1835. Oddity (English, 2024)

 1835. Oddity (English, 2024)

Horror

Oddity എന്ന ചിത്രം അതിന്റെ ആരംഭം മുതൽ പ്രേക്ഷകന് നൽകുന്ന അറ്റ്മോസ്‌ഫീയറിക് ഹൊറിന്റെ ഒരു സൂചനയുണ്ട്. അത് അവിടെ നിന്നും വളർന്നു ഒരു ഘട്ടത്തിൽ പ്രേക്ഷകനിൽ scared stiff എന്ന നിലയിൽ എത്തിക്കുന്നുണ്ട്. അതിനായി സിനിമയിൽ പ്രത്യേകം ഗിമിക്കുകൾ ഒന്നും കാണിക്കേണ്ടി വരുന്നില്ല. തുടക്കം മുതൽ ഉള്ള കഥയുടെ ഉള്ളിൽ നിന്നും തന്നെയാണ് ഇത്തരം ഒരു ഫീൽ പ്രേക്ഷകനിൽ ഉണ്ടാക്കുന്നത്.

പ്രത്യേകിച്ചും ഒന്നര മണിക്കൂറിൽ അൽപ്പം മാത്രം കൂടുതൽ ഉള്ള സിനിമയിലെ അവസാന അര മണിക്കൂർ പ്ലോട്ട് ട്വിസ്റ്റ് ഉണ്ടാക്കുക മാത്രമല്ല, ഒറ്റയ്ക്ക് രാത്രിയിൽ ഇരുന്ന് കാണുമ്പോൾ പ്രേക്ഷകനെ ഭയപ്പെടുത്താൻ ആയിട്ടുള്ളത് എല്ലാം ചെയ്തിട്ടുണ്ട് എന്നാണ് എന്റെ അഭിപ്രായം.

ഡാനി, തന്റെ ഐഡന്റിക്കൽ ട്വിൻ ആയ ഡാഴ്സിയുടെ മരണത്തെ കുറിച്ച് നടത്തുന്ന വെളിപ്പെടുത്തൽ മുതൽ പല സിനിമകളിലും ഉണ്ടായിട്ടുള്ളത് പോലെ ഹൊറർ സിനിമകളിൽ പ്രേക്ഷകൻ പ്രതീക്ഷിക്കുന്ന eerie ആയിട്ടുള്ള ഒരു ഘട്ടത്തിലേക്ക് സിനിമയെ കൊണ്ട് പോവുകയാണ്. ഇടക്കുള്ള ഒരു ജമ്പ് സ്കെയർ രംഗം ശരിക്കും ഉള്ളിന്റെ ഉള്ളിൽ നിന്നും തന്നെ പേടിപ്പിച്ചു.

 ക്ലൈമാക്സിൽ സിനിമയിലെ ഒരു കഥാപാത്രം തന്റെ ചുറ്റും നടന്ന കാര്യങ്ങളിൽ ഉണ്ടായ അവിശ്വസനീയത കാരണം അത് പരീക്ഷിക്കാൻ എന്നവണ്ണം അയാൾ സ്വയം അതിലേക്കു എടുത്തു ചാടുന്നുണ്ട്. അതിനു മുന്നേ അയാളുടെ ആ ചിരി കണ്ടപ്പോൾ നിരാശ തോന്നിയെങ്കിലും, അതിനൊപ്പം വൈഡ് ഷോട്ടിൽ വരുന്ന രംഗം കണ്ടപ്പോൾ പൂർണമായ സംതൃപ്തി ആണ് Oddity നൽകിയത്.

 Oddity ഒറ്റയ്ക്ക് ഇരുന്നാണ് കണ്ടത്. അതും ഇരുട്ടിൽ ടി വി സ്ക്രീൻ വെളിച്ചത്തിൽ മാത്രം. എന്നിട്ടും സിനിമ അവസാനിച്ചപ്പോൾ ചുറ്റുപാടും അൽപ്പം ഭയത്തോടെ നോക്കി ലൈറ്റും ഇട്ട് നേരെ പോയി കിടന്നുറങ്ങുക ആണ് ചെയ്തത്. 

ഒരു ഹൊറർ സിനിമ എന്ന നിലയിൽ മികച്ചു നിൽക്കുന്ന ചിത്രമാണ്. സിനിമ ഇറങ്ങിയപ്പോൾ തന്നെ മികച്ചു അഭിപ്രായങ്ങൾ കേട്ടിരുന്നു.അതിൽ അതിശയോക്തി ഒന്നുമില്ല.

#Classic

സിനിമയുടെ ലിങ്ക് 

t.me/mhviews1 ൽ ലഭ്യമാണ്.

        

1824. Fried Green Tomatoes

 1824. Fried Green Tomatoes 

         Comedy, Mystery

സാധാരണ ഒരു കോമഡി ഡ്രാമ ആണെന്ന് കരുതി കണ്ട് തുടങ്ങുന്ന സിനിമ അവസാനം അതിന്റെ നിഗൂഢ സ്വഭാവം കാരണം പ്രതീക്ഷയ്ക്ക് അപ്പുറം മാറ്റം വന്നാലോ?അങ്ങനെ വരുമ്പോൾ അത് ഇഷ്ടപ്പെട്ട സിനിമകളിൽ ഒന്നായി മാറിയാലോ?ഈവ്‌ലിൻ എന്ന വീട്ടമ്മ അവരുടെ കുടുംബ ജീവിതത്തിൽ തീരെ സന്തുഷ്ട അല്ലായിരുന്നു. ആക്‌സ്മികമായി ഒരു ഓൾഡ് ഏജ്‌ ഹോമിൽ വച്ച് പരിചയപ്പെടുന്ന നിന്നി ത്രെഡ്ഗുഡ് എന്ന വൃദ്ധയായ സ്ത്രീ അവർക്കു പരിചയം ഉള്ള കുറച്ചു ആളുകളുടെ ജീവിതത്തെ കുറിച്ച് ഈവലിനോട് പറഞ്ഞു തുടങ്ങുമ്പോൾ ഒന്നെങ്കിൽ ഒരു ട്രാജഡി, അല്ലേൽ ഒരു ഫീൽ ഗുഡ് സിനിമ മാത്രമാകും Fried Green Tomatoes എന്നതായിരുന്നു എന്റെ മുൻവിധി.

 എന്നാൽ ഈ കഥയ്ക്ക് അവസാനം ഒളിപ്പിച്ചു വച്ച ഒരു വലിയ രഹസ്യം അനാവരണം ചെയ്യുന്ന സമയം ആയപ്പോഴേക്കും എന്റെ അവസ്ഥ സിനിമയെ കുറിച്ചുള്ള മുൻവിധികൾ മാറ്റുന്നത് മാത്രം ആയിരുന്നില്ല. അതിനൊപ്പം ഒരു കാലഘട്ടത്തിൽ ഉള്ള സമൂഹവും മനുഷ്യരുടെ ഇഷ്ടാനിഷ്ട്ടങ്ങളും എല്ലാം ഒത്തു ചേരുമ്പോൾ മികച്ച ഒരു സിനിമ കണ്ട അനുഭവം ആണുണ്ടായത്.

ഇഡ്ജി എന്ന പെൺകുട്ടിയുടെ കഥ അവളുടെ സഹോദരൻ ബഡി മുതൽ അങ്ങോട്ട് വ്യാപിച്ചു കിടക്കുകയാണ്. വളരെ അധികം ഇഷ്ടം തോന്നുന്ന ഒരു കഥാപാത്രം ആയിരുന്നു ഇഡ്ജി.മേരി സ്റ്റുവർട്ടിന്റെ മികച്ച ഒരു കഥാപാത്രം. ഇത്തരത്തിൽ ഉള്ള സ്ത്രീ കഥാപാത്രങ്ങളെ ധാരാളം കണ്ടിട്ടുണ്ടെങ്കിലും ഒരു പ്രത്യേക സ്നേഹം തോന്നി പോകും ഇഡ്ജിയോട്. അത് പോലെ തന്നെയാണ് ആ ചെറിയ ഗ്രാമത്തിൽ ഉള്ള പല കഥാപാത്രങ്ങളും.ബിഗ് ജോർജും റൂത്തും സ്മോക്കിയും എല്ലാം അതിൽ ഉൾപ്പെടും.

ഫാനി ഫ്ലാഗിന്റെ Fried Green Tomatoes at the Whistle Stop Cafe എന്ന നോവൽ ഞാൻ വായിച്ചിട്ടില്ല. അങ്ങനെ ഒരെണ്ണത്തെ കുറിച്ച് കേട്ടിട്ട് പോലുമില്ല. ഈ സിനിമയെ കുറിച്ച് അറിയുന്നത് തന്നെ കാത്തി ബേറ്റ്സ് എന്ന നടിയോടു പെട്ടെന്നൊരു ദിവസം തോന്നിയ ആരാധന കാരണം ആണ്. പക്ഷെ എത്ര മാത്രം ജീവനുള്ള കഥാപാത്രങ്ങൾ ആണ് ഈ സിനിമയിൽ ഉള്ളത്? വല്ലാത്ത ഒരു ഫീലും ഇഷ്ടവും ആയിരുന്നു ഈവ്‌ലിൻ ഇവരുടെ എല്ലാം കഥ കേൾക്കുമ്പോൾ. പിന്നെ പ്രത്യേകിച്ച് പറയാൻ ഉള്ളത് കാത്തി ബേറ്റ്സിന്റെ ഈവ്‌ലിൻ എന്ന കഥാപത്രമാണ്. അവരുടെ കഥാപാത്രം സിനിമയ്ക്ക് കൊണ്ട് വന്ന ദ്വിമുഖം ഉണ്ട്. ഒരു പക്ഷെ ഒരു കോമഡി ഫീൽ ഗുഡ് സിനിമ ആണെന്ന് പ്രേക്ഷകനെ പറഞ്ഞു പറ്റിക്കാൻ ആ കഥാപാത്രത്തിന് കഴിഞ്ഞു. ഇത്തരം ഒരു കഥയിലേക്ക് ആണ് നമ്മളെ കൊണ്ടെത്തിക്കുന്നത് എന്ന് പറയാൻ പോലും സാധിക്കില്ല.

