ അയാൾ ഉന്മാദം കൊള്ളുകയും ചെയ്യുന്നുണ്ട്. പിന്നീട് അയാളുടെ മാനസികാവസ്ഥ മാറുകയും  ഒരു അവസരത്തിൽ കൊലയാളി മറ്റൊരാൾ ആയി കണ്ടെത്തി പോലീസ് ഒരാളെ കുറ്റവാളി ആക്കാൻ ശ്രമിക്കുമ്പോൾ ചീഫിന്റെ ഉള്ളിൽ  ഉള്ള  ഈഗോ പുറത്തു വരുന്നതും കാണാം. സിനിമയിൽ ഇത് പോലെ ഉള്ള പല അവസരങ്ങളിലും ചീഫ് തന്നെ കണ്ടെത്താൻ വേണ്ടി പുതു തെളിവുകൾ നൽകുന്നും  ഉണ്ട്. ഇത്തരത്തിൽ ഒരു കഥയ്ക്ക് എന്തായിരിക്കും ക്ലൈമാക്സ് എന്നു ചിന്തിച്ചിട്ടുണ്ടോ? ഇല്ലെങ്കിൽ Investigation of a Citizen Above Suspicion കാണുക.

നമുക്ക്  പരിചിതമായ ഒരു പ്രമേയം അല്ല ചിത്രത്തിന് ഉള്ളത്. നേരത്തെ പറഞ്ഞത് പോലെ ഉള്ള ലെയറുകൾ ചിത്രത്തിന് മോടി കൂട്ടുന്നുണ്ട് എങ്കിലും അതിനും അപ്പുറം മനുഷ്യന്റെ ഇഗോ എന്ന വികാരത്തിൽ  ആണ് സംവിധായകൻ എലിയോ പെട്രി കൂടുതൽ ശ്രദ്ധ കൊടുത്തത് എന്നത് മനസിലാകും. അത് പോലെ അതായത് കാലത്ത് ഉള്ള രാഷ്ട്രീയ സാഹചര്യങ്ങൾ എങ്ങനെ എല്ലാം സമൂഹത്തിൽ ശക്തരായ ആളുകൾ  ദുരുപയോഗം ചെയ്തു എന്നതും വ്യക്തമാകും.ഏത് കാലഘട്ടത്തിലും പ്രസക്തി ഉള്ള സിനിമയാണ്.

സിനിമയുടെ ലിങ്ക് https://movieholicviews.blogspot.com/?m=1 ൽ ലഭ്യമാണ്.

സിനിമ കണ്ടവർ അഭിപ്രായങ്ങൾ പങ്ക് വയ്ക്കണേ.

1473. They Call Me Jeeg (Italian, 2015)

 1473. They Call Me Jeeg (Italian, 2015)

         Action, Super Hero

   തൻ്റെ ലാഭങ്ങൾ നോക്കാതെ മറ്റുള്ളവർക്ക് വേണ്ടി ജീവിതം ഉപയോഗിക്കുകയും അതിനായി സ്വയം ജീവ ത്യാഗം പോലും നടത്തുന്ന ആളാണ് ഹീറോ. എൻസോ എന്ന ചെറിയ തട്ടിപ്പുകൾ നടത്തി സമൂഹത്തിലെ ഇരുണ്ട ഇടനാഴികളിൽ ജീവിക്കുന്ന ഒരാൽ എങ്ങനെ ആണ് ഹീറോ ആയി മാറുന്നത്? അതും വെറും ഹീറോ അല്ല, സൂപ്പർ ഹീറോ.

  They Call Me Jeeg അത്തരത്തിൽ ഒരു കഥയാണ്. എൻസോ നല്ലവനായിരുന്നില്ല ജീവിതത്തിൽ. മോശമായ കുട്ടിക്കാലം, ചെറിയ മോഷണങ്ങൾ ആയി വളർന്നപ്പോൾ ജീവിച്ച ആയാൾക്ക് സുഹൃത്തുക്കൾ ആരും ഇല്ലായിരുന്നു. ഒരിക്കൽ അമാനുഷികമായ ശക്തി ആകസ്മികമായി ലഭിച്ചപ്പോൾ ആദ്യം ചെയ്തത് തന്നെ മോഷണം ആയിരുന്നു. അയാൾക്ക് അതിനപ്പുറം ചിന്തിക്കാൻ പോലും കഴിഞ്ഞിരുന്നില്ല. എന്നാൽ, ഭ്രാന്തി ആയി മുദ്ര കുത്തപ്പെട്ട, ജീവിതത്തിൽ ധാരാളം നഷ്ടങ്ങൾ സംഭവിച്ച അലീസിയ കാരണം അയാളുടെ സ്വഭാവം മാറുകയാണ്.

  അതിനായി എൻസോയ്ക്ക് നഷ്ടപ്പെടുത്തേണ്ടി വരുന്നതും വലിയ കാര്യങ്ങളാണ്. അയാൾക്ക് എതിരാളി ആയി, തനിക്ക് വില തരാത്ത സമൂഹത്തിന് നേരെ ആക്രമണം അഴിച്ചു വിടാൻ ശ്രമിക്കുന്ന ഒരു വില്ലനും. ജോക്കർ പോലുള്ള eccentric ആയി മാറുന്ന കഥാപാത്രങ്ങളുടെ ചെറിയ ശകലങ്ങൾ ഈ വില്ലൻ കഥാപാത്രത്തിൽ കാണാൻ കഴിയും. അങ്ങനെ വരുമ്പോൾ സാധാരണ സൂപ്പർ ഹീറോ സിനിമകളിൽ നിന്നും കൂടുതൽ വൈകാരികമായി അവതരിപ്പിച്ച ഒരു സൂപ്പർ ഹീറോ ചിത്രമായി മാറുകയാണ് They Call Me Jeeg. 

  Bhavesh Joshi Super Hero, Mard Ko Dard Nahi Hota പോലുള്ള ഇന്ത്യൻ സിനിമകൾ ആണ് ഈ ഇറ്റാലിയൻ ചിത്രം കണ്ടപ്പോൾ ഓർമ വന്നത്.അത്തരത്തിൽ ഒരു treatment ആണ് ഈ ചിത്രത്തിനും ഉള്ളത്. എൻസോയുടെ ശക്തി അയാൾക്ക് പുതുതായി ലഭിച്ചതാണ്.പക്ഷേ അയാളുടെ redemption ചില സമയങ്ങളിൽ ചിലർക്ക് മാത്രം സംഭവിക്കാവുന്ന ഒന്നുമാണ്. അതിൽ ഊന്നിയാണ് കഥ വികസിക്കുന്നത്. അയാളുടെ ശക്തിയുടെ മാത്രം കഥ പറച്ചിലും അല്ല ഈ ചിത്രത്തിൽ.

ഇറ്റലിയുടെ സ്വന്തം സൂപ്പർ ഹീറോ ചിത്രം അവിടെ മികച്ച ജനപ്രീതിയും നിരൂപക പ്രശംസയും ലഭിച്ച ഒന്നു ആയിരുന്നു.പിന്നീട് റിലീസ് ആയ രാജ്യങ്ങളിലും അതെ പോലെ തന്നെ ആയിരുന്നു അഭിപ്രായങ്ങളും.തീർച്ചയായും കണ്ടു നോക്കുക.ഇഷ്ടമാകും.

@mhviews rating: 4/4

Download Link: t.me/mhviews1

More movie views and download links available at www.movieholicviews.blogspot. com 

1402. The Double Hour(Italian, 2009)

 1402. The Double Hour(Italian, 2009)

           Crime,Mystery.

           IMDB: 6.6/10, RT: 82%

 "23:23" കയ്യിലെ വാച്ചിൽ നോക്കി Guido അതിനെ "Double Hour" എന്നു വിശേഷിപ്പിച്ചു.അതെന്താണ് എന്നു സോണിയ അയാളോട് ചോദിച്ചപ്പോൾ വാൽനക്ഷത്രം കാണുമ്പോൾ മനസ്സിൽ വിചാരിക്കുന്ന സംഭവങ്ങൾ നടക്കും എന്നല്ലേ വിശ്വാസം?അതു പോലെ ഒന്ന് എന്നയാൾ മറുപടി നൽകി.എപ്പോഴെങ്കിലും കാര്യങ്ങൾ മനസ്സിൽ വിചാരിച്ചത് പോലെ നടന്നിട്ടുണ്ടോ എന്നവൾ ചോദിച്ചപ്പോൾ 'ഇല്ല' എന്ന മറുപടി ആണവൾ നൽകിയത്.

