1476. Photocopier(Indonesian, 2021)

 1476. Photocopier(Indonesian, 2021)

          Mystery. Streaming on Netflix

  അന്നത്തെ രാത്രിയിൽ സൂര്യനിയക്ക് നഷ്ടമായത് അവളുടെ ജീവിതത്തിലെ വലിയ ഒരു കാര്യമായിരുന്നു. മുന്നോട്ട് പഠിക്കാൻ ഉള്ള സ്കോളർഷിപ്. എന്നാലന്ന് നടന്ന സംഭവങ്ങളെ കുറിച്ച് ഒന്നും ഓർമയില്ലത്ത അവൾ തോറ്റ് കൊടുക്കാൻ തയ്യാറല്ലായിരുന്നു. ആരും അവളുടെ വാദങ്ങൾ മുഖവിലയ്ക്ക് എടുത്തില്ല.സ്വന്തം മാതാപിതാക്കൾ പോലും. കാരണം അവളന്ന് മദ്യപിച്ചിട്ടുണ്ടായിരുന്നു. എന്നാലും സ്വയം വിശ്വസിപ്പിക്കാനായി എങ്കിലും അവൾക്ക് സത്യം കണ്ടെത്തണമായിരുന്നു. സൂര്യാനി സ്വന്തം നിലയിൽ അന്വേഷണം തുടങ്ങി.

 സൂര്യനി നടത്തുന്ന അന്വേഷണത്തിൻ്റെ കഥയാണ് Photocopier അവതരിപ്പിക്കുന്നത്.തൻ്റെ ജീവിതം നിലയില്ലാ കയത്തിലേക്ക് താഴ്ന്നു പോകുന്നത് കണ്ട് ഒരു പെൺകുട്ടി നടത്തുന്ന പോരാട്ടം ആണ് ഇന്തോനേഷ്യൻ ചിത്രം അവതരിപ്പിക്കുന്നത്.

 സൂര്യനി മുൻ നിർത്തുന്ന ഓരോ വാദവും മരു വാദത്തിൽ തകരുമ്പോഴും അവളുടെ അന്വേഷണം തുടരുകയാണ്.അത് അവളെ കൊണ്ടെത്തിക്കുന്നത് ഞെട്ടിക്കുന്ന കുറെ സത്യങ്ങളിലേക്കും. ആ സത്യങ്ങൾ ബാധിക്കുന്ന ധാരാളം ആളുകളെ കാണാം ചിത്രത്തിൽ.എന്നാലും മറ്റുള്ളവരുടെ തെറ്റുകൾ അവളെ ബാധിക്കുന്നു എന്നത് അവൾക്ക് താങ്ങാവുന്നതിലും അപ്പുറം ആയിരുന്നു. സൂര്യനിയുടെ വാദത്തിൽ എന്തെങ്കിലും സത്യമുണ്ടോ?അതോ എല്ലാം അവളുടെ തോന്നൽ ആയിരുന്നോ?

 സിനിമയുടെ കഥാപരിസരങ്ങൾ കൂടുതൽ പറയുന്നതിലും നല്ലത് അത് കണ്ടു മനസ്സിലാക്കുക ആണ് നല്ലത്.നല്ലൊരു മിസ്റ്ററി ചിത്രമാണ് Photocopier. ഈ സിനിമയ്ക്ക് ഇങ്ങനെ ഒരു പേര് വന്നതിനു പല കാരണങ്ങൾ ഉണ്ടെങ്കിലും ക്ലൈമാക്സ് സീനുകൾ ഇത്തരം ഒരു പേര് തിരഞ്ഞെടുത്തതിനെ ശരി വയ്ക്കുന്നു.

  @mhviews rating: 3.5/4

Download Link: t.me/mhviews1

  

കൂടുതൽ സിനിമകളെ കുറിച്ച് വായിക്കുവാനും ഡൗൺലോഡ് ലിങ്ക് എന്നിവയ്ക്ക് www.movieholicviews.blogspot.com സന്ദർശിക്കുക.

