1328. Boss Level (English, 2021)

 1328. Boss Level (English, 2021)

           Action, Fantasy.

  ടൈം ലൂപ്പ് സിനിമകൾ കാണാത്തവർ അധികം ഉണ്ടാകില്ല. പലപ്പോഴും സീരിയസ് ആയ വിഷയങ്ങൾക്ക് അപ്പുറം ചിന്തിച്ചാൽ ഈ ടൈം ലൂപ്പ് എന്ന ആശയം തന്നെ അല്ലെ വീഡിയോ ഗെയ്മുകളിൽ ഉപയോഗിക്കുന്നത് എന്നു ഒന്നു ചിന്തിച്ചാൽ തോന്നും.ഓരോ പ്രാവശ്യവും കളിച്ചു പരാജയപ്പെടുമ്പോൾ വീണ്ടും ഓരോ ടൈം ലൂപ്പുകൾ ആരംഭിക്കുന്നു.ഓരോ ലെവലും ജയിച്ചു പോകുമ്പോൾ ആ ടൈം ലൂപ്പിൽ നിന്നും മുന്നോട്ട് പോകുന്നു.ഈ ചിന്തയെ സാധൂകരിക്കുന്ന ചിത്രമാണ് Boss Level.

 ഫ്രാങ്ക് ഗ്രില്ലോയുടെ റോയ് എന്ന മുൻ മിലിട്ടറി ഓഫീസറുടെ മരണമാണ് സിനിമയുടെ തുടക്കം കാണിക്കുന്നത്.എന്നാൽ അയാൾ മരിച്ചു കഴിയുമ്പോൾ വീണ്ടും ടൈം ലൂപ്പ് തുടങ്ങുന്നു.റോയ് തന്റെ മരണത്തിൽ നിന്നും രക്ഷപ്പെടാൻ ഉള്ള വഴികൾ തിരയുന്നു.അയാൾ ഓരോ പ്രാവശ്യവും അതിൽ വിജയിക്കുകയോ പരാജയപ്പെടുകയോ ചെയ്യുന്നു.റോയിയെ സംബന്ധിച്ചു ഒരു ചോദ്യവും മനസ്സിൽ വരുന്നുണ്ട്.താൻ എന്തിനാണ് കൊല്ലപ്പെടുന്നത്?ആരാണ് തന്നെ കൊല്ലാൻ ശ്രമിക്കുന്നത്?

 ഈ ചോദ്യങ്ങളുടെ ഉത്തരം കണ്ടു പിടിക്കാൻ റോയ് ശ്രമിക്കുന്നത് കാണുമ്പോൾ combat ഗെയിമുകൾ ആയി സാമ്യം തോന്നാതിരിക്കില്ല.സിനിമയുടെ അവതരണവും അങ്ങനെ തന്നെ ആണ്.ലൂപ്പുകൾ അങ്ങു നീണ്ടു പോകും.വിജയിക്കുന്നിടത്തു നിന്നും കൂടുതൽ രഹസ്യങ്ങൾ മനസ്സിലാക്കി അടുത്ത ലെവലിലേക്കും.റോയിയുടെ കുത്തഴിഞ്ഞ ജീവിതത്തിൽ അയാളെ വകവരുത്താൻ ആരാണ് ശ്രമിക്കുന്നത്?

  ഇങ്ങനെ ഒരു ആശയം ഒരു ആക്ഷൻ ത്രില്ലർ ആയി അവതരിപ്പിക്കുമ്പോൾ fun element കൂടി നന്നായി ഉൾപ്പെടുത്തിയിരിക്കുന്നു.സീനുകൾ വീണ്ടും വീണ്ടും കാണിക്കുന്നുണ്ടെങ്കിലും ഒരു ഗെയിം കളിക്കുന്ന മൂഡിൽ കണ്ടിരിക്കാൻ സാധിക്കും ചിത്രം.ഈ അടുത്തകാലത്ത് ഇറങ്ങിയ അൽപ്പം വ്യത്യസ്തമായ ഒരു ആക്ഷൻ ചിത്രം ആണ് Boss Level.മികച്ച ആക്ഷൻ രംഗങ്ങൾ സിനിമയുടെ മികച്ച ഒരു feature ആണ്. 