  എന്നാൽ ഈ Double Hour എന്നതു ഒരു സമസ്യ ആയി മാറുന്നുണ്ട് പിന്നീട്.സിനിമയുടെ അവസാനത്തിൽ പ്രേക്ഷകനെ വലിയ ഒരു ചോദ്യത്തിലേക്കും എത്തിക്കുന്നുണ്ട് ഈ Double Hour എന്നതിന്.ഒരു പ്രണയം, മോഷണം, നിഗൂഢത.ഇത്രയും ആണ് സിനിമയിൽ ഉള്ളത്.വലിയ ബഹളങ്ങൾ ഇല്ലാത്ത ഒരു ചിത്രം.എന്നാൽ പിന്നീട് സ്വഭാവം മാറുകയും ചെയ്യുന്നു.

   ഒരു Speed Dating ക്ലബിൽ വച്ചു പരിചയപ്പെടുന്ന Guido, സോണിയ എന്നിവർ പിന്നീട് പ്രണയത്തിൽ ആകുന്നു.എന്നാൽ കഥ മുന്നോട്ട് നീങ്ങുമ്പോൾ യാഥാർഥ്യവും ,സമാന്തരമായ കാര്യങ്ങളും ചേരുമ്പോൾ ഒരു സൈക്കോളജിക്കൽ ത്രില്ലർ ആയി മാറുന്നു.പിന്നീട് ക്ളൈമാക്സിലും പ്രേക്ഷകന് ഇതു കാണുവാൻ സാധിക്കും.

  'Giuseppe Capotondi' യുടെ ആദ്യ ചിത്രമാണ് The Double Hour.നേരിട്ടു പ്രേക്ഷകന് സംവദിക്കാവുന്ന ഒരു കഥയിലൂടെ തന്നെ സിനിമയുടെ എല്ലാ ഭാഗങ്ങളും പ്രേക്ഷകന് മനസ്സിലാക്കി കൊടുക്കാൻ സാധിക്കുകയും, അതിനു ശേഷം ക്ളൈമാക്സിൽ ഒരു ചോദ്യ ചിഹ്നത്തിൽ കഥ നിർത്തിയിട്ടു ഇതിൽ കൂടുതൽ എന്തെങ്കിലും ഉണ്ടാകുമോ എന്നൊരു സംശയവും ഉണ്ടാക്കാൻ സാധിച്ചിട്ടുണ്ട്.ഒരു പക്ഷെ ഒരു സാധാരണ ക്ളൈമാക്‌സ് ആയി മാറുന്നിടത്തു നിന്നും tail- end ൽ കാണിക്കുന്ന സംഭവങ്ങൾ ആദ്യം പറഞ്ഞ double hour ഉം ആയി കൂട്ടി വായിക്കണം എന്നു മാത്രം.അതിൽ ഒരു പക്ഷെ വഞ്ചനയുടെയും പ്രതികരത്തിന്റെയും കഥ കാണുവാൻ സാധിച്ചേക്കാം.കൂടുതൽ ചിന്തകൾ പ്രേക്ഷകനിൽ ഉണ്ടാകുന്നതും അവിടെയാണ്.നല്ലൊരു സൈക്കോളജിക്കൽ ത്രില്ലർ!!

Download link available by searching @mhviews1 in Telegram

 @mhviews rating: 3/4

More movie suggestions and download link available @www.movieholicviews.blogspot.ca

1224. Eyes of Crystal (Italian, 2004)

1224. Eyes of Crystal (Italian, 2004)
          Mystery, Thriller

 അവിടെ മരിച്ച പെണ്ക്കുട്ടിയുടെയും, അവളുടെ കാമുകന്റെയും, അവരെ ഒളിഞ്ഞു നോക്കിയിരുന്ന ആളിന്റെയും മൃതദേഹങ്ങൾ തമ്മിൽ പ്രധാനമായി ഒരു വ്യത്യാസം ഉണ്ടായിരുന്നു.അവളുടെ ശരീര ഭാഗത്തിൽ എന്തോ സ്റ്റഫ് ചെയ്തു വച്ചിരുന്നു.ഇൻസ്‌പെക്‌ടർ അമൽഡിയും അയാളുടെ കൂട്ടാളി ഫ്രീസും ആയിരുന്നു അന്വേഷണത്തിന്റെ ചുമതല.കുറ്റാന്വേഷണത്തിൽ ഏർപ്പെടുമ്പോൾ തന്റെ പേഴ്സണൽ കാര്യങ്ങൾക്ക് പോലും ശ്രദ്ധ കൊടുക്കാതെ തെളിവുകൾക്കായി അലയുന്ന പ്രകൃതം ആയിരുന്നു അമൽഡിയ്ക്ക് ഉണ്ടായിരുന്നത്.

  എന്നാൽ തെളിവുകൾ ഒന്നും അവശേഷിപ്പിക്കാതെ നടത്തുന്ന കൊലപാതകങ്ങളിൽ, മൃതദേഹങ്ങളിൽ നിന്നും ലഭിക്കുന്ന സൂചന അവരെ എങ്ങും എത്തിക്കുന്നില്ല.എന്നാൽ പിന്നീട് നടന്ന കൊലപാതകങ്ങളിൽ ഒന്നു ബോധ്യമായി.കൊലയാളി എന്തോ പറയാൻ ശ്രമിക്കുന്നുണ്ട്, അല്ലെങ്കിൽ അയാൾക്ക് ഈ കൊലകളുടെ പിന്നിൽ എന്തോ ഉദ്ദേശ്യം ഉണ്ട് എന്ന്.കാരണം പിന്നീട് നടന്ന കൊലപാതകങ്ങളിൽ, ഇരയുടെ മുറിച്ചെടുത്ത ശരീര ഭാഗങ്ങളിൽ നിർമിച്ചെടുത്ത അതേ ഭാഗങ്ങൾ തന്നെ ചേർത്തു വച്ചിരിക്കുന്നു. അതേ, ഒരു Taxidermist ന്റെ സാന്നിധ്യം ആ കൊലപാതങ്ങളിൽ ഉണ്ടായിരുന്നു.

  എന്തായിരുന്നു അവിടെ സംഭവിക്കുന്നത്?ആരാണ് കൊലയാളി? Eyes of Crystal കണ്ടു കഴിയുമ്പോൾ അതിനു ഉത്തരം ലഭിക്കും.

 സിനിമയിലുടനീളം പലരെയും സംശയിച്ചിരുന്നു.കാരണം, കഥാപാത്രങ്ങൾ പലർക്കും ഉള്ള ദുരൂഹമായ സാഹചര്യങ്ങൾ ആയിരുന്നു. ചിത്രത്തിന്റെ അവസാനത്തോട് അടുക്കുമ്പോൾ നല്ല രീതിയിൽ അവതരിപ്പിച്ച ഒരു സൈക്കോളജിക്കൽ ത്രില്ലർ ആയി ചിത്രം തോന്നി.കൊലയാളിയുടെ ഉദ്ദേശ്യവും തികച്ചും അത്തരത്തിൽ ഒന്നായിരുന്നു.

  കുറ്റാന്വേഷണ ത്രില്ലർ ചിത്രങ്ങളുടെ കാഴ്ചക്കാർക്ക് കണ്ടു നോക്കാവുന്ന ഒന്നാണ്.

  MH Views Rating :3/5

 ചിത്രത്തിന്റെ ടെലിഗ്രാം ചാനൽ ലിങ്ക് t.me/mhviews or @mhviews എന്ന സെർച്ചിൽ  ലഭിയ്ക്കും.

  

972.La ragazza nella nebbia(Italian,2017)

972.La ragazza nella nebbia(Italian,2017)
       Mystery,Crime.

   വെറും മൂന്നൂറു മീറ്റര്‍ ദൂരത്തു എവിടെയോ വച്ചാണ് അവളെ കാണാതെ പോകുന്നത്.അവളെ ആരെങ്കിലും അപായപ്പെടുത്തുന്നതായി ആരും കണ്ടിട്ടും ഇല്ല.ബലപ്രയോഗം നടന്നതിന്റെ സൂചനകളും ഇല്ല.അപ്പോള്‍ അവളുടെ തിരോധാനത്തിനു പിന്നില്‍ അവളെ അറിയാവുന്ന ആരെങ്കിലും ആയിരുന്നിരിക്കണം.അതാകും നിശബ്ദമായി അവള്‍ അപ്രത്യക്ഷ ആയതു.ആരാണ് അയാള്‍?എന്താണ് അയാളുടെ ഉദ്ദേശം?

