1400. Mare of Easttown (English, 2021)

 1400. Mare of Easttown (English, 2021)

           Crime (HBO Limited Series)

   മേർ ശിഹാൻ ഈസ്റ്റ് ടൗണിന്റെ സ്വന്തം ഡിറ്റക്ട്ടീവ്‌ ആയിരുന്നു. ആരോ ഒളിഞ്ഞു നോക്കുന്നു എന്നു പറഞ്ഞു അതിരാവിലെ വിളിക്കുന്ന സ്ത്രീയ്ക്ക് കാര്യങ്ങൾ പറയാൻ പോലും വിശ്വാസം ഉള്ള ഒരാൾ മേർ ആയിരിക്കണം.അതിനു ഒരു കാരണം അവർ മേറിനെ അത്രയും പരിചയം ഉള്ളത് കൊണ്ടായിരിക്കണം.

   

   ഈസ്റ്റ് ടൌൺ പോലുള്ള ചെറിയ ടൗണുകൾ അമേരിക്കയിലും കാനഡയിലും ഒക്കെ സാധാരണം ആണ്.നമ്മുടെ നാട്ടിലെ പഴയ നന്മ വറ്റാത്ത ഗ്രാമങ്ങൾ പോലെ, എല്ലാവരും പരസ്പ്പരം അറിയുന്ന, ഒരു കുടുംബത്തിലെ മാറിയ സാഹചര്യങ്ങൾ പോലും പ്രതീക്ഷിക്കുന്നതിനും അപ്പുറം ആളുകളെ ബാധിക്കുന്ന ഒരു ചെറിയ ടൗണ് ആണ് ഈ ഈസ്റ്റ് ടൗണ്.ഒരു മൂന്നു വർഷം അത്തരം ഒരു ടൗണിൽ ജീവിച്ചത് കൊണ്ടു അത്തരം സാഹചര്യങ്ങൾ പരിചിതമാണ് എനിക്ക്.അതു കൊണ്ടു തന്നെ വല്ലാത്തൊരു മാനസിക ബന്ധം തോന്നി ഈസ്റ്റ് ടൗണിനോടും. 

   

   സീരീസ് കണ്ടു തുടങ്ങിയപ്പോൾ Brad Ingelsby എഴുതിയ കഥാപാത്രങ്ങൾ പലരും പരിചിത മുഖങ്ങൾ ആയി മാറി.ഇടയ്ക്കു കുട്ടികളെ ആരെയെങ്കിലും കാണാതെ ആകുമ്പോൾ Amber Alert നൽകി അവരെ കണ്ടെത്താൻ കൂട്ടമായി പോകുന്ന കാഴ്ചകൾ ഒക്കെ പല സിനിമ/സീരീസുകളിൽ കണ്ടിട്ടുണ്ടെങ്കിലും അതു  യഥാർത്ഥത്തിൽ നടക്കുന്ന സംഭവങ്ങൾ ആണെന്നുള്ള അറിവ് ഉണ്ടായത് ആ ചെറിയ ടൗണിൽ ജീവിച്ചപ്പോൾ ആയിരുന്നു.ഈസ്റ്റ്ടൗണും അത്തരത്തിൽ ഒന്നായിരുന്നു.

   

  നേരത്തെ പറഞ്ഞതു പോലെ ഓരോ സംഭവങ്ങളും ഇത്തരം ഒരു ടൗണിൽ ഉണ്ടാക്കുന്ന impact ഭയങ്കരം ആയിരിക്കും.അത്തരത്തിൽ ഉള്ള ചില സംഭവങ്ങൾ ഈസ്റ്റ് ടൗണിൽ ഉണ്ടാവുകയാണ്.നേരത്തെ നടന്ന, ഇപ്പോഴും ജനങ്ങളെ വിഷമിപ്പിക്കുന്ന കാര്യങ്ങളുമായി അതിനെ താരതമ്യം ചെയ്യാൻ പലരും ഉണ്ടാകും.വ്യക്തി ബന്ധങ്ങളുടെ പേരിൽ ഒരു പരിധിയ്ക്കും അപ്പുറം ആളുകളോട് മറുപടി പറയേണ്ടിയും വരും.

  

  മേർ അങ്ങനെ ഒരു അവസ്ഥയിൽ ആണ്. എറിൻ എന്ന പെണ്കുട്ടിയുടെ മൃതദേഹം കാട്ടിനുള്ളിൽ കണ്ടെത്തി.ഒരു കുട്ടിയുടെ അമ്മയായ അവളെ അതിനു മുന്നേ കുറച്ചു ആളുകൾ ഉപദ്രവിച്ചു എന്നതിന് സാക്ഷികളും ഉണ്ട്.ചോദ്യങ്ങൾ ഏറെ ഉയരുകയാണ്.എറിനെ ആരാണ് കൊലപ്പെടുത്തിയത്?പെട്ടെന്ന് തന്നെ പലരും സംശയത്തിന്റെ പരിധിയിൽ വരുന്നു. ഒരു ചീറിയ ടൌൺ ആയത് കൊണ്ട് തന്നെ അവൾ കൊല്ലപ്പെടുന്നതിനു മുന്നേ അവളെ കണ്ടവരും ഏറെയാണ്.

  എന്നാൽ മുൻകാല സംഭവങ്ങളുടെ പേരിൽ മേറിന്റെ ഡിറ്റക്ട്ടീവ്‌ എന്ന കഴിവിനെ പലരും അവിശ്വസിക്കുന്നു.പിന്നീട് അന്വേഷണത്തിന് അവരുടെ ഒപ്പം ഒരു പാർട്ണറും ചേരുന്നു. മേർ ഈ കൊലപാതകത്തിന്റെ പിന്നിൽ ആരാണെന്നു കണ്ടെത്തുമോ, അതോ?

  ഒരു സ്ലോ പോയിസണ് പോലെ പ്രേക്ഷകന്റെ മനസ്സിൽ കയറാൻ കഴിയുന്ന കഥയും കുറെയേറെ കഥാപാത്രങ്ങളും ആണ് Mare of Easttown ബലം.ഒരു ത്രില്ലർ സീരീസിന്റെ ഫോർമാറ്റ് അല്ലെങ്കിലും ദുരൂഹതകൾ ഓരോന്നായി അഴിഞ്ഞു തുടങ്ങുമ്പോൾ പതിയെ കഥാപാത്രങ്ങളെ കുറിച്ചു വ്യക്തത വരുന്നുണ്ട്.അതു അവസാന എപ്പിസോഡ് വരെ ആകാംക്ഷ നില നിർത്താൻ സാധിക്കുന്നുണ്ട്.ഏകദേശം അഞ്ചാം എപ്പിസോഡ് ആയപ്പോൾ കഥ തീർന്നൂ എന്നു കരുതിയിരുന്നിടത്തു നിന്ന് ഏഴാം എപ്പിസോഡിൽ എത്തിയപ്പോൾ ആണ് ദുരൂഹതകൾ കുറെയേറെ ഉണ്ടെന്നു മനസ്സിലായത്.

  Pure Class ആണെന്ന് ഉള്ള അഭിപ്രായം ആണ് Easttown ലെ മേറിന്റെ കഥ പറഞ്ഞ HBO സീരീസിനെ കുറിച്ചു പറയാൻ ഉള്ളത്. കഥാപാത്രങ്ങൾ പലതും മനസ്സിൽ നിന്നിരുന്നു സീരീസ് കഴിയുമ്പോഴും.പ്രത്യേകിച്ചും മാനസികമായി സങ്കീർണതകൾ ഏറെയുള്ള കഥാപാത്രമായി കേറ്റ് വിൻസ്‌ലറ്റിന്റെ മേർ മികച്ചു നിന്നൂ.വളരെയേറെ ഇഷ്ടപ്പെട്ട സീരീസുകളിൽ ഒന്നാണ് Mare of Easttown ഇപ്പോൾ.

@mhviews rating: 4/4

1399. The Innocent (Spanish, 2021)

 1399. The Innocent (Spanish, 2021)

            Mystery.

  Oriol Paulo- Harlan Coben. 

      Netflix കാലത്തു ഏറ്റവും വലിയ കൂട്ടുക്കെട്ടിൽ ഒന്നു ആണ് ഇതെന്ന് നിസംശയം പറയാം. രണ്ടു പേരുടെയും മുൻകാല വർക്കുകൾക്ക് ഒക്കെ ധാരാളം ആരാധകരും ഉണ്ട്.ഒരു മിസ്റ്ററി സീരീസ്/സിനിമ സ്നേഹിയെ സംബന്ധിച്ചു ഏറ്റവും മികച്ച കൂട്ടുക്കെട്ടു എന്നു തന്നെ പറയാം. അവർ ഒന്നിച്ച സ്പാനിഷ് പരമ്പര ആയ The Innocent ഈ വാദത്തിനോട് നന്നായി യോജിക്കുന്നും ഉണ്ട്. വളരെ സങ്കീർണമായ ഒരു കഥയുമായി ആണ് The Innocent പ്രേക്ഷകന്റെ മുന്നിൽ വരുന്നത്.

         

    ജീവിതത്തിൽ പൊയ്മുഖങ്ങൾ അണിഞ്ഞവർ ധാരാളം ഉണ്ടാകും.ചിലരുടെ ജീവിതക്കാലത്തിൽ തന്നെ അവർ അണിഞ്ഞിരുന്ന മുഖമൂടികൾ  അഴിഞ്ഞു വീഴാറുണ്ട് എന്നത് ഒരു യാഥാർഥ്യമായിരിക്കേ തന്നെ ഈ മുഖമൂടി നൽകുന്ന സംരക്ഷണം കാരണം നിഷ്ക്കളങ്കർ ആയി ജീവിക്കാൻ സാധിക്കുന്നവരും ഉണ്ട്.ഒരു അർത്ഥത്തിൽ നമ്മളിൽ ഭൂരിഭാഗവും അങ്ങനെ ആയിരിക്കാം അല്ലെ?

          Netflix Series

          No. of Episodes: 8

ചെറുപ്പത്തിൽ അറിയാതെ ചെയ്ത ഒരു തെറ്റ് കാരണം ആണ് Mateo Vidal 4 വർഷക്കാലം ജയിൽ ശിക്ഷ അനുഭവിച്ചത്‌.സ്വന്തം ജീവിതം അയാൾ കുടുംബത്തിന്റെ ഒപ്പം നല്ല രീതിയിൽ കൊണ്ടു പോകാൻ ശ്രമിക്കുമ്പോൾ ആണ് അയാളുടെ ജീവിതത്തിൽ പല കാര്യങ്ങളും സംഭവിക്കുന്നത്.ചില കാര്യങ്ങൾ ചിന്തകൾക്കും അപ്പുറം ഉള്ളവയായിരുന്നു.അതിനെല്ലാം തുടക്കം കുറിച്ചത് ഒരു കന്യാ സ്ത്രീ മഠത്തിൽ നടന്ന കൊലപാതകവും ഏകദേശം ആ സമയത്തോട് അനുബന്ധിച്ചു അയാളുടെ ഭാര്യയുടെ തിരോധാനവും ആയിരുന്നു.

   ഒരു സാധാരണ കഥ പ്രതീക്ഷിച്ചു പോയാൽ നിരാശ ആയിരിക്കും ഫലം.കാരണം നേരത്തെ പറഞ്ഞ പൊയ്മുഖങ്ങൾ തന്നെ.നമ്മൾ സ്‌ക്രീനിൽ കണ്ടിരുന്ന കഥാപാത്രങ്ങളുടെയെല്ലാം നേരെ ക്യാമറ ഫോക്കസ് ചെയ്യുമ്പോൾ പ്രേക്ഷകന്റെ മുന്നിൽ ദുരൂഹതകൾ ഓരോന്നായി അവതരിപ്പിക്കുകയാണ്. അതിന്റെ പിന്നിൽ ഉള്ള രഹസ്യങ്ങൾ കണ്ടെത്താനായി ഓരോ എപ്പിസോഡ് കഴിയുമ്പോഴും കൂടുതൽ കുരുക്കിൽ അകപ്പെട്ട് പോകുന്ന അവസ്ഥ ആണ് പ്രേക്ഷകന് ഉണ്ടാവുക.

  സീരീസിലെ ഒട്ടു മിയ്ക്ക കഥാപാത്രങ്ങളുടെയും അവസ്ഥ ഇതാണ്.ഹാർലൻ കൊബേന്റെ Netflix സീരീസുകളിൽ ശ്രദ്ധിച്ചിട്ടുള്ള ഒരു കാര്യമാണ് സ്‌ക്രീനിൽ വരുന്ന ഓരോ കഥാപാത്രത്തിനും നൽകുന്ന വ്യക്തിത്വവും അതിന്റെ ഒപ്പം കഥയുടെ ഗതിയെ അവർ സ്വാധീനിക്കുന്ന രീതിയും.വളരെ ഇഷ്ടമാണ് ശരിക്കും ആ ഒരു അവതരണ രീതി.ഇത്തരം സീരീസുകൾ അതു കൊണ്ടു തന്നെ കാണുന്ന സമയവും, കണ്ടു കഴിഞ്ഞാലും കഥാപാത്രങ്ങൾ മനസ്സിൽ നിൽക്കുകയും ചെയ്യും.ഒരു പക്ഷെ കഥ ഊഹിച്ചു വരുമ്പോൾ ഓരോ കഥാപാത്രത്തിനും അതിൽ സ്ഥാനം ഉണ്ടാവുകയും പിന്നീട് അതിൽ നിന്നും വ്യത്യസ്തമായി ഒരു കഥാഗതി ഉണ്ടാകുന്നത് കൊണ്ടു ആകാം.

