1373. The Ice Road (English, 2021)

 1373. The Ice Road (English, 2021)

           Action, Thriller.

  കാനഡയിൽ വിന്ററിൽ ഉള്ള മഞ്ഞിന്‌ ശേഷം ആണ് അപകടകാരി ആയ രീതിയിൽ റോഡിൽ മഞ്ഞു വരുന്നത്.ഏകദേശം മാർച്ച് മാസം ഒക്കെ ആകുമ്പോൾ നല്ല കണ്ണാടി പോലെ മഞ്ഞു റോഡിൽ വരാറുണ്ട്.Prairies ൽ താമസിക്കുന്നവർക്ക് പരിചിതമാണ് ഇത്തരം റോഡുകൾ.കണ്ണാടിയുടെ മുകളിലൂടെ വണ്ടി ഓടിച്ചു പോകുന്ന അവസ്ഥ ആലോചിച്ചു നോക്കിക്കേ?അത്തരത്തിൽ ആകും റോഡുകൾ.വിന്ററിൽ ഉള്ള മഞ്ഞു കട്ട പിടിച്ചു സ്പ്രിങ് ആകുമ്പോൾ അതു മുരുകൻ തുടങ്ങുന്ന.ആ സമയം റോഡുകൾ മരണ കെണി ഒരുക്കി ഇരിക്കുന്നുണ്ടാകും.

 ഇവിടെ കഥ നടക്കുന്നത് മാനിറ്റോബായിൽ ആണ്.ഒരു മൈനിൽ കുടുങ്ങി പോയ ആളുകളെ രക്ഷിക്കാൻ സ്വന്തം ജീവൻ പോലും പണയപ്പെടുത്തി രക്ഷിക്കാൻ ആയി കുറച്ചു ആളുകൾ വരുന്നു.രക്ഷകൻ റോൾ എന്നു ഹോളിവുഡ് സിനിമയിൽ ആലോചിക്കുമ്പോൾ തന്നെ ആദ്യം വരുന്ന പേരുകളിൽ ഒന്നായ ലിയാം നീസൻ ആണ് അവരിൽ ഒരാൾ.

  സിനിമയിൽ ഏറ്റവും ഇഷ്ടപ്പെട്ടത് മഞ്ഞിലൂടെ പോകുമ്പോൾ ഉള്ള അപകടകരമായ സാഹചര്യങ്ങളും അതിനെ അതി ജീവിക്കാൻ കഷ്ടപ്പെടുന്ന മനുഷ്യരും ആണ്.പല സീനുകളും breath-taking എന്നു തന്നെ പറയാം.ഒരു disaster/survival ആക്ഷൻ സിനിമ എന്ന നിലയിൽ സ്ഥിരമായുള്ള ഹോളിവുഡ് ചേരുവകൾ ആണ് ഉള്ളതെങ്കിലും ലിയാം നീസൻ എന്ന ഒറ്റ പേര് മതി സിനിമ ആസ്വദിക്കാൻ.സിനിമയിൽ ഏറെ ഇഷ്ടപ്പെട്ട ഒരു കഥാപാത്രം ആണ് മാർക്കസ് തോമസിന്റെ ഗ്രട്ടി എന്ന കഥാപാത്രം.ചില സീനുകളിൽ ഒക്കെ ലിയാം നീസനെക്കാളും impact ഉണ്ടായിരുന്നു ആ കഥാപാത്രത്തിന്.

 എന്നെ സംബന്ധിച്ചു ഈ അടുത്തു വന്ന ലിയാം നീസൻ സിനിമകളിൽ ഏറ്റവും ത്രില്ലിംഗ് ആയ സിനിമ ആണ് The Ice Road.പ്രായത്തിന്റെ പ്രാരാബ്ധങ്ങൾ മുഖത്തു കാണിക്കുന്ന ചില കഥാപാത്രങ്ങൾക്ക് ഇടയിൽ ഈ ചിത്രത്തിലെ  മൈക് എന്ന കഥാപാത്രം വേറിട്ടു നിന്നതായി തോന്നി.

  സിനിമ ഒരു പക്ഷെ വലിയ അളവ് കോൽ ഒക്കെ ഇട്ടു വിശകലനം ചെയ്താൽ ഇഷ്ടമാക്കണം എന്നില്ല.എന്നാൽ ഒരു തരക്കേടില്ലാത്ത ആക്ഷൻ പടം എന്നു പറഞ്ഞാൽ The Ice Road അതിൽ ഉൾപ്പെടുത്താൻ സാധിക്കും.

 @mhviews rating: 3/4

1372. Sunflower (Hindi, 2021)

 1372. Sunflower (Hindi, 2021)

          Crime, Comedy.

ഡാർക്- കോമഡി ക്രൈം സീരീസ് ആണ് Sunflower.ധനികനായ രാജ് കപൂർ Sunflower Society എന്ന അപാർട്മെന്റിലെ അന്തേവാസിയാണ്.ഒരു ദിവസം അയാൾ കക്കൂസിൽ ഇരുന്നു മരിക്കുകയാണ്.പോലീസ് അന്വേഷണം തുടങ്ങി. Sunflower Society perfect ആണെന്നാണ് അവിടെ താമസിക്കുന്ന മിയ്ക്കവരുടെയും ബോധത്തിൽ ഉള്ളത്.എന്നാൽ അവിടെ racism, homophobia തുടങ്ങി പല സാമൂഹിക വിപത്തുകളുടെയും ഇടം ആയിരുന്നു.പുറമെ നോക്കിയാൽ glorified ആയുള്ള ഒരു സ്ഥലം ആയിരുന്നെങ്കിലും ഉള്ളിൽ പലതും ചീഞ്ഞു നാറുന്ന ആളുകൾ ആണ് ഭൂരിഭാഗവും.

ഈ സമയത്താണ് അവിടെ കൊലപാതകം നടക്കുന്നതും.രൻവീർ ഷൂറിയുടെ പോലീസ് കഥാപാത്രം ആണ് അന്വേഷണം നയിക്കുന്നത്.വളരെ എളുപ്പം അന്വേഷണം തീരും എന്നു തോന്നിയ കൊലപാതകം ആണെങ്കിലും പിന്നീട് നടക്കുന്ന സംഭവങ്ങളിലൂടെ Perfect Crime ആയി ആ കൊലപാതകം മാറുകയായിരുന്നു, ആരും അറിയാതെ.അതിലേക്കു നയിച്ച കാരണങ്ങൾ ആണ് ഈ സീരീസിൽ പിന്നീട് കാണുന്നത്.

