1772. The Ghostwriter (English, 2010)
Thriller, Mystery
⭐⭐⭐⭐/5
ചിലപ്പോഴൊക്കെ കാണണം എന്ന് കരുതി വച്ചിട്ട് എന്തൊക്കെയോ കാരണങ്ങൾ കാരണം കാണാൻ മറന്ന കിടിലം സിനിമകൾ എല്ലാവർക്കും ഉണ്ടാകുമല്ലോ? അങ്ങനെ ഉള്ള കുറേ സിനിമകളിൽ ഒന്നാണ് എനിക്ക് The Ghostwriter. മുൻ ബ്രിട്ടീഷ് പ്രധാനമന്ത്രിയായ ആദം ലാങ്ങിന്റെ ഓർമക്കുറിപ്പുകൾ അദ്ദേഹം ആണ് എഴുതിയത് എന്ന രീതിയിൽ എഴുതാൻ വന്ന ആളാണ്‌ പേരില്ലാത്ത ഒരു പ്രേത എഴുത്തുകാരൻ. എന്നാൽ ആദമിന്റെ കഥയും ആയി മുന്നോട്ട് പോകുമ്പോൾ ആണ് അയാളുടെ കുടുംബ ജീവിതത്തിലും രാഷ്ട്രീയത്തിലും സൗഹൃദത്തിലും എല്ലാം ഉള്ള പ്രശ്നങ്ങൾ എഴുത്തുകാരൻ മനസിലാക്കുന്നത്.
ഇതിന്റെ ഇടയിൽ ആദമിന്റെ പേരിൽ ഭരിച്ചിരുന്ന മാളത്തിൽ ഉണ്ടായ ഒരു സംഭവത്തെ കുറിച്ച് കുറ്റാരോപണം കൂടി വരുന്നു. ഇവിടെ നിന്ന് കഥയുടെ ഗതി തന്നെ മാറുകയാണ്. അധികം ആരും പ്രതീക്ഷിക്കാത്ത രീതിയിൽ ഒരു ട്വിസ്റ്റ് ഉണ്ടാകുന്നു. പക്ഷെ ഇവിടെ പ്രേക്ഷകന്റെ കണ്മുന്നിൽ തന്നെ കഥയുടെ ഗതി മാറുകയാണ്. അത് ക്ലൈമാക്സ്‌ ആകുമ്പോൾ കഥയുടെ ഒരു പോക്കുണ്ട്. മികച്ചത് എന്ന് തന്നെ പറയണം. റോമൻ പൊളൻസ്കി മാജിക് എന്ന് തന്നെ പറയാം. സിനിമ കണ്ടു തന്നെ നോക്കേണ്ടതാണ് ഇതറിയാൻ.
ബെറ്റർ ലേറ്റ് താൻ നെവർ എന്നാണല്ലോ പറയുന്നത്? വൈകി ആണെങ്കിലും The Ghostwriter കാണാൻ സാധിച്ചു. ഒരു മിസ്റ്ററി ത്രില്ലർ എന്ന നിലയിൽ മനസ്സും നിറച്ചു. ഒരു പൊളിറ്റിക്കൽ ത്രില്ലർ ആയിരിക്കും കാണാൻ പോകുന്നത് എന്ന് കരുതിയിരുന്നിടത്തു അതിന്റെ അവസരം മാക്സിമം മുതലെടുത്തു അവസാനം മികച്ച, ഒരു പക്ഷെ പ്രതീക്ഷിക്കാത്ത ഒരു അവസാനവും.
സിനിമ ഭൂരിഭാഗം ആളുകളും കണ്ടിരിക്കും. കാണാത്തവർക്ക് t.me/mhviews1 ൽ ലിങ്ക് ലഭ്യമാണ്.
No comments:
Post a Comment