Monday, 29 August 2016

700.THE UNTOUCHABLES(ENGLISH,1987)

700.THE UNTOUCHABLES(ENGLISH,1987),|Crime|Thriller|,Dir:-Brian De Palma,*ing:-Kevin Costner, Sean Connery, Robert De Niro.


  അമരിക്കയില്‍  Dry  Crusaders    എന്ന  പേരില്‍  അറിയപ്പെട്ടിരുന്ന  ഒരു  കൂട്ടം  ആളുകളുടെ  ശ്രമങ്ങളുടെ  ഫലമായി  1920  മുതല്‍  1933  വരെയുള്ള  കാലഘട്ടങ്ങളില്‍  മദ്യ  നിരോധനം ഉണ്ടാകുന്നു.കാനഡ പോലുള്ള  അയല്‍  രാജ്യങ്ങളില്‍  നിന്നും  മദ്യത്തിന്റെ  ഒഴുക്ക്  അമേരിക്കയിലേക്ക്  ഉണ്ടാകുന്നു  ഈ  കാലഘട്ടത്തില്‍.നിയമപരമായി  അല്ലാതെ  വരുന്നു  എന്നത്  കൊണ്ട്  തന്നെ  ഈ  കാലയളവില്‍  പലരും  ഈ  സൗകര്യങ്ങളോടെ കോടികള്‍  സമ്പാദിക്കുന്നു.അല്‍  കപ്പോന്‍  അത്തരത്തില്‍  ഒരാളായിരുന്നു.അയാളുടെ  കച്ചവടം  വലിയ  രീതിയില്‍   ആയിരുന്നു.പോലീസുകാര്‍  മുതല്‍  ഭരണത്തില്‍  ഇരിക്കുന്ന  പലരും   അയാളുടെ  മാസപ്പടി  പറ്റുന്നവര്‍  ആയി  മാറി.

  ഈ  സമയം  ആണ്  ട്രഷറി  ഡിപ്പാര്ട്ട്മെന്റ്റ്  പോലീസിനോട്  ഒത്തു  ചേര്‍ന്ന് അല  കപ്പോനെ  നിയമത്തിന്റെ  മുന്നില്‍  കൊണ്ട്  വരാന്‍  ശ്രമിക്കുന്നത്.ആ  ടീമിന്  നേതൃത്വം  നല്‍കിയത്  ട്രഷറി  ഉദ്യോഗസ്ഥന്‍  ആയ എലിയറ്റ്  നെസ്  ആയിരുന്നു.നെസ്  നേതൃത്വം  നല്‍കിയ ആദ്യ  ഓപറേഷന്‍  പരാജയപ്പെടുന്നു.ആരെയും  വിശ്വസിക്കാന്‍  ആകാത്ത  അവസ്ഥ.അങ്ങനെ  ആണ്  അയാള്‍ സ്വന്തമായി  ഒരു  ടീം  ഉണ്ടാക്കാന്‍  ശ്രമിക്കുന്നത്.ബീറ്റ്  പോലീസ്  ആയി  ജോലി  ചെയ്യുന്ന,എന്നാല്‍  രാജ്യത്തിലെ  നിയമം  സത്യസന്ധമായി  നടക്കണം  എന്ന്  ആഗ്രഹിക്കുന്ന ജിം,ട്രഷറി  ഉദ്യോഗസ്ഥന്‍  ആയ  ഓസ്ക്കാര്‍,പോലീസ്  പരിശീലനത്തില്‍ ഏര്‍പ്പെട്ടിരിക്കുന്ന  സ്റ്റോണ്‍  എന്നിവര്‍  ആയിരുന്നു  ആ  ടീമില്‍.

  അവരുടെ  പ്രവര്‍ത്തനം  അപകടം  പിടിച്ചതായിരുന്നു.ചിത്രത്തിലെ  റെയില്‍വേ  സ്റ്റേഷന്‍  സീന്‍  ഒക്കെ  ശ്വാസം  പിടിചിരുന്നേ  കാണാന്‍  ഒക്കൂ.അപകടകരമായ  ദൌത്യം,അപകടകാരികള്‍  ആയ  ശത്രുക്കള്‍.അതായിരുന്നു  നെസ്സിനും  കൂട്ടര്‍ക്കും  നേരിടേണ്ടി  വന്ന  സാഹചര്യം.ഈ  സംഭവങ്ങള്‍  ആണ്  The Untouchables  എന്ന  പുസ്തകത്തിനെ  ആധാരമാക്കി  എടുത്ത  ചിത്രത്തിന്റെ  പ്രമേയം.തീര്‍ച്ചയായും   കണ്ടിരിക്കണ്ട  ചിത്രങ്ങളില്‍  ഒന്നാണ്   ഇത്.


More movie suggestions @www.movieholicviews.blogspot.ca

699.FARGO(ENGLISH,1996)

699.FARGO(ENGLISH,1996),|Crime|Thriller|,Dir:-Joel Coen, Ethan Coen ,*ing:-William H. Macy, Frances McDormand, Steve Buscemi.


  What  will happen  when plans go wrong? വ്യക്തമായ  ഉത്തരം  നല്‍കാന്‍  കഴിയുന്ന  ചിത്രം  ആണ്  ഫാര്‍ഗോ.കോയെന്‍  സഹോദരന്മാരുടെ  മികച്ച  ചിത്രങ്ങളില്‍  ഒന്ന്.കുറ്റ  കൃത്യം  വ്യക്തമായി  പ്ലാന്‍  ചെയ്യുന്നുണ്ടെങ്കിലും  ജെറി  തന്റെ  ഭാര്യയെ  തട്ടി  കൊണ്ട്  പോകാന്‍  എല്പ്പിക്കുന്നവര്‍ക്ക്  എവിടെയോ  തെറ്റ്  പറ്റുന്നു.അവര്‍  പ്രതീക്ഷിക്കുന്നത്  അല്ല  അനവിടെ  രാത്രി  നടക്കുന്നതും.സ്വന്തമായി  എന്തെങ്കിലും  നേടി  എടുക്കുക  എന്ന  ജെറിയുടെ  ആഗ്രഹത്തിന്  സഹായിക്കാന്‍  ആളുകള്‍  ഉണ്ടായിരുന്നു  എങ്കിലും  അവരാരും  അയാളെ  ഗൗനിച്ചില്ല.

  അയാള്‍  കുടുംബ  എന്ന  sentiments  ഉപേക്ഷിച്ചു തന്റെ  ജീവിതം കരപ്പറ്റിക്കാന്‍  തീരുമാനിക്കുന്നു.ജെറി  സത്യസന്ധന്‍  അല്ലായിരുന്നു,ജോലിയിലും  ജീവിതത്തിലും.എന്നാല്‍  ആഗ്രഹങ്ങള്‍  ഏറെ  ആയിരുന്നു.ജെറി ഈ  അവസരത്തില്‍  ആണ്  തന്റെ  ലക്ഷ്യങ്ങള്‍  നിറവേറ്റാന്‍  ആയി  കാള്‍,ഗെയര്‍  എന്നിവരെ  സമീപിക്കുന്നത്.രണ്ടു  പേരും  ഒന്നാംകിട  കുറ്റവാളികള്‍.ഉദ്യമം-ജെറിയുടെ  ഭാര്യയെ  തട്ടി  കൊണ്ട്  പോവുക.ജെറിയുടെ  ഭാര്യ  പിതാവ്  കൊടുക്കുന്ന  മോചന  ദ്രവ്യത്തില്‍  നിന്നും  ഉള്ള  ഷെയര്‍  ആയിരുന്നു  അവര്‍ക്ക്  വാഗ്ദാനം.,


   എന്നാല്‍  അന്ന്  രാത്രി  നടന്ന  സംഭവങ്ങള്‍  എല്ലാവരുടെയും  പ്ലാനുകള്‍  തെറ്റിക്കുന്നു.ആര്‍ക്കും  എന്താണ്  സംഭവിക്കുന്നത്‌  എന്ന്  പോലും  മനസ്സിലാകുന്നതിനു  മുന്‍പ് വരി  വരിയായി  കുറ്റ  കൃത്യങ്ങള്‍  അരങ്ങേറുന്നു.ഈ  കേസുകള്‍  അന്വേഷിക്കുന്നത്   മാര്‍ഗെ  എന്ന  പോലീസുകാരിയും.അവര്‍  ഓരോ  ചരടുകള്‍  അഴിച്ചു  വരുമ്പോഴും  സംഭവിക്കുന്നത്‌  വേറെ  ആയിരുന്നു.ചിത്രം  തീര്‍ച്ചയായും  കണ്ടിരിക്കണ്ടവയുടെ  പട്ടികയില്‍  ഉള്‍പ്പെടുത്താം.അമേരിക്കയിലെ  മികച്ച  100  ചിത്രങ്ങളില്‍  ഇടം  പിടിച്ചിരുന്നു  Fargo.


More movie suggestions @www.movieholicviews.blogspot.ca

698.LOCK,STOCK AND TWO SMOKING BARRELS(ENGLISH,1998)

698.LOCK,STOCK AND TWO SMOKING BARRELS(ENGLISH,1998),|Crime|Thriller|Comedy|,Dir:-Guy Ritchie,*ing:-Jason Flemyng, Dexter Fletcher, Nick Moran.


   Guy Ritchie-സംവിധായകന്‍  ആയി  ഈ പേരുണ്ടെങ്കില്‍  പിന്നെ  ചിത്രം  ഏതു  രീതിയില്‍  ആണെന്ന്  ഊഹിക്കാവുന്നതെ  ഉള്ളൂ.Lock,Stock And Two Smoking Barrels അദ്ധേഹത്തിന്റെ  മറ്റു  ചിത്രങ്ങളില്‍  നിന്നും  അത്ര  വ്യത്യസ്തവും  അല്ല.പക്ഷെ  എന്തോ  ഒരു  മാന്ത്രികത  ഉണ്ട്  ഈ  ചിത്രങ്ങള്‍ക്ക്.ശരിക്കും  കാണും  തോറും  ഇഷ്ടം  കൂട്ടുന്ന  സിനിമ  ആഖ്യാന  ശൈലി.ശരിക്കും  ഈ ചിത്രത്തെ  നോക്കിയാല്‍  മനസ്സിലാകും  സങ്കീര്‍ണമായ  എന്നാല്‍  ലാഘവത്തോടെ  അവതരിപ്പിച്ച  ഒന്നാണ്  എന്ന്.കഥയും  കഥാപാത്രങ്ങളും  എല്ലാം  തന്നെ  പരസ്പ്പരം  കെട്ടു  പിണഞ്ഞു  കിടക്കുന്നു.ചുരുക്കി  പറഞ്ഞാല്‍  ആറു  വ്യത്യസ്ത  ഗ്രൂപ്പുകള്‍  എന്നാല്‍  ഈ  ആറു  പേരും  ചെയ്യാന്‍  ഉദ്ദേശിക്കുന്ന  പ്രവര്‍ത്തി  ഒന്നാണ്.


   അത്  അവരെ  കൊണ്ടെത്തിക്കുന്നത്  മറ്റൊരു  ആളുടെ  അടുക്കലും.ഒരു  ചീട്ടു  കളിയില്‍ Eddy  എന്ന  ചെറുപ്പക്കാരന്‍  തന്റെ  സുഹൃത്തുക്കളുടെ  എല്ലാം  ജീവിതത്തിലെ  സമ്പാദ്യം  മുതല്‍  മുടക്കായി  ഇറക്കുന്നു.അവിടെ  നടന്ന  സംഭവങ്ങള്‍  മുതല്‍  ആണ്  ചിത്രം  ആരംഭിക്കുന്നത്.അന്ന്  ഉണ്ടായ  നഷ്ടം ആ  ചെറുപ്പക്കാരുടെ  ജീവന്‍  പോലും  അപകടത്തിലാക്കി.എന്നാല്‍ ഇതിനൊപ്പം  ഒരു  വഴിയില്‍  സഞ്ചരിക്കുന്ന  അഞ്ചു  ഗ്രൂപ്പുകള്‍  വേറെയും  ഉണ്ടായിരുന്നു.എല്ലാവരുടെയും  ലക്‌ഷ്യം  ഒന്നായിരുന്നു.പണം.


  എന്നാല്‍  അതിനായി  നടത്തുന്ന  ശ്രമങ്ങള്‍  എല്ലാവരെയും  പല  രീതിയില്‍  ഉള്ള  അപകങ്ങളില്‍  കൊണ്ടെത്തിക്കുന്നു.അതില്‍ നിന്നും  ആര്‍ക്കും  മോചനവും  ഇല്ലായിരുന്നു.ഓരോ  കുരുക്കും  അവര്‍  അറിയാതെ  തന്നെ  അവരെ  കുരുക്കുക  ആയിരുന്നു.പരസ്പ്പരം  എന്താണ്  സംഭവിക്കുന്നത്‌  എന്നോ  അവര്‍  എന്തിനെ  ആണ്  അഭിമുഖീകരിക്കുന്നത്  എന്നോ  മനസ്സിലാകാത്ത  അവസ്ഥ.,Guy  Ritchie  സിനിമകളിലെ  മികച്ചതെന്നു  പറയാവുന്ന  ചിത്രം  പ്രേക്ഷകനെ  ശരിക്കും  ത്രില്‍  അടിപ്പിക്കുന്നുണ്ട്.തീര്‍ച്ചയായും  കണ്ടിരിക്കണ്ട  ചിത്രങ്ങളില്‍  ഒന്നാണ്   Lock,Stock And Two Smoking Barrels.


