1130.Secret Window(English,2004)

​​1130.Secret Window(English,2004)
         Mystery, Thriller.


     A stranger visited Mort Rainey and told him that one of his published stories was a copy of his work. Mort was surprised and refused the claim straight up. The man who introduced himself as Shooter from Mississippi slowly started to distress Mort. Mort abode by himself in a cabin in a small town. The indictments of plagiarism by Shooter was an added burn to the already burned out life of Mort.  Shooter started following Mort and to make things worse he started stalking him resulting in various material lose for Mort. Shooter later demanded Mort change the climax of the story.

    Secret Window is a psychological thriller starring Johnny Depp, Maria Bello and John Turturro. The antagonist role played by Turturro was able to heckle the antagonist in all the ways he could. The small threats evolved and developed into danger games. The cat and mouse game got out of hand at one stage and Mort started to believe that someone who hated Mort was behind these formidable episodes.

    The movie follows a promising storyline at first which creates a sense of suspense due to the antagonist role. As the movie moves on, one can detect the glimpses of many other flicks that followed the same hallway years ago. the climax might be a moderate twist for a viewer in 2004. But for a viewer in 2020, the suspense factor is "easy to walk piece of ice" to decipher towards the climax.

  That spoiled the whole movie for me. But let alone this, Secret Window is a good movie to watch for thriller lovers that won't fall into a must-watch movie list.

​​1129.Knives Out(English,2019)

​​1129.Knives Out(English,2019)
          Mystery, Thriller, Comedy.


    Harlan Thrombey took his own life right after his birthday party celebrations. The untimely demise of an affluent, publishing company mogul who gained popularity with his crime novels raised suspicions afterwards. Then came a perspicuous, quick-witted, discerning, inscrutable detective to the scene with two police officers. The detective got his invitation to the whole plot in strange ways.

      The synopsis of Knives Out is pretty much normal as a detective story. But the whole story becomes captivating to the viewers while revealing the darker shade of the characters. The darker side becomes more prevalent as the plot develops. At a certain point, even though the viewers know more about the characters and their intentions, the investigation team still appears to be in the dark searching for the right light to turn up.


  There is a stage where the story becomes more interesting. The unexpected twists and trails start to mess up with the viewer too. The gradual development of a murder mystery plot to something that keeps the viewer stitched to their seats makes it furthermore interesting later.

  The likes of Daniel Craig, Chris Evans, Ana De Armas had their moments in the storyline. The strange behaviour of Ana De Armas as Martha is well blended with the story though it appears to be beyond the logic. The movie follows the old traditional way of classic detective storytelling by the likes of Agatha Christie, Arthur Conan Dyle and many others. I would like to consider this movie as a homage to those greats who laid the foundation for the whole mystery genre storytelling.

   One could see Sherlock Holmes or Poirot in the characterization of Daniel Craig as Benoit Blanc. The style he holds from his way of 007 movies had further improvisation for this character. A detective well dressed, with an accent and whereabouts unknown at the beginning of the story, created the way for this character to immerse with the story-line.

   If someone is a fan of the mystery thrillers, go for it. Undoubtedly, one of the best movies of 2019 with the way it was presented and everything that followed makes Knives Out to be a must movie to be in the watchlist of movieholics.

680.ROSEMARY'S BABY(ENGLISH,1968)

680.ROSEMARY'S BABY(ENGLISH,1968),|Horror|Mystery|,Dir:-ROman Polanski,*ing:-Mia Farrow, John Cassavetes, Ruth Gordon .


   നന്മ-തിന്മകളുടെ പ്രതീകങ്ങള്‍  ആണ്  ദൈവവും  ചെകുത്താനും.ഇവരെ രണ്ടു  പേരെയും  മനുഷ്യര്‍  സൃഷ്ടിച്ചു അവര്‍  തന്നെ  ആരാധിക്കുന്നു.ഒരു  പക്ഷെ കാലങ്ങള്‍ക്കപ്പുറം നടന്നിരുന്ന  സമ്പ്രദായങ്ങള്‍  മനുഷ്യര്‍  കൂട്ടത്തോടെ  ഏറ്റെടുക്കുകയും  അതിനു പലതരം മുഖങ്ങള്‍  വിശ്വാസത്തിന്റെ  പേരില്‍  കൊടുത്തതും  ആകും.ദൈവം  എന്നത്  നന്മയുടെ  പ്രതീകം  ആണെങ്കില്‍  ഉറപ്പായും  ഒരു  നാണയത്തിന്റെ ഇരു  വശം  എന്നത്  പോലെ തിന്മയുടെ  പ്രതിനിധി  ആയി  ചെകുത്താനും  കാണും  എന്ന  കാര്യം  ഉറപ്പാണ്.നന്മയുടെ  പ്രതീകത്തെ ആരാധിക്കുന്നത്  പോലെ  തന്നെ തിന്മയുടെ  പ്രതീകത്തെ  ആരാധിക്കുന്നവരും  കാണും ഈ  രണ്ടു  വിശ്വാസങ്ങളെയും  ഒരു അളവുകോലില്‍  വച്ച്  നോക്കിയാല്‍.പരിഷ്കൃത  സമൂഹത്തില്‍  നന്മ എല്ലാവരാലും  അംഗീകരിച്ചതിനാല്‍ ആകാം  പലപ്പോഴും ചെകുത്താനെ  ആരധികുന്നവര്‍  അത്  രഹസ്യമായി  നടത്തി  പോകുന്നത്.


   റോസ്മേരിയും  ഭര്‍ത്താവായ  നടന്‍ ഗയും  തങ്ങള്‍ക്കു  താമസിക്കാന്‍  ആയി  പുതിയ  സ്ഥലം  നോക്കി  പോകുമ്പോള്‍  അവളെ  ആ  Apartment ആകര്‍ഷിച്ചത് ആ  സ്ഥലത്തിനുണ്ടായിരുന്ന  ഒരു  പ്രത്യേക തരം  ഭംഗി  ആയിരുന്നു.റോമന്‍  പോലന്‍സ്ക്കിയുടെ Apartment  Trilogy  യിലെ  രണ്ടാം  ഭാഗം  ആയ  ഈ ചിത്രം അവതരിപ്പിച്ചിരിക്കുന്നതും അത്തരം  ഒരു  സ്ഥലത്ത്  ആണ്.റോസ്മേരിയും  ഭര്‍ത്താവും  അവിടെ  താമസം  തുടങ്ങി.എന്നാല്‍  ഒരു  നടന്‍  ആയി  പേരെടുക്കാന്‍  ശ്രമിക്കുന്ന  ഗയ്  എന്നാല്‍  തനിക്കു  അവസരങ്ങള്‍  നഷ്ടപ്പെടുന്നതില്‍ ദു:ഖിതന്‍  ആണ്.ആ സമയത്താണ്  അവര്‍  അയല്‍ക്കാരായ  മിന്നി,റോമന്‍ എന്നിവരെ  പരിചയപ്പെടുന്നത്.അവരുടെ  വീട്ടില്‍  മകളെ  പോലെ കരുതി  അവരോടൊപ്പം  താമസിച്ചിരുന്ന  യുവതിയുടെ  ദുരൂഹ  മരണത്തിനു  ശേഷം  ആയിരുന്നു  അവര്‍  കണ്ടു  മുട്ടുന്നത്.

   രോസ്മെരിക്കും  ഭര്‍ത്താവിനും  അവരുടെ  സാമീപ്യം  അരോചകം  ആയി  തോന്നിയെങ്കിലും പിന്നീട്  ഗയ്  അവരുമായി  ചങ്ങാത്തത്തില്‍  ആയി.ആ  സമയം  ആണ്  റോസ്മേരി ഗര്‍ഭിണി  ആകുന്നതു.ഗയ്  തന്റെ  അഭിനയ  ജീവിതത്തിലെ  നാഴിക  കല്ലായി  മാറാവുന്ന,ഒരിക്കല്‍  അയാളില്‍  നിന്നും  വഴുതി  പോയ ആ  വേഷം  കരസ്ഥം  ആക്കുന്നതും.  ഇതിനു  രണ്ടും  തമ്മില്‍  എന്തെങ്കിലും  ബന്ധം  ഉണ്ടാകാന്‍  സാധ്യത  ഉണ്ടോ  എന്ന് ചോദിച്ചാല്‍  എളുപ്പത്തില്‍  ഉത്തരം  നല്‍കാന്‍  സാധിക്കില്ല.എന്നാല്‍ ദുരൂഹ  സാഹചര്യത്തില്‍  മരണങ്ങള്‍   നടന്നിരുന്ന,ചെകുത്താനെ  ആരാധിച്ചിരുന്ന  ആളുകളുടെ സാമീപ്യം ഈ  സംഭവങ്ങളില്‍  ദുരൂഹത ഉണര്‍ത്തും.

   ഈ  സംഭവങ്ങളുടെ  സത്യാവസ്ഥയിലേക്ക്   എത്തി  നോക്കുക  ആണ്  ഈ റോമന്‍  പോലന്‍സ്ക്കി  ചിത്രം.അമേരിക്കന്‍ സിനിമ  ചരിത്രത്തിലെ  തന്നെ  മികച്ച ഹൊറര്‍/സൈക്കോളജിക്കല്‍  ത്രില്ലര്‍  ആയി  ഈ  ചിത്രം  മാറുന്നത്  എങ്ങനെയാണെന്ന്  അറിയാന്‍  ചിത്രം  കാണുക.ഇരുണ്ട  അന്തരീക്ഷത്തില്‍  ഭയാനകമായ  കാഴ്ചകളിലൂടെ  മനസ്സില്‍  ഒരു    ചെറു  ഭയം  കോരിയിടാന്‍  ഉതകുന്ന രീതിയില്‍  ആണ്  ചിത്രം  അവതരിപ്പിച്ചിരിക്കുന്നത്.തീര്‍ച്ചയായും  കണ്ടിരിക്കണ്ട  ചിത്രങ്ങളില്‍ ഉള്‍പ്പെടുത്താവുന്ന ക്ലാസിക്  സൈക്കോളജിക്കല്‍  ഹൊറര്‍  ചിത്രം  എന്നിതിനെ  വിശേഷിപ്പിക്കാം.

    More movie suggestions @www.movieholicviews.blogspot.ca

441.UNFRIENDED(ENGLISH,2014)

441.UNFRIENDED(ENGLISH,2014),|Horror|Thriller|,Dir:-Levan Gabriadze,*ing:-Heather Sossaman, Matthew Bohrer, Courtney Halverson.

      ഒരു സിനിമ മൊത്തം Skype,Youtube,Facebook,പിന്നെ മറ്റു സോഷ്യല്‍ നെറ്റ് വര്‍ക്കിംഗ് സൈറ്റുകളിലൂടെയും ആപ്ലികേഷനിലൂടെയും മാത്രം അവതരിപ്പിച്ചിരിക്കുന്നു -Unfriended അഥവാ  Cybernatural എന്ന ചിത്രത്തില്‍.The Den എന്ന ചിത്രത്തിലും സമാനമായ അവതരണ  രീതി ആയിരുന്നു.എന്നാല്‍ ചിത്രത്തിന്‍റെ ക്യാമറ ഇടയ്ക്കെങ്കിലും പുറം കാഴ്ചകള്‍ എടുത്തിരുന്നു.എന്നാല്‍ ഈ ചിത്രം അവതരിപ്പിക്കപ്പെടുന്നത് ബ്ലെയര്‍ എന്ന പെണ്‍ക്കുട്ടിയുടെ ലാപ് ടോപ്‌ സ്ക്രീനിലൂടെ ആണ്.പുതിയ തലമുറ തങ്ങളുടെ ജീവിതവും ബന്ധങ്ങളും എല്ലാം സോഷ്യല്‍ നെറ്റ് വര്‍ക്കിംഗ് സൈറ്റുകളില്‍ ആണെന്നുള്ള ധ്വനി ചിത്രം നല്‍കുന്നുണ്ട്.

