1890. Door (Japanese, 1988)

 1890. Door (Japanese, 1988)

         Horror, Drama

⭐⭐⭐/5

അപാർടമെന്റിന്റെ വാതിൽ അയാളുടെ കൈ വിരലുകൾ വച്ച് അബദ്ധത്തിൽ അടയ്ക്കുമ്പോൾ യസൂകോ ഒരിക്കലും വിചാരിച്ചിരുന്നില്ല ഇനി വരാൻ പോകുന്ന നാളുകൾ ഭീകരം ആകുംമെന്ന്. സ്പാം കോളുകളും ശല്യപ്പെടുത്തുന്ന ഡോർ -ടൂ- ഡോർ സെയിൽസുകാരും എല്ലാം ചേർന്ന് സൃഷ്ടിച്ച തലവേദന കാരണം ആണ് യസൂകോ ഇങ്ങനെ ചെയ്യേണ്ടി വന്നത് എന്നതാണ് സത്യം. 

എന്നാൽ അവർ വാതിൽ അടയ്ക്കുമ്പോൾ വാതിലിന്റെ ഇടയിലൂടെ ഫ്ലൈയർ ഇടാൻ ശ്രമിച്ച ആ സെയിൽസ്മാന്റെ കൈക്ക് പരുക്കേൽക്കുന്നു. 

അതോടെ ആയാൾക്ക് തോന്നിയ വെറുപ്പ് യസൂകോയുടെ ജീവിതം നരക തുല്യം ആക്കുകയാണ്. 

ഒരു സൈക്കോളജിക്കൽ ഹൊറർ ചിത്രത്തിന് പറ്റുന്ന പ്ലോട്ട് തന്നെ ആണ് ഡോർ എന്ന ജാപ്പനീസ് ചിത്രത്തിന് ഉള്ളത്. എന്നാൽ ചിത്രം കൂടുതലും ശ്രദ്ധിച്ചത് അക്കാലത്ത് ഉള്ള ഫ്ലാറ്റ് സംസ്ക്കാരത്തിൽ തൊട്ടപ്പുറത്ത് ഉള്ള ആളുകൾ പോലും മറ്റുള്ളവരെ സഹായിക്കാൻ പോലും തയ്യാർ ആളായിരുന്നു എന്നും, അത് പോലെ ചെറിയ തെറ്റുകളിൽ പോലും ശ്രദ്ധയാലുക്കൾ ആയിരിക്കും എന്നുമൊക്കെയുള്ള കാര്യങ്ങളാണ്. 

എക്സിക്യൂഷൻ കുറേക്കൂടി നന്നാക്കി ഹൊററിൽ മാത്രം ശ്രദ്ധിച്ചിരുന്നെങ്കില് നല്ല സാധ്യത ഉണ്ടായിരുന്നു ചിത്രത്തിന്. മാത്രമല്ല, ഇക്കാലത്ത് കാണുമ്പോൾ സംവിധായകൻ ഉദ്ദേശിച്ച ആംഗിൾ അത്ര റിലേറ്റ് ചെയ്യാൻ പറ്റുന്നില്ല എന്നൊരു പോരായ്മയും ഉണ്ട്.

ഇൻഡ്യൻ സ്റ്റൈൽ സംഗീതം ബി ജി എം ആയി ഇടയ്ക്ക് വരുമ്പോൾ ഒരു രസമൊക്കെയുണ്ടായിരുന്നു . 

എനിക്കു പൂർണ തൃപ്തി ആയില്ലേലും സിനിമയുടെ രണ്ടു മൂന്നും ഭാഗം ഒക്കെ ഇറങ്ങുകയും ധാരാളം ആളുകൾ ഇഷ്ടപ്പെടുകയും ചെയ്ത ഒരു ചിത്രമാണ് ഡോർ. 

താല്പ്പര്യം ഉണ്ടെങ്കിൽ കണ്ടു നോക്കൂ. 

ലിങ്ക്: t.me/mhviews1 ൽ ലഭ്യമാണ്.

1807. Character (Japanese, 2021)

 " നല്ല കഴിവ് ഉള്ളവൻ ആണ് കീഗോ. പക്ഷെ അവന്റെ Manga കഥാപാത്ര സൃഷ്ടികളിൽ മികച്ച ഒരു വില്ലൻ ഇല്ല. അതിനു കാരണം അവന്റെ സ്വഭാവം കൂടി ആണ്. അവനെ പോലെ പാവത്താൻ ആയ ഒരാൾക്ക്‌ ക്രൂരത നിറഞ്ഞ ഒരു വില്ലനെ സൃഷ്ടിക്കാൻ കഴിയില്ല ". കീഗോ യമാഷിരോ കഴിവുള്ള ഒരു Manga ആർട്ടിസ്റ്റ് ആണ്. അയാളെ കുറിച്ച് ഉള്ള അഭിപ്രായം ആണ് ആദ്യം പറഞ്ഞത്. ഈ ഒരു കാരണം കൊണ്ട് അയാളുടെ സൃഷ്ടികൾ ഒരിക്കലും വെളിച്ചം കാണുന്നില്ല. എന്നാൽ ഒരു ദിവസം അയാളുടെ സൃഷ്ടികളിൽ മികവ് ഇല്ലാതിരുന്ന കഥാപാത്രത്തെ അയാൾ നേരിട്ട് കാണുന്നു. അതും ക്രൂരമായ രീതിയിൽ കൊല്ലപ്പെട്ട ഒരു കുടുംബത്തിലെ ആളുകളുടെ കൊലയാളിയെ.

 ഇവിടെ നിന്നും കീഗോയുടെ ജീവിതം മാറുകയാണ്. അയാൾ നേരിട്ട് അനുഭവിച്ചു അറിയുന്ന ആ കൊലയാളി അയാളുടെ കഥകളിൽ ആ കൊലയാളി വരുകയാണ്. എന്നാൽ ആ സമയം കൊലയാളിക്കും അങ്ങനെ ഒരു സ്വഭാവം രീതിയിലേക്ക് എത്തുകയാണ്.അതാണ്‌ ഏറ്റവും ക്രൂരത നിറഞ്ഞ സംഭവവും. ആ കൊലയാളി എന്തായി മാറുന്നു എന്നതാണ് പിന്നീടുള്ള സിനിമയുടെ പ്രമേയവും.

 കൊലയാളിയെ തുടക്കത്തിൽ തന്നെ കാണിക്കുകയും, അയാളിലെ ക്രൂരത വരച്ചു കാട്ടുന്ന ചിത്രത്തിൽ അയാൾ എന്തിനു വേണ്ടി ഇത് ചെയ്യുന്നു എന്നത് നിഗൂഢത ആയി നിലനിർത്തി അതിനൊരു പിൻ കഥയും നൽകുന്നുണ്ട് ചിത്രത്തിൽ. നല്ല രീതിയിൽ പ്രേക്ഷകനെ എൻഗേജ്‌ ചെയ്യുന്നുണ്ടെങ്കിലും കൊലയാളിയെ തുടക്കത്തിൽ തന്നെ കാണിച്ചത് ചെറിയ ഒരു പോരായ്മ ആയി തോന്നി. എന്നാൽ മേക്കിങ് നല്ല രസമായിരുന്നു. കണ്ട് നോക്കാവുന്ന ഒരു ജാപ്പാനീസ് മർഡർ മിസ്റ്ററി ആണ് Character.താൽപ്പര്യം ഉണ്ടേൽ കണ്ട് നോക്കാവുന്നതാണ്.

സിനിമയുടെ ലിങ്ക് t.me/mhviews1 ൽ ലഭ്യമാണ്.

1807. Character (Japanese, 2021)

          Crime, Murder- Mystery

1791. Godzilla Minus One (Japanese, 2024)

 

1791. Godzilla Minus One (Japanese, 2024)

        Sci-Fi, Action

⭐⭐⭐⭐½ /5

Reiwa Era യിലെ ഗോഡ്സില്ല സിനിമകൾ എല്ലാം തന്നെ ഒരു വിധം എല്ലാവരും ഫോളോ ചെയ്യുന്നുണ്ടാകും. ഈ കാലഘട്ടത്തിൽ മാത്രമല്ല, അവിടെയും ഇവിടെയും ആയി കണ്ട പല ഗോഡ്സില്ല സിനിമകൾ വച്ച് നോക്കിയാലും എന്റെ ഏറ്റവും ഇഷ്ടപ്പെട്ട സിനിമ ഇതാണ് : Godzilla Minus One.

 രണ്ടാം ലോകമഹായുദ്ധ കാലത്തിൽ തകർന്നടിഞ്ഞ ജപ്പാനിൽ ഗോഡ്സില്ലയെ ഓഡോ ദ്വീപിൽ കണ്ടെത്തുന്ന സമയം മുതലാണ് സിനിമയുടെ ആരംഭം. ജപ്പാന്റെ suicide- flying - squad ആയ Kamikaze യിലെ വൈമാനികൻ ആയ കൊയ്ച്ചിയിൽ ആണ് സിനിമയുടെ കഥ തുടങ്ങുന്നത്. ഗോഡ്സില്ലയും ആയി ആദ്യമായി മുഖാമുഖം കാണുന്ന അയാൾ പക്ഷെ അവിടെ അയാളുടെ ഭീരുത്വം കാരണം ധാരാളം ആളുകൾ കൊല്ലപ്പെട്ടു എന്ന് വിശ്വസിക്കുന്നു.

വർഷങ്ങൾക്കു അപ്പുറം കൊയ്ച്ചിയ്ക്ക് മറ്റൊരു അവസരം ലഭിക്കുകയാണ് ഗോഡ്സില്ലയെ നേരിടാൻ. ഇത്തവണ അയാൾക്ക്‌ അയാളുടേതായ ധാരാളം കാരണങ്ങൾ ഉണ്ട് ഈ ഉദ്യമത്തിൽ പങ്കെടുക്കാൻ. അയാൾ ഇവിടെ വിജയിക്കുമോ അതോ പഴയ അവസ്ഥ ആകുമോ എന്നതാണ് സിനിമയുടെ ബാക്കി കഥ.

 ഗോഡ്സില്ലയെ ഒരു വില്ലനായി തന്നെയാണ് സിനിമയിൽ അവതരിപ്പിച്ചിരിക്കുന്നത്. കൊയ്ച്ചിയുടെയും മറ്റുള്ളവരുടെയും വൈകാരികമായ മുഖം സിനിമയ്ക്ക് നൽകിയതാണ് ഇവിടെ ഹൈലൈറ്റ്. കണ്ട് പരിചയിച്ച കഥയിൽ ഇത്തരം ഒരു ഘടകം നൽകിയത് നന്നായി. പഴയകാല ഗോഡ്സില്ലയോട് ഏറെ രൂപ സാദൃശ്യം ഉള്ളത് പോലെ തോന്നി ഇടയ്ക്ക് സിനിമയിൽ.  

സിനിമയുടെ വിഷ്വൽ എഫെക്റ്റ്സ് ഇടയ്ക്ക് പാളിയതായി തോന്നിയെങ്കിലും മൊത്തത്തിൽ നന്നായിരുന്നു.വിഷ്വൽ എഫെക്റ്റസിനു അക്കാദമി പുരസ്‌കാരം നേടിയ സിനിമ ആയതു കൊണ്ട് ടി വിയിൽ കണ്ടതിന്റെ കുറവാണ് അതെന്നു വിശ്വസിക്കുന്നു. അല്ലെങ്കിലും IMAX ൽ കാണേണ്ട പടം ടിവിയിൽ കണ്ടാൽ അങ്ങനെ ഇരിക്കും എന്ന് മനസ്സിലാക്കണം.

എന്നാലും സിനിമ എന്ന നിലയിൽ വളരെ മികച്ചതായി തന്നെ തോന്നി. ഡിജിറ്റൽ റിലീസ് വന്നിട്ടുണ്ട്. കണ്ട് നോക്കുക.

 സിനിമയുടെ ലിങ്ക് t.me/mhviews1 ൽ ലഭ്യമാണ്.

1791. Godzilla Minus One (Japanese, 2024)

        Sci-Fi, Action

1771. Premonition (Japanese, 2004)

1771. Premonition (Japanese, 2004)

        Horror, Fantasy

     

⭐⭐⭐½ /5

  ഒരു യാത്രയിൽ ആയിരുന്നു ഹിടേക്കി സടോമിയും കുടുംബവും. ഫോൺ ഉപയോഗിച്ച് ഡയൽ - അപ് കണക്ഷൻ ഇന്റർനെറ്റ്‌ ഉപയോഗിക്കുന്ന കാലഘട്ടം. ജോലി സംബന്ധമായ ഒരു ഫയൽ അപ്‌ലോഡ് ചെയ്യാൻ വേണ്ടി ഒരു ഫോൺ ബൂത്തിൽ കയറിയ ഹിടേക്കി ആകസ്മികമായി അവിടെ ഒരു പത്ര കടലാസ് കാണുന്നു. അതിൽ അയാളുടെ മകൾ നാന കാർ ആക്സിഡന്റിൽ മരണപ്പെട്ട വാർത്ത ആണുണ്ടായിരുന്നത്. അയാൾ പെട്ടെന്ന് തന്നെ കാറിൽ ഇരുന്ന മകളുടെ അടുത്തേക്ക് പോകാൻ നോക്കിയെങ്കിലും ആ പത്ര കടലാസ്സിൽ എഴുതിയത് പോലെ തന്നെ സംഭവിച്ചു. വിചിത്രം. അല്ലെ?

