859.MOLLY'S GAME(ENGLISH,2017)

'പോക്കര്‍ മത്സരങ്ങളിലെ രാജ്ഞിയുടെ കുപ്രസിദ്ധ കഥ'-Molly's game

അര്‍ദ്ധ രാത്രി ഉറക്കത്തില്‍ പോലീസ് മോളിയുടെ വീട് വളഞ്ഞിരിക്കുക ആണെന്നും ഇഉടന്‍ തന്നെ പുറത്തേക്കു വരാനും ആവശ്യപ്പെടുന്നു.വലിയ സന്നാഹങ്ങളോടെ വന്ന പോലീസ് അവളെ അറസ്റ്റ് ചെയ്തു.ആരാണ് മോളി ബ്ലൂം?എന്താണ് അവള്‍ ചെയ്ത കുറ്റം?സ്പോര്‍ട്സില്‍ ഏറ്റവും നിരാശാജനകമായ അവസ്ഥ എന്താണ് എന്നുള്ള ചോദ്യത്തോടെ ആണ് ചിത്രം ആരംഭിക്കുന്നത്.പല ഉദാഹരണങ്ങള്‍ ഉണ്ടെങ്കിലും 'മേരി ബ്ലൂം' ഒരു കഥ പറഞ്ഞു തുടങ്ങുന്നു.പ്രേക്ഷകന് ആദ്യ ചോദ്യത്തിന് ഉള്ള ഉത്തരം കണ്ടെത്താന്‍ ഉള്ള ഒരു അവസരം.ആ ഉത്തരം ആണ് യഥാര്‍ത്ഥ സംഭവങ്ങളെ ആസ്പദമാക്കി ' Molly's Game: The True Story of the 26-Year-Old Woman Behind the Most Exclusive, High-Stakes Underground Poker Game in the World.' എന്ന ചിത്രം അവതരിപ്പിച്ചിരിക്കുന്നത്.

   ചിട്ടയായ ജീവിതചര്യകള്‍ ശീലമാക്കി തുടങ്ങി ഒരു മികച്ച കായിക താരം ആയി മാറാന്‍ കഴിയുമായിരുന്ന മോളിയ്ക്ക് എന്നാല്‍ കാലം കരുതി വച്ചത് മറ്റൊന്നായിരുന്നു.തുടക്ക കാലത്തും പിന്നീടും നടന്ന രണ്ടു അപകടങ്ങള്‍ അവളുടെ ജീവിതം തന്നെ മാറ്റി.തന്റെ സ്വപ്നങ്ങള്‍ക്ക് വിരാമം നല്‍കി പുതിയ ജീവിതം അവള്‍ തിരഞ്ഞെടുത്തു.എന്നാല്‍ അവളുടെ സാമര്‍ത്ഥ്യം ഓരോ പ്രവൃത്തികളിലും അവളുടെ വഴികള്‍ സുഗമമാക്കി.ആരും ശ്രദ്ധിക്കാത്ത വഴികളിലൂടെ നിയമം ഒന്നും തെറ്റിക്കാതെ തന്നെ അവള്‍ തന്റെ പാത വെട്ടി തുറന്നൂ.എന്നാല്‍ ഇടയ്ക്കിടെ ഉണ്ടായ ചില പ്രശ്നങ്ങള്‍ അവളുടെ ജീവിതത്തില്‍ കല്ല്‌ കടി ആയി.

