1519. The Man From Toronto (English, 2022)

 1519. The Man From Toronto (English, 2022)

         Action, Comedy: Streaming on Netflix

  1933 ൽ റിലീസ് ആയ ഇതേ പേരിൽ ഉള്ള സിനിമ ആയി ചെറിയ ഒരു ബന്ധം മാത്രമേ ഉള്ളൂ ഈ ചിത്രത്തിന്. Mistaken Identity ആണ്‌ ഇവിടെയും പ്രധാന വിഷയം. പക്ഷെ കഥ മൊത്തത്തിൽ വേറെയാണ്.കുപ്രസിദ്ധനായ Man From Toronto എന്ന വിളി പേരുള്ള വാടക കൊലയാളി ആയി പാവത്താൻ ആയ ടെഡിയെ തെറ്റിദ്ധരിക്കുന്നത് ആണ്‌ ചിത്രത്തിന്റെ കഥ.

  മറുക് ഒട്ടിച്ചു വച്ച് ആൾ മാറിയത് അല്ല എന്നൊഴിച്ചാൽ പറഞ്ഞു പഴകിയ കഥ ആണ്‌ സിനിമയ്ക്ക് ഉള്ളത്. വുഡിയുടെ റോൾ കണ്ടപ്പോൾ ഓർമ വന്നത് ജെസൻ സ്റ്റാറ്റത്തിനെയാണ്. ജെസൺ ആണ്‌ ആ റോൾ ചെയ്യുന്നത് എന്നു ഈ സിനിമ ഇറങ്ങുന്നതിനു മുന്നേ കേട്ടിരുന്നു .

 

കുഴപ്പം ഇല്ലാത്ത ആക്ഷൻ കോറിയോഗ്രാഫി ആയിരുന്നു സിനിമയിൽ എന്നു തോന്നി.വെറുതെ കണ്ടു കൊണ്ടിരിക്കാം, കുറെ സമയം ഉണ്ടെങ്കിൽ. പ്രത്യേകിച്ച്  കഥയിൽ ഒന്നും ഇല്ല എന്നത് കൊണ്ട് തന്നെ ടൈംപാസ് ആയി ചുമ്മാ കണ്ടു നോക്കാവുന്ന ഒന്നാണ് The Man From Toronto.

1518. Man vs Bee (English, 2022)

 

1518. Man vs Bee (English, 2022)
           Comedy: Streaming on Netflix
           RT: 56%, IMDb: 7.1/10

  മിസ്റ്റർ  ബീൻ പരമ്പരയിലെ The Trouble with Mr. Bean (1992) ലെ ഒരു എപ്പിസോഡിൽ നിന്നും  ആണ് Man vs Bee യുടെ കഥ അവതരിപ്പിച്ചിരിക്കുന്നത് . Man vs Bee യിൽ പഴയ ബീൻ പരമ്പരയുടെ സ്വാധീനം നന്നായി കാണുവാനും സാധിക്കും. പ്രത്യേകം ഫാൻ ബേസ് ഉള്ള ഒരു എപ്പിസോഡ് ആധുനിക കാലത്തിലേക്ക് മാറ്റി അവിടെ ബീനിന്റെ സ്വഭാവത്തിനോട് സാദൃശ്യം ഉള്ള ട്രെവർ എന്ന കഥാപാത്രം ആയാണ്.ഏകദേശം പത്തു മിനിറ്റ് മാത്രമുള്ള ഒമ്പത് എപ്പിസോഡ് ആയി ആണ്‌ Man vs Bee അവതരിപ്പിച്ചിരിക്കുന്നത്. ഒറിജിനൽ മിസ്റ്റർ ബീൻ എപ്പിസോഡ് YouTube ൽ ലഭ്യമാണ്. ലിങ്ക് പോസ്റ്റിന്റെ അവസാനം കൊടുക്കാം.

  മിസ്റ്റർ ബീൻ പേര് മാറി വന്നാലും ഓർമയിൽ ഉണ്ടാവുക ബീൻ ആണ്  എന്നതാണ് സീരീസിനെ കുറിച്ച് പറയാൻ ഉള്ളത്. കഥാപാത്രത്തിന്റെ പേരും, ബീനിന്റെ ചേഷ്ടകളും കുറഞ്ഞോ എന്ന്  മാത്രം നോക്കിയാൽ മതി. അതാണ് ആ കഥാപാത്രവുമായി ഉള്ള വലിയ വ്യത്യാസം ആയി തോന്നുക. അത് കൊണ്ട് തന്നെ മിസ്റ്റർ ബീൻ ചിരിപ്പിച്ച പോലെ Man vs Bee രസകരമായി തോന്നിയില്ല. ട്രെവറിന് പകരം മിസ്റ്റർ ബീൻ ആയിരുന്നു ആ കഥാപാത്രം എങ്കിൽ തമാശ കൂടുതൽ ആയി ആസ്വദിക്കാൻ സാധിക്കുമായിരുന്നു.

  ഇവിടെ ട്രെവറിന് ഒരു കുടുംബം കൂടി ഉള്ളത്  കൊണ്ട്  ചെറിയ രീതിയിൽ സഹതാപം കൂടി അയാളോട് തോന്നും. അവിടെ ആണ് പ്രശ്നവും. പക്ഷേ മിസ്റ്റർ ബീൻ, No- Sense കോമഡി എന്ന കാരണം കൊണ്ട് ഒരിക്കലും ആ കഥാപാത്രത്തിനോട് അങ്ങനെ തോന്നില്ലായിരുന്നു. എന്നാൽ കൂടിയും Man vs Bee മോശം ഒന്നും അല്ല. വെറുതെ കണ്ടു ചെറുതായി ചിരിക്കാം എന്ന് മാത്രം. No - Sense കോമഡികൾ ആസ്വദിക്കാവുന്ന ആൾ ആണെങ്കിൽ വെറുതെ ഒരു വാരാന്ത്യത്തിലെ ഒന്നര മണിക്കൂർ  വെറുതെ തലച്ചോറിന് റെസ്റ്റ് കൊടുത്തു കാണാം. അല്ലെങ്കിൽ ആ വഴി പോകാതെ ഇരിക്കുക. കാരണം സീരീസിലൂടെ പറയാൻ ഉദ്ദേശിച്ചിരിക്കുന്നത് എന്താണോ , അത് ആ നിലയിൽ എടുത്തില്ലെങ്കിൽ നിരാശ ആയിരിക്കും ഫലം. ഇവിടെ സീരീസിൽ ഉദ്ദേശിച്ചിരിക്കുന്ന No- Sense കോമഡി ഇഷ്ടം ആയില്ലേൽ സമയ നഷ്ടം ആയിരിക്കും ഉണ്ടാവുക.

  എനിക്ക് Man vs Bee ഇഷ്ടമായി.

https://www.youtube.com/watch?v=fr1VmcGmL5Y ( 16 മിനിറ്റ് മുതൽ 24 മിനിറ്റ് വരെ)

1517. Three Days in September(Macedonian, 2015)

 1517. Three Days in September(Macedonian, 2015)

         Mystery, Drama.

ദുരൂഹമായ ചുറ്റുപാടുകൾ ഉള്ള രണ്ട് സ്ത്രീകൾ ആണ്‌ യാനയും മരികയും. തുടക്കത്തിൽ അപരിചിതർ ആണെങ്കിലും ഒരു ട്രെയിൻ യാത്രയിലെ എണ്ണി പെറുക്കിയ സംഭാഷണങ്ങൾ മരികയെ യാനയോടു അടുപ്പിച്ചു എന്നു വേണം കരുതാൻ. തന്റെ ജീവിത സാഹചര്യങ്ങൾ തന്നിൽ നിന്നും കവർന്നെടുത്ത സുരക്ഷിതത്വം അവൾക്കു യാനയിൽ കണ്ടെത്താൻ കഴിഞ്ഞിരിക്കണം. അത് കൊണ്ടാണല്ലോ പ്രത്യേകിച്ചും ഒരു അടുപ്പവും ഇല്ലെങ്കിലും മരിക യാനയെ പിന്തുടർന്ന് യാന ജനിച്ചു വളർന്ന, ഇപ്പോൾ പുരുഷന്മാർ എണ്ണത്തിൽ കൂടുതൽ ഉള്ള ആ ഗ്രാമത്തിൽ എത്തി ചേർന്നത്.

സങ്കീർണമാണ് പിന്നീടുള്ള കഥ. യാനയുടെ കഥ തികച്ചും നിഗൂഢ സ്വഭാവം ഉള്ളതാണ്.യാന സിനിമയിൽ ഒരു പ്രഹേളിക ആണ്‌. അവളുടെ സ്വഭാവ രീതികളിൽ കൂടി അവളുടെ മനസ്സിൽ ഉള്ളത് ആർക്കും കണ്ടെത്താൻ സാധിക്കില്ല.ചെറിയ പ്രായത്തിൽ ഉണ്ടായ പ്രശ്നങ്ങൾ  എല്ലാം തന്റെ കാരണം കൊണ്ടാണ് എന്നു കരുതി ജീവിച്ച അവൾക്കു എന്നാൽ ഉള്ളിൽ ഒളിപ്പിച്ച ഒരു വലിയ രഹസ്യമുണ്ട്. പ്രേക്ഷകർക്കു മരികയുടെ രഹസ്യം അറിയാമെങ്കിലും യാന അതറിയുന്നില്ല. അവർ തമ്മിൽ ഉള്ള സംഭാഷണങ്ങളിൽ പോലും തുടക്കത്തിൽ അത്ര ഊഷ്മളത ഇല്ലായിരുന്നു. അത് കൊണ്ട് തന്നെ സിനിമയുടെ ഒരു സമയം വരെ അവർ പരസ്പ്പരം ഒരു വിശ്വാസം ഇല്ലായിരുന്നു. എന്നാൽ പിന്നീട് അവർ പരസ്പ്പരം പൊരുത്തപ്പെടാൻ അല്ലെങ്കിൽ conversation നടത്താൻ ശ്രമിക്കുകയാണ്.

എന്നാലും ഓരോ ഘട്ടത്തിലും പല വഴിയിൽ കൂടി പരസ്പ്പരം മനസ്സിലാകുമ്പോൾ അവർ തമ്മിൽ ഉള്ള ബന്ധത്തിന് പുതിയ മാനങ്ങൾ കൈ വരുന്നു. അതിനൊപ്പം കുറെയേറെ രഹസ്യങ്ങളും ചുരുളഴിയുന്നു. അതെന്താണ് എന്നാണ് സിനിമ അവതരിപ്പിക്കുന്ന കഥ.

സിനിമയുടെ അന്തരീക്ഷം കൊണ്ട് തന്നെ പ്രേക്ഷകനിൽ താൽപ്പര്യം ജനിപ്പിക്കുന്ന ചിത്രങ്ങൾ ഇല്ലേ? അതായതു കഥാപാത്രങ്ങൾ loud അല്ലെങ്കിൽ കൂടിയും അടുത്തത് അവരിൽ നിന്നും എന്താണ് സംഭവിക്കുക എന്നു അറിയാത്ത തരം ദുരൂഹത. അത് ഈ ചിത്രത്തിൽ സുലഭമായി കാണാൻ സാധിക്കും. പ്രത്യേകിച്ചും സിനിമയുടെ അവസാന അര മണിക്കൂർ പതിയെ പൊയ്ക്കൊണ്ടിരുന്ന സിനിമയെ മറ്റൊരു ട്രാക്കിലേക്ക് മാറ്റുന്നുണ്ട്. തുടക്കത്തിൽ കഥാപാത്രങ്ങളുടെ സ്വഭാവം രീതികൾ ആണ്‌ പ്രേക്ഷകനിൽ എത്തിക്കാൻ ശ്രമിക്കുന്നതെങ്കിൽ, അവസാന അര മണിക്കൂറിൽ തേർഡ് ആക്റ്റിലേക്കു വരുമ്പോൾ മികച്ചതായി അനുഭവപ്പെടുന്നു.

ഒരു പക്ഷെ സിനിമയുടെ അവതരണ രീതി ആയിരിക്കാം അതിനു കാരണം. മികച്ച ചിത്രങ്ങളുടെ ഇടയിൽ ഉൾപ്പെടുത്താം വടക്കേ മാസിഡോണിയയിൽ നിന്നുള്ള ഈ മാസിഡോണിയൻ ചിത്രത്തെ. മികച്ച ഒരു സിനിമ അനുഭവം ആയിരുന്നു ചിത്രം എനിക്ക്. അതിനൊപ്പം ആദ്യമായി ഈ ഭാഗത്തു നിന്നുള്ള ഒരു ചിത്രം കണ്ടതിൽ ഉള്ള സന്തോഷവും.

നല്ലൊരു ചിത്രം ആണ്‌. കാണുക.

സിനിമയുടെ ഡൌൺലോഡ് ലിങ്ക് www.movieholicviews.blogspot.com ൽ ലഭ്യമാണ്.

         

1516. Stoker (English, 2013)

 1516. Stoker (English, 2013)

         Psychological Thriller. Streaming on Disney+ (Canada) : RT: 70%, IMDb: 6.8/10

  ഇന്ത്യയുടെ പതിനെട്ടാം പിറന്നാളിന്റെ അന്നാണ് അവളുടെ അച്ഛൻ മരിക്കുന്നതു. ദുരൂഹമായ അയാളുടെ മരണത്തെ കുറിച്ച് അധികം വിവരങ്ങൾ ഒന്നും ഇല്ലായിരുന്നു. എന്നാൽ ആ സമയം ആണ്‌ ഇന്ത്യ ഇത് വരെ കാണാത്ത, ജീവിച്ചിരുപ്പുണ്ട് എന്നു പോലും അറിയാത്ത അവളുടെ പിതാവിന്റെ അനുജൻ ആയ ചാർളി അവിടെ എത്തുന്നു . വർഷങ്ങളായി ലോകം മുഴുവനും ബിസിനസ് നടത്തുന്ന ചാർളി ആ വീട്ടിൽ വരുന്നത്തോട് കൂടി അവിചാരിതമായ പലതും സംഭവിക്കുന്നു.

 അപസർപ്പക കഥകളിൽ കാണുന്ന രീതിയിൽ ഉള്ള സംഭവ വികാസങ്ങൾ ആണ്‌ പിന്നീട് നടക്കുന്നത് . ദുരൂഹമായ പലതും അവിടെ സംഭവിക്കുന്നു.കുടുംബവുമായി അടുപ്പം ഉള്ള ചിലരെ കാണാതാകുന്നു. കുടുംബത്തിൽ തന്നെ പല രീതിയിൽ ആളുകൾ പെരുമാറി തുടങ്ങുന്നു. വിനോദത്തിനായി വേട്ടയാടാൻ തന്റെ പിതാവിനോടൊപ്പം സ്ഥിരം പോകുന്ന ഇന്ത്യ, ഇപ്പോൾ കൂടുതൽ സ്വതന്ത്ര്യ ആണ്‌. അതിന്റെ ഫലമായി ഉള്ള, അവളുടെ പ്രായത്തിന് അനുസരിച്ചുള്ള മാറ്റങ്ങളും വന്നൂ. എന്നാൽ മൊത്തത്തിൽ അവിടെ നടക്കുന്ന സംഭവങ്ങളിൽ എന്തോ അപാകത ഉള്ളത് പോലെ തോന്നുന്നു.

