1573. Murk (Danish, 2005)

 

1573. Murk (Danish, 2005)
          Mystery, Thriller.

വിവാഹ ദിവസം വൈകുന്നേരം തന്നെ ബാത്ത് ടബ്ബിൽ ശരീരം ആകെ മുറിച്ചു ആത്മഹത്യ ചെയ്യുന്ന നവ വധു. അവളുടെ മരണം ആത്മഹത്യ ആയി എല്ലാവരും കരുതിയെങ്കിലും ജേർണലിസ്റ്റ് ആയ അവളുടെ സഹോദരൻ യാക്കോബിനു അത് ഒരു കൊലപാതകം ആയിട്ടാണ് തോന്നിയത്. തങ്ങൾക്കു അറിയാത്ത എന്തെങ്കിലും ഒന്ന് ഈ മരണത്തിനു പിന്നിലുണ്ടോ എന്ന് പോലും ദുരൂഹത നിലനിൽക്കുന്നുണ്ട് എന്നയാൾ  സംശയിക്കുന്നു .കൊലപാതകം ആണെങ്കിൽ അത് എങ്ങനെ എന്ന ചോദ്യത്തിന് ഉത്തരമില്ല. ആരാണെന്നുള്ള ഊഹം ഉണ്ടെങ്കിലും അതിനുള്ള തെളിവുകൾ ഇല്ല. പക്ഷെ സംശയങ്ങൾക്ക് ഉള്ള ഉത്തരങ്ങൾ തേടി യാക്കോബ് യാത്ര പോവുകയാണ്. സിനിമ കാണുന്ന പ്രേക്ഷകന്റെ പ്രശ്നവും യാക്കോബിന്റെ പ്രശ്നവും ഇതാണ്. കൊലയാളി ഇന്ന ആൾ ആണെന്ന് നമുക്കും തോന്നും. പക്ഷെ തെളിവുകൾ എങ്ങനെ ലഭിക്കും?

സ്‌ക്രീനിൽ വളരെ സൗമ്യനായ ഒരാളോട് അത്രയേറെ വെറുപ്പ്‌ സിനിമ കണ്ടു കൊണ്ടിരിക്കുമ്പോൾ ഉണ്ടാവുക. അങ്ങനെ ഒരു കഥാപാത്രം ആണ്‌ Murk എന്ന ഡാനിഷ് സിനിമയുടെ ഹൈലൈറ്റ്. എന്നേ സംബന്ധിച്ച് ആ ഒരു കഥാപാത്രം വളരെ നെഗറ്റീവ് ആയ ഒരു ഫീൽ ആണ്‌ നൽകിയത് സിനിമ മുഴുവൻ. യാക്കോബിന്റെ ചിന്തകൾ തെറ്റാണോ ശരിയാണോ എന്ന് കരുതുമ്പോഴും നായകൻ ചിന്തിക്കുന്നത് എപ്പോഴും ശരി ആയിരിക്കും എന്നുള്ള ചിന്തയിൽ നമ്മളും പോവുകയാണ്.

ഒരു ചെറിയ കഥയിൽ നിന്നും നിഗൂഢതകൾ ഏറെ നിറഞ്ഞ കഥ പരിസരങ്ങളിലേക്ക് സിനിമ പോകുന്നുണ്ട്. അവിടെ ആണ്‌ സിനിമ ഒരു മിസ്റ്ററി ത്രില്ലർ ആയി മാറുന്നതും.രഹസ്യങ്ങൾ ഓരോന്നായി ചുരുളഴിയുമ്പോൾ ആണ്‌ ചില കഥാപാത്രങ്ങൾക്ക് പ്രേക്ഷകനിൽ ഉണ്ടാക്കാൻ പോകുന്ന സ്വാധീനം മനസ്സിലാകുന്നതും.

സ്‌ക്രീനിലെ വയലൻസിനു അപ്പുറം നൽകുന്ന ഒരു ഹൊറർ ഫീൽ ചിത്രത്തിൽ കാണാം. വെറുതെ ഇരുന്നു കണ്ടു തുടങ്ങിയ ഒരു സിനിമയുടെ സ്വഭാവം മാറിയത് തന്നെ നന്നായി തോന്നി. കഴിയുമെങ്കിൽ കണ്ടു നോക്കുക.എനിക്ക് ഇഷ്ടമായി.

സിനിമയുടെ ഡൌൺലോഡ് ലിങ്ക് t.me/mhviews1 ൽ ലഭ്യമാണ്

1563. The Green Butchers (Danish, 2003)

 

1563. The Green Butchers (Danish, 2003)
          Comedy, Horror

  സ്വന്തമായി ഇറച്ചി വിൽക്കുന്ന സ്ഥാപനം  തുടങ്ങിയിട്ടും ആരും ഒന്നും വാങ്ങാൻ  വരാത്തപ്പോൾ യാദൃച്ഛികമായി അവർ വിറ്റ  മനുഷ്യ മാംസം ഒരു കൊച്ചു പട്ടണത്തിൽ  വലിയ വിജയംആയി മാറി. ആളുകൾ ചിക്കൻ ആണെന്ന് പറഞ്ഞു വാങ്ങി കൊണ്ട് പോയ മനുഷ്യ മാംസം അവർ അറിയാതെ തന്നെ ഭക്ഷിക്കുന്നു, ഒപ്പം അവരുടെ പ്രിയപ്പെട്ട ഭക്ഷണവും ആയി മാറുന്നു.

ഡാനിഷ് സിനിമയിലെ മികച്ച നടന്മാർ ആയ മാഡ് മിക്കൽസനും നിക്കോളായ് ലീ കാസുമാണ് അവരുടെ അഭിനയ ജീവിതത്തിന്റെ തുടക്കത്തിൽ ഉള്ള ഈ ചിത്രത്തിൽ അഭിനയിച്ചിരിക്കുന്നത്. സ്വേണ്ട് , യോർൺ എന്നിവർ   തങ്ങളുടെ പഴയ മുതലാളിയോട് വഴക്കടിച്ചു സ്വന്തമായി തുടങ്ങിയ ഇറച്ചി കച്ചവട സ്ഥാപനത്തിൽ അപകടത്തിൽ ഫ്രീസറിൽ വച്ച് electrician മരിക്കുന്നു. ആ കേസ് ഒഴിവാക്കാനും ശവം മറവ് ചെയ്യാനും എന്ന നിലയിൽ ആണ് അവർ ആ മാംസം വിൽക്കുന്നത് . സ്വേണ്ട് തയ്യാറാക്കിയ രുചി കൂട്ടിന് ഒപ്പം ആണ് അവർ ആ മാംസം വിൽക്കുന്നത്.

  ബിസിനസ് വിജയം ആയതോടെ, നേരത്തെ അവരുടെ ജീവിതാവസ്ഥയിൽ ശ്രദ്ധിക്കാതെ ഇരുന്നവർ പോലും അവരുടെ ഒപ്പം കൂടുന്നു. അത് കൊണ്ട് തന്നെ അപകടം മൂലം നടത്തിയ കച്ചവടത്തിൽ നിന്നും മനപ്പൂർവം ആയി തന്നെ മനുഷ്യ മാംസം വിറ്റു തുടങ്ങുന്നു. അതിനു ശേഷം നടന്ന സംഭവങ്ങൾ ആണ് സിനിമയുടെ കഥയ്ക്ക് ആധാരം.

സിനിമയുടെ കഥ നല്ലത് പോലെ weird ആണ്‌. രണ്ട് misfits ആയ, സാമൂഹികമായി ഉള്ള ഇടപ്പെടലുകളിൽ കുറവുകൾ ഏറെയുള്ള രണ്ട് പേർ എന്നതിന്റെ ആനുകൂല്യത്തിൽ അവരെ മണ്ടന്മാരായി അവതരിപ്പിച്ചു തമാശ ചേർത്താണ് സിനിമ അവതരിപ്പിച്ചിരിക്കുന്നത്. സിനിമയുടെ അവസാനം പറഞ്ഞു നിർത്തുന്നത് അവരുടെ ചിന്തകൾ എന്ത് മാത്രം തെറ്റായിരുന്നു എന്നതാണ്.

സിനിമയുടെ ഡൌൺലോഡ് ലിങ്ക് : t.me/mhviews1 ൽ ലഭ്യമാണ്.

1535. Frygtelig lykkelig / Terribly Happy (Danish, 2008)

 1535. Frygtelig lykkelig / Terribly Happy (Danish, 2008)

          Crime.

 ഒരു കുറ്റം ചെയ്തെങ്കിലും ഒരാൾ കുറ്റവാളി ആകണം എങ്കിൽ ആ കുറ്റത്തെ കുറിച്ച് മറ്റുള്ളവർ അറിയണം. മന:സാക്ഷിയുടെ ഭാരം ഒക്കെ വേറെ കാര്യമാണ്. പ്രത്യക്ഷത്തിൽ ഒരു കുറ്റവും ചെയ്തു എന്ന തോന്നൽ ഇല്ലെങ്കിൽ അത് ഒരു Perfect Crime ആവുകയും ചെയ്യും. ഇതിനെ കുറിച്ച് പറയാൻ ഉള്ള കാരണം, ഏർലിംഗ് ജെപ്സൻ രചിച്ച നോവലിലെ പ്രധാന കഥാപാത്രം സമാനമായ അവസ്ഥയിൽ ആണ്‌.

  അതിലേക്കു അയാളെ നയിച്ച സംഭവങ്ങൾ ആണ്‌ സിനിമയുടെ വിഷയം. സ്ഥലം മാറി വന്ന പോലീസ് ഉദ്യോഗസ്ഥൻ ആണ്‌ നായകൻ. അയാൾ വന്നത് ഒരു കൊച്ചു ഗ്രാമത്തിലേക്കു ആണ്‌. Mare of Easttown ലെ രഹസ്യങ്ങൾ നിറഞ്ഞ കൊച്ചു ടൗണിനെ ഓർമപ്പെടുത്തുന്ന ഗ്രാമം. ഇവിടെ ഓർമ വരുന്നത് അവിടത്തെ ആളുകളുടെ ഇടയിൽ ഉള്ള രഹസ്യങ്ങൾ ആണ്‌. സിനിമയിലെ പ്രസ്തുത ഗ്രാമം കുറേകൂടി അപരിഷകൃതം ആണ്‌. വലിയ വികസനം ഒന്നും ഇല്ലാത്ത സ്ഥലം. എന്നാൽ, അവിടെ ചില എഴുതപ്പെടാത്ത ചട്ടങ്ങൾ ഉണ്ട്. അതിലേക്കു ആണ്‌ റോബർട്ട് എന്ന പോലീസുകാരൻ എത്തി ചേരുന്നത്.

 പ്രക്ഷുബ്ധമായ മനസ്സോടെ ജോലി ആരംഭിക്കുന്ന അയാളെ എന്നാൽ കാത്തിരുന്നത് മറ്റു ചിലതാണ്. ഒരു പോലീസുകാരൻ എന്നതിലുപരി അയാൾ പലതിലും ഉൾപ്പടേണ്ടി വരുന്നു. അതിൽ പ്രധാനമായും ഒരു മരണം നടക്കുന്നു. അതിനോട് അനുബന്ധിച്ചു ചില കാര്യങ്ങൾ വെളിവാകുന്നു.കഥ രസകരം ആകുന്നതു അവിടെയാണ്. അവസാനത്തോട് അടുക്കുമ്പോൾ ഇനിയെന്ത് എന്നുള്ള ഭാവത്തിൽ ആകും പ്രേക്ഷകൻ.

  അതിൽ നിന്നും കഥാപാത്രത്തിന് ഉണ്ടാകുന്ന ട്രാൻസിഷൻ മികച്ചതായി തോന്നി. അത് ഒരു കഥാപാത്രത്തിന്  മാത്രമല്ല ഉണ്ടായത്. കഥാ ഗതിയെ അതെങ്ങനെ ബാധിക്കും എന്നറിയാൻ ചിത്രം കണ്ട് നോക്കൂ.

  എനിക്ക് നല്ലത് പോലെ ഇഷ്ടമായി.

Telegram Link: t.me/mhviews1

1472. Shorta/ Enforcement ( Danish,2020)

 1472. Shorta/ Enforcement ( Danish,2020)

          Crime, Thriller.

The Raid (2011), The Dredd(2012) തുടങ്ങിയ സിനിമകൾ കണ്ടിട്ടുള്ളവർക്ക് ഏറ്റവും ഇഷ്ടം ആകുന്നത് അതിലെ ആക്ഷൻ രംഗങ്ങൾ ആകും.മികച്ച രീതിയിൽ അവതരിപ്പിച്ച ആക്ഷൻ രംഗങ്ങൾ, ക്രിമിനലുകൾക്ക് ഇടയിൽ പെട്ട് പോകുന്ന നിയമ പാലകർ എന്നിവ ആണ് ഇവിടെ പ്രമേയം.ഇത്തരം സംഭവങ്ങൾ നടക്കുന്ന സ്ഥലങ്ങളിലെ ആളുകളുടെ ജീവിതം, ദാരിദ്ര്യം- ക്രൈം എന്നീ ഘടകങ്ങൾ മുൻ നിർത്തി അവതരിപ്പിച്ചു സിനിമയുടെ റിയലിസ്റ്റിക് മോഡിലേക്ക് പോകുന്നതിനു പകരം ആക്ഷൻ രംഗങ്ങളിൽ ആണ് ഈ രണ്ടു ചിത്രങ്ങളും ശ്രദ്ധിച്ചത്.

എന്നാൽ, ഇതേ പ്രമേയത്തിൽ വന്ന ഡാനിഷ് ചിത്രമായ Shorta ഇതിൻ്റെ വൈകാരികമായ തലങ്ങൾ പരിശോധിക്കുകയും, എന്നാലതിലൂടെ കൂടുതൽ വിഷയങ്ങൾ അവതരിപ്പിക്കാൻ കൂടി ശ്രമിക്കുന്ന ചിത്രമാണ്. എന്നാൽ ഒരു ത്രില്ലർ എന്ന നിലയിലും ചിത്രം നന്നായിട്ടുണ്ട്.