   ലോറ എന്ന പെണ്‍ക്കുട്ടി ആത്മഹത്യ ചെയ്യുന്നത് യൂടൂബില്‍ ബ്ലെയര്‍ കാണുന്നിടത്ത് നിന്നാണ് ഈ ചിത്രം തുടങ്ങുന്നത്.അന്ന് ലോറ മരിച്ചതിന്റെ ആദ്യ വാര്‍ഷികം ആയിരുന്നു.അപ്പോഴാണ്‌ ബ്ലെയറിന്റെ കാമുകന്‍ മിച്ച്‌ ഓണ്‍ ലൈന്‍ വരുന്നത്.സ്കൈപ്പില്‍ വീഡിയോ ചാറ്റ് നടത്തിക്കൊണ്ടിരുന്ന അവരുടെ ഇടയിലേക്ക് പെട്ടന്ന് സ്കൈപ്  ഗ്രൂപ്പ് ചാറ്റ് ഓണ്‍ ആയി വന്നു.അവരുടെ സുഹൃത്തുക്കള്‍ ആയ ജെസ്,ആഡം,കെന്‍ എന്നിവര്‍ ആയിരുന്നു ഗ്രൂപ്പ് ചാറ്റില്‍ ബാക്കി ഉള്ളവര്‍.ഗ്രൂപ്പ് വീഡിയോ ചാറ്റില്‍ അവര്‍ അറിയാത്ത ഒരു അക്കൌന്റ് കൂടി അവര്‍ കാണുന്നു.അതാരാണെന്നു അവര്‍ക്ക് മനസ്സിലാകുന്നില്ല.ആ സമയം മരിച്ച ലോറയുടെ ഫേസ്ബുക്ക് പ്രൊഫൈലില്‍ നിന്നും മെസേജുകള്‍ വരുന്നു.അവര്‍ക്ക് സംശയം "വാല്‍ റോമേല്‍ " എന്ന മറ്റൊരു സഹപാഠിയെ ആണ്.അവര്‍ അവളെയും താല്‍പ്പര്യം ഇല്ലാഞ്ഞിട്ടു കൂടി ആ ഗ്രൂപ്പ് ചാറ്റില്‍ കൂട്ടുന്നു.

  എന്നാല്‍ പിന്നീട് നടന്നതൊക്കെ അപ്രതീക്ഷിതം  ആയ സംഭവങ്ങള്‍ ആയിരുന്നു.ഒരവസരത്തില്‍ glitch ആണെന്ന് പോലും കരുതിയ ആ അജ്ഞാത അക്കൌന്റ് അപകടകരം ആയ ഒന്നായി മാറുന്നു.അവരുടെ എല്ലാം ജീവന് വില പറയുന്നു.ആരായിരുന്നു ആ അക്കൌണ്ടിന്റെ പിന്നില്‍?ക്ലീഷേ കഥ ആണെങ്കിലും ചിത്രം അവതരിപ്പിച്ച രീതി പുതുമ ഉള്ളതായിരുന്നു.ഒരു ഓണ്‍ ലൈന്‍ ചാറ്റ് നടത്തുന്ന ലാഘവത്തോടെ കണ്ടിരുന്ന സിനിമ പിന്നീട് സൂപ്പര്‍ നാച്ചുറല്‍ ഹൊറര്‍ ആയി മാറുമ്പോഴും ഒരു ത്രില്ലര്‍ സിനിമയുടെ മികവ് നിലനിര്‍ത്തി.ഇനി ഈ ചിത്രത്തിന്‍റെ ബിസിനസ് വശം കൂടി നോക്കൂ.വെറും 1 മില്ല്യന്‍ $ മുടക്കിയ ഈ ചിത്രം 54 മില്ല്യന്‍ $ കളക്ഷന്‍ നേടി വന്‍ ലാഭം നേടി കൊടുക്കുകയും ചെയ്തു.കഥാപരമായി  പുതുമ ഇല്ലെങ്കിലും അവതരണ രീതിയുടെ പുതുമ ഈ ചിത്രം ഒരു പ്രാവശ്യം കാണാവുന്ന ഒന്നാക്കി മാറ്റുന്നുണ്ട് .

More movie suggestions @www.movieholicviews.blogspot.com

440.THE CONSPIRACY(ENGLISH,2012)

440.THE CONSPIRACY(ENGLISH,2012),|Mystery|Thriller|,Dir:-Christopher MacBride,*ing:-Aaron Poole, James Gilbert, Ian Anderson |.

   Conspiracy തിയറികള്‍ പലപ്പോഴും ലോകത്ത് പ്രധാനപ്പെട്ട സംഭവങ്ങള്‍ നടക്കുമ്പോള്‍ അതിനെ ഒക്കെ  ചേര്‍ത്ത് പ്രചരിക്കാറുണ്ട്.ഈ തിയറികള്‍ പലപ്പോഴും വിശ്വസനീയം ആയ രീതിയില്‍ ആണ് അവതരിപ്പിക്കപ്പെടുന്നത്.ദിവസം,മാസം,വര്‍ഷം,വ്യക്തികള്‍ എന്നീ എല്ലാ ഘടകങ്ങളും പരസ്പ്പരം ബന്ധിപ്പിച്ചുകൊണ്ട് കൊണ്ട് നടത്തുന്ന ഇത്തരം തിയറികള്‍ വായിക്കുന്ന ആളുകള്‍ പെട്ടന്ന് വിശ്വസിക്കുകയും ചെയ്യും.ഒരിക്കല്‍ ഇത്തരം തിയറികള്‍ ഇഷ്ടപ്പെട്ടു തുടങ്ങിയാല്‍ എന്തിനും ഏതിനും ഇവയുടെ പിന്നാലെ പോകുന്ന ചിലരെങ്കിലും ഉണ്ട്.അപ്രത്യക്ഷമായ  മലേഷ്യന്‍ വിമാനം,ഒബാമ അമേരിക്കന്‍ പ്രസിഡന്റ് ആയതു,9/11 മുതല്‍ നമ്മുടെ ഇന്ത്യയില്‍ പോലും നടക്കുന്ന സംഭവങ്ങളുടെ പേരില്‍  ഇത്തരം ധാരാളം  Conspiracy തിയറികള്‍ പ്രചാരത്തില്‍ ഉണ്ട്.

   എന്നാല്‍ ഇതിലൊക്കെ ഏറ്റവും വലുതാണ്‌ ലോകം ഭരിക്കുന്നതും ലോകത്തെ എല്ലാ സംഭവങ്ങളും ആസൂത്രണം ചെയ്യുകയും ചെയ്യുന്നു എന്ന് വിശ്വസിക്കുന്ന സീക്രട്ട് ഏജന്‍സികള്‍ ഒക്കെ.The Illuminati,The Knight Templar,The Gilderbeg Group തുടങ്ങി ധാരാളം എലൈറ്റ് ഗ്രൂപ്പുകളുടെ നില നില്‍പ്പ് തന്നെ New World Order കൊണ്ട് വരാന്‍  ഉള്ള ശ്രമം ആണെന്ന് വിശ്വസിക്കുന്നവര്‍ ഏറെ ഉണ്ട്.ലിസ്റ്റില്‍ ഇനിയും ധാരാളം ഗ്രൂപ്പുകള്‍ ഉണ്ട്.ഇത്തരം ഒരു പ്രമേയം ആണ് ക്രിസ്ടഫര്‍ മാക്‌ ബ്രൈഡ് തന്റെ ചിത്രമായ The Conspiracy യ്ക്ക്  പശ്ചാത്തലം ആക്കിയിരിക്കുന്നത്.ഈ കനേഡിയന്‍ Conspiracy സിനിമയില്‍ ടെറന്‍സ്‌ ജി എന്നയാള്‍ ലോകത്തോട്‌ വിളിച്ചു പറയുന്ന തിയറികളില്‍ താല്‍പ്പര്യം തോന്നിയ ആരോണ്‍,ജിം എന്നിവര്‍ ഒരു ഡോക്യുമെന്റ്റി നിര്‍മിക്കാന്‍ പോവുകയും അതിനെ ചുറ്റിപ്പറ്റി ഉള്ള സംഭവങ്ങളും ആണ് ഈ Faux Documentary ചിത്രത്തില്‍ ഉള്ളത്.

  മക് ബ്രൈഡ് ധാരാളം പടങ്ങള്‍ നടത്തിയതിനു ശേഷം ആണ് ഈ ചിത്രം നിര്‍മിച്ചതെന്ന് പറയുന്നു.ഫിക്ഷണല്‍ അയ വിവരങ്ങളും ഒപ്പം സത്യങ്ങളും  ഇതില്‍ ഉണ്ടെന്നു അവകാശപ്പെടുന്നുണ്ട്. Fangoria സൈറ്റില്‍ നടത്തിയ അഭിമുഖത്തില്‍ മക് ബ്രൈഡ് പറഞ്ഞത് ശ്രദ്ധിക്കുക .

FANG: How much of the movie is based on actual cases or people?

MacBRIDE: I tried to make sure the film was a mixture of fact and fiction. Some people are actors, while some are just playing themselves. Many of the conspiracy theories in the film are real ones that we haven’t embellished at all. And even the fictional aspects are based on actual groups and people who do exist in the world. The reason I did this was because that’s what it’s like when you’re looking into a conspiracy theory: It’s so hard to discern fact from fiction.

   ശരിക്കും ഒരു മുറിയില്‍ ഒത്തു ചേരുന്നവര്‍ ലോകത്തെ നിയന്തിര്‍ക്കാന്‍ മാത്രം ശക്തി ഉണ്ടാവുക.ശരിക്കും ഭീകരമായ ഒരു concept അല്ലെ അത്?ഒരു ഡോക്യുമെന്റ്റിയുടെ രൂപത്തില്‍ അവതരിപ്പിച്ച ഈ ചിത്രത്തിലെ പല സംഭവങ്ങളും,പ്രത്യേകിച്ചും മതാചാരങ്ങള്‍,ഹാന്‍ഡ്‌ ഷെയ്ക്ക് എന്നിവ ഒക്കെ പ്രചാരത്തില്‍ ആയതിനെ കുറിച്ച് അറിഞ്ഞപ്പോള്‍ ഞാനും ചെറുതായി വിശ്വസിക്കുന്നു അതൊക്കെ.പ്രത്യേകിച്ചും മിത്രാസ് ഒക്കെ ശരിക്കും  ഉണ്ടെന്നുള്ള വിവരങ്ങള്‍.Conspiracy Theory  കള്‍ ഇഷ്ടപ്പെടുന്നവര്‍ക്ക് വിശ്വസിക്കണോ വേണ്ടയോ എന്ന രീതിയില്‍ തീര്‍ച്ചയായും ഒന്ന് കണ്ടു നോക്കാവുന്ന ചിത്രം ആണ് ഇത്.

More movie suggestions @www.movieholicviews.blogspot.com

439.SINISTER(ENGLISH,2012)

439.SINISTER(ENGLISH,2012),|Horror|Mystery|,Dir:-Scott Derrickson,*ing:-Ethan Hawke, Juliet Rylance, James Ransone.