 ആകാശിക് റെക്കോർഡ്സ് എന്ന് കേട്ടിട്ടുണ്ടോ? അനന്തതയിൽ എവിടെയോ സർവ ജീവജാലങ്ങളുടെയും ഭൂത- വർത്തമാന - ഭാവി കാലം എല്ലാം എഴുതി വച്ചിരിക്കുന്നതിനെ ആണ് ആകാശിക് റെക്കോർഡ്സ് എന്ന് പറയുന്നത്. തിയോസഫി എന്ന ഹൈന്ദവ - ബൗദ്ധ മതത്തിന്റെ സ്വാധീനത്താൽ ഉണ്ടായ മതത്തിലെ ഒരു ആശയം ആണത്. അതിൽ നിന്നും "ഭീകരതയുടെ പത്രം" എന്ന് വിളിക്കുന്നതിൽ ഉള്ള ഒരു പേജ് ആണ് ഹിടെക്കി കാണുന്നത്.

എന്നാൽ ആ സംഭവത്തിന്‌ ശേഷം ധാരാളം കാര്യങ്ങൾ അയാളുടെ ജീവിതത്തിൽ ഉണ്ടായി. അയാൾ പറഞ്ഞ പത്ര കടലാസ്സിനെ കുറിച്ച് വിശ്വസിക്കാൻ ആരും ഇല്ലായിരുന്നു താനും.എന്നാൽ അയാളുടെ ഭാര്യ അയാൾ പറഞ്ഞതിൽ എന്ത് മാത്രം സത്യം ഉണ്ടെന്നു അന്വേഷിക്കുന്നു. കഥ കൂടുതൽ സങ്കീർണം ആകുന്നതു ഇവിടെയാണ്‌. Premonition എന്ന പേരിൽ ഒരു ഇംഗ്ലീഷ് ചിത്രം കൂടി ഉണ്ട്. എന്നാൽ ഇതിലെ ചെറിയ ഒരു പ്രമേയം മാത്രം എടുത്തു വൈകാരികമായ ഒരു റൂട്ട് ആണ് ആ ചിത്രത്തിന് ഉള്ളത്. പക്ഷെ അവസാന ചില സ്ഥലങ്ങളിൽ The Butterfly Effect നോട് കൂടുതൽ സാമ്യം തോന്നി ഈ ചിത്രത്തിന്.

 Premonition ഒരു കൺസപ്റ്റിനെ ആധികാരമാക്കി അവതരിപ്പിച്ചിരിക്കുന്ന ചിത്രമാണ്. എനിക്ക് നന്നായി ഇഷ്ടപ്പെട്ടൂ. ഇത്തരം പ്രമേങ്ങൾ ഇഷ്ടം ഉള്ളവർക്ക് ഒരു കൗതുകത്തിന് വേണ്ടി കണ്ടു നോക്കാവുന്നതാണ്.

സിനിമയുടെ ലിങ്ക് t.me/mhviews1 ൽ ലഭ്യമാണ്.

1738. Beyond the Infinite Two Minutes (Japanese, 2020)

1738. Beyond the Infinite Two Minutes (Japanese, 2020)

         Sci-Fi, Comedy

⭐⭐⭐⭐/5

ഒരു കഫെയുടെ ഉടമസ്ഥന്റെ ടി വിയിൽ ഒരു പ്രത്യേക പ്രതിഭാസം നടക്കുന്നു. അയാളുടെ ഭാവിയിലേക്കുള്ള അടുത്ത രണ്ടു മിനിറ്റ് അയാൾക്ക്‌ സ്‌ക്രീനിൽ കാണുവാൻ സാധിക്കും. ഈ വിവരം അറിഞ്ഞെത്തിയ അയാളുടെ സുഹൃത്തുക്കൾക്കും അത് കൗതുകകരമായി തോന്നി. എന്നാൽ വെറും രണ്ടു മിനിറ്റ് മാത്രം മുന്നോട്ട് പോകുന്നത് കാണാവുന്നത് കൊണ്ട് പ്രത്യേകം ഉപയോഗം ഇല്ല എന്ന് മനസ്സിലാക്കിയ അവർ കൂടുതൽ നേരം മുന്നോട്ട് പോകാൻ ഉള്ള വഴി കണ്ടെത്താൻ ശ്രമിക്കുന്നു. അതിനായി അവർ Droste Effect ന്റെ സാധ്യതകൾ ഉപയോഗപെടുത്താൻ ശ്രമിക്കുന്നു.

Droste Effect ആണ് Beyond the Infinite Two Minutes എന്ന ജാപ്പാനീസ് ടൈം ട്രാവൽ ചിത്രത്തിന്റെ ഗതിയിൽ പ്രധാന പങ്കു വഹിക്കുന്നത്.Droste Effect എന്നാൽ ഒരു വലിയ ചിത്രത്തിൽ അതിന്റെ ചെറിയ ചിത്രം വയ്ക്കുമ്പോൾ ഉള്ള പ്രതിഭാസത്തെ ആണ്. അങ്ങനെ  replica വയ്ക്കുന്നതിലൂടെ ഒരു ചെറിയ ഒപ്റ്റിക്കൽ ഇല്യൂഷ്യൻ ഉണ്ടാകുന്നു . രണ്ടു കണ്ണാടികൾ parallel ആയി വച്ചാലും ഇതേ പ്രതിഭാസം ഉണ്ടാകും. പറഞ്ഞ് വരുമ്പോൾ അൽപ്പം സങ്കീർണമായി തോന്നുമെങ്കിലും  ഒരു വീഡിയോയിൽ അഥവാ നേരിട്ട് കണ്ടാൽ പെട്ടെന്ന് കാര്യം മനസ്സിലാവുകയും ചെയ്യുന്ന ഒന്നാണ് Droste Effect.

 ഇത് അവരുടെ പിന്നീടുള്ള ജീവിതം മാറ്റുകയാണ്.ഇതിനു ശേഷം അവരുടെ ഭാവിയിലേക്കുള്ള കാഴ്ചകൾ, വാർത്തമാനക്കാലം, ഭൂതക്കാലം എന്നിവയെല്ലാം പല സമയങ്ങളിലായി അവരുടെ മുന്നിൽ വരുന്നു.ചിലപ്പോഴൊക്കെ അവരുടെ ഭാവിക്കാലം ഭൂതക്കാലം ആവുകയും, ഭൂതക്കാലം വാർത്തമാനക്കാലം ആവുകയും എല്ലാം ചെയ്യുന്നുണ്ട്.

ഇതിന്റെ ഇടയിൽ അപ്രതീക്ഷിതമായി ചിലർ അവിടേക്കു വരുന്നതാണ് കഥയുടെ പ്രമേയം. ചെറിയ സിനിമയാണ്. എന്നാൽ സാധാരണ രീതിയിൽ പറഞ്ഞ് പോകുന്ന ടൈം ട്രാവൽ സിനിമകളിൽ നിന്നും വ്യത്യസ്തമായി ഉള്ള അവതരണം ആണ് ചിത്രത്തിന് ഉള്ളത്. സംഭാഷണങ്ങളിലൂടെ മുന്നോട്ടു പോകുന്ന കഥയിൽ സങ്കീർണം ആയി ഒന്നും ഇല്ല. പക്ഷെ പ്രമേയപരമായി ഉള്ള സങ്കീർണത മൂലം മികച്ചു നിൽക്കുകയും ചെയ്യുന്നു.

ഒരു കെട്ടിടത്തിൽ മൊബൈൽ ഫോണിലൂടെ ഷൂട്ട് ചെയ്ത ചിത്രം ആണ് Beyond the Infinite Two Minutes. എനിക്ക് സിനിമയെ കുറിച്ച് അത് കാണുന്നതിന് മുന്നേ തന്നെ കൗതുകകരമായ ഒരു കാഴ്ചപ്പാട് ഉണ്ടായിരുന്നത് കൊണ്ട് നന്നായി ഇഷ്ടപ്പെട്ടൂ. എന്നാലും കാണുന്ന എല്ലാവർക്കും ഇഷ്ടപ്പെടുമോ എന്നൊരു സംശയവും ഉണ്ട്.സാധാരണ സിനിമ അനുഭവത്തിൽ നിന്നും വ്യത്യസ്തമായി എന്തെങ്കിലും കാണണം എന്ന് താൽപ്പര്യം ഉള്ളവർക്ക് ഒന്ന് ശ്രമിച്ചു നോക്കാവുന്നതും ആണ്.

എന്തായാലും കണ്ടു നോക്കാൻ താൽപ്പര്യം ഉള്ളവർക്ക് ലിങ്ക് താഴെ കൊടുക്കുന്നു.

Link: t.me/mhviews1

1688. Lesson in Murder (Japanese, 2022)

1688. Lesson in Murder (Japanese, 2022)

          Mystery/ Psychological Thriller.

⭐️⭐️⭐️½ /5

 സി ബി ഐ ഡയറീകുറിപ്പ് പരമ്പരയിലെ നേരറിയാൻ സി ബി ഐ യിൽ കൊലയാളി ആയ ഇശോ അലക്സ്, കൊല നടത്തി എന്ന് പറയുന്ന ഏഴു കൊലപാതകങ്ങളിൽ ഒന്ന് അയാൾ അല്ല ചെയ്തത് എന്ന് സേതുരമയ്യരോട് പറയുന്നുണ്ട്. അതിനെ ആസ്പദം ആക്കിയാണല്ലോ ആ ചിത്രവും? അതേ പോലെ തന്നെ യമാറ്റോ ഹൈമുര എന്ന സീരിയൽ കില്ലർ, അയാൾ കുറ്റവാളി ആണെന്ന് കണ്ടെത്തിയ എട്ട് കൊലപാതകങ്ങളിൽ ഒരെണ്ണം അയാൾ ചെയ്തത് അല്ല എന്ന് മസായ കാക്കേയി എന്ന വിദ്യാർത്ഥിയ്ക്ക് കത്തെഴുതുന്നു.

 സി ബി ഐ യിൽ സേതുരമയ്യരോട് ഈശോ ആ രഹസ്യം പറഞ്ഞതിന്റെ കാരണം മനസ്സിലാക്കാം. എന്നാൽ ഒരു സാധാരണ വിദ്യാർഥിയോട്, 24 കൊലപാതകം എങ്കിലും നടത്തി എന്ന് വിശ്വസിക്കുന്ന ഒരാൾ എന്തിനായിരിക്കും ഇങ്ങനെ ഒരു കത്തെഴുതാൻ കാരണം? അതിന്റെ കഥയാണ് Lesson In Murder എന്ന ജാപ്പാനീസ് സിനിമ അവതരിപ്പിക്കുന്നത്.

ഒരു മിസ്റ്ററി ത്രില്ലർ ആകാൻ ഉള്ള എല്ലാ സ്കോപ്പും മൂല കഥയിൽ ഉണ്ടായിരുന്നെങ്കിലും, അതിനു മുതിരാതെ കഥാപാത്രങ്ങളിൽ ഊന്നി, അവരെ പ്രേക്ഷകനിൽ എത്തിച്ചു കൊണ്ട് പതിയെ പോകുന്ന ഒരു രീതി ആണ്‌ സിനിമയിൽ അവലംബിച്ചിരിക്കുന്നത്. റിയു കുശികിയുടെ 'Shikei ni Itaru Yamai ' എന്ന നോവലിനെ ആസ്പദമാക്കിയാണ് സിനിമ അവതരിപ്പിച്ചിരിക്കുന്നത്. ഒരു സൈക്കോളജിക്കൽ ത്രില്ലർ എന്ന നിലയിൽ സിനിമ നന്നായി തന്നെ അവതരിപ്പിച്ചിരിക്കുന്നു. ഹാനിബാലിന്റെ അത്രയും ഇല്ലെങ്കിലും അതിന്റെ അടുത്ത് നിൽക്കുന്ന പ്രകടനം അണ് യമാറ്റോ ആയി സടോ അബെ കാഴ്ച വച്ചിരിക്കുന്നത്.

