Sunday, 28 October 2018

964.17 Again(English,2009)



964.17 Again(English,2009)
        Fantasy,Comedy

       മൈക്കിനു അത് നിര്‍ണായകമായ ദിവസം ആയിരുന്നു.സ്ക്കൂളിലെ മികച്ച ബാസ്ക്കറ്റ്ബോള്‍ കളിക്കാരന ആയ മൈക്ക് ,എന്നാല്‍ അന്നത്തെ നിര്‍ണായകമായ മത്സരത്തിനു മുന്‍പാണ് ആ കാര്യം അറിയുന്നത്.പിന്നീട് നമ്മള്‍ കാണുന്നത് ഇരുപതു വര്‍ഷങ്ങള്‍ക്കു ശേഷം ഉള്ള മൈക്കിനെ ആണ്.മൈക്ക് ഏറെ മാറിയിരുന്നു.ഒപ്പം അയാളുടെ ജീവിതവും.പ്രിയപ്പെട്ടത് എല്ലാം ഉപേക്ഷിച്ചു സ്വന്തമാക്കിയ ജീവിതത്തില്‍ അയാള്‍ ഇന്ന് മോശമായ അവസ്ഥയില്‍ ആണ്.അയാള്‍ക്ക്‌ ഒരു രണ്ടാം അവസരം ലഭിക്കുമോ?
       
      'Life Mulligan'  അഥവാ ജീവിതത്തിലെ രണ്ടാം അവസരങ്ങള്‍ പ്രമേയം ആയി വരുന്ന ചിത്രങ്ങള്‍ ഇഷ്ടമില്ലാത്തവര്‍ ആയി അധികം ആളുകള്‍ കാണില്ല.എല്ലാവരുടെ ഉള്ളിലും ഉണ്ടാകാം ഇത്തരത്തില്‍ ജീവിതത്തില്‍ തിരുത്തലുകള്‍ വേണം എന്ന് തോന്നുന്ന സന്ദര്‍ഭങ്ങള്‍.ജീവിതത്തിനു രണ്ടാമതൊരു അവസരം വിരളം  ആയതു കൊണ്ട് തന്നെ ഈ ഒരു പ്രമേയം ഫാന്റസി ആയി എന്നും നിലനില്‍ക്കുമെങ്കിലും സ്ക്രീനില്‍ കഥാപാത്രങ്ങള്‍ക്ക്  ലഭിക്കുന്ന ഇത്തരം അവസരങ്ങള്‍ രസകരമാണ്.

  ഈ വിഭാഗത്തിലെ ക്ലാസിക്കുകളില്‍ ഒന്നായ ,ഫ്രാങ്ക് കാപ്ര അവതരിപ്പിച്ച 'It's A Wonderful Life" ന്‍റെ മറ്റൊരു പതിപ്പായാണ്‌ 17 Again തോന്നിയത്.ഈ ഴോന്രെയിലെ സിനിമകള്‍ എല്ലാം ക്ലീഷേ ഘടകങ്ങള്‍ ഉള്ളതാണെങ്കിലും ജീവിതത്തിലെ അവസരങ്ങള്‍ കണ്ടെത്തുന്നതില്‍ ഉള്ള സാദൃശ്യം വ്യക്തമാണ്,കഥാപാത്രങ്ങളുടെ പ്രായവും മറ്റും പരിഗണിക്കുമ്പോള്‍ എന്നതിനോടൊപ്പം കഥാപാത്രം അവിടെ ഇല്ലെങ്കില്‍ ഉള്ള ശൂന്യത വരുത്തി വയ്ക്കുന്ന മാറ്റങ്ങള്‍ ഇവിടെയും ഉണ്ട്.ദുരൂഹമായി അപ്രത്യക്ഷരായ കഥാപാത്രങ്ങള്‍.മാറ്റം അവര്‍ക്ക് മാത്രമേ ഉള്ളൂ.  എന്നാല്‍ 17 Again മറ്റൊരു പ്രധാന വ്യത്യാസം  കൂടിയുണ്ട്.ഇത്തരത്തില്‍ ഉള്ള  ഫാന്റസിയില്‍  എല്ലാം ശരിയാക്കും എന്ന മിഥ്യാ ധാരണയില്‍ നിന്നും യഥാര്‍ത്ഥ ജീവിതത്തിലെ ചില മാറ്റങ്ങള്‍ മതിയാകുമോ എന്ന് കൂടി ചര്‍ച്ച ചെയ്യുന്നു.ചിത്രത്തിന്‍റെ നല്ല ഒരു വശം ആണിത്.

    സീരിയസ് ആയ പ്രമേയം ആണെങ്കിലും രസകരമായ രീതിയില്‍ ആണ് ചിത്രം അവതരിപ്പിച്ചിരിക്കുന്നത്.സങ്കീര്‍ണമായ രീതി അവലംബിക്കാതെ ,ടീനേജ് റൊമാന്റിക് കോമഡി ആയി വരുന്ന ഭൂരിഭാഗം സീനുകളും രസകരം ആയിരുന്നു.ഈ ഒരു പ്രമേയത്തിന് സിനിമകള്‍ ധാരാളം ഉണ്ടെങ്കിലും അധികം മുഷിപ്പിക്കാതെ മികച്ച രീതിയില്‍ തന്നെ അവതരിപ്പിച്ചിട്ടുണ്ട് സാക് എഫ്രോണ്‍ നായകനായ ചിത്രം.കാണുക!!ഇഷ്ടമാകും!!

ലിങ്ക് എന്റെ ടെലിഗ്രാം ചാനലില്‍ ലഭ്യമാണ്.

Telegram channel link:   t.me/mhviews

 


963.La bestia nel cuore(Italian,2005)


963.La bestia nel cuore(Italian,2005)
        Mystery,Drama

            സ്വപ്നങ്ങളില്‍ ആണ് അവള്‍ അവ്യക്തമായ രംഗങ്ങള്‍ കാണുന്നത്.കുട്ടിയായിരുന്ന അവള്‍,അമ്മ,അച്ഛന്‍,സഹോദരന്‍.ഇവരെല്ലാം അതില്‍ ഉണ്ടായിരുന്നെങ്കിലും അസ്വാഭാവികമായി എന്തോ അതില്‍ തോന്നി തുടങ്ങി.എന്തോ ദുരൂഹത എന്നോ കണ്ടു മറന്ന ആ സംഭവങ്ങള്‍ക്ക് പിന്നിലുണ്ടെന്ന് അവള്‍ക്കു സംശയം തോന്നി.അച്ഛനും അമ്മയും മരിച്ചത് കാരണം ഉത്തരം കണ്ടെത്താന്‍ ഒരു വഴി മാത്രമേ ഉള്ളൂ.അമേരിക്കയില്‍ സ്ഥിര താമസം ആക്കിയ സഹോദരനെ കാണുക.അവളുടേത്‌ എന്ന് അവള്‍ വിശ്വസിക്കുന്ന തന്‍റെ ഭൂതക്കാലം കണ്ടത്താന്‍ അവള്‍ ശ്രമം തുടങ്ങുന്നു.

   ക്രിസ്റ്റീന കൊമെന്‍സിനി എഴുതിയ  ഇതേ പേരില്‍ ഉള്ള നോവലിനെ ആസ്പദമാക്കി അവര്‍ തന്നെ സംവിധാനം ചെയ്ത ചിത്രമാണ് 'La bestia nel cuore' a.k.a Don't Tell.സാധാരണ  രീതിയില്‍ ഉള്ള കുറ്റകൃത്യങ്ങളുടെ പിന്നില്‍ ഉള്ള രഹസ്യങ്ങള്‍ അനാവരണം ചെയ്യുന്ന ചിത്രങ്ങള്‍ ഏറെ ഉണ്ടെങ്കിലും ഈ ഇറ്റാലിയന്‍ ചിത്രം അവതരിപ്പിക്കുന്നത്‌ മനുഷ്യ ജീവിതത്തില്‍,അവരുടെ ബന്ധങ്ങളില്‍ ജീവിത സാഹചര്യങ്ങളില്‍ ഉള്ള ദുരൂഹമായ ചില കാര്യങ്ങളെ കുറിച്ചാണ്.പ്രധാന കഥാപാത്രമായ സബീന മാത്രമല്ല ഇതിലെ കഥാപാത്രങ്ങളില്‍ പലര്‍ക്കും സമാന്തരമായി തന്നെ പ്രാധാന്യമുള്ള പ്ലോട്ടുകള്‍ നല്‍കിയിട്ടുണ്ട്.

  ഫ്രാങ്കോ,എമീലിയ,മരിയ,ഡാനിയേല്‍ എന്നിവര്‍ക്കും അവരുടെ ജീവിതതിന്റെതായ ഓരോ കഥകളുണ്ട്.പ്രത്യേകം ഒരു പ്ലോട്ട് കൊടുത്ത് അസ്വാഭാവികത തോന്നിക്കാത്ത രീതിയില്‍  കഥയില്‍ തന്നെ അവര്‍ക്കും വ്യക്തമായ സ്ഥാനങ്ങള്‍ കൊടുത്തിട്ടും ഉണ്ട്.അല്‍പ്പം സങ്കീര്‍ണമായ കഥയാണ് ചിത്രത്തില്‍.കാരണം ,സാധാരണ രീതിയില്‍ നല്ലത് പോലെ പ്രേക്ഷകനെ ഇത്തരത്തില്‍ ഒരു സാഹചര്യത്തിലേക്ക് കഥാപാത്രങ്ങള്‍ മാറുന്നത് ഉള്‍ക്കൊള്ളാന്‍ എത്ര മാത്രം കഴിയും എന്നത് ചോദ്യമാണ്.നേരത്തെ പറഞ്ഞത് പോലെ ഒരു സ്ഥിരം കുറ്റകൃത്യം അനാവരണം ചെയ്യുന്നത് പോലെ അല്ല ഇത്തരം പ്രമേയങ്ങള്‍ സൃഷ്ടിക്കുന്ന Impact.അല്‍പ്പം ഗൗരവമേറിയ ഒരു മിസ്റ്ററി/ഡ്രാമ ചിത്രം കാണണം എന്ന് ആഗ്രഹം ഉള്ളവര്‍ക്ക് കണ്ടു നോക്കാവുന്ന ഒന്നാണ്.നിരൂപക പ്രശംസ ഏറെ ലഭിച്ച ചിത്രം 78 ആം അക്കാദമി പുരസ്ക്കാരങ്ങങ്ങളില്‍ മികച്ച വിദേശ ചിത്രത്തിനുള്ള നോമിനേഷന്‍ ലഭിച്ചിരുന്നു.

ചിത്രം എന്റെ ടെലിഗ്രാം ചാനലില്‍ ലഭ്യമാണ്.

t.me/mhviews


Saturday, 27 October 2018

962.Den skyldige(Danish,2018)


962.Den skyldige(Danish,2018)
      Thriller,Drama


         താന്‍ അപകടത്തിലാണ് എന്ന് ഉള്ള വിവരം ആണ് ആ സ്ത്രീ അസ്ഗറിനു നല്‍കിയത്.ആരോ അവളുടെ ഒപ്പം ഉണ്ടെന്നും അവള്‍ക്കു മകളോട് മാത്രം സംസാരിക്കാന്‍ അനുവാദം ഉള്ളായിരുന്നു.അത് കൊണ്ട് സൂചനകളിലൂടെ അസ്ഗര്‍ തന്‍റെ ജോലിയില്‍ മുന്നോട്ടു പോയി.അവരുടെ ജീവന്‍ രക്ഷിക്കുക എന്നതായിരുന്നു അയാളുടെ മുഖ്യ ലക്‌ഷ്യം!!എന്നാല്‍....???

