Tuesday, 30 June 2015

403.YUDDHAM SEI(TAMIL,2011)

403.YUDDHAM SEI(TAMIL,2011),|Thriller|Crime|,Dir:-Myshkin,*ing:-Cheran,Jayaprakash,Y G Mahendra.

   മിഷ്കിന്‍ സിനിമകള്‍ ഒരു ഐടന്റിറ്റി കാത്തു സൂക്ഷിക്കുന്നുണ്ട്.അവതരണ  രീതിയില്‍ തന്നെ വ്യത്യസ്ഥത കാത്തു സൂക്ഷിക്കുന്ന മിഷ്ക്കിന്‍ പരാജയപ്പെട്ടത് മുഖമൂടി എന്ന ചിത്രത്തില്‍ മാത്രം ആണെന്ന്  തോന്നുന്നു.ത്രില്ലര്‍ സിനിമകള്‍ക്ക്‌ പതിവായുള്ള ഇന്ത്യന്‍ സിനിമകളില്‍ നിന്നും വ്യത്യസ്തം ആയ അനുഭവം ആക്കി മാറ്റുന്നത് മിഷ്ക്കിന്‍ മാജിക് തന്നെ  ആണ്.മിശ്ക്കിന്റെ കരിയറിലെ തന്നെ ഏറ്റവും മികച്ച ചിത്രം എന്താണെന്ന് എന്നോട്  ചോദിച്ചാല്‍ ഉത്തരം ഈ ചിത്രം ആണ് "യുദ്ധം സെയ്".ഓനായും ആട്ടിന്‍ക്കുട്ടിയും മോശം ആണെന്നല്ല.ഒരു പൊടിക്കെങ്കിലും പ്രിയപ്പെട്ട മിഷ്ക്കിന്‍ ചിത്രം ഇതാണ്. മിശ്ക്കിന്റെ മറ്റു ചിത്രങ്ങളില്‍ നിന്നും വ്യത്യസ്തം ആകുന്നതു ക്രൈം ത്രില്ലര്‍ ജോനറില്‍ നിന്നും അധികം വ്യതിചലിക്കാതെ (ഐറ്റം സോംഗ്  ഒഴിവാക്കിയാല്‍ ) ആ ജോനരിനോട് നീതി പുലര്‍ത്തിയ ചിത്രം എന്ന നിലയില്‍ ആകും.

  തമിഴ് സിനിമ കേട്ട് മടുത്ത മാസ് എന്ന് ആരാധകര്‍ വിളിക്കുന്ന സിനിമകളില്‍ നിന്നും വ്യത്യസ്ഥമായ എന്നാല്‍ മലയാളം പോലെ ഉള്ള ഭാഷകളില്‍ ഒരു കാലത്ത് ഉണ്ടായിരുന്ന സിനിമ രീതികളിലൂടെ ചിന്തിക്കാന്‍ തുടങ്ങിയതില്‍ ഈ സംവിധായകന്‍റെ പങ്കും പ്രശംസനീയം ആണ്.ഈ ചിത്രം അവതരിപ്പിക്കുന്നത്‌ ജെ കെ എന്ന സി ബി സി ഐ ഡി ഉദ്യോഗസ്ഥന്‍റെ ജീവിതത്തിലും ജോലിയിലും സങ്കീര്‍ണമായ സംഭവങ്ങള്‍ സംഭവിക്കുന്ന സമയത്തെ കഥയാണ്.മുറിച്ച് മാറ്റപ്പെട്ട രീതിയില്‍ ജന സാന്ദ്രത ഉള്ള സ്ഥലങ്ങളില്‍ കാണപ്പെടുന്ന വെട്ടി മാറ്റിയ കൈകള്‍ പോലീസിനു തലവേദന ആകുന്നു.ആരുടെ കൈകള്‍ ആണെന്നോ ആരാണ് ഇത് ചെയ്തതെന്നോ ഒരു തെളിവും ഇല്ലാത്ത അവസ്ഥ.ജനങ്ങള്‍ പതിവായി ഉപയോഗിക്കുന്ന സ്ഥലങ്ങളില്‍ തന്നെ ഈ കൈകള്‍ കണ്ടെത്തിയതിനാല്‍ ആരോ ആര്‍ക്കു വേണ്ടി എന്തോ സന്ദേശം നല്‍കാന്‍ ആണ് എന്നുള്ളത് ഊഹിച്ചെടുക്കാം.അടുത്ത കാലത്ത് സ്വന്തം അനുജത്തിയെ കാണാതായ ജെ കെ അവധി എടുത്തു അവളെ അന്വേഷിക്കാന്‍ പോകാന്‍ തീരുമാനിച്ച  സമയം ആണ് ഈ കേസ് മുന്നിലേക്ക്‌ വരുന്നത്.മേല്‍ ഉദ്യോഗസ്ഥന്‍ നല്‍കിയ ചില ഉറപ്പുകളുടെ മേല്‍ പ്രകാശ്,തമിഴ് സെല്‍വി എന്നീ പുതുതായി ജോലിക്ക് ചേര്‍ന്നവരുടെ ഒപ്പം ജെ കെ കേസ് അന്വേഷണം തുടങ്ങി.

  കേസ് അന്വേഷിച്ചു കൊണ്ടിരിക്കുന്ന സമയം വീണ്ടും സമാനമായ സംഭവങ്ങള്‍ നടക്കുന്നു ചെന്നൈയില്‍.ജെ കെ യുടെ അന്വേഷണം കൊണ്ടെത്തിക്കുന്നത് സമൂഹത്തിലെ ഉന്നതരില്‍ ആണ്.പക്ഷേ എന്താണ് ഈ കൊലപാതകങ്ങളുടെ പിന്നില്‍ ഉള്ള രഹസ്യം?ഒരു സീരിയല്‍ കില്ലര്‍ ആണ് ഈ കൊലപാതകങ്ങളുടെ പിന്നില്‍ എന്ന് വിശ്വസിക്കേണ്ടി വരുമോ?Hotel പരമ്പര പോലെയുള്ള ചിത്രങ്ങളില്‍ ഉള്ള സംഭവങ്ങള്‍ അവിടെ നിന്നും ഈ ചിത്രത്തില്‍ ഉപയോഗിച്ചിട്ടുണ്ടെങ്കിലും ചിത്രത്തിന്‍റെ മര്‍മ പ്രധാനമായ് ഭാഗങ്ങളുമായി ഇതിനൊന്നും ബന്ധമില്ല.

 More movie suggestions @www.movieholicvies.blogspot.com

Saturday, 27 June 2015

402.THE SECOND BEST EXOTIC MARIGOLD HOTEL(ENGLISH,2015)

402.THE SECOND BEST EXOTIC MARIGOLD HOTEL(ENGLISH,2015),|Comedy|Drama|Romance|,Dir:-John Madden,*ing:-Judi Dench, Maggie Smith, Bill Nighy.

  നാല് വര്‍ഷം കഴിഞ്ഞു ഇറങ്ങിയ രണ്ടാം ഭാഗം The Best Exotic Marigold Hotel ല്‍ എട്ടു മാസങ്ങള്‍ക്ക് ശേഷം നടക്കുന്ന സംഭവങ്ങള്‍ ആണ് അവതരിപ്പിക്കുന്നത്‌.ഈ ഭാഗത്തില്‍ വന്ന വ്യത്യാസം ഇവിടെ കുറച്ചു പ്രണയവും കൂടി ഉണ്ടെന്നുള്ളത് ആണ്.പ്രായം പ്രണയത്തിനു ഒരു തടസ്സം ആകാതെ അവരില്‍ പലരും ശ്രമിക്കുന്നു.ആദ്യ ഭാഗത്തില്‍ തന്‍റെ ഇണയെ കണ്ടെത്തിയവര്‍ ഉള്‍പ്പടെ.ഈ ഭാഗത്തില്‍ റിച്ചാര്‍ഡ് ഗിയര്‍ ഒരു പ്രധാന വേഷത്തില്‍ അഭിനയിക്കുന്നുണ്ട്.സണ്ണിയും മുറയലും കൂടി നടത്തുന്ന അമേരിക്കന്‍ യാത്രയില്‍ ആണ് രണ്ടാം ഭാഗം തുടങ്ങുന്നത്.കയ്യില്‍ ധാരാളം ആശയങ്ങള്‍ ഉണ്ടെങ്കിലും അത് പ്രാവര്‍ത്തികം ആക്കാന്‍ ഉള്ള കഴിവ് ഇല്ലാത്തത് ആണ് സണ്ണിയുടെ കുഴപ്പം.

    അന്ന് ഇന്ത്യയില്‍ തങ്ങിയവര്‍ എല്ലാം തങ്ങളുടെ ആ പ്രായത്തില്‍ തങ്ങളെ കൊണ്ട് ആകാവുന്ന ജോലികളില്‍ ചേരുന്നു.ജീവിതത്തില്‍ ആദ്യമായി ജോലി കിട്ടിയവര്‍ പോലും ഉണ്ട് അതില്‍.ജീവിതത്തിലെ നല്ല സമയത്ത് ഒരിക്കലും ചെയ്യാന്‍ കഴിയില്ല എന്ന് കരുതിയിരുന്ന കാര്യങ്ങള്‍ പോലും വാര്‍ദ്ധക്യത്തില്‍ ചെയ്യാന്‍ സാധിക്കുന്നതില്‍ അവര്‍ എല്ലാം സന്തോഷത്തില്‍ ആണ്.സണ്ണി തന്‍റെ ബിസിനസ് വിപുലീകരിക്കാന്‍ ശ്രമിക്കുന്നതിന്റെ ഒപ്പം തന്‍റെ കാമുകിയായ സുനൈനയും ആയുള്ള വിവാഹം നടത്താനും ശ്രമിക്കുന്നു.വിവാഹത്തിന്റെ സമയത്ത് അവര്‍ക്കിടയില്‍ ചില അസ്വാരസ്യങ്ങള്‍ ഉണ്ടാകുന്നു.

  സണ്ണിയെ ഏറെ ഇഷ്ടപ്പെടുന്ന അവന്റെ പുതിയ ജീവിതത്തില്‍ അംഗങ്ങള്‍ക്ക് അവരെ കൊണ്ട് കഴിയാവുന്ന അത്ര ചെയ്യുന്നുണ്ട്.തങ്ങളുടെ ജീവിത ശൈലിയില്‍ അനുകമ്പ എന്ന വാക്കിനു വില കൊടുക്കാതിരുന്ന കഥാപാത്രങ്ങള്‍ പോലും ഇന്ത്യയില്‍ വന്നതിനു ശേഷം മാറുന്നു.ആദ്യ ഭാഗത്തിന്‍റെ അത്രയും മികച്ചത് ആയിരുന്നില്ലെങ്കിലും ആദ്യ ഭാഗം കണ്ടതിനു ശേഷം പരിചയത്തില്‍ ആയ കഥാപാത്രങ്ങളുടെ ബാക്കി ജീവിതം എന്താകും എന്ന ആകാംക്ഷ ആണ് ഈ ചിത്രത്തിന്‍റെ കൗതുകം.വെറുപ്പ്‌ തോന്നിയ കഥാപാത്രം പോലും രണ്ടാം ഭാഗത്തില്‍ അവരുടെ ഭാഗം ന്യായീകരിക്കുന്നതില്‍ ഒക്കെ യാഥാര്‍ത്ഥ്യം കണ്ടെത്താന്‍ സാധിക്കും.രണ്ടാം ഭാഗം മൊത്തത്തില്‍ നിരാശപ്പെടുത്തി ഇല്ല.

  More movie suggestions @www.movieholicviews.blogspot.com

401.THE BEST EXOTIC MARIGOLD HOTEL(ENGLISH,2011)

401.THE BEST EXOTIC MARIGOLD HOTEL(ENGLISH,2011),|Comedy|Drama|,Dir:-John Madden,*ing:-Judi Dench, Bill Nighy, Maggie Smith.

  Deborah Moggach എഴുതിയ "These Foolish Things" എന്ന നോവലിനെ ആസ്പദം ആക്കി നിര്‍മിച്ച ബ്രിട്ടീഷ് സിനിമയാണ് The Best Exotic Marigold Hotel.നമ്മുടെ നാട്ടില്‍ നിന്നും വിഭിന്നമായി വിദേശികള്‍ അവരുടെ വാര്‍ദ്ധക്യം മുന്നില്‍ കണ്ടാണ്‌ ജീവിക്കുന്നത്.ഉത്തരവാദിത്തം ,കുടുംബം എന്നിവ വരുമ്പോള്‍ മക്കള്‍ വേറെ മാറി താമസിക്കുമ്പോള്‍ വാര്‍ദ്ധക്യം നല്‍കുന്ന വിരസതകളില്‍ നിന്നും അകന്നു മാറാന്‍ പലരും ശ്രമിക്കാറുണ്ട്.ഇത് വിദേശികളുടെ ജീവിത സമീപനം ആയാണ് ഒരു കാലത്ത് കരുതിയിരുന്നതെങ്കില്‍ ഇന്ന് നമ്മുടെ നാട്ടിലും ഇത്തരം അവസ്ഥകള്‍ ഉണ്ടാകാറുണ്ട്.പക്ഷേ  ജീവിതക്കാലം മുഴുവന്‍ കുടുംബത്തിനായി ജോലി ചെയ്തു സ്വന്തമായി ഒന്നും കയ്യില്‍ കരുതാത്ത നമ്മുടെ നാട്ടുകാരെക്കാളും തങ്ങളുടെ വാര്‍ദ്ധക്യം ലോക സഞ്ചാരം നടത്താന്‍ വിദേശികള്‍ക്ക് കഴിയാറുണ്ട്.ഈ ചിത്രത്തിന്‍റെ പ്രമേയവും അതാണ്‌.

   ബ്രിട്ടനില്‍ നിന്നും ഇന്ത്യയിലേക്ക്‌ വരുന്ന കുറച്ചു ആളുകളുടെ കഥയാണ് ഈ ചിത്രം അവതരിപ്പിക്കുന്നത്‌.സണ്ണി എന്ന ഇന്ത്യക്കാരന്റെ തലയില്‍ ഉദിച്ച ബിസിനസ് ചിന്ത ആയിരുന്നു പ്രായമായ വിദേശികള്‍ക്ക് വേണ്ടി പഴയക്കാല കൊട്ടാരം വൃത്തിയാക്കി  അവര്‍ക്കായി താമസ സൗകര്യം ഉണ്ടാക്കി കൊടുക്കുക എന്നത്.അങ്ങനെ ഇന്റര്‍നെറ്റില്‍ ജയ്പൂരിലെ ആ സ്ഥലത്തെ കുറിച്ച് അറിഞ്ഞ ഏഴു വിദേശികള്‍ ഇന്ത്യയിലേക്ക്‌ വരുന്നു.റിട്ടയര്‍മെന്റ് കാലം അധികം ചിലവില്ലാതെ കഴിയാന്‍ ഉള്ള സ്ഥലം നോക്കി വന്ന ജീന്‍-ദഗ്ലാസ് ദമ്പതികള്‍,അടുത്തക്കാലത്ത് വിധവ ആവുകയും ഭര്‍ത്താവിന്റെ കടങ്ങള്‍ തീര്‍ക്കാന്‍ വേണ്ടി താമസിച്ചിരുന്ന വീട് വില്‍ക്കുകയും ചെയ്യേണ്ടി വന്ന ഈവ്ലിന്‍,റിട്ടയര്‍ ചെയ്ത ജഡ്ജ് ഗ്രഹാം,പുതിയ ഭര്‍ത്താവിനെ തേടി ഇറങ്ങിയ മാട്ജ്,അത് പോലെ തന്‍റെ വാര്‍ധക്യത്തില്‍ ചെറുപ്പക്കാലം ആഘോഷിക്കാന്‍ എത്തിയ നോര്‍മാന്‍ എന്നിവരെ  കൂടാതെ വംശീയമായി മറ്റുള്ളവരെ വിദ്വേഷത്തോടെ കാണുന്ന മുറയല്‍ എന്ന സ്ത്രീ ചെലവ് കുറഞ്ഞ ശസ്ത്രക്രീയ നടുവിന് നടത്താന്‍ ആയി ഇന്ത്യയില്‍ എത്തി ചേരുന്നു.

   വ്യത്യസ്തമായ ജീവിത ശൈലിയോട് ചിലര്‍ സന്ധി ചെയ്യാന്‍ ശ്രമിക്കുന്നുണ്ടെങ്കിലും പലര്‍ക്കും അതിനു സാധിക്കുന്നില്ല.പ്രത്യേകിച്ചും പരിമിതമായ സൌകര്യങ്ങള്‍ മാത്രം നല്‍കുന്ന ആ ഹോട്ടലില്‍ അവരുടെ ജീവിതം ചിലപ്പോള്‍ എങ്കില്‍ ദുസ്സഹം ആകുന്നു.എന്നാല്‍ ചിലര്‍ അതില്‍ നിന്നും പുതിയ ജീവിതം കണ്ടെത്താന്‍ ശ്രമിക്കുന്നു.പുതിയ ജീവിതം കണ്ടെത്താന്‍ ശ്രമിക്കുമ്പോള്‍ അവര്‍ വീണ്ടും യൌവ്വനത്തിലേക്ക് യാത്ര തിരിക്കുന്നും ഉണ്ട്.എന്നാല്‍ ചിലര്‍ക്കായി ഇന്ത്യ കരുതി വച്ചത് മറ്റൊന്നായിരുന്നു.വളരെയധികം സിമ്പിള്‍ ആയ ഒരു കഥ.കൈ നിറയെ അഭിനേതാക്കള്‍.സാധാരണ പ്രേക്ഷകന് ഒരാളുടെ വാര്‍ദ്ധക്യം എങ്ങനെ ഒക്കെ നേരിടാം എന്ന് കാണിച്ചു തരുന്ന ചിത്രം ആ വര്‍ഷത്തെ അപ്രതീക്ഷിത ഹിറ്റ്‌ ആയിരുന്നു.നല്ലൊരു ചിത്രം ആയിരുന്നു The Best Exotic Marigold Hotel.

  ഒരു കാര്യത്തോട് മാത്രം ആണ് ഇത്തരം സിനിമകളോട് ഈര്‍ഷ്യ തോന്നുന്നത്.ഇന്നും അംബാസിഡര്‍ കാറും കുതിരകളും രാജാക്കന്മാരെ പോലെ വസ്ത്രം ധരിച്ച ഇന്ത്യക്കാരെയും ഇന്ത്യയില്‍ എവിടെ ആണ് കാണാന്‍ കഴിയുക?അത് കേരളം ആണെങ്കില്‍ എല്ലാവരും കസവ് മുണ്ടും തലയില്‍ കുടുമിയും.വിദേശികളുടെ ഇന്ത്യന്‍ ചിന്തകള്‍ ഇപ്പോഴും നാല്‍പ്പതുകളില്‍ തന്നെ ആണ് നില്‍ക്കുന്നത് എന്ന്  തോന്നുന്നു.

Friday, 26 June 2015

400.PSYCHO(ENGLISH,1960)

400.PSYCHO(ENGLISH,1960),|Thriller|Crime|,Dir:-Alfred Hitchcock,*ing:-Anthony Perkins, Janet Leigh, Vera Miles.

  ലോക സിനിമയിലെ മാന്ത്രികന്‍ എന്ന് വിളിക്കാവുന്ന ആല്‍ഫ്രഡ്‌ ഹിച്ച്കോക്കിന്റെ ഏറ്റവും മികച്ച ചിത്രമായി പലരും കണക്കാക്കുന്ന ചിത്രം ആണ് Psycho.നോര്‍മാന്‍ ബേട്സ് എന്ന ആന്റണി പെര്‍ക്കിന്സിന്റെ കഥാപാത്രം പിന്നീട് പ്രശസ്തിയുടെ ഉന്നതങ്ങളില്‍ എത്തി ചേര്‍ന്നത്‌ ചരിത്രം.ആല്‍ഫ്രഡ്‌ ഹിച്ച്കോക്ക് ചിത്രങ്ങള്‍ സ്ഥിരമായി സംവിധാന മികവില്‍ ശ്രദ്ധിക്കപ്പെടുമ്പോള്‍ നോര്‍മാന്‍ ബേട്സ് നേടിയ പ്രശസ്തി ഹിച്ച്കോക്കിയന്‍ സിനിമകളുടെ ചരിത്രത്തില്‍ പതിവില്ലാത്തതാണ്.പതിവ് പോലെ ഹിച്ച്കോക്ക് ഈ ചിത്രത്തിലും വന്നു പോകുന്ന കഥാപാത്രമായി വരുന്നുണ്ട്.ഇത്തവണ ഗ്ലാസ് ഇട്ട വാതിലിന്റെ അപ്പുറം കാണാവുന്ന തരത്തില്‍ നില്‍ക്കുന്ന  കഥാപാത്രം ആയിട്ടാണ് അദ്ദേഹം സ്ക്രീനില്‍ അവതരിച്ചിരിക്കുന്നത്.

