1254. Evan Almighty( English, 2007)

1254. Evan Almighty( English, 2007)

          Religious Comedy

 Buffalo യിൽ നിന്നും ദൈവം നേരിട്ട് വന്നു സംസാരിച്ചു ഒരു ജോലി ഏൽപ്പിച്ച രണ്ടാമത്തെ ന്യൂസ് റിപ്പോർട്ടർ ആണ് ഇവാൻ.ഇവാൻ ന്യൂസ് റിപ്പോർട്ടറിൽ നിന്നും ഒരു കോണ്ഗ്രസ് മാൻ ആയി മാറിയിരുന്നു അപ്പോൾ.അഴിമതിയും, പ്രകൃതി സംരക്ഷണവും ആണ് സിനിമയുടെ പ്രമേയം.

   Bruce Almighty യ്ക്ക് ശേഷം വന്ന ചിത്രം എന്ന നിലയിൽ നല്ല ഹൈപ്പ് ഉണ്ടായിരുന്നു ചിത്രത്തിന്.സ്റ്റിവ് കാരൽ നന്നായി ചെയ്യുകയും ചെയ്തു ഇവാൻ എന്ന കഥാപാത്രത്തെ.എന്നാൽ പ്രേക്ഷകരും ക്രിട്ടിക്‌സും ചിത്രത്തെ ഒരേ പോലെ കയ്യൊഴിഞ്ഞു പടം ഫ്ലോപ്പ് ആവുകയാണുണ്ടായത്.അതിനു കാരണമായ ഒരു അപവാദം ബൈബിളിനെ അമിതമായി ആശ്രയിച്ചു എന്നതായിരുന്നു. പിന്നെ പ്രതീക്ഷയുടെ അമിതഭാരവും.

  പക്ഷെ നോഹ ആയി മാറുന്നു ഇവാൻ എന്ന കഥാപാത്രം പ്രേക്ഷകൻ എന്ന നിലയിൽ എനിക്ക് ഏറെ ഇഷ്ടപ്പെട്ട തമാശ കഥാപാത്രം ആണ്.ആദ്യ ഭാഗം പോലെ നല്ല ഒരു ടൈം പാസ് ചിത്രം.കഴിഞ്ഞ ദിവസങ്ങളിൽ അടുപ്പിച്ചു രണ്ടു ചിത്രവും ഒറ്റ ഇരുപ്പിൽ കണ്ടു.രണ്ടും re-watch ആയിരുന്നെങ്കിലും നല്ല റിലാക്സേഷൻ ആണ് .

  ഈ സിനിമയും കാണാത്തവർ അധികം ഉണ്ടാകില്ല എന്നു കരുതുന്നു.

1253. Bruce Almighty(English,2003)

1253. Bruce Almighty(English,2003)

           Religious Comedy.

  Buffalo യിൽ ദൈവത്തിനെ കണ്ടു സംസാരിച്ച ന്യൂസ് റിപ്പോർട്ടറിൽ ആദ്യ ആളായിരുന്നു ബ്രൂസ്.ബ്രൂസിന് സാധാരണ മനുഷ്യരുടേതായുള്ള എല്ലാ പ്രശ്നങ്ങളും ഉണ്ട്.തന്റെ ജോലിയിലെ മികവിനു അനുസരിച്ചുള്ള നേട്ടങ്ങൾ ഒന്നും ലഭിക്കുന്നില്ല എന്ന തോന്നലിൽ അയാൾ ദൈവത്തിനെ ഒരിക്കൽ ചീത്ത വിളിക്കുന്നു.

  അന്നത്തെ മോശം ദിവസത്തിന്റെ അവസാനം ദൈവം അയാളുടെ മുന്നിൽ വരുന്നു.ഒരു ജോലി അയാളെ ഏൽപ്പിക്കുന്നു.ദൈവം ഏൽപ്പിച്ച ജോലി അയാൾ എങ്ങനെ ചെയ്തു തീർക്കും എന്നതാണ് സിനിമയുടെ കഥ.

 കോളേജിൽ പഠിക്കുന്ന സമയം ആണ് സി ഡിയിൽ ആദ്യമായി Bruce Almighty കാണുന്നത്.സിനിമ ആരും പ്രതീക്ഷിക്കാതെ 2003 ലെ വലിയ ഹിറ്റുകളിൽ ഒന്നായി മാറിയിരുന്നു.അന്ന് നന്നായി രസിച്ചു കണ്ട സിനിമ ആയിരുന്നു.പിന്നീട് ടി വിയിൽ വരുമ്പോൾ അവസരം കിട്ടുമ്പോൾ കാണുമായിരുന്നു.ജിം കാരി എന്ന ഒറ്റ ബ്രാൻഡിന്റെ അഴിഞ്ഞാട്ടം ആണ് സിനിമ.കറുത്ത വർഗ്ഗക്കാരൻ ആയ ദൈവവം എന്ന കൗതുകത്തെ കുറിച്ചൊക്കെ വായിച്ചതു ഓർമ വരുന്നു.കഴിഞ്ഞ ദിവസങ്ങളിൽ രണ്ടു ഭാഗങ്ങളും ടി വിയിൽ വന്നപ്പോൾ കണ്ടൂ.

 ഇഷ്ടപ്പെട്ട സിനിമ ആയതു കൊണ്ട് പോസ്റ്റ് ചെയ്യുന്നു എന്നേ ഉള്ളൂ.Bruce Almighty കാണാത്തവർ ആയി അധികം ആരും ഉണ്ടാകില്ല എന്നു കരുതുന്നു.

​​1031.Mirage(Spanish,2018)

​​1031.Mirage(Spanish,2018)

          Mystery,Crime,Fantasy,Sci-Fi

      ഒരു കൊലപാതകം നടക്കുന്നു എന്നു കരുതുക.ആ സംഭവത്തിൽ രണ്ടു ഫലങ്ങൾ ഉണ്ടാകാം.ഒന്നു.ആ കൊലപാതകം ആളുകൾ അറിയുന്നു.കൊലയാളി പിടിയിലാകുന്നു.രണ്ടാമത് കൊലപാതകം നടന്നത് ആരും അറിയുന്നില്ല.ഈ അവസരത്തിൽ മറ്റൊരു മരണത്തിൽ നിന്നും ഒരാളെ രക്ഷിക്കാൻ അവൾക്കു ഒരവസരം ലഭിച്ചിരിക്കുകയാണ്.അവൾ അത് ഉപയോഗിക്കുന്നു.ഭൂതകാലത്തിൽ ഉള്ള ഒരാളുടെ ജീവിതം ആണ് അവൾ കാരണം രക്ഷപ്പെടുന്നത്.എന്നാൽ അതിന്റെ ഫലമായി വർത്തമാന കാലത്തിൽ ഉള്ള അവളുടെ ജീവിതമോ?

   സങ്കീർണമായ ഒരു കഥയാണ് സ്പാനിഷ് ചിത്രമായ "Mirage" അവതരിപ്പിക്കുന്നത്.ഒരു കൊലപാതക കേസിനെ ചുറ്റിപ്പറ്റിയും അതിനൊപ്പം ബർലിൻ മതിൽ 'തകർക്കുന്ന' ദിവസം ഉണ്ടായ കാലാവസ്ഥ വ്യതിയാനം സൃഷ്ടിച്ച 'Space-Time Continuum glitch' സൃഷ്ടിച്ച പ്രതിഭാസങ്ങൾ ചിലരുടെ ജീവിതത്തിൽ ഉണ്ടായ മാറ്റങ്ങളെ കുറിച്ചും ആണ്.അന്നത്തെ ദിവസം സംഭവിക്കേണ്ടി ഇരുന്ന രണ്ടു മരണങ്ങൾ,അതിനെ തുടർന്ന് പിന്നീട് ഉണ്ടാകുന്ന നഷ്ട ബോധം എല്ലാം എന്നാൽ പിന്നീട് മാറുകയാണ്.

    വേരാ എന്ന സ്ത്രീയുടെ ജീവിതം ആയിരുന്നു ഏറ്റവും അധികം ബാധിച്ചത്.സാധാരണയായി പോയിക്കൊണ്ടിരുന്ന ജീവിതം.സന്തോഷവും,അവളുടെ ജീവിതത്തിൽ എന്തായി തീരാൻ കഴിയാതെ ഇരുന്നത് പോലും തന്റെ കുടുംബ ജീവിതത്തിനു വേണ്ടി ഉള്ള ത്യാഗം ആയി ആണ് അവൾ കരുതിയത്.എന്നാൽ ഭൂതകാലത്തിൽ നടക്കുന്ന സംഭവങ്ങൾ ചെറുതായി മാറ്റാൻ ശ്രമിക്കുന്ന അവൾ എത്തിച്ചേരുന്നത് ആ ടൈം ലൈനിന് സമാന്തരമായി നിർമിക്കപ്പെട്ട മറ്റു ടൈം ലൈനുകളിലും.അവിടെ അവൾ വ്യത്യസ്ത ആണ്.അവളുടെ ജീവിതവും,ബന്ധങ്ങളും,സന്തോഷവും എല്ലാം.എന്നാൽ അവൾക്കു പ്രിയപ്പെട്ട ഒന്നുണ്ട്.അവളുടെ മകൾ.അവൾ മകൾക്കായി അന്വേഷണം നടത്തുക ആണ്.എന്നാൽ എല്ലാം മാറിയ അവൾക്കു അതു സാധ്യം ആകുമോ?

