1351. Why Did You Kill Me? (English, 2021)

 1351. Why Did You Kill Me? (English, 2021)

          Crime Documentary

          OTT- Netflix

ക്രിസ്റ്റലിനെ കൊന്നത് ആരാണ്?

  ക്രിസ്റ്റലിന്റെ കൊലപാതകിയെ കണ്ടെത്തുക എളുപ്പം അല്ലായിരുന്നു.ഗ്യാങ്ങുകൾ ഭരിക്കുന്ന കാലിഫോർണിയയിലെ പ്രദേശങ്ങളിൽ ഇത്തരം സംഭവങ്ങൾ നടക്കാറുണ്ട്.പക്ഷെ ഒരു പ്രശ്നത്തിലും ഇല്ലാത്ത അവൾ എന്തു കൊണ്ട് കൊല്ലപ്പെട്ടു?പോലീസിനും കേസിൽ അധികം മുന്നോട്ടു പോകാൻ കഴിഞ്ഞില്ല.അപ്പോഴാണ് ക്രിസ്റ്റലിന്റെ കുടുംബം,പ്രത്യേകിച്ചും അവളുടെ അമ്മ അതിനു മുൻകൈ എടുത്തത്.അന്ന് വ്യാപകമായി പ്രചാരത്തിൽ ഉണ്ടായിരുന്ന My Space സോഷ്യൽ മീഡിയ അതിന് വേണ്ടി ഉപയോഗിക്കാൻ തീരുമാനിച്ചു.കൊലയാളിയെ കിട്ടിയോ എന്നത് ആണ് ഡോകുമെന്ററി ചർച്ച ചെയ്യുന്നത്.

  പ്രമേയം ഗംഭീരമായി തോന്നാം.പ്രത്യേകിച്ചു Don't F**k with Cats ഒക്കെ മുന്നിൽ ഉള്ളത് പോലെ ഒരു അന്വേഷണം മുന്നിൽ അവതരിപ്പിക്കപ്പെടുമ്പോൾ.എന്നാൽ മറ്റൊരു Netflix documentary ആയ Crime Scene: The Vanishing at the Cecil Hotel ന് പറ്റിയ അബദ്ധം തന്നെ ഇവിടെയും ഉണ്ടായി. ഹോട്ടൽ സെസിൽ ഒരു പരിധിയ്ക്കപ്പുറം Netizen Conspiracy Theory കളുടെ പുറകെ പോയപ്പോൾ ഇവിടെ കാലിഫോർണിയയിലെ ഗ്യാങ്ങുകളുടെ പുറകെയും ക്രിസ്റ്റലിന്റെ കുടുംബത്തിലെ പ്രശ്നങ്ങളിലേക്കും ഫോക്കസ് പോയി.

 തുടക്കത്തിൽ ഉണ്ടായിരുന്ന ഒരു മിസ്റ്ററി tone പിന്നീട് നഷ്ടം ആയത് പോലെ തോന്നി.ഒരു ഡോക്യുമെന്ററി ആണെന്ന് ബോധ്യം ഉണ്ടെങ്കിലും ആ വിഷയത്തിൽ കൂടുതലായി ഒന്നും പറയാനും കഴിഞ്ഞില്ല.ഒരു തുമ്പും ഇല്ലാതിരുന്ന കേസ് പെട്ടെന്ന് തീർന്നത് പോലെയും കൊലയാളിയെ  എളുപ്പത്തിൽ കണ്ടെത്തിയത് പോലെയും ആയി.ഒരു പക്ഷെ സമയ ദൈർഘ്യം കുറച്ചിരുന്നെങ്കിൽ ഇങ്ങനെ ഒരു തോന്നൽ ഉണ്ടാകുമായിരുന്നില്ല.

 പ്രമേയത്തിൽ ഉള്ള കൗതുകം മൊത്തത്തിൽ നില നിർത്താൻ സാധിക്കാത്തത് കൊണ്ട് ഒരു Must Watch ആയി തോന്നിയതും ഇല്ല. 

Watch or Skip ? സമയം ഇല്ലെങ്കിൽ skip ചെയ്യാം

1350.Halahal (Hindi,2020

1350.Halahal (Hindi,2020)

         Mystery

        OTT: Eros Now

 വളരെ disturbing ആയൊരു ക്ളൈമാക്‌സ് ആണ് ഹലഹൽ എന്ന Eros Now ചിത്രത്തിന് ഉള്ളത്.ഒരു മർഡർ- മിസ്റ്ററി ചിത്രം ആയിരുന്നിട്ടു കൂടി അതിലെ പ്രതികളെ കണ്ടെത്തുന്നതിൽ ഉള്ള സസ്പെൻസിനെക്കാളും അത്തരത്തിൽ ഒരു ക്ളൈമാക്‌സ് നൽകിയത്‌ അപ്രതീക്ഷിതമായിരുന്നു.

 മെഡിക്കൽ വിദ്യാർത്ഥിനി ആയ അർച്ചന ആത്മഹത്യ ചെയ്തു എന്ന് വാർത്തയാണ് ഡോ.ശിവ് ശങ്കർ അറിയുന്നത്.എന്നാൽ പോസ്റ്റ്മോർട്ടത്തിലെ പൊരുത്തക്കേടുകൾ അയാളിൽ സംശയം ഉണ്ടാക്കുന്നു.മകൾ ആത്മഹത്യ ചെയ്യാൻ ഒരു കാരണവും ഇല്ല എന്ന വിശ്വാസത്തിൽ അയാൾ പോലീസിനോട് വാദിക്കുമ്പോഴും ആദ്യം തന്നെ ആത്മഹത്യ ആണെന്ന് വിധിയെഴുതിയ കേസിൽ പോലീസിന്റെ ഭാഗത്തു നിന്നും നീതി കിട്ടില്ല എന്നു അയാൾക്ക്‌ ഉറപ്പായി.

 അങ്ങനെ ആണ് യൂസഫ് എന്ന പോലീസുകാരനെ അയാൾ പരിചയപ്പെടുന്നത്.ഔദ്യോഗികമായി അല്ലാതെ അന്വേഷിക്കുന്ന കേസുകളിലൂടെ അത്യാവശ്യം കാശുണ്ടാക്കാൻ മിടുക്കനായ യൂസഫ് അയാളെ സഹായിക്കാം എന്നു ഏറ്റു, അയാളുടെ മകളുടെ മരണത്തിന് പിന്നിൽ ഉള്ള ദുരൂഹത കണ്ടെത്താൻ അവരെ കൊണ്ട് ആ രഹസ്യം കണ്ടെത്താൻ സാധിക്കുമോ എന്നതാണ് സിനിമയുടെ കഥ.

 നേരത്തെ പറഞ്ഞതു പോലെ അപ്രതീക്ഷിതമായ, disturbing ആയ ക്ളൈമാക്‌സ് ആയിരുന്നെങ്കിലും കേസ് അന്വേഷണമോ, പ്രതികളെ കണ്ടെത്തുന്ന സമയം ഒന്നും പ്രേക്ഷകനിൽ വലിയ impact ഉണ്ടാക്കുന്നില്ല.ഒരു പക്ഷെ കുറ്റാന്വേഷണ ചിത്രം എന്ന നിലയിൽ പ്രതീക്ഷിച്ചത് കൊണ്ടാകാം അങ്ങനെ തോന്നിയത്.സിനിമയുടെ മുഖ്യ ഭാഗം ആ ക്ളൈമാക്‌സ് ആയി വരുമ്പോൾ അങ്ങനെയേ അവതരിപ്പിക്കാൻ കഴിയൂ എന്ന് തോന്നുന്നു.

സിനിമ മൊത്തത്തിൽ ഇഷ്ടപ്പെട്ടിരുന്നു.Eros Now ൽ ചിത്രം ലഭ്യമാണ്.

1349. Calls (English, 2021)

 1349. Calls (English, 2021)

           OTT:Apple TV+

           Duration: 20 mins (approximately), 

            9 Episodes

  'ഫോണ് കോളുകളിലൂടെ കഥ പറയുന്ന Calls'

ഒരു കമ്പ്യൂട്ടർ സ്‌ക്രീനിന്റെ മുന്നിലൂടെ അതിൽ ഉപയോഗിക്കാവുന്ന ആപ്പുകൾ ഉപയോഗിച്ചുള്ള സിനിമകൾ ഒക്കെ ധാരാളം വന്നിട്ടുണ്ട്.എന്നാൽ ഫോണ് കോളുകളിലൂടെ , സങ്കീർണമായ, അതും സയൻസ് ഫിക്ഷൻ വിഭാഗത്തിൽ ഉൾപ്പെടുത്താൻ കഴിയുന്ന വിഷയങ്ങളെ അവതരിപ്പിക്കുന്ന ഒരു സീരീസ് ആണ് ആപ്പിൾ ടി വി+ പ്രേക്ഷകന്റെ മുന്നിൽ എത്തിക്കുന്നത്.