    സുനിൽ ഗ്രോവർ എന്ന stand-up കൊമേഡിയന്റെ അഴിഞ്ഞാട്ടം ആണ് Sunflower എന്ന Zee5 സീരീസിൽ ഉള്ളത്.ഒരു കൊലപാതകത്തിന്റെ അന്വേഷണത്തിനായി പോലീസ് വരുമ്പോൾ സോനു സിങ് കഥയിൽ അത്ര പ്രാധാന്യം ഉള്ള ആളായി തോന്നുന്നില്ല.നിഷ്‌കളങ്കത ആണ് അയാളുടെ മുഖമുദ്ര.മറ്റുള്ളവർ അയാളെ കൂടെ കൂട്ടാത്തപ്പോഴും, കാമുകി നിഷ്ക്കരുണം അയാളെ തള്ളി കളയുമ്പോൾ ഒക്കെ ഉള്ള നിഷ്‌കളങ്കത പ്രേക്ഷകനിൽ അയാളോട് ഉള്ള ഇഷ്ടം കൂട്ടുന്നു.

 അയാളുടെ കഥാപാത്രം പിന്നീട് ഈ കൊലപാതക കേസിൽ എത്ര മാത്രം സ്വാധീനം ഉണ്ടാക്കുന്നു എന്നതൊക്കെ കഥയിൽ നന്നായി അവതരിപ്പിച്ചിട്ടുണ്ട്.മുകുൾ ചദ്ദയുടെ അഹൂജ എന്ന കഥാപാത്രം ഒക്കെ രസകരം തന്നെ ആയിരുന്നു.അയാളുടെ പല മാനറിസങ്ങളും വേറെ ലെവൽ സൈക്കോ ആയി അയാളെ മാറ്റി. അത് പോലെ മറ്റൊരു കഥാപാത്രമാണ് ഗിരീഷ് കുൽക്കർണിയുടെ താംബെ എന്ന പൊലീസ് കഥാപാത്രം.ഒരു typical Indian cop എന്നു പറയാവുന്ന, അതിനോടൊപ്പം mid- age crisis എന്നു പറയുന്ന കാലഘട്ടം ആഘോഷിക്കുന്ന ആൾ.

അതു പോലെ ധാരാളം കഥാപത്രങ്ങൾ ഈ സീരീസിൽ ഉണ്ട്.അവസാന എപ്പിസോഡ് അടുത്ത സീസണിലേക്കുള്ള ചൂണ്ടു പലക ആക്കിയാണ് നിർത്തിയത്.രണ്ടാമതൊരു സീസണ് വരുന്നതിനോടൊപ്പം ഇതു വരെ കണ്ടത് ഒന്നും അല്ല സത്യം എന്നൊരു തോന്നലും ഉണ്ടാക്കുന്നുണ്ട്.

Sunflower Society യ്ക്ക് പറയാൻ ഇനിയും കൂടുതൽ കഥ കാണുമായിരിക്കും.അതിനായി കാത്തിരിക്കുന്നു.അതിനൊപ്പം മികച്ച ഇന്ത്യൻ സീരീസുകളുടെ കൂട്ടത്തിൽ, പ്രത്യേകിച്ചും ഡാർക് കോമഡി അവതരിപ്പിച്ചതിൽ ഈ പരമ്പര മികച്ചു നിൽക്കുന്നു എന്നു തോന്നി.

കാണുക!! Go for it!!

@mhviews rating: 3.5/4

 

1370. Long Story Short (English, 2021)

 1370. Long Story Short (English, 2021)

           Romance, Fantasy

  ഒരു ടിന്നിൽ ആയിരുന്നു എല്ലാത്തിന്റെയും ആരംഭം.തന്റെ വിവാഹ ദിവസം ലഭിച്ച ഒരു അജ്ഞാത സമ്മാനത്തിൽ നിന്നാണ് റ്റെഡിന്റെ ജീവിതം മാറുന്നത്.അബദ്ധത്തിൽ നൽകിയ ഒരു ഒരു ചുംബനം അയാളുടെ ജീവിതത്തിന്റെ ഭാഗമായി ലിയാനിനെ അയാൾക്ക്‌ ലഭിച്ചപ്പോൾ അയാൾ സന്തോഷവാൻ ആയിരുന്നു.എന്നാൽ ജീവിതത്തിലെ മികച്ച സന്ദർഭങ്ങൾ പിന്നീട് അയാളുടെ ഓർമയിൽ പോലും നിൽക്കാത്ത രീതിയിൽ മുന്നോട്ടു പോയാലോ?

  എവിടെയാകും അയാൾക്ക്‌ തെറ്റ് പറ്റിയിട്ടുണ്ടാവുക?സാധാരണമായ ഒരു ജീവിതം ഇത്രയും സങ്കീർണം ആയി മാറിയത് എന്തു കൊണ്ടാകും?റ്റെഡ് തന്റെ പുതിയ ജീവിതത്തിലെ കാര്യങ്ങൾ അനുഭവിച്ചു പോകുമ്പോൾ അയാൾ പോലും വിചാരിക്കാത്ത രീതിയിൽ ആണ് ജീവിതം മാറുന്നത്.

 Groundhog Day പ്രണയവും കുറച്ചു mid-life crisis ഉം ഒക്കെ ഉൾപ്പെടുത്തി, കുറച്ചും കൂടി സങ്കീർണമായ രീതിയിൽ അവതരിപ്പിച്ചാൽ എങ്ങനെ ഉണ്ടാകും? Long Story Short , Groundhog Day ഉമായി കഥയിൽ അധികം സാമ്യമില്ല.എന്നാൽ ചിത്രം അവസാനം പറഞ്ഞു വയ്ക്കുന്ന ഒരു കാര്യമുണ്ട്.രണ്ടു സിനിമയിലെയും പ്രധാന കഥാപാത്രങ്ങൾ പഠിക്കുന്ന ഒരു കാര്യം.പലപ്പോഴും റ്റെഡ് സ്വന്തം ജീവിതത്തെ ഒരു മിസ്റ്ററി ആയി കാണുമ്പോൾ, അയാളുടെ ഒപ്പം ഉള്ളവരെ അയാൾക്ക്‌ നഷ്ടമാകുന്നുണ്ട് പല വഴിയിലും.ജീവിതത്തിൽ ഒരിക്കലും സംഭവിക്കില്ല എന്നു വിശ്വസിക്കുന്ന കാര്യം പോലും ഓർമയിൽ നിൽക്കാതെ പോകുന്നു.

