1079.Rage(Japanese,2016)

   1079.Rage(Japanese,2016)
         Mystery,Drama

   ഇരട്ട കൊലപാതകം ആണ് അവിടെ നടന്നത്.പക വ്യക്തമായിരുന്നു അവിടെ.കൊലയാളി,ആ വീട്ടിലെ സ്ത്രീയെ ആദ്യം കൊന്നു കൊലപ്പെടുത്തി ബാത്‌ ടബിൽ വച്ചതിനു ശേഷം,അവരുടെ ഭർത്താവിന് വേണ്ടി കാത്തിരുന്നു.അയാളെ കൊലപ്പെടുത്തുവാൻ.പ്രതിയെ കുറിച്ചുള്ള വിവരങ്ങൾ പൊലീസിന് ലഭിക്കുന്നു.എന്നാൽ അയാൾ പോലീസിൽ നിന്നും അകലെയാണ്.ഈ സമയം ആണ് മൂന്നു വ്യത്യസ്ത ജാപ്പനീസ് പട്ടണങ്ങളിൽ 3 വെവ്വേറെ സാഹചര്യത്തിൽ പുതിയ മൂന്നു യുവാക്കൾ വരുന്നത്.
   

      വെവ്വേറെ സാഹചര്യങ്ങളിൽ ആണ് അവർ ജീവിക്കുന്നത് എങ്കിലും അവരുടെ എല്ലാം ജീവിതത്തിനും ഒരു ഭൂതകാലം ഉണ്ട്.ഇവരിൽ ആരെങ്കിലും ആണോ പ്രതി?സംശയിക്കാൻ കാരണങ്ങളുണ്ട്.അതിനു പിന്നിൽ രഹസ്യം അറിയാൻ ചിത്രം കാണുക!!


  ശരിക്കും സിനിമ കണ്ടു കഴിഞ്ഞപ്പോൾ Rage എന്ന ചിത്രം എന്തു കൊണ്ട് ആണ് കാണാൻ ഇത്ര വൈകിയത് എന്നു ആണ് ആദ്യം ചിന്തിച്ചത്.സ്ഥിരം Whodunnit,Whydunnit പോലുള്ള അന്വേഷണ രീതികൾക്ക് പകരം നേരെ ഈ മൂന്നു പേരുടെയും ഒപ്പം ജീവിതം തുടരുന്ന ആളുകൾ ,അവരുടെ സാഹചര്യങ്ങൾ എന്നിവയെ ചുറ്റിപ്പറ്റിയാണ് സിനിമ പുരോഗമിക്കുന്നത്.ഇവരിൽ ഒരാൾ ഒരു ഫാക്റ്ററി ജോലിക്കാരൻ ആണ്.അയാൾ ,അയാളുടെ മുതലാളിയുടെ മകളും ആയി പ്രണയത്തിൽ ആണ്.മറ്റൊരാൾ സ്വവർഗാനുരാഗി ആണ്.മൂന്നാമത്തെ ആൾ ഒരു  നാടോടി ആണ്.അയാൾ.ഒരു ഏകാന്തമായ ദ്വീപിൽ ഒറ്റയ്ക്ക് താമസിക്കുകയാണ്.കഥ വികസിച്ചു പോകുന്ന രീതി രസകരമാണ്.ഇടയ്ക്കു ആദ്യം നടന്ന കൊലപാതകത്തെ കുറിച്ചു പോലും നമ്മൾ മറന്നു പോകും.

    പണ്ട് സുകുമാരക്കുറുപ്പ് സംഭവത്തിൽ അയാളെ പോലെ ഉള്ള ആളുകളെ പല സ്ഥലത്താണ് കണ്ടൂ എന്നുള്ള വാർത്തകൾ സ്ഥിരം വന്നിരുന്നു.പോലീസ് വിവരങ്ങൾ പുറത്തു വിടുമ്പോൾ സ്വാഭാവികമായും ആളുകൾക്ക് സംശയിക്കാൻ ഉള്ള സാഹചര്യം ഉണ്ടാകാറുണ്ട്.അങ്ങനെ ഒന്നാകുമോ ഇവിടെ?