ട്വിസ്റ്റുകൾ സിനിമയിൽ ഉണ്ടെങ്കിലും സിനിമ അവസാനിക്കുമ്പോൾ ഒരു മനുഷ്യന്റെ മനസ്സിന്റെ കാഴ്ചപ്പാടുകൾ മറ്റുള്ളവരെ എങ്ങനെ എല്ലാം ബാധിക്കും എന്നും അത് അവരുടെ ജീവിതത്തിൽ എന്തെല്ലാം മാറ്റങ്ങൾ കൊണ്ട് വരാൻ സാധിക്കും എന്നും മനസ്സിലാകും. നേരത്തെ പറഞ്ഞത് പോലെ വലിയൊരു  പേസിൽ പോകുന്ന ചിത്രം അല്ല Lesson In Murder. പല ലെയറുകൾ ഉള്ള കഥയും കഥാപാത്രങ്ങളും ആണ്‌ ഇതിൽ ഉള്ളത്. അവരെ മനസ്സിലാക്കാൻ സാധിച്ചാൽ സിനിമയും ഇഷ്ടമാകും.

സിനിമയുടെ ലിങ്ക് t.me/mhviews1 ൽ ലഭ്യമാണ്.

1670. Missing (Japanese, 2021)

 

1670. Missing (Japanese, 2021)
          Mystery.

⭐️⭐️⭐️⭐️/5

പോലീസ് അന്വേഷിക്കുന്ന കുപ്രസിദ്ധനായ ഒരു സീരിയൽ കില്ലറേ താൻ നേരിൽ കണ്ടൂ എന്നും, അയാളെ കണ്ടെത്തി പോലീസിൽ അറിയിക്കാൻ പോവുകയാണ് എന്നും ആണ്‌ സതോഷി തന്റെ മകളോട് പറഞ്ഞത്.കടത്തിൽ മുങ്ങിയ സതോഷിയെ സംബന്ധിച്ച് സീരിയൽ കില്ലറെ പിടിക്കാൻ കഴിഞ്ഞാൽ പോലീസിൽ നിന്നും സഹായം കിട്ടും എന്ന് കരുതി. എന്നാൽ പിന്നീട് ആണ്‌ സതോഷിയുടെ മകൾക്ക് തോന്നുന്നത് ഒരു പക്ഷെ  ആ സീരിയൽ കില്ലർ സതോഷിയെ അപായപ്പെടുത്തിയോ എന്ന്.കാരണം, സതോഷിയുടെ മറ്റു വിവരങ്ങൾ ഒന്നും ഇല്ല. അതേ സമയം സതോഷിയുടെ പേരിൽ മറ്റൊരാൾ അവിടെ ജീവിക്കുന്നും ഉണ്ട്.സതോഷിയുടെ മകളുടെ ചിന്ത യാഥാർഥ്യം ആയിരുന്നോ? അതോ അവളുടെ തോന്നലോ?

സതോഷിയുടെ മകൾ കേടെ നടത്തുന്ന അന്വേഷണം ആണ്‌ ജാപ്പനീസ് സിനിമ ആയ മിസ്സിങ്ങിന്റെ ബാക്കി ഉള്ള കഥ. മികച്ച ഒരു മിസ്റ്ററി ത്രില്ലർ ആയിട്ടാണ് സിനിമ അനുഭവപ്പെട്ടത്. പ്രത്യേകിച്ചും ക്ലൈമാക്സിലേക്ക് എത്തുമ്പോൾ കഥയിൽ വന്ന വെളിപ്പെടുത്തലുകൾ, അതിനു ശേഷം വന്ന കണ്ടെത്തലുകൾ. അങ്ങനെ മിസ്റ്ററി വിഭാഗത്തിൽ നല്ല ഒരു സിനിമ ആണ്‌ മിസ്സിംഗ്‌.

കേടെയുടെ അന്വേഷണം അണ് സിനിമയുടെ മുഖ്യ പ്രമേയം. ആ അന്വേഷണത്തിൽ കണ്ടെത്തുന്ന കാര്യങ്ങൾ പല കഥാപത്രങ്ങളുടെ കാഴ്ചപ്പാടിൽ പലതായി പ്രേക്ഷകന് തോന്നും. കഥയിലെ മിസ്റ്ററി അവിടെ വെളിവാകും എന്ന് തോന്നുന്നയിടത്തു മറ്റൊരു കാഴ്ചപ്പാടിൽ ആയിരിക്കും അതിനെ കുറിച്ച് മറ്റൊരു വ്യാഖ്യാനം ഉണ്ടാകുന്നത്. ശരിക്കും സിനിമയിലെ സങ്കീർണമായ പല കാര്യങ്ങളും ഇവിടെ നിന്നും ഉടലെടുക്കുന്നത് ആണ്‌.

എന്നാൽ സിംപിൾ ആയ നരേഷൻ ആണ്‌ സിനിമയിൽ ഉപയോഗിച്ചിരിക്കുന്നത്. കഥ മനസ്ലാക്കാൻ ബുദ്ധിമുട്ട് ഒന്നുമില്ല, പ്രത്യേകിച്ചും എല്ലാ കാര്യങ്ങളും വിശദമായി തന്നെ സിനിമയിൽ അവതരിപ്പിക്കുന്നത് കൊണ്ട്.

മിസ്റ്ററി സിനിമ ആരാധകർക്കു വേണ്ടി ഒരു നല്ല ചിത്രം.

സിനിമയുടെ ലിങ്ക്   t.me/mhviews1 ൽ ലഭ്യമാണ്.

1513. Genome Hazard (Japanese, 2014)

 1513. Genome Hazard (Japanese, 2014)

         Mystery, Thriller.

         Asianwiki: 88

    തന്റെ ഒന്നാം വിവാഹ വാർഷികം ഭാര്യയുമൊത്തു ആഘോഷിക്കാൻ വൈകിട്ട് വീട്ടിൽ എത്തിയ ഇഷിഗാമി കാണുന്നത്, അനക്കമറ്റ ഭാര്യയുടെ ശരീരം ആണ്‌.അവൾക്കു എന്താണ് സംഭവിച്ചത് എന്നു മനസ്സിലാകാതെ നിൽക്കുമ്പോൾ ആണ്‌ ഒരു ഫോൺ കോൾ. മറു വശത്തു ഇഷിഗാമിയുടെ ഭാര്യ. താൻ അമ്മയുടെ വീട്ടിൽ ആണെന്നും പിന്നീട് വരാമെന്നും അവൾ പറഞ്ഞു ഫോൺ വയ്ക്കുന്നു. ഒന്നും മനസ്സിലാകാതെ നിന്ന ഇഷിഗാമിയുടെ അപാർട്മെന്റ് ഡോറിൽ ആരോ മുട്ടി. തുറന്നു നോക്കുമ്പോൾ അടുത്ത് നടന്ന കൊലപാതകം അന്വേഷിക്കാൻ ആണെന്ന് പറഞ്ഞു പോലീസും.അവർ ഇഷിഗാമിയെ ചോദ്യം ചെയ്യുന്നു. കസ്റ്റഡിയിൽ എടുക്കുന്നു.

  എന്താണ് അന്ന് ഏതാനും മിനിറ്റുകൾക്കുള്ളിൽ ഇഷിഗാമിയുടെ ജീവിതത്തിൽ സംഭവിച്ചത്? ഒന്നും മനസ്സിലാകാത്ത ഇഷിഗാമിയെ പോലെ ആണ്‌ പ്രേക്ഷകനും.അതിനു ശേഷം ഇഷിഗാമിയുടെ ജീവിതത്തിൽ നടക്കുന്ന, ആവിശ്വസനീയം എന്നു പറയാവുന്ന കാര്യങ്ങൾ ആണ്‌ സിനിമയുടെ ഇതിവൃത്തം.

  Shiro Tsukasaki യുടെ നോവലിനെ ആസ്പദം ആക്കി അവതരിപ്പിച്ച ചിത്രത്തിൽ മുഖ്യ കഥ അനാവരണം ചെയ്യുമ്പോൾ അതിന്റെ ട്വിസ്റ്റ്, സസ്പെൻസ് എന്നിവ കാരണം ഇടയ്ക്ക് പ്രേക്ഷകനും കുഴപ്പത്തിൽ ആകുന്നുണ്ട്. ഇപ്പോൾ കണ്ട കഥ ആയിരിക്കില്ല 5 മിനിട്ട് കഴിയുമ്പോൾ. അത് സിനിമയുടെ അവസാനം വരെയും അങ്ങനെ തന്നെ ആണ്‌ ഉള്ളത്.കുറെ തവണ അത് കൊണ്ട് തന്നെ സിനിമ പിന്നോട്ട് ഓടിച്ചു കാണേണ്ടിയും വന്നൂ.

  കഥയുടെ പരിസരം വിശ്വസിക്കാൻ കഴിയുമോ ഇല്ലയോ എന്നത് അനുസരിച്ചിരിക്കും സിനിമയുടെ ആസ്വാദനം. കാരണം അൽപ്പം വിചിത്രമായ ഒരു കഥയാണ് ചിത്രത്തിന് ഉള്ളത്. കഥ സിംപിൾ ആയി പറയാൻ ശ്രമിച്ചാലും ഇടയ്ക്ക് വരുന്ന ട്വിസ്റ്റുകൾ ആ കഥ പോലും കൂടുതൽ സങ്കീർണം ആക്കുന്നുണ്ട്. എന്തായാലും ഒരു മിസ്റ്ററി ചിത്രത്തിന് വേണ്ടതും അതാണല്ലോ? അത് എന്താണ് വേണ്ടത് എന്നത് ആവശ്യത്തിന് Genome Hazard നൽകുന്നുണ്ട്.

മിസ്റ്ററി ത്രില്ലർ സിനിമ പ്രേമികൾക്ക് വേണ്ടി.

സിനിമയുടെ ടെലിഗ്രാം ലിങ്ക് : t.me/mhviews1

സിനിമയുടെ ലിങ്ക് www.movieholicviews.blogspot.com ൽ ലഭ്യമാണ്.

​​1024.The Miracles of Namiya General Store (Japanese,2017)

​​1024.The Miracles of Namiya General Store (Japanese,2017)

Fantasy

   അന്നത്തെ രാത്രി ,ഒരു തെറ്റ് ചെയ്തിട്ടു ആ മൂന്നു പേരും ഓടുമ്പോൾ അവർ കരുതിയിട്ടുണ്ടാകില്ല,തങ്ങളുടെ മുന്നോട്ടുള്ള ജീവിതം യാഥാർഥ്യത്തിനും അപ്പുറത്തെ ഉള്ള പേരില്ലാത്ത എന്തോ ആണെന്ന്.നിമിഷങ്ങൾക്കകം അവർ തങ്ങളുടെ ജീവിതത്തിൽ കൂട്ടി ചേർക്കാൻ ഇതു വരെ കഴിയാതിരുന്ന പലതും ഇണക്കി ചേർക്കാൻ ഉള്ള സാഹചര്യം ഉണ്ടാകുന്നു.അതേ .അവർ കാലങ്ങൾ പിന്നോട്ടു പോയി.അവർക്ക് അന്ന് രാത്രി ഒരു എഴുത്തു ലഭിക്കുന്നു അവിടത്തെ മെയിൽ ബോക്‌സിൽ.എഴുത്തു എഴുതിയിരിക്കുന്നത് 1980 ൽ ആണ്.മറുപടി പ്രതീക്ഷിച്ചു കൊണ്ടു.അവർ അതിനായി തയ്യാറെടുക്കുന്നു.മറുപടികൾ ആളുകളുടെ ജീവിതം മാറ്റി മറിയ്ക്കാൻ തന്നെ കാരണം ആകുന്നു.അവർ എവിടെയാണ് എത്തിയിരിക്കുന്നത്?

  കീഗോ ഹിഗാശിനോയുടെ നോവലായ "Namiya Zakkaten no Kiseki" നെ ആസ്പദം ആക്കിയാണ് ചിത്രം അവതരിപ്പിച്ചിരിക്കുന്നത്.ചില പ്രത്യേക സാഹചര്യങ്ങൾ മൂന്നു യുവാക്കളുടെ ജീവിതത്തിൽ അവർ അറിയാതെ തന്നെ ടൈം ട്രാവൽ ചെയ്യിപ്പിച്ചു അൽപ്പം വർഷങ്ങൾ പുറകോട്ടേക്കു പോകുന്നു.അവർ അവിടെ വച്ചാണ് നമിയ എന്ന വൃദ്ധന്റെയും അയാളുടെ വാക്കുകൾക്കായി കാത്തിരുന്ന ഒരു തലമുറയെ കുറിച്ചും അറിയുന്നതും.നല്ല രസകരമായ ഒരു സംഭവം ആണത്.നമിയ സ്റ്റോഴ്‌സിൽ ഉള്ള മെയിൽ ബോക്‌സിൽ ആളുകൾ അവരവരുടെ വിഷമങ്ങൾ പറഞ്ഞു കൊണ്ട് കത്തുകൾ ഇടും.നമിയ അതിനൊക്കെ മറുപടി കൊടുക്കുന്നു.ചിലരുടെ ജീവിതത്തിൽ അതു നല്ല രീതിയിൽ വലിയ മാറ്റങ്ങൾ ആണുണ്ടാക്കിയത്.

