Friday, 16 December 2016

727.THREAD OF LIES(KOREAN,2013)

727.THREAD OF LIES(KOREAN,2013),|Mystery|Drama|,Dir:-Han Lee,*ing:-Hie-ae Kim, Ah-sung Ko, Yoo-Jeong Kim.



ജീവിതത്തില്‍  പ്രാധാന്യം  കൊടുക്കേണ്ട  ചില  കാര്യങ്ങള്‍  ഉണ്ട്.ചെറിയ  സന്തോഷങ്ങള്‍,പ്രിയപ്പെട്ടവരുടെ നൊമ്പരങ്ങള്‍ അവരുടെ  ശബ്ദം  ഇടറുമ്പോള്‍ അവര്‍ക്ക്  മാനസികമായ  പിന്‍ബലം  നല്‍കുക  എന്നിവ  അവയില്‍  ചിലത്  മാത്രം.പ്രതീക്ഷകള്‍  പലപ്പോഴും  വലുതായിരിക്കും  നമ്മുടെ  ഒക്കെ  പ്രിയപ്പെട്ടവരില്‍  നിന്നും.ഒരു  ചാണ്‍  വ്യത്യാസത്തില്‍  നമുക്ക്  രക്ഷിക്കാന്‍  കഴിയുന്ന  ജീവിതങ്ങള്‍  ഏറെ  ആണ്.ഒരിക്കലും  നഷ്ടങ്ങള്‍ പിന്നീട്  ഏതു  അളവുക്കോലില്‍  നിന്നും  നോക്കിയാലും അതിനെ  പിന്തള്ളാന്‍  സാധിക്കാതെ  വരും.ഒരു  പക്ഷെ  നമ്മള്‍  വല്ലാതെ  വൈകിയിരിക്കും.Thread of Lies ,Wooahan Geojitmal എന്ന  കിം  റിയോയുടെ  നോവലിനെ  ആസ്പദം  ആക്കിയെടുത്ത  ചിത്രം  ആണ്.

  പതിന്നാലു  വയസ്സുള്ള  ചിയോന്‍  ജി  എന്ന  പെണ്‍ക്കുട്ടിയുടെ  ആത്മഹത്യ  ആണ്  ചിത്രത്തിന്റെ  പ്രധാന  കഥയെ  നിയന്ത്രിക്കുന്നത്‌.ഭര്‍ത്താവ്  മരിച്ച ഹ്യൂന്‍  സൂക്  എന്ന  സ്ത്രീയുടെ  മകള്‍  ആണ്  മാന്‍-ജിയും ചിയോന്‍  ജിയും.സാധാരണക്കാരായ  മനുഷ്യര്‍.എന്നാല്‍  അപ്രതീക്ഷിതം  ആയിരുന്നു  ചിയോന്‍  ജിയുടെ  മരണം.പഠിക്കാന്‍  മിടുക്കി  ആയ  ആ  പെണ്‍ക്കുട്ടി  എന്തിനാണ് ആത്മഹത്യ  ചെയ്തതെന്ന്  ആര്‍ക്കും  ഒരു  വിവരവും  ഇല്ലായിരുന്നു.മരണ കാരണം   പറഞ്ഞു  കൊണ്ട്  ഒരു  എഴുത്ത് പോലും  അവര്‍ക്ക്  കിട്ടുന്നില്ല.മകളുടെ  മരണ  ശേഷം ഹ്യൂന്‍ സൂക്  മാന്‍-ജിയോടൊപ്പം  താമസിക്കാന്‍  എത്തുന്ന  പുതിയ  സ്ഥലത്ത്  നിന്നും  ചിയോന്‍  ജി  യുടെ മരണത്തിലേക്ക്  നയിച്ച  സൂചനകള്‍  അവര്‍ക്ക്  ലഭിക്കുന്നു.



  സ്ത്രീപക്ഷ  സിനിമ  എന്നത്  അല്ല  ഈ  ചിത്രത്തിന്‍റെ  അസ്ഥിത്വം  എങ്കിലും  ശക്തരായ  സ്ത്രീ കഥാപാത്രങ്ങള്‍  ആണ്  സ്ക്രീനില്‍.പല  രീതിയില്‍  ജീവിതത്തിനോട് പട  പൊരുതുന്നവര്‍.ഹ്വ-ഇയോണ്‍  എന്ന  കഥാപാത്രം  പ്രേക്ഷകന്‍  എത്ര  മാത്രം  വെറുക്കുന്നു  തോന്നുമ്പോഴും  ഒരു  പ്രത്യേക  ദശയില്‍  അവളുടെ  ഭാഗവും  ന്യായീകരിക്കപ്പെടുന്നും  ഉണ്ട്.ചിയോന്‍  ജിയുടെ  മരണത്തിന്റെ  കാരണം  തിരക്കി  നടക്കുമ്പോള്‍  ആണ്  മാന്‍-ജിയ്ക്കും  അമ്മയ്ക്കും  നൂലിഴകളില്‍  അവള്‍  ഒളിപ്പിച്ച  അവളുടെ  വിഷമങ്ങള്‍  കണ്ടു കിട്ടുന്നത്.ഒരു  പക്ഷെ  അവള്‍  കൂടുതല്‍  ജീവിച്ചേനെ,അത്  പലരുടെയും  അശ്രദ്ധ  മൂലം  14  വര്ഷം  ആയി  ചുരുങ്ങുക  ആണ്  ചെയ്തത്.ഡ്രാമ  വിഭാഗത്തില്‍  ഉള്‍പ്പെടുത്താവുന്ന  ചിത്രം  ആണെങ്കിലും മാന്‍-ജിയും  അമ്മയും  നടത്തുന്ന  അന്വേഷണം മൊത്തത്തില്‍  Thread of Lies  നു ഒരു  കുറ്റാന്വേഷണ  സിനിമയുടെ  മൂഡ്‌  നല്‍കുന്നുണ്ട്.


More movie suggestions @www.movieholicviews.blogspot.ca

726.LEBANON(HEBREW,2009)

726.LEBANON(HEBREW,2009),|War|,Drama|,Dir:-Samuel Maoz,*ing:- Yoav Donat, Itay Tiran, Oshri Cohen.


  ആദ്യം  ക്ലൈമാക്സില്‍  നിന്നും  പറഞ്ഞു  തുടങ്ങാം.അതാകും  ഈ  ചിത്രത്തിനോട്  ചെയ്യുന്ന  നീതി.ഒരു  ഹൊറര്‍  സിനിമ  കാണുന്ന  പ്രേക്ഷകന്  എത്ര  മാത്രം  ഭയം  ആ  ചിത്രത്തിന്  നല്‍കാന്‍  സാധിക്കും?ശബ്ദ വ്യന്യാസം,പേടിപ്പെടുത്തുന്ന രൂപങ്ങള്‍,ചോരയില്‍  കുതിര്‍ന്ന  മാംസ  ശരീരങ്ങള്‍,മരണങ്ങള്‍.ഇതെല്ലാം  ഉണ്ടെങ്കില്‍ തന്നെ  അതും  ഭയപ്പെടുത്തുന്നത്‌  അപൂര്‍വ്വം  ആയിരിക്കും.എന്നാല്‍  Lebanon  എന്ന  ഈ  ഹീബ്രൂ  ചിത്രത്തില്‍ ക്ലൈമ്കാസിനോട്  അടുക്കുമ്പോള്‍  പ്രേക്ഷകന്റെ  മാംസം  തുളച്ചു  കയറുന്ന  ഒരു  തണുപ്പ്  ഉണ്ടാകും.മരണത്തിന്റെ  കയ്യൊപ്പ്  പതിഞ്ഞ  ഒരു  തണുപ്പ്.അതൊന്നു  മാത്രം  മതി 1982  ലെ  ലെബനന്‍ യുദ്ധത്തെ  ആസ്പദം  ആക്കിയെടുത്ത  ഈ  ചിത്രം  പ്രേക്ഷകന്  ഒരു  അനുഭവം  ആകാന്‍.

   ലെബനന്‍  യുദ്ധത്തിന്റെ  ആദ്യ  ദിവസം   ആണ്  കഥ.ഒരു  ടാങ്കറിന്റെ  ഉള്ളില്‍  നിന്നും  ഉള്ള കാഴ്ച്ചകള്‍.അതിന്റെ  ഉള്ളിലെ നാല്  ഇസ്രയേലി  പട്ടാളക്കാര്‍.പ്രേക്ഷകന്‍  പുറം  ലോകം  ആയി  സംവദിക്കുന്നത്  ടാങ്കറിന്റെ കുഴലിലൂടെ  ആണ്.ശത്രുക്കളെ ഉന്നം  വയ്ക്കുന്ന  ആ  കുഴലുകള്‍  ആണ് പുറം  ലോകവും  ആയി  അവര്‍ക്ക്  ഉള്ള  ബന്ധം.മനുഷ്യന്റെ  സ്വഭാവത്തിലെ ചില  specimen  ഇവിടെ  വിഷയം  ആകുന്നുണ്ട്.Superiority complex  ഉള്ള അസ്സി  എന്ന കമാണ്ടര്‍.ശാന്തന്‍  ആയിരുന്നെങ്കിലും  ഒരു  പക്ഷെ  ആ  ഒരു  ടാങ്കരിനെ  നിയന്ത്രിക്കാന്‍  ഉള്ള  കഴിവുകേട്  കാരണം  ആയിരിക്കും,  അത്  ആരും  മനസ്സിലാകാതെ  ഇരിക്കാന്‍  അയാളുടെ  മനസ്സ്  അങ്ങനെ പ്രവര്‍ത്തിക്കുന്നത്.ഹെര്‍ത്സലിനെ  പോലെ  ഒരു  സുഹൃത്ത്‌ നമുക്കും കാണും.ഉന്മേഷവാനും  കാര്യഗൌരവത്തോടെ  പെരുമാറുന്ന  ആള്‍.നിര്‍ബന്ധിത  പട്ടാള  സേവനത്തിന്റെ  ഒരു  ബലിയാട്  ആണ്  ഹെര്‍ത്സല്‍.യിഗാല്‍  എന്ന  റാങ്ക്  ഡ്രൈവര്‍ ശരിക്കും  ഉള്ള  യുദ്ധ മുഖത്ത്  എത്തിയപ്പോള്‍  ഭയപ്പെടുന്നു.ആദ്യ  സമയം വെടി  വയ്ക്കാന്‍  പോലും  കഴിയാതെ  ഇരുന്ന  ആള്‍ പിന്നീട്  ഉതിര്‍ക്കുന്ന  വെടി  അനാവശ്യം  ആയതായിരുന്നു.തമാശയിലൂടെ  പോകേണ്ട  ഒരു  രംഗം  എന്നാല്‍ ദാരുണം  ആയി  മാറുന്നു.ആ  വൃദ്ധനെ  മറക്കാന്‍  സാധിക്കുന്നില്ല.


   Me Will Be Men  എന്ന്  പറയുന്നതിനോട്  ഈ  ചിത്രത്തിലെ  ഒരു  ഭാഗം  യോജിക്കുന്നുണ്ട്.യിഗാല്‍  അവന്റെ  അച്ഛന്‍  മരിച്ച  ദിവസത്തെ  കഥ  പറയുന്നതൊക്കെ രസകരം  ആയിരുന്നു.ആ  അടച്ചു  മൂടപ്പെട്ട  ടാങ്കില്‍ അവര്‍ക്ക്  എല്ലാം  ഒരു  ആശ്വാസവും  ആയിരുന്നു  അത്.എന്നാല്‍   അവരുടെ  മുന്നില്‍  നേരിടാന്‍  ഉള്ള  ഭീകരത അവരുടെ  തന്നെ  മനസ്സിനോട്  ആയിരുന്നു.കാരണം  ഒരിക്കലും  യുദ്ധ  മുഖത്ത്  വരാം  എന്ന  പ്രതീക്ഷ  ഇല്ലാതെ  ഇരുന്നവരില്‍  നിന്നും  എന്ത്  പ്രതീക്ഷിക്കാന്‍?സംവിധായകന്‍  ആയ  സാമുവല്‍  മാവോസ്  നിര്‍ബന്ധിത  സൈനിക  സേവനത്തിനു  ശേഷം  തിരിച്ചു  വന്നപ്പോള്‍  എടുത്ത  ഈ  ചിത്രം  അന്താരാഷ്ട്ര  ഉടമ്പടികള്‍  പ്രകാരം  ഉപേക്ഷിച്ച  ഫോസ്ഫറസ്  ഗ്രനേഡുകള്‍  മറ്റു  പേരുകളില്‍  യുദ്ധ  മുഖത്ത്  ഉപയോഗിച്ചതിനെ  കുറിച്ചൊക്കെ  പരാമാശം  ഉണ്ട്.ഒരു  യുദ്ധ  വിരുദ്ധ  ചിത്രം  ആയി  ഇറങ്ങിയ  Lebanon അത്  കൊണ്ട്  തന്നെ  ഇസ്രായേലി  സര്‍ക്കാരിന്റെ  അപ്രീതിക്കും  പാത്രമായി തീര്‍ന്നിരുന്നു.ഒപ്പം  നിര്‍ബന്ധിത  സൈനിക  സേവനത്തെ  കുറിച്ച്  യുവാക്കളുടെ ഇടയില്‍  മറിച്ചൊരു  അഭിപ്രായം  ഉണ്ടാകുമോ  എന്ന  ഭയവും.  അന്താരാഷ്ട്രതലത്തില്‍  വളരെയധികം  പുരസ്ക്കാരങ്ങള്‍  വാരി കൂട്ടിയ  ചിത്രം  ആയിരുന്നു  ലെബനന്‍.തീര്‍ച്ചയായും  കണ്ടിരിക്കണ്ട  ചിത്രങ്ങളില്‍  ഉള്‍പ്പെടുത്തണം  ലെബനന്‍.കാരണം  ഒന്നര  മണിക്കൂറില്‍  ഈ  ചിത്രം  അവതരിപ്പിക്കുന്ന  ഒരു  ലോകം  ഉണ്ട്.നിര്‍ബന്ധിത  സൈനിക  സേവനം ,അത്  പോലെ  ശത്രുവിന്റെ  കൈകളില്‍  അകപ്പെട്ടു  പോകുന്ന  പട്ടാളക്കാര്‍ ,അവര്‍  അഭിമുഖീകരിക്കുന്ന  ഭയം.ശരിക്കും  ഇതൊരു  ഹൊറര്‍  ചിത്രത്തോടും  കിടപിടിക്കും  അത്.


More movie suggestions @www.movieholicviews.blogspot.com

Wednesday, 14 December 2016

725.THE TOWN ONLY WHERE I AM MISSING(JAPANESE,2016)

725.THE TOWN ONLY WHERE I AM MISSING(JAPANESE,2016),|Fantasy|Mystery|,Dir:- Yûichirô Hirakawa,*ing:-Tamae Andô, Kasumi Arimura, Yasushi Fuchikami.


