Thursday, 27 June 2013

REAR WINDOW ( 1954--ENGLISH--MYSTERY/THRILLER



REAR WINDOW ( 1954--ENGLISH--MYSTERY/THRILLER--CREW :Dir-Hitchcock,Stars: James Stewart, Grace Kelly )

  ഒരു മുഖവുര ആവശ്യമില്ലാത്ത സംവിധായകന്‍ ആണ്  ആല്‍ഫ്രെഡ് ഹിച്ച്കോക്ക്..മനുഷ്യരില്‍ എല്ലായ്പ്പോഴും കാണുന്ന ജിജ്ഞാസ എന്നാ വികാരത്തെ അതിന്‍റെ പാരമ്യത്തില്‍ എത്തിച്ച് ഭാവനയുടെ ചിറകില്‍ അവയെ പറപ്പിക്കുന്ന ഇതിഹാസം...അതിന് അദ്ദേഹം തിരഞ്ഞെടുത്തത് സിനിമ എന്ന മാധ്യമത്തെയും..സിനിമകളില്‍ തനിക്ക് മാത്രം കഴിയുന്ന രീതിയില്‍ കഥകള്‍ പറയുകയും അത് കാഴ്ചക്കാരെ വിശ്വസിപ്പിക്കാനും ഉള്ള അദ്ദേഹത്തിന്റെ കഴിവ്..അതായിരിക്കും മഹാനായ ആ സംവിധായകന്‍ തന്‍റെ കാലത്തെ അതിജീവിക്കുന്ന കലാസൃഷ്ട്ടികളില്‍ വരച്ചു കാണിച്ചത്...

  തന്‍റെ വഴികളില്‍ സിനിമ എന്നാ കലാരൂപത്തെ ജനകീയവും അതേ സമയം ഒരു രസം കൊല്ലി എന്നതിനുമപ്പുറം കാഴ്ചക്കാരന്റെ മനസ്സില്‍ ജനിക്കുന്ന സംഭവ വികാസങ്ങള്‍ ആയി അവയെ അവതരിപ്പിച്ചിരിക്കുന്നത് അദ്ദേഹത്തിന്റെ മാത്രം പ്രത്യേകത ആണ്..അത്തരത്തില്‍ ഉള്ള ഒരു ചിത്രം ആണ് Rear Window..ഒളിഞ്ഞു നോട്ടം എന്നും മനുഷ്യന് ഇഷ്ട്ടമാണ്..അത് ഏതു തരത്തില്‍ ആണെങ്കിലും.ജാതിമതഭേദമന്യേ എല്ലാവരും അതില്‍ വിദഗ്ദ്ധരും ആണ്..മറ്റുള്ളവരുടെ ജീവിതം ഒരു തുറന്ന പുസ്തകം പോലെ നമ്മുടെ മുന്നില്‍ തുറന്നു വയ്ക്കുന്ന ഒരവസ്ഥ ഉണ്ടായാല്‍ തീര്‍ച്ചയായും നമ്മള്‍ ആ ജീവിത താളുകളില്‍ തീര്‍ച്ചയായും നമ്മുടേതായ ഒരു കഥ രചിക്കും..അതാണ്‌ Rear Window എന്നാ ചിത്രത്തിന്റെ പ്രമേയം..സാഹസികമായ ഒരു ഫോട്ടോ ഷൂട്ടില്‍ കാലിന് പരുക്കേറ്റ് വിശ്രമിക്കുന്ന ജെഫ് എന്ന നായകനില്‍ കഥ ആരംഭിക്കുന്നു..ജെഫിന്റെ കാമുകി , സുന്ദരിയായ ഫാഷന്‍ consultant ലിസ ,സ്റെല്ല എന്നാ നേഴ്സ് ,സുഹൃത്തായ detective ഡോയല്‍ എന്നിവരിലൂടെ ആണ് കഥ വികസിക്കുന്നത്..തുറന്നിട്ട ജനലുകളിലൂടെ അയല്‍ക്കാരെ അവര്‍ കാണാതെ നോക്കുകയാണ് ജെഫ്..സമയം കൊല്ലി എന്നാ നിലയില്‍ മാത്രം മറ്റുള്ളവരുടെ ജീവിതം-നിരാശയായ യുവതി,സംഗീതജ്ഞന്‍ ,നര്‍ത്തകി,പുതുതായി വിവാഹിതരായ ദമ്പതികള്‍,ബാല്‍കണിയില്‍ കിടന്നുറങ്ങുന്ന ദമ്പതികള്‍ ;അവരുടെ നായ,പൊരുത്തം ഇല്ലാതെ ജീവിക്കുന്ന ആഭരണ കച്ചവടക്കാരനും ഭാര്യയും എന്നിവരെ കാണുകയാണ് ജെഫ് ...ഇവരൊക്കെ ആണ് വിശ്രമത്തില്‍ കഴിയുന്ന ജെഫിന്റെ ജീവിതത്തെ സംഭവബഹുലം ആക്കുന്നത്...ജെഫ് ഒരു ക്യാമറമാന്‍ ആണ് ;പ്രശസ്തന്‍,സാഹസികനും...ഒരു ദിവസം തന്‍റെ പതിവ് 'ഒളിഞ്ഞു നോട്ടത്തിന്‍റെ " ഇടയില്‍ തന്‍റെ അയല്‍ വക്കത്തുള്ള apartmentil ഒരു കൊലപാതകം നടന്നു എന്ന് ഒരു തോന്നല്‍ ഉണ്ടാകുന്നു..എന്നാല്‍ കണ്ണിനു മുന്നില്‍ ഉള്ള തെളിവുകളുടെ അഭാവം ജെഫിനെ കാമുകിയുടെയും സുഹൃത്തായ detective ന്റെ മുന്നിലും ചെറിയ രീതിയില്‍ പരിഹാസ്യന്‍ ആക്കുന്നു..എന്നാല്‍ പിന്നീട് എന്തോ ഒരു സത്യം അതിനു പിന്നില്‍ ഉണ്ടെന്നു കാമുകിക്ക് സ്ത്രീസഹജമായ തെളിവുകളിലൂടെ മനസ്സിലാകുന്നു...എന്നാല്‍ സുഹൃത്തായ നിയമപാലകന് അത് മനസ്സിലാകാതെ പോകുന്നു..ജെഫ് പറഞ്ഞ പല തെളിവുകളും ഡോയല്‍ ഭേദിക്കുന്നു...

   എന്നാല്‍,ലഭിക്കുന്ന സാഹചര്യ തെളിവുകള്‍ common sense ഉപയോഗിച്ച് വിശകലനം ചെയ്തു ജെഫ് കൊലപാതകിയുടെ അടുത്തെത്തുന്നു...വീല്‍ചെയറില്‍ ഇരുന്നു കൊണ്ട് തന്നെ ഒരിക്കലും അറിയപ്പെടാതെ പോകുമായിരുന്ന ഒരു കൊലപാതകം ജെഫ് കണ്ടെത്തുന്നു..ജെഫിന്റെ താല്പര്യം കാണുമ്പോള്‍ ഒരു കൊലപാതകം ജെഫ് ആഗ്രഹിച്ചിരുന്നത് പോലെ തോന്നും...നമ്മളില്‍ പലരും അങ്ങനെയാണ്...കൊലപാതകം നടത്താന്‍ പേടി ആണെങ്കിലും അത് ആരെങ്കിലും നടത്തിയാല്‍ താല്പര്യത്തോടെ അതിനെ സമീപിക്കുന്നവര്‍...

   മനുഷ്യന്റെ ഇത്തരത്തില്‍ ഉള്ള ബലഹീനത എന്ന് പറയാവുന്ന സ്വഭാവത്തെ അതി ദാരുണം ആയ ഒരു കൊലപാതകത്തിന്റെ ചുരുള്‍ അഴിക്കാനായി ഹിച്ച്കോക്ക് ഉപയോഗപ്പെടുതിയിരിക്കുന്നു...ഇവിടെ ഹിച്ച്കൊകിന്റെ ക്യാമറ കണ്ണുകളിലൂടെ നമ്മള്‍ തന്നെ ആണ് ഈ കൊലപാതകം കാണുന്നത്...നമുക്ക് തോന്നാവുന്ന കാര്യങ്ങള്‍ മാത്രം ആണ് നായകനും തോന്നുന്നത്...തന്‍റെ ക്യാമറ നമുക്ക് നേരെ നീട്ടിയിട്ട്‌ അതിന്റെ ലെന്‍സിലൂടെ കാഴ്ചക്കാരനെ  കൊണ്ട് തന്നെ കഥ പറയിപ്പിക്കുകയാണ് ഹിച്ച്കോക്ക്..അത്തരത്തില്‍ തികച്ചും വ്യത്യസ്തവും അതെ സമയം നമ്മളെ പുതിയതെന്തോ തിരയാന്‍ പ്രേരിപ്പിക്കുകയാണ് സംവിധായകന്‍......

Here,we are the heroes in the movie.While watching,we takes the place of Jeff in investigating..This prime investigating thriller rates much above the usual thrillers fledged with mystery..This is a must watch for all the movie lovers of thriller/mystery genre...Do watch the flick when you want to see others life ...My rating is 9.5/10 for the movie brilliance..Kudos to Alfred Hitchcock...!!!! You really changed up our movie watching!!!

GOODBYE LENIN (2003,GERMAN)



GOODBYE LENIN (2003,GERMAN)

പലപ്പോഴും ആലോചിച്ചിട്ടുണ്ട് ഏതു തരം സിനിമകള്‍ ആണ് എനിക്കിഷ്ട്ടമെന്നു..ഇപ്പോള്‍ ഉത്തരം കിട്ടിക്കൊണ്ടിരിക്കുന്നു.."എന്നെ പറ്റിക്കുന്ന ചിത്രങ്ങളുടെ ആരാധകന്‍" ആയി മാറുകയാണ് ഞാനിപ്പോള്‍....
...ഈ ചിത്രവും എന്നെ ചതിച്ചു..എനിക്കിഷ്ട്ടപെട്ടു...Good Bye Bafana എന്ന ചിത്രത്തിന് വേണ്ടി തിരഞ്ഞപ്പോഴാണ് ഈ പേര് ഉടക്കിയത്....വെറുതെ ഡൌണ്‍ ലോഡ് ചെയ്തു....കഥ വായിച്ചു നോക്കി...മഹേഷ്‌ ബാബുവിന്‍റെ Dookudu എന്നാ സിനിമയിലെ ചില രംഗങ്ങള്‍ മനസ്സില്‍ വന്നു..ഇനി എങ്ങാനും കോപ്പി ആയിരിക്കുമോ എന്നൊരു സംശയവും വന്നു..അങ്ങനെ ഇത് കണ്ടു തുടങ്ങി..

കഥ തുടങ്ങുന്നത് വിഘടിച്ചു നില്‍ക്കുന്ന ജെര്‍മനിയിലെ സോഷ്യലിസ്റ്റ്‌ ഭരണം നടക്കുന്ന ഈസ്റ്റ്‌ ജെര്‍മനിയില്‍ ആണ്..സോഷ്യലിസ്റ്റ്‌ ആശയങ്ങളില്‍ മടുത്തു നാട് വിട്ടു ഈസ്റ്റ്‌ ജെര്‍മനിയിലേക്ക് പോയ റോബര്‍ട്ട്‌ കേര്‍നെരിന്റെ ഭാര്യയും രണ്ടു കുട്ടികളും ഈസ്റ്റ്‌ ജെര്‍മനിയില്‍ തങ്ങുന്നു...വേറെ വഴിയില്ലാതെ അദ്ദേഹത്തിന്റെ ഭാര്യ ക്രിസ്ടിയെന്‍ സോഷ്യലിസ്റ്റ്‌ ചിന്താഗതിക്കാരി ആകുന്നു..അവര്‍ സോഷ്യലിസ്റ്റ്‌ ആശയങ്ങളുടെ പ്രധാന idealist ആയി മാറുന്നു...കുട്ടികള്‍ മുതിര്‍ന്നു..മകനായ അലക്സ്‌‌ സോഷ്യലിസ്റ്റ്‌ ആശയങ്ങളോട് എതിരായി...മകള്‍ മരിയന്‍ തന്റെ കുട്ടിയുമായി അവരോടൊപ്പം ജീവിക്കുന്നു..സോഷ്യലിസ്റ്റ്‌ ആശയങ്ങള്‍ക്ക് എതിരായ സമരത്തില്‍ പങ്കെടുത്ത അലെക്സിനെ പോലിസ് അറസ്റ്റ് ചെയ്യുന്നു..അത് കണ്ട ക്രിസ്ടിയെനു ഹൃദയാഘാതം ഉണ്ടാകുന്നു..അവര്‍ കോമയില്‍ ആയി..8 മാസങ്ങള്‍ക്ക് ശേഷം അവര്‍ കണ്ണ് തുറക്കുന്നു...പക്ഷെ അപ്പോഴേക്കും ബെര്‍ലിന്‍ മതില്‍ പൊളിച്ചു മാറ്റി ഈസ്റ്റ്‌ ജെര്‍മനിയും ക്യാപിറ്റലിസ്റ്റ് ആയി മാറുന്നു..ഇനിയൊരു ഹൃദയാഘാതം താങ്ങാന്‍ ക്രിസ്ടിയെനു കഴിയില്ലെന്ന് ഡോക്ടര്‍ പറയുന്നു..ജെര്‍മനിക്ക് 8മാസത്തിനുള്ളില്‍ സംഭവിച്ച മാറ്റം അമ്മ അറിഞ്ഞാല്‍ വീണ്ടും ഹൃദയാഘാതം ഉണ്ടാകുമെന്ന് കരുതിയ അലക്സ്‌ അത് അമ്മയില്‍ നിന്നും മറച്ചു വച്ച് 8 മാസം മുന്‍പുള്ള ജെര്‍മനിയെ അമ്മയുടെ മുന്നില്‍ പുനരവതരിപ്പിക്കുന്നു . അതിനായുള്ള അലെക്സിന്റെ ശ്രമങ്ങള്‍ ആണ് പിന്നീട്...

