1424. The Trip (Norwegian, 2021)

 

1424. The Trip (Norwegian, 2021)

          Streaming on Netflix

    ഒരു ഭാര്യയും ഭർത്താവും ഒഴിവ് കാലം ആഘോഷിക്കാൻ പോവുകയാണ്. അവർ ഇങ്ങനെ സന്തോഷമായി പോകുമ്പോൾ..Wait..പ്രേക്ഷകൻ സാധാരണ ഗതിയിൽ അങ്ങനെ തുടക്കത്തിൽ ചിന്തിച്ചേക്കാം.പ്രത്യേകിച്ചും തമ്മിൽ അൽപ്പം അസ്വാരസ്യങ്ങൾ ഉള്ള ദമ്പതികൾ ആകുമ്പോൾ ഒന്ന് സമാധാനമായി കുടുംബ പ്രശ്നങ്ങൾ ഒക്കെ പറഞ്ഞു തീർക്കും എന്ന് പ്രതീക്ഷിക്കാം.aa രീതിയിൽ ആണ് സംവിധായകൻ ആയ ലാർസും അയാളുടെ ഭാര്യയും നടി ആക്കാൻ ആഗ്രഹിക്കുന്ന ലിസയുടെയും പെരുമാറ്റം കണ്ടാൽ തോന്നുക.

    

  എന്നാൽ അങ്ങനെയേ അല്ല The Trip എന്ന നോർവീജിയൻ സിനിമയുടെ കഥ പോകുന്നത്.അവർ, ലിസ- ലാർസ് ദമ്പതികൾക്ക് വ്യക്തമായ പദ്ധതികൾ ഉണ്ട് ഈ യാത്രയ്ക്ക്.ഒരുമിച്ചുള്ള പദ്ധതികൾ അല്ല എന്ന് മാത്രം. അവരവരുടെ പദ്ധതികൾ നടപ്പിലാക്കാൻ നോക്കുമ്പോൾ കുറച്ചു അപരിചിതരായ ആളുകൾ കൂടി വന്നാലോ?

  

  ലാർസിൻ്റെ പിതാവിൻ്റെ കാബിനിൽ എല്ലാവരും കൂടി പഴയ പ്രിയദർശൻ സിനിമയിലെ പോലെ ക്യാറ്റ് ആൻഡ് മൗസ് കളി ആയി പോകാനും സാധ്യതയുണ്ട്. ആകെ തമാശ ഒക്കെ ആയി അല്ലേ?തമാശ ഒക്കെ ഉണ്ട് ഈ സിനിമയിലും, മരിക്കുമ്പോൾ പോലും തമാശ.

  

  അതെ മരണം തന്നെ, ഇതെവിടെന്ന് വന്നെന്നു ചോദിച്ചാൽ, ഉത്തരമായി സിനിമ കാണാൻ പറയും. സത്യം പറഞാൽ The Trip അടുത്ത് കണ്ടതിൽ ഏറ്റവും interesting ആയ ചിത്രമായി മാറുന്നത് ഈ ഒരു ഘടകം കാരണം ആണ്.കുറെയേറെ ട്വിസ്റ്റുകൾ പ്രേക്ഷകൻ പ്രതീക്ഷിക്കുന്നത് ആണെങ്കിലും, ഓരോ കഥാപാത്രവും കഥയിലേക്ക് സംഭാവന ചെയ്യുന്ന സംഭവങ്ങൾ പ്രതീക്ഷയ്ക്ക് അപ്പുറം ആയി തോന്നി.

  

  ഹെവി ആയിരുന്നു ഓരോ കഥാപാത്രവും. ചോരക്കളിയിലൂടെ ചിന്തിപ്പിക്കുന്ന കുറെയേറെ മനുഷ്യർ ആണ് അവരെല്ലാം.അത് കൊണ്ട് തന്നെ പ്രേക്ഷകനും കഥാപാത്രങ്ങളോട് അനുകമ്പയും പക്ഷവും എല്ലാം പിടിക്കാൻ സാധിക്കും.എന്നാലും ഈ ചോരക്കളിയിലൂടെ ഇങ്ങനെ ഒരു സിനിമ അവതരിപ്പിച്ച ടോമി വിർകോലയ്ക്കും പ്രത്യേകം അഭിനന്ദനങ്ങൾ പറയണം.ഈ സിനിമയുടെ കഥ പ്രൊഡ്യൂസറോട് എങ്ങനെ ആയിരിക്കും പറഞ്ഞിട്ടുണ്ടാവുക എന്ന് കേൾക്കാൻ സാധിച്ചാൽ രസകരം ആയിരിക്കും.

  

  കഥയിൽ പ്രത്യേകിച്ച് പുതുമ ഇല്ലാ എങ്കിലും, സ്ഥിരം ഒരു ഹോം ഇൻവേഷൻ സിനിമ എന്നതിൽ നിന്ന് പോലും ഇത്രയും വ്യത്യസ്തമായ അവതരണ രീതിയിലൂടെ പ്രേക്ഷകൻ എന്ന നിലയിൽ ഈ ചിത്രം നല്ലത് എന്നെ പോലെ രസിപ്പിച്ചു. 

