Sunday, 31 July 2016

680.ROSEMARY'S BABY(ENGLISH,1968)

680.ROSEMARY'S BABY(ENGLISH,1968),|Horror|Mystery|,Dir:-ROman Polanski,*ing:-Mia Farrow, John Cassavetes, Ruth Gordon .


   നന്മ-തിന്മകളുടെ പ്രതീകങ്ങള്‍  ആണ്  ദൈവവും  ചെകുത്താനും.ഇവരെ രണ്ടു  പേരെയും  മനുഷ്യര്‍  സൃഷ്ടിച്ചു അവര്‍  തന്നെ  ആരാധിക്കുന്നു.ഒരു  പക്ഷെ കാലങ്ങള്‍ക്കപ്പുറം നടന്നിരുന്ന  സമ്പ്രദായങ്ങള്‍  മനുഷ്യര്‍  കൂട്ടത്തോടെ  ഏറ്റെടുക്കുകയും  അതിനു പലതരം മുഖങ്ങള്‍  വിശ്വാസത്തിന്റെ  പേരില്‍  കൊടുത്തതും  ആകും.ദൈവം  എന്നത്  നന്മയുടെ  പ്രതീകം  ആണെങ്കില്‍  ഉറപ്പായും  ഒരു  നാണയത്തിന്റെ ഇരു  വശം  എന്നത്  പോലെ തിന്മയുടെ  പ്രതിനിധി  ആയി  ചെകുത്താനും  കാണും  എന്ന  കാര്യം  ഉറപ്പാണ്.നന്മയുടെ  പ്രതീകത്തെ ആരാധിക്കുന്നത്  പോലെ  തന്നെ തിന്മയുടെ  പ്രതീകത്തെ  ആരാധിക്കുന്നവരും  കാണും ഈ  രണ്ടു  വിശ്വാസങ്ങളെയും  ഒരു അളവുകോലില്‍  വച്ച്  നോക്കിയാല്‍.പരിഷ്കൃത  സമൂഹത്തില്‍  നന്മ എല്ലാവരാലും  അംഗീകരിച്ചതിനാല്‍ ആകാം  പലപ്പോഴും ചെകുത്താനെ  ആരധികുന്നവര്‍  അത്  രഹസ്യമായി  നടത്തി  പോകുന്നത്.


   റോസ്മേരിയും  ഭര്‍ത്താവായ  നടന്‍ ഗയും  തങ്ങള്‍ക്കു  താമസിക്കാന്‍  ആയി  പുതിയ  സ്ഥലം  നോക്കി  പോകുമ്പോള്‍  അവളെ  ആ  Apartment ആകര്‍ഷിച്ചത് ആ  സ്ഥലത്തിനുണ്ടായിരുന്ന  ഒരു  പ്രത്യേക തരം  ഭംഗി  ആയിരുന്നു.റോമന്‍  പോലന്‍സ്ക്കിയുടെ Apartment  Trilogy  യിലെ  രണ്ടാം  ഭാഗം  ആയ  ഈ ചിത്രം അവതരിപ്പിച്ചിരിക്കുന്നതും അത്തരം  ഒരു  സ്ഥലത്ത്  ആണ്.റോസ്മേരിയും  ഭര്‍ത്താവും  അവിടെ  താമസം  തുടങ്ങി.എന്നാല്‍  ഒരു  നടന്‍  ആയി  പേരെടുക്കാന്‍  ശ്രമിക്കുന്ന  ഗയ്  എന്നാല്‍  തനിക്കു  അവസരങ്ങള്‍  നഷ്ടപ്പെടുന്നതില്‍ ദു:ഖിതന്‍  ആണ്.ആ സമയത്താണ്  അവര്‍  അയല്‍ക്കാരായ  മിന്നി,റോമന്‍ എന്നിവരെ  പരിചയപ്പെടുന്നത്.അവരുടെ  വീട്ടില്‍  മകളെ  പോലെ കരുതി  അവരോടൊപ്പം  താമസിച്ചിരുന്ന  യുവതിയുടെ  ദുരൂഹ  മരണത്തിനു  ശേഷം  ആയിരുന്നു  അവര്‍  കണ്ടു  മുട്ടുന്നത്.

   രോസ്മെരിക്കും  ഭര്‍ത്താവിനും  അവരുടെ  സാമീപ്യം  അരോചകം  ആയി  തോന്നിയെങ്കിലും പിന്നീട്  ഗയ്  അവരുമായി  ചങ്ങാത്തത്തില്‍  ആയി.ആ  സമയം  ആണ്  റോസ്മേരി ഗര്‍ഭിണി  ആകുന്നതു.ഗയ്  തന്റെ  അഭിനയ  ജീവിതത്തിലെ  നാഴിക  കല്ലായി  മാറാവുന്ന,ഒരിക്കല്‍  അയാളില്‍  നിന്നും  വഴുതി  പോയ ആ  വേഷം  കരസ്ഥം  ആക്കുന്നതും.  ഇതിനു  രണ്ടും  തമ്മില്‍  എന്തെങ്കിലും  ബന്ധം  ഉണ്ടാകാന്‍  സാധ്യത  ഉണ്ടോ  എന്ന് ചോദിച്ചാല്‍  എളുപ്പത്തില്‍  ഉത്തരം  നല്‍കാന്‍  സാധിക്കില്ല.എന്നാല്‍ ദുരൂഹ  സാഹചര്യത്തില്‍  മരണങ്ങള്‍   നടന്നിരുന്ന,ചെകുത്താനെ  ആരാധിച്ചിരുന്ന  ആളുകളുടെ സാമീപ്യം ഈ  സംഭവങ്ങളില്‍  ദുരൂഹത ഉണര്‍ത്തും.

   ഈ  സംഭവങ്ങളുടെ  സത്യാവസ്ഥയിലേക്ക്   എത്തി  നോക്കുക  ആണ്  ഈ റോമന്‍  പോലന്‍സ്ക്കി  ചിത്രം.അമേരിക്കന്‍ സിനിമ  ചരിത്രത്തിലെ  തന്നെ  മികച്ച ഹൊറര്‍/സൈക്കോളജിക്കല്‍  ത്രില്ലര്‍  ആയി  ഈ  ചിത്രം  മാറുന്നത്  എങ്ങനെയാണെന്ന്  അറിയാന്‍  ചിത്രം  കാണുക.ഇരുണ്ട  അന്തരീക്ഷത്തില്‍  ഭയാനകമായ  കാഴ്ചകളിലൂടെ  മനസ്സില്‍  ഒരു    ചെറു  ഭയം  കോരിയിടാന്‍  ഉതകുന്ന രീതിയില്‍  ആണ്  ചിത്രം  അവതരിപ്പിച്ചിരിക്കുന്നത്.തീര്‍ച്ചയായും  കണ്ടിരിക്കണ്ട  ചിത്രങ്ങളില്‍ ഉള്‍പ്പെടുത്താവുന്ന ക്ലാസിക്  സൈക്കോളജിക്കല്‍  ഹൊറര്‍  ചിത്രം  എന്നിതിനെ  വിശേഷിപ്പിക്കാം.

