1785. Monkey Man (English, 2024)

 

1785. Monkey Man (English, 2024)

           Action, Thriller.

⭐⭐⭐/5

Dev Patel's directorial flick had a background in which Netflix dropped the movie without providing any clarity on why they didn't consider it for their list. Later, Jordan Peele came forward for distribution alongside Universal Pictures and saved Dev's debut. Monkey Man is a film that thrives on Hindu mythology, featuring one of the superstar gods, Hanuman.

   The storyline is an obvious, predictable plot: a young man seeks revenge on the antagonists who murdered his mother. Cops, politicians, a fake swami, and all the cliche flavors of a typical Indian masala revenge movie are present in Monkey Man. Dev Patel depicts his character as Bobby, who is all set to burn down the fort with his later-gained superpowers. Hindu mythology offers characters that can be marketed as superheroes in the international market, and Dev took that route while crafting Monkey Man.

   The movie can be applauded for its fierce action sequences, which have darker shades, sometimes feeling real. Especially noteworthy are the washroom fight and instances when Bobby dances at illegal fighting rings. These elements saved the film, considering it as the Indian version of John Wick, with a dialogue in the movie mentioning JW's gun. However, I don't believe it matches up to the JW franchise, even though the action sequences saved the day for Monkey Man.

  The politics in the movie are noteworthy, reflecting Indian politics with flags and slogans aligning with left liberal agenda setups. The antagonists are clearly portrayed as supporters of the right-wing party of India. The fictional Yatana might even represent a particular Indian state. Some characters and places can be visualized to align with current politics. However, the movie's story is deeply rooted in what the so-called political leftists oppose. For them, these Indian gods are just myths. In this sense, Dev Patel, in my opinion, tried to remain neutral or at least avoided delving into religious sentiments while addressing bigger issues.

  In my opinion, Monkey Man is a cliched revenge movie but with stellar action sequences. In that way, the movie is strictly average for me.

1784. Kung Fu Panda 4 (English, 2024)

 

1784. Kung Fu Panda 4 (English, 2024)

          Animation, Comedy, Action.

⭐⭐⭐½ /5

കഥാപരമായി Kung Fu Panda franchise ലെ അത്ര സുഖിക്കാത്ത  സിനിമ ആണ് ഈ ഭാഗം എന്നു പറയാം. പക്ഷേ കഥാപരമായി തന്നെ അതിന് അതിനൊരു കാരണവും കണ്ടെത്താൻ കഴിയും . ഡ്രാഗൺ വാരിയറിൽ നിന്നും Valley of Peace ലെ ആത്മീയ ഗുരു ആയി പോ മാറേണ്ട സമയമായി എന്നു മാസ്റ്റർ ഷിഫു പറയുന്നു. ഊഗ്വേയുടെ വടി കയ്യിലിരിക്കുന്ന പോ അത് കൊണ്ട് തന്നെ തന്റെ പിന്തുടർച്ചക്കാരനെ കണ്ടെത്തണം എന്നും പറയുന്നു. ഈ സമയം പുതിയ ഒരു ദുഷ്ട കഥാപാത്രം വരുന്നതും അതിനു ശേഷം ഉള്ള സാഹസികതയും ആണ് സിനിമയുടെ കഥ. 

പ്രവചിക്കാവുന്ന ഒരു കഥയാണ് ഈ ഭാഗത്തിന് ഉള്ളതെങ്കിലും ഒരു franchise- shift ഇതിൽ കാണാം. അത് കൊണ്ടാകാം ഈ ഭാഗത്തിലെ കഥയ്ക്ക് ഇങ്ങനെ ഒരു മുഖം കൊടുത്തത്. ചിലപ്പോഴെങ്കിലും പോയെക്കാളും ഷെന്നിനു പ്രാധാന്യം കൊടുത്തതും. കഥാപരമായി ഒരു സുഖക്കുറവ് തോന്നിയെങ്കിലും ഈ ഭാഗത്ത് ഇഷ്ടം ഉണ്ടാക്കിയ കുറച്ചു കാര്യങ്ങൾ ഉണ്ട്. അത് ക്ലൈമാക്സ് ആണ്. 

