1294. Unhinged (English, 2020)

 1294. Unhinged (English, 2020)

          Thriller.

   സ്വന്തം ജീവിതം നശിച്ച ഒരാൾ.അയാളുടെ മുന്നിൽ ഉള്ള ജീവിതത്തെ നേരിടാൻ അയാൾക്ക്‌ പല വഴികൾ ഉണ്ട്.ചിലപ്പോൾ ഒന്നിരുന്നു ചിന്തിച്ചാൽ തീരാവുന്ന പ്രശ്നം മാത്രമേ ഉണ്ടാകൂ.പലപ്പോഴും ഇതു നടക്കുന്നത് ആ സമയത്തെ ചിന്തകൾക്ക് അനുസരിച്ചു ആകും.

  ഒരു മോശം ദിവസത്തിന്റെ വില എന്താണെന്ന് ഈ അവസ്ഥയിൽ ഉള്ള ആൾ മറ്റൊരാളെ പഠിപ്പിക്കാൻ ശ്രമിച്ചാലോ??നടക്കുന്നത് ഭീകരമായ സംഭവങ്ങൾ ആയിരിക്കും.അതാണ് ഒരു edge-of-the-seat-thriller എന്നു വിളിക്കാവുന്ന Unhinged ന്റെ കഥ. അന്നത്തെ ദിവസം ഇത്രയും ഭീകരം ആകും എന്നു ആരും കരുതി കാണില്ല.

   റസൽ ക്രോ ഈ ചിത്രത്തിന് വേണ്ടി ഭാരം കൂട്ടിയത് വാർത്ത ആയതു മുതൽ കാത്തിരുന്ന ചിത്രം ആയിരുന്നു.കഥയുടെ സിനോപ്സിസ് വായിച്ചപ്പോൾ തന്നെ പ്രതീക്ഷയും കൂടി.ചിത്രത്തിന്റെ ആദ്യ സീൻ ഉണ്ട്.ഏതാനും നിമിഷങ്ങൾക്കുളിൽ നടന്ന സംഭവം എന്താണെന്ന് ഒന്നൂടി rewind ചെയ്തു നോക്കേണ്ടി വന്നു.ഭീകരമായൊരു സീനിന്റെ മികച്ച അവതരണം എന്നു പറയേണ്ടി വരും അതിനെ.

റസൽ ക്രോവിന്റെ കഥാപാത്രം ശരിക്കും ഭയപ്പെടുത്തും.സ്‌ക്രീനിൽ ആ കഥാപാത്രം വരുമ്പോൾ തന്നെ ഭയം എന്നൊരു വാക്ക് ആയിരിക്കും പ്രേക്ഷകന്റെ മനസ്സിൽ ഉണ്ടാവുക.ശരിക്കും ഞെട്ടിച്ച പ്രകടനം.ഒരു one-മാൻ- show എന്നു പറഞ്ഞാൽ അധികമാകില്ല.

  ജീവിതത്തിലെ ചെറിയ സംഭവങ്ങൾ പല മനസ്ഥിതി ഉള്ളവരെ എങ്ങനെ ബാധിക്കും എന്നത് നോക്കി കാണേണ്ടത് ആണ്.റിപ്പോർട്ടുകൾ പകരം ലോകമെമ്പാടും road rage പോലുള്ള സംഭവങ്ങൾ ഒക്കെ വർദ്ധിച്ചു വരുമ്പോൾ പ്രത്യേകിച്ചും.വണ്ടിയുടെ ഹോണ് ഇതു വരെ ഒരു പ്രാവശ്യം മാത്രം അടിക്കേണ്ടി വന്ന അവസ്ഥയിൽ ഉള്ള രാജ്യത്തു ജീവിക്കുന്ന ,അത്തരത്തിൽ ഉള്ള ഒരു സംസ്ക്കാരം ഉള്ള രാജ്യങ്ങളിൽ ഒരു വലിയ പ്രശ്നം ഉണ്ടാക്കാൻ അതു മതിയായിരിക്കും.അത്തരത്തിൽ ഒരു Courtesy Tap ന്റെ വില എന്താണ് എന്ന് അറിയാൻ Unhinged കാണുക.

  എന്റെ ഈ വർഷത്തെ ഇഷ്ട സിനിമകളിൽ ഒന്നാണ് Unhinged.