   ലോകത്തിൽ പലയിടങ്ങളിലായി പല കാര്യങ്ങൾ സംഭവിക്കുന്നു.കൊലകളും, കുടുംബ പ്രശ്നങ്ങളും, ചതിയും എല്ലാം സംഭവിക്കുന്നു.ഈ സംഭവങ്ങൾ ഫോണ് കോളുകളിലൂടെ ആണ് പ്രേക്ഷകന്റെ മുന്നിൽ വരുന്നത്.Windows Media Player ന്റെ പോലെ തോന്നുന്ന ഒരു inerface ലൂടെ, നിറങ്ങളിലൂടെ സംഭവങ്ങളുടെ തീവ്രതയും അവതരിപ്പിക്കുന്നു.

 Sound Waves ആണ് ഈ സീരീസിൽ സ്‌ക്രീനിൽ കാണുന്നത്.കഥാപാത്രങ്ങൾ ആരും സ്‌ക്രീനിൽ വരുന്നില്ല.എന്നാൽക്കൂടിയും സംഭാഷണങ്ങളിലൂടെ പ്രേക്ഷകന് കഥകളെ കുറിച്ചു വ്യക്തമായ കാഴ്ചപ്പാട് ഉണ്ടാകാനും സാധിക്കുന്നു.

 സങ്കീർണമായ Multiverse, Time Shift പോലുള്ള കാര്യങ്ങൾ സരളമായി തന്നെ അവതരിപ്പിച്ചിട്ടുണ്ട്.ഒരു Podcast അല്ലെങ്കിൽ ചലച്ചിത്ര ശബ്ദ രേഖ കേൾക്കുമ്പോൾ മനസ്സിൽ ചിത്രങ്ങൾ ഉണ്ടാകാറില്ലേ? അതു പോലെ കഥകളെ കോർത്തിണക്കി, സംഭാഷണങ്ങൾ ഫോണ് കോളുകളുടെ രൂപത്തിൽ Calls ൽ അവതരിപ്പിക്കുന്നു.ഇവിടെ വ്യത്യസ്തമായി ഉള്ളത് അതിനൊപ്പം സ്‌ക്രീനിൽ സംഭാഷണങ്ങൾ എഴുതി കൂടി കാണിക്കുന്നു എന്നതാണ്.

 

 കഥകൾ എല്ലാം തന്നെ മനുഷ്യന്റെ പ്രശ്നങ്ങളിലേക്കും അതിൽ നിന്നും ഉണ്ടാക്കുന്ന പ്രതികരണങ്ങളിലേക്കും വിദഗ്ധമായി യാത്ര ചെയ്യുന്നു.വ്യത്യസ്തമായ അനുഭവമായിരുന്നു Calls നൽകിയത്.ഒരിക്കൽ പോലും ബോർ അടിക്കാതെ, എന്താണ് സംഭവിക്കുന്നത് എന്ന കൗതുകം കാരണം ഒറ്റയടിക്ക് തന്നെ സീരീസ് കണ്ടു തീർക്കാൻ സാധിച്ചു.

 

 വ്യത്യസ്തമായ ഒരു അനുഭവം ആണ് Calls. കഴിയുന്നതും കാണാൻ ശ്രമിക്കുക.

Must Watch!!

1348. Act 1978 (Kannada, 2020)

 1348. Act 1978 (Kannada, 2020)

          Social Thriller.

         OTT: Amazon Prime.

അന്നത്തെ ദിവസം വ്യത്യസ്തമായിരുന്നു.ഒരു സർക്കാർ ആഫീസിൽ ജീവനക്കാർ ബന്ധികൾ ആകുന്നു.പൂർണ ഗർഭിണിയായ സ്ത്രീ അവരുടെ നിറ വയറിൽ ബോംബ് കെട്ടി വച്ചിട്ടുണ്ട്.അവരുടെ ഒപ്പം സാധാരണ വരാറുള്ള വൃദ്ധൻ ഒരു കൈ തോക്കുമായി അവരുടെ കൂടെ ഉണ്ട്.

   പൂർണ ഗർഭിണി ആയ സ്ത്രീയും ആ വൃദ്ധനും പതിവായി ആ സർക്കാർ ആഫീസിൽ വരുന്നതാണ്.എന്നാൽ എന്ത് കൊണ്ടാണ് ആ ദിവസം അങ്ങനെ ആയി മാറിയത് എന്നതാണ് Act 1978 എന്ന കന്നഡ ചിത്രം അവതരിപ്പിക്കുന്നത്. Act 1978 ഉം ചിത്രത്തിന് ഒരു ബന്ധം ഉണ്ട്.

 നിയമം അതിന്റെ ജോലി ചെയ്യുന്ന ഒരു സമൂഹത്തിൽ ഉൾക്കൊള്ളാൻ കഴിയാത്ത കാര്യമാണ് അവിടെ നടക്കുന്നത് എന്നു പറയാം.എന്നാൽ.ചിലപ്പോഴെങ്കിലും സിസ്റ്റം കാണിക്കുന്ന വേർതിരിവുകൾക്ക് എതിരെ ഇങ്ങനെ ഒക്കെ പ്രതികരിക്കണം എന്നു ചിലരെങ്കിലും മനസ്സിൽ കരുതുന്നുണ്ടാകും.

 വ്യക്തികൾക്കോ രാഷ്ട്രീയത്തിനോ എല്ലാം അതീതരാണ് പൊതു ജനം എന്ന കാഴ്ചപ്പാട് ഇല്ലാത്തിടത്തോളം ഇതു പോലെ ഉള്ള സംഭവങ്ങൾ ഉണ്ടാകുവാൻ ഉള്ള സാധ്യതകൾ കൂടുതൽ ആണ്.ദിവസേന അതു നടക്കും എന്നല്ല പറയുന്നത്.പകരം ഇത്തരം ചിന്തകൾ ഉണ്ടാകും, പിന്നെ സിനിമകളിൽ കൂടി എങ്കിലും ഇത്തരം പ്രമേയങ്ങൾ വന്നു കൊണ്ടു ഇരിക്കും.Vigilante സിനിമകൾക്ക് ജനപ്രീതി ബോധ്യം ഉള്ളതല്ലേ?

 ഒരു സോഷ്യൽ ത്രില്ലർ എന്ന നിലയിൽ പറഞ്ഞു വയ്ക്കുന്ന കാര്യങ്ങൾ ഒക്കെ സമൂഹത്തിൽ നില നിൽക്കുന്ന കാര്യങ്ങൾ തന്നെയാണ്.വഴികളോട് വിയോജിപ്പ് ഉണ്ടെങ്കിലും  പറഞ്ഞു വയ്ക്കുന്ന കാര്യങ്ങളോട് പൂർണമായും യോജിക്കുന്നു.ഒരു സോഷ്യൽ ത്രില്ലർ ആയതു കൊണ്ട് അത്തരം ഒരു genre കാണാൻ താൽപ്പര്യം ഉണ്ടെങ്കിൽ കാണുക.

1347. Mortal Kombat (English, 2021)

 1347. Mortal Kombat (English, 2021)

          Action, Fantasy

1995 ൽ ആണ് Mortal Kombat ആദ്യമായി പ്ളേ സ്റ്റേഷനിൽ കളിക്കുന്നത്.Mortal Kombat 3 ആയിരുന്നു എന്ന് തോന്നുന്നു.ഇപ്പോൾ PS4 ൽ Mortal Kombat X വരെ ഉള്ളത് കയ്യിൽ ഉണ്ട്.Mortal Kombat XI വാങ്ങിയില്ല.അന്ന് Mortal Kombat സിനിമ കണ്ടത് ഒക്കെ കുട്ടിക്കാലത്തെ ഇഷ്ടപ്പെടുന്ന വലിയ ഓർമകളും ആണ്.ഇപ്പോൾ പ്ളേ സ്റ്റേഷനിൽ മകന്റെ കൂടെ Mortal Kombat കളിക്കുന്നു.അവനും ഫാൻ ആണ്.അതിലുപരി ഞാൻ കാണാത്ത പല Mortal Kombat ആനിമേഷൻ സിനിമകളും അവൻ കണ്ടിട്ടുണ്ട്.ഇന്ന് തിയറ്ററിൽ പോയി അവനുമായി സിനിമ കാണുമ്പോൾ കഥയിലെ കഥാപാത്രങ്ങളെ കുറിച്ചൊക്കെ സംസാരിച്ചു സിനിമ കാണുമ്പോൾ വലിയ സന്തോഷം ആയിരുന്നു.

 സിനിമ കൊള്ളാമോ ഇല്ലയോ എന്നല്ല ഈ പോസ്റ്റ് കൊണ്ടു പറയാൻ പോകുന്നത്.കാരണം Mortal Kombat ഒരു സിനിമ എന്നതിലുപരി വലിയ ഒരു നൊസ്റ്റാൾജിയ ആണ്, സന്തോഷം ആണ് എന്നെ സംബന്ധിച്ചു എന്നത് ആണ് കാരണം.തുടക്കം മുതൽ കാത്തിരുന്ന ഒരു കാര്യമുണ്ട്.Mortal Kombat ലെ ഒറിജിനൽ സൗണ്ട് ട്രാക്.ക്ളൈമാക്‌സ് വരുമ്പോൾ അടുത്ത ഭാഗത്തിനുള്ളത് ബാക്കി വച്ചു അവസാനിക്കുകയും The Techno Syndrome- Immortals ട്രാക് വരുകയും ചെയ്തത് പുതിയ രൂപത്തിൽ ആണെങ്കിലും നല്ല ഒരു അനുഭവം ആയിരുന്നു.