More movie suggestions @www.movieholicviews.blogspot.ca

697.ONLY GOD FORGIVES(ENGLISH,2013)

697.ONLY GOD FORGIVES(ENGLISH,2013),|Crime|Drama|,Dir:-Nicolas Winding Refn,*ing:-Ryan Gosling, Kristin Scott Thomas, Vithaya Pansringarm .


   ദൈവത്തിനു  മാത്രം  ക്ഷമിക്കാന്‍  കഴിയുന്ന  ചില  തെറ്റുകള്‍.അത്തരം  ചില  തെറ്റുകള്‍  മനുഷ്യന്‍  ചെയ്തു  കൂട്ടുന്നുണ്ട്.എന്തൊക്കെ  ന്യായീകരണങ്ങള്‍  പറഞ്ഞാലും  തെറ്റുകള്‍  അതല്ലാതെ  ആകുന്നില്ല.ദൈവം  എന്നുള്ളത്  ഇവിടെ generalize ചെയ്തു  പറയുന്ന  പദം  ആയി  കണക്കാക്കിയാല്‍  മതി.കാരണം ദൈവം  ഉണ്ടോ  ഇല്ലയോ  എന്നത്  തര്‍ക്ക  വിഷയം  ആയി  നില്‍ക്കുന്നിടത്തോളം  നീതി,ധര്‍മം  എന്നിവ  പാലിക്കാന്‍  ആയി  ഒരാള്‍  ഉണ്ടാകും.


  സാധാരണ  സിനിമകളില്‍ നായക  കഥാപാത്രം  പ്രതിധാനം  ചെയ്യുന്നത്  അത്തരം  അത്തരം  സ്വഭാവ  ഗുണങ്ങള്‍  ഉള്ള  മനുഷ്യരെ  ആണ്.വിലയേറിയ  നായകന്മാര്‍ എപ്പോഴും  നീതിമാന്മാര്‍  ആണല്ലോ പൊതുവേ?എന്നാല്‍  നിക്കോളാസ്  വൈന്ടിന്ഗിന്റെ ഈ  ചിത്രം  ചില  മുന്‍വിധികളെ  ഒക്കെ  മാറ്റി  മറിക്കുന്നു.ചിത്രത്തില്‍  ഉടന്നീളം അക്രമം  കാണിക്കുന്ന  കഥാപാത്രങ്ങള്‍  ഉണ്ടെങ്കിലും  ഇതില്‍ ആരാണ്  ശരി  എന്നുള്ളത്  സാധാരണ  ഒരു  ചിത്രം  കാണുന്ന  ലാഘവത്തോടെ മനസ്സിലാക്കാന്‍  സാധിക്കില്ല.ജൂലിയന്‍  തന്റെ  സഹോദരന്‍  ആയ ബില്ലിയെ  കൊന്നവരോട്  പകരം  വീട്ടാന്‍  നടക്കുന്നു.

  ബില്ലിയുടെ  അമ്മ ക്രിസ്റ്റല്‍ അതെ  ഉദ്ദേശ്യത്തോടെ  ആണ്  തായ്ലാന്‍ഡില്‍  എത്തുന്നതും.എന്നാല്‍  ബില്ലി,ജൂലിയന്‍,ക്രിസ്റ്റല്‍  എന്നിവര്‍  ആരാണ്?അവര്‍ക്ക്  ഈ  പക  വീട്ടുന്നതില്‍  എന്തെങ്കിലും  സാമാന്യ  യുക്തി  പറയാന്‍  സാധിക്കുമോ  എന്നത്  അവരുടെ  പാത്ര  സൃഷ്ടിയില്‍  വരുന്ന  ചോദ്യം  ആണ്.മറ്റൊരു  കഥാപാത്രം  ആയ പോലീസ്  ഉദ്യോഗസ്ഥന്‍  ചാംഗ്,അയാളുടെ  രീതികള്‍  അയാളോട്  വെറുപ്പും  ഉണ്ടാക്കും.എന്നാല്‍  ഈ  നാല്  കഥാപാത്രങ്ങളും  ഒരു  തുലാസില്‍  അളന്നു  നോക്കേണ്ടി  വന്നാലോ??പ്രേക്ഷകന്  ഇഷ്ടപ്പെടുകയോ  അല്ലെങ്കില്‍  തീരെ  ഉപേക്ഷിക്കാനോ  കഴിയുന്ന  ചിത്രം  ആണ്  Only  God  Forgives.ഒരു  പക്ഷെ  ചിത്രത്തിന്റെ  അവതരണ  രീതി  തന്നെയാകാം   പ്രേക്ഷകനെ  കൊണ്ട്  ഇത്തരം  ഒരു  തീരുമാനം  എടുപ്പിക്കുന്നത്.


More movie suggestions @www.movieholicviews.blogspot.ca

696.UNDER SUSPICION(ENGLISH,2000)

696.UNDER SUSPICION(ENGLISH,2000),|Mystery|Crime|,Dir:-Stephen Hopkins,*ing:-Morgan Freeman, Gene Hackman, Thomas Jane.


   സമ്പന്നതയില്‍  ജീവിക്കുന്നതിനോടൊപ്പം  സമൂഹത്തില്‍  ഉന്നതമായ  ഒരു  സ്ഥാനം  കൂടി  ഉള്ള  ആളാണ്‌ ഹെന്രി.പ്യൂര്‍ട്ടോ  റിക്കോയില്‍  അടുത്തുണ്ടായ ദുരന്തങ്ങള്‍  നേരിടാനും  അവിടത്തെ  ജനങ്ങളെ  സഹായിക്കാനും  ആയുള്ള ധന സമാഹരണം  ആയിരുന്നു  അന്ന്  രാത്രി  നടക്കാന്‍  പോകുന്നത്.സമ്പന്നര്‍   പങ്കെടുക്കുന്ന  ആ  വേദിയില്‍ ഹെന്രി എന്ന ടാക്സ്  അറ്റോര്‍ണിക്ക് ചെയ്യാന്‍  ഏറെ  ഉണ്ടായിരുന്നു.ഹെന്രിയും  അയാളുടെ  സുന്ദരി  ആയ  ഭാര്യയും ആയിരുന്നു  മുഖ്യ  ആകര്‍ഷണം.

  അന്നത്തെ  ദിവസം  ഒരുങ്ങുമ്പോള്‍  ആണ്  അടുത്ത്  നടന്ന  കൊലപാതകത്തെ  കുറിച്ച്  ഉള്ള  ചെറിയ  ഒരു  കാര്യം  അന്വേഷിക്കണം  എന്ന്  പറഞ്ഞു ക്യാപ്റ്റന്‍  വിക്റ്റര്‍  ബെന്സേറ്റ് പോലീസ്  സ്റ്റേഷന്‍  വരെ  വരാന്‍  ആവശ്യപ്പെടുന്നത്.സുഹൃത്തുക്കള്‍  ആയ  അവര്‍  തമ്മില്‍  ഔപചാരികതയുടെ മുഖമൂടി  ഒന്നും  ഇല്ലായിരുന്നു.അത്  കൊണ്ട്  തന്നെ ഹെന്രി  തന്റെ  സുഹൃത്ത്‌  എന്ന  നിലയില്‍   വിക്ട്ടറിനോട്  സംസാരിക്കുന്നു.


   എന്നാല്‍  ആ  സംഭാഷണം നീളും  തോറും   ഹെന്രി  ആ  കുറ്റകൃത്യങ്ങളിലെ  പ്രതി  ആയി  മാറിക്കൊണ്ടിരിക്കുക  ആയിരുന്നു.വിക്റ്റര്‍  നിരത്തിയ  തെളിവുകള്‍ ഹെന്രിയെ  സംശയത്തിന്റെ  മുള്‍മുനയില്‍  ആക്കുന്നു.അയാള്‍  എതിര്‍ത്ത്  നോക്കിയെങ്കിലും....തെളിവുകള്‍..വളരെയധികം താല്‍പ്പര്യത്തോടെ  പോയിരുന്ന  കുറ്റാന്വേഷണം  പിന്നീട്  വേറെ  വഴിയിലൂടെ  സഞ്ചരിക്കുന്നു.ഹെന്രി  എന്ന  സമ്പന്നന്റെ  ഉള്ളിന്റെ  ഉള്ളില്‍  ഉള്ള  മനുഷ്യന്‍  മറ  നീക്കി  പുറത്തു  വരുന്നു.അന്ന്  ആ  പോലീസ്  സ്റ്റേഷനില്‍  നടന്ന  സംഭവങ്ങള്‍  കൂടുതല്‍  അറിയാന്‍  ചിത്രം  കാണുക.പ്രതീക്ഷിക്കാത്ത  ക്ലൈമാക്സും  ചിത്രത്തെ വേറെ  ഒരു  തലത്തില്‍  എത്തിച്ചു..

More movie suggestions @www/movieholicviews.blogspot.ca

695.THE BROTHERS GRIMSBY(ENGLISH,2016)

695.THE BROTHERS GRIMSBY(ENGLISH,2016),|Comedy|Action|,Dir:-Louis Leterrier,*ing:-Sacha Baron Cohen, Mark Strong, Rebel Wilson.


    കോമഡി /സ്പൈ-ആക്ഷന്‍  സിനിമകളുടെ  നല്ല  സമയം  ആണെന്ന്  തോന്നുന്നു  ഇപ്പോള്‍.പ്രേക്ഷകനെ ചിരിപ്പിക്കുന്ന full-entertainment  പാക്കേജ്  എന്ന്  പറയാവുന്ന ഒരു കൂട്ടം  ചിത്രങ്ങള്‍  ആണ്  ഈ  അടുത്ത്  സൂപ്പര്‍  ഹീറോ  ചിത്രങ്ങള്‍ക്കൊപ്പം  വന്നത്.സാച്ച  ബാരോണ്‍  അഭിനയിച്ച  The Brothers Grimsby  യും  അത്തരത്തില്‍  ഉള്ള  ഒരു  ബ്രിട്ടീഷ്  ചിത്രം  ആണ്.28  വര്‍ഷങ്ങള്‍ക്കു  മുന്‍പ് നഷ്ടപ്പെട്ട  സഹോദരനെ  കാത്തിരിക്കുന്ന നോബി  സമൂഹത്തിലെ  ഏറ്റവും  താഴെ  തട്ടില്‍  ആണ്  ജീവിക്കുന്നത്.അടക്കും  ചിട്ടയും  ഇല്ലാത്ത  ജീവിതം.Football  Hooligan  ആയി   നോബി  കുടുംബ  സമേതം  വെള്ളമടിച്ചും  ഫുട്ബോളിനെ  സ്നേഹിച്ചും  ജീവിക്കുന്നു.

     ഇതേ  സമയം  നോബിയുടെ  സഹോദരന്‍  MI6  ന്റെ  ചാരന്‍   ആയി   ജോലി  ചെയ്യുകയായിരുന്നു.അപകടകരമായ  ദൌത്യങ്ങള്‍  അയാള്‍ക്ക്  എന്നും  പ്രിയപ്പെട്ടതായിരുന്നു.നോബിയുടെ  അന്വേഷണം അതിന്‍റെ  ഫലം  കണ്ടൂ.സെബാസ്റ്റിന്‍  എന്ന  നോബിയുടെ  സഹോദരനെ  നോബിയുടെ  സുഹൃത്തുക്കളില്‍  ഒരാള്‍  തിരിച്ചറിഞ്ഞൂ.തന്റെ  സഹോദരനെ  കാണാനായി  നോബി  പോകുമ്പോള്‍ അന്നത്തെ  ദിവസം  സെബാസ്റ്റിന്‍  പ്രധാനപ്പെട്ട  ഒരു ദൌത്യത്തില്‍  ആയിരുന്നു.എന്നാല്‍  നോബിയുടെ  സാമീപ്യം  സെബാസ്ട്ടിന്റെ  ജീവന്‍  തന്നെ  അപകടത്തില്‍  ആക്കി.

   അതിനു  ശേഷം  നടന്ന  സംഭവങ്ങള്‍  ആണ്  ചിത്രം  അവതരിപ്പിക്കുന്നത്‌.സ്ലാപ്സ്റ്റിക്/adult കോമഡികളിലൂടെ  ആണ്  ചിത്രം  അവതരിപ്പിക്കുന്നത്‌.ചിരിപ്പിക്കുന്ന  ധാരാളം  രംഗങ്ങള്‍   ഉണ്ട്  ചിത്രത്തില്‍.ചിത്രം  അത്  കൊണ്ട്  തന്നെ  അവസാനിക്കുമ്പോള്‍ ഒരു  നിരാശ  തോന്നുന്നതും  സ്വാഭാവികം.ഇംഗ്ലീഷ്  കോമഡി  ചിത്രങ്ങളുടെ  ആരാധകര്‍ക്ക്  ഇഷ്ടപ്പെടുന്ന  രീതിയില്‍  ആണ്  ചിത്രം  അവതരിപ്പിച്ചിരിക്കുന്നത്.