  More movie suggestions @www.movieholicviews.blogspot.ca

  ചിത്രത്തിന്റെ ടെലിഗ്രാം ചാനൽ ലിങ്ക്: t.me/mhviews

1075.Lake Placid(English,1999)

1075.Lake Placid(English,1999)
         Thriller

    ഇപ്പോൾ കാണുമ്പോൾ കുറെ സാധ്യതകൾ ഉണ്ടായിരുന്ന കഥ ഇങ്ങനെ ഏടുത്തൂ എന്നു തോന്നും പഴയകാല പല കൾട്ട് ചിത്രങ്ങളും കാണുമ്പോൾ.പഴയ കള്ള സി ഡി യുഗത്തിൽ ആണ് Lake Placid ആദ്യമായി കാണുന്നത്.ഇറങ്ങിയ സമയം കുറെ പരസ്യം ഒക്കെ കണ്ടത് ഓർമയുണ്ട് ട്രെയിലർ ആയി.അതു കൊണ്ടു തന്നെ Lake Placid ലെ കൊലയാളിയെ കാണാൻ തിടുക്കവും ആയിരുന്നു.അന്ന് കണ്ടു ഇഷ്ടപ്പെട്ട സിനിമ,ഏകദേശം 20 വർഷങ്ങൾക്കു ശേഷം വീണ്ടും കാണുകയുണ്ടായി.

     കഥ പലതും മറന്നെങ്കിലും ഓർമയിൽ ഉണ്ടായിരുന്ന വലിയ മുതലയുടെ ഇന്ത്യൻ പശ്ചാത്തലം ഒക്കെ ഇപ്പോഴാണ് ശ്രദ്ധിച്ചത്.ആ വൃദ്ധയുടെ കഥ അൽപ്പം കൂടി ശ്രദ്ധിച്ചിരുന്നു എങ്കിൽ സിനിമയ്ക്ക് പിന്നീട് ഉണ്ടായ പോലത്തെ sequels ഉണ്ടാകില്ലയിരുന്നു.മുതല വരുന്നത് മുതൽ ഉള്ള കഥകൾ ഒക്കെ ആയി.അങ്ങനെ തോന്നി.

  എന്നാലും സിനിമയിലെ Fear Factor.അതു പോലെ തന്നെ ഉണ്ടായിരുന്നു.പുതിയ സിനിമ കാണുന്ന excitement ആയിരുന്നു,കഥ ഭൂരിഭാഗവും മറന്നത് കൊണ്ടു തന്നെ.ഒരു സുഹൃത്തു നോക്ലാജിയ(മലയാളത്തിൽ അങ്ങനെ ഉപയോഗിക്കാം എന്നു കരുതുന്നു ആ വാക്കിനെ) വരുത്തിയിരുന്നു സിനിമയുടെ മറ്റൊരു പോസ്റ്റും കൊണ്ടു.അതിന്റെ കൗതുകത്തിൽ ആണ് കണ്ടത്.Horror/Fear Element ഒക്കെ അന്നത്തെ സിനിമകളിൽ work out ആയതു ഒരു പക്ഷെ സിനിമ കാണാൻ ഉള്ള സാഹചര്യം ഇന്നത്തെ പോലെ ഇല്ലാതിരുന്നത് കൊണ്ടു ആകും എന്നാണ് കരുതിയത്..എന്നാൽ അതല്ല,പകരം  തീമുകളോട് അവർ നല്ലതു പോലെ ആത്മാർത്ഥത കാണിച്ചിരുന്നത് കൊണ്ടാണെന്നു തോന്നുന്നു.ഉപ കഥകൾക്ക് അധികം പ്രാധാന്യം കൊടുക്കാതെ മുഖ്യ കഥയ്ക്ക് നൽകുന്ന പ്രാധാന്യം.

  എന്തായാലും നോക്ലാജിയ ഉള്ളവർക്കും,ഇനി ഇതു വരെ കാണാത്തവർക്കും കാണാം Lake Placid

More movie suggestions @ www.movoeholicviews.blogspot.ca


  സിനിമയുടെ ലിങ്ക് : t.me/mhviews

1073.Don't Hang Up(English,2016)

1073.Don't Hang Up(English,2016)
         Thriller


    കാനഡയിൽ വന്ന സമയം മുതൽ Region Preference വച്ചാണോ എന്നു അറിയില്ല,ഇവിടെ ഉള്ള ലോക്കൽ ആയുള്ള ധാരാളം പേജുകൾ സജഷൻ ആയി വരാറുണ്ട്.അതിൽ പലതിലും കണ്ടിരുന്ന ഒരു സംഭവം ആണ് പഴയ 'തരികിട' പോലത്തെ പരിപാടിയുടെ കുറെ കൂടി extreme ആയ സംഭവങ്ങൾ ഉള്ള പേജുകൾ.Extreme എന്നു പറയുമ്പോൾ ഒരു മര്യാദയും ഇല്ലാതെ തന്നെ അന്യന്റെ പ്രൈവസിയിൽ ഒക്കെ കയറി prank ചെയ്യുന്ന പരിപാടിയുടെ extreme.ചിലപ്പോൾ വീട്ടുകാരെ ആകാം.ഫ്രെണ്ട്സിനെ ആകാം.അതൊക്കെ pre-planned ആണെന്നു തോന്നാറുണ്ട് പലപ്പോഴും.പക്ഷെ Vlogger ആയും Youtuber ആയും ഒക്കെ ലൈക്സിന്റെ,ഹിറ്റ്‌സിന്റെ ഒക്കെ പെരുമഴയിൽ ഉള്ള കുറെ മനുഷ്യർ.അവർക്ക് അവരുടെ സുഖം!!

