1064.Bad Samaritan(English,2018)

1064.Bad Samaritan(English,2018)
          Thriller


     രണ്ടു യുവാക്കൾ.ജീവിതത്തിൽ എളുപ്പ വഴിക്ക് പണം ഉണ്ടാക്കാൻ ശ്രമിക്കുന്നു.അതിനായി അവർ കണ്ടെത്തുന്ന വഴി ആയിരുന്നു രസകരം.ഹോട്ടലിൽ വരുന്ന അതിഥികളുടെ വണ്ടി  പാർക്ക് ചെയ്യാൻ കൊണ്ടു പോകുന്ന വഴി അവരുടെ വീടുകളിൽ ആരും ഇല്ലെങ്കിൽ മോഷണം നടത്തുക.എന്നാൽ എല്ലാ ദിവസവും ഒരു പോലെ ആകില്ലല്ലോ.ഇത്തരത്തിൽ ഉള്ള ഒരു ശ്രമത്തിൽ ആണ് അവർ അപകടകരമായ ഒരു അവസ്ഥയെ അഭിമുഖീകരിക്കേണ്ടി വരുന്നത്.മരണത്തെ പോലും നേരിട്ട് കാണേണ്ടി വരുന്ന അവസ്ഥ...


    ഇംഗ്ളീഷ് സിനിമ സൂപ്പർ ഹീറോകളുടെ പുറകെ പോയപ്പോൾ നഷ്ടമായ കുറെ സിനിമ ഴോൻറെ ഉണ്ട്.അൽപ്പം സസ്പെൻസ് ഒക്കെ കലർന്ന സിനിമകൾ.അൽപ്പം ബ്രൂട്ടൽ ആയ ചിത്രങ്ങൾ,പ്രത്യേകിച്ചും പ്രമേയം കൊണ്ടു.Indie സിനിമ ആയി ചിലതൊക്കെ ഇടയ്ക്കു വരാറും ഉണ്ട്.Bad Samaritan ഒരു പരിധി വരെ മേൽപ്പറഞ്ഞ കാര്യങ്ങളുടെ ഓപ്പൻ നിൽക്കുന്നതാണ്.കഥയുടെ തുടക്കം മുതൽ സൂക്ഷിച്ച ആ ഒരു മൂഡ് തന്നെ നന്നായിരുന്നു.അവിടെ നിന്നും ചിത്രം ഒരു ക്യാറ്റ് ആൻഡ് മൗസ് രീതിയിലേക്ക് മാറുമ്പോഴും സ്മാർട്ട് ആയ വില്ലൻ ഒരു വശത്തു ഉള്ളത് കൊണ്ട് തന്നെ പൂച്ചയ്ക്ക് തന്നെ ആയിരുന്നു വിജയം എന്നു തോന്നാം.ഇവിടെ നിന്നും ആണ് കഥയിലേക്ക് പ്രേക്ഷകന് കൂടുതൽ താൽപ്പര്യം ഉണ്ടാകുന്നത്.


    ഒരാളുടെ ജീവിതത്തിൽ ഉണ്ടായ ചില സംഭവങ്ങൾ അയാളുടെ ഭാവി ജീവിതത്തിൽ ചെലുത്തുന്ന സ്വാധീനം ഒക്കെ പോലുള്ള ക്ളീഷേകൾ കാണാമെങ്കിലും പ്രേക്ഷകനെ മുൾമുനയിൽ നിർത്താൻ ഉള്ള സാഹചര്യങ്ങൾ സിനിമയിൽ ഉടനീളം കാണാം.ഒറ്റയടിക്ക് ഇരുന്നു കാണാൻ ഉതകുന്ന രീതിയിൽ ത്രിൽ അടുപ്പിക്കുന്ന ചിത്രം.പ്രത്യേകിച്ചും വില്ലൻ എത്ര മാത്രം സ്‌ട്രോങ് ആണോ അത്രയും സിനിമയ്ക്ക് ത്രിൽ അടുപ്പിക്കാൻ കഴിയും എന്ന് തോന്നുന്നു.Bad Samaritan ഈ അഭിപ്രായം ഉള്ളവർക്ക് ഇഷ്ടപ്പെടും എന്നു വിശ്വസിക്കുന്നു.പ്രത്യേകിച്ചും ക്ളൈമാക്‌സ് ഒക്കെ.മികച്ചതായിരുന്നു!!


More movie suggestions @www.movieholicviews.blogspot.ca

  സിനിമയുടെ ടെലിഗ്രാം ലിങ്ക്: t.me/mhviews

1063.The Skeleton Key(English,2005)

1063.The Skeleton Key(English,2005)
          Mystery,Drama

  സിനിമയുടെ അവസാന ഭാഗങ്ങളിൽ കഥാപാത്രങ്ങളിൽ ഒരാൾ പറയുന്നത് പോലെ."വിശ്വസിക്കണം.വിശ്വസിച്ചാൽ മാത്രമേ ഞങ്ങൾ ഉദ്ദേശിച്ചത് നടക്കൂ".അതേ രീതിയിൽ ആണ് Skeleton Key എന്ന സിനിമയും അവതരിപ്പിച്ചിരിക്കുന്നത്.സ്ട്രോക് വന്നു കിടക്കയിൽ ആയ വൃദ്ധനെ ശുസ്രൂശിക്കൻ ആയി വരുന്ന നേഴ്‌സ് ,എന്നാൽ താൻ വന്നിരിക്കുന്ന പ്ലാന്റേഷനു നടുവിൽ ഉള്ള വലിയ വീടിന്റെ രഹസ്യങ്ങൾ കണ്ടെത്താൻ ആണ് ശ്രമിക്കുന്നത്.അതിലേക്കു അവളെ നയിച്ചത് എന്തായിരിക്കും?


   വിശ്വാസിക്കാവുന്ന രീതിയിൽ ഒരു സാധാരണ സംഭവം ആയി മാത്രം ആണ് അതീന്ദ്രീയ ശക്തികളുടെ അപ്പുറം ഉള്ള വിശ്വാസങ്ങളെ അവതരിപ്പിച്ചിരിക്കുന്നത്.കഥാപത്രങ്ങൾക്കു ഉള്ളത് പോലെ പ്രേക്ഷകന് കൂടി ആ അവസരം നൽകിയിരിക്കുന്നു.വളരെ സങ്കീർണം ആയി മാറിയേക്കാവുന്ന ഒരു കാര്യത്തെ ചെറിയ സംഭവങ്ങളിലൂടെ normalize ചെയ്തു അവതരിപ്പിച്ച ചിത്രം അതിന്റെ ഴോൻറെ ആയ മിസ്റ്ററിയിലേക്കു മാറുകയാണ്.

   ഒരു പക്ഷെ ഹൊറർ element എന്നു പ്രേക്ഷകൻ വിധി എഴുതാൻ ഇരിക്കുമ്പോൾ ആകും ക്ളൈമാക്‌സ് ഒക്കെ ആ രീതിയിൽ വരുന്നത്.ഒരു സൈക്കോളജിക്കൽ ത്രില്ലറിൽ മൂഡ് ഉടനീളം നിലനിർത്തിയ ചിത്രം ,പിന്നീട് ഏതു വിഭാഗത്തിലേക്ക് ആണ് പോകുന്നത് എന്നോർത്തു പ്രേക്ഷകനും confusion ഉണ്ടാകാം.എന്നാൽ ,ഈ സംഭവങ്ങൾ ചിത്രത്തെ നല്ല ഒരു സിനിമ ആയി മാറ്റുകയാണ്.ഏകദേശ സൂചനകൾ മാത്രമാണ് നൽകിയത്.കഥയെ കുറിച്ചു വിശദീകരിച്ചാൽ ,പ്ലോട്ട് പോലും സ്പോയിലർ ആകാം..

 പിന്നെ Skeleton Key എന്നു പറഞ്ഞാൽ,എല്ല വാതിലും തുറക്കാൻ കഴിയുന്ന ഒറ്റ താക്കോൽ എന്നാണ് അർത്ഥം.കഥയും അങ്ങനെ ആണ്.ഇത്തരത്തിൽ തുറക്കുന്ന കീ സിനിമയിലെ നിഗൂഢതകളിലേക്കു നമ്മളെ എത്തിക്കും.


  More movie suggestions @www.movieholicviews.blogspot.ca

സിനിമയുടെ ടെലിഗ്രാം ചാനൽ.ലിങ്ക് : t.me/mhviews

1062.Escape Room(English,2019)

1062.Escape Room(English,2019)
           Thriller,Mystery


   സിനിമ കണ്ടു കഴിഞ്ഞു ഗൂഗിളിൽ തപ്പിയപ്പോൾ ആണ് എസ്‌ക്കേപ് റൂമുകൾ ഇവിടെ അടുത്തും ഉണ്ടെന്നും മനസ്സിലായത്.ആദ്യത്തെ ഒന്നു പേടിച്ചു പോയി.ഇനി എങ്ങാനും ഇവന്മാർ ഈ സിനിമയിൽ ഒക്കെ കാണുന്നത് പോലെ നമ്മളെ തട്ടി കൊണ്ടു പോയി എങ്ങാനും?എന്തായാലും കുറച്ചു നല്ല രീതിയിൽ ഗൂഗിളിൽ പരതി.ടീം ബിൽഡിങ് പോലുള്ള കാര്യങ്ങൾക്കും മറ്റു വിനോദ മാർഗം എന്ന നിലയിലും ഒക്കെ ആണ് ഈ എസ്‌ക്കേപ് റൂമുകൾ ഉപയോഗിക്കുന്നത്.നിശ്ചിത സമയത്തിനുള്ളിൽ ടാസ്‌ക്കുകൾ പൂർണം ആക്കിയാൽ നമുക്ക് വിജയി അകാൻ സാധിക്കുമത്രെ!!ഈ സിനിമയിലെ സോയിയും മറ്റുള്ളവരും ഇതേ വിവരണങ്ങൾ കേട്ടു തന്നെ അല്ലെ ഇതിലേക്ക്  പോയത്?അപ്പൊ അവർക്ക് സംഭവിച്ചതോ??