 റ്റെഡ് നമ്മളിൽ പലരും ആണ്.ജീവിതത്തിൽ കണ്മുന്നിൽ ഉള്ളപ്പോൾ വിലയറിയാത്ത പല വ്യക്തികളെയും പിന്നീട് അവർ ഇല്ലാതെ ആകുമ്പോൾ എത്ര മാത്രം നമ്മളെ ബാധിക്കും എന്നതിന്റെ ഉദാഹരണം.ഒരു ഫാന്റസി ചിത്രം എന്ന നിലയിൽ ,പ്രത്യേകിച്ചും റൊമാന്റിക്-കോമഡി എന്ന നിലയിൽ Long Story Short നല്ല രസമുള്ള കാഴ്ചയാണ്.സിനിമയുടെ ഇടയ്ക്കുള്ള ചെറിയ സംഭവങ്ങൾ ഒക്കെ സ്വന്തം ജീവിതവുമായി ഒന്നു തുലനം ചെയ്ത് നോക്കണം.പല കാഴ്ചകളും കാണാൻ സാധിക്കും; ഒരു പക്ഷെ നമ്മൾ തീരെ ചിന്തിക്കാത്ത പല കാര്യങ്ങളും.

 ടൈം ട്രാവൽ എന്ന സങ്കീർണമായ പ്രമേയം ആണ് സിനിമയിൽ ഉപയോഗിച്ചിരിക്കുന്നതെങ്കിലും സരളമായി ജീവിതത്തെ കുറിച്ചുള്ള കാഴ്ചപ്പാട് ആണ് റ്റെഡിലൂടെ അവതരിപ്പിച്ചിരിക്കുന്നത്.നല്ല ഒരു ഫീൽ - ഗുഡ് ചിത്രമായി തോന്നി.ക്ളൈമാക്‌സ് ഒക്കെ ഏകദേശം ഊഹിച്ചെടുക്കാം.പ്രത്യേകിച്ചും സ്ഥിരമായി ഉള്ള ടൈം ട്രാവൽ ചിത്രങ്ങളുടെ ഫോർമാറ്റിൽ തന്നെ ആയതു കൊണ്ട്.എങ്കിൽ കൂടിയും, Rafe Spall എന്ന നടന്റെ one-man ഷോ ആയ ചിത്രം പ്രേക്ഷകനെ രസിപ്പിക്കും.താല്പര്യമുണ്ടെങ്കിൽ കണ്ടു നോക്കൂ.

@mhviews rating: 2.5/4

1371. The Culprit (Korean, 2019)

 1371. The Culprit (Korean, 2019)

          Crime, Thriller, Mystery.

"സത്യം കണ്ടെത്തിയില്ലെങ്കിൽ ഒന്നെങ്കിൽ നിങ്ങൾക്ക് നിങ്ങളുടെ ഉറ്റ സുഹൃത്തിനെ നഷ്ടമാകും, എനിക്ക് എന്റെ ഭർത്താവിനെയും."ലീ യങ്ങിനോട് യിയോൻ ഇതു പറയുമ്പോൾ ലീയുടെ മനസ്സ് സത്യം കണ്ടെത്താൻ വേണ്ടി വേണ്ടി പാകപ്പെട്ടിരിക്കാം.അയാൾ ആദ്യം യിയോനിനോട് അവളുടെ ആവശ്യം അയാളുടെ കാര്യമേ അല്ല എന്ന് ഉള്ള അവസ്ഥയിൽ ആയിരുന്നു.

 കാരണം, അയാളുടെ ഭാര്യ കൊല്ലപ്പെട്ടിരിക്കുന്നു.പ്രതിയായി ഉള്ളത് അയാളുടെ ഉറ്റ സുഹൃത്തും യിയോനിന്റെ ഭർത്താവ് ആയ ജൂൻ- സുങും. തന്റെ സുഹൃത്തിനെ തള്ളി പറയാൻ അയാൾക്ക്‌ കഴിയുന്നില്ല.കാരണം അയാളുടെ ഭാര്യയുടെ മരണത്തിനു പിന്നിൽ അവളും ലീയുടെ സുഹൃത്തും തമ്മിൽ ഉള്ള അവിഹിത ബന്ധം ആണെന്നുള്ള കണ്ടെത്തൽ ആണ് പോലീസ് നടത്തിയിരിക്കുന്നത്.

കൊറിയൻ ചിത്രമായ The Culprit ന്റെ ഏകദേശ കഥ ഇതാണ്.പോലീസ് അന്വേഷണം അവസാനിപ്പിച്ച കേസിൽ സത്യം കണ്ടെത്താൻ ലീയും യിയോനും ശ്രമിക്കുന്നു.അവർക്ക് യഥാർത്ഥ കൊലയാളിയെ കണ്ടെത്താൻ കഴിയുമോ?അവരുടെ സംശയങ്ങൾ അവരുടെ അന്വേഷണത്തിൽ സഹായിക്കുമോ?അതോ പോലീസിന്റെ ഭാഷ്യം ആണോ ശരി?

 ഒരു പരിധി വരെ സിനിമ മുന്നോട്ട് പോകുമ്പോൾ കൊലയാളിയെ കുറിച്ചുള്ള സംശയങ്ങൾ തോന്നുമെങ്കിലും പലപ്പോഴും പല സംഭവങ്ങളും ഫ്‌ളാഷ്ബാക്കിൽ പോകുമ്പോൾ പ്രേക്ഷകനിൽ ആശയ കുഴപ്പം ഉണ്ടാകുന്നുണ്ട്.ചിത്രം അവസനത്തോട് അടുക്കുമ്പോൾ കൊറിയൻ സിനിമയുടെ സ്ഥിരമായുള്ള ട്വിസ്റ്റ്/സസ്പെൻസ് element വർക് ചെയ്യുന്നും ഉണ്ട്.Tail end ൽ സിനിമ അവസാനിക്കുമ്പോൾ കൊറിയൻ സിനിമയിലെ വൈകാരികമായ ക്ളീഷേയും കാണാം.എന്നാലും ആശയ കുഴപ്പം ഉണ്ടാക്കിയ  പല കാര്യങ്ങളിലും പിന്നീട് വ്യക്തത നൽകിയത് നന്നായി.