   The Innocent അങ്ങനെ ഒരു സീരീസ് തന്നെയാണ്. സങ്കീർണമായ ജീവിതാവസ്ഥകളിലൂടെ പോകുന്ന ഒരു കൂട്ടം മനുഷ്യർ.അവരുടെ പൊയ്മുഖങ്ങൾ നൽകുന്ന സംരക്ഷണ വലയത്തിൽ നിന്നും അവർ ചാടുമ്പോൾ ഉണ്ടാകുന്ന സംഘർഷങ്ങൾ ഉണ്ട്, അതു നന്നായി.പ്രേക്ഷകനിൽ എത്തിക്കാൻ Oriol Paulo യ്ക്ക് കഴിയുകയും ചെയ്തു എന്ന് തോന്നി.

  Out of Nowhere എന്ന് പറയാൻ കഴിയുന്ന രീതിയിൽ ഒരു മാന്ത്രികന്റെ സാമർഥ്യത്തോടെ ആണ് ഈ സീരീസിലെ പല സംഭവങ്ങളും അവതരിപ്പിച്ചിരിക്കുന്നത് എന്നതാണ് അഭിപ്രായം.8 എപ്പിസോഡ് ക്ഷമയോടെ തന്നെ കണ്ടു ഇരിക്കണം.കാരണം അവസാന എപിതാക്കോഡിലെ അവസാന രംഗത്തു പോലും ഉണ്ടാകും പ്രേക്ഷകനെ കാത്ത്‌ ഇരിക്കുന്ന ദുരൂഹതകളുടെ ഉത്തരം.അവസാനം Mateo Videl ന് എന്താകും സംഭവിച്ചിട്ടുണ്ടാവുക? ആകാംക്ഷ തോന്നുന്നുണ്ടെങ്കിൽ അൽപ്പ നേരം മാറ്റി വയ്ക്കുക.നിരാശപ്പെടേണ്ടി വരില്ല.

  എനിക്ക് നല്ല രീതിയിൽ തന്നെ ഇഷ്ടമായി.

@mhviews rating: 4/4

 

1394. Time (English, 2021)

 1394. Time (English, 2021)

           Drama.

           No. of Episodes: 3

           Streaming Platform: BBC iPlayer

  ജയിൽ സംവിധാനത്തിലെ പാക പിഴകൾ എക്കാലത്തും സജീവമായി ചർച്ച ചെയ്യപ്പെടുന്ന ഒരു കാര്യമാണ്.വികസിത രാജ്യങ്ങൾ ആയാലും അല്ലെങ്കിലും നീതിയുടെ അളവ് കോലിൽ ശിക്ഷിക്കപ്പെടുന്ന ആളുകളും അവിടത്തെ സാഹചര്യങ്ങളും ചർച്ച വിഷയം ആകുന്നു.പക്ഷെ തെറ്റുകൾ ചെയ്ത കുറ്റവാളികൾ ആയതു കൊണ്ട് അവർ എത്ര മാത്രം നീതി അർഹിക്കുന്നു എന്നതും ചിന്തിക്കേണ്ടത് ആണ്.

  Time അങ്ങനെ ഒരു സീരീസ് ആണ്.3 എപ്പിസോഡ് മാത്രമുള്ള, മാർക് കോബ്ഡൻ എന്ന അധ്യാപകൻ അയാളുടെ ഒരു തെറ്റിനു മറ്റൊരാളുടെ ജീവൻ പകരം നഷ്ടമാവുകയും അതിനു അയാൾ പശ്ചാത്തപിക്കുന്നതും ആണ് കഥ.അയാളോടൊപ്പം കുറെയേറെ കഥാപാത്രങ്ങൾ ഉണ്ട്. 'ഇപ്പോഴും അവർ കാണാറുണ്ട്' എന്നു മനസ്സിൽ കുറ്റബോധം തോന്നുന്നവർ.ജയിലിൽ ഉള്ള എല്ലാവരും ഇത്തരത്തിൽ പശ്ചാത്തപിക്കുന്നു എന്നു പറഞ്ഞു വയ്ക്കുന്നില്ല.പകരം വിരലിൽ എണ്ണാവുന്ന കുറച്ചു ആളുകൾ മാത്രം ആണ് ആ അവസ്ഥയിലൂടെ കടന്ന് പോകുന്നത് എന്നും കാണിക്കുന്നു.

  എറിക് മക്നെല്ലി എന്ന ജയിൽ ഓഫീസറുടെ കഥ ഇതിലും വ്യത്യസ്തമാണ്.തന്റെ മകന് വേണ്ടി അയാളുടെ 22 വർഷത്തെ സർവീസ് പണയം വയ്‌ക്കേണ്ടി വരുന്ന സാഹചര്യമാണുള്ളത്. Time ഒരു ത്രില്ലർ സീരീസ് അല്ല.പകരം ജയിലിൽ അടയ്ക്കപ്പെട്ട ചിലരുടെ മാനസിക വ്യാപരത്തിലൂടെ കടന്നു പോകുന്ന ചില സന്ദർഭങ്ങൾ പ്രേക്ഷകന്റെ മുന്നിൽ വച്ചു അവരുമായി സംവദിക്കുക എന്നത് മാത്രമാണ് നടക്കുന്നത്.

 ഇതിൽ ചിലരിൽ കുറ്റബോധം ഉണ്ടാകാം, ചിലർക്ക് അതിലുപരി ജീവിതത്തിൽ ചെയ്ത തെറ്റുകളിൽ നിന്നും ഇടയാക്കപ്പെട്ടവരുടെ ആശ്രിതരിൽ നിന്നും ക്ഷമ ചോദിക്കാൻ ഉള്ള മനസ്ഥിതി ഉണ്ടാകാം; അല്ലെങ്കിൽ അതിന് കഴിയാത്തവരും ഉണ്ടാകാം.

  ധാരാളം ത്രില്ലർ സീരീസുകളുടെ ഇടയിൽ വന്ന Time, BBC യുടെ iPlayer ൽ ഈ വർഷം ഏറ്റവും അധികം ആളുകൾ കണ്ട സീരീസുകളിൽ ഒന്നായി മാറി.പ്രത്യേകിച്ചും കഥയും കഥാപാത്രങ്ങളും എല്ലാം പ്രതീക്ഷകൾക്കും അപ്പുറം നന്നായിരുന്നു എന്നു തന്നെ പറയാം.പല ക്രിട്ടിക്‌സും Jimmy McGovern ന്റെ കഥ എഴുത്തിനെ 'മാജിക്' എന്നായിരുന്നു വിശേഷിപ്പിച്ചിരുന്നത്.

  എന്നെ സംബന്ധിച്ചു, ഒരു ജയിൽ കഥ എന്ന നിലയിൽ ത്രില്ലർ ആയിരിക്കും എന്ന് കരുതി കണ്ടു തുടങ്ങിയെങ്കിലും ഓരോ എപ്പിസോഡും ഒന്നിന് പുറകെ ഒന്നായി കാണാൻ ഉള്ള ആഗ്രഹം കൂട്ടിയ സീരീസ് ആയി മാറി Time. ജയിലിൽ Time എന്നതിന് ജീവിതത്തിന്റെ ഒപ്പം വില ഉണ്ടെന്നു മനസ്സിലാക്കിയ കുറച്ചു പേരുടെ കഥ കണ്ടു നോക്കൂ.ഇഷ്ടമായേക്കാം.

 @mhviews rating: 3.5/4

Download Link: Search @mhviews1 in Telegram

More movie sugestions and link available  @www.movieholicviews.blogspot.ca

1372. Sunflower (Hindi, 2021)

 1372. Sunflower (Hindi, 2021)

          Crime, Comedy.

ഡാർക്- കോമഡി ക്രൈം സീരീസ് ആണ് Sunflower.ധനികനായ രാജ് കപൂർ Sunflower Society എന്ന അപാർട്മെന്റിലെ അന്തേവാസിയാണ്.ഒരു ദിവസം അയാൾ കക്കൂസിൽ ഇരുന്നു മരിക്കുകയാണ്.പോലീസ് അന്വേഷണം തുടങ്ങി. Sunflower Society perfect ആണെന്നാണ് അവിടെ താമസിക്കുന്ന മിയ്ക്കവരുടെയും ബോധത്തിൽ ഉള്ളത്.എന്നാൽ അവിടെ racism, homophobia തുടങ്ങി പല സാമൂഹിക വിപത്തുകളുടെയും ഇടം ആയിരുന്നു.പുറമെ നോക്കിയാൽ glorified ആയുള്ള ഒരു സ്ഥലം ആയിരുന്നെങ്കിലും ഉള്ളിൽ പലതും ചീഞ്ഞു നാറുന്ന ആളുകൾ ആണ് ഭൂരിഭാഗവും.

ഈ സമയത്താണ് അവിടെ കൊലപാതകം നടക്കുന്നതും.രൻവീർ ഷൂറിയുടെ പോലീസ് കഥാപാത്രം ആണ് അന്വേഷണം നയിക്കുന്നത്.വളരെ എളുപ്പം അന്വേഷണം തീരും എന്നു തോന്നിയ കൊലപാതകം ആണെങ്കിലും പിന്നീട് നടക്കുന്ന സംഭവങ്ങളിലൂടെ Perfect Crime ആയി ആ കൊലപാതകം മാറുകയായിരുന്നു, ആരും അറിയാതെ.അതിലേക്കു നയിച്ച കാരണങ്ങൾ ആണ് ഈ സീരീസിൽ പിന്നീട് കാണുന്നത്.

    സുനിൽ ഗ്രോവർ എന്ന stand-up കൊമേഡിയന്റെ അഴിഞ്ഞാട്ടം ആണ് Sunflower എന്ന Zee5 സീരീസിൽ ഉള്ളത്.ഒരു കൊലപാതകത്തിന്റെ അന്വേഷണത്തിനായി പോലീസ് വരുമ്പോൾ സോനു സിങ് കഥയിൽ അത്ര പ്രാധാന്യം ഉള്ള ആളായി തോന്നുന്നില്ല.നിഷ്‌കളങ്കത ആണ് അയാളുടെ മുഖമുദ്ര.മറ്റുള്ളവർ അയാളെ കൂടെ കൂട്ടാത്തപ്പോഴും, കാമുകി നിഷ്ക്കരുണം അയാളെ തള്ളി കളയുമ്പോൾ ഒക്കെ ഉള്ള നിഷ്‌കളങ്കത പ്രേക്ഷകനിൽ അയാളോട് ഉള്ള ഇഷ്ടം കൂട്ടുന്നു.

 അയാളുടെ കഥാപാത്രം പിന്നീട് ഈ കൊലപാതക കേസിൽ എത്ര മാത്രം സ്വാധീനം ഉണ്ടാക്കുന്നു എന്നതൊക്കെ കഥയിൽ നന്നായി അവതരിപ്പിച്ചിട്ടുണ്ട്.മുകുൾ ചദ്ദയുടെ അഹൂജ എന്ന കഥാപാത്രം ഒക്കെ രസകരം തന്നെ ആയിരുന്നു.അയാളുടെ പല മാനറിസങ്ങളും വേറെ ലെവൽ സൈക്കോ ആയി അയാളെ മാറ്റി. അത് പോലെ മറ്റൊരു കഥാപാത്രമാണ് ഗിരീഷ് കുൽക്കർണിയുടെ താംബെ എന്ന പൊലീസ് കഥാപാത്രം.ഒരു typical Indian cop എന്നു പറയാവുന്ന, അതിനോടൊപ്പം mid- age crisis എന്നു പറയുന്ന കാലഘട്ടം ആഘോഷിക്കുന്ന ആൾ.

അതു പോലെ ധാരാളം കഥാപത്രങ്ങൾ ഈ സീരീസിൽ ഉണ്ട്.അവസാന എപ്പിസോഡ് അടുത്ത സീസണിലേക്കുള്ള ചൂണ്ടു പലക ആക്കിയാണ് നിർത്തിയത്.രണ്ടാമതൊരു സീസണ് വരുന്നതിനോടൊപ്പം ഇതു വരെ കണ്ടത് ഒന്നും അല്ല സത്യം എന്നൊരു തോന്നലും ഉണ്ടാക്കുന്നുണ്ട്.

Sunflower Society യ്ക്ക് പറയാൻ ഇനിയും കൂടുതൽ കഥ കാണുമായിരിക്കും.അതിനായി കാത്തിരിക്കുന്നു.അതിനൊപ്പം മികച്ച ഇന്ത്യൻ സീരീസുകളുടെ കൂട്ടത്തിൽ, പ്രത്യേകിച്ചും ഡാർക് കോമഡി അവതരിപ്പിച്ചതിൽ ഈ പരമ്പര മികച്ചു നിൽക്കുന്നു എന്നു തോന്നി.

കാണുക!! Go for it!!

@mhviews rating: 3.5/4

 

1369. DES ( English, 2020)

 1369. DES ( English, 2020)

           Crime Investigation 

  പോലീസ് ഓഫീസർ:"എത്ര മൃതദേഹങ്ങളെ കുറിച്ചാണ് നമ്മൾ സംസാരിക്കുന്നത്?ഒന്നോ രണ്ടോ?"