   ക്ഷണിക്കപ്പെട്ട അതിഥികള്‍ക്ക് വേണ്ടി നടത്തുന്ന പോക്കര്‍ മത്സരങ്ങളില്‍ പങ്കെടുക്കുന്നത് മിക്കപ്പോഴും സമൂഹത്തിലെ വിലയേറിയ ആളുകള്‍ ആയിരുന്നു.സമൂഹത്തിലെ ഉന്നതര്‍ തങ്ങളുടെ സമ്പാദ്യങ്ങളുടെ മേല്‍ ജീവന്‍ മരണ പോരാട്ടം ആയിരുന്നു അവിടെ നടത്തിയിരുന്നത്.ഒറ്റ രാത്രി കൊണ്ട് പണം നഷ്ടപ്പെട്ടവരും ഏറെ നേടിയവരും അവരില്‍ ഉണ്ടായിരുന്നു.മോളി ഇതില്‍ ഒന്ന് മാത്രമേ ചെയ്തുള്ളൂ,തുടക്ക കാലത്ത് തന്റെ ബോസിന് വേണ്ടി ചെയ്ത ജോലിയില്‍ നിന്നും പുത്തന്‍ സാധ്യതകള്‍ കണ്ടെത്തി പോക്കര്‍ ഗെയിം കളിക്കുന്ന സ്ഥലവും ആളുകളും തമ്മില്‍ ഉള്ള പ്രാധാന്യം കൂട്ടി.അതിന്റെ ഫലമായി അവളുടെ സമ്പാദ്യം കുത്തനെ ഉയര്‍ന്നു.അവളുടെ രക്തത്തിനായി ദാഹിക്കുന്നവര്‍ ഏറെ ഉണ്ടായി.ആകസ്മികമായി വന്ന റഷ്യന്‍ മാഫിയ അംഗങ്ങളെ പോലെ ഉള്ളവര്‍ അവളുടെ അപകട സാധ്യത കൂട്ടി/.മോളിയുടെ സംഭവ ബഹുലമായ കഥയെ കുറിച്ച് അറിയാന്‍ ബാക്കി ചിത്രം കാണുക.

Finalizando:ഇക്കഴിഞ്ഞ ഓസ്ക്കാര്‍ പുരസ്ക്കരങ്ങളില്‍ മികച്ച തിരക്കഥയ്ക്കുള്ള നാമനിര്‍ദേശം നേടിയ ചിത്രം അവതരന്‍ മികവില്‍ മുന്നില്‍ ആയിരുന്നു.കെവിന്‍ കോസ്ട്ട്നാര്‍ മോളിയുടെ പിതാവായി അഭിനയിച്ചു.ക്ലൈമാക്സ് രംഗങ്ങള്‍ മികവുറ്റത് ആക്കി.മോളി ബ്ലൂം ആയി അഭിനയിച്ച ജെസ്സിക്ക ചെയ്സ്ട്ടിന്‍ തന്റെ വേഷം മികവുറ്റതാക്കി.ഒരു ബയോഗ്രഫിക്കും അപ്പുറം സിനിമാറ്റിക് ആയ ഘടകങ്ങള്‍ ആ കഥയില്‍ ഉള്ളത് കൊണ്ട് തന്നെ എല്ലാവര്ക്കും പരിചിതമായ സിനിമ ഭാഷ്യം ആണ് സിനിമയില്‍ ഉടന്നീളം.ചിത്രം അവസാനിക്കുമ്പോള്‍ ആദ്യം ചോദിച്ച ചോദ്യത്തിനുള്ള ഉത്തരം പ്രേക്ഷകന് ലഭിച്ചിരിക്കും.


859.Molly's game
English,2017
Crime,Drama,Biography

MHV Ratings: ✪✪✪½

Director: Aaron Sorkin
Writers: Aaron Sorkin (written for the screen by), Molly Bloom (based on the book by)
Stars: Jessica Chastain, Idris Elba, Kevin Costner

856.THE BREADWINNER(ENGLISH,2017)

  സ്ത്രീകള്‍ക്ക് ഒരു ശരാശരി മനുഷ്യ ജീവന്റെ വില പോലും കൊടുക്കാത്ത സമൂഹത്തില്‍ പര്‍വാന എന്ന പെണ്‍ക്കുട്ടി തന്റെ ജീവിതത്തിലെ ഏറ്റവും വലിയ സാഹസികതയ്ക്കു മുതിരുന്ന കഥയാണ് 'The Breadwinner" എന്ന അനിമേഷന്‍ ചിത്രം അവതരിപ്പിക്കുന്നത്‌.അഫ്ഘാനിസ്ഥാനിലെ താലിബാന്‍ ഭരണം നേടിയ കുപ്രസിദ്ധി പ്രസിദ്ധമാണ്.അവരുടെ ശരിയത്ത് നിയമങ്ങളിലെ ഏറ്റവും പ്രാകൃതം ആയിരുന്ന ഒന്നായിരുന്നു സ്ത്രീകളുടെ സ്വാതന്ത്ര്യത്തിനു നേരിട്ട കൂച്ചുവിലങ്ങ്.മറ്റുള്ളവരുടെ ശ്രദ്ധ ആകര്‍ഷിക്കുന്ന എന്തെങ്കിലും സ്ത്രീകളുടെ ഭാഗത്ത്‌ നിന്നും ഉണ്ടായാല്‍ അവര്‍ കഠിന ശിക്ഷയ്ക്ക് വിധേയര്‍ ആകണം എന്നായിരുന്നു അവരുടെ മതം.

