1755. Parking (Tamil, 2023)

1755. Parking (Tamil, 2023)

         Streaming on Hotstar.

⭐⭐⭐⭐/5

ഇവ വർഷം ഇറങ്ങിയ സിനിമകളിൽ മിസ്സ്‌ ചെയ്യരുത് എന്ന് തോന്നിയ ഒന്നാണ് പാർക്കിങ് എന്ന ചിത്രം.ഈഗോ കാരണം പോരാടുന്ന മനുഷ്യരുടെ കഥകൾ പലപ്പോഴും സിനിമകൾക്ക് പ്രമേയം ആയിട്ടുണ്ട്‌. സാധാരണക്കാരായ രണ്ടു പേർ, ഒരു പക്ഷെ തീരെ ഗൗരവം തോന്നാത്ത ഒരു വിഷയത്തിൽ വഴക്കിടുന്നതും അത് അവരുടെ കയ്യിൽ നിന്നും മുഴുവനായി പോകുന്നതും ആണ് പാർക്കിങ് എന്ന സിനിമയുടെ കഥ.

ഐ റ്റി പ്രഫഷണൽ ആയ ഈശ്വറും സർക്കാർ ഉദ്യോഗസ്ഥനായ ഇളമ്പരുതിയും ഒരു വീടിന്റെ മുകളിലും താഴെയുമായി വാടകയ്ക്ക് താമസിക്കുക ആണ്. ഈശ്വർ ഒരു പുതിയ കാർ വാങ്ങുകയും അതിന്റെ പാർക്കിങ്ങിനെ ചൊല്ലി ഇളമ്പരുതിയും ആയി വഴക്കിടുകയും അത് അവരെ എവിടെ കൊണ്ടെത്തിക്കുന്നു എന്നതാണ് സിനിമയുടെ കഥ.

ചെറിയ ഒരു വിഷയം, സാധാരണക്കാരായ മനുഷ്യർ. എന്നാൽ അവരുടെ ഈഗോയ്ക്ക് പരിധി ഇല്ലായിരുന്നു. അമാനുഷിക കഥാപാത്രങ്ങൾ അല്ലായിരുന്നിട്ടു കൂടി അവരുടെ പരിധിയ്ക്കും അപ്പുറം ആയിരുന്നു അവർ പരസ്പ്പരം പണി കൊടുക്കാൻ ശ്രമിക്കുന്ന പല സംഭവങ്ങളും.അതവരുടെ ജീവിതത്തിന്റെ തന്നെ താളം തെറ്റിക്കുകയും ചെയ്യുന്നു. പലപ്പോഴും അവരുടെ രണ്ടു പേരുടെയും ജീവന് തന്നെ ഭീഷണി ആയി പരസ്പ്പരം മാറുകയും ചെയ്യുന്നു.

പതിയെ തുടങ്ങി, കഥാപാത്രങ്ങൾ പ്രേക്ഷകന് റെജിസ്റ്റർ ആയി കഴിയുന്നത് മുതൽ സിനിമ ത്രില്ലർ മൂഡിലേക്ക് മാറുകയാണ്. ധാർമികത പോലും നോക്കാതെ അവർ പരസ്പ്പരം പോരാടുകയാണ്. ഇടയ്ക്ക് ഒരാൾ താഴ്ന്നു കൊടുക്കാൻ ശ്രമിച്ചാൽ പോലും മറ്റുള്ള ആൾ അപകടകരമായ രീതിയിൽ തന്നെ നിലനിൽക്കുന്ന അവസ്ഥ.

കിടിലം സിനിമ ആയിട്ടാണ് എനിക്ക് തോന്നിയത്. കഴിയുമെങ്കിൽ കാണുക.എം എസ് ഭാസ്‌ക്കർ,ഹരീഷ് കല്യാൺ എന്നിവർ ഈ കഥാപാത്രങ്ങൾക്ക് തികച്ചും യോജിച്ചതായി തോന്നി. കണ്ടു നോക്കുക. സമയം നഷ്ടമാകില്ല.എനിക്ക് നന്നായി ഇഷ്ടപ്പെട്ടൂ.

1754. 12th Fail (Hindi, 2023)

1754. 12th Fail (Hindi, 2023)

         Streaming on Hostar

 ⭐⭐⭐⭐½ /5

  ജീവിതത്തിൽ തോൽക്കുമ്പോൾ മുന്നോട്ടു പോകാനുള്ള ഊർജം എവിടെ നിന്നാകും ലഭിക്കുക? പലർക്കും പല കാര്യങ്ങളും മുന്നിൽ വരും. വിജയിക്കാനുള്ള പ്രചോദനം Restart എന്നാണെങ്കിലോ? അതായത്,നേരിട്ട തോൽവിയെ കുറിച്ച് ഭയക്കാതെ ശ്രമങ്ങൾ വീണ്ടും ശൂന്യതയിൽ നിന്നും തുടങ്ങുക എന്ന സമീപനം.

അനുരാഗ് പതക്കിന്റെ ശ്രദ്ധേയമായ non- ഫിക്ഷൻ പുസ്തകത്തെ ആസ്പദം ആക്കി അവതരിപ്പിച്ച 12th Fail ഈ വർഷത്തെ ഇന്ത്യൻ ചിത്രങ്ങളിൽ മികച്ചത് എന്ന് നിരൂപകർ വാഴ്ത്തിയ ചിത്രമാണ്. കുപ്രസിദ്ധിയാർജിച്ച ചമ്പലിൽ നിന്നും വരുന്ന മനോജ്‌ കുമാർ ശർമ എന്ന യുവാവിന്റെ കഥയാണ് 12th Fail പറയുന്നത്. പരീക്ഷയിൽ കോപ്പി അടിച്ചിട്ടാണെങ്കിലും ജയിക്കാൻ പറയുന്ന അധ്യാപകർ പഠിപ്പിക്കുന്ന സ്കൂളിൽ നിന്നും ജയം നേടേണ്ടത് അങ്ങനെ അല്ല എന്ന് മനോജ്‌ കുമാർ മനസ്സിലാകുന്നിടത്തു നിന്നും ആണ് അയാളുടെ ജീവിതം യൂ പി എസ് സി പരീക്ഷയിലൂടെ ഐ പി എസ് എന്ന മോഹത്തിലേക്കു എത്തിക്കുന്നത്.

അയാൾ അതിലേക്കു എത്തി ചേരുവാൻ നിമിത്തം ആയവർ ധാരാളം ഉണ്ടായിരുന്നിരിക്കാം. എന്നാൽ സ്വന്തം ജീവിതത്തിലൂടെ ആർജിച്ച ഒരു ശക്തി ഉണ്ടായിരുന്നു അയാൾക്ക്‌. ചെറിയ ചെറിയ കാര്യങ്ങളിലൂടെ സ്വന്തം നാടിനെ നന്നാക്കണം എന്ന ദൃഢ നിശ്ചയം. ഒരു പക്ഷെ ഐ പി എസ് ആയില്ലെങ്കിലും അത് നടത്താൻ വേറെ വഴികൾ ഉണ്ടെന്നു ചിന്തിച്ച അയാളുടെ മനസ്സിന്റെ ശക്തി മാത്രം മതി അത്തരം ഒരു കഥാപാത്രത്തെ പ്രേക്ഷകന് ഇഷ്ടപ്പെടാൻ.

ഒരു പക്ഷെ താഴെക്കിടയിൽ നിന്നും പൊങ്ങി വരുന്ന കഥാപാത്രങ്ങൾ സിനിമയിൽ ക്ളീഷേ ആയിരിക്കാം. യഥാർത്ഥ സംഭവങ്ങൾ ആസ്പദം ആക്കി വരുന്ന ചിത്രങ്ങളിൽ പലതിലും കാണുന്ന ആത്മാർത്ഥത ഇതിലും ഉണ്ട്. പ്രേക്ഷകനെ വിക്രാന്ത് മാസേ അവതരിപ്പിച്ച മനോജിലേക്ക് കണക്റ്റ് ചെയ്യുന്നത് അയാൾ പഠനത്തോടൊപ്പം ജീവിക്കാൻ നടത്തിയ ശ്രമങ്ങളും ആണ്.

ക്ലാസിക് ഓൾഡ് സർവൈവൽ സ്റ്റോറി എന്ന് വിളിക്കാം അതിനെ. ഒരു പക്ഷെ ഇന്ത്യയിൽ അനേകം കോടി ജനങ്ങൾക്ക്‌ ഇടയിൽ നിന്നും ഇത്തരത്തിൽ രാകി മിനുക്കി എടുത്ത രത്നങ്ങൾ ആകും പലരും . ഒരു പക്ഷെ വിധു വിനോദ് ചോപ്ര ഇവ കഥാപാത്രത്തെ സാധാരണക്കാരിൽ സാധാരണക്കാരൻ ആയി അവതരിപ്പിച്ചപ്പോഴും അയാളുടെ ജീവിതത്തിലെ ഇത്തരം ഒരു ഘട്ടം വിശ്വസനീയം ആയ രീതിയിൽ പകർത്തിയിട്ടുണ്ട് സ്‌ക്രീനിൽ.

ഇടയ്ക്കൊക്കെ കണ്ണ് നനയിച്ച മികച്ച ഒരു മോട്ടിവേഷണൽ ചിത്രം ആണ് 12th Fail. കണ്ടു തീർന്നപ്പോൾ നല്ല സന്തോഷം ആണ് തോന്നിയത്. സിനിമയുടെ തുടക്കം ഭാഗത്തിൽ വിക്രമാദിത്യൻ എന്ന മലയാള സിനിമയിൽ നിവിൻ പോളി ദുൽക്കറിനെ കണ്ടു മുട്ടുന്നത് പോലെ ഒക്കെ തോന്നിയെങ്കിലും ഇതിൽ മനോജിന്റെ ജീവിതം അത്ര എളുപ്പം അല്ലായിരുന്നു. അയാളുടെ പ്രതികാരവും അങ്ങനെ അല്ലായിരുന്നു.

