Sunday, 30 November 2014

244.MYLANCHI MONJULLA VEEDU(MALAYALAM,2014)

244.MYLANCHI MONJULLA VEEDU(MALAYALAM,2014),Dir:-Benny Thomas,*ing:-Jayaram,Asif Ali.

"ചിലപ്പോള്‍ ഒക്കെ ചളി നല്ലതാണ്.പക്ഷേ അതിന്റെ അളവ് കൂടി പോകരുത്".

ഒരു കാര്യത്തില്‍ ഉദയ്-സിബി കൂട്ടുകെട്ടിനെ സമ്മതിക്കണം എങ്ങനെ ആണോ അവര്‍ ഇത്രയും ചളികള്‍ കണ്ടു പിടിക്കുന്നത്‌?ഒരു വലിയ കഴിവാണ് അത് .ആദ്യ പ്രാവശ്യം കേള്‍ക്കുമ്പോള്‍ ചിരി വരുമെങ്കിലും വീണ്ടും കേള്‍ക്കുമ്പോള്‍ ഒരു സുഖക്കുറവുണ്ട് ആ തമാശകള്‍ക്ക്.എന്നാല്‍ സ്റ്റോക്ക് കുറേ അധികം കയ്യില്‍ എങ്ങനെ വരുന്നോ ആവോ?എന്തായാലും "മൈലാഞ്ചി മൊഞ്ചുള്ള വീട്" എന്ന ചിത്രത്തില്‍ അവര്‍ ചളികള്‍ പരമാവധി കുറച്ചിട്ടുണ്ട്.ഒരു പക്ഷേ വലിയ മടുപ്പില്ലാതെ കാണാവുന്ന ഒരു സിനിമയായി ഇതിനെ മാറ്റിയിട്ടുണ്ട്.കഥയില്‍ പുതുമ ഒന്നും പറയാന്‍ ഇല്ല.ജയറാമിന്റെ തന്നെ "മംഗളം വീട്ടില്‍ മാനസേശ്വരി ഗുപ്ത" + കുറച്ചു ആദ്യത്തെ കണ്മണി+ ദിലീപ് അങ്ങേരുടെ കയ്യില്‍ നിന്നും തട്ടിക്കൊണ്ടു പോയ ടോം & ജെറി കളികള്‍ ഒക്കെ ചേര്‍ന്ന മുസ്ലീം പശ്ചാത്തലത്തില്‍ ഉള്ള ഒരു ചിത്രം ആണെന്ന് പറയാം.

  ഒരു മൈലാഞ്ചി കല്യാണത്തിന്റെ തലേന്ന് സമ്പന്നമായ ഒരു മുസ്ലീം കുടുംബത്തില്‍ നടക്കുന്ന സംഭവങ്ങളോടെ ആണ് ഈ ചിത്രത്തിന്‍റെ കഥ ആരംഭിക്കുന്നത്.ഒരു തെറ്റിധാരണ മൂലം ഒരു യുവാവ്‌ മരിക്കുന്നു.അയാളുടെ കുടുംബവും പ്രബലം ആയിരുന്നു.ആ മരണം രണ്ടു വിഭാഗങ്ങള്‍ തമ്മില്‍ ഉള്ള ബന്ധത്തില്‍ വിള്ളലുകള്‍ വീഴ്ത്തുന്നു.പിന്നീട് ഏഴു വര്‍ഷം കഴിഞ്ഞ് മാധവന്ക്കുട്ടി എന്ന ആയുര്‍വേദ ഡോക്റ്റര്‍ തന്‍റെ കുടുംബത്തിന്‍റെ സന്തോഷം നിലനിര്‍ത്താന്‍ വേണ്ടി ഒരു യാത്ര നടത്തുന്നു.അവിടെ അയാള്‍ക്ക്‌ നിലനില്‍പ്പിനായി ധാരാളം കള്ളങ്ങള്‍ പറയേണ്ടതായി ഉണ്ട്.സ്വന്തം വ്യക്തിത്വം പോലും ഉപേക്ഷിച്ചു വേണം അവിടെ നില്‍ക്കാന്‍.പിന്നെ നടക്കുന്ന ടോം & ജറി കളികള്‍ ആണ് ബാക്കി ചിത്രം,

 സിനിമ മൊത്തത്തില്‍ ഒരു കളര്‍ഫുള്‍ entertainer ആയിരുന്നു എന്ന് പറയാം.പ്രധാനമായും ഇത്തവണ തമാശകള്‍ അധികം മടുപ്പിച്ചില്ല.ചുമ്മാതെ ആണെങ്കിലും ഇന്റെര്‍വല്‍ പഞ്ച് തമാശയും ഒക്കെ ആസ്വദിച്ചു.തിയറ്റര്‍ വിട്ടു പുറത്തു വന്നപ്പോള്‍ ഏതൊക്കെ ഓര്‍മ ഉണ്ടെന്നു ചോദിച്ചാല്‍ മാത്രം ആണ് പ്രശ്നം.എന്തായാലും കുടുംബ പ്രേക്ഷകരെ ഈ ചിത്രം നിരാശപ്പെടുത്തില്ല.ഒരു വെള്ളിമൂങ്ങ ഒന്നും പ്രതീക്ഷിക്കാതെ പോയാല്‍ ചിത്രം ആസ്വദിക്കാം.പിന്നെ ഒന്നുണ്ട് ജയറാം കുറച്ചു വര്‍ഷങ്ങള്‍ക്കു ശേഷം സ്ക്രീനില്‍ മൊത്തമായി തന്റെ സാന്നിധ്യം അറിയിച്ചു.ആസിഫ് അലി പതിവ് പോലെ മള്‍ട്ടി സ്റ്റാര്‍ പടങ്ങളില്‍ ഉള്ളത് പോലെ നല്ല പ്രകടനം കാഴ്ച വച്ചു.ജയറാമിന് ചെറിയ ഒരു ആശ്വാസം ആയിരിക്കും ഈ ചിത്രം.പക്ഷേ കുടുംബ പ്രേക്ഷകര്‍ ഏറ്റെടുക്കണം എന്ന് മാത്രം.ബാബു രാജ്,നിങ്ങള്‍ക്ക് ജഗതി ആകാന്‍ സാധിക്കില്ല ഒരിക്കലും.പകരം ബാബു രാജ് ആകാന്‍ ശ്രമിക്കുക.അധികം മുഷിപ്പിക്കാതെ കുറച്ചൊക്കെ ചിരിപ്പിച്ച ഈ ചിത്രത്തിന് എന്റെ മാര്‍ക്ക് 2.75/5

More reviews @ www.movieholicviews.blogspot.com

Saturday, 29 November 2014

243.THE ROCKY HORROR SHOW(1975,ENGLISH)

243.THE ROCKY HORROR SHOW(1975,ENGLISH),|Comedy|Musical|,Dir:-Jim Sharman,*ing:Tim Curry, Susan Sarandon, Barry Bostwick

"The Longest Running Film in the Movie History"
 സിനിമ ചരിത്രത്തില്‍ ഏറ്റവും കൂടുതല്‍ ദിവസം പ്രദര്‍ശിപ്പിച്ചു കൊണ്ടിരിക്കുന്ന ചിത്രം ഏതാണ് എന്ന ചോദ്യത്തിന് ഉത്തരം ആണ് ഈ ചിത്രം.1975 ല്‍ ഇറങ്ങിയ ഈ ചിത്രം നീണ്ട നാല്‍പ്പതു വര്‍ഷം ആകുമ്പോഴും  അമേരിക്കന്‍ സിനിമ വ്യവസായത്തിലെ ഒരു അത്ഭുതം ആയി നിലക്കൊള്ളുന്നു."ദില്‍വാലെ ദുല്‍ഹാനിയ ലെ ജായേംഗേ ഇരുപതാം വര്‍ഷത്തിലേക്ക് കടക്കുമ്പോള്‍ വിസ്മയത്തോടെ നോക്കി കാണുന്ന പ്രേക്ഷകര്‍ക്കും ഈ ചിത്രം ഒരു അത്ഭുതം ആണ്.Twentieth Century Fox നിര്‍മ്മിച്ച ഈ ചിത്രം ആദ്യ റിലീസ് സമയത്ത് ഒരു തരംഗം ആയിരുന്നില്ല.എന്നാല്‍ പിന്നീട് ഈ ചിത്രം ഒരു കള്‍ട്ട് ആയി മാറുകയും ജനങ്ങള്‍ ഈ ചിത്രത്തെ ഏറ്റെടുക്കുകയും ആയിരുന്നു.ഈ ചിത്രത്തിലെ വിചിത്ര വേഷങ്ങള്‍ അണിഞ്ഞു ചിത്രം കാണാന്‍ പോകുന്ന പ്രേക്ഷകരും ഈ ചിത്രം അവരെ എത്ര മാത്രം സ്വാധീനിച്ചു എന്ന് മനസ്സിലാക്കി തരുന്നു.1930-70 കളില്‍ ഇറങ്ങിയ ബി-ഗ്രേഡ് ഹൊറര്‍/സയന്‍സ് ഫിക്ഷകന്‍ സിനിമകള്‍ക്ക്‌ വേണ്ടി സമര്‍പ്പിച്ച ഒരു സ്പൂഫ്  ചിത്രം ആണ് ഇത്.വലിയൊരു കൂട്ടം പ്രേക്ഷകര്‍ ഇപ്പോഴും ഈ ചിത്രത്തെ നെഞ്ചില്‍ ചേര്‍ത്ത് നടക്കുന്നു.

  ഒരു ക്രിമിനോലജിസ്റ്റ് അവതരിപ്പിക്കുന്ന ബ്രാഡ് ,ജാനറ്റ് എന്നീ  പുതുതായി വിവാഹ നിശ്ചയം കഴിഞ്ഞവരുടെ കഥയില്‍ നിന്നും ആണ് ഈ ചിത്രം ആരംഭിക്കുന്നത്.ഒരു മഴയുള്ള രാത്രിയില്‍ വിജനമായ ഒരു സ്ഥലത്ത് കൂടി കാറില്‍ യാത്ര ചെയ്തിരുന്ന അവരുടെ കാറിന്‍റെ ടയര്‍ പൊട്ടുന്നു.സ്പെയര്‍ ആയി കൊണ്ട് വന്ന ടയറും പ്രശ്നം ആണ്.അവര്‍ സഹായത്തിനായി ഫോണ്‍ വിളിക്കാന്‍ വേണ്ടി ഒരു വീട്ടിലേക്കു ചെല്ലുന്നു.ബൈക്കുകളില്‍ പോകുന്ന അവര്‍ ആ യാത്രയില്‍ കണ്ട ആളുകള്‍ എല്ലാം അവിടെ ഉണ്ടായിരുന്നു.വാതില്‍ മുട്ടിയപ്പോള്‍ വിചിത്രമായ വേഷം ധരിച്ച ഒരാള്‍ അവിടെ വന്നു അവരെ വീട്ടിലേക്കു കൊണ്ട് പോകുന്നു.അവിടെ ഇത്തരം വിചിത്ര വേഷങ്ങള്‍ ധരിച്ചവര്‍ നടത്തുന്ന ഒരു പാര്‍ട്ടി നടക്കുകയായിരുന്നു.ഫോണ്‍ വിളിക്കുന്ന കാര്യം പറഞ്ഞപ്പോള്‍ അവര്‍ അവരുടെ നേതാവിനെ കാണാന്‍ പറയുന്നു.അയാള്‍ അവിടെ എത്തുന്നു.വിചിത്രമായ വേഷം ധരിച്ച മറ്റൊരാള്‍.Dr.Frank-N-Furter എന്നാണ് അയാളുടെ പേര്.അയാളുടെ ഭാവനകള്‍ അതി ഭീകരം ആണ്.വട്ടന്‍ ആശയങ്ങളില്‍ നിന്നും അത്ഭുതം സൃഷ്ടിക്കുന്ന ആളായിരുന്നു.അവിടെ ഉള്ളവരെല്ലാം അയാളുടെ പ്രജകളും.ആ രാത്രിയില്‍ നടക്കുന്ന സംഭവങ്ങള്‍ ബ്രാഡ്,ജാനറ്റ് എന്നിവര്‍ക്ക് പുതിയ അനുഭവം ആയിരുന്നു.ആ അനുഭവങ്ങള്‍ ആണ് ബാക്കി ചിത്രം.

  സിനിമയിലെ ഡയലോഗുകള്‍ പലപ്പോഴും സംഗീത രൂപത്തില്‍ ആണ് അവതരിപ്പിച്ചിരിക്കുന്നത്.Transylvania എന്ന ഗ്രഹത്തില്‍ നിന്നും വന്ന അന്യഗ്രഹ ജീവികള്‍ ആണ് ഫ്രാങ്കും കൂട്ടരും.വിചിത്രമായ ഒരു സിനിമയും concept ഉം കൂടി ഈ ചിത്രത്തെ മറ്റൊരു തലത്തില്‍ എത്തിച്ചു എന്ന് വേണം പറയാന്‍.പല പഴയക്കാല ചിത്രങ്ങളുടെ സംഗീത രൂപത്തില്‍ ഉള്ള ഒരു സ്പൂഫ് ആണ് ഈ പാതിരാപ്പടം എന്ന് വേണമെങ്കില്‍ പറയാം.പാതിരാപ്പടങ്ങളുടെ ചരിത്രത്തില്‍ ഏറ്റവും വലിയ വിജയം ആണ് ഈ ചിത്രം.സാധാരണ ഒരു ചിത്രം കാണുന്നത് പോലെ കണ്ടാല്‍ ഒന്നും മനസ്സിലാവുകയോ ആസ്വദിക്കാനോ കഴിയും എന്ന് തോന്നുന്നില്ല.ചിത്രം കാണുമ്പോള്‍ ഉള്ളില്‍ വേണ്ടത് കൗതുകം മാത്രം ആകണം.എങ്കില്‍ മാത്രമേ ഈ ചിത്രം പ്രേക്ഷകര്‍ സ്വീകരിച്ച രീതിയില്‍ കാണാന്‍ സാധിക്കൂ.

More reviews @ www.movieholicviews.blogspot.com

Download Link:-https://kickass.so/the-rocky-horror-picture-show-1975-720p-brrip-x264-zeberzee-t5691889.html

242.12 ANGRY MEN(ENGLISH,1957)

242.12.ANGRY MEN(ENGLISH,1957),|Drama|,Dir:Sydney Lumet,*ing:-Henry Fonda, Lee J. Cobb, Martin Balsam

ലോകത്തെ മികച്ച സിനിമകളുടെ കണക്കെടുപ്പില്‍ എന്നും ഇടം പിടിക്കുന്ന ഒരു ചിത്രം ആണ് 12 Angry Men.ഏത് ഒരു സിനിമ സ്നേഹിയേയും ഈ ചിത്രം ഭ്രമിപ്പിക്കും.ഒരു പക്ഷേ ഒരു കോര്‍ട്ട്-റൂം ഡ്രാമ ഇത്രയും താല്‍പ്പര്യത്തോടെ വീക്ഷിക്കാന്‍ പ്രേക്ഷകനെ പ്രേരിപ്പിക്കുന്നത് ആണ് ഈ സിനിമയുടെ മാജിക് എന്ന് പറയാവുന്ന സംഭവം.ഒരു  ഗിമിക്കും തിരശീലയില്‍ അവതരിപ്പിക്കാത്ത ഈ ചിത്രം പ്രേക്ഷകനെ ഒരു നിമിഷം പോലും വിരസമായ നിമിഷങ്ങള്‍  നല്‍കുന്നില്ല.റെജിനാല്‍ദ് റോസിന്റെ ടെലിപ്ലേയെ ആസ്പദം ആക്കി നിര്‍മിച്ച ഈ ചിത്രം സിനിമ ചരിത്രത്തില്‍ അവശേഷിപ്പിച്ചത് മികവിന്‍റെ അടയാളം ആണ്.വെറും മൂന്നു മിനിറ്റ് ഒഴികെ ഈ ചിത്രം ചിത്രീകരിച്ചിരിക്കുന്നത് ഒറ്റ മുറിയില്‍ ആണ്.കഥാപാത്രങ്ങളുടെ പേരുകള്‍ക്ക് പ്രാധാന്യം ഇല്ലാതെ ആവുകയും ചെയ്യുന്നു ഈ ചിത്രത്തില്‍.വെറും മൂന്നു കഥാപാത്രങ്ങളുടെ പേര് മാത്രം ആണ് ചിത്രം മുഴുവന്‍ കാണുമ്പോള്‍ മനസ്സിലാക്കുവാന്‍ കഴിയുക.

   ഇനി ചിത്രത്തിന്‍റെ കഥയിലേക്ക്.അമേരിക്കന്‍ നീതിന്യായ വ്യവസ്ഥ അനുസരിച്ച് പ്രഥമദൃഷ്ട്യ കൊലപാതകം എന്ന് തെളിഞ്ഞ ഒരു കേസില്‍ പ്രതിക്ക് മരണശിക്ഷ മാത്രം ലഭിക്കുന്ന അവസ്ഥ.അപ്പോള്‍ ജഡ്ജ് ആ കേസിന്‍റെ ജൂറിയില്‍ ഉണ്ടായിരുന്ന പന്ത്രണ്ടു പേരോടും പതിനെട്ടു വയസ്സുള്ള ആ പ്രതിക്ക് മരണശിക്ഷ കൊടുക്കുന്നതിനെ കുറിച്ചുള്ള അഭിപ്രായം ആരായുന്നു.അവര്‍ക്ക് തീരുമാനം എടുക്കാം അതിനെക്കുറിച്ച്‌.എന്നാല്‍ അതില്‍ ഒരു നിബന്ധനയും ഉണ്ട്.അഭിപ്രായ സമന്വയനം വേണം ആ തീരുമാനത്തില്‍ .ഒപ്പം എല്ലാവരും ഒറ്റക്കെട്ടായി വേണം തീരുമാനം എടുക്കാന്‍.ഒരാള്‍ എങ്കിലും എതിര്‍ത്താല്‍ ആ തീരുമാനം പുന:പരിശോധിക്കുകയും ആകാം.ജൂറി അംഗങ്ങളുടെ മുറിയില്‍ കയറുമ്പോള്‍ പന്ത്രണ്ടു പേരും ഒരു പക്ഷേ ആ യുവാവ് കുറ്റവാളി ആയിരിക്കും എന്ന് തന്നെയാകും കണക്കുകൂട്ടിയിട്ടുണ്ടാവുക.അത് കൊണ്ട് തന്നെ അവര്‍ തീരുമാനം എടുക്കുന്നത് വെറും ഒരു നിമിഷത്തെ കാര്യം ആകും എന്ന് കരുതുന്നു.എന്നാല്‍ സംഭവിച്ചത് മറ്റൊന്ന് ആയിരുന്നു.വോട്ടിംഗ് തുടങ്ങിയപ്പോള്‍ തന്നെ എതിര്‍പ്പിന്‍റെ സ്വരം മുഴങ്ങി കേട്ടു.ഒരു പക്ഷേ എളുപ്പം എന്ന് തോന്നിപ്പിച്ച ഒരു കേസ് അപ്രതീക്ഷിതമായ വഴിത്തിരിവുകളിലൂടെ ആയി പിന്നെ യാത്ര.പന്ത്രണ്ടു പേരുടെ കയ്യില്‍ ഇരിക്കുന്ന തീരുമാനം ഒരു ചെറുപ്പക്കാരന്റെ ജീവിത ദൈര്‍ഘ്യം തീരുമാനിക്കും എന്ന ചിന്തയില്‍ നിന്നും ആണ് ആ വിമത സ്വരം ഉയര്‍ന്നത്.സംശയത്തിന്‍റെ എന്തെങ്കിലും ആനുകൂല്യം ആ യുവാവിനു ലഭിക്കുമോ എന്നതായിരുന്നു അയാളുടെ സംശയം.തന്‍റെ ഭാഗം അയാള്‍ വിശദീകരിക്കാന്‍ തുടങ്ങുന്നു.പിന്നെ നടന്നത് സന്ദര്‍ഭങ്ങളെയും സാഹചര്യങ്ങളെയും അളന്നു മുറിച്ചു കൊണ്ടുള്ള അഭിപ്രായ പ്രകടനങ്ങള്‍ ആയിരുന്നു.ഈ ചിത്രം ഇതിനു ശേഷം നടക്കുന്ന സംഭവങ്ങളിലൂടെ വികസിക്കുന്നു.

 തീര്‍ച്ചയായും ഒരിക്കലും ഒരു സിനിമ പ്രേമിയും ഈ ചിത്രം കാണാതെ ഇരിക്കരുത്.ആയിരം കുറ്റവാളികള്‍ രക്ഷപ്പെട്ടാലും ഒരു നിരപരാധി പോലും ശിക്ഷിക്കപ്പെടരുത്‌ എന്നുള്ള തത്വം ആണ് ഇ ചിത്രത്തിന്‍റെ കാതല്‍.അതിനായി പല സ്ഥലത്ത് നിന്ന് എത്തിയ പന്ത്രണ്ടു പേര്‍ അവരെ സ്വയം വിശ്വസിപ്പിക്കാന്‍ ആയി പോരാടുന്നു.AFI(അമേരിക്കന്‍ ഫിലിം ഇന്‍സ്റ്റിട്യൂട്ട്) തങ്ങളുടെ ലിസ്റ്റുകളില്‍ എക്കാലത്തെയും മികച്ച പത്തു അമേരിക്കന്‍ ക്ലാസിക്കല്‍  വിഭാഗത്തില്‍ ഉള്ള സിനിമ ആയും ,മനസ്സിനെ സ്വാധീനിച്ച മികച്ച സിനിമകളുടെയും കൂടെയും ഉള്‍പ്പെടുത്തിയിട്ടുണ്ട്.അത് കൂടാതെ 100 വര്‍ഷത്തെ മികച്ച സിനിമകളുടെ പട്ടികയിലും ഈ ചിത്രം ഇടം പിടിച്ചു.IMDB ,Rotten Tomatoes തുടങ്ങിയ സൈറ്റുകളും ഈ ചിത്രത്തിനെ തങ്ങളുടെ മികച്ച ചിത്രങ്ങളുടെ പട്ടികയില്‍ ഉള്‍പ്പെടുത്തിയിട്ടുണ്ട്.ഒരു അവസാനിക്കാത്ത ഒരു വിസ്മയം ആണ് ഈ ചിത്രം.പ്രത്യേകിച്ച് ജീവനും മരണവും തീരുമാനിക്കാന്‍ ഉള്ള മനുഷ്യന്‍റെ അവകാശങ്ങളിലേക്ക് ഒരു തിരിഞ്ഞു  നോട്ടം ആണ് ഈ ചിത്രം.

Download Link:-https://yts.re/movie/12_Angry_Men_1957

More reviews @ www.movieholicviews.blogspot.com

241.ANGELS(MALAYALAM,2014)

241.ANGELS(MALAYALAM,2014),Dir:-Jean Markose,*ing:-Indrajith,Joy Mathews,Asha Sharath.

 സിനിമയിലേക്ക് കടക്കും മുന്‍പ് ഒരു കാര്യം .ഒരു സിനിമ ഉണ്ടാകുന്നത് വളരെ ബുദ്ധിമുട്ട് ഉള്ള കാര്യം ആണ്.വളരെയധികം ഭാവനയും അത് പോലെ തന്നെ ഭാഗ്യവും അതില്‍ ഒരു ഘടകം ആണെന്ന് വിശ്വസിക്കുന്നു.അത് പോലെ അതിന്റെ വിജയ പരാജയങ്ങളെ കാത്തിരിക്കുന്ന പിന്നണി പ്രവര്‍ത്തകരുടെ,നിര്‍മാതാവ് എന്നിവരുടെ എല്ലാം ബുദ്ധിമുട്ടുകള്‍ എന്നിവ. കൊറിയന്‍ സിനിമാക്കാരും ഇത് പോലെ തന്നെ കഷ്ടപ്പെട്ടിട്ട് ആണ് സിനിമ എടുക്കുന്നത് എന്ന് തോന്നുന്നു.എന്തായാലും നമ്മുടെ ത്രില്ലര്‍ സിനിമ  സംവിധായകര്‍ ഒക്കെ കൊറിയന്‍/ജാപ്പനീസ്  ചിത്രങ്ങള്‍ താല്‍പ്പര്യത്തോടെ കാണുന്നു എന്നുള്ളത് ആ  ചിത്രങ്ങള്‍ ഒരു ത്രില്ലര്‍ എന്ന നിലയില്‍ എന്ത് മാത്രം മേന്മ ഉണ്ടെന്നു മനസ്സിലാക്കി തരും.പക്ഷേ അങ്ങനെ ചിത്രം എടുത്താലും അതിവിദഗ്ധമായി മോഷ്ടിക്കാന്‍ അറിയണം.എങ്കില്‍ വന്‍ "ദൃശ്യാനുഭവം" ആയി  സ്ക്രീനില്‍ വരും.അല്ലെങ്കില്‍ അത് "Angels" ആയി മാറും.

 ചിത്രം ആരംഭിക്കുന്നത്  നായകനായ S P ഹമീം ഹൈദര്‍ സ്ക്രീനില്‍ മുഖം കാണിക്കാത്ത ഒരാളുമായി നടത്തുന്ന സംഘട്ടനത്തോടെ ആണ്.ഹമീം ഹൈദര്‍ ആശുപത്രിയില്‍ ആകുന്നു.തിരിച്ചു സര്‍വീസില്‍ കയറിയ ഹമീം ഹൈദര്‍ താന്‍ അന്വേഷിച്ചു കൊണ്ടിരുന്ന കേസില്‍ നിന്നും മാറ്റപ്പെടുന്നു.ഇതേ സമയം തേര്‍ഡ് ഐ എന്ന പരിപാടി ടി വിയില്‍ അവതരിപ്പിക്കപ്പെടുന്നു.തെളിയാതെ പോകുന്ന കേസുകള്‍ പുന:വിചാരണയിലൂടെ വീണ്ടും തുറക്കാന്‍ ആണ് ആ പരിപാടി ശ്രമിക്കുന്നത്.ഹരിത മേനോന്‍ നടത്തുന്ന ആ പരിപാടി ജനശ്രദ്ധ ആകര്‍ഷിക്കുന്നു.ഫാ.വര്‍ഗീസ്‌ പുണ്യാളന്‍ അഥവാ ഭ്രാന്തന്‍ കത്തനാര്‍ എന്ന് വിശ്വാസികള്‍ വിളിക്കുന്ന സഭയ്ക്ക് അനഭിമതന്‍ ആയ വൈദികന്‍ ഹരിതയെ കാണണം എന്ന് അവരെ വിളിച്ചു പറയുന്നു.അയാളുടെ ഫോണ്‍ വിളി ആദ്യം അവര്‍ കാര്യമാക്കിയില്ലെങ്കിലും പിന്നീട് നടന്ന സംഭവങ്ങള്‍ ഒരു കൊടുങ്കാറ്റു പോലെ ചിലരുടെ ജീവിതത്തില്‍ വീശുന്നു.ഈ ഒരു ഘട്ടത്തില്‍ നേരത്തെ സൂചിപ്പിച്ച മൂന്നു കഥാപാത്രങ്ങളും ഒരു നേര്‍ രേഖയില്‍  എന്നവണ്ണം പരസ്പ്പരം ബന്ധിക്കപ്പെടുന്നു.ഒരു പക്ഷേ അപകടകരമായ രീതിയില്‍.

