Friday, 30 October 2015

528.KARTHIKEYA(TELUGU,2014)

528.KARTHIKEYA(TELUGU,2014),|Thriller|Mystery|,Dir:-Chandoo Mondeti,*ing:-Swathi Reddy, Nikhil Siddharth

   വിശ്വാസം മനസ്സിന്  ഒരു ആശ്വാസം ആയി തോന്നുന്നവരും ഉണ്ട് എന്നാല്‍ ഭക്തിയുടെ മറവില്‍  ചീത്ത പ്രവൃത്തികള്‍ ചെയ്യുന്നവരും ഉണ്ട്.എന്നാല്‍ വിശ്വാസം ഇല്ലാത്തവരെക്കാളും വിശ്വാസം ഇല്ലാത്ത സംഭവങ്ങളെ നേരിട്ട് അനുഭവിച്ചറിയാതെ ഉറക്കം പോലും വരാത്ത സാഹസികര്‍,ഇവിടെ നായകന്‍ ആയ കാര്‍ത്തികേയന്‍ മെഡിക്കല്‍ വിദ്യാര്‍ഥി ആണ്.ഇത്തരം വിശ്വാസങ്ങളുടെ പുറകെ പോയി അതിനു ശാസ്ത്രീയം ആയ ഉത്തരം കണ്ടെത്തുക ആണ് കാര്‍ത്തിയുടെ ഇഷ്ടം.

  തെലുങ്ക്‌./ഇന്ത്യന്‍ സിനിമകളിലെ ക്ലീഷേ പ്രണയ സീനുകളും ഗാനങ്ങളും എല്ലാം മുഴച്ചു നിന്ന് ചിത്രത്തില്‍.കാരണം ഒരു പൂര്‍ണമായ ത്രില്ലര്‍/മിസ്റ്ററി ചിത്രം ആകാന്‍ ഉള്ള സാധ്യത ഉണ്ടായിരുന്നിട്ടും .പലപ്പോഴും ത്രില്ലര്‍ element പ്രേക്ഷകന്റെ മുന്നില്‍ വയ്ക്കുമെങ്കിലും കച്ചവട താല്‍പ്പര്യങ്ങള്‍ക്ക് വേണ്ടി അതിലെ അതി നിഗൂഡത ഒക്കെ ബലി കഴിപ്പിച്ചു എന്ന് തോന്നുന്നു.എങ്കില്‍ കൂടിയും തരക്കേടില്ലാത്ത രീതിയില്‍ തന്നെ ചിത്രം അവതരിപ്പിച്ചിട്ടുണ്ട്. പഴയ ഹാപ്പി ഡേയ്സ് കഥാപാത്രം ആയി വന്ന നിഖില്‍ സിദ്ധാര്‍ത് മോശം ആക്കിയില്ല .സ്വാതി കൂടുതല്‍ സുന്ദരി ആയതു പോലെ.തെലുങ്ക്‌ സിനിമയിലെ  പതിവ്മേ നി പ്രദര്‍ശനം ഒക്കെ ഒഴിവാക്കി ആണ് ഈ ചിത്രം അവതരിപ്പിച്ചിരിക്കുന്നത്.

  ഒരു ക്ഷേത്രവും അതിലെ ഐതിഹ്യങ്ങളെ കുറിച്ചുള്ള വിശ്വാസവും അതിന്‍റെ പിന്നില്‍ ഉള്ള രഹസ്യത്തെയും കുറിച്ച് അറിയാന്‍ അവന്‍ തീരുമാനിക്കുന്നു.അതിലേക്കു നയിച്ച കാര്യങ്ങള്‍ കെട്ടു കഥയെക്കാളും ഭീകരം ആയിരുന്നു.മരണങ്ങള്‍ കാര്‍ന്നു തിന്നുന്ന ആ ഗ്രാമത്തിലേക്ക് കാര്‍ത്തികേയന്‍ ആകസ്മികം ആയി വന്നതാണെങ്കിലും അത് അവിടെ ഉള്ളവര്‍ക്ക് അനുഗ്രഹം ആയി മാറുമോ എന്നതാണ് ചിത്രം ബാക്കി അവതരിപ്പിക്കുന്നത്.മോശമല്ലാത്ത ഒരു മിസ്റ്ററി.ത്രില്ലര്‍ തെലുങ്ക്‌ ചിത്രം ആണ് കാര്‍ത്തികേയാ.

More movie suggestions @www.movieholicviews.blogspot.com


527.THE MAN FROM U.N.C.L.E(ENGLISH,2015)

527.THE MAN FROM U.N.C.L.E(ENGLISH,2015),|Action|Comedy|Adventure|,Dir:-Guy Ritchie,*ing:-Henry Cavill, Armie Hammer, Alicia Vikander

 
   വ്യക്തിപരമായി ഈ വര്‍ഷം കണ്ട ഏറ്റവും മികച്ച ഇംഗ്ലീഷ് സ്പൈ ചിത്രങ്ങള്‍ ആണ് "Spy" (2015), പിന്നെ ഈ ചിത്രവും.ആദ്യത്തെ ചിത്രത്തില്‍ കൂടുതലും കോമഡിക്ക്  സ്ഥാനം കൊടുത്തപ്പോള്‍ The Man from U N C L E അതിനൊപ്പം സ്റ്റൈല്‍,ആക്ഷന്‍ എന്നിവയ്ക്കും പരിഗണന കൊടുത്തു.ഇതേ പേരില്‍ ഉള്ള പഴയ ടെലിവിഷന്‍  പരമ്പരയുടെ ചുവടു പിടിച്ചാണ്  ഗയ് റിച്ചി ഈ ചിത്രം സംവിധാനം ചെയ്തിരിക്കുന്നത്.സോളോ എന്ന അമേരിക്കന്‍ ചാരന്‍ ആയി വരുന്ന ഹെന്രി കവിലിനെ ഈ ചിത്രത്തില്‍ കണ്ടാലും കോട്ടും സ്യൂട്ടും ഇട്ട ക്ലാര്‍ക്ക് കെന്റ് (Man of  Steel) ആണെന്നെ  തോന്നൂ.Daniel Pemberton നല്‍കിയ സംഗീതം ആയിരുന്നു മറ്റൊരു ഹൈലൈറ്റ്.സീനുകള്‍ക്ക് നല്ല മാച്ച് ഉണ്ടായിരുന്നു."take You Down" എന്ന ആ ചെസിംഗ് സമയത്തെ പാട്ട്  എത്ര പ്രാവശ്യം ഇപ്പോള്‍ കേട്ടൂ എന്നറിയില്ല .

   ഒരു അന്താരാഷ്ട്ര പ്രശ്നത്തില്‍ ഒരിക്കലും യോജിക്കില്ല എന്ന് കരുതിയ രണ്ടു രാജ്യങ്ങളും അവരുടെ മിടുക്കരായ രണ്ടു ചാരന്മാരും ഒന്നിച്ചു പ്രവൃത്തിക്കാന്‍ തീരുമാനിക്കുന്നു.എന്നാല്‍ ഒരിക്കലും ചേരാത്ത സ്വഭാവം ഉള്ളവരായിരുന്നു സോളോയുടെയും ഇല്യയുടെയും.അങ്ങോട്ടും ഇങ്ങോട്ടും പ്രശ്നങ്ങള്‍ ഉണ്ടാക്കി ആണവര്‍ കണ്ടു മുട്ടുന്നത് തന്നെ.അവുടെ  കഥയുടെ ഭാഗം ആകാന്‍ മെക്കാനിക് ആയിരുന്ന ഗാബി എന്ന സ്ത്രീയും ചേരുന്നു.ജെയിംസ് ബോണ്ട്‌ ശൈലി ആണ് ഈ ചിത്രത്തിലും ഉപയോഗിച്ചിരിക്കുന്നത്.എന്നാല്‍ ഒരിക്കലും മടുപ്പുണ്ടാക്കാത്ത രീതിയില്‍ ആണ് ചിത്രം അവതരിപ്പിച്ചിരിക്കുന്നത്.

വളരെ വേഗത്തില്‍ കഥ പറഞ്ഞു പോകുന്ന രസകരമായ ഗയ് റിച്ചി ശൈലി ആണ് ചിത്രത്തിലും ഉപയോഗിച്ചിരിക്കുന്നത്.സ്ഥിരം കഥ ആയിരുന്നു ചിത്രത്തിന്.എങ്കിലും അവതരണ രീതി കൊണ്ട് ചിത്രം എനിക്ക് മികച്ചതായി തോന്നി.

More movie suggestions @www.movieholicviews.blogspot.com

526.5150 RUE DES ORMES(FRENCH,2009)

526.5150 RUE DES ORMES(FRENCH,2009),|Thriller|Drama|,Dir:-Éric Tessier,*ing:-Marc-André Grondin, Normand D'Amour, Sonia Vachon

  കനേഡിയന്‍ സൈക്കോ-ത്രില്ലര്‍ ചിത്രം ആണ് 5150 Rue Des Ormes.ഇതേ പേരില്‍ ഉള്ള പാട്രിക് സെനക്കലിന്റെ  നോവലിനെ ആസ്പദം ആക്കിയാണ് ഈ ചിത്രം നിര്‍മിച്ചിരിക്കുന്നത്.യാനിക്ക് എന്ന യുവാവിന്റെ ഏറ്റവും വലിയ ആഗ്രഹം ആണ് സിനിമയില്‍ പ്രവൃതിക്കുക എന്നത്.അവസാനം അവന്‍ കാത്തിരുന്ന ആ നിമിഷം വന്നെത്തി.സിനിമ സ്ക്കൂളില്‍ പഠിക്കാന്‍ ഉള്ള അവസരം അവനു കിട്ടുന്നു.സ്വന്തം വീട്ടില്‍ നിന്നും മാറി ആയിരുന്നു യാനിക്ക് പഠിക്കാന്‍ ചെന്നത്.ആദ്യ ദിവസങ്ങളില്‍ പഠനത്തിന്‍റെ ഭാഗമായി അവന്‍ തന്‍റെ ക്യാമറയും ആയി ഇറങ്ങി.വഴിയില്‍ ഒരു കൊച്ചു പെണ്‍ക്കുട്ടിയുടെ കയ്യില്‍ നിന്നും മിട്ടായി തട്ടി  കൊണ്ട് പോകുന്ന യുവാവില്‍ നിന്നും അവളെ സഹായിക്കുന്നു.അവളുടെ അമ്മ യാനിക്കിനോട് നന്ദി പറയുന്നു.

യാനിക്ക് തന്‍റെ ക്യാമറയും ആയി ദൃശ്യങ്ങള്‍ പകര്‍ത്തുന്ന സമയത്ത് അവന്‍റെ സൈക്കിള്‍ നിന്നും അവന്‍ വീഴുന്നു.വിജനമായ ഒരു തെരുവ് ആയിരുന്നു അവിടെ.അടുത്ത് വീടുകള്‍ ഉണ്ടെങ്കിലും ആരെയും കാണാന്‍ ഇല്ല.RUE DES ORMES എന്ന ആ തെരുവില്‍ അവന്‍ ആകെ കണ്ടത്  ബുയേല്‍ എന്നയാളുടെ വീടായിരുന്നു.യാനിക്കിന്റെ ഫോണും നശിച്ചു  പോയതിനാല്‍ ഫോണ്‍ വിളിക്കാന്‍ അനുവദിക്കുമോ എന്ന ചോദ്യത്തിന് അയാള്‍ സമ്മതം നല്‍കി യാനിക്കിനോട് വഴിയില്‍ കാത്തു നില്ക്കാന്‍ പറയുന്നു.എന്നാല്‍ യാനിക്കിന്റെ കയ്യിലെ മുറിവ് അവനു കഴുകണമായിരുന്നു.

  ആരെയും വിളിച്ചിട്ട് കാണാതെ ആയപ്പോള്‍ അവന്‍ വീടിന്റെ അകത്തു കയറുന്നു.ഒരു പക്ഷെ യാനിക്ക് എടുത്ത ഏറ്റവും തെറ്റായ തീരുമാനം ആയിരിക്കും അത്.സ്വന്തമായി നീതിവ്യവസ്ഥ വച്ചിരിക്കുന്ന ഒരാളെ ആണ് അവന്‍ അവിടെ കാണുന്നത്.അയാളുടെ ഏറ്റവും വലിയ ഭ്രാന്തു ചെസ്സും.കറുത്ത കരുക്കളെ തിന്മയായും വെളുത്ത കരുക്കളെ നന്മയുടെ പ്രതീകം  ആയും കാണുന്ന ആള്‍.ഒരു മികച്ച സൈക്കോ ത്രില്ലര്‍ അവിടെ തുടങ്ങുകയായി.അല്‍പ്പം ഡ്രാമ ആയി തോന്നുന്ന രംഗങ്ങള്‍ പോലും ഭ്രാന്തമായ മനസ്സിന്റെ വേറിട്ട യാത്രകള്‍ ആണെന്ന്  പിന്നീട് ഉള്ള രംഗങ്ങള്‍ കാണിച്ചു തരുന്നു.

More movie suggestions @www.movieholicviews.blogspot.com

Sunday, 25 October 2015

525.NAANUM ROWDY DHAAN(TAMIL,2015)

525.NAANUM ROWDY DHAAN(TAMIL,2015),Dir:-Vignesh Shivan,*ing:-Vijay Sethupathi,Parthiban,Nayanthara.


  "പുതുപ്പേട്ടൈ" യില്‍ ധനുഷ് നായകന്‍ ആയി അഭിനയിക്കുമ്പോള്‍ ഗുണ്ടകളില്‍ ഒരാളായി നിന്ന വിജയ്‌ സേതുപതി എന്ന നടനെ ആരും ശ്രദ്ധിച്ചു കാണില്ല.എന്നാല്‍ "നാനും റൌഡി താന്‍" എന്ന ചിത്രം ആകുമ്പോള്‍ അതേ ധനുഷ് നിര്‍മിച്ച ചിത്രത്തില്‍ നായകന്‍ ആയി വിജയ്‌ അഭിനയിക്കുന്നു.ഒരു പക്ഷെ സിനിമ കഥ പോലെ തന്നെ ഒരു സംഭവം ആകും അത്.പറഞ്ഞു വന്നത് വിജയ്‌ സേതുപതി എന്ന നടന്‍റെ വളര്‍ച്ചയെ കുറിച്ചാണ്.പിസ എന്ന ചിത്രത്തിലൂടെ ലഭിച്ച സിനിമ ജീവിതത്തില്‍ ഈ ചിത്രത്തിലൂടെ മുഖ്യധാര നായകന്‍ ആയി മാറുന്നു.നേരത്തെ ഉള്ള ചിത്രങ്ങള്‍ പലതും വ്യത്യസ്ഥതയ്ക്ക് പ്രാമൂഖ്യം കൊടുത്തെങ്കില്‍ ഇത്തവണ ഒരു "നായകന്‍" ആയി തന്നെ അഭിനയിച്ചു.

