Saturday, 29 December 2018

997.Animal World(Mandarin,2018)



997.Animal World(Mandarin,2018)
       Thriller

       സെന്ഗ് കേയ്സി അവന്റെ ജീവിതത്തിലെ ഏറ്റവും വലിയ റിസ്ക്‌ എടുക്കുക ആണ്.എട്ടാം വയസ്സില്‍ അവനുണ്ടായ മാനസികമായ പ്രശ്നങ്ങള്‍ ജീവിതത്തിലും ബാധിച്ചു.അതിനു ശേഷം വിശ്വസ്തനായ സുഹൃത്ത്‌ അവനെ ഇപ്പോഴത്തെ അവസ്ഥയില്‍ കൊണ്ടെത്തിക്കുന്നു.അവന്‍ യാത്രയാവുകയാണ്.ഒരു കളി കളിക്കുവാന്‍.അവന്റെ ജീവിതത്തിന്റെ വിലയുള്ള കളി.

   "Kaiji" എന്ന മാംഗയെ ആസ്പദമാക്കിയാണ് "Animal World" അവതരിപ്പിച്ചിരിക്കുന്നത്.മികച്ച VFX ആണ് ചിത്രത്തിന്‍റെ മുതല്‍ക്കൂട്ട്."Rock Paper Scissors hand gam"e ആണ് ചിത്രത്തില്‍ അവതരിപ്പിക്കുന്ന കളി.പക്ഷെ വെറും ഒരു ഗെയിം എന്നതിനും അപ്പുറം ധാരാളം കാര്യങ്ങള്‍ ഈ കളിയില്‍ ഉണ്ട്.അതിലൊന്ന് ഈ കളിയിലെ വിജയ പരാജയങ്ങള്‍ അവരില്‍ ഓരോരുത്തരുടെയും ജീവന്‍റെ വിള തീരുമാനിക്കും എന്നതാണ്.ഇത്തരത്തില്‍ പ്രമേയം വരുന്ന ചിത്രങ്ങളില്‍ ഉള്ള ട്വിസ്റ്റ് എന്ന ഘടകം ആവോളം ചിത്രത്തില്‍ ഉപയോഗിച്ചിട്ടുണ്ട്.ബുദ്ധിപരമായി കളിയെ അവലോകനം ചെയ്യുന്ന നായകന്‍,അതിനൊപ്പം പലപ്പോഴും വരുന്ന ട്വിസ്റ്റുകള്‍ ചിത്രത്തെ കൂടുതല്‍ രസകരമാക്കും.അത് പോലെ നായകന്‍റെ സ്വഭാവത്തിലെ മറ്റൊരു ഘടകം ആയ 'Clown' എന്ന കഥാപാത്രവും ചിത്രത്തിന് മറ്റൊരു dimension ആണ് നല്‍കുക.

    വിസ്തരിച്ചു എഴുതാനായി ഒരു ഒറ്റവരി കഥ ഉണ്ടാക്കിയാല്‍ അതില്‍ കൌതുകകരമായി ഒന്നുമുണ്ടാകില്ല.കാരണം ഈ ചിത്രത്തില്‍ സന്ദര്‍ഭങ്ങള്‍ക്ക്‌ അനുസരിച്ച് കഥാപാത്രങ്ങള്‍ കടന്നു പോകുന്ന അവസ്ഥ മനസ്സിലാക്കിയാല്‍ മാത്രമേ നേരത്തെ പറഞ്ഞ ട്വിസ്റ്റുകള്‍ ആസ്വാദ്യകരം ആകൂ.അത് കൊണ്ട് ചിത്രം കണ്ടു തന്നെ ആസ്വദിക്കണം.വളരെ നല്ല വേഗതയില്‍ പോകുന്ന ചിത്രം ,നല്ലൊരു ത്രില്ലര്‍ കൂടിയാണ്.രണ്ടാം ഭാഗത്തിനായി ഉള്ളത് നിര്‍ത്തിയാണ് ചിത്രം അവസാനിക്കുന്നത്‌.മൈക്കല്‍ ഡഗ്ലസ് പ്രധാനപ്പെട്ട ഒരു കഥാപാത്രമായി വരുന്നുണ്ട് ഈ ചൈനീസ് ചിത്രത്തില്‍!!

ചിത്രം നെറ്റ്ഫ്ലിക്സില്‍ ലഭ്യമാണ്!!

More movie suggestions @www.movieholicviews.blogspot.ca

   ചിത്രത്തിന്‍റെ ലിങ്ക് ടെലിഗ്രാം ചാനലില്‍ ലഭ്യമാണ്.

ടെലിഗ്രാം ചാനല്‍ ലിങ്ക്: t.me/mhviews

Friday, 28 December 2018

996.The Christmas Chronicles(English,2018)



996.The Christmas Chronicles(English,2018)
        Adventure,Family

      "സാന്ത ക്ലോസ് ശരിക്കും ഉള്ളതാണോ?ചെറു പ്രായത്തില്‍ സാന്തയില്‍ വിശ്വസിക്കുകയും,സമ്മാനങ്ങള്‍ക്കായി കാത്തിരിക്കുകയും,അദ്ദേഹത്തിന് എഴുത്തുകള്‍ എഴുതുകയും ചെയ്യും.എന്നാല്‍ സാന്ത ഉണ്ടെന്നുള്ള തെളിവ് അവള്‍ക്കു ലഭിക്കുകയാണ്.അവളുടെ അച്ഛന്‍ പണ്ട് റെക്കോര്ഡ് ചെയ്ത വീഡിയോയില്‍ ഒരു മിന്നായം പോലെ കണ്ടിരുന്നു.ഈ വര്ഷം സാന്തയെ നേരിട്ട് കണ്ടേ തീരൂ എന്ന് കേറ്റ് തീരുമാനിക്കുന്നു.ഒപ്പം ഉള്ളത് സഹോദരന്‍ ടെഡിയും


    "The Christmas Chronicles" സാധാരണ ഇത്തരം ചിത്രങ്ങളിലെ കേട്ടിട്ടുള്ള കഥ ആണെങ്കിലും എന്തോ കൂടുതല്‍ ഇഷ്ടം തോന്നി.കുടുംബമായി ആണ് ചിത്രം കാണാന്‍ ഇരുന്നത്.അതാകും ഒരു കാരണം.വര്‍ഷങ്ങളായി ഉള്ള ക്രിസ്മസ് ആഘോഷങ്ങള്‍ നടക്കുന്ന "പിയേര്‍സ്" കുടുംബത്തെ ആണ് ഈ ചിത്രത്തില്‍ കാണുന്നത്.എന്നാല്‍ ഈ വര്‍ഷത്തെ ക്രിസ്മസ് വ്യത്യസ്തമാണ് അവര്‍ക്ക്.അതിനൊരു കാരണം ഉണ്ടായിരുന്നു.ആ സമയത്താണ് ആകസ്മികമായി സാന്ത ക്ലോസിനെ പരിചയപ്പെടാന്‍ ആ വീട്ടിലെ കേറ്റ്,ടെഡി എന്നിവര്‍ക്ക് അവസരം ലഭിക്കുന്നത്.അത് അവരുടെ ജീവിതത്തിലെ മറക്കാന്‍ ആകാത്ത ക്രിസ്മസ് ആയി മാറുന്നു.

  നിഷ്ക്കളങ്കമായ ബാല്യത്തില്‍ സാന്ത ഉണ്ടെന്നു വിശ്വസിക്കുന്നവരില്‍ നിന്നും നിഷ്കളങ്കത നഷ്ടമാകുമ്പോള്‍ വിശ്വാസങ്ങളെ ചോദ്യം ചെയ്യുകയും ചെയ്യുന്ന പ്രായം ആയിരുന്നു ടെഡിക്ക്.എന്നാല്‍ അവനെ കാത്തിരുന്നത് പ്രത്യാശയുടെ മറ്റൊരു ലോകമായിരുന്നു.ഇടയ്ക്ക് പലപ്പോഴും കണ്ണ് നനയിച്ച കഥാപാത്രമാണ് ടെഡി.അവന്റെ സാഹചര്യത്തില്‍ മറ്റൊന്നും ചെയ്യാന്‍ ഇല്ലായിരുന്നു.എന്തായാലും അന്നത്തെ ദിവസം അവന്റെ കാഴ്ചപ്പാടുകള്‍ പലതും മാറ്റി.അതിനു കാരണം സാന്ത ആയിരുന്നു.'Kurt Russell" അവതരിപ്പിച്ച സാന്ത  കഥാപാത്രം ഇത്തരം വേഷങ്ങളില്‍ മികച്ചത് ആയിരുന്നു.അത്ര എനെര്‍ജെട്ടിക് ആയ സാന്ത.ഒരു പക്ഷെ ഈ ഫീല്‍ ഗുഡ് മൂവിയിലെ ഏറ്റവും ഫീല്‍ ഗുഡ് ആയ ഘടകം Kurt ആയിരുന്നിരിക്കണം.


എല്ലാ വര്‍ഷവും ക്രിസ്മസ് അടുക്കുമ്പോള്‍ വരുന്ന "ക്രിസ്മസ് സിനിമകള്‍" കാണുന്നത് ശീലം ആക്കി തുടങ്ങിയിട്ട് കുറച്ചു കാലമായി.ശരിക്കും ക്രിസ്മസിന്റെ ഫ്ലേവര്‍ ആ സിനിമകളിലൂടെ ലഭിക്കാറും ഉണ്ട്.ക്രിസ്മസ് ചിത്രങ്ങള്‍ എന്ന് പറഞ്ഞാല്‍ സാന്ത വരുന്ന സിനിമകള്‍ എന്ന് മാത്രമില്ല എനിക്ക്.ഹോം എലോണും,ഡൈ ഹാര്‍ഡും ,It's A Beautiful Life എല്ലാം ഉള്‍പ്പെടും.അതിന്റെ കൂടെ ഓരോ വര്‍ഷങ്ങളിലെ സിനിമകളും.ഇത്തവണ കണ്ട മികച്ച സിനിമകളില്‍ ഒന്നാണ് "The Christmas Chronicles".

ക്രിസ്മസ് കാലത്തില്‍ ആര്‍ക്കെങ്കിലും നിര്‍ദേശിക്കാനോ അല്ലെങ്കില്‍ കുടുംബമായി കാണുവാനോ പറ്റിയ ചിത്രമാണ് 'The Christmas Chronicles',

  ചിത്രം നെറ്റ്ഫ്ലിക്സില്‍ ലഭ്യമാണ്!!

  more movie suggestions @www.movieholicviews.blogspot.ca

  ചിത്രത്തിന്‍റെ ടെലിഗ്രാം ലിങ്ക് എന്റെ ചാനലില്‍ ലഭ്യമാണ്.

 ടെലിഗ്രാം ലിങ്ക്:t.me/mhviews

995.The Interview(English,1998)



995.The Interview(English,1998)
       Thriller,Mystery

    "വീട്ടില്‍ ഇരുന്നു ഉറങ്ങിക്കൊണ്ടിരുന്ന ആളെ വന്നു പോലീസുകാര്‍ പിടിച്ചു കൊണ്ട് പോവുക.താന്‍ ചെയ്ത കുറ്റം എന്താണെന്ന് പോലും അറിയാതെ അയാളെ ചോദ്യം ചെയ്യാന്‍ തുടങ്ങുക.ഇടയ്ക്ക് മോശമായ സംസാരം.അതിനൊപ്പം കുറ്റവാളിയോട് എന്നത് പോലത്തെ സംസാരവും.ചുരുക്കത്തില്‍ 'ഭരണക്കൂട ഭീകരത' ആയി പോലും വ്യാഖ്യാനിക്കാന്‍ കഴിയുന്ന അവസ്ഥ.ഒരു പൗരന്റെ അവകാശങ്ങള്‍ക്ക് മേല്‍ ഉള്ള കടന്നു കയറ്റം"

    The Interview എന്ന ചിത്രത്തില്‍ കസേരയില്‍ പോലീസിന്റെ ചോദ്യങ്ങള്‍ക്ക് ഉത്തരം നല്‍കിക്കൊണ്ടിരുന്ന ഫ്ലെമിംഗ് എന്ന യുവാവിന്‍റെ അവസ്ഥയെ പ്രേക്ഷകനും ആദ്യം അങ്ങനെ ആകും തോന്നുക.എന്നാല്‍ സംഭവങ്ങള്‍ അതിനും അപ്പുറം ആണ്.ഒരു കാര്‍ മോഷണ കേസ് ആണ് ഇവിടെ അയാളെ കൊണ്ടെത്തിക്കുന്നത്.സന്ദര്‍ഭം,സമയം എല്ലാം അയാള്‍ക്ക്‌ പ്രതികൂലം ആണ്.എന്തിനു,അയാളുടെ എഴുത്തു പോലും.പലപ്പോഴും ഫ്ലെമിംഗ് പല രീതിയിലും സമ്മര്‍ദ്ദത്തില്‍ അകപ്പെടുന്നു.പ്രധാനമായും താന്‍ എന്തിനാണ് അവിടെ ഇരിക്കുന്നത് എന്നും,അതിനൊപ്പം പോലീസ് പറയുന്ന ഈ കഥയിലെ തനിക്കുള്ള പങ്കു എന്താണെന്നും മനസ്സിലാകാതെ അയാള്‍ കുഴയുന്നു.കുറച്ചു മാസങ്ങളായി ജോലി നഷ്ടപ്പെട്ട അയാളുടെ ഭാര്യ അയാളെ ഉപേക്ഷിച്ചു പോയി.തനിക്കു ഇപ്പോള്‍ സ്വന്തമായി ഒന്നുമില്ല എന്ന സത്യം തിരിച്ചറിഞ്ഞ അയാളെ കൊണ്ട് താങ്ങാവുന്നതിലും അപ്പുറം ആയിരുന്നു ഇത്.

    എന്നാല്‍?പോലീസ് എന്തിനാണ് അയാളെ അവിടെ കൊണ്ട് വന്നത്?അതാണ്‌ സിനിമയുടെ കഥ.തുടക്കത്തിലേ അമ്പരപ്പ് മാറുമ്പോള്‍ പ്രേക്ഷകന്റെ മുന്നില്‍ ഉള്ളത് മികച്ച മിസ്റ്ററി ചിത്രങ്ങളില്‍ ഒന്നാണ്."12 Angry Man" പോലെ ഉള്ള ചിത്രങ്ങളില്‍ ഉണ്ടായിരുന്ന ഒരു റൂമില്‍ നടക്കുന്ന സംഭവങ്ങളിലെ 'Australian Under-rated Masterpiece" എന്ന് ഈ ചിത്രത്തെ വിളിക്കാന്‍ ആണ് ഇഷ്ടം.ഹ്യൂഗോയുടെ 'ഫ്ലെമിംഗ്' എന്ന കഥാപാത്രം യഥാര്‍ത്ഥത്തില്‍ കഥയിലേക്ക് ഉള്ള ഒന്നും കണ്ണുകളില്‍ കൂടി പോലും നല്‍കുന്നില്ല.അയാളുടെ പിന്നീടുള്ള അഭിനയവും അങ്ങനെ തന്നെ.അത്രയ്ക്കും Calm,Composed ആയ ഒരാള്‍ അത്തരം ഒരു സാഹചര്യത്തില്‍ ചെലുത്തുന്ന സ്വാധീനം ഉണ്ട്.അത് അയാളുടെ ഭയത്തെ സൂചിപ്പിക്കുമെങ്കിലും ഈ ചിത്രത്തില്‍ വലിയ ഒരു ഘടകം ആയിരുന്നു.മൊബൈല്‍ ഫോണുകള്‍ ഓക്കെ ഇത്രയും പ്രശസ്തം ആകുന്നതിനു മുന്നേ ഉള്ള കാലഘട്ടം ആയതു കൊണ്ട് 20 വര്‍ഷങ്ങള്‍ക്കു മുന്‍പുള്ള ടെക്നോളജി ആണ് സിനിമയില്‍ ഉപയോഗിച്ചിരിക്കുന്നതും.കാലഘട്ടത്തെ മനസ്സിലാക്കി,കഥയുടെ ആ നിഗൂഡത ആസ്വദിച്ചാല്‍ ചിത്രം ഉറപ്പായും ഇഷ്ടമാകും.

  'ഫ്ലെമിംഗിന് എന്താണ് സംഭവിച്ചതെന്ന് അറിയാന്‍ ആഗ്രഹം ഉണ്ടോ.സിനിമ കണ്ടു നോക്കൂ'

More movie suggestions @www.movieholicviews.blogspot.com

  ചിത്രം "നെറ്റ്ഫ്ലിക്സില്‍"  ലഭ്യമാണ്!!

 സിനിമയുടെ കുഴപ്പമില്ലാത്ത ഒരു പ്രിന്‍റ് എന്റെ ടെലിഗ്രാം ചാനലില്‍ അപ്‌ലോഡ്‌ ചെയ്തിട്ടുണ്ട്.

സിനിമയുടെ ലിങ്ക്: t.me/mhviews


994.Dead End (English,2003)



994.Dead End (English,2003)
       Thriller

      "മരിയന്‍ നടന്നു വരുമ്പോള്‍ കണ്ണിലേക്കു എതിരെ വരുന്ന വണ്ടിയില്‍ നിന്നും വന്ന വെളിച്ചത്തില്‍ അവളുടെ കാഴ്ച്ച മങ്ങുമ്പോഴും അവ്യക്തമായി അത് കണ്ടു.ബ്രാഡ് ആ കറുത്ത 'hearse' കാറില്‍ അകപ്പെട്ടു പോയിരിക്കുന്നു.ഈ കാഴ്ച കണ്ട അവള്‍ ഓടി"

   Dead End.ക്രിസ്മസ് ആഘോഷിക്കാന്‍ ഭാര്യയുടെ വീട്ടിലേക്കു പോയിക്കൊണ്ടിരിക്കുന്ന ഫ്രാങ്ക് ,20 വര്‍ഷമായി ഉപയോഗിച്ചിരുന്ന റൂട്ട് മാറ്റി മറ്റൊന്ന് തിരഞ്ഞെടുക്കുന്നു.ഭാര്യ,മകന്‍,മകള്‍,അവളുടെ ബോയ്‌ ഫ്രണ്ട് എന്നിവരായിരുന്നു ആ കാറില്‍ ഉണ്ടായിരുന്നത്.യാത്രയ്ക്കിടയില്‍ ഉറക്കത്തിലേക്കു വീഴുന്ന ഫ്രാങ്കും കുടുംബവും ഒരു അപകടത്തില്‍ നിന്നും രക്ഷപ്പെടുന്നു.എന്നാല്‍ അവര്‍ ശ്രദ്ധിച്ച ഒരു കാര്യമുണ്ട്.ഏറെ നേരമായി ഒരു റൂട്ടില്‍ തന്നെ അനന്തമായി അവര്‍ കാറില്‍ പോയിക്കൊണ്ടിരിക്കുന്നു.ഇടയ്ക്ക് കാണുന്ന ഒരു സ്ഥലത്തിന്‍റെ ബോര്‍ഡ് ഒഴികെ മറ്റൊരു ഇടവഴിയോ ആള്‍ സഞ്ചാരമോ മറ്റൊരു കാറോ ഒന്നുമില്ല.ഗതി മാറി സഞ്ചരിച്ച റോഡ്‌ അന്യഗ്രഹ ജീവികള്‍ ഉള്ളതായിരിക്കാം,ഒരു മിലിട്ടറി ബേസ് ആയിരിക്കാം എന്നെല്ലാം ഉള്ള ചിന്തകള്‍ അവര്‍ക്കിടയില്‍ ഉണ്ടായി.

    വഴിയില്‍ വച്ച് കുഞ്ഞിനെ കയ്യില്‍ പൊതിഞ്ഞു ഒരു യുവതുയെയും അവര്‍ കണ്ടു മുട്ടുന്നു.അവര്‍ അവളെയും കൂടെ കൂട്ടുന്നു.ഈ ഒരു സന്ദര്‍ഭത്തില്‍ നിന്നും കഥ മാറുകയാണ്.ഒരേ വഴിയിലൂടെ തന്നെ അനന്തമായി കറങ്ങി കൊണ്ടിരിക്കുന്ന അവരെ തേടി ശവം കൊണ്ട് പോകുന്ന വണ്ടിയും,മരണങ്ങളും എല്ലാം നടക്കുക ആണ്.നിഗൂഡമായ എന്തോ ആ വഴിയില്‍ നടക്കുന്നും ഉണ്ട്.ഏഴര മണിക്ക് നിശ്ചലമായ അവരുടെ സമയം ആ ദുരൂഹത കൂട്ടി.എന്തായിരുന്നു അവിടെ നടക്കുന്നത്?ഈ യാത്രക്കാര്‍ക്ക് എന്ത് സംഭവിക്കും?കൂടുതല്‍ അറിയാന്‍ ചിത്രം കാണുക.

  ഒരു ഹൊറര്‍ ചിത്രം ആണെന്ന പ്രതീതി മൊത്തത്തില്‍ സിനിമ നല്‍കുന്നുണ്ട്.എന്നാല്‍ മറച്ചു വച്ച ഒരു ട്വിസ്റ്റും ഉണ്ടെന്നതാണ് സത്യം.കിലോമീറ്ററുകള്‍ ഒരാളും ഉണ്ടാകാതെ രാത്രി കാലങ്ങളില്‍ വണ്ടി ഓടിക്കുക എന്നത് തന്നെ എത്ര മാത്രം ഭയം ഉണ്ടാക്കും എന്ന് അനുഭവം ഉണ്ട്.സിനിമയില്‍ ഈ രംഗങ്ങള്‍ തുടക്കത്തില്‍ തന്നെ ഭയം ഉണ്ടാക്കിയിരുന്നു.പ്രത്യേകിച്ചും കുടുംബത്തോടൊപ്പം പോകുമ്പോള്‍.എന്താ ഇങ്ങനെ ഒരു യാത്രയ്ക്ക് തയ്യാറാണോ?നിഗൂഡമായ,ഭയം നല്‍കുന്ന ഒരു യാത്രയ്ക്ക്?

  More movie suggestions @www.movieholicviews.blogspot.ca

  ചിത്രത്തിന്‍റെ ലിങ്ക് എന്റെ ടെലിഗ്രാം ചാനലില്‍ ലഭ്യമാണ്
ചാനല്‍ ലിങ്ക്: t.me/mhviews

Wednesday, 19 December 2018

993.Nightshift(English,2018)


993.Nightshift(English,2018)
      Mystery,Thriller,Horror


        ഇരൂട്ടു എമിക്ക് ഭയമാണ്.അന്നാല്‍ അന്ന് രാത്രി,ആദ്യമായി ജോലി ചെയ്യാന്‍ പോയ ഹോട്ടലില്‍ അവള്‍ നേരിടേണ്ടി വന്നത് ഇരുട്ടിനെക്കാളും ഭയാനകമായ ഒന്നായിരുന്നു.അവള്‍ അറിയാതെ തന്നെ ആ ലൂപ്പില്‍ അവള്‍ വീണു പോവുക ആയിരുന്നു.അതിനുള്ള മുന്നൊരുക്കങ്ങള്‍ ആകും അവള്‍ അനുഭവിച്ചത്.


       Nightshift എന്ന സിനിമയുടെ കഥ വളരെ സിമ്പിള്‍ ആണ് ഒറ്റ നോട്ടത്തില്‍.അതിനൊരു കാരണം,അധികം വിശദീകരണം ഇല്ലാതെ കാണിച്ച സംഭവങ്ങള്‍ ആയിരുന്നു.ഒരു പക്ഷെ അല്‍പ്പം കൂടി വിശദീകരണം ഉണ്ടായിരുന്നെങ്കില്‍ കുറെ കൂടി നന്നായേനെ എന്ന് തോന്നി.സിനിമ കണ്ടു തുടങ്ങിയ സമയം 7 എന്ന റേറ്റിംഗ് IMDB യില്‍ ഉണ്ടായിരുന്ന ചിത്രം 5 ന്‍റെ പടി വാതില്‍ക്കല്‍ നില്‍ക്കുകയാണ് ഇത് ടൈപ്പ് ചെയ്യുന്ന സമയം.പ്രമേയത്തില്‍ ഉള്ള കൌതുകം കാരണം ആണ് സിനിമ കണ്ടു തുടങ്ങിയത്.അമേരിക്കയില്‍ നിന്നും അയര്‍ലണ്ടില്‍ പഠിക്കാന്‍ ചെല്ലുന്ന പകുതി ഐറിഷ് ആയ ഏമി.അവള്‍ക്കു ജോലി കിട്ടിയ 'ലിമെരിക് ഹോട്ടല്‍" ലില്‍ ആദ്യ ദിവസം ലഭിച്ച നൈറ്റ് ഷിഫ്റ്റ്.