എന്തായാലും വളരെ ഇഷ്ടമായി Fried Green Tomatoes എന്ന ചിത്രം. താൽപ്പര്യം തോന്നുന്നു എങ്കിൽ തീർച്ചയായും കാണുക. നിരാശപ്പെടേണ്ടി വരില്ല.

 

ചിത്രത്തിന്റെ ടെലിഗ്രാം ലിങ്ക് t.me/mhviews1  ലഭ്യമാണ് 

1823. Persumed Innocent (English, 1990)

 1823. Persumed Innocent (English, 1990)

          Legal Thriller, Mystery

കോർട്ട് റൂം ക്രൈം ത്രില്ലറുകളിലെ ക്ലാസിക്കുകളിൽ ഒന്നായിട്ടാണ് Persumed Innocent നെ കാണുന്നത്. കോടതി മുറിയിൽ നടക്കുന്ന വാദ പ്രതിവാദങ്ങളും അതിനോട് അനുബന്ധിച്ചു നടക്കുന്ന സംഭവങ്ങളും ആണ് സിനിമയുടെ ഹൈലൈറ്റ്. എന്നാൽ ഇതിൽ മിസ്റ്ററി എന്ന് വിളിക്കാവുന്ന ഒരു ഭാഗം ഉണ്ട്. അതാണ്‌ ചിത്രത്തിലെ ഏറ്റവും വലിയ ട്വിസ്റ്റും.

  ഹാരിസൻ ഫോർഡിന്റെ റസ്റ്റി സാബിച്ച് എന്ന കഥാപാത്രം പ്രശസ്തനായ ഒരു പ്രോസിക്യൂട്ടർ ആണ്. എന്നാൽ അയാൾക്ക് അവിഹിത ബന്ധം ഉണ്ടായിരുന്ന കരോലിൻ പോത്തിമസ് എന്ന മറ്റൊരു പ്രോസിക്യൂട്ടർ മരണപ്പെടുകയാണ്. മരണം എന്ന് പറഞ്ഞാൽ, റേപ്പിലൂടെ ഉള്ള ഒരു കൊലപാതകം. കുറ്റവാളി കുറച്ചു തെളിവുകളും അവശേഷിപ്പിച്ചിട്ടുണ്ട്. 

കേസന്വേഷണം ആദ്യം നടത്തിയ റസ്റ്റി, എന്നാൽ പിന്നീട് പ്രതിയായി മാറുകയാണ്. കാരണം പ്രതിയുടേത് എന്ന് വിശ്വസിക്കുന്ന തെളിവുകൾ എല്ലാം വിരൽ ചൂണ്ടുന്നത് റസ്റ്റിയിലേക്ക് ആണ്. റസ്റ്റി യഥാർത്ഥത്തിൽ കുറ്റവാളി ആണോ? അതോ ആരെങ്കിലും അയാളെ കുറ്റവാളി ആക്കാൻ ശ്രമിക്കുകയാണോ? പ്രത്യേകിച്ച് രാഷ്ട്രീയത്തിലും സാധ്യത ഉള്ള ഒരാൾ എന്ന നിലയിൽ അതിനും സാധ്യത ഉണ്ടായേക്കാം. ആ രഹസ്യത്തിലേക്കാണ് Presumed Innocent പോകുന്നത്.

മികച്ച ഒരു മിസ്റ്ററി ത്രില്ലർ ആയിട്ടാണ് Presumed Innocent പണ്ട് കണ്ടപ്പോൾ അനുഭവപ്പെട്ടത്. ഇപ്പോൾ കാണാൻ ഉണ്ടായ കാരണം, ഈ അടുത്ത് ഇറങ്ങിയ ഇതേ കഥയുടെ സീരീസ് കാരണം ആണ്. സിനിമയിൽ ഉള്ളതിലും കുറെയേറെ വ്യത്യാസം സീരീസിൽ ഉണ്ടെന്നു പലരും പറഞ്ഞു കേട്ടിരുന്നു. അത് കൊണ്ടാണ് വീണ്ടും ഒരു കാഴ്ച്ച ഈ ചിത്രത്തിന് ഉണ്ടായത്. ഇനി സീരീസ് കാണണം.

എന്തായാലും സീരീസ് കാണാൻ പ്ലാൻ ഉണ്ടെങ്കിലും ഇല്ലെങ്കിലും കോർട്ട് റൂം ക്രൈം ത്രില്ലെർ ഫാൻസിനു ഇഷ്ടപ്പെടുന്ന ഒരു സിനിമ ആണ് Presumed Innocent.

ചിത്രത്തിന്റെ ടെലിഗ്രാം ലിങ്ക് t.me/mhviews1 ൽ ലഭ്യമാണ്.

1822. Dolores Claiborne(English, 1995)

 

1822. Dolores Claiborne(English, 1995)

        Mystery, Phsychological Thriller 

വർഷങ്ങളായി ജോലി ചെയ്യുന്ന വീട്ടിലെ വൃദ്ധയായ സ്ത്രീയെ ഡോളറസ് കൊല്ലപ്പെടുത്തി എന്ന സാക്ഷിമൊഴി അടിസ്ഥാനം ആക്കിയാണ് അവരെ ആ കൊലപാതകത്തിൽ പ്രതി ആക്കുന്നത്.കേസ് അന്വേഷണം നടത്താൻ വന്ന ഉദ്യോഗസ്ഥന് അവരെ നന്നായി അറിയാം എന്ന് മാത്രമല്ല, അവരുടെ ഭൂതക്കാലത്തിലെ ഒരു സംഭവം കാരണം ഡോളറാസ് കുറ്റവാളി എന്ന മുൻവിധിയോടെ ആണ് അയാൾ ആ കേസിനെ സമീപിക്കുന്നത്.

എന്നാൽ അന്നത്തെ ആ സംഭവങ്ങളുടെ പിന്നിൽ എന്ന് മാത്രമല്ല, ഡോളറാസ് എന്ന സ്ത്രീയുടെ ജീവിതത്തെ കുറിച്ചുള്ള നിഗൂഢമായ പല കാര്യങ്ങളും അനാവരണം ചെയ്യപ്പെടുകയാണ് Dolores Claiborne എന്ന ചിത്രത്തിലൂടെ.

 കാത്തി ബേറ്റ്സ് അവതരിപ്പിച്ച ഡോളറാസ് മികച്ചു തന്നെ നിന്നു. തന്റെ ജീവിതത്തിൽ കഷ്ടപ്പാടുകളിലൂടെ മാത്രം പോയ അവർ പല നിർണായക സമയങ്ങളിലും എടുത്ത തീരുമാനങ്ങളും അതെല്ലാം എങ്ങനെ നടപ്പിലാക്കി എന്നതും ആണ് ഈ ചിത്രത്തിലെ നിഗൂഢ വശം. എന്നാൽ വൈകാരിക തലങ്ങളിലേക്ക് പോകുമ്പോൾ ആ കഥാപാത്രം എന്ത് മാത്രം ശക്ത ആയിരുന്നു എന്നും കാണാം. 

അവരുടെ സ്വഭാവത്തിൽ ഉള്ള പരുക്കൻ വശം അവരുടെ ജീവിതത്തിൽ നിന്നും ലഭിച്ച അനുഭവങ്ങളിലൂടെ മാത്രം ഉണ്ടായതാണ്. ക്ലൈമാക്സ് ഒക്കെ കാണുമ്പോൾ ചെറുതായി കണ്ണ് നനയുകയും ചെയ്യും. അത്രയ്ക്കും ഗംഭീരം ആയിരുന്നു ഇതിലെ പല കഥാപാത്രങ്ങളും എന്ന് തന്നെ പറയാം.

 നല്ല ഒരു ചിത്രമാണ് Dolores Claiborne. കാണാൻ ശ്രമിക്കുക.

ചിത്രത്തിന്റെ ടെലിഗ്രാം ലിങ്ക് t.me/mhviews1 ൽ ലഭ്യമാണ്.

1812. Wicked Little Letters (English, 2023)

 1812. Wicked Little Letters (English, 2023)

         Mystery, Comedy

Wicked Little Letters: Witty, Sharp, Thrilling

  ലിറ്റിൽ ഹാംറ്റണിലെ എഡിത് സ്വാനിന് ഊമക്കത്തുകൾ ലഭിച്ചു തുടങ്ങി. വളരെ മോശം ഭാഷയിൽ വന്ന കത്തുകൾ അവളെ മാനസികമായി തളർത്തി. അജ്ഞാതമായി അവൾക്കു ലഭിച്ചു കൊണ്ടിരുന്ന കത്തുകളുടെ ഉടമ റോസ് ഗുഡിങ് എന്ന സ്ത്രീ ആണെന്നുള്ള നിഗമനത്തിൽ എത്തി. അതിനു കാരണം അയർലൻഡിൽ നിന്നും വന്ന, ഭർത്താവില്ലാത്ത, ജീവിതത്തിൽ അടക്കവും ഒതുക്കവും ഇല്ലാത്ത സ്ത്രീ ആണ് റോസ് എന്നുള്ള അഭിപ്രായം കാരണം ആയിരുന്നു. മാത്രമല്ല, കാതിൽ ഉപയോഗിച്ചിരുന്ന മോശം വാക്കുകൾ എഴുതാൻ അവൾക്കു മാത്രമേ കഴിയൂ എന്ന് അവർ കരുതുന്നു.പിന്നീട് എഡിത് അല്ലാതെ മറ്റ് പലർക്കും കത്തുകൾ ലഭിച്ചു തുടങ്ങുന്നു.ഒരു ഘട്ടത്തിൽ ഈ സംഭവം ദേശീയ വാർത്ത ആയി വരെ മാറുന്നു.യഥാർത്ഥത്തിൽ ആ കത്തുകൾ എഴുതിയത് ആരാണ്? അതാണ്‌ സിനിമയുടെ കഥ.

യഥാർത്ഥ സംഭവങ്ങളെ ആസ്പദമാക്കി, അൽപ്പം സ്ത്രീപക്ഷ ചിന്തയിൽ കൂടി ആണ് ചിത്രം മുന്നോട്ട് പോകുന്നത്. അന്നത്തെ യാഥാസ്തികമായ ലോകത്തിൽ നില നിന്നിരുന്ന പല പ്രശ്നങ്ങളും ചിത്രം ചർച്ച ചെയ്യുന്നുണ്ട്.സ്ത്രീ പക്ഷ സിനിമ എന്നത് കൊണ്ട് പുരുഷ വിരുദ്ധ സിനിമ ആയിട്ടല്ല Wicked Little Letters അവതരിപ്പിച്ചിരിക്കുന്നത്. 

