1229. Panchayat ( Hindi,2020)

1229. Panchayat ( Hindi,2020)

          Comedy,Drama

  പഴയ ദൂരദർശൻ കാലത്തിലേക്ക് ഒരു തിരിച്ചു പോക്ക് ആണ് പഞ്ചായത്ത്.ഉത്തർപ്രദേശിലെ ഒരു കൊച്ചു ഗ്രാമത്തിൽ നടക്കുന്ന സംഭവങ്ങൾ ക്യാമറയിലൂടെ ഒപ്പി അവതരിപ്പിക്കുന്ന അനുഭവം ആണ് പഞ്ചായത്ത് എന്ന സീരീസ് നൽകുന്നത്. 

  

  Number of Episodes:8

  Duration :35 mins

  Streaming Platform: Amazon Prime

 ലാളിത്യം ആണ് ഈ പരമ്പരയുടെ മുഖ മുദ്ര.ഇന്ത്യയുടെ ആത്മാവ് ഉറങ്ങുന്ന ഗ്രാമത്തിലേക്ക് നഗരത്തിൽ നിന്നും ഒരു എൻജിനീയറിങ് ബിരുദധാരി പഞ്ചായത്ത് സെക്രട്ടറി ആയി വരുകയാണ്.ഉറ്റ സുഹൃത്തു ആറക്ക ശമ്പളം വാങ്ങുന്ന ജോലി നഗരത്തിൽ ചെയ്യുമ്പോൾ തീരെ പുരോഗമിക്കാത്ത  ഒരു ചെറിയ ഗ്രാമത്തിൽ ജോലിയ്ക്ക് വന്നതിന്റെ വിഷമത്തിൽ ആണ് അഭിഷേക്.

  ജാതി വ്യവസ്ഥ, സ്ത്രീധന സമ്പ്രദായം, പിന്നിലും തൃപ്തി വരാത്ത ഇന്ത്യൻ യുവാവ് ,സ്ത്രീ ശാക്തീകരണം, സൗഹൃദം ,അന്ധ വിശ്വാസങ്ങൾ എന്നു വേണ്ട ഒരു സാധാരണ ഇന്ത്യൻ ഗ്രാമത്തിലെ പല സാമ്പിളുകൾ ഈ സീരീസിൽ കാണാൻ സാധിക്കും.ഈ വിഷയങ്ങളെ നർമത്തിൽ പൊതിഞ്ഞ് ഒട്ടും സങ്കീർണത ഇല്ലാതെ ആണ് അവതരിപ്പിച്ചിരിക്കുന്നത്.ഇൻഡ്യയിലെ ഏതു ഗ്രാമത്തിലും ഉണ്ടാകുന്ന കാഴ്ചകൾ.അതു അവിടത്തെ ജനങ്ങളെ കുറിച്ചല്ല.പകരം അതാത് സാഹചര്യങ്ങളിൽ നമ്മൾ പലരും പെരുമാറുന്ന പോലെ ആണ് എന്നു മാത്രം.

  Binge-Worthy എന്ന നിലയിൽ 100 ശതമാനം മാർക്കും കൊടുക്കാൻ സാധിക്കും.ഒറ്റ ഇരുപ്പിന് കണ്ടു തീർക്കാൻ തോന്നുന്ന അത്ര രസകരമാണ് ഈ സീരീസ്. അഭിഷേക് തന്റെ ജീവിതം ആ വില്ലേജ് ഓഫീസിൽ ഒതുങ്ങി തീരുമോ എന്നു വിഷമിക്കുന്നുണ്ടെങ്കിലും പല കാര്യങ്ങളിലും അയാൾ ഉത്തരങ്ങൾ നൽകാൻ ശ്രമിക്കാറുണ്ട്.ഒപ്പം അയാളെ സ്വന്തക്കാരൻ ആയി കണക്കാക്കുന്ന പല നാട്ടുകാരും.വരെ നല്ല ഒരു അനുഭവം ആണ് പഞ്ചായത്ത്.കാണാൻ ശ്രമിക്കുക.

More suggestions @www.movieholicviews.blogspot.ca

  

1228. Kannur Deluxe(Malayalam,1969)

1228. Kannur Deluxe(Malayalam,1969)

       Thriller, Mystery

 ഒരു കാലത്ത് ഡി ഡി 4 മലയാളം ചാനലിൽ സ്ഥിരമായി ഉച്ച സമയത്തു പഴയ ബ്ലാക് ആൻഡ് വൈറ്റ് കുറ്റാന്വേഷണ സിനിമകൾ വരുമായിരുന്നു.അന്ന് കാണുമ്പോൾ പലതും രസകരം ആയിരുന്നു.ഒന്നാമത് പലയിടത്തും കേട്ട പാട്ടുകൾ.നല്ലതു പോലെ നാടകീയത ഉണ്ടെങ്കിലും രസിപ്പിക്കുന്ന കഥകൾ.മിസ്റ്ററി ഒക്കെ അനാവരണം ചെയ്യുമ്പോൾ ഇപ്പോഴത്തെ കാലത്തു പ്രത്യേകിച്ചു ഒന്നും തോന്നില്ലെങ്കിൽ പോലും ഒരു കാലത്ത് ശ്രദ്ധയോടെ ആണ് ഇരുന്നു കണ്ടത്.ഈ സിനിമകൾ പലതും റിലീസ് സമയത്തു നല്ലതു പോലെ ജനപ്രീതി ലഭിച്ചവയും ആണ്.

 പ്രേം നസീറിന്റെ സി ഐ ഡി സിനിമകൾ ഇപ്പോൾ ട്രോൾ മെറ്റിറിയൽ ആയി മാറിയെങ്കിലും ഒരു തലമുറയുടെ സിനിമ സങ്കല്പങ്ങളുമായി ഒത്തു ചേർന്ന് പോകുന്നവ ആയിരുന്നു.അത്തരത്തിൽ പണ്ട് കണ്ടു ഇഷ്ടപ്പെട്ട ഒരു ചിത്രമാണ് കണ്ണൂർ ഡീലക്‌സ്.അപകടത്തിലായ ഒരു  അജ്ഞതയായ സ്ത്രീയെ ഒരു കുടുംബം സംരക്ഷിക്കുന്നതും പിന്നീട് അതിൽ നിന്നും ചുരുളഴിയുന്ന ഒരു ക്രൈമിന്റെ കഥയാണ് കണ്ണൂർ ഡീലക്‌സ് പറയുന്നത്.

  ധാരാളം ഗാനങ്ങൾ ഉള്ള ഒരു ചിത്രം എന്ന നിലയിൽ ഇപ്പോൾ കണ്ടപ്പോൾ ഒരു ക്രൈം സിനിമയുടെ ചുറ്റുപ്പാട് പലപ്പോഴും നഷ്ടം ആകുന്നതായി കാണാം.എങ്കിൽ കൂടിയും ആ കാലഘട്ടം പരിഗണിക്കുകയും, ഹിറ്റ് ആയ പാട്ടുകൾ എന്ന നിലയിൽ ഒക്കെ ആ ഒരു സമയത്തോട് നീതി പുലർത്തിയ ചിത്രം ആയി ആണ് തോന്നിയത്.ചെറുതായി പഴയ കാലത്തിലേക്ക് ഒരു എത്തി നോട്ടം നടത്താൻ തോന്നുമ്പോൾ ഇത്തരം ചിത്രങ്ങൾ കാണുകയും അവയെ കുറിച്ചു സംസാരിക്കുന്നതും നല്ലതാണ്.നമ്മുടെ തന്നെ സിനിമ ചരിത്രത്തെ അങ്ങനെ വിസ്മരിക്കുന്നത് ശരിയല്ലല്ലോ?

 താല്പ്പര്യം ഉള്ളവർക്ക് YouTube ൽ ചിത്രം കാണാം.

 t.me/mhviews or @mhviews യിൽ ചിത്രത്തിന്റെ ടെലിഗ്രാം ചാനൽ ലിങ്ക് ലഭിക്കുന്നതാണ്.

1227. Paapam Cheyyathavar Kalleriyatte

1227. Paapam Cheyyathavar Kalleriyatte (Malayalam, 2020)

അവിഹിതങ്ങളുടെ ഹോൾ സെയിൽ - പാപം ചെയ്യാത്തവർ കല്ലെറിയട്ടെ!!

  വെടിവഴിപ്പാട് എന്ന സിനിമ ഓർമയുണ്ടാകുമല്ലോ?അതിന്റെ സംവിധായകനായ ശംഭു പുരുഷോത്തമൻ തിരക്കഥ എഴുതി സംവിധാനം ചെയ്ത ചിത്രമാണ് 'പാപം ചെയ്യാത്തവർ കല്ലെറിയട്ടെ'.തന്റെ ആദ്യ ചിത്രത്തിലെ പോലെ തന്നെ മലയാളിയുടെ ഉള്ളിലെ ചില പൊതു ബോധങ്ങളെ കളിയാക്കി കൊണ്ടു തന്നെ ആണ് ഈ സിനിമയും വന്നിട്ടുള്ളത്.