1475. Role Models (English, 2008)

 1475. Role Models (English, 2008)

         Comedy 

         IMDB: 6.8,RT:77

    Starbucks ലുള്ള പ്രശസ്തമായ Venti സീൻ കാരണം വർഷങ്ങൾക്ക് ശേഷം ഇപ്പോഴും ഇംഗ്ലീഷ് കോമഡി സീനുകളിൽ ഇടം പിടിക്കുന്ന സിനിമ ആണ് Role Models. ജീവിതത്തിൽ വ്യത്യസ്തമായ ആശയങ്ങൾ ഉള്ള സഹപ്രവർത്തകർ.അവർ ജോലി ചെയ്യുന്നത് ഒരു എനർജി ഡ്രിങ്ക് കമ്പനിക്ക് വേണ്ടി ആണ്.സ്കൂളുകൾ തോറും മയക്ക് മരുന്നിനെത്തിരെ ബോധവൽക്കരണം നടത്തി പകരം എനർജി ഡ്രിങ്ക് വിൽക്കുന്ന ജോലി ആണ് അവർ ചെയ്യുന്നത്.

  പൊതുവേ സമാധാന പ്രിയനായ ഡാനിയ്ക്ക് ഒരു ദിവസം പല കാരണങ്ങൾ കൊണ്ടും നിയന്ത്രണം പോകുന്നു.അന്ന് കാണിച്ച് കൂട്ടിയതിനു പ്രതിഫലമായി 30 ദിവസത്തെ ജയിൽവാസം അല്ലെങ്കിൽ 150 മണിക്കൂർ കുട്ടികൾക്കായി നടത്തുന്ന Sturdy Wings ലുളള സാമൂഹിക പ്രവർത്തനം ആണ് കോടതി നിർദേശിച്ചത്. അതിനെ തുടർന്ന് നടക്കുന്ന രസകരമായ സംഭവങ്ങൾ ആണ് Role Models അവതരിപ്പിക്കുന്നത്. ഇതിൻ്റെ കൂടെ വീലറും ഉണ്ട് ഇതേ കുറ്റവും ശിക്ഷയുമായിട്ട്.

  നാലായിരം മണിക്കൂറുകൾക്ക് മുകളിൽ Youth Care Worker ആയി ജോലി ചെയ്ത ആൾ എന്ന നിലയിൽ ഇത്തരം ഒരു ജോലി എന്ത് മാത്രം ബുദ്ധിമുട്ട് ഉള്ളതാണെന്ന് നല്ലത് പോലെ അറിയാം. ക്ഷമ ആണ് ഇത്തരം ജോലിക്ക് വേണ്ടത്. അതില്ലാത്ത രണ്ടു പേർ ഈ ജോലിക്ക് വോളൻ്റിയർ ആയി വരുമ്പോൾ ഉള്ള സീനുകൾ രസകരമായിരുന്നു.അവർ രണ്ടു പേരും കൂടി അവിടെ ഉള്ള രണ്ടു കുട്ടികളുമായി സൗഹൃദം ഉണ്ടാക്കാൻ ശ്രമിക്കുന്നു.അതാണ് ബാക്കി കഥ. അഡൽട്ട് ജോക്കുകൾ ഉൾപ്പടെ ഉള്ള തമാശകൾ നല്ലത് പോലെ വർക് ഔട്ട് ആയ ചിത്രമാണ് Role Models. റഡ്, ഷോൺ എന്നിവരുടെ hilarious ജോക്കുകളും ടൈമിംഗും aanu സിനിമയുടെ ഹൈലൈറ്റ്.

  ചിത്രം കാണാൻ ശ്രമിക്കുക.

  

@mhviews rating: 3/4

Download Link: t.me/mhviews1

കൂടുതൽ സിനിമ സജഷൻസ്, ലിങ്ക് എന്നിവയ്ക്ക് www.movieholicviews blogspot.com സന്ദർശിക്കുക.

1474. Ölümlü Dünya/Mortal World (Turkish, 2018)

 1474. Ölümlü Dünya/Mortal World (Turkish, 2018)

        Action, കോമഡി

മികച്ച ഒരു ഡാർക് - കോമഡി/ ആക്ഷൻ ചിത്രം എന്ന് പറയാം ടർക്കിഷ് ഭാഷയിൽ നിന്നുള്ള Olumlu Dunya എന്ന ചിത്രത്തെ കുറിച്ച്. Mermer കുടുംബം വർഷങ്ങളായി ലോക്കൽ റെസ്റ്റോറൻ്റ് നടത്തുകയാണ്. എന്നാലവർക്ക് പിന്നിൽ ഒരു വലിയ രഹസ്യം ഉണ്ട്. റെസ്റ്റോറൻ്റ്  അവരുടെ രഹസ്യം മറയ്ക്കാൻ ഉള്ള വഴി ആണ് അവർക്ക്.