കിടിലനായി തോന്നി. പ്രത്യേകിച്ചും പോ മുഖ്യ കഥാപാത്രം ആയി വരാൻ സാധ്യത ഉള്ള അവസാന ഭാഗം ആയത് കൊണ്ട് വന്ന വില്ലന്മാരും , അതിനു ശേഷം Hit Me Baby One More Time - Male Version ൽ ഉള്ള കാമിയോയും. ഇതെല്ലാം കൂടി സിനിമയുടെ ഗ്രാഫ്  അവസാന സമയം ഉയർത്തി എന്നു നിസ്സംശയം പറയാം.

കൂടെ ഇരുന്നു സിനിമ കണ്ട മക്കൾക്കും ഇഷ്ടമായി. അത്തരം ഒരു വൈബ് സിനിമ കാണുമ്പോൾ മുഴുവനായും ഉണ്ടായിരുന്നു.മൊത്തത്തിൽ നോക്കുക ആണെങ്കിൽ, പ്രത്യേകിച്ചും Kung Fu panda Franchise ഫാൻ ആണെങ്കിൽ മൊത്തത്തിൽ തരക്കേടില്ലാത്ത അനുഭവം ആയിരുന്നു. ഒപ്പം ക്ലൈമാക്സ്‌ തന്ന excitement കൂടി ആകുമ്പോൾ satisfied!!

1783. Ford VS Ferrari (English, 2019)

 

1783. Ford VS Ferrari (English, 2019)

           Biography, Sports

⭐⭐⭐⭐⭐/5

  സ്വന്തം കഴിവിലും, പണത്തിലും അതിനൊപ്പം പാരമ്പര്യത്തിലും  അഭിമാനം കൊള്ളുന്ന പല വ്യക്തികളുടെയും ഈഗോ ആണ് യഥാർത്തത്തിൽ Ford vs Ferrari യുടെ വൈകാരികമായ കഥയ്ക്കുള്ള കാതൽ. ഫെരാറിയുടെ മേൽക്കോയ്മ അവസാനിപ്പിക്കാൻ ഫോർഡ് കമ്പനിയുടെ ഉടമയായ ഹെൻറി ഫോർഡ് II ഒരിക്കൽ തീരുമാനിക്കുന്നു. അതിലേക്ക് നയിച്ച ധാരാളം കാര്യങ്ങൾ ഉണ്ടായിരുന്നു. ഒരു പാർടനർഷിപ് പ്രതീക്ഷിച്ചു പ്രവർത്തിച്ച അയാളെ കാത്തിരുന്നത് ഫെരാറിയുടെ സ്ഥാപകനായ എൻസൊ ഫെരാറിയുടെ പുച്ഛം കലർന്ന സംസാരമായിരുന്നു. 

  സ്വന്തമായി Le Mans ൽ ഫോർഡിന്റെ  കാർ ഇറക്കി ഫെരാറിയെ തോൽപ്പിക്കാൻ തീരുമാനിച്ച ഹെൻറി അതിനായി കൂടെ കൂട്ടിയത് Le Mans കീഴടക്കിയ ഏക അമേരിക്കൻ ആയ ഷെൽബിയുടെ സഹായം തേടുക ആയിരുന്നു. ഷെൽബി കാറുകളെ കുറിച്ച് നന്നായി അറിയാവുന്ന, മികച്ച കാർ റേസർ ആയ കെൻ മൈൽസിനെ കൂടെ കൂട്ടാൻ ശ്രമിക്കുന്നു. 