  എന്നാൽ അവരെ കാത്തിരുന്നത് മറ്റൊന്നായിരുന്നു.ധാരാളം സിനിമകളിൽ നമ്മൾ ഇതു പോലുള്ള കളികൾ കണ്ടിട്ടുണ്ട്.മാസ്റ്റർപ്പീസ് ആയ Saw പരമ്പര,Cube പരമ്പര പോലുള്ള ധാരാളം സിനിമകൾ ഈ ഗണത്തിൽ പെടുത്തവുന്നത് ഉണ്ട്.അതിൽ നിന്നൊന്നും അത്ര വിഭിന്നം അല്ല ഈ സിനിമായിഒഎ കഥയും."കർമ്മ" ആണ് ഇവിടെ ഇവരുടെ എല്ലാം ഭാവി തീരുമാനിക്കുന്നതു.മനുഷ്യത്വം പല അളവിൽ ഉള്ള മനുഷ്യർ.അവരുടെ ജീവിത സാഹചര്യങ്ങൾ അവരുടെ സ്വഭാവത്തെയും സ്വാഭാവികമായും സ്വാധീനിക്കും.

  അവർ പരസ്പ്പരം മത്സരിക്കുമ്പോൾ നഷ്ടങ്ങൾ വരുന്നത് മനസിലാക്കുകയും,ഒരു ടീം ആയി മുന്നേറുമ്പോൾ ആണ് ജയിക്കുന്നതും എന്നും മനസ്സിലാകുന്നു.എന്നാൽ സ്വന്തം ഇഷ്ടത്തിന് വന്ന ഈ കളിക്ക് പ്രതിഫലമായി 10000 ഡോളർ സമ്മാനം ഉണ്ടെന്നു വർ മനസ്സിലാക്കുന്നു.ഒപ്പം മറ്റൊന്ന് കൂടി.തങ്ങളുടെ ജീവന് കൂടി ആരോ ഇട്ട വില ആണ് അതെന്നു.


  രണ്ടാം ഭാഗത്തേക്ക് ഉള്ള സൂചന നൽകിയാണ് ചിത്രം അവസാനിച്ചത്.ക്ളീഷേ കഥ ആയിരുന്നെങ്കിലും അവതരണ രീതി കൊണ്ടും മറ്റും ചിത്രത്തെ നന്നയി ത്രില്ലടുപ്പിച്ചു.ഈ genre യിൽ ഉള്ള സിനിമകളിൽ ഇഷ്ടമായി Escape Room ഉം.രണ്ടാം ഭാഗത്തിനായി കാത്തിരിക്കുന്നു.


More movie suggestions @ www.movieholicviews.blogspot.ca

 സിനിമയുടെ ടെലിഗ്രാം ലിങ്ക്: t.me/mhviews

  

1061.The Hunt(Danish,2012)

1061.The Hunt(Danish,2012)
          Drama


    ഇന്നത്തെ സാമൂഹികാവസ്ഥയിൽ ഏറ്റവും വലിയ കുറ്റങ്ങളിൽ ഒന്നാണ് കുട്ടികളുടെ നേരെ ഉള്ള പീഡനം.Pedophiles നെ സമൂഹം വെറു4444പ്പോടെ തന്നെ ആണ് കാണുന്നത്.വേറെ ഏതോ ലോകത്തിൽ ജീവിക്കുന്നത് പോലുള്ള ചിലർ ഒക്കെ അതിനെ വ്യാഖ്യാനിച്ചു കൊണ്ടു വന്നു normalize ചെയഹ്ന്നതും ഇടയ്ക്കു സാമൂഹിക മാധ്യമങ്ങളിൽ കാണേണ്ടി വന്നൂ.എന്തൊക്കെ ന്യായങ്ങൾ(അങ്ങനെ ഒന്നുണ്ടോ ഈ കാര്യത്തിൽ?) പറഞ്ഞാലും ഏറ്റവും വലിയ ശിക്ഷ തന്നെ ഈ സംഭവത്തിൽ കൊടുക്കണം എന്ന അഭിപ്രായം ഉള്ളവർ ആയിരിക്കും പലരും.

    എന്നാൽ The Hunt എന്ന ഡാനിഷ് സിനിമ ചർച്ച ചെയ്യുന്നത് ഇതിന്റെ മറ്റൊരു വശമാണ്.സംഭവിക്കാൻ തീരെ സാധ്യതയില്ലാത്ത ഒന്നു.പ്രത്യേകിച്ചും കുട്ടികൾ കള്ളം പറയില്ല എന്നുള്ള വിശ്വാസം അല്ലെങ്കിൽ ഉറപ്പിനെ പാടെ മറക്കേണ്ടി വരുന്ന ഒരു അവസ്ഥ.ലൂക്കാസ്,തന്റെ ജീവിതത്തിലെ ഏറ്റവും മോശം സമയത്തിൽ കൂടി നു കടന്നു പോകുന്നത്.വിവാഹ ബന്ധം വേർപ്പെടുത്തി ഭാര്യ മകനെയും ഒപ്പം കൂട്ടി.ഒരു നേഴ്സറിയിൽ അയാൾ താൽക്കാലികമായി ജോലി ചെയ്യുന്നു.തന്റെ സ്വന്തം ഗ്രാമത്തിൽ സൗഹൃദങ്ങളും ബന്ധങ്ങളും ആയി പോയ അയാൾക്ക്‌ ഏറ്റ ഏറ്റവും വലിയ പ്രഹരം ആയിരുന്നു സമൂഹം അയാളെ ഒരു pedophile ആയി കാണേണ്ടി വരുന്നത്.അതും സ്വന്തം സുഹൃത്തിന്റെ മകളെ.

   ക്ലാര എന്ന ചെറിയ പെണ്കകുട്ടിയുടെ മനസ്സിലെ ചില ചിന്തകളുടെ ഫലം ആയിരുന്നു ഇതെല്ലാം.യഥാർത്ഥ ജീവിതത്തിൽ നിന്നും ഏറെ അകന്നു.Orphan എന്ന സിനിമയിലെ "കുട്ടി"യോടൊടൊപ്പം പ്രേക്ഷകനെ കൊണ്ടു വെറുപ്പിക്കുന്ന കഥാപാത്രം ആയിരുന്നു അത്.ഇവിടെ പ്രേക്ഷകന് എന്ന നിലയിൽ കഥ കണ്ടു കൊണ്ടു പോകുമ്പോൾ സത്യങ്ങൾ അറിയാവുന്ന നമ്മൾ എന്നാൽ യതാർത്ഥ ജീവിതത്തിൽ എങ്ങനെ ആകും പ്രതികരിക്കുക?അതാണ് ആ ചെറിയ ഗ്രാമവും അയാളോട് ചെയ്തത്.ജോലി പോയി,കടകളിൽ പോലും കയറാൻ പറ്റാത്ത അവസ്ഥ ആയി.

  തികച്ചും നിസഹായമായ ഒരു അവസ്ഥ.എന്നാൽ ,നേരത്തെ പറഞ്ഞതു പോലെ പ്രേക്ഷകൻ സത്യം അറിഞ്ഞു കാണുന്നത് കൊണ്ടു അനുകമ്പ Mads Mikkelsen ന്റെ കഥപാത്രയത്തിന് നൽകുകയാണ്.ഇടയ്ക്കെങ്കിലും പ്രമേയത്തിലെ ക്രൂരത മൂലം പ്രേക്ഷകൻ അൽപ്പ നേരം എങ്കിലും ഷോക്ക് അടിച്ചത് പോലെ ആകും.ക്ളൈമാക്‌സ് പോലും അത്തരം ഒരു ഷോക് നൽകും.പക്ഷെ പോസിറ്റിവ് ആയ ഒന്നുണ്ട്.ഇത്തരത്തിൽ ഉള്ള കുറ്റകൃത്യങ്ങൾ ചെയ്യുന്നവരോട് മനുഷ്യസമൂഹത്തിന്റെ general ആയുള്ള ഒരു പ്രതികരണം.

  പ്രമേയത്തോട് എന്തു നിലപാട് എടുക്കണം എന്നും ഈ ചിത്രത്തിലെ ലൂക്കാസിനോട് എന്തു നിലപാട് എടുക്കണം എന്നു വ്യക്തത വരുത്തിയാൽ സിനിമ കാണുന്നതിൽ ഒരു confusion ഒഴിവാക്കാൻ സാധിക്കും.ഡാനിഷ് സിനിമകളിലെ മികച്ച ഒന്നാണ് "The Hunt"..എങ്കിലും ഈ ചിത്രം നിങ്ങളെ വേട്ടയാടും അൽപ്പ നേരമെങ്കിലും!!


    സിനിമയുടെ ടെലിഗ്രാം ലിങ്ക് : t.me/mhviews

1060.Brightburn(English,2019)

1060.Brightburn(English,2019)
         Thriller,Horror


  ഒരു മുന്വിധികളും ഇല്ലാതെ,അധികം കേട്ടിട്ടില്ലാത്ത ഒരു സൂപ്പർ ഹീറോയുടെ സിനിമ കാണാൻ ഇരുന്നു.സഫ്ധ്യം പറഞ്ഞാൽ,തിയറ്ററിൽ വച്ചു പോസ്റ്റർ കണ്ടു മകൻ ഇതെറ്റു കാരക്റ്റർ ആണെന്ന് ചോദിച്ചപ്പോൾ ആണ് ഈ സിനിമയെ കുറിച്ചു ശ്രദ്ധിക്കുന്നത് പോലും എന്നു പറയാം.പക്ഷെ സിനിമ കണ്ടു തുടങ്ങിയപ്പോൾ ഒരു ഹൊറർ ചിത്രം പോലെ തോന്നി,തുടക്കത്തിലേ സ്ഥിരം സൂപ്പർ ഹീറോ സിനിമകളിലെ ബില്ഡപ് പോലെ തന്നെ.