തമാശയിലൂടെ പറഞ്ഞുബ്പോകുന്ന പലതും ഡാർക്ക്‌ ഹ്യൂമർ ആയി ചിത്രത്തിൽ മാറുന്നുണ്ട്. ഒപ്പം നിഗൂഢതകൾ ഏറെ ഉണ്ടെന്നു തോന്നിക്കുന്ന രീതിയിൽ ഒരു മിസ്റ്ററി ത്രില്ലറും ആകുന്നുണ്ട്. മികച്ച രീതിയിൽ തന്നെ സിനിമ അവതരിപ്പിച്ചുട്ടുണ്ട്.

തീർച്ചയായും കാണാൻ ശ്രമിക്കുക. നല്ലൊരു സിനിമയാണ് Wicked Little Letters.

⭐⭐⭐⭐/5

സിനിമയുടെ ലിങ്ക് t.me/mhviews1 ൽ ലഭ്യമാണ്.

1810. Oru Nodi (Tamil, 2024)

 1810. Oru Nodi (Tamil, 2024)

         Mystery, Crime

അപ്രതീക്ഷിതമായ ഒരു ക്ലൈമാക്സിനു വേണ്ടി എടുത്ത സിനിമ ആയിട്ടാണ് "ഒരു നൊടി" എന്ന സിനിമയെ കുറിച്ച് തോന്നിയത്. ഒരാളെ കാണ്മാനില്ല എന്ന ഭാര്യയുടെ പരാതി കാരണം പോലീസ് അന്വേഷണം തുടങ്ങുന്നു. അതിന്റെ പിന്നാമ്പുറ കഥകളിലേക്ക് പോകുമ്പോൾ ഒരു കൊലപാതകം കൂടി റിപ്പോർട്ട് ചെയ്യുന്നു. ഈ രണ്ടു കേസുകളുടെയും അന്വേഷണം നടക്കുന്ന സമയം സിനിമയ്ക്ക് നന്നായി ലാഗ് അനുഭവപ്പെടുന്നതായി തോന്നി.

 തമൻ കുമാറിന്റെ പോലീസ് വേഷം ആണെങ്കിൽ നല്ല മസിൽ പിടുത്തവും. ഇടയ്ക്ക് ഈ സിനിമ എങ്ങോട്ടേക്ക് ആണ് പോകുന്നത് എന്ന് തോന്നിപ്പിക്കുന്ന രീതിയിൽ കഥാപാത്രങ്ങൾ പലരും വരുന്നുമുണ്ട്. അങ്ങനെ താൽപ്പര്യം കുറഞ്ഞു ഇരിക്കുമ്പോൾ ആണ് പെട്ടെന്ന് ആ ക്ലൈമാക്സ് വരുന്നത്. സത്യത്തിൽ അത്രയും നേരം ബോർ അടിച്ചിരുന്നു കണ്ട സിനിമയിൽ ഇങ്ങനെ ഒരു ക്ലൈമാക്സ് പ്രതീക്ഷിക്കാത്തത് ആയിരുന്നു.

 കുറച്ചു കൂടി നല്ല മേക്കിങ്ങും എഴുത്തും ആയിരുന്നെങ്കിൽ ക്ലൈമാക്സിനോട് നീതി പുലർത്താമായിരുന്നു എന്ന് തോന്നി.ഒപ്പം സിനിമ കൂടുതൽ മെച്ചപ്പെടുത്താമായിരുന്നു എന്നും.

എന്തായാലും The climax saved the day for "Oru Nodi".

⭐⭐⭐/5

 

1796. Abigail (English, 2024)

 1796. Abigail (English, 2024)

         Horror, Comedy

⭐⭐⭐½ /5

 ഒരു കൊച്ചു പെൺകുട്ടിയെ കിഡ്നാപ്പ് ചെയ്തു അവളുടെ അച്ഛന്റെ കയ്യിൽ നിന്നും പണം തട്ടാൻ ആണ് ആ സംഘത്തിന്റെ പ്ലാൻ. വൻ സുരക്ഷ ഉള്ള അവളുടെ വീട്ടിൽ നിന്നും നൈസ് ആയി അവർ അവളെ തട്ടിക്കൊണ്ടു പോയി, അവരുടെ സാങ്കേതത്തിൽ എത്തിച്ചു. ഒരു രാത്രി അവളെ പിടിച്ചു വച്ചതിനു ശേഷം വില പേശാൻ ആണ് അവരുടെ പദ്ധതി. ഒരു രാത്രി അല്ലെ? അതും ഒരു കൊച്ചു പെൺകുട്ടി.എന്ത് സംഭവിക്കാൻ ആണ്? രണ്ടെണ്ണം അടിച്ചു കിടന്നുറങ്ങാം എന്ന് ചിന്തിച്ചിരുന്നവരും അവരുടെ കൂട്ടത്തിൽ ഉണ്ടായിരുന്നു.എന്നാൽ അവിടെ ആ രാത്രിയിൽ നടന്നത് അവർ ചിന്തിച്ചത് ഒന്നും അല്ലായിരുന്നു.അവരുടെ ഏറ്റവും ഭയാനകമായ ദു:സ്വപ്നങ്ങളിൽ പോലും ഇല്ലാത്തത് ആണ് ഉണ്ടായതു.അന്നവിടെ എന്താണ് സംഭവിച്ചത് എന്നതാണ് സിനിമയുടെ ബാക്കിയുള്ള കഥ.

എനിക്ക് ഏറ്റവും കൂടുതൽ ഈ സിനിമയിൽ ഇഷ്ടം ആയതു കുറച്ചു ക്ളീഷെകൾ പൊളിച്ചു അടക്കുന്ന സീനുകൾ ആണ്. ചിലപ്പോഴൊക്കെ ഹൊറർ സിനിമകളുടെ പാരഡി പോലെ തോന്നിച്ചെങ്കിലും നല്ലത് പോലെ ചോര ഒഴുകുന്നുണ്ട് ചിത്രത്തിൽ. ഒരു Scream വൈബ് ഒക്കെ അടിച്ചിരുന്നു. സ്വാഭാവികം!!ഹൊറർ സിനിമ അല്ലെ? കഥ പലപ്പോഴും കണ്ടിട്ടുള്ളതാകും. ഇതേ പോലെ ഉള്ള കഥാ പരിസരം. അവിടെ നിന്നും കഥാപാത്രങ്ങൾക്ക് സംഭവിക്കുന്ന മാറ്റങ്ങൾ ഒക്കെ നന്നായിരുന്നു.

ഇത്തരം ഒരു സിനിമയിൽ  പ്രതീക്ഷിച്ച ക്ലൈമാക്സ് ഭീകരം ആയിരുന്നിരിക്കണം. പ്രത്യേകിച്ചും അത്തരം ഒരു ഫ്ലോയിൽ പോയ സിനിമയുടെ ക്ലൈമാക്സ് മികച്ചത് എന്നതിൽ കൂടുതൽ ഒന്നും പ്രതീക്ഷിക്കില്ല. എന്നാൽ സിനിമയുടെ മൊത്തം മൂഡിനും വ്യത്യസ്തമായ ഒരു ക്ലൈമാക്സ് ആണ് ഇതിൽ കാണാൻ സാധിക്കുക. 

സ്‌ക്രീനിൽ തെളിയുന്ന സിനിമയിൽ, സിനിമ നിർമിച്ചവർ എന്താണോ എടുത്തു വച്ചിരിക്കുന്നത്, അങ്ങനെ മാത്രം നോക്കി വിലയിരുത്തിയാൽ പോലും സിനിമയുടെ മൊത്തം ഫ്ലോ പോയെന്നു പറയുന്നത് ഒരു ഭാഗത്തു നിന്നും ശരിയാണ് താനും. സിനിമ ആ ഭാഗം നന്നാക്കാമായിരുന്നു എങ്കിൽ ഇതിലും ഇഷ്ടപ്പെട്ടേനെ. എന്നാലും തീരെ മോശം ആണ് ക്ലൈമാക്സ് എന്ന് അഭിപ്രായം ഇല്ല.എന്തായാലും Sequel/ Prequel തുടങ്ങി ധാരാളം സാധ്യതകൾ ഉള്ള ഒരു കഥയാണ് Abigail ന് ഉള്ളത്. ശരാശരിയിലും മുകളിൽ നിൽക്കുന്ന സിനിമാനുഭവം.താൽപ്പര്യം ഉണ്ടെങ്കിൽ കാണു.

ഡൗൺലോഡ് ലിങ്ക് : t.me/mhviews1

1795. Omen III: The Final Conflict (English, 1981)

 1795. Omen III: The Final Conflict (English, 1981)

         Horror, Mystery

⭐⭐⭐/5

 ഡാമിയൻ തോൺ പൂർണമായും ആന്റി ക്രൈസ്റ്റ് ആയി രൂപാന്തരം പ്രാപിക്കുന്നതാണ് ഈ ഭാഗത്തിൽ. തോൺ കോർപ്പറേഷന്റെ ഇപ്പോഴത്തെ ഉടമ എന്ന നിലയിൽ തന്നെ അമേരിക്കയിലെ അധികാരത്തിന്റെ ഏറ്റവും ഉയർന്ന ഇടങ്ങളിൽ ഡാമിയൻ സ്വാധീനം ചെലുത്തുന്നു. ഡാമിയനെ എടുത്തു വളർത്തിയ റോബർട്ട് തോണിനെ പോലെ തന്നെ ആയാളും ബ്രിട്ടനിലെ അമേരിക്കൻ അംബാസഡർ ആയി നിയമിക്കപ്പെടുന്നു.