ഡെന്നിസ് നിൽസൻ : "പതിനഞ്ചോ പതിനാറോ"

   ഡ്രൈനേജിൽ മനുഷ്യന്റെ പോലുള്ള ശരീര ഭാഗങ്ങൾ കണ്ടെത്തി എന്ന വാർത്തയാണ് രാവിലെ ഡ്യൂട്ടിക്ക് എത്തിയ ചീഫ് ഇൻസ്‌പെക്‌ടർ ജെയ്യേ കാത്തിരുന്നത്.സ്ഥലത്തെത്തിയ ജെയ് അതിനു സമീപമുള്ള താമസക്കാരനോട് ഇതിനെ കുറിച്ചു അന്വേഷിച്ചപ്പോൾ തന്റെ വീട്ടിൽ ഉള്ള മനുഷ്യന്റെ ശരീര ഭാഗങ്ങൾ കുറിച്ചാണ് പറഞ്ഞതു.ഒരു വീടല്ല, രണ്ടു വീട്ടിൽ ഉള്ള ശരീര ഭാഗങ്ങൾ.

 സ്കോട്ലണ്ടിലെ ഏറ്റവും കുപ്രസിദ്ധനായ സീരിയൽ കില്ലർ ആയ ഡെന്നിസ് നിൽസൻ പോലീസിന്റെ മുന്നിൽ എത്തുന്നത് അങ്ങനെ ആണ്.ആരെയും കൂസാതെ തന്റെ ഇരകളെ കുറിച്ചു അയാളുടെ ഓർമയിൽ നിന്നു പറയുകയും പല സമയത്തും അയാൾ വിരിച്ച വഴിയിലൂടെ പോലീസിനെ നടത്തുകയും ചെയ്ത ആൾ.അയാളുടെ മുൻകാല ജീവിതം പോലും പോലീസിനെ അത്ഭുതപ്പെടുത്തി.അയാൾ പറഞ്ഞ കഥയിൽ നിന്നു മാത്രം മുന്നോട്ട് പോയ ഒരു കേസ്, അതും ദൃക്‌സാക്ഷികൾ ആരും ഇല്ലാതെ.

  പിന്നീട് കേസ് മാധ്യമങ്ങളിൽ വലിയ വാർത്ത ആവുകയും ചെയ്തു.ഈ കേസിന്റെ നാൾവഴിയിലൂടെ സഞ്ചരിക്കുകയാണ് 3 എപ്പിസോഡ് മാത്രമുള്ള DES എന്ന ബ്രിട്ടീഷ് സീരീസ്.വലിയ നാടകീയമായ ട്വിസ്റ്റുകൾ ഒന്നും ഇല്ലെങ്കിലും ഒരു യഥാർത്ഥ കേസന്വേഷണം എന്ന നിലയിൽ ഉള്ള പോലീസിന്റെ കണ്ടെത്തലുകളിലൂടെ ഒക്കെ പരമ്പര മുന്നോട്ട് പോകുന്നുണ്ട്.

  യഥാർത്ഥ സംഭവം ആയത് കൊണ്ട് തന്നെ ആ സംഭവങ്ങളെ കുറിച്ചുള്ള ചിന്തകൾ തന്നെ പ്രേക്ഷകനെ അത്യാവശ്യം നടുക്കും.പ്രത്യേകിച്ചും അയാളെ കൊണ്ടു ഈ ക്രൂര കൃത്യങ്ങൾ ചെയ്തത് എന്തിനാണ് എന്ന ചോദ്യത്തിന് അയാൾ നൽകുന്ന ഉത്തരം ഒക്കെ നീൽസണ്ണിലെ അപകടകാരിയെ പ്രേക്ഷകന്റെ മുന്നിൽ എത്തിക്കാൻ കഴിഞ്ഞിട്ടുണ്ട്.

 @mhviews rating: 3/4

1361.Love Death + Robots (English,2019)

 1361.Love Death + Robots (English,2019)

          Sci-Fi,Animation

         OTT:Netflix, 2 Seasons 26 Episodes(7 mins-15 mins)

  സാധാരണ ഒരു സീരീസ് കാണാൻ ഇരുന്നത് പോലെ ആണ് Love Death + Robots കണ്ടു തുടങ്ങിയത്.എന്നാൽ നല്ലതു പോലെ രസിപ്പിച്ചു  Love Death + Robots. നമ്മൾ ഇപ്പോൾ കാണുന്നതിലും വിഭിന്നമായ ലോകം ആണ് സീരീസിൽ ഉള്ളത്.പലപ്പോഴും weird ആയ, ഭാവന വേറെ ലെവലിൽ എത്തി എന്നു പറയാവുന്ന 26 കഥകൾ. നമ്മൾ ജീവിക്കുന്ന ലോകം എപ്പോഴെങ്കിലും എത്തി ചേരാൻ സാധ്യത ഉള്ള അവസ്ഥകൾ ആണ് പല കഥകളിലും അവതരിപ്പിക്കുന്നത്.

  റോബോട്ടുകൾ, മറ്റു ലോകത്തിൽ നിന്നും ഉള്ള പല രൂപത്തിൽ ഉള്ള ഭീകര രൂപികൾ മുതൽ മനുഷ്യനുമായി ഏതെങ്കിലും ഒരു കാലത്തിൽ contact ൽ വരാവുന്ന ധാരാളം കഥകൾ ഈ സീരീസിൽ ഉണ്ട്.അതിനൊപ്പം മനുഷ്യന്റെ മനസ്സിന്റെ ചിന്തകളിലും ജീവിതത്തിലും ഉണ്ടാക്കാൻ സാധ്യത ഉള്ള ആത്മീയവും ശാരീരികവും ആയ മാറ്റങ്ങൾ എല്ലാം ഈ സീരീസിലെ വിഷയങ്ങൾ ആണ്.

  കുറച്ചു സമയം മാത്രം (ഏകദേശം 7- 15 മിനിറ്റുകൾ) ആണ് ഓരോ എപ്പിസോഡും.ചിലതൊക്കെ എപിക് എന്നു വിളിക്കാവുന്ന അത്ര ഭാവന ഉള്ളത് ആണ്.പലതിലും പൊതുവായി സ്നേഹം, മരണം, റോബോട്ട് എന്നിവയും ആയി ബന്ധപ്പെടുത്തിയിട്ടു ഉണ്ടെങ്കിലും വേദന എന്നൊരു വിഭാഗം കൂടി പലതിലും കാണാം.അതു ഈ മൂന്നുമായി ബന്ധപ്പെട്ടിരിക്കുന്നു.

 Netflix ന്റെ മികച്ച ഒരു പരീക്ഷണം എന്നു വേണമെങ്കിൽ പറയാം.കുറവുകൾ ഇല്ല എന്നല്ല, ഉണ്ട്.പ്രത്യേകിച്ചും പലപ്പോഴും സമയ ദൈർഘ്യം കാരണം കഥാപാത്രങ്ങളുടെ ഭൂതകാലം പ്രേക്ഷകൻ ഊഹിക്കേണ്ടി വരും; സീരീസിൽ ഉള്ള ചില സൂചനകളിലൂടെ.അതു പോലെ കഥാപാത്രങ്ങൾ വികസിക്കാൻ ഉള്ള സമയവും ഇല്ല എന്നു കാണാം.

  എന്നാലും മിനി ക്ലിപ്പുകൾ പോലെ പ്രേക്ഷകനെ ചിന്തിപ്പിക്കുകയും രസിപ്പിക്കുകയും അത്ഭുതം ഉളവാക്കുകയും ചെയ്യുന്ന ഒരു പിടി നല്ല കഥകൾ ഈ സീരീസിൽ ഉണ്ട്.വെറുതെ ഇരിക്കുന്ന സമയം ചുമ്മാതെ Netflix ൽ ഓരോ എപ്പിസോഡ് ആയി കാണാൻ സാധിക്കും.സംഭവം സിംപിൾ ആണെങ്കിലും വലിയ കാര്യങ്ങൾ ആണ് പരമ്പരയിൽ ഉള്ളത്.ഭാവനയുടെ അവിഷ്‌ക്കാരം ആനിമേഷൻ /Live Action ആയിട്ടാണ് അവതരണം എങ്കിലും കഥാപാത്രങ്ങൾക്ക് ജീവനുണ്ട്.

  Apocalyptic ലോകം, ടെക്‌നോളജി വികസിച്ച ലോകം, മനുഷ്യരുടെ സ്ഥാനം റോബോട്ടുകൾ കയ്യടക്കിയ കാലം തുടങ്ങി വ്യത്യസ്തമായ സയൻസ് ഫിക്ഷൻ ടോപ്പിക്കുകൾ കാണാൻ ഉള്ള മൂഡ് ആണെങ്കിൽ ഒന്നും നോക്കേണ്ട, Love Death + Robots stream ചെയ്തോളൂ.Binge watching ന് പറ്റിയ സീരീസ്.

@mhviews rating:3.5/4

 

   

​​1028.Future Man(English Web Series,2017)

​​1028.Future Man(English Web Series,2017)

          Comedy,Sci-Fi,Fantasy

2 സീസണ്, 25-30 മിനിറ്റ്, 26 എപ്പിസോഡ്

      

  ടൈം ട്രാവൽ,ഭാവിയിൽ ഉള്ള ലോകത്തിന്റെ നല്ലതിനെ കരുതി ഭൂത കാലത്തിലും മറ്റു ടൈം ലൈനുകളിലും എല്ലാം പോയി കാര്യങ്ങൾ ശരിയാക്കൻ ശ്രമിക്കുക.വളരെ ദുർഘടമായ കാലഘട്ടങ്ങളിൽ നിന്നും മനുഷ്യ രാശിയെ രക്ഷിക്കുക.അതിനായി തന്റെ ജീവിതം തന്നെ ഉഴിഞ്ഞു വയ്ക്കാൻ ഒരു യുവാവ് തയ്യാറാകുന്നു.ജാനിറ്റർ ആയി ജോലി ചെയ്യുന്ന ജോഷ് ഫുട്ടര്മാന്.ഒരു ഗെയിം പൂർത്തിയാക്കിയ ജോഷിനെ തേടി ആണ് ലോകം രക്ഷിക്കാൻ ഉള്ള ദൗത്യവും ആയി അവർ രണ്ടു പേർ വരുന്നത്.ടൈഗറും,വൂൾഫും.

    സീരിയസ് ആയി പറഞ്ഞു പോകുന്ന കഥയായിരിക്കും ഇതെല്ലാം കേൾക്കുമ്പോൾ പ്രേക്ഷകന്റെ മനസിൽ വരുക.പറയുന്ന കാര്യങ്ങൾ പലതും സീരിയസ് ആണ് താനും.എന്നാൽ അവതരിപ്പിക്കുന്നതോ?കോമഡി കൂടി നിറച്ച്.Hulu അവതരിപ്പിച്ച ഈ സീരിയസ് പഴയ പല സിനിമകൾക്കും,എന്തിനു പല കാലഘട്ടത്തിലെ പോപ്പ് കൾച്ചറിന് പോലും homage കൊടുത്തിട്ടുണ്ട്.ടൈം ട്രാവലിന്റെ മികവുറ്റ സാധ്യതകൾ ആയിരുന്നു പലതും.'Back To the Future' സിനിമ പരമ്പര പോലെ ഉള്ളത് പലതും ഓർമ വന്നിരുന്നു.അതിനെ എല്ലാം പല രംഗത്തിലും ഉദാഹരിച്ചിരുന്നു.ഏറ്റവും രസകരം ആയതു സ്പീൽബെർഗിന്റെ ഭാവി ജീവിതം ഒക്കെ ആയിരുന്നു.അതു പോലെ പല പോപ്പ് കൾച്ചറിലെയും പ്രമുഖരെ കുറിച്ചും സാദാ തമാശ രൂപത്തിലും adult comedy രീതിയിൽ ഒക്കെ വിവരണം ധാരാളം ഉണ്ടായിരുന്നു.

  Wild ആയ കുറെ imaginations.അതു പലപ്പോഴും പ്രേക്ഷകനെ ചിരിപ്പിക്കുക ആണ് ചെയ്യുക.അതാണ് Future Man ഇഷ്ടപ്പെടാൻ കാരണം.രണ്ടു സീസണും രണ്ടു ശത്രുക്കളെ മുന്നിൽ കണ്ടു കൊണ്ടാണ് മുന്നേറുന്നത്‌.ഭാവി ലോകത്തെ മുഴുവൻ മാറ്റാൻ കഴിയും എന്ന് അത്ര ഉറപ്പില്ലാത്ത 2 കഥാപാത്രങ്ങൾ.അസംഖ്യം കഥാപാത്രങ്ങൾ ഉണ്ടെങ്കിലും സ്റ്റൂ,കോർണിഷ് ഒക്കെ ഓർത്തിരിക്കും എപ്പോഴും.ഓരോ പ്രാവശ്യവും ലോകത്തിന്റെ നന്മയെ കരുതി ചെയ്യുന്ന ഓരോ പ്രവർത്തിയുടെയും അനന്തര ഫലങ്ങൾ,അതു പ്രസ്തുത ടൈം ലൈനിൽ വരുത്തുന്ന മാറ്റങ്ങൾ.ഇതെല്ലാം രസകരം ആയിരുന്നു.ചെറിയ അബദ്ധങ്ങൾ പോലും പല കഥാപാത്രങ്ങളുടെയും അവസാനം ആയി മാറുകയും ചെയ്യാം.അങ്ങനങ്ങനെ ടൈം ട്രാവലിന്റെ ബേസിക് കാര്യങ്ങളോട് നീതി പുലർത്തുകയും അതേ സമയം അതിനെ അധികം സങ്കീർണമായ വിശദീകരണങ്ങൾ നൽകുന്നതിന് പകരം തമാശയുടെ അകമ്പടിയിൽ അവതരിപ്പിച്ചിരിക്കുന്നു.

