1363. Wrath of Man(English, 2021)

 1363. Wrath of Man(English, 2021)

           Action, Thriller.

"Wrath of Man- ഒരു ഗയ് റിച്ചിയൻ ആക്ഷൻ ത്രില്ലർ"

    എവിടുന്നോ വന്ന ഒരാൾ.അയാളുടെ പേര് Patrik Hill എന്നായിരുന്നെങ്കിലും അയാളെ അവർ H എന്നു വിളിച്ചു; H എന്നാൽ Hell (നരകം).അയാൾ ജോലിക്കു വന്നിരിക്കുകയാണ്.ഒരു സെക്യൂരിറ്റി കമ്പനിയിൽ.അവരുടെ പ്രധാന ജോലി ബാങ്കുകളിലേക്കും മറ്റു സ്ഥാപനങ്ങളിലേക്ക് വലിയ തുകകൾ സുരക്ഷിതമായി എത്തിച്ചു കൊടുക്കുക എന്നതാണ്.കുറച്ചു ദിവസം മുൻപ് കൂടി കാശുമായി പോയ ഒരു ട്രക്ക് ആരോ ആക്രമിച്ചതേ ഉള്ളൂ.

  പുതുതായി വന്ന ആൾ ട്രെയിനിങ് സമയത്തു ഒക്കെ ശരാശരിയിൽ ആണ് പരിശീലനം പൂർത്തി ആക്കിയത്.എന്നാൽ പിന്നീട് അയാൾ ഒരു psychopath പോലും ആണോ എന്ന് കൂടെ ജോലി ചെയ്യുന്നവർക്ക് തോന്നുകയുണ്ടായി.അങ്ങനെ മറ്റുള്ളവർക്ക് തോന്നാൻ അയാൾ എന്താണ് ചെയ്തത്?ദുരൂഹതകൾ നിറഞ്ഞ അയാൾ ആരായിരുന്നു?

 Nobody യ്ക്ക് ശേഷം കാത്തിരുന്ന ആക്ഷൻ ചിത്രം ആയിരുന്നു Wrath of Man.പ്രത്യേകിച്ചും 'The Gentleman' എന്ന കിടിലൻ ചിത്രത്തിന് ശേഷം ഗയ് റിച്ചി അദ്ദേഹത്തിന്റെ പ്രിയപ്പെട്ട നടനായ ജേസൻ സ്റ്റാത്തവും ആയി ഒന്നിക്കുന്ന നാലാമത്തെ ചിത്രം ആകുമ്പോൾ പ്രതീക്ഷ കൂടി.Le Convoyeur" (aka "Cash Truck") എന്ന 2004 ലെ ഫ്രഞ്ച് ചിത്രത്തിനെ ആസ്പദമാക്കിയാണ് ചിത്രം അവതരിപ്പിച്ചത്.

വ്യക്തിപരമായി, ഗയ് റിച്ചിയുടെ കൂടെ ഉള്ള 3 ജേസൻ ചിത്രങ്ങളും പ്രിയപ്പെട്ടവയാണ്. Lock, Stock and 2 Smoking Barrels, Snatch, Revolver ഒക്കെ ഇഷ്ടപ്പെടാത്തവർ കുറവായിരിക്കും എന്നു വിശ്വസിക്കുന്നു.

  അങ്ങനെ ഈ പ്രതീക്ഷകളിൽ എല്ലാം കൂടി സിനിമ കണ്ടു തുടങ്ങി.ഭൂരിഭാഗ ഗയ് റിച്ചി ചിത്രങ്ങളിൽ നിന്നും വ്യത്യസ്തമായി Wrath of Man അമേരിക്കയിൽ നടക്കുന്ന കഥയായി ആണ് അവതരിപ്പിച്ചിരിക്കുന്നത്. ഒരു പക്ഷെ ഗയ് റിച്ചി സിനിമകളിൽ രസകരമായ പല ഡയലോഗുകൾക്കും കാരണമായ ബ്രിട്ടീഷ് accent ഈ സിനിമയിൽ അങ്ങനെ നഷ്ടമായത് പോലെ തോന്നി.അൽപ്പം ദുരൂഹത ഒക്കെ മുന്നിൽ വച്ചു തുടങ്ങുന്ന കഥ പിന്നീട് പ്രവചിക്കാവുന്ന കഥയായി മാറുന്നുണ്ട്.പറഞ്ഞു വരുന്നത് കഥയിൽ സ്ഥിരം ഗയ് റിച്ചി സിനിമകളിലെ പോലെ പ്രവചനാതീതമായ സംഭവങ്ങൾ ഒക്കെ കുറവായിരുന്നു എന്നതാണ്.

  മുഖത്തു ഭാവങ്ങൾ ഒന്നും വരില്ല എന്നു ഒരു കാലത്തു പരിഹസിച്ച ജേസൻ ഗയ് റിച്ചി സിനിമകളിലൂടെയും, എപിക് ആയി മാറിയ Spy യിലെ വട്ടൻ സ്പൈ ആയി വന്ന റിക് ഫോർഡിലൂടെ ഒക്കെ പ്രേക്ഷകന്റെ അഭിപ്രായം മാറ്റിയത് ആണ്.എന്നാൽ ഈ ചിത്രത്തിൽ അങ്ങനെ ഉള്ള സ്കോപ് ഒന്നുമില്ലായിരുന്നു എന്നു മാത്രമല്ല അത്തരത്തിൽ ഒരു കഥാപാത്ര സൃഷ്ടി ആയിരുന്നത് കൊണ്ടു തന്നെ എല്ലാവരോടും ദേഷ്യം മാത്രമുള്ള ഒരു മുഖവും ആയി ആണ് ജേസൻ സ്‌ക്രീനിൽ വരുന്നത്.

 സ്‌കോട്ട് ഈസ്റ്റവുഡ് പ്രധാനപ്പെട്ട ഒരു കഥാപാത്രത്തെ അവതരിപ്പിച്ചിട്ടുണ്ട്.ഏറ്റവും ഇഷ്ടപ്പെട്ട നടന്റെ മകൻ എന്ന നിലയിൽ കൂടുതൽ സ്‌ക്രീനിൽ കാണാൻ താൽപ്പര്യമുള്ള ആളാണ് സ്‌കോട്ട് എന്നത് കൊണ്ടു തന്നെ ആ കഥാപാത്രത്തെ കാത്തിരുന്നെങ്കിലും സിനിമയുടെ ഒഴുക്കിൽ പോകുന്ന ഒരു കഥാപാത്രമായി മാത്രം നിന്നൂ.ജോഷ് ഹർട്ടനെറ്റ്,പോസ്റ്റ് മലോണ്,ജെഫ്രി ഡൊണാവൻ തുടങ്ങി decent ആയ ഒരു താരനിര ഉണ്ടെങ്കിലും വലുതായി ആർക്കും ഒന്നും ചെയ്യാൻ ഇല്ലായിരുന്നു.

ജേസൻ സ്റ്റാതം മാത്രമാണ് സിനിമയിൽ വ്യക്തമായ പ്രാധാന്യം ഉള്ള റോൾ ചെയ്തത്.സിനിമ മൊത്തം ജേസന്റെ One-Man-Show ആയിരുന്നു എന്ന് പറഞ്ഞാലും കുറഞ്ഞു പോകില്ല.അത്രയേറെ സ്‌ക്രീൻ ടൈമും പൂർണമായും ഒരു മാസം ആക്ഷൻ ഹീറോ ആയി ആണ് ജേസൻ സിനിമയിൽ ഉള്ളത്.ആക്ഷൻ രംഗങ്ങളിൽ  അടി-ഇടിയേക്കാളും  കൂടുതലും തോക്ക് കൊണ്ടു ആയിരുന്നു.

 മൊത്തത്തിൽ ഒരു ഗയ് റിച്ചി സിനിമ കണ്ട ഫീലിനെക്കാളും ജേസൻ സ്റ്റാത്തത്തിന്റെ ഒരു ആക്ഷൻ ചിത്രം എന്നു വിലയിരുത്താം Wrath of Man എന്ന ചിത്രത്തെ.ആക്ഷൻ ചിത്രങ്ങളുടെ ആരാധകർക്ക് മുഷിപ്പില്ലാതെ കാണാൻ കഴിയും Wrath of Man.എന്തായാലും സിനിമ മൊത്തത്തിൽ ഇഷ്ടമായി.