  

  ഡെന്മാർക്കിൽ ജീവിക്കുന്ന  കുടിയേറ്റക്കാരിൽ ഒരു യുവാവ് ആക്രമിക്കപ്പെടുന്നതും അതിനെ തുടർന്ന് ഉണ്ടാകുന്ന സംഭവങ്ങളും ആണ് സിനിമയുടെ കഥ.പോലീസുകാർ ഉൾപ്പെട്ട മരണം കുടിയേറ്റക്കാരുടെ ഇടയിൽ നല്ല രീതിയിൽ പ്രതിഷേധം ഉണ്ടാക്കുകയും പോലീസിന് നേരെ ആക്രമണങ്ങൾ  ഉണ്ടാവുകയും ചെയ്യുന്നു. അതിൻ്റെ ഇടയിൽ പെട്ട് പോകുന്ന രണ്ടു പോലീസുകാരുടെ കഥ ആണ് ഈ ത്രില്ലർ ചിത്രം അവതരിപ്പിക്കുന്നത്.

ഒരു ക്രൈം/ത്രില്ലർ ചിത്രം കാണുന്നതിനോടൊപ്പം ഗൗരവമേറിയ, ശരിയും തെറ്റും തമ്മിൽ ഉള്ള conflict എല്ലാം സിനിമയിൽ പ്രമേയം ആയി വരുന്നുണ്ട്. നല്ല ചിത്രമാണ്. കണ്ടു നോക്കുക.നല്ല മേയ്ക്കിങ്ങും.

 @mhviews rating: 3.5/4

Download Link: t.me/mhviews1

 

 കൂടുതൽ സിനിമകൾക്കും ലിങ്കിനും www.movieholicviews.blogspot.com സന്ദർശിക്കുക.

1317. Another Round/Druk (Danish, 2020)

 1317. Another Round/Druk (Danish, 2020)

          Drama, Comedy.

   മാർട്ടിനും കൂട്ടർക്കും ഒരു വലിയ 'ചിയേർസ്'.

   The Hunt എന്ന ക്ളാസിക്കിന്‌ ശേഷം Mads Mikkelsen- Thomas Vinterberg എന്നിവർ ഒന്നിക്കുന്ന ചിത്രമാണ് Druk. സിനിമ പേരിൽ തന്നെ ഉണ്ട് അതിന്റെ പ്രമേയവും.4 സുഹൃത്തുക്കൾ , അവരുടെ ജീവിതത്തിലെ പകുതി ഭാഗവും പിന്നിട്ടിരിക്കുന്നു.ചെറുപ്പത്തിൽ നല്ല രീതിയിൽ ജീവിതം ആസ്വദിച്ചിരുന്നു അവർ ജീവിതത്തിൽ വന്ന മാറ്റങ്ങൾ കാരണം ജീവിക്കാൻ മറന്നു പോയിരിക്കുന്നു എന്നു പറയാം.കുടുംബവവും കുട്ടികളും മറ്റു ബാധ്യതകളും ഒക്കെ ആയി ഒരു വിരസത.

  അങ്ങനെ ഇരിക്കെ ഒരു പിറന്നാൾ ആഘോഷ സമയത്തു ആ നാലു കൂട്ടുകാരും ഒരു കാര്യം തീരുമാനിച്ചു. ദിവസവും ഒരു പ്രത്യേക അളവിൽ, പ്രത്യേക സമയത്തിൽ മദ്യപിക്കുക.മനുഷ്യ ശരീരത്തിന് ഒരു പ്രത്യേക അളവിൽ ഉള്ള മദ്യം ഉൾക്കൊള്ളാൻ കഴിവുണ്ട് എന്ന തിയറിയിൽ നിന്നും ആണ് അവർ ഈ തീരുമാനം എടുക്കുന്നത്.

നോർവീജിയൻ സൈക്കോളജിസ്റ്റ് ആയ ഫിൻ സ്‌കാർദർഡ് വിഭാവനം ചെയ്ത Contentious Theory (യഥാർത്ഥത്തിൽ അതു തിയറി ആയി ഇല്ല.അദ്ദേഹം അങ്ങനെ പറഞ്ഞു എന്നേ ഉള്ളൂ.എന്നാൽ സിനിമയിൽ ഒരു തിയറി ആയാണ് കണക്കാക്കുന്നത്.)മുതൽ ജീവിതത്തിൽ അതു പ്രവർത്തികമാക്കിയ  ചർച്ചിൽ തുടങ്ങി ഹെമിംഗ് വേ എന്നിവരൊക്കെ ആയിരുന്നു ഈ തീരുമാനത്തിനു പിന്നിൽ ഉള്ള പ്രചോദനം.ലോകം മാറ്റി മറിച്ച വലിയ മദ്യപാനികളുടെ സ്വഭാവ രീതികളും ഈ നാലു പേരുടെ നിറം അൽപ്പം കുറഞ്ഞു നിൽക്കുന്ന ജീവിതവുമായി എങ്ങനെ ബന്ധിപ്പിക്കുന്നു എന്നു സിനിമയിൽ കാണാം. അവരുടെ എല്ലാം ജീവിതത്തിൽ ഈ തീരുമാനം പല മാറ്റങ്ങളും കൊണ്ടു വരുന്നു.ഘട്ടം ഘട്ടമായി അവർ തങ്ങളുടെ പരീക്ഷണം തുടരുന്നു.ബാക്കി കണ്ടു അറിയുക.

  മദ്യപാനം പ്രോത്സാഹിപ്പിക്കുന്ന ചിത്രമല്ല Druk.പകരം അതു അവസാനം മുന്നോട്ടു വയ്ക്കുന്ന ഒരു ആശയം ഉണ്ട്.പ്രത്യേകിച്ചും ക്ളൈമാക്സിൽ Beautiful Life എന്ന പാട്ടിന് Mads Mikkelssen ചുവടുകൾ വയ്ക്കുന്നത് കാണുമ്പോൾ ജീവിതത്തെ എങ്ങനെ ഒക്കെ നോക്കി കാണാം എന്നു മനസ്സിലാകും.നല്ല ഒരു concept ആണ്. അതൊക്കെ എത്ര രസകരമായിട്ടാണ് ചിത്രീകരിച്ചിരിക്കുന്നത് എന്നത് കണ്ടു തന്നെ അനുഭവിക്കണം. 

  മികച്ച ഒരു സിനിമ അനുഭവം ആണ് Druk.കണ്ടു കഴിയുമ്പോൾ മികച്ച സംതൃപ്തി ആണ് പ്രേക്ഷകന് ലഭിക്കുക.സംവിധായകൻ ആയ Thomas Vinterberg ന്റെ ജീവിതത്തിലെ ഏറ്റവും വലിയ ദുരന്തം ഉണ്ടായ സമയത്തിന് ശേഷം ആണ് ചിത്രം പൂർത്തീകരിച്ചത്.അതു കൊണ്ടു തന്നെയാകാം അദ്ദേഹം അതിൽ നിന്നും മനസ്സിന്റെ ശ്രദ്ധ തിരിക്കാൻ തന്റെ കഴിവിന്റെ പരമാവധി ഈ സിനിമയ്ക്കായി ഉപയോഗിച്ചിട്ടുണ്ട് എന്നു തോന്നുന്നത്.

Never Miss It!!

Opinion:Must Watch 

കൂടുതൽ സിനിമകളെ കുറിച്ചു വായിക്കാൻ www.movieholicviews.blogspot.ca .ടെലിഗ്രാം ചാനൽ ലിങ്ക് @mhviews ൽ ലഭ്യമാണ്.

1432. The Chestnut Man (Danish, 2021)

 1432. The Chestnut Man (Danish, 2021)

          Mystery : Streaming on Netflix.

ഒരു ഡാർക് യൂറോപ്യൻ കുറ്റാന്വേഷണ സീരീസ് കാണണമങ്കിൽ The Chestnut Man ലേക്ക് പോവുക.

    വർഷം 1987.

        അലഞ്ഞു നടക്കുന്ന പശുക്കളെ കുറിച്ച് വീടിൻ്റെ ഉടമയെ അറിയിക്കാൻ അയാളുടെ വീട്ടിൽ പോയ പോലീസുകാരൻ കണ്ടത് ചോരക്കളം ആയിരുന്നു. പല രീതിയിൽ കൊലപ്പെടുത്തിയ നിലയിൽ ഉള്ള കുടുംബത്തിലെ അംഗങ്ങളുടെ മൃതദേഹങ്ങൾ.

        അതിനു ശേഷം കഥ പോകുന്നത് ഇപ്പോഴത്തെ കാലത്തിലേക്കാണ്. ഒരു കൊലപാതക പരമ്പര വീണ്ടും നടക്കുന്നു. എല്ലാത്തിലും സാക്ഷിയായി ചെസ്റ്റ് നട്ട് കൊണ്ട് ഉണ്ടാക്കിയ മനുഷ്യ രൂപങ്ങളും.അതിനെ കുറിച്ച് അന്വേഷിക്കാൻ രണ്ടു കുറ്റാന്വേഷകർ വരുകയാണ്. അവരുടെ മുന്നിൽ രാഷ്ട്രീയക്കാർ മുതൽ സാധാരണക്കാർ വരെ ഉള്ളവരുടെ ഭയം, ആശങ്കകൾ എന്നിവയുണ്ട് അതിനൊപ്പം സ്വന്തം ജീവിതത്തിലെ കാർമേഘങ്ങൾ പെയ്യാൻ എന്നവണ്ണം തയ്യാറായി നിൽക്കുന്ന അവസ്ഥയും.എന്താണ് ഈ ചെസ്റ്റ്നട്ട്  കൊണ്ടുള്ള മനുഷ്യ രൂപങ്ങൾ അർത്ഥം ആക്കുന്നത്?

   യൂറോപ്യൻ കുറ്റാന്വേഷണ സിനിമ/സീരീസുകളിലെ മനോഹരമായ ഫ്രെയ്മുകളെ കുറിച്ചും അത് പോലെ തന്നെ മരണം വായിച്ചെടുക്കാൻ പ്രേക്ഷകന് കഴിയുന്ന രീതിയിൽ ഉള്ള കഥകളും കഥാപാത്രങ്ങളും സ്ക്രീനിൽ വരുമ്പോൾ അത് പരിചിതമായ പ്രേക്ഷകന് പോലും അത്തരം ഒരു ഫീൽ കൊടുക്കാറുണ്ട് പുതുതായി കണ്ടു തുടങ്ങുന്ന ഒരാളെ സംബന്ധിച്ച് പരിചയപ്പെട്ടു കഴിഞ്ഞാൽ ഏറെ ഇഷ്ടപ്പെടുന്ന ഒന്നായി മാറുകയും ചെയ്യും.

  അത്തരത്തിൽ ഒരു സീരീസ് ആണ് വെറും 6  എപിസോഡ് മാത്രം ഉള്ള The Chestnut Man. ഒരു സീരിയൽ കില്ലർ- കുറ്റാന്വേഷണ സീരീസ് എന്ന നിലയിൽ തന്നെ നല്ല മികവ് പുലർത്തുന്നുണ്ട്.അതിനോടൊപ്പം അവസാന ഭാഗങ്ങളിലേക്ക് മാറ്റി വച്ച , അപ്രതീക്ഷിതമായി പ്രേക്ഷകൻ്റെ മുന്നിലേക്ക് വച്ച കൊലപാതകി കൂടി ആയപ്പോൾ പരമ്പരയുടെ മാറ്റ് കൂടി എന്ന് തന്നെ പറയാം.

  വളരെ നന്നായി ഇഷ്ടപ്പെട്ട ഒരു സീരീസ് ആണ്. രണ്ടാം സീസൺ ഉണ്ടാകും എന്ന് തോന്നുന്നു.പ്രതീക്ഷയോടെ കാത്തിരിക്കുന്നു. Binge Worthy ആണ്.

@mhviews rating: 4/4

 കൂടുതൽ സിനിമ/സീരീസുകളെ കുറിച്ച് വായിക്കുവാൻ https://www.facebook.com/mhviewsms/ സന്ദർശിക്കുക

1338. Riders of Justice (Danish, 2020)

 1338. Riders of Justice (Danish, 2020)

          Crime, Comedy

Mads Mikkelsen (The Hunt, Drunk), Nikolaj Lie Kaas( Department Q Series) തുടങ്ങി ഡാനിഷ് സിനിമയിലെ മികച്ച അഭിനേതാക്കൾ ഒരുമിച്ച ചിത്രമാണ് Riders of Justice.ഒരു ക്രൈം/കോമഡി ചിത്രം എന്ന നിലയിൽ നിരൂപക പ്രശംസ ഏറ്റു വാങ്ങിയിരുന്നു ചിത്രം.നേരത്തെ പറഞ്ഞ രണ്ടു നടന്മാരും നല്ല തയാറെടുപ്പുകൾ നടത്തി അവതരിപ്പിച്ച കഥാപാത്രങ്ങൾ ആണ് ചിത്രത്തിൽ ഉള്ളത്.

   'യാദൃശ്ചികമായി സംഭവിച്ച കാര്യം' എന്നു പറഞ്ഞു ലഘൂകരിക്കുന്ന കാര്യങ്ങളുടെ പിന്നിൽ  ആ സംഭവത്തിനു മുന്നേ നടന്ന കാര്യങ്ങളുമായി ബന്ധം ഉണ്ടാകുമോ?ഉണ്ടാകും എന്നാണ് ഓട്ടോയും കൂട്ടുകാരൻ ആയ ലെനർട്ടും വിശ്വസിക്കുന്നത്.രണ്ടു പേരും ആ ആശയം മുന്നിൽ കണ്ടു കൊണ്ടു പഠനങ്ങൾ നടത്തുകയാണ്.