  ഇത്രയും പറഞ്ഞു വന്നത്,ഇങ്ങനെ ചെയ്യുന്നവർക്ക് അവരുടെ അതേ അളവിൽ,അല്ലെങ്കിൽ അതിൽ കൂടുതലായി തിരിച്ചു കിട്ടിയാൽ എന്തു സംഭവിക്കും? "Don't Hang Up" എന്ന ബ്രിട്ടീഷ് പറയുന്നത് അത്തരം ഒരു കഥയാണ്.സാം ഒരു ദിവസം വൈകുന്നേരം,വീട്ടിൽ മാതാപിതാക്കൾ പുറത്തു പോയ സമയം സുഹൃത്തായ ബ്രാഡിയും ആയി പതിവ് രീതിയിൽ ആളുകളെ പറ്റിക്കാൻ തുടങ്ങുന്നു.യഥാർത്ഥത്തിൽ വലിയ ഒരു ഗ്യാംഗ് ആണ് അവർ ഈ പരിപാടിയിൽ.പക്ഷെ അന്ന് ഇവർ മാത്രം ആണ് ഉണ്ടായിരുന്നത്.

   ആ സമയത്താണ് തിരിച്ചു ഒരു കോൾ വരുന്നത്.അൽപ്പം അപകടം പിടിച്ച ഒരു കളിയുടെ തുടക്കം.പിന്നീട് പല രീതിയിലും ആ ഫോണ് കോൾ വിളിച്ച ആൾ ഇവരെ നിയന്ത്രിക്കുന്നു.ഇതു യഥാർഥത്തിൽ ഒരു prank call ആണോ അതോ ഇതിനു പിന്നിൽ മറ്റെന്തെങ്കിലും ഉദ്ദേശം?

  ക്ലാസിക് ചിത്രം ആയി ഒന്നും എടുക്കണ്ട ഒന്നല്ല ഇതു.പകരം അതു ഉൾപ്പെടുന്ന ഴോൻറെയിൽ ഉള്ള തരക്കേടില്ലാത്ത ചിത്രം.കുഴപ്പമില്ലാത്ത കഥയും,ട്വിസ്റ്റുകളും എല്ലാം.കണ്ടു നോക്കാവുന്ന ഒന്നാണ്.


  More movie suggestions @www.movieholicviews.blogspot.ca

ചിത്രത്തിന്റെ ടെലിഗ്രാം ലിങ്ക്  : t.me/mhviews

1072.The Outlaw(Korean,2010)

1072.The Outlaw(Korean,2010)
          Crime,Mystery

ചില ജോലികൾക്ക് ഒരു കുഴപ്പം ഉണ്ട്.ആ ജോലികൾ ചെയ്യുന്നവർ അവരുടെ client/പരാതിക്കാരും ആയി ഒരു പരിധിയിൽ കൂടുതൽ മാനസികമായി അടുത്തൂകൂടാ.പ്രത്യേകിച്ചും മെഡിക്കൽ പ്രഫഷണൽ,പോലീസ് തുടങ്ങിയ വിഭാഗങ്ങളിൽ ഉൾപ്പെടുന്നവരെ കാണാനായി എത്തുന്നത് വേദന അനുഭവിക്കുന്നവർ ആകും.അതിനായി അവരുടെ എത്തിക്സിൽ നിന്നു കൊണ്ടുള്ള ജോലി ചെയ്യുക എന്നതിലുപരി അവരുടെ വേദന സ്വന്തമായി കണ്ടു തുടങ്ങിയാൽ സംഭവങ്ങൾ സങ്കീർണം ആകും.ഇവിടെ ഒരു പോലീസ് ഉദ്യോഗസ്ഥന് അങ്ങനെ സംഭവിക്കുന്നു.

   The Outlaw എന്ന കൊറിയൻ ചിത്രത്തിൽ ജൂംഗ്-സൂ അവളെ ആദ്യമായി കണ്ടു മുട്ടുമ്പോൾ ജീവിതത്തിലെ ഏറ്റവും വലിയ നരകയാതന അനുഭവിച്ചു കഴിഞ്ഞിരുന്നു.അവളെ ഒപ്പം കൂട്ടാൻ തീരുമാനിച്ചത് അവളുടെ വേദന സ്വന്തം വേദന ആയി കണക്കാക്കിയപ്പോൾ ആയിരുന്നു.അവളെ സാധാരണ ജീവിതത്തിലേക്ക് കൊണ്ടു വരാൻ അയാൾ ശ്രമിക്കുന്നു.എന്നാൽ ദുരിതങ്ങൾ ഒരിക്കലും ഒഴിയുന്നില്ല.വലിയ സംഭവങ്ങളിലേക്കും അപകടകരമായ,നീതി വ്യവസ്ഥയെ ഹൈജാക് ചെയ്യാൻ കഴിയുന്നവർ വരെ ഉൾപ്പെടുമ്പോൾ അയാൾ ചിന്തിക്കുന്നത് ഹൃദയം കൊണ്ടാണ്.അതു അയാളെ എവിടെ കൊണ്ടെത്തിക്കും??