  The Body,Invisible Guest ഒക്കെ സംവിധാനം ചെയ്ത Oriol Paulo യെ അങ്ങനെ എളുപ്പം മറക്കാൻ സാധിക്കുമോ?അദ്ദേഹത്തിന്റെ തന്നെ സംവിധാന മികവിൽ ആണ്  'Mirage' വന്നിരിക്കുന്നത്.ഒരു ത്രില്ലർ,മിസ്റ്ററി കഥയെ ബുദ്ധിപൂർവം സയൻസ് ഫിക്ഷനിൽ യോജിപ്പിച്ചു ആണ് ചിത്രം അവതരിപ്പിച്ചിരിക്കുന്നത്.ട്വിസ്റ്റുകൾ,സസ്പെൻസ് എന്നീ പ്രേക്ഷക പ്രീതി നേടുന്ന ഘടകങ്ങൾ നന്നായി ഉപയോഗിച്ചിട്ടുണ്ട് ചിത്രത്തിൽ.പ്രേക്ഷകനെയും അതു കൊണ്ടു തന്നെ കഥയോടൊപ്പം യാത്ര ചെയ്യിപ്പിക്കുന്നു ചിത്രവും.

  നേരത്തെ പറഞ്ഞത് പോലെ സങ്കീർണമായ കഥയാണ് ചിത്രത്തിന്.എഴുതിയോ പറഞ്ഞോ അറിഞ്ഞാൽ അതിൽ അധികം കൗതുകം ഉണ്ടാകില്ല.പകരം സിനിമ കാണാൻ ശ്രമിക്കുക

Netflix റിലീസ് ആയി ആണ് ചിത്രം വന്നത്.

  More movie suggestions @www.movieholicviews.blogspot.ca

   ചിത്രത്തിന്റെ ലിങ്ക് എന്റെ ടെലിഗ്രാം ചാനലിലും ലഭ്യമാണ്

ലിങ്ക് : t.me/mhviews

1030. Mystery Road (English,2013)

​​1030.Mystery Road(English,2013)

         Crime,Mystery

     ട്രക്കുകൾ സ്ഥിരം പോകുന്ന വഴിയുടെ അടുത്തായാണ് ആ പെണ്ക്കുട്ടിയുടെ മൃത ദേഹം ആദ്യം കാണുന്നത്.ഓസ്‌ട്രേലിയൻ Aboriginal ആയ ആ പെണ്ക്കുട്ടിയുടെ മരണം കഴുത്തിൽ,കൊല ചെയ്യണം എന്ന ഉദ്ദേശത്തോടെ ഉണ്ടാക്കിയ മുറിവ് കാരണം ആയിരുന്നു.കാട്ടു നായയെ കണ്ടതായി മൃതദേഹം ആദ്യം കണ്ട ആൾ പറഞ്ഞിരുന്നു. എന്നാൽ ലാഘവത്തോടെ ആണ് പോലീസ് കൈകാര്യം ചെയ്യുന്നത് തുടക്കത്തിൽ.എന്നാൽ അതേ Aboriginal വിഭാഗത്തിൽ നിന്നും കുറ്റാന്വേഷകൻ ആയി മാറിയ ജേ ഈ കേസിനെ ഗൗരവമായി കണ്ടൂ.ദാരിദ്ര്യത്തിൽ ജീവിക്കുന്ന അവരിൽ പലരും അഭയം കണ്ടെത്തിയിരുന്നത് മദ്യപാനത്തോടൊപ്പം മയക്കു മരുന്നിൽ ആയിരുന്നു.അതിനായി അവർ പണം കണ്ടെത്തിയിരുന്ന വഴിയിലൂടെ സഞ്ചരിക്കാൻ ജേ തീരുമാനിക്കുന്നു.

    കഥാപ്രമേയം വായിക്കുമ്പോൾ ഒരു മിസ്റ്ററി ,ക്രൈം ത്രില്ലർ ആണെന്നുള്ള മുൻവിധി ഉണ്ടാകാം.എന്നാൽ ഇവിടെ Mystery Road ചർച്ച ചെയ്യുന്നത് ഗൗരവ പൂർണമായ ഒരു വിഷയം ആണ്.കുറ്റാന്വേഷണം ഇല്ല എന്നല്ല.എന്നാൽ അതിന്റെ കഥയെ പിൻപറ്റി വംശീയമായി വേർതിരിവ് ഇപ്പോഴും ഉള്ള സമൂഹങ്ങളിൽ ,പ്രത്യേകിച്ചും ഏഷ്യാക്കാർ ജാതീയമായ വേർതിരിവ് ഉള്ളവർ നിന്നു പരിഹസിക്കുമ്പോഴും സ്വന്തം നാട്ടിൽ ഒന്നും അല്ലാതായി മാറി,ക്രിമിനലുകൾ ആയി മുദ്രകുത്തപ്പെടുന്ന,അല്ലെങ്കിൽ അവർ അങ്ങനെ ജീവിക്കണം എന്നു അവരെ അടിച്ചമർത്തിയ ഒരു കൂട്ടർ ഈ പറയുന്ന പാശ്ചാത്യ രാജ്യങ്ങളിലും ഉണ്ട്.അതു അമേരിക്ക ആയാലും ഓസ്‌ട്രേലിയ ആയാലും കാനഡ ആയാലും എല്ലാം ഒരു പോലെ ആണ്.ചുരുക്കത്തിൽ അട്ടപ്പാടിയും ക്യൂൻസ്‌ലാൻഡും ഒന്നും ഈ കാര്യത്തിൽ വ്യത്യസ്തം അല്ല എന്ന്.

   വ്യക്തിപരമായി ഇത്തരം ഒരു സമൂഹത്തിൽ ജീവിക്കുന്നത് കൊണ്ടു തന്നെ ഇത്തരം ചിന്തകൾ പലപ്പോഴും ഒരു മൂന്നാമത്തെ ആളായി കാണുകയും കേൾക്കാറും ഉണ്ട്.അതു കൊണ്ടു തന്നെ ഇത്തരം ഒരു പ്രമേയം സിനിമ ആയി കണ്ടപ്പോൾ വ്യക്തമായി യഹന്നെ മനസ്സിലായത് ലോകത്തിന്റെ ഏതു കോണിൽ ആണെങ്കിലും ഭൂമിയുടെ യഥാർത്ഥ അവകാശികൾ എന്ന കൂട്ടരെ അടിച്ചമർത്താൻ ആണ് സമൂഹങ്ങൾ എല്ലായ്പ്പോഴും ശ്രമിക്കുക എന്നതാണ്.ആ രീതിയിൽ അന്താരാഷ്ട്ര തലത്തിൽ പ്രസക്തിയുണ്ട് ഈ ചിത്രത്തിന്.'Wind River' ഒക്കെ സമാനമായ പ്രമേയം അവതരിപ്പിച്ചു ചിത്രമായിരുന്നു.

  മരണപ്പെട്ടാൽ പോലും ഒരു പ്രസക്തിയും ഇല്ലാതെ,സമൂഹത്തിനു വേണ്ടാത്തവർ ആയി മാറുന്ന മനുഷ്യർ.ജീവന് പോലും വില ഇല്ലാതായി തീരുന്നവർ.ജേയുടെ അന്വേഷണം പ്രതികൂല സാഹചര്യങ്ങളിലൂടെയും ആ ചെറിയ ടൗണിലെ സാമൂഹിക വ്യവസ്ഥിതിയിലും എങ്ങനെ മുന്നോട്ട് പോയി എന്ന് കാണാൻ ചിത്രം കാണുക!!

 വിഷയത്തിന്റെ ഗൗരവം കൊണ്ടു പ്രസക്തം ആണ് ചിത്രം.ചിത്രം ശ്രദ്ധിക്കപ്പെടുന്നത് ആ കാര്യം കൊണ്ടാണ്.ആരോൻ പെഡർസെൻ,ഹ്യൂഗോ വീവിങ് എന്നിവർ മുഖ്യ കഥാപാത്രങ്ങളെ അവതരിപ്പിച്ചു ഈ ചിത്രത്തിൽ..

More movie suggestions @www.movieholicviews.blogspot.ca

ചിത്രത്തിന്റെ ലിങ്ക് എന്റെ ടെലിഗ്രാം ചാനലിൽ ലഭ്യമാണ്.

t.me/mhviews

​​1028.Future Man(English Web Series,2017)

​​1028.Future Man(English Web Series,2017)

          Comedy,Sci-Fi,Fantasy

2 സീസണ്, 25-30 മിനിറ്റ്, 26 എപ്പിസോഡ്

      

  ടൈം ട്രാവൽ,ഭാവിയിൽ ഉള്ള ലോകത്തിന്റെ നല്ലതിനെ കരുതി ഭൂത കാലത്തിലും മറ്റു ടൈം ലൈനുകളിലും എല്ലാം പോയി കാര്യങ്ങൾ ശരിയാക്കൻ ശ്രമിക്കുക.വളരെ ദുർഘടമായ കാലഘട്ടങ്ങളിൽ നിന്നും മനുഷ്യ രാശിയെ രക്ഷിക്കുക.അതിനായി തന്റെ ജീവിതം തന്നെ ഉഴിഞ്ഞു വയ്ക്കാൻ ഒരു യുവാവ് തയ്യാറാകുന്നു.ജാനിറ്റർ ആയി ജോലി ചെയ്യുന്ന ജോഷ് ഫുട്ടര്മാന്.ഒരു ഗെയിം പൂർത്തിയാക്കിയ ജോഷിനെ തേടി ആണ് ലോകം രക്ഷിക്കാൻ ഉള്ള ദൗത്യവും ആയി അവർ രണ്ടു പേർ വരുന്നത്.ടൈഗറും,വൂൾഫും.