  ഇന്ത്യയുടെ കുടുംബത്തിൽ നടക്കുന്ന കാര്യങ്ങളെ ചുറ്റി പറ്റിയാണ് കൊറിയൻ കൾട് ആയ Oldboy യുടെ സംവിധായകൻ  പാർക് ചാൻ - വൂക് Stoker അവതരിപ്പിച്ചിരിക്കുന്നത്. ഇംഗ്ലീഷ് ഭാഷയിൽ ഉള്ള കൊറിയൻ സിനിമ എന്നു വേണമെങ്കിൽ വിളിക്കാവുന്ന ഒന്നാണ് Stoker. ഒരു പക്ഷെ ഇംഗ്ലീഷ് സിനിമകൾക്ക് അന്യമായ, ഇത്തരത്തിൽ പ്രമേയത്തിൽ തന്നെ പ്രേക്ഷകന്റെ ഇടയിൽ ഭയവും അതെ പോലെ തന്നെ തങ്ങൾ കണ്ടിരിക്കുന്ന സിനിമയിലെ സങ്കീർണതയും ഒരേ സമയം അനുഭവിക്കാൻ കഴിയുന്ന ചിത്രമാണ് Stoker.

  ഒരു മികച്ച സൈക്കോളജിക്കൽ ത്രില്ലർ ആണെന്ന് തന്നെ പറയാം ചിത്രത്തെ കുറിച്ച്. പ്രത്യേകിച്ചും ക്ലൈമാക്സ്‌ അടുക്കുമ്പോൾ അനാവരണം ചെയ്യന്ന കഥയും കഥാപാത്രങ്ങളുടെ സ്വഭാവ രീതികളും എല്ലാം ഇതിനു അടിവരയിടുന്നുണ്ട്. തീർച്ചയായയും കാണാൻ ശ്രമിക്കുക, പ്രത്യേകിച്ചും സൈക്കോളജിക്കൽ ത്രില്ലറുകളുടെ ആരാധകർ നഷ്ടപ്പെടുത്തരുത് Stoker.

ഡൌൺലോഡ് ലിങ്ക് :  t.me/mhviews1

സിനിമയുടെ ഡൌൺലോഡ് ലിങ്ക് www.movieholicviews.blogspot.com ൽ ലഭ്യമാണ്.

1515. Black Butterfly (English, 2017)

 1515. Black Butterfly (English, 2017)

         Mystery. Streaming on Amazon Prime (Canada)

         IMDb: 6.1/10    RT:40%

പോൾ ലോപ്പസ് ഒരു കഥ എഴുതാൻ ശ്രമിക്കുകയാണ്. എന്നാൽ അയാൾക്ക്‌ അതിനു കഴിയുന്നില്ല. Writer's Block ആണ്‌ വില്ലൻ. മുപ്പതാം വയസ്സിൽ തന്റെ ബെസ്റ്റ് സെല്ലർ എഴുതിയ ആൾക്ക് ഇപ്പോൾ തന്റെ ഭാവന മുരടിച്ച നിലയിൽ ആണ്‌. അൽപ്പം ദാരിദ്ര്യത്തിലും ആണ്‌. അത് കൊണ്ട് താൻ താമസിക്കുന്ന പുഴക്കരയിൽ ഉള്ള വീട് വിൽക്കാൻ ഉള്ള ശ്രമത്തിലും ആണ്‌.

  ഈ സമയത്തു ഒന്ന് പുറത്തേക്കു ഇറങ്ങിയ പോൾ ആകസ്മികമായി ഒരു ചെറുപ്പക്കാരനെ പരിചയപ്പെടുന്നു. അയാൾ അന്ന് ഒരു ദിവസം താമസിക്കുവാൻ ആയി പോളിന്റെ വീട്ടിൽ എത്തുന്നു. പിന്നീട് നടക്കുന്ന അവിചാരിത സംഭവങ്ങൾ ആണ്‌ സിനിമയുടെ കഥ.

  

  But Wait..

  ഇത് വരെ വായിച്ച കഥയുടെ synopsis ആണോ ശരിക്കും സിനിമയുടെ കഥ? സിനിമ കണ്ടു തീർന്നപ്പോൾ സിനിമയുടെ കഥ എങ്ങനെ അവതരിപ്പിക്കും എന്നതായിരുന്നു സംശയം. തീരർച്ചയായും അതിനു ചേർന്ന തരത്തിൽ മികച്ച രീതിയിൽ തന്നെ സിനിമയുടെ കഥ മാറുന്നുണ്ട്. അതും ഒരു ക്ലൈമാക്സ്‌ അല്ല. അതിലും ഏറെ ചിത്രം നൽകുന്നുണ്ട്.

  പിന്നെ മറ്റൊരു ഇൻഫോ, Papillon Noir എന്ന ഫ്രഞ്ച് സിനിമയുടെ റീമേക്ക് ആണ്‌ ഈ ചിത്രം.ഒറിജിനലിൽ നിന്നും വ്യത്യസ്തമായി ഒരു ക്ലൈമാക്സ്‌ കൂടി ചേർത്തപ്പോൾ ആദ്യ സിനിമയുടെ ആരാധകർക്കു ഇഷ്ടമായില്ല. തീർച്ചയായും സിനിമയുടെ മൂഡ് തന്നെ മാറ്റുന്നത് ആണ്‌ ഇംഗ്ലീഷ് വേർഷന്റെ ക്ലൈമാക്സ്‌. അന്റോണിയ അവതരിപ്പിച്ച പോൾ മുതൽ ഉള്ള മിക്ക കഥാപാത്രവും സിനിമയുടെ അവസാനത്തോട് അടുക്കുമ്പോൾ ഒരു പ്രതലത്തിൽ നിന്നും മറ്റൊന്നിലേക്ക് സഞ്ചരിക്കുന്ന ഒരു ഗതി വേഗം ഉണ്ട്. സിനിമയുടെ പ്രാധാന ആകർഷണം ഇതാണ്.

 ഫ്രഞ്ച് സിനിമ കണ്ടിട്ടില്ല. പക്ഷെ ഇംഗ്ലീഷ് വേർഷനിലെ രണ്ടാമത്തെ ക്ലൈമാക്സ്‌ സിനിമയ്ക്ക് മുതൽക്കൂട്ടു ആണെന്ന് ആണ്‌ അഭിപ്രായവും. കണ്ടു നോക്കൂ.

Telegram Link: t.me/mhviews1

സിനിമയുടെ ലിങ്കിനു @www.movieholicviews.blogspot.com സന്ദർശിക്കുക.

1514. Innocence (Korean, 2020)

 

1514. Innocence (Korean, 2020)
          Investigation, Mystery.
          Asianwiki: 85

    ഹ്വാ -ജെയുടെ മരണത്തിനു ശേഷം നടന്ന ചടങ്ങുകളിൽ പങ്കെടുത്ത ആളുകൾ മദ്യത്തിൽ ചേർത്ത കീടനാശിനി മൂലം മരണപ്പെടുന്നു. പ്രഥമദൃഷ്ട്യ  ഹ്വാ - ജെയുടെ ഭാര്യ ആണ്‌ മരണങ്ങൾക്ക് ഉത്തരവാദി എന്ന നിലയിൽ അവരെ പോലീസ് അറസ്റ്റ് ചെയ്യുന്നു. എന്നാൽ, അവരുടെ മകൾ, പ്രശസ്ത ആറ്റോർണി ജുഗ് - ഇൻ കേസിൽ ശ്രദ്ധിക്കുന്നത്തോട് കൂടി ഈ കേസിന്റെ സ്വഭാവം തന്നെ മാറുക ആണ്‌. അപ്രതീക്ഷിതമായ സംഭവങ്ങളിലൂടെ, അതും ഭൂതക്കാലം തോണ്ടിയെടുക്കേണ്ട അവസ്ഥയിലേക്ക് ഈ കേസ് പോവുകയാണ്.

  സമൂഹത്തിൽ ചിലരുടെ താൽപ്പര്യങ്ങൾക്ക് പ്രാധാന്യം കൊടുക്കേണ്ടി വരുമ്പോൾ സ്വാഭാവികമായും മറ്റു ചിലർക്ക് നഷ്ടങ്ങൾ ഉണ്ടായേക്കാം. ഒരു കേസിന്റെ പിന്നാമ്പുറ രഹസ്യങ്ങളിൽ പ്രാധാന്യം ഉള്ളത് ഈ നഷ്ടത്തിന്റെ കണക്കു ആകുമ്പോൾ അതിന്റെ പുറകെ ഉള്ളാ ആഘാതം വലുതായിരിക്കാം. സിനിമയുടെ അവസാനത്തോട് അടുക്കുമ്പോൾ കുറച്ചു ഏറെ ട്വിസ്റ്റുകൾ Innocence നൽകുന്നുണ്ട്. അതാണ്‌ സിനിമയെ കൂടുതൽ ത്രില്ലിംഗ് ആക്കുന്നതും.അന്ന് മരണാന്തര  ചടങ്ങുകൾക്കിടയിൽ ഉണ്ടായ ദുരന്തം ആസ്വഭാവികമായ ഒന്നാണോ? അതോ ആരെങ്കിലും കരുതി കൂട്ടി ചെയ്തത് ആണോ?

യഥാർത്ഥ സംഭവങ്ങളെ ആസ്പദം ആക്കി അവതരിപ്പിച്ച സിനിമയുടെ ഇമോഷണൽ ഭാഗവും കൊറിയൻ സിനിമയുടേത് ആയ രീതിയിൽ വർക്ക്‌ ഔട്ട്‌ ആയിട്ടും ഉണ്ട്. ചിത്രത്തിലെ മുഖ്യ ഭാഗങ്ങൾ പലതും കോർട്ട് റൂമിൽ ആയതു കൊണ്ട് കോർട്ട് റൂം ഡ്രാമ എന്നു കൂടി വിശേഷിപ്പിക്കാം ഈ ചിത്രത്തിനെ.

  കണ്ടു നോക്കൂ.

Telegram Download Link: t.me/mhviews1

സിനിമയുടെ ഡൌൺലോഡ് ലിങ്ക് www.movieholicviews.blogspot.com ൽ ലഭ്യമാണ്.

1513. Genome Hazard (Japanese, 2014)

 1513. Genome Hazard (Japanese, 2014)

         Mystery, Thriller.

         Asianwiki: 88

    തന്റെ ഒന്നാം വിവാഹ വാർഷികം ഭാര്യയുമൊത്തു ആഘോഷിക്കാൻ വൈകിട്ട് വീട്ടിൽ എത്തിയ ഇഷിഗാമി കാണുന്നത്, അനക്കമറ്റ ഭാര്യയുടെ ശരീരം ആണ്‌.അവൾക്കു എന്താണ് സംഭവിച്ചത് എന്നു മനസ്സിലാകാതെ നിൽക്കുമ്പോൾ ആണ്‌ ഒരു ഫോൺ കോൾ. മറു വശത്തു ഇഷിഗാമിയുടെ ഭാര്യ. താൻ അമ്മയുടെ വീട്ടിൽ ആണെന്നും പിന്നീട് വരാമെന്നും അവൾ പറഞ്ഞു ഫോൺ വയ്ക്കുന്നു. ഒന്നും മനസ്സിലാകാതെ നിന്ന ഇഷിഗാമിയുടെ അപാർട്മെന്റ് ഡോറിൽ ആരോ മുട്ടി. തുറന്നു നോക്കുമ്പോൾ അടുത്ത് നടന്ന കൊലപാതകം അന്വേഷിക്കാൻ ആണെന്ന് പറഞ്ഞു പോലീസും.അവർ ഇഷിഗാമിയെ ചോദ്യം ചെയ്യുന്നു. കസ്റ്റഡിയിൽ എടുക്കുന്നു.

  എന്താണ് അന്ന് ഏതാനും മിനിറ്റുകൾക്കുള്ളിൽ ഇഷിഗാമിയുടെ ജീവിതത്തിൽ സംഭവിച്ചത്? ഒന്നും മനസ്സിലാകാത്ത ഇഷിഗാമിയെ പോലെ ആണ്‌ പ്രേക്ഷകനും.അതിനു ശേഷം ഇഷിഗാമിയുടെ ജീവിതത്തിൽ നടക്കുന്ന, ആവിശ്വസനീയം എന്നു പറയാവുന്ന കാര്യങ്ങൾ ആണ്‌ സിനിമയുടെ ഇതിവൃത്തം.

  Shiro Tsukasaki യുടെ നോവലിനെ ആസ്പദം ആക്കി അവതരിപ്പിച്ച ചിത്രത്തിൽ മുഖ്യ കഥ അനാവരണം ചെയ്യുമ്പോൾ അതിന്റെ ട്വിസ്റ്റ്, സസ്പെൻസ് എന്നിവ കാരണം ഇടയ്ക്ക് പ്രേക്ഷകനും കുഴപ്പത്തിൽ ആകുന്നുണ്ട്. ഇപ്പോൾ കണ്ട കഥ ആയിരിക്കില്ല 5 മിനിട്ട് കഴിയുമ്പോൾ. അത് സിനിമയുടെ അവസാനം വരെയും അങ്ങനെ തന്നെ ആണ്‌ ഉള്ളത്.കുറെ തവണ അത് കൊണ്ട് തന്നെ സിനിമ പിന്നോട്ട് ഓടിച്ചു കാണേണ്ടിയും വന്നൂ.

  കഥയുടെ പരിസരം വിശ്വസിക്കാൻ കഴിയുമോ ഇല്ലയോ എന്നത് അനുസരിച്ചിരിക്കും സിനിമയുടെ ആസ്വാദനം. കാരണം അൽപ്പം വിചിത്രമായ ഒരു കഥയാണ് ചിത്രത്തിന് ഉള്ളത്. കഥ സിംപിൾ ആയി പറയാൻ ശ്രമിച്ചാലും ഇടയ്ക്ക് വരുന്ന ട്വിസ്റ്റുകൾ ആ കഥ പോലും കൂടുതൽ സങ്കീർണം ആക്കുന്നുണ്ട്. എന്തായാലും ഒരു മിസ്റ്ററി ചിത്രത്തിന് വേണ്ടതും അതാണല്ലോ? അത് എന്താണ് വേണ്ടത് എന്നത് ആവശ്യത്തിന് Genome Hazard നൽകുന്നുണ്ട്.