  സിനിമയുടെ തുടക്കത്തിലേ അമേരിക്കൻ ജീവിതത്തെ കുറിച്ചുള്ള മലയാളിയുടെ അഭിപ്രായങ്ങൾ ഒക്കെ അതേ പടി നേരിട്ടു തന്നെ കാണിച്ചിട്ടുണ്ട്.പ്രത്യേകിച്ചും വീടുകളെ കുറിച്ചുള്ള പരാമർശവും ജോലിയും എല്ലാം.അത് പോലെ തന്നെ നാട്ടിൽ നിന്നും കൊണ്ടു വരുന്ന മാതാപിതാക്കളുടെ കാര്യമെല്ലാം.നല്ലതു പോലെ റിലേറ്റ് ചെയ്യാൻ പറ്റുന്ന ഒന്നായിരുന്നു.അത്തരത്തിൽ ഉള്ള ഒരു പൊതു ബോധത്തെ സിനിമ കണക്കിലെടുത്തിട്ടുണ്ട്.

  ഒരു കല്യാണവും അതിനു പിന്നാലെ നടക്കുന്ന സംഭവങ്ങളും ആണ് സിനിമയുടെ കഥ.ട്വിസ്റ്റുകളും സസ്പെൻസുകളും വേണ്ടുന്ന മലയാളിക്ക് അതെല്ലാം നല്ല പോലെ നൽകുന്നുണ്ട്.അതാണ് സിനിമയുടെ ഹൈലൈറ്റും.' Death At A Funeral' ഒരു കല്യാണം പ്രമേയം ആക്കി എടുത്താൽ എങ്ങനെ ഇരിക്കും എന്നു ചിന്തിക്കുക.അതിലേക്കു ട്വിസ്റ്റുകളും സസ്പെന്സും എല്ലാം  അവിഹിത ബന്ധങ്ങളിലൂടെ വന്നാലോ?

  ഇത്തരം ഒരു വിഷയം ആയിരുന്നെങ്കിലും വൾഗർ ആയി സീനുകളിൽ ഒന്നും ഇല്ലായിരുന്നു.കഥാപാത്രങ്ങൾ എല്ലാം രസികരായിരുന്നു.പ്രത്യേകിച്ചും അനിൽ നെടുമാങ്ങാടിന്റെ രാജൻ എന്ന കഥാപത്രം ഒക്കെ .അതൊരു സാമ്പിൾ ആണ്.എല്ലാ കഥാപാത്രങ്ങൾക്കും രസകരമായ ഒരു മുഖം നൽകിയിട്ടുണ്ട് ചിത്രത്തിൽ.തറവാടിത്തം എന്ന ഒരു പ്രിവിലേജിന്റെ പുറകിലേക്ക് പല പൊയ്മുഖങ്ങളും കെട്ടി അഭിനയിക്കേണ്ടി വരുന്ന മനുഷ്യരുടെ കഥന കഥ എന്നൊക്കെ അലങ്കാരികം ആയി പറയാമെങ്കിലും, കുറെ അവിഹിതങ്ങളുടെ കഥ എന്നു പറയാൻ ആണ് എനിക്കിഷ്ടം.

  ക്ളൈമാക്‌സ് മാത്രം ആണ് ആ ലെവലിൽ നിന്നും പോയത്.പക്ഷെ സിനിമയുടെ ഏറ്റവും അവസാനം അതു നികത്തിയിട്ടും ഉണ്ട്.തീർച്ചയായും കണ്ടിരിക്കേണ്ട സിനിമ ആണ് എന്നൊന്നും പറയില്ല.ഉള്ളിലെ സദാചാരം ഒക്കെ മാറ്റി വച്ചു ചുമ്മാ ഇരുന്നു കണ്ടു ചിരിക്കാൻ ഉള്ള ഒരു സിനിമ എന്ന നിലയിൽ തൃപ്തി നൽകി ഈ ചിത്രം.Chaos ആണ് ചിത്രത്തിന്റെ അവസാനം.ഒരു രക്ഷയും ഇല്ലായിരുന്നു.ഓരോ സ്ഥലങ്ങളിലും അഴിഞ്ഞു വീഴുന്ന മുഖമൂടികൾ.

  ഇഷ്ടപ്പെടാം, ഇഷ്ടപ്പെടാതെ ഇരിക്കാം.എന്നെ സംബന്ധിച്ചു പടം full fun ride ആയിരുന്നു.താൽപ്പര്യം ഉള്ളവർ കണ്ടു നോക്കുക.

MH Views Rating:3/5

ചിത്രം Amazon Prime ൽ ലഭ്യമാണ്.

More movie aughestions @ www.movieholicviews.blogspot.ca

1226. Uriyadi (Malayalam,2020)

1226. Uriyadi (Malayalam,2020)


     "അടി കപ്യാരെ കൂട്ടമണി" ഇഷ്ടപ്പെട്ട സിനിമ ആണ്.അതിന്റെ സംവിധായകന്റെ അടുത്ത സിനിമ എന്ന നിലയിൽ ഉള്ള പ്രതീക്ഷയോടെ ആണ് സിനിമ കാണാൻ തുടങ്ങിയത്.സിംപിൾ ആയ ഒരു കഥ.ഒരു പോലീസ് ക്വാർട്ടർസും അവിടത്തെ പൊലീസുകരുടെയും കുടുംബത്തിന്റെയും കഥയാണ്.

  കോമഡി പശ്ചാത്തലം ആയതു കൊണ്ട് തന്നെ പൊലീസുകരിൽ പലരും നല്ല സ്വഭാവം ഉള്ളവരൊക്കെ ആണ്.ബൈജുവിന്റെ മത്തായി എന്ന കഥാപത്രം ആയിരുന്നു ശരിക്കും സിനിമയുടെ കോമഡി ഭാഗം നിറച്ചത്.കള്ളന്മാരെ പിടിക്കുന്ന പൊലീസിന് നേരെ അതേ പോലെ ഒരു നീക്കം ആരെങ്കിലും നടത്തിയാൽ  നമ്മളൊക്കെ ഉപയോഗിക്കുന്ന ഒരു ചോദ്യം ഉണ്ട്. തീക്കട്ടയിൽ ഉറുമ്പരിക്കുന്നോ എന്നു.അതാണ് ഇവിടെയും സംഭവിച്ചത്.തീക്കട്ടയിൽ അതു സംഭവിക്കുന്നു.

  അത്തരം ഒരു അന്വേഷണത്തിന്റെ അവസാനം ട്വിസ്റ്റും അതിന്റെ പുറകെ വീണ്ടും ട്വിസ്റ്റ് ഒക്കെ ആയി അവസാന ഒരു 10 മിനിറ്റിൽ സിനിമ അവസാനിക്കും.മൊത്തത്തിൽ ഇഷ്ടമായി പടം.വെറുതെ കണ്ടു കൊണ്ടിരിക്കാവുന്ന ഒന്നാണ്.മോശം എന്നു പറയാൻ എന്തായാലും തോന്നിയില്ല.

   അടി കപ്യാരെ കൂട്ടമണിയിലെ പാട്ടുകൾ ഇപ്പോഴും ഇഷ്ടമാണ്, വീട്ടിൽ മോന്റെ പ്രിയപ്പെട്ട പാട്ടുകൾ ആണ് അതിലെ എല്ലാം.എന്നാൽ ഈ സിനിമ നിരാശപ്പെടുത്തിയത് ആ ഒരു കാര്യത്തിൽ ആണ്.പാട്ടുകൾ പോരായിരുന്നു.ഷാൻ റഹ്മാനെ മിസ് ചെയ്തു ഇതിൽ. ഇതു ഒരു പേഴ്സണൽ അഭിപ്രായം മാത്രമാണ്.

  എന്തായാലും വെറുതെ കണ്ടു പോകാവുന്ന ഒരു സിനിമ ആയി കണ്ടോളൂ.ഇഷ്ടമാകുമായിരിക്കും.

 MH Views Rating: 2.5/5

  സൂര്യ ടി വിയിൽ സിനിമ വന്നിരുന്നു. SunNXT ൽ ആണെന്ന് തോന്നുന്നു സ്‌ട്രീമിംഗ്‌.

More movie suggestions @www.movieholicviews.blogspot.ca

1225. Masquerade Hotel(Japanese, 2019)

1225. Masquerade Hotel(Japanese, 2019)
          Mystery, Thriller.

ഹോട്ടലിൽ കൊലപാതകം നടത്താൻ പോകുന്ന കൊലയാളിയുടെ രഹസ്യം


     3 കൊലപാതകങ്ങൾ.അതിൽ നിന്നും കിട്ടിയ സൂചനകൾ അനുസരിച്ചു അടുത്ത കൊലപാതകം നടക്കുന്നത് ടോക്യോയിലെ ഒരു ഹോട്ടലിൽ ആണെന്ന് പോലീസ് മനസ്സിലാക്കുന്നു.ആ മൂന്നു കൊലപാതകങ്ങളിൽ നിന്നും തെളിവുകൾ ഒന്നും പൊലീസിന് ലഭിക്കുന്നില്ല.കൊല്ലുന്ന രീതി വരെ വ്യത്യസ്തം ആണ്.എന്നാൽ ബന്ധിപ്പിക്കുന്ന ഒരേ ഒരു ഘടകം ആണ് അടുത്ത കൊലപാതകം എവിടെ ആണെന്ന് പറയുന്ന സൂചന.ഒരു സീരിയൽ കില്ലർ ആണ് ഇതിനെല്ലാം പിന്നിൽ എന്നു പോലീസ് സംശയിക്കുന്നു.ഒരു ഹോട്ടലിൽ ആണ് അടുത്ത കൊലപാതകം എന്നത് കൊണ്ട് തന്നെ പോലീസ് കൊലയാളിയെ കണ്ടെത്താൻ സ്വീകരിച്ച വഴി എന്താണ്?പൊലീസിന് കുറ്റവാളികളെ പിടികൂടാൻ സാധിച്ചോ?കൂടുതൽ അറിയാൻ ചിത്രം കാണുക.