  

   സമയം ഉണ്ടെങ്കിൽ തീർച്ചയായും കണ്ടോളൂ. പലർക്കും ഇഷ്ടമാകും. ചോരക്കളി ഉള്ളത് കൊണ്ട് കുട്ടികളുടെ ഒപ്പം ഇരുന്നു കാണുന്നത് ശ്രദ്ധിക്കുക.

Genre: Action, Comedy, Thriller

 @mhviews rating: 3.5/4

 For link, visit @mhviews1 from Telegram search.

1423. King Richard (English, 2021)

 

1423. King Richard (English, 2021)

           Streaming on HBO Max

    

     Wow!Wow!Wow! സിനിമ കണ്ടു കഴിഞ്ഞപ്പോൾ ഇങ്ങനെ ഒരു വികാരം ആണ് തോന്നിയത്. ടെന്നീസിലെ വിപ്ലവം ആയിരുന്നു വീനസ്- സെറീന വില്യംസ് സഹോദരിമാരുടെ പ്രതാപക്കാലം. വെള്ളക്കാരുടെ മാത്രം കളികളിൽ ഒന്നായിരുന്ന ടെന്നീസ് ലോകത്തിലേക്ക്‌ അവരുടെ കടന്നു വരവും അതിനു ശേഷം അവർ ടെന്നീസ് കളിക്കളത്തിൽ പുലർത്തിയ മേധാവിത്തം. ടെന്നീസ് ചരിത്രത്തിലെ ഇതിഹാസങ്ങൾ ആണ് വില്യംസ് സഹോദരിമാർ.ലോകത്തിലെ മികച്ച ടെന്നീസ് കളിക്കാരികൾ ആയി അവർ മാറാൻ കാരണക്കാരനായ ഒരാൾ ഉണ്ടായിരുന്നു.

  തന്റെ മക്കളുടെ കഴിവിൽ വിശ്വസിക്കുകയും,അവരുടെ ജീവിതം ഗെ5റ്റോയിലെ സാധാരണ പെണ്കുട്ടികളെ പോലെ മയക്കുമരുന്നിലും മറ്റും തീരുകയും ചെയ്യരുത് എന്നുള്ള വാശിയോടെ പൊരുതിയ ഒരു പിതാവ്. വർണ വിവേചനത്തിന്റെ ക്രൂരതകൾ ഏറ്റു വാങ്ങിയ ബാല്യം ഉള്ള ഒരു സാധാരണ ആഫ്രിക്കൻ- അമേരിക്കൻ. എന്നാൽ അയാളുടെ ഉള്ളിൽ ഒരു തീ ഉണ്ടായിരുന്നു, അയാളുടെ താല്പര്യങ്ങൾക്ക് അനുസരിച്ചു കാര്യങ്ങളെ നിയന്ത്രിക്കാൻ കഴിവുള്ള തീ. അയാളുടെ പേരാണ് റിച്ചാർഡ് വില്യംസ്.വില്യംസ് സഹോദരിമാരുടെ തുടക്ക കാലത്തു ധാരാളം വിമർശനങ്ങൾ ഏറ്റു വാങ്ങിയ ആളായിരുന്നു. പൊതുവായി ടെന്നീസ് ലോകത്തിൽ അനുവർത്തിച്ചു വരുന്ന രീതികളിൽ നിന്നും വ്യത്യസ്തമായി അയാൾക്ക്‌ ഒരു പ്ലാൻ ഉണ്ടായിരുന്നു.ഒരു പക്ഷെ അതിലെ ഭൂരിഭാഗം അല്ലെങ്കിൽ മുഴുവൻ കാര്യങ്ങളും അയാൾ യാഥാർഥ്യമാക്കി മാറ്റുകയും ചെയ്തു.

 ഒരു സ്പോർട്സ് സിനിമ എന്ന നിലയിൽ ഉള്ള ക്ളീഷേ എല്ലാം തന്നെ ഉണ്ട്.പക്ഷെ യഥാർത്ഥ സംഭവങ്ങളെ ആധാരമാക്കി, മുൻപ് വീഡിയോയിൽ പകർത്തിയത് എല്ലാം സിനിമയിൽ അതേ പോലെ ഷൂട്ട് ചെയ്തു അവതരിപ്പിച്ചിട്ടും ഉണ്ട്. സ്പോർട്സ് സിനിമയിലെ ക്ളീഷേ ആണ് കഥയിലെ മുഖ്യ ടീം/ കളിക്കാരൻ (രി) സിനിമയുടെ അവസാനം വിജയി ആകുന്നത്. ഇവിടെ റിച്ചാർഡ് വില്യമിന്റെ വിജയത്തിന്റെ കഥ ആണ്.അയാൾ നേരിട്ട ആത്മസംഘര്ഷങ്ങൾ, തന്റെ ലക്ഷ്യത്തിനു വേണ്ടി ഉള്ള കാത്തിരുപ്പുകൾ, അതിനു ശേഷമുള്ള ഉചിതമായ തീരുമാനങ്ങൾ, അങ്ങനെ പല ഘടകങ്ങൾ ഉണ്ട് അയാൾ അയാൾ തന്റെ രണ്ട് മക്കളുടെഒപ്പം നടത്തിയ യാത്രയ്ക്ക്.

