Wednesday, 29 June 2016

670.IRAIVI(TAMIL,2016)

670.IRAIVI(TAMIL,2016),|Crime|Drama|,Dir:-Karthik Subbaraj,*ing:-Vijay Sethupathi,S J Surya,Bobby Simha,Anjali.

  " ഇരൈവി"- ശരിക്കും  കാര്‍ത്തിക്  സുബ്ബരാജ്  എന്ന  സംവിധായകനെ  സമ്മതിക്കണം.ഇങ്ങനെ  ഒരു  തീം.സിനിമയുടെ ആദ്യ  പകുതിയോടു  അടുക്കുമ്പോള്‍  മുതല്‍  ചിത്രം  പോകുന്ന  വഴി  ശരിക്കും  ഞെട്ടിക്കുന്നതാണ്.പ്രത്യേകിച്ചും  തമിഴ്  സിനിമ  എന്നല്ല   ഇന്ത്യന്‍  സിനിമകളില്‍  പോലും  വിരളമായി  വരുന്ന  കഥാപാത്രങ്ങളുടെ  മുന്നോട്ടുള്ള  പ്രയാണം.എസ  ജെ  സൂര്യ  എന്ന സംവിധായകന്‍  നായകന്‍  ആയപ്പോള്‍  അദ്ദേഹം  അവതരിപ്പിച്ച  നായക  കഥാപാത്രങ്ങള്‍ക്ക്  ഒക്കെ  ഒരു  എസ്  ജെ  സൂര്യ  ടച്ച്‌  കൊടുക്കാന്‍  ആയിരുന്നു  ശ്രമിച്ചിട്ടുള്ളത്.എനിക്ക്  ആ  ശൈലി  ഇഷ്ടം  ആയിരുന്നു  എങ്കിലും  പലര്‍ക്കും  അരോചകം  ആയിരുന്നു  അത്  എന്ന്  തോന്നിയിട്ടുണ്ട്.  എന്നാല്‍ ഇരൈവി അതും  മാറ്റി  മറിച്ചു.അതെ  എസ   ജെ   സൂര്യ  മികച്ച  ഒരു  നടന്‍  ആണ്.പ്രത്യേകിച്ചും   ഇത്രയും  വൈകാരികം  ആയ  കഥാപാത്രത്തെ  അവതരിപ്പിക്കുന്നതില്‍ അദ്ദേഹം  നൂറു  ശതമാനവും  വിജയിച്ചു.സിനിമയുടെ  നായകന്‍  എന്ന്  പറയാന്‍  ഒരാള്‍  ഉണ്ടെങ്കില്‍  അത്  എസ  ജെ  സൂര്യ  ആണ്.കാരണം  ചിത്രത്തിന്റെ  കഥ അവതരിപ്പിക്കുന്നത്‌ അരുള്‍  എന്ന  എസ്  ജെ  സൂര്യ  കഥാപാത്രത്തെ  ചുറ്റി  പറ്റിയാണ്.

   ഇനി  സിനിമയുടെ  കഥയിലേക്ക്.അല്‍പ്പം  സങ്കീര്‍ണത,സ്ത്രീപക്ഷം എന്നിവയെ ആസ്പദം  ആക്കിയാണ്   ചിത്രത്തിന്റെ  കഥ  അവതരിപ്പിച്ചിരിക്കുന്നത്.തന്റെ  മികച്ചതെന്നു  കരുതുന്ന  ആദ്യ   ചിത്രം  എടുത്ത  അരുള്‍  എന്ന  സംവിധയകന്‍  എന്നാല്‍ നിര്‍മാതാവും  ആയുള്ള  ശീത  യുദ്ധം  കാരണം  സിനിമ  പെട്ടിയില്‍  ഇരിക്കുന്നതില്‍  ദു:ഖിതന്‍ ആണ്  അതിലുപരി  അത്  അയാളെ  തികഞ്ഞ  മദ്യപാനിയും  ആക്കി മാറ്റി,അരുളിന്റെ  അനുജന്‍  ജഗന്‍ കൊത്തു  പണിയെ  കുറിച്ച്  പഠിക്കുന്ന  വിദ്യാര്‍ഥിയും  ആണ്.മൈക്കിള്‍  എന്ന  കഥാപാത്രം  ഇവരുടെ വിശ്വസ്തനും  അരുളിനു  അനുജനെ  പോലെയും  ആണ്.എന്നാല്‍  ചിത്രം  പറഞ്ഞു  വരുന്ന രീതി  അല്ലെങ്കില്‍  അവതരിപ്പിക്കപ്പെട്ടത്  ഒരു  സ്ത്രീ പക്ഷ  സിനിമ  ആയിട്ടാണ്.ഈ  പ്രമേയത്തില്‍  നിന്നും  എങ്ങനെ  ഇതൊരു  സ്ത്രീ പക്ഷ  ചിത്രം  ആയി  പരിണമിച്ചു  എന്നറിയണം  എങ്കില്‍  ഇരൈവി  കാണുക  തന്നെ  വേണം.