    More movie suggestions @www.movieholicviews.blogspot.ca

679.JOHN WICK(ENGLISH,2014)

679.JOHN WICK(ENGLISH,2014),|Action|Crime|Thriller|,Dir:-Chad Stahelski,*ing:-Keanu Reeves, Michael Nyqvist, Alfie Allen.


     സ്ഥിരം  പഴകിയ  പ്രതികാരം  ആണ്  സിനിമയുടെ  പ്രമേയം  എങ്കിലും ആക്ഷന്‍  സിനിമകള്‍  ഇഷ്ടമായവര്‍ക്ക്  ധാരാളം സംഘട്ടന  രംഗങ്ങള്‍  ഒരുക്കിയിട്ടുണ്ട്  ഈ  സിനിമയില്‍.ചെറിയ   ഒരു  പ്രമേയം.എന്നാല്‍ ആ  പ്രമേയത്തില്‍ ചെയ്യാവുന്ന  അത്ര  Engaging ആയി  എടുത്ത  ഒരു  ചിത്രം  ആണ്  John Wick.Keanu Reeves ന്‍റെ പ്രകടനം  തന്നെ  ആണ്  ചിത്രത്തിന്റെ  highlight.Neo-Noir ആക്ഷന്‍ ത്രില്ലര്‍  ആയ  ഈ ചിത്രം  അവതരിപ്പിച്ചിരിക്കുന്നത് വളരെയധികം stylish ആയ  ഒരു  പശ്ചാത്തലത്തില്‍  ആണ്.

   പഴയക്കാല വാടക  കൊലയാളി  ആയ ജോണ് വിക്ക്,അയാളുടെ ഭാര്യയുടെ അപ്രതീക്ഷിതം  ആയ  മരണത്തിനു  ശേഷം മരണത്തിനു  മുന്‍പ്  അവര്‍  അയച്ച നായ് കുട്ടിയെ   ലഭിക്കുന്നു.ഭാര്യയുടെ  മരണം ഏല്‍പ്പിച്ച  ദു:ഖത്തില്‍  ആയിരുന്ന അയാള്‍  തന്റെ  ഭാര്യയുടെ  അവസാന സമ്മാനം വളരെയധികം  ശ്രദ്ധയോടെ  ആണ് സ്സോക്ഷിചിരുന്നത്.അയാള്‍  ഡെയ്സി  എന്ന  ആ നായ് കുട്ടിയെ സ്നേഹിക്കുകയും പരിപാലിക്കുകയും ചെയ്യുന്നു,

  എന്നാല്‍  ഒരു  വാടക  കൊലയാളി  അയാളുടെ  ജീവിതത്തില്‍  ഉടന്നീളം  അയാളുടെ  ഭൂതക്കാലത്തിന്റെ  ശത്രു  ആണെന്ന്  പറയുന്നത്  പോലെ ജോണ്‍ വിക്കിന്റെ  ജീവിതത്തിലും  ചിലത്  സംഭവിക്കുന്നു.ഡെയ്സി കൊല്ലപ്പെടുന്നു.പിന്നീട്  നടന്നത്  എന്താണെന്ന്  ഉള്ളത്  ആണ്  ചിത്രത്തിന്റെ  ബാക്കി.Stylish Action Sequences ആണ്  ചിത്രത്തിന്റെ  ശ്രദ്ധിക്കപ്പെട്ട  ഒരു  ഭാഗം.ഒരു  സാധാരണ  കഥയെ  വളരെയധികം വേഗതയില്‍ അവതരിപ്പിക്കപ്പെട്ട  ഒരു  ചിത്രം  ആക്കി  ചടുലമായി മാറ്റിയതില്‍ ഈ  രംഗങ്ങള്‍ക്ക്  എല്ലാം  പ്രാധാന്യം  ഉണ്ട്.Action/Thriller ചിത്രങ്ങളുടെ ആരാധകര്‍ക്ക് ഇഷ്ടം  ആകുന്ന  ചിത്രം  ആണ്  John Wick.ഈ  ചിത്രത്തിന്‍റെ രണ്ടാം  ഭാഗം അടുത്ത  വര്‍ഷം  റിലീസ്  ആകും  എന്നാണ്  വാര്‍ത്തകള്‍.

More movie suggestions @www.movieholicviews.blogspot.ca


More movie suggestions @www.movieholicviews.blogspot.ca

678.THE YOUNG VICTORIA(ENGLISH,2009)

678.THE YOUNG VICTORIA(ENGLISH,2009),|Romance|Drama|,Dir:- Jean-Marc Vallée,*ing:-Emily Blunt, Rupert Friend, Paul Bettany.


    വിക്റ്റോറിയന്‍  കാലഘട്ടം  എന്ന്  ചരിത്രത്തില്‍  എഴുതി  ചേര്‍ക്കപ്പെട്ട  കാലത്ത്  ബ്രിട്ടീഷ് രാജ്ഞി  ആയിരുന്നു  വിക്റ്റോറിയ  മഹാറാണി."യൂറോപ്പിന്റെ  മുത്തശി"  എന്നും  അറിയപ്പെട്ടിരുന്ന  അവരുടെ അടുത്ത  തലമുറ ബ്രിട്ടീഷ്  അധിനിവേശം ലോകം  മുഴുവനും  എത്തിച്ചു  എന്ന്  പറയാം.ലോകം  അടക്കി  ഭരിക്കാന്‍  ഒരുങ്ങിയ  ബ്രിട്ടീഷ്  രാജകുംബതില്‍  ഒരു  കാലത്ത്  അനന്തരാവകാശി  ആയി  അവശേഷിച്ചത് കുഞ്ഞു  വിക്റ്റോറിയ  ആയിരുന്നു.പിതാവായ  പ്രിന്‍സ്  എഡ്വര്‍റഡ്  മരണത്തിനു  ശേഷം സര്‍ ജോണ്‍  കൊണ്രോയ് വിക്റ്റോറിയയുടെ അമ്മയുടെ അടുക്കല്‍  സ്വാധീനം  ചെലുത്തുകയും Regency സംവിധാനം നിര്‍ത്തലാക്കാന്‍  കുഞ്ഞു  വിക്റ്റൊരിയയെ  നിര്‍ബന്ധിക്കുകയും  ചെയ്യുന്നു.