    സീരിയസ് ആയി പറഞ്ഞു പോകുന്ന കഥയായിരിക്കും ഇതെല്ലാം കേൾക്കുമ്പോൾ പ്രേക്ഷകന്റെ മനസിൽ വരുക.പറയുന്ന കാര്യങ്ങൾ പലതും സീരിയസ് ആണ് താനും.എന്നാൽ അവതരിപ്പിക്കുന്നതോ?കോമഡി കൂടി നിറച്ച്.Hulu അവതരിപ്പിച്ച ഈ സീരിയസ് പഴയ പല സിനിമകൾക്കും,എന്തിനു പല കാലഘട്ടത്തിലെ പോപ്പ് കൾച്ചറിന് പോലും homage കൊടുത്തിട്ടുണ്ട്.ടൈം ട്രാവലിന്റെ മികവുറ്റ സാധ്യതകൾ ആയിരുന്നു പലതും.'Back To the Future' സിനിമ പരമ്പര പോലെ ഉള്ളത് പലതും ഓർമ വന്നിരുന്നു.അതിനെ എല്ലാം പല രംഗത്തിലും ഉദാഹരിച്ചിരുന്നു.ഏറ്റവും രസകരം ആയതു സ്പീൽബെർഗിന്റെ ഭാവി ജീവിതം ഒക്കെ ആയിരുന്നു.അതു പോലെ പല പോപ്പ് കൾച്ചറിലെയും പ്രമുഖരെ കുറിച്ചും സാദാ തമാശ രൂപത്തിലും adult comedy രീതിയിൽ ഒക്കെ വിവരണം ധാരാളം ഉണ്ടായിരുന്നു.

  Wild ആയ കുറെ imaginations.അതു പലപ്പോഴും പ്രേക്ഷകനെ ചിരിപ്പിക്കുക ആണ് ചെയ്യുക.അതാണ് Future Man ഇഷ്ടപ്പെടാൻ കാരണം.രണ്ടു സീസണും രണ്ടു ശത്രുക്കളെ മുന്നിൽ കണ്ടു കൊണ്ടാണ് മുന്നേറുന്നത്‌.ഭാവി ലോകത്തെ മുഴുവൻ മാറ്റാൻ കഴിയും എന്ന് അത്ര ഉറപ്പില്ലാത്ത 2 കഥാപാത്രങ്ങൾ.അസംഖ്യം കഥാപാത്രങ്ങൾ ഉണ്ടെങ്കിലും സ്റ്റൂ,കോർണിഷ് ഒക്കെ ഓർത്തിരിക്കും എപ്പോഴും.ഓരോ പ്രാവശ്യവും ലോകത്തിന്റെ നന്മയെ കരുതി ചെയ്യുന്ന ഓരോ പ്രവർത്തിയുടെയും അനന്തര ഫലങ്ങൾ,അതു പ്രസ്തുത ടൈം ലൈനിൽ വരുത്തുന്ന മാറ്റങ്ങൾ.ഇതെല്ലാം രസകരം ആയിരുന്നു.ചെറിയ അബദ്ധങ്ങൾ പോലും പല കഥാപാത്രങ്ങളുടെയും അവസാനം ആയി മാറുകയും ചെയ്യാം.അങ്ങനങ്ങനെ ടൈം ട്രാവലിന്റെ ബേസിക് കാര്യങ്ങളോട് നീതി പുലർത്തുകയും അതേ സമയം അതിനെ അധികം സങ്കീർണമായ വിശദീകരണങ്ങൾ നൽകുന്നതിന് പകരം തമാശയുടെ അകമ്പടിയിൽ അവതരിപ്പിച്ചിരിക്കുന്നു.

   വെറുതെ, കോമഡി/സയൻസ് ഫിക്ഷൻ  എന്ന ഴോൻറെ കണ്ടപ്പോൾ ആണ് പരമ്പര കണ്ടു തുടങ്ങുന്നത് .പിന്നെ സമയം കിട്ടുമ്പോൾ ഒക്കെ കാണുമായിരുന്നു.ആദ്യ സീസണ് ആയിരുന്നു ശരിക്കും കിടിലം എന്നു പറയാവുന്നത്.രണ്ടാം സീസണ് വേറെ ഒരു ട്രാക്കിൽ ആണ് പോകുന്നത്. രസകരം ആണെങ്കിലും പ്രിയം ആദ്യ സീസണിനോട് ആണ്.ധാരാളം സീരിയസ് ആയ എപിക് ആയ സീരീസുകൾ ഉള്ളപ്പോൾ ഒരു മസ്റ്റ് വാച്ച് എന്നൊന്നും ഈ സീരീസിനെ വിളിക്കാൻ താൽപ്പര്യമില്ല.എങ്കിലും നല്ലതു പോലെ റിലാക്സ് ആയിരിക്കുന്ന സമയം എന്തെങ്കിലും കാണണം എന്ന് തോന്നിയാൽ എന്റെ ടെലിഗ്രാം ചാനലിലേക്കു പോന്നോളൂ.സീരീസിന്റെ ലിങ്ക് അവിടെ ഇടാം.ഓരോ എപ്പിസോഡ് ആയി.

More movie suggestions @www.movieholicviews.blogspot.ca

​​1024.The Miracles of Namiya General Store (Japanese,2017)

​​1024.The Miracles of Namiya General Store (Japanese,2017)

Fantasy

   അന്നത്തെ രാത്രി ,ഒരു തെറ്റ് ചെയ്തിട്ടു ആ മൂന്നു പേരും ഓടുമ്പോൾ അവർ കരുതിയിട്ടുണ്ടാകില്ല,തങ്ങളുടെ മുന്നോട്ടുള്ള ജീവിതം യാഥാർഥ്യത്തിനും അപ്പുറത്തെ ഉള്ള പേരില്ലാത്ത എന്തോ ആണെന്ന്.നിമിഷങ്ങൾക്കകം അവർ തങ്ങളുടെ ജീവിതത്തിൽ കൂട്ടി ചേർക്കാൻ ഇതു വരെ കഴിയാതിരുന്ന പലതും ഇണക്കി ചേർക്കാൻ ഉള്ള സാഹചര്യം ഉണ്ടാകുന്നു.അതേ .അവർ കാലങ്ങൾ പിന്നോട്ടു പോയി.അവർക്ക് അന്ന് രാത്രി ഒരു എഴുത്തു ലഭിക്കുന്നു അവിടത്തെ മെയിൽ ബോക്‌സിൽ.എഴുത്തു എഴുതിയിരിക്കുന്നത് 1980 ൽ ആണ്.മറുപടി പ്രതീക്ഷിച്ചു കൊണ്ടു.അവർ അതിനായി തയ്യാറെടുക്കുന്നു.മറുപടികൾ ആളുകളുടെ ജീവിതം മാറ്റി മറിയ്ക്കാൻ തന്നെ കാരണം ആകുന്നു.അവർ എവിടെയാണ് എത്തിയിരിക്കുന്നത്?

  കീഗോ ഹിഗാശിനോയുടെ നോവലായ "Namiya Zakkaten no Kiseki" നെ ആസ്പദം ആക്കിയാണ് ചിത്രം അവതരിപ്പിച്ചിരിക്കുന്നത്.ചില പ്രത്യേക സാഹചര്യങ്ങൾ മൂന്നു യുവാക്കളുടെ ജീവിതത്തിൽ അവർ അറിയാതെ തന്നെ ടൈം ട്രാവൽ ചെയ്യിപ്പിച്ചു അൽപ്പം വർഷങ്ങൾ പുറകോട്ടേക്കു പോകുന്നു.അവർ അവിടെ വച്ചാണ് നമിയ എന്ന വൃദ്ധന്റെയും അയാളുടെ വാക്കുകൾക്കായി കാത്തിരുന്ന ഒരു തലമുറയെ കുറിച്ചും അറിയുന്നതും.നല്ല രസകരമായ ഒരു സംഭവം ആണത്.നമിയ സ്റ്റോഴ്‌സിൽ ഉള്ള മെയിൽ ബോക്‌സിൽ ആളുകൾ അവരവരുടെ വിഷമങ്ങൾ പറഞ്ഞു കൊണ്ട് കത്തുകൾ ഇടും.നമിയ അതിനൊക്കെ മറുപടി കൊടുക്കുന്നു.ചിലരുടെ ജീവിതത്തിൽ അതു നല്ല രീതിയിൽ വലിയ മാറ്റങ്ങൾ ആണുണ്ടാക്കിയത്.

ചുരുക്കത്തിൽ ധാരളം ആളുകളുടെ ജീവിതം ആ വൃദ്ധന്റെ വാക്കുകൾക്കായി കാത്തിരുന്നു എന്നു.എന്നത് ഇപ്പോൾ യുവാക്കൾ എത്തിപ്പെട്ടിരിക്കുന്ന ലോകത്തിനു ഒരു പ്രത്യേകതയുണ്ട്.മാജിക്കും റിയാലിറ്റിയും വേർതിരിക്കാൻ ആകാത്ത രീതിയിൽ ആണ് ആ ലോകത്തിന്റെ ഘടന തന്നെ.അവിടെ നിന്നും നമ്മൾ കുറച്ചു കഥാപത്രങ്ങളെ പരിചയപ്പെടുക ആണ്,ഈ മൂന്നു യുവാക്കൾക്കും ഒപ്പം.

  വളരെ നല്ല ചിത്രം ആണ് 'The Miracles of Namiya General Store'.മനോഹരമായി അവതരിപ്പിച്ചിരിക്കുന്ന ഫാന്റസി ചിത്രം.ഇടയ്ക്കു ഫീൽ ഗുഡ് മൂവി ആയി തോന്നും,ഇടയ്ക്കു വിഷമം ഉണ്ടാക്കുകയും ചെയ്യും.ചില കാര്യങ്ങൾ ഒക്കെ കോർത്തിണക്കി വരുന്ന കാര്യങ്ങൾ ആണ് സിനിമയുടെ മുഖ്യ ആകർഷണം.തീർച്ചയായും കാണണം ഈ ചിത്രം.ഇഷ്ടപ്പെടും!!!