  ചിത്രത്തിന്‍റെ തുടക്കത്തില്‍ ഒരു നല്ല ത്രില്ലര്‍ ആകും എന്ന സൂചനകള്‍ പ്രേക്ഷകന് ലഭിച്ചു തുടങ്ങുന്നുണ്ട്.മാത്രമല്ല സസ്പന്‍സ് ഇല്ലാത്ത സിനിമകള്‍ സിനിമകളേ അല്ല എന്ന് കരുതുന്ന ഒരു കൂട്ടം പ്രേക്ഷകര്‍ ആണ് ഇപ്പോള്‍ ഉള്ളതെന്ന് തോന്നുന്നു.എന്തായാലും കഥയുടെ ഒരു ഘട്ടത്തില്‍ ഈ ചിത്രം നേരത്തെ ഞാന്‍ കണ്ടതാണല്ലോ എന്നൊരു തോന്നല്‍ ഉണ്ടായി.ആ തോന്നല്‍ ശരി വയ്ക്കുന്നതായിരുന്നു പിന്നെ നടന്ന സംഭവങ്ങള്‍.ഒരു പക്ഷേ ക്ലൈമാക്സിലെ കഥ മാത്രം ഞാന്‍ നേരത്തെ കണ്ടത്തില്‍ നിന്നും വ്യത്യസ്തം ആയി എന്ന് മാത്രം.എങ്കിലും വളരെയധികം താല്‍പ്പര്യത്തോടെ നേരത്തെ കണ്ട സിനിമയുടെ ഒരു "മെയിഡ് ഇന്‍ ചൈന" കോപ്പി ആയതു പോലെ ആയി ചിത്രം.എങ്കിലും ആദ്യമായി ഈ കഥയെ പരിചയപ്പെടുന്നവര്‍ക്ക് ചിത്രം അതിന്‍റെ ഒരു ത്രില്ലര്‍ സ്വഭാവം കാരണം ഇഷ്ടം ആകുമായിരിക്കും.പക്ഷേ ഈ ചിത്രത്തിന്റെ  ട്വിസ്റ്റുകള്‍ എനിക്ക് അത്തരം ഒരു അനുഭവം നല്‍കിയില്ല.ആദ്യ സിനിമ എടുക്കുന്ന സംവിധായകന്‍ ഇങ്ങനെ ഉള്ള Rip-Off കള്‍ കൊണ്ട് വരുമ്പോള്‍ ഒരു വല്ലായ്മ തോന്നുന്നുണ്ട്.ഒരു സാമൂഹിക വിപത്താണ് ചിത്രം ചര്‍ച്ച ചെയ്തത് എന്ന് മാത്രം ആശ്വസിക്കാം.ഈ സിനിമയുടെ കഥ "നേരത്തെ" തന്നെ അറിയാത്ത ഒരു പ്രേക്ഷകന് ഒരു ശരാശരി ത്രില്ലര്‍ ആയി ഇതിനെ കരുതാം.ആ നിലയില്‍ ഞാന്‍ ഈ ചിത്രത്തിന് നല്‍കുന്ന മാര്‍ക്ക് 2.5/5

More reviews @ www.movieholicviews.blogspot.com

Friday, 28 November 2014

240.WE BOUGHT A ZOO(ENGLISH,2011)

240.WE BOUGHT A ZOO(ENGLISH,2011),|Comedy|Drama|Family|,Dir:-Cameron Crowe,*ing:-Matt Damon, Scarlett Johansson, Thomas Haden .

ബെഞ്ചമിന്‍ മീയുടെ We bought a Zoo എന്ന പേരില്‍ ഉള്ള ബുക്കില്‍ നിന്നും ആണ് ഈ ചിത്രം പിറവി എടുക്കുന്നത്.ബെഞ്ചമിന്‍ മീ ഏറ്റെടുത്ത Dartmoor Wildlife Park അദ്ദേഹം പേര് മാറ്റി ആ വര്‍ഷം തന്നെ പുതുക്കി പണിതു തുറന്നിരുന്നു.ആ സംഭവങ്ങള്‍ ആണ് ഈ ചിത്രത്തിലും.മാറ്റ് ഡാമന്‍ അവതരിപ്പിക്കുന്ന കഥാപാത്രത്തിന്റെ പേരും ബെഞ്ചമിന്‍ മീ എന്നാണു.ഇനി സിനിമയുടെ കഥയിലേക്ക്.ബെഞ്ചമിന്‍ മീ ഭാര്യ മരിച്ചതിനു ശേഷം തന്‍റെ മക്കളായ ദയ്ലന്‍,റോസി എന്നിവരോടൊപ്പം നഗരത്തില്‍ ആണ് ജീവിക്കുന്നത്.ഒരു പതിന്നാലു വയസ്സുകാരനെയും ഏഴു വയസ്സുള്ള രണ്ടു കുട്ടികളെ അമ്മയില്ലാതെ വളര്‍ത്തുന്ന ബെഞ്ചമിന്‍ ജീവിതത്തില്‍ വളരെ നിര്‍ണായകം ആയ തീരുമാനം എടുക്കുന്നു.സ്ക്കൂളില്‍ നിന്നും പുറത്താക്കപ്പെട്ട മകന് പുതിയൊരു ജീവിതം അത് തനിക്കും റോസിക്കും ആവശ്യം ആണെന്ന് അയാള്‍ മനസ്സിലാക്കുന്നു.അതും പുതിയ അന്തരീക്ഷവും സ്ഥലവും ഉണ്ടെങ്കില്‍ മാത്രമേ സാധ്യമാകൂ എന്നയാള്‍ കണക്കു കൂട്ടുന്നു.റോസിയും ബെഞ്ചമിനും പുതിയ വീട് അന്വേഷിച്ച് പോകുമ്പോള്‍ ഒരെണ്ണം ഒഴികെ ഒന്നും ഇഷ്ടപ്പെടുന്നില്ല.അവര്‍ക്ക് ഇഷ്ടപ്പെട്ട വീടിന്‍റെ കാര്യത്തില്‍ ചില പ്രശ്നങ്ങള്‍ ഉണ്ടെന്നു എജന്റ്റ് പറയുന്നു.

  എന്നാല്‍ വിചിത്രമായ ഒരു പ്രശ്നം ആയിരുന്നു 18 ഏക്കര്‍ ഉള്ള ആ വീടിനു ഉണ്ടായിരുന്നത്.അതൊരു മൃഗശാല ആയിരുന്നു.വംശനാശം നേരിടുന്ന മൃഗങ്ങള്‍ ഉള്‍പ്പടെ നാല്‍പ്പത്തി ഏഴോളം തരത്തില്‍ ഉള്ള മൃഗങ്ങള്‍ അവിടെ ഉണ്ടായിരുന്നു.എന്നാല്‍ ആ സ്ഥലത്തിന്റെ ഉടമസ്ഥര്‍ മൃഗങ്ങളെയും കൂട്ടി മാത്രമേ ആ സ്ഥലം വില്‍ക്കുകയുള്ളൂ എന്ന് പറയുന്നു.അത് അറിഞ്ഞതോടെ ബെഞ്ചമിന്‍ ആ സ്ഥലം വാങ്ങിക്കുവാന്‍ ഉള്ള ആഗ്രഹം ഉപേക്ഷിക്കുന്നു.എന്നാല്‍ ആ തീരുമാനം ഉടന്‍ തന്നെ അയാള്‍ക്ക്‌ മാറ്റേണ്ടി വന്നു.കാരണം മകള്‍ ആയ റോസിക്ക് ആ സ്ഥലം ഇഷ്ടപ്പെട്ടിരുന്നു.അവിടത്തെ മൃഗങ്ങളെയും.അവളുടെ സന്തോഷത്തിനു വേണ്ടി അയാള്‍ ആ സ്ഥലം വാങ്ങുന്നു.മകന്‍ ആയ ദയ്ലന്‍ എന്നാല്‍ ഈ തീരുമാനത്തില്‍ സന്തുഷ്ടന്‍ ആയിരുന്നില്ല.പുതിയ സ്ഥലത്തേക്ക് പോകാന്‍ അവന്‍ താല്‍പ്പര്യം കാണിക്കുന്നില്ല.എന്നാല്‍ കുടുംബ സ്വത്തായി ലഭിച്ച തുകയില്‍ സ്വന്തം ജ്യേഷ്ഠന്റെ വാക്കുകള്‍ പോലും മുഖവിലയ്ക്ക് എടുക്കാതെ ബെഞ്ചമിന്‍ ആ സാഹസികതയ്ക്കു തുടക്കം കുറിക്കുന്നു.ഒരു മൃഗശാല സ്വന്തം ആക്കുന്നു.അവിടെ എത്തിയപ്പോള്‍ പരിചയപ്പെട്ട പുതിയ ജീവിതവും ലോകവും സാഹസികത നിറഞ്ഞതായിരുന്നു.ആ കഥയാണ് ചിത്രത്തിന്‍റെ ബാക്കി പറയുന്നത്.

  ഒരു നല്ല "ഫീല്‍ ഗുഡ് മൂവി " എന്ന് പറയാം ഈ ചിത്രത്തെ.ഒരച്ഛനും മക്കളും തമ്മില്‍ ഉള്ള സ്നേഹവും അത് പോലെ തന്നെ എല്ലാവരാലും ഉപേക്ഷിക്കപ്പെട്ട കുറച്ചു മൃഗങ്ങളും എല്ലാം ചേര്‍ന്ന് ഒരുക്കിയ സുന്ദരമായ ഒരു സാഹസികത ആണ് We Bought A Zoo.

Download Link:-https://yts.re/movie/We_Bought_a_Zoo_2011

More reviews @ www.movieholicviews.blogspot.com

Thursday, 27 November 2014

239.PREDESTINATION(ENGLISH,2014)

239.PREDESTINATION(ENGLISH,2014),|Sci-Fi|Thriller|,Dir:-Spierig Brothers,*ing:-Ethan Hawke, Sarah Snook, Noah Taylor.

  Time Travel വിഷയം ആയി വരുന്ന സയന്‍സ് ഫിക്ഷന്‍ സിനിമകള്‍ കൂടുതലും അവരുടെ concept ,പിന്നെ അവയിലെ കാല്‍പ്പനിക ഭാവനകള്‍ എന്നിവയിലൂടെ കൗതുകം പ്രേക്ഷകരില്‍ ഉണ്ടാക്കാറുണ്ട്.അത്തരം ഒരു സിനിമയാണ്  Robert A. Heinlein എഴുതിയ ചെറു കഥ "All You Zombies" നെ ആസ്പദം ആക്കി എടുത്ത ഈ ചിത്രം.1985 ആണ്ചിത്രത്തിന്‍റെ ആരംഭത്തില്‍ കാണിക്കുന്നത്. ഒരു ബോംബിനെ നിര്‍വീര്യം ആക്കാന്‍ ഒരാള്‍ ശ്രമിക്കുന്നതും.അതിനെ തടയാന്‍ മറ്റൊരാള്‍  ശ്രമിക്കുന്നതും ആണ് കാണുന്നത്.എന്നാല്‍  അപ്പോള്‍ ഉണ്ടായ തീപിടുത്തത്തില്‍ അയാളുടെ മുഖം കത്തുന്നു.പിന്നെ ആശുപത്രിയില്‍ കിടന്ന അയാള്‍ ചികിത്സയ്ക്ക് ശേഷം പുറത്തു വരുമ്പോള്‍ മാറിയ മുഖം ആണ് കാണുന്നത്.സുഖം പ്രാപിച്ചതിനു ശേഷം അയാള്‍ തന്‍റെ അവസാന ദൗത്യത്തിനായി പുറപ്പെടുന്നു.ആരാണ് അയാള്‍?

  പിന്നെ അയാളെ കാണുന്നത് ഒരു ബാറില്‍ ആണ്.ഇപ്പോള്‍ വര്‍ഷം 1970 കളില്‍ ആണ് .അയാള്‍ അവിടെ ഒരു ജീവനക്കാരന്‍ ആണ്.അവിടെ ഒരാള്‍ വന്നിരിക്കുന്നു.മുഖത്ത് വിഷാദം നിറഞ്ഞു നില്‍ക്കുന്ന അയാളോട് കുശാലന്വേഷണം നടത്തിയെങ്കിലും ആയാള്‍ സംസാരിക്കാന്‍ താല്‍പ്പര്യം ഇല്ലാതെ ഇരുന്നു.ആദ്യം അയാളുടെ സംസാരം അരോചകം ആയി തോന്നിയെങ്കിലും ബാര്‍ ജീവനക്കാരന്‍ അയാളോട് വീണ്ടും സംസാരിക്കുന്നു.താന്‍ ഒരു കഥ എഴുതുകയാണ് എന്നും "The Unmarried Mother" എന്നാണു അതിന്റെ പേരെന്നും അയാള്‍ പറയുന്നു.ആ കഥ ബാര്‍ ജീവനക്കാരനു ഇഷ്ടം ആയാല്‍ ഒരു കുപ്പി മദ്യം സമ്മാനമായി കൊടുക്കാം എന്ന് പറയുന്നു.അയാള്‍ ആ കഥ പറഞ്ഞു തുടങ്ങി.അപൂര്‍വവും വിചിത്രവും ആയ കഥ.ഒരു പെണ്‍ക്കുട്ടിയുടെ ജീവിത കഥ.അവളുടെ ജീവിതത്തില്‍ ഇടപ്പെടുന്ന അജ്ഞാതനായ മനുഷ്യനും പിന്നെ സ്പേസ് കോര്‍പ് എന്ന് പേരുള്ള ഗവണ്മെന്റ് സംഘടനയും.എന്തായിരുന്നു ആ കഥ?ആ കഥയാണ് ബാക്കി ചിത്രം.

 എന്നാല്‍ അയാള്‍ പറയുന്ന  കഥയ്ക്ക്‌ മറ്റൊരു മുഖം കൂടി ഉണ്ട്.കാലങ്ങളായി നടക്കുന്ന ദുരൂഹമായ സംഭവങ്ങളുടെ പിന്തുടര്‍ച്ച ആയിരുന്നു ആ കഥയിലെ സംഭവങ്ങള്‍.ശരിക്കും അവസാന രംഗങ്ങളില്‍ എല്ലാ രഹസ്യവും നമ്മുടെ മുന്നില്‍ കാണുമ്പോള്‍ ആണ് ഈ ഒരു തീം മുന്നോട്ടു വച്ച കഥയുടെ ആഴം മനസ്സിലാകുന്നത്‌.തീര്‍ച്ചയായും മികച്ച സയന്‍സ് ഫിക്ഷന്‍ സിനിമകളുടെ കൂട്ടത്തില്‍ പെടുത്താവുന്ന ഒരു ചിത്രം ആയി എനിക്ക് തോന്നി Predestination.

Download Link:-https://yts.re/movie/Predestination_2014

More reviews @ www.movieholicviews.blogspot.com

Wednesday, 26 November 2014

238.DUMB AND DUMBER TO(ENGLISH,2014)

238.DUMB AND DUMBER TO(ENGLISH,2014),|Comedy|,Dir:-Bobby Farrelly, Peter Farrelly,*ing:-Jim Carrey, Jeff Daniels, Rob Riggle .

   ലോയ്ഡ്,ഹാരി-അല്‍പ്പം എങ്കിലും ബുദ്ധി ഉണ്ടെങ്കില്‍ മണ്ടന്മാര്‍ എന്ന് വിളിക്കാമായിരുന്നു അവരെ.എന്നാല്‍ മണ്ടത്തരങ്ങളുടെ രാജാവായി നടക്കുന്ന ഇവരുടെ തമാശകള്‍ ആദ്യ ഭാഗം ആയ Dumb and Dumber നെ പലരുടെയും ഇഷ്ട സിനിമ ആക്കി മാറ്റിയിരുന്നു.ജിം കാരിയും ജെഫ് ദാനിയല്‍സും ഈ കഥാപാത്രങ്ങളായി ശരിക്കും തിളങ്ങിയിരുന്നു.മണ്ടത്തരം പ്രവര്‍ത്തിക്കുകയും അതിലൂടെ തമാശ,സെന്റി,സാഹസികത,പ്രണയം എല്ലാം ഹാരിയും ലോയ്ഡും ആദ്യ ഭാഗത്തില്‍ അവതരിപ്പിച്ചിരുന്നു.എനിക്ക് ഏറ്റവും ഇഷ്ടപ്പെട്ട കോമഡി/റോഡ്‌ മൂവി ആയിരുന്നു ആദ്യ ഭാഗം. ടെക്നിക്കലി ഈ പരമ്പരയിലെ മൂന്നാം ഭാഗം ആണ് Dumb and Dumber To.2003 ല്‍ ഇറങ്ങിയ Dumb and Dumberer: When Harry Met Lloyd എന്ന ആദ്യ ഭാഗത്തിന്‍റെ prequel നിരാശപ്പെടുത്തിയിരുന്നു.എന്നാല്‍ ആ സിനിമയില്‍ ജിം കാരിയും ജെഫ് ദാനിയല്‍സും ഇല്ലായിരുന്നു.അത് കൊണ്ട് അവര്‍ ഉള്ള രണ്ടാം ഭാഗം എന്ന് ഈ ചിത്രത്തെ പറയാം.

  സിനിമയെ കുറിച്ച് പറയുന്നതിന് മുന്‍പ് ഒരു വാക്ക്.മണ്ടത്തരങ്ങള്‍ ഏറ്റവും മികച്ചതാകുമ്പോള്‍ ചിത്രവും മികച്ചതാകും എന്ന വിരോധാഭാസം ആണ് ഈ ചിത്രത്തിനുള്ളത്.അത് ആദ്യ ഭാഗവും ആയി താരതമ്യം ചെയ്യുമ്പോള്‍ അത്രയും മണ്ടത്തരങ്ങള്‍ ഒന്നും ഇല്ലെങ്കിലും ഈ അടുത്ത് കണ്ട തമാശ പടങ്ങളില്‍ എന്നെ  ഏറ്റവും കൂടുതല്‍ ചിരിപ്പിച്ചത് ഈ ഭാഗം ആണ്.ട്വിസ്ട്ടുകളുടെ ഒരു വന്‍ ഘോഷയാത്രയില്‍ ക്ലൈമാക്സ് രംഗം അവസാനിക്കുന്നു.എന്നാലും തുടക്കത്തെ ട്വിസ്റ്റ് എന്ന് സ്വയം ഞാന്‍ വിശ്വസിക്കുന്ന ഒന്നുണ്ട്.കൂട്ടുകാരനെ മണ്ടന്‍ ആക്കാന്‍ ആയി ഇരുപതു വര്‍ഷം ലോയ്ഡ് ശരീരം തളര്‍ന്നു എന്ന് പറഞ്ഞു കിടക്കുക ആയിരുന്നു.ഹാരി അയാളെ കാണാന്‍ കഴിഞ്ഞ ഒരുപതു വര്‍ഷവും എല്ലാ ബുധനാഴ്ചയും എത്താറുണ്ടായിരുന്നു.എന്നാല്‍ ഒരു ദിവസം ലോയ്ഡിന്റെ അടുക്കല്‍ നിന്നും ഹാരി പോവുകയാണെന്ന് അറിഞ്ഞപ്പോള്‍ അയ്യേ!! പറ്റിച്ചേ എന്ന ഭാവത്തില്‍ ലോയ്ഡ് കിടക്കയില്‍ നിന്നും എണീക്കുന്നു.എന്നാല്‍ തനിക്കു ഒരു കിഡ്നി വേണം എന്നും ഉള്ളത് തകരാറില്‍ ആണെന്നും ഹാരി പറയുന്നു.എന്നാല്‍ അത് കിട്ടാന്‍ സാധ്യത ഇല്ലാത്തപ്പോള്‍ ആണ് ഹാരി തനിക്കു ഇരുപതു വര്‍ഷം മുന്‍പ് ഒരു കുട്ടി ഉണ്ടായ വിവരം കാണിച്ചു ഒരു സ്ത്രീ എഴുതിയ എഴുത്ത് ലഭിക്കുന്നത്.ഹാരിയും ലോയ്ഡും വീണ്ടും തങ്ങളുടെ യാത്ര ആരംഭിക്കുന്നു.ഹാരിയുടെ മകളെ അന്വേഷിച്ച്.ഒപ്പം അവരുടെ trademark മണ്ടത്തരങ്ങളും.

 ജിം കാരിയെ കൊണ്ട് മാത്രം അവതരിപ്പിക്കാന്‍ പറ്റുന്ന ഒരു വേഷം ആയിട്ടാണ് ലോയ്ഡിനെ എനിക്ക് പലപ്പോഴും തോന്നിയിരുന്നത്.ശരിക്കും ഈ രണ്ടാം ഭാഗം ഒരു നോസ്ടാല്ജിയ ആയിരുന്നു.പണ്ട് വി സി ആറില്‍ ഈ ചിത്രം കണ്ടതായിരുന്നു.പിന്നെയും കണ്ടിരുന്നു.എന്നാലും ഇന്നും ലോയ്ഡ്,ഹാരി എന്നിവര്‍ക്ക് ഒരു പുതുമ ഉണ്ടെന്ന് കരുതുന്നു.

More reviews @ www.movieholicviews.blogspot.com

237.SPIDER BABY OR,THE MADDEST STORY EVER TOLD(ENGLISH,1967)

237.SPIDER BABY OR,THE MADDEST STORY EVER TOLD(ENGLISH,1967),|Comedy|Sci-Fi|,Dir:-Jack Hill,*ing:-Lon Chaney Jr., Carol Ohmart, Quinn K. Redeker.

   "Merrye Syndrome" അപൂര്‍വമായ  രോഗങ്ങളെ കുറിച്ചുള്ള ഒരു പുസ്തക വായനയിലൂടെ ആണ് ചിത്രം ആരംഭിക്കുന്നത്.മെറെ കുടുംബത്തില്‍പ്പെട്ട ആളുകള്‍ക്ക് വന്നിരുന്ന ഒരു അസുഖം.എന്നാല്‍ പത്തു വര്‍ഷം മുന്‍പ് ആ അസുഖം ഭൂമുഖത്ത് നിന്നും തുടച്ചു നീക്കപ്പെട്ടു എന്ന വിശ്വാസത്തില്‍ അയാള്‍ ആ കഥ പറഞ്ഞു തുടങ്ങുന്നു.കോടീശ്വരന്മാരായ മെറെ കുടുംബത്തിലെ അവസാന കണ്ണികള്‍ ആണ് വിര്‍ജീനിയ,എലിസബത്ത്,റാല്‍ഫ് എന്നിവര്‍.ജനിതക കാരണങ്ങളാല്‍ വരുന്ന ഈ അസുഖം കുടുംബാംഗങ്ങള്‍ തമ്മില്‍ ഉള്ള വിവാഹത്തോടെ കുടുംബത്തിന്‍റെ തന്നെ നാശത്തിനു കാരണമാകുന്നു.മെറെ കുടുംബത്തിന്‍റെ അവസാന കണ്ണികളെ പരിപാലിക്കുന്നത് ബ്രൂണോ എന്ന അവരുടെ കാര്യസ്ഥന്‍ ആണ്.ഇപ്പോള്‍ ഉള്ള കുട്ടികളുടെ മരണപ്പെട്ട അച്ഛന്റെ വിശ്വസ്തന്‍ ആയിരുന്നു ബ്രൂണോ.തന്‍റെ ജീവിതം യജമാനന് നല്‍കിയ വാക്കനുസരിച്ച് ഇവര്‍ മൂന്നു പേരെയും നോക്കാന്‍ ആയി അയാള്‍ വിനിയോഗിക്കുന്നു.

  അപകടകാരികള്‍ ആണ് ഈ മൂന്നു പേരും.പത്തു വയസ്സോടെ ആരംഭിക്കുന്ന ഈ രോഗം മൂലം രോഗ ബാധിതര്‍ ശാരീരികമായ വളര്‍ച്ച ഉണ്ടാകുന്നുണ്ടെങ്കിലും മാനസികമായി ഉള്ള വളര്‍ച്ച പുറകോട്ടു ആകുന്നു.ആയുസ്സ് കൂടുതോറും അവരുടെ രീതികള്‍ ഒരു കൊച്ചു കുഞ്ഞില്‍ നിന്നും ഒരു പക്ഷേ ഭ്രൂണ അവസ്ഥയിലേക്ക് മാറുന്നു എന്ന് വാചികമായി പറയാം.ഒരു ദിവസം രാള്‍ഫിനെ കൊണ്ട് ബ്രൂണോ ഡോക്റ്ററുടെ അടുക്കല്‍ പോയ സമയം ഒരു സന്ദേശം കൊണ്ട് ഒരാള്‍ വരുന്നു.എന്നാല്‍ ഒരു ചിലന്തി ഇരയെ വലയില്‍ കുടുക്കുന്നത് പോലെ "സ്പൈഡര്‍ ബേബി" എന്ന് വിളി പേരുള്ള വിര്‍ജീനിയ കൊല്ലപ്പെടുത്തുന്നു.എലിസബത്ത്‌ ബ്രൂണോ അവളെ വെറുക്കും എന്ന് പറയുന്നു.തിരിച്ചെത്തിയ ബ്രൂണോ ക,ണ്ടത് കൊല്ലപ്പെട്ട ആളുടെ ശരീരം ആണ്.അയാളുടെ കയ്യില്‍ ഉള്ള സന്ദേശം വായിച്ചപ്പോഴാണ് അന്നേ ദിവസം മെറെ കുടുംബത്തില്‍ ശേഷിക്കുന്നവര്‍ സ്വത്ത്‌ ഏറ്റെടുക്കാനായി വക്കീലിനെയും  കൂട്ടി വരും എന്ന് മനസ്സിലായത്‌.ബ്രൂണോ ആ ശരീരം ഒളിപ്പിക്കുന്നു.വക്കീലിനെ കൂട്ടി കൊണ്ട് വരാന്‍ ബ്രൂണോ  പോയ നേരം എമിലിയും  അവരുടെ ഭര്‍ത്താവ് പീറ്ററും അവിടെ എത്തുന്നു.പീറ്ററിന് ഈ സ്വത്തുക്കളില്‍ താല്‍പ്പര്യം ഇല്ലായിരുന്നു.രാള്‍ഫിനെ ആദ്യമായി കാണുന്ന എമിലി ഭയപ്പെടുന്നു.വക്കീലായ ശ്ലോക്കര്‍ തന്‍റെ അസിസ്റ്റ്ന്റ്റ് ആയ ആനുമായി എത്തുന്നു.ലൈംഗികമായ കാര്യങ്ങളില്‍ അമിതാസക്തി ഉള്ള രാല്‍ഫിനു പുതുതായി വന്ന സ്ത്രീകള്‍ ഹരം ആയി തോന്നുന്നു.എന്നാല്‍ വിജീനിയയ്ക്കും എലിസബത്തിനും മറ്റു പദ്ധതികള്‍ ഉണ്ടായിരുന്നു.അതിഥികള്‍ ആ രാത്രി അവിടെ താമസിക്കാന്‍ തീരുമാനിക്കുന്നു.ബ്രൂണോ അതിനെ എതിര്‍ക്കുന്നു.എന്നാല്‍ അയാളുടെ വാക്കുകളെ കണക്കാക്കാതെ അവര്‍ തീരുമാനം എടുക്കുന്നു.ഭയാനകമായ രാത്രിയുടെ തുടക്കം ആയിരുന്നു അത്.