More movie suggestions @www.movieholicviews.blogspot.ca

694.INTRUDERS(ENGLISH,2015)

694.INTRUDERS(ENGLISH,2015),|Horror|Thriller|,Dir:-Adam Schindler,*ing:-Rory Culkin, Leticia Jimenez, Jack Kesy.




   ഭയം  മനുഷ്യ  മനസ്സില്‍  എത്തി  ചേരുന്നത്  പല  വഴികളിലൂടെയും  ആയിരിക്കും.ഉള്ളിന്റെ  ഉള്ളില്‍  എങ്കിലും  ഭയം  ഒരാള്‍  അറിയാതെ  തന്നെ  അയാളെ  വേട്ടയാടുന്നുണ്ടായിരിക്കും.Agarophobia-അതായിരുന്നു അന്നയുടെ   രോഗാവസ്ഥയുടെ  പേര്.പുറം  ലോകത്തിനെ  അവള്‍ക്കു  ഭയം  ആയിരുന്നു.പത്തു  വര്‍ഷത്തോളം  ആയി  അവള്‍  ആ  വലിയ  വീടിന്റെ  പുറത്തു  ഇറങ്ങിയിട്ട്.അന്ന  അവളുടെ  സഹോദരന്‍  ആയ  കോനാര്‍ഡിന്റെ ഒപ്പം  ആയിരുന്നു  താമസം.കാന്‍സര്‍  ബാധിതനായി  അവസാന   നാളുകള്‍ തള്ളി  നീക്കാന്‍ അയാള്‍  ബുദ്ധി  മുട്ടിയിരുന്നു.

   എന്നാല്‍  അത്  അവസാനം   സംഭവിക്കുന്നു.ധനികനായ  അയാള്‍  ധനികന്‍  ആയി  തന്നെ  മരിക്കുന്നു.പുറം  ലോകത്തെ  നേരിടാന്‍  ഭയക്കുന്ന  സ്വന്തം അനുജത്തിയെ  തനിച്ചാക്കി  അയാള്‍  തന്റെ  ജീവിതത്തിലെ  അവസാന  ശ്വാസം  വലിക്കുന്നു.ഈ  കാലയളവില്‍  അവര്‍ക്ക്  ഭക്ഷണം  വീട്ടില്‍  കൊണ്ട്  വന്നിരുന്ന  ഡാന്‍  എന്ന  യുവാവിനു  അന്ന  കുറച്ചു  പണം  നല്‍കുന്നു.അവനോടു  അതും  കൊണ്ട്  രക്ഷപെടാന്‍  ആവശ്യപ്പെടുന്നു.എന്നാല്‍  അടുത്ത  ദിവസം  അന്ന  ഇരയായി  മാറുന്നു.വീട്ടില്‍  കടന്നു  വന്ന  മൂന്നു  ആളുകള്‍.

  അതി  ക്രൂരന്മാരായ ക്രിമിനലുകള്‍  ആയിരുന്നു  അവര്‍.എന്നാല്‍  ഇവിടെ  ആണ്  ഈ ചിത്രത്തിലെ  ട്വിസ്റ്റ്.അന്നയെ  കൊള്ളയടിക്കാന്‍  വന്ന  അവര്‍  അവളുടെ  ജീവിതം  ദുസ്സഹം  ആക്കുമ്പോള്‍  അവര്‍  അറിഞ്ഞിരുന്നില്ല  ആ  വലിയ  വീട്ടില്‍  ഉറങ്ങി  കിടന്നിരുന്ന  സത്യങ്ങള്‍.ഒരു  പക്ഷെ പ്രേക്ഷകനോടൊപ്പം   ക്ഷണിക്കപ്പെടാത്ത  ആ  അതിഥികളും ഒരു  പക്ഷെ  അമ്പരന്നിരിക്കാം.ആ  വലിയ  വീട്ടില്‍  പിന്നീട്  എന്ത് സംഭവിച്ചു  എന്നറിയാന്‍  ചിത്രം  കാണുക.സമാനമായ  പശ്ചാത്തലത്തില്‍  ചിത്രങ്ങള്‍  പലതും  ക്ലീഷേ  ആയി  വന്നിട്ടുണ്ടെങ്കിലും   ഇങ്ങനെ  ഒരു  മാറ്റം  ആദ്യമായാണ്  കണ്ടത്  എന്നത്  കൊണ്ട്  തന്നെ  ഈ  ചിത്രം  വളരെയധികം  ഇഷ്ടപ്പെട്ടൂ.


More movie  suggestions @www.movieholicviews.blogspot.ca 

693.THE COLLECTION(ENGLISH,2012)

693.THE COLLECTION(ENGLISH,2012),|Horror|Thriller|,Dir:-Marcus Dunstan,*ing:- Josh Stewart, Emma Fitzpatrick, Christopher McDonald.


      ആദ്യ  ഭാഗത്തില്‍  ഉണ്ടായതിന്‍റെ  ബാക്കി  ആയി  ആണ്  The Collection  ആരംഭിക്കുന്നത്.അര്‍ക്കിന്‍   ഈ  തവണ  നേരിടുന്നത്  അന്ന്  രാത്രി  നടന്ന  സംഭവങ്ങള്‍ അര്‍ക്കിന്റെ  ജീവിതത്തെ  മൊത്തം  മാറ്റി  മറിച്ചിരിക്കുന്നു.ആശുപത്രിയില്‍  ആയ  അര്‍ക്കിനെ  അന്വേഷിച്ചു  ആണ്  അവര്‍  എത്തുന്നത്‌.അതെ  അപകടം  സംഭവിച്ചിരിക്കുന്നു.അന്ന്  നടന്ന  ദു:സ്വപ്നം  വീണ്ടും  ആവര്‍ത്തിക്കുന്നു.ഒരു  പക്ഷെ  അന്ന്  രാത്രിയില്‍  നടന്നതിലും  അതി  ഭീകരം  ആയ  സംഭവങ്ങള്‍ .

    കോടീശ്വരന്റെ  മകള്‍  ആയ   എലീന   അന്ന് രാത്രി  പോയ  പാര്‍ട്ടിയില്‍  ആണ്  ആ  അപകടം  വീണ്ടും  സംഭവിക്കുന്നത്‌.ഏതു  വിധേയനെയും  അവളെ  കണ്ടെത്താന്‍  ശ്രമിക്കുമ്പോള്‍ അര്‍ക്കിന്‍  വീണ്ടും  അതില്‍  പങ്കാളി  ആകേണ്ടി  വരുന്നു.നേരിട്ട  ആദ്യ  അപകടത്തില്‍  നിന്നും  വീണ്ടും  അതെ  വേഗത്തില്‍   മനസ്സില്‍  ഇഷ്ടം  ഇല്ലാതിരുന്നിട്ട്   കൂടി  അര്‍ക്കിന്‍  പോകുന്നു.വീണ്ടും  അറിഞ്ഞു  കൊണ്ട്  അപകടത്തിലേക്ക് കാലെടുത്തു  വയ്ക്കാന്‍ ആര്‍ക്കിന്‍  യാത്ര  ആകുന്നു.

   ശരിക്കും  ഈ  രണ്ടു  ചിത്രത്തിലും  The Collector  എന്ന  കഥാപാത്രത്തെ ,അത്  സൂക്ഷിച്ചിരുന്ന  നിഗൂഡത  ശ്രദ്ധേയം  ആണ്.ഒപ്പം ആ  കഥാപാത്രത്തിന്റെ  ലക്ഷ്യങ്ങള്‍  ,എന്തിനാണ്  തന്റെ  കൃത്യങ്ങളുടെ  തിരു  ശേഷിപ്പ്   പോലെ  തന്‍റെ ഇരകളെ  സൂക്ഷിക്കുന്നത്  എന്നും  ഈ  ചിത്രം  ഉള്ള മിത്തുകള്‍ക്ക്‌  കൂടുതല്‍  തെളിവുകള്‍  നല്‍കുന്നു  ഈ  ഭാഗം.ആദ്യം  ഭാഗത്തിന്റെ  ബാക്കി  അറിയാന്‍  ആകാംക്ഷ  ഉള്ളവര്‍ക്ക്  ഈ  ചിത്രവും   ഇഷ്ടമാകും.

More movie suggestions @www.movieholicviews.blogspot.com

692.THE COLLECTOR(ENGLISH,2009)

:-
692.THE COLLECTOR(ENGLISH,2009),|Thriller|Horror|,Dir:-Marcus Dunstan,*ing:-Josh Stewart, Andrea Roth, Juan Fernández .


     ഒരു  ദിവസത്തില്‍  നടക്കുന്ന  സംഭവങ്ങള്‍  ആണ്  The Collector  എന്ന  ചിത്രത്തിന്റെ  പ്രമേയം.ചില  ആളുകള്‍ തെറ്റായ  സമയം  ചില  സ്ഥലത്ത്  എത്തി  പോകും  എന്ന്  കേട്ടിട്ടില്ലേ??അത്  പോലെ ആയിരുന്നു അര്‍ക്കിന്റെ  അവസ്ഥയും.ആര്‍ക്കിന്‍  ജീവിതത്തിന്റെ  രണ്ടറ്റവും  കൂട്ടി  മുട്ടിക്കാന്‍  കഷ്ടപ്പെടുകയാണ്.മോഷണ  കുറ്റങ്ങളില്‍  പ്രതിയായ  അയാള്‍ക്ക്‌  നല്ല  ജോലികള്‍  ഒന്നും  കിട്ടാത്തത്  കൊണ്ട്  ചെറിയ  ജോലികളില്‍  അഭയം  തേടിയിരിക്കുക  ആണ്  അയാള്‍.ഒരു  മകളും  ഭാര്യയും  അടങ്ങിയ കുടുംബം  ആയിരുന്നു  അയാളുടേത്.എന്നാല്‍ ഭാര്യയ്ക്ക് ഉണ്ടായിരുന്ന  ചില  കടങ്ങള്‍  വന്‍കിട   കൊള്ള  പലിശക്കാരില്‍  നിന്നും  ഉള്ളതായിരുന്നു.


   പതിവ്  പോലെ  അന്നത്തെ  ജോലി  കഴിഞ്ഞു  തിരിച്ചെത്തിയ  അര്‍ക്കിനോട്  ഭാര്യ   അന്ന്  അര്‍ദ്ധ രാത്രി  വരെ  തന്റെ  കടം  തിരിച്ചു  അടയ്ക്കാന്‍  സമയം  ഉണ്ടെന്നും  അല്ലെങ്കില്‍  അവിടം  വിട്ടു  എവിടെയെങ്കിലും പോയി  രക്ഷപ്പെടാന്‍  ശ്രമിക്കും  എന്നും  പറയുന്നു.എന്നാല്‍  ഭാര്യയെ  പിരിയാന്‍  ആഗ്രഹം  ഇല്ലാതിരുന്ന  അര്‍ക്കിന്‍  അന്ന്  അര്‍ദ്ധ  രാത്രിക്ക്  മുന്‍പ്  പണം  ഒപ്പിക്കും  എന്ന്  ഉറപ്പു  കൊടുക്കുന്നു.അന്ന്  പകല്‍  ജോലി  ചെയ്ത  വീട്ടില്‍  ആരും  ഇല്ല  എന്നും  അവിടെ  തന്റെ  ആവശ്യങ്ങള്‍  നിറവേറ്റാന്‍  ഉള്ള  എല്ലാം  ഉണ്ടെന്നും അര്ക്കിന്  അറിയാമായിരുന്നു.

  അന്ന്  രാത്രി  ആ  വീട്ടില്‍  കയറിയ  അര്‍ക്കിന്‍  എന്നാല്‍  നേരിടാന്‍  പോയത്  തന്റെ  ജീവിതത്തിലെ  ഏറ്റവും  വലിയ  ദു:സ്വപ്നം  ആയിരുന്നു.ഒരു  മനുഷ്യായുസ്സില്‍  കാണാവുന്നതിനും  അപ്പുറം  ഭീകരത.ആരും  ഇല്ല  എന്ന്  കരുതിയ  വീട്ടില്‍  എന്തായിരുന്നു  അര്‍ക്കിന്‍  നേരിട്ടത്?കൂടുതല്‍  അറിയാന്‍  ചിത്രം  കാണുക.Gore/Horror  ചിത്രങ്ങള്‍ ഇഷ്ടമുള്ളവര്‍ക്ക് കണ്ടു  നോക്കാവുന്ന  ചിത്രങ്ങളില്‍  ഒന്നാണ് The Collector.  


More movie  suggestions @www.movieholicviews.blogspot.ca

Tuesday, 16 August 2016

691.CLEANER(ENGLISH,2007)

691.CLEANER(ENGLISH,2007),|Mystery|Crime|,Dir:-Renny Harlin,*ing:-Samuel L. Jackson, Ed Harris, Eva Mendes.



