1178. Trance (Malayalam, 2020)
"Sorry Folks, പടം നല്ല പോലെ ഇഷ്ടമായി"
T R A N C E D !!!
എന്തൊരു മേക്കിങ്!!ഒരു രക്ഷയും ഇല്ല.സിനിമ ഇറങ്ങിയപ്പോൾ ഉള്ള അഭിപ്രായങ്ങൾ കണ്ടു കാണാൻ വലിയ താൽപ്പര്യം ഇല്ലായിരുന്നു. HIT എന്ന തെലുങ്ക് സിനിമ കണ്ടു ചുമ്മാ പടം ആയി ആണ് Trance കണ്ടു തുടങ്ങിയത്.ഫഹദ് മുംബൈ എത്തുന്ന സീൻ മുതൽ ശരിക്കും വേറെ ഒരു ലോകത്തിൽ ആയിരുന്നു.ഓടിച്ചു വിട്ട് കണ്ടു തീർക്കാം എന്നു കരുതിയിടത്തു നിന്നും രണ്ടാമതും കാണാൻ ഇരിക്കുന്നു.കാരണം, സമാനമായ അഭിപ്രായം ഉണ്ടായിരുന്ന ഭാര്യ ആദ്യം സിനിമ വച്ചപ്പോൾ ആദ്യ 15 മിനിറ്റിൽ ഉറങ്ങി പോയി.ഇപ്പോൾ അദ്ദേഹവും പടം കണ്ടു ഇരിക്കുന്നു.സ്‌പെഷ്യൽ ഷോ!!
സിനിമയുടെ തീം വിവാദപരമായ ഒന്നാണ്.ആൾ ദൈവങ്ങൾ എന്ന concept തന്നെ തെറ്റാണ് എന്ന അഭിപ്രായകാരൻ ആണ് ഞാൻ.ദൈവത്തിനും മനുഷ്യനും ഇടയിൽ ആണ് ആ സമയത്തു ഇടനിലക്കാരൻ ആയി വേറെ ആളുകൾ.പണ്ട് ആരോ പറഞ്ഞതു പോലെ മതം ______ പോലെ ആണ്.അതു പുറത്തു ഇട്ടു കൊണ്ടു നടക്കരുത്.ആരോചകം ആണ്.അതു പോലെ ആണ് മതം തള്ളി കയറ്റാൻ വരുന്ന ആരായാലും. ഇതൊക്കെ ഇവിടെ എന്തു കൊണ്ടു പറയുന്നു എന്നു വച്ചാൽ, സിനിമ കാണുമ്പോൾ ഈ ഒരു ആശയത്തോട് താൽപ്പര്യം ഇല്ലെങ്കിൽ "എല്ലാർക്കും സൊഖവാ" എന്നു പറഞ്ഞു സിനിമ നിർത്തേണ്ടി വരും.അതു പോലെ ആക്രമണം നടത്തിയിട്ടുണ്ട് മതം എന്ന concept നു നേരെ.
ഒരു സ്റ്റേജിൽ മാജിക് നടത്തുന്ന മജീഷ്യൻ, പുട്ടപർത്തിയിലെ സായി ബാബയുടെ പ്രവർത്തികൾ മുതൽ ഇപ്പോൾ നടക്കുന്ന തുപ്പല് വൈദ്യം, കൃപാസാനം പത്രം ചുരുട്ടി വച്ചു വിടുതൽ ഉണ്ടാകുന്നവർ മുതൽ വ്യാജ വൈദ്യന്മാർ വരെ ഒരേ രീതി ആണ് ഉപയോഗിക്കുന്നത്.ഒരു environment സൃഷ്ടിച്ചു അവിടെ നടത്തുന്ന മായാജാലം. അതിൽ ഇരയായി മാറുന്നവരും ഉണ്ട്.