 പൂര്‍ണ ചന്ദ്രന്‍ ഉള്ള ആ രാത്രി നടന്ന സംഭവങ്ങള്‍ എന്താണ്?അപകടകരമായ ആ അവസ്ഥയില്‍ കഥാപാത്രങ്ങള്‍ക്ക് എന്ത് സംഭവിക്കുന്നു എന്നതാണ് ബാക്കി കഥ.The End എന്ന് എഴുതി കാണിക്കുമ്പോള്‍ ഉള്ള ചോദ്യ ചിഹ്നം ചിത്രത്തിന്‍റെ അവസാന രംഗങ്ങളില്‍ നിന്നും മറ്റൊരു ഭീകരതയിലേക്ക് പ്രേക്ഷകനെ കൊണ്ടെത്തിക്കുന്നു.തികച്ചും പേടിപ്പെടുത്തുന്ന ഒരു സിനിമ.എന്നാല്‍ അത് പ്രേത സിനിമകള്‍ പോലെ ഉള്ള അമാനുഷിക ശക്തികളുടെ പേരില്‍ അല്ല.സിനിമയുടെ പേരില്‍  തന്നെ ഉള്ള ഏറ്റവും വിചിത്രമായ ഭ്രാന്തമായ ചിന്തകളില്‍ നിന്നും ആണ്.

More reviews @ www.movieholicviews.blogspot.com

Download Link:- https://kickass.so/spider-baby-1968-dvdrip-kookoo-t511890.html

Tuesday, 25 November 2014

236.TROLLHUNTER(NORWEGIAN,2010)

236.TROLLHUNTER(NORWEGIAN,2010),|Fantasy|,Dir:-André Øvredal,*ing:-Otto Jespersen, Robert Stoltenberg, Knut Nærum.

"13 ഒക്ടോബര്‍ 2008,Filmkameratene AS ല്‍ ഒരു അജ്ഞാതന്‍ 283 മിനുട്ടുകള്‍ ഉള്ള ക്യാമറ ദൃശ്യങ്ങള്‍ അടങ്ങിയ രണ്ടു ഹാര്‍ഡ് ഡിസ്ക്കുകള്‍ എത്തിക്കുന്നു.അതില്‍ ഉള്ള ഭാഗങ്ങള്‍ എഡിറ്റ്‌ ചെയ്തു അവതരിപ്പിക്കുന്നു.മറ്റൊരു മാറ്റവും വരുത്തിയിട്ടില്ല".ഇങ്ങനെയാണ് Trollhunter ആരംഭിക്കുന്നത്.ഒരു പക്ഷേ കാണാന്‍ പോകുന്ന സിനിമ യഥാര്‍ത്ഥത്തില്‍ നടന്ന സംഭവം ആണെന്ന തോന്നല്‍ ഉണ്ടാക്കാന്‍ കഴിയുന്ന ഒന്ന് ആയിരുന്നു ഈ തുടക്കം..

ഭീമാകാര ജീവികള്‍ നമ്മുടെ മിത്തുകളിലും അന്ധവിശ്വാസങ്ങളിലും നാടോടി കഥകളിലും എല്ലാമായി മനുഷ്യന്‍റെ ഭയങ്ങളുടെ കൂട്ടത്തില്‍ ഇടം നേടിയിട്ടുണ്ട്. അത്തരത്തില്‍ നോര്‍വയില്‍ കഥകള്‍  പ്രചാരത്തില്‍ ഉള്ള ഭീകര ജീവികളെ കുറിച്ചാണ് ഈ ചിത്രം.ഇന്ത്യയില്‍ യതി പോലെ ഉള്ള ജീവികള്‍ ഹിമാലയത്തില്‍ പ്രാന്തപരിസരങ്ങളിലും ഉള്ളതായുള്ള കഥകള്‍ പലപ്പോഴും കേട്ടിട്ടുണ്ട്.അത്തരം ഒരു കൂട്ടം ജീവികളെ കുറിച്ചുള്ള ഒരു found footage/mockumentary ചിത്രം ആയിട്ടാണ് നോര്‍വീജിയന്‍ ചിത്രമായ  Trollhunter അവതരിപ്പിച്ചിരിക്കുന്നത്.എന്നാല്‍ ഗോട്സില്ല ,ജുറാസിക് പാര്‍ക്ക്‌ പോലെ ഉള്ള സിനിമകളില്‍ അവതരിപ്പിക്കുന്ന അമിതമായ  ഗ്രാഫിക്സ് രംഗങ്ങള്‍ ഈ ചിത്രത്തില്‍  ഉപയോഗിച്ചിട്ടില്ല.എങ്കിലും നല്ല perfection അനുഭവപ്പെട്ടു.

   ഹാന്‍സ് എന്ന അനധികൃത കരടി പിടുത്തക്കാരനെ തേടി ഇറങ്ങിയതാണ് മൂന്നു കോളേജ് വിദ്യാര്‍ഥികള്‍.അവരുടെ ഓരോ നീക്കവും അവര്‍ ക്യാമറയില്‍ ആക്കുന്നുണ്ടായിരുന്നു.എന്നാല്‍ കരടികള്‍ കൂടുതലായി നാട്ടില്‍ ഇറങ്ങുകയും മറ്റു ജീവികളെ കൊല്ലുന്നതും ആയി കാണപ്പെടുന്നു.അത് പോലെ തന്നെ ആയിരുന്നു കരടികളുടെ കാര്യവും.ചത്ത കരടികളെ പല സ്ഥലങ്ങളിലായി കാണുന്നു.അജ്ഞാതനായ ആ കരടി വേട്ടക്കാരനെ എല്ലാവരും അന്വേഷിക്കുന്നു.എന്നാല്‍ ഈ വിദ്യാര്‍ഥികള്‍ക്ക് ഹാന്‍സ് എന്ന് പേരുള്ള ആ കരടി പിടുതക്കാരനെ നേരില്‍ കണ്ടപ്പോള്‍ തങ്ങള്‍ കരുതിയതല്ല സത്യം എന്ന് മനസ്സിലാക്കുന്നു.സര്‍ക്കാര്‍ മനപ്പൂര്‍വം ജനങ്ങള്‍ അറിയരുത് എന്ന് കരുതിയ ഒരു സത്യം ഉണ്ട്.ആ സത്യത്തിന്‍റെ കാവല്‍ക്കാരന്‍ ആണ് ഹാന്‍സ്.ആ മൂന്നു പേരും അറിഞ്ഞ സത്യങ്ങള്‍ അമ്പരപ്പിക്കുന്നതും  അവിശ്വസനീയവും ആയ കാര്യങ്ങള്‍ ആയിരുന്നു.അവര്‍ അതെല്ലാം തങ്ങളുടെ ക്യാമറയില്‍ ആക്കുന്നു.എന്തായിരുന്നു സര്‍ക്കാര്‍ ഒളിക്കാന്‍ ശ്രമിക്കുന്ന  സത്യങ്ങള്‍?എന്ത് കൊണ്ടാണ് കരടികള്‍ കൊല്ലപ്പെട്ടതായി കാണപ്പെടുന്നത്?കൂടുതല്‍ അറിയാന്‍ ചിത്രം കാണുക.

  പരിഹാസമാണ് ഈ ചിത്രത്തിന്‍റെ മുഖ്യ ശ്രമം എങ്കിലും അവസാന ഭാഗത്ത്‌ "ഓയില്‍ ഫീല്‍ഡ്" എന്ന് നോര്‍വീജിയന്‍ പ്രധാനമന്ത്രി ആയിരുന്ന ജെന്‍സ് സ്റ്റൊല്ട്ടന്ബെര്ഗ് പറഞ്ഞതിനെ "ട്രോള്‍ ഫീല്‍ഡ്" എന്നാക്കിയ ഈ സിനിമയുടെ അണിയറ പ്രവര്‍ത്തകരുടെ കഴിവിനെ സമ്മതിക്കണം.ഒരു ഒറിജിനല്‍ found footage ആണെന്ന് പലപ്പോഴും ഈ സിനിമ കാണുമ്പോള്‍ തോന്നി പോകും.ഈ ചിത്രം നോര്‍വയില്‍ മികച്ച അഭിപ്രായം നേടിയ ഒന്നായിരുന്നു.

More reviews @ www.movieholicviews.blogspot.com

Download link:- http://thepiratebay.website/torrent/6644013/TrollHunter.2010.LiMiTED.BDRip.XviD-NODLABS


235.SLEUTH(ENGLISH,1972)

235.SLEUTH(ENGLISH,1972),|Thriller|Mystery|,Dir:-Joseph L. Mankiewicz,*ing:-Laurence Olivier, Michael Caine, Alec Cawthorne.

ഒരു സിനിമയിലെ പ്രധാനപ്പെട്ട രണ്ടു കഥാപാത്രങ്ങള്‍.ഒരു വിധത്തില്‍ പറഞ്ഞാല്‍ ആ ചിത്രത്തില്‍ പ്രേക്ഷകന്‍ കാണുന്ന രണ്ടു കഥാപാത്രങ്ങള്‍.അവര്‍ക്ക് രണ്ടു പേര്‍ക്കും മികച്ച നടനുള്ള ഓസ്കാര്‍ നാമനിര്‍ദേശം ലഭിക്കുക.Sleuth എന്ന ചിത്രം അത്രയും ഗംഭീരം ആണ്.1972 ല്‍ പുറത്തു വന്ന ഈ ചിത്രം പിന്നീട് 2007 ല്‍ പുന:അവതരിപ്പിക്കപ്പെട്ടു.കഥയില്‍ കുറച്ചു മാറ്റങ്ങള്‍ വരുത്തുക മാത്രമല്ല അവര്‍ ചെയ്തത്.പകരം ആദ്യ സിനിമയില്‍ മൈക്കില്‍ കെയിന്‍ അവതരിപ്പിച്ച മിലോ എന്ന കഥാപാത്രത്തില്‍ നിന്നും അദ്ദേഹം ആണ്ട്രൂ വയ്ക് എന്ന കഥാപാത്രത്തിലേക്ക് മാറ്റപ്പെട്ടു.അമിതാബ് ബച്ചന്‍ ഷോലെ റീമേക്കില്‍ ചെയ്തത് പോലെ.Sleuth രണ്ടു പുരുഷന്മാരുടെ സാമൂഹിക കാഴ്ച്ചപ്പാടുകളിലെക്കും അവരുടെ ആത്മാഭിമാനത്തെ ചോദ്യം ചെയ്യപ്പെടുമ്പോള്‍ അവര്‍ അതിനു ഒരു മത്സരബുദ്ധിയോടെ നേരിടുകയും ചെയ്യുന്ന കഥയാണ് അവതരിപ്പിച്ചിരിക്കുന്നത്.

   ആണ്ട്രു വയ്ക് പ്രശസ്തനായ ഇംഗ്ലീഷ് ഡിട്ടക്ട്ടീവ് നോവല്‍ എഴുത്തുകാരന്‍ ആണ്.അക്കാലത്തെ ഇംഗ്ലണ്ടില്‍ ഉണ്ടായിരുന്ന ഉയര്‍ന്ന ജീവിത നിലവാരം ആണ് അയാള്‍ക്ക്‌ ഉണ്ടായിരുന്നത്.ഇംഗ്ലീഷ്ക്കാരന്‍ ആയിരിക്കുന്നതില്‍ ഉള്ള അഭിമാനം അയാളുടെ ഓരോ വാക്കിലും നിറഞ്ഞു നിന്നിരുന്നു.കൊട്ടാര സദൃശ്യമായ വീട്ടില്‍ ഓരോ മുറികളിലും പലതരം കളികള്‍ അയാള്‍ ഉള്‍പ്പെടുത്തിയിട്ടുണ്ടായിരുന്നു.അയാളുടെ മനോഭാവവും അതാണ്‌.ജീവിതത്തെ അയാള്‍ ഒരു കളി ആയി കാണുന്നു.അയാള്‍ ആ ദിവസം മിലോ ടിന്റില്‍ എന്ന ഇറ്റലിക്കാരന്‍ അച്ഛന്റെ മകനും സ്ത്രീകളുടെ മുടി ഒരുക്കുന്നതില്‍ വിദഗ്ദ്ധനും ആയ യുവാവിനെ തന്‍റെ വീട്ടിലേക്കു ക്ഷണിച്ചു കൊണ്ട് ഒരു എഴുത്ത് മിലോയുടെ വീട്ടില്‍ ഇടുന്നു.മിലോ അയാളെ അന്വേഷിച്ചു എത്തുന്നു.മിലോയോടു സൌഹാര്‍ദ്ദത്തോടെ ആണ് ആണ്ട്രൂ പെരുമാറിയത്.എന്നാല്‍ അല്‍പ്പ നേരം കഴിഞ്ഞപ്പോള്‍ മിലോയും ആണ്ട്രൂവിന്റെ ഭാര്യയും തമ്മില്‍ ഉള്ള ബന്ധത്തെക്കുറിച്ച് അയാള്‍ക്ക്‌ അറിയാമെന്നു പറയുന്നു.എന്നാല്‍ ആ സ്ത്രീ വളരെയധികം ധാരാളി ആണെന്നും അവര്‍ പണത്തെ വളരെയധികം ഇഷ്ടപ്പെടുന്നു എന്നും ആണ്ട്രൂ മിലോയോടു പറയുന്നു.അത് കൊണ്ട് ആണ്ട്രൂ തന്‍റെ കാമുകിയായ ടിയയോടൊപ്പം താമസിക്കാന്‍ തുടങ്ങിയാല്‍ പോലും മിലോയ്ക്ക് അവരുടെ ചിലവുകള്‍ വഹിക്കാന്‍ കഴിയാത്തതിനാല്‍ തിരികെ തന്നെ തേടി എത്തും എന്ന ഭയം ഉണ്ടെന്നു അറിയിക്കുന്നു.അത് കൊണ്ട് മിലോയ്ക്ക് കാശ് ഉണ്ടാക്കാന്‍ ഉള്ള ഒരു വഴി അയാള്‍ പറഞ്ഞു കൊടുക്കുന്നു.ആണ്ട്രുവിനെ മിലോ കൊള്ളയടിക്കുക.

  എന്നാല്‍ ആ പദ്ധതി നടപ്പിലാക്കാന്‍ എളുപ്പം ആണെന്ന് തോന്നുമെങ്കിലും അവരെ രണ്ടു പേരെയും പിന്നെ കാത്തിരുന്നത് അവരുടെ ജീവിതത്തെ തന്നെ മാറ്റി മറിയ്ക്കുന്ന സംഭവങ്ങളിലേക്ക് ഉള്ള വഴി ആയിരുന്നു.മിലോയും ആണ്ട്രുവും പ്രതീക്ഷിക്കാത്ത ഒന്ന്.വളരെ മികച്ച ഒരു ക്ലാസിക് മിസ്ട്ടരി/ത്രില്ലര്‍ ആണ് ഈ ചിത്രം.സമൂഹത്തിലെ ഉയര്‍ച്ച താഴ്ചകളും എന്നും പരാജയപ്പെടുന്നവന്റെ ,അവന്‍റെ തലമുറകളുടെ പരാജയത്തെ തന്നിലൂടെ അവസാനിപ്പിക്കണം എന്ന് കരുതുന്ന കഥാപാത്രവും എന്നാല്‍ തന്‍റെ ജീവിതത്തില്‍ ഊറ്റം കൊള്ളുന്ന ധനികനും തമ്മില്‍ ഉള്ള ഒരു വ്യത്യസ്തമായ കളി ആണ് ബാക്കി സിനിമ.തീര്‍ച്ചയായും കാണേണ്ട ഒന്നാണ് ഈ ചിത്രം.

Download Link:-https://kickass.to/sleuth-1972-xvid-multisub-wunseedee-t523471.html

more reviews @ www.movieholicviews.blogspot.com

Monday, 24 November 2014

234.THE THIRTEENTH FLOOR(ENGLISH,1999)

234.THE THIRTEENTH FLOOR(ENGLISH,1999),|Mystery|Sci-Fi|Thriller|,Dir:-Josef Rusnak,Dir:-Craig Bierko, Gretchen Mol, Armin Mueller-Stahl.

   Simulacron-3  എന്ന Daniel F. Galouye യുടെ നോവലിനെ ആസ്പദം ആക്കിയാണ് ഈ ചിത്രം അവതരിപ്പിച്ചിരിക്കുന്നത്.തൊണ്ണൂറുകളില്‍ നടക്കുന്ന ഒരു കൊലപാതകത്തോടെ ആണ് ഈ ചിത്രം ആരംഭിക്കുന്നത്.ഹനോന്‍ ഫുള്ളര്‍ എന്ന കോടീശ്വരന്‍ കൊല്ലപ്പെടുന്നു.അതിനു മുന്‍പ് കാണിക്കുന്ന മുപ്പതുകളിലെ അമേരിക്കയില്‍ ഫുള്ളര്‍ ഒരു ബാര്‍ ജീവനക്കാരന്റെ കൈ വശം ഒരു എഴുത്ത് ഏല്‍പ്പിക്കുന്നുണ്ട്.ഡാഗ്ലാസ് ഹോള്‍ എന്നയാളെ ഏല്‍പ്പിക്കാന്‍ വേണ്ടി ഉള്ള എഴുത്തായിരുന്നു അത്.ആ കത്ത് ഹോള്‍ തേടി വരും എന്നും അയാളെ മാത്രമേ അത് ഏല്‍പ്പിക്കാന്‍ പാടുള്ളൂ എന്നും ഫുള്ളര്‍ അയാളോട് പറയുന്നു.കത്തി കൊണ്ട് കുത്തി കൊലപ്പെടുത്തിയ നിലയില്‍ ആയിരുന്നു ഫുള്ളരുടെ ശവ ശരീരം കാണപ്പെട്ടത്.വര്‍ത്തമാന  കാലത്ത് മറ്റൊരു ഡാഗ്ലാസ് ഹോളിനെ കാണിക്കുന്നു.അയാള്‍ ഇപ്പോള്‍ കൊല്ലപ്പെട്ട ഫുള്ളരിന്റെ പ്രോജക്റ്റില്‍ ഉള്ള ആളാണ്‌.ആറു വര്‍ഷം ആയി അവര്‍ ഒരു  വലിയ പ്രോജക്റ്റില്‍ ആണ്.ഹോള്‍ ഒരു യാത്രയ്ക്ക് ശേഷം തിരിച്ചെത്തിയപ്പോള്‍ ആണ് പോലീസ് അയാളെ വിളിപ്പിക്കുന്നത്.

  ഫുള്ളരുടെ ശവശരീരം ഹോള്‍ തിരിച്ചറിയുന്നു.പോലീസ് ഹോളിനെ ചോദ്യം ചെയ്യുന്നു.അതോടൊപ്പം അവരുടെ പുതിയ പ്രോജക്ക്ടിനെ കുറിച്ചും.പോലീസ് ഉദ്യോഗസ്ഥന്‍ ആയ മക്ബയിന്‍ ആണ് അന്വേഷണ ചുമതല നിര്‍വഹിക്കുന്നത്.എന്നാല്‍ പോലീസിനു സംശയം ഹോളിന് നേരെ ആണ്.എന്നാല്‍ അയാള്‍ക്ക്‌ ഒന്നും ഓര്‍ത്തു എടുക്കാന്‍ സാധിക്കുന്നില്ല.ആ സമയം ആണ് ഫുള്ളരുടെ മകള്‍ ആണെന്ന് അവകാശപ്പെട്ടു കൊണ്ട് ഫ്രാന്‍സില്‍ നിന്നും ജെയിന്‍ ഫുള്ളര്‍ എന്ന യുവതി അവിടെ എത്തുന്നത്‌.ജെയിന്‍ ഫുല്ലരെ കുറിച്ച് ആര്‍ക്കും ഇതിനു മുന്‍പ് അറിവില്ലായിരുന്നു.ഹോളിനെ കണ്ടതിനു ശേഷം അവര്‍ താമസിക്കുന്ന ഹോട്ടലിലേക്ക് പോകുന്നു.പോലീസ് അന്വേഷണത്തില്‍ ഫുള്ളര്‍ കൊല്ലപ്പെടുന്നതിന്റെ തലേ ദിവസം അയാളുടെ മരണപ്പത്രത്തില്‍ തന്‍റെ കമ്പനി ഹോളിന്റെ പേരില്‍ എഴുതി വച്ചിരിക്കുന്നതായി കണ്ടെത്തുന്നു.സ്വാഭാവികം ആയും സംശയം ഹോളിലേക്ക്‌ നീങ്ങുന്നു.എന്നാല്‍ ഹോള്‍ സ്വയം കുറ്റവാളി ആണെന്ന് വിശ്വസിക്കുന്നില്ല.അവസാനം ഹോള്‍ സത്യം കണ്ടു പിടിക്കാന്‍ വേണ്ടി ആ സാഹസത്തിനു മുതിരുന്നു.എന്തായിരുന്നു ആ സാഹസം? ഫുള്ളര്‍ മനസ്സിലാക്കിയ ആ സത്യം എന്തായിരുന്നു??ആ എഴുത്തില്‍ എന്തായിരുന്നു?ഹോളിനു അതിനൊക്കെ ഉത്തരം കണ്ടെത്തിയേ തീരൂ.അതിനൊപ്പം അയാള്‍ മറ്റൊരു സത്യവും മനസ്സിലാക്കുന്നു.തന്‍റെ ഒക്കെ ജീവന്‍റെയും ജീവിതത്തിന്‍റെയും പൂര്‍ണമായ അര്‍ഥം.

 ഈ സിനിമയില്‍ ആദ്യം ചില ഭാഗങ്ങള്‍ കുറച്ചു സംശയങ്ങള്‍ ഒക്കെ ഉണ്ടാക്കുമെങ്കിലും പിന്നെ കഥ വ്യക്തമാകുന്നതോടെ എന്താണ് യഥാര്‍ത്ഥത്തില്‍ നടക്കുന്നതെന്നും മനസ്സിലാക്കാം.ഒരു നല്ല concept ആയി തോന്നി ഈ ചിത്രം.ടൈം ട്രാവല്‍,സയന്‍സ് ഫിക്ഷന്‍ എന്നിവ വരുന്ന സിനിമകള്‍ താല്‍പ്പര്യം ഉള്ളവര്‍ക്ക് തീര്‍ച്ചയായും ഇ ചിത്രം കാണാം.കൂടാതെ നല്ലൊരു മിസ്റ്ററി/ത്രില്ലര്‍ ചിത്രം കൂടി ആണ് The Thirteenth Floor.


More reviews @ www.movieholicviews.blogspot.com

Download Link:-https://kickass.so/the-thirteenth-floor-1999-brrip-720p-x264-mitzep-t5409284.html


Sunday, 23 November 2014

233.STRANGER THAN FICTION(ENGLISH,2006)

233.STRANGER THAN FICTION(ENGLISH,2006),|Fantasy|Drama|,Dir:-Marc Forster,*ing:-Will Ferrell, Emma Thompson, Dustin Hoffman.

മാജിക്കല്‍ റിയലിസം ആസ്പദം ആക്കിയ Ruby Sparks,Being John Malkovich,Midnight in Paris,Big Fish,One Day തുടങ്ങി കുറേ അധികം സിനിമകളുടെ ഒരു വന്‍ ശേഖരം തന്നെ ഈ ജോനറില്‍ ഉള്ള സിനിമകളുടെ കൂട്ടത്തില്‍ പെടുന്നു.Stranger Than Fiction ഉം ഇത്തരത്തില്‍ ഒരു ചിത്രം ആണ്.ഹാരോള്‍ഡ്‌ ക്രിക്ക് നികുതി വകുപ്പില്‍ ഉദ്യോഗസ്ഥന്‍ ആണ്.ജീവിതം ഒരു പ്രത്യേക  ക്രമത്തില്‍ ആണ് അയാള്‍ ക്രമീകരിച്ചിരിക്കുന്നത്.അതിനായി അയാള്‍ ഉപയോഗിച്ചിരിക്കുന്നത് അയാളുടെ റിസ്റ്റ് വാച് ആണ്.ഘടികാര സൂചിയില്‍ അധീനമായ ജീവിതം ആണ് ഹാരോള്‍ഡ്‌ ക്രിക്ക് നയിച്ചിരുന്നത്.എന്നാല്‍ ഒരു ദിവസം അയാളുടെ ജീവിതം അകെ മാറി മറിയുന്നു.

  രാവിലെ ബ്രഷ് ചെയ്യുമ്പോള്‍ പോലും ബ്രഷിന്റെ ചലനം വരെ കൃത്യമായ എണ്ണം പിന്തുടരുന്ന അയാള്‍ അന്നു രാവിലെ താന്‍ ചെയ്യുന്ന പ്രവര്‍ത്തികളുടെ എല്ലാം ഒരു "ലൈവ് കമന്ററി" കേട്ട് തുടങ്ങുന്നു.ഒരു സ്ത്രീ ശബ്ദം ആയിരുന്നു അയാളുടെ ജീവിതം വിവരിചിരുന്നത്.ബസ് സ്റ്റോപ്പില്‍ എത്തുന്നതിനു പോലും കൃത്യമായ സമയം കാത്തു സൂക്ഷിച്ചിരുന്ന അയാള്‍ക്ക് എന്നാല്‍ അന്ന് അയാളുടെ റിസ്റ്റ് വാച്ച് അതിന്റെ പ്രവര്‍ത്തനം നിര്ത്തുന്നു.അയാള്‍ ബസ് സ്റ്റോപ്പില്‍ കണ്ട ഒരാളോട് സമയം ചോദിച്ച് വാച്ച് ശരി ആക്കുന്നു.എന്നാല്‍ ആ സമയം ശരി ആക്കുമ്പോള്‍ അതില്‍ ഒരു ചറിയ തെറ്റ് വരുത്തുന്നു.അപ്പോള്‍  "little did he know that this simple, seemingly innocuous act would result in his imminent death" എന്ന് അയാള്‍ കേള്‍ക്കുന്നു.തന്‍റെ ജീവിതതിനോടൊപ്പം മരണവും ആരോ വിഷയം ആക്കി എന്ന് അയാള്‍ മനസ്സിലാക്കുന്നു.ഹാരോള്‍ഡ്‌ അന്നാണ് നികുതി കണക്കുകള്‍ പരിശോധിക്കാന്‍ ആയി അന്ന പാസ്ക്കല്‍ എന്ന യുവതിയുടെ ബേക്കറിയില്‍ പോകുന്നത്.സര്‍ക്കാര്‍ യുദ്ധ ആവശ്യങ്ങള്‍ക്കായി നികുതി പണം ഉപയോഗിക്കുന്നത് കൊണ്ട് അന്ന നികുതി മുഴുവനുമായി അടയ്ക്കാന്‍ തയ്യാര്‍ അല്ലായിരുന്നു.എന്നാല്‍ ഈ സമയം മുഴുവന്‍ ഹാരോള്‍ഡ്‌ ചെയ്യുന്ന ഓരോ പ്രവര്‍ത്തിയുടെയും വിശകലനം അയാള്‍ക്ക് കേള്‍ക്കാമായിരുന്നു.അവസാനം ഹാരോള്‍ഡ്‌ ഈ വിഷയത്തെ കുറിച്ച് സംസാരിക്കാന്‍ ആയി ഒരു മന:ശാസ്ത്ര ഡോക്റ്ററുടെ അടുക്കല്‍ പോകുന്നു.എന്നാല്‍ അവര്‍ അയാള്‍ക്ക്‌ schizophrenia ആണെന്ന് പറയുന്നു.ഹാരോള്‍ഡ്‌ തനിക്കു അങ്ങനെ ഒരു രോഗാവസ്ഥ ഇല്ല എന്ന് വിശ്വസിക്കുന്നു.എങ്കിലും ജീവിതം വിവരിക്കുന്ന ഒരാള്‍ ആയതു അത് ഒരു എഴുത്തുകാരി ആയിരിക്കാം എന്നൊരു ആലോചന ഹരോല്ടിനു വരുന്നു.അയാള്‍ സാഹിത്യ പ്രൊഫസര്‍ ആയ ജൂല്‍സിനെ കാണുന്നു.ജൂള്‍സ് ഹരോല്ടിനോട് ആ എഴുത്തുകാരിയെ കണ്ടെത്താന്‍ ആവശ്യപ്പെടുന്നു.ഒരു പക്ഷേ അവര്‍ എഴുതുന്ന കഥയിലെ കഥാപാത്രം ആണെങ്കില്‍ നേരത്തെ പറഞ്ഞത് പോലെ ഉള്ള മരണത്തെ കുറിച്ച് അറിയാന്‍ അങ്ങനെ സാധിക്കുകയും ചെയ്യും.ഈ സമയം ഹാരോള്‍ഡ്  അന്നയും ആയി  പ്രണയത്തില്‍ ആകുന്നു.