   വെറുതെ, കോമഡി/സയൻസ് ഫിക്ഷൻ  എന്ന ഴോൻറെ കണ്ടപ്പോൾ ആണ് പരമ്പര കണ്ടു തുടങ്ങുന്നത് .പിന്നെ സമയം കിട്ടുമ്പോൾ ഒക്കെ കാണുമായിരുന്നു.ആദ്യ സീസണ് ആയിരുന്നു ശരിക്കും കിടിലം എന്നു പറയാവുന്നത്.രണ്ടാം സീസണ് വേറെ ഒരു ട്രാക്കിൽ ആണ് പോകുന്നത്. രസകരം ആണെങ്കിലും പ്രിയം ആദ്യ സീസണിനോട് ആണ്.ധാരാളം സീരിയസ് ആയ എപിക് ആയ സീരീസുകൾ ഉള്ളപ്പോൾ ഒരു മസ്റ്റ് വാച്ച് എന്നൊന്നും ഈ സീരീസിനെ വിളിക്കാൻ താൽപ്പര്യമില്ല.എങ്കിലും നല്ലതു പോലെ റിലാക്സ് ആയിരിക്കുന്ന സമയം എന്തെങ്കിലും കാണണം എന്ന് തോന്നിയാൽ എന്റെ ടെലിഗ്രാം ചാനലിലേക്കു പോന്നോളൂ.സീരീസിന്റെ ലിങ്ക് അവിടെ ഇടാം.ഓരോ എപ്പിസോഡ് ആയി.

More movie suggestions @www.movieholicviews.blogspot.ca

1252. Safe (English, 2018)

1252. Safe (English, 2018)

           Mystery, Drama

"Nothing Stays Hidden Forever". ഭൂതകാലത്തിന്റെ ഭയത്തിൽ ഒരു gated community ആയി മാറിയ ഒരു കൂട്ടം ആളുകളുടെ ഇടയിൽ ഉള്ള രഹസ്യങ്ങളുടെ ചുരുളഴിയുക ആണ് ഒരു കൊലപാതകത്തിന്റെ പിന്നിൽ ഉള്ള രഹസ്യങ്ങൾ അന്വേഷിച്ചു വരുമ്പോൾ.Safe ന്റെ പ്രമേയം ഇതാണ്.

   Number of Episodes:8

   Streaming Platform :Netflix

   Duration: 45 mins+

 The Stranger കണ്ടതോടെ Harlan Coben ഫാൻ ആയി മാറിയതാണ്. അദ്ദേഹത്തിന്റെ ഈ രണ്ടു പരമ്പരകളും തമ്മിൽ ഉള്ള സാമ്യം ഓരോ കഥാപാത്രങ്ങളും ഒളിപ്പിച്ചു വച്ചിരിക്കുന്ന നിഗൂഢത ആണ്.അപ്രധാനം എന്നു തോന്നുന്നു കഥാപാത്രങ്ങളിൽ പോലും പ്രേക്ഷകനിൽ ദുരൂഹമായ എന്തോ ഉണ്ടെന്നു തോന്നിപ്പിക്കുകയും അതിനു അനുബന്ധമായി ഒരു രഹസ്യം നൽകുകയും ചെയ്യുന്നു മികച്ച കഥാവതരണം ആണ്. പ്രേക്ഷകന് അധികം ഒന്നും ഊഹിക്കാൻ പറ്റാത്ത രീതിയിൽ ആണ് പല സംഭവങ്ങളും.

  Safe അത്തരത്തിൽ ഒന്നാണ്.അവസാന സീനിലേക്കു പോകുമ്പോൾ പോലും ഇത്തരം നിഗൂഢത ഒളിപ്പിച്ചു വച്ചിരിക്കുന്നതായി കാണാം.Michael C Hall ന്റെ കഥാപാത്രം ദുരൂഹ സാഹചര്യത്തിൽ കാണാതായ മകളെ അന്വേഷിച്ചു ഇറങ്ങുന്നതാണ് Safe ന്റെ പ്രമേയം.പിന്നീട് അതിനോട് ബന്ധപ്പെട്ട ധാരാളം ദുരൂഹതകൾ പുറത്തു വരുന്നു.

  തീർച്ചയായും കാണാൻ ശ്രമിക്കുക.മികച്ച കഥയും,കഥാപാത്രങ്ങളും, mystery elements എല്ലാം കൂടി binge worthy ആയുള്ള ഒരു സീരീസ് ആണ് Safe.I really liked it!!

 MH Views Rating: 4.5/5

  t.me/mhviews യിൽ ലിങ്ക് ലഭിക്കുന്നതാണ്.

1244. Manhunt (English, 2019)

1244. Manhunt (English, 2019)

          Mystery, Crime

   

 

ഒരു ഫ്രഞ്ച് യുവതിയുടെ മരണവും ആയി ബന്ധപ്പെട്ട കേസ് അന്വേഷണവും, തെളിവുകൾ ഒന്നും ഇല്ലാതിരുന്ന കേസിൽ നിന്നും മുൻപ് നടന്ന കൊലപാതകങ്ങളിലേക്കു കൂടി വെളിച്ചം വീശിയ കേസ് അന്വേഷണത്തിന്റെ കഥയാണ് Manhunt അവതരിപ്പിക്കുന്നത്.itv യുടെ ചരിത്രത്തിലെ ഏറ്റവും ജനപ്രീതി ലഭിച്ച സീരീസ് ആണ് 3 എപ്പിസോഡുകൾ ഉള്ള Manhunt.

  Number of Episodes:3

  Duration per Episode: 46 mins

  Streaming Platform : itv/Acorn TV

 യഥാർത്ഥ സംഭവങ്ങളെ ആസ്പദമാക്കിയെടുത്ത 3 എപ്‌സോഡ് മാത്രമുള്ള ലിമിറ്റഡ് സീരീസ് ആണ് Manhunt. ലണ്ടനിലെ സുരക്ഷിതം എന്നു കരുതിയിരുന്ന സ്ഥലത്താണ് തലയിൽ ആരോ ശക്തമായി അടിച്ച നിലയിൽ ബോധമറ്റ യുവതിയെ കണ്ടെത്തുന്നത്.പിന്നീട് ആശുപത്രിയിൽ വച്ചു അവർ മരിക്കുന്നു.കേസ് അന്വേഷണം ഏറ്റെടുത്തത് തന്റെ കരിയറിലെ തന്നെ ആദ്യ വലിയ കേസ് അന്വേഷണത്തിന് നിയോഗിക്കപ്പെട്ട കോളിൻ സട്ടനും.

  പ്രായം കൂടിക്കൊണ്ടിരിക്കുന്ന അദ്ദേഹത്തിന്റെ കഴിവിൽ പലർക്കും സംശയം ഉണ്ട് താനും.പ്രത്യേകിച്ചും തന്റെ അന്വേഷണത്തിൽ അടിസ്ഥാനപരമായ കാര്യങ്ങൾ പ്രത്യേകം ശ്രദ്ധിക്കണം എന്ന നിഷ്ക്കർഷ ഉള്ള ഉദ്യോഗസ്ഥൻ എന്ന നിലയിൽ വിട്ടു വീഴ്ചയില്ലാതെ അപ്രധാനം എന്നു തോന്നാവുന്ന  സ്ഥലങ്ങളിൽ പോലും അന്വേഷണം നടത്തുന്ന ഉദ്യോഗസ്ഥൻ ആണ് അദ്ദേഹം.

  വായുവിൽ നിന്നും പ്രതിയെ പിടിക്കേണ്ടിയ അവസ്ഥയിലും അദ്ദേഹം തന്റെ രീതിയിൽ വിശ്വസിക്കുന്നു.തന്റെ ജീവിതം തന്നെ അദ്ദേഹം ഈ കേസിനായി ഉഴിഞ്ഞു വച്ചിരിക്കുന്നത് പോലെ ആയിരുന്നു.എന്നാൽ കേസിനെ മുന്നോട്ട് നയിക്കുന്ന വ്യക്തമായ ഒന്നും കയ്യിൽ ഇല്ലാതാനും. ഒരിക്കലും ഷെർലോക് ഹോംസിന്റെ രീതിയിൽ ഉള്ള കുറ്റാന്വേഷണം അല്ല ഇവിടെ.പകരം ഒരു സാധാരണ മനുഷ്യൻ തനിക്ക് ലഭ്യമായ ആയ സ്രോതസ്സുകൾ വച്ചു എങ്ങനെ ഒരു അന്വേഷണം നടത്തും?വരൂ, കോളിൻ സട്ടന്റെ അന്വേഷണം കാണൂ.

  ഏറെക്കുറെ 2 വർഷത്തോളം നടന്ന അന്വേഷണം മറ്റു കേസുകളിലേക്കും വെളിച്ചം വീശിയതോടെ കേസിന്റെ പ്രാധാന്യം തന്നെ മാറി.തികച്ചും വിശ്വസനീയമായ, മികച്ച ഒരു ലിമിറ്റഡ് സീരീസ് ആണ് Manhunt.തീർച്ചയായും കണ്ടിരിക്കേണ്ട ഒരു പരമ്പര എന്നു പറയാം.

Mh Views Rating: 4/5

 പരമ്പരയുടെ ടെലിഗ്രാം ചാനൽ ലിങ്ക് t.me/mhviews or @mhviews  ൽ ലഭിക്കുന്നതാണ്.

  

     

1243. In Plain Sight(English,2016)

1243. In Plain Sight(English,2016)

          Crime.

"The Beast of Birkenshaw" എന്നറിയപ്പെട്ടിരുന്ന പീറ്റർ മാനുവലിന്റെ ജീവിതത്തെ ആസ്പദമാക്കി അവതരിപ്പൂച്ച സ്‌കോട്ടിഷ് സീരീസ് ആണ് In Plain Sight.

  Number of Episodes:3

  Episode Duration:45+ mins

  Streaming Platform: itv/ BBC Worldwide

   ഇവിടെ കൊലപാതങ്ങൾ നടക്കുന്നു. കൊലപാതകങ്ങൾ ചെയ്തത് ആരാണ് എന്നു പൊലീസിന് അറിയാം.പ്രത്യേകിച്ചും വില്യം മുൻസി എന്ന പൊലീസ് ഉദ്യോഗസ്ഥന്.കാരണം അയാൾ നേരത്തെ മറ്റു കുറ്റങ്ങൾക്ക് പീറ്ററിന് ജയിൽ വാസം ശിക്ഷയായി വാങ്ങി കൊടുത്തതാണ്.ഒമ്പതു വർഷങ്ങൾക്കു ശേഷം ഇന്ദു ചൂഡൻ..സോറി..പീറ്റർ തിരികെ വന്നിരിക്കുകയാണ്, വില്യമിനെ ചില പാഠങ്ങൾ പഠിപ്പിക്കാൻ. Mystery എന്ന ഘടകം ഈ പരമ്പരയിൽ പ്രാധാന്യം ഉള്ളതല്ല.

  ഒരു പ്രതികാര കഥ എന്ന നിലയിൽ പോകുന്ന സംഭവങ്ങൾ എന്നാൽ മറ്റൊരു ലെവലിലേക്കു മാറുകയാണ്.കുറെയേറെ കൊലപാതകങ്ങൾ നടക്കുന്നു.എന്നാൽ വില്യം ഉൾപ്പെടുന്ന പൊലീസിന് യാതൊരു തെളിവും ലഭിക്കുന്നില്ല.പ്രത്യേകിച്ചു ഒരു ക്രമം പിന്തുടരാതെ, ഇരകൾ തമ്മിൽ യാതൊരു ബന്ധവും ഇല്ലാത്ത കൊലപാതകങ്ങൾ.പീറ്റർ ആണ് കൊലയാളി എന്ന വിശ്വാസം വില്യമിനു ഉണ്ട്.Whodunnit എന്ന ചോദ്യം അപ്രസക്തം ആണെങ്കിലും തെളിവുകൾ ഇല്ലാത്തതു കൊണ്ടും, അതിലുപരി സ്വയം വാദിച്ചു കേസ് ജയിക്കാൻ കഴിവുള്ള പീറ്ററിന്റെ ക്രിമിനൽ ബുദ്ധിയും പോലീസിനെ കുഴയ്ക്കുന്നു.

  ഇവിടെ ആണ് പരമ്പരയുടെ കഥ പ്രസക്തമാകുന്നത്.ഒരു ക്യാറ്റ് ആൻഡ് മൗസ് ഗെയിം പോലെ മുന്നോട്ട് പോകുന്ന സംഭവങ്ങൾ.പിന്നീട് എന്തു സംഭവിക്കും എന്നത് ഈ ലിമിറ്റഡ് സീരീസ് പറയും.