  ആ സമയത്താണ് ആ അപകടം സംഭവിക്കുന്നത്.ഓട്ടോയ്ക്ക് ആ അപകടത്തെ കുറിച്ചു സംശയങ്ങൾ ഉണ്ടാകുന്നു.അതു മനപ്പൂർവം ഉണ്ടാക്കിയ അപകടം ആണെന്ന് അയാൾ വിശ്വസിക്കുന്നു.അതിനു കാരണവും ഉണ്ടായിരുന്നു. എന്നാൽ അവരെ വിശ്വസിക്കാൻ ആരും ഇല്ലായിരുന്നു.ഒരാൾ വരുന്നത് വരെ. അപകടത്തിൽ കൊല്ലപ്പെട്ട സ്ത്രീയുടെ ഭർത്താവ് മർക്കസ് എത്തുന്നത് വരെ.അവരുടെ ചിന്തകൾ ശരിയാണോ?യഥാർത്ഥത്തിൽ എന്താണ് അവിടെ സംഭവിച്ചത്?അതാണ് സിനിമയുടെ കഥ.

 കഥാപ്രമേയം വായിക്കുമ്പോൾ പരിചിതമായ സിനിമ ക്ളീഷേകളോട് സമയം തോന്നുമായിരിക്കാം.എന്നാൽ ആ ഒരു ചിന്തയോടെ കണ്ടു കൊണ്ടിരുന്നത് കൊണ്ടാകാം പ്രതീക്ഷ മൊത്തം തെറ്റി.അതിനു കാരണം ആയ സംഭവം വലിയ ഒരു ട്വിസ്റ്റ് ആയി ഒന്നും കാണാൻ പറ്റുമെന്നു തോന്നുന്നുമില്ല.പക്ഷെ അവിടെ നിന്നും സിനിമ മറ്റൊരു തലത്തിലേക്കു പോവുക ആണുണ്ടായത്.ചെറിയ ഒരു പുഞ്ചിരിയോടും വിഷമത്തോടെയും അതിനൊപ്പൻ സമ്മിശ്ര വികാരങ്ങളോട് മാത്രമേ സിനിമ കണ്ടു അവസാനിപ്പിക്കാൻ കഴിയൂ.ഒരു പ്രതികാര കഥ എന്നതിന് അപ്പുറം മറ്റൊന്നും സിനിമയെ കുറിച്ചു തോന്നിയതും ഇല്ലായിരുന്നു അതു വരെ എന്നതാണ് സത്യം.മികച്ച അഭിനേതാക്കളുടെ മികച്ച പ്രകടനവും എടുത്തു പറയേണ്ടതാണ്.

 ശരിക്കും സിനിമ കഥകൾക്കും അപ്പുറം ആയി തോന്നി Riders of Justice ന്റെ കഥ.കണ്ടു നോക്കുക.

Download link available at @mhviews Telegram Channel.

More movie suggestions and link @www.movieholicviews.blogspot.ca

1190. Darkness- Those Who Kill (Danish,2019)

1190. Darkness- Those Who Kill (Danish,2019)

"വർഷങ്ങൾക്കു മുൻപ് നടന്ന കൊലപാതകങ്ങൾ വീണ്ടും കഥ പറയുമ്പോൾ":Darkness- Those Who Kill "

  ടീനേജ് പ്രായത്തിൽ ഉള്ള പെണ്ക്കുട്ടികൾ ആണ് ആ കൊലയാളിയുടെ ഇരകൾ.കൊന്നതിന് ശേഷം മൃതദേഹം ഒളിപ്പിക്കുകയും അവരുമായി യാത്ര ചെയ്യാൻ ഉപയോഗിക്കുന്ന മോഷ്ടിച്ച മിനി വാൻ കത്തിച്ചു കളയുകയും ചെയ്യുന്ന കൊലയാളി.

  Danish Crime/Mystery Series aired on BBC

    Total Episodes:8
     Running Time: 45 mins

      യാൻ, കോപ്പൻഹേഗൻ പൊലീസിലെ കുറ്റാന്വേഷണ വിദഗ്ധൻ ആണ്.ഒരു പെണ്ക്കുട്ടിയുടെ തിരോധാനത്തിന്  ശേഷം മാസം 6 ആയി.അവൾ മരിച്ചു എന്നു എല്ലാവരും വിധി എഴുതി.എന്നാൽ ഒരാൾ മാത്രം ആ കേസിനു പിന്നാലെ ആയിരുന്നു. യാൻ!!

   യാൻ അന്വേഷണം തുടരുമ്പോൾ ആണ് വർഷങ്ങൾക്കു മുന്നേ നടന്ന ഒരു കൊലപാതകവും ആയുള്ള സാമ്യം കണ്ടെത്തുന്നത്.അതും അജ്ഞാതമായ ഒരു കൊലപാതകം ആയിരുന്നു. യാനിന്റെ അന്വേഷണത്തിന് സഹായി ആയി ലൂയി എന്ന സൈക്കോളജിസ്റ്റും എത്തുന്നു.

  അവരുടെ അന്വേഷണം തുടരുമ്പോൾ എന്തെല്ലാം സംഭവിക്കുന്നു എന്നും അവർക്ക് കൊലയാളികളെ കണ്ടെത്താൻ കഴിയുമോ എന്നും ആണ് ബാക്കി കഥ.

  സ്ഥിരമായി ഉള്ള ഫോർമാറ്റിൽ തന്നെ ആണ് ഈ കുറ്റാന്വേഷണ കഥ അവതരിപ്പിച്ചിരിക്കുന്നത്.2011 ലെ സീരീസ് BBC യിലൂടെ പുതിയ രൂപത്തിൽ അവതരിപ്പിക്കുക ആണ് ഇവിടെ. 4,5 എപ്പിസോഡുകളിൽ സീരീസ് മറ്റൊരു തലത്തിലേക്ക് മാറുന്നു.നമ്മൾ കണ്ടു ശീലിച്ച, അല്ലെങ്കിൽ ഇങ്ങനെയാകും എന്നു കരുതിയ സ്ഥലത്തു നിന്നും പ്രേക്ഷകന് അൽപ്പം ഷോക്കിങ് ആണ് ആ ഗതി മാറ്റം.

    മാനസിക സംഘർഷം ഉള്ള അന്വേഷണ ഉദ്യോഗസ്ഥർ എന്ന ക്ളീഷേ ഇവിടെയും ഉണ്ട്.ഒരു പക്ഷെ ഡാർക് മൂഡ് നൽകാൻ ആകും ഇത്തരം കഥാപാത്ര സൃഷ്ടി എന്നു തോന്നുന്നു.ഡെന്മാർക്കിലെ ഇരുണ്ട വശം ഭംഗിയായി visualize ചെയ്തിട്ടും ഉണ്ട്.

  കണ്ടു നോക്കുക.നല്ലതു പോലെ ഇഷ്ടമായി.പ്രത്യേകിച്ചും ഇത്തരം തീമുകൾ ആവർത്തിച്ചു വന്നാലും അതിന്റെ നിഗൂഢ വശം  പ്രേക്ഷകനെ തൃപ്തിപ്പെടുത്തും.


  MH Views Rating: 3/4

  സീരിസിന്റെ ടെലിഗ്രാം ചാനൽ ലിങ്ക് t.me/mhviews or @mhviews എന്ന സെർച്ചിൽ ലഭ്യമാണ് ടെലിഗ്രാമിൽ

1112.Nightwatch(Danish,1994)

1112.Nightwatch(Danish,1994)
          Mystery(Serial Killer)

       ഒരു കൊലപാതകി അവിടെ ഉണ്ട്.സ്ത്രീകളെ തിരഞ്ഞു പിടിച്ചു കൊല്ലുന്ന അയാൾ അവരുടെ ശിരോചർമം മുറിച്ചെടുക്കും.അയാളുടെ സിഗ്നേച്ചർ ആയിരുന്നു അത്.സംതൃപ്തനായ കൊലയാളി.പോലീസ് കേസ് അന്വേഷണം നടത്തുന്നുണ്ടെങ്കിലും തെളിവുകൾ ഒന്നും കിട്ടുന്നില്ല.
    ഈ കൊലപാതകങ്ങളിൽ ഉള്ള ഒരു പ്രത്യേകത അയാളുടെ ഇരകൾ അഭിസാരികകൾ ആയിരുന്നു എന്നതാണ്. അതി ക്രൂരമായ രീതിയിൽ സ്ത്രീകളെ കൊല്ലുന്ന അയാൾ ആരായിരുന്നു?അതിനു പിന്നിൽ ഉള്ള വികാരം എന്തായിരിക്കും?

  മാർട്ടിൻ ഒരു നിയമ വിദ്യാർത്ഥി ആയിരുന്നു.മാർട്ടിന്റെ സുഹൃത്തായ ജെൻസ്‌ എന്തു കാര്യത്തെയും ഒരു മത്സരം പോലെ കാണുന്ന ആളായിരുന്നു.ഭ്രാന്തമായ പല പന്തയങ്ങളും അവർ നടത്തുമായിരുന്നു.അവരുടെ കാമുകിമാർ സുഹൃത്തുക്കളായിരുന്നു.ചെറിയ സംഭവങ്ങളും ആയി പോകുന്ന അവരിൽ മാർട്ടിൻ ഒരു മോർച്ചറിയിൽ ജോലിക്കു കയറിയതോട് കൂടി ഉണ്ടായ സംഭവങ്ങൾ ജീവിതം കൂടുതൽ സങ്കീർണം ആക്കി.

    ജെൻസ്‌ മാര്ട്ടിന് പരിചയപ്പെടുത്തിയ ജോയ്‌സ് എന്ന സ്ത്രീയുടെ സുഹൃത്തും മുകളിൽ പറഞ്ഞ രീതിയിൽ, സമാന സാഹചര്യത്തിൽ കൊല്ലപ്പെട്ടത് ആയിരുന്നു.പാർട്ട് ടൈം ആയി മോർച്ചറിയിൽ രാത്രി കാവൽ നിൽക്കാൻ പോയ മാർട്ടിൻ പല കാരണങ്ങൾ കൊണ്ടും പതിയെ പോലീസിന്റെ സംശയം ഉള്ളവരുടെ ലിസ്റ്റിൽ ഇടം പിടിച്ചു.

   ഈ സിനിമ പിന്നീട് 1997ൽ ഇംഗ്ളീഷ് റീമേക് ആയി വന്നിരുന്നു.തുടക്കം മുതൽ ഒരു സൈക്കോ കില്ലർ ഉണ്ടെന്നുള്ള പ്രതീതിയിൽ ആണ് സിനിമ പൊയ്ക്കൊണ്ടിരുന്നത്.അപ്രതീക്ഷിതമായ ഒരു ട്വിസ്റ്റ് ഉണ്ടായിരുന്നു സിനിമയിൽ.ആരും പ്രതീക്ഷിക്കാത്ത രീതിയിൽ കഥയ്ക്ക് വഴിത്തിരിവ് ഉണ്ടാക്കിയ ഒന്നു.

   പക്ഷെ ഇഷ്ടപ്പെടാത്ത ഒരു ഘടകം ഉണ്ടായിരുന്നു.One dimensional മാത്രമായി കൊലയാളിയെ അവതരിപ്പിച്ചത്.ഇത്തരം സിനിമകളിൽ കൂടുതൽ സംഭവങ്ങൾ ഉൾക്കൊള്ളിക്കുമ്പോൾ ഉള്ള ഒരു ഗ്രിപ് അതിൽ അന്യം ആയതു പോലെ തോന്നി.എന്നാലും തരക്കേടില്ലാത്ത ഒരു സീരിയൽ കില്ലർ മിസ്റ്ററി കഥ ആണ് ചിത്രത്തിന് ഉള്ളത്.

More movie suggestions @www.movieholicviews.blogspot.ca

ചിത്രത്തിന്റെ ടെലിഗ്രാം ലിങ്ക് : @mhviews

1061.The Hunt(Danish,2012)

1061.The Hunt(Danish,2012)
          Drama


    ഇന്നത്തെ സാമൂഹികാവസ്ഥയിൽ ഏറ്റവും വലിയ കുറ്റങ്ങളിൽ ഒന്നാണ് കുട്ടികളുടെ നേരെ ഉള്ള പീഡനം.Pedophiles നെ സമൂഹം വെറു4444പ്പോടെ തന്നെ ആണ് കാണുന്നത്.വേറെ ഏതോ ലോകത്തിൽ ജീവിക്കുന്നത് പോലുള്ള ചിലർ ഒക്കെ അതിനെ വ്യാഖ്യാനിച്ചു കൊണ്ടു വന്നു normalize ചെയഹ്ന്നതും ഇടയ്ക്കു സാമൂഹിക മാധ്യമങ്ങളിൽ കാണേണ്ടി വന്നൂ.എന്തൊക്കെ ന്യായങ്ങൾ(അങ്ങനെ ഒന്നുണ്ടോ ഈ കാര്യത്തിൽ?) പറഞ്ഞാലും ഏറ്റവും വലിയ ശിക്ഷ തന്നെ ഈ സംഭവത്തിൽ കൊടുക്കണം എന്ന അഭിപ്രായം ഉള്ളവർ ആയിരിക്കും പലരും.