  ഒരു vigilante സിനിമ ആയി കൂട്ടാമെങ്കിലും അവസാനം തരക്കേടില്ലാത്ത സസ്പെൻസ് ഒക്കെ ഉൾപ്പെടുത്തിയിട്ടുണ്ട് ചിത്രത്തിൽ.2010 ലെ സിനിമ കാലഘട്ടം ബാക് ഗ്രൗണ്ട് മ്യൂസിക്കിൽ വരെ ഉണ്ട്.തരക്കേടില്ലാത്ത ഒരു കൊറിയൻ ക്രൈം/മിസ്റ്ററി ചിത്രമാണ് The Outlaw.


More movie suggestions @www.movieholicviews.blogapot.ca

ചിത്രത്തിന്റെ ടെലിഗ്രാം ലിങ്ക് : t.me/mhviews

1070.Lion(English,2016)

1070.Lion(English,2016)
          Drama

  ദാരിദ്ര്യം നിറഞ്ഞ ചുറ്റുപാടുകൾ,ഏറ്റവും മോശമായ അവസ്ഥ.കുട്ടിക്കാലത്തിന്റേതായ ഒരു നന്മയും സന്തോഷവും ഇല്ലായിരുന്നു.ജീവിതത്തിന്റെ രണ്ടു അറ്റവും കൂട്ടി മുട്ടിക്കാൻ ശ്രമിക്കുന്നവർ.ആ അവസ്ഥയിൽ നിന്നും ഒരിക്കലും പ്രതീക്ഷിക്കാൻ ആകാത്ത ഒരു ജീവിതം സരൂവിനു ലഭിക്കുന്നു.പക്ഷെ അവന്റെ ജീവിതത്തെ മുന്നോട്ടു നല്ല രീതിയിൽ കൊണ്ടു പോകാൻ പുതുതായി ലഭിച്ച ജീവിതത്തിനു കഴിയുമായിരുന്നോ?


     എണ്പതുകളുടെ പകുതിയിൽ ഉള്ള ഇന്ത്യ.ദാരിദ്ര്യത്തിൽ കഴിയുന്ന ഒരു ജനതയുടെ പ്രതീകം ആയിരുന്നു സരൂവും ഗുഡ്ഡുവും അവളുടെ അമ്മയും എല്ലാം.അന്നന്നത്തെ ഭക്ഷണത്തിന് വേണ്ടി കഷ്ടപ്പെടുന്ന ജീവിതങ്ങൾ.സ്ഥിരം പാമ്പാട്ടികളുടെയും,റിക്ഷയുടെയും,ചേരിയുടെയും ലോകം എന്ന് പാശ്ചാത്യരെ വിശ്വസിപ്പിച്ചിരുന്ന ഇന്ത്യ പ്രമേയം ആക്കി വരുന്ന സിനിമകളിൽ ഉള്ളതിനെക്കാളും മോശമായ അവസ്ഥ.

   യഥാർത്ഥ സംഭവങ്ങളെ ആസ്പദമാക്കി അവതരിപ്പിച്ചിരിക്കുന്ന Lion നെ രണ്ടു രീതിയിൽ വിഭജിക്കാം.ലോകത്തിന്റെ സാധ്യതകളിലേക്ക് വാതിൽ തുറക്കപ്പെടുന്ന ഒരു യുവാവും അതിൽ നിന്നും തന്റെ വേരുകൾ തേടിയുള്ള രണ്ടാം ഭാഗവും.ലോകത്തിന്റെ ഏതു കോണിൽ ആണെങ്കിലും താൻ ആരാണെന്നും എന്താണെന്നും ഉള്ള ചെറിയ ഓർമകൾ മാത്രമാണ് സരൂവിനെ കൊണ്ടു ആ തീരുമാനത്തിൽ എത്തിക്കുന്നത്.

  യഥാർത്ഥ സംഭവങ്ങൾ ആണ് സിനിമയ്ക്ക് ആധാരം എന്നത് കൊണ്ട് തന്നെ സംഭവബഹുലമായി തോന്നി സിനിമയുടെ കഥ.അക്കാദമി പുരസ്‌കാരങ്ങളും ചിത്രം നേടിയിരുന്നു."A Long Way Home" എന്ന നോവലിനെ ആസ്പദമാക്കിയാണ് ചിത്രം അവതരിപ്പിച്ചിരിക്കുന്നത്.എഴുതിയത് സംഭവത്തിലെ യഥാർത്ഥ കഥാപാത്രവും...