ചുരുക്കത്തിൽ ധാരളം ആളുകളുടെ ജീവിതം ആ വൃദ്ധന്റെ വാക്കുകൾക്കായി കാത്തിരുന്നു എന്നു.എന്നത് ഇപ്പോൾ യുവാക്കൾ എത്തിപ്പെട്ടിരിക്കുന്ന ലോകത്തിനു ഒരു പ്രത്യേകതയുണ്ട്.മാജിക്കും റിയാലിറ്റിയും വേർതിരിക്കാൻ ആകാത്ത രീതിയിൽ ആണ് ആ ലോകത്തിന്റെ ഘടന തന്നെ.അവിടെ നിന്നും നമ്മൾ കുറച്ചു കഥാപത്രങ്ങളെ പരിചയപ്പെടുക ആണ്,ഈ മൂന്നു യുവാക്കൾക്കും ഒപ്പം.

  വളരെ നല്ല ചിത്രം ആണ് 'The Miracles of Namiya General Store'.മനോഹരമായി അവതരിപ്പിച്ചിരിക്കുന്ന ഫാന്റസി ചിത്രം.ഇടയ്ക്കു ഫീൽ ഗുഡ് മൂവി ആയി തോന്നും,ഇടയ്ക്കു വിഷമം ഉണ്ടാക്കുകയും ചെയ്യും.ചില കാര്യങ്ങൾ ഒക്കെ കോർത്തിണക്കി വരുന്ന കാര്യങ്ങൾ ആണ് സിനിമയുടെ മുഖ്യ ആകർഷണം.തീർച്ചയായും കാണണം ഈ ചിത്രം.ഇഷ്ടപ്പെടും!!!

MH Views Rating:4/4

More movie suggestions @www.movieholicviews.blogspot.ca

ചിത്രത്തിന്റെ ലിങ്ക് എന്റെ ടെലിഗ്രാം ചാനലിൽ ലഭ്യമാണ്.

1237. Nemuri no Mori (Japanese, 2014)

1237. Nemuri no Mori (Japanese, 2014)

           Mystery, Drama

  സ്വയരക്ഷയ്ക്കു വേണ്ടി ആണ് അവൾ ശ്രമിച്ചതെന്നും അതിന്റെ ഇടയിൽ ആ അജ്ഞാതൻ മരണപ്പെടുകയും ആയിരുന്നുവെന്നുമാണ് പോലീസ് ആ കേസിനെ വിലയിരുത്തിയത്.എന്നാലും മറിച്ചെന്തെങ്കിലും ആ സംഭവത്തിൽ ഉണ്ടോ എന്ന് അറിയാൻ ആണ് ക്യോചിറോ കാഗയെ കൂടി ലോക്കൽ പോലീസിന്റെ ഒപ്പം അയക്കുന്നത്.കേസ് അന്വേഷണം നടക്കുമ്പോൾ മറിച്ചുള്ള ഒരു വിവരവും ലഭിക്കുന്നില്ല.എന്നാൽ, അതിനു പിന്നാലെ ഒരു മരണം സംഭവിക്കുന്നു.കേസിന്റെ ആകെ സ്വഭാവത്തെ മൊത്തം മാറ്റുന്നു.

  ഈ സംഭവങ്ങൾ നടക്കുന്നത് ഒരു ബാലെ കമ്പനിയിൽ ആയിരുന്നു.ആരൊക്കെയോ എന്തൊക്കെയോ മറയ്ക്കാൻ ശ്രമിക്കുന്ന പോലെ അന്വേഷണ ഉദ്യോഗസ്ഥർക്കും തോന്നി തുടങ്ങുന്നു.പിന്നീട് എന്താണ് സംഭവിക്കുന്നത്  എന്നറിയാൻ സിനിമ കാണുക.

  കീഗോ ഹിഗാഷിനോയുടെ കാഗയെ നായകനാക്കി ഉള്ള പരമ്പരയിലെ ഒരു ചിത്രമാണ് Nemuri No Mori.കീഗോയുടെ കഥ പറച്ചിലിലെ വൈകാരികമായ പരിസരങ്ങൾ ചിത്രത്തിൽ ഉടനീളം കാണാം.അതിനൊപ്പം കാഗയുടെ അന്വേഷണ രീതിയും.ഞാൻ ഇതൊന്റെ രണ്ടിന്റെയും വലിയ ആരാധകൻ ആണ്.പലപ്പോഴും വലിയ പ്രാധാന്യം ഇല്ല എന്നു പ്രേക്ഷകന് തോന്നുകയും എന്നാൽ കഥാപാത്രങ്ങളുടെ വ്യക്തിത്വത്തെ സംബന്ധിച്ചു പ്രാധാന്യം ഉള്ള കാര്യം എന്ന ഫോർമാറ്റ് കുറ്റാന്വേഷണ സിനിമകളെ സംബന്ധിച്ചു Whydunnit എന്ന ചോദ്യത്തിന് മികച്ച രീതിയിൽ ഉള്ള ക്ളൈമാക്സുകൾ നൽകാറുണ്ട്.ഇവിടെയും സ്ഥിതി വ്യത്യസ്തം അല്ലായിരുന്നു.

  കീഗോ ഹിഗാഷിനോയുടെ ആരാധകർ കണ്ടു നോക്കുക.ഒപ്പം കുറ്റാന്വേഷണ ചിത്രങ്ങൾ താൽപ്പര്യം ഉള്ളവരും.റോക്കറ്റ് സയൻസിനോട് ഉപമിക്കാവുന്ന സസ്പെൻസ്, ട്വിസ്റ്റ് ഒന്നുമല്ല.പക്ഷെ കഥാപാത്രങ്ങളെ ആഴത്തിൽ പഠിച്ചു അവരിലേക്ക്‌ അന്വേഷണം കൊണ്ടു പോയ രീതി നന്നായിരുന്നു.

MH Views Rating:3/5

t.me/mhviews or @mhviews എന്നു ടെലിഗ്രാം ആപ്പിൽ സെർച്ചിലൂടെ  ചിത്രത്തിന്റെ ടെലിഗ്രാം ചാനൽ ലിങ്ക് ലഭ്യമാണ്.

1225. Masquerade Hotel(Japanese, 2019)

1225. Masquerade Hotel(Japanese, 2019)
          Mystery, Thriller.

ഹോട്ടലിൽ കൊലപാതകം നടത്താൻ പോകുന്ന കൊലയാളിയുടെ രഹസ്യം


     3 കൊലപാതകങ്ങൾ.അതിൽ നിന്നും കിട്ടിയ സൂചനകൾ അനുസരിച്ചു അടുത്ത കൊലപാതകം നടക്കുന്നത് ടോക്യോയിലെ ഒരു ഹോട്ടലിൽ ആണെന്ന് പോലീസ് മനസ്സിലാക്കുന്നു.ആ മൂന്നു കൊലപാതകങ്ങളിൽ നിന്നും തെളിവുകൾ ഒന്നും പൊലീസിന് ലഭിക്കുന്നില്ല.കൊല്ലുന്ന രീതി വരെ വ്യത്യസ്തം ആണ്.എന്നാൽ ബന്ധിപ്പിക്കുന്ന ഒരേ ഒരു ഘടകം ആണ് അടുത്ത കൊലപാതകം എവിടെ ആണെന്ന് പറയുന്ന സൂചന.ഒരു സീരിയൽ കില്ലർ ആണ് ഇതിനെല്ലാം പിന്നിൽ എന്നു പോലീസ് സംശയിക്കുന്നു.ഒരു ഹോട്ടലിൽ ആണ് അടുത്ത കൊലപാതകം എന്നത് കൊണ്ട് തന്നെ പോലീസ് കൊലയാളിയെ കണ്ടെത്താൻ സ്വീകരിച്ച വഴി എന്താണ്?പൊലീസിന് കുറ്റവാളികളെ പിടികൂടാൻ സാധിച്ചോ?കൂടുതൽ അറിയാൻ ചിത്രം കാണുക.

   ഹോട്ടലിൽ താമസത്തിന് വരുന്ന ഓരോ ആൾക്കും ഓരോ മുഖമൂടി ഉണ്ട്.കീഗോ ഹിഗോഷിയാനോ Masquerade Hotel എന്ന ചിത്രത്തിൽ അവതരിപ്പിച്ച പ്രമേയം ഇതാണ്.ഒരു ഹോട്ടലിലെ താമസക്കാർ ആരായാലും അവരെ നന്നായി തന്നെ പരിചരിക്കണം എന്നതാണ് കീഴ്‌വഴക്കം.അതിഥികൾക്ക് വേണ്ടുന്ന ബഹുമാനം നൽകുകയും ചെയ്യണം.ഈ ഒരു സാഹചര്യത്തിൽ നടക്കുന്ന കേസ് അന്വേഷണം പല കഥാപാത്രങ്ങളുടെയും മറ്റൊരു മുഖം അനാവരണം ചെയ്യുന്നുണ്ട്.

  കോസുകെ നിറ്റാ എന്ന കുറ്റാന്വേഷണ ഉദ്യോഗസ്ഥൻ നടത്തുന്ന അന്വേഷണങ്ങളിലെ രഹസ്യം ആണ് സിനിമയുടെ കഥ.അത്ര എളുപ്പം അല്ല കുറ്റവാളിയെ കണ്ടെത്താൻ.കാരണം അയാളുടെ രീതികൾ അങ്ങനെ ആയിരുന്നു.

  എന്തായാലും കുറ്റാന്വേഷണ സിനിമകൾ താൽപ്പര്യം ഉള്ളവർ കണ്ടു നോക്കുക.നിരാശപ്പെടേണ്ടി വരില്ല.

 MH Views Rating 3.5/5

സിനിമയുടെ ലിങ്ക്  t.me/mhviews or @mhviews എന്ന് ടെലിഗ്രാമിൽ സെർച്ച ചെയ്താൽ ലഭിക്കുന്നതാണ്
 

1216. Kirin no Tsubasa (Japanese, 2012)

1216. Kirin no Tsubasa (Japanese, 2012)
          Mystery.

  ജാപ്പനീസ് എഴുത്തുകാരൻ ആയ കീഗോ ഹിഗാഷിനോയുടെ ഓരോ സിനിമ കാണുമ്പോഴും ആരാധന കൂടുകയാണ്.പ്രത്യേകിച്ചും അദ്ദേഹത്തിന്റെ നോവലുകൾ സിനിമ ആകുമ്പോൾ പോലും ആത്മാർത്ഥ ഉള്ള കഥാപാത്രങ്ങളെ ആണ് കാണാൻ സാധിക്കുക.വലിയ ഹീറോയിസം ഇല്ലാത്ത, ജീവിതം അവരുടേതായ രീതിയിൽ ചിത്രീകരിച്ച  കഥാപാത്രങ്ങൾ.ദൃശ്യവും കീഗോയുടെ Devotion of Suspect X ഉം ആയി ഉള്ള ബന്ധത്തെ കുറിച്ചു കേട്ടാണ് അന്ന് ആ സിനിമ കണ്ടത്.പിന്നീട് എവിടെങ്കിലും ഓർമ വരുമ്പോൾ അദ്ദേഹത്തിന്റെ മറ്റു സിനിമകളും കാണാൻ  ശ്രമിക്കും.ചില സിനിമകൾ കൊറിയൻ ആയും വരും.അദ്ദേഹത്തിന്റെ വേർഷന്റെ കൂടുതൽ വൈകാരികമായ അവതരണം ആകും അതിൽ ഉണ്ടാവുക. The Perfect Number (Korean), Devotion of Suspect X (Japanese) രണ്ടും കണ്ടവർക്ക് മനസ്സിലാകും ഈ പറഞ്ഞതു.

  അദ്ദേഹത്തിന്റെ പ്രശസ്തമായ 'ക്യോചിറോ കാഗാ' പരമ്പരയിലെ ഒമ്പതാം നോവലാണ് Kirin no Tsubasa. ക്യോചിറോ കാഗാ എന്ന കഥാപാത്രം പതിവ് ഷെർലോക് ഹോംസ് സ്വഭാവം ഉള്ള രീതിയിൽ കേസുകൾ കൈകാര്യം ചെയ്യുന്ന ആളല്ല.ആളുടെ രീതികൾ വ്യത്യസ്തമാണ്.വൈകാരികമായും മാനുഷികമായും അയാൾ തന്റെ കേസുകളെ അയാൾ സമീപിക്കുന്നു.കേസുകളും അതെല്ലാം ആവശ്യപ്പെടുന്നുമുണ്ട്.