    റൌഡി ആകുന്നതാണോ  പോലീസ് ആകുന്നതാണോ നല്ലത് എന്ന സംശയം ഉള്ള കുട്ടി ആയിരുന്നു പോണ്ടിച്ചേരിക്കാരന്‍ ആയ പാണ്ടി.അമ്മ പോലീസ് ഉദ്യോഗസ്ഥ.മകനെ പോലീസ് ആക്കാന്‍ ആഗ്രഹിക്കുന്നു.എന്നാല്‍ പാണ്ടിയുടെ മനസ്സ് ആഗ്രഹിച്ചിരുന്നത് വേറെ ആയിരുന്നു.പാണ്ടി ആ ശ്രമത്തിനിടയില്‍ അമ്മയുടെ ആഗ്രഹം പൂര്‍ത്തീകരിക്കാന്‍ ശ്രമിക്കുന്നു.അതിനോടൊപ്പം പാണ്ടി അവന്‍റെ ആഗ്രഹവും.രസകരമായ ഒരു കഥയാണ്‌ ഈ ശ്രമത്തില്‍ അവതരിപ്പിക്കുന്നത്‌.പാണ്ടി, കാദംബരി എന്ന സ്ത്രീയെ ജീവിതത്തില്‍ കണ്ടു മുട്ടുന്നതോടെ ജീവിതം ആകെ മാറുന്നു.

   രസകരമായി അവതരിപ്പിച്ചിരിക്കുന്ന ഈ സിനിമയില്‍ പാര്‍ഥിപന്‍ വില്ലന്‍ കഥാപാത്രത്തെ അവതരിപ്പിച്ചിരിക്കുന്നു.മന്‍സൂര്‍ അലി ഖാന്‍ ,രാജേന്ദ്രന്‍  എന്നിവരും ശ്രദ്ധേയ കഥാപാത്രങ്ങളെ  അവതരിപ്പിച്ചു.അനിരുധിന്റെ പാട്ടുകളും എല്ലാം കൂടി ആയപ്പോള്‍ നല്ല ഒരു കൊമേര്‍ഷ്യല്‍ Entertainer ആയി  ഈ ചിത്രം.അധികം ഹീറോയിസം ഇല്ലാതെ ഒരു ലിമിറ്റ് വച്ച് ആണ് ഈ ചിത്രം അവതരിപ്പിച്ചിരിക്കുന്നത്.

 More movie suggestions @www.movieholicviews.blogspot.com

524.THE 100-YEAR-OLD MAN WHO CLIMBED OUT THE WINDOW AND DISAPPEARED(SWEDISH,2013)

524.THE 100-YEAR-OLD MAN WHO CLIMBED OUT THE WINDOW AND DISAPPEARED(SWEDISH,2013),|Comedy|Adventure|,Dir:-Felix Herngren,*ing:-Robert Gustafsson, Iwar Wiklander, David Wiberg,

   സിനിമയുടെ പേരിലെ കൗതുകം തന്നെ ആണ് സിനിമയുടെ കഥയും.പേരില്‍ തന്നെ കഥ മുഴുവന്‍ എഴുതി വച്ച കഥ ആയിരുന്നിട്ടു കൂടി തനിക്കു തന്‍റെ ജീവിതം തുടങ്ങാന്‍ ഇനിയും സമയം ഉണ്ടെന്നു വിശ്വസിക്കുന്ന ഒരു വൃദ്ധനിലൂടെ ആകുമ്പോള്‍ സംഭവിക്കുന്നത്‌ അപ്രതീക്ഷിതം ആയ കാര്യങ്ങള്‍ ആണ്.വിധി എന്ന element വളരെയധികം ഈ സിനിമയില്‍ ഭാഗം ആകുന്നുണ്ട്.അലന്‍ എന്ന നൂറു വയസ്സുകാരന്‍റെ ജീവിതത്തില്‍ ഏറ്റവും കൂടുതല്‍ സംഭവിച്ചത് വിധിയുടെ ഈ കളികള്‍ ആയിരുന്നിരിക്കണം.

   തനിക്കു നേരെ ശബ്ദം ഉയര്‍ത്തിയവരും താന്‍ കാരണം ശബ്ദം ഉയര്ന്നവരെയും അതി സമര്‍ത്ഥമായി അലന്‍ അപഗ്രഥനം ചെയ്യുന്നുണ്ട്.തന്‍റെ പ്രിയപ്പെട്ട നായയെ കൊന്ന കുറുക്കനോടുള്ള പ്രതികാരം അലന്‍ ചെയ്യുന്നത് താന്‍ എന്തില്‍ ആയിരുന്നോ മികച്ചത് ആ വഴിയിലൂടെ ആണ്.എന്നാല്‍ ആ പ്രവൃത്തി വൃദ്ധ  സദനത്തില്‍ എത്തിച്ച അലന്‍ എന്നാല്‍ തന്‍റെ നൂറാം പിറന്നാളിന്റെ അന്ന് പോലും തനിക്കു ബാക്കി ഉണ്ടെന്നു കരുതുന്ന ജീവിതത്തെ അറിയാന്‍ അവിടത്തെ ജനാല ചാടി രക്ഷപ്പെടുന്നു.എവിടേക്കെങ്കിലും പോകാന്‍ ബസ്സില്‍ പോകാന്‍ വേണ്ടി വന്ന അലന്‍ തന്‍റെ കയ്യില്‍ അപ്രതീക്ഷിതം ആയി കിട്ടുന്ന പെട്ടിയും ആയി യാത്രയാകുന്നു.അതില്‍ എന്താണ് എന്നറിയാതെ.

 അലന്‍ പിന്നീട് കണ്ടു മുട്ടുന്നവരും ആ പെട്ടി അന്വേഷിച്ചു വരുന്നവരും എല്ലാം ആ വിധിയുടെ കളിക്കാര്‍ ആകുന്നു.അലന്റെ സ്വന്തം ജീവിതം പലപ്പോഴും പ്രത്യക്ഷത്തില്‍ നടക്കുന്ന സംഭവങ്ങളില്‍ നിന്നും ഒരു ഫ്ലാഷ്ബാക്ക് പോലെ പോകുന്നുണ്ട്.പ്രത്യേകിച്ചും ലോക ചരിത്രം,അക്കാലത്തെ നേതാക്കള്‍ എല്ലാം.അലന്‍ ആരായിരുന്നു എന്നും ലോക ചരിത്രത്തില്‍ അയാള്‍ എന്ത് സ്വാധീനം ആണ് നടത്തിയത് എന്നും ആണ് ആ കഥകളില്‍ അയാള്‍ പോലും പ്രാധാന്യം കൊടുക്കാത്ത കഥകളില്‍ ഉള്ളത്.അലന്റെ ആ പെട്ടിയുടെ കഥ പോലെ തന്നെ ആയിരുന്നു ഈ കഥയും."ജോനാസ് ജാന്‍സന്‍ എഴുതിയ നോവലിനെ ആസ്പദം ആക്കി നിര്‍മിച്ച ഈ ചിത്രം അതീവ രസകരം ആയിരുന്നു.അപ്രതീക്ഷിതമായ സംഭവങ്ങളും പശ്ചാത്തലവും .ഈ സിനിമയുടെ ഭംഗി അവിടെയാണ്.നൂറു വയസ്സുള്ള അലന്റെ കഥയില്‍ നിന്നും  ഇതില്‍ കുറച്ചൊന്നും പ്രതീക്ഷിക്കാനും കഴിയില്ല.തീര്‍ച്ചയായും കാണേണ്ട ചിത്രങ്ങളില്‍ ഒന്നാണ് ഇത്.

More movie suggestions @www.movieholicviews.blogspot.com

Wednesday, 21 October 2015

523.DETECTIVE K:SECRET OF THE LOST ISLAND(KOREAN,2015)

523.DETECTIVE K:SECRET OF THE LOST ISLAND(KOREAN,2015),|Mystery|Crime|Comedy|,Dir:-Kim Suk-Yoon,*ing:-Kim Myung-Min,Oh Dal-Su,Lee Yeon-Hee.

  2011 ല്‍ റിലീസ് ചെയ്ത  Detective K: Secret of the Virtuous Widow,യുടെ രണ്ടാം ഭാഗം ആണ് Detective K: Secret of the Lost Island.ആദ്യ ഭാഗത്തിലെ പ്രധാന കഥാപാത്രങ്ങള്‍ തന്നെയാണ് ഈ ചിത്രത്തിലും ഉള്ളത്.ഡിട്ടക്ട്ടീവ് K യും അദ്ദേഹത്തിന്റെ കൂട്ടാളി ആയി സിയോ ഫില്ലും ആണ് ഈ ചിത്രത്തില്‍.1795 ല്‍ നടന്ന ജോസിയോന്‍ രാജ വംശജന്‍ ആയ ജിയോംഗ്ജോയുടെ പത്തൊമ്പതാം വര്‍ഷത്തിലെ ഭരണ സമയത്ത് നടന്ന സംഭവങ്ങള്‍ ആണ് ചിത്രത്തില്‍ അവതരിപ്പിച്ചിരിക്കുന്നത്.

   കൊറിയന്‍ സമ്പദ് വ്യവസ്ഥയുടെ നട്ടെല്ലായ വെള്ളിയുടെ വ്യാജ അനുകരണങ്ങള്‍ രാജ്യത്തെ സമ്പദ് വ്യവസ്ഥയെ ആകെ തകിടം മറിക്കുന്നു.ജപ്പാനുമായി കച്ചവടം നടത്തുന്ന കൊറിയയ്ക്ക് ഈ വ്യാജന്‍ വലിയ പ്രശ്നം ആയി തീര്‍ന്നൂ.വേഷം മാറി ഒളിവില്‍ K യും സിയോ ഫില്ലും അത്തരം ഒരു സങ്കേതത്തില്‍ എത്തിച്ചേരുന്നു.എന്നാല്‍ അവിടെ വച്ച് അവരുടെ ലക്‌ഷ്യം തകരുന്നു.എന്നാല്‍ താല്‍ക്കാലികം ആയെങ്കിലും അത്തരം ഒരൂ സംഘത്തെ അവര്‍ തടവില്‍ ആക്കുന്നു.എന്നാല്‍ പിന്നീട് ആവരുടെ ഭീഷണി കാരണം നാട് കടത്തപ്പെട്ട  K ഒരു ദ്വീപില്‍ അഭയം തേടുന്നു.അവിടെ ചെറിയ പരീക്ഷണങ്ങള്‍ ഒക്കെ ആയി K കഴിഞ്ഞു കൂടുന്നു.കൂട്ടിനു സിയോ ഫില്ലും ഉണ്ട്.ആ സമയത്താണ്  ഒരു ദിവസം കടലില്‍ തിര കുറഞ്ഞ സമയം നോക്കി ഒരു പെണ്‍ക്കുട്ടി K യെ കാണാന്‍ എത്തുന്നത്‌.അവളുടെ ആവശ്യം സ്വന്തം സഹോദരിയെ കണ്ടെത്തുക എന്നതായിരുന്നു.അവളെ കാണാതായി കഴിഞ്ഞു എങ്കിലും  ദാരിദ്ര്യം മൂലം പല പെണ്‍ക്കുട്ടികളെയും അടിമകള്‍ ആക്കി വില്‍ക്കുന്നത് പോലെ ആണെന്ന് K കരുതി.അവര്‍ ദാരിദ്ര്യത്തില്‍ നിന്നും എങ്ങനെ എങ്കിലും രക്ഷപ്പെടട്ടെ എന്ന് അയാള്‍ കരുതി.

   എന്നാല്‍ ആ സമയം വീണ്ടും വ്യാജ വെള്ളിയുടെ നിര്‍മാണം കൊറിയയില്‍ കൂടി.ഇത്തവണ വ്യാജ വെള്ളിയും യഥാര്‍ത്ഥ വെള്ളിയും തമ്മില്‍ കണ്ടെത്താന്‍ എളുപ്പം അല്ലായിരുന്നു.രാജ്യത്തിന്റെ ആവശ്യം നിറവേറ്റാന്‍ നാട് കടത്തപ്പെട്ട K വീണ്ടും കൊറിയയില്‍ എത്തുന്നു.എന്നാല്‍ അവിടെ വച്ച് ഒരു രഹസ്യം മനസ്സിലാക്കുന്നു.ആ പെണ്‍ക്കുട്ടിയെ കാണാതെ ആയതിനു പിന്നിലും വെള്ളി നിര്‍മാണവും തമ്മില്‍ ഉള്ള ബന്ധത്തെ കുറിച്ച്.K തന്‍റെ അടുത്ത സാഹസികമായ  കേസ് അന്വേഷണം ആരംഭിക്കുന്നു.ആ കഥയാണ് ബാക്കി ചിത്രം.ആദ്യ ഭാഗം പോലെ തന്നെ നല്ല ഒരു ചിത്രം ആണ് രണ്ടാം ഭാഗവും.ഈ രണ്ടു ഭാഗത്തിലൂടെ ഡിട്ടക്ട്ടീവ് K യുടെ ആരാധകന്‍ ആയി ഞാന്‍ മാറി.

More movie suggestions @www.movieholicviews.blogspot.com

   

522.DETECTIVE K:SECRET OF THE VIRTUOUS WIDOW(KOREAN,2011)

522.DETECTIVE K:SECRET OF THE VIRTUOUS WIDOW(KOREAN,2011),|Mystery|Action|Comedy|,Dir:-Kim Suk-Yoon,*ing:-Myung-min Kim, Dal-su Oh, Ji-min Han.

   കിം ടക് ഹ്വാന്‍  എഴുതിയ നോവലിനെ ആസ്പദം  ആക്കി ഒരുക്കിയ കൊറിയന്‍ ചലച്ചിത്രം ആണ് Detective K:Secret of Virtuous Widow.പതിനെട്ടാം നൂറ്റാണ്ടിലെ കൊറിയ ആണ് സിനിമയുടെ പശ്ചാത്തലം.ശക്തരായ ജോസിയോന്‍ രാജ വംശത്തിന്റെ കീഴില്‍ ആയിരുന്നു അക്കാലത്തു കൊറിയ.അഞ്ഞൂറ് വര്‍ഷത്തോളം കൊറിയ ഭരിച്ച ശക്തരായ ആ രാജ കുടുംബത്തിലെ രാജാവായിരുന്ന ജിയോംഗ്ജോയുടെ ഭരണത്തിന്റെ പതിനേഴാം വര്‍ഷം നടക്കുന്ന കൊലപാതക പരമ്പരകള്‍ ആണ് ചിത്രത്തിന് ആധാരം.