   യുദ്ധം നാളുകള്‍ കൂടും തോറും നശിപ്പിക്കുന്ന ജനങ്ങളുടെ ജീവിതം.വിദ്യാഭ്യാസം,ഫോട്ടോഗ്രാഫി,വസ്ത്രധാരണം  തുടങ്ങി എല്ലാത്തിലും നിരോധനം നേരിടുന്ന സമയം മുതല്‍ താലിബാന്‍ ഭരണത്തിന്റെ അവസാന നാളുകളിലെക്കും ആണ് ചിത്രം പ്രേക്ഷകനെ കൊണ്ട് പോകുന്നത്.ഒരു അധ്യാപകന്‍ ആയിരുന്ന നൂറുല്ല ഇന്ന് ചെറിയ രീതിയില്‍ വഴിയോരത്ത് മകളും ആയി സാധനങ്ങള്‍ വിറ്റാണ് ജീവിക്കുന്നത്.ഭാര്യയും,മുതിര്‍ന്ന മറ്റൊരു മകളും ചെറിയ പ്രായത്തില്‍ ഉള്ള മകനും അടങ്ങുന്നതാണ് അവരുടെ ജീവിതം.മൂത്ത മകന്‍ ഉണ്ടായിരുന്നത് അവര്‍ക്ക് നേരത്തെ തന്നെ നഷ്ടമായിരുന്നു.ഈ അവസ്ഥയില്‍ ആണ് ഒരു ദിവസം അകാരണമായി നൂറുല്ലയെ താലിബാന്‍ പട്ടാളം പിടിച്ചു കൊണ്ട് പോകുന്നത്.

  തന്റെ പ്രായത്തിന്റെ ആനുകൂല്യം കാരണം വീട്ടില്‍ നിന്നും പുറത്തു ഇറങ്ങാന്‍ കഴിയുമായിരുന്ന പര്‍വാന കുടുംബത്തെ സംരക്ഷിക്കാനായി പുതിയൊരു വേഷം കെട്ടുന്നു.അതിനോടൊപ്പം  അവള്‍ക്കു സ്വന്തം പിതാവിനെയും കണ്ടെത്തണം.സാധരണ ഒരു രാജ്യത്ത് ഏറെ കുറെ സാധ്യമാകുന്ന കാര്യങ്ങള്‍.എന്നാല്‍ താലിബാന്‍ ഭരണത്തിന് കീഴില്‍ സ്ഥിതി മോശമായിരുന്നു.പര്‍വാനയ്ക്ക് അവളുടെ ലക്ഷ്യത്തില്‍ എത്തി ചേരാന്‍ സാധിക്കുമോ?ചിത്രത്തിന്റെ ബാക്കി കഥ ഇതാണു അവതരിപ്പിക്കുന്നത്‌.