എന്നാൽ നേരത്തെ പറഞ്ഞത് പോലുള്ള ഈഗോകൾ ഈ കഥാപാത്രങ്ങളുടെ എല്ലാം ഉള്ളിൽ ഉണ്ടാകുന്നുണ്ട്. അതുണ്ടാക്കുന്ന conflict ആണ് Ford vs Ferrari എന്ന സിനിമയെ വൈകാരികമായി പ്രേക്ഷകനെ കണക്റ്റ് ചെയ്യിക്കുന്നത്. ഈ സിനിമയുടെ പിന്നീടുള്ള സഞ്ചാരത്തിൽ ഇതെല്ലാം സ്പഷ്ടമായി കാണാം. പ്രത്യേകിച്ചും അവസാന റേസ് ഒക്കെ. ഒരു ക്ലീഷേ ക്ലൈമാക്സ് പ്രതീക്ഷിച്ചിരിക്കുന്നതിൽ നിന്നും വ്യത്യസ്തമായി അവസാനം കഥാപാത്രങ്ങൾ തമ്മിൽ ഉള്ള നോട്ടത്തിൽ എല്ലാം ഉണ്ടെന്ന് മനസ്സിലാക്കാവുന്ന ഒന്ന്.  ആ സീനോക്കെ കാണുമ്പോൾ കിട്ടുന്ന ഒരു satisfaction - matchless ആണ്. അത് കണ്ടു തന്നെ അറിയണം. 

  ഒന്നും പറയാൻ ഇല്ല. അത് പോലെ മികച്ച ഒരു ചിത്രമാണ് എനിക്കു Ford vs Ferrari. കാണാത്തവർ കുറവാണ് എന്നറിയാം. എന്നാലും കണ്ടില്ലെങ്കിൽ കണ്ടു നോക്കൂ. എന്നേ സംബന്ധിച്ച് A Perfectly Satisfied Movie എന്ന് തന്നെ പറയാം.

ലിങ്ക് t.me/mhviews1 ൽ ലഭ്യമാണ്

1782. Late Night With The Devil (English, 2024)

 1782. Late Night With The Devil (English, 2024)

         Horror

         Streaming on Shudder

⭐⭐⭐⭐½ /5

ഈ അടുത്ത് ഇറങ്ങിയതിൽ വച്ച് ഏറ്റവും മികച്ച ഹൊറർ സിനിമ ഏതാണ് എന്ന് ചോദിച്ചാൽ എനിക്ക് ഒറ്റ ഉത്തരമേ ഉണ്ടാകൂ. അതാണ്‌ Late Night With The Devil. ഒരു പക്ഷെ ഭാവിയിൽ The Shining പോലെയൊക്കെ ഉള്ള കൾട് ഹൊറർ സിനിമ സ്റ്റാറ്റസ് നേടാൻ സാധ്യത ഉള്ള ഒരു ചിത്രം. അറ്റ്മോസ്ഫിയറിക് ഹൊറർ എന്ന നിലയിൽ നിന്നും surreal ആയ ഒരു തലത്തിലേക്കു ചിത്രം എത്തുന്നുണ്ട്. യഥാർത്ഥത്തിൽ, ഒരു ടി വി സ്റ്റുഡിയോ ഫ്ലോറിൽ പ്രേക്ഷകൻ നോക്കി നിൽക്കെ അവിടെ വരുന്ന ചെകുത്താൻ എന്നത് യാഥാർഥ്യം ആണോ അതോ കാഴ്ചക്കാരന്റെ മനസ്സിന്റെ ഉള്ളിൽ നിന്നുമുള്ള ഇല്ലാത്ത കാഴ്ചയാണോ എന്നുള്ള ചോദ്യവും അതിന്റെ ഉത്തരവും ആകും സിനിമ അവസാനിക്കുമ്പോൾ കിട്ടുക.