     ഡാനിഷ് ചിത്രമായ 'Den skyldige' അഥവാ The Guilty യുടെ മര്‍മ പ്രധാനമായ ഭാഗം ആണിത്.എന്നത്തേയും പോലെ മദ്യപിച്ചും കഞ്ചാവടിച്ചും പോലീസിനെ വിളിച്ചു ശല്യപ്പെടുത്താന്‍ ശ്രമിക്കുന്നവര്‍ അസ്ഗരിനും അന്ന് കുറവല്ലായിരുന്നു.അടുത്ത ദിവസം തന്‍റെ ജീവിതത്തിലെ തന്നെ സുപ്രധാനമായ ഒരു ദിവസം ആയിരുന്നു.അയാളുടെ ഭൂതക്കാലത്തിന്റെ  അവശേഷിപ്പുകള്‍  ആകാം അടുത്ത ദിവസം.എന്നാല്‍ ഇന്ന് 112   എന്ന എമെര്‍ജന്സി നംബറിനും ഇപ്പുറം അയാള്‍ക്ക്‌ വേറെ ഒരു ഉത്തരവാദിത്തം ഉണ്ട്.കുറച്ചു ജീവനുകള്‍ രക്ഷിക്കുക.

    The Call എന്ന ഹാലി ബെറി പടം കണ്ടവര്‍ക്ക് സിനിമ ആ റൂട്ടില്‍ ആണോ പോകുന്നതെന്ന് തോന്നുമ്പോള്‍ ആകാം അപ്രതീക്ഷിതമായത്‌ പലതും സംഭവിക്കുന്നത്‌.ഒരു പക്ഷെ മൂല കഥ അത് പോലെ നിര്‍ത്തി വ്യത്യസ്തമായ ഒരു ട്രീട്മെന്റിലൂടെ കഥാപാത്രങ്ങളെ ശബ്ദങ്ങളിലൂടെ പ്രേക്ഷകന് പരിചയപ്പെടുത്തുന്നു.അവരിലേക്ക്‌ കൂടുതല്‍ ഇറങ്ങി പോകുമ്പോഴും അവരുമായും ഉള്ള കൂടുതല്‍ സംഭാഷണങ്ങളിലൂടെ ഒരു പോലീസ് കണ്ട്രോള്‍ റൂമിന്‍റെ കഥ വികസിക്കാന്‍ ഉള്ള സ്കോപ്പില്‍ നിന്നും വളരെയേറെ മാറിയിരിക്കുന്നു.ഇതില്‍ adventurous ആയ ആക്ഷന്‍ രംഗങ്ങള്‍ ഒന്നും ഇല്ല.പകരം സിനിമ അവസാനിക്കുന്നതിന്റെ അല്‍പ്പം മുന്‍പ് കഥയുടെ സംഭവങ്ങളുടെ യാതാര്‍ത്ഥ്യം മനസ്സിലാകുമ്പോള്‍ ഒരു മരവിപ്പ് ഉണ്ട്.മുന്‍വിധികള്‍ ഇല്ലാതെ സംഭവങ്ങളെ സമീപിക്കാന്‍ മനുഷ്യ മനസ്സ് സമ്മതിക്കില്ല എന്ന് തോന്നി പോകും.

   എന്തായാലും നല്ല Engaging ആയിരുന്നു ചിത്രം.സ്ക്രീനില്‍ നായക കഥാപാത്രവും,പിന്നീട് ഒന്ന് രണ്ടു ആളുകളെയും കാണിക്കുന്നത് ഒഴിച്ചാല്‍ ബാക്കി കഥാപാത്രങ്ങള്‍ എല്ലാം പ്രേക്ഷകന് ശബ്ദം മാത്രം  ആണ്.ഇത്തരത്തില്‍ ഒരു ചെറിയ space ല്‍ ചെയ്ത ചിത്രം എന്നത് കൂടാതെ കതപത്രങ്ങളെയും ഇത്തരത്തില്‍ അവതരിപ്പിച്ചതില്‍ പോലും പിഴവുകള്‍ ഉണ്ടായതായി കണ്ടില്ല.നല്ല ചിത്രമാണ്.കഴിയുമെങ്കില്‍ കാണുക.

ലിങ്ക് എന്റെ ടെലിഗ്രാം ചാനലില്‍ ലഭ്യമാണ്.

t.me/mhviews

Tuesday, 9 October 2018

961.Kolamavu kokila(Tamil,2018)



961.Kolamavu kokila(Tamil,2018)
       Comedy,Thriller

   നയന്‍താര എന്ന 'ലേഡി സൂപ്പര്‍ സ്റ്റാര്‍" ന്‍റെ ജനപ്രീതി മാക്സിമം ഉപയോഗിച്ച് എടുത്ത ചിത്രമാണ് 'കോലമാവ്‌ കോകില'.കോമഡിയുടെ പശ്ചാത്തലത്തില്‍ അവതരിപ്പിച്ച ഈ ത്രില്ലറില്‍.നയന്‍താര എന്ന വലിയ പേരിന്റെ ഒപ്പം പ്രാധാന്യം ഉള്ള കഥാപാത്രങ്ങള്‍ കുറവാണ്.യോഗി ബാബു പോലും നയന്‍സിന്‍റെ നായകനായി എന്ന് പറയുന്നിടത്ത് ആണ് സാധാരണ പുരുഷ കേന്ദ്രീകൃതം ആയ സിനിമയില്‍ അല്‍പ്പം വ്യത്യസ്തത പുലര്‍ത്തുന്നു ഈ കാര്യത്തില്‍.

  അമ്മയുടെ അസുഖത്തിനുള്ള ചികിത്സയ്ക്ക് കാശ് ഉണ്ടാക്കാനായി ഇറങ്ങിയ യുവതിയ്ക്ക് അവിചാരിതമായി വലിയ കള്ളന്മാരുടെ ഇടയില്‍ അകപ്പെടെണ്ടി വരുന്നു.അവളുടെ ബുദ്ധി ഉപയോഗിച്ച് എങ്ങനെ രക്ഷപ്പെടുന്നു എന്നതാണ് ചിത്രത്തിന്റെ പ്രധാന കഥ.തമാശ രൂപത്തില്‍ അവതരിപ്പിച്ച കഥയില്‍ പലപ്പോഴും കഥാപാത്രങ്ങള്‍ ചിരിപ്പിക്കുന്നുണ്ട്.LK,ടോണി എന്നീ കഥാപാത്രങ്ങള്‍ക്ക് ഒപ്പം ശരണ്യയുടെ അമ്മ വേഷവും ചിരിക്കാന്‍ ഉള്ള വക നല്‍കുന്നുണ്ട്.

    മഹത്തരമായ സിനിമ എന്നൊന്നും വിളിക്കാന്‍ ഉള്ള ഒന്നും ഇല്ലെങ്കിലും ടൈം പാസ് ആയി കണ്ടു നോക്കുന്നതില്‍ ഒരു കുഴപ്പവും ഇല്ലാത്ത ഒരു നല്ല ത്രില്ലര്‍ ആണ് 'കോലമാവ്‌ കോകില'

960.Annanukku Jai(Tamil,2018)



960.Annanukku Jai(Tamil,2018)
       Comedy,Thriller


  ധനുഷ് നിര്‍മാതാവായി അട്ടക്കത്തി ദിനേശിനെ വച്ച് 2014 ല്‍ ചെയ്യാന്‍ ഇരുന്ന ചിത്രം പിന്നീട് മുടങ്ങി പോവുകയും ഫോക്സ് സ്റ്റാര്‍ സ്റ്റുഡിയോസ്,വെട്രിമാരന്‍ കോട്ടൂകെട്ടില് റിലീസ് ആയ ചിത്രമാണ് 'അണ്ണനുക്ക് ജയ്'.1989 ല്‍ റിലീസ് ആയ അര്‍ജുന്‍ ചിത്രവുമായി പേരില്‍ ഉള്ള സാദൃശ്യം നിലനിര്‍ത്തി രാഷ്ട്രീയം പ്രമേയം ആക്കിയാണ് ചിത്രം അവതരിപ്പിച്ചിരിക്കുന്നത്.

  നേതാക്കന്മാരുടെ വളര്‍ച്ചയില്‍ ഏറ്റവും വലിയ പങ്കു വഹിക്കുന്ന അണികള്‍ക്ക് എന്ത് സംഭവിക്കുന്നു?അവര്‍ എന്നും രാഷ്ട്രീയ അടിമ ആയി നേതാക്കന്മാരെ സേവിക്കുന്നു.ഇന്ത്യന്‍ രാഷ്ട്രീയത്തിലെ ഇത്തരം ഒരു സ്ഥിരം കാഴ്ചയിലേക്ക് ആണ് സിനിമ സഞ്ചരിക്കുന്നതും.'മട്ട ശേഖര്‍' എന്ന യുവാവ് ഇത്തരത്തില്‍ ബലിയാടാവുകയും അത് അവന്റെ ജീവിതത്തെ എങ്ങനെ മാറ്റിയെന്നും ആണ് കോമഡിയില്‍ അവതരിപ്പിച്ച ഈ കഥയില്‍ ഉള്ളത്.

  വളരെ സിമ്പിള്‍ ആയ കഥ.ഒരു കൂട്ടം ആളുകളെ നിലയ്ക്ക് നിര്‍ത്താന്‍ അല്ലെങ്കില്‍ ശ്രദ്ധ പിടിച്ചു പറ്റാന്‍ കഴിയുന്ന എളുപ്പ വഴി എന്താണ്?പ്രത്യേകിച്ചും ഒരു നേതാവ് എന്ന അര്‍ത്ഥത്തില്‍ ആളുകള്‍ നോക്കി കാണുവാന്‍ എന്താണ് ചെയ്യേണ്ടത്?ചെറിയ ഒരു സസ്പന്‍സ് /ട്വിസ്റ്റും ആയി ചിത്രം അവസാനിക്കുന്നു.വെറുതെ ടൈം പാസിനായി കണ്ടു നോക്കാവുന്ന ഒരു ചിത്രമാണ് 'അണ്ണനുക്ക് ജയ്'

959.New Trial(Korean,2017)



959.New Trial(Korean,2017)
       Crime,Mystery,Drama.


          അമ്മയോട് ഫോണില്‍ സംസാരിച്ചു കൊണ്ട് ബൈക്കില്‍ പോകുമ്പോള്‍ ആണ് അവന്റെ ബൈക്കിന്റെ മുന്നില്‍ ആരോ വന്നു നിന്നത് കണ്ടത്.ബൈക്ക് വെട്ടിച്ചു മാറ്റി അവന്‍ വീണു.പിന്നീട് അവന്‍ മനസ്സിലാക്കുന്നത് അവിടെ ആ സമയത്ത് നടന്ന കൊലപാതക കേസില്‍ അവന്‍ ആണ് പ്രതി എന്നതാണ്.ഒരു ടാക്സി ഡ്രൈവറെ ക്രൂരമായി കൊന്നതിനു ഉള്ള ശിക്ഷ ആയി അവനു 15 വര്‍ഷ തടവും ലഭിച്ചു.

