1727. Dream Girl (Hindi, 2019)
Comedy, Drama
Streaming on Zee5
⭐⭐⭐/5
സ്ത്രീകളുടെ ശബ്ദത്തിൽ സംസാരിക്കാൻ കഴിയുന്ന കരംവീർ എന്ന യുവാവിന്റെ കഥയാണ് ഈ ചിത്രത്തിൽ അവതരിപ്പിക്കുന്നത്. ജോലി ഇല്ലാത്ത, കടങ്ങൾ ഏറെയുള്ള ഒരു സാധാരണക്കാരൻ. കരം താമസിക്കുന്നത് അയാളുടെ പിതാവിന്റെ കൂടെ ആണ്‌. ആക്‌സ്മികമായി കരംവീറിനു ഒരു ജോലി കിട്ടുന്നു. സ്ത്രീകളുടെ സ്വരത്തിൽ സംസാരിക്കുന്ന അയാളുടെ ആ കഴിവ് ഉപയോഗിക്കാൻ ഉള്ള ഒരു ജോലി.
ഒരു കോൾ സെന്ററിൽ ആണ്‌ ജോലി കിട്ടുന്നത്. പൂജ എന്ന പേരിൽ ജീവിതത്തിൽ ഏകാന്തത അനുഭവിക്കുന്ന കുറെ ആളുകളുടെ പൈസ കൊടുത്തുള്ള കോളുകളിലൂടെ കരം അവരുടെ എല്ലാം പൂജ ആയി മാറുകയാണ്. അതിനെ തുടർന്ന് ഉണ്ടാകുന്ന പ്രശ്നങ്ങളാണ് സിനിമയുടെ ബാക്കി ഉള്ള കഥ.
ലോകത്തിലെ ഏറ്റവും ജനസംഖ്യ ഉള്ള രാജ്യത്തിൽ അതിനോട് ചേർന്ന് സ്വന്തം കാര്യങ്ങൾ മറ്റുള്ളവരോട് പറയാൻ പോലും ഇല്ലാത്ത രീതിയിൽ ഏകാന്തത കൂടുന്നു എന്നുള്ള അധികം ആരും ശ്രദ്ധിക്കാത്ത ഒരു വിഷയം ആണ്‌ സിനിമ പറയാൻ ശ്രമിക്കുന്നത്. ചെറുപ്പത്തിൽ തന്നെ സ്ത്രീകളുടെ ശബ്ദം അനുകരിക്കാൻ കഴിയുന്ന, നാടകങ്ങളിൽ സ്ത്രീ വേഷം സ്ഥിരം ചെയ്യുന്ന കഥാപാത്രം എന്ന് മുതൽ ഉള്ള ചെറിയ ചെറിയ തമാശകൾ സിനിമയിൽ ധാരാളം ഉണ്ട്.
കണ്ടിരിക്കാവുന്ന ഒരു ചെറിയ ചിത്രം ആണ്‌ ഡ്രീം ഗേൾ. ഇതിന്റെ അടുത്ത ഭാഗം റിലീസ് ആയിട്ടുണ്ട്‌.
No comments:
Post a Comment