ഒരു പക്ഷെ ഇത്തരത്തിൽ ഉള്ള മനോജുമാർ ലോകത്തിന്റെ പല ഭാഗങ്ങളിലും കാണുമായിരിക്കും. അവരുടെ ചിന്തകളിലൂടെ ലോകത്തിൽ പല സ്ഥലങ്ങളും നന്നാകുന്നും ഉണ്ടായിരിക്കാം.

1753. Mangalavaaram (Telugu, 2023)

 1753. Mangalavaaram (Telugu, 2023)

        Streaming on Hotstar

⭐⭐⭐½ /5

ഒരു ട്വിസ്റ്റ്!!ദാ വീണ്ടും ട്വിസ്റ്റ്!!ധാ പിന്നെയും ട്വിസ്റ്റ്!!സിനിമയുടെ മൊത്തത്തിൽ ഉള്ള ജോൻറെ എന്താണ് എന്ന് മനസ്സിലാക്കാൻ ശ്രമിക്കുമ്പോൾ ആയിരുന്നു അപ്രതീക്ഷിതമായി ഇതെല്ലാം സ്‌ക്രീനിൽ വരുന്നത്.കാരണം വളരെയധികം ലെയറുകൾ ഉള്ള സിനിമയാണ് മംഗളവാരം എന്ന തെലുങ്ക് ചിത്രം.

ദുരൂഹത നിറഞ്ഞ സംഭവങ്ങളുമായി തുടങ്ങിയ ചിത്രം. ഒരു ഗ്രാമത്തിൽ പ്രത്യേക ദിവസങ്ങളിൽ നടക്കുന്ന കൊലപാതകങ്ങൾ. അതിന്റെ ഇടയ്ക്ക് പ്രണയം ആണോ വയലൻസ് ആണോ അതോ മറ്റെന്തെങ്കിലും ആണോ പറയാൻ ഉദ്ദേശിക്കുന്നത് എന്ന് മനസ്സിലാകാതെ പോയി. കാരണം, ഇവയെല്ലാം സ്‌ക്രീനിൽ ഓരോ സമയത്തും വരുകയാണ്.സിനിമയുടെ കഥ ധാരാളം കഥാപാത്രങ്ങളും ആയി അങ്ങ് നിവർന്നു കിടക്കുകയാണ്. ഇതിന്റെ ഇടയിൽ വരുന്ന കഥാപാത്രങ്ങളെ, അവരുടെ സ്വഭാവം രീതികളെ മനസ്സിലാക്കുവാനും പ്രേക്ഷകൻ കഷ്ടപ്പെടും.

  പിന്നെ സ്‌ക്രീനിൽ അജ്മൽ ഒഴികെ കണ്ടു പരിചയം ഉള്ള മുഖങ്ങൾ ഒന്നും ഇല്ലായിരുന്നു താനും. ഒരു പക്ഷെ ഇങ്ങനത്തെ ഒരു കഥയ്ക്കു കഥാപാത്രങ്ങളായി പുതു മുഖങ്ങൾ വരുന്നത് തന്നെ ആണ് നല്ലത്. അല്ലെങ്കിൽ ഒരു പക്ഷെ മുൻവിധിയോട് കൂടി സിനിമയെ സമീപിച്ചേനെ.

എന്തായാലും പലതരം ചിന്തകളിൽ പോയിക്കൊണ്ടിരുന്ന ഒരു സിനിമ അവസാന ഒരു അര മണിക്കൂറിൽ ട്രാക്കിലേക്ക് ആവുകയും നേരത്തെ പറഞ്ഞ ട്വിസ്റ്റുകളിലൂടെ തരക്കേടില്ലാത്ത സിനിമാനുഭവം ആയി മാറുക ആയിരുന്നു.

കഴിയുമെങ്കിൽ കണ്ടു നോക്കുക. അൽപ്പം ക്ഷമ വേണം എന്തായാലും. കാരണം ഇതിൽ കഥ ആയി പറയാൻ ധാരാളം കാര്യങ്ങൾ ഉണ്ട് എന്നത് തന്നെ.ആ കഥ മനസ്സിലാക്കിയാൽ മാത്രമേ സിനിമയുടെ ക്ലൈമാക്സ്‌ രംഗങ്ങൾ മനസ്സിലാവുകയുള്ളൂ.

1752. Adi (Malayalam, 2023)

1752. Adi (Malayalam, 2023)

         Streaming on Zee5

⭐⭐½ /5

   കല്യാണം കഴിഞ്ഞു വീട്ടിലേക്കു പോകുന്ന വഴിയിൽ വച്ച് സജീവൻ നായർക്കു അടി കിട്ടുകയാണ്. അയാൾക്ക്‌ അന്ന് കിട്ടുന്ന അടി പ്രവാസി ആയ അയാളുടെ ജീവിതത്തെ നല്ലത് പോലെ ബാധിച്ചു. പ്രത്യേകിച്ചും നവ വധുവിനെ മുന്നിൽ വച്ച് അടി കിട്ടിയതിന്റെ നാണക്കേട് ആയിരുന്നു അയാളുടെ ഈഗോയെ ഏറ്റവും അധികം വേദനിപ്പിച്ചത്. എന്നാൽ തിരികെ ഒന്നും ചെയ്യാൻ കഴിവില്ലാത്ത സജീവൻ ഈ സാഹചര്യത്തെ എങ്ങനെ നേരിട്ടൂ എന്നതാണ് അടി എന്ന സിനിമയുടെ ബാക്കി കഥ.

ആഹാനയുടെ ഗീതിക എന്ന കഥാപാത്രം നല്ല ഇറിറ്റേറ്റിങ് ആയി പലപ്പോഴും തോന്നി. സജീവന്റെ ജീവിതം ഗീതിക കൂടി കൂടുതൽ കോംപ്ലക്സ് ആക്കുന്നുണ്ടായിരുന്നു. ഇങ്ങനത്തെ ഒരു കഥയിൽ പ്രതീക്ഷിക്കുന്ന ക്ളീഷേ ക്ലൈമാക്സ്‌ അല്ല ഇവിടെ ഉള്ളത്.പക്ഷെ എന്നേ സംബന്ധിച്ച് ക്ലൈമാക്സ്‌ തൃപ്തികരം ആയി തോന്നിയില്ല. ക്ളീഷേ ക്ലൈമാക്സ്‌ ആയി വന്നില്ല എന്ന് സമ്മതിക്കുന്നുവെങ്കിലും അത് പ്രേക്ഷകൻ എന്ന നിലയിൽ എനിക്ക് ഇഷ്ടപ്പെട്ടില്ല.

പിന്നെ ഇത്തരം ഒരു കഥക്കു കുറച്ചു കൂടി ത്രിൽ അടിപ്പിക്കാൻ ഉള്ള സാഹചര്യം ഉണ്ടാക്കാമായിരുന്നിട്ടു കൂടി അതിനു ശ്രമിച്ചതായി തോന്നിയില്ല. തരക്കേടില്ലാത്ത അവറേജ് സിനിമ എന്ന് പറയാം 'അടി' യെക്കുറിച്ച്.

1751.Sajini Shinde Ka Viral Video (Hindi, 2023)

1751.Sajini Shinde Ka Viral Video (Hindi, 2023)

Streaming on Netflix

⭐⭐⭐/5

   ക്രൈം നടന്നിട്ടുണ്ടോ ഇല്ലയോ എന്ന് ഉറപ്പില്ലാതെ പോലീസ് നടത്തുന്ന കേസ് അന്വേഷണം ആണ്  Sajini Shinde Ka Viral Video എന്ന ചിത്രത്തിൽ ഉള്ളത്.ബാറിൽ വച്ചുള്ള ഒരു പ്രൈവറ്റ് വീഡിയോ ലീക്ക് ആയ അധ്യാപിക ആയ സജിനിയുടെ തിരോധനം ആണ് ഈ ചിത്രത്തിന്റെ പ്രധാന പ്രമേയം. ഒരു നോട്ട് എഴുതി വച്ചിട്ട് മറഞ്ഞു പോയ സജിനി മരിച്ചോ അതോ ജീവിച്ചിരിപ്പുണ്ടോ എന്നത് വലിയ വിഷയം ആയപ്പോൾ പോലീസ് അന്വേഷണം തുടങ്ങി. ബെല്ല എന്ന പോലീസ് ഉദ്യോഗസ്ഥക്കു ആയിരുന്നു അന്വേഷണ ചുമതല.

 സജിനി അവളുടെ മാതാപിതാക്കളും അവളെ കല്യാണം കഴിക്കാൻ പോകുന്ന സിദ്ധാന്തും ആണ് എല്ലാത്തിനും കാരണം എന്ന് എഴുതി വച്ചിട്ടാണ് ദുരൂഹമായി അപ്രത്യക്ഷം ആകുന്നതു.എന്നാൽ ഇതിനെല്ലാം പുറമെ യഥാർത്ഥത്തിൽ ഇവിടെ ക്രൈം നടന്നിട്ടുണ്ടോ എന്ന ചോദ്യം കൂടി വരുകയാണ്.