  കുഞ്ഞു  നാളില്‍  തുടങ്ങി വിക്റ്റോറിയ രാജകുമാരി  ആയി  ജനിക്കുകയും  എന്നാല്‍  സ്വര്‍ണ കൂട്ടില്‍  അകപ്പെടുകയും  ചെയ്ത  അവസ്ഥയില്‍  ആയിരുന്നു  അവള്‍.മറ്റുള്ള  കുട്ടികളോടൊപ്പം വിദ്യാഭ്യാസം  പോലും  ചെയ്യാന്‍  കഴിയാതെ  ഇരുന്ന  അവള്‍  എന്നും  ഏകാന്തത  അനുഭവിച്ചിരുന്നു,ഒരു  രാജ്ഞി  ആയി  പതിനെട്ടു  വയസ്സിനു  അപ്പുറം  മാറെണ്ടിയിരുന്ന   അവള്‍ക്കു  അതിനായുള്ള പാകപ്പെടുത്തല്‍  ആയിരുന്നു  അത്.

    കുഞ്ഞു  വിക്റ്റോറിയയുടെ  വളര്‍ച്ചയുടെ ഓരോ  കാലഘട്ടവും  ആണ്  ചിത്രം  അവതരിപ്പിച്ചിരിക്കുന്നത്.ആ  കാലത്തേ  ബ്രിട്ടന്‍റെ  ചരിത്രം  തന്നെ  ആയിരുന്നു  അവരുടെ  വളര്‍ച്ചയുടെ  കാലഘട്ടവും.അവരുടെ  പ്രണയം,അവരുടെ  തീരുമാനങ്ങള്‍  എല്ലാം  ഉള്‍പ്പെടുത്തി ചരിത്രത്തോട്  നീതി  പുലര്‍ത്തി  ആണ്  ചിത്രം  അവതരിപ്പിച്ചിരിക്കുന്നത്.എമിലി  ബ്ളണ്ട്  വിക്റ്റോറിയ  രാജ്ഞി  ആയി  മികച്ച  അഭിനയം  ആണ്  കാഴ്ച  വച്ചിരിക്കുന്നത്.അസ്തമിക്കാത്ത  സൂര്യന്റെ  സാമ്രാജ്യത്തിന്റെ  ചരിത്രത്തിലെ  ഒരു  കാലഘട്ടം റൊമാന്‍സിന്റെ  അകമ്പടിയോടെ  അവതരിപ്പിക്കപ്പെട്ടിരിക്കുന്നു  ഈ ചിത്രത്തില്‍.

More movie  suggestions @www.movieholicviews.blogspot.ca

Saturday, 30 July 2016

677.REPULSION(ENGLISH,1965)

677.REPULSION(ENGLISH,1965),|Mystery|Thriller|,Dir:-Roman Polanski,*ing:-Catherine Deneuve, Ian Hendry, John Fraser .


       വിഖ്യാത  സംവിധായകന്‍  ആയ  റോമന്‍ പോളന്‍സ്ക്കിയുടെ Apartment Trilogy യിലെ  ആദ്യ  സിനിമ  ആയിരുന്നു Repulsion.കഥകള്‍  തമ്മില്‍ പരസ്പ്പര  ബന്ധം  ഇല്ലെങ്കിലും സിനിമയിലെ പ്രധാന സംഭവങ്ങള്‍  എല്ലാം തന്നെ  നടക്കുന്നത് Apartment കളില്‍ ആണ്.Repulsion,Rosemary's Baby,The Tenant എന്നിവയാണ് ഈ  Trilogy  യിലെ  മൂന്നു  ഭാഗങ്ങള്‍.

   അസാധാരണം  ആയ  ഒരു  മാനസികാവസ്ഥയ്ക്ക്  അടിമ  ആണ് കരോള്‍ എന്ന  യുവതി.ഒരു  സലൂണില്‍  ജോലി  ചെയ്യുന്ന  അവളുടെ  പ്രവൃത്തികള്‍  പലപ്പോഴും അപരിചിതം  ആയി  തോന്നും.ജോലിക്കിടയില്‍ പെട്ടന്ന്  ഉറക്കത്തിലേക്കു  പോവുക.ഉറങ്ങുന്ന  സമയം  എഴുന്നേറ്റു  നടക്കുക എന്നിവ  ഒക്കെ അവളുടെ  ജോലിയിലും  സഹോദരിയോടൊപ്പം ഉള്ള  ആ  Apartment  ലെ  താമസ   സ്ഥലത്തും പ്രതിഫലിച്ചൂ.കരോളിന്റെ പുരുഷന്മാരോട്  ഉള്ള സമീപനവും  തികച്ചും  വ്യത്യസ്തം  ആയിരുന്നു.അവളുടെ പ്രായത്തില്‍ ഉള്ള  സ്ത്രീകള്‍ പുരുഷന്മാരില്‍ നിന്നും എന്ത്  ആഗ്രഹിക്കുന്നോ അവള്‍ അതില്‍  നിന്നും  എല്ലാം  വ്യത്യസ്ത  ആയിരുന്നു.കോളിന്‍ എന്ന  യുവാവ്  അവളുടെ  പിന്നാലെ  പ്രണയാഭ്യര്‍ത്ഥന  ആയി  നടന്നുവെങ്കിലും  അവള്‍  അയാളെ ഒഴിവാക്കാന്‍  ശ്രമിക്കുന്ന പോലെ  തോന്നി.

      സുഹൃത്തിന്റെ  കയ്യില്‍  നിന്നും  ലഭിച്ച  മുയലിറച്ചി  പാചകം  ചെയ്യാന്‍  അവളുടെ  സഹോദരി  ശ്രമിക്കുന്ന  അന്ന്  അവര്‍ പുറത്തു  നിന്നും  ഭക്ഷണം  കഴിക്കാന്‍  ആയി  കാമുകനോടൊപ്പം  പോകുന്നു.അന്ന്  രാത്രി ഒറ്റയ്ക്ക്  ഉറങ്ങുന്ന  കരോള്‍ പല  കാരണങ്ങളാലും  അസ്വസ്ഥ  ആകുന്നു.കരോള്‍  മറ്റൊരാള്‍  ആയി  മാറുകയായിരുന്നു.ഒരു  പക്ഷെ എന്തിനെയോ  ഭയപ്പെടുന്ന  എല്ലാത്തിനെയും  വെറുക്കുന്ന  ഒരാള്‍.അവളുടെ മാനസികാവസ്ഥ  തന്നെ  മാറി  തുടങ്ങുന്നു.വിണ്ടു കീറി  മാറി  പോകുന്ന  ഭിത്തി,അവളെ  ആക്രമിക്കാന്‍  ശ്രമിക്കുന്ന  രൂപങ്ങള്‍  ഒക്കെ  അവളെ  മാറ്റി  തുടങ്ങുന്നു.അവളുടെ സഹോദരി കാമുകനും  ആയി യാത്രയ്ക്ക്  പോകുന്ന അന്ന് തുടങ്ങുന്നു അവളുടെ  ജീവിതത്തിലെ  മാറ്റങ്ങള്‍.അവള്‍ക്കു  സംഭവിച്ചു  കൊണ്ടിരുന്ന  മാനസികാവസ്ഥയിലെ  വ്യതിയാനങ്ങള്‍ മറ്റൊരു  അവസ്ഥയിലേക്ക്  എത്തി  ചേരുന്നു.