   ഹ്യൂന്‍ -വൂ എന്നാണു അവന്‍റെ പേര്.അമ്മ മാത്രമുള്ള അവന്‍ ഒരു ചെറിയ ബാറില്‍ ജീവനക്കാരന്‍ ആയിരുന്നു.ചെറുപ്പത്തില്‍ തന്നെ ചെയ്യാത്ത കുറ്റത്തിന് എന്ന് അവന്റെ ഭാഷ്യത്തില്‍ പറയുന്ന കേസ് യഥാര്‍ത്ഥ സംഭവങ്ങളെ ആസ്പദം ആക്കിയാണ്."Iksan murder case" എന്ന പേരില്‍ കുപ്രസിദ്ധിയാര്‍ജിച്ച കേസിന്‍റെ പിന്നാമ്പുറങ്ങളിലേക്ക് ആണ് ചിത്രം യാത്ര ചെയ്യുന്നത്.പോലീസിന്റെ അനാസ്ഥയും അത് പോലെ ആ സ്ഥാനത് ഇരിക്കാന്‍ യോഗ്യത ഇല്ലാത്തവരുടെയും ഇടപ്പെടലുകള്‍ ഒരു യുവാവിന്‍റെ ജീവിതം എത്ര മാത്രം മാറ്റി മറിച്ചു എന്ന് ഈ ചിത്രത്തില്‍ കാണാനാകും.നിയമങ്ങളുടെ ആവശ്യകത ശരിക്കും എന്താണ്?അത് നീതി നിര്‍വഹിക്കാന്‍ ഉള്ള ഒരു വഴി ആണോ അതോ ചിലരുടെ വ്യക്തി താല്‍പ്പര്യങ്ങള്‍ക്ക് അനുസരിച്ച് മാറ്റി മറിക്കുന്ന ഒന്നാണോ?

   ഈ സാഹചര്യത്തില്‍ ആണ് അഭിഭാഷകന്‍ ആയ ജൂംഗ് യംഗ് കടന്നു വരുന്നത്.മറ്റൊരു കേസ് നടത്തി കടക്കെണിയില്‍ ആയ അയാളുടെ മുന്നിലേക്ക്‌ അവിചാരിതമായി ആണ് ഈ കേസ് വരുന്നത്.ആ കേസിന് എന്ത് സംഭവിച്ചു എന്ന് 14 വര്‍ഷങ്ങള്‍ക്കു ശേഷം നടക്കുന്ന സംഭവങ്ങളിലൂടെ ആണ് ചിത്രം അവതരിപ്പിച്ചിരിക്കുന്നത്.കേസിന്‍റെ യഥാര്‍ത്ഥ സംഭവങ്ങളിലെ ദുരൂഹത പുറത്തു കൊണ്ട് വരുന്നത് വരെ ഒരു മിസ്റ്ററി സ്വഭാവം നിലനിര്‍ത്താന്‍ ചിത്രത്തിന് കഴിഞ്ഞിട്ടുണ്ട്.പുതിയ വാദങ്ങള്‍ ആ കേസില്‍ വിലമതിക്കണം എങ്കില്‍ തെളിവുകളും പ്രതിയും ഉള്ള വേണം പുതിയതായി.ഒരു കേസിന്‍റെ നാള്‍വഴിയിലൂടെ സഞ്ചരിക്കുന്ന New Trial നല്ല ഒരു കൊറിയന്‍ ചിത്രമാണ്.

ചിത്രത്തിന്റെ ലിങ്ക് എന്റെ ടെലിഗ്രാം ചാനലില്‍ ലഭ്യമാണ്.

  Telegram channel Link: t.me/mhviews
     

Monday, 8 October 2018

958.The Accidental Detective 2: In Action(Korean,2018)


958.The Accidental Detective 2: In Action(Korean,2018)
        Mystery,Thriller.


        ഗര്‍ഭിണിയായ ഭാര്യയുടെ അടുക്കല്‍ നിന്നും പുറത്തു പോയ ആള്‍ പിന്നീട് മരണപ്പെട്ട  നിലയില്‍ റെയില്‍ ട്രാക്കില്‍ കാണപ്പെടുന്നു.പല കാരണങ്ങള്‍ കൊണ്ടും പോലീസ് കേസ് അന്വേഷണം അവസാനിപ്പിക്കുന്നു.എന്നാല്‍ മരിച്ച ആളുടെ ഭാര്യയ്ക്ക് സംഭവങ്ങളില്‍ ദുരൂഹത തോന്നുന്നു.കാരണം അയാളുടെ മൊബൈലിലേക്ക് വന്ന

   'The Accidental Detective' രണ്ടാം ഭാഗം വരുമ്പോള്‍ ദേ-മാനും ടെ-സൂവും സ്വന്തമായി കുറ്റാന്വേഷണ ഏജന്‍സി ആരംഭിച്ചിരിക്കുന്നു.കുറെ ഏറെ പ്രതീക്ഷകളോടെ തുടങ്ങിയ പുതിയ സംരംഭം എന്നാല്‍ പ്രതീക്ഷിച്ച അത്ര മുന്നോട്ടു പോയില്ല.കൊറിയയില്‍ സ്വകാര്യ കുറ്റാന്വേഷണ ഏജന്‍സികള്‍ക്ക് പ്രവര്‍ത്തിക്കുവാന്‍ ഉള്ള അനുമതി കൊടുക്കാത്തത് കൊണ്ട് തന്നെ അവരുടെ വഴി ദുര്‍ഘടം ആക്കി.

    ദെ-മാന്‍ തന്‍റെ കോമിക് ബുക്ക് സ്റ്റോര്‍ ഓക്കെ ഭാര്യ അറിയാതെ വിറ്റ് ആണ് പുതിയ സംരംഭം തുടങ്ങിയത്.സ്വന്തം സ്വപ്നം സാക്ഷാത്കരിക്കാന്‍ തന്നെ ആണ് അയാളുടെ ശ്രമം.ആദ്യ ഭാഗത്തില്‍ അയാള്‍ അതിന്റെ അടുത്ത് എത്തുകയും ചെയ്തു.അത് പോലെ ഇത്തരം ഒരു സംരംഭത്തിന്റെ സാധ്യതകള്‍ പഠിക്കാന്‍ ശ്രമിക്കുക ആണ് ടെ-സൂവും.തന്‍റെ പോലീസ് കരിയറില്‍ നിന്നും ഒഴിവെടുത്തു അയാളും ഇതിന്റെ കൂടെ ഉണ്ട്..എന്തായാലും വെറും സംശയങ്ങളുടെ പേരില്‍ കേസ് പുനരന്വേഷിക്കാന്‍ പോലീസ് തയ്യാറാകാത്തതും,അതിനൊപ്പം പുതുതായി വന്ന പോലീസ് ക്യാപ്റ്റന്റെ നിലപാടും തുടക്കത്തില്‍ അവര്‍ക്ക് ബുദ്ധിമുട്ട് ഉണ്ടാക്കുന്നു.ഈ സംഭവങ്ങളുടെ ദുരൂഹത എങ്ങനെ അഴിയുന്നു എന്നതാണ് ചിത്രത്തിന്റെ പ്രമേയം.

    ആദ്യ ഭാഗത്തിലെ പോലെ തന്നെ കോമഡി പശ്ചാത്തലത്തില്‍ ആണ് ചിത്രം അവതരിപ്പിച്ചിരിക്കുന്നത്.അത് കുഴപ്പമില്ലാതെ workout ചെയ്തിട്ടും ഉണ്ട്.കൊറിയന്‍ കൊമേര്‍ഷ്യല്‍ സിനിമകളുടെ ഭാഗം ആയി അവതരിപ്പിച്ച സിനിമ നന്നായി തന്നെ അവതരിപ്പിച്ചിട്ടും ഉണ്ട്.കൊറിയന്‍ സിനിമ ആരാധകര്‍ക്ക് കണ്ടു നോക്കാവുന്ന ഒന്ന് ആണ് ഈ രണ്ടാം ഭാഗം.

സിനിമയുടെ ലിങ്ക് എന്റെ റെളിഗ്രം ചാനലില്‍ ലഭ്യമാണ്.

t.me/mhviews

957.Imaikka Nodigal(Tamil,2018)



957.Imaikka Nodigal(Tamil,2018)
       Mystery,Thriller.


   നഗരത്തില്‍ വീണ്ടും രുദ്ര എന്ന സീരിയല്‍ കില്ലറുടെ സാന്നിധ്യം ഉണ്ടാകുന്നു.അയാളുടെ Modus Operandi അത് പോലെ പിന്തുടരുന്ന ഒരു സീരിയല്‍ കില്ലര്‍.രുദ്ര സി ബി ഐ Encounter ല്‍ മരിച്ചു എന്നതാണ് ലോകത്തിനു അയാളെ കുറിച്ചുള്ള വിവരം.എന്നാല്‍ രുദ്ര എന്ന് പറഞ്ഞു വന്ന ആള്‍,ആദ്യ സി ബി ഐ കള്ളം പറഞ്ഞത് ആണെന്നും അയാള്‍ കൊല്ലപ്പെട്ടില്ല എന്നും ലോകത്തെ അറിയിക്കുന്നു.കുറ്റാന്വേഷണ വിദഗ്ധര്‍ ഒരു "കോപ്പി ക്യാറ്റ്" കൊലയാളിയെ ആണ് ഇവിടെ പ്രതീക്ഷിക്കുന്നത്.എന്നാല്‍ ഇതിന്റെ പിന്നിലെ രഹസ്യം എന്താണ്?രുദ്ര ശരിക്കും മരണപ്പെട്ടുവോ?

   2018 ലെ മികച്ച ഹിറ്റുകളില്‍ ഒന്നാണ് വലിയ ഒരു താര നിരയുമായി വന്ന "ഇമയ്ക്കാ നൊടികള്‍".നയന്‍താര,വിജയ്‌ സേതുപതി,അഥര്‍വ,അനുരാഗ് കശ്യപ് തുടങ്ങിയവര്‍ പ്രധാന കഥാപാത്രങ്ങളെ അവതരിപ്പിച്ച ചിത്രം typical കുറ്റാന്വേഷണ കഥയുടെ രീതിയില്‍ ആണ് പോകുന്നത്.അവിടെ നിന്നും തുടരെ ട്വിസ്റ്റുകള്‍ നല്‍കി ത്രില്ലര്‍ സിനിമ സ്നേഹികളെ എല്ലാ വിധത്തിലും ആകര്‍ഷിക്കാന്‍ കഴിഞ്ഞിട്ടുണ്ട്.'ഹിപ് ഹോപ്‌ തമിഴയുടെ' പാട്ടുകളും കൂടി ചേരുമ്പോള്‍ നല്ലൊരു മിസ്റ്ററി കൊമേര്‍ഷ്യല്‍ ത്രില്ലര്‍ എന്ന നിലയില്‍ ചിത്രം വിജയമാണ്.

   എല്ലാ സിനിമയിലും അപ്രതീക്ഷിതമായ കഥാഗതി ആണ് ഇന്ന് പ്രേക്ഷകന്‍ തേടുന്നത്.വിദേശ ചിത്രങ്ങളുടെ സ്വാധീനം ഉണ്ടായിരുന്നിരിക്കാം അതില്‍.ആ താല്‍പ്പര്യങ്ങളെ വില മതിക്കുന്ന ചിത്രങ്ങള്‍ ധാരാളം ഉണ്ടാകുന്നത് സിനിമ വ്യവസായത്തിനും ശക്തിയേകും.ധാരാളം നിരൂപണങ്ങള്‍ വന്ന ചിത്രത്തെക്കുറിച്ച് കൂടുതല്‍ ഒന്നും പറയാനില്ല.കാണാത്തവര്‍ ഉണ്ടെങ്കില്‍ കാണുക.

956.Raja Ranguski(Tamil,2018)



956.Raja Ranguski(Tamil,2018)
        Mystery,Thriller.

        ഒരു മധ്യവയസ്ക്കയുടെ കൊലപാതകം പോലീസ് അന്വേഷിച്ചു തുടങ്ങുന്നു.എന്നാല്‍ അതുമായി നേരിട്ട് ബന്ധം ഉണ്ടാകാന്‍ സാധ്യത ഉള്ള ഒരാളുണ്ട്.അയാള്‍ ഒരു പോലീസ് കോണ്‍സ്റ്റബിള് ആണ്.എന്നാല്‍ അന്നത്തെ രാത്രിയില്‍ നടന്ന സംഭവങ്ങളിലേക്ക് നയിച്ച ധാരാളം കാര്യങ്ങള്‍ ഉണ്ട്.ഒരു അജ്ഞാത ഫോണ്‍ കോള്‍.ഒരു തമാശയ്ക്ക് തുടങ്ങിയ ഫോണ്‍ കോള്‍ അയാളുടെ ജീവിതത്തെ മുഴുവന്‍ എങ്ങനെ സ്വാധീനിക്കുന്നു എന്ന് അറിയാന്‍ ചിത്രം കാണുക.