 ഒരു ചെറിയ പോലീസ് ഇൻവെസ്റ്റിഗേഷൻ ആണ് സിനിമയിൽ ഉള്ളത്. എല്ലാവരുടെയും ചായക്കപ്പ് ആണെന്ന് പറയുന്നില്ല. എങ്കിൽ കൂടിയും സിനിമ മൊത്തത്തിൽ സെറ്റ് ചെയ്ത ടോൺ വച്ച് നോക്കുമ്പോൾ ക്ലൈമാക്സ് അൽപ്പം അപ്രതീക്ഷിതമായിരുന്നു. വ്യക്തികൾക്ക് ഇടയിൽ ഉള്ള പ്രശ്നങ്ങൾ പലപ്പോഴും ദുരൂഹമായ വഴികളിലേക്ക് ചിത്രത്തെ പലപ്പോഴും കൊണ്ട് പോകുന്നുണ്ട്.അതിൽ പലതിനും സാമൂഹികമായ ഒരു കാഴ്ചപ്പാടും കാണാൻ സാധിക്കും.

 തരക്കേടില്ലാത്ത ഒരു ചിത്രം ആയിട്ടാണ് Sajini Shinde Ka Viral Video അനുഭവപ്പെട്ടത്. താൽപ്പര്യം ഉള്ളവർ കണ്ടു നോക്കു.

1751.Sajini Shinde Ka Viral Video (Hindi, 2023)

       Streaming on Netflix

⭐⭐⭐/5

   ക്രൈം നടന്നിട്ടുണ്ടോ ഇല്ലയോ എന്ന് ഉറപ്പില്ലാതെ പോലീസ് നടത്തുന്ന കേസ് അന്വേഷണം ആണ്  Sajini Shinde Ka Viral Video എന്ന ചിത്രത്തിൽ ഉള്ളത്.ബാറിൽ വച്ചുള്ള ഒരു പ്രൈവറ്റ് വീഡിയോ ലീക്ക് ആയ അധ്യാപിക ആയ സജിനിയുടെ തിരോധനം ആണ് ഈ ചിത്രത്തിന്റെ പ്രധാന പ്രമേയം. ഒരു നോട്ട് എഴുതി വച്ചിട്ട് മറഞ്ഞു പോയ സജിനി മരിച്ചോ അതോ ജീവിച്ചിരിപ്പുണ്ടോ എന്നത് വലിയ വിഷയം ആയപ്പോൾ പോലീസ് അന്വേഷണം തുടങ്ങി. ബെല്ല എന്ന പോലീസ് ഉദ്യോഗസ്ഥക്കു ആയിരുന്നു അന്വേഷണ ചുമതല.

 സജിനി അവളുടെ മാതാപിതാക്കളും അവളെ കല്യാണം കഴിക്കാൻ പോകുന്ന സിദ്ധാന്തും ആണ് എല്ലാത്തിനും കാരണം എന്ന് എഴുതി വച്ചിട്ടാണ് ദുരൂഹമായി അപ്രത്യക്ഷം ആകുന്നതു.എന്നാൽ ഇതിനെല്ലാം പുറമെ യഥാർത്ഥത്തിൽ ഇവിടെ ക്രൈം നടന്നിട്ടുണ്ടോ എന്ന ചോദ്യം കൂടി വരുകയാണ്.

 ഒരു ചെറിയ പോലീസ് ഇൻവെസ്റ്റിഗേഷൻ ആണ് സിനിമയിൽ ഉള്ളത്. എല്ലാവരുടെയും ചായക്കപ്പ് ആണെന്ന് പറയുന്നില്ല. എങ്കിൽ കൂടിയും സിനിമ മൊത്തത്തിൽ സെറ്റ് ചെയ്ത ടോൺ വച്ച് നോക്കുമ്പോൾ ക്ലൈമാക്സ് അൽപ്പം അപ്രതീക്ഷിതമായിരുന്നു. വ്യക്തികൾക്ക് ഇടയിൽ ഉള്ള പ്രശ്നങ്ങൾ പലപ്പോഴും ദുരൂഹമായ വഴികളിലേക്ക് ചിത്രത്തെ പലപ്പോഴും കൊണ്ട് പോകുന്നുണ്ട്.അതിൽ പലതിനും സാമൂഹികമായ ഒരു കാഴ്ചപ്പാടും കാണാൻ സാധിക്കും.

 തരക്കേടില്ലാത്ത ഒരു ചിത്രം ആയിട്ടാണ് Sajini Shinde Ka Viral Video അനുഭവപ്പെട്ടത്. താൽപ്പര്യം ഉള്ളവർ കണ്ടു നോക്കു.

       

1750. Premonition ( English, 2007)

1750. Premonition ( English, 2007)

          Mystery, Fantasy

⭐⭐⭐/5

  ലിൻഡ, അവളുടെ ഭർത്താവായ ജിം ഒരു കാർ അപകടത്തിൽ കൊല്ലപ്പെടുന്നത് മുതൽ കുറെ അധികം സംഭവങ്ങളിലൂടെ മുന്നോട്ടു പോകുന്നു. എന്നാൽ ഒരു സമയത്തിൽ ലിൻഡ മനസ്സിലാക്കുന്നു, ആ സംഭവങ്ങൾ നടന്നിട്ടില്ല എന്ന്. എന്നാൽ പിന്നീട് അവളുടെ യഥാർത്ഥ ജീവിതത്തിൽ നേരത്തെ കണ്ടതും അനുഭവപ്പെട്ടതും ആയ കാര്യങ്ങൾ വീണ്ടും അനുഭവിക്കുന്നു.

ഈ കാര്യങ്ങൾ ഇങ്ങനെ ലിൻഡയുടെ ജീവിതത്തിൽ സംഭവിക്കുക ആണ്. നടക്കാൻ പോകുന്ന കാര്യങ്ങൾ നേരത്തെ തന്നെ മനസ്സിലാക്കാൻ ലിൻഡയ്ക്ക് സാധിക്കുകയും അത് അവളുടെ ജീവിതത്തിൽ എന്തെല്ലാം മാറ്റങ്ങൾ കൊണ്ട് വരുന്നു എന്നതും ആണ് ചിത്രത്തിന്റെ കഥ.

സങ്കീർണമായ ഒരു കഥ, അത് അവതരിപ്പിക്കുന്നതും അങ്ങനെ ആകുമ്പോൾ കഥാപാത്രങ്ങൾ ഭാവി കാലത്ത് ആണോ അതോ ഇപ്പോൾ ഉള്ള അവരുടെ അവസ്ഥ ആണോ എന്ന് പ്രേക്ഷകന് സംശയം ഉണ്ടാവുക സാധാരണ കാര്യം ആണ് ഈ ചിത്രത്തിൽ. Premonition ഇടയ്ക്ക് ബോർ അടിപ്പിക്കുന്നത് ഇവിടെയാണ്‌.

സിനിമ കഥാപരമായി നോക്കുമ്പോൾ മികവ് പുലർത്തുന്നുണ്ട്.ഇടയ്ക്ക് അൽപ്പം കൺഫ്യൂസിങ് ആകുന്നു എന്നതൊഴിച്ചാൽ സിനിമ അവതരിപ്പിക്കുന്ന പ്രമേയത്തോട് നീതി പുലർത്തി എന്ന് പറയാം.

സിനിമയുടെ ലിങ്ക് t.me/mhviews1 ൽ ലഭ്യമാണ്.

1749. Back In Crime (French, 2013) Mystery /Fantasy/Crime

1749. Back In Crime (French, 2013)

         Mystery /Fantasy/Crime

 ⭐⭐⭐½ /5

 ഹെലൻ രാവിലെ ഓടാൻ ഇറങ്ങിയപ്പോൾ ആണ് പാലത്തിന്റെ അടുത്തായി ഒരു മൃതദേഹം കണ്ടത്. അവർ ഉടനെ പോലീസിനെ വിവരം അറിയിക്കുന്നു. ഇരുപതു വർഷങ്ങളായി തന്റെ ഇരകളെ കൊലപ്പെടുത്തുന്ന ഇയർഡ്രം സ്ലാഷർ എന്നറിയപ്പെടുന്ന കൊലപാതകിയുടെ പുതിയ ഇര ആണ് അത് എന്ന് അന്വേഷണ ഉദ്യോഗസ്ഥൻ ആയ റിച്ചാർഡ് കെമ്പ് മനസ്സിലാക്കുന്നു. എന്നാൽ അയാളുടെ അന്വേഷണം മുന്നോട്ടു പോകവെ അയാൾക്ക്‌ ഒരു അപകടം ഉണ്ടാകുന്നു. അതയാളെ കൊണ്ടെത്തിക്കുന്നത് ഇരുപതു വർഷങ്ങൾക്കു മുന്നേ ഉള്ള ടൈം ലൈനിൽ ആണ്.

അതെ. അയാൾ ടൈം ട്രാവൽ ചെയ്തിരിക്കുന്നു. ഇരുപതു വർഷങ്ങൾക്കു മുന്നേ ആ കേസ് അന്വേഷണം നടത്തുന്ന റിച്ചാർഡ് കെമ്പിനെ അയാൾ കാണുന്നു. അതിനുശേഷം അയാൾക്ക്‌ ആ കേസിൽ എന്താണ് ചെയ്യാൻ കഴിഞ്ഞിരിക്കുക? അതാണ്‌ Back In Crime എന്ന ഫ്രഞ്ച് ചിത്രത്തിന്റെ ബാക്കി കഥ.