   സൈക്കോ ത്രില്ലര്‍ എന്ന് വിളിക്കുന്നതാകും ഈ ചിത്രത്തിന് കൂടുതല്‍ ചേരുന്ന ജോണര്‍.കാരണം ചിത്രം അവതരിപ്പിക്കുന്ന കണ്സപ്റ്റ് ഇന്നത്തെ കാലത്ത് സര്‍വ സാധാരണം ആണെങ്കില്‍ പോലും അക്കാലത്ത് റോബര്‍ട്ട് ബ്ലോച്ചിന്റെ നോവലില്‍ മാത്രം ആയിരിക്കും ഇത്രയും സങ്കീര്‍ണം ആയ കഥാപാത്രത്തെ കാണാന്‍ ആവുക.മരിയോന്‍ എന്ന സ്ത്രീ സാം എന്നായാലും ആയി ബന്ധത്തില്‍  ആയിരുന്നു.എന്നാല്‍ ആദ്യ ഭാര്യയ്ക്ക് ചിലവിനു കൊടുക്കുന്നത് ഉള്‍പ്പടെ ഉള്ള സാമ്പത്തിക ബാദ്ധ്യതകള്‍ കാരണം സാം അവളെ  വിവാഹം ചെയ്യുന്നില്ല.അതില്‍ മരിയോനിന്റെ മാനസിക വിഷമം സാമിനെ അറിയിക്കുന്നും ഉണ്ട്.ഒരു സ്ഥലമിടപാട് സ്ഥാപനത്തില്‍ ജോലി ചെയ്തിരുന്ന മരിയോന്‍ അന്ന് നടന്ന ഒരു ബംഗ്ലാവിന്റെ കച്ചവടത്തില്‍ നിന്നും ലഭിച്ച നാല്‍പ്പതിനായിരം ഡോളര്‍ എന്ന തുകയുടെ ഭാരം അവളുടെ മനസ്സില്‍ ചിന്തകള്‍ ഉണ്ടാക്കുന്നു.ബാങ്കില്‍ ഇടാന്‍ കൊടുത്ത ആ പണം അവളുടെ മനസ്സില്‍ ചെറിയ ചിന്തകള്‍ ഉണ്ടാക്കുന്നു.അവള്‍ ആ ചിന്തകളെ സ്വന്തം ആക്കാന്‍ തീരുമാനിക്കുന്നു.മരിയോന്‍ തന്‍റെ ചിന്തകള്‍ നടപ്പിലാക്കാന്‍ ശ്രമിക്കുമ്പോള്‍ അവളുടെ മനസ്സാക്ഷി ,നിയമം എന്നിവ ഉള്‍പ്പെടുന്ന സാമൂഹിക വ്യവസ്ഥകള്‍ അവളെ വേട്ടയാടുന്നുണ്ട്‌.

  ആ യാത്ര മരിയോനിനെ കൊണ്ടെത്തിച്ചത് അവളുടെ പ്രതീക്ഷകളുടെയും അപ്പുറത്ത് ഉള്ള മരണത്തിന്‍റെ മാലാഖമാരുടെ കയ്യില്‍ ആയിരുന്നു.ചിത്രം ബാക്കി ഉറപ്പായും കാണുക.പറഞ്ഞു തരുന്ന കഥയിലും അപ്പുറം ആണ് ഈ ചിത്രം അനുഭവിച്ചു അറിയാന്‍ ഉള്ളത്.ഒരു പറ്റം തുടര്‍ ഭാഗങ്ങള്‍ ,സീരിയലുകള്‍ ഒക്കെയായി ഈ ചിത്രം വീണ്ടും അവതരിപ്പിക്കപ്പെട്ടെങ്കിലും ആദ്യ ഭാഗം നല്‍കിയ ഒരു അനുഭവം ഒന്നിനും നല്‍കാന്‍ സാധിച്ചില്ല.കാരണം അത് ആ മാന്ത്രികന് മാത്രം അവകാശപ്പെട്ട അത്ഭുത വിദ്യ ആയിരുന്നു.സിനിമകള്‍ മനുഷ്യ മനസ്സില്‍ സംവിധായകന്‍ ഉദ്ദേശിച്ച വികാരം വളര്‍ത്തി എടുക്കുക എന്ന കഴിവ്.ലോകത്തിലെ തന്നെ മികച്ച ചിത്രങ്ങളുടെ പട്ടികയില്‍ എന്നും ഇടം പിടിക്കുന്ന ഈ ചിത്രം പില്‍ക്കാലത്ത്‌ National Film Registry. സൂക്ഷിച്ചു വയ്ക്കണ്ട സിനിമകളുടെ പട്ടികയില്‍ ഉള്‍പ്പെടുത്തി ആദരിച്ചു.

More movie suggestions @www.movieholicviews.blogspot.com

399.THE PLACE BEYOND THE PINES(ENGLISH,2012)

399.THE PLACE BEYOND THE PINES(ENGLISH,2012),|Drama|Crime|Thriller|,Dir:-Derek Cianfrance,*ing:-Ryan Gosling, Bradley Cooper, Eva Mendes.

  പരസ്പ്പര ധ്രുവങ്ങളില്‍ ജീവിച്ച രണ്ടു വ്യക്തികളുടെ കഥയാണ് The place Beyond the Pines അവതരിപ്പിക്കുന്നത്‌.എന്നാല്‍ രണ്ടു പേരുടെയും ജീവിതത്തില്‍ സംഭവിച്ചതിനു എല്ലാം പരസ്പ്പരം ഉത്തരവാദികള്‍ ആകുകയും ചെയ്യുന്നു.എല്ലാ രാജ്യത്തിലും ഉള്ളത് പോലെ പോലീസ് സംവിധാനത്തിന്റെ ചീത്ത വശങ്ങളില്‍ കൂടി പോകാന്‍ സാധ്യത ഉണ്ടായിരുന്നിട്ടും തന്‍റെ കഴിവില്‍ വിശ്വാസം ഉള്ള പോലീസുകാരനും അതിനെക്കാളും വിശ്വാസം താന്‍ മികച്ച പ്രകടനം കാഴ്ച വയ്ക്കുന്ന മോട്ടര്‍ സൈക്കിളിലും അര്‍പ്പിച്ച മറ്റൊരു  മനുഷ്യന്‍റെയും കഥയാണ് ഈ ചിത്രം.ഒപ്പം മാനുഷിക ബന്ധങ്ങളുടെ നേര്‍ക്കാഴ്ച ആകുന്നുണ്ട് ഈ ചിത്രം.ഹോളിവുഡ് സിനിമകളില്‍ അന്യം നിന്ന് പോകുന്ന വൈകാരിക തലത്തിലേക്ക് അത് കൊണ്ട് തന്നെ എത്തി ചേരാന്‍ സാധിക്കുന്ന ഒരു ചിത്രം കൂടി ആണിത്.

  മരണക്കിണറില്‍ ബൈക്ക് ഓടിച്ച് പ്രശസ്തന്‍ ആണ് ലൂക്ക്.അയാള്‍ ആ നാട്ടിലെ പരിപാടി കഴിഞ്ഞു പോകുന്നതിന്റെ തലേ രാത്രി ആണ് തന്‍റെ മുന്‍ കാമുകി ആയ റൊമിനയെ കാണുന്നത്.അന്ന് രാത്രി അവളെ വീട്ടില്‍ കൊണ്ട് വിട്ടെങ്കിലും അവള്‍ അധികം അടുപ്പം കാണിച്ചില്ല ലൂക്കിനോട്.ലുക്ക്‌ പിറ്റേ ദിവസം അവിടെ വിട്ടു പോകുന്നതിനു മുന്‍പ് അവസാനമായി അവളെ കാണാനായി വീട്ടില്‍ പോകുന്നു.റോമിനയുടെ അമ്മയും ഒരു കൈ കുഞ്ഞും മാത്രം ആയിരുന്നു അവിടെ ഉണ്ടായിരുന്നത്.റോമിനയുടെ അമ്മ ആ കുട്ടി ലൂക്കിന്റെ ആണെന്ന് പറയുന്നു.എന്നാല്‍ കോഫി എന്നയാളുടെ ഭാര്യയായി മാറിയ റോമിന ലൂക്കിന്റെ ഒപ്പം പോകാന്‍ വിസ്സമ്മതിക്കുന്നു.എന്നാല്‍ തന്‍റെ മകനെ വിട്ടു പോകാന്‍ മനസ്സ് വരാത്ത ലൂക്ക് അവിടെ തുടരുന്നു.ആ സമയത്താണ് മെക്കാനിക് ആയ റോബിനെ പരിചയപ്പെടുന്നത്.അയാളുടെ കയ്യില്‍ പണം എളുപ്പത്തില്‍ ഉണ്ടാക്കാന്‍ ഉള്ള ഒരു വഴി ഉണ്ടായിരുന്നു.തന്‍റെ മകനെ നന്നായി നോക്കാന്‍ പണം വേണം എന്ന ചിന്ത ലൂക്കിനെ റോബിന്‍ പറഞ്ഞ ആശയത്തോട് സന്ധി ചെയ്യിക്കാന്‍ നിര്‍ബന്ധിതന്‍ ആക്കുന്നു.

  പണം ഉണ്ടാകാന്‍ ഉള്ള ശ്രമത്തില്‍ ആണ് ലൂക്ക് ആ ദിവസം അപ്രതീക്ഷിതം ആയി  നടക്കുന്ന സംഭവങ്ങളുടെ അനന്തര്ര ഫലമായി അവറി എന്ന പോലീസ് ഉദ്യോഗസ്ഥനെ കാണുന്നത്.നിയമ ബിരുദം ഉണ്ടായിരുന്നിട്ടും പോലീസില്‍ ജോലി ചെയ്യാന്‍ താല്‍പ്പര്യം ഉള്ള യുവാവായിരുന്നു ആവറി.എന്നാല്‍ അവരുടെ കണ്ടു മുട്ടല്‍ രണ്ടു പേരുടെയും ജീവിതത്തില്‍ വളരെയധികം മാറ്റം ഉണ്ടാക്കുന്നു.അവരുടെ അടുത്ത തലമുറയ്ക്ക് പോലും ആ മാറ്റത്തിന്‍റെ അലയടികള്‍ ഉണ്ടാകാം.വൈകാരികമായി ചിത്രത്തെ സമീപിച്ചാല്‍ ഒരു പക്ഷേ നല്ല ഒരു ഇമോഷണല്‍ ത്രില്ലര്‍ ആയി മാറും ഈ ചിത്രം.അത്രയ്ക്ക് ശക്തി ഉണ്ടായിരുന്നു ചില രംഗങ്ങള്‍ക്ക്.ചിത്രത്തില്‍ രണ്ടു മുന്‍ നിര നായകന്മാര്‍ ഉണ്ടായിരുന്നിട്ടും എനിക്ക് ഏറ്റവും ഇഷ്ടപ്പെട്ട കഥാപാത്രം കോഫി ആയിരുന്നു.അത് എന്ത് കൊണ്ടാണ് എന്ന് ചിത്രം കാണുമ്പോള്‍ മനസ്സിലാകും കുറച്ചു രംഗങ്ങളില്‍ മാത്രമേ ആ കഥാപാത്രം ഉണ്ടായിരുന്നു എങ്കില്‍ പോലും.

More movie suggestions @www.movieholicviews.blogspot.com

Thursday, 25 June 2015

398.HEADHUNTERS(NORWEGIAN,2011)

398.HEADHUNTERS(NORWEGIAN,2011),|Thriller|Crime|,Dir:-Morten Tyldum,*ing:-Aksel Hennie, Synnøve Macody Lund, Nikolaj Coster-Waldau .

  Jo Nesbø എഴുതിയ നോവലിനെ അവലംബം ആക്കി അവതരിപ്പിച്ചിരിക്കുന്ന ചിത്രം ആണ് Headhunters.കോര്‍പ്പറേറ്റ് രംഗത്തെ മത്സരങ്ങള്‍ പണത്തിനും സുഖത്തിനും വേണ്ടി ആകുമ്പോള്‍ അവസരങ്ങള്‍ ഉണ്ടാക്കി കൊടുന്നവര്‍ക്കും അതിന്റെ പങ്കു ലഭിക്കാറുണ്ട്.അത്തരത്തില്‍ കോര്‍പ്പറേറ്റ് ലോകത്തില്‍ ആവശ്യം അനുസരിച്ച് മാനെജ്മെന്റ് തലത്തില്‍ മികവു ഉള്ളവരെ കണ്ടെത്താന്‍ വൈദഗ്ധ്യം ഉള്ള ആളായിരുന്നു റോജര്‍ ബ്രൌണ്‍.എന്നാല്‍ അയാള്‍ക്ക്‌ വേറെ ഒരു മുഖം കൂടി ഉണ്ടായിരുന്നു.അതി സമര്‍ത്ഥന്‍ ആയ Art Thief ആയിരുന്നു അയാള്‍.സ്വന്തമായി ഇത്തരം ഓപ്പറേഷന്‍ നടത്തുകയും അതിനായി ഉപയോഗിക്കുന്ന നിയമാവലിയും ഉള്ള ആള്‍.

  തന്‍റെ ഭാര്യയായ ഡയാന ആഡംബരത്തില്‍ ഭ്രമം ഉള്ളവള്‍ ആണെന്നുള്ള തോന്നല്‍ ആണ് അയാളെ കൊണ്ട് വീണ്ടും വീണ്ടും വിലയേറിയ ചിത്രങ്ങള്‍ മോഷ്ടിക്കാന്‍ പ്രേരിപ്പിച്ചത്.എന്നാല്‍ അയാളുടെ ഭാര്യ ഒരിക്കല്‍ പരിചയപ്പെടുത്തിയ ക്ലാസ് എന്നയാള്‍ രോജരിന്റെ ജീവിതത്തില്‍ കുഴപ്പങ്ങള്‍ ഉണ്ടാക്കുന്നത്‌.ആദ്യം ക്ലാസിനെ പരിചയപ്പെട്ടപ്പോള്‍ ആളുകളെ ട്രാക്ക് ചെയ്യുന്നതില്‍ വൈദഗ്ധ്യം ഉള്ള കമ്പനിയില്‍ നിന്നും വിരമിച്ച ക്ലാസിനു റോജര്‍ അതേ വഴിയില്‍ പ്രവര്‍ത്തിക്കുന്ന മറ്റൊരു കമ്പനിയുടെ ഉന്നത  പദവി വാഗ്ദാനം ചെയ്യുന്നു.എന്നാല്‍ ആദ്യം ആ ഓഫര്‍ നിരസിച്ച ക്ലാസ് പിന്നീട് രോജരിനോട് താന്‍ നോര്‍വയില്‍ വരാന്‍ കാരണം ആയ പാരമ്പര്യ വസ്തുവിന്റെ നടത്തിപ്പിനായി പണം ആവശ്യം ഉള്ളത് കൊണ്ട് ആ ജോലി ചെയ്യാന്‍ തയ്യാറാണ് എന്ന് അറിയിക്കുന്നു.

എന്നാല്‍ റോജര്‍ അടുത്ത ദിവസം ഞെട്ടിക്കുന്ന ആ സത്യം മനസ്സിലാക്കുന്നു.തെളിവുകളുടെ പിന്‍ബലം മാത്രം ഉള്ള ഒരു  സത്യം.ആ സത്യം അയാളെ ആകെ ആശങ്കാകുലന്‍ ആക്കുന്നു.അയാള്‍ ക്ലാസും ആയുള്ള യുദ്ധം അവിടെ ആരംഭിച്ചു..എനാല്‍ അത് സംഭവിച്ചത് രോജരിന്റെ മനസ്സിലും.എന്നാല്‍ റോജര്‍ അറിയാത്ത സത്യങ്ങള്‍ കുറെ ഉണ്ടായിരുന്നു.അപകടകരമായ ആ രഹസ്യങ്ങള്‍ ആണ് ബാക്കി ചിത്രം.ക്രൈം/ത്രില്ലര്‍ ചിത്രങ്ങളുടെ ആരാധകര്‍ ഒരിക്കലും ഒഴിവാക്കരുതാത്ത ചിത്രം ആണ് Headhunters.

397.DISCONNECT(ENGLISH,2012)

397.DISCONNECT(ENGLISH,2012),|Thriller|Drama|Crime|,Dir:-Henry Alex Rubin,*ing:- Jason Bateman, Jonah Bobo, Haley Ramm.

  ഇന്ന് ലോകം ഒരു ക്ലിക്കില്‍ ഒതുങ്ങുമ്പോള്‍ അടുത്തുള്ളത് പലതും കാണാന്‍ ഉള്ള സമയവും ക്ഷമയും ഈ തലമുറയ്ക്ക് കൈ മോശം വന്നിരിക്കുന്നു.ലോകത്തുള്ള രാജ്യങ്ങളില്‍ ഉള്ളവരുമായി ബന്ധപ്പെടാന്‍ പാസ്പ്പോര്‍ട്ടും വിസയും ഇല്ലാതെ മനുഷ്യനെ സഹായിക്കുന്ന ശക്തി ആണ് ഇന്റര്‍നെറ്റ്‌‌.എന്നാല്‍ അത് പോലെ തന്നെ ഇരു തല മൂര്‍ച്ച ഉള്ള വാളും ആകാറുണ്ട് ഇന്റര്‍നെറ്റ്‌.വെര്‍ച്ച്വല്‍ ആയുള്ള ഒരു ലോകത്തില്‍ അകപ്പെട്ടു പോകുമ്പോള്‍ പലപ്പോഴും ചില ആളുകള്‍ക്കെങ്കിലും യഥാര്‍ത്ഥ ജീവിതം ആയുള്ള കണക്ഷന്‍ നഷ്ടം ആകുന്നു.അത്തരത്തില്‍ ഉള്ള മൂന്നു കൂട്ടം ആളുകളുടെ കഥയാണ് നോണ്‍-ലീനിയര്‍ ആഖ്യാന ശൈലിയില്‍ ഈ ചിത്രത്തില്‍ അവതരിപ്പിച്ചിരിക്കുന്നത്.

   ഈ ചിത്രത്തില്‍ അവതരിപ്പിച്ച മൂന്നു കൂട്ടം ആളുകളെ പരിചയപ്പെടാം.ആദ്യത്തേത് ടി വി പ്രവര്‍ത്തക ആയ നീന.തനിക്കായി കാത്തിരിക്കുന്ന ആ വലിയ വാര്‍ത്തയ്ക്കായി അവള്‍ തിരഞ്ഞെടുക്കുന്നത് വെബ്കാമിലൂടെ ചൂടന്‍ സംഭാഷണങ്ങളും പ്രവര്‍ത്തികളും ചെയ്യുന്ന കൈല്‍ എന്ന പതിനെട്ടുവയസ്സുകാരനില്‍ ആണ്.പ്രായപൂര്‍ത്തി ആകാത്ത കുട്ടികളെ ഇത്തരത്തില്‍ ഉള്ള പ്രവൃത്തികള്‍ ഏര്‍പ്പെടുത്തുന്ന മാഫിയ ആയിരുന്നു അവളുടെ വാര്‍ത്ത.രണ്ടാമത്തെ കഥാപാത്രങ്ങള്‍ ജേസന്‍,ഫ്രൈ എന്നീ ടീനേജ് കുട്ടികള്‍ ആണ്.ബെന്‍ എന്ന അധികം കൂട്ടുകാര്‍ ഒന്നും ഇല്ലാത്ത ,പണക്കാരന്‍ ആയ അച്ഛന് അവന്റെ സംഗീതത്തോടുള്ള അഭിനിവേശം പുച്ചമായി തോന്നുമ്പോള്‍ അതില്‍ വിഷമത്തില്‍ ആണ്.അപ്പോഴാണ്‌ അവനെ പറ്റിക്കാന്‍ ആയി ജേസനും ഫ്രയും ശ്രമിക്കുന്നു.അതിനായി അവര്‍ ഇന്റെര്‍നെറ്റിന്റെ കൂട്ട് പിടിക്കുന്നു.മൂന്നാമത്തെ കഥാപാത്രങ്ങള്‍ സിണ്ടി-ടെറിക് ദമ്പതികള്‍ ആണ്.തങ്ങള്‍ക്കുണ്ടായ കുട്ടി മരിച്ചതിന്റെ വിഷമത്തില്‍ നിന്നും അവര്‍ വിമുക്തര്‍ ആയില്ല.പരസ്പ്പരം ഉള്ള വിശ്വാസം നഷ്ടപ്പെട്ട അവരുടെ ജീവിതത്തില്‍ ഇന്റര്‍നെറ്റ്‌ മുഖ്യ കഥാപാത്രം ആയി മാറുന്നു.

