Thursday, 21 April 2016

654.ITS's A WONDERFUL LIFE(ENGLISH,1946)

654.ITS's A WONDERFUL LIFE(ENGLISH,1946),|Drama|Comedy|Fantasy|,Dir:-Frank Capra,*ing:-James Stewart, Donna Reed, Lionel Barrymore



"ജോര്‍ജ് ബെയ്‌ലിയും  നമ്മളും  ഇല്ലാത്ത  ലോകം"


   It's A Wonderful Life -ജോര്‍ജ്  ബെയ്‌ലിയുടെ  ജീവിതം  തിരശീലയില്‍  വരുമ്പോള്‍ പ്രേക്ഷകനിലേക്ക് ആ  കഥ  സ്വന്തം  കഥയാണ്  എന്ന്  തോന്നിപ്പിക്കാന്‍  കഴിഞ്ഞ ഫ്രാങ്ക്  കാപ്രയുടെ  മികച്ച  ചിത്രങ്ങളില്‍  ഒന്നാണ്.ജോര്‍ജ് ബെയ്ലി  പ്രതിനിധീകരിക്കുന്നത്  പലരെയും  ആണ്.കുടുംബത്തിനു  വേണ്ടി  അവര്‍  ആവശ്യപ്പെടാതെയും  ആവശ്യപ്പെട്ടും തന്റെ  സ്വപ്‌നങ്ങള്‍  ഒക്കെ  അവര്‍ക്ക്  വേണ്ടി  ചിലവക്കിയവന്‍.അതിലും  കൂടുതല്‍  പറയാന്‍  ഉണ്ട്  ജോര്‍ജ്  ബെയ്ലിയെ  കുറിച്ച്.വലിയ  ലാഭം  ഒന്നും  ഇല്ലാതെ  ആ  ചെറിയ  പട്ടണത്തിലെ  ജനങ്ങളുടെ സ്വന്തമായ  ഒരു  വീട്  എന്ന  സ്വപ്നം  തന്റെ  പിതാവില്‍  നിന്നും  തന്റെ  തോളത്ത്  കയറ്റി അവരുടെ  സ്വപ്നങ്ങളെ  നില നിര്ത്തിയവാന്‍.

   ജോര്‍ജ്  ബെയ്ലിയ്ക്ക്   ഉണ്ടായിരുന്നത്  ഒരേ  ഒരു  ശത്രു  ആയിരുന്നു.ജോര്‍ജിന്‍റെ  പ്രവര്‍ത്തികള്‍  തന്റെ  ലാഭ  വിഹിതത്തില്‍  ഇടിവ്  ഉണ്ടാക്കുന്നു  എന്ന്  മനസ്സിലായ പോട്ടര്‍  ആയിരുന്നു.സമ്പന്നന്‍  ആയിരുന്നെങ്കിലും  ആരും   ഇല്ലാതെ   ജീവിക്കുന്ന  ആള്‍,അത്  കൊണ്ട്  തന്നെ  മറ്റുള്ളവരുടെ  സന്തോഷത്തോടു  അയാള്‍ക്ക്‌  വെറുപ്പ്‌  ആയിരുന്നു.ബെയ്‌ലി  കുട്ടിക്കാലം  മുതല്‍  ചെയ്ത  പ്രവര്‍ത്തികള്‍...നിസാരം  എന്ന്  തോന്നുന്നവ.എന്നാല്‍  ഒരു  ദിവസം  ജീവിതത്തിലെ  ഏറ്റവും  വലിയ  പ്രതിസന്ധി  അയാള്‍  നേരിട്ടപ്പോള്‍  ഭൂമിയില്‍  നിന്നും  ഒരാള്‍ക്ക്‌  വേണ്ടി  വരുന്ന  പ്രാര്‍ത്ഥനകള്‍  ശ്രദ്ധിച്ച  ദൈവം  ചിറകുകള്‍  ഇല്ലാത്ത  മാലാഖയെ  വിളിച്ചു  വരുത്തി  ബെയ്‌ലിയുടെ  അടുക്കലേക്കു  അയക്കുന്നു.

   ഈ  യാത്ര  കൊണ്ട്  മാലഖയ്ക്കും  ബെയലിയ്ക്കും  ഗുണം  ഉണ്ട്.മാലാഖയ്ക്ക്  തന്റെ  ഏറ്റവും  വലിയ  സ്വപ്നം  ആയ ചിറകുകള്‍  ലഭിക്കും.ബെയ്‌ലി  നശിപ്പിക്കാന്‍  തീരുമാനിച്ച  ജീവിതത്തെ  കുറിച്ച്,അല്ലെങ്കില്‍  അയാള്‍  ഇല്ലാത്ത   ലോകം  എങ്ങനെ  ഉണ്ടാകും  എന്ന്  കാണാന്‍  ഉള്ള  അവസരവും.തീര്‍ച്ചയായും  അതിമനോഹരമായ  ഒരു  Concept ആണ്  ഈ  ചിത്രത്തില്‍  അവതരിപ്പിച്ചിരിക്കുന്നത്.നമ്മള്‍  ഇല്ലായിരുന്നെങ്കില്‍  ഈ ലോകം  എങ്ങനെ  ഉണ്ടാകുമായിരുന്നു  എന്നത്.നമുക്ക്  ഇപ്പോള്‍  പ്രിയപ്പെട്ടവര്‍,അവരുടെ  അവസ്ഥ..അവരുടെ  ജീവിതം.തീര്‍ച്ചയായും  കാണേണ്ട  ചിത്രങ്ങളില്‍  ഒന്നാണ്  It's A Wonderful Life.1947 ല്‍  അഞ്ചു  ഓസ്ക്കാര്‍  നാമനിര്‍ദേശം  ലഭിച്ച  ഈ ചിത്രം  concept  കൊണ്ട്  മാത്രം  മികച്ച  ചിത്രം  ആയി  എന്ന്  പറയാം.അത്രയ്ക്കും  ശക്തമായ  Fantasy  ചിത്രം  ആയിരുന്നു.


More movie suggestions @www.movieholicviews.blogspot.com

Tuesday, 19 April 2016

653.EL CUERPO/THE BODY(SPANISH,2012)

653.EL CUERPO/THE BODY(SPANISH,2012),|Thriller|Mystery|,Dir:-Oriol Paulo,*ing:-José Coronado, Hugo Silva, Belén Rueda.


      രഹസ്യങ്ങള്‍  ചിലപ്പോള്‍  അങ്ങനെയാണ്.രഹസ്യങ്ങള്‍  സൂക്ഷിക്കുന്നു  എന്ന്  കരുതുന്ന  ആള്‍  പോലും  അയാള്‍  അറിയാതെ  വലിയ  രഹസ്യങ്ങള്‍  അയാളെ  പിന്തുടരുന്നുണ്ടാകും.ഒരു  Thriller/Mystery  ചിത്രത്തിന്  ചേര്‍ന്ന  ഏറ്റവും  മികച്ച  പ്രമേയങ്ങളില്‍  ഒന്നായിരിക്കും  ഇത്.പ്രേക്ഷകന്റെ  മുന്നില്‍  ഉള്ള  കഥയുടെ  പിന്നില്‍  അതിലും  ത്രസിപ്പിക്കുന്ന  മറ്റൊരു  കഥ.അലക്സിന്റെ  ഭാര്യ ഹൃദയാഘാതം  മൂലം  മരിക്കുന്നു.അന്ന്  രാത്രി  മോര്‍ച്ചറി  കാവല്‍ക്കാരന്‍  ആയ ടോറസ്  എന്തോ  കണ്ടു  പേടിച്ചു  ഓടി  അപകടത്തില്‍പ്പെടുന്നു.അപകടം  ഉണ്ടാകുന്നതിനു  മുന്‍പ്  അയാള്‍  അപകടത്തെ  കുറിച്ച്  സൂചന  നല്‍കിയിരുന്നു.എന്നാല്‍  അത്  എന്താണെന്ന്   പറയുന്നും  ഇല്ല.