   മികച്ച   ഒരു  സൈക്കോളജിക്കല്‍ ത്രില്ലര്‍  എന്ന്  വിശേഷിപ്പിക്കാം Apartment Trilogy യിലെ ആദ്യ  ചിത്രത്തെ.റോമന്‍ പോലന്‍സ്ക്കിയുടെ  ചിത്രങ്ങളിലെ    ആദ്യ  ഇംഗ്ലീഷ്  ചിത്രം  ആയിരുന്ന Repulsion അദ്ധേഹത്തിന്റെ  മികച്ച  ചിത്രം  ആയാണ്  പരിഗണിക്കുന്നത്.കരോളിന്റെ  ജീവിതത്തിലെ  എന്താണ്  എന്ന്  സംഭവിച്ചത്  എന്നറിയാന്‍  ചിത്രം  കാണുക.

More movie suggestions @www.movieholicviews.blogspot.ca

676.CETVTRI COVEK(SERBIAN,2007)

676.CETVTRI COVEK(SERBIAN,2007),|Mystery|Thriller|,Dir:-Dejan Zecevic,*ing:-Nikola Kojo, Dragan Petrovic, Bogdan Diklic .


   ഒരു  മലയാള  നടന്‍റെ  കരിയറിലെ ഏറ്റവും  Bold ആയ  കഥാപാത്രം  ആയി  മാറിയ  സിനിമയുടെ  അടുത്ത്  നില്‍ക്കുന്ന   സിനിമകള്‍  ആണ് Hong Kong  ചിത്രമായ  Murderer,Liam Neeson ചിത്രമായ  Unknown  പിന്നെ സെര്‍ബിയന്‍  ചിത്രമായ Cetvtri Covek എന്നിവ  ഈ  നാല്  ചിത്രങ്ങളും പ്രമേയത്തിലും  അവതരണത്തിലും  വ്യത്യാസം  ഉണ്ടായിരുന്നെങ്കിലും  ഒരു  വഴിയിലൂടെ  സഞ്ചരിച്ച  ചിത്രങ്ങള്‍  ആയിരുന്നു പല  പ്ലോട്ടുകളിലൂടെ   എന്ന്  പറയാം.ഈ  സെര്‍ബിയന്‍  ചിത്രം  സെര്‍ബിയന്‍  രാഷ്ട്രീയവും അത് പോലെ മുഖ്യ  കഥാപാത്രത്തിന്  അപരിചിതമായ  ബന്ധങ്ങളും  എല്ലാം  പ്രമേയപരമായി  അവതരിപ്പിക്കുന്നു.

   മേജര്‍  എന്ന്  പേരുള്ള നിക്കോളോ  കൊജയുടെ  കഥാപാത്രം  കണ്ണ്  തുറക്കുമ്പോള്‍ അയാള്‍  ആശുപത്രി  കിടക്കയില്‍  ആയിരുന്നു..താന്‍  ആരാണെന്നോ  എന്താണെന്നോ  അറിയാന്‍ കഴിയാത്ത  അവസ്ഥ.തലയില്‍  അസ്സഹനീയം  ആയ  വേദന.അയാള്‍  കാണുന്ന  ഭയാനകമായ  കാഴ്ചകള്‍ എല്ലാം  തന്നെ  അയാളുടെ  existence നെ തന്നെ  സ്വയം  ചോദ്യത്തിന്  വിധേയം  ആക്കുന്നു.അയാളെ  കാണാന്‍  എത്തിയ  Colonel  എന്ന്  സ്വയം  പരിചയപ്പെടുത്തുന്ന  ആള്‍  അവര്‍ രണ്ടു പേരും  ഉറ്റ സുഹൃത്തുക്കള്‍  ആയിരുന്നു  എന്നും Point-Blank ല്‍  നിന്നും  വെടിയേറ്റ  അയാള്‍ ഭാഗ്യം  കൊണ്ട്  രക്ഷപ്പെട്ടത്  ആണെന്നും  അറിയിക്കുന്നു.എന്നാല്‍  അയാളുടെ  മകനും  ഭാര്യയും  കൊല്ലപ്പെട്ടിരിക്കുന്നു ഓര്‍മ ഇല്ലാത്ത   അയാള്‍  Amnesia എന്ന  രോഗാവസ്ഥയില്‍ ആണെന്ന്  ഡോക്റ്റര്‍ അറിയിക്കുന്നു.

    മേജറിന്  തന്റെ  ജീവിതത്തില്‍  എന്താണ്  സംഭവിച്ചത്  എന്നറിയണം  എന്ന്  തോന്നി.അയാള്‍  അതിനായുള്ള  ശ്രമങ്ങള്‍  ആരംഭിക്കുന്നു.ആ  സമയത്താണ് ആ  കേസ്  അന്വേഷണം നടത്തിയ  ഇന്‍സ്പെക്ട്ടര്‍  ആണെന്നും  പറഞ്ഞു ഒരാള്‍ അയാളെ സമീപിക്കുന്നതുന്നത്.അന്ന്  നടന്ന  സംഭവങ്ങളുടെ  പുറകില്‍ ആരാണ്  ഉള്ളതെന്ന്  അയാള്‍ക്ക്‌  അറിയാം  എന്നും  എന്നാല്‍  ബാഹ്യ  ഇടപ്പെടലുകള്‍  കാരണം ആണ്  കേസ്  അന്വേഷണം  നിര്‍ത്തി  വച്ചത്  എന്നും  അയാള്‍  മേജരെ  അറിയിക്കുന്നു.അതി  വിദഗ്ധ  പട്ടാള  പരിശീലനം  നേടിയ  മേജര്‍ സ്വന്തമായി  ആ  നാലാമത്തെ  ആളെ  തേടി   ഇറങ്ങുന്നു.മേജര്‍,മകന്‍,ഭാര്യ  എന്നിവര്‍  അല്ലാതെ  അന്ന്  അവിടെ  ഉണ്ടായിരുന്ന  നാലാമത്തെ  ആള്‍..അതാരായിരുന്നു?ആ അന്വേഷണത്തിന്റെ  കഥ  ആണ്  ച്കിചിത്രം   അവതരിപ്പിക്കുന്നത്‌.