ഒരു സൈക്കിക്, പാരാ സൈക്കോളജിസ്റ്റ്, പിന്നെ പ്രേതങ്ങൾ ഇല്ലാ എന്നും അങ്ങനെ ഉണ്ടെന്നു പറയുന്നവർക്ക് സയൻസിന്റെ വഴിയിലൂടെ അതിനു എതിരെ ഉള്ള തെളിവുകൾ നൽകുന്ന ഒരു മുൻകാല മജീഷ്യനും ആയിരുന്നു ഉണ്ടായിരുന്നത്. ഇവരെല്ലാം ഒന്നിച്ചു കൂടുന്നത് Night Owls with Jack Delroy  എന്ന മുൻകാല ഹിറ്റ് ആയ, എന്നാൽ പതിയെ കാഴ്ചക്കാർ കുറയുന്ന ഒരു ടി വി ഷോയുടെ ഹാലോവീൻ എപ്പിസോഡിൽ ആയിരുന്നു.

അമേരിക്കയിൽ ഭീതിയുടെ പടവുകൾ ഒരുക്കിയ എഴുപതുകളിലെ ethics ഇല്ലാത്ത, ടി വി സംസ്കാരത്തിനെ കുറിച്ച് വിമർശനങ്ങൾ കുറവുള്ള, ടി വിയുടെ അനന്ത സാധ്യതകൾ കൗതുകത്തോടെ ആരായുന്ന ഒരു കാലഘട്ടത്തിൽ ഉള്ള സന്ദർഭങ്ങൾ തമാശയിലൂടെ ആണ് പറഞ്ഞ് തുടങ്ങുന്നത്. പലപ്പോഴും പല കാര്യങ്ങളും സ്പൂഫിലൂടെ പറഞ്ഞ് പോകുന്നുമുണ്ട്.

എന്നാൽ ഒരു സമയം കഴിയുമ്പോൾ കഥ കയറി കൊളുത്തുകയാണ്. ആ ടി വി സ്റ്റുഡിയോ ഫ്ലോറിൽ എന്തെങ്കിലും സംഭവിക്കും എന്ന് കരുതി ആണ് പ്രേക്ഷകൻ ഇരിക്കുന്നതും. എന്നാൽ ഹൊറർ എന്ന നിലയിലേക്ക് ചിത്രം മാറുമ്പോൾ അവിടെ ജമ്പ് സ്കെയറുകൾ കൊണ്ട് വന്നല്ല അത്തരം ഒരു അനുഭവം ഉണ്ടാക്കുന്നത്. പകരം അത്തരത്തിൽ ഒരു അവസ്ഥയുടെ എക്സ്ട്രീമിലേക്ക് പിടിക്കുകയാണ്. ഇവിടെ, ചിത്രത്തെ കുറിച്ചുള്ള പ്രേക്ഷകന്റെ അഭിപ്രായം മാറുകയാണ്.

പിന്നെ വരുന്നത് ക്ലൈമാക്സ്‌. ഏകദേശം ഒരു ഇരുപതു മിനിറ്റ് ഇതെന്താ ഇപ്പൊ ഉണ്ടായത് എന്ന് ചോദിച്ചു പോകാൻ സാധ്യത ഉണ്ട്.ഇവിടെ ആണ് സമ്മിശ്ര അഭിപ്രായം ഉണ്ടാവുക. ഒരു സാധാരണ ഹൊറർ സിനിമയുടെ ക്ലൈമാക്സ്‌ അല്ല ഇവിടെ കാണാൻ കഴിയുക. ഇവിടെ surreal ആയ ഒരു സ്ഥിതി വിശേഷം ആണ് ഉണ്ടാകുന്നത്. കുറച്ചു ഫോറമുകളിൽ ഇത്തരം ഒരു ക്ലൈമാക്സ്‌ ഇഷ്ടപ്പെടാത്ത ആളുകളെ കണ്ടിരുന്നു. എന്നാൽ എന്നേ സംബന്ധിച്ച് അതിനു മുന്നേ ഉള്ള രംഗങ്ങൾ surreal ആയിരിക്കും എന്ന് കരുതിയിരുന്നിടത്തു നിന്നും ലഭിച്ച ക്ലൈമാക്സ്‌ ഷോക്കിങ് ആയിരുന്നു.