    ഹൊറര്‍ സിനിമകളില്‍ ഭയം തോന്നിപ്പിക്കാനായി   മുടിയും അഴിച്ചു നടക്കുന്ന പ്രേതങ്ങളെക്കാളും പലര്‍ക്കും ഇഷ്ടം  ഇടയ്ക്കിടെ അപ്രതീക്ഷിതമായി ഭയപ്പെടുത്തുന്ന കുറച്ചു രംഗങ്ങള്‍ ആണെന്ന് തോന്നുന്നു .ഒരു ത്രില്ലര്‍ /മിസ്റ്ററി സിനിമ പോലെ കാണുന്ന സമയത്ത് ഉള്ള ചില ചലനങ്ങള്‍.ഹെഡ് ഫോണ്‍ വച്ച് സിനിമ കാണുമ്പോള്‍ പേടിക്കാന്‍ അതൊക്കെ ധാരാളം ആണ്.അത് കൊണ്ട് തന്നെ ആണ് സൂപ്പര്‍ നാച്ചുറല്‍ ഹൊറര്‍ ത്രില്ലര്‍ ആയ ഈ ചിത്രം എനിക്ക് ഇഷ്ടം ആയതും.

   Sinister എന്ന ചിത്രത്തിലെ മുഖ്യ കഥാപാത്രം ഹൊറര്‍ നോവലുകള്‍ എഴുതുന്ന എലിസന്‍ ഒസ്വാല്ട്ട്  ആണ്.കുടുംബവും ആയി അയാള്‍ പുതിയ വെട്ടിലേക്ക് മാറുന്നു.തന്‍റെ അവസാനത്തെ നോവല്‍ ഹിറ്റ്‌ എന്ന് പറയാവുന്നത് അയാള്‍ പത്തു വര്‍ഷം മുന്‍പ് ഇറക്കിയ "Kentucky Blood" ആണ്.അതിനു ശേഷം വന്ന രണ്ടു നോവലുകളും ഹിറ്റ്‌ ആയില്ല.അയാള്‍ പുതുതായി താമസിക്കാന്‍ വന്ന സ്ഥലം ഒരു ക്രൈം സീന്‍ ആണ്.ഒരു കുടുംബത്തിലെ നാല് പേര്‍ കൊല്ലപ്പെടുകയും ഒരു കുട്ടിയെ കാണാതെ ആവുകയും ചെയ്ത വീടാണ് ആ സ്ഥലം.എലിസന്‍ തന്റെ ഭാര്യയേയും കുട്ടികളെയും ഈ വിവരം അറിയിക്കുന്നില്ല.ആ സ്ഥലത്തെ ഷരീഫ് ആ സ്ഥലത്ത് നിന്നും മാറി പോകാന്‍ പറയുന്നുണ്ടെങ്കിലും തന്‍റെ പുതിയ കഥ എഴുതാന്‍ ആ  മരണങ്ങള്‍  നടന്ന സ്ഥലം തന്നെയാണ് എന്നയാള്‍ വിചാരിക്കുന്നു.

  എലിസന്‍ കഥ എഴുതുന്നതിനായുള്ള തയ്യാറെടുപ്പുകള്‍ തുടങ്ങുന്നു.അവിചാരിതം ആയാണ് അയാള്‍ ആ പെട്ടി കാണുന്നത്.അതില്‍ ഉണ്ടായിരുന്നത് 8 mm ഫിലിമുകളും.ആ ഫിലിമുകളില്‍ ഉള്ളത് അതീവ ഭയാനകവും ആയിരുന്നു.എന്തായിരുന്നു ആ ഫിലിമുകളിലെ ദൃശ്യം?കൂടുതല്‍ അറിയാന്‍ ചിത്രം കാണുക.ചിത്രത്തിന്‍റെ ആദ്യ സീന്‍ ശ്രദ്ധിക്കാതെ ഇരുന്നപ്പോള്‍ ആണ് പെട്ടന് ഒരു കാര്യം ശ്രദ്ധിച്ചത്.ആദ്യ സീന്‍ തന്നെ നന്നായിട്ടുണ്ട് ഒരു ഹൊറര്‍ പടം എന്ന നിലയില്‍.ചിത്രത്തിലെ ഹൈ ലൈറ്റ് ആണ് 8 mm ഫിലിമുകളില്‍ ഉള്ള വിവരങ്ങള്‍.കുറച്ചൊക്കെ പേടിക്കാന്‍ വേണ്ടി ഹെഡ് ഫോണ്‍ വച്ച് പടം കണ്ടാല്‍ മതിയെന്ന് തോന്നുന്നു.ഇതിന്‍റെ രണ്ടാം ഭാഗം ഓഗസ്റ്റില്‍ റിലീസ് ആകുന്നുണ്ട് .

More movie suggestions @www.movieholicviews.blogspot.com

437.THE TOWN THAT DREADED SUNDOWN(ENGLISH,2014)

437.THE TOWN THAT DREADED SUNDOWN(ENGLISH,2014),|Crime|Mystery|,Dir:-Alfonso Gomez-Rejon,*ing:-Addison Timlin, Veronica Cartwright, Anthony Anderson .

  അറുപത്തി ഏഴു വര്‍ഷം കഴിഞ്ഞുള്ള റ്റെക്സര്‍ക്കാനയുടെ കഥയാണ് ഈ ചിത്രത്തില്‍ അവതരിപ്പിക്കുന്നത്‌.ഈ ചിത്രം ആദ്യ ഭാഗം ആസ്പദം ആക്കി ആണെങ്കിലും യഥാര്‍ത്ഥ സംഭവങ്ങളെ കുറിച്ച് പഠനം നടത്തി എന്ന നിലയില്‍ ഉള്ള പ്രാധാന്യം ആണ് ഈ ചിത്രത്തിന്‍റെ കഥയില്‍ നല്‍കിയിരിക്കുന്നത്.അന്നത്തെ കേസ് അന്വേഷണം ഒക്കെ നടക്കുന്നത് പത്രത്താളുകളെ ഒക്കെ ആശ്രയിച്ചും ആയിരുന്നു.ഒരു വിധത്തില്‍ 1976 ല്‍ ഇറങ്ങിയ സിനിമയോടുള്ള ആദര സൂചകം ആയി ഇറക്കിയ ഈ ചിത്രം ആദ്യ ഭാഗം അവശേഷിപ്പിച്ച കടങ്കഥയില്‍ നിന്നും ഒരു കഥ കുഴിച്ച് എടുക്കുന്നതായി തോന്നി.

  എല്ലാ വര്‍ഷവും താങ്ക്സ് ഗിവിംഗ് ഡേയുടെ അന്ന് റ്റെക്സര്‍ക്കാനയില്‍ നാല്‍പ്പതോളം വര്‍ഷങ്ങള്‍ക്കു മുന്‍പ് ഇറങ്ങിയ ആദ്യ ഭാഗം സ്ക്രീനില്‍ വീണ്ടും പ്രദര്‍ശനത്തിനു എത്താറുണ്ട്.ആ ചെറിയ പട്ടണത്തിനു ആ കൊലപാതകിയോടു ബഹുമാനം തോന്നി തുടങ്ങിയോ എന്ന് പോലും സംശയിച്ചു പോകും.ആ പട്ടണത്തിന്‍റെ ചരിത്രത്തിലെ തന്നെ ഏറ്റവും ക്രൂരമായ ,തെളിവുകള്‍ അവശേഷിപ്പിക്കാത്ത പരമ്പര കൊലയാളി ആയ ഫാന്റാത്തിനെ  അനുകരിച്ചു അന്ന് രാത്രി വീണ്ടും കൊലപാതകം നടക്കുന്നു.ഇത്തവണ സ്ക്കൂള്‍ ജീവിതം അവസാനിച്ചതിന്റെ ആഘോഷം കഴിഞ്ഞിറങ്ങിയ കമിതാക്കളില്‍ ആണ്‍ക്കുട്ടി ആണ് കൊല്ലപ്പെട്ടത്.

  പെണ്‍ക്കുട്ടി ആയ ജാമിയെ വെറുതെ വിട്ട കൊലപാതകി "അത് മേരിയെ മറന്നതിനുള്ള ശിക്ഷ ആണെന്ന്" എല്ലാവരും അറിയണം എന്ന് അവളോട്‌ പറയുന്നു.ജനങ്ങള്‍ വീണ്ടും ഭീതിയില്‍ ആയി.എന്നാല്‍ പോലീസ് അന്വേഷണം ആരംഭിച്ചു എങ്കിലും കൊലയാളി വളരെ വേഗം പ്രവര്‍ത്തിക്കുന്ന ആളായിരുന്നു.ആരാണ് ആ കൊലയാളി?ഫാന്‍റം കൊലപാതകത്തോട് അഭിനിവേശം തോന്നിയ ആരെങ്കിലും നടത്തുന്ന  കോപ്പി ക്യാറ്റ് കൊലപാതകങ്ങള്‍  ആയിരിക്കുമോ?അതോ  ആ കൊലപാതകങ്ങളുടെ പുറകില്‍ വേറെ എന്തെങ്കിലും ലക്‌ഷ്യം ഉണ്ടോ?കൂടുതല്‍ അറിയാന്‍ ഈ ചിത്രം കാണുക.The Town That Dreaded Sundown ചില രംഗങ്ങളില്‍ ആദ്യ ഭാഗത്തെ ഓര്‍മിപ്പിച്ചു.അതെ രീതികള്‍ പിന്തുടരുന്ന കൊലപാതകങ്ങള്‍.പിന്നെ ആധുനിക രീതിയില്‍ ഉള്ള ചലച്ചിത്ര നിര്‍മാണവും.ആദ്യ ഭാഗം പറയാന്‍ ശ്രമിക്കാത്തത് നാടകീയമായ ഉദ്ധേശ്യത്തോടെ അവതരിപ്പിക്കുകയാണ് ഈ ചിത്രം,

More movie suggestions @www.movieholicviews.blogspot.com

436.THE TOWN THAT DREADED SUNDOWN(ENGLISH,1976)

436.THE TOWN THAT DREADED SUNDOWN(ENGLISH,1976),|Crime|Mystery|,Dir:-Charles B. Pierce,*ing:-Ben Johnson, Andrew Prine, Dawn Wells .

 രണ്ടാം ലോക മഹായുദ്ധത്തിനു ശേഷം മടങ്ങി വന്ന അമേരിക്കന്‍  പട്ടാളക്കാര്‍ അവരുടെ ജീവിതം പുതുതായി ആരംഭിക്കുന്നു .ചിലര്‍ വിവാഹം കഴിക്കുന്നു.ചിലര്‍ ഉപരി പഠനം നടത്താന്‍ പോകുന്നു.1946 ല്‍ ആ രാത്രിയ്ക്ക്  മുന്‍പ് രണ്ട് മേയറും രണ്ട് പോലീസ് ചീഫും ഉള്ള റ്റെക്സാസിന്റെയും അര്കന്സാസിന്റെയും ഭരണത്തില്‍ ഉള്ള ആ നഗരം ശാന്തം ആയിരുന്നു.പുറത്തേക്കു പോകുമ്പോള്‍ വീടിന്‍റെ വാതില്‍ അടയ്ക്കുക പോലും ചെയ്യണ്ടാത്ത സുരക്ഷിതത്വം ആണ് അവിടെ ഉണ്ടായിരുന്നത്.