ഫ്രാങ്കിന്റെ ഒപ്പം മെൽ ഗിബ്സൻ, നവോമി വാട്ട്സ് തുടങ്ങി നല്ലൊരു താരനിര തന്നെയുണ്ട് ചിത്രത്തിൽ.ഈ അടുത്തു Palm Springs നു ശേഷം കണ്ട മികച്ച ടൈം ലൂപ്പ് സിനിമ ആണ് Boss Level.Hulu ആണ് സിനിമയുടെ സ്‌ട്രീമിംഗ്‌ നടത്തുന്നത്.മാർച്ച് 5 നു സിനിമ റിലീസ് ഉണ്ടാകും.

 കഴിയുമെങ്കിൽ കാണാൻ ശ്രമിക്കുക.എന്റെ അഭിപ്രായത്തിൽ നല്ലൊരു Action-Fun-Thriller-Entertainer ആണ് Boss Level.

ചിത്രത്തിന്റെ ലിങ്കും മറ്റും ലഭിക്കാൻ www.movieholicviews.blogspot.ca സന്ദർശിക്കുക.

1326. Joy Ride (English, 2001)

 

1326. Joy Ride (English, 2001)
          Mystery, Thriller.

   ഹോളിവുഡ് സിനിമകളിലെ ഭീകരന്മാരായ വില്ലൻ കഥാപാത്രങ്ങളുടെ കൂട്ടത്തിൽ ആണ് റസ്റ്റി നെയിലും ഉള്ളത്. മൂന്നു ഭാഗങ്ങളായി വന്ന Joy Ride ഫ്രാഞ്ചൈസിയിലെ സൈക്കോ വില്ലൻ ആയ റസ്റ്റി നെയിലിനെ പ്രേക്ഷകർ പരിചയപ്പെടുന്നതും ഇവിടെ ആണ്.Joy Ride എന്ന 2001 ൽ റിലീസ് ആയ Steve Zahn, Paul Walker എന്നിവർ പ്രധാന കഥാപാത്രങ്ങളെ അവതരിപ്പിച്ച ചിത്രം ജനപ്രിയ ഹിറ്റുകളിൽ ഒന്നാണ്.

  പരിചിതമായ കഥ ആയി തോന്നാം Joy Ride നു.ധാരാളം സിനിമയിൽ കണ്ടറിഞ്ഞ കഥ.പക്ഷെ സിനിമയുടെ അവതരണ രീതിയും പ്രേക്ഷകന്റെ മുന്നിൽ വരാതിരുന്ന റസ്റ്റി നെയിലും കൂടി ആകുമ്പോൾ എപ്പോഴും കിട്ടുന്നതിൽ നിന്നും അൽപ്പം കൂടി ത്രിൽ ഈ സിനിമയിൽ നിന്നും ലഭിക്കും എന്നു തോന്നി. ഏകദേശം 30 വർഷങ്ങൾക്കു മുൻപ് Duel ഇറങ്ങിയ സിനിമ ഇൻഡസ്ട്രിയിൽ സമാനമായ ഒരു കഥയ്ക്ക് എന്തു പ്രസക്തി എന്നു ചോദിച്ചാൽ റോഡ് മൂവി+ ഹൊറർ എന്ന മിക്സിന്റെ ശക്തി ആയി കൂട്ടിയാൽ മതി എന്നു പറയാൻ ആണ് തോന്നുക.