  സിനിമ വില്യംസ് സഹോദരിമാരുടെ വിജയഗാഥയിലേക്കു അധികം പോകാതെ റിച്ചാർഡ് വില്യംസിലേക്കു പോയത് കൊണ്ടു തന്നെ വില സ്മിത്തിന് മികച്ച ഒരു വേഷം തന്നെ ലഭിച്ചു. ഒട്ടും അതിശയോക്തി ഇല്ലാതെ തന്നെ പറയാം, ഈ വർഷത്തെ ഏറ്റവും മികച്ച സിനിമ പ്രകടനം എന്നു.ഒരു പക്ഷെ എല്ലാവർക്കും പരിചിതമായ കഥ ആയിരുന്നിട് കൂടി, മികച്ച രീതിയിൽ അവതരിപ്പിക്കുക വഴി സിനിമ കൂടുതൽ ആസ്വാദ്യകരമാക്കി മാറ്റുകയും ചെയ്തു.

  ഒരു പ്രേക്ഷകന് എന്ന നിലയിൽ വളരെ സംതൃപ്തി നൽകിയ ചിത്രമാണ് King Richard.  സിനിമയിൽ അദ്ദേഹത്തിനെ കുറിച്ചുള്ള ആരോപണങ്ങൾക്ക് മറ്റൊരു മുഖം നൽകി എന്നാണ് വിമർശകർ പറയുന്നത്.പ്രത്യേകിച്ചും അയൽക്കാരും അയാളുടെ ഗെറ്റോയിലെ ഗ്യാങ്ങുകളും തുടക്ക കാലത്ത് അയാളോടുള്ള എതിർപ്പുകളെ അതി ജീവിക്കുന്ന സീനുകൾ ഒക്കെ അത്തരം ഒരു തോന്നൽ ഉണ്ടാക്കിയേക്കാം. എന്നാൽ അതിന്റെ എല്ലാ അവസാന ഫലം ഒരു വലിയ പ്രതീക്ഷ ആയി മാറി, അതു  പിന്നീട് ചരിത്രമായി മാറി എന്നതാണ് സത്യം.

 മികച്ച ഒരു ബയോ പിക് ആണ് King Richard എന്നാണ് അഭിപ്രായം. തീർച്ചയായും കാണുക. മികച്ച പശ്ചാത്തല സംഗീതം, അഭിനയം, സംഭാഷങ്ങൾ എനിവയെല്ലാം സിനിമയുടെ മികച്ച അഭിപ്രായങ്ങൾക്ക് പിന്നിൽ .

mhviews rating : 4/4

1422. Home Sweet Home Alone (English, 2021)

 

1422. Home Sweet Home Alone (English, 2021)

           Adventure, Comedy

          Streaming on Disney+

  VHS/ VCR ന്റെ കാലത്തു തൊണ്ണൂറുകളിൽ Home Alone ഒരു തരംഗം ആയിരുന്നു. അന്നത്തെ സമയം വൻ കളക്ഷൻ നേടിയ ചിത്രം ധാരാളം പ്രാവശ്യം വി സി ആറിൽ കാസറ്റ് ഇട്ടു കാണുമായിരുന്നു.ഞാൻ വലിയ ഒരു ഫാൻ ആണ് Home Alone ഫ്രാഞ്ചൈസിയുടെ. മൂന്നു സിനിമ തിയറ്ററിൽ അവതരിപ്പിച്ചതിനു ശേഷം അടുത്ത രണ്ടു ഭാഗങ്ങൾ ടി വി റിലീസ് ആയാണ് വന്നത്.ഓരോ ഭാഗത്തിന് ശേഷവും നിലവാരം കുറയുക ആണ് സിനിമയ്ക്കുണ്ടായത്.

  ആദ്യ ഭാഗത്തിന്റെ അതേ അച്ചിൽ ഉണ്ടാക്കിയ Home Alone ന്റെ ബാക്കി ഭാഗങ്ങൾ ഫാൻസിന്റെ ഉദ്ദേശിച്ചു ആണ് ഉണ്ടാക്കിയത് എന്നു തോന്നിയിട്ടുണ്ട്. Home Alone ഫ്രാഞ്ചൈസി ഡിസ്‌നി ഏറ്റെടുത്തിന് ശേഷം പുതുതായി വന്നതാണ് ആറാം ഭാഗമായ Home Sweet Home Alone.