       സ്ഥിരമായി  മികച്ച  സിനിമകള്‍,പ്രകടനങ്ങള്‍  എന്നിവ  നല്‍കുന്ന  വിജയ്‌  സേതുപതി  വീണ്ടും  തന്റെ  കഴിവ്  തെളിയിച്ചു.എസ്  ജെ സൂര്യയുടെ  പ്രകടനം ഇടയ്ക്ക് വിജയ്‌  സേതുപതിയുടെ  മൈക്കിളിന്  മുകളില്‍  നിന്നതായി  തോന്നി  എന്ന്  മാത്രം.ബോബി  സിംഹയുടെ ജഗന്‍ വ്യത്യസ്ത  ഭാവങ്ങള്‍  ഉള്ള  കഥാപാത്രം  ആയിരുന്നു.അതും  മികച്ചതായി  തന്നെ  അവതരിപ്പിച്ചു.പറയാന്‍  വിട്ടു  പോയത്  ആണ്  സിനിമയിലെ  ഏറ്റവും പ്രധാനമായ  കഥാപാത്രങ്ങള്‍.അഞ്ജലി,കമാലിനി  മുഖര്ജീ,പൂജ  ദേവരിയ,വടിവുക്കരസ്സി  എന്നിവരുടെ  എല്ലാം  കഥാപാത്രങ്ങള്‍ ,അതായതു  ആ സ്ത്രീ  കഥാപാത്രങ്ങളുടെ  ജീവിത  വീക്ഷണത്തിലൂടെ  ആണ്  കഥ  അവസാനിക്കുന്നത്‌  പോലും.സ്വപ്‌നങ്ങള്‍  കണ്ടു  പുതിയ  ജീവിതം  തുടങ്ങുന്ന  ഓരോ  പെണ്‍ക്കുട്ടിയും അവരുടെ  ജീവിതം  എന്താണ് നല്‍കിയത്  എന്ന്  പോലും  മനസിലാകാത്തത്  കൊണ്ട്    അങ്ങനെ  അഭിനയിക്കുക  ആണെന്ന്  തോന്നും.  സിനിമ  കഴിയുമ്പോള്‍  ഒരു  നിമിഷം  എങ്കിലും  അരുള്‍,ജഗന്‍,മൈക്കില്‍  എന്നിവരുടെ  ജീവിതത്തില്‍  സംഭവിച്ചതിനേക്കാള്‍  പൊന്നി,മലര്‍,യാഴിനി  എന്നിവരുടെ  ജീവിതം  ആവും  ഓര്‍മയില്‍  നില്‍ക്കുക.അവരുടെ  ഭാവി?യാഴിനിയും പൊന്നിയും  അവര്‍ക്കായി  വഴി  തുറക്കും  എന്ന്  പ്രതീക്ഷിക്കാം.മലര്‍ എന്ന  സ്ത്രീയുടെ  കാര്യം?ശരിക്കും  സ്ത്രീ  മനസ്സിനെ  മനസ്സിലാക്കാന്‍  കഴിയില്ല  എന്ന്  തോന്നും  ഇതിലെ  കഥാപാത്രങ്ങളുടെ  മാനസികാവസ്ഥ  കാണുമ്പോള്‍.

  പുരുഷന്‍  ഇല്ലാത്ത  ലോകത്ത്  ജീവിക്കാം  എന്ന്  ഈ  മൂന്നു  കഥാപാത്രങ്ങളിലൂടെയും  തെളിയിച്ച  അവര്‍  എന്നാല്‍  റബര്‍  ബാന്‍ഡ്  പോലെ തന്റെ  പങ്കാളിയോട്  ഉള്ള  ജീവിതത്തിലേക്ക്  മാറാനും  തയ്യാറാണ്.ഈ  സിനിമ  പറയുന്നത്  ഫെമിനിസം  എന്ന വളരെ സങ്കുചിതമായ  ആശയം  അല്ല.പകരം ഓരോ  സ്ത്രീയും ഈ  സിനിമയിലെ  കഥാപാത്രങ്ങളുടെ  അത്രയും  ദുരിതങ്ങള്‍  അനുഭവിക്കാത്തവര്‍  പോലും  പലപ്പോഴും  ഇങ്ങനെ  മാറുന്നുണ്ടാകാം.ഈ  വര്‍ഷം  കണ്ടത്തില്‍  വച്ച്  ശരിക്കും  മനസ്സില്‍  തങ്ങി  നിന്ന  ചിത്രങ്ങളില്‍  ഒനാണു  ഇരൈവി.ഒരു  പക്ഷെ  തമിഴ്  സിനിമയിലെ  തന്നെ  മികച്ച  സിനിമകളില്‍  ഒന്ന്.അതിശയോക്തി  ആയി  എടുക്കണ്ട.നല്ല  സിനിമകള്‍  ധാരാളം  ഉണ്ട്.എന്നാല്‍  ഈ  ചിത്രത്തില്‍  ഒരു  സിനിമ  എന്നതിലുപരി  എന്തോ  ഒന്നുള്ളതായി തോന്നി.തീര്‍ച്ചയായും  കാണാന്‍  ശ്രമിക്കുക.


More movie suggestions @www.movieholicviews.blogspot.com

Monday, 20 June 2016

669.THE BRAND NEW TESTAMENT(FRENCH,2015)

669.THE BRAND NEW TESTAMENT(FRENCH,2015),|Fantasy|Comedy|,Dir:-Jaco Van Dormael,*ing:-Pili Groyne, Benoît Poelvoorde, Catherine Deneuve.


  "ദൈവം"  എന്ന concept വിശ്വാസികളിലും  അവിശ്വാസികളിലും വളരെയധികം ചോദ്യങ്ങള്‍  ഉയര്‍ത്തുമ്പോള്‍ "ദൈവം"  ബ്രസല്‍സിലെ ഒരു  ഒറ്റപ്പെട്ട കെട്ടിടത്തില്‍  അടയ്ക്കപ്പെട്ട,മറ്റാര്‍ക്കും  പ്രവേശനം ഇല്ലാത്ത  ഒരു  കെട്ടിടത്തില്‍ ബിയറും  അടിച്ച് തന്‍റെ  കമ്പ്യൂട്ടറിലൂടെ മനുഷ്യരുടെ വിഷമങ്ങളുടെ  തീവ്രത  കൂട്ടി രസിക്കുന്ന കുറെയേറെ നിയമങ്ങള്‍ പ്രോഗ്രാം  ചെയ്തു  ആസ്വദിക്കുന്ന ഒരു "Sadist" ആണെങ്കിലോ?അങ്ങനെ  ഒരാളുടെ  മൂത്ത  മകന്‍ J.C,മുഴുവന്‍ പേര്  എല്ലാവര്ക്കും  പരിചിതം  ആണ്.Jesus Christ.ഭൂമിയിലേക്ക്‌  അയച്ചപ്പോള്‍ അവിടെ  സ്വന്തം  പിതാവിന്റെ  ഉപദേശങ്ങള്‍ക്ക്  വിരുദ്ധമായി പ്രവര്‍ത്തിച്ചതിന്റെ  ഫലം  ഇപ്പോള്‍  അനുഭവിക്കുന്നു.സ്വന്തം  ഭാര്യയെ  വീട്ടില്‍ ഒരു  അടിമയെ  പോലെ  കാണുന്ന,സ്പോര്‍ട്സ്  അല്ലാതെ  ലോകത്ത്  നടക്കുന്ന ഒരു  സംഭവവും  ടി വിയിലൂടെയും കാണരുതെന്ന ഉഗ്ര ശാസന നില നില്‍ക്കുന്ന  ആ വീട്ടില്‍  ദൈവത്തിനു  ഒരു  എതിരാളി  ഉണ്ടാകുന്നു.