രസകരമായ ഒരു പ്ലോട്ട് ആണ് ചിത്രത്തിന് ഉള്ളത്. അതിനൊപ്പം ചില ചെറിയ ദുരൂഹതകൾക്ക് കൂടി ഉത്തരം പറയുന്ന ചിത്രത്തിൽ എന്നാൽ സീരിയൽ കില്ലർക്കു നമ്മൾ പ്രതീക്ഷിക്കുന്ന അത്ര പ്രാധാന്യം ഇല്ല എന്ന് തോന്നിയേക്കാം. എന്നാൽ ഈ കഥയിൽ ഒരാൾ അയാളുടെ ചെറുപ്പക്കാലത്തിലേക്കു പോവുകയും അയാൽ അവിടെ ഒരിക്കലും കാണാൻ സാധ്യത ഇല്ലാത്ത ആളുമായി ബന്ധം ഉണ്ടാവുകയും, അതിനു കാരണം അയാളുടെ ഭാവിക്കാലം ആയി മാറുകയും ചെയ്യുന്ന പോലെ ഉള്ള കുറച്ചു ടൈം wrinkle സംഭവങ്ങൾ എല്ലാം സിനിമയിൽ ഉണ്ട്.

എന്തായാലും കണ്ടിരിക്കാൻ കഴിയുന്ന ഒരു നല്ല മിസ്റ്ററി /ഫാന്റസി /ക്രൈം ചിത്രം ആണ് Back In Crime എന്ന ഫ്രഞ്ച് ചിത്രം.

സിനിമയുടെ ലിങ്ക്

t.me/mhviews1 ൽ ലഭ്യമാണ്.

1748. House of Secrets: The Burari Deaths (Hindi/English, 2021)

1748. House of Secrets: The Burari Deaths (Hindi/English, 2021)

          Streaming on Netflix.

⭐⭐⭐⭐/5

  ഒരു കുടുംബത്തിലെ പതിനൊന്നു ആളുകൾ ഒരുമിച്ചു മരിച്ചു എന്ന വാർത്ത വന്നപ്പോൾ അതിനെ ചുറ്റിപ്പറ്റി വന്ന കഥകൾ പലതും ഭീകരം ആയിരുന്നു. പ്രത്യേകിച്ചും അതിലെ പത്തു പേരും തൂങ്ങി മരിച്ച നിലയിൽ ആണ് കണ്ടെത്തിയത് എന്നത് വളരെയധികം ദുരൂഹമായ അവസ്ഥ ആയിരുന്നു. ഇതിനെ ആസ്പദം ആക്കിയുള്ള നെറ്റ്‌ഫ്ലിക്സ് ഡോക്യുമെന്ററി ആണ് House of Secrets: The Burari Deaths.

എന്നാൽ ആദ്യം വന്ന കഥകളെ കവച്ചു വയ്ക്കുന്ന കഥകൾ ആണ് ഈ ഡോക്യുമെന്ററിയിൽ പിന്നീട് പറയുന്നത്. അൽപ്പം ഞെട്ടലോടെ അല്ലാതെ കണ്ടിരിക്കാൻ സാധിക്കാത്ത രീതിയിൽ ഉള്ള കഥ ആണ്. തുടക്കത്തിൽ ആ മരണങ്ങളുടെ കാരണങ്ങൾ അന്വേഷിച്ചു ആ കുടുംബത്തിലെ മറ്റ് ആളുകളോട് സംസാരിക്കുമ്പോൾ ഉള്ള തുടക്കത്തിൽ ഉള്ള ഒരു കാഴ്ചപ്പാട് ഉണ്ട് ആ കുടുംബത്തെ കുറിച്ച്. എന്നാൽ പിന്നീട് ആ കാഴ്ചപ്പാട് പ്രേക്ഷകനിലും മാറ്റം വരുന്നു.

ദുരൂഹതകൾ മാറി വളരെ disturbing ആയ ഒരു റിയാലിറ്റിയിലേക്ക് ആണ് പിന്നീട് നമ്മൾ പോകുന്നത്. സമയം ഉണ്ടെങ്കിൽ കണ്ടു നോക്കുക നല്ല രീതിയിൽ അവതരിപ്പിച്ച ഒരു ഡോക്യുമെന്ററി ആണ് House of Secrets: The Burari Deaths.

1747. Curry & Cyanide: The Jolly Joseph Case (English/Malayalam, 2023)

1747. Curry & Cyanide: The Jolly Joseph Case (English/Malayalam, 2023)

        Streaming on Netflix.

⭐⭐⭐⭐/5

കേരളത്തെ പിടിച്ചു കുലുക്കിയ ഒരു വെൽ പ്ലാൻഡ് കൊലപാതക പരമ്പര ആണെന്ന് പറയാം കൂടത്തായി കേസ്. ഈ കൊലപാതക പരമ്പരയെ കുറിച്ച് വാർത്തകളിൽ വന്ന പല കാര്യങ്ങളും ഊഹാപോഹങ്ങൾ ആയിരുന്നു. കുറെ കൂട്ടിയും കുറച്ചൊക്കെ എഴുതി ഒരു അടുക്കും ചിട്ടയും ഇല്ലാത്തതു പോലെ ആണ് തോന്നിയത്. എന്നാൽ ഇതിന്റെ മൊത്തത്തിൽ ഉള്ള നാൾ വഴികൾ ഭംഗിയായി എടുത്തു വച്ച് അവതരിപ്പിച്ചിട്ടുണ്ട് Curry & Cyanide: The Jolly Joseph Case ൽ.

കൂടത്തായി കൊലപാതക കേസ് Curry & Cyanide: The Jolly Joseph Case എന്ന പേരിൽ നെറ്റ്‌ഫ്ലിക്സ് ഡോക്യുമെന്ററി ആയി വരുന്നു എന്ന് അറിഞ്ഞത് മുതൽ തന്നെ കാത്തിരുന്നതാണ് കാണാൻ. ഒരു മിസ്റ്ററി /ക്രൈം ചിത്രം കാണുന്നത് പോലെ കേസിന്റെ ഒരു ടൈം ലൈനിൽ പല സംഭവങ്ങളെയും ബന്ധിപ്പിച്ചു കൊണ്ട് ഇത്തരം ഒരു കേസിനെ പ്രേക്ഷകന്റെ മുന്നിൽ ചടുലതയോടെ അവതരിപ്പിച്ചതായി തോന്നി. ഒരു ഡോക്യുമെന്ററി കാണുന്ന ഫീൽ അല്ല Curry & Cyanide: The Jolly Joseph Case തന്നത്.

  എന്നാൽ ഇത് നടന്ന ഒരു സംഭവം ആണെന്നും അതിലേക്കു നയിച്ച സംഭവങ്ങളുടെ തുടക്കവും അതിന്റെ പിന്നിലെ ക്രൂരതയും ഒരു സ്ത്രീയുടെ മനസ്സിലെ ചിന്തകളും ആയിരുന്നു എന്ന് പതിയെ പ്രേക്ഷകന്റെ മുന്നിൽ വരുമ്പോൾ വായിച്ചറിഞ്ഞ കേസ് ആണെങ്കിലും അതിൽ ഒരു ക്രൈം ത്രില്ലർ സിനിമയുടെ പ്ലോട്ട് പോലെ ഉണ്ടായിരുന്നു.

 പ്രത്യേകിച്ചും 'അങ്ങനെ ഒക്കെ പറ്റി പോയി ' എന്ന ലാഘവത്തോടെ ഇത്തരം ഒരു സംഭവത്തെ കാണുന്ന സ്ത്രീയെ കുറിച്ചുള്ള ഡോക്യുമെന്ററിയിൽ കാണപ്പെടേണ്ട ഒരു ആമ്പിയൻസ് ഉണ്ട്. അത് ഇതിലെ ഒന്നര മണിക്കൂർ മുഴുവനും ഉണ്ടായിരുന്നു. കേസിന്റെ നാൾവഴികളും ഇപ്പോഴത്തെ അവസ്ഥ വച്ച് നോക്കുമ്പോഴും ആളൂർ വക്കീലും ഒക്കെ ഉള്ളത് കൊണ്ട് ആ സ്ത്രീക്ക് അനുകൂലമായ വിധി ആകാനേ സാധ്യത ഉള്ളൂ എന്ന് തോന്നുന്നു.

എന്തായാലും കണ്ടു നോക്കൂ. മിസ് ആക്കരുത്. നല്ല ഒരു crime/ മിസ്റ്ററി ഡോക്യുമെന്ററി ആണ്

Curry & Cyanide: The Jolly Joseph Case.

1746. Unda (Malayalam, 2019)

1746. Unda (Malayalam, 2019)

         Streaming on Prime Video

⭐⭐⭐⭐/5

 കണ്ണൂർ സ്‌ക്വാഡ് കണ്ടിട്ട് ഒരു കുറിപ്പ് ഇട്ടപ്പോൾ ചില കമന്റുകളിൽ ഉണ്ട എന്ന സിനിമയുടെ പരാമർശം കണ്ടിരുന്നു. സിനിമ റിലീസ് ആയ സമയം എന്തോ കാണാൻ തോന്നാത്തത് കൊണ്ട് കാണാതെ വച്ച സിനിമ ആയിരുന്നു ഉണ്ട.ഒരു പക്ഷെ മാവോയിസ്റ്റ് സിംപതി ഉള്ള സിനിമ ആണെന്ന എന്റെ മുൻ ധാരണയും ആകാം കാരണം. എന്തായാലും സിനിമ കണ്ടപ്പോൾ ആ കാഴ്ചപ്പാട് തന്നെ മാറി.