മിസ്റ്ററി ത്രില്ലർ സിനിമ പ്രേമികൾക്ക് വേണ്ടി.

സിനിമയുടെ ടെലിഗ്രാം ലിങ്ക് : t.me/mhviews1

സിനിമയുടെ ലിങ്ക് www.movieholicviews.blogspot.com ൽ ലഭ്യമാണ്.

1512. Intruder (Korean, 2020)

 1512. Intruder (Korean, 2020)

         Mystery/ത്രില്ലെർ

         Asianwiki : 87

വളരെ നിഗൂഢമായ പരിസരങ്ങളിലൂടെ ആണ്‌ ചിത്രം ആരംഭിക്കുന്നത്. അജ്ഞാതമായ ഒരു കാർ ഇടിച്ചു കൊല്ലപ്പെട്ട ഭാര്യ, അതിനു പിന്നിൽ ആരാണെന്ന് കണ്ടു പിടിക്കാൻ നടക്കുന്ന സിയോ -ജിൻ എന്ന ഭർത്താവ് . തന്റെ മകളിൽ നിന്നും അമ്മ അപകടത്തിൽ മരിച്ചു എന്ന രഹസ്യം ഒളിച്ചു പിടിക്കുന്ന അയാൾ തന്റെ മാതാപിതാക്കളുടെ ഒപ്പം ആണ്‌ ജീവിക്കുന്നത്. ഏകദേശം ആ സമയം ആണ്‌ 25 വർഷങ്ങൾക്കു മുന്നേ അയാൾക്ക്‌ നഷ്ടപ്പെട്ട സഹോദരി ആണെന്ന് അവകാശപ്പെട്ടു കൊണ്ട് യൂ - ജിൻ എന്ന യുവതി എത്തുന്നത്.

  സിയോ -ജിൻ അവളെ സംശയിക്കുന്നുണ്ടെങ്കിലും അവൾ കുടുംബത്തിൽ തുടക്കത്തിൽ നല്ല മാറ്റങ്ങൾ വരുത്തി. പിന്നീട് എല്ലാം മാറി മറിയുന്നത് ആണ്‌ കാണുന്നത്. കുടുംബത്തിൽ ഉള്ളവർ സിയോ - ജിന്നിനോട് പെരുമാറുന്ന രീതി മാറുന്നു. വീട്ടിലെ പഴയ ജോലിക്കാർ മാറ്റപ്പെടുന്നു. അങ്ങനെ നിഗൂഢമായ എന്തോ ആ വീട്ടിൽ നടക്കുകയാണ് എന്നു സിയോ - ജിന്നിനു മനസ്സിലാകുന്നു. എന്നാൽ അതെന്താണ് എന്നു കണ്ടു പിടിക്കാനും സാധിക്കുന്നില്ല. എങ്കിൽ കൂടിയും കുടുംബത്തിന്റെ ആകെ മൊത്തം ഉള്ള ബാലൻസ് തെറ്റുന്നു എന്നു soo- ജിൻ മനസ്സിലാക്കുന്നു.

  ആ കുടുംബത്തിൽ നടക്കുന്ന നിഗൂഢമായ സംഭവങ്ങൾ എന്താണ് എന്നാണ് പിന്നീട് ചിത്രം പറയുന്നത്. യൂ - ജിൻ എന്ന കഥാപാത്രം വന്നു കഴിയുമ്പോൾ തന്നെ sinister look തോന്നിക്കുന്ന ആ ഒരു കഥാപാത്രം പ്രേക്ഷകനിലും സമാനമായ ചിന്തകൾ ഉണ്ടാക്കുന്നുണ്ട്. അത് തന്നെ സിനിമയിൽ ദുരൂഹമായ ഒരു അന്തരീക്ഷം ഉണ്ടാക്കുന്നും ഉണ്ട്. ക്ലൈമാക്സ്‌ ആകുന്നതിനു മുന്നേ വരെ അത് നല്ല രീതിയിൽ നില നിർത്തിയിട്ടും ഉണ്ട്. ക്ലൈമാക്സ്‌ മറ്റു ചില ചിത്രങ്ങളുമായി സാമ്യം ഉണ്ടെങ്കിലും അതിലേക്കു എത്തി ചേരുന്ന ഫ്ലാഷ് ബാക്ക് സ്റ്റോറി അതിനെ സപ്പോർട്ട് ചെയ്യുന്നുണ്ട്‌.

  നല്ല ഒരു മിസ്റ്ററി ത്രില്ലർ ആണ്‌ Intruder. കൊറിയൻ സിനിമയുടെ flavor നല്ല രീതിയിൽ അവതരിപ്പിച്ചിട്ടുണ്ട്.അപരിചിതയായ ഒരു സ്ത്രീയുടെ വരവിന്റെ പിന്നിൽ ഉള്ള ഉദ്ദേശം എന്താകുമായിരിക്കും? അത് ഓരോ ലെയർ ആയി പ്രേക്ഷകന്റെ മുന്നിൽ അനാവരണം ചെയ്തു വരുന്നുണ്ട്.ചിത്രം കാണുക.

Telegram Download Link: t.me/mhviews1

സിനിമയുടെ ഡൌൺലോഡ് ലിങ്ക് www.movieholicviews.blogspot.com ൽ ലഭ്യമാണ്.

1511. The Paper Tigers (English, 2020)

 1511. The Paper Tigers (English, 2020)

           Action, Comedy: Streaming on Netflix

           IMDb: 6.3/10, RT: 98%

  മാർഷ്യൽ ആർട്ട്സ് പ്രമേയം ആയി വന്നിരുന്ന പഴയ ബ്രൂസ് ലീ ചിത്രങ്ങളുടെ കാലഘട്ടത്തിലേക്ക് കൊണ്ട് പോവുകയും അവയ്ക്ക് homage നൽകുകയും ചെയ്യുന്ന രീതിയിൽ കഥ അവതരിപ്പിച്ചിട്ടുള്ള ചിത്രമാണ് The Paper Tigers. എന്നാൽ, ആ സിനിമകളിൽ ഉള്ളത് പോലെ പൂർണമായും സീരിയസ് ആയ ഒരു പ്രതലം അതിനായി ഉണ്ടാക്കാതെ, സൌഹൃദം, ജീവിതം, പരാജയപ്പെട്ട കഥാപാത്രങ്ങൾ , അവരുടെ ഉയിർത്തെഴുന്നേൽപ്പു എന്നിവയാണ് ഈ ചിത്രത്തിൽ പ്രധാനമായും വരുന്നത്.കാരണം, എല്ലാവരും എന്നും ചാമ്പ്യന്മാർ അല്ലല്ലോ?

  തങ്ങളുടെ പഴയ കുങ് - ഫൂ (Gung -Fu  എന്നാണ് സിനിമയിൽ ഉപയോഗിച്ചിരിക്കുന്നത് ) ആശാനായ  സിഫൂവിന്റെ  മരണ ശേഷം കാലങ്ങളായി ഒരു ബന്ധവും ഇല്ലാതിരുന്ന 3 സുഹൃത്തുക്കൾ ഒന്നിക്കുകയാണ്. ഒരു കാലത്ത് 3 Tigers എന്ന് അറിയപ്പെട്ടിരുന്ന അവർ പല കാരണങ്ങൾ കൊണ്ടും പിരിഞ്ഞു. വർഷങ്ങൾക്ക് ശേഷം അവർ കണ്ടു മുട്ടുമ്പോൾ അവർ ഏറെ മാറിയിരുന്നു. കാലം നൽകിയ ശാരീരികവും മാനസികവുമായ മാറ്റങ്ങൾ , പുതിയ ജീവിതം എല്ലാം അവരെ തീരെ ദുർബലർ ആക്കി എന്നതായിരുന്നു സത്യം. അത് കൊണ്ട് തന്നെ സിനിമയിൽ ഭൂരി ഭാഗവും അതിനോടു അനുബന്ധിച്ച് ഉള്ള രസകരമായ സംഭവങ്ങൾ ആണ് ഉള്ളത്. 

  തങ്ങളുടെ ആശാനെ ആരോ കൊലപ്പെടുത്തിയത് ആണെന്നുള്ള സംശയത്തിൽ അവർ മൂവരും അന്വേഷണം തുടങ്ങുന്നു. പഴയ കാല കുങ്- ഫൂ സിനിമകളിൽ ഉള്ളത് പോലെ. ഇതിൽ ആശാനായി വരുന്ന സിഫു നമ്മുടെ കുങ്-ഫൂ പാണ്ടയിലെ മാസ്റ്റർ ഷിഫുവിന്റെ റെഫെറൻസ് ആണെന്ന് സംശയിച്ചാലും തെറ്റില്ല. സിനിമ കാണുമ്പോൾ അതായിരുന്നു ആ പേര് കേൾക്കുമ്പോൾ മനസ്സിൽ. 

  തരക്കേടില്ലാത്ത ആക്ഷൻ സീക്വൻസുകൾ ഉണ്ടെങ്കിലും ഇതൊരു full- throttle മാർഷ്യൽ ആർട്ട് ചിത്രമല്ല. നല്ല രസകരമായ കുറച്ചു തമാശകളും, ഇടയ്ക്ക് വരുന്ന ആക്ഷൻ സീനുകളും എല്ലാം സമാസമം ചേർത്ത നല്ലൊരു ചിത്രം. താൽപ്പര്യം ഉണ്ടെങ്കിൽ ആ പ്രതീക്ഷയിൽ കാണേണ്ട ചിത്രമാണ് The Paper Tigers. Larger than life കഥാപാത്രങ്ങൾ ഈ സിനിമയുടെ മുഖ്യ മുദ്ര അല്ല. എന്തായാലും എല്ലാവരും എപ്പോഴും ചാമ്പ്യന്മാർ ആകണം എന്നില്ലല്ലോ? അല്ലേ?

Download Link: t.me/mhviews1

More movie suggestions and download link available @www.movieholicviews.blogspot.com

1510. Sherlock Holmes: A Game of Shadows (English, 2011)

 

1510. Sherlock Holmes: A Game of Shadows (English, 2011)
          Action, Mystery   : Streaming on Netflix (Canada)

യൂറോപ്പ്യൻ രാജ്യങ്ങളിൽ അസ്ഥിരത ഉണ്ടാക്കാൻ ആരോ ശ്രമിക്കുന്നു. അവരുടെ പിന്നാലെ ആണ് ഇത്തവണ ഹോംസും വാട്സനും. അവരെ ഈ സംഭവങ്ങളിലേക്ക് കൊണ്ട് എത്തിക്കുന്നത് അഡ്ലർ ആണ്. അവൾ പോലും അറിയാതെ വലിയൊരു ഗൂഡാലോചനയുടെ ഭാഗമായി അവൾ മാറുകയായിരുന്നു. ഇതിന് പിന്നിൽ ഉള്ള രഹസ്യം കണ്ടെത്തുകയാണ് ഗയ് റിച്ചിയുടെ രണ്ടാമത്തെ ഷെർലോക്ക് സിനിമ ആയ Sherlock Holmes: A Game of Shadows.

  കോനൻ ഡോയൽ എഴുതിയ ദി ഫൈനൽ പ്രോബ്ലം, ദി അഡ്വഞ്ചർ ഓഫ് ദി  എമ്പ്റ്റി ഹൌസ് എന്നിവയുടെ കഥാപരിസരങ്ങൾ സ്വീകരിച്ചു കൊണ്ട് തന്നെ മറ്റൊരു കഥയിലൂടെ ആണ് ഷെർലോക്കിനെ അവതരിപ്പിച്ചിരിക്കുന്നത്. കുറെയേറെ ആക്ഷനും സാഹസികഥയുമായി പോകുന്ന ഈ ചിത്രത്തിലും ഹോംസിന്റെ മുഖ്യ മുദ്ര ആയ അപ്രതീക്ഷിതമായി കണ്ടെത്തുന്ന, അധികം ആരും ശ്രദ്ധിക്കാത്ത വസ്തുക്കളിൽ സൂക്ഷ്മമായ നിരീക്ഷണ പാടവം നടത്തുന്ന കുറ്റാന്വേഷകനെ കാണാൻ കഴിയില്ല; ആദ്യ ഭാഗത്തിൽ ഉള്ളതും ഇതായിരുന്നു. ഗയ് റിച്ചിയുടെ ഷെർലോക്ക് എന്ന് വിളിക്കാൻ തക്ക പാകത്തിൽ ഉള്ള ഒരു ട്രാൻസ്ഫോർമേഷൻ രണ്ടു ചിത്രങ്ങളിലും കാണാൻ സാധിക്കും.

മൊത്തത്തിൽ ഇഷ്ടമായ ഒരു ഷെർലോക്ക് ഹോംസ് അവതരണം ആണ് ഈ ചിത്രത്തിലും ഉള്ളത്. എനിക്ക് ഗയ് റിച്ചിയുടെ ഹോംസിനെയും , സിനിമ അവതരണം കൊണ്ട് തന്നെ പ്രിയപ്പെട്ട ഒന്നായി മാറി.

IMDb: 7.4/10   RT: 59%

Download Link: t.me/mhviews1

സിനിമയുടെ ഡൗൺലോഡ് ലിങ്ക് www.movieholicviews.blogspot.com ൽ ലഭ്യമാണ്.

1509. Sherlock Holmes( English, 2009)

 

1509. Sherlock Holmes( English, 2009)
         Action, Mystery

  Fictional ആയ കഥാപാത്രങ്ങളുടെ ലിസ്റ്റ് നോക്കിയാൽ നിസംശയം പറയാം  Arthur Conan Doyle അവതരിപ്പിച്ച ഷെർലോക്ക് ഹോംസ് അമരത്വം നേടിയ കഥാപാത്രം ആണെന്ന്. സിനിമ ആയാലും നോവൽ  ആയാലും ഇന്നും വർഷങ്ങൾക്ക് അപ്പുറം കുറെയേറെ സിനിമകൾക്കും നോവലുകലൂടെയും  അപ്പുറവും  പ്രേക്ഷകന്റെ മനസ്സിൽ തങ്ങി നിൽക്കുന്നു . നമ്മളിൽ പലരും ആദ്യം വായിച്ച പുസ്തകങ്ങളിൽ ഒന്ന്  ഷെർലോക്ക് ഹോംസിന്റെ ഏതെങ്കിലും പുസ്തകം  ആകാൻ ഉള്ള സാധ്യത കൂടുതൽ ആണ്  എന്ന് തോന്നുന്നു.