റെക്കോര്‍ഡ്‌ ചെയ്തു വച്ച വാര്‍ത്ത അമ്മയെ ടി വി യിലൂടെ കാണിക്കുകയും ,എന്തിനു മാറിയ വസ്ത്രധാരണ രീതി പോലും അമ്മയെ അറിയിക്കാതെ അവരെ ജീവിതത്തിലേക്ക് കൊണ്ട് വരുന്നു...കെട്ടിടത്തിനു മുകളില്‍ കണ്ട കൊക്കോ കോളയുടെ പോസ്റ്റര്‍ അമ്മ കണ്ടപ്പോള്‍ അത് പാര്‍ട്ടി ഔദ്യോഗിക പാനീയം ആയി അംഗീകരിച്ചു എന്നുള്ള വാര്‍ത്ത‍ അമ്മയെ കാണിക്കുന്നു.. അങ്ങനെ പല കള്ളങ്ങളിലൂടെ അമ്മയ്ക്ക് സംഭവിക്കാമായിരുന്ന ഹൃദയാഘാതം അലെക്സ് തടഞ്ഞു നിര്‍ത്തുന്നു ...അവസാനം എന്ത് സംഭവിക്കും എന്നതാണ് ബാക്കി കഥ..അലെക്സിന്റെ കള്ളത്തരങ്ങള്‍ വിജയിക്കുമോ???ക്രിസ്ടിയെന്‍ സത്യങ്ങള്‍ അറിയുമോ??കഥയില്‍ നിന്നും മാറി പോയി മോശം ആകാമായിരുന്ന പലസന്ദര്‍ഭങ്ങളിലും മികച്ച തിരക്കഥ ചിത്രത്തിന് തുണയായി...

വിഘടിച്ചു നിന്ന ആശയങ്ങള്‍ ഒന്നിക്കുമ്പോള്‍ ജനങ്ങള്‍ക്കുണ്ടാകുന്ന മാറ്റങ്ങളും ..മാറിയ സാഹചര്യത്തില്‍ അവരുടെ ജീവിതങ്ങള്‍ക്ക് എന്ത് സംഭവിച്ചു എന്നുള്ളത് ഒരമ്മയുടെയും മകന്‍റെയും കഥയിലൂടെ രസകരമായി അവതരിപ്പിച്ചിരിക്കുകയാണ് Wolfgang Becker..ചിരിക്കാന്‍ ധാരാളം ഉണ്ട്..പലപ്പോഴും ഒരു ടോം ആന്‍ഡ്‌ ജെറി ആകുന്നുണ്ട് കഥ...അമ്മയുടെ മുന്നിലെ കള്ളത്തരങ്ങള്‍ പൊളിയും എന്നാ അവസ്ഥയില്‍ ബുദ്ധിപൂര്‍വമായ നീക്കങ്ങളിലൂടെ അമ്മയെ സമാധാനിപ്പിക്കുന്ന മകന്‍... ഒരമ്മയുടെ ജീവിതം നീട്ടി കൊടുക്കുന്നു...തീര്‍ച്ചയായും ഈ സമയത്തും വളരെയധികം പ്രാധാന്യം ഉള്ളതാണ് ഈ ചിത്രം..ലോകത്തിന്‍റെ പല ഭാഗത്തില്‍ നിന്നും മാറ്റി നിര്‍ത്തിയ ലെനിന്‍റെ ആശയങ്ങളുടെ അവസാനം ആണ് ജെര്‍മനി എന്ന് പറയാം...തകര്‍ക്കപെട്ട ലെനിന്‍റെ പ്രതിമയുമായി പോകുന്ന ഹെലികോപ്ടറില്‍ ഗുഡ് ബൈ എന്ന് കൈ കൊണ്ട് കാണിച്ചിരിക്കുന്ന പ്രതിമ അതിനു മികച്ച ഉദാഹരണം ആണ്...അത് മനോഹരമായും ഒരല്‍പം പരിഹാസരൂപത്തിലും ഇതില്‍ കാണാം...ആശയങ്ങളുടെ വൈരുധ്യം പലയിടത്തും പ്രകടം ആകുന്നുമുണ്ട് ഈ ചിത്രത്തില്‍...

ഞാന്‍ ആദ്യം പറഞ്ഞത് പോലെ ഈ ചിത്രവും എന്നെ പറ്റിച്ചു..എന്റെ മുന്‍വിധികള്‍ ഈ ചിത്രം തകര്‍ത്തു..കലാപമുഖരിതവും ആശയങ്ങളുടെ 
വൈരുദ്ധ്യങ്ങളും ഉള്ള ഒരു സീരിയസ് സിനിമ ആണ് ഞാന്‍ പ്രതീക്ഷിച്ചത്..പക്ഷെ നര്‍മത്തിന്റെ മേമ്പൊടി ചാലിച്ചപ്പോള്‍ ഈ ചിത്രം മനോഹരമായി...അമ്മയും മകനും...അച്ഛനും മകനും തമ്മില്‍ ഉള്ള സ്നേഹം ഇതൊരു മികച്ച ഡ്രാമയും ആക്കി...Dookuduവില്‍ മഹേഷ്‌ അച്ഛനായ പ്രകാശ് രാജിനെയും സമാന രീതിയില്‍ സംരക്ഷിക്കുന്നുണ്ട്...ഈ ചിത്രം ആശയങ്ങള്‍ക്ക് വേണ്ടിയും Dookudu കച്ചവടത്തിന് വേണ്ടിയുമെന്നുള്ള വ്യത്യാസം മാത്രം...

ഒരു Family-Comedy-Drama കാണാന്‍ ആഗ്രഹം ഉള്ളവര്‍ക്ക് തീര്‍ച്ചയായും ഇഷ്ട്ടപ്പെടും ഈ ചിത്രം...ഹോളിവൂടിനും കൊറിയനും അപ്പുറം ഉള്ള ഇത്തരം ചിത്രങ്ങള്‍ ചിരിപ്പിക്കുകയും ചിന്തിപ്പിക്കുകയും ചെയ്യുന്നു..

This is one of the best movies I ever watched in the mentioned genre..I came to know about it a week ago or so..yet without much expectations,I liked this movie and my rating is 9/10 !!!

BATTLESHIP POTEMKIN (1925,RUSSIAN SILENT FILM)



BATTLESHIP POTEMKIN (1925,RUSSIAN SILENT FILM)

സിനിമ എന്ന മാധ്യമത്തിന് കഥ അവതരിപ്പിക്കുന്ന രീതിയിലും ക്യാമറ ഉപയോഗിക്കുന്ന ടെക്നോളജി അതിന്‍റെ എഡിറ്റിംഗ് എന്നിവയില്‍ നവ സാദ്ധ്യതകള്‍ തുറന്നു കൊടുത്ത ഐതിഹാസിക ചിത്രം ആണ് "Battleship Potemkin"..സംസാരിക്കാത്ത സിനിമകള്‍ക്ക്‌ ദൃശ്യങ്ങളിലൂടെ അതിന്‍റെ കഥ ആസ്വാധകന്‍ മനസ്സിലാക്കി എടുക്കുന്ന പ്രവണതയ്ക്ക് തുടക്കം കുറിച്ച ചിത്രം..ഭാവിയില്‍ നിര്‍മ്മിച്ച..അല്ലെങ്കില്‍ ഇപ്പോള്‍ നിര്‍മ്മിച്ച്‌ കൊണ്ടിരിക്കുന്ന ചിത്രങ്ങള്‍ക്ക് സിനിമ എന്ന മാധ്യമത്തിന് അനുവാചകരില്‍ ചലനം സൃഷ്ടിക്കുന്നതില്‍ മാതൃക ആക്കിയ സിനിമ എന്ന് നിസ്സംശയം പറയാം "Battleship Potemkin"നെ...

1925 ഇല്‍ ഇറങ്ങിയ ഒരു ചിത്രം;അതും നിശ്ശബ്ദ ചിത്രം..ചാര്‍ളി ചാപ്ലിന്റെ നിശ്ശബ്ദ സിനിമകളും പിന്നെ ഈ അടുത്ത് യു ടുബില്‍ കണ്ട ഹരിശ്ചന്ദ്രയും ഒക്കെ മികച്ചതായിരുന്നു..മറ്റൊന്ന് അവയുടെ കഥ നമുക്ക് പരിചിതവും ആയിരുന്നു..അത് കൊണ്ട് തന്നെ ഒരിക്കലും അതൊന്നും മടുപ്പിച്ചില്ല..പക്ഷെ ഒരു ചരിത്ര പശ്ചാത്തലത്തില്‍ ഉള്ള ചിത്രം ;തീര്‍ത്തും അപരിചിതമായ ചുറ്റുപാടില്‍ നടക്കുന്ന കഥ എന്നിവയൊക്കെ ഈ ചിത്രം കാണുന്നതില്‍ ചെറിയ മടുപ്പുണ്ടാക്കി..പക്ഷെ വായിച്ചറിഞ്ഞ ഈ ചിത്രം കാണാന്‍ തന്നെ തീരുമാനിച്ചു...1905ഇല്‍ റഷ്യയില്‍ നടന്ന ഒരു വിപ്ലവത്തിന്റെ കഥ ആണ് ചിത്രം..അതിന്‍റെ തുടക്കം മുതല്‍ ഉള്ള സംഭവങ്ങള്‍ ആണ് ഇതില്‍ അവതരിപ്പിച്ചിരിക്കുന്നത്...പഴകിയ മാംസം നല്‍കിയതിന്റെ പേരില്‍ സാര്‍ ഭരണകൂടത്തിന്റെ നേര്‍ക്ക്‌ Potemkin എന്ന യുദ്ധക്കപ്പലില്‍ നിന്നും ഉത്ഭവിച്ച് ,വ്യാപകമായി പടര്‍ന്ന ഒരു വിപ്ലവത്തിന്റെ കഥ ആണ് "Battleship Potemkin"...കപ്പലില്‍ ആരംഭിച്ച വിപ്ലവം വിപ്ലവക്കാരികള്‍ കരയില്‍ എത്തിയതോട് കൂടി ജനങ്ങള്‍ ഏറ്റെടുക്കുന്നു..അതിനെ തുടര്‍ന്ന് വിപ്ലവത്തെ അടിച്ചമര്‍ത്താന്‍ ഭരണകൂടം ശ്രമിക്കുന്നു...അതിനെ അതിജീവിച്ചു അത് നാട് മുഴുവന്‍ പടര്‍ന്നു ; വിപ്ലവം ആരംഭിച്ച Potemkin യുദ്ധക്കപ്പലില്‍ ഉള്ള നാവികര്‍ക്ക് അഭിവാദ്യം അര്‍പ്പിച്ചു കൊണ്ട് മറ്റുള്ള കപ്പലുകളും വരുന്നിടത്ത് ചിത്രം അവസാനിക്കുന്നു...