   രാജാവിന് കിട്ടേണ്ട പണത്തില്‍ തിരിമറി നടത്തുന്ന ഉദ്യോഗസ്ഥര്‍ കാരണം അതിനെ കുറിച്ച് അന്വേഷിക്കാന്‍ നിയോഗിക്കപ്പെട്ട പ്രത്യേക അന്വേഷണ ഉദ്യോഗസ്ഥന്‍ ആയിരുന്നു ഡിട്ടക്ട്ടീവ് K.സംഭവത്തെ കുറിച്ച് അന്വേഷണം തുടങ്ങിയപ്പോള്‍ ജയിലില്‍ അടയ്ക്കപ്പെട്ട നഗര ഗവര്‍ണറെ കാണാന്‍ പോയ K,ഗവര്‍ണര്‍ ജയിലില്‍ മരിച്ചതായി കണ്ടെത്തി.എന്നാല്‍ K ആ കുറ്റത്തിന് തെറ്റിദ്ധരിക്കപ്പെട്ടൂ.എന്നാല്‍ മൃതദേഹത്തില്‍ നിന്നും ലഭിച്ച നീളമേറിയ കമ്പി,തലയുടെ പിന്നില്‍ ആഴത്തില്‍ കുത്തി ഇറക്കിയ നിലയില്‍ ആയിരുന്നു.ആ സൂചി പോലത്തെ വസ്തുവിന് എന്തോ പ്രത്യേകത ഉണ്ടായതായി K മനസ്സിലാക്കുന്നു.എന്നാല്‍ ജയിലില്‍ അടയ്ക്കപ്പെട്ട K യെ അവിടെ നിന്നും നായ വില്‍പ്പനക്കാരന്‍ ആയ സിയോ ഫില്‍ രക്ഷപ്പെടുത്തുന്നു.അവര്‍ രണ്ടു പേരും സുഹൃത്തുക്കള്‍ ആകുന്നു.

  ഈ സംഭവം കാരണം K യെ ജോലിയില്‍  നിന്നും തരം താഴ്ത്തുന്നു.കാരണം,കൊലയ്ക്കു കാരണമായത് എന്ന് കരുതുന്ന ആയുധം അയാളുടെ കയ്യില്‍ നിന്നും കണ്ടെത്തുന്നു.പകരം രാജാവ് അയാളെ ജിയോക്സിയോംഗിലേക്ക് അയക്കുന്നു.അവിടെ ഒരു വിധവയുടെ മരണത്തെ കുറിച്ച് റിപ്പോര്‍ട്ട് നല്‍കാന്‍ ആണ് അയക്കുന്നതെങ്കിലും  അതിനു മറ്റൊരു വശം കൂടി ഉണ്ടായിരുന്നു.ജയിലില്‍ മരിച്ച നിലയില്‍ കണ്ടെത്തിയ ഗവര്‍ണറുടെ ശവ ശരീരത്തില്‍ നിന്നും ജിയോക്
സിയോംഗില്‍ ഉള്ള ഒരു പ്രത്യേകതരം ചെടിയുടെ സാമീപ്യം ഉണ്ടായിരുന്നു.എന്നാല്‍ ജിയോക്സിയോംഗില്‍ എത്തിയ Kയെയും സിയോ ഫില്ലും നടന്നടുത്തത് മറ്റു ചില രഹസ്യങ്ങളിലേക്ക് കൂടി ആണ്.രാജ്യത്തെ മന്ത്രിയുടെ വിധവയായ മരുമകളെ കുറിച്ച് അന്വേഷിക്കാന്‍ ചെന്ന K താന്‍ അന്വേഷിക്കുന്ന കേസിലെ ചില നിഗൂഡ വസ്തുതകള്‍ ആണ്.ആ കേസിന്റെ ബാക്കി ഉള്ള അന്വേഷണം ആണ് ചിത്രം.കൊലപാതകങ്ങള്‍ ഇനിയും സംഭവിക്കും.ആരായിരിക്കും കൊലപാതകി?കൂടുതല്‍ അറിയാന്‍ ചിത്രം കാണുക.മുഴുവന്‍  ആയി സീരിയസ് ആയി പോകാതെ ആവശ്യത്തിനു തമാശയും കൂടി ചേര്‍ത്താണ് ഈ ചിത്രം ഒരുക്കിയിരിക്കുന്നത്.കൊറിയന്‍ മിസ്റ്ററി പ്രേമികള്‍ക്ക് ഇഷ്ടപ്പെടാവുന്ന ചിത്രം.ഈ ചിത്രത്തിന്‍റെ അവസാനത്തോടെ ഒരു മാസ് എന്ന് വിളിക്കാവുന്ന സീന്‍ ഉണ്ട്.നല്ല കളര്‍ഫുള്‍ ആയ ഒരു മാസ് സീന്‍.എ ചിത്രത്തിന്‍റെ രണ്ടാം ഭാഗം Detective K: Secret of the Lost Island 2015 ല്‍ റിലീസ് ആയിരുന്നു.

More movie suggestions @www.movieholicviews.blogspot.com

Tuesday, 20 October 2015

521.Mr.HOLMES(ENGLISH,2015)

521.Mr.HOLMES(ENGLISH,2015),|Drama|Mystery|,Dir:-Bill Condon,*ing:-Ian McKellen, Laura Linney, Hiroyuki Sanada.

  ഷെര്‍ലോക്ക് ഹോംസ്- കുറ്റാന്വേഷണ കഥകള്‍ താല്‍പ്പര്യം ഉള്ള മിക്കവരുടെയും ആദ്യ ഇഷ്ട കഥാപാത്രം ആകും. Famous Five,Secret Seven എന്നിവ ഒക്കെ ഇഷ്ടപ്പെടുന്ന പ്രായത്തില്‍  നിന്നും ഒക്കെ മാറി ഒരു മുതിര്‍ന്ന കുറ്റാന്വേഷണ വിദഗ്ദ്ധനെ ഇഷ്ടപ്പെടാന്‍ ഉള്ള ത്വര അവിടെ തുടങ്ങുന്നു.ഷെര്‍ലോക്ക് ഹോംസ് കഥകള്‍ കാലത്തെയും അതിജീവിച്ചു മുന്നേറുകയാണ് സീരിയല്‍ ആയും സിനിമകള്‍ ആയും.ഇന്നും അന്നത്തെ അതെ പുതുമയോടെ തന്നെ.എന്നാല്‍ അതില്‍ നിന്നും ഒക്കെ മാറി ഷെര്‍ലോക്ക് ഹോംസിന്റെ ജീവിതത്തിലെ അവസാന നാളുകള്‍ അവതരിപ്പിക്കാന്‍ ശ്രമിച്ച ചിത്രം ആണ് Mr.Holmes.

   A Slight Trick of the Mind(2005) എന്ന Mitch Cullin ന്റെ നോവലിനെ ആസ്പദം ആക്കി ആണ് ഈ ചിത്രം അവതരിപ്പിച്ചിരിക്കുന്നത്.തന്‍റെ അവസാനത്തെ കേസിന് ശേഷം ഒരു ഗ്രാമത്തില്‍ അധികം ആളുകള്‍ അറിയാതെ കഴിഞ്ഞിരുന്ന വൃദ്ധന്‍ ആയ ഷെര്‍ലോക്ക് ഹോംസ് ആണ് ഇവിടെ മുഖ്യ കഥാപാത്രം.ആര്‍തര്‍ കോനാന്‍ ഡോയല്‍ സൃഷ്ടിച്ച കഥാപാത്രങ്ങള്‍ എന്നാല്‍ അദ്ധേഹത്തിന്റെ അനശ്വര കഥാപാത്രങ്ങള്‍  നിര്‍മിച്ച വഴിയിലൂടെ ആണ് ഈ ചിത്രത്തില്‍ സഞ്ചരിക്കുന്നത്.ഹോംസിന്റെ കഥകള്‍ ഫിക്ഷണല്‍ രൂപത്തില്‍ എഴുതിയിരുന്ന സഹപ്രവര്‍ത്തകന്‍ Dr.വാട്സണ്‍ ഹോംസിന്റെ അവസാന കേസ് അന്വേഷണം കഥയായി അവതരിപ്പിച്ചിരുന്നു.ജീവിതത്തില്‍ ഹോംസ് എന്തായിരുന്നോ അതില്‍ നിന്നും വ്യത്യസ്തമായ മുഖം ആയിരുന്നു വാട്സണ്‍ തന്‍റെ കഥാപാത്രത്തിന് നല്‍കിയിരുന്നത് Deer Stalker തൊപ്പിയും,പുകവലി പൈപ്പും ,ബേക്കര്‍ സ്ട്രീറ്റിലെ മേല്‍വിലാസം ഒക്കെ അങ്ങനെ  ആയിരുന്നു എന്ന് ഷെര്‍ലോക്ക് ജീവിതത്തിന്‍റെ അവസാനം ഓര്‍ത്തെടുക്കുന്നു.

  എന്നാല്‍ ജീവിതത്തിലെ ഒരു പ്രത്യേക സമയത്ത് ഇത് വരെ വായിച്ചിട്ടില്ലാത്ത ഹോംസിന്റെ കുറ്റാന്വേഷണ ചരിത്രം അദ്ദേഹം വായിക്കുന്നു.അത് പോലെ അതിനെ ആസ്പദം ആകി നിര്‍മിച്ച Lady in Grey(Woman in Green/The Grey lady അല്ല) എന്ന സിനിമ കാണുമ്പോള്‍ (സാങ്കല്‍പ്പിക കഥയിലെ സാങ്കല്‍പ്പികത) ആണ് അദ്ദേഹം അവസാനം ചെയ്ത കേസ് അങ്ങനെ അല്ല അവസാനിച്ചത്‌ എന്ന് ഓര്‍ക്കുന്നത്.മറവി അലട്ടി തുടങ്ങിയ ഹോംസ് ആദ്യമായി താന്‍ അന്വേഷിച്ച കേസിന്റെ യഥാര്‍ത്ഥ കഥ എഴുതാന്‍ തീരുമാനിക്കുന്നു.ഫിക്ഷണല്‍ Element ഇല്ലാതെ.

   ജപ്പാനില്‍ ഒരു ആവശ്യത്തിനു പോയി വന്ന വൃദ്ധന്‍ ആയ ഹോംസിനു കൂട്ട് അവിടത്തെ ജോലിക്കാരിയുടെ മകന്‍ റോജര്‍ ആണ്.ഹോംസിനു  എല്ലാം എഴുതണം എന്നുണ്ട്.എന്നാല്‍ ഓര്‍മ കുറവും വാര്‍ദ്ധക്യവും അതിനു വിലങ്ങു തടി ആകുന്നു.ഹോംസ് 35 വര്‍ഷം മുന്‍പ് എന്ത് കൊണ്ട് തന്‍റെ  ജോലി  അവസാനിപ്പിച്ച്‌ എന്നറിയാന്‍ ബാക്കി ചിത്രം കാണുക.ബേക്കര്‍ സ്ട്രീറ്റ് സംഭവങ്ങള്‍ കുറവായിരുന്നു എങ്കിലും വ്യത്യസ്തന്‍ ആയിരുന്നു ഈ പ്രായം ആയ ഹോംസ്.നല്ല ഒരു ചിത്രം ആയി തോന്നി.ഹോംസിന്റെ വൈകാരികമായ ഒരു മുഖം ആണ് ഈ ചിത്രത്തില്‍ കൂടുതലും തുറന്നു കാണിക്കുന്നത്.അത് കൊണ്ട് തന്നെ വളരെയധികം പുതുമയും തോന്നി.

  More movie suggestions @www.movieholicviews.blogspot.com

Monday, 19 October 2015

520.KNOCK KNOCK(ENGLISH,2015)

520.KNOCK KNOCK(ENGLISH,2015),|Mystery|Thriller|,Dir:-Eli Roth,*ing:-Keanu Reeves, Lorenza Izzo, Ana de Armas.

  ഈ അടുത്ത് കണ്ട disturbing ആയ ചിത്രങ്ങളില്‍ ഒന്നാണ് കീനൂ റീവ്സിന്റെ Knock Knock.മറ്റൊരു ചിത്രം The Gift(2015) ആയിരുന്നു.ഈ രണ്ടു ചിത്രവും ക്ലൈമാക്സ് ആകുമ്പോള്‍ ആകെ മൊത്തം ഒരു ഷോക്ക് ആകും.പ്രതി നായക വേഷത്തില്‍ വരുന്ന കഥാപാത്രങ്ങള്‍ നായക കഥാപാത്രങ്ങള്‍ക്ക് ശല്യം ആകുന്നതില്‍ ഉപരി സിനിമ തീരുമ്പോള്‍ പ്രേക്ഷകനും ചെറുതല്ലാത്ത രീതിയില്‍ സമാനമായ ഒരു വികാരം ഉണ്ടാക്കി.പ്രത്യേകിച്ചും ഈ ചിത്രത്തിലെ രണ്ടു സ്ത്രീ കഥാപാത്രങ്ങള്‍.സ്ത്രീ പീഡനം എന്നൊക്കെ ഉള്ളതില്‍ നിന്നും വ്യത്യസ്തം ആയി നല്ല രീതിയില്‍ പുരുഷ പീഡനം ആണ് ചിത്രം.അവരുടെ പ്രവൃത്തിയില്‍ എന്തൊക്കെ ന്യായം കണ്ടെത്താന്‍ ശ്രമിച്ചാലും വെറുപ്പ്‌ തോന്നിപ്പിക്കും ആ കഥാപാത്രങ്ങള്‍.

  Erotic Thriller ആയാണ് എലി റോത്ത് ഈ ചിത്രം അവതരിപ്പിച്ചതെങ്കിലും അത്തരം രംഗങ്ങള്‍ കുറവാണ്.പകരം പ്രമേയപരമായി ആണ് ഈ ചിത്രം ആ ജോണറില്‍ ഉള്‍പ്പെടുന്നത്.മധ്യവയസ്ക്കന്‍ ആയ ഇവാന്‍ എന്ന ആര്‍കിറ്റെക്റ്റ് ആയാണ് കീന് റീവ്സ് ഈ ചിത്രത്തില്‍ വേഷം ഇടുന്നത്.ഭാര്യയും രണ്ടു കുട്ടികളും ആയി സന്തോഷകരമായ കുടുംബ ജീവിതം അയാള്‍ക്കുണ്ട്.സ്വന്തമായ വീടും അത്യാവശ്യത്തിനു പണവും എല്ലാം ഉള്ള സന്തുഷ്ട കുടുംബം.ആ വര്‍ഷത്തെ ഫാദേര്‍സ് ഡേ ദിവസം ആണ് ഇവാന്റെ കുടുംബം ഒരു ബീച്ചിലേക്ക് വാരാന്ത്യം ചിലവിടാന്‍ പോകുന്നത്.എന്നാല്‍ ജോലി തിരക്ക് മൂലം ഇവാന്‍ അവരോടൊപ്പം പോകുന്നില്ല.