  ഷെർലോക്ക് ഹോംസിന് കോനൻ ഡോയൽ നല്കിയ ഒരു വ്യക്തിത്വം ഉണ്ട്. തുടക്ക കാലത്ത് സിനിമകളിൽ അദ്ദേഹത്തിന്റെ കഥകൾ അതേപടി സിനിമ ആയ സമയത്ത് ഷെർലോക്ക് അദ്ദേഹത്തിന്റെ കാഴ്ചപ്പാടിൽ ഉള്ളതായിരുന്നു. എന്നാൽ കാലം മാറിയപ്പോൾ ഷെർലോക്ക് എന്ന മുഖ്യ കഥാപാത്രവും മറ്റുള്ള കഥാപാത്രങ്ങളും വ്യത്യസ്തമായ കഥാപരിസരങ്ങളിലേക്ക് പറിച്ചു നട്ട് , കൂടുതൽ വ്യത്യസ്തമായ കാഴ്ചപ്പാടുകൾ ഉള്ള ഷെർലോക്കും കൂട്ടരും വെള്ളിത്തിരയിൽ വന്നു നിന്നു. അത്തരത്തിൽ ഉള്ള ഒരു കാഴ്ചപ്പാട് ആണ് ഗയ് റിച്ചി സംവിധാനം ചെയ്ത 2009 ൽ റിലീസ് ആയ Sherlock Holmes ൽ ഉള്ളത്.

  ഗയ് റിച്ചി സിനിമകളുടെ അതേ മൂഡിൽ, പഴയക്കാല ബ്രിട്ടീഷ് സാമ്രാജ്യത്തിന്റെ ബാക് ഡ്രോപ്പിൽ ആണ് സിനിമ അവതരിപ്പിച്ചിരിക്കുന്നത്. ജീവിതത്തിലും അല്ലാതെയും തീരെ വെടിപ്പില്ലാത്ത ഒരു ഷെർലോക്ക് ഹോംസിനെ ആണ് റോബർട്ട് ടൌണി ജൂനിയര് അവതരിപ്പിച്ചിരിക്കുന്നത്. ഐറിൻ അഡ്ലർ എന്ന, ഷെർലോക്ക് ഹോംസിനെ out smart ചെയ്ത ഒരേ ഒരു സ്ത്രീ കഥാപാത്രത്തിന് കൂടുതൽ സ്പേസ് നല്കി ഒരു ചെറിയ പ്രണയ കഥയുടെ മൂഡിലേക്ക് ആ വിഭാഗം കൊണ്ട് പോയിട്ടുണ്ട്.

  ബ്രിട്ടനിൽ ഭരണം കയ്യടക്കാൻ ബ്ലാക്ക് മാജിക്കിലൂടെ ശ്രമിക്കുന്ന ബ്ലാക്ക് വുഡ് പ്രഭുവും, അതിനോടു അനുബന്ധിച്ച് ഷെർലോക്ക് അയാളെ കുരുക്കാൻ  ശ്രമിക്കുകയും ചെയ്യുന്നതാണ് കഥ. ഒരു കൾട്ട് പോലെ തന്റെ അനുയായികളെ കൊണ്ട് നടത്താൻ ശ്രമിക്കുന്ന ശത്രു, അതിനായി അയാൾക്കു വിധിച്ച മരണത്തിൽ നിന്നു പോലും ഉയിർത്തെഴുന്നേൽക്കുന്നു . ഇതിലെ അസാധാരണം ആയ സംഭവ വികാസങ്ങളുടെ പിന്നാലെ ഉള്ള രഹസ്യം അന്വേഷിച്ചു പോകുന്നു. ഹോംസും വാട്സനും ഇതിന് പിന്നിൽ ഉള്ള യഥാർഥ  രഹസ്യം കണ്ടു പിടിക്കുന്നത് ആണ് സിനിമയുടെ കഥ.

കോനൻ ഡോയൽ എഴുതിയ കഥകളിൽ നിന്നും അല്ല ഈ സിനിമയ്ക്ക് ആധാരമായ കഥ രൂപപ്പെടുത്തിയിരിക്കുന്നത്. അടിസ്ഥാനപരമായി കഥാപാത്രങ്ങളെ തിരഞ്ഞെടുത്തു അതിൽ ഗയ് റിച്ചി സിനിമയുടെ flavour ആണ് ചിത്രത്തിന് ഉള്ളത്.  അധികം സിനിമയെ കുറിച്ച് പറയേണ്ട കാര്യം ഇല്ലല്ലോ? മികച്ച നിലവാരം ഉള്ള അവതരണം, അഭിനയം, അതിനൊപ്പം ഹാൻസ് സിമ്മറിന്റെ സംഗീതവും. വല്ലാത്ത ഒരു അനുഭവം ആണ് ഈ ചിത്രം. ഗയ് റിച്ചിയുടെ ഷെർലോക്ക് പരമ്പരയിലെ ആദ്യ ചിത്രമായിരുന്നു ഇത്.

കാണുക!! കാണുക!! കാണുക!!

Download Link : t.me/mhviews1

IMDb: 7.6/10, RT: 69%

കൂടുതൽ സിനിമകൾക്കും ഡൗൺലോഡ് ലിങ്കിനും www.movieholicviews.blogspot.com

1508. Tropic Thunder (English, 2008)

 

1508. Tropic Thunder (English, 2008)
          Action, Comedy: Streaming on Tubi TV

"You got Tom Hanks, Forrest Gump - slow yes, retarded maybe, but he charmed the pants off Nixon and won a ping pong competition, that ain't retarded. Peter Sellers, Being There - infatile yes, retarded no. You went full retard, man... Never go full retard."

  ഇന്നത്തെ കാലത്ത് political correctness ന്റെ അളവ് കോലിൽ ഒരിക്കലും ഉപയോഗിക്കാൻ പാടില്ലാത്ത വാക്കുകൾ  നിറഞ്ഞ ഒരു ഡയലോഗ് ആണ് മുകളിൽ ഉള്ളത്. എന്നാൽ, ഒരു സമയത്ത് meme കുറേ വന്നിരുന്നു ഇതിലെ വാചകങ്ങൾ ധാരാളം  ഉപയോഗിച്ച് കൊണ്ട്. ഇത് പോലെ weird ആയി തോന്നാവുന്ന , അതേ സമയം അമേരിക്കൻ  യുദ്ധ സിനിമകളെ എല്ലാം കണക്കറ്റ് പരിഹസിച്ചു കൊണ്ട് ബെൻ സ്റ്റില്ലർ സംവിധാനം ചെയ്ത ചിത്രമാണ് Tropic Thunder. വലിയ ഒരു താര നിര ഉള്ള ചിത്രം അമേരിക്കൻ യുദ്ധ സിനിമകളുടെ സ്പൂഫ് കോമഡി കൂടി ആണ്.

  ഒരു സിനിമ ഷൂട്ടിങിന് പോകുന്ന സംഘത്തിന്, അതും വിയറ്റ്നാം യുദ്ധത്തിൽ  പങ്കെടുത്ത അയാളുടെ കഥയെ ആസ്പദം ആക്കിയുള്ള സിനിമ നിർമിക്കുന്ന സമയം പ്രധാന നടന്മാർ തമ്മിൽ ഉള്ള ഈഗോ കാരണം പ്രശ്നങ്ങൾ ഉണ്ടാകുന്നു. വനാന്തരത്തിൽ ക്യാമറകൾ പിടിപ്പിച്ചു സിനിമയ്ക്ക് ആവശ്യമായ  സന്ദർഭങ്ങൾ ഉണ്ടാക്കി അവർ തമ്മിൽ ഉള്ള പ്രശ്നങ്ങൾ തീർക്കാം എന്ന പ്രതീക്ഷയിൽ പോയ അവരെ കാത്തിരുന്നത് യഥാർഥത്തിൽ ഉള്ള യുദ്ധസമാനമായ സന്ദർഭങ്ങൾ ആയിരുന്നു. അതിനു ശേഷം നടക്കുന്ന സംഭവങ്ങൾ ആണ് സിനിമയുടെ ബാക്കി കഥ.

  അമേരിക്കൻ  യുദ്ധ സിനിമകളോടൊപ്പം അമേരിക്കൻ സിനിമ വ്യവസായത്തെയും അത്യാവശ്യം പരിഹസിച്ചിട്ടുണ്ട് ചിത്രം. പ്രത്യേകിച്ചും ടോം ക്രൂയിസിന്റെ പരകായ പ്രവേശം നടത്തിയ ഗ്രോസ്മാൻ എന്ന നിർമാതാവ്, മാത്യുവിന്റെ റിക് എന്ന മാനേജര് കഥാപാത്രം ഒക്കെ അത്തരത്തിൽ അവതരിപ്പിച്ചവ ആയിരുന്നു. സിനിമയിലെ ഡയലോഗുകൾ പലതും അമേരിക്കൻ പോപ് കൾച്ചറിൽ പല സ്ഥലങ്ങളിലും ഉപയോഗിക്കുന്നത് കണ്ടിട്ടുണ്ട്. അത്രയ്ക്കും രസകരമായിരുന്നു പലതും. Social Commentary പരിമിതമായ കാര്യങ്ങളിൽ മാത്രമേ ഉപയോഗിച്ചിട്ടുള്ളൂ എങ്കിലും, എക്കാലവും നില നിൽക്കുന്ന സാഹചര്യങ്ങളിലേക്ക് ആണ് അവയുടെ ദിശ തിരിച്ചു വിട്ടിട്ടുള്ളത് . അത് അമേരിക്കയിൽ മാത്രമല്ല, ലോകത്ത് എല്ലായിടത്തും പ്രയോഗികവും ആണ്.

  കണ്ടു നോക്കൂ. നല്ല ചിത്രമാണ്. ചുമ്മാ ഫുൾ കോമഡി ആയി ആസ്വദിക്കാവുന്ന ഒരു ഇംഗ്ലീഷ് ഭാഷ സിനിമ ആണ് Tropic Thunder.

Telegram Link : t.me/mhviews1

IMDb: 7/10, RT: 82%

സിനിമയുടെ ഡൗൺലോഡ് ലിങ്ക് www.movieholicviews.blogspot.com ൽ ലഭ്യമാണ്.

1507. Radioland Murders (English,1994)

 1507. Radioland Murders (English,1994)

          Mystery, Comedy

Screwball Comedy Films എന്ന സിനിമ വിഭാഗം കുറച്ചു പേർക്കെങ്കിലും പരിചിതം ആയിരിക്കും. അമേരിക്കയിൽ ഡിപ്രെഷൻ കാലഘട്ടത്തിൽ ഉത്ഭവിച്ച ഒരു സിനിമ വിഭാഗം ആണ്‌ ഇത്. Gender based ആയ, കോമഡി നിറഞ്ഞ ഒരു സിനിമ വിഭാഗം. റൊമാൻസ് ഈ സിനിമ വിഭാഗത്തിൽ ഉൾപ്പെടുന്നത് സ്ത്രീ കഥാപാത്രം പുരുഷനെക്കാളും ഉയർന്ന നിലയിൽ വരുകയും അതിനോടൊപ്പം ചേരുന്ന കോമഡിയും ആണ്‌. ഇത്തരത്തിൽ ഉള്ള 1930 കളിലെ ചിത്രങ്ങൾ ധാരാളം ഉണ്ട്.

  പിന്നീട് അപ്രത്യക്ഷമായ ഈ സിനിമ വിഭാഗത്തിന് homage നൽകിക്കൊണ്ട് അന്നത്തെ കാലത്ത് ശക്തമായി നില നിന്നിരുന്ന റേഡിയോയും അതിനു എതിരാളി ആയി വരുന്ന ടെലിവിഷനും തമ്മിൽ ഉള്ള conflict എല്ലാം ചേർന്ന ചിത്രമാണ് Radioland Murders.

  

WBN റേഡിയോ അവരുടെ പുതിയ സ്റ്റേഷന്റെ ഉത്ഘാടനം നടക്കുന്ന സമയം ആറോളം ആളുകൾ കൊല്ലപ്പെടുന്നു. Whodunnit എന്ന നിലയിൽ നടക്കുന്ന അന്വേഷണം ആണ്‌ സിനിമയുടെ പ്രധാന പ്രമേയം.കൃത്യമായ ഇടവേളകളിൽ ആളുകൾ കൊല്ലപ്പെടുമ്പോൾ പോലീസിന് മുന്നിൽ സംശയം തോന്നിക്കുന്ന രീതിയിൽ റെഡിയോ സ്റ്റേഷനിലെ എഴുത്തുകാരൻ ആയ ഹെൻറി നിൽക്കുന്നു. അതിനോട് അനുബന്ധിച്ച അന്വേഷണം ആണ്‌ ചിത്രത്തിന്റെ മൂല കഥ .

Screwball Comedy യുടെ രീതിയിൽ അവതരിപ്പിച്ച ചിത്രം എന്നാൽ അതിനോട് പരിചിതം അല്ലാത്ത തൊണ്ണൂറുകളിലെ പ്രേക്ഷകർ നിഷ്ക്കരുണം തള്ളി കളഞ്ഞിരുന്നു തിയറ്ററിൽ റിലീസിന്റെ സമയം. പിന്നീട്, ഹോം വീഡിയോയിലൂടെ ഒരു കൾട് സ്റ്റാറ്റസ് ഈ ചിത്രം നേടിയിരുന്നു.ഈ സിനിമ വിഭാഗം എന്താണ് എന്നറിയാൻ ഉള്ള ആഗ്രഹം കൊണ്ടാണ് ഈ ചിത്രം കണ്ടത്. പരിചിതമല്ലാത്ത രീതികൾ ആയതു കൊണ്ട് തന്നെ അവതരണ രീതി അത്ര ഇഷ്ടമായില്ല.

  എനിക്ക് തോന്നുന്നത് ആക്ഷൻ മാസ് പടങ്ങൾ കണ്ടു പരിചയിച്ച ഒരു തലമുറയ്ക്ക് ഇന്നത്തെ മലയാള സിനിമകൾ ബോർ ആയി തോന്നുകയും പഴയ രീതിയിൽ ഉള്ള സിനിമകൾ വന്നാലെങ്കിൽ എന്നു ആഗ്രഹിക്കുകയും ചെയ്‌താൽ എങ്ങനെ ഉണ്ടാകും? അത്തരത്തിൽ ഒരു കാലഘട്ടത്തെ സ്വാധീനിച്ച, പിന്നീട് അപ്രത്യക്ഷമായ ഒരു സിനിമ വിഭാഗത്തെ പിന്നീടുള്ള ഒരു കാലഘട്ടത്തിൽ എങ്ങനെ ആകും സ്വീകരിച്ചിട്ടുണ്ടാവുക? അതാണ്‌ ഈ ചിത്രത്തിനും സംഭവിച്ചത്.

 വ്യക്തിപരമായി ഈ ചിത്രം ആരെങ്കിലും കാണണം എന്ന് പറയില്ല.പക്ഷെ ഇത്തരത്തിൽ വ്യത്യസ്തമായ സിനിമ വിഭാഗങ്ങൾ പരിചയപ്പെടണം എന്നു താൽപ്പര്യം ഉള്ള ആരെങ്കിലും ഉണ്ടെങ്കിൽ ശ്രമിച്ചു നോക്കാവുന്ന ഒന്നാണ്.

