1447. Superman: Red Son (English, 2020)

 1447. Superman: Red Son (English, 2020)

         Animation

 കമ്യൂണിസ്റ്റുകാരൻ ആയ റഷ്യയിൽ ജനിച്ച ആളായിരുന്നു സൂപ്പർ മാൻ എങ്കിലോ?ഉടോപ്യൻ ആശയങ്ങൾ ഉള്ള ഈ സൂപ്പർമാൻ പിന്നീട് കമ്യൂണിസ്റ്റ് ഏകാധിപതി ആയ സ്റ്റാലിനെ വധിച്ചു റഷ്യയുടെ ഭരണം പിടിച്ചെടുക്കുന്ന ആളായി മാറിയെങ്കിൽ? ലെക്സ് ലൂഥർ അമേരിക്കൻ പ്രസിഡൻ്റ് ആയി വരുകയും ചെയ്താൽ?

 തികച്ചും സൂപ്പർമാൻ എന്ന concept re - work ചെയ്ത് അവതരിപ്പിച്ച അനിമേഷൻ ചിത്രം അണ് കമ്യൂണിസ്റ്റ് സൂപ്പർ മാൻ. വണ്ടർ വുമൻ, ബൂർഷ്വാ ആയ ബാറ്റ്മാൻ ഒക്കെ ഈ പാരലൽ വേൾഡിൽ വ്യത്യസ്തരാണ്. അങ്ങനെ സൂപ്പർ മാൻ കെന്നഡിയുടെ കാലഘട്ടത്തിൽ നിന്നും അമേരിക്കയുടെ എതിരാളി ആയി മാറുകയും, എന്നാൽ അമേരിക്ക ആയുള്ള യുദ്ധത്തിന് തയ്യാറാകാതെ ഭരണം നടത്തുകയും ചെയ്യുന്നു. എന്നാൽ ചെറിയ ഒരു ട്വിസ്റ്റിൽ ആ ഒരു ഘട്ടത്തിലേക്ക് എത്തി ചേരുകയും, പിന്നീട് കഥ മാറുകയും ചെയ്യുന്നു.

  പ്രമേയം കൊണ്ട് നല്ല വ്യത്യസ്തം ആയിരുന്നു കമ്യൂണിസ്റ്റുകാരൻ ആയ സൂപ്പർമാൻ. പല ആശയങ്ങളും എങ്ങനെ ആകും റിയാലിറ്റിയിൽ ഉണ്ടാവുക എന്നത് കൂടി ഈ സിനിമയിൽ ചർച്ച ചെയ്യുന്നുണ്ട്.

 താൽപ്പര്യം ഉള്ളവർക്ക് കണ്ടു നോക്കാവുന്നതാണ്.

@mhviews rating: 3/4

കൂടുതൽ സിനിമ/സീരീസുകളെ കുറിച്ച് വായിക്കുവാൻ https://www.facebook.com/mhviewsms/ സന്ദർശിക്കുക.

 

662.DIE TUR(GERMAN,2009)

662.DIE TUR(GERMAN,2009),|Thriller|Mystery|Sci-Fi|,Dir:-Anno Saul,*ing:-Mads Mikkelsen, Jessica Schwarz, Valeria Eisenbart .


      ജീവിതത്തിനു റീ-ടേക്ക് ഇല്ല എന്ന വിശ്വാസത്തിനു വിപരീതമായി ഒരു വാതിലിലൂടെ കടന്നു പോകുമ്പോള്‍ അതിനു അവസരം ഉണ്ടാവുക എന്നത് അല്‍പ്പം  അതിശയോക്തി  തന്നെ  ആയിരിക്കും.ജീവിതത്തില്‍ ഒരു പക്ഷെ സംഭവിക്കാന്‍ പാടില്ലാത്ത  നിമിഷങ്ങള്‍ ഒന്ന്  UNDO ചെയ്യാന്‍  ഉള്ള  അവസരം  ലഭിക്കുക  എന്നത് പ്രമേയം  ആയി  ചിത്രങ്ങള്‍ ധാരാളം  വന്നിട്ടുണ്ട്.എന്നാല്‍ ഒരു പക്ഷെ ആ  മാറ്റങ്ങളിലൂടെ ഒരു  വ്യക്തി അയാള്‍  ആഗ്രഹിച്ച Comfort Zone ല്‍ എത്തി ചേരുന്നു എന്ന്  വിചാരിക്കുക.ഉറപ്പായും  അയാളുടെ  വര്‍ത്തമാന കാലത്തിനും  വ്യത്യാസം  ഉണ്ടാകും.അയാളുടെ  ഇന്നത്തെ  അവസ്ഥയ്ക്ക്  കാരണം  അന്ന്  നടന്ന  ആ  മോശം  സംഭവം  ആണെന്ന്  വ്യാഖ്യാനിക്കപ്പെടുമ്പോഴും  കാലം  കാത്തു  വച്ച വിധി  അത്  പിന്തുടരുക  തന്നെ  ചെയ്യും.

   ജര്‍മന്‍  ചിത്രം  ആയ Die Tur  സംവദിക്കുന്നതും ഇത്തരം  ഒരു  ആശയം ആണ്.Parallel ആയ  മറ്റൊരു  ലോകം...അതും  അഞ്ചു  വര്ഷം  പുറകിലേക്ക്  ഉള്ളത്.ജരാനരകള്‍  ബാധിച്ച,ഒരു  പക്ഷെ  അശ്രദ്ധ  കാരണം സ്വന്തം  മകള്‍  നഷ്ടപ്പെട്ട,ഒപ്പം  തന്റെ  ജീവിതം അഴുക്കു  ചാലില്‍  വീണ ഡേവിഡ്‌ ആ വാതായനത്തിലൂടെ  കടന്നു  ചെന്നത്  അഞ്ചു  വര്‍ഷങ്ങള്‍  മുന്‍പ് ആ  ദുരന്തം  ഉണ്ടായ  ദിവസത്തിലേക്ക്  ആണ്.പെട്ടന്ന്  \അന്നത്തെ  ദിവസം  ഓര്‍ത്തെടുത്ത  ആള്‍ തനിക്കു  കഴിയുന്നത്‌  ചെയ്യുന്നു.എന്നാല്‍  ഈ  ലോകത്തിനു  ഒരു  പ്രത്യേകത  ഉണ്ട്.അതാണ്‌  നേരത്തെ  പറഞ്ഞ  സമാന്തര  ലോകം  എന്നുള്ളത്.ഈ ലോകത്തും  ഒരു  ഡേവിഡ്‌  ഉണ്ട്.ജരാനരകള്‍  ബാധിക്കാത്ത,മകള്‍  നഷ്ടപ്പെടാത,ജീവിതം  അഴുക്കു  ചാലില്‍ വീഴാത  ആര്‍ട്ടിസ്റ്റ്  ഡേവിഡ്‌.

  ഒരു  ലോകത്തില്‍  ഒരാളുടെ  ഭൂതക്കലവും  വര്‍ത്തമാന കാലവും   ഒരുമിച്ചു പോകില്ല  എന്ന്  മനസ്സിലായ ഒരാള്‍  മറ്റൊരാളെ  ഒഴിവാക്കുന്നു.ഇത് ഡേവിഡിന്റെ  മാത്രം  കഥയല്ല.സമ്മാന  അവസ്ഥയില്‍  ഉള്ള  ധാരല്ലം  ആളുകള്‍  ഇവിടെയും  ഉണ്ട്.സമാന്തര ലോകത്തില്‍ നിന്നും  വന്നു  പ്രതീകാത്മകം  ആയും തങ്ങളുടെ ഭൂതക്കാലത്തെ  നശിപ്പിക്കാന്‍  വന്നവര്‍.ഒരു  പക്ഷെ  അവരുടെ  വര്‍ത്തമാന  കാലത്തില്‍  ഉള്ളതിനേക്കാളും നല്ല  ജീവിതം  നയിക്കുന്നവര്‍.അത്ഭുതങ്ങളുടെയും  അവിശ്വസനീയതയുടെയും ഒപ്പം ഒരിക്കലെങ്കിലും ഇത്തരം  ഒരു  ലോകത്തില്‍  എത്തി ചേര്‍ന്നാല്‍  മനസ്സിനെ  എങ്ങനെ  പാകപ്പെടുത്താം  എന്നും  ചിന്ത  നല്‍കുന്ന  ചിത്രം.മേസ് മിഗല്സന്‍ എന്ന അനുഗ്രഹീത  ഡാനിഷ്  നടന്റെ മികച്ച  പ്രകടനം.സയന്‍സ് ഫിക്ഷനും നിഗൂഡതയും ഒത്തു  ചേര്‍ന്ന ഒരു  ടൈം ട്രാവല്‍  സിനിമ  എന്ന  നിലയില്‍  നിന്നും  ഈ  ചിത്രം  വൈകാരികം  ആയ  ഒരു  തലത്തില്‍  ആണ്  അവതരിപ്പിച്ചിരിക്കുന്നത്.പ്രത്യേകിച്ചും  ക്ലൈമാക്സില്‍  ഒക്കെ ആ  രീതി  കാണാവുന്നതാണ്.മികച്ച  ഒരു  സിനിമ  അനുഭവം  ആയിരുന്നു  Die Tur!