ഹാരോള്‍ഡ്‌ തന്‍റെ ജീവിതം നിയന്ത്രിച്ചു അതിനു വിവരണം നല്‍കുന്ന സ്ത്രീയെ കണ്ടെത്തുമോ?ഹരോല്‍ടിന്റെ മരണം സംഭവ്യം ആണോ?കൂടുതല്‍ അറിയാന്‍ ചിത്രം കാണുക.വളരെയധികം താല്‍പ്പര്യത്തോടെ കാണേണ്ട ഒരു ജോണര്‍ ആയിട്ടാണ് എനിക്ക് പലപ്പോഴും മാജിക്കല്‍ റിയാലിസത്തെ കുറിച്ച് തോന്നിയിട്ടുള്ളത്.മലയാളം സിനിമയില്‍ "നത്തോലി ചെറിയ മീനല്ല" എന്ന ചിത്രം ഈ ജോനറില്‍ ഉള്‍പ്പെടുന്ന ഒന്നാണ്.തീര്‍ത്തും ഭാവനയുടെ മികവു കൊണ്ട് മാത്രം പ്രേക്ഷകനെ വിസ്മയിപ്പിക്കുന്ന ഒരു നല്ല concept ആയാണ് ഇതിനെ തോന്നിയിട്ടുള്ളത്.വില്‍ ഫെരലിന്റെ അഭിനയ ജീവിതത്തിലെ ഏറ്റവും മികച്ച കഥാപാത്രം എന്ന് പറയാം ഈ ചിത്രത്തെ.അത് പോലെ തന്നെ മികച്ച ഒരു സിനിമയും ആണ് Stranger Than Fiction.

Download link:- https://yts.re/movie/Stranger_Than_Fiction_2006

More reviews @ www.movieholicviews.blogspot.com

Saturday, 22 November 2014

232.THE DOLPHINS(MALAYALAM,2014)

232.THE DOLPHINS(MALAYALAM,2014),Dir:-Diphan,*ing:-Suresh Gopi,Anoop Menon,Meghna Raj.

മാറി ചിന്തിച്ച ക്ലൈമാക്സില്‍ കുതിച്ച "ദി ഡോളഫിന്‍സ്‌."

 ട്രെയിലര്‍ കണ്ടപ്പോള്‍ പനയമുട്ടം സുരയുടെ തിരോന്തരം ഭാഷ ആകെ മൊത്തം അരോചകം ആയി തോന്നിയിരുന്നു.ഒരു പക്ഷേ പഴയ സുരേഷ് ഗോപി പുതിയ സുരേഷ് ഗോപി എന്നൊക്കെ ഉണ്ടോ എന്ന് സംശയിക്കാം എന്ന് തോന്നുന്നു.കാരണം അകാരണമായ ഒരു കൃത്രിമത്വം ഇപ്പോള്‍ ആ അഭിനയത്തില്‍ ഉള്ളത്  പോലെ തോന്നുന്നു.പഴയ കമ്മിഷണര്‍,ഏകലവ്യന്‍ തുടങ്ങിയ സിനിമകളിലെ ആളല്ല അദ്ദേഹം ഇപ്പോള്‍ എന്നറിയാം.എങ്കിലും സ്വന്തം പ്രായം ഒളിപ്പിച്ചു വയ്ക്കാതെ ഉള്ള കഥാപാത്രം ആയിരുന്നു ഇതിലെ സുര.ഒരു പക്ഷേ 46 ബാറുകള്‍ ഉള്ളപ്പോള്‍ തന്നെ മദ്യപിക്കാത്ത അബ്ദ്ക്കാരി മുതലാളി.വലിയ ഭംഗിയില്ലാത്ത പേര് ആണെന്ന് സ്വയം മനസ്സിലാക്കുന്ന ഒരു സാധാരണ മലയാളിയുടെ എല്ലാ കോമ്പ്ലക്സും മരണത്തെ കുറിച്ചും ഭാവിയെ കുറിച്ചും ഭയമുള്ള ഒരു മധ്യ വയസ്ക്കന്‍ ആണ് സുര.

 എന്നാല്‍ ഒരിക്കല്‍ സുരയുടെ ആയുസ്സിനെ കുറിച്ച് ഒരു ജ്യോത്സ്യന്‍ പറയുന്ന വാക്കുകള്‍ ഏകദേശം ശരി വയ്ക്കുന്ന രീതിയില്‍ നടക്കുന്ന സംഭവങ്ങള്‍.അതിന്റെ ഇടയ്ക്ക് ഒരു പരമ്പര കൊലയാളിയുടെ സാമീപ്യ അനുഭവപ്പെടുന്ന കുറച്ചു കൊലപാതകങ്ങള്‍.ഇതെല്ലാം കൂടി ഒത്തു ചേരുന്നതാണ് ഈ ചിത്രം.അനൂപ്‌ മേനോന്‍ ഈ പ്രാവശ്യം നന്മയുടെ നിറകുടം ആയി പെണ്‍ക്കുട്ടികളെ വശീകരിക്കുന്ന രാത്രിക്കാല ഫോണ്‍ വിളികളുടെ എല്ലാം മികച്ച സ്റ്റഡി ക്ലാസ് ഈ ചിത്രത്തില്‍ കൊടുക്കുന്നുണ്ട്.എല്ലാ തോലന്മാരും പ്രയോഗിച്ച ആ നമ്പര്‍ പാളി പോയാല്‍ അതില്‍ നിന്നും രക്ഷപ്പെടാന്‍ ഉള്ള അടവ് ഭാവി തലമുറയ്ക്ക് ഉപയോഗിക്കാവുന്നതാണ്.ഒരു നല്ല ബാറിന്‍റെ അന്തരീക്ഷത്തില്‍ ഉള്ള ആ സീനുകള്‍ മനോഹരമായി തോന്നി.പിന്നെ ഏറ്റവും ഹരം കൊള്ളിച്ചത് സര്‍ക്കാരിന്റെ മദ്യ നയത്തെ കുറിച്ച് സുര നടത്തുന്ന പരാമര്‍ശങ്ങള്‍ ആണ്.പഴയ "ഓര്‍മ്മയുണ്ടോ ഈ മുഖം" ശൈലിയില്‍.ബാറുകള്‍ പൂട്ടിയാല്‍ സംഭവിക്കാവുന്ന കാര്യങ്ങള്‍ ഇതിലൂടെ അവതരിപ്പിക്കുന്നു.അത് പോലെ തന്നെ പണ്ട് ചാരായ ഷാപ്പുകള്‍ പൂട്ടിയപ്പോള്‍ നടന്ന വ്യാജ മദ്യ ദുരന്തവും കഥയില്‍ പരാമര്‍ശിക്കുന്നുണ്ട്..

 മദ്യപാനം ,പുകവലി എന്നിവയുടെ പരസ്യം ആയിരുന്നു മിയ്ക്ക സീനിലും.ഇവയ്ക്കു രണ്ടും ഇതിലും നല്ല പരസ്യം ഇനി കിട്ടാന്‍ ഇല്ല എന്ന് വശങ്ങളില്‍ എഴുതി കാണിക്കുന്നതും സിനിമയുടെ തുടക്കവും ഇടവേളകളിലും എഴുതി കാണിക്കുന്ന ആ പരസ്യങ്ങള്‍ കാണുമ്പോള്‍ തോന്നും.സെന്‍സര്‍ ബോര്‍ഡിന്റെ ഈ പരസ്യങ്ങള്‍ ശരിക്കും അപഹാസ്യം ആയി മാറുന്നു.പരമ്പര കൊലപാതകങ്ങളും ഫോണ്‍ വിളികളും ആയി പോകുന്ന സിനിമയുടെ ക്ലൈമാക്സിലേക്ക് ഇനി വരാം. സിനിമയുടെ ഏറ്റവും നല്ല വശം എന്ന് പറയാവുന്നത് അപ്രതീക്ഷിതമായ ക്ലൈമാക്സ് ആണ്.ഒരു പക്ഷേ ശരാശരിയിലും താഴെ പോകുമായിരുന്ന ഒരു സിനിമയെ അല്‍പ്പം എങ്കിലും ശ്രദ്ധേയം ആക്കിയത് ആ ക്ലൈമാക്സ് ആയിരുന്നു.പനയമുട്ടം സുരയുടെ കാര്യത്തില്‍ ,അയാളുടെ സ്വഭാവത്തിലേക്കു അത് വിരല്‍ ചൂണ്ടുന്നു.മനോഹരമായി ഒരു ബന്ധം അവതരിപ്പിക്കപ്പെട്ടിരിക്കുന്നു.

 ക്ലൈമാക്സ്,അനൂപ്‌ മേനോന്‍ എന്നിവ കൂടാതെ കല്‍പ്പനയുടെ കഥാപാത്രം.ഇത്ര മാത്രം ആണ് ചിത്രം കണ്ടതിനു ശേഷം മനസ്സില്‍ തങ്ങിയത്.സുരേഷ് ഗോപി എന്ന നടനില്‍ ഇനിയും ഊര്‍ജം ബാക്കി ഉണ്ട്.കൂടുതല്‍ നല്ല കഥാപാത്രങ്ങള്‍ അദ്ദേഹത്തിന് ലഭിക്കും എന്ന് വിശ്വസിക്കുന്നു.ഈ സിനിമ ഒരു ശരാശരി നിലവാരം ഉള്ള സിനിമയായി തോന്നി.അത് കൊണ്ട് ഇതിനു നല്‍കുന്ന മാര്‍ക്ക് 2.5/5

More reviews @ www.movieholicviews.blogspot.com

231.INTERSTELLAR(ENGLISH,2014)

231.INTERSTELLAR(ENGLISH,2014),|Sci-Fi|,Dir:-Christopher Nolan,*ing:-Matthew Mc Coughney,Michael Caine.

"HIGH SPOILER ALERT"(ഈ സിനിമയെ കുറിച്ചുള്ള ആധികാരിക പോസ്റ്റ്‌ ഒന്നും അല്ല ഇത്.പകരം കുറച്ചു വായനയിലൂടെ സിനിമയെ മലയാളത്തില്‍ അവതരിപ്പിക്കുന്നു എന്നേ ഉള്ളു.സങ്കീര്‍ണം ആയ പലതും നല്ല രീതിയില്‍ അവതരിപ്പിച്ചു കൊണ്ടുള്ള ലേഖനങ്ങള്‍ എഴുതിയ എല്ലാ സുഹൃത്തുക്കള്‍ക്കും നന്ദി.)

 ”Do not go gentle into that good night, old age should burn and rage at close of day. Rage, rage against the dying of the light.”  Dr.Brand പലപ്പോഴും ചിത്രത്തില്‍ പറയുന്ന Dylan Thomas ന്‍റെ വരികളില്‍ തന്നെ ഈ ചിത്രത്തെക്കുറിച്ച് ഒരു ഏകദേശ രൂപം ലഭിക്കും.കാരണം ഈ ചിത്രം അവതരിപ്പിക്കുന്ന  Science concepts മനസ്സിലാക്കാന്‍ അധികം പ്രയാസം ഇല്ലെങ്കിലും കൂടുതലും ശാസ്ത്രത്തിന്റെ ഭാവന എന്ന് വിളിക്കവുന്നവയാണ് പലതും.മറ്റൊരു concept ഇത്രയും ശക്തമായി അവതരിപ്പിക്കപ്പെടുന്നില്ലെങ്കില്‍ വിശ്വസിക്കാവുന്ന ഒന്ന്.പ്രപഞ്ച രഹസ്യങ്ങള്‍ അങ്ങനെ ആണല്ലോ പലപ്പോഴും.എന്തായാലും Interstellar എന്ന സിനിമയുടെ റിവ്യൂ എന്നതിലും ഉപരി ഒരു വിശദീകരണം ആണ് ഉള്‍പ്പെടുത്താന്‍ ശ്രമിച്ചിട്ടുള്ളത്.അത് കൊണ്ട് "Spoiler Alert" പലയിടത്തും കൊടുക്കുന്നു.

  പ്രകൃതിയില്‍ നടന്ന ചില ദുരിതങ്ങള്‍ കാരണം ഭൂമിയില്‍ ഭക്ഷണത്തിന് ക്ഷാമം അനുഭവപ്പെടുന്നു.പണത്തിനും മീതെ പ്രകൃതി മനുഷ്യനുമായി പോരാടുന്ന ഒരു അവസ്ഥ ആണ് ചിത്രത്തില്‍ അവതരിപ്പിച്ചിരിക്കുന്നത്.കൂപ്പര്‍ തന്‍റെ മക്കളും ആയി താമസിക്കുന്നു.പഴയ NASA യുടെ പൈലറ്റ്‌ ആയിരുന്നു.ഭക്ഷ്യ ക്ഷാമം മനുഷ്യനെ ശാസ്ത്ര പുരോഗതിയില്‍ തുരങ്കം വയ്ക്കുന്നു.ഭക്ഷണം കണ്ടെത്താന്‍ വേണ്ടി ആ പണം ഉപയോഗിക്കാന്‍ ഉള്ള തീരുമാനത്തില്‍ ആണ് മനുഷ്യ രാശി.ഇപ്പോള്‍ കര്‍ഷകന്‍ ആയി ജീവിതം നയിക്കുന്ന കൂപ്പര്‍ എന്നാല്‍ മകളായ മര്‍ഫിയുടെ ശാസ്ത്രത്തോട്‌ ഉള്ള താല്‍പ്പര്യം കാണുന്നു.അവളുടെ മുറിയില്‍ ഇടയ്ക്ക് നടക്കുന്ന പ്രതിഭാസത്തെ ഒരു പ്രേതാത്മാവായി കാണുന്നു.എന്നാല്‍ അതിനു പിന്നില്‍ ശാസ്ത്രീയം ആയി എന്തോ ഉണ്ടെന്നു മനസ്സിലാക്കുന്ന കൂപ്പര്‍ gravity anomaly അതില്‍ കാണുന്നു.(ഒരു ഗ്രഹത്തിന് ഉള്ള ഗുരുത്വാകര്‍ഷണം ചിലപ്പോള്‍ പോസിറ്റീവ് ആയോ നെഗറ്റീവ് ആയോ കണക്കാക്കാം.എന്നാല്‍ പ്രതീക്ഷിച്ചതിലും കൂടുതല്‍ ഗുരുത്വാകര്‍ഷണം ഉണ്ടെങ്കില്‍ പോസിറ്റീവ് എന്ന് മറിച്ചാണെങ്കില്‍ നെഗറ്റീവ് എന്നും വിളിക്കാം).

കൂപ്പറിന്റെ അന്വേഷണങ്ങള്‍ അയാളെ കൊണ്ടെത്തിക്കുന്നത് അതി രഹസ്യമായി NASA നടത്തുന്ന ഒരു പരീക്ഷണ ശാലയിലേക്ക് ആണ്.മനുഷ്യ രാശിയെ രക്ഷിക്കാന്‍ വേണ്ടി Dr.Brand ഉം കൂട്ടരും നടത്തുന്ന ശ്രമങ്ങളിലേക്ക്.കൂപ്പറിനെ അവര്‍ ക്ഷണിക്കുന്നു.ഒരു യാത്രയാണ് അവരുടെ ലക്‌ഷ്യം."They" എന്ന് വിളിക്കുന്ന അജ്ഞാതര്‍ നിര്‍മ്മിച്ച "Wormhole"ലൂടെ ഉള്ള ഒരു യാത്ര.(Wormhole:-ഒരു സാങ്കല്‍പ്പിക space time ആണത്.ഒരു കുറുക്കു വഴി എന്ന് പറയാം ഈ തുരങ്കത്തെ.ഇവിടെ സ്പേസ്-സമയം എന്നിവയാണ് കണക്കില്‍ എടുക്കുന്നത്.നമ്മള്‍ ദൂരത്തെ 3 dimensional ആയി ആണ് കണക്കാക്കുന്നത്.ഈ ത്രിമാന ദൂരത്തെ അളക്കാന്‍ Euclidean  distance formula യ്ക്ക് കഴിയും.അത് ഇങ്ങനെ ആണ് ത്രിമാനസ്വഭാവം കാണിക്കുമ്പോള്‍.
d(p, q) = \sqrt{(p_1 - q_1)^2 + (p_2 - q_2)^2+(p_3 - q_3)^2}..ഇവിടെ p,q എന്നിവ യഥാക്രമം രണ്ടു വശത്തും ഉള്ള ബിന്ദുക്കള്‍ ആണ്.)

എന്നാല്‍ theoretical ആയ നാലാമതൊരു dimension കൂടി ഉണ്ട്.അത് കൊണ്ട് തന്നെ ആ Wormhole രണ്ടു ലോകങ്ങളെ തമ്മില്‍ ബന്ധിപ്പിക്കാന്‍ ഉപയോഗിക്കാം എന്ന് വേണമെങ്കില്‍ പറയാം.കൂപ്പര്‍ ബ്രാണ്ടിനെ കാണുന്നതിനു മുന്‍പ് തന്നെ പതിമൂന്നോളം ആളുകള്‍ ഇതേ ഉദ്യമവും ആയി പോയിട്ടുണ്ട്.ഇനി ഉദ്യമം.അതിനെ രണ്ടായി അവതരിപ്പിക്കാം.ഒന്നിനെ Plan A എന്നും അടുത്തതിനെ Plan B എന്നും.

Plan A:-കൂപ്പര്‍ അടങ്ങുന്ന Endurance ടീം തങ്ങളുടെ യാത്ര നടത്തുമ്പോള്‍ ബ്രാന്‍ഡ് തന്‍റെ നാല്‍പ്പതു വര്ഷം ആയി ഉത്തരം കണ്ടെത്താന്‍ നടത്തുന്ന അതിസങ്കീര്‍ണമായ സമസ്യയ്ക്ക് ഉത്തരം കണ്ടെത്താന്‍ ശ്രമിക്കുന്നു.അത് കണ്ടെത്തിയാല്‍ മനുഷ്യരാശിക്ക് അഞ്ചാമതൊരു dimension ഉപയോഗപ്പെടുത്താന്‍ സാധിക്കും.ഗുരുത്വാകര്‍ഷണം ആണ് അവിടെ അഞ്ചാമത്തെ dimension ആയി സങ്കല്‍പ്പിക്കുന്നത്.അതിലൂടെ NASA യ്ക്ക് ബാക്കി ഉള്ള മനുഷ്യ രാശിയെ നോഹയുടെ പെട്ടകം എന്നത് പോലെ മറ്റു ലോകങ്ങളിലേക്ക് കൊണ്ട് പോകാന്‍ സാധിക്കും.

Plan B:-NASA വികസിപ്പിച്ചെടുത്ത embryo മനുഷ്യവാസം ഉള്ള സ്ഥലങ്ങളില്‍ നിക്ഷേപിക്കുക.അവിടെ പുത്തന്‍ ഒരു ജീവരാശിയെ വളര്‍ത്തുക എന്നതാണ്.അതായത് ആ ഉദ്യമം Endurance ടീമില്‍ ഉള്ളവരില്‍ നിക്ഷിപ്തം ആണ്.പ്ലാന്‍ A പരാജയപ്പെട്ടാല്‍ മാത്രം ആണ് പ്ലാന്‍ B യിലേക്ക് പോകൂ  എന്ന് ചുരുക്കം.

എന്നാല്‍ പിന്നീട് Plan A നടക്കാന്‍ സാധ്യത ഇല്ലാത്ത ഒന്നാണ് എന്ന് കൂപ്പര്‍ ടൈം ഷിഫ്റ്റ്‌ മൂലം പ്രായം ആയ മകള്‍ മര്‍ഫി വഴി മനസിലാക്കുന്നു.ബ്രാണ്ടിന്റെ മകള്‍ അമേലി എന്നാല്‍ പ്ലാന്‍ A സംഭവ്യം ആകും എന്ന് വിശ്വസിക്കുന്നു.എന്നാല്‍ അതില്‍ വിശ്വാസം ഇല്ലാതിരുന്ന കൂപ്പര്‍ TARS എന്ന യന്ത്ര മനുഷ്യനെ ബ്ലാക്ക് ഹോളിലേക്ക്‌ അയക്കുന്നു.അതില്‍ ഒരു പ്രതീക്ഷയും ഉണ്ടായിരുന്നു.ബ്രാണ്ടിന്റെ equation നു വേണ്ടിയ എന്തെങ്കിലും data ലഭിക്കും എന്ന പ്രതീക്ഷയില്‍ ആയിരുന്നു അത്.എന്നിട്ട് കൂപ്പര്‍ സ്വയം Endurance ന്‍റെ ഭാരം കുറയ്ക്കാന്‍ ആയി സ്വയം ആ പേടകത്തില്‍ നിന്നും പുറത്തേക്കു പോകുന്നു.അമേലിയയെ പ്ലാന്‍ B നിര്‍വഹിക്കാന്‍ വേണ്ടി കൂപ്പര്‍ അവിടെ രക്ഷിക്കുന്നു.

പക്ഷേ കൂപ്പര്‍ എത്തി ചേര്‍ന്നത്‌ Tesseract ല്‍ ആയിരുന്നു.(Tesseract:-ഒരു ചതുരവും ക്യൂബും എങ്ങനെ വ്യതസ്തപ്പെട്ടിരിക്കുന്നോ അത് പോലെ തന്നെ ആണ് ക്യൂബും Tesseract ഉം തമ്മില്‍ ഉള്ള വ്യത്യാസവും.ഇത് ചുരുക്കത്തില്‍ 4 dimensional ആണെന്ന് പറയാം .ക്യൂബിന് 6 മുഖങ്ങള്‍ ഉള്ളപ്പോള്‍ Tesseract നു എട്ടു മുഖങ്ങള്‍ ഉണ്ടാകും എന്ന് ചുരുക്കം).Wormhole ല്‍ ഈ Tesseract നിര്‍മ്മിച്ചത്‌ നേരത്തെ "They" എന്ന് ബ്രാന്‍ഡ് വിളിച്ച അതെ ആളുകള്‍ ആണ്.ആ യാത്ര കൂപ്പരിനെ കൊണ്ടെത്തിച്ചത് മകളുടെ മോറിയിലേക്ക് ആണ്.ഭാവിയില്‍ ഉള്ള കൂപ്പര്‍ ഭൂതക്കാലത്ത് ഉള്ള മ്മകള്‍ മര്‍ഫിയെ അവിടെ കാണുന്നു.നേരത്തെ അവര്‍ വിശ്വസിച്ച പ്രേതാത്മാവ് ഭാവിയില്‍ ഉള്ള കൂപ്പര്‍ ആണെന്ന് മനസ്സിലാകുന്നു.

അയാള്‍ പോകാന്‍ നേരം മകള്‍ക്ക് സമ്മാനിച്ച വാച്ചിലൂടെ മോര്‍സ് കോഡ് ഉപയോഗിച്ച് Dr.ബ്രാന്‍ഡ് തന്‍റെ equation ല്‍ തെറ്റ് പറ്റിയ സ്ഥലങ്ങള്‍ ശരിയാക്കുന്നു.ഒരു 5 dimensional ലൂടെ മനുഷ്യ രാശിക്ക് മറ്റുള്ള ലോകത്തിലേക്ക്‌ പോകാന്‍ ഉള്ള വഴികള്‍ അതിലൂടെ ലഭിക്കുന്നു.അതിനു ശേഷം അവിടെ നിന്നും നിലം പതിക്കുന്ന കൂപ്പര്‍ പുതിയ ഒരു ഭൂമിയില്‍ എത്തിയിരുന്നു.മനുഷ്യന് വേണ്ടി വേറെ ഗ്രഹങ്ങളില്‍ ഉള്ള 5 dimensionil ഉള്ള പുതിയ ലോകം.അപ്പോള്‍ കൂപ്പറിന്  124 വയസ്സില്‍ ആയിരുന്നു.മകള്‍ മര്‍ഫി മരണക്കിടക്കയില്‍ ഉള്ള വൃദ്ധയും.ഒരിക്കലും സ്വന്തം മക്കള്‍ മരിക്കുന്നത് കാണാന്‍ ആഗ്രഹിക്കാത്ത മാതാപിതാക്കള്‍ അതില്‍ നിന്നും മാറി നില്‍ക്കണം എന്ന് മര്‍ഫി പറയുമ്പോള്‍ കൂപ്പര്‍ ആ മുറിയില്‍ നിന്നും പുറത്തു ഇറങ്ങുന്നു.തന്‍റെ ഇപ്പോള്‍ ഉള്ള തലമുറയെയും കണ്ടതിനു ശേഷം.

ഇനി പ്രായ വ്യത്യാസം എങ്ങനെ വന്നു എന്നതിന്.പല ലോകത്തും രാത്രി-ദിനങ്ങള്‍ക്കുള്ള ദൈര്‍ഘ്യം വ്യത്യാസം ഉണ്ട്.അത് കൊണ്ട് തന്നെ മനുഷ്യന്റെ ഒരു ദിവസത്തിന് മറ്റു ലോകങ്ങളില്‍ ഉള്ള ദൈര്‍ഘ്യം വ്യത്യാസപ്പെട്ടിരിക്കും.കൂപ്പറും കൂട്ടരും ആദ്യം ഇറങ്ങിയ സ്ഥലത്ത് തന്നെ അവരുടെ 21 ഭൂമി വര്‍ഷങ്ങള്‍ മാറിയിരുന്നു.പിന്നെ Dr.Mann നെ കാണുന്ന സ്ഥലത്ത് 53 ഓളം വര്‍ഷവും.

ഇനി "They" എന്ന് വിളിക്കപ്പെട്ടവരെ കുറിച്ച്.അവര്‍ ഒരു എലിയന്‍ ആയിരിക്കും എന്നാണു ബ്രാണ്ടും കൂട്ടരും കരുതിയിരുന്നത്.എന്നാല്‍ അവസാനം മനസ്സിലാകും അതും ഭാവിയില്‍ ഉള്ള മനുഷ്യര്‍ ആയിരുന്നു എന്ന്.ബ്രാന്‍ഡും കൂട്ടരും മനുഷ്യ രാശിയും ആയി ബന്ധപ്പെടാന്‍ വേണ്ടി മറ്റൊരു വര്‍ഗ്ഗം ശ്രമിക്കുന്നു എന്ന് കണ്ടെത്തുന്നു.എന്നാല്‍ അത് 5th dimension(ഗുരുത്വാകര്‍ഷണം ഉളപ്പടെ ഉള്ള) തന്ത്രങ്ങള്‍ സ്വായതം ആക്കിയ ഭാവിയിലെ മനുഷ്യര്‍ ആയിരുന്നു.കൂപ്പര്‍ പിന്നീട് ഇറങ്ങുന്ന Tesseract നിര്‍മ്മിച്ചത്‌ അവര്‍ ആയിരുന്നു.കൂപ്പര്‍ വഴി മര്‍ഫി അങ്ങനെ മനുഷ്യ രാശിയില്‍ ബാക്കി ഉള്ളവരെ രക്ഷിക്കാന്‍ ഉള്ള ഉദ്യമത്തില്‍ ഭാഗം  ആകുന്നു.(അവസാന രംഗങ്ങളില്‍ അത് മനസ്സിലാകും).ചുരുക്കത്തില്‍ Tesseract എന്നുള്ളത് ത്രിമാനസ്വഭാവം ഉള്ളതിനെ 5th dimensional ആക്കി മാറ്റുന്ന ഒന്നായി മാറുന്നു.കൂപ്പര്‍ ഉള്‍പ്പടെ Saturn നെ വലം വയ്ക്കുന്ന ആ ഉദ്യമത്തില്‍ പങ്കെടുക്കുമ്പോള്‍ ഉണ്ടാകുന്ന ടൈം ഷിഫ്റ്റ്‌ ആണ് ഇതിനു കാരണം.പക്ഷെ ഇതില്‍ ഒരു സംശയം വരുന്നുണ്ട്.പ്രത്യേകിച്ചും മനുഷ്യ രാശി എങ്ങനെ സ്വയം നശിക്കുന്നതില്‍ നിന്നും രക്ഷിച്ചു ഭാവിയിലേക്ക് ഉള്ള Tesseract ഉണ്ടാക്കി എന്ന്.ഒരു പക്ഷേ ഈ ചിത്രത്തില്‍ അതിനെ കുറിച്ച് വിശദീകരണം ഒന്നും കാണാത്തത് കൊണ്ട് അത് Endurance ടീമില്‍ ഉള്ള ആരെങ്കിലും ആകും എന്ന് കരുതാം.