പതിറ്റാണ്ടുകളായി കാരണവന്മാർ മുതൽ ഒളിപ്പിച്ച വച്ച ഒരു രഹസ്യം.ഒരു ദിവസം അവരുടെ രഹസ്യം പുറം ലോകം അറിയുന്നു. അതോടെ അവരുടെ നില നിൽപ്പ് തന്നെ ഭീഷണിയിൽ ആയി മാറുന്നു.

അതിനു ശേഷം ഉള്ള സംഭവ വികാസങ്ങൾ ആണ് സിനിമ പറയുന്ന കഥ.

  മേൽപ്പറഞ്ഞ രഹസ്യം സിനിമ തുടങ്ങി പത്ത് മിനിറ്റിൽ പ്രേക്ഷകന് മനസ്സിലാകും എന്നത് കൊണ്ട് തന്നെ വലിയ ഒരു സസ്പെൻസ് ആ കാര്യത്തിൽ ചിത്രത്തിൽ ഇല്ല. എന്നാലത് കഴിഞ്ഞതിനു ശേഷം ഇല്ല സംഭവങ്ങൾ ഇടയ്ക്ക് ചിരിപ്പിക്കും, കഥാപാത്രങ്ങളുടെ നുറുങ്ങു തമാശകൾ ഒക്കെയായി ചിത്രം നല്ല രസമായി അവതരിപ്പിച്ചിട്ടുണ്ട്.

 ഒരു കുടുംബവും അതിലെ അംഗങ്ങളും ആണ് കഥാപാത്രങ്ങൾ ആയി വരുന്നത് കൊണ്ട് തന്നെ അവർ തമ്മിൽ ഉള്ള ബന്ധം എല്ലാം രസകരമായി തന്നെ ചിത്രീകരിച്ചിട്ടുണ്ട് ചിത്രത്തിൽ. നല്ല സ്റ്റൈലിഷ് അവതരണം കൂടി ആകുമ്പോൾ ഒരു fast-paced സിനിമ എന്ന നിലയിൽ പ്രേക്ഷകനെ രസിപ്പിക്കുന്ന ചിത്രമാണ് Olumlu Dunya. മികച്ച അഭിപ്രായങ്ങൾ ആണ് പ്രേക്ഷകരുടെ ഇടയിൽ സിനിമ റിലീസ് സമയം ഉണ്ടായത്.

 End credits സമയം വന്ന Rasputin പാട്ടും സീനുകളും നല്ല sync ആയിരുന്നു.ചിത്രത്തിൻ്റെ മൂഡിന് പറ്റിയ പാട്ട്. നല്ല രീതിയിൽ തൃപ്തി നൽകി ചിത്രം അവസാനിക്കുമ്പോൾ. മൊത്തത്തിൽ നല്ലൊരു  ആക്ഷൻ/കോമഡി ത്രില്ലർ ചിത്രമാണ്  Olumlu Dunya. കഴിയുമെങ്കിൽ കാണാൻ ശ്രമിക്കുക.

@mhviews rating: 3.5/4

Download Link: t.me/mhviews1

കൂടുതൽ സിനിമ സജഷനുകൾ, download link എന്നിവയ്ക്ക് www.movieholicviews.blogspot.com സന്ദർശിക്കുക.

  

1473. They Call Me Jeeg (Italian, 2015)

 1473. They Call Me Jeeg (Italian, 2015)

         Action, Super Hero

   തൻ്റെ ലാഭങ്ങൾ നോക്കാതെ മറ്റുള്ളവർക്ക് വേണ്ടി ജീവിതം ഉപയോഗിക്കുകയും അതിനായി സ്വയം ജീവ ത്യാഗം പോലും നടത്തുന്ന ആളാണ് ഹീറോ. എൻസോ എന്ന ചെറിയ തട്ടിപ്പുകൾ നടത്തി സമൂഹത്തിലെ ഇരുണ്ട ഇടനാഴികളിൽ ജീവിക്കുന്ന ഒരാൽ എങ്ങനെ ആണ് ഹീറോ ആയി മാറുന്നത്? അതും വെറും ഹീറോ അല്ല, സൂപ്പർ ഹീറോ.