RT: 24%, IMDb: 6.1/10

Download Link: t.me/mhviews1

സിനിമയുടെ ലിങ്ക് www.movieholicviews.blogspot.com  ൽ ലഭ്യമാണ്.

1506. Top Gun (English, 1986)

 1506. Top Gun (English, 1986)

           Action, Adventure.

  36 വർഷം മുന്നേ ഇറങ്ങിയ ഒരു സിനിമയ്ക്ക് അടുത്ത ഭാഗം 2022 ൽ വരുന്നു എന്ന് കുറച്ചു ദിവസം കാറിലെ റേഡിയോയിൽ ആണ് ആദ്യം  കേട്ടത്. ഏത് സിനിമ ആണ് അതെന്ന് ചിന്തിച്ച്  കുറച്ചു ദൂരം കഴിഞ്ഞു  RJ talk ആയപ്പോൾ  അത് Top Gun  ആണെന്ന് മനസ്സിലായത്.അപ്പോൾ  പണ്ട് സ്റ്റാർ മൂവീസ് അല്ലെങ്കിൽ HBO യിൽ പണ്ട് കണ്ടു മറന്ന Top Gun വീണ്ടും ഓർമയിൽ വന്നൂ . സിനിമയിലെ ടോം ക്രൂയിസിന്റെ ബൈക്ക്  Ray-Ban ഗ്ലാസ്,  അതേ പോലെ Kenny Loggins ന്റെ Danger Zone എല്ലാം അതിനൊപ്പം  മനസ്സിൽ വന്നൂ. കണ്ട സിനിമ ആണെന്ന് അറിയാമെങ്കിലും കഥ എല്ലാം മറന്നു പോയിരുന്നു. അതിനൊപ്പം അന്ന് കണ്ടപ്പോൾ അത്ര ഇഷ്ടപ്പെട്ട സിനിമ ആണോ എന്നും ചിന്തിച്ചു. 

  ഇംഗ്ലീഷ് FM/AM റേഡിയോയിൽ ജോലി ചെയ്യുന്നത് കൊണ്ട് തന്നെ  ദിവസവും ഒരു പ്രാവശ്യം എങ്കിലും കേൾക്കുന്ന കെല്ലിയുടെ Danger Zone ഇപ്പോഴും ഇഷ്ടപ്പെട്ട പാട്ടുകളിൽ ഒന്ന്  ആണ്. എന്തൊരു  ഫീൽ ആണ് ആ പാട്ട് കേൾക്കുമ്പോൾ തന്നെ?വേറെ ഒരു കാലഘട്ടത്തിലേക്ക് പറിച്ചു നടാൻ ഉള്ള അപൂർവ കഴിവുള്ള പാട്ട്. പക്ഷേ വർഷം ഏറെ ആയത് കൊണ്ടാണോ എന്തോ Top Gun സിനിമയുടെ കഥ അധികം ഓർത്തെടുക്കാൻ കഴിഞ്ഞില്ല. അത് കൊണ്ട് തന്നെ സിനിമ ഡൗൺലോഡ് ചെയ്തു കാണാൻ തീരുമാനിച്ചു. എന്തായാലും രണ്ടാം ഭാഗം ഉടനെ കാണാൻ കഴിയുമല്ലോ?

  ഇടയ്ക്ക് ചില രംഗങ്ങൾ ഓർമ വന്നു തുടങ്ങി സിനിമ കണ്ടു തുടങ്ങിയപ്പോൾ . ഒരു പക്ഷേ പണ്ട് കണ്ട സമയത്ത് ടോം ക്രൂയിസിന്റെ മിഷൻ ഇംപോസിബിൾ ആരാധകൻ എന്ന നിലയിൽ കണ്ട ചിത്രം ആയിരുന്നിരിക്കണം ഇത്.  ഇടിപ്പടങ്ങൾ മാത്രം ഇഷ്ടമുള്ള സമയം ആയിരുന്നു അത്. അത് കൊണ്ട് തന്നെയാകും സിനിമയുടെ കഥയിൽ ടോം ക്രൂയിസ് പൈലറ്റ് ആണെന്ന് എന്നതിലുപരി ഒന്നും ഓർമയില്ലാതെ വന്നത്. 

  അല്ലെങ്കിൽ എങ്ങനെ ആണ് ഇത്രയും കിടിലം ഒരു സിനിമയുടെ കഥ മറന്നു പോകുന്നത്? അല്ലെങ്കിൽ എങ്ങനെയാണ് Maverick - Goose എന്നിവരുടെ സൌഹൃദം, Maverick- Charlie എന്നിവരുടെ പ്രണയം ഒന്നും ഓർമയിൽ ഇല്ലാതെ ഇരിക്കുക?Top Gun കാണാത്തവർ തന്നെ വിരളം ആയിരിക്കും. എന്നെ സംബന്ധിച്ച് ചില ഘടകങ്ങൾ ഒഴികെ ബാക്കി എല്ലാം പുതുമ ആയിരുന്നു. സിനിമ അഭിരുചികൾ മാറിയത് കൊണ്ട് ആകാം ഇത്തവണ ഓർമയിൽ എന്നെന്നും നിൽക്കുന്ന ധാരാളം കഥാപാത്രങ്ങളും രംഗങ്ങളും സിനിമയിൽ നിന്നും ലഭിച്ചു. 

  എന്തായാലും രണ്ടാം ഭാഗം കാണണം. തിയറ്ററിൽ കാണാൻ പറ്റുന്ന സാഹചര്യം അല്ലാത്തത് കൊണ്ട് ഡിജിറ്റൽ റിലീസിന് ശേഷം എങ്കിലും. ഒരു പക്ഷേ ഇപ്പോഴത്തെ മൂഡിൽ തിയറ്ററിൽ നിന്നും കാണാൻ ശ്രമിക്കുമായിരിക്കും. അറിയില്ല. കഥയെ കുറിച്ചൊന്നും പറയണ്ടല്ലോ ?ഇനി കഥയെ കുറിച്ച് അറിയാത്തവർ ആണെങ്കിൽ മടിക്കാതെ ആദ്യ ഭാഗം കാണുക. നഷ്ടം ഉണ്ടാകില്ല. 

സിനിമ റിലീസ് ആയ സമയത്ത് സമ്മിശ്ര പ്രതികരണം ലഭിച്ച ചിത്രം വലിയ വിജയം ആയി മാറി ഒരു കൾട്ട് ഫോളോയിങ് വർഷങ്ങൾക്ക്  ശേഷവും ഉണ്ടാവുക, റേഡിയോ ഉൾപ്പടെ ഉള്ള പല നോർത്ത് അമേരിക്കൻ മാധ്യമങ്ങളും ഇപ്പോഴും ആഘോഷിക്കുക എന്നത് ഒക്കെ ചെറിയ കാര്യമല്ലല്ലോ? കാലത്തെ അതി ജീവിച്ച് ഇന്നും ഒരു തലമുറയുടെ സ്റ്റൈൽ  സങ്കൽപ്പങ്ങൾ , സംഗീത അഭിരുചി എന്നിവയിൽ ഭാഗം ആകാൻ സാധിക്കുന്നു എന്നതാണ് Top Gun ന്റെ മഹത്വം. ജനങ്ങളുടെ ഇടയിൽ ചില സിനിമകൾ അങ്ങനെ ജീവിക്കും. അത്തരം ഒരു ചിത്രം ആണ് Top Gun.

RT: 57%,  IMDb: 6.9/10

More movie suggestions and download link available @www.movieholicviews.blogspot.com

1505. Lucky Number Slevin (English, 2006)

 

1505. Lucky Number Slevin (English, 2006)
           Thriller, Mystery  :Streaming on Netflix

Slevin, സുഹൃത്തായ നിക്കിനെ കാണാൻ വേണ്ടി അയാളുടെ താമസ സ്ഥലത്ത് എത്തിയപ്പോൾ അയാളെ കാത്തിരുന്നത് നഗരത്തിലെ പ്രമുഖരായ രണ്ടു മാഫിയ സംഘത്തിലെ അംഗങ്ങൾ ആയിരുന്നു. അവർക്ക് നിക്ക് നല്കാൻ ഉള്ള തുകയുടെ പേരിൽ Slevin നെ അവർ ഭീഷണിപ്പെടുത്തുകയും തട്ടി കൊണ്ട് പോവുകയും ചെയ്യുന്നു. താൻ നിക്ക് അല്ല എന്ന് പറഞ്ഞിട്ടും വിശ്വസിക്കാതെ അവർ, തുകയ്ക്ക് പകരമായി ചെയ്യാൻ വേണ്ടി ഓരോ ജോലികൾ Slevin നെ എൽപ്പിക്കുന്നു .

  "In-the-wrong-place-at-the-wrong-time" എന്നതിന്റെ ക്ലാസിക് ഉദാഹരണം ആയിരുന്നു അത്. സാധാരണക്കാരനായ, ദുർബലനായ ഒരു യുവാവിനെ സംബന്ധിച്ച് ചെയ്തു തീരക്കാൻ കഴിയാത്ത ജോലികൾ ആയിരുന്നു അത്. അയാൾ എത്തി ചേർന്ന സ്ഥലവും സമയവും ആണ് അയാളെ ഈ ഒരു അവസ്ഥയിൽ  എത്തിച്ചത്. അതേ  സമയത്ത് മാഫിയ സംഘവും ആയി ബന്ധം ഉള്ളവർ ധാരാളം കൊല്ലപ്പെടുന്നുണ്ട്. അജ്ഞാതനായ ഒരു കൊലയാളി ഇതിന് പിന്നിലുണ്ട്. അയാളുടെ ലക്ഷ്യം എന്തായിരിക്കാം?

  Luck Number Slevin ന്റെ കഥ ഇങ്ങനെ ആണ് നമ്മുടെ മുന്നിൽ അവതരിപ്പിക്കപ്പെടുന്നത്. എന്നാൽ ഇതായിരുന്നോ യാഥാർഥ്യം?ഈ കഥയുടെ പിന്നിലുള്ള യഥാർഥ വസ്തുത എന്തായിരുന്നു?ഈ നടക്കുന്ന സംഭവങ്ങളുടെ പിന്നിൽ ഒളിച്ചിരിക്കുന്ന എന്തെങ്കിലും വസ്തുത ഉണ്ടോ?ഇങ്ങനെ ധാരാളം ട്വിസ്റ്റ്, സസ്പൻസ് എന്നിവയിലൂടെ   Lucky Number Slevin പറയുന്നത് ഇത്തരം ഒരു കഥയാണ്.

  Old Boy, Blue Ruin, Lucky Number Slevin ; എനിക്ക് ഏറ്റവും ഇഷ്ടപ്പെട്ട revenge സിനിമകൾ ഇവ മൂന്നും ആണ്. വേറെയും ധാരാളം സിനിമകൾ കണ്ടു ഇഷ്ടമായെങ്കിലും എന്റെ ലിസ്റ്റിലെ ആദ്യ മൂന്നു സിനിമകൾ ഇതൊക്കെയാണ് . Lucky Number Slevin ആദ്യം കാണുന്നത് 2009 ലാണ് . അന്ന് മുതൽ ഇഷ്ടം തോന്നിയത് ആണ് ഈ ചിത്രം. കഴിഞ്ഞ ദിവസം Netflix ലെ സിനിമകൾ ഓരോന്നായി നോക്കുന്നതിന്റെ ഇടയിൽ ആണ് വീണ്ടും Lucky Number Slevin വന്നത്. ഒന്നു  കൂടി കാണണം എന്ന ആഗ്രഹത്തോടെ വീണ്ടും കണ്ടൂ. മൂല കഥ ഓർമ ഉണ്ടെങ്കിലും ഭൂരിഭാഗം സീനുകളും മറന്നത് കൊണ്ടും ആദ്യ തവണ കാണുന്ന ഫീൽ തന്നെ ആയിരുന്നു ഇത്തവണയും.

സിനിമ അഭിരുചികളും അതിനൊപ്പം മികച്ച സിനിമകളെ കുറിച്ചുള്ള കാഴ്ചപ്പാടും ധാരാളം മാറിയെങ്കിലും Lucky Number Slevin ഇപ്പോഴും ഫ്രഷ് ആയി തന്നെയാണ് തോന്നിയത്. നേരത്തെ പറഞ്ഞത് പോലെ ആദ്യ തവണ കണ്ടപ്പോൾ അപ്രതീക്ഷിതമായ രീതിയിൽ ക്ലൈമാക്സ് വന്നപ്പോൾ തോന്നിയ അതേ ഇഷ്ടം ഇപ്പോഴും ഈ ചിത്രത്തിനോട് ഉണ്ട്.  ഈ ചിത്രം ഇഷ്ടപ്പെട്ടവരും അല്ലാത്തവരും ഉണ്ടാകാം. എന്നാൽ എനിക്ക് ഇഷ്ടപ്പെട്ട സിനിമകളിൽ ഒന്നാണ് Lucky Number Slevin. 2009  ൽ റിലീസ് ആയ തമിഴ്/ തെലുങ്ക് ചിത്രം ആയ ലാടം ഈ സിനിമയുടെ റീമേക് ആയിരുന്നു.

Download Link: t.me/mhviews1

RT: 52%, IMDb: 7.7/10

For more movie suggestions and download link, visit www.movieholicviews.blogspot.com

1504. The Unbearable Weight of Massive Talent (English, 2022)

 1504. The Unbearable Weight of Massive Talent (English, 2022)

           Action, Comedy.

തുടരെ ഉള്ള പരാജയ ചിത്രങ്ങൾ ഒരു കാലത്ത് സിനിമ പ്രേക്ഷകരെ ഏറ്റവും entertain ചെയ്ത നടന്മാരുടെ ആരാധകർക്ക് തന്നെ മടുപ്പ് ഉണ്ടായിട്ടുണ്ടാകാം. ഇതെങ്കിലും ശരിയാകും എന്ന് കരുതി തങ്ങളുടെ ഇഷ്ട അഭിനേതാക്കളുടെ സിനിമകൾ ഇപ്പോഴും കാണുന്നവർ ധാരാളം ഉണ്ട് . സിനിമ മോശം ആണെങ്കിൽ കൂടി അവരെ സ്ക്രീനിൽ സഹിക്കാൻ ഉള്ള മനസ്സ് ആണ് അതിനു പിന്നിൽ ഉള്ളത്. അത്തരത്തിൽ തുടരെ മോശം സിനിമകൾ ചെയ്യുകയും അടുത്തായി അൽപ്പം വ്യത്യസ്തം ആയ Mandy, Pig എന്നിവയും ആയി വന്ന നിക്ക് കേജ് പുതുതായി അഭിനയിച്ച ചിത്രം ആണ് The Unbearable Weight of Massive Talent. 