പ്രത്യേകിച്ചും ഈ ഒരു വിഷയത്തിൽ വ്യക്തമായ ഒരു സ്റ്റാന്റ് സിനിമയ്ക്ക് ഉണ്ട് എന്നാണ് തോന്നിയത്. മാവോ വാദികൾ ഉണ്ട്. അത് പോലെ അവർ എതിർക്കുന്നവരും. പക്ഷെ ഇതിന്റെ ഇടയിൽ കിടന്നു ജീവിതം ഹോമിക്കുന്ന കുറെ മനുഷ്യരും ഉണ്ടെന്നുള്ള വസ്തുത ആണ് സിനിമ പറഞ്ഞ് വച്ചതു എന്നാണ് മനസ്സിലായത്. ഇതല്ലാതെ വേറെ ഒരു രാഷ്ട്രീയം സിനിമക്ക് ഉണ്ടോ എന്ന് അറിയില്ല.

എന്തായാലും കണ്ണൂർ സ്‌ക്വാഡിലെ പോലെ തന്നെ പോലീസിലെ ഒരു വിഭാഗം നേരിടേണ്ടി വരുന്ന ബുദ്ധിമുട്ടുകളും അവരുടെ ജീവിതവും ജോലിയും എല്ലാം ഈ സിനിമയിലും കാണാം. ഒരു പക്ഷെ സിനിമയുടെ തുടക്കം കാണിച്ച മെഗാസ്റ്റാർ എന്നതിന് അപ്പുറം സിനിമയ്ക്കുള്ളിൽ അത്തരം ഒരു താരപ്രഭ ഇല്ലാത്ത കഥാപാത്രം ആയിരുന്നു മമ്മൂട്ടിയുടെ എസ് ഐ മണി.

ഇടയ്ക്കൊക്കെ നിസ്സഹായനായി പോകുന്ന ഒരു സാധാരണ പോലീസുകാരൻ മാത്രം ആയിരുന്നു അദ്ദേഹത്തിന്റെ മണി എന്ന കഥാപാത്രം. ചെറിയ തമാശകളും അതിനൊപ്പം സാമൂഹികപരമായ ചില വിഷയങ്ങളും തൊട്ട് കൊണ്ടാണ് സിനിമ മുന്നോട്ടു പോകുന്നത്. മൊത്തത്തിൽ നല്ലൊരു സിനിമ കാഴ്ചയാണ് ഉണ്ട.

അത് പോലെ സിനിമയ്ക്ക് ഈ പേര് എങ്ങനെ ചേരും എന്നുള്ളത് അവസാന സീനിൽ പോലും വ്യക്തമായി കാണിക്കുന്നുണ്ട്.

1745. Falimy ( Malayalam, 2023)

1745. Falimy ( Malayalam, 2023)

         Streaming on Hotstar

⭐⭐⭐⭐/5

നമ്മളിൽ ചിലരുടെയെങ്കിലും ജീവിതവുമായി കണക്റ്റ് ചെയ്യാൻ കഴിയുന്ന ഒരു കുടുംബമാണ് ഫലിമിയിൽ ഉള്ളത്. ഒരു സാധാരണ കുടുംബം. കടങ്ങൾ ഏറെയുള്ള, ഒട്ടേറെ കുഞ്ഞു കുഞ്ഞു പ്രശ്നങ്ങൾ ഉള്ള ഒരു കുടുംബം. ഇതിലെ ചില സീനുകൾ എടുത്തു പറയേണ്ടത് ആണ്. പ്രത്യേകിച്ചും റെയിൽവേ സ്റ്റേഷനിൽ ഉള്ള സീൻ, പിന്നെ ബേസിലും ജഗദീഷും മാത്രമായി സംസാരിക്കുന്ന ഒരു സീൻ. ഇതൊക്കെ ചെറിയ രീതിയിൽ എങ്കിലും ജീവിതത്തിൽ സംഭവിച്ചത് ആണല്ലോ എന്ന് ഓർത്തു പോയി.

  വൈകാരികമായ കണക്ഷൻ അല്ലാതെ കോമഡി രംഗങ്ങൾ പലതും സാഹചര്യങ്ങളിൽ നിന്നും തന്നെ വന്നത് കൊണ്ട് ഫോഴ്സ്ഡ് ആയി തോന്നിയില്ല. ഒരു കുടുംബത്തിലേക്ക് ക്യാമറ തിരിച്ചു വച്ചതു പോലെ ആയിരുന്നു പല സീനുകളും എന്ന് തോന്നി.ഇത്തരത്തിൽ ഉള്ള ഒരു കുടുംബം നടത്തുന്ന ട്രെയിൻ യാത്ര ഒരു റോഡ് യാത്ര ആയി മാറുന്നതും അതിനോട് സംബന്ധിച്ചുള്ള ചില സാഹചര്യങ്ങളും ആണ് സിനിമയുടെ കഥയുടെ പ്രമേയം.

 ബേസിലും ജഗദീഷും മഞ്ജുവും അനിയനായി വന്ന നടനും എല്ലാം നന്നായി തന്നെ അഭിനയിച്ചിട്ടുണ്ട്. ജനലിലൂടെ ഉള്ള അവരുടെ അപ്പൂപ്പന്റെ സൗഹൃദം കാണിക്കുന്ന സീനിനൊക്കെ ഒരു ആത്മാർഥത ഉള്ളതായി തോന്നി പോകും.മൊത്തത്തിൽ നല്ലത് മാത്രമേ സിനിമയെ കുറിച്ച് പറയാൻ ഉള്ളൂ. നന്നായി ഇഷ്ടപ്പെട്ടൂ ഫലിമി

1744. Kannur Squad (Malayalam, 2023)

1744. Kannur Squad (Malayalam, 2023)

         Streaming on Hotstar.

⭐⭐⭐⭐/5

  കണ്ണൂർ സ്‌ക്വാഡ് നല്ല സിനിമ ആണോ അല്ലയോ എന്നത് ഇന്നലെ സിനിമ കാണുന്നതിന് മുന്നേ സോഷ്യൽ മീഡിയ റിവ്യൂസ് വഴി ഒരു മുൻധാരണ ഉണ്ടായിരുന്നു. എന്തായാലും ആ  പ്രതീക്ഷ തെറ്റിയില്ല നല്ലൊരു ഇൻവെസ്റ്റിഗേഷൻ ത്രില്ലർ ആയിട്ടാണ് കണ്ണൂർ സ്‌ക്വാഡ് എനിക്ക് അനുഭവപ്പെട്ടത്.

 കുറച്ചു സിനിമകളിൽ സമാനമായ ചില സീനുകൾ വന്നിട്ടുണ്ടെങ്കിൽ പോലും ഒരു പോലീസ് ഇൻവെസ്റ്റിഗേഷൻ എന്ന നിലയിൽ മികവ് പുലർത്തിയിട്ടുണ്ട് കണ്ണൂർ സ്‌ക്വാഡ്. മമ്മൂക്കയെ പ്രായം അലട്ടുന്നുണ്ടെങ്കിലും അതിനെ അതി ജീവിക്കാൻ ഇതിലെ ജോർജിന് ആയിട്ടുണ്ട്‌ പ്രത്യേകിച്ചും സിനിമയുടെ മൊത്തത്തിൽ ഉള്ള ഒരു ക്രൈം ഇൻവെസ്റ്റിഗേഷന്റെ ആമ്പിയൻസ് നിലനിർത്തുന്നതിൽ കണ്ണൂർ സ്‌ക്വാഡിന് അവസാനം വരെ കഴിഞ്ഞിട്ടുണ്ട്.

2023 ലെ മലയാള സിനിമകളിൽ എനിക്ക് ഇഷ്ടമായ ചിത്രങ്ങളിൽ ഒന്നാണ് കണ്ണൂർ സ്‌ക്വാഡ്.

1743. The Family Plan (English, 2023)

1743. The Family Plan (English, 2023)

         Comedy, Action

         Streaming on Apple TV+

⭐⭐⭐/5

  മാർക് വാൽബർഗിന്റെ ബാഷ, രാജാധി രാജ, ലിയോ,Nobody ഒക്കെ ആണ് The Family Plan എന്ന് പറയാം. ഓർമയിൽ വരുന്ന അനേകായിരം സിനിമകളിൽ കണ്ടിട്ടുള്ള കഥയാണ് The Family Plan എന്ന ചിത്രത്തിന് ഉള്ളത്. കഥ എന്തായാലും മനസ്സിലായി കാണുമല്ലോ? എന്നാലും പറയാം.ഒരു കാർ സെയിൽസ് മാൻ ആയി ജീവിക്കുന്ന നായകൻ ഡാൻ . സന്തോഷകരമായ കുടുംബം. ഭാര്യ, മൂന്നു മക്കൾ എന്നിവരുമായി 18 വർഷമായി നന്മയുടെ പാതയിൽ ജീവിക്കുന്നു.

ഒരു ദിവസം ആ ജീവിതത്തിന് തിരശീല വീഴുന്നു. അതിനു കാരണം ഡാൻ എന്ന നായകന്റെ ഭൂതക്കാലം ആയിരുന്നു. ആരായിരുന്നു ഡാൻ എന്നതും ഈ അവസ്ഥയിൽ അയാളുടെ കുടുംബത്തിന് എന്ത് സംഭവിക്കും എന്നതാണ് പിന്നെയുള്ള കഥ.

കഥ ഇങ്ങനെ ആണെങ്കിലും അത്യാവശ്യം നല്ല കോമഡിയും ആക്ഷനും ഒക്കെ ആയി വെറുതെ ഇരുന്നു കാണാൻ ഉള്ളത് ചിത്രത്തിലുണ്ട്. കണ്ടു മടുത്ത പ്രമേയം ആണെങ്കിലും എവിടെയോ ചെറിയ ഇഷ്ടം ഈ കഥയോട് ഉള്ള പ്രേക്ഷകർ ഉള്ളത് കൊണ്ടാകും പിന്നെയും ഈ കഥ സിനിമ ആയി വരുന്നത്.