  More movie suggestions @www.movieholicviews.blogspot.ca

652.11.22.63(ENGLISH,2016)

652.11.22.63(ENGLISH,2016),|Mystery|Thriller|Sci-F,Dir:-Various,*ing:-James Franco, Sarah Gadon, George MacKay .

  “You fuck with the past, and the past fucks with you.”

    ഒരു  കാലത്തില്‍  നിന്ന്  കൊണ്ട്  മറ്റു   കാലങ്ങളിലേക്ക്  യാത്ര  ചെയ്യുന്ന  Time Travelling  എന്ന concept  അതീവ  സങ്കീര്‍ണം  ആയി  തോന്നുമെങ്കിലും  ശരിക്കും  അത്  വിഭാവനം  ചെയ്യുന്ന  കാര്യങ്ങള്‍   രസകരം  ആണ്.പ്രത്യേകിച്ചും തിരുത്തലുകള്‍  ഏറെ  സാധ്യമാകും  ഈ  യാത്രയില്‍.പിഴവ്  ഉണ്ടായ ജീവിതത്തിലെ  സമയങ്ങള്‍,ദുരന്തങ്ങള്‍  എല്ലാം  എഴുതി  വച്ച  രേഖകളിലൂടെ  എത്തി  ചേര്‍ന്നാല്‍  ഒരു  പക്ഷെ  അവയെ  മാറ്റാന്‍  സാധിക്കുക  എന്നത്  ശരിക്കും  മനുഷ്യനെ   സംബന്ധിച്ച്  വലിയ  കാര്യം  ആണ്.ഒരു  പക്ഷെ  ലോകത്തിന്റെ  ഇന്നുള്ള  ഗതി  പോലും  മാറാവുന്ന  ഒന്ന്.

    അമേരിക്കയില്‍  22 നവംബര്‍ 1963  എന്ന തീയതി  അവരെ  സംബന്ധിച്ച്  വളരെ  പ്രധാനപ്പെട്ട  ഒരു  ദിവസം  ആണ്.അവരുടെ  ജനകീയന്‍  ആയ  പ്രസിഡന്‍റ്മാരില്‍  ഒരാള്‍  ആയിരുന്നു  John Fitzgerald "Jack" Kennedy ഒസ്വാള്‍ടിന്റെ  തോക്കില്‍  നിന്നും  ഉതിര്‍ന്ന  വെടിയുണ്ടയില്‍ കൊല്ലപ്പെടുന്നത്  ആ ദിവസം  ആണ്.പലരും  വിശ്വസിക്കുന്നത്  അന്ന്  ആ  കൊലപാതകം   നടന്നിരുന്നില്ലെങ്കില്‍  ലോകം  വേറെ  ഒന്നായി  മാറിയേനെ  എന്നാണു.സ്റ്റീഫന്‍  കിംഗ്  എഴുതിയ  നോവല്‍  ആയ  11.22.63  ആ  പ്രമേയത്തെ  ആസ്പദം  ആക്കിയാണ്.ആ  നോവല്‍  ടി വി മിനി  സീരിയല്‍  ആയി  മാറി.ജേക്  എപ്പിംഗ്  എന്ന  അദ്യാപകന്‍  അയാളുടെ  സുഹൃത്തായ  Al Templeton ല്‍  നിന്നും ടൈം  ട്രാവല്‍  സാധ്യമാകുന്ന  ഒരു  വഴി  മനസ്സിലാക്കുന്നു.പലപ്പോഴും  Templeton  നടത്തിയ  യാത്രയുടെ  ലക്‌ഷ്യം  പൂര്‍ത്തീകരിക്കാന്‍  ജേക്കിനോട്  അയാള്‍  ആവശ്യപ്പെടുന്നു.1960ലേക്ക്  ടൈം  ട്രാവല്‍  ചെയ്തു  പോയി 1963 ല്‍  നടന്ന  JFK യുടെ കൊലപാതകം  തടയാന്‍  ജേക്കിനോട്  ആവശ്യപ്പെടുന്നു.

   ജേക്  കാലങ്ങള്‍  പുറകോട്ടു  സഞ്ചരിച്ച് JFK  യുടെ  കൊലപാതകം  തടയാന്‍  നടത്തുന്ന  യാത്ര  ആണ്  8 എപിസോഡ്  ഉള്ള  ഈ  ടി വി മിനി  സീരീസില്‍  അവതരിപ്പുക്കുന്നത്.കാലം പിന്നിലോട്ടു  പോയി  കാര്യങ്ങള്‍  മാറ്റുമ്പോള്‍  അതിന്റെ പ്രതിഫലനം  കാലങ്ങളില്‍  മാറ്റം  ഉണ്ടാക്കും.ആ  സംഭവങ്ങള്‍   ആണ്   സീരീസില്‍  അവതരിപ്പിക്കുന്നത്‌.രാഷ്ട്രീയം  ആയ  കാര്യങ്ങള്‍  പ്രതിപാദിക്കുന്ന,JFK  മരിച്ചില്ലായിരുന്നെങ്കില്‍  ലോകം  എങ്ങനെ  ആകും  എന്ന്  അവസാനം  കാണിക്കുന്നുണ്ട്   സ്റ്റീഫന്‍  കിംഗിന്റെ  കാഴ്ച്ചപ്പാടില്‍.JFK യുടെ  മരണത്തിലെ  വിവാദങ്ങള്‍  എക്കാലവും  നില നില്‍ക്കുമ്പോള്‍  ഫിക്ഷണല്‍  രീതിയില്‍  അവതരിപ്പിച്ച  ഈ  മിനി  സീരീസ് നന്നായി  തോന്നി.ജേക്  ആയി  ജെയിംസ്  ഫ്രാങ്കോ  ആണ്  അഭിനയിച്ചത്.അഞ്ചോളം  സംവിധായകര്‍  ആണ്  ഈ  8  എപിസോഡുകള്‍  അവതരിപ്പിച്ചത്.ജെയിംസ്  ഫ്രാങ്കോയും അവരില്‍  ഒരാള്‍  ആയിരുന്നു.


More movie  suggestions @www.movieholicviews.blogspot.com

645.WATCHMEN(ENGLISH,2009)

645.WATCHMEN(ENGLISH,2009),|Action|Mystery|Sci-Fi|,Dir:-Zack Snyder,*ing:-Jackie Earle Haley, Patrick Wilson, Carla Gugino


  DC Comics ന്റെ Watchmen സിനിമ  രൂപം പ്രാപിച്ചപ്പോള്‍  അത്  സംവിധാനം  ചെയ്തത്  സാക്ക് സ്നൈടര്‍  ആയിരുന്നു.സൂപ്പര്‍ ഹീറോ എന്ന ആശയത്തിന് രാഷ്ട്രീയപരമായ ബന്ധനങ്ങള്‍  തീര്‍ക്കുകയും ലോകത്തില്‍  ഉണ്ടായ  പല  രാഷ്ട്രീയ  മാറ്റങ്ങള്‍ക്കു  കാരണം   ആകുകയും  ചെയ്ത മുഖമൂടി  അണിഞ്ഞ ഒരു  പറ്റം  അമാനുഷിക  കഥാപാത്രങ്ങള്‍  ആണ്  Watchmen  എന്ന പേരില്‍  അറിയപ്പെടുന്നത്.അമേരിക്കന്‍-വിയട്നാം-റഷ്യന്‍  ചരിത്രങ്ങളെ  മറ്റൊരു  രീതിയില്‍  അവതരിപ്പിച്ചു  രഹസ്യ  സ്വഭാവം  ഉള്ള രാഷ്ട്രീയ  നീക്കങ്ങള്‍  ആയാണ്  കഥയില്‍  അവതരിപ്പിച്ചിരിക്കുന്നത്.ഒപ്പം  അസംഭവ്യം  എന്ന്  തോന്നിക്കുന്ന അമാനുഷിക  ശക്തിയുള്ളവരുടെ  ഇടപ്പെടലുകളും.