   പോലീസ്  അന്വേഷണം  തുടങ്ങി.വിചിത്രമായ  ഒരു  കാര്യം  ആണ്  അവര്‍  കണ്ടെത്തിയത്.അന്ന്  മരിച്ച  മയ്ക്കയുടെ   ശവശരീരം  മോഷണം  പോയിരിക്കുന്നു.സാധാരണ  ഗതിയില്‍  അവയവങ്ങള്‍  വില്‍ക്കുന്ന  മാഫിയകള്‍  ശവങ്ങള്‍  മോഷ്ടിക്കാറുണ്ട്.എന്നാല്‍  ഇവിടെ  അതിനുള്ള  സാധ്യത  വളരെയധികം  കുറവായിരുന്നു.പല കാരണങ്ങള്‍  കൊണ്ടും.മയ്ക്ക  സമ്പന്നയായ  ബിസിനസ്സുകാരി  ആയിരുന്നു.അവരുടെ  ഭര്‍ത്താവ്  അലക്സ്  മായ്ക്കയുടെ  ഉടമസ്ഥതയില്‍  ഉള്ള  ലാബില്‍  റിസേര്‍ച്  നടത്തുന്നു.കേസ്  അന്വേഷണം  ഏറ്റെടുക്കാന്‍  അന്ന്  രാത്രി  തന്നെ ഇന്‍സ്പെക്ട്ടര്‍  ജയ്മി പെന   വരുന്നു.


   അന്വേഷണത്തിന്റെ  ആദ്യ  ഘട്ടങ്ങളില്‍  ഒരു  തെളിവും  ഇല്ലാതെ  കുഴയുന്ന  അന്വേഷണ  സംഘത്തിനു  ഒന്നും  കണ്ടെത്താന്‍  സാധിക്കുന്നില്ല.എന്നാല്‍  കേസില്‍  ചില  നിര്‍ണായകമായ  തെളിവുകള്‍  കിട്ടുന്നു.ശവശരീരം  എവിടെ  പോയി?അതോ മയ്ക്കയ്ക്ക്  മരണത്തെ  അതിജെവിക്കാന്‍  കഴിഞ്ഞോ?കൂടുതല്‍  ഉത്തരങ്ങള്‍    ചിത്രം  നല്‍കും.നല്ല  മഴ  ഉള്ള  ഒരു  രാത്രിയില്‍  ഇരുണ്ട  വെളിച്ചത്തില്‍   നടക്കുന്ന  അന്വേഷണങ്ങളും  പിന്നെ  കഥപാത്രങ്ങളുടെ  ഫ്ലാഷ്  ബാക്ക്  ഒക്കെ  ഇത്തരം  ഒരു  ചിത്രത്തിന്  പറ്റിയ  മികച്ച  പശ്ചാത്തലം  ആണ്.Mystery/Thriller  സിനിമ  പ്രേമികള്‍  കണ്ടിരിക്കണ്ട  ചിത്രം  ആണ്  El  Cuerpo!!


More movie suggestions @www.movieholicviews.blogspot.com

652.11.22.63(ENGLISH,2016)

652.11.22.63(ENGLISH,2016),|Mystery|Thriller|Sci-F,Dir:-Various,*ing:-James Franco, Sarah Gadon, George MacKay .

  “You fuck with the past, and the past fucks with you.”

    ഒരു  കാലത്തില്‍  നിന്ന്  കൊണ്ട്  മറ്റു   കാലങ്ങളിലേക്ക്  യാത്ര  ചെയ്യുന്ന  Time Travelling  എന്ന concept  അതീവ  സങ്കീര്‍ണം  ആയി  തോന്നുമെങ്കിലും  ശരിക്കും  അത്  വിഭാവനം  ചെയ്യുന്ന  കാര്യങ്ങള്‍   രസകരം  ആണ്.പ്രത്യേകിച്ചും തിരുത്തലുകള്‍  ഏറെ  സാധ്യമാകും  ഈ  യാത്രയില്‍.പിഴവ്  ഉണ്ടായ ജീവിതത്തിലെ  സമയങ്ങള്‍,ദുരന്തങ്ങള്‍  എല്ലാം  എഴുതി  വച്ച  രേഖകളിലൂടെ  എത്തി  ചേര്‍ന്നാല്‍  ഒരു  പക്ഷെ  അവയെ  മാറ്റാന്‍  സാധിക്കുക  എന്നത്  ശരിക്കും  മനുഷ്യനെ   സംബന്ധിച്ച്  വലിയ  കാര്യം  ആണ്.ഒരു  പക്ഷെ  ലോകത്തിന്റെ  ഇന്നുള്ള  ഗതി  പോലും  മാറാവുന്ന  ഒന്ന്.

    അമേരിക്കയില്‍  22 നവംബര്‍ 1963  എന്ന തീയതി  അവരെ  സംബന്ധിച്ച്  വളരെ  പ്രധാനപ്പെട്ട  ഒരു  ദിവസം  ആണ്.അവരുടെ  ജനകീയന്‍  ആയ  പ്രസിഡന്‍റ്മാരില്‍  ഒരാള്‍  ആയിരുന്നു  John Fitzgerald "Jack" Kennedy ഒസ്വാള്‍ടിന്റെ  തോക്കില്‍  നിന്നും  ഉതിര്‍ന്ന  വെടിയുണ്ടയില്‍ കൊല്ലപ്പെടുന്നത്  ആ ദിവസം  ആണ്.പലരും  വിശ്വസിക്കുന്നത്  അന്ന്  ആ  കൊലപാതകം   നടന്നിരുന്നില്ലെങ്കില്‍  ലോകം  വേറെ  ഒന്നായി  മാറിയേനെ  എന്നാണു.സ്റ്റീഫന്‍  കിംഗ്  എഴുതിയ  നോവല്‍  ആയ  11.22.63  ആ  പ്രമേയത്തെ  ആസ്പദം  ആക്കിയാണ്.ആ  നോവല്‍  ടി വി മിനി  സീരിയല്‍  ആയി  മാറി.ജേക്  എപ്പിംഗ്  എന്ന  അദ്യാപകന്‍  അയാളുടെ  സുഹൃത്തായ  Al Templeton ല്‍  നിന്നും ടൈം  ട്രാവല്‍  സാധ്യമാകുന്ന  ഒരു  വഴി  മനസ്സിലാക്കുന്നു.പലപ്പോഴും  Templeton  നടത്തിയ  യാത്രയുടെ  ലക്‌ഷ്യം  പൂര്‍ത്തീകരിക്കാന്‍  ജേക്കിനോട്  അയാള്‍  ആവശ്യപ്പെടുന്നു.1960ലേക്ക്  ടൈം  ട്രാവല്‍  ചെയ്തു  പോയി 1963 ല്‍  നടന്ന  JFK യുടെ കൊലപാതകം  തടയാന്‍  ജേക്കിനോട്  ആവശ്യപ്പെടുന്നു.

   ജേക്  കാലങ്ങള്‍  പുറകോട്ടു  സഞ്ചരിച്ച് JFK  യുടെ  കൊലപാതകം  തടയാന്‍  നടത്തുന്ന  യാത്ര  ആണ്  8 എപിസോഡ്  ഉള്ള  ഈ  ടി വി മിനി  സീരീസില്‍  അവതരിപ്പുക്കുന്നത്.കാലം പിന്നിലോട്ടു  പോയി  കാര്യങ്ങള്‍  മാറ്റുമ്പോള്‍  അതിന്റെ പ്രതിഫലനം  കാലങ്ങളില്‍  മാറ്റം  ഉണ്ടാക്കും.ആ  സംഭവങ്ങള്‍   ആണ്   സീരീസില്‍  അവതരിപ്പിക്കുന്നത്‌.രാഷ്ട്രീയം  ആയ  കാര്യങ്ങള്‍  പ്രതിപാദിക്കുന്ന,JFK  മരിച്ചില്ലായിരുന്നെങ്കില്‍  ലോകം  എങ്ങനെ  ആകും  എന്ന്  അവസാനം  കാണിക്കുന്നുണ്ട്   സ്റ്റീഫന്‍  കിംഗിന്റെ  കാഴ്ച്ചപ്പാടില്‍.JFK യുടെ  മരണത്തിലെ  വിവാദങ്ങള്‍  എക്കാലവും  നില നില്‍ക്കുമ്പോള്‍  ഫിക്ഷണല്‍  രീതിയില്‍  അവതരിപ്പിച്ച  ഈ  മിനി  സീരീസ് നന്നായി  തോന്നി.ജേക്  ആയി  ജെയിംസ്  ഫ്രാങ്കോ  ആണ്  അഭിനയിച്ചത്.അഞ്ചോളം  സംവിധായകര്‍  ആണ്  ഈ  8  എപിസോഡുകള്‍  അവതരിപ്പിച്ചത്.ജെയിംസ്  ഫ്രാങ്കോയും അവരില്‍  ഒരാള്‍  ആയിരുന്നു.