  സ്‌കോട്ടിഷ് കുറ്റാന്വേഷണ ചരിത്രത്തിൽ ഇത്രയേറെ കൊലപാതക കുറ്റങ്ങൾ ഒരാൾക്ക് മേൽ അതിനു മുന്നേ ആരോപിക്കപ്പെട്ടിട്ടില്ല എന്നതും കേസ് അന്വേഷണത്തിൽ പുതുമ ആയിരുന്നു.1950 കളിൽ നടന്ന സംഭവങ്ങളിൽ അന്ന് ലഭ്യമായ സാങ്കേതികതയുടെ അപ്പുറം ബുദ്ധി കൊണ്ടുള്ള കളി കൂടി ഉണ്ട് കഥാപാത്രങ്ങൾ തമ്മിൽ.

  കണ്ടു നോക്കൂ.ഇഷ്ടമാകും.യഥാർത്ഥത്തിൽ സംഭവിച്ച കാര്യങ്ങൾ ആണെന്ന് അറിയുമ്പോൾ ഉള്ള താൽപ്പര്യം വേറെയും.

MH Views Rating:4/5

 സീരിസിന്റെ ലിങ്ക് t.me/mhviews or @mhviews എന്ന ടെലിഗ്രാം സെർച്ചിൽ ലഭ്യമാണ്.

1236. Code Of A Killer (English, 2015)

1236. Code Of A Killer (English, 2015)

          Mystery, Crime

 മനുഷ്യന്റെ 99.5 ശതമാനം DNA യും ഒരേ പോലെ ആണ്.എന്നാൽ ബാക്കി ഉള്ള .5 ശതമാനം ആണ് ഓരോരുത്തരെയും വ്യത്യസ്തരാകുന്നത്. അലക് ജെഫ്രിയുടെ വിശ്വാസം അതായിരുന്നു.ലോകമെമ്പാടും ഉള്ള ഫോറൻസിക് കുറ്റാന്വേഷണത്തിൽ വഴിത്തിരിവ് ആയി മാറിയ വിശ്വാസം.

IMDB Rating: 7.6/10

  Code of a Killer : Limited Mini-Series

 Number of Episodes:2

 Duration:1 hr

Streaming Platform:iTV

   മൂന്നു വർഷത്തിൽ നടന്ന രണ്ടു കൊലപാതകങ്ങൾ.കുറ്റവാളിയെ കുരുക്കാൻ ഒരു തെളിവും ഇല്ലാതെ പോലീസ്. 15 വയസ്സുള്ള രണ്ടു പെണ്ക്കുട്ടികളെ പീഡിപ്പിച്ചു കൊലപ്പെടുത്തിയ ആൾ അവരുടെ എല്ലാം ഒപ്പം തന്നെ ഉണ്ട്.എന്നാൽ കുറ്റവാളിയെ കണ്ടെത്താൻ സഹായിക്കുന്ന ഒരു വിവരവും ഇല്ല.മരണം നടന്ന സ്ഥലങ്ങളിലെ വഴികൾ പരിചിതമായ ഒരാൾ ആണ് കൊലയാളി എന്നും 30 വയസ്സിനോട് അടുത്താണ് പ്രായം എന്നുള്ള അനുമാനങ്ങൾ മാത്രമാണ് പൊലീസിന് ഉള്ളത്.

  DCS ബേക്കർ എന്ന പൊലീസ് ഉദ്യോഗസ്ഥൻ പ്രത്യേക താൽപ്പര്യം ഈ കേസിൽ കാണിക്കുന്നു.എന്നാൽ അധികം ഫലപ്രദമായി തന്റെയും ടീമിന്റെയും സമയം വിനിയോഗിക്കാൻ കഴിയുന്നില്ല.ആ സമയം ആണ് ലീസ്റ്റർ സർവകലാശാലയിലെ അലേക് ജെഫ്രി ചരിത്രപരമായ ആ കണ്ടുപിടുത്തം നടത്തുന്നത്.പിന്നീട് ഈ കേസിൽ അദ്ദേഹത്തിന്റെ കണ്ടു പിടുത്തം എങ്ങനെ സഹായിക്കുന്നു എന്നതാണ് കഥ.

   ഒരു സി.ബി.ഐ ഡയറികുറിപ്പ് 1988 ൽ എസ്.എൻ സ്വാമി കഥ എഴുതുമ്പോൾ ഉറപ്പായും 1983-1986 കാലഘട്ടത്തിൽ നടന്ന സംഭവങ്ങൾ മനസ്സിൽ ഉണ്ടായിരുന്നിരിക്കണം.യഥാർത്ഥ സംഭവങ്ങളെ ആസ്പദമാക്കിയാണ് ഈ പരമ്പര അവതരിപ്പിച്ചിരിക്കുന്നത്.രണ്ടു മണിക്കൂറിൽ  പ്രേക്ഷകനെ അത്യാവശ്യം ത്രിൽ അടിപ്പിക്കാൻ ഉള്ള എല്ലാം ഇതിലുണ്ട്.

  പ്രത്യേകിച്ചും ശാസ്ത്രീയമായ കുറ്റാന്വേഷണത്തിൽ നടന്ന ഏറ്റവും വലിയ മുന്നേറ്റം എന്നതിലും ലോകത്തിൽ തന്നെ ആദ്യമായി ഉപയോഗിച്ച സാങ്കേതിക വിദ്യ എന്ന നിലയിലും ഉള്ള റിസ്ക് എല്ലാം സീരിസിന്റെ മൂഡ് മറ്റൊരു തലത്തിൽ എത്തിക്കുന്നുണ്ട്. iTV പരമ്പരകളിലെ ഏറ്റവും മികച്ച ഒന്നാണ് Code of a Killer.ബ്രിട്ടീഷ് സീരീസുകളിൽ മികച്ച ഒന്നും.

  കുറ്റാന്വേഷണ പരമ്പരകൾ കാണാൻ താൽപ്പര്യം ഉള്ളവർ മറക്കാതെ കാണുക.ഡോ.ഉമാദത്തൻ എഴുതിയ പുസ്തകങ്ങളുടെ ആരാധകർക്ക് കൂടി ഈ പരമ്പര suggest ചെയ്യുന്നു.അദ്ദേഹം പറഞ്ഞ കഥകളുടെ തുടക്കം ഇവിടെ നിന്നായിരുന്നു, ലീസ്റ്ററിലെ ആ രണ്ടു പെണ്ക്കുട്ടികളുടെ മരണത്തിൽ നിന്നും.

MH Views Rating:4/5

t.me/mhviews or @mhviews എന്ന ടെലിഗ്രാം സെർച്ചിൽ ലിങ്ക് ലഭ്യമാണ്

 

1235. Pagan Peak/Der Pas(German, 2019)

1235. Pagan Peak/Der Pas(German, 2019)

          Mystery

    ആദ്യ മൃതദേഹം കാണപ്പെടുമ്പോൾ ഒരു പ്രത്യേക രീതിയിൽ നിലയുറപ്പിച്ചതിനു ശേഷം കയ്യിൽ ഏതോ ജീവിയുടെ രോമത്തിൽ ഉണ്ടാക്കിയ എന്തോ ഒന്ന് കയ്യിൽ ഉണ്ടായിരുന്നു. 

 അതിന് ശേഷം ഒരു ജേര്ണലിസ്റ്റിന് ലഭിക്കുന്ന പെൻഡ് ഡ്രൈവിലെ ഓഡിയോയിൽ ഒരു സൂചന ഉണ്ടായിരുന്നു.

“The red time of year is coming!”.അതേ,മരണത്തിന്റെ ചുവപ്പു നിറമുള്ള ദിവസങ്ങൾ വന്നു തുടങ്ങിയിരിക്കുന്നു.

Number of Episodes:8

Duration: 45 mins

IMDB Rating: 8/10

Streaming Platform: Sky/NOW TV

   അതു ഒരു തുടക്കം മാത്രമായിരുന്നു.പിന്നീട് മൃതദേഹങ്ങൾ കാണപ്പെട്ടു തുടങ്ങി.എല്ലാത്തിലും ഒരു കൊലയാളിയുടെ signature ഉണ്ടായിരുന്നു.അയാൾ തന്റെ ജോലി തുടങ്ങിയിരുന്നു. അയാൾ പ്രതീക്ഷിച്ചിരുന്ന ദിവസങ്ങളുടെ തുടക്കം ആണ് ഈ കൊലകൾ.ആരോ ഒരാൾ സ്വയമായി അയാളുടെ ഭാഷ്യത്തിൽ ഉള്ള നീതി നടപ്പിലാക്കാൻ ആരംഭിച്ചിരുന്നു. ജർമനി- ഓസ്ട്രീയൻ അതിർത്തിയിൽ കാണപ്പെട്ട മൃതദേഹങ്ങൾ രണ്ടു രാജ്യത്തേയും പൊലീസുകാരെ കേസിൽ കൊണ്ടു വന്നൂ.

  വിന്റർ-എല്ലീ എന്നീ കുറ്റാന്വേഷണ ഉദ്യോഗസ്ഥർക്ക് ആണ് അന്വേഷണ ചുമതല.വ്യത്യസ്തമായ ജീവിത ശൈലി ഉള്ള രണ്ടു പേർ.വൈകാരികമായി ദുർബലർ.ഈ കേസ് എന്നാൽ അവരുടെ ഇടയിൽ മുഖ്യ സ്ഥാനം നേടുന്നു.കാരണം കൊലയാളി അവരുടെ കഴിവുകളെയും ജീവിതത്തെയും എല്ലാം സ്വാധീനിക്കാൻ ശ്രമിക്കുന്നു, അദൃശ്യനായി എവിടെയോ ഇരുന്നു.പാഗൻ വിശ്വാസത്തിൽ അധിഷ്ഠിതമായ ക്രാംപസ് അയാളെ പ്രതിനിധാനം ചെയ്യുന്നു.കേസ് അന്വേഷണം എങ്ങും എത്താതെ പോകുന്നു.എന്നാൽ മൃതദേഹങ്ങളുടെ എണ്ണം കൂടുന്നു.

   ഈ കേസിന്റെ അന്വേഷണം ആണ് ജർമൻ പരമ്പരയായ Der Pass അവതരിപ്പിക്കുന്നത്.The Border,The Tunnel എന്നീ പരമ്പരകളിലെ രാജ്യാന്തര അതിർത്തികളിലെ കൊലപാതകം ആണ് ഈ പരമ്പരയിലും.പരമ്പരാഗത വിശ്വാസങ്ങളെ കൂട്ടിയിണക്കി അതിനു രൗദ്ര ഭാവം നൽകിയാണ് കഥ അവതരിപ്പിച്ചിരിക്കുന്നത്.അതി ബുദ്ധിമാനായ കൊലയാളി ആണ് പരമ്പരയുടെ ഹൈലൈറ്റ്.അതു ക്ളൈമാക്സിൽ പോലും കാണാം.പതിഞ്ഞ താളത്തിൽ പോകുന്ന പരമ്പര ,യൂറോപ്യൻ സീരീസുകളുടെ ആരാധകർക്ക് ഇഷ്ടമാകും.ആ ഒരു അന്തരീക്ഷം ഉണ്ടല്ലോ,മഞ്ഞും മൂടിയ നിഗൂഢത നിറഞ്ഞ ഒന്നു.Der Pass ന്റെ സൗന്ദര്യം അതിലുണ്ട്.ഒപ്പം ഹാൻസ് സിമ്മർ ഉൾപ്പെടുന്ന സംഗീത പ്രൊഡക്ഷൻ ടീമും.

  കണ്ടു നോക്കുക.മിസ്റ്ററി/ത്രില്ലർ ആരാധകർക്ക് വേണ്ടി ഒരു മികച്ച പരമ്പര!!

MH Views Rating:4.5/5

 പരമ്പരയുടെ ടെലിഗ്രാം ചാനൽ ലിങ്ക്  t.me/ mhviews or @mhviews ലഭ്യമാണ്.

1231. The Moorside(English, 2017)

1231. The Moorside(English, 2017)

           Drama, Mystery.

The Moorside ലെ ഒമ്പതു വയസ്സുകാരിയുടെ തിരോധാനത്തിന്റെ കഥ

Number of Episodes: 2

Duration Per Episode:58 mins

Streamed/Streaming : BBC Drama/Britbox

 Yorkshire ലെ The Moorside എസ്റ്റേറ്റിൽ താമസമാക്കിയ കാരന്റെ ഒമ്പതു വയസ്സുകാരി മകൾ ഷാനോൻ മാത്യൂസിനെ ഒരു ദിവസം കാണാതെയായി.ഒരു തെളിവും അവശേഷിക്കാതെ ആയിരുന്നു അവളുടെ തിരോധാനം. Yorkshire കണ്ട ഏറ്റവും വലിയ ജനപങ്കാളിതത്തോടെ ഉള്ള അന്വേഷണം ആണ് പിന്നീട് നടന്നത്. കാരൻ ആ അന്വേഷണങ്ങളിലെ പരിചിത മുഖം ആയി മാറുകയും ചെയ്ത്.അവരുടെ സുഹൃത്തുക്കളും ബന്ധുക്കളും എല്ലാം സഹകരിച്ചു നടന്ന ഒരു അന്വേഷണം.എന്നാൽ യഥാർത്ഥത്തിൽ എന്താണ് സംഭവിച്ചത്?കഥ പിന്നീട് പോകുന്നത് വേറെ ഒരു വഴിയിലേക്ക് ആണ്.അതെന്താണ് എന്നു ഈ മിനി സീരീസ് പറയും.