   ഏറ്റവും  ഇഷ്ടപ്പെട്ട  സിനിമ  തീം  എന്താണെന്ന്  ചോദിച്ചാല്‍ പറയുന്ന  ഉത്തരം  ആണ്  ഭാവി/ഭൂത  കാലത്തിലേക്ക്  പോയി Trial and Error രീതിയില്‍ വര്‍ത്തമാന  കാലത്തെ  മാറ്റുന്ന  ചിത്രങ്ങള്‍  എന്ന്.ടൈം  ട്രാവലിന്റെ  സങ്കീര്‍ണതകള്‍  അവതരിപ്പിക്കുന്ന  സയന്‍സ്  ഫിക്ഷന്‍  സിനിമകള്‍  അല്ല  ഉദ്ദേശിച്ചത്.പകരം സാധാരണ ജീവിതവും  അതിലെ  ചെറിയ  മാറ്റങ്ങളിലൂടെ വരുന്ന  വലിയ  മാറ്റങ്ങളും  ആണ്.ഒരു  പക്ഷെ  മനസ്സ്  കൊണ്ട്  ജീവിതത്തില്‍  പലപ്പോഴും  ഇത്തരം  ഒരു  സംഭവം  ഉണ്ടാകണം  എന്ന്  ആഗ്രഹിക്കാത്തവര്‍  ആരും  തന്നെ  ഉണ്ടാകില്ല.ഇതേ  concept  ല്‍  ചിന്തിച്ചില്ലെങ്കില്‍  കൂടി "ഞാന്‍  അങ്ങനെ  ചെയ്യാതെ/ചെയ്തിരുന്നെങ്കില്‍?"  എന്ന  ചോദ്യം  ഭൂരിഭാഗം  ആളുകളും  സ്വയം  ചോദിച്ചിട്ടുണ്ടാകാം  ജീവിതത്തില്‍.


   The Town Only  Where I am Missing എന്നാ ചിത്രം  കേയ്  സാമ്പേ  എന്ന Mangaka (ജാപ്പനീസ്  മാംഗകളുടെ  രചയിതാവ്) യുടെ സൃഷ്ടി  ആയ  "Boku Dake ga Inai Machi"   എന്ന  മാംഗയുടെ ചലച്ചിത്ര  ആവിഷ്ക്കാരം  ആണ്.സാധാരണക്കാരായ കഥാപാത്രങ്ങള്‍  ആണ്  ചിത്രത്തില്‍  ഉടന്നീളം.ഒരു  Mangaka ആയ സടൊരു  ഫുജിനാമ  അതില്‍ പരാജിതന്‍  ആണ്.ഒരു  നല്ല അവസരം  വരുന്നതിനായി  അയാള്‍  കാത്തിരിക്കുന്നു.ഒരു  പിസ സ്റ്റോറില്‍  ഡെലിവറി  ബോയ്‌  ആയി  ജോലി  ചെയ്യുന്ന  അയാള്‍ക്ക്‌   ചില  പ്രത്യേക  സന്ദര്‍ഭങ്ങളില്‍ ഭാവിയെ  നിയന്ത്രിക്കാന്‍  ഉള്ള  കഴിവ്  ലഭിക്കാറുണ്ട്.ചെറിയ  ചെറിയ  മാറ്റങ്ങള്‍  വരുത്തി  ഭാവിയെ നിയന്ത്രിക്കുന്ന ഫുജിനാമ ഒരിക്കല്‍  തന്റെ  അമ്മയുടെ  മരണത്തിലൂടെ  വര്‍ഷങ്ങള്‍ക്കു  മുന്‍പ്  നടന്ന പരമ്പര  കൊലപാതകങ്ങളുടെ  യാഥാര്‍ത്ഥ്യം  അന്വേഷിച്ചു  പോകേണ്ട  അവസ്ഥയില്‍  ആയി.സ്വന്തം  ജീവിതത്തില്‍ സ്വജീവനും  മറ്റുള്ളവരുടെയും  ജീവിതത്തില്‍  വളരെയധികം  സ്വാധീനിക്കാവുന്ന  മാറ്റങ്ങള്‍  ഫുജിനാമ  വരുത്താന്‍  ബാധ്യസ്ഥന്‍  ആണ്.കാരണം  അയാള്‍  നന്മ  ഉള്ള സാധാരണക്കാരന്‍  ആണ് ഒപ്പം  നഷ്ടപ്പെടാവുന്ന  ജീവന്റെ  വിലയും  അയാള്‍ക്ക്‌ അറിയാം.


   കുട്ടികളുടെ  മരണവും  ആയി  ബന്ധപ്പെട്ടു  ഒരു  ചെറിയ  നഗരം  വിഷമിക്കുമ്പോള്‍  ഫുജിനാമയ്ക്ക്   അന്ന്  നടന്ന  സംഭവങ്ങളില്‍  ഇടപ്പെട്ടെ  പറ്റൂ .എങ്കില്‍  മാത്രേ  അയാളുടെ  ലക്‌ഷ്യം  നേടാന്‍  കഴിയൂ.അവരെ  രക്ഷിച്ചു  കഴിഞ്ഞാലോ?ജീവിതത്തിലെ  ചെറിയ  ചെറിയ  മാറ്റങ്ങള്‍  പ്രതീക്ഷയോടെ  ഉണ്ടാകുമ്പോഴും  വിധി  കാത്തു  വച്ചിരിക്കുന്നത്  എന്താണെന്ന്  തിരിച്ചറിയാന്‍  പര്യാപ്തം  അല്ല  മനുഷ്യന്‍റെ  ബുദ്ധിക്ക്.വളരെയധികം  ഇഷ്ടം  ആയ  ഒരു  ചിത്രം.ഒരു  Feel-Good Movie  പോലെ  സുന്ദരം.ഒപ്പം  ഇത്തരം concept  കളുടെ  അനിശ്ചിതത്വവും  ചിത്രം  മനോഹരം  ആക്കി  മാറ്റി.ഭൂരിഭാഗം  പ്രേക്ഷകര്‍ക്കും  ഇഷ്ടപ്പെടാവുന്ന  രീതിയില്‍  അവതരിപ്പിച്ച  ഒരു  നല്ല  ചിത്രം  ആണ്  The Town Only Where I am Missing!!


More movie suggestiions @www.movieholicviews.blogspot.ca

Tuesday, 13 December 2016

724.Z(FRENCH,1969)

724.Z(FRENCH,1969),|Crime|History|Thriller|,Dir:-Costa-Gavras,*ing:-Yves Montand, Irene Papas, Jean-Louis Trintignant .


     യഥാര്‍ത്ഥ  സംഭവങ്ങള്‍ ആസ്പദം  ആക്കി  അവതരിപ്പിക്കപ്പെട്ട  പൊളിറ്റിക്കല്‍  ത്രില്ലര്‍  ആണ്  Z .ഗ്രീസിന്‍റെ  രാഷ്ട്രീയത്തില്‍  വലിയ  മാറ്റങ്ങള്‍  ഉണ്ടാക്കിയ  ഒരു  സംഭവം  ആണ്  ചിത്രത്തിന്  ആസ്പദം  ആക്കിയിരിക്കുന്നത്.യഥാര്‍ത്ഥ  സംഭവങ്ങളെ    കഥാപാത്രങ്ങള്‍ക്ക്  മനപ്പൂര്‍വം  പലരും  ആയി  സാദൃശ്യം  തോന്നാം  എന്ന  മുഖവുരയോടെ  ആണ്  ചിത്രം  ആരംഭിക്കുന്നത്  തന്നെ.ഗ്രീസിലെ  രാഷ്ട്രീയത്തില്‍  നടന്ന  സംഭവങ്ങളെ അതെ  പോലെ  അവതരിപ്പിക്കാന്‍  ഗ്രീസില്‍  സാധ്യം  അല്ലാത്തതിനാല്‍ ഫ്രാന്‍സില്‍  നിന്നും  നിര്‍മാണ  സഹായം  ലഭിക്കുകയും  അള്‍ജീരിയയില്‍ ആണ്  ചിത്രീകരണം  നടത്തിയതും.ഗ്രിഗോരിസ് ലംബ്രകിസ്  എന്ന ഇടതു  പക്ഷ  പ്രതിപക്ഷത്തിന്റെ  നേതാവ്  നേരത്തെ  ഉണ്ടായിരുന്ന  വധ ഭീഷണിയുടെ  മറവിലും  പോലീസും  ജനക്കൂട്ടവും  നോക്കി  നില്‍ക്കെ  മനപ്പൂര്‍വം  എന്ന്  തോന്നിക്കുന്ന  അപകടം  വഴി  കൊല്ലപ്പെടുന്നു.

   രാജ്യ  ഭരിക്കുന്ന  വലതു  പക്ഷം ഇടതു  പക്ഷ  ചായവു  ഉള്ള  രാഷ്ട്രീയത്തെയും  രാഷ്ട്രീയക്കാരെയും അകറ്റി  നിര്‍ത്തിയിരുന്ന  സമയത്ത്  നടന്ന  സംഭവം  എന്നാല്‍ കൊലപാതകത്തിന്  പദ്ധതി  ഇട്ടവരുടെ ചിന്തകള്‍  എല്ലാം  അട്ടിമറിക്കുന്നു.പ്രത്യേകിച്ചും കേസ്  അന്വേഷണം  നടത്തിയ  മജിസ്ട്രേറ്റ്  നീതി  പൂര്‍വ്വം  ആയും  തെളിവുകളുടെ  സഹായത്തോടെയും  ആണ്  അത്  നടത്തിയിരുന്നത്.സംശയത്തില്‍  ആയിരുന്ന  പ്രതികളില്‍  നിന്നും ചില  പ്രധാനപ്പെട്ട  വിവരങ്ങള്‍  ലഭിക്കുന്നതിനു  അദ്ദേഹം  നടത്തിയ  വഴികള്‍  രസകരം  ആയിരുന്നു.പ്രതികള്‍  കടന്നു  ചിന്തിച്ചതും  ഒരു  കാരണം  ആകാം.ഗ്രീസ്  ആണെന്ന  തോന്നല്‍  ഉണ്ടാവുകയും  ചെയ്യരുത് എന്നാല്‍  ഗ്രീസില്‍  നടന്ന  സംഭവങ്ങള്‍  ആണെന്ന്  പറയുകയും  വേണം.അതിനായി ഉപയോഗിച്ച  ചില  വഴികള്‍ ആണ്  ഗ്രീക്ക്  പേരുള്ള  കഥാപാത്രങ്ങള്‍ അതിനോടൊപ്പം ശ്രദ്ധേയം  ആയ  ഒരു  രംഗം  ആയിരുന്നു ഭിത്തിയില്‍  ഉണ്ടായിരുന്ന  രാജാവായിരുന്ന  പോളിന്റെയും  രാജ്ഞി  ആയിരുന്ന  ഫെട്രീശ്യയുടെയും  ഫോട്ടോകളില്‍ ബള്‍ബിന്റെ വെളിച്ചം   കാണിച്ചുള്ള  രംഗം.സിനിമയില്‍  കാണിച്ച  ഈ  ശ്രദ്ധ  തന്നെ  അന്വേഷണ  ഉദ്യോഗസ്ഥന്റെ  കാര്യത്തിലും  കാണാം.

   പ്രേക്ഷകന്  എന്താണ്  നടക്കുന്നത്  എന്ന്  ഊഹിക്കാന്‍  സാധിക്കുകയും  അതിനോടൊപ്പം  ഫിക്ഷണല്‍  ആയ  കഥയാണ്  എന്ന  രീതിയില്‍  അവതരിപ്പിക്കുകയും   ചെയ്യണം  എന്ന  ഉദ്ധേശത്തോടെ  നടത്തിയ  ധാരാളം  ഇടപ്പെടലുകള്‍  ഈ ചിത്രത്തില്‍  കാണാം.അപകട  മരണം  എന്ന്  എഴുതി  തള്ളിയ  മരണത്തെ പിന്നീട്  ലഭിച്ച  ശാസ്ത്രീയം  ആയ  തെളിവുകളിലൂടെ  നടത്തുന്ന  മികച്ച  ഒരു  കുറ്റാന്വേഷണ  കഥ  കൂടി  ആണ്  ചിത്രം  എന്ന്  നിസംശയം  പറയാം  ഈ  ചിത്രത്തെ.ഈ  സംഭവ  വികാസങ്ങള്‍  ഭരണ  കക്ഷിയെ  അധികാരത്തില്‍  നിന്നും  ഇറക്കിയെങ്കിലും  പിന്നീട്  ഗ്രീസ് പട്ടാള  ഭരണത്തിന്  കീഴില്‍  ആവുക  ആയിരുന്നു  ചെയ്തത്  എന്നത്  ഒരു  ദുരന്ത   സത്യം  ആയി  നിലക്കൊള്ളുന്നു.ഒരു  വ്യത്യസ്ത  സിനിമ  അനുഭവം  തന്നെ  ആയിരുന്നു  Z.ഇംഗ്ലീഷ്  അക്ഷരമാലയിലെ  അവസാന  അക്ഷരമായ  Z നു  "He lives,He is Alive"  എന്ന  ധ്വനി  കൂടി  ഉണ്ട്.അത്  പോലെ  ഈ  ചിത്രവും  ഇന്നും  ജീവിക്കുന്നു കാലികപ്രസക്തിയോടെ!!


More movie suggestions @www.movieholicviews.blogspot.ca

723.BRAIN MAN(JAPANESE,2013)

723.BRAIN MAN(JAPANESE,2013),|Mystery|,Dir:-Tomoyuki Takimoto,*ing:-Shôta Sometani, Fumi Nikaidou, Yukiyoshi Ozawa.


   ജാപ്പനീസ്  സൈക്കോ  ത്രില്ലര്‍  ചിത്രങ്ങള്‍ പലപ്പോഴും  അതി സങ്കീര്‍ണം  ആയ  വിഷയങ്ങള്‍  ആണ്  പ്രതിപാദിക്കുന്നത്,ഒരു  പക്ഷെ  വിശ്വസനീയതയുടെ അതിരുകളില്‍  നില്‍ക്കുന്നവയില്‍  നിന്നും മാറ്റം  ഉള്ളവ.എന്നാല്‍  സ്ക്രീനില്‍  വിശ്വസിക്കാവുന്ന  ഒരു  ഭാഷ്യം  എഴുതി  ചേര്‍ത്ത്  ഗൗരവമായ  തീം  ആക്കി  മാറ്റാന്‍  അവര്‍ക്ക്  കഴിയാറുണ്ട്.`യൂരിയോ  ഷുടോയുടെ  ഇതേ  പേരില്‍  ഉള്ള  നോവലിന്‍റെ  സിനിമ  ഭാഷ്യം  ആണ്  ഈ ചിത്രം.ക്രൈം/മിസ്ട്ടരി  ത്രില്ലര്‍  ചിത്രങ്ങള്‍ക്ക്  കൊറിയന്‍  സിനിമ  കൊടുക്കുന്ന  വൈകാരികം  ആയ  ഭാശ്യങ്ങള്‍ക്ക്  അപ്പുറം  അതിനു ഫാന്റസി  കൂടി  ചേര്‍ന്ന  നൂതന  കഥ  അവതരണ  രീതി  ആണ്  ജാപ്പനീസ് ചിത്രങ്ങള്‍  ഇതേ  genre  യില്‍  അവതരിപ്പിക്കുമ്പോള്‍  ഉണ്ടാകുന്നത്.