     ദൈവത്തിന്റെ  പ്രവര്‍ത്തികള്‍  എത്ര  ക്രൂരം  ആണെന്നും  മനുഷ്യന്റെ  ജീവിതത്തോട്  അനുകമ്പ  തോന്നുകയും  ചെയ്ത  മകള്‍ ഇയ.എല്ലാവര്ക്കും  സംസാരിക്കാന്‍  മൂത്ത  സഹോദരനും അച്ഛനും  ആണ്  വിഷയം.എന്നാല്‍  ഇയ സ്വന്തം  പിതാവിനോട്  പോരാടാന്‍  തന്നെ  തീരുമാനിച്ചൂ.അവള്‍  ലോകത്തിന്റെ  തന്നെ  നിലനില്‍പ്പിനു  കാരണം  ആയ ആ  പ്രപഞ്ച  സത്യം മനുഷ്യരിലേക്ക്  വെളിപ്പെടുത്തുന്നു.അത്  സ്വന്തം  പിതാവായ ദൈവത്തിനു  പണി  കൊടുത്തു  കൊണ്ട്  തന്നെ.


  സഹോദരന്‍  12 വിശുദ്ധന്മാരെ ആണ്  സൃഷ്ടിച്ചതെങ്കില്‍ ഇയയുടെ ഉദ്ദേശ്യം അതില്‍  ആറു  പേരെ  കൂടി  ചേര്‍ത്ത് 18 ആക്കുകയാണ്.അമ്മയുടെ ഇഷ്ട കാലിയായ  ബേസ്ബോളിലെ  കളിക്കാരുടെ  എണ്ണം  കൂടി  ആണത്.അതിനായി  ആറു  പേരെ  കണ്ടെത്തി  അവരെ  കൊണ്ട് വിശുദ്ധ  പ്രവര്‍ത്തികള്‍  ചെയ്യിപ്പിക്കണം.ഇയയുടെ  ആ ശ്രമങ്ങളും  അതിനെ  തകര്‍ക്കാന്‍  ശ്രമിക്കുന്ന  ദൈവവും  തമ്മില്‍  ഉള്ള  സംഘര്‍ഷങ്ങള്‍  ആണ്  ഈ  ഡാര്‍ക്ക്  കോമഡി  ചിത്രത്തിലൂടെ  അവതരിപ്പിച്ചിരുന്നത്.അവള്‍  ഉണ്ടാക്കാന്‍  പോകുന്ന  ഏറ്റവും  പുതിയ നിയമം  എന്തായിരിക്കും  എങ്ങനെ  ആകും  എന്നത്  പുതുമയേറിയ  ആശയത്തിലൂടെ  അവതരിപ്പിച്ചിരിക്കുന്നു  ഈ  ചിത്രത്തില്‍.ഒരു  പക്ഷെ  ദൈവത്തിന്റെ  വികൃതികള്‍  സൃഷ്ടിച്ച  ഈ ലോകം  കുറച്ചു  കൂടി  നിറപ്പകിട്ട് ഏറിയ  ഒന്നാകുമായിരുന്നു  എന്ന  കാഴ്ചപ്പാടും  ഈ  ചിത്രം  മുന്നോട്ട്  വയ്ക്കുന്നു.തീര്‍ച്ചയായും കാണേണ്ട  ഒന്നാണ്  ഈ  ബെല്ജിയന്‍  ചിത്രം.ഒരു  പക്ഷെ  സിനിമയെ  സിനിമയായി  മാത്രം   കാണേണ്ട അവസരങ്ങളില്‍ ഒന്നാണ്  ഈ  ചിത്രം  കാണുമ്പോള്‍  പ്രേക്ഷകന്  വേണ്ടത്.

More movie suggestions @www.movieholicviews.blogspot.com

Sunday, 19 June 2016

668.MINORITY OPINION(KOREAN,2013)

668.MINORITY OPINION(KOREAN,2013),Drama|Crime|,Dir:-Kim Sung-Je,*ing:-Yoon Kye-Sang,Yu Hae-Jin,Kim Ok-Vin.

   യോമ്ഗ്സന്‍ ദുരന്തത്തെ ആസ്പദം  ആക്കി സോന്‍-ആ റാമിന്‍റെ  "Sosoouigyeon" എന്ന  പേരുള്ള നോവലിനെ ആസ്പദം  ആക്കി  നിര്‍മിച്ച സിനിമയാണ് Minority
Opinion.നഗരവികസനത്തിനായി  തങ്ങളുടെ വാസ   സ്ഥലം നഷ്ടമാകും എന്ന മനസ്സിലാക്കിയ  അവിടത്തെ  ജനങ്ങള്‍ നടത്തിയ പ്രക്ഷോഭങ്ങള്‍ കലാശിച്ചത് ആറോളം   ആളുകളുടെ മരണത്തില്‍  ആണ്.അതില്‍ ഒരു പോലീസുകാരനും ഉള്‍പ്പെട്ടിരുന്നു.ഫിക്ഷന്‍ രൂപത്തില്‍  ആണ് പുസ്തകം അവതരിപ്പിച്ചിരുന്നതെങ്കിലും യഥാര്‍ത്ഥ സംഭവങ്ങളോടെ അടുത്ത് നില്‍ക്കുന്നതായിരുന്നു സിനിമയിലെ സംഭവങ്ങള്‍.