   ആ ഹോട്ടലിനെ സംബന്ധിച്ച് വലിയ ഒരു രഹസ്യമുണ്ടായിരുന്നു.ആ രഹസ്യത്തിന് അവളുടെ ജീവന്റെ വിലയും.സിനിമയുടെ പ്രമേയം ഓക്കെ നല്ലതാണ്.പക്ഷെ ,ബജറ്റിന്റെ ദൗര്‍ബല്യം ചിത്രത്തില്‍ പ്രകടമായിരുന്നു.ഒന്നിനും വ്യക്തത വരുത്താനോ അല്ലെങ്കില്‍ സൂചനകള്‍ കൊടുക്കാനോ തൃപ്തികരമായി കഴിഞ്ഞില്ല എന്നത് പോലെ തോന്നി.ചില സീനുകളിലൂടെ മാത്രം അവസാനം ഉള്ള കഥ മനസ്സിലാകുമായിരിക്കും എന്ന് മാത്രം.എങ്കില്ക്കൂടിയും,ഒരു പ്രാവശ്യം കാണാന്‍ ഉള്ളതൊക്കെ ഉണ്ട് ചിത്രത്തില്‍.അതി ഗംഭീരം എന്നൊന്നും ഉള്ള വാഗ്ദാനങ്ങള്‍ ഇല്ല.പലതും തമ്മില്‍ ഉള്ള ബന്ധം ഒക്കെ വ്യക്തത വരുത്താന്‍ ഒന്നും ചെയ്തില്ല എന്നത് നിരാശപ്പെടുത്തുന്നു.കാരണം,അവതരിപ്പിച്ച പ്രമേയത്തെ സീരിയസ് ആണ് കാണാത്തവര്‍ ആണ് സിനിമ ചെയ്തതെന്ന് തോന്നുന്നു.


More movie suggestions @www.movieholicviews.blogspot.ca

സിനിമ എന്റെ ടെലിഗ്രാം ചാനലില്‍ ലഭ്യമാണ്

t.me/mhviews

Monday, 17 December 2018

992.The Looming Storm(Mandarin,2017)



992.The Looming Storm(Mandarin,2017)
      Mystery,Crime

     ഏറെ ക്രൂരമായാണ് ആ സ്ത്രീകള്‍ എല്ലാം കൊല്ലപ്പെട്ടത്.ഒരു തെളിവ് പോലും കൊലപാതകത്തില്‍ പ്രതിയെ സൂചിപ്പിച്ചു ഉണ്ടായിരുന്നില്ല.അത്           'യൂ ഗുവേയ്"യെക്കൊണ്ട്    കൊണ്ട് പലതും ചെയ്യിപ്പിച്ചു.അയാള്‍ക്ക്‌ അവിടെ അവസരങ്ങളും ഉണ്ടായിരുന്നു.എന്നാല്‍,കേസ് അന്വേഷണ സമയത്ത്   ഏതാനും നിമിഷങ്ങള്‍ കൊണ്ടാണ് അയാള്‍ക്ക്‌ തന്‍റെ ലക്‌ഷ്യം നിറവേറ്റാന്‍ കഴിയാതെ പോയത്. ദുരൂഹമയിരുന്നു  അയാള്‍ ഒരു പക്ഷെ .തെറ്റിദ്ധാരണയുടെ പുറത്തു ചെയ്ത കുറ്റം.അതിലേക്കു നയിച്ച സംഭവങ്ങള്‍ ഏറെ ഉണ്ടായിരുന്നു.ഒരു സീരിയല്‍ കില്ലറുടെ സാമീപ്യം.അതില്‍ നിന്നും മുതലെടുക്കാന്‍ ഉള്ള അയാളുടെ ശ്രമം.അവസാനം?അയാള്‍ പോലും പ്രതീക്ഷിച്ചിരുന്നില്ല ഈ വിധി.തന്‍റെ അന്വേഷണത്തിന്റെ ഉത്തരം?

   'The Looming Storm".ദുരൂഹതകള്‍ ആണ് ചിത്രത്തിന്‍റെ ആദ്യം മുതല്‍.2007  കാലഘട്ടത്തിലേക്ക് തുടക്കം ചില സീനുകള്‍ക്ക് അപ്പുറം പോകുന്ന ചിത്രം പറയുന്നത് ചൈനയിലെ ഒരു ഫാക്റ്ററിയെ മാത്രം ആശ്രയിച്ചു കഴിയുന്ന ഗ്രാമത്തെ കുറിച്ചാണ്.ഇത് 2007 കാലഘട്ടം.അടുത്തായി നടന്ന സ്ത്രീകളുടെ കൊലപാതകങ്ങള്‍ക്ക് പോതവായ രീതികള്‍ ഉണ്ടായിരുന്നു.പോലീസ് ഒരു സീരിയല്‍ കില്ലര്‍ ആയിരിക്കം ഇതിന്റെ എല്ലാം പിന്നില്‍ എന്ന് കരുതുന്നു.ഫാക്റ്ററിയില്‍ സെക്യൂരിട്ടു ജോലി നോക്കുന്ന "യോ ഗുവേയ്" പോലീസിന്റെ ഒപ്പം സ്വയം കേസ് അന്വേഷിച്ച് തുടങ്ങുന്നു.ഫാക്ട്ടറിയും ആയി ബന്ധമുള്ള ആരോ ആണ് ഇതിനു പിന്നില്‍ എന്ന് അയാള്‍ സംശയിക്കുന്നു.വളരെ raw ആയ ,തീരെ professionalism ഇല്ലാത്ത രീതിയില്‍ ആയിരുന്നു അയാളുടെ അന്വേഷണം.അയാള്‍ പല രീതിയും പയറ്റി നോക്കി.അയാള്‍ക്ക്‌ അതിനു പിന്നില്‍ ലക്ഷ്യങ്ങള്‍ ഉണ്ടായിരുന്നു.അതിനു മാത്രമല്ല.അയാള്‍ക്ക്‌ പല ലക്ഷ്യങ്ങളും ഉണ്ടായിരുന്നു.എന്നാല്‍ ഇതെല്ലം കൂടി ചേര്‍ന്ന് അയാളുടെ ജീവിതത്തിലും മാറ്റങ്ങള്‍ സംഭവിക്കുന്നു.എന്തൊക്കെ ആണത്?നേരത്തെ പറഞ്ഞ കൊലപാതകങ്ങള്‍ ചെയ്തത് ആരാണ്?കൂടുതല്‍ അറിയാന്‍ ചിത്രം കാണുക.

    ഒരു പക്ഷെ കുറച്ചും കൂടി ദുരൂഹതകള്‍ സിനിമയില്‍ ഉള്‍ക്കൊള്ളിക്കാന്‍ ആയിരുന്നെങ്കില്‍ ഒരു ചൈനീസ്  'Memories of Murder" നോട് ഒപ്പം നില്‍ക്കാമായിരുന്ന ചിത്രം ആയേനെ എന്ന് തോന്നി,പ്രമേയം കൊണ്ട്.മഴ പോലുള്ള ചില ഘടകങ്ങള്‍ രണ്ടിലും വരുന്നുണ്ടെങ്കിലും ഒന്ന് മറ്റൊന്നിന്റെ കോപ്പി ആകാതെ തന്നെ ഈ ചിത്രത്തിന് ഒരു ക്ലാസിക് പദവി കൈവന്നെനെ.എന്നാല്‍ ക്ലൈമാക്സിലേക്ക് കാണിച്ച അനാവശ്യ ധൃതി സിനിമയുടെ അവസാനം ഉള്ള മൊത്തം മൂഡും കളഞ്ഞതായി തോന്നി.അത് പോലെ അവസാന രംഗങ്ങളിലേക്കും കാത്തു വയ്ക്കാന്‍ എന്തെങ്കിലും ഉണ്ടായിരുന്നെങ്കില്‍ അവസാന രംഗത്തോട് അടുക്കുമ്പോള്‍ "Memories of Murder" കണ്ടത് പോലെ ഉള്ള അനുഭവം ആയി മാറിയേനെ.

  എങ്കില്‍ക്കൂടിയും,നിലവാരമുള്ള മികച്ച ചൈനീസ് മാണ്ടാരിന്‍ ചിത്രങ്ങളില്‍ ഒന്നാണ് 'The Looming Storm' മികച്ച അഭിനയത്തിനോടൊപ്പം,പ്രേക്ഷകര്‍ക്ക്‌ മുന്നില്‍ ഒരു പരിധി വരെ ചിത്രം നിലവാരം കാത്തു സൂക്ഷിക്കുകയും ചെയ്തു.സീരിയല്‍ കില്ലര്‍ ചിത്രങ്ങളില്‍ സാധാരണയായുള്ള ത്രില്ലര്‍ ഗ്രിപ്പ് ഒന്നും ഇതിനു ഇല്ലാതെ പോയി.എന്നാല്‍ ദുരൂഹത ഏറെയുണ്ട് ചിത്രത്തില്‍.Whodunnit!! എന്ന ചോദ്യത്തിനു ഉത്തരം നല്‍കാന്‍ നല്‍കാന്‍ ഏറെ അവസരങ്ങളും.എന്നാല്‍ വിധിയെ തകര്‍ക്കാന്‍ കഴിയുമോ?താല്‍പ്പര്യമുള്ളവര്‍ ചിത്രം കാണാന്‍ ശ്രമിക്കുക.നിങ്ങളെ കാത്തിരിക്കുന്നത് വലിയ ട്വിസ്റ്റ് എന്നൊന്നും പറയാന്‍ ആകാത്തത് ആണെങ്കിലും ഒരു നല്ല സിനിമാക്കാഴ്ച തന്നെയാണ്.


More movie suggestions @www.movieholicviews.blogspot.ca

  ചിത്രത്തിന്‍റെ ലിങ്ക് എന്റെ ടെലിഗ്രാം ചാനലില്‍ ലഭ്യമാണ്
            t.me/mhviews

Sunday, 16 December 2018

991.Andhadhun(Hindi,2018)



991.Andhadhun(Hindi,2018)
       Thriller,Mystery


                    തോട്ടത്തിലെ വിള തിന്നു നശിപ്പിക്കുന്ന മുയല്‍.അതിനെ കൊല്ലാനായി തോക്കും കൊണ്ട് പുറകെ പോകുന്ന ആള്‍.ഒരു പക്ഷെ അയാള്‍ കൃഷിക്കാരന്‍ ആകാം.അല്ലെങ്കില്‍ ഒരു വേട്ടക്കാരന്‍ ആകാം.അയാള്‍ ഓടിയോടി റോഡിലേക്ക് കയറിയ മുയലിന്റെ നേരെ വെടിയുതിര്‍ക്കുന്നു.'Andhadhun"

      മുകളില്‍ പറഞ്ഞ കഥയ്ക്ക്‌ സിനിമയുമായി വലിയൊരു ബന്ധം ഉണ്ട്.അതാണ്‌ 'അന്ധാധുന്‍" എന്ന ചിത്രത്തിലെ സസ്പന്‍സ്.അന്ധനായ ഒരു പിയാനോ ആര്‍ട്ടിസ്റ്റ്.അയാള്‍ അവിചാരിതം ആയി  പ്രതികൂലമായ ഒരു സാഹചര്യത്തില്‍ ,തെറ്റായ സമയത്ത്,തെറ്റായ സ്ഥലത്ത് എത്തി ചേരുന്നു.അയാളുടെ ജീവിതം ആകെ മൊത്തം മാറ്റിയ സന്ദര്‍ഭം ആയിരുന്നു അത്.ഇവിടെ തുടങ്ങുന്നു സിനിമയിലെ ട്വിസ്റ്റുകളുടെ പെരുമഴ.ബ്ലാക്ക് കോമഡി രീതിയില്‍ അവതരിപ്പിച്ച ഈ ത്രില്ലര്‍ ചിത്രത്തില്‍ "Whodunnit?" എന്ന ചോദ്യം പ്രേക്ഷകന്റെ മുന്നില്‍ വരുന്നതേ ഇല്ല.കാരണം,സംഭവങ്ങള്‍ എല്ലാം തന്നെ പ്രേക്ഷകന്റെ മുന്നിലൂടെ തന്നെ പറഞ്ഞു പോകുന്നുണ്ട്,വളരെ ചെറിയ ഒരു ഭാഗം ഒഴിച്ചാല്‍.എന്നാല്‍ സിനിമയിലെ കഥാപാത്രങ്ങള്‍ക്ക് ആണ് ഈ ചിദ്യം ചോദിയ്ക്കാന്‍ ഉള്ള അവസരം ഒരുക്കിയിരിക്കുന്നത്.ചിത്രത്തിന്‍റെ മിസ്റ്ററി ഭാഗം യഥാര്‍ത്ഥത്തില്‍ കഥാപാത്രങ്ങള്‍ക്ക് വേണ്ടിയുള്ളത് ആണ്.

   ഇവിടെ കഥാപാത്രങ്ങള്‍ പലരും അവരുടേതായ രഹസ്യങ്ങള്‍ ഉള്ളവരാണ്.അവിടെയും ഉണ്ടാകുന്നു മിസ്റ്ററി ഘടകങ്ങള്‍."L'Accordeur" എന്ന ഫ്രഞ്ച് ഷോര്‍ട്ട് ഫിലിമില്‍ നിന്നും പ്രചോദനം ഉള്‍ക്കൊണ്ടാണ് ശ്രീരാം രാഘവന്‍ ചിത്രം അവതരിപ്പിച്ചിരിക്കുന്നത്.ബോക്സോഫീസില്‍ വലിയ ഹിറ്റ് ആയ ചിത്രം ഈ വര്‍ഷത്തെ മികച്ച ചിത്രങ്ങളില്‍ ഒന്നാണെന്ന് നിസംശയം പറയാം.അനാവശ്യമായ രംഗങ്ങള്‍ പരമാവധി കുറച്ചു,കഥാപാത്രങ്ങളെ അവതരിപ്പിച്ചു,നേരെ കഥയിലേക്ക് പോവുക എന്ന സാമാന്യ മര്യാദ ഒരു ത്രില്ലറിന് ആവശ്യം ആണെന്ന അഭിപ്രായം ആണ് ഉള്ളത്.സിനിമയുടെ വേഗത നില നിര്‍ത്താന്‍ സാധിക്കും ഈ രീതിയില്‍ ഒരു പരിധി വരെ എന്ന് തോന്നുന്നു."അന്ധാധുന്‍" ഇത്തരത്തില്‍ നോക്കിയാല്‍ മികച്ച അവതരണ രീതി തന്നെയായിരുന്നു.

   ആ മുയലിനു എന്ത് സംഭവിച്ചു എന്ന് അറിയണ്ടേ?മറക്കാതെ ചിത്രം കാണുക.നല്ലൊരു ത്രില്ലര്‍ ആണ് കാത്തിരിക്കുന്നത്.ഇന്ത്യന്‍ ഭാഷകള്‍ മിയ്ക്കതും നവീന കാലത്തിനു അനുയോജ്യമായ സിനിമ ഭാഷ്യങ്ങള്‍ തയ്യാറാക്കുന്ന തിരക്കിലാണ്.പ്രേക്ഷകരും ഏറെ മാറി.ലോക സിനിമ തന്നെ ഇന്ത്യന്‍ പ്രേക്ഷകന്റെ വിരല്‍ തുമ്പില്‍ ഇരിക്കുമ്പോള്‍ പഴയ ഗിമ്മിക്കുകള്‍ പലതും നൊസ്റ്റാള്‍ജിയ ആയി മാറാന്‍ ആണ് സാധ്യത.ഒരു ബിസിനസ് എന്ന രീതിയിലും സിനിമയ്ക്ക് പുത്തന്‍ മാര്‍ക്കറ്റുകള്‍ ലഭിക്കുന്നു നിലവാരം അനുസരിച്ച്.നല്ല വാര്‍ത്തയാണിത്." രാജ്-രോഹിത് ",കളര്‍ഫുള്‍ സിനിമകളില്‍ നിന്നും ഏറെ മാറിയിരിക്കുന്നു/മാറാന്‍ ശ്രമിക്കുന്നു ഇന്ന് ഇന്ത്യന്‍ സിനിമ മൊത്തത്തില്‍.!!


  More movie suggestions @www.movieholicviews.blogspot.ca

  ടെലിഗ്രാം ചാനല്‍ ലിങ്ക്:  t.me/mhviews

Saturday, 15 December 2018

990.The Brave One(English,2007)



990.The Brave One(English,2007)
       Crime,Drama


           ആദ്യ പ്രാവശ്യം വെടി വയ്ക്കുമ്പോള്‍ ഒന്നില്‍ കൂടുതല്‍ ബുള്ളറ്റുകള്‍ ലക്ഷ്യ സ്ഥാനത്ത് കൊണ്ടിരുന്നില്ല.എന്നാല്‍ പിന്നീട് എല്ലാം ലക്ഷ്യ സ്ഥാനത്ത് തന്നെ കൊണ്ട് തുടങ്ങി.മാദ്ധ്യമങ്ങള്‍ ന്യൂ യോര്‍ക്കിലെ പുതിയ Vigilante ആയി ആ കൊലപാതകങ്ങള്‍ നടത്തുന്ന ആളെ കുറിച്ച് എഴുതി തുടങ്ങി.പോലീസ്,കേസ് അന്വേഷണത്തില്‍ യാതൊരു തുമ്പും കിട്ടാതെ വലയുന്നു.കൊല്ലപ്പെട്ടവര്‍ സ്ഥിരം കുറ്റവാളികള്‍ ആണ് താനും.ആരാണ് ഇവരെ എല്ലാം കൊല്ലുന്നത്?അതിനു പിന്നിലുള്ള പ്രചോദനം?


      ഒരു റേഡിയോ ആര്‍ ജെയില്‍ നിന്നും സമൂഹത്തിലെ ശല്യക്കാര്‍ക്ക് എതിരെ എറിക്കാ ഇറങ്ങി തിരിച്ചതിനു കാരണം ഉണ്ടായിരുന്നു.ആ ഒറ്റ രാത്രിയില്‍ അവള്‍ക്കു നഷ്ടം ആയതു അവളുടെ സ്വപ്നങ്ങളും ആഗ്രഹിച്ചിരുന്ന ഭാവി ജീവിതവും ആണ്.പ്രത്യേകിച്ച് കാരണം ഒന്നും ഇല്ലാതെ ഒരു മനുഷ്യനെ കൊല്ലപ്പെടുത്തുക.മനുഷ്യത്വം തീരെ ഇല്ലാത്ത പെരുമാറ്റം.എറിക്കാ ജീവിതത്തിലേക്ക് തിരിച്ചു വന്നപ്പോള്‍ അവളുടെ മുന്നില്‍ പ്രതികാരം ചെയ്യാന്‍ ഉള്ള ആഗ്രഹം ആണുണ്ടായിരുന്നത്.അത് കൂടാതെ സ്വന്തം ജീവനില്‍ അകാരണമായ ഒരു ഭയവും ഉണ്ടായിരുന്നിരിക്കാം.അവളുടെ മുന്നൊരുക്കങ്ങള്‍,പ്രവര്‍ത്തികള്‍ ഓക്കെ കാണുമ്പോള്‍ അങ്ങനെ സംശയിച്ചാലും പ്രശ്നമില്ല.എറിക്കയുടെ മുന്നോട്ടുള്ള പ്രവര്‍ത്തികള്‍ ആണ് സിനിമയുടെ ബാക്കി കഥ.

     ഒരു വലിയ ത്രില്ലര്‍ ചിത്രം ഒന്നും അല്ല 'The Brave One'.ഒരു സാധാരണക്കാരി ആയി തന്നെയാണ് മുഖ്യ കഥാപാത്രം പോകുന്നത്.തോക്ക് ഉപയോഗിക്കുമ്പോള്‍ അവളുടെ കൈ വിറയ്ക്കുന്നില്ല എന്ന് മനസ്സിലാകുമ്പോള്‍ ഉള്ള ധൈര്യം.അത് മാത്രം ആണ് 'Vigilante' ആയി അവളെ കണക്കാക്കുമ്പോഴും അവളുടെ പ്രവര്‍ത്തികളെ സാധൂകരിക്കുന്നത്‌.ഇത്തരത്തില്‍ ഉള്ള ചിത്രങ്ങളില്‍ ആക്ഷന്‍ സീനുകള്‍ക്ക് ഉള്ള പ്രാധാന്യം ഇവിടെ കാണാന്‍ കഴിയില്ല.കഥാപാത്രത്തെ mould ചെയ്തിരിക്കുന്നത് ആ വിധത്തില്‍ ആണെന്നത് തന്നെ കാരണം.

  മനോരമ മോഡ്:സിനിമയിലെ നായകന്‍ നവീന്‍ ആണ്ട്രൂസ് മലയാളി ആണ്.മീരാ നായരുടെ 'കാമസൂത്ര' യിലെ രാജ് സിംഗിനെ അവതരിപ്പിച്ച നവീന്‍,മലയാളി ദമ്പതികള്‍ക്ക് ജനിച്ച ബ്രിട്ടീഷ് പൗരന്‍ ആണ്.ഇഷ്ടപ്പെട്ട ഭക്ഷണ രീതികള്‍ അറിയില്ല.സോറി!!

More suggestions @www.movieholicviews.blogspot.ca

  ചിത്രത്തിന്‍റെ ലിങ്ക് എന്റെ ടെലിഗ്രാം ചാനലില്‍ ലഭ്യമാണ്.

  t.me/mhviews 

Friday, 14 December 2018

989.Pickings(English,2018)



989.Pickings(English,2018)
      Action,Crime


  " Pickings-When 'Usher Morgan' meets 'Kill Bill' "

          അബല ആണെന്ന് അവര്‍ക്ക് ആ സ്ത്രീയെ കുറിച്ച് തോന്നി കാണും.അവര്‍ ആ തോന്നലില്‍ അവിടെ പലതും ചെയ്യാന്‍ ശ്രമിച്ചു.ഇത് അവര്‍ക്ക് ആദ്യ സംഭവം അല്ല.അവരുടെ പ്രവര്‍ത്തന രീതി അതാണ്‌.എന്നാല്‍ അവരുടെ മുന്നില്‍ ഇരുന്നത് മറ്റൊരാളായിരുന്നു.അവര്‍ക്ക് ഒരിക്കലും ഊഹിക്കാന്‍ പോലും പറ്റാത്ത ഒരാള്‍.അതിന്‍റെ ഫലം??നിമിഷ നേരം മതിയായിരുന്നു അവര്‍ക്ക് അത് മനസ്സിലാകാന്‍.അവിടെ മറ്റൊന്നുമില്ല.രക്തം മാത്രം!!