  തന്റെ ഡ്യൂട്ടിക്കിടയിൽ ആണ് ഒരു പോലീസുകാരൻ ഒരു മനുഷ്യൻ പാലത്തിലൂടെ വേച്ചു നടന്നു നിലത്തേക്ക് വീഴുന്നത് കണ്ടത്.കത്തി കൊണ്ടു കുത്തേറ്റ നിലയിൽ ആണ് അയാൾ ഉണ്ടായിരുന്നത്.ഇതേ സമയം അക്രമി എന്നു കരുതിയ ആളെ പോലീസ് അറസ്റ്റു ചെയ്യാൻ ശ്രമിച്ചെങ്കിലും ആയാളും ഒരു അപകടത്തിൽ ആശുപത്രിയിൽ ആയി.എന്നാൽ കേസ് കൂടുതൽ സങ്കീർണമായി മാറുന്നതെ ഉണ്ടായിരുന്നുള്ളൂ.പിന്നീട് എന്താണ് സംഭവിച്ചത് എന്നാണ് സിനിമയുടെ കഥ.

  പതിയെ പോകുന്ന കഥ.ഒരു കഥ പുസ്തകം വായിക്കുന്ന പോലെ , ജാപ്പനീസ് സംസ്ക്കാരവും ആയി കോർത്തിണക്കിയ കഥയാണ് ചിത്രത്തിന് ഉള്ളത്.കുറ്റാന്വേഷണവും മനുഷ്യന്റെ ചെറിയ തെറ്റുകൾ പോലും എങ്ങനെ എല്ലാം മറ്റുള്ളവരുടെ ജീവിതത്തിന്റെയും ഭാഗം ആകും എന്നു പറഞ്ഞു വയ്ക്കുന്നുണ്ട്.കണ്ടു നോക്കുക.ഒരു ആരാധകൻ ആയതു കൊണ്ട് തന്നെ സിനിമ നല്ലതു പോലെ ഇഷ്ടമായി.

 MH Views Rating : 4/5

 ചിത്രത്തിന്റെ ടെലിഗ്രാം ചാനൽ ലിങ്ക് t.me/mhviews or @mhviews ൽ ലഭ്യമാണ്.

1093.Midsummer's Equation(Japanese,2013)

1093.Midsummer's Equation(Japanese,2013)
        Mystery,Drama.


   അപകടകരമായ സാഹചര്യത്തിൽ മരിച്ച മുൻ കുറ്റാന്വേഷണ ഉദ്യോഗസ്ഥൻ ആയ ഷുകാഹാര ആ ഹോട്ടലിൽ അതിഥി ആയിരുന്നു.മനോഹരമായ കടൽ തീരത്തിന്റെ അടുത്തുള്ള ഒരു ഹോട്ടൽ.അവിടെ മനാബു യുകാവയും ഉണ്ട്.ഓർമയില്ലേ ആളെ?ജാപ്പനീസ് കുറ്റാന്വേഷണ സിനിമകളിലെ ക്ളാസിക്കുകളിൽ ഒന്നായ Suspect X ൽ കീഗോ ഹികാശിനോ അവതരിപ്പിച്ച ഗലീലിയോയെ?ശാസ്ത്രീയമായ അനുമാനങ്ങളിൽ നിന്നും കുറ്റാന്വേഷണം നടത്തുന്ന ഒരു പക്ഷെ ജാപ്പനീസ് ഷെർലോക് ഹോംസ് എന്നു വിളിക്കാവുന്ന കഥാപാത്രം.Midsummer's Equation ഉം ആ സാഹചര്യങ്ങളിൽ തന്നെ ആണ് ഒരുക്കിയിരിക്കുന്നത്.


    വ്യക്തിപരമായി ഓരോരുത്തർക്കും രഹസ്യങ്ങൾ ഉള്ള കുടുംബം.വരെ സങ്കീർണമായ കഥയാണ് അവരുടേത്.ഈ മരണവും ആയി അവരെ ബന്ധിപ്പിക്കുന്ന എന്തോ ഉണ്ടെന്നു മനാബു വിശ്വസിക്കുന്നു.എന്നാൽ സാഹചര്യങ്ങളുടെ അനുമാനത്തിൽ അതിന് അധികം പ്രസക്തി ലഭിക്കുന്നില്ല.പ്രത്യേകിച്ചും അപകട മരണം ആണെന്നുള്ള നിഗമനത്തിൽ പോലീസ് എത്തി ചേരുന്നതിനാൽ.എന്നാൽ വലിയ ഒരു കഥ നമ്മളെ പ്രേക്ഷകന് എന്ന നിലയിൽ കാത്തിരുപ്പുണ്ട്.വർഷങ്ങൾക്കു മുൻപ് നടന്ന ഒരു കഥ.ആ കഥ അറിയണം.അതിലെ കഥാപാത്രങ്ങളെ മനസ്സിലാകണം.എങ്കിൽ,പ്രേക്ഷകനെ കാത്തിരിക്കുന്നത് മികച്ച ഒരു കുറ്റാന്വേഷണ ഡ്രാമ ആണ്.

  കീഗോ ഹികാശിനോ ജാപ്പനീസ് എഴുത്തുകാരിൽ ഒരു ഇതിഹാസം ആണെന്ന് തോന്നിയിട്ടുണ്ട്.പ്രത്യേകിച്ചും കഥാപാത്രങ്ങളുടെ അവതരണത്തിൽ ഉള്ള ആഴം.ഇത്രയും മികച്ച രീതിയിൽ ശാസ്ത്രീയമായി അടിത്തറ നൽകി,വൈകാരികമായ പരിസരങ്ങളിൽ കഥ അവതരിപ്പിക്കാൻ ഉള്ള മിടുക്കു പ്രശംസനീയം ആണ്.എന്റെ പ്രിയപ്പെട്ട എഴുത്തുകാരിൽ ഒരാളാണ് അദ്ദേഹം.കൂടുതലും സിനിമകളിലൂടെ ആണ് അദ്ദേഹത്തിന്റെ കഥാപാത്രങ്ങളെ പരിചയപ്പെട്ടത് എങ്കിലും.

Suspect X ന്റെ sequel എന്നു പറയാവുന്ന Midsummer's Equation മികച്ച ജാപ്പനീസ് കുറ്റാന്വേഷണ സിനിമകളിൽ ഒന്നാണ്.കാണുക!!

More movie suggestions @www.movieholicviews.blogspot
ca

ചിത്രത്തിന്റെ ടെലിഗ്രാം ചാനൽ ലിങ്ക്:t.me/mhviews

1079.Rage(Japanese,2016)

   1079.Rage(Japanese,2016)
         Mystery,Drama

   ഇരട്ട കൊലപാതകം ആണ് അവിടെ നടന്നത്.പക വ്യക്തമായിരുന്നു അവിടെ.കൊലയാളി,ആ വീട്ടിലെ സ്ത്രീയെ ആദ്യം കൊന്നു കൊലപ്പെടുത്തി ബാത്‌ ടബിൽ വച്ചതിനു ശേഷം,അവരുടെ ഭർത്താവിന് വേണ്ടി കാത്തിരുന്നു.അയാളെ കൊലപ്പെടുത്തുവാൻ.പ്രതിയെ കുറിച്ചുള്ള വിവരങ്ങൾ പൊലീസിന് ലഭിക്കുന്നു.എന്നാൽ അയാൾ പോലീസിൽ നിന്നും അകലെയാണ്.ഈ സമയം ആണ് മൂന്നു വ്യത്യസ്ത ജാപ്പനീസ് പട്ടണങ്ങളിൽ 3 വെവ്വേറെ സാഹചര്യത്തിൽ പുതിയ മൂന്നു യുവാക്കൾ വരുന്നത്.
   

      വെവ്വേറെ സാഹചര്യങ്ങളിൽ ആണ് അവർ ജീവിക്കുന്നത് എങ്കിലും അവരുടെ എല്ലാം ജീവിതത്തിനും ഒരു ഭൂതകാലം ഉണ്ട്.ഇവരിൽ ആരെങ്കിലും ആണോ പ്രതി?സംശയിക്കാൻ കാരണങ്ങളുണ്ട്.അതിനു പിന്നിൽ രഹസ്യം അറിയാൻ ചിത്രം കാണുക!!


  ശരിക്കും സിനിമ കണ്ടു കഴിഞ്ഞപ്പോൾ Rage എന്ന ചിത്രം എന്തു കൊണ്ട് ആണ് കാണാൻ ഇത്ര വൈകിയത് എന്നു ആണ് ആദ്യം ചിന്തിച്ചത്.സ്ഥിരം Whodunnit,Whydunnit പോലുള്ള അന്വേഷണ രീതികൾക്ക് പകരം നേരെ ഈ മൂന്നു പേരുടെയും ഒപ്പം ജീവിതം തുടരുന്ന ആളുകൾ ,അവരുടെ സാഹചര്യങ്ങൾ എന്നിവയെ ചുറ്റിപ്പറ്റിയാണ് സിനിമ പുരോഗമിക്കുന്നത്.ഇവരിൽ ഒരാൾ ഒരു ഫാക്റ്ററി ജോലിക്കാരൻ ആണ്.അയാൾ ,അയാളുടെ മുതലാളിയുടെ മകളും ആയി പ്രണയത്തിൽ ആണ്.മറ്റൊരാൾ സ്വവർഗാനുരാഗി ആണ്.മൂന്നാമത്തെ ആൾ ഒരു  നാടോടി ആണ്.അയാൾ.ഒരു ഏകാന്തമായ ദ്വീപിൽ ഒറ്റയ്ക്ക് താമസിക്കുകയാണ്.കഥ വികസിച്ചു പോകുന്ന രീതി രസകരമാണ്.ഇടയ്ക്കു ആദ്യം നടന്ന കൊലപാതകത്തെ കുറിച്ചു പോലും നമ്മൾ മറന്നു പോകും.

    പണ്ട് സുകുമാരക്കുറുപ്പ് സംഭവത്തിൽ അയാളെ പോലെ ഉള്ള ആളുകളെ പല സ്ഥലത്താണ് കണ്ടൂ എന്നുള്ള വാർത്തകൾ സ്ഥിരം വന്നിരുന്നു.പോലീസ് വിവരങ്ങൾ പുറത്തു വിടുമ്പോൾ സ്വാഭാവികമായും ആളുകൾക്ക് സംശയിക്കാൻ ഉള്ള സാഹചര്യം ഉണ്ടാകാറുണ്ട്.അങ്ങനെ ഒന്നാകുമോ ഇവിടെ?

  More movie suggestions @www.movieholicviews.blogspot.ca

  ചിത്രത്തിന്റെ ടെലിഗ്രാം ചാനൽ ലിങ്ക്: t.me/mhviews

1004.Crimes That Bind(Japanese,2018)

1004.Crimes That Bind(Japanese,2018)
          Mystery


         'മിചിക്കോ ഒഷിതാണി' യുടെ മൃത ദേഹം പുഴുവരിച്ച നിലയില്‍ ആണ് അപാര്‍ത്മെന്റില്‍ കാണപ്പെട്ടത്.അവിടത്തെ താമസക്കാരന്‍ ആയ 'കൊഷികാവ'യെ കാണ്മാനുമില്ല.എന്നാല്‍ മരണപ്പെട്ട സ്ത്രീയും അവിടത്തെ ഉടമസ്ഥനും തമ്മില്‍ ബന്ധം ഒന്ന് സ്ഥിരീകരിക്കാന്‍ പോലീസിനു കഴിയുന്നില്ല.എന്നാല്‍ അവര്‍ക്ക് കിട്ടിയ ആകെ ഒരു തെളിവ് ഒരു കലണ്ടറും.അതില്‍ ഒരു മാസത്തിനു നേരെ കുറിച്ച് വച്ചിരിക്കുന്ന സമീപ പ്രദേശങ്ങളിലെ പാലങ്ങളുടെ പേരുകളും മാത്രമാണ്.ഈ തെളിവുകളില്‍ നിന്ന് വേണം ഒരു കൊലപാതക കേസ് തെളിയിക്കാന്‍ !!

    ' Keigo Higashino' യുടെ "Inori no Maku ga Oriru Toki" എന്ന ജാപ്പനീസ് നോവലിനെ ആസ്പദം ആക്കിയാണ് ഈ ജാപ്പനീസ് ചിത്രം അവതരിപ്പിച്ചിരിക്കുന്നത്.അദ്ദേഹത്തിന്റെ 'ക്യോചിരോ കാഗ'  എന്ന പ്രശസ്തനായ അന്വേഷണ ഉദ്യോഗസ്ഥ കഥാപാത്രം നായകനായി വരുന്ന ചിത്രമാണിത്.അല്‍പ്പം സങ്കീര്‍ണമായ കഥയാണ് ചിത്രത്തിനുള്ളത്.കുറ്റാന്വേഷണത്തിലെ ആശയക്കുഴപ്പം കാരണം കഥാപാത്രങ്ങളുടെ വ്യത്യസ്ത തലങ്ങളിലേക്കും ചിത്രം പോകുന്നുണ്ട്.കേസന്വേഷണം നടത്താന്‍ കാഗയ്ക്ക് പുറമേ ബന്ധുവായ 'മാത്സുമിയ' യും ഉണ്ട്.അവരുടെ അന്വേഷണം അവസാനം ചെന്നെത്തുന്നത് കുറച്ചു ആളുകളുടെ ഭൂതക്കാലത്തിലേക്ക് ആണ്.ഉപേക്ഷിക്കപ്പെട്ടവരുടെയും നഷ്ടബോധം വന്നവരുടെയും നഷ്ടം സഹിച്ചവരുടെയും എല്ലാം കഥയിലേക്ക്.ആ കഥകളില്‍ നടന്ന അതിജീവനത്തിന്റെ ചില കഥകളിലേക്ക്.

