1311. Okay Madam (Korean, 2020)
Comedy, Action
ആക്ഷൻ-കോമഡി വിഭാഗത്തിൽ വരുന്ന കൊറിയൻ സിനിമകൾ അവിടത്തെ കൊമേർഷ്യൽ സിനിമകളിൽ നല്ല സ്വാധീനം ഉണ്ടാക്കാറുണ്ട്.ലോകത്തു എവിടെ നോക്കിയാലും കുടുംബ സിനിമകൾ എന്ന വിഭാഗത്തിലെ ജനപ്രിയ വിഭാഗം ഇത്തരം സിനിമകൾ ആണെന്ന് തോന്നുന്നു. Okay Madam അത്തരം ഒരു സിനിമയാണ്.
മാർക്കറ്റിലെ ഒരു ചെറിയ ലോക്കൽ ഭക്ഷണങ്ങളുടെ കട നടത്തുക ആണ് മി-യങ്.അവരുടെ ഭർത്താവ് ഒരു കമ്പ്യൂട്ടർ റിപ്പയർ കട നടത്തുന്നു.ഒരു സാധാരണ കുടുംബം, ദാരിദ്ര്യവും ഒപ്പം ഉണ്ട്.മകളുടെ ആഗ്രഹങ്ങൾ സാധിച്ചു കൊടുക്കാത്തത്തിൽ വിഷമിച്ചിരിക്കുന്ന മാതാപിതാക്കൾ.അങ്ങനെ ഇരിക്കെ അവർക്ക് ഒരു സമ്മാനം അടിച്ചു.ഹവായിലേക്കു ഒരു ട്രിപ്പ്.ട്രിപ്പിനായി ഫ്ളൈറ്റിൽ കയറിയ അവരെ കാത്തിരുന്നത് അപ്രതീക്ഷിതമായ കാര്യങ്ങൾ ആയിരുന്നു.എന്താണ് അവിടെ സംഭവിച്ചത് എന്നാണ് സിനിമയുടെ കഥ.
കുറച്ചു സസ്പെന്സും ട്വിസ്റ്റും അതിലേറെ ആക്ഷനും കോമഡിയും എല്ലാം കൂടി ആദ്യം പറഞ്ഞ പോലത്തെ ചിത്രമാണ് Okay Madam. Wonderful Nightmare, Bestseller, Montage തുടങ്ങിയ സിനിമകളിലൂടെ പരിചിതയായ ജുങ്-ഹ്വാ ആണ് പ്രധാന കഥാപാത്രമായ മി-യങ്ങിനെ അവതരിപ്പിക്കുന്നത്. അവരുടെ എനർജി ആണ് സിനിമയുടെ നട്ടെല്ല് എന്നു പറയുന്നത് തന്നെ.
വിഭജിക്കപ്പെട്ട കൊറിയയുടെ അപ്പുറവും ഇപ്പുറവും ഉള്ള കഥകൾ പല സിനിമകളിലും കണ്ടിരിക്കും.ആ ഒരു വിഷയമായി ബന്ധമുള്ള, എന്നാൽ സങ്കീർണമായ രാഷ്ട്രീയത്തിലേക്ക് ഒന്നും പോകാതെ പ്രേക്ഷകനെ നല്ല പോലെ സന്തോഷിപ്പിക്കുന്ന ഒരു light-watch അനുഭവം നൽകുന്ന സിനിമയാണ് Okay Madam.
More movie suggestions and download link available @www.movieholicviews.blogspot.ca
Telegram download link : t.me/mhviews
കൊള്ളാം ..
ReplyDelete