   
     ഒരു ബി-ഗ്രേഡ് ത്രില്ലര്‍ ആണെന്ന് ഉള്ള അറിവോടെ ആണ് സിനിമ കാഴ്ച തുടങ്ങിയത്.Sin City യുടെ പോലെ ഒക്കെ ഉള്ള മേക്കിംഗ്.അതിന്റെ ഒപ്പം വെസ്റ്റേണ്‍ മ്യൂസിക്കും കൂടി ആവശ്യാനുസരണം ചേര്‍ത്തപ്പോള്‍ പല സീനുകളും നന്നായി തോന്നി.ആദ്യം പറഞ്ഞ 'കില്‍ ബില്‍' പരാമര്‍ശം സിനിമ കാണുമ്പോള്‍ മനസ്സിലാകും.സിനിമയുടെ ഇടയ്ക്ക് തന്നെ പലപ്പോഴും അനിമേഷനിലൂടെ  ഒരു കോമിക് ബുക്ക് വായിക്കുന്നത് പോലെ  ഫ്ലാഷ്ബാക്ക്  അവതരിപ്പിച്ചിട്ടും ഉണ്ട്.മറ്റുള്ളവരുടെ വസ്തുക്കള്‍ കൈപ്പിടിയില്‍ ആക്കാന്‍ വേണ്ടി പരമാവധി ആക്രമണം നടത്തുന്ന പോര്‍ട്ട്‌ സിറ്റിയിലെ ഒരു ഗ്യാംഗ് ഒരിക്കല്‍ നേരിടേണ്ടി വരുന്നത് അവരുടെ പ്രതീക്ഷയ്ക്കും അപ്പുറം ചരിത്രം ഉള്ള ഒരു സ്ത്രീയെ ആണ്.അവിടിവിടെയായി 'കില്‍ ബില്‍' പാത്തും പതുങ്ങിയും വരുന്നതായി തോന്നുമെങ്കിലും എലീസ് പ്രൈസിന്റെ ,ജോ ലീ ഹേയ് വുഡ് നല്ല ഒരു കഥാപാത്രമായിരുന്നു.Internal trauma അനുഭവപ്പെടുന്ന,ചുമതലകള്‍ എല്ലാം ഭംഗിയായി ചെയ്തു തീര്‍ക്കുന്ന അവരുടെ ചിന്തകളിലൂടെ കഥ മുന്നോട്ടു പോകുമ്പോള്‍ സാധാരണ ഹോളിവുഡ് സിനിമയിലെ പോലെയുള്ള അവതരണം നല്‍കാതെ കഥയുടെ ഏതോ ഒരു ഭാഗത്ത്‌ മാത്രം അനിമേഷനില്‍ അവരുടെ മുഴുവന്‍ കഥയും പറയുന്നു.

   ഗംഭീര ചിത്രം ആണെന്നുള്ള അഭിപ്രായം ഒന്നുമില്ലെങ്കിലും Indie സിനിമയുടെ ബജറ്റില്‍ ഇത്തരത്തില്‍ ഉള്ള ചിത്രം തീരെ മോശവും അല്ലായിരുന്നു.ടരന്റിനോ സിനിമയുടെ 'weed version'  എന്ന് വിളിക്കാനും ഇഷ്ടമാണ് ഈ ചിത്രത്തെ.പരിഹസിച്ചല്ല ഈ അഭിപ്രായം.പകരം,നേരത്തെ കണ്ടിട്ടുള്ള കാഴ്ചകളില്‍ Visual Richness ഒരു കോമിക് കഥയുടെ രൂപത്തില്‍ അവതരിപ്പിച്ചു വരുമ്പോള്‍ ഭയങ്കര ഡാര്‍ക്ക്‌ ആയി തോന്നി.അത് കൊണ്ടാണ്.മാത്രമല്ല,അത് ഈ ഒരു പ്രതീതി ഉണ്ടാക്കുകയും ചെയ്തു.എല്ലാവര്ക്കും ദഹിക്കണം എന്നില്ലെങ്കിലും ,ചുമ്മാ ഒന്ന് കണ്ടു നോക്കാം ഈ ചിത്രം.


  More movie suggestions @www.movieholicviews.blogspot.ca

സിനിമയുടെ ലിങ്ക് എന്റെ ടെലിഗ്രാം ചാനലില്‍ ലഭ്യമാണ്.

t.me/mhviews
         

Thursday, 13 December 2018

988.A Simple Favor(English,2018)



988.A Simple Favor(English,2018)
       Mystery,Thriller.


   കുറച്ചു ദിവസം മുന്‍പ് പരിചയപ്പെട്ട,മകന്റെ സുഹൃത്തിന്‍റെ അമ്മയുടെ സ്വഭാവം ആണ് സ്റ്റെഫാനി ഇഷ്ടപ്പെട്ടത്.അവള്‍ക്കു എമിലിയോടു ആരാധന ആയിരുന്നിരിക്കാം.അതിനു കാരണവും ഉണ്ട്.ജീവിതത്തില്‍ വിജയിയായ,നല്ല കുടുംബം ഉള്ള,സ്വതന്ത്രയായ ഒരു സ്ത്രീ ആയിരുന്നു എമിലി.അതോടൊപ്പം അവളെ ചുറ്റി ധാരാളം രഹസ്യങ്ങളും ഉള്ളത് പോലെ തോന്നും.എന്നാല്‍ ഒരു ദിവസം പെട്ടെന്ന് എമിലി അപ്രത്യക്ഷ ആകുന്നു.അവളുടെ മകനെയും ഭര്‍ത്താവിനെയും ഉപേക്ഷിച്ചു കൊണ്ട്.പിന്നീട് എമിലിയുടെ ഒരു വിവരവും ഇല്ല.അവള്‍ എവിടേയ്ക്ക് ആണ് മറഞ്ഞത്?അവള്‍ക്കു എന്താണ് സംഭവിച്ചത്?

   "ഡാര്സി ബെല്ലിന്‍റെ" ഇതേ പേരുള്ള നോവലിനെ ആസ്പദം ആക്കിയാണ് സിനിമ അവതരിപ്പിച്ചിരിക്കുന്നത്.സിനിമ കഥയിലെ ട്വിസ്റ്റുകള്‍ വരുമ്പോള്‍ തുടക്കം കണ്ടു മറഞ്ഞ പല സിനിമകളിലെ കഥ പോലെ തോന്നാം.എന്നാല്‍ കഥ അവതരിപ്പിച്ച രീതിയും,അതില്‍ നിന്നും ക്ലൈമാക്സിലേക്കുള്ള ദൂരവും ആണ് സിനിമയുടെ നല്ല വശം.പ്രത്യേകിച്ചും വ്ലോഗിലൂടെ    കഥ അവതരിപ്പിച്ചിരിക്കുന്നത് നന്നായിരുന്നു."Searching' ല്‍ അവതരിപ്പിച്ച "കമ്പ്യൂട്ടര്‍ സ്ക്രീന്‍സിനിമയുടെ " അത്ര വ്യത്യസ്ഥത ഒന്നും ഉണ്ടായിരുന്നില്ലെങ്കിലും വളരെ മികച്ച രീതിയില്‍ കഥ പറയുക എന്നത് ആയിരുന്നു ഹൈലൈറ്റ്.പ്രത്യേകിച്ചും ഒരു നോവലിലൂടെ അവതരിപ്പിച്ച കഥ ,ഈ രീതിയില്‍ അവതരിപ്പിക്കുമ്പോള്‍ പാളി പോകാമായിരുന്നു.


   എന്നാല്‍ Anna Kendrik അവതരിപ്പിച്ച സ്റ്റെഫാനി എന്ന കഥാപാത്രം വ്ലോഗിലൂടെ തന്‍റെ കുറ്റാന്വേഷണ ത്വര അവതരിപ്പിക്കുമ്പോള്‍ കഥ പ്രേക്ഷകനില്‍ താല്‍പ്പര്യം ഉളവാക്കുന്നു.ആ താല്‍പ്പര്യം ആണ് കേട്ട് പഴകിയ ഒരു ട്വിസ്റ്റ് കഥയില്‍ വരുമ്പോള്‍ പോലും പ്രേക്ഷകനെ പിടിച്ചിരുത്തുന്നത്.ഒരു രണ്ടാം ഭാഗം ഒക്കെ വേണമെങ്കില്‍ സിനിമയുടെ അവസാനം എഴുതിക്കാണിക്കുമ്പോള്‍ വരാന്‍ സാധ്യത ഉണ്ടെന്നു കരുതാം.വീട്ടമ്മയായ,വ്ലോഗര്‍ ആയ ഒരു കുറ്റാന്വേഷക!!നല്ല ഒരു കോമ്പിനേഷന്‍ ആണ്.ബ്ലേക്ക് അവതരിപ്പിച്ച എമിലി എന്ന കഥപാത്രവും ചൂടും എരിവും നിറഞ്ഞതായിരുന്നു.മൊത്തത്തില്‍ സിനിമയോട് ബ്ലെണ്ട് ചെയ്തു പോകുന്ന ഒന്ന്.നല്ല ഒരു കുറ്റാന്വേഷണ ചിത്രം ആണ് 'A Simple Favor'.അധികം ചിന്തിക്കാന്‍ ഉള്ളതൊന്നും ഇല്ലെങ്കിലും ഒരു ഫ്ലോയില്‍ അങ്ങ് കാണാന്‍ പറ്റാവുന്ന ഒന്ന്.


  More movie suggestions @www.movieholicviews.blogspot.ca

  സിനിമയുടെ ലിങ്ക് എന്റെ ടെലിഗ്രാം ചാനലില്‍ ലഭ്യമാണ്..

t.me/mhviews

Sunday, 9 December 2018

987.Santosh Subramaniam(Tamil,2008)



987.Santosh Subramaniam(Tamil,2008)

        പത്തു പന്ത്രണ്ടു വര്ഷം മുന്‍പുള്ള നൊസ്റ്റാള്‍ജിയ ആണ് "ബൊമ്മരില്ലു",'സന്തോഷ്‌ സുബ്രമണിയം' ഒക്കെ.നാഗര്‍കോവിലില്‍ പഠിക്കുന്ന സമയം തെലുങ്ക്‌ സിനിമ ഒക്കെ ചിരന്ജീവിയുടെയുടെയും നാഗര്‍ജുനയുടെയും  സിനിമകള്‍ കണ്ടുള്ള പരിചയം മാത്രമായിരുന്നു.ജെമിനി ടി വിയില്‍ ആണെന്ന് തോന്നുന്നു അന്ന് ചുമ്മാ ഇരിക്കുമ്പോള്‍ തെലുങ്ക് സിനിമ കാണുക ആയിരുന്നു ഞങ്ങളുടെ SMRVയിലെ റൂമിലെ 'ടെറസ് ക്രിക്കറ്റ്' കഴിഞ്ഞാല്‍ ഉള്ള പ്രധാന പരിപാടി.അങ്ങനെ ഇരിക്കെയാണ് 'ആര്യ' ഇറങ്ങുന്നതും.അതിന്റെ സി ഡി ആകസ്മികം ആയി കിട്ടുന്നതും.അത് വേറൊരു കഥയാണ്.അന്ന് കോളേജ് സമയത്ത് ആ സി ഡി ഒരു തരംഗം ആയിരുന്നു ഞങ്ങളുടെ സര്‍ക്കിളില്‍.ആ കഥ പിന്നീട്.

     ഇന്ന് സീരിയല്‍ കില്ലര്‍,ത്രില്ലര്‍ സിനിമകള്‍ തിരഞ്ഞു പിടിച്ചു കാണുന്നത് പോലെ ആയിരുന്നു തെലുങ്ക്‌ പടങ്ങളോട് ഉള്ള ആര്‍ത്തി.തമിഴ് സിനിമകള്‍ എല്ലാം തിയറ്ററില്‍ പോയി കാണും.തെലുങ്ക്‌ സിനിമകള്‍ എങ്ങനെ എങ്കിലും സി ഡി ഒപ്പിച്ചും.മലയാള സിനിമയോട് ഒടുക്കത്തെ പുച്ഛം.ഇപ്പൊ അന്നത്തെ എന്റെ പ്രായത്തില്‍ ഉള്ളവര്‍ മലയാള സിനിമ പോരാ,പണം മുടക്കുന്നില്ല എന്നൊക്കെ പറയുമ്പോള്‍ അന്നത്തെ സിനിമയെ കുറിച്ചുള്ള concept ന്‍റെ ഒക്കെ നിലവാരം ഓര്‍ത്തു ചിരി വരും.അങ്ങനെ കണ്ട കുറെ തെലുങ്ക്‌ സിനിമയുടെ ഇടയില്‍ ഒരു തരംഗം ആയാണ് 'ബൊമ്മരില്ലു' വരുന്നത്.ബോയ്സിനു ശേഷം ഇഷ്ടമുള്ള സിദ്ധാര്‍ഥ്-ജെനീലിയ ടീമിന്‍റെ പടം.അപ്പോഴേക്കും 'wap movies download' ഒക്കെ സര്‍വസാധാരണം ആയിരുന്നു.അതിന്റെ ഒപ്പം വീട്ടില്‍ കുഴപ്പമില്ലാത്ത ഇന്റര്‍നെറ്റ് സ്പീഡ് ഉണ്ടായിരുന്നു.രണ്ടു മൂന്നു ദിവസം എടുത്തിട്ട് ആണെങ്കിലും സിനിമ ഡൌണ്‍ലോഡ് ചെയ്യും.അത് കണ്ടു കഴിഞ്ഞാണ് എന്ന് തോന്നുന്നു 'സന്തോഷ്‌ സുബ്രമണിയം' വരുന്നത്.

   നല്ല കളര്‍ഫുള്‍,enjoyable ചിത്രം എന്ന് പറയാവുന്നതാണ് ഈ സിനിമയുടെ കഥ.അച്ഛന്‍-മകന്‍ ബന്ധത്തില്‍ അധികം ശ്രദ്ധിക്കാതെ പോയിക്കൊണ്ടിരുന്ന ഒരു ഘടകം ആയിരുന്നു ഇതില്‍ ഹൈലൈറ്റ് ചെയ്യപ്പെട്ടത്.ഇന്നത്തെ തലമുറയ്ക്ക് അങ്ങനെ ഒരു പ്രശ്നം ഉണ്ടെന്നു തോന്നുന്നില്ല.പക്ഷെ ഒരു പരിധി വരെ എന്തിനും ഏതിനും അപ്പന്‍റെ അഭിപ്രായങ്ങള്‍  ഒരു പരിധി വരെ എല്ലാത്തിലും influence ചെയ്യും എന്ന് തോന്നിയ സമയം.പതുക്കെ വീട്ടില്‍ റിബല്‍ ആയി തുടങ്ങിയപ്പോള്‍ ആണ് പടം വരുന്നത്.ചെറുതായി ലൈഫിനോട്  ബന്ധം ഉള്ള കഥയും കൂടി ആയപ്പോള്‍ ഇഷ്ടം കൂടി.ഒരു പരിധി വരെ അന്നത്തെ  തലമുറയ്ക്ക് ഇങ്ങനെ ഒരു അവസ്ഥ ഉണ്ടായിരുന്നു എന്നാണ് തോന്നല്‍.വെറുതെ ഇരിക്കുമ്പോള്‍  സംസാരത്തില്‍ ടോപിക് ആയി വരുമായിരുന്നു ഈ ഒരു സംഭവം.അന്നത്തെ 'ക്യൂട്ട് ജെനീലിയ'യ്ക്ക് ഇന്ന് കാണുമ്പോള്‍ ഓവര്‍ ആക്റ്റിംഗ് ആണോ അതോ അല്‍പ്പം പിരി ലൂസ് ആണോ എന്നൊക്കെ തോന്നാറുണ്ട്.അങ്ങനെ ഉള്ള വേറൊരു നടി ആണ് പഴയ ലൈല.എന്തായാലും അന്ന് അതൊക്കെ നല്ല രസമായിരുന്നു.മൊത്തത്തില്‍ രസകരം ആയ ഫാമിലി.നല്ല പാട്ടുകള്‍.അന്നത്തെ പ്രായത്തിനു അതൊക്കെ ധാരാളം ആയിരുന്നു എന്നതാണ് സത്യം.

  എന്തായാലും അന്ന് യൂത്തിന്റെ ഇടയില്‍ അല്‍പ്പം മാര്‍ക്കറ്റ് ഉണ്ടായിരുന്ന ജയം രവിയെ ഒക്കെ ഇന്ന് സിനിമ ആകസ്മികം ആയി കാണേണ്ടി വന്നപ്പോള്‍ ആണ് അന്നത്തെ ഷര്‍ട്ട്,പാന്‍റ് സ്റ്റൈലിനെ ഓര്‍ത്തത്‌.ചെറിയ ബെല്‍സ് ഉള്ള പാന്റും ഷര്‍ട്ടും ഒക്കെ പണ്ട് ഞങ്ങളൊക്കെ ബെല്‍ ബോട്ടം പാന്റിനെ കളിയാക്കിയത് പോലെ വരുന്ന തലമുറകള്‍ കളിയാക്കും എന്ന് ഉറപ്പാണ്.അന്നത്തെ ഡിസൈനില്‍ ഉള്ള ഷര്‍ട്ട് ഒക്കെ ആയിരുന്നു പരിഷ്ക്കാരം.ഇന്ന് അതൊക്കെ കാണുമ്പോള്‍ വേറെ ഭാവം ആണ് വരുക.'സന്തോഷ്‌ സുബ്രമണിയം' ഇന്ന് കണ്ടപ്പോള്‍ പഴകിയ കഥയായോ മടുപ്പിക്കുന്ന ഒന്നായോ തോന്നിയില്ല.എങ്കിലും ഇന്ന് പുതുതായി ഇറങ്ങിയാല്‍ എന്താകും പ്രതികരണം എന്ന് ഉറപ്പും ഇല്ല.

   ഓരോരുത്തരുടെയും ജീവിതത്തിലെ ഗോള്‍ഡന്‍ ഏജ് ആയിരിക്കും കോളേജ് ജീവിതം.കാരണം,മോശം ആയാലും നല്ലത് ആയാലും നമ്മളെ തന്നെ പിന്നീട് പുറകോട്ട് ചിന്തിപ്പിക്കുന്ന കുറെ കാര്യങ്ങള്‍ എന്തായാലും ഉണ്ടാകും നല്ല 'ലൈവ്' ആയി തന്നെ.അന്നത്തെ ഓരോ സന്ദര്‍ഭങ്ങളും രേഖപ്പെടുത്താന്‍ ഓരോ പാട്ടിനു പോലും കഴിയും.യഥാര്‍ത്ഥത്തില്‍ സിനിമയെ കുറിച്ച് എഴുതാന്‍ ആണ് വന്നത്.എന്നാല്‍ വിഷയം മാറി പോയത് ശ്രദ്ധിച്ചു.പക്ഷേ മിയ്ക്കവാറും ആളുകള്‍ കണ്ട സിനിമ ആയതു കൊണ്ട് കൂടുതല്‍ ഒന്നും പറയണ്ട എന്ന് കരുതുന്നു.പകരം  സിനിമ ഇന്ന് കണ്ടപ്പോള്‍ ഇങ്ങനെ ഓര്‍മയില്‍ കൂടി പോയ കുറെ സംഭവങ്ങളുണ്ട്.റൂം,കൂട്ടുകാര്‍,പ്രണയം,കോളേജ് കഴിഞ്ഞുള്ള ജോലി തേടിയുള്ള സമയം.അങ്ങനങ്ങനെ.പലതും ഇത് പോലെ മാര്‍ക്ക് ചെയ്യാന്‍ കഴിയും.ഇങ്ങനെ സിനിമ കണ്ട് നൊസ്റ്റു അടിക്കാറുണ്ടോ ആവോ?എന്തായാലും കോളേജ്-ജോലി കിട്ടുന്നതിന് മുന്‍പുള്ള  ജീവിതം എനിക്ക് ഇങ്ങനെ കുറെ സിനിമകള്‍ ആയിരുന്നു.

'സന്തോഷ് സുബ്രമണിയം, ബൊമ്മരില്ലു'  സിനിമകള്‍ കണ്ടിട്ടില്ലാത്തവര്‍ കണ്ടോളൂ...ഒടിയ,ബംഗാളി റീമേക്കുകളും ഉണ്ടായിരുന്നു..കുഴപ്പമില്ല ആദ്യമായി കാണുക ആണെങ്കിലും!!


Saturday, 8 December 2018

986.Varathan(Malayalam,2018)


986.Varathan(Malayalam,2018)

     വരത്തന്‍, സ്ട്രോ ഡോഗ്സ് (1971)  ന്‍റെ   "ഈച്ച കോപ്പി" ആണെന്ന് പറയാമെങ്കിലും അമല്‍ നീരദ് മലയാളം പതിപ്പ് അവതരിപ്പിച്ച രീതി ഇഷ്ടപ്പെട്ടൂ.'Four Brothers' 'Big B' ആയപ്പോഴും വിദഗ്ധമായി അത് പ്രാദേശിക രീതികളോട് ഇണങ്ങുന്ന രീതിയില്‍ പറിച്ചു നട്ടത് നന്നായിരുന്നു.ഇവിടെയും അതാണ്‌ സംഭവിച്ചിരിക്കുന്നത്.നായികയുടെ കുട്ടിക്കാലം ചിലവഴിച്ച നാട്ടിലേക്ക് അവള്‍ കാമുകനോടൊപ്പം(SD),ഭര്‍ത്താവിനു ഒപ്പം (വരത്തന്‍) എത്തുന്നു.സ്ട്രോ ഡോഗ്സില്‍ ,തുടക്കത്തില്‍ തന്നെ അമേരിക്കന്‍ ആയ നായകനോടുള്ള അപ്രിയത ആ ചെറിയ ഇംഗ്ലീഷ് ഗ്രാമത്തിലെ ആളുകള്‍ കാണിക്കുന്നുണ്ട്.സായിപ്പന്മാരുടെ എക്കാലത്തെയും സ്വഭാവ രീതി അതായിരിക്കണം.അവരില്‍ ഉള്‍പ്പെടാത്തവരെ എല്ലാം സംശയത്തോടെ കാണുന്ന മനസ്ഥിതി.ഇപ്പോഴും പ്രകടമായ മാറ്റം ഉണ്ടെന്നും തോന്നുന്നില്ല..അവിടെ നായികയുടെ വസ്ത്രധാരണത്തെ കുറിച്ച് നായകന്‍ ചെറിയ ഉപദേശം നല്‍കുന്നും ഉണ്ട്.കാരണം നായിക ആ ചെറിയ ഗ്രാമത്തില്‍ അങ്ങനെ നടക്കാന്‍ പാടില്ലായിരുന്നു എന്നത് അവിടത്തെ മനസ്ഥിതിയും ആയിരുന്നിരിക്കണം.

    എന്നാല്‍ മലയാളം പതിപ്പില്‍ മൊത്തത്തില്‍ കപട സദാചാര വാദം പുലര്‍ത്തുന്ന ആളുകളെ ആണ് കാണിക്കുന്നത്.'തനിക്കു കിട്ടാത്തത് മറ്റുള്ളവര്‍ക്ക് കിട്ടുന്നതില്‍ ഖിന്നനാണ്‌' എന്ന് തുറന്നു പറയുന്നത് പോലെ ഉള്ളവര്‍.മറ്റുള്ളവരുടെ മുറികളിലേക്ക് ഒളിഞ്ഞു നോക്കുന്ന അവര്‍ എന്നാല്‍ ഒരാണും പെണ്ണും ഒരുമിച്ചു ഇരുന്നാല്‍ 'മറ്റേ പരിപാടി' ആണെന്ന് കരുതുന്ന കൂട്ടത്തിലും ആണ്.'കിട്ടാത്തവന്‍,കിട്ടുന്നവനോട് കാട്ടുന്ന അസഹിഷ്ണുത' എന്ന് പറയാം.പൊളിറ്റിക്കല്‍ കറക്റ്റ്നസ് ഒക്കെ നോക്കിയാല്‍ ഒരു പക്ഷെ വളരെ തെറ്റായ ഒരു വാചകം ആയിരിക്കാം അത്.എന്നാല്‍ അങ്ങനെ ഉള്ള മനസ്ഥിതി ഉള്ളവരെ സൂചിപ്പിക്കാന്‍ വേറെ നല്ല വാക്കുകള്‍ ഇല്ല.സമാനമായ,മറ്റുള്ളവരുടെ ജീവിതത്തില്‍ ഒളിഞ്ഞു നോക്കുന്നവരെ വാര്‍ത്തകളില്‍ പലപ്പോഴും കാണുന്നതും ആണ്.

   രണ്ടു ഭാഷകളിലും ഇത് പോലത്തെ സംഭവത്തില്‍ വ്യത്യാസം ഉണ്ടായിരുന്നെങ്കിലും പണക്കാരന്റെ മകള്‍ പാവപ്പെട്ടവനെ പ്രണയിക്കുക.അതില്‍ അങ്കക്കലി കൊണ്ട് വരുന്ന ബന്ധുക്കള്‍ എന്നിവയ്ക്ക് ഒന്നും വ്യത്യാസം ഇല്ല.അത് എല്ലായിടത്തും അങ്ങനെ ആയിരിക്കുന്നത് കൊണ്ടാകും.സമത്വ സുന്ദര ലോകം ഒക്കെ ബന്ധങ്ങളുടെ കണക്കില്‍ ഇപ്പോഴും അകലെയാണ്.പണത്തിനു നല്ല പ്രാധാന്യം ബന്ധങ്ങളില്‍ സ്വാധീനം ഉണ്ടാക്കാറുണ്ട്,അത് എത്ര സ്വാതന്ത്ര്യം ഉള്ള ലോകത്ത് ആയാലും.മറ്റൊരു തരത്തില്‍ ആയിരിക്കും എന്ന് മാത്രം.