  യഥാർത്ഥ സംഭവത്തെ ആസ്പദമാക്കി അവതരിപ്പിച്ച BBC സീരീസ് ആണ് The Moorside.കേസിന്റെ അന്വേഷണം മറ്റു ചില കഥാപാത്രങ്ങളുടെ കണ്ണിലൂടെ ആണ് പലപ്പോഴും അവതരിപ്പിച്ചത്.കേസ് പിന്നീട് വലിയ രീതിയിൽ കുപ്രസിദ്ധിയാർജിച്ചു യഥാർത്ഥത്തിൽ. സാംസ്ക്കാരികമായി ഉള്ള ഉന്നതിയിലും തങ്ങളുടെ ഒപ്പം മറഞ്ഞിരിക്കുന്ന ചതികൾ പലരും സൗകര്യപൂർവം മറക്കുന്നു.എന്നാൽ ഒരു ദിവസം അതെല്ലാം പുറത്തു വരുമ്പോൾ നടക്കുന്നത് ഒരു സ്ഫോടനം ആകും.പല വികസിത രാജ്യങ്ങളിലും നടക്കുന്ന സംഭവങ്ങൾ ആയി മാത്രം കണക്കാക്കാതെ നമ്മുടെ ഇടയിലും നടക്കുന്ന പല സംഭവങ്ങളുമായി ചേർത്തു വായിക്കണം.എന്നാൽ വികസിത രാജ്യങ്ങളിൽ ഇതിൽ എല്ലാം ഇൻഡ്യ പോലെ ജനങ്ങൾ ഏറെ ഉള്ള രാജ്യത്തിൽ ലഭിക്കുന്നതിനെക്കാൾ ഏറെ ശ്രദ്ധ ലഭിക്കുന്നു.

  സമാനമായ ഒരു മേഖലയിൽ ജോലി ചെയ്യുന്നത് കൊണ്ടു ഇത്തരം അനുഭവങ്ങൾ ഉള്ള ധാരാളം ആളുകളെ കണ്ടു മുട്ടുന്നത് ആണ്.രാജ്യത്തിലെ നിയമങ്ങൾ സംരക്ഷണത്തിനായി വരുമ്പോൾ അതിനനുസരിച്ചു ജീവിക്കാതെ വരുമ്പോൾ രാജ്യത്തിലെ നിയമങ്ങൾ അതിൽ ഇടപെടുന്നു.പുറത്തു നിന്നു നോക്കുമ്പോൾ അതു ക്രൂരമായി തോന്നുമെങ്കിലും അതിലേക്കു നമ്മളും ഭാഗം ആകുമ്പോൾ പല കാര്യങ്ങളും നമ്മളെ ഞെട്ടിക്കുകയും ചെയ്യും. The Moorside ലെ സംഭവങ്ങൾ ഇന്ത്യൻ പരിതസ്ഥിതിയിൽ അത്രയും വലിയ വിഷയം ആയി മാറില്ല.എന്നാൽ വിദേശ രാജ്യങ്ങളിൽ, പ്രത്യേകിച്ചും പുരോഗതി ഏറെ കൈ വരിച്ച രാജ്യങ്ങളിൽ മുഖ്യ പ്രശ്നങ്ങളിൽ ഒന്നായി മാറും.

കണ്ടു നോക്കുക.അതിനു ശേഷം ഈ കേസിനെ കുറിച്ചു വായിക്കുമ്പോൾ മനസ്സിലാകും എത്ര മാത്രം ഈ സംഭവം ജനങ്ങളെ മാനസികമായി അലട്ടിയിരുന്നു എന്നു.

 പലപ്പോഴായി പഠന സമയത്തു കേട്ട കഥയുടെ സ്ക്രീനിലെ അവതരണം നന്നായി ഇഷ്ടപ്പെട്ടൂ.

താൽപ്പര്യം ഉണ്ടെങ്കിൽ കണ്ടു നോക്കുക.

MH Views Rating:4/5

 www.movieholicviews.blogspot.ca യിൽ സീരിസിന്റെ ലിങ്ക് ലഭ്യമാണ്.

1229. Panchayat ( Hindi,2020)

1229. Panchayat ( Hindi,2020)

          Comedy,Drama

  പഴയ ദൂരദർശൻ കാലത്തിലേക്ക് ഒരു തിരിച്ചു പോക്ക് ആണ് പഞ്ചായത്ത്.ഉത്തർപ്രദേശിലെ ഒരു കൊച്ചു ഗ്രാമത്തിൽ നടക്കുന്ന സംഭവങ്ങൾ ക്യാമറയിലൂടെ ഒപ്പി അവതരിപ്പിക്കുന്ന അനുഭവം ആണ് പഞ്ചായത്ത് എന്ന സീരീസ് നൽകുന്നത്. 

  

  Number of Episodes:8

  Duration :35 mins

  Streaming Platform: Amazon Prime

 ലാളിത്യം ആണ് ഈ പരമ്പരയുടെ മുഖ മുദ്ര.ഇന്ത്യയുടെ ആത്മാവ് ഉറങ്ങുന്ന ഗ്രാമത്തിലേക്ക് നഗരത്തിൽ നിന്നും ഒരു എൻജിനീയറിങ് ബിരുദധാരി പഞ്ചായത്ത് സെക്രട്ടറി ആയി വരുകയാണ്.ഉറ്റ സുഹൃത്തു ആറക്ക ശമ്പളം വാങ്ങുന്ന ജോലി നഗരത്തിൽ ചെയ്യുമ്പോൾ തീരെ പുരോഗമിക്കാത്ത  ഒരു ചെറിയ ഗ്രാമത്തിൽ ജോലിയ്ക്ക് വന്നതിന്റെ വിഷമത്തിൽ ആണ് അഭിഷേക്.

  ജാതി വ്യവസ്ഥ, സ്ത്രീധന സമ്പ്രദായം, പിന്നിലും തൃപ്തി വരാത്ത ഇന്ത്യൻ യുവാവ് ,സ്ത്രീ ശാക്തീകരണം, സൗഹൃദം ,അന്ധ വിശ്വാസങ്ങൾ എന്നു വേണ്ട ഒരു സാധാരണ ഇന്ത്യൻ ഗ്രാമത്തിലെ പല സാമ്പിളുകൾ ഈ സീരീസിൽ കാണാൻ സാധിക്കും.ഈ വിഷയങ്ങളെ നർമത്തിൽ പൊതിഞ്ഞ് ഒട്ടും സങ്കീർണത ഇല്ലാതെ ആണ് അവതരിപ്പിച്ചിരിക്കുന്നത്.ഇൻഡ്യയിലെ ഏതു ഗ്രാമത്തിലും ഉണ്ടാകുന്ന കാഴ്ചകൾ.അതു അവിടത്തെ ജനങ്ങളെ കുറിച്ചല്ല.പകരം അതാത് സാഹചര്യങ്ങളിൽ നമ്മൾ പലരും പെരുമാറുന്ന പോലെ ആണ് എന്നു മാത്രം.

  Binge-Worthy എന്ന നിലയിൽ 100 ശതമാനം മാർക്കും കൊടുക്കാൻ സാധിക്കും.ഒറ്റ ഇരുപ്പിന് കണ്ടു തീർക്കാൻ തോന്നുന്ന അത്ര രസകരമാണ് ഈ സീരീസ്. അഭിഷേക് തന്റെ ജീവിതം ആ വില്ലേജ് ഓഫീസിൽ ഒതുങ്ങി തീരുമോ എന്നു വിഷമിക്കുന്നുണ്ടെങ്കിലും പല കാര്യങ്ങളിലും അയാൾ ഉത്തരങ്ങൾ നൽകാൻ ശ്രമിക്കാറുണ്ട്.ഒപ്പം അയാളെ സ്വന്തക്കാരൻ ആയി കണക്കാക്കുന്ന പല നാട്ടുകാരും.വരെ നല്ല ഒരു അനുഭവം ആണ് പഞ്ചായത്ത്.കാണാൻ ശ്രമിക്കുക.

More suggestions @www.movieholicviews.blogspot.ca

  

1220. The Stranger (English, 2020)

1220. The Stranger (English, 2020)
          Mystery, Thriller.

Number of Episodes : 8
Platform :Netflix
Duration:45 mins

  ഈ സീരിസിന്റെ synopsis ൽ ഉള്ള കഥ ആദ്യം വായിച്ചിട്ട് ആണ് കണ്ടു തുടങ്ങിയത്.ഒരു ഫാമിലി സ്റ്റോറിയുടെ അപ്പുറം ഒന്നും കണ്ടില്ല.അവിഹിതം ഒക്കെ ആയിരിക്കും കഥ എന്നു കരുതി.ആദ്യ എപ്പിസോഡ് കണ്ടപ്പോൾ synopsis ൽ ഉള്ള കഥ പറയുകയും ചെയ്തിരിക്കുന്നു.ഇനി എന്തു എന്നു മനസിൽ വിചാരിച്ചു രണ്ടാമത്തെ എപ്പിസോഡ് കണ്ടു തുടങ്ങുമ്പോൾ ആണ് വിചാരിച്ചതിലും അപ്പുറം ഒരു വലിയ നിഗൂഢതകൾ ഉള്ള കഥ ആണെന്ന് മനസ്സിലാകുന്നത്.ഓരോ കഥാപാത്രത്തിനും അവിടെ നടക്കുന്ന സംഭവങ്ങളും ആയി ബന്ധം.

  ചിലർക്ക് അവരുടെ പ്രിയപ്പെട്ടവരെ നഷ്ടം ആകുന്നു.ചിലർക്ക് അവരെ ഇഷ്ടപ്പെടുന്നവരുടെ കൊലപാതകങ്ങളും അലട്ടി.ഈ സംഭവങ്ങളിൽ എല്ലാം ദുരൂഹതകൾ ഉണ്ടായിരുന്നു.ആ ചെറിയ ടൗണിൽ പലർക്കും ഉണ്ടായിരുന്ന രഹസ്യങ്ങൾ , ഇപ്പോൾ രഹസ്യങ്ങൾ അല്ലാതായിരിക്കുന്നു.ആ രഹസ്യങ്ങൾ അറിയാവുന്ന ആളുകളുടെ ജീവൻ പോലും അപകടത്തിലാകുന്നു.

    ഓരോ കഥാപാത്രത്തിന്റെ രഹസ്യങ്ങളും പ്രധാന കഥയും ആയി ലിങ്ക് ചെയ്തിരിക്കുന്നു.കുറെയേറെ കഥാപാത്രങ്ങൾ.പക്ഷെ എല്ലാവരും തമ്മിൽ ബന്ധിപ്പിക്കുന്ന കണ്ണികൾ.സീരീസ് കാണാൻ ഉള്ള താൽപ്പര്യം കൂടി.ഓരോ എപ്പിസോഡും താല്പര്യത്തോടെ തന്നെ കണ്ടു തീർത്തൂ.ക്ളൈമാക്സ് ഭാഗങ്ങളിൽ പോലും ഒളിപ്പിച്ചു വച്ച ട്വിസ്റ്റുകളും.

  ഒരു ചെറിയ ബ്രിട്ടൻ ടൗണിലെ സംഭവങ്ങൾ അവിടത്തെ ആളുകളുടെ ജീവിതത്തെ എങ്ങനെ ബാധിക്കുന്നു എന്നു കാണിക്കുന്നു The Stranger എന്ന സീരീസ്.മികച്ച എഴുത്തു ആണ് സീരിസിന്റെ ശക്തി.നന്നായി അഭിനയിച്ച കഥാപാത്രങ്ങൾ കൂടി ആകുമ്പോൾ സീരിസിന്റെ നിലവാരം മികച്ചതാകുന്നു.ഒരു പക്ഷെ ഏതൊരു community യിലും നടക്കാൻ സാധ്യത ഉള്ള കഥ എന്ന നിലയിൽ പലരെയും relate ചെയ്യാനും കഴിയും.

  എന്തായാലും ന്റെ ഇഷ്ട സീരീസുകളിൽ ഒന്നു കൂടി ആയിരിക്കുന്നു.അതും വലിയ പ്രതീക്ഷകൾ ഇല്ലാതെ കണ്ടു തുടങ്ങിയ ഒന്ന്.

MH Views Rating 4/5

 സീരീസ് Netflix ൽ ലഭ്യമാണ്.

t.me/mhviews or @mhviews ൽ ടെലിഗ്രാം ചാനൽ ലിങ്ക് ലഭ്യമാണ്.

1219. Into The Night (Belgian, 2020)

1219. Into The Night (Belgian, 2020)
           Thriller

Number of Episodes : 6
 Duration: 30 mins (approximately)

   രാത്രിയിൽ മാത്രം മനുഷ്യന് ജീവിക്കാൻ കഴിയുക.സൂര്യൻ ഉദിച്ചാൽ അവിടെ ഉള്ള എല്ലാത്തിനെയും നശിപ്പിക്കുക.സൂര്യനെ പേടിച്ചു ഓടുന്ന മനുഷ്യർ. അതേ, Apocalypse തീം തന്നെ. ബെൽജിയൻ മിനി സീരീസ് ആയ Into The Night ഇത്തരം ഒരു കഥയാണ് പറയുന്നത്.ഭൂരിഭാഗവും ഇരുട്ടിലും എയ്റോപ്ലെനിലും ആണ് സീരിസിന്റെ കഥ നടക്കുന്നത്.