 ചിത്രത്തിന്റെ ലിങ്ക്  @mhviews എന്ന് ടെലിഗ്രാമിൽ സെർച്ചിൽ  ലഭ്യമാണ്.

1293. Mother's Day( English, 2010)

 1293. Mother's Day( English, 2010)

          Thriller, Horror

  അമ്മമാർ മക്കളെ നല്ലവരായും , ഒപ്പം നന്മയുടെ പ്രതീകങ്ങൾ ആയി ഭാവിയിൽ വളരും എന്ന പ്രതീക്ഷയിൽ ആണ് വളർത്തുന്നത്.എന്നാൽ ഇവിടെ ഒരു അമ്മയുണ്ട്.അമ്മയുടെ സ്വഭാവം കണ്ടാൽ അമ്മയൊരു അമ്മയാണോ എന്നു ചോദിച്ചു പോകും.അങ്ങനെ ഒരു അമ്മയുടെ സംഭവബഹുലമായ കഥയാണ് കുറച്ചു വയലൻസും, കൊലപാതകവും, കള്ളങ്ങളും എല്ലാം കൂടി അവതരിപ്പിച്ചിരിക്കുന്ന സിനിമയുടെ പേരാണ് Mother's Day.

   സൊഹാപ്പി കുടുംബം അവരുടെ സുഹൃത്തുക്കളും ആയി വീടിന്റെ ബേസ്മെന്റിൽ ഒരു പാർട്ടിയിൽ ആയിരുന്നു.നേരത്തെ ഉണ്ടായിരുന്ന അതിഥികളെ കൂടാതെ ക്ഷണിക്കപ്പെടാത്ത 3 അതിഥികൾ കൂടി അവിടെ എത്തി.എന്നാൽ അതിഥികൾ ആണ് എന്നുള്ള ചിന്തയിൽ അല്ല അവർ അവിടെ വന്നത്.കാരണം, അതവരുടെ വീട് ആയിരുന്നു

 

  പിന്നീട് എന്തു സംഭവിക്കുന്നു എന്നതാണ് സിനിമയുടെ ബാക്കി കഥ. 1980 ൽ റിലീസ് ആയ ഇതേ പേരിൽ ഉള്ള സ്ളാഷർ സിനിമയെ ആസ്പദമാക്കിയാണ്  സിനിമ അവതരിപ്പിച്ചിരിക്കുന്നത്.

  ജീവിതത്തിലെ നിർണായകമായ നിമിഷങ്ങളിൽ മനുഷ്യൻ പല കാര്യങ്ങളോടും എങ്ങനെ പ്രതികരിക്കും എന്നത് കണ്ടു മനസ്സിലാക്കേണ്ടത് ആണ്.പ്രത്യേകിച്ചും തീർത്തും പരിചിതമല്ലാത്ത ഒരു അവസ്ഥ.ജീവിതത്തിൽ പുറമെ ചിരിച്ചു കാണിച്ചു കൊണ്ടുള്ള ജീവിതവും അതിന്റെ ഉള്ളിൽ ഉള്ള വേദനകളും എല്ലാം.

  പക്ഷെ ഈ ഒരു ഘടകത്തിനും അപ്പുറം ഈ ചിത്രം ഒരു Slasher ചിത്രമാണ്, ഒരു സൈക്കോളജിക്കൽ ത്രില്ലർ ആണ്, ഒപ്പം അത്യാവശ്യം അപ്രതീക്ഷിതമായ ഒരു ക്ളൈമാക്‌സ് ഉള്ള ചിത്രവും  ആണ്.കണ്ടു നോക്കുക, പ്രത്യേകിച്ചും ഈ ഴോൻറയിൽ ഉള്ള ചിത്രങ്ങൾ താൽപ്പര്യം ഉള്ളവർ.നിരാശരകേണ്ടി വരില്ല.

 ചിത്രത്തിന്റെ ടെലിഗ്രാം ചാനൽ ലിങ്ക് @mhviews എന്നു ടെലിഗ്രാമിൽ സെർച്ച് ചെയ്യുമ്പോൾ ലഭിക്കുന്നതാണ്.

1292. The Wolf of Snow Hollow (Engish, 2020)

 1292. The Wolf of Snow Hollow (Engish, 2020)

         Mystery.