 @mhviews rating: 3/4

1362. Inside Man (English,2006)

 1362. Inside Man (English,2006)

          Thriller.

  Heist സിനിമ വിഭാഗത്തിലെ മികച്ച ചിത്രങ്ങളിൽ ഒന്നാണ് Inside Man. Denzel Washington, Clive Owen, Jodie Foster,Christopher Plummer തുടങ്ങി മികച്ച അഭിനേതാക്കൾ ഈ ചിത്രത്തിലുണ്ട്.വ്യക്തിപരമായി ഈ ഒരു genre യിൽ Dog Day Afternoon ന് ശേഷം ഏറ്റവും ഇഷ്ടപ്പെട്ട heist ചിത്രങ്ങളിൽ ഒന്ന് ആണ് Inside Man.

  

പതിവ് ബാങ്ക് മോഷണങ്ങളുടെ മാതൃകയിൽ ആണ് ചിത്രം ആരംഭിക്കുന്നത്.എന്നാൽ പിന്നീട് മോഷ്ട്ടാക്കളുടെ രീതി, അവരുടെ ലക്ഷ്യം എല്ലാം കൂടി ഒരു മിസ്റ്ററി ഫീൽ സിനിമ നൽകുന്നുണ്ട്.ക്ളൈവിന്റെ കഥാപാത്രം അത്തരം ഒരു ട്രാക്കിൽ ആണ് യാത്ര ചെയ്യുന്നത്.ഡാൽട്ടൻ റസൽ എന്ന കഥാപാത്രം നൽകുന്ന മിസ്റ്ററി വശത്തെ ചുറ്റിപ്പറ്റി ആണ് മറ്റു കഥാപാത്രങ്ങളും സഞ്ചരിക്കുന്നത്.

 പണത്തെക്കാളും വലിയ ചില കാര്യങ്ങൾ ഉണ്ട്.പ്രത്യേകിച്ചും ആ കാര്യങ്ങൾ രഹസ്യമായി സൂക്ഷിക്കേണ്ടി വരുന്ന ഒരാൾ ഉള്ളപ്പോൾ സിനിമയുടെ ത്രില്ലിംഗ് factor നേക്കാളും പ്രേക്ഷകന് ആ കഥാപാത്രത്തിന്റെ രഹസ്യം അറിയാൻ ആയിരിക്കും താൽപ്പര്യം.പിന്നീട് വന്ന

 പല ചിത്രങ്ങളിലും സമാനമായ അവിഷ്‌ക്കാരം ഉണ്ടായിട്ടും ഉണ്ട്.

  സിനിമയിൽ ഡൻസലിനെ വരെ ഒതുക്കി കളഞ്ഞ പ്രകടനം ആയിരുന്നു ക്ളൈവിന്റെ കഥാപാത്രം എന്നു തോന്നി.പലപ്പോഴും സ്‌കോർ ചെയ്യുന്ന ഒരു ബാങ്ക് കൊള്ളക്കാരൻ.സിനിമയുടെ അവസാന ഭാഗങ്ങളിലേക്ക് പോകുമ്പോൾ ധാരാളം സസ്പെൻസ് സീനുകൾ പ്രേക്ഷകനെ കാത്തിരിക്കുന്നുണ്ട്.

  Money Heist പോലെ ഒക്കെ ഉള്ള ഒരു അവതരണ രീതി അല്ല ചിത്രത്തിന് ഉള്ളത്.കുറച്ചു കൂടി ഗൗരവം ഉള്ള ഒരു വിഷയം അവതരിപ്പിക്കുമ്പോൾ അതു സമയമെടുത്തു തന്നെ അവതരിപ്പിക്കണം.Inside Man അതിനു ശ്രമിക്കുന്നുണ്ട്.

 Inside Man ആരംഭിക്കുന്നതും അവസാനിക്കുന്നതും ദിൽസെയിലെ 'ചയ്യ ചയ്യ' പാട്ടിലൂടെ ആണ്.സിനിമ ഇറങ്ങിയ സമയം വലിയ വാർത്തയായിരുന്നു entertainment വാർത്ത വിഭാഗത്തിൽ.സ്പായ്ക് ലീയുടെ Inside Man നേരത്തെ പറഞ്ഞതു പോലെ Heist സിനിമകളിലെ ഒരു ക്ലാസിക് ആയി കാണാൻ ആണ് താൽപ്പര്യം.ഈ വിഭാഗത്തിൽ ഉള്ള സിനിമകൾ കാണണം എന്നു തോന്നുമ്പോൾ ധൈര്യമായി സിനിമ കാണാവുന്നതാണ്.

 @mhviews rating: 3.5/4

ടെലിഗ്രാം ലിങ്ക്: t.me/mhviews.

For download link and more movie suggestions, go to www.movieholicviews.blogspot.ca

1361.Love Death + Robots (English,2019)

 1361.Love Death + Robots (English,2019)

          Sci-Fi,Animation

         OTT:Netflix, 2 Seasons 26 Episodes(7 mins-15 mins)

  സാധാരണ ഒരു സീരീസ് കാണാൻ ഇരുന്നത് പോലെ ആണ് Love Death + Robots കണ്ടു തുടങ്ങിയത്.എന്നാൽ നല്ലതു പോലെ രസിപ്പിച്ചു  Love Death + Robots. നമ്മൾ ഇപ്പോൾ കാണുന്നതിലും വിഭിന്നമായ ലോകം ആണ് സീരീസിൽ ഉള്ളത്.പലപ്പോഴും weird ആയ, ഭാവന വേറെ ലെവലിൽ എത്തി എന്നു പറയാവുന്ന 26 കഥകൾ. നമ്മൾ ജീവിക്കുന്ന ലോകം എപ്പോഴെങ്കിലും എത്തി ചേരാൻ സാധ്യത ഉള്ള അവസ്ഥകൾ ആണ് പല കഥകളിലും അവതരിപ്പിക്കുന്നത്.

  റോബോട്ടുകൾ, മറ്റു ലോകത്തിൽ നിന്നും ഉള്ള പല രൂപത്തിൽ ഉള്ള ഭീകര രൂപികൾ മുതൽ മനുഷ്യനുമായി ഏതെങ്കിലും ഒരു കാലത്തിൽ contact ൽ വരാവുന്ന ധാരാളം കഥകൾ ഈ സീരീസിൽ ഉണ്ട്.അതിനൊപ്പം മനുഷ്യന്റെ മനസ്സിന്റെ ചിന്തകളിലും ജീവിതത്തിലും ഉണ്ടാക്കാൻ സാധ്യത ഉള്ള ആത്മീയവും ശാരീരികവും ആയ മാറ്റങ്ങൾ എല്ലാം ഈ സീരീസിലെ വിഷയങ്ങൾ ആണ്.

  കുറച്ചു സമയം മാത്രം (ഏകദേശം 7- 15 മിനിറ്റുകൾ) ആണ് ഓരോ എപ്പിസോഡും.ചിലതൊക്കെ എപിക് എന്നു വിളിക്കാവുന്ന അത്ര ഭാവന ഉള്ളത് ആണ്.പലതിലും പൊതുവായി സ്നേഹം, മരണം, റോബോട്ട് എന്നിവയും ആയി ബന്ധപ്പെടുത്തിയിട്ടു ഉണ്ടെങ്കിലും വേദന എന്നൊരു വിഭാഗം കൂടി പലതിലും കാണാം.അതു ഈ മൂന്നുമായി ബന്ധപ്പെട്ടിരിക്കുന്നു.