  മതത്തെ സ്വന്തം ആവശ്യങ്ങള്‍ക്കായി കൂട്ടു പിടിച്ചവരും അതിന്റെ അതിര്‍വരമ്പുകള്‍ ഭേദിക്കാന്‍ ആകാത്ത ഒരു ജനതയുടെ കഥയ്ക്കൊപ്പം, ചിത്രത്തിന്റെ തുടക്കത്തില്‍ ഒരിക്കല്‍  അഫ്ഘാന്‍ ജനത എന്തായിരുന്നു എന്നുള്ള ഭൂതക്കാലത്തേക്ക് ഉള്ള യാത്ര ചെറിയ വിവരണങ്ങളില്‍ അവതരിപ്പിക്കുന്നുണ്ട്.പര്‍വാനയ്ക്ക് നേരിടാന്‍ ഉള്ളത് സ്വന്തം ഭയത്തെ ആയിരുന്നു.അവള്‍ തന്റെ അനുജനും കൂട്ടുകാര്‍ക്കും ആയി പറഞ്ഞു കൊടുക്കുന്ന ആണ്ക്കുട്ടിയുടെ കഥയില്‍ അവള്‍  അവള്‍ സ്വന്തം ജീവിതത്തെ തന്നെ കാണുന്നു.അപകടകരമായി ജീവിതത്തിലെ ഓരോ സംഭവങ്ങളും ആരെയൊക്കെയോ ഭയന്ന് ജീവിക്കേണ്ടി വരുന്ന ജനതയ്ക്ക് ഇത്തരം കഥകളിലൂടെ തങ്ങളെ തന്നെ സ്വയം പരിശോധനയ്ക്കും,ഒപ്പം ജീവിതത്തില്‍  പ്രകാശം സ്വയം ചൊരിയാനും സഹായിക്കും.


  Finalizando:ഒരു അനിമേഷന്‍ ചിത്രം എന്ന നിലയില്‍ നിന്ന് കൊണ്ട് തന്നെ വ്യക്തമായ രാഷ്ട്രീയം ചിത്രം മുന്നോട്ടു വയ്ക്കുന്നുണ്ട്‌.സാധാരണയായി പേര്‍ഷ്യന്‍ സിനിമകളില്‍ കണ്ടു വരുന്ന പ്രമേയം ആയിരുന്നെങ്കിലും തുടക്കം മുതല്‍ അവതരിപ്പിക്കുന്ന പ്രശ്നങ്ങളിലേക്കുള്ള യാത്രയില്‍ പ്രേക്ഷകനെയും ഒപ്പം കൂട്ടാന്‍ ചിത്രത്തിന് കഴിഞ്ഞു.മികച്ച അനിമേഷന്‍ ചിത്രത്തിനുള്ള ഓസ്ക്കാര്‍ നാമനിര്‍ദേശം ചിത്രത്തിന് ലഭിച്ചതും ഇത്തരം കാരണങ്ങള്‍ കൊണ്ട് തന്നെയാകും.ഒരു അനിമേഷന്‍ ചിത്രമായി ഒഴിവാക്കാതെ,നല്ല ഒരു യഥാര്‍ത്ഥ ചിത്രത്തിലെ ജീവനുള്ള കഥാപാത്രങ്ങള്‍  തന്നെ ആയി കാണാന്‍ കഴിയും.

The Breadwinner
English,2017

MHV Rating:✪✪✪✪½

Director: Nora Twomey
Writers: Anita Doron , Deborah Ellis
Stars: Saara Chaudry, Soma Chhaya, Noorin Gulamgaus |

843.WONDER(ENGLISH,2017)

"ഓഗിയുടെ അത്ഭുതലോകത്തിന്റെ കഥ -Wonder"