     "Donato Carrisi" എഴുതിയ നോവലിനെ ആസ്പദമാക്കി അദ്ദേഹം തന്നെ സംവിധാനവും തിരക്കഥയും എഴുതി അവതരിപ്പിച്ച ചിത്രമാണ് 'La ragazza nella nebbia' എന്ന ഇറ്റാലിയന്‍ ചിത്രം.തിരോധാനം അന്വേഷിക്കാന്‍, കുറ്റാന്വേഷകന്‍ വരുന്നു.'വോഗേല്‍' എന്ന  കുറ്റാന്വേഷണ വിദഗ്ധന്‍ ആണ് അന്വേഷണത്തിന്റെ ചുമതല.സിനിമയുടെ കഥ ആരംഭിക്കുന്നതും അയാളില്‍ നിന്നുമാണ്.ശരീരത്തില്‍ രക്തം പുരണ്ടു ഇരിക്കുന്ന അയാള്‍ ഇപ്പോള്‍ ഒരു മനശാസ്ത്രജ്ഞന്റെ മുന്നില്‍ ആണ്.വോഗേല്‍ അയാളോട് തന്‍റെ മനസ്സ് തുറക്കുന്നു.സങ്കീര്‍ണമായ,അയാള്‍ തന്‍റെ കഴിവുകള്‍ ഉപയോഗിച്ച് കണ്ടെത്തിയ ഒരു കേസിന്‍റെ ചുരുള്‍ അഴിയുന്നു.

  എന്നാല്‍ അവിടെ വീണ്ടും ഒരു ചോദ്യം.അയാള്‍ പറയുന്ന കഥ മുഴുവന്‍ സത്യമാണോ?മനുഷ്യ മനസ്സ് പലപ്പോഴും പ്രശ്നങ്ങളെ അഭിമുഖീകരിക്കുവാന്‍ പല വഴികളും കണ്ടെത്തും.അത് സാധാരണ എല്ലാ മനുഷ്യരുടെ കാര്യത്തിലും ഒരേ പോലെയാണ്.ഇവിടെ വോഗേല്‍ അത്തരം ഘട്ടത്തിലൂടെ ആണ് കടന്നു പോയത്.അതിനു അയാള്‍ ഉപയോഗിച്ച വഴി,ഒരു പക്ഷെ അയാളിലെ കുറ്റാന്വേഷകനെ പോലെ ചോദ്യം ചെയ്തു എന്ന് വരാം.ഇതിലും ഉപരി അയാളില്‍ നിന്നും മറഞ്ഞിരിക്കുന്ന രഹസ്യങ്ങള്‍ വേറെയും ഉണ്ടെങ്കിലോ?

  ഒരാള്‍ ,തന്‍റെ ഭാഗത്ത്‌ നിന്നും കഥ അവതരിപ്പിക്കുകയും,അതിന്റെ മറു വശം,അതും അയാളുടെ പോലും പ്രതീക്ഷകള്‍ക്കും അപ്പുറം ആയ ഒന്ന്?മിസ്റ്ററി ചിത്രം എന്ന നിലയില്‍ 'La ragazza nella nebbia' മികച്ച പ്രകടനം ആണ് കാഴ്ച വച്ചിരിക്കുന്നത്.സാധാരണ ഒരു കുറ്റാന്വേഷണ കഥയായി പോകുമ്പോള്‍ അതിന്റെ ക്ലൈമാക്സിലേക്ക് അടുക്കുമ്പോള്‍ പ്രേക്ഷകന് ഇതിലും മികച്ച ഒരു അവസാനം നല്‍കാന്‍ കഴിയില്ല.സമാന്തരമായ മറ്റൊരു വഴിയിലൂടെ വികസിക്കുന്ന കഥയ്ക്ക്‌ മറ്റൊരു കഥ ഉണ്ടാവുക.മിസ്റ്ററി ചിത്രങ്ങളുടെ ആരാധകര്‍ മറക്കാതെ കാണുക ഈ ഇറ്റാലിയന്‍ ചിത്രം.ഇഷ്ടമാകും.!!

സിനിമ എന്റെ ടെലിഗ്രാം ചാനലില്‍ ലഭ്യമാണ്.

More movie suggestions @www.movieholicviews.blogspot.ca

Telegram channel link: t.me/mhviews

963.La bestia nel cuore(Italian,2005)

963.La bestia nel cuore(Italian,2005)
        Mystery,Drama

            സ്വപ്നങ്ങളില്‍ ആണ് അവള്‍ അവ്യക്തമായ രംഗങ്ങള്‍ കാണുന്നത്.കുട്ടിയായിരുന്ന അവള്‍,അമ്മ,അച്ഛന്‍,സഹോദരന്‍.ഇവരെല്ലാം അതില്‍ ഉണ്ടായിരുന്നെങ്കിലും അസ്വാഭാവികമായി എന്തോ അതില്‍ തോന്നി തുടങ്ങി.എന്തോ ദുരൂഹത എന്നോ കണ്ടു മറന്ന ആ സംഭവങ്ങള്‍ക്ക് പിന്നിലുണ്ടെന്ന് അവള്‍ക്കു സംശയം തോന്നി.അച്ഛനും അമ്മയും മരിച്ചത് കാരണം ഉത്തരം കണ്ടെത്താന്‍ ഒരു വഴി മാത്രമേ ഉള്ളൂ.അമേരിക്കയില്‍ സ്ഥിര താമസം ആക്കിയ സഹോദരനെ കാണുക.അവളുടേത്‌ എന്ന് അവള്‍ വിശ്വസിക്കുന്ന തന്‍റെ ഭൂതക്കാലം കണ്ടത്താന്‍ അവള്‍ ശ്രമം തുടങ്ങുന്നു.

   ക്രിസ്റ്റീന കൊമെന്‍സിനി എഴുതിയ  ഇതേ പേരില്‍ ഉള്ള നോവലിനെ ആസ്പദമാക്കി അവര്‍ തന്നെ സംവിധാനം ചെയ്ത ചിത്രമാണ് 'La bestia nel cuore' a.k.a Don't Tell.സാധാരണ  രീതിയില്‍ ഉള്ള കുറ്റകൃത്യങ്ങളുടെ പിന്നില്‍ ഉള്ള രഹസ്യങ്ങള്‍ അനാവരണം ചെയ്യുന്ന ചിത്രങ്ങള്‍ ഏറെ ഉണ്ടെങ്കിലും ഈ ഇറ്റാലിയന്‍ ചിത്രം അവതരിപ്പിക്കുന്നത്‌ മനുഷ്യ ജീവിതത്തില്‍,അവരുടെ ബന്ധങ്ങളില്‍ ജീവിത സാഹചര്യങ്ങളില്‍ ഉള്ള ദുരൂഹമായ ചില കാര്യങ്ങളെ കുറിച്ചാണ്.പ്രധാന കഥാപാത്രമായ സബീന മാത്രമല്ല ഇതിലെ കഥാപാത്രങ്ങളില്‍ പലര്‍ക്കും സമാന്തരമായി തന്നെ പ്രാധാന്യമുള്ള പ്ലോട്ടുകള്‍ നല്‍കിയിട്ടുണ്ട്.