More movie  suggestions @www.movieholicviews.blogspot.com

Monday, 18 April 2016

651.MAIGRET SETS A TRAP(ENGLISH,2016)

651.MAIGRET SETS A TRAP(ENGLISH,2016),|Crime|Mystery|,Dir:-Ashley Pearce,*ing:-Rowan Atkinson, Leo Staar, Shaun Dingwall.


  Rowan Atkinson-ഒരു  പക്ഷെ  ഒരാളുടെ  മുഖം  കാണുമ്പോള്‍  തന്നെ  ആളുകള്‍  ചിരിക്കുന്നത്  ആട്കിന്സന്റെ  മിസ്റ്റര്‍  ബീന്‍  കഥാപാത്രത്തെ  കാണുമ്പോള്‍  ആണ്.ആട്കിന്സനെ  ഗൌരവ പൂര്‍ണമായ  ഒരു  വേഷത്തില്‍  അവതരിപ്പിക്കുകയാണ്  മൈഗ്രറ്റ്  എന്ന  ഡിട്ടക്ട്ടീവ്  ആയി.ജോര്‍ജസ് സിമിയോനിന്റെ അതിപ്രശസ്തം  ആയ  കഥാപാത്രം  ആണ്  ഫ്രഞ്ച്  പോലീസ്  ഓഫീസര്‍  ആയ  മൈഗ്രറ്റ്.ഷര്‍ലോക്  ഹോമസ്,പോയിറോറ്റ്  തുടങ്ങിയവരുടെ  ഗണത്തില്‍  ഉള്‍പ്പെടുത്താവുന്ന  അന്വേഷണ  ഉദ്യോഗസ്ഥന്‍ ആണ്  മൈഗ്രറ്റും.

      Marcel Guillaume  എന്ന യഥാര്‍ത്ഥ   പോലീസ്  ഓഫീസറുടെ ജീവിതത്തെ  ആസ്പദം  ആക്കിയാണ് കഥാപാത്രത്തെ  രൂപപ്പെടുത്തിയിട്ടുള്ളത്."Maigret Sets  A Trap" എന്ന  ടെലിവിഷന്‍  സിനിമ  പരമ്പര മൈഗ്രറ്റ്  പരമ്പരയിലെ  ആദ്യ  ചിത്രം  ആണ്.ഫ്രാന്‍സില്‍  നടക്കുന്ന  സ്ത്രീകളുടെ  ദാരുണം  ആയ  കൊലപാതകം  ആണ്  ചിത്രത്തിന്‍റെ  പ്രമേയം. പ്രത്യേകിച്ച്  തെളിവ്  ഒന്നും  പോലീസിനു  ലഭിക്കുന്നില്ല.മരിച്ച  സ്ത്രീകളുടെ  മുടിയുടെ  നിറം  മാത്രം  ആയിരുന്നു  ആകെ  ഉണ്ടായിരുന്ന  സാമ്യം.

  ജനങ്ങളുടെ  ഇടയിലും  മാധ്യമങ്ങളും  മൈഗ്രറ്റിന്റെ  നിശബ്ദതയില്‍ രോഷാകുലര്‍  ആകുന്നു.ആ  സമയം  ആണ്  മൈഗ്രറ്റ്  ഈ  കേസിന്  തുമ്പുണ്ടാക്കാന്‍  ഒരു   തന്ത്രം  ആവിഷ്ക്കരിക്കുന്നത്‌.മൈഗ്രറ്റിന്റെ ആ  തന്ത്രത്തിന്റെ  കഥയാണ്  ഈ  ചിത്രം  അവതരിപ്പിക്കുന്നത്‌.ആട്കിന്സന്റെ   ഗൌരവപൂര്‍ണമായ   വേഷം  ആണ്  പടത്തിന്റെ  ഹൈലയിറ്റ്.അത്യാവശ്യം  നിലവാരം  ഉള്ള  കുറ്റാന്വേഷണ  ചിത്രം  ആണ്  Maigret Sets A Trap.

More movie suggestions @www.movieholicviews.blogspot.com

650.JUNGLE BOOK(ENGLISH,2016)



 650.JUNGLE BOOK(ENGLISH,2016),|Action|Adventure|,Dir:-Jon Favreau,Voices:-Neel Sethi, Bill Murray, Ben Kingsley.

     D-Box Motion നെ  കുറിച്ച്  ആദ്യമായി  കേള്‍ക്കുമ്പോള്‍   ഇത്  അനുഭവിക്കാന്‍  എന്നെങ്കിലും  കഴിയുമോ  എന്നൊരു  സംശയം  ഉണ്ടായിരുന്നു.എന്തായാലും  ജംഗിള്‍  ബുക്കിലൂടെ  തന്നെ  അത്  ആദ്യമായി  അനുഭവിക്കാന്‍  സാധിച്ചു.അമ്യൂസ്മെന്റ് പാര്‍ക്കില്‍  ഒക്കെ  ഉള്ളത്  പോലെ  തന്നെ   സാഹചര്യങ്ങള്‍ക്ക്  അനുസരിച്ചുള്ള  പ്രകമ്പനം ഒക്കെ  3 D  യുടെ  അകമ്പടിയോടെ  വല്ലാത്ത  ഒരു  അനുഭവം  ആയിരുന്നു  Scotaibank Cineplex VIP തിയറ്ററില്‍  നിന്നും  ഉണ്ടായത്.മികച്ച  തിയറ്റര്‍  Experience.ഇനി  സിനിമയിലേക്ക്  കടക്കാം.


  Rudyard Kipling എന്ന എഴുത്തുകാരനെ അറിയാവുന്നതിലും അധികം അദ്ദേഹം രൂപം നല്‍കിയ കഥാപാത്രത്തെ ആയിരിക്കും എല്ലാവര്‍ക്കും  അറിയുക.പ്രത്യേകിച്ചും തൊണ്ണൂറുകളില്‍   ബാല്യം ചിലവഴിച്ച ഇന്ത്യക്കാരുടെ  വീടുകളില്‍ ഒരു പ്രത്യേക അതിഥി തന്നെ ആയിരുന്നു ദൂരദര്‍ശനില്‍  സീരിയല്‍ ആയി വന്നിരുന്ന  ജംഗിള്‍ ബുക്ക്.സാഹിത്യത്തിനുള്ള  നോബല്‍  സമ്മാനം  ലഭിച്ച  കിപ്ലിങ്ങിന്റെ  ജംഗിള്‍  ബുക്ക്  വീണ്ടും  സ്ക്രീനില്‍  എത്തുമ്പോള്‍   വലിയ  ഒരു  അനുഭവം  ആയി   മാറുകയാണ്  പ്രേക്ഷകര്‍ക്ക്‌.പ്രത്യേകിച്ചും  പരിചിതമായ  കഥാപാത്രങ്ങള്‍  അത് പോലെ  തന്നെ മുന്നില്‍  നില്‍ക്കുന്ന  പോലെ.മൌഗ്ലിയുടെയും  കൂട്ടരുടെയും  കഥയെക്കുറിച്ച്  പ്രത്യേകിച്ച്  ഒന്നും  പറയേണ്ടതില്ല.എല്ലാവര്‍ക്കും  അറിയാവുന്ന  കഥ.എന്നാല്‍  മികച്ച  ടെക്നോളജിയുടെ  സഹായത്തോടെ  മികച്ച  ചിത്രം  ആയി  മാറുന്നു.

   1967,1994  എന്നീ  വര്‍ഷങ്ങളില്‍  ഡിസ്നി  അവതരിപ്പിച്ച ചിത്രം  ജോണ്‍ ഫെവ്ര്യുവിന്റെ  സംവിധാനത്തില്‍  വലിയ  ഹിറ്റ്  ആയി  മാറിക്കൊണ്ടിരിക്കുന്നു.മൌഗ്ലി,ബഗീര,ഷേര്‍ഖാന്‍  എന്നിവരെ  കാണാന്‍  ഒരിക്കല്‍  കൂടി  തിയറ്ററില്‍  പോയാല്‍  ഒരിക്കലും  നഷ്ടം  ഉണ്ടാകില്ല.കാരണം  ചില  കഥാപാത്രങ്ങള്‍  അങ്ങനെയാണ്  നമ്മളെ   പഴയ  കാലത്തിലേക്ക്  കൊണ്ട്  പോകുന്ന  ടൈം മഷീന്‍  ആണ്  അവയൊക്കെ.ജംഗിള്‍  ബുക്ക്  നമ്മളില്‍  പലരെ  സംബന്ധിച്ചും

 "ചെപ്പടികുന്നിൽ ചിന്നി ചിണങ്ങും ചക്കര പൂവേ
ചെന്നായ മമ്മീം അങ്കിൾ ബഗീരെം തേടുന്നു നിന്നെ ...!!  എന്ന്  തുടങ്ങുന്ന  വരികളോട്  അത്രയധികം  ഇഴ  ചേര്‍ന്നിരിക്കുന്നു.