  പക്ഷെ പിന്നീട് കഥയുടെ സ്വഭാവം മൊത്തത്തിൽ മാറി.ഒരു ഹൊറർ ചിത്രമാവുക ആയിരുന്നു.പ്രത്യേക സിദ്ധികൾ ഉള്ള ദുഷ്ടനായ  ഒരു കഥാപാത്രം.ഇയാൾ എന്തോന്ന് സൂപ്പർ ഹീറോ എന്നു പോലും ഓർത്തു പക്ഷെ പതുക്കെ പതുക്കെ സിനിമയുടെ ട്രാക്ക് മാറിയതോടെ കൂടുതൽ ഇഷ്ടമായി.ക്ളൈമാക്‌സ് കഴിഞ്ഞ ഉടനെ നേരെ Brightburn നെ കുറിച്ചുള്ള വിവരങ്ങൾ അറിയുവാൻ ആണ്


  സൂപ്പര്മാനും ആയി ഈ കഥാപാത്രത്തെ കണക്ട് ചെയ്യുന്ന വിവരങ്ങൾ ഒക്കെ പുത്തൻ അറിവായിരുന്നു.അതു മാത്രമല്ല മറ്റൊരു "വില്ലൻ ജസ്റ്റിസ് ലീഗ് യൂണിവേഴ്സിന്" ഉള്ള സ്കോപ്പും ഒക്കെ പുതിയ അറിവുകൾ ആയിരുന്നു.

 12 വർഷം മുൻപ് നടന്ന അജ്ഞാതമായ എന്തോ സംഭവത്തിനു ശേഷം പിന്നെ കാണിക്കുന്നത് പന്ത്രണ്ടു വയസ്സുകാരൻ ആയ ബ്രണ്ടനെ ആണ്.സ്നേഹിക്കാൻ മാത്രം അറിയാവുന്ന മാതാപിതാക്കൾ.എന്നാൽ അവന്റെ ജനനത്തിനു പിന്നിൽ ഉള്ള വിവരങ്ങൾ അവൻ പതുക്കെ മനസ്സിലാക്കി വരുമ്പോഴേക്കും അവനിൽ മാറ്റങ്ങൾ ഉണ്ടാകുന്നു."സൂപ്പർ ഹീറോ-ഹൊറർ" മൂവി എന്ന ടാഗിന് ചേരുന്ന കാര്യങ്ങൾ ആണ് പിന്നെ ഏമ്ഭവിക്കുന്നത്.സൂപ്പർമാനും ആയി കഥാപാത്ര രൂപീകരണത്തിൽ ഉള്ള ബന്ധം ഒക്കെ  ആ രീതിയിൽ മികച്ചു നിൽക്കും.ശരിക്കും Brightburn നു ഒരു രണ്ടാം ഭജിഎം വേണം എന്ന് ആഗ്രഹിക്കുന്നു.

   ആദ്യ ഭാഗത്തിന്റെ അവസാനം അതിനുള്ള വഴി തുറന്നിട്ടിട്ടും ഉണ്ട്.ബുദ്ധിമാനായ,അയാൾക്ക്‌ ശത്രുത തോന്നുന്നവ നശിപ്പിക്കുന്ന സൂപ്പർ ഹീറോ.ലോകത്തിലെ Superior ആയ എന്തോ ഒന്നായി സ്വയം കാണുന്ന ആൾ.സാധ്യതകൾ ഏറെയുള്ള ജന്മന ഉള്ള പവറുകൾ ഉള്ള സൂപ്പർ ഹീറോ.പടം വലിയ ഹിറ്റ് ആയില്ലെങ്കിലും അടുത്ത ഭാഗം ഇറങ്ങി ആ കുറവ് നികത്തും എന്നു കരുതുന്നു.


  More movie suggestions @ www.movieholicviews.blogspot.ca

  ചിത്രത്തിന്റെ ടെലിഗ്രാം ചാനൽ ലിങ്ക് : 

1059.Acusada(Spanish,2018)

1059.Acusada(Spanish,2018)
         Drama,Thriller.


   21 വയസ്സുള്ള ഒരു പെണ്കകുട്ടിയുടെ മനസാക്ഷിയെ വിശകലനം ചെയ്യുകയാണ് Acusada എന്ന സ്പാനിഷ് ചിത്രത്തിൽ.അവളുടെ മനസ്സാക്ഷി എന്നു പറയുന്നതിലും മികച്ച ഒരു വാക്ക് "ഓർമ" എന്നതാണ്.എന്നാൽ ,ഇന്നവൾ ഏകദേശം രണ്ടു വർഷങ്ങളുടെ അപ്പുറവും അവളെ സമൂഹം കാണുന്നത് ഒരു കൊലയാളി ആയിട്ടാണ്.സ്വന്തം സുഹൃത്തിനെ അതി ക്രൂരമായി കൊലപ്പെടുത്തിയ കൊലയാളി.

   ഈ ഒരു സംഭവം അവളുടെ കുടുംബത്തെ മുഴുവൻ തകർത്തു.എങ്കിലും അവർ അവളുടെ ഒപ്പം തന്നെ നിന്നു.പ്രതീക്ഷയോടെ,തങ്ങളുടെ ചിറകിന്റെ കീഴിൽ ഉള്ള എല്ലാ സംരക്ഷണവും നൽകി കൊണ്ടു തന്നെ.എങ്കിലും,ചില മുൻ കഥകൾ,സാക്ഷി മൊഴികൾ,സാഹചര്യ തെളിവുകൾ എല്ലാം അവൾക്കു എതിരാണ്.വ്യക്തതയില്ലാത്ത കുറെ ഏറെ സംഭവങ്ങൾ??

  Acusada എന്ന ചിത്രവും വ്യക്തതയില്ലാതെ ആണ് പോകുന്നത്.ഒരു പ്രത്യേക തരം ഐഡന്റിറ്റി ചിത്രം ആവശ്യപ്പെടുന്നുണ്ട്.ഒരു സംഭവം പ്രേക്ഷകന്റെ മുന്നിൽ അവതരിപ്പിക്കുമ്പോൾ,പ്രത്യേകിച്ചും കൊലപാതകത്തെ പോലെ ഉള്ളവ,അതിനു ദൃശ്യ ഭാഷ കൊണ്ടു വരാൻ ശ്രമിക്കാറുണ്ട്.പ്രേക്ഷകന്റെ താല്പര്യം വളരെ അധികം കൂട്ടാൻ ഉള്ള ഒരു വഴി.നിഗൂഢതകളിലേക്കു പ്രേക്ഷകന് ഇറങ്ങി ചെല്ലുവാനും അതിനു പുറകേ പോയി കുറ്റ കൃത്യത്തെ കുറിച്ചുള്ള വിവരങ്ങൾ കണ്ടെത്തുവാനും ഉള്ള വഴികൾ അവിടെ തുറക്കാറുണ്ട്.എന്നാൽ Acusada ഈ വഴികൾ ഒന്നും സ്വീകരിക്കുന്നില്ല കഥ പറച്ചിലിന്.എന്നാൽ പ്രതീക്ഷകളെ എല്ലാം കാറ്റിൽ പറത്തി ആ ഒരു ജിജ്ഞാസ സിനിമയിൽ കൊണ്ടു വരുന്നുണ്ട്.

  സിനിമയുടെ ഏറ്റവും വലിയ കുറവായി തോന്നുന്ന ക്ളൈമാക്‌സ്,എന്നാൽ തിനു മുൻപ് തന്നെ ആ ഫീൽ  കാരണം കൊണ്ട് തന്നെ തരക്കേടില്ലാത്ത ഒന്നായി മാറ്റുന്നു.പ്രത്യേകിച്ചും സിനിമയുടെ ഴോൻറെ അത്തരം ഒരു കാര്യത്തിലേക്ക് ശ്രദ്ധ കൊടുക്കുന്നില്ല എന്നു വ്യക്തമാണ്.കോടതിയിലെ രംഗങ്ങൾ,അതിനായി ഉള്ള തയ്യാറെടുപ്പുകൾ,മീഡിയയെ അതിനായി ഉപയോഗിക്കുന്ന വഴികൾ എല്ലാം സിനിമയുടെ ഗതിയെ നന്നായി സ്വാധീനിക്കുന്നുണ്ട്.സ്ഥിരം ഫോർമുല കുറ്റാന്വേഷണ സിനിമകളിൽ നിന്നും വ്യത്യസ്തമായി ഒരു കഥാപാത്രത്തിന്റെ കാഴ്ചപ്പാടിൽ നിന്നു മാത്രം സിനിമയെ നോക്കി കണ്ടുള്ള കഥ പറച്ചിലും നന്നായിരുന്നു.
 

  ക്ളൈമാക്സിലെ , ഫോര്മുലയിൽ നിന്നും വ്യതിചലിച്ചുള്ള കഥ പറച്ചിലിലും സ്വന്തജമായി പ്രേക്ഷകന് ഒരു കഥ ഉണ്ടാക്കി എടുക്കാം വേണമെങ്കിൽ.അത്ര സങ്കീർണം ഒന്നും അല്ലാതെ.Acussada ഈ കാരണങ്ങൾ ഒക്കെ കൊണ്ടു തന്നെ മോശമല്ലാത്ത ഒന്നാണ്.