   ഇനി  കഥയിലേക്ക്.കാഴ്ചയിലും അവതരണത്തിലും  വളരെയധികം ക്രൂരമായ ചെയ്തികളിലൂടെ   സംതൃപ്തി  ലഭിക്കുന്ന കഥാപാത്രങ്ങളെ   കാണാന്‍  സാധിക്കും.നഗരത്തിലെ  പരമ്പരയായി  നടന്നു  കൊണ്ടിരുന്ന  ബോംബ്‌  സ്ഫോടനങ്ങള്‍ നടത്തപ്പെടുന്ന  രീതി  വളരെ  ക്രൂരം  ആയിരുന്നു.നാക്ക്  മുറിക്കപ്പെട്ട  നിലയില്‍  ഉള്ള  മനുഷ്യര്‍  ആണ്  ബോംബ്‌  വാഹകര്‍  എന്ന്  അന്വേഷണത്തില്‍  മനസ്സിലാകുന്നു,വാശിയാ  എന്ന  ന്യൂറോ  സര്‍ജന്റെ  കണ്മുന്നില്‍ ആണ്  ബോംബ്‌  സ്ഫോടനത്തില്‍  ഒരു  ബസ്സിലെ  പിഞ്ചു  കുഞ്ഞുങ്ങള്‍ മുഴുവന്‍  മരിച്ചത്.ആ  സംഭവത്തിന്‌  ശേഷം  അവര്‍  ആകസ്മികം  ആയി  ഈ കേസിലെ  മുഖ്യ  കണ്ണി എന്ന് സംശയിക്കുന്ന  ആളെ   പരിചയപ്പെടുന്നു.മുഖ്യ  പ്രതി  എന്ന്  കരുതിയ ഇചിരോ സുസുക്കി  എന്ന  പേരുള്ള  യുവാവിനെ  കോടതിയില്‍  കൊണ്ട്  പോകുന്നതിനു  മുന്‍പ്  അയാളുടെ ചില  പ്രത്യേക  സ്വഭാവങ്ങള്‍  കാരണം  ആണ് അന്വേഷണ  ഉദ്യോഗസ്ഥന്‍  ആയ ചായാ അവരുടെ  അടുക്കല്‍  പരിശോധനകള്‍ക്ക്  ആയി  അയക്കുന്നത്.

  എന്നാല്‍  ഞെട്ടിക്കുന്ന  സംഭവങ്ങള്‍  ആണ്  അവര്‍  ആ  പരിശോധനയിലൂടെ  കണ്ടെത്തിയത്.സുസുക്കിയുടെ  യഥാര്‍ത്ഥ  ലക്ഷ്യം  അവര്‍  മനസിലാക്കുന്നു.ബോംബ്‌  സ്ഫോടനം  നടത്തിയവരിലേക്ക്  എത്തിപ്പെടാന്‍  ഉള്ള  ഒരേ  വഴി  അവന്‍  ആണ്.എന്താണ്  സുസുക്കിയുടെ  പിന്നില്‍  ഉള്ള  രഹസ്യം.ആരാണവന്‍??സുസുക്കി  ആരാണ്  എന്നുള്ള  ചോദ്യത്തിന്  ഉത്തരം  ആണ്  നേരത്തെ  പറഞ്ഞ  അസ്വാഭാവികം  ആയ സിനിമയിലെ  കഥ.ഒരു  മനുഷ്യനില്‍  നിന്നും  അവനെ  വ്യത്യസ്തന്‍  ആക്കുന്നത്  എന്താണ്?അതാണ്‌  ബ്രെയിന്‍  മാന്‍  എന്ന  ചിത്രത്തിന്റെ  കഥയില്‍  മുഖ്യ  ഭാഗം.ജാപനീസ്  ചിത്രങ്ങള്‍  തുറന്നു  തരുന്ന  ത്രില്ലര്‍  ചിത്രങ്ങളുടെ വളരെ  വലിയ  ഒരു  ശേഖരം  ഉണ്ട്.ഒരു  പക്ഷേ  കൊറിയന്‍  ചിത്രങ്ങളില്‍  നിന്നും  വ്യത്യസ്തം  ആയവ.അതിലൂടെ  നോക്കുമ്പോള്‍  പ്രേക്ഷകന്  കൂടുതല്‍  താല്‍പ്പര്യം  തോന്നിപ്പിക്കും  ഈ  ചിത്രം.


More movie suggestions @www.movieholicviews.blogspot.ca

Monday, 12 December 2016

722.ONE WAY TRIP(KOREAN,2016)

722.ONE WAY TRIP(KOREAN,2016).|Drama|,Dir:-Jeong-Yeol Choi,*ing:-Ji-soo, Suho, Jun-yeol Ryu.


     സൗഹൃദങ്ങള്‍ രസകരം ആയി  മാറുമ്പോള്‍  ജീവിതത്തില്‍  ഉണ്ടാകുന്ന  ആത്മവിശ്വാസം പലപ്പോഴും കൂട്ടായി വിശ്വാസത്തിന്‍റെ  ബാധ്യതയില്‍  പല  പ്രവര്‍ത്തികളും ചെയ്യാന്‍  പലരെയും  പ്രേരിപ്പിക്കാറുണ്ട്.പ്രത്യേകിച്ചും  ഒരാളുടെ  യൌവനാവസ്ഥയില്‍ കൂട്ടുകാര്‍  ആയിരിക്കും  ഒരാള്‍ക്ക്‌  എല്ലാം.സ്വന്തക്കരെക്കാളും  പ്രിയം  തോന്നുന്നത്.എന്നാല്‍  ജീവിതം  എന്ന  അതിഭീകര യാഥാര്‍ത്ഥ്യം മുന്നില്‍  നില്‍ക്കുമ്പോള്‍ മരിച്ചു  ചിന്തിക്കുവാന്‍  പലപ്പോഴും  പ്രേരണ  ആകാറുണ്ട്.സൌഹൃദങ്ങളിലെ  പൊള്ളത്തരം  എന്നുള്ള  വിമര്‍ശനം  ഉണ്ടാവുക  ആ  സമയത്ത്  ആകും  കൂടുതല്‍.സര്‍വോപരി  ,വ്യക്തിപരമായി  ഒരാള്‍ക്ക്‌  അയാളുടെ  ജീവനും  ജീവിതവും  ആകുമല്ലോ പ്രധാനം.അത്തരത്തില്‍  സൌഹൃദങ്ങള്‍ കൊണ്ട്  വരുന്ന  കൂട്ടുത്തരവാദിത്തം  ജീവിതത്തിന്റെ മുന്നില്‍  എങ്ങനെ  പ്രതികരിക്കുന്നു  എന്നതിന്‍റെ  കളങ്കം  ഇല്ലാത്ത വരച്ചു കാട്ടല്‍  ആണ്  One Way Trip  എന്ന  കൊറിയന്‍  ചിത്രം.

      നാല്  സുഹൃത്തുക്കള്‍.സ്ക്കൂള്‍  ജീവിതം  കഴിഞ്ഞു  കോളേജില്‍  ചേരാന്‍  ഉള്ള  സമയം  ആയി  നില്‍ക്കുന്നു.നാല്  സാഹചര്യങ്ങളില്‍  നിന്നും  ആണ്  അവര്‍  വരുന്നത്.യോംഗ് ബിയുടെ  പിതാവ്  അമ്മയെ കൊല്ലപ്പെടുതിയത്തിനു  ജയില്‍  ശിക്ഷ  അനുഭവിക്കുന്നു.സാംഗ്  വൂ  മാതാപിതാക്കള്‍ മരിച്ചത്  കൊണ്ട് മുത്തശിയുടെ സംരക്ഷണയില്‍  ആണ്.ജോ ജോംഗ് ധനികനും  അതിനോടൊപ്പം  കോളേജില്‍ പോകാന്‍  വേണ്ടി  അവനെ  കര്‍ക്കശമായ  ജീവിതചര്യയിലൂടെ  വളര്‍ത്താന്‍  ശ്രമിക്കുന്ന  കുടുംബവും  ഉണ്ട്.ദൂ മാന്‍  ആണെങ്കില്‍  കൊറിയന്‍  ദേശിയ  ബെസ്ബോള്‍ ടീമില്‍   കയറാന്‍  കോച്  കൂടി  ആയ  പിതാവിന്റെ  നിര്‍ബന്ധത്തില്‍  താല്‍പ്പര്യം  ഇല്ലതിരുനിട്ടു    അതിനു  ശ്രമിക്കുന്നു.ചിത്രം  ആരംഭിക്കുമ്പോള്‍ ഇവരെ  നാല്  പേരെയും  രണ്ടു  പോലീസുകാര്‍ ഓടിക്കുന്നത്  ആണ്  കാണിക്കുന്നത്.ആ  ഓട്ടത്തിനിടയില്‍  സാംഗ്  വൂ കാര്‍  അപകടത്തില്‍ പെടുന്നു.അതിനു  ശേഷം  നടന്ന  സംഭവങ്ങള്‍  ആണ്  ചിത്രത്തിന്റെ  ബാക്കി  കഥ.

   അവര്‍  ഒരു  യാത്ര  തിരിക്കുന്നതും  ആകസ്മികം  ആയി  അവര്‍ക്ക്  ഒരാളെ  സഹായിക്കേണ്ടി  വരുന്നതും  അവസാനം  അവര്‍ക്ക്  തന്നെ  പ്രതീക്ഷകളുടെ  അപ്പുറത്ത്  അത്  പ്രശ്നങ്ങള്‍  ആയി  മാറുകയും  ചെയ്യുന്നു.സ്ഥിരം  സിനിമകളില്‍  ഉള്ളത്  പോലെ  സൗഹൃദങ്ങളെ  അധികം  മഹത്വവല്‍ക്കരിക്കാതെ  അതിന്റെ  ഭീകരം  ആയ  ഒരു  ഭാഗം  ആണ്  ഈ  ചിത്രം  കാണിച്ചു  തരുന്നത്.ഭൂരിപക്ഷ  സമയത്തും  സ്ഥിരം  ഫോര്‍മാറ്റ്  എന്നൊരു  തോന്നല്‍  ഉണ്ടാക്കുമ്പോഴും   ക്ലൈമാക്സ്  ഞെട്ടിക്കും.പ്രേക്ഷകനില്‍  ആരാണ്  ശരി?  എന്താണ്  ശരി?  എന്ന ചോദ്യം  തീര്‍ച്ചയായും  ഉണ്ടാക്കും  ഈ  ചിത്രം.വളരെ  മനോഹരമായ  പശ്ചാത്തല  സംഗീതം ,തുടക്കത്തെ  യാത്ര  ഒക്കെ  ഒരു  ഫീല്‍  ഗുഡ് റോഡ്‌  ട്രിപ്പ്‌  മൂവിയുടെ  പ്രതീതി  ഉണ്ടാക്കിയെങ്കിലും അവസാനം  പ്രേക്ഷകന്  ഒരു  നൊമ്പരം  ആകും  ഈ ചിത്രം.


More movie suggestions @www.movieholicviews.blogspot.ca

Sunday, 11 December 2016

721.SHIN GODZILLA(JAPANESE,2016)

721.SHIN GODZILLA(JAPANESE,2016),|Action|Adventure|,Dir:-Hideaki Anno, Shinji Higuchi,*ing:-Hiroki Hasegawa, Yutaka Takenouchi, Satomi Ishihara .


  ജാപ്പനീസ്  സിനിമയില്‍  നിന്നും  ലോകത്ത്  ഏറ്റവും  പ്രശസ്തന്‍  ആയതു  ഗോട്സില്ല  ആയിരിക്കും  എന്ന്  കരുതുന്നു.ഗോട്സില്ല  എന്ന  ഭീകര  രൂപി  സിനിമ  ആയും,വീഡിയോ  ഗെയിം  ആയും കോമിക്  ബുക്ക്  ആയും   എല്ലാം  ലോകമെമ്പാടും  പ്രിയങ്കരന്‍  ആവുകയും  ചെയ്തു.ഈ  ചിത്രം  വര്‍ഷങ്ങള്‍ക്കു  ശേഷം  ജപ്പാനില്‍  നിന്നും  ഇറങ്ങുന്ന  ഗോട്സില്ല  ചിത്രം  ആണ്.ഗോട്സില്ലയുടെ  ചരിത്രത്തിലെ  തന്നെ  ഏറ്റവും  വലിയ  വിജയ  ചിത്രം  എന്ന്  വേണമെങ്കില്‍  പറയാം.ഇഷിരോ  ഹോണ്ടയുടെ  1954  ലെ  ചിത്രത്തില്‍  ആദ്യമായി  പ്രത്യക്ഷപ്പെട്ട  ഗോട്സില്ല പിന്നീട്  ജപ്പാന്റെ  ലോക  സിനിമ  പ്രതിനിധികളില്‍  ഒന്നായി  മാറുക  ആയിരുന്നു.നാഗസാക്കിയിലും  ഹിരോഷിമയിലും  വര്‍ഷിച്ച  അണു ബോംബ്‌ ,പിന്നീട്  ആ ദുരിതത്തിന്റെ  ഇര  ആകേണ്ടി  വന്ന  Lucky Dragon 5 എന്ന  ബോട്ടിലെ  ജീവനക്കാര്‍  എന്നിവരുടെ  എല്ലാം    കഥകളും  ഈ  കഥാപാത്രത്തിന്  കാരണം  ആയിരുന്നു.ഗോട്സില്ല  ഫ്രാഞ്ചൈസിയുടെ  31  മത്  ചിത്രം  ആണ്  Shin Godzilla.