  പൂർണ ചന്ദ്രൻ ഉള്ള ദിവസങ്ങളിൽ അടുത്തടുത്തായി നടക്കുന്ന കൊലപാതകങ്ങൾ.പ്രത്യേകിച്ചു ഒരു തെളിവും പൊലീസിന് ലഭിക്കുന്നില്ല.Werewolf ആകാം ഇതിനു പിന്നിൽ എന്ന വാദം വരെയുണ്ട്.എന്നാൽ ഇതിന് പിന്നിൽ ഒരു കൊലയാളി ഉണ്ടെന്നും, അതു മനുഷ്യൻ ആണെന്നും കരുതുന്നവരും ഉണ്ട്.എന്നാൽ പിന്നീട് Werewolf ആണ് എന്ന രീതിയിൽ ഉള്ള സംശയം ബലപ്പെടുകയും ചെയ്യുന്നു.ആരാണ് യഥാർത്ഥത്തിൽ ഇതിനു പിന്നിൽ?

    നായക കഥാപാത്രത്തെ അവതരിപ്പിച്ച ജിം കമ്മിങ്‌സ് ആണ് സംവിധാനവും കഥയും എഴുതിയിരിക്കുന്നത്.ഒരു കൊലപാതക മിസ്റ്ററി എന്നതിൽ നിന്നും അന്വേഷണത്തിൽ ഉണ്ടായിരുന്ന പോലീസ് ഉദ്യോഗസ്ഥന്റെ ഭയങ്ങളെയും സിനിമ അവതരിപ്പിച്ചിട്ടുണ്ട്.മികച്ച ഒരു ശ്രമം ആയാണ് ഈ സിനിമയെ കുറിച്ചുള്ള അഭിപ്രായം.

  വിവാഹ മോചിതനായ, തന്റെ ടീനേജ് മകളെ കുറിച്ചു ശ്രദ്ധാലുവായ, ഷെരീഫ് ആയ തന്റെ പിതാവിന്റെ ആരോഗ്യത്തെ കുറിച്ചുള്ള ചിന്തകളോടൊപ്പം പ്രസ്തുത കേസന്വേഷണത്തിൽ കൂടി ആയതോടെ പലപ്പോഴും അയാൾക്ക്‌ സ്വയം നിയന്ത്രിക്കുക അസാധ്യമായി മാറുന്നു.

  സിനിമ അവസാനിക്കുന്നത് അപ്രതീക്ഷിതമായ ഒരു ട്വിസ്റ്റോട് കൂടിയാണ്.അതാണ് ചിത്രത്തെ മിസ്റ്ററിയിൽ ഉൾപ്പെടുത്തിയത്.എന്നാൽ ചിത്രത്തിന്റെ സ്വഭാവം വച്ചു ധാരാളം രീതികളിൽ കാണുവാനും സാധിക്കും.

  സിനിമ നിരൂപകരുടെ ഇടയിൽ മികച്ച അഭിപ്രായങ്ങൾ നേടിയ ചിത്രമാണ് The Wolf of Snow Hollow.കാണുവാൻ ശ്രമിക്കുക.

സിനിമയുടെ ടെലിഗ്രാം ചാനൽ ലിങ്ക്  @mhviews എന്ന ടെലിഗ്രാം സെർച്ചിൽ ലഭ്യമാണ്.

1291. The Con Artists (Korean, 2014)

 1291. The Con Artists (Korean, 2014)

           Thriller, Action, Mystery.

Heist Movies ൽ പ്രതീക്ഷിക്കുന്ന ചില ഘടകങ്ങൾ ഉണ്ട്.ആക്ഷൻ, ത്രിൽ, സസ്പെൻസ്, സ്റ്റൈൽ, നല്ല വേഗത ഉള്ള അവതരണം. അങ്ങനെ എല്ലാ ഘടകങ്ങളും ഒരുമിച്ചു നന്നായാൽ സിനിമയും നന്നാകും.

 

കൊറിയൻ ചിത്രമായ The Con Artists അങ്ങനെ ഒന്നാണ്.ചോ എന്ന അധോലോക നായകന്റെ സ്വന്തമായ സേഫ് തുറന്നു മോഷണം നടത്തിയ ടീമിന് അയാൾ ഒരു പുതിയ ജോലി കൊടുക്കുന്നു.കൊറിയയിലെ കസ്റ്റംസിന്റെ അടുക്കൽ ഉള്ള വലിയൊരു തുക മോഷ്ടിക്കാൻ.പരസ്പ്പരം വിശ്വാസം വേണ്ട ഒരു ഉദ്യമം.എന്നാൽ നടന്നതോ?