  ഫ്രാങ്കോ,എമീലിയ,മരിയ,ഡാനിയേല്‍ എന്നിവര്‍ക്കും അവരുടെ ജീവിതതിന്റെതായ ഓരോ കഥകളുണ്ട്.പ്രത്യേകം ഒരു പ്ലോട്ട് കൊടുത്ത് അസ്വാഭാവികത തോന്നിക്കാത്ത രീതിയില്‍  കഥയില്‍ തന്നെ അവര്‍ക്കും വ്യക്തമായ സ്ഥാനങ്ങള്‍ കൊടുത്തിട്ടും ഉണ്ട്.അല്‍പ്പം സങ്കീര്‍ണമായ കഥയാണ് ചിത്രത്തില്‍.കാരണം ,സാധാരണ രീതിയില്‍ നല്ലത് പോലെ പ്രേക്ഷകനെ ഇത്തരത്തില്‍ ഒരു സാഹചര്യത്തിലേക്ക് കഥാപാത്രങ്ങള്‍ മാറുന്നത് ഉള്‍ക്കൊള്ളാന്‍ എത്ര മാത്രം കഴിയും എന്നത് ചോദ്യമാണ്.നേരത്തെ പറഞ്ഞത് പോലെ ഒരു സ്ഥിരം കുറ്റകൃത്യം അനാവരണം ചെയ്യുന്നത് പോലെ അല്ല ഇത്തരം പ്രമേയങ്ങള്‍ സൃഷ്ടിക്കുന്ന Impact.അല്‍പ്പം ഗൗരവമേറിയ ഒരു മിസ്റ്ററി/ഡ്രാമ ചിത്രം കാണണം എന്ന് ആഗ്രഹം ഉള്ളവര്‍ക്ക് കണ്ടു നോക്കാവുന്ന ഒന്നാണ്.നിരൂപക പ്രശംസ ഏറെ ലഭിച്ച ചിത്രം 78 ആം അക്കാദമി പുരസ്ക്കാരങ്ങങ്ങളില്‍ മികച്ച വിദേശ ചിത്രത്തിനുള്ള നോമിനേഷന്‍ ലഭിച്ചിരുന്നു.

ചിത്രം എന്റെ ടെലിഗ്രാം ചാനലില്‍ ലഭ്യമാണ്.

t.me/mhviews

862.PERFECT STRANGERS(ITALIAN,2016)

"ഫോണുകൾ കഥ പറഞ്ഞു തുടങ്ങുമ്പോൾ!!! Perfect Strangers"

സംഭാഷണങ്ങളിലൂടെ രൂപപ്പെട്ട കഥ ആണ് ഈ ചിത്രത്തിനുള്ളത്.7 സുഹൃത്തുക്കൾ ഒരു രാത്രിയിൽ അവരിൽ ഒരാളുടെ വീട്ടിൽ ഒത്തുക്കൂടുന്നു.ചന്ദ്രഗ്രഹണം നടക്കുന്ന ആ രാത്രിയിൽ അവരിൽ പലരുടെയും ജീവിതത്തിലും ഗ്രഹണം സംഭവിക്കുന്നു.കാരണം അവർ തന്നെ താല്പര്യമെടുത്തു തുടങ്ങിയ ഒരു കളി.അന്ന് അവർ ഒത്തുക്കൂടുമ്പോൾ രഹസ്യങ്ങൾ ഒന്നുമില്ലാതെ അവരിൽ ഓരോരുത്തർക്കും അന്ന് വരുന്ന ഫോണ് കോളുകൾ,സന്ദേശങ്ങൾ തുടങ്ങി എല്ലാം പരസ്യമാക്കണം.

വളരെയധികം താല്പ്പര്യം തോന്നുന്ന പ്രമേയം.പ്രത്യേകിച്ചും മറ്റുള്ളവരുടെ രഹസ്യങ്ങളിലേക്കു കാതു കൂർപ്പിക്കാൻ ഉള്ള മനുഷ്യ സഹജമായ താൽപ്പര്യം ഈ പ്രമേയത്തെ കൂടുതൽ താൽപ്പര്യം ഉള്ളതാക്കുന്നു.അവർ കളി തുടങ്ങി.ഓരോ ഫോണും മൂടി വയ്ക്കപ്പെട്ട വ്യക്തിത്വങ്ങളുടെ മുഖമൂടി അഴിച്ചു തുടങ്ങുന്നു.പക്ഷെ തങ്ങൾക്കു ഒന്നും ഒളിക്കാൻ ഇല്ല എന്നുള്ള ഭാവത്തിന് മേൽ അവർക്കുണ്ടാകുന്ന തിരിച്ചടി ആയി മാറുന്നു ആ കളി.

ചിത്രം മുന്നോട്ടു വയ്ക്കുന്നത് മുഖ്യമായും ഫോണുകൾ മനുഷ്യ ജീവിതത്തിൽ ചെലുത്തുന്ന സ്വാധീനം ആണ്.പല ബന്ധങ്ങളും തകരുമായിരുന്നു ഒരു പക്ഷെ ഫോണുകൾക്ക് ചിന്തിക്കാൻ ഉള്ള കഴിവുകൾ ഉണ്ടായിരുന്നെങ്കിൽ.ഈ ചിത്രത്തിൽ തന്നെ കുട്ടിക്കാലം മുതൽ സുഹൃത്തുക്കൾ ആയ കഥാ പാത്രങ്ങൾ ,അന്യോന്യം അറിയുന്നതിനെക്കാളും കൂടുതൽ അവരുടെ ഫോണുകൾക്ക് അറിയാമായിരുന്നു.അങ്ങേയറ്റത്തു ഉള്ളവരിൽ പലരും ഉണ്ടാകാം.അവിഹിതം ആകാം,മകളുടെ രഹസ്യങ്ങൾ ആകാം,തനിക്കു ഇഷ്ടം തോന്നാത്ത ശരീര ഭാഗത്തു നടത്തുന്ന മാറ്റം ആകാം,വസ്ത്രധാരണത്തിലെ വൈചിത്ര്യം ആകാം അല്ലെങ്കിൽ താൻ ആരാണെന്ന് സ്വയം ഉള്ള ചോദ്യത്തിന്റെ ഉത്തരം ആകാം.എല്ലാത്തിനും എന്തിനും കാരണങ്ങൾ കാണാം ഓരോ ഫോണ് സംഭാഷണങ്ങളിലും.

ഗൗരവമേറിയ പ്രമേയം അവതരിപ്പിക്കുമ്പോഴും സിനിമ വളരെ സരളമായ രീതിയിൽ ആണ് അവതരിപ്പിച്ചിരിക്കുന്നത്.ആ മുറിക്കു വെളിയിൽ ഇറങ്ങിയ സീൻ മനുഷ്യ ജീവിതത്തിന്റെ നേർക്കണ്ണാടി ആണ്.പരസ്പ്പരം കലഹിച്ചു മനുഷ്യായുസ്സു മുഴുവനും മുഖമൂടി അണിഞ്ഞവരുടെ ഒളിവിൽ ഉള്ള ജീവിതം.വിവാഹിതൻ ആയവർക്കു കൂടുതൽ ബന്ധിപ്പിക്കാവുന്ന കണ്ണികൾ കൂടുതലുണ്ട്.

പ്രമേയത്തിലെ കൗതുകവും കഥാപാത്രങ്ങളുടെ രഹസ്യങ്ങൾ അനാവരണം ചെയ്യുന്നതൊക്കെ തീർച്ചയായതും കാണാവുന്ന ചിത്രങ്ങളുടെ കൂട്ടത്തിൽ ഉൾപ്പെടുത്തുന്നു 'പോളോ ഗെനോവേസ്' സംവിധാനം ചെയ്ത ഈ ഇറ്റാലിയൻ ചിത്രം.നിരൂപക പ്രശംസയോടൊപ്പം സാമ്പത്തിക വിജയവും ഈ ഇറ്റാലിയൻ ചിത്രം നേടിയിരുന്നു.

862.Perfect Strangers
Italian,2016
Comedy,Drama
Director: Thodoris Atheridis
Stars: Thodoris Atheridis, Smaragda Karydi, Alkis Kourkoulos

784.THE UNKNOWN WOMAN(ITALIAN,2006)

784.THE UNKNOWN WOMAN(ITALIAN,2006),|Mystery|Thriller|Drama|,Dir:-Giuseppe Tornatore,*ing:-Kseniya Rappoport, Michele Placido, Claudia Gerini.


      ഒരു സിനിമയുടെ കഥ തുടക്കം മുതല്‍ അവസാനം വരെ അവതരിപ്പിക്കുന്ന സാമ്പ്രദായിക രീതികളില്‍ നിന്നും വ്യത്യസ്തം ആണ് The Unknown Woman എന്ന ഇറ്റാലിയന്‍ ചിത്രം.കഥയില്‍ ആണ് വൈരുധ്യം കാണാന്‍ കഴിയുക.തികച്ചും അസാധാരണം ആയ നിഗൂഡത നിറഞ്ഞ കഥ.എന്നാല്‍ ചിത്രത്തിന്റെ അവസാനത്തോട് അടുക്കുമ്പോള്‍ കഥാപാത്രങ്ങള്‍ക്ക് ഒപ്പം പ്രേക്ഷകന്റെ നിലപാടും മാറി തുടങ്ങും.