   പിന്നീട്  അമേരിക്കന്‍  സര്‍ക്കാരിന്റെ  രാഷ്ട്രീയ  നീക്കങ്ങളില്‍  നിന്നും   അവര്‍  പലരും  മാറ്റപ്പെട്ടു എങ്കിലും  Dr Manhattan   നെ  പോലെ  ഉള്ളവര്‍ സര്‍ക്കാരിന്റെ  സുരക്ഷ  സംഘത്തിലെ  പ്രധാനികള്‍ ആയി മാറി.Edward Blake എന്ന  സര്‍ക്കാര്‍  ഉദ്യോഗസ്ഥന്റെ  മരണത്തിനു  ശേഷം  ആണ് അയാള്‍  തങ്ങളുടെ  കൂടെ  ഉണ്ടായിരുന്ന കൊമേഡിയന്‍  ആണെന്ന് രോഷാക്കിന് മനസ്സിലാക്കുന്നത്‌.അയാളുടെ   മരണത്തിലെ ദുരൂഹതകള്‍ മുന്‍  Watchmen അംഗമായ  രോഷാക്കിനു   ചില  സംശയങ്ങള്‍  ഉണ്ടാക്കി.

  അന്ന്  Watchmen  സംഘത്തില്‍  ഉള്ളവര്‍ക്ക്  ജീവന്  അപായം  ഉണ്ടെന്നുള്ള  അയാളുടെ  സംശയം  മറ്റു  പഴയ  അംഗങ്ങളെ  അറിയിക്കുന്നു.എന്നാല്‍  ആദ്യം  അത്  പലരും  തള്ളിക്കളഞ്ഞു.Adrian Veidt എന്ന  പഴയ  അംഗം  തന്റെ അക്കാലത്തെ  പ്രശസ്തി  മുതലാക്കി ഒരു  സെലിബ്രിറ്റി  ആയി  കഴിയുന്നു.അയാള്‍ക്ക്‌ നേരെയും ആക്രമണം  ഉണ്ടായപ്പോള്‍  രോഷാക്കിനോടൊപ്പം മറ്റുള്ളവരും  ആ സംശയത്തെ  ഭയന്ന്  തുടങ്ങി.ആരാണ്   അവരെ  അപായപ്പെടുത്താന്‍  ശ്രമിക്കുന്നത്  എന്ന്  കണ്ടെത്തുന്നതാണ്  ചിത്രത്തിന്റെ  കഥ.  അമാനുഷിക  കഥപാത്രങ്ങളുടെ ചിത്രം ആണെങ്കിലും അവരുടെ മോശമായ  വശങ്ങളും  ചിത്രം  അവതരിപ്പിക്കുന്നുണ്ട്.അവരുടെ  വേദനകളും  ഒറ്റപ്പെടലുകളും സമൂഹത്തില്‍ പെട്ടന്ന്  ആരും  വേണ്ടാത്തവര്‍  ആയി  തീര്‍ന്നതിന്റെ  വിഷമങ്ങളും  എല്ലാം.Identity  പോലും അവര്‍ക്ക്  ബാധ്യത  ആയി  മാറുന്നു.DC Comics ന്റെ  ഈ  സൂപ്പര്‍  ഹീറോ  ചിത്രം  മികവു  പുലര്‍ത്തുന്നുണ്ട്  സാധാരണ നന്മ-തിന്മ സൂപ്പര്‍  ഹീറോ  സിനിമകളില്‍  നിന്നും.അത് കൊണ്ട്  തന്നെ  നല്ല  ഒരു  ചിത്രമായി  തോന്നി.

More movie suggestions from www.movieholicviews.blogspot.com

636.THE GOOD DINOSAUR(ENGLISH,2015)

636.THE GOOD DINOSAUR(ENGLISH,2015),|Comedy|Animation|Adventure|,Dir:-Peter Sohn,Voices:-Jeffrey Wright, Frances McDormand, Maleah Nipay-Padilla


    ഡിസ്നി പിക്സാര്‍ ഇപ്പോള്‍  ഹോളിവുഡ്  അനിമേഷന്‍ സിനിമകളിലെ  അനിഷേധ്യമായ  മാര്‍ക്കറ്റ്  സ്വന്തം  ആക്കിയിട്ടുണ്ട്.നിലവാരത്തില്‍  അതിലും  മികച്ച  സിനിമകള്‍ (പിക്സാര്‍ ചിത്രങ്ങള്‍ മോശം  ആണെന്നല്ല!!)  വേറെ  ഇറങ്ങുന്നുണ്ടെങ്കിലും പിക്സാര്‍ ചിത്രങ്ങള്‍ക്ക് ലഭിക്കുന്ന ജനശ്രദ്ധ  കൂടുതല്‍  ആണ്.ഈ  അടുത്ത്  മികച്ച അനിമേഷന്‍  ചിത്രത്തിനുള്ള ഓസ്ക്കാര്‍ പുരസ്ക്കാരം  ലഭിച്ച  Inside Out പിക്സാര്‍ ചിത്രം  ആയിരുന്നു.ഡിസ്നി പിക്സാര്‍  ഏറ്റെടുത്തതിനു ശേഷം അവര്‍ക്കും  അനുഗ്രഹം  ആയി  തീര്‍ന്നൂ അനിമേഷന്‍ സിനിമകളുടെ   മത്സരത്തില്‍  പിടിച്ചു നില്‍ക്കാന്‍.

  The Good Dinosaur വളരെ  നല്ലൊരു  ചിത്രമായി  തോന്നി.സാധാരണ  ഒരു  കഥ.എന്നാല്‍  Feel-Good-Movie  എന്ന  നിലയില്‍  പ്രത്യേക  ഒരു  അനുഭവം ആയി  ഈ  ചിത്രം  മാറുന്നുണ്ട്.ദിനോസറുകളുടെ വംശനാശത്തിനു   കാരണം ആയ ആ  ദുരന്തം  ഭൂമിയില്‍  സംഭവിച്ചില്ലായിരുന്നു എങ്കില്‍ എന്ന  ആശയത്തില്‍  നിന്നും  ആണ് ഈ  ചിത്രത്തിന്റെ  പിറവി.  പിന്നീട്  അല്‍പ്പ  പുരോഗമനം  ജീവിത  സാഹചര്യങ്ങളില്‍  ഉണ്ടായ  ഭൂമിയിലെ പഴയ തമ്പുരാക്കന്മാര്‍ അവരുടെ  കുടുംബങ്ങളുമായി  ജീവിക്കുന്നു.അക്കൂട്ടത്തില്‍  ഉള്ള ഹെന്രി,ഐഡ  എന്നീ ദിനോസര്‍ ദമ്പതികള്‍ക്ക് മുട്ട  വിരിഞ്ഞു  മൂന്നു  കുഞ്ഞുങ്ങള്‍  ഉണ്ടാകുന്നു.

  വളര്‍ന്നു  വലുതാകുമ്പോള്‍   കുടുംബത്തിന്റെ  അഭിമാനം  ആകാന്‍  അവര്‍  ഓരോരുത്തരും ശ്രമിച്ചപ്പോള്‍  വലിയ  മുട്ടയില്‍  നിന്നും ഉണ്ടായ ചെറിയ ആര്‍ലോയ്ക്ക്  മറ്റു  രണ്ടു  പേരുടെയും  മികവിലേക്ക്  ഉയരാന്‍  അവന്റെ  ഭയങ്ങള്‍  വിലങ്ങു  തടി  ആകുന്നു.എന്നാല്‍ ഹെന്രി  തന്റെ  ഇളയ  മകനെ  വെറുതെ  വിടാന്‍  തയ്യാറല്ലായിരുന്നു.ആര്‍ലോയുടെ  സംഭവബഹുലമായ  ആ കഥയാണ്  ഈ  ചിത്രത്തില്‍  അവതരിപ്പിക്കുന്നത്‌.എണ്ണമറ്റ  Feel-Good-Movie  കളുടെ  കൂട്ടത്തില്‍  തന്നെ  മികച്ച  ഒരു  ചിത്രം ആണ്  The Good Dinosaur.ഇത്തരം  ചിത്രങ്ങള്‍  ഇഷ്ടമുള്ളവര്‍ക്ക്   നല്ലൊരു  അനുഭവം  ആകും  ഈ ചിത്രം.

More movie suggestions @www.movieholicviews.blogspot.com

  

624.THE MARTIAN(ENGLISH,2015)

624.THE MARTIAN(ENGLISH,2015),|Sci-Fi|Adventure|Drama|,Dir:-Ridley Scott,*ing:-Matt Damon, Jessica Chastain, Kristen Wiig .


  88 മത് അക്കാദമി പുരസ്ക്കാരത്തില്‍ 7  വിഭാഗങ്ങളില്‍ നാമനിര്‍ദേശം  ലഭിച്ച  ചിത്രം  ആണ്  The Martian.

• Best Motion Picture of the Year

Simon Kinberg
Ridley Scott
Michael Schaefer
Mark Huffam

• Best Performance by an Actor in a Leading Role

Matt Damon

• Best Writing, Adapted Screenplay

Drew Goddard

• Best Achievement in Sound Mixing

Paul Massey
Mark Taylor
Mac Ruth

• Best Achievement in Sound Editing

Oliver Tarney

• Best Achievement in Visual Effects

Richard Stammers
Anders Langlands
Chris Lawrence
Steven Warner

• Best Achievement in Production Design

Arthur Max (production design)
Celia Bobak (set decoration)

  എന്നീ വിഭാഗങ്ങളില്‍  ആണ്  ഈ  ചിത്രം  ഓസ്ക്കാര്‍  വേദിയില്‍  സംസാരവിഷയം  ആയതു.