  ഏതൊരു Mortal Kombat ഫാനിനും പരിചിതമായ കഥ തന്നെ ആണ് സിനിമയ്ക്ക് ഉള്ളത്.അടുത്ത 3 ഭാഗം കൂടി ഉണ്ടെന്നു എവിടെയോ വായിച്ചിരുന്നു.ശരിക്കും ആ ഒരു കണക്കിൽ പൂർണ തൃപ്തി ആണുള്ളത്.OTT റിലീസുകൾ ഉണ്ടെന്നു കണ്ടിരുന്നു.HBO Max നൊപ്പം ഇൻഡ്യയിൽ Netflix ലും ഉണ്ടാകും എന്ന് കേട്ടിരുന്നു.

 നൊസ്റ്റാൾജിയ വിറ്റ് കാശാക്കുന്നു എന്നതിലുപരി ഇഷ്ട കഥാപാത്രങ്ങളെ പലരെയും സ്‌ക്രീനിൽ കാണാൻ കഴിഞ്ഞത് ആണ് ഏറ്റവും വലിയ സന്തോഷം എന്നു കരുതുന്നു.സബ് സീറോയെ പോലെ ഒരു സൂപ്പർ വില്ലൻ ഉണ്ടാകുമ്പോൾ മറ്റു കഥാപാത്രങ്ങൾക്കു കാര്യങ്ങൾ എളുപ്പം ആകില്ലലോ.

 എന്തായാലും സിനിപ്ലെക്സിൽ മികച്ച ഒരു അനുഭവം ആയി തോന്നി Mortal Kombat നല്ലതു പോലെ ആസ്വദിച്ചു.ഞാനും മകനും.

1346. Cold Pursuit( English, 2019)

 1346. Cold Pursuit( English, 2019)

           Action, Thriller.

  ആരോ പറഞ്ഞതു പോലെ ലിയാം നീസന്റെ സിനിമയിലെ ബന്ധുക്കളുടെ അവസ്ഥയും മോഹൻലാലിന്റെ പട്ടാള സിനിമയിലെ ബഡ്ഢികളുടെയും കാര്യം ഒരു പോലെ ആണ്.അധികം ആയുസ് ഉണ്ടാകില്ല.ലിയാമിന്റെ പടത്തിൽ ജീവൻ അപകടത്തിൽപെടും അല്ലെങ്കിൽ കിഡ്നാപ് ചെയ്യപ്പെടും.പട്ടാള പടത്തിൽ ആണെങ്കിൽ ബഡ്‌ഢിയുടെ ജീവനും പോക്കാണ്.ലിയാമിന്റെ ഈ സ്ഥിരമായ ഒരു ഫോർമുല കാരണം ആയിരിക്കാം നോർവീജിയൻ ചിത്രമായ In Order of Disappearance ഇംഗ്ലീഷ് റീമേക് വന്നപോൾ ആ റോൾ ലിയാം നീസനെ തേടി പോയത്.

 മുകളിൽ പറഞ്ഞിരിക്കുന്നത് പോലെ ഇത്തവണ മകൻ ആണ് മരിക്കാൻ ഉള്ള യോഗം.മകന്റെ കൊലപാതകികളെ തേടി ഇറങ്ങുന്നു, മഞ്ഞു മൂടി കിടക്കുന്ന കിഹോയി (സാങ്കൽപ്പിക ടൌൺ) യിലെ മഞ്ഞു മാറ്റുന്ന, മാതൃക പൗരൻ ആയി തിരഞ്ഞെടുക്കപ്പെട്ട ആളാണ് നെൽസ്. സാധാരണ രീതിയിൽ ഉള്ള ഒരു പ്രതികാര സിനിമ അല്ല Cold Pursuit.

 ശക്തരായ തന്റെ എതിരാളികളെ.കണ്ടെത്തി, ഓരോ കൊലയ്ക്കും കൗണ്ട് വച്ചു പോകുന്ന സിനിമ ധാരാളം സംഭവങ്ങളാൽ സമ്പന്നമാണ്.ഒരു ചെയ്ൻ റിയാക്ഷൻ പോലെ നടക്കുന്ന കുറെയേറെ സംഭവങ്ങൾ എല്ലാം ഒരു ആക്ഷൻ ത്രില്ലർ സിനിമ സ്നേഹിയെ ത്രിൽ അടുപ്പിക്കാൻ ഉള്ള എല്ലാം Cold Pursuit നൽകുന്നുണ്ട്.

നോർവീജിയൻ ചിത്രം നേരത്തെ ആദ്യമായി കാണുമ്പോൾ വലിയ പ്രതീക്ഷകൾ ഒന്നും ഇല്ലാതിരുന്നിട്ടും ഞെട്ടിച്ച ഒന്നായിരുന്നു.ഇംഗ്ളീഷ് റീമേക് വന്നെങ്കിലും ആദ്യ സിനിമയോട് ഉള്ള ഇഷ്ടക്കൂടുതൽ കാരണം കണ്ടും ഇല്ല.എന്നാൽ കണ്ടപ്പോൾ തോന്നിയ ഒരു വലിയ കാര്യം ലിയാം നീസൻ എന്ന വലിയ പേര് സിനിമയെ ഒരു മികച്ച ആക്ഷൻ ത്രില്ലർ ആക്കി എടുത്തു തന്റെ സ്‌ക്രീൻ പ്രസൻസിലൂടെ.

 In Order of Disappearance ഒരു ക്ലാസിക് നോർവീജിയൻ ത്രില്ലറാണ്.എന്നാൽ കൂടുതൽ ആളുകൾക്കും ഇഷ്ടമാകുന്ന രീതിയിൽ വന്നത് Cold Pursuit ആയേക്കാം.കാനഡയിലെ ആൽബർട്ടയിലും ബ്രിട്ടീഷ് കൊളംബിയയിലും ആണ് സിനിമയുടെ ചുറ്റുപാടുകൾ ചിത്രീകരിച്ചിരിക്കുന്നത്.

എന്റെ അഭിപ്രായത്തിൽ നിലവാരം കൊണ്ടു ലിയാം നീസന്റെ മുന്നിട്ടു നിൽക്കുന്ന റിലീസ് ആയ അവസാന ചിത്രം Cold Pursuit ആണെന്നാണ്.കണ്ടു നോക്കുക. 

Netflix ൽ ചിത്രം ലഭ്യമാണ്

Download Link:- t.me/mhviews

More movie suggestions ആൻഡ് download link @www.movieholicviews.blogspot.ca 

 

1345. The Marksman (English, 2021)

 1345. The Marksman (English, 2021)

            Action, Thriller.

   ലിയാം നീസന്റെ പുതിയ സിനിമയാണ് The Marksman.മെക്സിക്കൻ ബോര്ഡറിന്റെ അടുക്കൽ താമസിക്കുന്ന പഴയ Marine ആണ് ജിം.കാൻസർ കാരണം ഭാര്യയെ നഷ്ടപ്പെട്ട ജിമ്മിന്റെ സാധാരണമായ ജീവിതം ഒരു ദിവസം മാറുകയാണ്.

  അതിനു കാരണമായത് മെക്സിക്കൻ- അമേരിക്കൻ അതിർത്തി വഴി നുഴഞ്ഞു കയറാൻ ശ്രമിച്ച ഒരു അമ്മയും മകനും കാരണം.ഒരു പ്രത്യേക സാഹചര്യത്തിൽ അവരുടെ പ്രശ്നങ്ങളിൽ ഇടപ്പെടേണ്ടി വന്ന ജിം അവരെ രക്ഷിക്കാൻ ശ്രമിക്കുന്നു.അതിനായി അയാൾക്ക്‌ നേരിടേണ്ടി വന്നത് അപകടകാരികൾ ആയ ഒരു കൂട്ടം ആളുകളെയും. The Marksman പറയുന്നത് ആ കഥയാണ്.

 അടുത്തിറങ്ങിയ ഏതൊരു ലിയാം നീസന്റെ ചിത്രവും പോലെ പ്രത്യേകിച്ചു വലിയ സംഭവം ഒന്നും അല്ല The Marksman ഉം.ലിയാം നീസന്റെ ആരാധകർക്ക് അദ്ദേഹത്തെ സ്‌ക്രീനിൽ കാണാൻ ഒരു അവസരം കൂടി എന്നതിൽ കവിഞ്ഞു ഒരു full -throttle ആക്ഷൻ ചിത്രം പോലും അല്ല The Marksman.സിനിമയുടെ കഥയുടെ ഭാഗമായി ഉള്ള ആക്ഷനുകൾ ഉണ്ടെന്നു മാത്രം.ഒരു ത്രില്ലർ ആയി ആണ് കഥ അവതരിപ്പിച്ചതെങ്കിലും ആവർത്തന വിരസമായ കഥ അങ്ങനെ ഒരു അനുഭവം നൽകിയും ഇല്ല.

 ഒരു ലിയാം നീസന്റെ ആരാധകൻ എന്ന നിലയിൽ ചിത്രം തരക്കേടില്ല എന്നു മാത്രമാണ് തോന്നിയത്.ലിയാം നീസന്റെ ആരാധകൻ ആണെങ്കിൽ ഒരു പ്രാവശ്യം വെറുതെ കണ്ടു വിടാവുന്ന ചിത്രമാണ് The Marksman.