MH Views Rating:4/4

More movie suggestions @www.movieholicviews.blogspot.ca

ചിത്രത്തിന്റെ ലിങ്ക് എന്റെ ടെലിഗ്രാം ചാനലിൽ ലഭ്യമാണ്.

​​1023.Late Summer(Norwegian,2016)

​​1023.Late Summer(Norwegian,2016)

          Mystery,Drama.

    തീരെ തിരക്കില്ലാത്ത ഒരു സ്ഥലത്തു വലിയ ഒരു ബംഗ്ളാവ് വാങ്ങി ആണ് ആ വൃദ്ധ താമസിക്കുന്നത്.ആരും സ്വന്തം ആയി ഇല്ലാത്ത അവർ തന്റെ മരണാന്തര ക്രിയകൾക്കു വേണ്ടി ഒരു ഏജൻസിയെ സമീപിച്ചിട്ടുണ്ട്.ഏകാന്തതയിൽ ജീവിക്കുന്ന അവരുടെ അടുക്കലേക്കു ആണ് ആ രണ്ടു പേർ വരുന്നത്.ഗർഭിണിയായ ഇസബെൽ,അവളുടെ കാമുകനായ മർക്കസ്.

  ആരെയും തന്റെ വീട്ടിലേക്കും ജീവിതത്തിലേക്കും അടുപ്പിക്കാതെ ഇരുന്ന വിവിയൻ എന്നാൽ ഇന്ധനം തീർന്ന മൂലം വഴിയിൽ കുടുങ്ങി പോയ അവരെ ആ വലിയ ബംഗ്ലാവിൽ താമസിക്കാൻ അനുവദിക്കുന്നു.അൽപ്പം ഭയത്തോടെ തന്നെ.അപരിചിതർ ആയ രണ്ടു പേർ.ഒറ്റയ്ക്ക് താമസിക്കുന്ന വൃദ്ധ.എന്നാൽ അടുത്ത ദിവസങ്ങളിൽ അവർ ആ സത്യം മനസ്സിലാക്കുന്നു.താൻ അപകടത്തിൽ ആണെന്ന് അവർ മനസ്സിലാക്കിയെങ്കിലും അൽപ്പം വൈകിയിരുന്നോ?അവരെ അപായപ്പെടുത്തുവാൻ അവർ ശ്രമിക്കുമോ?അവർ യഥാർത്ഥത്തിൽ ആരാണ്?അവർ പറഞ്ഞ കാര്യങ്ങൾ സത്യമാണോ?

   ചുരുക്കത്തിൽ മുകളിൽ പറഞ്ഞ കഥാസാരം വായിച്ചാൽ ഇടയ്ക്കു താമസിക്കുന്ന ആളുകളെ ശല്യപ്പെടുത്താൻ വന്ന അപരിചിതരുടെ ചിത്രം ആണെന്ന് ആകും തോന്നുക.അതിൽ തെറ്റു പറയാനും ഇല്ല.എന്നാൽ ചിത്രം ഈ രീതിയിൽ ആണ് അവതരിപ്പിക്കപ്പെട്ടതെങ്കിലും ചർച്ച ചെയ്യുന്ന വിഷയം വേറെയാണ് എന്നു മാത്രം.സിനിമയിൽ സസ്പെൻസ് ആയി അതിന്റെ രസച്ചരട് പൊട്ടിക്കുന്നുണ്ട്.എങ്കിലും Mystery,Thriller എന്ന ഴോൻറെയോട് എന്തു മാത്രം നീതി പുലർത്താൻ കഴിഞ്ഞു എന്നത് സംശയമാണ്.ത്രില്ലർ എന്നത് ഒരു പരിധി വരെ തെറ്റിദ്ധരിപ്പിക്കൽ പോലും ആയി തോന്നി.മിസ്റ്ററി ഘടകം ഏറെ കുറെ ഉണ്ടായിരുന്നെങ്കിലും അതിനു വലിയ impact ഉണ്ടാക്കാൻ സാധിച്ചും ഇല്ല.

  എന്നാൽക്കൂടിയും കൊടുത്ത ഴോൻറെ തെറ്റായി മാറി എന്ന അഭിപ്രായം ആണെങ്കിലും വേറെ ഒരു തരം ചിത്രം എന്നു പറയാം.ഒരു സൈക്കോളജിക്കൽ ,മിസ്റ്ററി,ഡ്രാമ ചിത്രം എന്നു പറയാം.അതു എന്നാൽ സ്ഥിരം കാണുന്ന സിനിമകളിലെ പോലെ അല്ല എന്ന് മാത്രം.എല്ലാവർക്കും suggest ചെയ്യുന്നും ഇല്ല.എങ്കിലും 80 മിനിറ്റുകൾ മാത്രം ഉള്ളത് കൊണ്ട് വലിയ നഷ്ടം ആകും എന്നും പറയാൻ കഴിയില്ല.സിനിമയുടെ ട്രീറ്റ്‌മെന്റ് വില്ലൻ ആയി മാറിയത് പോലെ ആണ് തോന്നിയത് മൊത്തത്തിൽ.ഒപ്പം തെറ്റിദ്ധരിക്കപ്പെട്ടതും!!

MH Views Rating:2/4

More movie suggestions @www.movieholicviews.blogspot.ca

ചിത്രം കാണാൻ ആഗ്രഹം ഉള്ളവർക്ക് എന്റെ ടെലിഗ്രാം ചാനലിൽ ലഭിക്കും.

t.me/mhviews

​​1022.Unstoppable(Korean,2018)

​​1022.Unstoppable(Korean,2018)

          Action,Thriller

 ഡോങ്-ചുൾ തന്റെ ഭാര്യയെ ആരോ കടത്തിക്കൊണ്ടു പോയി എന്ന് മനസ്സിലാക്കിയപ്പോൾ ആണ് ആ ഫോണ് കോൾ വരുന്നത്.സാധാരണ ഗതിയിൽ ഒരാളെ തട്ടിക്കൊണ്ടു പോയി വില പേശുന്ന കീഴ്‌വഴക്കം തെറ്റിച്ചു കൊണ്ടു കിഡ്നാപ് ചെയ്യപ്പെട്ട ആൾക്ക് ഒരു തുക നിശ്ചയിച്ചു അവരുടെ ഭർത്താവിന് നൽകുന്നു.വളരെ അസ്വഭാവികം ആയ രീതി.അവിശ്വസനീയം എന്നു വേണമെങ്കിൽ പറയാം.ഒപ്പം അവരെ അന്വേഷിക്കണ്ട എന്നും.

   ഡോങ്-ചുൾ പോലീസിനോട് പരാതിപ്പെട്ടെങ്കിലും അവർക്ക് ഇരയുടെ പേരിൽ ലഭിച്ച പണത്തിൽ ആയിരുന്നു കണ്ണ്.എന്നാൽ വർഷങ്ങൾക്കു മുൻപ് ഒരു ഗുണ്ട ആയിരുന്ന ഡോങ് ചുൾ തന്റെ ജീവിതം സാധാരണക്കാരനെ പോലെ ജീവിക്കാൻ ഉള്ള ശ്രമത്തിൽ ആയിരുന്നു.അതിനായി അയാൾ പല വിധ ജോലികൾ ചെയ്‌തു.ബിസിനസുകളിൽ തന്റെ ആകെ ഉള്ള സമ്പാദ്യം നിക്ഷേപിച്ചു ഭാഗ്യ പരീക്ഷണം നടത്തുന്നു.എന്നാൽ പല രീതിയിൽ തിരിച്ചടികൾ ആണ് ഉണ്ടാകുന്നത്.ഒരു ബിസിനസ്സിൽ കാശ് മുടക്കിയെങ്കിലും വൻ നഷ്ടം ഉണ്ടാകും എന്ന് ഉള്ള സാഹചര്യം വേറെയും.

എന്നാൽ ഡോങ്-ചുൾ വെറുതെ ഇരിക്കാൻ തയ്യാറായില്ല.അയാൾ തന്റെ പ്രിയതമയെ അന്വേഷിച്ചു ഇറങ്ങാൻ തീരുമാനിക്കുന്നു.പഴയ ഗുണ്ടാ വേഷം ഒന്നൂടി അണിഞ്ഞു കൊണ്ടു.ബാക്കി എന്താണ് സംഭവിക്കുക?ഡോങ് ചുൾ തന്റെ ലക്ഷ്യം നേടുമോ?ഭാര്യയെ തട്ടി കൊണ്ടു പോയവരെ കണ്ടെത്തുമോ?ചിത്രം കാണുക.

 മാ-ഡോങ് സിയോക്കിന്റെ ആക്ഷൻ കഥാപാത്രം ആണ് ഈ ചിത്രത്തിലെ ഡോങ്-ചുൾ.കാഴ്ചയിലും മാനറിസത്തിലും എല്ലാം ഒരു ഗുണ്ടയെ ഓർമിപ്പിക്കുന്ന മാ ഡോങ് ഈ സിനിമയിലും തന്റെ വേഷം നന്നായി ചെയ്‌തു.കഥയിൽ ഒന്നും പുതുമ ഇല്ലെങ്കിലും ഒരു ആക്ഷൻ സിനിമ എന്ന രീതിയിൽ തൃപ്തി നൽകും.പ്രത്യേകിച്ചും മാ-ഡോങ് സിയോക്കിന്റെ ആക്ഷൻ സിനിമകളുടെ ആരാധകർക്ക്.തരക്കേടില്ലാതെ ഒരു ആവറേജ് ആക്ഷൻ ചിത്രം ആണ് Unstoppable.