 Netflix ന്റെ മികച്ച ഒരു പരീക്ഷണം എന്നു വേണമെങ്കിൽ പറയാം.കുറവുകൾ ഇല്ല എന്നല്ല, ഉണ്ട്.പ്രത്യേകിച്ചും പലപ്പോഴും സമയ ദൈർഘ്യം കാരണം കഥാപാത്രങ്ങളുടെ ഭൂതകാലം പ്രേക്ഷകൻ ഊഹിക്കേണ്ടി വരും; സീരീസിൽ ഉള്ള ചില സൂചനകളിലൂടെ.അതു പോലെ കഥാപാത്രങ്ങൾ വികസിക്കാൻ ഉള്ള സമയവും ഇല്ല എന്നു കാണാം.

  എന്നാലും മിനി ക്ലിപ്പുകൾ പോലെ പ്രേക്ഷകനെ ചിന്തിപ്പിക്കുകയും രസിപ്പിക്കുകയും അത്ഭുതം ഉളവാക്കുകയും ചെയ്യുന്ന ഒരു പിടി നല്ല കഥകൾ ഈ സീരീസിൽ ഉണ്ട്.വെറുതെ ഇരിക്കുന്ന സമയം ചുമ്മാതെ Netflix ൽ ഓരോ എപ്പിസോഡ് ആയി കാണാൻ സാധിക്കും.സംഭവം സിംപിൾ ആണെങ്കിലും വലിയ കാര്യങ്ങൾ ആണ് പരമ്പരയിൽ ഉള്ളത്.ഭാവനയുടെ അവിഷ്‌ക്കാരം ആനിമേഷൻ /Live Action ആയിട്ടാണ് അവതരണം എങ്കിലും കഥാപാത്രങ്ങൾക്ക് ജീവനുണ്ട്.

  Apocalyptic ലോകം, ടെക്‌നോളജി വികസിച്ച ലോകം, മനുഷ്യരുടെ സ്ഥാനം റോബോട്ടുകൾ കയ്യടക്കിയ കാലം തുടങ്ങി വ്യത്യസ്തമായ സയൻസ് ഫിക്ഷൻ ടോപ്പിക്കുകൾ കാണാൻ ഉള്ള മൂഡ് ആണെങ്കിൽ ഒന്നും നോക്കേണ്ട, Love Death + Robots stream ചെയ്തോളൂ.Binge watching ന് പറ്റിയ സീരീസ്.

@mhviews rating:3.5/4

 

   

1360. Recalled (Korean, 2021)

 1360. Recalled (Korean, 2021)

           Mystery.

Recalled: കാഴ്ചകൾ എല്ലാം സത്യമാണോ?

  ഒരു അപകടത്തിൽ അബോധാവസ്ഥയിൽ ആയ സൂ-ജിൻ ബോധം വരുമ്പോൾ ഹോസ്പിറ്റലിൽ ആണ്.കൂടെ ഭർത്താവ് ജി-ഹുന്നും ഉണ്ട്.നല്ല രീതിയിൽ പരിചരണം ലഭിച്ച സൂ-ജിൻ പൂർണ ആരോഗ്യസ്ഥിതി നേടിയെങ്കിലും ചില കാഴ്ചകൾ അവൾ കണ്ടു തുടങ്ങി.കഴിക്കുന്ന മരുന്നുകൾ മുതൽ ഉള്ള ഹാലുസിനേഷൻ കാരണം Deja Vu  പോലെ ഒരു അവസ്ഥയിൽ അവൾ എത്തി ചേർന്നിരിക്കാം എന്നു ഡോക്റ്റർ അവളെ പിന്നീട് പരിശോധിച്ചപ്പോൾ പറയുന്നു.

  അപകടം മൂലം പഴയ ഓർമകൾ നശിച്ച അവൾ താൻ ആരാണെന്നു കണ്ടു പിടിക്കാൻ ഇറങ്ങി തിരിച്ചിരുന്നു.ഭർത്താവിൽ നിന്നും ലഭിച്ച അറിവുകൾക്കൊപ്പം അവൾ തന്റെ അന്വേഷണം തുടങ്ങുന്നു.എന്നാൽ അന്വേഷണത്തിന്റെ ഒരു ദിശയിൽ അവൾ ഞെട്ടിക്കുന്ന ആ സത്യം മനസ്സിലാക്കുന്നു.

 അവൾ ഇപ്പോൾ ജീവിക്കുന്ന ജീവിതം അല്ലായിരുന്നു അപകടത്തിന് മുന്നേ ഉള്ളത് എന്ന രഹസ്യം അവളെ തകർത്തു.ആരെ വിശ്വസിക്കണം ആരെ വിശ്വസിക്കരുത് എന്ന ചോദ്യം അവളുടെ മുന്നിൽ വന്നു.അവളുടെ യഥാർത്ഥ ജീവിതം എന്തായിരുന്നു എന്നു കണ്ടെത്തുമോ എന്നതാണ് ഈ സിനിമയുടെ ബാക്കി കഥ.

 Before I Go to Sleep ന്റെ പോലെ ഒരു കഥയാണ് സിനിമ കണ്ടു തുടങ്ങിയപ്പോൾ മനസ്സിൽ വന്നത്.സിനിമ ആ കഥയുടെ റീമേക് ആണോ എന്ന് പോലും സംശയിച്ചു.എന്നാൽ മേൽപ്പറഞ്ഞ കഥയുടെ അപ്പുറം സിനിമയുടെ മൊത്തം സ്വഭാവവും മാറുകയാണ്.ട്വിസ്റ്റുകളും അതിനൊപ്പം നേരത്തെ കണ്ടു പോയ പൽ കാര്യങ്ങളുടെ വിശദീകരണവും എല്ലാം ആയി സിനിമ അതിന്റെ 'കൊറിയൻ സ്വഭാവം' കാണിച്ചു തുടങ്ങി എന്നു തന്നെ പറയാം.

  അൽപ്പ നേരം കാണിച്ച കഥയിൽ നിന്നും കഥാപാത്രങ്ങൾ ഓരോ സ്റ്റേജിലും കൂടുതൽ വ്യക്തമായി വരുമ്പോൾ നേരത്തെ കണ്ട കാഴ്ചകളും കഥകളും എല്ലാം കൂടി മനസ്സിൽ നിന്നും കളഞ്ഞു പുതിയത് establish ചെയ്യേണ്ട അവസ്ഥ പ്രേക്ഷകന് ഉണ്ടാക്കുന്നുണ്ട്.

 നല്ല interesting ആയി തോന്നി സിനിമയുടെ കഥ.കൊറിയൻ സിനിമ സ്നേഹികൾക്ക് ഇഷ്ടപ്പെടുന്ന രീതിയിൽ അവതരിപ്പിച്ചിട്ടുണ്ട് സിനിമ;അവസാന സീൻ വരെ.

Download Link: t.me/mhviews

@mhviews rating: 3/4

 For more.movie auggestions and download link, go to www.movieholicviews.blogspot.ca

 

1359.Space Sweepers (Korean,2021)

 1359.Space Sweepers (Korean,2021)

         Sci-Fi, Action.

  ഒരു സിനിമയിൽ ഉൾക്കൊള്ളാവുന്നതിലും അധികം കഥാപാത്രങ്ങളും സംഭവങ്ങളും നിറഞ്ഞ സിനിമയാണ് Space Sweepers.ഒരു പക്ഷെ ഒരു സീരീസ് ആയി വന്നിരുന്നെങ്കിൽ വലിയ സ്കോപ് ഉള്ളതായി തോന്നിയിരുന്നു.ഓരോ കഥാപാത്രത്തിന്റെയും back story വെറുതെ പറഞ്ഞു പോയത് സിനിമ എന്ന നിലയിൽ വലിയ പ്രശ്നം ആയി തോന്നിയില്ലെങ്കിലും ഓരോ കഥാപാത്രവും develop ചെയ്തു ഒരു സീരീസ് ആയി വന്നാൽ നന്നായിരുന്നു എന്നു തോന്നി.