    എന്നാൽ The Hunt എന്ന ഡാനിഷ് സിനിമ ചർച്ച ചെയ്യുന്നത് ഇതിന്റെ മറ്റൊരു വശമാണ്.സംഭവിക്കാൻ തീരെ സാധ്യതയില്ലാത്ത ഒന്നു.പ്രത്യേകിച്ചും കുട്ടികൾ കള്ളം പറയില്ല എന്നുള്ള വിശ്വാസം അല്ലെങ്കിൽ ഉറപ്പിനെ പാടെ മറക്കേണ്ടി വരുന്ന ഒരു അവസ്ഥ.ലൂക്കാസ്,തന്റെ ജീവിതത്തിലെ ഏറ്റവും മോശം സമയത്തിൽ കൂടി നു കടന്നു പോകുന്നത്.വിവാഹ ബന്ധം വേർപ്പെടുത്തി ഭാര്യ മകനെയും ഒപ്പം കൂട്ടി.ഒരു നേഴ്സറിയിൽ അയാൾ താൽക്കാലികമായി ജോലി ചെയ്യുന്നു.തന്റെ സ്വന്തം ഗ്രാമത്തിൽ സൗഹൃദങ്ങളും ബന്ധങ്ങളും ആയി പോയ അയാൾക്ക്‌ ഏറ്റ ഏറ്റവും വലിയ പ്രഹരം ആയിരുന്നു സമൂഹം അയാളെ ഒരു pedophile ആയി കാണേണ്ടി വരുന്നത്.അതും സ്വന്തം സുഹൃത്തിന്റെ മകളെ.

   ക്ലാര എന്ന ചെറിയ പെണ്കകുട്ടിയുടെ മനസ്സിലെ ചില ചിന്തകളുടെ ഫലം ആയിരുന്നു ഇതെല്ലാം.യഥാർത്ഥ ജീവിതത്തിൽ നിന്നും ഏറെ അകന്നു.Orphan എന്ന സിനിമയിലെ "കുട്ടി"യോടൊടൊപ്പം പ്രേക്ഷകനെ കൊണ്ടു വെറുപ്പിക്കുന്ന കഥാപാത്രം ആയിരുന്നു അത്.ഇവിടെ പ്രേക്ഷകന് എന്ന നിലയിൽ കഥ കണ്ടു കൊണ്ടു പോകുമ്പോൾ സത്യങ്ങൾ അറിയാവുന്ന നമ്മൾ എന്നാൽ യതാർത്ഥ ജീവിതത്തിൽ എങ്ങനെ ആകും പ്രതികരിക്കുക?അതാണ് ആ ചെറിയ ഗ്രാമവും അയാളോട് ചെയ്തത്.ജോലി പോയി,കടകളിൽ പോലും കയറാൻ പറ്റാത്ത അവസ്ഥ ആയി.

  തികച്ചും നിസഹായമായ ഒരു അവസ്ഥ.എന്നാൽ ,നേരത്തെ പറഞ്ഞതു പോലെ പ്രേക്ഷകൻ സത്യം അറിഞ്ഞു കാണുന്നത് കൊണ്ടു അനുകമ്പ Mads Mikkelsen ന്റെ കഥപാത്രയത്തിന് നൽകുകയാണ്.ഇടയ്ക്കെങ്കിലും പ്രമേയത്തിലെ ക്രൂരത മൂലം പ്രേക്ഷകൻ അൽപ്പ നേരം എങ്കിലും ഷോക്ക് അടിച്ചത് പോലെ ആകും.ക്ളൈമാക്‌സ് പോലും അത്തരം ഒരു ഷോക് നൽകും.പക്ഷെ പോസിറ്റിവ് ആയ ഒന്നുണ്ട്.ഇത്തരത്തിൽ ഉള്ള കുറ്റകൃത്യങ്ങൾ ചെയ്യുന്നവരോട് മനുഷ്യസമൂഹത്തിന്റെ general ആയുള്ള ഒരു പ്രതികരണം.

  പ്രമേയത്തോട് എന്തു നിലപാട് എടുക്കണം എന്നും ഈ ചിത്രത്തിലെ ലൂക്കാസിനോട് എന്തു നിലപാട് എടുക്കണം എന്നു വ്യക്തത വരുത്തിയാൽ സിനിമ കാണുന്നതിൽ ഒരു confusion ഒഴിവാക്കാൻ സാധിക്കും.ഡാനിഷ് സിനിമകളിലെ മികച്ച ഒന്നാണ് "The Hunt"..എങ്കിലും ഈ ചിത്രം നിങ്ങളെ വേട്ടയാടും അൽപ്പ നേരമെങ്കിലും!!


    സിനിമയുടെ ടെലിഗ്രാം ലിങ്ക് : t.me/mhviews

1016.Journal 64(Danish,2018)

1016.Journal 64(Danish,2018)
         Mystery,Suspense

      ആ മുറിയിൽ ഉണ്ടായിരുന്നത് പകയുടെ ഗന്ധം ആയിരുന്നു.മനുഷ്യ ശരീരത്തോട് ചെയ്യാവുന്ന ഏറ്റവും വലിയ ക്രൂരതകളിൽ ഒന്നായിരുന്നു ആ മുറിക്കുള്ളിൽ ,ആ മേശയുടെ ചുറ്റും ഉണ്ടായിരുന്നത്.'മമ്മി' ആയി മാറ്റി ജനനേന്ദ്രിയം ഉൾപ്പടെ ഉൾപ്പടെ ഉള്ള ആന്തരിക അവയവങ്ങൾ ഒരു കുപ്പിയിൽ ആക്കിയും വച്ചിരുന്നു.അവരെ കണ്ടെത്തിയത് ഒരു അപാർട്മെന്റിന്റെ പുതുതായി അടച്ചു കെട്ടിയ മുറിയിലും.

  ഡിപ്പാർട്ടമെന്റ് Q വീണ്ടും പ്രേക്ഷകന്റെ മുന്നിൽ വരുകയാണ്.കാർൾ,ആസാദ് എന്നിവർ ഇപ്പോൾ ഒരു വേർപ്പിരിയലിൽ ആണ്.ആസാദ് തന്റെ ജോലിയുടെ പടവുകൾ കയറാൻ അവസരം വന്നപ്പോഴും ,കാർൾ തന്റെ മുരട് സ്വഭാവം വച്ചു Q വിൽ തന്നെ തുടരുന്നു.ആസാദ് ഇനി ഒരാഴ്ച കൂടിയേ കാർളിന്റെ ഒപ്പം ഉള്ളൂ.അതേ സമയം റോസ് Q വിൽ തുടരുന്നു. 'Jussi Adler-Olsen' എഴുതിയ 2010 ലെ നോവൽ ആണ് നാലാമത്തെ ഭാഗത്തിന് ആധാരം.

      ഇത്തവണ ചിത്രം കൈകാര്യം ചെയ്യുന്നത് അൽപ്പം സങ്കീർണമായ ഒരു കഥയാണ്.പല വികസിത രാജ്യങ്ങളും ഒരിക്കൽ എങ്കിലും ഭൂതകാലത്തിൽ ഒരു കറ പോലെ കാത്തു സൂക്ഷിക്കേണ്ടി വന്ന ഒന്ന്.വംശീയപരമായി ഉള്ള മേൽക്കോയ്മ ആയി അതൊക്കെ ഇന്ന് മാറിയെങ്കിലും.പഴയകാലത്തെ Social Misfit എന്നു കരുതുന്നവരെ എന്തെല്ലാം ചെയ്യുന്നു എന്നതിന്റെ മറ്റൊരു രൂപം.പല സിനിമകളിലും കണ്ട പ്രമേയം ആണെങ്കിലും ചിത്രത്തിന്റെ തുടക്കം മുതൽ മിസ്റ്ററി/സസ്പെൻസ് നിലനിർത്താൻ സാധിച്ചിരുന്നു.സമാന്തരമായി മിസ്റ്ററി ഫാക്റ്റർ പൊളിക്കാൻ ശ്രമിക്കുന്നും ഉണ്ട്.കഥയിൽ ചെറിയ ട്വിസ്റ്റുകൾ ആണ് ഉല്ലാതെങ്കിലും കഥയുടെ പ്രമേയത്തിന്റെ ഗൗരവം ഏറെയാണ്.പ്രത്യേകിച്ചും കുടിയേറ്റക്കാർ വികസിത രാജ്യങ്ങളിൽ കൂടുന്നത് അനുസരിച്ചു സമകാലീന പ്രസക്തി ഉള്ള ഒന്നു.

അവിടെ ആണ് Journal 64 കടന്നു വരുന്നത്.Journal 64 രഹസ്യങ്ങളുടെ കലവറ ആണ്.ഈ മരണങ്ങളിലേക്കു നയിച്ച സംഭവങ്ങളിലേക്കു  ഉള്ള ഒരു താക്കോൽ.ആ താക്കോലിലൂടെ രഹസ്യങ്ങളുടെ വാതിൽ തുറക്കാൻ ഡിപ്പാർട്ടമെന്റ് Q ഇറങ്ങുകയാണ്.എന്താണ് ആ രഹസ്യം?അവർ എങ്ങനെ അതിലേക്കു ചെന്നെത്തും?കാണുക!!

   അടുത്ത തവണ കാർളിനെയും അസാദിനെയും കാണാനാവുമോ എന്നറിയില്ല.പക്ഷെ ഡാനിഷ് സിനിമകളിലെ ഹോംസ്-വാട്സൻ ജോഡികൾ ആയി എന്നെന്നും മനസ്സിലുണ്ടാകും അവർ.അത്രയേറെ ഇഷ്ടപ്പെട്ട കഥാപാത്രങ്ങൾ ആണ് 2014 ൽ ഇവരെ ആദ്യം കണ്ടത് മുതൽ.എല്ലാ ഭാഗവും ആസ്വദിച്ചു തന്നെയാണ് കണ്ടതും.അതേ ഇഷ്ടം ഈ ചിത്രത്തോടും ഉണ്ട്.ഒരു ആരാധകൻ എന്ന നിലയിൽ പൂർണ തൃപ്തി നൽകിയ ചിത്രത്തിന് ഇത്തവണ ഡാർക് മൂഡ് കുറവായിരുന്നു എന്നത് ഒരു കുറവായി തോന്നി എന്നു മാത്രം.

  ഡിപ്പാർട്ടമെന്റ് Q ആരാധകർ മടിക്കാതെ തങ്ങളുടെ ഇഷ്ട കഥാപാത്രങ്ങളെ കാണുക!!

Movieholics Rating: 3/4

More movie suggestions @www.movieholicviews.blogspot.ca

സിനിമയുടെ ലിങ്ക് എന്റെ ടെലിഗ്രാം ചാനലിൽ ലഭ്യമാണ്.

t.me/mhviews

962.Den skyldige(Danish,2018)

962.Den skyldige(Danish,2018)
      Thriller,Drama


         താന്‍ അപകടത്തിലാണ് എന്ന് ഉള്ള വിവരം ആണ് ആ സ്ത്രീ അസ്ഗറിനു നല്‍കിയത്.ആരോ അവളുടെ ഒപ്പം ഉണ്ടെന്നും അവള്‍ക്കു മകളോട് മാത്രം സംസാരിക്കാന്‍ അനുവാദം ഉള്ളായിരുന്നു.അത് കൊണ്ട് സൂചനകളിലൂടെ അസ്ഗര്‍ തന്‍റെ ജോലിയില്‍ മുന്നോട്ടു പോയി.അവരുടെ ജീവന്‍ രക്ഷിക്കുക എന്നതായിരുന്നു അയാളുടെ മുഖ്യ ലക്‌ഷ്യം!!എന്നാല്‍....???

     ഡാനിഷ് ചിത്രമായ 'Den skyldige' അഥവാ The Guilty യുടെ മര്‍മ പ്രധാനമായ ഭാഗം ആണിത്.എന്നത്തേയും പോലെ മദ്യപിച്ചും കഞ്ചാവടിച്ചും പോലീസിനെ വിളിച്ചു ശല്യപ്പെടുത്താന്‍ ശ്രമിക്കുന്നവര്‍ അസ്ഗരിനും അന്ന് കുറവല്ലായിരുന്നു.അടുത്ത ദിവസം തന്‍റെ ജീവിതത്തിലെ തന്നെ സുപ്രധാനമായ ഒരു ദിവസം ആയിരുന്നു.അയാളുടെ ഭൂതക്കാലത്തിന്റെ  അവശേഷിപ്പുകള്‍  ആകാം അടുത്ത ദിവസം.എന്നാല്‍ ഇന്ന് 112   എന്ന എമെര്‍ജന്സി നംബറിനും ഇപ്പുറം അയാള്‍ക്ക്‌ വേറെ ഒരു ഉത്തരവാദിത്തം ഉണ്ട്.കുറച്ചു ജീവനുകള്‍ രക്ഷിക്കുക.

    The Call എന്ന ഹാലി ബെറി പടം കണ്ടവര്‍ക്ക് സിനിമ ആ റൂട്ടില്‍ ആണോ പോകുന്നതെന്ന് തോന്നുമ്പോള്‍ ആകാം അപ്രതീക്ഷിതമായത്‌ പലതും സംഭവിക്കുന്നത്‌.ഒരു പക്ഷെ മൂല കഥ അത് പോലെ നിര്‍ത്തി വ്യത്യസ്തമായ ഒരു ട്രീട്മെന്റിലൂടെ കഥാപാത്രങ്ങളെ ശബ്ദങ്ങളിലൂടെ പ്രേക്ഷകന് പരിചയപ്പെടുത്തുന്നു.അവരിലേക്ക്‌ കൂടുതല്‍ ഇറങ്ങി പോകുമ്പോഴും അവരുമായും ഉള്ള കൂടുതല്‍ സംഭാഷണങ്ങളിലൂടെ ഒരു പോലീസ് കണ്ട്രോള്‍ റൂമിന്‍റെ കഥ വികസിക്കാന്‍ ഉള്ള സ്കോപ്പില്‍ നിന്നും വളരെയേറെ മാറിയിരിക്കുന്നു.ഇതില്‍ adventurous ആയ ആക്ഷന്‍ രംഗങ്ങള്‍ ഒന്നും ഇല്ല.പകരം സിനിമ അവസാനിക്കുന്നതിന്റെ അല്‍പ്പം മുന്‍പ് കഥയുടെ സംഭവങ്ങളുടെ യാതാര്‍ത്ഥ്യം മനസ്സിലാകുമ്പോള്‍ ഒരു മരവിപ്പ് ഉണ്ട്.മുന്‍വിധികള്‍ ഇല്ലാതെ സംഭവങ്ങളെ സമീപിക്കാന്‍ മനുഷ്യ മനസ്സ് സമ്മതിക്കില്ല എന്ന് തോന്നി പോകും.