ജനങ്ങളില്‍ അമര്‍ത്തി വയ്ക്കപെട്ട സ്വാതന്ത്ര്യത്തിന്റെ വികാരം ഇളക്കാന്‍ ഈ ചിത്രത്തിന് അന്നത്തെ കാലത്തില്‍ സാധിച്ചിരുന്നു..പല ഭരണകൂടങ്ങളും ഈ ചിത്രത്തെ അന്നത്തെ കാലത്ത് ഭയപ്പെട്ടിരുന്നു..സംഭാഷണങ്ങള്‍ ഇല്ലെങ്കിലും ആ ചിത്രത്തിന്റെ ശക്തി അവിടെ ആയിരുന്നു..ഒരു കാലത്തില്‍ ശക്തമായ ഒരു മാധ്യമമായി മാറാന്‍ ഈ നിശബ്ധചിത്രങ്ങള്‍ക്ക് സാധിച്ചിരുന്നു എന്നുള്ളത് നമുക്ക് ശേഷം വരുന്ന തലമുറയ്ക്ക് ഒരിക്കലും ചിന്തിക്കാന്‍ പോലും കഴിയില്ല..അത്രയ്ക്കും ശക്തമാണ് അവതരണം...

അതിനെക്കാളും മുന്നില്‍ നില്‍ക്കുന്നത് ഇതിന്റെ സംവിധായകന്‍ Eisenstein സിനിമ എന്ന വിസ്മയത്തില്‍ കൊണ്ട് വന്ന മാറ്റങ്ങള്‍ ആണ്..Eisenstein's theory of Montage അദ്ദേഹം പരീക്ഷിച്ച ചിത്രമാണ് ഇത്..കൂടുതല്‍ ഒന്നും എനിക്ക് അതിനെ കുറിച്ച് അറിയില്ല ..എങ്കിലും കഥ അവതരിപ്പിക്കുന്നതില്‍ പുതിയ രീതികള്‍ അവതരിപ്പിച്ചു എന്ന് എനിക്ക് മനസ്സിലായി..തീര്‍ച്ചയായും സിനിമകളെ കുറിച്ച് ഗൌരവമായ പഠനം നടത്തുന്നവര്‍ കാണുന്ന ചിത്രം ആണിതെന്നു തോന്നുന്നു...ഇല്ലെങ്കില്‍ തീര്‍ച്ചയായും കാണേണ്ട പടം ആണ്...

നിശബ്ധമായ ഒരു ചിത്രത്തിന്റെ സമൂഹത്തില്‍ ഉണ്ടായ സ്വാധീനതയെകാളും ആ ചിത്രം ഇന്നും ആസ്വാദ്യകരം ആയി നില്‍ക്കുന്നത് പ്രശംസനീയം തന്നെ ആണ്.. 

Truely,there is no language for cinema...The way it communicates with the viewer shows its greatness...Leaving the revolutionary technical aspect in modern movies;donated by this movie..as an average viewer,my rating is 10/10 as it communicated with my view on a movie...
NB:-This was once selected as the best movie ever released..Even in 2012,it ranked 12th among the best movies ever released..keep in mind...numerous technologies were introduced after 1925!!!

CENTRAL STATION (CENTRAL DO BRASIL)- {1998, PORTUGUESE}



CENTRAL STATION (CENTRAL DO BRASIL)- {1998, PORTUGUESE}


Father's Day ആണെന്നു മുഖ പുസ്തകത്തിൽ കണ്ടപ്പോഴാണ് ഈ ചിത്രത്തെ കുറിച്ച് ഓർമ വന്നത്..ശനിയാഴ്ചകളിൽ മാംഗോയിൽ ഉള്ള സിനിമ കാഴ്ചകളിൽ നിന്നൊരു ചിത്രം..അന്ന് വേണാട് എക്സ്പ്രസ്സ്‌ പിടിക്കാനുണ്ടായിരുന്നത് കൊണ്ട് മുഴുമിപ്പിക്കാൻ പറ്റാതിരുന്ന ചിത്രം..അന്ന് കണ്ട ഭാഗങ്ങൾ മനസ്സിൽ എവിടെയോ കിടന്നിരുന്നു ...പക്ഷെ സിനിമയുടെ പേര് മറന്നും പോയി ...അങ്ങനെ ഒരു വിധം പടത്തിന്റെ പേര് തപ്പി എടുത്തു ..Central Station..ഡൌണ്‍ ലോഡും ചെയ്തു..പക്ഷേ കാണാൻ സാധിച്ചത് ഇന്നലെ മാത്രം ..പകുതി നേരത്തെ കണ്ടിരുന്നു..എന്നാലും ഞാൻ ഈ പ്രാവശ്യം മുഴുവനായി തന്നെ കണ്ടു ...

ഈ സിനിമ എൻറെ മനസ്സിൽ എന്നും ഒരു ചോദ്യ ചിഹ്ന്നമായി എന്നും ഉണ്ടായിരുന്നു..മൂന്നു നാല് വർഷം അതങ്ങനെ തന്നെ കിടക്കുകയും ചെയ്തു..കഥ ഇങ്ങനെ...ഡോറ - ബ്രസീലിലെ റിയോയിൽ ഉള്ള സെൻട്രൽ സ്റ്റേഷനിൽ അക്ഷരാഭ്യാസം ഇല്ലാത്തവർക്കായി കത്തുകൾ എഴുതി കൊടുത്തു ജീവിക്കുന്നു..പലരും അവരുടെ കഷ്ട്ടതകളും സുഖങ്ങളും നേട്ടങ്ങളും എല്ലാം ഉറ്റവരെ അറിയിക്കുന്നത് ഡോറ വഴി ആണ് ...എന്നാൽ ഡോറ അവരെയെല്ലാം വെറും ശല്യങ്ങൾ ആയി ആണ് കരുതുന്നത്..പ്രതീക്ഷകളോടെ അവരെ കൊണ്ട് എഴുതിക്കുന്ന എഴുത്തുകൾ പലപ്പോഴും അവർ അയക്കാറുമില്ല ..തികച്ചും നിരാശ ജനകം ആണു അവരുടെ ജീവിതം..കുട്ടികളും ഭർത്താവും ഒന്നുമില്ലാതെ ജീവിക്കുന്ന അവർക്ക് കൂട്ടായുള്ളത് മരിലിയ പെരേ അവതരിപ്പിക്കുന്ന ഐറിൻ ആണ് ..ദിവസവും കിട്ടുന്ന എഴുത്തുകൾ വായിച്ചു നോക്കി അവരെ കുറിച്ച് പരദൂഷണം പറയുന്നത് ആണ് ഡോറയുടെ പ്രധാന വിനോദം..ഒരിക്കൽ അവരുടെ അടുത്ത് എഴുത്ത് എഴുതാനായി ഒരു സ്ത്രീയും കുട്ടിയും എത്തുന്നു...അവരിൽ നിന്നും അകന്നു കഴിയുന്ന ഭർത്താവിന് വേണ്ടി ആയിരുന്നു ആ എഴുത്ത്...അച്ഛനെ കാണാനായി കൊതിക്കുന്ന ആ 9 വയസ്സുകാരന് വേണ്ടി ഉള്ള എഴുത്തുകൾ..ആദ്യത്തെ പ്രാവശ്യം ഡോറ എഴുത്ത് എന്നത്തേയും പോലെ അയക്കുന്നില്ല..ഒരിക്കലും വരാത്ത ഒരു മുഴുക്കുടിയന് വേണ്ടിയുള്ള എഴുത്ത് ആവശ്യമില്ലാത്തത് ആണെന്നാണ്‌ അവരുടെ അഭിപ്രായം..എന്നാൽ അടുത്ത ദിവസവും ആ അമ്മയും കുട്ടിയും ഡോറയുടെ അടുക്കൽ വരുന്നു..അന്നും പതിവ് പോലെ എഴുത്ത് എഴുതിപ്പിക്കുന്നു..എന്നാൽ അന്നൊരു അപകടത്തിൽ ആ കുട്ടിയുടെ അമ്മ മരിക്കുന്നു..ജോസുവെ എന്നായിരുന്നു അവന്റെ പേര്..

ഡോറ പിന്നീട് അവൻറെ സംരക്ഷണം ഏറ്റെടുക്കുന്നതായി ഭാവിച്ചു അവനെ അവയവ മോഷ്ട്ടാക്കളുടെ അടുക്കൽ എത്തിക്കുന്നു..എന്നാൽ വീണ്ടു വിചാരം ഉണ്ടായ അവർ അവനെ അവിടെ നിന്നും രക്ഷിക്കുന്നു....അവൻറെ ഏറ്റവും വലിയ ആഗ്രഹം അച്ഛനെ കാണണം എന്നതാണു..പ്രായശ്ചിത്തം എന്നോണം അവർ അവനെ അച്ഛന്റെ അടുക്കലേക്കു എത്തിക്കാൻ തീരുമാനിക്കുന്നു..ശേഷം അവർ യാത്ര തിരിക്കുന്നു...പിന്നീട് അവർ നടത്തുന്ന യാത്രയും അതിലെ കൊച്ചു കൊച്ചു പിണക്കങ്ങളും ഇണക്കങ്ങളും ...കാശില്ലാതിരുന്നപ്പോൾ അവർ കാണിക്കുന്ന കൊച്ചു കൊച്ചു കള്ളങ്ങളും ആയി മുന്നോട്ടു പോകുന്ന അവർക്ക് അവസാനം എന്ത് സംഭവിച്ചു എന്നതാണു കഥ....

ഇതിൽ ഡോറ ആയി അഭിനയിക്കുന്ന Fernando Montenegro യും ജോസുവേ ആയി അഭിനയിക്കുന്ന Vinicius De Olivieraയും ഉജ്ജ്വലമായാണു തങ്ങളുടെ ഭാഗങ്ങൾ അവതരിപ്പിച്ചിരിക്കുന്നത്..അവർ തമ്മിൽ ഉള്ള അഭിനയ മുഹൂർത്തങ്ങൾ മികച്ചതായിരുന്നു..ആരോരും ഇല്ലാതെ നിരാശയിൽ ജീവിക്കുന്ന ഡോറയും തന്റെ അച്ഛനാണ് ലോകത്തിൽ വച്ച് ഏറ്റവും നല്ലതെന്ന് കരുതുന്ന 9 വയസ്സുകാരൻ ജോസുവയും സിനിമ അവസാനിക്കുമ്പോൾ ഒരു ചെറു തേങ്ങലായി മനസ്സിൽ തങ്ങി നിൽക്കുക തന്നെ ചെയ്യും.. നല്ല സിനിമയെ ഇഷ്ട്ടപെടുന്നവർക്കായി സമർപ്പിക്കുന്നു ...തീർച്ചയായും കണ്ടിരിക്കേണ്ട ഒരു ചിത്രം..പശ്ചാത്തല സംഗീതം രംഗങ്ങൾക്ക് കൂടുതൽ മിഴിവേകുന്നു...

NB:- ഇതിൽ അരോചകം ആയി തോന്നിയത് പല ഹോളിവുഡ് സിനിമകളിലും ഇന്ത്യയെ വളരെ അപരിഷ്കൃതവും വിദ്യാഭ്യാസം കുറഞ്ഞവരും ചേരികളിൽ താമസിക്കുന്നവരും ആയിട്ടാണ്..ഏകദേശം അത് പോലെ തന്നെ ആണ് ബ്രസീലിലെ പ്രശസ്ത നഗരമായ റിയോ ഡി ജെനേരിയോയെയും ചിത്രീകരിച്ചിരിക്കുന്നത് ...എത്ര ആലോചിച്ചിട്ടും എന്ത് കൊണ്ട് ഇങ്ങനെ സംഭവിക്കുന്നു എന്ന് മനസ്സിലാകുന്നില്ല 

After City of God,this is surely one of my favorite flick from Brazil...The power of this movie lasted in me for the last 3 years after watching the half..My rating to this movie is 9/10...This is surely a nice watch for movie lovers!!

RUBY SPARKS (2012,ENGLISH)



RUBY SPARKS (2012,ENGLISH)

" മാജിക്കൽ റിയലിസം " എന്ന ഫാന്റസി വിഭാഗത്തിൽ ഉൾപ്പെടുത്താവുന്ന ചിത്രമാണ് റൂബി സ്പാർക്സ് ..ഒരാളുടെ ഭാവനയിൽ വിരിയുന്ന കഥാപാത്രങ്ങൾക്ക് ജീവൻ വയ്ക്കുക...ഉത്ഭവം അയാളുടെ ഭാവനയിൽ മാത്രം...ജീവിതവും അത് പോലെ.. അവസാനവും അത് പോലെ ...ഭാവനയിൽ വിരിയുന്ന യന്ത്ര മനുഷ്യൻ എന്ന് പറയാം..അതാണ്‌ മാജിക്കൽ റിയലിസം ...മലയാളത്തിൽ ഈ അടുത്തായി ഇറങ്ങിയ "നത്തോലി ചെറിയ മീനല്ല " ഈ ഗണത്തിൽ പെടുത്താവുന്നതാണ് ....ഒരാൾ എഴുതുന്ന കഥയിൽ മറ്റുള്ളവർ ജീവിക്കുന്നു ..അത്തരത്തിൽ ഒരു ചിത്രമാണ് റൂബി സ്പാർക്സും ....