     ഭൂതക്കാലം  വേട്ടയാടുന്ന  മനുഷ്യന്‍.അയാള്‍ക്ക്‌ പല നഷ്ടങ്ങള്‍  ഉണ്ടായിട്ടുണ്ട്  ജീവിതത്തില്‍.പോലീസ്  ഉദ്യോഗസ്ഥന്‍  ആയിരുന്നിട്ടും  കൊലപാതകിയുടെ  വെടിയേറ്റ്‌  മരിക്കുന്ന  ഭാര്യ.രഹസ്യം  ആയെങ്കിലും  കളങ്കിതം  ആയി  മാറിയ  ഉദ്യോഗം.തോമസ്‌  കട്ലര്‍ എന്ന മുന്‍ക്കാല  പോലീസ്  ഉദ്യോഗസ്ഥന്‍  ഇപ്പോള്‍  തിരഞ്ഞെടുത്തിരിക്കുന്ന  ജോലിയുടെ  പുറകില്‍  ഇങ്ങനെ  ചില  കാരണങ്ങള്‍  കൂടി  ഉണ്ട്.വളര്‍ന്നു  വരുന്ന  മകള്‍.അമ്മയുടെ  മരണം  മുന്നില്‍  കണ്ട  അവളുടെ  ജീവിതത്നു  അയാള്‍ക്ക്‌  കൊടുക്കണ്ട  പ്രാധാന്യം .അങ്ങനെ  ഉള്ള  സംഭവങ്ങള്‍  അയാളെ  പോലീസ്  ജോലിയില്‍  നിന്നും  വിരമിപ്പിക്കാന്‍  ഉള്ള  തീരുമാനത്തില്‍  എത്തിക്കുന്നു.അയാള്‍  കണ്ടെത്തിയ  പുതിയ  ജോലി ഒരു  ക്ലീനര്‍  ആയിരുന്നു.


   ക്ലീനര്‍  എന്ന്  പറഞ്ഞാല്‍  സാധാരണ  ക്ലീനര്‍ അല്ല.മരണം  വരെ കച്ചവടവല്‍ക്കരിക്കുന്ന ഈ  കാലത്ത്  മരിച്ചവര്‍ ബാക്കി  ആക്കി  പോയ  അവരുടെ  ജീവന്‍റെ  ശേഷിപ്പുകളെ പുറന്തള്ളുക  എന്നതായിരുന്നു.മരിച്ചു  കഴിയുമ്പോള്‍ വെറും  മൃതദേഹം   മാത്രം  ആയി  മാറുന്നവരുടെ  ജീവന്റെ  അവശിഷ്ടങ്ങള്‍  വീടുകളില്‍  നിന്നും  മാറ്റുക.തോമസ്‌ ആ  ജോലിയില്‍  ആണ്  ഇപ്പോള്‍.അങ്ങനെ  ഒരു  ദിവസം  തോമസിന്  ഒരു  ദൌത്യം  ലഭിച്ചു.കൊല്ലപ്പെട്ട  ഒരാളുടെ  രക്ത  കറകള്‍  ഒരു  വീട്ടില്‍  നിന്നും  മാറ്റാനായി.ഒപ്പം മറ്റു  വിവരണങ്ങളും.തോമസ്‌  എന്നത്തേയും  പോലെ  തന്റെ  ജോലി  ചെയ്തു  തിരിച്ചു  വരുന്നു.എന്നാല്‍  പിറ്റേ  ദിവസം ചെയ്ത  ജോലിയുടെ  ബില്‍  കൊടുക്കാന്‍  ആയി  പോകുമ്പോള്‍  ആണ്  അയാള്‍  അത്  മനസ്സിലാക്കുന്നത്.അവിടെ  അങ്ങനെ  ഒരു  കൊലപാതകം  നടക്കുകയോ ആരും  മരണപ്പെടുകയോ  ചെയ്തിട്ട്  ഇല്ല  എന്ന്.

    സാങ്കേതികം  ആയി  പറഞ്ഞാല്‍  തോമസിനും  കൊല  നടത്തിയ  ആള്‍ക്കും  അറിയാവുന്ന  ഒരു  കൊലപാതകം  തെളിവുകള്‍  പോലും  അവശേഷിപ്പിക്കാതെ  കുഴിച്ചുമൂടി  എന്ന്.ആരാണ്  ഇതിനു  പിന്നില്‍??തോമസിനെ  വച്ച്  കളിച്ചത്  ആരാണ്??കൂടുതല്‍  വിവരങ്ങള്‍  അറിയാന്‍  ചിത്രം  കാണുക.വളരെ  സാധ്യതകള്‍  ഉള്ള  ഒരു   കഥ  ആയിരുന്നു  ഈ  ചിത്രത്തിന്  ഉണ്ടായിരുന്നത്.ഒരു  മികച്ച  ത്രില്ലര്‍  ആയി  മാറാന്‍  ഉള്ള  എല്ലാ സാഹചര്യവും.പൂര്‍ണമായും  മികച്ചതെന്നു  പറയാന്‍  സാധിക്കില്ലെങ്കിലും  മികച്ച  അവതരണം  ഉള്‍പ്പടെ  ഉള്ള  കാര്യങ്ങള്‍ അവസാനം  അല്‍പ്പം  ദുര്‍ബലം  ആയി  പോയ  കഥയെ  മികച്ചതാക്കി  മാറ്റി.ത്രില്ലര്‍  സിനിമ  പ്രേമികള്‍ക്ക്  ഇഷ്ടമാകുന്ന  രീതിയില്‍  ആണ്  ചിത്രത്തിന്റെ  അവതരണം  എന്ന്  പറയാം.


More movie sugestions @www/movieholicviews.blogspot.ca

Sunday, 14 August 2016

690.13 SINS(ENGLISH,2014)

690.13 SINS(ENGLISH,2014),|Thriller|Mystery|,Dir:-Daniel Stamm,*ing:-Mark Webber, Devon Graye, Tom Bower


  Conspiracy Theory കള്‍  നമ്മുടെ  ചുറ്റും  നടക്കുന്ന  ഓരോ  പ്രധാനപ്പെട്ട  സംഭവങ്ങളെ  ആധാരം  ആക്കി   വരാറുണ്ട്.രാഷ്ട്രത്തലവന്മാര്‍,രാഷ്ട്രീയ  നിലപാടുകള്‍ മുതല്‍ ദുരന്തങ്ങള്‍  പോലും  പലപ്പോഴും ഇത്തരം  തിയറികള്‍  ആയി  ബന്ധിപ്പിക്കാറുണ്ട്  ചിലര്‍.പലപ്പോഴും  അവ  ചെന്നെത്തുന്നത്  ലോകം  ഭരിക്കുന്നു  അല്ലെങ്കില്‍  ലോകത്തിലെ  കാര്യങ്ങള്‍  നിയന്ത്രിക്കുന്നു   എന്ന്  കരുതുന്ന  രഹസ്യ  ഗ്രൂപ്പുകളില്‍ ആയിരിക്കും.വിശ്വസനീയം  എന്ന്  തോന്നുന്ന  കെട്ടുക്കഥകള്‍  ആണ്  പലതെങ്കിലും  അവയൊക്കെ  ഒരു  ത്രില്ലര്‍  പോലെ വായിച്ചിരിക്കാന്‍  തോന്നും.ഇത്തരത്തില്‍ കെട്ടുക്കഥ ആണോ  അതോ മറ്റെന്തെങ്കിലും  ആണോ  എന്ന്  ചിന്തിക്കാന്‍  പോലും  കഴിയാത്ത  ചില  സംഭവങ്ങളുടെ  ആവിഷ്ക്കാരം  ആണ്  13  Sins.

   Saw,Cube  പരമ്പരകള്‍ പോലെ  ജീവിക്കാനായി  അടച്ചു  വയ്ക്കപ്പെട്ട  അന്തരീക്ഷത്തില്‍  നിന്നും  രക്ഷപ്പെടാന്‍  ശ്രമിക്കുന്ന  കഥാപാത്രങ്ങളുടെ  കഥ  പറയുന്ന  ധാരാളം  ചിത്രങ്ങള്‍  ഉണ്ട്.അതെ  പ്രമേയം  ആണെങ്കിലും  ഈ  ചിത്രത്തിന്  അവയില്‍  നിന്നും  വ്യത്യാസം  ഉണ്ടാകുന്നത് തുടക്കത്തില്‍  എളുപ്പം  ആയി  തോന്നുകയും  പിന്നീട് ഇരയെ  കുരുക്കുന്ന  പെരുമ്പാമ്പ്‌  പോലെ മത്സരാര്‍ത്ഥിയെ കുരുക്കുന്ന  കളിയുടെ  രീതിയും  ആണ്.ജീവിതത്തില്‍  ആകെ  തകര്‍ന്നു  നില്‍ക്കുന്ന എലിയട്ടിനു തന്റെ  ഫോണില്‍  വന്ന സന്ദേശം  അത്തരത്തില്‍  ഒന്നാണ്.മത്സരത്തില്‍  പങ്കെടുക്കുക.വിജയിച്ചാല്‍  അയാളുടെ  പ്രശ്നങ്ങള്‍  എല്ലാം  തീരും.അയാള്‍ക്ക്‌  എപ്പോള്‍  വേണമെങ്കിലും  മത്സരത്തില്‍  നിന്നും  പിന്മാറാന്‍  ഉള്ള  അവസരം  ഉണ്ട്.എന്നാല്‍ പിന്മാറിയാല്‍  അയാള്‍  സമ്പാദിച്ചതെല്ലാം  നഷ്ടം  ആവുകയും  ചെയ്യും.എളുപ്പം  ഉള്ള  ദൌത്യങ്ങള്‍  ആയിരുന്നു  തുടക്കം.എന്നാല്‍  എലിയട്ടിനെ  പിന്നെ  കാത്തിരുന്നത് അപകടകരമായ  ദൌത്യങ്ങള്‍  ആയിരുന്നു.


  സ്വന്തം  സ്വഭാവത്തില്‍  നിന്നും  എലിയട്ടിനെ  മാറ്റുക  എന്നതായിരുന്നു  ആ മത്സരങ്ങളുടെ  ഉദ്ധേശ ശുദ്ധി  എന്ന്  തോന്നി പോകുമെങ്കിലും അയാള്‍ക്ക്‌  നേരിടേണ്ടി  വരുന്ന  സാഹചര്യങ്ങള്‍  പലതായിരുന്നു.അപകടകരമായ  പ്രവര്‍ത്തികള്‍,സാഹചര്യങ്ങള്‍.അയാള്‍  പലപ്പോഴും  അത്  ആസ്വധിക്കുന്നുണ്ടോ  എന്ന്  പോലും  തോന്നി  പോകും.എലിയട്ടിനെ  കാത്തിരുന്നത്  എന്താണെന്ന്  കൂടുതല്‍  അറിയാന്‍  ചിത്രം  കാണുക.മേല്‍പ്പറഞ്ഞ  സംഭവങ്ങള്‍ പലപ്പോഴായി ചിന്നി  ചിതറി  അവതരിപ്പിച്ചിട്ടുണ്ട്  ചിത്രത്തില്‍.അതായത്  നേരത്തെ  പറഞ്ഞ  Conspiracy  Theory ഒക്കെ.ഇത്തരം  ചിത്രങ്ങളോട്  ഉള്ള  താല്‍പ്പര്യം  കാരണം  ആണെന്ന്  തോന്നുന്നു,ചിത്രം  നന്നായി  ഇഷ്ടപ്പെട്ടൂ.

More movie  suggestions @www.movieholicviews.blogspot.ca

689.NEIGHBORS 2:SORORITY RISING(ENGLISH,2016)

689.NEIGHBORS 2:SORORITY RISING(ENGLISH,2016),|Comedy|,Dir:-Nicholas Stoller,*ing:-Seth Rogen, Rose Byrne, Zac Efron.


    സേത്ത്  റോജന്‍  ടീമിന്‍റെ Bad Neighbors 2:Sorrority Rising  ആദ്യ  ഭാഗത്തിന്റെ  അതെ  രീതിയില്‍  തന്നെ  ആണ്  അവതരിപ്പിച്ചിരിക്കുന്നത്.ആദ്യ ഭാഗത്തില്‍ അയല്‍ക്കാരും ആയി  പ്രശ്നങ്ങള്‍  ഉണ്ടാകുന്ന മാക്-കെല്ലി എന്നിവര്‍ ഇത്തവണ തങ്ങളുടെ വീട് വില്‍ക്കാന്‍  ഉള്ള പ്ലാനില്‍  ആണ്.അവരുടെ മകള്‍  വളര്‍ന്നിരിക്കുന്നു.സമാധാനമായി  പോകുന്ന  അവര്‍  പുതിയ  വീട്  വേറെ  കണ്ടു  വച്ചിട്ടുണ്ട്.ആ  സമയം  ആണ് ആദ്യ  ഭാഗത്തിലെ ടെഡി  തന്റെ  പഴയ  കൂട്ടുകാരുമായി  ഉള്ള  പിണക്കത്തില്‍  സ്ഥലം  വിടുന്നതും  പഴയ  സ്ഥലത്ത്  എത്തുന്നതും


  ഇതേ  സമയം മറ്റൊരു സ്ഥലത്ത്  ശേല്‍ബ്ബി  എന്ന  ടീനേജില്‍  നിന്നും  പുറത്തു  കടന്നു  സ്വതന്ത്രയാകാന്‍  ശ്രമിക്കുന്നു.അവള്‍  മനസ്സിലാക്കുന്നു  ഒരു  സത്യം.എല്ലാ രാത്രി  പാര്‍ട്ടികളും  ആണുങ്ങളുടെ  മേധാവിത്തം  ഉള്ളതാണ്.അതില്‍  നിന്നും  ഒരു  മാറ്റം  വരണം  എന്ന്  അവള്‍ക്ക്  തോന്നുന്നു.അവള്‍  അതിനായി  പദ്ധതികള്‍  ഒരുക്കുന്നു.അവള്‍  ഈ  സമയം  ആണ്  ടെഡിയെ  കാണുന്നത്  അവള്‍ക്കും  കൂട്ടര്‍ക്കും  ഉള്ള  സഹായം  ചെയ്തു  കൊടുക്കാം  എന്നവന്‍  സമ്മതിക്കുന്നു,എന്നാല്‍  ടെഡിയുടെ  മനസ്സില്‍  കുറെ  പ്ലാനുകള്‍  ഉണ്ടായിരുന്നു..ശെല്‍ബിക്കും..!!