   എന്തായാലും നല്ല Engaging ആയിരുന്നു ചിത്രം.സ്ക്രീനില്‍ നായക കഥാപാത്രവും,പിന്നീട് ഒന്ന് രണ്ടു ആളുകളെയും കാണിക്കുന്നത് ഒഴിച്ചാല്‍ ബാക്കി കഥാപാത്രങ്ങള്‍ എല്ലാം പ്രേക്ഷകന് ശബ്ദം മാത്രം  ആണ്.ഇത്തരത്തില്‍ ഒരു ചെറിയ space ല്‍ ചെയ്ത ചിത്രം എന്നത് കൂടാതെ കതപത്രങ്ങളെയും ഇത്തരത്തില്‍ അവതരിപ്പിച്ചതില്‍ പോലും പിഴവുകള്‍ ഉണ്ടായതായി കണ്ടില്ല.നല്ല ചിത്രമാണ്.കഴിയുമെങ്കില്‍ കാണുക.

ലിങ്ക് എന്റെ ടെലിഗ്രാം ചാനലില്‍ ലഭ്യമാണ്.

t.me/mhviews

683.FLASKEPOST FRA P(DANISH,2016)

683.FLASKEPOST FRA P(DANISH,2016),|Thriller|,Dir:-Hans Petter Moland,*ing:-Nikolaj Lie Kaas, Fares Fares, Pål Sverre Hagen .


    Department Q വിലെ കാര്‍ള്‍ മോര്ക്കും അസ്സാദും  തങ്ങളുടെ  മൂന്നാമത്തെ  കേസ്  അന്വേഷണവും  ആയി  വരുന്ന  ചിത്രം  ആണ് Flaskepost Fra P.ഡാനിഷ്  കുറ്റാന്വേഷണ  പരമ്പരയിലെ  മൂന്നാമത്തെ  ചിത്രം  സംവിധാനം  ചെയ്തിരിക്കുന്നത്  ആദ്യ  രണ്ടു  ഭാഗങ്ങളും  അവതരിപ്പിച്ച Mikkel Nørgaard നു  പകരം Hans Petter Moland ആണ്.ആദ്യ  രണ്ടു  ഭാഗങ്ങളുടെയുടെ  അതെ  പോലത്തെ  മൂഡ്‌  നിലനിര്‍ത്തി  ആണ്  ഈ  ഭാഗവും  അവതരിപ്പിച്ചിരിക്കുന്നത്.എന്നാല്‍ നായക  കഥാപാത്രം  ആയ  കാര്‍ളിന്റെ വൈകാരികമായ  വശത്തിന്  ഈ  ചിത്രത്തില്‍  മുന്‍പ് രണ്ടു  ഭാഗങ്ങളിലും  ഉണ്ടായ  അത്ര  പ്രാധാന്യം  നല്‍കിയിട്ടില്ല.അത്  കൊണ്ട്  തന്നെ  ആദ്യ  ഭാഗങ്ങളില്‍  നിന്നും  വ്യത്യസ്തം  ആയി  അന്വേഷണത്തിന്  ആണ്  ഈ  ചിത്രം  പ്രാധാന്യം  നല്‍കിയിരിക്കുന്നതും ഒപ്പം  സമകാലികമായ  ചില  വിവാദ  വിഷയങ്ങളും ,

   വെള്ളത്തിലൂടെ  ഒഴുകി  എത്തുന്ന  ഒരു  കുപ്പിയില്‍  കണ്ട  സന്ദേശം  ആണ്  ഈ ചിത്രത്തിലെ  സംഭവങ്ങളുടെ  തുടക്കം  കുറിക്കുന്നത്.കടലില്‍  ഒറ്റപ്പെട്ടു  പോകുന്ന  ആളുകള്‍  ഉപയോഗിച്ചിരുന്ന  അതെ രീതിയില്‍ ആണ്  ഈ  സന്ദേശം  എന്ന് പോലീസ് സംശയിക്കുന്നു.അവ്യക്തമായ  സന്ദേശം  ആണ്  അതില്‍  ഉണ്ടായിരുന്നത്.പ്രത്യേകിച്ച്  ഒരു  കേസ്  എന്ന്  പോലും  പറയാന്‍  കഴിയാത്ത  സംഭവം. എന്നാല്‍  അതിന്റെ  നിഗൂഡ  സ്വഭാവവും  അതില്‍ കാണപ്പെട്ട  രക്തത്തിന്‍റെ അംശവും അത്യാവശ്യം  പ്രാമൂഖ്യം  നേടി  കൊടുത്തൂ. അതിനെ  കുറിച്ച്  കൂടുതല്‍ അന്വേഷിക്കാന്‍ Department  Q  നെ  നിയോഗിക്കുന്നു.പിന്നീട്  നടക്കുന്ന  അന്വേഷണവും  അതിനെ  അനുബന്ധിച്ച  കാര്യങ്ങളും  ആണ്  ചിത്രം  അവതരിപ്പിക്കുന്നത്‌.എന്തായിരുന്നു ആ  കത്തിന്റെ  ഉദ്ദേശം?ആരാണ്  അത്  അയച്ചത്?കൂടുതല്‍  അറിയാന്‍  ചിത്രം  കാണുക.

  നേരത്തെ  സൂചിപ്പിച്ചത്  പോലെ കാര്‍ലിന്റെ  വൈകാരികമായ  വശം  മാറ്റി  വയ്ക്കപ്പെട്ട  ഈ  ചിത്രത്തില്‍ ആസാദിന്റെ  കഥാപാത്രത്തിന്  സമകാലിക  സംഭവങ്ങളുടെ  പശ്ചാത്തലത്തില്‍  ഒരു  പ്രത്യേക  മത  വിഭാഗം  നേരിടുന്ന വിശ്വാസങ്ങളെ  സംബന്ധിച്ചുള്ള ഒരു  വശം  പലപ്പോഴും ആയി  പരാമര്‍ശിക്കുന്നുണ്ട്.അതിനൊപ്പം  നന്മയുടെ  പ്രതീകം  ആയി  ദൈവത്തെ  കാണുന്നതും  അതിന്റെ എതിര്‍വശം  ആയി ചെകുത്താന്‍  വരുന്നതും,ദൈവം  എന്ന  ശക്തിയ്ക്ക്  ബദല്‍  ആയി  അതിന്റെ  തിന്മ  വശം  എങ്ങനെ ഒക്കെ  നിര്‍വചിക്കപ്പെടുന്നു  എന്നും.ഡാനിഷ്  സിനിമയിലെ  തന്നെ  ശ്രദ്ധേയം  ആയ  സിനിമ പരമ്പരയായി  മാറുകയാണ് അത്  കൊണ്ട്  തന്നെ  ഡാനിഷ്  സിനിമ  ചരിത്രത്തിലെ  പ്രമൂഖ  ചിത്രങ്ങളുടെ  കൂട്ടത്തില്‍  ആണ്  ഇപ്പോള്‍  ഈ  പരമ്പരയുടെ  സ്ഥാനവും.

  പരമ്പരയിലെ  ആദ്യ  രണ്ടു  ചിത്രങ്ങളും  ആയി  ഒരു  താരതമ്യത്തിന്  മുതിരുന്നില്ല.അത്  കൊണ്ട്  തന്നെ പരിചിതരായ  രണ്ടു  കഥാപാത്രങ്ങള്‍  വീണ്ടും  സ്ക്രീനില്‍  അവതരിപ്പിക്കപ്പെടുമ്പോള്‍  പുതിയ  ഒരു  ചിത്രം  തന്നെ  ആയി  കാണാം,ഈ  ചിത്രവും  കുറ്റാന്വേഷണ  ചിത്രങ്ങളുടെ  ആരാധകരെ  നിരാശപ്പെടുത്തില്ല.


More movie  suggestions @www.movieholicviews.blogspot.ca

488.IDEALISTEN(DANISH,2015)

488.IDEALISTEN(DANISH,2015),|Thriller|,Dir:-Christina Rosendahl,*ing:-Peter Plaugborg, Søren Malling, Thomas Bo Larsen.


   ജനങ്ങള്‍ അറിയേണ്ടത് എന്താണെന്ന് സര്‍ക്കാരുകള്‍ തീരുമാനിക്കുമ്പോള്‍ ആണ് ജനാധിപത്യം എന്ന വാക്കിനു അര്‍ത്ഥം ഇല്ലാതെ ആകുന്നതു.ഈ പ്രവൃത്തി പലതരം രാഷ്ട്രീയ പ്രേരിതം അല്ലെങ്കില്‍ മറ്റെന്തെങ്കിലും പ്രധാന കാരണങ്ങള്‍ കൊണ്ടാകാം.വലിയ നുണകള്‍ പടച്ചു വിടുന്ന രാഷ്ട്രീയക്കാരോടൊപ്പം ബ്യൂറോക്രാട്ടുകളും കൂടി ചേരുമ്പോള്‍ വഞ്ചിക്കപ്പെടുന്നത് രാഷ്ട്ര ബോധം ഉള്ള സാധാരണക്കാര്‍ ആകും.രണ്ടാം ലോക മഹായുദ്ധത്തിനു ശേഷം ലോകത്തെ മറ്റൊരു വന്‍ യുദ്ധത്തിലേക്ക് തിരിച്ചു വിടുമായിരുന്ന സംഭവങ്ങള്‍ ആയിരുന്നു ശീത യുദ്ധ സമയത്ത് ലോക രാഷ്ട്രങ്ങള്‍ നടത്തിയിരുന്നത്.Based on a True Story എന്ന ടാഗുമായി വന്ന ഈ ചിത്രം അന്ന് ഡെന്മാര്‍ക്കില്‍ നടന്ന സുപ്രധാനമായ ഒരു വിഷയത്തെ ആണ് ഫിക്ഷന്‍ ആയി അവതരിപ്പിക്കുന്നത്‌.

  "Thulegate" political scandal എന്ന പേരില്‍ കുപ്രസിദ്ധി നേടിയ സംഭവങ്ങളുടെ തുടക്കം 1968 ല്‍ നടന്ന അമേരിക്കന്‍ ബോംബര്‍ വിമാനം ആയ B-52 തകര്‍ന്നു വീഴുന്നതോടെ ആണ്.ഡെന്മാര്‍ക്കിന്റെ കീഴില്‍ ആയിരുന്ന ഗ്രീന്‍ ലാന്‍ഡില്‍ ആയിരുന്നു സംഭവം.നാല് ഹൈഡ്രജന്‍ ബോംബുകളുമായി തകര്‍ന്നു വീണ ആ വിമാനത്തെ കുറിച്ച് പരക്കെ ദുരൂഹതകള്‍ ഉണ്ടായിരുന്നു.പ്രത്യേകിച്ചും ആണവ ആയുധങ്ങളോട് പിന്തിരിഞ്ഞു നില്‍ക്കുന്ന അല്ലെങ്കില്‍ നില്‍ക്കുന്നു എന്ന തോന്നല്‍ ഉളവാക്കുന്ന സര്‍ക്കാര്‍ ഭരിക്കുമ്പോള്‍.വിമാനം തകര്‍ന്നു വീണപ്പോള്‍ ഉണ്ടായ ആണവ വികീരണങ്ങള്‍ പ്രാധാന്യത്തോടെ കാണണം എന്നൊരു കൂട്ടം വാദിച്ചപ്പോള്‍ അത് പ്രത്യേക പ്രശ്നങ്ങള്‍ ഉണ്ടാക്കുന്നില്ല എന്ന് അധികൃതര്‍ തീര്‍പ്പ് കല്‍പ്പിച്ചു.

  എന്നാല്‍ പോള്‍ ബ്രിങ്ക് എന്ന റേഡിയോ ജേര്‍ണലിസ്റ്റ് ഈ വിഷയത്തിന്റെ സത്യാവസ്ഥ അന്വേഷിച്ച് ഇറങ്ങി തിരിക്കുന്നു.ഭരണകൂട രഹസ്യമായി മാറിയ  ഈ സംഭവങ്ങളെ പൊതു സമൂഹത്തില്‍ അവതരിപ്പിക്കുന്നു.പോള്‍ ബ്രിങ്ക് നടത്തിയ അന്വേഷണം പലരെയും ഭയപ്പെടുത്തുന്നു.അയാള്‍ തനിക്കു കിട്ടുന്ന വിവരങ്ങള്‍ എല്ലാം വീഡിയോ ആയും ഓഡിയോ ആയും രേഖയാക്കുന്നു,പോള്‍ ബ്രിങ്ക് നടത്തിയ അന്വേഷണത്തിന്റെ കഥയാണ് ചിത്രം ബാക്കി അവതരിപ്പിക്കുന്നത്‌.ഒരു പൊളിറ്റിക്കല്‍ ത്രില്ലര്‍,അതും നടന്ന സംഭവങ്ങളെ ആസ്പദം ആക്കി അവതരിപ്പിച്ചപ്പോള്‍ ഒരു ഡോക്യുമെന്‍ററി ആയി മാറാതെ ഒരു സിനിമ എന്ന നിലയില്‍ നല്ല ത്രില്ലര്‍ ആയി മാറി എന്നതാണ് ഈ ചെറിയ ബട്ജറ്റ് ഉപയോഗിച്ച് നിര്‍മിച്ച ചിത്രത്തിന്‍റെ മേന്മ.