സിനിമയുടെ ലിങ്ക്: t.me/mhviews

More movie suggestions @www.movieholicviews.blogspot.ca

1344. The Dry (English, 2020)

 1344. The Dry (English, 2020)

           Mystery, Crime.

  "കീവാരയിലെ ദുരൂഹമായ മൂന്നു കൊലപാതകങ്ങളുടെ കഥ" - The Dry

ദാരുണമായ കൊലപാതകങ്ങൾ ആണ് ഓസ്ട്രലിയയിലെ കീവാര എന്ന ചെറിയ ടൗണിൽ നടന്നത്.ലൂക്കിനെയും, അയാളുടെ ഭാര്യയെയും ചെറിയ കുഞ്ഞായ ബില്ലിയും ആണ് കൊല്ലപ്പെട്ടിരിക്കുന്നത്.ലൂക്ക് ആണ് കുടുംമ്പത്തെ കൊല്ലപ്പെടുത്തിയിരിക്കുന്നത് എന്നും അതിനു ശേഷം അയാൾ ആത്മഹത്യ ചെയ്തത് ആയിരിക്കും എന്ന് ആണ് കൊലപാതകത്തെ കുറിച്ചുള്ള ആദ്യ അന്വേഷണങ്ങളിൽ നിന്നും ലഭിച്ച വിവരം.

  എന്നാൽ വര്ഷങ്ങൾക്കു ശേഷം കീവാരയിലേക്കു മടങ്ങിയെത്തിയ, ലൂക്കിന്റെ ബാല്യകാല സുഹൃത്തായ, ഇപ്പോൾ ഫെഡറൽ ഏജന്റ് ആയ ആരോണും ആദ്യം ഇതേ ഭാഷ്യം തന്നെ വിശ്വസിക്കുന്നു.ഭൂതക്കാലത്തിലെ മറക്കാൻ ആഗ്രഹിക്കുന്ന ഓർമകൾ ആരോണിനെയും കീവാരയിലെ ആളുകളെയും അലട്ടുന്നുണ്ട്.മരണാന്തര ചടങ്ങുകൾക്ക് ശേഷം തിരികെ പോകാൻ ഒരുങ്ങുന്ന ആരോണിനെ കാണാനായി ലൂക്കിന്റെ മാതാപിതാക്കൾ വരുന്നു.ലൂക്ക് അങ്ങനെ ഒരു പാതകം ചെയ്യില്ല എന്നു അവർ വിശ്വസിക്കുന്നു.ഈ കേസ് ആരോണ് അന്വേഷിക്കാൻ അഭ്യർത്ഥിക്കുന്നു.കീവാരയിൽ നിൽക്കാൻ താൽപ്പര്യം ഇല്ലാതിരുന്നിട്ടും അവരുടെ അഭ്യർത്ഥന മാനിച്ചു ഔദ്യോഗികം അല്ലാത്ത അന്വേഷണം ആരോണ് ആരംഭിക്കുന്നു.

 ആരാണ് ആ മൂന്നു കൊലപാതകങ്ങളും ചെയ്തത്?ലൂക്ക് തന്നെ ആണോ?ആണെങ്കിൽ എന്തിനു?അതോ മറ്റാരെങ്കിലും ആണോ?ദുരൂഹമായ ഈ കേസിന്റെ കുരുക്കുകൾ അഴിക്കുക ആണ് The Dry എന്ന സിനിമയിൽ.ജേന് ഹാർപ്പറിന്റെ ഇതേ പേരിലുള്ള പുസ്തകത്തെ ആധാരമാക്കിയാണ് ചിത്രം അവതരിപ്പിച്ചിരിക്കുന്നത്.

 

 ഭൂതക്കാലത്തിലെ ഓർമകൾ കുറ്റാന്വേഷകനെ പുതിയ കേസിന്റെ ഓരോ കാര്യത്തിലും ഓർമിപ്പിക്കുന്നുണ്ട് കീവാര.വൈകാരികമായി ബാധിക്കുന്ന പല അവസ്ഥകളിലൂടെയും ആരോണിന് കടന്നു പോകാനുണ്ട്.കുറ്റാന്വേഷകൻ എന്ന നിലയിൽ അയാളുടെ പല ചിന്തകളെയും ഇതെല്ലാം ബാധിക്കുന്നും ഉണ്ട്.

  ഒരു ക്ലാസിക് കുറ്റാന്വേഷണ ചിത്രം എന്നു വിളിക്കാവുന്ന ഒന്നാണ് The Dry. കുറ്റാന്വേഷകന്റെ അന്വേഷണം പലപ്പോഴും അതിൽ നിന്ന് തന്നെ വ്യതിചലിക്കുമ്പോഴും അയാൾ അവിടെ തന്നെ എത്തുന്ന അവസരങ്ങൾ ആണ് ചിത്രത്തിൽ ഉള്ളത്.

 ഈ അടുത്തിറങ്ങിയ മികച്ച ചിത്രങ്ങളിൽ ഒന്നാണ് എറിക് ബാന ആരോണ് ആയി വരുന്ന ഈ ചിത്രം.തീർച്ചയായും കാണാൻ ശ്രമിക്കുക.നല്ല ചിത്രമാണ്.

More movie suggestions @www.movieholicviews.blogspot.ca

1343. Nobody (English, 2021)

 1343. Nobody (English, 2021)

          Action, Thriller.

 ജോണ് വിക്കിന്റെ എഴുത്തുകാരൻ ഡെറിക് കോൾസ്റ്റഡ് എഴുതിയ പുതിയ സിനിമ കഥയാണ് Nobody യ്ക്ക് ഉള്ളത്.ഇതിന്റെ അപ്പുറം സിനിമയെ കുറിച്ചു ഒന്നും പറയേണ്ട കാര്യമില്ല എന്നു തോന്നുന്നു.ജോണ് വിക്ക് സീരീസ് അല്ലെങ്കിലും അതു പോലെ ഫുൾ ആക്ഷൻ ത്രില്ലർ എന്നു പറയാവുന്ന ചിത്രമാണ് Nobody.

  സാധാരണക്കാരൻ ആയ നായകൻ.ചുറ്റും ഉള്ളവർക്ക് ആൾ പേടിത്തൊണ്ടൻ ആണെന്നുള്ള അഭിപ്രായവും.അതിനുള്ള കാരണവും ഉണ്ട്.എന്നാൽ അയാൾ ശരിക്കും അങ്ങനെ ആയിരുന്നോ?ഹച്ച് മാൻസെൽ എന്ന അക്കൗണ്ടന്റ് തന്റെ ജീവിതം ഒരേ pattern ൽ കൊണ്ടു പോകുമ്പോൾ,അയാളുടെ ദിവസങ്ങൾക്കു ഒന്നും വ്യത്യാസം ഇല്ലാതെ ഇരിക്കുമ്പോൾ ആണ് ഒരു ചെറിയ സംഭവം ഉണ്ടാകുന്നതു.അതയാളുടെ മാറ്റത്തിന്റെ തുടക്കം ആയിരുന്നു.പിന്നീട് ഒരു ചെയിൻ റിയാക്ഷൻ പോലെ ആയിരുന്നു കാര്യങ്ങൾ.ഒരു കാര്യം മറ്റൊന്നിലേക്ക് എത്തിക്കുന്നു.

  ഹച്ച് മാൻസെൽ നമ്മളിൽ പലരുടെയും ഉള്ളിൽ ഉള്ള ഒരു സ്വപ്നമാണ്.സാധാരണക്കാരൻ ആയി ജീവിക്കുക ഒരു ദിവസം എല്ലാരേയും ഞെട്ടിച്ചു കൊണ്ടു വലിയ സംഭവം ആയി മാറുക എന്നതൊക്കെ സ്വപ്നം കാണാൻ കൊള്ളാവുന്ന സംഭവമാണ്.ബോബിന്റെ അസാധ്യമായ പ്രകടനം ആണ് സിനിമയുടെ ഹൈലൈറ്റ്.ഒരു സാധാരണക്കാരനിൽ നിന്നും അയാൾക്ക്‌ transformation ഉണ്ടാകുന്ന സീൻ ഒക്കെ ഗംഭീരമായിരുന്നു.

 ഒരു full-throttle ആക്ഷൻ സിനിമ കാണാൻ താല്പര്യമുണ്ടോ?ഒന്നും നോക്കണ്ട, നേരെ Nobody കാണാൻ പൊയ്ക്കോളൂ.ഈ വർഷം ഏറ്റവും അധികം കാത്തിരുന്ന ചിത്രമാണ് Nobody.കഴിഞ്ഞ വർഷം Unhinged ഉം.എന്താണ് എന്നറിയില്ല മൊത്തം നശിപ്പിക്കുന്ന total chaos ചിത്രങ്ങളോട് നല്ല ഇഷ്ടമാണ്.ജീവിതത്തിൽ ഇതൊന്നും കാണാൻ പറ്റില്ലല്ലോ?അതിലുള്ള കൗതുകം ആയിരിക്കും കാരണം.