   ഈ  ചിത്രത്തിന്  ആധാരമായ  സംഭവങ്ങള്‍  ആണ്  ഫുകുഷിമ  ആണവ  ദുരന്തവും  അതിനോടൊപ്പം  2011  ലെ  സുനാമിയും  ഭൂകമ്പവും.സ്ഥിരം  ഗോട്സില്ല  ചിത്രത്തില്‍  നിന്നും  കാലാനുസൃതം  ആയ  മാറ്റം  ഈ ചിത്രത്തില്‍  കൊണ്ട്  വന്നിട്ടുണ്ട്.ഗോട്സില്ലയുടെ  സ്ഥിരം  കഥയ്ക്കൊപ്പം  അവതരിപ്പിച്ച  ജപ്പാനിലെ  രാഷ്ട്രീയ  രീതികള്‍  അതിനു  ഉദാഹരണം  ആണ്.അധികാരത്തിനു  വേണ്ടി  ഉള്ള  പരക്കം  പാച്ചില്‍.അപകടകരം  ആയ  അവസ്ഥയില്‍  പോലും  സ്വന്തം  പ്രതിച്ഛായ  നോക്കുന്ന   രാഷ്ട്രീയക്കാര്‍,മറ്റു  ബ്യൂറോക്രാറ്റുകള്‍.അത്  പോലെ   അമേരിക്കയും  ആയുള്ള  ഒരിക്കലും  തീരാത്ത  ഓരോ  ജപ്പാന്‍  പൌരന്റേയും  ഉള്ളിലെ  വിരോധം  എല്ലാം.ഒരു  പൊളിറ്റിക്കല്‍  സറ്റയര്‍  ആയാണ്  ചിത്രം  ആരംഭിക്കുന്നത്  തന്നെ.ഒപ്പം  വന്ന  വലിയ  മാറ്റം  ആണ്  ഗോട്സില്ലയുടെ   മാറിയ  രൂപം.ഇത്  വരെ  വന്നതില്‍  ഏറ്റവും  ഭീകരന്‍  ആയ  ഗോട്സില്ല (രൂപത്തില്‍)  ഇതായിരിക്കും.ഒപ്പം ആയുധങ്ങളെ  നേരിടാന്‍  ഉള്ള  പുതിയ ശക്തിയും.



    സ്വന്തമായ  ഒരു  അഭിപ്രായം  ആണ്.ഹോളിവുഡ്  സിനിമകളിലെ  ഗോട്സില്ല  പലപ്പോഴും  പുതുമകള്‍  ഒന്നും  നല്‍കാറില്ല.പലപ്പോഴും  ജപ്പാനില്‍  ഉള്ള  കഥയില്‍  അവരുടെ  ഗോട്ജിരയ്ക്ക്  ദൈവീകം  ആയ  ഒരു  സ്ഥാനം  കൊടുക്കുന്നുണ്ട്.കാരണം  ഏറ്റവും  അധികം  പരിണമിച്ച  ജീവി  എന്നത് അതിനെ  Godjira is God !!  എന്ന്  വരെ  ചിന്തിപ്പിക്കുന്നു  ഈ  കഥയില്‍.വളരെയധികം  പരിണമിച്ചു  മുന്നേറുന്ന  ഈ  ചിത്രത്തില്‍  ഗോട്സില്ലയെ  ആദ്യം  കണ്ടപ്പോള്‍  നിരാശ  ആയിരുന്നു.എന്നാല്‍  സിനിമ  പുരോഗമിക്കുംതോറും    ഗോട്സില്ല  ഭീമാകാരനായി  മാറുന്നത്  ആണ്  കണ്ടത്.ചരിത്രത്തിലെ  ഏറ്റവും  ശക്തനായ  ഗോട്സില്ലയുടെ  കഥയാണ്  Shin Godzilla  യില്‍  അവതരിപ്പിക്കുന്നത്‌.ചിത്രം  നല്ലത്  പോലെ  ഇഷ്ടം  ആവുകയും  ചെയ്തു.

More movie  suggestions @www.movieholicviews.blogspot.ca

720.CIRCLE OF ATONEMENT(KOREAN,2016)

720.CIRCLE OF ATONEMENT(KOREAN,2016),|Mystery|Drama|,Dir:-Park Eun-Kyung, Dong-ha Lee,*ing:-Kim Dong-Hyun, Lee Eun-Jung, Lim Hyung-Joon


    ഒരു  വിധം അവതരിപ്പിക്കാന്‍  സാധ്യത  ഉള്ള കഥകളിലൂടെ  മിസ്റ്ററി/ക്രൈം  ചിത്രങ്ങള്‍  എല്ലാം  കൊറിയന്‍  സിനിമയില്‍  വന്നിട്ടുണ്ടെന്ന്  തോന്നുന്നു.ശരിക്കും നല്ല  ഒരു  ട്വിസ്റ്റ്  കണ്ടെത്താന്‍  ആയിരിക്കും കൊറിയന്‍  സിനിമ  പ്രവര്‍ത്തകരുടെ ഭാവിയില്‍  ഉള്ള  ഏറ്റവും  വലിയ  പ്രയത്നം  എന്ന് എവിടെയോ  വായിച്ചതായി  ഓര്‍ക്കുന്നു.പ്രതീക്ഷകളുടെ  ഭാരം  അത്രയ്ക്കും  ആയിട്ടുണ്ട്‌  അവരുടെ ഈ  genre  ല്‍  ഉള്ള  സിനിമകളില്‍.പ്രേക്ഷകനെ  തൃപ്തിപ്പെടുത്താന്‍ പര്യാപ്തം  ആയ  ഇത്തരം  ട്വിസ്ട്ടുകളുടെ പുറകെ  സഞ്ചരിക്കുന്ന  ഒരു  സിനിമ  സംസ്ക്കാരം  ആയതു  കൊണ്ട്  തന്നെ  ആദ്യം  തന്നെ  പറയട്ടെ.ഈ  ചിത്രം അങ്ങനെ  നോക്കിയാല്‍  ഒരു  ക്ലീഷേ  ആണ്.ഒരു  കൊറിയന്‍  സിനിമ  ക്ലീഷേ  എന്നൊക്കെ  വേണമെങ്കില്‍  പറയാം.പക്ഷെ ഈ  ചിത്രത്തെ  ഒരു  മിസ്റ്ററി-ഡ്രാമ  എന്ന  നിലയില്‍ ആണ്  കാണുന്നതെങ്കില്‍ അത്ര  വലിയ  പ്രശ്നം  ഉണ്ടാകില്ല  എന്നും  കരുതുന്നു.

   ചിത്രത്തില്‍  പ്രധാനപ്പെട്ട മൂന്നു  കഥാപാത്രങ്ങള്‍  ആണുള്ളത്.ലീ  സാംഗ്  എന്ന  പോലീസുകാരനും  അയാളുടെ  വളര്‍ത്തു  മകള്‍  ആയ ജുംഗ് ഹ്യൂനും.അവരെ  തമ്മില്‍  ബന്ധിപ്പിക്കുന്ന  ദാരുണം   ആയ  ഒരു  സംഭവം  ഉണ്ടായിട്ടുണ്ട് പത്തു  വര്‍ഷങ്ങള്‍ക്കു  മുന്‍പ് .ഇവരുടെ  കഥയിലേക്ക് ചുല്‍വൂംഗ്  എന്നയാള്‍  കടന്നു  വരുന്നതും അന്നത്തെ  ആ  സംഭവങ്ങളെ  ബന്ധപ്പെടുത്തുന്ന  മറ്റൊരു  കണ്ണി  ആയാണ്..തന്‍റെ ചെറിയ  ഒരു  അബദ്ധം  കാരണം  അയാള്‍  ഇന്നും  ദു:ഖം  അനുഭവിക്കുകയാണ്.  പത്തു  വര്‍ഷങ്ങള്‍ക്കു  ശേഷം ഇവരുടെ  എല്ലാം  ജീവിതം  വളരെയധികം  മാറി.സമാധാനപരമായ  ജീവിതം  ആണ് ലീ  സാംഗ് മകളായ  ജുംഗ് ഹ്യൂന്റെ  ഒപ്പം  നയിക്കുന്നത്.ജുംഗ്  ഹ്യൂന്റെ  ക്ലാസില്‍  അദ്ധ്യാപകന്‍  ആയി ചുല്‍ വൂംഗ്  വരുന്നു.ചുല്‍  വൂംഗും  ജുംഗ്  ഹ്യൂനും പ്രണയത്തില്‍  ആകുന്നു.

  എന്നാല്‍  ഒന്നും  പുറമേ  കാണുന്നത്  പോലെ  അല്ലായിരുന്നു.കാരണം  പത്തു  വര്‍ഷങ്ങള്‍ക്കു  മുന്‍പു  നടന്ന  സംഭവങ്ങളുടെ  പിന്നില്‍  വലിയ  രഹസ്യങ്ങള്‍  ഒളിഞ്ഞിരുപ്പുണ്ടായിരുന്നു.എന്താണ്  ആ രഹസ്യം?ആ  സംഭവത്തില്‍  ഇവരുടെ പങ്കു  എന്താണ്??ഇതാണ്  ചിത്രത്തിന്റെ  കഥ.ഇതിലെ  വൈകാരികമായ സന്ദര്‍ഭത്തില്‍ ഏറ്റവും  മികച്ചത്  നിന്നത് യൂ-സിന്നിന്റെ  മരണ  ശേഷം  അവളുടെ  മാതാപിതാക്കള്‍  നയിക്കുന്ന  ജീവിതവും  അവസാനം  അവരുടെ  സംഭാഷണവും  ആണ്.ആ വൃദ്ധ  ദമ്പതികള്‍  ഒരു   നൊമ്പരം  ആകും  പ്രേക്ഷകന്.നേരത്തെ  പറഞ്ഞ  ക്ലീഷേ എന്നുള്ളത് ഇത്തരം  സിനിമകള്‍  കാണുമ്പോള്‍ കഥയെ  കുറിച്ച്  ഉണ്ടാകുന്ന  ഒരു  ഏകദേശ  ധാരണയെ  കുറിച്ചാണ്.മൊത്തത്തില്‍  നല്ലൊരു  ചിത്രം  ആണ്  Circle of Atonement.

  More movie suggestions @www.movieholicviews.blogspot.ca

Thursday, 8 December 2016

719.OFFICE SPACE(ENGLISH,1999)

719.OFFICE SPACE(ENGLISH,1999),|Comedy|,Dir:-Mike Judge,*ing:-Ron Livingston, Jennifer Aniston, David Herman .


   Office Space- ഈ ചിത്രത്തെ  കുറിച്ച്  ആദ്യമായി  കേള്‍ക്കുന്നത് ഏതോ  IT  ജേര്‍ണലില്‍  വന്ന  ഒരു  പരാമര്‍ശത്തില്‍  ആയിരുന്നു.Shawshank Redemption എന്ന  ചിത്രം  തിയറ്ററില്‍  ഹിറ്റ്  ആകാതെ  ഹോം  വീഡിയോയില്‍  ഒക്കെ  ഹിറ്റ്  ആയി  ഒരു  കള്‍ട്ട്  ആയി മാറിയത്  പോലെ  ആണ്  Office  Space  IT  യില്‍  ജോലി  ചെയ്യുന്നവര്‍ക്ക്  എന്ന  രീതിയില്‍  ആയിരുന്നു  പരാമര്‍ശം.ഐ  ടി ജോലികള്‍ ,കമ്പനികള്‍  എന്നിവയുടെ  പ്രാരംഭ  ദശയില്‍ അതായത്  വന്‍  രീതിയില്‍ ആ  ജോലികളിലേക്ക്  ആളുകള്‍  വന്നു  കൊണ്ടിരുന്ന  സമയത്തെ അവിടത്തെ ആവര്‍ത്തന  വിരസമായ,തങ്ങളേക്കാള്‍  കഴിവ്  കുറഞ്ഞ  എന്ന്  കരുതുന്ന  മേലുദ്യോഗസ്ഥന്മാര്‍  ആണെന്ന്  കരുതുന്നു  പ്രഫഷണല്‍  ഈഗോയും  അത്  പോലെ  ആ  സംസ്ക്കാരവും  ആയിരുന്നു  ഈ ചിത്രം  അവതരിപ്പിച്ചത്.

    തിയറ്ററില്‍  പരാജയം  ആയ  ചിത്രം  എന്നാല്‍  വീടുകളിലെ  കാഴ്ചകളിലൂടെ  ഹിറ്റ്  ആവുകയായിരുന്നു.അല്ലെങ്കിലും  ജോലി  സ്ഥിരത  ഒട്ടും  ഇല്ലാതിരുന്ന  ഒരു  കാലത്ത് ഐ  ടിയില്‍  ജോലി  ചെയ്തിരുന്നവര്‍ക്ക്  ഒരു  സിനിമ  കാഴ്ച പോലും  ഒഴിവാക്കാവുന്ന  സന്ദര്‍ഭം  ആയിരുന്നിരിക്കാം  അന്ന്.എപ്പോഴെങ്കിലും  കിട്ടുന്ന  ഒഴിവു  സംയങ്ങളിലൂടെ  കണ്ടു  കണ്ടായിരിക്കും  ഈ സിനിമ  സംസാര  വിഷയം  ആയതും.  പീറ്റര്‍,സമീര്‍,മൈക്കില്‍  എന്നിവര്‍  Initech  എന്ന  അമേരിക്കന്‍  കമ്പനിയില്‍  പ്രോഗ്രാമര്‍ ആയി  ജോലി  ചെയ്യുന്നു.ആവര്‍ത്തന   വിരസമായ  ജോലി,ഒരേ ആളുകള്‍  ഒരേ  കാഴ്ചകള്‍  ,എന്നും   ആവശ്യ  സമയത്ത്  കേടാകുന്ന  ഓഫീസ്  പ്രിന്‍റര്‍  എന്ന്  വേണ്ട  വിരസമായ  ജീവിതം  ആയി  തീര്‍ന്നു  അവര്‍ക്ക്  മാത്രമല്ല  അവിടെ  ഉള്ള പലര്‍ക്കും.അതിനോടൊപ്പം  ആണ്  പ്രഫഷണല്‍  ഈഗോ  ഉള്ള  മേലുദ്യോഗസ്ഥന്മാര്‍.ബില്‍  ലംബര്ഗ്  എന്ന  ഓഫീസ്  മേധാവി.അയാളുടെ  ഈഗോകള്‍ ഒപ്പം  Consultant  എന്ന  പേരില്‍  ഉള്ള  ആളുകളെ  പിരിച്ചു  വിടാന്‍  വന്നവര്‍.എല്ലാം  കൊണ്ടും  അവരുടെ  എല്ലാം  ജീവിതം  നരകതുല്യം  ആയി.