 കൊറിയൻ സിനിമയിൽ ആദ്യമായി വന്ന സ്‌പേസ് സംബന്ധമായ ചിത്രമാണ് Space Sweepers.Engaging ആയ ഒരു കഥ തന്നെയാണ് സിനിമയുടെ മുതൽക്കൂട്ടും.2092 ൽ ഭൂമിയിൽ നിന്നും മാറി മട്ടുണ്ഗ്രഹങ്ങളിലേക്കു മനുഷ്യർ താമസിക്കാൻ തുടങ്ങുന്നത് ആണ് സിനിമയുടെ ഒറ്റവരിയിൽ ഉള്ള കഥ എന്നു പറയാം.ആ സമയം സ്‌പേസിൽ ഒഴുകി നടക്കുന്ന വേസ്റ്റുകൾ ശേഖരിച്ചു വിൽക്കാൻ വേണ്ടി പല കൂട്ടം ആളുകൾ, പല രാജ്യങ്ങളിൽ നിന്നായി ശ്രമിക്കുന്നുണ്ട്.അത്തരത്തിൽ ഒന്നാണ് കൊറിയയിൽ നിന്നും ഉള്ള വിക്റ്ററി.സംഭവം സ്‌പേസിൽ ആണ് പണി എങ്കിലും വിക്റ്ററിയിൽ ഉള്ളവർ പഴയ ജഗദീഷ്-മുകേഷ് സിനിമകളിലെ പോലെ ദാരിദ്ര്യത്തിൽ ആണ്.കാശ് ഉണ്ടാക്കിയാൽ അവർക്ക് ചെയ്തു തീർക്കാൻ പല കാര്യങ്ങളും ഉണ്ട്.ആ സമയം ആണ് അവരുടെ പേടകത്തിൽ ആ പെണ്ക്കുട്ടി എത്തുന്നത്.ഡൊറോത്തി എന്നു പേരുള്ള അവളെ അന്വേഷിച്ചു പുതിയ ലോകത്തിലെ ആളുകൾ വരുന്നു.എന്നാൽ ഈ അവസരം തങ്ങൾക്ക് അനുകൂലമായി ഉപയോഗിക്കാൻ ആണ് വിക്റ്ററിയിൽ ഉള്ളവർ ശ്രമിക്കുന്നത്.ആ കഥയാണ് Space Sweepers പറയുന്നത്.

  രസകരമായ കഥാപാത്രങ്ങൾ ആണ് ഏകദേശം രണ്ടേകാൽ മണിക്കൂർ ഉള്ള ചിത്രത്തിന് മുതൽക്കൂട്ടു.എന്നാൽ നേരത്തെ പറഞ്ഞതു പോലെ കഥാപാത്രങ്ങൾ develop ചെയ്തു വരാൻ ഉള്ള സമയം ഇത് പോരായിരുന്നു എന്നു തോന്നി.സ്കോപ് ഉള്ള കഥാപാത്രങ്ങൾ ആയി തോന്നിയത് കൊണ്ടു തന്നെ ആ ഒരു വിഭാഗം ചെറിയ നിരാശ നൽകി.എന്നാൽക്കൂടിയും ഒരു സിനിമയുടെ ഫോർമാറ്റിൽ നിന്നു കൊണ്ടു തന്നെ ആ കഥ അവതരിപ്പിക്കാൻ സാധിച്ചിട്ടുണ്ട്.

  Concept വച്ചാണെങ്കിലും മികവ് പുലർത്തുന്നുണ്ട് ചിത്രം.നല്ല visuals ആണ് മറ്റൊരു പ്ലസ് പോയിന്റ് ആയി തോന്നിയത്.സിനിമ മൊത്തത്തിൽ എന്തായാലും ഇഷ്ടപ്പെട്ടൂ.ഒന്നു കണ്ടു വിലയിരുത്താൻ ഉള്ള വകയുണ്ട് ചിത്രം.

So stream it!!

OTT: Netflix

mhviews rating: 3/4

1358. The Woman in the Window (English, 2021)

 1358. The Woman in the Window (English, 2021)

          Mystery, Drama.

 ഏതോ ഒരു സ്റ്റോറിൽ വച്ചാണ് ഈ ബുക് ആദ്യം കാണുന്നത്.1944 ലെ സിനിമയുടെ പേരിൽ ഉള്ള ബുക് ആയതു കൊണ്ട് ശ്രദ്ധിച്ചു.അതിന്റെ കവറിൽ തന്നെ 'Soon To Be A Motion Picture' ടാഗ് കണ്ടത്തോട് കൂടി സിനിമ ഇറങ്ങുമ്പോൾ കാണാം എന്നു കരുതി.ധാരാളം ബെസ്റ്റ് സെല്ലർ നോവലുകളിൽ ഇങ്ങനെ കണ്ടിട്ടുണ്ട്.പലപ്പോഴും പക്ഷെ സിനിമ ഇറങ്ങി കഴിയുമ്പോൾ മോശം അഭിപ്രായങ്ങൾ കാരണം കാണുക പോലും ഉണ്ടായിട്ടില്ല.എന്നാൽ The Woman in  the Window Netflix Canada യിൽ Trending ആയതു കൊണ്ട് കൂടി കാണാൻ തീരുമാനിച്ചു.

  കുട്ടികളുടെ കൗണ്സലർ ആയ അന്ന ഫോക്‌സ്നെയാണ് ആമി ആഡംസ് ഈ ചിത്രത്തിൽ അവതരിപ്പിച്ചിരിക്കുന്നത്.അവർ ഈ സമയം വലിയ പ്രശ്‌നത്തിൽ ആണ്.Agoraphobia കാരണം അവർ തന്റെ വലിയ വീടിന് പുറത്തു പോകാൻ വിമുഖത കാട്ടുന്നു.അവയ്ക്ക് ഭയമാണ്.ബേസ്മെന്റിൽ താമസിക്കുന്ന ഡേവിഡ് മാത്രം വല്ലപ്പോഴും വന്നു പോകും.അന്ന അവരുടെ ദിവസങ്ങൾ മരുന്നിലും മദ്യത്തിലും പ്രിയപ്പെട്ട ക്ലാസിക് ചിത്രങ്ങൾ കണ്ടും ആണ് ചിലവഴിക്കുന്നത്.അതിനൊപ്പം അവർ തന്റെ ചുറ്റും താമസിക്കുന്നവരുടെ ജനാലായിലൂടെ ചുറ്റും ഉള്ളവരുടെ ജീവിതം കാണുകയും ചെയ്യുന്നു.വേർപിരിഞ്ഞ ശേഷം അവരുടെ ഭർത്താവും മകളും വേറെ ആയാണ് താമസിക്കുന്നത് എന്നാണ് അവർ എല്ലാവരോടും പറയുന്നത്.

 അവരുടെ ജീവിതത്തിലെ ചെറിയ മാറ്റങ്ങൾ ആയിരുന്നു അവരുടെ എതിർ വശത്തുള്ള വീട്ടിൽ ഒരു കുടുംബം താമസിക്കാൻ വന്നപ്പോൾ ഉണ്ടായത്.ചില പ്രശ്നങ്ങൾ അവരെ അലട്ടുന്നതായി മനസ്സിലാക്കിയ അന്നയെ അമ്പരപ്പിച്ചു കൊണ്ടു അവൾ ഭീകരമായ ആ കാഴ്ച അവരുടെ ജനാലയിലൂടെ കാണുന്നു.അവൾ കണ്ട കാഴ്ചയെ കുറിച്ചു ആരും വിശ്വസിക്കുന്നില്ല.അവൾ കണ്ടെന്നു പറയുന്നത് അവളുടെ തോന്നൽ ആണോ?ധാരാളം മരുന്നുകൾ കഴിക്കുന്ന ഒരാളുടെ ഹാലുസിനേഷൻ എന്നതിലുപരി അതിൽ എന്തെങ്കിലും സത്യമുണ്ടോ?