   എന്നാല്‍  ഇവരുടെ  രണ്ടു  പേരുടെയും  പദ്ധതികള്‍ മാക്-കെല്ലി  ദമ്പതികള്‍ക്ക്  പ്രശ്നം  ഉണ്ടാക്കുന്നു.അവര്‍  വീണ്ടും  ആദ്യ  ഭാഗത്തിലെ  പോലെ  പ്രശ്നങ്ങളില്‍  ചെന്ന്  ചാടുന്നു.ഈ  ചിത്രത്തില്‍  സ്ത്രീകളുടെ  അവകാശങ്ങള്‍,സ്വ വര്‍ഗക്കാരുടെ  അവകാശങ്ങള്‍   തുടങ്ങിയ  വിഷയങ്ങളെ  പ്രതിപാദിക്കുന്നതിനോടൊപ്പം പെണ്‍ക്കുട്ടികളെ  വളര്‍ത്തുന്ന  അമേരിക്കന്‍  മാതാപിതാക്കളുടെ  കൌതുകത്തെ  കുറിച്ചും  പരാമര്‍ശങ്ങള്‍  ഉണ്ട്.സേത്ത് റോജന്‍  സിനിമകളുടെ  സ്ഥിരം  ഫോര്‍മാറ്റ്  ആണെങ്കിലും  ആ  ചിത്രങ്ങള്‍  ഇഷ്ടം  ആകുന്നവര്‍ക്ക്  ഈ  ചിത്രവും  രസിപ്പിക്കും.

  More movie suggestions @www.movieholicviews.blogspot.ca

  

Saturday, 13 August 2016

688.CLOWN(ENGLISH,2014)

688.CLOWN(ENGLISH,2014),|Horror|Fantasy|,Dir:-Jon Watts,*ing:-Andy Powers, Laura Allen, Peter Stormare


  സര്‍ക്കസില്‍  ഉള്ള  കോമാളിക്ക് ആളുകളെ  ചിരിപ്പിക്കുക  എന്നതാണ്  ജോലി.സ്വയം  സംഭവിക്കുന്ന  മണ്ടത്തരങ്ങള്‍ സര്‍ക്കസ്  കാണികളെ അമാനുഷികം  എന്ന്  പറയാവുന്ന പ്രവര്‍ത്തികളിലൂടെ  അമ്പരപ്പിക്കുന്ന  പ്രകടനം  നടത്തുന്നവരുടെ  ഇടയില്‍ കോമാളികളെ  എന്നും  വേറിട്ട്‌  നില്‍ക്കുന്നു.ഈ  കോമാളിക്ക് ഭീതി  ഉണര്‍ത്തുന്ന ഒരു  മിത്തിന്റെ  അകമ്പടിയോടെ അവതരിപ്പിച്ചിരിക്കുന്ന കനേഡിയന്‍-അമേരിക്കന്‍  ചിത്രം  ആണ്  Clown.ഇറ്റലിയില്‍  ഈ  ചിത്രത്തിന്റെ  പോസ്റ്ററുകള്‍  നിരോധിച്ചിരുന്നു.സ്ഥിരം  ഹൊറര്‍  ഫോര്‍മുലയില്‍ ഒരുക്കിയ ,എന്നാല്‍ ഹൊറര്‍  സിനിമ  ആസ്വാധകര്‍ക്ക്  ഇഷ്ടം  ആകുന്ന  സൂപ്പര്‍   നാച്വറല്‍ ത്രില്ലര്‍  ആണ്  Clown.


  സാധാരണക്കാരന്‍  ആയിരുന്നു കെന്റ്.മകനും  ഭാര്യയും  ആയി  സമാധാനപരമായ  ഒരു  കുടുംബ  ജീവിതം  ആയിരുന്നു  അയാള്‍ക്ക്‌  ഉണ്ടായിരുന്നത്.എന്നാല്‍ അന്ന് മകന്‍ ജാക്കിന്റെ  പിറന്നാള്‍  ആഘോഷത്തിനായി  നിയോഗിച്ചിരുന്ന  കോമാളി  വരില്ല  എന്ന്  പറയുന്നതോടെ  ആണ്  ചിത്രത്തിലെ  മുഖ്യ  സംഭവങ്ങള്‍  ആരംഭിക്കുന്നത്.പകരത്തിനു  ആളെ  കിട്ടാതെ  ആയപ്പോള്‍ വീട് വില്‍പ്പനക്കാരന്‍ ആയി  ജോലി  ചെയ്യുന്ന  കെന്റ്  അന്ന്  വില്‍ക്കാന്‍  വേണ്ടി  ഉദ്ദേശിക്കുന്ന  വീട്ടില്‍  നിന്നും  ആണ്  ആ  വേഷം  കിട്ടുന്നത്.ഒരു  കോമാളിയുടെ  വേഷം  ആയിരുന്നു  അത്.അയാള്‍  അന്നത്തെ  പാര്‍ട്ടിയില്‍  കോമാളിയുടെ  വേഷം  കെട്ടുന്നു.

   എന്നാല്‍  പിറ്റേ  ദിവസം  ആ  വേഷം അഴിച്ചു  മാറ്റാന്‍  സാധിക്കില്ല  എന്ന്  അയാള്‍  മനസ്സിലാക്കുന്നു.കെന്റ്  അതിനായുള്ള  ശ്രമങ്ങള്‍  തുടങ്ങുന്നു.എന്നാല്‍ അയാളെ  കാത്തിരുന്നത്  വലിയ  ഒരു  അപകടം  ആയിരുന്നു.തനിക്കും  തന്റെ  ചുറ്റും  ഉള്ളവര്‍ക്കും  ഉണ്ടാകുന്ന വലിയൊരു  അപകടം.അതിനെ  പിന്താങ്ങാന്‍  ഒരു  മിത്തും.കെന്ടിന്റെയും  കുടുംബത്തിന്റെയും  ഒപ്പം  ചുറ്റും  ഉള്ളവരുടെയും  ജീവിതം  ആണ്  പിന്നീട്  ചിത്രത്തില്‍  അവതരിപ്പിക്കുന്നത്‌.എന്തായിരുന്നു  കെന്റിന്റെ  പുതിയ  ജീവിതത്തിലെ  അപകടം?അയാള്‍ ആ  സാഹചര്യത്തെ  എങ്ങനെ  നേരിടുന്നു??കൂടുതല്‍ അറിയാന്‍  ചിത്രം  കാണുക.സമാനമായ  പലതരം  ചിത്രങ്ങള്‍  വന്നിട്ടുണ്ടെങ്കിലും  Clown  എന്ന  ചിത്രം  അവയില്‍  മികച്ചത്  എന്ന്  പറയാവുന്ന  ചിത്രങ്ങളുടെ  കൂട്ടത്തില്‍  ഉള്‍പ്പെടുത്താം.

More movie  suggestions @www.movieholicviews.blogspot.ca

  

Friday, 12 August 2016

687.THE NICE GUYS(ENGLISH,2016)

687.THE NICE GUYS(ENGLISH,2016),|Action|Comedy|Thriller|,Dir:- Shane Black,*ing:-Russell Crowe, Ryan Gosling, Angourie Rice.


   ഈ  വര്ഷം  കണ്ട  ചിത്രങ്ങളില്‍  സിനിമ  കഴിഞ്ഞൂ  എന്ന്  മനസ്സിലായപ്പോള്‍  വിഷമം   തോന്നിയത്  The Nice  Guys കണ്ടപ്പോള്‍  ആണ്.ശരിക്കും  Fun-Entertainment  എന്നൊക്കെ  പറയുമ്പോള്‍  ഈ  ചിത്രം  പോലെ  ആകണം  എന്ന്  തോന്നി  പോയി.ഇപ്പോള്‍  എല്ലാ  വര്‍ഷവും  ഇത്  പോലത്തെ  ചിത്രങ്ങള്‍ ജിം-സേത്ത്-ആഡം  അല്ലാതെ  വേറെയും  വരുന്നുണ്ട്  എന്നതും,ഒരേ  രീതിയില്‍  അല്ലാതെ  വലിയ  ഒരു  താരനിരയും  ആയി  വരുന്നതെന്ന്  കാണാം.Spy,The Man from U.N.C.L.E,Kingsman:The Secret Service ഒക്കെ സിനിമ  കഴിഞ്ഞല്ലോ  എന്ന്  ഓര്‍ത്തു  വിഷമം  തോന്നിയിരുന്നു.ആ  കൂട്ടത്തില്‍  ആണ്  The Nice Guys ഉം.


   മുന്‍ പറഞ്ഞ  സിനിമകളെ  പോലെ  ചാരന്മാരുടെ  കഥ  അല്ലെങ്കിലും  ഇവരും  അന്വേഷണത്തില്‍  ആണ്.പ്രൈവറ്റ്  കുറ്റാന്വേഷണ വിദഗ്ധര്‍  ആയ ജാക്സന്‍ ഹീലി,ഹോളണ്ട് മാര്‍ച്ച്‌  എന്നിവര്‍  ആണവര്‍.വലിയ  മേന്മ ഒന്നും  അവകാശപ്പെടാന്‍  ഇല്ലാത്ത  ജീവിതങ്ങള്‍.ഹോളണ്ട്  മാര്‍ച്ച്  മകളുടെ  ഒപ്പം  ജീവിക്കുന്നു.ജാക്സണ്‍  ഒറ്റയ്ക്കും.1977  ല്‍  നടക്കുന്ന  സംഭവങ്ങളെ  ആസ്പദം  ആക്കിയാണ്  ഈ രസാല്‍  ക്രോ-റയാന്‍  ഗോസ്ലിംഗ്  പടം  ഒരുങ്ങിയിരിക്കുന്നത്.റസല്‍  ക്രോയുടെ  അടുത്തിറങ്ങിയ  ചിത്രങ്ങള്‍  പലതും പാളി  പോയെങ്കിലും  അതിന്റെ  എല്ലാം  കുറവ്  നികത്താന്‍  ഈ  ചിത്രത്തിന്  കഴിഞ്ഞൂ.റയാന്‍  ഗോസ്ലിങ്ങിന്റെ  കഥാപാത്രം  ശരിക്കും ചിരിപ്പിച്ചു.അമേരിക്കയിലെ  ഡിസ്ക്കോ-പോര്‍ണ്‍  സ്വാധീനം  ഈ  ചിത്രത്തില്‍  ഉടന്നീളം  കാണാം.ഒപ്പം അന്നത്തെ  രാഷ്ട്രീയ  സാഹചര്യങ്ങളും.എന്നാല്‍  ഇവയെല്ലാം  സരസമായി  അവതരിപ്പിച്ചിരിക്കുന്നു.


  ഒരു  പോര്‍ണ്‍  ചിത്ര  നടി ആയ മിസ്റ്റി അപകടത്തില്‍   മരിക്കുന്നതും  അവര്‍  പിന്നീട്  ജീവനോടെ  ഉണ്ടെന്നും ഉള്ള  അവരുടെ  ബന്ധുവിന്റെ അവകാശ  വാദവും  ആണ് ചിത്രത്തിന്റെ  തുടക്കം.ജാക്സന്‍-ഹോളണ്ട്  എന്നിവര്‍  വെവ്വേറെ  വഴിയിലൂടെ  ആയിരുന്നെങ്കില്‍  പോലും ഈ  മരണത്തോട്   നേരിട്ട്  ബന്ധം  ഉണ്ടാകില്ല  എന്ന്  കരുതിയിരുന്ന  സംഭവങ്ങള്‍ ഇവരെ  ഒന്നിപ്പിക്കുന്നു.അതിനു  ശേഷം  സാധാരണ  കഴിവുകള്‍  ഉള്ള രണ്ടു  സ്വതന്ത്ര  അന്വേഷണ  ഉദ്യോഗസ്ഥരുടെ  കഥയാണ്  ചിത്രം  അവതരിപ്പിക്കുന്നത്‌.ജനകീയം  ആയ  ഫോര്‍മാറ്റില്‍  അണിയിച്ചൊരുക്കിയ  ചിത്രം  ആണ്  The Nice  Guys.രസകരമായ  ഒരു  ചിത്രം  കാണണം  എന്ന്  തോന്നിയാല്‍  തീര്‍ച്ചയായും  ഈ  ചിത്രത്തിന്  വേണ്ടി  കുറച്ചു  സമയം  ചിലവഴിക്കാം.