   ഇപ്പോള്‍ കാണുന്ന മുഖങ്ങള്‍ക്കു എല്ലാം അത്തരം ഒരു കഥയും ഉണ്ട്.അത് കണ്ടെത്തുമ്പോള്‍ സാധാരണ രീതിയില്‍ കുരുക്കുകള്‍ അഴിയേണ്ടത് ആണ്.എന്നാല്‍ ഇവിടെ,അഴിക്കുംതോറും കുരുക്കുകള്‍ മുറുകുന്നു.എന്താണ് അതിനു കാരണം?കൊലപാതകവും അതിന്റെ ഭൂതക്കാലവും എല്ലാം എങ്ങനെ ആണ് വെളിച്ചത്തില്‍ കൊണ്ട് വരുക?കൂടുതല്‍ അറിയാന്‍ ചിത്രം കാണുക.

    സങ്കീര്‍ണമായ കഥ ആണ് 'കീഗോ ഹികാഷിനോ' ചിത്രത്തിനായി ഒരുക്കിയിരിക്കുന്നത്.അന്വേഷണ ഉദ്യോഗസ്ഥന്റെ കുടുംബം പോലും ഉള്‍പ്പെട്ടിരിക്കുന്ന കേസില്‍ സത്യം കണ്ടെത്താനുള്ള ശ്രമം പ്രേക്ഷകനെയും കഥയുടെ ഒപ്പം യാത്ര ചെയ്യാന്‍ പ്രേരിപ്പിക്കുന്നു.ഗൌരവപൂര്‍ണമായ ഒരു treatment ആണ് ചിത്രത്തിന് നല്‍കിയിരിക്കുന്നതും.സിനിമയുടെ കുറ്റാന്വേഷണ കാഴ്ചകളിലെ തീവ്രത കൂട്ടുവാനിത് സഹായിക്കുകയും ചെയ്തു.നല്ല ഒരു ചിത്രമാണ് 'Crimes that Bind'.കാണുവാന്‍ ശ്രമിക്കുക!!

  More movie suggestions @www.movieholicviews.blogspot.ca

ചിത്രത്തിന്‍റെ ടെലിഗ്രാം ലിങ്ക് എന്റെ ചാനലില്‍ ലഭ്യമാണ്
  t.me/mhviews
      

1003.Laplace's Witch(Japanese,2018)

1003.Laplace's Witch(Japanese,2018)
         Mystery,Thriller.

     ഹൈഡ്രജന്‍ സള്‍ഫൈഡ് ആണ് ആ രണ്ടു മരണങ്ങള്‍ക്കും പിന്നില്‍.എന്നാല്‍ മരണം നടന്നിരിക്കുന്നത് തുറസായ സ്ഥലത്ത് ആണ്.അങ്ങനെ ഒരു സ്ഥലത്ത് ഒരാള്‍ മരിക്കാനും മാത്രമുള്ള concentrated ആയുള്ള  വാതകം ഉണ്ടാവുക പ്രയാസമാണ്.കാറ്റിന്റെ ചെറിയ മാറ്റങ്ങള്‍ പോലും ആളെ രക്ഷിക്കാം.മരിച്ചവരില്‍ ഒരാള്‍ പ്രശസ്തനായ സിനിമ നിര്‍മാതാവ്.മറ്റൊരാള്‍ ചെറിയ വേഷങ്ങള്‍ സിനിമയില്‍ ചെയ്തിരുന്ന അത്ര പ്രശസ്തന്‍ അല്ലാത്ത നടനും.ആരാണ് ഇവരെ രണ്ടു പേരെയും കൊല്ലപ്പെടുത്തിയത്?എന്താണ് ഈ മരണങ്ങള്‍ക്ക് പിന്നിലെ രഹസ്യം?

   ജാപ്പനീസ് കുറ്റാന്വേഷണ നോവലുകളിലൂടെ പ്രശസ്തനായ 'Keigo Higashino'  യെ സിനിമ സ്നേഹികള്‍ അത്ര പെട്ടെന്ന് മറക്കും എന്ന് തോന്നുന്നില്ല.അദ്ദേഹത്തിന്റെ ധാരാളം കഥാപാത്രങ്ങളും നോവലുകളും സിനിമ ആയി നമ്മള്‍ പലരും കണ്ടിട്ടും ഉണ്ട്.മലയാള സിനിമയിലെ ചരിത്രം കുറിച്ച ഒരു ചിത്രത്തിന് പോലും അദ്ദേഹത്തിന്റെ ഒരു നോവലുമായി സാദൃശ്യം ഉണ്ടെന്നുള്ള ആരോപണങ്ങള്‍ നേരത്തെ വന്നിരുന്നു."Rapurasu no Majo" എന്ന നോവലിനെ ആസ്പദം ആക്കിയാണ് 'Laplace's Witch' അവതരിപ്പിച്ചിരിക്കുന്നത്.ജിയോ കെമിസ്ട്രി സംബന്ധമായ വിഷയങ്ങളില്‍ വിദഗ്ധനായ 'പ്രൊഫസര്‍ ഷുസുകീ' കേസില്‍ പോലീസിനെ സഹായിക്കാനായി കൂടുന്നു.എന്നാല്‍ ആദ്യം പറഞ്ഞ കാരണങ്ങള്‍ കൊണ്ട് തന്നെ ദുരൂഹമായ കേസില്‍ കൊലപാതകത്തിനും ആത്മഹത്യയ്ക്കും ഉള്ള സാധ്യത വളരെ കുറവാണെന്ന നിഗമനത്തില്‍ പോലീസ് എത്തുന്നു.


   എന്നാല്‍ ഈ സംഭവം,അതായത് മരണങ്ങള്‍ നടക്കാന്‍ ഉള്ള സാധ്യതകള്‍ ഷുസൂക്കിയുടെ കണ്മുന്നില്‍ തന്നെ കാണുന്നു.മായാജാലം ആണെന്ന് കരുതാന്‍ കഴിയാത്ത,ശാസ്ത്രത്തിന്‍റെ ചില അപൂര്‍വമായ രീതികളിലൂടെ.അയാളുടെ മുന്നില്‍ കിട്ടിയ ആളിന് എന്നാല്‍ പ്രതീക്ഷിച്ചതിനും അപ്പുറം ഉള്ള രഹസ്യങ്ങള്‍ ഉണ്ടായിരുന്നു.അവിടെ നിന്നും പ്രതി എന്ന് സംശയിക്കുന്ന ആളിലേക്ക് പോകുമ്പോള്‍ ആണ് വലിയ രഹസ്യങ്ങള്‍ പുറത്തു വരുന്നത്.വര്‍ഷങ്ങളായി അതിവിദഗ്ദ്ധമായി ചെയ്ത കൊലപാതകങ്ങള്‍.അവയുടെ രഹസ്യങ്ങള്‍,പ്രതികാരം,പൂര്‍ണതയ്ക്കു വേണ്ടിയുള്ള അഭിനിവേശം!!അതിന്റെ ഒപ്പം ഇപ്പോള്‍ ഉള്ള മനുഷ്യനില്‍ നിന്നും ഉള്ള പുരോഗമനം ഓരോ ഘട്ടത്തിലൂടെ പോകാതെ നേരിട്ട് എത്തുമ്പോള്‍ ഉള്ള അവസ്ഥയോ?പ്രതീക്ഷിക്കാവുന്നതിലും അപ്പുറം ആണ് അതിന്റെ സാധ്യതകള്‍.അതെല്ലാം science based ആയ ഈ ചിത്രത്തിലുണ്ട്.എന്നാല്‍ സയന്‍സ് ഫിക്ഷന്‍ എന്ന് പൂര്‍ണമായും വിളിക്കാനും കഴിയുന്നില്ല.കരാണം,കഥയുടെ സ്വഭാവം വളരെയധികം മാറുന്നുണ്ട് എന്നത് തന്നെ.

   കൂടുതല്‍ അറിയുവാന്‍ ചിത്രം കാണുക.കുറ്റാന്വേഷണ സിനിമകള്‍ താല്‍പ്പര്യം ഉള്ളവര്‍ക്ക് മികച്ച ഒരു അനുഭവം ആയിരിക്കും ഈ ചിത്രം.പലപ്പോഴും പ്രായോഗികമായി തെളിയിക്കപ്പെടാത്ത ശാസ്ത്രീയ തിയറികള്‍ ,പ്രായോഗിക തലത്തില്‍ ഉപയോഗിക്കുന്നതിനെ കുറിച്ചൊക്കെ പറയുന്നത് കൊണ്ട് തന്നെ നേരത്തെ കേട്ടിട്ടില്ലാത്ത ഒരു കഥ ആയി തോന്നി ചിത്രത്തിന്.കാണുക!!

  More movie suggestions @www.movieholicviews.blogspot.ca

  ചിത്രത്തിന്‍റെ ടെലിഗ്രാം ലിങ്ക് എന്റെ ചാനലില്‍ ലഭ്യമാണ്
  t.me/mhviews

930.The Third Murder(Japanese,2017)

930.The Third Murder(Japanese,2017)
        Mystery.


   "ജിഗ്‌സോ പസിൽ" പോലെ ദുരൂഹമായ ഒരു കൊലപാതക കേസ് -The Third Murder.

   പുഴയോരത്ത് വച്ചു കൊലയാളി അയാളെ Wrench നു അടിച്ചു കൊന്നതിന് ശേഷം അയാളുടെ മൃതദേഹം കത്തിക്കുമ്പോൾ അയാളുടെ മുഖത്തു ഒരു സംതൃപ്തി ഉണ്ടായിരുന്നു.'മിസുമി' എന്നാണ് അയാളുടെ പേര്.മുപ്പതു വർഷങ്ങൾക്കു മുൻപ് നടത്തിയ രണ്ടു കൊലപാതകങ്ങൾ കാരണം ജയിലിൽ ആയ അയാൾ തിരിച്ചു ഇറങ്ങിയിട്ടു അൽപ്പ ദിവസങ്ങൾ മാത്രമേ ആയിട്ടുള്ളു.പൊലീസിന് കീഴടങ്ങുമ്പോൾ അയാൾ ആണ്  താൻ ജോലി ചെയ്തിരുന്ന കമ്പനിയുടെ മാനേജരെ കൊന്നത് എന്നു മൊഴി നൽകിയത്.കൊലപാതകിയുടെ മൊഴി മുഖവിലയ്ക്കു എടുത്ത പോലീസ് മിസുമിയെ പ്രതിയായി കണക്കാക്കി.

   എന്നാൽ അവിചാരിതമായി കേസ് ഏറ്റെടുക്കേണ്ടി വന്ന 'ഷിഗേമോറി' എന്ന വക്കീൽ ആ കേസിൽ മിസൂമിയ്ക്ക് വേണ്ടി വാദിക്കാൻ തയ്യാറാകുന്നു.പ്രതി കുറ്റം സമ്മതിച്ചത് കൊണ്ടു തന്നെയും,അതു മോഷണ ശ്രമത്തിന്‌ ഇടയ്ക്കു സംഭവിച്ചതാണ് എന്നും മൊഴി നൽകിയത് കൊണ്ടു വധശിക്ഷ ലഭിക്കാൻ പര്യാപ്തം ആയിരുന്നു.അതു കൊണ്ടു ആ കേസിൽ ചെറിയ ഒരു വഴിത്തിരിവ് ഉണ്ടാക്കാൻ ആയിരുന്നു അയാളുടെ ശ്രമം.കൊലപാതകം വൈരാഗ്യത്തിന്റെ പുറത്തു ഉണ്ടായത് ആണെന്നും അതു കൊണ്ടു അതിൽ മറ്റു താൽപ്പര്യങ്ങൾ ഇല്ലാത്തതു കൊണ്ടും ആദ്യം അയാൾക്ക്‌ ലഭിച്ചത് പോലെ ജയിൽ ശിക്ഷയിലേക്കു വിധി മാറ്റുവാൻ ശ്രമിക്കുന്നു.അതിനായി ഷിഗേമോറി ,സ്വന്തം രീതിയിൽ കേസ് പുനരന്വേഷണം നടത്തുന്നു.എന്നാൽ കേസിന്റെ തുടക്കം മുതൽ വ്യക്തത ഇല്ലാത്ത കാര്യങ്ങൾ പലതും മാറ്റി പറഞ്ഞ മിസൂമി എന്ന പ്രതി പറഞ്ഞതിനു അപ്പുറം സത്യങ്ങൾ ഉണ്ടായിരിക്കുമോ?മിസൂമി യഥാർത്ഥ പ്രതി ആണോ?എന്തിനായിരുന്നു അയാൾ ആ കൊലപാതകം നടത്തിയത്? 30 വർഷങ്ങൾക്കു മുൻപ് നടന്ന സംഭവങ്ങളും ആയി എന്തെങ്കിലും ബന്ധം ഉണ്ടോ?അതോ ഇതൊന്നും അല്ലാതെ മറ്റൊന്ന്?ഇതെല്ലാം കൂടാതെ അയാൾ കേസിന്റെ അവസാനം അതു വരെ പറഞ്ഞതിനെ എല്ലാം പരിഹസിച്ചത് എന്തിനായിരിക്കും? ചിത്രം കാണുക,ഉത്തരങ്ങൾക്കായി!!