   അന്ന് വളരെ വൈകിയും ജോലിയില്‍ ഏര്‍പ്പെട്ടിരുന്ന അയാളുടെ മുന്നില്‍ ആ മഴയുള്ള പാതിരാത്രി ആണ് രണ്ടു അതിഥികള്‍ എത്തുന്നത്‌.വഴി തെറ്റി ആ രാത്രിയില്‍ മഴയത് എത്തിയ അവരെ അയാള്‍ സഹായിക്കാന്‍ ശ്രമിക്കുന്നു.എന്നാല്‍ പിന്നീട് അയാളുടെ ജീവിതത്തില്‍ എടുത്ത തെറ്റായ തീരുമാനം എന്ന് തോന്നിക്കാന്‍ ആ ഒറ്റ സംഭവം മതിയായിരുന്നു.അതിനു ശേഷം ഇവാന്റെ ജീവിതം എങ്ങനെ ആയെന്നാണ്‌ ബാക്കി ചിത്രം അവതരിപ്പിക്കുന്നത്‌.

More movie suggestions @www.movieholicviews.blogspot.com

519.PRIVATE EYE(KOREAN,2009)

519.PRIVATE EYE(KOREAN,2009),|Mystery|Thriller|Crime|,Dir:-Dae-min Park,*ing:-Jeong-min Hwang, Deok-Hwan Ryu, Ji-won Uhm .

Film Noir വിഭാഗത്തില്‍ ഉള്‍പ്പെടുന്ന കൊറിയന്‍ കുറ്റാന്വേഷണ ചിത്രം ആണ് Private Eye.2009 ല്‍ റിലീസ് ആയ ഈ ചിത്രം ഒരു ബോക്സോഫീസ് വിജയം കൂടി ആയിരുന്നു.ജിയോംഗ് മിന്‍ നായകന്‍ ആകുന്ന ഈ ചിത്രം ഒരേ രീതിയില്‍ നടക്കുന്ന കൊലപാതകങ്ങളെ കുറിച്ചും അതിന്‍റെ നിഗൂഡത വെളിച്ചത്ത് കൊണ്ട് വരാന്‍ ശ്രമിക്കുന്ന ഹോംഗ് ജിന്‍ ഹോ എന്ന കുറ്റാന്വേഷകന്റെ ശ്രമങ്ങളിലൂടെയും ആണ് വികസിക്കുന്നത്.

   ഇരുപതാം നൂറ്റാണ്ടിന്‍റെ തുടക്കത്തില്‍ നടക്കുന്ന സംഭവങ്ങള്‍ ആണ് ചിത്രത്തില്‍ അവതരിപ്പിച്ചിരിക്കുന്നത്.ജപ്പാന്റെ കീഴില്‍ ഉള്ള കൊറിയ ആണ് പശ്ചാത്തലം.അധികാര വര്‍ഗം അവരുടെ താല്‍പ്പര്യങ്ങള്‍ക്ക് അനുസരിച്ച് കേസുകള്‍ വളച്ചു ഒടിക്കുന്ന സമയം.കാര്യക്ഷമം അല്ലാത്ത പോലീസ് ഉദ്യോഗസ്ഥന്മാര്‍ കൂടി ആയപ്പോള്‍ സമൂഹത്തില്‍ അസ്ഥിരത ഉണ്ടായ സമയം.ക്വാംഗ് സൂ എന്ന മെഡിക്കല്‍ വിദ്യാര്‍ഥി വഴിയില്‍ കിടന്നു കിട്ടിയ ജഡവും ആയി പോകുന്നു.മനുഷ്യ ശരീരം കൂടുതല്‍ അടുത്തറിയാനും അതില്‍ തന്‍റെ പഠനത്തിന് സഹായകരം ആകും എന്നും കരുതി അവന്‍ അത് കൊണ്ട് പോയി ഓപറേഷന്‍ ചെയ്യുന്നു.ശവ ശരീരം മുറിവുകള്‍ ഒക്കെ തുന്നിക്കെട്ടി ഹൃദയവും കരളും എല്ലാം പുറത്തു എടുക്കുന്നു.എന്നാല്‍ അല്‍പ്പ ദിവസത്തിനുള്ളില്‍ ആ ശവ ശരീരം ആ സ്ഥലത്തെ മന്ത്രിയുടെ മകന്റെ ആണെന്ന് അവന്‍ മനസ്സിലാക്കുന്നു.

  കൊല്ലപ്പെട്ടു എന്ന് പോലീസ് കരുതുന്ന ആളുടെ മൃതദേഹം തിരികെ കൊടുത്താല്‍ അതില്‍ നടത്തിയിരിക്കുന്ന  തുന്നലുകള്‍ അവനെ കുറ്റവാളി ആയി മുദ്ര കുത്തുമോ എന്ന് ഭയപ്പെടുന്നു.ആ അവസരത്തില്‍ ആണ് അവന്‍ ഹോംഗ് ജിന്‍ ഹോ എന്ന കുട്ടന്വേഷകനെ പരിചയപ്പെടുന്നത്.അമേരിക്കയിലേക്ക് കുടിയേറി പാര്‍ക്കാന്‍ കൊതിക്കുന്ന അയാള്‍ അതിനായുള്ള ധന സമാഹരണത്തില്‍ ആണ്.അതിനായി കിടപ്പറ രഹസ്യങ്ങള്‍ ആവശ്യം അനുസരിച്ച് ചോര്‍ത്തി കൊടുക്കുന്ന ജോലി ആണ് ഹോംഗ് ചെയ്യുന്നത്.ക്വാംഗ് സൂ തന്‍റെ കാര്യവുമായി അയാളെ സമീപിച്ചെങ്കിലും അതിലെ അപകടം മുന്‍ക്കൂട്ടി കണ്ടു അയാള്‍ ആ കേസ് ഏറ്റെടുക്കുന്നില്ല.എന്നാല്‍ അമേരിക്കന്‍ യാത്രയ്ക്കുള്ള തുക ഒപ്പിക്കാം എന്നുള്ള ധാരണയില്‍ ഹോംഗ് ആ കേസ് ഏറ്റെടുക്കുന്നു.ഈ അവസരത്തില്‍ സമാനമായ മറ്റൊരു കൊലപാതകം കൂടി നടക്കുന്നു.അതും പ്രമുഖന്‍ ആയ ഒരാള്‍ .ആരാണ് ഈ കൊലകള്‍ക്ക് പിന്നില്‍?എന്താണ് കാരണം? ട്വിസ്ട്ടുകളും മറ്റുമായി പോകുന്ന മികച്ച ഒരു മിസ്റ്ററി /ത്രില്ലര്‍ ആണ് Private Eye.

More movie suggestions @www.movieholicviews.blogspot.com

518.THE SUBJECTS(ENGLISH,2015)

518.THE SUBJECTS(ENGLISH,2015),|Mystery|Thriller|,Dir:-Robert Mond,*ing:-Paul O'Brien, Charlotte Nicdao, Emily Wheaton.

 
ഹോളിവുഡ് സിനിമ ലോകം സൂപ്പര്‍ ഹീറോകള്‍ കയ്യടക്കുമ്പോള്‍ Anti-Super Hero കഥ പ്രമേയം ആക്കിയാണ് The Subjects എന്ന ചിത്രം അവതരിപ്പിക്കപ്പെട്ടിരിക്കുന്നത്.ഒരു മുറിയില്‍ അടയ്ക്കപ്പെട്ട കഥാപാത്രങ്ങളെ പ്രമേയം ആക്കിയുള്ള ചിത്രങ്ങള്‍ ഹോളിവുഡ് ക്ലീഷേ ആയി മാറിയിരിക്കുന്നു ഇപ്പോള്‍.എങ്കിലും ഇത്തരം ചിത്രങ്ങള്‍ ഒളിപ്പിച്ചു വച്ചിരിക്കുന്ന Mystery Element പലപ്പോഴും അത്തരം സിനിമകളെ രക്ഷപ്പെടുത്തി എടുക്കാറുണ്ട്.ലോകത്തിന്‍റെ ഭാവി എന്ന് സ്വയം പ്രചാരണം നടത്തുന്ന ഒരു മരുന്ന് കമ്പനിയുടെ മരുന്ന് പരീക്ഷണത്തിന്‌ വിധേയരാകാന്‍ വന്ന എട്ടു പേരിലൂടെ ആണ് ഈ ചിത്രം വികസിക്കുന്നത്.

  പണം ആഗ്രഹിച്ചു തന്നെയാണ് ആ എട്ടു പേരും ആ പരീക്ഷണത്തിന്‌ തയ്യാറാകുന്നത്.പലതരം ജീവിത പശ്ചാത്തലത്തില്‍ നിന്നും വന്ന അവര്‍ എട്ടു പേരും ഒരു മുറിയില്‍ അടയ്ക്കപ്പെടുന്നു.എട്ടു മണിക്കൂര്‍ നീളം ഉള്ള ആ മരുന്ന് പരീക്ഷണം തുടങ്ങുമ്പോള്‍ ആ മുറി അടയ്ക്കപ്പെടുന്നു.എന്തിനുള്ള മരുന്നുകള്‍ ആണ് അവര്‍ക്ക് നല്‍കുന്നത് എന്നത് അജ്ഞാതം ആയിരുന്നു.അവര്‍ മരുന്ന് കഴിക്കുന്നു.വാതിലുകള്‍ അടയ്ക്കപ്പെടുന്നു.ഇനിയുള്ള എട്ടു മണിക്കൂറുകള്‍ അടയ്ക്കപ്പെട്ട ആ മുറിയില്‍  ചിലവഴിക്കാന്‍ തീരുമാനിച്ച അവര്‍ സമയം മുന്നോട്ടു പോകാന്‍ പല വഴികളും പരീക്ഷിക്കുന്നു.

  വ്യത്യസ്തമായ സാമൂഹിക പശ്ചാത്തലം എന്നത് കൊണ്ട് തന്നെ വിഭിന്നമായ ജീവിത കാഴ്ചപ്പാട് ഉള്ളവരായിരുന്നു അവര്‍ ഓരോരുത്തരും.അത് അവിടെ പ്രശ്നങ്ങള്‍ സൃഷ്ടിക്കുന്നു.ഒപ്പം സൗഹൃദങ്ങളും.ആ സമയത്താണ് മരുന്ന് പരീക്ഷണത്തിന്റെ ആദ്യ ആദ്യ ഫലം അവര്‍ അറിയുന്നത്.ഞെട്ടലോടെ മാത്രം അവര്‍ക്ക് സമീപിക്കാവുന്ന ഒരു ഫലം ആയിരുന്നു അവര്‍ അനുഭവിച്ചത്.അവിടെ എന്താണ് സംഭവിച്ചത്?എന്തിനായിരുന്നു ആ മരുന്ന് പരീക്ഷണം?കുഴപ്പമില്ലാത്ത ട്വിസ്ട്ടുകളും ആയി തരക്കേടില്ലാത്ത ഒരു മിസ്റ്ററി/ത്രില്ലര്‍ ചിത്രം ആണ് The Subjects.

More movie suggestions @www.movieholicviews.blogspot.com

517.VIDOCQ(FRENCH,2001)

517.VIDOCQ(FRENCH,2001),|Mystery|Thriller|Fantasy|Action|Crime|,Dir:-Pitof,*ing:-Gérard Depardieu, Guillaume Canet, Inés Sastre .

  Digital cinematography സാങ്കേതികത ആദ്യമായി ഉപയോഗിച്ച് റിലീസ് ആയ മുഴുനീള ചിത്രം ആണ് വിഡോക്.ഫ്രഞ്ച് ഭാഷ സംസാരിക്കുന്ന ഈ ചിത്രം പത്തൊമ്പതാം നൂറ്റാണ്ട് പശ്ചാത്തലം ആക്കിയാണ് അവതരിപ്പിച്ചിരിക്കുന്നത്.വിഡോക്, ഫ്രഞ്ച് ജനതയുടെ മുന്നില്‍ നായക തുല്യ പരിവേഷം ഉള്ള അന്വേഷണ ഉദ്യോഗസ്ഥന്‍ ആയിരുന്നു.എന്നാല്‍ ചില പ്രശ്നങ്ങള്‍ മൂലം വിഡോക് ജയിലില്‍ അടയ്ക്കപ്പെടുകയും പിന്നീട് സര്‍വീസില്‍ നിന്നും പുറത്താക്കപ്പെടുകയും ചെയ്തു.പിന്നീട് വിഡോക് സ്വതന്ത്രമായി കേസുകള്‍ അന്വേഷിക്കുന്ന ജോലി ആരംഭിക്കുന്നു തന്‍റെ പങ്കാളിയായ നിമിയറും ആയി ചേര്‍ന്ന്.

   ചിത്രത്തിന്‍റെ ആരംഭത്തില്‍ വിഡോക് അജ്ഞാതനായ ഒരു കൊലയാളിയുടെ പുറകെ പോകുന്നതാണ് കാണിക്കുന്നത്.അപകടകരമായ ആ സാഹചര്യത്തില്‍ നടന്ന സംഘട്ടനത്തില്‍ വിഡോക് കൊല്ലപ്പെടുന്നു.എന്നാല്‍ മരിക്കുന്നതിനു മുന്‍പ് വിഡോക് മുഖമൂടിയില്‍ ഒളിഞ്ഞിരിക്കുന്ന അജ്ഞാതന്‍ ആരാണെന്ന് മനസ്സിലാക്കിയിരുന്നു.വിഡോക് മരണപ്പെട്ടതിനു ശേഷം ഏറ്റീന്‍ ബോസറ്റിന്റെ രംഗപ്രവേശം.ഏറ്റീന്‍, വിഡോക് തന്നെ അയാളുടെ ആത്മകഥ എഴുതാന്‍ വിളിച്ചു വരുത്തിയ പത്രപ്രവര്‍ത്തകന്‍ ആണെന്നാണ്‌ പരിചയപ്പെടുത്തുന്നത്.ഏറ്റീന്‍ വിഡോക് എങ്ങനെ മരിച്ചു എന്താണ് അതിന്‍റെ കാരണം എന്നിവയെ കുറിച്ചുള്ള അന്വേഷണം ആരംഭിച്ചു.എന്നാല്‍ ഒരു പിടി ചാരം മാത്രമായി മാറിയ ആ മരണത്തിനു തെളിവുകള്‍ ഒന്നും ഇല്ലായിരുന്നു.