          

1071.La Ceremonie(French,1995)

1071. La Ceremonie(French,1995)
          Drama,Crime

   രണ്ടു കഥാപാത്രങ്ങൾ.ഒരു സമൂഹത്തിൽ ജീവിക്കാൻ എന്തു മാത്രം അവർ യോഗ്യർ ആണെന്നുള്ളത് സംശയാസ്പദം ആണ്.അവർക്കു രണ്ടു പേർക്കും ഭൂതകാലം ഉണ്ട്.ഒരു പക്ഷെ പ്രേക്ഷകന് അവസാനം വരെയും പിടികിട്ടാത്ത ഒന്നു.എന്നാൽ ക്ളൈമാക്സിലെ രംഗങ്ങൾ അവർ എന്താണെന്ന് കാണിക്കുന്നുണ്ട്.അത്തരത്തിൽ ഒരു ഉത്തരം ലഭിക്കുന്ന രീതിയിൽ ആണ് La Ceremonie ഒരുക്കിയിരിക്കുന്നത്.

   വീട്ടു ജോലിക്കാരിയായി വരുന്ന സോഫി ,നഗരത്തിൽ നിന്നും അകന്നു മാറിയുള്ള സമ്പന്നരുടെ വീട്ടിൽ ആണ്.അക്ഷരാഭ്യാസം ഇല്ലാതിരുന്നത് സമൂഹത്തിൽ കുറച്ചിലായി ഉള്ള ഒരു കാലഘട്ടം ആയിരുന്നു അത്.അതു കൊണ്ടു തന്നെ അവൾ അത് വിദഗ്ധമായി ഒളിക്കാൻ ശ്രമിക്കുന്നു.സർക്കാർ നടത്തുന്ന പരിപാടികൾ ഉണ്ടെങ്കിലും..എന്തോ?അവൾ അവിടെ വച്ചാണ് ജീനിനെ പരിചയപ്പെടുന്നത്.അവിടത്തെ പോസ്റ്റ് ഓഫീസിലെ ജോലിക്കാരി ആയിരുന്നു അവൾ.

   സാധാരണക്കാരായ രണ്ടു കഥാപാത്രങ്ങൾ.എന്നാൽ രണ്ടു പേർക്കും ഓരോ ഭൂതകാലം ഉണ്ടായിരുന്നു.അതിന്റെ വിശ്വാസ്യതയെ കുറിച്ചു നേരത്തെ പറഞ്ഞതു പോലെ പ്രേക്ഷകനും സംശയം ഉണ്ടാകും.അതു സ്വാഭാവികം ആണ്.കാരണം,തങ്ങളുടെ ചുരുങ്ങിയ സാഹചര്യങ്ങളിലും നല്ല ജീവിതം സ്വപ്നം കണ്ടിരുന്ന രണ്ടു പേർ.അവർ ജീവിതം ആഘോഷമാക്കുവാൻ ശ്രമിച്ചു.എന്നാൽ???അവർ അപകടകാരികൾ ആയിരുന്നോ?ചിത്രം കാണുക ഈ ഉത്തരത്തിനു.

  സമാനമായ ഒരു കഥ യഥാർത്ഥത്തിൽ മുപ്പതുകളുടെ ആരംഭത്തിൽ സംഭവിച്ചിരുന്നു.സഹോദരിമാരായ യുവതികൾ ചെയ്ത ക്രൂരമായ ആ കൃത്യത്തെ പലരും പിന്നീട് അടിസ്ഥാന വർഗത്തിന്റെ പ്രതികരണം എന്നൊക്കെ വിശേഷിപ്പിച്ചിരുന്നു.ആ സംഭവവും,പിന്നീട് വന്ന Maids എന്ന ഡ്രാമയും(അവ:വിക്കി) ആണ് ചിത്രത്തിന് പ്രചോദനം ആയതു.സമാനതകൾ ഇല്ലാത്ത ക്രൂരത ആയിരുന്നു.പ്രത്യേകിച്ചും ചിത്രത്തിൽ എന്തു ലാഘവത്തോടെ ആണ് ആ സ്ത്രീകൾ ആ കൃത്യം ചെയ്യുന്നത് എന്നു കണ്ടു നോക്കൂ..ഒരു തരം മരവിപ്പ് ആയിരിക്കും ഉണ്ടാവുക.