 മൊത്തത്തിൽ തരക്കേടില്ലാത്ത ഒരു കൊറിയൻ ക്രൈം/മിസ്റ്ററി ചിത്രമാണ് The Culprit. 

@mhviews rating: 2.5/4

Download Link: Search @mhviews in Telegram

For movie suggestions and link, go to www.movieholicviews.blogspot.ca

1369. DES ( English, 2020)

 1369. DES ( English, 2020)

           Crime Investigation 

  പോലീസ് ഓഫീസർ:"എത്ര മൃതദേഹങ്ങളെ കുറിച്ചാണ് നമ്മൾ സംസാരിക്കുന്നത്?ഒന്നോ രണ്ടോ?"

ഡെന്നിസ് നിൽസൻ : "പതിനഞ്ചോ പതിനാറോ"

   ഡ്രൈനേജിൽ മനുഷ്യന്റെ പോലുള്ള ശരീര ഭാഗങ്ങൾ കണ്ടെത്തി എന്ന വാർത്തയാണ് രാവിലെ ഡ്യൂട്ടിക്ക് എത്തിയ ചീഫ് ഇൻസ്‌പെക്‌ടർ ജെയ്യേ കാത്തിരുന്നത്.സ്ഥലത്തെത്തിയ ജെയ് അതിനു സമീപമുള്ള താമസക്കാരനോട് ഇതിനെ കുറിച്ചു അന്വേഷിച്ചപ്പോൾ തന്റെ വീട്ടിൽ ഉള്ള മനുഷ്യന്റെ ശരീര ഭാഗങ്ങൾ കുറിച്ചാണ് പറഞ്ഞതു.ഒരു വീടല്ല, രണ്ടു വീട്ടിൽ ഉള്ള ശരീര ഭാഗങ്ങൾ.

 സ്കോട്ലണ്ടിലെ ഏറ്റവും കുപ്രസിദ്ധനായ സീരിയൽ കില്ലർ ആയ ഡെന്നിസ് നിൽസൻ പോലീസിന്റെ മുന്നിൽ എത്തുന്നത് അങ്ങനെ ആണ്.ആരെയും കൂസാതെ തന്റെ ഇരകളെ കുറിച്ചു അയാളുടെ ഓർമയിൽ നിന്നു പറയുകയും പല സമയത്തും അയാൾ വിരിച്ച വഴിയിലൂടെ പോലീസിനെ നടത്തുകയും ചെയ്ത ആൾ.അയാളുടെ മുൻകാല ജീവിതം പോലും പോലീസിനെ അത്ഭുതപ്പെടുത്തി.അയാൾ പറഞ്ഞ കഥയിൽ നിന്നു മാത്രം മുന്നോട്ട് പോയ ഒരു കേസ്, അതും ദൃക്‌സാക്ഷികൾ ആരും ഇല്ലാതെ.

  പിന്നീട് കേസ് മാധ്യമങ്ങളിൽ വലിയ വാർത്ത ആവുകയും ചെയ്തു.ഈ കേസിന്റെ നാൾവഴിയിലൂടെ സഞ്ചരിക്കുകയാണ് 3 എപ്പിസോഡ് മാത്രമുള്ള DES എന്ന ബ്രിട്ടീഷ് സീരീസ്.വലിയ നാടകീയമായ ട്വിസ്റ്റുകൾ ഒന്നും ഇല്ലെങ്കിലും ഒരു യഥാർത്ഥ കേസന്വേഷണം എന്ന നിലയിൽ ഉള്ള പോലീസിന്റെ കണ്ടെത്തലുകളിലൂടെ ഒക്കെ പരമ്പര മുന്നോട്ട് പോകുന്നുണ്ട്.

  യഥാർത്ഥ സംഭവം ആയത് കൊണ്ട് തന്നെ ആ സംഭവങ്ങളെ കുറിച്ചുള്ള ചിന്തകൾ തന്നെ പ്രേക്ഷകനെ അത്യാവശ്യം നടുക്കും.പ്രത്യേകിച്ചും അയാളെ കൊണ്ടു ഈ ക്രൂര കൃത്യങ്ങൾ ചെയ്തത് എന്തിനാണ് എന്ന ചോദ്യത്തിന് അയാൾ നൽകുന്ന ഉത്തരം ഒക്കെ നീൽസണ്ണിലെ അപകടകാരിയെ പ്രേക്ഷകന്റെ മുന്നിൽ എത്തിക്കാൻ കഴിഞ്ഞിട്ടുണ്ട്.

 @mhviews rating: 3/4

1368. The Yellow Sea( Korean, 2010)

 1368. The Yellow Sea( Korean, 2010)

           Action, Drama

ക്ളൈമാക്സിലേക്കു കരുതി വച്ച ഒരു പിടി ട്വിസ്റ്റുകളുമായി 'The Yellow Sea'

 

  'Yanbian Perfecture'; വടക്കൻ കൊറിയ- ചൈന- റഷ്യ എന്നീ രാജ്യങ്ങളുടെ പൊതുവായ അതിർത്തി ആണ്. പണം ഉണ്ടാക്കാനായി അവിടെ ഉള്ള കൊറിയക്കാർ ദക്ഷിണ കൊറിയയിലേക്കു പോവുക പതിവായിരുന്നു. ദാരിദ്ര്യത്താൽ വലയുന്ന അവരെ സംബന്ധിച്ചു അതു ജീവിതം തിരിച്ചു പിടിക്കാൻ ഉള്ള വഴികളിൽ ഒന്നായിരുന്നു.

 ഗു-നാം ഒരു ടാക്‌സി ഡ്രൈവർ ആണ്.അയാളുടെ ഭാര്യ ഇതു പോലെ ജോലിക്കായി ദക്ഷിണ കൊറിയയിൽ പോയിരിക്കുകയാണ്.ചൂതാട്ടത്തിലൂടെ ഭാര്യയുടെ ജോലിക്കായി കൊടുത്ത ,കടം വാങ്ങിയ പണം തിരികെ കൊടുക്കാം എന്നാണ് അയാൾ വിശ്വസിക്കുന്നത്.എന്നാൽ സ്ഥിരം ചൂതാട്ടത്തിൽ തോൽക്കുന്ന അയാൾക്ക്‌ അതിനു സാധിക്കുന്നില്ല.അതിനൊപ്പം ജോലിക്കായി പോയ ഭാര്യയുടെ ഒരു വിവരവും ഇല്ല.അവൾ മറ്റാരുടെയെങ്കിലും കൂടെ ജീവിക്കാൻ തുടങ്ങി കാണും എന്നു ആണ് നാട്ടുകാർ പറയുന്നത്.