കഥ ഇങ്ങനെ...എഴുതാൻ പുതിയ കഥ ഒന്നുമില്ലാതെ ഇരുന്ന കാൽവിൻ സ്വപ്നത്തിൽ ഒരു പെണ്‍ക്കുട്ടിയെ കാണുന്നു...അവളെ അവൻ തന്റെ പുതിയ കഥയിൽ അവതരിപ്പിക്കുന്നു...പക്ഷെ ഒരു ദിവസം അവൾ തന്റെ വീട്ടിൽ നില്ക്കുന്നത് കണ്ടു അമ്പരക്കുന്നു ....കഥ എഴുതുന്നതിൽ പ്രശസ്തൻ ആണെങ്കിലും ഒരു അന്ത:മുഖനും അത് പോലെ സുഹൃത്തുക്കൾ ഒന്നുമില്ലാതെ ആണ് കാൽവിൻ ജീവിക്കുന്നത്..ആകെ ഉള്ള സുഹൃത്ത്‌ സഹോദരൻ ഹാരി മാത്രം...ആദ്യം നടക്കുന്നത് വിശ്വസിക്കാൻ ആകാതെ കാൽവിൻ പിന്നീട് യഥാർത്ഥ ലോകത്തിൽ സംഭാവിക്കന്ന കാര്യം ആണെന്നു മനസിലാകുന്നതോട് കൂടി അവന്റെ ജീവിതം മാറുന്നു...റൂബിയും കാൽവിനും സന്തോഷമായി ജീവിക്കുന്നു.... സത്യം റൂബി അറിയുന്നുമില്ല...തന്റെ ജീവിതം കാൽവിന്റെ ഭാവന മാത്രം ആണെന്ന് ..നല്ല രീതിയിൽ പോയിരുന്ന അവരുടെ ജീവിതത്തിൽ ചില താള പിഴകൾ സംഭവിക്കുന്നതോട് കൂടി അവൻ റൂബിയെ എഴുതി തന്റെ വരുതിയിൽ ആക്കാൻ ശ്രമിക്കുന്നു...അതിനെ തുടർന്ന് ഉണ്ടാകുന്ന സംഭവ വികാസങ്ങൾ ആണ് Ruby Sparks ......

എഴുത്തിനനുസരിച്ചു മാറ്റാവുന്ന ജീവിതവും,കാമുകിയും എല്ലാം എത്ര സുന്ദരംആണ് ???ഒരിക്കലും വഴക്കുണ്ടാകാതെ ..ഒരിക്കലും പിണങ്ങാതെ നമ്മുടെ നിയന്ത്രണത്തിൽ തന്നെ ചലിക്കുന്ന ഒരു ജീവിതം...അതെത്ര സുന്ദരം ആണെങ്കിലും ആ കഥാപാത്രങ്ങൾ എല്ലാം നമ്മുടെ അടിമ ആയിരിക്കും..അവർക്ക് സ്വന്തമായി ഒന്നും കാണില്ല..അവരുടെ പുഞ്ചിരി പോലും നമ്മുടെ അടിമ ആയിരിക്കും ..അത്തരത്തിൽ ഉള്ള അവസ്ഥയെ നേരിടേണ്ടി വരുന്ന എഴുത്തുകാരനും ..അവന്റെ കഥാപാത്രവും ആണ് ഇതിലെ പ്രധാന കഥാ പാത്രങ്ങൾ ...

ഇതിലെ നായിക് റൂബി സ്പാർക്സ് ആയി അഭിനയിക്കുന്ന Zoe Kazan ന്റെ ആണു കഥ...നായകനായി പോൾ ഡാനോ യും ..ചെറിയ ഒരു വേഷത്തിൽ Antonio ബന്ടെരാസ് ഉം അഭിനയിക്കുന്നു....മികച്ച ചിത്രം എന്ന് പറയാൻ പറ്റില്ല ..എങ്കിലും ഭാവനയുടെ സാധ്യതകളെ വളരെയധികം പ്രയോജനപ്പെടുത്തിയ മനോഹരമായ ഒരു സിനിമ ആണു റൂബി സ്പാർക്സ് ...സമാന ഗതിയിൽ ഇറങ്ങിയ" അമേ"ലി ",മിഡ്നയിറ്റ് ഇന് പാരിസ്","ആലീസ്" തുടങ്ങിയ സിനിമകളോട് ഒപ്പം നില്ക്കാവുന്ന ഒരു ചിത്രം ആണ് റൂബി സ്പാർക്സ് ..

This movie impressed me with the way it was made...completely in a comedy back ground with a cute love story and filled with loads of imagination...The problems of this imaginary world is also well narrated in this movie..Good work by the writer,the heroine herself and by the director Jonathan and Valerie......This will be in one of my modern day favorite movies....My rating is 8/10....If you can imagine such a thing in life..go for it...It's a nice watch!!!

THE ELEPHANT MAN (1980,ENGLISH,B&W)



THE ELEPHANT MAN (1980,ENGLISH,B&W)

ഇതൊരു ബുദ്ധി ജീവി ചിത്രമല്ല..ആർകും മനസിലാകുന്ന മനുഷ്യത്വം എന്ന വികാരം ഉള്ള എല്ലാവര്ക്കും ഈ ചിത്രം ആസ്വാദ്യകരം ആയിരിക്കും .. കറുപ്പും വെളുപ്പും നിറത്തിൽ ചാലിച്ച മനോഹരമായ ചിത്രം...8 ഓസ്കാർ പുരസ്കാര നോമിനേഷനും BAFTA അവാർഡ് ഉൾപ്പടെ നിരവധി പുരസ്ക്കാരങ്ങളും നേടിയ പ്രശസ്തമായ ചിത്രം...ഒരു സുഹൃത്തിന്റെ നിര്ദേശ പ്രകാരം ഈ ചിത്രം കാണുമ്പോൾ പേരു സൂചിപ്പിക്കുന്നത് പോലെ ഒരു fiction ചിത്രമാണ് ഞാൻ പ്രതീക്ഷിച്ചത്..എന്നാൽ എന്റെ പ്രതീക്ഷകൾക്ക് വിരുദ്ധമായി മനുഷ്യത്വം എന്നാ വികാരത്തിന്റെ സൌന്ദര്യം ആണ് ഇതിൽ ഞാൻ കണ്ടത്...

ഹാന്നിബ്ബാൾ ലെക്ടർ എന്ന ക്രൂരനായ ഡോക്ടർ കഥാപാത്രത്തെ അനശ്വരമാക്കിയ ആന്റണി ഹോപ്കിന്സിന്റെ മനുഷ്യ സ്നേഹിയായ ഒരു ഡോക്ടർ കഥാപാത്രം ,ജോണ്‍ മെറിക് അഥവ " Elephant Man " എന്ന കഥാപാത്രമായി ജോണ്‍ ഹർടും മത്സരിച്ചുള്ള അഭിനയം ആണ് ഈ ചിത്രത്തെ അനശ്വരം ആക്കിയത് ...കഥ ഇങ്ങനെ..4 മാസം ഗർഭിണിയായിരിക്കെ കാട്ടാന കൂട്ടത്തിന്റെ ആക്രമണത്തിൽ പരുക്കേറ്റ സുന്ദരി ആയ അമ്മയ്ക്കുണ്ടായ വിരൂപിയായ മകൻ..എല്ലാവരാലും വെറുക്കപ്പെട്ടവനും ഉപേക്ഷിക്കപ്പെട്ടവനും ആയ അവൻ ലണ്ടനിലെ ഒരു കാർണിവലിൽ ഒരു പ്രദർശന വസ്തു ആയി ബയിട്സ് എന്നാ ആളുടെ അടിമയായി ജീവിക്കുന്നു...കണ്ണാടിയിൽ സ്വന്തം രൂപം നോക്കാൻ ഭയമുള്ള ആന മനുഷ്യൻ ആയ ജോണ് മെറിക് ആണു ബയിറ്റ്സിന്റെ കച്ചവടത്തിലെ മൂലധനം...ഒരു പ്രത്യേക സാഹചര്യത്തിൽ ലണ്ടൻ ഹോസ്പിറ്റലിലെ ഡോക്ടർ ആയ ട്രെവേസ് കാണുന്നു ...അതോടു കൂടി മെറികിന്റെ ജാതകം മാറുന്നു ...മനുഷ്യ സ്നേഹികളായ ഒരു കൂട്ടം ആളുകളുടെ അടുതെതുന്നതോട് കൂടി മെറിക് സ്നേഹത്തിന്റെ പുതിയ ഒരു ലോകം കാണുന്നു..അവിടെ എല്ലാവരും അവനെ ഒരു മനുഷ്യൻ ആയി അംഗീകരിക്കുന്നു ...ട്രെവേസിന്റെ ഭാര്യ ,കെൻഡൽ എന്നാ പ്രശസ്ത ആയ നാടക നടി ,മതേർസ് ഹെഡ് ,നോറ എന്നീ നേഴ്സുമാർ ,ഇംഗ്ലണ്ടിലെ രാജ്ഞി പോലും അവിടത്തെ ആ നിർഭാഗ്യവാനായ മനുഷ്യനോടു അനുകമ്പ കാണിച്ചു..എന്നാൽ വിധി വീണ്ടും അവനു എതിരായിരുന്നു...വീണ്ടും അവൻ ക്രൂരത ഉള്ള ലോകത്തിലെ പ്രദർശന വസ്തു ആയി മാറുന്നു..ആ പീഡനങ്ങൾ അവനെ മരണത്തോട് അടുപ്പിക്കുന്നു...എന്നാൽ ദൈവത്തിന്റെ ക്രൂരതയാൽ വൈരൂപികളായ വേറെ ഒരു കൂട്ടം മനുഷ്യർ അവനെ വീണ്ടും രക്ഷിക്കുന്നു ...വേറെ ഒരു ലോകത്തിൽ എത്തി ചേർന്ന അവൻ അവസാനം ഭയചകിതരായ മനുഷ്യരുടെ അടുത്ത് നിന്നും കാരുണ്യം നിറഞ്ഞ ആ സുന്ദര ലോകത്തില തിരിച്ചെത്തുന്നു....അവന്റെ നാളുകൾ അവസാനിക്കാറായി എന്ന് മനസിലാക്കിയ അവർ അവനിഷ്ട്ടപെട്ട ..എന്നാൽ ഒരിക്കലും കണ്ടിട്ടില്ലാത്ത നാടകം കാണിക്കാനായി കൊണ്ട് പോകുന്നു..തന്റെ മരണം ആയി എന്നറിഞ്ഞിട്ടാണോ എന്നറിയില്ല...അവന്റെ ഏറ്റവും വലിയ അഭിലാഷമായ നിവർന്നു കിടക്കയിൽ എന്ന ആഗ്രഹം അവൻ ചെയ്യുന്നു..ശരീരത്തിന്റെ പ്രത്യേക രൂപ നിർമിതി മൂലം ഒരിക്കലും അവനു അതിനു സാധിച്ചിരുന്നില്ല ..ആ ഉറക്കത്തിൽ അവൻ സന്തോഷമായി മരണത്തെ പുൽകുന്നു ..തന്നെ മനുഷ്യൻ ആയി ലോകം അംഗീകരിച്ചിരിക്കുന്നു എന്ന സന്തോഷത്തോടു കൂടി...

"Never, never! Nothing will die
The stream flows, the wind blows,
the cloud fleets, the heart beats"

എന്ന് അവന്റെ അമ്മ ഏതോ ലോകത്തിൽ ഇരുന്നു പറയുന്നിടത്ത് അവന്റെ ജീവിതം അവസാനിക്കുന്നു ...."I am not an elephant! I am not an animal! I am a human being! I am a man!" എന്ന് കരഞ്ഞിരുന്ന ഒരു മനുഷ്യന് ഇതിൽ കൂടുതൽ മനോഹരാമായ ഇതു മരണം ആണു ലഭിക്കുക??

ഇതിലെ എല്ലാ കഥാപാത്രങ്ങളും സിനിമ കഴിഞ്ഞാലും മനസ്സിൽ തങ്ങി നിൽക്കും ....എന്തായാലും നല്ല ഒരു സിനിമ കണ്ടത്തിൽ എനിക്ക് സന്തോഷം....I don't know how much this review have any impact on anyone to watch this movie..but still it's highly recommendable to watch...when you get a chance to free your mind and see beautiful part of humanity,you can go for this...