   Identity  Crisis  ല്‍  നില്‍ക്കുന്ന  ഒരു  കഥാപാത്രം.അയാളുടെ  മനസ്സിനെ  സ്വാധീനിക്കുന്ന അന്വേഷിച്ചു  നടക്കുമ്പോള്‍  അയാളുടെ  ഭൂതക്കാലം  അയാളെ  വേട്ടയാടി  തുടങ്ങുന്നു.ത്രില്ലര്‍ /മിസ്ട്ടരി  സിനിമ  സ്നേഹികള്‍ക്ക് ഇഷ്ടപ്പെടാവുന്ന  ചിത്രം  ആണ്  Cetvtri  Covek.

More movie suggestions @www.movieholicviews.blogspot.com

Monday, 18 July 2016

675.ORU NAAL KOOTHU (TAMIL,2016)

675.ORU NAAL KOOTHU (TAMIL,2016),|Romance|Thriller|,Dir:-Nelson Venkatesan,*ing:-Attakathi Dinesh,Miya,Nivetha.

   
  സമീപ  കാലത്ത്  ഇറങ്ങിയ  ഇരൈവി  എന്ന  ചിത്രം  അവതരിപ്പിച്ചിരുന്ന  പ്രമേയം ഒരു  ഭാഗത്ത്‌  സ്ത്രീപക്ഷം  പിടിക്കുന്ന  ചിത്രം  ആയിരുന്നെങ്കിലും  ശ്രദ്ധേയമായിരുന്നു  അതിന്റെ നേരെ  കാണിക്കുന്ന  കഥാസാരം.സൗഹൃദം,ബന്ധങ്ങള്‍  എന്നിവയ്ക്കെല്ലാം  പ്രാധാന്യം  നല്‍കിയ  ആ  ചിത്രത്തിനോട്  പ്രമേയപരമായി  സാമ്യം  പുലര്‍ത്തുന്ന  മറ്റൊരു  ചിത്രം  ആണ് ഒരു  നാള്‍  കൂത്ത്‌.എന്നാല്‍  കഥാസാരം പ്രണയകഥ ആയി  ആണ്  അവതരിപ്പിച്ചിരിക്കുന്നത്.ശരിക്കും  സാദൃശ്യം  തോന്നുന്ന  കഥാപാത്രങ്ങള്‍  ഈ രണ്ടു  ചിത്രങ്ങളിലും ഉണ്ട്.പ്രത്യേകിച്ചും  സ്ത്രീ  കഥാപാത്രങ്ങള്‍.

    ഒരു  ദിവസം  നടക്കുന്ന  സംഭവങ്ങള്‍,അതിലേക്കു  കഥാപാത്രങ്ങള്‍  വരാന്‍  ഉണ്ടായ  സന്ദര്‍ഭങ്ങള്‍  എന്നിവയാണ്  ഒരു  നാള്‍  കൂത്ത്‌  അവതരിപ്പിക്കുന്നത്‌.ഐ റ്റി  മേഖലയില്‍  ജോലി  ചെയ്യുന്ന രാജ്കുമാര്‍,കാവ്യ,റേഡിയോ  ആര്‍  ജെ  ആയ  സുശീല,സതീഷ്‌ ,പിന്നെ  സാധാരണ  പെണ്‍ക്കുട്ടി  ആയ ലക്ഷ്മി.പല  തട്ടില്‍  ഉള്ള  ജീവിതത്തില്‍  നിന്നും  വന്ന  ഇവരെല്ലാം  ജീവിതത്തില്‍  അവര്‍ക്ക്  നിയോഗിക്കപ്പെട്ട  സ്ഥലങ്ങളില്‍  വച്ച്  കണ്ടു  മുട്ടുന്നു.കഥാപാത്രങ്ങള്‍  എല്ലാവര്ക്കും പൊതുവായി  അവരെ  ബന്ധിപ്പിക്കുന്നത്  പ്രണയം  ആണ്.ക്ലൈമാക്സിലേക്ക്  അടുക്കുമ്പോള്‍  നടക്കുന്ന  സംഭവങ്ങള്‍ ,പിന്നെ  അവിടെ  നിന്നുള്ള  ട്വിസ്റ്റുകള്‍  അതാണ്‌  ചിത്രത്തിന്റെ  കഥ.

   ഇനി  ഇരൈവിയും  ആയി  തോന്നുന്ന  സാദൃശ്യം.യാഴിനിയോടു  സാദൃശ്യം  തോന്നുന്ന  കഥാപാത്ര  സൃഷ്ടി  ആണ്  ഈ  ചിത്രത്തിലെ  കാവ്യയ്ക്ക്.സമ്പന്ന  കുടുംബാംഗങ്ങള്‍.ഒരു  പരിധി  വരെ  തന്റെ പുരുഷന്റെ ഇഷ്ടങ്ങള്‍ക്ക്  അനുസരിച്ച്  ജീവിച്ചവല്‍.എന്നാല്‍  സഹന  ശക്തിയുടെ അളവുക്കോലില്‍  അവര്‍  തന്റെ  ജീവിതത്തിലെ  നിര്‍ണായ  തീരുമാനങ്ങള്‍ സ്വയം  എടുക്കുന്നു. മലര്‍ വിഴിയും  സുശീലയും.ജീവിതത്തില്‍  നേരിട്ട ദുരന്തങ്ങളെ  അവര്‍  നേരിട്ടത്  അല്‍പ്പം  വളഞ്ഞ  വഴിയിലൂടെ  ആണെന്ന്  മാത്രം.പുരുഷ  സമൂഹത്തെ   അവരെ  നേരിട്ടത്  അവരുടെ  ലൈംഗിക  തൃഷ്ണയില്‍  അവരെ  ഉള്‍ക്കൊള്ളിച്ചു  കൊണ്ടാണ്.അതിലേക്കു  എത്തിയ  സന്ദര്‍ഭങ്ങള്‍  പോലും  നഷ്ടങ്ങളുടെ  കഥയാണ്.കഥാപാത്രങ്ങളുടെ  അവതരണ  രീതി  ഒരു  പോലെ  ആയിരുന്നെങ്കിലും  ക്ലൈമാക്സില്‍  അല്‍പ്പം  മാറ്റം  സംഭവിച്ചത് ലക്ഷ്മിയുടെയും  പൊന്നിയുടെയും  കാര്യത്തില്‍  ആണ്.രണ്ടു  പേര്‍ക്കും  സ്വാതന്ത്ര്യം  കിട്ടിയത്  പോലെ  തോന്നുമെങ്കിലും അതില്‍ പൊന്നിയുടെ കഥാപാത്രം  നേരിട്ട  അത്ര  ദുരന്തം ലക്ഷ്മി  നേരിട്ടില്ല.ഇതെല്ലാം  ചിത്രം  കണ്ടപ്പോള്‍  തോന്നിയ  ചില സമയങ്ങള്‍  ആണ്."ഒരു  നാള്‍  കൂത്ത്‌"  സാധാരണ  പ്രേക്ഷകര്‍  ആഗ്രഹിക്കുന്ന  നല്ല  അവസാനം  അവതരിപ്പിക്കുമ്പോള്‍  ഇരൈവി  ദുരന്തങ്ങളുടെ  ഘോഷയാത്ര  ആയിരുന്നു."ഒരു  നാള്‍  കൂത്ത്‌" നല്ല  ചിത്രങ്ങളുടെ  ഗണത്തില്‍പ്പെടുത്താവുന്ന ഒന്നാണ്.