  എന്നാല്‍  മാര്‍ച്ച്  മാസത്തിലെ ആ രാത്രി ശാന്തമായ നഗരം എന്ന നിലയില്‍ നിന്നും കുപ്രസിദ്ധിയിലേക്ക് കൂപ്പു കുത്തി.കാമുകി കാമുകന്മാര്‍ പരസ്പ്പരം കാണാന്‍ തിരഞ്ഞെടുക്കുന്ന "Lover's Lane" കളില്‍ ഒന്നില്‍ അന്ന് രാത്രി ഭയാനകം ആയ ആ സംഭവം നടന്നു.രണ്ടു കമിതാക്കളെ മുഖമൂടി അണിഞ്ഞ ഒരാള്‍ ആക്രമിച്ചു.ഗുരുതരമായ പരുക്കുകള്‍ സംഭവിച്ച  അവരെ ആശുപത്രിയില്‍ ആക്കുന്നു.സാമി-ലിന്റ എന്നീ കമിതാക്കളില്‍ ലിന്റയെ ആക്രമി ക്രൂരമായി ഉപദ്രവിച്ചിരുന്നു.എന്നാല്‍ അയാള്‍ തന്‍റെ ഇരയെ ലൈംഗികമായി കീഴ്പ്പെടുത്താന്‍ ശ്രമിചിരുന്നും ഇല്ല.പിന്നീട് മാര്‍ച്ച് മാസത്തില്‍ ആണ് പോലീസ് ഉദ്യോഗസ്ഥന്‍ ആയ റാംസേ തന്‍റെ പതിവ്  റോന്തുചുറ്റല്‍  സമയം വെടിയൊച്ച കേള്‍ക്കുന്നത്.അപകടം മാനത റാംസേ കൂടുതല്‍ പോലീസുകാരെ വിളിച്ചു വരുത്തുന്നു.മുഖമൂടി അണിഞ്ഞ ആ കൊലപാതകിയുടെ കൊലകള്‍ അവിടെ ആരംഭിക്കുന്നു.

   റ്റെക്സര്‍ക്കനയെ ഒരിക്കല്‍ ഭീതിയില്‍  ആഴ്ത്തിയ ഫാന്‍റം കൊലപാതകി എന്ന പേരില്‍ അറിയപ്പെട്ട പരമ്പര കൊലയാളിയുടെ കഥയാണ് ഈ ചിത്രം അവതരിപ്പിക്കുന്നത്‌.ഈ കേസ് അന്വേഷണ ഉദ്യോഗസ്ഥര്‍ക്ക് എന്നും  തലവേദന ആയിരുന്നു.കേസ് അന്വേഷണത്തിന് നിയോഗിച്ചത് സര്‍വീസിലെ മികച്ച ഉദ്യോഗസ്ഥരെയും. സ്വന്തം നാട്ടിലെ പരിചിതമായ സംഭവങ്ങള്‍ ഇടക്കലര്‍ത്തി ചിത്രം എടുത്തിരുന്ന പിയര്‍സ് ആണ് ഈ ചിത്രം സംവിധാനം ചെയ്തത്.യഥാര്‍ത്ഥ സംഭവങ്ങളോട് ആത്മാര്‍ത്ഥത കാണിച്ച ഈ ചിത്രം യഥാര്‍ത്ഥ സംഭവങ്ങള്‍ ഒരു പരിധി വരെ തിരശീലയില്‍ അവതരിപ്പിക്കുകയും ചെയ്തു ഈ ചിത്രം.അറുപതുകളിലെ സിനിമകളുടെ രീതിയില്‍ അണിയിച്ചു ഒരുക്കുകയും അന്നത്തെ സിനിമ സങ്കല്‍പ്പങ്ങളില്‍ നിന്നും വ്യത്യസ്തം ആയ ഒരു അവസാനവും ആണ് ഈ ചിത്രത്തിന് ഉള്ളത്.

More movie suggestions @www.movieholicviews.blogspot.com

434.THE DEN(ENGLISH,2013)

434.THE DEN(ENGLISH,2013),|Thriller|Mystery|Horror|,Dir:-Zachary Donohue,*ing:- Melanie Papalia, David Schlachtenhaufen, Adam Shapiro


  സോഷ്യല്‍ നെറ്റ് വര്‍ക്കിംഗ് സൈറ്റുകള്‍ ഭൂരിഭാഗം ആളുകളുടെയും ജീവിതത്തിന്റെ ഭാഗം ആയി തീര്‍ന്ന ഈ കാലഘട്ടത്തില്‍ നമ്മള്‍ വിര്‍ച്ച്വല്‍ ലോകത്തില്‍ പരിചയപ്പെടുന്നവര്‍ എല്ലാം ഏതു തരത്തില്‍ ഉള്ള ആളുകള്‍ ആണെന്ന് പലപ്പോഴും മനസ്സിലാവുകയില്ല.എലിസബത്ത്‌ ചെയ്യാന്‍ ഉദ്ദേശിക്കുന്ന പ്രോജക്റ്റ് അതാണ്‌.തന്റെ പ്രോജക്റ്റിന്റെ കാലയളവില്‍ അവള്‍ വീഡിയോ ക്യാം ഉപയോഗിച്ച് പുതിയ ആളുകളെ കണ്ടെത്താന്‍ സാധിക്കുന്ന DEN എന്ന ആപ്ലികെഷനില്‍ ആണ് തന്റെ പരീക്ഷണം നടത്തുന്നത്.

  DEN ,പലര്‍ക്കും പരിചിതമായ CAMFROG പോലെ ഒരു ആപ്ലികേഷന്‍ ആണ്.ഓണ്‍ ലൈനില്‍ ആ സമയത്ത് ഉള്ള ആളുകളെ മൊത്തം ഉള്‍ക്കൊള്ളിച്ചു കൊണ്ട് ഉള്ള ഒരു അന്താരാഷ്ട്ര ആപ്ലികേഷന്‍ ആണ് DEN.എലിസബത്ത്‌ പല തരത്തില്‍ ഉള്ള ആളുകളെ അതില്‍ പരിചയപ്പെടുന്നു.കൂടുതലും ലൈംഗികമായ കാര്യങ്ങള്‍ സംസാരിക്കാന്‍ താല്‍പ്പര്യം ഉള്ളവര്‍ ആയിരുന്നു.എലിസബത്ത്‌ അവളുടെ വീഡിയോ ചാറ്റുകള്‍ എല്ലാം Screen Capturing  സോഫ്റ്റ്‌വെയറിന്റെ സഹായത്തോടെ റെക്കോര്ഡ് ചെയ്യുന്നും ഉണ്ടായിരുന്നു.Random ആയി ആളുകളെ തിരഞ്ഞെടുത്തു അവള്‍ സൗഹൃദം സ്ഥാപിക്കാന്‍ ശ്രമിക്കുമ്പോള്‍ ആണ് വെബ്‌ ക്യാം ഇല്ല എന്നും പറഞ്ഞു കൊണ്ട് ഒരു പെണ്‍ക്കുട്ടിയുടെ ചിത്രം ഉള്ള പ്രൊഫൈല്‍ കാണുന്നത്.ഇടയ്ക്കിടെ എലിസബത്തും ആയി അവള്‍ ടൈപ്പ് ചെയ്തു ചാറ്റ് ചെയ്യാറുണ്ടായിരുന്നു.

  എന്നാല്‍ ഒരു ദിവസം ആകസ്മികം ആയി അവളെ ക്യാമില്‍ കണ്ട എലിസബത്ത്‌ ഞെട്ടി പോയി.മുഖമൂടി ധരിച്ച ഒരാള്‍   അവളെ കഴുത്ത് അറുത്ത് കൊല്ലുകയായിരുന്നു .ഈ സംഭവത്തോടെ എലിസബത്തിന്റെ ജീവിതം ആകെ മാറി.മരിച്ച  ആ പെണ്‍ക്കുട്ടി ആരായിരുന്നു?അവളെ കൊന്നവരുടെ കാല്‍ഷ്യം എന്താണ്?അതിനോടൊപ്പം എലിസബത്തിന്റെ ചുറ്റും ഉള്ളവര്‍ അപകടത്തില്‍ ആണ്.കൂടുതല്‍ അറിയാന്‍ ഈ ചിത്രം കാണുക.Horror എന്ന്‍ ജോനരില്‍ കൊടുത്തിട്ടുള്ളത്  പ്രേത സാന്നിധ്യം ഒന്നും കാരണം അല്ല.പകരം ഇത് ചെറിയ രീതിയില്‍ ഒരു സ്ലാഷര്‍ സിനിമ ആണ്.നമുക്ക് അറിയാവുന്നതിന്റെ അപ്പുറം ചതികള്‍ ഒളിഞ്ഞു കിടക്കുന്ന ഒരു ലോകത്തെ കുറിച്ച് ആണ് ഈ ചിത്രം അവതരിപ്പിക്കുന്നത്‌.മറച്ചു വച്ചിരിക്കുന്ന ക്യാമറകള്‍, DEN ഇന്‍റെ വെബ്‌ ക്യാം കണ്ണുകള്‍ എന്നിവയിലൂടെ ആണ് ഈ ചിത്രം അവതരിപ്പിച്ചിരിക്കുന്നത്.Found footage സിനിമകളുടെ ഇന്റര്‍നെറ്റ് വേര്‍ഷന്‍ എന്നൊക്കെ ക്ലൈമാക്സില്‍ വേണമെങ്കില്‍ ഈ ചിത്രത്തെ വിളിക്കാം.അപ്രതീക്ഷിതമായ ക്ലൈമാക്സും എനിക്ക് ഇഷ്ടപ്പെട്ടു.ത്രില്ലര്‍/മിസ്റ്ററി സിനിമ ഇഷ്ടപ്പെടുന്നവര്‍ക്കായി ഒരുക്കിയതാണ്‌ ഈ ചിത്രം.

More movie suggestions @www.movieholicviews.blogspot.com

433.HAUNTERS(KOREAN,2010)

433.HAUNTERS(KOREAN,2010),|Fantasy|Thriller|Mystery|,Dir:-Min-suk Kim,*ing:-Dong-won Kang, Duek-mun Choi, Jeong Eun-Chae .

  നമ്മുടെ നാട്ടില്‍ കൊറിയന്‍ സിനിമകള്‍ കാണുന്ന ആളുകളില്‍ ഭൂരിപക്ഷവും അവരുടെ ക്രൈം/മിസ്റ്ററി/ത്രില്ലറുകള്‍ കാണാന്‍ ആണ് ആഗ്രഹിക്കുന്നതെന്ന് തോന്നാറുണ്ട്.വ്യക്തിപരമായി എനിക്കും അങ്ങനെയാണ്.അവരുടെ റോം-കോം ചിത്രങ്ങള്‍ കാണാന്‍ അത്ര താല്‍പ്പര്യമില്ല.എന്നാല്‍ അവിടെയുള്ള ഭൂരിഭാഗം പ്രേക്ഷകരും നമ്മുടെ നാട്ടില്‍ മസാല/മാസ് ചിത്രങ്ങള്‍ പോലെ ഉള്ള ആക്ഷന്‍ ,പ്രണയ ചിത്രങ്ങള്‍ ആണ് കൂടുതല്‍ ഇഷ്ടപ്പെടുന്നത്.സര്‍വോപരി ഭൂരിപക്ഷം ആളുകള്‍ക്കും  സിനിമ എന്നത് വിനോധോപധി കൂടി ആണല്ലോ?അത് കൊണ്ട് തന്നെ കൊറിയന്‍ സിനിമയില്‍ കുറച്ചു കാലങ്ങളായി ഹോളിവുഡ് ശൈലിയില്‍ ഉള്ള കഥാപാത്രങ്ങള്‍ പ്രമേയം ആക്കി ചിത്രങ്ങള്‍ വരുന്നുണ്ട്.