   ഹോട്ടലിൽ താമസത്തിന് വരുന്ന ഓരോ ആൾക്കും ഓരോ മുഖമൂടി ഉണ്ട്.കീഗോ ഹിഗോഷിയാനോ Masquerade Hotel എന്ന ചിത്രത്തിൽ അവതരിപ്പിച്ച പ്രമേയം ഇതാണ്.ഒരു ഹോട്ടലിലെ താമസക്കാർ ആരായാലും അവരെ നന്നായി തന്നെ പരിചരിക്കണം എന്നതാണ് കീഴ്‌വഴക്കം.അതിഥികൾക്ക് വേണ്ടുന്ന ബഹുമാനം നൽകുകയും ചെയ്യണം.ഈ ഒരു സാഹചര്യത്തിൽ നടക്കുന്ന കേസ് അന്വേഷണം പല കഥാപാത്രങ്ങളുടെയും മറ്റൊരു മുഖം അനാവരണം ചെയ്യുന്നുണ്ട്.

  കോസുകെ നിറ്റാ എന്ന കുറ്റാന്വേഷണ ഉദ്യോഗസ്ഥൻ നടത്തുന്ന അന്വേഷണങ്ങളിലെ രഹസ്യം ആണ് സിനിമയുടെ കഥ.അത്ര എളുപ്പം അല്ല കുറ്റവാളിയെ കണ്ടെത്താൻ.കാരണം അയാളുടെ രീതികൾ അങ്ങനെ ആയിരുന്നു.

  എന്തായാലും കുറ്റാന്വേഷണ സിനിമകൾ താൽപ്പര്യം ഉള്ളവർ കണ്ടു നോക്കുക.നിരാശപ്പെടേണ്ടി വരില്ല.

 MH Views Rating 3.5/5

സിനിമയുടെ ലിങ്ക്  t.me/mhviews or @mhviews എന്ന് ടെലിഗ്രാമിൽ സെർച്ച ചെയ്താൽ ലഭിക്കുന്നതാണ്
 

1224. Eyes of Crystal (Italian, 2004)

1224. Eyes of Crystal (Italian, 2004)
          Mystery, Thriller

 അവിടെ മരിച്ച പെണ്ക്കുട്ടിയുടെയും, അവളുടെ കാമുകന്റെയും, അവരെ ഒളിഞ്ഞു നോക്കിയിരുന്ന ആളിന്റെയും മൃതദേഹങ്ങൾ തമ്മിൽ പ്രധാനമായി ഒരു വ്യത്യാസം ഉണ്ടായിരുന്നു.അവളുടെ ശരീര ഭാഗത്തിൽ എന്തോ സ്റ്റഫ് ചെയ്തു വച്ചിരുന്നു.ഇൻസ്‌പെക്‌ടർ അമൽഡിയും അയാളുടെ കൂട്ടാളി ഫ്രീസും ആയിരുന്നു അന്വേഷണത്തിന്റെ ചുമതല.കുറ്റാന്വേഷണത്തിൽ ഏർപ്പെടുമ്പോൾ തന്റെ പേഴ്സണൽ കാര്യങ്ങൾക്ക് പോലും ശ്രദ്ധ കൊടുക്കാതെ തെളിവുകൾക്കായി അലയുന്ന പ്രകൃതം ആയിരുന്നു അമൽഡിയ്ക്ക് ഉണ്ടായിരുന്നത്.

  എന്നാൽ തെളിവുകൾ ഒന്നും അവശേഷിപ്പിക്കാതെ നടത്തുന്ന കൊലപാതകങ്ങളിൽ, മൃതദേഹങ്ങളിൽ നിന്നും ലഭിക്കുന്ന സൂചന അവരെ എങ്ങും എത്തിക്കുന്നില്ല.എന്നാൽ പിന്നീട് നടന്ന കൊലപാതകങ്ങളിൽ ഒന്നു ബോധ്യമായി.കൊലയാളി എന്തോ പറയാൻ ശ്രമിക്കുന്നുണ്ട്, അല്ലെങ്കിൽ അയാൾക്ക് ഈ കൊലകളുടെ പിന്നിൽ എന്തോ ഉദ്ദേശ്യം ഉണ്ട് എന്ന്.കാരണം പിന്നീട് നടന്ന കൊലപാതകങ്ങളിൽ, ഇരയുടെ മുറിച്ചെടുത്ത ശരീര ഭാഗങ്ങളിൽ നിർമിച്ചെടുത്ത അതേ ഭാഗങ്ങൾ തന്നെ ചേർത്തു വച്ചിരിക്കുന്നു. അതേ, ഒരു Taxidermist ന്റെ സാന്നിധ്യം ആ കൊലപാതങ്ങളിൽ ഉണ്ടായിരുന്നു.

  എന്തായിരുന്നു അവിടെ സംഭവിക്കുന്നത്?ആരാണ് കൊലയാളി? Eyes of Crystal കണ്ടു കഴിയുമ്പോൾ അതിനു ഉത്തരം ലഭിക്കും.

 സിനിമയിലുടനീളം പലരെയും സംശയിച്ചിരുന്നു.കാരണം, കഥാപാത്രങ്ങൾ പലർക്കും ഉള്ള ദുരൂഹമായ സാഹചര്യങ്ങൾ ആയിരുന്നു. ചിത്രത്തിന്റെ അവസാനത്തോട് അടുക്കുമ്പോൾ നല്ല രീതിയിൽ അവതരിപ്പിച്ച ഒരു സൈക്കോളജിക്കൽ ത്രില്ലർ ആയി ചിത്രം തോന്നി.കൊലയാളിയുടെ ഉദ്ദേശ്യവും തികച്ചും അത്തരത്തിൽ ഒന്നായിരുന്നു.

  കുറ്റാന്വേഷണ ത്രില്ലർ ചിത്രങ്ങളുടെ കാഴ്ചക്കാർക്ക് കണ്ടു നോക്കാവുന്ന ഒന്നാണ്.

  MH Views Rating :3/5

 ചിത്രത്തിന്റെ ടെലിഗ്രാം ചാനൽ ലിങ്ക് t.me/mhviews or @mhviews എന്ന സെർച്ചിൽ  ലഭിയ്ക്കും.

  

1222. Malang (Hindi, 2020)

1222. Malang (Hindi, 2020)
          Action, Thriller, Crime.

  അര കിറുക്കൻ എന്ന് വിളിക്കാവുന്ന പോലീസ് ഉദ്യോഗസ്ഥനായ ആഘാശെയുടെ ഫോണിലേക്കു വിളിച്ചു പറഞ്ഞിട്ടു കൊലപാതകം നടത്തുന്ന ഒരു കൊലയാളി. ആ കൊലയാളിക്ക് എന്തോ പറയാൻ ഉണ്ട് അയാളോട്.എന്താണ് അതു?തുടരെ തുടരെ ഉള്ള കൊലപാതകങ്ങൾ.പക തെളിഞ്ഞു കാണാമായിരുന്നു അതിലൊക്കെ. Malang പറയുന്നത് അത്തരം ഒരു കഥയാണ്.

  ഒരു പക്ഷെ ക്ളീഷേ എന്നു വിളിക്കാവുന്ന കഥയാണ് Malang നു ഉള്ളത്.എന്നാലും സിനിമ നന്നായി ഇഷ്ടപ്പെട്ടൂ എന്നു പറയേണ്ടി വരും.ഒരു കാരണം മേക്കിങ് ആണ്.പാതി വെന്ത Half Girlfriend നു ശേഷം മോഹിത് സൂരി തന്റെ ശക്തി കേന്ദ്രമായ ത്രില്ലറിലേക്കു തിരിച്ചു വന്നൂ ഈ ചിത്രത്തിൽ.സെഹർ മുതൽ ഇഷ്ട സംവിധായകൻ ആണ് മോഹിത്.ആളുടെ അത്തരത്തിൽ ഉള്ള ചിത്രങ്ങൾ അവതരിപ്പിക്കാൻ ഉള്ള കഴിവ് സിനിമയുടെ ഹൈലൈറ്റ് ആയി മാറി.പിന്നെ എടുത്തു പറയേണ്ടത് അനിൽ കപൂറിന്റെ അഞ്ജനെയ്‌ ആഘാശെയും, കുനാൽ ഖേമുവിന്റെ മൈക്കിൾ എന്ന കഥാപാത്രവും ആണ്.

   വ്യത്യസ്ത മുഖങ്ങൾ ഉള്ള കഥാപാത്രങ്ങൾ, സിനിമയിൽ അവരുടെ സ്വാധീനം വ്യക്തമാണ്.ആദിത്യ റോയ് കപൂർ നായകൻ ആണെങ്കിലും ബോഡി ഒക്കെ കിടിലം ആക്കിയെങ്കിലും show stealers ഇവർ രണ്ടു പേരും ആയിരുന്നു.നേരത്തെ പറഞ്ഞ ക്ളീഷേ കഥയിൽ കുറച്ചു സസ്പെന്സും ട്വിസ്റ്റും ഒക്കെ കൊടുത്തത്തോട് കൂടി പ്രേക്ഷകനെ മുഷിപ്പിക്കാത്ത ഒന്നായി മാറുക ആണ് ചെയ്തത്.