  ഇതു വരെ കണ്ട സിനിമകളിലെ ഏറ്റവും Cold Blooded Killers എന്നു ഉറപ്പായും സോഫിയെയും ജീനിനെയും കുറിച്ചു പറയാം.കണ്ടു നോക്കൂ..

  More movie suggestions @www.movieholicviews.blogspot.ca

ചിത്രത്തിന്റെ ടെലിഗ്രാം ലിങ്ക്: t.me/mhviews

1067.The Gangster, The Cop, The Devil(Korean,2019)

1067.The Gangster, The Cop, The Devil(Korean,2019)
           Crime,Thriller


        ഒരു ഗ്യാങിന്റെ തലവനെ സംബന്ധിച്ചു ഏറ്റവും നാണക്കേട് ആണ് അയാളെ ആക്രമിച്ച ആൾ രക്ഷപ്പെടുക എന്നത്.അതു പോലെ മറ്റൊരു നാണക്കേട് ആണ് പോലീസിനെ കബളിപ്പിച്ചു കൊലപാതകങ്ങൾ ചെയ്യുന്ന കൊലപാതകി.അയാളെ നമുക്ക്‌ ചെകുത്താൻ എന്നു വിളിക്കാം.സമൂഹത്തിന്റെ ഇരുണ്ട ഇടനാഴിയിൽ പരസ്പ്പരം പോരടിക്കുന്ന ഗുണ്ടാ സംഘങ്ങളുടെയും പോലീസിന്റെയും പൊതു ശത്രു ആയി ഒരാൾ.ഒരു സീരിയൽ കില്ലർ!!!ചെകുത്താന്റെ പ്രതിരൂപം ആയ ഒരാൾ.അയാളെ മറ്റു രണ്ടു കൂട്ടരും എങ്ങനെ ആകും നേരിടുക?

  "The Gangster, The Cop, The Devil".ഈ അടുത്തു ഇറങ്ങിയ കൊറിയൻ ആക്ഷൻ ത്രില്ലർ  ചിത്രങ്ങളിലെ മികച്ചത് എന്നു പറയേണ്ടി വരും.മാ-ഡോംഗ്-സിയോക്,കിം-മോ-യുൾ എന്നിവർ ഉൾപ്പെടുന്ന താര നിര കൂടി ചേരുമ്പോൾ ഒരു മാസ്,ആക്ഷൻ ത്രില്ലറിന് ചേരുന്ന എല്ലാം ചിത്രത്തിൽ ഉണ്ടായിരുന്നു.പ്രത്യേകിച്ചും  കൊറിയക്കാർ ഏറ്റവും ഭംഗിയായി അവതരിപ്പിക്കുന്ന പരമ്പര കൊലയാളി ചിത്രത്തിൽ ഇത്തരത്തിൽ ഒരു വശം കൂടി ഉൾപ്പെടുത്തിയതോടെ സിനിമ വേറെ ലെവൽ ആയി.പ്രത്യേകിച്ചും ക്ളൈമാക്‌സ് ഒരു അഞ്ചു മിനിറ്റ്.Goosebumps!!മാ-ഡോംഗ്-സിയോക്കിന്റെ സ്‌ക്രീൻ പ്രസൻസ് മൊത്തത്തിൽ ആ രംഗങ്ങൾക്ക് വേറെ മാനം നൽകി.കോടതിയിൽ "When Ma-Dong-Seyok did a Sallu" എന്നു തോന്നിക്കുന്ന സീൻ ഒക്കെ.ശരിക്കും ഒരു "Korean Macho  Hunk" എന്നൊക്കെ വിളിക്കാം അയാളെ.

  സാധാരണ രീതിയിൽ ഉള്ള കഥ.പ്രത്യേകിച്ചു മാറ്റങ്ങൾ ഒന്നും ഇല്ല.പക്ഷെ അവതരണ രീതി ആണ് മികച്ചു നിന്നതു. Modus Operandi ഒക്കെ.കാരണം കഥയിൽ ഈ വഴിത്തിരിവ് ഉണ്ടാകാൻ ഈ രീതി നല്ലതു പോലെ workout ചെയ്തു.പ്രത്യേകിച്ചും BGM ഒക്കെ സീനുകളിൽ മികച്ചു നിന്നു.ഒരു സീരിയൽ കില്ലർ സിനിമ എന്നതിലുപരി മൂന്നു വ്യത്യസ്ത കതപത്രങ്ങൾ തമ്മിൽ ഉള്ള മത്സരം,അവരുടെ ഈഗോകൾ,അതിൽ നിന്നെല്ലാം ഉടലെടുക്കുന്ന അവരുടെ പക.ഇതെല്ലാം execute ചെയ്യുന്ന വിധം.ഒരു അവസരത്തിൽ തുല്യ ശക്തികൾ പോലും ആകുന്ന അവരിൽ എന്നാൽ പരസ്പ്പരം ഉള്ള സഹകരണത്തോടെ അല്ലാതെ വിജയം ഉണ്ടാകില്ല.ആ സത്യാവസ്ഥ മനസ്സിലാകുന്നത് വരെ കഥാപാത്രങ്ങൾ നടത്തുന്ന പരസ്പ്പരം ഉള്ള Mind Games ഉം നന്നായിരുന്നു.