എന്തായാലും ഒരു എന്റെർറ്റൈൻർ എന്ന നിലയിൽ സിനിമ എനിക്ക് വർക്ക്‌ ഔട്ട്‌ ആയിട്ടുണ്ട്‌. താൽപ്പര്യം ഉള്ളവർ കണ്ട് നോക്കുക.

1742. Minus 31: The Nagpur Files (Hindi, 2023)

1742. Minus 31: The Nagpur Files (Hindi, 2023)

⭐⭐½ /5

 കോവിഡ് സമയത്ത് ധാരാളം മരണങ്ങൾ നടന്നപ്പോൾ മൃതദ്ദേഹങ്ങൾ ഒരുമിച്ചു മറവ് ചെയ്യുന്നു എന്ന് പല വാർത്തകളിലും കണ്ടിട്ടുണ്ട്. അപ്പോഴൊക്കെ ആലോചിച്ച ഒരു കാര്യം ആയിരുന്നു, ആരെങ്കിലും കൊലപാതകം ചെയ്തിട്ട് കോവിഡ് ആണെന്ന് പറഞ്ഞ് മറവ് ചെയ്‌താൽ എന്താകും സംഭവിക്കുക എന്ന്. ഇത്തരം ഒരു ചിന്തയും ആയി അൽപ്പം ബന്ധമുള്ള ചിത്രമാണ് Minus 31: The Nagpur Files.

ഇത്തരത്തിൽ ഉള്ള ഒരു കഥ Whodunnit, Whydunnit  എന്നീ ചോദ്യങ്ങളിലേക്ക് കൂടുതൽ ശ്രദ്ധ കൊടുത്തു കുറെ ഏറെ മിസ്റ്ററി കൂടി ഉൾപ്പെടുത്തിയിരുന്നേൽ നന്നായേനെ എന്നാണ് തോന്നിയത്. കാരണം, Minus 31: The Nagpur Files അവതരിപ്പിച്ചിരിക്കുന്നത് ഒരു ക്രൈം / ഡ്രാമ എന്ന നിലയിൽ ആണ്. സിനിമയിൽ കൊലപാതകങ്ങൾക്ക് ഒപ്പം കുറെയേറെ സാമൂഹിക പ്രശ്നങ്ങളിലേക്കും പോകുന്നുണ്ട്.

അതും, നിഗൂഢത നിറഞ്ഞ ഒരു കഥ സൃഷ്ടിക്കുന്നതിലും പുറകോട്ടു പോയെങ്കിലും ഒരു ക്രൈം ഡ്രാമയുടെ ആമ്പിയൻസ് നിലനിർത്തി എന്ന നിലയിൽ സംതൃപ്തി നൽകിയ ചിത്രമായി ആണ് അനുഭവപ്പെട്ടത്. ഒരു ലേഡി പോലീസ് ഓഫീസർ കോവിഡ് കാലഘട്ടത്തിൽ ഒരു കൊലപാതക കേസിനു പുറകെ പോകുന്നതും, അതിൽ നിന്നും കണ്ടെത്തുന്ന കാര്യങ്ങളും ആണ് സിനിമയുടെ കഥ.

സാമൂഹിക പ്രശ്നങ്ങൾ എന്നുപറഞ്ഞ കാര്യങ്ങൾ ഈ സിനിമയിൽ forced ആയി ഉൾപെടുത്താൻ ശ്രമിക്കുന്നത് പോലെ തോന്നി. ഒരു പക്ഷെ കേസ് അന്വേഷണം എന്നത് മാത്രം അല്ലാതെ ഇത്തരത്തിൽ ഉള്ള കാര്യങ്ങൾക്കു കൂടി പ്രാധാന്യം വേണം എന്ന് സിനിമയുടെ അണിയറ പ്രവർത്തകർക്ക് തോന്നിയിട്ടുണ്ടാകാം. സിനിമയിൽ നന്നായി ഇഷ്ടപ്പെട്ടത് അതിന്റെ മസംഗീത വിഭാഗം ആണ്.ഹിപ് ഹോപ്‌ ഭയ്യാ, യാഷ് സഹായി,ഉദയൻ ധർമ്മാധികാരി എന്നിവർ നന്നായി തന്നെ സംഗീത വിഭാഗത്തിൽ പണിയെടുത്തിട്ടുണ്ട്.

ഒരു എഡ്ജ് -ഓഫ് - ദി സീറ്റ് ത്രില്ലർ ഒന്നും പ്രതീക്ഷിച്ചു Minus 31: The Nagpur Files നെ സമീപിക്കാതെ ഇരിക്കുക.ഒരു crime/ ഡ്രാമ ആണ് ചിത്രം.സിനിമയുടെ കഥയുടെ synopsis കേട്ടിട്ടുള്ള അമിത പ്രതീക്ഷ എന്റെ ആസ്വാദനത്തെ നന്നായി ബാധിച്ചിരുന്നു. ഞാൻ പ്രതീക്ഷിച്ചതു മിസ്റ്ററി നിറഞ്ഞ ഒരു ചിത്രമായിരുന്നു.

1741. Pendulum (Malayalam, 2023)

1741. Pendulum (Malayalam, 2023)

        Streaming on Saina Play

⭐⭐⭐⭐/4

ലൂസിഡ് ഡ്രീമിംഗ് പ്രമേയം ആയി വന്ന സിനിമകൾ മലയാളത്തിൽ ഏതെങ്കിലും ഉണ്ടോ എന്ന് അറിയില്ല. ട്രോൾ ആയി നോക്കുക ആണെങ്കിൽ പഞ്ചാബി ഹൗസിലെ ഒരു രംഗത്തിൽ തമാശയായി പറഞ്ഞ് പോകുന്ന രംഗത്തിൽ അതിന്റെ റെഫെറൻസ് ഉണ്ടെന്നു മാത്രം. പല ഭാഷകളിലും ലൂസിഡ് ഡ്രീം പ്രമേയം ആയി സിനിമകൾ ധാരാളം വന്നിട്ടും ഉണ്ട്. ഈ ഒരു പ്രമേയത്തെ ആസ്പദമാക്കി മലയാളത്തിൽ വന്ന ഒരു ചെറിയ സിനിമ ആണ് പെന്റുലം.

  ഡോക്റ്റർ ആയ മഹേഷിന് ഉണ്ടാകുന്ന ചില അനുഭവങ്ങളും അതിനെ ചുറ്റിപ്പറ്റി അയാൾ നടത്തുന്ന ചില അന്വേഷണങ്ങളും ആണ് ചിത്രത്തിന്റെ കഥ. അയാളുടെ അന്വേഷണങ്ങൾ കൊണ്ടെത്തിക്കുന്നത് ഇത്തരം ഒരു പ്രതിഭാസത്തിലേക്കു ആണ്. സത്യം ആണോ മിഥ്യ ആണോ ലൂസിഡ് ഡ്രീം എന്ന് ഉള്ള ചോദ്യം നിലനിൽക്കേ തന്നെ അതിനു ലോജിക് ആയുള്ള ഒരു വിശകലനം നൽകാൻ പല കഥാപാത്രങ്ങളിലൂടെയും ചിത്രം ശ്രമിക്കുന്നും ഉണ്ട്.

മൊത്തത്തിൽ സിനിമയ്ക്ക് വേണ്ടി തിരഞ്ഞെടുത്ത വിഷയത്തെ അതിന്റെ സീരിയസോടെ തന്നെ അവതരിപ്പിച്ച ചിത്രമാണ് പെന്റുലം. പ്രമേയത്തോട് നീതി പുലർത്തി, അതിൽ നിന്നും മാറി പോകാതെ സിനിമ അവതരിപ്പിച്ചത് മികച്ച കാര്യമായി തോന്നി.കഥ എഴുതി സംവിധാനം ചെയ്ത റെജിൻ എസ് ബാബു നന്നായി തന്നെ കൈകാര്യം ചെയ്തിട്ടുണ്ട് ഈ ചിത്രത്തെ. കുറേക്കൂടി മികച്ച അഭിനേതാക്കൾ ഉണ്ടായിരുന്നെങ്കിൽ എന്ന് പലരും എഴുതുന്നത് കണ്ടിരുന്നു എന്നാൽ വലിയ ഒരു താരനിര വച്ച് ഈ കഥ ഇങ്ങനെ അവതരിപ്പിക്കാൻ കഴിയുമായിരുന്നോ എന്ന സംശയം ഉണ്ട്.

കണ്ടു നോക്കു. എനിക്ക് നന്നായി ഇഷ്ടപ്പെട്ടൂ. പിന്നെ ലൂസിഡ് ഡ്രീമിംഗ് ഒക്കെ സ്പൂൺ ഫീഡ് ചെയ്തിട്ടുണ്ടെങ്കിലും ചില കാര്യങ്ങളിൽ എങ്കിലും പ്രേക്ഷകൻ ചിന്തിക്കേണ്ടത് ആയി വരും.

1740. BlackBerry (English, 2023)

1740. BlackBerry (English, 2023)

          Drama/Comedy

⭐⭐⭐⭐½ /5

  ബ്ളാക്ക്‌ബറി ഫോണുകളുടെ പ്രൈം ടൈമിൽ ആണ് മൊബൈൽ ഫോണുകൾ ഞാൻ കണ്ടു തുടങ്ങുന്നത്.നോക്കിയയും മോട്ടറോളയും ബ്ളാക്ക്ബെറിയും എല്ലാം ടെക്നോളജി വഴി സമ്പ്രദായിക ആശയ വിനിമയ മാർഗങ്ങളിൽ വിപ്ലവകരമായ മാറ്റങ്ങൾ കൊണ്ട് വന്നിരുന്ന ഒരു സമയം ആയിരുന്നു. ഒരു 2001 കാലഘട്ടത്തിൽ ബ്ളാക്ബെറി ഫോണുകൾ ഒക്കെ സ്വപ്നവും ആയിരുന്നു. രണ്ടു മൂന്ന് വർഷങ്ങൾക്കു ശേഷം സ്വന്തമായി നോക്കിയ 1100 പുതിയത് ആയി എടുത്തെങ്കിലും ബ്ളാക്ക്‌ബറി ഒരു സ്വപ്നമായി തന്നെ നിന്നിരുന്നു.