 MH Views Action Movie Rating:2/4

More movie suggestions @ www.movieholicviews.blogspot.ca

ചിത്രത്തിന്റെ ടെലിഗ്രാം ലിങ്ക് എന്റെ ചാനലിൽ ലഭ്യമാണ്.

​​1021.Awe(Telugu,2018)

​​1021.Awe(Telugu,2018)

          Mystery

  5 കഥാപാത്രങ്ങൾ.അവർക്ക് അവരുടേതായ ചില ലക്ഷ്യങ്ങളും താല്പര്യങ്ങളും ഉണ്ട് ആ ദിവസം.തന്റെ മാതാപിതാക്കളും ആയി റെസ്റ്റോറന്റിൽ വന്ന യുവതി.പുതുതായി ഷെഫ് ജോലിക്ക് വന്ന യുവാവ്.ഒരു വ്യവസായ സ്ഥാപനത്തിലെ ജോലിക്കാരൻ ആയ യുവാവ്.കഫേയിൽ ജോലിക്കാരി ആയ യുവതി.തന്റെ അമ്മയ്ക്ക് പകരം അന്നേ ദിവസം ബിൽ കൗണ്ടറിൽ ഇരുന്ന പെണ്കുട്ടി.

  ഈ അഞ്ച് കഥാപാത്രങ്ങളുടെ കഥകൾ സമാന്തരമായി പ്രേക്ഷകന്റെ മുന്നിൽ അവതരിപ്പിക്കുന്നു.ഓരോ കഥ വച്ചു നോക്കുമ്പോഴും ഓരോ ട്വിസ്റ്റും ആയി വരുമ്പോൾ പല ഷോർട്ട് ഫിലിമുകൾ അടുക്കി വച്ച് കാണിക്കുന്ന അനുഭവം ആണ് ഉണ്ടാവുക.പരസ്പ്പരം ഓരോ കഥയ്ക്കും മറ്റു കഥകളും ആയി ബന്ധം പോലും കാണാൻ സാധ്യത കുറവാണ്.

   ഈ രീതിയിൽ പോകുന്ന സിനിമ പിന്നീട് സംഭവ ബഹുലം ആവുക ആണ്.കഥാപാത്രങ്ങൾ കൂടുതൽ പ്രാധാന്യത്തോടെ ,തങ്ങളുടെ കഥകളുമായി പോകുമ്പോൾ നിഗൂഢമായ എന്തോ ഒന്ന് ഇതിൽ ഉണ്ടെന്നു തോന്നും.ഏതു ഴോൻറെ ആണെന്ന് പോലും പ്രേക്ഷകന് അധികം മനസ്സിലാകാതെ വന്നാലും കുറ്റം ഒരാളാണ് ഇല്ല.ഇടയ്ക്കു ഫാന്റസി ആയും,ഹൊറർ ആയും സ്ത്രീപക്ഷ സിനിമ ആയും,ക്രൈം സിനിമ ആയും എന്തിനു സയൻസ് ഫിക്ഷൻ ആണെന്ന് പോലും തോന്നി പോകും.'ഔ'  എന്ന തെലുങ്ക് ചിത്രം അവതരണത്തിൽ പ്രേക്ഷകനെ ഏറെ കുഴപ്പിക്കും.

   എന്താണ് ചിത്രം മൊത്തത്തിൽ പറയാൻ ശ്രമിക്കുന്നത് എന്നു പ്രേക്ഷകന് ചിന്തിച്ചു തുടങ്ങുന്നിടത്തു വീണ്ടും ട്വിസ്റ്റ് വരുന്നു.എന്താണ് 'ഔ'?ഈ കഥാപാത്രങ്ങളുടെ പിന്നിൽ എന്തെങ്കിലും രഹസ്യമുണ്ടോ?അവർ തമ്മിൽ ബന്ധം ഉണ്ടോ?ചിത്രം കാണുക.

  തെലുങ്ക് സിനിമയും കാര്യമായ മാറ്റങ്ങളിലൂടെ കടന്നു പോവുകയാണ്.തെലുങ്ക് സിനിമകളെ കുറിച്ചുള്ള പൊതു ബോധം തകർക്കുന്ന രീതിയിൽ കുറെ ഏറെ സിനിമകൾ മികവോട് കൂടി തന്നെ കഴിഞ്ഞ ഏതാനും വർഷങ്ങളായി വരുന്നുണ്ട്.നല്ല മാറ്റമാണ്.വലിയ ബഡ്ജറ്റിൽ മാസ് മസാല പടങ്ങൾ അല്ലാതെ വ്യത്യസ്തമായ പടങ്ങൾ ചെയ്യാൻ കഴിവുള്ള ഒരു ഇന്ഡസ്ട്രിയെ സംബന്ധിച്ചു ശുഭകരമായ കാര്യമാണിത്.

Spoiler:

  ഒരു ഹോളിവുഡ് സിനിമയുമായി മുഖ്യ പ്രമേയത്തിന് ബന്ധം ഉണ്ടെങ്കിലും,(ആ സിനിമയുടെ പേര് ദയവു ചെയ്തു ഇവിടെ പറയരുത്.കാണാൻ ഉള്ളവർക്ക് ആ രസം നഷ്ടമാകും) കഥയിൽ വരുത്തിയ വലിയ മാറ്റങ്ങൾ ഒരിക്കലും ആ സിനിമ ആണെന്ന് ഉള്ള തോന്നൽ പ്രേക്ഷകരിൽ ഉണ്ടാക്കില്ല.ക്ളൈമാക്സിൽ വളരെ സരളമായി കാര്യങ്ങൾ സ്പൂണ് ഫീഡ് ചെയ്തു കൊടുക്കുന്നത് കൊണ്ടു പ്രേക്ഷകന് കാര്യമായ സംശയം ഒന്നും ഉണ്ടാവുകയും ഇല്ല.ഇത്തരത്തിൽ ഉള്ള ഒരു പ്രമേയത്തെ ഇന്ത്യൻ  പ്രേക്ഷകരുടെ മുന്നിൽ 'make in India' രൂപത്തിൽ അവതരിപ്പിക്കുന്നത് തന്നെ വളരെ ശ്രമകരം ആണ്.അതിൽ 'ഔ' സിനിമയുടെ അണിയറ പ്രവർത്തകർ വിജയിച്ചിട്ടുണ്ട്.അതു തന്നെ ആണ് സിനിമയുടെ പ്ലസ് പോയിന്റ്.

എന്താണ് സംഭവിക്കുന്നത് എന്നു മനസ്സിലാകാതെ സിനിമ കണ്ടു കൊണ്ടിരുന്നപ്പോൾ ആണ് ക്ളൈമാക്‌സ് വരുന്നത്.ഒറിജിനൽ സിനിമ കണ്ട അതേ ദിവസം ഉള്ള കൗതുകം ആയിരുന്നു അത് കണ്ടപ്പോൾ.അതു കൊണ്ടു തന്നെ ഇഷ്ട ചിത്രങ്ങളിൽ ഒന്നായി മാറുകയും ചെയ്തു.

സസ്പെൻസ് മനസ്സിലായവർക്കും കണ്ടു നോക്കാവുന്ന ഒന്നാണ് സിനിമ.കാരണം കഥാപരമായി നല്ല വ്യത്യാസം ഉണ്ട് ഒറിജിനലിൽ നിന്നും ഈ സിനിമയ്ക്കു.ചിത്രത്തിന്റെ നിര്മാതാക്കളിൽ നാനിയും ഉണ്ട്.

MH Views Rating:2.5/4

More movie suggestions @www.movieholicviews.blogspot.ca

സിനിമയുടെ ലിങ്ക് എന്റെ ടെലിഗ്രാം ചാനലിൽ ലഭ്യമാണ്.

1252. Safe (English, 2018)

1252. Safe (English, 2018)

           Mystery, Drama

"Nothing Stays Hidden Forever". ഭൂതകാലത്തിന്റെ ഭയത്തിൽ ഒരു gated community ആയി മാറിയ ഒരു കൂട്ടം ആളുകളുടെ ഇടയിൽ ഉള്ള രഹസ്യങ്ങളുടെ ചുരുളഴിയുക ആണ് ഒരു കൊലപാതകത്തിന്റെ പിന്നിൽ ഉള്ള രഹസ്യങ്ങൾ അന്വേഷിച്ചു വരുമ്പോൾ.Safe ന്റെ പ്രമേയം ഇതാണ്.

   Number of Episodes:8

   Streaming Platform :Netflix

   Duration: 45 mins+

 The Stranger കണ്ടതോടെ Harlan Coben ഫാൻ ആയി മാറിയതാണ്. അദ്ദേഹത്തിന്റെ ഈ രണ്ടു പരമ്പരകളും തമ്മിൽ ഉള്ള സാമ്യം ഓരോ കഥാപാത്രങ്ങളും ഒളിപ്പിച്ചു വച്ചിരിക്കുന്ന നിഗൂഢത ആണ്.അപ്രധാനം എന്നു തോന്നുന്നു കഥാപാത്രങ്ങളിൽ പോലും പ്രേക്ഷകനിൽ ദുരൂഹമായ എന്തോ ഉണ്ടെന്നു തോന്നിപ്പിക്കുകയും അതിനു അനുബന്ധമായി ഒരു രഹസ്യം നൽകുകയും ചെയ്യുന്നു മികച്ച കഥാവതരണം ആണ്. പ്രേക്ഷകന് അധികം ഒന്നും ഊഹിക്കാൻ പറ്റാത്ത രീതിയിൽ ആണ് പല സംഭവങ്ങളും.