You will feel sorry to know that there actually lived a man with this deformity..

Beware:-This flick don't have the glorious,rich background of Hollywood films...But this really do have the part did by the greats of the industry..Excellent acting,an ice melting story flooded with excellent direction and all...I will rate it 9/10..I am sure watching this won't be a boring experience...

ORDINARY DECENT CRIMINAL (2000,ENGLISH)



ORDINARY DECENT CRIMINAL (2000,ENGLISH)

കെവിൻ സ്പേസി ...പലപ്പോഴും അഭിനയം കാണുമ്പോൾ ഓർമ വരുന്നത് മോഹൻ ലാലിനെ ആണ് ...ഒരു ചെറു പുഞ്ചിരിയുമായി എത്ര ആഴമേറിയ കഥാപാത്രത്തെയും അനശ്വരൻ ആക്കുന്ന മാന്ത്രികൻ എന്ന് പറയാം ...അദ്ദേഹത്തിന് മികച്ച സഹനടനുള്ള ഓസ്കാർ പുരസ്കാരം ലഭിച്ച Usual Suspects (1995) അതിനു മികച്ച ഉദാഹരണം ആണു..തീര്ച്ചയായും കണ്ടിരിക്കേണ്ട ഒരു പടം ആണു Usual Suspects...അഭിനയവും അവതരണ ശൈലിയും ഒന്നിനൊന്നു മികച്ചതായിരുന്നു ആ ചിത്രം...പ്രതീക്ഷിക്കാത്ത ക്ലൈമാക്ക്സ് ആണ് ..മോഹൻലാൽ എന്ന നടൻ മികച്ച കഥകളിൽ വില്ലൻ വേഷം ചെയ്യുന്നു എന്ന് കരുതുക..അത്തരത്തിൽ ഉള്ള അഭിനയം ആണു കെവിൻ സ്പെസിയുടെത് .IMDB rating കുറവായിരുന്നിട്ടും കെവിൻ സ്പെസിക്ക് വേണ്ടി ആണ് Ordinary Decent Criminal കണ്ടത്...

Martin Cahill എന്ന അയർലാൻഡിലെ കൊള്ളക്കാരന്റെ ജീവിതമാണ് ഈ കഥയിൽ...യഥാര്ത ജീവിത കഥയാണ് ഈ ചിത്രം...."മൈക്കൾ ലിഞ്ച് " എന്നാണു ഇതിലെ കെവിന്റെ പേര്..ബുദ്ധിപൂർവമായ നീക്കങ്ങളിലൂടെ തന്ത്രപരമായി മോഷണം നടത്തുന്ന ഒരു കള്ളൻ ..കള്ളന്മാരുടെ കഥകൾ ധാരാളം സിനിമ രൂപത്തില വന്നിട്ടുണ്ട്..എന്നാലും ഇതിലെ കള്ളനെ വ്യത്യസ്തനാകുന്നത് അയാളുടെ മോഷണ രീതികൾ ആണു..മനസ്സിൽ അയർലണ്ട് പോലീസായ Gardai യോട് പക വച്ച് നടക്കുന്ന ഒരു കള്ളൻ...സഹോദരിമാരായ സ്ത്രീകളെ വിവാഹം കഴിച്ചു അവരുടെ കുട്ടികളുമായി സന്തോഷമായി കഴിയുകയും തരം കിട്ടുമ്പോൾ എല്ലാം Gardai ക്ക് പണി കൊടുക്കുകയും ചെയ്യുന്ന കള്ളൻ..പിടിയിൽ ആയപ്പോഴെല്ലാം തന്ത്രപരമായി അതിൽ നിന്നും രക്ഷപ്പെടുകയും ചെയ്യുന്നു..പോലീസിനിട്ടു പണി കൊടുക്കുന്നതെല്ലാം നല്ല രസമായി എടുത്തിട്ടുണ്ട് ....ലിഞ്ചിന് മോഷണത്തിൽ കൂട്ടായി നാല് സുഹൃത്തുക്കളും ഉണ്ട്..പക്ഷെ ഒരിക്കൽ പോലീസുകാർ തിരിച്ചു പണി കൊടുത്തു തുടങ്ങി ..Lynch മോഷ്ടിച്ച ഒരു ചിത്രം വില്ക്കാനാകാതെ വരുന്നു...അതിനെ തുടർന്നുണ്ടാകുന്ന സംഭവങ്ങൾ ആണു കഥ....ശവ ശരീരം തിരിച്ചറിയാൻ പോകുന്ന സഹോദരിമാരുടെ രംഗം തമാശയാണ്..അത് പോലെ തന്നെ പിന്തുടരുന്ന പോലീസുകാർക്ക് കൊടുക്കുന്ന പണിയും...Oceans XI പരമ്പരയിലെ പടങ്ങളിൽ ഒക്കെ ഉള്ളതു പോലെ ആധുനിക രീതിയിൽ ഉള്ള മോഷണം ഒന്നുമല്ല ഈ ചിത്രത്തിൽ ...എന്നാൽ രസകരമായ രീതിയിൽ ആണു മോഷണങ്ങൾ എല്ലാം...

 May not be the best of Kevin Spacey..yet this movie is worth watchable and deserves more score than that of IMDB...I rate it as 7.5/10....It's a good watchable movie for the one's who like comedy-crime movie genre....

Soodhu Kavvum (2013,Tamil)



Soodhu Kavvum (2013,Tamil)

തമിഴിൽ ഈ ഇടയ്ക്ക് ഇറങ്ങിയ വ്യത്യസ്തമായ ഒരു comedy-thriller..നായകനായ "പിസ്സയുടെ"യും " നടുവിലെ കൊഞ്ചം പക്കത്തെ കാണും " എന്നിവയുടെ വിജയത്തിന് ശേഷം വിജയ്‌ സേതുപതിയുടെ പുതിയ ചിത്രം..മുന്പുള്ള പടങ്ങളെ പോലെ തന്നെ വ്യത്യസ്തമായ ഒരു പ്ലോടുമായാണു ഈ തവണയും വിജയുടെ വരവ്..കഥ ഇങ്ങനെ..ചെന്നൈയിലേക്ക് സ്വന്തം നാട്ടിൽ നയൻ താരയ്ക്ക് ക്ഷേത്രം പണിതു കുപ്രസിദ്ധി നേടിയ പകലവൻ നാട്ടിൽ നില്കാൻ കഴിയാത്ത അവസ്ഥ ആയപ്പോൾ സുഹൃത്തായ ഐ.ടി ജോലിക്കാരൻ കേശവനെ കാണാൻ എത്തുന്നു..കേശവന്റെ കൂടെ താമസിക്കുന്നത് ജാഗുവർ 100 മീറ്റർ എങ്കിലും ഓടിക്കണം എന്നാ മോഹവുമായി നടന്നു പിന്നീട് അതിന്റെ പേരില് ജോലി പോയ ശേഖറും..പകലവൻ വന്ന അന്ന് തന്നെ സഹപ്രവർത്തകയുടെ പ്രണയാഭ്യർത്ഥന നിരസിച്ചതിന്റെ പേരിൽ കേശവന്റെ കൈ ആ പെണ്‍കുട്ടി മുറിക്കുകയും കേശവന്റെ ജോലി പോവുകയും ചെയ്യുന്നു...

പിന്നീട് അവർ കിട്നാപ്പിങ്ങിൽ സ്വന്തമായ തിയറി ഉണ്ടാക്കി അതനുസരിച്ച് വ്യത്യസ്തമായ രീതിയിൽ kidnapping ചെയ്യുന്ന ദാസിനെ (വിജയ്‌ സേതുപതി) യെ പരിചയപ്പെടുന്നു...വേറെ വഴി ഒന്നുമില്ലാത്തത് കൊണ്ട് ആ മൂന്ന് സുഹൃത്തുക്കളും ദാസിന്റെ സഹായികളാകുന്നു ....സ്വസ്ഥമായി ജോലി ചെയ്തു പോയി കൊണ്ടിരുന്ന അവർ ഒരിക്കൽ ദാസിന്റെ തിയറി മാറ്റിവച്ചു ഒരു ജോലി ഏറ്റെടുക്കുന്നു..അതവരെ എവിടെ കൊണ്ട് എത്തിക്കുന്നു എന്നതാണു സിനിമ...അത് വ്യത്യസ്തവും അത് പോലെ തന്നെ തമാശ കലര്ന്നതുമായ ഒരു ട്രാക്കിലൂടെ പോകുന്നു...

എനിക്കീ സിനിമ വളരെയധികം ഇഷ്ടപ്പെട്ടു...എല്ലാര്ക്കും ഇഷ്ടപെടണം എന്നുമില്ല ..ഇതിന്റെ അവതരണവും പശ്ചാത്തല സംഗീതവും അത് പോലെ ഗാനങ്ങളും..എല്ലാം തന്നെ വ്യത്യസ്തമായി അവതരിപ്പിക്കാൻ ശ്രമിച്ചിട്ടുണ്ട് ....തമിഴ് ഗാനാ പാട്ടുകളുടെ രീതിയിൽ അതിനെ Dev-D സ്റ്റൈലിൽ ആണു അവതരിപ്പിച്ചിരിക്കുന്നത് ...സിറ്റുവെഷൻ കോമഡി ധാരാളം ഉണ്ട്..ഇതൊരിക്കലും വിജയ്‌,സൂര്യ ,അല്ലു അർജുൻ ആരാധകർക്കുള്ളതല്ല..അവര്ക്ക് ബോർ അടിക്കും..ഇതിൽ ഡാൻസ് ഇല്ലാ...കുത്ത് പാട്ടില്ലാ അത് പോലെ തന്നെ കത്തി സ്റ്റന്റുകളും ..ഒരു കളിപ്പാട്ട ഹെലികോപ്റ്റെറിന്റെ സീൻ മാത്രം അങ്ങനെ തോന്നാം.....

പിന്നെ എടുത്തു പറയേണ്ടത് characterization ആണു...ഭാവനയിൽ മാത്രമുള്ള ഒരു നായിക...സത്യസന്ധനും അതെ സമയം പാർട്ടിക്ക് ബാദ്ധ്യതയും ആയ ഒരു മന്ത്രി... ഉഡായിപ്പു മാത്രം കയ്യില ഉള്ള മന്ത്രി പുത്രൻ ...സിനിമ എടുക്കാൻ നടക്കുന്ന ഗുണ്ട ..എല്ലാവരെയും encounteril കൊല്ലാൻ നടക്കുന്ന പോലീസുകാരൻ ....അയാളാണ് വില്ലൻ എന്ന് പറയാം...encounteril നായകനെയും കൂട്ടുകാരെയും കൊല്ലാൻ ശ്രമിച്ച ബ്രഹ്മ എന്നാ വില്ലാൻ പോലീസുകാരനു സംഭവിക്കുന്നത്‌ ശെരിക്കും രസിപ്പിച്ചു..

എല്ലാം കങ്ങി തെളിഞ്ഞു എല്ലാരും ഒരു ജീവിതം കെട്ടി പിടിക്കുമ്പോൾ വീണ്ടും ദാസ് തന്റെ kidnapping തിയറി തെറ്റിക്കുന്നു..അവിടെ ഈ സിനിമ അവസാനിക്കുന്നു....പുതിയ പ്രശ്നങ്ങളിലേക്ക് ദാസും...വ്യത്യസ്തമായി എന്തെങ്ങിലും ചെയാൻ വിജയ്‌ സേതുപതി ഈ കഥ തിരഞ്ഞെടുത്തതിലൂടെ ശ്രമിച്ചിട്ടുണ്ട്... കഥ ഒന്നും ഇല്ലെങ്കിലും കണ്ടു കൊണ്ടിരിക്കാവുന്ന ഒരു നല്ല സിനിമ ആണു "സൂത് കവ്വും ".....Kudos to directorNalan kumaraswamy, Vijay Sethupathi ,Music director Santhosh Narayanan ..without them,it wouldn't have been possible for the crew to get a gross of 8 crore INR in the first day itself..though it failed in the overseas due to lack of big hero..Anyways my rating is 7.5/10.....