 ****കഥ ചുരുക്കത്തില്‍***


    ഐറീന ആ ചെറിയ പട്ടണത്തിലേക്ക് വന്നത് ചില  ഉദ്ധേശ്യത്തോടെ ആയിരുന്നു.ആദ്യം ക്ലീനിംഗ് ജോലികള്‍ ചെയ്തു തുടങ്ങിയ അവള്‍ തന്‍റെ ലക്‌ഷ്യത്തിലേക്ക് എത്തുവാന്‍ ആയുള്ള കാര്യങ്ങള്‍ ചെയ്തു തുടങ്ങുന്നു.അവിടെ ഉള്ള ഒരു വീട്ടില്‍ കയറുക എന്നതായിരുന്നു അവളുടെ ലക്‌ഷ്യം.സമ്പന്നമായ ആ കുടുംബത്തില്‍ അവള്‍ക്കു താല്‍പ്പര്യം തോന്നാന്‍ കാരണങ്ങളും ഉണ്ട്.അതിനായി അവള്‍ ഒരുക്കുന്ന വഴികള്‍ ചില സമയങ്ങളില്‍ അപകടകരം ആയി മാറുന്നുണ്ട്.നേരത്തെ അവിടെ ജോലി ചെയ്തിരുന്ന സ്ത്രീയെ അവള്‍ ക്രൂരമായി ഒഴിവാക്കി.ആ വീട്ടില്‍ കടന്നു കൂടിയ അവള്‍ അവിടെ ഉള്ളവരുടെ വിശ്വാസം നേടുന്നു.അവിടെ ഉള്ള കൊച്ചു കുട്ടിയ ആ തിയില്‍ ദുരൂഹമായ ഒരു ബന്ധം അവള്‍ക്കുണ്ടായിരുന്നു.അത് എന്താണെന്ന് അറിയാന്‍ ബാക്കി ചിത്രം കാണുക.



  ***സിനിമയെക്കുറിച്ച്***

  ഐറീന ഓരോ നിമിഷവും ജീവിച്ചു തീര്‍ക്കുന്നത് അവളുടെ ഭൂതക്കാലത്തിലെ ഓര്‍മകളിലൂടെ ആണ്.ഒരു വേശ്യയായി ജീവിക്കുന്ന അവളുടെ പ്രണയവും,പിന്നീട് അവളുടെ ജീവിതത്തില്‍ സംഭവിച്ച ദുരിതങ്ങളില്‍ നിന്നും എല്ലാം രക്ഷപെടാന്‍ അവള്‍ കഴിയുന്നതും ശ്രമിക്കുന്നുണ്ട്.അവളുടെ ജീവിതം ക്രൂരമായ രീതിയില്‍ ഉപയോഗിക്കുന്ന പിമ്പിനെ അവള്‍ നേരിടുന്നതും അവളുടെ പ്രിയപ്പെട്ടവന്റെ മരണവും,അവള്‍ അന്വേഷിച്ചു ഇറങ്ങുന്ന സ്വന്തം ചോരയും എല്ലാം അവളുടെ ജീവിതത്തില്‍ ഇഴകി ചേര്‍ന്നിരിക്കുന്നു.

  വര്‍ഷങ്ങള്‍ക്കു ശേഷം അവള്‍ നടത്തുന്ന അന്വേഷണം അപകടം നിറഞ്ഞത്‌ ആണെന്ന് അവള്‍ക്കു അറിയാമായിരുന്നെങ്കിലും അവള്‍ക്കു സ്വന്തം ജീവിതത്തിലെ അവസാന പ്രതീക്ഷ അത് മാത്രമായിരുന്നു.അതിനായി ഏതു രീതിയും സ്വീകരിക്കാന്‍ അവള്‍ ഒരുക്കമായിരുന്നു.ഏറെക്കുറെ അവള്‍ അതില്‍ പലതിലും വിജയിച്ചുവെങ്കിലും സിനിമയുടെ അവസാന നിമിഷങ്ങളില്‍ അവളെ കാത്തിരുന്നത് നാടകീയമായ മറ്റു ചില സത്യങ്ങള്‍ ആയിരുന്നു.ലക്‌ഷ്യം മുന്നില്‍ ഉണ്ടെങ്കിലും അതില്‍ ഉണ്ടാകുന്ന പാകപ്പിഴകള്‍ അവളുടെ സമനില പോലും തെറ്റിച്ചിരിക്കാം.

  ദുരൂഹതകള്‍ ഏറെ നിറഞ്ഞ കഥാപാത്രങ്ങളും അത് പോലെ തന്നെ ദുരൂഹതകള്‍ ഏറെ നിറഞ്ഞ കഥയും ആണ് The Unknown Woman (La sconosciuta) യിലൂടെ Giuseppe Tornatore അവതരിപ്പിക്കുന്നത്‌.മിസ്റ്ററി/ത്രില്ലര്‍ ചിത്രങ്ങളുടെ ആരാധകര്‍ക്ക് തീര്‍ച്ചയായും നല്ലൊരു സിനിമ കാഴ്ച ആയിരിക്കും ഈ ഇറ്റാലിയന്‍ ചിത്രം.

655.LIFE IS BEAUTIFUL(ITALIAN,1997)

655.LIFE IS BEAUTIFUL(ITALIAN,1997),|Comedy|Drama|,Dir:-Roberto Benigni,*ing:-Roberto Benigni, Nicoletta Braschi, Giorgio Cantarini .


   നാസി  ഭീകരത   മനുഷ്യ  രാശിക്ക്  ഏല്‍പ്പിച്ച   ആഘാതങ്ങള്‍  പലപ്പോഴും  സിനിമകളിലൂടെ  അവതരിപ്പിക്കപ്പെട്ടിടുണ്ട്.ശരിക്കും  ഒരു പക്ഷെ  ആണ്  നടന്നേക്കവുന്നതിന്റെ  അത്ര  തീവ്രത  അതെപ്പടി  അവതരിപ്പിക്കാന്‍  ആര്‍ക്കും  കഴിയും  എന്ന്  തോന്നുന്നില്ല.Schindler's List  പോലെ  ഒക്കെ ഉള്ള  ചിത്രങ്ങളെ  ഒന്നും മാറ്റി  നിര്‍ത്തി  അല്ല  ഇത്  പറയുന്നത്.മരണം  യഥാര്‍ത്ഥത്തില്‍  ആ  സിനിമ  ഫ്രെയിമുകളില്‍  ഉള്ളതിലും  ഭീകരം  ആകും.ആ  ഭീകരതകള്‍ക്ക്  അപ്പുറം  പ്രതീക്ഷ  നല്‍കുന്ന  ഒന്നും  ഇല്ലാതിരുന്ന  ജനതയില്‍  വ്യത്യസ്തന്‍  ആയി  മാറിയ  ഗിഡോയുടെ  കഥയാണ്  Life  Is Beautiful അവതരിപ്പിക്കുന്നത്‌.

   സംവിധായകന്‍  ആയ റോബര്‍ട്ടോ  ബെനിനി  ആണ്  ഈ  ചിത്രത്തിലെ  നായകകഥാപാത്രം  ആയ  ഗിഡോയെ  അവതരിപ്പിച്ചിരിക്കുന്നത്.ഗിഡോ  രസികന്‍  ആയിരുന്നു.അയാളുടെ  പ്രണയം,ജീവിതം,പ്രശ്നങ്ങള്‍  എല്ലാം  സരസമായി.രസകരമായി  നോക്കി  കണ്ട  ഒരാള്‍.ശരിക്കും  അങ്ങനെ  ഒരു  മനുഷ്യനായി  ജീവിക്കുന്നത്  ആണ്  ഏറ്റവും സുഖം  എന്ന് പ്രേക്ഷകന്   പലപ്പോഴും  തോന്നിപ്പോകും.തന്റെ  പ്രണയത്തില്‍  പോലും  അയാള്‍  ഈ  രീതി  ആണ്  സ്വീകരിച്ചത്.ഗിഡോ  എന്നാല്‍  ഒരു  ദിവസം  തന്റെ  ജീവിതത്തിലെ  ഏറ്റവും  വലിയ  പ്രതിസന്ധിയെ  അഭിമുഖീകരിക്കുന്നു.മനുഷ്യനായി  ജനിച്ച  ആരും  പതറി  പോകുന്ന  നിമിഷം.മനുഷ്യന്  നേരെ  വന്ന  ഏറ്റവും  വലിയ  ഭീഷണിയുടെ  ഇരയാകാന്‍  അയാള്‍ക്കും  അയാളുടെ  കുടുംബത്തിനും  സാഹചര്യം  വരുന്നു.ആ  അവസ്ഥയെ  അയാള്‍  എങ്ങനെ  നേരിട്ടു  എന്നതാണ്  ചിത്രം  അവതരിപ്പിക്കുന്നത്‌.