  ഡേവിഡ്,എബി എന്നിവര്‍ അവരുടെ പ്രിയതമകളെ പോലും അമ്പരിപ്പിച്ചു കൊണ്ട് നടത്തുന്ന 'transformation' രണ്ടു സിനിമയിലും ഗംഭീരം ആയിരുന്നു.അത്രയും നേരം സിനിമ കണ്ട പ്രേക്ഷകന് പോലും ഒരു ക്ലൂ കൊടുക്കാതെ അവസാന രംഗങ്ങള്‍,തങ്ങളുടെ ജീവിതത്തിലേക്ക് അതിക്രമിച്ചു കയറിയവര്‍ക്ക് മരണസമാനമായ അവസ്ഥ ആയി മാറിയത് ആയിരുന്നു രണ്ടിലും ഹൈലൈറ്റ്.നായിക കഥാപാത്രങ്ങളുടെ 'attitude'  ആണ് കാര്യമായ വ്യത്യാസം ഉണ്ടായിരുന്നത്.സ്ട്രോ ഡോഗ്സിലെ 'ആമി' ആകെ കണ്ഫ്യൂഷനില്‍ ആയിരുന്നു.അതാണ്‌ അവള്‍ പഴയ കാമുകനോട് ഒപ്പം അല്‍പ്പ സമയം പങ്കിടുന്നതും,അതിനെ തുടര്‍ന്ന് പരമ്പരയായി സംഭവങ്ങള്‍ ഉണ്ടാകുന്നതും.എന്നാല്‍ മലയാളിയായ പ്രിയയെ കൊണ്ട് അങ്ങനെ ഒരു സാഹസത്തിനു സംവിധായകന്‍ പോയില്ല.ഒരു പക്ഷെ,മലയാളികളുടെ സല്‍ഗുണ സമ്പന്നയായ നായികാ സങ്കല്പം ആയിരിക്കും ഇങ്ങനെ ഒരു കാര്യത്തിനു വ്യത്യാസം വരുത്തുന്നത്.ആമിയുടെ കുറ്റബോധവും,പ്രിയയുടെ പ്രതികാരവും ആണ് ചിത്രങ്ങളിലെ പ്രധാന വ്യത്യാസവും.

   'സ്ട്രോ ഡോഗ്സ്' ന്‍റെ പാളിപ്പോയ റീമേക്കുകള്‍ വച്ച് നോക്കുമ്പോള്‍ 'വരത്തന്‍' നിലവാരം പുലര്‍ത്തി എന്ന് തന്നെ പറയാം.ക്യാമറ കൊണ്ട് ഓരോ ഫ്രെയിമും stylish ആക്കിയ ചിത്രം 1971 ലെ ചിത്രത്തിന് നല്ല ഒരു homage ആയി കണക്കാക്കാന്‍ ആണ് ഇഷ്ടം.കാരണം 'വരത്തന്‍' ആ പ്രമേയത്തെ വിദഗ്ദ്ധമായി,മികച്ച രീതിയില്‍ തന്നെ അവതരിപ്പിച്ചിരുന്നു എന്നത് തന്നെ കാരണം.ശരഫുധീന്‍,വിജിലേഷ് തുടങ്ങിയവരുടെ ഒക്കെ ഞെട്ടിപ്പിക്കുന്ന പ്രകടനം ആണ് മറ്റൊരു മേന്മ.'Villain-ism at it's peak' എന്നൊക്കെ പറയാവുന്ന അത്ര വൃത്തിക്കെട്ടവന്മാര്‍ ആയിരുന്നു ആ കഥാപാത്രങ്ങള്‍.പ്രേക്ഷകന് പോലെ 'അടിച്ചു ചെള്ള തെറുപ്പിക്കാന്‍' തോന്നുന്ന രീതിയില്‍ ഉള്ളവര്‍.

  എന്തായാലും ഈ സിനിമകള്‍ എല്ലാം നന്ദി പറയേണ്ടത് 'ഗോര്‍ഡന്‍ N  വില്യംസിന്‍റെ' "The Siege of Trencher's Farm' എന്ന നോവലിനോട് ആണ്.(അവ:വിക്കിപീഡിയ).ത്രില്ലര്‍ സിനിമകളിലെ മികച്ച രണ്ടു അനുഭവങ്ങള്‍ ആണ് 'Straw Dogs' ഉം 'വരത്തനും'.ഇതില്‍ ഏതെങ്കിലും ഒരെണ്ണം കണ്ടാല്‍ മറ്റേതു കാണാന്‍ താല്‍പ്പര്യം ഉണ്ടാകില്ല എന്ന് കരുതുന്നതിനു പകരം രണ്ടും കാണണം എന്ന അഭിപ്രായം ആണ്.ഒരേ കഥ ആണെങ്കില്‍ പോലും രണ്ടു കാലഘട്ടങ്ങളില്‍,രണ്ടു സംസ്ക്കാരങ്ങളില്‍ ഈ സിനിമകള്‍ എങ്ങനെ 'place' ചെയ്തു എന്ന് കണ്ടു നോക്കുന്നതില്‍ തന്നെ കൌതുകം ഉണ്ട്.അത് കൊണ്ടാണ്...

Friday, 7 December 2018

985.Tumbbad(Hindi,2018)


985.Tumbbad(Hindi,2018)
       Horror,Thriller

      പ്രാദേശികമായ ധാരാളം കഥകളുടെ വിളനിലം ആണ് ഇന്ത്യ.ഒരു വിധത്തില്‍ പറഞ്ഞാല്‍,പലതരം കഥകളിലൂടെയും കെട്ടിപ്പൊക്കിയ ഒരു സംസ്ക്കാരം.ദേശഭേദമെന്യേ പല രൂപത്തിലും ഭാവത്തിലും ഉള്ള കഥകള്‍.ഭൂരിഭാഗവും മനുഷ്യ ജീവിതത്തില്‍ പല തരം മാറ്റങ്ങള്‍ ഉണ്ടായി നന്മയിലേക്ക് മാറുന്ന കഥാപാത്രങ്ങളുടെ ആണ്.അതിനായിരുന്നു എന്നും ആരാധകര്‍ കൂടുതല്‍.ഭൂതം,ചാത്തന്‍,ഭീകര രൂപികള്‍ തുടങ്ങി വലിയൊരു ശ്രേണിയില്‍ കാണും കഥാപാത്രങ്ങള്‍.ചിലര്‍ക്ക് അതില്‍ ആരാധന ഭാവവും കാലാന്തരത്തില്‍ വന്നു ചേര്‍ന്നിട്ടുണ്ട്.ആ ഒരു ശ്രേണിയിലേക്ക് വിശ്വസനീയം എന്ന് തോന്നിക്കുന്ന രീതിയില്‍ അവതരിപ്പിക്കുന്ന കഥയാണ് Tumbbad എന്ന ചിത്രത്തിനുള്ളത്.

    "ഹസ്തര്‍" എന്ന 'സമൃദ്ധിയുടെ ദേവത"യുടെ ആദ്യ മകനെ കുറിച്ച് ആരും കേള്‍ക്കാന്‍ ഇടയില്ല.എന്നാല്‍ അത്തരത്തില്‍ ഉള്ള ഒരു കഥയ്ക്ക്‌ ഉള്ള സാദ്ധ്യതകള്‍ മൂന്നു തലമുറയോളം നീണ്ടു നില്‍ക്കുന്ന കാലഘട്ടത്തിലേക്ക് അവതരിപ്പിച്ചപ്പോള്‍ ആദ്യം പറഞ്ഞ രീതിയില്‍ മികച്ച ഒരു കഥയും സിനിമയും പിറവിയെടുക്കുക ആയിരുന്നു.കഥയിലേക്ക് അധികം പോകാന്‍ ഒന്നും ഇല്ലെങ്കിലും സിനിമയുടെ അവതരണ രീതി ആണ് മികച്ചത്.പ്രത്യേകിച്ചും VFX നു വേണ്ടി സിനിമ എടുക്കുന്ന ഈ കാലത്ത് ,ഏച്ചുക്കെട്ടല്‍ ഇല്ലാതെ സിനിമയിലെ സ്വാഭാവികമായ ഒരു രംഗം ആണെന്ന് തന്നെ തോന്നിപ്പിക്കുന്ന രീതിയില്‍ ആയിരുന്നു അത്തരം രംഗങ്ങള്‍ ഒക്കെ.പ്രത്യേകിച്ചും ക്ലൈമാക്സ് ഓക്കെ തിയറ്ററില്‍ കണ്ടിരുന്നെങ്കില്‍ കുറച്ചും കൂടി ആസ്വദിക്കാന്‍ അവസരം ഉണ്ടായേനെ എന്ന് തോന്നി.

  1920 കളില്‍ ഉള്ള ഇന്ത്യയില്‍ തുടങ്ങി സ്വാതന്ത്ര്യം ലഭിക്കുന്നത് വരെയുള്ള കാലഘട്ടത്തിലെ രാഷ്ട്രീയ,സാമൂഹിക അവസ്ഥകള്‍ ചെറുതായി അവതരിപ്പിച്ചിട്ടും  ഉണ്ട് ചിത്രത്തില്‍.എങ്കിലും നേരത്തെ പറഞ്ഞ കഥകളിലെ മനുഷ്യ ജീവിതത്തില്‍ എന്തായിക്കൂടാ എന്ന രീതിയില്‍ രീതിയില്‍ അവതരിപ്പിച്ച കഥയില്‍ പ്രേക്ഷകന് നല്‍കിയ ഭയവും മറ്റും ആയിരുന്നു മുന്നിട്ടു നിന്നത്.ഹൊറര്‍ എന്നാല്‍ 'jump scare' രംഗളിലൂടെ മാത്രം വരുത്തേണ്ട ഒന്നല്ല."Tumbbad" ആ രീതിയില്‍ പ്രേക്ഷകനെ പേടിപ്പിക്കാന്‍ നോക്കുന്നും ഇല്ല.എന്നാല്‍ ഇത്തരം കഥകള്‍ പരിചിതമായ ഒരു സംസ്ക്കാരത്തിലേക്ക് ഇത്തരത്തില്‍ ഒരു കഥ കൂട്ടി ചേര്‍ക്കുമ്പോള്‍ ആ കഥകള്‍ ആദ്യമായി കേള്‍ക്കുമ്പോള്‍ തോന്നിയ അതെ കൗതുകം ഇവിടെയും തോന്നാം.സിനിമയില്‍ മുഴുകി ഇരിക്കുമ്പോള്‍ അവിടെ ചെറുതായി ഭയം വരുകയും ചെയ്യാം.അല്‍പ്പ നേരം ഈ കഥ ഒന്ന് വിശ്വസിക്കണം എന്ന് മാത്രം.അവടെ ആണ് സിനിമയുടെ പിന്നണിയില്‍ ഉള്ളവര്‍ വിജയിച്ചിരിക്കുന്നതും എന്ന് തോന്നുന്നു.


   നാല് മഴക്കാലം,6 വര്‍ഷം.ഈ ചിത്രം ഷൂട്ട്‌ ചെയ്യാന്‍ ഇത്ര സമയം എടുത്തു.(അവലംബം:imdb).എങ്ങും എഴുതിയിട്ടില്ലാത്ത ഒരു കഥാപാത്രവും കഥയും ഒരു രണ്ടാം ഭാഗത്തിന് തയ്യാറാകുന്നു എന്ന് ചില മാധ്യമങ്ങള്‍ റിപ്പോര്‍ട്ട് ചെയ്തിരുന്നു.കിട്ടാവുന്ന അത്ര മികച്ച പ്രിന്റില്‍ തന്നെ കാണാന്‍ ശ്രമിക്കുക.വിഖ്യാതമായ Venice International Film Critic's week ല്‍ ആദ്യ ഷോ ആയി കാണിച്ച ആദ്യ ഇന്ത്യന്‍ ചിത്രം ആണ് "Tumbbad"(അവ:imdb).ഒരു രക്ഷയും ഇല്ലാത്ത നിരൂപക പ്രശംസ ആണ് ചിത്രത്തിന് ലഭിച്ചത്.സിനിമ കണ്ടപ്പോള്‍ അതൊന്നും കുറവല്ല.എന്നാണു തോന്നിയതും.

More movie suggestions @ www.movieholicviews.blogspot.com


Telegram channel link: t.me/mhviews


Thursday, 6 December 2018

984.The Vanished Elephant(Spanish,2014)



984.The Vanished Elephant(Spanish,2014)
      Mystery
 " മാജിക്കല്‍ റിയലിസവും,കഥാപാത്രത്തിന്റെ ഒടുക്കവും,ഒരു സുനാമിയും"


         തന്‍റെ ശരീരത്തിലേക്ക് ആ മൃതദേഹം വീഴുമ്പോള്‍ കഴിഞ്ഞ ദിവസങ്ങളില്‍ തന്‍റെ പ്രിയപ്പെട്ട കഥാപാത്രവും ,അയാളെ ഫോട്ടോകളില്‍ അവിസ്മരണീയം ആക്കി മാറ്റിയ അയാള്‍ക്ക്‌,തന്‍റെ ഇഷ്ട കഥാപാത്രത്തിന്റെ ഏകദേശ രൂപം കാത്ത അയാള്‍ക്ക്‌ ആ കൊലപാതകത്തില്‍ പങ്കുണ്ട് എന്ന് തന്നെ എടോ വിശ്വസിച്ചു.എന്നാല്‍ തന്നെ മുഖവിലയ്ക്ക് എടുക്കാന്‍ ആരും തയ്യാറാകാത്തത് കൊണ്ട് തന്നെ എടോ ആ രഹസ്യം തേടി ഇറങ്ങി.അയാളുടെ കയ്യില്‍ കുറച്ചു കടങ്കഥകള്‍ ഉണ്ട്.അതില്‍ നിന്നും ലഭിക്കാന്‍ ഏറെ ഉത്തരങ്ങളും.

   മാജിക്കല്‍ റിയലിസത്തിന്റെ സാധ്യതകള്‍ ഉപയോഗപ്പെടുത്തി ,ഒരു കഥാപാത്രത്തിന്റെ അവസാനത്തിലേക്ക് അതിനെ കൊണ്ട് പോകാന്‍ എഴുത്തുകാരന്‍ ശ്രമിക്കുകയും അയാള്‍ അതില്‍ എന്ത് മാത്രം വിജയിക്കും എന്നും ഉള്ള ചോദ്യത്തിന് ഉത്തരമാണീ പെറുവിയന്‍ ചിത്രം.എടോ,മുന്‍ പോലീസ് ഉദ്യോഗസ്ഥനാണ്.ഒരു ദിവസം പെട്ടെന്ന് അയാളുടെ പ്രിയപ്പെട്ടവള്‍ അപ്രത്യക്ഷയായി.അതിന്റെ പുറകെ ആണ് 7 വര്‍ഷത്തോളം അയാള്‍.

  സിനിമയുടെ കഥ എന്ന നിലയില്‍ മുകളില്‍ കൊടുത്തിരിക്കുന്ന കാര്യങ്ങള്‍ മാത്രമേ ഉള്ളൂ എന്ന് തോന്നും.എന്നാല്‍ അതി വിദഗ്ധമായി ഒരു ജിഗ്സോ പസില്‍ പോലെയുള്ള ഒരു സമസ്യയാണ് ഈ ചിത്രത്തില്‍ ഉള്ളത്,ഇവിടെ എഴുത്തുകാരനും കഥാപാത്രവും നല്‍കുന്ന ഒരു സസ്പന്‍സ് ഉണ്ട്,അവര്‍ തമ്മില്‍ ഉള്ള ബന്ധങ്ങളുടെ കഥയുണ്ട്.അതിനും അപ്പുറം ചികയുമ്പോള്‍ ആണ് 7 വര്ഷം മുന്‍പുള്ള കാര്യങ്ങളില്‍ കൂടി കഥയ്ക്ക്‌ പുതിയ മാനങ്ങള്‍ വരുന്നത്.എന്നാല്‍ ഇത് സിനിമയില്‍ കൂടി അത്ര വലിയ സസ്പന്‍സ് അല്ലാതെ ആയി  അവതരിപ്പിക്കുമ്പോള്‍ അല്‍പ്പം നിരാശ തോന്നുമെങ്കിലും സിനിമയുടെ അവസാനം ഒരു മായാ ലോകത്ത് എത്തിയത് പോലെ ആകും അനുഭവപ്പെടുക.കണ്ടറിയേണ്ട ഒന്നാണ്.പ്രത്യേകിച്ചും കഥാപാത്രങ്ങളുടെ transformation ഓക്കെ നന്നായിരുന്നു.

           ഒരു മനുഷ്യന്റെ വിചാരങ്ങളിലൂടെ പോകുമ്പോഴും 'The Vanished Elephant" .പ്രത്യേകിച്ചും, ജീവിതത്തിലെ ഇത്തരം ആകസ്മികതകളെ കുറിച്ച്,അതായത് തിരോധാനം,കൊലപാതകം എന്നിവയും കൂടി ചേരുമ്പോള്‍   നല്ല ഒരു ബ്ലെന്ഡ് ആണ് ഈ സ്പാനിഷ്‌ ഭാഷ ചിത്രത്തില്‍   ഉള്ളതെന്ന് നിസംശയം പറയാം.                                                                                                                                                                                                                                                                                                                                                                                                                                                                                                                                                                                                                                                                     

Saturday, 1 December 2018

983.Vada Chennai(Tamil,2018)



983.Vada Chennai(Tamil,2018)

  'രക്തത്തിന്റെ മണമുള്ള,പകയുടെ ചൂടുള്ള വട ചെന്നൈ"


              ഒരു മികച്ച സിനിമ എക്സ്പീരിയന്‍സ് എന്ന് ഒട്ടും മടിക്കാതെ തന്നെ വിളിക്കാം 'വട ചെന്നൈ' എന്ന വെട്രി മാരന്‍-ധനുഷ് ചിത്രത്തെ.വ്യത്യസ്ത കാലഘട്ടങ്ങള്‍,വ്യത്യസ്ത കഥാപാത്രങ്ങള്‍.അവര്‍ക്കെല്ലാം എന്നാല്‍ വിധി ഒരുക്കി വച്ചിരിക്കുന്നത് പരസ്പ്പരമുള്ള കണ്ടു മുട്ടലുകളില്‍ ഉരിത്തിരിയുന്ന കഥകളിലൂടെ ആണ്.ഒരു പക്ഷെ ഒറ്റ കഥാപാത്രമായി നോക്കുമ്പോള്‍ ഒന്നും അല്ലാതിരുന്നവര്‍ എന്നാല്‍ ഒന്നിച്ചു കൂടുമ്പോള്‍ സ്ക്രീനില്‍ തീപ്പൊരി ആണ്.ധാരാളം മികച്ച സ്ക്രീന്‍ പ്രസന്‍സ് ഉള്ള അഭിനേതാക്കള്‍.തങ്ങളുടെ റോളുകള്‍ തമാശയാക്കി മാറ്റാതെ അവരും ചലിക്കുകയാണ് വട ചെന്നൈയിലൂടെ.അവര്‍ നമ്മളെയും കൂട്ടി കൊണ്ട് പോകുന്നു.

  'നോണ്‍-ലീനിയര്‍' കഥാഖ്യാന ശൈലിയാണ് ചിത്രത്തില്‍ അവലംബിച്ചിരിക്കുന്നത്.വ്യത്യസ്തമായ രാഷ്ട്രീയ കാലഘട്ടങ്ങള്‍,കഥാപാത്രങ്ങളുടെ കാലഘട്ടങ്ങള്‍ എന്നിവയെല്ലാം മാര്‍ക്ക് ചെയ്തു പ്രേക്ഷകനില്‍ എത്തിക്കാന്‍ സിനിമയ്ക്ക് നന്നായി കഴിഞ്ഞിട്ടുണ്ട്.പ്രേക്ഷകന് സംഭവിക്കാമായിരുന്ന ചിന്താക്കുഴപ്പം അവിടെ മാറി.ധനുഷിന്റെ ചെറുപ്പക്കാലം മുതല്‍ ഉള്ള കഥയിലൂടെ ആയപ്പോള്‍ കാര്യങ്ങള്‍ കണക്റ്റ് ചെയ്തു എടുക്കുന്നതും എളുപ്പമായി തീര്‍ന്നൂ.

   സ്ഥിരം ബോംബ്‌ കഥ എന്ന് വിളിക്ക്കാവുന്ന gangster കഥയാണ് ചിത്രത്തില്‍ ഉള്ളതെന്നു ഒറ്റ വരിയില്‍ കഥ പറഞ്ഞാല്‍ ഒരു പക്ഷെ തോന്നിയേക്കാം.എന്നാല്‍ ഓരോ കഥാപാത്രത്തെയും,വിവരിച്ചുകൊടുത്തു കൊണ്ട് പോകുമ്പോള്‍ ആണ് കഥാപാത്രങ്ങളുടെ ആഴം മനസ്സിലാകുന്നത്‌.ഉദാഹരണത്തിന് ധനുഷിന്റെ അന്‍പു എന്ന കഥാപാത്രം തന്നെ എടുക്കുക.തുടക്കത്തില്‍ അന്‍പു എന്തായിരുന്നോ,അതില്‍ നിന്നും എല്ലാം അവന് വരുന്ന transformation മാത്രം ഒരു സിനിമ കഥയായി എടുത്തു അവതരിപ്പിക്കാം.എന്നാല്‍ ഇത് പോലെ ധാരാളം കഥാപാത്രങ്ങള്‍ വേറെയും ഉണ്ട്.അവര്‍ക്കെല്ലാം സ്ക്രീന്‍ സ്പേസ് ആവശ്യമായിരുന്നു താനും.അവരെയെല്ലാം അത് പോലെ തന്നെ place ചെയ്തിട്ടും ഉണ്ട്.സമുദ്രക്കനി,കിഷോര്‍ ,പവന്‍,ദാനിയല്‍ ബാലാജി അങ്ങനെ പലരും...

   "പക"


       
                "Revenge is a dish best served cold" 

     സിനിമയുടെ കഥ എന്താണ് ഇങ്ങനെ പോകുന്നതെന്ന് കരുതുമ്പോള്‍ ആണ് ഈ ഒരു ഘടകം വരുന്നത്.നിഗൂഡത ഒന്നുമില്ലയിരുന്നെങ്കിലും,സ്വന്തം ആവശ്യങ്ങള്‍ക്കായി എന്തും ചെയ്യാന്‍ മടിക്കാത്തവര്‍ക്ക് ഇങ്ങനെ ഒരു കഥ കൂടി ആവശ്യം ആയിരുന്നു എന്ന് തോന്നി പോകും.ഒരു സാധാരണ സിനിമ ആയിരുന്നെങ്കില്‍ ധനുഷിന് നിഷ്പ്രയാസം തീര്‍ക്കാമായിരുന്നു അവരെ എല്ലാം.എന്നാല്‍ ഒരു കഥാപാത്രത്തിന്റെ അവശേഷിപ്പുകള്‍ മറ്റൊരാളിലേക്ക് മാറ്റപ്പെടുമ്പോള്‍ അതിനൊരു catalyst ആവശ്യമായിരുന്നു.അതാണ്‌ ചിത്രത്തിന്‍റെ 'കൊടും പകയുടെ' ഭാഗം.