 നിക്ക് കേജ്, ആ പേരിൽ  തന്നെ തന്റെ തന്നെ മറ്റൊരു വെർഷൻ ആയി  അഭിനയിക്കുന്ന സിനിമ എന്ന പ്രത്യേകതയുണ്ട് The Unbearable Weight of Massive Talent നു . തന്റെ മറ്റൊരു പതിപ്പിനെ ആണ് അദ്ദേഹം സിനിമയിൽ അവതരിപ്പിക്കുന്നത്. ഈ പതിപ്പും ഒരു സിനിമ നടൻ  ആണ്. പരാജയപ്പെട്ട, പഴയക്കാല നേട്ടങ്ങളുടെ പേരിൽ മാത്രം ജീവിക്കുന്ന ഒരു നടൻ . തന്റെ പഴയ പല ഹിറ്റ് സിനിമകളുടെ റെഫെറൻസ് , സംഭാഷണങ്ങൾ  എന്നിവ ഉൾപ്പടെ ഒരു കാലത്ത് ധാരാളം ഹിറ്റ് സിനിമകളുടെ ഭാഗം ആയിരുന്ന അദ്ദേഹത്തിന്റെ fandom ആണ് സിനിമയിൽ ഉടനീളം  ഉപയോഗിച്ചിരിക്കുന്നത്. 

  സ്വന്തം സിനിമകൾ പരാജയപ്പെടുന്ന നിക്ക് കേജ് സിനിമ അഭിനയം നിർത്തുന്നു .സ്പെയിനിൽ  നിന്നും ഉള്ള ഒരു ആരാധകന്റെ ക്ഷണം അനുസരിച്ച്, അതിന്റെ ഒപ്പം  തന്റെ താറുമാറായ ജീവിതത്തിൽ നിന്നും അൽപ്പം മാറ്റങ്ങളും ഉണ്ടാകുന്നതിന് വേണ്ടി നിക്ക് ഒഴിവ് കാലം ചിലവഴിക്കാൻ എന്നത്  പോലെ അങ്ങോട്ടു പോകുന്നു . എന്നാൽ അവിടെ നിക്കിനെ കാത്തിരുന്നത് മറ്റൊരു ഉദ്യമം ആയിരുന്നു. വലിയ ഒരു ക്രൈം സിൻഡിക്കേറ്റ്, അവരുടെ പിന്നാലെ പോകുന്ന CIA എന്നിവർ എല്ലാം അപ്രതീക്ഷിതമായി നിക്കിന്റെ ഒഴിവ് കാലത്തിലേക്ക് കൂടെ പോവുകയാണ്. അവിടെ വച്ച്  ഒരു നല്ല സുഹൃത്തിനെയും ലഭിക്കുന്നു. അതിനു ശേഷം ഉള്ള Second Act മുതൽ തുടങ്ങുന്ന conflicts ആണ് സിനിമയിൽ പിന്നീട് അവതരിപ്പിക്കുന്നത്. 

  നിക്ക് കെജിന്റെ സിനിമകളുമായി പരിചിതം ആണെങ്കിൽ കണ്ടിരിക്കാവുന്ന ഒരു ചിത്രമാണ് The Unbearable Weight of Massive Talent. കാരണം, സിനിമയിലെ പല സംഭാഷണങ്ങളിൽ ഉള്ള റെഫെറൻസുകൾ പഴയ പല സിനിമകളിൽ നിന്നും കണക്റ്റ് ചെയ്തു ആണ് വന്നിട്ടുള്ളത്. അത് പോലെ സിനിമയിൽ തന്നെ നിക്ക് കേജിന്റെ  മറ്റൊരു സാങ്കൽപ്പിക  കഥാപാത്രമായി അയാളുടെ തോന്നലുകളിൽ മാത്രമുള്ള നിക്കി അദ്ദേഹത്തിന്റെ പഴയ ചിത്രങ്ങൾ ആയ 'Wild  At Heart', 'Vampire's Kiss' എന്നിവയുടെ ഒക്കെ ബാക്കി പത്രമായി കാണാൻ സാധിക്കുന്നതാണ്. പഴയക്കാല, ചെറുപ്പക്കാരനായ  നിക്ക് കേജിനെ പ്രതിനിധീകരിക്കുന്ന കഥാപാത്രമാണ് നിക്കി എന്ന് തോന്നി. ഇത് പോലെ ആണ് സിനിമ മുഴുവൻ. നിക്ക് കേജിന്റെ മാത്രമായ  ഒരു സിനിമ. 

  മൊത്തത്തിൽ ഒരു നിക്ക് കേജ് മയം ആണ് സിനിമ മുഴുവൻ . സ്വന്തം അഭിനയ ജീവിതത്തിന് homage നല്കിയത്പോലെ ഒരു ചിത്രം. തുടക്കത്തിൽ ഇത്തരം ഒരു സിനിമയിൽ അദ്ദേഹത്തിന് താല്പ്പര്യം ഇല്ലായിരുന്നു എന്ന് കേട്ടിട്ടുണ്ട്. നിക്ക് കേജിന്റെ സിനിമകളുടെ ഫാൻ അല്ലാത്ത ഒരാൾക്ക് ഈ ചിത്രം ഒരു സാധാരണ ആക്ഷൻ / കോമഡി ചിത്രം മാത്രം ആയി കാണാൻ സാധിക്കൂ. 

നിക്കിന്റെ സിനിമകളോട് പ്രത്യേകിച്ച് ഇഷ്ടം ഒന്നും ഇല്ലാത്ത ഒരാൾക്ക്  excitement ഒന്നും ആ  നല്കുന്നുമില്ല ചിത്രം.എന്നാൽ  നിരൂപക പ്രശംസ നല്ലത് പോലെ നേടിയ ചിത്രത്തിന് അത് കൊണ്ട് തന്നെ റിലീസിന് മുന്നേ നല്ല hype ലഭിച്ചിരുന്നു. തിയറ്ററിലും, കുറഞ്ഞ ഷോകളും ആയി പോകുമ്പോഴും എവിടെയൊക്കെയോ ഒരു നിക്ക് കേജ് ആരാധകൻ ആയി ജീവിതത്തിൽ എപ്പോഴെങ്കിലും ഒക്കെ സിനിമ കണ്ടിട്ടുണ്ടെങ്കിൽ കണ്ടു നോക്കുക The Unbearable Weight of Massive Talent. അല്ലെങ്കിൽ ഈ ചിത്രം വെറും സാധാരണയായ, അല്ലെങ്കിൽ തീരെ ഇഷ്ടമല്ലാത്ത ഒരു സിനിമ മാത്രം ആയി തീരും.

1503. CODA (English, 2021)

 1503. CODA (English, 2021)

          Musical/ Romance: Streaming on Apple TV+

  സാധാരണയായി മ്യൂസിക്കൽ- റൊമാൻസ്/ ഡ്രാമ  സിനിമകൾ തീരെ താൽപ്പര്യം  ഇല്ലാത്ത ആളാണ് എങ്കിലും മിസ് ചെയ്യരുതാത്ത സിനിമയാണ് Coda. ഈ ഒരു ജോൻറെ തീരെ താല്പ്പര്യം ഇല്ലാത്തത് കൊണ്ട് തന്നെയാണ് ഓസ്ക്കാർ വേദിയിൽ മികച്ച സിനിമയ്ക്കുള്ള പുരസ്ക്കാരം ലഭിച്ചിട്ടും സിനിമ ഇത്രയും ദിവസം കാണാതെ ഇരുന്നതും. 

  

 ബധിരരായ ഫ്രാങ്ക്-ജാക്കി ദമ്പതികളുടെ മക്കളാണ് ലിയോയും റൂബിയും. ലിയോ മാതാപിതാക്കളെ പോലെ ശബ്ദം അന്യമായ ഒരാളാണ്. എന്നാൽ റൂബി അവരില് നിന്നും വ്യത്യസ്തമായി സംഗീത ആസ്വദിക്കുകയും ശബ്ദങ്ങളുടെ ലോകത്തിൽ  ജീവിക്കുകയും അതിനോടൊപ്പം സ്വന്തം കുടുംബത്തിന്റെ ശബ്ദമായി മാറുകയും  ചെയ്യുന്നു. ഡോക്റ്ററുടെ അടുക്കൽ പോകുന്ന സീന് ഒക്കെ രസകരം ആയിരുന്നു.

പാരമ്പര്യമായി മത്സ്യബന്ധനത്തിൽ ഏർപ്പെട്ടിരിക്കുന്ന റോസി കുടുംബം കാലങ്ങളെ അതിജീവിച്ചതിന് ശേഷം ചില പ്രശ്നങ്ങളെ അഭിമുഖീകരിക്കുകയാണ് ഇപ്പോൾ . മാറിയ രീതിയിൽ ഉള്ള വെള്ളത്തിലെ നിയമങ്ങളും, പാറി പറക്കാൻ സമയമായ, തന്റെ സ്വപ്നങ്ങളെ സാക്ഷാത്കരിക്കാൻ ഉള്ള അവസരം ലഭിക്കുകയും ചെയ്യുന്ന റൂബിയും റോസി കുടുംബത്തിന് മുന്നിൽ ഒരു ചോദ്യ ചിഹ്നം ആയി മാറുകയാണ്. അവിടെ റൂബിയുടെ സ്വപ്നങ്ങൾ , ജീവിതത്തിലെ പ്രണയം, സ്വന്തം കുടുംബം മാത്രം അല്ലാതെ മറ്റൊരു ജീവിതം ഒക്കെ വിഷയം ആവുകയാണ്. റൂബിയ്ക്ക് പറക്കാൻ ആഗ്രഹമുണ്ട്. പക്ഷേ അവളുടെ ചിറകുകൾ അദൃശ്യമായ, ബന്ധങ്ങളുടെയും സ്നേഹത്തിന്റേയും കയറ് കൊണ്ട് കുരുക്കിയിട്ടിരിക്കുകയാണ് . Coda ചർച്ച ചെയ്യുന്ന വിഷയവും അതാണ്. 

  ഒരു ഫീൽ - ഗുഡ് സിനിമ ആയി മാറുന്ന CODA അതിനൊപ്പം നമ്മളിൽ പലരുടെയും  ജീവിതത്തിൽ  ബന്ധിപ്പിക്കുന്ന ചില ചിന്തകൾക്കുള്ള ഇടവും തുറക്കുന്നുണ്ട്. 18 വയസ്സിൽ വിദ്യാഭ്യാസത്തിനായും അതിനു ശേഷം ജോലിക്ക് വേണ്ടിയും ജീവിക്കാനായും സ്വന്തം വീട്ടിൽ നിന്നും മാറി നിൽക്കേണ്ടി വന്ന, ഇപ്പോഴും പ്രവാസിയായി മാറിയ എന്നെ പോലെ ഉള്ള പലർക്കും അവസാനത്തെ രംഗം ശരിക്കും ഫീൽ ചെയ്യുന്ന ഒന്നാണ് എന്ന് തോന്നി. അതിനും അപ്പുറം സ്വന്തം കുട്ടികളും അത്തരം ഒരു ഘട്ടത്തിൽ എത്തുമ്പോൾ എന്താകും തോന്നുക എന്ന് ചിന്തിക്കാൻ ഉള്ള അവസരവും. കുട്ടികൾ അല്ലേ? അവർ പറക്കട്ടെ എന്ന് സ്വയം മനസ്സിനെ വിശ്വസിപ്പിക്കാൻ പരിശീലിപ്പിക്കുന്ന സിനിമയിലെ അവസാന രംഗങ്ങൾ സിനിമയുടെ മനോഹാരിത കൂട്ടുകയാണ് ചെയ്തത്. 

  ഈ അടുത്ത് കണ്ടതിൽ ഏറ്റവും ഭംഗിയുള്ള സിനിമ ആണ് എനിക്ക് CODA. മുൻവിധിയോടെ സിനിമ ഇത്രയും ദിവസം കാണാത്തതിൽ വിഷമം തോന്നി സിനിമ കണ്ടു കഴിഞ്ഞപ്പോൾ. CODA ഒരു ത്രില്ലർ അല്ല. വലിയ വേഗതയിൽ കഥ പറഞ്ഞു പോകേണ്ട ആവശ്യവും ഇല്ല. സിനിമയുടെ കഥയ്ക്ക് ആവശ്യമുള്ള, കഥാപാത്രങ്ങളെ പ്രേക്ഷകനിലേക്ക് എത്തിക്കുകയും അവരുടെ മാനസികവ്യാപാരങ്ങളിലേക്ക് നമ്മളെയും കണക്റ്റ് ചെയ്യുന്ന ഗംഭീരമായ ഭംഗി എന്നാൽ സിനിമയ്ക്ക് ഉണ്ട്. അത്തരം ഒരു പേസിങും സിനിമ മനോഹരമാക്കി. 

കാണുക!!

RT: 94%, IMDb: 8/10

1502. The Card Counter (English, 2021)

 1502. The Card Counter (English, 2021)

          Thriller, Drama: Streaming on Amazon Prime (Canada) : RT: 87%, imdb:6.3

     ഒരാൾ തന്റെ ജീവിതത്തെ എങ്ങനെ ആകും കാണുക എന്നത് അയാളുടെ മാനസികാവസ്ഥയും അയാളുടെ ലക്ഷ്യങ്ങളെയും ആശ്രയിച്ചു ഇരിക്കും. ഒരാൾ തന്റെ പ്രത്യേകിച്ച് ലക്ഷ്യങ്ങൾ ഒന്നും ഇല്ലാത്ത ജീവിതത്തിൽ എല്ലാവരിൽ നിന്നും അകന്ന് ഒരു നാടോടിയായി പലയിടത്തും അലഞ്ഞു നടക്കുമ്പോൾ,അയാൾക്ക്‌ ഒരു ലക്ഷ്യം ഉണ്ടാവുക എന്നത് തന്നെ വലിയ ഒരു കാര്യമാണ്. അതിനു പിന്നിൽ ഉള്ള കാരണം തന്റെ ഭൂതക്കാലവുമായി ബന്ധപ്പെട്ടത് കൂടി ആകുമ്പോൾ അയാൾക്ക്‌ ആ ലക്ഷ്യത്തിലേക്കു അടുക്കുമ്പോൾ ഉള്ള ആശ്വാസവും സുന്ദരമാണ്.എന്നാൽ അതിനു ശേഷം അതിനു വിപരീതമായി എന്തെങ്കിലും സംഭവിക്കുക കൂടി ചെയ്താലോ?