  പേരെടുത്തു പറയാന്‍ കുറെ എണ്ണം ഉണ്ട് ആ ഗണത്തില്‍ .Psychic/Haunters എന്ന ചിത്രവും ഈ ഗണത്തില്‍ പെടുന്നതാണ്.ചെറിയ ഒരു സാദൃശ്യം തോന്നിയിരുന്നു ഹോളിവുഡ് ചിത്രം Jumper നോട്.ആ ചിത്രത്തില്‍ Jumper-Paladin വിഭാഗങ്ങള്‍ തമ്മില്‍ ഉള്ള വിദ്വേഷത്തിന്റെ കഥയും ആയി സാമ്യം ഈ ചിത്രത്തില്‍ കാണാം.രണ്ടു കഥാപാത്ര സൃഷ്ടികള്‍ തമ്മില്‍ ഉള്ള സാമ്യം.ബാക്കി എല്ലാം കൊറിയന്‍ സിനിമയുടെ ചുറ്റുപാട് അനുസരിച്ച് തന്നെ.ഇതൊരു സൂപ്പര്‍ നാച്ചുറല്‍ ചിത്രം ആണ്.ചോ-ഇന്നിന്റെ കുട്ടിക്കാലം ഭീകരം ആയിരുന്നു.അവന്‍റെ കണ്ണുകളുടെ പ്രത്യേക കഴിവ് കാരണം അവന്റെ കാഴ്ച്ചയുടെ പരിധിയില്‍ വരുന്നതിനെ ഒക്കെ അവനു നിയന്ത്രിക്കാന്‍ സാധിക്കുമായിരുന്നു.പിശാചായി സ്വന്തം പിതാവ് പോലും മുദ്ര കുത്തിയ അവന്‍ അമ്മയുടെ ഒപ്പം ആയിരുന്നു താമസം.അതും കണ്ണ് കെട്ടി.ചെറുപ്പത്തില്‍ അവന്റെ ജീവിതത്തില്‍ കുറച്ചു ദുരന്തങ്ങള്‍ സംഭവിക്കുന്നു.

  വളര്‍ന്നു വലുതായപ്പോള്‍ ചോ-ഇന്‍ അവന്റെ കഴിവുകള്‍ ഉപയോഗിച്ച് മോഷണം നടത്താന്‍ തുടങ്ങി.അങ്ങനെ ഒരു മോഷണത്തിന്റെ ഇടയില്‍ ആണ് അവന്‍ ക്യു-നാമിനെ പരിചയപ്പെടുന്നത്.ചോ-ഇന്നിന്റെ കണ്ണുകളുടെ ശക്തി ബാധിക്കാത്ത ആളായിരുന്നു ക്യു-നാം.ഇവരുടെ കണ്ടു മുട്ടലുകള്‍ ധാരാളം മരണങ്ങള്‍ക്ക് കാരണം ആകുന്നു.രണ്ടു പേര്‍ക്കും പകരം വീട്ടാന്‍ ഉണ്ട്.അവര്‍ തമ്മില്‍ ഉള്ള പോരാട്ടത്തിന്റെ കഥയാണ് ഈ സൂപ്പര്‍ നാച്ചുറല്‍ ത്രില്ലര്‍ അവതരിപ്പിക്കുന്നത്‌.ഈ ചിത്രം കൊറിയയില്‍ വന്‍ വിജയം ആയിരുന്നു.അഡ്വാന്‍സ് ടിക്കറ്റ് ബുക്കിങ്ങില്‍ ചരിത്രം സൃഷ്ടിച്ചിരുന്നു ഈ ചിത്രം.2014 ല്‍ ഈ ചിത്രം Monsterz എന്ന പേരില്‍ ജപ്പാനില്‍ രേമെക് ചെയ്തിരുന്നു.ഒരു കൊറിയന്‍ സൂപ്പര്‍ നാച്ചുറല്‍ ത്രില്ലര്‍ കാണണം എന്ന് ആഗ്രഹം ഉള്ളവര്‍ക്ക് ഈ ചിത്രത്തെ സമീപിക്കാം.

more movie suggestions @www.movieholicviews.blogspot.com

432.BLACK SWAN(ENGLISH,2010)

432.BLACK SWAN(ENGLISH,2010),|Mystey|Drama|Thriller|,Dir:-Darren Aronofsky,*ing:-Natalie Portman, Mila Kunis, Vincent Cassel.

  ഒരു കഥാപാത്രത്തിന്റെ രണ്ടു വശങ്ങള്‍- ചായ്കോവിസ്കിയുടെ "സ്വാന്‍ ലേക്ക്" ബാലെയില്‍ അത് വരെ മുഖ്യ കഥാപാത്രത്തെ അവതരിപ്പിച്ചു കൊണ്ടിരുന്ന ബെത്തിനെ പ്രൊഡക്ഷന്‍ കമ്പനി നിര്‍ബന്ധിച്ചു വിരമിപ്പിക്കുന്നു.ആ ഡാന്‍സ് കമ്പനിയിലെ ഏതൊരാളുടെയും സ്വപ്ന വേഷം ആണ് അത്.വെളുത്ത അരയന്നവും കറുത്ത അരയന്നവും മുഖ്യ കഥാപാത്രങ്ങള്‍ ആയി വരുമ്പോള്‍ അത് അവതരിപ്പിക്കുന്നതും മുഖ്യ കഥാപാത്രം ചെയ്യുന്ന ആളാണ്‌.നീന,നാല് വര്‍ഷം ആയി ഡാന്‍സ് കളിക്കുന്ന അവള്‍ക്കു ആ കഥാപാത്രത്തിന്റെ വെളുത്ത വശം ചെയ്യാന്‍ ഏറ്റവും മികച്ച ഡാന്‍സര്‍ ആണ്.അത് തോമസ്‌ ലിറോയ്‌ അവളോട്‌ പറയുന്നും ഉണ്ട്.

  എന്നാല്‍ കറുത്ത അരയന്നത്തെ അവതരിപ്പിക്കുമ്പോള്‍ അവള്‍ പതറി പോകുന്നു.വശീകരണ ഭാവം ,അതിനോടൊപ്പം വന്യമായ അഭിനിവേശം അവതരിപ്പിക്കണ്ട ആ വേഷം അവളുടെ ചലനങ്ങളില്‍ അവള്‍ കാണിക്കുന്ന ഒഴുക്കില്ലായ്മ മൂലം പൂര്‍ണതയില്‍ എത്തിക്കുവാന്‍ നീനയ്ക്ക് കഴിയുന്നില്ല.പഴയക്കാല ഡാന്‍സര്‍ ആയ തന്റെ അമ്മയ്ക്കൊപ്പം ആണ് അവള്‍ ജീവിക്കുന്നത്.ഇരുപത്തെട്ടു വര്‍ഷം മുന്‍പ് അവള്‍ക്കു വേണ്ടി ഡാന്‍സ് ഉപേക്ഷിച്ച അമ്മയുടെ തണലില്‍ ആണ് അവള്‍ ജീവിക്കുന്നത്.വൈകാരികമായി നീന ദുര്‍ബലയാണ്.സഹ നൃത്തകനോ ;എന്തിനു തോമസിന് പോലും അവളോട്‌ ഒരു അഭിനിവേശം ഉണ്ടാകുന്നില്ല.എന്നാല്‍ അവള്‍ അവതരിപ്പിക്കണ്ട വേഷം അത് ആവശ്യപ്പെടുന്നും ഉണ്ട്.ഏതൊരാളുടെയും മോഹം ആയ ആ വേഷം ചെയ്യാനായി മറ്റൊരാള്‍ കൂടി ഉണ്ടെന്നുള്ള ചിന്തകള്‍ നീനയെ ഭയപ്പെടുത്തുന്നു.

  ശരീരത്തില്‍ അവള്‍ അറിയാതെ തന്നെ തന്റെ നഖങ്ങള്‍ കൊണ്ട് വരിഞ്ഞുണ്ടാകുന്ന പാടുകള്‍ അവളുടെ ദു:സ്വപ്നങ്ങളും ആകുന്നുണ്ട്.നതാലി പോര്‍ട്മാന്‍ അവതരിപ്പിച്ച നീന അങ്ങനെ വ്യത്യസ്തമായ മാനസിക തലങ്ങള്‍ ഉള്ള കഥാപാത്രം ആണ്.അവളുടെ വൈകാരിക തലങ്ങളില്‍ ഉള്ള മാറ്റങ്ങള്‍ക്കു മാത്രമേ അവള്‍ക്കു രക്ഷിക്കാന്‍ കഴിയുകയുള്ളൂ.നീനയുടെ ശത്രു ആരാണ്?അവള്‍ എങ്ങനെ ആ ശത്രുവിനെ അതി ജീവിക്കാന്‍ ശ്രമിക്കും?ഈ ചോദ്യങ്ങള്‍ക്കുള്ള ഉത്തരം ഡാരന്‍ അരനോഫ്സ്കി തന്‍റെ Black Swan ലൂടെ അവതരിപ്പിച്ചിരിക്കുന്നു.ആ വര്‍ഷത്തെ മികച്ച നടിക്കുള്ള ഓസ്ക്കാര്‍ അവാര്‍ഡ് ഈ സൈക്കോ ത്രില്ലറിലൂടെ അവര്‍ക്ക്  ലഭിച്ചിരുന്നു.നതാലി പോര്‍ട്മാന്റെ മികച്ച അഭിനയം ആണ് ഈ ചിത്രത്തിന്‍റെ ഹൈലൈറ്റ്.ഒപ്പം സംവിധാനവും  ,ക്യാമറയും എല്ലാം മികച്ചു നിന്നു.

More movie suggestions @www.movieholicviews.blogspot.com

429.MANORAMA SIX FEET UNDER(2007,HINDI)

429.MANORAMA SIX FEET UNDER(2007,HINDI),|Mystery|Thriller|Crime|,Dir:-Navdeep Singh,*ing:-Abhay Deol, Gul Panag, Raima Sen

  റോമന്‍ പൊലന്‍സ്കിയുടെ വിശ്വവിഖ്യാതമായ ക്ലാസിക്  "ചൈന ടൌണ്‍"  ആസ്പദം ആക്കി നിര്‍മിച്ച ചിത്രം ആണ് Manorama Six Feet Under.ആറടി മണ്ണിന്റെ താഴ്ച്ചയില്‍ മനോരമയ്ക്ക് എന്താണ് പറയാന്‍ ഉണ്ടായിരുന്നത് എന്ന് അന്വേഷിച്ച് പോകുന്ന സസ്പെന്‍ഷനില്‍ ആയ സര്‍ക്കാര്‍ അസിസ്റ്റന്റ്‌ എഞ്ചിനീയറും പരാജയപ്പെട്ട ഡിട്ടക്ട്ടീവ് നോവലിസ്റ്റും ആയ സത്യവീര്‍ സിംഗ് രന്ധവയുടെ കഥയാണ് ഈ ചിത്രം."ചൈന ടൌണ്‍ " ആയി മൂല കഥയില്‍ സാദൃശ്യം ഉണ്ടെങ്കിലും കഥ അവതരിപ്പിച്ചിരിക്കുന്നത് മറ്റൊരു രീതിയില്‍ ആണ്.ചൈന ടൌണ്‍ ഇന്ത്യന്‍ പശ്ചാത്തലത്തില്‍ അവതരിപ്പിച്ചിരിക്കുന്നു എന്നൊന്നും പറയാന്‍ പറ്റില്ലെങ്കിലും ഈ ചിത്രത്തിലും സര്‍ക്കാരും കര്‍ഷകരും തമ്മില്‍ രാജസ്ഥാനിലെ ലഖോട്ട് എന്ന സ്ഥലത്ത് നടക്കുന്ന പ്രശ്നങ്ങള്‍ ആണ് ചിത്രം തുടക്കത്തില്‍ അവതരിപ്പിക്കുന്നത്‌.