Download Link: t.me/mhviews 

More movie suggestions @www.movieholicviews.blogspot.ca

1342. Roohi (Hindi, 2021)

 1342. Roohi (Hindi, 2021)

           Fantasy, Comedy

ഒരു നോ- സെൻസ് സിനിമ ആണ് റൂഹി.ഒരു ഫാന്റസി സബ്ജക്റ്റിലേക്കു കോമഡിയും കൂടി ഉൾപ്പെടുത്തിയ ചിത്രം.രാജ്കുമാർ റാവു-വരുന്ന ശർമ കൂട്ടുകെട്ടിന്റെ കോമഡി ഒക്കെ കൊള്ളാമായിരുന്നു.ചിലയിടങ്ങളിൽ നല്ലതു പോലെ ചിരിപ്പിച്ചു.ഇതൊക്കെ ആകും സിനിമയെ കുറിച്ചു മിനിമം പറയാൻ കഴിയുക.

  എന്നാൽ ചിത്രം കൈകാര്യം ചെയ്യുന്ന സീരിയസ് ആയ ഒരു വിഷയം ഉണ്ട്.തട്ടി കൊണ്ടു പോയി  പെണ്കുട്ടികളെ നിർബന്ധിച്ചു വിവാഹം കഴിപ്പിക്കുന്നു എന്ന പ്രാദേശിക സമ്പ്രദായത്തെ കുറിച്ചു നല്ല രീതിയിൽ വിമർശിക്കുന്നുണ്ട്. ജാന്വി കപൂറിന്റെ റൂഹി എന്ന കഥാപാത്രം അടുത്ത വേഷം സ്വീകരിക്കുമ്പോൾ അതിനെ പല രീതിയിൽ വ്യാഖ്യാനിക്കാൻ സാധിക്കും എന്ന് തോന്നുന്നു.പ്രത്യേകിച്ചും ഒരു അവസരത്തിൽ, താൻ ഒരു വർഷമായി റൂഹിയുടെ കൂടെ ഉണ്ടെന്നു അഫ്സ പറയുമ്പോൾ അവൾക്കു ധൈര്യം ഇല്ലാത്തതിനെ കുറിച്ചും അവളുടെ സുഹൃത്ത് ആണെന്ന് പറയുമ്പോൾ ഉള്ള റൂഹിയുടെ മറുപടി ഒക്കെ ചിലയിടത്ത് എങ്കിലും ഉള്ള സ്ത്രീയുടെ അവസ്ഥ കാണിച്ചു തരുന്നുണ്ട്.

 സമൂഹത്തിലെ പല വിഷയങ്ങളും തമാശ രൂപേണ സിനിമയിൽ അവതരിപ്പിക്കാൻ നോക്കിയിട്ടുണ്ട്.സിനിമ ഒക്കെ കാണാൻ പോകുന്നതിനു മുന്നേ റേറ്റിങ് നോക്കാൻ പോയാൽ ആണ് രസം.ഇപ്പോൾ 4/10 എങ്ങാണ്ട് ആണ് IMDB യിൽ.റീവ്യൂ കയറി നോക്കുമ്പോൾ ആണ് മനസ്സിലാകുന്നത് ജാന്വി കപൂറിനോടുള്ള പലരുടെയും ദേഷ്യം.നെപോട്ടിസം ആണ് കാര്യം എന്നു തോന്നുന്നു.ജാന്വി കപൂർ , 'ടട്ടി' കപൂർ ആയിട്ടുണ്ട്.

  എന്തായാലും സിനിമയുടെ കുറ്റം കൊണ്ടല്ല.പകരം ചിലരുടെ കാഴ്ചപ്പാട് കാരണം ആണ് സിനിമയ്ക്ക് മോശം റേറ്റിങ് വന്നത്.കാരണം അത്ര മോശം സിനിമ അല്ല 'റൂഹി'. ഒരു ഫാന്റസി വിഷയത്തെ നല്ല രീതിയിൽ കോമഡിയും ആയി മിക്സ് ചെയ്തു അവതരിപ്പിച്ചിട്ടുണ്ട്.ഫാന്റസി സബ്ജക്റ്റ് എന്നു പറഞ്ഞാൽ ഒരു തരം മുത്തശ്ശി കഥകളിൽ ഉള്ളത് പോലത്തെ കഥ.ലോജിക്ക് നോക്കി റൂഹി കാണേണ്ട കാര്യവും ഇല്ല.

സിനിമ Netflix ൽ ലഭ്യമാണ്.Nepotism പ്രശ്നം അല്ലാത്തവർക്ക് ചുമ്മാ കാണാം.കണ്ടില്ലേലും വലിയ പ്രശ്നമില്ല.

1341.Innu Muthal (Malatalam, 2021)

 1341.Innu Muthal (Malatalam, 2021)

       ദൈവങ്ങൾ മനുഷ്യരുമായി interact ചെയ്യുന്ന സിനിമകൾ ധാരാളം കണ്ടിട്ടുണ്ട്.ലോകത്തിലെ പല ഭാഷകളിലും കൗതുകം ഉണ്ടാക്കുന്ന തീമുകൾ ആണ് അവയിൽ പലതും.മനുഷ്യന്റെ സ്വഭാവത്തെ മുതൽ രാഷ്ട്രീയം വരെയുള്ള കാര്യങ്ങൾ കൈകാര്യം ചെയ്യുകയും ചെയ്യുന്നു ഇത്തരം സിനിമകളിൽ.ദൈവം എന്ന concept പലപ്പോഴെങ്കിലും മാറുന്നതും കണ്ടിട്ടുണ്ട് ഇത്തരം സിനിമകളിൽ.ചോക്ലേറ്റ് നായകനെ പോലെ ഉള്ള ദൈവങ്ങൾ മുതൽ ചോക്ലേറ്റിന്റെ നിറം ഉള്ള ദൈവം വരെ പല സിനിമകളിലും മുഖം കാണിച്ചിട്ടുമുണ്ട്.

 പൊതുവായി ദൈവങ്ങൾക്ക് കൽപ്പിച്ചു കൊടുത്തിട്ടുള്ള ആകാര വടിവുകൾ പൊളിച്ചെഴുതുമ്പോൾ ആ സിനിമകൾ മുന്നോട്ടു വയ്ക്കുന്ന ചില പൊളിച്ചെഴുത്തലുകൾ ഉണ്ട്.അത്തരത്തിൽ കൃഷ്ണ ഭഗവാൻ എന്ന അവതാരം മനുഷ്യ രൂപത്തിൽ എത്തുകയാണ് ഒരു ഫ്രോഡ് മലയാളിയുടെ മുന്നിൽ.ഫ്രോഡ് എന്നു പറഞ്ഞാൽ കടം വാങ്ങി മുങ്ങി നടക്കുന്ന, സഹ ജീവികളോട് ഒരു സഹതാപവും തോന്നാത്ത ഒരു യുവാവ്.അയാളുടെ പേര് അഭി.ഒരു ടാക്‌സി ഡ്രൈവർ ആണ്.

 കൃഷ്ണ ഭക്തനായ അയാൾ ഈ അടുത്തു ഒരു പുതിയ പ്രശ്‌നത്തിൽ ആണ്.കൃഷ്ണ ഭഗവാന്റെ പ്രതിമ അയാൾക്ക്‌ കാണാൻ ആകുന്നില്ല.അതു പോലെ പടത്തിൽ പോലും കാണാൻ കഴിയുന്നില്ല.അങ്ങനെ ഇരിക്കെ അയാളെ അന്വേഷിച്ചു ഒരു അജ്ഞാതൻ വരുന്നു.അഭിയുടെ ജീവിതം അവിടെ മാറി മറിയുമോ എന്നതാണ് സിനിമയുടെ കഥ.

  ഇടയ്ക്കു ചിരിക്കാൻ ഉള്ള ചില കാര്യങ്ങൾ ഒക്കെ ഉള്ള ഒരു കുഞ്ഞു നന്മ മരം സിനിമ ആണ് രാജേഷ് മിഥിലിയുടെ 'ഇന്ന് മുതൽ' .സിജു വിൽസൻ  ആണ് നായക വേഷത്തിൽ.കൊച്ചി സ്ളാങ് സംസാരിക്കുന്ന കൃഷ്ണ ഭഗവാൻ ഒക്കെ രസകരമായ concept ആയിരുന്നു.ദൈവത്തിനെ കാണുമ്പോൾ ഒരു പക്ഷെ അഭിയ്ക്കു പരിചിതമായ ആളെ പോലെ ആയിരിക്കുമല്ലോ രൂപം.സിനിമയുടെ അവസാനം പറഞ്ഞു വയ്ക്കുന്ന കാര്യത്തിനോട് അതു ചേർന്ന് നിൽക്കുന്നു ഉണ്ട്.

 ചുമ്മാ കണ്ടിരുന്നു റിലാക്സ് ചെയ്യാൻ ഉള്ള ഒരു കുഞ്ഞു സിനിമ ആയി തോന്നി ഇന്ന് മുതൽ.കഴിയുമെങ്കിൽ കാണുക.