     

ഓസ്‌ക്കാർ ഐസക് അവതരിപ്പിക്കുന്ന വില്യം ടെൽ ഇത്തരത്തിൽ ഒരാളാണ്. അയാളുടെ ഭൂതക്കാലത്തിൽ നിന്നും അകന്നു, അയാൾ ചെറിയ തുകകൾ കസിനോകളിൽ ചൂതാടി നേടി ജീവിക്കുന്നു. വലിയ തുകകൾ നേടാൻ ഉള്ള, ബ്ളാക് ജാക്കിൽ പ്രാവീണ്യം ഉണ്ടെങ്കിലും അതിനു അയാൾ മുതിരുന്നില്ല. അപ്പോഴാണ് അയാൾ ഒരു യുവാവിനെ പരിചയപ്പെടുന്നത്. താൽക്കാലികം ആയെങ്കിലും അയാൾ തന്റെ ജീവിതം അവനു വേണ്ടി മാറ്റാൻ തീരുമാനിച്ചു. ആരാണ് അവൻ? എന്താണ് ടെല്ലിന്റെ ഭൂതക്കാലം? നേരത്തെ പറഞ്ഞത് പോലെ എന്താണ് അവസാനം സംഭവിക്കുന്നത്? ഇതിനെല്ലാം ഉത്തരം ആണ്‌ The Card Counter എന്ന സിനിമ നൽകുന്നത്.

  ത്രില്ലർ സ്വഭാവം തുടക്കത്തിൽ കാണിച്ച ചിത്രം പിന്നീട് വേറെ ഒരു ട്രാക്കിൽ ആണ്‌ സഞ്ചരിക്കുന്നത്. രണ്ട് ആളുകൾ തമ്മിൽ ഉള്ള ബന്ധത്തിൽ ഉപരി അത് അവരിൽ ഓരോരുത്തരിലും കൊണ്ട് വരുന്ന മാറ്റങ്ങളും സ്വയം എന്തായിരുന്നു എന്നും ഉള്ള ചോദ്യങ്ങളും ഒക്കെ സ്വയം കഥാപാത്രങ്ങൾ തന്നെ കണ്ടെത്തുമ്പോൾ നല്ലൊരു സിനിമ ആയി മാറുന്നു. ക്ലൈമാക്സ്‌ സീനിലേക്ക് എത്തി ചേരുന്ന സ്ഥലം മുതൽ വീണ്ടും ത്രില്ലർ ട്രാക്കിലേക്ക് പോകുന്ന സിനിമ അവസാനം അത് വരെ പറഞ്ഞു പോയ കഥയ്ക്ക് ചേർന്ന് പോകുന്ന ഒരു ക്ലൈമാക്സിൽ അവസാനിക്കുന്നു.

  

കണ്ടു നോക്കുക. തരക്കേടില്ലാത്ത ഡ്രാമ - ത്രില്ലർ സിനിമ അനുഭവം ആണ്‌.

1501. Hustle (English, 2022)

 1501. Hustle (English, 2022)

         Sports. Streaming on Netflix 

     പല ഇഷ്ട നടന്മാരും അവരുടെ സിനിമ സെലക്ഷൻ കാരണം തുടരെ മോശം ചിത്രങ്ങൾ നൽകിക്കൊണ്ടിരുന്നു ഇടയ്ക്ക്. ചിലരൊക്കെ അതിൽ നിന്നും മാറി നല്ല ചിത്രങ്ങളുടെ ഭാഗം ആവുകയും ചെയ്തു തുടങ്ങി. പ്രധാനമായും നിക്കോളാസ് കേജ്‌, ആദം സാൻഡ്‌ലർ എന്നിവർ ആണ്‌ അതിൽ മുന്നിൽ. ആദം അവസാനം ചെയ്ത ചിത്രങ്ങളിൽ Murder Mystery, Uncut Gems, ഇപ്പോൾ ഇതാ Hustle കൂടി നല്ല സിനിമകളുടെ പട്ടികയിൽ ചേരുകയാണ്. Uncut Gems നിരൂപകരുടെ ഇടയിലും ക്രിട്ടിക്സിന്റെ ഇടയിലും ഒരു ക്ലാസിക് ചിത്രമായി മാറുകയായിരുന്നു. A24 ന്റെ ഏറ്റവും കളക്ഷൻ കിട്ടിയ ചിത്രമായിരുന്നു Everything Everywhere All at Once ഇറങ്ങുന്നത് വരെയും.

   Hustle നല്ല ഒരു സ്പോർട്സ് ഡ്രാമ ആണ്‌. സ്ഥിരം സ്പോർട്സ് ഡ്രാമ pattern ആണെങ്കിലും NBA യുടെ ലോകത്തിലേക്കു പറിച്ചു നട്ട ഒരു ഫീൽ ആയിരുന്നു അത് നൽകിയത് . ബാസ്ക്കറ്റ് ബോളിലെ പല മഹാരഥന്മാരും അവരവരായി തന്നെയും അല്ലാതെയും ഒരു ബാസ്ക്കറ്റ് ബോൾ സിനിമ കൾച്ചറിന്റെ ഭാഗമായി മാറുന്നതാണ് Hustle ൽ ഉള്ളത്.കളിയിലെ പുതിയ പ്രതിഭകളെ കണ്ടെത്താൻ നടക്കുന്ന സ്കൗട്ട് ആയ സ്റ്റാൻലി സ്പെയ്നിൽ നിന്നും കണ്ടെത്തുന്ന, പ്രതിഭ ഏറെയുള്ള ഒരു യുവാവിന്റെയും അതിനോട് അനുബന്ധിച്ചു ഉണ്ടാകുന്ന struggle ഉം ആണ്‌ സിനിമയുടെ കഥ.

  ലോക്കൽ ആയി നടക്കുന്ന ബാസ്ക്കറ്റ് ബോൾ പ്രകടനങ്ങളിൽ നിന്നും കാണികളുടെ കയ്യടി നേടാൻ കഴിയുന്ന ഒരു യുവാവ്, അവന്റെ ദേഷ്യവും കളിയോട് ഉള്ള അഭിനിവേശവും എങ്ങനെ കളിയുടെ അടുത്ത ലെവലിൽ ഉപയോഗിക്കുന്നു എന്നത് ആണ്‌ സിനിമയുടെ ഹൈലൈറ്റ്. ബോ എന്ന കഥാപാത്രത്തെ അവതരിപ്പിച്ച 

Juancho ഹെർണങ്ങോമേസ് എന്ന റിയൽ ലൈഫിലെ സ്പാനിഷ് പ്രൊഫഷണൽ ബാസ്‌ക്കറ്റ് ബോൾ പ്ലയർ ആ റോളിൽ  മികച്ചു നിന്നു. Electrifying എന്ന് പറയിപ്പിക്കുന്ന പ്രകടനം.

  സ്ഥിരം സ്പോർട്ട്സ് ഡ്രാമയിൽ ഉള്ളത് പോലെ അല്ലാത്ത ചെറിയ ഒരു ക്ലൈമാക്സ്‌ ട്വിസ്റ്റ്‌ വലിയ സംഭവം അല്ലായിരുന്നു എങ്കിലും രസകരമായിരുന്നു. മികച്ച അഭിപ്രായങ്ങൾ ആണു സിനിമയ്ക്ക് കിട്ടുന്നത്.കാണാൻ ശ്രമിക്കുക. നല്ല ഒരു ചിത്രമാണ്.

   

     

1500. Veeramae Vaagai Soodum (Tamil, 2022)

 1500. Veeramae Vaagai Soodum (Tamil, 2022)

           Streaming on Zee5

  സിനിമയെ കുറിച്ച് ചുരുക്കി ഒരു അഭിപ്രായം പറഞ്ഞാൽ വിശാലിന്റെ അടുത്തായി വന്ന ഒരു ഡീസന്റ് സിനിമ ആണെന്ന് പറയാം Veeramae Vaagai Soodum. ആമ്പള പോലുള്ള cringe worthy ആയ സ്ഥിരം വിശാൽ സിനിമകളിൽ നിന്നും മാറ്റമുണ്ട് എന്നതാണ് മെച്ചം. പക്ഷെ സിനിമയുടെ നീളം കൂടാൻ ഉള്ള കാരണം ആയതു ഇടയ്ക്കുള്ള കോമഡി - പ്രണയ രംഗങ്ങൾ ആണ്‌.എല്ലാം സിനിമയുടെ കച്ചവട സാധ്യത കണ്ടു കൊണ്ട് അവതരിപ്പിച്ചത് ആണെങ്കിലും സിനിമയുടെ മൊത്തത്തിൽ ഉള്ള ഒഴുക്കിനെ ബാധിച്ചിട്ടുണ്ട്.

  സിനിമയുടെ കഥ നോക്കുക ആണെങ്കിൽ ഒന്നിന് പകരം 3 സിനിമയ്ക്കുള്ള കഥ സിനിമയിൽ ഉണ്ടായിരുന്നു. ആ 3 കഥകളും parallel ആയി നടക്കുകയും അവയെല്ലാം മെയിൻ കഥയിലേക്ക് സന്നിവേശം നടത്തിയതും നന്നായിരുന്നു. കുറെ കൂടി സീരിയസ് ആയ ഒരു കഥാപരിസരം ആയിരുന്നെങ്കിൽ ശ്രദ്ധിക്കപ്പെടാൻ നല്ല സാധ്യത ഉള്ള കഥ ആയിരുന്നു എന്നും തോന്നി.

 പോലീസ് ഉദ്യോഗസ്ഥൻ ആകാൻ ആഗ്രഹിക്കുന്ന യുവാവ്. ഉരുക്കിന്റെ ശക്തി ഉള്ള ഒരു സാധാരണ ഇന്ത്യൻ ഹീറോ ആണ്‌ അയാൾ.അയാളുടെ സഹോദരിയ്ക്കു കുറെയേറെ പ്രശ്നങ്ങൾ നേരിടേണ്ടി വരുകയും, അതിനോടൊപ്പം മറ്റു രണ്ട് സ്ഥലത്തു നിന്നു കൂടി ഉള്ള പ്രശ്നങ്ങൾ കൂടി ആകുമ്പോൾ അയാൾക്ക്‌ മൊത്തം ഹീറോയിസവും പുറത്തെടുക്കേണ്ടി വരുന്നു.

        ക്ലൈമാക്സ്‌ പ്രതീക്ഷിച്ചതു ആയിരുന്നു. പക്ഷെ അത് മെയിൻ കഥ ആയി തുടങ്ങിയിരുന്നേൽ ഒരു കൊറിയൻ സിനിമ എഫെക്റ്റ് ഒക്കെ ഉണ്ടായേനെ. ധാരാളം സാധ്യതകൾ ഉള്ള കഥ ആയിട്ടാണ് തോന്നിയത് മൊത്തത്തിൽ.

    Veeramae Vaagai Soodum ഒരു വിജയ ചിത്രം ആണെന്ന് തോന്നുന്നില്ല. മികച്ച രീതിയിൽ കോമർഷ്യൽ സിനിമകൾ തന്നെ ബാർ മുന്നോട്ടു കയറ്റി വയ്ക്കുന്ന സിനിമകൾ വരുമ്പോൾ ശ്രദ്ധേയമായ പുതുമകൾ സ്വീകരിക്കാൻ കഴിയില്ലെങ്കിൽ ഇനിയുള്ള കാലം ശ്രദ്ധിക്കപ്പെടാൻ പാടായിരിക്കും.

  എന്തായാലും തരക്കേടില്ലാതെ അവതരിപ്പിച്ച, എന്നാൽ ഒരു must watch എന്നൊന്നും തോന്നിക്കാത്ത സിനിമ ആണ്‌ Veeramae Vaagai Soodum.

    

1499. Thar (Hindi, 2022)

 1499. Thar (Hindi, 2022)

          Mystery, Crime: Streaming on Netflix

   എൺപതുകളുടെ മധ്യത്തിൽ രാജസ്ഥാനിലെ താർ മരുഭൂമിയുടെ പശ്ചാത്തലത്തിൽ നടക്കുന്ന ഒരു Western Noir ചിത്രത്തിന്റെ ഛായ ആണ്‌ താർ എന്ന ചിത്രത്തിനുള്ളത്. വളരെ ക്രൂരത നിറഞ്ഞ, ദുരൂഹത നിറഞ്ഞ മരണങ്ങൾ പലയിടതായി നടക്കുന്നു. അതിന്റെ ഒപ്പം പാകിസ്ഥാൻ അതിർത്തി കേന്ദ്രീകരിച്ചു പ്രവർത്തിക്കുന്ന കൊലയാളി സംഘങ്ങൾ കൂടി ചേരുമ്പോൾ മരണങ്ങൾ ആരുടെ അക്കൗണ്ടിൽ ചേർക്കണം എന്നു അറിയാതെ ഇൻസ്പക്റ്റർ സുരേഖ സിങ്ങും ടീമും കുഴങ്ങുന്നു.

  ആ സമയം തന്നെ അവിടെ വന്ന അപരിചിതൻ ആയ ഒരാൾ  അവിടത്തെ ചെറിയ ടൗണിൽ പരിചയങ്ങൾ ഉണ്ടാക്കി തുടങ്ങുന്നു.പുരാവസ്തുക്കൾ ശേഖരിക്കുന്ന ഒരാൾ ആണെന്ന് സ്വയം പരിചയപ്പെടുത്തുന്ന ആൾ എന്നാൽ ദുരൂഹത ആയി നിൽക്കുന്നു. പ്രത്യേകിച്ചും സിനിമയുടെ തുടക്കത്തിൽ തന്നെ അയാളെ കുറിച്ച് ചെറിയ ഒരു സൂചന പ്രേക്ഷകന് ലഭിക്കുന്നും ഉണ്ട്. ഒരു പക്ഷെ സിനിമയുടെ ഇത്തരത്തിൽ ഉള്ള സ്വഭാവം കാരണം അധികം ഡെവലപ്പ് ചെയ്യാതെ പോയ ഒരു കഥാപാത്രം ആണ്‌ ഹർഷവർദ്ധൻ കപൂറിന്റെ സിദ്ധാർഥ് എന്ന കഥാപാത്രം എന്നു തോന്നി.

  ദുൽക്കർ സൽമാനുമായി എവിടെയൊക്കെയോ സാമ്യത തോന്നുന്ന ഹർഷവർദ്ധൻ ചില സീനുകളിൽ 'ഇത് താൻ അല്ലയോ ഇത്' എന്നു തോന്നിപ്പിച്ചു. ഇന്ത്യൻ സിനിമ നിലവാരം വച്ചു നോക്കുമ്പോൾ വയലൻസ് നല്ല രീതിയിൽ തന്നെയുണ്ട് ചിത്രത്തിൽ. പഴയ ഹോളിവുഡ് വെസ്റ്റേൺ സിനിമകളിൽ കാണുന്ന കഥാ പശ്ചാത്തലം, കഥാപാത്രങ്ങൾ തുടങ്ങി പലതും ആ ഒരു കാലഘട്ടത്തെ ഓർമിപ്പിക്കുന്നുണ്ട്.