  ടോക്യോയിലേക്കുള്ള ക്രിസ്മസ് അവധിക്കാല യാത്രയിൽ മകനെ മറന്നു യാത്ര ചെയ്ത കുടുംബം ആണ് ഈ കഥയിലും.ഈ പ്രാവശ്യം മേഴ്‌സർ കുടുംബം ആണ് യാത്ര ചെയ്തത്.അവിടെ ഉള്ള ആർച്ചി ആണ് ഈ പ്രാവശ്യം കുടുംബത്തോടൊപ്പം യാത്ര ചെയ്യാൻ മറന്നത്.ഇതേ സമയം ജെഫ്, പാം എന്നിവർ സാമ്പത്തിക പ്രശ്നങ്ങൾ കാരണം വീട് വിൽക്കാൻ ഉള്ള ഒരുക്കത്തിൽ ആണ്.ആ സമയം ആണ് അവരുടെ കയ്യിൽ വർഷങ്ങളായി ഉള്ള പാവയ്ക്കു അതിന്റെ പ്രത്യേകത കാരണം മാർക്കറ്റിൽ വൻ വില ഉണ്ടെന്നു അവർ മനസ്സിലാക്കുന്നത്. 

  എന്നാൽ ഒരു പ്രശ്നമുണ്ട്.ആ പാവ ആർച്ചിയുടെ കയ്യിൽ ആണ്. അത് വീണ്ടെടുക്കാൻ അവർ പോകുന്നു.അതാണ് കഥ. പഴയ കള്ളന്മാർക്ക് പകരം ഒരു പാവം ഭാര്യയും ഭർത്താവും ഒറ്റയ്ക്കായ കുട്ടിയുടെ വീട്ടിലേക്കു പോകുന്നു. ഇതാണ് സിനിമയുടെ ഏകദേശ കഥ.ബാക്കി എല്ലാം ഊഹിക്കാൻ പറ്റുന്നതും ആണ്. കാലം അനുസരിച്ചുള്ള ടെക്‌നോളജി കാരണം ചെറിയ മാറ്റങ്ങൾ ഒക്കെ പല കാര്യങ്ങളിലും ഉണ്ട്. അതു കൊണ്ട് തന്നെ ഒരു സമയം കഴിഞ്ഞപ്പോൾ സിനിമയിൽ ജെഫ്, പാം എന്നിവർ ഒരു ദുഷ്ടനായ കുട്ടിയുടെ മുന്നിൽ അകപ്പെട്ട പോലെ ആണ് തോന്നിയത്.

  ആദ്യ ഭാഗത്തിന് homage പോലെ ഇടയ്ക്കു കെവിൻ മകാലിസ്റ്ററുടെ സഹോദരൻ ഒക്കെ വന്നു പഴയ റഫറൻസ് നൽകുന്നുണ്ട്. അതൊക്കെ പഴയ സിനിമയും ആയി ബന്ധിപ്പിക്കുമെങ്കിലും വലിയ കാര്യമായി ഒന്നും തോന്നിയില്ല. ഫ്രാഞ്ചൈസിയിലെ സിനിമകൾ ആദ്യ ഭാഗത്തിന് ശേഷം എല്ലാം ക്ളീഷേ ആണെന്ന് പറയാമെങ്കിലും ഇതിനു മുന്നിലത്തെ ഭാഗം ഒഴികെ എല്ലാം ഒരു നോസ്റ്റാള്ജിയയുടെ പുറത്തു കണ്ടു ആസ്വദിച്ചതാണ്. 

  ഈ പ്രാവശ്യത്തെ OTT റിലീസ് ഇഷ്ടപ്പെട്ടോ എന്നു ചോദിച്ചാൽ, ഒന്നും നൽകാൻ ഇല്ലാത്ത അവതരണത്തിൽ പോലും ഒരു രസവും ഇല്ലാത്ത ഒരു സിനിമ ആയി മാറി Home Sweet Home Alone. ഞാൻ സിനിമ മോശം ആണെന്ന് പറയുന്നില്ല.പക്ഷെ കാണാൻ വേണ്ടി എന്തെങ്കിലും ഉണ്ടെന്നു അവകാശപ്പെടുന്നില്ല, ആദ്യ ഭാഗങ്ങളുടെ നൊസ്റ്റാൾജിയ ആരാധകർക്ക് വേണ്ടി അല്ലാതെ.അതേ, ആദ്യ ഭാഗങ്ങളുടെ ആരാധകർ പലരും മുപ്പതുകളിൽ ആയിരിക്കുമല്ലോ ഇപ്പോൾ? ചുമ്മാ കണ്ടു നോക്കൂ

 

 Home Alone ഉം ആയി ഒരു ബന്ധവും ഇല്ലാത്തവർ സ്കിപ് ചെയ്തോളൂ.ഒരു separate പടം എന്ന നിലയിൽ നിരാശ ആണ് ചിത്രം.ഇടയ്ക്കു ഈ സിനിമയിൽ തന്നെ പറയുന്നുണ്ട്, ക്ളാസിക്കുകൾ റീമേക് ചെയ്തു നശിപ്പിക്കുന്നു എന്നു.അതു പോലെ ഒരെണ്ണം ആണ് Home Sweet Home Alone. 