   ആ  സംഭവങ്ങളില്‍  കൊല്ലപ്പെടുന്ന പോലീസുകാരനും വിദ്യാര്‍ഥിയും നിയമവ്യവസ്ഥിതിയെ തന്നെ പ്രതിക്കൂട്ടില്‍  ആക്കി.കാരണം തന്റെ  മരിച്ചു പോയ മകനെ രക്ഷിക്കാന്‍   ആണ് പോലീസുകാരനെ  ആക്രമിച്ചതെന്ന വാദം  ജയിലില്‍  അടയ്ക്കപ്പെട്ട  മരിച്ച വിദ്യാര്‍ഥിയുടെ പിതാവ്  വാദിക്കുന്നു.വളരെയധികം വൈകാരികം  ആയ തലങ്ങളിലൂടെ ആണ് ചിത്രം സഞ്ചരിക്കുന്നത്.കാരണം,സംഭവങ്ങളെ  ആ നിലയ്ക്കും  കാണണമായിരുന്നു കേസിന്റെ തുടര്‍  വാദം കോടതിയില്‍  അവതരിപ്പിക്കുന്നവര്‍ക്ക്.പ്രത്യേകിച്ചും പോലീസുകാരന്റെ മരണം പോലീസ് വകുപ്പിനെ പുറകോട്ടു അടിപ്പിച്ചിരുന്നു.പ്രത്യേകിച്ചും ജന ശ്രദ്ധ ലഭിച്ച ഒരു ജനകീയ നീക്കത്തെ തകര്‍ക്കാന്‍ നോക്കിയതിന്റെ പഴി കൂടി  അവര്‍ക്ക് കിട്ടിയിരുന്നു.ശരിക്കും  ഈ  സംഭവത്തില്‍  കുറച്ചു  ആളുകള്‍  എങ്കിലും  Wrong Person at the Wrong Time എന്ന  അവസ്ഥയില്‍  ആയിരുന്നു.

  കേസ് കോടതിയില്‍  വാദിക്കാന്‍  അവസരം  ലഭിച്ച സ്വതവേ പുതിയ  ആളായ ജിന്‍ വോന്‍  തന്റെ  വാദങ്ങള്‍  തെളിയിക്കാന്‍  ഉള്ള  തെളിവിനായി  ഉള്ള  ശ്രമത്തില്‍  മാദ്ധ്യമ പ്രവര്‍ത്തക  ആയ കിം ഓക്കേ വിന്‍,മറ്റൊരു അഭിഭാഷകന്‍  ആയ ഡേയ്-സൂക് എന്നിവരുടെയും  സഹായം  ലഭിക്കുന്നു,എന്നാല്‍  മറു  ഭാഗത്ത്‌  നില്‍ക്കുന്ന  സ്റ്റേറ്റ്, പ്രശ്നങ്ങള്‍ ജനങ്ങള്‍  ഉണ്ടാക്കിയത് ആണെന്നും നടക്കാന്‍ പോകുന്ന നിര്‍മാണ  പ്രവര്‍ത്തനങ്ങള്‍ക്ക് ഉള്ള പിന്തുണ  പ്രശ്നങ്ങളില്‍  നിന്നും  വ്യതി  ചലിക്കുന്നതിലൂടെ  ലഭിക്കും  എന്ന  പ്രതീക്ഷയിലും   ആണ്.

  ഒരു പിതാവിന്റെ  ഭാഗത്ത്‌  നിന്നും   നിയമത്തിന്റെ  ഭാഗത്ത്‌  നിന്നും  നോക്കുമ്പോള്‍  ഉള്ള സംഘര്‍ഷം  ആണ്  ഈ  കോര്‍ട്ട് റൂം  ഡ്രാമയില്‍  ഉടന്നീളം.മരിച്ച  പോലീസുകാരന്റെ അച്ഛനും മകനെ  രക്ഷിക്കാന്‍  വേണ്ടി  ആ  പോലീസുകാരനെ  കൊന്ന  പിതാവും അനുഭവിക്കുന്ന  മാനസിക വ്യഥ ഒന്നാണോ?അതി  ശക്തമായ  നിരീക്ഷണങ്ങളിലൂടെ  ഇത്തരം ഒരു  വിഷയത്തെ  നിയമത്തിന്റെ  വഴിയിലൂടെയും  ഒപ്പം മനുഷ്യ സഹജമായ വികാരങ്ങളിലൂടെയും  ഇ  ചിത്രത്തില്‍  അവതരിപ്പിച്ചിരിക്കുന്നു.പ്രേക്ഷകനും ഈ  കഥാപാത്രങ്ങളോട് സഹതാപം  തോന്നാം.കാരണം  ചിത്രത്തിന്‍റെ  വിഷയം അല്‍പ്പം  സങ്കീര്‍ണം  ആണ്.


More movie suggestions @www.movieholicviews.blogspot.com

Saturday, 18 June 2016

667.MIND YOUR LANGUAGE(ENGLISH,1997-'86)

667.MIND YOUR LANGUAGE(ENGLISH,1997-'86),|Comedy|,Creator:-Vince Powell.


   ഈ കാലഘട്ടത്തിനു ഒരിക്കലും ഉള്‍ക്കൊള്ളാനാകാത്ത പ്രമേയം ആണ് ഈ British Comedy Series അവതരിപ്പിക്കുന്നത്‌.IELTS പോലുള്ള English Language Test കുടിയേറ്റക്കാര്‍ക്ക് ആവശ്യമില്ലാതിരുന്ന കാലഘട്ടം ആണ് പരമ്പരയ്ക്ക് ആധാരം.ഇംഗ്ലീഷ് ഭാഷ  തീരെ വശമില്ലാത്ത കുറച്ചു വിദേശികള്‍ ആ  ഭാഷ പഠിക്കുന്നതിനായി ചേരുന്ന രാത്രിക്കാല ക്ലാസുകളിലെ തമാശകള്‍ ആണ് പരമ്പരയില്‍  ഉടന്നീളം.തമാശകള്‍ എന്ന് പറഞ്ഞാല്‍ ആദ്യ പറഞ്ഞ പോലെ ഈ കാലഘട്ടത്തില്‍  ആവശ്യത്തിലേറെ വിവാദങ്ങള്‍ ഉണ്ടാക്കാന്‍  സാധ്യത ഉള്ള വംശീയാധിക്ഷേപം,സ്ത്രീ വിരുദ്ധത എന്ന്  വേണ്ട You say About  Political Incorrectness,We have it എന്ന ലൈനില്‍ ആണ്.