   ഈ  സമയത്ത്  ആണ്  മൈക്കിളിന്റെ  സ്വന്തം  ബുദ്ധിയില്‍  വികസിപ്പിച്ച  ഒരു  സോഫ്റ്റ്വെയറിനു   കമ്പനിയുടെ  ആരും  ശ്രദ്ധിക്കാത്ത  ഒരു  bug  ല്‍  നിന്നും കാശ്  ഒപ്പിക്കാം  എന്ന  ബുദ്ധി  ഉദിച്ചത്.ഒരു  പ്രത്യേക  സാഹചര്യത്തില്‍ തമാശയ്ക്ക്  പറഞ്ഞു  തുടങ്ങിയ  ആ  കാര്യം  അവര്‍  ഗൌരവം  ആയി  ഏറ്റെടുത്തു  തുടങ്ങി.എന്നാല്‍  അവര്‍  കരുതിയിരുന്നത്  പോലെ  അല്ലായിരുന്നു  കാര്യങ്ങള്‍.കോമഡിയുടെ  വഴിയിലൂടെ  സഞ്ചരിക്കുന്ന  ഒരു  സിനിമ  .ഒരു  പക്ഷെ  സസ്പന്‍സ്  എന്ന്  പറഞ്ഞു  അവതരിപ്പിച്ച  ക്ലൈമാക്സ്  ഒക്കെ ആര്‍ക്കും  ഊഹിക്കാവുന്നത്‌  ആണെങ്കിലും  നേരത്തെ  പറഞ്ഞത്  പോലെ  അത്തരം  ഒരു  സാഹചര്യങ്ങളില്‍  ജോലി  ചെയ്യുന്നവര്‍ക്ക്  അവരോടു  കൂടുതല്‍  പരിചിതമായ  സാഹചര്യങ്ങള്‍  എല്ലാം  കൂടി  ആകണം  ഈ  ചിത്രത്തിന്  പില്‍ക്കാലത്ത്‌  ലഭിച്ച  ജനപ്രീതി  സൂചിപ്പിക്കുന്നത്.


More movie  suggestions @www.movieholicviews.blogspot.ca

718.THE HOST(KOREAN,2006)

718.THE HOST(KOREAN,2006),|Action|Horror|,Dir:-Joon-ho Bong,*ing:-Kang-ho Song, Hie-bong Byeon, Hae-il Park



    Memories of Murder  എന്ന  കൊറിയന്‍ ക്ലാസിക്  മിസ്റ്ററി  ഡ്രാമയുടെ  സംവിധായകന്‍  ആയ ജൂണ്‍ ഹോ ബോംഗ് സംവിധാനം  ചെയ്ത  ചിത്രം  എന്ന  നിലയില്‍  വളരെയധികം  ശ്രദ്ധ  നേടിയ  ചിത്രം  ആയിരുന്നു  The Host.Monster-Survival  രീതിയില്‍  അവതരിപ്പിച്ച  ചിത്രം പ്രധാനമായും  ശ്രദ്ധ  ചെലുത്തിയത്  മാലിന്യ  സംസ്ക്കരണ  പ്രശ്നങ്ങളെ  ആണ്.പ്രത്യേകിച്ചും  രാസ  പദാര്‍ഥങ്ങളുടെ സംസ്ക്കരണം  ഉണ്ടാക്കുന്ന  പാരിസ്ഥിതിക  പ്രശ്നങ്ങളെ  കുറിച്ച്.ഗൌരവമായ  വിഷയതോടൊപ്പം തന്റെ  ആദ്യ  ചിത്രത്തില്‍  നിന്നും  വിഭിന്നം  ആയി ഡാര്‍ക്ക്  കോമഡി  ഒക്കെ  ഉപേക്ഷിച്ചു  കൊറിയന്‍ കൊമേര്‍ഷ്യല്‍  ചിത്രങ്ങളുടെ  വഴിയിലൂടെ  ആണ്  സംവിധായകന്‍  സഞ്ചരിച്ചത്.ഫലം:കുറെ  കാലം  വരെ  കൊറിയന്‍  സിനിമയിലെ  ,അതായത്  The Admiral: Roaring Currents  റിലീസ്  ആകുന്നതു  വരെ  ഏറ്റവും  വലിയ  പണം  വാരി  ചിത്രം  ആയിരുന്നു  The Host.


    The Host  അവതരിപ്പിച്ചിരിക്കുന്നത് രസകരമായ  ചുറ്റുപ്പാടുകളില്‍  ആണ്.ഗാംഗ് ടൂ  നടത്തിയിരുന്ന  ചെറിയ  ഭക്ഷണ ശാലയില്‍  നിന്നും  ഉള്ള  വരുമാനത്തില്‍  ആയിരുന്നു  ആ  കുടുംബം  കഴിഞ്ഞിരുന്നത്.പ്രത്യേക  ബുദ്ധി  വൈഭവം  ഒന്നും  ഇല്ലാതിരുന്ന ഗാംഗ് ടൂ  ഇടയ്ക്കിടെ  ഉറങ്ങി  പോകുന്ന  സ്വഭാവും  ഉള്ള  ആള്‍  ആയിരുന്നു.ഒറ്റ  മകള്‍,പിതാവ്,ദേശിയ  തലത്തില്‍  അമ്ബെയ്തില്‍  തിളങ്ങുന്ന  സഹോദരി,മുന്‍  രാഷ്ട്രീയക്കാരന്‍  ആയ  അനുജന്‍  എന്നിവര്‍  ആയിരുന്നു  അയാളുടെ  വേണ്ടപ്പെട്ടവര്‍.വര്‍ഷങ്ങള്‍ക്കു  മുന്‍പേ  നദി  ജലത്തില്‍ ഒഴുക്കിയ രാസപദാര്‍ത്ഥം  സൃഷ്ടിച്ചത്  ഒരു  ഭീകര  ജീവിയെ  ആണ്.ഒരു  പക്ഷെ  രാസ  പദാര്‍ത്ഥങ്ങളുടെ  പ്രക്രിയ  മൂലം  ജനിതക  മാറ്റം  വന്ന മത്സ്യം.


    ആ  ജീവിയുടെ  സാമീപ്യം  അവിടെ  ഉണ്ടായിരുന്ന  ജനങ്ങളെയും  പ്രത്യേകിച്ച് ഗാംഗ്  ടൂവിന്റെ  കുടുംബത്തെ  എങ്ങനെ  പ്രതികൂലം  ആയി  ബാധിച്ചു  എന്നതാണ്  ചിത്രം.കൊറിയന്‍  സിനിമകള്‍ പലപ്പോഴും  ഹോളിവുഡ്  സിനിമകള്‍  അവരുടെ  ഭാഷയില്‍  അവതരിപ്പിക്കുമ്പോള്‍  അതില്‍  ശ്രദ്ധേയം  ആയ  ഒരു  ചേരുവക  ആണ് വിദഗ്ധമായി വൈകാരികത  കൂടി  ചേര്‍ത്ത് ഒരു  സാധാരണ  ചിത്രം  ആയി  മാറി  പോകാതെ  ഇരിക്കാന്‍  ഉള്ള  ശ്രദ്ധ.എന്ത്  കൊണ്ടാണ്  ഇത്തരം  ചിത്രങ്ങള്‍  ശ്രദ്ധിക്കപ്പെടുന്നു   എന്ന്  നോക്കിയാല്‍  ഹോളിവുഡ്  സിനിമകളില്‍  ഓരോ  കാലത്തെ  ട്രെണ്ടുകളിലും  ഇത്തരം  ചിത്രങ്ങള്‍  വരാറുണ്ട്.എന്നാല്‍  അതെല്ലാം  ഉപയോഗിക്കുന്ന  സ്ഥിരം  ഫോര്‍മുല  ഉപേക്ഷിച്ചുള്ള  അവതരണം  ആയിരിക്കും ഈ  ചിത്രങ്ങളുടെ  എല്ലാം  വിജയത്തിന്റെ  കാരണം.Train to Busan എന്ന  സോമ്പി  ചിത്രം  ശ്രദ്ധിക്കുക.അത്  പോലെ  ആണ്  The Host  എന്ന  ചിത്രവും.കൊറിയന്‍  ചിത്രങ്ങളുടെ  ആരാധകര്‍ക്ക് ഇഷ്ടം  ആകാവുന്ന  ചിത്രം.

More movie  suggestions @www.movieholicviews.blogspot.ca


   

717.EXPERIMENT IN TERROR(ENGLISH,1962)

717.EXPERIMENT IN TERROR(ENGLISH,1962),|Crime|Mystery|Thriller|,Dir:-Blake Edwards,*ing:-Glenn Ford, Lee Remick, Stefanie Powers.


      ധനം   സമ്പാദിക്കാന്‍  ആയി  തന്റെ  ഇരുണ്ട  വശം  തിരഞ്ഞെടുത്ത  ഒരു  സീരിയല്‍  കില്ലര്‍.ആസ്ത്മ  ഉള്ളവരുടെ  പോലെ  ഉള്ള  ശബ്ദം  മാത്രം ആയിരുന്നു  ആദ്യം  കെല്ലി  ഷേര്‍വുഡ്  എന്ന  ബാങ്ക്  ജോലിക്കാരിയുടെ  അടുക്കല്‍  അയാള്‍  ഭീഷണിയും  ആയി  എത്തിയപ്പോള്‍  അയാളെ  കുറിച്ച്  ആകെ  ഉള്ള  വിവരം.അയാളുടെ  വഴി  ഭീഷണിയുടെ  ആയിരുന്നു.കെല്ലിയുടെ  ജീവിതത്തില്‍  ആകെ  ഉള്ളത്  അവളുടെ  സഹോദരി  ടോബി  ആയിരുന്നു.കെല്ലിയോടൊപ്പം  ടോബിയുടെ  ജീവനും  അയാള്‍  വില  പറഞ്ഞു  തുടങ്ങുന്നു.


     പോലീസിനെ  അറിയിക്കരുത്  എന്ന  നിര്‍ദേശം  ഉണ്ടായിരുന്നിട്ടും കെല്ലി  അതിനു  ശ്രമിക്കുന്നു.കെല്ലിയുടെ  കാര്യങ്ങള്‍  എല്ലാം  അറിയാവുന്ന,എന്തിനു  അവരുടെ  ഓരോ നീക്കവും  മനസ്സിലായ ആ  സീരിയല്‍  കില്ലര്‍  ആരായിരുന്നു?ആദ്യം  തന്നെ  പറയട്ടെ ഒരു  ചിത്രത്തില്‍ അതും മിസ്റ്ററി/ക്രൈം  വിഭാഗത്തില്‍  ഉള്‍പ്പെടുത്താവുന്ന  ഒരു  ചിത്രത്തില്‍  സാധാരണ  പ്രതീക്ഷിക്കുന്ന  രീതിയില്‍  അല്ല  കഥയുടെ  അവതരണം.കാരണം  പ്രതിനായകന്റെ കാര്യങ്ങളിലേക്ക്  കൂടുതല്‍  പോകാതെ  ചിത്രം കൂടുതലും ഫോക്കസ്  ചെയ്യുന്നത്  നായികയുടെയും  അന്വേഷണ  ഉദ്യോഗസ്ഥന്റെയും  നേരെ  ആണ്.ഇടയ്ക്കിടെ  വന്നു  പോകുന്ന  റെഫറന്‍സ്,പിന്നെ  സിനിമയുടെ  ഒരു  പരിധി  കഴിയുമ്പോള്‍ അയാള്‍  ആരാണ്  എന്ന്  അനാവരണം  ചെയ്യുമ്പോള്‍  അയാളുടെ  വൈരാഗ്യ  ബുദ്ധിക്കോ  ചെയ്തികള്‍ക്കോ  അത്ര  പ്രാധാന്യം  അവര്‍  കൊടുക്കുന്നില്ല  എന്ന്  കാണാം.


    പകരം,ഇടയ്ക്കിടെ  അയാള്‍  ചെയ്ത  കൊലപാതകങ്ങളെ  കുറിച്ച് ഉള്ള  പരാമര്‍ശങ്ങള്‍  മാത്രം.ചിത്രം  അതിന്റെ  ഉള്ളിലേക്ക് ഒന്നും  അധികം  പോകാതെ ഏതു  കേസ് ആണോ അതില്‍  നിന്നും  വ്യതിചലിക്കാതെ  മുന്നോട്ടു  പോകുന്നു.കുറ്റ  കൃത്യം  തടയുക  എന്നത്  മാത്രം  ആയിരുന്നു  അവരുടെ  ലക്‌ഷ്യം  എന്ന്  ചുരുക്കം.ഹെന്രി മാസിനിയുടെ  പശ്ചാത്തല  സംഗീതം ചിത്രത്തിന്  ഒരു  മുതല്‍ക്കൂട്ട്  ആയിരുന്നു.ഇത്തരം  വിഭാഗത്തില്‍  ഉള്ള  ചിത്രങ്ങള്‍  കുറെ  കണ്ടിട്ടുള്ളവര്‍ക്ക്  പോലും  വ്യത്യസ്തം  ആയ  അനുഭവം  ആയിരിക്കും  ഈ  ചിത്രം.കാരണം ഇത്തരം  ഒരു  വിഷയത്തെ straight-forward ആയി  തന്നെ  അവതരിപ്പിക്കാന്‍  സാധിച്ചു  എന്നത്  തന്നെ  കാരണം.അധികം  സങ്കീര്‍ണം  ആക്കാന്‍ ആരും  ശ്രമിച്ചും  ഇല്ല  എന്നത്  പോലെ   തോന്നി.അതിനെ  കുറിച്ച്  അനുകൂലമോ  പ്രതികൂലമോ  ആയ  അഭിപ്രായങ്ങള്‍  വന്നിരുന്നിരിക്കാം.എന്തായാലും ചിത്രം  എനിക്ക്  ഇഷ്ടപെട്ടു.രണ്ടു  മണിക്കൂര്‍  ഉള്ള  ചിത്രം  ഒട്ടും  ബോര്‍  അടിപ്പിക്കാതെ  അവതരിപ്പിച്ചത്  തന്നെ വലിയ കാര്യം  ആണ്,അതും  ഇത്തരം  ഒരു  പ്ലോട്ടില്‍  നിന്ന്  കൊണ്ട്.


  More movie suggestions @www.movieholicviews.blogspot.ca

Tuesday, 6 December 2016

716.I AM A HERO(JAPANES,2015)

716.I AM A HERO(JAPANES,2015),|Horro|Thriller|.Dir:-Shinsuke Sato,*ing:-Masami Nagasawa, Miho Suzuki, Kasumi Arimura.


   ഹോളിവുഡ്  സിനിമകളില്‍  പുതുമകള്‍  ഒന്നും  കൊണ്ട്  വരാന്‍  ഇല്ലാതെ മടുപ്പിച്ച  വിഭാഗം  ആണ്  സോമ്പി  സിനിമകള്‍.ഏഷ്യന്‍  സിനിമകളില്‍  അത്ര സാധാരണം  അല്ലായിരുന്നു  ഈ  വിഭാഗത്തില്‍  ഉള്ള  ചിത്രങ്ങള്‍.ഇങ്ങു  തമിഴ്  സിനിമയില്‍  പോലും  സോമ്പി സിനിമ  വരുമ്പോള്‍ കൊറിയയിലും  ജപ്പാനിലും  ഒക്കെ  ആ വിഭാഗത്തില്‍  ഹോളിവുഡ്  ഒന്നും  അത്ര കണ്ടു  ശീലിച്ചിട്ടില്ലാത്ത  രീതിയില്‍  ആണ്  കഥ  പറഞ്ഞത്.Train To  Busan  ഈ  അടുത്ത്  ഉള്ളതില്‍  വച്ച്  ഒരു  കള്‍ട്ട്  ക്ലാസിക്  ആയി  മാറിയതിന് ഒരു  കാരണം  അതാണ്‌.അത്   പോലെ  തന്നെ  മറ്റൊരു  ചിത്രം  ആണ്  ജാപ്പനീസ്  ഭാഷയില്‍  വന്ന  I am A Hero.