     തമിഴ്‌ സാഹിത്യലോകത്തിലെ സാധാരണക്കാരുടെ ആവാസ സ്ഥലം ആണ് നമ്മുടെ ബാലരമയുടെ സൈസില്‍ ഉള്ള ചെറിയ കുറ്റാന്വേഷണ നോവലുകള്‍.അതില്‍ എല്ലാം വരും.ഒരു സിനിമ പോലെ.നായകന്‍,നായിക,പ്രണയം,കൊലപാതകം.കുറ്റാന്വേഷണ വിദഗ്ധന്‍ എന്ന് വേണ്ട ഒരു സാധാരണ മസാല തമിഴ്‌ ചിത്രത്തിന് വേണ്ടതെല്ലാം അവിടെ ഉണ്ട്.തുടക്കത്തില്‍ കൊറിയന്‍ സിനിമകള്‍ കണ്ടു തുടങ്ങുമ്പോള്‍ തമിഴ്‌ സിനിമയ്ക്ക് കഥാപരമായി ഇങ്ങനെ ഒരു സാധ്യത ഉണ്ടാകാന്‍ കഴിയുമല്ലോ എന്ന് തോന്നിയിട്ടുണ്ട്.ഇന്ത്യയില്‍ ബംഗാളി സിനിമയില്‍ ആകും ഇത്തരത്തില്‍ ഉള്ള കഥയും കഥാപാത്രങ്ങളും സിനിമ ആയി കൂടുതലും വന്നിട്ടുണ്ടാവുക.തമിഴ്‌ സിനിമയിലെ ' സുജാത '  ഒക്കെ ഈ രംഗത്തിലെ ഇതിഹാസം ആണ്.അദ്ദേഹത്തിന് ഉള്ള Tribute ആയും ആണ് ഈ ചിത്രം അവതരിപ്പിച്ചിരിക്കുന്നത്.

   സിനിമയുടെ കഥയും ആ രൂപത്തില്‍ ആണ് പോകുന്നത്.ഇത്തരത്തില്‍ ഉള്ള കഥകളില്‍ പലപ്പോഴും ഉള്‍പ്പെടുത്തുന്ന force ആയുള്ള ട്വിസ്റ്റും ഇവിടെ ഉണ്ട്.ഒരു പരാമര്‍ശം പോലും ഇല്ലാതെ ക്ലൈമാക്സിലേക്ക് വേണ്ടി കാത്തു വച്ച മിസ്റ്ററി ആകും അതും.അത് ഇത്തരത്തില്‍ ഉള്ള കുറ്റാന്വേഷണ കഥയിലെ ക്ലീഷേ ഫാക്റ്റര്‍ ആണെന്ന് തോന്നിയിട്ടും ഉണ്ട്.നായകന്‍റെ നിര്‍വികാരത ആണ് സിനിമയിലെ ഏറ്റവും വലിയ കല്ലുകടി.അത് മാറ്റി നിര്‍ത്തിയാല്‍ ആ ഒരു മിസ്റ്ററി പ്രതീക്ഷിച്ചു ഇരുന്നാല്‍ തരക്കേടില്ലാത്ത ഒരു നല്ല മിസ്റ്ററി ചിത്രമാണ് "രാജ രംഗുസ്ക്കി"

955.Vanjagar Ulagam(Tamil,2018)


955.Vanjagar Ulagam(Tamil,2018)
       Mystery,Crime,Thriller

    മദ്യപിച്ചു ലക്ക് കെട്ടുറങ്ങിയ ശ്യാമിനെ അന്വേഷിച്ചു രാവിലെ പോലീസ് എത്തുമ്പോള്‍ ആണ് അവന്‍ ആ വാര്‍ത്ത അറിയുന്നത്.വീടിന്റെ എതിര്‍വശത്ത് താമസിക്കുന്ന സ്ത്രീയെ ആരോ കൊലപ്പെടുത്തിയിരിക്കുന്നു.പൊലീസിന്‍റെ മുന്നിലെ പ്രതി ശ്യാം ആണ്.എന്നാല്‍ തലേ ദിവസം മദ്യപിച്ചു കിടന്നുറങ്ങിയ അവനു അന്ന് രാത്രി നടന്ന സംഭവങ്ങളൊന്നും ഓര്‍മയും ഇല്ല.

     'വഞ്ചകര്‍ ഉലകം' എന്ന തമിള്‍ ചിത്രത്തിന്റെ ആരംഭം ഇതിലാണ്.എന്നാല്‍ ഈ ഒരു സംഭവത്തില്‍ നിന്നും ചിത്രം വളരെയേറെ മുന്നോട്ടു പോകുന്നു.പ്രധാനമായും കഥാപാത്രങ്ങള്‍ ധാരാളം കഥയിലേക്ക് കടന്നു വരുന്നു.ഇടയ്ക്ക് മൂല കഥ എന്ന് വിചാരിച്ചിരുന്ന സ്ഥലത്ത് നിന്നും കഥ ധാരാളം മാറി പോയതായി പ്രേക്ഷകന് തോന്നും.ഇടയ്ക്ക് ഒരു സമയം ദുരൈ എന്ന ആളെ അന്വേഷിച്ചു കഥ മുന്നോട്ടു പോകുമ്പോള്‍ അത് ഗ്യാങ്ങ്സ്ട്ടര്‍ സിനിമ ആയും മാറുന്നു.ഈ സമയം എല്ലാം തുടക്കത്തില്‍ പറഞ്ഞ കഥ ദുരൂഹമായി തുടരുന്നു.

  ഇതിലെ ഓരോ കഥപാത്രവും ദുരൂഹത ഏറെ ഉള്ളവര്‍ ആണ്.അത് കൊണ്ടൊക്കെ അവരുടെ കഥകള്‍ക്ക് പ്രാധാന്യം കൊടുക്കേണ്ട ആവശ്യവും ഉണ്ടായിരുന്നു.പലപ്പോഴും വില്ലന്‍/പ്രതി എന്ന് സംശയിക്കുന്ന ആള്‍ ആരാണെന്ന് ഉള്ള ചോദ്യം ഉണ്ടാവുക സ്വാഭാവികം.ഇതില്‍ നിന്നും എല്ലാം മാറി ആണ് ചിത്രത്തിലെ കഥാപാത്രങ്ങള്‍ക്ക് പുതിയ മാനങ്ങള്‍ നല്‍കി വയലന്‍സ് എല്ലാം കൂട്ടി ചേര്‍ത്ത് അസ്വാഭാവികം എന്ന് ആ അവസരത്തില്‍ പ്രേക്ഷകനെ ചിന്തിപ്പിക്കുന്ന കഥയുമായി ചിത്രം അവസാനിക്കുന്നു.ആ ഒരു സന്ദര്‍ഭത്തില്‍ മാത്രം ആണ് ചിത്രത്തെ ചുറ്റിപ്പറ്റി ഉള്ള ദുരൂഹത അവസാനിക്കുന്നത്‌.

  കഥാപാത്രങ്ങളുടെ ബാഹുല്യം സിനിമയുടെ ദൈര്‍ഘ്യം കൂട്ടിയതായി തോന്നിയെങ്കിലും അവസാന അര മണിക്കൂര്‍ പ്രതീക്ഷകളെ മൊത്തം മാറ്റി മറിച്ചു.ഗുരു സോമസുന്ദരത്തിന്റെ മികച്ച ഒരു വേഷം ആയിരുന്നു ഈ ചിത്രത്തിലെ സമ്പത്ത്.മികച്ച അഭിനേതാക്കളുടെ കൂട്ടത്തില്‍ ഗുരുവിന്റെ പേരും ഒട്ടും സംശയിക്കാതെ ഉള്‍പ്പെടുത്താം എന്ന് അടിവരയിടുന്നു ഈ ചിത്രം.

954.The Passengers(English,2008)


954.The Passengers(English,2008)
       Mystery,Drama.


    ക്ലെയര്‍ ഒരു മനശാസ്ത്ര വിദഗ്ധ ആണ്.ഒരു വലിയ പ്ലെയിന്‍ അപകടത്തിനു ശേഷം ജീവിച്ചിരുന്ന കുറച്ചു പേര്‍ക്ക് വേണ്ടി അവളെ കൌണ്‍സിലിംഗിനു നിയോഗിക്കുന്നു.അല്‍പ്പ ദിവസത്തിന് ശേഷം ആണ് അവള്‍ ആ രഹസ്യം മനസ്സിലാക്കിയത്.തന്‍റെ അടുക്കല്‍ ഗ്രൂപ്പ് കൌണ്‍സിലിംഗിനു വന്നവരെ ഓരോരുത്തര്‍ ആയി കാണുന്നില്ല.രണ്ടാമത്,അജ്ഞാതന്‍ ആയ ഒരാള്‍ അവരില്‍ പലരെയും പിന്തുടരുന്നു.ക്ലെയരിനും ചില സംശയങ്ങള്‍ തോന്നി തുടങ്ങുന്നു.


  'The Passengers' എന്ന സിനിമയുടെ പ്രമേയം ആണ് മുകളില്‍ ചുരുക്കത്തില്‍ അവതരിപ്പിച്ചത്.ഓരോ കഥാപാത്രങ്ങളിലൂടെയും വികസിക്കുന്ന ചിത്രം തുടക്കം മുതല്‍ ഒരേ വേഗത ആണ് സ്വീകരിച്ചത്.എന്നാല്‍ ഇടയ്ക്കിടയ്ക്ക് വരുന്ന നിഗൂഡമായ സൂചനകള്‍ നല്ലൊരു ത്രില്ലര്‍ ചിത്രത്തിലേക്ക് വിരല്‍ ചൂണ്ടി.എന്നാല്‍ പിന്നീട് കൂടുതല്‍ സ്ഥലം ഒരു പ്രണയ കഥയ്ക്ക്‌ വേണ്ടി മാറ്റുകയും ചെയ്യുന്നു.അവസാനം ചിത്രം ആദ്യം അവതരിപ്പിച്ച കഥപാത്രങ്ങളുടെ മറ്റൊരു വശം കൂടി അവതരിപ്പിച്ചു കൊണ്ട് ഒരു ചെറിയ ട്വിസ്ട്ടോടെ അവസാനിക്കുന്നു.

    ഒരു ത്രില്ലര്‍ ആക്കാന്‍ ഉള്ള കഥാ സന്ദര്‍ഭങ്ങള്‍ ഉണ്ടെങ്കിലും അത് കഥാപാത്രങ്ങളിലൂടെ അവതരിപ്പിക്കാന്‍ ശ്രമിച്ചത്‌ കാരണം പലപ്പോഴും ആ ഒരു സാധ്യത ഈ സിനിമയില്‍ ഉപയോഗിച്ചതായി കണ്ടില്ല.ക്ലൈമാക്സ് ട്വിസ്റ്റ് ഓക്കെ പലപ്പോഴും വേറെ ചിത്രങ്ങളില്‍ കണ്ടത് കൊണ്ട് തന്നെ അത്ര വലിയ ഞെട്ടല്‍ ഉണ്ടാക്കുന്നും ഇല്ല.സിനിമ പരാജയപ്പെട്ടു പോയ ചില സന്ദര്‍ഭങ്ങള്‍ ആണ് ഇത്.പ്രത്യേകിച്ചും തരക്കേടില്ലാത്ത ഒരു പ്രമേയവും നല്ല അഭിനേതാക്കളും എല്ലാം ഉണ്ടായിരുന്നെങ്കിലും ആ സാധ്യത വലിയ രീതിയില്‍ ഉപയോഗിക്കാന്‍ സാധിച്ചിരുന്നെങ്കില്‍ മികച്ച സിനിമകളുടെ ഇടയില്‍ സ്ഥാനം പിടിക്കുമായിരുന്നു.എങ്കില്‍ കൂടിയും തരക്കേടില്ലാത്ത ഒരു ചിത്രമായി ആണ് The Passengers അവസാനിച്ചത്‌.