  Safe അത്തരത്തിൽ ഒന്നാണ്.അവസാന സീനിലേക്കു പോകുമ്പോൾ പോലും ഇത്തരം നിഗൂഢത ഒളിപ്പിച്ചു വച്ചിരിക്കുന്നതായി കാണാം.Michael C Hall ന്റെ കഥാപാത്രം ദുരൂഹ സാഹചര്യത്തിൽ കാണാതായ മകളെ അന്വേഷിച്ചു ഇറങ്ങുന്നതാണ് Safe ന്റെ പ്രമേയം.പിന്നീട് അതിനോട് ബന്ധപ്പെട്ട ധാരാളം ദുരൂഹതകൾ പുറത്തു വരുന്നു.

  തീർച്ചയായും കാണാൻ ശ്രമിക്കുക.മികച്ച കഥയും,കഥാപാത്രങ്ങളും, mystery elements എല്ലാം കൂടി binge worthy ആയുള്ള ഒരു സീരീസ് ആണ് Safe.I really liked it!!

 MH Views Rating: 4.5/5

  t.me/mhviews യിൽ ലിങ്ക് ലഭിക്കുന്നതാണ്.

1251.La Foret (French,2017)

1251.La Foret (French,2017)

         Crime Investigation/Drama

  മൂന്നു പെണ്കുട്ടികളുടെ തിരോധാനം ആ ചെറിയ നഗരത്തെ ഭീതിയിലാഴ്ത്തി.അൽപ്പ ദിവസത്തിനു ശേഷം അന്വേഷണങ്ങൾക്ക് ഒടുവിൽ മൃതദേഹങ്ങൾ ലഭിച്ചു തുടങ്ങി.അതിൽ ഒന്നു ആ മൂന്നു പേരിൽ ഒരാളുടെ ആയിരുന്നു.പക്ഷെ ബാക്കി ലഭിച്ചതോ?ഒരു പരമ്പര കൊലയാളിയുടെ സാന്നിധ്യം അവിടെ ഉണ്ടോ?

Number of Episodes:6

 Streaming Platform: Netflix

Duration: 45 mins+

  6 എപ്പിസോഡുകൾ മാത്രം ഉള്ള ഫ്രഞ്ച് സീരീസ് ആണ് La Foret.പതിഞ്ഞ താളത്തിൽ തുടങ്ങി, കഥാപാത്രങ്ങളെ പ്രേക്ഷകരോട് കൂടുതൽ അടുപ്പിച്ചതിനു ശേഷം ആ ചെറിയ നഗരത്തിലെ പലർക്കും ഉള്ള രഹസ്യങ്ങൾ പതിയെ പുറത്തു കൊണ്ടു വരുന്നു.പലരും അവരെ കുറിച്ചു പൊതുവായി ഉള്ള അഭിപ്രായങ്ങളെ മാറ്റി മറിയ്ക്കുന്നുണ്ട്.പരിചയം ഉള്ളവർ പലരും ഈ കേസ് അന്വേഷണത്തിൽ പലരിൽ നിന്നും അകലുന്നു.

  കാട് പശ്ചാത്തലമായി ധാരാളം സംഭവങ്ങൾ നടക്കുന്നത് കൊണ്ടു തന്നെ പരമ്പരയുടെ പേര് നല്ലതു പോലെ യോജിക്കുന്നും ഉണ്ട്.മനസ്സിന്റെ മനസ്സും അങ്ങനെ ആണല്ലോ.കാട് കയറി എന്നൊക്കെ പറയില്ല?ആ ഒരു അവസ്ഥയിൽ എത്തുമ്പോൾ എന്താകും ഉണ്ടാവുക?

  അതിന്റെ ഒപ്പം സ്വന്തം അസ്തിത്വം കണ്ടു പിടിക്കുന്ന കഥാപാത്രം, സ്വന്തമായി ചുമതലകളിൽ മാറി നിൽക്കുന്നവർ,സ്വന്തം ചുമതലകൾ ഏറ്റവും നന്നായി ചെയ്യുന്നവർ, ഇവരെയെല്ലാം കൂടാതെ സ്വന്തം ചുമതലകളിൽ കള്ളങ്ങൾ ഒളിപ്പിച്ചു വച്ചവർ.

   പ്രധാനമായും കഥാപാത്രങ്ങളുടെ വൈകാരികമായ വശം ആണ് പരമ്പര ശ്രദ്ധയൂന്നിയിരിക്കുന്നത്.അതു ഒരു വിധത്തിൽ നല്ലതിനും ആയിരുന്നു.കാരണം, പല സംഭവങ്ങൾ തമ്മിലും ബന്ധിപ്പിക്കുന്ന ധാരാളം കാര്യങ്ങൾ ഇതിൽ നിന്നെല്ലാം ഉടലെടുക്കുന്നത് പ്രേക്ഷകനു സംഭവ വികസങ്ങളോടുള്ള താൽപ്പര്യം കൂട്ടുന്നു.

  കാണാൻ മറക്കരുത്.മികച്ച പരമ്പരകളിൽ ഉൾപ്പെടുത്താവുന്ന ഒന്നാണ് La Foret.

MH Views Rating 4/5

t.me/mhviews or @mhviews എന്ന ടെലിഗ്രാം സെർച്ചിൽ പരമ്പരയുടെ ലിങ്ക് ലഭിക്കുന്നതാണ്.

1250. The Silencing(English,2020)

1250. The Silencing(English,2020)
           Mystery, Crime

  വെള്ളത്തിലൂടെ ഒഴുകി വരുന്ന സ്ത്രീയുടെ മൃതദേഹം ആണ് ഈ സിനിമയുടെ ആദ്യ സീനിൽ.കൊലപ്പെടുത്തിയത്തിനു ശേഷം ഉപേക്ഷിക്കപ്പെട്ട ശരീരത്തിൽ നിന്നും വ്യക്തമായ തെളിവുകൾ ഒന്നും ഒരു പ്രതിയിലേക്ക് എത്തി ചേരാൻ ലഭിക്കുന്നില്ല.എന്നാൽ പുതുതായി ചുമതലയേറ്റ ഷരീഫ് ആലീസ് MB എന്നെഴുതിയ ആയുധത്തിന്റെ ഒരു ഭാഗം മരത്തിൽ നിന്നും കണ്ടെത്തി.ആരോ അവളെ വേട്ടയാടിയിരിക്കുന്നു.അതിനു ശേഷം കൊലപ്പെടുത്തിയത് ആണെന്ന് മാത്രം മനസ്സിലായി.

    ചിത്രത്തിന്റെ പല ഫ്രയിമുകളും Nordic ചിത്രങ്ങളെ ഓർമിപ്പിച്ചു.ഇത്തരത്തിൽ ഉള്ള കഥയും അതിന്റെ അന്തരീക്ഷവും എല്ലാം കാരണം അങ്ങനെ തോന്നി.സിനിമയുടെ ഒഴുക്കിന് പോലും സമാനമായ സാദൃശ്യം ഉണ്ടായിരുന്നു.

  റെബേർന് എന്ന നിക്കോളജിന്റെ കഥാപാത്രത്തിന്റെ അന്വേഷണവും പോലീസിന്റെ അന്വേഷണവും എല്ലാം പലപ്പോഴും സങ്കീർണതകൾ നിറഞ്ഞതായിരുന്നു.കാരണം, ആർക്കും ആരെയും പല കാരണങ്ങൾ കൊണ്ട് വിശ്വാസം ഇല്ലായിരുന്നു.ബ്ളാക്ഹോക് എന്ന കഥാപാത്രവും ഇഷ്ടപ്പെട്ടൂ.നല്ല രീതിയിൽ ഇഷ്ടപ്പെട്ട ചിത്രം കുറെയേറെ കൊലപാതകങ്ങളിലേക്കുള്ള അന്വേഷണം കൂടി ആയി മാറുന്നു.

  ഇത്തരത്തിൽ ഉള്ള സിനിമകളുടെ സ്ഥിരം pattern ആണ് ചിത്രത്തിനുള്ളതെങ്കിലും സിനിമയിലുടനീളം മൂഡ് നിലനിർത്താൻ കഴിഞ്ഞിട്ടുമുണ്ട്.

  കാണാൻ ശ്രമിക്കുക!!

MH Views Rating 3.5/5

t.me/mhviews യിൽ ചിത്രത്തിന്റെ ടെലിഗ്രാം ചാനൽ ലിങ്ക് ലഭിയ്ക്കും.

1248. Remember The Titans (English, 2000)

1248. Remember The Titans (English, 2000)

     Sports, Biography

അമേരിക്കയിൽ ജോർജ് ഫ്ലോയ്ഡ് പോലീസുകാരാൽ മരണപ്പെട്ട സമയത്തു ആ സംഭവങ്ങളുമായി ഏറ്റവും അധികം മനസ്സിൽ വന്ന ചിത്രമാണ് Remember the Titans.ഏകദേശം ഇപ്പോൾ നടക്കുന്ന പ്രതിഷേധങ്ങൾ പോലെ ഒന്നു നടന്നിരുന്ന സമയത്തെ കഥയാണ് ചിത്രം പറയുന്നത്. ഇപ്പോഴത്തെ സംഭവങ്ങൾക്ക് ഇടയിൽ കേട്ട പ്രസക്തമായ ഒരു ഉദാഹരണം ഒരാൾ പറഞ്ഞിരുന്നു.അതു ഏകദേശം ഇങ്ങനെയാണ്. "ഞാൻ മദ്യപിച്ചു വണ്ടി ഓടിച്ചാൽ ഒരു പക്ഷെ പൊലീസ്‌ പിടിച്ചാൽ ഒരു ഫൈനിൽ ഒതുങ്ങും.എന്തായാലും വീട്ടിൽ പോകാൻ സാധിക്കും.പക്ഷെ ഒരു കറുത്ത വർഗ്ഗക്കാരൻ ആണെങ്കിൽ അയാൾ വീട്ടിൽ എത്തി ചേരുമോ എന്നു പോലും സംശയമാണ്".