 സിനിമ കണ്ടു കഴിഞ്ഞപ്പോൾ ഒരു ഫ്രാഞ്ചൈസി ഫാൻ എന്ന നിലയിൽ ഉള്ള എന്റെ മുഖ ഭാവം ആണ് പോസ്റ്റിൽ ഉള്ള ഫോട്ടോയിൽ ഉള്ളത്

 @mhviews rating: 2/4

1421. Extraction (English, 2020)

 

1421. Extraction (English, 2020)

           Action

  Netflix ന്റെ ചരിത്രത്തിലെ ഏറ്റവും അധികം കണ്ട സിനിമ എന്ന ഖ്യാതി നേടിയ ചിത്രമാണ് ക്രിസ് ഹെംസ്വർത്‌- രൻദീപ് ഹൂഡ ചിത്രമായ Extraction. സിനിമ ഇറങ്ങിയ സമയത്തു വ്യാപകമായി പ്രശംസ നേടിയപ്പോൾ കേട്ട ഒരു അഭിപ്രായം ആയിരുന്നു ബംഗ്ലാദേശിനെ ഏഷ്യയുടെ മെക്സിക്കോ ആയി വരയ്ക്കാൻ ഉള്ള ശ്രമം എന്ന രീതിയിൽ ഉള്ള വിമർശനങ്ങൾ.ഒരു പക്ഷെ സിനിമയുടെ കളർ ഗ്രെഡിങ് ആയിരിക്കും അങ്ങനെ ഒരു തോന്നൽ ഉണ്ടാക്കാൻ ഉള്ള കാരണം എന്ന് തോന്നുന്നു.

  അതൊക്കെ മാറ്റി വച്ചു സിനിമയിലേക്ക് വന്നാൽ, സിനിമ ഇറങ്ങിയ സമയത്തു കണ്ടത് ആണെങ്കിലും ഇന്നലെ അപ്രതീക്ഷിതമായി വീണ്ടും ഒന്നു കൂടി കണ്ടപ്പോൾ സിനിമയെ കുറിച്ചു എഴുതണം എന്നു തോന്നി. സിനിമ ഏറ്റവും കൂടുതൽ ആകർഷിച്ചത് ആക്ഷൻ സീനുകൾ ആയിരുന്നു.  ഒരു ബ്ളാക് മാർക്കറ്റ് mercenary ആയ ടൈലർ ഒരു അവസരത്തിൽ തന്റെ ജീവനും ഒപ്പം തന്റെ കൂടെ ഉള്ള ഇന്ത്യൻ പയ്യനെയും രക്ഷിക്കാൻ ആയുള്ള ശ്രമത്തിൽ ആണ്.

 അധോലോകത്തിൽ നടക്കുന്ന ചില പോരുകൾ കുടുംബങ്ങളിലേക്ക് തിരിയുമ്പോൾ അതു വൻ സംഘർഷങ്ങൾ ആയി മാറുന്നു.ചിത്രത്തിൽ അവതരിപ്പിക്കുന്നത് ഒവി എന്ന ഇന്ത്യൻ അധോലക നായകന്റെ മകന് വേണ്ടി ധാക്ക കത്തി എരിയുന്നതാണ്. ഹോളിവുഡ് സിനിമകളിൽ സ്ഥിരം ആയി മെക്സിക്കോ അല്ലെങ്കിൽ സൗത്ത് അമേരിക്കയിലെ രാജ്യങ്ങളിൽ കാണുന്നത് പോലെ ഉള്ള ഒരു കത്തിക്കൽ. 

  ചിത്രം മുഴുവനും അടി, വെടി, പുക എന്ന ഫോർമുല ആണ് ഉപയോഗിച്ചിരിക്കുന്നത്.ഉള്ളത് പറയാമല്ലോ, ഈ രംഗങ്ങൾ എല്ലാം മികച്ചു തന്നെ നിന്നൂ.ഓരോ അഞ്ചു മിനിട്ടിലും എന്തെങ്കിലും ആക്ഷൻ രംഗങ്ങൾ ചിത്രത്തിൽ ഉണ്ടാകും. ആക്ഷൻ രംഗങ്ങളിൽ ഉള്ള മികവ് തന്നെ ആണ് സിനിമയുടെ ബലവും.കഥയിൽ ഒന്നും പുതുമ ഇല്ലെങ്കിലും ഈ ഒരു ഫാക്റ്ററിൽ ആണ് സിനിമ ലോകം എമ്പാടും ആരാധകരെ സൃഷ്ടിച്ചതും.

  Extraction കാണാത്തവർ ആയി അധികം ആളുകൾ ഉണ്ടെന്നു തോന്നുന്നില്ല. ഏഷ്യയിലെ മൂന്നാം ലോക രാഷ്ട്രങ്ങൾ എന്നു വിളിക്കുന്ന ഇന്ത്യയും ബംഗ്ലാദേശും വരുമ്പോൾ പൊതുവായി ഈ രാജ്യങ്ങളെ കുറിച്ചുള്ള പണ്ട് മുതൽ ഉള്ള അമേരിക്കൻ കാഴ്ചപ്പാടിൽ ഒന്നും വ്യത്യാസം ഇല്ല. ചേരികളും ഇരുണ്ട ക്രിമിനൽ പശ്ചാത്തലം ഉള്ള ആളുകളും ഒക്കെ ആയി ആ രീതിയിൽ തന്നെ കാണിച്ചിട്ടും ഉണ്ട് ചിത്രത്തിൽ. 