More movie  suggestions @www.movieholicviews.blogspot.com

649.ZOOTOPIA(ENGLISH,2016)

649.ZOOTOPIA(ENGLISH,2016),|Animation|Crime|Mystery|,Dir:-Byron Howard, Rich Moore ,Voices:-Ginnifer Goodwin, Jason Bateman, Idris Elba .


     നമ്മള്‍  ജീവിക്കുന്ന  ലോകം  വളരെയാധികം  വൈവിധ്യങ്ങള്‍  നിറഞ്ഞതാണ്‌.പല  ഭാഷ  സംസാരിക്കുന്നവര്‍,തൊലിയുടെ  നിറം  വ്യത്യസ്തം  ആയവര്‍  അങ്ങനെ  തുടങ്ങി  പല  ആശയങ്ങള്‍  വരെ പ്രതിധാനം  ചെയ്യുന്നവര്‍.ഈ  വ്യത്യസ്തതകള്‍  തന്നെ  ആളുകളെ സമൂഹത്തിന്റെ  പല  തട്ടിലേക്കും  വിഭജിച്ചു.സൂട്ടോപ്പിയ  അത്തരത്തില്‍  നമ്മളെ  എല്ലാം  പ്രതിധാനം  ചെയ്യുന്ന  ഒരു  സാങ്കല്‍പ്പിക  ലോകം  ആണ്.ഭൂമിയിലെ  സ്വര്‍ഗം  എന്ന്  അവിടെ  താമസിക്കുന്ന  ആളുകള്‍  വിശ്വസിച്ചിരുന്ന  ഒരു  സ്വപ്ന സമാനമായ  പട്ടണം.ഈ  പട്ടണം  ഏതും  ആകാം.എന്നാലും  അമേരിക്ക  എന്ന  രാജ്യത്തിന്റെ  മറ്റൊരു  ഫിക്ഷണല്‍  രൂപം  ആകാനും  സാധ്യത  ഉണ്ട്  വാള്‍ട്ട്  ഡിസ്നി  അവതരിപ്പിച്ച  ഈ  പട്ടണം.

   പറയാന്‍  വിട്ടു  പോയ  ഒരു  കാര്യം  ഉണ്ട്.ഈ  രാജ്യത്ത്  "മൃഗാധിപത്യം"  ആണ്.അതായത്  മനുഷ്യരുടെ ലോകത്ത്  ഉള്ളത്  പോലത്തെ  നിയമങ്ങളും  ജീവിതവും  എല്ലാം  ഉള്ള  ഒരു  സമാന്തര  ലോകം.ജൂഡി  ഹോപ്സ്  ഒരു  മുയല്‍  ആണ്.ചെറുപ്പത്തില്‍  തന്നെ  സൂറ്റൊപിയയിലെ  പോലീസ് വിഭാഗമാ  ആയ  ZPD  യില്‍  അംഗം  ആകാന്‍  അവള്‍  ആഗ്രഹിച്ചിരുന്നു.എന്നാല്‍   മുയലിനെ  പോലെ  ഒരു  ചെറിയ  ജീവിക്ക്  അവളുടെ  ഈ ആഗ്രഹം  സ്വപ്നങ്ങള്‍ക്കും  അപ്പുറം  ആയിരുന്നു.പ്രത്യേകിച്ചും  വലിയ ജീവികള്‍ക്ക്  തമാശ  ആയി  തോന്നാവുന്ന  ഒന്ന്.എന്നാല്‍  അവള്‍ എല്ലാവരുടെയും പ്രതീക്ഷകളെ  തകിടം  മറിച്ചു കൊണ്ട്  പോലീസില്‍  ചേരുന്നു.വലിയ  മൃഗങ്ങള്‍  അവരുടെ  ആക്രമണ  സ്വഭാവം  എല്ലാം കാലാന്തരത്തില്‍  ഉണ്ടായ  പരിണാമത്തിന്റെ  ഭാഗമായി  ഉപേക്ഷിചിരുന്നെങ്കിലും  ജൂഡി  ഹോപ്സ്  പോലീസില്‍  കയറിയപ്പോള്‍  അവളെ  കുറിച്ചുള്ള  മുന്‍വിധികള്‍  കാരണം  വെറും  ഒരു  ട്രാഫിക്  പോലീസ്  ആയി  അവള്‍  മാറി.

   സങ്കടം  തോന്നിയെങ്കിലും  അവളെ  ഏല്‍പ്പിച്ച  ജോലി  ഭംഗിയായി   ചെയ്തു  തുടങ്ങുമ്പോള്‍  ആണ് അവള്‍ക്കു  അവിചാരിതമായി  ആ കേസ്  ലഭിക്കുന്നത്.തട്ടിക്കൊണ്ടു പോയ  മൃഗങ്ങളുടെ  എണ്ണം  കൊടിയപ്പോള്‍  അത്  അന്വേഷിക്കാന്‍  ആയുള്ള  അവസരം.എന്നാല്‍  അവള്‍ക്കു  കടമ്പകള്‍  കടക്കാന്‍  ഏറെ  ഉണ്ടായിരുന്നു.ജൂഡി  അവളുടെ  ആ  സാഹചര്യങ്ങളെ   എങ്ങനെ  നേരിട്ടു  എന്നാണു  ബാക്കിചിത്രം  അവതരിപ്പിക്കുന്നത്‌.കുറ്റകൃത്യങ്ങള്‍ അല്‍പ്പം  സസ്പന്‍സ്  ,ട്വിസ്റ്റ് എല്ലാം  ഉള്‍പ്പെടുത്തിയ ഒരു  നല്ല ചിത്രം  ആണ്  Zootopia.

  More movie suggestions @www.movieholicviews.blogspot.com

Sunday, 17 April 2016

648.10 CLOVERFIELD LANEENGLISH,2016)

648.10 CLOVERFIELD LANEENGLISH,2016),|Action|Adventure|,Dir:-Dan Trachtenberg,*ing:-John Goodman, Mary Elizabeth Winstead, John Gallagher Jr..


    Cloverfield Lane എന്ന  വിജയ  ചിത്രത്തിന്  ശേഷം അടുത്ത  ഭാഗം  ഇറങ്ങുന്നതായി  പലപ്പോഴും  കേട്ടിരുന്നെങ്കിലും  അവസാനം   ഒരെണ്ണം  ഇറങ്ങുന്നത്  2016 ആണ്.ആദ്യ  സിനിമയുടെ  രണ്ടാം  ഭാഗം  എന്ന്  പൂര്‍ണ  രൂപത്തില്‍ പറയാന്‍ സാധിക്കില്ലെങ്കിലും ആ  സിനിമ  അവതരിപ്പിച്ച  അതെ   രീതിയില്‍,അതായത്  കഥ  അവതരിപ്പിച്ച  രീതിയില്‍  തന്നെ  ആണ്  അവതരിപ്പിച്ചിരിക്കുന്നത്.ആദ്യ  ചിത്രത്തിന്റെ  ആത്മീയാംശം  ഉള്ള  രണ്ടാം  ഭാഗം  എന്ന്  പറയാം  ഈ ചിത്രത്തെ.

    ആദ്യ  ചിത്രത്തിലെ ഭീകര  ജീവികളെ  പോലെ  തന്നെ ഈ  ചിത്രത്തിലെ  ഉപയോഗിച്ചിരിക്കുന്നത്  സമാനമായ  ഒരു  ,സാധാരണമായ  ഒരു പ്രമേയം  ആണ്.താന്‍  വിവാഹം  കഴിക്കാന്‍ പോകുന്ന  ബെന്നുമായി  മിഷേല്‍  കാര്‍  ഓടിക്കുന്ന  സമയം  ഫോണിലൂടെ  വഴക്ക്  ഉണ്ടാക്കുന്നു.അവരുടെ  വാഗ്വാദങ്ങള്‍ക്കിടയില്‍  കാറിലെ  റേഡിയോയില്‍ നഗരത്തില്‍  നടക്കുന്ന  പ്രശ്നങ്ങളെ  കുറിച്ചുള്ള സൂചനകള്‍ക്കിടയില്‍  ആണ്  മിഷേലിന്റെ  കാര്‍  അപകടത്തില്‍പ്പെടുന്നത്.പിന്നീട്  കണ്ണ്  തുറന്നു  നോക്കിയ  അവള്‍  ബന്ധിക്കപ്പെട്ട  നിലയില്‍  ആയിരുന്നു.