  വര്‍ഷത്തില്‍ രണ്ടു പ്രാവശ്യം വാര്‍ത്തകളില്‍ സ്ഥാനം പിടിക്കുന്ന സ്ഥലം ആണ് ലഖോട്ട്.അതി ശൈത്യം,കൊടും ചൂട് എന്നിവയില്‍ മരിക്കുന്ന ആളുകളുടെ വിവരണം ആയിരിക്കും ആ വാര്‍ത്തകളില്‍.സാധാരണക്കാരന്‍ ആയ സര്‍ക്കാര്‍ ഉദ്യോഗസ്ഥന്‍ ആണ് സത്യവീര്‍ സിംഗ്.കൈക്കൂലി വാങ്ങിയ കേസില്‍ അയാള്‍ സസ്പെന്‍ഷനില്‍ ആണ്.പ്രണയിച്ചു വിവാഹം ചെയ്ത ഭാര്യ അവരുടെ കഷ്ടപ്പാടുകളെ കുറിച്ച് പറഞ്ഞു അയാളെ സമ്മര്‍ദ്ദത്തില്‍ ആക്കാറുണ്ട്.ഒരു ദിവസം രാത്രി ആണ് ആ സ്ത്രീ സത്യവീരിനെ കാണാന്‍ എത്തുന്നത്‌,ജലസേചന വകുപ്പ് മന്ത്രിയുടെ ഭാര്യ ആണെന്ന് പരിചയപ്പെടുത്തിയ അവര്‍ സത്യവീറിന്റെ പരാജയപ്പെട്ട നോവലായ "മനോരമ"യുടെ വലിയ ആരാധിക ആണെന്നും പറയുന്നു.ഡിട്ടക്ട്ടീവ് രഘു എന്ന സത്യവീരിന്റെ കഥാപാത്രത്തിന്റെ ബുദ്ധി അതിന്‍റെ എഴുത്തുകാരന്റെ ആണെന്നുള്ള വിശ്വാസം ആണ് അവരെ സത്യവീറിന്റെ അടുക്കല്‍ എത്തിക്കുന്നത്.അവര്‍ക്ക് ഒരു ആവശ്യം ഉണ്ടായിരുന്നു.ജലസേചന മന്ത്രിയായ പഴയ രാജകുടുംബാംഗം അവരുടെ ഭര്‍ത്താവ് രാത്തോരിന്റെ രഹസ്യ കാമുകിയെ കുറിച്ച് അന്വേഷിക്കണം എന്നതായിരുന്നു ആവശ്യം.

  പണത്തിനു ബുദ്ധിമുട്ടിയിരുന്ന സത്യവീര്‍ ആ കേസ് ഏറ്റെടുക്കുന്നു.അയാള്‍ രാത്തോറും അയാളുടെ രഹസ്യ കാമുകി ആണെന്ന് വിശ്വസിക്കുന്ന സ്ത്രീയുടെയും ഫോട്ടോ എടുക്കുന്നു.അത് അയാള്‍ ആ സ്ത്രീയെ ഏല്‍പ്പിക്കുന്നു.എന്നാല്‍ അല്‍പ്പ ദിവസങ്ങള്‍ക്കുള്ളില്‍ സത്യവീര്‍ ആ സ്ത്രീ രാത്തോറിന്റെ ഭാര്യ അല്ലന്നു മനസ്സിലാക്കുന്നു.ഒരു രാത്രി അവരെ വീണ്ടും അയാള്‍ കാണുന്നു.അവര്‍ അയാളോട് പറയുന്നു.അവരുടെ പേര്‍ മനോരമ ആണെന്നും അവരുടെ വയസ്സ് 32 ആണെന്നും അവര്‍ക്ക് എന്ത് സംഭവിച്ചാലും ഈ വിവരങ്ങള്‍ ഓര്‍ക്കണം എന്നും  .പിറ്റേന്ന് അവര്‍ അപകടത്തില്‍ മരിച്ചു എന്ന് സത്യവീര്‍ അറിയുന്നു.ആരായിരുന്നു ആ സ്ത്രീ?അവര്‍ കളിച്ച നാടകം എന്തായിരുന്നു?എന്തിനായിരുന്നു?കൂടുതല്‍ രഹസ്യങ്ങള്‍ അറിയണം എങ്കില്‍ ഈ ചിത്രം കാണുക.

  ഹിന്ദി സിനിമകളില്‍ മികച്ച മിസ്റ്ററി ചിത്രങ്ങളില്‍ ഒന്നായി ഈ ചിത്രത്തെ കാണാന്‍ കഴിയും.ക്ലൈമാക്സ് പോലും വലിയ ശബ്ദ കോലാഹലം ഇല്ലാതെ പണം ആണ് ശക്തി എന്ന് വിശ്വസിക്കുന്ന ആള്‍ക്ക് നല്‍കാന്‍ കഴിയുന്ന ഏറ്റവും മികച്ച "ക്ലൈമാക്സ്" ആണ് ചിത്രത്തില്‍.കഥയില്‍ പല തരത്തില്‍ ഉള്ള ദുരൂഹ സംഭവങ്ങള്‍ സത്യവീര്‍ നേരിടുന്നുണ്ട്/ചൈന ടൌണ്‍ സിനിമയിലെ ഗിറ്റീസിന്റെ ഒപ്പം നില്‍ക്കുന്ന കഥാപാത്ര സൃഷ്ടി ആണ് സത്യവീറും.ഹിന്ദിയിലെ മികച്ച മിസ്റ്ററി/ത്രില്ലറുകളുടെ ഒപ്പം കൂട്ടി ചേര്‍ക്കാവുന്ന പേരാണ് മനോരമയുടെ ആറടി താഴ്ച്ചയില്‍ പറയാന്‍ ഉണ്ടായിരുന്ന കഥയ്ക്ക്‌.

More movie suggestions @www.movieholicviews.blogspot.com

428.CHINATOWN(ENGLISH,1974)

428.CHINATOWN(ENGLISH,1974),|Thriller|Mystery|Crime|,Dir:-Roman Polanski,*ing:-Jack Nicholson, Faye Dunaway, John Huston .

  1975 ലെ ഓസ്ക്കാര്‍ വേദിയില്‍ പതിനൊന്ന് നാമനിര്‍ദേശം ലഭിച്ച ലോകത്തെ തന്നെ മികച്ച ചിത്രങ്ങളില്‍ ഇപ്പോഴും സ്ഥാനം കണ്ടെത്തുന്ന ചിത്രം ആണ് Chinatown.ലോസ്  ഏഞ്ചലസ് നഗരവും കാലിഫോര്‍ണിയയിലെ കര്‍ഷകരും തമ്മില്‍ ഉണ്ടായ പ്രശ്നങ്ങളുടെ ചുവടു പിടിച്ചാണ് റോമന്‍ പൊലന്‍സ്കി ഈ ചിത്രം അവതരിപ്പിച്ചത്.ഗിറ്റിസ് ഒരു പ്രൈവറ്റ് ഡിട്ടക്ട്ടീവ് ആണ്.അയാളുടെ അടുക്കല്‍ ഒരു ദിവസം ഒരു സ്ത്രീ ആവശ്യവും ആയി എത്തുന്നു.ഈവ്ലിന്‍ മല്രേ എന്ന് സ്വയം പരിചയപ്പെടുത്തിയ അവര്‍ തന്റെ ഭര്‍ത്താവായ ഹോളിസ് മല്രേയെ കുറിച്ച് അന്വേഷിക്കണം എന്ന് പറയുന്നു.ടൌണ്‍ ചീഫ് എഞ്ചിനീയര്‍ ആയ മല്രേ മറ്റൊരു സ്ത്രീയും ആയി ബന്ധം ഉണ്ടെന്നു ഈവ്ലിന്‍ വിശ്വസിക്കുന്നു.അതിന്‍റെ തെളിവുകള്‍ ശേഖരിക്കുകയാണ് ഗിറ്റിസിന്റെ ജോലി.

    ഗിറ്റിസ് ആ ഉദ്യമം ഏറ്റെടുക്കുന്നു.തന്‍റെ നെറ്റ് വര്‍ക്ക് ഉപയോഗിച്ച് ഗിറ്റിസ് മല്രേ ആ സ്ത്രീയും ആയി ഉള്ള ഫോട്ടോകള്‍ എടുക്കുന്നു.ഈവ്ലിന് ആ ഫോട്ടോകള്‍ അയാള്‍ കൈ മാറുകയും ചെയ്യുന്നു.എന്നാല്‍ അടുത്ത സിവസം തന്നെ പത്രത്താളുകളില്‍ ആ ഫോട്ടോകള്‍ സ്ഥാനം പിടിക്കുന്നു.അപ്പോഴാണ്‌ അപ്രതീക്ഷിതമായി ഒരു സ്ത്രീ ഗിട്ടീസിനെ അന്വേഷിച്ച് എത്തുന്നത്‌.അവര്‍ ഈവ്ലിന്‍ മല്രേ ആണെന്ന് സ്വയം പരിചയപ്പെടുത്തുന്നു.അവര്‍ ഒരിക്കലും തന്റെ ഭര്‍ത്താവിന്റെ വിവരങ്ങള്‍ അറിയാന്‍ ആരെയും ഏര്‍പ്പാട് ആക്കിയിട്ടില്ല എന്ന് പറയുന്നു.ആദ്യം വന്ന സ്ത്രീ മറ്റൊരാള്‍ ആണെന്ന് ഗിട്ടീസ് മനസ്സിലാക്കുന്നു.ഗിട്ടീസിന്റെ പേരില്‍ ആ സ്ത്രീ കേസ് കൊടുക്കുന്നു.എന്താണ് ചുറ്റും നടക്കുന്നത് എന്ന് ഗിറ്റീസ് മനസ്സിലാക്കുന്നതിനു മുന്‍പ് അപകടത്തില്‍ പെട്ട് ഹോളിസ് മല്രേ മരണപ്പെടുന്നു.