 ചിത്രത്തിന്റെ(ടെലിഗ്രാം) ലിങ്ക് ബ്ലോഗിൽ ലഭ്യമാണ്

ബ്ലോഗ്: www.movieholicviews.blogspot.ca

1058.100(Tamil,2019)

1058.100(Tamil,2019)


    ഇന്ത്യൻ സിനിനയിലെ താര പ്രവേശത്തിന് പോലീസ്,ഗുണ്ടാ,ഡോൺ വേഷങ്ങൾക്കു അതിന്റെതായ പ്രാധാന്യം ഉണ്ടെന്നുള്ളത് ചരിത്രം ആണ്.പ്രേക്ഷകരിൽ ഒരു നടൻ വലിയ ഒരു സംഭവം ആണെന്ന് തോന്നിപ്പിക്കാൻ തീർച്ചയായും ഇത്തരം വേഷങ്ങൾ സഹായിക്കും എന്നതും സത്യമാണ്.ഇന്ത്യൻ സിനിമയിലെ താരാധിപത്യത്തിൽ ഈ ഘടകങ്ങൾ തീർച്ചയായും കാണാൻ സാധിക്കും.ഇതേ വഴിയിൽ തന്നെ ആണ് അഥർവ ഇത്തരം ഒരു വേഷം ചെയ്തതെന്ന് തോന്നുന്നു.ഒരു പോലീസുകാരന്റെ വേഷം.കൂര്മ ബുദ്ധിയുള്ള,മസിൽ ഉള്ള,പോലീസ് സ്റ്റൈലിൽ മീശ വച്ച,ബുള്ളറ്റ് ഉള്ള പോലീസുകാരൻ.

     ഒരു മിസ്റ്ററി/സസ്പെൻസ് സിനിമയിൽ പക്ഷെ ഇത്തരം കാര്യങ്ങൾ കയറ്റിയപ്പോൾ സംഭവിച്ചത് ഈ അടുത്തു ഇറങ്ങിയ പല തമിഴ് ത്രില്ലർ സിനിമകളും നൽകിയത് പോലുള്ള ഒരു സംതൃപ്തിയുടെ കുറവായിരുന്നു.നായകനെ establish ചെയ്യാൻ ഉപയോഗിച്ച സിനിമയുടെ തുടക്കം ഇത്തരം ഒരു കഥയ്ക്ക് വേണ്ടിയുള്ള മുന്നൊരുക്കം മാത്രം ആയിരുന്നെങ്കിൽ ഒരു ത്രില്ലിംഗ് factor ഉറപ്പായും വന്നേനെ.പക്ഷെ ക്ളീഷേ എന്നു ഒക്കെ പറയാമെങ്കിലും ഇത്തരത്തിൽ ട്വിസ്റ്റ് ഒക്കെ ഉണ്ടാകും എന്ന് പ്രതീക്ഷിക്കാൻ പറ്റാത്തത് പോലെ ആയിരുന്നു തുടക്കം.

 

  ഒരു ആവറേജ്,തരക്കേടില്ലാത്ത സിനിമ ആയി അവസാനം 100 നെ വിലയിരുത്താം എന്നു തന്നെ തോന്നുന്നു.അഥർവയുടെ അച്ഛൻ മുരളി ഇത്തരത്തിൽ ഒരു പോലീസ് വേഷം ചെയ്തിട്ടില്ല എന്നു തോന്നുന്നു.അഥർവയും വേഷം മോശമാക്കിയിട്ടില്ല.പക്ഷെ,കഥാപാത്രവും കഥയും place ചെയ്ത സ്ഥലം തെറ്റി പോയി എന്ന് ആണ് അഭിപ്രായം.അതു പോലെ ഹൻസികയെ നായകന്റെ ചേച്ചി ആക്കി കാണിച്ചിരുന്നെങ്കിൽ നന്നായേനെ എന്നു തോന്നി.യോഗി ബാബു എന്നത്തേയും പോലെ തമാശ ഒക്കെ നന്നായി ചെയ്തു.


ഒരു സാധാരണ മാസ് പോലീസ് സ്റ്റോറിയിൽ ഇത്തരം കഥകളുടെ മൂഡ് ഉറപ്പായും പോകും.അതാണ് സംഭവിച്ചത്.പക്ഷെ ആദ്യ അര മണിക്കൂറോളം ക്ഷമിക്കാമെങ്കിൽ തരക്കേടില്ലാത്ത ഒരു മിസ്റ്ററി/സസ്പൻസ് ചിത്രം ആണ് "100".പ്രത്യേകിച്ചും പോലീസ് കഥകളിലെ സ്ഥിരം ഫോർമുല വിടെ മാറ്റി പിടിച്ചിട്ടുണ്ട്.911 പോലുള്ള സേവനങ്ങൾ പ്രമേയം ആക്കിയുള്ള കഥകൾ ധാരാളം വിദേശ സിനിമകളിൽ വന്നിട്ടുണ്ട്.അത്തരം ഒരു പശ്ചാത്തലം തമിഴ് സിനിമയിൽ ഉൾപ്പെടുത്തിയിട്ടുണ്ട് എന്നത് ഒരു നല്ല വശമാണ്.

  സമ്മിശ്രമായ ഒരു അഭിപ്രായം ആണ് എല്ലാം കൂടി നോക്കുമ്പോൾ ചിത്രത്തെ കുറിച്ചു തോന്നുക.എവിടെയോ എന്തൊക്കെയോ മിസ്സിങ്!!

1057.True Fiction(Korean,2018)

1057.True Fiction(Korean,2018)
          Suspense/Thriller

    നഗരത്തിൽ നിന്നും വിജനമായ സ്ഥലത്തേക്ക് അയാൾ വരുന്നു.അയാളുടെ പേര് ലീ-ക്യൂങ്-സിയോക്.അവിടെ വച്ചു അയാൾ ഒരാളെ പരിചയപ്പെടുന്നു.ലീയുടെ ഒപ്പം ഒരു സ്ത്രീയും ഉണ്ട്.പല കാരണങ്ങൾ കൊണ്ട് അവർ അവിടെ നിൽക്കേണ്ടി വരുന്നു.കള്ളങ്ങളുടെയും ചതിയുടെയും കഥകൾ ആയിരുന്നു പിന്നീട്.യഥാർത്ഥത്തിൽ ഇവരൊക്കെ ആരാണ്?കൊറിയൻ മിസ്റ്ററി/സസ്പെൻസ് സിനിമകളിൽ ഈ അടുത്തു ഇറങ്ങിയതിൽ മികച്ചത് എന്നു ഒറ്റ വാക്കിൽ പറയാം True Fiction എന്ന സിനിമയെക്കുറിച്ച്.

     ഒരു ദിവസം നടക്കുന്ന സംഭവങ്ങളിലേക്കു ആണ് സിനിമ പ്രേക്ഷകനെ കൊണ്ടു പോകുന്നത്.പതിഞ്ഞ താളത്തിൽ തുടങ്ങിയ സിനിമ നമ്മൾ പ്രതീക്ഷിക്കാത്ത വഴികളിലൂടെ ആണ് പോകുന്നത്.മേയർ ഇലക്ഷനിൽ സ്ഥാനാർഥി ആണ് ലീ ഇപ്പോൾ.അയാൾ അവിടെ വന്നതിനു പ്രത്യേക ഒരു ഉദ്ദേശ്യം ഉണ്ട്.എന്നാൽ അവിടെ കണ്ട ആൾ അയാളുടെ കണക്കു കൂട്ടലുകൾ തെറ്റിക്കുന്നു.ലീയ്ക്കു ഒളിക്കാൻ ഏറെ ഉണ്ടെന്നുള്ളത് തന്നെ അയാളുടെ മേൽ ഉള്ള സമ്മർദ്ദം കൂട്ടുന്നു.

  പതിയെ പതിയെ മറ്റേ ആൾ പറയുന്നത് പോലെ ലീയ്ക്കു ചെയ്യേണ്ടി വരുന്നു.അയാളുടെ സ്വഭാവം കൊണ്ടെത്തിക്കുന്നത് വലിയ അപകടങ്ങളിലേക്കു ആണ്.തനിക്കു ലഭിക്കാൻ പോകുന്ന സൗഭാഗ്യങ്ങൾ ഒരു പക്ഷെ തകർക്കാൻ മറ്റേ ആൾക്ക് കഴിയും.എന്നാൽ ലീ തോൽക്കാൻ തയ്യാറല്ലായിരുന്നു.ലീയുടെ എതിരാളി യഥാർത്ഥത്തിൽ ആരായിരുന്നു?നിഗൂഢതകൾ ഏറെ ഉള്ള ആൾ.അയാളുടെ ഉദ്ദേശ്യം എന്തായിരുന്നു?അതിന്റെ ഒപ്പം പുതിയ കഥാപാത്രങ്ങളും വരുന്നു.ലീ കൂടുതൽ അപകങ്ങളിലേക്കു ആണ് പോകുന്നത്.ഇനി വില്ലൻ/ കൂടുതൽ അറിയാൻ ചിത്രം കാണുക!!

  അവസാന സീനിൽ സസ്പെൻസ് ഒളിപ്പിച്ചു വയ്ക്കുന്ന ക്ലാസിക് കൊറിയൻ സസ്പെൻസ് സിനിമയുടെ രീതിയിൽ ആണ് ഈ ചിത്രവും അവതരിപ്പിച്ചിരിക്കുന്നത്.കിം-ജിൻ-മൂക്,തന്റെ ആദ്യ ചിത്രത്തിലൂടെ തന്നെ ധാരാളം പ്രശംസ നേടിയിരുന്നു.'For every action,there is an equal and opposite reaction' എന്നു പറയുന്നതിനെ ന്യായീകരിക്കുന്ന കഥ.കൂടുതൽ കഥ വ്യക്തമാക്കുന്നില്ല..കണ്ടു നോക്കുക..എനിക്ക് നന്നായി ഇഷ്ടപ്പെട്ടൂ..True Fiction എന്ന പേര്‌ ചിത്രത്തിന് എത്ര മാത്രം യോജിക്കുന്നു എന്നത് കണ്ടു തന്നെ മനസ്സിലാക്കുക.