 ഈ സമയം ആണ് ഗു-നാമിനു ഒരു ഓഫർ വരുന്നത്.കടം അടയ്ക്കാൻ ഉള്ള പണം നൽകാൻ.പകരം ദക്ഷിണ കൊറിയയിൽ പോയി ഒരാളെ കൊന്നിട്ട് വരണം, തെളിവായി കൊല്ലപ്പെട്ട ആളുടെ തള്ള വിരലും കൊണ്ടു തരണം തെളിവിന്.പറഞ്ഞ ദിവസത്തിനുള്ളയിൽ അതു ചെയ്തില്ലേൽ ഗു-നാമിന്റെ അവിടെയുള്ള കുടുംബത്തെ നാമാവശേഷം ആക്കും എന്നായിരുന്നു ഭീഷണി.എന്തായാലും പണത്തിനും, ഒപ്പം തന്നെ 'ചതിച്ച' ഭാര്യയെ കണ്ടു മുട്ടാനും ആയി ഗു-നാം ആ ഓഫർ സ്വീകരിക്കുന്നു.ദക്ഷിണ കൊറിയയിൽ എത്തിയ ഗു-നാമിനു നേരിടേണ്ടി വന്ന അവസ്ഥകൾ ആണ് ബാക്കി ചിത്രത്തിൽ ഉള്ളത്.

 2010 കൊറിയൻ സിനിമയുടെ ഏറ്റവും മികച്ച വര്ഷങ്ങളിൽ ഒന്നായിരുന്നു.ഒരു പിടി മികച്ച സിനിമകൾ വന്ന ആ വർഷത്തിലെ മികച്ച സിനിമകളിൽ ഒന്നായി അനുഭവപ്പെട്ട ഒന്നായിരുന്നു The Yellow Sea. കൊറിയൻ ക്ളാസിക്കുകളിൽ ഒന്നായ 'The Chaser' ന് ശേഷം അതേ ടീം ഒന്നിച്ച ചിത്രമായിരുന്നു 'The Yellow Sea'. നായകനും-വില്ലനും രണ്ടു സിനിമയിലും മാറിയിരുന്നു.The Chaser ലെ നായകൻ ഇതിൽ വില്ലനും അതു പോലെ വില്ലൻ ഇതിൽ നായകനും ആയി.

 കൊറിയൻ സിനിമയുടെ ഒരു സമയത്തെ.മുഖമുദ്ര ആയിരുന്ന raw വയലൻസ് രംഗങ്ങളാൽ നിറഞ്ഞതാണ് സിനിമയുടെ രണ്ടാം പകുതി.ദാരിദ്ര്യവും നിസ്സഹായതയും നിറഞ്ഞ നായകനും മറു ഭാഗത്തു അയാളുടെ എതിരെ നിൽക്കുന്നവരും എല്ലാം കൂടി ചേരുമ്പോൾ സിനിമയ്ക്ക് യാഥാർഥ്യത്തിന്റെ ഒരു മുഖവും കൂടി നൽകുന്നുണ്ട്.ക്ളൈമാക്‌സ് ഒക്കെ കൊറിയൻ സിനിമയുടെ വൈകാരികമായ മുഖമുദ്ര പതിഞ്ഞിട്ടുണ്ട്.രണ്ടാം പകുതിയിൽ ഉള്ള കഥാപാത്രങ്ങളുടെ ബാഹുല്യം പ്രേക്ഷകനെ അൽപ്പം കുഴപ്പിക്കുമെങ്കിലും അവസാനം ആകുമ്പോൾ കഥാപാത്രങ്ങൾ മൂന്നു പേരായി ചുരുങ്ങും.അതിൽ ആരാകും ജയിച്ചിട്ടുണ്ടാവുക?സിനിമ കാണുക.

 ഒരു slow-paced ആക്ഷൻ സിനിമ എന്നു വിളിക്കാം The Yellow Sea എന്ന സിനിമയെ.

@mhviews rating:3.5/4

Telegram Channel Link:  @mhviews എന്നു ടെലിഗ്രാമിൽ സെർച്ച് ചെയ്യുക.

സിനിമയുടെ ലിങ്കും മറ്റു സജഷനുകളും www.movieholicviews.blogspot.ca യിൽ ലഭ്യമാണ്.

1367. Spiral: From The Book of SAW

 1367. Spiral: From The Book of SAW (English,2021)

           Horror, Thriller.

"Live or Die. Make Your Choice" : ജിഗ്‌സോയുടെ പുതിയ ഗെയിമുവുമായി Spiral.

 SAW പരമ്പര കണ്ടിട്ടുള്ളവർ ജോണ് ക്രമറിനെ മറക്കാൻ സാധ്യത ഇല്ല.ടോബിൻ ബെൽ അനശ്വരമാക്കിയ ക്രാമർ വ്യക്തികളെ അവരുടെ ജീവിതത്തിൽ ചെയ്ത കുറ്റങ്ങൾ അനുസരിച്ചു അവരെ അയാൾ തിരഞ്ഞെടുത്ത സ്ഥലത്തു, അയാളുടെ terms ൽ നടത്തുന്ന ഗെയിമിൽ പങ്കെടുപ്പിക്കും.ആ ഗെയിം ജയിക്കാൻ വേണ്ടത് ;അതായത് അവരുടെ ജീവൻ രക്ഷിക്കാനായി അവർ വലിയ ഒരു ത്യാഗം ചെയ്യേണ്ടി വരും.അടയ്ക്കപ്പെട്ട നിലയിൽ കഴിയുന്ന ആളുകൾക്ക് വേറെ ഒരു വഴിയും ഉണ്ടാകില്ല.ഒരു 'Live or Die' situation.

 Jigsaw നിർത്തിയിടത്തു നിന്നുമാണ് പരമ്പരയിലെ ഒമ്പതാം ഭാഗം ആരംഭിക്കുന്നത്.ഒരു പോലീസുകാരന്റെ മരണത്തോടെ ആയിരുന്നു എല്ലാത്തിനും തുടക്കം.ക്രിസ് റോക് അവതരിപ്പിക്കുന്ന Ezekiel അഥവാ Zeke എന്ന പൊലീസ് കഥാപാത്രം പൊലീസിലെ ഒറ്റയാൻ ആണ്.സാമുവൽ ജാക്സന്റെ മർക്കസ് ബാങ്ക്‌സ് എന്ന മുൻ പോലീസ് ചീഫിന്റെ മകൻ ആണ് സീകെ.പലപ്പോഴും ഡിപ്പാർട്ട്മെന്റിൽ ഒറ്റപ്പെട്ടു പോയ സീകെ ഒറ്റയ്ക്ക് ജോലി ചെയ്യാൻ താല്പര്യപ്പെടുന്നു.ആ സമയം ആണ് അയാൾക്ക്‌ പോലീസ് ചീഫ് ആൻജി നിർബന്ധമായി ഒരു പുതിയ പാർട്ണറെ സീകെയ്ക്കു നൽകുന്നത്.