  ഗൌരവപൂര്‍ണമായ എന്തോ ദുരൂഹതകള്‍ തന്റെ ചുറ്റും ഉണ്ടെന്നു മനസ്സിലാക്കുന്ന ഗിറ്റീസ് തന്നെ കരുവാക്കി നീക്കം നടത്തിയവരെ കണ്ടെത്താന്‍ തീരുമാനിക്കുന്നു.അതിനായി അയാള്‍ക്ക്‌ തന്നെ ആദ്യം സമീപിച്ച സ്ത്രീയെ കുറിച്ചും അവരുടെ ഉധേശത്തെ കുറിച്ചും അറിയണമായിരുന്നു.അതയാള്‍ക്ക്‌ പുതിയ ശത്രുക്കളെ ഉണ്ടാക്കുന്നു.ആ നാട്ടില്‍ നടക്കുന്ന ഒരു വലിയ ചതിയോടൊപ്പം കെട്ടുകഥകളെ പോലും തോല്‍പ്പിക്കുന്ന കഥകള്‍ ഗിറ്റീസ് കേള്‍ക്കുന്നു.ഗിറ്റീസ് കണ്ടെത്തുന്ന രഹസ്യങ്ങള്‍ ആണ് ചിത്രത്തില്‍ ബാക്കി ഉള്ളത്.ഈ ചിത്രത്തിന്‍റെ രണ്ടാം ഭാഗം ആയി "The Two Jakes" എന്ന ചിത്രം പിന്നീട് വന്നിരുന്നു.മിസ്റ്ററി സിനിമകളുടെ വിഭാഗത്തില്‍ രണ്ടാമത്തെ മികച്ച ചിത്രമായി American Film Institute ഈ ചിത്രത്തെ തിരഞ്ഞെടുത്തിരുന്നു.ഭാവിയിലേക്ക് സൂക്ഷിച്ചു വയ്ക്കണ്ട ചിത്രങ്ങളുടെ കൂട്ടത്തില്‍ ചൈന ടൌണ്‍ പിന്നീട് ഇടം പിടിച്ചു.മികച്ച തിരക്കഥയ്ക്കുള്ള ഓസ്ക്കാര്‍ പുരസ്ക്കാരം റോബര്‍ട്ട് ടൌണ്‍ ഈ ചിത്രത്തിലൂടെ നേടിയിരുന്നു.തീര്‍ച്ചയായും കണ്ടിരിക്കണ്ട ക്ലാസിക് മിസ്റ്ററി ചിത്രം ആണ് ചൈന ടൌണ്‍.

More movie suggestions @www.movieholicviews.blogspot.com

427.THE SILENCED(KOREAN,2015)

427.THE SILENCED(KOREAN,2015),|Mystery|Thriller|,Dir:-Hae-young Lee,*ing:-Bo-yeong Park, Su-dam Park, Ji-won Uhm.


  1938 കാലഘട്ടങ്ങളില്‍ ജാപ്പനീസ് അധിനിവേശം കൊറിയയില്‍ നടന്നപ്പോള്‍ ഉള്ള പശ്ചാത്തലം ആണ് ഈ ചിത്രത്തിന് പ്രമേയം ആയി വരുന്നത്.ഗിയോംഗ് സിയോംഗ് ബോര്‍ഡിംഗ് സ്ക്കൂളിലേക്ക് മാറ്റപ്പെടുന്ന ജുറാന്‍ എന്ന പെണ്‍ക്കുട്ടി അവിടേക്ക് എത്തിച്ചേരുന്നു.ശ്വാസ സംബന്ധമായ രോഗങ്ങള്‍ കാരണം ബുദ്ധിമുട്ടിയിരുന്ന  ജുറാന്‍ അത് കൊണ്ട് കൂടി ആണ് കൂടുതല്‍ മെച്ചപ്പെട്ട ചികിത്സ ലഭിക്കും എന്ന വിശ്വാസത്തില്‍ അവളുടെ പിതാവും രണ്ടാനമ്മയും അങ്ങോട്ട്‌ മാറ്റുന്നത്.ജുറാന്റെ അസുഖം അവര്‍ക്കും കൂടി പകരുമോ എന്ന ഭയവും അവര്‍ക്കുണ്ടായിരുന്നു.

  ഗിയോംഗ് സിയോംഗ് ബോര്‍ഡിംഗ് നിഗൂഡതകളുടെ  കലവറ ആയിരുന്നു.ആദ്യ ദിവസം തന്നെ ജുറാന്‍ അത് മനസ്സിലാക്കുന്നു.എന്തൊക്കെയോ രഹസ്യങ്ങള്‍ ഒളിപ്പിച്ചു വച്ചത് പോലത്തെ ആ സ്ഥലം അവളെ ഭയപ്പെടുത്തി.പുറം ലോകത്തില്‍ നിന്നും ഒറ്റപ്പെട്ടു പ്രവര്‍ത്തിക്കുന്ന ആ സ്ക്കൂള്‍ മറ്റുള്ളവര്‍ക്ക് അപരിചിതം ആയിരുന്നു.മികവ് കാട്ടുന്നവരെ ടോക്യോയിലേക്ക് അയച്ചു പഠിപ്പിക്കുന്ന പദ്ധതി  നിലവില്‍ ഉണ്ടായിരുന്നതിനാല്‍ കുട്ടികള്‍ തമ്മില്‍ ഉള്ള മത്സര ബുദ്ധി എങ്ങനും പ്രകടം ആയിരുന്നു.അവിടെ എത്തിയപ്പോള്‍ യുക്ക ,യിയോന്‍ ഡുക് എന്നിവര്‍ ആയിരുന്നു അവിടെ മികവ് പുലര്‍ത്തിയിരുന്ന വിദ്യാര്‍ഥിനികള്‍.യുക്ക ജുറാനെ വന്നപ്പോള്‍ തന്നെ ഭയപ്പെടുത്താന്‍ തുടങ്ങി.എന്നാല്‍ യിയോന്‍ ഡുക് അവളോട്‌ അനുകമ്പ കാണിച്ചു.

    യിയോന്‍ ഡുക് അവളോട്‌ അനുകമ്പ കാണിച്ചതിന് ഒരു കാരണം ഉണ്ടായിരുന്നു.കെട്ടു കഥകളെ  പോലും തോല്‍പ്പിക്കുന്ന അവിശ്വസനീയം ആയ ഒരു കഥ.എന്നാല്‍ അതിനു പിന്നിലെ രഹസ്യങ്ങള്‍ അന്വേഷിച്ച് ജുറാന്‍ നടക്കുമ്പോള്‍ ആണ് അവള്‍ക്കു തന്റെ ആരോഗ്യാവസ്ഥയില്‍ മാറ്റം ഉണ്ടായതായി കാണുന്നത്.അവിടെ ഉള്ള ചികിത്സ രീതി അവളുടെ അസുഖം മാറ്റിയതായി അവള്‍ വിശ്വസിക്കുന്നു.എന്നാല്‍ അവിടെ നടക്കുന്ന സംഭവങ്ങളുടെ പിന്നില്‍ ഉള്ള രഹസ്യം എന്താണ്??കൂടുതല്‍ അറിയാനായി ചിത്രം കാണുക.

More movie suggestions @www.movieholicviews.blogspot.com

426.RAHASYA(HINDI,2015)

426.RAHASYA(HINDI,2015),|Mystery|Crime|Thriller|,Dir:-Manish Gupta,*ing:-Nimai Bali, Tisca Chopra, Farida Dadi.

 വളരെയധികം മാധ്യമ ശ്രദ്ധ പിടിച്ചു പറ്റിയ കേസ് ആയിരുന്നു നോയിഡയില്‍ നടന്ന ഇരട്ട കൊലപാതകങ്ങള്‍.2008 ല്‍ ആരുഷി തല്‍വാര്‍ എന്ന പതിന്നാലു വയസ്സുകാരിയെ കൊല്ലപ്പെട്ടതായി കാണുകയും.പിന്നീട് കൊലപാതകി എന്ന് സംശയിച്ച വീടിലെ ജോലിക്കാരന്‍ ഹേമരാജിന്റെ മൃതദേഹം അടുത്ത ദിവസം കണ്ടെടുക്കുക കൂടി ചെയ്തതോടെ ആ കേസ് വളരെയധികം നിഗൂഡമായ കഥകളിലേക്ക് മാധ്യമങ്ങള്‍ മാറ്റുകയും ചെയ്തു.ആരുഷിയുടെ മാതാപിതാക്കള്‍ വളരെ പെട്ടന്ന് തന്നെ ആ കേസിലെ പ്രധാന കുറ്റവാളികള്‍ ആയി മാറി.മാധ്യമ വിചാരണ എന്ന് പലരും വിളിച്ച ആ കഥകള്‍ കേസിനെ പോലും സ്വാധീനിച്ചു എന്ന് വേണം കരുതാന്‍.സി ബി ഐ കേസ് അന്വേഷിച്ചതിനു ശേഷം പ്രതികള്‍ മാറിയെങ്കിലും അവര്‍ പ്രതികളെ കണ്ടെത്താനായി ഉപയോഗിച്ച മാര്‍ഗങ്ങള്‍ വിമര്‍ശിക്കപ്പെട്ടു.

  ശക്തമായ തെളിവുകളുടെ അഭാവത്തില്‍ പിന്നീട് വന്ന പ്രതികളെ വിട്ടയച്ചു.കോടതി എന്നാല്‍ വ്യക്തമായ തെളിവുകള്‍ ഇല്ലാതിരുന്നിട്ട് കൂടി  ആരുഷിയുടെ മാതാപിതാക്കളെ തന്നെ കേസിലെ പ്രധാന പ്രതികള്‍ ആക്കി മാറ്റി പിന്നീട്.ഈ സംഭവങ്ങളുടെ ദൃശ്യാവിഷ്ക്കാരം ആണ് "രഹസ്യ".വിവാദപരമായ കേസ് ആയതു കൊണ്ടും കോടതി വിധി അന്തിമമായി വരാത്തത് കൊണ്ടും സാങ്കല്‍പ്പികമായ കഥാ സന്ദര്‍ഭം ആണ് ചിത്രത്തില്‍ ഉടന്നീളം ഉപയോഗിച്ചിരിക്കുന്നത്.കൊലപാതകം നടത്തിയ ആ പ്ലോട്ട് ഒക്കെ യഥാര്‍ത്ഥ കഥയോട് അടുത്ത് നില്‍ക്കുന്നതാണ്.എന്നാല്‍ സിനിമയ്ക്ക് ഒരു ക്ലൈമാക്സ്  കൊണ്ട് വരാനായി ഇന്ത്യന്‍ സിനിമകളില്‍ സാധാരണയായി പരീക്ഷിക്കുന്ന ഡിട്ടക്ട്ടീവ്-തെളിവ്  കഥാ രീതി  ആണ് ഉപയോഗിച്ചിരിക്കുന്നത്.

  കെ കെ മേനോന്‍ അവതരിപ്പിക്കുന്ന സുനില്‍ പരസ്ക്കാര്‍ എന്ന സി ബി ഐ ഉദ്യോഗസ്ഥന്‍ ലോക്കല്‍ പോലീസിന്റെ അന്വേഷണത്തിന് ശേഷം ആയേഷ മഹാജന്‍റെ കൊലപാതക കേസ് അന്വേഷണം ഏറ്റെടുക്കുന്നു.ലോക്കല്‍ പോലീസ് ആയെഷയുടെ പിതാവായ ഡോ.സച്ചിന്‍ മഹാജന്‍ ആണ് കുറ്റവാളി എന്ന് കണ്ടെത്തിയിരുന്നു.എന്നാല്‍ ഡോ.സച്ചിന്‍ മഹാജന്‍റെ ഭാര്യയായ ഡോ.ആരതി മഹാജന്‍ തന്‍റെ സ്വാധീനം ഉപയോഗിച്ച് കേസ് അന്വേഷണം സി ബി ഐയുടെ കയ്യില്‍ എത്തിക്കുന്നു.നേരത്തെ പറഞ്ഞത് പോലെ സിനിമയ്ക്ക് വേണ്ടി മാറ്റങ്ങള്‍ വരുത്തിയതിനാല്‍ അവസാനം കഥ പോകുന്നത് വേറെ ഒരു പ്ലോട്ടിലൂടെ ആണ്.അതിനെ കുറിച്ച് അധികം വിവരണം നല്‍കുന്നില്ല.യഥാര്‍ത്ഥ കഥകള്‍ പലര്‍ക്കും അറിയാവുന്നതാണ് എന്നത് തന്നെ കാരണം .മിസ്റ്ററി/ത്രില്ലര്‍ ചിത്രങ്ങളുടെ ആരാധകര്‍ക്ക് ഇഷ്ടപ്പെടുന്ന തരത്തില്‍ ആണ് ചിത്രം ഒരുക്കിയിരിക്കുന്നത്.