More movie suggestions @www.movieholicviews.blogspot.ca

1340. Krishnankutty Pani Thudangi (Malayalam, 2021)

 1340. Krishnankutty Pani Thudangi (Malayalam, 2021)

          Zee 5 OTT

ഒരു നാടൻ ഹൊറർ സ്റ്റോറി ആയിരിക്കും എന്ന് കരുതി ആണ് സിനിമ വന്ന ഉടനെ കാണാൻ തീരുമാനിച്ചത്.തുടക്കം കണ്ടപ്പോൾ അത്തരം ഒരു തോന്നൽ ഉണ്ടാവുകയും ചെയ്ത്.പ്രത്യേകിച്ചും creepy ആയുള്ള eerie സംഗീത പശ്ചാത്തലവും ഒപ്പം കഥ നടക്കുന്ന ആ ബംഗ്ലാവ് ഒക്കെ.

   ലോക്കൽ ഹൊറർ ലെജൻഡ് ആയ കൃഷ്ണൻകുട്ടിയുടെ കഥ ഒക്കെ കേട്ടപ്പോൾ ആ ലെവലിൽ തന്നെ സിനിമ പോകും എന്ന് കരുതി.എന്നാൽ മൊത്തത്തിൽ ട്വിസ്റ്റ് ആയിരുന്നു പിന്നീട് ഉണ്ടായത്.ഇവിടെ പ്രേക്ഷകന് Take It or Leave It അനുഭവം ആണ് ഉണ്ടാവുക.

    ധാരാളം വിദേശ സിനിമകളിൽ കണ്ടിട്ടുള്ള ഒരു തീമിലേക്കു സിനിമ പോയി.പിന്നീട് സ്‌ക്രീനിൽ chaos ആയിരുന്നു.ഫുൾ വയലൻസ്.ഈ ഒരു ഘട്ടം വരെ ഇഷ്ടമായെങ്കിൽ സിനിമ ഇഷ്ടമാകും എന്നു തോന്നുന്നു.എന്നാൽ സിനിമയുടെ പേര് കണ്ടൂ മനസ്സിൽ ഉറപ്പിച്ച ഒരു പ്രമേയം കിട്ടാത്തതിൽ നിരാശൻ ആണ്.

   സിനിമയിലെ എടുത്തു പറയേണ്ട കാര്യം അതിലെ കഥാപാത്രങ്ങൾക്കായി തിരഞ്ഞെടുത്ത ആളുകളെ ആണ്.സാനിയയുടെ കഥാപാത്രത്തിന്റെ ചെയ്തികൾ കാണുമ്പോൾ വിജിലേഷും വിഷ്ണു ഉണ്ണികൃഷ്ണനും അല്ലാതെ മറ്റാരെങ്കിലും ആണെങ്കിൽ നല്ലത് പോലെ കൃത്രിമത്വം തോന്നിയേനെ.Body build കാര്യമായി ആ സീനുകളിൽ സ്വാധീനം ചെലുത്തുന്നുണ്ട്.

 കുറച്ചു സുഹൃത്തുക്കൾ കുടുംബമായി സിനിമ കണ്ടൂ എന്നു പറഞ്ഞു കണ്ടൂ.ഞാനും അങ്ങനെ ആണ് കണ്ടത്.കുടുംബമായി ഒരു fun മൂഡിൽ കാണാൻ ഉള്ള ചിത്രം അല്ല 'കൃഷ്ണൻകുട്ടി പണി തുടങ്ങി'. അതു പോലെ സിനിമ കാണാൻ തിരഞ്ഞെടുക്കുമ്പോൾ നേരത്തെ പറഞ്ഞത് പോലെ Leave It or Take It ശൈലിയിൽ ഇഷ്ടപ്പെടാനും ചാൻസ് ഉണ്ട്.എന്തായാലും തീരെ മോശമായി തോന്നിയില്ല.Genre നെ കുറിച്ചു ഊഹിച്ചത് ശരിയായി ഇല്ലായിരുന്നെങ്കിൽ സാധാരണ ഇത്തരത്തിൽ പ്രമേയം ഉള്ള ഒരു ഇംഗ്ളീഷ് സിനിമ പോലെ ഇഷ്ടമായേനെ എന്നു തോന്നുന്നു.

More movie suggestions @www.movieholicviews.blogspot.ca

1339. The Mole Agent (Spanish, 2020)

 Oscar Nomination for the Best Documentary.

1339. The Mole Agent (Spanish, 2020)

           Documentary/Drama

 കയ്യിൽ ഭൂത കണ്ണാടിയും പിടിച്ചിരിക്കുന്ന സെർജിയോ അപ്പൂപ്പനെ കണ്ടോ?അങ്ങേർക്കു 84 വയസ്സോളം ഉണ്ട്.ആൾക്ക് പുതിയൊരു ജോലി കിട്ടി.അതും ഈ പ്രായത്തിൽ , പേരക്കുട്ടികളുടെ കൂടെ കളിച്ചും ചിരിച്ചും ഇരിക്കേണ്ട പ്രായത്തിൽ.ജോലി കിട്ടിയതു ഒരു സ്പൈ ആയിട്ടാണ്.അതേ, ഒരു ഡിറ്റക്ട്ടീവ് ഏജൻസിയുടെ ചാരനായി സെർജിയോ 3 മാസം ഒരിടത്തു പോകണം.ഏജൻസിയുടെ ക്ളൈന്റിന്റെ ആവശ്യം അനുസരിച്ചു അവർക്ക് വേണ്ടി ചില രഹസ്യങ്ങൾ കണ്ടെത്തണം എന്നതാണ് ജോലി.

  ഒരു സിനിമ കഥ ആണെന്ന് വിചാരിക്കരുത് ഈ കഥ.മേൽ പറഞ്ഞ കാര്യങ്ങൾ എല്ലാം യാഥാർഥ്യമാണ്.അതു കൊണ്ടു ആണ് Documentary/ Drama എന്ന വിഭാഗത്തിൽ ഉൾപ്പെടുത്തിയതും.അപൂർവങ്ങളിൽ അപൂർവം ആകും ഇങ്ങനെ ഒരു ഡോക്യുമെന്ററി.യഥാർത്ഥ ആളുകളെ അതേ പേരിൽ റിയൽ ആയുള്ള ഒരു കാര്യത്തിലേക്ക് ഇറക്കി വിടുന്നു.അതും അവരുടെ അതേ പേരിലും ഭാവത്തിലും.ക്യാമറകൾ ചുറ്റും ഉണ്ട്.അതാത് സമയം നടക്കുന്ന സംഭവങ്ങൾ അനുസരിച്ചു പ്രതികരിക്കുക.അതാണിവിടെ നടക്കാൻ പോകുന്നത്.

  അങ്ങനെ ഏകദേശം 300 മണിക്കൂറോളം ഉള്ള സംഭവങ്ങളിൽ നിന്നും ഒന്നര മണിക്കൂറിൽ താഴെ ഉള്ള, ഒരു ഫിക്ഷണൽ കഥ എന്നു പ്രേക്ഷകന് തോന്നുന്ന രീതിയിൽ ഒരു ഡോക്യുമെന്ററി.അതാണ് ചിലിയൻ ഡോക്യൂ/ഡ്രാമ The Mole Agent പ്രേക്ഷകന് നൽകുന്നത്.

 സെർജിയോയ്ക്ക് കഴിയാവുന്ന അത്ര ദിവസങ്ങളിലേക്ക് താമസിക്കാൻ ആണ് ആ വൃദ്ധ സദനത്തിലേക്കു ആ ക്രൂ കൊണ്ടു പോകുന്നത്.വൃദ്ധസദനങ്ങളെ കുറിച്ചുള്ള ഒരു ചെറിയ ചിത്രം ഉണ്ടാക്കാൻ ആണെന്ന ഭാവേന, അവർ അവിടെ ക്യാമറകളും സ്ഥാപിച്ചു.ആദ്യം തങ്ങളുടെ സ്വകാര്യതയിലേക്ക് തിരിച്ചു വച്ച ക്യാമറയെ അവിടത്തെ അന്തേവാസികൾ സംശയത്തോടെ ആണ് നോക്കി കാണുന്നത്.എന്നാൽ സെര്ജിയോയുടെ വരവോട് കൂടി അവരിൽ പലരുടെയും ജീവിത കാഴ്ചപ്പാട് മാറി.അവർ ചിരിക്കാനും, മനസ്സു തുറന്നു കരയാനും തുടങ്ങി.സെർജിയോ അപ്രതീക്ഷിതമായി അവരുടെ എല്ലാം ജീവിതത്തിലെ മുറിവുകൾ ഉണക്കുന്ന മരുന്നായി മാറി എന്നതാണ് സത്യം.താൻ അന്വേഷിക്കാൻ വന്ന കാര്യങ്ങൾക്കും അപ്പുറമായിരുന്നു അയാൾ അവിടെ ജോലി ചെയ്തത്.

 തന്റെ പുത്തൻ ജോലിക്കു വേണ്ടി മാത്രം മൊബൈൽ ഫോണിലെ അടിസ്ഥാന സാങ്കേതികത പഠിച്ച സെർജിയോ എന്നാൽ പെട്ടെന്ന് തന്നെ സങ്കീർണമായ മനുഷ്യ മനസ്സിന്റെ നൊമ്പരങ്ങൾ പഠിക്കുകയും അവയ്ക്കുള്ള പ്രതിവിധികൾ നൽകാനും സാധിച്ചു.ഒരു ചാരനായി പോയ അയാളുടെ കണ്ടെത്തലുകൾ നടക്കുന്ന സമയം പ്രേക്ഷകനിൽ ചില നൊമ്പരങ്ങൾ അയാൾ ഉണ്ടാക്കുന്നുണ്ട്.അയാൾ തന്റെ അന്വേഷണ റിപ്പോർട്ടിൽ പറയുന്ന കാര്യങ്ങൾ ശരിക്കും നമ്മളെ വിഷമിപ്പിക്കും.അതിനോടൊപ്പം ചിന്തിപ്പിക്കുകയും ചെയ്യും.