  ഈ ഒരു കഥയിൽ നിന്നും കഥാപാത്രങ്ങളിലേക്ക് പോകുമ്പോൾ അവരുടെ സ്വഭാവ രീതികളും അതിന്റെ പല തരത്തിൽ ഉള്ള മാറ്റങ്ങളും കാണാം.ആദ്യം പറഞ്ഞ പോലെ എല്ലാ ഘടകങ്ങളും സിനിമയിൽ ഉണ്ട്.ക്ളൈമാക്സിലേക്കു അടുക്കുമ്പോൾ ഉള്ള ട്വിസ്റ്റുകൾ നൽകുന്ന സസ്പെൻസ് element കൂടി ആകുമ്പോൾ ഇത്തരത്തിൽ ഉള്ള സിനിനയ്ക്കു വേണ്ടത് എല്ലാം ആയി.

 കൊറിയൻ സിനിമയിലെ മികച്ച ഹിറ്റുകളിൽ ഒന്നായിരുന്നു ചിത്രം.കാണാത്തവർ ഉണ്ടെങ്കിൽ കാണുക.

 സിനിമയുടെ ലിങ്ക് ടെലിഗ്രാമിൽ @mhviews എന്ന് സേർച്ച് ചെയ്താൽ ലഭ്യമാണ്.

1290. Wait Until Dark (English, 1967)

 1290. Wait Until Dark (English, 1967)

          Thriller

  Home Invasion സിനിമകളിലെ ക്ലാസിക് എന്നു വിശേഷിപ്പിക്കാവുന്ന ചിത്രമാണ് Wait Until Dark.Hush, Don't Breathe പോലുള്ള ഈ വിഭാഗത്തിലെ പുതിയ കാല ഇഷ്ട സിനിമകൾക്ക് ഒരു മാർഗ രേഖയായി മാറിയ ചിത്രം ആകും ഇതു. ലോകമെമ്പാടും പിന്നീട് സിനിമകൾ ആയി ഈ തീമിൽ ചിത്രങ്ങൾ ഇറങ്ങിയതിൽ ഭൂരിഭാഗവും ഇതിന്റെ ചുവടു പിടിച്ചായിരുന്നു എന്നു പറഞ്ഞാൽ അതിശയോക്തി ആകില്ല. 1966 ൽ അവതരിപ്പിച്ച ഇതേ പേരിൽ ഉള്ള നാടകത്തെ ആധാരമാക്കിയാണ് സിനിമ അവതരിപ്പിച്ചത്.ഓഡ്രി ഹെപ്ബെർണിന്റെ അന്ധയായ സൂസി എന്ന കഥാപാത്രത്തിന് ആ വർഷത്തെ അക്കാദമി പുരസ്‌കാരങ്ങളിൽ മികച്ച നടിയ്ക്കുള്ള നോമിനേഷനും ലഭിച്ചിരുന്നു.

  കാനഡയിൽ നിന്നും ഒരു പാവയുടെ ഉള്ളിൽ കടത്തപ്പെട്ട കഞ്ചാവ് അപ്രതീക്ഷിതമായി സാം എന്ന ഫോട്ടോഗ്രാഫറുടെ വീട്ടിൽ ഉണ്ടെന്നുള്ള വിവരം ലഭിച്ച, അതിൽ താൽപ്പര്യം ഉള്ള 3 പേർ അതു വീണ്ടെടുക്കാൻ ശ്രമിക്കുന്നു.വീട്ടിൽ ഉണ്ടായിരുന്ന അന്ധയായ , സാമിന്റെ ഭാര്യയായ സൂസിയെ അവർ അതിനായി ഉപയോഗിക്കാൻ ശ്രമിച്ചു.എന്നാൽ അവരുടെ ശ്രമങ്ങൾ വിജയിക്കുമോ എന്നതാണ് സിനിമയുടെ കഥ.

  ഒരു പക്ഷെ ഇന്നത്തെ കാലത്തു ഈ ഒരു പ്രമേയം ക്ളീഷേ ആയി മാറിയത് കൊണ്ടു എത്ര മാത്രം ഇഷ്ടമാകും എന്നു അറിയില്ല.പക്ഷെ ഒന്നുണ്ട്, ഒരു ക്ലാസിക് എന്നു ഒരു സിനിമയെ കരുതണമെങ്കിൽ ആ പ്രസ്തുത ഴോൻറയിൽ ആ സിനിമയുടെ സ്വാധീനം ആകും കാരണം എന്ന് വിശ്വസിക്കുന്ന പ്രേക്ഷകർക്ക് കണ്ടു നോക്കാവുന്ന ഒന്നാണ്. പിന്നീട് 2013 ലും നാടക രൂപത്തിൽ അവതരിപ്പിക്കപ്പെട്ട ഒരു സിനിമ ദൃശ്യം മികവിന്റെ തെളിവ് തന്നെയാണ്.