ചിത്രത്തിന്റെ ലിങ്ക് എന്റെ ടെലിഗ്രാം ചാനലില്‍ ലഭ്യമാണ്.

  t.me/MHviews

   

953.Super Dark Times(English,2017)


953.Super Dark Times(English,2017)
       Drama,Thriller.

     കുറച്ചു സുഹൃത്തുകള്‍ തമ്മില്‍ എന്നത്തേയും പോലെ  സമയം ചിലവഴിക്കുക്കുമ്പോള്‍ ആണ് ഒരു ദുരന്തം പോലെ ആ സംഭവം ഉണ്ടാകുന്നത്.അപകടം ആയിരുന്നു അതിന്റെ മൂല കാരണം എങ്കിലും അവരുടെ പ്രായം ഒരു പ്രശ്നം ആയിരുന്നു.ടീനേജില്‍ ഉള്ള ആണ്‍ക്കുട്ടികള്‍.അവര്‍ക്ക് പരിമിതികള്‍ ഏറെ ആണ്.പ്രധാനമായും ഇപ്പോഴത്തെ സോഷ്യല്‍ മീഡിയ ലോകത്തില്‍ നിന്നും അകന്നു നില്‍ക്കുന്ന കാലഘട്ടം.തൊണ്ണൂറുകളുടെ തുടക്കം ഉള്ള അമേരിക്ക!!അന്നത്തെ സംഭവങ്ങള്‍ മറ്റു പലതിനും തിരി കൊളുത്തി തുടങ്ങി.കൂടുതല്‍ അപകടകരമായ വഴികളിലൂടെ.

    "Stranger Things" പാകിയ വഴികളിലൂടെ അവതരിപ്പിക്കുന്ന അമേരിക്കന്‍-ടീനേജ് സിനിമകള്‍ കൂടുതലും ആ ഒരു കാലഘട്ടത്തിന്റെ ഇരുണ്ട വശം ആണ് കൂടുതലും തേടി പോകുന്നതെന്ന് തോന്നുന്നു.കൂടുതലും നിഷ്ക്കളങ്കര്‍ അയ ഒരു തലമുറ.ആധുനിക ആശയ വിനിമയ ഉപാധികള്‍ ഇല്ലാത്തതു കൊണ്ട് തന്നെ കൂടുതല്‍ ചുരുങ്ങിയ ലോകം.ആ കാലഘട്ടത്തില്‍ ജീവിച്ചിരുന്നവര്‍ക്ക് നല്ല ഓര്‍മ്മകള്‍ നല്‍കും പലതും.

   Super Dark Times അവതരിപ്പിക്കുന്ന സന്ദര്‍ഭങ്ങള്‍ ഭയത്തിന്റെയും രക്തത്തിന്റെയും ആണ്.നേരത്തെ പറഞ്ഞത് പോലെ പ്രായം കാരണം തങ്ങള്‍ ചെയ്യേണ്ടത് എന്താണ് എന്ന് മനസ്സിലാകാതെ പെരുമാറേണ്ടി വരുന്ന സമൂഹത്തിലെ മിഡില്‍ ക്ലാസ് യുവാക്കള്‍.ചെറിയ ഒരു ടൌണ്‍.ഇതൊക്കെ ആണ് സിനിമയുടെ പ്രധാന പശ്ചാത്തലവും.എന്നാല്‍ അവസാനം ആകാറാകുമ്പോള്‍ ചിത്രത്തിലെ കഥാപാത്രങ്ങള്‍ക്ക് ഉണ്ടാകുന്ന മാറ്റം.അത് ഇതു തലമുറയ്ക്കും മനസ്സിലാകുന്ന ഒന്നാണ്.

  വളരെയധികം elaborate ചെയ്യാന്‍ ഉള്ള ഒരു കഥ ഇല്ലെങ്കിലും ഒരു കാലഘട്ടത്തിന്റെ മറ്റൊരു പ്രതിനിധികള്‍ ആയി വരുന്ന കഥാപാത്രങ്ങളും സംഭവങ്ങളും എല്ലാം നന്നായി തോന്നി.ഇറങ്ങിയ സമയത്ത് നല്ല രീതിയില്‍ സംസാര വിഷയം ആയ ചിത്രമായിരുന്നു Super Dark Times.താല്‍പ്പര്യമുള്ളവര്‍ക്ക് കണ്ടു നോക്കാവുന്ന ഒന്ന്.

ലിങ്ക് എന്റെ ടെലിഗ്രാം ചാനലില്‍ ലഭ്യമാണ്.

  t.me/MHviews

952.Hurok(Hungarian,2016)



952.Hurok(Hungarian,2016)
       Mystery,Thriller,Fantasy.

        ദെസ്സോയുടെ അടുക്കല്‍ നിന്നും രക്ഷപ്പെട്ടു വരുന്ന വഴിക്ക് ആണ് ആദം അന്നയെ കാണുന്നത്.എന്നാല്‍ അല്‍പ്പം മുന്‍പ് ആദം മരിച്ച് കിടക്കുന്നത് താന്‍ കണ്ടത് ആണെന്നും അയാളെ ഇപ്പോള്‍ ജീവനോടെ കണ്ടത്തില്‍ സന്തോഷമുണ്ടെന്നും അവള്‍ പറയുമ്പോള്‍ ആണ് ആ അപകടം സംഭവിക്കുന്നത്‌.അന്ന പറഞ്ഞതില്‍ എന്തെങ്കിലും സത്യമുണ്ടോ?അവളുടെ തോന്നല്‍ ആയിരുന്നോ ആ സംഭാഷണം?

    "Hurok" എന്ന ഹംഗേറിയന്‍ ചിത്രം പരിചയപ്പെടുത്തുന്നത് അല്‍പ്പം സങ്കീര്‍ണം ആയ ഒരു കഥയാണ്.കഥയുടെ ചുരുക്കം സിനിമയുടെ ഇംഗ്ലീഷ് പേരില്‍ ഉണ്ട്."Loop".അതെ ഇതൊരു ടൈം ലൂപ് ചിത്രമാണ്.'Timecrimes' ഒക്കെ പോലത്തെ ഇത്തരം ധാരാളം ചിത്രങ്ങള്‍ കണ്ടിട്ടുണ്ടാകും.ഈ സിനിമയും അതില്‍ നിന്നും അധികം വിഭിന്നം അല്ല.പക്ഷെ ഈ ഒരു പ്രക്രിയയില്‍ നിന്നും കഥ വികസിക്കുമ്പോള്‍ അധികം ശാസ്ത്ര പരിജ്ഞാനം ഉള്ള കഥാപാത്രങ്ങള്‍ അല്ലാത്തത് കൊണ്ടാകും അവരുടെ വികാരങ്ങള്‍ കൂടി ഈ സംഭവങ്ങളെ സ്വാധീനിക്കുന്നുണ്ട്.

   എന്നാല്‍ ക്ലൈമാക്സിലേക്ക് എത്തുമ്പോള്‍ മാത്രം വെളിവാകുന്ന ദുരൂഹതയുണ്ട്.അത് ആ ലൂപ് എവിടെ നിന്നും തുടങ്ങിയത് ആണെന്നുള്ള ചോദ്യങ്ങള്‍ക്ക് പോലും വ്യക്തമായ മറുപടി പ്രേക്ഷകന് നല്‍ക്കാതെ കൂടുതല്‍ കഥാപരമായി ഉള്ള സങ്കീര്‍ണത കൂട്ടുക ആണ്.സിനിമയുടെ കഥയും പലപ്പോഴും അങ്ങനെ ആണ്.ആദം പല രീതിയില്‍ ഉള്ള മാറ്റങ്ങള്‍ ആ സമയങ്ങളില്‍ പരീക്ഷിക്കുമ്പോള്‍ പക്ഷെ അതിനെ തടഞ്ഞു നിര്‍ത്താന്‍ ഉള്ള വഴി കണ്ടു പിടിക്കാന്‍ അത്ര സാമര്‍ത്ഥ്യം കാണിക്കുന്നതും ഇല്ല.പലപ്പോഴും പലരിലും പ്രേക്ഷകന് ദുരൂഹതകള്‍ തോന്നുക സ്വാഭാവികവും.പലപ്പോഴും കുരുങ്ങി കിടക്കുന്ന നൂലിന്റെ അറ്റം കണ്ടു പിടിക്കാന്‍ ഉള്ള ശ്രമം ആണ് ആദം നടത്തുന്നത് എന്നാണു പ്രേക്ഷകന് തോന്നുക.അടിസ്ഥാനപരമായി ഇത്തരം ഒരു പ്രക്രിയ അവസാനിക്കണമെങ്കില്‍ ഈ പ്രക്രിയയില്‍ മാറ്റങ്ങള്‍ വരണം.മാറ്റങ്ങള്‍ വരുത്താന്‍ ഉള്ള സാഹചര്യവും ഉണ്ട്.

    മികച്ച ഒരു സിനിമ അനുഭവം ആയാണ് 'Hurok' അനുഭവപ്പെട്ടത്.പെട്ടെന്ന് തന്നെ മുഖ്യ കഥയിലേക്ക് പോവുകയും മികച്ച ആഖ്യാന രീതിയും എല്ലാം ചിത്രം മികച്ചതാക്കി മാറ്റി.ടൈം ലൂപ് സിനിമകള്‍ താല്‍പ്പര്യം ഉള്ളവര്‍ക്ക് നല്ലൊരു അനുഭവം ആകും ഈ ഹംഗേറിയന്‍ ചിത്രം.

ചിത്രത്തിന്റെ ടെലിഗ്രാം ലിങ്ക് എന്റെ ചാനലില്‍ ലഭ്യമാണ്.

t.me/MHviews

951.Killing Ground(English,2016)


951.Killing Ground(English,2016)
       Thriller,Horror

         അവധിക്കാലം ആഘോഷിക്കാന്‍ പോകുന്ന നായകനും നായികയും.വിജനമായ സ്ഥലത്ത് ടെന്റ് ഉണ്ടാക്കി താമസിക്കുന്നു.വില്ലന്മാര്‍ വരുന്നു.ശുഭം!!

   മേല്‍പ്പറഞ്ഞ കഥകള്‍ പ്രമേയമായി ധാരാളം സിനിമകള്‍ വന്നിട്ടുള്ളത് കൊണ്ട് തന്നെ ക്ലീഷേ ആണെന്ന് ഒരു തോന്നല്‍ ഉണ്ടാകുന്നതില്‍ കുറ്റം പറഞ്ഞിട്ട് കാര്യമില്ല.പ്രവചനാത്മകമായ കഥകളില്‍ അവതരിപ്പിക്കുന്ന സംഭവങ്ങളുടെ മേന്മ മാത്രമാകും ഇത്തരം ചിത്രങ്ങളില്‍ അല്‍പ്പം താല്‍പ്പര്യം ഉണ്ടാക്കാന്‍ സാധിക്കുക.Killing Ground ന്റെ അണിയറ പ്രവര്‍ത്തകര്‍ അതിനായി ഒരു ശ്രമം നടത്തിയിട്ടുണ്ടെന്നാണ് സിനിമ കണ്ടു കഴിഞ്ഞപ്പോള്‍ തോന്നിയത്.