   സ്ത്രീ കഥാപാത്രങ്ങള്‍ ഈ ചിത്രത്തില്‍ അവതരിപ്പിച്ചിരിക്കുന്നതില്‍ മികവുണ്ടായിരുന്നു എന്ന് പറയാം.പദ്മയും ചന്ദ്രയും എല്ലാം ഒരേ അച്ചില്‍ വാര്‍ത്തെടുത്തത് പോലെ തോന്നും.ഇതേ പോലെ സമാനതകള്‍ ഉള്ള കഥാപാത്രങ്ങള്‍ ആണ് രാജനും അന്പും.പല കാലഘട്ടത്തില്‍ ഉള്ള രണ്ടു ശക്തരായ കഥാപാത്രങ്ങള്‍.ആണുങ്ങള്‍ തമ്മില്‍ ഉള്ള കോലാഹലത്തിനിടയ്ക്കും സ്പേസ് കണ്ടെത്താന്‍ കഴിഞ്ഞ സ്ത്രീ കഥാപാത്രങ്ങളെ കണ്ടപ്പോള്‍ ,കൊറിയന്‍ ചിത്രമായ 'മോസ്' ലെ ആ സ്ത്രീയെ ആണ് ഓര്മ വന്നത്.അവരുടെ സാന്നിധ്യം പോലും ഗംഭീരമായിരുന്നു.

  അടുത്ത ഭാഗത്തിന് വേണ്ടി ഉള്ള കാത്തിരിപ്പ്‌ കൂട്ടി കൊണ്ട് ചിത്രം പോകുമ്പോഴും "സന്തോഷ്‌ നാരായണന്റെ' സംഗീതം ചിത്രത്തിന്‍റെ ഓരോ ഘട്ടവും സംഗീതത്തിലൂടെയും മാര്‍ക്ക് ചെയ്യിപ്പിക്കുന്നുണ്ട്.പാവപ്പെട്ട ജനങ്ങളുടെ രക്ഷകര്‍ ആയി വരുകയും,പിന്നീട് അവര്‍ ക്ക് പലതരം വിട്ടു വീഴ്ചകള്‍ ചെയ്യേണ്ടി വരുകയും ചെയ്യുന്നു എന്ന സാമാന്യ കഥയാണ് ചിത്രതിനെങ്കിലും ധാരാളം നല്ല സന്ദര്‍ഭങ്ങള്‍ ചിത്രത്തിലുണ്ട്.കഥാപാത്രങ്ങള്‍ക്ക് ശക്തിയും ഉണ്ട്.തമിഴ് സിനിമയിലെ മികച്ച ചിത്രങ്ങളില്‍ ഒന്നായി മാറാന്‍ രണ്ടാം ഭാഗം കൂടി കഴിഞ്ഞാല്‍ 'വട ചെന്നൈയ്ക്ക്' സാധിക്കും എന്ന് കരുതുന്നു.ഇത് വരെ കണ്ടത് എല്ലാം അതിനായുള്ള മുന്നൊരുക്കങ്ങള്‍ ആണെന്ന് വിശ്വസിച്ചു കൊണ്ട് കാത്തിരിക്കുന്നു..


പ്രതീക്ഷയോടെ
       'വട ചെന്നൈ 2" നായി കാത്തിരിക്കുന്നു.....!!
  

982.Status Update(English,2018)


982.Status Update(English,2018)
       Fantasy,Comedy

     'അലാവുദ്ധീനും അത്ഭുതവിളക്കും' കഥ കേട്ടിട്ടില്ലേ?അത് പോലെ അത്ഭുതങ്ങള്‍ നിറഞ്ഞ ഒരു കഥ.പുതിയ ലോകത്തിനു അനുസരിച്ച് ഇവിടെ അത്ഭുത വിലക്ക് ഒരു അപ് ആണ്.ചിന്തകള്‍ എല്ലാം യാതാര്‍ത്ഥ്യം ആക്കുന്ന ആപ്.അന്ന് കയ്ലിനു നിര്‍ണായകമായ ദിവസമായിരുന്നു.എല്ലാത്തിലും മിടുക്കനായ അവനു അന്ന് ഒരു മേഖല തിരഞ്ഞെടുത്തേ പറ്റൂ.അതിനു പിന്നില്‍ പലതരം വൈകാരികതയും ഉണ്ട്.എന്നാല്‍ കുറച്ചു ദിവസം മുന്‍പ് അവന്‍ ഇങ്ങനെ അല്ലായിരുന്നു താനും.അവനു എല്ലാ സൌഭാഗ്യങ്ങളും വന്നത് അയാളിലൂടെ ആയിരുന്നു,അയാളുടെ ആപ്പിലൂടെ ആയിരുന്നു.അവന്‍ അതില്‍ ചെയ്യുന്ന പോസ്റ്റുകളിലൂടെ ആയിരുന്നു  കയ്ലിന്റെ ജിന്ന്!!

      Status Update എന്ന ടീനേജ് ഫാന്റസി ചിത്രം അവാതരിപ്പിക്കുന്നത് സരസമായ ഒരു ഫാന്റസി കഥയാണ്.മാതാപിതാക്കള്‍ വേര്‍പ്പിരിയലിന്റെ വക്കോളം എത്തി,അമ്മയോടും സഹോദരിയോടും ഒപ്പം പുതിയ സ്ഥലത്ത് താമസിക്കാന്‍ വന്ന,വലിയ കഴിവുകള്‍ ഒന്നുമില്ലാത്ത സാധാരണക്കാരന്‍ ആയ പയ്യന്‍ എന്ന് പറയാം കയ്ലിനെ.എന്നാല്‍ അവനും കിട്ടി ഒരിക്കല്‍ അവന്റെ ആഗ്രഹങ്ങള്‍ എല്ലാം സാധിക്കാന്‍ ഒരു എളുപ്പ വഴി.ഒരു ആപ്പ്.അതില്‍ ചെയ്യുന്ന പോസ്റ്റുകള്‍ എല്ലാം യാതാര്‍ത്ഥ്യം ആകും.

    ജീവിതത്തില്‍ നഷ്ടപ്പെടും എന്ന് വിചാരിച്ചതെല്ലാം നേടിയെക്കാനും അതോടൊപ്പം തനിക്കു ഇഷ്ടമുള്ളതെല്ലാം കൈപ്പിടിയില്‍ ആക്കാനും അവനു ഒരു പരിധി വരെ കഴിയുകയും ചെയ്യുന്നു.അവനു എന്ത് സംഭവിക്കും?അവന്റെ ജീവിതത്തില്‍ ആ  ആപ്പ് എന്ത് മാത്രം സ്വാധീനം ഉണ്ടാക്കും?കൂടുതല്‍ അറിയാന്‍ ചിത്രം കാണുക.ഇന്ത്യന്‍ സിനിമകളിലേതു പോലെ പാട്ടനുസരിച്ചു എല്ലാവരും ഒരേ സ്റ്റെപ്പില്‍ ഡാന്‍സ് ചെയ്യുക പോലുള്ള സംഭവങ്ങള്‍ ഒക്കെ ചിത്രത്തില്‍ ഉണ്ടായിരുന്നു.എന്നാല്‍ക്കൂടിയും ചെറിയ ഒരു വിഷയം നന്നായി തന്നെ എടുത്തിട്ടുണ്ട് ചിത്രത്തില്‍.ഒരു കൌമാര പ്രായക്കാരന്റെ ആവശ്യങ്ങള്‍,അവന്റെ ജീവിതം എല്ലാം രസകരമായി അവതരിപ്പിച്ചിട്ടുമുണ്ട്.സമയം ഉണ്ടെങ്കില്‍ കാണാന്‍ ശ്രമിക്കുക!!


  More movie suggestions @www.movieholicviews.blogspot.ca

 ചിത്രത്തിന്‍റെ ടെലിഗ്രാം ലിങ്ക് എന്റെ ചാനലില്‍ ലഭ്യമാണ്

  MH Views telegram link

Friday, 30 November 2018

981.Mindfulness and Murder(Thai,2011)


981.Mindfulness and Murder(Thai,2011)

     മൃതദേഹം കാണപ്പെട്ടത് കാലുകള്‍ മുകളിലേക്ക് ഉയര്‍ത്തി ,ശിരസ്സ്‌ ജലസംഭരണിയുടെ ഉള്ളിലേക്ക് ആക്കി വായില്‍ കാരറ്റ് കുത്തി വച്ച രീതിയില്‍ ആയിരുന്നു.ശരീരത്തില്‍ ആകമാനം സിഗരറ്റ് കൊണ്ട് പൊള്ളിച്ച പാടുകള്‍,സൂചി കൊണ്ടുള്ള പാടുകള്‍ എന്നിവയൊക്കെ ആയിരുന്നു.ആരാണിയാള്‍?അയാള്‍ എങ്ങനെ കൊല്ലപ്പെട്ടു?


   'Mindfulness and Murder' എന്ന തായ് ചിത്രത്തിന്‍റെ പ്രമേയം ആണിത്.ഒരു ബുദ്ധ സന്യാസി മഠവും.അവിടെ ഉണ്ടാകുന്ന കൊലപാതകങ്ങളിലേക്കും വെളിച്ചം വീശുകയാണ് ഈ ചിത്രത്തില്‍.പോലീസ് ,കേസുകളുടെ ആധിക്യം കാരണം ആരോരുമില്ലാത്ത ഒരാള്‍ മരണപ്പെട്ടു എന്നത് അത്ര കാര്യമായി എടുക്കുന്നില്ല.അപ്പോഴാണ്‌ ആശ്രമത്തിലെ അന്തെവസിയും,മുന്‍ പോലീസ് കുറ്റാന്വേഷകനും ആയ ആനന്തയോട് കേസിനെ കുറിച്ച് അന്വേഷിച്ചു റിപ്പോര്‍ട്ട് സമര്‍പ്പിക്കാന്‍ മഠത്തില്‍ നിന്നും ആവശ്യപ്പെടുന്നു.ആനന്ത വീണ്ടും തന്‍റെ പഴയ ജോലിയിലേക്ക്.എന്നാല്‍ ഈ പ്രാവശ്യം പണ്ട് ജോലി ചെയ്തത് പോലെ ഉള്ള സൌകര്യങ്ങള്‍ ഒന്നും ഇല്ലായിരുന്നു.

    മരണപ്പെട്ട ആളെ കുറിച്ചുള്ള അധികം കാര്യങ്ങള്‍ പലര്‍ക്കും അജ്ഞാതമായിരുന്നു.തുടക്കം തന്നെ അനന്ത തനിക്കു സംശയിക്കാന്‍ പാകത്തില്‍ ഉള്ളവരെ സമീപിക്കാന്‍ ഒരുങ്ങുന്നു.എന്നാല്‍ പ്രതീക്ഷകളെ ആകെ തകിടം മറിച്ചു കൊണ്ടുള്ള സംഭവങ്ങള്‍ ആണ് പിന്നീട് അരങ്ങേറുന്നത്.കള്ളത്തരങ്ങളുടെ മീതെ കെട്ടി പൊക്കിയ കാര്യങ്ങള്‍,അവയുടെ കഥകള്‍.അവയുടെ പിന്നാലെ ഉള്ള അന്വേഷങ്ങള്‍ അദ്ധേഹത്തെ എവിടെ കൊണ്ടാണ് എത്തിക്കുന്നത്?രാജ്യത്തിലെ കുറ്റാന്വേഷണ ഏജന്‍സികള്‍ നേരിട്ട് ഉള്‍പ്പെടാത്ത കേസന്വേഷണം ആയിരുന്നെങ്കിലും അവരുടെ മൗനാനുവാദം ഇവിടെ ഉണ്ടായിരുന്നു.

  'ടോണി ജാ' തായ് സിനിമകളില്‍ നിന്നും  വിഭിന്നമായ രീതിയില്‍ ആണ് 'വിത്തായ പരിസ്രിന്ഗരം' പ്രധാന കഥാപാത്രമായ അനന്തയെ അവതരിപ്പിച്ച ഈ ചിത്രം.ഷെര്‍ലോക്ക് ഹോംസിന്റെ പോലുള്ള കേസ് അപഗ്രഥനം,തെളിവുകള്‍ എതൊരു സാഹചര്യത്തിലും കണക്കു കൂട്ടലുകളിലൂടെയോ വരുന്നില്ല.പകരം,സാധാരണ ആളുകള്‍,സാധാരണ ചുറ്റുപ്പാടുകള്‍,എന്നാല്‍ ദുരൂഹം നിറഞ്ഞവ.ഇതായിരുന്നു അവിടത്തെ സാഹചര്യം.ആദ്യ കൊലപാതകത്തിന് ശേഷം പിന്നീടും കൊലപാതകം നടക്കുന്നു.എന്താണ് ഈ ദുരൂഹ മരണങ്ങള്‍ക്ക് കാരണം?കൂടുതല്‍ അറിയാന്‍ ചിത്രം കാണുക.

   തായ് മാര്‍ഷ്യല്‍ ആര്‍ട്സ് സിനിമ സ്നേഹികള്‍ക്ക് ഈ ചിത്രം ഒരു പക്ഷെ നിരാശ ആയിരിക്കും നല്‍കുക.നല്ല റിച് ആയ ഫ്രെയിമുകള്‍ നിലനിര്‍ത്തി കൊണ്ട്,ബുദ്ധ മതത്തിലെ രീതികള്‍ പിന്തുടര്‍ന്ന് കൊണ്ട് അവതരിപ്പിച്ച തായ് ചിത്രം പ്രേക്ഷകര്‍ക്ക്‌ കണ്ടു നോക്കാന്‍ ഉള്ളതുണ്ട്.ചായാഗ്രഹണത്തിനു പുരസ്ക്കാരങ്ങള്‍ നേടിയിരുന്നു ഈ ചിത്രം. ചിത്രത്തിലെ കേസന്വേഷണം  രസകരമായിരുന്നു.ഇത്തരത്തില്‍ ഉള്ള ഒരു ചിത്രത്തിന് വേണ്ടുന്ന രീതിയില്‍ തന്നെ അത് അവതരിപ്പിച്ചിരിക്കുന്നു.


   ചിത്രം Netflix ല്‍ ലഭ്യമാണ്!!

More movie suggestions @www.movieholicviews.blogspot.ca

ചിത്രം എന്റെ ടെലിഗ്രാം ചാനലിലും ലഭ്യമാണ്

ടെലിഗ്രാം ചാനല്‍ ലിങ്ക്: MH Views

980.Un homme idéal(French,2015)



980.Un homme idéal(French,2015)
       Thriller

   അയാള്‍ കഥ മോഷ്ടിച്ചാണ് ഇന്നത്തെ നിലയില്‍ എത്തിയത്.മോഷണം നടത്തി മൂന്നു വര്‍ഷങ്ങള്‍ക്കു ശേഷം അയാള്‍ക്ക്‌ അതിന്റെ വില നല്‍കേണ്ടി വരുന്നു.അതയാളെ കൊണ്ട് ചെല്ലുന്നത് ഒരിക്കലും പ്രതീക്ഷിക്കാത്ത വഴികളിലേക്ക് ആയിരുന്നു,അയാളുടെ existence നെ ആയിരുന്നു!!

   'Un homme idéal' (A Perfect Man) എന്ന ഫ്രഞ്ച് സിനിമയുടെ പ്രമേയമാണ് മുകളില്‍ കൊടുത്തിരിക്കുന്നത്‌.തന്‍റെ പുസ്തകം പ്രസാധനം ചെയ്യുന്നതോട് കൂടി തന്‍റെ ജീവിതം തന്നെ മാറി മറിയും എന്നായിരുന്നു മാത്യൂ വിശ്വസിച്ചിരുന്നത്.അയാളുടെ വിശ്വാസം ശരിയായിരുന്നു.അതിനു കാരണം ആയത് ആകസ്മികം ആയി അയാള്‍ക്ക്‌ ലഭിച്ച മറ്റൊരു പുസ്തകം ആയിരുന്നു.സ്വന്തമായി  എഴുതി പ്രസാധകര്‍ക്ക് അയച്ചു കൊടുത്തതൊന്നും പ്രസിദ്ധീകരണ യോഗ്യം അല്ല എന്ന മറുപടിയില്‍ തളര്‍ന്നിരിക്കുമ്പോള്‍ ആണ് അയാള്‍ക്ക്‌ ആ എഴുത്ത് പ്രതി ലഭിക്കുന്നത്.ഉടമസ്ഥന്‍ ഇല്ലാത്ത,എന്നാല്‍ അനുഭവങ്ങള്‍ ഏറെ ഉള്ള ഒന്ന്.ചിന്തകള്‍ പേപ്പറില്‍ പതിപ്പിക്കാന്‍ കഴിയാതിരുന്ന അയാളെ സംബന്ധിച്ചിടത്തോളം ആ പുസ്തകത്തില്‍ ഉള്ളത് ടൈപ്പ് ചെയ്തു പ്രിന്‍റ് പ്രസാധകര്‍ക്ക് കൊടുക്കുക എന്നതു മാത്രം ആയിരുന്നു ജോലി.ഫലം,അയാള്‍ Instant Hit ആയി.

   എന്നാല്‍ പ്രതിഭയുടെ സ്പര്‍ശം ഇല്ലാതെ Plagiarism കൊണ്ട് മാത്രം ഒരാള്‍ എത്ര നാള്‍ പിടിച്ചു നില്‍ക്കും?വിധി മാത്യുവിന് കാത്തു വച്ചതും അതാണ്‌.മൂന്നു വര്‍ഷങ്ങള്‍ക്കു അപ്പുറം ജീവിതത്തില്‍ ധനികയായ കാമുകി,എല്ലാ സുഖ സൌകര്യങ്ങള്‍,പ്രശസ്തി എന്നിവയുടെ കൊടുമുടിയില്‍ നില്‍ക്കുമ്പോള്‍ അയാളെ തേടി ഒരാള്‍ എത്തി.ആരാണ് അയാള്‍?എന്താണ് അയാളുടെ ലക്‌ഷ്യം?മാത്യുവിന്‍റെ ജീവിതത്തില്‍ അയാള്‍ എന്ത് മാറ്റം ആകും ഉണ്ടാക്കുക?കൂടുതല്‍ അറിയാന്‍ ചിത്രം കാണുക.

   ഒരു ത്രില്ലര്‍ സിനിമ എന്ന നിലയില്‍ ഏറെ കാര്യങ്ങള്‍ ചിത്രം പറയുന്നുണ്ട്.പ്രത്യേകിച്ചും Plagiarism  അഥവാ 'പ്രതിഭാ മോഷണം' കൂടുതലായി നടക്കുന്ന നവ സാമൂഹിക മാധ്യമങ്ങളുടെ ലോകത്ത് ഒരിക്കല്‍ പിടിക്കപ്പെട്ടാല്‍ ഒരാളുടെ ഭാവിയെ അതെങ്ങനെ ബാധിക്കും എന്നുള്ളതിന്റെ സിനിമാറ്റിക് വേര്‍ഷന്‍ എന്ന് പറയാം.കാണാന്‍ ശ്രമിക്കുക!!


 More movie suggestions @www.movieholicviews.blogspot.ca

ചിത്രത്തിന്‍റെ ലിങ്ക് എന്റെ ടെലിഗ്രാം ചാനലില്‍ ലഭ്യമാണ്.
ടെലിഗ്രാം ചാനല്‍ ലിങ്ക് :Movieholic Views Telegram Channel

Wednesday, 28 November 2018

979.Cronicas(Spanish,2004)


979.Cronicas(Spanish,2004)
       Crime,Thriller

 
   അയാളുടെ ഇരകള്‍ കുട്ടികള്‍ ആയിരുന്നു.അവരെ പീഡിപ്പിച്ചു കൊന്ന അയാള്‍ പക്ഷെ തെളിവുകള്‍ ഒന്നും അവശേഷിപ്പിച്ചിരുന്നില്ല.അയാളെ അവര്‍ "Monster of Babahoyo" എന്ന് വിളിച്ചു.അയാളുടെ ഇരകളില്‍ ഒരാളായ കുട്ടിയുടെ ശവസംസ്ക്കാരം നടക്കുന്ന ദിവസമാണ് അത് സംഭവിച്ചത്.അവന്റെ ഇരട്ട സഹോദരനും കൊല്ലപ്പെട്ടു.എന്നാല്‍ പകല്‍ വെളിച്ചത്തില്‍ നടന്ന ആ മരണത്തിന്റെ പിന്നാലെ നടന്നാല്‍ എന്താണ് സംഭവിക്കുക?പ്രശസ്ത മാധ്യമ പ്രവര്‍ത്തകന്‍ ആയ 'ബോനില' അത്തരം ഒരു അവസ്ഥയില്‍ ആണ്.

      Ecuador  ന്‍റെ 77 ആം അക്കാദമി പുരസ്ക്കരങ്ങളിലെ നാമനിര്‍ദേശം ആയിരുന്നു Cronicas.ഒരു പരമ്പര കൊലയാളി ആണ് ചിത്രത്തിന്‍റെ മുഖ്യമായ പ്രതിപാദ്യ വിഷയം.സാധാരണ ചിത്രങ്ങളില്‍ ഇത്തരം കഥാപാത്രങ്ങള്‍ക്ക് നല്‍കുന്ന നിഗൂഡമായ ഒരു മുഖം നല്‍കുന്നില്ല എങ്കില്‍ പോലും,അത് മറ്റൊരു രീതിയില്‍ നല്‍കാന്‍ ശ്രമിച്ചിട്ടുണ്ട്.തികച്ചും സങ്കീര്‍ണമായ കഥാഖ്യാനം ആണ് ചിത്രത്തിനുള്ളത്.വളരെ സാധാരണമായ അവതരണം ആയി തോന്നുമെങ്കിലും ചിത്രം അവസാനത്തോട് അടുക്കുമ്പോള്‍ ആണ് പ്രേക്ഷകന് ഇത്തരം ഒരു അഭിപ്രായം ഉണ്ടാവുക.


    അന്നത്തെ ആ ദിവസം ജനക്കൂട്ടം  ആക്രമിച്ച വിനീസിയോയെ കാണാന്‍ ചെന്ന ബോനില,അയാളുടെ നിരപരാധിത്വവും തന്നെ രക്ഷിക്കണം എന്നും ആണ് അപേക്ഷിക്കുന്നത്.അയാള്‍ ആ ജയിലില്‍ എപ്പോള്‍ വേണമെങ്കിലും മരണപ്പെടാം എന്നും.അത് പോലെ തന്നെ ഗര്‍ഭിണിയായ ഭാര്യയെയും മകനെയും ആരും നോക്കാന്‍ ഇല്ലാത്തത് കൊണ്ട് തന്നെ രക്ഷിക്കണം എന്നും അപേക്ഷിക്കുന്നു.ജനങ്ങളുടെയും അധികൃതരുടെയും ഇടയില്‍ നല്ല സ്വാധീനം ഉണ്ടായിരുന്ന ബോനിലയോട് അതിനു പകരമായി അയാളുടെ ജീവിതത്തിലെ തന്നെ ഏറ്റവും വലിയ സ്ക്കൂപ് നല്‍കാന്‍ സാധിക്കും എന്ന് വിനീസിയോ പറയുന്നു.കാരണം അയാള്‍ക്ക്‌ ആ ചെകുത്താനെ പരിചയമുണ്ട്.ആളുകളുടെ പേടി സ്വപ്നം ആയ "Monster of Babahoyo" യെ അയാള്‍ ഒരിക്കല്‍ നേരിട്ട് കണ്ടിട്ടുണ്ട്.

  Ecuador ലെ അന്നത്തെ സാമൂഹികാവസ്ഥ വ്യക്തമായി പരമാര്‍ഷിച്ചിട്ടുണ്ട് ചിത്രത്തില്‍.പരമ്പര കൊലയാളി നല്‍കിയ മുറിവുകളില്‍ നിന്നും കര കയറാന്‍ ശ്രമിക്കുന്ന അവര്‍ക്ക് വിനീസിയോയെ അന്നത്തെ അപകടത്തിന്‍റെ പേരില്‍ കൊന്നാല്‍ പോലും ആശ്വാസം കിട്ടുമായിരുന്നു.സ്വാധീനം ഉള്ളവര്‍ക്ക് എന്തും ചെയ്യാന്‍ കഴിയുന്ന എല്ലായിടത്തെയും പോലെ ഒരു സമൂഹം.വാര്‍ത്തകള്‍ ജനങ്ങളെ സ്വാധീനിക്കുന്ന സമൂഹം എന്നിവയെല്ലാം ഇന്നും നമുക്കെലാം പരിചിതമാണ്.സിനിമയിലെ അവസാന സംഭവങ്ങളില്‍ തന്നെയുള്ള മാധ്യമ സ്വാധീനം ഉദാഹരണമാണ്.