   ക്ളൈമാക്സിലേക്കു പോകുമ്പോൾ കഥ കൂടുതൽ reveal ചെയ്യപ്പെടുന്ന രീതി ഈ ക്ളീഷേ വാദങ്ങളെ ഒരു പരിധി വരെ മാറ്റി നിർത്തും.അത്യാവശ്യം റൊമാൻസ് ,പാട്ടു ഒക്കെ ആയി ബോളിവുഡ് സിനിമയുടെ സ്ഥിരം രീതികളിൽ തന്നെ ആണ് Malang ഉം.നല്ല intense ആയ ഒരു ക്രൈം ത്രില്ലർ എന്നു പറയാം ചിത്രത്തെ കുറിച്ചു.

MH Views Rating: 3.5/5

  സിനിമ Netflix ൽ ലഭ്യമാണ്.

t.me/mhviews or @mhviews യിൽ ചിത്രത്തിന്റെ ടെലിഗ്രാം ചാനൽ ലിങ്ക് ലഭ്യമാണ്.

1221. Nooravathu Naal (Tamil, 1984)

1221. Nooravathu Naal (Tamil, 1984)
          Mystery

"ദേവി തന്റെ ദുഃസ്വപ്നങ്ങളിൽ ഒന്നിൽ കാണുന്നത് അവളുടെ സഹോദരിയുടെ മരണം ആയിരുന്നു.അൽപ്പ ദിവസങ്ങൾക്കു ശേഷം ദേവിയുടെ സഹോദരിയെ കാണാതാകുന്നു.എന്നാൽ ദേവി പിന്നെയും സ്വപ്നങ്ങൾ കാണുന്നു.പലതിന്റെയും അർത്ഥം അവൾക്കു മനസ്സിലാകുന്നില്ലായിരുന്നു.എന്നാൽ ആ സ്വപ്നങ്ങൾ അവളെ പിന്തുടർന്നുക്കൊണ്ടിരുന്നു.എന്താണ് ആ സ്വപ്നങ്ങളുടെ പിന്നിൽ ഉള്ള രഹസ്യം"?

  ഇന്ത്യൻ സിനിമയിലെ ക്രൈം ത്രില്ലറുകളിൽ ഒരു വലിയ സംഭവം ആയി കണക്കാക്കാം 1984ൽ ഇറങ്ങിയ നൂറാവത് നാളുകൾ.മണിവണ്ണന്റെ എഴുത്തിലും സംവിധാനത്തിലും അന്നത്തെ നല്ലൊരു താര നിര ആയിരുന്നു സിനിമയിൽ ഉണ്ടായിരുന്നത്.മോഹൻ, വിജയകാന്ത്, സത്യരാജ്, നളിനി എന്നിവർ ആയിരുന്നു മുഖ്യ കഥാപാത്രങ്ങൾ. മികച്ച ഇന്ത്യൻ മിസ്റ്ററി ത്രില്ലർ ക്ളാസിക്കുകളിൽ ഒന്നായി നൂറാവത് നാളിനെ ഇപ്പോഴും കണക്കാക്കുന്നു.ഇറ്റാലിയൻ ചിത്രമായ "Sette note in nero" യെ ആസ്പദം ആക്കിയാണ് ഈ സിനിമ അവതരിപ്പിച്ചത്.

  ഈ ചിത്രം ആദ്യമായി കാണുന്നത് 1997-'98 കാലഘട്ടത്തിൽ ആണെന്നാണ് ഓർമ. സണ് ടിവിയിൽ ആണെന്ന് തോന്നുന്നു കണ്ടത്.അപ്പന്റെ ഉച്ചയ്ക്കുള്ള സിനിമ കാഴ്ചയിൽ ഇടയ്ക്കു സ്ക്കൂളിൽ നിന്നും വരുമ്പോൾ പങ്കു ചേരാറുണ്ടായിരുന്നു.അങ്ങനെ ആണ് സിനിമ കണ്ടത്.അന്ന് നളിനി കാണുന്ന സ്വപ്നവും അതിൽ മൃതദേഹം ഒളിപ്പിക്കുന്നതും ഒക്കെ പുതുമ ആയിട്ടാണ് തോന്നിയത്.ഇതിന്റെ മലയാളം സിനിമ ആയിരം കണ്ണുകൾ കണ്ടതായി ഓർമയും ഇല്ല.അതു കൊണ്ടു തന്നെ അന്ന് കൊലപാതകിയെ കണ്ടു പിടിച്ചപ്പോൾ ഒക്കെ വലിയ അത്ഭുതം തോന്നി.പക്ഷെ കഴിഞ്ഞ ദിവസം കണ്ടപ്പോൾ കൊലപാതകി ആരാണ് എന്നുള്ള confusion വീണ്ടും വന്നു.കഥ മറന്നു പോയി എന്ന് ചുരുക്കം.

  ഇന്നത്തെ കാലത്തിൽ കഥ ഒക്കെ പഴഞ്ചൻ ആയെന്നു തോന്നുമായിരിക്കും.പക്ഷെ ഓരോന്നിനും അതിന്റെതായ തുടക്കം ഉണ്ടല്ലോ.അങ്ങനെ ഉള്ള തുടക്കങ്ങളിൽ ഒന്നായിരിക്കും ഈ ചിത്രവും.വിദേശ സിനിമകൾ കാസറ്റുകളിലൂടെ കാണുന്ന കാലത്തിൽ കൂടുതൽ പ്രേക്ഷകനും കാണാൻ അവസരം ഇല്ലാതിരുന്നത് കൊണ്ടു പല ചിത്രങ്ങളും ആ കാലഘട്ടങ്ങളിൽ ഇന്ത്യൻ ഭാഷകൾ പല രൂപത്തിലും പേരുകളിലും സംസാരിച്ചിരുന്നു.ആ ഒരു വിഭാഗത്തിൽ ഉൾപ്പെടുന്ന ചിത്രമാണ് നൂറാവത് നാൾ.എന്നാൽക്കൂടിയും ഇന്ത്യൻ ഭാഷകളിൽ പലതിലും റീമേക് ചെയ്യുന്ന രീതിയിൽ ഉള്ള ഒരു മാർക്കറ്റ് വാല്യു ആ സിനിമയ്ക്ക് ഉണ്ടായിരുന്നു എന്നത് സത്യമാണ്.

  ഏകദേശം 25 വർഷങ്ങൾക്കു മുന്നേ edge-of-the-seat ത്രില്ലർ ആയി കണ്ട ചിത്രം ഇന്നലെ കണ്ടപ്പോൾ അങ്ങനെ തോന്നി എന്നു പറയുന്നത് അതിശയോക്തി ആകും.എന്നാൽ ചിത്രത്തിന്റെ ക്ളൈമാക്‌സ് മറന്നു പോയിരുന്നു.ഓർത്തെടുത്തപ്പോൾ സിനിമ തീരാറായിരുന്നു.എന്നാൽക്കൂടിയും അന്നത്തെ ആ ലോകത്തിൽ ഇങ്ങനെ ഒരു സംഭവം സിനിമ ആയി കണ്ടപ്പോൾ ഉള്ള ആളുകളുടെ കൗതുകം എന്തായിരിക്കും?പരിമിതമായ സിനിമ ആസ്വാദന  ഉപാധികളിൽ നിന്നും ആ കാലഘട്ടത്തിൽ സംഭവിച്ച മികച്ച തമിഴ് സിനിമകളിൽ ഒന്നാണ് നൂറാവത് നാൾ എന്നാണ് അഭിപ്രായം.

  കാലത്തെ അതിജീവിച്ച കഥ എന്നൊന്നും അവകാശപ്പെടുന്നില്ല.പക്ഷെ കഥ പിന്നീട് കാലങ്ങളിലൂടെ സഞ്ചരിച്ചിരിക്കാം. സിനിമ കാണാൻ ഒരു പ്രചോദനം അത് ആണെങ്കിൽ കണ്ടോളൂ. 

  സിനിമ YouTube ൽ ലഭ്യമാണ്.

 t.me/mhviews or @mhviews യിൽ ടെലിഗ്രാം ചാനൽ ലിങ്ക് ലഭ്യമാണ്.

1220. The Stranger (English, 2020)

1220. The Stranger (English, 2020)
          Mystery, Thriller.

Number of Episodes : 8
Platform :Netflix
Duration:45 mins

  ഈ സീരിസിന്റെ synopsis ൽ ഉള്ള കഥ ആദ്യം വായിച്ചിട്ട് ആണ് കണ്ടു തുടങ്ങിയത്.ഒരു ഫാമിലി സ്റ്റോറിയുടെ അപ്പുറം ഒന്നും കണ്ടില്ല.അവിഹിതം ഒക്കെ ആയിരിക്കും കഥ എന്നു കരുതി.ആദ്യ എപ്പിസോഡ് കണ്ടപ്പോൾ synopsis ൽ ഉള്ള കഥ പറയുകയും ചെയ്തിരിക്കുന്നു.ഇനി എന്തു എന്നു മനസിൽ വിചാരിച്ചു രണ്ടാമത്തെ എപ്പിസോഡ് കണ്ടു തുടങ്ങുമ്പോൾ ആണ് വിചാരിച്ചതിലും അപ്പുറം ഒരു വലിയ നിഗൂഢതകൾ ഉള്ള കഥ ആണെന്ന് മനസ്സിലാകുന്നത്.ഓരോ കഥാപാത്രത്തിനും അവിടെ നടക്കുന്ന സംഭവങ്ങളും ആയി ബന്ധം.