  ഭൂരിഭാഗ സീനുകളും ഒരു ഫ്‌ളാറ്റിന്റെ ബേസ്മെന്റിൽ അവതരിപ്പിച്ച ചിത്രം, പ്രധാനപ്പെട്ട കഥാപാത്രത്തിന്റെ വൈകല്യം എന്നിവ കൂടി വരുമ്പോൾ പ്രേക്ഷകനിലും ഒരു തരം ഭയം ഉണ്ടാകും. 

കണ്ടു നോക്കുക.നഷ്ടം ആകില്ല!!

 സിനിമയുടെ ടെലിഗ്രാം ചാനൽ ലിങ്ക് @mhviews എന്നു ടെലിഗ്രാമിൽ സെർച്ച് ചെയ്യുമ്പോൾ  ലഭ്യമാണ്.

1289. Backcountry (English, 2014)

 1289. Backcountry (English, 2014)

          Horror, Thriller.

  കാനഡയിൽ വന പ്രദേശം രാജ്യത്തിന്റെ നല്ലൊരു ഭാഗം നിറയ്ക്കുന്നുണ്ട്.വന്യ ജീവി സംരക്ഷണത്തിന് ഉള്ള നിയമങ്ങൾ നല്ലതു പോലെ പാലിക്കുന്നും ഉണ്ട്.ഉപാധികളോടെ ഉള്ള  Hunting Season കർശനമായി തന്നെ പല കാര്യങ്ങളിലും ശ്രദ്ധ ചെലുത്തുന്നുണ്ട്.ചിലപ്പോൾ കാടിനു സമാന്തരമായി പോകുന്ന വഴികളിൽ മാൻ, മൂസ്, കരടി തുടങ്ങിയവയെ ഒക്കെ കാണാനും സാധിക്കുംഇതു പലപ്പോഴും പതിവ് കാഴ്ച ആയി മാറാറുണ്ട്.വന്യ ജീവികളുടെ വാസ സ്ഥലത്തേക്ക് നിയമപരമായി പോകാൻ കൂടുതലും സാധിക്കില്ല. എന്നാൽ അതിനു മുതിരുന്നവർ ഉണ്ട്.അത്തരം ഒരു ദമ്പതികളുടെ കഥ ആണ് Backcountry അവതരിപ്പിക്കുന്നത്.

  യഥാർത്ഥമായ കുറെ സംഭവങ്ങളെ ആധികാരികം ആക്കിയാണ് ഈ ചിത്രം അണിയിച്ചൊരുക്കിയിരിക്കുന്നത്.അലക്‌സും ജെന്നും തങ്ങളുടെ അവധിക്കാലം ആഘോഷിക്കാൻ ആണ് ആ കാട്ടിലേക്കു പോയത്.അവിടെ തിരഞ്ഞെടുക്കാൻ ഒരു കാരണം ഉണ്ടായിരുന്നു.അലക്സിന്റെ കുട്ടിക്കാലത്തെ ഏറ്റവും ഇഷ്ടപ്പെട്ട സ്ഥലം ആയിരുന്നു അത്.അവിടത്തെ ഓരോ ഭാഗവും കാണാപ്പാഠം ആണെന്ന് അലക്‌സ് അഹങ്കരിച്ചിരുന്നു.

   അവിടെ വച്ചാണ് അവർ ഒരു അപരിചിതനെ പരിചയപ്പെടുന്നത്.ടൂറിസ്റ്റ് ഗൈഡ് ആണെന്ന് പരിചയപ്പെടുത്തിയ അയാളുമായി നല്ല അനുഭവം അല്ല അവർക്ക് ഉണ്ടായത്.അങ്ങനെയിരിക്കെ ഒരു രാത്രി അവരെ അന്വേഷിച്ചു ഒരു അതിഥി എത്തി.തന്റെ അധികാര പരിധിയിൽ അനുവാദം കൂടാതെ വന്ന ആളുകളെ ശത്രു ആയി കണ്ട ഒരാൾ.പിന്നീട് അലക്സിന്റെയും ജെന്നിന്റെയും ലക്ഷ്യം ഒന്നായി മാറി.Survival!!