  Andy Weir  എഴുതിയ അതെ പേരില്‍  ഉള്ള  നോവലിനെ  ആസ്പദം  ആക്കിയാണ്  ചിത്രം  അവതരിപ്പിച്ചിരിക്കുന്നത്.സയന്‍സ്  ഫിക്ഷന്‍  സിനിമകളുടെ  സങ്കീര്‍ണത പലപ്പോഴും അത്തരം  സിനിമകളുടെ ആസ്വാദനത്തില്‍  ചിലപ്പോഴെങ്കിലും പ്രേക്ഷകരുടെ   ശാസ്ത്ര  വിജ്ഞാനത്തെ അളക്കും.എന്നാല്‍  The Martian ഇവിടെ  ആണ്  വ്യത്യസ്തം  ആകുന്നത്.സയന്‍സ്  ഫിക്ഷന്‍  സിനിമകളുടെ  ഗണത്തില്‍  ഉള്‍പ്പെടുന്നു  എങ്കിലും വളരെ സരളമായാണ്  ഈ സിനിമയുടെ   കഥ  അവതരിപ്പിച്ചിരിക്കുന്നത്.

     Mars ഗ്രഹത്തിലേക്കുള്ള ഒരു  പര്യടനത്തില്‍  ഉണ്ടായ  അപകടത്തില്‍ വാട്നി  മരിച്ചു  എന്ന് എല്ലാവരും  കരുതി.എന്നാല്‍  അത്ഭുതകരമായി  രക്ഷപ്പെടുന്ന വാട്നി  തന്റെ  കയ്യില്‍  ബാക്കി  ഉണ്ടായിരുന്ന സാധനങ്ങള്‍  ഉപയോഗിച്ച്  ആരെങ്കിലും  തന്നെ  രക്ഷപ്പെടുത്താന്‍  വരും  എന്ന  പ്രതീക്ഷയില്‍ അയാള്‍  ജീവിച്ചു  തുടങ്ങുന്നു.ഈ  സമയം  ഭൂമിയില്‍  വാട്നി  മരിച്ചു  എന്ന്  പ്രഖ്യാപിക്കുന്നു.കാരണം  അങ്ങനത്തെ  സാഹചര്യങ്ങളില്‍  ഒരു  മനുഷ്യന്  ജീവിക്കാന്‍  ഒരു  സാധ്യതയും  ഇല്ലായിരുന്നു.

   എന്നാല്‍  അപ്രതീക്ഷിതമായി വാട്നി  ജീവനോടെ  ഉണ്ടെന്നുള്ള  വിവരം  അറിഞ്ഞ  നാസ വാട്നിയെ  തിരികെ കൊണ്ട്  വരന്‍  ഉള്ള  ശ്രമങ്ങള്‍  തുടങ്ങുന്നു.ഒരു  ഉറപ്പും  ഇല്ലാത്ത   ഒരു ശ്രമം.ആ  ശ്രമങ്ങളുടെ  കഥയും  അതിന്റെ  ജയപരാജയങ്ങളും  ആണ്  ചിത്രം  അവതരിപ്പിക്കുന്നത്‌.ഇത്രയും സങ്കീര്‍ണതകള്‍   കുറച്ചു  ഈ  ചിത്രം  അവതരിപ്പിക്കാന്‍  കഴിഞ്ഞത്  ഒരു  പക്ഷേ  യഥാര്‍ത്ഥ നോവലിന്   ഉണ്ടായിരുന്ന  ജനകീയ മുഖം  ആയിരിക്കും  കാരണം.എളുപ്പം   ഒരു  സയന്‍സ്  ഫിക്ഷന്‍  ചിത്രം  എന്ന  നിലയില്‍ ഈ  ചിത്രം എല്ലാവര്‍ക്കും  ഇഷ്ടപ്പെടുന്ന  ഒന്നാണ്.

More movie  suggestions @www.movieholicviews.blogspot.com

611.KUNG FU PANDA 3(ENGLISH,2016)

611.KUNG FU PANDA 3(ENGLISH,2016),|Comedy|Action|Animation|,Dir:-Alessandro Carloni, Jennifer Yuh,Voices:-Jack Black, Bryan Cranston, Dustin Hoffman .

  "വീണ്ടും  രസിപ്പിക്കാന്‍  ആയി  കുംഗ് ഫു പാണ്ടേ മൂന്നാം  ഭാഗം"

  കുസൃതിക്കാരനായ  പോ  എന്ന  പാണ്ടയുടെ  കഥ  ആദ്യ  രണ്ടു  ഭാഗം  സിനിമയായി  വന്നപ്പോള്‍  വലിയൊരു  ആരാധക  കൂട്ടാതെ  തന്നെ ഉണ്ടാക്കിയിരുന്നു.ആവര്‍ത്തിച്ചു കാണാന്‍  ഇഷ്ടം  ഉള്ള  രസകരമായ  ചിത്രം  എന്നൊക്കെ  പറയാവുന്ന  ഒന്നായിരുന്നു ആ  സിനിമകള്‍.എന്നും  പോയ്ക്ക്  ഉള്ള  സംശയം  തന്റെ അസ്തിത്വത്തെ കുറിച്ച്  ആയിരുന്നു.താന്‍  ആരാണ് എന്നുള്ള  സംശയം  അവനെ  എന്നും  അലട്ടിയിരുന്നു.Dragon Warrior ആയി  മാറിയിട്ടും  അവനു ഒരു  ആത്മവിശ്വാസക്കുറവ്  പലപ്പോഴും  ഉണ്ടായിരുന്നു.


   ഈ  ഭാഗവും  ആദ്യ  രണ്ടു  ഭാഗങ്ങളില്‍  സംഭവിക്കുന്നത്‌  പോലെ  ഉള്ള  കാര്യങ്ങള്‍  തന്നെ  ആണ്  ഉള്ളത്.ഇത്തവണ  എന്നാല്‍  പോയ്ക്ക് തന്റെ   ജീവിതത്തെ  കുറിച്ച്  ചില വിവരങ്ങള്‍ ലഭിക്കുന്നുണ്ട്.പോയുടെ ദൌത്യം  ഇത്തവണ  കുറച്ചും  കൂടി  കഠിനം  ആണ്.പ്രത്യേകിച്ചും അവനെ കൊണ്ട്  മാത്രം  ചെയ്യാന്‍  കഴിയുന്ന  ഒരു  ഉദ്യമം.ദുഷ്ട ശക്തികളെ തകര്‍ക്കാന്‍ അവനു  വീണ്ടും   തന്‍റെ  ശക്തി  പുറത്തു  എടുക്കേണ്ടി  വരുന്നു .പോ തന്‍റെ പുതിയ  ദൌത്യം  എങ്ങനെ  പൂര്‍ത്തീകരിക്കുന്നു  എന്നതാണ്  ചിത്രം.

   ആദ്യ  രണ്ടു  ഭാഗവും  ആയി  ഈ  ചിത്രത്തെ  താരതമ്യപ്പെടുത്തുന്നതില്‍  കാര്യം  ഇല്ല  എന്ന്  തോന്നുന്നു.എന്നാലും  ആദ്യ  രണ്ടിലും  ഉള്ള  അതെ  Energy Level  ഈ  ചിത്രത്തിലും  പോയ്ക്കും  കൂട്ടര്‍ക്കും  ഉണ്ടായിരുന്നു.കീറി   മുറിച്ചു  പരിശോധിക്കാന്‍ ഉള്ള  ഒന്നും  ഈ പരമ്പരയ്ക്ക്  ഇല്ല  എന്നുള്ളത്  കൊണ്ട്  തന്നെ  നല്ല അനിമേഷനും രസകരമായ  കഥാപാത്രങ്ങളും  ഒക്കെയായി  പോയുടെയും  കൂട്ടരുടെയും  കൂടെ  ഒരു  യാത്ര  പോയാല്‍ അതൊരു  നഷ്ടം  ആകില്ല  എന്നുറപ്പ്.കുട്ടികള്‍ക്കും  അതു പോലെ  ഈ Franchisee യുടെ  ആരാധകര്‍ക്കും  എല്ലാം  ഒരു  പോലെ  ഇഷ്ടമാകും  ഈ ഭാഗം  എന്നാണു   എന്റെ  വിലയിരുത്തല്‍.