  More movie suggestions @ www.movieholicviews.blogspot.ca

  സിനിമയുടെ ലിങ്ക് : t.me/mhviews

1056.Ondu Motteya Kathe(Kannada,2017)

1056.Ondu Motteya Kathe(Kannada,2017)
         Comedy,Drama


  "നിന്റെ തലയിൽ ഉണ്ടായിരുന്ന മുടി ഒക്കെ എന്തിയെ?","വയറു പിന്നെയും ചാടി.നല്ല പോളിംഗ് ആയിരിക്കും","ആകെ കറുത്തു ഇരുട്ടു പോലെ ആയി"....ഹോ!!എന്തൊക്കെ കേൾക്കേണ്ടി വരും ഓരോ ദിവസം ഈ രീതിയിൽ പല സാമ്പിൾ ആയി??മറ്റുള്ളവരുടെ കാര്യത്തിൽ ഇത്ര ശ്രദ്ധ ഉള്ള ജനത വേറെ ഉണ്ടാകില്ല.പലതും സ്നേഹത്തിന്റെയും അടുപ്പത്തിന്റെയും പേരിൽ ചോദിക്കുന്നതും ആകാം.ഒന്നു ഹെയർ സ്റ്റൈൽ മാറ്റിയാലോ,താടിയും മീശയും വടിച്ചാലോ വളർത്തിയാലോ പോലും ഈ ചോദ്യങ്ങൾ ഒക്കെ പ്രതീക്ഷിക്കാം."Ondu Motteya Kathe" ഇങ്ങനത്തെ ഒരു കഥയാണ്.ഒരു മൊട്ടയുടെ കഥ!!

  ഒരു വർഷത്തിനുള്ളിൽ കല്യാണം കഴിച്ചില്ലെങ്കിൽ സന്യാസി ആയി പോകാൻ സാധ്യത ഉള്ള ജനാർദ്ധന എന്ന കന്നഡ ലെക്ച്ചററുടെ കഥയാണ് ഈ സിനിമ.ഈ പ്രവചനം നടത്തിയത് ആകട്ടെ വലിയ ഒരു ജ്യോൽസ്യനും.ആരോടും അധികം സംസാരിക്കാത്ത,സുഹൃത്തുക്കൾ ഇല്ലാത്ത,കന്നഡ ഭാഷയെ അതിരറ്റു സ്നേഹിക്കുന്ന,രാജ്‌കുമാറിന്റെ ആരാധകനായ ഒരാൾ.പെണ്ണ് കാണൽ ഭംഗിയായി നടക്കുന്നുണ്ടെങ്കിലും അയാളുടെ കഷണ്ടി തല കാരണം പെണ്ണുങ്ങൾക്ക് ആർക്കും അയാളെ പിടിക്കുന്നില്ല.ഫോറെവർ ബാച്ചിലർ ആക്കാൻ പെണ്കകുട്ടികൾ  അയാളെ നിര്ബന്ധിക്കുമ്പോൾ,കല്യാണം എന്നുള്ളത് അയാളുടെ ഏറ്റവും ലക്ഷ്യമായി മാറുന്നു.കന്നഡ ഇതിഹാസം രാജ്കുമാറിന് സമർപ്പിച്ച ഈ ചിത്രം ആ രീതിയിൽ മികവിട്ടു നിന്നു.ഒരു കഥാപാത്രമായി ഫോട്ടോയിലൂടെയും.ഗാനങ്ങളിലൂടെയും എല്ലാം അദ്ദേഹം ഈ ചിത്രത്തിൽ ഉണ്ടായിരുന്നു.'ഫാൻ ബോയ്' എന്നു സിനിമയുടെ അമരക്കാരനെ വിശേഷിപ്പിച്ചാലും മതിയാകില്ല!!


   ഇനി ജനാർധനയെ കുറിച്ചു.രസകരമാണ് അയാളുടെ ബന്ധങ്ങൾ.സ്ത്രീകളുടെ മനസ്സു വായിക്കുവാൻ ഉള്ള കഴിവ് ഒട്ടും ഇല്ലാത്ത അയാൾ ഇടയ്ക്കൊക്കെ ഓരോന്നും ആഗ്രഹിക്കുകയും ചെയ്യും.സ്വന്തം അനുജൻ ഈ കലയിൽ വിദഗ്ധൻ ആയതിന്റെ അസൂയ വേറെയും.ഒരു ശ്രീനിവാസൻ ലെവലിൽ പോകുന്ന കഥ.ഇവിടെ ആ പേര് ഉപയോഗിക്കാം.കാരണം സിനിമയുടെ സംവിധാനവും,കഥ എഴുതിയതും മുഖ്യ കഥാപാത്രം ആയ ജനാർധനയെ അവതരിപ്പിച്ചതും ഒരാളാണ്.രാജ്.ബി.ഷെട്ടി.

  കന്നഡ സിനിമയിലെ അത്ഭുതം ആയിരുന്നു 2017 ലെ ആ സിനിമ.ഒരു പ്രത്യേകതയും തോന്നില്ലെങ്കിലും സാധാരണക്കാർക്ക് പോലും relate ചെയ്യാൻ കഴിയാവുന്ന കാര്യം.വിരൂപൻ എന്നു നാട്ടുകാർ വിളിക്കുന്ന ആൾക്ക് പോലും മനസ്സിൽ ഒരു സൗന്ദര്യ ബോധം ഉണ്ടാവുകയും അതിന്റെ പേരിൽ മറ്റൊരാളെ അയാളുടെ സ്ഥാനത്തേക്ക് അയാൾ കൊണ്ടു വരുകയും പോലുള്ള കാര്യങ്ങളൊക്കെ സ്വയം ചോദിച്ചാൽ മനസിൽ എപ്പോഴെങ്കിലും അത്തരം ഒരു പാതകത്തിൽ പങ്കാളി ആയിരുന്നതായി കാണാനും സാധിക്കും.മനുഷ്യ മനസ്സിന്റെ ഇത്തരം ചില ചിന്തകളെ സമർഥമായി,തീരെ സാധാരണം എന്നു തോന്നിപ്പിക്കുന്ന ഈ കഥയിൽ പ്രേക്ഷന് കാര്യങ്ങൾ മനസ്സിലാക്കി കൊടുക്കുവാൻ ഉപയോഗിച്ചിട്ടുണ്ട്.

  ചിത്രത്തിന്റെ മലയാളം റീമേക് ആയിരുന്നു "തമാശ".കന്നഡ പതിപ്പ്  നെറ്റ്ഫ്ലിക്സിൽ ലഭ്യമാണ്.

  കഴിയുമെങ്കിൽ കാണുക..നല്ല ഒരു ചെറിയ ചിത്രമാണ്...ഈ കഥ ജീവിതത്തിന്റെ തുടക്കം ആണോ,മധ്യ ഭാഗം ആണോ അതോ അവസാനം ആണോ എന്ന് സംശയിക്കുന്ന ഒരാളുടെ കഥ..


  ചിത്രത്തിന്റെ ടെലിഗ്രാം ചാനൽ ലിങ്ക് :


t.me/mhviews

1054.Jersey(Telugu,2019)

1054.Jersey(Telugu,2019)
         Sports,Drama

    ഒരു പരിധി വരെ തെലുങ്കിലെ രമേശൻ (1983) ആണ് ജേഴ്സിയിലെ അർജുൻ.2 സിനിമയിലും ക്രിക്കറ്റ് ആണ് മുഖ്യ വിഷയം എന്നത് കൊണ്ട് രണ്ടു കഥാപാത്രങ്ങളുടെയും കഴിവുകളും എല്ലാം നോക്കുമ്പോൾ ഇന്ത്യ പോലുള്ള ഒരു രാജ്യത്തു ഇത്തരത്തിൽ ഉള്ള ധാരാളം രമേഷന്മാരെയും അര്ജുന്മാരെയും കാണാൻ സാധിക്കും എന്നതാണ് സത്യം.പക്ഷെ ജേഴ്സി എന്ന  സിനിമ ഇതിൽ നിന്നുമൊക്കെ മുന്നോട്ട് പോയി എന്ന് വേണം പറയാൻ.

    സാധാരണ സ്പോർട്ടസ് സിനിമകളിൽ ഉള്ളത് പോലത്തെ ഒരു ഹീറോയിക് കഥ അല്ല സിനിമയ്ക്ക് ഉള്ളത്.ശരിയാണ്,നായക കഥാപാത്രം ഒരു പരിധി വരെ അങ്ങനെ ആണെന്ന് പറയാമെങ്കിലും,അയാളുടെ ജീവിതത്തിൽ സംഭവിക്കുന്ന കാര്യങ്ങൾ,പലതും പലപ്പോഴും അയാൾ മറ്റുള്ളവരെ കൂടി ഓർത്തു ,അതായത് സ്വന്തം കുടുംബത്തിന് കൊടുക്കുന്ന priority ഒക്കെ ആണ് കാരണം എങ്കിലും.അയാൾ എങ്ങനെ അയാൾ അല്ലാതെ ആയി മാറി എന്നതും അതിനു അയാൾ കൊടുക്കേണ്ടി വന്ന വിലയും അതിൽ നിന്നും അയാൾ പുറത്തു വന്നോ എന്നതൊക്കെ ഒരു വലിയ ക്യാൻവാസിൽ അവതരിപ്പിക്കുക ആണ് ചിത്രത്തിൽ.

  ചില മനുഷ്യർക്ക്‌ ,അവരുടെ ജീവിതത്തിനായി ഒരു ലക്ഷ്യം ഉണ്ടായിരിക്കാം.അതിനു അപ്പുറം അവർ വട്ട പൂജ്യം ആയിരിക്കാം.ഇഷ്ടം ഉള്ള കാര്യം ചെയ്യുമ്പോൾ ഉള്ള സന്തോഷം എപ്പോഴും ഉണ്ടാകാറില്ല മറ്റു കാര്യങ്ങൾ ചെയ്യുമ്പോൾ.ഇവിടെ അർജുന്റെ ജീവിതത്തെ സംബന്ധിച്ചു അതു അക്ഷരംപ്രതി സത്യമാണ്.അയാൾ തന്റെ പ്രണയം,മകൻ എന്നിവർക്ക് പ്രാമുഖ്യം കൊടുത്തു കൊണ്ടാണ് ആ പത്തു വർഷം ജീവിച്ചത്,അല്ലെങ്കിൽ ആ ഒരു തീരുമാനത്തിലേക്ക് എത്തി ചേർന്നത്.പക്ഷെ അയാൾക്ക് അതു നേടി കൊടുത്തത് എന്താണ് എന്നുള്ളത് ആയാലും ചിന്തിച്ചു തുടങ്ങിയപ്പോൾ കുറ്റം മുഴുവനും അയാൾക്ക്‌ ആയതു പോലെ തോന്നി കാണുമായിരിക്കും.