    വംശീയമായ ഇത്തരം വ്യത്യാസങ്ങൾ ആണ് റേസിസം എന്ന പേരിൽ അറിയപ്പെടുന്നത്. Remember the Titans ഇത്തരം ചിന്തകളിലൂടെ ഉള്ള ഒരു പ്രയാണം ആണ്.ഒരു സ്പോർട്സ് സിനിമ ആണെങ്കിലും സാധാരണ ക്ളീഷേ സിനിമകളിലെ പോലെ തോറ്റ് കഴിയുന്ന ടീം ആയല്ല T.C വില്യംസ് ഹൈ സ്‌കൂളിനെ അവതരിപ്പിക്കുന്നത്.അവർ നല്ല ടീമും ആണ്.പക്ഷെ ആ സമയത്തു നടന്ന ഒരു സംഭവത്തിനു ശേഷം കറുത്ത വർഗ്ഗക്കാരുമായി ചേർന്ന് കളിക്കണം,ഒരു വേര്തിരിവും പാടില്ല എന്നുള്ള സ്ക്കൂളിന്റെ പുതിയ നിയമം വരുത്തുന്ന മാറ്റങ്ങൾ പല സാഹചര്യങ്ങളെയും മാറ്റുന്നു.

  അവിടെ മുതൽ ഇതു സൗഹൃദത്തിന്റെ കഥയാണ്.കളിക്കളത്തിന് പുറത്തു വംശീയ വെറുപ്പിന്റെ പുകയുന്ന സംഭവങ്ങൾ.എന്നാൽ അവരിൽ നിന്നും ഉള്ളവർ തന്നെ  കോച്ച് ബൂണിന്റെ നേതൃത്വത്തിൽ നടത്തുന്ന ഉയിർത്തെഴുന്നേൽപ്പ് കളിയുടെ മികവിന് ഒപ്പം മനുഷ്യരാശിയുടെ കൂടെ ആയിരുന്നു.

  Remember the Titans യഥാർത്ഥ ജീവിതത്തിലെ ആളുകളുടെ ഒപ്പം എപ്പോഴും ഓർക്കേണ്ടത് ആണ്,പല കാരണങ്ങൾ കൊണ്ടും.അതെന്താണ് എന്നു അറിയാൻ സിനിമ കാണുക.

ചിത്രം ഡിസ്‌നി പ്ലസ്സിൽ ലഭ്യമാണ്

MH Views Rating:4/5

More movie suggestions @www.movieholocviews.blogspot.ca

          

1249. Vivarium (English, 2019)

1249. Vivarium (English, 2019)

           Mystery, Fantasy

  ഞാനും ഭാര്യയും ഇടയ്ക്കു ചുമ്മാ വിൽക്കാൻ ഇട്ടിരിക്കുന്ന വീടുകൾ ഒക്കെ നോക്കി പോകാറുണ്ട്.മാർക്കറ്റിൽ ഉള്ള വീടുകൾ എങ്ങനെ ഉണ്ടെന്നു കാണാനും, വികയെ കുറിച്ചു ഒരു ധാരണ കിട്ടാനും ആണ് അത്.ഇങ്ങനെ പോകുന്ന സമയം ഭാര്യ ആണ് വണ്ടി ഓടിക്കുന്നതെങ്കിൽ Eastview ലെ ഒന്നു രണ്ടു സ്ട്രീറ്റിൽ വഴി ആകെ സങ്കീർണവും ആകും.ചിലപ്പോൾ ലൂപ്പ് പോലെ ഒക്കെ ചുറ്റും.അല്ലെങ്കിൽ രണ്ടു മൂന്നു കിലോമീറ്റർ അപ്പുറത്ത് ഒക്കെ ആകും എത്തുക.ഈ കഥയും Vivarium എന്ന സിനിമയും ആയി ഒരു ബന്ധം ഉണ്ടു.അതു വഴിയേ പറയാം.

   എനിക്ക് തോന്നുന്നത് ഈ സിനിമ കണ്ടു കഴിയുമ്പോൾ അവശേഷിക്കുന്നത് ഒരേ ഒരു ചോദ്യം ആണ് പ്രേക്ഷകന്റെ മുന്നിൽ.സിനിമ ഇഷ്ടമായോ ഇല്ലയോ എന്ന്.അതേ Vivarium അങ്ങനെ ഒരു ചിത്രം ആണ്.സിനിമയുടെ ഒരു 10 മിനിറ്റ് തുടക്കത്തിനും അപ്പുറം പ്രേക്ഷകൻ ചിന്തിക്കുക ക്ളൈമാക്സിനെ കുറിച്ചു മാത്രം ആകും.ക്ളൈമാക്‌സ് വീട്ടിൽ ഇരുന്നു ഉള്ള കാഴ്ചയുടെ സുഖത്തിൽ ഓടിച്ചു കാണരുത്.കണ്ടാൽ അവിടെ തീർന്നൂ സിനിമയോടുള്ള ഇഷ്ടം.

  Vivarium തന്നതും അത്തരം ഒരു അനുഭവം ആയിരുന്നു എനിക്ക്.സ്വന്തമായി വീട് വാങ്ങാൻ പോകുന്ന രണ്ടു ദമ്പതികൾ ടോം-ഗെമ്മ എന്നിവർ അതിനായി ഒരു ഏജന്റിനെ സമീപിക്കുന്നു.ബാക്കി ആദ്യ പാരഗ്രാഫിൽ പറഞ്ഞ കഥ പോലെ.പക്ഷെ അതിൽ കുറച്ചു കൂടി ട്വിസ്റ്റ് ഉണ്ടാകുന്നുണ്ട്.സിനിമ കണ്ടു നോക്കൂ.

    ജീവിതത്തിൽ ഏതു നേരം വേണമെങ്കിലും നമ്മൾ ഇത്തരം ഒരു ഫാന്റസിയിൽ എത്തുമായിരിക്കും എന്നാണ് തോന്നുന്നത്.ഉറക്കത്തിൽ ഒരു സ്വപ്നത്തിൽ എങ്കിലും.അല്ലെ?പക്ഷെ അത് നല്ലതു പോലെ പേടിപ്പിക്കുകയും ചെയ്യും എന്നാണ് തോന്നുന്നത്.റേറ്റിങ്,അഭിപ്രായങ്ങൾ ഒന്നും നോക്കി കണ്ട ചിത്രം അല്ലായിരുന്നു.പ്രമേയത്തിലെ കൗതുകം ആണ് സിനിമ കാണാൻ കാരണം.പക്ഷേ പ്രതീക്ഷിച്ചതിലും അപ്പുറം ആയിരുന്നു സിനിമ കാണുമ്പോൾ ഉള്ള ആകാംക്ഷ.ക്ളൈമാക്സിനോട് അടുക്കുമ്പോൾ പ്രതീക്ഷിച്ച ഒരു സുഖം കിട്ടിയതും ഇല്ല.മോശം ആണെന്നുള്ള പറഞ്ഞത്‌.നല്ല ഡിപ്രഷൻ ആക്കി തന്നു ക്ളൈമാക്‌സ്.

  സ്ഥിരം രീതിയിൽ ഉള്ള സിനിമകൾ മടുക്കുമ്പോൾ കണ്ടു നോക്കൂ.ബോർ അടിക്കുന്ന സിനിമ ഒന്നും അല്ല.ഒന്നുമില്ലെങ്കിലും ജെസ്സി എയ്‌സെൻബെർഗ് അല്ലെ നായകൻ? (?).അതിനൊപ്പം സിനിമയെ അപഗ്രഥിക്കാൻ പോയാൽ ധാരാളം കാര്യങ്ങൾ ചിന്തിക്കാൻ കഴിയുമായിരിക്കും.പക്ഷെ അതിനു നമ്മൾ ഒരു അഴിയാക്കുരുക്കിൽ ഇരുന്നു തന്നെ ആലോചിക്കേണ്ടി വരും.

മറ്റൊന്ന് കൂടി ഉണ്ട്.നമ്മുടെ ചുറ്റും ഉള്ള ലോകത്തിനും ഇപ്പൊ ഈ സിനിമയിലെ കഥാപാത്രങ്ങളുടെ അവസ്ഥ ആണ്.ഒന്നു ആലോചിച്ചു നോക്കിക്കേ സിനിമ കണ്ടു കഴിയുമ്പോൾ.

  MH Views Rating:4/5

  www.movieholicviews.blogspot.ca യിൽ സിനിമയുടെ ടെലിഗ്രാം ലിങ്ക് ലഭ്യമാണ്.

1247. Rovdyr aka Manhunt (Norwegian,2008)

1247. Rovdyr aka Manhunt (Norwegian,2008)

         Horror.

  ആദ്യം തന്നെ പറയാൻ പോകുന്നത് Rovdyr അത്ര മികച്ച സിനിമ അല്ല എന്നാണ്.സിനിമ സജഷൻ എന്ന നിലയിൽ പോസ്റ്റ് ഇടണം എങ്കിൽ എന്തെങ്കിലും നല്ലത് വേണ്ടേ?അങ്ങനെ നോക്കുക ആണെങ്കിൽ മാത്രം ഒരു നല്ല വശം ഉണ്ട് .സിനിമയുടെ genre നോട് നീതി പുലർത്തി എന്ന നിലയിൽ മാത്രം.അതു കൊണ്ടാണ് ഈ പോസ്റ്റും.