More movie suggestions @www.movieholicviews.blogspot.com

607.INSIDE OUT(ENGLISH,2015)

607.INSIDE OUT(ENGLISH,2015),|Drama|Comedy|Animation|,Dir:-Pete Docter, Ronnie Del Carmen,Voices:-Amy Poehler, Bill Hader, Lewis Black


88th അക്കാദമി  നാമനിര്‍ദേശ   വേളയില്‍  രണ്ടു  വിഭാഗത്തില്‍   ആണ്  Inside Out പുരസ്ക്കാര  വേദിയിലേക്ക് ശ്രദ്ധ  ക്ഷണിക്കുന്നത്

1. Best Animated Feature Film of the Year

Pete Docter
Jonas Rivera

• Best Writing, Original Screenplay

Pete Docter (screenplay/story)
Meg LeFauve (screenplay)
Josh Cooley (screenplay)
Ronnie Del Carmen (story)

  എന്നീ  വിഭാഗത്തില്‍  ആണവ

    ലോകത്തിലെ  സകല ജീവജാലങ്ങളുടെ  മനസ്സ്  ഒരു   യന്ത്രം  ആണെന്ന്  സങ്കല്‍പ്പിക്കുക.ഓരോരുത്തരുടെയും  മനസ്സിലെ  ഓരോ വികാരങ്ങളെയും  നിയന്ത്രിക്കുന്ന ഒരു  ടീം അതിനായി  ജോലി  ചെയ്യുന്നുണ്ടെന്നും.ഉദാഹരണത്തിന് ദേഷ്യം,സങ്കടം,സന്തോഷം,ഓര്‍മ എന്ന്  വേണ്ട  എല്ലാത്തിലും അങ്ങനെ  ഒരു സംവിധാനം പ്രവര്‍ത്തിക്കുകയും ഓരോ പ്രവര്‍ത്തിയിലും അവര്‍ നല്‍ക്കുന്ന input  ആണ്  നമ്മുടെ  ഓരോരുത്തരുടെയും ഓരോ  നീക്കങ്ങളുടെയും പുറകില്‍  ഉള്ളതെന്ന്  ചിന്തിക്കുന്നത് തന്നെ  നല്ല  രസമുണ്ട്.നമുക്ക്  ദേഷ്യം  വരുകയും  പിന്നീട്  ആ  ദേഷ്യം  മാറാന്‍  ഉള്ള വഴിയും  എല്ലാം ഈ ഒരു  ടീമിന്റെ നിയന്ത്രണത്തില്‍  ആണെന്നൊക്കെ  ഉള്ള  concept  തന്നെ  മികച്ചതായി  തോന്നുന്നു.

  Inside Out അത്തരം ഒരു  കഥയാണ്  അവതരിപ്പിക്കുനത്.ഒരു കഥ  എന്ന്  പറഞ്ഞാല്‍ ഇവിടെ  ആ concept  അവതരിപ്പിക്കാന്‍  റൈലി  എന്ന പെണ്‍ക്കുട്ടിയെ ആണ്  specimen ആയി  അവതരിപ്പിച്ചിരിക്കുന്നത്.അവളുടെ  മനസ്സിലെ  സന്തോഷം,സങ്കടം,ഭയം,ദേഷ്യം,വെറുപ്പ്‌ തുടങ്ങി  എല്ലാ  വികാരങ്ങളും എങ്ങനെ  പ്രവര്‍ത്തിക്കുന്നു എന്ന്  ചിത്രം  അവതരിപ്പിക്കുന്നുണ്ട്.പന്ത്രണ്ടു  വയസു  പ്രായം  ഉള്ള  ആ പെണ്‍ക്കുട്ടിയുടെ  ഓര്‍മ്മകള്‍,അവളുടെ  മാതാപിതാക്കളും ആയി  ഉള്ള  ബന്ധം,അവളുടെ സൗഹൃദം,താന്‍  ജീവിച്ചിരിക്കുന്ന സ്ഥലത്ത്  നിന്നും  പറിച്ചു  മാറ്റപ്പെടുമ്പോള്‍  ഉള്ള  അവസ്ഥ  എല്ലാം  സങ്കീര്‍ണം  ആയ ജീവിതത്തിലെ  പല വൈകാരികമായ   മാറ്റങ്ങളുടെയും  തുടക്കം  കുറിക്കുന്ന  ഒരു  പ്രായത്തില്‍  ഭംഗിയായി  അവതരിപ്പിച്ചിരിക്കുന്നു.

   നമ്മുടെ  എല്ലാം  ജീവിതത്തില്‍  ചെറുപ്പത്തിലെ  ഓര്‍മ്മകള്‍,നിഷ്കളങ്കത  എല്ലാം നഷ്ടമാകുന്ന  ഒരു  അവസ്ഥ  ഉണ്ടാകും.മുതിര്‍ന്നു  വരുമ്പോള്‍  നമ്മള്‍  പോലും അറിയാതെ  നമ്മളെ  വിട്ടു പോകുന്നവ.ഒരു  concept എന്നതില്‍  ഉപരി സാധാരണ ഒരു  കുട്ടിയുടെ  ബന്ധങ്ങളുടെ വ്യാപ്തിയും  എല്ലാം  ഈ  ചിത്രത്തില്‍  അവതരിപ്പിച്ചിട്ടുണ്ട്.മികച്ച അനിമേഷന്‍  ചിത്രത്തിനും ,തിരക്കഥയ്ക്കും  ഉള്ള  ഈ വര്‍ഷത്തെ  ഓസ്ക്കാര്‍  നാമനിര്‍ദേശം  ഈ ചിത്രത്തിന്  ലഭിച്ചിട്ടും  ഉണ്ട്.കുട്ടികള്‍ക്കും  മുതിര്‍ന്നവര്‍ക്കും  തീര്‍ച്ചയായും  ഇഷ്ടപ്പെടുന്ന  ഒരു  ഫീല്‍  ഗുഡ്  മൂവി  ആണ്  Inside Out.മനോഹരമായ  ഒരു  concept നെ  കൂടുതല്‍  അറിയാന്‍  ആഗ്രഹം  ഉള്ളവര്‍ക്ക്  തീര്‍ച്ചയായും  ഈ ചിത്രം  ഇഷ്ടപ്പെടും.

More movie suggestions @www.movieholicviews.blogspot.com

581.THE MATRIX(ENGLISH,1999)

581.THE MATRIX(ENGLISH,1999),|Sci-Fi|Action|,Dir:-Andy Wachowski, Lana Wachowski,*ing:-Keanu Reeves, Laurence Fishburne, Carrie-Anne Moss

  "The Matrix" എന്ന സിനിമയുടെ പേര് കേള്‍ക്കുമ്പോള്‍  തന്നെ ആദ്യം തന്നെ മനസ്സില്‍  വരുന്നത് അതിലെ ആക്ഷന്‍ സീനുകള്‍ ആകും.വെടിയുണ്ടകള്‍ ഒക്കെ വരുമ്പോള്‍ സ്ലോ മോഷനില്‍ ഒഴിഞ്ഞു കൊടുക്കുന്ന കഥാപാത്രങ്ങള്‍ ഒക്കെ സാധാരണ ഒരു ചിത്രത്തില്‍ ആയിരുന്നെങ്കില്‍ തികച്ചും അരോചകം തന്നെ ആയേനെ.എന്നാല്‍ "വാചോസ്ക്കി സഹോദരങ്ങള്‍" സംവിധാനം ചെയ്ത ഈ കീനു റീവ്സ് ചിത്രം അതിന്‍റെ കഥാഘടന കൊണ്ട് തന്നെ ആ രംഗങ്ങളെ അവിസ്മരണീയമായ അനുഭവം  ആക്കി  മാറ്റി.സയന്‍സ് ഫിക്ഷന്‍ ചിത്രം ആയ "ദി മാട്രിക്സ്" പറയുന്ന കഥ  നമ്മള്‍ ഉണ്ടെന്നു കരുതുന്ന ലോകം വെറും മായ  ആണെന്നും.ഒരു പ്രത്യേക രീതിയില്‍ പ്രോഗ്രാം ചെയ്ത ഒരു System ആണ് Virtual Reality എന്ന് വിശേഷിപ്പിക്കാവുന്ന ലോകത്തില്‍ ഉള്ളതും എന്നാണു.

   പ്രോഗ്രാമര്‍ ആയ നിയോ ഒരു ഹാക്കര്‍ കൂടി ആണ്.Matrix എന്ന വാക്ക് അയാളുടെ ശ്രദ്ധയില്‍ ആവര്‍ത്തിച്ച് വരുകയും അതിനെ കുറിച്ചുള്ള അന്വേഷണം അയാളെ കൊണ്ടെത്തിക്കുന്നത് മോര്‍ഫിയാസ് എന്ന കലാപകാരിയുടെ അടുക്കലും ആണ്.ലോകത്തെ കുറിച്ചുള്ള സത്യം അയാള്‍ നിയോയെ ബോധിപ്പിക്കുന്നു.ഒരു ചുവന്ന ഗുളിക കഴിക്കുന്ന നിയോ പിന്നീട് അറിയുന്നതും കാണുന്നതും ആയ ലോകവും അവിടത്തെ അയാളുടെ ശത്രുക്കളെയും മിത്രങ്ങളെയും ആണ് ബാക്കി ചിത്രം അവതരിപ്പിക്കുന്നത്‌.ജാപ്പനീസ് ആയോധന കലയുടെ രീതിയില്‍ അവതരിപ്പിച്ച സംഘട്ടനങ്ങള്‍ ആക്ഷന്‍ രംഗങ്ങള്‍ക്ക് ഒരു Benchmark ആയി മാറി എന്നും പറയാം.