 സെർജിയോ ആ വൃദ്ധ സദനത്തിൽ നിന്നും ഇറങ്ങി പോയിരുന്നെങ്കിൽ അവിടം കൊണ്ടു അവസാനിക്കേണ്ടിയിരുന്ന പ്രോജക്റ്റ് ആണിത്.എന്നാൽ ധാരാളം ആളുകളിൽ നിന്നും അഭിമുഖത്തിലൂടെ തിരഞ്ഞെടുത്ത , സ്പൈ സിനിമകളിലെ പോലെ ഉള്ള കുഞ്ഞൻ സാങ്കേതിക വിദ്യകളും ആയി പോയ സെര്ജിയോയുടെ കയ്യിൽ ഉണ്ടായിരുന്നത് അതിനും അപ്പുറം ഉള്ള വിദ്യങ്ങൾ ആയിരുന്നു എന്ന് പ്രേക്ഷകന് മനസ്സിലാകും.

 ഒരു ഫീൽ ഗുഡ് സിനിമ കണ്ട പ്രതീതി ആണ് ശരിക്കും ഈ ഡോക്യൂ/ഡ്രാമ കാണുമ്പോൾ ഉണ്ടാകുന്നത്.ഓസ്‌കാർ പുരസ്‌ക്കാരങ്ങളിൽ മികച്ച ഡോകുമെന്ററി ആയി തിരഞ്ഞെടുത്താൽ പോലും അത്ഭുതപ്പെടേണ്ടി വരില്ല The Mole Agent. ശരിക്കും പ്രേക്ഷകന്റെ കണ്ണും മനസ്സും നിറയ്ക്കും.കാണുക.നല്ലൊരു അനുഭവം ആയിരിക്കും.ഒരു ഡോക്യുമെന്ററി ആയി കണ്ടു സിനിമ സ്നേഹികൾ The Mole Agent ഉപേക്ഷിക്കരുത്.അതു നിങ്ങളുടെ നഷ്ടം ആയിരിക്കും.അൽപ്പം അതിശയോക്തി ആയി തോന്നാമെങ്കിലും സിനിമ കണ്ടു കഴിഞ്ഞപ്പോൾ മനസ്സിൽ തോന്നിയത് ഇതാണ്.

Telegram download link: https://t.me/mhviews

 ഡൌൺലോഡ് ലിങ്കിനും കൂടുതൽ സിനിമകൾക്കും ആയി www.movieholicviews.blogspot.ca സന്ദർശിക്കുക.

1338. Riders of Justice (Danish, 2020)

 1338. Riders of Justice (Danish, 2020)

          Crime, Comedy

Mads Mikkelsen (The Hunt, Drunk), Nikolaj Lie Kaas( Department Q Series) തുടങ്ങി ഡാനിഷ് സിനിമയിലെ മികച്ച അഭിനേതാക്കൾ ഒരുമിച്ച ചിത്രമാണ് Riders of Justice.ഒരു ക്രൈം/കോമഡി ചിത്രം എന്ന നിലയിൽ നിരൂപക പ്രശംസ ഏറ്റു വാങ്ങിയിരുന്നു ചിത്രം.നേരത്തെ പറഞ്ഞ രണ്ടു നടന്മാരും നല്ല തയാറെടുപ്പുകൾ നടത്തി അവതരിപ്പിച്ച കഥാപാത്രങ്ങൾ ആണ് ചിത്രത്തിൽ ഉള്ളത്.

   'യാദൃശ്ചികമായി സംഭവിച്ച കാര്യം' എന്നു പറഞ്ഞു ലഘൂകരിക്കുന്ന കാര്യങ്ങളുടെ പിന്നിൽ  ആ സംഭവത്തിനു മുന്നേ നടന്ന കാര്യങ്ങളുമായി ബന്ധം ഉണ്ടാകുമോ?ഉണ്ടാകും എന്നാണ് ഓട്ടോയും കൂട്ടുകാരൻ ആയ ലെനർട്ടും വിശ്വസിക്കുന്നത്.രണ്ടു പേരും ആ ആശയം മുന്നിൽ കണ്ടു കൊണ്ടു പഠനങ്ങൾ നടത്തുകയാണ്.

  ആ സമയത്താണ് ആ അപകടം സംഭവിക്കുന്നത്.ഓട്ടോയ്ക്ക് ആ അപകടത്തെ കുറിച്ചു സംശയങ്ങൾ ഉണ്ടാകുന്നു.അതു മനപ്പൂർവം ഉണ്ടാക്കിയ അപകടം ആണെന്ന് അയാൾ വിശ്വസിക്കുന്നു.അതിനു കാരണവും ഉണ്ടായിരുന്നു. എന്നാൽ അവരെ വിശ്വസിക്കാൻ ആരും ഇല്ലായിരുന്നു.ഒരാൾ വരുന്നത് വരെ. അപകടത്തിൽ കൊല്ലപ്പെട്ട സ്ത്രീയുടെ ഭർത്താവ് മർക്കസ് എത്തുന്നത് വരെ.അവരുടെ ചിന്തകൾ ശരിയാണോ?യഥാർത്ഥത്തിൽ എന്താണ് അവിടെ സംഭവിച്ചത്?അതാണ് സിനിമയുടെ കഥ.

 കഥാപ്രമേയം വായിക്കുമ്പോൾ പരിചിതമായ സിനിമ ക്ളീഷേകളോട് സമയം തോന്നുമായിരിക്കാം.എന്നാൽ ആ ഒരു ചിന്തയോടെ കണ്ടു കൊണ്ടിരുന്നത് കൊണ്ടാകാം പ്രതീക്ഷ മൊത്തം തെറ്റി.അതിനു കാരണം ആയ സംഭവം വലിയ ഒരു ട്വിസ്റ്റ് ആയി ഒന്നും കാണാൻ പറ്റുമെന്നു തോന്നുന്നുമില്ല.പക്ഷെ അവിടെ നിന്നും സിനിമ മറ്റൊരു തലത്തിലേക്കു പോവുക ആണുണ്ടായത്.ചെറിയ ഒരു പുഞ്ചിരിയോടും വിഷമത്തോടെയും അതിനൊപ്പൻ സമ്മിശ്ര വികാരങ്ങളോട് മാത്രമേ സിനിമ കണ്ടു അവസാനിപ്പിക്കാൻ കഴിയൂ.ഒരു പ്രതികാര കഥ എന്നതിന് അപ്പുറം മറ്റൊന്നും സിനിമയെ കുറിച്ചു തോന്നിയതും ഇല്ലായിരുന്നു അതു വരെ എന്നതാണ് സത്യം.മികച്ച അഭിനേതാക്കളുടെ മികച്ച പ്രകടനവും എടുത്തു പറയേണ്ടതാണ്.

 ശരിക്കും സിനിമ കഥകൾക്കും അപ്പുറം ആയി തോന്നി Riders of Justice ന്റെ കഥ.കണ്ടു നോക്കുക.

Download link available at @mhviews Telegram Channel.

More movie suggestions and link @www.movieholicviews.blogspot.ca

1337. Crime Scene: The Vanishing at the Cecil Hotel

 1337. Crime Scene: The Vanishing at the Cecil Hotel

          Netflix Mystery Docu- Series

          No. of Episodes: 4

         

  പോസ്റ്റിൽ ഉള്ള അവ്യക്തമായ ചിത്രത്തിലെ പെണ്ക്കുട്ടിയുടെ ചിത്രത്തിന് ഒരു പ്രത്യേകതയുണ്ട്. എലിസ ലാം എന്ന രണ്ടാം തലമുറ migrant ആയ കനേഡിയൻ വിദ്യാർത്ഥിനി എലിസ ലാമിന്റെ ജീവനോടെ ഉള്ള അവസാന ഫോട്ടോകളിൽ ഒന്നാണ്.കുറച്ചു പേർക്കെങ്കിലും ഓർമ കാണും ഈ സംഭവം.2013 ലെ ഫെബ്രുവരിയിൽ ലോസ് ഏഞ്ചല്സിലെ കുപ്രസിദ്ധമായ സെസിൽ ഹോട്ടലിൽ വച്ചു കാണാതായ പെണ്കുട്ടി.

  ലോകത്തെ കുറിച്ചു കൂടുതൽ അറിയാൻ ഉള്ള കൗതുകം മൂലം ആണ് അവൾ കാനഡയിൽ നിന്നും അമേരിക്കയിലേക്ക് വന്നത്.അവളുടെ യാത്രയിൽ Tumbler ലെ പതിവുകാരി ആയിരുന്ന അവൾ തന്റെ മനസ്സിൽ ഉള്ളത് തുറന്നെഴുതിയിരുന്നു.പിന്നീട് അവളുടെ എഴുത്തുകൾ നിലയ്ക്കുകയും, വീട്ടിലേക്കുള്ള ആശയ വിനിമയം ഇല്ലാതെ ആവുകയും ചെയ്തപ്പോൾ ആണ് ആ വലിയ നഗരത്തിൽ അവളെ കാണാതായത് റിപ്പോർട്ട് ചെയ്യുന്നത്.