  സാധാരണ ,പരമ്പര കൊലയാളിയെ കണ്ടെത്താന്‍ പോകുന്ന സാഹചര്യം ഒന്നും അല്ല സിനിമയില്‍ ഉള്ളത്.പ്രത്യേകിച്ചും കഥ സങ്കീര്‍ണം ആകും എന്ന് പറഞ്ഞ ആ വശം ആകുമ്പോള്‍ ഇത്തരം ഒരു അവസ്ഥയെ ഒരു തരിപ്പോടെ മാത്രമേ കാണാന്‍ സാധിക്കൂ.സത്യം അറിയുമ്പോഴേക്കും ചെകുത്താനും കടലിനും ഇടയില്‍ ആകും എന്ന് കേട്ടിട്ടില്ലേ?അത്തരം ഒരു അവസ്ഥ.കഴിയുമെങ്കില്‍ കാണുക.നല്ല ഒരു ക്രൈം/ത്രില്ലര്‍ ആണ് ചിത്രം!!

More movie suggestions @www.movieholicviews.blogspot.ca

ചിത്രത്തിന്‍റെ ലിങ്ക് എന്റെ ടെലിഗ്രാം ചാനലില്‍ ലഭ്യമാണ്.

t.me/mhviews

Monday, 26 November 2018

978.Dark Figure of Crime(Korean,2018)


978.Dark Figure of Crime(Korean,2018)
       Mystery,Thriller,Crime.


  തന്‍റെ കാമുകിയെ കൊലപ്പെടുത്തിയ കുറ്റത്തിന് 15 വര്ഷം തടവ്‌ ലഭിച്ച ടെ-ഹോ,ബുസനിലെ പോലീസ് കുറ്റാന്വേഷകന്‍ ആയ ഹ്യുംഗ് മിന്നിനെ ഫോണില്‍ വിളിച്ച് ആ രഹസ്യം പറയുന്നു.താന്‍ ഇപ്പോള്‍ പിടിയില്‍ ആയ കൊലപാതകം അല്ലാതെ മറ്റു ആറു കൊലപാതകങ്ങള്‍ കൂടി ചെയ്തിട്ടുണ്ട്.കൂടുതല്‍ വിവരങ്ങള്‍ താരാന്‍ താന്‍ തയ്യാറാണ് എന്നും ആണ് അയാള്‍ അറിയിച്ചത്.എന്ത് കൊണ്ട് ആയിരിക്കും ടെ-ഹോ താന്‍ ചെയ്തെന്നു പറയുന്ന കൊലപാതകങ്ങള്‍ ഹ്യുംഗ് മിന്നിനെ വിളിച്ചു പറയുന്നത്?അയാളെ തന്നെ തിരഞ്ഞെടുക്കാന്‍ എന്തെങ്കിലും കാരണം ഉണ്ടോ?

   'Dark Figure of Crime".കുറ്റാന്വേഷകനെ സംബന്ധിച്ച് പേടിപ്പെടുത്തുന്ന ഒരു 'term' ആയിരുന്നിരിക്കണം.കാരണം,തെളിയാതെ പോയ കേസുകളുടെ ആകെത്തുക ആണ് അത്.ഈ ചിത്രവും അത്തരം ഒരു കഥയാണ് പറയുന്നത്.ടെ-ഹോ അയാള്‍ ചെയ്ത കൊലപാതകങ്ങള്‍ വിവരിക്കുകയും,അതിനു പിന്നിലെ സത്യം അന്വേഷിച്ചു പോകുമ്പോള്‍ കാണുന്നത് ഇത്തരത്തില്‍ തെളിവുകള്‍ കിട്ടാത്ത പല കേസുകളുടെയും യഥാര്‍ത്ഥ ചിത്രമാണ്.എന്നാല്‍ ടെ-ഹോ പറയുന്ന കഥകളില്‍ എന്തെങ്കിലും വാസ്തവം ഉണ്ടാകുമോ?ഒരു സൈക്കോ ആണെന്ന് പോലീസ് തന്നെ കരുതി പോകുന്ന ഒരാളുടെ ഇത്തരം ഒരു നീക്കം പോലീസിലെ പലര്‍ക്കും വിശ്വാസം ഇല്ല.


   ഹ്യുംഗ് -മിന്‍ വെറുതെ ആവശ്യമില്ലാതെ സമയം കളയുക ആണെന്നാണ്‌ അവരുടെ മതം.ഹ്യുംഗ്-മിന്നും,തനിക്കു പരാജയം നേരിടുക ആണെങ്കില്‍ അവരുടെ വാദം ശരി വച്ച് കൊണ്ട് ഒരു പരിഹാസ കഥാപാത്രം ആകാന്‍ തയ്യാറും ആണ്.കൊറിയന്‍ സിനിമയിലെ മികച്ച നടന്മാരില്‍ ഒരാളായ കിം യുന്‍ -സിയോക് ആണ് കുറ്റാന്വേഷക കഥാപാത്രത്തെ അവതരിപ്പിച്ചിരിക്കുന്നത്.വളരെ അനായാസമാണ് അദ്ദേഹത്തിന്റെ അഭിനയം.പ്രത്യേക മാനറിസങ്ങള്‍ ഒന്നും ഇല്ലാതെ ഒരു കഥാപാത്രമായി മാറുന്ന ആളുടെ മികച്ച വേഷങ്ങളില്‍ ഒന്നാണ് ഇതിലും ഉള്ളത്.ദുരൂഹമായിരുന്നു ടെ-ഹോയുടെ സ്വഭാവ രീതികള്‍.അത് കൊണ്ട് തന്നെ അയാളുടെ മൊഴികള്‍ കണക്കിലെടുക്കണം എന്നുള്ള അഭിപ്രായം പോലും ധാരാളം അപകടകരം ആയിരുന്നു.പോലീസ് എന്ന നിലയില്‍ സാധാരണ ഗതിയില്‍ അയാള്‍ പറഞ്ഞ ആറു കേസുകളില്‍ ഉള്ള 'Statute of Limitations' പോലും അവസാനിച്ചത്‌ കൊണ്ട് പ്രത്യേകിച്ച് ഒരു ഉപയോഗവും ഇല്ലായിരുന്നു.എന്നാല്‍ ഈ രണ്ടു കഥാപാത്രങ്ങള്‍ക്കും അവരുടേതായ ലക്ഷ്യങ്ങള്‍ ഉണ്ടായിരിക്കുമോ?

   ഈ വര്‍ഷത്തെ 'ബ്കൂ ഡ്രാഗന്‍ പുരസ്ക്കാര'ങ്ങളില്‍ മികച്ച തിരക്കഥയ്ക്കുള്ള പുരസ്ക്കാരം ചിത്രം ഈ ചിത്രത്തിനായിരുന്നു.കൊറിയന്‍ സിനിമകളുടെ പതിവ് ദുരൂഹതകളും ആമ്പിയന്സും എല്ലാം ച്ഹിത്രത്തിനു അവകാശപ്പെടാന്‍ ഉണ്ട്.പ്രത്യേക ഗിമിക്കുകളിലൂടെ അല്ല അന്വേഷണം പോകുന്നതെങ്കിലും,അവതരിപ്പിച്ചു പ്രേക്ഷകനില്‍ ജിജ്ഞാസയും കൂട്ടുന്നുണ്ട് അവസാനം ട്വിസ്റ്റ് എന്നൊക്കെ പറയാവുന്ന രീതിയില്‍ സംഭവങ്ങള്‍ കൂടി ചേരുമ്പോള്‍.അതൊക്കെ ചിത്രത്തിന്റെ മിസ്റ്ററി സ്വഭാവം കൂടുതല്‍ വ്യക്തമാക്കുന്നുണ്ട്.

കൊറിയന്‍ സിനിമയുടെ ആരാധകര്‍ കാണാന്‍ ശ്രമിക്കുമല്ലോ!

More movie suggestions@www.movieholicvies.blogspot.ca

ടെലിഗ്രാം ലിങ്ക് എന്റെ ചാനലില്‍ ലഭ്യമാണ്.


t.me/mhviews


         

Saturday, 24 November 2018

977.BlacKkKlansman(English,2018)



977.BlacKkKlansman(English,2018)
        Biography,Comedy,Crime

   #Oscar 1

   Anglo-Saxon,Protestant വിഭാഗങ്ങളുടെ വംശീയവാദ സംഘടന ആയിരുന്ന KKK(Ku Klax Klan) യില്‍ ഒരിക്കല്‍ ഒരു കറുത്ത വംശജന് മെമ്പര്‍ഷിപ്പ് ലഭിച്ചു.ജൂതന്മാര്‍ ഉള്‍പ്പടെ,തങ്ങളില്‍ ഉള്‍പ്പെട്ടവര്‍ എല്ലാവരെയും ഉന്മൂലനം ചെയ്യണം എന്ന ചിന്താഗതി ഉണ്ടായിരുന്ന KKK യില്‍ ഒരു കറുത്ത വര്‍ഗക്കാരന് എങ്ങനെ ആണ് അംഗത്വം ലഭിക്കുക?അയാള്‍ എങ്ങനെ ആണ് അവരുടെ നേതാവായി മാറുക? ഇത്തരം  കൗതുകകരമായ ചോദ്യങ്ങള്‍ക്ക് ഉത്തരമാണ് 'BlacKkKlansman".

   'Denzel Washington' ന്‍റെ മകന്‍ 'ജോണ് ഡേവിഡ് വാഷിങ്ങ്ടന്‍' മുഖ്യ കഥാപാത്രത്തെ അവതരിപ്പിച്ച  ചിത്രം എന്ന നിലയില്‍ തോന്നിയ കൌതുകം ആണ് സിനിമ കാണാന്‍ പ്രേരിപ്പിച്ചത്.ഒപ്പം KKK യെ കുറിച്ചുള്ള പരാമര്‍ശവും.അമേരിക്കയില്‍ പച്ച പിടിച്ചെങ്കിലും തൊട്ടു അപ്പുറത്തുള്ള കാനഡയില്‍ തീരെ പരാജയം ആയിരുന്നെങ്കിലും അവരുടെ തലസ്ഥാനം എന്ന് അറിയപ്പെടുന്ന 'Saskatchewan' ല്‍ ജീവിക്കുന്നത് കൊണ്ട് തന്നെ സംഘടനയെ കുറിച്ച് ഏകദേശ രൂപം വായനയിലൂടെയും പ്രദേശ വാസികളില്‍ നിന്നും ലഭിച്ചിരുന്നു.ഹിറ്റ്ലര്‍,Aryan Supremacy Theory പരീക്ഷിച്ചത് പോലെ വെളുത്ത വര്‍ഗക്കാര്‍,അമേരിക്കയിലെ കറുത്ത വംശജര്‍ അടിമകള്‍ ആണെന്നുള്ള മുന്‍വിധികള്‍ മാറ്റി പൊതു സമൂഹത്തില്‍ ഉയര്‍ന്ന സ്ഥാനങ്ങളില്‍ വന്നു തുടങ്ങിയപ്പോള്‍ ,തങ്ങളുടെ സ്ഥാനം നഷ്ടപ്പെടുമോ എന്ന ഭീതി കൊണ്ട് കൂടി ആണ് 70 കളില്‍ പോലും സംഘടന പ്രവര്‍ത്തന സജ്ജം ആക്കി നിര്‍ത്തിയത്.

  Colarado Springs ലെ ആദ്യ കറുത്ത വംശജനായ പോലീസ് ഓഫീസര്‍ ആയിരുന്നു 'റോണ്‍ സ്റ്റാല്‍വര്‍ത്ത്".വെള്ളക്കാരായ സഹ പ്രവര്‍ത്തകരില്‍ നിന്ന് പോലും വംശീയാധീക്ഷേപങ്ങള്‍ നേരിടേണ്ടി വന്ന റോണ്‍ എന്നാല്‍ അതില്‍ തളരാതെ തന്‍റെ വഴികള്‍ പോലീസില്‍ വെട്ടി തെളിച്ചു.അതില്‍ ഒന്നായിരുന്നു KKK യുടെ രഹസ്യ പ്രവര്‍ത്തനങ്ങളെ നിയമത്തിന്‍റെ വഴിയില്‍ കൊണ്ട് വരാന്‍ അദ്ദേഹം പ്രയോഗിച്ച വഴി.'ശബ്ദം-ശരീരം' എന്നിവ കൊണ്ടുള്ള ബുദ്ധിപൂര്‍വമായ ഒരു കളി ആയിരുന്നു അത്.ശക്തമായി കൊണ്ടിരുന്ന കറുത്ത വംശജരുടെ കൂട്ടായ്മകളെ ഭയന്നിരുന്ന പോലീസില്‍, വെളുത്ത വര്‍ഗക്കാരുടെ വംശീയ കൂട്ടായ്മയെ ,അതിന്‍റെ അപകടത്തെക്കുറിച്ച് അറിയിച്ചു  ഈ വിഷയവും ശ്രദ്ധിക്കപ്പെടേണ്ട കാര്യമായി ഉയര്‍ത്തി കൊണ്ട് വരാന്‍ റൊണിന് സാധിച്ചിരുന്നു.


  ആ ഇടയ്ക്ക് KKK അപകടകരമായ വിധത്തില്‍ സമൂഹത്തിലേക്കു ഇറങ്ങാന്‍ ഉള്ള ത്വര കാണിച്ചിരുന്നു.ഭൂരിഭാഗവും വെളുത്ത വര്‍ഗക്കാര്‍ ജോലി ചെയ്യുന്ന പോലീസില്‍ ,ജൂത വംശജനായ 'സിമ്മര്‍മാന്‍' ആണ് അപകടകരമായ ദൗത്യത്തില്‍ ,റൊണിന്റെ കൂടെ ഉണ്ടായിരുന്നത്.സംഘാംഗങ്ങളുടെ വിശ്വാസം പിടിച്ചു പറ്റുക,അവരില്‍ ഒരാളായി മാറുക എന്നതൊക്കെ വിഷമം പിടിച്ച സംഭവങ്ങള്‍ ആയിരുന്നു.പലപ്പോഴും നേരെ അപകടത്തിലേക്ക് അവര്‍ ചെന്ന് ചാടുകയും ചെയ്യുന്നുണ്ട്.യഥാര്‍ത്ഥ  സംഭവങ്ങളുടെ രസകരമായ അവതരണം ആണ് ചിത്രം.

  ,സ്പൈക് ലീ'യുടെ മികച്ച ചിത്രമായി കണക്കാക്കപ്പെടുന്ന BlacKkKlansman ,നിരൂപകരുടെ ഇടയിലും 2018 ലെ മികച്ച ചിത്രങ്ങളുടെ കൂടെ ആണ് ഉള്‍പ്പെടുത്തിയിരിക്കുന്നത്.തീര്‍ച്ചയായും കാണേണ്ട ചിത്രമാണ് BlacKkKlansman.ഒരു പക്ഷെ ഉള്ളില്‍ ഉള്ള വംശീയ വെറി പുറത്തു കാണിക്കാതെ ഇരിക്കാന്‍ വെളുത്ത വര്‍ഗക്കാരില്‍ ,KKK യോടുള്ള എതിര്‍പ്പ് സമൂഹത്തില്‍ ഉണ്ടെന്നു മനസ്സിലാക്കി കൊടുക്കാന്‍ അക്കാലത്ത് സാധിച്ചിരുന്നു.ഇപ്പോഴും ഈ സംഘടന രഹസ്യമായി പ്രവര്‍ത്തിക്കുന്നുണ്ടെന്ന് ചിലരെങ്കിലും വിശ്വസിക്കുന്നു .


  6 വിഭാഗത്തിലാണ് ചിത്രത്തിന് ഓസ്ക്കാര്‍ നാമനിര്‍ദേശം ലഭിച്ചിരിക്കുന്നത്.മികച്ച സഹ നടന്‍ ആയി ആഡം ഡ്രൈവര്‍,മികച്ച ചിത്രം,മ്യൂസിക്,തിരക്കഥ,സംവിധാനം,ഫിലിം എഡിറ്റിംഗ് എന്നിവയാണ് ഈ വിഭാഗങ്ങള്‍.മറക്കാതെ കാണുക.നിരാശരാകേണ്ടി വരില്ല.


More movie suggestions @www.movieholicviews.blogspot.ca

  ചിത്രത്തിന്‍റെ ലിങ്ക് എന്റെ ടെലിഗ്രാം ചാനലില്‍ ലഭ്യമാണ്.

ടെലിഗ്രാം ലിങ്ക്: t.me/mhviews

    

976.If Only(English,2004)

976.If Only(English,2004)
        Fantasy,Romance


      തന്‍റെ ജീവിതത്തില്‍ നടക്കാന്‍ പോകുന്ന അപകടത്തെ കുറിച്ച് ഇയാന്‍ മനസ്സിലാക്കുന്നു.പിന്നീട്  രാവിലെ എഴുന്നേറ്റപ്പോള്‍ ആണ് താന്‍ അനുഭവിച്ച അപകടം നിറഞ്ഞ ആ ദിവസം ഒന്ന് കൂടി അനുഭവിക്കാന്‍ സാധ്യത ഉണ്ടെന്നു മനസ്സിലാക്കുന്നത്.അയാളുടെ മുന്നില്‍ ഒറ്റ വഴിയെ ഉള്ളൂ.അയാള്‍ മനസ്സിലാക്കിയ ആ ദിവസം മാറ്റാന്‍ ശ്രമിക്കുക.ഒരു രണ്ടാം അവസരം.അതിനു ഇയാന് സാധിക്കുമോ?


 Life Mulligan സിനിമകളില്‍ ജീവിതത്തില്‍ പ്രായോഗികം ആയി ഒരിക്കലും സാധിക്കാത്ത രണ്ടാമതൊരു അവസരം ആണ് പ്രമേയം ആയി വരുന്നത്.ജീവിതത്തില്‍ ഒരു രണ്ടാം അവസരം കിട്ടിയാല്‍ എന്ത് നന്നായിരിക്കും അല്ലെ?ജീവിതത്തില്‍ ഒരിക്കലെങ്കിലും ഇങ്ങനെ ഒരു അവസരത്തിനായി കാത്തിരിക്കാത്തവര്‍ വിരളമായിരിക്കും.ഒരാള്‍ അനുഭവിച്ച കാര്യങ്ങള്‍,അതില്‍ നിന്നും സംഭവിക്കാന്‍ പോകുന്ന അപകടങ്ങള്‍ ഓക്കെ മുന്‍ക്കൂട്ടി മനസ്സിലാക്കി അതില്‍ tweak ചെയ്യുക എന്നത് തന്നെ മികച്ച ഒരു ഫാന്റസിയും ആണ്.

  ബ്രിട്ടീഷ് വംശജനായ ഇയാനും അയാളുടെ അമേരിക്കന്‍ ആയ ഗേള്‍ ഫ്രണ്ട് സമാന്തയും ഒരുമിച്ചു ആണ് ജീവിക്കുന്നതെങ്കിലും ജീവിതത്തില്‍ പല പ്രശ്നങ്ങളും ഉണ്ടാകുന്നു.പ്രണയം അവര്‍ക്കിടയില്‍ ഉണ്ടെങ്കിലും അത് ആഗ്രഹിക്കുന്ന അളവില്‍ അല്ല കിട്ടുന്നത് എന്ന് സമാന്തയ്ക്ക് തോന്നുന്നു.അവള്‍ സംഗീതത്തില്‍ ബിരുദം നേടുന്ന ദിവസത്തെ സംഭവങ്ങള്‍ ആണ് കഥയ്ക്ക്‌ ആസ്പദം.ജെനിഫര്‍ ലവ് ഹ്യുവിറ്റും പോല്‍ നിക്കൊല്‍സും ആണ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.ഇതില്‍ ഫാന്റസി എന്ന element നു കൂടുതല്‍ വിശദീകരണം ഒന്നും നല്‍കുന്നില്ല.കാരണം പ്രധാനമായും പ്രണയ കഥ എന്ന നിലയില്‍ ആണ് അവതരിപ്പിച്ചിരിക്കുന്നത്.

  Predictable ആണ് കഥ.പക്ഷെ,ഇത്തരം പ്രമേയങ്ങളില്‍ മറ്റൊരു രീതിയിലേക്ക് മാറാന്‍ ഉള്ള അവസരം കുറവാണ്.ഒരു ഫാന്റസി/റൊമാന്‍സ് സിനിമ എന്ന നിലയില്‍ തരക്കേടില്ലാത്ത ചിത്രമാണ് If Only.

  More movie suggestions @www.movieholicviews.blogspot.ca

സിനിമയുടെ ലിങ്ക് എന്റെ ടെലിഗ്രാം ചാനലില്‍ ലഭ്യമാണ്.

ടെലിഗ്രാം ചാനല്‍ ലിങ്ക്:  t.me/mhviews

Friday, 23 November 2018

975.La Mante(French TV mini Series,2017)


975.La Mante(French TV mini Series,2017)
       Mystery,Thriller,Crime

       കൊല്ലപ്പെടുത്തിയതിനു ശേഷം തല മുറിച്ചു മാറ്റി ശരീരത്തിന്റെ വലതു വശത്ത് വയ്ക്കുക.ഇതും കൂടി ചേര്‍ത്ത് മൂന്നാമത്തെ കൊലപാതകം.ഈ ഒരു രീതി ആണെങ്കില്‍ ഇനിയും കൊലപാതകങ്ങള്‍ പ്രതീക്ഷിക്കുന്നു.അതിനു കാരണം ഉണ്ട്.25 വര്‍ഷങ്ങള്‍ക്കു മുന്‍പ് സമാനമായ രീതിയില്‍ എട്ടു കൊലപാതകങ്ങള്‍ നടന്നിരുന്നു.സമാനത എന്ന് പറഞ്ഞാല്‍ മതിയാകില്ല.ആദ്യ കൊലപാതകങ്ങള്‍ നടക്കുമ്പോള്‍ അവിടെ ഉണ്ടാവുകയും സംഭവങ്ങള്‍ അതെ പോലെ കാണുകയും ,അതനുസരിച്ച് നടത്തുന്ന കൊലപാതകങ്ങള്‍ പോലെ കൃത്യതയോടെ ആണ് സംഭവങ്ങള്‍ നടന്നിരുന്നത്.

  'Mantis' എന്ന പേരില്‍ അറിയപ്പെട്ടിരുന്ന ജീനെ ടെബെരിന്റെ രീതി ആണ് കൊലയാളി പിന്തുടരുന്നത്.'ഹാനിബാള്‍ ലെക്ട്ടരിന്റെ സ്ത്രീ/ഫ്രഞ്ച് പതിപ്പ് എന്ന് വിളിക്കാവുന്ന കഥാപാത്രം.ഇടയ്ക്ക് 'Manhunter' ചിത്രത്തിലെ ഹാനിബാള്‍ ആയി വന്ന ബ്രയാന്‍ കൊക്സിനെ ഓര്‍ത്തു പോയി. ഇവിടെ 'Mantis' വര്‍ഷങ്ങളായി ജയിലില്‍ ശിക്ഷ അനുഭവിക്കുകയാണ്.ഇപ്പോള്‍ നടക്കുന്ന കൊലപാതകങ്ങള്‍ ആര് നടത്തുന്നു എന്നോ?എന്ത് ഉദ്ദേശ്യത്തില്‍ നടത്തുന്നോ എന്ന് പോലീസിനു അറിയില്ല.കൊലപാതകത്തിന് ഇര ആയവര്‍ തമ്മില്‍ ബന്ധമോ അല്ലെങ്കില്‍ 'Mantis'  ജീവിക്കാന്‍ യോഗ്യര്‍ ആണെന്ന് കണ്ടെത്തിയത് പോലുള്ള കണ്ടെത്തലുകള്‍ ഒന്നും ഈ കേസില്‍ ഇല്ല.