മാട്രിക്സ് എന്ന മായാവലയത്തില്‍ അകപ്പെട്ടു പോയവരും അതില്‍ നിന്നും രക്ഷപ്പെടാന്‍ ഉള്ള ശ്രമങ്ങളും പിന്നീട് ഈ ചിത്രത്തിന്റെ അടുത്ത രണ്ടു ഭാഗങ്ങള്‍ ആയി വന്നിട്ടുണ്ട്. The Matrix Reloaded ,The Matrix Revolutions എന്നിവയായിരുന്നു ഫ്രാഞ്ചൈസിയുടെ അടുത്ത രണ്ടു ചിത്രങ്ങള്‍.ഓസ്ക്കാര്‍ പുരസ്ക്കാര വേദിയില്‍ നാല് വിഭാഗത്തില്‍ ചിത്രം പുരസ്ക്കാരം നേടിയിരുന്നു.ചിത്രത്തിന്റെ മികവിന് കാരണമായ സാങ്കേതിക  വിഭാഗത്തില്‍ ആയിരുന്നു നാല് നാമനിര്‍ദേശങ്ങള്‍ നേടിയതും അത് മുഴുവനും അവാര്‍ഡ് ആയി ലഭിച്ചതും.Best Film Editing,Best Sound,Best Effects/Sound Effects Editing,Best Effects/ Sound Effects Editing എന്നീ വിഭാഗത്തില്‍ ആയിരുന്നു പുരസ്ക്കാരങ്ങള്‍.ലോകത്തിലെ തന്നെ മികച്ച സയന്‍സ് ഫിക്ഷന്‍ സിനിമകളുടെ കൂട്ടത്തില്‍ ആണ് "The Matrix" ന്‍റെ സ്ഥാനം.

More movie suggestions @www.movieholicviews.blogspot.com

  

574.INCEPTION(ENGLISH,2010)

574.INCEPTION(ENGLISH,2010),|Mystery|Sci-Fi|,Dir:-Christopher Nolan,*ing:-Leonardo DiCaprio, Joseph Gordon-Levitt, Ellen Page.

   സ്വപ്നങ്ങളില്‍ നിന്നും സ്വപ്നങ്ങളിലേക്ക് ,ക്രിസ്ടഫര്‍ നോളന്റെ "Larger Than Life" ആശയം  എന്ന് പറയാം സ്വപ്നങ്ങളില്‍ നെയ്തെടുത്ത ഈ ചിത്രത്തെക്കുറിച്ച്.സ്വപ്നങ്ങളില്‍ കയറി കളവു നടത്തുക.കളവു നടത്തുന്നത് മനുഷ്യ മനസ്സുകളിലെ  നിഗൂഡ  രഹസ്യങ്ങളും.ഈ ചിത്രത്തിന്‍റെ കഥ ഇതില്‍ നിന്നും തുടങ്ങാം.നോളന്‍  ആവിഷ്ക്കരിച്ച പുതുമ ഈ  തീം  തന്നെയാണ്.മനസ്സിന്റെ നിഗൂഡമായ,പ്രവചനാതീതമായ സ്വഭാവം കാരണം ലോകത്തിലെ തന്നെ ഏറ്റവും വലിയ പ്രഹേളിക ആയി അതിനെ കണക്കാക്കാം,ഡോം കോബ് ആ ജോലിയില്‍ മിടുക്കന്‍ ആണ്.ഒരു തരം മോഷണം എന്ന്  പറയാം ലോകത്തിലെ തന്നെ വിലപ്പെട്ട രഹസ്യം എന്ന് ഓരോരുത്തരും കരുതുന്ന അവരുടെ രഹസ്യങ്ങള്‍ മറ്റൊരാള്‍ മോഷ്ടിക്കുക എന്നതിനെക്കുറിച്ച്.വിലമതിക്കാനാവാത്ത ഏറ്റവും  വലിയ സ്വത്തും ഒരുവന്‍റെ ജീവന്റെ അവസാനം വരെ തന്നില്‍ തങ്ങി നില്‍ക്കുന്ന രഹസ്യങ്ങള്‍ ആകാം.

     കോബ് ഇത്തവണ ഏറ്റെടുത്തിരിക്കുന്നത് ദുഷ്ക്കരമായ   ഒരു  ജോലി ആണ്.സയിട്ടോ എന്ന ജാപനീസ്   ബിസിനസ്സുകാരന്  വേണ്ടി ഫിഷര്‍ എന്ന  മറ്റൊരു  ബിസിനസ്സുകാരന്റെ മനസ്സ്  ഏറ്റെടുക്കുക  എന്ന ദൗത്യം.ഫിഷറിന്റെ മനസ്സില്‍ സയിറ്റൊയ്ക്ക് അനുകൂലമായ ചിന്തകള്‍ നിക്ഷേപിക്കുക.ആ ചിന്തകളെ വളര്‍ത്തുക.അത് ഒരു പ്രക്രിയ ആണ്.പ്രതികൂല സാഹചര്യങ്ങളില്‍   ഒരു ചെറിയ ചെടി വളര്‍ത്തുന്ന പോലെ തന്നെ സൂക്ഷ്മമായി ചെയ്യേണ്ട ഒരു ജോലി.കോബ് ഈ ജോലിക്കായി  ഒരു  ടീമിനെ  ഉണ്ടാക്കുന്നു.ആര്‍തര്‍,Ariadne,ഈംസ്,യൂസഫ്‌ എന്നിവര്‍ ആയിരുന്നു ആ ടീമിലെ  മറ്റുള്ളവര്‍.എന്നാല്‍ കോബിന്  ഇടയ്ക്ക് തന്‍റെ ലക്ഷ്യത്തില്‍ പ്രശ്നങ്ങള്‍  ഉണ്ടാകുന്നുണ്ടായിരുന്നു.കോബിന്റെ മനസ്സ്  പതറി പോകുന്ന നിമിഷങ്ങള്‍.

   Inception എന്ന ചിത്രത്തിന്‍റെ  കഥ  ചുരുക്കി  പറഞ്ഞാല്‍ എളുപ്പം ആണ്.എന്നാല്‍ സിനിമയിലേക്ക് മുഴുകുമ്പോള്‍ ഈ കഥയും അഭിപ്രായവും എല്ലാം മാറും.കാരണം മനസ്സിനെ നോളന്‍ അവതരിപ്പിച്ച രീതി തന്നെ.ഒരു  Maze ലൂടെ  പോകുന്ന  അത്ര  ദുഷ്ക്കരമായി വഴി കണ്ടെത്താന്‍ ആകാതെ പ്രേക്ഷകനും കുഴയും.ചിലപ്പോള്‍ മനസ്സും  തലച്ചോറും പതിവിലും അധികം ജോലി എടുത്തു ഒരു തരം മടുപ്പ്  ഉണ്ടാകാന്‍ പോലും സാധ്യത ഉണ്ടാകാം.നോളന്റെ  സിനിമകളെ  കുറിച്ച്  ചിന്തിക്കാന്‍  തന്നെ  സിനിമ  കാണുന്ന  സമയം  ഒരു  Spare തലച്ചോറ്  കൂടി  കയ്യില്‍  കരുതേണ്ടി  വരുന്ന  അവസ്ഥ.8 ഓസ്ക്കാര്‍  നാമനിര്‍ദേശം  ലഭിച്ച ചിത്രം 4  എന്നതില്‍  പുരസ്ക്കാരം  നേടിയിരുന്നു. Cinematography,  Sound Editing, Sound Mixing,  Visual Effects എന്നിവയില്‍ ആയിരുന്നു അത്.സിനിമയുടെ സാങ്കേതിക വശങ്ങളില്‍ മികവുറ്റ  രീതിയില്‍ ആണ്  ചിത്രം അവതരിപ്പിച്ചത്.ഹാന്‍സ്  സിമ്മരിന്റെ  പശ്ചാത്തല സംഗീതം  കൂടി ആയപ്പോള്‍ ചിത്രം സിനിമ ചരിത്രത്തിലെ മികച്ച ചിത്രങ്ങളില്‍ ഒന്നായി   മാറി.നാല്  ഭൂഖണ്ഡം ,ആറു  രാജ്യങ്ങള്‍  എന്ന നിലയില്‍ ചിത്രീകരിച്ച  ചിത്രത്തിന്റെ  ഓരോ ഫ്രെയിമും മനസ്സില്‍  തങ്ങി  നില്‍ക്കുന്നവയാണ്.വല്ലാത്ത ഒരു ബ്ലെണ്ട് ആണ്  ഹാന്‍സ്  സിംമാറിന്റെ  സംഗീതവും സിനിമയുടെ  ദ്രിശ്യഭംഗിയും  നോളന്റെ ഭാവനയും എന്ന്  തോന്നിപ്പോകും  സിനിമ  കണ്ടു  തീരുമ്പോള്‍.