    36 ആം വയസ്സിൽ ക്രിക്കറ്റിലേക്ക്..അതും ഇന്ത്യൻ ടീം ലക്ഷ്യമാക്കി എന്നു പറയുമ്പോൾ അതിൽ അസ്വാഭാവികത ഏറെ ഉണ്ട്.പ്രത്യേകിച്ചും പ്രൊഫഷണൽ കായിക ലോകത്തു അതൊരു retirement പ്രായം ആകുന്ന സമയത്തു.അയാളുടെ തിരിച്ചു വരവും അവിശ്വസനീയം ആയിരുന്നു.ഹൈദരാബാദ് രഞ്ജി ട്രോഫി ടീമിലേക്കു കയറുക എന്നത് പോലും അയാളുടെ മുന്നിൽ വെല്ലുവിളി ആണിന്നു.പക്ഷെ 10 വർഷം മുൻപ് ഇന്ത്യയിലെ തന്നെ മികച്ച ബാറ്റ്‌സ്മാൻ ആയിരുന്ന അയാൾക്ക്‌ അതു സാധിക്കുമോ?

  ഫീൽ ഗുഡ്,inspiration സിനിമ എന്നൊക്കെ വിളിക്കാം ജേഴ്സിയെ.പരാജിതന് എന്നു ലോകം എഴുതി തള്ളുമ്പോഴും അതിൽ നിന്നും പുറത്തു കടക്കാൻ നടത്തുന്ന ശ്രമം ഒക്കെ.ലോജിക് ഒക്കെ വച്ചു നോക്കുമ്പോൾ ഇത്ര എളുപ്പം ആണോ കാര്യങ്ങൾ എന്നു തോന്നാം.സിനിമ എന്ന ആനുകൂല്യം ഇവിടെ നൽകാം.പക്ഷെ കുടുംബം,സുഹൃത്തുക്കൾ എന്നൊക്കെ ഉള്ള ഒരു സ്‌പെസിൽ വിജയിക്കണം എങ്കിൽ ഇത്തരത്തിൽ ഉള്ള അവിശ്വസനീയതകൾ വേണ്ടി വരും.പ്രത്യേകിച്ചും പരാജിതൻ എന്ന നിലയിലേക്ക് സ്വയം കുഴി കുഴിച്ചു വീഴുന്ന ആൾക്ക്,അയാൾ priority കൊടുക്കുന്ന കാര്യങ്ങൾ ചുറ്റും ഉള്ളവർക്ക് അറിയുന്നില്ലെങ്കിൽ..അല്ലെങ്കിൽ മനസ്സിലാകുന്നില്ലെങ്കിൽ!!അതെല്ലാം അയാളുടെ എക്സ്ക്യൂസ് ആയി കരുതുന്നവർക്ക്!!

 സ്പോർട്സ് സിനിമ എന്ന നിലയിൽ നിന്നും ഇമോഷണൽ ഘടകങ്ങൾ കൂടി നല്ല രീതിയിൽ workout ആയ ചിത്രമാണ് നാനിയുടെ 'ജേഴ്സി'..കാണുക!!

  ചിത്രത്തിന്റെ ടെലിഗ്രാം ലിങ്ക്:t.me/mhviews

1055.At the End of the Tunnel(Spanish,2016)

1055.At the End of the Tunnel(Spanish,2016)
         Crime,Thriller

  ഏകാന്തമായ അയാളുടെ ജീവിതത്തിലേക്ക് പുതുതായി വന്ന അതിഥികൾ ആണ് അവർ.ഒരു സ്ത്രീയും,അവളുടെ മകളും.വാടകയ്ക്ക് കൊടുക്കൻ ഉണ്ടായിരുന്ന അയാളുടെ വീട്ടിലെ മുകളിലത്തെ നിലയിൽ അവർ താമസിക്കുന്നു.അവളുടെ കുഞ്ഞു മകൾ പെട്ടെന്ന് ഒരു ദിവസം സംസാരം നിർത്തിയതാണ്.താൻ ഒരു നർത്തകി ആണെന്ന് പറഞ്ഞ  സ്ത്രീ അയാളുടെ ഏകാന്ത ജീവിതത്തെ സ്വാധീനിക്കാൻ അല്ലെങ്കിൽ വശീകരിക്കാൻ ശ്രമിക്കുന്നുണ്ട്.

   തന്റെ നായയുമായി ജീവിച്ചിരുന്ന ആ പഴയ കമ്പ്യൂട്ടർ എൻജിനീയറെ സംബന്ധിച്ചു അവരുടെ വരവ് അയാളെ സംബന്ധിച്ചു നല്ല സൂചന ആയിരുന്നു.എന്നാൽ കണ്ണിന്റെ മുന്നിൽ ഉള്ള കാഴ്ചകൾ എല്ലാം സത്യമാണോ?ശബ്ദത്തിനും അതിന്റെതായ സ്വാധീനം ഉണ്ട് സത്യം വെളിപ്പെടുത്താൻ.അയാൾ അങ്ങനെ ഒരു സത്യം കണ്ടെത്തുകയാണ്.തന്റെ വീടിന്റെ ചുവരുകൾക്കും അപ്പുറം ഉള്ള ഒരു രഹസ്യത്തെ കുറിച്ചു.ആ രഹസ്യം അയാൾ അവളോട്‌ പറയാൻ തീരുമാനിക്കുന്നു.പക്ഷെ....!!

   അർജന്റീനയിൽ നിന്നും ഉള്ള സ്പാനിഷ് ചിത്രമായ "At the End of the Tunnel"  തുടക്കത്തിലേ രംഗങ്ങൾക്കും അപ്പുറത്തേക്ക് പോകുമ്പോൾ നല്ലൊരു ത്രില്ലർ ആയി മാറുന്നുണ്ട്.ഒരു പക്ഷെ കഥയെ കുറിച്ചു ഒരു ബോധ്യവും ഇല്ലാത്ത ആളെ സംബന്ധിച്ചു തുടക്കത്തിലേ ഭാഗങ്ങൾ കഴിഞ്ഞാൽ കൂടുതൽ ഇഷ്ടമാകാൻ കൂടുതൽ സാധ്യത ഉള്ള ഒന്നാണ്.കമ്പ്യൂട്ടർ എൻജിനീയർ ആയ ജോക്വീൻ വീൽ ചെയറിൽ ആണെങ്കിലും അയാളുടെ ജോലിയിലെ വൈദഗ്ധ്യം ചെറിയ രീതിയിൽ ആരും സംശയിക്കാത്ത രീതിയിൽ ഉള്ള മോണിറ്ററിങ് സിസ്റ്റം ഒക്കെ ഉണ്ടാക്കാൻ സഹായിക്കുണ്ട്.

  തന്റെ വൈകല്യം പലരെയും അയാളെ എഴുതി തള്ളാൻ പ്രേരിപ്പിച്ചു.എങ്കിലും അയാൾ അതു കാര്യമാക്കുന്നില്ല.വൈകാരികമായി  അയാളെ ഇനി ആർക്കും തകർക്കുവാനും കഴിയില്ല.അതിനു ഉള്ളത് എല്ലാം എപ്പോഴേ അയാൾ അനുഭവിച്ചിരുന്നു?ജോക്വീൻറെ വീട്ടിൽ  താമസിക്കൻ വന്ന സ്ത്രീ ആരാണ്?അവളുടെ മകൾ എന്തു കൊണ്ടാണ് സംസാരിക്കാൻ മടിക്കുന്നത്?അയാൾ കണ്ടെത്തിയ രഹസ്യം എന്താണ്.??

  കൂടുതൽ അറിയാൻ ഈ സ്പാനിഷ് ചിത്രം കാണുക...

  More movie suggestions @www.movieholicviews.blogspot.ca

ചിത്രത്തിന്റെ ടെലിഗ്രാം ചാനൽ ലിങ്ക്: t.me/mhviews

1053.No Mercy (Korean,2019)

1053.No Mercy (Korean,2019)
         Action,Thriller.

      അനിയത്തിയെ വൈകി ഏറെ നേരമായിട്ടും സ്ക്കൂളിൽ നിന്നും വരാത്തത് കൊണ്ടു ആണ് അവൾ അന്വേഷിച്ചു ഇറങ്ങിയത്.എന്നാൽ വളരെ ദുഷിച്ച ഒരു സമൂഹത്തിൽ ആണ് ജീവിച്ചു കൊണ്ടിരുന്നത് എന്നു അവൾ പിന്നീട് ആണ് മനസ്സിലാക്കുന്നത്.അനിയത്തിയുടെ ക്ലാസിൽ പഠിച്ചിരുന്നവർ മുതൽ സമൂഹത്തിലെ പലരുടെയും നേർ സ്വഭാവം വൾക്കു മനസ്സിലാകുന്നു.ഒരു Maze പോലെ.ഒന്നിൽ നിന്നും മറ്റൊന്നിലേക്ക് പോകുമ്പോൾ അവിടെല്ലാം അപകടങ്ങൾ മാത്രം.ഒപ്പം വൈകൃതങ്ങൾ നിറഞ്ഞ കുറെ ഏറെ മനുഷ്യരും.എന്നാൽ അവൾ അതിനെതിരെ പോരാടാൻ ശ്രമിക്കുന്നു.ഇതിന്റെ ഇടയിൽ അവളെ കാത്തിരിക്കുന്ന മറ്റൊരു പകടം കൂടിയുണ്ട്.