കുറച്ചു വർഷങ്ങൾക്കു ശേഷം നോക്കിയയുടെ E സീരീസ് ഫോണുകൾ വന്നപ്പോഴും ബ്ളാക്ക്ബെറിയും ആയുള്ള രൂപ സാമ്യം കാരണം അതും സ്വന്തമാക്കിയിരുന്നു. പിന്നീട് ആണ് ഒരു ബ്ളാക്ക്‌ബറി സ്വന്തമാക്കുന്നത്. മോഡൽ മറന്നു പോയി. പക്ഷെ അപ്പോഴേക്കും ബ്ളാക്ക്‌ബറി അതിന്റെ സുവർണ്ണ കാലം പിന്നിട്ടിരുന്നു. ഒപ്പം നോക്കിയയും മോട്ടോയും എല്ലാം. പിന്നീട് ബ്ളാക്ക്‌ബരിയുടെ BBM ആൻഡ്രോയിഡ് വേർഷൻ വന്നപ്പോൾ റെഫറൻസ് വഴി മാത്രമേ പിൻ കിട്ടൂ എന്നറിഞ്ഞു അതിന്റെ പുറകെ പോയത് ഒക്കെ ഓർമ ആയി ഇപ്പോഴും ഉണ്ട്.

ഇത്രയും പറഞ്ഞത് ഒരു സിനിമയെ കുറിച്ച് പറയാൻ ആണ്. ലോകത്തിലെ 45% മൊബൈൽ ഫോണുകളും ഒരിക്കൽ ബ്ലാക്ക്‌ബറി നിർമിച്ചവ ആയിരുന്നു. മറ്റാർക്കും കൈ തൊടാൻ പോലും പറ്റാതിരുന്ന, ഫോണിൽ തന്നെ മെയിലുകൾ ഉപയോഗിക്കാൻ ഉള്ള സൗകര്യം മുതൽ എല്ലാം നൽകി മാർക്കറ്റിലെ ചക്രവർത്തി ആയിരുന്ന ബ്ലാക്കബറിയുടെ കഥ ഒരു ഡോക്യുമെന്ററി ആയി അവതരിപ്പിച്ചു സീരിയസ് ആക്കുന്നതിനു പകരം കുറച്ചു തമാശകളിലൂടെ, കോർപ്പറേറ്റ് സാമ്രാജ്യത്തിലെ ബിസിനസുകാരും, ടെക്നോളജി മാത്രം അറിയാവുന്ന മൈക്ക് എന്ന റിം CEO യുടെയും കഥയാണ് അവതരിപ്പിച്ചിരിക്കുന്നത്. ഐ ഫോണിന്റെ വരവോടെ  ബ്ലാക്ബറിയുടെ പതനം തുടങ്ങുന്നത് ഒക്കെ  വ്യക്തമായി സിനിമയിൽ അവതരിപ്പിച്ചിട്ടുണ്ട്.

Losing the Signal: The Untold Story Behind the Extraordinary Rise and Spectacular Fall of BlackBerry എന്ന പുസ്തകത്തെ ആധാരമാക്കി അവതരിപ്പിച്ച ചിത്രം അവതരിപ്പിക്കുന്നത് ഒരു കാലഘട്ടവും അതിലെ ടെക്നോളജിയും ആയിരുന്നു.

രസകരമായി തന്നെ അവതരിപ്പിച്ചിട്ടുണ്ട്  ചിത്രം. പലതും അന്നത്തെ കാലത്ത് വായനയിലൂടെ മാത്രം കേട്ടറിഞ്ഞു, മങ്ങിയ ഓർമകളും ആയിട്ട് ഉള്ളതാണ്. എന്നാൽക്കൂടിയും ബ്ളാക്ക്‌ബറിയെ കുറിച്ച് പുതിയ തലമുറയ്ക്ക് കുറച്ചു കൂടി പരിചയം ഉണ്ടാക്കുവാൻ ഈ ചിത്രത്തിന് കഴിയും. മികച്ച അവതരണവും കഥാപാത്രങ്ങളും എല്ലാം തന്നെ സിനിമ ഗംഭീരം ആക്കിയിട്ടുണ്ട്

കഴിയുമെങ്കിൽ കാണുക. പ്രത്യേകിച്ചും ഒരു പഴയ ബ്ളാക്ക്‌ബറി ഫാൻ ആണെങ്കിൽ തീർച്ചയായും കണ്ടു നോക്കുക. ഇഷ്ടമാകും.

ഹോ!! എന്നാലും ബ്ളാക്ക്‌ബറിയുടെ ആ കീപ്പാഡും ലുക്കും മറക്കാൻ കഴിയില്ല.

സിനിമ ലിങ്ക് : t.me/mhviews1

         

1739. Last Shift (English, 2014)

1739. Last Shift (English, 2014)

          Horror

⭐⭐⭐/5

ഞാൻ സാധാരണയായി ഹൊറർ സിനിമകൾ കാണാൻ പോകുന്നതിനു മുന്നേ ആണ് IMDb അല്ലേൽ RT റേറ്റിങ്ങുകൾ നോക്കുക. ഹൊറർ സിനിമകളുടെ വലിയ ഒരു ആരാധകൻ അല്ലെങ്കിലും ചില സമയങ്ങളിൽ ചില സിനിമകളുടെ synopsis വായിച്ചിട്ട് കാണുന്ന ഒരു പതിവ് ഉണ്ട്. അങ്ങനെ Malum എന്ന  2023 സിനിമയെ കുറിച്ച് വായിച്ചപ്പോൾ ആണ് 2014 ൽ റിലീസ് ആയ Last Shift എന്ന സിനിമയുടെ ആത്മാവിൽ നിന്നും ആണ് Malum ന്റെ കഥ വികസിക്കുന്നത് എന്ന് എനിക്ക് മനസ്സിലായത് .

പതിവ് പോലെ റേറ്റിങ് നോക്കിയപ്പോൾ IMDb 5.8 കൊടുത്ത ഒരു ചിത്രം ആണ് Laat Shift . എന്നാൽ RT യിൽ 100% ഉം. മറ്റൊന്ന് IMDb യിൽ ആണെങ്കിൽ കുറെയധികം നല്ല റിവ്യൂകളും. എന്തായാലും ചാൻസ് എടുത്തു കാണാം എന്ന് തന്നെ തീരുമാനിച്ചു കണ്ടു തുടങ്ങി. ഒന്നര മണിക്കൂറിൽ താഴെ മാത്രം ഉള്ള സിനിമ എന്നതായിരുന്നു ആശ്വാസം.

 പൂട്ടി പോകുന്ന പോലീസ് സ്റ്റേഷനിലെ അവസാന ഷിഫ്റ്റിന് ആണ് പുതിയതായി പോലീസ് ആയ ജെസീക്ക കയറുന്നതു. ഒറ്റയ്ക്ക് ഒരു രാത്രി ആരും ഇല്ലാത്ത പോലീസ് സ്റ്റേഷനിലെ ഷിഫ്റ്റ്‌. എന്നാൽ ആ ഷിഫ്റ്റിൽ കയറിയ അവൾക്കു അനുഭവിക്കേണ്ടി വന്നത് യാഥാർഥ്യം അതോ അവളുടെ തോന്നലുകൾ ആണോ എന്ന് നിശ്ചയം ഇല്ലാത്ത സംഭവങ്ങൾ ആയിരുന്നു.

അതിനു പിന്നാലെ പോയാൽ വർഷങ്ങൾക്കു മുന്നേ നടന്ന ചില മരണങ്ങളിലേക്ക് ആകും പോവുക. ഇവിടെ നിന്നും ജെസീക്കയ്ക്ക് എന്ത് സംഭവിക്കുന്നു എന്നും, അന്ന് രാത്രി അവിടെ സംഭവിക്കുന്നത് എന്താണെന്നും ചെറിയ ട്വിസ്റ്റ് നൽകി അവതരിപ്പിക്കുക ആണ് Last Shift എന്ന ചിത്രത്തിൽ.

Jump scares വഴി  ഭയപ്പെടുത്താൻ ഉള്ള ശ്രമങ്ങൾ ഉണ്ടായിരുന്നെങ്കിലും അത് പ്രത്യേകിച്ച് മെച്ചമായി തോന്നിയില്ല. എന്നാൽക്കൂടിയും സിനിമയുടെ കഥയിൽ നിന്നും അതിന്റെ പശ്ചാത്തലത്തിൽ നിന്നും ഉണ്ടായ ഒരു ഹൊറർ ആമ്പിയൻസ് ഉണ്ട്. അത് ഉടനീളം സിനിമയിൽ നിർത്താൻ കഴിഞ്ഞിരുന്നു. സിനിമയുടെ പല കുറ്റങ്ങളും ഒരു പക്ഷെ ശ്രദ്ധിക്കാതെ പോകാൻ മൊത്തത്തിൽ ഈ ചിത്രം അതിന്റെ ജോൺറെയിൽ നിന്ന് കൊണ്ട് തന്നെ നടത്തിയ അവതരണം മതിയായിരുന്നു.