   കേംഗോ  ഹനസാവയുടെ  I am A Hero  എന്ന  ജാപ്പനീസ്  മാംഗയെ  ആസ്പദം  ആക്കിയാണ് ഷിന്സുക്കെ  ഈ  ചിത്രം  അവതരിപ്പിച്ചിരിക്കുന്നത്.35  വയസ്സോളം  ഉള്ള  തുടക്കത്തില്‍  മാംഗ  കലാകാരന്മാരില്‍  പ്രതീക്ഷ  ഉണ്ടായിരുന്ന ഹിടിയോ  സുസുക്കി  ആണ്  മുഖ്യ  കഥാപാത്രം.15  വര്‍ഷങ്ങള്‍ക്കു  മുന്‍പ്  നല്‍കിയ  പ്രതീക്ഷ  എന്നാല്‍  അയാളുടെ  35  ആം  വയസ്സിലും  പ്രതീക്ഷ  മാത്രം  ആയി  നിന്നൂ.സിനിമയിലും  സംഗീതത്തിലും  എല്ലാം  ജാപ്പനീസ്  ഉല്‍പ്പന്നങ്ങള്‍ക്ക്  എതിരാളികള്‍  ഉണ്ട്.എന്നാല്‍  മാംഗയില്‍  അവരോടു  എതിര്‍ക്കാന്‍  ആരും  ഇല്ലാത്ത  അവസ്ഥ.അതാണ്‌  ഹിടിയോയുടെ  സ്വപ്നവും.ഹിഡിയോ  എന്ന  ജാപ്പനീസ്  പേരിനു  ഹീറോ/നായകന്‍  എന്ന്  കൂടി  അര്‍ഥം  ഉണ്ട്.എന്നാല്‍  ജീവിതത്തില്‍  പരാജയം  മാത്രം  ആയി മാറി  കാമുകിക്ക്  പോലും  വേണ്ടാത്തവന്‍  ആയി  മാറിയ  അയാള്‍ക്ക്‌  അത്  വെറും  പേര്  മാത്രം  ആയിരുന്നു.


  എന്നാല്‍  ജപ്പാനില്‍  പടര്‍ന്നു  പിടിച്ച  ZQN  എന്ന  അജ്ഞാത  വൈറസ് ആളുകളെ  സോമ്ബികള്‍  ആക്കി  മാറ്റി.പടരുന്നത്‌  സ്ഥിരം  സോമ്പി  സിനിമകളിലെ  രീതിയിലും.ഇവിടെ അസുഖം  ബാധിക്കുന്നവര്‍  അവരുടെ അതിനു  മുന്‍പുള്ള  ഓര്‍മകളിലേക്ക് പോകുന്നു.ആക്രമകാരി  ആയി  മാറുന്നു.ഹീഡിയോ  ലൈസന്‍സ്  ഉള്ള  തോക്കും  എടുത്തു  രക്ഷപ്പെടാന്‍  ഒരുങ്ങുന്നു.അയാള്‍  തന്റെ  മാംഗകള്‍ക്ക്  വേണ്ടി  പ്രേരണ  കിട്ടാന്‍  വേണ്ടി  അല്ലാതെ  ആ തോക്ക് ഉപയോഗിച്ചിട്ടു  കൂടി  ഇല്ലായിരുന്നു.എന്നാല്‍  എല്ലാവരുടെ  ഉളിലും  ഹീറോ  ഉണ്ട്.ഇവിടെ ഹീഡിയോ  എങ്ങനെ യഥാര്‍ത്ഥ  ഹീറോ  ആയി  മാറുന്നു  എന്ന്  അറിയാന്‍  ചിത്രം  കാണുക;ചില  പ്രത്യേക  സാഹചര്യങ്ങളില്‍  മനുഷ്യര്‍  അങ്ങനെ  ആണ്.അവര്‍  പോലും  പ്രത്ഗീക്ഷിക്കാത്ത  ചില  കാര്യങ്ങള്‍  അവരെ  പ്രധാനപ്പെട്ട  ആള്‍  ആക്കി  മാറ്റും.ഒരു  മാംഗ  പോലെ  തന്നെ  ആണ്   ചിത്രത്തിലെ  സംഘട്ടന  രംഗങ്ങള്‍ ഒതുക്കിയിരിക്കുന്നത്.ചിതറി  തെറിക്കുന്നതും രക്ത  കലുഷിതവും  ആയ രംഗങ്ങള്‍.തീര്‍ച്ചയായും  കാണുക  ഈ  ജാപ്പനീസ്  ചിത്രം.ഏഷ്യന്‍  സോമ്പി  സിനിമകള്‍  അവരുടേതായ  സ്ഥാനം  ലോക  സിനിമയില്‍  നേടി  തുടങ്ങിയിരിക്കുന്നു.



  More movie  suggestions @www.movieholicviews.blogspot.ca

Monday, 5 December 2016

715.DONNIE DARKO(ENGLISH,2001)

715.DONNIE  DARKO(ENGLISH,2001),|Thriller|Fantasy|,Dir:-Richard Kelly,*ing:-Jake Gyllenhaal, Jena Malone, Mary McDonnell.



   Chaos Theory  യുടെ  പിന്നാലെ  പോയ  സമയത്ത്  The Butterfly  Effect  നു  ശേഷം  കേട്ടറിഞ്ഞ  ചിത്രം  ആയിരുന്നു  Donnie  Darko.ഈ  ചിത്രത്തിന്  മനശാസ്ത്രപരമായ  വ്യാഖ്യാനങ്ങള്‍,ടൈം  ട്രാവല്‍  ഒക്കെ  ആണ്  ചിത്രത്തിന്റെ  മുഖ്യ  പ്രമേയം  എന്ന്  തോന്നാമെങ്കിലും  ഈ  ചിത്രവും  സാധ്യതകളിലൂടെ  ആണ്  സഞ്ചരിക്കുന്നത്.ഇവിടെ  ഡോണിയുടെ  മുന്നില്‍  പക്ഷെ  സമയത്തിന്‍റെ  നിയന്ത്രണവും  ഉണ്ട്.അവന്റെ  മുന്നില്‍  ആകെ  ഉള്ളത്  28  ദിവസവും 6  മണിക്കൂറും  42  മിനിറ്റും  6  സെക്കണ്ടുകളും  മാത്രം  ആണ്.അതായത്   അവന്റെ  ജീവിതത്തില്‍  സംഭവിക്കാവുന്ന  കാര്യങ്ങള്‍ ആ  സമയം  ആകുമ്പോള്‍  അവന്‍  മാറ്റി  മറിക്കാന്‍  നോക്കുമ്പോള്‍  ഉണ്ടാകുന്ന  ഭവിഷ്യത്ത്  വളരെ  വലുതായിരിക്കും.നേരത്തെ  സൂചിപ്പിച്ചത്  പോലെ  The Butterfly  Effect  ആയും  ഈ  അടുത്ത്  ഇറങ്ങിയ  കൊറിയന്‍  ചിത്രം  Time  Renegades  ആയും ക്ലൈമാക്സുകള്‍  വളരെയധികം  സാമ്യം  ഉള്ളതായി  കാണാം.ഒരു  പക്ഷെ  സാധ്യതകള്‍  പരീക്ഷിച്ചതിനു  ശേഷം  ഉള്ള  ഒളിച്ചോടല്‍  എന്ന്  വിശേഷിപ്പിക്കാവുന്നത്.പക്ഷെ  പല  സാധ്യതകളും  അവതരിപ്പിക്കപ്പെടുമ്പോള്‍  ഇതിലും  മനോഹരം  ആയി  മറ്റൊന്ന്  ഇല്ല  എന്ന്  തോന്നി  പോവുകയും  ചെയ്യും.


  ഇനി  ചിത്രത്തിന്റെ  കഥയിലേക്ക്.ഡോണി  ഡാര്‍ക്കോ  എന്ന  സ്ക്കൂള്‍  വിദ്യാര്‍ഥി  ആണ്  സിനിമയുടെ  പ്രധാന  കഥാപാത്രം.മാനസികമായി  ചില  പ്രശ്നങ്ങള്‍  ഉണ്ടെന്നു  സമൂഹം  കരുതുന്ന  അവന്  ഒരു  സാങ്കല്‍പ്പിക  സുഹൃത്തും  ഉണ്ട്.ഫ്രാങ്ക്   എന്ന്  പേരുള്ള  മുയലിന്റെ  ശിരസോട്  കൂടിയ  രൂപം.ജാക്ക്  ഗില്ലെന്ഹാലിന്റെ  ഡോണി  ഫ്രാങ്കിന്റെ  വാക്കുകള്‍ക്കു  വില  കൊടുക്കുന്നു.ഒരു  പക്ഷെ  അവന്‍റെ  തന്നെ  പ്രതിരൂപം  ആയിരുന്നിരിക്കാം  ഫ്രാങ്ക്.ഒരു  രാത്രി  സ്ഥിരമായി  ഉറക്കത്തില്‍  എഴുന്നേറ്റു  നടക്കുന്ന  സ്വഭാവും  ഉള്ള  ഡോണിയ്ക്ക്  ആ  സ്വഭാവം  കാരണം  അവന്റെ  ജീവന്‍  തിരികെ  ലഭിക്കുന്നു.മരണത്തെ  അതി  ജീവിച്ച  ഡോണി  അവിടെ  നിന്നും  പുതിയ  ഒരു  ജീവിതം   ആണ്  തുടങ്ങുന്നത്.തന്റെ  ആശയങ്ങളെ  കുറിച്ച്  കൂടുതല്‍  പഠിക്കാനും  മനസ്സിലാക്കാനും  ഉള്ള  ഒരു ചുറ്റുപ്പാട്  അവനു  ലഭിക്കുന്നു.ഈ  മാറ്റം  അവനു  സഹായകരം  ആണോ  അല്ലയോ  എന്നതാണ്  ബാക്കി  ചിത്രം.


    ഒരു  പ്രത്യേക  സ്ഥലത്ത്  നിന്നും  അപ്രതീക്ഷിതം  ആയി  ജീവിതം  മറ്റൊരു  വഴിയിലേക്ക്  നീങ്ങുമ്പോള്‍  ജീവിതത്തിന്റെ  സ്വാഭാവികമായ  ഒരു  ആയാസം   നഷ്ടപ്പെടുന്നു.ഈ  ചിത്രത്തിന്റെ  കഥ  അങ്ങനെ  ഒരു  രീതിയില്‍  കാണാന്‍  സാധിക്കും.പ്രത്യേകിച്ചും  ക്ലൈമാക്സിന്റെ  മുന്നില്‍  ഉള്ള  ക്ലൈമാക്സില്‍.അവിടെ  നിന്നും  ചിത്രം  കാണുമ്പോള്‍  ഉള്ള  ശരിക്കും  ഉള്ള  ക്ലൈമാക്സില്‍ പ്രേക്ഷകന്‍റെ  മുന്നില്‍  ആ  കഥാപാത്രങ്ങള്‍  നില്‍ക്കുമ്പോള്‍  ചെറിയ  മാറ്റങ്ങള്‍ കൊണ്ട്  വരുന്ന  വലിയ  മാറ്റങ്ങളെ  ഉള്‍ക്കൊള്ളാന്‍  കഴിയും.സങ്കീര്‍ണം  ആയ  ഒന്നും  ചിത്രത്തില്‍  ഇല്ല  എന്നതാണ്  സത്യം.ഈ  പ്രമേയം  വരുന്ന  ചിത്രങ്ങളില്‍  എല്ലാം  ശ്രദ്ധിക്കേണ്ടത്  പൊളിച്ചെഴുത്ത്  നടത്താവുന്ന ഭാവി-ഭൂത  കാലങ്ങളില്‍  എന്നാല്‍  കൂടിയും കാത്തിരിക്കുന്ന  നഷ്ടങ്ങള്‍ ഏറെ  ആകും  ലാഭത്തെക്കാലും.ജാക്ക്  ഗില്ലെന്ഹാല്‍  എന്ന തന്റേതായ  അഭിനയ  ശൈലി  ,അത്  തന്റെ  വ്യക്തിത്വം  ആയി  അവതരിപ്പിക്കാന്‍  കഴിവുള്ള  നടന്മാരുടെ  ഇടയിലേക്ക്  ഉള്ളല  കടന്നു  കയറ്റം  ആയിരുന്നു  ഡോണി   എന്ന  കഥാപാത്രം.തീര്‍ച്ചയായും  കാണേണ്ട  ചിത്രങ്ങളില്‍ ഒന്ന്.


More movie suggestions @www.movieholicviews.blogspot.ca

714.THE BUTTERFLY EFFECT(ENGLISH,2004)

714.THE BUTTERFLY EFFECT(ENGLISH,2004),|Fantasy|Sci-Fi|,Dir:-Eric Bress, J. Mackye Gruber,*ing:-Ashton Kutcher, Amy Smart, Melora Walters.


   ജീവിതത്തില്‍  ഏറ്റവും  കൌതുകം  തോന്നിയ  ഒരു  concept  ആണ്  Chaos  Theory  മുന്നോട്ടു  വയ്ക്കുന്നത്."It has been  said that  something as small as the flutter of a butterfly's wing can ultimately cause a typhoon half way around the world".ഏറ്റവും സരളമായ  ഭാഷയില്‍  പറഞ്ഞാല്‍  ഒരു  പൂമ്പാറ്റയുടെ  ചിറകടിക്ക് ഭൂമിയുടെ പകുതി  വരെ  ഉണ്ടാകാന്‍  സാധ്യത  ഉള്ള  ഒരു  കൊടുങ്കാറ്റിനു  വരെ  കാരണം  ആകാറുണ്ട്  എന്ന്.ഇനി  വലിയ  ഒരു  ക്യാന്‍വാസില്‍,ഉദാഹരണത്തിന്  സ്വന്തം  ജീവിതം  തന്നെ  എടുക്കുക.ദൈനംദിന  പ്രവര്‍ത്തികള്‍,നമ്മള്‍  ചെയ്യുന്ന  ഓരോ  ചെറിയ  പ്രവര്‍ത്തിയും  കൊണ്ട്  വരുന്ന  മാറ്റങ്ങള്‍  വലുതായിരിക്കും.ആദ്യം അല്‍പ്പം  അപകടകരം   ആയ  കാര്യം  പറയാം.ഒരു  ദിവസം  ഹെല്‍മെറ്റ്‌  വയ്ക്കാതെ  വണ്ടി  ഓടിക്കുന്ന  ഒരാള്‍  അപകടത്തില്‍  പെടുകയും  ഗുരുതരമായി  പരിക്കേല്‍ക്കുകയും  ചെയ്യുന്നു.ആ  അപകടം  അയാളുടെ  ജീവനെ  അല്ലെങ്കില്‍  അയാളുടെ  ജീവിതത്തെ  തന്നെ  മാറ്റി  മറിച്ചേക്കാം.ഒരു  പക്ഷെ  അയാള്‍  അന്ന്  സുരക്ഷിതമായി  വീട്ടില്‍  എത്തിയിരുന്നെങ്കില്‍  നടക്കാമായിരുന്ന  സംഭവങ്ങള്‍  വേറെ  ആയിരുന്നേനെ.അതായത്  ഹെല്‍മറ്റ്  വയ്ക്കുകയും  വയ്ക്കതെയും  പോകുന്ന  ആള്‍ക്ക്  ജീവിതത്തില്‍  അല്ലെങ്കില്‍  അയാളെ  ചുറ്റും  ഉള്ളവരില്‍  ഉണ്ടാക്കാവുന്ന  മാറ്റം.ആക്സിഡന്റില്‍ ഹെല്‍മറ്റ്  വയ്ക്കാത്തത്  കൊണ്ട്  മരിക്കുന്നത് ഇതിനു  ഒരു  ഉദാഹരണം  മാത്രം.