ഇനി സിനിമ പറയാത്ത കഥ :

  പോള്‍ ബ്രിങ്ക് താന്‍ കണ്ടെത്തിയ വിവരങ്ങള്‍ "Thule case - lying Universe" എന്ന പുസ്തകത്തില്‍ അവതരിപ്പിച്ചിട്ടുണ്ട്.ലോകത്തിലെ വന്‍ ശക്തി ആയ അമേരിക്കയെ പോലും അവരും ഡെന്മാര്‍ക്ക്‌ എന്ന രാജ്യവും ആയി ഉണ്ടായിരുന്നു എന്ന് പറയുന്ന രഹസ്യ  ഉടമ്പടിയുടെ പേരില്‍ വിറപ്പിച്ച പോള്‍ ബ്രിങ്ക് മരിച്ചതും ദുരൂഹമായിരുന്നു.49 ആം വയസ്സില്‍ പോള്‍ അന്തരിക്കുമ്പോള്‍ അയാളുടെ മരണം ആരൊക്കെയോ ആഗ്രഹിച്ചിരുന്നതായി സംശയിക്കാം.

More movie views @www.movieholicviews.blogspot.com

307.FASANDRAEBERNE(DANISH,2014)

307.FASANDRAEBERNE(DANISH,2014),|Thriller|Mystery|Crime|,Dir:-Mikkel Nørgaard,*ing:-Nikolaj Lie Kaas, Pilou Asbæk, Fares Fares.

  The Keeper of Lost Causes എന്ന 2013 ല്‍ ഇറങ്ങിയ ഡാനിഷ് ചിത്രത്തിന്‍റെ രണ്ടാം ഭാഗം ആണ് Fasandraeberne.ആദ്യ ഭാഗത്തെ കുറിച്ച് ഇവിടെ വായിക്കാം.

http://goo.gl/mMrEEI .

  Q ഡിപ്പാര്‍ട്ട്മെന്റ് പോലീസിലെ സുപ്രധാനമായ ഒരു വിഭാഗം  ആയി മാറ്റിയ കാര്‍ള്‍,അസ്സാദ് എന്നിവര്‍ തെളിയിക്കപ്പെടാത്ത അടുത്ത കേസുകളില്‍ പ്രാമൂഖ്യം നല്‍കേണ്ടത് ഏതൊക്കെ എന്നുള്ള അന്വേഷണത്തില്‍ ആണ്.തെളിവുകളുടെ അഭാവത്തില്‍ എഴുതി തള്ളിയ കേസുകളില്‍ പുനരന്വേഷണം നടത്തുന്ന Q വിഭാഗം അതീവ പ്രശസ്തിയിലേക്ക് ഉയര്‍ന്നു.കാര്‍ള്‍ ആദ്യ ഭാഗത്തെ പോലെ തന്നെ.ജീവിതത്തില്‍ കൊടുക്കുന്ന ശ്രദ്ധയെക്കാളും ജോലിയില്‍ ആണ് അയാള്‍ക്ക്‌ താല്‍പ്പര്യം.വേര്‍പ്പെട്ടു താമസിക്കുന്ന ഭാര്യയുടെ അടുക്കല്‍ നിന്നും മകന്‍ അയാളുടെ ഒപ്പം താമസിക്കാന്‍ എത്തിയത് പോലും അയാള്‍ക്ക്‌ ഓര്‍മ ഇല്ല.

  ഒരു രാത്രി പോലീസുകാരുടെ ഒപ്പം നടന്ന ഒരു പാര്‍ട്ടിക്ക് ശേഷം പുറത്തിറങ്ങിയ കാര്‍ലിനെ ഒരാള്‍ പിന്തുടരുന്നു.അയാള്‍ കാര്‍ലിന്റെ അടുക്കല്‍ എത്തി സംസാരിക്കുന്നു.മദ്യപിച്ചിരുന്ന അയാള്‍ കാര്‍ലിനോട് എന്ത് കൊണ്ടാണ് അയാള്‍ അയച്ച എഴുത്തിനു മറുപടി നല്‍കാത്തത് എന്ന് ചോദിച്ചു കയര്‍ക്കുന്നു.അയാളില്‍ നിന്നും രക്ഷപ്പെട്ട കാര്‍ള്‍ പിറ്റേന്ന് കേള്‍ക്കുന്നത് ആ മനുഷ്യന്‍ മരിച്ചു എന്ന വാര്‍ത്തയാണ്.ഒപ്പം കാര്‍ലിനു കൊടുക്കാനായി അയാള്‍ തയ്യാറാക്കി വച്ച തെളിവുകള്‍ അടങ്ങിയ പെട്ടിയും.

  ഇരുപതു വര്‍ഷം മുന്‍പ് മുന്‍ പോലീസ് ഉദ്യോഗസ്ഥന്‍ ആയ അയാളുടെ ഇരട്ടകളായ കുട്ടികളുടെ മരണത്തെ കുറിച്ചുള്ള വിവരങ്ങള്‍ ആയിരുന്നു അതില്‍.എന്നാല്‍ കേസ് ഫയല്‍ നോക്കിയ കാര്‍ള്‍ ആ കേസില്‍ ഒരാളെ ശിക്ഷിച്ചു എന്നും അയാള്‍ പുറത്തിറങ്ങി എന്നും മനസിലാക്കുന്നു.എന്നാല്‍ ആ കേസ് വാദിച്ച അഭിഭാഷകന്‍റെ പേര് കാര്‍ലിനു സംശയം ഉണ്ടാക്കുന്നു.അതി സമ്പന്നരുടെ മാത്രം കേസുകള്‍ വാദിക്കുന്ന ബ്രെന്റ് ആയിരുന്നു അന്ന് ആ പ്രതിക്ക് വേണ്ടി കോടതിയില്‍ ഹാജരായത്.ദരിദ്ര കുടുംബത്തില്‍ ഉള്ള പ്രതിക്ക് വേണ്ടി എന്തിനു ബ്രെന്റ് ഹാജരാകണം എന്ന ചോദ്യം കാര്‍ലിനെയും അസാദിനെയും ഈ കേസ് വീണ്ടും അന്വേഷിക്കാന്‍ പ്രേരിപ്പിക്കുന്നു.അവര്‍ വിചാരിച്ച എളുപ്പം അല്ലായിരുന്നു കാര്യങ്ങള്‍ .കാരണം ഇരുപതു വര്‍ഷം മുന്‍പ് നടന്ന കേസില്‍ തെളിവുകള്‍ ലഭിക്കാന്‍ ഉള്ള വിഷമം പിന്നെ അജ്ഞാതനായ ആ പ്രതിയും.

  അവരുടെ അന്വേഷണം ആണ് ബാക്കി ചിത്രം.സംശയത്തില്‍ ആയവര്‍ ഒക്കെ ഇന്ന് സമൂഹത്തിലെ ഉന്നതര്‍ ആണ്.അത് കൊണ്ട് തന്നെ അവര്‍ക്ക് എത്തിപ്പെടാന്‍ ആയി പോകേണ്ട വഴികള്‍ ദുഷ്ക്കരം ആണ്.കൂടുതല്‍ അറിയാന്‍ ചിത്രം കാണുക.the Keeper of lost causes പോലെ തന്നെ നന്നായി തോന്നി രണ്ടാം ഭാഗവും. Jussi Adler-Olsen എഴുതിയ ഇതേ പേരില്‍ ഉള്ള കഥയുടെ രണ്ടാം ഭാഗവും മികച്ചതായി തോന്നി.കുറ്റാന്വേഷണ ചിത്രങ്ങള്‍ ഇഷ്ടം ഉള്ളവര്‍ക്ക് ഇഷ്ടമാകും ഈ ചിത്രം.

More movie suggestions @www.movieholicviews.blogspot.com

164.THE KEEPER OF LOST CAUSES(DANISH,2013)

164.THE KEEPER OF LOST CAUSES(DANISH,2013),|Mystery|Crime|Thriller|,Dir:-Mikkel Norgaard,*ing:-Nikolaj Lie Kaas,Fares Fares.

  "കാര്‍ള്‍ മൊറോക്" സാഹസികനായ ഒരു പോലീസ് ഇന്‍സ്പക്ട്ടര്‍ ആണ്.അയാളുടെ സാഹസികത കൂടെ ഉള്ളവരെ പോലും അപകടത്തില്‍ ആക്കുന്ന അത്ര കുഴപ്പം പിടിച്ചതും ആണ്.അയാള്‍ പ്രതികരിക്കുന്നത് പലപ്പോഴും വളരെയധികം വേഗത്തില്‍ ആയിരിക്കും.അത്തരം ഒരു അവസരം അയാളുടെ ജീവിതം ആകെ മൊത്തം മാറ്റി മറിക്കുന്നു.ബാക്ക് അപ് ഇല്ലാതെ അയാളും സുഹൃത്തുക്കളും നടത്തിയ ഒരു ഓപറേഷന്‍ അയാള്‍ക്ക്‌ നഷ്ടങ്ങള്‍ മാത്രം ആണ് സമ്മാനിക്കുന്നത്,അപകടകരമായ ഒരു അവസ്ഥയിലേക്ക് കൂട്ടാളികളെ വിട്ടു കൊടുത്ത അയാളുടെ നീക്കം ഒരാളെ പകുതി ജീവന്‍ ആക്കി മാറ്റുന്നു.മറ്റൊരാള്‍ മരണപ്പെടുന്നു.ആ അപകടത്തിനു ശേഷം സര്‍വീസില്‍ തിരിച്ചെത്തിയ കാര്‍ളിനെ കാത്തിരുന്നത് അയാളെ പ്രധാന കൊലപാതകങ്ങളുടെ അന്വേഷണത്തില്‍ നിന്നും മാറ്റി പുതുതായി രൂപം കൊണ്ട "Q "എന്ന വിഭാഗത്തിലേക്ക് മാറ്റി കൊണ്ടുള്ള ഉത്തരവായിരുന്നു.Q ഡിപ്പാര്‍ട്ട്മെന്റ്റിന്റെ മുഖ്യ പ്രവര്‍ത്തനം പോലീസ് തെളിവില്ലാതെ എഴുതി തള്ളിയ കേസുകള്‍ അവസാനിപ്പിക്കാന്‍ ഉള്ള അവസാന കടലാസ് പണികള്‍ പൂര്‍ത്തി ആക്കുക എന്നത് മാത്രം ആയിരുന്നു.ഒരിക്കലും കാര്‍ള്‍ എന്ന മിടുക്കനായ പോലീസ് ഉദ്യോഗസ്ഥന് അംഗീകരിക്കാന്‍ കഴിയാത്ത ഒരു ജോലി ആയിരുന്നു അത്.

  എന്നാല്‍ കാര്ളിന് മറ്റൊരു സാധ്യത ഇലായിരുന്നു.ഭാര്യ ഉപേക്ഷിച്ചു പോയ അയാള്‍ക്ക്‌ ആ ജോലി ആവശ്യം ആയിരുന്നു.അയാള്‍ക്ക്‌ അവിടെ കൂട്ട് ആയി ലഭിച്ചത് "ആസാദ്" എന്ന മറ്റൊരു ഉദ്യോഗസ്ഥനെ ആയിരുന്നു.ആസ്സാദിന്റെ പ്രവര്‍ത്തികള്‍ കാര്‍ള്‍ എന്ന പോലീസ് ഉദ്യോഗസ്ഥനില്‍ നിന്നും വ്യത്യസ്തം ആയിരുന്നു.സൗമ്യമായ സ്വഭാവം ഉള്ള ഒരാള്‍ ആയിരുന്നു ആസാദ്.ക്ഷമയും അയാള്‍ക്കുണ്ടായിരുന്നു;കാര്‍ള്‍ ഒരിക്കലും ആര്‍ജീക്കാത്ത സ്വഭാവം.അസ്സാദ് ഉണ്ടാക്കുന്ന കാപ്പി പോലും അയാള്‍ വെറുത്തു.അവര്‍ പലപ്പോഴായി നിര്‍ത്തി വച്ച കേസുകളുടെ കൂമ്പാരം അഴിക്കുന്നു.അപ്പോഴാണ്‌ അവര്‍ "മെരെറ്റ്" എന്ന യുവതിയുടെ തിരോധാനവും ആയി ബന്ധപ്പെട്ട കേസില്‍ എത്തി ചേരുന്നത്.ഒരു കപ്പല്‍ യാത്രയ്ക്കിടയില്‍ അപ്രത്യക്ഷ ആയ അവര്‍ ബുദ്ധി സ്ഥിരത ഇല്ലാത്ത സഹോദരനുമായുള്ള പ്രശ്നത്തില്‍ കടലില്‍ ചാടി മരിച്ചു എന്നതായിരുന്നു പോലീസ് റിപ്പോര്‍ട്ട്.സാക്ഷി മൊഴികളും ആ ഒരു വിശ്വാസത്തില്‍ എത്തി ചേരാന്‍ അന്വേഷണ ഉദ്യോഗസ്ഥരെ പ്രേരിപ്പിക്കുന്നതായിരുന്നു.എന്നാല്‍ ആ കേസില്‍ അസ്വാഭാവികം ആയി എന്തോ ഉണ്ടെന്നു മനസ്സിലാക്കുന്ന കാര്‍ള്‍ ആ കേസ് അന്വേഷിച്ചു തുടങ്ങുന്നു.കൂട്ടിനായി അസാദും.എന്നാല്‍ മേല്‍ ഉദ്യോഗസ്ഥര്‍ അവരുടെ ജോലിക്ക് വിലങ്ങു തടി ആകുന്നു.കാര്‍ലിന്റെ സംശയങ്ങള്‍ ശരി ആയിരുന്നോ?മെരറ്റിനു ആ യാത്രയില്‍ എന്താണ് സംഭവിച്ചത്?അവര്‍ ആത്മഹത്യയില്‍ അഭയം തേടിയിരുന്നോ?ഈ ചോദ്യങ്ങള്‍ക്കുള്ള ഉത്തരം ബാക്കി സിനിമ നല്‍കും.