  ഈ മൂന്നു കൂട്ടം ആളുകളുടെ ഇടയിലും ഇന്റര്‍നെറ്റ്‌ എന്ന മായിക വലയത്തില്‍ നടക്കുന്ന പൊള്ളത്തരങ്ങള്‍ ആണ് കാണിച്ചു തരുന്നത്.ഒരു മനുഷ്യന് മറ്റൊരാളെ നശിപ്പിക്കാന്‍ ഉള്ള മാര്‍ഗം ആയി ഇന്റര്‍നെറ്റ്‌ എങ്ങനെ മാറുന്നു എന്ന് ചിലയിടത്തെങ്കിലും പരസ്പ്പര ബന്ധം ഉള്ള ഈ കഥാപാത്രങ്ങളുടെ ജീവിതങ്ങളിലൂടെ അവതരിപ്പിക്കുന്നു.അത് പോലെ തന്നെയാണ് മാറിയ ലോകത്തിലെ ബന്ധങ്ങളുടെ ബലക്ഷയം.അതിനെ കുറിച്ചും ചിത്രത്തില്‍ പരാമര്‍ശങ്ങള്‍ വരുന്നുണ്ട്.മികച്ച സിനിമകളുടെ കൂട്ടത്തില്‍ പെടുത്താവുന്ന ഒരു ചിത്രം ആണ് Disconnect.

More movie suggestions @www.movieholicviews.blogspot.com

396.MAD MAX:FURY ROAD(ENGLISH,2015)

396.MAD MAX:FURY ROAD(ENGLISH,2015),|Action|Adventure|Sci-Fi|,Dir:-George Miller,*ing:-Tom Hardy, Charlize Theron, Nicholas Hoult .


88 -മത് അക്കാദമി പുരസ്ക്കാരങ്ങളില്‍ 10  വിഭാഗങ്ങളില്‍   നോമിനേഷന്‍  നേടിയ  ചിത്രം  ആണ്  MAD MAX:FURY ROAD.

  • Best Motion Picture of the Year
Doug Mitchell
George Miller
  • Best Achievement in Directing
George Miller

  • Best Achievement in Cinematography
John Seale

  • Best Achievement in Film Editing
Margaret Sixel

  • Best Achievement in Costume Design
Jenny Beavan

  • Best Achievement in Makeup and Hairstyling
Lesley Vanderwalt
Elka Wardega
Damian Martin

  • Best Achievement in Sound Mixing
Chris Jenkins
Gregg Rudloff
Ben Osmo

  • Best Achievement in Sound Editing
Mark A. Mangini
David White

  • Best Achievement in Visual Effects
Andrew Jackson
Tom Wood
Dan Oliver
Andy Williams



  • Best Achievement in Production Design
Colin Gibson (production design)
Lisa Thompson (set decoration)

എന്നീ  വിഭാഗങ്ങളില്‍  ആണ്  അവ  .
  


ഭാവിയില്‍ മനുഷ്യര്‍ തമ്മില്‍ പോരാട്ടങ്ങള്‍ നടക്കുന്നത് വെള്ളത്തിനും ഇന്ധനത്തിനും വേണ്ടി ആകും.ആരാണോ ഇവ രണ്ടും അധീനതയില്‍ ആക്കുന്നത്,അവരാകും ഭൂമിയിലെ രാജാക്കന്മാര്‍.അങ്ങനെ ഉള്ള ഒരു ഭാവിക്കാലം ആണ് ഈ ചിത്രം അവതരിപ്പിക്കുന്നത്‌.ജോര്‍ജ് മില്ലര്‍-മെല്‍ ഗിബ്സന്‍ കൂട്ടുക്കെട്ടില്‍ വന്ന മാഡ് മാക്സ് ട്രയോളജിക്ക് ശേഷം ഇരുപതു വര്‍ഷങ്ങള്‍ കഴിഞ്ഞാണ് ഈ ഭാഗം ഇറങ്ങുന്നത്.ജോര്‍ജ്ജ് മില്ലര്‍-ഈ സീരീസിനു ഇതിലും മികച്ച സംവിധായകന്‍ ഇനി ഒരിക്കലും ഉണ്ടാകില്ല എന്ന് നാലാം ഭാഗത്തില്‍ ടോം ഹാര്‍ഡിയുടെ ഒപ്പം വന്നപ്പോഴും തെളിയിച്ചു.

    Adrenaline Rush എന്നൊക്കെ പറയുമ്പോള്‍ ഈ ചിത്രം കാണുമ്പോള്‍ ഉണ്ടാകുന്ന ഒരു വികാരം ആണ്.പ്രത്യേകിച്ച് കഥ ഒന്നും ഇല്ലെങ്കില്‍ പോലും മേക്കിങ്ങിലെ അപാര മികവു ആണ് ചിത്രത്തിന്‍റെ മുതല്‍ക്കൂട്ട്.പഴകും തോറും വീര്യം കൂടുന്ന ജോര്‍ജ്ജ് മില്ലര്‍ നാലാം ഭാഗത്തിലും വീര്യം കൂട്ടുക തന്നെയാണ് ചെയ്തത്.ഭാവിയിലെ അത്യാധുനിക ശേഷിയുള്ള യുദ്ധ വാഹനങ്ങളുടെ മേക്കിങ്ങില്‍ തന്നെ ഉള്ള മികവു ഈ സീരീസ് ഭാവിയിലെ കള്‍ട്ട് ചിത്രങ്ങളുടെ  ഇടയില്‍ എന്നും ഉണ്ടാകും എന്ന് ഉറപ്പു വരുത്തുന്നു.ഇമ്മോര്‍ട്ടന്‍ ജോയുടെ പിടിയില്‍ ആകുന്ന  മാക്സിനെ ബ്ലഡ് ബാങ്ക് ആയി ജോയുടെ പട്ടാള വിഭാഗം ആയ War Boys,ഫുരിയോസ എന്ന സ്ത്രീയും ആയുള്ള യുദ്ധത്തില്‍ കൊണ്ട് പോകുന്നു.ജോയുടെ അഞ്ചു ഭാര്യന്മാരും ആയി രക്ഷപ്പെട്ട ഫുരിയോസയെ തകര്‍ക്കാന്‍ ആണ് അവര്‍ ശ്രമിക്കുന്നത്.പിന്നീട് നടന്നത് സ്ക്ക്രീനില്‍ തന്നെ കാണണം.

  3D യില്‍ ചിത്രം കാണാന്‍ സാധിച്ചില്ല.ഇപ്പോള്‍ അതിന്റെ വിഷമം നന്നായി മനസ്സിലാകുന്നുണ്ട്.ഈ സിനിമയില്‍ ഭാവിയില്‍ സംഭാവിക്കാവുന്ന ഒരു ലോകം കാണിക്കുന്നുണ്ട് .സാങ്കല്പികം ആയി സ്ക്രീനില്‍ കാണിക്കുമ്പോള്‍ പോലും ആ ലോകത്തിന്‍റെ കഷ്ടപ്പാട് പ്രേക്ഷകന് ശരിക്കും അനുഭവിക്കാന്‍ സാധിക്കുന്നുണ്ട്.ഒരിക്കലും ലോകം അങ്ങനെ ആകരുതെന്ന് പ്രാര്‍ഥിക്കുകയും വേണം.കാരണം അതിന്‍റെ ഭീകരതയുടെ ഡോസ് കൂടുതലാണ്.

More movie suggestions @www.movieholicviews.blogspot.com

395.WARRIOR(ENGLISH,2011)

395.WARRIOR(ENGLISH,2011),|Sports|Drama|,Dir:-Gavin O'Connor,*ing:-Tom Hardy, Nick Nolte, Joel Edgerton |,

  സ്പോര്‍ട്സ് തീം ആയി വരുന്ന സിനിമകള്‍ സ്ഥിരം പാലിക്കുന്ന കുറച്ചു നിയമങ്ങള്‍ ഉണ്ട്.മിടുക്കന്‍ ആയിരുന്നു എങ്കിലും ജിവിതം നഷ്ടപ്പെടുത്തിയ നായക കഥാപാത്രങ്ങള്‍ ആണ് പലപ്പോഴും ചിത്രങ്ങളില്‍.എന്നാല്‍ ഫീനിക്സ് പക്ഷിയെ പോലെ അവരുടെ ഉയിര്‍ത്തെഴുന്നേല്‍പ്പ് പ്രതീക്ഷിച്ചു വരുന്ന പ്രേക്ഷകന്‍ കാണാന്‍ ആഗ്രഹിക്കുന്നതും ആ ക്ലീഷേ ആണ്.വൈകാരികം ആയി പ്രേക്ഷകനെ അത്തരം സിനിമകളില്‍ തളച്ചിടുമ്പോള്‍ ആണ് സ്പോര്‍ട്സ്/ഡ്രാമ ജോനറില്‍ ഉള്ള ചിത്രങ്ങള്‍ വിജയം കാണുന്നത്.ബേല്‍,മാര്‍ക്ക് വാല്‍ബര്‍ഗ് എന്നിവര്‍ സഹോദരന്മാരായി അഭിനയിച്ച Fighter പോലെ തന്നെ ബോക്സിംഗ് മുഖ്യ പ്രമേയം ആയി വരുകയും അതില്‍ സഹോദരന്മാരുടെ ബന്ധത്തിലെ പ്രശ്നങ്ങളും രക്ത ബന്ധത്തിന്റെ തീവ്രതയും  അവതരിപ്പിക്കുകയാണ് ഈ ചിത്രവും ചെയ്യുന്നത്.

   സഹോദരന്മാരായ ബ്രെണ്ടന്‍ -ടോമി എന്നിവര്‍ അവരുടെ ചെറുപ്പത്തില്‍ ഉണ്ടായ ചില കുടുംബ പ്രശ്നങ്ങള്‍ കാരണം അകല്‍ച്ചയില്‍ ആണ്.അവര്‍ തമ്മില്‍ പൊതുവായി ഉള്ളത് ബോക്സിംഗ് പരിശീലകനും പണ്ട് തികഞ്ഞ മദ്യപാനിയും ആയ അവരുടെ പിതാവിനോടുള്ള വിരോധം മാത്രം ആയിരുന്നു.അവരുടേതായ കാരണങ്ങള്‍ ഉണ്ടായിരുന്നു അവര്‍ക്ക് അവരുടെ പിതാവിനോട് വിരോധം തോന്നാന്‍.ബ്രെണ്ടന്‍ കുടുംബവുമായി മാറി താമസിക്കുന്നു.അയാള്‍ ഇപ്പോള്‍ ഒരു സ്ക്കൂളിലെ ഫിസിക്സ് ടീച്ചര്‍ ആണ്.വീട് വാങ്ങിച്ച വകയില്‍ വന്ന കടം തീര്‍ക്കാന്‍ അയാള്‍ ഭാര്യ അറിയാതെ ചെറിയ ബോക്സിംഗ് മത്സരങ്ങളില്‍ പങ്കെടുക്കുന്നു.ടോമി അമേരിക്കന്‍ നാവിക സേനയില്‍ നിന്നും പുറത്തിറങ്ങി പിതാവിനെ കാണാന്‍ വരുന്നു.ബോക്സിങ്ങില്‍ മിടുക്കന്‍ ആയ ടോമി തന്‍റെ ചില ആവശ്യങ്ങള്‍ക്കു പണം കണ്ടെത്താന്‍ ആയി സ്പാര്‍ട്ട ടൂര്‍ണമെന്റില്‍ പങ്കെടുക്കാന്‍ തീരുമാനിക്കുന്നു.കോച്ചായി പിതാവും എത്തുന്നു.

  ഇതേ സമയം  സ്ക്കൂളില്‍ നിന്നും താല്‍ക്കാലിക സസ്പെന്‍ഷന്‍ നേരിടുന്ന ബ്രെണ്ടന്‍ കുടുംബത്തെ താങ്ങി നിര്‍ത്താന്‍ ബോക്സിംഗ് റിങ്ങിലേക്ക് വരുന്നു.പതിനാറു ബോക്സര്‍മാര്‍ മത്സരിക്കുന്ന സ്പാര്‍ട്ട ടൂര്‍ണമെന്റില്‍ പങ്കെടുക്കാന്‍ ഉള്ള അസുലഭ അവസരം ലഭിക്കാന്‍ ശ്രമിക്കുന്നു.എന്നാല്‍ അയാളുടെ പ്രായം കൂടുതല്‍ ആണ്.പക്ഷേ അയാളെ സ്പാര്‍ട്ട  ടൂര്‍ണമെന്റ്  പ്രലോഭിപ്പിക്കുന്നുണ്ട്.കാരണം സമ്മാന   തുക..5 മില്ല്യന്‍ ഡോളര്‍!!ഉടന്‍ തന്നെ ഹിന്ദിയില്‍ അക്ഷയ് കുമാര്‍-സിദ്ധാര്‍ത്  മല്‍ഹോത്ര കൂട്ടുക്കെട്ടില്‍ ഈ ചിത്രത്തിന്‍റെ ഹിന്ദി റീമേക്ക് വരുന്നുണ്ട്.മികച്ച സ്പോര്‍ട്സ് സിനിമകളില്‍ ഒന്നായി എ ചിത്രവും മാറുന്നു .കാരണം ആദ്യം പറഞ്ഞ കാര്യങ്ങള്‍ ആവോളം ഈ ചിത്രത്തില്‍ ഉണ്ട്.

More movie suggestions @www.movieholicviews.blogspot.com

Monday, 22 June 2015

394.DRIVE(ENGLISH,2011)

394.DRIVE(ENGLISH,2011),|Action|Thriller|Crime|,Dir:-Nicolas Winding Refn,*ing:-Ryan Gosling, Carey Mulligan, Bryan Cranston .

  ജയിംസ് ദാലിസ് എഴുതിയ ഡ്രൈവ് എന്ന നോവലിന്റെ ചലച്ചിത്രാവിഷ്ക്കാരം ആണ് ഈ ചിത്രം.റയാന്‍ ഗോസ്‌ലിംഗ് അവതരിപ്പിക്കുന്ന നായക കഥാപാത്രത്തിന്റെ പേര് ചിത്രത്തില്‍ ഒരിക്കലും പരാമര്‍ശിക്കുന്നില്ല.പകരം ഡ്രൈവര്‍,കിഡ് എന്നൊക്കെ  ഉള്ള വിളിപ്പേരുകള്‍ ആണ് കഥാപാത്രത്തിന് നല്‍കിയിരിക്കുന്നത്.അസാമാന്യ വേഗത്തില്‍  കാറുകള്‍ ഓടിക്കുന്ന ആ കഥാപാത്രം ഷാനോന്‍ എന്ന സിനിമയില്‍ കാര്‍ ചെസ് രംഗങ്ങള്‍ ഒരുക്കുന്ന ആളുടെ പ്രിയപ്പെട്ട "കിഡ്" ആണ്.സിനിമകളില്‍ അപകടകരമായ രംഗങ്ങള്‍ ഡ്യൂപ്പ് ആയി അഭിനയിക്കുന്ന ഡ്രൈവര്‍ അല്ലാത്ത സമയം ഷാനോനിന്റെ മെക്കാനിക് ഷോപ്പിലെ ജീവനക്കാരന്‍ ആണ്.

  ഒറ്റയ്ക്കായിരുന്നു അയാള്‍ ജീവിച്ചിരുന്നത്.ഇടയ്ക്ക് ചില കുറ്റകൃത്യങ്ങളില്‍ ഡ്രൈവര്‍ ആയി പോകുന്ന അയാള്‍ കൂടെ ഉള്ളവര്‍ക്ക് അഞ്ചു മിനിറ്റ് നല്‍കും.അതിനുള്ളില്‍ വന്നാല്‍ അവരെ രക്ഷപ്പെടുത്തുന്ന കാര്യം ഡ്രൈവര്‍ ഏറ്റു.എന്നാല്‍ അഞ്ചു മിനിട്ടിനു ശേഷം ഉള്ള സംഭവങ്ങള്‍ക്ക് അയാള്‍ ഉത്തരവാദി ആയിരിക്കുകയും ഇല്ല.അതായിരുന്നു അയാളുടെ രീതി .  ഈ സമയത്താണ് അയലത്തുള്ള ഫ്ലാറ്റില്‍ മകനുമായി ഒറ്റയ്ക്ക് ജീവിക്കുന്ന ഐറിനെ അയാള്‍ പരിചയപ്പെടുന്നത്.ഭര്‍ത്താവ് ജയിലില്‍ ആയ ഐറിനെയും മകനായ ബെനീഷ്യയോയെയും അയാള്‍ സഹായിക്കുന്നു.അല്‍പ്പ ദിവസങ്ങളില്‍ ഐറിനും ആയി അയാള്‍ അടുക്കുന്നു.ആ സമയം ആണ് ഐറിന്റെ ഭര്‍ത്താവായ Standard ജയിലില്‍ നിന്നും എത്തുന്നത്‌.റിയാലിറ്റിയിലേക്ക് അവര്‍ രണ്ടു പേരും തിരിച്ചു പോകുന്നു.എന്നാല്‍ ഒരു ദിവസം അജ്ഞാതര്‍ ആയ രണ്ടു പേര്‍ Standard നെ ആക്രമിക്കുന്നത് കണ്ടു അന്വേഷിച്ച ഡ്രൈവര്‍ തന്‍റെ ജീവിതത്തിലെ അപ്രതീക്ഷിതമായ സംഭവങ്ങളുടെ വരവിനെ സ്വാഗതം ചെയ്യുന്നു.

  തികച്ചും അപകടകരമായ ആ ദൗത്യം അയാളുടെ ജീവിതത്തില്‍ എന്തെല്ലാം മാറ്റങ്ങള്‍ ഉണ്ടാകും എന്നതാണ് ബാക്കി ചിത്രം.റയാന്‍ ഗോസ്ലിങ്ങിന്റെ സ്ക്രീന്‍ പ്രസന്‍സ് എടുത്തു പറയേണ്ടതാണ്.ആക്ഷന്‍ രംഗങ്ങള്‍ എല്ലാം നല്ല രീതിയില്‍ വയലന്‍സ് അവതരിപ്പിച്ചിട്ടും ഉണ്ട്.അത് പോലെ തുടക്കത്തിലേ കാര്‍ ചേസ് രംഗങ്ങള്‍   നന്നായിരുന്നു.ഒരു മികച്ച ത്രില്ലര്‍ ആണ് Drive.ത്രില്ലര്‍ സിനിമ സ്നേഹികള്‍ തീര്‍ച്ചയായും കാണുക.

More movie suggestions @www.movieholicviews.blogspot.com

393.HEREAFTER(ENGLISH,2010)

393.HEREAFTER(ENGLISH,2010),|Fantasy|Drama|,Dir:-Clint Eastwood,*ing:-Matt Damon, Cécile De France, Bryce Dallas Howard.

  മരണത്തിനു ശേഷം ഉള്ള ജീവിതം എങ്ങനെ  ആകും ഉണ്ടാവുക.മരിച്ച ഒരാള്‍ക്ക്‌ ആ ജീവിതം ലോകത്തോട്‌ വിളിച്ചു പറയാന്‍ കഴിയില്ല.കാരണം അയാള്‍ ലോകത്തിന്‍റെ ഒരു ഭാഗം അല്ല. എന്നാല്‍ മരണത്തെ അഭിമുഖീകരിച്ച് Near Death Experience ഉള്ളവര്‍ക്ക് ഒരു പരിധി വരെ അവര്‍ മരണത്തെ നേരിട്ട ജീവിതത്തെ കുറിച്ച് പറയാന്‍ സാധിക്കുമായിരിക്കും.ഒരു പക്ഷേ ശാസ്ത്രം മണ്ണില്‍ ജീര്‍ണിച്ചു തീരുന്ന മൃതദേഹം മാത്രം ആയി മാറാനും അല്ലെങ്കില്‍ വിശ്വാസി സമൂഹം പറയുന്നത് പോലെ അവരെ കാത്തിരിക്കുന്ന  സ്വര്‍ഗ്ഗമോ അല്ലെങ്കില്‍ പുനര്‍ജ്ജന്മം ഒക്കെ ആകും മരണത്തെ പുല്‍കിയാല്‍ ഉണ്ടാവുക.ഇത്തരം ഒരു വിഷയത്തിലേക്ക് ആഴ്ന്നിറങ്ങി ഈ ചിത്രം പോകുന്നില്ലെങ്കിലും ആ ചിന്തകളുടെ തുടക്കം ഇടാന്‍ സാധിക്കുന്നുണ്ട്.