   ഏറ്റീന്‍ ,വിഡോക് അവസാനം അന്വേഷിച്ചു കൊണ്ടിരുന്ന കേസിന്‍റെ പുറകെ അന്വേഷണം ആരംഭിക്കുന്നു.വിഡോക് മരണപ്പെട്ട സംഭവവും ആയി ആ കേസിന് ബന്ധം ഉണ്ടെന്നു അയാള്‍ കരുതുന്നു.അസാധാരണമായ രീതിയില്‍ കൊല്ലപ്പെട്ട രണ്ടു ആയുധ കച്ചവടക്കാരുടെ മരണത്തിനു രാഷ്ട്രീയ ലക്‌ഷ്യം ഉണ്ടെന്നുള്ള പ്രചരണം എന്നാല്‍ അതെ രീതിയില്‍ മറ്റൊരു ഡോക്റ്റര്‍ മരിച്ചപ്പോള്‍ മാറി.എന്താണ് ഈ മരണങ്ങളുടെ എല്ലാം രഹസ്യം?കൂടുതല്‍ അറിയാന്‍ ഫാന്റസിയും ചേര്‍ത്ത് അവതരിപ്പിച്ചിരിക്കുന്ന ഈ മിസ്റ്ററി/ത്രില്ലര്‍ കാണുക.ചിത്രം ഉടനീളം ട്വിസ്ട്ടുകളും മറ്റും അവതരിപ്പിച്ചിട്ടുണ്ട്.ത്രില്ലര്‍ സിനിമ പ്രേമികള്‍ക്ക് ഇഷ്ടപ്പെടാവുന്ന ചിത്രം.

More movie suggestions @www.movieholicviews.blogspot.com 

516.THE SERPENT AND THE RAINBOW(ENGLISH,1988)

516.THE SERPENT AND THE RAINBOW(ENGLISH,1988),|Mystery|Horror|,Dir:-Wes Craven,*ing:-Bill Pullman, Cathy Tyson, Zakes Mokae.

  അന്ധ വിശ്വാസങ്ങള്‍ ഒരു വിധം എല്ലാ സമൂഹത്തിലും കാണപ്പെടാറുണ്ട്.അത്തരം ചിലത് കാലക്രമേണ പേരിനുള്ള ഒരു ചടങ്ങായി മാറാറുണ്ട്.മനുഷ്യന്‍ പരിഷ്കൃത സമൂഹത്തിലേക്കുള്ള കാല്‍വയ്പ്പില്‍ പല അന്ധവിശ്വാസങ്ങളും ഇങ്ങനെ രൂപാന്തരം പ്രാപിച്ചിട്ടുണ്ട്.ഹെയ്തി എന്ന രാഷ്ട്രീയ അസ്ഥിരത ഉള്ള പട്ടിണി പാവങ്ങളുടെ എണ്ണം വളരെയധികം കൂടുതല്‍ ഉള്ള രാജ്യത്ത് ഒരിക്കല്‍ യഥാര്‍ത്ഥത്തില്‍ സിനിമകളിലും പാശ്ചാത്യ കഥകളിലും മാത്രം കണ്ടിട്ടുള്ള Zombie ആയി ആളുകള്‍ മാറുന്നതിനെ കുറിച്ച് റിപ്പോര്‍ട്ട് ചെയ്യപ്പെട്ടിരുന്നു. Clairvius Narcisse എന്ന പേരുള്ള ഹെയ്തിയന്‍ ഇത്തരം ഒരു പ്രതിഭാസം മൂലം മരണപ്പെട്ടു എന്ന് കരുതി മൃതദേഹം മറവു ചെയ്യുകയും പിന്നീട് അയാള്‍ ജീവനോടെ തിരിച്ചു വരുകയും ചെയ്തു എന്നതാണ് ആ വാര്‍ത്ത.

   ഈ സംഭവത്തെ ആസ്പദം ആക്കി കനേഡിയന്‍ ethnobotanist വേഡ് ഡേവിസ്  എഴുതിയ പുസ്തകം ആയിരുന്നു ചിത്രത്തിന്‍റെ അതെ പേരുള്ള നോണ്‍-ഫിക്ഷണല്‍ വിഭാഗത്തില്‍ ഉള്‍പ്പെടുന്ന The Serpent And The Rainbow(1985).അതിലെ വിവരങ്ങളെ ആസ്പദം ആക്കി സിനിമ രൂപത്തില്‍ അവതരിപ്പിച്ചപ്പോള്‍ മെല്‍ ഗിബ്സന്‍ അതില്‍ നായകന്‍ ആകണം എന്ന നിബന്ധന കഥാകൃത്ത്‌ മുന്നോട്ടു  വച്ചിരുന്നു.എന്നാല്‍ അത് നടക്കാതെ വരുകയും ബില്‍ പുള്‍മാനെ വച്ച് സിനിമ ഷൂട്ട്‌ ചെയ്യുകയും ചെയ്തു.ഹെയ്തി നേരിട്ടിരുന്ന രാഷ്ട്രീയ അസ്ഥിരത സിനിമയുടെ ഷൂട്ടിങ്ങിനെ ബാധിച്ചിരുന്നു.ഇനി സിനിമയുടെ കഥയിലേക്ക്.മരണപ്പെട്ടു എന്ന് കരുതി ക്രിസ്ടോഫ് എന്ന ഹെയ്തി സ്ക്കൂള്‍ ടീച്ചറുടെ മൃതദേഹം മറവു ചെയ്യുന്നു.എന്നാല്‍ പിന്നീട് അയാള്‍ ജീവിക്കുന്നതായി കണ്ടെത്തി അത് വാര്‍ത്ത ആയപ്പോള്‍ ഡെന്നിസ് അലന്‍ എന്ന അമേരിക്കക്കാരനെ ഒരു വലിയ മരുന്ന് നിര്‍മാണ കമ്പനി അതിന്‍റെ പുറകില്‍ ഉള്ള രഹസ്യം കണ്ടെത്താനായി ഹെയ്തിയിലേക്ക് അയക്കുന്നു.

  ആമസോണ്‍ കാടുകളില്‍ ഒക്കെ തന്‍റെ പരിവേഷണം നടത്തിയ അലന്‍ എന്നാല്‍ ആ യാത്രയ്ക്കിടയില്‍ കഴിച്ച ഒരു കാറ്റ് മരുന്ന് കഴിച്ചതിനു ശേഷം  ഇടയ്ക്ക് കാണുന്ന ദു:സ്വപ്നങ്ങളാല്‍ ബുദ്ധിമുട്ടുന്നുണ്ട്.ഹെയ്തിയില്‍ എത്തിയ അലന്‍ അവിടെ വച്ച് തന്‍റെ സ്വപ്നങ്ങളില്‍ ഉള്ള ഭീകരനായ മനുഷ്യനെ കണ്ടു മുട്ടുന്നു.രാഷ്ട്രീയ അസ്ഥിരത കാരണം ചില ആളുകളുടെ കയ്യില്‍ ഒതുങ്ങിയ ഹെയ്തി ഭരണത്തില്‍ സുപ്രധാന പങ്കു വയ്ക്കുന്ന ആളായിരുന്നു അത്.അന്ധവിശ്വാസം എന്ന് അലന്‍ പോലും തള്ളി കളഞ്ഞ ആ വാര്‍ത്തയ്ക്കു മറ്റൊരു വശം ഉണ്ടെന്നുള്ള അറിവ് അയാളെ കുഴപ്പത്തില്‍ ആക്കുന്നു.സ്വന്തം ജീവനും ഒപ്പം ഉള്ളവരുടെ ജീവനും കൊണ്ട് അയാള്‍ നടത്തുന്ന അന്വേഷണം ആണ് ചിത്രത്തിന്‍റെ ഇതിവൃത്തം.സിനിമയിലും പുസ്തകത്തിലും  പ്രതിപാദിക്കപ്പെടുന്ന മരുന്നിന്റെ ശാസ്ത്രീയ വശത്തെ കുറിച്ച് പിന്നീട് പല വാദപ്രതിവാദങ്ങളും നടന്നിരുന്നു.ഹെയ്തിയില്‍ ഉള്ള വൂഡൂ മന്ത്രവാദ കഥകള്‍ ആ നാട്ടുകാരെ ഭയപ്പെടുത്തി എങ്കില്‍ ആളുകളെ Zombie ആക്കുന്ന ആ മരുന്ന് എന്തായിരുന്നു.എന്താണ് അതിന്‍റെ പിന്നില്‍ ഉള്ള രഹസ്യം എന്നുള്ളത് അറിയാന്‍ ചിത്രം കാണുക.

More movie suggestions @www.movieholicviews.blogspot.com

Monday, 12 October 2015

515.KIRUMI(TAMIL,2015)

515.KIRUMI(TAMIL,2015),Dir:-Anucharan,*ing:-Kathir,Charlie.

  നവാഗത സംവിധായകന്‍ ആയ അനുചരണ്‍ ,ദേശിയ അവാര്‍ഡ് നേടിയ കാക്ക മുട്ടയുടെ സംവിധായകന്‍ ആയ മണികണ്ഠനും ആയി ഒരുമിച്ചു കഥ എഴുതിയ ചിത്രം ആണ് കിറുമി.കിറുമി എന്നാല്‍ നമ്മുടെ നാട്ടിലെ കൃമി എന്ന് തന്നെ അര്‍ഥം വരുന്ന തമിഴ് പദം ആണ്.ചെന്നൈ നഗരത്തിലെ സാധാരണക്കാരന്‍ ആയ ഒരു ചെറുപ്പക്കാരന്‍ ആണ് കതിര്‍.കല്യാണം കഴിഞ്ഞെങ്കിലും എങ്ങനെയെങ്കിലും പണം ഉണ്ടാക്കണം എന്ന മോഹവുമായി വീട്ടില്‍ പോലും പോകാതെ സുഹൃത്തുക്കളോടൊപ്പം ആണ് താമസം.പണം ഉണ്ടാക്കാന്‍ ഉള്ള കുറുക്കു വഴി തേടുന്ന കതിര്‍ ഇടയ്ക്കിടെ രാത്രി ബാറില്‍ പോയി ചീട്ടു കളിച്ച് പണം ഉണ്ടാക്കാറും ഉണ്ട്.പണം ഉണ്ടാക്കണം എന്ന ആഗ്രഹം ഉണ്ടെങ്കിലും അതിനായി ശ്രമിക്കാതെ അവസരം കാത്തു കഴിയുന്ന ചെറുപ്പക്കാരുടെ പ്രതിനിധി ആണ് കതിര്‍.

   സഹോദരിയുടെ മകളെ വിവാഹം ചെയ്ത കതിരിന് ഒരു കുട്ടിയും ഉണ്ട്.അയല്‍വാസിയായ പ്രഭാകരന്‍ കതിരിന്റെ സ്വന്തം ജ്യേഷ്ഠനെ പോലെ ആണ്.അയാളുടെ ജോലി കതിരിന് എന്താണ് എന്നറിയില്ല.എന്നാല്‍ രഹസ്യ സ്വഭാവം ഉള്ള എന്തോ ഒന്നാണെന്ന് അറിയാം.എന്നാല്‍ പ്രഭാകരന്‍ ജീവിതത്തില്‍ സാധാരണ നിലയില്‍ ആണ് കഴിയുന്നത്‌.കതിര്‍ പലപ്പോഴും ധന സമ്പാദനത്തിന്‍റെ കാര്യം പറയുമ്പോള്‍ പ്രഭാകരനും ആയി ചേരില്ല.എന്നാല്‍ അങ്ങനെ ഒരു ദിവസം കതിരിന്റെ ജീവിതത്തില്‍ ചില മാറ്റങ്ങള്‍ സംഭവിക്കുന്നു.അപ്രതീക്ഷിതമായി പ്രഭാകരന്‍ ചെയ്യുന്ന ജോലി എന്താണെന്ന് മനസ്സിലാക്കുന്നു.പോലീസിന്‍റെ അതേ അധികാരം ഉള്ള മറ്റൊരു കൂട്ടം ആളുകള്‍.അജ്ഞാതരായ അവരുടെ സഹായം പോലീസ് പല കേസുകളിലും ആവശ്യമായി വരാറും ഉണ്ട്.

  തന്‍റെ ജീവിതത്തില്‍ വന്ന ആ മാറ്റം ആ ജോലിയില്‍ കതിര്‍ ഭാഗം ആകുന്നതിലൂടെ ആയിരുന്നു.എന്നാല്‍ തന്‍റെ സ്വാധീനം പോലീസിന്റെ സഹായത്തോടെ തനിക്കു വെറുപ്പ്‌ ഉള്ളവരെ അറിയിക്കാം എന്ന് കരുതി കളിച്ച കളി കതിരിന് തീക്കളി ആയി മാറി.ആ കഥ ആണ് ചിത്രം ബാക്കി പറയുന്നത്.തമിഴ് സിനിമ വളരെയധികം മാറാന്‍ ഉള്ള ശ്രമം ഒരു ഭാഗത്ത്‌ നിന്നും നടക്കുന്നു എന്നതിന്റെ സൂചനയാണ് ഈ ചിത്രം ഒക്കെ.പ്രത്യേകിച്ചും ക്ലൈമാക്സ്.ഒരു തമിഴ് ചിത്രത്തില്‍ നിന്നും പ്രതീക്ഷിക്കാനാവാത്ത ഒന്നാണ്.ഒരു മസാല പടം ആക്കി മാറ്റാന്‍ ഉള്ള സ്കോപ് ആ ക്ലൈമാക്സില്‍ ഉണ്ടായിരുന്നു എങ്കിലും വിവേകപൂര്‍വമായ ഒരു കാര്യത്തിലൂടെ സിനിമ അവസാനിപ്പിച്ചൂ.ശരിക്കും അത് തന്നെയാണ് ഈ സിനിമയുടെ വ്യത്യസ്ഥത എന്ന് പറയുന്നതും.

More movie suggestions @www.movieholicviews.blogspot.com

Sunday, 11 October 2015

514.PIXELS(ENGLISH,2015)

514.PIXELS(ENGLISH,2015),|Comedy|Sci-Fi|,Dir:-Chris Columbus,*ing:-Adam Sandler, Kevin James, Michelle Monaghan .