ചുരുക്കത്തിൽ മോശമില്ലാത്ത ഒരു ഹൊറർ ചിത്രം എന്ന് പറയാം Last Sbift നെ . ഇനി Malum കൂടി കാണാൻ ഉള്ള താൽപ്പര്യം ഉണ്ടാക്കിയിട്ടുണ്ട് ഇത് കണ്ടു കഴിഞ്ഞപ്പോൾ . അതിന്റെ IMDb റേറ്റിങ് 5.1 ആണ്. എന്തായാലും ഈ സിനിമ കണ്ടു തോന്നിയ കൗതുകം കാരണം കാണും എന്തായാലും അതും.

Last Shift ന്റെ ലിങ്ക് t.me/mhviews1 ൽ ലഭ്യമാണ്

1738. Beyond the Infinite Two Minutes (Japanese, 2020)

1738. Beyond the Infinite Two Minutes (Japanese, 2020)

         Sci-Fi, Comedy

⭐⭐⭐⭐/5

ഒരു കഫെയുടെ ഉടമസ്ഥന്റെ ടി വിയിൽ ഒരു പ്രത്യേക പ്രതിഭാസം നടക്കുന്നു. അയാളുടെ ഭാവിയിലേക്കുള്ള അടുത്ത രണ്ടു മിനിറ്റ് അയാൾക്ക്‌ സ്‌ക്രീനിൽ കാണുവാൻ സാധിക്കും. ഈ വിവരം അറിഞ്ഞെത്തിയ അയാളുടെ സുഹൃത്തുക്കൾക്കും അത് കൗതുകകരമായി തോന്നി. എന്നാൽ വെറും രണ്ടു മിനിറ്റ് മാത്രം മുന്നോട്ട് പോകുന്നത് കാണാവുന്നത് കൊണ്ട് പ്രത്യേകം ഉപയോഗം ഇല്ല എന്ന് മനസ്സിലാക്കിയ അവർ കൂടുതൽ നേരം മുന്നോട്ട് പോകാൻ ഉള്ള വഴി കണ്ടെത്താൻ ശ്രമിക്കുന്നു. അതിനായി അവർ Droste Effect ന്റെ സാധ്യതകൾ ഉപയോഗപെടുത്താൻ ശ്രമിക്കുന്നു.

Droste Effect ആണ് Beyond the Infinite Two Minutes എന്ന ജാപ്പാനീസ് ടൈം ട്രാവൽ ചിത്രത്തിന്റെ ഗതിയിൽ പ്രധാന പങ്കു വഹിക്കുന്നത്.Droste Effect എന്നാൽ ഒരു വലിയ ചിത്രത്തിൽ അതിന്റെ ചെറിയ ചിത്രം വയ്ക്കുമ്പോൾ ഉള്ള പ്രതിഭാസത്തെ ആണ്. അങ്ങനെ  replica വയ്ക്കുന്നതിലൂടെ ഒരു ചെറിയ ഒപ്റ്റിക്കൽ ഇല്യൂഷ്യൻ ഉണ്ടാകുന്നു . രണ്ടു കണ്ണാടികൾ parallel ആയി വച്ചാലും ഇതേ പ്രതിഭാസം ഉണ്ടാകും. പറഞ്ഞ് വരുമ്പോൾ അൽപ്പം സങ്കീർണമായി തോന്നുമെങ്കിലും  ഒരു വീഡിയോയിൽ അഥവാ നേരിട്ട് കണ്ടാൽ പെട്ടെന്ന് കാര്യം മനസ്സിലാവുകയും ചെയ്യുന്ന ഒന്നാണ് Droste Effect.

 ഇത് അവരുടെ പിന്നീടുള്ള ജീവിതം മാറ്റുകയാണ്.ഇതിനു ശേഷം അവരുടെ ഭാവിയിലേക്കുള്ള കാഴ്ചകൾ, വാർത്തമാനക്കാലം, ഭൂതക്കാലം എന്നിവയെല്ലാം പല സമയങ്ങളിലായി അവരുടെ മുന്നിൽ വരുന്നു.ചിലപ്പോഴൊക്കെ അവരുടെ ഭാവിക്കാലം ഭൂതക്കാലം ആവുകയും, ഭൂതക്കാലം വാർത്തമാനക്കാലം ആവുകയും എല്ലാം ചെയ്യുന്നുണ്ട്.

ഇതിന്റെ ഇടയിൽ അപ്രതീക്ഷിതമായി ചിലർ അവിടേക്കു വരുന്നതാണ് കഥയുടെ പ്രമേയം. ചെറിയ സിനിമയാണ്. എന്നാൽ സാധാരണ രീതിയിൽ പറഞ്ഞ് പോകുന്ന ടൈം ട്രാവൽ സിനിമകളിൽ നിന്നും വ്യത്യസ്തമായി ഉള്ള അവതരണം ആണ് ചിത്രത്തിന് ഉള്ളത്. സംഭാഷണങ്ങളിലൂടെ മുന്നോട്ടു പോകുന്ന കഥയിൽ സങ്കീർണം ആയി ഒന്നും ഇല്ല. പക്ഷെ പ്രമേയപരമായി ഉള്ള സങ്കീർണത മൂലം മികച്ചു നിൽക്കുകയും ചെയ്യുന്നു.

ഒരു കെട്ടിടത്തിൽ മൊബൈൽ ഫോണിലൂടെ ഷൂട്ട് ചെയ്ത ചിത്രം ആണ് Beyond the Infinite Two Minutes. എനിക്ക് സിനിമയെ കുറിച്ച് അത് കാണുന്നതിന് മുന്നേ തന്നെ കൗതുകകരമായ ഒരു കാഴ്ചപ്പാട് ഉണ്ടായിരുന്നത് കൊണ്ട് നന്നായി ഇഷ്ടപ്പെട്ടൂ. എന്നാലും കാണുന്ന എല്ലാവർക്കും ഇഷ്ടപ്പെടുമോ എന്നൊരു സംശയവും ഉണ്ട്.സാധാരണ സിനിമ അനുഭവത്തിൽ നിന്നും വ്യത്യസ്തമായി എന്തെങ്കിലും കാണണം എന്ന് താൽപ്പര്യം ഉള്ളവർക്ക് ഒന്ന് ശ്രമിച്ചു നോക്കാവുന്നതും ആണ്.

എന്തായാലും കണ്ടു നോക്കാൻ താൽപ്പര്യം ഉള്ളവർക്ക് ലിങ്ക് താഴെ കൊടുക്കുന്നു.

Link: t.me/mhviews1

1736. Totally Killer (English, 2023)

1736. Totally Killer (English, 2023)

          Sci-Fi/ Fantasy, Mystery

Movie Rating: ⭐⭐⭐⭐/5

 രണ്ടു കാലഘട്ടത്തിന്റെ കഥ പറയുന്ന ചിത്രമാണ് Totalky Killer. അതും ടൈം ട്രാവലിലൂടെ രണ്ടു കാലഘട്ടത്തിൽ കണ്ടു മുട്ടുന്ന അമ്മയും മകളും. അതിനൊപ്പം ഒരു സീരിയൽ കില്ലറും.

 മുപ്പത്തിയഞ്ചു വർഷങ്ങൾക്കു മുൻപ് മൂന്നു ടീനെജ് പെൺകുട്ടികളെ കൊലപ്പെടുത്തിയ കൊലയാളി വീണ്ടും വരുകയാണ്. Sweet Sixteen Killer എന്ന് അറിയപ്പെടുന്ന അയാളുടെ പുതിയ ഇര പാം ആണ്. പാമിന്റെ സുഹൃത്തുക്കൾ ആയിരുന്നു അന്ന് കൊല്ലപ്പെട്ട മൂന്നു പേരും.ഹാലോവീൻ ദിനത്തിൽ, അതും ഇത്രയും വർഷങ്ങൾക്കു ശേഷം അയാൾ വീണ്ടും വന്നതിനു എന്തിനു വേണ്ടി ആയിരുന്നു?

ഈ ചോദ്യം നില നിൽക്കെ, പാമിന്റെ മകളായ ജാമി ഹാലോവീൻ ദിവസം ആക്‌സ്മികമായി ടൈം ട്രാവൽ ചെയ്യുന്നു. അവൾ എത്തി ചേർന്നത് കൊലപാതകം നടന്ന ദിവസങ്ങളുടെ അടുത്ത് ആയിരുന്നു. അതായതു മുപ്പത്തിയഞ്ചു വർഷങ്ങൾക്കു മുന്നേ ഉള്ള ദിവസം. അതിനെ തുടർന്ന് നടക്കുന്ന സംഭവങ്ങൾ ആണ് ചിത്രത്തിന്റെ ഇതിവൃത്തം.

 രസകരമായ കഥാഗതിയും നല്ലൊരു ട്വിസ്റ്റും ഉള്ള ഒരു ടീനേജ് സയൻസ് ഫിക്ഷൻ ചിത്രമാണ് Totally Killer.രണ്ടു കാലഘട്ടത്തിൽ ഉള്ള രണ്ടു തലമുറ. അവർക്കുണ്ടായ മാറ്റങ്ങൾ, അവരുടെ നേരത്തെ ഉള്ള സ്വഭാവം. അങ്ങനെ രസകരമായ പല സംഭവങ്ങളും സിനിമയിൽ ഉണ്ട്.

സിനിമ എനിക്ക് ഇഷ്ടമായി. താൽപ്പര്യം ഉള്ളവർ കണ്ടു നോക്കുക.

ചിത്രത്തിന്റെ ലിങ്ക് t.me/mhviews1 ൽ ലഭ്യമാണ്