  രണ്ടു സഹോദരങ്ങൾ അവരുടെ ജീവിതത്തിലെ പല ആവശ്യങ്ങൾക്കായി ഒരു കാറിലൂടെ സഞ്ചരിക്കുന്നു.എന്നാൽ വഴിയിൽ വച്ചു പ്രായത്തിന്റെ ആയ ചാപല്യങ്ങളിൽ അവർ ഒരാളെ പറ്റിക്കാൻ ശ്രമിക്കുന്നു.ഒരു രാത്രി ഉറങ്ങിയാൽ തീരേണ്ട അത്ര പോലും ഓർമയിൽ നിൽക്കേണ്ട ആവശ്യമില്ലാത്ത കാര്യം എന്നാൽ അവർക്ക് ആ സംഭവം നൽകിയത് ഉറക്കമില്ലാത്ത രാത്രികൾ ആയിരുന്നു.അതിന് കാരണം ആയത് ചെറിയ ഒരു തമാശയും.ഇതിലൂടെ പലരുടെയും ജീവൻ തന്നെ അപകടത്തിൽ ആകുന്നു. എന്താണ് പിന്നീട് സംഭവിച്ചത് എന്നു അറിയാൻ ചിത്രം കാണുക.

സിനിമ Tubi TV യിൽ സൗജന്യമായി ലഭ്യമാണ്.

മറ്റു സിനിമ സജഷനുകൾക്കും ലിങ്കിനും www.movieholicviews.blogspot.ca സന്ദർശിക്കുക

1327. Drishyam 2: The Resumption (Malayalam,2021)

 1327. Drishyam 2: The Resumption (Malayalam,2021)

      തന്റെ കുടുംബത്തിനെ രക്ഷിയ്ക്കാൻ ഏതറ്റം വരെയും പോകാൻ തയ്യാറുള്ള ജോർജ്‌ക്കുട്ടിയുടെ കഥ കണ്ടു തിയറ്ററിൽ കയ്യടിച്ചവർ ആണ് ഭൂരിഭാഗം പ്രേക്ഷകരും.മലയാളത്തിലെ ഏറ്റവും വലിയ ഹിറ്റുകളിൽ ഒന്നായ ദൃശ്യം രണ്ടാം ഭാഗം ആയി ആമസോണിൽ OTT റിലീസ് ആയി വരുന്നു എന്നറിഞ്ഞപ്പോൾ പ്രതീക്ഷിച്ചത് സത്യം പറഞ്ഞാൽ ഒരു തട്ടി കൂട്ട് ചിത്രം ആയിരുന്നു.അതിന് കാരണം സംവിധായകൻ ജീത്തു ജോസഫിന്റെ സമീപകാല സിനിമകൾ ആയിരുന്നു.

 പ്രതീക്ഷ തെറ്റാതെ തന്നെ ആയിരുന്നു തുടക്കവും.ഒരു സീരിയൽ പോലെ കഥ സെന്റി ആയി പോകുന്നു.പക്ഷെ ആദ്യ ഭാഗവും തുടക്കം  ഇതേ പോലെ പോയി ഞെട്ടിച്ചത് കൊണ്ടു കണ്ടിരുന്നു.ഇത്തവണയും പ്രതീക്ഷ തെറ്റിയില്ല.ഇന്റർവെൽ ബ്ളോക് എന്നു കരുതുന്ന സ്ഥലം മുതൽ സിനിമയുടെ രീതി മാറി.

  ആദ്യ ഭാഗത്തിലെ പെര്ഫെക്റ്റ് ക്രൈമിൽ നിന്നും കഥ ഏറെ മുന്നോട്ട് പോയി എന്നതാണ് ഇത്തവണത്തെ ഹൈലൈറ്റ്.നാടകീയമായ, ലോജിക് ഇല്ലാത്ത രംഗങ്ങൾ എന്നൊക്കെ പറയാൻ ഉള്ളത് കണ്ടു പിടിക്കാമെങ്കിലും അതിനെല്ലാം ഉള്ള സാധ്യതകൾ തുറന്നിട്ടു തന്നെ ആണ് ജീത്തു ജോസഫ് ഈ സിനിമ അവതരിപ്പിച്ചിരിക്കുന്നത്.കഥാപാത്രങ്ങളെ പ്രേക്ഷകനിൽ രെജിസ്റ്റർ ചെയ്യാൻ എടുത്ത ഒന്നേമുക്കാൽ മണിക്കൂറിനു ശേഷം ട്വിസ്റ്റുകളുടെ ഘോഷ യാത്ര ആണ്.അതു ഓരോന്നായി വരുമ്പോൾ ഒരു 'ദൃശ്യം' ആരാധകൻ എന്ന നിലയിൽ സന്തോഷവും ആയിരുന്നു.