  തൊണ്ണൂറുകളില്‍ കുട്ടിക്കാലം കടന്നു പോയ ആളുകള്‍ക്ക് ഉള്ള നോസ്ടാല്‍ജിയയില്‍ ഒന്നാണ് വീഡിയോ ഗെയിമുകള്‍.സൂപ്പര്‍ മരിയോ,ഫ്ലിന്റ്സ്ട്ടോന്‍സ്,ഡോങ്കി കോംഗ്,സ്ട്രീറ്റ് ഫൈറ്റര്‍,ഡക്ക് ഹണ്ട്,പാക്-മാന്‍ തുടങ്ങി കുറേ കളികള്‍ catridge ല്‍ വരുമ്പോള്‍ നോക്കുന്നത്  സത്യം അല്ല എന്നറിയാതെ അതിന്‍റെ പുറത്തു എഴുതി വച്ചിരിക്കുന്ന 10000-in-one എന്നൊക്കെ ഉള്ള സ്റ്റിക്കര്‍ ആയിരുന്നു.കൂടുതല്‍ ഗെയിം ഉള്ള catridge കയ്യില്‍ ഉണ്ടെന്നു പറയാന്‍ ഒരു അഭിമാനവും ഉണ്ടായിരുന്നു.ഇന്നത്തെ PS,X Box മുതലായവയിലെ പോലെ ഉള്ള വീഡിയോ ഗ്രാഫിക്സ് ഒന്നും ഇല്ലാത്ത ആ ഗെയിമുകള്‍ ഇഷ്ടമുള്ള ആളുകള്‍ കുറേ ഉണ്ടായിരുന്നു താനും.ടി വിയില്‍ കണക്റ്റ് ചെയ്തു കളിക്കാവുന്ന ടെന്നീസ്,ക്രിക്കറ്റ്,കൊറിയന്‍ ഫുട്ബോള്‍ ഒക്കെ നല്ല രസമായിരുന്നു.Pixelated ആയ ദൃശ്യങ്ങള്‍ ഒക്കെ മതിയായിരുന്നു അന്നത്തെ കുട്ടികള്‍ക്ക് രസിക്കാന്‍.

  അത് പോലെ തന്നെ ആയിരുന്നു ഈ സിനിമയിലെ നായകന്‍ ബ്രെന്നറിനും.ഒരു പ്രത്യേക രീതിയില്‍ ആണ് ഓരോ കളിയും കളിക്കുന്നതെന്ന് ബ്രെന്നര്‍ മനസ്സിലാക്കിയതോടെ അവനു വീഡിയോ ഗെയിമുകളില്‍ ഉള്ള പ്രവീണ്യം ലോകം അറിഞ്ഞൂ.ലോക വീഡിയോ ഗെയിം ചാമ്പ്യന്‍ഷിപ്പില്‍ 1982 ല്‍ ബ്രെന്നര്‍ ഡോങ്കി കോംഗ് ഗെയിമില്‍ ഫൈനല്‍ മത്സരത്തില്‍ വീഡിയോ ഗെയിമുകളിലെ സൂപ്പര്‍ സ്റ്റാര്‍ ആയ എഡിയോട് തോല്‍ക്കുന്നു.ബ്രെന്നറുടെ കൂടെ അന്നുണ്ടായിരുന്ന സുഹൃത്തുക്കള്‍ ആണ് കൂപ്പറും ലട്ലോയുംവര്‍ഷങ്ങള്‍ കഴിഞ്ഞൂ.കൂപ്പര്‍ അമേരിക്കന്‍ പ്രസിഡന്‍റ് ആയി.ബ്രന്നര്‍ വീടുകളില്‍ പോയി പുതിയ ഗെയിം console ഒക്കെ install ചെയ്യുന്ന റ്റെക്നീഷ്യനും.പ്രസിഡന്റ് ആയെങ്കിലും കൂപ്പര്‍ അത്യാവശ്യ അവസരങ്ങളില്‍ ബ്രന്നറുടെ സഹായം തേടാറുണ്ട്.ഒരു ദിവസം അപ്രതീക്ഷിതമായി 1982 ലെ ഗെയിം ചാമ്പ്യന്‍ഷിപ്  അന്ന് മറ്റു ഗ്രഹങ്ങളിലേക്ക് അയച്ച സന്ദേശത്തിന്റെ  മറുപടി ഭൂമിയിലേക്ക്‌ കിട്ടുന്നു.അന്യ ഗ്രഹവും ഭൂമിയും ആയുള്ള ഒരു ഗെയിം ആണ് അവരുടെ ഉദ്ദേശം.ബാക്കി നടക്കുന്ന സംഭവങ്ങള്‍ ആണ് ചിത്രം.ആ കളി കളിക്കാന്‍ അതിലെ വിദഗ്ധര്‍ തന്നെ വേണം.

  പതിവ് പോലെ ആദം സാണ്ട്ലര്‍ ചിത്രം മോശം അഭിപ്രായം നേടിയെങ്കിലും സാമ്പത്തികമായി വലിയ നഷ്ടം സംഭവിച്ചില്ല.വലിയ സംഭവം ഒന്നും അല്ലെങ്കിലും ആദ്യം പറഞ്ഞ നോസ്ട്ടാല്‍ജിയയ്ക്ക് മരുന്ന് കൂട്ടുന്നുണ്ട് ഈ ചിത്രം.അന്നത്തെ ആ ഗെയിമുകള്‍ ശരിക്കുള്ള ലോകത്ത് നടന്നാല്‍ എന്ത് സംഭവിക്കും എന്നുള്ളത് ആണ് ചിത്രം അവതരിപ്പിച്ചിരിക്കുന്നത്.വെറുതെ ടൈം പാസ് എന്ന നിലയില്‍ കാണാന്‍ ഉള്ളത് മാത്രമേ ചിത്രത്തില്‍ ഉള്ളൂ.എന്നാല്‍ പോലും ആ ടൈം പാസില്‍ നോസ്ടാല്‍ജിയ കൂടി മുക്കി എടുത്തിരിക്കുന്നു ഈ കൊച്ചു ചിത്രം.ആ ഗെയിമുകളും ആയി relate ചെയ്യാന്‍ പറ്റാത്തവര്‍ക്ക് അസഹനീയം ആയിരിക്കും ഈ ചിത്രം എന്നതും കൂടി ഓര്‍മിപ്പിക്കുന്നു.

More movie suggestions @www.movieholicviews.blogspot.com


Saturday, 10 October 2015

513.THELMA & LOUISE(ENGLISH,1991)

513.THELMA & LOUISE(ENGLISH,1991),|Adventure|Drama|Crime|,Dir:-Ridley Scott,*ing:-Susan Sarandon, Geena Davis, Harvey Keitel.

  "തെല്‍മയും ലൂയിസും -അതി സാഹസികമായ ഒരു റോഡ്‌ മൂവി !!"

 ലൂയിസ്-ഒരു റെസ്ട്ടോരന്റില്‍ ആണ് ജോലി ചെയ്യുന്നത്.തെല്‍മ-ഡാരില്‍ എന്നയാളെ വിവാഹം ചെയ്തു ജീവിക്കുന്നു.ഭാര്യയുടെ ജീവിതത്തിനു യാതൊരു വിലയും കൊടുക്കാത്ത ആളായിരുന്നു ഡാരില്‍.ലൂയിസിന് ഒരു പ്രണയം ഉണ്ടായിരുന്നു എങ്കിലും അവരുടെ ജീവിതത്തില്‍ ഉണ്ടായ ഒരു സംഭവം അവരെ ആ ബന്ധത്തില്‍ നിന്നും അകന്നു നില്ക്കാന്‍ പ്രേരിപ്പിച്ചു.വാരാന്ത്യം ആഘോഷിക്കാന്‍ ഒരിക്കല്‍ തെല്‍മയും ലൂയിസും കൂടി പദ്ധതി തയ്യാറാക്കി.ഉറ്റ സുഹൃത്തുക്കള്‍ ആയ അവര്‍ യാത്ര തിരിച്ചു.തെല്‍മ,ഭര്‍ത്താവില്‍ നിന്നും അനുവാദം കിട്ടില്ല എന്ന് ഉറപ്പായത് കൊണ്ട് ഒരു കുറിപ്പില്‍ അവളുടെ അനുവാദം വാങ്ങിക്കല്‍ ഒതുക്കി.ആരോടും ചോദിയ്ക്കാന്‍ ഇല്ലാത്ത ലൂയിസ് തെല്‍മയോടൊപ്പം ലൂയിസിന്‍റെ കാറില്‍ യാത്ര തുടങ്ങി.

  തെല്‍മ ഭര്‍ത്താവിന്റെ തോക്ക് കൈ  വശം എടുത്തിരുന്നു.ഉപയോഗിക്കാന്‍ അറിയില്ലെങ്കിലും എന്തെങ്കിലും ഒരു ആവശ്യം വരും എന്ന് അവള്‍ വെറുതെ കരുതി.ഏറെ കാലത്തിനു ശേഷം സ്വാതന്ത്ര്യം ലഭിച്ച തെല്‍മ ആ ദിവസങ്ങള്‍ ആഘോഷിക്കാന്‍ തന്നെ തീരുമാനിച്ചൂ.അവര്‍ വഴിയില്‍ വച്ച് ഒരു ബാറില്‍ കയറുന്നു.അവിടെ വച്ച് കണ്ട ഹാര്‍ലാനുമായി അവര്‍ ചങ്ങാത്തം കൂടുന്നു.പിന്നീട് അവര്‍ അവിടെ നിന്നും യാത്ര തിരിക്കാന്‍ തുടങ്ങുമ്പോള്‍ ആണ് അപ്രതീക്ഷിതം ആയി അത് സംഭവിച്ചത്.മദ്യത്തിന്‍റെ ലഹരിയില്‍ ആയിരുന്നു എങ്കിലും ഒരു നിമിഷത്തെ തീരുമാനം അവരുടെ ജീവിതം ആകെ മൊത്തം മാറ്റി മറിക്കുന്നു.ആ നിമിഷത്തെ ശരി മാത്രമേ അവര്‍ക്കുണ്ടായിരുന്നുള്ളൂ.പ്രത്യാഘാതങ്ങള്‍ ഓര്‍ക്കാതെ ചെയ്ത ഒരു പ്രവൃത്തി.

  പിന്നീട്,ആ സംഭവത്തോടെ   സ്വാതന്ത്ര്യവും സന്തോഷവും ഇല്ലാതെ ഒതുങ്ങി കൂടി ഇരുന്ന അവരുടെ ജീവിതം സാഹസികത കൊണ്ട് നിറഞ്ഞൂ.ഇടയ്ക്ക് വഴില്‍ വച്ച് കണ്ടു മുട്ടിയ J.D ആയിരുന്നു തെല്‍മയുടെ ആദ്യ സ്വാതന്ത്ര്യ  ആഹ്വാനം  എങ്കില്‍ പിന്നീട് അവള്‍ പോലും ശരിക്കും ആ സാഹസികത ആഘോഷിച്ചു.അമേരിക്കന്‍ പോലീസ് മുഴുവന്‍ അവരെ  അന്വേഷിച്ചു തുടങ്ങുന്നു .ഭാഗ്യവും അതിനും അപ്പുറം അടക്കി വച്ച തങ്ങളുടെ ജീവിതത്തില്‍ നിന്നും അവര്‍ ശരിക്കും ഒരു ഒളിച്ചോട്ടം തന്നെ ആണ് നടത്തിയത്.സിനിമയുടെ അവസാന അര മണിക്കൂര്‍ ശരിക്കും വേറെ ഒരു ലെവല്‍ ആണ്.Stylish adventure  എന്നൊക്കെ പറയുന്ന രീതിയില്‍ ഉള്ള ഒന്ന്.അവരുടെ ആ റോഡ്‌ യാത്രയുടെ അവസാനം വരെ ആണ് ചിത്രം അവതരിപ്പിച്ചിരിക്കുന്നത്.ഒരു പ്രത്യേകതരം ഫീല്‍ ആയിരുന്നു ചിത്രത്തിന്റെ അവസാന രംഗം കണ്ടപ്പോള്‍.കണ്ടിരിക്കണ്ട ചിത്രങ്ങളില്‍ ഒന്ന് തന്നെയാണ് തെല്‍മയുടെയും ലൂയിസിന്റെയും കഥ. !!

More movie suggestions @www.movieholicviews.blogspot.com

Friday, 9 October 2015

512.SLEEPLESS NIGHT(FRENCH,2011)

512.SLEEPLESS NIGHT(FRENCH,2011),|Thriller|Crime|,Dir:- Frédéric Jardin,*ing:-Tomer Sisley, Serge Riaboukine, Julien Boisselier .

ഏതാനും മണിക്കൂറില്‍ നടക്കുന്ന ഉദ്വേഗജനകമായ സംഭവങ്ങള്‍ അവതരിപ്പിക്കുന്ന ചിത്രം ആണ് Sleepless Night .പോലീസുകാരന്‍ ആയ വിന്‍സെന്റ്‌ മറ്റൊരു പോലീസുകാരന്‍ ആയ മാനുവലും ഒരുമിച്ചു നടത്തുന്ന മയക്കുമരുന്ന് മോഷണം ആണ് ചിത്രത്തില്‍ ആദ്യം അവതരിപ്പിക്കുന്നത്‌.മാര്‍സിയാനോ എന്ന മാഫിയ തലവന്‍റെ കൂട്ടാളികളുടെ കയ്യില്‍ നിന്നും മയക്കു മരുന്ന് തട്ടി എടുക്കാന്‍ ഉള്ള ശ്രമത്തില്‍ ഒരാള്‍ കൊല്ലപ്പെടുന്നു.വിന്‍സെന്റും ആ ശ്രമത്തിനിടയില്‍ അപകടപ്പെടുന്നു.പരുക്കുമായി വീട്ടില്‍ എത്തിയ വിന്‍സെന്റിനെ കാത്തിരുന്നത് അയാളുടെ മകന്‍ തോമസ്‌ മാത്രം ആയിരുന്നു.തോമസിന്റെ അമ്മ ജൂലിയ അയാളെ ഉപേക്ഷിച്ചു പോയിരുന്നു.

  പകല്‍ വെളിച്ചത്തില്‍ നടന്ന ആ മോഷണ ശ്രമത്തിനു ഉത്തരവാദികളെ തിരിച്ചറിഞ്ഞ മാര്‍സിയാനോ തോമസിനെ തട്ടി കൊണ്ട് പോകുന്നു.മയക്കുമരുന്ന് തിരിച്ചു ഏല്‍പ്പിച്ചാല്‍ മകനെ വിട്ടു നല്‍കാം എന്ന് അയാള്‍ വിന്‍സെന്‍റിനെ അറിയിക്കുന്നു.മകനെ എങ്ങനെ എങ്കിലും രക്ഷിക്കാന്‍ തീരുമാനിച്ച വിന്‍സെന്റ്‌ മാനുവലിന്റെ അടുക്കല്‍ ചെന്ന് ആ ബാഗ് എടുത്തു കൊണ്ട് വരാന്‍ ശ്രമിക്കുന്നു.എന്നാല്‍ തനിക്കു പണത്തിന്റെ ആവശ്യം ഉണ്ടെന്നു പറഞ്ഞു മാനുവല്‍ എതിര്‍ക്കുന്നു.എങ്കിലും വിന്‍സെന്റ്‌ എതിര്‍പ്പുകളെ അവഗണിച്ചു കൊണ്ട് തോമസിനെ രക്ഷിക്കാനായി മാര്‍സിയനോയുടെ പബ്ബിലേക്ക് പോകുന്നു.അവിടെ ഒരു ടോയിലറ്റിന്റെ മുകളില്‍ ഒളിപ്പിച്ചു വച്ച ബാഗുമായി അയാള്‍ മാര്‍സിയാനോയെ കാണാന്‍ പോകുന്നു.