  More movie suggestions @www.movieholicviews.blogspot.com

Thursday, 11 August 2016

686.INSANE(KOREAN,2016)

686.INSANE(KOREAN,2016),|Thriller|Mystery|,Dir:-Lee Chul-Ham*ing:-Gang Ye-Won,Lee Sang-Yoon


   ഒരു  സിനിമ  കാണുമ്പോള്‍   ഏറ്റവും  സന്തോഷം  തോന്നുന്നത്  എപ്പോഴാണ്  എന്ന്  ചോദിച്ചാല്‍ അധികം  ചിന്തിക്കാതെ  പറയാവുന്ന ഉത്തരം  ആണ് ഒരു  മിസ്റ്ററി  സിനിമയില്‍ പ്രേക്ഷകന്  നേരിട്ട്  കാണിച്ചു  കൊടുക്കുന്ന  രംഗങ്ങളില്‍  നിന്നും പാടെ  വ്യത്യസ്തമായി  മറ്റൊരു  സസ്പന്‍സ്  കൂടി  കരുതി വച്ചിട്ടുണ്ടാവുക  എന്നത്.ആ  ഒരു  കണക്കെടുപ്പില്‍ കൊറിയന്‍  സിനിമകള്‍  പലപ്പോഴും ഒരു  ഡിറ്റക്ട്ടീവ് /അപസര്‍പ്പക   നോവല്‍  വായിക്കുന്ന  പോലെ  ഉള്ള  അനുഭവം  ആയി  മാറാറുണ്ട്.കൊറിയന്‍  സിനിമകളില്‍ ഈ  രീതി  ഒരിക്കലും  അവസാനിക്കില്ല  എന്ന്  തോന്നുന്നു.എന്ത്  മാത്രം  സിനിമകള്‍  ആണ് ഈ  രീതിയില്‍   വരുന്നത് ?തീര്‍ച്ചയായും  ഈ  ഭാഷയില്‍  ഉള്ള  ചിത്രങ്ങളോട്  തോന്നുന്ന  പ്രത്യേക  ഇഷ്ടത്തിന്  ഇതും  കാരണം  ആകാം  പലര്‍ക്കും.

   Insane എന്ന  ചിത്രവും  മേല്‍പ്പറഞ്ഞ  കൊറിയന്‍  സിനിമകളുടെ പരമ്പരയില്‍  ഉള്‍പ്പെടുന്നതാണ്.ചിത്രത്തിന്റെ  ആരംഭം    പലപ്പോഴും  ക്ലീഷേ  എന്ന്  പറയാവുന്ന രീതിയില്‍  ആണ്.നാം-സൂ  എന്ന  പ്രശസ്ത  ടെലിവിഷന്‍  അവതാരകന്‍ അന്വേഷണാത്മകം  ആയ  പരിപാടിയിലൂടെ  പ്രശസ്തന്‍  ആയി  തീര്‍ന്നൂ.എന്നാല്‍  അയാള്‍ക്കെതിരെ  വന്ന  ആരോപണങ്ങള്‍  അയാളുടെ  കരിയര്‍ നശിപ്പിക്കുന്നു.ഒരു  വര്‍ഷത്തിനു  ശേഷം  വീണ്ടും  സ്വന്തം  തട്ടകത്തിലേക്ക്  മടങ്ങാന്‍  അയാള്‍ക്ക്‌  ഒരു  അവസരം  ലഭിക്കുന്നു.എന്നാല്‍ അഗ്നിബാധയാല്‍ നശിച്ചു  പോയ  ഒരു  പഴയ  മാനസികാരോഗ്യ ആശുപത്രിയില്‍  നിന്നും  രാത്രിയില്‍  കേള്‍ക്കുന്ന ശബ്ദങ്ങളെ  കുറിച്ചുള്ള  പരിപാടി  ആയിരുന്നു  അത്.

   പ്രേതങ്ങളെ അന്വേഷിച്ചു  പോയ  നാം സൂ  എന്നാല്‍  മറ്റു  ചിലത്  കണ്ടെത്തുന്നു.അയാളുടെ  സംശയങ്ങള്‍ അയാളെ  കൊണ്ടെത്തിക്കുന്നത് ആ  കെട്ടിടം  അഗ്നിക്ക്  ഇരയായ  നടന്ന  ദിവസം  നടന്ന  മറ്റു  കാര്യങ്ങളിലേക്ക്  ഉള്ള വെളിച്ചമായി  ആണ് അയാളുടെ  മുന്നില്‍  ഉള്ളത്  അന്ന്  അഗ്നിബാധയില്‍  നിന്ന്  രക്ഷപ്പെടുകയും  പിന്നീടു  രണ്ടാം  അച്ഛനെ  കൊല്ലപ്പെടുത്തി  എന്ന്  നിയമത്തിന്റെ മുന്നില്‍  ആരോപണ  വിധേയ  ആയ  സ്ത്രീയും.നാം സൂ  അന്വേഷിക്കുന്നത്  എന്താണ്?അയാള്‍ക്ക്‌  അതിനു  ഉത്തരം  ലഭിക്കുമോ?കൂടുതല്‍  അറിയാന്‍  ചിത്രം  കാണുക.കൊറിയന്‍  സിനിമ സ്നേഹികള്‍ക്ക് ഇഷ്ടപ്പെടുന്ന  രീതിയില്‍  ആണ്  ചിത്രം അവതരിപ്പിച്ചിരിക്കുന്നത്  എന്ന  അഭിപ്രായം  ഉണ്ട്.തീര്‍ച്ചയായും  കാണാന്‍  ശ്രമിക്കുക.പ്രത്യേകിച്ചും  ട്വിസ്റ്റുകള്‍...!!!


More movie suggestions @www.movieholicviews.blogspot.ca 

Tuesday, 9 August 2016

685.CHASING(KOREAN,2016)

685.CHASING(KOREAN,2016),|Thriller|Action|,Dir:-In-chun Oh,*ing:-Sang-Hyuk Han, Jeong-tae Kim, Seung-woo Kim.


     ഒരു  ദിവസം  നടക്കുന്ന  സംഭവങ്ങളെ  ആസ്പദം  ആക്കി  ധാരാളം  ചിത്രങ്ങള്‍  വന്നിട്ടുണ്ട്.അതിന്റെ  കൂടെ  ഒന്ന് കൂടി.2016  ല്‍  റിലീസ്  ചെയ്ത  ചിത്രം  ആയ  Chasing അത്തരത്തില്‍  ഒന്നാണ്.ചിത്രത്തിന്റെ  പേര്  പോലെ  തന്നെആണ്  കഥയും.ജീവിതത്തില്‍  വ്യക്തിപരമായും  തൊഴില്‍പരമായും  പ്രാധാന്യം  ഉള്ള  വസ്തുക്കള്‍  രണ്ടു  മനുഷ്യര്‍ക്ക്‌  ഒരേ  ദിവസം  നഷ്ടപ്പെടുന്നു.അതിനു  കാരണങ്ങള്‍  രണ്ടായിരുന്നു.ഒരാള്‍,തന്റെ  പ്രായത്തോട്  ബഹുമാനം  കാണിക്കാതെ  സംസരിച്ചവരോട് ഉണ്ടായ  കലഹവും മറ്റൊരാള്‍ക്ക് അയാളുടെ  തൊഴിലിനെ  പരിഹസിച്ചപ്പോള്‍  ഉണ്ടായ  ദേഷ്യവും.

   സ്യൂമ്ഗ്  ജൂ സമ്പന്നന്‍  ആണ്.കൊറിയയിലെ  തന്നെ  വലിയ  ബിസിനസ്സുകാരില്‍  ഒരാള്‍.ജംഗ്  ടെക്ക് ഒരു  പോലീസ്  ഉദ്യോഗസ്ഥനും.ഇവര്‍  രണ്ടു  പേരും  വര്‍ഷങ്ങളായി  പരിചയം  ഉള്ളവര്‍  ആയിരുന്നു.എങ്കിലും  ഇവരുടെ  ഇടയില്‍  അദൃശ്യമായ  ഒരു  ശത്രുത  നില  നിന്നിരുന്നു,എന്നാല്‍  അന്ന്  പകല്‍  അവരുടെ  ജീവിതത്തില്‍  നടന്ന  സംഭവങ്ങളെ  കോര്‍ത്തിണക്കി ചില സാഹചര്യങ്ങള്‍  ഇരുവരും  നേരിടേണ്ടി  വരുന്നു.സ്യൂംഗ്  ജൂവിനു  തന്റെ  ഫോണ്‍  നഷ്ടമാകുന്നു.പുതിയ  ഒരു  ഫോണ്‍ വാങ്ങുന്നത്  അയാളെ  സംബന്ധിച്ച്  ഒന്നും  അല്ലായിരുന്നു  എങ്കിലും ആ  ഫോണ്‍  അയാള്‍ക്ക്‌  വിലപ്പെട്ടത്‌  ആയിരുന്നു.ജംഗ് ടെക്കിനു  നഷ്ടം  ആകുന്നതു  അയാളുടെ സര്‍വീസ്  റിവോള്‍വര്‍  ആയിരുന്നു.രണ്ടും  ചെന്ന്  അകപ്പെട്ടത് പ്രായത്തിന്‍റെ  പക്വത  കൈവന്നിട്ടില്ലാത്ത     നാല്  സ്ക്കൂള്‍  വിദ്യാര്‍ഥികളുടെ  കയ്യിലും.

    നഷ്ടമായത്  തിരിച്ചു  നേടാന്‍  ഉള്ള  അവരുടെ  ആ  രാത്രിയിലെ  ഓട്ടം  ആണ്  Chasing എന്ന  ചിത്രം  അവതരിപ്പിക്കുന്നത്‌.തന്റെ  ഫോണ്‍  നാല്  വിദ്യാര്‍ഥികള്‍  കൊണ്ട്  പോയി  എന്ന്  പുറം  ലോകം  അറിഞ്ഞാല്‍  ഉള്ള  നാണക്കേട്‌  ആയിരുന്നു  സ്യൂംഗ്  ജൂവിനു  തന്റെ  വ്യക്തിപരമായ  പ്രാധാന്യത്തിനു  അപ്പുറം  ഉണ്ടായിരുന്നത്.സ്വന്തം തോക്ക്  സൂക്ഷിക്കാന്‍  കഴിവില്ലാത്ത  പോലീസുകാരന്‍  എന്ന  നാണക്കേട്‌ ജംഗ്  ടെക്കിനും.കൊറിയന്‍  സിനിമകളിലെ ജനപ്രിയ  സിനിമകളുടെ  രീതിയില്‍  ആണ്  ഈ പ്രമേയം  അവിഷ്ക്കരിച്ചിരിക്കുന്നത്.മഴയും,ഇരുണ്ട  പശ്ചാത്തലവും  ഒന്നും  പ്രതീക്ഷിക്കണ്ട  എന്ന് ചുരുക്കം.എന്നിരുന്നാലും  രസികരായ  കഥാപാത്രങ്ങളും  ആയി  വേഗത്തില്‍  ചലിക്കുന്ന ഒരു  കൊറിയന്‍  ത്രില്ലര്‍  ആണ്  ഈ ചിത്രം.കൊറിയന്‍  സിനിമ  സ്നേഹികള്‍ക്ക്  പരീക്ഷിക്കാവുന്ന  ഒന്ന്.


More movie suggestions @www.movieholicviews.blogspot.ca

684.INTRUDERS(KOREAN,2013)

684.INTRUDERS(KOREAN,2013),|Thriller|Mystery|,Dir:-Young-seok Noh,*ing:-Suk-ho Jun, Tae-kyung Oh.


  കൊറിയന്‍  സിനിമകളോട് ഒരു പ്രത്യേക കൌതുകം തോന്നുന്നത്     പ്രേക്ഷകര്‍  സിനിമകളില്‍ ഉയരുന്ന ചില  ചോദ്യങ്ങള്‍ക്ക്  പോലും അതിന്റെ  അവസാന  രംഗം  കഴിയുമ്പോഴും  ആലോചിക്കണം എന്ന pattern ആണെന്ന്  തോന്നുന്നു.ഈ  രീതിയില്‍  ഉള്ള  അവതരണം സിനിമയുടെ  ആസ്വാദനത്തെ എങ്ങനെ  സ്വാധീനിക്കും  എന്ന ചോദ്യങ്ങള്‍ക്ക്  മുകളിലും ഈ  ചിത്രങ്ങള്‍  അവയുടെ  ഇത്തരം ഒരു Identity നില നിര്‍ത്തുന്നത് ഇത്തരം രീതികളോട്  കാണിക്കുന്ന ചായ്‌വ്  കാരണവും ആകാം.കൊറിയന്‍ സിനിമകളിലെ  ഏറ്റവും  മികച്ചതെന്ന് പലരും കരുതുന്ന Memories of Murder ഒക്കെ  ഇത്തരം  അവതരണ  രീതി  കൊണ്ട്  പ്രസിദ്ധം  ആണ്.