More reviews @ www.movieholicviews.blogspot.com

Friday, 21 November 2014

230.TANGERINES(ESTONIAN,2013)

230.TANGERINES(ESTONIAN,2013),|Drama|,Dir:-Zaza Urushadze,*ing:-Lembit Ulfsak,Misha Meskhi, Giorgi Nakashidze, Elmo Nüganen.

 1992-'93 കാലഘട്ടത്തില്‍  ജോര്‍ജിയയില്‍ നിന്നും അബ്ഖാസിയ എന്ന പുതിയ രാജ്യത്തിന് വേണ്ടി ജോര്‍ജിയന്‍ സര്‍ക്കാരും ആയി   വിമതര്‍ നടത്തിയ യുദ്ധത്തെ ആസ്പദം ആക്കി ആണ് Tangerines എന്ന എസ്ടോനിയന്‍ സിനിമ വികസിക്കുന്നത്.എസ്ടോനിയന്‍ വംശജര്‍ ഈ യുദ്ധത്തിന്റെ സമയം അവരുടെ മാതൃദേശങ്ങളിലേക്ക് തിരിച്ചു പോയിക്കൊണ്ടിരുന്നു.എന്നാല്‍ ആ ഗ്രാമത്തില്‍ അവസാനം മൂന്നു പേര്‍ മാത്രം അവശേഷിച്ചു.വൃദ്ധന്‍ ആയ ഇവോയും,ഓറഞ്ചു കൃഷി നടത്തുന്ന മാര്‍ഗസ്സും പിന്നെ ഡോക്റ്റര്‍ ആയ ജുഹാനും.ഒരു ദിവസം രണ്ടു പേര്‍ ഇവോയുടെ വീട്ടില്‍ തോക്കും ആയി വന്നു.പുതിയ രാജ്യത്തിനായി വാദിക്കുന്ന വിമത സേനയിലെ അംഗങ്ങള്‍ ആയ ഇബ്രാഹിം ,അഹമദ് എന്നിവരായിരുന്നു അവര്‍.അവര്‍ ഇവോയോടു ഭക്ഷണം ആവശ്യപ്പെടുന്നു.ഇവോയുടെ ആകെ സ്വന്തം  എന്ന് പറയാവുന്ന  ചെറു മകള്‍ പോലും യുദ്ധം തുടങ്ങിയ സമയം തിരികെ നാട്ടിലേക്ക് പോയിരുന്നു.എന്നാല്‍ ആ നാടിനെ വളരെയധികം ഇഷ്ടപ്പെട്ട ഇവോ അവിടെ നിന്നും പോകുന്നില്ല.ഇവോ അവര്‍ക്ക് ഭക്ഷണം നല്‍കുന്നു.മാര്‍ഗാസ് ആ സമയം തന്റെ ഓറഞ്ചു തോട്ടത്തില്‍ പണിയില്‍ ആയിരുന്നു.പിറ്റേ ദിവസം ഓറഞ്ചു പറിച്ചെടുക്കാന്‍ സഹായിക്കുന്നതിനായി ആളുകള്‍ വരുമെന്ന് ഒരു മേജര്‍ അയാള്‍ക്ക്‌ ഉറപ്പു കൊടുത്തിരുന്നു.അതും പ്രതീക്ഷിച്ചു ആണ് മാര്‍ഗസ് ഇരിക്കുന്നത്.ആ ഓറഞ്ചു വിറ്റ കാശ് കൊണ്ട് വേണം അയാള്‍ക്ക്‌ സ്വന്തം നാട്ടിലേക്ക് പോകാന്‍.ഓറഞ്ചു കൊണ്ട് പോകാന്‍ ഉള്ള തടി പെട്ടികളുടെ നിര്‍മാണത്തില്‍ ആയിരുന്നു ഇവോ.

  എന്നാല്‍ അല്‍പ്പ സമയത്തിന് ശേഷം ഒരു ആക്രമണം നടന്നതിന്‍റെ ശബ്ദം കേട്ട ഇവോ ഓടി മാര്‍ഗസ്സിന്റെ ഓറഞ്ചു തോട്ടത്തില്‍ എത്തുന്നു.അവിടെ മരിക്കാറായി കിടക്കുന്ന അഹമ്മദിനെ അവര്‍ കാണുന്നു.ഇബ്രാഹിം ആദ്യം തന്നെ മരണപ്പെട്ടിരുന്നു.ജോര്‍ജിയന്‍ സേനയും ആയുള്ള വെടിവെപ്പില്‍ ആണ് ഇബ്രാഹിം മരിച്ചത്.ജോര്‍ജിയന്‍ സേനയില്‍ മൂന്നു പേരും മരിച്ചിരിക്കുന്നു.ഇവോയും മാര്‍ഗസ്സും കൂടി അവരെ ഒരു കുഴി ഉണ്ടാക്കി ഒരുമിച്ചു അടക്കാന്‍ ശ്രമിക്കുന്ന സമയം ജോര്‍ജിയന്‍ സേനയിലെ ഒരു സൈനികന് ജീവന്‍ വന്നതായി തോന്നി.അവര്‍ ബാക്കി ഉള്ള ശവങ്ങള്‍ മൂടിയതിന് ശേഷം അയാളെയും കൊണ്ട് ഇവോയുടെ വീട്ടില്‍ പോകുന്നു.അഹമ്മദ് നേരത്തെ തന്നെ ഇവോയുടെ ശുശ്രൂഷയില്‍ ആണ്.അവര്‍ ഡോക്റ്റര്‍ ആയ ജഹാനെ വിളിച്ചു വരുത്തി.ജോര്‍ജിയന്‍ സൈനികന്റെ തലയില്‍ റോക്കറ്റ് ആക്രമണത്തില്‍ തറച്ച ഷെല്‍ ആണ് പ്രശ്നക്കാരന്‍.എന്നാല്‍ ബോധം കെട്ടു അയാള്‍ കിടന്നെങ്കിലും അയാള്‍  രക്ഷപ്പെടാന്‍  ഉള്ള സാധ്യതകള്‍ കൂടിയിരുന്നു.എന്നാല്‍ പതുക്കെ മുറിവുകള്‍ ഭേദം ആയ അഹമദ് അപ്പുറത്തെ മുറിയില്‍ തന്‍റെ ശത്രുക്കളില്‍ ഒരാള്‍ ആണ് കിടക്കുന്നത് എന്നറിഞ്ഞപ്പോള്‍ അയാളെ കൊല്ലും എന്ന് ഇവോയോടു പറയുന്നു.അഹമ്മദ് അയാളെ കൊല്ലുമോ?സ്വന്തം ജീവിതം ശത്രുവിനെ ഇല്ലാതാക്കാന്‍ വേണ്ടി മാറ്റി വച്ച അയാളുടെ വാക്കുകള്‍ സംഭവ്യം ആകുമോ?

  യുദ്ധങ്ങള്‍ ആര്‍ക്കു വേണ്ടി ആണ്?പലപ്പോഴും അത് മണ്ണിനു വേണ്ടി ആകുമ്പോള്‍ അവ തീക്ഷണം ആകുന്നു.എന്നാല്‍ ഇതില്‍ ഇരു വശത്ത് നില്‍ക്കുന്ന നേതാക്കള്‍ മാത്രം അല്ലാതെ സൈനികര്‍ ഇതില്‍ എന്ത് മാത്രം പ്രാധാന്യം കൊടുക്കുന്നു എന്നതും ചിന്തിക്കണ്ട കാര്യം ആണ്.ഒരു പക്ഷേ വംശീയം ആയും മതത്തിന്‍റെ പേരിലും പോര്‍വിളികള്‍ നടത്തുന്നവര്‍ പോലും ഒരു പക്ഷേ മനസ്സില്‍ ഇതൊന്നും ആഗ്രഹിക്കുന്നില്ല എന്ന് പലപ്പോഴും തോന്നാറുണ്ട്.ഈ അടുത്ത് കണ്ട മികച്ച സിനിമകളില്‍ ഒന്നാണ് ഈ എസ്റ്റോണിയന്‍ ചിത്രം.ജീവിതവും ജീവിത യാഥാര്‍ത്ഥ്യവും ഭംഗിയായി അവതരിപ്പിക്കുന്നതില്‍ സാസായുടെ സംവിധാന മികവിന് സാധിച്ചിട്ടുണ്ട്.സംഗീതം അതി മനോഹരം ആയിരുന്നു.ഒരു പ്രത്യേക അനുഭവം ആണ് ഈ ചിത്രം.അത് പോലെ തന്നെ സംഗീതവും.ഈ വര്‍ഷത്തെ ഓസ്കാര്‍ നാമനിര്‍ദേശം ആയി ഉള്ള എസ്റ്റോണിയന്‍ സിനിമ ഇതാണ്.ചിത്രത്തിന് മികച്ച വിദേശ ഭാഷ സിനിമയ്ക്കുള്ള പുരസ്ക്കാരം ലഭിക്കാന്‍ നല്ല സാധ്യത കാണുന്നുണ്ട്.അത്രയും ഹൃദ്യം ആയിരുന്നു പോര്‍വിളികള്‍ നടത്തിയവരുടെ ബന്ധം അവതരിപ്പിച്ചിരിക്കുന്നത്.

Download Link:-http://thepiratebay.website/torrent/9498479/Tangerines___Mandariinid___Mandarinebi_(2013)_-_HC_Russian_Eston

More reviews @ www.movieholicviews.blogspot.com


Wednesday, 19 November 2014

229.WHITE NIGHT(KOREAN,2009)

229.WHITE NIGHT(KOREAN,2009),|Thriller|Mystery|Crime|,Dir:-Shin-woo Park,*ing:-Suk-kyu Han, Ye-jin Son, Soo Go.

 ദൃശ്യം എന്ന മലയാളത്തിലെ  എക്കാലത്തെയും ഹിറ്റ്‌ സിനിമയുടെ പേരില്‍ കുറച്ചു മലയാളികള്‍ക്ക് എങ്കിലും പരിചയം ഉള്ള ഒരു ജാപ്പനീസ് എഴുത്തുകാരന്‍ ആണ് കീഗോ ഹിഗാഷിനോ.Devotion of Suspect X എന്ന നോവലും അത് പോലെ കുറച്ചു പേര്‍ക്കെങ്കിലും പരിചിതം ആണ്.കീഗോയുടെ തന്നെ Byakuyakō എന്ന ജാപ്പനീസ് നോവലിനെ ആധാരമാക്കിയാണ് White Night എന്ന കൊറിയന്‍ ചിത്രം അവതരിപ്പിച്ചിരിക്കുന്നത് .Suspect X പോലെ തന്നെ സങ്കീര്‍ണം ആയ ഒരു കഥയാണ് ഈ ചിത്രത്തിനും ഉള്ളത്.ഗലീലിയോ പരമ്പരയിലൂടെ പ്രശസ്തന്‍ ആയ കീഗോയുടെ ഗലീലിയോ ഇല്ലാത്ത ഒരു ക്രൈം/ത്രില്ലര്‍/മിസ്റ്ററി കഥയാണ് ഈ ചിത്രത്തിന് ഉള്ളത്.ചിത്രം ആരംഭിക്കുന്നത് ഒരു കൊലപാതകത്തിലൂടെ ആണ്.പലിശക്കാരന്‍ ആയ കിം സി ഹൂ കൊല്ലപ്പെട്ട നിലയില്‍ കാണപ്പെടുന്നു.ഒറ്റപ്പെട്ടു കിടക്കുന്ന ഒരു കെട്ടിടത്തില്‍ ആണ്ശവ ശരീരം കാണപ്പെട്ടത്.

  മരണം കൊലപാതകം ആണോ അതോ ആത്മഹത്യ ആണോ എന്ന സംശയം പോലീസിനും ഉണ്ടായി.കേസ് അന്വേഷണം ജോ മിന്‍ വൂ എന്ന ഡിട്ടക്ട്ടീവ് ആണ് ഏറ്റെടുത്തത്.എന്നാല്‍ ഇപ്പോള്‍ നടന്ന മരണവും പതിന്നാലു വര്ഷം മുന്‍പ് നടന്ന ഒരു മരണവും ആയി എന്തോ ബന്ധം ഉള്ളത് പോലെ ജോ മിന്‍ വൂവിനു തോന്നുന്നു.പതിന്നാലു വര്‍ഷം മുന്‍പ് നടന്ന ഒരു കൊലപാതകവും മറ്റൊരു ആത്മഹത്യയും തമ്മില്‍ ഈ കേസിന് ബന്ധം ഉണ്ടെന്നു അയാള്‍ക്ക്‌ തോന്നുന്നു.അത് കൊണ്ട് തന്നെ അന്ന് കേസ് അന്വേഷണം നടത്തിയ ഹാംഗ് ദോംഗ് സൂവിനെ അയാള്‍ ബന്ധപ്പെടുന്നു.എന്നാല്‍ ആ കേസ് അന്വേഷണത്തില്‍ തന്‍റെ പോലീസ് ജീവിതം തകരുകയും അത് പോലെ തന്നെ മകന്‍റെ മരണവും ദാമ്പത്യബന്ധത്തില്‍ ഉള്ള വിള്ളലും എല്ലാം ആയിരുന്നു അയാള്‍ക്ക്‌ അന്ന് ലഭിച്ചത്.മാത്രമല്ല രണ്ടു വര്‍ഷത്തെ അന്വേഷണം അയാള്‍ക്ക്‌ ദുരിതം ആയി മാറുകയും ചെയ്തു.പതിന്നാലു വര്‍ഷത്തെ വാര്‍ധക്യം പ്രത്യക്ഷത്തില്‍ ഉള്ള  ഹാംഗ് ദോംഗ് സൂവിനു എന്നാല്‍ ഈ കേസിനെ കുറിച്ച് നല്ല പരിജ്ഞാനം ഉണ്ടായിരുന്നു.ഒരിക്കല്‍ ഉപേക്ഷിച്ച കേസ് ആണെങ്കിലും Statute of Limitations തീരാന്‍ ഇരിക്കുന്ന സമയത്ത് സാദൃശ്യം തോന്നുന്ന രീതിയില്‍ ഉള്ള കേസ് വന്നത് ആദ്യം സ്വയം ഒഴിഞ്ഞെങ്കിലും ഹാം ദോംഗ് സൂ ഏറ്റെടുക്കുന്നു.അയാള്‍ ജോ മിന്‍ വൂവിനെ താന്‍ കേസ് അന്വേഷണത്തില്‍ പങ്കെടുക്കാന്‍ തയാര്‍ ആണെന്ന് വിളിച്ചു പറയുന്നു.എന്നാല്‍ അയാള്‍ ഒരാഴ്ച ആയി കാണാനില്ല എന്ന വിവരം ആണ് ഹോംഗ് ദോംഗ് സൂ അറിഞ്ഞത്.അയാളുടെ ഓര്‍മയിലൂടെ പതിന്നാലു വര്‍ഷം മുന്‍പ് നടന്ന സംഭവങ്ങള്‍ മിന്നി മറയുന്നു.അന്ന് മരിച്ച ആളുടെ ഭാര്യയും മകനും പറഞ്ഞ മൊഴികളും അതിനു അല്‍പ്പ ദിവസത്തിന് ശേഷം ആത്മഹത്യ ചെയ്തു എന്ന് കരുതുന്ന അയാളുടെ കാമുകിയും ജീവിച്ചിരുന്ന മകളും എല്ലാം ഓര്‍മകളിലൂടെ ഒഴുകി.അവര്‍ ഒക്കെ ഇപ്പോള്‍ എന്ത് ചെയ്യുന്നു?പതിന്നാലു വര്‍ഷം കഴിഞ്ഞതിനു ശേഷം നടന്ന ഈ മരണം എന്തിന്‍റെ എങ്കിലും അടയാളം ആണോ?കൂടുതല്‍ അറിയാന്‍ ചിത്രം കാണുക.

  പണം ഇല്ലാത്തതു കൊണ്ട് ജീവിതത്തില്‍ ദുരിതങ്ങള്‍ അനുഭവിക്കേണ്ടി വന്നവരും മനുഷ്യത്വത്തിന്റെ പേരില്‍ വലിയ പാതകങ്ങള്‍ നടത്തുന്നവരുടെയും ലോകം ആണ് ചുറ്റും ഉള്ളത്.ഇതില്‍ പ്രണയം ഇഷ്ടം എന്നിവ എല്ലാം ചെരുവകകളില്‍ ഒന്ന് മാത്രം.SUSPECT X  നെക്കാളും കൂടുതല്‍ എനിക്ക് ഇഷ്ടം ആയതു ഈ ചിത്രം ആണ്. ഒരു പക്ഷേ വൈകാരികം ആയി ഈ ചിത്രം കൂടുതല്‍ ശക്തം ആണ്.അതിനോടൊപ്പം അധികം എളുപ്പം കൈ തരാത്ത കഥയും.ചിത്രത്തിന്‍റെ ഇടയ്ക്കിടെ കാണിക്കുന്ന സംഭവങ്ങളിലൂടെ ഈ രഹസ്യങ്ങള്‍ അനാവരണം ചെയ്യപ്പെടുന്നുണ്ടെങ്കിലും പതിന്നാലു വര്‍ഷം മുന്‍പ് നടന്ന സംഭവങ്ങളും വര്‍ത്തമാന കാലത്ത് നടക്കുന്ന സംഭവങ്ങളും ഇടയ്ക്കിടെ പ്രേക്ഷകനെ കുഴപ്പിക്കും.എന്തായാലും നല്ലൊരു ത്രില്ലര്‍ ചിത്രം ആണ് White Night.2011 ല്‍ ഈ ചിത്രം Into the White Night എന്ന പേരില്‍ സിനിമയായി ഇറങ്ങിയിരുന്നു.2010ലെ ബ്ലൂ ഡ്രാഗന്‍ പുരസ്ക്കരങ്ങളില്‍ ജനപ്രീതി ഉള്ള സിനിമയായി കൊറിയന്‍ പതിപ്പിനെ തിരഞ്ഞെടുത്തിരുന്നു.

Download Link:-https://kickass.so/white-night-2009-bluray-1080p-5-1ch-x264-smallandhd-t8961695.html

More reviews @ www.movieholicviews.blogspot.com

Monday, 17 November 2014

228.MURDERER(KOREAN,2013)

228.MURDERER(KOREAN,2013),||Thriller|,Dir:-Lee Ki-Wook,*ing:-Ma Dong-Seok,Ahn Do-Kyu,Kim Hyun-Soo.

  യോംഗ് ഹൂ തന്‍റെ അച്ഛന്റെ ഒപ്പം ആണ് താമസം.നായ്കളെ വളര്‍ത്തി വില്‍ക്കുന്ന ജൂ-ഹ്യൂബ് ആണ് അവന്‍റെ അച്ഛന്‍.ഇതിന്‍റെ പേരില്‍ അവന്റെ കൂടെ പഠിക്കുന്ന വിദ്യാര്‍ഥികള്‍ അവനെ കളിയാക്കുകയും ഇത് പറഞ്ഞു ഒറ്റപ്പെടുത്തി ദ്രോഹിക്കുകയും ചെയ്യുന്നു.എന്നാല്‍ യോംഗ് ഹൂ തന്‍റെ വിഷമങ്ങള്‍ എല്ലാം തന്നില്‍ ഒതുക്കി അച്ഛന് ഭക്ഷണം ഒക്കെ ഉണ്ടാക്കി കൊടുത്തു ജീവിക്കുന്നു.നല്ലത് പോലെ ചിത്രങ്ങള്‍ വരയ്ക്കുന്ന യോംഗ് ഹൂ അവന്റെ എല്ലാ പിറന്നാളിനും അവനും അച്ഛനും കൂടി ഉള്ള പടം വരച്ചു കൊടുക്കാറുണ്ട്.ആള് മുരടന്‍ ആയിരുന്നെങ്കിലും യോംഗ് ഹൂ അവന്റെ അച്ഛനെ ഇഷ്ടം ആയിരുന്നു.അത് പോലെ തന്നെ ആയിരുന്നു ജൂ-ഹ്യൂബിനും.മകനോട്‌ ഉള്ള സ്നേഹം അയാള്‍ പുറമേ കാണിക്കുന്നില്ലെങ്കിലും അയാള്‍ക്ക്‌ അവന്‍റെ ചിത്ര രചനയെ കുറിച്ചും പാചക നൈപുണ്യത്തിലും മതിപ്പായിരുന്നു.പ്രത്യേകതകള്‍ ഒന്നും ഇല്ലാതെ അമ്മ അപകടത്തില്‍ മരിച്ചു എന്ന് അച്ഛന്‍ പറഞ്ഞു കൊടുത്ത കുട്ടിയായി യോംഗ് ഹൂ ജീവിക്കുന്നു.

   അങ്ങനെയിരിക്കെ യോംഗ് ഹൂ പതിവായി ഒറ്റയ്ക്ക് സമയം ചിലവഴിക്കുന്ന പാലത്തിന്റെ താഴെ ഒരു പെണ്‍ക്കുട്ടിയെ കാണുന്നു.അവള്‍ ആരില്‍ നിന്നോ ഒളിക്കാന്‍ വേണ്ടി പാലത്തിന്റെ തൂണുകളുടെ അടിയില്‍ ഒളിച്ചിരിക്കുകയായിരുന്നു.അവളെ കണ്ടോ എന്ന് പാലത്തിന്റെ മുകളില്‍ ഒരു വാഹനത്തില്‍ വന്ന സ്ത്രീ അവനോടു ചോദിച്ചപ്പോള്‍ അവന്‍ അവിടെ ആരും ഇല്ല എന്നൊരു കള്ളം പറയുന്നു.പിറ്റേ ദിവസം ആ പെണ്‍ക്കുട്ടി യോംഗ് ഹൂവിന്റെ ക്ലാസ്സില്‍ പഠിക്കാനായി ചേരുന്നു.വിഷാദം ആയിരുന്നു അവളുടെ മുഖത്തിലെ സ്ഥായിയായ ഭാവം.ആരോടും അവള്‍ സംസാരിക്കാതെ ഇരുന്നു.യോംഗ് ഹൂ അവളെ ശ്രദ്ധിക്കുന്നു.പിരിഞ്ഞു താമസിക്കുന്ന അച്ഛനും അമ്മയും ആയിരുന്നു അവള്‍ക്കു ഉണ്ടായിരുന്നത്.മറ്റൊരു സ്ത്രീയോടൊപ്പം ജീവിക്കുന്ന അച്ഛനും സ്ഥിരം മദ്യപാനിയായ അമ്മയും ആയിരുന്നു അവള്‍ക്കു ഉണ്ടായിരുന്നത്.പതുക്കെ യോംഗ് ഹൂവും ജി-സൂ എന്ന ആ പെണ്‍ക്കുട്ടിയും സൗഹൃദത്തില്‍ ആകുന്നു.ജൂ-ഹ്യൂബ് ഒരു ദിവസം പാലത്തിന്‍റെ അടിയില്‍ വച്ച് അവരെ കാണുന്നു.ഒരിക്കല്‍ മദ്യപിച്ചു പുറത്തു വച്ച് ബഹളം ഉണ്ടാക്കിയ അമ്മയെ കൊണ്ട് വരാന്‍ അവള്‍ പോകുന്നു.അമ്മയുമായി രാത്രി തിരികെ നടന്നു വരുമ്പോള്‍ ജൂ ഹ്യൂബ് അവരെ കാണുന്നു.യോംഗ് ഹൂവിന്റെ പിതാവാണ് താന്‍ എന്നും അവരെ വീട്ടില്‍ കൊണ്ട് എത്തിക്കാമെന്നും അയാള്‍ പറയുന്നു.അവര്‍ അയാളുടെ വാനില്‍ കയറുന്നു.എന്നാല്‍ ആ വാനില്‍ കണ്ട ഒരു ചിത്രം ജി-സൂവിനെ പരിഭ്രാന്തിയില്‍ ആക്കുന്നു.യോംഗ് -ഹൂ പിതാവിനായി വരച്ചു കൊടുത്ത ഒരു ചിത്രം ആയിരുന്നു അത്.എന്തിനാണ് ജീ-സൂ ഭയപ്പെട്ടത്?കൂടുതല്‍ അറിയാന്‍ ചിത്രം കാണുക.

   ഒരു വലിയ ത്രില്ലര്‍ എന്നൊന്നും ഈ ചിത്രത്തെ കുറിച്ച് പറയാന്‍ പറ്റില്ലെങ്കിലും കൊറിയന്‍ സിനിമയുടെ നിഗൂഡത ഈ ചിത്രത്തിലും ഉണ്ട്.ഭയപ്പെടുത്തുന്ന ഒരു നിഗൂഡത.ജൂ ഹ്യൂബിനെ അവതരിപ്പിച്ച മാ ഡോംഗ് ഇപ്പോള്‍ കാംഗ് ഹോ സോയുടെ ഒപ്പം എന്റെ പ്രിയപ്പെട്ട കൊറിയന്‍ നടന്‍ ആണ്.വില്ലത്തരം ഉള്ള വേഷത്തില്‍ ആണ് കൂടുതല്‍ വന്നിട്ടുള്ളതെങ്കിലും മികച്ച അഭിനയം ആണ് മാ ദോംഗ് പലപ്പോഴും കാഴ്ച വച്ചിട്ടുള്ളത്.മുഖത്ത് തന്നെ എഴുതി വച്ച ഒരു ഭാവം അയാള്‍ക്ക്‌ സിനിമയില്‍ തന്‍റെ കഥാപാത്രങ്ങളെ കൂടുതല്‍ വിശ്വസിപ്പിക്കാന്‍ ആയി കഴിഞ്ഞിട്ടുണ്ടാകും.ഒന്നേക്കാല്‍ മണിക്കൂര്‍ മാത്രം ഉള്ള ഈ ചിത്രം എനിക്ക് ഇഷ്ടപ്പെട്ടു.പ്രത്യേകിച്ചും അവസാന ഭാഗങ്ങള്‍.ഭീകരം ആയി ആ രംഗങ്ങള്‍.പ്രമേയപരമായി ഒരു ശക്തി ആ ചിത്രത്തിന് കിട്ടിയത് അപ്പോഴായിരുന്നു.പ്രത്യേകിച്ചും യോംഗ് ഹൂവും ജൂ ഹ്യൂബും തമ്മില്‍ ഉള്ള ബന്ധത്തിന്‍റെ തീവ്രത.