  മരണാന്തര ജീവിതം തങ്ങളുടെ ജീവിതത്തിന്റെ ഭാഗം ആയ മൂന്നു കഥാപാത്രങ്ങളെ ആണ് ക്ലിന്റ് ഈസ്റ്റ്‌വുഡ് ഈ ചിത്രത്തില്‍ അവതരിപ്പിച്ചിരിക്കുന്നത്.ഒരാള്‍ തായ് ലാന്‍ഡില്‍  വച്ച് സുനാമിയെ നേരിടുകയും എന്നാല്‍ മരണത്തെ നേരില്‍ കണ്ടതിനു ശേഷം ജീവിതത്തിലേക്ക് വരുകയും ചെയ്ത മാരി ലെലായ് എന്ന ഫ്രഞ്ച് ടി വി അവതാരക.ഈ  ചിത്രത്തിലെ ആ സുനാമി രംഗത്തിന്റെ പെര്‍ഫെക്ഷന്‍ ഭീകരം ആയിരുന്നു.ശരിക്കും നടന്ന സുനാമി പോലെ തന്നെ ആ രംഗം ഭയപ്പെടുത്തി.  രണ്ടാമത്തെ കഥാപാത്രം ചെറുപ്പത്തില്‍ ഉണ്ടായ അസുഖം മൂലം മരിച്ചവരും ആയി സംസാരിക്കാന്‍ കഴിയുന്ന ജോര്‍ജ് ലോനെഗാന്‍.മാര്‍ക്കസ് എന്ന ബാലന്‍ ആണ് മൂന്നാമത്തെ കഥാപാത്രം.ഇരട്ട സഹോദരന്‍ ആയ ജേസന്‍ അപകടത്തില്‍ മരിച്ചതിനു ശേഷം അവനുമായി സംസാരിക്കാന്‍ ഉള്ള അവസരം തേടി നടക്കുന്നു.ഈ മൂന്നു കഥാപാത്രങ്ങളും മരണാനന്തര ജീവിതത്തെ സമീപിക്കുന്നത് വെവ്വേറെ രീതികളില്‍ ആണ്.

  എന്നാല്‍ ഒരു പ്രത്യേക സാഹചര്യത്തില്‍ ഈ മൂന്നു കഥാപാത്രങ്ങളും കണ്ടുമുട്ടുന്നു.അത് മാത്രം അല്ലാതെ മരണത്തിന്‍റെ അപ്പുറത്തുള്ള ജീവിതത്തെ കുറിച്ച് ചിന്തിക്കുന്ന അവര്‍ക്ക് സാമൂഹിക  ജീവിതത്തിലും നഷ്ടങ്ങള്‍ സംഭവിക്കുന്നുണ്ട്.അത് മാറേണ്ടത് അവരുടെ അനിവാര്യത ആണ്.അല്ലെങ്കില്‍ അവര്‍ ജീവിതത്തില്‍ നിന്നും ഒളിച്ചു ഓടേണ്ടി വരും.ഇത്തരം വിഷയങ്ങളില്‍ താല്‍പ്പര്യം ഉള്ളവര്‍ക്ക് ആയുള്ള ചിത്രം ആണ് Hereafter.

More movie suggestions @www.movieholicviews.blogspot.com

Saturday, 20 June 2015

392.MUSARANAS(SPANISH,2014)

392.MUSARANAS(SPANISH,2014),|Thriller|Mystery|Crime|,Dir:-Juanfer Andrés, Esteban Roel,*ing:-Macarena Gómez, Nadia de Santiago, Hugo Silva.

   ക്ലൈമാക്സ് അക്ഷരാര്‍ത്ഥത്തില്‍ ഞെട്ടിച്ച ചിത്രം ആണ് Musaranas.വിശ്വാസത്തിന്‍റെ പേരില്‍ എല്ലാം ദൈവത്തില്‍ അര്‍പ്പിച്ചു കഴിയുന്ന സ്ത്രീ ആണ് മോണ്ട്സേ.അവളുടെ വിശ്വാസത്തിന്‍റെ പുറകില്‍ മറ്റൊരു കാരണം കൂടി ഉണ്ടായിരുന്നു.പതിനെട്ടു വയസ്സ് ആയ അമ്മ മരിച്ച, അച്ഛന്‍ യുദ്ധത്തില്‍  അപ്രത്യക്ഷനായ പെണ്‍ക്കുട്ടിക്കു അനുജത്തിയെ വളര്‍ത്താന്‍ ,അവളുടെ അച്ചടക്കം ഉള്ള ജീവിതം കൈവരിക്കാന്‍ നിന എന്ന അനുജത്തിയുടെ മുന്നില്‍ അവള്‍ ദൈവ വിശ്വാസി ആയിരുന്നു.എപ്പോഴും പ്രാര്‍ത്ഥിക്കുകയും സ്വാതികമായ ഭാവത്തോടെ നടക്കുന്ന മോണ്ട്സേ പക്ഷേ വര്‍ഷങ്ങളായി വീടിന്റെ പുറത്തു ഇറങ്ങിയിട്ടില്ല.

    തുണി തയ്ച്ചു കൊടുക്കുന്ന അവളുടെ സ്ഥിരം കസ്റ്റമര്‍ ആണ് ഡോക്റ്ററുടെ ഭാര്യയായ ഡോണ.ഭീകര സ്വപ്‌നങ്ങള്‍ ഉറക്കം കെടുത്തുന്ന മോണ്ട്സേയുടെ രക്ഷ ഡോണ്‍ നല്‍കുന്ന മോര്‍ഫിന്‍ ദ്രാവകം ആണ്.പതിനെട്ടു വയസ്സ് തികഞ്ഞ അനുജത്തിയെ ജനാലയിലൂടെ നോക്കിയപ്പോള്‍ ഒരു ആണ്‍ സുഹൃത്തുമായി കണ്ടതിനു മോണ്ട്സേ നല്‍കിയത് മുള്ളുള്ള കമ്പ് വച്ച് കര്‍ത്താവിനോടുള്ള പ്രാര്‍ത്ഥന ചൊല്ലി ആയിരുന്നു.ഇത്രയും ആണ് മോണ്ട്സെ എന്ന 1950 കളില്‍ ജീവിച്ചിരുന്ന സ്ത്രീയുടെ കഥ.എന്നാല്‍ അവരുടെ ജീവിതത്തില്‍ ഒരിക്കലും സംഭിവാക്കാന്‍ സാദ്ധ്യത ഇല്ലാത്ത ഒരു സംഭവം നടക്കുന്നു.മോണ്ട്സേയുടെ വ്യക്തിത്വം,അത് പകല്‍ വെളിച്ചത്തില്‍ ഉള്ളത് തന്നെയാണോ?

  ആദ്യം പറഞ്ഞത് പോലെ ഭീകരമാണ് ഈ സിനിമയുടെ അവസാനം.Musaranas എന്ന വാക്കിനു അര്‍ഥം എലിയുടെ കൂട് എന്നാണ്.ആ എലിക്കൂട്ടില്‍ മോണ്ട്സേ എല്ലാവര്‍ക്കുമായി കാത്തു വച്ചിരുന്ന ഒന്നുണ്ടായിരുന്നു.മോണ്ട്സേയുടെ ബാല്യ,കൌമാരം ഒക്കെ എന്തിനായി വിനിയോഗിച്ചു എന്നും യുവതിയായ അവളുടെ മനസിന്റെ മറുമുഖവും  ആണ് ചിത്രത്തില്‍ അവതരിപ്പിക്കുന്നത്‌.പ്രണയം കൊതിക്കുന്ന മനസ്സിനെ മറ്റൊരു രീതിയില്‍ ആ പ്രണയം തിരസ്ക്കരിക്കപ്പെടുമ്പോള്‍ അത് മനസ്സിന്റെ ചാഞ്ചല്യത്തിനു തന്നെ കാരണം ആകാം.

more movie suggestions @www.movieholicviews.blogspot.com

391.ARAGAMI(JAPANESE,2003)

391.ARAGAMI(JAPANESE,2003),|Action|Mystery|Thriller|Fantasy|,Dir:-Ryûhei Kitamura,*ing:-akao Ohsawa, Masaya Katô, Kanae Uotani.

   ജപ്പാനിലെ സിനിമ  നിര്‍മാതാവായ ഷിന്യ കവായ് സംവിധായകരായ റ്റ്സ്റ്സുമി ,കിറ്റാമുര എന്നിവരോട് രണ്ടു മുഖ്യ  കഥാപാത്രങ്ങള്‍ മാത്രം ഉള്ള ഒറ്റ സെറ്റില്‍ ഷൂട്ട്‌ ചെയ്യാവുന്ന രണ്ടു സിനിമകള്‍ എടുക്കാന്‍ ആവശ്യപ്പെട്ടു.ഒരാഴ്ചയ്ക്കുള്ളില്‍ ആ ചിത്രങ്ങളുടെ ഷൂട്ടിംഗ് കഴിയുകയും വേണം.അങ്ങനെ നിര്‍മിച്ച സിനിമകളില്‍ ഒന്നാണ്Aragami.മറ്റൊന്ന് 2LDK.(അതിനെ  കുറിച്ച് ഇവിടെ വായിക്കാം  http://goo.gl/gtus2v)

  2LDK രണ്ടു സ്ത്രീകളുടെ ഈഗോയില്‍  നിന്നും ഉടലെടുക്കുന്ന പകയാണ് കഥാപ്രമേയം ആയി ഉപയോഗിച്ചത്.എന്നാല്‍ ഈ ചിത്രം സംവിധാനം ചെയ്ത കിറ്റാമുര രണ്ടു പുരുഷന്മാരുടെ കഥയാണ് ഫാന്ടസിയില്‍ കലര്‍ത്തി എടുത്തിരിക്കുന്നത്.യുദ്ധത്തില്‍ മാരകമായി മുറിവേറ്റ രണ്ടു പടയാളികള്‍ ആ ബുദ്ധ ക്ഷേത്രത്തില്‍ എത്തി ചേരുന്നു.അവിടെ ഉണ്ടായിരുന്ന സ്ത്രീ അവരെ ക്ഷേത്രത്തില്‍ കയറ്റുന്നു.അതിനു ശേഷം അവരുടെ ബോധം മറയുന്നു. പിന്നീട്   കണ്ണ് തുറന്ന സാമുറായ് അതി ശക്തനായ ഒരു മനുഷ്യന്‍ അവിടെ ഇരിക്കുന്നതാണ്.ഉറക്കം എണീറ്റ സാമുറായുടെ സുഹൃത്ത്‌ മരിച്ചു പോയെന്നു അയാള്‍ പറയുന്നു.സാമുറായിക്ക് ഭക്ഷണം കൊടുത്തതിനു ശേഷം മറ്റെയാള്‍ ഫ്രാന്‍സില്‍ നിന്നും കൊണ്ട് വന്ന വൈന്‍ സാമുറായിയെ കുടിപ്പിക്കുന്നു.സാമുറായി  ഇത് വരെ എത്ര ആളുകളെ കൊന്നു എന്നുള്ള ചോദ്യത്തോടെ സംസാര വിഷയം മാറി പോകുന്നു. പിന്നീട് അയാള്‍ താന്‍ അരിഗാമി എന്ന ഭീകര  സത്വം ആണെന്നും യുദ്ധത്തിന്റെ ദേവന്‍ ആണെന്നും സാമുറായിയോടു പറയുന്നു.ഒപ്പം അയാളുടെ സുഹൃത്തിനെ കുറിച്ചുള്ള ഒരു രഹസ്യവും.അരിഗാമി ആണെന്ന് പറഞ്ഞു പരിചയപ്പെടുത്തിയ ആള്‍ക്ക് ആ സാമുറായിയെ കൊണ്ട് ഒരു ആവശ്യവും ഉണ്ട്.എന്താണ് സുഹൃത്തിനെ കുറിച്ച് പറഞ്ഞ രാഹസ്യം?അരിഗാമി ആണെന്ന് പറഞ്ഞ ആള്‍ യഥാര്‍ത്ഥത്തില്‍ ആരാണ്.അതാണ്‌ ബാക്കി ചിത്രം അവതരിപ്പിക്കുന്നത്‌.

  ജാപ്പനീസ് സാമുറായ് ചിത്രങ്ങളിലെ പോലെ തന്നെ മികച്ച ഫയിറ്റ് സീന്‍സ് ചിത്രത്തില്‍ ഉണ്ട്.ഒപ്പം ചിത്രത്തിന്‍റെ മൂഡ്‌ മൊത്തം ആവാഹിച്ച പശ്ചാത്തല സംഗീതവും.2LDK ആണോ ഇതാണോ മികച്ചതെന്നു ചോദിച്ചാല്‍ 2LDK ആണെന്ന് പറയുമായിരിക്കും.കാരണം അതവതരിപ്പിച്ച വിഷയം കാരണം.എന്നാല്‍ ഈ ചിത്രം ഫാന്ടസിയില്‍ പൊതിഞ്ഞ പരമ്പരയിലെ 2LDK യെ പോലെ തന്നെ സംഭാഷണങ്ങളില്‍ പ്രാധാന്യം കൊടുത്ത ചിത്രം ആണ്.ജാപ്പനീസ് മിതോലജിയും സിനിമയുടെ കഥയില്‍ പ്രധാന സ്ഥാനം വഹിക്കുന്നുണ്ട്.

More movie suggestions @www.movieholicviews.blogspot.com

     

Friday, 19 June 2015

390.TOMORROWLAND(ENGLISH,2015)

390.TOMORROWLAND(ENGLISH,2015),|Sci-Fi|Action|Adventure|,Dir:-Brad Bird,*ing:-George Clooney, Britt Robertson, Hugh Laurie.

  ഡിസ്നി ചിത്രം ആയ Tomorrowland ഒരു സയന്‍സ് ഫിക്ഷന്‍ ചിത്രം ആണ്.ജോര്‍ജ് ക്ലൂണി നായകനായ ചിത്രം എന്നതായിരുന്നു ഈ ചിത്രം ജനശ്രദ്ധ പിടിച്ചു പറ്റാനും  കാരണമായി.വാള്‍ട്ട് ഡിസ്നിയുടെ ആശയം ആയിരുന്നു EPCOT(Experimental Prototype Community of Tomorrow).തീം പാര്‍ക്കുകളില്‍ നവീന ആശയങ്ങള്‍ നിറയ്ക്കാന്‍ ഉള്ള വാള്‍ട്ട് ഡിസ്നിയുടെ ചിന്തകളുടെ പരിണിത ഫലം ആയിരുന്നു ഈ ചിന്ത.എന്നാല്‍ പിന്നീട് ഡിസ്നിയുടെ മരണത്തോടെ അവസാനിച്ച ഈ പ്രോജക്റ്റ് തീം പാര്‍ക്ക്‌ ആയി മാറിയതിനോടൊപ്പം ഡിസ്നി അവരുടെ ബ്രാന്‍ഡില്‍ തന്നെ ഈ ചിന്ത സിനിമയായി അവതരിപ്പിച്ചു.

   നാളെയുടെ സ്വപ്‌നങ്ങള്‍ നെയ്തെടുക്കുന്ന സമൂഹത്തിന്‍റെ കഥയാണ് Tomorrowland.ഫ്രാങ്ക് വാക്കര്‍ ആരോടോ പറയുന്നത് പോലത്തെ ലെക്ചര്‍ രംഗത്തോടെ ആണ് ചിത്രം ആരംഭിക്കുന്നത്.താന്‍ കുടി ആയിരുന്നപ്പോള്‍ 1964 ലെ ന്യൂയോര്‍ക്ക്‌  വേള്‍ഡ് ഫെയറില്‍ പങ്കെടുക്കാന്‍ വന്നതിനെ തുടര്‍ന്നുണ്ടായ കഥയിലൂടെ ആണ് ചിത്രം ആരംഭിക്കുന്നത്.അവന്‍ അവിടെ വച്ച് പരിചയപ്പെടുന്ന അഥീന എന്ന പെണ്‍കുട്ടി ആ കുട്ടിയുടെ ജീവിതത്തില്‍ നിര്‍ണായക സ്ഥാനം വഹിക്കുന്നത് എങ്ങനെ ആണ് എന്ന് വാക്കര്‍ പറയുന്നു.കഥ വികസിക്കുമ്പോള്‍ വര്‍ത്തമാന കാലം ആണ് കഥാ സന്ദര്‍ഭം.കാസെ എന്ന ശാസ്ത്രകുതുകി ആയ പെണ്‍ക്കുട്ടി അവളുടെ അന്വേഷണ ത്വരയില്‍ NASA ഉപേക്ഷിച്ച പഴയ പ്രോജക്റ്റിനെ കുറിച്ച് അറിവ് ലഭിക്കുന്നു.അഥീന അവളെയും സ്വാധീനിക്കുന്നു.തിരഞ്ഞെടുക്കപ്പെട്ടവരില്‍ ഒരാളായി.എന്തിനാണ് ഇവരെ തിരഞ്ഞെടുക്കുന്നത് എന്നതാണ്  ചിത്രം.

   സയന്‍സ് കൊണ്സപ്റ്റ് ഒക്കെ ഫാന്റസി ചിത്രമായി അവതരിപ്പിക്കപ്പെട്ടപ്പോള്‍ ഈ ചിത്രം കുട്ടികള്‍ക്ക് വേണ്ടി മാത്രം ഒരുക്കിയത് പോലെ തോന്നി.എന്നാല്‍ ഒരു സയന്‍സ് ഫിക്ഷന്‍ ചിത്രത്തിന് വേണ്ടുന്ന ഒരു നിലവാരം പ്രകടം ആയിരുന്നില്ല.ഡിസ്നിയുടെ അന്നത്തെ ചിന്ത ഒരു പക്ഷേ അന്നത്തെ ശാസ്ത്ര വളര്‍ച്ചയെ മാത്രം ആസ്പദം ആക്കി ആയിരുന്നിരിക്കണം.അതാകും എണ്‍പതുകളില്‍ ഇരുപത്തൊന്നാം നൂറ്റാണ്ടില്‍ ആളുകള്‍ ആകാശത്ത് പറങ്ങി നടക്കും എന്നൊക്കെ ഉള്ള കൊണ്സപ്റ്റുകള്‍ ഉണ്ടായിരുന്നത് പോലത്തെ മിഥ്യ ആയി മാറുന്നത്.അങ്ങനെ ഡിസ്നിയുടെ പാളി പോയ ഒരു ചിത്രമായി Tomorrowland മാറി.

More movie suggestions @www.movieholicviews.blogspot.com

Wednesday, 17 June 2015

389.RADIO DAYS(ENGLISH,1987)

389.RADIO DAYS(ENGLISH,1987),|Comedy|Drama|,Dir:-Woody Allen,*ing:- Mia Farrow, Dianne Wiest, Mike Starr .

  വുഡി അലന്‍ സംവിധാനം ചെയ്ത Radio Days അവതരിപ്പിക്കുന്നത്‌ റേഡിയോ സ്റ്റേഷനുകളുടെ സുവര്‍ണക്കാലം എന്നറിയപ്പെടുന്ന 1930,1940 കാലഘട്ടം ആണ്.സംവിധായകന്‍ ആയ വുഡി അലന്‍ ശബ്ദം നല്‍കിയിരിക്കുന്ന ജോ എന്ന റേഡിയോ RJ തന്‍റെ ജീവിതവും അക്കാലത്തെ സാമൂഹിക രാഷ്ട്രീയ പശ്ചാത്തലവും ആണ് സിനിമയില്‍ അവതരിപ്പിച്ചിരിക്കുന്നത്.കുട്ടിയായിരുന്നു ജോ അക്കാലത്തു എല്ലാവരെയും പോലെ റേഡിയോ പരിപാടികള്‍ ശ്രവിച്ചിരുന്നു.മറ്റു കുട്ടികള്‍ പഠനത്തില്‍ ശ്രദ്ധിച്ചപ്പോള്‍ ജോ തനിക്കു ചുറ്റും ഉള്ളതിനെ നിരീക്ഷിച്ചതിനോടൊപ്പം റേഡിയോ പരിപാടികളും ശ്രദ്ധിച്ചിരുന്നു.