  "ജുസ്സി ആള്ടെര്‍ ഒള്സന്റെ" നോവലിനെ ആസ്പദം ആക്കി നിര്‍മിച്ചിരിക്കുന്ന ഈ ചിത്രം 2013 ലെ ഡാനിഷ് ചിത്രങ്ങളിലെ ഏറ്റവും പണം വരി പടം ആയിരുന്നു.നിഗൂഡത ആണ് ഈ ചിത്രത്തിന്‍റെ കാതല്‍.അതിലൂടെ ഉള്ള അന്വേഷണം ആണ് ചിത്രം അവതരിപ്പിക്കുന്നത്‌.സാഹസികനായ ഒരു പോലീസ് ഉദ്യോഗസ്ഥന്‍ പലപ്പോഴും തനിക്ക് ശരി എന്ന് തോന്നുന്നത് ചെയ്യും.എന്നാല്‍ കൂടെ വിവേക ബുദ്ധി ഉള്ള ഒരാള്‍ കൂടി ഉണ്ടെങ്കിലോ?സ്കാണ്ടിനെവിയന്‍ പശ്ചാത്തലത്തില്‍ മെനഞ്ഞെടുത്ത ഈ ചിത്രം ത്രില്ലര്‍ സിനിമ പ്രേമികള്‍ക്ക് ഒരു നല്ല അനുഭവം ആണ്.

More reviews @ www.movieholicviews.blogspot.com

57.TRULY HUMAN (DANISH,2001)

TRULY HUMAN (DANISH,2001),|Drama|Fantasy|,Dir:- Åke Sandgren,*ing :- Nikolaj Lie Kaas, Peter Mygind, Susan Olsen 

Dogme 95 എന്ന നവീന  സിനിമ രീതിയില്‍ നിര്‍മ്മിച്ച ഡാനിഷ് ചിത്രമാണ് Truly Human.Dogme 95 എന്നുള്ള സിനിമ സമ്പ്രദായം യാഥാസ്ഥിതിക സിനിമ രീതികളില്‍ നിന്നും വിഭിന്നം ആണ് .സിനിമയുടെ സെറ്റ് മുതല്‍ ശബ്ദം ,ക്യാമറ ,കളര്‍ ,മ്യുസിക് എന്നിവയില്‍ എല്ലാം പ്രത്യേകമായ രീതികള്‍ ഈ സിനിമകള്‍ അവലംബിക്കാറുണ്ട് .മൊത്തത്തില്‍ ഒരു വ്യത്യസ്ത സിനിമാനുഭവം ആണ് ഈ രീതി പ്രേക്ഷകന് നല്‍കുന്നത് .വെളിച്ചത്തില്‍ പോലും സ്വാഭാവികത കൊണ്ട് വരുന്നതിനാലും ലൈവ് സൌണ്ട് മാത്രം സിനിമയില്‍ ഉപയോഗിക്കുന്നതിലൂടെയും ഒരു സിനിമ എന്ന നിലയില്‍ നിന്നും കൂടുതല്‍ യാഥാര്‍ത്യങ്ങള്‍ അവതരിപ്പിക്കാന്‍ ഉള്ള ഒരു വേദി ആയി മാറാന്‍ ഇവയ്ക്കു സാധിക്കുന്നുണ്ട് .അത്തരത്തില്‍ ഒരു കെട്ടുകഥ പോലെ തോന്നിക്കുന്ന ചിത്രമാണെങ്കില്‍ പോലും അതില്‍ പ്രതിപാദിക്കുന്ന വിഷയങ്ങളുടെ സാമൂഹിക കാഴ്ചപ്പാടുകള്‍ മൂലം പ്രാധാന്യം അര്‍ഹിക്കുന്ന ഒരു ചിത്രമാണ് Truly Human.

  ഈ ചിത്രത്തിലെ നായകന്‍ അദൃശ്യനായി ചുവരുകള്‍ക്കുള്ളില്‍ ജീവിക്കുന്ന ആളാണ് .അയാളെ കാണാന്‍ ആകെ സാധിക്കുന്നത് ലിസ എന്ന പെണ്‍കുട്ടിയ്ക്ക് മാത്രമാണ് .ലിസ അവളുടെ മാതാപിതാക്കള്‍ അബോര്‍ട്ട് ചെയ്ത  മുതിര്‍ന്ന സഹോദരനായാണ് അയാളെ കാണുന്നത്.ലിസയുടെ ഈ അദൃശ്യനായ സഹോദരന് കുട്ടികളെ വലിയ ഇഷ്ടവും ആണ് .എന്നാല്‍ ഒരു ദിവസം ഒരു കാറപകടത്തില്‍ ലിസ മരിക്കുന്നു .പിന്നീട് പുതുക്കി പണിയുവാന്‍ വേണ്ടി ലിസ താമസിച്ചിരുന്ന ആ കെട്ടിടം ഇടിച്ചു തകര്‍ക്കുന്നു .ചുവരുകള്‍ക്കിടയില്‍ ഒളിച്ചിരുന്ന ആ മനുഷ്യന്‍ അവിടെ നിന്നും പുറത്തു കിടക്കുന്നു .മരിച്ചതിനു ശേഷം മാലാഖയായി മാറിയ ലിസ അയാളോട് "എനിക്ക് ഒരു മനുഷ്യന്‍ ആകണം "എന്ന് എല്ലാവരോടും പറയാന്‍ ആവശ്യപ്പെടുന്നു .പുറം ലോകവുമായി ഒരു പരിചയവും ഇല്ലാത്ത അയാള്‍ ഒരു ദിവസം ലിസയുടെ അച്ഛനെ വഴിയില്‍ വച്ച് കാണുന്നു .ലിസയുടെ അച്ഛന്‍ അയാളെ അഭയാര്‍ഥി ക്യാമ്പില്‍ എത്തിക്കുന്നു .

 മനുഷ്യ സ്വഭാവത്തെ കുറിച്ച് ഒരു അറിവും ഇല്ലാതിരുന്ന അയാള്‍ അവിടെ നിന്നും പലതും പഠിക്കുന്നു .മറ്റുള്ളവര്‍ പറയുന്ന സംഭാഷണങ്ങള്‍ വരെ അയാള്‍ അത് പോലെ തന്നെ പറയുന്നു .ചിന്തിക്കാന്‍ കഴിവില്ലാത്ത അയാള്‍ എല്ലാവരെയും സ്നേഹിക്കുന്നുണ്ട്.. എന്നാല്‍ ഭയം അയാളെ പലപ്പോഴും ആക്രമിക്കുന്നുമുണ്ട് .അയാള്‍ ആ ക്യാമ്പില്‍ വച്ച് മറ്റൊരാള്‍ അയാളുടെ പേരായ അഹമ്മദ് എന്ന് പറയുന്നത് കേട്ട് അത് തന്‍റെ പേരായി പറയുന്നു .അഹമ്മദ് ആയി മാറിയ അയാള്‍ ജീവിക്കാന്‍ തുടങ്ങുകയായിരുന്നു അവിടെ .അയാള്‍ക്ക്‌ ഒരു ജോലി ലഭിക്കുന്നു .ഒരു ഷൂ കടയില്‍ .അഹമ്മദ് തന്‍റെ താമസം ഒരു ഫ്ലാറ്റിലേക്ക്  മാറ്റുന്നു .എന്നാല്‍ അയാള്‍ വിചാരിച്ചതിലും അപ്പുറമായിരുന്നു അയാള്‍ക്ക്‌ അഭിമുഖികരിക്കേണ്ടി വന്ന സമൂഹം .സ്വവര്‍ഗാനുരഗിയായ മുതലാളി ,കാമത്തിന്‍റെ കണ്ണിലൂടെ അഹമ്മദിനെ കാണുന്ന സഹ പ്രവര്‍ത്തക ,കുട്ടികളോടുള്ള അഹമ്മദിന്‍റെ ഇഷ്ടത്തെ മോശമായ കണ്ണിലൂടെ കാണുന്ന സമൂഹം എന്നിവ അയാള്‍ക്ക്‌ മനസിലാകാത്ത പ്രശ്നങ്ങള്‍ ആയിരുന്നു .അഹമ്മദിനെ കുറിച്ചുള്ള സത്യങ്ങള്‍ അറിയിലെങ്കില്‍ കൂടി ലിസയുടെ മാതാപിതാക്കള്‍ അഹമ്മദിനെ ഏറെ ഇഷ്ട്ടപെടുന്നു .ഇടയ്ക്ക് അവിഹിത ബന്ധങ്ങളിലേക്ക് പോയ അവര്‍ അടുക്കാന്‍ ഉള്ള അവസരം ഉണ്ടാകുന്നുണ്ട് ഇടയ്ക്ക് .ആ രംഗങ്ങള്‍ ഒക്കെ അല്‍പ്പം ചിരി ഉണര്‍ത്തുന്നു.എന്തായാലും ഒരു മനുഷ്യനായി ജീവിക്കാന്‍ വേണ്ടി ഈ ലോകത്ത് വന്ന അഹമ്മദിന് ചുറ്റുപാടുകള്‍ സമ്മാനിച്ചത്‌ മോശമായ അനുഭവങ്ങള്‍ ആയിരുന്നു .അഹമ്മദ് അവയെ ഒക്കെ എങ്ങനെ നേരിട്ട് എന്നതാണ് ഈ ചിത്രം.അഹമ്മദിന് അവസാനം എന്ത് സംഭവിച്ചു എന്നുള്ളതും .ഒരു ബട്ടര്‍ഫ്ലൈ എഫ്ഫെക്റ്റ്‌ ഈ ചിത്രത്തില്‍ കാണാന്‍ സാധിക്കും .

  ഈ ചിത്രം ഇതിലെ മുത്തശി കഥയേക്കാളും മുകളില്‍ ആണ് .അഹമ്മദ് എന്നാ ആ കഥാപാത്രത്തോട് തോന്നുന്ന അനുകമ്പയും ,അയാളുടെ നിഷ്കളങ്കത മനസ്സിലാകാത്ത ഈ ലോകവും ഒക്കെ ഒരു പ്രഹേളിക ആയി മാറുന്നു ഈ ചിത്രത്തില്‍ .ഈ ചിത്രം എല്ലാവര്‍ക്കും ഇഷ്ടപ്പെടും എന്ന് തോന്നുന്നില്ല .എന്നാല്‍ ഒരു വ്യത്യസ്തതയ്ക്കു വേണ്ടി കാണാവുന്ന ഒരു ചിത്രമാണ് .ഈ ചിത്രത്തിന് ഞാന്‍ കൊടുക്കുന്ന മാര്‍ക്ക് 7/10 !!

  Dogme 95 is a neo concept used in movies.They have a certain set of goals and rules for that to implement in a movie.Truly Human is a Danish movie which was produced based on the same concept.The concept covers every field in film production.Right from the camera to sets,sound,lighting etc.it follows certain rules which even makes a fable to look real.

Truly Human is such a movie.It revolves around an invisible man living behind the walls of the house of a little girl named Lisa.Lisa considers this man as her elder brother who was aborted by her parents before he was born.But one day Lisa dies in an accident.Later her apartment was crashed down for renovating purposes.So this invisible man gets freed from the walls and he decides to live in this world.Lisa,who is a now angel asks him to tell everyone that "I want to be a real human being".

Later he saw Lisa's dad and he helped him to be in a refugee camp.This man was unaware of the life around him.He learned many things from the camp.Even he starts accepting what everyone told him.In that way he even got a name "Ahmad".Later he got a job in a shoe mart.He moved to a flat nearby.But what he had to face in his life became more painful there.His gay boss,his co-worker girl who approaches him always for sex,and Ahmed's love for children was considered him as a pedophile.All these conditions made him to fall into complex situations.Then the rest of the movie deals with how Ahmed dealt with all these situations and whether he could survive them.

  This seems to be an unrealistic story at places .But the making made it something big than what is expected,This movie is worth watching for the one's who need a variety movie experience.My rating  for the movie is 7/10!!

More reviews @ www.movieholicviews.blogspot.com

Torrent Link :-http://thepiratebay.sx/torrent/5281343/Dogme___18_-_Et_Rigtigt_menneske_(Truly_Human__2001)

ADAM'S APPLES(2005,DANISH)

ADAM'S APPLES aka "Adams æbler"(2005,DANISH) ,Genre:- Comedy | Crime | Drama
Dir:- Anders Thomas Jensen,*ing- Ulrich Thomsen, Mads Mikkelsen, Nicolas Bro

സ്വന്തമായുള്ള വിശ്വാസങ്ങള്‍;അത് തെറ്റോ ശരിയോ (മറ്റൊരാളുടെ കാഴ്ചപ്പാടില്‍ ) എന്ത് തന്നെ ആണെങ്കിലും അതില്‍ സത്യത്തിന്‍റെ കണിക തേടി പോകുന്നതിലും നല്ലത് അത് മനസ്സിന്‍റെ ഒരു ഒളിച്ചോട്ടം ആണ് എന്ന് കരുതുന്നതാകും നല്ലത്...പ്രശ്നങ്ങളില്‍ നിന്നും മാറി ചിന്തിക്കുവാന്‍ ഉള്ള അവസരം പലപ്പോഴും അങ്ങനെ ലഭിക്കുന്നു..സംസാരിക്കുമ്പോള്‍ വിക്ക് വരുന്നതും പലപ്പോഴും ഇത്തരം ഒരു അവസ്ഥയില്‍ ആണ്..പ്രശ്നങ്ങള്‍ക്കുള്ള പരിഹാരം നാക്കിന്‍ തുമ്പത്ത് ഇല്ലെങ്കില്‍ അത് തന്നെ വഴി എന്ന് കരുതുന്നവരും ഉണ്ടാകാം..വിശ്വാസങ്ങള്‍ പലപ്പോഴും അങ്ങനെ ആണ്..സുഖമായി ഇരിക്കുവാന്‍ ഒരു പതുപതുത്ത കസേരയില്‍ ഇരിക്കുന്നത് പോലെ ആണ് വിശ്വാസങ്ങളും..നന്മയും തിന്മയും ആരാധനാ വസ്തുക്കള്‍ ആകുന്നതു അത്തരം ഒരു അവസ്ഥയിലാണ്...പ്രശ്നങ്ങള്‍ ഉണ്ടാകുമ്പോഴാണ് വിശ്വാസങ്ങളില്‍ മുറുക്കി പിടിക്കുവാന്‍ പലര്‍ക്കും തോന്നുന്നത്...പ്രശ്നങ്ങളെ എങ്ങനെ അഭിമുഖരിക്കണം എന്ന് ഒരാള്‍ക്ക്‌ മനസ്സിലാക്കി കൊടുക്കുന്നത് അത്തരം വിശ്വാസങ്ങള്‍ ആണ്...വിശ്വാസങ്ങള്‍ തെറ്റുമ്പോള്‍ ഉള്ള നിരാശ പലരെയും ജീവിതത്തിന്‍റെ കറുത്ത ഭാഗങ്ങളിലേക്ക് കൊണ്ട് പോകുന്നത് തന്‍റെ നിലപാടുകള്‍ തെറ്റായിരുന്നു എന്ന ബോധം വരുമ്പോഴും..അത് കൊണ്ട് തന്നെ വിശ്വാസങ്ങള്‍ ഒരേ സമയം ജീവദാതാവും ജീവന്‍റെ അന്തകനും ആകുന്നു..ഇത്തരം വിശ്വാസങ്ങള്‍ തമ്മില്‍ ഉള്ള ഒരു മല്‍പ്പിടുത്തം ആണ് ADAM'S APPLES എന്ന ഡാനിഷ് ചിത്രത്തില്‍ പ്രതിപാദിക്കുന്നത്..