More movie suggestions @www.movieholicviews.blogspot.com

370.PARALLELS(ENGLISH,2015)

370.PARALLELS(ENGLISH,2015),|Sci-Fi|Mystery|Thriller|,Dir:-Christopher Leone,*ing:-Mark Hapka, Jessica Rothe, Eric Jungmann.

  ശാസ്ത്രം വളരെയധികം പുരോഗതി പ്രാപിക്കുകയും ഭൂമിയിലെ സാഹചര്യങ്ങള്‍ക്ക് സമാനമായ ലോകങ്ങള്‍ അഥവാ ഗ്രഹങ്ങള്‍ അന്വേഷിക്കുകയും ചെയ്യുന്ന ഈ കാലത്ത് മുന്നോട്ടു വയ്ക്കാവുന്ന ഒരു ആശയം ആണ് ഈ ചിത്രത്തിന്‍റെ തീം.അതായത് നമ്മുടെ ഭൂമി പോലെ കുറേ ഭൂമികള്‍ ഉണ്ടെങ്കിലോ?അവിടെ എല്ലാം നമ്മള്‍ ഓരോരുത്തരെ പോലെ ഉള്ള ആളുകളും പരിചിതം അല്ലെങ്കില്‍ അപരിചിതമായ സാഹചര്യങ്ങള്‍ ഉള്ളവയാണ് എങ്കില്‍?സമാന്തരമായ പ്രവര്‍ത്തന രീതികള്‍ ഉള്ള ഗ്രഹങ്ങള്‍ എന്ന വിഷയത്തെ ആസ്പദം ആക്കി ആണ് Parallels എന്ന ഈ ചിത്രം അവതരിപ്പിച്ചിരിക്കുന്നത്.

  നെറ്റ്ഫ്ലിക്സ് റിലീസ് ആയ വന്ന ഈ ചിത്രത്തിന്‍റെ സമാനമായ ആശയം ഉള്‍ക്കൊണ്ട ഒരു തമിഴ് ചിത്രം ആയിരുന്നു സെല്‍വ രാഘാവന്റെ "ഇരണ്ടാം ഉലകം".പ്രമേയം സാമ്യത പുലര്‍ത്തിയിരുന്നു എങ്കിലും ചിത്രത്തിന്‍റെ അവതരണത്തിലെ ചില പിഴവുകള്‍ ചിത്രത്തില്‍ നിന്നും പ്രേക്ഷകനെ അകറ്റിയിരുന്നു.എന്നാല്‍ ഈ ചിത്രം വ്യത്യസ്തം ആയ ഒരു ത്രില്ലര്‍ ആകാന്‍ ഉള്ള വഴികളിലൂടെ ആണ് സഞ്ചരിക്കുന്നത്.ബോക്സര്‍ ആയ റോനാന്‍ അന്നും റിങ്ങില്‍ പരാജയപ്പെട്ടു പുറത്തു വരുമ്പോള്‍ ആണ് വോയിസ് മെയിലില്‍ തന്‍റെ പിതാവായ അലക്സ് അവനെ കാണണം എന്നുള്ള മെസേജ് കേള്‍ക്കുന്നത്.പിതാവ് പറഞ്ഞതനുസരിച്ച് വീട്ടില്‍ എത്തിയെങ്കിലും അവിടെ അദ്ധേഹത്തെ കാണാന്‍ കഴിയാതെ ഇരുന്ന റോനാന്‍ തന്‍റെ അനുജത്തി ആയ ബിയാത്രിക്സിനെ കാണുന്നു.വര്‍ഷങ്ങളായി അമ്മയുടെ മരണത്തിനു ശേഷം വീടിനു പുറത്തു ഇറങ്ങാതിരുന്ന അച്ഛനെ അവിടെ കാണാതായപ്പോള്‍ അവര്‍ അയല്‍വാസിയും ബിയാത്രിക്സിനോട് പ്രണയവും ഉള്ള ഹാരിയുടെ സഹായത്തോടെ പോലീസില്‍ പരാതിപ്പെടുന്നു.എന്നാല്‍ അച്ഛന്‍ കാണാതായി എന്ന് ഉള്ളതിന്  വ്യക്തമായ ഒരു സൂചനയും ഇല്ലാത്തത് കൊണ്ട് പോലീസ് അവരെ കയ്യൊഴിയുന്നു.അപ്പോഴാണ്‌ റോനാന്‍ പിതാവ് വ്യക്തമായി പറഞ്ഞ ആ വിലാസം ഓര്‍മ വരുന്നത്.കാറില്‍ കണ്ട ബാഗും ആയി അവര്‍ മൂവരും അവിടെ എത്തുന്നു.

  ഒരു വലിയ കെട്ടിടം .വര്‍ഷങ്ങളായി ആള്‍ താമസം ഇല്ലാത്ത ആ സ്ഥലം അവര്‍ക്ക് നല്‍കുന്നത് അവരുടെ ജീവിതത്തിലെ ഏറ്റവും വലിയ അത്ഭുതം ആയിരുന്നു.ഓര്‍ക്കുമ്പോള്‍ കൗതുകം തോന്നിപ്പിക്കുന്ന ഒരു അത്ഭുതം.ചിത്രം "Cube Trilogy" പോലെ ഒക്കെ ആദ്യ ഭാഗത്തില്‍ ചോദ്യങ്ങള്‍ പലതും അവശേഷിപ്പിച്ചു ആണ് അവസാനിക്കുന്നത്.അത് കൊണ്ട് തന്നെ രണ്ടാം ഭാഗത്തിന് ഉള്ള സാധ്യത അധികം ആണ്.കാത്തിരിക്കുന്നു രണ്ടാം ഭാഗത്തിനായി,ഇഷ്ടം തോന്നിയ ഒരു കണ്സപ്റ്റ് എങ്ങനെ ഈ ചിത്രത്തില്‍ വര്‍ക്ക് ഔട്ട്‌ ആകും എന്ന് കണ്ടു മനസ്സിലാക്കണം എന്നൊരു ആഗ്രഹം ഉണ്ട്.

More movie suggestions @www.movieholicviews.blogspot.com

284.TRANSSIBERIAN(ENGLISH,2008)

284.TRANSSIBERIAN(ENGLISH,2008),|Mystery|Thriller|,Dir:-Brad Anderson,*ing:-Woody Harrelson, Emily Mortimer, Ben Kingsley .

 ഒരു മനുഷ്യന് മറ്റൊരാളുടെ ജീവിതം ആസ്വാദ്യകരം ആക്കുവാന്‍ അയാളുടെ നല്ല ഇടപ്പെടലുകള്‍ മതി എന്ന് പറയുന്നത് പോലെ തന്നെ ഒരാളുടെ ജീവിതം ദുരിത പൂര്‍ണം ആക്കുവാനും മറ്റൊരാള്‍ക്കു കഴിയും.ഈ സിനിമയുടെ പ്രമേയം ഇങ്ങനെ വേണമെങ്കില്‍ ചുരുക്കി പറയാം.ഇവിടെ ഒരു യാത്രയാണ് നടക്കുന്നത്.കുട്ടികള്‍ക്കായി ചൈനയില്‍ വച്ച് നടത്തിയ ഒരു പ്രാര്‍ത്ഥന കൂട്ടായ്മയില്‍ പങ്കെടുത്തതിന് ശേഷം അമേരിക്കന്‍  ദമ്പതികള്‍ ആയ റോയിയും ജെസ്സിയും റഷ്യയിലേക്ക് യാത്രയായി.കുടുംബ ജീവിതത്തിലെ രസ ചരടുകള്‍ എവിടെയൊക്കെയോ തെറ്റി എന്ന് മാന്സ്സിലാക്കിയ റോയ് യാത്ര കൂടുതല്‍ രസകരം ആക്കുവാന്‍ ട്രെയിന്‍ ആണ് റഷ്യയിലേക്ക് ചേരുവാന്‍ തിരഞ്ഞെടുത്തത്.

  ട്രെയിന്‍ യാത്രകള്‍ റോയ്ക്ക് ഒരു ഹരവും ആയിരുന്നു.പലതരം ട്രെയിനുകളെ കുറിച്ച് അറിയാന്‍ ഉള്ള ആഗ്രഹവും അത് പോലെ അതിനെ കുറിച്ചുള്ള പരിജ്ഞാനവും അയാള്‍ക്ക്‌ ഉണ്ടായിരുന്നു.ജെസ്സി തന്‍റെ ഭൂതക്കാലം ചിലപ്പോള്‍ എങ്കിലും മറക്കാന്‍ ആഗ്രഹിക്കുന്നതായി കാണാം.റോയിയെ അവര്‍ കണ്ടു മുട്ടിയത്‌ മുതല്‍ അവരുടെ ജീവിതവും മാറി.ജീവിതത്തെ കുറിച്ചുള്ള കാഴ്ചപ്പാടുകള്‍ മാറി എന്നതായിരിക്കും ശരി.ഇവിടെ ഒരാള്‍ മറ്റൊരാളുടെ ജീവിതം നല്ലത് ആക്കി മാറ്റി.

ആ യാത്രയുടെ ആദ്യ ദിവസം ട്രെയിനില്‍ വച്ച് ചൈനീസ്,റഷ്യന്‍ പോലീസുകാരെ കുറിച്ച് പറഞ്ഞ യാത്രക്കാരന്‍ ഒരു ഭീകര സംഭവം അവരോടു വിവരിക്കുന്നു.അതിനു ശേഷം അവരുടെ കൂപ്പയില്‍ യാത്ര ചെയ്യാന്‍ വന്ന രണ്ടു പേര്‍ ആയിരുന്നു കാര്‍ലോസ് എന്ന യുവാവും അയാളുടെ കാമുകി അബിയും.നേരത്തെ പറഞ്ഞ രണ്ടാമത്തെ രീതിയില്‍ ഉള്ള ജീവിത മാറ്റം ഇവിടെ റോയ്-ജെസ്സി ദമ്പതികള്‍ക്ക് സംഭവിക്കുന്നു.എന്തായിരുന്നു അത്?കൂടുതല്‍ അറിയാന്‍ ചിത്രം കാണുക.

  ഒരു നല്ല മിസ്റ്ററി/സസ്പന്‍സ് ത്രില്ലര്‍ ആയി ചിത്രം അനുഭവപ്പെട്ടു/പ്രധാനമായും തണുത്തുറഞ്ഞ കാലാവസ്ഥയില്‍ മഞ്ഞില്‍ പുതഞ്ഞിരിക്കുന്ന നിഗൂഡതകള്‍ പോലെ ആയിരുന്നു ചിത്രം പലപ്പോഴും.ത്രില്ലര്‍ സിനിമ സ്നേഹികള്‍ തീര്‍ച്ചയായും കാണേണ്ട ഒരു ചിത്രമായി തോന്നി ഇത്.

More reviews @www.movieholicviews.blogspot.com