   ജീവിതത്തില്‍  റീ ടേക്കുകള്‍  ഇല്ല  എന്ന്  പലരും  പറയാറുണ്ട്‌.തീര്‍ച്ചയായും  അത്തരം  ഒരു  അവസരം  നമുക്കൊക്കെ  കിട്ടിയിരുന്നെങ്കില്‍  എന്ന്  ആഗ്രഹിച്ചിരുന്നിട്ടുണ്ടോ??തീര്‍ച്ചയായും  ഇത്തരം   ഒരു  concept  അങ്ങനെ  ചില  ഓര്‍മപ്പെടുത്തലുകള്‍   നല്‍കും.ഇത്തരം  ഒരു  ആശയം  ആദ്യ  ശ്രദ്ധിക്കുന്നത്  2008  ല ഇറങ്ങിയ  ദശാവതാരത്തില്‍  ആണ്.കൂടുതല്‍  അറിയാന്‍  വേണ്ടി  നടത്തിയ  ശ്രമങ്ങള്‍  കൊണ്ട്  എത്തിച്ചത്  അന്ന്  ഈ  ചിത്രത്തിലേക്ക്  ആയിരുന്നു.നേരത്തെ  പറഞ്ഞത്  പോലെ  ജീവിതത്തെ  ഈ  ചിത്രം  സ്വാധീനിക്കാന്‍  തുടങ്ങി.ഒരു  പക്ഷേ  മോശം  അനുഭവങ്ങള്‍  ജീവിതത്തില്‍  ഉണ്ടാകുമ്പോള്‍ സ്വയം  പഴിക്കുന്നതിനു  പകരം  എവിടെ  ആണ്  മാറ്റങ്ങള്‍  വരുത്തേണ്ടത്  അല്ലെങ്കില്‍  എന്തിന്നെ  ഉണ്ടെങ്കില്‍  ജീവിതം കുഴപ്പം  ഇല്ലാതെ  മുന്നോട്ടു  പോകാന്‍  സാധ്യത ഉണ്ടെന്നു  ഒരു  ഏകദേശ  ധാരണ  ലഭിക്കും.


  ഇനി  ചിത്രത്തിന്റെ  കഥയിലേക്ക് ...ഇവാന്‍  ട്രെബോണ്‍  എന്ന  വ്യക്തിയുടെ കുട്ടിക്കാലം  മുതല്‍ ഉള്ള  കഥയാണ്  ഒറ്റ  വാക്കില്‍  കഥയുടെ  പ്രമേയം.എന്നാല്‍  ഇവാന് തന്റെ  ജീവിതം  വീണ്ടും  വീണ്ടും  തിരുത്തലുകളോടെ  ജീവിക്കാന്‍  സാധിക്കുന്നു.തനിക്കു  മാത്രമല്ല  തന്റെ  പ്രിയപ്പെട്ടവരെ  കൂടി  ഓര്‍ത്തു  കൊണ്ട്.അതിനായി  അവന്‍  പലതും  ചെയ്യുന്നു.ഈ  ഒരു  പ്രക്രിയയില്‍  ത്യാഗങ്ങള്‍ക്ക്  വലിയ  വിലയുണ്ട്‌.അവന്റെ  ജീവിതത്തിലെ  ചെറിയ  സംഭവങ്ങള്‍  പോലും  വലിയ  മാറ്റങ്ങള്‍  ആണ്  ഉണ്ടാക്കുന്നത്‌.ചിലപ്പോള്‍  ചിലരൊക്കെ  ജീവിതത്തില്‍  ഇല്ലാതാവുക  എന്നതൊക്കെ   ഓര്‍ക്കാന്‍  കൂടി  വിഷമം  ഉള്ള  കാര്യം  ആണ്.ഇവാന്‍  ട്രയല്‍  ആന്‍ഡ്‌  എറര്‍ രീതിയിയിലൂടെ  അവസാനം തനിക്ക്  ഏറ്റവും  നീതി  പുലര്‍ത്താന്‍  കഴിയുന്ന  ഒരു  വഴി  തിരഞ്ഞെടുക്കുന്നു  അവസാനം.

  ചിത്രത്തിന്   വ്യത്യസ്തമായ  ക്ലൈമാക്സുകള്‍  ആണ്  ഉള്ളത്.Director's cut ആണ്  ഏറ്റവും  വിഷമിപ്പിക്കുന്നത്.മറ്റു  മൂന്നു  ക്ലൈമാക്സുകള്‍  കൂടി  ചിത്രത്തിന്  വേണ്ടി  അവതരിപ്പിക്കപ്പെട്ടിട്ടുണ്ട്.സിനിമ  നേരത്തെ  കണ്ടവര്‍ക്ക്  കണ്ടു  നോക്കാം  .

https://www.youtube.com/watch?v=T8zO9rDKmyA&t=64s

  ഇതിനെ  തന്നെ  മുഖ്യ  പ്രമേയം  ആക്കി  ബാക്കി  രണ്ടു  ഭാഗങ്ങള്‍  കൂടി  ഇറങ്ങിയിരുന്നു.വേറെ  കഥാപാത്രങ്ങളും  പശ്ചാത്തലവും  ഒക്കെ  ആയി.എന്നാല്‍ ആ  ചിത്രങ്ങള്‍  അത്ര  ശ്രദ്ധിക്കപ്പെട്ടില്ല.എന്നാലും  ഈ  concept  നോട്  ഉള്ള  ഇഷ്ടം  കൊണ്ടാകും  എനിക്ക്  വ്യക്തിപരമായി  ഇഷ്ടപ്പെട്ടിരുന്നു  ആ  ഭാഗങ്ങളും.ആഷ്ടന്‍ കച്ചറിന്റെ ഏറ്റവും  മികച്ച  സിനിമ  ഇതായിരുന്നിരിക്കണം.ഈ  പ്രമേയം  വരുമ്പോള്‍  ഉപയോഗിക്കാവുന്ന  രീതിയില്‍  ഉള്ള  സൈക്കോ  ത്രില്ലര്‍  കൂടി  ആണ്  ഈ  ചിത്രം.


More movie  suggestions @www.movieholicviews.blogspot.ca

Sunday, 4 December 2016

713.ANTHROPOID(CZECH,2016)

713.ANTHROPOID(CZECH,2016),|War|Thriller|Biography|,Dir:-Sean Ellis,*ing:-Jamie Dornan, Cillian Murphy, Charlotte Le Bon.


    ഹിറ്റ്ലര്‍  എന്ന ഏകാധിപതി  തന്റെ  ചെയ്തികളെ  എത്ര  തന്നെ  ന്യായീകരിക്കാന്‍  ശ്രമിച്ചാലും  തന്റെ  ലക്ഷ്യങ്ങള്‍  നേടാന്‍  ഏതൊരു  ഏകാധിപതിയെ  പോലെ  പെരുമാറിയിരുന്നു.അതിന്റെ  ഭാഗം  ആയി  നടന്ന  കൂട്ടക്കൊലകള്‍  ഹിറ്റ്ലരുടെ പിന്‍  തലമുറക്കാര്‍  ആയ  ജര്‍മന്‍ പൗരന്മാര്‍ക്ക്  പോലും  അപമാനം  ആയി  മാറുക  ആണ്  ഉണ്ടായത്.ലോക  ശക്തികളെ  ഒറ്റയ്ക്ക്  നിന്ന്  വെല്ലുവിളിച്ച  ആ  മനുഷ്യന്‍  എന്നാല്‍ മനുഷ്യത്വം  എന്നെന്നേക്കുമായി  നഷ്ടപ്പെട്ട  ചെകുത്താന്‍  ആയി  മാറുകയാണുണ്ടായത്  എന്നത്  ചരിത്രം.ഹിറ്റ്ലരുടെ  ക്രൂരതകളുടെ  അദ്ധ്യായത്തിലെ  ഒരു  കഥയാണ്  Anthropoid  അവതരിപ്പിക്കുന്നത്‌.


       പ്രാഗിലെ  ഉടമ്പടി  അനുസരിച്ച്  ചെക്കൊശ്ലോവ്യായുടെ  അവകാശവാദം  ഉന്നയിച്ച  ഹിറ്റ്ലറിനു  സ്വന്തം  ആകുന്നു.കിരതാംയാ  ഭരണം  ആയിരുന്നു  അവിടെ  ജര്‍മന്‍  പട്ടാളം നടത്തിയിരുന്നത്.റേയ്നാറഡ്  ഹെയ്ദ്രിച്  എന്ന ഹിറ്റ്‌ലറുടെ  സേനയിലെ  മൂന്നാമത്തെ  ഉന്നത  അധികാരി  ആയിരുന്നു  ചെക്കൊശ്ലോവ്യയുടെ  ഭരണം  നിര്‍വഹിച്ചിരുന്നത്.ക്രൂരന്‍  ആയ  അയാള്‍  നിരപരാധികളെ  ഒരു  ദയയും  ഇല്ലാതെ  കൊന്നൊടുക്കി.ഹിറ്റ്ലറെ എതിര്‍ക്കുന്നവരെ  എല്ലാം  ഉന്മൂലനം  ചെയ്ത ഹെയ്ദ്രിചിനെ  വധിക്കാന്‍  ആണ്  ലണ്ടനിലെ പുറത്താക്കപ്പെട്ട  ചെക്കൊശ്ലോവോക്ക്യന്‍  സര്‍ക്കാര്‍ ജോസഫ്  ,ജാന്‍  എന്നിവരെ  അയക്കുന്നത്.അവരുടെ  ആ  പദ്ധതിയുടെ  പേരായിരുന്നു  Anthropoid.

  മരണം  മുന്നില്‍  കണ്ടു  നടത്തുന്ന  പദ്ധതി  ആയിരുന്നെങ്കില്‍  പോലും മനുഷ്യ  സഹജമായ  വികാരങ്ങള്‍  രണ്ടു  പേരെയും  മനസ്സില്‍  അലട്ടി.ആ  പദ്ധതിയില്‍  ജോസഫ്  ,ജാന്‍  എന്നിവര്‍  വരുന്നത്  മുതല്‍   അതിന്റെ  അവസാനം  വരെ  ഉള്ള  സംഭവങ്ങള്‍  ആണ്  ചിത്രം.രണ്ടാം  ലോക  മഹായുദ്ധത്തിന്റെ  കാലത്തെ  ആസ്പദം  ആക്കിയുള്ള  ചിത്രം  ആണെന്നുള്ളത്‌  കൂടാതെ  നല്ലൊരു  ഇമോഷണല്‍  ത്രില്ലര്‍  ആയി  കൂടി  ഈ  ചിത്രം  തോന്നി.ഇത്തരം  ചിത്രങ്ങളിലെ  വൈകാരികതകള്‍  ആവശ്യത്തിനു  മാത്രം  ഉള്‍പ്പെടുത്തുകയും  ചിത്രത്തിന്റെ  പേരിനോട്  കൂറ്  പുലര്‍ത്താന്‍  Anthropoid  നു  കഴിഞ്ഞിട്ടുണ്ട്  എന്ന്  തന്നെ  ഒരു  പ്രേക്ഷകന്‍  എന്ന  നിലയില്‍  വിശ്വസിക്കുന്നു.

More movie suggestions @www.movieholicviews.blogspot.ca

     

712.CRIMINAL(ENGLISH,2016)

712.CRIMINAL(ENGLISH,2016),|Action|Crime|Thriller|,Dir:-Ariel Vromen,*ing:-Kevin Costner, Ryan Reynolds, Gal Gadot.


   ഒരു  കൊടിയുടെയോ  ദേശത്തിന്റെയോ  അതിര്‍വരമ്പുകള്‍ ആവശ്യം  ഇല്ലാതെ  നിലവില്‍  ഉള്ള  എല്ലാ  ഭരണ കൂടങ്ങളെയും  തകര്‍ത്തു  എറിഞ്ഞു  പുതിയ  സാമൂഹിക  വ്യവസ്ഥിതി നിര്‍മിക്കാന്‍    ശ്രമിക്കുന്ന അനാര്‍ക്കിസ്റ്റ്  ആണ് മുന്‍  വ്യവസായി  കൂടി  ആയ സേവിയര്‍.ലോകത്തിലെ  രാജ്യങ്ങളുടെ  എല്ലാം  കയ്യില്‍  ഉള്ള  അണ്വായുധങ്ങള്‍  അയാളുടെ  വരുതിയില്‍  ആക്കാന്‍  അയാള്‍ ഏര്‍പ്പെടുത്തുന്ന ഡച്ച്‌മാന്‍  എന്ന  പേരില്‍  ഉള്ള  ഹാക്കര്‍ എന്നാല്‍  അവസാന  നിമിഷം  അത്തരം  ഒരു  കാര്യം  സേവിയറിന്റെ  കയ്യില്‍  കിട്ടിയാല്‍  ഉള്ള  അവസ്ഥ  ഓര്‍ത്തു  അയാള്‍ക്ക്‌  അത്  കൈ  മാറുന്നതില്‍  നിന്നും  പിന്മാറാന്‍  മനസ്സ്  കാണിക്കുന്നു.