Download Link :- https://kickass.so/murderer-2013-xvid-ac3-zoom-t9622953.html

More reviews @ www.movieholicviews.blogspot.com

Sunday, 16 November 2014

227.THE HUNDRED-FOOT JOURNEY(ENGLISH,2014)

227.THE HUNDRED-FOOT JOURNEY(ENGLISH,2014),|Drama|Comedy|,Dir:-Lasse Hallström,*ing:-Helen Mirren, Om Puri, Manish Dayal

 " ഒരു ഇന്‍ഡോ-ഫ്രഞ്ച് രുചി-പ്രണയ കഥ."
കദം കുടുംബം മുംബയില്‍ ഉണ്ടായ ഒരു തിരഞ്ഞെടുപ്പ് കലാപം കാരണം ഇന്ത്യ വിടേണ്ടി വന്ന കുടുംബം ആണ്.രുചികളെ വളരെയധികം ഇഷ്ടപ്പെട്ട അവര്‍ക്ക് എന്നാല്‍ ആ കലാപത്തില്‍ ഉണ്ടായ തീ പിടുത്തത്തില്‍ കദമിന് അയാളുടെ ഭാര്യയെ നഷ്ടപ്പെടുന്നു.തന്റെ കുടുംബവും ആയി ഇംഗ്ലണ്ടില്‍ അഭയം പ്രാപിച്ച ആ കുടുംബം അവിടെയും ഒരു രെസ്റൊരന്റ്റ് തുടങ്ങി.എന്നാല്‍ ഒരു വര്‍ഷം അവിടെ കഴിഞ്ഞതിനു ശേഷം അവര്‍ ഫ്രാന്‍സിലേക്ക് കുടിയേറുന്നു.ഇംഗ്ലണ്ടില്‍ ഉള്ള പച്ചക്കറികള്‍ക്ക് ജീവന്‍ ഇല്ല എന്നാണു അവരുടെ അഭിപ്രായം.കദമിന്റെ ഇളയ മകന്‍ ആയ ഹസന്‍ ആണ് അവരുടെ പ്രധാന കുക്ക്.അവര്‍ ഫ്രാന്‍സില്‍ എവിടെയെങ്കിലും താമസിച്ചു തങ്ങളുടെ പുതിയ രേസ്റൊരന്റ്റ് തുടങ്ങാന്‍ വേണ്ടി അവരുടെ വാനില്‍ യാത്ര ചെയ്യുന്നു.ആ യാത്രയില്‍ അവരുടെ വാന്‍ കേടാകുന്നു.അപ്പോള്‍ അത് വഴി വന്ന ഫ്രഞ്ച് പെണ്‍ക്കുട്ടി ആയ മാര്‍ഗിരറ്റ് അവരെ സഹായിക്കുന്നു.അവള്‍ അവരെ തന്റെ വീട്ടിലേക്കു കൊണ്ട് വന്നു ഭക്ഷണം ഉണ്ടാക്കി കൊടുക്കുന്നു.എന്നാല്‍ കദം അവിടെ  ഒരു പഴയ വീട് കണ്ടു. അവിടെ തന്‍റെ പുതിയ ബിസിനസ് തുടങ്ങാന്‍ തീരുമാനിക്കുന്നു.കൂടെ ജീവിതവും.

  എന്നാല്‍ ആദ്യം ആ പഴയ വീട് വാങ്ങാന്‍ കുടുംബത്തില്‍ ആരും സമ്മതിക്കുന്നില്ല.കദം എന്നാല്‍ തന്റെ തീരുമാനവും ആയി മുന്നോട്ടു പോകുന്നു.എന്നാല്‍ ആ നീക്കത്തിലൂടെ കദം പുതിയൊരു ശത്രുവിനെ സൃഷ്ടിക്കുക ആയിരുന്നു."Maison Mumbai" എന്ന് പേരിട്ടു തുടങ്ങിയ പുതിയ രെസറൊരന്റിന്റെ എതിര്‍വശത്ത് ആണ്  പാചകത്തിലെ മികവു കാരണം ഒരു മിഷലിന്‍ സ്റ്റാര്‍ ലഭിച്ച "Le Saule Pleureur" സ്ഥിതി ചെയ്യുന്നത്.റോഡിന്റെ ഇരുവശവും ഒരേ തരത്തില്‍ ഉള്ള ബിസിനസ് വന്നതോടെ അവര്‍ തമ്മില്‍ ഉള്ള ശത്രുത അഥവാ യുദ്ധം ആരംഭിക്കുന്നു.മാഡം മലോറി എന്ന സ്ത്രീ രുചിക്ക് വേണ്ടി ജീവിതം ഉഴിഞ്ഞു വച്ചവള്‍ ആണ്.പുതിയ രേസ്റൊരന്റ്റ് എന്നാല്‍ അവരെ അലോസരപ്പെടുത്തുന്നു.ചന്തയില്‍ ഉള്ള സാധനങ്ങള്‍ കദം വാങ്ങിക്കുന്നതിനു മുന്‍പ് അവര്‍ മൊത്തമായി വാങ്ങി തുടങ്ങി.എന്നാല്‍ കദം തന്‍റെ മക്കളുമായി പോരാടുന്നു.കൂടെ ഉള്ളത് മികച്ച പാചകക്കാരന്‍ ആയ ഹസ്സന്‍ ആണ്.ജന്മസിദ്ധമായി കിട്ടിയ കഴിവും അമ്മയുടെ ചെറുപ്പത്തില്‍ ഉള്ള നുറുങ്ങുകളും അവനെ മികച്ച ഒരു പാചകക്കാരന്‍ ആയി മാറ്റുന്നു.ഈ സമയത്താണ് ഫ്രഞ്ച് ദേശിയ ദിനം വരുന്നത്.അന്ന് രാത്രി ഉണ്ടായ സംഭവങ്ങള്‍ എന്നാല്‍ ഇവരുടെ മത്സരത്തെ വേറെ ഒരു തലത്തില്‍ എത്തിക്കുന്നു.കൂടുതല്‍ അറിയാന്‍ ചിത്രം കാണുക.

  Richard C. Morais' 2010 ല്‍ എഴുതിയ ഇതേ പേരില്‍ ഉള്ള നോവലില്‍ നിന്നാണ് ഇ ചിത്രം എടുത്തിരിക്കുന്നത്.ഏ ആര്‍ റഹ്മാന്‍ ആണ് സംഗീതം.സംഗീതം ശരിക്കും സിനിമയുടെ മൊത്തത്തില്‍ ഉള്ള മൂഡ്‌ അനുസരിച്ച് അതി മനോഹരം ആയി മാറി.വംശീയ ആയ വ്യത്യാസങ്ങളുടെ ഇടയിലും മനുഷ്യനെ ഒന്നിപ്പിക്കുന്ന ഒന്നുണ്ട്.രുചി.ഓര്‍മകളുടെ ഗന്ധം നല്‍കാന്‍ നന്നായി പാകം ചെയ്ത ഭക്ഷണത്തിന് ആകും.അത് പോലെ തന്നെ ആണ് പ്രണയവും .ജീവിതത്തിലെ ഏറ്റവും മികച്ച ചേരുവക ആണ് പ്രണയം.ഈ സിനിമയുടെ മൊത്തത്തില്‍ ഉള്ള പ്രമേയം ഇതാണ്.ഒരു ചെറിയ ഇന്‍ഡോ-ഫ്രഞ്ച് ചിത്രം.ഒരു ഫീല്‍ ഗുഡ് മൂവി എന്ന് പറയാം.

Download Link:- https://yts.re/movie/The_Hundred_Foot_Journey_2014

More reviews @ www.movieholicviews.blogspot.com




Saturday, 15 November 2014

226.RAINBOW EYES(KOREAN,2007)

226.RAINBOW EYES(KOREAN,2007),|Thriller|Crime|Mystery|,Dir:-Yun-ho Yang,*ing:-Kang-woo Kim, Gyu-ri Kim, Su-kyeong Lee.

   അതിക്രൂരമായി കൊല ചെയ്ത ശരീരത്തിന്റെ അടുക്കല്‍ നിന്നും തെളിവായി പോലീസിനു ആകെ ലഭിക്കുന്നത് കൊല്ലപ്പെട്ട ആളുടെ ശരീരത്തില്‍ നിന്നും കൊലയാളിയുടെ എന്ന് സംശയിക്കാവുന്ന  ഒരു മുടി നാരിഴയും പിന്നെ AB ബ്ലഡ്‌ ഗ്രൂപ്പ് ഉള്ള ഒരു പുരുഷന്‍ ആണ് അതെന്നുള്ള സൂചനയും.പണക്കാരന്‍ ആയ മരിച്ച ആളുടെ ജീവിതത്തിലേക്ക് പോലീസ് അന്വേഷണം എത്തുന്നു.ഇരുപതോളം കുത്തുകള്‍ അയാളുടെ ശരീരത്തില്‍ ഉണ്ടായിരുന്നു.അയാളുടെ കാമുകിയെ അവര്‍ ചോദ്യം ചെയ്യുന്നു.ഒരു പെര്‍ഫക്റ്റ് ക്രൈം പോലെ ഫോറന്‍സിക് ഏജന്‍സിക്കും ഈ കേസില്‍ പ്രധാനമായ തുമ്പുകള്‍ ഒന്നും ലഭിക്കുന്നില്ല.ക്യൂന്‍ യൂ,യൂന്‍ ജൂ എന്നിവര്‍ ആണ് ഈ കേസ് അന്വേഷിക്കുന്നത്.യൂന്‍ ജൂ ഒരു സ്ത്രീ ആയിരുന്നെങ്കിലും അവരുടെ മട്ടും ഭാവവും അവരെ ഒരു പുരുഷന്‍ ആയി തന്നെ അവരെ എല്ലാവരും കണക്കാക്കുന്നു.അവള്‍ക്കു ക്യൂന്‍ യൂവിനോട് ചെറിയ ഒരു ഇഷ്ടം തോന്നുന്നും ഉണ്ട്.

  എനാല്‍ ക്യൂന്‍  യൂ മറ്റൊരു പെണ്‍ക്കുട്ടിയെ പ്രണയിക്കുന്നു.അത് കൊണ്ട് തന്നെ യൂന്‍ ജൂവിനു തന്‍റെ ഇഷ്ടം അയാളോട് പ്രകടിപ്പിക്കാന്‍ സാധിക്കുന്നില്ല.എന്നാല്‍ ക്യൂന്‍ യൂവിന് തന്‍റെ കാമുകിയോട് ഉള്ള പ്രണയം അല്‍പ്പം സങ്കീര്‍ണം ആണ്.ആദ്യ കൊലപാതകം അന്വേഷിക്കുന്നതിന്റെ ഇടയില്‍ അടുത്ത കൊലപാതകവും നടക്കുന്നു.അതി ക്രൂരമായി കൊലപ്പെടുത്തിയ അടുത്ത ആള്‍ ആദ്യം കൊല്ലപ്പെട്ട ആളുടെ സുഹൃത്ത്‌ ആണ്.അത് കൊണ്ട് കേസ് ഇവരെ രണ്ടു പേരെയും ഒരു പോലെ അറിയാവുന്ന ആളുടെ ഇടയിലേക്ക് ഉള്ള അന്വേഷണതിലേക്കു  നീങ്ങുന്നു.അത്തരത്തില്‍ ഒരാളെ കണ്ടെത്താനായി പോലീസിന്റെ അടുത്ത ശ്രമം.ആയിടയ്ക്കാണ് ക്യൂന്‍ യൂ തന്‍റെ പഴയ സുഹൃത്തായ യൂന്‍ സൂവിന്റെ സഹോദരിയെ കാണുന്നത്.യൂന്‍ സൂവിനെ കാണാതായിട്ട് കുറച്ചു വര്‍ഷങ്ങള്‍ ആയി.അയാളെ അന്വേഷിക്കാന്‍ ആയി ക്യൂന്‍ യൂവിനോട് അവര്‍ ആവശ്യപ്പെടുന്നുണ്ട്.എന്നാല്‍ ഒരു പോലീസ് ആണെങ്കിലും  അയാള്‍ അതിനു ആത്മാര്‍ത്ഥം ആയി ശ്രമിക്കുന്നില്ല.ഈ സമയത്താണ് പോലീസ് സുപ്രധാനം ആയ ഒരു ബന്ധം ആദ്യ രണ്ടു കൊലപാതകത്തില്‍ മരിച്ചവരില്‍ കണ്ടെത്തുന്നത്.ആ ബന്ധം അവരിലേക്ക്‌ മൂന്നാമതൊരു കൊലപാതകത്തിലേക്ക് ഉള്ള സൂചന നല്‍കുന്നു.ആ കൊലപാതകം നടക്കാതെ ഇരിക്കാന്‍ പോലീസ് ശ്രമിക്കുന്നു.എന്നാല്‍ കൊലയാളിക്ക് അയാളെ കൊല്ലുകയും  വേണം.ആരാണ് ആ കൊലപാതകി?മരിച്ചവരും കൊല്ലപ്പെടാന്‍ സാധ്യത ഉള്ള ആളും തമ്മില്‍ ഉള്ള ബന്ധം എന്താണ്?കൂടുതല്‍ അറിയാന്‍ സിനിമ കാണുക.

  വീണ്ടും കുറേ ട്വിസ്റ്റുകള്‍ ഉള്ള ഒരു കൊറിയന്‍ ത്രില്ലര്‍ ചിത്രം.അവസാനത്തെ ഒരു ചേസ് സീന്‍ അല്‍പ്പം എങ്കിലും ചിത്രത്തിന്റെ മൊത്തത്തില്‍ ഉള്ള ഒഴുക്കിനെ ബാധിച്ചെങ്കിലും ചിത്രം മൊത്തത്തില്‍ ഒരു മികച്ച ത്രില്ലര്‍ ആയി അനുഭവപ്പെട്ടു.ഒരിക്കലും പ്രതീക്ഷിക്കാത്ത കൊലപാതകിയും ഈ ചിത്രത്തിന്‍റെ ഒരു ഹൈ ലൈറ്റ് ആണ്.പലരെയും പലപ്പോഴും സംശയിക്കുമെങ്കിലും സമര്‍ത്ഥം ആയി ഒരു മുഖമൂടി അണിയിച്ചു നിര്‍ത്തിയ കൊലപാതകി.കൊറിയന്‍ ത്രില്ലര്‍ ചിത്രങ്ങളുടെ ആരാധകര്‍ക്ക് തീര്‍ച്ചയായും കാണാവുന്ന ഒന്ന്.

More reviews @ www.movieholicviews.blogspot.com

Friday, 14 November 2014

225.PIRATE RADIO:THE BOAT THAT ROCKED(ENGLISH,2009)

225.PIRATE RADIO:THE BOAT THAT ROCKED(ENGLISH,2009),|Comedy|Music|Drama|,Dir:-Richard Curtis,*ing:-Philip Seymour Hoffman, Bill Nighy, Nick Frost.

  "Attitude"- റേഡിയോ സ്റ്റേഷനുകളില്‍ ഏറ്റവും കൂടുതല്‍ ഉപയോഗിക്കുന്ന വാക്ക്.ആ വാക്കിന്‍റെ റേഡിയോ അര്‍ഥം എന്താണ് എന്നറിയണം എങ്കില്‍ ഈ ചിത്രം കണ്ടാല്‍ മതിയാകും.ഒരു പക്ഷേ Out of the Box വിഷയങ്ങള്‍ എങ്ങനെ ഒക്കെ കൊണ്ട് വരാം എന്നത് ഇതില്‍ ഉണ്ട്.ഒരു ചട്ടക്കൂട്ടില്‍ അടച്ചിട്ടു ഒരിക്കലും വിഷയങ്ങളിലേക്ക് കടക്കാന്‍ സാധിക്കില്ല.അതാണ്‌ ഈ അറുപതുകളില്‍ ബ്രിട്ടനില്‍ അനധികൃതമായി പ്രവര്‍ത്തിച്ചു കൊണ്ടിരുന്നു ഒരു പിടി Pirate Radio സ്റ്റേഷനുകളും  ചെയ്തിരുന്നത്.ആ സംഭവങ്ങളുടെ ഫിക്ഷണല്‍ ആയ ഒരു വേര്‍ഷന്‍ ആണ് ഈ ചിത്രം.പ്രത്യേകിച്ച് അന്നുള്ള ഒരു പ്രത്യേക റേഡിയോയും പേരെടുത്തു പറയാതെ അവരുടെ എല്ലാ പൊതു സ്വഭാവങ്ങളും ഉള്‍ക്കൊള്ളിച്ചു കൊണ്ട് ആണ് കടലില്‍ നിന്നും ബ്രോട്കാസ്റ്റ് ചെയ്യുന്ന Radio Rock.റോക്ക്,പോപ്‌ ഗാനങ്ങള്‍ മുഴുവന്‍ സമയവും സംപ്രേക്ഷണം ചെയ്തിരുന്ന ആ റേഡിയോ സ്റ്റേഷന്‍ ജനങ്ങള്‍ക്ക്‌ ഒരു വികാരം ആയിരുന്നു.

   അവരില്‍ പല റേഡിയോ ജോക്കികളും ജനങ്ങള്‍ക്ക്‌ ഹരം ആയിരുന്നു.അവരുടെ പരിപാടികള്‍ കേള്‍ക്കാന്‍ വേണ്ടി തന്നെ ഒരു പറ്റം ശ്രോതാക്കള്‍ കാത്തിരിക്കുന്നുണ്ടായിരുന്നു.സദാചാര പ്രശ്നങ്ങളും ഈ റേഡിയോ സ്റ്റേഷനുകള്‍  മൂലം ബി ബി സി റേഡിയോയ്ക്ക് ഉണ്ടാകുന്ന നഷ്ടവും കണക്കു കൂട്ടി Sir. Alistair ആ റേഡിയോ സ്റ്റേഷന്‍ എല്ലാം അടച്ചു പൂട്ടാന്‍ ഉള്ള നടപടികള്‍ തുടങ്ങുന്നു.എന്നാല്‍ ജനഹിത പരിശോധനയില്‍ 93% സര്‍ക്കാരിന്റെ തീരുമാനത്തിന് എതിരായിരുന്നു.ഈ സമയം എന്നാല്‍ ഒന്നിനെയും കൂസാതെ ആ റേഡിയോ സംഘം North Sea യില്‍ നങ്കൂരം ഇട്ടു തങ്ങളുടെ ജീവിതം ആഘോഷ പൂര്‍ണം ആക്കി മാറ്റി.പതിനേഴു മണിക്കൂറില്‍ അവസാനിച്ച സിമ്പിള്‍ സൈമണിന്റെ കല്യാണം,പിതാവിനെ തങ്ങളുടെ കൂട്ടത്തില്‍ കണ്ടെത്തിയ   കാര്‍ള്‍,അത് പോലെ ലെസ്ബിയന്‍ ആയ ഫെലിസിട്ടി എന്ന പാചകക്കാരിയുടെ പങ്കാളി അന്വേഷണം ,അത് പോലെ എന്തിനെയും ചങ്കുറപ്പോടെ നേരിടുന്ന കൌണ്ട്,ഗാവിന്‍ എന്നിവരെല്ലാം ഉള്‍പ്പെടുന്ന ഒരു സംഘം ആയിരുന്നു അവരുടേത്.എന്നാല്‍ ബ്രിട്ടീഷ് "House of Commons", "Marine Offences Act" ലൂടെ റേഡിയോ സ്റ്റേഷന്‍ എല്ലാം നിരോധിക്കാന്‍ തീരുമാനിക്കുന്നു.അത് പ്രാബല്യത്തില്‍ വരുന്നത് ഡിസംബര്‍ 31 അര്‍ദ്ധരാത്രിയും.എന്നാല്‍ സംഭവിച്ചത് മറ്റൊന്നായിരുന്നു.

 ഒരു പക്ഷേ ഈ ചിത്രവും ഒരു തരംഗം ആകേണ്ടതായിരുന്നു എന്ന് തോന്നിപ്പോകും..എന്‍റെ ഇഷ്ട സിനിമകളില്‍ ഒന്ന്.എന്നാല്‍ ഇറങ്ങിയ സമയ ദൈര്‍ഘ്യം കാരണം ഈ ചിത്രം തീരെ വിജയിച്ചില്ല.പിന്നീട് എഡിറ്റ്‌ ചെയ്തു ഇറക്കിയെങ്കിലും നഷ്ടം നികത്താന്‍ സാധിച്ചില്ല.മുഴുവന്‍ സമയവും ചിത്രത്തിന്റെ പശ്ചാത്തലത്തില്‍ ഉള്ള റോക്ക് സംഗീതം തന്നെ ഈ ചിത്രം കാണുമ്പോള്‍ പ്രത്യേക അനുഭവം ആകുന്നുണ്ട്.എന്തോ ഈ ചിത്രം എനിക്ക് വളരെയധികം ഇഷ്ടം ആണ്.നാല് തവണ പലപ്പോഴായി ഈ ചിത്രം അത് കൊണ്ട് തന്നെ കാണുകയും ചെയ്തിട്ടുണ്ട്.ക്ലൈമാക്സ് രംഗം ഒക്കെ വളരെയധികം നന്നായി എടുത്തത്‌ പോലെ തോന്നിയിരുന്നു.

More reviews @ www.movieholicviews.blogspot.com

224..MIDNIGHT IN PARIS(ENGLISH,2011)

224.MIDNIGHT IN PARIS(ENGLISH,2011),|Romance|Comedy|Fantasy|,Dir:-Woody Allen,*ing:-Owen Wilson, Rachel McAdams, Kathy Bates

ഗില്‍ പെന്ദര്‍ ഹോളിവുഡ് സിനിമകളിലെ തിരക്കഥ എഴുതുന്ന ആളാണ്‌.എന്നാല്‍ അയാളുടെ ഏറ്റവും വലിയ സ്വപ്നം ആണ് താന്‍ എഴുതുന്ന പുസ്തകം.ഗില്‍ നോസ്ട്ടാല്‍ജിയയെ കൂടുതാല്‍ ആയി ഇഷ്ടപ്പെടുന്നു.അത് കൊണ്ട് തന്നെ ചരിത്രവും കലയും എല്ലാം ഉറങ്ങി കിടക്കുന്ന പാരീസിനെ അയാള്‍ ഇഷ്ടപ്പെടുന്നു.പാരീസില്‍ താന്‍ വിവാഹം ചെയ്യാന്‍ പോകുന്ന ഇനസ് എന്ന പെണ്‍ക്കുട്ടിയുടെ കുടുംബത്തോടൊപ്പം ആണ് ഗില്‍ വന്നിരിക്കുന്നത്.വിവാഹത്തിനുള്ള ഒരുക്കങ്ങള്‍ നടക്കുന്നതിന്‍റെ ഇടയില്‍ അയാള്‍ പാരീസിലെ മഴ ഉള്ള രാത്രികള്‍ വളരെയധികം ഇഷ്ടപ്പെടുന്നു.പാരീസിന്‍റെ സൗന്ദര്യം അയാളുടെ മനസ്സിനെ സന്തോഷിപ്പിക്കുന്നു.എന്നാല്‍ ഇനസ് ഗില്ലിന്‍റെ അമേരിക്കയില്‍ നിന്നും പാരീസിലേക്ക്‌ മാറി താമസിക്കാം എന്ന ചിന്താഗതിയോട് യോജിക്കുന്നില്ല.അവള്‍ സമ്പന്നതയുടെ ആഴങ്ങളില്‍ ജീവിക്കാന്‍ കൂടുതല്‍ ആയി ഇഷ്ടപ്പെടുന്നു.അത് കൊണ്ട് തന്നെ ഹോളിവുഡ് സിനിമകളില്‍ വിജയകരമായ ഒരു കരിയര്‍ ഉള്ള ഗില്ലിന്‍റെ പുസ്തക എഴുത്തിനെ അവള്‍ പ്രോത്സാഹിപ്പിക്കുന്നില്ല.ഒരു ദിവസം ലോകത്തുള്ള എല്ലാ സംഭവങ്ങളെ കുറിച്ചും അറിയാം എന്ന് സ്വയം ഭാവിക്കുന്ന ഇനസിന്റെ സുഹൃത്തായ പോളിനെയും അയാളുടെ ഭാര്യയേയും അവര്‍ അവിടെ വച്ച് കാണുന്നു.

  അയാളുമായി ഒത്തു പോകാന്‍ സ്വപ്ന ജീവിയായ ഗില്ലിന് സാധിക്കുന്നില്ല.ഒരു ദിവസം രാത്രി ഒരു പാര്‍ട്ടി കഴിഞ്ഞിറങ്ങിയ ഗില്‍ താന്‍ ഒറ്റയ്ക്ക് പാരീസ് തെരുവ് വീഥികളിലൂടെ നടക്കാന്‍ ആഗ്രഹിക്കുന്നു എന്നും പറഞ്ഞ് നടക്കുന്നു.കുറേ കഴിഞ്ഞപ്പോള്‍ അയാളുടെ വഴി തെറ്റി.ഒരു പള്ളിയുടെ മുന്നില്‍ അര്‍ദ്ധരാത്രി ഇരുന്ന ഗില്‍ 1920 കളിലെ ഒരു പ്യൂജിയറ്റ് കാര്‍ 176 ആ വഴി പോകുന്നത് കണ്ടു.ആ കാര്‍ അവിടെ നില്‍ക്കുകയും പഴയകാല വസ്ത്രധാരണം ഉള്ള കുറച്ചാളുകള്‍ അയാളെ ആ കാറില്‍ കയറാനും നിര്‍ബന്ധിക്കുന്നു.ഗില്‍ അതില്‍ കയറുന്നു.ആ യാത്ര ഗില്ലിനെ കൊണ്ടെത്തിച്ചത് അയാളുടെ ജീവിതത്തിലെ ഏറ്റവും വലിയ അത്ഭുതങ്ങളിലേക്ക് ആണ്.1920 ലെ ഫ്രഞ്ച് ചരിത്രത്തിലൂടെ ,അന്നത്തെ സമ്പന്നമായ കലയിലൂടെ ആണ്.അയാള്‍ അവിടെ കോള്‍ പോര്‍ട്ടര്‍,ഹെമ്മിംഗ് വേ,പിക്കാസോ സെല്ട,ഫ്രിറ്സ്ജെരാല്ദ് തുടങ്ങി പല പ്രഭലരെയും കാണുന്നു.പിന്നീടുള്ള അയാളുടെ രാത്രികള്‍ അതി സുന്ദരം ആയിരുന്നു.ഗില്ലിന്റെ പിന്നീടുള്ള രാത്രികളുടെയും അവ അയാളുടെ ജീവിതത്തില്‍  വരുത്തിയ മാറ്റങ്ങളുടെ കഥയാണ് ഈ ഫാന്റസി ചിത്രം പിന്നീട് അവതരിപ്പിക്കുന്നത്‌.

  വുഡി അലന്‍ സംവിധാനം ചെയ്ത ഈ ചിത്രം ആ വര്‍ഷത്തെ മികച്ച തിരക്കഥയ്ക്കുള്ള ഗോള്‍ഡന്‍ ഗ്ലോബ് പുരസ്ക്കാരവും ഓസ്കാര്‍ പുരസ്ക്കാരവും നേടുകയുണ്ടായി.നോസ്ടാല്ജിയ എന്നത് വര്‍ത്തമാന കാലത്ത് ജീവിക്കുമ്പോള്‍ ഉള്ള ഒരു നീരസത്തില്‍ നിന്നും ഉത്ഭവിക്കുന്ന ഒന്നാണ് എന്ന് ചിത്രം പറയാന്‍ ശ്രമിക്കുന്നുണ്ട് ഈ ചിത്രത്തിലെ കഥാപാത്രങ്ങളിലൂടെ.സുവര്‍ണ്ണ കാലഘട്ടം എന്ന് കരുതുന്ന 1920 നെക്കാളും Renaissance ആയിരുന്നു മനോഹരം എന്ന് പറയുന്ന കഥാപാത്രങ്ങള്‍ ഈ ചിത്രത്തില്‍ ഉണ്ടായിരുന്നു.ശരിക്കും ആ ഒരു കാലഘട്ടത്തിലേക്ക് ഉള്ള ഒരു മടങ്ങി പോകല്‍ ആയിരുന്നു ഈ ചിത്രം.