 വലിയ നഗരം ആണ്.അതു കൊണ്ടു അതിന്റെതായ പ്രശ്നങ്ങളും ലോസ് ഏഞ്ചൽസിൽ ഉണ്ടായിരുന്നു.ദുരൂഹമായ സാഹചര്യത്തിൽ ഉണ്ടായ അവളുടെ തിരോധാനത്തിന് ബാക്കി കാഴ്ചകൾ ആണ് ഡോകുമെന്ററി അവതരിപ്പിച്ചിരിക്കുന്നത്.എലിസ ലാമിനു എന്താണ് സംഭവിച്ചത് എന്നു അറിയണമെന്നുണ്ടോ?കണ്ടു നോക്കൂ ഈ ഡോക്യൂ- സീരീസ്.

 Don't F**k With Cats എന്ന Netflix ഡോകുമെന്ററി കണ്ടവർക്ക് അറിയാം ഇന്റർനെറ്റ് എങ്ങനെ ആണ് ആ സംഭവത്തിൽ സ്വാധീനിച്ചത് എന്നു.ഈ ഡോക്യു- സീരീസും പറഞ്ഞു വയ്ക്കുന്നത് അത്തരം ഒരു സംഭവം ആണ്.എലിസ ലാമിന്റെ തിരോധാനത്തിന് ശേഷം നടന്ന സംഭവങ്ങളിൽ Netizens എങ്ങനെ സ്വാധീനിച്ചു എന്നു.എനിക്ക് തോന്നിയത് വളരെ വലിയ Conspiracy Theory കളുടെ ഒരു കുത്തൊഴുക്ക് ആയിരുന്നു അതിനു ശേഷം ഉണ്ടായത് എന്നാണ്.

 പലരും സംശയത്തിന്റെ മുൾമുനയിൽ നിൽക്കേണ്ടി വന്നൂ.ഈ സംഭവം കാരണം ജീവിതം പോയവർ വരെ ഉണ്ടായി.എന്തിനേറെ, എലിസ ലാം ഒരു ചൈനീസ് ചാര വനിത ആയിരുന്നു എന്നുള്ള തിയറികൾ വരെ വന്നൂ.അങ്ങനെ വളരെയാധികം വ്യത്യസ്തമായ പല തിയറികളിൽ മാത്രം അവളുടെ തിരോധാനം ഒതുങ്ങി.

 ദുരൂഹതകളുടെ വലിയ ഒരു കെട്ടാണ് ഈ സംഭവം.പല കഥകളും സത്യം ആണോ എന്ന് പോലും തോന്നി പോകും.തെളിവുകൾ ഒന്നും അധികം കിട്ടാത്തത് കൊണ്ടായിരിക്കും ഇങ്ങനെ ഒരു Conspiracy Theory ആംഗിളിൽ ഈ വിഷയം അവതരിപ്പിച്ചത്.പല നിരൂപകരും ഇത്തരത്തിൽ ഉള്ള അവതരണ രീതിയെ വിമർശിച്ചിരുന്നു.എന്നാൽക്കൂടിയും Conspiracy Theory കളുടെ ആരാധകർക്ക് നല്ലൊരു വിരുന്നാണ് എലിസ ലാമിന്റെ ദുരൂഹമായ ജീവിത- തിരോധനത്തെ കുറിച്ചുള്ള ഈ ഡോക്യു- സീരീസ്.

More suggestions @ www.movieholicviews.blogspot.ca

1336. The Big Bull (Hindi, 2021)

 

1336. The Big Bull (Hindi, 2021)

           Scam 1992 എന്ന ഇന്ത്യയിലെ ഏറ്റവും മികച്ച സീരീസുകളിൽ ഒന്നെന്നു നിരൂപകർ വാഴ്ത്തിയ, ഹർഷദ് മേത്തയുടെ കഥ സിനിമ രൂപത്തിൽ വരുന്നതാണ് The Big Bull. സീരീസിൽ നിന്നും സിനിമയിലേക്ക് വരുമ്പോൾ എന്താണ് സംഭവിച്ചതെന്ന് നോക്കാം.പ്രധാനമായും ഒറ്റ കാര്യം ആണ് പറയാൻ ഉള്ളൂ. സീരീസ് നൽകിയ detailing, കഥയിലെ പൂർണത എല്ലാം നഷ്ടമായ ഹർഷദ് മേത്തയുടെ കഥയുടെ ട്രെയിലർ രൂപം ആയി തോന്നി സിനിമ.

 സിനിമ പലയിടത്തും വെറുതെ സൂചനകളോടെ പല സന്ദർഭങ്ങളും പോകുമ്പോൾ സീരീസിൽ ആ സംഭവങ്ങളിലേക്കു വഴി വച്ച കാര്യങ്ങൾ ഓർമ വന്നൂ.ശരിയാണ്, രണ്ടര മണിക്കൂർ ഉള്ള സിനിമയിൽ എത്ര മാത്രം കാര്യങ്ങൾ അവതരിപ്പിക്കാൻ കഴിയും, അതും സംഭവ ബഹുലമായ ഒരു ജീവ ചരിത്രം ഉള്ള ഒരാളെ സംബന്ധിച്ചു കൂടി ആണെങ്കിൽ.ഈ ഒരു കാര്യത്തിൽ , Scam 1992 കണ്ട ഒരാൾ ആണെങ്കിൽ സിനിമ നിരാശ ആണ് നൽകുക.

  ഇനി ഇതെല്ലാം വിട്ടു സീരീസ് കണ്ടിട്ടേ ഇല്ല എന്നു കരുതുക.അപ്പോൾ പോലും അഭിഷേക് ബച്ചന്റെ ഹേമന്ത് ഷാ ,പ്രതീക് ഗാന്ധിയുടെ ഹർഷദ് മേത്തയിൽ നിന്നും അകലെയാണ്.കഥാപാത്ര വികസനത്തിന് പ്രതീക് ഗാന്ധിയ്ക്കു ലഭിച്ച luxury അഭിഷേകിന് ലഭിച്ചില്ല.പക്ഷെ സിനിമയുടെ ചട്ടക്കൂടിൽ നിന്നു കൊണ്ടു അഭിഷേക് തന്റെ റോൾ നന്നായി ചെയ്തു എന്ന് തോന്നി.സിനിമയുടെ നട്ടെല്ല് തന്നെ അഭിഷേക് ആണ്.ഇടയ്ക്കുള്ള വിജയത്തിൽ മഥിക്കുന്ന ഹേമന്ത് ഷായുടെ ചിരി ശ്രദ്ധിക്കപ്പെടുന്നുണ്ട്.മറ്റൊന്ന്, സീരീസിൽ നിന്നും നഷ്ടമായത് ആ ബി ജി എം ആണ്.

 കഥയിൽ കാതലായ മാറ്റം ഉണ്ട്.യഥാർത്ഥ സംഭവങ്ങളോട് കൂടുതൽ നീതി പുലർത്തിയ സീരീസിൽ നിന്നും സിനിമയിലേക്ക് വരുമ്പോൾ ഉള്ള വ്യത്യാസം അവിടെയും കാണാം.ഹർഷദ് മേത്തയുടെ എതിരാളികൾ ഹേമന്ത് ഷായിലേക്കു എത്തുമ്പോൾ വളരെ കുറവായിരുന്നു.സീരീസിലെയും സിനിമയിലെയും ചെറിയ ട്വിസ്റ്റുകൾക്കു പോലും മാറ്റമുണ്ട്.ചുരുക്കത്തിൽ , കഥാപാത്രങ്ങൾ പലരും മാറിയിട്ടുണ്ട് ഈ കഥയിൽ.

 Scam 1992: The Harshad Mehta Story യുടെ വലിയ ആരാധകൻ എന്ന നിലയിൽ, ഇന്ത്യൻ മിഡിൽ ക്ലാസ്സിനെ സ്വപ്നം കാണാൻ പഠിപ്പിച്ച, ഇന്ത്യൻ എക്കോണോമിയിൽ ലോജിക് ഇല്ലാത്ത സ്വപ്നങ്ങൾ അവതരിപ്പിച്ച ഹർഷദ് മേത്തയുടെ കഥ സിനിമ ആയി വന്നപ്പോൾ സീരീസ് തന്ന സംതൃപ്തി തന്നില്ല ഒരു പ്രേക്ഷകൻ എന്ന നിലയിൽ.ആദ്യമായി കാണുന്ന ഒരാൾക്ക് ഇഷ്ടമാകുമായിരിക്കും സിനിമ എന്നു പ്രതീക്ഷിക്കുന്നു.വീണ്ടും പറയുന്നു.സീരീസിനുള്ള വിശാലമായ ക്യാൻവാസ് സിനിമയിൽ ഉൾപ്പെടുത്താൻ കഴിയാത്തത് ആണ് മൊത്തത്തിൽ തൃപ്തി തരാത്തതിനു കാരണം.എന്നാലും കണ്ടു കൊണ്ടിരിക്കാം.

സിനിമ Hotstar ൽ ലഭ്യമാണ്.