  രണ്ടാം ഭാഗവും ആദ്യ ഭാഗം പോലെ തന്നെ പ്രേക്ഷകന് എന്ന നിലയിൽ ഇഷ്ടമായി.ആദ്യ ഭാഗത്തിലെ ക്ളൈമാക്‌സ് സിനിമ കാണുന്നതിന് മുന്നേ അറിഞ്ഞത് കൊണ്ടുണ്ടായ നിരാശ ഇത്തവണ മാറ്റാനും കഴിഞ്ഞു.ഒരു വിധം ഊഹിക്കാവും കഥാഗതിയിൽ അവസാനം പ്രേക്ഷകന്റെ ചിന്തയ്ക്ക് അപ്പുറം ജോർജ്ക്കുട്ടിയെ അവതരിപ്പിച്ചതിന് കൊടുക്കണം ജീത്തുവിന് മുഴുവൻ മാർക്കും.മോഹൻലാലിന്റെ ഏറ്റവും വലിയ ഹീറോയിക് ആയ കഥാപാത്രവും ദൃശ്യത്തിലെ ജോർജ്ജ്ക്കുട്ടി ആയിരിക്കും എന്ന് പറഞ്ഞാൽ പോലും അതിശയോക്തി ആകില്ല.മീശ പിരിക്കാതെ, മുണ്ട് മടക്കി കുത്തി ആളുകളെ ഇടിച്ചിടുന്ന അമാനുഷികതയേക്കാളും ജോർജ്ജ്ക്കുട്ടി എന്ന കഥാപാത്രം ശക്തമാണ്.ക്ളൈമാക്സിൽ പോലും അതു വ്യക്തമായി കാണാം.മറ്റുള്ള കഥാപാത്രങ്ങളെ എല്ലാം നിഷ്പ്രഭമാക്കിയ കഥാപാത്രം ആണ് ജോർജ്കുട്ടി. വ്യക്തിപരമായി മണിച്ചിത്രത്താഴിലെ ഡോ. സണ്ണിയ്ക്കു ശേഷം ഇഷ്ടപ്പെട്ട മോഹൻലാൽ കഥാപാത്രം ആണ് ജോർജ്ജ്കുട്ടി.

 ആശിർവാദ് സിനിമയുടെ ഏറ്റവും വലിയ മണ്ടത്തരം ആയിരിക്കും തിയറ്ററിൽ ഇറക്കാതെ നേരിട്ടു ദൃശ്യം OTT റിലീസ് ചെയ്തത്.കാരണം മികച്ച തിയറ്റർ എക്സ്പീരിയൻസ് പ്രേക്ഷകന് നൽകാൻ ഉള്ള കാലിബർ ദൃശ്യം രണ്ടിനും ഉണ്ടായിരുന്നു; ആദ്യ ഭാഗത്തെ പോലെ.അതു മുതലെടുക്കുന്നതിൽ തീർച്ചയായും പരാജയപ്പെട്ടൂ.

  എന്തായാലും ഇനി ദൃശ്യം 2 ഡാ!! യുടെ നാളുകൾ ആണ്.

More movie suggestions @www.movieholicviews.blogspot.ca

  

1325. Blitz (English, 2011)

 1325. Blitz (English, 2011)

           Action, Thriller.

 ജേസൻ സ്റ്റാതം സിനിമകളിലെ സ്ഥിരം ഫോർമാറ്റിൽ നിന്നും കുറച്ചു മാറിയ ചിത്രമാണ് Blitz.പൊലീസുകാരെ തുറന്നു പിടിച്ചു കൊള്ളുന്ന ഒരു സീരിയൽ കില്ലറിന്റെ പുറകെ ആണ് പൊലീസുകാരനായ ബ്രാന്റും കൂട്ടരും. പോലീസ് ജോലി മാത്രം അറിയാവുന്ന ഒരു ചൂടൻ പോലീസ് ആണ് ബ്രാന്റ്.ഒരു ദാക്ഷിണ്യവും ഇല്ലാതെ കുറ്റവാളികൾ എന്നു തോന്നുന്നവരെ ശിക്ഷിക്കുന്ന ബ്രാന്റ് അതു കൊണ്ടു തന്നെ നോട്ടപ്പുള്ളിയും ആണ്.