  Rear Window യുടെ അതേ സെറ്റിങ്ങിൽ ഉള്ള സ്ത്രീ വേർഷൻ ആണ് സിനിമ എന്ന തോന്നൽ തുടക്കം മുതൽ ഉണ്ടായിരുന്നു.സമാനതകൾ ചിലതൊക്കെ തോന്നുകയും ചെയ്തേക്കാം.ജെഫും അന്നയും എന്നാൽ സമാന മനഃസ്ഥിതിയിൽ അല്ല അവിടെ ജീവിക്കുന്നത് എന്നതാണ് രണ്ടു സിനിമകളും തമ്മിൽ ഉള്ള ഏറ്റവും വലിയ ഐഡന്റിറ്റി വ്യത്യാസവും.സിനിമയുടെ അവതരണ രീതി പലപ്പോഴും പഴയകാല സിനിമകളെ ഓര്മിപ്പിക്കുകയും ചെയ്തു.കഥയുടെ അവസാനം ഉള്ള ട്വിസ്റ്റ് നന്നായിരുന്നു.

 ക്രിട്ടിക്സ്, സമ്മിശ്ര അഭിപ്രായം ആണ് സിനിമയ്ക്ക് നൽകിയത്.നോവലിൽ നിന്നും സ്‌ക്രീനിൽ വന്നപ്പോൾ പലർക്കും ദഹിച്ചില്ല എന്നു തോന്നുന്നു.എന്നാൽ സിനിമ കണ്ടു കഴിഞ്ഞപ്പോൾ എനിക്ക് മോശമായി ഒന്നും തോന്നിയില്ല.പലപ്പോഴും അന്നയുടെ അസുഖവും ആയി ചുറ്റും നടക്കുന്ന സംഭവങ്ങളും ആയി ബന്ധപ്പെടുത്തി പോകുമ്പോൾ പ്രേക്ഷകന് ഉണ്ടാകുന്ന ഒരു confusion പലപ്പോഴും സിനിമയുടെ യാത്രയെ ബാധിച്ചു.ഒരു സൈക്കോളജിക്കൽ ത്രില്ലർ ആയി കരുതിയ ചിത്രം അവസാനം നടത്തിയ മാറ്റം ഒക്കെ ഇഷ്ടമായി.എന്റെ അഭിപ്രായത്തിൽ പ്രതീക്ഷിച്ച അത്ര പുതുമകൾ ഇല്ലാത്ത, എന്നാൽ തരക്കേടില്ലാത്ത ചിത്രമാണ് The Woman in the Window.

@mhviews rating: 2.5/4

 ചിത്രം Netflix ൽ ലഭ്യമാണ്.

1357. The Map of Tiny Perfect Things

 1357. The Map of Tiny Perfect Things

           Sci- Fi, Rom-Com

      ജീവിതത്തിൽ വലിയ പ്രശ്നങ്ങൾ നടക്കുമ്പോൾ അതിൽ ഉള്ള ചെറിയ സന്തോഷങ്ങൾ പലപ്പോഴും ശ്രദ്ധിക്കാതെ പോകാറുണ്ട്.അതു സ്വഭാവികവുമാണ്.മനുഷ്യന്റെ മനസ്സു ചുറ്റുമുള്ള പ്രശ്നങ്ങളെ മാത്രം കാണുകയും ചുറ്റുമുള്ള ചെറിയ നന്മകൾ, സന്തോഷങ്ങൾ, നല്ല കാഴ്ചകൾ എല്ലാം നഷ്ടം ആക്കുകയും ചെയ്യും.എന്നാൽ ഈ പ്രശ്നങ്ങളുടെ ഇടയിൽ ഉള്ള നല്ല കാര്യങ്ങൾ കണ്ടെത്തുകയും അവയെ ലിസ്റ്റ് ചെയ്യുകയും ചെയ്യാൻ കഴിഞ്ഞാലോ?

  അതും ഒരേ ദിവസം തന്നെ ആവർത്തിച്ചു പോകുമ്പോൾ , അതും ഏറെ കുറെ പരിചയമായ, അന്നത്തെ ദിവസം നടക്കുന്ന സംഭവങ്ങൾ എല്ലാം പ്രവചിക്കാൻ സാധിക്കുന്ന അവസ്ഥയിൽ ആയാലോ?

 ടീനേജ് വിദ്യാർഥികളായ മാർക്കും മാർഗരറ്റും അങ്ങനെ ആണിപ്പോൾ.തങ്ങളുടെ ലോകത്തിനു ചുറ്റും നടക്കുന്ന ആ രഹസ്യം അവർക്ക് രണ്ടു പേർക്ക് മാത്രമാണ് അറിയുന്നത്.മാർക് മാർഗരറ്റിനെ കണ്ടെത്തുന്നത് വരെ വൈകിയാണ്.അതും ഒരു ചെറിയ അമേരിക്കൻ ടൗണിൽ.

  ക്ളീഷേ പ്രമേയം ആണെങ്കിലും Groundhog Day , Time Bandits പോലുള്ള ക്ലാസിക്കുകളുടെ സ്വാധീനം വരുന്നെങ്കിലും കാലത്തിനു അനുസരിച്ചു വളരെ സങ്കീർണവും ആകാതെ ഒരു ലൈറ്റ് മൂഡിൽ അവതരിപ്പിച്ച ചിത്രമാണ് The Map of Tiny Perfect Things.

 ലെവ് ഗ്രോസ്മാന്റെ ഇതേ പേരിൽ ഉള്ള ചെറുകഥയെ ആസ്പദം ആക്കി അദ്ദേഹം തന്നെ കഥ എഴുതി സംവിധാനം ചെയ്ത ചിത്രമാണിത്.ഒരു Coming of Age സിനിമ ആയിട്ടാണെങ്കിലും , ടീനേജിലെ സ്വപ്നങ്ങൾ ആയിട്ടു ആണെങ്കിലും അതിലുപരി ഭാവിയിലേക്കുള്ള ജീവിതം നോക്കി ആണെങ്കിലും അല്ലെങ്കിൽ കുറച്ചു കൂടി ഗഹനമായ Temporal Anamoly, Singularity തുടങ്ങിയ പദങ്ങൾ ഉപയോഗിച്ചുള്ള ഒരു സയൻസ് ഫിക്ഷൻ ആയിട്ടാണെങ്കിലും സിനിമ നന്നായി അവതരിപ്പിച്ചതായി തോന്നി.

 കുറച്ചു നിരാശ തോന്നുന്ന ഒരു ഭാഗം മാർക്കും മാർഗരറ്റും കണ്ടു മുട്ടി കഴിഞ്ഞുള്ള ഭാഗങ്ങളിലെ രംഗങ്ങൾ പതിവായി ഇത്തരം പ്രമേയങ്ങൾ നൽകുന്ന പോലെ ഒരു പതിവ് മാജിക് ഫീൽ ചെയ്തില്ല എന്നതായിരുന്നു.അതിനു കാരണവും അവസാനം കൊടുക്കുന്നത് കൊണ്ടും ഈ കഥയെ എങ്ങനെ കാണണം എന്ന് പറഞ്ഞു വച്ചതു കൊണ്ടും ഈ ഒരു ഭാഗം സാധൂകരിക്കാൻ കഴിഞ്ഞു.

  ചെറിയ സന്തോഷങ്ങളും ,കുറച്ചു ദു:ഖങ്ങളും ഒക്കെ ആയി ഒരു ചെറിയ സിനിമ.അതാണ് The Map of Tiny Perfect Things.

OTT: Amazon Prime

@mhviews rating: 3/4

For more movie suggestions and download links go to www.movieholicviews.blogspot.ca

1356. The Secrets She Keeps (English, 2020)

 1356. The Secrets She Keeps (English, 2020)

         Psychological Thriller, Mystery

രണ്ടു ഗർഭിണികളുടെ കഥ ആണ് The Secrets She Keeps പറയുന്നത്.ഗർഭിണികളുടെ സന്തോഷങ്ങൾ/സങ്കടങ്ങൾ ഒക്കെ ചേർത്തു ഒരു സീരീസ് ആയി മാറാൻ സാധ്യതയുള്ള ഒരു പ്രമേയം.പിന്നെ ഉള്ള സാധ്യത പേരിന്റെ പ്രത്യേകത കാരണം സങ്കീർണമായ ഒരു മിസ്റ്ററി/ത്രില്ലർ ആയി മാറുക എന്നതാണ്. The Secrets She Keeps എന്ന ഓസ്‌ട്രേലിയൻ സീരീസ് രണ്ടാമത്തെ വിഭാഗത്തിൽ ഉൾപ്പെടുന്ന ഒന്നാണ്.