More Movie  suggestions @www.movieholicviews.blogspot.com

Sunday, 3 July 2016

674.THE HOUSEMAID(KOREAN,2010)

674.THE HOUSEMAID(KOREAN,2010),|Drama|Thriller|,Dir:-Sang-soo Im,*ing:-Do-yeon Jeon, Jung-jae Lee, Yeo-jeong Yoon.

   സുഖം  അന്വേഷിച്ചു  പോകുന്ന  മനുഷ്യര്‍.ആര്‍ക്കും  ആരോടും  ആത്മാര്‍ഥത  ഇല്ലാത്ത  ഒരു  വീട്.എല്ലാം  നിയന്ത്രിക്കുന്നത്‌  പണം.1960 ല്‍  റിലീസ്  ആയ കിം കി യംഗിന്റെ  അതെ  പേരില്‍  ഉള്ള  സിനിമയുടെ  റീമേക്ക്  ആയിരുന്നു  2010 ല്‍  ഇറങ്ങിയ  ഈ ചിത്രം.കൊറിയന്‍  സിനിമയുടെ  ചരിത്രത്തിലെ  ഏറ്റവും  മികച്ച  ക്ലാസിക്കുകളില്‍  ഒന്നായി  മാറിയ 1960 ലെ  ചിത്രം പുതിയ  കാലഘട്ടത്തിലേക്ക് മാറ്റി  അവതരിപ്പിച്ചപ്പോഴും   മനുഷ്യന്റെ  സ്ഥായിയായ സ്വഭാവത്തില്‍  മാറ്റങ്ങള്‍  വരാത്തത്  കൊണ്ട്  തന്നെ  എക്കാലവും പുതുമയുള്ള  പ്രമേയം  ആയി  നിലക്കൊണ്ടു  എന്ന്  തന്നെ പറയാം.

    ഈ  ചിത്രത്തെ  പതിവ്  കൊറിയന്‍  ത്രില്ലര്‍  ചിത്രങ്ങളില്‍  നിന്നും വിഭിന്നമായി ഒരു  മെലോഡ്രാമ -ത്രില്ലര്‍  ചിത്രം  ആയി കണക്കാക്കാം..ആദ്യ  സിനിമയുടെ   പശ്ചാത്തലത്തില്‍  നിന്നും  വളരെയധികം  മാറ്റം  ഉണ്ടെങ്കിലും  മൂല  കഥ  നില  നിര്‍ത്തിയിട്ടുണ്ട്.ധനിക  കുടുംബത്തിലെ  സ്ത്രീയുടെ  പ്രസവ  സമയം  അവിടത്തെ  ജോലിക്കാരി  ആയി  വന്ന  യുവതി  ആണ് യൂന്‍ യി.ഗര്‍ഭിണി  ആയ  ഭാര്യയില്‍  നിന്നും  തനിക്കു  ആവശ്യമുള്ള  സുഖം  ലഭിക്കാതെ  ആയ ഹൂന്‍  അയാളുടെ  താല്‍ക്കാലിക  ആവശ്യങ്ങള്‍ക്കായി  യൂന്‍  യിയെ  ഉപയോഗിക്കുന്നു.എന്നാല്‍  അവരുടെ  ബന്ധത്തില്‍  ഉള്ള  ആത്മാര്‍ഥത  ചോദ്യം  ചെയ്യപ്പെട്ടേക്കാം  എങ്കിലും ആ  സംഭവം  ആ  വീട്ടിലെ  സാഹചര്യങ്ങള്‍  സങ്കീര്‍ണം  ആക്കുന്നു.

     പ്രത്യേകിച്ചും  മനുഷ്യ  മനസ്സിന്റെ  മറ്റൊരു   ഭാഗം  അവിടെ  ദൃശ്യം  ആവുകയാണ്,.ഹൂനിന്റെ  ഗര്‍ഭിണി  ആയ  ഭാര്യ,അവരുടെ  അമ്മ,അവിടത്തെ  മറ്റൊരു  ജോലിക്കാരി ചോ  ഒക്കെ ഈ  സാഹചര്യത്തില്‍ വിഭിന്നമായ  രീതിയില്‍  പ്രതികരിക്കുന്നു.യൂന്‍  യി  ആണ്  എല്ലാം  അനുഭവിക്കേണ്ടി  വരുന്നതും.ആ  ജീവിത  സാഹചര്യങ്ങള്‍  അവളെ  കൊണ്ടെത്തിക്കുന്നത്  വളരെ അപകടകരമായ  ഒരു  അവസ്ഥയില്‍  ആണ്.കൂടുതല്‍  അറിയാന്‍  ചിത്രം  കാണുക.നേരത്തെ  പറഞ്ഞത് പോലെ  തന്നെ  ഒരു  മെലോ ഡ്രാമ-ത്രില്ലര്‍ ആയതു കൊണ്ട്  തന്നെ  പതിവ്  കൊറിയന്‍  സിനിമ ആരാധകരുടെ അഭിരുചികളില്‍  നിന്നും  വ്യത്യസ്തം  ആണ്  ഈ ചിത്രം.