  പൂർണമായും എല്ലാം സജ്ജീകരിക്കുന്നതിന് മുന്നേ എയർപ്പോർട്ടിൽ നിന്നും പറന്നു തുടങ്ങേണ്ടി വരുന്ന ഫ്ളൈറ്റിൽ ഉള്ള ഓരോ യാത്രക്കാരന്റെ യാത്രയ്ക്ക് പിന്നിലും ഓരോ ഉദ്ദേശം ഉണ്ടായിരുന്നു.പലരുടെയും മുഖമൂടികൾ പലപ്പോഴായി അഴിഞ്ഞു വീഴുകയും ചെയ്യണം.കാരണം, അവർ അവരായി ആത്മാർത്ഥമായി എല്ലാവരുടെയും ഒപ്പം തങ്ങളുടെ ജീവൻ മരണ പോരാട്ടം നടത്തുകയാണ് ഇവിടെ.അത് കൊണ്ട് തന്നെ പല രഹസ്യങ്ങളും അനാവരണം ചെയ്യപ്പെടുന്നു.

  അര മണിക്കൂർ വീതമുള്ള ആറ് എപ്പിസോഡുകളിൽ നല്ല വേഗത്തിൽ ആണ് കഥ മുന്നോട്ട് പോകുന്നത്.സന്ദര്ഭത്തിന് യോജിക്കുന്ന ബാക്ഗ്രൗണ്ട മ്യൂസിക് നന്നായിരുന്നു.ടെരെൻസിയോ, ആയാസ് എന്നീ കഥാപാത്രങ്ങൾ ഇപ്പോഴും മനസ്സിൽ നിൽപ്പുണ്ട്.മനുഷ്യൻ ഏതു സന്ദർഭത്തിലും തന്റെ സ്വന്തം ജീവൻ കൂടെ നിർത്താൻ അവസാനം വരെ ശ്രമിക്കുന്നതിന്റെ മികച്ച ഉദാഹരണങ്ങൾ ആണ് രണ്ടു കഥാപാത്രങ്ങളും.

  ശാസ്ത്രീയമായി മനസ്സിലാകാൻ ബുദ്ധിമുട്ടുള്ള കാര്യങ്ങൾ പോലും ആ പറക്കലിൽ ഉണ്ട്.അതെല്ലാം സിംപിൾ ആയി തന്നെ പറഞ്ഞു കൊടുക്കുന്നും ഉണ്ട് പ്രേക്ഷകന്.മൊത്തത്തിൽ , Apocalypse എന്ന പ്രമേയം നന്നായി ചെയ്ത ഒരു ത്രില്ലർ എന്ന നിലയിൽ സീരീസ് തീർച്ചയായും  കാണാവുന്ന ഒന്നാണ്. Binge worthy സീരീസ് ആണ്. കണ്ടു നോക്കുക.

  Netflix ൽ ലഭ്യമാണ്

MH Views Rating 3.5/5

 സീരിസിന്റെ ടെലിഗ്രാം ചാനൽ ലിങ്ക് t.me/mhviews or @mhviews ൽ ലഭ്യമാണ്.

1210. The Stranger(English, 2020)

1210. The Stranger(English, 2020)
          Thriller.

 Number of Episodes: 13
 Duration Per Episode:8 mins
 Platform : Quibi




  ഓർബിറ്റ് ഡ്രൈവർ ആയ ക്ലയർ കാൻസസിൽ നിന്നും ലോസ് അഞ്ചൽസിൽ എത്തിയിട്ട് കുറച്ചു ദിവസങ്ങൾ ആയുള്ളൂ.അവൾക്കു രാത്രിയിൽ കിട്ടിയ ഒരു റൈഡിൽ ആണ് കാർലിനെ പരിചയപ്പെടുന്നത്.എന്നാൽ ക്ലെയർ അയാളെ പിക് ചെയ്ത സ്ഥലത്തെ കുറിച്ചു പറഞ്ഞ കഥ കേട്ടപ്പോൾ ആണ് താൻ അപകടത്തിൽ ആണെന്ന് ക്ലെയർ മനസ്സിലാക്കുന്നത്.പിന്നീട് നടക്കുന്ന സംഭവങ്ങൾ ക്ലെയറിന്റെ ജീവനും അപകടത്തിൽ ആക്കുന്നു.ഒപ്പം അവളുടെ ഒപ്പം കൂടിയവരെയും.എന്താണ് അന്ന് സംഭവിച്ചത്?ആ രാത്രിയിലെ ഓരോ മണിക്കൂറിലും ക്ലയറിന്റെ ചുറ്റും ഉള്ള ലോകം മാറുകയായിരുന്നു.കൂടുതൽ അറിയാൻ സീരീസ് കാണുക.

  Quibi, ശരിക്കും binge watching നു ഏറ്റവും നല്ല ആപ് ഇതാണ് എന്നു തോന്നുന്നു.ഒരു സിനിമ കണ്ടു തീർക്കുന്ന സമയം കൊണ്ട് ഒരു സീരീസ്.അതും നിലവാരം ഉള്ളത്.ഏകദേശം 8-9 മിനിറ്റിൽ തീരുന്നതാണ് എല്ലാം.ഇപ്പോൾ 3 മാസം ട്രയൽ ഓഫറും ഉണ്ട്.ശരിക്കും addict ആയി പോയി.ഫ്രീ ടൈം എപ്പോൾ കിട്ടിയാലും നേരെ കണ്ടു തുടങ്ങാം എന്ന സൗകര്യം.മൊബൈൽ, ടാബ് പോലുള്ള ഡിവൈസിൽ ആണ് Quibi ഉപയോഗിക്കാൻ സാധിക്കുക (Android,iOS). താൽപ്പര്യം ഉള്ളവർ install ചെയ്തു നോക്കൂ.Download ഓപ്‌ഷനും ഉണ്ട് ഓഫ്‌ലൈൻ ആയി കാണാനും.

   Quibi യിലെ മികച്ച സീരീസുകളിൽ ഒന്നായ The Stranger സംവിധാനം ചെയ്തിരിക്കുന്നത് വീണ സൂദ് ആണ്.ഇന്ത്യൻ വംശജയാണ് എന്നു തോന്നുന്നു.ഇത്തരത്തിൽ ഉള്ള ഒരു കഥ ഇത്രയും കുറച്ചു നേരം കൊണ്ട് അവതരിപ്പിച്ചത് പ്രശംസയർഹിക്കുന്നു.വലിയ സമയ നഷ്ടം ഒന്നും ഇല്ല.കണ്ടു നോക്കൂ.


  MH Views Rating 3.5/5

  Quibi install ചെയ്തു കാണുക.

ടെലിഗ്രാമിൽ ഒന്നും പ്രിന്റ് കണ്ടില്ല.ആപ് ഫ്രീ ട്രയൽ തരുന്നത് ഉപയോഗിക്കുക.3  മാസം ഉണ്ട്.


More movie suggestions @www.movieholicviews.blogspot.ca

1207. Li'l Quinquin (French, 2014)

1207. Li'l Quinquin (French, 2014)
           Mystery

  "പശുവിന്റെ ഉള്ളിൽ നിന്നും കണ്ടതിയ മൃതദേഹത്തിന്റെയും മറ്റ് കൊലപാതകങ്ങളുടെയും കഥ -Li'l Quinquin"

  French Mini- Series
 Number of Episodes- 4
 Duration- 45 minutes

  ചത്തു പോയ പശുവിന്റെ ഉള്ളിൽ നിന്നും ഒരു സ്ത്രീയുടെ ശരീര ഭാഗങ്ങൾ ആണ് കണ്ടെടുത്തത്.പിന്നീടും ഇതേ രീതിയിൽ കൊലപാതകങ്ങൾ നടന്നൂ.ക്രൂരമായ രീതിയിൽ കൊല ചെയ്യപ്പെട്ട ആളുകൾ.കേസ് അന്വേഷിക്കാൻ ക്യാപ്റ്റൻ വാൻ ദാർ വെയ്‌ഡനും അയാളുടെ സഹായി കാർപ്പൻറ്റീയറും വരുന്നു.അവരുടെ അന്വേഷണത്തിലൂടെ ആണ് ചിത്രം സഞ്ചരിക്കുന്നത്.ഒപ്പം Li'l Quinquin ലൂടെയും.

  സ്ഥിരം ഫോർമാറ്റിൽ ഉള്ള ഒരു കുറ്റാന്വേഷണ കഥയ്ക്ക് ഉള്ളതെല്ലാം കഥയിലുണ്ട്.എന്നാൽ ഫ്രഞ്ച് സിനിമയിലെ പരീക്ഷണങ്ങളുടെ ആശാനായ ബ്രൂണോ ഡോർമന്റ് തന്റെ ചിത്രത്തിന് ഉപയോഗിച്ച രീതി മറ്റൊന്നായിരുന്നു. ഫ്രഞ്ച് Avant Garde യുടെ രീതിയിൽ അവതരിപ്പിച്ച ചിത്രം കൂടുതലായും ഫോക്കസ് ചെയ്തിരിക്കുന്നത് മറ്റു ചില കാര്യങ്ങളിൽ ആണ്.സോഷ്യൽ കമന്ററി നന്നായി ഉപയോഗിക്കുകയും അതിനോടൊപ്പം വംശീയപരമായ വ്യത്യാസങ്ങൾ നില നിൽക്കുന്ന സമൂഹത്തിനെ വരച്ചു കാണിക്കാനും ശ്രമിച്ചിട്ടുണ്ട്.

  കഥയുടെ പിന്നാലെ പോകുന്ന പ്രേക്ഷകനെ തൃപ്തിപ്പെടുത്താൻ ആയി ഒന്നും ഇല്ല ചിത്രത്തിൽ.പക്ഷെ അത്തരം ഒരു അവതരണ രീതിയിലും പ്രേക്ഷകന് ചിന്തിക്കാൻ ഉള്ള അവസരം കൊടുക്കുന്നുണ്ട്.യഥാർത്ഥത്തിൽ ചിത്രത്തിലെ പ്രധാന കഥാപാത്രങ്ങൾ പലരും gardening ജോലിയിൽ ഉള്ളവരായിരുന്നു.അഭിനയിക്കാൻ തീരെ ഇഷ്ടം ഇല്ലാത്ത നായക കഥാപാത്രത്തിന്റെ വിഷമതകൾ അയാൾ അവതരിപ്പിച്ച കഥാപാത്രത്തിന്റെ സ്വഭാവം ആയി മാറുകയായിരുന്നു എന്നത് കൗതുകകരമായി തോന്നി.

   ഫ്രഞ്ച് സിനിമകളുടെ ആരാധകർ പലരും ആ അഭിനയം കോമഡി ചിത്രങ്ങളിലെ വ്യത്യസ്ത ആയി കണക്കാക്കിയതായി വായനകളിൽ കണ്ടൂ.നിരൂപകർ ആവോളം പുകഴ്ത്തിയ ഈ കലാസൃഷ്ടി 3 മണിക്കൂറിൽ അധികം ഉള്ള സിനിമ ആയും ടെലിവിഷന് വേണ്ടി 4 ഭാഗങ്ങൾ ഉള്ള മിനി സീരീസ് ആയും ആണ് അവതരിപ്പിച്ചത്‌.

  സിനിമകളെ കുറിച്ചു പഠിക്കുന്നവർക്ക് ഒരു മുതൽക്കൂട്ടു ആകും ചിത്രം.സാങ്കേതികമായും അത്തരത്തിൽ ഉള്ള മേന്മകളെ കുറിച്ചു കണ്ടിരുന്നു.ഇതിന്റെ രണ്ടാം ഭാഗം വന്നിരുന്നു.എന്നാലും പറയുകയാണ്.എല്ലാവരുടെയും ചായ കോപ്പ അല്ല Li'l Quinquin. എല്ലാം കഴിഞ്ഞതിനു ശേഷം അൽപ്പം വായന കൂടി ഉണ്ടെങ്കിൽ ചിത്രം/മിനി സീരീസ് ഒരു അത്ഭുതം ആകും.അല്ലെങ്കിൽ പണ്ട് ആരോ ഒരു കൊറിയൻ ക്ലാസിക് കണ്ടിട്ടു ഇതാണോ വലിയ പടം എന്നു ചോദിച്ചത് പോലെ ആകും. (ആ പടം ഏതാണ് എന്നു പറയുന്നില്ല.പറഞ്ഞാൽ വലിയ സ്പോയിലർ ആകും).

  താൽപ്പര്യം ഉള്ളവർ കാണുക. കുറെയേറെ ചിന്തിപ്പിച്ച പടം ആയതു കൊണ്ടും ടെക്നിക്കൽ ആയി ഉള്ള നിലവാരം അളക്കാൻ ഉള്ള അറിവ് ഇല്ലാത്തതു കൊണ്ടും റേറ്റിങ് ഇടുന്നില്ല. റോജർ എബർട്ടിനെ പോലെ ഉള്ളവർ 4/4 കൊടുത്ത ചിത്രമാണ്.അദ്ദേഹം മാത്രം അല്ല.പല നിരൂപകരും!!

   ടെലിഗ്രാം ചാനൽ ലിങ്ക് t.me/mhviews or @mhviews എന്ന സെർച്ചിൽ ലഭ്യമാണ്.