     Kore-eda സംവിധാനം ചെയ്ത ഈ ചിത്രം എന്നാൽ, Whodunnit,Whydunnit പോലെ ഉള്ള ചോദ്യങ്ങൾക്കും അപ്പുറം ആണെന്ന് പതിയെ മാത്രമേ പ്രേക്ഷകന് മനസ്സിലാകൂ.ഒരു Yes/No ഉത്തരം ലഭിക്കുന്നതിലേക്കു പ്രേക്ഷകനെ മാറ്റാൻ ആണ് സംവിധായകൻ അവസാനം ശ്രമിക്കുന്നത്.അതിനായി സഞ്ചരിക്കുന്ന വഴികൾ ധാരാളം ആണ്.പലതരം വിചിത്ര കഥകൾ അതിന്റെ ഇടയിൽ അനാവരണം ചെയ്യുന്നുണ്ട്.അതിന്റെ ഒപ്പം "ചില മനുഷ്യർ ജനിക്കണമായിരുന്നോ ?" എന്ന ചോദ്യവും.എന്നാൽ അൽപ്പം ഫിലോസഫിക്കൽ ആയി അതിനെ സമീപിക്കാനും പ്രേക്ഷകനെ അനുവദിക്കുന്നില്ല.പകരം,തന്റെ ചുറ്റും ഉള്ളവർ സങ്കടപ്പെടുമ്പോൾ അതു തന്റെ കുറ്റം ആണെന്ന് എത്ര പേർ കരുതുന്നുണ്ട് എന്ന ചോദ്യം ഉയർത്താൻ ശ്രമിക്കുന്നു.ചോദ്യങ്ങൾ ഒട്ടനവധി ആണ് ചിത്രത്തിൽ.ഒരു മിസ്റ്ററി/ത്രില്ലർ എന്ന രീതിയിൽ മാത്രം ചിത്രത്തെ സമീപിച്ചാൽ ഒരു പക്ഷെ പലതിനും ഉത്തരം കണ്ടെത്തുക ദുർഘടം ആകും.എന്നാൽ സിനിമയുടെ ആ ചെറിയ ഒഴുക്കിനോടൊപ്പം നേരത്തെ പറഞ്ഞ Yes/No ചോദ്യത്തിലേക്കു സിനിമയുടെ ക്ളൈമാക്‌സ് എത്തുമ്പോൾ ചെറിയ ഒരു സംതൃപ്തി തോന്നും.മിസൂമി യഥാർത്ഥത്തിൽ ആരായിരുന്നു എന്നും..

കാണുക!!നല്ല ഒരു ചിത്രമാണ്...!!

926.Creepy(Japanese,2016)

926.Creepy(Japanese,2016)
         Mystery,Thriller


         ആറു വർഷങ്ങൾക്കു മുൻപ് 3 പേർ ഒരു കുടുംബത്തിൽ നിന്നും അപ്രത്യക്ഷരായി എന്ന കേസ് ദുരൂഹമായി നില നിൽക്കുമ്പോൾ ആണ് 'ടാകാകുര'  എന്ന മുൻ പോലീസ് കുറ്റാന്വേഷണ വിദഗ്ധൻ ആ കേസിലേക്കു വരുന്നത്.ക്രിമിനൽ സൈക്കോളജിയിൽ വിദഗ്ധനായ ടാകാകുര ,എന്നാൽ ഒരിക്കൽ തന്റെ നിഗമനങ്ങളിൽ വന്ന പിഴവ് കാരണം ഉണ്ടായ അപകടത്തെ തുടർന്ന് ജോലി ഉപേക്ഷിച്ചു ഇപ്പോൾ ഒരു കോളേജിൽ പഠിപ്പിക്കുന്നു.ആറു വർഷങ്ങൾക്കു മുൻപ് നടന്ന സംഭവങ്ങളിൽ നടന്ന ദുരൂഹതയിൽ ഒന്നാണ് സാക്ഷി മൊഴി പലപ്പോഴായി മാറ്റി പറയേണ്ടി വരുന്ന ആ കുടുംബത്തിലെ പെണ്കുട്ടിയുടെ കാര്യം.അതി സങ്കീർണമായ ഒരു കേസ് ആയി മാറുമ്പോൾ ആണ് 5 പേരുടെ ശവശരീരം ആ സമയത്തു ലഭിക്കുന്നത്?അതു ആരുടെ ആയിരുന്നു?എങ്ങനെ ആണ് അവർ കൊല്ലപ്പെട്ടത്??

എന്നാൽ ഈ സമയം ടാകാകുര ഭാര്യയും ആയി താമസിക്കുന്ന സ്ഥലത്തും ചില വിചിത്ര സംഭവവികാസങ്ങൾ ഉണ്ടായി തുടങ്ങി.പുതിയ സ്ഥലത്തുള്ള പുതിയ അയൽവക്കക്കാർ അവരോടു പെരുമാറിയത് വിചിത്രമായി ആയിരുന്നു.ആർക്കും ആരെയും വിശ്വാസം ഇല്ലാത്ത പോലെ.എല്ലാവരും അകലാൻ ശ്രമിക്കുന്ന പോലെ.ആകെ ദുരൂഹതകൾ നിറയുമ്പോൾ എന്താണ് അവിടെ നടക്കുന്നത് എന്നു പ്രേക്ഷകന് താൽപ്പര്യം കൂടുന്നു.ഒരു സീരിയൽ കില്ലർ ഉണ്ടാകും എന്ന് പ്രതീക്ഷിക്കുന്നിടത്തു അതിലും ഭീകരം ആയ ഒന്നുണ്ടായാൽ??


   ഈ ഭാഗം സിനിമയുടെ ഒരു ചെറിയ പ്ലോട്ട് മാത്രം ആണ്.അതി സങ്കീർണമായ ഒരു കഥ ആണ് പ്രശസ്ത ജാപ്പനീസ് സംവിധായകൻ ആയ 'കയേഷി കുറോസോവ' ഈ ചിത്രത്തിൽ അവതരിപ്പിച്ചിരിക്കുന്നത്.ഹൊറർ എന്നാൽ പ്രേത സിനിമകൾ മാത്രം ആണെന്നുള്ള concept മാറ്റി അതീന്ദ്രീയ ശക്തികൾക്കും അപ്പുറം ഉള്ള ചില സംഭവങ്ങളെ തന്റെ ചിത്രങ്ങളിലൂടെ അവതരിപ്പിക്കുന്ന അദ്ദേഹം സമകാലീന സംവിധായകരിൽ ഒരു ഇതിഹാസം ആണ്.'Yutaka Maekawa' എഴുതിയ നോവലിനെ ആസ്പദമാക്കി നിർമിച്ച ചിത്രത്തിന്റെ കഥ വളരെ ദുരൂഹതകൾ നിറഞ്ഞ ഒന്നാണ്.പ്രേക്ഷകന് പ്രധാനമായ പ്ലോട്ട് എന്നു ചിന്തിക്കുന്നിടത്തു നിന്നും അപകടകരകമായ കഥാപാത്രങ്ങളിലൂടെ,പ്രത്യേകിച്ചും മനുഷ്യ മനസ്സിന്റെ നിയന്ത്രണം ഏറ്റെടുക്കുന്ന ചെകുത്താന്റെ സമമായ കഥാപാത്രം ഒക്കെ ഭയപ്പെടുത്തുന്നു മറ്റൊരു തരത്തിൽ.


  അമേരിക്കൻ സീരിയൽ കില്ലർമാരെ കുറിച്ചു തുടക്കത്തിൽ വരുന്ന പരാമർശങ്ങളിൽ നിന്നും മാറി അധികം പരിചയം ഇല്ലാത്ത ഒരു തരം പരമ്പര കൊലയാളിയെ ആണ് ചിത്രത്തിൽ കാണുക.പക്ഷെ നേരെ നോക്കുമ്പോൾ അയാളിൽ സുതാര്യത ഏറെയും ആണ്.ജാപ്പനീസ് കുടുംബങ്ങളുടെ ഇന്നത്തെ പൊതു സ്വഭാവത്തിൽ നിന്നും ഉൾക്കൊണ്ട കഥാപാത്രങ്ങളും അവിടെ ഇത്തരത്തിൽ ഉള്ള ഒരാളും ഉണ്ടായിരുന്നെങ്കിൽ എന്നത് തന്നെ നിലവിൽ ഉള്ള വ്യവസ്ഥിതിയിൽ അത്തരം ഒരു ആശയം ഉൾപ്പെടുത്തിക്കൊണ്ടു ഹൊറർ മൂഡിലേക്കു പ്രേക്ഷകനെ എത്തിക്കുന്നു.പണ്ട് കൊറിയൻ ചിത്രമായ "Hide and Seek" ൽ ഒക്കെ കണ്ട പോലത്തെ ഒരു പ്രമേയം പ്രതീക്ഷിച്ചു സിനിമ കാണാൻ ഇരുന്ന ഒരാൾ എന്ന നിലയിൽ ചിത്രം ആകെ ഞെട്ടിച്ചു!!

  നേരിട്ടു വിവരിക്കാൻ ആകാത്ത ഒരു കഥയാണ് Creepy യുടെ.കാരണം,അതു കണ്ടു തന്നെ അറിയണം.കഥാപാത്രങ്ങളെ കുറിച്ചു പോലും ധാരാളം interpretations നടത്താൻ സാധിക്കുന്ന ചിത്രം ആണിത്.വ്യക്തമായ വ്യക്തിത്വം നൽകുകയും,എന്നാൽ പിന്നീട് അവരുടെ സ്വഭാവം തന്നെ കാഴ്ചയിൽ നിന്നും മാറ്റുന്ന മികച്ച ഒരു അനുഭവം ആയിരുന്നു "Creepy".

തീർച്ചയായും കാണുക!!

788.GUKORORKU:TRACES OF SIN(JAPANESE,2016)

788.GUKORORKU:TRACES OF SIN(JAPANESE,2016),|Mystery|Drama|,Dir:-Kei Ishikawa,*ing:-Satoshi Tsumabuki, Hikari Mitsushima, Keisuke Koide.


   Synopsis:-

    ടനാക ഒരു മാസികയില്‍ ജേര്‍ണലിസ്റ്റ് ആയി ജോലി ചെയ്യുന്നു.വളരെയധികം പ്രശ്നങ്ങളുടെ ഇടയില്‍ ആണ് അയാള്‍.കുട്ടിക്കാലം നല്‍കിയ വേദനിക്കുന ഓര്‍മ്മകള്‍ അയാളെ അലട്ടുന്നതിനോടൊപ്പം പുതുതായി ഒരു പ്രശ്നം കൂടി ഉണ്ടായി.സഹോദരിയായ മിട്സുകോയെ പോലീസ് അറസ്റ്റ് ചെയ്തിരിക്കുകയാണ്.കുറ്റം:അശ്രദ്ധമായ രീതിയില്‍ തന്‍റെ കുഞ്ഞിനെ നോക്കിയതിന്റെ ഫലമായി മരണത്തോട് മല്ലിട്ട് കഴിയുന്നു.അവളെ സന്ദര്‍ശിച്ച ശേഷം ഓഫീസില്‍ എത്തിയ ടനാക ഒരു വര്ഷം മുന്‍പ് നടന്ന നിഗൂഡതകള്‍ ഏറെ ഉള്ള ഒരു കൊലപാതകത്തിനെ കുറിച്ച് സ്വന്തമായ രീതിയില്‍ അന്വേഷണം നടത്താനുള്ള അനുവാദം നേടുന്നു.ഒരു വര്‍ഷത്തില്‍ മരണപ്പെട്ടവരും ആയി ബന്ധമുള്ള ആളുകളെ കണ്ടെത്തി, സന്തുഷ്ടമായ ഒരു കുടുംബത്തിലെ മൂന്നു പേര്‍ എങ്ങനെ കൊല്ലപ്പെട്ടു എന്ന അന്വേഷണം ആയിരുന്നു ഉദ്ദേശ്യം.