 ജിഗ്‌സയുടെ കൊലപാതകങ്ങൾക്കു സമാനമായ ടേപ്പും വീഡിയോയും എല്ലാം ലഭിക്കുന്ന പുതിയ മരണങ്ങളിൽ ഇരകളാകുന്നവർ എല്ലാം പൊലീസുകാർ ആണ്. ഈ കേസ് അന്വേഷണം സീകെ ഏറ്റെടുക്കുന്നു.എന്നാലും കൊലപാതകങ്ങൾ കുറയുന്നില്ല.മരണങ്ങൾ നിത്യ സംഭവങ്ങൾ ആകുന്നു.പോലീസ് ഡിപ്പാർട്ട്മെന്റ് ജിഗ്‌സോയുടെ ഒരു കോപ്പി ക്യാറ്റ് കില്ലറെ ആണ് അന്വേഷിക്കുന്നത് എന്ന വിശ്വാസത്തിൽ ആണ്.അതോ ഇനി ജോണ് ക്രാമർ തന്നെ? ഈ സംഭവങ്ങളുടെ അന്വേഷണം ആണ് SAW യുടെ ഒമ്പതാം ഭാഗത്തിൽ ഉള്ളത്.

ആരാണ് കൊലയാളി?എന്താണ് അയാളുടെ ഉദ്ദേശ്യം?കൂടുതൽ അറിയാൻ സിനിമ കാണുക.

SAW സീരീസിലെ മുൻ ഭാഗങ്ങളിലെ പോലെ സങ്കീർണമായ ,twisty ആയ കഥ പറച്ചിൽ അല്ല Spiral ൽ ഉള്ളത്.കൂടുതൽ straight forward ആയ കഥ പറച്ചിൽ ആണ്.ഒരു പക്ഷെ സ്ഥിരം പോലീസ് സിനിമകളിലെ കഥയിലേക്ക് ജിഗ്‌സോ കൂട്ടി ചേർത്തൂ എന്നു പറയാം.ഒറ്റയ്ക്കുള്ള ഒരു സിനിമ ആയി കണക്കിലെടുത്താൽ ഈ കഥയിൽ പുതുമ ഒന്നും ഇല്ല.പക്ഷെ ജിഗ്‌സോ, spiral, ജോണ് ക്രാമർ തുടങ്ങി പല reference കളും വരുന്നതോട് കൂടി,അതു പോലെ പഴയ Modus Operandi എല്ലാം ചേരുന്നതിലൂടെ ഉള്ള കണക്ഷൻ മൂലം SAW പരമ്പരയുടെ ആരാധകർക്ക് ഒരു continuity ലഭിക്കുന്നു എന്നു മാത്രം.

 ഒരു ആവറേജ് അനുഭവം ആയിരുന്നു മൊത്തത്തിൽ Spiral എങ്കിലും അടുത്ത ഭാഗത്തിന് വേണ്ടി നിർത്തിയതിലൂടെയും അവസാനം വരുന്ന SAW OST നൽകിയ ചെറിയ ഒരു നോസ്റ്റാള്ജിയയും കാരണം SAW പരമ്പരയുടെ ആരാധകർക്ക് ചിത്രം കണ്ട് നോക്കാവുന്നതാണ് എന്നു മാത്രം.മറ്റൊരു കാരണം പത്താം ഭാഗം ഇതിന്റെ continuation ആയിരിക്കും.

 SAW സീരീസിലെ സിനിമകളിൽ ഏറ്റവും കുറവ് IMDB റേറ്റിങ് ഈ ചിത്രത്തിന് ആണ് ലഭിച്ചത്.STARZ ആണ് സിനിമ സ്‌ട്രീം ചെയ്യുന്നത്. സമയം ഉണ്ടെങ്കിൽ കാണുക, അല്ലേൽ SAW സീരീസ് തുടർന്ന് കാണാൻ വേണ്ടി മാത്രം.

Download Link: @mhviews എന്നു ടെലിഗ്രാമിൽ സെർച്ച് ചെയ്യുക

 @mhviews rating: 2.5/4

1366. Greta (English, 2018)

 1366. Greta (English, 2018)

          Psychological Thriller.

"ഒരു ലേഡീസ് ബാഗിന്റെ രഹസ്യത്തിന്റെ കഥ"- 

  സബ്‌വേ ട്രെയിനിൽ നിന്നിൻ ലഭിച്ച ഉടമസ്ഥൻ ഇല്ലാത്ത ബാഗ് ആണ് ഫ്രാൻസെസ് എന്ന പെണ്ക്കുട്ടി ഫ്രഞ്ചുകാരി എന്നു സ്വയം പരിചയപ്പെടുത്തിയ ഗ്രെറ്റയെ പരിചയപ്പെടാൻ കാരണമായത്.സമീപക്കാലത്തു അമ്മയെ നഷ്ടപ്പെട്ട ഫ്രാൻസെസിനെ സംബന്ധിച്ചു അവളുടെ അമ്മയുടെ സമാന പ്രായക്കാരിയായ ഗ്രെറ്റ ഒരു ആശ്വാസമായിരുന്നു.അതു പോലെ തന്നെ സ്വന്തം മകൾ അടുത്തു ഇല്ലാത്ത ഗ്രെറ്റയ്ക്കു ഫ്രാൻസെസ് ഒരു ആശ്വാസം ആണെന്ന് തോന്നി.

 അവർ നല്ല സൗഹൃദത്തിലായി.ഫ്രാൻസെസ് തന്റെ റെസ്റ്റോറന്റ് ജോലിയുടെ ഒഴിവുകളിൽ ഗ്രെറ്റയുടെ വീട്ടിൽ പോകാൻ തുടങ്ങി.അമ്മയും മകളും പോലെയുള്ള ഒരു ബന്ധം അവരിൽ ഉടലെടുത്തു.എന്നാൽ ഒരു ദിവസം ഫ്രാൻസെസ് ആ സത്യം മനസിലാക്കുന്നു.അതു അവരുടെ ബന്ധം കൂടുതൽ അപകടകരം ആക്കി മാറ്റി.എന്താണ് ഫ്രാൻസെസ് കണ്ടെത്തുന്നത്?എന്താണ് പുതിയതായി ഉണ്ടാകുന്ന അപകടങ്ങൾ?