  ശരിക്കും excited ആയി സിനിമ അവസാനത്തോട് അടുത്തപ്പോൾ.പ്രത്യേകിച്ചു നമ്മുടെ ഗുണ്ടാ തലവന്റെ ഒരു ചിരി ഉണ്ട്.ഇന്ത്യൻ പ്രാദേശിക ഭാഷകളിൽ ഒക്കെ ഒന്നു ചീകി വൃത്തിയാക്കി എടുത്താൽ മൾട്ടി സ്റ്റാറർ സിനിമയ്ക്കുള്ള വകയുണ്ട്.കൂടുതൽ സാധ്യതകൾ ഉള്ള കഥ ആയതു കൊണ്ട് തന്നെ.നന്നായി ഇഷ്ടപ്പെട്ടൂ "The Gangster, The Cop, The Devil".കൊറിയൻ ത്രില്ലർ സിനിമ സ്നേഹികൾക്ക് ഇഷ്ടം ആകും എന്നു വിശ്വസിക്കുന്നു.

More movie suggestions @www.movieholicviews.blogspot.ca

സിനിമയുടെ ടെലിഗ്രാം ലിങ്ക് : t.me/mhviews

1066.Happy Killers(Korean,2010)

1066.Happy Killers(Korean,2010)
          Mystery,Comedy.


       ഒരു സീരിയൽ കില്ലർ ആണ് ആ അടുത്തക്കാലത്തു നടന്ന കൊലപാതകങ്ങൾക്കു പിന്നിൽ എന്നു പോലീസ് മനസ്സിലാക്കുന്നു.ജനങ്ങൾക്ക് രാത്രി ഇറങ്ങി നടക്കാൻ തന്നെ പേടിയാണ്.റിയൽ എസ്റ്റേറ്റ് മേഖലയിൽ ഉള്ളവർ പോലും തകർന്നു പോയി.അമ്മാതിരി ഭയം ആണ് കൊലപാതകങ്ങൾ ആളുകളിൽ ഉണ്ടാക്കിയിരിക്കുന്നത്.മഴ ആണ് അയാൾ സമർത്ഥമായി തന്റെ കൊലപാതകങ്ങൾ മറയ്ക്കാൻ ഉപയോഗിക്കുന്നത്.പോലീസ് കൊലപാതകങ്ങൾ നടക്കുന്ന സ്ഥലത്തിന് അടുത്തുണ്ടായിട്ടും കൊലയാളിയെ കുറിച്ചു ഒരു വിവരവും ലഭിക്കുന്നില്ല!!

    Happy Killers എന്ന കൊറിയൻ ചിത്രത്തിന്റെ ഏകദേശ കഥയാണ്.ഒരു പക്ഷെ കൊറിയൻ സിനിമകളിലെ എക്കാലത്തെയും വലിയ ക്ളീഷേ ആകാം ഈ കഥ.എന്നാൽ ഈ ഒരു കഥയ്ക്ക് പിന്നെയും പിന്നെയും സാധ്യതകൾ വരുമ്പോൾ ആണ് ക്ളീഷേ കഥ ഉള്ള ചിത്രം പോലും പ്രേക്ഷകനെ ആകർഷിക്കുക.സീരിയസ് ആയ കഥയിൽ അൽപ്പം തമാശ,അതു പോലെ ജീവിതം ഒക്കെ ചേർത്ത് ആണ് അവതടിപ്പിച്ചിരിക്കുന്നത്.

  മുഖ്യ കഥാപാത്രങ്ങളായ ജൂനിയർ പോലീസ് ഉദ്യോഗസ്ഥൻ ജിയോങ്-മിൻ പല കാരണങ്ങൾ കൊണ്ടും അസ്വസ്ഥൻ ആണ്.അപ്പോഴാണ് ഈ കൊലപാത കേസ് അയാൾക്കും തല വേദന ഉണ്ടാക്കുന്നത്.മറ്റൊരു കഥാപാത്രമായ യങ്-സൂക്കിന് കുറച്ചും കൂടി വലിയ കഥയാണ് പറയാൻ ഉള്ളത്.കുടുംബ ജീവിതം തകർന്നു,മകൾ പോലും പുച്ഛത്തോടെ നോക്കി കാണുന്ന ഒരു മനുഷ്യൻ.ഈ പരമ്പര കൊലയാളിയും ഈ കേസും ഇവർക്ക് രണ്ടു പേർക്കും ജീവൻ പോലെ വലുതാണ്.അതിനു പിന്നിൽ കാരണങ്ങൾ ഉണ്ട്.ഒരു പക്ഷെ ഇവരെ തമ്മിൽ ജീവിതത്തിൽ ഒരു ഘട്ടത്തിൽ വ്യത്യസ്ത വഴികളിലൂടെ പോകുമ്പോഴും ഒരുമിപ്പിക്കുന്ന ഘടകം.