  പൊലീസുകാരെ തിരഞ്ഞു പിടിച്ചു കൊലപ്പെടുത്തുന്ന കൊലയാളിയെ കുറിച്ചു വിവരങ്ങൾ ലഭിച്ചെങ്കിലും മതിയായ തെളിവുകൾ ഇല്ലാത്തതു കൊണ്ടു അയാൾ രക്ഷപ്പെടുകയാണ്‌.അതിനൊപ്പം അയാളുടെ സ്വതസിദ്ധമായ രീതിയിൽ പോലീസിനെ ശല്യപ്പെടുത്തുകയും ചെയ്യുന്നു.ബ്രാന്റും കൂട്ടരും ഈ അവസ്ഥയിൽ എന്തായിരിക്കും ചെയ്തിരിക്കുക എന്നതാണ് സിനിമയുടെ ബാക്കി കഥ.

  സിനിമ നടക്കുന്നത് അങ്ങു ഇംഗ്ലണ്ടിൽ ആണെങ്കിലും ജേസന്റെ മാസ് ഡയലോഗുകൾ കഴിഞ്ഞതിനു ശേഷം ഉള്ള മാസ് ബി ജി എം ഒക്കെ കണ്ടപ്പോൾ ഒരു ഇന്ത്യൻ ആക്ഷൻ ത്രില്ലർ കണ്ട പ്രതീതി ആയിരുന്നു.സാധാരണ സീരിയൽ കില്ലർ സിനിമകളിലെ detailed ആയുള്ള കാരക്റ്റർ സ്റ്റഡി ഒന്നും ഈ സിനിമയിൽ ഇല്ലായിരുന്നെങ്കിലും കഥാപാത്രത്തിന്റെ മാനറിസങ്ങളിലൂടെ അത് പ്രേക്ഷകനിൽ എത്തിക്കാൻ ആണ് ശ്രമിച്ചിരിക്കുന്നത് എന്നു തോന്നി.

 മൊത്തത്തിൽ അൽപ്പം വേഗത കൂടുതൽ ഉള്ള സീരിയൽ കില്ലർ- പോലീസ് സിനിമാ എന്നു പറയാം Ken Bruen ന്റെ ഇതേ പേരിൽ ഉള്ള നോവലിനെ ആസ്പദമാക്കി അവതരിപ്പിച്ച ഈ ചിത്രത്തിനെ.ജേസന്റെ ബ്രാന്റ് എന്ന കഥാപാത്രം മികച്ച നിന്നു.കാണാത്തവർ ഉണ്ടെങ്കിൽ കണ്ടു നോക്കൂ.

സിനിമ ഫ്രീ ആയി Tubi TV യിൽ ലഭ്യമാണ്.

ടെലിഗ്രാം ചാനൽ ലിങ്ക്: t.me/mhviews

കൂടുതൽ സിനിമ സജഷനുകൾക്കും ഡൗണ്ലോഡ് ലിങ്കിനും www.movieholicviews.blogspot.ca യിൽ പോവുക

1324. The White Tiger (English/Hindi, 2021)

 1324. The White Tiger (English/Hindi, 2021)

         Drama, Crime.

 വെട്ടാൻ കൊണ്ടു പോകുന്ന പോത്തിനും കോഴിക്കും എല്ലാം അറിയാമായിരിക്കും അവരെ കൊണ്ട് പോകുന്നത് എന്തിനാണ് എന്നു.കോഴികളുടെ കാര്യം നോക്കിയാൽ അവരെ അടച്ചിട്ടിരിക്കുന്ന കൂട്ടിൽ അവരുടെ മുന്നിൽ വച്ചു കൂട്ടത്തിൽ ഒന്നിനെ വെട്ടി പാക്കിൽ ആക്കി കൊടുക്കുമ്പോഴും നിസ്സംഗതയോടെ നോക്കി നിൽക്കും. അവയ്ക്ക്  അറിയാമായിരിക്കാം ഒരു പക്ഷെ തന്റെ വിധിയും അതു തന്നെ ആണെന്ന്.