  ഇവിടെ നിന്ന് കൊണ്ട് തന്റെ ലോകം കീഴടക്കാൻ ഉള്ള ശ്രമങ്ങൾ നടക്കവേ ആണ് ഡാമിയനെ വധിക്കാൻ ആയി ഒരു പ്രതിയോഗി ജന്മം എടുക്കുന്നു എന്ന കാര്യം അയാൾ അറിഞ്ഞത്. അതിനൊപ്പം ഡാമിയനെ കൊല്ലാനായി വൈദികരുടെ ഒരു കൂട്ടവും തയ്യാറെടുക്കുന്നു. ഹെറോദ് രാജാവ്,കംസൻ എന്നിവരെ പോലെ ഡാമിയനും ഒരു പ്രത്യേക ദിവസം ജനിച്ച ആൺകുട്ടികളെ എല്ലാം കൊന്നെടുക്കാൻ ശ്രമിക്കുന്നു. അയാളുടെ ശ്രമങ്ങൾ നടക്കുമോ? അവസാന വിജയം ആർക്കാണ് എന്നിവയാണ് The Omen ന്റെ മൂന്നാം ഭാഗം അവതരിപ്പിക്കുന്നത്.

 ഈ ഭാഗം കുറേകൂടി നന്നാക്കാമായിരുന്നു എന്ന് തോന്നി. പ്രത്യേകിച്ചും ഡാമിയന്റെ എതിരെ നിൽക്കുന്നവർ ഒന്നും അയാളുടെ മുന്നിൽ ഒന്നും ആയിരുന്നില്ല എന്നുള്ള തോന്നൽ നന്നായി ഉണ്ടാക്കുന്നുണ്ട്. സാം നെയ്ലിന്റെ ഡാമിയൻ എന്ന കഥാപാത്രത്തിന്റെ പൈശാചികമായ ചെയ്തികൾക്ക് എതിരെ നിൽക്കുവാൻ ശക്തി അവർക്കുള്ളതായി തോന്നിയില്ല. ദുർബലരായ എതിരാളികൾ ആയിരുന്നു ഭൂരിഭാഗവും.അത് പോലെ ക്ലൈമാക്സ്‌ വ്യക്തത കുറേകൂടി ഉണ്ടായിരുന്നേൽ നന്നായേനെ. 

എന്തായാലും ബൈബിളിനെ ആസ്പദം ആക്കി അവതരിപ്പിച്ച സൂപ്പർ നാച്ചുറൽ, ഹൊറർ franchise ആയ The Omen സിനിമ സീരീസിലെ തിയറ്ററിൽ ഇറങ്ങിയ അവസാന ചിത്രം ആയിരുന്നു Omen III: The Final Conflict. സിനിമയുടെ കഥ യഥാർത്ഥത്തിൽ ഇവിടെ തീരേണ്ടത് ആണ്. അങ്ങനെ നോക്കുമ്പോൾ നല്ല ഒരു അവസാനം ആണ് ചിത്രത്തിന് ഉള്ളത്. പക്ഷെ ടി വി മൂവി ആയി നാലാം ഭാഗം കൂടി ഇറങ്ങി പിന്നീട്. അതിനു ശേഷം വന്ന ആദ്യ ഭാഗ റീമേക്കിന് ശേഷം ഈ വർഷം ഇറങ്ങിയ prequel കൂടിയും. നാലാം ഭാഗം കൂടി ഇനി കാണണം.

സിനിമയുടെ ലിങ്ക് h

t.me/mhviews1 ൽ ലഭ്യമാണ്.

1784. Kung Fu Panda 4 (English, 2024)

 

1784. Kung Fu Panda 4 (English, 2024)

          Animation, Comedy, Action.

⭐⭐⭐½ /5

കഥാപരമായി Kung Fu Panda franchise ലെ അത്ര സുഖിക്കാത്ത  സിനിമ ആണ് ഈ ഭാഗം എന്നു പറയാം. പക്ഷേ കഥാപരമായി തന്നെ അതിന് അതിനൊരു കാരണവും കണ്ടെത്താൻ കഴിയും . ഡ്രാഗൺ വാരിയറിൽ നിന്നും Valley of Peace ലെ ആത്മീയ ഗുരു ആയി പോ മാറേണ്ട സമയമായി എന്നു മാസ്റ്റർ ഷിഫു പറയുന്നു. ഊഗ്വേയുടെ വടി കയ്യിലിരിക്കുന്ന പോ അത് കൊണ്ട് തന്നെ തന്റെ പിന്തുടർച്ചക്കാരനെ കണ്ടെത്തണം എന്നും പറയുന്നു. ഈ സമയം പുതിയ ഒരു ദുഷ്ട കഥാപാത്രം വരുന്നതും അതിനു ശേഷം ഉള്ള സാഹസികതയും ആണ് സിനിമയുടെ കഥ. 

പ്രവചിക്കാവുന്ന ഒരു കഥയാണ് ഈ ഭാഗത്തിന് ഉള്ളതെങ്കിലും ഒരു franchise- shift ഇതിൽ കാണാം. അത് കൊണ്ടാകാം ഈ ഭാഗത്തിലെ കഥയ്ക്ക് ഇങ്ങനെ ഒരു മുഖം കൊടുത്തത്. ചിലപ്പോഴെങ്കിലും പോയെക്കാളും ഷെന്നിനു പ്രാധാന്യം കൊടുത്തതും. കഥാപരമായി ഒരു സുഖക്കുറവ് തോന്നിയെങ്കിലും ഈ ഭാഗത്ത് ഇഷ്ടം ഉണ്ടാക്കിയ കുറച്ചു കാര്യങ്ങൾ ഉണ്ട്. അത് ക്ലൈമാക്സ് ആണ്. 

കിടിലനായി തോന്നി. പ്രത്യേകിച്ചും പോ മുഖ്യ കഥാപാത്രം ആയി വരാൻ സാധ്യത ഉള്ള അവസാന ഭാഗം ആയത് കൊണ്ട് വന്ന വില്ലന്മാരും , അതിനു ശേഷം Hit Me Baby One More Time - Male Version ൽ ഉള്ള കാമിയോയും. ഇതെല്ലാം കൂടി സിനിമയുടെ ഗ്രാഫ്  അവസാന സമയം ഉയർത്തി എന്നു നിസ്സംശയം പറയാം.

കൂടെ ഇരുന്നു സിനിമ കണ്ട മക്കൾക്കും ഇഷ്ടമായി. അത്തരം ഒരു വൈബ് സിനിമ കാണുമ്പോൾ മുഴുവനായും ഉണ്ടായിരുന്നു.മൊത്തത്തിൽ നോക്കുക ആണെങ്കിൽ, പ്രത്യേകിച്ചും Kung Fu panda Franchise ഫാൻ ആണെങ്കിൽ മൊത്തത്തിൽ തരക്കേടില്ലാത്ത അനുഭവം ആയിരുന്നു. ഒപ്പം ക്ലൈമാക്സ്‌ തന്ന excitement കൂടി ആകുമ്പോൾ satisfied!!

1783. Ford VS Ferrari (English, 2019)

 

1783. Ford VS Ferrari (English, 2019)

           Biography, Sports

⭐⭐⭐⭐⭐/5

  സ്വന്തം കഴിവിലും, പണത്തിലും അതിനൊപ്പം പാരമ്പര്യത്തിലും  അഭിമാനം കൊള്ളുന്ന പല വ്യക്തികളുടെയും ഈഗോ ആണ് യഥാർത്തത്തിൽ Ford vs Ferrari യുടെ വൈകാരികമായ കഥയ്ക്കുള്ള കാതൽ. ഫെരാറിയുടെ മേൽക്കോയ്മ അവസാനിപ്പിക്കാൻ ഫോർഡ് കമ്പനിയുടെ ഉടമയായ ഹെൻറി ഫോർഡ് II ഒരിക്കൽ തീരുമാനിക്കുന്നു. അതിലേക്ക് നയിച്ച ധാരാളം കാര്യങ്ങൾ ഉണ്ടായിരുന്നു. ഒരു പാർടനർഷിപ് പ്രതീക്ഷിച്ചു പ്രവർത്തിച്ച അയാളെ കാത്തിരുന്നത് ഫെരാറിയുടെ സ്ഥാപകനായ എൻസൊ ഫെരാറിയുടെ പുച്ഛം കലർന്ന സംസാരമായിരുന്നു. 

  സ്വന്തമായി Le Mans ൽ ഫോർഡിന്റെ  കാർ ഇറക്കി ഫെരാറിയെ തോൽപ്പിക്കാൻ തീരുമാനിച്ച ഹെൻറി അതിനായി കൂടെ കൂട്ടിയത് Le Mans കീഴടക്കിയ ഏക അമേരിക്കൻ ആയ ഷെൽബിയുടെ സഹായം തേടുക ആയിരുന്നു. ഷെൽബി കാറുകളെ കുറിച്ച് നന്നായി അറിയാവുന്ന, മികച്ച കാർ റേസർ ആയ കെൻ മൈൽസിനെ കൂടെ കൂട്ടാൻ ശ്രമിക്കുന്നു. 

എന്നാൽ നേരത്തെ പറഞ്ഞത് പോലുള്ള ഈഗോകൾ ഈ കഥാപാത്രങ്ങളുടെ എല്ലാം ഉള്ളിൽ ഉണ്ടാകുന്നുണ്ട്. അതുണ്ടാക്കുന്ന conflict ആണ് Ford vs Ferrari എന്ന സിനിമയെ വൈകാരികമായി പ്രേക്ഷകനെ കണക്റ്റ് ചെയ്യിക്കുന്നത്. ഈ സിനിമയുടെ പിന്നീടുള്ള സഞ്ചാരത്തിൽ ഇതെല്ലാം സ്പഷ്ടമായി കാണാം. പ്രത്യേകിച്ചും അവസാന റേസ് ഒക്കെ. ഒരു ക്ലീഷേ ക്ലൈമാക്സ് പ്രതീക്ഷിച്ചിരിക്കുന്നതിൽ നിന്നും വ്യത്യസ്തമായി അവസാനം കഥാപാത്രങ്ങൾ തമ്മിൽ ഉള്ള നോട്ടത്തിൽ എല്ലാം ഉണ്ടെന്ന് മനസ്സിലാക്കാവുന്ന ഒന്ന്.  ആ സീനോക്കെ കാണുമ്പോൾ കിട്ടുന്ന ഒരു satisfaction - matchless ആണ്. അത് കണ്ടു തന്നെ അറിയണം. 

  ഒന്നും പറയാൻ ഇല്ല. അത് പോലെ മികച്ച ഒരു ചിത്രമാണ് എനിക്കു Ford vs Ferrari. കാണാത്തവർ കുറവാണ് എന്നറിയാം. എന്നാലും കണ്ടില്ലെങ്കിൽ കണ്ടു നോക്കൂ. എന്നേ സംബന്ധിച്ച് A Perfectly Satisfied Movie എന്ന് തന്നെ പറയാം.