  എന്നാൽ കൂടിയും ആക്ഷൻ സിനിമ എന്ന നിലയിൽ നല്ലതു പോലെ ഇഷ്ടപ്പെട്ട ചിത്രമാണ് Extraction.മറിച്ച് ഉള്ള അഭിപ്രായങ്ങളെയും മാനിക്കുന്നു. Prejudiced ആയി judgemental ആയുള്ള മാനസികാവസ്ഥ തന്നെ ആണ് സിനിമ ഉണ്ടാക്കിയവർക്കും ഉണ്ടായിരുന്നത് എന്ന വസ്തുത നിലനിൽക്കുന്നു.

 @mhviews rating: 3/4

1420. Red Notice (English, 2021)

 

1420. Red Notice (English, 2021)

           Action, Comedy

           Streaming on Netflix

  Red Notice നെ കുറിച്ചുള്ള ആദ്യ മലയാളി ഫേസ്ബുക് അഭിപ്രായങ്ങളിൽ പലതും സിനിമ പോര എന്നായിരുന്നു. അതു കൊണ്ടു തന്നെ തൽക്കാലം സ്കിപ് ചെയ്യാം എന്നാണ് കരുതിയിരുന്നത്. എന്നാൽ ഞാൻ ജോലി ചെയ്യുന്ന സ്ഥലത്തും റേഡിയോയിലും എല്ലാം സിനിമയെ കുറിച്ചു നല്ല അഭിപ്രായങ്ങൾ ആണ് കേട്ടത്. Funny, quirky, fun-packed movie to watch with family എന്നൊക്കെ ഉള്ള അഭിപ്രായങ്ങൾ കാരണം ആണ് ഒന്നു കണ്ടു നോക്കാം എന്നു കരുതിയത്.

  എന്തായാലും സിനിമ കണ്ടപ്പോൾ ആദ്യം കേട്ട അഭിപ്രായങ്ങളിൽ നിന്നും രണ്ടാമത് കേട്ട അഭിപ്രായങ്ങളോട് ആണ് എന്റെ സിനിമ ടേസ്റ്റ് ചേർന്നു പോകുന്നത് എന്നു മനസ്സിലായി.കാരണം പടം നല്ലതു പോലെ ഇഷ്ടപ്പെട്ടു എന്നത് തന്നെ.ഒരു ക്ളീഷേ heist മൂവി എന്നൊക്കെ പറഞ്ഞാലും സിനിമയുടെ താര നിര തന്നെ ആയിരുന്നു ഹൈലൈറ്റ്.സെന്റി അടിക്കുന്ന റോക്കും, ഇടയ്ക്കു സ്വതസിദ്ധമായ കോമഡിയിലൂടെ റയാനും എല്ലാം നന്നായി തോന്നി. റഷ്യൻ ജയിലിലെ എസ്കേപ് സീനിൽ ചോപ്പർ സീൻ ഒക്കെ നന്നായി ചിരിപ്പിച്ചു.

  ഓക്കേ. റിയാലിറ്റി ആയി ഒന്നും ഒരു ബന്ധവും ഇല്ലാത്ത സിനിമ ആണ് Red Notice. പക്ഷെ ചിരിപ്പിക്കാൻ സാധിച്ചു, ആക്ഷൻ രംഗങ്ങളും നന്നായിരുന്നു. ഒരു adventurous- fantasy- action- comedy എന്നൊക്കെ പറഞ്ഞാലും കുഴപ്പമില്ല എന്നു തോന്നുന്നു. വെറുതെ ഒരു ടൈംപാസ് മൂവി എന്ന നിലയിലും കണ്ടിരിക്കാം. സിനിമയുടെ ജോൻറെയിൽ നിന്നും എന്തായാലും ഈ പറഞ്ഞ റിയാലിറ്റി ഒന്നും പ്രതീക്ഷിച്ചില്ലയിരുന്നു എന്നതാണ് സത്യം.

  ക്ലിയോപാട്രയുടെ ശേഖരത്തിൽ ഉള്ള വിലമതിക്കാനാകാത്ത 3 സ്വർണ മുട്ടകൾ കണ്ടെത്തി അവ മോഷ്ടിക്കാൻ ഉള്ള ലോകത്തിലെ മികച്ച Art thief ആരാണെന്നു കണ്ടെത്താൻ ഉള്ള 2 പ്രശസ്ത മോഷ്ടാക്കളുടെ ശ്രമങ്ങൾ ആണ് ചിത്രത്തിൽ ഉള്ളത്.ഒരു പരിധി വരെ എങ്കിലും predictable ആയ ട്വിസ്റ്റുകളും സസ്പെന്സും ആണ് ചിത്രം നൽകിയത്. ഇതൊക്കെ ആയിരിക്കാം ചിലരെ എങ്കിലും സിനിമയോട് connect ചെയ്യാതിരിക്കൻ ഉള്ള കാരണം.