Download Link:-https://yts.re/movie/Midnight_in_Paris_2011

More reviews @ www.movieholicviews.blogspot.com

Wednesday, 12 November 2014

223.MONSTER(KOREAN,2014)

223.MONSTER(KOREAN,2014),|Thriller|,Dir:-In-ho Hwang,*ing:-Min-ki Lee, Go-eun Kim.

 കൊറിയന്‍ സിനിമയില്‍ ഹോളിവുഡ് പ്രൊഡക്ഷന്‍ കമ്പനികള്‍ വന്നതോടെ അവരുടെ സിനിമകളില്‍ ഉള്ള സ്വാഭാവികമായ  ഒരു വന്യത അകന്നു നില്‍ക്കുക ആയിരുന്നു.പ്രത്യേകിച്ചും Vengeance Trilogy  പോലെ ഒക്കെ ഉള്ള ഒരു സിനിമ ഇനി കൊറിയയില്‍ നിന്നും വരാന്‍ സാധ്യത കുറവാണെന്ന് കരുതിയിരിക്കുമ്പോള്‍ ആണ് Monster എന്ന ചലച്ചിത്രം അവരുടെ പതിവ് വഴികളിലേക്ക് പോകുന്നത്.ബോക്-സൂന്‍ മാനസിക വളര്‍ച്ച അധികം ഇല്ലാത്ത പെണ്‍ക്കുട്ടി ആണ്.അവളുടെ അനുജത്തി ആയ യൂന്‍ ജിയോങ്ങിനെ എന്നാല്‍ അവള്‍ പച്ചക്കറി കച്ചവടം നടത്തി സ്ക്കൂളില്‍ പഠിപ്പിക്കാന്‍ വിടുന്നു.ബോക്-സൂണ്‍ തന്‍റെ സ്വപ്നങ്ങളില്‍ അവളുടെ അമ്മൂമ്മ വന്നു യൂന്‍ ജിയോങ്ങിനെ വളര്‍ത്താന്‍ ആവശ്യപ്പെടുന്നതായി കാണാറുണ്ട്.ബോക്-സൂണ്‍ അവളുടെ അനുജത്തിയെ വളരെയധികം സ്നേഹിക്കുന്നു.പെട്ടന്ന് ദേഷ്യം വരുകയും അത് പോലെ തന്നെ സ്നേഹിക്കുകയും ചെയ്യുന്ന നല്ല ഒരു പാചകക്കാരി കൂടി ആണ് ബോക്-സൂണ്‍.ഇതേ സമയം മറ്റൊരിടത്ത് ഇക-സാന്ഗ് എന്നയാളോട് തനിക്കു വേണ്ടി ഒരു ജീവനക്കാരിയുടെ കയ്യില്‍ നിന്നും ഒരു മൊബൈല്‍ ഫോണ്‍ കൊണ്ട് വരാന്‍ ജിയോന്‍ ആവശ്യപ്പെടുന്നത്.ഇക സാങ്ങിന്റെ അമ്മാവന്‍ ആണ് പണക്കാരന്‍ ആയ ജിയോന്‍.ഇക-സാംഗ് ജീവനക്കാരിക്ക് ആ ഫോണിന് പകരം  കൊടുക്കാന്‍ ഉള്ള കാശ് ജിയോനിന്റെ കയ്യില്‍ നിന്നും വാങ്ങുന്നു.

  എന്നാല്‍ അയാള്‍ ആ കാശ് അവള്‍ക്കു കൊടുക്കുന്നില്ല.പകരം ഒരു കാരണവും ഇല്ലാതെ ആളുകളെ കൊല്ലുന്നതില്‍ ഹരം കണ്ടെത്തുന്ന ഇക-സാങ്ങിന്റെ മാതാപിതാക്കള്‍ എടുത്തു വളര്‍ത്തുന്ന അനുജനോട് ആ ഫോണ്‍ കണ്ടെത്താന്‍ ആവശ്യപ്പെടുന്നു.ഇക്-സാംഗ് ആ കാശ് തന്റെ കടങ്ങള്‍ തീര്‍ക്കാന്‍ ഉപയോഗിക്കുന്നു.എന്നാല്‍ അനുജനായ ടൈ സൂ ആ പെണ്‍ക്കുട്ടിയെ അവളുടെ വീട്ടില്‍ വച്ച് മൊബൈല്‍ ഫോണ്‍ കൊടുക്കാത്തത് കൊണ്ട് കൊല്ലുന്നു.അതിനു ശേഷം  അവളുടെ അനിയത്തിയായ കൊച്ചു പെണ്‍ക്കുട്ടി നാ-രിയെ തന്റെ കാറില്‍ അയാളുടെ വീട്ടില്‍ കൊണ്ട് പോകുന്നു.താന്‍ മദ്യം കഴിച്ചു തീരുന്നതിനു മുന്‍പ് അവള്‍ ഓടി രക്ഷപ്പെടാന്‍ പോകുന്ന അത്ര ദൂരം പോകാന്‍ അയാള്‍ പറയുന്നു.അവളെ അയാള്‍ കണ്ടു പിടിച്ചാല്‍ കൊന്നു കളയും എന്നും അവളെ ആരെങ്കിലും സഹായിച്ചാല്‍ അവരെയും കൊല്ലുമെന്നും പറയുന്നു.ആ കൊച്ചു പെണ്‍ക്കുട്ടി ഓടി.അവള്‍ എത്തിച്ചേരുന്നത് ബോക്-സൂനിന്റെ വീട്ടില്‍ ആണ്.നാ-രി അവളോട്‌ സത്യം പറയുന്നില്ല.എന്നാല്‍ അടുത്ത ദിവസം ടൈ-സൂ അവളെ കണ്ടെത്തുന്നു.അവള്‍ രക്ഷപ്പെട്ടെങ്കിലും യൂന്‍ ജിയോങ്ങിനെ അയാള്‍ കൊല്ലാന്‍ ശ്രമിക്കുന്നു.ഇത് കണ്ടു വന്ന ബോക്-സൂന്‍ അയാളെ തലയ്ക്കു അടിച്ചു വീഴ്ത്തിയിട്ട് ബോധരഹിതയായ  അനിയത്തിയെ രക്ഷിക്കാന്‍ ആയി വാഹനം വിളിക്കാനായി പോകുന്നു.എന്നാല്‍ അവള്‍ പോലീസും ആയി വന്നപ്പോള്‍ യൂ-ജിയോന്‍ അവിടെ ഇല്ലായിരുന്നു.അവള്‍ എവിടെ പോയിരിക്കും?നാ-രി യും അപ്രത്യക്ഷ ആയിരുന്നു.എന്താണ് സംഭവിച്ചത്?കൂടുതല്‍ അറിയാന്‍ ചിത്രം കാണുക.

  നല്ല ഒന്നാന്തരം പ്രതികാര കഥയാണ് ഈ ചിത്രത്തിന് ഉള്ളത്.ഒരു വശത്ത് എന്തിനെയും നശിപ്പിക്കാന്‍ നടക്കുന്ന,സ്വന്തം ചേട്ടന്‍ പോലും കൊലപ്പെടുത്താന്‍ നോക്കുന്ന ടൈ സൂ. മറു വശത്ത് അനിയത്തിയെ കണ്ടെത്താന്‍ നടക്കുന്ന മാനസിക വളര്‍ച്ച അധികം ഇല്ലാത്ത ബോക്-സൂന്‍.ദയ അര്‍ഹിക്കാത്ത ഒരു കഥാപാത്രം ആണ് ഇതിലെ ടൈ സൂ.സിനിമയുടെ പേരിനോട് ഏറ്റവും ചേര്‍ച്ചയുള്ള പേര്.കൊല്ലുന്നത്  അയാള്‍ക്ക്‌ ഒരു ഹരം ആണ്.കൊല്ലുന്നവരുടെ ശവങ്ങള്‍ മറച്ചു  വയ്ക്കുന്നത് അതിലും വിചിത്രവും.വീണ്ടും കൊറിയന്‍ സിനിമയുടെ ത്രില്ലര്‍ ആരാധകര്‍ക്ക് വേണ്ടി ഒരു ചിത്രം.

More reviews @ www.movieholicviews.blogspot.com

222.SEEKING A FRIEND FOR THE END OF THE WORLD(ENGLISH,2012)

222.SEEKING A FRIEND FOR THE END OF THE WORLD(ENGLISH,2012),|Romance|Comedy|Fantasy|,Dir:-Lorene Scafaria,*ing:-Steve Carell, Keira Knightley.

  അമേരിക്കന്‍ സിനിമകളില്‍ പതിവായി വരുന്ന ഒരു തീം ആണ് Apocalypse.അമേരിക്കയില്‍ മാത്രം നടക്കുന്ന ഈ പ്രതിഭാസത്തില്‍ ലോകം മൊത്തം നശിക്കും എന്നുള്ള വാര്‍ത്ത അറിയുന്ന ബുദ്ധിമാന്മാരായ സൂപ്പര്‍ മനുഷ്യന്മാര്‍ അതിനെ നേരിട്ട് തോല്പ്പിക്കുന്നതായിരിക്കും പ്രമേയം.എന്നാല്‍ ഈ ചിത്രം അല്‍പ്പം വ്യത്യസ്തം ആണ്.കാരണം ഇതിലെ നായകന് അത്തരം കഴിവുകള്‍ ഒന്നും ഇല്ല.ഇംഗ്ലീഷ് സിനിമയിലെ നന്മ മരം എന്ന് വിളിക്കാവുന്ന സ്റ്റീവ് കാരല്‍ ആണ് ഇതിലെ നായക കഥാപാത്രം ആയ ഡോട്ജിനെ അവതരിപ്പിക്കുന്നത്‌.ഇവിടെ സിനിമയുടെ പ്രമേയം മറ്റൊന്നാണ്.ഒരു Asteroid ആയുള്ള കൂട്ടിയിടിയില്‍ അവസാനിക്കാന്‍ പോകുന്ന ലോകത്തെ രക്ഷിക്കാന്‍ ഉള്ള അവസാന ശ്രമവും പാളി പോയി  എന്ന വാര്‍ത്ത കേട്ട് ഡോട്ജിന്റെ ഭാര്യ ആയ ലിന്റ അയാളെ ഉപേക്ഷിച്ചു ഒരു സ്ത്രീയ്ക്ക്  ഓടി പോകാന്‍ കഴിയുന്ന അത്ര വേഗത്തില്‍ ഓടി പോകുന്നു.ഒറ്റയ്ക്കായ ടോട്ജിന്റെ സുഹൃത്തുക്കള്‍ മാത്രം ആയിരുന്നു ബാക്കി ഉണ്ടായിരുന്നത്.ലോക അവസാനം മുന്‍കൂട്ടി ആളുകള്‍ എല്ലാം സ്വതന്ത്രര്‍ ആയി തുടങ്ങുന്നു.എല്ലാവരും അവരുടെ ഇഷ്ടത്തിനനുസരിച്ച് ജീവിച്ചു തുടങ്ങുന്നു.

  ബന്ധങ്ങള്‍ പലതും Free relations ലേക്ക് മാറുന്നു.എന്നാല്‍ ഡോട്ജിനു അതിലൊന്നും താല്‍പ്പര്യം ഇല്ലായിരുന്നു.ഒരു രാത്രി അയാള്‍ ഒറ്റയ്ക്ക് വീട്ടില്‍ ഇരിക്കുമ്പോള്‍ ആണ് ജനാലയുടെ അടുത്ത് അവളെ ആദ്യം കാണുന്നത്.പെന്നി എന്നായിരുന്നു അവളുടെ പേര്.പതിനഞ്ചു മിനിറ്റ് അവള്‍ എയര്‍പോര്‍ട്ടില്‍ എത്താന്‍ താമസിച്ചത് കൊണ്ട് തന്റെ എല്ലാം ആയ കുടുംബത്തോടൊപ്പം പോകാന്‍ ഉള്ള പ്ലെയിന്‍ നഷ്ടപ്പെട്ട സ്ത്രീ.അവള്‍ അതിന്റെ ദുഃഖത്തില്‍ ആയിരുന്നു.ഡോഡ്ജ് അവളെ വീട്ടിലേക്ക് ക്ഷണിക്കുന്നു.രണ്ടു പേരും തങ്ങളുടെ ജീവിതത്തെ കുറിച്ച് സംസാരിക്കുന്നു.ഒരേ അപ്പാര്‍ട്ട്മെന്റില്‍ ആയിരുന്നു താമസം എങ്കിലും അവര്‍ ആദ്യം ആയാണ് കാണ്ടിരുന്നത്.പെന്നി ഡോട്ജിനോട് അയാളുടെ പെണ്‍ സുഹൃത്തിന്റെ കാമുകനെ കണ്ടിട്ടുണ്ടെന്ന് പറയുന്നു.ഡോഡ്ജ് താന്‍ ഇത്ര നാലും  വഞ്ചിക്കപ്പെടുക ആയിരുന്നു എന്ന് മനസിലാക്കുന്നു.ഈ സമയം ആളുകള്‍ മൊത്തം പരിഭ്രാന്തരായി ആക്രമണങ്ങള്‍ തെരുവില്‍ അഴിച്ചു വിടുക ആയിരുന്നു.ഡോട്ജും പെന്നിയും രക്ഷപ്പെടാന്‍ ശ്രമിക്കുന്നു.ഡോഡ്ജ് പെന്നിയോടു അയാള്‍ക്ക്‌ പ്ലെയിന്‍ ഉള്ള ഒരു സുഹൃത്ത്‌ ഉണ്ടെന്നും അയാള്‍ക്ക്‌ അവളെ കുടുംബത്തോടൊപ്പം എത്തിക്കാം എന്നും പറയുന്നു.അവര്‍ റോഡ്‌ വഴി അവിടെ നന്നും രക്ഷപ്പെടുന്നു പെന്നിയുടെ കാറില്‍.എന്നാല്‍ അപരിചിതര്‍ ആയിരുന്ന അവരുടെ ജിവിതം മാറുക ആയിരുന്നു.അവര്‍ അറിയാതെ തന്നെ.ബന്ധങ്ങള്‍ ശക്തമായി മാറി.ലോകാവസാനം മുന്നില്‍ കണ്ടു ജീവിക്കുന്ന അവര്‍ക്ക് വൈകി കിട്ടിയ സൗഹൃദം.

   ഒരു റോഡ്‌ മൂവി എന്ന് വേണമെങ്കില്‍ ഈ ചിത്രത്തെ പറയാം.കാറിലൂടെ പോകുമ്പോള്‍ ശക്തമായ ബന്ധം.ഒരു പക്ഷെ മരണം അടുത്തു എന്ന് മനസ്സിലാകുന്ന മനുഷ്യന്റെ നിസ്സംഗതയില്‍ ഉടലെടുക്കുന്ന ബന്ധം.അതാണ്‌ ഈ ചിത്രത്തില്‍ അവതരിപ്പിച്ചിരിക്കുന്നത്.കോമഡി/റൊമാന്‍സ്/ഫാന്റസി സിനിമകളുടെ ആരാധകര്‍ക്ക് ഇഷ്ടപ്പെടാവുന്ന ചിത്രം.

More reviews @ www.movieholicviews.blogspot.com

Tuesday, 11 November 2014

221.A HARD DAY(KOREAN,2014)

221.A HARD DAY(KOREAN,2014),|Thriller|Crime|,Dir:-Seong-hoon Kim,Dir:-Lee Sun Gyun, Cho Jin-Woong, Man-shik Jeong

  ഹോമിസൈഡ് ഡിട്ടെക്ട്ടീവ് ആയ ഗോ ജീയോന്‍ സൂവിന്‍റെ ജീവിതത്തിലെ ഏറ്റവും മോശമായ ദിവസത്തില്‍ നടക്കുന്ന സംഭവങ്ങള്‍ ആണ് A Hard Day എന്ന കൊറിയന്‍ സിനിമയില്‍ അവതരിപ്പിക്കുന്നത്‌.അയാളുടെ അമ്മ മരിച്ച ആ ദിവസം ആണ് അയാളുടെ ഭാര്യയുടെ വിവാഹമോചന കത്ത് അയാള്‍ക്ക്‌ ലഭിക്കുന്നത്.അന്ന് തന്നെ ആണ് അഴിമതി ആരോപണങ്ങള്‍ അന്വേഷിക്കുന്ന വിഭാഗത്തില്‍ നിന്നും ഉള്ള അന്വേഷണവും അതിനെ ചുറ്റിപ്പറ്റി ഉള്ള പരിശോധനകളും അയാളുടെ ഓഫീസില്‍  നടക്കുന്ന നടക്കുന്നതും അന്നേ ദിവസം ആണ്.ഒരു വശത്ത് കുടുംബ ജീവിതത്തിലെ പ്രശ്നങ്ങളും തന്‍റെ ഒപ്പം ഉള്ള മകളും.മറുവശത്ത് അമ്മയുടെ മരണവും അയാള്‍ അവിടെ ഉള്ള ചടങ്ങുകള്‍ക്ക് അവിടെ ഉണ്ടാകേണ്ട ആവശ്യകതയും.എന്നാല്‍ ഓഫീസില്‍ നിന്നും അയാളോടൊപ്പം ആരോപണ വിധേയര്‍ ആയ സഹപ്രവര്‍ത്തകരുടെ ഫോണ്‍ കോളുകളും.

    ആകെ തകര്‍ന്ന ഗോ ജിയോന്‍ കാറും എടുത്തു ഓഫീസിലേക്ക് പോകാന്‍ ഒരുങ്ങുന്നു.എന്നാല്‍ ആ സമയത്ത് അയാള്‍ അബദ്ധത്തില്‍ ഒരാളെ റോഡില്‍ വച്ച് ഇടിച്ചു തെറിപ്പിക്കുന്നു.ഒരു നായയെ രക്ഷിക്കാന്‍ വേണ്ടി വണ്ടി വെട്ടിച്ചപ്പോള്‍ ആണ് അപകടം ഉണ്ടായത്.ഗോ ജിയോന്‍ പുറത്തിറങ്ങി നോക്കിയപ്പോള്‍ അയാള്‍ രക്തം വാര്‍ന്നു മരിച്ചിരുന്നു.എന്ത് ചെയ്യണം എന്നറിയാതെ നില്‍ക്കുമ്പോഴാണ് അയാള്‍ ആ വഴി വരുന്ന പോലീസ് കാര്‍ കണ്ടത്.ഗോ ജിയോന്‍ പെട്ടന്ന് തന്നെ ആ ശരീരം റോഡില്‍ നിന്നും മാറ്റി ഒളിപ്പിക്കുന്നു.അങ്ങനെ ദുരിതമായി മാറിയ ഒരു ദിവസത്തെ ദുരിതത്തിന്റെ ആഴം കൂട്ടാന്‍ ഒരെണ്ണം കൂടി.എന്നാല്‍ ഇവിടെ ഒരാള്‍ മരണപ്പെട്ടിരിക്കുന്നു.അത് കൊണ്ട് തന്നെ ശിക്ഷയും ലഭിക്കും.ഗോ ജിയോന്‍ സ്വയം രക്ഷിക്കാന്‍ ശ്രമിക്കുന്നു.അതിനായി അയാള്‍ ഒരു വഴി കണ്ടെത്തുന്നു.അയാള്‍ തന്‍റെ അന്നത്തെ ദിവസത്തെ ദുരിതങ്ങള്‍ മുഴുവനും ഒളിപ്പിച്ചു എന്ന് കരുതുമ്പോള്‍ ആണ് ആ കോള്‍ വരുന്നത്.ഗോ ജിയോന്‍ അന്ന് ചെയ്തതിനെ കുറിച്ച് അറിയാവുന്ന ഒരാള്‍.അയാള്‍ ഗോ ജിയോനെ ബ്ലാക്ക് മെയില്‍ ചെയ്തു തുടങ്ങുന്നു.എന്നാല്‍ പോലീസ് സേനയില്‍ ഉള്ള ഗോ ജിയോന്‍ അയാളെ ആദ്യം കാര്യമായെടുക്കുന്നില്ല.എന്നാല്‍ അയാള്‍ ഗോ ജിയോനെക്കാളും ശക്തന്‍ ആയിരുന്നു.ഗോ ജിയോനിന്റെ കാര്‍ ഇടിച്ചു തെറുപ്പിച്ചത് ആരെ ആയിരുന്നു?എന്താണ് ബ്ലാക്മെയില്‍ ചെയ്ത ആളുടെ ഉദ്ദേശം?ശത്രു എത്ര മാത്രം ശക്തനായിരുന്നു,അത് പോലെ അപകടകാരിയും?കൂടുതല്‍ അറിയാന്‍ ബാക്കി ചിത്രം കാണുക.

  ആദ്യം ഈ ചിത്രം കണ്ടു തുടങ്ങിയപ്പോള്‍ മലയാളത്തിലെ നേരം സിനിമയുടെ തീം പോലെ ഉണ്ടല്ലോ എന്ന് തോന്നി.എന്നാല്‍ പതിവ് പോലെ കൊറിയന്‍ ത്രില്ലര്‍ ചിത്രങ്ങള്‍ക്ക് കൂടുതല്‍ പറയാന്‍ ഉള്ളത് കൊണ്ട് വീണ്ടും ആസ്വാദ്യകരം ആയി മാറി.ഈ വര്‍ഷം ഇറങ്ങിയ മികച്ച കൊറിയന്‍ ത്രില്ലര്‍ എന്ന് പറയാം ഈ ചിത്രത്തെ.അവസാനം വരെ സസ്പന്‍സ് തരുന്ന മികച്ച  ഒരു കൊറിയന്‍ ചിത്രം.ഒരു ക്യാറ്റ് & മൗസ് ഗെയിം ആണ് ചിത്രത്തില്‍ എങ്കില്‍ പോലും ഒരിക്കല്‍ പോലും മുഷിപ്പിക്കാതെ ആണ് ചിത്രം അവതരിപ്പിച്ചിരിക്കുന്നത്.Directors' Fortnight വിഭാഗത്തില്‍ 2014 ലെ  Cannes Film Festival ല്‍ ഈ ചിത്രം തിരഞ്ഞെടുക്കപ്പെട്ടിരുന്നു.കൊറിയന്‍ ത്രില്ലര്‍ സിനിമകളുടെ ആരാധകര്‍ക്ക് തീര്‍ച്ചയായും കാണാവുന്ന ഒരു ചിത്രം.

More reviews @ www.movieholicviews.blogspot.com

Monday, 10 November 2014

220.LIFE AS WE KNOW IT(ENGLISH,2010)

220.LIFE AS WE KNOW IT(ENGLISH,2010),|Romance|Comedy|,Dir:-Greg Berlanti,*ing:-Katherine Heigl, Josh Duhamel, Josh Lucas

  അധികം സങ്കീര്‍ണതകള്‍ ഒന്നും ഇല്ലാത്ത ഒരു കൊച്ചു അമേരിക്കന്‍ കോമഡി/റൊമാന്‍സ് ജോനറില്‍ ഉള്‍പ്പെടുന്ന ചിത്രം ആണ് Life As We Know It.വ്യത്യസ്ത സ്വഭാവം ഉള്ളവര്‍ ആണ് ഹോളിയും മെസ്സറും.അവരുടെ സുഹൃത്തുക്കള്‍ ആയ പീറ്ററും അലിസനും അവരെ രണ്ടു പേരെയും ഒന്നിപ്പിക്കാന്‍ ശ്രമിക്കുന്നു.എന്നാല്‍ ആദ്യ dating നടത്താന്‍ അവര്‍ ഇരുവരും ചേര്‍ന്ന് തീരുമാനിച്ച ദിവസം തന്നെ ആ പദ്ധതി പാളി പോകുന്നു.പരസ്പ്പരം ചീത്ത പറഞ്ഞു കൊണ്ട് അവര്‍ പോകുന്നു.മെസ്സര്‍ ഒന്നിനെ കുറിച്ചും പ്ലാനിംഗ് ഇല്ലാത്ത ഒരു care -free ആയി നടക്കുന്ന ആളാണ്‌.എന്നാല്‍ ഹോളി എന്തും ഏതും പ്ലാന്‍ ചെയ്യുന്ന സ്ത്രീയാണ്.മെസ്സര്‍ ഒരു ടി വി ബ്രോട്കാസ്ട്ടിംഗ് സ്ഥാപനത്തില്‍ ജോലി ചെയ്യുന്നു.ഹോളി സ്വന്തമായി ഒരു ബേക്കറി നടത്തുന്നു.

  ഇരുവരും പീറ്റര്‍-അലിസന്‍ ദമ്പതികളുടെ പാര്‍ട്ടികളില്‍ വച്ച് കണ്ടു മുട്ടുമെങ്കിലും പരസ്പരം അവര്‍ തമ്മില്‍ അകലം പാലിച്ചു.പീറ്റര്‍ അലിസന്‍ ദമ്പതികള്‍ക്ക് ഒരു മകള്‍ ഉണ്ടായി.അവര്‍ അവള്‍ക്കു സോഫി എന്ന് പേരിട്ടു.അവള്‍ എല്ലാവരുടെയും പൊന്നോമന ആയി വളരുമ്പോള്‍ ആണ് ആ ദുരിതം സോഫി എന്ന കൊച്ചു കുട്ടിയുടെ ജീവിതത്തില്‍ ഉണ്ടാകുന്നത്.ഹോളിയും മെസ്സറും ഒരിക്കലും ജീവിതത്തില്‍ പ്രതീക്ഷിക്കാത്ത വേഷം അണിയേണ്ടി വരുന്നു.എന്നാല്‍ ഒരിക്കലും മാനസികമായി തയ്യാറെടുക്കാത്ത അവര്‍ക്ക് ഒറ്റ രാത്രി കൊണ്ട് ജീവിതത്തില്‍ വന്നു ചേര്‍ന്ന ഉത്തരവാദിത്തം അവരെ കൊണ്ട് കൈകാര്യം ചെയ്യാവുന്നതിലും അപ്പുറം ആയിരുന്നു.അവര്‍ ആ അവസ്ഥയെ എങ്ങനെ ഒരുമിച്ചു നേരിട്ടു എന്നുള്ളതാണ് ബാക്കി ചിത്രം.

   സാധാരണ ഈ ജോനരില്‍ ഉള്ള അമേരിക്കന്‍ സിനിമകള്‍ പോലെ തന്നെ നിരുപദ്രവകാരി ആയ ഒരു ഫീല്‍ ഗുഡ് മൂവി.വെറുതെ റിലാക്സ് ചെയ്യാന്‍ ഉള്ള നുറുങ്ങു തമാശകളും സംഭവങ്ങളും റൊമാന്‍സും ഒക്കെ ആയി പോകുന്ന ചിത്രം.ഇത്തരം ചിത്രങ്ങള്‍ ഇഷ്ടപ്പെടുന്നവര്‍ക്ക് ഒരു തവണ കാണാവുന്ന ചിത്രം.

More reviews @ www.movieholicviews.blogspot.com

219.SUPER MARIO BROS.(ENGLISH,1993)

219.SUPER MARIO BROS.(ENGLISH,1993),|Comedy|Adventure|,Dir:-Annabel Jankel, Rocky Morton,*ing:-Bob Hoskins, John Leguizamo, Dennis Hopper.