  സാധാരണ നോർവീജിയൻ സിനിമകളുടെ ഭംഗി ഒന്നും Rovdyr നു ഇല്ല.Rovdyr raw ആണ്.ആദ്യ സീൻ മുതൽ അത് വ്യക്തമായി കാണാം.കഥ ക്ളീഷേ ആണ്.പക്ഷെ ഹൊറർ എന്ന നിലയിൽ മൊത്തം രക്തമാണ്.കൊല്ലും കൊലയും മാത്രം.ഒരു ട്രിപ്പിനായി ഇറങ്ങുന്ന നാലംഗ സംഘം ഒരു പെട്രോൾ പമ്പിൽ വച്ചു പരിചയപ്പെടുന്ന സ്ത്രീയെ കൂടെ കൂട്ടി.അവിടുന്നു തുടങ്ങുന്നു സിനിമയിലെ സംഭവങ്ങൾ.

  അതങ്ങനെ പോവുകയാണ്.ക്രൂരമായി കൊല ചെയ്യപ്പെടുന്ന ആളുകൾ ഒക്കെ ആയി.തീർച്ചയായും കാണണം എന്നൊന്നും പറയില്ല.ഇത്തരം സിനിമകൾ താൽപ്പര്യം ഉള്ളവർക്ക് കണ്ടു നോക്കാവുന്നത് ആണ്.നേരത്തെ പറഞ്ഞത് പോലെ genre നോട് നീതി പുലർത്തി എന്നതാണ് ഒരേ ഒരു പ്ലസ് പോയിന്റും.ബാക്കി കാണുക ആണെങ്കിൽ വിലയിരുത്തുക.

MH Views Rating 2.5/5

സിനിമയുടെ ടെലിഗ്രാം ചാനൽ ലിങ്ക് t.me/mhviews or @mhviews  എന്ന telegram search ൽ ലഭ്യമാണ്.

1246. Bad Education (English,2019)

1246. Bad Education (English,2019)

           Crime, Drama

  അമേരിക്കൻ വിദ്യാഭ്യാസരംഗത്തെ ഏറ്റവും വലിയ അഴിമതിയുടെ കഥ അവതരിപ്പിക്കുക ആണ് Bad Education ൽ.ക്രൈം/ഡ്രാമ വിഭാഗത്തിൽ ഉൾപ്പെടുത്താവുന്ന ചിത്രം എന്ന രീതിയിൽ ആണ് കണ്ടു തുടങ്ങിയതെങ്കിലും ഉള്ളി പൊളിക്കുന്ന പോലെ കഥാപാത്രങ്ങളെ മനസ്സിലാക്കി വരുമ്പോൾ ഒരു ത്രില്ലർ ആയി അനുഭവപ്പെട്ടു. ഫ്രാങ്ക് തസ്സോൻ എന്ന കഥാപാത്രം Hugh Jackman ന്റെ Career-best ആണ് എന്ന് നിരൂപകർ വാഴ്ത്തുമ്പോൾ അതിൽ എന്തെങ്കിലും ഉണ്ടായിരിക്കണമല്ലോ?

  റോസ്ലിൻ പബ്ലിക് സ്‌കൂളുകൾ അമേരിക്കയിലെ വിദ്യാഭ്യാസ രംഗത്ത് ഉന്നതിയിൽ എത്തിച്ച ഫ്രാങ്ക്-പാം എന്നിവരെ എല്ലാവരും ബഹുമാനത്തോടെ ആണ് കണ്ടിരുന്നത്.എന്നാൽ ഒരു ഇന്ത്യൻ വംശജയായ റേച്ചൽ ഭാർഗവ സ്‌കൂൾ ന്യൂസ് പേപ്പറിന് വേണ്ടി സ്വപ്ന പദ്ധതിയായ skywalk നെ കുറിച്ചു അഭിമുഖം നടത്താൻ വന്നതോടെ എല്ലാം മാറി മറിയുന്നു.

  ഒരു അഴിമതിയുടെ കഥ എന്നതിൽ നിന്നും കഥാപാത്രങ്ങളിലേക്ക് ഇറങ്ങി ചെന്നു കൊണ്ടു അവരുടെ പബ്ലിക് ഇമേജിന് അപ്പുറം ഉള്ള ലൈഫ് ഒക്കെ നന്നായി അവതരിപ്പിച്ചിട്ടുണ്ട്.നമ്മൾ എല്ലാം ജീവിക്കുന്നത് കുമിളകളിൽ ആണ്.ചിലരുടെ പ്രതിഛായയിൽ ഉണ്ടാക്കിയെടുത്ത കുമിളകളിൽ ഭാഗമാകുന്നു എന്നു മാത്രം.എല്ലാം നന്നായി പോകുമ്പോൾ ചോദ്യങ്ങളും വരില്ലല്ലോ?ഈ പറഞ്ഞതിന്റെ അർത്ഥം സിനിമ കണ്ടു കഴിയുമ്പോൾ മനസ്സിലാകും.

  തീർച്ചയായും കണ്ടിരിക്കേണ്ട ചിത്രം.പ്രത്യേകിച്ചും അവതരണ രീതി നന്നായി ഇഷ്ടപ്പെട്ടൂ.

MH Views Rating:3.5/5

സിനിമയുടെ ലിങ്ക് t.me/mhviews or @mhviews എന്ന ടെലിഗ്രാം സെർച്ചിൽ ലഭ്യമാണ്.

1245. Anna(English,2019)

1245. Anna(English,2019)

          Action, Thriller

    ജീവിതത്തിൽ മോശമായ തീരുമാനങ്ങൾ മോശപ്പെട്ട അവസ്ഥയിൽ എടുക്കേണ്ടി വന്ന റഷ്യക്കാരി ആയ അന്ന അവളുടെ ജീവിതത്തിൽ മാറ്റം വരണം എന്ന ആഗ്രഹത്തോടെ ജീവിക്കുന്നു.അവസാനം ആ അവസരം ഒത്തു വരുന്നു.കുറച്ചു വർഷം ജോലി ചെയ്യുക.സ്വാതന്ത്ര്യം അനുഭവിക്കുക എന്നതായിരുന്നു അവൾക്കു ലഭിച്ച ഓഫർ.അതിനായി അവൾ മറ്റൊരാളായി മാറേണ്ടതുണ്ടായിരുന്നു.അവൾ മാറി.എന്നാൽ അവൾക്ക് വാഗ്ദാനങ്ങൾ നല്കിയവർക്കു അതു പാലിക്കാൻ സാധിച്ചോ? 

  Luc Besson ന്റെ കിടിലം ഒരു ആക്ഷൻ -സ്പൈ ത്രില്ലർ ആണ് അന്ന.സ്ത്രീ കഥാപാത്രം ഇത്തരം ഒരു റോൾ അവതരിപ്പിക്കുമ്പോൾ ഉള്ള ഗ്ലാമറും ആക്ഷനും എല്ലാം പുറമെ നല്ല രീതിയിൽ ഉള്ള ട്വിസ്റ്റും സസ്പെന്സും എല്ലാം ചിത്രത്തിന്റെ ഭാഗമാണ്.സുന്ദരിയായ ചാര വനിതയെ കൊണ്ടു ഹണി ട്രാപ്പിന് മാറ്റഗ്രാമീ കൊള്ളൂ എന്നു ഓൾഗ പറയുന്നുണ്ട്.എന്നാൽ അന്ന വ്യത്യസ്ത ആയിരുന്നു. ഒരു സ്പൈ എന്നതിലുപരി തന്റെ ഉള്ളിൽ എപ്പോഴും ആഗ്രഹിക്കുന്ന സ്വാതന്ത്ര്യം ആണ് അന്നയെ കൊണ്ടു എല്ലാം ചെയ്യിപ്പിക്കുന്നത്.അവൾക്കു എല്ലാവരും കൊടുക്കുന്നത് വാഗ്ദാനങ്ങൾ ആണ്.അവൾ അവളുടെ ജോലി ചെയ്യുമ്പോൾ തനിക്കായി വാഗ്ദാനം നല്കിയതെല്ലാം അവൾക്കു വേണം എന്ന് തീരുമാനിക്കുന്നിടത്താണ് സിനിമ മികച്ച ഒരു ത്രില്ലർ ആകുന്നതു.

 La Femme Nikita, Lucy, Leon: The Professional എന്നിവയിലൊക്കെ ആക്ഷൻ നായികമാരെ മികച്ച രീതിയിൽ അവതരിപ്പിച്ച Luc Besson അന്നയെയും അതേ രീതിയിൽ ശക്തമായി തന്നെ അവതരിപ്പിച്ചിട്ടുണ്ട്.അന്നയായി വന്ന Sasha Luss നു ഇണങ്ങുന്ന കഥാപാത്രമായിരുന്നു അന്ന.

  ഒരു ആക്ഷൻ ത്രില്ലർ കാണാൻ താൽപ്പര്യം ഉണ്ടെങ്കിൽ അന്ന ഒരു ഓപ്‌ഷൻ ആയി വച്ചോളൂ.

 MH Views Rating:3.5/5

ചിത്രത്തിന്റെ ടെലിഗ്രാം ചാനൽ ലിങ്ക്  t.me/mhviews or @mhviews എന്ന ടെലിഗ്രാം ചാനലിൽ ൽ ലഭ്യമാണ്.