  ആദ്യമായി സമാന്തരമായി അവതരിപ്പിക്കുന്ന രണ്ടു കഥകള്‍.ദുരൂഹത ഉണര്‍ത്തുന്ന അടുത്തുള്ള ടെന്റ്.അവിടെ എന്തും ചിന്തിക്കാന്‍ ഉള്ള സ്ക്കോപ്പ് ഉണ്ട്.ഒരു ടൈം ട്രാവല്‍ ചിത്രം ആയി വരെ കരുതാം.അതില്‍ നിന്നും കഥയ്ക്ക് ആവശ്യമായ രീതിയില്‍ സംഭവങ്ങള്‍ അവതരിപ്പിക്കുമ്പോള്‍ ചിത്രത്തിന് അല്‍പ്പം പുതുമ ഉള്ളതായി കാണാം.ഇനി ഉള്ളത് സംഭവങ്ങളിലെ യാതാര്‍ത്ഥ്യങ്ങളോട് ഇഴകി ചേര്‍ന്നിരിക്കുന്ന അവതരണ രീതി ആണ്.

  ഇത്തരം ഒരു തീമില്‍ നിന്നും പ്രതീക്ഷിക്കാവുന്ന അത്യാവശ്യം ഹൊറര്‍ കൂടി ചേരുമ്പോള്‍ സിനിമ തരക്കേടില്ലാത്ത അനുഭവം ആണ്.ക്ലൈമാക്സിലെ സംഭവങ്ങള്‍ യാതാര്‍ത്ഥ്യങ്ങളോട് കൂട്ടി വായിക്കണോ അതോ അത്യാവശ്യം ത്രില്ലര്‍ ആയോ എന്ന് പ്രേക്ഷകന്‍ ചിന്തിക്കുന്നിടത് ആണ് സിനിമ ഇഷ്ടം ആയോ ഇല്ലയോ എന്നുള്ള ചോദ്യത്തിന് ഉത്തരം ലഭിക്കുക.

ഈ ഘടകങ്ങള്‍ വച്ച് നോക്കുക ആണെങ്കില്‍ Killing Ground ഒരു പ്രേക്ഷകന്‍ എന്ന നിലയില്‍ അത്യാവശ്യം തൃപ്തി നല്‍കിയ ചിത്രം ആണ്.ഇപ്പോഴും ഇത്തരം പ്രമേയങ്ങള്‍ ഇഷ്ടം ഉള്ളവര്‍ക്ക് കണ്ടു നോക്കാം ഈ ചിത്രം.

ലിങ്ക് എന്റെ ടെലിഗ്രാം ചാനലില്‍ ലഭ്യമാണ്.

  t.me/MHviews

Friday, 5 October 2018

950.UPGRADE(ENGLISH,2018)


950.UPGRADE(ENGLISH,2018)
       Sci-Fi,Thriller,Action.Mystery

  തന്‍റെ ഭാര്യയോടൊപ്പം സുഹൃത്തിനെ കാണാന്‍ പോയിട്ട് വരുന്ന വഴി ആയിരുന്നു ആ അപകടം അവര്‍ക്ക് ഉണ്ടായത്.അപകടം നടന്ന ഉടന്‍ തന്നെ കുറച്ചാളുകള്‍ അവിടെ എത്തി.ഭാര്യയെ കൊല്ലപ്പെടുത്തുകയും ഭര്‍ത്താവായ ഗ്രേ ട്രേസിനെ അപകടകരമാം വിധത്തില്‍ പരുക്കേല്‍പ്പിക്കുകയും ചെയ്യുന്നു.എന്തിനു വേണ്ടി ആണ് അവര്‍ അങ്ങനെ ചെയ്തത്?ആരായിരുന്നു അവര്‍?സാധാരണ ഗതിയില്‍ ഇത്തരം ഒരു ചിത്രത്തിനുള്ള ഉത്തരങ്ങള്‍ ഭൂതക്കാലത്തിന്റെയും ഇപ്പോഴത്തെയും സംഭവങ്ങളെ ആധാരമാക്കിയാകും ഉണ്ടാവുക.എന്നാല്‍ Upgrade അങ്ങനെ ഒരു ചിത്രമാണോ?
   

ഭാവി ലോകം ഇങ്ങനെ ആയിരിക്കും അങ്ങനെ ആയിരിക്കും എന്ന് പറഞ്ഞുള്ള സിനിമകള്‍ വര്‍ഷങ്ങള്‍ക്കു മുന്‍പേ കാണുന്നതാണ്.പറക്കും കാറുകള്‍,മറ്റു ഗ്രഹങ്ങളിലേക്കുള്ള യാത്രകള്‍ മുതല്‍ ഒരു സയന്‍സ് ഫിക്ഷനിലൂടെ കാണാന്‍ ശ്രമിക്കുന്ന സ്വപ്‌നങ്ങള്‍ ഏറെയാണ്‌.അത്തരത്തില്‍ ഉള്ള ഒരു സ്വപ്നത്തിന്റെ കഥയാണ് ഈ ചിത്രം അവതരിപ്പിക്കുന്നത്‌.ഒരു പക്ഷെ മനുഷ്യരാശിയുടെ തന്നെ ഏറ്റവും വലിയ നേട്ടമായി മാറാന്‍ കഴിവുള്ള ഒന്ന്.യഥാര്‍ത്ഥ ജീവിതത്തില്‍ വിലമതിക്കാന്‍ ആകാത്ത,ലോകത്തിന്റെ മുഖം തന്നെ മാറ്റാന്‍ സാധിക്കുന്ന ഒരു concept എന്ന് വേണമെങ്കില്‍ പറയാം ഇതില്‍ അവതരിപ്പിചിര്‍ക്കുന്ന സ്റ്റെം എന്ന ടെക്നോളജിയെ കുറിച്ച്.

  എന്നാല്‍ സാധാരണ ഒരു സയന്‍സ് ഫിക്ഷന്‍ ചിത്രം ആയി മാറുക അല്ല Upgrade ചെയ്തത്.പകരം നല്ലൊരു ആക്ഷന്‍,മിസ്ട്ടറി ചിത്രമായി മാറുന്നു.അതും,നല്ല ത്രില്ലിംഗ് ആയ ഒരു പശ്ചാത്തലത്തില്‍,ഇരുണ്ട നിറങ്ങളിലൂടെ അവതരിപ്പിക്കുമ്പോള്‍ പ്രത്യേക ഒരു ഭംഗി ആയിരുന്നു ചിത്രത്തിന്.ക്ലീഷേ കഥാഗതി ആയിരിക്കും എന്ന് പ്രേക്ഷകനെ കൊണ്ട് തോന്നിപ്പിക്കുകയും.എന്നാല്‍ അതിനും അപ്പുറം കഥാപാത്രങ്ങളുടെ വ്യക്തിത്വ വിശദീകരണം നല്‍കുകയും ചിത്രം കൂടുതല്‍ വിശ്വസനീയം ആയി മാറുകയും ചെയ്യുന്നു.അവസാനം ക്ലൈമാക്സ് ആയപ്പോള്‍ ഒരു രണ്ടാം ഉണ്ടായിരുന്നെങ്കില്‍ നന്നായിരിക്കും എന്ന് തോന്നി.ഇത്തരത്തില്‍ ഉള്ള ചിത്രങ്ങളുടെ ആരാധകര്‍ക്ക് ഇഷ്ടമാകും Upgrade.

ലിങ്ക് എന്‍റെ ടെലിഗ്രാം ചാനലില്‍ ലഭ്യമാണ്.

949.Straw Dogs(English,1971)



949.Straw Dogs(English,1971)
       Thriller,Action

             എത്ര പാവത്താന്‍ ആയ മനുഷ്യനും ഒരു 'ബ്രേക്കിംഗ് പോയിന്റ്' ഉണ്ടാകും.അയാളെ കുറിച്ച് ലോകത്തിനു പരിചിതമായ ഒരു മുഖം ഉണ്ടാകും.അയാളുടെ വ്യക്തിത്വം ആയി നിര്‍വചിക്കുന്നത് ആ ഒരു വശം ആയിരിക്കും.Dustin Hoffman,Straw Dogs ല്‍ അവതരിപ്പിച്ച 'ഡേവിഡ് സംനര്‍' എന്ന കഥാപാത്രത്തിനും ഇത്തരത്തില്‍ ഉള്ള സ്വഭാവം ആയിരുന്നു എന്ന് പറഞ്ഞവതരിപ്പിക്കുന്നതാണ് ചിത്രത്തിന്റെ അടിസ്ഥാന പ്രമേയം എന്ന് തോന്നി പോകും 'Straw Dogs' കാണുമ്പോള്‍.

   പ്രത്യേകിച്ചും സിനിമയുടെ തുടക്കം ഉള്ള അയാളുടെ സ്വഭാവം.അമരിക്കന്‍ ഗണിത ശാസ്ത്രജ്ഞന്‍ ആയ ഡേവിഡ്‌ അയാള്‍ പ്രതിനിധീകരിക്കുന്ന എലീറ്റ് ക്ലാസിന്റെ രീതികളിലോ അല്ലെങ്കില്‍ അയാള്‍ വന്നെത്തിയ കോര്‍ണിഷ് ഗ്രാമാപശ്ചാതലത്തില്‍ ജീവിച്ചിരുന്നവരെക്കാളും പുരോഗമനം കൈ വരിച്ച ആളായിരുന്നിരിക്കാം.മനപ്പൂര്‍വം ഉള്ള പ്രകോപനങ്ങള്‍ അയാളുടെ കാമുകിയുടെ നാട്ടില്‍ അയാള്‍ക്ക്‌ നേരെ ഉണ്ടാകുന്നെങ്കിലും നിഷ്ക്കളങ്കമായ മുഖ ഭാവത്തോടെ ആണ് അയാള്‍ അതിനെ നേരിടുന്നതും.

   എന്നാല്‍ കാമുകിയായ ആമി ചാപല്യങ്ങള്‍ നിറഞ ഒരാളായാണ് കാണപ്പെടുന്നത്.അവളുടെ മുന്‍ കാമുകനും കൂട്ടരും അവള്‍ക്കു നേരെ ലൈംഗിക ച്ചുവയോടെ നോക്കുമ്പോള്‍ അവളുടെ വസ്ത്രധാരണത്തെ കുറിച്ച് പരാമര്‍ശിക്കുന്ന ഡേവിഡ്‌ പലപ്പോഴും അവിടെ അവള്‍ക്കു സുരക്ഷ ഒരുക്കുന്നതായി അവള്‍ക്കു  തോന്നുന്നില്ല.അതിന്റെ ഒപ്പം റിസേര്‍ച്ച് ആവശ്യങ്ങള്‍ക്കായി സമയം ചിലവഴിക്കുന്ന ഡേവിഡ് അവളെ തൃപ്തിപ്പെടുത്താന്‍ കഴിയില്ല എന്നും കരുതുന്നു.ഇതൊക്കെ ഡേവിഡ്‌ തുടക്കത്തില്‍ പ്രകടിപ്പിക്കുന്ന ഒരു മുഖമാണ്.അത് പോലെ പുരോഗമനം കൈവരിച്ച ഒരു അമേരിക്കന്‍ ഗണിത ശാസ്ത്രജ്ഞന് അധികം പുരോഗമനങ്ങള്‍ ഒന്നുമില്ലാത്ത,സംശയ ദൃഷ്ടിയോടെയും മറ്റും നോക്കുന്ന കൊച്ചു ഗ്രാമത്തിലെ ആളുകളുമായി സ്വഭാവത്തില്‍ ധാരാളം അന്തരങ്ങള്‍ ചൂണ്ടി കാണിക്കുവാന്‍ സാധിക്കും.