   കൊറിയൻ സിനിമയിലെ കൾട്ട് ചിത്രങ്ങളിൽ ഒന്നാണ് 2010 ൽ ഇറങ്ങിയ "No Mercy.അതും ആയി 2019 ലെ ഈ ചിത്രത്തിന് യാതൊരു ബന്ധവും ഇല്ല.അതൊക്കെ വേറെ ലെവൽ ആയിരുന്നു ആദ്യം കാണുമ്പോൾ.അവസാനത്തെ മിസ്റ്ററി ഒക്കെ കണ്ടു ഞെട്ടി തരിച്ചിരുന്നിട്ടും ഉണ്ട്.ഇനി 2019 ലെ സിനിമയെ കുറിച്ചു.ഫുൾ ആൻഡ് ഫുൾ ആക്ഷൻ ചിത്രം ആണിത്.മാർഷ്യൽ ആർട്‌സ് സിനിമകളിലെ പോലുള്ള വളരെ ഏറെ കൊറിയോഗ്രാഫി ചെയ്തത് ഒന്നും അല്ല പക്ഷെ ഈ ആക്ഷനിൽ.എന്നാലും നല്ല രീതിയിൽ തന്നെ ചെയ്തിട്ടും ഉണ്ട്.പ്രത്യേകിച്ചു ഒരു കഥ ഈ ചിത്രത്തിനില്ല എന്നു പറയുന്നതിന് പകരം,ക്ളീഷേ കഥ എന്നു പറയുന്നതാണ് നല്ലതു.

  ലീ-സീ യംഗ്,തന്റെ ബോക്സിങിലെ പാടവത്തെ കഥാപാത്രത്തിനായി നല്ലതു പോലെ ഉപയോഗിച്ചിട്ടുണ്ട്.പ്രൊഫഷണൽ ബോക്‌സർ കൂടിയായ അവർക്ക് ചേർന്ന വേഷം ആയിരുന്നു.നിഷ്ക്കളങ്കത തോന്നുന്ന ആ മുഖം വച്ചു കൊണ്ടു ഇത്രയേറെ ആക്ഷൻ രംഗങ്ങൾ ചെയ്യുമ്പോൾ അവരുടെ ബോക്സിങ് വൈദഗ്ധ്യം അറിയില്ലായിരുന്നു എന്നതാണ് സത്യം.ബോറടിക്കാതെ ഇരുന്ന് കാണാൻ ആക്ഷൻ രംഗങ്ങൾ മാത്രം മതി.നല്ല വേഗതയിൽ ആണ് ചിത്രം പോകുന്നതും.ആക്ഷൻ ചിത്രങ്ങളുടെ ആരാധകർക്ക് ഇഷ്ടമാകും ചിത്രം.ക്ളീഷേ കഥയോട് ക്ഷമിക്കുമെങ്കിൽ!!!

The Lady in Red ...She kills too!!


More movie suggestions @www.movieholicviews.blogspot.ca


ചിത്രത്തിന്റെ ടെലിഗ്രാം ലിങ്ക്: t.me/mhviews


    

1047.Vinci Da(Bengali,2019)

1047.Vinci Da(Bengali,2019)
         Crime,Thriller.

  മരണം ആണ് അയാൾ ഇപ്പോൾ മുഴുവൻ സമയവും കേൾക്കുന്നത്.അറിഞ്ഞു കൊണ്ട് അല്ലെങ്കിലും ആ മരണങ്ങൾക്കു കാരണം അയാൾ കൂടി ആണ്.അതും തന്റെ പ്രവർത്തികൾക്ക് ന്യായീകരണം കൊണ്ടു വരുന്ന കൊലയാളിയോട്.അതും ഒരു പ്രത്യേക തരം കൊലയാളി.സാധാരണ സീരിയൽ കില്ലറുമാറിൽ നിന്നും വ്യത്യസ്തൻ ആയ ഒരാൾ.പക്ഷെ ഇവിടെ തീർച്ചയായും സംശയം ഉണ്ടാകും.ചെയ്യുന്നതിലെ നീതി.

   മനുഷ്യന്റെ മുഖം മികവോടെ ഉണ്ടാക്കുവാൻ കഴിയുന്ന ഒരാൾക്ക്.അതും ലിയോനാർഡോ ഡാവിഞ്ചിയുടെ വലിയ ആരാധകനു തന്റെ ജോലിയിൽ അത്ര പൂർണത കൈ വരിക്കാൻ ഉള്ള ത്വര ഉണ്ടാകാം.സ്വാഭാവികം.അതു കാരണം അയാളുടെ മുന്നിൽ ഉണ്ടായിരുന്ന സിനിമ ലോകം പോലും അന്യമായി തീർന്നു.എന്നാൽ,അയാൾ ഇപ്പോൾ മനസ്സിലാക്കുന്നു കുറെ ആളുകളുടെ ജീവൻ ചില സംഭവങ്ങളുടെ പിന്നിൽ ഉള്ള Collateral Damage മാത്രം ആയി മാറാൻ താൻ ആണ് കാരണം എന്ന്.

  ഒരു ദിവസം ഉറക്കം എണീക്കുമ്പോൾ താൻ കാണുന്ന കാഴ്ച തലേ ദിവസം കണ്ടതും ആയി ഒരു ബന്ധവും ഇല്ല എന്നു മനസ്സിലാക്കുക.ഒരു കടങ്കഥ പോലെ തോന്നുന്നുണ്ട് അല്ലെ ഈ കഥ?അതേ ഒരു കടങ്കഥ ആണ് ശ്രീജിത്ത് മുഖർജിയുടെ ക്രൈം ത്രില്ലർ ചിത്രമായ Vinci Da.മനുഷ്യ മനസ്സിന്റെ വേര്തിരിഞ്ഞ ചിന്തകൾ,ഒരു സംഭവത്തെ കാണുന്ന കാഴ്ചയിലെ വ്യത്യാസങ്ങൾ ഒക്കെ ചേർന്ന ഒരു കടങ്കഥ.

  രണ്ടു പ്രധാന കഥാപത്രങ്ങൾ ആണുള്ളത്.ഒരാൾ നിയമത്തിനോട് അമിതമായ ആരാധന ഉള്ള ആൾ.അതു അയാളെ കൊണ്ടെത്തിക്കുന്നത് ഭ്രാന്തിലേക്കു ആണ്.അതെങ്ങനെ എന്ന ചോദ്യം മനസ്സിൽ വന്നെങ്കിൽ സിനിമ കാണണം.ഉത്തരം ലഭിക്കും.മറ്റേ ആൾ സ്വന്തം അച്ഛന്റെ നിഴലിൽ നിന്നും ഇറങ്ങി സ്വന്തമായി പൂര്ണതയ്ക്ക് വേണ്ടി ശ്രമിക്കുന്ന ഒരു കലാകാരൻ.ഓരോ കഥാപാത്രത്തിന്റെ പൂർണതയും എവിടെ ആണെന്ന് വ്യക്തമായ അറിവുള്ള ആൾ.ഇവർ രണ്ടു പേരും ഒരിക്കൽ കണ്ടു മുട്ടുന്നു.അതും പ്രത്യേക തരം ഒരു മേയ്ക്കപ്പിന്റെ ആവശ്യത്തിനു.ഇവിടെ മാറി മറിയുന്നത് കുറച്ചു പേരുടെ ജീവിതം ആണ്.അതിനോടൊപ്പം മരണങ്ങളും.

    അതിനൊക്കെ എത്ര ന്യായീകരണം കണ്ടെത്തിയെങ്കിലും അവസാനം....ചിത്രം കാണുക.ബംഗാളി ക്രൈം ത്രില്ലറുകളിൽ മികച്ച ഒരു ചിത്രമാണ് Vinci Da.സസ്പെൻസ് കുറവാണെങ്കിലും ക്രൈം ത്രില്ലർ എന്ന നിലയിൽ സമീപിച്ചാൽ തന്നെ ചിത്രം നന്നായി തോന്നും.പ്രത്യേകിച്ചും ക്ളൈമാക്സിലേക്കു പോകുമ്പോൾ കഥാപാത്രങ്ങൾ ശരിക്കും ഞെട്ടിക്കും.

  Chothushkone,Baishe Srabon തുടങ്ങിയ മിസ്റ്ററി ത്രില്ലർ ചിത്രങ്ങളിലൂടെ എന്റെ പ്രിയപ്പെട്ട സംവിധായകരിൽ ഒരാളായി മാറിയ ശ്രീജിത് മുഖർജി ഇത്തവണയും നിരാശപ്പെടുത്തിയില്ല.അദ്ദേഹത്തിന്റെ കയ്യൊപ് പതിഞ്ഞ ചിത്രം തന്നെ.ഒരു സൈക്കോ ത്രില്ലർ ചിത്രത്തിൽ പരമ്പര കൊലപാതകിക്കു നൽകുന്ന പുതിയ നിർവചനം ഒക്കെ മികച്ച ഐഡിയ ആയാണ് തോന്നിയത്.

  ക്രൈം ത്രില്ലർ സിനിമകളുടെ ആരാധകരെ,ഇതു വഴി കൂടി......!!

More movie suggestions @www.movieholicviews.blogspot.ca

ചിത്രം എന്റെ ടെലിഗ്രാം ചാനലിൽ ലഭ്യമാണ്.

t.me/mhviews

1048.Mard Ko Dard Nahi Hota(Hindi,2019)

1048.Mard Ko Dard Nahi Hota(Hindi,2019)
         Action,Comedy,Crime.