  എന്നാലും നീണ്ടു നിവർന്നു കിടക്കുന്ന രാജസ്ഥാൻ - താർ മരുഭൂമി ഭാഗമായി ധാരാളം അത്തരം സിനിമകൾക്ക് സ്കോപ് അന്നത്തെ കാലത്ത് പോലും ഉണ്ടായിരുന്നതായി തോന്നി. ഇത്തരം സിനിമകളുടെ ദുരൂഹമായ പശ്ചാത്തലം അതിന്റെ എല്ലാ സാധ്യതകളോടും അവതരിപ്പിക്കാൻ കഴിയും. സിനിമകൾ വന്നിട്ടില്ല എന്നല്ല, പണ്ട് ഇത്തരം പശ്ചാത്തലത്തിൽ കണ്ട സിനിമകളുടെ ചെറിയ ഓർമ്മകൾ ഉണ്ടെങ്കിലും ഇപ്പോഴും ഇത്തരം പശ്ചാത്തലത്തിനു ഉള്ള സാധ്യത കൂടുതൽ ആണെന്ന് കരുതുന്നു.

  അനിൽ കപൂറും മകൻ ഹർഷവർദ്ധനും തന്നെ ആണ്‌ സിനിമയുടെ നട്ടെല്ല്. സിനിമയുടെ ദുരൂഹത അഴിയുന്ന സമയത്താണ് സിനിമയിൽ മൊത്തത്തിൽ ഉണ്ടായിരുന്ന ടെൻഷൻ കുറയുന്ന കാര്യങ്ങൾ സംഭവിക്കുന്നതും.തരക്കേടില്ലാത്ത ഒരു revenge ത്രില്ലർ ആണ്‌ Thar. എനിക്ക് ഇഷ്ടമാവുകയും ചെയ്തു.

1498. Last Seen Alive (English, 2022)

 1498. Last Seen Alive (English, 2022)

         Action

 നമ്മൾ പണിയെടുത്താൽ നമുക്ക് ജീവിക്കാം എന്നും ജീവിതത്തിൽ യഥാർത്ഥത്തിൽ രക്ഷകർ ഒന്നും ഉണ്ടാകില്ല എന്നും കരുതുന്നവർക്ക് ഇഷ്ടപ്പെടാവുന്ന ഫാന്റസി ആയി തോന്നാവുന്ന ഒരു സിനിമ വിഭാഗം ആണ്‌ രക്ഷകൻ സിനിമകൾ. ഈ തലമുറയിലെ പ്രധാനപ്പെട്ട ഹോളിവുഡ് സിനിമയിലെ രക്ഷകൻ ആയ Jerard Butler രക്ഷകൻ റോളിൽ വീണ്ടും വരുന്ന സിനിമ ആണ്‌ Last Seen Alive.

   വിൽ സ്പാൻ പെട്രോൾ അടിക്കുന്ന സമയത്തു അതിനോട് ചേർന്ന convenience സ്റ്റോറിൽ കയറിയ ഭാര്യയെ കാണാതെ ആകുന്നു. വിൽ എല്ലായിടത്തും അന്വേഷിച്ചെങ്കിലും ഭാര്യയെ കണ്ടു കിട്ടുന്നില്ല. പോലീസും വലിയ സഹായം ഒന്നും ഇല്ല എന്നു മനസ്സിലാക്കി തന്റെ പുതിയ രക്ഷകൻ റോളിലേക്ക് വിൽ മാറുകയാണ്."He'll stop at nothing to get her back" എന്ന ടാഗ്‌ലൈൻ അന്വർത്ഥം ആക്കുകയാണ് പിന്നീട് സിനിമയിൽ.

  രക്ഷകൻ സിനിമകളുടെ ഫാൻ ആണോ? ക്ളീഷേ കഥ ആണെങ്കിലും ഇത്തരം സിനിമകൾ പുച്ഛത്തോടെ, പ്രത്യേകിച്ച് കാര്യം ഒന്നും ഇല്ല എന്ന ഭാവത്തോടെ അല്ലാതെ കാണാൻ തയ്യാറാണോ? എങ്കിൽ മടിക്കാതെ Last Seen Alive കണ്ടോളൂ. ഇത്തരം സിനിമകളുടെ വലിയ ആരാധകൻ ആയതു കൊണ്ട് തന്നെ ഉള്ളിന്റെ ഉള്ളിൽ ഒളിച്ചിരുന്ന ത്രിൽ ഒക്കെ പുറത്തു വന്നത് കൊണ്ട് തന്നെ സിനിമ ഇഷ്ടമായി.

  സീരിയസ് സിനിമകൾ കാണാൻ മാത്രം സമയം ചിലവഴിക്കുന്നവർ ഈ ഭാഗത്തേക്ക്‌ ഒന്നും വരാതെ ഇരിക്കാൻ ശ്രമിക്കുക. ഇതൊക്കെ അങ്ങനെ കാണേണ്ട സിനിമ ആണ്. അല്ലേൽ പുച്ഛിച്ചു ഒരു വഴി ആകും.

Download Link: t.me/mhviews1

More movie suggestions and download link available @www.movieholicviews.blogspot.com

1497. Beast (Tamil, 2022)

 1497. Beast (Tamil, 2022)

         Streaming on Netflix.

    താടിയും തടിയും മീശയുമില്ലാത്ത, മുടിയുള്ള അമിത് ഷാ തീവ്രവാദികളും ആയി ചേർന്ന് പ്രധാന മന്ത്രി ആകാൻ ഉള്ള പദ്ധതി നടത്തുന്നു. അത് റോ ഏജന്റ് വീര രാഘവൻ രക്ഷകനായി വന്നു പൊളിക്കുന്നു. അവസാനം ഇലക്ഷൻ ജയിക്കാൻ വേണ്ടി, പാക്കിസ്ഥാനിൽ പോയി തീവ്രവാദിയും ആയ വന്ന വീര രാഘവന്റെ സഹായത്തിനു ഫോഴ്സിനെ വിട്ടു കൊടുക്കാൻ പറയുന്ന മോഡി. ബീസ്റ്റിന്റെ കഥയുടെ ഒരു  പൊളിറ്റിക്കൽ വേർഷൻ ഇങ്ങനെ ചുരുക്കാം .

  പാട്ട് ഒക്കെ നന്നായിരുന്നു. വിജയുടെ ഡാൻസും ഫൈറ്റും ഒക്കെ കൊള്ളാമായിരുന്നു. സ്ഥിരം വിജയുടെ ഫോർമുല ചിത്രം. നെൽസൻ സ്ഥിരം ചെയ്യുന്ന പോലത്തെ പടം. സ്ഥിരം അങ്ങേരുടെ ടീമിൽ ഉള്ള പലരും ഉണ്ടായിരുന്നു. ഡോക്റ്റർ കഴിഞ്ഞു വരുമ്പോൾ അതെ പോലത്തെ മെയ്ക്കിങ്ങും ആയി ഒരു സിനിമ.

  കണ്ടാലും കണ്ടില്ലേലും പ്രത്യേകിച്ച് കുഴപ്പം ഒന്നുമില്ല. Netflix അക്കൗണ്ട് ഒക്കെ എടുത്തിട്ടുണ്ടെങ്കിൽ, വേറെ പണി ഒന്നും ഇല്ലേൽ ഇരുന്നു കാണാം.

1496. Attack: Part 1 (Hindi, 2022)

 1496. Attack: Part 1 (Hindi, 2022)

         Streaming on Zee5

  Universal Soldier ൽ വാൻ ടാം അവതരിപ്പിച്ച കഥാപാത്രത്തിന്റെ മറ്റൊരു വേർഷൻ ആണ്‌ ഈ ചിത്രത്തിൽ ജോൺ എബ്രഹാമിന്റെ അർജുൻ ഷേർഗിൽ എന്ന കഥാപാത്രം. ഹോളിവുഡ് പറഞ്ഞത് വിയറ്റ്നാം യുദ്ധം അനുബന്ധിച്ച സംഭവങ്ങൾ ആണെങ്കിൽ ഇവിടെയും തീവ്രവാദ വിരുദ്ധ പോരാട്ടം ആണ്‌. പാർലമന്റ് ആക്രമണം, രാജ്യത്തലവനെ ബന്ധി ആക്കുക തുടങ്ങിയുള്ള പല ഹോളിവുഡ് സിനിമകളുടെയും കോപ്പി എന്നു കഥ കേട്ടാൽ തോന്നും Attack എന്ന ചിത്രത്തിന്റെ synopsis vaayichaal.

  പക്ഷെ സിനിമ മോശം അല്ല എന്നു തന്നെ തോന്നി മൊത്തത്തിൽ. അത്തരത്തിൽ ഒരു സൂപ്പർ സോൾജ്യർ കഥാപാത്രം ആവുക വഴി അർജുൻ, കത്തി എന്നു പറയാവുന്ന സീനുകളെ പോലും സിനിമയുടെ context ൽ വിശ്വാസ യോഗ്യം ആക്കി മാറ്റി. പിന്നെ നല്ല ആക്ഷൻ sequence, മോശമല്ലാത്ത മെയ്ക്കിങ് കൂടി ആകുമ്പോൾ ആക്ഷൻ സിനിമകളുടെ ഇന്ത്യൻ വിഭാഗത്തിൽ നല്ലൊരു അവതരണം ആയിരുന്നു Attack.പിന്നെ സിനിനയുടെ പേസിങ്ങും നന്നായിരുന്നു.

  സിനിമയ്ക്ക് എന്തായാലും രാഷ്ട്രീയം ഉണ്ട്. അത് ചെറുതായി ബാലൻസ് ചെയ്തിൻ പോകുന്നുണ്ട്. എന്നേ ബന്ധിയാക്കി മറ്റുള്ളവരെ വിട്ടയക്കാൻ പറയുന്ന പ്രധാന മന്ത്രിയും, എന്ത് സംഭവിച്ചാലും പ്രധാന മന്ത്രിയ്ക്കു ഒന്നും സംഭവിക്കരുത് എന്നു പറയുന്ന മന്ത്രി സഭയിലെ രണ്ടാമനും ഒക്കെ ബാലൻസ് ചെയ്തു പോയിട്ടുണ്ട്. സിനിമയിലെ തമാശ ഭാഗം അതായിരുന്നു.

 ഇന്ത്യൻ സർക്കാരിന്റെ വലിയൊരു സൂപ്പർ സോൾജ്യർ പ്രോജക്റ്റിന്റെ ഭാഗമായി അർജുൻ എന്ന ദേശ സ്നേഹി ആയ പട്ടാളക്കാരൻ വരുമ്പോൾ അതിനോട് അനുബന്ധിച്ചുള്ള സീനുകളും ധാരാളം ഉണ്ട്. ഇപ്പോൾ ഇന്ത്യൻ പൊതു ബോധത്തിൽ എന്താണോ തീവ്രവാദം, അത് തന്നെയാണ് സിനിമയുടെ പ്രമേയവും. പക്ഷെ ഇത്രയും വലിയ ഒരു ഇന്റലിജൻസ് failure സിനിമയ്ക്ക് വേണ്ടി സൃഷ്ടിച്ചത് ഒറിജിനൽ ആയി ഒരിക്കലും നടക്കും എന്നു തോന്നുന്നില്ല.

  IRA യും അർജുന്നും ഇനിയും സിനിമകളിൽ കാണും എന്നു പറഞ്ഞു കൊണ്ടാണ് ആദ്യ ഭാഗം അവസാനിക്കുന്നത്. കണ്ടു നോക്കൂ. നല്ലൊരു ആക്ഷൻ ചിത്രമാണ് Attack: Part 1.

1495. Runway 34 (Hindi, 2022)

 1495. Runway 34 (Hindi, 2022)

           Streaming on Prime Video

    ടോം ഹാങ്ക്സ് അഭിനയിച്ച Sully യിൽ നിന്നും inspire ആയതാണ് എന്നാണ് Runway 34 ട്രയിലർ കണ്ടപ്പോൾ തോന്നിയത്. അതും യഥാർഥ സംഭവങ്ങളെ ആസ്പദം ആക്കി എടുത്ത ചിത്രം ആണല്ലോ? എന്നാൽ പിന്നീട് അത് യാഥാർത്തത്തിൽ ദോഹ-കൊച്ചി ഫ്ലൈറ്റ് ബ്ലൈൻഡ് ലാൻഡ് ചെയ്തതിനെ ആസ്പദമാക്കി എടുത്തത് ആണെന്നും അല്ലെന്നും കണ്ടൂ. എന്തായാലും തരക്കേടില്ലാത്ത നല്ലൊരു ത്രില്ലർ ആണ് അജയ് ദേവ്ഗൺ  സംവിധാനം കൂടി ചെയ്ത Runway 34 നല്കിയിരിക്കുന്നത്. 

   യഥാർഥ കഥ എന്താണെങ്കിലും സിനിമാറ്റിക് liberty എടുത്തു കൊണ്ട് തന്നെ അത്തരം ഒരു കഥയ്ക്ക് നായക  പരിവേഷം നല്കിയതും, അമിതാബ് ബച്ചന്റെ പ്രൊഫഷണൽ ആയ , അല്പ്പം crude ആയ കഥാപാത്രം ഒക്കെ മികച്ചു നിന്നൂ . സിനിമയിലെ പ്രധാന സംഭവമായ ഫ്ലൈറ്റ് ലാൻഡിങ് നന്നായി അവതരിപ്പിച്ചിട്ടും ഉണ്ട്. സിനിമയുടെ രണ്ടാം പകുതി അജയ്-ബച്ചൻ എന്നിവരുടെ കോർട്ട്- റൂം സംവാദം ആണ്. പലപ്പോഴും നായക കഥാപാത്രത്തെക്കാളും മികച്ചു നിൽക്കുന്ന പ്രകടനം. കഥയുടെ ആവശ്യാനുസരണം നായക കഥാപാത്രം മികവ് കാണിക്കുമ്പോൾ ഉണ്ടാകുന്ന ഭാവ മാറ്റം ഒക്കെ നന്നായി ചെയ്തിട്ടും ഉണ്ട്. 

  താൻ ചെയ്യുന്ന ജോലിയെ കുറിച്ച് നല്ല ധാരണ ഉള്ള, ആത്മവിശ്വാസം ഏറെയുള്ള ക്യാപ്റ്റന് വിക്രാന്ത് ഖന്ന എന്ന  കഥാപാത്രത്തിന് യോജിച്ചത് അദ്ദേഹം തന്നെ ആയിരുന്നു എന്ന് തോന്നി. മൊത്തത്തിൽ നല്ല ഒരു experience ആയിരുന്നു Runway 34 . എന്നാലും കൊച്ചിയിലേക്ക് ഉള്ള ഫ്ലൈറ്റ്, അതിൽ എന്നത് കൊണ്ടായിരിക്കും മലയാളികൾ ആരും ഒന്നും മിണ്ടാതെ ഇരുന്നത്? (ആരെങ്കിലും ഉണ്ടെങ്കിൽ ) . അതോ അന്ന് മലയാളികൾ ആരും യാത്ര ചെയ്തില്ലേ?