  എന്നാല്‍ ആ കോര്‍ണിഷ് ഗ്രാമത്തില്‍ സംഭവങ്ങള്‍ മാറി മറിയുന്നു.ഡേവിഡ്‌-ആമി എന്നിവരെ കാത്തു വലിയൊരു അപകടം പതുങ്ങിയിരുപ്പുണ്ട്.അതിനെ ഡേവിഡ്‌ എങ്ങനെ നേരിടുന്നു എന്നാണ് ബാക്കി ചിത്രം പറയുന്നത്.ചിത്രത്തിന്റെ അവസാന ഒരു മണിക്കൂര്‍ ആണ് ഇതിന്റെ കാതലായ വശം.ഒരു പക്ഷെ ഭീകരമായ transformation സംഭവിക്കുന്നു.മുന്‍വിധികള്‍ എല്ലാം മാറി മറിയുന്നു.തീര്‍ച്ചയായും ഇത്തരത്തില്‍ ഉള്ള വയലന്‍സ് വരുന്ന സിനിമകളുടെ ഴോന്രെയിലെ ഒരു ക്ലാസിക് ആണ് 'സാം പെക്കിന്പ' സംവിധാനം ചെയ്ത "The Siege of Trencher's Farm" എന്ന "Gordon M. Williams" നോവലിനെ ആസ്പദമാക്കിയുള്ള ചിത്രം.  ഈ ചിത്രത്തിന്റെ റീമേക്ക് പിന്നീട് ഇറങ്ങിയെങ്കിലും ആദ്യ  ചിത്രമാണ് പ്രിയപ്പെട്ടത്.

ചിത്രത്തിന്റെ ലിങ്ക് എന്റെ ടെലിഗ്രാം ചാനലില്‍ ലഭ്യമാണ്
t.me/mhviews

Wednesday, 3 October 2018

948.Time Trap(English,2017)



948.Time Trap(English,2017)
      Thriller,Mystery,Adventure,Sci-Fi/Fantasy


         അവര്‍ അഞ്ചു പേരും യാത്ര തിരിക്കുന്നത് 'ഹോപ്പര്‍' എന്ന ആളെ അന്വേഷിച്ചായിരുന്നു.ഒരു സാധാരണ യാത്ര ആയി തുടങ്ങിയ അവരെ കാത്തിരുന്നത് അവിശ്വസനീയം ആയ സംഭവങ്ങള്‍ ആയിരുന്നു.ഹോപ്പറിനെ അന്വേഷിച്ചു ആ ഗുഹയ്ക്കുള്ളിലേക്ക്‌ കയറിയ അവര്‍ ഏതാനും മിനിറ്റുകള്‍ക്കും അപ്പുറം ആ രഹസ്യം മനസ്സിലാക്കുന്നു.അതിനായി നല്‍കിയ വില അവരുടെ കൂട്ടത്തിലെ അഞ്ചാമന്റെ ജീവനായിരുന്നു.എന്ത് രഹസ്യം ആണ് അവര്‍ മനസ്സിലാക്കിയത്?

   ഇത്രയും വായിച്ചിട്ട് ഈ സിനിമ കാണാന്‍ തുടങ്ങിയാല്‍ മനസ്സിലാകും എന്ത് മാത്രം 'Under -Rated' ചിത്രം ആണ് 'Time Trap' എന്ന്.സിനിമയുടെ പേരില്‍ തന്നെ കഥയുടെ മര്‍മ പ്രധാനമായ ഭാഗം ഉണ്ടെങ്കിലും അത് അവതരിപ്പിച്ച രീതി.ഭീകരം ആയിരുന്നു.അടുത്തത്  എന്താകും ഉണ്ടാവുക എന്ന് പ്രേക്ഷകന് എളുപ്പം മനസ്സിലാകും എന്ന് കരുതുന്നില്ല.ടൈം ട്രാവല്‍ ചിത്രങ്ങളിലെ മികച്ച ചിത്രങ്ങളില്‍ ഒന്നായി മാറാന്‍ ഉള്ള എല്ലാ അവസരവും ഉള്ള ചിത്രം എന്ന് പറയാന്‍ സാധിക്കും ഈ ചിത്രത്തെ.ഒരു പക്ഷെ തീരെ പ്രതീക്ഷ ഇല്ലാതെ കാണാന്‍ ഇരുന്നത് കൊണ്ട് തന്നെ മികച്ച ചിത്രമായാണ് തോന്നിയത്.

   ഭാവി ,ഭൂതക്കാലം എല്ലാം ഒരു പ്രത്യേക പോയിന്‍റില്‍ കണ്ടു മുട്ടുമ്പോള്‍ എങ്ങനെ ആകും പരസ്പ്പരം മനസ്സിലാക്കുക?സ്ഥിരം ടൈം ട്രാവല്‍ ചിത്രങ്ങളിലെ അടിസ്ഥാന പ്രമേയം അതാണെങ്കിലും ഇവിടെ അവതരണ രീതി മികച്ചതായിരുന്നു.പ്രത്യേകിച്ചും ഹൊറര്‍ പശ്ചാത്തലത്തില്‍ അവതരിപ്പിക്കപ്പെട്ടപ്പോള്‍ ഉള്ള പുതുമ .അല്ലെങ്കില്‍ അങ്ങനെ ആണ് കഥ എന്ന് തുടക്കത്തില്‍ പ്രേക്ഷകനെ വിശ്വസിപ്പിക്കാന്‍ ശ്രമിക്കുന്നു.അതിന്‍റെ നിഗൂഢമായ അനന്തരഫലങ്ങള്‍ എല്ലാം പ്രേക്ഷകനെ തൃപ്തിപ്പെടുത്താന്‍ കഴിയും.ഈ കാരണം കൊണ്ട് തന്നെ ഇത്തരം ഒരു സംഭവത്തിന്റെ ശാസ്ത്രീയമായ വശങ്ങളിലേക്ക് അധികം പോകാതെ, അടുത്തത് എന്ത് എന്നുള്ള ചോദ്യത്തിന് ഉത്തരമായി സംഭവങ്ങള്‍ അവതരിപ്പിക്കുന്നത്‌ കൊണ്ട് ചിത്രം തീരെ സങ്കീര്‍ണം അല്ല.

  കണ്ടു മറക്കേണ്ട ഒരു ചിത്രമായി തോന്നിയില്ല 'Time Trap'തീരെ ആകര്‍ഷം അല്ലാത്ത പോസ്റ്ററുകള്‍ ഒക്കെ കണ്ടുതുടക്കത്തില്‍ അത്ര വര്‍ണപ്പകിട്ട് തോന്നണം എന്നില്ല.എന്നാല്‍ ഇരട്ട സംവിധായകര്‍ ആയ Mark Dennis, Ben Foster എന്നിവര്‍ അവതരിപ്പിച്ച ചിത്രത്തിന്‍റെ ambiance എടുത്തു പറയേണ്ട ഒന്നാണ്.കുറവുകള്‍ ഇല്ലെന്നല്ല.ബജറ്റില്‍ ഉള്ള കുറവുകള്‍ ചിത്രത്തില്‍ കാണുമെങ്കിലും മൊത്തത്തില്‍ നോക്കുമ്പോള്‍ ചിത്രം നല്‍കിയത് മികച്ച ഒരു സിനിമാനുഭവം ആയിരുന്നു.

  ടൈം ട്രാവലിനെ ഇപ്പോഴും ഫാന്റസി ആയാണോ സയന്‍സ് ഫിക്ഷന്‍ വിഭാഗത്തില്‍ ആണോ ഉള്‍പ്പെടുത്തേണ്ടത് എന്ന സംശയം ഉണ്ട് ഒരു പ്രേക്ഷകന്‍ എന്ന നിലയ്ക്ക് എനിക്ക്.എന്നാലും ആ ഴോന്രെയുടെ ആരാധകന്‍ എന്ന നിലയില്‍ ഈ ചിത്രം ഒരിക്കലും നഷ്ടം ആകില്ല എന്ന് കരുതുന്നു.

ചിത്രത്തിന്‍റെ ലിങ്ക് എന്റെ ടെലിഗ്രാം ചാനലില്‍ ലഭ്യമാണ്.

t.me/MHviews

       

947.Seven Years of Night(Korean,2018)



947.Seven Years of Night(Korean,2018)
        Thriller

           ഹ്യൂന്‍-സൂ ഒരിക്കലും കരുതിയിട്ടുണ്ടാകില്ല അന്നത്തെ ആ രാത്രി തന്‍റെ ജീവിതം ഇത്ര മാത്രം മാറി മറിക്കും എന്ന്.അയാളുടെ ജീവനും, അത് പോലെ ധാരാളം ആളുകളുടെ മരണത്തിലൂടെ കൊടും കുറ്റവാളി ആയ അയാള്‍ വധ ശിക്ഷ കാത്തു ജയിലില്‍ ആണ്.ഒരു പക്ഷെ അങ്ങനെ ഒന്നും അന്ന് സംഭവിച്ചിരുന്നില്ലെങ്കില്‍ ഇത്ര ക്രൂരമായ രീതിയില്‍ കൊലപാതകങ്ങള്‍ നടത്തിയ ഒരു കുറ്റവാളി ആയി അയാള്‍ മുദ്ര കുത്തപ്പെടില്ലായിരുന്നു.ഒരല്‍പം നേരത്തെ അശ്രദ്ധ,തെറ്റിധാരണ.അവിടെ തുടങ്ങുന്നു അയാളുടെ തകര്‍ച്ച.അടുത്ത തലമുറയെ പോലെ ബാധിക്കുന്ന ഒന്നായി അത് മാറുന്നു.അതിന്‍റെ അനന്തരഫലമായി  'സ്പിരിറ്റ് വില്ലേജ്' എന്ന കൊറിയന്‍ ഗ്രാമത്തിനെ ഒരു രാത്രി കൊണ്ട് അയാള്‍ നാമവശേഷം ആക്കി മാറ്റുന്നു.

      'ജുംഗ് യൂ ജുംഗ്' എഴുതിയ അതെ പേരില്‍ ഉള്ള നോവലിനെ ആസ്പദം ആക്കിയാണ് 'Seven Years of Night' അവതരിപ്പിച്ചിരിക്കുന്നത്.പല തരത്തില്‍ ഉള്ള കൊലപാതകങ്ങള്‍ ചിത്രീകരിച്ചിട്ടുള്ള കൊറിയന്‍ സിനിമയിലെ വ്യത്യസ്തമായ ഒന്നായിരിക്കും 'സ്പിരിറ്റ് വില്ലേജ്' ന്‍റെ കഥയിലൂടെ ഈ ചിത്രത്തില്‍ അവതരിപ്പിച്ചിട്ടുണ്ടാവുക.ഇവിടെ മുഖ്യ കഥാപാത്രങ്ങള്‍ രണ്ടു പിതാക്കന്മാര്‍ ആണ്.സ്വന്തം രക്തത്തെ അവര്‍ സ്നേഹിക്കുന്നതും വ്യത്യസ്തം ആയാണ്.എങ്കിലും അതിന്റെ എല്ലാം അവസാനം അവര്‍ വില വില കൊടുക്കുന്നത് ഒരേ ഒരു കാര്യത്തിനാണ്.എങ്കിലും അതിന്റെ അവസാനവും മരണം ആണ്.മരണത്തെ ആ വലിയ തടാകത്തില്‍ കാണുന്ന സ്ത്രീയെ പോലെ.അവര്‍ക്ക് അത് മാത്രമേ കാണാന്‍ സാധിക്കൂ.