  പക്ഷെ നേരത്തെ പറഞ്ഞതു പോലെ ടൈം പാസ് ആയി കണ്ടു കുറച്ചു നേരം എൻജോയ് ചെയ്യാൻ ഉള്ളതെല്ലാം സിനിമയിൽ ഉണ്ടെന്നുള്ള അഭിപ്രായം ആണ് സിനിമ കണ്ടതിനു ശേഷം ഉണ്ടായത്.

 @mhviews rating: 2.5/4

1419. Kate (English, 2021)

 

1419. Kate (English, 2021)

Action

Streaming on Netflix

   സ്ത്രീ കഥാപാത്രങ്ങൾ ആക്ഷൻ റോൾ ചെയ്യുന്ന ചിത്രങ്ങളുടെ ആരാധകർക്ക് വേണ്ടിയുള്ള ഒരു സിനിമ ആണ് Kate. കഥയൊക്കെ ക്ളീഷേ ആയി തോന്നാമെങ്കിലും മികച്ച ആക്ഷനും, ചടുലമായ അവതരണ രീതിയും ആണ് Kate എന്ന സിനിമയുടെ മുഖ്യ ആകർഷണം. സിനിമയുടെ പേര് ആണ് മുഖ്യ കഥാപാത്രത്തെ അവതരിപ്പിക്കുന്ന മേരി എലിസബത്തിന് നൽകിയിരിക്കുന്നത്.അനാഥയായ കേറ്റിനെ V എന്ന അപരനാമത്തിൽ ഉള്ള ഒരാൾ (Woody Harrelson) വളർത്തുന്നു.അയാൾ അവളുടെ അമ്മയും, അച്ഛനും, മെന്ററും, തെറാപ്പിസ്റ്റും എല്ലാം ആയി മാറി.അയാൾ അവളെ ട്രെയിൻ ചെയ്തു വാടക കൊലയാളി ആക്കുന്നു. 

  കേറ്റ് ഈ സമയം ആണ് സ്വന്തമായി ഒരു ജീവിതം വേണം അതു കൊണ്ടു അവൾ അവസാന ഒരു കൊലപാതകം കൂടി നടത്താൻ തീരുമാനിക്കുന്നു.എന്നാൽ അവളുടെ കണക്കു കൂട്ടൽ എല്ലാം അവിടെ തെറ്റുകയാണ്. കഥ ധാരാളം സിനിമകളിൽ കണ്ടിട്ടുള്ളത് തന്നെ അല്ലെ?അതേ, സ്ഥിരം കഥ.

 പക്ഷെ എന്നെ ആകർഷിച്ചത് ജാപ്പനീസ് പശ്ചാത്തലത്തിൽ യക്കൂസ ക്ലബുകൾ കൂടി ഈ കഥയിൽ വരുകയും അവരുടെ പോപ്പ് കൾച്ചർ നല്ല രീതിയിൽ ഇന്ജെക്റ്റ് ചെയ്തതും ആണ്. അതു കൂടാതെ സ്ത്രീ കഥാപാത്രം മുഖ്യമായി വരുന്നത് കൊണ്ടു തന്നെ അതിൽ ഉപയോഗിച്ച പിങ്ക് കളറിന്റെ ഭംഗിയും ആണ്. സിനിമയിൽ ഒരു  ചേസിംഗ് സീനിൽ കേറ്റ് ഡ്രൈവ് ചെയ്തു പോകുന്ന കാർ ഉണ്ട്.പിങ്ക് കളർ ലൈറ്റിൽ പോപ്പ് മ്യൂസിക്കും ആയി. ഒരു ഗെയിം കാണുന്ന പ്രതീതി ആയിരുന്നു.ഇങ്ങനെ ഫ്രെയിമുകളിൽ പലതിലും നല്ല ഭംഗി തോന്നി.

 പിന്നെ ആക്ഷൻ രംഗങ്ങൾ, ക്ളൈമാക്‌സ് ക്ളീഷേ ആണെങ്കിലും അതിൽ ഉള്ള ഇമോഷണൽ രംഗം എല്ലാം നന്നായി തോന്നി.പ്രത്യേകിച്ചു കേറ്റും അനിയും ആയുള്ള സൗഹൃദം, അതുണ്ടായ സമയം ഒക്കെ കൂടി സിനിമയ്ക്ക് ക്ളീഷേ കഥയിൽ ആണെങ്കിൽ പോലും നല്ല ഒരു impact ഉണ്ടാക്കാൻ സാധിച്ചു.

  വലിയ ഒരു സംഭവം ആണെന്നൊന്നും പറയുന്നില്ല.എന്നാൽ കൂടിയും ആക്ഷൻ സിനിമകളുടെ ഫാൻസിനെ തൃപ്തിപ്പെടുത്താൻ ഉള്ള എല്ലാ ഘടകങ്ങളും സിനിമയിൽ ഉണ്ട്. 

