1592. Mei Hoom Moosa (Malayalam, 2022)
Streaming on Zee5
ആദ്യം തന്നെ പറയട്ടെ, സിനിമ ഇഷ്ടപ്പെട്ടില്ല. നല്ല ഒരു പ്രമേയം ആയിരുന്നു എന്നത് മാത്രമാണ് സിനിമ കണ്ടപ്പോൾ തോന്നിയ പോസിറ്റീവ് ആയ കാര്യം. തമാശകൾ പോലും പലപ്പോഴും ബോർ അടിപ്പിക്കുകയും ചെയ്തു. വെള്ളി മൂങ്ങ ചെയ്ത സംവിധായകനിൽ നിന്നും കുറേക്കൂടി പ്രതീക്ഷിച്ചിരുന്നു. കഥാപാത്രങ്ങൾ ആയി അഭിനയിച്ചവരുടെ പ്രശ്നം ആല്ലാ യിരുന്നു. സുരേഷ് ഗോപിയും സൈജു കുറപ്പും എല്ലാം കിട്ടിയ വേഷം നന്നായി തന്നെ ചെയ്തു.ഹരീഷിന്റെ തള്ള് പോലും അത്ര ഒരു ഗും ഉണ്ടായില്ല . സിനിമ എന്ന നിലയിൽ ഇഷ്ടപ്പെടണമെങ്കിൽ എല്ലാ വിഭാഗവും നന്നായാൽ അല്ലേ കഴിയൂ. ഇവിടെ കഥയുടെ അവതരണം നല്ലത് പോലെ പാളി എന്നു തോന്നി. കിച്ചാമണി എം ബി ഏ , ഹൈലസ തുടങ്ങിയ സിനിമകളുടെ ഒരു വൈബ് ആയിരുന്നു കിട്ടിയത്.
ക്ലൈമാക്സ് ആകാറായപ്പോൾ എവിടെ കൊണ്ട് നിർത്തണം എന്നറിയാതെ അവസാനം ഒരു തട്ടിക്കൂട്ടിലേക്ക് പോയത് പോലെ ആണ് തോന്നിയത്. സിനിമ കണ്ടു ഇഷ്ടപ്പെട്ടവരെയും ചിരിച്ചവരെയും ആണ് ഫേസ്ബുക്കിൽ സിനിമ വിശകലനത്തിൽ കൂടുതലും കണ്ടത്. എന്നാലും എന്തോ അത്തരം ഒരു അനുഭവംഎനിക്കു സിനിമ നൽകിയില്ല എന്നു നിരാശയോടെ പറയുന്നു. എന്തൊക്കെയോ കൂടുതൽ ആയി പ്രതീക്ഷിച്ചത് കൊണ്ടും ആകാം.
എന്നെ സംബന്ധിച്ച് വെറുതെ ഇരുന്നു കണ്ടു മറക്കാവുന്ന ഒരു സിനിമയാണ് Mei Hoom Moosa. സിനിമ കണ്ടവരുടെ അഭിപ്രായങ്ങൾ പങ്ക് വയ്ക്കാമോ?
No comments:
Post a Comment