   എന്നാല്‍  ഇതിനെ രസകരം  ആക്കുന്നത് അതിലെ പരാമര്‍ശങ്ങളില്‍ ഉള്‍പ്പെടുത്തിയിരിക്കുന്ന,കഥയ്ക്ക്‌ അനുബന്ധം  ആയ Reference കള്‍  തന്നെയാണ്.ഇംഗ്ലീഷ് അധ്യാപകന്‍  ആയ Brown ന്റെ പേര് മുതല്‍ തുടങ്ങുന്നു ഇത്തരം മതവും,നിറവും ,വംശീയതയും നിറഞ്ഞ പട പ്രയോഗങ്ങള്‍.ഇന്ത്യക്കാര്‍ ഉള്‍പ്പെടെ  ഉള്ള കുടിയേറ്റക്കാര്‍ ബ്രിട്ടനില്‍ പ്രബലം  ആകുന്നതിനു  മുന്‍പുള്ള ഒരു  കാലഘട്ടം  ആണിത്."Laugh Tracks" പശ്ചാത്തലം ആയി  ആണ്  തമാശകള്‍ അവതരിപ്പിക്കുന്നതെങ്കിലും അതില്ലാതെ  ത്യന്നെ തമാശ എന്താണ്  എന്ന്  മനസ്സിലാക്കാന്‍ ഉള്ള സ്വാതന്ത്ര്യം ഈ പരമ്പര നല്‍കുന്നും ഉണ്ട്.പല പ്രിയദര്‍ശന്‍,സിദ്ധിഖ്-ലാല്‍ സിനിമകളിലെയും സൂപ്പര്‍ ഹിറ്റ്‌ തമാശകള്‍ ഇതിലെ  ചില രംഗങ്ങളുടെ മലയാളീകരിച്ച വെര്‍ഷന്‍ ആയിരുന്നു.

ഇതിലെ കഥാപാത്രങ്ങള്‍ ചെറിയ ജോലികളും  ആയി  ബ്രിട്ടനില്‍  ജീവിക്കുന്ന  സാധാരണക്കാര്‍  ആണ്.ആ  കാലഘട്ടത്തിലെ ഓരോ രാജ്യത്തിന്റെയും സംസ്ക്കാരവും,രാഷ്ട്രീയവും എല്ലാം വ്യക്തമായ സൂചനകളിലൂടെ,ഹാസ്യാത്മകമായ രീതിയില്‍  അവതരിപ്പിക്കുന്നും   ഉണ്ട്.

ഇനി ആദ്യ  സീസണിലേക്ക്.

  Season 1:

1."The First Lesson"
2."An Inspector calls"
3."A Fate Worst Than Death"
4."All Through The Night"
5."The Best Things in Life"
6."Come Back,All is Forgiven"
7."The Cheating Game"
8."Better To Have Loved And Lost"
9."Kill Or Cure"
10."Hello, Sailor"
11."A Point of Honour"
12. "How's Your Father?"
13. "The Examination"

  ഇംഗ്ലീഷ് അധ്യാപകന്‍  അയ ബ്രൌണ്‍ ജോലിക്ക് കയറുന്നത് മുതല്‍ ഉള്ള സംഭവങ്ങള്‍  ആണ് ഇതില്‍ ഉള്ളത്.അവസാനിക്കുന്നത്‌ അവരുടെ ഇംഗ്ലീഷ് പരീക്ഷയിലൂടെയും.
 ഇനി  കഥാപാത്രങ്ങളിലൂടെ...ജെര്‍മി ബ്രൌണ്‍ ഓക്സ്ഫോര്‍ഡില്‍ നിന്നും ബിരുദം നേടിയ ആളാണ്‌.എന്നാല്‍ മറ്റു നല്ല ജോലികള്‍ ഒന്നും കിട്ടാത്തത് കൊണ്ടാണ് അവിടെ അധ്യാപകന്‍  ആയി  വരുന്നത്.ഒരു ഒറ്റമുറി അപ്പാര്‍ട്ട്മെന്റില്‍ താമസിക്കുന്ന ബ്രൌണ്‍ അവിവാഹിതന്‍ ആണ്.വളരെയധികം ക്ഷമയുള്ള,മനുഷ്യനെ മനസിലാക്കാന്‍ കഴിയുന്ന  ആള്‍  ആണ് ബ്രൌണ്‍.അടുത്ത കഥാപാത്രം  ആണ് Ms.കോര്‍ട്നി.അവര്‍ അവിടത്തെ പ്രിന്‍സിപ്പല്‍ ആണ്.തികഞ്ഞ പുരുഷ വിദ്വേഷി  ആയ അവര്‍ക്ക് രാജഭക്തിയോടൊപ്പം കോളനിയിലെ കുടിയേറ്റക്കാരോട് സ്വതവേ പുച്ഛം ആണ്.എന്നാല്‍  ബ്രൌണിന്റെ വിധ്യാര്തികള്‍ അവരുടെ പുച്ഛം പോലും  ഹാസ്യവല്‍ക്കരിക്കാന്‍  തക്ക  മിടുക്കരായിരുന്നു.

  അലി നദീം  ഒരു  പാക്കിസ്ഥാനി  ആണ്.അയാള്‍ അവിടത്തെ പൂര്‍വ  വിദ്യാര്‍ഥിയും ആണ്.അയാള്‍ നേരത്തെ കോഴ്സില്‍ പങ്കെടുത്തത് കൊണ്ട് തന്നെ മറ്റുള്ളവരെക്കാളും നന്നായി  ഇംഗ്ലീഷ് സംസാരിച്ചിരുന്നു.പ്രത്യേകിച്ച് ജോലി ഒന്നുമില്ലാത്ത,എന്നാല്‍ പല ജോലികള്‍ ചെയ്യാന്‍  ശ്രമിക്കുകയും  ചെയ്യുന്ന ആള്‍  ആയിരുന്നെങ്കിലും  താന്‍  ജോലിക്ക് പോകാതെ ലഭിക്കുന്ന സര്‍ക്കാരിന്റെ Welfare ആണ്  ലാഭം എന്ന്  കരുതിയിരുന്നു.രഞ്ജിത്ത് സിംഗ് എന്നയാളുടെ പൗരുത്വം അല്‍പ്പം  വിവാദം  ആണ്.അയാളുടെ രാജ്യമായി സൂചിപ്പിച്ചിരിക്കുന്നത് "പഞ്ചാബ്" ആണ്.അന്നത്തെക്കാലത്ത്‌ ഇന്ത്യയില്‍ നിന്നും വിഘടിക്കാന്‍ ശ്രമിച്ചിരുന്ന വിഘടനവാദികളെ നേരിട്ട് Address ചെയ്യുക  എന്നത്  അവര്‍  ശ്രമിച്ചിരുന്നു  എന്ന് തോന്നുന്നു.തന്റെ തെറ്റുകള്‍ക്ക് എല്ലാം A Thousand Apologies എന്ന് പറയുന്ന മര്യാധക്കാരന്‍  ആയിരുന്നെങ്കിലും അലി നദീമും ആയി എപ്പോഴും പോര്‍ വിളി മുഴക്കിയിരുന്നു പഞ്ചാബി-മുസ്ലീം വിരോധം കാരണം.ആ  രീതിയില്‍  ഉള്ള പരാമര്‍ശങ്ങള്‍  ഏറെ.