ഹൊറർ സിനിമ ഫാൻസ്‌.. കണ്ടില്ലെങ്കിൽ കാണൂ.. ഒരു വ്യത്യസ്ത അനുഭവം ആയിരിക്കും.

  Link: https://yts.mx/movies/late-night-with-the-devil-2023

1780. Dark Skies ( English, 2013)

 

1780. Dark Skies ( English, 2013)

Horror, Sci-fi

⭐⭐⭐½ /5

     അന്യഗ്രഹ ജീവികൾ മനുഷ്യരെ പിടിച്ചു കൊണ്ട് പോകുന്ന കഥകൾ പല കോൺസ്പിറസി തിയറികളിലും കണ്ടിട്ടും കേട്ടിട്ടും ഉണ്ടാകാം. അത്തരത്തിൽ ഒരു കാര്യം, അവർ ആളുകളെ തിരഞ്ഞെടുക്കുന്നത്, അതിനു അവർ ചാർത്തി കൊടുക്കുന്ന ചിഹ്നങ്ങൾ, അങ്ങനെ ധാരാളം കാര്യങ്ങൾ ഉണ്ട്. ഇതിൽ അതിശയിപ്പിച്ച ഒരു കാര്യം പലപ്പോഴും ആളുകൾ വിചാരിക്കുന്ന അന്യഗ്രഹ ജീവികളുടെ രൂപം, അവരുടെ ചിഹ്നങ്ങൾ തുടങ്ങിയവ എല്ലാം പല സ്ഥലങ്ങളിലും സാമ്യം പുലർത്തുന്നു എന്നത് ആണ്.ഒരു hoax ഉണ്ടാക്കുന്നത് ആണെങ്കിൽ ഒരു പക്ഷെ ഒരിടത്തു നിന്നുംകേട്ട കഥ തന്നെ പിന്നീട് ആവർത്തിച്ചു ആളുകളുടെ മനസ്സിൽ അത്തരം ഒരു വീക്ഷണം ഉണ്ടാക്കിയത് ആയാലും മതി. എന്തായാലും ഇതിനെ കുറിച്ച് കൂടുതൽ വായിച്ചു മനസ്സിലാക്കണം.

ഇനി സിനിമയിലേക്ക് വന്നാൽ, രാത്രി സമയങ്ങളിൽ ഒരു  വീട്ടിൽ ആരോ വന്ന് അലമ്പ് ഉണ്ടാക്കുന്നതായി വീട്ടുകാർക്ക് മനസ്സിലായി. പല വഴിയും അവർ സ്വീകരിച്ചു നോക്കി ആളെ കണ്ടെത്താൻ. എന്നാൽ അവർക്കു അതിനു സാധിക്കുന്നില്ല. ഈ സമയം അവരെ ചുറ്റിപ്പറ്റി അപ്രതീക്ഷിതമായ പല സംഭവങ്ങളും നടക്കുന്നു. പോലീസിന് പോലും ഉത്തരം കണ്ടെത്താൻ കഴിയുന്നില്ല. അവർ ഒരു സമയത്തു ആ വീട്ടിൽ ഉള്ളവരെ തന്നെ സംശയിക്കുകയും ചെയ്യുന്നു.

 ഇതിനു ശേഷം ആണ് അവർ നിഗൂഢമായ ഒരു സത്യം മനസ്സിലാക്കുന്നത്. ഒരു പക്ഷെ ഇത്തരം കോൺസ്പിറസി തിയറികളിൽ ഏറ്റവും ശക്തമായ, അതിലും ഏറെ ഭയപ്പെടുത്തുന്ന കാര്യങ്ങൾ ആണ് അവിടെ ഉണ്ടായത്. ക്ലൈമാക്സ് ഒക്കെ ശരിക്കും ഞെട്ടിച്ചു. അതിൽ നിഗൂഢതയുടെ ഒപ്പം ഹോററും കലരുന്നുണ്ട്.