  'Mantis' നു ഒരു 'കോപ്പിക്ക്യാറ്റ്' ഉണ്ടെന്നുള്ള വിശ്വാസത്തില്‍ പോലീസും മാധ്യമങ്ങളും കരുതി ഇരിക്കെ ആണ് പോലീസ് സുപ്രണ്ടിനു ജയിലില്‍ നിന്നും 'Mantis' ന്‍റെ ഈ കേസില്‍ സഹായിക്കാന്‍ ഉള്ള താല്‍പ്പര്യം അറിയിക്കുന്നത്.എന്നാല്‍ അവര്‍ അതിനായി ചില നിബന്ദനകള്‍ മുന്നോട്ടു വയ്ക്കുന്നു.പോലീസിനും അവരുടെ പരിമിതികള്‍ ഉണ്ട്.എന്നാല്‍ യഥാര്‍ത്ഥ കുറ്റവാളിയെ കണ്ടെത്തിയേ തീരൂ.ആരാണത് എന്നത് പ്രാധാന്യമേറിയ ചോദ്യമാണ്?എന്നാല്‍ അവര്‍ക്കും പരിമിതികള്‍ ഉണ്ട്.

   ഓരോ എപിസോഡിലും വെളിവാകുന്ന മിസ്റ്ററിയും, അത് പോലെ പരമ്പരയുടെ അവസാന ഭാഗത്ത്‌ പോലും reveal ചെയ്യുന്ന കൂടുതല്‍ രഹസ്യങ്ങള്‍ എന്നിവയൊക്കെ പരമ്പരയെ സംബന്ധിച്ച് പ്രേക്ഷകരുടെ ജിജ്ഞാസ കൂട്ടാന്‍ പാകത്തില്‍ ഉള്ളതായിരുന്നു.കുടുംബ ബന്ധങ്ങളിലെ രഹസ്യങ്ങള്‍,മാനസികമായി, തങ്ങള്‍ക്കു ചുറ്റും നടക്കുന്ന സംഭവങ്ങളെ എങ്ങനൊക്കെ ബാധിക്കുന്നു എന്ന് കാണിച്ചു തരുന്ന കഥാപാത്രങ്ങള്‍ തുടങ്ങി അത്ര സുഖകരം അല്ലാത്ത പല സംഭവങ്ങളും ഉണ്ടായിരുന്നു പരമ്പരയില്‍.കഥപാത്രങ്ങളുടെ ഇരുണ്ട വശങ്ങള്‍ക്കും ഒപ്പം സ്ക്രീനില്‍ പ്രകടമായ നിഗൂഡതയുടെ കറുപ്പും മഴയും എല്ലാം കൂടി ചേരുമ്പോള്‍ നല്ലൊരു മിനി സീരീസ് ആണ് മുന്നില്‍ ഇരിക്കുന്നത്.

  Netflix ഏകദേശം ഒരു മണിക്കൂറില്‍ താഴെ ഉള്ള 6 എപിസോഡ് ആയി ആണ് പരമ്പര അവതരിപ്പിച്ചത്.എല്ലാ എപിസോഡും ഓരോ വിധത്തിലും മിസ്റ്ററി/ത്രില്ലര്‍ ഴോന്രെയോടു നീതി പുലര്‍ത്തി.കാണാത്തവര്‍ കാണാന്‍ ശ്രമിക്കുക...നഷ്ടം ആവുകയില്ല...


  സീരീസിന്‍റെ ലിങ്ക് എന്റെ ടെലിഗ്രാം ചാനലില്‍ ലഭ്യമാണ്.

More suggestions @www.movieholicviews,blogspot,ca

ടെലിഗ്രാം ചാനല ലിങ്ക്:t.me/mhviews

974.Bose:Dead/Alive(Web/Mini Series,2017)


974.Bose:Dead/Alive(Web/Mini Series,2017)

          സ്വാതന്ത്ര്യാനന്തര ഇന്ത്യയിലെ ഏറ്റവും വലിയ രഹസ്യങ്ങളില്‍ ഒന്നാണ് നേതാജി സുഭാഷ് ചന്ദ്ര ബോസിന്‍റെ മരണവും അതിനെ കുറിച്ചുള്ള ദുരൂഹതകളും.'ഫോര്മോസ' യില്‍ നടന്ന പ്ലെയിന്‍ അപകടത്തില്‍, ഒളിവില്‍ ആയിരിക്കുമ്പോള്‍ മരണപ്പെട്ടു എന്നതിനെ എതിര്‍ത്ത് കൊണ്ട് ധാരാളം കഥകള്‍ പിന്നീട് വന്നിരുന്നു.മരണം നടന്നൂ എന്ന് പറഞ്ഞ ദിവസത്തിന് ശേഷം അദ്ധേഹത്തെ പിന്നീട് പല സ്ഥലത്തും കണ്ടതായി പലരും അഭിപ്രായപ്പെടുന്നു.എന്തിനേറെ,ഇന്ത്യയുടെ പ്രധാന മന്ത്രിമാരില്‍ ഒരാളായിരുന്നു ലാല്‍ ബഹാദൂര്‍ ശാസ്ത്രിയുടെ മരണത്തിനു മുന്‍പുള്ള ദിവസം അദ്ദേഹം നേതാജിയെ നേരില്‍ കണ്ടതായി പോലും കഥകള്‍.അതില്‍ ഏറ്റവും പ്രധാനപ്പെട്ട കഥകളില്‍  ഒന്നായിരുന്നു കൊല്ലപ്പെട്ടു എന്ന് ഉള്ള വാര്‍ത്തകള്‍ വന്നതിനു ശേഷം മഹാത്മാ ഗാന്ധിജി ,നേതാജിയുടെ വീട്ടിലേക്കു അദ്ദേഹത്തിന് വേണ്ടി മരണാന്തര ക്രിയകള്‍ നടത്തേണ്ട എന്ന് പറഞ്ഞു അയച്ച ടെലിഗ്രാം.

  Bose:Dead/Alive എന്ന മിനി/വെബ്‌ സീരീസ് ആരംഭിക്കുന്നത് ഈ ഒരു രംഗത്തിലൂടെ  ആണ്.അനുജ് ധര എഴുതിയ 'India's Biggest Cover-up' എന്ന പുസ്തകത്തിന്റെ തിരശീലയിലെ ആവിഷ്ക്കാരം ആണ് ഈ പരമ്പര.AltBalaji പരമ്പരകളില്‍ ഒന്ന്.രാജ്കുമാര്‍ റാവു ശരിക്കും സുഭാഷ് ചന്ദ്ര ബോസിനെ സ്ക്രീനില്‍ നന്നായി ചെയ്തു എന്ന് വേണം പറയാന്‍.ഒരു സീരീസിന്‍റെ പരിധിയില്‍ നിന്നും കൊണ്ട് ഏകദേശം 20 മിനിറ്റുകളോളം ഉള്ള 9 എപിസോഡുകള്‍ ആണ് ഉള്ളത്.വളരെ വേഗം ഇന്ത്യന്‍ സ്വാതന്ത്ര്യ സമര ചരിത്രത്തിലെ പ്രധാനപ്പെട്ട സംഭവങ്ങള്‍,അന്നത്തെ നേതാക്കന്മാര്‍ തമ്മില്‍ ഉണ്ടായ ബന്ധങ്ങള്‍ എന്നിവയെല്ലാം ഇതില്‍ പ്രതിപാദിക്കുന്നുണ്ട്.

    കുറെ Conspiracy Theory കളില്‍ ഒന്നായി മാത്രം കാണാന്‍ കഴിയുന്നതിലും വിശ്വസനീയം ആയിരുന്നു മൊത്തത്തില്‍ ഉള്ള കഥയുടെ അവതരണം.ഹിറ്റ്ലര്‍-ബോസ് കൂടിക്കാഴ്ച്ച ഓക്കെ നന്നായി ചെയ്തിട്ടുണ്ടായിരുന്നു.ഹീറോയിക് പരിവേഷമുള്ള നേതാജിയെ ആയിരുന്നു ഇതില്‍ അവതരിപ്പിച്ചിരിക്കുന്നത്.ബ്രിട്ടീഷുകാരോട് നേരിട്ട്,അവരുടെ പ്രവര്‍ത്തികള്‍ക്ക് അതെ നാണയത്തില്‍ ഉത്തരം നല്‍കുന്ന ബോസിനെ ആണ് കാണാന്‍ കഴിയുക.നെഹ്‌റു-നേതാജി ബന്ധം,അതില്‍ വിവാദം ആകാവുന്ന കാര്യങ്ങള്‍ ഒകെ തൊട്ടു തലോടി തന്നെ അവതരിപ്പിച്ചിട്ടുണ്ട്.

   ഒറ്റ ഇരുപ്പില്‍ തന്നെ കാണാവുന്ന 9 എപിസോഡുകള്‍ മടുപ്പിക്കില്ല എന്ന് മാത്രമല്ല,OST കേട്ട് തുടങ്ങുമ്പോള്‍ തന്നെ ഒരു ആവേശം ആയിരുന്നു.ആ ആവേശം സ്ക്രീനില്‍ തരാനും ഈ സീരീസിനു കഴിഞ്ഞിരുന്നു.ഈ സീരീസിലെ ബ്രിട്ടീഷ് പോലീസ് ഉദ്യോഗസ്ഥനായ 'സ്റ്റാന്‍ലി അലനെ' പോലെ ആയിരുന്നു കണ്ടു തുടങ്ങിയപ്പോള്‍.ബോസിന്‍റെ അടുത്ത നീക്കം എന്താകും?പലരും പറയുന്ന ബോസ് ആണോ അവിടെ എല്ലാം ഉണ്ടായിരുന്നത് എന്ന ജിജ്ഞാസ.പ്രേക്ഷകന്റെ ഭാഗത്ത്‌ നിന്നും ചിന്തിക്കുന്ന ഈ ബ്രിട്ടീഷ് പോലീസ് ഉദ്യോഗസ്ഥനെ പോലെ ധാരാളം കഥാപാത്രങ്ങള്‍ വന്നും പോയും ഇരുന്നു.ഇവരെല്ലാം പരമ്പര ആസ്വാദ്യകരമായ അനുഭവം ആക്കിയെടുത്തു.

   കഴിയുമെങ്കില്‍ കാണുക!!!ഇന്ത്യയില്‍ നിന്നും ഉള്ള മികച്ച പരമ്പരകളില്‍ ഒന്നാണ്!!

സീരീസിലെ എപിസോഡുകള്‍ സബ്സ് ഉള്‍പ്പടെ എന്‍റെ ടെലിഗ്രാം ചാനലില്‍ ലഭ്യമാണ്.

More suggestions @www.movieholicivews.blogspot.ca

ടെലിഗ്രാം ചാനല ലിങ്ക് : t.me/mhviews

Thursday, 22 November 2018

973.Stree(Hindi,2018)


973.Stree(Hindi,2018)
        Fantasy,Comedy

         ഗ്രാമത്തിലെ ഉത്സവ ദിനങ്ങളിലെ 4 രാത്രികളില്‍ അവിടെ നിന്നും പുരുഷന്മാര്‍ അപ്രത്യക്ഷരാകുന്നു.'സ്ത്രീ' എന്നൊരു പ്രേതം ആണത്രേ അതിനു കാരണം.അവരില്‍ നിന്നും ആ ഗ്രാമത്തെ രക്ഷിക്കാന്‍ ഒരാള്‍ക്ക്‌ മാത്രമേ കഴിയൂ.ആ ഗ്രാമത്തിലെ പുരുഷന്മാരുടെ രക്ഷകന്‍.പുരുഷന്മാരെ 'സ്ത്രീ' എന്ന പ്രേതത്തില്‍ നിന്നും ആരാണ് രക്ഷിക്കാന്‍ വരുക?

   2018 ലെ വലിയ ഹിറ്റുകളില്‍ ഒന്നായി മാറിയ 'സ്ത്രീ' എന്ന സിനിമയുടെ കഥയാണിത്.ഹൊറര്‍/കോമഡി എന്ന നിലയില്‍ ആണ് ചിത്രം കാണാന്‍ ഇരുന്നത്.എന്നാല്‍  ഈ 2 ഘടകങ്ങളെയും കൂടാതെ മറ്റൊന്ന് കൂടി ഉണ്ടായിരുന്നു.സിനിമയുടെ അവസാനം വളരെയധികം സന്തോഷം തന്ന ഒരു രംഗം.അതാണ്‌ ഈ സിനിമയുടെ ഏറ്റവും മികച്ചതായ ഘടകവും.കഥയും കഥാപാത്രങ്ങളും എല്ലാം പിന്നീട് ആണ് വരുന്നത്.

   പ്രാദേശിക മിത്തുകള്‍ നിറഞ്ഞ ഇന്ത്യന്‍ സംസ്ഥാനങ്ങളില്‍ നിന്നുമുള്ള കുപ്രസിദ്ധമായ ഒരു കഥയാണ് പഴയ ബാംഗ്ലൂരിലെ 'നാളെ ബാ' യുടേത്.സമാനമായ കഥകള്‍ പല സ്ഥലങ്ങള്‍ക്കും പറയാനുണ്ട്.ഇത്തരം പ്രാദേശിക മിത്തുകള്‍ എല്ലാം കൂടി ഭോപാലിലെ 'ചന്ദേരി' എന്ന ഗ്രാമത്തിന്റെ പശ്ചാത്തലത്തില്‍ ആണ് അവതരിപ്പിച്ചിരിക്കുന്നത്.പുരുഷന്മാരെ വശീകരിച്ചു അപായപ്പെടുത്തുന്ന സ്ത്രീ പ്രേതം  ആണ്  പ്രമേയം.രാജ്കുമാര്‍ റാവു,ശ്രദ്ധ കപൂര്‍ തുടങ്ങി എല്ലാവരും അവരുടെ രംഗങ്ങള്‍ നന്നായി ചെയ്തു.ചിത്രത്തില്‍ jump scare രംഗങ്ങളോ ഒന്നും അധികം ഇല്ല.കോമഡിയുമായി  മുന്നോട്ടു പോകുന്ന കഥയില്‍ , എന്നാല്‍ ആഴത്തില്‍  ശ്രദ്ധിച്ചാല്‍ അല്‍പ്പം ഒക്കെ വേണമെങ്കില്‍ പേടിക്കാം.പക്ഷെ പേടിപ്പിക്കുക എന്നതായിരുന്നു ഈ ചിത്രത്തിന്റെ ഉദ്ദേശം എന്ന് കരുതുന്നില്ല.അതിനു കാരണം ആണ് ആദ്യം പറഞ്ഞ ആ ക്ലൈമാക്സ് രംഗം.

   അത് പോലെ സിനിമയ്ക്ക് ഒരു ഓപ്പണ്‍ ക്ലൈമാക്സ് ആണ് കൊടുത്തിരിക്കുന്നത്‌ എന്ന് തോന്നുന്നു.രണ്ടാം ഭാഗത്തിന് ഒരുങ്ങുന്ന ചിത്രം അതിനുള്ള വഴി കൂടി തുറന്നിട്ടിട്ടുണ്ട്.വടക്കേ ഇന്ത്യയിലെ സംസാര രീതികളിലെ പ്രത്യേകതകളില്‍ നിന്നും ഉണ്ടാകുന്ന തമാശകള്‍ പോലെ ഇടയ്ക്കിടെ ചിരി ഉണ്ടാക്കാന്‍ ഉള്ള ശ്രമങ്ങളും ചിത്രത്തില്‍ ധാരാളം ഉണ്ട്.യഥാര്‍ത്ഥത്തില്‍ അവയൊന്നും മുഷിപ്പിച്ചതും ഇല്ല.വളരെ രസകരമായി,എന്നാല്‍ അല്‍പ്പം ഒരു ഹൊറര്‍ പശ്ചാത്തലം കൂടി ഉള്‍പ്പെടുത്തിയ ചിത്രം പ്രേക്ഷകനെയും മുഷിപ്പിക്കുക ഇല്ല.സ്ത്രീകളെ കുറിച്ചുള്ള സമൂഹത്തിന്റെ കാഴ്ചപ്പാടില്‍ മാറ്റം വരുത്തേണ്ടതുണ്ട് എന്ന് തന്നെയാണ് ചിത്രം സ്ഥാപിക്കുന്നത്.അതിനായി കണ്ടെത്തിയത് ജനപ്രിയമായ ഒരു പ്ലാറ്റ്ഫോമിലൂടെ ആയിരുന്നു.അതും,എതിരഭിപ്രായങ്ങള്‍ ഒന്നും വരാത്ത  വിധം 'സ്ത്രീ ശാക്തീകരണത്തിന്' പോസിറ്റീവ് ആയ ഒരു മുഖവും നല്‍കി,രസകരമായ ഒരു പശ്ചാത്തലത്തിലൂടെ.

  തീര്‍ച്ചയായും കാണാന്‍ ശ്രമിക്കുക.എനിക്ക് ഈ വര്ഷം കണ്ടത്തില്‍ മികച്ച ചിത്രങ്ങളില്‍ ഒന്നായി ആണ് 'സ്ത്രീ' സിനിമയെ തോന്നിയത്.ഭൂരിപക്ഷം പ്രേക്ഷകര്‍ക്കും അത് തന്നെ ആണ് അഭിപ്രായവും എന്ന് തോന്നുന്നു.

  സിനിമയുടെ ലിങ്ക് എന്റെ ടെലിഗ്രാം ചാനലില്‍ ലഭ്യമാണ്.

More movie suggestions @www.movieholicviews.blogspot.ca

Telegram Channel:t.me/mhviews

972.La ragazza nella nebbia(Italian,2017)



972.La ragazza nella nebbia(Italian,2017)
       Mystery,Crime.

   വെറും മൂന്നൂറു മീറ്റര്‍ ദൂരത്തു എവിടെയോ വച്ചാണ് അവളെ കാണാതെ പോകുന്നത്.അവളെ ആരെങ്കിലും അപായപ്പെടുത്തുന്നതായി ആരും കണ്ടിട്ടും ഇല്ല.ബലപ്രയോഗം നടന്നതിന്റെ സൂചനകളും ഇല്ല.അപ്പോള്‍ അവളുടെ തിരോധാനത്തിനു പിന്നില്‍ അവളെ അറിയാവുന്ന ആരെങ്കിലും ആയിരുന്നിരിക്കണം.അതാകും നിശബ്ദമായി അവള്‍ അപ്രത്യക്ഷ ആയതു.ആരാണ് അയാള്‍?എന്താണ് അയാളുടെ ഉദ്ദേശം?

     "Donato Carrisi" എഴുതിയ നോവലിനെ ആസ്പദമാക്കി അദ്ദേഹം തന്നെ സംവിധാനവും തിരക്കഥയും എഴുതി അവതരിപ്പിച്ച ചിത്രമാണ് 'La ragazza nella nebbia' എന്ന ഇറ്റാലിയന്‍ ചിത്രം.തിരോധാനം അന്വേഷിക്കാന്‍, കുറ്റാന്വേഷകന്‍ വരുന്നു.'വോഗേല്‍' എന്ന  കുറ്റാന്വേഷണ വിദഗ്ധന്‍ ആണ് അന്വേഷണത്തിന്റെ ചുമതല.സിനിമയുടെ കഥ ആരംഭിക്കുന്നതും അയാളില്‍ നിന്നുമാണ്.ശരീരത്തില്‍ രക്തം പുരണ്ടു ഇരിക്കുന്ന അയാള്‍ ഇപ്പോള്‍ ഒരു മനശാസ്ത്രജ്ഞന്റെ മുന്നില്‍ ആണ്.വോഗേല്‍ അയാളോട് തന്‍റെ മനസ്സ് തുറക്കുന്നു.സങ്കീര്‍ണമായ,അയാള്‍ തന്‍റെ കഴിവുകള്‍ ഉപയോഗിച്ച് കണ്ടെത്തിയ ഒരു കേസിന്‍റെ ചുരുള്‍ അഴിയുന്നു.

  എന്നാല്‍ അവിടെ വീണ്ടും ഒരു ചോദ്യം.അയാള്‍ പറയുന്ന കഥ മുഴുവന്‍ സത്യമാണോ?മനുഷ്യ മനസ്സ് പലപ്പോഴും പ്രശ്നങ്ങളെ അഭിമുഖീകരിക്കുവാന്‍ പല വഴികളും കണ്ടെത്തും.അത് സാധാരണ എല്ലാ മനുഷ്യരുടെ കാര്യത്തിലും ഒരേ പോലെയാണ്.ഇവിടെ വോഗേല്‍ അത്തരം ഘട്ടത്തിലൂടെ ആണ് കടന്നു പോയത്.അതിനു അയാള്‍ ഉപയോഗിച്ച വഴി,ഒരു പക്ഷെ അയാളിലെ കുറ്റാന്വേഷകനെ പോലെ ചോദ്യം ചെയ്തു എന്ന് വരാം.ഇതിലും ഉപരി അയാളില്‍ നിന്നും മറഞ്ഞിരിക്കുന്ന രഹസ്യങ്ങള്‍ വേറെയും ഉണ്ടെങ്കിലോ?

  ഒരാള്‍ ,തന്‍റെ ഭാഗത്ത്‌ നിന്നും കഥ അവതരിപ്പിക്കുകയും,അതിന്റെ മറു വശം,അതും അയാളുടെ പോലും പ്രതീക്ഷകള്‍ക്കും അപ്പുറം ആയ ഒന്ന്?മിസ്റ്ററി ചിത്രം എന്ന നിലയില്‍ 'La ragazza nella nebbia' മികച്ച പ്രകടനം ആണ് കാഴ്ച വച്ചിരിക്കുന്നത്.സാധാരണ ഒരു കുറ്റാന്വേഷണ കഥയായി പോകുമ്പോള്‍ അതിന്റെ ക്ലൈമാക്സിലേക്ക് അടുക്കുമ്പോള്‍ പ്രേക്ഷകന് ഇതിലും മികച്ച ഒരു അവസാനം നല്‍കാന്‍ കഴിയില്ല.സമാന്തരമായ മറ്റൊരു വഴിയിലൂടെ വികസിക്കുന്ന കഥയ്ക്ക്‌ മറ്റൊരു കഥ ഉണ്ടാവുക.മിസ്റ്ററി ചിത്രങ്ങളുടെ ആരാധകര്‍ മറക്കാതെ കാണുക ഈ ഇറ്റാലിയന്‍ ചിത്രം.ഇഷ്ടമാകും.!!

സിനിമ എന്റെ ടെലിഗ്രാം ചാനലില്‍ ലഭ്യമാണ്.

More movie suggestions @www.movieholicviews.blogspot.ca

Telegram channel link: t.me/mhviews



971.Peppermint(English,2018)



971.Peppermint(English,2018)
      Action,Thriller

    രാവിലെ നഗരത്തില്‍ എല്ലാവര്ക്കും കാണാവുന്ന രീതിയില്‍,കൊല്ലപ്പെടുത്തിയ ശേഷം മൂന്നു പേരുടെ മൃതദേഹം കാണപ്പെട്ടൂ.സാധാരണ കൊലപാതകങ്ങളില്‍ ഉണ്ടാകുന്നതിലും ഏറെ പക ഉള്ളതായി കാണാം ആ മരണങ്ങളില്‍.അതിനോടൊപ്പം ആര്‍ക്കെക്കെയോ വേണ്ടിയുള്ള മുന്നറിയിപ്പ് കൂടി ആയിരുന്നു അത്.പോലീസ് ,കേസിന്‍റെ പിന്നാല്‍ കൂടി.കൊല്ലപ്പെട്ടവരുടെ മുന്ക്കാല ജീവിതം വച്ച് നോക്കുമ്പോള്‍ ആണ് അവര്‍ അത് മനസ്സിലാക്കുന്നത്.അത് 'അവള്‍' ആണ്.'അവള്‍' തിരിച്ചു വന്നിരിക്കുന്നു.ആരാണ് 'അവള്‍'?


  ജെനിഫര്‍ ഗാര്‍നര്‍ അഭിനയിച്ച Revenge Thriller ആണ് "Peppermint".എല്ലാ പ്രതികാര കഥകളിലും ഉള്ളത് പോലെ സമാനമായ ഒരു കഥയാണ് ഇതിനും.കഥയില്‍,മുന്‍പ് കാണാത്ത ഒന്നുമില്ല എന്ന് ചുരുക്കം.അല്‍പ്പം അധികം ഉപയോഗിച്ച സ്ഥിരം പ്രതികാര കഥകളില്‍ നിന്നും ചിത്രം നല്ലതായി മാറുന്നതിനു കാരണം ചിത്രത്തിലെ ആക്ഷന്‍ രംഗങ്ങള്‍ ആണ്.പ്രതികാര സിനിമകളിലെ നവീന ഹോളിവുഡ് ബെഞ്ച്മാര്‍ക്ക് എന്നൊക്കെ വിളിക്കാവുന്ന 'John Wick' ന്‍റെ അടുത്തൊന്നും എത്തില്ലെങ്കിലും ജെനിഫര്‍ ഗാര്‍നര്‍ നന്നായി തന്നെ ചിത്രത്തിലെ ആക്ഷന്‍ രംഗങ്ങള്‍ അവതരിപ്പിച്ചു.