   ജമീല രജ്ഞത്  ആണ്  പരമ്പരയിലെ ഇന്ത്യന്‍  പ്രതിനിധി.വീട്ടമ്മയായ ജമീലയുടെ ഇംഗ്ലീഷ് പരിജ്ഞാനം ശുഷ്ക്കം.ക്ലാസിലും Knitting  ചെയ്തു കൊണ്ടിരിക്കുന്ന അവര്‍  അന്നത്തെ  വടക്കേ ഇന്ത്യന്‍  സ്ത്രീകളുടെ stereo type ആയിരുന്നു.Good effening എന്ന വാക്ക്  കഷ്ടപ്പെട്ട് പറയാന്‍ പഠിച്ച അവര്‍ക്ക് Freeയും Free Offer ഉം  തമ്മില്‍ ഉള്ള വ്യത്യാസം അറിയില്ലായിരുന്നു.ചുംഗ് -സൂ-ലീ കമ്യൂണിസ്റ്റ് ചൈനയുടെ diplomat  ആയിരുന്നു.ചെയര്‍മാന്‍ മാവോയുടെ സൂക്തങ്ങള്‍ Riffe (Life) ല്‍ പകര്‍ത്താന്‍ ശ്രമിച്ചവള്‍.ഭൂര്‍ഷ്വ രാജ്യമായ ബ്രിട്ടനോട് ഇഷ്ടക്കേട് ഉണ്ടെങ്കിലും  അവിടെ  ജീവിക്കുന്നു.ചൈന ആണ് ലോകത്തിലെ ഏറ്റവും വലിയ ജനാധിപത്യ രാജ്യം എന്ന് വിശ്വസിക്കുന്നു.


ടാരോ നാഗസുമി എന്ന ജപ്പന്ക്കാരന്‍ സ്വതവേ മാന്യന്‍  ആണ്.ജപ്പാന്റെ സാങ്കേതിക വളര്‍ച്ചയില്‍ അഭിമാനിക്കുന്ന ആള്‍.ജാപ്പനീസ് ഫിലോസഫി ആയും ആക്കിയ ജപ്പാന്റെ പരമ്പരാഗത ശൈലിയില്‍ അഭിവാദ്യം ചെയ്തു മാത്രം സംസാരിക്കുന്ന  ആള്‍.ചുംഗ് സൂ ലീയും  ആയുള്ള രാസ്ത്രീയ പൊരുത്തക്കേടുകള്‍ പ്രശ്നങ്ങള്‍ ഉണ്ടാക്കി.യുവാന്‍ സെര്വന്റാസ് ആണ്  ഈ പരമ്പരയിലെ ഏറ്റവും രസികനായ കഥാപാത്രം.ഒരു ബാറിലെ ജീവനക്കാരന്‍  ആയ യുവാന്‍ എന്തിനു ഇതിനു Por Favor  എന്ന് പറയുന്നതിന്  കാരണം അയാള്‍ക്ക്‌ ഇംഗ്ലീഷ് മനസ്സിലാകാത്തത് കൊണ്ട്  തന്നെയായിരുന്നു.ആത്മവിശ്വാസത്തോടെ യുവാന്‍ പറയുന്ന മണ്ടത്തരങ്ങള്‍ ശരിക്കും  ആളുകളെ ചിരിപ്പിക്കും.ജിയോവാനി കപ്പലോ എന്ന ഇറ്റലിക്കാരന്‍ ഒരു രേസ്റ്റൊരന്റ്റ് ജീവനക്കാരന്‍  ആണ്.ഇറ്റലിയെക്കാളും അധികം സില്സിളിയെയും സ്ത്രീകളെയും  ആരാധിക്കുന്ന ആള്‍.യുവാന്‍  അയാളുടെ സ്പാനിഷ് ഭാഷയുടെ പേരില്‍ പരിഹസിക്കാറുണ്ട്.Johnny Bravo രീതിയില്‍ ഉള്ള കഥാപാത്രം.

  മാക്സ് എന്ന ഗ്രീക്കുകാരന്‍ ഒരു Shipping Agency ല്‍ ജോലി ചെയ്യുന്നു.ആദ്യം ജീയോവാനിയുടെ ശത്രു ആയിരുന്നെങ്കിലും അവര്‍ ഉറ്റ സുഹൃത്തുക്കള്‍  ആയി  മാറി.സ്ത്രീ വിഷയത്തില്‍ ജിയോവനിക്ക് എതിരാളിക്കൊരു പോരാളി.ഉയരക്കുറവു  അപര്‍ഷകത ഉണ്ടാക്കാറുണ്ട്.ഫ്രഞ്ച്  മാദക തിടമ്പ് ആയ ഡാനിയേല ആണ് രണ്ടു പേരുടെയും  തല്ലു കൂടലിന് കാരണം.എന്നാല്‍  എല്ലാ പുരുഷന്മാരെയും  ഇഷ്ടപ്പെടുന്ന,ഫ്രാന്‍സ് എന്നാല്‍ പ്രണയം  ആണെന്ന്  പറയുന്ന  അവര്‍ക്ക് ബ്രൌനിനോട് പ്രണയം  തോന്നുന്നു.ജര്‍മന്ക്കാരി  ആയ അന്ന ഒരു  വീട്ടില്‍ ജോലിക്ക് നില്‍ക്കുന്നു.ഗൌരവത്തില്‍ മണ്ടത്തരം പറയുന്ന  ജര്‍മനിയുടെ ദേശീയതയില്‍ അഭിമാനിക്കുന്ന കഥാപാത്രം.