ചെറിയ ഒരു കഥയിലൂടെ ആണ് നന്മയും തിന്മയും തമ്മില്‍ ഉള്ള പോരാട്ടം അവതരിപ്പിക്കുന്നത് .. നാസി ആഭിമുഖ്യം ഉള്ള ആദം ജയിലില്‍ നിന്നും പരോളില്‍ കുറ്റവാളികള്‍ക്ക് വേണ്ടിയുള്ള പുനരധിവാസ പരിപാടിക്കായി ഗ്രാമാപ്രാന്തത്തില്‍ ഉള്ള ഒരു പള്ളിയില്‍ എത്തുന്നു..അവിടെ ആദമിനെ കൊണ്ട് പോകാനായി വരുന്നത് വൈദികന്‍ ആയ ഇവാന്‍ ആണ് ..പ്രസ്സന്നത ആണ് ഇവാന്‍റെ മുഖമുദ്ര ..ആദമിന്‍റെ സ്വഭാവം വെറുപ്പും ദേഷ്യവും നിറഞ്ഞതാണ്‌ ...പള്ളിയിലേക്കുള്ള യാത്രയില്‍ സൌമ്യനും സന്തോഷവാനും ആയി പെരുമാറുന്ന ഇവാനെ ആദമിന് ഇഷ്ട്ടപ്പെടുന്നില്ല .. ഇവാന്‍ കാറില്‍ വയ്ക്കുന്ന ഗാനത്തോട്‌ പോലും ആദമിന് വെറുപ്പ്‌ തോന്നുന്നു ...അവസാനം പള്ളിയില്‍ എത്തി ചേരുമ്പോള്‍ ഇവാന്‍ ആദമിന് അവരുടെ ആപ്പിള്‍ മരം കാണിച്ചു കൊടുക്കുന്നു ..താമസത്തിന് ആദമിന് കൂട്ടായി അവിടെ ഉള്ളത് റോബിന്‍ഹൂഡിന്റെ അറബി പതിപ്പായ കള്ളന്‍ കാസിമും റേപ് കേസില്‍ ശിക്ഷിക്കപ്പെട്ട നിക്കോളാസും ആണ്..അധിവാസ പരിപാടിയുടെ ഭാഗം ആയി എന്ത് ജോലി ചെയ്യാനാണ് ആദമിന് ഇഷ്ട്ടം എന്ന് ചോദിക്കുന്ന ഇവാനോട് പരിഹാസരൂപേണ തനിക്ക് ഒരു ആപ്പിള്‍ കേക്ക് ഉണ്ടാക്കാനാണ് താല്‍പ്പര്യം എന്ന് പറയുന്നു..കളിയാക്കിയാതാണെന്ന് മനസ്സിലാക്കാതെ ഇവാന്‍ അതിനുള്ള സഹായങ്ങള്‍ ആദമിന് ചെയ്തു കൊടുക്കാം എന്ന് സമ്മതിക്കുന്നു...

എന്നാല്‍ അവിടത്തെ ജീവിതം ആദമിന് അസഹനിയം ആയിരുന്നു ...തെറ്റുകളിലേക്ക് എപ്പോള്‍ വേണമെങ്കിലും വഴുതി വീഴും എന്ന അവസ്ഥയില്‍ നില്‍ക്കുന്ന കാസിമും നിക്കോളാസും ..എന്നാല്‍ എന്തിനേയും നന്മയുടെ രൂപത്തില്‍ മാത്രം കാണുന്ന ഇവാന്‍ കാരണം അവര്‍ മോശമായ ജീവിതത്തിലേക്ക് തിരിച്ചു പോകുന്നില്ല എന്ന് മാത്രം ...ജീവിതത്തില്‍ സംഭവിക്കുന്ന മോശം സംഭവങ്ങള്‍ തിന്മയും ആയുള്ള പോരാട്ടം ആണ് എന്നാണ് ഇവാന്‍ അവരെ എല്ലാം പഠിപ്പിച്ചത് ..എന്നാല്‍ വിദ്വേഷം മനസ്സില്‍ വച്ച് നടക്കുന്ന ആദമിന് ഇതൊന്നും സഹിക്കാന്‍ പറ്റുന്നതല്ലായിരുന്നു ..ആദമിന് ആപ്പിള്‍ കേക്ക് ഉണ്ടാക്കാന്‍ ആപ്പിള്‍ എടുക്കാന്‍ വച്ചിരുന്ന അപ്പിള്‍ മരത്തിലെ ആപ്പിളുകള്‍ എല്ലാം കാക്ക കൊതി തിന്നുന്നു...പിന്നീട് അവയ്ക്ക് പുഴുക്കളുടെ ആക്രമണവും ഉണ്ടാകുന്നു ...കുക്കറില്‍ നിന്നും ചെറുതായി പൊള്ളല്‍ ഏല്‍ക്കുന്ന ആദമിനോട് ഇവാന്‍ " ദൈവത്തിന് ആദം കേക്ക് ഉണ്ടാക്കുന്നത്‌ ഇഷ്ട്ടമില്ല ..അത് കൊണ്ടാണ് കുക്കറില്‍ നിന്നും അപകടം പറ്റിയതെന്നും , ആപ്പിള്‍ മരത്തില്‍ കാക്കകളുടെയുടെ പുഴുക്കളുടെയും ആക്രമണങ്ങള്‍ ഉണ്ടായതെന്നും പറയുന്നു ...നല്ല എല്ലാ കാര്യവും ദൈവത്തിന്‍റെ പ്രവര്‍ത്തി ആണെന്ന് പറയുകയും മോശം സംഭവങ്ങള്‍ തിന്മ നമ്മോട് പോരടിക്കുന്നതാണ് എന്നും പറയുന്ന ഇവാന്റെ ആശയങ്ങളില്‍ വീര്‍പ്പു മുട്ടി അവസാനം ആദം ഇവാനെ മാനസികമായി തകര്‍ക്കാന്‍ തീരുമാനിക്കുന്നു ...

ദുരിതം നിറഞ്ഞ കുട്ടിക്കാലവും ,ആത്മഹത്യ ചെയ്ത ഭാര്യയും സഹോദരിയും ,വൈകല്യം ഉള്ള കുട്ടിയും , ചികിത്സിച്ചുഭേദമാക്കാന്‍ കഴിയാത്ത ട്യുമര്‍ എന്നിവയാണ് ഇവാന്റെ ജീവിതം ചുരുക്കി പറഞ്ഞാല്‍ ...എന്നാല്‍ അതെല്ലാം തിന്മയുടെ കളി ആണെന്നും ,പിശാച് തന്നെ പരീക്ഷിക്കുകയാണ് എന്നും ഇവാന്‍ ആശ്വസിക്കുന്നു ...തിന്മയ്ക്കെതിരെ വിജയിക്കുവാന്‍ പിശാചിനോട്‌ തന്‍റേതായ രീതിയില്‍ ചുറ്റും സന്തോഷം മാത്രം പകര്‍ന്നു കൊടുത്തു നടക്കുന്നു ഇവാന്‍ ...തന്‍റെ ദുരിതങ്ങള്‍ക്ക് മറ്റൊരു ഭാഷ്യം നല്‍കുന്നു ....എന്നാല്‍ "ബുക്ക് ഓഫ് ജോബ് " എന്ന ബൈബിള്‍ അദ്ധ്യായം വായിക്കാന്‍ അവസരം ഉണ്ടായ ആദം ജോബിന് സംഭവിച്ചത് പോലെ ഇവാനോടും ദൈവത്തിന് ഇഷ്ട്ടമില്ലാത്തത് കൊണ്ടാണ് ദുരിതങ്ങള്‍ എന്നും അല്ലാതെ പിശാച് കാരണം അല്ല എന്നും പറയുന്നു ... ഇവാന്റെ മനസ്സ് തളരുന്നു ...ഇവാന്റെ തളര്‍ച്ച കാസിം നിക്കോളാസ് എന്നിവരെ പഴയ രീതികളിലേക്ക് തിരിച്ചു കൊണ്ട് പോകുന്ന അവസ്ഥയില്‍ എത്തിക്കുന്നു ...

ആദമിന് തന്‍റെ ചെയ്തികള്‍ തെറ്റായി പോയി എന്ന് മനസ്സിലാകുന്നു ...പക്ഷെ ആദമിന് എന്ത് ചെയ്യാന്‍ കഴിയും എല്ലാം പഴയത് പോലെ ആകാന്‍ ???ആദമിന് ആപ്പിള്‍ കേക്ക് ഉണ്ടാക്കുവാന്‍ സാധിക്കുമോ ???തന്‍റെ വിശ്വാസങ്ങള്‍ തെറ്റായി എന്ന് കരുതുന്ന ഇവാന് എന്ത് സംഭവിക്കും ???വൈകല്യം ഉള്ള മകന് എന്ത് സംഭവിക്കും ??നിക്കോളാസും കാസിമും ഏതവസ്ഥയില്‍ ആകും ???ഇങ്ങനെ കുറേ ചോദ്യങ്ങള്‍ക്ക് ഉത്തരം ആണ് ബാക്കി ചിത്രം ..ആദ്യം പറഞ്ഞ നന്മയും തിന്മയും തമ്മില്‍ ഉള്ള പോരാട്ടത്തിന് എന്ത് സംഭവിക്കും എന്നുള്ളതും പരമപ്രധാനമായി വിശ്വാസങ്ങള്‍ മനുഷ്യനെ എങ്ങനെ ഒക്കെ സ്വാധീനിക്കുന്നു എന്ന് ബാക്കി ചിത്രം പറയുന്നു ...

" ബിഗ്‌ ഫിഷ്‌ " പോലെ പ്രത്യാശ ആണ് ജീവിതത്തില്‍ വേണ്ടത് എന്ന് ഉദ്ഘോഷിക്കുന്നു ഈ ചിത്രം ...ഗൌരവം നിറഞ്ഞ പ്രമേയം ആണെങ്കിലും അവിചാരിതമായി ഉണ്ടാകുന്ന തമാശകള്‍ ഈ ചിത്രത്തെ കൂടുതല്‍ മനോഹരമാക്കുന്നു ..തമാശയ്ക്ക് വേണ്ടി തമാശ ഒരുക്കുകയല്ല സംവിധായകന്‍ ഇവിടെ .. പകരം വിഷ്വലുകള്‍ അത് ചെയ്യുന്നു ...നിഷ്ക്കളങ്കതയുടെ ചിരികളും വിശ്വാസത്തിന്‍റെ ഭാരവും ഒരേ സമയം ഈ ചിത്രത്തില്‍ കാണാം ...വിശ്വാസങ്ങള്‍ക്ക് അതിന്‍റേതായ പരിമിതികള്‍ ഉണ്ടെന്നും ഒരാളുടെ വിശ്വാസങ്ങള്‍ മറ്റൊരാളില്‍ പകര്‍ന്നു നല്‍കുമ്പോള്‍ അതിനു നല്‍കേണ്ട വില വലുതാണെന്ന് ഇവാനും ആദമും കാണിച്ച് തരുന്നു ...അഭിനയം ആണെങ്കിലും കഥ അവതരിപ്പിക്കുന്ന ശൈലി ആണെങ്കിലും മനോഹരമായി നിര്‍വഹിച്ചിരിക്കുന്നു ഈ ചിത്രത്തില്‍ ...മികച്ച ഒരു ഫീല്‍ ഗുഡ് മൂവി എന്ന് തീര്‍ച്ചയായും ഈ ചിത്രത്തെ പറയാം ...എനിക്ക് വളരെയധികം ഇഷ്ട്ടപ്പെട്ടു ഈ ചിത്രം ...സമാധാനമായി സങ്കീര്‍ണതകള്‍ ഇല്ലാതെ ഇരുന്ന് കാണാന്‍ പറ്റുന്ന ഒരു ചിത്രം ...

Life has different plans to offer in different people's life ...The way we accepts it;whether its good or bad,that's where all the differences lies ...A wonderful movie which recites repeatedly that the way one narrates his/her life creates paradise and hell for all.A well crafted ,yet simple story has lots to offer to one's life ....a great perspective on life and as a movie with its direction,cast,actors and everything..Even the song that was played inside the car has to offer surprises for the viewers..A really interesting theme that leads to redemption provides one of the great movies of all time...One may wonder how a small movie like this could get praises from critics around the world...The answer is simple...after watching the movie ...you could really feel that in your heart!! My rating for this wonderful movie is 9.5/10 !!

torrent link :- http://thepiratebay.sx/torrent/4531435/Adams_Aebler___Adam__s_Apples_[English_subs]

More reviews @ www.movieholicviews.blogspot.com