    ജീവിതം ചിലപ്പോള്‍ ഒരു വികൃതിക്കുട്ടിയെ പോലെയാണ്.ഓഗിയുടെ ജീവിതവും അത്തരത്തില്‍ ഉള്ള ക്രൂരമായ ഒരു കുസൃതി ആണ്.ജന്മന ഉള്ള ചില പ്രശ്നങ്ങള്‍ കാരണം ചെയ്യേണ്ടി വന്ന അനേകം ശസ്ത്രക്രിയകള്‍ ആണ് അവനെ ഇപ്പോള്‍ കാണുന്ന രൂപത്തിലേക്ക് എത്തിച്ചത്.'ആദ്യ ദര്‍ശനത്തിലെ താല്‍പ്പര്യം' പലര്‍ക്കും അവനോടു തോന്നില്ലെങ്കിലും അവന്‍ ചെയ്യാന്‍ ആഗ്രഹിക്കുന്ന കാര്യങ്ങളില്‍ അവന്‍ സമര്‍ത്ഥനാണ്.വലുതാകുമ്പോള്‍ ഒരു ബഹിരാകാശ സഞ്ചാരി ആയി തീരണം എന്ന് ആഗ്രഹിക്കുന്ന അവന്‍ ശാസ്ത വിഷയങ്ങളില്‍ സമര്‍ത്ഥന്‍ ആണ്.വര്‍ഷങ്ങളായി വീടിനുള്ളില്‍ അമ്മയുടെ ശിക്ഷണത്തില്‍ വിദ്യാഭ്യാസം നടത്തിയ ഓഗി അങ്ങനെ ആദ്യമായി അഞ്ചാം ഗ്രേഡില്‍ സ്ക്കൂളില്‍ ചേര്‍ന്നൂ.സ്ക്കൂള്‍ അവനൊരു വിചിത്ര ലോകമായി മാറിയത് പോലെ അവിടെ ഉള്ള മറ്റുള്ളവര്‍ക്കും അവന്‍ അങ്ങനെ ഒരു "വിചിത്ര" മനുഷ്യന്‍ ആയിരുന്നു.എന്നാല്‍ ഓഗിയ്ക്ക് ജീവിതത്തില്‍ കുറച്ചു ലക്ഷ്യങ്ങള്‍ ഉണ്ടായിരുന്നു.അതിലൊന്നായിരുന്നു കൂട്ടുകാരുമായി ഒരു സാധാരണ കുട്ടിയായി ആ സ്ക്കൂളില്‍ പഠിക്കുക എന്നത്.

  ഓഗിയുടെ  അത്ഭുത ലോകത്തിലെ ആ ശ്രമങ്ങളുടെ കഥയാണ് Wonder അവതരിപ്പിക്കുന്നത്‌.ഓവന്‍ വിത്സണ്‍,ജൂലിയ റോബര്‍ട്സ് എന്നിവര്‍ ഓഗിയുടെ മാതാപിതാക്കളായി അഭിനയിക്കുന്നു.പലപ്പോഴും ഓഗിയ്ക്കായി സമയവും ജീവിതവും ചിലവഴിച്ച അമ്മയോട് ഓഗിയുടെ ചേച്ചി വയയ്ക്ക് ഇടയ്ക്ക് അനിഷ്ടം തോന്നുന്നുണ്ട്.ഓഗിയില്‍ നിന്നും ചിത്രം വയയിലേക്കും അവനുമായി ബന്ധം ഉള്ള മറ്റുള്ളവരിലേക്കും യാത്ര ചെയ്യുന്നു.ശരിക്കും ഓഗിയുടെ അത്ഭുത ലോകത്തിലെ കഥാപാത്രങ്ങള്‍ക്ക് എല്ലാം സ്വന്തമായി കഥയുണ്ട്.അവരുടെ കഥയാണ് ഓഗിയെ സൂര്യനായി സങ്കല്‍പ്പിച്ചു അവനു ചുറ്റും ഉള്ള ഗ്രഹങ്ങളായി അവരെ മാറ്റുന്നത്.

    'Wonder' ഈ അടുത്ത് ഇറങ്ങിയ മികച്ച 'ഫീല്‍ ഗുഡ്' മൂവി എന്ന് വിളിക്കാവുന്ന ഒന്നാണ്.അമിതമായി നന്മ വാരി വിതറുന്നതിനു പകരം,സ്വഭാവത്തില്‍ ഉള്ള ചെറിയ തെറ്റുകള്‍ പല കഥാപാത്രങ്ങളുടെ ആയി അവതരിപ്പിക്കുന്നും ഉണ്ട്.എന്നാല്‍ സാഹചര്യം മനസ്സിലായി അവര്‍ പ്രവൃത്തിക്കുമ്പോള്‍ ജീവിതത്തിലെ നല്ല വശങ്ങള്‍ തീര്‍ച്ചയായും സന്തോഷം നല്‍കും.ശരിക്കും ഒരു കഥ പുസ്തകം വായിക്കുന്ന പോലെ സുന്ദരമായ ഒരു അനുഭവം ആണ് 'Wonder' നല്‍കുന്നത്.ഓഗിയെ അവതരിപ്പിച്ച 'ജേക്കബ് ട്രെമ്ബ്ലെ' എന്ന കൊച്ചു മിടുക്കന്‍ തന്റെ റോള്‍ അതി മനോഹരമായി തന്നെ അവതരിപ്പിച്ചു.മറ്റു കഥാപാത്രങ്ങളും അങ്ങനെ തന്നെയാണ്  തോന്നിയത്.അക്കാദമി  പുരസ്ക്കാരങ്ങളില്‍ ചിത്രം എന്നാല്‍ "Best Achievement in Makeup and Hairstyling" വിഭാഗത്തില്‍ മാത്രമാണ് നാമനിര്‍ദേശം ചെയ്യപ്പെട്ടത്.ചിത്രം അതില്‍ കൂടുതല്‍ അര്‍ഹിക്കുന്നു എന്ന് തോന്നിയിരുന്നു."Boyhood' നു ശേഷം ആ ശ്രേണിയില്‍ വന്ന മികച്ച ഒരു ചിത്രമാണ് 'Wonder'