  ഏതു  വാര്‍ത്തയും നിമിഷനേരം കൊണ്ട് എല്ലായിടത്തും എത്തിക്കുന്ന ഗ്ലാഡിസ് എന്ന മെസ് ജീവനക്കാരി ,സിഡ്നി എന്ന ഇംഗ്ലീഷ് കവിത പോലെ പറയുന്ന അവിടത്തെ മേല്‍നോട്ടക്കാരന്‍ എന്നിവരാണ്  ബാക്കി കഥാപാത്രങ്ങള്‍.

  ഈ കഥാപാത്രങ്ങളുടെ സ്വഭാവ വൈചിത്ര്യങ്ങള്‍  ആണ് ഓരോ എപിസോടും മുന്നോട്ടു കൊണ്ട് പോകുന്നത്.ആദ്യ സീസണിലെ മുഴുവന്‍ എപിസോടും അതീവ രസകരം  ആയിരുന്നു.ഇതിന്‍റെ ഒക്കെ ശരി-തെറ്റുകളെ കുറിച്ച് ചിന്തിക്കുന്നതിലും  ഭേദം  അവയില്‍ ഉള്ള തമാശകള്‍ ആസ്വദിക്കുക  ആണെന്ന് തോന്നിയിട്ടുണ്ട്.തീര്‍ച്ചയായും  കാണുക.

  (തുടരും )


Thursday, 9 June 2016

666.COMIC 8(INDONESIAN,2014)

666.COMIC 8(INDONESIAN,2014),|Thriller|Mystery|Comedy|,Dir:-Anggy Umbara,*ing:-Indro Warkop, Teuku Rizky Muhammad, Iqbaal Dhiafakhri Ramadhan

  ഇന്തോനേഷ്യയിലെ പ്രമുഖരായ 8  Stand-Up Comedians മുഖി കഥാപാത്രങ്ങളെ  അവതരിപ്പിക്കുന്ന  ചിത്രം ആണ്  Comic 8.ചിത്രത്തിന്റെ  അവതരണ  ശൈലി ഗയ്  റിച്ചി  സിനിമകളിലെ  രീതി   അവലംബിച്ചതായിയി  തോന്നി.കഥയില്‍  തുടങ്ങുന്ന പുതുമ പിന്നീട്  ഇന്തോനേഷ്യന്‍  സിനിമകളുടെ പ്രത്യേകമായ നിഗൂഡതയിലേക്ക് മാറുമ്പോള്‍  ചിത്രം അവിടെ  ഒരു  കള്‍ട്ട്  ആയി   മാറുന്നു.ഒരു  ദിവസം   ഇന്തോനേഷ്യയിലെ പ്രശസ്തമായ  ബാങ്ക്  കൊള്ളയടിക്കാന്‍  എട്ടു  പേര്‍  എത്തുന്നു.എന്നാല്‍  ഇവര്‍ വന്നത്  മൂന്നു  ഗ്രൂപ്പുകള്‍  ആയി  ആയിരുന്നു.

     മനോ വൈചിത്ര്യങ്ങള്‍ പ്രകടിപ്പിക്കുന്ന  ഇവര്‍  നല്ല  രീതിയില്‍  അപകടകാരികളും  ആയിരുന്നു.ഓരോ കഥാപാത്രത്തിന്റെയും പശ്ചാത്തലം  അവതരിപ്പിച്ചു  കൊണ്ടാണ്  ഇവരെ  അവതരിപ്പിക്കുന്നത്‌.വളരെ രസകരമായ  കുറെ സംഭവങ്ങള്‍  അവിടെ നടക്കുന്നു.പച്ചയായി  വംശീയാധിക്ഷേപം,പരിഹാസം,ലൈംഗിക പരിഹാസങ്ങള്‍  അങ്ങനെ  Political-Incorrectness   ഉള്ള  ധാരാളം  സംഭാഷണങ്ങള്‍  ചിത്രത്തില്‍ ഉടന്നീളം  ഉണ്ട്.എന്നാല്‍ നേരത്തെ  പറഞ്ഞത് പോലെ തമാശ   പറച്ചില്‍  തൊഴിലാക്കി   എടുത്തവര്‍  അവതരിപ്പിച്ചപ്പോള്‍  അതില്‍  നമുക്കാവശ്യമുള്ള കോമഡി  കാണാന്‍   സാധിക്കുന്നു.ചുരുക്കി  പറഞ്ഞാല്‍ ആ  വാക്കുകളെ  അതിന്റെ  sense ല്‍  അരോചകം  അല്ലാത്ത  രീതിയില്‍  ആസ്വദിക്കാന്‍  സാധിച്ചു.

   അവസാനം  ചിത്രം  ട്വിസ്ട്ടുകളില്‍  നിന്നും  ട്വിസ്ട്ടുകളിലേക്ക്  അതി  വേഗം  സഞ്ചരിക്കുന്നു.എന്തിനാണ്  അവര്‍  അന്ന്  ആ ബാങ്ക്  കൊള്ളയടിച്ചത്??പല  ഘട്ടങ്ങളായി  ബാങ്കില്‍  വന്ന  അവര്‍  തമ്മില്‍  ബന്ധം  ഉണ്ടോ   എന്ന്  പോലീസുകാര്‍  പോലും  സംശയിക്കുമ്പോള്‍  പ്രേക്ഷകനും ഈ ചിന്ത  ഉണ്ടാവുക സ്വാഭാവികം.എന്നാല്‍  അപ്രതീക്ഷിതമായ  ക്ലൈമാക്സ്  ഈ  ചിത്രത്തിന്റെ  മികച്ച  പ്രത്യേകത  ആണ്.നമ്മള്‍  എന്നും  കാണുന്ന  സിനിമകള്‍  പോലെ   മറ്റു  ഭാഷയില്‍  ഉള്ള  അല്ലെങ്കില്‍  സംസ്ക്കാരം  ഉള്ള  രാജ്യത്തെ  സിനിമകളും  കാണാന്‍  ശ്രമിക്കരുത്   എന്നൊരു  മുന്‍ക്കൂര്‍  ജാമ്യം  എടുക്കുന്നു.കാരണം  നേരത്തെ  പറഞ്ഞത്  പോലെ ഈ ചിത്രം  കാണുന്ന  മറ്റൊരാള്‍ക്ക്  തോന്നിയില്ലെങ്കിലോ  എന്ന  ചിന്ത  ആണതിന്  കാരണം.എന്തായാലും  എനിക്ക്  ഈ ചിത്രം  നന്നായി  ഇഷ്ടപ്പെട്ടൂ.മലയാളത്തിലെ "മൂക്കില്ല  രാജ്യത്ത്" പോലെ  ഉള്ള  സിനിമകള്‍  ഓര്‍ത്തു  പോയി.കഥയില്‍   ഉള്ള  സാമ്യം  ഒന്നും  അല്ല  കാരണം  എന്നും  പറയുന്നു.കഴിയുമെങ്കില്‍  കാണാന്‍  ശ്രമിക്കുക.ഈ  ചിത്രത്തിന്റെ  അടുത്ത രണ്ടു  ഭാഗങ്ങള്‍  കൂടി  റിലീസ്  ചെയ്തിട്ടുണ്ട്.