   ആകെ  ഭയന്ന്  പോയ  മിഷേല്‍  അവിടെ  ഒരാളെ  കാണുന്നു.അപകടത്തില്‍പ്പെട്ട  മിഷേലിനെ  അയാള്‍  രക്ഷപ്പെടുത്തി  എന്നും ലോകം  മുഴുവന്‍  ഒരു  വലിയ  അപകടത്തില്‍പ്പെട്ടിരിക്കുക  ആണെന്നും  പറയുന്നു.എന്നാല്‍  മിഷേലിന്  അയാളുടെ  പ്രവൃത്തികള്‍  അവളെ  കിട്നാപ്  ചെയ്തത്  ആയാണ്  തോന്നിക്കുന്നതു.എന്താണ്  സത്യം?അയാള്‍  പറഞ്ഞതില്‍  എന്തെങ്കിലും  വാസ്തവം  ഉണ്ടോ?അതോ  മിഷേലിന്റെ ഭയം  സത്യം  ആകുമോ?കൂടുതല്‍  അറിയാന്‍  ചിത്രം  കാണുക.ആദ്യ  ഭാഗം  പോലെ  തന്നെ  അവതരണത്തില്‍  ഉള്ള  പുതുമയും മറ്റും  നിരൂപകരുടെ  ഇടയിലും  പ്രേക്ഷകരുടെ  ഇടയിലും  നല്ല  പേര്  സമ്പാദിച്ചു  കൊടുത്തൂ.ഈ  രണ്ടാം  ഭാഗവും  പ്രേക്ഷകന്‍  എന്ന  നിലയില്‍  കൂടുതല്‍  ആളുകള്‍ക്കും  ഇഷ്ടപ്പെടാന്‍  സാധ്യത  ഉണ്ട്.

MOre movie suggestions @www.movieholicviews.blogspot.com

647.CLOVERFIELD(ENGLISH,2008)

647.CLOVERFIELD(ENGLISH,2008),|Adventure|Action|,Dir:-Matt Reeves,*ing:-Mike Vogel, Jessica Lucas, Lizzy Caplan.


  ഹോളിവുഡ്  സിനിമകളിലെ  തന്നെ സ്ഥിരം  genre കളില്‍ ഒന്നാണ്  ഭീകര  രൂപികളും   അവ  സൃഷ്ടിക്കുന്ന  അപകടങ്ങളെയും  ഒക്കെ പ്രതിപാദിക്കുന്ന  സിനിമകള്‍.ഇവയില്‍  ചില  കഥാപാത്രങ്ങള്‍ക്ക് ഒക്കെ വലിയ  ഒരു  ഫാന്‍ ബേസ്  ഉണ്ടായിരിക്കും.ഗോട്സില്ല ,ജുറാസിക്  പാര്‍ക്കിലെ  ദിനോസറുകള്‍  പോലെ  ഉള്ള  ജീവികള്‍  ഒക്കെ  ഉദാഹരണം.ആ  കഥാപാത്രങ്ങള്‍  ഒക്കെ  മനുഷ്യരുടെ  ശത്രു  ആയി  വരുകയും അതിനെ  കണ്ടെത്തി നശിപ്പിക്കുക  എന്നതും  ആണ്  പലപ്പോഴും  ഈ  തരം  സിനിമകളുടെ കഥാഗതി.

   ഈ  സിനിമ  ഒരു  Found Footage  രീതിയില്‍  ആണ്  അവതരിപ്പിക്കുന്നത്‌.റോബ്  എന്ന  യുവാവ്  ജപ്പാനിലേക്ക്  പോകുന്നതിന്റെ   ഭാഗം  ആയി തന്റെ  സുഹൃത്തുക്കള്‍ക്കായി  ഒരു  പാര്‍ട്ടി  നടത്തുന്നു.ആ  പാര്‍ട്ടിയുടെ  ഇടയില്‍ ഹട്സ്  എന്ന  സുഹൃത്ത്‌  അന്ന്  നടന്ന  സംഭവങ്ങള്‍  എല്ലാം   വീഡിയോ  ക്യാമറയില്‍  പകര്‍ത്തുന്നു.യുവാക്കളായ  സുഹൃത്തുക്കളുടെ  ഇടയില്‍  നടക്കുന്ന  സംഭവങ്ങളിലൂടെ  തന്നെ  അന്നത്തെ  സംഭവങ്ങള്‍  ആ  ക്യാമറയില്‍  പതിയുന്നുണ്ട്.

  ആ  സമയം  ആണ്  ഭൂമിക്കുലുക്കം  എന്ന്  തോന്നിക്കുന്ന  പോലെ  ആഘാതം  അവിടെ  ഉണ്ടായത്.Statue of Liberty തലയറ്റു  പതിക്കുന്നു.അവിടെ  എന്താണ്  സംഭവിക്കുന്നത്‌ എന്നറിയുന്നതിനു  മുന്‍പ്  തന്നെ  നാശം  വിതയ്ക്കാന്‍  തുടങ്ങിയിരുന്നു  ആ  വിചിത്ര  ജീവി.ഒരു  പക്ഷെ  ജപ്പാന്‍  എന്ന  രാജ്യത്തിന്‍റെ reference ,Godzilla യോട്  സമാനമായ  രൂപം  എല്ലാം  ആ  ജീവിയെ  അങ്ങനെ  ആയി  അവതരിപ്പിക്കാന്‍  ആണ്  ശ്രമിചിട്ടുണ്ടാവുക.എന്നാല്‍  സിനിമ അതില്‍  അമിതമായി  ശ്രദ്ധിക്കാതെ  പകരം  മറ്റൊരു  രീതിയിലേക്ക്  മാറുന്നു.അതാണ്‌ നേരത്തെ  സൂചിപ്പിച്ച  ഹോളിവുഡ്  ചിത്രങ്ങളില്‍  നിന്നും  ഈ  ചിത്രം  വ്യത്യസ്തം  ആകുന്നതു.25 മില്ല്യന്‍  ഡോളറില്‍  നിര്‍മിച്ച  ഈ  കൊച്ചു  ചിത്രം 170  മില്ല്യന്‍  ഡോളറോളം  നേടിയതും  പതിവ്  ഹോളിവുഡ്  സിനിമകളുടെ  ആര്‍ഭാടം  ഇല്ലാതെയും   ആണ്.അതിനു  മുഖ്യ  കാരണം  ഈ  കഥ അവതരിപ്പിച്ച  രീതി  ആയിരുന്നു.പ്രേക്ഷകനില്‍  ഭയവും  ആകാംക്ഷയും   ഉണ്ടാക്കുന്ന ചിത്രം.


More movie suggestions @www.movieholicviews.blogspot.com

Saturday, 9 April 2016

646.BLOODY INNOCENT(KOREAN,2010)

646.BLOODY INNOCENT(KOREAN,2010),|Mystery|Thriller|,Dir:-Daehyun Kim,*ing:-In-young Hwang, Cho-Hee Kang, Da-hyeon Kim.


 ഒരു  ചിത്രം  കാണുമ്പോള്‍,പ്രത്യേകിച്ചും  അത്  ഒരു  കൊലപാതകത്തെ പിന്തുടര്‍ന്ന്  ഉള്ള  കഥ  ആകുമ്പോള്‍  അതില്‍ പ്രേക്ഷകന്‍  അവസാനം  വരെ  കാത്തിരിക്കുന്നത്.Who?Why? എന്നീ  ചോദ്യങ്ങളുടെ  ഉത്തരത്തിനു  വേണ്ടി  ആയിരിക്കും.ഭൂരിഭാഗം  ചിത്രങ്ങളും  പ്രേക്ഷകന്  ആ  ചോദ്യങ്ങളുടെ  ഉത്തരം  നല്‍കി  ആയിരിക്കും  അവസാനിക്കുക.എന്നാല്‍  ചില  ചിത്രങ്ങള്‍  ഉണ്ട്,അജ്ഞാതരായ കൊലയാളികളില്‍  അവസാനിക്കുന്നവ.കൊറിയന്‍  സിനിമകളില്‍  പലപ്പോഴും  ഉപയോഗിക്കുന്ന ഒരു  രീതി  ആണിത്.എന്നാല്‍  മൂന്നാമത്  ഒരു  തരം  സിനിമ  ഉണ്ട്..Bloody  Innocent ഈ  മൂന്നാമത്തെ  വിഭാഗത്തില്‍  പെടുന്നു.എന്താണ് ആ  മൂന്നാമത്തെ  വിഭാഗം  എന്ന് ഈ  ചിത്രം  കാണുമ്പോള്‍  മനസ്സിലാകും.