   വീട്ടിലെ ഓരോരുത്തരും വ്യത്യസ്തം ആയ സ്വഭാവ വിശേഷതകള്‍ എന്തെങ്കിലും ഉള്ളവരായിരുന്നു.അവരുടെ എല്ലാം ഇഷ്ട റേഡിയോ പരിപാടികളെ കുറിച്ച് ജോ അവതരിപ്പിക്കുന്നുണ്ട്.കഥ എന്ന് പറയാന്‍ ഈ ചിത്രത്തില്‍ ഉള്ളത് സ്കിറ്റ് പോലെ ഉള്ള ഓരോരുത്തരുടെയും ജീവിത കയ്തകള്‍ ആണ്.ഉദാഹരണത്തിന് സാലി എന്ന അപ്പോഴത്തെ റേഡിയോ താരം.അവര്‍ ഒരു താരം ആയതിനു പിന്നില്‍ ഉള്ള കഥകള്‍.അത് ജോയുടെ മുന്നില്‍ ഉള്ള കഥ അല്ലായിരുന്നു.പക്ഷേ ഗോസിപ്പുകള്‍ ജോയ്ക്ക് ഒരു കഥ ഉണ്ടാക്കി കൊടുത്തു.ഹോട്ടലിന്റെ ടെറസിലെ സംഭവങ്ങള്‍ ഒക്കെ അത് കൊണ്ട് തന്നെ ഭാവനയിലൂടെ ജോ  അവതരിപ്പിച്ച തമാശ ആയിരിക്കാം.അത് പോലെ തന്നെ ജോയുടെ ആന്‍റി ആയ ബിയ.അവരുടെ ആഗ്രഹങ്ങള്‍ അനുസരിച്ച് ഒരു പുരുഷനെ കല്യാണം കഴിക്കുക എന്നത് മാത്രം ആയിരുന്നു അവരുടെ ജീവിത ലക്‌ഷ്യം.

  ജോയുടെ അച്ഛന്‍ ആണെങ്കില്‍ തന്‍റെ ജോലി എന്താണെന്ന് പോലും മകനെ അറിയിക്കുന്നില്ല.അത് പോലെ മീന്‍ കൊതിയന്‍ ആയ അമ്മാവന്‍.എല്ലാ കഥാപാത്രങ്ങള്‍ക്കും ജോ ഒരു വ്യക്തിത്വം നല്‍കുന്നുണ്ട്.വുഡി അലന്റെ സംവിധാനം കൂടി ആയപ്പോള്‍  മികച്ച കോമഡി ചിത്രം ആയി മാറി Radio days.2 ഓസ്ക്കാര്‍ നിര്‍ദേശം ലഭിച്ച ഈ ചിത്രം ഒരു കോമഡി ക്ലാസിക് ആണ്.തീര്‍ച്ചയായും കാണേണ്ട ഒന്ന്.ഒന്നുമില്ലെങ്കിലും കുറച്ചു സംഭവങ്ങള്‍ മാത്രം പരാമര്‍ശിച്ചു അതിനെ കുറിച്ച് സാധാരണക്കാരന്റെയും സമ്പന്നരുടെയും മനസ്സുകള്‍ അവതരിപ്പിചിരിക്കുന്നതില്‍ കാണാം ക്രാഫ്റ്റിനെ  സൗന്ദര്യം.

more movie suggestions @www.movieholicviews.blogspot.com

Sunday, 14 June 2015

388.DELIVERANCE(ENGLISH,1972)

388.DELIVERANCE(ENGLISH,1972),|Action|Adventure|Thriller|,Dir:- John Boorman,*ing:-Jon Voight, Burt Reynolds, Ned Beatty .

  Hillbillies തീം ആയി വരുന്ന ചിത്രങ്ങളിലെ ക്ലാസിക് എന്ന് വേണമെങ്കില്‍ വിശേഷിപ്പിക്കാം Deliverance എന്ന ഈ ചിത്രത്തെ.ആ പ്രമേയത്തില്‍ ധാരാളം ചിത്രങ്ങള്‍ വന്നിട്ടുണ്ടെങ്കിലും വെറുപ്പിക്കുന്ന വേഷവിധാനത്തോടെ വൈകൃത രൂപങ്ങള്‍ ആയി അവതരിപ്പിക്കപ്പെടുന്ന രൂപങ്ങള്‍ ചിലപ്പോള്‍ ഒക്കെ അരോചകം ആയി മാറാറുണ്ട്.Wrong Turn പരമ്പര ഒരു ഉദാഹരണം.സാധാരണ മനുഷ്യരില്‍ നിന്നും അകന്നു താമസിക്കുന്ന ഇത്തരം ആളുകള്‍ പലപ്പോഴും പുരോഗമനങ്ങള്‍ അറിയാതെ പോകുന്നു.പരസ്പ്പരം ബന്ധുക്കള്‍ തമ്മില്‍  ഉള്ള വിവാഹങ്ങളും  മറ്റുള്ള ചില സാധ്യതകളും അവരില്‍ ജനിതകപരമായ വ്യതിയാനങ്ങള്‍ ഉണ്ടാക്കുന്നു.ആ ആശയത്തില്‍ ഊന്നിയാണ് ഇവരുടെ കഥാപാത്ര സൃഷ്ടി.

  Deliverance ആരംഭിക്കുന്നത് ഡാം പണിയാനായി നശിപ്പിക്കുന്ന  Cahulawassee നദിയില്‍ അവസാനമായി സാഹസിക  വഞ്ചി സവാരി നടത്താനായി എത്തുന്നവര്‍ ആണ് ലൂയിസ്,എഡ്,ബോബി,ഡ്രൂ എന്നിവര്‍.ലൂയിസ് നേതൃത്വം കൊടുക്കുന്ന ആ സംഘം അവരുടെ കാര്യത്തിലേക്ക് നേരെ കടക്കുന്നു.അതിനായി അവരുടെ വഞ്ചി യാത്ര അവസാനിക്കുമ്പോള്‍ തങ്ങളുടെ കാറുകള്‍ നഗരത്തില്‍ എത്തിക്കാന്‍ ഉള്ള ഏര്‍പ്പാടുകള്‍ ചെയ്യുന്നു.Hilbillies എന്ന് വിളിക്കപ്പെടുന്ന തരം മനുഷ്യരുടെ സഹായം ആണ് അവര്‍ക്ക് ലഭിക്കുന്നത്.ആദ്യ ദിവസം അവര്‍ വഞ്ചി യാത്ര ആസ്വദിച്ചു.പ്രത്യേകിച്ചും ബോബി,ഡ്രൂ എന്നിവരുടെ ആദ്യ യാത്രയായിരുന്നു ഇത്തരത്തില്‍ ഉള്ളത്.എല്ലാവരും ആ യാത്ര ആസ്വദിക്കുന്നു.അന്ന് രാത്രി പുലര്‍ന്നപ്പോള്‍ ഉറക്കത്തില്‍ നിന്നും എണീറ്റ എഡ് അമ്പും വില്ലും ആയി നായാടാന്‍ ഇറങ്ങുന്നു.ഒരു മാനിനെ ലക്‌ഷ്യം വച്ചെങ്കിലും അയാളുടെ കൈ വിറയ്ക്കുന്നു.അന്ന് നടന്ന യാത്ര എന്നാല്‍ അപകടകരം ആയി മാറുന്നു.രണ്ടു വഞ്ചികളിലായി യാത്ര ചെയ്ത അവരില്‍ എഡ്,ബോബി എന്നിവര്‍ സഞ്ചരിച്ച വഞ്ചി അവരുടെ ജീവിതത്തിലെ ഏറ്റവും മോശം ദു:സ്വപ്നം ആയി മാറുന്നു.ആ നാല്‍വര്‍ സംഘത്തിന്റെ ജീവിതത്തില്‍ മറക്കാന്‍ ആകാത്ത സംഭവം.അതെന്താണ് എന്നറിയാന്‍ ബാക്കി ചിത്രം കാണുക.

  അക്കാലത്തെ സിനിമകളുടെ ഒക്കെ ഒരു പൂര്‍ണത ഈ ചിത്രത്തെ ഗംഭീരം ആക്കി.ഒരു സാഹസിക ക്ലാസിക് ആയ ഈ ചിത്രത്തെ പരിപാലിക്കേണ്ട പ്രിന്റുകളില്‍ ഒന്നായി United States National Film Registry തിരഞ്ഞെടുത്തിരുന്നു.പശ്ചാതല സംഗീതവും അവസാന സീനുകളിലെ സാഹസികതയും എല്ലാം പ്രേക്ഷകരില്‍ ഒരു പ്രത്യേക അനുഭവം ഉളവാക്കും.പൂര്‍ണമായ ഒരു സാഹസിക ത്രില്ലര്‍ ആണ് ഈ ചിത്രം അതും ഗ്രാഫിക്സ് പണികള്‍ അധികം ചെയ്യാത്ത ആ കാലത്ത് നിന്ന് വന്ന ഒന്ന് എന്ന നിലയില്‍.

More movie suggestions @www.movieholicviews.blogspot.com

387.SKIN TRADE(ENGLISH,2014)

387.SKIN TRADE(ENGLISH,2014),|Action|Crime|,Dir:-Ekachai Uekrongtham,*ing:-Dolph Lundgren, Tony Jaa, Ron Perlman.

Ekachai Uekrongtham എന്ന തായ്‌ സംവിധായകന്‍ സംവിധാനം ചെയ്ത ചിത്രം ആണ് Skin Trade.പേരില്‍ തന്നെ ചിത്രത്തിന്‍റെ കഥ എന്താണ് എന്നുണ്ട്.ലോകത്തിലെ തന്നെ ഏറ്റവും മോശമായ, മൃഗങ്ങള്‍ പോലും ചെയ്യാന്‍ മടിക്കുന്ന മനുഷ്യത്വം ഇല്ലാത്ത ഒരു മേഘലയാണ്‌ സെക്സിനായി സ്ത്രീകളെയും കുട്ടികളെയും വില്‍ക്കുന്ന മാര്‍ക്കറ്റ്.അ പ്രമേയം സിനിമകളില്‍ ഒരു ക്ലീഷേ ആയി മാറിയെങ്കിലും എക്കാലവും പ്രസക്തം ആണ് ആ വേദനപ്പിക്കുന്ന യാഥാര്‍ത്ഥ്യം.എങ്കിലും സിനിമകളില്‍ സ്വന്തക്കാര്‍ക്കു വേണ്ടി വരുന്ന നായക സങ്കല്‍പ്പങ്ങള്‍ക്ക് ഈ ചിത്രത്തിലും മാറ്റമില്ല.

  തായ്‌ലാന്‍ഡ് മാംസ വ്യാപാരത്തിന്റെ തലസ്ഥാനങ്ങളില്‍ ഒന്നാണ്.വേശ്യാവൃത്തി സമൂഹത്തിലെ ഉന്നതരുടെ സഹായത്തോടെ സാധാരണം ആണ് തായ് ലാന്‍ഡില്‍.വിയറ്റ്നാം യുദ്ധത്തോടെ വന്ന സമ്പൂര്‍ണമായ ഒരു കുപ്രസിദ്ധി ആയിരുന്നു ഈ ഭാഗത്ത്‌ വേശ്യാവൃത്തി.സൈബീരിയക്കാരന്‍ ആയ വിക്റ്റര്‍ ദ്രാകൊവിച് തന്‍റെ നാല് പുത്രന്മാരുമായി നടത്തുന്ന മാംസ കച്ചവടം അവരെ അതി സമ്പന്നരും കുപ്രസിധാരും ആക്കി.തായ് പോലീസിലെ ഒരു വിഭാഗവും അമേരിക്കന്‍ പോലീസും എല്ലാം അയാളെ നോട്ടമിട്ടിരുന്നു.നിക് കാസിടി ആണ് അമേരിക്കന്‍ പോലീസില്‍ വിക്ട്ടറിന്റെ പുറകെ ഉള്ളത്,തായ് പോലീസില്‍ നിന്നും ടോണിയും.അമേരിക്കന്‍ പോലീസിന്‍റെ പിടിയിലാകുന്ന വിക്റ്റര്‍ എന്നാല്‍ തന്‍റെ സ്വാധീനം ഉപയോഗിച്ച് രക്ഷപ്പെടുന്നു.ഒപ്പം നിക്കിന്റെ കുടുംബത്തിനുള്ള ദുരിതവും സമ്മാനിച്ച്‌ കൊണ്ട്.നിക്കിന് പകരം വീട്ടണം.അതിനായി അയാള്‍ വിക്റ്റര്‍ ഇപ്പോള്‍ അഭയം പ്രാപിച്ചിരിക്കുന്ന തായ് ലാന്‍ഡില്‍ എത്തുന്നു.അവിടെ വച്ച് ടോണിയെ മുഖാമുഖം കാണുന്നു.ബാക്കി എന്തായി എന്നറിയാന്‍ ചിത്രം കാണുക.

  ക്ലീശേകളിലൂടെ ആണ് ഈ ആക്ഷന്‍ ചിത്രം സഞ്ചരിക്കുന്നത്.പുതുതായി അധികം ഒന്നും ഇല്ലെങ്കിലും ഇടി വാങ്ങിച്ചു കൂട്ടുന്ന ടോണി ജാ ആണ് ഇതിലെ വ്യത്യസ്തത.നായകനും വില്ലനും എല്ലാം എടുത്തിട്ട് ഇടിക്കുന്ന കഥാപാത്രം.രണ്ടാം ഭാഗത്തേക്ക് ഉള്ളത് മാറ്റി വച്ചാണ് ചിത്രം അവസാനിക്കുന്നത്.ഒരു ശരാശരി ആക്ഷന്‍ ചിത്രം മാത്രം ആണ് SKIN TRADE.

More movie suggestions @www.movieholicvies.blogspot.com

386.GET HARD(ENGLISH,2015)

386.GET HARD(ENGLISH,2015),|Comedy|,Dir:-Etan Cohen,*ing:-Will Ferrell, Kevin Hart, Alison Brie .

  അത്യാവശ്യം വില്‍ ഫാരല്‍ ഒക്കെ അഭിനയിച്ച സിനിമകള്‍ ഇഷ്ടമുള്ളവര്‍ ഈ ചിത്രം കണ്ടാല്‍ ഇഷ്ടപ്പെടാന്‍ സാധ്യതയുണ്ട്.വില്‍ ഫാരലിന്റെ സിനിമകള്‍ ഇഷ്ടപ്പെടുന്ന എനിക്ക് ഈ ചിത്രവും ഇഷ്ടമായി.അതാണ്‌ ഒരു പോസ്റ്റ്‌ ആയി ഈ ചിത്രം ഇടുന്നത്.അമേരിക്കന്‍ കോമഡി ചിത്രങ്ങള്‍ ഇന്ത്യന്‍ തമാശ ചിത്രങ്ങളില്‍ നിന്നും വളരെയധികം അകലെയാണ്.സാമൂഹികമായ വ്യത്യാസം ശരിക്കും നിഴലിക്കുന്ന ഒരു മേഖലയാണ് അത്.ദ്വയാര്‍ത്ഥം,നഗ്നത എന്നിവയിലൂടെ ഒക്കെ കോമഡി സൃഷ്ടിക്കുന്ന ഹോളിവുഡ് സിനിമകളെ അനുകരിക്കാന്‍ ചില പ്രാദേശിക ചിത്രങ്ങള്‍ നമ്മുടെ നാട്ടില്‍ ശ്രമിച്ചു എങ്കിലും ഭൂരിഭാഗം പ്രേക്ഷകരും സഭ്യതയുടെ അതിര്‍വരമ്പുകള്‍ നല്‍കി അവയെ തള്ളുക ആണുണ്ടായത്.ഈ ചിത്രവും അതില്‍ നിന്നും വിഭിന്നമല്ല.

  അമേരിക്കയിലെ സമ്പന്ന വര്‍ഗ്ഗത്തിന്റെ പ്രതിനിധി ആണ് ജെയിംസ് കിംഗ്‌.പ്രശസ്തമായ ഒരു പണമിടപാട് കമ്പനിയിലെ ഉയര്‍ന്ന ഉദ്യോഗസ്ഥന്‍.കമ്പനി ഉടമയുടെ മകള്‍ ഭാവി വധു.ജെയിംസിന്റെ കഴിവുകളില്‍ മതിപ്പ് തോന്നിയ കമ്പനി ഉടമ അയാളെയും തന്‍റെ പാര്‍ട്ണര്‍ ആക്കുന്നു.മറ്റൊരു ഭാഗത്ത്‌ കറുത്ത വര്‍ഗക്കാരന്‍ ആയ ടാര്നല്‍ ലൂയിസ് തന്‍റെ മകള്‍ക്ക് സമാധാനപൂര്‍വ്വം ആയ നല്ല വിദ്യാഭ്യാസം വേണം എന്ന് ആഗ്രഹിക്കുന്നു.അതിനായി അയാള്‍ക്ക്‌ കുറ്റവാളികള്‍ കൂടുതല്‍ ഉള്ള ആ സ്ഥലത്ത് നിന്നും മാറണം .പുതിയ വീടിനു വേണ്ടു 30000 ഡോളര്‍ ചെലവ് വരും.എന്നാല്‍ ഒരു ബേസ്മെന്റില്‍ ചെറിയ രീതിയില്‍ കാര്‍ വാഷ് കമ്പനി നടത്തുന്ന ലൂയിസിന് തന്‍റെ ആഗ്രഹം അത്യാഗ്രഹം മാത്രം ആയി മാറുന്നു.വര്‍ഷങ്ങളായി ജെയിംസിന്റെ കാര്‍ കഴുകുന്ന ലൂയിസ് അയാളോട് സഹായം ചോദിക്കുകയും ഉണ്ടായി.എന്നാല്‍ ജെയിംസ് ലൂയിസിനെ അവഗണിക്കുന്നു . ജീവിതത്തിലെ  വഴിത്തിരിവ് ഉണ്ടാകുന്നത് പെട്ടന്നാണ്.ജെയിംസിനു തന്‍റെ ജീവിതത്തില്‍ ഇനി നില നില്‍ക്കാന്‍ ലൂയിസിന്റെ സഹായം വേണം.ലൂയിസിന് ജീവിതത്തില്‍ രക്ഷപ്പെടാന്‍ ലഭിച്ച ഒരു അവസരം ആയി അത് മാറുമോ?ബാക്കി ചിത്രം കാണുക.

  പ്രവചിക്കാവുന്ന കഥാതന്തു  ആണ് ചിത്രത്തിന് ഉള്ളത്.ഒരു കോമഡി ചിത്രം എന്ന നിലയില്‍ ചിലയിടത്തൊക്കെ ചിരിപ്പിച്ചിരുന്നു.എന്നാല്‍ മികച്ച കോമഡി ചിത്രങ്ങളുടെ നിരയില്‍ ഈ ചിത്രം ഉണ്ടാകില്ല.തല പുകയ്ക്കാതെ ലഘുവായി ഒരു പ്രാവശ്യം മടുപ്പില്ലാതെ കാണാവുന്ന ചിത്രം ആണ് Get Hard.

More movie suggestions @www.movieholicviews.blogspot.com

 

385.UNFREEDOM(ENGLISH,2015)

385.UNFREEDOM(ENGLISH,2014),|Crime | Drama | Romance | Thriller|,Dir:- Raj Amit Kumar,*ing:-Victor Banerjee, Adil Hussain, Bhanu Uday |

  UNFREEDOM-A MOVIE WHICH IS BANNED IN INDIA

 ഈ ഒരു  ടാഗ് ലൈനില്‍  തന്നെ ഉണ്ട്  സിനിമയില്‍ എന്താണ് ഉള്ളതെന്ന്.ഈ അടുത്ത്  കണ്ടത്തില്‍ ഏറ്റവും  ബോള്‍ഡ് ആയ  ചിത്രം എന്ന് പറയാം രാജ് അമിത് കുമാര്‍ സംവിധാനം ചെയ്ത ഈ ചിത്രത്തെ.പറയാന്‍ ഉദ്ദേശിച്ച വിഷയത്തെ നേരിട്ട് മറവുകള്‍ ഒന്നും ഇല്ലാതെ അവതരിപ്പിച്ച ഈ സിനിമയുടെ അണിയറ പ്രവര്‍ത്തകര്‍ക്ക് ആദ്യ സല്യൂട്ട്.ചിത്രം അവതരിപ്പിച്ച രണ്ടു വിഷയങ്ങള്‍ സാമൂഹികമായ ലോകത്തിലെ തന്നെ രണ്ടു വിഷയങ്ങള്‍ ആണ്.ഒന്ന് സദാചാരം.മറ്റൊന്ന് തീവ്രവാദം.ഈ രണ്ടു വിഷയങ്ങളെ ആധാരമാക്കി ഉള്ള രണ്ടു കഥകള്‍ നോണ്‍-ലീനിയര്‍ രീതിയില്‍ അവതരിപ്പിക്കുന്നു.വ്യത്യസ്തമായ രണ്ടു വിഷയങ്ങള്‍ ആണ് കൈകാര്യം ചെയ്യുന്നതെങ്കിലും ;പ്രത്യേകിച്ചും ഒന്ന് നിര്‍ബന്ധിതം ആയി ദൈവത്തെ ആരാധിക്കാന്‍ പറയുകയും മറ്റൊന്ന് സമൂഹത്തില്‍ സെക്സിന് ഒരു വ്യക്തിക്ക് നല്‍കേണ്ട സ്വാതന്ത്ര്യവും ആണ്.എന്നാല്‍ രണ്ടും പൊതു സമൂഹത്തിനു നല്‍കുന്നത്  വ്യക്തി സ്വാതന്ത്ര്യം ഹനിക്കുക എന്ന സന്ദേശം ആണ്.