  They Call Me Jeeg അത്തരത്തിൽ ഒരു കഥയാണ്. എൻസോ നല്ലവനായിരുന്നില്ല ജീവിതത്തിൽ. മോശമായ കുട്ടിക്കാലം, ചെറിയ മോഷണങ്ങൾ ആയി വളർന്നപ്പോൾ ജീവിച്ച ആയാൾക്ക് സുഹൃത്തുക്കൾ ആരും ഇല്ലായിരുന്നു. ഒരിക്കൽ അമാനുഷികമായ ശക്തി ആകസ്മികമായി ലഭിച്ചപ്പോൾ ആദ്യം ചെയ്തത് തന്നെ മോഷണം ആയിരുന്നു. അയാൾക്ക് അതിനപ്പുറം ചിന്തിക്കാൻ പോലും കഴിഞ്ഞിരുന്നില്ല. എന്നാൽ, ഭ്രാന്തി ആയി മുദ്ര കുത്തപ്പെട്ട, ജീവിതത്തിൽ ധാരാളം നഷ്ടങ്ങൾ സംഭവിച്ച അലീസിയ കാരണം അയാളുടെ സ്വഭാവം മാറുകയാണ്.

  അതിനായി എൻസോയ്ക്ക് നഷ്ടപ്പെടുത്തേണ്ടി വരുന്നതും വലിയ കാര്യങ്ങളാണ്. അയാൾക്ക് എതിരാളി ആയി, തനിക്ക് വില തരാത്ത സമൂഹത്തിന് നേരെ ആക്രമണം അഴിച്ചു വിടാൻ ശ്രമിക്കുന്ന ഒരു വില്ലനും. ജോക്കർ പോലുള്ള eccentric ആയി മാറുന്ന കഥാപാത്രങ്ങളുടെ ചെറിയ ശകലങ്ങൾ ഈ വില്ലൻ കഥാപാത്രത്തിൽ കാണാൻ കഴിയും. അങ്ങനെ വരുമ്പോൾ സാധാരണ സൂപ്പർ ഹീറോ സിനിമകളിൽ നിന്നും കൂടുതൽ വൈകാരികമായി അവതരിപ്പിച്ച ഒരു സൂപ്പർ ഹീറോ ചിത്രമായി മാറുകയാണ് They Call Me Jeeg. 

  Bhavesh Joshi Super Hero, Mard Ko Dard Nahi Hota പോലുള്ള ഇന്ത്യൻ സിനിമകൾ ആണ് ഈ ഇറ്റാലിയൻ ചിത്രം കണ്ടപ്പോൾ ഓർമ വന്നത്.അത്തരത്തിൽ ഒരു treatment ആണ് ഈ ചിത്രത്തിനും ഉള്ളത്. എൻസോയുടെ ശക്തി അയാൾക്ക് പുതുതായി ലഭിച്ചതാണ്.പക്ഷേ അയാളുടെ redemption ചില സമയങ്ങളിൽ ചിലർക്ക് മാത്രം സംഭവിക്കാവുന്ന ഒന്നുമാണ്. അതിൽ ഊന്നിയാണ് കഥ വികസിക്കുന്നത്. അയാളുടെ ശക്തിയുടെ മാത്രം കഥ പറച്ചിലും അല്ല ഈ ചിത്രത്തിൽ.

ഇറ്റലിയുടെ സ്വന്തം സൂപ്പർ ഹീറോ ചിത്രം അവിടെ മികച്ച ജനപ്രീതിയും നിരൂപക പ്രശംസയും ലഭിച്ച ഒന്നു ആയിരുന്നു.പിന്നീട് റിലീസ് ആയ രാജ്യങ്ങളിലും അതെ പോലെ തന്നെ ആയിരുന്നു അഭിപ്രായങ്ങളും.തീർച്ചയായും കണ്ടു നോക്കുക.ഇഷ്ടമാകും.

@mhviews rating: 4/4

Download Link: t.me/mhviews1

More movie views and download links available at www.movieholicviews.blogspot. com 

1472. Shorta/ Enforcement ( Danish,2020)

 1472. Shorta/ Enforcement ( Danish,2020)

          Crime, Thriller.