   ഇടയ്ക്കു ചെറിയ തമാശകളിലൂടെ,അൽപ്പം കണ്ണു നനയിക്കുന്ന കഥാപാത്രം ഒക്കെ ഉണ്ടെങ്കിലും ചിത്രത്തിന്റെ മൊത്തത്തിൽ ഉള്ള മൂഡ് കൊള്ളാമായിരുന്നു.തരക്കേടില്ലാത്ത ഒരു കൊറിയൻ കുറ്റാന്വേഷണ ചിത്രം എന്നു പറയാം.കണ്ടു നോക്കുക!!


More movie suggestions @www.movieholicviews.blogspot.ca

ചിത്രത്തിന്റെ ടെലിഗ്രാം ചാനൽ ലിങ്ക്: t.me/mhviews

1065.Kidnapped(Spanish,2010)

1065.Kidnapped(Spanish,2010)
         Horror,Thriller


        പുതുതായി താമസിക്കാൻ കയറിയ വീട്.അന്ന് രാത്രി മൂന്നു പേർ അടങ്ങുന്ന വീട്ടിൽ രാത്രി ഒരുമിച്ചു ഭക്ഷണം കഴിച്ചിട്ട് മകളോടും ഭർത്താവിനും ഒപ്പം ഭക്ഷണം കഴിച്ചു ഒരു സിനിമ ഒക്കെ കാണാൻ മാർത്തയ്ക്കു ആഗ്രഹം ഉണ്ട്.എന്നത് മകൾക്ക് വേറെ പ്ലാനുകൾ ഉണ്ട്.സുഹൃത്തായ സീസറിനോടൊപ്പം ചിലവഴിക്കാൻ ആണ് അവളുടെ ആഗ്രഹം...

    പക്ഷെ ആഗ്രഹിക്കുന്ന കാര്യങ്ങൾ അല്ലല്ലോ നടക്കുക...അവർക്ക് അന്ന് അപ്രതീക്ഷിതരായ 3 അതിഥികൾ ഉണ്ടായിരുന്നു..അപരിചിതർ ആയവർ....


    സ്ഥിരം സിനിമകൾ ഈ കഥയിൽ നമ്മൾ കണ്ടിട്ടുണ്ട്."Funny Games" ഒക്കെ അതിൽ ക്ലാസിക് ആയി ഉണ്ട് താനും.ഈ സിനിമയും അത്തരം ഒരു മനസ്സോടെ തന്നെ ആണ് കാണാൻ ഇരുന്നതും.എന്നാൽ ക്ളൈമാക്‌സ്..ശരിക്കും shocking എന്നു പറയാം.ഇങ്ങനെ കഥ ഉള്ള ഒരു സിനിമയിൽ അവസാനവും എങ്ങനെ ആകണം എന്നൊക്കെ പ്രേക്ഷകന്റെ മനസ്സിൽ ഉണ്ടാകും എന്ന് തോന്നുന്നു."Miguel Angel Vivas" നു വേറെ പ്ലാനുകൾ ഉണ്ടായിരുന്നു.

   ഇതു നമ്മുടെ ജീവിതത്തിൽ ആണ് സംഭവിച്ചതെങ്കിൽ എന്തു ചെയ്യും എന്ന് ഉള്ള തോന്നൽ ഉണ്ടാക്കിയാൽ അതിനു അല്ലെ പ്രാധാന്യം കൊടുക്കേണ്ടത്.സത്യം പറഞ്ഞത് പ്രേക്ഷകനിൽ സമ്മിശ്ര പ്രതികരണം ആകും സിനിമ ഉണ്ടാക്കുക..നേരത്തെ പറഞ്ഞ രീതിയിൽ ചിന്തിച്ചാൽ എനിക്ക് ഇഷ്ടമായത് പോലെ സിനിമ ഇഷ്ടമാകും.പ്രത്യേകിച്ചും പ്രേക്ഷകന്റെ മനസ്സിനെ അനുസരിച്ചു ഇരിക്കും സിനിമ ഇഷ്ടപ്പെടുക എന്നത്...

താൽപ്പര്യം ഉള്ളവർ കണ്ടു നോക്കുക!!

More movie suggestions @www.movieholicviews.blogspot.ca

   
സിനിമയുടെ ലിങ്ക്: t.me/mhviews