Murderer (2009,Hong Kong)



Murderer (2009,Hong Kong)


      മുംബൈ പോലിസ് ഇറങ്ങിയത്‌ മുതൽ അത് ഒരു ഹോങ്ങ് കോങ്ങ് പടത്തിന്റെ കോപ്പി ആണെന്നു കേട്ടിരുന്നു..മുംബൈ പോലീസ് കാണാൻ ഒരു വഴിയും ഇലാത്തത് കൊണ്ട് പ്ലോട്ട് എങ്കിലും കാണാം എന്ന് കരുതി ആണു കഷ്ടപ്പെട്ടു സീഡ് ഇല്ലാഞ്ഞിട്ടും കുത്തി ഇരുന്നു ഡൌണ്‍ലോഡ് ചെയ്തു എടുത്തത്‌ ...traileril കാണുന്നതു പോലെ പ്രിത്വിരാജ് ചെയ്ത പോലിസ് കഥാപാത്രത്തിന് ഓർമ നഷ്ടപ്പെടുന്നതൊക്കെ ഇതിലും ഉണ്ട്.അന്വേഷിച്ചു കൊണ്ടിരിക്കുന്ന കേസിന്റെ കാര്യങ്ങൾ മറക്കുന്നതൊക്കെ അത് പോലെ തന്നെ....(ഇനി ഉള്ളതു മുംബൈ പോലീസിൽ ഉണ്ടോ എന്നറിയില്ല..കാരണം തിയേറ്റർ ഇല്ലാത്ത നാട്ടിലാണ് ഞാൻ :-( )
കേസ് അന്വേഷിച്ചു കൊണ്ടിരിക്കുന്ന സമയം കൂടെ ഉണ്ടായിരുന്ന പോലീസുകാരന് അപകടം പറ്റി കോമയിലും ...അന്വേഷണത്തിന്റെ ഇടയ്ക്ക് നടക്കുന്ന സംഭവങ്ങൾ കൂടുതൽ പ്രശ്നങ്ങളിൽ നായകനെ എത്തി ചേർക്കുന്നു ...പിന്നെ മൊത്തം confusion ആണു...അതിന്റെ ഇടയ്ക്ക് ഒരു വല്ലാത്ത ട്വിസ്റ്റും...ആ ട്വിസ്റ്റ്‌ ആണു മലയാളത്തിൽ എടുത്തതെന്ന് ഞാൻ കരുതുന്നില്ല.കാരണം..അത് ദഹിക്കാൻ കുറച്ചു പാടാണ് എന്നത് തന്നെ...എന്തായാലും ആ ട്വിസ്റ്റ്‌ ഞാൻ ഇവിടെയും പറയുന്നില്ല...എനിക്ക് അത് ദഹിക്കാൻ കുറച്ചു വിഷമം തോന്നി...പക്ഷെ ആ ട്വിസ്ടിനു മുൻപ് പടം മികച്ചതായിരുന്നു.....

"Saat Yaan Faan" എന്നാണു പടത്തിന്റെ ശരിക്കുള്ള പേര് ..Aron Kwok എന്നാണ് നായകൻറെ പേരു..ഈ പടത്തിനു മുൻപ് ഞാൻ കേട്ടിട്ടില്ല...പക്ഷെ ആള് കുഴപ്പമില്ലായിരുന്നു...ഒരു ഡീസെന്റ് പടം..പക്ഷെ അവസാനം എന്നെ നിരാശപ്പെടുത്തി.....അതിൽ അതിൽ പറയുന്നത് പോലത്തെ സംഭവം ശെരിക്കും ഉണ്ടോ എന്ന് ഗൂഗിളിൽ തപ്പിയപ്പോൾ ഒരു അസാധാരണ സംഭവം ആയി ഉള്ള പോസ്റ്റുകൾ കണ്ടു...മൊത്തത്തിൽ കാര്യമായ പ്രശ്നങ്ങൾ ഇല്ലാത്ത ഒരു പടം ..സമയം കിട്ടുമ്പോൾ തീര്ച്ചയായും കാണാൻ പറ്റിയ ഒന്നാണു..എന്തായാലും മുംബൈ പോലീസ് കാണാൻ എന്നെങ്കിലും അവസരം കിട്ടിയാൽ ക്ലൈമാക്സ്‌ കോപ്പി ആണോ എന്ന് പറയാം... :-) .....


    My rating for this movie: 6/10...would have been 6.5 without the twist!!A nice Police Story!!

A GOOD DAY TO DIE HARD (2013),ENGLISH



A GOOD DAY TO DIE HARD (2013)-


Die hard പരമ്പരയിലെ അഞ്ചാമത്തെ പടം...സ്റ്റല്ലോണിനു Rambo പരമ്പര എങ്ങനെയോ അങ്ങനെയാണു ബ്രൂസ് വില്ലിസിനു Die Hard.. ആദ്യത്തെ നാല് ഭാഗവും കണ്ടതിന്റെ പ്രതീക്ഷയിലാണ് അഞ്ചാം ഭാഗം കണ്ടത്..ഈ നാലു ഭാഗങ്ങളും എന്നെ Die Hardന്റെ പങ്കൻ ആക്കിയിരുന്നു..എന്നാൽ അഞ്ചാം ഭാഗം കുറച്ചു നിരാശപ്പെടുത്തി..IMDB യിൽ 5.4 rating കണ്ടു ..എന്നാലും ഒരു പ്രതീക്ഷ ഉണ്ടായിരുന്നു ...CIA Agent ആയ മകനെ രക്ഷിക്കാൻ പോകുന്ന അച്ഛന്റെ റോൾ ആയിരുന്നു ഇത്തവണ ജോണ് മക്ലെയ്നു ... മകനായി Jai Courtneyയും ..Max Payne എടുത്തു നശിപ്പിച്ചത് പോലെ John Moore ഈ നശിപ്പിച്ചു എന്ന് തന്നെ പറയാം..John McTiernan സംവിധാനം ചെയ്ത 1 & 3 ഭാഗങ്ങളുടെ ഏഴയലത്ത് പോലും ഇത് എത്തിയില്ല.ടെക്നോളജി ഇത്രയും വളർനിട്ടും അത് നേരാം വണ്ണം ഉപയോഗിക്കാതെ വീഡിയോ ഗെയിം stunte ന്റെ നിലവാരം മാത്രമായിരുന്നു ആക്ഷൻ രംഗങ്ങളിൽ ...ആദ്യത്തെ മൂന്നു ഭാഗങ്ങളെയും...പിന്നെ ഒരു പരിധി വരെ നാലാം ഭാഗത്തിന്റെയും ഹൈലൈറ്റ് ആക്ഷൻ രംഗങ്ങൾ ആയിരുന്നു....എന്നാൽ ഇന്റർനാഷണൽ കേസ് ആയപ്പോൾ ഇതൊരു Die Hard Series പടം ആണൊ എന്ന സംശയം പോലും ഉണ്ടാവും...

    December 25നു നടക്കുന്ന സംഭവം പ്രമേയം ആക്കി വന്ന ആദ്യ രണ്ടു ഭാഗങ്ങളും ജൂലൈ 4നെ പ്രമേയമാക്കി വന്ന നാലാം ഭാഗവും...ഒന്നാം ഭാഗത്തിന്റെ ബാക്കിയായി വന്ന മൂന്നാം ഭാഗവുമൊക്കെ ഒന്നിനൊന്നു മികച്ചതായിരുന്നു....സ്റ്റല്ലോണ്‍ ,അർണോൾഡ് എന്നിവര്ക്കൊക്കെ സംഭവിച്ചത് ബ്രൂസിനും സംഭവിച്ചു..അവരുടെ Style ആയിരുന്നു അവരെ പ്രിയപെട്ടവർ ആക്കിയത്..എന്നാൽ ഗ്രാഫിക്സ് അധികമായി ഉപയോഗിച്ചതോടെ അവരും സാധാരണ നടന്മാരായി ...Jack Reacherഇൽ അഭിനയിച്ച Jai Courtney പ്രതീക്ഷ നല്കുന്നുണ്ട്...ആറാം ഭാഗത്തിൽ ധൈര്യമായി ഉൾപ്പെടുത്താം ജൂനിയർ മക്ലയ്ൻ ആയി...പക്ഷെ സംവിധാനം John McTiernan ആയാൽ നല്ലത്..പ്രധാനമായി ബ്രൂസ് വില്ലിസ് അതായിരിക്കും അവസാന ഭാഗം എന്ന് പറഞ്ഞത് കൊണ്ട്...DIE HARD പങ്കന്മാർക്കു അധികം ഇഷ്ടപ്പെടില്ല ഈ ഭാഗം... ഇപ്പോൾ ഇറങ്ങുന്ന സാധാരണ പടം പോലെ തന്നെ..,,,

എന്റെ rating 5.5/10...Yipee-Ki-Yay!!!

INVENTION OF LYING (2009,ENGLISH)



INVENTION OF LYING (2009,ENGLISH)


ആർക്കും കള്ളം പറയാൻ അറിയാത്ത ഒരു ലോകം...അതെങ്ങനുണ്ടാകും?? അവിടെ ഒരാൾ നിലനില്പ്പിനു വേണ്ടി കള്ളം പറയുന്നു ....ഇതാണു ഈ സിനിമയുടെ കഥ....കള്ളങ്ങൾ ;അത് അപ്രിയമാകാം ഒരാൾക്ക് ..മറ്റൊരാൾക്ക്‌ മറിച്ചും ...പക്ഷെ അതിലും കഷ്ടമാണ് സത്യങ്ങൾ മാത്രമുള്ള ലോകത്തിൽ ജീവിക്കുന്നത് ...മരിക്കാൻ പോകുന്നവനോട്‌ "നീ ഇപ്പോൾ മരിക്കുമെന്ന് " പറയുന്ന ലോകം..ഒരാളുടെ മുഖത്ത് നോക്കി അയാളുടെ വൈരൂപ്യത്തെ കുറിച്ച് സംസാരിക്കുന്ന ലോകം...സത്യം മാത്രം പറഞ്ഞു ഏതു നേരവും വഴക്കുണ്ടാക്കുന്ന കമിതാക്കളുടെ ലോകം..ഒരുവൻ ജീവിതത്തിൽ പരാജയമാണെന്ന് പറയുന്ന ലോകം..ആ ലോകത്തിൽ ഒരാൾ ആദ്യമായി കള്ളം പറയുന്നു...സത്യസന്ധതയുടെ അവസാന വാക്കായ ആ ലോകത്തിൽ ബാങ്കിൽ ചെക്ക്‌ ബുക്ക്‌ പോലും ഉപയോഗിക്കുന്നില്ല ....അപ്പോൾ ഓർക്കണം അയാൾ ആദ്യത്തെ കള്ളം പറയുമ്പോൾ ഉണ്ടാകുന്ന അവസ്ഥ....!! വളരെയധികം സാധ്യതകൾ ഉള്ള ഒരു fantasy കോമഡി ആയി ചിത്രീകരിച്ചപ്പോൾ ഉള്ള പാളിച്ചകൾ ഈ സിനിമയെ പിന്നോട്ടാക്കി....പ്രത്യാശ നല്ല്കാനായി "A man who looks up from sky" എന്ന ആശയം അയാൾ ആ ലോകത്തിനു നൽകുന്നു ...വ്യത്യസ്തമായ ആശയമാണ് ഒരു സിനിമ എന്നതിലുപരി ഈ സൃഷ്ടിയെ എനിക്ക് ഇഷ്ടമായത്... കള്ളങ്ങൾ ഉള്ള ലോകമാണ് സത്യം മാത്രം പറയുന്ന ലോകത്തെക്കാളും നല്ലത്...ശരിക്കും ഈ സിനിമ കണ്ടാൽ തോന്നും ...ഇതൊരു ക്ലാസ്സിക്‌ അല്ല..മഹത്തായൊരു സൃഷ്ടിയും ...പക്ഷെ അവർ പറയാൻ ഉദ്ദേശിച്ച കാര്യം എനിക്കിഷ്ട്ടപെട്ടു ... I will give 10/10 for the creativity...but as a film..its just an average!!! It's spoilt due to its comedy background!!!

SNITCH (2013,ENGLISH)



SNITCH (2013,ENGLISH)

"How far would you go to save your son"???? SNITCH :- യഥാർത്ഥ സംഭവങ്ങളിൽ നിന്നും അകന്നു നില്ക്കുന്ന ഒരു പ്രവണത പലപ്പോഴും ഹോളിവുഡ് പടങ്ങളിൽ കാണാം..അത്തരത്തിൽ ഉള്ള ഒരു പടം ആണെന്ന് പറയാം..ഇതിൽ ഏറ്റവും മികച്ചതായി തോന്നിയത് നമ്മുടെ എല്ലാം പ്രിയപ്പെട്ട "റോക്ക്" ഡ്വയ്ന് ജോൻസന്റെ അച്ഛൻ വേഷം ആണു.പതിവ് രീതികളിൽ നിന്നും മാറി മകനെ രക്ഷിക്കാൻ ആയി നടക്കുന്ന അച്ഛന്റെ റോൾ അദ്ദേഹം മോശമില്ലാതെ ചെയ്തു എന്ന് പറയാം..പക്ഷെ വിശ്വാസിക്കാൻ കഴിയാത്ത ഒരു കഥ തന്തു ഒരു വില്ലനായോ എന്ന് സംശയം...മയക്കു മരുന്ന് കേസിൽ പിടിക്കപെട്ട മകനെ രക്ഷിക്കാനായി അണ്ടർ കവർ ആയി മയക്കു മരുന്നു മാഫിയയെ പിടിക്കാൻ പോകുന്ന അച്ഛന്റെ കഥയാണ്‌ "സ്നിച്".