665.DEAD TIME:KALA(INDONESIAN,2007)

665.DEAD TIME:KALA(INDONESIAN,2007),|Thriller|Mystery|Fantasy|,Dir:-Joko Anwar,*ing:-Donny Alamsyah, Fachry Albar, Ario Bayu.


   ഇന്തോനേഷ്യന്‍ സിനിമകള്‍ നിലവാര  തകര്‍ച്ചയില്‍ നില്‍ക്കുന്ന സമയത്തായിരുന്നു Dead Time:Kala എന്ന ചിത്രത്തിന്റെ   വരവ്.ജോക്കോ അന്‍വര്‍ എന്ന സംവിധായകന്‍ അവതരിപ്പിച്ച  ഈ നിയോ-നോയിര്‍  ചിത്രം  വളരെയധികം പ്രശംസ  നേടുകയുണ്ടായി  നിരൂപകമാരുടെ  ഇടയില്‍  നിന്നും.ഒരു സിനിമയെ relate ചെയ്യാന്‍ പറ്റുന്ന genre  യില്‍  അവതരിപ്പിക്കുന്നത്‌  സ്ഥിരം കാണുന്ന പ്രേക്ഷകന് മറ്റൊരു  അനുഭവം  ആയിരിക്കും  ഈ ചിത്രം.ലോക സിനിമയെ വച്ച് താരതമ്യം  ചെയ്യുമ്പോള്‍ മേല്‍പ്പറഞ്ഞ വാചകം ഒരു അതിശയോക്തി  ആകുമെങ്കിലും,ഇന്തോനേഷ്യന്‍ സിനിമയ്ക്ക് നിലവാരമുള്ള  ഒരു  ചിത്രം  തന്നെ  ആയിരുന്നു ഇത്.

   പേരില്ലാത്ത ഒരു  രാജ്യത്തു ജീവനോടെ കത്തിക്കരിഞ്ഞ  മനുഷ്യരുടെ സംഭവങ്ങളില്‍ നിന്നും ആണ് ചിത്രത്തിന്റെ തുടക്കം.അസ്വാഭാവികം  ആയ സംഭവങ്ങള്‍  രാജ്യത്ത് സംഭവിക്കുന്നു.എന്നാല്‍ വെറും മരണങ്ങള്‍ക്ക്  അപ്പുറം വലിയൊരു നിഗൂഡത കൂടി  ഈ  സംഭവങ്ങളെ പിന്തുടരുന്നുണ്ട്.ഇറോസ് ,ഹെണ്ട്രോ  എന്നീ  പോലീസുകാര്‍ ആയിരുന്നു ഈ കേസന്വേഷണം നടത്തിയിരുന്നത്.ഒരു ജ്രെനളിസ്റ്റ് ആയ ജാനസും  ഈ കേസ്  അന്വേഷണത്തില്‍  ഉണ്ടായിരുന്നു.മരിച്ചവരില്‍ ഒരാളുടെ ഭാര്യയില്‍  നിന്നും രഹസ്യമായി  ലഭിച്ച  വിവരം  എന്നാല്‍  ജാനസിന്റെ  ജീവനും  അപകടമായി.അപ്രസക്തം  എന്ന് തോന്നുന്ന  ഒരു വാചകം.എന്നാല്‍  അതിന്റെ  പിന്നില്‍ വലിയൊരു കഥ  ഉണ്ടായിരുന്നു എന്ന് ആരൊക്കെയോ   സംശയിക്കുന്നു,


   അതിനെ സാധൂകരിക്കുന്ന  രീതിയില്‍  ആയിരുന്നു  പിന്നെ നടന്ന  സംഭവങ്ങള്‍.മരണം മുന്നില്‍ കാണുന്ന സംഭവങ്ങള്‍ പലരും അഭിമുഖീകരിക്കേണ്ടി വരുന്നു.കൊലപാതകങ്ങള്‍  വീണ്ടും  സംഭവിക്കുന്നു.എന്നാല്‍ ഉത്തരം  കിട്ടാത്ത  കടങ്കഥകള്‍ ആയി  മരണങ്ങളും  തുടരുന്നു.ഫാന്ടസിയില്‍  പൊതിഞ്ഞ കഥയുമായി ചിത്രം  മറ്റൊരു  തലത്തിലേക്ക്  ഉയരുമ്പോള്‍ അവസാന കുറച്ചു സമയം  ചിത്രം ആദ്യം  കണ്ടത്തില്‍ നിന്നും വേറിട്ട്‌  നില്‍ക്കുന്നതായി  തോന്നും.ഒരു  രണ്ടാം ഭാഗത്തിന്  സാധ്യത ഉണ്ടായിരുന്നെങ്കിലും പിന്നീട്   ഒരു  ഭാഗം  വന്നില്ല.ഇന്തോനേഷ്യന്‍  സിനിമ  പിന്നീട്  നല്ല സിനിമകള്‍ നല്‍കിയെങ്കിലും അവരുടെ സിനിമ ചരിത്രത്തില്‍  നല്ലൊരു  സ്ഥാനം  ഉണ്ട്  ഈ ചിത്രത്തിന് .