  ചിലർക്ക് അവരുടെ പ്രിയപ്പെട്ടവരെ നഷ്ടം ആകുന്നു.ചിലർക്ക് അവരെ ഇഷ്ടപ്പെടുന്നവരുടെ കൊലപാതകങ്ങളും അലട്ടി.ഈ സംഭവങ്ങളിൽ എല്ലാം ദുരൂഹതകൾ ഉണ്ടായിരുന്നു.ആ ചെറിയ ടൗണിൽ പലർക്കും ഉണ്ടായിരുന്ന രഹസ്യങ്ങൾ , ഇപ്പോൾ രഹസ്യങ്ങൾ അല്ലാതായിരിക്കുന്നു.ആ രഹസ്യങ്ങൾ അറിയാവുന്ന ആളുകളുടെ ജീവൻ പോലും അപകടത്തിലാകുന്നു.

    ഓരോ കഥാപാത്രത്തിന്റെ രഹസ്യങ്ങളും പ്രധാന കഥയും ആയി ലിങ്ക് ചെയ്തിരിക്കുന്നു.കുറെയേറെ കഥാപാത്രങ്ങൾ.പക്ഷെ എല്ലാവരും തമ്മിൽ ബന്ധിപ്പിക്കുന്ന കണ്ണികൾ.സീരീസ് കാണാൻ ഉള്ള താൽപ്പര്യം കൂടി.ഓരോ എപ്പിസോഡും താല്പര്യത്തോടെ തന്നെ കണ്ടു തീർത്തൂ.ക്ളൈമാക്സ് ഭാഗങ്ങളിൽ പോലും ഒളിപ്പിച്ചു വച്ച ട്വിസ്റ്റുകളും.

  ഒരു ചെറിയ ബ്രിട്ടൻ ടൗണിലെ സംഭവങ്ങൾ അവിടത്തെ ആളുകളുടെ ജീവിതത്തെ എങ്ങനെ ബാധിക്കുന്നു എന്നു കാണിക്കുന്നു The Stranger എന്ന സീരീസ്.മികച്ച എഴുത്തു ആണ് സീരിസിന്റെ ശക്തി.നന്നായി അഭിനയിച്ച കഥാപാത്രങ്ങൾ കൂടി ആകുമ്പോൾ സീരിസിന്റെ നിലവാരം മികച്ചതാകുന്നു.ഒരു പക്ഷെ ഏതൊരു community യിലും നടക്കാൻ സാധ്യത ഉള്ള കഥ എന്ന നിലയിൽ പലരെയും relate ചെയ്യാനും കഴിയും.

  എന്തായാലും ന്റെ ഇഷ്ട സീരീസുകളിൽ ഒന്നു കൂടി ആയിരിക്കുന്നു.അതും വലിയ പ്രതീക്ഷകൾ ഇല്ലാതെ കണ്ടു തുടങ്ങിയ ഒന്ന്.

MH Views Rating 4/5

 സീരീസ് Netflix ൽ ലഭ്യമാണ്.

t.me/mhviews or @mhviews ൽ ടെലിഗ്രാം ചാനൽ ലിങ്ക് ലഭ്യമാണ്.

1218. Gauthamante Radham (Malayalam, 2020)

1218. Gauthamante Radham (Malayalam, 2020)
       

      സ്ക്കൂളിൽ പഠിക്കുന്ന സമയത്തു അവിടെ ഒരു തീവ്രവാദി ആക്രമണം ഉണ്ടാവുക, അപ്പോൾ അവരെ ഒക്കെ അടിച്ചോടിച്ചു എല്ലാവരെയും രക്ഷിക്കുക, ഇഷ്ടം തോന്നിയ ആളുടെ മുന്നിൽ ഹീറോ ആകാൻ എന്തെങ്കിലും കാര്യം സംഭവിക്കുക, ഒരു ഓവറിൽ 6 സിക്സ് അടിക്കുക തുടങ്ങി പല സ്വപ്നങ്ങളും ചെറുപ്പത്തിൽ കാണാത്തവർ ആയി ഉണ്ടാകില്ല.പ്രായം കൂടും തോറും ആ സ്വപ്നങ്ങൾ ഒക്കെ മാറും അല്ലെ? മനസ്സിന് തൃപ്തി നൽകുന്ന ഒരു ജോലി, നല്ല ഒരു ഭാര്യ/ ഭർത്താവ്, കുട്ടികൾ, വീട്, അങ്ങനെ അങ്ങനെ പോകും നൂലില്ലാത്ത പട്ടം പോലെ ധാരാളം സ്വപ്നങ്ങൾ.കുറെ ആളുകൾ ഒരു പരിധി വരെ ഇതെല്ലാം നേടും.നേടാത്തവരും ഉണ്ട്.ജീവിതം വിജയച്ചവരുടെ മാത്രം അല്ല.പരാജയപ്പെട്ടവരുടെ കൂടിയാണ്.

  സ്വപനങ്ങൾ ഇല്ലാത്ത ആളുകൾ കുറവായിരിക്കും.ജീവിതത്തിൽ ഏതെങ്കിലും ഒരു ഘട്ടത്തിൽ സ്വപ്നം കാണാത്തവർ ചുരുക്കവും.സ്വപ്നങ്ങൾ ആണ് പലപ്പോഴും ജീവിതത്തിന്റെ മുന്നോട്ടുള്ള യാത്രയിൽ ഇന്ധനം ആയി മാറുന്നത്.വില കുറയുകയോ കൂടുകയോ ചെയ്യാതെ അതു നമ്മളെ എല്ലാവരെയും ജീവിക്കാൻ പ്രേരിപ്പിക്കുന്നു.

   ഗൗതമന്റെ ജീവിതത്തിലും അങ്ങനെ ഒരു സ്വപ്നം കാണേണ്ടി വന്നു.ആൾക്ക് യഥാർത്ഥത്തിൽ വലിയ സ്വപ്നങ്ങൾ ഒന്നും ഇല്ലായിരുന്നു.പക്ഷെ ഒരു ദിവസം അവനും ഒരു സ്വപ്നം ജീവിതത്തിന്റെ ഭാഗം ആയി മാറി.അതിനു കാരണം ഒരു കാറും.

  വളരെ സിംപിൾ ആയി പോകുന്ന കഥ.നല്ല അച്ഛൻ,'അമ്മ,മുത്തശ്ശി,സുഹൃത്തുക്കൾ.നമ്മുടെ എല്ലാം ജീവിതത്തിൽ കണ്ടു മറന്ന/ കണ്ടു കൊണ്ടിരിക്കുന്ന മുഖങ്ങൾ ആണ്.ഗൃഹാതുരത്വം എന്നൊക്കെ പറയില്ലേ?അതു തന്നെ.അതാകും പലരെയും കാണുമ്പോൾ തോന്നുക.ജീവിതത്തിൽ ആദ്യ വണ്ടി എടുക്കുക എന്നൊക്കെ പറഞ്ഞാൽ അതിനോട് ഉള്ള ഒരു ആത്മ ബന്ധം ഇല്ലേ?അതാണ് ഇവിടെ ഉണ്ടായത്‌.അതു പക്ഷെ ഗൗതമനു അല്ലായിരുന്നു ഉണ്ടായത്.

  ഇങ്ങനെ മനസിലെ ഓർമകളും സ്വപ്നങ്ങളും എല്ലാം ഉള്ള ഒരു കൊച്ചു സിനിമ ആണ് ഗൗതമന്റെ രഥം.പ്രത്യേകിച്ചു ഒരു പരാതിയും പരിഭവവും ഇല്ലാതെ, ജീവിതത്തിൽ ചില സ്വപ്നങ്ങൾ കാണേണ്ടി വരുന്ന ഒരു യുവാവിന്റെ കഥ.ഇതിന്റെ തുടക്കത്തിൽ പറഞ്ഞ കാര്യങ്ങൾ ഒക്കെ സിനിമയിൽ വരുന്നും ഉണ്ട്.പടയപ്പയിൽ സൂപ്പർ സ്റ്റാർ ഒരു പാട്ട് കഴിയുമ്പോഴേക്കും കോടീശ്വരൻ ആകുന്നത് കണ്ടിട്ടില്ലേ?അതൊക്കെ വലിയ കാര്യങ്ങൾ ആയിരുന്നു.അത്രയും ചിന്തിക്കേണ്ട. ഗൗതമന്റെ കൊച്ചു ജീവിതത്തിന്റെ കഥയും സിനിമയാക്കാം. ബേസിലിന്റെ കഥാപാത്രം ചെറുതായി കണ്ണു നനയിക്കും.അതു പോലെ വത്സല മേനോന്റെ മുത്തശ്ശിയും രഞ്ജി പണിക്കരുടെ അച്ഛൻ വേഷവും എല്ലാം.ജീവിതതിൽ ഇത്രയും നന്മ ഉള്ള ആളുകൾ ഒക്കെ ഉണ്ടാകുമോ എന്നു സംശയിക്കുന്നവർക്കു ഒഴിവാക്കാം ഈ ചിത്രം.