  പറഞ്ഞു വരുന്നത് സമൂഹത്തിന്റെ അടിത്തട്ടിൽ ഉള്ളവരെ കുറിച്ചാണ്.അടിമ സമ്പ്രദായം നിലവിൽ ഇല്ലെങ്കിലും അടിമകളെ പോലെ ജീവിക്കാൻ വിധിക്കപ്പെട്ടവർ.അവരിലും ഈ നിസ്സംഗത ഉണ്ടായിരിക്കാം. മാൻ ബുക്കർ പ്രൈസ് ജേതാവായ അരവിന്ദ് അഡിഗയുടെ 'ദി വൈറ്റ് ടൈഗർ' പറഞ്ഞു വയ്ക്കുന്നത് ബൽറാം എന്ന ഗ്രാമീണ യുവാവിന്റെ കഥയാണ്.അവനും ആ കോഴികളെ പോലെ ആയിരുന്നു.അവന്റെ മുന്നിൽ ലോകം അടയ്ക്കപ്പെട്ടിരുന്നു.അവന്റെ കഴിവുകൾക്ക് അനുസൃതമായ ഒരു ജീവിതം അല്ലായിരുന്നു അവനു കിട്ടിയതു.

  എന്നാൽ അവൻ അവന്റെ അച്ഛനെയും സഹോദരനെയും പോലെ നിസംഗതയോടെ അല്ലായിരുന്നു നിന്നതു.അവന്റെ മേൽ ഉള്ള അദൃശ്യമായ ഒരു അടിമ ചങ്ങല തകർക്കാനാണ് അവന്റെ ശ്രമം.അതിനായി അവൻ തന്റെ ലക്ഷ്യത്തിലേക്കു ഓരോ നീക്കവും നടത്തുന്നു.അവന്റെ സംഭവ ബഹുലമായ കഥ 2010 കാലഘട്ടത്തിൽ ഇന്ത്യയിലേക്ക് വന്ന ചൈനീസ് പ്രീമിയറിന് എഴുതുന്ന ഈ-മെയിലിലൂടെ ആണ് കഥ അവതരിപ്പിച്ചിരിക്കുന്നത്.ഇന്ത്യയെ അടയാളപ്പെടുത്തുന്ന രണ്ടു extreme വശങ്ങൾ, അതിന്റെ കഥയും അതിലെ സംഘർഷങ്ങളും ആണ് കഥയുടെ മുഖ്യ പ്രമേയം.

  'ദി വൈറ്റ് ടൈഗർ' വായിക്കാനായി വാങ്ങിച്ചു വച്ചെങ്കിലും വായിക്കാൻ മറന്നു പോയ പുസ്തകമാണ്.Netflix ൽ സിനിമ ആയി വരുന്നു എന്ന് പറഞ്ഞപ്പോൾ ഇറങ്ങിയ ദിവസം തന്നെ കണ്ടു.രാജ്കുമാർ റാവു, പ്രിയങ്ക ചോപ്ര ഒക്കെ ഉണ്ടെങ്കിലും ബൽറാമിനെ അവതരിപ്പിച്ച ആദർശ് ഗൗരവിന്റെ ഷോ ആയിരുന്നു സിനിമ.സിനിമയുടെ കഥ ബൽറാമിന്റെ വീക്ഷണത്തിൽ ആയതു കൊണ്ട് തന്നെ ആ കഥയ്ക്ക് അനുയോജ്യമായ വേഷ പകർച്ചകളിൽ അയാൾ മികച്ചു നിന്നു.അയാൾ അയാളുടെ മേൽ ചാർത്തി കൊടുത്ത അദൃശ്യമായ അടിമ ചങ്ങല പൊളിച്ചു അതിൽ നിന്നും പുറത്തിറങ്ങുമോ?അതെങ്ങനെ ആണ് എന്ന് പറയുന്ന സിനിമ മോശമല്ലാത്ത ഒന്നായി തോന്നി.