 Netflix ൽ ലഭ്യമായ ഗ്രെറ്റ എന്ന ചിത്രം ബന്ധങ്ങളിലെ സ്വഭാവ മാറ്റത്തിന് മികച്ച ഉദാഹരണമായ ചിത്രമാണ്.മനുഷ്യന്റെ മനസ്സു എപ്പോഴും ആഗ്രഹിക്കുന്ന ചിലതുണ്ട്.അവയിൽ പലതും കിട്ടാതെ ആകുമ്പോൾ അതു തട്ടി പറിക്കാൻ ഉള്ള പ്രവണതയും കൂടും.ആഗ്രഹങ്ങൾ മനുഷ്യന്റെ ജീവിതത്തെ നയിക്കുന്നു, അതേ സമയം അതേ ആഗ്രഹങ്ങളുടെ സ്വഭാവം മാറി ദുരാഗ്രഹം ആകുമ്പോൾ സംഭവിക്കുന്നത് മറ്റൊന്നാണ്.

 ഗ്രെറ്റ ഒരു സൈക്കോളജിക്കൽ ത്രില്ലർ ആണ്.നിസാരമെന്നു തോന്നിയ ഒരു കഥയെ കൂടുതൽ gripping ആയ ഒരു ത്രില്ലർ ആയി മാറ്റാൻ കഴിഞ്ഞിട്ടുണ്ട്.ഇസബെൽ ഹ്യുപേർട്ടിന്റെ ഗ്രെറ്റ എന്ന കഥാപാത്രം സംസാരത്തിലും ജീവിതത്തിലും കാണിക്കുന്ന ആഢ്യത്വവും നിസ്സഹായതയും പിന്നീട് സ്വഭാവം മാറി വരുമ്പോൾ അവരുടെ മാനസിക വ്യാപാരങ്ങൾ കൂടുതൽ സങ്കീർണമായി മാറുന്നു.

 കണ്ടിരിക്കാവുന്ന ഒരു ഡാർക്-സൈക്കോളജിക്കൽ ത്രില്ലർ ആണ് ഗ്രെറ്റ.

@mhviews rating: 2.5/4

@mhviews എന്ന ടെലിഗ്രാം ചാനൽ സെർച്ചിൽ സിനിമ ലഭ്യമാണ്.

കൂടുതൽ സിനിമ സജഷനുകൾക്ക് www.movieholicviews.blogspot.ca യിലേക്ക് പോവുക.

1365. Sliding Doors (English, 1998)

 1365. Sliding Doors (English, 1998)

           Fantasy, Romance.

   Butterfly Effect പ്രമേയമായി Sliding Doors.

 ഹെലൻ എന്നത്തേയും പോലെ ജോലിക്കു പോകുന്നു.എന്നാൽ അന്നവളെ കാത്തിരുന്നത് തന്റെ ജോലി പോയി എന്ന വാർത്തയാണ്.നിരാശയായ ഹെലൻ തിരികെ വീട്ടിലേക്കു പോകാൻ വേണ്ടി ട്രെയിൻ കയറാൻ പോകുന്നു.അവിടെ രണ്ടു സാധ്യതകൾ ആണുള്ളത്.ഒന്നു, അവൾക്കു കയറാൻ ഉള്ള ട്രെയിനിൽ കയറാൻ സാധിക്കുന്നു.രണ്ടു, അവൾക്കു ആ ട്രെയിനിൽ കയറാൻ സാധിക്കുന്നില്ല.

  ഈ രണ്ടു അവസ്ഥയുടെയും അനന്തരഫലങ്ങൾ എന്തായിരിക്കാം?മനുഷ്യന്റെ ജീവിതത്തിൽ ഇതു പോലെ ധാരാളം അവസ്ഥകൾ ഉണ്ടാകാറുണ്ട്.ചിലപ്പോൾ ചെറിയ കാര്യങ്ങൾ പോലും നമ്മൾ തന്നെ ശ്രദ്ധിക്കാതെ മുന്നോട്ടുള്ള ജീവിതത്തിൽ വലിയ impact ഉണ്ടാക്കാൻ സാധ്യത ഉള്ളവ.Butterfly Effect ന്റെ സാധ്യതകൾ അനന്തമാണ്.നമ്മൾ ചെയ്യുന്ന കാര്യങ്ങളും ചെയ്യാത്ത കാര്യങ്ങളും എല്ലാം ഇതിൽ ഘടകം ആകാറുണ്ട്.

  ഇവിടെ ഈ രണ്ടു സംഭവങ്ങൾ ഹെലന്റെ ജീവിതത്തെ നന്നായി ബാധിക്കുന്നുണ്ട്.ട്രെയിൻ സംഭവത്തിനു ശേഷം അവൾ കണ്ടു മുട്ടുന്നവർ, അന്നവൾക്കു നേരിടേണ്ടി വരുന്ന സംഭവങ്ങൾ, അങ്ങനെ എല്ലാം.ഈ രണ്ടു സംഭവങ്ങളും അതി സമർഥമായി പാരലൽ ആയി സ്‌ക്രീനിൽ അവതരിപ്പിച്ചിട്ടും ഉണ്ട്.സാധാരണയായി ഇത്തരം പ്രമേയങ്ങളിൽ വരുന്ന അതി സങ്കീർണതകൾ ഒന്നും Sliding Doors ൽ ഇല്ല.വളരെ സിംപിൾ ആയ ഒരു കഥയാണിത്.എന്നാലും കഥയിൽ, ഹെലന്റെ ജീവിതത്തിൽ ഉണ്ടാകുന്ന വലിയ മാറ്റങ്ങൾ വ്യക്തവുമാണ്.

 ഹെലൻ ആയി അഭിനയിച്ചിരിക്കുന്ന Gwyneth Paltrow നന്നായി തന്റെ റോൾ അഭിനയിച്ചിട്ടുണ്ട്.ഒരേ കഥയിലെ രണ്ടു അവസ്ഥകൾ നല്ലൊരു കൗതുകവും ആയിരുന്നു.തമിഴ് സിനിമയായ 12 B ഈ സിനിമയുടെ adaptation ആയിരുന്നു.