 ഒരേ സമയം ഗർഭിണികൾ ആയ രണ്ടു സ്ത്രീകൾ.സമൂഹത്തിലെ രണ്ടു തട്ടുകളിൽ, വ്യത്യസ്തമായ ജീവിതം ആണ് രണ്ടു പേർക്കും ഉള്ളത്.എന്നാൽ രണ്ടു പേർക്കും അവരുടേതായ രഹസ്യങ്ങൾ ഉണ്ട്.ചുറ്റും ഉള്ളവരെ ഞെട്ടിക്കാൻ പാകത്തിന് ഉള്ളത്.അവർ രണ്ടു പേരുടെയും ജീവിതം വ്യത്യസ്തമായ ചുറ്റുപ്പാടുകളിൽ ആയിരുന്നെങ്കിലും വെവ്വേറെ പോകുന്നില്ല.അവരുടെ ജീവിതങ്ങൾ തമ്മിൽ കൂട്ടി മുട്ടും ഒരിക്കൽ.അപ്പോൾ സംഭവിക്കുന്ന സംഭവങ്ങൾ ചിലപ്പോൾ പ്രവചനങ്ങൾക്കും അപ്പുറം ആയിരിക്കും.

  The Secrets She Keeps ആകെ ഉള്ള 6 എപ്പിസോഡുകളിൽ ഓരോ എപ്പിസോഡിലും ഓരോ രഹസ്യവും അനാവരണം ചെയ്തു കൊണ്ടാണ് പോകുന്നത്.മനുഷ്യരുടെ ഇടയിൽ ഉള്ള കാര്യങ്ങൾ ആണ് പ്രശ്നം.ഒറ്റയ്ക്ക് നിൽക്കുമ്പോൾ വലിയ പ്രശ്നം തോന്നാത്ത, എന്നാൽ കുടുംബം എന്ന concept ൽ പലരെയും ബാധിക്കുന്ന കാര്യങ്ങൾ.ഇവിടെ അഗതയും മേഘനും അത്തരത്തിൽ സങ്കീർണമായ, അവർ തന്നെ നെയ്ത വലയിൽ കുടുങ്ങിയിരിക്കുക ആണ്.

  അഗത ഒരു സ്റ്റോറിൽ ജോലിക്കാരിയും, മേഘൻ ടി വിയിലെ പ്രശസ്തനായ ഒരു സ്പോർട്ട് കമന്റേറ്ററുടെ ഭാര്യ എന്നതിലുപരി ധാരാളം ആളുകൾ ഫോളോ ചെയ്യുന്ന ഓണലൈന് ബ്ലോഗറും.സാമ്യതകൾ ഇല്ലാത്ത ജീവിതം.അല്ലെ?എന്നാൽ സാമ്യതകൾ ഇല്ലാതിടത്തു പോലും അതു വരും, അവർ തമ്മിൽ കണ്ടു മുട്ടുമ്പോൾ.

 മൈക്കിൾ റോബോതമ്മിന്റെ ഇതേ പേരിൽ ഉള്ള നോവലിനെ ആസ്പദം ആക്കി അവതരിപ്പിച്ച ഈ പരമ്പര, ആദ്യ കോവിഡ് 19 ലോക്ഡൗൻ സമയത്തു 10 ദിവസം കൊണ്ട് 10 ഷോ എന്ന 10 Play സ്‌ട്രീമിംഗ്‌ സൈറ്റിൽ വന്ന ഷോകളിൽ ഒന്നായിരുന്നു.

വലിയ പ്രതീക്ഷകൾ ഇല്ലാതെ കണ്ടു തുടങ്ങിയ പരമ്പര എന്നാൽ ഒരു 'ഹാർലൻ കൊബേൻ' സീരീസ് കാണുന്ന പ്രതീതി ആണ് നൽകിയത്.ആകെ ഉള്ള 6 എപ്പിസോഡുകളും ഒറ്റ ഇരുപ്പിന് കണ്ടു തീർത്തൂ.

  കഥാപാത്രങ്ങളിൽ അഗതയുടെ കഥാപാത്രത്തിന് കൂടുതൽ സാധ്യതകൾ ഉള്ളതായി തോന്നി.മികച്ച ഒരു സൈക്കോ ത്രില്ലർ സീരീസ് ആയി ആണ് The Secrets She Keeps നെ കുറിച്ചുള്ള അഭിപ്രായം.ചെറിയ അവിശ്വസനീയ സീനുകൾ ഉണ്ടായിരുന്നു എന്നതാണ് ചെറിയ പ്രശ്നമായി തോന്നിയത്.അതു ചിലപ്പോൾ എന്റെ തോന്നൽ മാത്രം ആയിരിക്കാം.കഴിയുമെങ്കിൽ കാണാൻ ശ്രമിക്കുക.

 @mhviews rating: 3.5/4

  Stream it!!

 OTT: CBC Gem/ Sundance Now

 Episodes: 6 (Appr. 45 mins)

Telegram channel Link: @mhviews

 For more movie suggestions and links, go to www.movieholicviews.blogspot.ca

1354. Nizhal (Malayalam,2021)

 1354. Nizhal (Malayalam,2021)

 ഒരു മിസ്റ്ററി ചിത്രം എന്ന നിലയിൽ നിന്നും തുടങ്ങി മികച്ച രീതിയിൽ പൊയ്ക്കൊണ്ടിരുന്ന ഒരു ചിത്രം ക്ളൈമാക്സിനോട് അടുപ്പിച്ചു കയ്യിൽ നിന്നും പോയി എന്നാണ് നിഴൽ എന്ന സിനിമയെ കുറിച്ചു തോന്നിയത്.

  ഒരു ആക്സിഡന്റിന് ശേഷം ഉള്ള PTSD കാരണം കുറച്ചു പ്രശ്നങ്ങളിൽ ആണ് ജോണ് ബേബി.തന്റെ ഔദ്യോഗിക ജീവിതത്തിനു പുറത്തായി അയാൾക്ക്‌ ആ അപകടത്തിന് ശേഷം മറ്റൊരു കുടുംബവും ആയി ബന്ധപ്പെടേണ്ടി വരുന്നു.അയാൾ പിന്നീട് പോകുന്ന വഴികൾ ദുരൂഹമായിരുന്നു, അതിനൊപ്പം സിനിമ കഥ എന്ന നിലയിൽ പ്രേക്ഷകന് നല്ലൊരു അനുഭവവും ആയിരുന്നു.

  എന്നാൽ പിന്നീട് നേരത്തെ പറഞ്ഞതു പോലെ ക്ളൈമാക്സിനോട് അടുപ്പിച്ചുള്ള കാര്യങ്ങൾ മൊത്തത്തിൽ സിനിമയെ പുറകോട്ടു അടുപ്പിച്ചു എന്നു തോന്നി.മോശം എന്നല്ല അഭിപ്രായം.പക്ഷെ എന്തോ കുറെ കുറവുകൾ തോന്നി എന്നതാണ് സത്യം.ഒരു പക്ഷെ ആ ഭാഗം ഇഷ്ടപ്പെടാൻ, ഇഷ്ടപ്പെടാതെ ഇരിക്കാം എന്ന ഒരു അവസ്ഥയിലും ആയിരുന്നു.എന്നാൽ പ്രേക്ഷകൻ എന്ന നിലയിൽ ആ ഭാഗങ്ങൾ സിനിമയ്ക്ക് ബാധ്യത ആയി മാറി എന്നാണ് തോന്നുന്നത്.