  ഇത്തരത്തില്‍ രണ്ടു വിഷയങ്ങള്‍ അവതരിപ്പിക്കപ്പെടുന്നത് ഒന്ന് ഇന്ത്യയിലും മറ്റൊന്ന് അമേരിക്കയിലും ആണ്.ലീല ഉന്നതനായ പോലീസ് ഉദ്യോഗസ്ഥന്‍റെ മകളാണ്.അവള്‍ക്കു വേണ്ടി ഉള്ള കല്യാണ ആലോചനകള്‍ എല്ലാം അവള്‍ മുടക്കുന്നു.അതിനു പിന്നില്‍ ഒരു കാരണം ഉണ്ടായിരുന്നു.യാഥാസ്ഥിക ഇന്ത്യന്‍ സമൂഹത്തില്‍ നിഷിദ്ധമായ ലെസ്ബിയന്‍ ആയിരുന്നു അവള്‍.സ്ത്രീ ശരീരത്തിന് സ്വാതന്ത്ര്യം നല്‍കാനായി കലാ സൃഷ്ടികള്‍ നടത്തുന്ന സഖി എന്ന അമേരിക്കന്‍ യുവതി ആയിരുന്നു ലീലയുടെ പ്രണയിനി.ഇതേ സമയത്ത് അമേരിക്കയില്‍ മുസ്ലീമുകള്‍ എല്ലാം തീവ്രവാദികള്‍ അല്ല എന്നും പകരം ചിലര്‍ ഖുറാനെ വളച്ചു ഓടിച്ചത് ആണെന്ന് അടിവരയിട്ടു പറയുന്ന മുസ്ലീം തത്വ ചിന്തകന്‍ ആയ ഫരീദിനെ കൊല്ലാനായി എത്തുന്ന മുഹമദ് ഹുസൈന്‍ എന്നിവരിലൂടെ ആണ് ആ കഥാ ഭാഗം പോകുന്നത്.ഇതിനൊപ്പം എ രണ്ടു സമൂഹത്തിലും കാണുന്ന സമാനമായ മുഖങ്ങളെയും അവതരിപ്പിക്കുന്നു.എല്ലാവര്‍ക്കും ഈ വിഷയത്തില്‍ പങ്കു ഉണ്ടെന്നുള്ളത് അടിവരയിടുന്നും ഉണ്ട്.

  എന്തായാലും ഗൗരവം ഉള്ള ഈ വിഷയത്തെ മറയില്ലാതെ അവതരിപ്പിച്ചപ്പോള്‍ ക്രൂരമായ പീഡന രീതികള്‍,സെക്സ്,ന്യൂഡ് രംഗങ്ങള്‍ എന്നിവ സമൂഹം ആവശ്യപ്പെടുന്നതിലും അധികം ആയി പോയി.ഒരു പക്ഷേ ചില ചിന്തകള്‍ അങ്ങനെ ആണ്.സ്വന്തം വര്‍ഗത്തില്‍ ഉള്ള ഇണയെ വിവാഹം കഴിക്കാന്‍ സമ്മതിക്കാത്ത സദാചാര സമൂഹം വ്യക്തി സ്വാതന്ത്ര്യത്തില്‍ വിലക്കുകള്‍ ഇടുകയാണ്.അഭിമാനം സംരക്ഷിക്കാന്‍ ആയി ക്രൂരതയുടെ ഏതു അറ്റം വരെ പോകുന്ന യാഥാസ്ഥിക പിതാവിന്റെ ക്രൂരമായ മുഖം ആണ് ലീലയുടെ ജീവിതത്തില്‍.ദൈവത്തെ സംരക്ഷിക്കാന്‍ ആയി ഇറങ്ങിയ വേട്ടപ്പട്ടിയുടെ ക്രൂരതയാണ് തീവ്രവാദി ആയ മൊഹമദ് ഹുസയിനിലൂടെ അവതരിപ്പിക്കപ്പെട്ടിരിക്കുന്നത്.ആവിഷ്കാര സ്വാതന്ത്ര്യത്തില്‍ ഉള്ള കടന്നു കയറ്റം ആയി പോയി എന്നാല്‍ ഈ സിനിമ നിരോധിച്ചതിലൂടെ സെന്‍സര്‍ ബോര്‍ഡ് നടത്തിയിരിക്കുന്നത്.കാരണം അത്രയും സെന്‍സിറ്റീവ് ആയ വിഷയം ആണ് ചിത്രം കൈകാര്യം ചെയ്യുന്നത്.

More movie suggestions @www.movieholicviews.blogspot.com


  

Thursday, 11 June 2015

384.TWO MEN IN MANHATTAN(FRENCH,1959)

384.TWO MEN IN MANHATTAN(FRENCH,1959),|Mystery|Crime|,Dir:-Jean-Pierre Melville,*ing:-Jean-Pierre Melville,Pierre Grasset.

   വിഖ്യാത ഫ്രഞ്ച് സംവിധായകന്‍ ആയ ജീന്‍ പിയേറെ സംവിധാനം ചെയ്യുകയും മുഖ്യ കഥാപാത്രങ്ങളില്‍ ഒരാളായ മോറിയു എന്ന പത്രപ്രവര്‍ത്തകനെ അവതരിപ്പിക്കുകയും ചെയ്ത ചിത്രം ആയിരുന്നു Two Men in Manhattan.ജീന്‍ പിയേറെ മറ്റു സംവിധായകരുടെ കീഴില്‍ അഭിനയിച്ചിട്ടുണ്ട് എങ്കിലും സ്വന്തം സംവിധാനത്തില്‍ അഭിനയിച്ച ഒരേ ഒരു ചിത്രം ആയിരുന്നു ഇത്.1969 ല്‍ ഇറങ്ങിയ ഈ ചിത്രം ചര്‍ച്ച ചെയ്യുന്ന വിഷയം ഇന്നും സമൂഹത്തില്‍ പ്രസക്തിയുള്ള വിഷയം ആണ്.ജേര്‍ണലിസം എന്നത് കാശുണ്ടാക്കാന്‍ ഉള്ള ഉപാധി മാത്രം ആണോ അതോ ഫോര്‍ത്ത് എസ്റ്റേറ്റ് സമൂഹത്തിനു മുന്നില്‍ വാര്‍ത്തകള്‍ വളച്ചൊടിക്കാതെ അതിന്റെ സത്യാവസ്ഥ മാത്രം വായനക്കാരില്‍ എത്തിക്കാന്‍ ബാധ്യത ഉള്ളവരാണോ എന്നത് ഈ ചിത്രം ചര്‍ച്ച ചെയ്യുന്നു.ഒറ്റ രാത്രി നടക്കുന്ന സംഭവം ആണ് ചിത്രത്തില്‍.

  ഐക്യ രാഷ്ട്ര സഭയുടെ പുതിയ അംഗ രാജ്യത്തെ തിരഞ്ഞെടുക്കാന്‍ ഉള്ള യോഗം നടക്കുന്നു.ആ യോഗത്തില്‍ ഐക്യ രാഷ്ട്രസഭ പ്രതിനിധിയുടെ അസാനിധ്യം ശ്രദ്ധിക്കപ്പെടുന്നു.ഫ്രഞ്ച് ഡെലിഗേറ്റ് ആയ അയാളെ കുറിച്ച് അന്വേഷിക്കാന്‍ മൊറിയൂവിനെ ഏര്‍പ്പാടാക്കുന്നു ചീഫ് എഡിറ്റര്‍.ആദ്യം അയാളെ കുറിച്ച് അന്വേഷിക്കാന്‍ മൊറിയൂ അയാളുടെ സെക്രട്ടറിയുടെ വീട്ടില്‍ പോകുന്നു .അവര്‍ നല്‍കിയ സൂചന അനുസരിച്ച് അന്നത്തെ യോഗത്തില്‍ അയാള്‍ എത്താത്തത് ഒരു പക്ഷേ ഏതെങ്കിലും കാമുകിയുടെ അടുക്കല്‍ പോയത് കൊണ്ടാണെന്ന് പറയുന്നു.മൊറിയൂ സുഹൃത്തും ഫോട്ടോഗ്രാഫറും ആയ ഡല്മാസിനെ അന്വേഷണത്തില്‍  ചേര്‍ക്കുന്നു.

  പ്രതിനിധിയും ആയി ബന്ധം ഉള്ള മൂന്നു സ്ത്രീകളെ കുറിച്ചുള്ള വിവരം
 ലഭിക്കുന്ന അവര്‍ ആ സ്ത്രീകളെ അന്വേഷിച്ചു യാത്ര തുടങ്ങുന്നു;ദുരൂഹമായി അപ്രത്യക്ഷന്‍ ആയ ഐക്യ രാഷ്ട്ര പ്രതിനിധിയെ ആരും അറിയാതെ അ രാത്രി കണ്ടെത്തുക ആനവരുടെ ലക്‌ഷ്യം.ഫ്രാന്‍സിലെ New Wave Movement ന്‍റെ ഭാഗമായിരുന്ന ഈ ചിത്രം ജീന്‍ പിയറെയുടെ അധികം വാഴ്ത്തപ്പെടാത്ത ചിത്രങ്ങളില്‍ ഒന്നാണ്.രണ്ടു മനുഷ്യരുടെ സ്വഭാവ പ്രത്യേകതകള്‍ ആണ് സിനിമയുടെ മൂഡിനെ സ്വാധീനിക്കുന്ന സംഭവം.അവരുടെ വഴിയെ ആണ് ചിത്രം പോകുന്നതും.

More movie suggestions @www.movieholicviews.blogspot.com

  

Wednesday, 10 June 2015

383.DEMONTE COLONY(TAMIL,2015)

383.DEMONTE COLONY(TAMIL,2015),Dir:-R. Ajay Gnanamuthu,*ing:-Arulnithi,Ramesh Tilak.

   തമിഴ് സിനിമയിലെ പുതിയ വിജയ ട്രെന്‍ഡ് ഹൊറര്‍ സിനിമകള്‍ ആണെന്ന് തോന്നുന്നു.ഈ അടുത്ത് വന്ന ഹൊറര്‍ ശ്രേണിയില്‍ ഉള്‍പ്പെട്ട   ചിത്രങ്ങളുടെ വിജയം സൂചിപ്പിക്കുന്നത് അതാണ്‌.എന്തായാലും മലയാളത്തിലെ നനഞ്ഞ പടക്കങ്ങള്‍ ആയ ഹൊറര്‍ ചിത്രങ്ങളില്‍ ഉള്ളതില്‍ കൂടുതല്‍ മികവു ഈ അടുത്ത് ഇറങ്ങുന്ന തമിഴ് ഹൊറര്‍ ചിത്രങ്ങള്‍ക്ക് ഉണ്ടെന്ന് തോന്നുന്നു.പഴയ രീതിയില്‍ ഉള്ള  ശുഭ്ര വസ്ത്രധാരിയായി പാട്ടും പാടി നടക്കുന്ന മദാലസയായ  പ്രേതം ഒക്കെ  കാലഹരണപ്പെട്ട വിശ്വാസങ്ങള്‍ മാത്രമായി ഇപ്പോഴത്തെ തലമുറയ്ക്ക് തോന്നി എന്ന് തോന്നുന്നു.

  ഇനി ചിത്രത്തിലേക്ക്.മികച്ച അഭിപ്രായം നേടി ആണ് DeMonte Colony തിയറ്ററില്‍ ഓടുന്നത് .തന്‍റെ എല്ലാ സിനിമകളിലെയും അഭിനയം കൊണ്ട് ആളുകളെ വെറുപ്പിക്കുന്ന ഉദയനിധി സ്റ്റാലിന്റെ ബന്ധുവായ അരുള്‍നിധി  നായകനായ ഈ ചിത്രം അവതരിപ്പിച്ച കഥ കാരണം അല്ല വിജയം നേടുന്നത്.പകരം അവതരണ രീതി കൊണ്ടാണ് എന്ന് തോന്നുന്നു.അരുള്‍നിധിയുടെ അഭിനയവും മോശം അല്ല.തമിഴ് സിനിമകളിലെ ക്ലീഷേ വെള്ളമടി  പാട്ടില്‍ ഒതുങ്ങി പാട്ട്.പിന്നെ സിനിമയുടെ ശ്രദ്ധ അത് അവതരിപ്പിക്കാന്‍ ഉദ്ദേശിക്കുന്ന തീമിലേക്ക്  ഉള്ള ശ്രമത്തിലേക്ക് മാറി.പ്രശംസനീയം ആയിരുന്നു ആ മാറ്റം.തമിഴ് സിനിമയ്ക്ക് ഒഴിവാക്കാന്‍ ആകാത്ത ചിലതുണ്ട്.അതില്‍ നിന്നും ഒരു മാറ്റി പിടുത്തം.ജീവിതത്തില്‍ ഒരു രക്ഷയും ഇല്ലാതെ ജീവിക്കുന്ന നാല് സുഹൃത്തുക്കള്‍.മദ്യപാനത്തിന് ശേഷം എന്തെങ്കിലും രസകരം ആയി ചെയ്യണം എന്ന് തോന്നിയ അവര്‍ ഓടി ചെന്നത് പ്രേതങ്ങള്‍ ഉണ്ടെന്നു വിശ്വസിക്കുന്ന DeMonte Colony എന്ന ബംഗ്ലാവില്‍.ആ രാത്രി അവരുടെ ജീവിതത്തില്‍ ചില മാറ്റങ്ങള്‍ സംഭവിക്കുന്നു.ആ ബംഗ്ലാവിനെ ചുറ്റി പറ്റി ഉള്ള കഥയാണ് ബാക്കി ചിത്രം.

  ചിത്രത്തിന്‍റെ ക്ലൈമാക്സും പതിവ് മസാല ചിത്രങ്ങളില്‍ നിന്നും വ്യത്യസ്തം ആയിരുന്നു.എന്നാലും ഒരു ചോദ്യം ഈ പടം കണ്ടു പേടിച്ചോ എന്ന് ചോദിച്ചാല്‍.ഇല്ല അത്രയ്ക്കൊന്നും പേടിച്ചില്ല.പക്ഷേ പേടിപ്പിക്കാന്‍ ഉള്ള ആത്മാര്‍ത്ഥം ആയ ശ്രമം ചിത്രത്തിന്‍റെ അണിയറക്കാര്‍ക്ക്  ഉണ്ടായിരുന്നു.ഒരു വട്ടം  മുഷിപ്പിക്കാതെ  കാണാവുന്ന ചിത്രം.

More movie suggestions @www.movieholicivews.blogspot.com

Tuesday, 9 June 2015

382.2LDK(JAPANESE,2003)

382.2LDK(JAPANESE,2003),|Drama|Action|,Dir:-Yukihiko Tsutsumi,*ing:-Maho Nonami, Eiko Koike, Daisuke Kizaki.


  ജപ്പാനിലെ സിനിമ  നിര്‍മാതാവായ ഷിന്യ കവായ് സംവിധായകരായ റ്റ്സ്റ്സുമി ,കിറ്റാമുര എന്നിവരോട് രണ്ടു കഥാപാത്രങ്ങള്‍ മാത്രം ഉള്ള ഒറ്റ സെറ്റില്‍ ഷൂട്ട്‌ ചെയ്യാവുന്ന രണ്ടു സിനിമകള്‍ എടുക്കാന്‍ ആവശ്യപ്പെട്ടു.ഒരാഴ്ചയ്ക്കുള്ളില്‍ ആ ചിത്രങ്ങളുടെ ഷൂട്ടിംഗ് കഴിയുകയും വേണം.അങ്ങനെ നിര്‍മിച്ച സിനിമകളില്‍ ഒന്നാണ് 2LDK.ഫ്ലാറ്റിലെ മുറികളുടെ എണ്ണത്തെ കുറിച്ചുള്ള സൂചന നല്‍കുന്ന പദത്തില്‍ നിന്നും ഉണ്ടായ ഈ ചിത്രം മുഴുവന്‍ നടക്കുന്നത് അതിലാണ്.

   മനുഷ്യരുടെ പക,അത് സ്വന്തം നിലനില്‍പ്പിനു വേണ്ടി ഉള്ളതാകുമ്പോള്‍ എത്ര മാത്രം ഭീകരം ആകും എന്നാണു ഈ ചിത്രം അവതരിപ്പിക്കുന്നത്‌.നോസോമി,രാന എന്നിവര്‍ നടിമാരാണ്.സിനിമകളില്‍ അവസരം അന്വേഷിച്ചു നടക്കുന്ന അവര്‍ക്ക് രണ്ടു പേര്‍ക്കും "Yakuza Wives" എന്ന സിനിമയില്‍ രണ്ടു പേരും ഒരേ റോളിനു വേണ്ടി ശ്രമിക്കുന്നുണ്ട്.അന്ന് വൈകിട്ട് നോസോമി ഒഡിഷന്‍ കഴിഞ്ഞതിനു ശേഷം മുറിയിലെത്തി ഒന്ന് മയങ്ങുമ്പോള്‍ ആണ് രാന അവിടെ തിരിച്ചെത്തുന്നത്.മനസ്സില്‍ ഒന്ന് വിചാരിക്കുകയും വായില്‍ നിന്നും മറ്റൊന്ന് പറയുകയും ചെയ്യുന്ന  സ്ത്രീ സഹജമായ സ്വഭാവ ശീലം ഉള്ളവരായിരുന്നു രണ്ടു പേരും.വ്യത്യസ്ത സ്വഭാവ വിശേഷതകള്‍ ഉള്ള അവര്‍ ഒരിക്കല്‍ പോലും സമാനമായ രീതിയില്‍ ചിന്തിക്കുന്നില്ല.പകരം അവര്‍ അവിടെ നിറയ്ക്കുന്നത് വിദ്വേഷത്തിന്റെ നാമ്പുകള്‍ ആണ്.അസൂയയും കുശുമ്പും അവരെ കൊണ്ടെത്തിക്കുക നാശത്തിലേക്ക് ആണ്.

   നോസോമിയും രാനയും അവരുടെ ജീവിതത്തിലെ ഈ അവസ്ഥയെ എങ്ങനെ നേരിടും എന്നതാണ് ആ ഒറ്റ മുറിക്കുള്ളില്‍ നടക്കുന്ന കഥയില്‍ അവതരിപ്പിക്കുന്നത്‌.പിറ്റേ ദിവസം രാവിലെ അവര്‍ അറിയാന്‍ കാത്തിരിക്കുന്ന ഒഡിഷന്‍ റിസല്‍റ്റ്‌ എന്താകും?ആരാണ് സിനിമയിലെ കഥാപാത്രത്തിന് തിരഞ്ഞെടുക്കപ്പെടുക?കൂടുതല്‍ അറിയാന്‍ ചിത്രം കാണുക.

More movie suggestions @www.movieholicviews.blogspot.com

Saturday, 6 June 2015

381.WILD TALES aka RELATOS SALVAGES(2014,SPANISH)

381.WILD TALES aka RELATOS SALVAGES(2014,SPANISH),|Thriller|Comedy|Drama|,Dir:-Damián Szifrón,*ing:-Darío Grandinetti, María Marull, Mónica Villa,Ricardo Darin.