 ഒരു  കൊലപാതകത്തിന്റെ  പശ്ചാത്തലത്തില്‍ നടന്ന  സംഭവങ്ങള്‍  ബാധിക്കുന്ന  ഒരു  കൂട്ടം  ആളുകള്‍  അവരുടെ  ഉള്ളില്‍   ഒരു  മുറിപ്പാടായി  അത്  സൂക്ഷിക്കുകയും അവര്‍  വളരുന്നതിനോടൊപ്പം   ആ  മുറിപ്പാട്  വലുതാവുകയും  ചെയ്യുന്നു  ചെയ്യുന്നു.1985 ല്‍ മ്യൂംഗ് ഹീ എന്ന  സ്ക്കൂള്‍  വിദ്യാര്‍ത്ഥിനി  ആ  രാത്രി  കൊല്ലപ്പെടുമ്പോള്‍  സംശയത്തിന്റെ  മുള്‍മുനയില്‍  ധാരാളം  ആളുകള്‍  ഉണ്ടായിരുന്നു.അതില്‍ പ്രധാനികള്‍  ആയിരുന്നു  അവളോട്‌  കൌമാരത്തിലെ  ആദ്യ  പ്രണയം തോന്നി  തുടങ്ങിയ സിയൂംഗ്  ഹോ,ഡോംഗ് സിക്ക് എന്നിവര്‍.പഠനത്തില്‍  മിടുക്കന്‍  ആയ സിയൂംഗ് ഹോ  അന്ന്  സ്ക്കൂളിലെ  ലീഡര്‍  ആയിരുന്നു.


   കുറ്റാന്വേഷണം  നടക്കുമ്പോള്‍ അതിന്റെ  ശാസ്ത്രീയ  വശങ്ങള്‍  തിട്ടപ്പെടുത്താന്‍  കഴിയാതെ  ഇരുന്ന  പോലീസ്  ഉദ്യോഗസ്ഥര്‍  തെളിവുകള്‍ക്കായി  മുടിയുടെ  നീളം  പോലും   അളന്നു  കുറ്റവാളിയെ  തീരുമാനിക്കുന്ന  കാലഘട്ടം.അവിടെ  ആണ്  ഈ  അന്വേഷണം  നടക്കുന്നതും.ഒരു  കൊലപാതകിയെ  കണ്ടെത്തുക  എന്ന്  മാത്രം  ആണ്  അവരുടെ  ലക്‌ഷ്യം.അവര്‍  അതില്‍  വിജയിക്കുകയും  ചെയ്യുന്നു.എന്നാല്‍  ദുരൂഹതകള്‍  എന്നും  അവശേഷിക്കുന്നു.കാലങ്ങള്‍  കടന്നു പോയി.സംശയങ്ങള്‍  പലരിലും  ഇപ്പോഴും  ഉണ്ട്.ഈ  അവസരത്തില്‍  ആണ്  ആ  കൊലപാതകത്തെ  കുറിച്ച്  മറ്റൊരു  സ്ഥിരീകരണം  ഉണ്ടാകുന്നത്.അതിനെ  പിന്തുടര്‍ന്ന്  വരുന്നത്  നിര്‍ണായകമായ  മറ്റൊരു  സംഭവം  ആണ്.ഇവിടെ  ആണ്  നേരത്തെ  പറഞ്ഞ മൂന്നാമത്തെ  വിഭാഗം  ആയി  ഈ ചിത്രം  മാറുന്നത്.റോക്കറ്റ്  സയന്‍സ്  അറിയണം  എന്നില്ല  ഈ  ചിത്രത്തിന്റെ  അവസാനം  നടക്കുന്നത്  മനസ്സിലാക്കുവാന്‍.അത്  കൊണ്ട്  തന്നെ കൊറിയന്‍  കൊലപാതക സിനിമകളുടെ  പ്രേക്ഷകര്‍ക്ക്‌ ഇഷ്ടപ്പെടുന്ന  ഒന്നാകും  ഈ  ചിത്രം എന്ന്  തോന്നുന്നു.


More movie suggestions @www.movieholicviews.blogspot.com

645.WATCHMEN(ENGLISH,2009)

645.WATCHMEN(ENGLISH,2009),|Action|Mystery|Sci-Fi|,Dir:-Zack Snyder,*ing:-Jackie Earle Haley, Patrick Wilson, Carla Gugino


  DC Comics ന്റെ Watchmen സിനിമ  രൂപം പ്രാപിച്ചപ്പോള്‍  അത്  സംവിധാനം  ചെയ്തത്  സാക്ക് സ്നൈടര്‍  ആയിരുന്നു.സൂപ്പര്‍ ഹീറോ എന്ന ആശയത്തിന് രാഷ്ട്രീയപരമായ ബന്ധനങ്ങള്‍  തീര്‍ക്കുകയും ലോകത്തില്‍  ഉണ്ടായ  പല  രാഷ്ട്രീയ  മാറ്റങ്ങള്‍ക്കു  കാരണം   ആകുകയും  ചെയ്ത മുഖമൂടി  അണിഞ്ഞ ഒരു  പറ്റം  അമാനുഷിക  കഥാപാത്രങ്ങള്‍  ആണ്  Watchmen  എന്ന പേരില്‍  അറിയപ്പെടുന്നത്.അമേരിക്കന്‍-വിയട്നാം-റഷ്യന്‍  ചരിത്രങ്ങളെ  മറ്റൊരു  രീതിയില്‍  അവതരിപ്പിച്ചു  രഹസ്യ  സ്വഭാവം  ഉള്ള രാഷ്ട്രീയ  നീക്കങ്ങള്‍  ആയാണ്  കഥയില്‍  അവതരിപ്പിച്ചിരിക്കുന്നത്.ഒപ്പം  അസംഭവ്യം  എന്ന്  തോന്നിക്കുന്ന അമാനുഷിക  ശക്തിയുള്ളവരുടെ  ഇടപ്പെടലുകളും.


   പിന്നീട്  അമേരിക്കന്‍  സര്‍ക്കാരിന്റെ  രാഷ്ട്രീയ  നീക്കങ്ങളില്‍  നിന്നും   അവര്‍  പലരും  മാറ്റപ്പെട്ടു എങ്കിലും  Dr Manhattan   നെ  പോലെ  ഉള്ളവര്‍ സര്‍ക്കാരിന്റെ  സുരക്ഷ  സംഘത്തിലെ  പ്രധാനികള്‍ ആയി മാറി.Edward Blake എന്ന  സര്‍ക്കാര്‍  ഉദ്യോഗസ്ഥന്റെ  മരണത്തിനു  ശേഷം  ആണ് അയാള്‍  തങ്ങളുടെ  കൂടെ  ഉണ്ടായിരുന്ന കൊമേഡിയന്‍  ആണെന്ന് രോഷാക്കിന് മനസ്സിലാക്കുന്നത്‌.അയാളുടെ   മരണത്തിലെ ദുരൂഹതകള്‍ മുന്‍  Watchmen അംഗമായ  രോഷാക്കിനു   ചില  സംശയങ്ങള്‍  ഉണ്ടാക്കി.

  അന്ന്  Watchmen  സംഘത്തില്‍  ഉള്ളവര്‍ക്ക്  ജീവന്  അപായം  ഉണ്ടെന്നുള്ള  അയാളുടെ  സംശയം  മറ്റു  പഴയ  അംഗങ്ങളെ  അറിയിക്കുന്നു.എന്നാല്‍  ആദ്യം  അത്  പലരും  തള്ളിക്കളഞ്ഞു.Adrian Veidt എന്ന  പഴയ  അംഗം  തന്റെ അക്കാലത്തെ  പ്രശസ്തി  മുതലാക്കി ഒരു  സെലിബ്രിറ്റി  ആയി  കഴിയുന്നു.അയാള്‍ക്ക്‌ നേരെയും ആക്രമണം  ഉണ്ടായപ്പോള്‍  രോഷാക്കിനോടൊപ്പം മറ്റുള്ളവരും  ആ സംശയത്തെ  ഭയന്ന്  തുടങ്ങി.ആരാണ്   അവരെ  അപായപ്പെടുത്താന്‍  ശ്രമിക്കുന്നത്  എന്ന്  കണ്ടെത്തുന്നതാണ്  ചിത്രത്തിന്റെ  കഥ.  അമാനുഷിക  കഥപാത്രങ്ങളുടെ ചിത്രം ആണെങ്കിലും അവരുടെ മോശമായ  വശങ്ങളും  ചിത്രം  അവതരിപ്പിക്കുന്നുണ്ട്.അവരുടെ  വേദനകളും  ഒറ്റപ്പെടലുകളും സമൂഹത്തില്‍ പെട്ടന്ന്  ആരും  വേണ്ടാത്തവര്‍  ആയി  തീര്‍ന്നതിന്റെ  വിഷമങ്ങളും  എല്ലാം.Identity  പോലും അവര്‍ക്ക്  ബാധ്യത  ആയി  മാറുന്നു.DC Comics ന്റെ  ഈ  സൂപ്പര്‍  ഹീറോ  ചിത്രം  മികവു  പുലര്‍ത്തുന്നുണ്ട്  സാധാരണ നന്മ-തിന്മ സൂപ്പര്‍  ഹീറോ  സിനിമകളില്‍  നിന്നും.അത് കൊണ്ട്  തന്നെ  നല്ല  ഒരു  ചിത്രമായി  തോന്നി.