  സിനിമ മുന്നോട്ട് വയ്ക്കുന്ന ഒരു ചെറിയ രാഷ്ട്രീയവും ഉണ്ട്.എന്നാൽ രാഷ്ട്രീയമായി ഇങ്ങനെ ഒരു വിഷയത്തെ ഇന്നത്തെ സാഹചര്യത്തിൽ എങ്ങനെ കാണാൻ സാധിക്കും?പാതി വെന്ത ഒരു ക്ളൈമാക്സിലേക്കു ചിത്രം പോയത്തോട് കൂടി രാഷ്ട്രീയമായി സംസാരിക്കേണ്ട ചില കാര്യങ്ങൾ പോലും ഒന്നോ രണ്ടോ ഡയലോഗുകളിൽ മാത്രമായി ഒതുങ്ങി.ഒരു പക്ഷെ കേരളത്തിലെ ഒരു മനുഷ്യനും എപ്പോഴെങ്കിലും പാർട്ടി ഭേദമെന്യേ പറയുകയോ കേൾക്കുകയോ വന്നിട്ടുണ്ടാകാം ഇത്തരത്തിൽ ഉള്ള സംഭാഷണങ്ങൾ.കേൾക്കാത്തവരും ഉണ്ടായേക്കാം.എന്നാൽക്കൂടിയും ഇത്തരം ചില സംസാരങ്ങൾ ഒക്കെ കേരളത്തിലെ പൊതു ഇടങ്ങളിൽ എത്ര മാത്രം സ്വീകാര്യത ഉണ്ടെന്നുള്ളത് വസ്തുത ആണ്.സ്വീകാര്യത ഇല്ലാത്തതു കൊണ്ടു തന്നെ വെറും മിത്ത് ആയി അവസാനിക്കട്ടെ.

 എന്തായാലും പാർട്ടി എന്നു തന്നെ പറഞ്ഞല്ലോ.അല്ലാതെ വലതു പക്ഷ പാർട്ടികളുടെ മേൽ കെട്ടി വച്ചു ഒരു മെക്സിക്കൻ അപാരതയോ, നായാട്ടോ ഒന്നും ആയില്ല എന്നത് തന്നെ അവ്യക്തതയുടെ ഇടയിലെ വ്യക്തത ആയി ഇരിക്കട്ടെ.

  അവസാന ഭാഗങ്ങളിൽ ഉണ്ടായ നിരാശ കാരണം മാത്രം റേറ്റിങ് 2.5/4. കൂടുതൽ നന്നായി ചെയ്യാൻ ഉള്ള സ്കോപ് സിനിമയിൽ എപ്പോഴും ഉണ്ടായിരുന്നു

1355. Wisting (Norwegian, 2019)

 1355. Wisting (Norwegian, 2019)

           Mystery/Investigation.

           

   കുറ്റാന്വേഷണ സിനിമകൾ/സീരീസുകൾക്കു ഒക്കെ പൊതുവായ ഒരു ഫോർമാറ്റ് ഉണ്ടാകാറുണ്ട്.അതു ആവർത്തിച്ചു ഭാഷ-ദേശ വ്യത്യാസം ഇല്ലാതെ ഒരു യൂണിവേഴ്സൽ ഫോർമാറ്റ് ആടി മാറിയിട്ടും ഉണ്ട്.അത്തരത്തിൽ ഒരു ക്രൈമിനെ സമീപിക്കുന്ന കഥകൾ ഇഷ്ടം ഉള്ള ആളാണെങ്കിൽ ഇതാ ഒരു നോർവീജിയൻ സീരീസ്- Wisting

 Wisting എന്ന സീനിയർ കുറ്റാന്വേഷണ ഉദ്യോഗസ്ഥൻ നോർവേയിലെ തീരെ കുറ്റ കൃത്യങ്ങൾ കുറഞ്ഞ ലാർവിക് എന്ന ചെറിയ ടൗണിൽ ആണ് ജോലി ചെയ്യുന്നത്.ആ വർഷത്തെ മഞ്ഞിൽ കണ്ടെത്തിയ ഒരു മൃതദേഹം ആണ് വർഷങ്ങൾക്കു ശേഷം അവിടേക്ക് ഒരു കൊലപാതക കേസ് ആയി വരുന്നത്.

 ഒരു സാധാരണ മരണം എന്നതിൽ നിന്നും അമേരിക്കയിലെ എഫ് ബി ഐ യ്ക്ക് താൽപ്പര്യം ഉള്ള കേസിൽ നിന്നും കൂടുതൽ രാജ്യങ്ങളിൽ സ്വാധീനം ചെലുത്തിയ ഒരു കൊലപാതക പരമ്പരയിലേക്ക് ആണ് കേസിന്റെ അന്വേഷണം നീളുന്നതു.അതിനോട് അനുബന്ധിച്ചു നടക്കുന്ന പല സംഭവങ്ങളും കേസിനെ കൂടുതൽ സങ്കീർണവും വയ്ക്കുന്നുണ്ട്.

 കുറെയേറെ മൃതദേഹങ്ങൾ പൊന്തി വരുന്നു.കാലത്തിന്റെ പിടിയിൽ ഭൂമിയുടെ ഉള്ളിലേക്ക് പോയവ.പ്രിയപ്പെട്ടവർ കാത്തിരുന്ന പെണ്ക്കുട്ടികളുടെ മൃതദേഹങ്ങൾ പല രാജ്യങ്ങളിലുമായി കണ്ടെത്തുന്നു.പല രാജ്യങ്ങളിലും ആയി ഈ കൊലപാതകങ്ങൾ നടത്തിയത് ആരാണ്?

 Wisting എന്നാൽ ഈ ഒരു ചോദ്യത്തിന് ഉത്തരം നൽകി തീരില്ല .ഇതു Wisting എന്ന പൊലീസ് ഉദ്യോഗസ്ഥന്റെ കഥയാണ്.അയാളുടെ വർത്തമാനക്കാലത്തിൽ അയാളുടെ തന്നെ ഭൂതകാലം ഇടപ്പെടുന്നുണ്ട്.ഒരു പക്ഷെ അയാളുടെ നിലനിൽപ്പിനെ തന്നെ ബാധിക്കാൻ സാധ്യത ഉള്ള അവസ്ഥ.

 മികച്ച യൂറോപ്യൻ പരമ്പരകളിൽ ഉൾപ്പെടുത്താൻ സാധിക്കുന്ന ഒന്നാണ് Wisting.പ്രകൃതി നൽകിയ വശ്യമായ സൗന്ദര്യത്തിനു മരണത്തിന്റെ ഗന്ധം നൽകിയ ഫ്രെയിമുകൾ തന്നെ ആരെയും ഭ്രമം പിടിപ്പിക്കും.നോർഡിക് സിനിമ/സീരീസ് ക്ളീഷേ ആണതെങ്കിലും, ഓരോ തവണയും ഭ്രമിപ്പിക്കുന്ന പുതുമ അതിലുണ്ടാകും.ഇത്തരത്തിൽ ഉള്ള കഥകൾക്ക് ഒക്കെ പെര്ഫെക്റ്റ് ആയ അന്തരീക്ഷം ആണത്.

  

 നോർവീജിയൻ പരമ്പരകളിലെ ഏറ്റവും ചെലവ് കൂടിയ പരമ്പര ആണിത്. Jørn Lier Horst ന്റെ നോവലുകൾ ആയ  The Caveman, The Hunting Dogs എന്നിവയെ ആധാരമാക്കിയാണ് 10 എപ്പിസോഡ് ഉള്ള ഈ സീരീസ് അവതരിപ്പിച്ചിരിക്കുന്നത്.

എന്തായാലും അവസരവും സമയവും കിട്ടുകയാണെങ്കിൽ കാണാൻ മറക്കരുത്, പ്രത്യേകിച്ചും കുറ്റാന്വേഷണ പരമ്പരകൾ താൽപ്പര്യം ഉള്ള ആളാണെങ്കിൽ.

@mhviews rating: 4/4

Perfect OK!!

           OTT- CBC Gem

           No. of Episodes: 10

           Duration:45 mins (Avg).

Telegram download link available @mhviews Telegram channel

For download link and more suggestions, go to www.movieholicviews.blogspot.ca.