ലിങ്ക് t.me/mhviews1 ൽ ലഭ്യമാണ്

1772. The Ghostwriter (English, 2010)

1772. The Ghostwriter (English, 2010)

          Thriller, Mystery

⭐⭐⭐⭐/5

   ചിലപ്പോഴൊക്കെ കാണണം എന്ന് കരുതി വച്ചിട്ട് എന്തൊക്കെയോ കാരണങ്ങൾ കാരണം കാണാൻ മറന്ന കിടിലം സിനിമകൾ എല്ലാവർക്കും ഉണ്ടാകുമല്ലോ? അങ്ങനെ ഉള്ള കുറേ സിനിമകളിൽ ഒന്നാണ് എനിക്ക് The Ghostwriter. മുൻ ബ്രിട്ടീഷ് പ്രധാനമന്ത്രിയായ ആദം ലാങ്ങിന്റെ ഓർമക്കുറിപ്പുകൾ അദ്ദേഹം ആണ് എഴുതിയത് എന്ന രീതിയിൽ എഴുതാൻ വന്ന ആളാണ്‌ പേരില്ലാത്ത ഒരു പ്രേത എഴുത്തുകാരൻ. എന്നാൽ ആദമിന്റെ കഥയും ആയി മുന്നോട്ട് പോകുമ്പോൾ ആണ് അയാളുടെ കുടുംബ ജീവിതത്തിലും രാഷ്ട്രീയത്തിലും സൗഹൃദത്തിലും എല്ലാം ഉള്ള പ്രശ്നങ്ങൾ എഴുത്തുകാരൻ മനസിലാക്കുന്നത്.

ഇതിന്റെ ഇടയിൽ ആദമിന്റെ പേരിൽ ഭരിച്ചിരുന്ന മാളത്തിൽ ഉണ്ടായ ഒരു സംഭവത്തെ കുറിച്ച് കുറ്റാരോപണം കൂടി വരുന്നു. ഇവിടെ നിന്ന് കഥയുടെ ഗതി തന്നെ മാറുകയാണ്. അധികം ആരും പ്രതീക്ഷിക്കാത്ത രീതിയിൽ ഒരു ട്വിസ്റ്റ് ഉണ്ടാകുന്നു. പക്ഷെ ഇവിടെ പ്രേക്ഷകന്റെ കണ്മുന്നിൽ തന്നെ കഥയുടെ ഗതി മാറുകയാണ്. അത് ക്ലൈമാക്സ്‌ ആകുമ്പോൾ കഥയുടെ ഒരു പോക്കുണ്ട്. മികച്ചത് എന്ന് തന്നെ പറയണം. റോമൻ പൊളൻസ്കി മാജിക് എന്ന് തന്നെ പറയാം. സിനിമ കണ്ടു തന്നെ നോക്കേണ്ടതാണ് ഇതറിയാൻ.

 ബെറ്റർ ലേറ്റ് താൻ നെവർ എന്നാണല്ലോ പറയുന്നത്? വൈകി ആണെങ്കിലും The Ghostwriter കാണാൻ സാധിച്ചു. ഒരു മിസ്റ്ററി ത്രില്ലർ എന്ന നിലയിൽ മനസ്സും നിറച്ചു. ഒരു പൊളിറ്റിക്കൽ ത്രില്ലർ ആയിരിക്കും കാണാൻ പോകുന്നത് എന്ന് കരുതിയിരുന്നിടത്തു അതിന്റെ അവസരം മാക്സിമം മുതലെടുത്തു അവസാനം മികച്ച, ഒരു പക്ഷെ പ്രതീക്ഷിക്കാത്ത ഒരു അവസാനവും.

 സിനിമ ഭൂരിഭാഗം ആളുകളും കണ്ടിരിക്കും. കാണാത്തവർക്ക് t.me/mhviews1 ൽ ലിങ്ക് ലഭ്യമാണ്.

1770. Leave the World Behind (English, 2023)

1770. Leave the World Behind (English, 2023)

         Horror, Drama

         Streaming on Netflix

⭐⭐⭐½ /5

  സ്ഥിരം ഇംഗ്ലീഷ് സിനിമകളിൽ ഉള്ളത് പോലെ തന്നെയാണ് Leave the World Behind ന്റെയും തുടക്കം. ഒഴിവുക്കാലം ആഘോഷിക്കാനായി പോകുന്ന കുടുംബം തന്നെ. അവർ ഒരു വലിയ വീട്ടിൽ വാടകയ്ക്ക് താമസിക്കുന്നു. പിന്നീട് ബീച്ചിൽ അവർ പോയപ്പോൾ ഒരു വലിയ ഓയിൽ ടാങ്കർ കപ്പൽ കരയിലേക്ക് വന്നു നിൽക്കുന്നത് കാണുന്നു. പിന്നെയും ചില വിചിത്രമായ കാഴ്ചകൾ കാണുന്നു അവർ. അന്ന് രാത്രി അവർ വാടകയ്ക്ക് താമസിക്കാൻ എടുത്ത വീടിന്റെ ഉടമയും അയാളുടെ മകളും അവിടെ എത്തുന്നു. പലയിടത്തും ബ്ളാക് ഔട്ട്‌ റിപ്പോർട്ട് ചെയ്തിട്ടുണ്ടെന്നു അവർ പറയുന്നു. പിന്നീട് ആണ് ടി വിയും ഇന്റർനെറ്റും ഫോണും ജി പി എസും ഒന്നും പ്രവർത്തിക്കുന്നില്ല എന്ന സത്യം എല്ലാവരും മനസിലാകുന്നത്.

 വിചിത്രമായ ഒരു കഥ. അല്ലെ? അതെ. ഇത്തരത്തിൽ വിചിത്രമായ പല സംഭവങ്ങളും അവർ അനുഭവിക്കുകയാണ്. പ്രത്യേകിച്ച് അവരുടെ അറിവിൽ കാരണങ്ങൾ ഒന്നും ഇല്ലാത്ത സംഭവങ്ങൾ. ഇവിടെ സിനിമ ഒരു  സൈക്കോളജിക്കൽ ഹൊറർ ആയി മാറുകയാണ്. ചില അവസരങ്ങളിൽ കഥാപാത്രങ്ങൾ പല സ്ഥലങ്ങളിൽ ആണെങ്കിലും ഒരേ സമയം അവരെല്ലാം പ്രക്ഷുബ്ധമായ അവസ്ഥകളിലേക്ക് എത്തി ചേരുന്നത് കാണാം. ഇവിടെ എല്ലാം പ്രേക്ഷകനും ഒരു തരത്തിൽ clueless ആണ് കഥാപാത്രങ്ങൾക്ക് ഒപ്പം .

ഇവിടെ ഉണ്ടാക്കപ്പെടുന്ന നിഗൂഢതയുടെയും ഹോററിന്റെയും ഒരു ഫ്ലേവർ ഉണ്ട്. അതാണ്‌ എനിക്ക് നന്നായി ഇഷ്ടപ്പെട്ടത് അതിനൊപ്പം കഥാപാത്രങ്ങൾ തമ്മിൽ ഉള്ള സംഘർഷങ്ങൾ കൂടി ആകുമ്പോൾ സിനിമയുടെ മൊത്തത്തിൽ ഉള്ള പിരി മുറുക്കം കൂടുകയും ചെയ്യുന്നു. ഒരു പക്ഷെ സിനിമയുടെ ക്ലൈമാക്സിൽ പോലും അത് കാണാനും സാധിക്കും.അതും നല്ല രീതിയിൽ ഇഷ്ടപ്പെട്ടൂ. സാധാരണ ഇത്തരം ചിത്രങ്ങളിൽ നിന്നും വ്യത്യസ്തമായ ഒരു ഭയാനകത ഇവിടെ സൃഷ്ടിക്കാൻ കഴിച്ചിട്ടുണ്ട്.

 സിനിമ കാണണം എന്നേ ഞാൻ പറയൂ. കണ്ടു നോക്കുക. സിനിമയുടെ ലിങ്ക് t.me/mhviews1 ലഭ്യമാണ്.

1769. The Abandoned (Mandarin, 2022)

1769. The Abandoned (Mandarin, 2022)

          Streaming on Netflix

⭐⭐⭐½ /5

ഒരു പുഴയിൽ നിന്നും ആണ് ഒരു സ്ത്രീയുടെ മൃതദേഹം കിട്ടുന്നത്. അത് ആദ്യം കാണുന്നത് ഡിറ്റക്റ്റീവ് വുങ് ചീയും. അവൾ അവിടെ അന്ന് എത്താൻ ആയി ഒരു കാരണം ഉണ്ടായിരുന്നു. ജീവിതത്തിൽ സംഭവിച്ച ചില സംഭവങ്ങൾ കാരണം ആത്മഹത്യ ചെയ്യാൻ ആയിരുന്നു അവൾ അന്നവിടെ എത്തിയത്. എന്നാൽ മരണത്തെ പുൽകുന്നതിനു മുന്നേ ഉള്ള ഒരു സമയത്തിൽ അവൾ ഈ മൃതദേഹം കണ്ടെത്തുന്നു. ഒരു വിരൽ നഷ്ടപ്പെട്ട, കൈ രേഖകൾ മായ്ച്ചു കളഞ്ഞു, ശരീരത്തിലെ രക്തം ഒഴുക്കി കളഞ്ഞതിനു ശേഷം ഹൃദയം എടുത്തു മാറ്റപ്പെട്ട നിലയിൽ കണ്ട മൃതദേഹം. ഇവിടെ തീർച്ചയായും സംശയങ്ങൾ ഉണ്ടാകുമല്ലോ?

 ഇതിനു ശേഷം നടന്ന അന്വേഷണത്തിൽ കേസ് മറ്റൊരു തലത്തിലേക്കു ആണ് പോയത്. അതിനു ശേഷം ചില കൊലപാതകങ്ങൾ കൂടി നടക്കുമ്പോൾ ഒരു സീരിയൽ കില്ലറിന്റെ പങ്കും സംശയിച്ചു തുടങ്ങുന്നു. കൊല്ലപ്പെട്ടവർ തമ്മിൽ എന്താണ് ബന്ധം? എന്താണ് ഈ കൊലപാതകങ്ങൾക്ക് പിന്നിൽ ഉള്ള കാരണം?ആരാണ് കൊലപാതകി?ഇതിനുള്ള ഉത്തരങ്ങൾ ആണ് The Abandoned എന്ന തയ്‌വാൻ ചിത്രം അവതരിപ്പിക്കുന്നത്.