  ടനാകയുടെ അന്വേഷണത്തിലെ കണ്ടെത്തലുകളോടൊപ്പം അയാളുടെ ജീവിതത്തില്‍ നടക്കുന്ന സംഭാവങ്ങള്‍ക്കുള്ള ഉത്തരം കൂടി കണ്ടെത്താന്‍ ഉണ്ട്.വളരെ വലിയ ഒരു ലക്‌ഷ്യം ആണ് അയാളുടെ മുന്നില്‍ ഉള്ളത്.മരണപ്പെട്ടവരുടെ ഭൂതക്കാലവും ,പുറമേ ഉള്ള കാഴ്ചയില്‍ നിന്നും വിഭിന്നമായ അവരുടെ താല്‍പ്പര്യങ്ങളും അവരുടെ സുഹൃത്തുക്കളിലൂടെയും,ശത്രുക്കളിലൂടെയും അനാവരണം ചെയ്യപ്പെടുന്നു.ഇതിനോടൊപ്പം കൊലപാതകിയെയും അവരെ കുറിച്ചുള്ള ഞെട്ടിക്കുന്ന രഹസ്യങ്ങളും ചുരുളഴിയുന്നു.


   Point-of-View

   വളരെ എളുപ്പം പറഞ്ഞു പോകാവുന്ന ഒരു കഥയാണ് പ്രത്യക്ഷത്തില്‍ ചിത്രതിനുള്ളതായി തോന്നുക.എന്നാല്‍ ടോകുരു നുകുയിയുടെ   "Gukoroku" എന്ന നോവലിനെ ആസ്പദം ആകി വന്ന ചിത്രം അതിലുമുപരി ആയുള്ള കാര്യങ്ങള്‍ ആണ് ചര്‍ച്ച ചെയ്യുന്നത്.കൊലപാതകങ്ങളുടെ ചുരുളഴിയുമ്പോള്‍ തന്നെ ജാപ്പനീസ് സമൂഹത്തിലെ ജനനം കൊണ്ട് ഉയര്‍ന്ന വിഭാഗത്തില്‍ ഉള്‍പ്പെടുന്ന ഒരു കൂട്ടം ആളുകളുടെയും അതിനോടൊപ്പം അതില്‍ ഉള്‍പ്പെടാത്ത ആളുകളുടെയും കഥ അവതരിപ്പിക്കുന്നു.

  അതിനായി തിരഞ്ഞെടുത്തത് പ്രശസ്തമായ ഒരു സര്‍വകലാശാല ആണ്.മാതാപിതാക്കന്മാരുടെ സമൂഹത്തിലെ പണവും പ്രതാപവും ആണ് ഇവിടെ ആളുകളെ തരം തിരിച്ചിരിക്കുന്നത്."Insiders" എന്ന് അറിയപ്പെടുന്ന സമൂഹത്തിലെ Elite വിഭാഗവും,"Outsiders" എന്ന് അറിയപ്പെടുന്ന മറുഭാഗവും ആണ് ഇവിടെ ഉള്ളത്.അനാവശ്യമായ ഒരു വിടെയത്വം,അല്ലെങ്കില്‍ തങ്ങളുടെ മുകളില്‍ ഉള്ളവരുടെ ഒപ്പം ചേരണം എന്ന് ആഗ്രഹിക്കുന്നവരാണ് "Outsiders" ല്‍ ഭൂരിഭാഗവും.ജാതി-മത വ്യവസ്ഥിതികള്‍ അല്ല ഇവിടെ അവരെ വിഭജിക്കുന്നത്.അത് പൂര്‍ണമായും അവര്‍ ഓരോരുത്തരും ജനിച്ച കുടുംബങ്ങളെ അടിസ്ഥാനമാക്കിയാണ്.

  സ്വന്തം ഉയര്‍ച്ചയ്ക്ക് വേണ്ടി ആരെയും കരുവാക്കുന്ന,മറ്റുള്ളവരുടെ ജീവിതം തങ്ങളുടെ വളര്‍ച്ചയ്ക്കുള്ള ഏണിപ്പടി ആക്കാന്‍ കൊതിക്കുന്നവര്‍.അവരുടെ ജീവിതത്തിനു ചുറ്റും പൊള്ളയായ സ്നേഹത്തിന്റെയും സൗഹൃദത്തിന്റെയും കഥകളാണ് ഉള്ളത്.മരിച്ചവരുടെ എല്ലാം യഥാര്‍ത്ഥ മുഖം പുറം ലോകത്തിനു അന്യം ആയിരുന്നെങ്കിലും മനുഷ്യ സഹജമായ പ്രതികാരം,തനിക്കു ലഭിക്കാത്തത് മറ്റുള്ളവര്‍ക്ക് ലഭിക്കുന്നതില്‍ ഉള്ള അസൂയ ,തങ്ങളുടെ ജീവിതം മറ്റുള്ളവരുടെ ഉയര്‍ച്ചയ്ക്കായി ഉപയോഗിക്കപ്പെട്ടവരുടെ പ്രതികാരം.അങ്ങനെ എന്തും ആകാം മരണത്തിനു കാരണം.

    ടനാകയെ ആദ്യം ബസ്സില്‍ വച്ച് കാണുമ്പോള്‍ ഉണ്ടാകുന്ന സംഭവവും,അതില്‍ നിന്നും സമാനമായ സാഹചര്യത്തില്‍ ബസ്സില്‍ അയാളുടെ ഭാഗത്ത്‌ നിന്നും ഉണ്ടാകുന്ന പ്രതികരണം ചിത്രത്തിന്റെ മൊത്തത്തില്‍ ഉള്ള സ്വഭാവം അവതരിപ്പിക്കുന്നു.തുടക്കത്തില്‍ കാണുന്നതല്ല ഈ ചിത്രം.ടനാകയെ പോലെ തന്നെ ഏറെ മാറ്റങ്ങള്‍ ചിത്രത്തിനും ഉണ്ടാകുന്നു;നിഗൂഡതയുടെ അകമ്പടിയോടെ


 




  

725.THE TOWN ONLY WHERE I AM MISSING(JAPANESE,2016)

725.THE TOWN ONLY WHERE I AM MISSING(JAPANESE,2016),|Fantasy|Mystery|,Dir:- Yûichirô Hirakawa,*ing:-Tamae Andô, Kasumi Arimura, Yasushi Fuchikami.


   ഏറ്റവും  ഇഷ്ടപ്പെട്ട  സിനിമ  തീം  എന്താണെന്ന്  ചോദിച്ചാല്‍ പറയുന്ന  ഉത്തരം  ആണ്  ഭാവി/ഭൂത  കാലത്തിലേക്ക്  പോയി Trial and Error രീതിയില്‍ വര്‍ത്തമാന  കാലത്തെ  മാറ്റുന്ന  ചിത്രങ്ങള്‍  എന്ന്.ടൈം  ട്രാവലിന്റെ  സങ്കീര്‍ണതകള്‍  അവതരിപ്പിക്കുന്ന  സയന്‍സ്  ഫിക്ഷന്‍  സിനിമകള്‍  അല്ല  ഉദ്ദേശിച്ചത്.പകരം സാധാരണ ജീവിതവും  അതിലെ  ചെറിയ  മാറ്റങ്ങളിലൂടെ വരുന്ന  വലിയ  മാറ്റങ്ങളും  ആണ്.ഒരു  പക്ഷെ  മനസ്സ്  കൊണ്ട്  ജീവിതത്തില്‍  പലപ്പോഴും  ഇത്തരം  ഒരു  സംഭവം  ഉണ്ടാകണം  എന്ന്  ആഗ്രഹിക്കാത്തവര്‍  ആരും  തന്നെ  ഉണ്ടാകില്ല.ഇതേ  concept  ല്‍  ചിന്തിച്ചില്ലെങ്കില്‍  കൂടി "ഞാന്‍  അങ്ങനെ  ചെയ്യാതെ/ചെയ്തിരുന്നെങ്കില്‍?"  എന്ന  ചോദ്യം  ഭൂരിഭാഗം  ആളുകളും  സ്വയം  ചോദിച്ചിട്ടുണ്ടാകാം  ജീവിതത്തില്‍.


   The Town Only  Where I am Missing എന്നാ ചിത്രം  കേയ്  സാമ്പേ  എന്ന Mangaka (ജാപ്പനീസ്  മാംഗകളുടെ  രചയിതാവ്) യുടെ സൃഷ്ടി  ആയ  "Boku Dake ga Inai Machi"   എന്ന  മാംഗയുടെ ചലച്ചിത്ര  ആവിഷ്ക്കാരം  ആണ്.സാധാരണക്കാരായ കഥാപാത്രങ്ങള്‍  ആണ്  ചിത്രത്തില്‍  ഉടന്നീളം.ഒരു  Mangaka ആയ സടൊരു  ഫുജിനാമ  അതില്‍ പരാജിതന്‍  ആണ്.ഒരു  നല്ല അവസരം  വരുന്നതിനായി  അയാള്‍  കാത്തിരിക്കുന്നു.ഒരു  പിസ സ്റ്റോറില്‍  ഡെലിവറി  ബോയ്‌  ആയി  ജോലി  ചെയ്യുന്ന  അയാള്‍ക്ക്‌   ചില  പ്രത്യേക  സന്ദര്‍ഭങ്ങളില്‍ ഭാവിയെ  നിയന്ത്രിക്കാന്‍  ഉള്ള  കഴിവ്  ലഭിക്കാറുണ്ട്.ചെറിയ  ചെറിയ  മാറ്റങ്ങള്‍  വരുത്തി  ഭാവിയെ നിയന്ത്രിക്കുന്ന ഫുജിനാമ ഒരിക്കല്‍  തന്റെ  അമ്മയുടെ  മരണത്തിലൂടെ  വര്‍ഷങ്ങള്‍ക്കു  മുന്‍പ്  നടന്ന പരമ്പര  കൊലപാതകങ്ങളുടെ  യാഥാര്‍ത്ഥ്യം  അന്വേഷിച്ചു  പോകേണ്ട  അവസ്ഥയില്‍  ആയി.സ്വന്തം  ജീവിതത്തില്‍ സ്വജീവനും  മറ്റുള്ളവരുടെയും  ജീവിതത്തില്‍  വളരെയധികം  സ്വാധീനിക്കാവുന്ന  മാറ്റങ്ങള്‍  ഫുജിനാമ  വരുത്താന്‍  ബാധ്യസ്ഥന്‍  ആണ്.കാരണം  അയാള്‍  നന്മ  ഉള്ള സാധാരണക്കാരന്‍  ആണ് ഒപ്പം  നഷ്ടപ്പെടാവുന്ന  ജീവന്റെ  വിലയും  അയാള്‍ക്ക്‌ അറിയാം.


   കുട്ടികളുടെ  മരണവും  ആയി  ബന്ധപ്പെട്ടു  ഒരു  ചെറിയ  നഗരം  വിഷമിക്കുമ്പോള്‍  ഫുജിനാമയ്ക്ക്   അന്ന്  നടന്ന  സംഭവങ്ങളില്‍  ഇടപ്പെട്ടെ  പറ്റൂ .എങ്കില്‍  മാത്രേ  അയാളുടെ  ലക്‌ഷ്യം  നേടാന്‍  കഴിയൂ.അവരെ  രക്ഷിച്ചു  കഴിഞ്ഞാലോ?ജീവിതത്തിലെ  ചെറിയ  ചെറിയ  മാറ്റങ്ങള്‍  പ്രതീക്ഷയോടെ  ഉണ്ടാകുമ്പോഴും  വിധി  കാത്തു  വച്ചിരിക്കുന്നത്  എന്താണെന്ന്  തിരിച്ചറിയാന്‍  പര്യാപ്തം  അല്ല  മനുഷ്യന്‍റെ  ബുദ്ധിക്ക്.വളരെയധികം  ഇഷ്ടം  ആയ  ഒരു  ചിത്രം.ഒരു  Feel-Good Movie  പോലെ  സുന്ദരം.ഒപ്പം  ഇത്തരം concept  കളുടെ  അനിശ്ചിതത്വവും  ചിത്രം  മനോഹരം  ആക്കി  മാറ്റി.ഭൂരിഭാഗം  പ്രേക്ഷകര്‍ക്കും  ഇഷ്ടപ്പെടാവുന്ന  രീതിയില്‍  അവതരിപ്പിച്ച  ഒരു  നല്ല  ചിത്രം  ആണ്  The Town Only Where I am Missing!!


More movie suggestiions @www.movieholicviews.blogspot.ca