  കാരണം ചിലരുടെ വിലപ്പെട്ടത്‌ കാത്തു രക്ഷിക്കാന്‍ അവര്‍ നിശ്ചയിച്ച വില കൂടുതലായി പോയെന്നു മാത്രം.അവിശ്വസനീയതോടെ ആണ് ചിത്രത്തിന്‍റെ അവസാന രംഗങ്ങള്‍ കണ്ടത്.പല തരത്തില്‍ ഉള്ള കൊറിയന്‍ ചിത്രങ്ങളില്‍ നിന്നും വേറിട്ട്‌ നില്‍ക്കും ആ സംഭവം.മിസ്റ്ററി എന്ന രീതിയില്‍ ചിത്രത്തെ കാണേണ്ട കാര്യം ഇല്ലെങ്കിലും ഇടയ്ക്ക് "ക്യാറ്റ് ആന്‍ഡ്‌ മൗസ്" കളികള്‍ പോലെ ആയി ചിത്രം മാറും എന്ന് കരുതുമെങ്കിലും പ്രാധാന്യം ആ ഭാഗത്തിന് അല്ലായിരുന്നു എന്ന് മാത്രം.കഥാപാത്രങ്ങളോട് പ്രത്യേക മമത ഒന്നും കാണിക്കാത്ത കൊറിയന്‍ സിനിമയുടെ രീതിയില്‍ തന്നെ ആണ് കഥപാത്രങ്ങളുടെ ജീവിതവും ചിത്രത്തില്‍ ഉടന്നീളം.

കൊറിയന്‍ സിനിമ ആരാധകര്‍ക്ക് കണ്ടു നോക്കാവുന്ന ഒരു ചിത്രമാണ് 'Seven Years of Night'.

ചിത്രത്തിന്‍റെ ലിങ്ക് എന്റെ ടെലിഗ്രാം ചാനലില്‍ ലഭ്യമാണ്.

   t.me/MHviews

946.The Chronicles of Evil(Korean,2015)



946.The Chronicles of Evil(Korean,2015)
        Thriller,Mystery.

 പ്രഭാതത്തില്‍   നഗര മധ്യത്തില്‍ കൊന്നതിനു ശേഷം എല്ലാവരും കാണ്‍കെ കെട്ടി തൂക്കിയ ശവ ശരീരം ജനങ്ങളെ പരിഭ്രാന്തിയില്‍ ആക്കി.പോലീസും സമ്മര്‍ദ്ദത്തില്‍ ആകുന്നു.അന്വേഷണം ആരംഭിച്ചുവെങ്കിലും വിദഗ്ധമായ രീതിയില്‍ പല സ്ഥലങ്ങളിലും യോജിപ്പിക്കാന്‍ ആകാത്ത കാര്യങ്ങള്‍ സംഭവിക്കുന്നു.കാരണം,ആ കൊലപാതകത്തിന്റെ പിന്നിലെ രഹസ്യം അറിയുന്ന ഒരാള്‍ ഉണ്ട്.എന്നാല്‍ അയാളുടെ കയ്യില്‍ നിന്നും സംഭവം വഴുതി പോകുന്ന രീതിയില്‍ ആണ് മൃതദേഹം കാണപ്പെട്ടത്.ആരാണ് ഇതിനു പിന്നില്‍ എന്ന ചോദ്യം അയാളെ പോലും വലച്ചു.


    'The Chronicles of Evil" എന്ന കൊറിയന്‍ പടത്തിന്റെ ഒരു ഏകദേശ രൂപം ഇതാണ്.പോലീസിലെ ഉന്നത ഉദ്യോഗസ്ഥനും അത് പോലെ കൊറിയന്‍ പോലീസിലെ മികച്ച ഓഫീസര്‍ എന്ന നിലയിലും പ്രശസ്തനായ ചീഫ് ചോയി തന്‍റെ ഉദ്യോഗത്തിലെ ഓരോ പടവുകള്‍ ചവിട്ടിക്കയറി പോലീസില്‍ തന്‍റെ നിര്‍ണായക സ്വാധീനം അറിയിക്കുന്ന സമയം.തന്‍റെ ടീം അംഗങ്ങളെ സുഹൃത്തുക്കളെ പോലെ കാണുന്ന ഒരു പോലീസ് ഓഫീസര്‍.എല്ലാവര്ക്കും ചോയിയോടും ഒരു മൂത്ത ജ്യേഷ്ഠന്‍ എന്ന പോലെ ബഹുമാനം ആണ്.എന്നാല്‍ ഇന്നയാള്‍ താന്‍ ഇത് വരെ നേടിയതെല്ലാം നഷ്ടമാകും എന്ന നിലയില്‍ ആണ്.അത് കൊണ്ട് തന്നെ ഒരു പരിധിയ്ക്കപ്പുറം കാര്യങ്ങളില്‍ ഇടപ്പെടാന്‍ കഴിയാതെ.എന്നാല്‍ സത്യം അറിയാനുള്ള ശ്രമത്തില്‍ ആണയാള്‍.എന്നാല്‍ തനിക്കെതിരെ ഉള്ള തെളിവുകള്‍ പോലീസിന്റെ മുന്നിലും ഉണ്ട്.

  ചോയിയെ കുടുക്കാന്‍ ആരാണ് ശ്രമിക്കുന്നത്?ചോയി എങ്ങനെ ആണ് ഇത്തരത്തില്‍ ഒരു സംഭവത്തില്‍ കുടുങ്ങിയത്?ചോയിയെ നശിപ്പിക്കാന്‍ ആര്‍ക്കാണ് ഇത്ര വാശി?കൂടുതല്‍ അറിയാന്‍ ചിത്രം കാണുക.തുടക്കത്തില്‍ ഒരു മനുഷ്യന്റെ ജീവിതത്തിലെ ഓരോ ഘട്ടങ്ങളെ അവതരിപ്പിക്കുകയും,പിന്നീട് അയാളുടെ തകര്‍ച്ചയും കാണിച്ചു തുടങ്ങുന്ന ചിത്രത്തില്‍ വ്യക്തമായ ഒരു മിസ്റ്ററി സ്വഭാവം ഇല്ലെങ്കിലും പതിയെ അയാളുടെ അതി ജീവനം ആകുമ്പോള്‍ കഥയോട് ഉള്ള താല്‍പ്പര്യം കൂടും.എന്നാല്‍ പിന്നീട് അതിനു പുറകില്‍ ഉള്ള രഹസ്യങ്ങള്‍ ഒരു അപ്രതീക്ഷിത ട്വിസ്റ്റ് ആയി വരുമ്പോഴും ചിത്രത്തിലെ കഥാപാത്രങ്ങളില്‍ നായകന്‍-വില്ലന്‍ എന്നീ വേര്‍തിരിവുകള്‍ക്ക് അപ്പുറം ഒരു കഥാപാത്രം ശരി എന്താണ് തെറ്റ് എന്താണ് എന്ന് മനസിലാകാതെ കുഴയുന്നതായി കാണാം.

  കൊറിയന്‍ മിസ്റ്ററി/ത്രില്ലര്‍ ചിത്രങ്ങളിലെ അനിശ്ചിതത്വം നില നിര്‍ത്തി കൊണ്ട് തന്നെ ചിത്രം അവസാനിക്കുന്നു.കൊറിയന്‍ സിനിമ സ്നേഹികള്‍ക്ക് ഇഷ്ടമാകും ഈ ചിത്രം.

ചിത്രം എന്‍റെ ടെലിഗ്രാം ചാനലില്‍ ലഭ്യമാണ് .


       t.me/MHviews 

Tuesday, 2 October 2018

945.The Quiz Scandal(Korean,2010)


945.The Quiz Show Scandal(Korean,2010)
       Thriller.


   'കോന്‍ ബനേഗ ക്രോര്‍പതി' യില്‍ നിങള്‍ മത്സരിക്കുക ആണെന്ന് കരുതുക.നിങ്ങള്‍ക്ക് അവസാന ചോദ്യത്തിന്‍റെ ഉത്തരം മാത്രം ആകസ്മികം ആയി ലഭിക്കുന്നു എന്ന് കരുതുക.അവസാനത്തെ ചോദ്യം ഒഴികെ ഉള്ള എല്ലാ ഉത്തരവും പറയാന്‍ കഴിഞ്ഞാല്‍ നിങ്ങള്‍ക്ക് 15 മത്തെ ചോദ്യം ഉത്തരം പറയുകയും കോടിപതി ആവുകയും ചെയ്യാം.എന്നാല്‍ ഇതില്‍ ഒരു ചെറിയ ട്വിസ്റ്റ് ഉണ്ടെങ്കിലോ?."The Quiz Show Scandal" എന്ന കൊറിയന്‍ സിനിമയുടെ പ്രമേയം ഈ കഥയുമായി ബന്ധം ഉള്ളതാണ്.എന്നാല്‍ വളരെയേറെ മാറ്റങ്ങള്‍ ഉണ്ട് താനും.

   നാല് കൂട്ടം ആളുകള്‍ കണ്ടു മുട്ടുന്നത് ഒരു അപകടത്തിലൂടെ ആണ്.പിന്നീട് അതിലേക്ക് കൂടുതല്‍ ആളുകള്‍ അടുക്കുന്നു.ആവശ്യങ്ങള്‍ പലതാണ് പലര്‍ക്കെങ്കിലും ഒറ്റ ലക്‌ഷ്യം ആണ് എല്ലാവര്ക്കും ഉണ്ടായിരുന്നത്.അതെ,മനുഷ്യ രാശിയുടെ മുഴുവന്‍ ആവശ്യവും ഇതായിരിക്കണം.പണം.പണം സമ്പാദിക്കാന്‍ നല്ലത് പോലെ പ്രയത്നിക്കണം.അതിലേറെ പ്രയത്നിക്കണം ഒരു മോഹിപ്പിക്കുന്ന തുക ലഭിക്കുവാന്‍.ആ മോഹിപ്പിക്കുന്ന തുകയിലേക്ക് അടുക്കുന്ന വിദ്യ ആണ് അവരുടെ കയ്യില്‍ ഉള്ളത്.എന്നാല്‍ മത്സരത്തിലെ 29 ചോദ്യങ്ങളുടെയും ഉത്തരം കണ്ടെത്തുക അവരുടെ എല്ലാം മുന്നില്‍ ഉള്ള പ്രശ്നം ആണ്.ഇത് വരെയും അവസാന ചോദ്യത്തിന് ഉത്തരം നല്‍കാന്‍ മനുഷ്യര്‍ക്ക്‌ ആര്‍ക്കും കഴിയാത്തത് കൊണ്ട് തന്നെ സമ്മാനത്തുക പതിമൂന്നു മില്യന്‍ ഡോളര്‍ ആയിട്ടുണ്ട്‌.

   അജയരായി പോകുന്ന ക്വിസ് ഷോയില്‍ സാധാരണക്കാരായ കുറച്ചു ആളുകള്‍ തങ്ങളുടെ സ്വപ്നം സഫലീകരിക്കാന്‍ ശ്രമിക്കുമ്പോള്‍ എന്തുണ്ടാകും എന്നത് കോമഡിയുടെ അകമ്പടിയോടെ ഒരു ത്രില്ലര്‍ ചിത്രമായി ആണ് 'The Quiz Show Scandal" അവതരിപ്പിച്ചിരിക്കുന്നത്.കഥയുടെ കൌതുകം തന്നെ ആണ് ചിത്രത്തിനോട് ഉള്ള താല്‍പ്പര്യം കൂട്ടുന്നത്‌.അതിനോടൊപ്പം പ്രവചിക്കാന്‍ കഴിയുന്ന ഒരു കഥയില്‍ നിന്നും അപ്രതീക്ഷിതമായി ഒരു ട്വിസ്റ്റ് കൂടി കൊണ്ട് വന്നപ്പോള്‍ ചിത്രം നല്ല തൃപ്തി നല്‍കി.കൊറിയന്‍ സിനിമ പ്രേക്ഷകര്‍ക്ക്‌ കണ്ടു നോക്കാവുന്ന ഒരു ചിത്രം.

  സിനിമയുടെ ലിങ്ക് എന്റെ Telegram Channel ല്‍ ലഭ്യമാണ്.

Channel Link: t.me/MHviews