   കഴിഞ്ഞ വര്‍ഷം അര്‍ജന്റീനയില്‍ നിന്നും വിദേശ ഭാഷ വിഭാഗത്തില്‍  ഓസ്കാര്‍ നാമനിര്‍ദേശം  ലഭിച്ച ചിത്രം ആണ് Relatos Salvages.ആറു കഥകള്‍ അടങ്ങുന്ന ഈ ചിത്രം സംവിധാനം ചെയ്തിരിക്കുന്നത് ഡാമിയന്‍ സിഫ്രോണ്‍ ആണ്.ഈ കഥകളില്‍ എല്ലാം തന്നെ പ്രതികാരം ,വിദ്വേഷം തുടങ്ങിയ പ്രമേയങ്ങള്‍ ആണ് അവതരിപ്പിക്കുന്നത്‌.വ്യത്യസ്തം ആയ സന്ദര്‍ഭങ്ങള്‍ ആളുകള്‍.എന്നാല്‍ എല്ലാവരും അന്തിമമായി പ്രതിനിധീകരിക്കുന്നത് അവരുടെ ദേഷ്യം/വിദ്വേഷം എന്നിവയുടെ പേരില്‍ ആണ്.ആ ഒരു പ്ലോട്ടില്‍  നിന്നും കൊണ്ട് തന്നെ രസകരമായ ഒരു ചിത്രം ആണ് ഒരുക്കിയിരിക്കുന്നത്.ആന്തോളജി സിനിമകളില്‍ തന്നെ മികച്ച ഒന്നാണ് Relatos Salvages.

  ഓരോ പ്ലോട്ടിനെ കുറിച്ചും ഒരു ആമുഖം
1)"Pasternak"

  ഒരു വിമാനത്തില്‍ സഞ്ചരിക്കുന്ന മോഡലും ഗാന നിരൂപകനും പാസ്ട്ടര്‍നാക് എന്നയാളെ കുറിച്ച് അവിചാരിതമായി സംസാരിക്കുന്നു.എന്നാല്‍ ആ സംസാരം  അവരെ കൊണ്ടെത്തിച്ചത് പാസ്ട്ടര്‍നാക് എന്ന ആളുടെ ജീവിതത്തിലെ നിര്‍ണായക സ്ഥാനങ്ങള്‍ കയ്യടക്കി വച്ചിരിക്കുന്ന സഹ യാത്രികരില്‍ ആണ്.പാസ്ട്ടര്‍നാക് എന്നാല്‍ അവര്‍ക്ക് വേണ്ടി കാത്തു വച്ചിരുന്ന ഒരു രഹസ്യം ഉണ്ടായിരുന്നു.മികച്ച ഫാന്റസി കഥ പോലെ തോന്നി ഈ ഭാഗം.

2)"Las Ratas" ("The Rats")

   ഒരു രേസ്റ്റൊരന്റില്‍ രാത്രി വന്ന കസ്ട്ടമറിനു അവിടെ വെയിറ്റര്‍ ആയി  ജോലി ചെയ്യുന്ന സ്ത്രീയുമായി ഒരിക്കലും മറക്കാന്‍ ആകാത്ത  കണക്കുകള്‍  ഉണ്ടായിരുന്നു.അതാണ്‌ ഈ ഭാഗത്തിന്റെ പ്രമേയം.അപ്രതീക്ഷിതമായ അവസാനം ആണ് ചിത്രത്തിന്.

3)"El más fuerte" ("The Strongest")

    വിജനമായ ഹൈ വേയില്‍ കൂടി യാത്ര ചെയ്യുന്ന രണ്ടു യാത്രികര്‍ തമ്മില്‍ പ്രശ്നങ്ങള്‍ ഉണ്ടാകുന്നു.അവര്‍ ആ പ്രശ്നത്തെ എങ്ങനെ നേരിട്ട് എന്നതാണ് ചിത്രം.ഈ സിനിമയില്‍ അവസാന രംഗം കുറെ ചിരിപ്പിച്ചു."Crime of passion"-അജയന്‍ ആണെന്ന് സ്വയം അഹങ്കരിക്കുന്ന മനുഷ്യര്‍ക്കിട്ട് ഒരു കൊട്ടാണ്‌  ഈ ചിത്രം.

4)"Bombita" ("Little Bomb")

  സര്‍ക്കാരിന്റെ നിലപാടുകള്‍ ഒരു മനുഷ്യന് ബാധ്യത ആയി മാറുന്നു.പ്രത്യേകിച്ചും സ്വകാര്യ മേഖലയെ ഏല്‍പ്പിച്ച ആ ജോലി അയാളുടെ ജീവിതത്തെ തന്നെ ബാധിക്കുന്നു.ജോലി,കുടുംബം എന്നിവയെല്ലാം ആ സംഭവത്തില്‍ അയാള്‍ക്ക്‌ നസ്തം വരുന്നു.അയാളുടെ മുന്നില്‍ ഉള്ളതും ഒന്ന് മാത്രം.പ്രതികാരം.നായകനായി റിക്കാര്‍ഡോ ഡാരിന്‍ വരുന്ന ചിത്രം.

5)"La Propuesta" ("The Proposal")

  അന്ന് രാവിലെ അയാള്‍ കേട്ട വാര്‍ത്ത തന്‍റെ പ്രിയപ്പെട്ട ഒരാള്‍ കാരണം ഉണ്ടായ ദുരിതം ആയിരുന്നു.വേറൊന്നും നോക്കാനില്ല.തന്‍റെ സ്വാധീനവും കാശും ഉപയോഗിച്ച് അയാളെ രക്ഷപ്പെടുത്തുക.എന്നാല്‍ ഒപ്പം ഉള്ളതെല്ലാം കഴുകന്മാര്‍ ആണെന്ന് അറിയുമ്പോള്‍?ഭീകരം ആയിരുന്നു ഇതിന്റെയും ക്ലൈമാക്സ് .

6)"Hasta que la muerte nos separe" ("Until Death Do Us Part")

  ഒരു വിവാഹ പാര്‍ട്ടി നടക്കുന്നു.സമൂഹത്തില്‍ ഉന്നത സ്ഥാനം ഉള്ള കുടുംബങ്ങള്‍ തമ്മില്‍ ചേരാന്‍ പോകുന്നു.എന്നാല്‍ അപ്രതീക്ഷിതമായി വധു തന്‍റെ ഭര്‍ത്താവിനെ കുറിച്ചുള്ള രഹസ്യം മനസ്സിലാക്കുന്നു.അവള്‍ക്കും പ്രതികാരം ചെയ്യാന്‍ അവകാശം ഉണ്ട്.എന്നാല്‍ അത് എത്ര വരെ പോകും?അപ്രതീക്ഷിതമായ ക്ലൈമാക്സ്.

മൊത്തത്തില്‍ വ്യത്യസ്തം ആയ കഥ സന്ദര്‍ഭങ്ങള്‍.എന്നാല്‍ എല്ലാം പറയുന്നത് ഒരേ അവസാനം.അതും രസകരം ആയി അവതരിപ്പിച്ചിരിക്കുന്നു.സിനിമകള്‍ കാണാന്‍ ആഗ്രഹം ഉള്ളവര്‍ എല്ലാം തീര്‍ച്ചയായും കാണേണ്ട ചിത്രം.

More movies @www.movieholicviews.blogspot.com

Friday, 5 June 2015

380.AMDAVAD JUNCTION(HINDI,2013)

380.AMDAVAD JUNCTION(HINDI,2013),|Mystery|,Dir:-Apurv Bajpai,*ing:-Rohan Jardosh, Ishita Salot, Gunjan Vyas .


  സിനിമകള്‍ പതിവായി കാണുന്നവര്‍ക്ക് പറ്റുന്ന അബദ്ധം ആണ് സിനിമയുടെ പ്രമേയം,ട്രെയിലര്‍,മറ്റു ഹൈപ്പുകള്‍ എന്നിവ നോക്കി സിനിമ കണ്ടു അബദ്ധം പറ്റുക എന്നുള്ളത്.അത്തരത്തില്‍ സിനിമയുടെ പ്ലോട്ട് കണ്ട് ഡൌണ്‍ലോഡ് ചെയ്ത പടം ആയിരുന്നു "അമ്ദവാദ് ജങ്ക്ഷന്‍".സിനിമയുടെ ആദ്യ സീനില്‍ മാത്രം ആയിരുന്നു വായിച്ച കഥയുടെ പ്ലോട്ടിന്റെ പ്രസക്തി.ശ്രദ്ധിക്കപ്പെടാതെ പോയ അന്വേഷണ ചിത്രം ആയിരിക്കും എന്നാണു ഈ ചിത്രത്തെ കുറിച്ച് ആദ്യം കരുതിയത്‌.അത് കൊണ്ട് തന്നെ പ്രിന്റ്‌ വന്നപ്പോള്‍ ഡൌണ്‍ലോഡ് ചെയ്തു എടുക്കുകയും ചെയ്തു. ഗുജറാത്തില്‍ നടക്കുന്ന സംഭവങ്ങള്‍ ആണ് സിനിമയുടെ പ്രമേയം.

   അഹമദാബാദ് റെയില്‍വേ  സ്റ്റേഷനില്‍ കാണപ്പെട്ട പെണ്‍ക്കുട്ടിയുടെ ശവ ശരീരം ആളുകളെ ഭീതിയിലാഴ്ത്തി.പോലീസ് കേസ് അന്വേഷണം ക്രൈം ബ്രാഞ്ചിനെ ഏല്‍പ്പിക്കുന്നു.അപ്പോഴാണ്‌ സര്‍വീസില്‍ പുതിയതായി ജോയിന്‍ ചെയ്ത ഗുന്ജന്‍,സൌരഭ് എന്നീ പോലീസുകാര്‍ക്ക് ആദ്യ കേസ് ആയി ഈ കൊലപാതക കേസ് നല്‍കുന്നത്.ഇതേ സമയം കേസ് അന്വേഷണം മുഴുവന്‍ ആയി റിപ്പോര്‍ട്ട് ചെയ്യാന്‍ രോഹന്‍ എന്ന പത്രപ്രവര്‍ത്തകനെ പത്ര സ്ഥാപനം ഏല്‍പ്പിക്കുന്നു.ഇതിന്റെ ഇടയില്‍ പത്രപ്രവര്‍ത്തനം കൊണ്ട് എന്താണ് ഉദേശിക്കുന്നത് എന്ന് മനസ്സിലാകാതെ രോഹന്‍ കഷ്ടപ്പെടുന്നു.സെന്‍സേഷനല്‍ സ്റ്റോറി എങ്ങനെ മസാലയില്‍ മുക്കാം എന്ന് രോഹന് അറിയില്ല.ഇത്രയൊക്കെ ആണ് കഥയുടെ പ്ലോട്ട്.

  എന്നാല്‍ സിനിമയില്‍ മുഴച്ചു നിന്നത് അഭിനയിക്കാന്‍ അറിയാത്ത അഭിനേതാക്കളും എന്ന് വേണ്ട ആവറേജ് എന്ന് പോലും പറയാന്‍ പറ്റാത്ത ടെക്നീഷ്യന്മാരും ആണ് ഈ ചിത്രത്തില്‍ അണി നിരന്നത്.പോലീസ് അന്വേഷണം ദുഷ്ക്കരം ആണെന്ന് പറയുമ്പോഴും അന്വേഷണം ഒന്നും സിനിമയില്‍ കാണിക്കുന്നുമില്ല.വളരെ ബാലിശമായ കഥയാണ് സിനിമയില്‍.അവസാനം ചിമ്പുവിന്‍റെ  "മന്മഥന്‍"  ഒക്കെ ആയി ഡബിള്‍ ക്ലൈമാക്സില്‍ ചിത്രം അവസാനിക്കും.

നല്ല സിനിമകളെ കുറിച്ച് മാത്രം പോസ്റ്റ്‌ ഇടണം എന്നാണ് കരുതിയിരുന്നത്.എന്നാല്‍ ഇത്രയും മോശം സിനിമയ്ക്ക് ടോറന്റില്‍ സീഡ് ഒക്കെ കുറേ ഉണ്ട്.രണ്ടു പ്രിന്റ്‌ മാത്രമേ ഉള്ളു എങ്കിലും ഡൌണ്‍ ലോഡ് നല്ല രീതിയില്‍ നടക്കുന്നുണ്ട്.അത് കൊണ്ട് ആ കണക്കില്‍ അകപ്പെട്ടു കഥയുടെ പ്ലോട്ടും വായിച്ചു ആരും സിനിമ കാണരുത് എന്ന് കരുതി ആണ് ഈ പോസ്റ്റ്‌.

More movie suggestions @www.movieholicviews.blogspot.com

Wednesday, 3 June 2015

379.VANISHING POINT (ENGLISH,1971)

379.VANISHING POINT (ENGLISH,1971),|Thriller|Action|,Dir:-Richard C. Sarafian,*ing:-Barry NewmanCleavon LittleDean Jagger

  കൊവാല്‍സ്ക്കിയുടെ ജീവിതം ദുരിതം നിറഞ്ഞതാണ്‌.അതാകും അയാള്‍ ആ സാഹസത്തിനു മുതിര്‍ന്നത്.കൊവാല്‍സ്ക്കി വിയറ്റ്നാം യുദ്ധ സൈനികന്‍ ആയിരുന്നു.Medal of Honor ലഭിച്ച മികച്ച സൈനികന്‍.എന്നാല്‍ അയാളുടെ മന:സാക്ഷിക്കു വേണ്ടി ഭാവി ജീവിതത്തില്‍ ലഭിക്കാവുന്ന ആനുകൂല്യങ്ങള്‍ കൊവാല്‍സ്ക്കി മന:പൂര്‍വ്വം നിരസിച്ചു.അപകടത്തില്‍ മരണപ്പെട്ട കാമുകിയും കൂടി ആയപ്പോള്‍ സാധാരണയിലും താഴ്ന്ന നിലയില്‍ ജീവിക്കുന്ന കൊവാല്‍സ്ക്കി ഒരിക്കലെങ്കിലും ജീവിതത്തില്‍ ത്രില്‍  പ്രതീക്ഷിച്ചിരുന്നിരിക്കാം.അതാകും അയാള്‍ ആവശ്യം ഇല്ലാതെ ഇരുന്നിട്ടും തിങ്കളാഴ്ച എത്തിക്കണ്ട കാര്‍ അടുത്ത ഒരു ദിവസം നേരത്തെ ഓടി ,അതും ആയിരം കിലോ മീറ്റര്‍ ദൂരം എത്തിക്കും എന്ന് ഡീലര്‍ ആയ ജേക്കിനോട് പന്തയം വച്ചത്.

    രാത്രി ഉറങ്ങാതെ ഇരിക്കാന്‍ ഉള്ള മരുന്നും കഴിച്ചു കൊവാല്‍സ്ക്കി യാത്ര ആയി.വഴിയില്‍ പോലീസ് തടഞ്ഞെങ്കിലും അയാള്‍ അവരെ വേഗം കൊണ്ട് തോല്‍പ്പിച്ചു.പിന്നീട് വഴിയരികില്‍ കണ്ട ജീപ്പിനെയും ഒരു പാലത്തില്‍ വച്ച് തോല്‍പ്പിക്കുന്നു.വേഗതയും ജയങ്ങളും അയാളെ ഹരം പിടിപ്പിച്ചു തുടങ്ങിയിരുന്നിരിക്കണം.അത് പോലെ തന്നെ ആയിരിക്കാം ആ നാട്ടിലെ ജനങ്ങളും.അന്ധനായ ആര്‍.ജെ യുടെ വാക്കുകളിലൂടെ റേഡിയോ ശ്രവിച്ച അവര്‍ കൊവാല്‍സ്ക്കിയുടെ ആ സാഹസിക യാത്ര ആസ്വദിച്ചു.ഭരണ കേന്ദ്രങ്ങളെ പോലും അലോസരപ്പെടുത്തിയിരുന്നു കൊവാല്‍സ്ക്കിയുടെ ജൈത്ര യാത്ര.കൊവാല്‍സ്ക്കിയുടെ ആ യാത്രയുടെ കഥ അവതരിപ്പിക്കുകയാണ് Vanishing Point എന്ന ഈ റോഡ്‌ മൂവി.

    നഗ്നയായി ബൈക്ക് ഓടിക്കുന്ന യുവതി അക്കാലത്തെ കള്‍ട്ട് കഥാപാത്ര സൃഷ്ടി ആയിരുന്നു.അത് പോലെ തന്നെ ആയിരുന്നു ചിത്രവും.ദുരിതങ്ങളില്‍ നിന്നും ഉള്ള ഒളിച്ചോട്ടം തന്നെ എവിടേക്ക് എത്തിക്കുന്നു എന്ന് കൊവാല്‍സ്ക്കി മനസ്സിലാകുമ്പോള്‍ ചിത്രത്തിന് അന്ത്യം ആകുന്നു.അത് പോലെ ഒന്നര മണിക്കൂര്‍ പ്രേക്ഷകനെ മുള്‍മുനയില്‍ നിര്‍ത്തിയ സാഹസത്തിനും.

More movie suggestions @www.movieholicviews.blogspot.com

378.BADLAPUR(HINDI,2015)

378.BADLAPUR(HINDI,2015),|Action|Drama|,Dir:-Sriram Raghavan,*ing:-Varun Dhavan, Nawazuddin Siddiqui,Yami Goutham.

  ഹിന്ദിയിലെ മികച്ച നടന്മാരില്‍ ഒരാളാണ് താന് എന്ന് നവാസുദീന്‍ അടിവരയിടുമ്പോള്‍ വരുണ്‍ ധവാന്‍ "Student of the Year" പോലത്തെ ചോക്ലേറ്റ് ചിത്രങ്ങളില്‍ നിന്നും വ്യത്യസ്തതയ്ക്കു വേണ്ടി ശ്രമിക്കുകയാണ് ബദലാപ്പൂര്‍ എന്ന ചിത്രത്തില്‍.പ്രതികാരം പ്രമേയം ആയി വന്ന ഈ ചിത്രത്തില്‍ സസ്പന്‍സ് ഘടങ്ങള്‍ ഒന്നും അവതരിപ്പിക്കാതെ രണ്ടു കഥാപാത്രങ്ങള്‍ തമ്മില്‍ ഉള്ള മാനസിക യുദ്ധമായി മാറുന്നു.ഇവിടെ അവസാന ജയം ആര്‍ക്കാണ് എന്നുള്ളതാണ് പ്രധാനം.അതിനു അവരുടെ പഴയക്കാല ജീവിതം വിലങ്ങു തടി ആകുന്നില്ല അവസാന മാര്‍ക്കെടുപ്പില്‍.ശ്രീരാം രാഘവന്‍ സംവിധാനം ചെയ്തിരിക്കുന്ന ഈ ചിത്രം വ്യത്യസ്തം ആയി തോന്നിയത് അവിടെയാണ്.

   ഒരു ബാങ്ക് മോഷണത്തിന്റെ ഇടയില്‍ ആകസ്മികമായാണ് രഘുവിന്‍റെ ഭാര്യയും കുഞ്ഞും അപകട മരണം നേരിടേണ്ടി വരുന്നത്.പ്രതി എന്ന് സംശയിക്കുന്ന ലിയാക്കിനെ പോലീസ് കസ്റ്റടിയില്‍ എടുത്തുവെങ്കിലും താന്‍ വെറും ഡ്രൈവര്‍ മാത്രം ആണെന്നും അപകടത്തിനു ഉത്തരവാദി അയാളുടെ കൂടെ ഉണ്ടായിരുന്ന ആളാണെന്നും മൊഴി നല്‍കുന്നു.താന്‍ അകപ്പെട്ടു എന്ന് എല്ലാവരോടും പറയുന്ന ലിയാക്,പോലീസ് കൂട്ട് പ്രതിയെ കണ്ടെത്തി ബാങ്ക് മോഷണത്തില്‍ നിന്നും ലഭിച്ച പണം വീതിച്ചെടുത്തു എന്നും പറയുന്നു.രഘുവിന്‍റെ പ്രണയ വിവാഹം ആയിരുന്നു.സന്തോഷകരമായ ആ ജീവിതം ഒരു ദിവസം ഇയം പാറ്റയെ പോലെ അവസാനിക്കുന്നു.രഘുവിന്‍റെ മാനസികാവസ്ഥ ഈ സംഭവത്തോടെ ഏറെ മാറി.തന്‍റെ കുടുംബം നശിപ്പിച്ചവര്‍ക്ക് എതിരെ ഉള്ള പ്രതികാരം മനസ്സില്‍ ഒളിപ്പിച്ചുവെച്ച  അയാള്‍ പ്രതികാരം ചെയ്യാനായി കാത്തിരുന്നു.ലിയാക് ജയിലില്‍ നിന്നും പതിനഞ്ചു വര്‍ഷങ്ങള്‍ക്കു ശേഷം പുറത്തു ഇറങ്ങുമ്പോള്‍ രഘുവിന് വ്യക്തമായ ഉദ്ദേശങ്ങള്‍ ഉണ്ടായിരുന്നു.പ്രത്യേകിച്ചും ആ പുറത്തു വരവ് താന്‍ വഴി ആണെന്നത് കൊണ്ട്.