താൽപ്പര്യം ഉണ്ടെങ്കിൽ കണ്ട് നോക്കൂ.

ലിങ്ക് t.me/mhviews1 ൽ ലഭ്യമാണ്.

1780. Dark Skies ( English, 2013)

1779. Fire In The Sky (English, 1993)

 1779. Fire In The Sky (English, 1993)

         Mystery, Sci-Fi

⭐⭐⭐½ /5

ട്രാവിസ് വാൾട്ടനെ കാണ്മാനില്ല!! വനത്തിൽ തടി വെട്ടാനായി കൂട്ടുകാരുടെ ഒപ്പം പോയ ട്രാവിസിനെ കാണാതായി എന്ന വിവരം ആ കൂട്ടത്തിൽ ഉണ്ടായിരുന്നവർ പോലീസിനെ അറിയിച്ചു. എന്നാൽ അവർ ആ സംഭവത്തെ കുറിച്ച് വിശദീകരിച്ചപ്പോൾ ആർക്കും വിശ്വസിക്കാൻ കഴിയാത്ത ഒരു കഥ ആയിരുന്നു പുറത്തു വന്നത്. വനത്തിൽ വച്ച് അവർ കണ്ട പ്രകാശവും പിന്നീട് അതിനോട് അനുബന്ധിച്ചു കണ്ട പേടകവും അതിന്റെ കൂടെ ട്രാവിസിനെ കാണാതെ ആവുകയും ചെയ്ത കഥ ആര് വിശ്വസിക്കാൻ ആണ്?സ്വാഭാവികമായും അവരെല്ലാം സംശയത്തിന്റെ നിഴലിലായി. ട്രാവീസിനോട് വിരോധം ഉള്ള ഒരാൾ കൂട്ടത്തിൽ ഉള്ളത് കൊണ്ട് തന്നെ പോലീസ് മറ്റ് മുൻവിധികളോട് കൂടി ആണ് കേസ് അന്വേഷണം ആരംഭിച്ചത്. അതിനോടൊപ്പം നാട്ടുകാർക്കും ഇവരെ എല്ലാം സംശയമായി.

ചരിത്രത്തിൽ പല കാലഘട്ടങ്ങളിലായി പലരും പറഞ്ഞിരുന്ന, വിശ്വസിക്കാൻ വളരെയധികം പ്രയാസം ഉള്ള കെട്ടു കഥ ആണ് അന്യഗ്രഹജീവികളുടെ. അത്തരത്തിൽ ഉള്ള കഥ ആണ് ഇവിടെയും. ഒരു വ്യത്യാസം. അവർ ഒരാളെ തട്ടിക്കൊണ്ടു പോയി എന്നതാണ്.

കഥ മൊത്തത്തിൽ കള്ളം ആണെന്ന് പറയാൻ വരട്ടെ. ഇത് യഥാർത്ഥത്തിൽ നടന്ന ഒരു സംഭവത്തിനെ ആസ്പദം ആക്കിയുള്ള സിനിമയാണ്. ട്രാവിസ് വാൾട്ടൻ പിന്നീട് എഴുതിയ ബുക്കിനെ ആസ്പദം ആക്കിയാണ് ചിത്രം അവതരിപ്പിച്ചിരിക്കുന്നത്. എന്തിനാകും അന്യഗ്രഹജീവികൾ മനുഷ്യനെ തട്ടി കൊണ്ട് പോകുന്നത്? കൗതുകപൂർവമായ ഒരു കഥ അതിലുണ്ട്. അതും കൂടി ആയപ്പോൾ അത്യാവശ്യം തരക്കേടില്ലാത്ത ഒരു സയൻസ് ഫിക്ഷൻ ചിത്രമായിട്ടാണ് Fire In the Sky അനുഭവപ്പെട്ടത്. ഈ ഒരു തിയറി വച്ച് മറ്റ് സിനിമകളും വന്നിട്ടുണ്ട്.