  അവർക്ക് എന്തു സംഭവിക്കും എന്നതാണ് ബാക്കി സിനിമ അവതരിപ്പിക്കുന്നത്. അവസാന അര മണിക്കൂർ ആണ് ഈ സിനിമയുടെ മുഖ്യ ഭാഗം.അതിഥികൾ ആയി കാണാൻ കഴിയാത്തവരോട് ആതിഥേയൻ എങ്ങനെ ആകും പെരുമാറുക എന്നതിന്റെ ക്രൂരമായ ഒരു വേർഷൻ.കൊല്ലാൻ അവൻ വരുമ്പോൾ രക്ഷപ്പെടാൻ ഉള്ള ശ്രമം നടത്തുക എന്നത് ആണ് അവർക്ക് ചെയ്യാവുന്ന കാര്യം.

  സാധാരണ വളരെയധികം നാടകീയമായി മാറുന്ന survival thriller കൾ വച്ചു നോക്കുമ്പോൾ നല്ല ഒരു അനുഭവം ആണ് ഈ ചിത്രം.അധികം വളച്ചു കെട്ടലുകൾ ഇല്ലാതെ മനുഷ്യന്റെ survival instinct മാത്രം ആണ് ഇവിടെ മുഖ്യമായി വരുന്നത്.

  സിനിമയുടെ ലിങ്ക് വേണ്ടവർ Telegram ൽ @mhviews എന്നു സെർച്ച് ചെയ്യുക.

1288. Dobermann (French, 1997)

 1288. Dobermann (French, 1997)

          Action, Thriller

ഈ സിനിമയെക്കുറിച്ച് പറയാൻ ആദ്യം മനസ്സിൽ വരുന്നത് "കോമിക് ബുക്കിൽ നിന്നും നേരെ സ്ക്രീനിലേക്ക് പറിച്ചു നട്ട മികച്ച സിനിമ" എന്നാകും.അൽപ്പം അതിശയോക്തി തോന്നാം ഇങ്ങനെ കേൾക്കുമ്പോൾ.പ്രത്യേകിച്ചും കോമിക് ബുക്കിൽ നിന്നു അല്ല യഥാർത്ഥത്തിൽ സിനിമ അവതരിപ്പിച്ചത് എന്ന കൊണ്ടു തന്നെ.പക്ഷെ ഒരു കോമിക്സ് വായിക്കുമ്പോൾ ഉണ്ടാകുന്ന ഒരു ഫീൽ ഉണ്ടല്ലോ?കഥാപാത്രങ്ങളെയും സാഹചര്യങ്ങളെയും larger than life എന്ന നിലയിൽ അവതരിപ്പിച്ചു കൊണ്ടുള്ളത്?അത്തരത്തിൽ ഒരു ഫീൽ ആണ് Dobermann പ്രേക്ഷകന് നൽകുന്നത്. 

  സിനിമയിലെ ആദ്യ സീനുകൾ മുതലേ ആക്ഷൻ ചിത്രങ്ങളിലെ "മാസ്" എന്ന ഘടകം കാണാൻ സാധിക്കും.സീനുകളിലും സംഭാഷണത്തിലും എല്ലാം പ്രകടമായി തന്നെ ഈ ഒരു ഘടകം ഉണ്ട്.ലോകത്തിലെ ഏറ്റവും അപകടകാരിയായ ബാങ്ക് കൊള്ളക്കാരൻ ആണ് "ഡോബർമാൻ".ഒരു ബാങ്ക് കൊള്ളയെ കുറിച്ചാണ് ചിത്രവും.അതിനു പുറകെ പോകുന്ന പോലീസും എല്ലാം കൂടി വളരെ ലൗഡ് ആയ ഒരു അന്തരീക്ഷത്തിൽ ആണ് കഥ പോകുന്നത്.