The Raid (2011), The Dredd(2012) തുടങ്ങിയ സിനിമകൾ കണ്ടിട്ടുള്ളവർക്ക് ഏറ്റവും ഇഷ്ടം ആകുന്നത് അതിലെ ആക്ഷൻ രംഗങ്ങൾ ആകും.മികച്ച രീതിയിൽ അവതരിപ്പിച്ച ആക്ഷൻ രംഗങ്ങൾ, ക്രിമിനലുകൾക്ക് ഇടയിൽ പെട്ട് പോകുന്ന നിയമ പാലകർ എന്നിവ ആണ് ഇവിടെ പ്രമേയം.ഇത്തരം സംഭവങ്ങൾ നടക്കുന്ന സ്ഥലങ്ങളിലെ ആളുകളുടെ ജീവിതം, ദാരിദ്ര്യം- ക്രൈം എന്നീ ഘടകങ്ങൾ മുൻ നിർത്തി അവതരിപ്പിച്ചു സിനിമയുടെ റിയലിസ്റ്റിക് മോഡിലേക്ക് പോകുന്നതിനു പകരം ആക്ഷൻ രംഗങ്ങളിൽ ആണ് ഈ രണ്ടു ചിത്രങ്ങളും ശ്രദ്ധിച്ചത്.

എന്നാൽ, ഇതേ പ്രമേയത്തിൽ വന്ന ഡാനിഷ് ചിത്രമായ Shorta ഇതിൻ്റെ വൈകാരികമായ തലങ്ങൾ പരിശോധിക്കുകയും, എന്നാലതിലൂടെ കൂടുതൽ വിഷയങ്ങൾ അവതരിപ്പിക്കാൻ കൂടി ശ്രമിക്കുന്ന ചിത്രമാണ്. എന്നാൽ ഒരു ത്രില്ലർ എന്ന നിലയിലും ചിത്രം നന്നായിട്ടുണ്ട്.

  

  ഡെന്മാർക്കിൽ ജീവിക്കുന്ന  കുടിയേറ്റക്കാരിൽ ഒരു യുവാവ് ആക്രമിക്കപ്പെടുന്നതും അതിനെ തുടർന്ന് ഉണ്ടാകുന്ന സംഭവങ്ങളും ആണ് സിനിമയുടെ കഥ.പോലീസുകാർ ഉൾപ്പെട്ട മരണം കുടിയേറ്റക്കാരുടെ ഇടയിൽ നല്ല രീതിയിൽ പ്രതിഷേധം ഉണ്ടാക്കുകയും പോലീസിന് നേരെ ആക്രമണങ്ങൾ  ഉണ്ടാവുകയും ചെയ്യുന്നു. അതിൻ്റെ ഇടയിൽ പെട്ട് പോകുന്ന രണ്ടു പോലീസുകാരുടെ കഥ ആണ് ഈ ത്രില്ലർ ചിത്രം അവതരിപ്പിക്കുന്നത്.

ഒരു ക്രൈം/ത്രില്ലർ ചിത്രം കാണുന്നതിനോടൊപ്പം ഗൗരവമേറിയ, ശരിയും തെറ്റും തമ്മിൽ ഉള്ള conflict എല്ലാം സിനിമയിൽ പ്രമേയം ആയി വരുന്നുണ്ട്. നല്ല ചിത്രമാണ്. കണ്ടു നോക്കുക.നല്ല മേയ്ക്കിങ്ങും.

 @mhviews rating: 3.5/4

Download Link: t.me/mhviews1

 

 കൂടുതൽ സിനിമകൾക്കും ലിങ്കിനും www.movieholicviews.blogspot.com സന്ദർശിക്കുക.

1471. Sherlock Jr. (Silent Film/ English, 1924)

 1471. Sherlock Jr. (Silent Film/ English, 1924)

          Comedy, Action, Thriller.

   ഒരു നിശബ്ദ ചിത്രത്തിന് ഇന്നത്തെ പ്രേക്ഷകനെ എത്ര മാത്രം ആകർഷിക്കുവാൻ  കഴിയും എന്നത് സംശയം ഉള്ള ഒരു കാര്യമാണ്. എന്നാൽ ബസ്റ്റൻ കീട്ടോൺ സംവിധാനം ചെയ്ത് മുഖ്യ കഥാപാത്രത്തെ അവതരിപ്പിച്ച Sherlock Jr. എന്ന നിശബ്ദത ചിത്രത്തിന് അതിനു കഴിയും എന്ന് വിശ്വസിക്കുന്നു. പല കാരണങ്ങൾ അതിനുണ്ട്.അതിലൊന്ന് ബസ്റ്റ്ൺ കീട്ടോൻ തന്നെ ആണ്.പിന്നെ കാലങ്ങൾക്ക് മുന്നേ അദ്ദേഹം സംഭാഷണങ്ങൾ പോലും ഇല്ലാത്ത സിനിമകൾ അവതരിപ്പിച്ച രീതിയും.