   ചിന്താശക്തി അല്പ്പം മാറ്റി വച്ചാൽ ഒരു അഭിനേതാവ് എന്ന നിലയിൽ റോക്കിന്റെ മികച്ച ചിത്രം എന്ന് പറയാം ...ഭീമൻ രഘുവിനെ പള്ളീൽ അച്ചന്റെ വേഷം ചെയ്യിപിച്ചു മനോഹരമാക്കുന്ന ഒരു പ്രതീതി (തമാശ രൂപേണ അല്ല)...വൈകാരികമായ ഒരു താളവും ഒരുക്കാൻ ഈ ആക്ഷൻ പടത്തിൽ ശ്രമിച്ചിട്ടുണ്ട് ... ഒരു ആക്ഷൻ -കുടുംബ ഡ്രാമ എന്ന് പറയാം ചുരുക്കത്തിൽ ഈ ചിത്രത്തിനെ..നിർമാതാക്കളിൽ ഒരാളായ റോക്ക് പടത്തിനായി തന്റെ പതിവ് രീതികളിൽ ഉണ്ടാക്കിയ മാറ്റങ്ങൾ നല്ലതായിരുന്നു....മികച്ചത് എന്ന് പറയാൻ പറ്റില ...എങ്കിലും മോശമല്ലാത്ത ഒരു ചിത്രം....കൂടെയുള്ള പല താരങ്ങളും പ്രശസ്തർ അല്ലായിരുന്നു എങ്കിലും അവരെല്ലാം നന്നായി ചെയ്തിട്ടുണ്ട്...ഒരു ക്ലാസ്സിക്‌ ഒക്കെ തേടി ഒരിക്കലും Rockinte പടങ്ങൾ കാണരുത്...അവരൊക്കെ perfect entertainers ആണ് ..കത്തി അല്ലായിരുന്നു ഞാൻ ഇവിടെ പറഞ്ഞ വിശ്വാസ യോഗ്യം അല്ലാത്ത ഭാഗം...പകരം മയക്കു മരുന്ന് മാഫിയക്കാരുടെ വിശ്വസ്തനാകാൻ ആകാൻ നായകന് എടുത്ത സമയം,സന്ദർഭങ്ങൾ എന്നിവയാണു..

Anyways this falls into the genre of an action-family drama...and honestly I will rate it 6.5/10...

WRECK-IT-RALPH (2013,ENGLISH)




Wreck-it-Ralph (2012)

കുട്ടി കാലത്ത് വിഡിയോ ഗെയിംസ് ഇഷ്ട്ടപെട്ടവരാണ് നമ്മള്‍ പലരും...തൊണ്ണൂറുകളില്‍ഉണ്ടായിരുന്ന വീഡിയോ ഗെയിംസ് കാലാന്തരത്തില്‍ രൂപ മാറ്റം പ്രാപിച്ച് കമ്പ്യൂട്ടര്‍ ഗയിംസ് പ്ലേ സ്റ്റേഷനും എക്സ് ബോക്സ്‌ ഒക്കെ ആയി രൂപാന്തരം പ്രാപിച്ചു...ഇപ്പോള്‍ ഫേസ്ബുക്കില്‍ ഉള്ള ഗയിംസ് പലര്‍ക്കു ഇഷ്ട്ടമാണ്...ഈ ഗെയിംസില്‍ എല്ലാം ഉള്ള കഥാപാത്രങ്ങള്‍ ഒരുമിച്ചാല്‍ എന്താകും???അതാണ്‌ Wreck-it-ralph...
Ralph ,Fix it Felix എന്ന പഴയ ഗയിമിലെ വില്ലന്‍ ആണ്..എന്നാല്‍ പെട്ടന്നൊരു ദിവസം Raalfinu ഒരു മോഹം..എന്നും വില്ലനായി നില്‍ക്കാതെ നായകന്‍ ആകണം എന്ന്...പക്ഷെ അവന്റെ ആഗ്രഹം ആ ഗയിം സ്റ്റേഷനില്‍ ഉള്ള എല്ലാ ഗയിമ്സിനും ഭീഷണി ആകുന്നു...പ്രോഗ്രാം ചെയ്ത ഗയിമില്‍ നിന്നുള്ള മാറ്റം ആ ഗയിമിന്റെ അന്ത്യത്തിന് തന്നെ കാരണം ...അവന്‍ ഒരു മെഡല്‍ നേടിയാല്‍ അവനും നായകന്‍ ആകാം..അതിനായുള്ള Ralphinte ശ്രമങ്ങള്‍ ആ പഴയ ഗെയ്മില്‍ ഉള്ളവരുടെ ഇടയ്ക്ക് അവനെ ശത്രു ആക്കുന്നു..അവന്‍ ആ ഗയിം വിട്ടു മറ്റുള്ള ഗെയ്മില്‍ പോയി മെഡല്‍ നേടാന്‍ ശ്രമിക്കുന്നു..ആ നീക്കം മറ്റുള്ള ഗെയിമുകള്‍ക്കും ഭീഷണി ആകുന്നു..അവസാനം അവന്‍ എത്തുന്ന ഷുഗര്‍ റഷ് എന്ന ഗെയ്മില്‍ അവിടത്തെ glitch (A sudden, usually temporary malfunction or irregularity of equipment) ആയ Vaneloppeയെ ഒരു ഗെയ്മില്‍ രക്ഷിക്കാന്‍ ശ്രമിക്കുന്നു ..ആ ഗെയ്മില്‍ അവളെ വിജയിപ്പിക്കാന്‍ ശ്രമിക്കുന്നു....എന്നാല്‍ Vaneloppe ശരിക്കും ഒരു ഗ്ലിച് ആയിരുന്നില്ല...അവിടെ ഒരു വില്ലന്‍ ഉണ്ടായിരുന്നു..പിന്നെ ഉദ്വേഗജനകമായ സംഭവങ്ങള്‍ ആണവിടെ നടക്കുന്നത്....Ralphine സഹായിക്കാന്‍ മറ്റുള്ള ഗെയിംസിലെ കഥാപാത്രങ്ങളും എത്തുന്നു....പിന്നീട് എന്തായി എന്നുള്ളതാണ് കഥ...
  പഴയ ഗെയ്മ്സിലെ പല കഥാപാത്രങ്ങളെയും അറിയാവുന്നത് കൊണ്ട് എനിക്ക് ഈ സിനിമ ശരിക്കും ഒരു nostalgia ആയിരുന്നു....അത് കൊണ്ട് തന്നെ കുട്ടികള്‍ക്ക് വേണ്ടി നിര്‍മിച്ചത് ആണെങ്കിലും എനിക്കും ഇഷ്ട്ടപെട്ടു..(പിന്നെ നമുക്ക് പണ്ടേ മനസ്സിനു യുവത്വം ആണല്ലോ)...പഴയ ഗെയിംസിലെ കഥാപാത്രങ്ങളെ കുറിച്ച് കൂടുതല്‍ അറിയാനും സാധിച്ചു...തീര്‍ച്ചയായും ഈ അടുത്തിറങ്ങിയ മനോഹരമായ ഒരു അനിമേഷന്‍ ചിത്രം ആണ് Wreck-it-Ralph...

Its an animation movie...But it is having a lot of nostalgic old games along with modern games in a virtual game world...I liked this one....Its a nice watch..And my rating to this movies is 8/10....Its a nice flick for animation and fun movie lovers..offcourse ,to game lovers

imdb link:-http://www.imdb.com/title/tt1772341/?ref_=fn_al_tt_2

2.PIETA (2012,KOREAN)





2.PIETA (2012,KOREAN)

കിം-കി-ഡുക് ...പ്രത്യേകിച്ച് മുഖവുര വേണ്ടാത്ത സിനിമകൾ ഒരുക്കിയ സംവിധായകാൻ...ആദ്യമായി കിം-കി-ഡുകിന്റെ BAD GUY കണ്ടപ്പോൾ അതാണു കൊറിയൻ സിനിമ എന്ന് കരുതി...പിന്നീട് എത്രയോ ചിത്രങ്ങൾ...Sping,Summer,Fall and Winter...3 Iron,Samaritan Girl...അങ്ങനെ പോകുന്നു ആ ലിസ്റ്റ് ..എന്നാൽ ഇടയ്ക്ക് എപ്പോഴോ Memories of Murder (Joon-ho Bong) .Vengeance Trilogy(Chan-Wook Park) എന്നീ ചിത്രങ്ങൾ കണ്ടതോട്‌ കൂടി കിം-കി-ടുകിനോടുള്ള ഇഷ്ടം കുറച്ചു കുറഞ്ഞിരുന്നു...അതാണു PIETA കാണാൻ താമസിച്ചത്..എന്നാൽ ആ മനുഷ്യൻ വീണ്ടും എന്നെ ഞെട്ടിച്ചു PIETA യിലൂടെ ....അദ്ദേഹത്തിന്റെ കഥ പറച്ചിൽ ..അത് ഒരസാധാരണ കഴിവ് തന്നെ...ഭാഷയ്ക്ക് അതീതമായി എന്നും മനുഷ്യന്റെ കഥ ഒന്ന് തന്നെ ആണു എന്ന് ആ പ്രതിഭ തെളിയിച്ചിരിക്കുന്നു...

നായകൻ നായിക എന്നിവരെക്കാളും പ്രാധാന്യം കഥയ്ക്ക് ആണെന്ന് അദ്ദേഹത്തിന്റെ മുന് കാല ചിത്രങ്ങൾ ശ്രദ്ധിച്ചാൽ മനസ്സിലാകും...അത് തന്നെ ആണു ഇവിടെയും ..ഒന്നും വ്യത്യാസം ഇല്ല ...കഥ ഒഴികെ ...കഥ ഇങ്ങനെ ...ഗാങ്ങ് ഡോ എന്നാ ഒരു ചെറുപ്പക്കാരൻ ...അവന്റെ തൊഴിൽ പലിശയ്ക്കു കടം കൊടുത്തിട്ടുള്ളവരോട് അത് തിരിച്ചു വാങ്ങാൻ പോകുന്ന ഗുണ്ട ...എന്നും മുതലിന്റെ പത്തിരട്ടി ആണു പലിശ ...പലിശയ്ക്കു പണം വാങ്ങിയവർ എല്ലാം തന്നെ എന്തെങ്കിലും ചെറിയ യന്ത്രങ്ങളിൽ പണി ചെയ്യുന്നവരും ...പലിശയ്ക്കു പണം കൊടുക്കുമ്പോൾ അവരെ കൊണ്ട് പലിശ ഉൾപ്പടെ ഉള്ള തുകയ്ക്ക് ഇന്ഷുറന്സ് എടുപ്പിക്കുകയും ചെയ്യും .പലിശയും മുതലും അടയ്ക്കാൻ കഴിയാതെ വരുമ്പോൾ അവരുടെ കയ്യോ കാലോ യന്ത്രങ്ങളിൽ കുരുക്കി തത്തുല്യമായ പണം ഇൻഷുറൻസിൽ നിന്നും വാങ്ങുന്നു..ഒരിക്കലും അടയ്ക്കാൻ സാധിക്കാത്ത തുകയ്ക്കായി അവർ ജീവിതം മുഴുവൻ വികലാംഗരായി ജീവിക്കുന്നു...

