1728. Dream Girl 2 (Hindi, 2023)
Comedy, Drama
Streaming on Netflix
⭐⭐/5
ഡ്രീം ഗേൾ സിനിമയുടെ ആദ്യ ഭാഗത്തിലെ കഥാപാത്രങ്ങളെ പലരെയും അതേ പേരിൽ അവതരിപ്പിക്കുകയും ആദ്യ ഭാഗത്തിലെ പോലെ സ്ത്രീകളുടെ മാനറിസങ്ങൾ ഉള്ള മുഖ്യ കഥാപാത്രം ആയിട്ടാണ് ആയുഷ്മാൻ ഖുറാന ഇതിൽ വരുന്നത്. ഇവിടെയും പൂജ എന്ന് തന്നെ ആണ്‌ ഫെയ്ക് കഥാപാത്രത്തിന്റെ പേരും.
ജോലി ഇല്ലാതെ, അധികം വിദ്യാഭ്യാസം ഇല്ലാത്ത കരം എന്ന യുവാവിന് അയാളുടെ പ്രണയിനിയെ വിവാഹം ചെയ്യണമെങ്കിൽ 6 മാസത്തിനുള്ളിൽ നല്ലൊരു ജോലിയും 30 ലക്ഷം രൂപയും അക്കൗണ്ടിൽ വേണം എന്ന് അവളുടെ പിതാവ് പറയുന്നു. കരം അതിനു വേണ്ടി എളുപ്പത്തിൽ കാശ് സമ്പാദിക്കാൻ ആൾമാറാട്ടം നടത്തുന്നതും അതിനെ തുടർന്ന് ഉണ്ടാകുന്ന സംഭവ വികാസങ്ങളും ആണ്‌ സിനിമയുടെ ബാക്കി ഉള്ള കഥ.
ഇതിൽ സ്ത്രീ വേഷം അവതരിപ്പിച്ച ആയുഷ്മാൻ ഖുറാന, പ്രത്യേകിച്ചും ഭൂലോക സുന്ദരിയായ പൂജ ആയി വന്നെങ്കിലും മുഖത്ത് അത്ര സ്ത്രീത്വം തോന്നിച്ചില്ല.മായാമോഹിനി 144p വേർഷൻ പോലെ ആണ്‌ കണ്ടപ്പോൾ തോന്നിയത്. കുറെ ഏറെ കഥാപാത്രങ്ങളും ഫോഴ്സ്ഡ് ആയി അവതരിപ്പിച്ച കോമഡികളും അത്ര ഏറ്റില്ല.
സമൂഹത്തിൽ ജൻഡർ ബേസ്ഡ് ആയി ഉള്ള ചില കാര്യങ്ങൾ പറഞ്ഞ് പോകുന്നുവെങ്കിലും ആകെ ഒരു അവിയൽ പരുവത്തിൽ കുറെ ഏറെ ക്യാറ്റ് ആൻഡ് മൗസ് കളികളും ആയി ചിത്രം അങ്ങ് പോവുകയാണ്. പ്രത്യേകിച്ച് ഒരു രസവും തോന്നിപ്പിക്കാത്ത സിനിമ ആണ്‌ ഡ്രീം ഗേൾ 2.
No comments:
Post a Comment