1759. Arlington Road (English, 1999)

 1759. Arlington Road (English, 1999)

         Crime/ Thriller.

⭐⭐⭐⭐/5

തന്റെ അയൽവാസികൾ ഭീകരവാദികൾ ആണോ എന്ന് ആണ് കോളേജ് അദ്ധ്യാപകൻ ആയ മൈക്കിളിനു സംശയം. എഫ് ബി ഐയിൽ ജോലി ചെയ്തിരുന്ന ഭാര്യ മരണപ്പെട്ടത്തോടെ സമൂഹത്തെ കുറിച്ചുള്ള കാഴ്ചപ്പാട് മാറിയ മൈക്കിളിന്റെ സംശയങ്ങൾ ആരും ഗൗരവം ആയി എടുത്തില്ല. എന്നാൽ അയാളുടെ സംശയങ്ങൾ ശരിയായിരുന്നോ അതോ തോന്നൽ മാത്രം ആയിരുന്നോ എന്നതാണ് Arlington Road എന്ന ചിത്രം അവതരിപ്പിക്കുന്നതു.

ഒരു സിനിമ കണ്ടു കഴിഞ്ഞിട്ട് അയ്യോ ഇതെന്ത് കഥ എന്ന് വിചാരിച്ചിരുന്നത് Arlington Road കണ്ടിട്ടാണെന്ന് തോന്നുന്നു.ആദ്യമായി Arlington Road കാണുന്നത് രണ്ടായിരത്തിന്റെ തുടക്കത്തിലാണ്. അന്നത്തെ സിനിമകളെ കുറിച്ചുള്ള കാഴ്ചപ്പാട് വച്ച് വളരെയധികം വിഷമം തോന്നിൻസിനിമ മുഴുവൻ കഴിഞ്ഞിട്ടും. അന്നത്തെ എന്നിലെ സിനിമ ആസ്വാദകനെ അവസാനം കുഴപ്പിച്ച ഒരു സിനിമ ആയിട്ടാണ് തോന്നിയത്.ഇത്തരത്തിൽ ഉള്ള സിനിമ genre യേ എന്ത് പേരിട്ടു വിളിക്കണം എന്ന് പോലും അറിയില്ലായിരുന്നു.

 വർഷങ്ങൾക്കു ശേഷം പലപ്പോഴും സോഷ്യൽ മീഡിയയിൽ സിനിമ ഗ്രൂപ്പുകളിൽ പലപ്പോഴും ഈ സിനിമയുടെ നിരൂപണങ്ങൾ കണ്ടിരുന്നു. എന്നാൽ ആ സമയത്ത് സിനിമയെ കുറിച്ചുള്ള കാഴ്ചപ്പാടുകൾ മാറിയെങ്കിലും സിനിമ വീണ്ടും കാണാൻ തോന്നിയില്ല. എന്നാൽ കഴിഞ്ഞ ദിവസം ഒരു സുഹൃത്തിന്റെ സിനിമയെ കുറിച്ചുള്ള പോസ്റ്റ് കണ്ടപ്പോൾ വീണ്ടും കണ്ടൂ.

ഒന്നും പറയാൻ ഇല്ല. സിനിമ കണ്ടു കഴിഞ്ഞപ്പോൾ ആദ്യ പ്രാവശ്യം കണ്ട അതെ അവസ്ഥ. എന്നാൽ ഇത്തവണ അത്തരത്തിൽ ഒരു സംഭവത്തിലേക്കു ആ കഥ കൊണ്ടെത്തിച്ച മികവിനെ കുറിച്ചാണ് ഓർത്തത്‌. തുടക്കത്തിൽ തീരെ പിടി കിട്ടാതെ പോകുന്ന ചിത്രം അവസാന അര മണിക്കൂർ മികച്ച ഒരു ത്രില്ലർ ആയി മാറുന്നുണ്ട്. പ്രത്യേകിച്ചും ക്ലൈമാക്സ്. ഇപ്പോഴും എനിക്ക് എന്തോ പോലെ തോന്നുന്നു. ഒരു തരാം ശ്വാസം മുട്ടൽ എന്ന് പറഞ്ഞാലും കൂടി പോകില്ല. അങ്ങനെ ഒരു എഫെക്റ്റ് ആയിരുന്നു.

സിനിമ കണ്ടിട്ടില്ലാത്തവർ കുറവായിരിക്കും. ഇനി എങ്ങാനും കണ്ടില്ലെങ്കിൽ കണ്ടു നോക്കൂ.

ലിങ്ക് t.me/mhviews1 ൽ ലഭിക്കും.