More Movie   suggestions @www.movieholicivews.blogspot.com

673.MONEY MONSTER(ENGLISH,2016)

673.MONEY MONSTER(ENGLISH,2016),|Thriller|Crime|,Dir:-Jodie Foster,*ing:-George Clooney, Julia Roberts, Jack O'Connell

   പണം  എന്നത്  കൊണ്ട് ആധുനിക  ലോകത്തില്‍  ഉദേശിക്കുന്നത് പേപ്പറില്‍  എഴുതിയ  വിലയ്ക്കും  അപ്പുറം കുറെ  കണക്കുകളില്‍ കുരുങ്ങി  കിടക്കുന്ന Virtual Money  ആയി  മാറുമ്പോള്‍ അതിനുള്ളിലെ  അപകടങ്ങളിലേക്ക്  ഉള്ള  ഒരു  ചെറിയ  സൂചന  ആണ്  ജോര്‍ജ്  ക്ലൂണി  നായകനായ  ,ജോഡി  ഫോസ്റ്റര്‍  സംവിധാനം  ചെയ്ത  ഈ  ചിത്രം  അവതരിപ്പിക്കുന്നത്‌.Money Monster എന്ന  സാമ്പത്തിക  വിശകലന  പരിപാടി  ടെലിവിഷന്‍  ചാനലില്‍ അവതരിപ്പിക്കുന്ന ലീ  ഗേറ്റ്സ് അയാളുടെ  പരിപാടിയുടെ  അവതരണത്തിലെ  പ്രത്യേകത  കൊണ്ട്  തന്നെ  ഉയര്‍ന്ന  റേറ്റിംഗ്  ഉള്ള  അവതാരകന്‍  ആണ്.പ്രേക്ഷകരും ഏറെ.സാമ്പത്തിക ലോകത്ത് പുതുതായി  നടക്കുന്ന അല്ലെങ്കില്‍  നടക്കാന്‍ പോകുന്ന  കാര്യങ്ങളെ അവലോകനം  ചെയ്യുന്നതില്‍ അയാള്‍ക്ക്‌  വൈദഗ്ധ്യം  ഉണ്ടായിരുന്നു.

   പല  Investors  ഉം  അത്  കൊണ്ട്  തന്നെ  ഗേറ്റ്സിന്റെ പ്രവചനങ്ങളെ  വില  മതിച്ചിരുന്നു.ഒരു  ദിവസം  പതിവ്  പോലെ  തന്റെ  ലൈവ്  ഷോയും  ആയി  ഗേറ്റ്സ് സ്റ്റുഡിയോ  ഫ്ലോറില്‍  നില്‍ക്കുമ്പോള്‍  ആണ്  ആ  അജ്ഞാതന്‍  എത്തുന്നത്‌.അയാള്‍  ഗേറ്റ്സിനെ ആ  ലൈവ്  ഷോയുടെ  ഇടയില്‍  തന്നെ ബന്ദി  ആക്കുന്നു.എന്തായിരുന്നു  അയാളുടെ  ഉദ്ദേശം?ഗേറ്റ്സിനെ  അയാള്‍  എന്ത്  കൊണ്ട്  ബന്ദി  ആക്കി?ഇതാണ്  ബാക്കി  ചിത്രം  അവതരിപ്പിക്കുന്നത്‌.

  The  Big Short ഒക്കെ  പോലെ  സാമ്പത്തിക  -സങ്കീര്‍ണ  അവലോകനങ്ങള്‍  ഉള്ള ചിത്രം  ആകും  എന്നായിരുന്നു  ആദ്യം  കരുതിയത്‌.എന്നാല്‍  പിന്നീട്  ചിത്രം  ഒരു  ത്രില്ലര്‍  ആയി  മാറുകയായിരുന്നു.ക്ലൈമാക്സിലേക്ക്  അടുക്കുമ്പോള്‍  ചിത്രം  അതിന്റെ  Mystery  സ്വഭാവത്തില്‍  നിന്നും  മാറിയത്  പോലെ  തോന്നി.പക്ഷെ  കൌതുകം  തോന്നിപ്പിക്കുന്ന കഥാ  പശ്ചാത്തലം സന്ദര്‍ഭങ്ങള്‍  ഒക്കെ  ചിത്രത്തെ  തരക്കേടില്ലാത്ത  ഒരു  ത്രില്ലര്‍  ആക്കി  മാറ്റുന്നു.

More movie suggestions @www.movieholicviews.blogspot.com

Saturday, 2 July 2016

672.URIYADI(TAMIL,2016)

672.URIYADI(TAMIL,2016),|Crime|Thriller|,Dir:-Vijay Kumar,*ing:- Vijay Kumar,Mime Gopi,Chandru Kumar,Citizen Sivakumar.

   തമിഴ്  സിനിമയില്‍  പുതുമകള്‍  അവസാനിക്കുന്നില്ല.പരീക്ഷണം  എന്ന്  പറയാമായിരുന്നു  ഈ  പുതുമകളെ  ഒക്കെ.എന്നാല്‍ പരീക്ഷണ  ചിത്രങ്ങള്‍  എന്നതിലുപരി  ഈ  ചിത്രങ്ങള്‍ മികവു  പുലര്‍ത്തി.പുതുമുഖങ്ങള്‍  അഭിനയിക്കുന്ന  ചിത്രം.തുടക്കം  ഒക്കെ  കാണുമ്പോള്‍  ഒരു  തട്ടി  കൂട്ടിയ  ചിത്രം  ആകുമെന്ന്  കരുതി.എന്നാല്‍ തമിഴ്നാടിന്റെ   രാഷ്ട്രീയം  ചിത്രം  ഭംഗിയായി  അവതരിപ്പിച്ചിരിക്കുന്നു  ഈ  ചിത്രത്തില്‍.ജാതി  സംഘടനകള്‍ ദേശിയ പാര്‍ട്ടികളെ പോലും  നിഷ്പ്രഭം  ആക്കി  തമിഴന്‍റെ  ദേശീയതയില്‍  ആണ് രാഷ്ട്രീയം  പോലും  എഴുതുന്നത്‌.ഈ  ഒരു  സാഹചര്യത്തെ  പശ്ചാത്തലം  ആക്കിയാണ് ഈ  ചിത്രം  അവതരിപ്പിച്ചിരിക്കുന്നത്.

   സുഹൃത്തുക്കള്‍  ആയ നാല്  എന്ജിനീയറിംഗ്  വിദ്യാര്‍ഥികള്‍.പ്രായത്തിന്റെതായ  അറിയാന്‍  ഉള്ള  ആഗ്രഹം  അവരില്‍  പ്രകടമാണ്.മദ്യപാനം ,ചെറിയ  അലമ്പ്  ഒക്കെ  ആയി  അവര്‍  പോകുന്നു.സാധാരണ  തമിഴ്  ചിത്രങ്ങളിലെ  കാംപസ്സുകളെ  പോലെ  അത്ര  നിറത്തില്‍  ചാലിച്ച  കോളേജ്  അല്ല ഇത്.നായിക  ആണെന്ന് കരുതാവുന്ന  കഥാപാത്രം  പോലും  ഏതൊരു  കോളേജിലും  കാണാവുന്ന ശരാശരി  സൌന്ദര്യം  ഉള്ള പെണ്‍ക്കുട്ടി.കോളേജിന്റെ  അടുത്തുള്ള മദ്യശാലയില്‍ ആണ്  സിനിമയുടെ  കഥ  കൂടുതലും  അവതരിപ്പിച്ചിരിക്കുന്നത്.