 ഓൾഡ് സ്കൂൾ കുറ്റാന്വേഷണ ചിത്രമാണ് The Abandoned. സ്വകാര്യ പ്രശ്നങ്ങളാൽ വിഷമത അനുഭവിക്കുന്ന നായിക തുടങ്ങി പലതും ഇതിലുണ്ട്. എന്നാലും ഒരു തയ്‌വാൻ ചിത്രം എന്ന നീലയിൽ ക്ലാസിക് കൊറിയൻ മിസ്റ്ററി ത്രില്ലർ രീതിയിൽ ഉള്ള ഒരു മെയ്ക്കിങ് ആണ് സിനിമയിൽ ഉപയോഗിച്ചിരിക്കുന്നത്.അതിന്റേതായ മികവ് മൊത്തത്തിൽ ഉള്ള മെയ്‌ക്കിങ്ങിൽ കാണുന്നുണ്ട്.അതിനൊപ്പം തയ്‌വാൻ പോലുള്ള രാജ്യങ്ങൾ നേരിടുന്ന സാമൂഹികപരമായ ഒരു പ്രശ്നം കൂടി ഇതിൽ ചർച്ച ചെയ്യുന്നുണ്ട്.

തരക്കേടില്ലാത്ത ചിത്രം തന്നെയാണ് The Abandoned. താൽപ്പര്യം ഉണ്ടെങ്കിൽ കണ്ടു നോക്കുക. ലിങ്ക് t.me/mhviews1 ൽ ലഭ്യമാണ്.

1768. Black Box (French, 2021)

1768. Black Box (French, 2021)

⭐⭐⭐⭐/5

  300 ആളുകളുടെ മരണത്തിനു ഇടയാക്കിയ ഫ്‌ളൈറ്റ് അപകടം നടന്നതിനു ശേഷം അതിന്റെ ബ്ലാക്‌ബോക്സ് വിശകലനം നടത്തിയ മാത്യു എന്ന ബ്ലാക്‌ബോക്സ് അനലിസ്റ്റ് അസാധാരണമായ ഒരു വാക്ക് അപകടത്തിനു മുന്നേ നടന്ന ശബ്ദങ്ങളിൽ നിന്നും കേട്ടൂ. ഒരു പക്ഷെ വിസ്‌ഫോടനകരമായ  സ്ഥിതി വിശേഷം ഉണ്ടാക്കാവുന്ന, എന്തിനു ഒരു യുദ്ധം തന്നെ തുറന്നിടാൻ സാധ്യത ഉള്ള കാര്യം ആയിരുന്നു അത്.എന്നാൽ പിന്നീട് താൻ കേട്ടതിൽ എന്തോ നിഗൂഢത ഉണ്ട് എന്ന് തോന്നിയ മാത്യു അതിന്റെ പിന്നിൽ ഉള്ള യാഥാർഥ്യം കണ്ടെത്താൻ ശ്രമിക്കുന്നു. അതിനെ തുടർന്നുണ്ടാകുന്ന സംഭവങ്ങൾ ആണ് മികച്ച രീതിയിൽ അവതരിപ്പിച്ച ഈ ഫ്രഞ്ച് ത്രില്ലറിൽ ഉള്ളത്.

ഒരു പക്ഷെ പല സിനിമകളിലും കണ്ടിട്ടുള്ള ഒരു അടിസ്ഥാന പ്രമേയം തന്നെ ആണ് ഈ ചിത്രത്തിൽ ഉള്ളതും. എന്നാൽ കള്ളം ഓരോ ഇതൾ ആയി മാറ്റപ്പെടുമ്പോൾ എത്തി ചേർന്ന യാഥാർഥ്യം അവതരിപ്പിച്ചിരിക്കുന്നത് വിശ്വസനീയം ആയ രീതിയിൽ ആണ്. ഒരു വിസിൽ ബ്ലോവർ ആയി മാത്യു മാറാം എന്ന അവസരത്തിൽ സിനിമ ഭയാനകമായ ഒരു വഴിതിരിവ് എടുക്കുന്നുണ്ട്.

മികച്ച ഒരു ഫ്രഞ്ച് ചിത്രം  തന്നെയാണ് Blackbox. കഴിയുമെങ്കിൽ കാണുക.

സിനിമയുടെ ലിങ്ക് ആവശ്യം ഉള്ളവർ t.me/mhviews1 ലേക്ക് പോവുക.

1760. 800 (Tamil, 2023)

1760. 800 (Tamil, 2023)

         Streaming on Amazon Prime.

⭐⭐⭐/5

 മുരളീധരന്റെ എണ്ണൂറാം ടെസ്റ്റ് വിക്കറ്റ് എടുത്ത അദ്ദേഹത്തിന്റെ അവസാന ടെസ്റ്റിന്റെ സമയം മുകുന്ദൻ സദാശിവം എന്ന സ്പോർട്സ് റിപ്പോർട്ടർ മറ്റൊരു റിപ്പോർട്ടറും ആയി നടത്തുന്ന സംഭാഷണത്തിലൂടെ ആണ് ചിത്രം പുരോഗമിക്കുന്നത്. മുത്തയ്യ മുരളീധരന്റെ ക്രിക്കറ്റ് ജീവിതം പൂർണമായും ഫോളോ ചെയ്തിരുന്ന മുകുന്ദൻ മുരളിയുടെ ജീവിതം ശ്രീലങ്കൻ ആഭ്യന്തര യുദ്ധത്തിലൂടെയും മറ്റും കടന്നു പോകുന്നതും പിന്നീട് ബൗളിംഗ് ആക്ഷൻ കാരണം ഉണ്ടായ വിവാദങ്ങളും അത് പോലെ രാഷ്ട്രീയ സംഭവങ്ങളിൽ അദ്ദേഹം എടുത്ത നിലപാടുകളും എല്ലാം സിനിമയിൽ അവതരിപ്പിക്കുന്നുണ്ട്.

  സിനിമ മൊത്തത്തിൽ കൊള്ളാമായിരുന്നു. ഇടയ്ക്ക് ചില നല്ല മൊമെൻറ്സ് എല്ലാം ചിത്രത്തിൽ ഉണ്ടായിരുന്നു. എന്നാൽ ഇത്രയേറെ വിക്കറ്റുകൾ എടുത്ത ആളുടെ ജീവിതത്തിൽ പ്രതീക്ഷിക്കാവുന്ന അത്ര വൗ മൊമെൻറ്സ് ഒന്നും ചിത്രത്തിൽ ഇല്ലായിരുന്നു എന്നത് നിരാശജനകം ആയിരുന്നു. പകരം ജീവിതത്തിൽ പലപ്പോഴും ഏതു ഭാഗത്തു നിൽക്കും എന്ന് സംശയിച്ചു നിൽക്കുന്ന ഒരു മുരളിയെ ആണ് കാണാൻ കഴിഞ്ഞത്. ഒരു സ്പോർട്ട്സ് ബയോപിക്കിൽ നിന്നും ലഭിക്കുന്ന പോസിറ്റീവ് ആയ ഫീലും മിസ്സായതായി തോന്നി.

ഏറ്റവും ഇഷ്ടപ്പെട്ടത് സിനിമയിലെ രണതുംഗ ആണ്.ശ്രീലങ്കയുടെ ഏറ്റവും മഹാനായ ക്യാപ്റ്റൻ മുരളിയുടെ ജീവിതത്തിൽ ഉണ്ടാക്കിയ സ്വാധീനം നന്നായി അവതരിപ്പിച്ചിട്ടുണ്ട്. ഓസ്‌ട്രേലിയൻ അമ്പയറുമാരും ആയി നടന്ന വിവാദങ്ങൾ നടന്ന സംഭവങ്ങൾ ഒക്കെ നന്നായിട്ടുണ്ടായിരുന്നു.

 സിനിമയുടെ അണിയറ പ്രവർത്തകർക്ക് ശ്രീലങ്കയിലെ ആഭ്യന്തര യുദ്ധത്തിൽ എന്ത് നിലപാട് എടുക്കണം എന്നതിൽ സംശയം ഉള്ളതായി തോന്നി. മുരളിയുടെ നിലപാടുകൾ ഒരു പക്ഷെ തമിഴൻ എന്ന നിലയിൽ പ്രതീക്ഷിക്കാവുന്നതും അല്ലായിരുന്നല്ലോ?

എന്തായാലും തരക്കേടില്ലാത്ത ഒരു സ്പോർട്ട്സ് ബയോപിക് ആണ് മൊത്തത്തിൽ 800. ഒരു പക്ഷെ ശ്രീലങ്കയിൽ നിന്ന് തന്നെ ഇത് സിനിമ ആയിരുന്നെങ്കിൽ ഒരു പക്ഷെ അവരുടെ വിജയങ്ങൾ കൂടുതൽ ആവേശം ഉണർത്തുന്ന രീതിയിൽ ചിത്രത്തിൽ വന്നേനെ.

1749. Back In Crime (French, 2013) Mystery /Fantasy/Crime

1749. Back In Crime (French, 2013)

         Mystery /Fantasy/Crime

 ⭐⭐⭐½ /5

 ഹെലൻ രാവിലെ ഓടാൻ ഇറങ്ങിയപ്പോൾ ആണ് പാലത്തിന്റെ അടുത്തായി ഒരു മൃതദേഹം കണ്ടത്. അവർ ഉടനെ പോലീസിനെ വിവരം അറിയിക്കുന്നു. ഇരുപതു വർഷങ്ങളായി തന്റെ ഇരകളെ കൊലപ്പെടുത്തുന്ന ഇയർഡ്രം സ്ലാഷർ എന്നറിയപ്പെടുന്ന കൊലപാതകിയുടെ പുതിയ ഇര ആണ് അത് എന്ന് അന്വേഷണ ഉദ്യോഗസ്ഥൻ ആയ റിച്ചാർഡ് കെമ്പ് മനസ്സിലാക്കുന്നു. എന്നാൽ അയാളുടെ അന്വേഷണം മുന്നോട്ടു പോകവെ അയാൾക്ക്‌ ഒരു അപകടം ഉണ്ടാകുന്നു. അതയാളെ കൊണ്ടെത്തിക്കുന്നത് ഇരുപതു വർഷങ്ങൾക്കു മുന്നേ ഉള്ള ടൈം ലൈനിൽ ആണ്.