  Intruders എന്ന  ചിത്രം  പേര്  പോലെ  തന്നെ  ഒരാളുടെ  ജീവിതത്തില്‍  അപ്രതീക്ഷിതം  ആയി  വന്ന  അതിഥികളെ കുറിച്ചുള്ള  കഥയാണ് ഈ  ചിത്രം.അപ്രതീക്ഷിതം  ആയി  അയാളുടെ  ജീവിതത്തില്‍ ഇടപ്പെടുന്ന  കഥാപാത്രങ്ങള്‍ പ്രേക്ഷകനില്‍  ഇത്തരം  Genre  ല്‍  വന്നിരുന്ന/വന്നു  കൊണ്ടിരിക്കുന്ന   അസംഖ്യം ഹോളിവുഡ്  സിനിമകളെ ഓര്‍മിപ്പിക്കും.എഴുത്തുകാരന്‍  ആയ  സാംഗ്  ജിന്‍  Writer's  block  എന്ന  അവസ്ഥയെ  നേരിട്ടപ്പോള്‍  ആയിരുന്നു യാതൊരു  വിധ  ശല്യവും  ഉണ്ടാകില്ല  എന്ന്  കരുതി  ആണ്  സാംഗ്  ചിന്‍  അവിടെ   എത്തുന്നത്‌.ബസ്  യാത്രയ്ക്കിടയില്‍ അയാള്‍  പരിചയപ്പെടുന്ന  ഗ്രാമത്തിലെ യുവാവായ  ഹാക്ക്  സൂവിനെ  ആണ്.അയാള്‍  ഗ്രാമീണന്റെ  നിഷ്ക്കളങ്കതയോടെ  പെരുമാറി  എങ്കിലും സാംഗ്  ജിന്നിന്  അയാളോട്  താല്‍പ്പര്യം  തോന്നുന്നില്ല.മാത്രമല്ല,അയാള്‍ക്ക്‌  വേണ്ടിയിരുന്നത്  ഏകാന്തതയും  ആയിരുന്നു..

     രണ്ടു  പക്ഷത്തുള്ള  കൊറിയകള്‍  തമ്മില്‍  ഉള്ള  സംഘര്‍ഷം  കൂടുതല്‍  ആയിക്കൊണ്ടിരിക്കുന്ന  സമയം  ആയിരുന്നു  അത്.തണുപ്പുള്ള  ആ  ദിവസം  മഞ്ഞിന്റെ  ഇടയിലൂടെ  സാംഗ്  ജിന്‍  അയാളുടെ  സുഹൃത്തിന്റെ  മാതാപിതാക്കളുടെ ആ  ബംഗ്ലാവില്‍  എത്തി  ചേര്‍ന്നൂ.എന്നാല്‍   അയാള്‍  കരുതിയത്‌  പോലെ  അല്ലായിരുന്നു  കാര്യങ്ങള്‍.തണുത്ത  കാറ്റിലും  മഞ്ഞു  മൂടി  കിടക്കുന്ന  മണ്ണിലും  എന്തോ  നിഗൂഡത  അയാള്‍ക്ക്  അനുഭവിക്കുന്നുണ്ടായിരുന്നു.അപ്രതീക്ഷിതം  ആയി  അയാള്‍ക്ക്‌  കുറച്ചു  അതിഥികള്‍  ഉണ്ടാകുന്നു.സിനിമയുടെ  മൊത്തം  കഥ  വേറെ  ഒരു  വഴിയിലേക്ക്  മാറുന്നു.കണ്ടു  പരിചയം  ഉള്ള  സിനിമകളുടെ  വഴിയെ  ആണ്  ഈ  ചിത്രം  സഞ്ചരിക്കുന്നു  എന്ന്  തോന്നുമെങ്കിലും  ക്ലൈമാക്സിലേക്ക്  അടുക്കുമ്പോള്‍  പ്രതീക്ഷകള്‍ മാറ്റി  മറിച്ച്  നല്ലൊരു  മിസ്റ്ററി/ത്രില്ലര്‍  ആയി  ഈ  ചിത്രം  മാറുന്നു/കൊറിയന്‍  സിനിമ  പ്രേമികള്‍ക്ക്  ഇഷ്ടമാകുന്ന  ചിത്രം  ആണ്  Intruders.


More movie suggestions @www.movieholicviews.blogspot.com

Friday, 5 August 2016

683.FLASKEPOST FRA P(DANISH,2016)

683.FLASKEPOST FRA P(DANISH,2016),|Thriller|,Dir:-Hans Petter Moland,*ing:-Nikolaj Lie Kaas, Fares Fares, Pål Sverre Hagen .


    Department Q വിലെ കാര്‍ള്‍ മോര്ക്കും അസ്സാദും  തങ്ങളുടെ  മൂന്നാമത്തെ  കേസ്  അന്വേഷണവും  ആയി  വരുന്ന  ചിത്രം  ആണ് Flaskepost Fra P.ഡാനിഷ്  കുറ്റാന്വേഷണ  പരമ്പരയിലെ  മൂന്നാമത്തെ  ചിത്രം  സംവിധാനം  ചെയ്തിരിക്കുന്നത്  ആദ്യ  രണ്ടു  ഭാഗങ്ങളും  അവതരിപ്പിച്ച Mikkel Nørgaard നു  പകരം Hans Petter Moland ആണ്.ആദ്യ  രണ്ടു  ഭാഗങ്ങളുടെയുടെ  അതെ  പോലത്തെ  മൂഡ്‌  നിലനിര്‍ത്തി  ആണ്  ഈ  ഭാഗവും  അവതരിപ്പിച്ചിരിക്കുന്നത്.എന്നാല്‍ നായക  കഥാപാത്രം  ആയ  കാര്‍ളിന്റെ വൈകാരികമായ  വശത്തിന്  ഈ  ചിത്രത്തില്‍  മുന്‍പ് രണ്ടു  ഭാഗങ്ങളിലും  ഉണ്ടായ  അത്ര  പ്രാധാന്യം  നല്‍കിയിട്ടില്ല.അത്  കൊണ്ട്  തന്നെ  ആദ്യ  ഭാഗങ്ങളില്‍  നിന്നും  വ്യത്യസ്തം  ആയി  അന്വേഷണത്തിന്  ആണ്  ഈ  ചിത്രം  പ്രാധാന്യം  നല്‍കിയിരിക്കുന്നതും ഒപ്പം  സമകാലികമായ  ചില  വിവാദ  വിഷയങ്ങളും ,

   വെള്ളത്തിലൂടെ  ഒഴുകി  എത്തുന്ന  ഒരു  കുപ്പിയില്‍  കണ്ട  സന്ദേശം  ആണ്  ഈ ചിത്രത്തിലെ  സംഭവങ്ങളുടെ  തുടക്കം  കുറിക്കുന്നത്.കടലില്‍  ഒറ്റപ്പെട്ടു  പോകുന്ന  ആളുകള്‍  ഉപയോഗിച്ചിരുന്ന  അതെ രീതിയില്‍ ആണ്  ഈ  സന്ദേശം  എന്ന് പോലീസ് സംശയിക്കുന്നു.അവ്യക്തമായ  സന്ദേശം  ആണ്  അതില്‍  ഉണ്ടായിരുന്നത്.പ്രത്യേകിച്ച്  ഒരു  കേസ്  എന്ന്  പോലും  പറയാന്‍  കഴിയാത്ത  സംഭവം. എന്നാല്‍  അതിന്റെ  നിഗൂഡ  സ്വഭാവവും  അതില്‍ കാണപ്പെട്ട  രക്തത്തിന്‍റെ അംശവും അത്യാവശ്യം  പ്രാമൂഖ്യം  നേടി  കൊടുത്തൂ. അതിനെ  കുറിച്ച്  കൂടുതല്‍ അന്വേഷിക്കാന്‍ Department  Q  നെ  നിയോഗിക്കുന്നു.പിന്നീട്  നടക്കുന്ന  അന്വേഷണവും  അതിനെ  അനുബന്ധിച്ച  കാര്യങ്ങളും  ആണ്  ചിത്രം  അവതരിപ്പിക്കുന്നത്‌.എന്തായിരുന്നു ആ  കത്തിന്റെ  ഉദ്ദേശം?ആരാണ്  അത്  അയച്ചത്?കൂടുതല്‍  അറിയാന്‍  ചിത്രം  കാണുക.

  നേരത്തെ  സൂചിപ്പിച്ചത്  പോലെ കാര്‍ലിന്റെ  വൈകാരികമായ  വശം  മാറ്റി  വയ്ക്കപ്പെട്ട  ഈ  ചിത്രത്തില്‍ ആസാദിന്റെ  കഥാപാത്രത്തിന്  സമകാലിക  സംഭവങ്ങളുടെ  പശ്ചാത്തലത്തില്‍  ഒരു  പ്രത്യേക  മത  വിഭാഗം  നേരിടുന്ന വിശ്വാസങ്ങളെ  സംബന്ധിച്ചുള്ള ഒരു  വശം  പലപ്പോഴും ആയി  പരാമര്‍ശിക്കുന്നുണ്ട്.അതിനൊപ്പം  നന്മയുടെ  പ്രതീകം  ആയി  ദൈവത്തെ  കാണുന്നതും  അതിന്റെ എതിര്‍വശം  ആയി ചെകുത്താന്‍  വരുന്നതും,ദൈവം  എന്ന  ശക്തിയ്ക്ക്  ബദല്‍  ആയി  അതിന്റെ  തിന്മ  വശം  എങ്ങനെ ഒക്കെ  നിര്‍വചിക്കപ്പെടുന്നു  എന്നും.ഡാനിഷ്  സിനിമയിലെ  തന്നെ  ശ്രദ്ധേയം  ആയ  സിനിമ പരമ്പരയായി  മാറുകയാണ് അത്  കൊണ്ട്  തന്നെ  ഡാനിഷ്  സിനിമ  ചരിത്രത്തിലെ  പ്രമൂഖ  ചിത്രങ്ങളുടെ  കൂട്ടത്തില്‍  ആണ്  ഇപ്പോള്‍  ഈ  പരമ്പരയുടെ  സ്ഥാനവും.

  പരമ്പരയിലെ  ആദ്യ  രണ്ടു  ചിത്രങ്ങളും  ആയി  ഒരു  താരതമ്യത്തിന്  മുതിരുന്നില്ല.അത്  കൊണ്ട്  തന്നെ പരിചിതരായ  രണ്ടു  കഥാപാത്രങ്ങള്‍  വീണ്ടും  സ്ക്രീനില്‍  അവതരിപ്പിക്കപ്പെടുമ്പോള്‍  പുതിയ  ഒരു  ചിത്രം  തന്നെ  ആയി  കാണാം,ഈ  ചിത്രവും  കുറ്റാന്വേഷണ  ചിത്രങ്ങളുടെ  ആരാധകരെ  നിരാശപ്പെടുത്തില്ല.


More movie  suggestions @www.movieholicviews.blogspot.ca

682.THE USUAL SUSPECTS(ENGLISH,1995)

682.THE USUAL SUSPECTS(ENGLISH,1995),|Mystery|Crime|,Dir:-Bryan Singer,*ing:-Kevin Spacey, Gabriel Byrne, Chazz Palminteri


   "The greatest trick the DEVIL ever pulled was convincing the world he didn't exist"

    "കെയ്സര്‍ സോസേയെ"  കുറിച്ച്  "വെര്‍ബല്‍  ക്വിന്റ്റ്"  പറഞ്ഞ  ഈ  ഒരു  വാചകം മതിയായിരുന്നു  കണ്‍ക്കെട്ട്  വിദ്യയിലൂടെ  ഒരു  മുത്തശി  കഥയിലെ അമാനുഷിക  കഥാപാത്രത്തെ പോലെ  ശക്തിയാര്‍ജിച്ച  അയാളെ   പ്രേക്ഷരില്‍  എത്തിക്കാന്‍.ഒരു  കഥാപാത്രത്തെ  ചിത്രതിലുടന്നീളം ഭയത്തിന്‍റെ  പ്രതീകം ആയി  പ്രേക്ഷകനില്‍  എത്തിക്കുക.അവിടെ  നിന്നും ആ  കഥാപാത്രത്തിന്റെ സ്വഭാവ  പ്രത്യേകതകളിലൂടെ  ചിത്രം  അവസാനിപ്പിക്കുക.ഒരു  പക്ഷെ  മിസ്റ്ററി  സിനിമകളില്‍ എന്നും  മുന്തിയ  പരിഗണന  ലഭിക്കാന്‍ Usual Suspects എന്ന  ചിത്രത്തിന്  സാധിച്ചതും  ഈ  ഒരു  പ്രത്യേക  സ്വഭാവ  സവിശേഷത  കൊണ്ടായിരിക്കും."റോജര്‍ എബെര്‍ട്ടിനെ"  പോലെ  ഉള്ള  മുന്തിയ  നിരൂപകര്‍ എക്കാലത്തെയും  മോശം  സിനിമകളില്‍  ഉള്‍പ്പെടുത്തിയ  ഈ  ചിത്രം തുടക്കക്കാരന്‍  ആയി  ലോക  സിനിമയെ  പരിചയപ്പെടാന്‍ തുടങ്ങുന്ന  ഏതൊരാളെയും അമ്പരപ്പിക്കും  എന്ന്  തീര്‍ച്ച.