More movie suggestions @www.movieholicviews.blogspot.com

532.ANT-MAN(ENGLISH,2015)

532.ANT-MAN(ENGLISH,2015),|Action|Sci-Fi|Adventure|,Dir:-Peyton Reed,*ing:-Paul Rudd, Michael Douglas, Corey Stoll.

  ഹോളിവുഡ് സൂപ്പര്‍ ഹീറോ ചിത്രങ്ങളുടെ ആധിക്യം ശരിക്കും അത്തരം ചിത്രങ്ങള്‍ കാണാന്‍ ഉള്ള താല്‍പ്പര്യം കുറച്ചിരുന്നു.അടുത്തിറങ്ങിയ പല അമാനുഷിക കഥാപാത്രങ്ങള്‍ ഉള്ള  ചിത്രങ്ങളും അത് കൊണ്ട് തന്നെ കാണാന്‍ താല്‍പ്പര്യം തോന്നിയിരുന്നില്ല.എന്നാല്‍ പോള്‍ റഡ് എന്ന "പാവത്താനായ" ഹോളിവുഡ് കൊമേഡിയന്‍ ഒരു അമാനുഷിക കഥാപാത്രം ആയി വരുന്നു എന്ന് അറിഞ്ഞപ്പോള്‍ മുതല്‍ കാണാന്‍ കാത്തിരുന്നതായിരുന്നു  ഈ ചിത്രം.കാരണം പോള്‍ ഒരു സൂപ്പര്‍ ഹീറോ അല്ലല്ലോ!!

   മാര്‍വല്‍ കഥാപാത്രം ആയ സ്കോട്ട് ലാംഗ് മുഖ്യ കഥാപാത്രം ആയാണ് ഈ ചിത്രത്തില്‍ വരുന്നത്.ശാസ്ത്ര ലോകത്തിലെ വിപ്ലവകരമായ  ഒരു കണ്ടുപിടുത്തം നടത്തിയ ഡോക്റ്റര്‍ പിം എന്നാല്‍ പിന്നീട് തന്‍റെ  കണ്ടു പിടുത്തത്തിന്റെ ദൂഷ്യങ്ങള്‍ മനസ്സിലാക്കിയപ്പോള്‍ മനുഷ്യ രാശിയില്‍ നിന്നും അത് മറച്ചു വയ്ക്കാന്‍ ശ്രമിക്കുന്നു.എന്നാല്‍ പിമ്മിന്റെ സമര്‍ത്ഥനായ വിദ്യാര്‍ഥി ഡാരന്‍ ക്രോസ് ആ രഹസ്യം എന്താണെന്ന് മനസ്സിലാകുകയും അത് പുന:നിര്‍മിക്കാന്‍ ആരംഭിക്കുകയും ചെയ്യുന്നു.

  സ്കോട്ട് ലാംഗ് എന്ന മെക്കാനിക്കല്‍ എന്‍ജിനീയര്‍ ഒരു മോഷണ ശ്രമത്തിനു ജയിലില്‍ എത്തി.തിരിച്ചു ഇറങ്ങിയെങ്കിലും സ്വന്തം മകളെ പോലും കാണാന്‍ പറ്റാത്ത അവസ്ഥയില്‍ ആയിരുന്നു സ്കോട്ട്.കുറ്റവാളി എന്ന ലേബല്‍ കാരണം അയാള്‍ക്ക്‌ ജോലികള്‍ ചെയ്യുന്നതിനും തടസ്സം ആയി.ഈ അവസരത്തില്‍ ആണ് സുഹൃത്തിന്‍റെ നിര്‍ദേശം അനുസരിച്ച് അതീവ സുരക്ഷയില്‍ സൂക്ഷിച്ചിരുന്ന അജ്ഞാത വസ്തു മോഷ്ട്ടിക്കാന്‍ ആയി സ്ക്കോട്ട് തീരുമാനിക്കുന്നത്.ആ തീരുമാനം സ്ക്കൊട്ടിന്റെ ജീവിതത്തില്‍ നിര്‍ണായകം ആകുന്നു.Ant-Man ന്റെ കഥ ഇവിടെ നിന്നും തുടങ്ങുന്നു.സാധാരണക്കാരന്‍ എന്ന ലേബല്‍  ഉള്ള പോള്‍ റഡ് ഈ കഥാപാത്രം ചെയ്തപ്പോള്‍ ഈ സൂപ്പര്‍ ഹീറോ കഥാപാത്രത്തിന് അനുയോജ്യന്‍ ആണെന്ന് തോന്നി.കാരണം "സാധാരണക്കാരന്‍ ആയ അമാനുഷിക കഥാപാത്രം" ആയിരുന്നു Ant-Man.എന്തായാലും ചിത്രം നിരാശപ്പെടുത്തിയില്ല . ഈ ചിത്രത്തിന്റെ രണ്ടാം ഭാഗം 2018 ല റിലീസ് ആകുന്നുണ്ട്.അതിനായി കാത്തിരിക്കുന്നു.

More movie suggestions @www.movieholicviews.blogspot.com

503.A SCANNER DARKLY(ENGLISH,2006)

503.A SCANNER DARKLY(ENGLISH,2006),|Animation|Sci-Fi|Thriller|,Dir:-Richard Linklater,*ing:-Keanu Reeves, Winona Ryder, Robert Downey Jr. ,Woody Harrelson.

  ഭാവിയില്‍ ഉള്ള അമേരിക്കയില്‍ നടക്കുന്ന ഫിക്ഷണല്‍ സംഭവങ്ങള്‍ ആണ് Philip K. Dick എഴുതിയ നോവലിനെ ആസ്പദം ആക്കി റിച്ചാര്‍ഡ് ലിങ്ക്ലെട്ടര്‍ സംവിധാനം ചെയ്ത A Scanner Darkly എന്ന ചിത്രത്തില്‍ അവതരിപ്പിക്കുന്നത്‌.ലോകം വളരെയ്ടഹികം പുരോഗമിച്ചെങ്കിലും കുറ്റ കൃത്യങ്ങളുടെ എണ്ണം കൂടുന്നതിനോടൊപ്പം ആളുകള്‍ ലഹരിക്ക്‌ അടിമ ആകുന്ന സംഭവങ്ങളും കൂടുന്നു.ആദ്യം ആ ലഹരി സുഖം മാത്രം നല്‍കുകയും പിന്നീട് തലച്ചോറും കാഴ്ചയും എല്ലാം ലഹരി ഉപയോഗിക്കുന്നവരില്‍ വേറെ രീതികളില്‍ പ്രവൃത്തിച്ചു തുടങ്ങും.

 സബ്സ്റ്റന്‍സ് D എന്ന പേരില്‍ അറിയപ്പെടുന്ന ഗുളികകള്‍ ഉപയോഗിക്കുന്നവരെയും അത് വില്‍ക്കുന്നവരെയും പിടിക്കൂടാന്‍ അമേരിക്കന്‍ നിയമ വിഭാഗം തീരുമാനിക്കുന്നു.ആ ഉദ്യമത്തിനായി അവര്‍ under- cover ആയി പോലീസുകാരെ നിയോഗിക്കുന്നുണ്ട്.ആധുനിക സൗകര്യങ്ങള്‍ ഉള്ളത് കൊണ്ട് തന്നെ അവരുടെ വിവരങ്ങള്‍ ആര്‍ക്കും ലഭ്യം ആകില്ല.പ്രത്യേകിച്ചും അവരുടെ മേധാവികളുടെ മുന്നിലും ലോകത്തിനു മുന്നിലും വരുമ്പോള്‍ ഉപയോഗിക്കുന്ന ലോകത്തിലെ ഒരു വിധം മനുഷ്യരുടെ സ്വഭാവ -രൂപങ്ങളെ പ്രതിധാനം ചെയ്യുന്ന സ്യൂട്ട് ഇടുമ്പോള്‍.