    അമേരിക്കയിലെ തെരുവുകളില്‍ ഒരു 'Vigilante' പരിവേഷം കൂടി ലഭിക്കുകയും ചെയ്ത കഥാപാത്രം ,ഡ്രഗ് മാഫിയ,കാര്‍ട്ടല്‍,പോലീസിലെ ചതിയന്മാര്‍ തുടങ്ങിയുള്ള സ്ഥിരം ചേരുവകളുടെ ഒപ്പം ചോരക്കളിയും .അതാണ്‌ 'Peppermint".അധികം പുകഴ്ത്തിപ്പാടാന്‍ ഒന്നും ഇല്ലെങ്കിലും വേഗതയുള്ള കഥാവതരണ രീതി സിനിമയെ കാഴ്ചക്കാരുടെ ഇടയില്‍ മോശം എന്ന് പറയിക്കില്ല.കുഴപ്പമില്ലാത്ത ഒരു പ്രതികാര കഥ കാണണം എന്ന് തോന്നിയാല്‍ നേരെ തുടങ്ങിക്കോ ഡൌണ്‍ലോഡ്!!

സിനിമ എന്റെ ടെലിഗ്രാം ചാനലില്‍ ലഭ്യമാണ്.

More movie suggestions @www.movieholicviews.blogspot.ca

Telegram channel link:t.me/mhviews

  

Tuesday, 13 November 2018

970.Missing You(Korean,2016)



970.Missing You(Korean,2016)
      Mystery,Thriller

            15 വര്‍ഷങ്ങള്‍ക്കു ശേഷം കി-ബം ജയില്‍ ശിക്ഷ കഴിഞ്ഞു ഇറങ്ങി.വിവാദപരമായ ഒരു കേസില്‍ നിയമത്തിന്റെ ആനുകൂല്യം ലഭിച്ച അയാള്‍ പുറത്തിറങ്ങിയതിനു ശേഷം അയാളുടേത് എന്ന് സംശയിക്കുന്ന രീതിയില്‍ ഉള്ള കൊലപാതകങ്ങള്‍ വീണ്ടും സംഭവിക്കുന്നു.അയാള്‍ പുറത്തു വന്നതും വീണ്ടും പഴയ പോലത്തെ കൊലപാതകങ്ങള്‍ ഉണ്ടാകുന്നു.ഒരു സീരിയല്‍ കില്ലര്‍ വീണ്ടും തന്‍റെ രീതികള്‍ ആരംഭിക്കുന്നത് ആണോ?അതോ?.ആരാണ് കി-ബം?അയാള്‍ യഥാര്‍ത്ഥത്തില്‍ തെറ്റുകാരന്‍ ആണോ??

  'Missing You' എന്ന കൊറിയന്‍ ചിത്രത്തിന്റെ ചെറിയ ഒരു കഥാ സന്ദര്‍ഭം ആണ് മേലെ അവതരപ്പിച്ചത്.15 വര്‍ഷങ്ങള്‍ക്കു മുന്‍പുള്ള ഒരു കോടതി മുറിയില്‍,അയാള്‍ ചെയ്തതെന്ന് കരുതുന്ന അനേകം കൊലപാതകങ്ങളില്‍ വെറും ഒന്നിന് മാത്രം ആണ് ശിക്ഷ ലഭിക്കുന്നത്.ഒരു 'സീരിയല്‍ കില്ലര്‍' ആയി കണക്കാകി പോലീസ് അയാള്‍ കൊന്നതെന്ന് വിശ്വസിക്കുന്ന സ്ത്രീകളുടെ കേസിലും ഒപ്പം കേസന്വേഷണം നടത്തിയ പോലീസുകാരില്‍ ഒരാളുടെ കൊലപാതകത്തിലും എന്നാല്‍ തെളിവുകളുടെ അഭാവത്തില്‍ ഒരു കേസില്‍ മാത്രം അയാള്‍ക്ക്‌ ശിക്ഷ ലഭിക്കുകയും ചെയ്തു.15 വര്‍ഷത്തേക്ക് ആയിരുന്നു അത്.

   എന്നാല്‍ അയാള്‍ക്ക്‌ മരണ ശിക്ഷ തന്നെ വേണം എന്ന് കരുതുന്നവര്‍ ഉണ്ടായിരുന്നു.നഷ്ടങ്ങള്‍ അവര്‍ക്ക് ഉണ്ടായത് വലിയ രീതിയില്‍ ആണ്.അവര്‍ അതിനായി കാത്തിരുന്നു.അവസാനം അയാള്‍ ജയിലില്‍ നിന്നും ഇറങ്ങി.ജീവിതത്തില്‍ അവശേഷിക്കുന്നത് അയാളോടുള്ള പക മാത്രം ആയി ജീവിക്കുന്ന  പലരും ഉണ്ട്.സങ്കീര്‍ണമായ കാര്യങ്ങള്‍ ആണ് സംഭവിക്കുന്നത്‌.ദുരൂഹമായി നടക്കുന്ന സംഭവങ്ങളുടെ പിന്നിലെ രഹസ്യം അറിയാന്‍ ചിത്രം കാണുക.

    പ്രതികാര കഥകള്‍ മികച്ച രീതിയില്‍ അവതരിപ്പിക്കുമ്പോള്‍ ആണ് അത് ആ ഴോന്രെയില്‍ ഉള്ള ചിത്രങ്ങളില്‍ മികച്ചതായി തീരുക.'Missing You' ഇത്തരത്തില്‍ ഒന്നാണ്.കിം-സുംഗ് ഹോയുടെ കി-ബം എന്ന കഥാപാത്രം രൂപത്തില്‍ പോലും ഒരു സൈക്കോ കില്ലര്‍ പ്രതീതി നല്‍കുന്നുണ്ട്.കൊറിയന്‍ സിനിമയിലെ സീരിയല്‍ കില്ലര്‍ സിനിമകള്‍ ഇഷ്ടപ്പെടുന്നവര്‍ക്ക് ഈ ചിത്രവും ഇഷ്ടമാകും.


More movie suggestions @www.movieholicviews.blogspot.ca

ചിത്രം എന്റെ ടെലിഗ്രാം ചാനലില്‍ ലഭ്യമാണ്.

 Telegram Channel Link: t.me/mhviews

 
     

Monday, 12 November 2018

969.A Bittersweet Life(Korean,2005)


969.A Bittersweet Life(Korean,2005)
       Action,Thriller.

         "എത്ര നന്നായി ജോലി ചെയ്താലും ഒരു ചെറിയ പിഴവ് വന്നൂ എന്ന് തോന്നിയാല്‍ ജീവന്‍ വരെ പോകാം'.സുന്‍-വൂവിന്‍റെ ജോലിയും അങ്ങനെ ആയിരുന്നു.7 വര്‍ഷമായി നന്ദിയുള്ള നായയെ  പോലെ ജോലി ചെയ്ത അവന്‍ ഒരിക്കല്‍ ഒരു സ്ത്രീയോട് ദാക്ഷിണ്യം കാണിച്ചു.അതോടെ അവന്റെ ജീവിതവും ആദ്യം പറഞ്ഞത് പോലെ ആയി.

     'A Bittersweet Life' ഇത്തരത്തില്‍ ഒരു കഥയാണ് പറയുന്നത്.സംവിധായകന്‍ 'കിം-ജീ വുന്‍' ന്‍റെ ചിത്രങ്ങളില്‍ ഉള്ള കഥയിലെ സരളത ആണ് ഈ ചിത്രത്തിന്‍റെ കഥയിലും.തന്‍റെ പ്രായം അധികം ഇല്ലാത്ത പുതിയ ഗേള്‍ ഫ്രണ്ട് മറ്റാരുമായോ ബന്ധം ഉണ്ടെന്നുള്ള സുന്‍-വൂവിന്‍റെ ബോസിന്റെ സംശയം ആണ്,വൃദ്ധനായ അയാളെ കൊണ്ട് സുന്‍-വൂവിനെ അവരുടെ ബോഡി ഗാര്‍ഡ് ആക്കി അവരുടെ നീക്കങ്ങള്‍ നിരീക്ഷിക്കാന്‍ പ്രേരിപ്പിച്ച ഘടകം.ആരോടും പ്രത്യേക മമത ഒന്നും ഇല്ലാതിരുന്ന അവന്‍ എന്നാല്‍ ഒരു അവസരത്തില്‍ അല്‍പ്പം ദയ കാണിക്കുന്നു.ചിലപ്പോഴൊക്കെ അവനു അവരോടു പ്രണയം തോന്നിയിരുന്നോ എന്ന് സംശയിച്ചു പോവുക പോലും ചെയ്തു.

  തന്‍റെ ജോലിയിലെ ആത്മാര്‍ത്ഥത ധാരാളം ശത്രുക്കളെ നേരത്തെ തന്നെ സൃഷ്ടിച്ചിരുന്നു.അവര്‍ ഒരു അവസരം കാത്തു നില്‍ക്കുക ആയിരുന്നു.അവര്‍ എല്ലാം കൂടി ഒരുമിക്കുന്നു സുന്‍-വൂവിന്‍റെ ജീവനായി.അയാളുടെ അതിജീവനം ആണ് 'A Bittersweet Life'.മികച്ച ആക്ഷന്‍ രംഗങ്ങള്‍ ആണ് ചിത്രത്തിന്റെ പ്രധാന ആകര്‍ഷണം.മറ്റുള്ളവര്‍ക്ക് വേണ്ടി അവരുടെ ആവശ്യങ്ങള്‍ക്ക് വേണ്ടി ജോലി ചെയ്തിരുന്ന ഒരാള്‍ തന്‍റെ ജീവിതത്തില്‍ ആദ്യമായി എടുത്ത തീരുമാനങ്ങളുടെ പ്രത്യാഘാതം വളരെ വലുതായിരുന്നു.ഈ ഒരു പ്രമേയത്തില്‍ ആക്ഷന്‍ ചിത്രമായി വരുമ്പോള്‍ ആക്ഷന് പ്രാധാന്യം നല്‍കണം.അത് വൃത്തിയായി ഇവിടെ ചെയ്തിട്ടുമുണ്ട്.

  Gangster ചിത്രമാണ് എന്നുള്ള തോന്നല്‍ തുടക്കത്തില്‍ ഉണ്ടാകുമെങ്കിലും ചിത്രം അതില്‍ മാത്രം നില്‍ക്കാതെ വേറെ രീതിയിലേക്ക് മാറുന്നതാണ് പിന്നെ കാണുന്നത്.ചെറിയ ഒരു മിക്സ് എന്ന് വേണമെങ്കില്‍ പറയാം.ചിത്രം കാണാത്തവര്‍ ഉണ്ടെങ്കില്‍ കാണുക.കൊറിയന്‍ സിനിമയിലെ മികച്ച ചിത്രങ്ങളില്‍ ഉള്‍പ്പെടുന്നതാണ് 'A Bittersweet Life'.


ചിത്രം എന്റെ ടെലിഗ്രാം ചാനലില്‍ ലഭ്യമാണ്.

More movie suggestions @www.movieholicviews.blogspot.ca

Telegram Channel Link: t.me/mhviews

968.I Saw the Devil(Korean,2010)



968.I Saw the Devil(Korean,2010)
        Thriller,Drama

             അയാള്‍ കൊല്ലുന്നതിന്റെ കാരണം പ്രേക്ഷകന്‍ മനസ്സിലാകുമ്പോള്‍ ആണ് ഒരു തരം മരവിപ്പ് ഉണ്ടാകുന്നത്.വെറുതെ ഒരു മന:സുഖത്തിനു ആളുകളെ കൊല്ലുക .അതും പല പ്രായത്തില്‍ ഉള്ള ഭൂരിഭാഗവും സ്ത്രീകള്‍ ആയിരുന്നു അയാളുടെ ഇര.ഇതേ മാനസികാവസ്ഥ ഉള്ള ഒരു സുഹൃത്തും അയാള്‍ക്ക് ഉണ്ടെങ്കിലോ?

   'I Saw the Devil".കൊറിയന്‍ സിനിമകളില്‍ ഈ ഴോന്രെയില്‍ ഉള്ള മാസ്റ്റര്‍പ്പീസ് എന്ന് വിളിക്കാവുന്ന ചിത്രം.പ്രതികാരം എന്ത് മാത്രം ക്രൂരം ആകും എന്ന് കാണണം എന്നുണ്ടെങ്കില്‍ ഈ ചിത്രത്തില്‍ അത്തരത്തില്‍ ഒന്നുണ്ട്.സ്വന്തം സുഖങ്ങള്‍ക്കായി ഇരകളെ തേടി ഏറ്റവും ക്രൂരമായ രീതിയില്‍ കൊന്നിരുന്ന ആള്‍ ഒരിക്കല്‍ തന്‍റെ ഇരയായി വന്നത് മുന്‍ പോലീസ് ചീഫിന്റെ മകളും,രഹസ്യാന്വേഷണ വിഭാഗത്തിലെ ഉദ്യോഗസ്ഥന്‍റെ ഭാവി വധുവിനെ ആയിരുന്നു.അവിടെ തുടങ്ങുന്നു "I Saw the Devil' ന്‍റെ കഥ.

ഒരു പക്ഷെ ചിത്രത്തിലെ ക്രൂരനായ സൈക്കോ കൊലയാളി ആയ ക്യുംഗ്-ചുള്‍ ആയിരിക്കും ചെകുത്താന്‍ എന്ന് തുടക്കത്തില്‍ കരുതി പോകും.എന്നാല്‍ സിനിമ കാണുമ്പോള്‍ മനസ്സിലാകുന്ന ഒന്നുണ്ട്.ചെകുത്താന്‍ ശരിക്കും അയാള്‍ അല്ലായിരുന്നു.അയാളുടെ ക്രൂരതകള്‍ കാരണം ,അയാള്‍ തന്നെ ചെകുത്താനെ നേരില്‍ കാണുക ആണ് കിം-സൂവിന്റെ രൂപത്തില്‍.പ്രതികാരത്തിന്റെ അങ്ങേ അറ്റം എന്ന് പറയാവുന്ന കാര്യങ്ങള്‍.

    ഒറ്റയടിക്ക് കൊല്ലാവുന്ന അവസരങ്ങള്‍ ഉണ്ടായിരുന്നിട്ടു കൂടി പുറകെ പോയി പോയി...'I Saw the Devil' കൊറിയന്‍ സിനിമയുടെ ഇരുണ്ട മുഖത്തിന്‍റെ പ്രതിനിധി ആയി 'Memories of Murder' ന്‍റെ ഒപ്പം കണക്കാക്കാന്‍ തുടങ്ങിയിട്ട് കുറച്ചു വര്‍ഷങ്ങളായി.കൊറിയന്‍ സിനിമ കണ്ടു തുടങ്ങുന്നവരുടെ ആദ്യ സിനിമ.വര്‍ഷങ്ങള്‍ക്കു ശേഷം ഒന്ന് കൂടി കണ്ടപ്പോള്‍ ഇപ്പോഴും ആ ഴോന്രെയില്‍ ഇത്ര പുതുമയോടെ തന്നെ ഈ ചിത്രം നില്‍ക്കുന്നത് കണ്ടപ്പോള്‍ അത്ഭുതം തോന്നി.'ചോയി-മിന്‍-സിക്ക്' അവതരിപ്പിച്ച സീരിയല്‍ കില്ലര്‍ ഒക്കെ ഈ വിഭാഗത്തിലെ പാഠപുസ്തകം ആയിട്ടുണ്ടാകും ഇപ്പോഴും.അദ്ദേഹം അനായാസമായി ആണ് ആ വേഷം അവതരിപ്പിച്ചിരിക്കുന്നതെന്ന് തോന്നും.അത്രയേറെ എളുപ്പത്തില്‍ മനസ്സില്‍ ഭീതിയുടെ മുഖമായി അയാള്‍ മാറും.

  കോമിക് ബുക്കുകളില്‍ ഒക്കെ കാണാറുള്ള പോലെ തോന്നും കൊലപാതകങ്ങള്‍ ഓക്കെ.പലപ്പോഴും അതൊക്കെ അയാളുടെ സാധാരണ ഒരു ദിവസം പോലെ ആണ് തോന്നുക.അയാള്‍ അതില്‍ സന്തോഷം കണ്ടെത്തുന്നു.അയാള്‍ ഇരകളെ തിരഞ്ഞെടുക്കുന്നത് അവരുടെ നിസഹായ അവസ്ഥയെ മുതലെടുത്ത്‌ കൊണ്ടാണെന്ന് കാണാന്‍ സാധിക്കും.അതിനു ശേഷം ആണ് ക്രൂരമായ രീതിയില്‍ കൊല്ലപ്പെടുതുന്നത്.എന്താണെന്ന് അറിയില്ല,ഇത്തരത്തില്‍ ഉള്ള കഥാപാത്ര സൃഷ്ടി സിനിമയുടെ മികവിന്റെ ഉദാഹരണം ആണ്.'കിം-ജീ-വുന്‍' കൊറിയന്‍ സിനിമയിലെ മികച്ച സംവിധായകരില്‍ ഒരാളായി മാറിയത് സൂക്ഷ്മമായി അവതരിപ്പിച്ച ഇത്തരം കഥാപാത്രങ്ങള്‍ കാരണം ആകും.

   ചിത്രം കാണാത്തവര്‍ ആയി അധികം ആളുകള്‍ ഉണ്ടാകില്ല.എന്നാലും കാണാത്തവര്‍ ഉണ്ടെങ്കില്‍ കാണണം ഒരിക്കല്‍ എങ്കിലും ഈ ചിത്രം.!!


ചിത്രം എന്റെ ടെലിഗ്രാം ചാനലില്‍ ലഭ്യമാണ്..

More movie suggestions @www.movieholicviews.blogspot.ca

Telegram Channel Link: t.me/mhviews

967.Searching(English,2018)



967.Searching(English,2018)
       Mystery,Thriller.

    ശ്വാസം അടക്കിപ്പിടിച്ചു കണ്ടു കൊണ്ടിരുന്ന സിനിമ കഴിയുമ്പോള്‍ സംവിധായകന്റെ പേര് കാണുമ്പോള്‍ 'Aneesh Changanty'.അനീഷ്‌,എങ്ങാനും മലയാളി ആണോ എന്ന് നോക്കുക ആയിരുന്നു ആദ്യം ചെയ്തത്.ആന്ധ്ര വേരുകള്‍ ഉള്ള അമേരിക്കന്‍-ഇന്ത്യന്‍ ആണെന്ന് മനസ്സിലാക്കി പിന്നീട്.ഇത്തരത്തില്‍ വ്യത്യസ്തമായ ഒരു ത്രില്ലര്‍ അവാതരിപ്പിച്ച സംവിധായകന്‍ ശരിക്കും ഞെട്ടിച്ചു എന്ന് വേണം പറയാന്‍.2014 ല്‍ റിലീസ് ചെയ്ത 'Unfriended' ഇത്തരത്തില്‍ ഉള്ള ഒരു ചിത്രമായിരുന്നു.ഒരു കമ്പ്യൂട്ടര്‍ സ്ക്രീനില്‍,വീഡിയോ ചാറ്റിലൂടെ ഒക്കെ കഥ അവതരിപ്പിച്ചു എന്നാണു ഓര്‍മ.

  എന്നാല്‍ 'Searching' അവതരണത്തില്‍ ഒരു പടി കൂടി കടന്ന്,ഒരു കുടുംബത്തിന്റെ ജീവിത കഥ Operating System,അതാതു കാലത്ത് സോഷ്യല്‍ മീഡിയ,മെയില്‍ ബോക്സുകള്‍ എന്ന് വേണ്ട, സാധ്യമായ ടെക്നോളജിയിലൂടെ തന്നെ കാലഘട്ടങ്ങളെ രേഖപ്പെടുത്തിയിട്ടുണ്ട്.വളരെ മികച്ച രീതിയില്‍ തന്നെ,വ്യക്തമായി കമ്പ്യൂട്ടറുകള്‍ മനുഷ്യ ജീവിതത്തെ എങ്ങനെ എല്ലാം സ്വാധീനിക്കുന്നു എന്നുള്ള വ്യക്തമായ സൂചനകളോടെ തന്നെ.'ജോണ്‍ ചോ' അവതരിപ്പിച്ച പിതാവിന്റെ കഥാപാത്രം, ദുരൂഹമായ രീതിയില്‍ കാണാതെ പോയ സ്വന്തം മകളെ അന്വേഷിച്ചു ഇറങ്ങുന്നതാണ് ചിത്രത്തിന്റെ പ്രമേയം.ഒരു പക്ഷെ സാധാരണ രീതിയില്‍ അവതരിപ്പിച്ചിരുന്നെങ്കില്‍ പ്രത്യേകതകള്‍ ഒന്നും ഇല്ലാതെ ആകുമായിരുന്ന ചിത്രം ആണ് 'Searching'.

   എന്നാല്‍ കമ്പ്യൂട്ടര്‍,മൊബൈല്‍ സ്ക്രീനുകളിലൂടെ അവതരിപ്പിക്കപ്പെട്ട സംഭവങ്ങള്‍ ചിത്രത്തിന്റെ മുഖം തന്നെ മാറ്റി മറിച്ചു എന്ന് വേണം പറയാന്‍.ഏറ്റവും Innovative ആയ ഒരു രീതി ആയിരുന്നു ഇത്.കാരണം സ്ക്രീനിലൂടെ കാര്യങ്ങള്‍ വായിച്ചും വീഡിയോ കോള്‍,ഫോണ്‍ സന്ദേശങ്ങള്‍ എന്നിവയിലൂടെ ഓക്കെ ആയിരുന്നു പ്രേക്ഷകന് സിനിമയും ഉദ്വേഗം നിറഞ്ഞ നിമിഷങ്ങളും സമ്മാനിച്ചത്‌.

   സിനിമയുടെ കഥ ഇങ്ങനെ അവതരിപ്പിച്ചത് മാത്രം അല്ലാതെ,ഈ കാലഘട്ടത്തില്‍ ബന്ധങ്ങള്‍ കുറച്ചു device കളിലേക്ക് ഒതുങ്ങി പോകുന്നതിന്‍റെ പ്രശ്നങ്ങളും അവതരിപ്പിച്ചിട്ടും ഉണ്ട്.പ്രത്യേകിച്ചും മകള്‍ ഏറെ മാസങ്ങളായി പോയിരുന്നു എന്ന് പറഞ്ഞ ക്ലാസില്‍ അവള്‍ പോകുന്നില്ലായിരുന്നു എന്നുള്ള ഭാഗങ്ങള്‍ ഓക്കെ കുടുംബ ബന്ധങ്ങളിലെ പ്രശ്നങ്ങള്‍ അവതരിപ്പിക്കുന്നു.ഞാനുള്‍പ്പടെ ഉള്ള പലരും ഇത് പോലെ ഓക്കെ ആണെന്ന് തോന്നുകയും ചെറിയ ഒരു ചമ്മലോടെ ആണെങ്കിലും ശ്രദ്ധിക്കപ്പെടേണ്ട,എന്നാല്‍ അധികം പ്രാധാന്യം കൊടുക്കാത്ത ഒരു സത്യം ഓര്‍മപ്പെടുത്തിയത് പോലെ തോന്നി.

  കാണാത്തവര്‍ ഉണ്ടെങ്കില്‍ കാണുക!!വളരെ നല്ല രീതിയില്‍ അവതരിപ്പിച്ച ചിത്രം എന്നതിലുപരി മികച്ച ഒരു മിസ്റ്ററി/ത്രില്ലറും ആണ്.

ചിത്രത്തിന്റെ ലിങ്ക് എന്‍റെ ടെലിഗ്രാം ചാനലില്‍ ലഭ്യമാണ്.

More movie suggestions @www.movieholicviews.blogspot.ca

Telegram Channel: t.me/mhviews