  ആരിയല്‍  റോമെന്‍ സംവിധാനം  ചെയ്ത കെവിന്‍  കോസ്ട്ട്നാര്‍-റയാന്‍  രെയ്നോല്‍ട്സ്  കൂട്ടുക്കെട്ടിന്റെ ആക്ഷന്‍  ത്രില്ലര്‍  ചിത്രത്തിന്റെ  കഥാ പ്രമേയം  ആണ്  മുകളില്‍  വിവരിച്ചത്.വികാരങ്ങള്‍  ഒന്നും  ഇല്ലാത്ത,എന്തിനോടും  ഏതിനോടും  താല്‍പ്പര്യം  ഇല്ലാത്ത  കൊടും  കുറ്റവാളി  ആയ ജെറിക്കോ  ആകസ്മികം  ആയി  സേവിയറിന്റെ  ലക്ഷ്യത്തെ  തകര്‍ക്കുന്ന  പദ്ധതിയില്‍  അയാള്‍  അറിയാതെ   തന്നെ  പങ്കാളി  ആകുന്നു.സി  ഐ  എയുടെ പദ്ധതി എന്നാല്‍  അപകടകരം  ആയ  ഒന്നായിരുന്നു.വൈകാരികം  ആയും  ശാരീരികം  ആയും  ജെരിക്കൊയ്ക്ക്  താങ്ങാവുന്നതിനും  അപ്പുറം  ആയിരുന്നു  അയാള്‍ക്ക്‌  ഉണ്ടായ  മാറ്റങ്ങള്‍ .


  കെവിന്‍  കോസ്ട്ട്നാര്‍  സിനിമകളുടെ  ആരാധകര്‍ക്ക് ഇഷ്ടപ്പെടും  ഈ  ചിത്രം  എന്ന്  തീര്‍ച്ച.പ്രായം  ആയെങ്കിലും പഴയ  The Untoucables ലെ  എലിയറ്റ്  നെസ്സിനു  അയാളുടെ  സ്റ്റൈല്‍,ആക്ഷന്‍  രംഗങ്ങളിലെ  ക്ലാസ്  എന്നിവയില്‍  ഒന്നും  വലിയ  മാറ്റം  ഉണ്ടായിട്ടില്ല.റയാന്റെ  റോള്‍  പ്രധാനം  ആയിരുന്നെങ്കിലും  സ്ക്രീന്‍  പ്രസന്‍സ്  കുറവായിരുന്നു.എന്തായാലും  ഒരു  സാധാരണ   ഹോളിവുഡ്  ആക്ഷന്‍  സിനിമ  കാണുന്ന  ലാഘവത്തോടെ  സമീപിച്ചാല്‍  ഇഷ്ടം  ആകാന്‍  സാധ്യത  ഉണ്ട്  ഈ ചിത്രം.


More movie suggestions @www.movieholicviews.blogspot.ca

711.BEDAZZLED(ENGLISH,1967)

711.BEDAZZLED(ENGLISH,1967),|Comedy|Fantasy|,Dir:- Stanley Donen,*ing:-Peter Cook, Dudley Moore, Eleanor Bron.


  സ്വന്തം  ആത്മാവ്  മറ്റു  ആഗ്രഹങ്ങള്‍ക്കായി  പണയം  വച്ചവന്റെ  അവസ്ഥ  എന്താകും?അതിനുള്ള  ഉത്തരം  നല്‍കുന്ന  ചിത്രം  ആണ്  Bedazzled.സ്വന്തം  ജീവിതത്തിനു  പ്രത്യേകിച്ച്  ലക്‌ഷ്യം  ഒന്നും  ഇല്ല  എന്ന്  കരുതുന്ന  ആളുകള്‍ക്ക്  ചെറിയ  ഒരു  ഉണര്‍ത്തു  പാട്ടാണ്  ഈ  ചിത്രം.ഗൌരവം  ആയി  എടുക്കണ്ട  രീതിയില്‍  അല്ല  ചിത്രം  അവതരിപ്പിച്ചിരുന്നതെങ്കിലും  ഗൌരവ പൂര്‍ണം  ആയ ചിന്തകള്‍ക്ക്  സ്ഥാനം  നല്‍കുന്നുണ്ട്  ഈ  ചിത്രം.ചിത്രത്തിന്റെ  പേര്  സൂചിപ്പിക്കുന്ന  പോലെ പ്രതികൂലം  ആയ  സാഹചര്യങ്ങളില്‍  അതിന്റെ  ആനുകൂല്യം  മുതലെടുക്കുന്ന  രണ്ടു  പേരുടെ  കഥ  ആണ്  ഈ ചിത്രം.ഒരാള്‍  ചെകുത്താനും.മറ്റൊന്ന്  സാധാരണക്കാരന്‍  ആയ  ഔര്‍  മനുഷ്യനും.

  അയാളുടെ  പേര് സ്റ്റാന്‍ലി  മൂണ്‍.ഒരു  ചെറിയ  രേസ്റ്റൊരന്റില്‍ പാചകക്കാരന്‍  ആയി  ജോലി  ചെയ്യുന്നു.സാധാരണയില്‍  സാധാരണം  ആണ്  അയാളുടെ  ജീവിതം.ചെറിയ  ഒരു  മുറിയില്‍  താമസിക്കുന്നു.പ്രത്യേക  ബുദ്ധി,വ്യക്തി  വൈഭവങ്ങള്‍  ഒന്നും  ഇല്ലാത്ത  മനുഷ്യന്‍.അയാളുടെ ഹോട്ടലില്‍  ജോലി  ചെയ്യുന്ന മാര്‍ഗരറ്റ്  സ്പെന്സരോട്  അയാള്‍ക്ക്‌  കടുത്ത  പ്രണയം  ആണ്.എന്നാല്‍  ആ  പ്രണയം  അവള്‍ക്കു  അറിയില്ലായിരുന്നു.ഉയര്‍ന്ന  നിലയില്‍  ഉള്ള  പുരുഷ  സുഹൃത്തുക്കള്‍  ഉള്ള  മാര്‍ഗരറ്റ് അയാളെ  പ്രണയിക്കണ്ട  ആവശ്യം  ഒന്നും  ഇല്ല  എന്നത്  മറ്റൊരു  സത്യം.തന്റെ  ജീവിതത്തില്‍  ആകെ  നിരാശന്‍  ആയി  സ്റ്റാന്‍ലി  മാറുമ്പോള്‍  ആണ്  അപ്രതീക്ഷം  ആയി  ആ  അതിഥി  എത്തുന്നത്‌.ഒരു  പക്ഷെ  ദൈവത്തെക്കാളും  കൂടുതല്‍  ആരാധകര്‍  ഉള്ള,അവരുടെ  ആഗ്രഹങ്ങള്‍ക്ക്  നേരെ  കണ്ണടയ്ക്കാത്ത  ചെകുത്താന്‍  ആയിരുന്നു  അത്.അയാള്‍  അവനു  7  ആഗ്രഹങ്ങള്‍  സാധിപ്പിച്ചു  കൊടുക്കാം  എന്ന  ഉറപ്പിന്മേല്‍ പകരമായി  അവന്റെ  ആത്മാവ്  ആവശ്യപ്പെടുന്നു.


  പ്രത്യേകിച്ച്  ഒരു  പ്രാധാന്യവും  ഇല്ലാത്ത  തന്റെ  ജീവിതത്തില്‍  ആ  ആത്മാവിനു  എന്ത്  ഉപയോഗം  എന്ന്  ചിന്തിക്കുന്ന  സ്റ്റാന്‍ലി  ആ  ആവശ്യത്തോട്  സമ്മതം  അറിയിക്കുന്നു.തന്റെ  7  ആഗ്രഹങ്ങളും  ട്രയല്‍  ആന്‍ഡ്‌  എറര്‍  പോലെ  ഉപയോഗിക്കാന്‍    സ്വാതന്ത്ര്യം  സ്റ്റാന്‍ലിയ്ക്ക്  ഉള്ളപ്പോള്‍ അതില്‍  തന്റെ  പൈശാചികം  ആയ കുസൃതികള്‍  കാണിക്കുവാന്‍ ചെകുത്താനും  ഒരുങ്ങുന്നു.സ്റ്റാന്‍ലി  എങ്ങനെ  തന്റെ ആഗ്രഹങ്ങള്‍  ഉപയോഗിച്ചു  എന്നും  ചെകുത്താന്‍  തന്‍റെ  വിശ്വ  വിജയത്തിനായി  എന്തൊക്കെ  ചെയ്തു  എന്നും  അറിയാന്‍  ഈ  ചിത്രം  കാണുക.

  NB:-ഈ  ചിത്രത്തിലെ  ഒരു  സീന്‍  രാജ  മൌലിയെ  ഈഗ (ഈച്ച)  എന്ന  ചിത്രം  പ്രേരിപ്പിച്ചു  എന്ന്  പറഞ്ഞാല്‍  അത്  അതിശയോക്തി  ആകില്ല.ഒരു  പക്ഷെ  പ്രേരണ  ഉണ്ടായിരുന്നിരിക്കാം  ഇല്ലായിരുന്നിരിക്കാം.എന്നാല്‍  ചിത്രം  കണ്ടു  കൊണ്ടിരുന്നപ്പോള്‍  അങ്ങനെ  ഒരു  തോന്നല്‍  ഉണ്ടായി  എന്നത്  സത്യം  ആണ്.


More movie suggestions @www.movieholicviews.blogspot.com

710.PLUTO(KOREAN,2012)

710.PLUTO(KOREAN,2012),|Mystery|Drama|,Dir:-Su-won Shin,*ing:-Da-wit Lee, Sung-Jun, Sung-ha Jo.


      കുട്ടികളെ  അവരുടെ  സ്വാഭാവിക  വളര്‍ച്ചയില്‍ തുണ  ആകേണ്ട  മാതാപിതാക്കള്‍  അവരില്‍ മത്സര  ബുദ്ധി  കുത്തി  വയ്ക്കുമ്പോള്‍  ഉണ്ടാകുന്ന  ഭവിഷ്യത്തുക്കള്‍  അധികം  ആയിരിക്കും,നമ്മള്‍  ജീവിക്കുന്നത്  മത്സരത്തില്‍  ആദ്യം  ഓടി  എത്തുന്നത്‌ ആരാണെന്ന്  നോക്കി  വിജയിയെ  കണ്ടെത്തുന്ന  സമൂഹത്തില്‍  ആണെന്ന  സത്യം  നിലനില്‍ക്കുമ്പോള്‍  തന്നെ സ്വാഭാവികമായ  പരിശ്രമങ്ങളെ  മാറ്റി  മറിച്ചു  കുത്തി  വയ്ക്കുന്ന  അത്തരം  മത്സര ബുദ്ധിയോടെ എന്തിനെയും കാണുന്ന  കുട്ടികള്‍ നഷ്ടപ്പെടുത്തുന്നത്  അവരുടെ  സുന്ദരമായ  ബാല്യ-കൗമാര  കാലങ്ങളെ  ആണ്.ഒരല്‍പം  കുസൃതി  ഒന്നും  തെറ്റല്ല  എന്ന്  ചുരുക്കം.എന്നാല്‍ "കുസൃതികള്‍"  മേല്‍പ്പറഞ്ഞ  മത്സര  ബുദ്ധിയില്‍  ആകുമ്പോഴോ??

   പ്ലൂട്ടോ  എന്ന  കൊറിയന്‍  ചിത്രം  പങ്കു  വയ്ക്കുന്നതും ഇത്തരം  ഒരു  ആശയത്തെ  ആണ്.സൂര്യന്  ചുറ്റാന്‍  ഭ്രമണം  നടത്തുന്ന ഗ്രഹങ്ങളില്‍  നിന്നും പ്ലൂട്ടോയെ  ഒഴിവാക്കിയതിനെ  കുറിച്ചുള്ള  ക്ലാസ്  ചര്‍ച്ചയില്‍ മറ്റുള്ളവരുടേതില്‍  നിന്നും  വിഭിന്നം  ആയ  അഭിപ്രായം അവതരിപ്പിച്ച  വിദ്യാര്‍ഥി  ആയിരുന്നു ജൂണ്‍.ഒരു  സാധാരണ ഇന്ഷുറന്സ്  ഏജന്റിന്റെ  മകന്‍ .അവന്‍  ക്ലാസിലെ  ഏറ്റവും  മികച്ച  വിദ്യാര്‍ഥി  ആയ യൂ ജിന്നിന്റെ  കൊലപാതകവും  ആയി  ബന്ധപ്പെട്ടു  പോലീസ്  കസ്റ്റഡിയില്‍  ആണ്.കാരണം കൊലപാതക  സ്ഥലത്ത്  നിന്ന്  ജൂണിന്റെ  മൊബൈല്‍  ഫോണ്‍  പോലീസിനു  ലഭിച്ചു  എന്നത്  ആണ്  കാരണം.ഒപ്പം  അവരുടെ  സഹപാഠികള്‍  നല്‍കിയ  മൊഴിയും.ശരിക്കും  അന്ന്  അവിടെ  സംഭവിച്ചത്  എന്താണ്??ജൂണ്‍  ആണോ  യഥാര്‍ത്ഥ  കൊലയാളി??കൂടുതല്‍  അറിയാന്‍  ചിത്രം  കാണുക.


   ജാപ്പനീസ്  സിനിമ   ആയ  Confessions  എന്ന  എന്റെ  എക്കാലത്തെയും  പ്രിയപ്പെട്ട  ത്രില്ലറിന്റെ  മൂഡ്‌  ഒരു  പരിധി  വരെ  നില  നിര്‍ത്താന്‍  ഈ  കൊറിയന്‍  ചിത്രത്തിന്  കഴിഞ്ഞിട്ടുണ്ട്.കഥ ഒരു  പോലെ  ആണെന്ന്  അല്ല  പറഞ്ഞത്.പകരം  സ്ക്കൂള്‍/ക്യാമ്പസ്  എന്നിവയുടെ  ഒക്കെ   സുഖകരം  അല്ലാത്ത ഒരു  മുഖം  ഭീകരം  ആയി  തന്നെ  അവതരിപ്പിച്ചിട്ടുണ്ട്  ഈ  ചിത്രത്തിലും."ചതിയില്‍  വഞ്ചന  ഇല്ല"  എന്ന്  തമാശയ്ക്ക്  പറയുന്ന  പോലെ  ആണ്  "മത്സരത്തില്‍  ഉള്ള  വഞ്ചനയും" .അത്  ഏറ്റവും  പ്രിയപ്പെട്ടവരോട്  ആയാല്‍  പോലും  ഒരു  പക്ഷെ  മത്സരത്തിന്റെ  ഫലത്തെ  കുറിച്ചുള്ള  വര്‍ണപ്പകിട്ട്  ഉള്ള  ഓര്‍മ്മകള്‍  അവരില്‍  അന്ധത ഉണ്ടാക്കും.  തങ്ങളുടെ  ബുദ്ധിയും  ചിന്തകളും  എല്ലാം  മറ്റുള്ളവരുടെ  സ്വപ്നങ്ങള്‍ക്കായി  ഉഴിഞ്ഞു  വച്ച  തലമുറകള്‍ക്ക്  എല്ലാം  വ്യത്യസ്തം  ആയ  ചിന്ത  ആയിരിക്കും  ഈ  ചിത്രം.


More movie suggestions @www.movieholicviews.blogspot.com