 എന്തായാലും നേരത്തെ പറഞ്ഞതു പോലെ സിംപിൾ ആയ, എന്നാൽ സങ്കീർണമായ ഒരുണപ്രമേയം അവതരിപ്പിക്കുന്ന ചിത്രമാണ് Sliding Doors. Butterfly Effect പ്രമേയം ആയി വരുന്ന സിനിമകളുടെ genre സ്നേഹികൾക്കു ഇഷ്ടമാകും Sliding Doors. ഇതിനോട് ചേർത്തു വയ്‌ക്കേണ്ട മറ്റൊരു സിനിമയാണ് Blind Chance (1982).

@mhviews rating:3/4

Telegram Link: t.me/mhviews

More movie suggestions and link available @www.movieholicviews.blogspot.ca

1364. The Soul (Chinese Mandarin, 2021)

 1364. The Soul (Chinese Mandarin, 2021)

         Mystery, Sci-Fi

   "സസ്പെൻസുകൾ നിറഞ്ഞ The Soul"

   വാങ് ഷി കോംഗ് എന്ന ബിസിനസ്സുകാരന്റെ ദാരുണമായ മരണം തുടക്കത്തിൽ തന്നെ അയാളുടെ മകൻ പ്രതികാരം ആയി ചെയ്തു എന്ന ചിന്ത ആയിരുന്നു പൊലീസിന്.ഈ കേസിന്റെ മുന്നോട്ടുള്ള അന്വേഷണത്തിന്റെ പ്രാധാന്യം കാരണം, പ്രത്യേകിച്ചും മരിച്ച ആൾ വലിയ ഒരു ബിസിനസുകാരൻ ആയതു കൊണ്ട് തന്നെ സമൂഹത്തിൽ വളരെയധികം ശ്രദ്ധേയവും ആയിരുന്നു.ഈ അവസരത്തിൽ ആണ് കാൻസർ ബാധിതനായ പ്രോസിക്യൂട്ടർ ലിയാങ് കേസിന്റെ അന്വേഷണം ഏറ്റെടുക്കുന്നത്.

  എന്നാൽ അന്വേഷണം മുന്നോട്ട് പോകുന്തോറും കൂടുതൽ സങ്കീര്ണതകളിലേക്ക് ആണ് കാര്യങ്ങൾ പോകുന്നത്.ആദ്യ നിഗമനത്തിൽ നിന്നും മുന്നോട്ടുള്ള കാര്യങ്ങൾ ഒരു ഫാന്റസി കഥ പോലെ ആണ് പോകുന്നത്.സയൻസ് ഫിക്ഷന്റെ സാധ്യതകൾ കൂടി ഉൾപ്പെടുത്തിയ ചിത്രം ക്ളൈമാക്‌സ് വരെയും പ്രേക്ഷകന് പിന്നീട് ഓരോ ട്വിസ്റ്റുകളും സസ്പെന്സും നൽകുന്നു.

 Netflix ചിത്രമായ The Soul എന്ന ചൈനീസ്-തായ്വാനീസ് ചിത്രത്തിന്റെ ട്രെയിലർ ആദ്യം കണ്ടപ്പോൾ ഒരു ഹൊറർ ചിത്രം ആയിരിക്കും എന്ന് ഫീൽ ആണ് ഉണ്ടായത്.കുറ്റം പറയാൻ പറ്റില്ല.ചിത്രത്തിന്റെ കഥയുടെ തുടക്കവും അങ്ങനെ ആയിരുന്നു.എന്നാൽ, ഏകദേശം 2030 കൾക്കു ശേഷം നടക്കുന്ന കഥ എന്ന നിലയിൽ ചിത്രം പോകുമ്പോൾ ഭാവിയിൽ ഉണ്ടാകാൻ സാധ്യതയുള്ള സാങ്കേതിക കുതിപ്പും, ഫാന്റസി ആയി ഇപ്പോൾ കരുതുന്ന ചില കാര്യങ്ങൾ എങ്കിലും യാഥാർഥ്യത്തിൽ വരുത്താൻ ഉള്ള സാധ്യതകളും കണക്കിലെടുക്കുമ്പോൾ മികച്ച ഒരു ചിത്രമായി ആണ് The Soul നെ കാണാൻ കഴിയുക.

  ഒരു പരിധി വരെ ചിത്രം പ്രേക്ഷകന് ഊഹിക്കാവുന്ന രീതിയിൽ പോവുകയും, പിന്നീട് ചെറിയ ഒരു ട്വിസ്റ്റിലൂടെ കഥ മാറുകയും ചെയ്യുമ്പോൾ പ്രതീക്ഷിക്കാൻ ആകാത്ത പലതും ചിത്രം നൽകുന്നുണ്ട്.ഈ ഒരു ഘടകം മുൻ നിർത്തി സിനിമ 2 മണിക്കൂറിൽ അധികം ഉണ്ടാകുന്നെങ്കിലും പ്രേക്ഷകനെ അധികം ബോർ അടുപ്പിക്കില്ല.കാരണം ഈ സിനിമ ഇത്തരം ഒരു സമയ ദൈർഘ്യം ആവശ്യപ്പെടുന്നുണ്ട്.

  കഥയുടെ തുടക്കം മാത്രം ആണ് നൽകിയിരിക്കുന്നത്.സിനിമ കാണുക.യാതൊരു മുൻവിധിയും ഇല്ലാതെ.തീർച്ചയായും ഇഷ്ടപ്പെടും.ഇടയ്ക്കു അൽപ്പം സങ്കീർണമായി കഥ തോന്നുമെങ്കിലും അവസാനത്തോട് അടുക്കുമ്പോൾ കുരുക്കുകൾ എല്ലാം അഴിയുകയും ചെയ്യും.

 ജിയംഗ്- ബോയുടെ Transfer Souls എന്ന സയൻസ് ഫിക്ഷൻ നോവൽ ആണ് ഈ സിനിമയ്ക്ക് പ്രമേയം ആയിരിക്കുന്നത്.

 ധാരാളം sub-genre കൾ ഒന്നിപ്പിച്ച നല്ല ഒരു സിനിമയാണ് The Soul.

@mhviews rating: 3.5/4

സിനിമ Netflix ൽ ലഭ്യമാണ്.

Telegram link: t.me/mhviews 

More movie suggestions and link @www.movieholicviews.blogspot.ca