അതെ. അയാൾ ടൈം ട്രാവൽ ചെയ്തിരിക്കുന്നു. ഇരുപതു വർഷങ്ങൾക്കു മുന്നേ ആ കേസ് അന്വേഷണം നടത്തുന്ന റിച്ചാർഡ് കെമ്പിനെ അയാൾ കാണുന്നു. അതിനുശേഷം അയാൾക്ക്‌ ആ കേസിൽ എന്താണ് ചെയ്യാൻ കഴിഞ്ഞിരിക്കുക? അതാണ്‌ Back In Crime എന്ന ഫ്രഞ്ച് ചിത്രത്തിന്റെ ബാക്കി കഥ.

രസകരമായ ഒരു പ്ലോട്ട് ആണ് ചിത്രത്തിന് ഉള്ളത്. അതിനൊപ്പം ചില ചെറിയ ദുരൂഹതകൾക്ക് കൂടി ഉത്തരം പറയുന്ന ചിത്രത്തിൽ എന്നാൽ സീരിയൽ കില്ലർക്കു നമ്മൾ പ്രതീക്ഷിക്കുന്ന അത്ര പ്രാധാന്യം ഇല്ല എന്ന് തോന്നിയേക്കാം. എന്നാൽ ഈ കഥയിൽ ഒരാൾ അയാളുടെ ചെറുപ്പക്കാലത്തിലേക്കു പോവുകയും അയാൽ അവിടെ ഒരിക്കലും കാണാൻ സാധ്യത ഇല്ലാത്ത ആളുമായി ബന്ധം ഉണ്ടാവുകയും, അതിനു കാരണം അയാളുടെ ഭാവിക്കാലം ആയി മാറുകയും ചെയ്യുന്ന പോലെ ഉള്ള കുറച്ചു ടൈം wrinkle സംഭവങ്ങൾ എല്ലാം സിനിമയിൽ ഉണ്ട്.

എന്തായാലും കണ്ടിരിക്കാൻ കഴിയുന്ന ഒരു നല്ല മിസ്റ്ററി /ഫാന്റസി /ക്രൈം ചിത്രം ആണ് Back In Crime എന്ന ഫ്രഞ്ച് ചിത്രം.

സിനിമയുടെ ലിങ്ക്

t.me/mhviews1 ൽ ലഭ്യമാണ്.

1743. The Family Plan (English, 2023)

1743. The Family Plan (English, 2023)

         Comedy, Action

         Streaming on Apple TV+

⭐⭐⭐/5

  മാർക് വാൽബർഗിന്റെ ബാഷ, രാജാധി രാജ, ലിയോ,Nobody ഒക്കെ ആണ് The Family Plan എന്ന് പറയാം. ഓർമയിൽ വരുന്ന അനേകായിരം സിനിമകളിൽ കണ്ടിട്ടുള്ള കഥയാണ് The Family Plan എന്ന ചിത്രത്തിന് ഉള്ളത്. കഥ എന്തായാലും മനസ്സിലായി കാണുമല്ലോ? എന്നാലും പറയാം.ഒരു കാർ സെയിൽസ് മാൻ ആയി ജീവിക്കുന്ന നായകൻ ഡാൻ . സന്തോഷകരമായ കുടുംബം. ഭാര്യ, മൂന്നു മക്കൾ എന്നിവരുമായി 18 വർഷമായി നന്മയുടെ പാതയിൽ ജീവിക്കുന്നു.

ഒരു ദിവസം ആ ജീവിതത്തിന് തിരശീല വീഴുന്നു. അതിനു കാരണം ഡാൻ എന്ന നായകന്റെ ഭൂതക്കാലം ആയിരുന്നു. ആരായിരുന്നു ഡാൻ എന്നതും ഈ അവസ്ഥയിൽ അയാളുടെ കുടുംബത്തിന് എന്ത് സംഭവിക്കും എന്നതാണ് പിന്നെയുള്ള കഥ.

കഥ ഇങ്ങനെ ആണെങ്കിലും അത്യാവശ്യം നല്ല കോമഡിയും ആക്ഷനും ഒക്കെ ആയി വെറുതെ ഇരുന്നു കാണാൻ ഉള്ളത് ചിത്രത്തിലുണ്ട്. കണ്ടു മടുത്ത പ്രമേയം ആണെങ്കിലും എവിടെയോ ചെറിയ ഇഷ്ടം ഈ കഥയോട് ഉള്ള പ്രേക്ഷകർ ഉള്ളത് കൊണ്ടാകും പിന്നെയും ഈ കഥ സിനിമ ആയി വരുന്നത്.

എന്തായാലും ഒരു എന്റെർറ്റൈൻർ എന്ന നിലയിൽ സിനിമ എനിക്ക് വർക്ക്‌ ഔട്ട്‌ ആയിട്ടുണ്ട്‌. താൽപ്പര്യം ഉള്ളവർ കണ്ട് നോക്കുക.

1739. Last Shift (English, 2014)

1739. Last Shift (English, 2014)

          Horror

⭐⭐⭐/5

ഞാൻ സാധാരണയായി ഹൊറർ സിനിമകൾ കാണാൻ പോകുന്നതിനു മുന്നേ ആണ് IMDb അല്ലേൽ RT റേറ്റിങ്ങുകൾ നോക്കുക. ഹൊറർ സിനിമകളുടെ വലിയ ഒരു ആരാധകൻ അല്ലെങ്കിലും ചില സമയങ്ങളിൽ ചില സിനിമകളുടെ synopsis വായിച്ചിട്ട് കാണുന്ന ഒരു പതിവ് ഉണ്ട്. അങ്ങനെ Malum എന്ന  2023 സിനിമയെ കുറിച്ച് വായിച്ചപ്പോൾ ആണ് 2014 ൽ റിലീസ് ആയ Last Shift എന്ന സിനിമയുടെ ആത്മാവിൽ നിന്നും ആണ് Malum ന്റെ കഥ വികസിക്കുന്നത് എന്ന് എനിക്ക് മനസ്സിലായത് .

പതിവ് പോലെ റേറ്റിങ് നോക്കിയപ്പോൾ IMDb 5.8 കൊടുത്ത ഒരു ചിത്രം ആണ് Laat Shift . എന്നാൽ RT യിൽ 100% ഉം. മറ്റൊന്ന് IMDb യിൽ ആണെങ്കിൽ കുറെയധികം നല്ല റിവ്യൂകളും. എന്തായാലും ചാൻസ് എടുത്തു കാണാം എന്ന് തന്നെ തീരുമാനിച്ചു കണ്ടു തുടങ്ങി. ഒന്നര മണിക്കൂറിൽ താഴെ മാത്രം ഉള്ള സിനിമ എന്നതായിരുന്നു ആശ്വാസം.

 പൂട്ടി പോകുന്ന പോലീസ് സ്റ്റേഷനിലെ അവസാന ഷിഫ്റ്റിന് ആണ് പുതിയതായി പോലീസ് ആയ ജെസീക്ക കയറുന്നതു. ഒറ്റയ്ക്ക് ഒരു രാത്രി ആരും ഇല്ലാത്ത പോലീസ് സ്റ്റേഷനിലെ ഷിഫ്റ്റ്‌. എന്നാൽ ആ ഷിഫ്റ്റിൽ കയറിയ അവൾക്കു അനുഭവിക്കേണ്ടി വന്നത് യാഥാർഥ്യം അതോ അവളുടെ തോന്നലുകൾ ആണോ എന്ന് നിശ്ചയം ഇല്ലാത്ത സംഭവങ്ങൾ ആയിരുന്നു.

അതിനു പിന്നാലെ പോയാൽ വർഷങ്ങൾക്കു മുന്നേ നടന്ന ചില മരണങ്ങളിലേക്ക് ആകും പോവുക. ഇവിടെ നിന്നും ജെസീക്കയ്ക്ക് എന്ത് സംഭവിക്കുന്നു എന്നും, അന്ന് രാത്രി അവിടെ സംഭവിക്കുന്നത് എന്താണെന്നും ചെറിയ ട്വിസ്റ്റ് നൽകി അവതരിപ്പിക്കുക ആണ് Last Shift എന്ന ചിത്രത്തിൽ.

Jump scares വഴി  ഭയപ്പെടുത്താൻ ഉള്ള ശ്രമങ്ങൾ ഉണ്ടായിരുന്നെങ്കിലും അത് പ്രത്യേകിച്ച് മെച്ചമായി തോന്നിയില്ല. എന്നാൽക്കൂടിയും സിനിമയുടെ കഥയിൽ നിന്നും അതിന്റെ പശ്ചാത്തലത്തിൽ നിന്നും ഉണ്ടായ ഒരു ഹൊറർ ആമ്പിയൻസ് ഉണ്ട്. അത് ഉടനീളം സിനിമയിൽ നിർത്താൻ കഴിഞ്ഞിരുന്നു. സിനിമയുടെ പല കുറ്റങ്ങളും ഒരു പക്ഷെ ശ്രദ്ധിക്കാതെ പോകാൻ മൊത്തത്തിൽ ഈ ചിത്രം അതിന്റെ ജോൺറെയിൽ നിന്ന് കൊണ്ട് തന്നെ നടത്തിയ അവതരണം മതിയായിരുന്നു.

ചുരുക്കത്തിൽ മോശമില്ലാത്ത ഒരു ഹൊറർ ചിത്രം എന്ന് പറയാം Last Sbift നെ . ഇനി Malum കൂടി കാണാൻ ഉള്ള താൽപ്പര്യം ഉണ്ടാക്കിയിട്ടുണ്ട് ഇത് കണ്ടു കഴിഞ്ഞപ്പോൾ . അതിന്റെ IMDb റേറ്റിങ് 5.1 ആണ്. എന്തായാലും ഈ സിനിമ കണ്ടു തോന്നിയ കൗതുകം കാരണം കാണും എന്തായാലും അതും.