@mhviews rating: 3/4

1418. Kankam Kamini Kalaham (Malayalam, 2021)

 

1418. Kankam Kamini Kalaham (Malayalam, 2021)

   തമാശ പടം ആണോ എന്ന് ചോദിച്ചാൽ ഇതിൽ എവിടെ ആണ് തമാശ എന്നു തിരിച്ചു ചോദിക്കേണ്ടി വരും കനകം കാമിനി കലഹം സിനിമ കണ്ടാൽ.സിനിമയുടെ പേരിൽ തന്നെ ഉണ്ട് കഥ.കനകം-കാമിനി-കലഹം. സിനിമയിൽ കണ്ട ഏറ്റവും മികച്ച ക്രിയേറ്റിവിറ്റി ഈ പേരിടൽ ആണ്.

   പ്രിയദർശന്റെ പഴയകാല സിനിമകളിൽ ഉള്ള confusion-lead-scenario ആണ് ഈ ചിത്രത്തിൽ ഉള്ളത്.ചെറിയ ഒരു ഉടായിപ്പ് കാണിക്കാൻ തീരുമാനിച്ച പവിത്രൻ എന്ന ജൂനിയർ ആർട്ടിസ്റ്റ് അയാളുടെ ഭാര്യ ആയ സീരിയൽ നടി ഹരിപ്രിയയും ആയി ഒരു യാത്ര പോകുന്നു.അവർ താമസിക്കുന്നത് ഹിൽ ടോപ്പ് എന്ന ഹോട്ടലിൽ ആണ്.

    ഭ്രാന്തന്മാർ എന്നു വിളിക്കാൻ പറ്റിയ തരത്തിൽ ഉള്ള വ്യത്യസ്തരായ നാടക നടന്മാരെ പോലെ ഉള്ള ഒരു കൂട്ടം കഥാപാത്രങ്ങൾ ആണ് അവിടെ ഉള്ളത്.അവരും ആയി പവിത്രനും ഹരിപ്രിയയ്ക്കും ചില കാരണങ്ങൾ കൊണ്ട് ഏറ്റുമുട്ടേണ്ടി വരുന്നു. സിനിമയുടെ കഥ ഇത്രയേ ഉള്ളൂ.പിന്നീടുള്ള സംഭാഷണ- സംഭവങ്ങളിലൂടെ ആണ് സിനിമ സഞ്ചരിക്കുന്നത്.നേരത്തെ പറഞ്ഞ പ്രിയദർശന്റെ പഴയ സിനിമകളിലെ പോലെ.പക്ഷെ ഒരു പ്രശ്നം ഇവിടെയുണ്ട്.അവർ തമാശ ആണ് ഉദ്ദേശിച്ചതെങ്കിൽ ചില ഭാഗങ്ങൾ ഒന്ന് ചെറുതായി ചിരിപ്പിച്ചത് ഒഴികെ ഒന്നും ഏറ്റില്ല എന്നു പറയേണ്ടി വരും.ഈ സിനിമയിലെ സംഭവങ്ങൾ പലതും ഒരു നാടകം കാണുന്നത് പോലെ ഉള്ള പ്രതീതി ആണ് ഉണ്ടാക്കുന്നത്.

   ഇടയ്ക്കുള്ള ഗ്രേസ്- വിൻസി- ജാഫർ ഇടുക്കി എന്നിവരുടെ പ്രകടനം ആയിരുന്നു അൽപ്പം മെച്ചം.എന്നാൽ അതിലും ജാഫർ ഇടയ്ക്കു വെറുപ്പിക്കുന്നും ഉണ്ടായിരുന്നു.പിന്നെ ആ ഒരു കഥാപാത്രം ഒരു വെള്ളമടി ടീം ആയതു കൊണ്ട് അങ്ങനെ പെരുമാറാനും സാധ്യത ഉണ്ടെന്നാണ് തോന്നുന്നത്.

   എനിക്ക് മനസ്സിലാക്കാൻ പറ്റാത്ത ഒരു കാര്യം അത്യാവശ്യം കൊമേർഷ്യൽ വാല്യു ഉള്ള നിവിൻ പോളി ഈ സിനിമയുടെ പ്രൊഡ്യൂസർ- നായകനായി എങ്ങനെ മാറി എന്നതിലാണ്. ചിലപ്പോൾ OTT യുടെ സാധ്യതകൾ അയാളുടെ കൊമേർഷ്യൽ വാല്യുവുമായി കൂടി ചേർത്തപ്പോൾ ഉള്ള ബിസിനസ് ആയിരിക്കും കാരണം. 

    ഇനി ഇതിനൊക്കെ ഒരു മറു വശം കൂടി കാണുമായിരിക്കും.മികച്ച സിനിമ എന്നു അഭിപ്രായം ഉള്ളവർ ഉണ്ടാകാം. എന്നാൽ എനിക്ക് തീരെ ഇഷ്ടപ്പെട്ടില്ല. 

Streaming on Hotstar

@mhviews rating: 1.5/4