   കാരണം  ഈ  ചിത്രം  തന്നെ  ഒരു  കണ്‍ക്കെട്ട്  വിദ്യ  ആണ്.ചലച്ചിത്രം എന്ന വാക്ക്  സൂചിപ്പിക്കുന്ന  പോലെ  ചലിക്കുന്ന  ചിത്രങ്ങളിലൂടെ  സൃഷ്ടിച്ച മായാജാല  വിദ്യ.പ്രേക്ഷകനില്‍ ചിത്രത്തിന്റെ  ആദ്യം  നടക്കുന്ന  മരണങ്ങള്‍ ഏതൊരു  ഹോളിവുഡ് ക്രൈം/Heist  ചിത്രം പോലെ ഉള്ള  തോന്നാല്‍  ഉണ്ടാക്കും.എന്നാല്‍  അന്ന്  രാത്രി  ആ  കപ്പലില്‍  നടന്ന  ദാരുണ  സംഭവങ്ങളെ  അതിജീവിച്ച  രണ്ടു  പേരില്‍  ഒരാളായ  വെര്‍ബല്‍  ക്വിന്റിനു  മാത്രം  ആയിരുന്നു  ആ  കഥ  പറയാന്‍  നിയോഗം.രണ്ടാമത്തെ ആള്‍ മരണത്തോട് പോരാടുക  ആയിരുന്നു.കസ്റ്റംസ്  ഉദ്യോഗസ്ഥന്‍  ആയ  കുയാന്‍ ആ  സംഭവങ്ങളെ  കുറിച്ച്  അന്വേഷണം  നടത്താനായി  ക്വിന്റിന്റെ  മൊഴി  രേഖപ്പെടുത്തുമ്പോള്‍  ആണ്  അയാള്‍  ചെകുത്താന്റെ  സാമീപ്യം  അറിഞ്ഞ  ആ  രാത്രിയെ  കുറിച്ചുള്ള  ഓര്‍മ്മകള്‍  പങ്കു  വയ്ക്കുന്നത്.

      എളുപ്പ  വഴിയിലൂടെ  ധനികര്‍  ആകാന്‍  ശ്രമിക്കുന്ന  ഒരു  പറ്റം  ആളുകള്‍.പലരും എണ്ണം  പറഞ്ഞ  ക്രിമിനലുകള്‍  ആണെന്ന്  തന്നെ  പറയാം.എന്തിനെയും  ഏതിനെയും  നേരിടാന്‍  കഴിയുന്ന  അവര്‍  അവരവരുടെ  ഈഗോയുടെ  ഒപ്പം  ആയിരുന്നു അല്‍പ്പ  ദിവസങ്ങളിലേക്ക്  ഉള്ള  ആ  കൂട്ടുക്കെട്ടില്‍  ഭാഗം  ആകുന്നതു.വെര്‍ബല്‍  ക്വിന്റ്റ്,അവരില്‍  ഒരു  അംഗം  ആയിരുന്നു.ഈ  ചിത്രത്തിലെ  പ്രശസ്തമായ  ക്രിമിനല്‍  ലൈന്‍ അപ്പ്‌  സീന്‍ പോലും  അതിവിദഗ്ദ്ധമായി,നേരത്തെ  പറഞ്ഞ  ഒരു  മികച്ച  മിസ്റ്ററി/ക്രൈം ചിത്രത്തിനുള്ള  പശ്ചാത്തലം  ഒരുക്കുന്നു.

     വെര്‍ബല്‍  ക്വിന്റ്റ്  പറയുന്ന   ആ  കഥയില്‍ പോലീസും  കുറ്റവാളികളും  ഒരേ  പോലെ  ഭയക്കുന്ന കെയ്സര്‍ സോസയെ ജീവനോടെ കണ്ട  ആള്‍  എന്ന നിലയില്‍ അയാള്‍ അന്നത്തെ  രാത്രി  വിവരിക്കുന്നു.വെര്‍ബലിന്റെ കഥയിലൂടെ  ആണ്  പിന്നെ  കഥ വികസിക്കുന്നത്.അന്ന്  ആ  കപ്പലില്‍  നടന്ന  സംഭവങ്ങളുടെ മുന്നോടിയായി നടന്ന  കഥയിലൂടെ  അയാള്‍  തുടങ്ങുന്നു.പ്രേക്ഷകരെ ഈ  ഒരു  പ്ലോട്ടിലേക്ക്  ശ്രദ്ധിക്കാന്‍  പിന്നീട്   നിര്‍ബന്ധിതര്‍  ആകുന്നു.ആ  കഥയിലൂടെ  പോയി  അവസാന  രംഗം  വരെ  ഉള്ള സീനുകള്‍..ശരിക്കും  ഒരു  മിസ്റ്ററി/ത്രില്ലര്‍  സിനിമ  സ്നേഹിയുടെ  ഏറ്റവും  സുഖകരമായ  സ്ഥലം  ആണെന്ന്  പറയാം.വെര്‍ബല്‍  അവതരിപ്പിക്കുന്ന  ആരും  കാണാത്ത  ആ  ചെകുത്താന്റെ  കഥ  ആണ്  Usual Suspects അവതരിപ്പിക്കുന്നത്‌.തീര്‍ച്ചയായും  കാണേണ്ട  ചിത്രങ്ങളുടെ  കൂട്ടത്തില്‍  ഉള്‍പ്പെടുത്താവുന്ന  ചിത്രം  ആണിത്.AFI(American film Institute) ന്റെ  അഞ്ചോളം  ലിസ്റ്റുകളില്‍  ഇടം  പിടിച്ച  ഈ  ചിത്രം കെവിന്‍  സ്പെസിക്ക്  മികച്ച  സഹ  നടന്‍,ക്രിസ്ടഫര്‍ മക്ക്വയറിനു  മികച്ച തിരക്കഥ  എന്നിവയ്ക്കുള്ള  അക്കാദമി  പുരസ്ക്കാരങ്ങളും  നേടി  കൊടുത്തു.



  More movie suggestions @www.movieholicviews.blogspot.ca

Monday, 1 August 2016

681.THE WAILING(KOREAN,2016)

681.THE WAILING(KOREAN,2016),|Fantasy|Horror|Mystery|,Dir:-Hong-jin Na,*ing:- Jun Kunimura, Jung-min Hwang, Woo-hee Chun


    മഴ- കൊറിയന്‍  സിനിമകളില്‍  പ്രത്യേക  ഒരു  ഭംഗി  ആണ്.ഭയത്തിന്റെ  അരണ്ട  വെളിച്ചത്തില്‍  ഉള്ള   നിഗൂഡം  ആയ  ഒരു  സൗന്ദര്യം  ആകും  ഓരോ  ഫ്രെയ്മിലും.ഒരു  പക്ഷെ  ഒരു  മിസ്റ്ററി/ഹൊറര്‍  സിനിമയ്ക്കൊക്കെ  പറ്റിയ  ഏറ്റവും  മികച്ച  പശ്ചാത്തലം ആയിരിക്കും  മഴ.മഴ ഭയപ്പെടുത്തുന്നു  പലപ്പോഴും.പൊതുവേ  സമാധാനപൂര്‍ണം  ആയ  ആ  ഗ്രാമത്തില്‍ സംഭവിക്കുന്ന നിഗൂഡത  ഓരോ രക്ത തുള്ളിയിലും അലിഞ്ഞു  ചേര്‍ന്ന  കൊലപാതകങ്ങള്‍ ജനങ്ങളെ  ഭയചകിതര്‍  ആക്കുന്നു.പ്രത്യേക  തരം  ഉന്മാദാവസ്ഥയില്‍  നടക്കപ്പെടുന്ന  കൊലപാതകങ്ങള്‍.ആ  മരണങ്ങള്‍ക്കെല്ലാം  പൊതുവായ  ഒരു  സ്വഭാവം  അതായിരുന്നു.

    പോലീസ്  ഉദ്യോഗസ്ഥന്‍   ആയ ജോംഗ് കൂ ,ആ  പദവിയില്‍ ഉള്ള  ഒരാള്‍ക്ക്‌  വേണ്ട  സാമര്‍ത്ഥ്യം  ഉള്ള  ആള്‍  അല്ലായിരുന്നു.എന്നാല്‍  അപകടം   തന്റെ കുടുംബത്തിലേക്കും  തന്റെ  കരങ്ങള്‍ നീട്ടുന്നു  എന്ന്  മനസ്സിലാക്കുമ്പോള്‍  ആണ് കേസ്  അന്വേഷണത്തില്‍ ശ്രദ്ധിക്കാന്‍  തുടങ്ങുന്നത്.പിന്നീട്   നടക്കുന്നതെല്ലാം  ഒരു  കെട്ടുക്കഥ  ആയി   തോന്നി  തുടങ്ങുന്നു .പുതുതായി  ആ  ഗ്രാമത്തിന്‍റെ  അടുത്തുള്ള  വനത്തില്‍ താമസിക്കാന്‍  തുടങ്ങിയ  ജാപ്പനീസ്  വൃദ്ധന്‍,തന്റെ  ആഭിചാര  കര്‍മങ്ങളിലൂടെ  ആ  ഗ്രാമത്തെ  നശിപ്പിക്കാന്‍  തയ്യാറെടുക്കുന്നു  എന്ന് അഭ്യൂഹം  പടരുന്നു.ജോംഗ്  കൂ  അയാളെ കാണാനായി  യാത്ര  തിരിക്കുന്നു.ഒരു  ശരാശരി പോലീസ്  ഉദ്യോഗസ്ഥന് ചെയ്യവുന്നതിലും  അപ്പുറം  സങ്കീര്‍ണം  ആയിരുന്നു  അവിടെ  നടക്കുന്ന  സംഭവങ്ങള്‍.ആഭിചാര  ക്രിയകളിലൂടെ അപകടകരമായ  സാഹചര്യങ്ങളിലൂടെ  ആ  ഗ്രാമം  സഞ്ചരിക്കുമ്പോള്‍ വിധി  അവര്‍ക്കായി  നീക്കി  വച്ചിരിക്കുന്നത്  എന്താണ്  എന്നാണു  ചിത്രം  അവതരിപ്പിക്കുന്നത്‌.


     The Chaser  എന്ന കൊറിയന്‍  ചിത്രം കൊറിയന്‍  സിനിമകളിലെ  മികച്ച  ചിത്രങ്ങളില്‍  ഒന്നാണ്.അതിന്റെ  സംവിധായകന്‍  ആയ  ഹോംഗ്  ജിന്‍  അവതരിപ്പിച്ചിരിക്കുന്ന  ഈ  ചിത്രം സാധാരണ  ഒരു  ആഭിചാര-പ്രേത  സിനിമയായി  തോന്നാമെങ്കിലും  ക്ലൈമാക്സില്‍  എത്തി  ചേരുമ്പോള്‍ ചുരുളഴിയുന്ന രഹസ്യങ്ങള്‍  ഏറെ  ആണ്.ഹ്വാംഗ്  ജുംഗ്  മിന്‍  ,കൊറിയന്‍  സിനിമയിലെ  എണ്ണം  പറഞ്ഞ  നടന്മാരില്‍  മുന്പന്തിയിലേക്ക്  പോകുമ്പോള്‍  അധികം  ആരും  പ്രതീക്ഷിക്കാത്ത  പ്രാധാന്യത്തോടെ  ആണ്  തന്റെ   കഥാപാത്രം  ചിത്രത്തിന്‍റെ  അവസാനം  മാറുന്നതായി  കാണാം.അത്  പോലെ  തന്നെ  ചുന്‍  വൂ  ഹിയും .അപ്രധാനമായ  കഥാപാത്രങ്ങള്‍  എന്ത്  കൊണ്ട്  ഇവര്‍  തിരഞ്ഞെടുത്തു  എന്ന്  പ്രേക്ഷകന്‍  ചിന്തിക്കുമ്പോള്‍  അതിനുള്ള  ഉത്തരം  ചിത്രത്തിന്റെ  അവസാനം  ലഭിക്കും.ഒരു  പക്ഷെ  ചിത്രത്തിന്റെ  മുഴുവന്‍  കഥയും  വേറെ  ഒരു  കാഴ്ചപ്പാടിലൂടെ  നോക്കി  കാണുമ്പോള്‍  The Wailing പ്രേക്ഷകനു  പ്രതീക്ഷിച്ചതിലും  അപ്പുറം  നല്‍കുന്നുണ്ട്.കൊറിയന്‍  സിനിമ  സ്നേഹികള്‍ക്ക്  മികച്ച  ഒരു  അനുഭവം ആണ്  ഈ  ചിത്രം.


More movie suggestions @www.movieholicviews.blogspot.ca