Last Shift ന്റെ ലിങ്ക് t.me/mhviews1 ൽ ലഭ്യമാണ്

1730. The Captive (English, 2014)

1730. The Captive (English, 2014)

          Mystery/ Thriller

          Streaming on Netflix

⭐⭐⭐⭐/5

ഈ ചിത്രം ആരോടും കാണണം എന്ന് ഞാൻ പറയില്ല. പക്ഷെ കണ്ടു കഴിഞ്ഞപ്പോൾ എഴുതാൻ തോന്നിയത് കൊണ്ട് മാത്രം എഴുതിയത് ആണ്‌.

ഡച്ച് ചിത്രമായ Spoorloos വർഷങ്ങൾക്ക് മുന്നേ കണ്ടപ്പോൾ എന്നേ  നന്നായി haunt ചെയ്തിരുന്നു. പ്രത്യേകിച്ചും സിനിമയുടെ ക്ലൈമാക്സ് ഒക്കെ ആകുമ്പോൾ എന്തോ പോലെ ആയിരുന്നു. പിന്നീട് സമാനമായ ഫീൽ തന്ന ഒരു പിടി ചിത്രങ്ങൾ കണ്ടത് കൊണ്ട് അത് സിനിമകളിൽ വരുന്ന ഒരു പ്രമേയം ആണെന്നുള്ള ബോധ്യം ഉണ്ടായത് കൊണ്ടും അത്തരത്തിൽ ഉള്ള വിഷമങ്ങൾ ഒക്കെ മാറിക്കൊണ്ടിരുന്നു . എന്നാൽ The Captive കണ്ടപ്പോൾ വീണ്ടും അതേ പോലെ ഒരു ഫീൽ ആണ്‌ തോന്നിയത്. ഒരു പരിധി വരെ കഥയും കഥാപത്രങ്ങളും നൽകുന്ന ദുഃഖം നിറഞ്ഞ ഒരു പശ്ചാത്തലം ഉണ്ട്. അതിനൊപ്പം അവരിൽ നിന്നുള്ള ട്രോമയും. അതെല്ലാം ഇത്തരത്തിൽ ഉള്ള ചിത്രത്തിൽ നിന്നും എന്ത് മാത്രം ലഭിക്കുമോ, അത്രയും ഇവിടെയും ഉണ്ട്.

 The Captive ഒരു under-rated, ചിത്രം ആണെന്നെ ഞാൻ പറയൂ. സ്വന്തം മകളെ ഞൊടിയിട കൊണ്ട് നഷ്ടപ്പെട്ട ഒരു പിതാവ്, അതിനു പിന്നിൽ അയാൾ ആണ്‌ എന്ന് സംശയിക്കുന്ന പോലീസ്. ആ സംഭവത്തോടെ തകർന്ന അയാളുടെ കുടുംബം. ഇതിലെ കഥാപാത്രങ്ങൾക്ക് എല്ലാം തന്നെ ട്രോമയുടെ ഒരു പശ്ചാത്തലം ഉണ്ട്. അവരുടെ പല പ്രതികരണങ്ങളും അതിനെ ആസ്പദം ആക്കിയും ആണ്‌ ഉള്ളത്.

ഒരു മിസ്റ്ററി ചിത്രം എന്ന നിലയിൽ ഉപരി ഹൃദയം കൊണ്ട് കാണേണ്ട ചിത്രം ആണെന്നേ The Captive നെ കുറിച്ച് ഞാൻ പറയൂ.റയാന്റെ കഥാപാത്രം നിസ്സഹായനായ ഒരു പിതാവിനെ എത്ര മാത്രം നന്നാക്കിയോ അതിലും ഏറെ മുകളിൽ ആയിരുന്നു കെവിൻ ഡ്യൂരണ്ടിന്റെ മിക എന്ന കഥാപാത്രം. വെറുപ്പ്‌ അതിന്റെ പാരമ്യത്തിൽ എത്തിക്കുന്ന മാനസിക സ്ഥിതി ഉള്ള ഒരാൾ.ഈ രണ്ട് കഥാപത്രങ്ങളും നൽകുന്ന ഫീൽ ആണ്‌ ചിത്രത്തിൽ ഏറെ ഇഷ്ടമായതും.

കാൻസിൽ ആദ്യ ഷോയ്ക്ക് തന്നെ കൂവൽ കിട്ടിയ ഒരു സിനിമയെ കുറിച്ചാണ് ഇത്രയും നല്ലത് പറഞ്ഞത് എന്നോർക്കണം. സിനിമയുടെ നോൺ ലീനിയർ അവതരണവും ക്ലൈമാക്സും പല പ്രേക്ഷകർക്കും ഇഷ്ടമായില്ല എന്നാണ് പല റിവ്യൂകളിലും മനസ്സിലായത്. ഒരു പക്ഷെ ആറ്റം ഇഗോയൻ എന്ന സംവിധായകനിൽ നിന്നും പ്രേക്ഷകർ ഏറെ പ്രതീക്ഷിച്ചിരിക്കാം.

റേറ്റിംഗ് വലിയ കാര്യമായി എടുക്കാതെ പണ്ട് എപ്പോഴോ വായിച്ച ഒരു റിവ്യൂ കാരണം അണ് സിനിമ കണ്ടത്. എനിക്ക് നന്നായി ഇഷ്ടപ്പെട്ടൂ. ഒരു മുൻ‌കൂർ ജാമ്യം എടുക്കുക ആണ്‌. സിനിമ എനിക്ക് നന്നായി ഇഷ്ടമായി. എന്റെ കൂടെ ഇരുന്നു സിനിമ കണ്ടു തുടങ്ങിയ ഭാര്യയ്ക്ക് ഇഷ്ടമായതും ഇല്ല. അത് കൊണ്ട് തന്നെ എല്ലാവരോടും കാണണം എന്നൊന്നും പറയുന്നില്ല.

സിനിമയുടെ ലിങ്ക് t.me/mhviews1 ൽ ലഭ്യമാണ്.

താൽപ്പര്യം ഉള്ളവർക്ക് ഉപയോഗിക്കാം.

1724. Talk To Me (English, 2022)

 1724. Talk To Me (English, 2022)

        

⭐⭐⭐⭐/5

 ഈ ദശാബ്ദത്തിലെ മികച്ച ഹൊറർ ചിത്രങ്ങളിൽ Talk To Me ഉണ്ടാകും എന്നുറപ്പാണ്. കഥയിൽ നിന്നും തന്നെ ഉണ്ടാകുന്ന ഹൊറർ ഫീൽ നന്നായി തന്നെ പ്രേക്ഷകനിലേക്ക് എത്തിക്കാൻ ഈ ഓസ്‌ട്രേലിയൻ ചിത്രത്തിന് കഴിഞ്ഞിട്ടുണ്ട്. അത് പോലെ കൗമാരത്തിലെ ഏകാന്തത, ഡിപ്രഷൻ എന്നിവയൊക്കെ ചേർത്ത് കൊണ്ട് തികച്ചും സൈക്കോളജിക്കൽ ആയ രീതിയിൽ ആണ്‌ Talk To Me അവതരിപ്പിച്ചിരിക്കുന്നതും.

 ജമ്പ് - സ്കെയർ സിനിമകളുടെ കാലം എല്ലാം എന്നേ കഴിഞ്ഞിരിക്കുന്നു. അപ്രതീക്ഷിതമായി സ്‌ക്രീനിൽ വരുന്ന ചലനങ്ങൾ പ്രേക്ഷകനെ ഭയപ്പെടുത്തുമ്പോൾ അത് ഏതാനും നിമിഷങ്ങൾ മാത്രമേ നിൽക്കൂ. പക്ഷെ ഇവിടെ  കഥയിലൂടെയും കഥാപാത്രങ്ങളിലൂടെയും പ്രേക്ഷകനിൽ ഭീതി നിറച്ചു വയ്ക്കുന്ന കലയാണ് നടക്കുന്നത്. കഴിഞ്ഞ 2 വർഷങ്ങളായി ഹൊറർ സിനിമകൾക്ക് വന്ന ഉണർവ് മികച്ച ധാരാളം ഹൊറർ സിനിമകളിലേക്ക് പ്രേക്ഷകനെ എത്തിക്കാൻ കഴിഞ്ഞിട്ടുണ്ട്

  സിനിമയുടെ ആദ്യ ഏതാനും നിമിഷങ്ങൾക്കുള്ളിൽ തന്നെ സിനിമയുടെ ഒരു ഫ്ലേവർ ലഭിക്കും . വെട്ടി മാറ്റപ്പെട്ട രീതിയിൽ ഉള്ള ഒരു കൈയിൽ തൊടുമ്പോൾ, അതും ചില പ്രത്യേക അന്തരീക്ഷത്തിൽ, അത് തൊടുന്നവർ കാണുന്ന കാഴ്ചകളാണ് സിനിമയുടെ പ്രമേയം. ആ കാഴ്ച്ചകൾ അവരെ കൊണ്ടെത്തിക്കുന്ന അപകടം, ഭയം എന്നിവയെല്ലാം സിനിമയിൽ ഉണ്ട്. കഥയുടെ രസചരട് പൊട്ടിക്കുന്നില്ല അധികം .സിനിമയുടെ അവസാനം ആകുമ്പോൾ ഉള്ള സംഭവങ്ങൾ ഒക്കെ പ്രേക്ഷകൻ എന്ന നിലയിൽ ഈ അടുത്ത് വന്ന ഏതു മികച്ച ഹൊറർ സിനിമയുടെയും ഒപ്പം നിൽക്കും.

മികച്ച അഭിനയം, അതിനേക്കാളും പാളിപ്പോയേക്കാവുന്ന ഒരു പ്രമേയത്തിൽ പ്രേക്ഷകന് കണക്റ്റ് ചെയ്യാൻ പാകത്തിൽ കഥാസന്ദർഭങ്ങൾ കൂടി സമന്വയിച്ചപ്പോൾ എനിക്ക്  ലഭിച്ചത് ഏറ്റവും മികച്ച ഹൊറർ സിനിമയുടെ ദൃശ്യാനുഭവം ആയിരുന്നു.

തീർച്ചയായും കണ്ടു നോക്കുക.എനിക്ക് ഇഷ്ടപ്പെട്ടൂ. കണ്ടു നോക്കൂ

സിനിമയുടെ ലിങ്ക് t.me/mhviews1 ലഭ്യമാണ്.