1353. Nayaattu (Malayalam, 2021)

 1353. Nayaattu (Malayalam, 2021)

          OTT: Netflix

നായാട്ട് :'വേട്ടക്കാർ ഇരകളാകുമ്പോൾ'

  കാര്യം എത്ര ജനമൈത്രി പോലീസ് ഒക്കെ ആണെങ്കിലും പോലീസിന്റെ മുന്നിൽ നിന്നു അവരുടെ ഭാഷ്യത്തിൽ ഉള്ള 'മര്യാദ'യുടെ ഭാഷയിൽ സംസാരിച്ചില്ലെങ്കിൽ പ്രശ്നങ്ങൾ കൂടുതൽ ഗുരുതരം ആവുകയാണ് സാധാരണയായി.ഈ അവസരങ്ങളിൽ പലപ്പോഴും പൊതു ജനം നിസഹായർ ആയി മാറാറുണ്ട്, സർക്കാർ ഏതു ആയാലും.ഈ അവസരങ്ങളിൽ ജനം പലപ്പോഴും ഇര ആവുകയാണ്;പോലീസ് വേട്ടക്കാരനും.കാട്ടിൽ അല്ലാതെ നാട്ടിൽ നടക്കുന്ന നായാട്ട്.

   എന്നാൽ മാർട്ടിൻ പ്രകാട്ടിന്റെ നായാട്ടിൽ ഒരു വ്യത്യാസമുണ്ട്.ഇവിടെ പൊലീസുകാർ തന്നെ ഇരയും വേട്ടക്കാരനും ആകുന്നു.ഒരു ഇലക്ഷന്റെ സമയം ഭരണകക്ഷിയുടെ ഇലക്ഷൻ വിജയത്തിന്റെ സാധ്യതകളെ പ്രതികൂലമായി സ്വാധീനിക്കാൻ കഴിയുന്ന സംഭവങ്ങൾ ഉണ്ടാകുന്നു.അവിടെ നിന്നും മൂന്ന് പൊലീസുകാർ പ്രതി സ്ഥാനത്തേക്ക് മാറുകയാണ്.പോലീസും പ്രതികളായി മാറിയ പോലീസും തമ്മിൽ ഉള്ള ക്യാറ്റ് ആൻഡ് മൗസ് കളി ആണ് പിന്നീട് സിനിമയിൽ.

   സിനിമ സംസാരിക്കുന്ന ദളിത് രാഷ്ട്രീയത്തിൽ ഇരു വശങ്ങളിലും അതേ വിഭാഗത്തിൽ ഉള്ളവർ വന്ന് ഒരു ബാലൻസിങിന് ശ്രമിക്കുന്നത് കാണാമായിരുന്നു.ഒരു പക്ഷെ അത് മറ്റൊരു രീതിയിൽ ആയിരുന്നെങ്കിൽ സിനിമയിലെ ആ കഥാപാത്രങ്ങൾ മറിച്ചൊരു പൊതു ഓഡിറ്റിങ്ങിന് എന്നെങ്കിലും വിധേയമാകേണ്ടി വന്നേനെ എന്നു ഉറപ്പാണ് ഇന്നത്തെ കേരളത്തിൽ.

 മികച്ച അഭിനയം ആയിരുന്നു കഥാപാത്രങ്ങളിൽ ഭൂരിഭാഗവും.ഡിനിഷിന്റെ കഥാപാത്രം കണ്ടപ്പോൾ വൻ ചൊറിയൻ ആയാണ് തോന്നിയത്.ആർക്കാണെങ്കിലും കൈ വയ്ക്കാൻ തോന്നുന്ന അത്ര ദേഷ്യം തോന്നി ആ കഥാപാത്രത്തിനോട്.യമയുടെ പോലീസ് കഥാപാത്രവും നന്നായിരുന്നു.കുഞ്ചാക്കോ ബോബന്റെ കരിയറിലെ ഏറ്റവും മികച്ച കഥാപാത്രം ആയിരിക്കും ഈ സിനിമയിലെ മൈക്കിൾ.ജോജുവിന്റെ കഥാപാത്രം,പിന്നെ പ്രത്യേകിച്ചു ഒന്നും പറയാൻ ഇല്ലായിരുന്നു.ആൾ 'ജോജുവിസം' എന്ന അവസ്ഥയിലേക്ക് പോവുകയാണെന്ന് തോന്നും.ഏതു കഥാപാത്രം ആണെങ്കിലും അതിൽ ജോജുവിന്റെ കാണാം.പക്ഷെ മടുപ്പിക്കാത്ത രീതിയിൽ ഉള്ള ആരെയും ആകർഷിക്കുന്ന എന്തോ ഒരു മാജിക്കും ജോജുവിന് ഉണ്ടെന്നു തോന്നിയിട്ടുണ്ട്.അപാര സ്‌ക്രീൻ പ്രസൻസ് കൂടി ആകുമ്പോൾ കൂടെ ഉള്ളവർ അപ്രസക്തർ ആയി മാറുന്നത് പോലെ.

   സിനിമ മികച്ചത് ആണോ അല്ലയോ എന്നൊക്കെ പറയേണ്ട ആവശ്യം ഇനി ഉണ്ടാകില്ല എന്നു കരുതുന്നു.ചിത്രത്തിന്റെ ക്ളൈമാക്‌സും ഇഷ്ടമായി.എന്താണ് അവസാനം സംഭവിക്കാൻ പോകുന്നതെന്ന് നിമിഷയുടെ കഥാപാത്രം പറഞ്ഞിട്ടുണ്ട്.അതങ്ങനെ തന്നെ ആകട്ടെ എന്നു വിശ്വസിക്കുന്നു.

 ഒരു പ്രേക്ഷകൻ എന്ന നിലയ്ക്ക് നായാട്ട് ഈ അടുത്തു കണ്ട ചിത്രങ്ങളിൽ ഗംഭീരമായ ഒരു അനുഭവം ആയിരുന്നു.

ഒന്നും മറിച്ചു പറയാൻ ഇല്ല.

Stream it!!

@mhviews rating: 4/4

1352. Arishadvarga (Kannada, 2019)

 1352. Arishadvarga (Kannada, 2019)

          Mystery.

          OTT: Amazon Prime.

   ജിഗോളോ ആയ ഒരു യുവാവ് തന്റെ ക്ളൈന്റിന്റെ വീട്ടിൽ എത്തിയിരിക്കുന്നു.എന്നാൽ അവനെ അവിടെ കാത്തിരുന്നത് തീരെ വിചാരിക്കാത്ത സംഭവങ്ങൾ ആയിരുന്നു.അവനു കൂട്ടായി അഭിനയ മോഹി ആയ ഒരു യുവതി കൂടി എത്തുന്നു.അവരുടെ ജീവിതം ആ വലിയ വീട്ടിൽ മാറുകയായിരുന്നു.തെറ്റായ സ്ഥലത്തു തെറ്റായ സമയത്തു ആണ് അവർ എത്തിയിരിക്കുന്നത്.അത് കാരണം അവർ ഒരു മരണത്തിനു ഉത്തരം പറയേണ്ടി വരുന്ന അവസ്ഥയാണ്.

  ഒരു മരണത്തിലെ ദുരൂഹത ആണ് 'അരിശദ് വർഗ' അവതരിപ്പിക്കുന്നത്.സങ്കീർണമായ പല വഴികളിലൂടെയും ആണ് കഥ തുടക്കത്തിൽ മുന്നോട്ട് പോകുന്നത്.എന്നാൽ പിന്നീട് കൊലയാളിയെ കുറിച്ചുള്ള ഒരു ഏകദേശ രൂപം ഉണ്ടാകും.എന്നാലും പ്രേക്ഷകൻ പ്രതീക്ഷിക്കാത്ത രീതിയിൽ ഒരു tail- end വരുന്നുണ്ട്.പ്രധാന കഥയുമായി ബന്ധമില്ല എന്നു തോന്നുമെങ്കിലും അതിൽ നിന്നും മറ്റൊരു ദുരൂഹതയിൽ ആണ് സിനിമ അവസാനിക്കുന്നത്.

  തരക്കേടില്ലാത്ത ഒരു ക്രൈം ഇൻവെസ്റ്റിഗേഷൻ ചിത്രമാണ് 'അരിശദ് വർഗ'.ചിത്രം Amazon Prime ൽ ലഭ്യമാണ്.

@mhviews rating: 3/4.