  സിനിമ കണ്ട പ്രേക്ഷകന് എന്ന നിലയിൽ ഇഷ്ടമാവുകയും ചെയ്തു.

1326. Joy Ride (English, 2001)

 1326. Joy Ride (English, 2001)

          Mystery, Thriller.

   ഹോളിവുഡ് സിനിമകളിലെ ഭീകരന്മാരായ വില്ലൻ കഥാപാത്രങ്ങളുടെ കൂട്ടത്തിൽ ആണ് റസ്റ്റി നെയിലും ഉള്ളത്. മൂന്നു ഭാഗങ്ങളായി വന്ന Joy Ride ഫ്രാഞ്ചൈസിയിലെ സൈക്കോ വില്ലൻ ആയ റസ്റ്റി നെയിലിനെ പ്രേക്ഷകർ പരിചയപ്പെടുന്നതും ഇവിടെ ആണ്.Joy Ride എന്ന 2001 ൽ റിലീസ് ആയ Steve Zahn, Paul Walker എന്നിവർ പ്രധാന കഥാപാത്രങ്ങളെ അവതരിപ്പിച്ച ചിത്രം ജനപ്രിയ ഹിറ്റുകളിൽ ഒന്നാണ്.

  പരിചിതമായ കഥ ആയി തോന്നാം Joy Ride നു.ധാരാളം സിനിമയിൽ കണ്ടറിഞ്ഞ കഥ.പക്ഷെ സിനിമയുടെ അവതരണ രീതിയും പ്രേക്ഷകന്റെ മുന്നിൽ വരാതിരുന്ന റസ്റ്റി നെയിലും കൂടി ആകുമ്പോൾ എപ്പോഴും കിട്ടുന്നതിൽ നിന്നും അൽപ്പം കൂടി ത്രിൽ ഈ സിനിമയിൽ നിന്നും ലഭിക്കും എന്നു തോന്നി. ഏകദേശം 30 വർഷങ്ങൾക്കു മുൻപ് Duel ഇറങ്ങിയ സിനിമ ഇൻഡസ്ട്രിയിൽ സമാനമായ ഒരു കഥയ്ക്ക് എന്തു പ്രസക്തി എന്നു ചോദിച്ചാൽ റോഡ് മൂവി+ ഹൊറർ എന്ന മിക്സിന്റെ ശക്തി ആയി കൂട്ടിയാൽ മതി എന്നു പറയാൻ ആണ് തോന്നുക.

  രണ്ടു സഹോദരങ്ങൾ അവരുടെ ജീവിതത്തിലെ പല ആവശ്യങ്ങൾക്കായി ഒരു കാറിലൂടെ സഞ്ചരിക്കുന്നു.എന്നാൽ വഴിയിൽ വച്ചു പ്രായത്തിന്റെ ആയ ചാപല്യങ്ങളിൽ അവർ ഒരാളെ പറ്റിക്കാൻ ശ്രമിക്കുന്നു.ഒരു രാത്രി ഉറങ്ങിയാൽ തീരേണ്ട അത്ര പോലും ഓർമയിൽ നിൽക്കേണ്ട ആവശ്യമില്ലാത്ത കാര്യം എന്നാൽ അവർക്ക് ആ സംഭവം നൽകിയത് ഉറക്കമില്ലാത്ത രാത്രികൾ ആയിരുന്നു.അതിന് കാരണം ആയത് ചെറിയ ഒരു തമാശയും.ഇതിലൂടെ പലരുടെയും ജീവൻ തന്നെ അപകടത്തിൽ ആകുന്നു. എന്താണ് പിന്നീട് സംഭവിച്ചത് എന്നു അറിയാൻ ചിത്രം കാണുക.

 സിനിമ Tubi TV യിൽ സൗജന്യമായി ലഭ്യമാണ്.

ടെലിഗ്രാം ചാനൽ ലിങ്ക്: @mhviews

മറ്റു സിനിമ സജഷനുകൾക്കും ലിങ്കിനും www.movieholicviews.blogspot.ca സന്ദർശിക്കുക