താൽപ്പര്യം ഉള്ളവർക്ക് കണ്ട് നോക്കാം.

ലിങ്ക് t.me/mhviews1 ൽ ലഭ്യമാണ്.

1776. Ozler (Malayalam, 2024)

 

1776. Ozler (Malayalam, 2024)

⭐⭐½ /5

        സിനിമയുടെ പേരിനൊക്കെ ഒരു ഗുമ്മുണ്ട്. ക്ളീഷേ ആയ പോലീസുകാരന്റെ ഭൂതക്കാലവും, പിന്നീട് അതിൽ നിന്നും ഒരു കേസ് അന്വേഷണത്തിന് പോകുന്നത് ഒക്കെയാണ് കഥ. അതൊക്കെ ആവറേജ് ആണെന്ന് പറയാം. കാരണം അത് പോലെ തന്നെ അല്ലെങ്കിലും ഇതേ വൈബ് തന്ന 'ഈ തണുത്ത വെളുപ്പാൻകാലത്തു' ഒക്കെ ഇടയ്ക്ക് ഓർമിപ്പിച്ചത് കൊണ്ടും കുറ്റാന്വേഷണ കഥ എന്ന നിലയിൽ ഒരു ഐഡിന്റി കാത്തു സൂക്ഷിക്കാൻ സിനിമയ്ക്ക് കഴിഞ്ഞില്ല എന്ന് തോന്നി.

 സാധാരണ ആക്ഷൻ എന്ന് എഴുതി കാണിക്കുമ്പോഴേ തോൾ പൊക്കി നെഞ്ചത്തു കാറ്റ് പമ്പ് ചെയ്തു വരുന്ന ജയറാമേട്ടൻ ആരോ പറഞ്ഞ് കൊടുത്തിട്ടാകും മന:പ്പൂർവം എന്ന പോലെ തോൾ ഒക്കെ റിലാക്സ് ചെയ്തു കൂൾ ആകാൻ നോക്കിയിട്ടുണ്ട്. സത്യം പറഞ്ഞാൽ നല്ല ബോർ ആയി തോന്നി. കാറ്റടിച്ചു പിടിച്ച നെഞ്ചും കല്ലിട്ട് പൊക്കിയ തോളും തന്നെ ആയിരുന്നു ജേട്ടന് നല്ലത്.

മറ്റൊരു സിനിമ ആയി സാദൃശ്യം കഥയിൽ തോന്നിയെങ്കിലും തരക്കേടില്ലാത്ത ഒരു സിനിമ അവതരണം മാത്രം ആയിട്ടാണ് തോന്നിയത്. പ്രത്യേകിച്ചും സിനിമയുടെ തുടക്കത്തിൽ ഉള്ള ബിൽഡപ്പൊക്കെ കണ്ടപ്പോൾ കൂടുതൽ പ്രതീക്ഷിച്ചു എന്നതാണ് സത്യം. പക്ഷെ തീരെ ആത്മാർത്ഥത ഇല്ലാത്തത് പോലെ തോന്നി പല കഥാപാത്രങ്ങൾക്കും. ഇത്തരം ഒരു ചിത്രത്തിൽ ഉണ്ടാക്കേണ്ട സീരിയസ്നസ് ഒന്നും കഥാപാത്രങ്ങളിലോ സന്ദർഭങ്ങളിലൊ ഒന്നും അനുഭവപ്പെട്ടില്ല.

തികച്ചും ശരാശരി ആയ ഒരു മലയാളം മിസ്റ്ററി ത്രില്ലർ അനുഭവം ആയിരുന്നു എനിക്ക് എന്ന് പറയാം Ozler.

1775. Someone's Watching Me!

 

1775. Someone's Watching Me! (English, 1978)

         Mystery.