   മികച്ച അഭിനയവും ഹിന്ദി സിനിമയുടെ തട്ട് പൊളിപ്പന്‍ സാഹചര്യത്തില്‍ നിന്നും മാറി വരുന്ന സിനിമകളില്‍ ഒന്നായത് കൊണ്ടും ഈ ചിത്രം മികച്ച നിലവാരം പുലര്‍ത്തി.നേരത്തെ പറഞ്ഞത് പോലെ അഭിനയത്തിലെ തന്‍റെ മികവു ലിയാക്കിലൂടെ നവാസുധീന്‍ അവതരിപ്പിച്ചിരിക്കുന്നു.ഒപ്പം കഥാപ്രമേയം അധികം ഏച്ചുകെട്ടലുകള്‍ ഇല്ലാതെ അവതരിപ്പിക്കുക വഴി ഈ വര്‍ഷത്തെ മറ്റൊരു മികച്ച ഹിന്ദി ചിത്രം ആയി ബദലപൂര്‍ മാറി.

More movie suggestions @www.movieholicviews.blogspot.com

377.BABY(HINDI,2015)

377.BABY(HINDI,2015),|Thriller|Action|,Dir:-Neeraj Pandey,*ing:-Alshay Kumar,Anupam Kher,Rana Daggubatti.

  അതിര്‍ത്തി കാക്കുന്ന സൈന്യത്തിന്‍റെ ഒപ്പം സ്ഥാനം ഉള്ളവര്‍ ആണ് നാട്ടില്‍ നടക്കുന്ന വിധംസ്വക പ്രവര്‍ത്തനങ്ങളെ കണ്ടെത്തി അവയെ തകര്‍ക്കുന്ന സേന വിഭാഗങ്ങളും.രഹസ്യാന്വേഷണ ഏജന്‍സികള്‍ എല്ലാ രാജ്യത്തിലും ഇത്തരം രഹസ്യങ്ങളുടെ കലവറ ആയിരിക്കും.മോസ്സാദ് എന്ന രഹസ്യാന്വേഷണ ഏജന്‍സി നടത്തുന്ന ഓപ്പറേഷനുകള്‍ എന്നും സിനിമ കഥയെ വെല്ലുന്നവ ആയിരുന്നു.ഒരു രാജ്യത്ത് ആരും അറിയാതെ കയറി അവര്‍ക്ക് ആവശ്യം ഉള്ളവരെ തകര്‍ത്ത് ഇറങ്ങുന്ന കഥകള്‍ അപസര്‍പ്പക കഥകള്‍ പോലെ ആണ് പലപ്പോഴും കേട്ടിരുന്നത്.മോസ്സാദിന് സാധിക്കാത്തതായി ഒന്നുമില്ല എന്നുള്ള രീതിയില്‍ വന്നിരുന്ന വാര്‍ത്തകള്‍ പോലും ജൂതന്മാരുടെ ഇസ്രയേലിനെ ലോകത്തിനു മുന്നില്‍ അതി ശക്തര്‍ എന്ന മേല്‍ വിലാസം നേടി കൊടുത്തു.അപ്പോഴൊക്കെ ചിന്തിച്ചിരുന്നു ഇന്ത്യയ്ക്കും ഇത്തരം ഏജന്‍സികള്‍ ഉണ്ടോ എന്ന്.

  RAW(Research & Analysis Wing )പോലെ ഉള്ള ഏജന്‍സികളെ കുറിച്ച് കേട്ടിരുന്നു എങ്കിലും അവയുടെ പ്രവര്‍ത്തനം മോസ്സാദിനോടൊക്കെ കിട പിടിക്കുമോ എന്നൊരു സംശയം ഉണ്ടായിരുന്നു.എന്തായാലും സിനിമയിലൂടെ എങ്കിലും അത്തരം പ്രവര്‍ത്തികള്‍ പ്ലാന്‍ ചെയ്യുന്ന ഒരു ടെസ്റ്റിംഗ് ഏജന്‍സിയുടെ കഥയാണ് ഈ ചിത്രം അവതരിപ്പിക്കുന്നത്‌.മുംബൈ സ്ഫോടനങ്ങള്‍ക്ക് ശേഷം ഉടലെടുത്ത ഈ സംഘത്തെ Baby എന്ന് അറിയപ്പെട്ടു.അതില്‍ പ്രവര്‍ത്തിക്കുന്നവര്‍ തങ്ങളുടെ യഥാര്‍ത്ഥ മേല്‍ വിലാസം മറച്ചു വച്ച് ജീവിക്കുകയും മരണപ്പെട്ടാല്‍ ഒരിക്കലും സര്‍ക്കാരിന്റെ പേരില്‍ വരുകയും ചെയ്യാത്ത രീതിയില്‍ ആയിരുന്നു പ്രവര്‍ത്തനം.രാജ്യത്തെ രക്ഷിക്കുന്നതിനായി ജീവിച്ചും ശ്രമിക്കുക എന്ന ഉദ്യമം ആണ് അവര്‍ക്ക് ഉണ്ടായിരുന്നത്.പന്ത്രണ്ടു പേരുമായി ആരംഭിച്ച ആ ഏജന്‍സിയില്‍ അവസാന നാല് പേര്‍ അവശേഷിക്കുമ്പോള്‍ ആണ് ചിത്രം ആരംഭിക്കുന്നത്.Baby അവരുടെ അവസാന ഓപ്പറേഷന്‍ നടത്താന്‍ ഉള്ള ഒരുക്കത്തില്‍ ആണ്. അജയ് എന്ന അക്ഷയ് കുമാറിന്റെ വേഷം ആക്ഷന്‍ ചിത്രങ്ങളില്‍ അക്കിക്കുള്ള മികവു കാണിക്കുന്നു.നീരജ് പാണ്ടേ Special 26,A Wednesday എന്നീ ചിത്രങ്ങളില്‍ നല്‍കിയ മികവു ഈ ചിത്രത്തിലും തുടരുന്നുണ്ട്.

  രഹസ്യാന്വേഷണ ഏജന്‍സികളുടെ ഓപ്പറെഷനുകള്‍ നല്‍കുന്ന ത്രില്‍ ഈ ചിത്രത്തിനും നല്കാനായിട്ടുണ്ട്.പ്രത്യേകിച്ചും നേപ്പാള്‍,സൗദി തുടങ്ങിയ രാജ്യങ്ങളിലെ സംഭവങ്ങള്‍ ശരിക്കും ത്രില്‍ അടിപ്പിച്ചു. രാജ്യത്തിന് മേലെ ഒന്നും തങ്ങള്‍ക്കില്ല എന്ന് പ്രഖ്യാപിക്കുന്ന ഇത്തരത്തില്‍ ഉള്ള ഉദ്യോഗസ്ഥര്‍ കാരണം ആയിരിക്കും  ദീപാവലിക്ക്  നാട്ടില്‍ പൊട്ടുന്ന പടക്കങ്ങളുടെ എണ്ണം കുറയുന്നത് എന്ന് കരുതുന്നു .Baby:Reborn എന്ന സീക്വല്‍ 2017 ല്‍ ഇറങ്ങുന്നതായി കേട്ടിരുന്നു.എന്തായാലും Baby തുറന്നു തന്നിരിക്കുന്നത് അന്താരാഷ്ട്ര നിലവാരത്തില്‍ ഉള്ള രഹസ്യാന്വേഷണ  ഏജന്‍സികളുടെ പ്രവര്‍ത്തനങ്ങള്‍  ഉള്ള ചിത്രങ്ങള്‍ ബോളിവുഡ് ചിത്രങ്ങളില്‍ കൂടിയും അവതരിപ്പിക്കാം എന്നതാണ്.

More movie suggestions @www.movieholicviews.blogspot.com

376.Al FEEl Al AZRAK(ARABIC,2014)

376.Al FEEl Al AZRAK(ARABIC,2014),|Mystery|Thriller|,Dir:-Marwan Hamed,*ing:-Karim Abdel Aziz, Khaled El Sawy, Nelly Karim .

  ഇജിപ്റ്റില്‍ നിന്നും ഇറങ്ങിയ ഈ അറബിക് ചിത്രത്തിന്‍റെ പ്രത്യേകത ആയി തോന്നിയത് ഈ ചിത്രം അവതരിപ്പിച്ച തീം ആണ്.പ്രത്യേകിച്ചും യാഥാസ്ഥികമായ കാഴ്ചപ്പാടുകള്‍ വച്ച് പുലര്‍ത്തുന്ന പ്രദേശത്ത് നിന്നും വന്ന ഈ ചിത്രം മികച്ച  ആയ സൈക്കോ ത്രില്ലര്‍ കൂടി ആകുമ്പോള്‍ അതിനു ഒരു പുതുമ അനുഭവപ്പെടും."Shutter Island" നെ ഇടയ്ക്കൊക്കെ ഓര്‍മിപ്പിച്ചു എങ്കിലും അത് എന്‍റെ തോന്നല്‍ മാത്രം ആണെന്ന് മനസ്സിലാക്കുമ്പോള്‍ ചിത്രം ഭീകരമായ ഒരു അനുഭവം ആയി മാറി.ഭാര്യയും മകളും തന്‍റെ തെറ്റ് കാരണം അപകടത്തില്‍ അഞ്ചു വര്‍ഷം മുന്‍പ് മരിച്ചത് മുതല്‍ യഹിയാ എന്ന ഡോക്റ്റര്‍ തന്‍റെ പ്രഫഷണല്‍ ജീവിതം ഏറെക്കുറെ അവസാനിപ്പിച്ചു അജ്ഞാത വാസത്തില്‍ ആയിരുന്നു.

  തിരികെ ജോലിക്ക് പ്രവേശിക്കാന്‍ വന്ന യാഹിയയോടു അയാളുടെ തീസിസിനെ കുറിച്ചും ഇനി സര്‍വീസില്‍ തുടരാനും ഉള്ള ബുദ്ധിമുട്ടിനെ കുറിച്ച് മേലധികാരി ആയ സഫ പറയുന്നു.എന്നാല്‍ യഹിയയ്ക്ക് രക്ഷപ്പെടാന്‍ ഉള്ള ഏക അവസരം ജോലിയില്‍ ഉടനടി പ്രവേശിക്കുക എന്നതായിരുന്നു.വാര്‍ഡ്‌ 8 എന്ന കുറ്റവാളികള്‍ എന്ന് കണ്ടെത്തുകയും എന്നാല്‍ മാനസിക രോഗം ആരോപിക്കുകയും ചെയ്യുന്ന രോഗികളെ ചികിത്സിക്കുന്ന സ്ഥലത്താണ് യഹിയ തന്‍റെ തിരിച്ചു വരവിനു വേദി ആക്കുന്നത്.അയാളുടെ തീസിസും സമാനമായ വിഷയം ആയിരുന്നു.യഹിയയ്ക്ക് നേരത്തെ തന്നെ ആളുകളുടെ ശരീര ഭാഷ വച്ച് ഒരു സാഹചര്യം വിശദീകരിക്കാന്‍ ഉള്ള കഴിവും കൂടി ഉണ്ടായിരുന്നത് കൊണ്ട് സ്മൂത്ത്‌ ആയിരിക്കും ആ ജോലി എന്നാണു എല്ലാവരും കരുതിയത്‌.മദ്യത്തിനും മയക്കുമരുന്നിനും സ്ത്രീകള്‍ക്കും അടിമയായ യഹിയയുടെ കാഴ്ചപ്പാടുകള്‍ എന്നാല്‍ തന്‍റെ മുന്‍ കാമുകിയുടെ സഹോദരനും യാഹിയുടെ സീനിയറും ആയ മന ശാസ്ത്ര വിദഗ്ധന്‍ ആയ ഷെരിഫിനെ  വാര്‍ഡ്‌ 8 ല്‍ എത്തിക്കുന്നതോടെ മാറുന്നു.

   വിചിത്രമായ ചേഷ്ടകള്‍ കാണിക്കുന്ന ഷരീഫ് ക്രൂരമായ രീതിയില്‍ അയാളുടെ ഭാര്യയെ കൊന്നതിനു ശേഷം ആണ് മാനസിക രോഗം ഉണ്ടോ എന്നറിയാന്‍ അവിടെ എത്തിക്കുന്നത്.ഷരീഫിന്റെ കേസ് യഹിയ ഏറ്റെടുക്കുന്നു.എന്നാല്‍ ഷരീഫും ആയുള്ള കൂടി കാഴ്ചകള്‍ യഹിയയെ ആകെ കുഴപ്പത്തില്‍ ആക്കുന്നു.എന്ത് ചോദിച്ചാലും അപരിചിതമായ ഒരു കൂട്ടം അക്കങ്ങള്‍ മാത്രം ആയിരുന്നു ഷരീഫിന്റെ മറുപടി. താന്‍ താനല്ലാതായി മാറുന്നത് പോലെ യഹിയയ്ക്ക് പലപ്പോഴും തോന്നുന്നു.ആ സമയം ആണ് മായ എന്ന യാഹിയുടെ കാമുകി ആ അത്ഭുത മരുന്നും ആയി എത്തുന്നത്‌.Blue Elephant എന്ന പേരില്‍ ഉള്ള മയക്കു  മരുന്ന് യാഹിയക്ക്‌ തുറന്നു കൊടുത്തത് മായാ ലോകം ആണ്.മൂന്നു തുമ്പിക്കൈ ഉള്ള  ആനയും ഭൂത ഭാവി കാര്യങ്ങള്‍ കലര്‍ന്ന് ചേരുന്ന മായാ ലോകം.യഹിയയുടെ അത്ഭുത ലോകവും ശരീഫും എല്ലാം ചേരുമ്പോള്‍  ചിത്രം മികച്ച സൈക്കോളജിക്കല്‍ ത്രില്ലര്‍ ആയി മാറുന്നു.

More movie suggestions @www.movieholicviews.blogspot.com

375.DETECTIVE BYOMKESH BAKSH!(HINDI,2015)

375.DETECTIVE BYOMKESH BAKSH!(HINDI,2015),|Mystery|Thriller|,Dir:-Dibakar Banerjee,*ing:-Sushant Singh Rajput, Anand Tiwari, Divya Menon .

  ആര്‍തര്‍ കൊനാന്‍ ഡോയലിന്റെ സൃഷ്ടി ആയ ഷെര്‍ലോക്ക് ഹോംസ് കഥകളായും സിനിമ,സീരിയലുകളിലൂടെ എല്ലാം പ്രേക്ഷക പ്രീതി നേടിയ കഥാപാത്രം ആണ്.അത്തരത്തില്‍ ബംഗാളി കുറ്റാന്വേഷണ കഥകളുടെ ഇടയില്‍ ജനിച്ച കുറ്റാന്വേഷകന്‍ ആണ് ശരദിന്ദു ബന്ദോപാധ്യായ സൃഷ്ടിച്ച ബ്യോംകേഷ് ബക്ഷി.ഡി ഡി  നാഷണല്‍ ചാനലില്‍ 1993 കാലഘട്ടത്തില്‍ സീരിയല്‍ ആയി വന്നപ്പോള്‍ രജിത് കപൂര്‍ ആയിരുന്നു ബ്യോംകേഷ് ആയി വേഷമിട്ടത്.അന്ന് ആ സീരിയല്‍ ജനപ്രീതി പിടിച്ചു പറ്റിയിരുന്നു.എന്നാല്‍ പിന്നീട് ബംഗാളില്‍ മാത്രം ഒതുങ്ങി പോയ ഈ കഥാപാത്രം ബോളിവുഡ് എന്ന സിനിമ ഭീകരന്‍റെ ലേബലില്‍ ദിബാകര്‍ ബാനര്‍ജീ അവതരിപ്പിച്ചിരിക്കുകയാണ്.

   സുശാന്ത് സിംഗ് രാജ്പുട്ട് ആണ് ടൈറ്റില്‍ കഥാപാത്രത്തെ അവതരിപ്പിച്ചിരിക്കുന്നത്.രണ്ടാം ലോക മഹായുദ്ധത്തിന്റെ സമയത്തുള്ള ബംഗാള്‍ ആണ് സിനിമയുടെ പശ്ചാത്തലം.ജപ്പാനില്‍ നിന്നുള്ള ഒപ്പിയം കച്ചവടം നടത്തുന്ന ഗ്യാങ്ങുകള്‍ സജീവം ആയതോടെ ലോക മഹായുദ്ധത്തില്‍ അവരും ജപ്പാന്റെ ഒപ്പം ഉള്ള നിര്‍ണായക ശക്തി ആകുന്നു.ഈ രാഷ്ട്രീയ പശ്ചാത്തലം നില നില്‍ക്കുന്ന ബംഗാളിലെ ഒരു യുവാവാണ് ബ്യോംകേഷ് ബക്ഷി,മികച്ച നിരീക്ഷണ പാടവം ഉള്ള ബ്യോംകേഷ് സ്വകാര്യ ഡിറ്റക്ട്ടീവ് എന്ന നിലയില്‍ ആളുകളുടെ ഇടയില്‍ പ്രശസ്തന്‍ ആണ്.എന്നാല്‍ പഠനത്തിനു ശേഷം സ്ഥിര വരുമാനം ഉള്ള ജോലി നേടി എടുക്കുന്നതില്‍ പരാജയപ്പെട്ട ബ്യോംകേഷിനു അയാള്‍ ഇഷ്ടപ്പെട്ട പെണ്‍ക്കുട്ടിയെ പോലും നഷ്ടം ആകുന്നു.ആ സമയത്താണ് തന്‍റെ പിതാവിനെ കാണാതായി എന്ന കേസുമായി അജിത്‌ ബ്യോംകേഷിനെ സമീപിക്കുന്നത്.ആദ്യം ആ തിരോധാനത്തെ കുറിച്ച് സ്വന്തമായ തിയറികള്‍ മെനഞ്ഞ ബ്യോംകേഷ് എന്നാല്‍ പിന്നീട് കേസിനെ  ഗൗരവം ആയി കാണുന്നു.

   ബ്യോംകേഷിന്റെ അന്വേഷണം എന്നാല്‍ തുടക്കം മുതല്‍ കുഴപ്പിക്കുന്നതായിരുന്നു.വേട്ടക്കാര്‍ എന്ന് കരുതിയവര്‍ ഇരകളായി മാറുകയും ഇരകള്‍ വേട്ടയാടപ്പെടുകയും ചെയ്യുന്ന അവസ്ഥ.ബ്യോംകെഷിന്റെ ആ കേസ് അന്വേഷണത്തിന്റെ കഥയാണ് ബാക്കി ചിത്രം അവതരിപ്പിച്ചിരിക്കുന്നത്.കുറ്റാന്വേഷണ ചിത്രങ്ങളില്‍ ഹിന്ദിയില്‍ പുതിയ ബെഞ്ച്‌ മാര്‍ക്ക് ആകാന്‍ ഈ ചിത്രത്തിന് കഴിഞ്ഞിട്ടുണ്ട്.പ്രത്യേകിച്ചും  ക്ലൈമാക്സ്.അത്യുഗ്രന്‍ ആയിരുന്നു.ചിത്രത്തിന്‍റെ പശ്ചാത്തലത്തില്‍  വരുന്ന ഹാര്‍ഡ് മെറ്റല്‍ പാട്ടുകളും ബംഗാളിന്റെ മഴ നഞ്ഞ ഇരുണ്ട പശ്ചാത്തലവും ചിത്രത്തെ കൂടുതല്‍ ആകര്‍ഷണീയം ആക്കുന്നു.ഈ ചിത്രം വിജയിക്കുമെങ്കില്‍ ബ്യോംകേഷ് ബക്ഷി ഒരു ഫ്രാഞ്ചൈസീ ആയി കൂടുതല്‍ ഭാഗങ്ങള്‍ വരും എന്ന് സിനിമയുടെ റിലീസ് സമയത്ത് സംവിധായകന്‍ പറഞ്ഞത് കേട്ട് അടുത്ത ഭാഗത്തിനായി കാത്തിരിക്കുന്നു.

More movie suggestions @www.movieholicviews.blogspot.com