  ഇത്തരം ഒരു കഥയിൽ ആവശ്യമുള്ള ആക്ഷൻ, സെക്‌സ്, ഡ്രഗ്സ്, പക,ചതി എന്നു വേണ്ട എല്ലാ ഘടകവും കാണാം.അവസാനത്തെ അര മണിക്കൂർ ഒക്കെ മൊത്തം ആക്ഷൻ ആണ്.ആക്ഷൻ എന്നു പറയുമ്പോൾ മാർഷ്യൽ ആർട്ട്‌സ് സിനിമകളിലെ പോലെ ഉള്ള ആക്ഷൻ അല്ല.അടി, വെടി, ബോംബ് അങ്ങനെ മൊത്തത്തിൽ ചിത്രം പോകുമ്പോൾ ഓർമ വന്നത് ഒരു ടറാന്റിനോ ചിത്രം കണ്ടത് പോലെ ആണ്.ഒരു പക്ഷെ അതിലും കൂടുതൽ ആയിരിക്കാം ആക്ഷനിലെ വൈബ് എന്നു പറഞ്ഞാൽ പോലും അധികം ആകില്ല.യാൻ കൗനെന് എന്ന ഫ്രഞ്ച് സംവിധായകന്റെ ചിത്രം നല്ല രീതിയിൽ under-rated ആണെന്ന് ആണ് കണ്ടു കഴിഞ്ഞപ്പോൾ തോന്നിയത്.ഒരു പക്ഷെ ഇത്തരത്തിൽ ഉള്ള ആക്ഷൻ ചിത്രങ്ങൾക്ക് ബഞ്ച്മാർക് പോലും ആകേണ്ടിയിരുന്ന അത്ര under-rated.

  ഹെൽമറ്റ് സീൻ,  അതു പോലെ ബാങ്ക് തകർക്കുന്ന സീൻ ഒക്കെ ആക്ഷൻ സിനിമകളിൽ തന്നെ ഏറ്റവും മികച്ച രംഗങ്ങൾ ആണെന്ന് പറയേണ്ടി വരും.ബ്ളാക് ഹ്യൂമറിന് ഉള്ള സാധ്യതകളെ നന്നായി ഉപയോഗിച്ചിട്ടും ഉണ്ട്.ഈ സിനിമ കാണുമ്പോൾ രണ്ടു അഭിപ്രായം ഉണ്ടാകാൻ മാത്രമേ സാധ്യത ഉള്ളൂ.ഒന്നു, തീരെ ഇഷ്ടപ്പെടാതെ ഇരിക്കുക. രണ്ടു, കണ്ടു ഫാൻ ആവുക.ഇഷ്ടപ്പെടാതെ ഇരിക്കാൻ ഉള്ള കാരണം നമ്മുടെ ഒക്കെ പ്രതീക്ഷയ്ക്കും അപ്പുറം ഒരു വില്ലൻ കഥാപാത്രം സിനിമയിൽ നായകനായി മാറുന്നത് കാണുന്നത് കൊണ്ടും ആകാം.സിനിമയുടെ സാമ്പ്രദായിക ഘടനയിൽ എത്ര മാത്രം acceptable ആണ് അതെന്നു നോക്കേണ്ടി വരും. സുഹൃത്തുക്കളോടും കാമുകിയോടും ഉള്ള ഇഷ്ടം അല്ലാതെ വേറെ ഒരു നന്മയും ഇല്ലാത്തത്ര മോശമായ ഒരു കഥാപാത്രം ആണ് വിൻസന്റ് കസേലിന്റെ യാൻ അഥവാ ഡോബർമാൻ എന്ന കഥാപാത്രം.അവസാന രംഗങ്ങൾ ഒക്കെ ഒരു തരം hallucination ഉണ്ടായത് പോലെ തോന്നും കാണുമ്പോൾ.

  ആക്ഷൻ സിനിമകളുടെ ആരാധകൻ ആണെങ്കിൽ, ഒരു പക്ഷെ അൽപ്പം വ്യത്യസ്തമായി, വലിയ കഥ ഒന്നും ഇല്ലാത്ത, ഒരു ദിവസം നടക്കുന്ന സംഭവങ്ങളുടെ കോമിക് ബുക്കിൽ വായിക്കുന്ന കഥയുടെ കാല്പനികതയോടെ ഒരു ചിത്രം കാണണം എന്ന് തോന്നുന്നെങ്കിൽ കണ്ടു നോക്കൂ. 

Anyways, am impressed!!

 ചിത്രത്തിന്റെ ടെലിഗ്രാം ചാനൽ ലിങ്ക്  ടെലിഗ്രാമിൽ @mhviews എന്നു സെർച്ച് ചെയ്യുമ്പോൾ ലഭ്യമാണ്.