    ചെറിയ  കള്ളങ്ങള്‍,ഉപദ്രവകരമല്ലാത്ത  ചില  കള്ളങ്ങള്‍ക്ക്‌  പ്രതീക്ഷകളുടെയും  ഒപ്പം  അസ്തമിക്കാത്ത  പുഞ്ചിരിയുടെയും  നിറങ്ങള്‍  നല്‍കാന്‍  സാധിക്കും.ഗിഡോയുടെ കാര്യവും  അങ്ങനെ  ആയിരുന്നു.അയാളെ  ആ കാര്യത്തില്‍  പെരുങ്കള്ളന്‍  എന്ന്  വിളിക്കാം.കാരണം  ഗിഡോ  അതില്‍  സമര്‍ത്ഥന്‍  ആയിരുന്നു.ചിത്രത്തിന്റെ  അവസാനം  പ്രേക്ഷകന്റെ  മനസ്സില്‍  ഉണ്ടാകുന്ന   ആ  വികാരം  ഒരു  സിനിമ എന്ന  നിലയില്‍  നിന്നും  മറ്റെന്തൊക്കെയോ  ആയി  മാറ്റുന്നു.ചില  സിനിമകള്‍  അങ്ങനെയാണ്.രസിപ്പിക്കുക  മാത്രമല്ല  അവയുടെ  ധര്‍മം  എന്ന്  ചിലര്‍ക്കെങ്കിലും  തോന്നിപ്പിക്കും. മികച്ച  അഭിനേതാവിനും,മികച്ച  വിദേശ  ഭാഷ  ചിത്രത്തിനും,മികച്ച  പശ്ചാത്തല  സംഗീതത്തിനും ഓസ്ക്കാര്‍  പുരസ്ക്കാരം  ഈ  ചിത്രത്തിന്  ലഭിച്ചിരുന്നു.ഇറ്റാലിയന്‍  സിനിമയിലെ  ഏറ്റവും  മികച്ച  സിനിമകളില്‍ ഒന്ന്  തന്നെയാണ്  Life Is Beautiful.

More movie suggestions @www.movieholicviews.blogspot.com

634.THE GIRL BY THE LAKE(ITALIAN,2007)

634.THE GIRL BY THE LAKE(ITALIAN,2007),|Mystery|Drama|,Dir:-Andrea Molaioli,*ing:-Toni Servillo, Denis Fasolo, Nello Mascia.


    ഇറ്റാലിയന്‍  സിനിമയുടെ  ഭംഗി  മുഴുവന്‍  ഒപ്പിയെടുത്ത ഒരു മിസ്റ്ററി  ചിത്രം  ആണ്  The Girl By The Lake.ആ കൊച്ചു  ഗ്രാമം  അന്നും  ശാന്തമായി  തന്നെ  ഉണര്‍ന്നൂ,ഒരു  കൊച്ചു  പെണ്‍ക്കുട്ടിയെ കാണാതായി  എന്നുള്ള  പരാതി   പോലീസിനു  ലഭിക്കുന്നതില്‍  നിന്നും  ആണ്  ചിത്രം  ആരംഭിക്കുന്നത്.വളുടെ തിരോധാനം  ആ ചെറിയ  ഗ്രാമത്തില്‍  സംസാരവിഷയം  ആയി.എല്ലാവരും  അവള്‍ക്കു  വേണ്ടി  അന്വേഷണം ആരംഭിക്കുന്നു.അവസാനം  അവള്‍  തരിച്ചു  വരുന്നു.

   മരിയോ   എന്ന  യുവാവിന്റെ  കൂടെ  അയാളുടെ  വളര്‍ത്തു  മുയലുകളെ  കാണാന്‍  ആണ്  അവള്‍  പോയതെന്ന്  പറയുന്നു.മരിയോ  ആ  കുട്ടിയെ  ഉപദ്രവിചിട്ടുണ്ടോ  എന്നാ അന്വേഷണത്തിന്റെ  ഇടയില്‍  ആണ്  അവള്‍  ആ രഹസ്യം  പറയുന്നത്.ഗ്രാമത്തിലെ  തടാകത്തിന്റെ അടുക്കല്‍  കണ്ട ഒരു  പെണ്‍ക്കുട്ടിയുടെ  ശവശരീരത്തെ  കുറിച്ച്.

   ബുദ്ധി  വളര്‍ച്ച  കുറവായ  മരിയോയും  ആയി  ഈ മരണത്തിനു  ബന്ധം  ഉണ്ടോ  എന്ന  അന്വേഷണം  തുടങ്ങുന്നു.ആ  ചെറിയ  ഗ്രാമത്തില്‍  ഉള്ള  കുറച്ചു  കുടുംബങ്ങളിലും  ആളുകളിലും  മാത്രം  ഒതുങ്ങുന്ന  അന്വേഷണം.എന്നാല്‍  ശാന്തമായ  ആ കൊച്ചു  ഗ്രാമത്തില്‍  ദുരൂഹമായി  ഒളിച്ചിരിക്കുന്ന  രഹസ്യങ്ങള്‍  പലതും  ഉണ്ടായിരുന്നു.ആ  രഹസ്യങ്ങള്‍  അനാവരണനം  ചെയ്യുകയാണ്  ഈ ചിത്രത്തില്‍.പതിഞ്ഞ  താളത്തില്‍ പോവുകയും  പെട്ടന്ന്  തന്നെ  അവിചാരിതമായി  കഥാഗതി  മാറുകയും  ചെയ്യുന്ന  ഈ ചിത്രം  മികച്ചത്  തന്നെയാണ്.


More movie suggestions @www.movieholicviews.blogspot.com

316.BICYCLE THIEVES(ITALIAN,1948)

316.BICYCLE THIEVES(ITALIAN,1948),|Drama|,Dir:-Vittorio De Sica,*ing:-Lamberto Maggiorani, Enzo Staiola, Lianella Carell.

  ബൈസിക്കിള്‍ തീവ്സ്-പ്രത്യേകിച്ച് മുഖവുര വേണ്ടാത്ത ചിത്രം.ക്ലാസിക് ചിത്രങ്ങള്‍ കാണാന്‍ തുടങ്ങുന്ന സമയം ആദ്യ സിനിമ കാഴ്ചകളില്‍ ഒന്നായിരിക്കും പലര്‍ക്കും ഇത്.മികച്ച ആദ്യ സിനിമ നിര്‍ദേശങ്ങളില്‍ പലരും പറഞ്ഞു കൊടുക്കുന്ന ഒരു മനോഹര ചിത്രം ആണ് വിട്ടോരിയോ സംവിധാനം ചെയ്ത ഈ ഇറ്റാലിയന്‍ ചിത്രം.കേരള അന്താരാഷ്‌ട്ര ചലച്ചിത്ര മേള കോട്ടയത്തില്‍ ഇന്നലെ പ്രദര്‍ശിപ്പിച്ചിരുന്നു ഈ ചിത്രം.പണ്ട് സി ഡി യില്‍ കണ്ട ഈ ചിത്രം വലിയ സ്ക്രീനില്‍ കാണാന്‍ കിട്ടിയ അവസരം വിനിയോഗിക്കുകയും ചെയ്തു എന്നെ പോലെ പലരും.മലയാളം സബ് ടൈറ്റിലുകള്‍ ആയിരുന്നു ചിത്രത്തിന് ഉണ്ടായിരുന്നത്.ശരിക്കും തിയറ്ററില്‍ വിളക്കുകള്‍ അണച്ചപ്പോള്‍ വേറെ ഒരു കാലഘട്ടത്തില്‍ ഇരുന്നു ഒരു ബ്ലാക്ക് ആന്‍ഡ് വൈറ്റ് ചിത്രം കണ്ട അനുഭവം ആണ് ലഭിച്ചത്.