  ഇന്നത്തെ സിനിമയിൽ പോലും ഉപയോഗിക്കുന്ന ട്രയിൻ വരുന്ന സമയം ട്രെയിൻ പാളം വണ്ടിയിൽ സാഹസികമായി കടന്നു പോകുന്ന നായകൻ, സ്വപ്നം കാണുമ്പോൾ പോകുന്ന ഫാൻ്റസി നിറഞ്ഞ  സാങ്കൽപ്പിക ലോകം, ചേസിംഗ് സീൻ എന്ന് വേണ്ട ഇന്നത്തെ സിനിമയിൽ പോലും വൃത്തിയായി ഇത്തരം പല സീനുകളും ചിത്രീകരിക്കാൻ കഴിയാത്തത് കണ്ടിട്ടുണ്ട്.

 എന്നാൽ, ഏകദേശം 100 വർഷങ്ങൾക്ക് മുന്നേ ഇത്തരം രംഗങ്ങൾ ഒക്കെ ഒരു നിശബ്ദ കോമഡി സിനിമയിൽ ഉപയോഗിക്കുക എന്ന് പറഞ്ഞാൽ തന്നെ വിശ്വസിക്കാൻ കഴിയും എന്ന് തോന്നുന്നില്ല. അത്തരത്തിൽ അവിശ്വസനീയം aayi തന്നെ തോന്നി ആ രംഗങ്ങൾ. അതും aa കാലഘട്ടത്തിൽ. 

 ഒരേ സമയം രണ്ടു കാര്യം ചെയ്താൽ രണ്ടിനോടും നീതി പുലർത്താൻ കഴിയില്ല എന്ന് പറഞ്ഞു തുടങ്ങുന്ന പഴഞ്ചൊല്ലിൽ ആണ് സിനിമ തുടങ്ങുന്നത്.ഒരു സിനിമ തിയറ്ററിൽ ഓപ്പറേറ്റർ ആയ നായകൻ, ഒരു കുറ്റാന്വേഷകൻ ആകാൻ ഉള്ള ശ്രമത്തിൽ ആണ്.അതിൻ്റെ ഇടയിൽ അയാൾക്ക് ഉണ്ടാകുന്ന പ്രണയം, വില്ലൻ, ട്വിസ്റ്റ് എന്നിവ ഒക്കെ ആണ് സിനിമയിൽ ഉള്ളത്. ഇതിലെ നായകൻ ഷെർലക് ആരാധകൻ ആകാം, അല്ലെങ്കിൽ അന്നത്തെ കാലത്ത് എല്ലാ കുറ്റാന്വേഷകനെയും നീ ആരാ ഷെർലക് ആണോ എന്ന് ചോദിച്ചു വിളിച്ചിരുന്നിരിക്കാം.

  വെറും 45 മിനിറ്റ് ഉള്ള സിനിമ പിൽക്കാലത്ത് നേരത്തെ പറഞ്ഞ അതിൻ്റെ visual magic കാരണം ധാരാളം പ്രശംസിക്കപ്പെട്ടു. വുഡി അലനെ പോലുള്ള സംവിധായകർ വർഷങ്ങൾക്ക് അപ്പുറം പോലും തൻ്റെ സിനിമയിൽ റെഫറൻസ് ആയി ഉപയോഗിച്ചിട്ടുണ്ട് ഈ ചിത്രത്തെ.

  സിനിമയുടെ ചരിത്രത്തിൻ്റെ ശൈശവ ദശയിൽ വന്ന ഒരു സിനിമാറ്റിക് അത്ഭുതം ആയിട്ടാണ് Sherlock Jr. തോന്നിയത്. താൽപ്പര്യം ഉളളവർ കണ്ടു നോക്കൂ. നിരൂപക പ്രശംസ റിലീസ് കഴിഞ്ഞ് വർഷങ്ങൾക്ക് അപ്പുറവും നല്ല രീതിയിൽ ഉള്ള ചിത്രം ആണ് Sherlock Jr. കാലഘട്ടം വച്ച് നോക്കുമ്പോൾ ഒരു അത്ഭുതവും ആണ്.ഒപ്പം മികച്ച ഒരു പഠന material കൂടിയും ആണ്. സിനിമ താൽപ്പര്യം ഉളളവർ കണ്ടു നോക്കണം.

Download Link: t.me/mhviews1

കൂടുതൽ സിനിമ വായനയ്ക്കും download ലിങ്കിനും www.movieholicviews.blogspot.com സന്ദർശിക്കുക.