  Finalizando:'Wonder' കണ്ടു തന്നെ മനസ് നിറയ്ക്കേണ്ട ചിത്രമാണ്.ഓഗി തീര്‍ച്ചയായും പ്രേക്ഷകനെ തന്റെ യാത്രയില്‍ കൂട്ടും എന്നതില്‍ സംശയമൊന്നുമില്ല.ഇടയ്ക്ക് സന്തോഷവും,കുറച്ചു ദു:ഖവും എല്ലാം പ്രേക്ഷകനില്‍ എത്തിക്കാനും ഓഗസ്റ്റ് 'ഓഗി' പുള്‍മാന്‍ എന്ന കഥാപാത്രത്തിന് കഴിഞ്ഞിട്ടുണ്ട്.തീര്‍ച്ചയായും കാണുക.മനസ്സ് നിറയും!!


843.Wonder
       English,2017
     Drama,Family

MHV Rating:✪✪✪✪½

Director: Stephen Chbosky
Writers: Stephen Chbosky , Steve Conrad
Stars: Jacob Tremblay, Owen Wilson, Izabela Vidovic

837.ROMAN J.ESRAEL,ESQ(ENGLISH,2017)

Roman J. Esrael,Esq.:Denzel and Dan could make better movies,except for an Oscar Nomination!!

Denzel Wahington got yet another Oscar Nomination for Roman J. Esrael, Esq.That's it!!There is nothing to describe more about the movie which was expected to be a better one.Considering the life of Roman J. Esrael,a man with a not so common name the movie seems OK.But there are many flaws at the same time.Like,the prime factor which was talking about in the movie the whole time.The call for revolution against the various discriminations ,especially the one based on color.The characterization of Roman was far from what he was preaching all the way,particularly in shooting case he handled.

  Alright,it might be about a man who makes mistakes and realize them later.If that is the situation,then this movie have nothing more to show-off.It will be an average 'cliche'd movie. Denzel seemed to be very uncomfortable with his new look for the movie.A man who remained all his life in the office to do the paper work even though he was a lawyer.His partner was the public face of the legal firm.But when he had a heart attack,Roman had to start looking for a new job and he came to meet George Pierce(Collin Ferrel),a successful lawyer.Though there were contradictions in what each of 'em believes, George wanted Roman to work for him due to his unique abilities.But Roman,being a man who narrates his title Esquire as one above the 'Gentleman" and one below the "Knighthood" was not appropriate for the modern legal firms.

  Finalizando:The movie appeared to be an average one ,mainly due to the vague story line,which had never expected from the director of Nightcrawler,Dan Gilroy and Denzel Washington.Actually,it's not a bad attempt.But the expectations at the Oscars might make it a mediocre one.'Coz,the ones who worked for the movie could make better flicks!!


Roman J.Esrael,Esq
English,2017

Drama

iMHV Ratings:✪✪✫

Director: Dan Gilroy
Writer: Dan Gilroy
Stars: Denzel Washington, Colin Farrell, Carmen Ejogo

iMovieHolicView.blogspot.ca