  രണ്ടാം ലോക മഹായുദ്ധത്തിനു ശേഷം സാമ്പത്തികമായി തകര്‍ന്ന ഇറ്റലിയുടെ ജനങ്ങളുടെ ജീവിതം ആണ് ചിത്രം അവതരിപ്പിക്കുന്നത്‌.ആ കാലഘട്ടത്തില്‍ തൊഴിലില്ലായ്മ കൂടുകയും ജനങ്ങളുടെ ജീവിതം ദുരിതത്തില്‍ ആവുകയും ചെയ്യുന്നു.റിച്ചി തന്‍റെ ഭാര്യ മറിയയും മകനായ ബ്രൂണോയും കൊച്ചു കുട്ടിയും ആയി ആണ് ജീവിക്കുന്നത്.തൊഴിലില്ലായ്മ ഉയര്‍ന്ന ആ സമയത്ത്  കൗണ്‍സില്‍ നല്‍കിയ ജോലി ചെയ്യണം എങ്കില്‍ ഒരു സൈക്കിള്‍ അത്യാവശ്യം ആയിരുന്നു റിചിക്ക്.എന്നാല്‍ അതിനുള്ള തുക കണ്ടെത്താന്‍ അയാള്‍ക്ക്‌ കഴിയുന്നില്ല.പുതപ്പുകളുടെ ആവശ്യം ഇല്ലല്ലോ എന്ന് പറഞ്ഞു മരിയ അത് വില്‍ക്കുന്നു.അങ്ങനെ റിചിക്ക് സൈക്കിള്‍ വാങ്ങാന്‍ ഉള്ള പണം ലഭിക്കുന്നു.കൌണ്‍സിലില്‍ നിന്നും കിട്ടിയ തൊപ്പി ഭാര്യയെ കൊണ്ട് ചെറുതാക്കിയും ബ്രൂണോയെ കൊണ്ട് സൈക്കിള്‍ തുടപ്പിച്ചും അടുത്ത ദിവസം റിച്ചി സന്തോഷത്തോടെ ജോലിക്ക് പോകുന്നു.എന്നാല്‍ ആദ്യ ദിവസം തന്നെ അയാളുടെ ജീവിതത്തില്‍ ദുരിതം സംഭവിക്കുന്നു.തന്‍റെ ജോലി നിലനിര്‍ത്താന്‍ ആവശ്യം ആയ സൈക്കിള്‍ ഒരാള്‍ മോഷ്ടിക്കുന്നു.സൈക്കിള്‍ ഇല്ലെങ്കില്‍ ജോലി നഷ്ടം ആകും എന്നാ അവസ്ഥയില്‍ റിച്ചിയും കൂട്ടുകാരും ബ്രൂനോയും കൂടി ആ സൈക്കിള്‍ അന്വേഷിച്ചു ഇറങ്ങുന്നു.അതിനു ശേഷം നടക്കുന്ന സംഭവങ്ങള്‍ ആണ് ബാക്കി കഥ.

  ഇറ്റാലിയന്‍ നിയോ റിയലിസ്റ്റിക് ചിത്രമായ ബൈസിക്കിള്‍ തീവ്സ് ആകര്‍ഷകം ആക്കുന്നതില്‍ ബ്രൂണോയ്ക്ക് നല്ല സ്ഥാനം ഉണ്ട്.ഒന്ന് നിന്നിട്ട് ഓടുന്ന ബ്രൂണോ രിചിയെ പിന്തുടരുന്ന ഭാഗങ്ങള്‍ ഒക്കെ ചിരിയുണര്‍ത്തും. അത് പോലെ ജ്യോതിഷിയുടെ അടുത്ത് പോകുന്ന ഭാര്യയെ പരിഹസിക്കുന്ന റിച്ചിയുടെ പിന്നീടുള്ള പ്രവൃത്തി ഒരു ദുരിതം ഉണ്ടാകുമ്പോള്‍ മനുഷ്യ മനസ്സ്ത്തി എത്ര മാത്രം അസ്ഥിരം ആകുന്നു എന്നും കാണിക്കുന്നു. ചിത്രത്തിന്‍റെ അവസാനം സാധാരണ സിനിമകളിലെ പോലെ ഒരു ക്ലൈമാക്സില്‍ പോകുന്നതിനു പകരം ജീവിതത്തില്‍ സംഭവിക്കാവുന്ന ഒന്നിലേക്ക് ആണ് ചിത്രം പോകുന്നത്.ബ്രൂണോയ്ക്ക് മാതൃകയാകേണ്ട റിച്ചിയുടെ പ്രവൃത്തിയെ ന്യായീകരിക്കാതെ മനസ്സിനെ  നൊമ്പരപ്പെടുത്തി ചിത്രം അവസാനിക്കുമ്പോള്‍ ആ ജനക്കൂട്ടത്തിന്റെ ഒപ്പം പ്രേക്ഷകനും ഒഴുകി പോകുന്ന ഒരു അനുഭവം ആണ് ഉണ്ടാവുക.

more suggestions @www.movieholicviews.blogspot.com

287.CADAVERI EXCELLENTI(ITALIAN,1976)

287.CADAVERI EXCELLENTI(ITALIAN,1976),|Thriller|Crime|Mystery|,Dir:-Francesco Rosi,*ing:-Lino Ventura, Tino Carraro, Marcel Bozzuffi .

 രാഷ്ട്രീയമായും സാമൂഹികമായും അസ്ഥിരത ഇറ്റലിയില്‍ ഉണ്ടായിരുന്ന കാലഘട്ടത്തില്‍ ആണ് ചിത്രത്തില്‍ അവതരിപ്പിക്കുന്ന  സംഭവങ്ങള്‍ നടക്കുന്നത്.സമൂഹത്തിലെ ഏറ്റവും ഉയര്‍ന്ന തട്ടില്‍ തങ്ങള്‍ ആണെന്ന്  സ്വയം അഭിമാനിക്കുന്ന ന്യായാധിപന്മാരും അവര്‍ എല്ലാം തന്നെ മാഫിയ ആണെന്ന് ആരോപിക്കുന്ന യുവ ജനങ്ങളും തമ്മില്‍ ഉള്ള  സാമൂഹിക അരക്ഷിതാവസ്ഥയും.അതോടൊപ്പം വലതു പക്ഷ സര്‍ക്കാരും അവരെ എതിര്‍ക്കുന്ന കമ്യൂണിസ്റ്റ് പാര്‍ട്ടിയും അന്നത്തെ രാഷ്ട്രീയത്തെ ഗ്രസിച്ചിരുന്നു.

  ആ സമയത്താണ് അടുപ്പിച്ചടുപ്പിച്ച് ന്യായാധിപന്മാര്‍ കൊല്ലപ്പെട്ടു തുടങ്ങിയത്.മരിച്ചവര്‍ ഒക്കെയും കോടതികളിലെ മുതിര്‍ന്ന ന്യായാധിപന്മാരും ആയിരുന്നു.വര്‍ഗാസ്‌ എന്ന ന്യായാധിപന്റെ കൊലപാതകത്തിന് ശേഷം മറ്റു രണ്ടു ജഡ്ജിമാര്‍ കൂടി കൊല്ലപ്പെടുന്നു.കേസന്വേഷണം രോഗാസ് എന്ന മുതിര്‍ന്ന പോലീസ് ഉദ്യോഗസ്ഥന്‍ ആണ് ഏറ്റെടുത്തത്.റോഗാസ് അന്വേഷിച്ചു തുടങ്ങുമ്പോള്‍ ആദ്യം അന്വേഷിക്കുന്നത് ഈ കൊലപാതകങ്ങള്‍ തമ്മില്‍ ബന്ധിപ്പിക്കുന്ന ഒരു കണ്ണി ആയിരുന്നു.മരിച്ചവര്‍ എല്ലാം ഏറെ കുറെ ഒരേ രീതിയില്‍ ആണ് കൊല്ലപ്പെട്ടത്.റോഗാസ് ഇവര്‍ എല്ലാം ഒരുമിച്ചു വിധി എഴുതിയ കേസുകളിലേക്ക് അന്വേഷണം തിരിക്കുന്നു.റോഗാസ് കൊല്ലപ്പെട്ട ജഡ്ജിമാര്‍ കുറ്റവാളികള്‍ എന്ന്  വിധി എഴുതുകയും പിന്നീട് ആ വിധി തെറ്റായിരുന്നു എന്ന് പിന്നീട് മനസ്സിലാക്കുകയും ചെയ്ത മൂന്നു കേസുകളുടെ പുറകെ പോകുന്നു.