 തൊണ്ണൂറുകളുടെ ആദ്യ വര്‍ഷങ്ങളില്‍ കുട്ടിക്കാലം ആഘോഷിച്ച പലര്‍ക്കും ഓര്‍മ ഉണ്ടാകും സൂപ്പര്‍ മരിയോ,ല്യൂജി എന്നിവരെ.ദിനോസറിന്റെ അടുക്കല്‍ നിന്നും രാജകുമാരിയെ രക്ഷിക്കുവാന്‍ വേണ്ടി വഴിയില്‍ വരുന്ന ആമകളെയും മറ്റും ചവിട്ടി പൊട്ടിക്കുകയും  പൈപ്പുകളിലൂടെ അടുത്ത ലോകത്ത് എത്തുന്ന മരിയോ അവസാനം രാജകുമാരിയെ രക്ഷിക്കാന്‍ വരുമ്പോള്‍ ദിനോസര്‍ വായില്‍ നിന്നും തുപ്പുന്ന തീ അന്ന് പലരുടെയും വലിയ പ്രശ്നം ആയിരുന്നു അന്ന് .എങ്ങനെങ്കിലും ആ ലെവല്‍ ജയിക്കുക,അടുത്തതില്‍ പോവുക,കൂട്ടുകാരോട് വീമ്പു പറയുന്ന കുട്ടിക്കാലം.അന്ന് കൂണ് കിട്ടുമ്പോള്‍ 1 UP ആകുന്നതൊക്കെ നല്ല രസം ആയിരുന്നു.ഒരു ചാന്‍സ് കൂടി കൂടുതല്‍ കിട്ടുമായിരുന്നു.

  സൂപ്പര്‍ മരിയോ ഗെയിമിനെ ആസ്പദം ആക്കി ആണ് Super Mario Bros നിര്‍മിച്ചിരിക്കുന്നത്.പ്ലംബര്‍ ആയ മരിയോ മരിയോയും അയാള്‍ എടുത്തു വളര്‍ത്തുന്ന ല്യൂജിയും ആണ് മുഖ്യ കഥാപാത്രങ്ങള്‍.ല്യൂജി അഭൌമികമായ കാര്യങ്ങളില്‍ വളരെ താല്‍പ്പര്യം കാണിച്ചിരുന്നു.എന്നാല്‍ പ്ലംബിംഗ് ജോലികള്‍ അധികം കിട്ടാത്തത് കൊണ്ട് രണ്ടു പേരും കഷ്ടപ്പാടില്‍ ആയിരുന്നു.അപ്പോഴാണ്‌ ഒരു ദിവസം ല്യൂജി ആകസ്മികം ആയി ടെയ്സിയെ പരിചയപ്പെടുന്നത്.ഭൂമിയില്‍ പണ്ടുണ്ടായിരുന്ന ദിനോസറുകളെ കുറിച്ചുള്ള അന്വേഷണത്തില്‍ ആയിരുന്നു ഡെയ്സി.ഡെയ്സി ഒരു യൂനിവേര്‍സിറ്റി വിദ്യാര്‍ഥിനി ആണ്.എന്നാല്‍ അവള്‍ പരിവേഷണം നടത്തുന്ന സ്ഥലം സ്കപ്പെലിയുടെ ആണ്.അയാള്‍ക്ക്‌ കൂടുതല്‍ ഫോസിലുകള്‍ അവിടെ നിന്നും ലഭിച്ചാല്‍ തന്‍റെ സ്ഥലം കൈ മാറേണ്ടി വരും എന്ന് കരുതുന്നു.അയാള്‍ അത് കൊണ്ട് ടെയ്സിയെയും കൂട്ടരെയും ഭീഷണിപ്പെടുത്തുന്നു.ഇതേ സമയം സമാന്തരമായ ദിനോസറുകളും മറ്റു ജീവജാലങ്ങളും പരിണമിച്ചുകൊണ്ടുള്ള ഒരു ലോകം വേറെ ഉണ്ടായിരുന്നു.അവിടത്തെ രാജാവായിരുന്നു ക്രൂരനായ കൂപ്പാ.അയാള്‍ക്ക്‌ തന്‍റെ ലോകം മനുഷ്യന്‍റെ ലോകവുമായി കൂട്ടി ചേര്‍ക്കാന്‍ ഒരു വസ്തു ആവശ്യമായിരുന്നു.ദശലക്ഷ കണക്കിന് വര്‍ഷങ്ങള്‍ മുന്‍പ് നടന്ന ആ സംഭവത്തിലേക്കുള്ള വഴി അത് മാത്രം ആണ്.അയാള്‍ക്ക്‌ അത് നേടാന്‍ ഭൂമിയില്‍ ഉള്ള ചിലരെ ആവശ്യം ഉണ്ട്.അതാണ്‌ ഈ ചിത്രത്തിന്റെ ബാക്കി കഥ.

  ഒരു മികച്ച സിനിമ ഒന്നും അല്ല Super Mario Bros. സെറ്റുകളും വസ്ത്രാലങ്കാരവും ഒക്കെ കൊള്ളാം എങ്കിലും ഒരു ചിത്രം എന്ന നിലയില്‍ കാര്യമായി ഒന്നും ഇതില്‍ ഇല്ലായിരുന്നു.പിന്നെ പണ്ട് ഇഷ്ടപ്പെട്ടിരുന്ന ആ കഥാപാത്രങ്ങളെയും ആ അന്തരീക്ഷവും മറ്റും സ്ക്രീനില്‍ കാണുമ്പോള്‍ ഒരു നോസ്ടാല്ജിയ തോന്നും എന്ന് മാത്രം.ആ നോസ്ടാല്ജിയ ഇഷ്ടം ഉള്ളവര്‍ക്ക് വെറുതെ ഇരുന്നു കാണാവുന്ന ഒരു ചിത്രം.എന്തായാലും രാജകുമാരിയെ രക്ഷിക്കുമ്പോള്‍ പോയിന്റുകളോടൊപ്പം പടക്കം പൊട്ടുന്നത് കാണുന്നത് അന്നത്തെ വലിയ സന്തോഷങ്ങളില്‍ ഒന്നായിരുന്നു.

More reviews @ www.movieholicviews.blogspot.com

Sunday, 9 November 2014

218.6-5=2(KANNADA,2013)

218.6-5=2(KANNADA,2013),|Horror|,Dir:-KS Ashoka,*ing:-Darshan Apoorva,Krishna Prakash,Vijay Chendoor,Pallavi,Tanuja,Mruthyunjaya

6-5=2 കന്നടയില്‍ നിന്നും ഒരു  The Blair Witch Project.

     ചെറുപ്പത്തില്‍  വളരെയധികം പേടിപ്പിച്ച ഒരു ചിത്രം ആയിരുന്നു The Blair Witch Project.യഥാര്‍ത്ഥത്തില്‍ നടന്ന സംഭവം ആണെന്ന് അന്നാരോ പറഞ്ഞത് വിശ്വസിച്ചു ഉണ്ടായ ഭയം ആയിരുന്നു അത്.ഏകദേശം അതേ പ്ലോട്ടിലൂടെ ആണ് കന്നടയുടെ ആദ്യ Found Footage സിനിമയും ചലിക്കുന്നത്‌.വെറും 30 ലക്ഷം രൂപ ബട്ജട്ടില്‍ ഒരുക്കിയ ഈ ചിത്രം ഒരു വന്‍ വിജയം ആയിരുന്നു കന്നടയില്‍.അതും ടി വി,ന്യൂസ്‌പേപ്പര്‍ എന്നിവയിലൂടെ ഉള്ള പ്രൊമോഷന്‍ ഇല്ലാതെ.അവര്‍ ആശ്രയിച്ചത് സോഷ്യല്‍ മീഡിയയെ ആയിരുന്നു പരസ്യങ്ങള്‍ക്ക് വേണ്ടി.രണ്ടര കോടിയോളം ഈ ചിത്രം തിരിച്ചു പിടിക്കുകയും ചെയ്തു.ചുരുക്കത്തില്‍ കന്നഡ സിനിമയില്‍ ലൂസിയ പോലെ ഒരു നവ പരീക്ഷണം ആയിരുന്നു ഈ വിജയ ചിത്രവും.

  ചിത്രം ആരംഭിക്കുന്നത് ഒരു ട്രെക്കിംഗ് ദുരന്തത്തില്‍ അകപ്പെട്ട സുഹൃത്തുക്കളുടെ കൂട്ടത്തില്‍ ഒരാള്‍ ആയ പ്രകാശ് ഒരു ടി വി ചാനലിനു നല്‍കുന്ന അഭിമുഖത്തില്‍ നിന്നും ആണ്.അന്നത്തെ ആ യാത്രയുടെ വീഡിയോ പ്രദര്‍ശിപ്പിക്കാന്‍ ഉള്ള അനുമതി അവര്‍ പ്രകാശില്‍ നിന്നും നേടുന്നു.സ്ഥലം ഏതാണെന്ന് വ്യക്തമാക്കാത്ത ആ കാട്ടിലേക്കുള്ള യാത്ര ആണ് പിന്നെ പ്രേക്ഷകന്‍ മുന്നില്‍ കാണുന്നത്. രമേശ്‌ സിനിമയില്‍ ക്യാമറമാന്‍ ആകാന്‍ വേണ്ടി ഉള്ള പരിശ്രമത്തില്‍ ആണ്.രമേശ്‌ തന്‍റെ ഡിജിറ്റല്‍ HD ക്യാമറയുമായി സുഹൃത്തുക്കള്‍ ആയ പ്രകാശ്,നവീന്‍,സൌമ്യ,ദീപ,കുമാര്‍ എന്നിവരും ആയി ഒരു ട്രെക്കിങ്ങിനു പ്ലാന്‍ ചെയ്യുന്നു.ഒരു വ്യത്യസ്ത അനുഭവം ആകും ആ യാത്ര എന്ന് കരുതി സുഹൃത്തുക്കള്‍ അതിനു സമ്മതിക്കുന്നു.അവര്‍ ആദ്യം താമസിച്ച ഹോം സ്റ്റെയില്‍ അവര്‍ രാത്രി ചിലവഴിച്ചതിനു ശേഷം സന്തോഷകരമായി ആ ട്രക്കിംഗ് തുടങ്ങുന്നു.അപ്പുറത്തെ വശത്തുള്ള കുന്നില്‍ എത്തി ചേരുക ആണ് അവരുടെ ലക്‌ഷ്യം.അതിനായി അവര്‍ക്ക് ഒരു കൊടും കാട് കടന്നു പോകേണ്ടതുണ്ട്.രസകരം ആയിരുന്നു അവരുടെ യാത്രയുടെ തുടക്കം.യാത്രയിലെ സംഭവങ്ങള്‍ എല്ലാം രമേശന്‍ തന്റെ വീഡിയോ ക്യാമറയില്‍ പകര്‍ത്തുന്നുണ്ടായിരുന്നു.എന്നാല്‍ അഞ്ചു ദിവസത്തെ യാത്രയുടെ അവസാനം അവര്‍ക്ക് സംഭവിച്ച ഭയപ്പെടുത്തുന്ന അനുഭവം ആണ് ബാക്കി ചിത്രം.

  ഇരുണ്ട ഒരു രാത്രി.ഹെഡ് ഫോണും  വച്ച് ഒരു വിധം കേട്ടാല്‍ മനസ്സിലാകുന്ന കന്നഡ ഭാഷയില്‍ ഉള്ള സിനിമ കണ്ടു കൊണ്ടിരുന്ന ഞാന്‍ അപ്രതീക്ഷിതം ആയി വന്ന പല സീനുകളിലും ശരിക്കും ഞെട്ടിയിരുന്നു.പേടിക്കുക ഇല്ല  ഒരിക്കലും എന്ന് കരുതി ഇരുന്നാല്‍ ഈ ചിത്രം കണ്ടാലും പേടിക്കില്ല എന്ന് തോന്നുന്നു.എന്നാല്‍ രക്തപങ്കിലമായ ദൃശ്യങ്ങള്‍ തരുന്ന ഭയാനകതതയില്‍ കൂടുതല്‍  "രമേശാ" എന്നുള്ള അനന്തതയില്‍ നിന്നുള്ള ആ വിളിയില്‍ ഉണ്ടായിരുന്നു.എന്തായാലും കുറച്ചു വര്‍ഷങ്ങള്‍ ആയി മോശം ആയിക്കൊണ്ടിരുന്ന കന്നഡ സിനിമയ്ക്ക് ലൂസിയ എങ്ങനെ ഉണര്‍വ് നല്‍കിയോ ആ പാതയില്‍ തന്നെ ആണ് ഈ ഹൊറര്‍ ചിത്രവും.

More reviews @ www.movieholicviews.blogspot.com

Saturday, 8 November 2014

217.SAMRAT & Co.(HINDI,2014)

217.SAMRAT & Co.(HINDI,2014),|Thriller|Mystery|,Dir:-Kaushik Ghatak,*ing:-Rajeev Khandelwal,Madalasa Sharma.

 ആദ്യം തന്നെ പറയട്ടെ ഈ സിനിമ ഒരു വലിയ സംഭവം അല്ല.ശരാശരി ആയി മാറിയ  ഒരു ഇന്ത്യന്‍ ഷെര്‍ലക്ക്‌ ഹോംസ് എന്ന് വേണമെങ്കില്‍ പറയാം.ത്രില്ലര്‍/മിസ്റ്ററി ജോണറില്‍ ഉള്ള ഒരു ശരാശരി ഇന്ത്യന്‍ പടം ആയി മാറി സാമ്രാട്ട് എന്ന ഇന്ത്യന്‍ ഷെര്‍ലക്ക്‌ ഹോംസ്.ഷെര്‍ലക്ക്‌ ഹോംസിന്റെ പേരില്‍ ഉള്ള സീരിയലുകള്‍ക്കും സിനിമകള്‍ക്കും പുസ്തകങ്ങള്‍ക്കും സമൂഹത്തില്‍ എന്ത് മാത്രം സ്വീകാര്യത ഉണ്ട് എന്നുള്ള തിരിച്ചറിവില്‍ ആകാം ഈ സിനിമയുടെ അണിയറ പ്രവര്‍ത്തകര്‍ ഇതുമായി മുന്നോട്ടു പോയതെന്ന് കരുതുന്നു. ചിത്രത്തിന്‍റെ തുടക്കത്തില്‍ അവര്‍ അത് സൂചിപ്പിച്ചിട്ടും ഉണ്ട്.കൂടുതലും  രണ്ടാം നിര താരങ്ങളെ വച്ചാണ് ഈ സിനിമ ഒരുക്കിയിരിക്കുന്നത്.കഥയുടെ അവതരണം ഒരു ഷെര്‍ലക്ക്‌ ഹോംസ് പുസ്തകത്തെ അനുസ്മരിപ്പിക്കുന്നുണ്ട്.എന്നാല്‍ അതിലും കൂടുതല്‍ ഈ അടുത്തിറങ്ങിയ ഷെര്‍ലക്ക്‌ ഹോംസ് സീരിയലിലെ ബെനഡിക്റ്റ് കുംബര്‍ബാചിനെ പോലെ അഭിനയിക്കാന്‍ നായകന്‍ രാജീവ്  ശ്രമിച്ചു പരാജയപ്പെടുന്നുണ്ട് പലയിടത്തും.

   കഥ ആരംഭിക്കുന്നത് സാമ്രാട്ട് എന്ന ഇന്ത്യന്‍ ഷെര്‍ലക്ക്‌ ഹോംസ് തന്‍റെ നിരീക്ഷണ പാടവം ഓര്‍മിപ്പിക്കുന്ന ഷെര്‍ലക്ക്‌ -വാട്സന്‍ സംഭാഷണങ്ങളെ പോലെ ആണ്.സി ഡി അഥവാ ചക്രധര്‍ പാണ്ടേ ആണ് ഇവിടെ വാട്സന്‍.അയാള്‍ ഒരു ടി വി ചാനലിലെ അന്വേഷണ പരിപാടി അവതരിപ്പിക്കുന്ന ആളാണ്‌.കാഴ്ച ശക്തിയില്‍ ഉള്ള കുറവ് കാരണം ഐ പി എസ സെലക്ഷന്‍ കിട്ടാതെ പോയ ആളാണ് സാമ്രാട്ട്.എന്നാല്‍ അയാളുടെ അസാധാരണ നിരീക്ഷണ പാടവം അയാളെ ഒരു മികച്ച കുറ്റാന്വേഷകന്‍ ആക്കുന്നു.നിരീക്ഷണത്തിലൂടെ അയാള്‍ അവതരിപ്പിക്കുന്ന കാര്യങ്ങള്‍ ഒക്കെ നേരത്തെ പറഞ്ഞത് പോലെ ഷെര്‍ലക്ക്‌ കഥകളെ ഓര്‍മിപ്പിക്കുന്നു.തന്റെ ബുദ്ധിക്കു മത്സരം ആകാവുന്ന ഒരു കേസിനായി അയാള്‍ കാത്തിരിക്കുക ആണ്.അങ്ങനെയാണ് ഒരു സുന്ദരി അയ യുവതി ശിംലയില്‍ നിന്നും അയാളെ കാണാന്‍ മുംബയില്‍ എത്തുന്നത്‌.കോടീശ്വരി ആയ അവരുടെ വീട്ടില്‍ പഴയ ജോലിക്കാരന്റെ ശാപം മൂലം അയാളുടെ മരണ ശേഷം അവരുടെ പൂന്തോട്ടത്തിലെ ചെടികള്‍ എല്ലാം കരിഞ്ഞു പോയി എന്നവര്‍ വിശ്വസിക്കുന്നു.അത് മാത്രം അല്ല അയാളുടെ പ്രേതം അവരുടെ അച്ഛന്‍ ആയ മഹേന്ദ്ര സിംഗ്‌ പ്രതാപിനെ ശല്യപ്പെടുത്തുന്നു എന്നും പറയുന്നു.സാമ്രാട്ട് ഈ കേസ് ഏറ്റെടുക്കുന്നു.എന്നാല്‍ സാമ്രാട്ട് വിചാരിച്ച അത്ര എളുപ്പം അല്ലായിരുന്നു കാര്യങ്ങള്‍.അപ്രതീക്ഷിതം അയ പലതും മഹേന്ദ്ര സിംഗിന്റെ അറുപതാം പിറന്നാളിന്റെ അന്ന് നടക്കുന്നു.എതിരാളികളെ കണ്ടെത്താനും മാത്രം തെളിവുകള്‍ ഇല്ല.പോലീസിന്റെ മുന്നില്‍ ഒരു കുറ്റവാളി ഉണ്ട്.എന്നാല്‍ മരണങ്ങള്‍ വീണ്ടും അവിടെ താമസിക്കുന്നവരുടെ ഇടയില്‍ സംഭവിക്കുന്നു.ബാക്കി ആണ് ചിത്രം.

   കഥ മോശം ആണെന്നുള്ള അഭിപ്രായം എനിക്കില്ല ഈ ചിത്രത്തെ കുറിച്ച്.എന്നാല്‍ ഇത് കൈകാര്യം ചെയ്തതില്‍ പിഴവ് വന്നിട്ടുണ്ട് എന്ന് കരുതുന്നു.എന്നാല്‍ ഒരു ഇന്ത്യന്‍ ഷെര്‍ലക്ക്‌ എന്ന നിലയില്‍ വലിയ മോശവും ആക്കിയില്ല.പ്രത്യേകിച്ചും അദ്ധേഹത്തിന്റെ ഒപ്പം ബുദ്ധി ഉണ്ടാകും എന്ന് കരുതുന്ന സാമ്രാട്ട് നടത്തുന്ന നിരീക്ഷണങ്ങള്‍ .പതിവ് ഇന്ത്യന്‍ സിനിമയിലെ മസാല ചേരുവകകള്‍ കുറച്ചു ആണെങ്കിലും  ഈ ചിത്രത്തിലും ഉണ്ട്.ഒരു ശരാശരി നില്‍ക്കുന്ന ഇന്ത്യന്‍ മിസ്റ്ററി/ ത്രില്ലര്‍ ആയി കണക്കാക്കാം ഈ ചിത്രത്തെ.

More reviews @ www.movieholicviews.blogspot.com

216.VARSHAM(MALAYALAM,2014)

216.VARSHAM(MALAYALAM,2014),Dir:-Ranjith Shankar,*ing:-Mammootty,Asha Sarath.

  "കണ്ണീരിന്‍റെ നനവുള്ള "വര്‍ഷം",പ്രതീക്ഷയുടെയും" .

   ഒരു മനുഷ്യന്‍ അയാള്‍ എന്തില്‍ ആണോ നല്ലത് അതില്‍ നിന്നും മാറി മറ്റൊരാള്‍ ആയി മാറാന്‍ നോക്കുമ്പോള്‍ അയാളെ പരാജയം തേടി ഇരുപ്പുണ്ടാകും.പലപ്പോഴും കുട്ടികളുടെ ജീവിതത്തില്‍ അമിതമായി ഇടപ്പെടുന്ന മാതാപിതാക്കളുടെ പിടിവാശി മൂലം പലരും അങ്ങനെ ആയി മാറാറുണ്ട്.അത് പോലെ ആണ് എന്ന് തോന്നുന്നു മമ്മൂട്ടി എന്ന നടന്‍റെ കാര്യവും.ദിലീപ് തുടങ്ങിയ നടന്മാര്‍ വിജയിപ്പിച്ച വളിപ്പുകള്‍ നിറഞ്ഞ സിനിമകള്‍ അഭിനയിച്ച് ,മികച്ച നടന്‍ ആയ മമ്മൂട്ടി നഷ്ടപ്പെടുത്തിയ രണ്ടോളം വര്‍ഷങ്ങള്‍ മലയാളം സിനിമയ്ക്ക് സാമ്പത്തികം ആയും കലാപരം ആയും നഷ്ടം ആണെന്ന് പറയാം (എല്ലാ സിനിമകളും അല്ല).എന്നാല്‍ എന്തിനായിരുന്നു മംഗ്ലീഷ്,ക്ലീറ്റസ്,ജവാന്‍,കോബ്ര ഒക്കെ തന്ന് ഇത്രയും കഴിവ് തന്നില്‍ തന്നെ അല്‍പ്പ ദിവസം ഒളിപ്പിച്ചു വച്ചത്?മമ്മൂട്ടി എന്ന നടന്‍റെ ആരാധകര്‍ അല്ലെങ്കില്‍ ഫാന്‍സ്‌ എന്ന് പറയുന്നവരെ പല മോശം സിനിമകള്‍ക്കും കയ്യടിക്കാന്‍ തിയറ്ററില്‍ കണ്ടിരുന്നു.അവസാനം ഇറങ്ങിയ മുന്നറിയിപ്പ്,മൂന്നാം ദിവസത്തെ "വര്‍ഷം" എന്നീ സിനിമകള്‍ക്ക്‌ ഒന്നും കണ്ടില്ല ആളെ.ചുമ്മാ ഓണ്‍ലൈന്‍ തെറി വിളികള്‍ക്ക് മാത്രം ആയി അവര്‍ ഒതുങ്ങിയോ അവര്‍  അതോ അവര്‍ ഈ നടന്‍റെ മികച്ച അഭിനയ മുഹൂര്‍ത്തങ്ങള്‍ അസ്വധിക്കണ്ട എന്ന തീരുമാനത്തില്‍ ആണോ?

  ഇനി സിനിമയെ കുറിച്ച്.ആദ്യം തന്നെ പറയാമല്ലോ ഹാസ്യപ്രധാനം ആയ സിനിമ കാണുമ്പോള്‍ പൊട്ടിച്ചിരിക്കുകയും,വൈകാരികത നിറഞ്ഞ സിനിമകള്‍ ആ മൂഡ്‌ നല്‍കുമ്പോള്‍ അത് ആസ്വധിക്കുന്ന ഒരാള്‍ ആണ് ഞാന്‍.ഈ ചിത്രം എന്നെ കരയിപ്പിച്ചു പല സീനുകളിലും.ഒരച്ഛന്‍ ആയ വേണുഗോപാല്‍ ആയും കച്ചവടക്കാരന്‍ ആയ വേണുഗോപാല്‍ ആയും യഥാക്രമം കരയിപ്പിക്കുകയം ദേഷ്യം വരുത്തുകയും ചെയ്തു മമ്മൂട്ടി എന്ന നടന്‍.വളരെ സാധാരണം ആയ കഥ.ഒരു പക്ഷേ പലരുടെയും  ജീവിതത്തില്‍ സംഭവിച്ചിട്ടുള്ള ഒന്ന്.സന്തോഷകരം ആയ ജീവിതത്തില്‍ കാര്‍മേഘം മരണത്തിന്‍റെ നിഴലായി പതിയുമ്പോള്‍ പലപ്പോഴും ജീവിതത്തില്‍ തകരും.അതും സ്വന്തം ചോര തന്നെ ആകുമ്പോള്‍.എല്ലാം ഉണ്ടായിട്ടും ഒന്നും ചെയ്യാന്‍ ആകാത്ത അവസ്ഥ വരുന്ന  ആ പിതാവായി മമ്മൂട്ടി  ഗംഭീരം ആയി ചെയ്തു.നഷ്ടങ്ങളില്‍ നിന്നും മറഞ്ഞു പോയ പ്രിയപ്പെട്ടവര്‍ക്ക് വേണ്ടി നേടിയ വിജയ കഥ ആണ് വേണുഗോപാലിന് പറയാന്‍ ഉള്ളത്.ആ ശ്രമത്തിനിടയില്‍ പുറമേ ചിരിച്ചു കാണിച്ച പലരും അദ്ദേഹത്തിന് ശത്രുക്കള്‍ ആയി.എങ്കിലും മരണം ആഗ്രഹിച്ചു ജീവിക്കുന്ന ഒരാള്‍ക്ക് അതൊക്കെ ഒരു പരീക്ഷണം ആകുമോ?

  മമ്മൂട്ടിക്ക് പുറമേ ആശ ശരത് നല്ലൊരു അമ്മയായി ജീവിച്ചു.ജീവിതത്തില്‍ ഉണ്ടാകാന്‍ സാധ്യത ഉള്ള ഒരു ദുരന്തത്തിനായി കാത്തു കഴിയുന്ന പലരുടേയും ജിവിതത്തില്‍ പ്രകാശം പരത്തുന്നത് ഈ ചിത്രത്തില്‍  ഉണ്ട്.പ്രത്യേകിച്ച് വിനോദ് കോവൂര്‍,സുനില്‍ സുഗദ തുടങ്ങിയവര്‍ അവതരിപ്പിച്ച അച്ഛന്‍ കഥാപാത്രങ്ങള്‍.ആദ്യ പകുതി രണ്ടാം പകുതി എന്നൊക്കെ വച്ച് സിനിമയെ വിലയിരുത്തിയാല്‍ ആദ്യ പകുതി വളരെയധികം കരയിപ്പിച്ചു.രണ്ടാം പകുതി മറ്റൊരു സാമൂഹിക വിപത്തിലേക്ക് ഉള്ള കാഴ്ച ആയിരുന്നു.ഈ ചിത്രത്തിന് ഞാന്‍ 3.5/5 കൊടുക്കുന്നു.കഥയില്‍ അധികം സങ്കീര്‍ണം ആയതൊന്നും ഇല്ലായിരുന്നു,രഞ്ജിത്ത്  ശങ്കറുടെ മികച്ച ചിത്രം അല്ലെങ്കില്‍ എങ്കിലും സംഗീതവും അഭിനയവും എല്ലാം കൂടി ഈ ചിത്രം എന്നെ ഒരു പ്രത്യേക മൂഡില്‍ ആക്കി കളഞ്ഞു.

More reviews @ www.movieholicviews.blogspot.com