⭐⭐⭐½ /5

നമ്മുടെ കാഴ്ച എത്താത്ത ദൂരത്തിൽ ഇരുന്നു ഒരാൾ നമ്മൾ ചെയ്യുന്നത് എല്ലാം കാണുകയും, പ്രത്യേക സംവിധാനത്തിലൂടെ നമ്മളെ കേൾക്കുകയും ചെയ്യുന്ന അവസ്ഥ എത്ര മാത്രം അരോചകം ആയിരിക്കും? അതിലും അപ്പുറം ആയിരിക്കും അത് നൽകുന്ന ഭീതികരമായ അനുഭവം. 

ഇവിടെ Someone's Watching Me! യിൽ ലേയ് എന്ന യുവതിയും അവളുടെ പുതിയ താമസ സ്ഥലത്തു ഇതേ അവസ്ഥയിൽ ആണ്. അവൾക്ക് ദിവസനെ മെയിലിൽ കിട്ടുന്ന സമ്മാനങ്ങളിൽ നിന്നും അതിൽ ഉൾപ്പെടുന്ന ഭീകരമായ അവസ്ഥ ലേയ് മനസ്സിലാക്കുമ്പോൾ അവൾ സഹായം പ്രതീക്ഷിച്ച പല സ്ഥലത്തും അത്തരത്തിൽ ഒരു സാഹചര്യം ഉണ്ടെന്നു തോന്നുന്നില്ല എന്നും, അവളെ വിശ്വസിക്കുകയില്ല എന്നും പ്രേക്ഷകന് മനസ്സിലാകുന്നുണ്ട് പലപ്പോഴും.

 അല്ലേൽ തന്നെ വെറുതെ സമ്മാനങ്ങൾ നൽകി, കത്തെഴുതുന്ന, ഒരു സുന്ദരിയായ സ്ത്രീയെ ജനാലയിലൂടെ നോക്കിക്കാണുന്ന ഒരാളുടെ പേരിൽ എങ്ങനെ ആണ് പോലീസിന് നടപടി എടുക്കാൻ സാധിക്കുക? എന്നാൽ ഒരു ഹിച്ച്കോക്കിയാൻ അപ്രോച്ചിലൂടെ ഈ വിഷയത്തെ അവതരിപ്പിച്ച ജോൺ കാർപ്പന്റർ സിനിമയുടെ സ്വഭാവം രീതി അനുസരിച്ചു തന്നെ തന്നെ കഥയും കഥാപാത്രങ്ങളും എല്ലാം നന്നായി തന്നെ അവതരിപ്പിച്ചിട്ടുണ്ട്. അതും സിനിമയ്ക്ക് വേണ്ടുന്ന അത്രയും രഹസ്യങ്ങൾ മാത്രം പ്രേക്ഷകന്റെ മുന്നിൽ അവതരിപ്പിച്ചു കൊണ്ട്. ആരാണ് അവളെ ഒളിച്ചിരുന്ന് കാണുന്നത് എന്നതിന്റെ രഹസ്യങ്ങൾക്ക് അപ്പുറം, അയാളെ അവളുടെ മുന്നിൽ. എത്തിക്കുക മാത്രം ആണ് ജോൺ കാർപ്പന്റർ ചെയ്തിരിക്കുന്നത്.

പിൽക്കാലത്തു ഇത്തരത്തിൽ ഉള്ള കഥകളിൽ വന്ന സിനിമകൾക്ക്, പ്രത്യേകിച്ചും സ്ത്രീകൾ കഥാപാത്രങ്ങളായി വന്ന സിനിമകൾക്ക് ഒരു പ്രചോദനം ആയിരുന്നിരിക്കണം Someone's Watching Me!.  Rear Window ആയിട്ട് കഥാപരിസരങ്ങളിൽ ഉള്ള സാമ്യം മാത്രം ആണുള്ളത്. കണ്ട് നോക്കുക. നല്ല ഒരു മിസ്റ്ററി ത്രില്ലർ ആണ് Someone's Watching Me!.

സിനിമയുടെ ലിങ്ക് t.me/mhviews1 ൽ ലഭിക്കുന്നതാണ്