  എന്നാല്‍ വിന്‍സെന്റ്‌ അറിയാതെ അയാളെ പിന്തുടരുന്നവര്‍ ഉണ്ടായിരുന്നു.അവര്‍ വിന്‍സെന്റ്‌ പ്ലാന്‍ ചെയ്ത സംഭവങ്ങളെ അട്ടിമറിക്കുന്നു.വിന്‍സെന്റിന്റെയും ഒപ്പം മകന്‍ തോമസിന്റെയും ജീവന്‍ അപകടത്തില്‍ ആകുന്നു.പിന്നീട് നടക്കുന്ന സംഭവങ്ങള്‍ ആണ് ഈ ഫ്രഞ്ച് ചിത്രം അവതരിപ്പിക്കുന്നത്‌.സിനിമ ഏറെ കുറെയും മാര്‍സിയാനോയുടെ പബ്ബില്‍ ആണ് നടക്കുന്നത്.മകനെ കണ്ടെത്താന്‍ ഉള്ള ശ്രമവുമായി വിന്‍സെന്റ്‌ ഒരു വശത്തും മയക്കു മരുന്ന് കച്ചവടക്കാര്‍ മറു വശത്തും നില്‍ക്കുമ്പോള്‍ മറ്റൊരു എതിരാളി കൂടി അവരെ കാത്തിരിക്കുന്നു.പൂര്‍ണമായും ഒരു ത്രില്ലര്‍ ചിത്രം ആണ് Sleepless Night എന്ന് പറയാം.സിനിമയുടെ അവസാന ഭാഗം വരെ പ്രേക്ഷകന് ആകാംക്ഷ നല്‍കുന്ന രീതിയില്‍ ആണ് ചിത്രം ഒരുക്കിയിരിക്കുന്നത്.

  ഈ ചിത്രം തമിഴില്‍ കമല്‍ഹാസന്‍ നായകനായി "തൂങ്കാവനം" എന്ന പേരില്‍ ഒഫീഷ്യല്‍ റീമേക്ക് ആയി ഇറങ്ങുന്നുണ്ട്.

  More movie suggestions @www.movieholicviews.blogspot.com

Thursday, 8 October 2015

511.THE GIFT(ENGLISH,2015)

511.THE GIFT(ENGLISH,2015),|Thriller|Mystery|,Dir:-Joel Edgerton,*ing:-Jason Bateman, Rebecca Hall, Joel Edgerton .

   ചിലര്‍ക്കെങ്കിലും ഭൂതക്കാലം ഒരു ചോദ്യ ചിഹ്നമായി മുന്നില്‍ വരാറുണ്ട്.പലപ്പോഴും ജീവിതത്തിലെ ഒരു കാലഘട്ടത്തില്‍ ഉള്ള ചില കാര്യങ്ങള്‍ അശ്രദ്ധമായി കൈകാര്യം ചെയ്യുമ്പോള്‍ സംഭവിക്കുന്ന ഇത്തരം കാര്യങ്ങള്‍ പിന്നീട് അവരെ പിന്തുടരുന്നു.എന്നാല്‍ ചിലര്‍ ഭൂതക്കാലത്ത് ചെയ്ത നന്മകള്‍ അനുഗ്രഹം ആയി മാറുകയും ചെയ്യാറുണ്ട്.നന്മയും തിന്മയും വേര്‍തിരിക്കുന്നത് ഏതു അളവ് കോലില്‍ ആണെങ്കിലും അതിന്‍റെ ഫലം വരുക പ്രതികാരം ആയോ സഹായം ആയോ ആകും.ഇനി ഈ അവസ്ഥയെ സൈമണ്‍ എന്ന ജീവിതത്തില്‍ വിജയി ആയി എന്ന് സ്വയം അഭിമാനിക്കുന്ന മനുഷ്യന്‍റെ ജീവിതത്തിലേക്ക് അവലോകനം ചെയ്യാം.അത്തരം ഒരു അവലോകനത്തിന്റെ കഥ ആണ് മിസ്റ്ററി/ത്രില്ലര്‍ ചിത്രം ആയ The Gift അവതരിപ്പിക്കുന്നത്‌.

   സൈമണ്‍ തന്റെ ഭാര്യയായ റോബിനുമായി ജീവിക്കുകയാണ്.പുതിയ വീട് വാങ്ങിച്ചു പുതിയ നഗരത്തിലേക്ക് സൈമണും ഭാര്യയും താമസം ആരംഭിക്കുന്നു.അവിടെ വച്ചാണ് ഒരു ഷോപ്പിംഗിന്റെ ഇടയില്‍ വച്ച് അവരെ ഒരു അപരിചിതന്‍ പരിചയപ്പെടുന്നത്.സൈമണിന് ആളെ ആദ്യം മനസ്സിലായില്ല.എന്നാല്‍ ആ അപരിചിതന് സൈമണിനെ മനസ്സിലായി.പിന്നീടാണ് ഇരുപതു വര്‍ഷം മുന്‍പ് ഒപ്പം പഠിച്ച ഗോര്‍ടോ ആണത് എന്ന് സൈമണ്‍ മനസ്സിലാക്കുന്നത്.അടുത്ത ദിവസം വീട്ടില്‍ ആരും ഇല്ലാതിരുന്ന സമയത്ത് സൈമണിന്റെ വീട്ടില്‍ ആദ്യ സമ്മാനം എത്തുന്നു ഗോര്‍ടോയുടെ വക.പിന്നീട് ദിവസവും ഓരോ സമ്മാനം ആയി അയാള്‍ വരുന്നു.കൂടുതലും റോബിന്‍ മാത്രം ഒറ്റയ്ക്ക് ഉള്ളപ്പോള്‍ ആയി അയാളുടെ സന്ദര്‍ശനം.ചുരുക്കത്തില്‍ ഗോര്‍ടോ അവരുടെ ജീവിതത്തില്‍ ഇടപ്പെടാന്‍ ശ്രമിക്കുകയും സൈമണിനും റോബിനും അയാള്‍ ഒരു ശല്യം ആയി മാറുകയും ചെയ്യുന്നു.

   ഒരു ദിവസം സൈമണ്‍-റോബിന്‍ എന്നിവരെ തന്‍റെ വീട്ടിലേക്കു ഗോര്‍ടോ വിരുന്നിനു ക്ഷണിക്കുന്നു.എന്നാല്‍ അന്ന് സൈമണ്‍ ഗോര്‍ടോയോടു ഇനി മുതല്‍ അവരെ കാണാന്‍ ശ്രമിക്കരുത് എന്ന് അറിയിക്കുന്നു.എന്നാല്‍ പിന്നീട് ആരാണ് ഗോര്‍ടോ എന്നറിയാന്‍ റോബിന്‍ നടത്തിയ ശ്രമങ്ങള്‍ അവരെ കൊണ്ടെത്തിച്ചത് ഭീകരമായ ഒരു ഭൂതക്കാലത്തിലേക്ക് ആയിരുന്നു.സൈമണ്‍-ഗോര്‍ടോ എന്നിവരുടെ ആരും അറിയാത്ത ഭൂതക്കാലം.ഭൂതക്കാലത്തെ പ്രവൃത്തികള്‍ വര്‍ത്തമാന കാലത്ത് സമ്മാനങ്ങളുമായി എത്തിയതാണെന്ന് മനസ്സിലായപ്പോഴേക്കും പലതും സംഭവിച്ചിരുന്നു.മികച്ച ത്രില്ലര്‍ ചിത്രം എന്നതില്‍ ഉപരി ചെയ്യാവുന്നതിലും `ഏറ്റവും ക്രൂരമായ പ്രതികാരം ആണ് ഇവിടെ ഈ കഥാപാത്രങ്ങളില്‍ ഒരാള്‍ ചെയ്യുന്നത്.ശരിക്കും പ്രേക്ഷകനെ പോലും ശരിയും തെറ്റും തമ്മില്‍ തിരിച്ചറിയാന്‍ കഴിയാത്ത വിധം കുഴപ്പിക്കുന്ന ഒന്ന്.ഈ വര്‍ഷം ഇറങ്ങിയ ത്രില്ലര്‍ /മിസ്റ്ററി ചിത്രങ്ങളില്‍ മികച്ചതാണ് ഇത്.ജേസന്‍ ബേട്മാന്‍,ജോയല്‍ എട്ഗേര്ട്ടന്‍ എന്നിവര്‍ മികച്ച പ്രകടനം കാഴ്ച വച്ചിരിക്കുന്നു ഈ ചിത്രത്തില്‍.

More movie suggestions @www.movieholicviews.blogspot.com


Wednesday, 7 October 2015

510.QUEEN(HINDI,2014)

510.QUEEN(HINDI,2014),|Comedy|Drama|,Dir:-Vikas Bahl,*ing:-Kangana Ranaut, Rajkummar Rao, Lisa Haydon,

 "ഫിര്‍ സിന്ദഗി " എന്ന മിലിന്ദ് സോമന്‍-ഗുല്‍ പനാഗ് ചിത്രം ഷൂട്ടിങ്ങിന് ശേഷം പത്തു വര്‍ഷമായി പെട്ടിയിലാണ്.ആ ചിത്രം ആണ് വികാസ് ബാല്‍ "ക്വീന്‍" എന്ന പേരില്‍ റീമേക്ക് ചെയ്തു ഇറക്കുന്നത്‌.  നായക കഥാപാത്രങ്ങള്‍ക്ക് പ്രാമൂഖ്യം ഉള്ള ബോളിവുഡ് സിനിമകളില്‍ ഇടയ്ക്കിടെ സ്ത്രീ കഥാപാത്രങ്ങള്‍ക്ക് പ്രാധാന്യം ഉള്ള ചിത്രങ്ങള്‍ ഇറങ്ങാറുണ്ട്‌.അപൂര്‍വ്വം ആയി ഇറങ്ങുന്ന ഇത്തരം ചിത്രങ്ങളിലൂടെ ബോളിവുഡ് ലേഡി സൂപ്പര്‍ സ്റ്റാര്‍ എന്ന് വിളിക്കാവുന്ന രണ്ടു പേരാണ് വിദ്യ ബാലനും കങ്കണയും.ഖാന്മാരുടെ സിനിമകളില്‍ അഭിനയിച്ചാല്‍ മാത്രമേ ഹിന്ദി സിനിമ ലോകത്ത് നിലനില്‍പ്പ്‌ ഉണ്ടാകൂ എന്ന ചിന്തയ്ക്ക് വിരാമം ഇട്ട നടി കൂടി ആണ് കങ്കണ.കങ്കണ ഇത് വരെ ഖാന്‍ ത്രയങ്ങളുടെ സിനിമയില്‍ അഭിനയിച്ചിട്ടില്ല എന്നതും ഇതിനോട് കൂട്ടി വായിക്കേണ്ടത് ആണ്.

  സ്ത്രീ പക്ഷ സിനിമ ആണെങ്കിലും പൂര്‍ണമായും ഒരു ഫെമിനിസ്റ്റ് ചിത്രം അല്ല Queen.യാഥാസ്ഥിതിക  കാഴ്ചപ്പാടുകളിലൂടെ ജീവിക്കുന്ന ഒരു സമൂഹത്തില്‍ ആണ് റാണിയും ജീവിച്ചത്.ബേക്കറി നടത്തിയിരുന്ന റാണിയുടെ കുടുംബം വിജയ്‌ എന്ന യുവാവിന്‍റെ കുടുംബവും ആയുള്ള അടുപ്പം വച്ചാണ് അവളെ അവനു വിവാഹം ചെയ്തു കൊടുക്കാന്‍ തീരുമാനിച്ചത്.എന്നാല്‍ വിദേശ രാജ്യത്ത് നിന്നും നേടിയ ഉന്നത വിദ്യാഭ്യാസം വിജയുടെ തീരുമാനത്തെ മാറ്റാന്‍ കാരണമായി.റാണിയെ പോലെ ഒരു പെണ്‍ക്കുട്ടി തനിക്കു ഇണങ്ങില്ല എന്ന് അവനു തോന്നുന്നു.ദൗര്‍ഭാഗ്യകരമായ ഒരു തീരുമാനം വിജയ്‌ അവരുടെ കല്യാണത്തിന്റെ തലേന്ന് എടുക്കുന്നു.വിജയ്‌ കല്യാണത്തില്‍ നിന്നും പിന്മാറി.റാണി ഏറെ അപേക്ഷിച്ചുവെങ്കിലും വിജയ്‌ തീരുമാനം മാറ്റുന്നില്ല.

   ദു:ഖിതയായ റാണി എന്നാല്‍ തളരാന്‍ തയ്യാറല്ലായിരുന്നു.അവള്‍ ഹണിമൂണ്‍ നടത്താനായി നിശ്ചയിച്ച പാരീസ് ആമ്സ്റ്റര്‍ഡാം എന്നിവിടങ്ങളിലേക്ക്  ഒറ്റയ്ക്ക് പോകാന്‍ തീരുമാനിക്കുന്നു  നേരത്തെ നിശ്ചയിച്ചതില്‍ നിന്നും വ്യത്യസ്തം ആയി വിജയ്‌ ഇല്ലാതെ.അവള്‍ ആ യാത്രയില്‍ കുറെ ഏറെ ആളുകളെ കണ്ടു മുട്ടുന്നു.ജീവിക്കാനായി പലതും ചെയ്യുന്നവര്‍,അവളുടെ ദു"ഖത്തെക്കാളുംവലിയ ദു:ഖങ്ങള്‍ ഉള്ളവര്‍ ഒക്കെ.റാണിയുടെ ജീവിതം തന്നെ മാറുന്നു.അവള്‍ പോരാടിയത് പുരുഷ സമൂഹത്തോട് ഒന്നും അല്ലായിരുന്നു.പകരം തന്‍റെ ജീവിത വിധിക്ക് എതിരായിരുന്നു.അത് കൊണ്ട് തന്നെ ഇതിലെ സ്ത്രീപക്ഷം എന്നത് ആണിന്‍റെ ഒപ്പം നില്‍ക്കാന്‍ പട വെട്ടുന്ന ഫെമിനിസ്റ്റ് രീതികളില്‍ അല്ലായിരുന്നു.രസകരമായ സംഭവങ്ങളും നല്ല പാട്ടുകളും ഒക്കെ ഉള്ള ഒരു നല്ല സിനിമ ആയിരുന്നു Queen.കങ്കണയെ തേടി മികച്ച നദിക്കു ഉള്ള ദേശിയ പുരസ്ക്കാരം എത്തിയപ്പോള്‍ ഈ ചിത്രം മികച്ച ഹിന്ദി ചിത്രത്തിനുള്ള ദേശിയ പുരസ്ക്കാരവും നേടുകയുണ്ടായി.