അങ്ങനെ ഇരിക്കെ ഒരു ദിവസം അവനെ ഉപേക്ഷിച്ചു പോയ അമ്മ ആണെന്ന് പറഞ്ഞു ഒരു സ്ത്രീ അവനെ കാണാൻ വരുന്നു..എന്നാൽ താൻ ദ്രോഹിച്ച ആരെങ്കിലും പകരം വീട്ടാൻ വരുകയാണോ എന്നെ സംശയത്തിൽ അവൻ അവരെ അകറ്റി നിർത്തുന്നു ...എന്നാൽ അവന്റെ ആവശ്യപ്രകാരം ക്രൂരവും മ്ലേച്ചവും പ്രവര്ത്തികളിലൂടെ അവർ അവന്റെ അമ്മ തന്നെ ആണെന്ന് തെളിയിക്കുന്നു ....അവൻ പതുക്കെ ഒരു മനുഷ്യൻ ആകുന്നു..ആ അമ്മ അവനിൽ സ്നേഹത്തിന്റെയും കാരുണ്യത്തിന്റെയും മാസ്മരികത പകര്ന്നു നൽകുന്നു ...അങ്ങനെ ഇരിക്കെ പെട്ടന്നു ഒരു ദിവസം അവന്റെ അമ്മയെ കാണാതെ പോയി....അവനു അത് സഹിക്കാവുന്നതിലും അപ്പുറം ആയിരുന്നു..അവൻ ആ അമ്മയെ അന്വേഷിച്ചിറങ്ങുന്നു ..ആ അന്വേഷണം അവൻ പണ്ട് ദ്രോഹിച്ചവരുടെ ഇടയിലേക്ക് അവനെ എത്തിക്കുന്നു...അവന്റെ പ്രവര്ത്തി മൂലം ജീവിക്കാൻ കഷ്ട്ടപെടുന്ന ഒരുപാട് ജീവിതങ്ങളെ കണ്ടു മുട്ടുന്നു..അവന്റെ സംശയം അവരിൽ ആരെങ്ങിലും പകരം വീട്ടാൻ ആയിരിക്കും തന്റെ അമ്മയെ കടത്തി കൊണ്ട് പോയതു എന്നാണു....പലപ്പോഴും അവൻ തന്റെ തെറ്റുകൾ മനസിലാക്കുന്നുമുണ്ട്‌ ...എന്നാൽ പിന്നീട് അവന്റെ അമ്മയ്ക്ക് സംഭവിക്കുന്നത്‌ എന്താണു എന്നുള്ളതാണ് ബാക്കി കഥ...

റിയാലിറ്റിയും ആയി ഒരു കോംപ്രമൈസിനും ഇല്ലാത്ത ആളാണ്‌ കിം-കി-ഡുക് എന്ന് പലപ്പോഴും തോന്നി പോകും...ഒരു കവിത പോലെ പ്രേക്ഷകന്റെ ഭാവനയെ ചൂഷണം ചെയ്യുന്നതാണ് അദ്ദേഹത്തിന്റെ ചിത്രങ്ങൾ എല്ലാം തന്നെ..രക്തത്താൽ നിറഞ്ഞ ധാരാളം രംഗങ്ങൾ കാണിക്കാമായിരുന്നു എങ്കിലും അതിനു പകരം പ്രേക്ഷകന്റെ ഭാവനയ്ക്ക് അതെല്ലാം വിട്ടു കൊടുത്തിരിക്കുകയാണ് സംവിധായകൻ ...പലപ്പോഴും ക്യാമറ ഒരു സിനിമയ്ക്ക് വേണ്ടി ആണോ ചലിക്കുന്നതെന്ന് തോന്നും..പക്ഷെ അതെല്ലാം പടത്തിന്റെ റിയാലിട്ടിക്കു വേണ്ടി ആണെന്ന് കരുതാം ...അല്ലെങ്കിൽ ഒരു സിനിമ എന്നതിൽ ഉപരി നേരിട്ട് കാണുന്ന ഒരു കാഴ്ച്ചയുടെ അനുഭവം പ്രകടിപ്പിക്കാൻ ആണെന്നും കരുതാം....

തികച്ചും ക്രൂരനായ നായകനോട് ഒരു സഹതാപവും തോന്നിപ്പിക്കുവാൻ അദ്ദേഹം ശ്രമിച്ചിട്ടുണ്ട് ...നായകന് ആയി അഭിനയിക്കുന്ന ജിയോങ്ങ് ജിൻ ലീയും അമ്മയായി അഭിനയിക്കുന്ന മി-സണും നന്നായി അഭിനയിച്ചിട്ടുണ്ട്...അമ്മയുടെ സ്നേഹം ആഗ്രഹിക്കുന്ന ക്രൂരനെ ആ സ്നേഹം എത്ര മാത്രം മാറ്റും എന്നുള്ളത് ആണു ഈ ചിത്രത്തിന്റെ വിജയം... സ്വന്തമായ ഒരു തിരിച്ചറിവിലൂടെ അവൻ ചെയ്യുന്ന പ്രായശ്ചിത്തവും അവനുണ്ടാകുന്ന മാറ്റങ്ങളും ..അത് അവനെ എവിടെ കൊണ്ട് എത്തിക്കും എന്നുള്ളതും വ്യത്യസ്തമായ രീതിയിൽ അവതരിപ്പിച്ചിരിക്കുന്നു ..

ഒരു മനോഹരമായ പ്രണയ ചിത്രം ആസ്വദിക്കുവാനായി ശാന്തമായ സ്ഥലം തിരഞ്ഞെടുക്കുന്നത് പോലെ തന്നെ ഈ അത് പോലെ ഒരു സ്ഥലത്ത് ശാന്തമായി ഇരുന്നു കാണണം..എങ്കിൽ മാത്രമേ ഈ സിനിമയുടെ സൗന്ദര്യം ആസ്വദിക്കാൻ കഴിയു ...പ്രേക്ഷകന്റെ മനസ്സിൽ ആണ് ചിത്രം നടക്കുന്നത്...ഏതു രീതിയിൽ സമീപിക്കും എന്നത് മനുഷ്യൻ എന്ന ജീവിയുടെ മനസ്സിനെ ആശ്രയിച്ചും ഇരിക്കും..

This movie was the official entry from South Korea for the recently held academy awards...Though it didn't make it to the top,its widely acclaimed by critics all over the world in many International film festivals...Some might feel dizzy with the camera work and the absence of BGM's to flourish the silver screen...But surely this is also an experimental film by Kim-Ki-Duk...He presented it in his own way...I will rate it 8.5..Watch it if you are clear in your mind to draw a violent-lovable picture...

imdb ലിങ്ക്: http://www.imdb.com/title/tt2299842/?ref_=sr_1

1.DAS BOOT (1981,GERMAN)




1.DAS BOOT (1981,FRENCH)

സിനിമ പ്രേമിയായ ഒരു സുഹൃത്താണ് തീർച്ചയായും കണ്ടിരിക്കേണ്ട ഒരു നല്ല സിനിമ എന്ന് പറഞ്ഞു DAS BOOT നെ പരിചയപ്പെടുത്തുന്നത് ..പടം ഡൌണ്‍ ലോഡ് ചെയ്തതിനു ശേഷം നോക്കിയപ്പോൾ 3 + മണിക്കൂർ ഉള്ള സിനിമ.പോരാത്തതിന് ഫ്രഞ്ച് ഭാഷയും രണ്ടാം ലോക മഹാ യുദ്ധം പ്രമേയവും ..ആദ്യം ഒന്ന് ചിന്തിച്ചു കാണണോ എന്ന്..അവസാനം കാണാൻ തീരുമാനിച്ചു..3 മണിക്കൂർ ഉള്ള പടം ..സഹിക്കാൻ പറ്റിയില്ലേൽ കാണാതിരിക്കുവാനും തീരുമാനിച്ചു ..അവസാനം കണ്ടു തുടങ്ങി..അവസാനം 3 മണിക്കൂർ 20 മിനിറ്റ് എങ്ങനെ പോയി എന്ന് പോലും അറിഞ്ഞില്ല സിനിമ തീർന്നപ്പോൾ..മനസ്സിൽ ഒരു ഭാരവും..ഒറ്റ വാക്കിൽ പറഞ്ഞാൽ "ഭീകരം "-നല്ല രീതിയിൽ തന്നെ ...യുദ്ധ പശ്ചാത്തലത്തിൽ ഇറങ്ങിയ സിനിമകളിൽ അഗ്രഗണ്യൻ എന്ന് തന്നെ പറയാം ..

രണ്ടാം ലോക മഹാ യുദ്ധത്തിൽ "Battle of Atlantic" എന്നറിയപ്പെടുന്ന യുദ്ധമുന്നണിയിലേക്ക് പോകുന്ന ഒരു അന്തർവാഹിനിയുടെ കഥയാണ് Das Boot ..ബ്രിട്ടീഷ് നാവിക പടയുമായി ഏറ്റു മുട്ടാൻ ആയി ആണ് ജർമനിയുടെ U -ബോട്ട് എന്ന് അറിയപ്പെടുന്ന ഈ അന്തർ വാഹിനിയുടെ പോക്ക് ...യുദ്ധത്തിൽ ഹിറ്റ്ലർ നയിക്കുന്ന ജർമനിക്ക് ധാരാളം നഷ്ട്ടമുണ്ടാകുന്നു ...ഇത് പ്രകടമായ ഒരു യുദ്ധ സിനിമ എന്നതിലുപരി ആ അന്തർ വാഹിനിയിൽ ഉണ്ടായിരുന്നവരുടെ മാനസികാവസ്ഥയാണ് പ്രതിപാദിക്കുന്നത്..യുദ്ധത്തിൽ തോല്ക്കുമെന്നു മനസ്സിൽ ആയപ്പോൾ പോലും ധൈര്യം കൈ വിടാതെ തലപ്പത്ത് നിന്നും ലഭിക്കുന്ന അപകടമേറിയ ഉത്തരവുകൾ പോലും അനുസരിക്കുന്ന പോരാളികളുടെ കഥ..അവരുടെ മനസ്സില് ഉണ്ടാകുന്ന ഭയവും,പ്രതീക്ഷയും ആണിവിടെ പ്രമേയം..കടലിന്റെ അടിയിൽ പുറം ലോകത്ത് നിന്ന് അകന്നു നില്ക്കുന്ന ഒരു കൂട്ടം സൈനികർ ..ധീരനും മികച്ച നേത്രത്വപാടവവും ഉള്ള ഒരു ക്യാപ്റ്റൻ ..യുദ്ധം റിപ്പോർട്ട് ചെയ്യാൻ വന്ന ഒരു സൈനികൻ ,ചീഫ് ..ഇങ്ങനെ ധാരാളം കഥാപാത്രങ്ങളിലൂടെ ആണു കഥ വികസിക്കുന്നത്..

കടലിന്റെ ആഴങ്ങളിലും അവർ സന്തോഷം കണ്ടെത്തുന്നു..എന്നാൽ പ്രതീക്ഷിച്ചതിനു വിപരീതമായ സംഭവങ്ങൾ നടക്കുമ്പോൾ അവർ ഭയചകിതരാകുന്നു സാധാരണ മനുഷ്യനെ പോലെ..അവിടെ ഒരു സിനിമയുടെ ധീരതയോ..പാട്ടോ ഒന്നുമില്ല..പക്ഷെ അവർ പ്രതീക്ഷയോടെ തടസ്സങ്ങൾ എല്ലാം തരണം ചെയ്യുന്നു..മരിക്കും എന്ന് ഉറപ്പായപ്പോൾ അതിനെ കുറിച്ച് സംസാരിക്കുന്ന ക്യാപ്ടനോടും റിപ്പോര്ട്ടരോടും എല്ലാം ശരി ആയി എന്ന് പറഞ്ഞു വരുന്ന ചീഫിന്റെ ആ സീൻ മനോഹരം ആണ് ...ഭയപ്പെട്ടു കടമകളിൽ നിന്നും വ്യതി ചലിച്ച സൈനികൻ പിന്നീടൊരവസരത്തിൽ ധീരത കാണിക്കുന്ന രംഗങ്ങളും എടുത്തു പറയണം ..

ഒരു വൻ ദുരിതത്തിൽ നിന്നും അവർ എങ്ങനെ രക്ഷപ്പെടും എന്നും അതിനു ശേഷം അവർക്കെന്തു സംഭവിക്കും എന്നുള്ളതാണ് ബാക്കി കഥ...ഒരു നാസി അനുകൂല ചിത്രം എന്ന പേര് കിട്ടാതെ ഇരിക്കാൻ ആകണം..ക്ലൈമാക്സ് ദുരിത പൂർണം ആക്കിയതു ...1981 ൽ ഈ ചിത്രം ഇറങ്ങി എന്ന് പറഞ്ഞാൽ കുറച്ച് അത്ഭുതപ്പടെണ്ടി വരും..അത്രയും മനോഹരമായാണ് ഈ ചിത്രം നിർമിച്ചിരിക്കുന്നത് ..അന്തർ വാഹിനിയിലെ ജീവിതത്തിന്റെ ഭീകരത നന്നായി അവതരിപ്പിച്ചിരിക്കുന്നു ..

This movie was nominated for 6 Academy Awards once...though it never bagged any,it won the hearts of millions and presented with a handful of other awards...A classic in the sense..but showing the thrills and dangers of being to a war front in a submarine...Despite of having no oscars,I would rate it 9.5..Its a perfect movie for war movie fans...!!

imdb ലിങ്ക് :http://www.imdb.com/title/tt0082096/?ref_=sr_2