 എന്നാലും കാണാൻ ശ്രമിക്കുക.വലിയ സമയ നഷ്ടം ഒന്നും ഉണ്ടാകില്ല.

ചിത്രം Amazon Prime ൽ ലഭ്യമാണ്.

More movie suggestions @www.movieholicviews.blogspot.ca

ചിത്രത്തിന്റെ ടെലിഗ്രാം ചാനൽ ലിങ്ക് t.me/mhviews

1219. Into The Night (Belgian, 2020)

1219. Into The Night (Belgian, 2020)
           Thriller

Number of Episodes : 6
 Duration: 30 mins (approximately)

   രാത്രിയിൽ മാത്രം മനുഷ്യന് ജീവിക്കാൻ കഴിയുക.സൂര്യൻ ഉദിച്ചാൽ അവിടെ ഉള്ള എല്ലാത്തിനെയും നശിപ്പിക്കുക.സൂര്യനെ പേടിച്ചു ഓടുന്ന മനുഷ്യർ. അതേ, Apocalypse തീം തന്നെ. ബെൽജിയൻ മിനി സീരീസ് ആയ Into The Night ഇത്തരം ഒരു കഥയാണ് പറയുന്നത്.ഭൂരിഭാഗവും ഇരുട്ടിലും എയ്റോപ്ലെനിലും ആണ് സീരിസിന്റെ കഥ നടക്കുന്നത്.

  പൂർണമായും എല്ലാം സജ്ജീകരിക്കുന്നതിന് മുന്നേ എയർപ്പോർട്ടിൽ നിന്നും പറന്നു തുടങ്ങേണ്ടി വരുന്ന ഫ്ളൈറ്റിൽ ഉള്ള ഓരോ യാത്രക്കാരന്റെ യാത്രയ്ക്ക് പിന്നിലും ഓരോ ഉദ്ദേശം ഉണ്ടായിരുന്നു.പലരുടെയും മുഖമൂടികൾ പലപ്പോഴായി അഴിഞ്ഞു വീഴുകയും ചെയ്യണം.കാരണം, അവർ അവരായി ആത്മാർത്ഥമായി എല്ലാവരുടെയും ഒപ്പം തങ്ങളുടെ ജീവൻ മരണ പോരാട്ടം നടത്തുകയാണ് ഇവിടെ.അത് കൊണ്ട് തന്നെ പല രഹസ്യങ്ങളും അനാവരണം ചെയ്യപ്പെടുന്നു.

  അര മണിക്കൂർ വീതമുള്ള ആറ് എപ്പിസോഡുകളിൽ നല്ല വേഗത്തിൽ ആണ് കഥ മുന്നോട്ട് പോകുന്നത്.സന്ദര്ഭത്തിന് യോജിക്കുന്ന ബാക്ഗ്രൗണ്ട മ്യൂസിക് നന്നായിരുന്നു.ടെരെൻസിയോ, ആയാസ് എന്നീ കഥാപാത്രങ്ങൾ ഇപ്പോഴും മനസ്സിൽ നിൽപ്പുണ്ട്.മനുഷ്യൻ ഏതു സന്ദർഭത്തിലും തന്റെ സ്വന്തം ജീവൻ കൂടെ നിർത്താൻ അവസാനം വരെ ശ്രമിക്കുന്നതിന്റെ മികച്ച ഉദാഹരണങ്ങൾ ആണ് രണ്ടു കഥാപാത്രങ്ങളും.

  ശാസ്ത്രീയമായി മനസ്സിലാകാൻ ബുദ്ധിമുട്ടുള്ള കാര്യങ്ങൾ പോലും ആ പറക്കലിൽ ഉണ്ട്.അതെല്ലാം സിംപിൾ ആയി തന്നെ പറഞ്ഞു കൊടുക്കുന്നും ഉണ്ട് പ്രേക്ഷകന്.മൊത്തത്തിൽ , Apocalypse എന്ന പ്രമേയം നന്നായി ചെയ്ത ഒരു ത്രില്ലർ എന്ന നിലയിൽ സീരീസ് തീർച്ചയായും  കാണാവുന്ന ഒന്നാണ്. Binge worthy സീരീസ് ആണ്. കണ്ടു നോക്കുക.

  Netflix ൽ ലഭ്യമാണ്

MH Views Rating 3.5/5

 സീരിസിന്റെ ടെലിഗ്രാം ചാനൽ ലിങ്ക് t.me/mhviews or @mhviews ൽ ലഭ്യമാണ്.

1217. Alidu Ulidavaru (Kannada, 2019)

1217. Alidu Ulidavaru (Kannada, 2019)
          Mystery, Horror.


    പ്രേതം, ഭൂതം, പിശാച് ഒക്കെ പലരുടെയും വിശ്വാസങ്ങളുടെ ഭാഗം ആയിരിക്കും.എന്നാൽ വ്യക്തമായി തെളിവുകൾ ഇല്ലാതെ അത്തരം ഒന്നിനെ വിശ്വസിക്കാൻ വിമുഖത ഉള്ള, ഇത്തരം വിശ്വാസങ്ങളുടെ പിന്നിൽ ഉള്ള കള്ളത്തരങ്ങൾ കൊണ്ട് വരാൻ ശ്രമിക്കുന്ന ടി വി ചാനൽ ജീവനക്കാരൻ ആണ് ശീലൻ.തന്റെ 99 എപ്പിസോഡ് കഴിഞ്ഞ ഷോയിൽ ആകസ്മികമായി ആണ് ശീലൻ തന്റെ നൂറാമത്തെ എപ്പിസോഡ് ആയി ആ വിഷയം തിരഞ്ഞെടുത്തത്.

  പിന്നീട് നടക്കുന്നത് വിശ്വാസങ്ങളെ എല്ലാം തകിടം മറിക്കുന്ന കാര്യങ്ങൾ ആയിരുന്നു.തുടക്കത്തിൽ പ്രേക്ഷകന് ഒരു ക്ളീഷേ കഥയുടെ മണം അടിക്കുന്നുണ്ട് ചിത്രത്തിൽ.എന്നാൽ ഇന്റർവലിന് ശേഷം ആണ് കഥ മാറുന്നത്.പിന്നീട് സംഭവിച്ചത് ഒക്കെ അത്ര പ്രതീക്ഷിക്കാത്ത കാര്യം തന്നെ ആയിരുന്നു.ക്ളൈമാക്‌സ് പോലും ആശയക്കുഴപ്പം ഉണ്ടാക്കി.

  കഥയുടെ രീതി മാറുന്നതാണ് ഹൈലൈറ്റ്.ഒരു സൈക്കോളജിക്കൽ ത്രില്ലർ ആയി ചിത്രം മാറുന്നുണ്ട്.കന്നഡ സിനിമയുടെ മാറ്റം ഓരോ ഘട്ടം ആയി നടക്കുകയാണ്, പ്രമേയത്തിലും അവതരണത്തിലും.VFX കുറച്ചു നേരം ഉണ്ടായിരുന്നത് നിലവാരം തീരെ ഇല്ലായിരുന്നു എന്നു തോന്നി.പക്ഷെ കഥയുടെ അവതരണ രീതി കാരണം അത് ക്ഷമിക്കാവുന്നത് ആണ്.

വലിയ സംഭവം ആണെന്ന് പറയുന്നില്ല.തരക്കേടില്ലാത്ത ചിത്രം.താൽപ്പര്യം ഉള്ളവർ കാണാൻ ശ്രമിക്കുക.

Amazon Prime ൽ ചിത്രം ലഭ്യമാണ്.

MH Views Rating 3/5

ചിത്രത്തിന്റെ ലിങ്ക് t.me/mhviews or @mhviews യിൽ ലഭ്യമാണ്.

1216. Kirin no Tsubasa (Japanese, 2012)

1216. Kirin no Tsubasa (Japanese, 2012)
          Mystery.

  ജാപ്പനീസ് എഴുത്തുകാരൻ ആയ കീഗോ ഹിഗാഷിനോയുടെ ഓരോ സിനിമ കാണുമ്പോഴും ആരാധന കൂടുകയാണ്.പ്രത്യേകിച്ചും അദ്ദേഹത്തിന്റെ നോവലുകൾ സിനിമ ആകുമ്പോൾ പോലും ആത്മാർത്ഥ ഉള്ള കഥാപാത്രങ്ങളെ ആണ് കാണാൻ സാധിക്കുക.വലിയ ഹീറോയിസം ഇല്ലാത്ത, ജീവിതം അവരുടേതായ രീതിയിൽ ചിത്രീകരിച്ച  കഥാപാത്രങ്ങൾ.ദൃശ്യവും കീഗോയുടെ Devotion of Suspect X ഉം ആയി ഉള്ള ബന്ധത്തെ കുറിച്ചു കേട്ടാണ് അന്ന് ആ സിനിമ കണ്ടത്.പിന്നീട് എവിടെങ്കിലും ഓർമ വരുമ്പോൾ അദ്ദേഹത്തിന്റെ മറ്റു സിനിമകളും കാണാൻ  ശ്രമിക്കും.ചില സിനിമകൾ കൊറിയൻ ആയും വരും.അദ്ദേഹത്തിന്റെ വേർഷന്റെ കൂടുതൽ വൈകാരികമായ അവതരണം ആകും അതിൽ ഉണ്ടാവുക. The Perfect Number (Korean), Devotion of Suspect X (Japanese) രണ്ടും കണ്ടവർക്ക് മനസ്സിലാകും ഈ പറഞ്ഞതു.

