1193. Good Boys( English,2019)

1193. Good Boys( English,2019)
           Comedy, Adventure

കുട്ടികൾ അവരുടെ പ്രായത്തിൽ തോന്നുന്ന കൗതുകങ്ങൾ ഉണ്ടല്ലോ.പ്രത്യേകിച്ചും ലൈംഗികതയിൽ ഒക്കെ സംശയങ്ങളും തെറ്റിദ്ധാരണകളും ഉള്ള സമയം.ഇവിടെ മൂന്നു ആറാം ഗ്രേഡുകാർക്ക് ആണ് ഈ സംശയങ്ങൾ എല്ലാം.ആദ്യമായി സഹപാഠി നടത്തുന്ന കിസ്സിങ് പാർട്ടിയിൽ പോകാൻ അവർ തയ്യാറെടുക്കുക ആണ്.പക്ഷെ ഒരു പ്രശ്നം ഉണ്ട്.എങ്ങനെ ആണ് ഉമ്മ കൊടുക്കുന്നത് എന്നു അവർക്ക് അറിയില്ല.അവർ അത് അറിയാൻ ശ്രമിക്കുന്നു.ആ ശ്രമങ്ങൾ വലിയ സാഹസികതകളിലേക്ക് ആണ് അവരെ കൊണ്ട് പോകുന്നത്.അതാണ് Good Boys ന്റെ കഥ.

   ചിത്രം പറഞ്ഞു വയ്ക്കുന്ന മറ്റൊന്ന് കൂടി ഉണ്ട്.സൗഹൃദം.അതു പ്രായയത്തിന് അനുസരിച്ചു എങ്ങനെ മാറുന്നു എന്നു.ഒന്നു ആലോചിച്ചു നോക്കിയാൽ ഈ സ്റ്റേജ് എല്ലാം നമ്മുടെ ഒക്കെ ജീവിതത്തിൽ കഴിഞ്ഞതാകും.അന്നുണ്ടായിരുന്ന കൂട്ടുകാർ ആണോ നമുക്ക് ഉള്ളത്.അതോ പലരും അവരുടെ വഴികളിലേക്ക് പോയോ എന്നും.എല്ലാവർക്കും അവരുടേതായ വഴികൾ ഉണ്ട്.അതു മനസ്സിലാകുമ്പോൾ ആ യാത്ര തുടങ്ങും.

  Coming of age മൂവി എന്ന നിലയിൽ ഈ ഒരു വീക്ഷണം സിനിമയിൽ genuine ആയി വന്നൂ.നല്ല രസകരം ആയി തോന്നി അതു.കാനഡയിൽ ഒക്കെ ചിത്രത്തിന്റെ പ്രിന്റ് ഇറങ്ങിയപ്പോൾ നല്ല വിൽപ്പന ഉണ്ടായിരുന്നു ഈ ചിത്രത്തിന്.ശരിക്കും അമേരിക്കൻ സംസ്ക്കാരവും ആയി കൂടി ചേർന്നു പോകുന്ന ഒരു ചിത്രം.

  കാണാൻ താൽപ്പര്യം ഉള്ളവർ കാണുക.

MH Views Rating 3/5

 ചിത്രത്തിന്റെ ടെലിഗ്രാം ചാനൽ ലിങ്ക് t.me/mhviews or @mhviews ൽ ലഭിയ്ക്കും