975.La Mante(French TV mini Series,2017)

975.La Mante(French TV mini Series,2017)
       Mystery,Thriller,Crime

       കൊല്ലപ്പെടുത്തിയതിനു ശേഷം തല മുറിച്ചു മാറ്റി ശരീരത്തിന്റെ വലതു വശത്ത് വയ്ക്കുക.ഇതും കൂടി ചേര്‍ത്ത് മൂന്നാമത്തെ കൊലപാതകം.ഈ ഒരു രീതി ആണെങ്കില്‍ ഇനിയും കൊലപാതകങ്ങള്‍ പ്രതീക്ഷിക്കുന്നു.അതിനു കാരണം ഉണ്ട്.25 വര്‍ഷങ്ങള്‍ക്കു മുന്‍പ് സമാനമായ രീതിയില്‍ എട്ടു കൊലപാതകങ്ങള്‍ നടന്നിരുന്നു.സമാനത എന്ന് പറഞ്ഞാല്‍ മതിയാകില്ല.ആദ്യ കൊലപാതകങ്ങള്‍ നടക്കുമ്പോള്‍ അവിടെ ഉണ്ടാവുകയും സംഭവങ്ങള്‍ അതെ പോലെ കാണുകയും ,അതനുസരിച്ച് നടത്തുന്ന കൊലപാതകങ്ങള്‍ പോലെ കൃത്യതയോടെ ആണ് സംഭവങ്ങള്‍ നടന്നിരുന്നത്.

  'Mantis' എന്ന പേരില്‍ അറിയപ്പെട്ടിരുന്ന ജീനെ ടെബെരിന്റെ രീതി ആണ് കൊലയാളി പിന്തുടരുന്നത്.'ഹാനിബാള്‍ ലെക്ട്ടരിന്റെ സ്ത്രീ/ഫ്രഞ്ച് പതിപ്പ് എന്ന് വിളിക്കാവുന്ന കഥാപാത്രം.ഇടയ്ക്ക് 'Manhunter' ചിത്രത്തിലെ ഹാനിബാള്‍ ആയി വന്ന ബ്രയാന്‍ കൊക്സിനെ ഓര്‍ത്തു പോയി. ഇവിടെ 'Mantis' വര്‍ഷങ്ങളായി ജയിലില്‍ ശിക്ഷ അനുഭവിക്കുകയാണ്.ഇപ്പോള്‍ നടക്കുന്ന കൊലപാതകങ്ങള്‍ ആര് നടത്തുന്നു എന്നോ?എന്ത് ഉദ്ദേശ്യത്തില്‍ നടത്തുന്നോ എന്ന് പോലീസിനു അറിയില്ല.കൊലപാതകത്തിന് ഇര ആയവര്‍ തമ്മില്‍ ബന്ധമോ അല്ലെങ്കില്‍ 'Mantis'  ജീവിക്കാന്‍ യോഗ്യര്‍ ആണെന്ന് കണ്ടെത്തിയത് പോലുള്ള കണ്ടെത്തലുകള്‍ ഒന്നും ഈ കേസില്‍ ഇല്ല.

  'Mantis' നു ഒരു 'കോപ്പിക്ക്യാറ്റ്' ഉണ്ടെന്നുള്ള വിശ്വാസത്തില്‍ പോലീസും മാധ്യമങ്ങളും കരുതി ഇരിക്കെ ആണ് പോലീസ് സുപ്രണ്ടിനു ജയിലില്‍ നിന്നും 'Mantis' ന്‍റെ ഈ കേസില്‍ സഹായിക്കാന്‍ ഉള്ള താല്‍പ്പര്യം അറിയിക്കുന്നത്.എന്നാല്‍ അവര്‍ അതിനായി ചില നിബന്ദനകള്‍ മുന്നോട്ടു വയ്ക്കുന്നു.പോലീസിനും അവരുടെ പരിമിതികള്‍ ഉണ്ട്.എന്നാല്‍ യഥാര്‍ത്ഥ കുറ്റവാളിയെ കണ്ടെത്തിയേ തീരൂ.ആരാണത് എന്നത് പ്രാധാന്യമേറിയ ചോദ്യമാണ്?എന്നാല്‍ അവര്‍ക്കും പരിമിതികള്‍ ഉണ്ട്.

   ഓരോ എപിസോഡിലും വെളിവാകുന്ന മിസ്റ്ററിയും, അത് പോലെ പരമ്പരയുടെ അവസാന ഭാഗത്ത്‌ പോലും reveal ചെയ്യുന്ന കൂടുതല്‍ രഹസ്യങ്ങള്‍ എന്നിവയൊക്കെ പരമ്പരയെ സംബന്ധിച്ച് പ്രേക്ഷകരുടെ ജിജ്ഞാസ കൂട്ടാന്‍ പാകത്തില്‍ ഉള്ളതായിരുന്നു.കുടുംബ ബന്ധങ്ങളിലെ രഹസ്യങ്ങള്‍,മാനസികമായി, തങ്ങള്‍ക്കു ചുറ്റും നടക്കുന്ന സംഭവങ്ങളെ എങ്ങനൊക്കെ ബാധിക്കുന്നു എന്ന് കാണിച്ചു തരുന്ന കഥാപാത്രങ്ങള്‍ തുടങ്ങി അത്ര സുഖകരം അല്ലാത്ത പല സംഭവങ്ങളും ഉണ്ടായിരുന്നു പരമ്പരയില്‍.കഥപാത്രങ്ങളുടെ ഇരുണ്ട വശങ്ങള്‍ക്കും ഒപ്പം സ്ക്രീനില്‍ പ്രകടമായ നിഗൂഡതയുടെ കറുപ്പും മഴയും എല്ലാം കൂടി ചേരുമ്പോള്‍ നല്ലൊരു മിനി സീരീസ് ആണ് മുന്നില്‍ ഇരിക്കുന്നത്.

  Netflix ഏകദേശം ഒരു മണിക്കൂറില്‍ താഴെ ഉള്ള 6 എപിസോഡ് ആയി ആണ് പരമ്പര അവതരിപ്പിച്ചത്.എല്ലാ എപിസോഡും ഓരോ വിധത്തിലും മിസ്റ്ററി/ത്രില്ലര്‍ ഴോന്രെയോടു നീതി പുലര്‍ത്തി.കാണാത്തവര്‍ കാണാന്‍ ശ്രമിക്കുക...നഷ്ടം ആവുകയില്ല...


  സീരീസിന്‍റെ ലിങ്ക് എന്റെ ടെലിഗ്രാം ചാനലില്‍ ലഭ്യമാണ്.

More suggestions @www.movieholicviews,blogspot,ca

ടെലിഗ്രാം ചാനല ലിങ്ക്:t.me/mhviews

974.Bose:Dead/Alive(Web/Mini Series,2017)

974.Bose:Dead/Alive(Web/Mini Series,2017)

          സ്വാതന്ത്ര്യാനന്തര ഇന്ത്യയിലെ ഏറ്റവും വലിയ രഹസ്യങ്ങളില്‍ ഒന്നാണ് നേതാജി സുഭാഷ് ചന്ദ്ര ബോസിന്‍റെ മരണവും അതിനെ കുറിച്ചുള്ള ദുരൂഹതകളും.'ഫോര്മോസ' യില്‍ നടന്ന പ്ലെയിന്‍ അപകടത്തില്‍, ഒളിവില്‍ ആയിരിക്കുമ്പോള്‍ മരണപ്പെട്ടു എന്നതിനെ എതിര്‍ത്ത് കൊണ്ട് ധാരാളം കഥകള്‍ പിന്നീട് വന്നിരുന്നു.മരണം നടന്നൂ എന്ന് പറഞ്ഞ ദിവസത്തിന് ശേഷം അദ്ധേഹത്തെ പിന്നീട് പല സ്ഥലത്തും കണ്ടതായി പലരും അഭിപ്രായപ്പെടുന്നു.എന്തിനേറെ,ഇന്ത്യയുടെ പ്രധാന മന്ത്രിമാരില്‍ ഒരാളായിരുന്നു ലാല്‍ ബഹാദൂര്‍ ശാസ്ത്രിയുടെ മരണത്തിനു മുന്‍പുള്ള ദിവസം അദ്ദേഹം നേതാജിയെ നേരില്‍ കണ്ടതായി പോലും കഥകള്‍.അതില്‍ ഏറ്റവും പ്രധാനപ്പെട്ട കഥകളില്‍  ഒന്നായിരുന്നു കൊല്ലപ്പെട്ടു എന്ന് ഉള്ള വാര്‍ത്തകള്‍ വന്നതിനു ശേഷം മഹാത്മാ ഗാന്ധിജി ,നേതാജിയുടെ വീട്ടിലേക്കു അദ്ദേഹത്തിന് വേണ്ടി മരണാന്തര ക്രിയകള്‍ നടത്തേണ്ട എന്ന് പറഞ്ഞു അയച്ച ടെലിഗ്രാം.

  Bose:Dead/Alive എന്ന മിനി/വെബ്‌ സീരീസ് ആരംഭിക്കുന്നത് ഈ ഒരു രംഗത്തിലൂടെ  ആണ്.അനുജ് ധര എഴുതിയ 'India's Biggest Cover-up' എന്ന പുസ്തകത്തിന്റെ തിരശീലയിലെ ആവിഷ്ക്കാരം ആണ് ഈ പരമ്പര.AltBalaji പരമ്പരകളില്‍ ഒന്ന്.രാജ്കുമാര്‍ റാവു ശരിക്കും സുഭാഷ് ചന്ദ്ര ബോസിനെ സ്ക്രീനില്‍ നന്നായി ചെയ്തു എന്ന് വേണം പറയാന്‍.ഒരു സീരീസിന്‍റെ പരിധിയില്‍ നിന്നും കൊണ്ട് ഏകദേശം 20 മിനിറ്റുകളോളം ഉള്ള 9 എപിസോഡുകള്‍ ആണ് ഉള്ളത്.വളരെ വേഗം ഇന്ത്യന്‍ സ്വാതന്ത്ര്യ സമര ചരിത്രത്തിലെ പ്രധാനപ്പെട്ട സംഭവങ്ങള്‍,അന്നത്തെ നേതാക്കന്മാര്‍ തമ്മില്‍ ഉണ്ടായ ബന്ധങ്ങള്‍ എന്നിവയെല്ലാം ഇതില്‍ പ്രതിപാദിക്കുന്നുണ്ട്.

    കുറെ Conspiracy Theory കളില്‍ ഒന്നായി മാത്രം കാണാന്‍ കഴിയുന്നതിലും വിശ്വസനീയം ആയിരുന്നു മൊത്തത്തില്‍ ഉള്ള കഥയുടെ അവതരണം.ഹിറ്റ്ലര്‍-ബോസ് കൂടിക്കാഴ്ച്ച ഓക്കെ നന്നായി ചെയ്തിട്ടുണ്ടായിരുന്നു.ഹീറോയിക് പരിവേഷമുള്ള നേതാജിയെ ആയിരുന്നു ഇതില്‍ അവതരിപ്പിച്ചിരിക്കുന്നത്.ബ്രിട്ടീഷുകാരോട് നേരിട്ട്,അവരുടെ പ്രവര്‍ത്തികള്‍ക്ക് അതെ നാണയത്തില്‍ ഉത്തരം നല്‍കുന്ന ബോസിനെ ആണ് കാണാന്‍ കഴിയുക.നെഹ്‌റു-നേതാജി ബന്ധം,അതില്‍ വിവാദം ആകാവുന്ന കാര്യങ്ങള്‍ ഒകെ തൊട്ടു തലോടി തന്നെ അവതരിപ്പിച്ചിട്ടുണ്ട്.

   ഒറ്റ ഇരുപ്പില്‍ തന്നെ കാണാവുന്ന 9 എപിസോഡുകള്‍ മടുപ്പിക്കില്ല എന്ന് മാത്രമല്ല,OST കേട്ട് തുടങ്ങുമ്പോള്‍ തന്നെ ഒരു ആവേശം ആയിരുന്നു.ആ ആവേശം സ്ക്രീനില്‍ തരാനും ഈ സീരീസിനു കഴിഞ്ഞിരുന്നു.ഈ സീരീസിലെ ബ്രിട്ടീഷ് പോലീസ് ഉദ്യോഗസ്ഥനായ 'സ്റ്റാന്‍ലി അലനെ' പോലെ ആയിരുന്നു കണ്ടു തുടങ്ങിയപ്പോള്‍.ബോസിന്‍റെ അടുത്ത നീക്കം എന്താകും?പലരും പറയുന്ന ബോസ് ആണോ അവിടെ എല്ലാം ഉണ്ടായിരുന്നത് എന്ന ജിജ്ഞാസ.പ്രേക്ഷകന്റെ ഭാഗത്ത്‌ നിന്നും ചിന്തിക്കുന്ന ഈ ബ്രിട്ടീഷ് പോലീസ് ഉദ്യോഗസ്ഥനെ പോലെ ധാരാളം കഥാപാത്രങ്ങള്‍ വന്നും പോയും ഇരുന്നു.ഇവരെല്ലാം പരമ്പര ആസ്വാദ്യകരമായ അനുഭവം ആക്കിയെടുത്തു.

   കഴിയുമെങ്കില്‍ കാണുക!!!ഇന്ത്യയില്‍ നിന്നും ഉള്ള മികച്ച പരമ്പരകളില്‍ ഒന്നാണ്!!

സീരീസിലെ എപിസോഡുകള്‍ സബ്സ് ഉള്‍പ്പടെ എന്‍റെ ടെലിഗ്രാം ചാനലില്‍ ലഭ്യമാണ്.

More suggestions @www.movieholicivews.blogspot.ca

ടെലിഗ്രാം ചാനല ലിങ്ക് : t.me/mhviews