More movie suggestions from www.movieholicviews.blogspot.com

Friday, 8 April 2016

644.THE CALL(ENGLISH,2013)

644.THE CALL(ENGLISH,2013),|Thriller|,Dir:-Brad Anderson,*ing:-Halle Berry, Evie Thompson, Abigail Breslin


911  സേവനങ്ങള്‍ അപകടതില്‍പ്പെടുമ്പോള്‍  ആദ്യ  സഹായം  ആയി  വരുന്ന സേവനമായി  കണക്കാക്കുന്ന   രാജ്യങ്ങളില്‍  ഫോണിന്റെ  മറു  വശത്ത്  ഇരിക്കുന്ന  ആളുകളുടെ  മാനസിക  സമ്മര്‍ദം  ഊഹിക്കാന്‍  കഴിയുന്നതിനും  അപ്പുറം  ആയിരിക്കും.കാരണം  പല  തരത്തില്‍  ഉള്ള  കുറ്റകൃത്യങ്ങള്‍.ഒരു പക്ഷെ  നേരില്‍  കാണാതെ  ശബ്ദത്തിലൂടെ  മാത്രം  തിരിച്ചു  അറിയാവുന്ന  സംഭവങ്ങള്‍ ഓരോ  സാഹചര്യത്തിലും പ്രതികരിക്കേണ്ടതിന്റെ വ്യത്യസ്ഥതകള്‍  മാത്രം  മതി  സ്ഥിരം  ജോലികളില്‍  നിന്നും  ഈ ജോലിയെ  വേറിട്ട്‌  നിര്‍ത്താന്‍.

  ജോര്‍ദാന്‍   അമേരിക്കയില്‍  911  സര്‍വീസിലെ  കോള്‍ ഓപ്പറേറ്റര്‍ ആണ്.ഒരു  ദിവസം  സഹായത്തിനായി അപേക്ഷിച്ച്  കൊണ്ട്  ഒരു  പെണ്‍ക്കുട്ടി  വിളിച്ച  ഫോണ്‍  കോള്‍  അവര്‍ക്ക്  ഒരിക്കലും  മറക്കാന്‍  പറ്റാത്ത  ഒന്നായി  മാറി  ജീവിതത്തില്‍.ആറു  മാസങ്ങള്‍ക്ക്  ശേഷം  സമാനമായ  സാഹചര്യം  അവര്‍ക്ക്  നേരിടേണ്ടി  വരുന്നു.പുതുതായി   ജോലിക്ക്  ചേരുന്നവരെ പരിശീലിപ്പിക്കുകയാണ്  ജോര്‍ദാന്‍  ഇപ്പോള്‍.എന്നാല്‍  ആരോ  മുന്‍  നിശ്ചയിച്ചത്  പോലെ  ഒരു നിയോഗം  ആയി  അവര്‍  ആ  കോള്‍  സ്വീകരിക്കുന്നു.

   അവര്‍ക്ക്  അവരുടെ  പരിചയ  സമ്പത്തും  ഒപ്പം  മനുഷ്യത്വവും അവിടെ പരീക്ഷിക്കപ്പെടുകയാണ്.മറു  തലയ്ക്കല്‍  ജീവനായി  കേഴുന്ന  പെണ്‍ക്കുട്ടി.അവളെ  സഹായിക്കേണ്ട  ഉത്തരവാദിത്തം  ജോര്‍ദാനും.ആ  ഫോണ  കോളിന്റെ  അപ്പുറത്തുള്ള  ലോകത്ത്  ശ്രവ്യ മാധ്യമത്തിനും  അപ്പുറം  ദര്‍ശനത്തിലൂടെ  ഉള്ള  പരിചയം  അവര്‍  തമ്മില്‍  ഇല്ല.എന്നാല്‍ ഒരിക്കലും  കാണാത്ത  ഒരാള്‍  ആ  പെണ്ക്കുട്ടിക്കു  എങ്ങനെ  സഹായി  ആകും  എന്നാണു  ഈ ചിത്രം  അവതരിപ്പിക്കുന്ന  കഥ.ത്രില്ലര്‍  സിനിമ  പ്രേമികള്‍ക്ക് ബോര്‍  അടിക്കാതെ  കണ്ടിരിക്കാവുന്ന ഹാലി ബെറി  ചിത്രം  ആണ്  The Call.

More movie suggestions @www.movieholicviews.blogspot.com

643.ER IST WIEDER / LOOK WHO's BACK (GERMAN,2015)

643.ER IST WIEDER / LOOK WHO's BACK (GERMAN,2015),|Comedy|,Dir:-David Wnendt,*ing:-Oliver Masucci, Fabian Busch, Christoph Maria Herbst.


  ലോകം  കണ്ട  ഏറ്റവും  അപകടകാരിയായ ഏകാധിപതി  ആയിരുന്നു  ഹിറ്റ്ലര്‍  എന്ന്  പറഞ്ഞാല്‍  ഒട്ടും  അതിശയോക്തി  ഇല്ല.ഹിറ്റ്ലര്‍  വിഭാവനം  ചെയ്ത  ആര്യന്‍  അധീശത്വം മനുഷ്യ  കുലത്തിന്  നേര്‍ക്ക്‌  നില്‍ക്കുന്ന  ഭീഷണി  ആയി  മാറിയപ്പോള്‍  സംഭവിച്ചത്  രണ്ടാം ലോക  മഹായുദ്ധത്തില്‍ ലോകം  അനുഭവിച്ചു  അറിഞ്ഞതാണ്.എന്നാല്‍  ഒരു  ചോദ്യം  അവശേഷിക്കുന്നു.ഹിറ്റ്ലര്‍  വിഭാവനം  ചെയ്ത  രാഷ്ട്രീയം,തിരഞ്ഞെടുപ്പിലൂടെ  അധികാരത്തില്‍  കയറുക,ഒരു  മനുഷ്യ  സമൂഹത്തെ  മുഴുവന്‍  കൊന്നൊടുക്കുക.ജര്‍മനിയില്‍  ഹിറ്റ്ലര്‍ക്ക്  വോട്ടു  ചെയ്തവര്‍  അതെ  മാനസിക  നില  കാത്തു  സൂക്ഷിച്ചിരുന്നോ?അതോ  തിരഞ്ഞെടുപ്പ് പ്രക്രിയകളിലെ  പഴുതുകള്‍   ആണോ  ഹിറ്റ്ലറെ അധികാരത്തില്‍  എത്തിച്ചത്?


   ഈ  ചോദ്യങ്ങള്‍ക്ക്   ഒരു  പരിധി  വരെ  ഉത്തരം  നല്‍കാന്‍ കൂടി  ഈ കോമഡി  സിനിമ  ശ്രമിക്കുന്നുണ്ട്  എന്നതാണ്  ഒരു  പ്രത്യേകത.ഒരു  വശത്ത്  ജര്‍മന്‍  മനസ്സാക്ഷിയുടെ  ഉള്ളിന്റെ  ഉള്ളിലെ  പ്രതിനിധി  ആണ്  താനെന്നു  പറയുമ്പോഴും  മറു  വശത്ത്  അവിടെ കുടിയേറി  പാര്‍ത്ത  പുതു  തലമുറയിലെ  പ്രവാസികള്‍ക്ക്  ഹിറ്റ്ലറുടെ  ഒപ്പം  രാജ്യം  പങ്കിടാന്‍  ഉള്ള  അവസരം  വന്നാല്‍  എന്താകും  സംഭവിക്കുക?ഈ  കല്‍പ്പിത  കഥയില്‍  ഇരുപത്തൊന്നാം  നൂറ്റാണ്ടില്‍  ഹിറ്റ്ലര്‍  ജര്‍മനിയില്‍  തിരിച്ചു  എത്തുന്നതാണ്  ചിത്രത്തിന്റെ  കഥയ്ക്ക്‌  ആധാരം.യുദ്ധത്തിന്റെ അവസാനം നടന്ന  സംഭവങ്ങള്‍  ഒന്നും  അറിയാതെ എന്നാല്‍  ഭരണക്കാലത്തെ  മനോ  നില  കാത്തു  സൂക്ഷിച്ച  ആളായി  ആണ്  ഹിറ്റ്ലറെ  അവതരിപ്പിക്കുന്നത്‌.