  അദ്ദേഹത്തിന്റെ പ്രശസ്തമായ 'ക്യോചിറോ കാഗാ' പരമ്പരയിലെ ഒമ്പതാം നോവലാണ് Kirin no Tsubasa. ക്യോചിറോ കാഗാ എന്ന കഥാപാത്രം പതിവ് ഷെർലോക് ഹോംസ് സ്വഭാവം ഉള്ള രീതിയിൽ കേസുകൾ കൈകാര്യം ചെയ്യുന്ന ആളല്ല.ആളുടെ രീതികൾ വ്യത്യസ്തമാണ്.വൈകാരികമായും മാനുഷികമായും അയാൾ തന്റെ കേസുകളെ അയാൾ സമീപിക്കുന്നു.കേസുകളും അതെല്ലാം ആവശ്യപ്പെടുന്നുമുണ്ട്.

  തന്റെ ഡ്യൂട്ടിക്കിടയിൽ ആണ് ഒരു പോലീസുകാരൻ ഒരു മനുഷ്യൻ പാലത്തിലൂടെ വേച്ചു നടന്നു നിലത്തേക്ക് വീഴുന്നത് കണ്ടത്.കത്തി കൊണ്ടു കുത്തേറ്റ നിലയിൽ ആണ് അയാൾ ഉണ്ടായിരുന്നത്.ഇതേ സമയം അക്രമി എന്നു കരുതിയ ആളെ പോലീസ് അറസ്റ്റു ചെയ്യാൻ ശ്രമിച്ചെങ്കിലും ആയാളും ഒരു അപകടത്തിൽ ആശുപത്രിയിൽ ആയി.എന്നാൽ കേസ് കൂടുതൽ സങ്കീർണമായി മാറുന്നതെ ഉണ്ടായിരുന്നുള്ളൂ.പിന്നീട് എന്താണ് സംഭവിച്ചത് എന്നാണ് സിനിമയുടെ കഥ.

  പതിയെ പോകുന്ന കഥ.ഒരു കഥ പുസ്തകം വായിക്കുന്ന പോലെ , ജാപ്പനീസ് സംസ്ക്കാരവും ആയി കോർത്തിണക്കിയ കഥയാണ് ചിത്രത്തിന് ഉള്ളത്.കുറ്റാന്വേഷണവും മനുഷ്യന്റെ ചെറിയ തെറ്റുകൾ പോലും എങ്ങനെ എല്ലാം മറ്റുള്ളവരുടെ ജീവിതത്തിന്റെയും ഭാഗം ആകും എന്നു പറഞ്ഞു വയ്ക്കുന്നുണ്ട്.കണ്ടു നോക്കുക.ഒരു ആരാധകൻ ആയതു കൊണ്ട് തന്നെ സിനിമ നല്ലതു പോലെ ഇഷ്ടമായി.

 MH Views Rating : 4/5

 ചിത്രത്തിന്റെ ടെലിഗ്രാം ചാനൽ ലിങ്ക് t.me/mhviews or @mhviews ൽ ലഭ്യമാണ്.

1215. P2 (Emglish, 2007)

1215. P2 (Emglish, 2007)
          Thriller, Horror.

   ഒരു ക്രിസ്മസ് രാത്രി ജോലി കഴിഞ്ഞു ഏഞ്ചല  ഇറങ്ങാൻ തുടങ്ങുക ആയിരുന്നു.എന്നാൽ തന്റെ കാർ സ്റ്റാർട്ട് ആകാത്തത് കൊണ്ടും, ആ ബിൽഡിങ് നേരത്തെ അടച്ചത് കൊണ്ടും അന്ന് രാത്രി ജോലിയിൽ ഉണ്ടായിരുന്ന ടോം എന്ന സെക്യൂരിറ്റിയുടെ സഹായം അവൾക്കു ആവശ്യമായി വരുന്ന.അയാൾ കാർ ജംപ് സ്റ്റാർട്ടാക്കാൻ ശ്രമിച്ചെങ്കിലും നടന്നില്ല.അവൾക്കു അന്ന് കുടുംബത്തോടൊപ്പം ക്രിസ്മസ് രാത്രി ചിലവഴിക്കേണ്ടത് ആയിരുന്നു.

  എന്നാൽ അപ്രതീക്ഷിതമായി ആണ് എല്ലാം സംഭവിച്ചത്.അവൾ ഒറ്റയ്ക്കായി പോയി.ഒപ്പം അവളെ ഭയപ്പെടുത്താൻ ഒരാളും.മാന്യമായ രീതിയിൽ സംസാരിച്ചു തുടങ്ങിയെങ്കിലും അവളോട്‌ ഒരാത്യേക താൽപ്പര്യം ഉള്ള ഒരു സൈക്കോ.പിന്നീട് എന്തു നടന്നൂ എന്നതാണ് ചിത്രത്തിന്റെ കഥ.

  ഒരു പാർക്കിങ് ലോട്ട് ആണ് സിനിമയുടെ ഭൂരിഭാഗം രംഗങ്ങളിലും ഉള്ളത്.വിരലിൽ എണ്ണാവുന്ന അത്ര കഥാപാത്രങ്ങളും.സ്ഥിരം ഹോളിവുഡ് ക്ളീഷേ ആണ് സിനിമ.പ്രത്യേകതകൾ ഒന്നുമില്ല.ഒരു survival ത്രില്ലർ എന്നു വിളിക്കാവുന്ന ചിത്രം.ഇത്തരം ചിത്രങ്ങൾ ഇഷ്ടപ്പെടുന്നവർ ഉണ്ടെങ്കിൽ കാണുക.തരക്കേടില്ലാത്ത ഒരു സൈക്കോളജിക്കൽ ത്രില്ലർ എന്നും പറയാം.ഹൊറർ എന്നു ജോൻറയിൽ സൂചിപ്പിച്ചത് പ്രേത സിനിമ എന്നല്ല.

  MH Views Rating 3/5

 ചിത്രത്തിന്റെ ടെലിഗ്രാം ചാനൽ ലിങ്ക് t.me/mhviews or @mhviews യിൽ ലഭ്യമാണ്.

1214.The Plagues of Breslau (Polish, 2018)

1214.The Plagues of Breslau (Polish, 2018)
          Mystery, Thriller.

  പശുവിന്റെ തോൽ കൊണ്ടു മൂടിയിട്ടു മറവു ചെയ്ത മൃതദേഹം, ക്രൂരമായ നിലയിൽ ശരീരം മുറിക്കപ്പെട്ട നിലയിൽ കണ്ടെത്തിയ മൃതദേഹം, പ്രത്യേക രീതിയിൽ തീ കൊണ്ടു കൊലപ്പെടുത്തിയതു വേറെ.അങ്ങനെ പല തരത്തിൽ ആണ് പോളണ്ടിലെ Wroclaw യിൽ നടന്ന കുറെയേറെ കൊലപാതകങ്ങളിൽ ചിലതിന്റെ രീതി.കേസ് അന്വേഷണം നടത്തുന്ന ഹെലെന എന്നാൽ കേസിനു തുമ്പൊന്നും കിടാതെ വലയുകയാണ്.

   അപ്പോഴാണ് കേന്ദ്രത്തിൽ നിന്നും ഒരു പ്രൊഫൈലർ കേസിൽ സഹായത്തിനായി വരുന്നത്.ഇവോണ എന്ന പേരുള്ള ആ സ്ത്രീ കേസിൽ നിർണായകമായ പല തെളിവുകളും കണ്ടെത്താൻ സഹായിക്കുന്നു.അതിലൊന്നാണ് ചരിത്രത്തിൽ ഉള്ള Breslau യിലെ പഴയ ആ സംഭവവും ആയി കേസിനെ ബന്ധിപ്പിക്കുന്നത്.കൊലയാളി വൈകുന്നേരം 6 മണിക്ക് തന്റെ ഇരകളെ പബ്ലിക് ആയി തന്നെ കൊലപ്പെടുത്തും എന്ന കാര്യം അങ്ങനെ ആണ് അവർ മനസ്സിലാക്കുന്നത്.എന്താണ് കൊലയാളിയുടെ ലക്ഷ്യം?ആരാണ് അതു?

   പോളീഷ് സിനിമയിൽ പൊതുവായി കാണുന്ന ഒരു കാര്യമാണ് യുദ്ധത്തിന് മുന്നേ ഉള്ള അവരുടെ രാഷ്ട്രീയ-സാമൂഹിക സാഹചര്യവും ആയി ബന്ധിപ്പിച്ചു കൊണ്ടുള്ള തീമുകൾ.ഇവിടെ Breslau എന്ന പട്ടണം അതിന്റെ പ്രതാപക്കാലത്തിലേക്ക് ഉള്ള ഓർമകൾ അയവിറക്കുന്നു ഈ സിനിമയിൽ.