റോഗാസിന്റെ അഭിപ്രായത്തില്‍ ഈ കേസില്‍ ഉള്‍പ്പെട്ട ആരോ ഒരാള്‍ ആണ് ഈ പരമ്പര കൊലപാതകങ്ങളുടെ പിന്നില്‍ എന്നാണു.റോഗാസിന്റെ പിന്നീടുള്ള അന്വേഷണവും അദൃശ്യനായ കൊലയാളിയെ തേടുമ്പോള്‍ ആ കേസിന് മറ്റൊരു മുഖം നല്‍കാന്‍ ശ്രമിക്കുന്ന കുറച്ചു അവിശുദ്ധ കൂട്ടുകളിലേക്കും കഥ തിരിയുന്നു.വളരെ നല്ല ഒരു ത്രില്ലര്‍ ആണ് ഈ ഇറ്റാലിയന്‍ ചിത്രം.പ്ലോട്ട് എന്താണോ അവതരിപ്പിക്കുന്നത്‌,അതിലും മുകളില്‍ ഈ ചിത്രത്തിന് പറയാനായി ഉണ്ട്.ത്രില്ലര്‍ ചിത്രങ്ങളുടെ സ്നേഹികള്‍ കണ്ടിരിക്കേണ്ട ഒരു ക്ലാസിക് ആണ് ഈ ചിത്രം.

More movie suggestions @www.movieholicviews.blogspot.com

109.TEOREMA(ITALIAN,1968)

109.TEOREMA(ITALIAN,1968),|Mystery|Drama|,Dir:-Pier Paolo Pasolini,*ing:-Silvana Mangano, Terence Stamp, Massimo Girotti

 "Teorema" നിഗൂഡമായി ഒരു കുടുംബത്തിലേക്ക് അതിഥിയായി വന്ന ഒരു യുവാവ് ആ കുടുംബത്തില്‍ ഉള്ളവരില്‍ നല്‍കിയ സന്തോഷങ്ങളും അതിനു ശേഷം അവരില്‍ ഉണ്ടാക്കിയ മാറ്റങ്ങളുടെയും കഥ പറയുന്നു.ഒരു മിസ്റ്ററി സിനിമ എന്ന നിലയില്‍ വളരെയധികം സാധ്യതകള്‍ പ്രേക്ഷകന് മുന്നില്‍ തുറന്നിടുന്നുണ്ട് ഈ ചിത്രം.ഇറ്റലിയില്‍ ഉള്ള ഒരു സമ്പന്ന കുടുംബത്തില്‍ ഒരു അതിഥി എത്തുന്നു.അതിഥി എന്ന് മാത്രം ആണ് ആ കഥാപാത്രത്തിനെ സിനിമയില്‍ വിശേഷിപ്പിച്ചിരിക്കുന്നത്.ഇറ്റലിയിലെ സമ്പദ് വ്യവസ്ഥയില്‍ ഉന്നത സ്വാധീന ഉള്ള ആ കുടുംബത്തില്‍ ഉണ്ടായിരുന്നത് ഗൃഹനാഥനും,ഗൃഹനാഥയും അവരുടെ രണ്ടു കുട്ടികളും ഒരു വേലക്കാരിയും ആയിരുന്നു.സുമുഖനായ ആ അതിഥി അവരുടെ ജീവിതത്തില്‍ ഒരു പ്രത്യേക സ്ഥാനം നേടിയെടുത്തു.അല്ലെങ്കില്‍ ആ കുടുംബത്തെ ഒന്നടങ്കം വശീകരിച്ചു.അവരും ആയി ശാരീരികവും മാനസികവും ആയ അടുപ്പം അയാള്‍ ഉണ്ടാക്കി എടുക്കുന്നു. 

   ദൈവഭക്തയായ വേലക്കാരിയെ ആത്മഹത്യയില്‍ നിന്നും രക്ഷിക്കുന്നു.പിന്നീട് ജീവിതത്തില്‍ ഒരു അര്‍ത്ഥവും ഇല്ലാതെ ജീവിച്ച അവരുടെ മകനെ ആശ്വസിപ്പിക്കുന്നു.പിന്നീട് കുടുംബ ജീവിതത്തില്‍ തൃപ്തി ഇല്ലാത്ത ഗൃഹനാഥ അയാളില്‍ ആശ്വാസം കണ്ടെത്തുന്നു.കുട്ടിത്തം മാറാത്ത തന്നിഷ്ടക്കാരിയായ മകള്‍ക്ക് ജീവിതവും പഠിപ്പിച്ചു കൊടുക്കുന്നു.ഏറ്റവും പ്രധാനമായത് അയാള്‍ ഇവരുടെ എല്ലാം കൂടെ കിടപ്പറ പങ്കിട്ടു എന്നതാണ്.അസുഖം വന്ന ഗൃഹനാഥന്‍ അയാളുടെ സാമീപ്യത്തില്‍ സുഖപ്പെടുന്നു.എന്നാല്‍ പെട്ടന്നൊരു ദിവസം ഒരു അയാള്‍ തിരിച്ചു പോകുന്നു.അയാളുടെ തിരിച്ചു പോക്ക് അവരില്‍ എല്ലാം മാറ്റങ്ങള്‍ ഉണ്ടാക്കുന്നു.ഒരു പ്രത്യേകതരം അവസ്ഥയിലേക്ക് അവര്‍ എല്ലാം മാറുന്നു.ഓരോരുത്തരും അവരുടെ ജീവിതത്തില്‍ പലതും ആയി മാറുന്നു;അയാളുടെ വരവിനു മുന്‍പ് ഉണ്ടായിരുന്നവരെ അല്ല പിന്നീട് കാണുന്നത്.അയാള്‍ യഥാര്‍ത്ഥത്തില്‍ ആരായിരുന്നു??അയാള്‍ ദൈവം ആയിരുന്നോ??അതോ ചെകുത്താനോ??കാരണം അവരില്‍ ഉണ്ടാക്കിയ മാറ്റങ്ങള്‍ അത്രയ്ക്കും വലുതായിരുന്നു.അവരുടെ ജീവിതത്തില്‍ ഉണ്ടായ മാറ്റങ്ങളും എല്ലാം ബാക്കി സിനിമ അവതരിപ്പിക്കുന്നു.

  വ്യത്യസ്തമായ ആഖ്യാന രീതി ആണ് ഈ ചിത്രത്തില്‍ സംവിധായകന്‍ പസോളിനി സ്വീകരിച്ചിരിക്കുന്നത്.സുമുഖനായ ദൈവ (ചെകുത്താന്‍) സമാനനായ യുവാവിനെ അവതരിപ്പിച്ചിരിക്കുന്നത് ടെറന്‍സ്‌ സ്റ്റാമ്പ് ആയിരുന്നു.വളരെയധികം വിമര്‍ശനങ്ങള്‍ ഏറ്റ് വാങ്ങിയിരുന്നു ഈ ചിത്രം.പ്രധാനമായും ഈ ചിത്രം അവതരിപ്പിച്ചിരിക്കുന്ന പ്രമേയം തന്നെ.ദൈവ വിശ്വാസ സങ്കല്‍പ്പങ്ങളെ അനുകൂലിക്കുകയോ പ്രതികൂലിക്കുകയോ എല്ലാം ഈ ചിത്രം ചെയ്യുന്നുണ്ട്.അത് കാഴ്ചക്കാരന്റെ കണ്ണില്‍ വ്യത്യസ്തപ്പെടും എന്ന് മാത്രം.സ്ഫോടനാത്മകമായ ആശയം പറയുന്ന ഈ ചിത്രം എല്ലാവര്ക്കും ദഹിക്കണം എന്നില്ല.കാരണം വ്യത്യസ്തമായ അവതരണ രീതി തന്നെ.എന്തായാലും അല്‍പ്പം ആലോചിച്ചിട്ടാണ് എങ്കിലും ഈ ചിത്രം കഴിയാവുന്നത്ര മനസ്സിലാക്കുവാന്‍ ശ്രമിച്ചിട്ടുണ്ട്.ഞാന്‍ ഈ ചിത്രത്തിന് നല്‍കുന്ന മാര്‍ക്ക് 8/10!!

 More reviews @ www.movieholicviews.blogspot.com