   എന്നാല്‍  പുതു  പുത്തന്‍  ലോകത്ത്  തന്റെ  ആശയങ്ങളുടെ   പ്രാധാന്യം  ഉണ്ടോ  എന്ന്  അന്വേഷിച്ചു  ഇറങ്ങുന്ന  അയാള്‍  പലപ്പോഴും  മറ്റുള്ളവര്‍ക്ക്  ഹിറ്റ്ലറുടെ  വേഷം  കെട്ടിയ  നടന്‍  ആയി  ആണ്  തോന്നിയത്.മുഴു  നീള  കോമഡി  ചിത്രം  ആണെങ്കിലും,ജര്‍മനിയിലെ  ഒരു  പ്രത്യേക  തരം  രാഷ്ട്രീയം  ഇവിടെ  ചര്‍ച്ച  ചെയ്യുന്നുണ്ട്.പ്രത്യേകിച്ചും  ഹിറ്റ്ലര്‍  എതിര്‍ത്ത  വംശത്തിന്റെ  ശത്രുക്കള്‍  എന്ന്  കരുതപ്പെടുന്ന  വിഭാഗത്തിന്റെ ഇന്നത്തെ  ജര്‍മനിയിലെ  അവസ്ഥ.ഒരു പക്ഷെ  അന്നത്തെ  ശത്രുക്കളെ  ഇന്നവര്‍ മാറ്റിയെന്നു തോന്നുന്നു.ചിലപ്പോഴെങ്കിലും  യാഥാര്‍ത്ഥ്യം  എന്ന്  തോന്നിക്കുന്ന  ആളുകള്‍.ഒരു  ഡോക്യുമെന്റ്റി  പോലെ  ആണ്  അവതരണം  എങ്കിലും  ചിത്രത്തിന്റെ  അവസാനം  മുന്നോട്ട്  വയ്ക്കുന്നത്  വലിയ  ഒരു  രാഷ്ട്രീയം  ആണ്.ചില  ശരികള്‍  പഴയ തെറ്റുകള്‍ ആണെന്ന്  കരുതുന്നവരുടെ  സമൂഹത്തിലേക്കു.അതി  ബുദ്ധിമാനായ  ഹിറ്റ്ലര്‍   അങ്ങനെ  ചിന്തിച്ചില്ലങ്കില്‍  മാത്രമേ   അല്ഭുതപ്പെടാന്‍  ഉള്ളൂ.ടിമൂര്‍  വെര്‍മ്സ്  എഴുതിയ  അതെ  പേരുള്ള  കോമഡി  നോവലിന്റെ  ചലച്ചിത്രാവിഷ്ക്കാരം  ആണ്  ഈ ചിത്രം.തീര്‍ച്ചയായും  കണ്ടിരിക്കണ്ട   ചിത്രങ്ങളില്‍  ഒന്നാണ്.കാരണം  ഇങ്ങനത്തെ  ഒരവസ്ഥ  ചിന്തിക്കാന്‍  കഴിയുന്ന ലോകത്ത്  തന്നെയാണ്  നമ്മള്‍  ജീവിക്കുന്നത്.


More movie suggestions @www.movieholicviews.blogspot.com

642.LA ISLA MINIMA(SPANISH,2014)

642.LA ISLA MINIMA(SPANISH,2014),|Thriller|Mystery|,Dir:-Alberto Rodríguez,*ing:-Javier Gutiérrez, Raúl Arévalo, María Varod .


  ഭയപ്പെടുത്തുന്ന  ശാന്തത  എന്ന്  പറയുന്നതാകും  ആ  ചെറിയ  പട്ടണത്തിന്‍റെ  അന്തരീക്ഷത്തെ  എളുപ്പം  വര്‍ണിക്കാന്‍  കഴിയുന്ന   വാക്ക്.ഒരു  വശത്ത്  വഷളായിക്കൊണ്ടിരിക്കുന്ന   തൊഴില്‍  മേഖല.Guadalquivir ന്റെ  തീരത്തുള്ള  ഈ  ചെറിയ  പട്ടണത്തില്‍   എന്നാല്‍  ഉറങ്ങി  കിടക്കുന്ന  രഹസ്യങ്ങള്‍  വേറെ  ഉണ്ടായിരുന്നു.ഒരു  പക്ഷെ  അപരിചിതരായവരില്‍  പോലും  പരിചയക്കാരെ  കണ്ടെത്താന്‍  സാധിക്കുന്ന  ഈ  പട്ടണത്തില്‍  1980  ല്‍  നടന്ന  സംഭവങ്ങള്‍  ആണ്  ചിത്രത്തിന്  ആധാരം.തൊഴില്‍  മേഖലയിലെ  സ്തംഭനാവസ്ഥ  ആ  കാലഘട്ടത്തെ  ശരിക്കും  പ്രേക്ഷകന്റെ  മനസ്സില്‍  ആഴത്തില്‍  പതിപ്പിക്കുന്നത്  വര്‍ത്തമാന  കാലത്തില്‍  നിന്നും  അല്‍പ്പം  പുറകിലേക്ക് പോകാനുള്ള  മാര്‍ഗമായി  തോന്നാം.

   വ്യത്യസ്ത  സ്വഭാവം  ഉള്ള  രണ്ടു  പോലീസുകാര്‍  അവിടേക്ക്  വരുന്നത്   ആ സമയത്ത്   ഉണ്ടായ  രണ്ടു  പെണ്‍ക്കുട്ടികളുടെ  തിരോധാനത്തെ  കുറിച്ച്  അന്വേഷിക്കാന്‍  ആണ്.അവരുടെ  അന്വേഷണത്തില്‍  ആരെ  വേണമെങ്കിലും  സംശയിക്കാം എന്നതിലേക്കു  ആണ്  പോയിക്കൊണ്ടിരുന്നത്.സാങ്കേതിക  വിദ്യകള്‍  ഇന്നത്തെ പോലെ  വികസനം  പ്രാപിക്കാത്ത  കാലം.പരിമിതമായ സാഹചര്യങ്ങളും സാങ്കേതിക  വിദ്യയും  മാത്രം  ആണ്  കുറ്റാന്വേഷണ  വിദഗ്ധരുടെ  പണിയായുധങ്ങള്‍.

  ആല്‍ബര്‍ട്ടോ  റോഡ്രിഗസ് എന്ന  സംവിധായകന്‍   ഈ  സിനിമയെ  അവതരിപ്പിച്ചിരിക്കുന്ന  രീതി   ഒന്ന്  മാത്രം  മതി  കുറെ  വര്‍ഷങ്ങള്‍ക്കു  ശേഷവും  സ്പാനിഷ്  സിനിമയിലെ  മികച്ച  സിനിമകളില്‍  ഒന്നായി  ഈ  ചിത്രത്തെ  കണക്കാക്കാന്‍.സ്വപ്നലോകത്തില്‍  ജീവിച്ചിരുന്ന  കൌമാര  പ്രായത്തില്‍  ഉള്ള  ആ  പെണ്‍ക്കുട്ടികളുടെ  കൊലയാളി  ആരാണ്?കഥയുടെ   നിഗൂഡത  എന്നതിലുപരി  ഈ  ചിത്രം  പ്രേക്ഷകന്  പകര്‍ന്നു  നല്‍കുന്ന ഒരു പതിഞ്ഞ  താളം  ഉണ്ട്.അത്  നേരിട്ട്  കണ്ടു  തന്നെ  അറിയണം.തീര്‍ച്ചയായും  കണ്ടിരിക്കണ്ട   ഭംഗിയുള്ള  പേടിപ്പിക്കുന്ന  സിനിമ-La Isla minima

More movie suggestions @www.movieholicviews.blogspot.com