  ആ  കോളേജ് ഇരിക്കുന്ന  സ്ഥലം  ആ  ഭാഗത്ത്‌  ഉള്ള  പ്രബലമായ  രണ്ടു  ജാതികളുടെ  സംഘര്‍ഷങ്ങള്‍ക്ക്  കാരണമായ  സ്ഥലം  ആണ്.ഈ സമയത്ത്  ചിലര്‍  രാഷ്ട്രീയ  നേട്ടം  ഉണ്ടാക്കാന്‍  നോക്കുമ്പോള്‍  മറു  ഭാഗത്ത്‌  ചിലര്‍ക്ക്  പക.കോളേജ്  വിദ്യാര്‍ഥികള്‍  ഇവര്‍ക്കിടയില്‍ അകപ്പെടുന്നു.വളരെയധികം  വയലന്‍സ്  നിറഞ്ഞ  ഈ ചിത്രം അവസാനം  ഒക്കെ  ആകുമ്പോള്‍ ഇത്തരത്തില്‍  ഉള്ള  സാധാരണ  തമിഴ്  സിനിമയില്‍  നിന്നും  ഒക്കെ  മാറി  പോകുന്നു.സുഹൃദ്  ബന്ധം  ഒക്കെ സിനിമയുടെ സാധാരണ  രീതികളില്‍ നിന്നും  മാറി കൂടുതല്‍  യാഥാര്‍ത്യത്തോടെ  അവതരിപ്പിച്ചിരുന്നു.ചില  സംഭവങ്ങളെ  ഒക്കെ  അങ്ങനെ  ആകും  പ്രതിരോധിക്കുക.മസാല  കഫേയുടെ സംഗീതം "കാന്താ..ഞാനും  വരാം"  എന്ന  ഗാനം  ഉള്‍പ്പടെ  പല  മലയാള ഗാനങ്ങളുടെയും  തമിഴ്  ഭാഷ്യം  സിനിമയ്ക്കനുയോജ്യമായി  അവതരിപ്പിച്ചു.കഴിയുമെങ്കില്‍  തീര്‍ച്ചയായും കാണാന്‍  ശ്രമിക്കുക  ഉറിയടി.പ്രത്യേകിച്ചും  സിനിമയുടെ  ക്ലൈമാക്സിലേക്ക്  അടുക്കുമ്പോള്‍  ചിത്രം  മറ്റൊരു  ലെവല്‍  ആയി  മാറുന്നുണ്ട്.

More movie  suugestions @www/movieholicviews.blogspot.com

671.GREEN ROOM(ENGLISH,2015)

671.GREEN ROOM(ENGLISH,2015),|Crime|Thriller|,Dir:-Jeremy Saulnier,*ing:-Anton Yelchin, Imogen Poots, Alia Shawkat .


  Jeremy Saulnier സംവിധാനം  ചെയ്ത  Blue Ruin സിനിമ കഥകളിലെ ക്ലീഷേ   പ്രതികാര  കഥ  ആയിരുന്നുവെങ്കിലും  അവതരണ  രീതി  കാരണം  ശ്രദ്ധിക്കപ്പെട്ട ചിത്രം  ആയിരുന്നു.അരണ്ട പശ്ചാത്തലത്തില്‍ അവതരിപ്പിച്ച  ആ ചിത്രത്തിലെ നായകന്‍  ഒക്കെ  ഒരു  പക്ഷെ  അത്തരം  ഒരു  ചിത്രത്തില്‍ ഒരിക്കലും  പ്രതീക്ഷിക്കാത്ത കഥാപാത്രം  ആയിരുന്നു.ജെറെമി തന്റെ  മൂന്നാം  ചിത്രം  ആയ  Green Room ആയി  വരുമ്പോള്‍ പ്രേക്ഷകന്റെ  മുന്നില്‍  ഒരിക്കലും  പ്രതീക്ഷിക്കാത്ത  രീതിയില്‍ അവതരിപ്പിച്ച ഒരു  ചിത്രമായാണ്.ഒരു  രാത്രിയില്‍  നടക്കുന്ന  സംഭവങ്ങള്‍.വയലന്‍സ് ആണ്  എങ്ങും.നാസി  അനുകൂലികള്‍  ആയ Neo-Nazi Skin heads സ്ഥിരമായി  വരുന്ന  പബ്ബില്‍ സംഗീതം  അവതരിപ്പിക്കാന്‍ പോയ സംഗീത  ബാന്‍ഡ്  ആയിരുന്നു  അവരുടേത്.

  The Ain't Rights  എന്ന ആ  ബാന്‍ഡിന്റെ  സംഗീത  പരിപാടി  നടന്ന  ആ  ദിവസം അവിടെ  നിന്നും  ഇറങ്ങുന്ന  അവര്‍  കണ്ട  കാഴ്ച  അവരുടെ  വിദൂരമായ  സ്വപ്നങ്ങളില്‍  പോലും ഇല്ലാത്ത  സംഭവങ്ങളുടെ  ആരംഭം.ഒറ്റ  വരിയില്‍   പറയാം  കഥ.എന്നാല്‍  അത്  അവതരിപ്പിച്ച  രീതി പ്രശംസ  അര്‍ഹിക്കുന്നു.പ്രത്യേകിച്ചും  Slasher സിനിമകള്‍ എണ്ണത്തില്‍  കൂടുതല്‍  വരുന്ന  ഹോളിവുഡ് സിനിമ ലോകത്ത് അതില്‍  നിന്നും  വ്യത്യസ്തമായി  എന്നാല്‍ ആ  രീതിയോട്  സാമ്യം  ഉള്ള ഒരു  ചിത്രം  ആയി  മാറാന്‍  ഇതിനു  സാധിച്ചു.

  നിരൂപക   പ്രശംസ ഏറെ ഏറ്റു  വാങ്ങിയ  ഈ ചിത്രം രംഗങ്ങള്‍ക്ക്  അനുസൃതം  ആയ  പശ്ചാത്തല  സംഗീതത്തിന്റെ  സഹായത്തോടെ  സിനിമയ്ക്കായി  ഉദ്ദേശിച്ച ഭീകരത  നല്‍കാന്‍  സാധിച്ചിട്ടുണ്ട്.എല്ലാവര്‍ക്കും  ഈ  ചിത്രം  ഇഷ്ടം  ആകുമോ  എന്ന  കാര്യം  സംശയം  ആണ്.കാരണം Blue Ruin പോലെ  തന്നെ ജനപ്രിയമായ  ഒരു  ഘടനയല്ല  ഈ ചിത്രത്തിന്  ഉള്ളത്.മികച്ച അഭിപ്രായങ്ങള്‍ കേട്ടിരുന്നുവെങ്കിലും അധികം   പ്രതീക്ഷിക്കാതെ  കണ്ടത്  കൊണ്ട്  തന്നെ  ആകും  ഈ  ചിത്രം  ഞെട്ടിച്ചു.


More movie suggestions @www.movieholicviews.blogspot.com