1312. 13 Hours: The Secret Soldiers of Benghazi (English, 2016)
Action, Thriller.
ചില സിനിമ തിയറ്ററിൽ നിന്നും കാണാത്തത്തിൽ നിരാശ തോന്നാറില്ലേ?അതു പോലെ ഇഷ്ട സംവിധായകന്റെ സിനിമ ആയിട്ടു പോലും കാണാതെ ഇരിക്കുകയും പിന്നീട് വളരെ താമസിച്ചു കാണുമ്പോൾ ഇതു വരെ കാണാൻ ശ്രമിക്കാത്തത്തിൽ ഒരു നിരാശയും?അങ്ങനെ ഒരു അനുഭവം ആണ് 13 Hours: The Secret Soldiers of Benghazi കണ്ടപ്പോൾ തോന്നിയത്.
സിനിമ ഇറങ്ങിയ സമയം കാണാതെ ഇരുന്നതിനുള്ള കാരണം അന്ന് സിനിമയെ കുറിച്ചു വന്ന ചില വിവാദങ്ങൾ ആയിരുന്നു.മൈക്കൽ ബേയുടെ സിനിമയിൽ ഉള്ള രാഷ്ട്രീയത്തെ കുറിച്ചുള്ള വിവാദങ്ങൾ ഉണ്ടായിരുന്നു.എന്നാൽ മിച്ചൽ സക്കോഫിന്റെ നോവലിലെ രാഷ്ട്രീയം നോക്കാതെ ഒരു ആക്ഷൻ ചിത്രമാണ് ഉദ്ദേശിച്ചത് എന്നുള്ള സിനിമ ടീമിന്റെ വാദങ്ങൾ വന്നിരുന്നു.
എന്നാലും ഒരു propoganda സിനിമ എന്ന ചീത്ത പേര് ഉണ്ടായിരുന്നു ഈ ചിത്രത്തിന്.അതിനൊപ്പം മിലിറ്ററിയുടെ സഹായം കിട്ടാത്തതും, ഫ്രഞ്ച് ആർമിയുടെ സപ്പോർട്ട് കിട്ടാത്തതും തുടങ്ങി അവിടെ ഉണ്ടായിരുന്ന contract സെക്യൂരിറ്റിയോട് stand down ഓർഡർ കൊടുത്തത് ഒക്കെ വിഷയമായി. മൈക്കൽ ബേയുടെ ഏറ്റവും കുറവ് ലാഭം കിട്ടിയ ചിത്രമായി ബംഗാസി മാറി.Historical Accuracy പ്രശ്നവുമായിരുന്നു.
അതെന്തെങ്കിലും ആകട്ടെ. ആ ഒരു ഭാഗം മാറ്റി വച്ചു ഒരു ആക്ഷൻ ചിത്രമായി കണ്ടാൽ മികച്ച ആക്ഷൻ/ത്രില്ലർ ചിത്രങ്ങളുടെ ഇടയിൽ സ്ഥാനം ഉണ്ടാകും 13 Hours: The Secret Soldiers of Benghazi യ്ക്ക് എന്ന അഭിപ്രായം ആണ് കണ്ടു തീർന്നപ്പോൾ ഉണ്ടായത്.
ലിബിയയിൽ ഗദാഫിയുടെ ഭരണം അവസാനിപ്പിച്ച അമേരിക്ക, അവിടെയുള്ള അവസാന ചില ദൗത്യങ്ങൾക്കായി ഒരു ടീമിനെ അയക്കുന്നു.പ്രത്യേകിച്ചും ആയുധങ്ങളുമായി സംബന്ധിച്ച കാര്യങ്ങൾ ആണ് അവിടെ നടന്നത്.എന്നാൽ ഒരു പ്രത്യേക സാഹചര്യത്തിൽ അവിടെ ഉള്ളവർക്ക് ആക്രമണങ്ങൾ നേരിടേണ്ടി വന്നു.അതും സഹായം കിട്ടാതെ അവർ അകപ്പെട്ടു പോയി.ആ സമയം അവിടെ contract സെക്യൂരിറ്റി ആയി വന്ന 6 പേർ ആ സാഹചര്യത്തെ നേരിടാൻ ഒരുങ്ങി.അതിന്റെ കഥയാണ് 13 Hours: The Secret Soldiers of Benghazi പറയുന്നത്.
ഒരു വീഡിയോ ഗെയിം കളിക്കുന്ന പോലെ ആണ് ചിത്രം കണ്ടപ്പോൾ തോന്നിയത്.മൈക്കൾ ബേയുടെ ചിത്രങ്ങളുടെ ലൗഡ് ആയുള്ള അവതരണം കൂടി ആയപ്പോൾ സിനിമയുടെ ടെക്നിക്കൽ സൈഡ് മികച്ചതായി മാറി.ജെയിംസ് ഡേലിന്റെ റോണ് എന്ന കഥാപാത്രം നല്ല ഇഷ്ടമായി.അതു പോലെ ആ ടീമിൽ ഉണ്ടായിരുന്ന എല്ലാവരും മികച്ചതായി തന്നെ തോന്നി.
നേരത്തെ പറഞ്ഞ ഗെയിം പോലെ ത്രിൽ അടിപ്പിക്കുന്ന അവതരണം നല്ലതു പോലെ ഇഷ്ടമായി.ഇനി ആദ്യം പറഞ്ഞു വനത്തിലേക്ക് തിരിച്ചു പോകാൻ.Historical Accuracy പ്രശ്നം ഇല്ല എന്നു തോന്നുകയും അതൊക്കെ മാറ്റി വച്ചു ഒരു ആക്ഷൻ ത്രില്ലർ സിനിമ ആയി മാത്രം സമീപിക്കുക ആണെങ്കിൽ മികച്ച ഒരു ദൃശ്യാനുഭവം ആകും 13 Hours: The Secret Soldiers of Benghazi .
Personally, നല്ല പോലെ ഇഷ്ടമായി ചിത്രം.
Netflix ൽ സിനിമ ലഭ്യമാണ്.2 മണിക്കൂറിൽ കൂടുതൽ ഉള്ള സിനിമ ഒറ്റ ഇരുപോയന് ബോറടിക്കാതെ കണ്ടു തീർത്തൂ.
More movie suggestions and link available at www.movieholicviews.blogspot.ca
Telegram Channel link: t.me/mhviews
നേരത്തെ പറഞ്ഞ ഗെയിം പോലെ ത്രിൽ അടിപ്പിക്കുന്ന അവതരണം
ReplyDelete