    ക്ളീഷേ കഥ!!നായകൻ തന്റെ നഗരത്തിലെ അനീതികൾക്കു എതിരെ പ്രതികരിക്കാൻ ഒരുങ്ങുന്നു.സ്വന്തമായി ചെറുപ്പം മുതലേ ഉള്ള മാർഷ്യൽ ആർട്‌സ് പരിശീലനം.മദ്യപാനിയായ നായികയുടെ അച്ഛൻ.കള്ളന്മാരാൾ കൊല്ലപ്പെട്ട 'അമ്മ.വില്ലന്മാർ പോലും ക്ളീഷേ.ഇത്രയും ക്ളീഷേകൾക് ഇടയിലും വാസൻ ബാല എന്ന സംവിധായകൻ അവതരിപ്പിച്ച ഒരു സിനിമയുണ്ട് 'Mard Ko Dard Nhi Hota'.എണ്പതുകളിലെ സിനിമകളെ ഓർമിപ്പിക്കുന്ന രീതിയിൽ.അതും ആ ക്ളീഷേ കഥയ്ക്കും നായകനും നൽകാവുന്ന മികച്ച വിശദീകരണത്തിലൂടെ.

   ഇവിടെ നായകൻ സൂര്യയുടെ പ്രത്യേക അവസ്ഥ ആണ് അവനെ ഇങ്ങനെ ആക്കുന്നത്.ഒരു രോഗമായി കരുതി സഹതാപം പിടിക്കൻ അല്ല.പകരം അതിന്റെ വലിയ സാധ്യതകൾ ആണ് സിനിമ അവതരിപ്പിക്കുന്നത്.എണ്പതുകളിലെ സൗത്ത് ഇൻഡ്യൻ സിനിമകൾക്കു ഉള്ള ഒരു homage ആയി ചിത്രത്തെ കാണാനും സാധിക്കും.പ്രത്യേഏകിച്ചും നൊസ്റ്റാൾജിയ ഉണർത്തുന്ന പല രംഗങ്ങളും,ഗോൾഡൻ എറയിലെ ആക്ഷൻ രംഗങ്ങളിലെ സംഗീതം ഒക്കെ.
   

അതു പോലെ ശരാശരി ഇൻഡ്യൻ കുടുംബങ്ങളിലെ അച്ഛൻ-മകൻ ബന്ധം ഒക്കെ രസകരമായി അവതരിപ്പിച്ചിരിക്കുന്നു.പഴയ ഇന്ത്യൻ സിനിമകളുടെ ഒരു സ്പൂഫ് എന്ന നിലയിലോ അല്ലെങ്കിൽ വേറിട്ടു നിൽക്കുന്ന അവതരണ രീതി ആയോ സിനിമയെ കണക്കാക്കാം.Either way ,സിനിമ പ്രേക്ഷകനെ ആകർഷിക്കും.പ്രത്യേകം എടുത്തു പറയേണ്ടത് effort എടുത്തു ചെയ്ത സംഘട്ടന രംഗങ്ങൾ ആണ്.നായകനായ അഭിമന്യൂ ( നടി ഭാഗ്യശ്രീയുടെ മകൻ) ആക്ഷൻ രംഗങ്ങളിൽ തകർത്തൂ എന്നു തന്നെ പറയാം.അതു പോലെ നായിക രാധിക ,കരാട്ടെ മാൻ ആയി വന്ന ഗുൽഷൻ ആണെങ്കിലും ഒന്നിനൊന്നു മെച്ചമായിരുന്നു.

  ഒരു സൂപ്പർ ഹീറോ സിനിമ ആയി ബ്രാൻഡ് ചെയ്യാൻ ഉള്ളതൊക്കെ ഒപ്പിക്കാമായിരുന്നെങ്കിലും അവിടെയും സ്പൂഫ് ആണ് കൂടുതൽ workout ആയതിനു തോന്നുന്നു.വെള്ളം കുടിച്ചാൽ ശക്തി വീണ്ടെടുക്കുന്ന സൂപ്പർ ഹീറോ ഒക്കെ കിടിലം concept അല്ലെ?എന്തായാലും കഥയിൽ പുതുമ ഒന്നും ഇല്ലാത്ത,എന്നാൽ വളരെയേറെ പുതുമ തോന്നിപ്പിക്കുന്ന ഒരു ചിത്രമായി തോന്നി 'Mard Ko Dard Nahi Hota'.കണ്ടു നോക്കൂ ഇഷ്ടമാകും!!


More movie suggestions @www.movieholicviews.blogspot.ca

ചിത്രം എന്റെ ടെലിഗ്രാം ചാനലിലും ലഭ്യമാണ്.


t.me/mhviews

1049.Socialphobia(Korean,2015)

1049.Socialphobia(Korean,2015)
         Mystery.

   അവൾ മരണപ്പെട്ടത് സോഷ്യൽ മീഡിയയിലൂടെ പലരും കണ്ടൂ.ലൈവ് ആയി ഒരു കൂട്ടം ചെറുപ്പക്കാർ അവളുടെ അപാർട്മെന്റിലേക്കു പോകുമ്പോൾ ഉദ്ദേശം വേറൊന്നായിരുന്നു.എന്നാൽ സംഭവിച്ചത് ,വളരെ അപ്രതീക്ഷിതമായി കണ്ട ഈ മരണം/കൊലപാതകം ആയിരുന്നു.സോഷ്യൽ മീഡിയയിൽ ആളുകളുടെ പ്രതികരണം പല രീതിയിൽ ആയിരുന്നു.ചിലർ ആത്മഹത്യ ആണെന്നും എന്നാൽ അതല്ല കൊലപാതകം ആണെന്ന് മറ്റൊരു മതം.ഇതിന്റെ പിന്നിൽ ഉള്ള രഹസിഎം എന്തായിരുന്നു??

  സോഷ്യൽ മീഡിയ വെറും സൗഹൃദക്കൂട്ടങ്ങളിൽ നിന്നും മാറിയിട്ട് വളരെയേറെ കാലം ആയി.തുടക്കത്തിൽ സൂക്ഷിച്ചിരുന്ന Virtual Club എന്ന രീതിയിൽ നിന്നും വർഷങ്ങളോളം ഉള്ള പരിണാമത്തിലൂടെ ഇന്ന് രാഷ്ട്രീയവും കടന്നു രാഷ്ട്രം പോലും നിയന്ത്രിക്കാൻ അല്ലെങ്കിൽ അതിനെ സ്വാധീനിക്കാൻ ഉള്ള ശക്തിയായി മാറിയിരിക്കുന്നു.രാഷ്ട്രീയം,മതം എല്ലാം ഒരു പരിചയവും ഇല്ലാത്ത കൂട്ടങ്ങൾ ഇരുന്നു സംസാരിക്കുമ്പോൾ അതു നേരിൽ കണ്ടിരുന്നെങ്കിൽ കൊലപാതകം പോലും നടന്നേനെ എന്ന സ്ഥിതിയിൽ ആണ് കൂടുതൽ ഓണ്ലൈന് ചർച്ചകളും.

    ഈ ഒരു ഘടകം ഈ കൊറിയൻ ചിത്രത്തെയും സ്വാധീനിച്ചിട്ടുണ്ട് എന്നു പറയാം.കഥയും അതിന്റെ പരിസരങ്ങളും,കഥാപാത്രങ്ങളും എല്ലാം ഈ സാഹചര്യത്തിൽ ഉള്ളവർ ആണ്.ഓരോ സമയ്ഡ്ജ് ട്രെൻഡ് അനുസരിച്ഛ് സോഷ്യൽ മീഡിയയിൽ വൈറലുകൾ ഉണ്ടാകുമ്പോൾ/ഉണ്ടാക്കപ്പെടുമ്പോൾ മാത്രം ഓർമ വരുന്ന പലതും ഉണ്ടാകാം.ഇതൊക്കെ സോഷ്യൽ മീഡിയയുടെ കുറച്ചു സ്വഭാവ വിശേഷങ്ങൾ മാത്രം ആണ്.സിനിമ കണ്ടപ്പോൾ പലപ്പോഴും മനസ്സിൽ വന്നത് ഇത്തരം സ്വഭാവ വിശേഷങ്ങൾ ആയിരുന്നു താനും.

  ഒരു യാഥാസ്ഥിക കുറ്റാന്വേഷണ സിനിമ അല്ല സോഷ്യൽഫോബിയ.ചിത്രം ആ ലെവലിലേക്കു പോകുന്നു ഇല്ല.പോലീസ് അക്കാദമിയിൽ പഠിക്കുന്ന രണ്ടു യുവാക്കൾ ഉണ്ടെന്നു മാത്രം.എന്നാൽ ചിത്രം വ്യക്തമായി പറയാൻ ശ്രമിക്കുന്ന ഒന്നുണ്ട്.ഒരു സംഭവത്തെ വിശകലനം ചെയ്യുന്ന സോഷ്യൽ മീഡിയയുടെ മുഖം.മേൽപ്പറഞ്ഞ സംഭവത്തിൽ അതു എങ്ങനെ ആണെന്ന് കാണാൻ ചിത്രം കാണുക.മികച്ച ഒരു ഓഡിറ്റിങ് ആണ് സോഷ്യൽ മീഡിയയ്ക്ക് ഈ ചിത്രത്തിലൂടെ ലഭിക്കുന്നതും.വർത്തകളെയും,സംഭവങ്ങളെയും എങ്ങനെ കാണുന്നു എന്നുള്ളത് മുഖങ്ങളില്ലാത്ത,വിരലുകളിലൂടെ യുദ്ധം ചെയ്യുന്ന കീബോർഡ് യോദ്ധാക്കളെ കുറിച്ചു നല്ലൊരു പഠനം. ഓരോരുത്തരും സ്വയം കുറ്റാന്വേഷണ ഉദ്യോഗസ്ഥർ ആകുന്ന സോഷ്യൽ മീഡിയയെ മികച്ച രീതിയിൽ തന്നെ പ്രാധാന്യം കൊടുത്തു കൊണ്ടു പ്രേക്ഷകനെ convince ചെയ്യിക്കുന്ന ചിത്രം ആണ് സോഷ്യൽഫോബിയ.

  കണ്ടു നോക്കുക!!

More movie suggestions @movieholicviews.blogspot.ca

ചിത്രം എന്റെ ടെലിഗ്രാം ചാനലിലും ലഭ്യമാണ്.