1180. Bone Collector( English, 1999)

​​1180. Bone Collector( English, 1999)
          Mystery, Thriller.

    റെയിൽവേ ട്രാക്കിന്റെ അടുത്തായി കുഴിച്ചിട്ട നിലയിൽ കണ്ട കൈപ്പത്തി.അതാണ് ആ ബാലൻ കണ്ടത്.പോലീസ് സ്ഥലത്തു എത്തിയപ്പോൾ അതോനോട് ചേർന്നുള്ള മൃതദേഹം ലഭിച്ചു. അതിന്റെ അടുക്കളായി എന്തൊക്കെയോ  സൂചനകൾ കൊലപാതകി അവശേഷിപ്പിച്ചിട്ടുണ്ടായിരുന്നു.

  പിന്നീടും കൊലപാതകങ്ങൾ നടന്നൂ.സൂചനകൾ നേരത്തെ നൽകി ഉള്ള കൊലപാതകങ്ങൾ.ഓരോ പ്രാവശ്യവും പോലീസ് സൂചനകൾ വച്ചു സ്ഥലത്തു എത്തുമ്പോഴേക്കും ഇരകൾ മരിച്ചിട്ടുണ്ടാകും.ആരോ ഒരാൾ പോലീസിനോട് സംവദിക്കാൻ ശ്രമിക്കുന്നുണ്ട്.ആ രീതിയിൽ ആണ് സംഭവങ്ങൾ.യഥാർത്ഥത്തിൽ അവിടെ എന്താണ് സംഭവിക്കുന്നത്?കൂടുതൽ അറിയാൻ ചിത്രം കാണുക.

  കേസ് അന്വേഷിക്കുന്നത് ലിങ്കൻ എന്ന ഉദ്യോഗസ്ഥനാണ് .ഒരു അപകടത്തിൽ പെട്ട അയാൾ നാലു വർഷമായി കിടപ്പിൽ ആണ്.എന്നാൽ സാങ്കേതിക വിദ്യ ഉപയോഗിച്ചു അയാൾ ആ അവസ്ഥയിലും പോലീസ് അന്വേഷണങ്ങൾ നയിക്കുന്നു.അവിചാരിതമായി പുതിയ ജോലിയിലേക്ക് എത്തി ചേർന്ന അമേലിയ എന്ന  പൊലീസ് റൂക്കി അയാളുടെ കയ്യും കാലും ആയി മാറി.
 

  ഒരു ക്രൈം ത്രില്ലറിനുള്ള കഥ എന്തായാലും ചിത്രത്തിനുണ്ട്.അതിനോടൊപ്പം നല്ലൊരു കുറ്റാന്വേഷണവും.കുറെ കാലമായി  'ദി കലക്റ്റർ' സിനിമ ആണ്.കണ്ടതാണ് എന്നുള്ള ബോധം കാരണം കാണാതെ വച്ച സിനിമ ആയിരുന്നു.കഴിഞ്ഞ ദിവസം ആണ് തെറ്റു മനസ്സിലായി സിനിമ കണ്ടത്.ഹോളിവുഡ് ക്രൈം ത്രില്ലറുകൾ കാണുന്ന ഒരാൾ ആദ്യം കാണുന്ന സിനിമകളിൽ ഒന്നായിരിക്കും ഇതു എന്നു അറിയാം.


  എന്നാലും കാണാത്തവർ ഉണ്ടെങ്കിൽ കണ്ടു നോക്കൂ .

  MH Views Rating 3/4

  ചിത്രത്തിന്റെ ടെലിഗ്രാം ചാനൽ ലിങ്ക് t.me/mhviews or @mhviews