അസുഖം വന്നാൽ ചികിത്സയ്ക്ക് പോകാത്ത, വാക്സിനുകൾക്കു നേരെ മുഖം തിരിയ്ക്കുന്ന, എന്തിനു കോവിഡ് 19 ബാധിച്ചു മരിച്ച കിടന്നപ്പോൾ ദൈവം വന്നു ലങ്സിൽ കാറ്റൂതി എന്നു പറഞ്ഞ അമേരിക്കക്കാരൻ വരെ ഈ ഗണത്തിൽ പെടും.വിശ്വാസങ്ങൾ അല്ലെ. എല്ലാവരെയും രക്ഷിക്കട്ടെ!!വിശ്വാസികൾ ക്ഷമിക്കുക.
വിനായകന്റെ കഥാപാത്രം ഇത്തരത്തിൽ ഉള്ള എല്ലാവരുടെയും ഒരു സങ്കലനം ആയിരുന്നു.അയാൾക്ക്‌ അവസാനം തിരിച്ചറിവ് ഉണ്ടാകാൻ കാരണമായ സംഭവങ്ങൾ പോലെ ഇനി ആർക്കും ഉണ്ടാകാതെ ഇരിക്കട്ടെ.സിനിമ കണ്ടപ്പോൾ തോന്നിയ തോന്നലുകൾ ആണ്.
"ജോഷുവ കാൾട്ടന്മാർ ഇനിയും ധാരാളം വരും. അവരെ സൂക്ഷിച്ചാൽ നിങ്ങൾക്ക് നല്ലതു".
സിനിമയുടെ കളർ ടോൺ, സംഗീതം ഒക്കെ ഒരു രക്ഷയും ഇല്ലായിരുന്നു.ശരിക്കും വേറെ ഒരു ലോകത്തിലേക്കു എത്തിച്ചത് പോലെ തോന്നി.എന്തൊക്കെ പറഞ്ഞാലും കൊച്ചി ടീമിന്റെ സിനിമകൾ ഇങ്ങനത്തെ കാര്യങ്ങളിൽ ഒക്കെ നല്ല പോലെ ശ്രദ്ധ കൊടുക്കാറുണ്ട്. അതു ഇവിടെ effective ആയിരുന്നു.ഫഹദ് ഫാസിലിന്റെ പെർഫോമൻസ് ആണ് എടുത്തു പറയേണ്ടത്.എന്തൊരു എനർജി ആയിരുന്നു അയാൾക്ക്‌?ഒരു രക്ഷയും ഇല്ലായിരുന്നു.അത് പോലത്തെ പ്രകടനം.
ഇത്രയും വെറൈറ്റി ആയി ഇങ്ങനെ ഒരു വിഷയത്തെ സമീപിക്കാൻ ശ്രമിച്ച ഒരു സിനിമ എന്ന നിലയിൽ കൂടി സിനിമ ഏറ്റവും പ്രിയപ്പെട്ട സിനിമകളിൽ ഒന്നായി മാറുന്നു.
MH Views Rating : 3.5/4
സിനിമ Amazon Prime ൽ ലഭ്യമാണ്.
t.me/mhviews or @mhviews ൽ സിനിമ ലഭ്യമാണ്.
ReplyDeleteവിനായകന്റെ കഥാപാത്രം ഇത്തരത്തിൽ ഉള്ള എല്ലാവരുടെയും ഒരു സങ്കലനം ആയിരുന്നു.അയാൾക്ക്‌ അവസാനം തിരിച്ചറിവ് ഉണ്ടാകാൻ കാരണമായ സംഭവങ്ങൾ പോലെ ഇനി ആർക്കും ഉണ്ടാകാതെ ഇരിക്കട്ടെ.സിനിമ കണ്ടപ്പോൾ തോന്നിയ തോന്നലുകൾ ആണ്.
"ജോഷുവ കാൾട്ടന്മാർ ഇനിയും ധാരാളം വരും. അവരെ സൂക്ഷിച്ചാൽ നിങ്ങൾക്ക് നല്ലതു".