1663. Big Bad Wolves (Hebrew, 2013)
Thriller, Horror
Streaming for Free on Plex
തന്റെ മകളുടെ മൃതദ്ദേഹത്തിന്റെ തല എവിടെ ആണ്‌ എന്ന് മാത്രം അറിഞ്ഞാൽ മതി ഗിഡി എന്ന മുൻ ആർമി ഉദ്യോഗസ്ഥന്. ജൂത വിശ്വാസപ്രകാരം മരണാന്തര ചടങ്ങുകൾക്ക് പൂർണ ശരീരം ആവശ്യം ഉണ്ടെന്നു ജൂതർ വിശ്വസിക്കുന്നു.തുടരെ ആയി കൊല്ലപ്പെടുന്ന പെൺകുട്ടികൾ പോലീസിനും ഒരു പ്രശ്നമാണ്. അവരുടെ മുന്നിൽ കുറ്റവാളി എന്ന് സംശയിക്കപ്പെടുന്ന ഒരാളും ഉണ്ട്. എന്നാൽ പ്രധാനപ്പെട്ട തെളിവുകളുടെ ആഭാവത്തിൽ അയാളെ ഒന്നും ചെയ്യാനും കഴിയുന്നില്ല.
ഈ അവസരത്തിൽ ആണ്‌ നിയമം കയ്യിലെടുക്കാൻ അയാൾ തീരുമാനിക്കുന്നത്. അതിനൊപ്പം എങ്ങനെ എങ്കിലും കേസ് തെളിയിക്കാൻ ശ്രമിക്കുന്ന ഒരു പോലീസ് ഉദ്യോഗസ്ഥനും വരുന്നത്. ഇവരുടെ അന്വേഷണവും അതിന്റെ അവസാനം എന്ത് സംഭവിക്കും എന്നതും ആണ്‌ കഥ.എല്ലാവരും കുറ്റവാളി ആണെന്ന് വിശ്വസിക്കുന്ന മനുഷ്യൻ തന്നെ ആണോ യഥാർത്ഥ പ്രതി? ഇല്ലെങ്കിൽ അതാരാണ്?
പ്രമേയം ഇതാണെങ്കിലും സിനിമയുടെ തുടക്കം മുതൽ ഡാർക്ക്‌ ഹ്യുമറിലൂടെ ആണ്‌ കഥയും കഥാപത്രങ്ങളും അവതരിപ്പിച്ചിരിക്കുന്നത്.1988 ൽ റിലീസ് ആയ Spoorloos ന് ശേഷം ക്ലൈമാക്സ്‌ ഇത്രയും അസ്വസ്ഥത തന്ന സിനിമകൾ കുറവാണു. അവസാന സീൻ നല്ല ഷോക്കിങ് ആയി തോന്നിയിരുന്നു. സിനിമയിലെ ഹൊറർ എന്നു പറയുന്നത് പ്രേതവും ഭൂതവും അല്ല എന്ന് സചിപ്പിക്കുന്നു. സിനിമയിൽ ഒരു സമയം വരെ യഥാർത്ഥ പ്രതി ആരാണെന്ന് തിരയുന്ന പ്രേക്ഷകന് അവസാന കുറച്ചു സമയത്തിൽ ആണ്‌ ചിന്തകൾ മാറി മറിയുന്നത്. അത് സ്‌ക്രീനിൽ കാണുന്നതോടു കൂടി ഒരു മരവിപ്പ് ആയിരിക്കും.
ഈ ഒരു ഴോൻറെയിൽ ഇഷ്ടപ്പെട്ട സിനിമകളുടെ കൂട്ടത്തിൽ ആണ്‌ Big Bad Wolves ഉം.
എന്റെ റേറ്റിംഗ് : 3.5/5
സിനിമയുടെ ലിങ്ക് t.me/mhviews1 ൽ ലഭ്യമാണ്.
No comments:
Post a Comment