  ബോബ് ആര്‍ക്ട്ടര്‍ പോലീസിന്‍റെ കണ്ണിലെ കരടാണ്.സബ്സ്റ്റന്‍സ് D യുടെ മുഖ്യ വിതരണക്കാരന്‍ അല്ലെങ്കില്‍ അവരുമായി ബന്ധം ഉള്ള ആളാണെന്നു പോലീസ് അയാളെ സംശയിക്കുന്നു.അയാളുടെ ഒപ്പം ഉള്ളത് സുഹൃത്തുക്കള്‍ ആയ ബാരിസ്,എര്‍നീ,ഡോണ എന്നിവര്‍ ആണ്.ഇവര്‍ പലരും സബ്സ്റ്റന്‍സ് D യുടെ അടിമകള്‍ ആണ്.പോലീസ് അവരെ കര്‍ശനമായി നിരീക്ഷിക്കുന്നു.ആ സമയം ആണ് അവരില്‍ ഒരാള്‍ ആര്‍ക്ട്ടര്‍ വെറും മയക്കു മരുന്ന് ബിസിനസ് മാത്രമല്ല നടത്തുന്നത് എന്നും അതില്‍ വലിയ വിധംസ്വക പ്രവൃത്തികള്‍ നടത്തുന്ന ആളാണെന്നും പറഞ്ഞു ഒരാള്‍ പോലീസിനെ സമീപിക്കുന്നത്.ആരാണ് അയാള്‍?എന്തായിരുന്നു അയാളുടെ ലക്‌ഷ്യം?ആരാണ് ആര്‍ക്ട്ടര്‍ യഥാര്‍ത്ഥത്തില്‍?കൂടുതല്‍ അറിയാന്‍ ചിത്രം കാണുക. Interpolated Rotoscope എന്ന അനിമേഷന്‍ സാങ്കേതിക വിദ്യ ഉപയോഗിച്ചാണ് ഈ ചിത്രം അവതരിപ്പിച്ചിരിക്കുന്നത്.ഒരു ത്രില്ലറില്‍ നിന്നും മാറി ഈ ചിത്രം കൂടുതല്‍ സംസാരിക്കുന്നുണ്ട്.ലഹരികളുടെ ഉപയോഗം മനുഷ്യനെ എങ്ങനെ മാറ്റുന്നു എന്ന്-അതിനു അടിമപ്പെട്ടു കഴിഞ്ഞാല്‍.

  More movie suggestions @www.movieholicviews.blogspot.com

367.EX MACHINA(ENGLISH,2015)

367.EX MACHINA(ENGLISH,2015),|Sci-Fi|Thriller|.Dir:-Alex Garland,*ing:-Alicia Vikander, Domhnall Gleeson, Oscar Isaac.

88 മത്  ഓസ്ക്കാര്‍  നാമനിര്‍ദേശം  രണ്ടു  വിഭാഗത്തില്‍  ലഭിക്കുകയും  അതില്‍  ഒന്നില്‍  വിജയി  ആവുകയും  ചെയ്ത  ചിത്രം  ആണ്  Ex Machina

 

• Best Achievement in Visual Effects

Andrew Whitehurst
Paul Norris
Mark Williams Ardington
Sara Bennett

• Best Writing, Original Screenplay

Alex Garland എന്നിവയില്‍  മികച്ച  വിഷ്വല്‍  effects  നുള്ള  പുരസ്ക്കാരം  ഈ  ചിത്രത്തിന്  ലഭിച്ചു.


2013 ല്‍ റിലീസ് ആയ Her എന്ന സിനിമയില്‍ അവതരിപ്പിച്ച
 പ്രമേയം പുതുമയുള്ളത് ആയിരുന്നു.മനുഷ്യനും ഓപ്പറേറ്റിംഗ് സിസ്റ്റവും തമ്മില്‍ ഉള്ള വൈകാരികമായ ബന്ധം അവതരിപ്പിച്ച ആ ചിത്രം വ്യത്യസ്തമായ ഒരു പ്രണയ കഥയും ആയി മാറി.ആ സിനിമയുടെ V 2.0 എന്ന് വിളിക്കാം Ex Machina എന്ന ഈ ചിത്രത്തെ.പ്രമേയം ആയുള്ള സാമ്യത്തിനും അപ്പുറം Her പോലെ തന്നെ മികച്ച ഒരു ചിത്രമായി ഈ ചിത്രവും അനുഭവപ്പെട്ടു.

   ചിത്രത്തിന്‍റെ ആരംഭത്തില്‍ Bluebook എന്ന ഇന്റര്‍നെറ്റ്‌ സേര്‍ച്ച്‌ എഞ്ചിന്‍ ഭീമനിലെ കോഡര്‍ ആയ കലേബിനു ഒരു ഓണ്‍ലൈന്‍ ലോട്ടറിയില്‍ ഒന്നാം സ്ഥാനം ലഭിച്ചതായി അറിയിക്കുന്നു.സമ്മാനമായി ലഭിക്കുന്നത് Bluebook ന്‍റെ തലവനായ നതാനിനോടൊപ്പം ഒരാഴ്ചത്തെ താമസം ആണ്.അതീവ സമര്‍ത്ഥന്‍ ആയ നതാനിനോടൊപ്പം ഒരാഴ്ച ചിലവഴിക്കാന്‍ അയാളുടെ വസതിയിലേക്ക് ഹെലിക്കോപ്ട്ടരില്‍ കാലേബ് പുറപ്പെടുന്നു.ഏക്കര്‍ കണക്കിന് സ്ഥലത്ത് ആര്‍ക്കും പ്രവേശിക്കാന്‍ അനുവാദം ഇല്ലാത്ത വളരെയധികം സെക്യൂരിറ്റി ഉള്ള സ്ഥലത്താണ് നതാന്‍ താമസിക്കുന്നത്.അവിടെ കയറിയപ്പോള്‍ തന്നെ ഒരു തരം ദുരൂഹത അനുഭവപ്പെട്ട കലേബ് പിന്നീട് നതാന്‍ അയാളോട് ആവശ്യപ്പെട്ട ഉടമ്പടിയില്‍ ഒപ്പ് വയ്ക്കാന്‍ നിര്‍ബന്ധിക്കുന്നു.അവിടെ നടക്കുന്ന കാര്യം ഒരു കാരണവശാലും ലോകത്ത് മറ്റൊരാള്‍ അറിയരുത് എന്നതായിരുന്നു ഉടമ്പടി.കലെബിനെ അവിടെ കാത്തിരുന്നത് ലോകത്തിലെ തന്നെ മികച്ച അത്ഭുതങ്ങളില്‍ ഒന്നായിരുന്നു.

  ആര്‍ട്ടിഫിഷ്യല്‍ ഇന്റലിജന്‍സ് ഉപയോഗിച്ച് പ്രവര്‍ത്തിക്കുന്ന എവാ എന്ന യന്ത്ര മനുഷ്യ സ്ത്രീയെ ടൂറിംഗ് ടെസ്റ്റ്‌ (റോബോട്ടുകള്‍ അവയുടെ യാന്ത്രികത മാറ്റി വച്ച് മനുഷ്യനെ പോലെ പെരുമാറുന്നുണ്ടോ എന്ന് കണ്ടു പിടിക്കാന്‍ ഉള്ള ടെസ്റ്റ്‌ ) നടത്താന്‍ നതാന്‍ കലേബിനെ ക്ഷണിക്കുന്നു.മനുഷ്യനെ പോലെ ചിന്തിക്കാനും ചതിക്കാനും പ്രണയിക്കാനും കഴിവുള്ള എവ കലേബിനു അത്ഭുതം ആയിരുന്നു.എന്നാല്‍ കലേബ് കാണുന്നതെല്ലാം സത്യമായിരുന്നില്ല.കലേബിന്റെ മുന്നില്‍ ഉണ്ടായിരുന്ന കള്ളത്തരങ്ങള്‍ എന്തൊക്കെ ആയിരുന്നു.യന്ത്ര മനുഷ്യന്‍ ശരിക്കും മനുഷ്യനെ പോലെ ചിന്തിക്കാന്‍ തുടങ്ങിയാല്‍ എന്താകും?ഇതൊക്കെ ആണ് ചിത്രം അവതരിപ്പിക്കുന്നത്‌.ഈ വര്‍ഷത്തെ മികച്ച ചിത്രങ്ങളുടെ കണക്കെടുപ്പ് വര്‍ഷാന്ത്യത്തില്‍ വരുമ്പോള്‍ ഈ ബ്രിട്ടീഷ് ചിത്രവും ആ ലിസ്റ്റില്‍ വരും എന്ന് പ്രതീക്ഷിക്കുന്നു.സേര്‍ച്ച്‌ എന്‍ജിനുകള്‍ പലരും അവരുടെ സ്വാര്‍ത്ഥ താല്‍പ്പര്യങ്ങള്‍ക്ക് ഉപയോഗിക്കാന്‍ അല്ലെങ്കില്‍ ഉപയോഗിക്കുന്ന സാഹചര്യങ്ങളും ചിത്രത്തില്‍ അവതരിപ്പിച്ചിട്ടുണ്ട്.അതി വേഗം വളരുന്ന ടെക്നോളജിയുടെ നേര്‍ക്കുള്ള ഒരു കണ്ണാടി കൂടി ആണ് ഈ ചിത്രം.

More movie suggestions @www.movieholicviews.blogspot.com