  Marek Krajewski യുടെ കഥകളിൽ നിന്നും ആണ് സിനിമയുടെ പ്രമേയം എടുത്തിരിക്കുന്നത്.സിനിമ തുടക്കം വലിയ രീതിയിൽ തന്നെ അമ്പരപ്പിച്ചു.പ്രത്യേകിച്ചും കൊലപാതക രീതികൾ ഒക്കെ.എന്നാൽ, സിനിമയുടെ കഥയിലെ ട്വിസ്റ്റ് വെളിവാകുന്നതോടെ പല ലോജിക്കൽ പ്രശ്നങ്ങളും ഉള്ളതായി തോന്നി.ഒരു spine chilling effect ക്ളൈമാക്സിലേക്കു അടുക്കുമ്പോൾ ലഭിച്ചില്ല.പ്രത്യേകിച്ചും സിനിമയുടെ തുടക്കം അത്തരം ഒന്നു demand ചെയ്തിരുന്നു.

  എന്നാൽക്കൂടിയും ഒന്നര മണിക്കൂർ ഉള്ള ഈ ക്രൈം ത്രില്ലർ അധികം മുഷിപ്പിച്ചില്ല.വലിയ സംഭവം ആകാതെ അവസാനിച്ചെങ്കിലും സീരിയൽ കില്ലർ സിനിമകൾ ഒക്കെ ഇഷ്ടപ്പെടുന്നവർക്ക് കണ്ടു നോക്കാൻ ഉള്ളത് ഉണ്ട്.

  സിനിമ Netflix ൽ ലഭ്യമാണ്.

 MH Views Rating 3/5


ചിത്രത്തിന്റെ ടെലിഗ്രാം ചാനൽ ലിങ്ക് t.me/mhviews or @mhviews ൽ  ലഭ്യമാണ്.

1210. The Stranger(English, 2020)

1210. The Stranger(English, 2020)
          Thriller.

 Number of Episodes: 13
 Duration Per Episode:8 mins
 Platform : Quibi




  ഓർബിറ്റ് ഡ്രൈവർ ആയ ക്ലയർ കാൻസസിൽ നിന്നും ലോസ് അഞ്ചൽസിൽ എത്തിയിട്ട് കുറച്ചു ദിവസങ്ങൾ ആയുള്ളൂ.അവൾക്കു രാത്രിയിൽ കിട്ടിയ ഒരു റൈഡിൽ ആണ് കാർലിനെ പരിചയപ്പെടുന്നത്.എന്നാൽ ക്ലെയർ അയാളെ പിക് ചെയ്ത സ്ഥലത്തെ കുറിച്ചു പറഞ്ഞ കഥ കേട്ടപ്പോൾ ആണ് താൻ അപകടത്തിൽ ആണെന്ന് ക്ലെയർ മനസ്സിലാക്കുന്നത്.പിന്നീട് നടക്കുന്ന സംഭവങ്ങൾ ക്ലെയറിന്റെ ജീവനും അപകടത്തിൽ ആക്കുന്നു.ഒപ്പം അവളുടെ ഒപ്പം കൂടിയവരെയും.എന്താണ് അന്ന് സംഭവിച്ചത്?ആ രാത്രിയിലെ ഓരോ മണിക്കൂറിലും ക്ലയറിന്റെ ചുറ്റും ഉള്ള ലോകം മാറുകയായിരുന്നു.കൂടുതൽ അറിയാൻ സീരീസ് കാണുക.

  Quibi, ശരിക്കും binge watching നു ഏറ്റവും നല്ല ആപ് ഇതാണ് എന്നു തോന്നുന്നു.ഒരു സിനിമ കണ്ടു തീർക്കുന്ന സമയം കൊണ്ട് ഒരു സീരീസ്.അതും നിലവാരം ഉള്ളത്.ഏകദേശം 8-9 മിനിറ്റിൽ തീരുന്നതാണ് എല്ലാം.ഇപ്പോൾ 3 മാസം ട്രയൽ ഓഫറും ഉണ്ട്.ശരിക്കും addict ആയി പോയി.ഫ്രീ ടൈം എപ്പോൾ കിട്ടിയാലും നേരെ കണ്ടു തുടങ്ങാം എന്ന സൗകര്യം.മൊബൈൽ, ടാബ് പോലുള്ള ഡിവൈസിൽ ആണ് Quibi ഉപയോഗിക്കാൻ സാധിക്കുക (Android,iOS). താൽപ്പര്യം ഉള്ളവർ install ചെയ്തു നോക്കൂ.Download ഓപ്‌ഷനും ഉണ്ട് ഓഫ്‌ലൈൻ ആയി കാണാനും.

   Quibi യിലെ മികച്ച സീരീസുകളിൽ ഒന്നായ The Stranger സംവിധാനം ചെയ്തിരിക്കുന്നത് വീണ സൂദ് ആണ്.ഇന്ത്യൻ വംശജയാണ് എന്നു തോന്നുന്നു.ഇത്തരത്തിൽ ഉള്ള ഒരു കഥ ഇത്രയും കുറച്ചു നേരം കൊണ്ട് അവതരിപ്പിച്ചത് പ്രശംസയർഹിക്കുന്നു.വലിയ സമയ നഷ്ടം ഒന്നും ഇല്ല.കണ്ടു നോക്കൂ.


  MH Views Rating 3.5/5

  Quibi install ചെയ്തു കാണുക.

ടെലിഗ്രാമിൽ ഒന്നും പ്രിന്റ് കണ്ടില്ല.ആപ് ഫ്രീ ട്രയൽ തരുന്നത് ഉപയോഗിക്കുക.3  മാസം ഉണ്ട്.


More movie suggestions @www.movieholicviews.blogspot.ca

1213.Abgeschnitten (German, 2018)

1213.Abgeschnitten (German, 2018)
         Thriller, Mystery

"പോസ്റ്റമാർട്ടം ടേബിളിൽ നിന്നും കിട്ടിയ സൂചനകളിലൂടെ ഒരു ജിഗ്‌സോ പേസിൽ"- Abgeschnitten

   പോസ്റ്റമാർട്ടം നടത്തുമ്പോൾ ആണ് ആ സ്ത്രീയുടെ തലയിൽ നിന്നും ഒരു ക്യാപ്സൂൾ കണ്ടെത്തുന്നത്.അതു തുറന്നു പരിശോധന നടത്തിയ ഡോ.പോൾ കണ്ടെത്തിയത് തന്റെ മകളുടെ പേരും നമ്പറും പ്രിന്റ് ചെയ്ത ചെറിയ പേപ്പർ ആണ്.എന്തായിരുന്നു അതിന്റെ അർത്ഥം.കൈപ്പത്തികൾ അറുത്തു മാറ്റിയ നിലയിൽ കണ്ടെത്തിയ സ്ത്രീയുടെ മരണവുമായി അവൾക്കു എന്താണ് ബന്ധം?കൂടുതൽ അറിയാൻ ചിത്രം കാണുക.

  ഫോറൻസിക് പത്തോളജിയെ ആധികാരമാക്കി അവതരിപ്പിച്ച ചിത്രം തികച്ചും മനുഷ്യ ശരീരങ്ങളിൽ ഒളിപ്പിച്ചു വച്ച സൂചനകളോടെ ആണ് പോകുന്നത്.പ്രിയപ്പെട്ട ജർമൻ നടൻ മോറിട്‌സ് ആണ് ഡോ. പോളിനെ അവതരിപ്പിക്കുന്നത്.ത്രിൽ അടിപ്പിക്കുന്ന ധാരാളം രംഗങ്ങൾ ഉണ്ട്.നല്ല ഒരു കുറ്റാന്വേഷണ ത്രില്ലറിനുള്ള എല്ലാ സാഹചര്യവും കഥ നൽകുന്നുണ്ട് പ്രേക്ഷകന്.

  പ്രത്യേകിച്ചും സിനിമയിൽ ഉടനീളം കാണിക്കുന്ന കാലാവസ്‌ഥ പരിചിതമായത് കൊണ്ടു തന്നെ അത്തരം ഒരു അവസ്ഥയിൽ.നടക്കുന്ന സംഭവങ്ങൾ ഹൃദയമിടിപ്പ് കൂട്ടുന്നു ഉണ്ട്.ഹൈപ്പോതെർമിയയിലേക്ക് പോകുന്ന അവസ്ഥ ഉണ്ടാകുന്ന ഒരു ചുറ്റുപാടിൽ നടക്കുന്ന അന്വേഷണം ആണ് ചിത്രം മുഴുവൻ.അങ്ങനെ ഒരു അവസ്ഥയുടെ യാഥാർഥ്യത്തെ കുറിച്ചു ആലോചിച്ചാൽ അത്യാവശ്യം പേടിയൊക്കെ ഉണ്ടാകാം.

    എന്തായാലും തരക്കേടില്ലാത്ത ഒരു ത്രില്ലർ ആണ് Abgeschnitten.ഇത്തരം ചിത്രങ്ങൾ താൽപ്പര്യം ഉള്ളവർ കാണാൻ ശ്രമിക്കുക.


 MH Views Rating:3.5/5

  ചിത്രത്തിന്റെ ടെലിഗ്രാം ചാനൽ ലിങ്ക് tmme/mhviews or @mhviews എന്ന ചാനലിൽ ലഭിയ്ക്കും.