More movie suggestions @www.movieholicviews.blogspot.com

   

509.FILMISTAAN(HINDI,2013)

509.FILMISTAAN(HINDI,2013),|Comedy|Drama|,Dir:-Nitin Kakkar,*ing:-Sharib Hashmi, Inaamulhaq, Kumud Mishra |.

  സിനിമയും രാഷ്ട്രീയവും ഇന്ത്യയുടെ ആത്മാവില്‍ ഒഴുകുന്ന രണ്ടു കാര്യങ്ങള്‍ ആണ്.ബോളിവുഡ് സിനിമള്‍ക്ക് പലപ്പോഴും പ്രമേയം ആയിട്ടുണ്ട്‌ ഇന്ത്യ-പാക്കിസ്ഥാന്‍ ബന്ധം.പലപ്പോഴും ശത്രു രാജ്യം എന്ന ലേബല്‍ ഉള്ളത് കൊണ്ട് തന്നെ പാക്കിസ്ഥാന്‍ കഥാപാത്രങ്ങള്‍ തന്നെയാണ് വില്ലന്‍ കഥാപാത്രങ്ങളായി അത്തരം ചിത്രങ്ങളില്‍ അവതരിപ്പിക്കപ്പെടുന്നത്.തിരിച്ചു അവരുടെ സിനിമകളില്‍ ഇന്ത്യ  ആകും വില്ലന്‍ കഥാപാത്രങ്ങള്‍.ഇത് രണ്ടു രാജ്യങ്ങളിലെയും ആളുകളുടെ രാജ്യസ്നേഹം ഉപയോഗപ്പെടുത്തുന്നു.എന്നാല്‍ "ബജ്രംഗി ഭായ്ജാന്‍" പോലെ ഉള്ള ചിത്രങ്ങള്‍ ഉപയോഗിച്ചത് ഒരു കാലത്ത് ഒന്നായിരുന്ന ജനതയുടെ സ്നേഹം എന്ന വികാരത്തെ ആയിരുന്നു.

  ഫില്‍മിസ്ഥാന്‍ എന്ന 2014 ലെ മികച്ച ഹിന്ദി സിനിമയ്ക്കുള്ള ദേശിയ പുരസ്ക്കാരം നേടിയ ഈ ചിത്രം അവതരിപ്പിക്കുന്നത്‌ ബോളിവുഡ് സിനിമയും ശത്രു പക്ഷത്ത്  ഉള്ള പാക്കിസ്ഥാനിലെ ഒരു ചെറിയ ഗ്രാമത്തിലെ ജനങ്ങളും സണ്ണി എന്ന ഇന്ത്യക്കാരന്‍ അവര്‍ക്ക് സിനിമകളിലൂടെ നല്‍കിയ സന്തോഷവും ആയിരുന്നു.സിനിമയില്‍ അഭിനയിക്കാന്‍ ഉള്ള അവസരങ്ങള്‍ തേടി ഇറങ്ങിയ ഒരു ശരാശരി  സ്വപ്‌നങ്ങള്‍ ഉള്ള ഇന്ത്യന്‍  ചെറുപ്പക്കാരന്‍ ആയിരുന്നു സണ്ണി.എന്നാല്‍ സ്വപ്നതുല്യമായ ബോളിവുഡ് എന്ന സിനിമ ലോകം അവനു അന്യം ആയി നിന്നു.സിനിമയില്‍ പിന്നണി പ്രവര്‍ത്തനങ്ങളില്‍ പങ്കാളി ആവുകയും ക്യാമറയ്ക്ക് മുന്നില്‍ എത്താന്‍ ഉള്ള ആഗ്രഹം മനസ്സില്‍ സൂക്ഷിച്ചും കൊണ്ട് സണ്ണി ജീവിച്ചു.ആ സമയത്താണ് ഒരു സുഹൃത്ത്‌ വഴി ഡോക്യുമെന്‍ററി നിര്‍മിക്കാന്‍ ആയി ഇന്ത്യയില്‍ വന്ന അമേരിക്കന്‍ സംഘത്തെ സഹായിക്കാന്‍ ഉള്ള ജോലി സണ്ണിക്ക് ലഭിക്കുന്നത്.ഒരു രാത്രി  അവര്‍ സഞ്ചരിച്ചിരുന്ന കാര്‍ തകരാറില്‍ ആകുന്നു.

   കാര്‍ ശരി ആക്കി കൊണ്ട് വരാന്‍ പറഞ്ഞിട്ട് ബാക്കി ഉള്ളവര്‍ സണ്ണിയെ കൂട്ടാതെ പോകുന്നു.ആ സമയം ആണ് അജ്ഞാതര്‍ ആയ കുറച്ചു ആളുകള്‍ സണ്ണിയെ തട്ടിക്കൊണ്ടു പോകുന്നത്.പിന്നീട് സണ്ണി കണ്ണ് തുറക്കുമ്പോള്‍ അയാള്‍ പാക്കിസ്ഥാനിലെ ഒരു ഗ്രാമത്തില്‍ ആയിരുന്നു.അമേരിക്കന്‍ സംഘത്തെ തട്ടിക്കൊണ്ടു പോയി വില പേശാന്‍ തീരുമാനിച്ച തീവ്രവാദി സംഘടന ആയിരുന്നു സണ്ണിയെ തട്ടിക്കൊണ്ടു പോയത്.ആള് മാറി ആണ് തട്ടിക്കൊണ്ടു പോയതെങ്കിലും അവര്‍ സണ്ണിയെ വിടുന്നില്ല.സണ്ണിയെ അവര്‍ തടവില്‍ ആക്കുന്നു,എന്നാല്‍ സണ്ണിക്ക് ജീവിതത്തിലെ ചില പ്രധാന ബന്ധങ്ങള്‍ ലഭിക്കുക ആയിരുന്നു ആ സംഭവത്തോടെ.ബോളിവുഡ് സിനിമകളെ ഇഷ്ടമുള്ള ആ ഗ്രാമത്തിലെ ആളുകള്‍ക്ക് അവന്‍ പ്രിയപ്പെട്ടവന്‍ ആയി മാറി.സണ്ണിയുടെ അവിടത്തെ ജീവിതവും തല്‍പ്പര കക്ഷികള്‍  സ്വന്തം നേട്ടങ്ങള്‍ക്കായി ഉപയോഗിക്കുന്ന തീവ്രവാദവും തമ്മില്‍ ഉള്ള അദൃശ്യമായ സംഘര്‍ഷവും കൂടി ഉള്‍പ്പെടുത്തി ആണ് ചിത്രം നിര്‍മിച്ചിരിക്കുന്നത്.അധികം ബഹളങ്ങള്‍ ഇല്ലാത്ത നല്ലൊരു കൊച്ചു ചിത്രം ആണ് ഫില്‍മിസ്ഥാന്‍.

More movie suggestions @www.movieholicviews.blogspot.com

Tuesday, 6 October 2015

508.MURDER BY DEATH(ENGLISH,1976)

508.MURDER BY DEATH(ENGLISH,1976),|Mystery|Comedy|Thriller|,Dir;-Robert Moore,*ing:-Peter Falk, Alec Guinness, Peter Sellers.

   വിശ്വവിഖ്യാത കുറ്റാന്വേഷണ കഥാപാത്രങ്ങളുടെ മറ്റൊരു പതിപ്പിനെ ഉപയോഗിച്ച് സ്പൂഫ് രീതിയില്‍ അവതരിപ്പിച്ച കോമഡി/മിസ്റ്ററി/ത്രില്ലര്‍ ചിത്രം ആണ് റോബര്‍ട്ട് മൂറിന്‍റെ Murder By Death.ഈ സിനിമയെ സമീപിക്കുമ്പോള്‍ ഒരു സ്പൂഫ് എന്നതില്‍ ഉപരി ശ്രദ്ധിക്കണ്ട മറ്റൊരു കാര്യം ഉണ്ട്.ചിത്രത്തിലെ ഒരു കഥാപാത്രം തന്നെ പറയുന്നത് പോലെ വായിക്കുന്ന കഥയുടെ അവസാന അഞ്ചു പേജുകളില്‍ ആണ് പല കുറ്റാന്വേഷണ കഥയുടെയും ഗതി നിയന്ത്രിക്കുന്നത്‌ എന്ന്.അത് വരെ പരിചിതം അല്ലാത്ത കഥാപാത്രങ്ങള്‍ അത് വരെ വായിച്ച കഥയില്‍ നിന്നും പ്രേക്ഷകന്‍റെ ശ്രദ്ധ പതിയാത്ത രംഗങ്ങളിലൂടെ കഥയുടെ വഴിത്തിരിവ് ആകുന്നു എന്ന്.

  അത്തരത്തില്‍ ചിത്രത്തില്‍ അവതരിപ്പിക്കപ്പെട്ടിരിക്കുന്ന കഥാപാത്രം ശ്രദ്ധിക്കപ്പെടുമ്പോള്‍ സംഭവിക്കുന്നത്‌ എഴുത്തുകാരന്റെ തൂലികയില്‍ നിന്നും വിരിഞ്ഞ ഒരു കണ്‍ക്കെട്ട് വിദ്യ ആയി അത് മാറുന്നു.മാജിക്കിലും ഇത്തരം ഒരു രീതി ആണല്ലോ പിന്തുടരുന്നത്.ഈ ഒരു രീതി ആണ് കാലാകാലങ്ങളായി കുറ്റാന്വേഷണ കഥകളും കഥാപാത്രങ്ങളും അനുവര്‍ത്തിച്ചു വരുന്നതും.ഈ ഒരു സമീപനവും ആയി ചിത്രത്തിന് വളരെയേറെ ബന്ധം ഉണ്ട്.ആ ബന്ധം ശരിക്കും ആസ്വദിക്കണം എങ്കില്‍ ചിത്രം കാണുക തന്നെ വേണം.ഇനി കഥയിലേക്ക് പോവുകയാണെങ്കില്‍ ഒരു ബംഗ്ലാവില്‍ ഒത്തു കൂടുന്ന കഥാപാത്രങ്ങള്‍ കഥാഗതിയെ നിയന്ത്രിക്കുന്ന ചിത്രങ്ങളുടെ അതെ രീതിയില്‍ തന്നെ ആണ് ഈ ചിത്രവും ഒരുക്കിയിരിക്കുന്നത്.ഒരു നീണ്ട ലിസ്റ്റ് ആ രീതിയില്‍ ഉള്ള ചിത്രങ്ങളുടെ ആയുണ്ട്.The Exterminating Angel,Clue,The Man From Earth തുടങ്ങിയ ചിത്രങ്ങള്‍ ഒക്കെ അവതരിപ്പിക്കപ്പെടുന്ന രീതി ആണ് ഇവിടെ ഉദ്ദേശിച്ചത്.

  എന്നാലും അഗത ക്രിസ്റ്റിയുടെ Then There Were None എന്ന ചിത്രത്തിന്‍റെ ഒരു സ്പൂഫ് ആയാണ് ഈ ചിത്രം അവതരിപ്പിക്കപ്പെട്ടത് എന്ന് പറഞ്ഞാലും അതിശയോക്തി ഇല്ലാതില്ല .ലയണല്‍ ട്വയിന്‍ എന്ന അജ്ഞാതനായ ആതിഥ്യം സ്വീകരിക്കാന്‍ ആണ് വിശ്വ പ്രശസ്തരായ കുറ്റാന്വേഷണ കഥാപാത്രങ്ങളോട് സാമ്യം ഉള്ള ആ കഥാപാത്രങ്ങള്‍ എത്തുന്നത്‌.

"Each character is broadly based on a famous literary detective: Sidney Wang (Peter Sellers) is an aphorism-spouting Charlie Chan clone: Dick and Dora Charleston (David Niven and Maggie Smith) are patterned on the protagonists of the Thin Man flicks; Milo Perrier (James Coco), a Hercule Poirot takeoff, stalks through the proceedings declaring "I'm a Belgie, not a Frenchie!"; Sam Diamond (Peter Falk) is Raymond Chandler's Philip Marlowe and Dashiell Hammett's Sam Spade rolled in one; and Jessica Marbles (Elsa Lanchester) is a dottier variation of Agatha Christie's Miss Marple. Best bit: a "conversation" between blind butler Jamessir Bensonmum (Alec Guinness) and deaf-mute maid Yetta (Nancy Walker). The fade-out gag of Sherlock Holmes and Dr. Watson showing up late for Lionel Twain's party was edited from the theatrical version of Murder by Death, but was restored for TV. " (കടപ്പാട്:-Rotten Tomatoes)

  അവിടെ അവരെ കാത്തിരുന്നത് മരണം നടക്കും എന്ന് പ്രവചിച്ച ആതിഥേയന്‍ ആയിരുന്നു.അവരുടെ പരീക്ഷണങ്ങള്‍ ആ ബംഗ്ലാവില്‍ വാരാന്ത്യം ചിലവഴിക്കാന്‍ എത്തിയപ്പോള്‍ തന്നെ തുടങ്ങിയിരുന്നു.തമാശയിലൂടെയും കുറ്റാന്വേഷണ വിദഗ്ദ്ധരായ കഥാപാത്രങ്ങള്‍ തെളിവുകള്‍ നല്‍കുന്ന രീതികളിലൂടെയും ഒക്കെ ഈ ചിത്രം രസിപ്പിക്കുന്നുണ്ട്.അതിലും ഭീകരം ആയതു ഈ ചിത്രത്തിലെ ഓടി ഓടി വരുന്ന ട്വിസ്റ്റുകള്‍ ആണ്.കണ്ണടച്ച് തുറക്കുമ്പോള്‍ ട്വിസ്റ്റുകള്‍ മാറി മറിയുന്ന അവസ്ഥ.തീര്‍ച്ചയായും കുറ്റാന്വേഷണ ചിത്രങ്ങള്‍ ഇഷ്ടം ഉള്ളവര്‍ കാണേണ്ട ഒന്ന് തന്നെയാണ് ഇത്.കാരണം അവതരണ രീതിയുടെ പ്രത്യേകത മാത്രം അല്ല.കൂടാതെ അടക്കത്തോടെ ഒരുക്കിയ സ്പൂഫ് ചിത്രം എന്ന നിലയിലും കൂടി ആണ്.ഇതില്‍ മുഖ്യ കഥാപാത്രങ്ങളെ നമ്മുടെ മുന്നില്‍ അവതരിപ്പിക്കുന്നുണ്ടെങ്കിലും ഈ കഥാപാത്രങ്ങള്‍ എങ്ങനെ  അവിടെ എത്തി എന്നും അതിനു കാരണം നമുക്ക് പരിചിതം ആയ ഒരു സംഭവം ആണെന്നതും ചിത്രത്തിലെ കൌതുകങ്ങളില്‍ ഒന്നാണ്.

More movie suggestions @www.movieholicviews.blogspot.com